24a3 rgya gar gyi mkhan po ba len+d+ra ru tsi'i zhal snga nas dang / bod kyi lo tsA ba rma ban chos 'bar gyis bsgyur ba'o// @##/ /rgya gar skad du/ tri kra ma u ba de sha nA ma/ bod skad du/ man ngag rim pa gsum pa zhes bya ba/ dpal
24a4 dgyes pa'i rdo rje la phyag 'tshal lo//rnal 'byor pas thog mar rlung ma dang / gnyid ma rtse sprad la tsaN+Da lI shin tu drag la yun thung bar sbar te/ des de bzhin gshegs pa dang / spyan la sogs pa'i rtog pa bsreg go/ /de ltar yang nas yang du bsregs pa dang / sbar bas phyi'i
24a5 dngos po gang la dmigs shing bltas kyang 'phar zhing 'dar ba byung na sngags kyi rim pa mthar phyin pa yin te/bsgom pa 'phro bcad la/ bde ba chen po phab la nor bu'i dkyil du srog gi rlung bzung la sems rtse gcig tu shin tu bsgrims la yang dang yang du gtad do/ /de ltar gtad
24a6 pa dang nor bu 'gas pa snyam byed cing mi bzod na/rdo rje'i rked par sems bde ba la yang dang yang du gtad/ de ltar gtad pa dang bde bas mi bzod pa dang / rtsa bar bde ba la sems gtad/ de ltar gtad pa dang / yang mi bzod pa dang / lte bar bde ba la sems gtad/ de
24a7 ltar gtad pa de yang mi bzod na de nas gyen du bzhi cha gcig gi gnas su sems gtad/de ltar sems gtad pa dang yang mi bzod na yang gyen du bzhi cha gcig gi nang du bde ba la sems gtad/ de ltar gtad pa dang yang mi bzod na yang bzhi cha gcig gi gnas su bde ba la
24b1 sems gtad/de ltar gtad pa dang / yang bde ba mi bzod na snying gar bde ba la sems gtad/ de ltar gtad pa na bde bas mi bzod cing snying 'dar zhing sprugs pa snyam byed na/ yang gyen du bzhi cha gcig gi gnas su bde ba la sems gtad/ de ltar gtad pa dang yang
24b2 bde bas mi bzod na yang gyen du bzhi cha gcig gi gnas su bde ba la sems gtad/de ltar gtad pa dang bde bas yang mi bzod na bzhi cha gcig gi gnas su bde ba la sems gtad/ de ltar gtad pa dang yang mi bzod na yang gyen du bzhi cha gcig tu bde ba la
24b3 sems gtad/de ltar gtad pa dang / yang bde ba la mi bzod na/ lkog mar bde ba la sems gtad/ de ltar gtad pa na/ bde ba mi bzod cing yang gyen du bzhi cha gcig gi gnas su bde ba la sems gtad/ de ltar gtad pa dang / yang mi bzod pa snyam byed na yang gyen
24b4 du bzhi cha gcig gi gnas su bde ba la sems gtad/de ltar yang gtad pa dang mi bzod pa snyam byed na/ skad 'gags pa snyam byed cing smra mi shes pa snyam byed pa na yang gyen du bzhi cha gcig gi gnas su bde ba la sems gtad/ de ltar gtad pa dang / yang mi bzod pa
24b5 snyam byed na yang gyen du bzhi cha gcig gi gnas su bde ba la sems gtad/de ltar gtad pa dang / yang mi bzod pa snyam byed na smin mtshams phrag tu bde ba la sems gtad/ de ltar gtad pa dang / smyo ba'am 'gyel ba'am/ dngos po gang la dmigs shing bltas kyang
24b6 smyos pa snyam byed na ye shes rim pa mthar phyin pa yin te/'phro bcad pa la gsang ba'i rim pa la bya'o/ /der yang sna sgor dbugs bsdams/ nang gi sems dang sems las byung bar chos thams cad 'dus pas phyi rol gyi yul la mi rtog par/ nang gi sems kyi rtog pa'i byung tshor ci
24b7 byung ba la mi dmigs par bsgom mo//de ltar bsgoms pa dang lus ras bal gyi 'dab ma bzhin du yang zhing smig rgyu lta bu la sogs pa rtags lnga mngon sum du mthong bar 'gyur ba dang / gsang ba'i rim pa mthar phyin pa yin te/ de bas na nang gi sems dang phyi'i yul
25a1 thams cad dbyer mi phyed cing gnyis su med par mi dmigs par bsgom mo//de ltar bsgoms pa dang / mngon par shes pa lnga rim gyis skyes na bde ba chen po thob bo/ /ro smad bshal zhing mi theg pa snyam byed cing / 'grong gi phrag tu zug cing na na
25a2 thur du sel ba'i rlung zin pas shin tu rgyas pa yin te/de zhi bar bya ba'i phyir smin phrag tu bde ba la sems gtad do/ /de ltar gtad pa dang / sna rus na ba dang / mig rus na ba dang / spyi gtsug na ba dang / rna ba na zhing 'ur 'ur zer na gyen du rgyu ba'i rlung zin pas shin tu rgyas pa yin te/
25a3 de zhi bar bya ba'i phyir lte bar bde ba la sems gtad/ de ltar sems gtad pa dang / lte bar zug cing sbos pa snyam byed na/ /me dang mnyam du gnas pa'i rlung zin pas rgyas pa yin te/ de zhi bar bya ba'i phyir mgrin par bde ba la sems gtad/ kha mchu sbrid cing skad 'gags
25a4 pa snyam byed na/lce'i dbang po la gnas pa'i rlung zin pas shin tu rgyas pa yin te/ de zhi bar bya ba'i phyir snying gar bde ba la sems gtad/ de ltar gtad pa dang snying gcu zhing sprugs pa snyam byed na/ rlung la gnas pa'i rlung zin pas rgyas pa yin/ de zhi bar bya ba'i phyir nor bu'i
25a5 dkyil du bde ba la sems gtad/de ltar gtad pa dang lus kyi tshigs thams cad na zhing sbrid pa snyam byed cing lus thams cad la ber ba langs na/ khyab byed kyi rlung zin pas rgyas pa yin te/ de zhi bar bya ba'i phyir bde ba la rang bzhin med par bsgom mo/ /de ltar bsgoms pa
25a6 dang /dgod snying 'dod cing ku co'i sgra 'don snying 'dod na shin tu rgyas pa bde ba la rgyas pa yin te/ shin tu yang bsgrims la bde ba la mi dmigs par bsgom mo/ /de ltar bsgoms pa dang shin tu myos shing dran pa med cing rmongs na/ zhi gnas shas che ba yin te/ de med par bya
25a7 ba'i phyir nang gi chos thams cad sgyu mar bsgom mo//de ltar bsgoms pa dang sems rgod cing 'phro na sgyu ma mi dmigs par bsgom/ de ltar cha snyoms nas yang dang yang du bsgoms pas gsal ba rtog pa med pa skyes nas bde ba chen po thob par 'gyur ro/ /gong ma de ltar bsgom
25b1 pa'i tshe mkha' 'gro ma nyams sad pa'i phyir 'ong ba'i tshe brda bya'o//de ma shes na rtog pa med par bsgom mo/ /de ltar bsgoms pa dang / mkha' 'gro mas byin gyis brlab par 'gyur ro/ /'gro kun gsang sngags don ldan zhing / /tshe 'di nyid la byang chub thob par shog /man
ngag rim pa gsum pa zhes bya ba/

CLOSE WINDOW