CLOSE WINDOW

D1262
བོད་ཡིག

/dpal ldan khrag 'thung zhabs pad lha dang lha min mis 'dud shog /dpal he ka 'byung ba zhes bya ba'i dkyil 'khor gyi cho ga /mkhas pa chen po nyin mo'i 'byung gnas zla ba'i zhabs kyis mdzad pa rdzogs so//[]@##/ /rgya gar skad du/shrI he ru ko pa de sha nA ma swA d+hi Sh+ThA na kra ma/ bod skad du/ dpal he ru ka'i man ngag rang byin gyis brlab pa'i rim pa zhes bya ba/ dpal he ru ka la phyag 'tshal lo/ /dngos po ma yin dngos po'i ngo bo bral ba ma yin gcig min du ma ma yin gtso/ /thams cad zhi bar gyur cing nam mkha'i dkyil dang mtshungs pa dam pa phun sum tshogs pa'i gzhi//gos pa med cing 'gyur ba med pa spros pa dang bral so so rang gi rig pa mchog /bla med chos kyi bdag nyid zhi ba'i bde ba he ru ka dpal khyod kyis stsol gyur cig /shes rab lhan cig skyes pas 'khyud/ /dgyes rdor lhan skyes phyag 'tshal te//lhan cig skyes pa'i bdag nyid mchog /he ru ka dpal man ngag bshad/ /dpal ldan o D+ya na gnas las byung / /bla ma brgyud pa las 'ongs pa/ /rnal 'byor chen mo'i snying po nyid/ /snying po mchog tu gsang ba nyon/ /de yang u dum+WA ra chen po'i me tog bzhin rnyed par dka' ba dang /dpag bsam gyi shing bzhin 'dod pa'i 'bras bu skyed par byed pa dang / mi'i dbang po bzhin bstan pas 'bras bu ster bar byed pa dang / gsang ba'i sngags kyang ngo / /rgya mtsho legs pa'i rlabs bzhin zab mo dang ldan pa dang / zla ba bzhin snang bar byed cing tshim par byed pa dang /nyi ma bzhin mun pa'i tshogs sel bar byed cing snying gi pad+ma rab tu sad par byed par rig nas 'di las dang ba bskyed par bya'o zhes bstan to/ /'dir dbang byas pa'i sngags pa blo dang ldan pa snying rje dang ldan pa mos pa brtan pa byang chub kyi sems brtan pa/ bla ma dam pa'i zhabs kyi pad+ma la shin tu yun ring du bsten pas snang ba thob pa/ tshogs bsags pa/ phyag rgya chen po'i dngos grub kun nas 'dod pas/ dben zhing nye bar 'tshe ba med pa rjes su mthun par dri ma med pa'i chu phun sum tshogs pa dang ldan pa/ me tog dang 'bras bu dang 'dab ma'i khur gyis lci ba'i mchog gi shing gis mdzes pa'i nags kyi phyogs sam/ ri'i phug gam chu klung gi ngogs sam/ rgya mtsho la sogs pa'am/ dur khrod dam shing gi rtsa ba'am/ lha'i gnas sam/ lha khang ngam/ yid du 'ong ba'i gnas su gnas par bya ste/stan la 'dug nas gnas dang bdag dang rnal 'byor srung ba byas nas/ yod pa'i dngos po bdud rtsi lnga la sogs pas bsres pa'i chus dkyil 'khor byugs la me tog dgram pa byas te/ swa b+hA ba shud+d+haH sarba d+harmAH swa b+hA ba shud+d+hou0f85haM zhes brjod par bya'o/ /de n as mnyam par gzhag pas bdag nyid dpal he ru kar bsgom pa'am mos par bya'o//lte ba'i dkyil 'khor du rten gyi dkyil 'khor gyi bdag nyid skar ma'i bdag po dang / gshin rje'i bdag po'i dkyil 'khor kha sbyor mtha' skor mtshams med pa thabs dang shes rab kyi bdag nyid las spros pa'i 'od zer gyi phreng bas bskor ba'i rnam pa sna tshogs la sogs pa'i skad cig gi khyad par bsgom par bya'o//de'i dbus su brten pa'i dkyil 'khor gyi bdag nyid/ dang zhing zlum pa mu tig gi 'bras bu lta bu phyogs dang mtshams dang dbus kyi thig le dgu bsgom par bya ste/de la lus kyi de kho na nyid la so sor rtog pa'i bdag nyid dkar mo'i rang bzhin ni shar gyi thig le'o/ /sems kyi de kho na nyid la so sor rtog pa'i bdag nyid chom rkun ma'i rang bzhin ni lho'i thig le'o/ /ngag gi de kho na nyid la so sor rtog pa'i bdag nyid ro langs ma'i rang bzhin ni nub kyi thig le'o//ye shes kyi de kho na nyid la so sor rtog pa'i bdag nyid za phod ma'i rang bzhin ni byang gi thig le'o/ /lus kyi de kho na nyid kyi yang dag pa'i ye shes kyi bdag nyid sbos mo'i rang bzhin ni dbang ldan gyi thig le'o/ /sems kyi de kho na nyid kyi yang dag pa'i ye shes kyi bdag nyid ri khrod ma'i rang bzhin ni me'i thig le'o//ngag gi de kho na nyid kyi yang dag pa'i ye shes kyi bdag nyid gtum mo'i rang bzhin ni bden bral gyi thig le'o/ /ye shes kyi de kho na nyid yang dag pa'i ye shes kyi bdag nyid g.yung mo'i rang bzhin ni rlung gi thig le'o//thig le brgyad po 'di rnams kyang las kyi rang bzhin du bsgom par bya'o/ /dbus kyi thig le dgu pa'i 'bras bu'i ngo bo yang dag par rdzogs pa'i byang chub kyi rang bzhin dpal he ru ka'i bdag nyid du bsgom par bya'o/ /de nas go rims bzhin phyogs mtshams kyi thig le bskul bas gser 'gyur mkhan gyis lcags brgyad gser du grub pa bzhin phyogs mtshams brgyad kyi thig le thim par yun ring du bsam par bya'o//de nas de las spros pa'i 'od zer gyi ri mos bde ba chen po na gnas pa'i de bzhin gshegs pa thams cad bskul bar bya'o//bskul bas de zhu zhing bdud rtsir gyur pas thig le'i ngo bo bcom ldan 'das de dbang bskur bar bya'o/ /de yang shes rab kyi chags pa gyen du song ba de ni gur gum gyi char dang / gang gzhom du med pa'i sgra tsam de ni rnga'i sgra dang /spyan la sogs pa'i glu yang yin no/ /gang yang dbang bskur ba'i lhan cig skyes pa'i ye shes phyogs bcu'i dngos po thams cad la spros pa des tshim pa ni mchod pa'o/ /de nyid sna tshogs pa'i bdag nyid du byed pa ni bstod pa ste/ dam par gyur pa'i yon tan gsal bar byed pa'i bstod pa'o//de kho na nyid de'i bdag nyid du byas pa'i rang rig pa'i ngo bo nyid nyams su myong ba ni bdud rtsi myang ba'o/ /de nyid yang dang yang du brjod pa ni sngags bzlas pa'o/ /de ltar shes nas bcom ldan 'das de dga' ba'i tshogs kyi rten mchog gi mya ngan las 'das pa'i ngo bo gus pa dang rgyun mi 'chad par goms pa'i sbyor bas mngon du bya'o//de mngon du byas pas nyon mongs pa thams cad spang ba dang / mngon par shes pa la sogs pa yon tan thams cad mngon du byed pa dang / yang dag par rdzogs pa'i byang chub tu 'gro bar 'gyur ro//de dag ni he ru ka'i man ngag las nang gi bdag nyid kyi thig le he ru ka'i dkyil 'khor bsgom pa'i cho ga ste dang po'o// //de nas snga ma bzhin bsam gtan gyi gnas su zhugs la/ gnas dang bdag la sogs pa'i phun sum tshogs pa dang ldan pa gnas dang bdag dang rnal 'byor srung ba'i cho ga byas la bya ba byas pa'i sngags pas bde ba'i stan la 'dug ste/sprul par brjod pa rgyal ba'i gnas su chu skyes rgya mtsho'i 'dab ma'i lte ba la mchog gi thabs dang shes rab kyi rang bzhin bdud las rgyal ba dang / ri dgas kyis mtshan pa'i dkyil 'khor mtha' skor mtshams med pa bsgom mo//de'i nang dbus kyi phyogs su yungs kar phra mo dang zhing dag pa shel lta bu bde ba chen po'i bdag nyid dpa' bo chen po ye shes kyi thig le'i ngo bo dpal he ru ka bsam par bya'o/ /de nas de las langs pa dkar zhing dri ma med pa pad+ma'i rtsa ba'i skud pa lta bu 'od zer gyi ri mor zla ba'i dbus nas byung ste/zla nyi kha sbyar dkris pa gsum gyis yang dag par dkris par gnas par bsgom par bya'o/ /zla ba'i steng du dkris pa gsum gyi phyed la yi ge bcu drug so sor brgyus pa blta bar bya'o/ /de la dbus kyi dkris pa phyed la a la sogs pa'o//g.yon ngos [(]gyi [,]kyi [)]dkris pa phyed pa nga nya spangs pa'i ka la sogs pa da yig gi mthar thug pa'o/ /g.yas ngos kyi dkris pa'i phyed la ha yig la sogs pa sha k+Sha yig gi mthar thug pa bsgom par bya'o/ /de nas bcom ldan 'das de bstan par bsgoms pas bsgom pa yongs su smin pa thob par mos par bya'o//de nyid las gnyis pa shin tu phra ba'i 'od zer ri mo 'bar zhing gcig tu 'bar ba gnas par bsam par bya'o/ /de nas de'i nus pas 'dzag pa'i bdud rtsi'i chu rgyun gyis gang ba'i byang chub sems kyi thig le'i ngo bo de bsam par bya'o//'od zer gyi ri mo bsil bar gyur pa de de nyid zhugs par blta bar bya'o/ /de nas bcom ldan 'das de la nges par sems kyi 'jug pa sems brtan pa ma thob kyi bar du bsgom par bya'o/ /de yang brtan pa'i mtshan ma nye bar mtshon par bya'o/ / mtshan ma yang / dang po smig rgyu lta bu ste/ /gnyis pa du ba lta bu yin/ /gsum pa srin bu me khyer 'dra/ /bzhi pa mar me ltar 'bar ba/ /sprin med nam mkha' lta bu ste/ /rtag tu snang ba lnga po'o/ /sems kyi brtan pa thob pa ste/ /mtshan ma rnam pa lnga zhes bya/ /mtshon pa'i yid ni brtan pa las//thig le gsal ba snang ba che/ /sna tshogs snang bar blta bar bya/ /'gro ba rnams ni gsal bar mthong / /ting nge 'dzin ni thams cad de'i/ /dngos grub legs par mngon du gyur/ /nges par ting nge 'dzin thob pas/ /byang chub chen po nye ba yin/ /de dag ni dpal he ru ka'i man ngag las dpal bo chen po ye shes kyi thig le bsgom pa'i cho ga ste gnyis pa'o// //de nas snga ma bzhin du bsam gtan gyi gnas su stan la 'dug nas/ las dang bya ba thams cad byas pa'i sngags pas yid mnyam par gzhag pas lte ba'i rtsa bar 'byung ba bzhi bsdus pa'i ngo bo rig byed kyi 'dab ma'i chu skyes kyi lte ba la sna tshogs rdo rje rtse lnga pa bsgom par bya'o//de yang me long lta bu'i ye shes kyi bdag nyid rtag pa'i rang bzhin dkar po ni shar gyi rtse mo'o/ /mnyam pa nyid kyi ye shes kyi bdag nyid rin chen rgyal po'i rang bzhin gser gyi mdog ni lho'i rtse mo'o/ /so sor rtog pa'i ye shes kyi bdag nyid snang ba mtha' yas kyi rang bzhin dmar po ni nub kyi rtse mo'o//bya ba grub pa'i ye shes kyi bdag nyid don yod grub pa'i rang bzhin marga ta'i nor bu ni byang gi rtse mo'o/ /shin tu rnam par dag pa'i chos kyi dbyings kyi ye shes kyi bdag nyid mi bskyod pa'i rang bzhin nag po ni dbus kyi mu khyud du bsam par bya'o//de nas de'i dbus su shin tu rnam par dag pa'i chos kyi dbyings kyi ngo bo rdo rje 'dzin pa'i rang bzhin rdo rje rtse lnga par bsgoms nas/ de'i dbus kyi rtse mo'i steng du dang po mchog gi snying po'i ngo bo de nyid gsum ro gcig pa'i ngo bo drag po bsgom par bya'o/ / de nas de'i snying por gyur pa dpal he ru ka'i rang bzhin bde ba chen po'i bdag nyid zla ba'i dkyil 'khor lta bu bdud rtsi'i bdag nyid 'od zer gyi tshogs kyis phyogs dang nam mkha' thams cad khyab pa/ zlum zhing dri ma med pa cha dang bral ba mu tig gi 'bras bu lta bu'i thig le bsgom pa ni ji srid sems brtan pa'i bar du bsgom par bya'o//sems brtan pa'i mtshan ma nye bar mtshan nas de nas bslangs nas gzhan rnams su dgod par bya'o/ /de la mig tu de bkod pas lha'i mig skye ba'o/ /rna ba dag gis lha'i rna ba dang skad thams cad shes pa'o/ / sna dag gis ni lha'i sna'o/ /lce yis ro dang ro mchog dang lha'i gsung ngo / /pags pas lha'i lus so/ /de bzhin du mgo bos lus 'pho ba dang / mi snang bar byed pa dang / dus gsum shes so/ /mgrin pas snyan ngag mkhan dang / smra nus pa dang / rang dang gzhan gyi grub pa'i mtha' shes pa'o//snying gas mngon par shes pa thams cad do/ /lte bas sems can thams cad kyi don byed par bzod pa nyid dang / thams cad shes pa'o/ /de ltar sems brtan pa ma thob par gyur pas yon tan mtha' dag gi rin po che sangs rgyas nyid thob par 'gyur ro/ /de dag ni he ru ka'i man ngag las de bzhin gshegs pa thams cad kyi snying po sgom pa'i cho ga ste gsum pa'o// //de nas sngags pa cho ga bzhin bsam gtan gyi gnas su bde ba'i stan la 'dug ste/ shin tu rnam par dag pa'i sngags brjod nas bdag nyid dpal he ru kar mos par bya'o/ /'khor lo gru bzhi'i bdag po ste 'jig rten mtha' dag chos kyi sku'i bdag nyid 'bar ba yun ring du bsgom par bya'o//de nas snying po'i gnas su hUM gi sgra tsam bskyod pas ye shes kyi rgya mtsho rlabs chen po bsnun te/ chang 'thungs nas myos cing skyugs pa ltar mgo med rtsa'i chu rlung las bdud rtsi'i chu'i dbang bskur ba dang /'thungs pa'i hUM bsgom par bya'o/ /de las byung ba'i bde ba chen po'i bdag nyid mchog gi bdud rtsir gyur pa 'od zer gyi phreng ba spros pas phyogs dang nam mkha' thams cad snang bar byed pa/ grub pa'i gser 'gyur rtsis bsnun pa bzhin 'jig rten gsum blta bar bya'o//rang gi sems kyang de dang tha mi dad pa gnyis su med par gyur pa dmigs pa med pa bsgom pa ni ji srid brtan par 'gyur gyi bar ro/ /de ltar bsgom pa'i rnal 'byor pas sangs rgyas kyi yon tan stobs bcu dang / mi 'jigs pa bzhi la sogs pa mngon du byed par 'gyur ro/ /yon tan gyi tshogs mngon du gyur pa des dpal he ru ka nyid yang dag par thob pa yin no//he ru ka nyid thob pa nyid kyis 'gro ba thams cad kyi don byed par nus pa yin no/ /'gro ba thams cad kyi don byas pas khams gsum du gtogs pa'i 'jig rten pa rnams kyis mchog tu gus pas mchod pa yin no//de dag ni dpal he ru ka'i man ngag las chos kyi yi ge bsgom pa'i cho ga ste bzhi pa'o// //de nas ji skad gsungs pa'i mtshan nyid dang ldan pa'i sngags pas snga ma bzhin bsam gtan gyi gnas su zhugs la/ rjes su mthun pa'i stan la 'dug ste/ rjes su mthun pa'i bya ba thams cad byas la/yid mnyam par gzhag pas bdag nyid dpal he ru kar mos par bya'o/ /chos kyi 'khor lor sa'i khams kyi rang bzhin rig byed kyi chu skyes bsgom par bya'o/ /de nas de'i dbus su chu'i khams kyi rang bzhin sman gyi gtso bor bsgom par bya'o/ /de'i steng du me'i khams kyi rang bzhin nyin mo'i dbang phyug bsam par bya'o//de nas de dag mtha' skor mtshams med pa'i nang du rlung gi khams kyi rang bzhin nor bu ste/ dbang chen sngon po phra mo'i thur ma ltar ring po ma yin pa gyen du langs pa'i 'od zer gyi ri mo snang ba'o/ /de'i steng du nam mkha'i khams kyi rang bzhin chos kyi sku'i ngo bo nyid bde ba chen po'i rang bzhin rdo rje 'dzin pa chen po'i snying po'i bdag nyid/dpal he ru ka'i rang bzhin bde ba spros pa'i rgyun gyis srid pa mtha' dag khyab par byed pa/ mchog tu gsang ba'i ngo bo shin tu dang ba'i mu tig gi 'bras bu lta bu'i thig le phra mo blta bar bya'o//der yid gtad pa'i sngags pas ji srid sems brtan par 'gyur ba de srid du blta bar bya'o/ /sems brtan par gyur pa'i mtshan ma snga ma bzhin du mtshon par bya'o/ /gang gi tshe sems brtan pa yin pa de'i tshe thig le de yan lag gzhan la dgod par bya'o//de la mdzod spur bkod pa de nyi ma bzhin srid pa snang bar byed pa dang / nyon mongs pa'i 'dam yang skam par byed do/ /dpral bas ni phyi dang nang du bcas pa'i mun pa'i phung po 'joms par byed pa dang / dge ba'i 'bras bu yang yongs su gso bar byed do/ /de'i steng gi skar ma bzhin du spros te nam mkha' 'gengs par byed do//lce yis ji srid 'dod pa de srid 'phel bar 'gyur ro/ /dpung pa'i rtsa bas lag pa'o/ /mgo bos lus thams cad do/ /mang du smra ba ci dgos/ gang du 'di gnas pa de 'phel bar 'gyur ste/ rim gyis rdo rje 'dzin pa nyid 'byung bar 'gyur ro//de dag ni dpal he ru ka'i man ngag las 'byung ba lnga'i snying po de kho na nyid kyi thig le bsgom pa'i cho ga ste lnga pa'o// //de nas mnyam par gzhag pa'i sngags pas snga ma bzhin bsam gtan gyi khang par bde ba'i stan la 'dug ste/ bya bar 'os pa la sogs pa byas nas bdag nyid dpal he ru kar mos par bya'o//sprul pa'i 'khor lo la A li kA li yongs su gyur pa'i ri bong can dang nyi ma kha sbyor ba'i dbus su chos kyi sgo aM las byung ba bdag med ma'i rang bzhin mchog gi shes rab kyi bdag nyid chos kyi dbyings kyi ngo bo yongs su rdzogs pa'i zla ba'i dkyil 'khor bsgom par bya'o//de'i dbus su sa las gzhan pa dbyangs yig bcu drug pa la bskyon bzla ba phyed dang thig les brgyan pa/ dbang sngon chen po'i nor bu lta bu dpal he ru ka'i rang bzhin mchog gi thabs kyi ngo bo chos kyi dbyings la dmigs pa'i bdag nyid sgrib pa thams cad 'bigs par byed pa 'bar ba bsgom par bya'o//de nas de'i 'od zer gyi lcags kyus bkug pa'i phyogs bcu'i 'jig rten gyi khams na gnas pa'i rnal 'byor ma thams cad zla ba'i dkyil 'khor du gzhug par bya'o/ /de bzhin gshegs pa thams cad dpal he ru ka'i rnam pas de'i steng na gnas pa ji skad gsungs pa'i yi ge la thim par bya'o//de nas gdan dang sa bon de dag rjes su chags pa dang / kun du chags par bsams nas chos rnam par dpyad pa'i sgo nas nges par rnam par dpyad par bya'o//gal te bdag gis gdan dang sa bon la sogs pa 'di dag gzung ba dang 'dzin par snang ba ni bdag gi sems tsam ste rang gi sems las gzhan du snang ba ma rig pa'i phyir gdan sa bon las gzhug par bya'o/ /de nas sems tsam de yang don dam par gsal ba tsam gnyis su med pa rnam pa'i dbye ba brdzun pa nyid kyis don dam pa mthong ba la nub pa'i phyir yi ge thig ler nub par bya'o/de yang rtog pa med pa bde ba chen po'i rang bzhin ji srid 'dod par bsgoms la/ phyogs bcu'i dngos po thams cad du spro bar bya'o/ /spros nas sna tshogs de'i bdag nyid du bya ste/de'i bdag nyid du byas pa yang snang ba med pa gsal ba tsam gnyis su med pa nam mkha' bzhin ro mnyam pa mtha' yas pa/ de bzhin nyid du ro gcig pa gsang ba dpe las byung ba'i lhan cig skyes pa bde ba'i ngo bo de la yid dga' ba'i sngags pas ji srid nus pa de srid blta bar bya'o//de dag ni dpal he ru ka'i man ngag las thabs shes rab gnyis su med pa'i thig le bsgom pa'i cho ga ste drug pa'o// //de nas snga ma bzhin bsam gtan gyi gnas su bde ba'i stan la 'dug ste/ bya ba byas pa'i rnal 'byor pa bdag nyid dpal he ru kar mos par bya'o//sprul pa'i 'khor lo'i dbus su gnas pa'i zla ba'i dkyil 'khor la yi ge mchog las byung ba ba thag phra mo ltar phra ba/ lhan cig skyes pa shes rab kyi ngo bo 'od zer gyi ri mo 'bar ba bzhin du bsgom par bya'o/ /de nas de rin po che pad+ma rA ga'i 'od zer gyi ri mo bzhin chags pa dang bcas pas/'dod can ma bzhin chags pa dang bcas pa 'dod pa can gyi lus la skyes pa chags pa'i rlung btang bas mthong ba rjes su chags pa blta bar bya'o/ /de nas bde ba'i gnas na gnas pa yang thabs chen po'i ngo bo snying po chen po'i bdag nyid 'dod pa can dang 'dod pa can ma nye bar gnas pa las rjes su chags shing 'dod par blta bar bya'o//chags ma thag tu nye bar 'gro bas de dang rjes su mthun pa'i yan lag thams cad dang / de'i yan lag thams cad 'khyud pa bzhin 'dod pa can dang 'dod pa can ma blta bar bya'o//de'i rjes la sbu gu'i 'khrul 'khor phra mo nas 'o ma'i rgyun bzhin du rgyu ba dang / rlung med cing g.yo ba med pa'i spos kyi reng bu'i du ba'i ri mo bzhin steng 'og tu gnas pa dang / skar ma'i bdag po'i 'od zer bzhin mun pa'i tshogs mtha' dag 'joms par byed pa/gdung pa ma lus pa rab tu zhi bar byed cing tshim par byed pa/ bde ba chen po'i ngo bo bdud rtsi'i 'od zer phreng ba spros pa'i bdag nyid du byas te/ 'jig rten mtha' dag snang ba'i ngo bo mdzes pa'i dga' ba'i tshogs can/ bla na med pa'i mya ngan las 'das pa'i grong khyer du 'jug pa'i sgo glegs byed pa gsal zhing khyad par du gyur pa'i lde kyog gi rtse mo bzhin thabs chen po thams cad kyi mchog la sngags pas yid gtad pas/ji srid sems brtan pa yin pa de srid bsgom par bya'o/ /de la sems brtan par gyur pas/ snang ba la sogs pa mthong ba skye bar 'gyur ro/ /de mthong nas ting nge 'dzin thams cad dang / dngos grub thams cad dang / yon tan thams cad mngon du byed par 'gyur ro/ /de dag ni dpal he ru ka'i man ngag las thabs dang shes rab gnyis su med pa la sems 'dzin pa bsgom pa'i cho ga ste bdun pa'o// //de nas sngar bsngags pa'i mtshan nyid dang ldan pa'i sngags pas bde ba'i stan la 'dug ste/ sngar gyi cho ga ma lus pa'i bya ba byas nas bdag nyid dpal he ru ka'i bdag nyid du mos par bya'o/ /chos kyi 'khor lo la 'byung ba bzhis bsdus pa'i ngo bo mchog gi thar pa chen po'i grong khyer gyi rang bzhin zla ba dang nyi ma mnyam par sbyar ba bsgom par bya'o//de'i dbus su shes rab chen po'i ngo bo chos kyi sku'i bdag nyid bdag med ma'i rang bzhin yi ge mchog la 'khyud par gnas pa thabs chen po'i ngo bo longs spyod rdzogs sku'i bdag nyid dpal he ru ka'i rang bzhin hUM yig bsgom par bya'o/ /de nas phan tshun du chags pa chen po las shes rab dang bcas par zhu bar gyur pa las bde byed kyi khu ba bzhin thig le'i ngo bor song nas rtog pa med pa'i ting nge 'dzin la snyoms par zhugs pa'i gnas skabs de blta bar bya'o//de nas de las byung ba byams pa la sogs pa yun ring du bsgom pa rgyu mthun pa'i ngo bo sa la sogs pa'i khams kyi rang bzhin spos mo la sogs pa'i rnal 'byor ma'i ngo bo dbang ldan la sogs pa'i grwa bzhir gnas pa'i paM yig la sogs pa'i yi ge bzhi blta bar bya'o//de las rim gyis spros pa'i 'od zer gyi ri mo rnams kyis gru bzhis bskul ba'i ngo bos sems sad par byed pa skul bar byed par bsam par bya'o//de nas de'i nus pas sad pa'i thig le'i ngo bo bcom ldan 'das spros nas reg nas zhu ba'i thig le'i ngo bo thob nas rim gyis der nub par bsgom par bya'o/ /de nas chos thams cad kyi rten bde ba chen po'i bdag nyid gnyis su med pa mtha' yas pa nam mkha' lta bu'i ro gcig pa gsal ba can bsgoms te don dam par mngon du bya'o//mngon du byas nas kyang phyogs bcu'i dngos po thams cad du spro bar bya'o/ /spros nas sna tshogs de'i bdag nyid du bya'o/ /lhag ma ni snga ma snga ma'i rjes su 'brangs nas bsgom par bya'o/ /de dag ni dpal he ru ka'i man ngag las thig le sad par byed pa bsgom pa'i cho ga ste brgyad pa'o// //de nas cho ga bzhin du sngags pas ji skad gsungs pa'i bsam gtan gyi gnas su stan la 'dug ste tshogs bsags pas bdag nyid rten dang brten pa'i dkyil 'khor du mos par bya'o/ /de la gang bdag gi lus 'di nyid de'i rten gyi dkyil 'khor 'byung ba chen po bzhi'i ngo bo thar pa chen po'i gnas kyi rang bzhin gzhal yas khang ngo //gang ye shes dang bcas pa'i rtsa'i 'khor lo de brten pa'i dkyil 'khor dang bcas pa'i dkyil 'khor gyi bdag po ste/ de la gang bdag gi lus la gnas pa rtog pa thams cad spangs pa/rtsa ba'i 'khor lo mtha' dag la khyab par byed pa/ lhan cig skyes pa gnyis kyi bdag nyid bde ba chen po'i ngo bo ye shes chen po ste/ bcom ldan 'das dpal he ru ka'i chos kyi sku'o/ /gang yang bdag la byang chub sems 'bab pa 'di rdo rje ma la sogs pa rnal 'byor ma bco lnga'i rang bzhin/spyi gtsug bo l+la go ri la sogs pa gnas la rtsa sum cu rtsa gnyis po de ni longs spyod rdzogs pa'i sku'o/ /gang 'di sen mo dang so nas khams dang lte ba'i khams 'bab pa de sprul pa'i sku'o/ /gang ji skad gsungs pa de rnams kyi rten dang brten pa'i dkyil 'khor gyi chos nyid de bzhin nyid gnyis kyis stong pa nyid don dam pa de bde ba chen po'i sku zhes bya bar mos par bya'o//sems brtan par byed cing sems brtan par gyur pas yang dag pa ji lta ba bzhin rab tu shes par 'gyur ro/ /yang dag pa ji lta ba bzhin yongs su shes pas sku bzhi myur du thob pas dpal he ru ka 'byung bar 'gyur ro//de dag ni dpal he ru ka'i man ngag las/ ye shes dang bcas pa'i rtsa'i 'khor lo mngon par byang chub pa bsgom pa'i cho ga ste dgu pa'o// //de nas mnyam par bzhag pa'i sngags pas snga ma bzhin bsam gtan gyi gnas su bde ba'i stan la 'dug ste/srung ba dang mchod pa la sogs pa'i cho ga byas pa dang bdag nyid dpal he ru kar mos par byas la/ sna rtser blta zhing lus drang por gyur pas skad cig tsam gyis rtsa sbyong bar byed par gnas par bya'o/ /de nas thabs dang shes rab kyi bdag nyid med pa dang /dpal he ru ka'i rang bzhin te steng 'og tu gnas pa gtsub shing dang gtsub gtan dag gi rlung gang las yang dag par sbyong ba stong pa nyid dang / snying rje tha mi dad pa byang chub sems kyi ngo bo mchog gi ye shes kyi 'od zer bskyed nas man ngag bzhin du sbar bar bya'o/ /'bar ba des phung po'i bud shing dang /dngos po thams cad kyi rtsa dang 'khri shing dang lcug mthal bar byas nas sna tshogs de'i bdag nyid du byas so/ /sna tshogs de'i bdag nyid du byas pa dang / bdag gi sems tsam du mos par bya'o/ /sems tsam yang gsal ba tsam mtha' yas pa gnyis su med pa'i bde ba chen po'i ngo bo nam mkha' dri ma med par blta bar bya'o//de ltar goms pa'i rnal 'byor pas rim gyis 'khor bar bcings pa'i ngo bo snying gi mdud pa phug cing bcad pas som nyi thams cad med cing / sdig pa thams cad dang 'ching ba dang nyon mongs pa thams cad kyi rnam par rtog pa yongs su zad par byed do//phun sum tshogs pa thams cad 'byung ba dang / 'jig rten dang 'jig rten las 'das pa'i dngos grub nyid dang / sangs rgyas dang / rdo rje 'dzin pa nyid thob par 'gyur ro/ /de dag ni dpal he ru ka'i man ngag las rlung gi kha sbyor ye shes kyi 'od zer bsgom pa'i cho ga ste bcu pa'o// // de nas ji skad gsungs pa'i mtshan nyid dang ldan pa'i sngags pas bsam gtan gyi gnas su bde ba'i stan la 'dug ste/ snga ma bzhin du srung ba dang / maN+Dal dang mchod pa'i cho ga byas nas/ dag pa'i sngags brjod nas/ bdag nyid bdag med ma'i mgrin pa nas 'khyud pa'i dpal he ru kar bsgom par bya'o/ / de nas rang gi snying gar nyi ma dang zla ba kha sbyar ba'i nang du hUM yig dbang sngon lta bu spro ba dang bsdu ba'i lus bsams nas/ bdag med ma'i snying gar yi ge mchog blta bar bya'o/ /de nas bcom ldan 'das ma de chags pa chen pos zhu bar gyur te/ rang gi snying gar zhugs par bsgoms la bdag nyid kyang de nas zhu ste/shin tu grub pa'i gser 'gyur rtsi bzhin sa bon gyi yi ge la zhugs par bsam par bya'o/ /de nas de'i nus pa nyid kyis zla ba dang nyi ma dag lhan cig sa bon gyi yi ge'i ngo bo/ /bdag nyid thig le'i ngo bor gyur pa ni 'od gsal ba mchog gi bdud rtsir gyur pa bde ba chen po ro gcig pa bsgom par bya ste/rim gyis shin tu snyam zhing zhen pa'i 'od zer bdun pa bzhin 'bar ba spros pas rgya che zhing khyad par du 'phags pa'i bde ba'i 'od zer gyi rgyun gyis 'jig rten mtha' dag mnyam par byas shing lhun gyis grub pa bsam par bya'o/ /de ltar gus pas rgyun mi 'chad par bsgoms pas rnal 'byor pa phyag rgya chen po'i dngos grub mngon du byed par 'gyur ro//de dag ni dpal he ru ka'i man ngag las/ thabs shes rab gnyis su med pa'i thig le bsgom pa'i cho ga ste bcu gcig pa'o// //de nas yid mnyam par gzhag pa'i sngags pas bsam gtan gyi gnas su 'dug ste/ bya bar 'os pa mtha' dag byas nas bdag nyid dpal he ru kar mos par byas la/sna rtser lta zhing brang du dpung ba gnyis bsnol la/ mgrin pa bskum nas lce gyen du bkug ste/ rkan gyi dkyil du 'khor bar bya'o/ /de nas des reg pa las byung ba'i chu rgyun mthun pa'i 'bras bu sprul pa'i sku skyed par byed pa/ bum pa'i dbang gi rang bzhin gyis bsdus pa'o//de yang cung zad zhugs pa des gsang ba'i gnas na gnas pa'i lce chung bskul bar bya'o/ /de nas de las 'dzog pa'i bdud rtsi'i thig le'u tshogs rnam par smin pa'i 'bras bu'i ngo bo longs spyod rdzogs pa'i sku thob par byed pa/ gsang ba'i dbang gi rang bzhin myang bar bya'o//de'i rjes la de nyid ring du zhugs pas gsang ba'i gnas su rang byung ba ni mchod rten te/ chos kyi dbyings kyi ngo bo de bzhin nyid kyi bdag nyid des 'khyud pa yun ring du gnas par bya'o/ /de nas de dang sbyang ba lhan cig skyes pa'i bde ba skyes bu'i ngo bo chos kyi skur ster bar byed pa//shes rab ye shes kyi dbang gis rang bzhin yongs su gzung bar bya'o/ /de nas de'i lus dang yan lag thams cad dang / phyogs bcu'i dngos po rnams su spros te/ sna tshogs de'i bdag nyid du bya'o/ /de'i bdag nyid du byas pa de yang 'di dag bdag gi sems tsam zhes bya bar bsam par bya'o//sems tsam de yang gnyis med pa/ mtha' yas pa/ gsal ba tsam/ snang ba med pa/ nam mkha' lta bu/ ro mnyam pa/ bde ba chen po'i bdag nyid dri ma med pa'i 'bras bu'i ngo bo/ /bde ba chen po sku skyed par byed pa/ dbang bzhi pa'i rang bzhin de dag nyid kyi ngo bor yid la bya'o//de ltar goms pas myur du phyag rgya chen po'i dngos grub nye ba yin no/ /de dag ni dpal he ru ka'i man ngag las lce chung dang sbyor ba las byung ba bdud rtsis dbang bskur ba'i cho ga ste bcu gnyis pa'o// //de nas sngar gsungs pa'i mtshan nyid dang ldan pa'i sngags pas bsam gtan gyi khang par bde ba'i stan la 'dug nas/srung ba dang mchod pa la sogs pa'i cho ga byas nas/ /bdag nyid dpal he ru kar mos par bya'o/ /de nas sprul pa'i rtsibs la chu skyes kyi lte bar gnas pa mchog gi yi ge'i ngo bo bcom ldan 'das ma bdag med ma thig le'i ngo bo nam mkha'i khams kyi 'od zer las ri mo gsum ni brkyang ma la sogs pa'i rtsa gsum gyi gzugs sbyor ba'i rjes su chags pas gsal bar blta'o//de nas bde ba chen por gnas pa yang mgo med kyi ngo bo bcom ldan 'das dpal he ru kas 'dod can ma la rjes su chags pa spros pa'i ri mo gsum gyi ngo bo rtsom pa dang /so sor rtog pa dang / dpyod pa'i stobs las thig le bzhi'i gzugs can/ sbyor ba dang / dngos dang / yongs su gcod pa dang / don dam pa'i bde ba byed par bsam par bya'o/ /de ltar nyi ma re re 'am/ thun mtshams so so'am/ skabs ji lta bar gus pas yid mnyam par gzhag pas ji srid sems brtan pa thob pa de srid bsgom par bya'o//snga ma bzhin snang ba la sogs pa mthong nas sems brtan pa thob par shes par bya'o/ /brtan pa thob pa yod na mngon par 'dod pa'i dngos grub 'byung ngo / /de dag ni dpal he ru ka'i man ngag las byung ba'i thig le bzhi bsgom pa'i cho ga ste bcu gsum pa'o// //de nas yid g.yeng ba med pa'i sngags pa bsam gtan gyi gnas su zhugs te/ bsrung ba dang mchod pa la sogs pa'i cho ga byas pas/ bde ba'i stan la 'dug nas rdo rje'i gur dang / ra ba dang / sa gzhi'i dbus su gyur pa'i chos 'byung la dur khrod brgyad kyis bskor ba/khyad par du gyur pa'i sna tshogs pad+ma'i lte bar gnas pa/ sna tshogs rdo rje'i lte bar 'byung ba bzhi yongs su gyur pa'i gzhal yas khang bsam par bya'o/ /de nas de'i dbus su pad+ma dmar po 'dab ma brgyad la gnas pa/ rnal 'byor ma brgyad kyis yongs su bskor ba/bdud bzhi'i snying gar nyi ma'i gdan la skyil krung phyed pa'i gar gyis bsgyings pa/ bdag med mas mgul na 'khyud pa/ zhal dang phyag dang / kha dog dang mtshan ma la sogs pa rnams kyis sgrub pa'i thabs las gsungs pa'i mtshan nyid dang ldan pa/ dga' ba'i tshogs kyis mdzes pa/bdag nyid dpal he ru kar bsgom par bya'o/ /de nas rang gi snying ga'i sngags kyi phreng ba'i sgo nas/ de bzhin gshegs pa thams cad rnal 'byor ma'i dkyil 'khor gyi rnam par 'byung ba'i lam nas phyung ste/ phyogs thams cad dang nam mkha' rnams su spro bar bya'o//spros pa des kyang 'jig rten pa mtha' dag rdzogs pa'i sangs rgyas su bya ste/ shin tu grub pa'i rnal 'byor ma rnams kyis lhan cig ro mnyam par gyur pa bsdus nas 'jug pa'i lam nas de nyid du zhugs te nub par bya'o/ /de'i rjes la rdo rje gur rdo rje ra ba la'o/ /rdo rje ra ba chos 'byung ngo / / chos 'byung dur khrod la'o/ /dur khrod sna tshogs pad+ma'i 'dab ma la'o/ /sna tshogs pad+ma'i 'dab ma sna tshogs rdo rje la'o/ /sna tshogs rdo rje gzhal yas khang la'o/ /gzhal yas khang rnal 'byor ma rnams la'o/ /rnal 'byor ma rnams pad+ma dmar po 'dab ma brgyad la'o/ /pad+ma dmar po 'dab ma brgyad de bdud bzhi la'o//bdud bzhi nyi ma'i gdan la thim par bsam par bya'o/ /de nas de'i nus pa chags pa chen po'i ngo bos rig pa zhu bar gyur pa rig ma dang bcas pa'i dpal he ru ka shin tu dkar zhing mkhregs pa maN+Dal gyi rnam par gnas pa blta bar bya'i/ /de nas yongs su gyur pas srin po'i yi ge ma sbos mos brgyan pa/zla ba phyed pa dang / thig le'i nA das mnan pa 'bar ba bsgom par bya'o/ /de nyi ma'i gdan la bzhugs par bsam par bya'o/ /de nas dbyangs yig drug pa'i 'og ma'o/ /sa las gzhan pa zla ba phyed pa la'o/ /zla ba phyed pa thig le'o/ /thig le sgra tsam la'o/ /sgra tsam thim par bsams nas de yang skra'i rtse mo brgya dang stong gi char 'gyur ba de bsam par bya'o//de yang rim gyis mi dmigs pa'i ngo bo thob nas bsam gyis mi khyab par brjod du med pa/ spros pa med pa/ bsgyur du med pa/ bde ba chen po ro gcig pa/ gnyis su med pa/ mtha' yas pa/ lhun gyis grub pa ji srid sems brtan par gyur par bsam par bya'o//sems brtan pas dngos grub thams cad mngon du byed par 'gyur ro/ /de dag ni dpal he ru ka'i man ngag las shin tu phra ba las bsgom pa'i cho ga ste bcu bzhi pa'o// //de nas mnyam par gzhag pa'i sngags pas bsam gtan gyi gnas su bde ba'i stan la 'dug ste/dga' bo'i sngags brjod nas bdag nyid dpal he ru kar mos par bya'o/ /de nas chos kyi dbyings kyi ngo bo la ni rig ma ste khu tshur gyi pad+ma nga / chos kyi dbyings la dmigs pa'i ye shes kyi bdag nyid rdo rje'i rtse mos der zhugs par bsgom par bya'o/ /bsgom pa yongs su smin pa'i dus su man ngag ji lta ba bzhin mnan pa las byung ba'i stobs kyis/don dam pa dri ma med pa'i 'bras bu'i ngo bo/ chos dang longs spyod rdzogs pa'i sku'i rang bzhin nam mkha' dang zla ba lta bu mngon du byed do/ /mngon du byed nas yang phyogs thams cad dngos po thams cad du spros te/ sna tshogs de'i bdag nyid du byas pa de yang 'di dag bdag gi sems tsam mo zhes bsam par bya'o//rang gi sems tsam yang nam mkha' lta bu gnyis su med pa brjod du med pa/ ro mnyam pa/ bsam gyis mi khyab pa/ gos pa med pa/ bde ba chen po ro gcig pa/ lhun gyis grub par bsgom par bya'o/ /de ltar grub pas rgyun mi 'chad par bsgoms nas kun du bzang po nyid tshe 'di nyid la 'byung bar 'gyur ro//de dag ni dpal he ru ka'i man ngag yas rang gi lan lag gnyis sbyor ba las byung ba'i lhan cig skyes pa'i bsgom pa'i cho ga ste bco lnga pa'o// //de nas rjes su mthun pa'i bsam gtan gyi gnas su bde ba'i stan la 'dug ste rjes su mthun par byed pas gnas pa yid g.yeng ba med pa'i sngags pas/mgrin pa'i phyag rgya'i rtsa'i sgo'i mtsho skyes la/ dpung pa'i thabs kyis lag pa'i mthe bo'i yal ga rdo rje rtse mos man ngag ji lta ba bzhin brten pas don dam pa yid la byas te gnas par bya'o/ / de nas rnal 'byor gyi stobs las byung ba bde ba chen po'i ngo bo/ /chos kyi sku'i bdag nyid mtshan ma med pa/ gzhi med pa spros pa med pa/ gsal zhing ro gcig pa mngon du byas nas phyogs thams cad dang nam mkha'i ngos dang dngos po thams cad du spro ste/ de'i bdag nyid du'o/ /lhag ma ni snga ma bzhin no/ /gal te yang gang gi tshe rnal 'byor pa dkyil 'khor gyi 'khor lo la sogs pa'am/'jig rten gyi khams la sogs pa mngon sum bzhin du byed par 'dod pa de'i tshe de la dmigs nas yid mnyam par gzhag pas gnas na/ 'dis nges par mngon sum ltar de mthong ngo / /da lta de ltar byas te gnas na btung bar 'dod pas btung ba'o//bza' bar 'dod pas bza' ba'o/ /mang du smras pas ci zhig bya/ /mngon sum du gang 'dod pa de byed do/ /de dag ni dpal he ru ka'i man ngag las/ thabs dang shes rab las byung ba'i ye shes la sogs pa bsgom pa'i cho ga ste bcu drug pa'o// //de nas yid mnyam par gzhag pa'i sngags pa dben zhing nye bar 'che ba med pa yid du 'ong ba'i gnas su bde ba'i stan la 'dug ste/pra kr-i ti pa ri shu d+d+ha sarba d+ha rmAHpra kr-i ti pra ri shu d+d+hou0f85haM zhes brjod pas bdag nyid dpal he ru kar mos par bya'o/ /sems kyis gang yang rung ba bdag med mar mos pa byas l a de'i gzugs blta ba dang nu ma la reg pa dang /sgra nyan pa dang / ma mchu'i ro myang ba dang / lus su gtogs pa'i dri bsnams pa'o/ /de rnams sgyu ma lta bur brtags nas/ de dang lhan cig skyes pa'i dga' ba de tshogs kyi lam gyis bsdus pa rtsom pa nyid du mtshon par bya'o/ /gang de'i dam du 'khyud pa yas blangs pa gang yang nu ma sra ba la sogs pa sa'i khams kyi rang bzhin reg bya shes pa'i dmigs par gyur pa snang ba phyi'i don la ma dmigs par sems gzhan du 'jug pa med pa shes pa lhan cig skyes pa'i dga' ba des/drod la sogs pa nges par 'byed pas bsdus pa de ma thag tu mtshon par bya'o// de nas de nyid kyi nam mkha'i khams la dmigs par 'gyur bar shin tu rnam par dag pa'i chos kyi dbyings kyi ngo bo nam mkha' lta bu stong pa nyid la dmigs pas byed pa dbyer mi byed pa'i yang dag pa'i ye shes kyi rang bzhin rgyal mtshan ni mthong ba'i chos kyi dbyings mthong ba'i bdag nyid zag pa med pa lam gyi rang bzhin thams cad du 'gro ba'i chos kyi dbyings rtogs pa'i mtshan nyid gzhug par bya'o//de nas de dag tha dad pa de la dmigs par 'gyur ba chu'i khams kyi rang bzhin zhe sdang chen po mi bskyod pa'i bdag nyid rnam par smin pa chung ngu zhu ba mtshon par bya ba dang sgra'i khams kyi rang bzhin dga' ba chung ngu'i mtshan nyid de dang lhan cig skyes pa'i dga' ba mtshon par bya'o//de nas nam mkha'i khams su rdo rje yang dang yang du bcug par byas shing so sor rtog pa ni zag pa med pa'i sgom pa'i lam gyi rang bzhin rnam par smin pa'i 'bras bu de'i stobs las byung ba/ me'i khams kyi rang bzhin 'dod chags chen po snang ba mtha' yas kyi ngo bo dri ma dang bral ba nyid mtshon par bya ba dang / ro'i bdag nyid dang / mchog dga' 'bring po'i mtshan nyid de dang lhan cig skyes dga' de nye bar mtshon par bya'o/ /de nyid kyi gnas skabs thabs shes rab snyoms par zhugs pa las byung ba'i bde ba rig pa sems khengs shing spro ba nga rgyal dang rgyags pa rin chen 'byung ldan gyi rang bzhin khyad par gyi lam gyis bsdus pa nye bar mtshon par bya'o//de'i rjes la thabs shes gnyis su med par snang ba/ rnam par smin pa chen po las byung ba chen po'i mchog tu dga' ba gti mug la sogs pa'i rgyu ba ro mnyam par gyur pa/shin tu rnam par dag pa'i chos kyi dbyings la dmigs pa/ mchog gi bde ba'i rtsol ba bsgrub bya mngon du byed pa'i lam gyi mtshan nyid/ mthar byin pa'i lam bsdus pa mtshon par bya'o/ /de yang de la rdo rje rin po che'i rtser byang chub kyis stong par byed pa/ rlung gi khams byang chub kyi sems g.yo ba la dmigs pa'i reg bya shes pa/'dod pa'i bstan bcos kyi rtsol bas mi 'jug pa rdo rje nyid du bsgrub bya mngon du byed pa'i las can gtong bar byed pa'i rten par tshad med pa'i 'bras bu mngon du 'jug par byed pa/ 'dod chags la sogs pa ro mnyam pa'i rang gi ngo bo/ /rang gi reg bya nyams su myong ba'i mtshan nyid chen po mchog dga'i rang bzhin 'dod pa dang /phrag dog chen po dang don yod grub pa'i rang bzhin mtshon par bya ba dang / reg bya'i rang bzhin de dang lhan cig skyes pa'i dga' ba nye bar mtshon par bya'o/ /de nas de ltar gti mug la sogs pa dang / de'i bag chags kyi gnyen por gyur pa ni tshogs dang / sbyor ba dang / mthong ba dang bsgom pa'i lam gyis bsdus pa/ mos pas spyod pa dang / lhag pa'i bsam pa rnam par dag pa dang / rnam par smin pa dang / sgrib pa thams cad spangs pa'i sar gyur pa sku gnyis thob pa'i rgyu mtshan rnam pa sna tshogs pa'i khyad par ci rigs pa mtshon par bya'o/ /nges par rnal 'byor pas myur du ye shes lngas bsdus pa sku gnyis 'thob bo//yan lag mchog dang 'das pa'i nor bur gnas pa'i byang chub kyi sems longs spyod rdzogs pa'i sku'i bdag nyid dpal he ru ka'i rang bzhin man ngag gis mnan pa'i cho ga'am/ rlung rnam par rgyal ba goms pa'i cho ga 'am/ phyi rol gyis gzung ba'am/ pa Ta yig la sogs pa bsgom nus pa ji lta ba bzhin gzung bar bya'o//de dang lhan cig skyes pa bdag dang gzhan du dbye ba'i snang ba dang bral ba/ mchog gi bde ba chen po tsam gnyis med du snang ba rtsol ba thams cad nub pa dag gi rtog pa 'das pa'i ngo bo/ rang rig pa mthar phyin pa nam mkha' lta bu/ bde ba yang dag par rig pa rnal 'byor ma'i 'khor lo'i bdag nyid bdag med ma'i rang bzhin chos kyi sku'i mtshan nyid don dam pa mngon du bya'o//mngon du gyur pa de yang lus dang yan lag thams cad la khyab par bya'o/ /lus dang yan lag thams cad la khyab pa yang rim gyis goms par brtan pa dang g.yo ba mtha' dang dngos po thams cad la spros nas sna tshogs de'i bdag nyid du bya'o//de'i bdag nyid du byas ba yang sna tshogs pa de las gzhan pa'i snang ba'i ngo bo 'gags pas/ de nyid bde ba chen po bla ma'i man ngag las yang dang yang du mchod par bya'o/ /mchod pa yang de nas rang gi sems tsam nyid du mos par bya'o/ /rang gi sems tsam yang / gsal ba tsam bde ba chen po mtha' yas pa nam mkha' lta bu ro mnyam pa'i gos pa med pa ji srid nus pa de srid du blta bar bya'o//yang na kA li bsdus pa'i ngo bo thabs kyi bdag nyid dpal he ru ka'i rang bzhin longs spyod rdzogs pa'i sku'i ngo bo chos kyi 'khor lor chos kyi yi ge bsgom par bya'o/ /A li bsdus pa'i ngo bo shes rab kyi bdag nyid bdag med ma'i rang bzhin chos kyi sku'i ngo bo sprul pa'i 'khor lor chos kyi sku bsgom bar bya'o//de nas de rang gi gnas nas shes rab ma dang lhan cig 'ongs te/ rin po che'i ri'i rtse mor 'dzegs nas chags pas zhu ba'i thig le ngo bo thob par bsgom par bya'o/ /bla ma'i man ngag las brten pa de khyer nas don dam pa mngon du bya'o//lhag ma ni snga ma bzhin no/ /langs nas yang dngos po thams cad bde ba chen po'i bdag nyid chos kyi sku'i ngo bor mos par bya'o/ /yang mnyam par gzhag pa'i sbyor ba dang / yang mnyam par langs pa'i sbyor ba g.yeng ba med pas bya'o/ /de ltar rnal 'byor gnyis kyis chu bo'i rgyun dang / mar me 'bar pa'i rgyun bzhin rnal 'byor pas nyin dang mtshan du gnas par bya'o//de ltar goms pa'i rnal 'byor pas bsod nams chung yang myur ba nyid du phyag rgya chen po'i dngos grub 'byung bar 'gyur ro/ /de yang 'dod nas 'og tu 'jug cing steng du 'byung ba dang / rtsig pa'i ngos dang / ri'i ngos la 'gro ba dang / chu'i sting du gnas pa dang nyams pa dang /char gyis nyon mongs pa med pa dang / rlung gis gnod pa med pa dang / me'i phung pos mi'i tshig pa dang / nam mkha' la 'phags pa dang / bdag dang gzhan gyi sems shes pa dang / 'jig rten gsum lus gcig tu gyur pa dang / bdag dang gzhan gyi dngos po rtogs pas khams gsum gyi gnod pa med par blta bar bya'o//de dag ni dpal he ru ka'i man ngag las lhan cig skyes pa'i cho ga ste bcu bdun pa'o// //de nas 'dir dbang du byas pa'i sngags pas bsam gtan gyi gnas su bde ba'i stan la gnas nas bdag nyid dpal he ru kar mos par bya'o/ /de nas rdo rje ra ba dang rdo rje'i gur gyi dbus su gyur pa chos 'byung gi nang dur khrod brgyad kyis bskor ba'i gzhal yas khang gi dbus su pad+ma dang nyi ma'i dkyil 'khor la bdud bzhi po gong nas gong du bkan pa'i snying gar nyi ma la gnas par bdag nyid blta bar bya'o//snying gar nyi ma la gnas pa'i thong bar gtum po'i 'od zer la rang ge sems nyid dpal he ru ka'i thugs dbang sngon chen po lta bu'i drag por lta bar bya'o//de nas de'i rnam pa'i sems kyis rnal 'byor ma'i dkyil 'khor thams cad kyi lha'i de kho na nyid du brtag par bya'o/ /snying ga'i sngags kyi 'od zer gyi phreng ba spros pa zhes bya ba snang ba thob pa'i ting nge 'dzin to/ /'od zer gyi phreng ba des rnal 'byor ma'i 'khor lo mtha' dag la khyab pa de nam mkha'i ngos la blta ba zhes bya ba snang ba mched pa'i ting nge 'dzin to//de nas rnal 'byor ma'i dkyil 'khor de nyid 'di dag thams cad sems nyid pas sems la gzhug par bya'o zhes bya ba sngags la dmigs pa ste de kho na nyid kyi don la phyogs gcig pa'i ting nge 'dzin to//de nas sems de yang sems ma yin te/ gzung ba med pas 'dzin pa med pa zhes bya ba sems la dmigs pa ste bar chad med pa'i ting nge 'dzin to/ /de'i rjes la sngags yongs su gyur pa las dpal he ru ka'i sgrub thabs las gsungs pa'i mtshan nyid du bdag nyid bsgom par bya'o zhes bya ba ni man ngag la dmigs pa ste de ltar goms pa'i rnal 'byor pa dpal he ru ka'i byang chub bo//de nas rang gi byang chub rnam par dpyad par bya ste/ gang sems de lus dang ngag dang sems lha'i rnam par snang ba de thams cad skye ba med pa nam mkha' lta bu ni bdag med ma zhes bya ba'i byang chub rags pa'o/ /de nas man ngag ji lta ba bzhin lte ba dang snying ga dang mgrin pa dang mgo bo'i 'khor lo bzhi byin gyis brlab pa bsgom par bya'o//snying gar thod pa'i nang du nyi ma la gnas pa'i sa bon gyi thig ler hUM yig phra mo yongs su gyur pa las sran ma phyed tsam shin tu dkar ba nang dmar ba'i thod pa'i dum bu bsam par bya'o/ /mtshan ma de nyid sprin spros pas rgyu ba dang mi rgyu ba sna tshogs mtshan ma med pa de'i bdag nyid du bya'o//sna tshogs de yang gong bur byas la shin tu phra ba'i nyi ma'i dkyil 'khor gyi rnam pas mtshan ma phra mo la bsdu bar bya'o/ /de la nyi ma'i dkyil 'khor la mchog tu phra ba'i bcom ldan 'das dpal he ru ka'i sa bon bsam par bya'o/ /de dag ni ting nge 'dzin byang chub dang yang dag par sbyor ba sngags kyis brtag pa'i byang chub phra ba'o//de nas dga' ba'i mchod pa rnam pa gsum ste/ sngags kyi dam tshig dang dam tshig gi dkyil 'khor dang byang chub dam tshig ces bya'o/ /de la mtshan ma med pa phra mo las de bzhin gshegs pa thams cad dkar mo la sogs pa'i rnal 'byor ma'i mtshan ma'i gzugs nam mkha'i ngos la khyab par spro ba zhes bya ba sngags kyi dam tshig go//de bsdus te gdan phra mo'i gzugs su bdag med ma la bcug nas/ de'i steng du dpal he ru ka'i gzugs sa bon de nyid rjes su chags pa dang / kun du chags pa'o/ /de yang rjes su chags pa dang / kun du chags par bsgom par bya zhes bya ba ni dam tshig gi dkyil 'khor ro//de nas lha mo de las rnal 'byor ma mtha' dag gi lus kyi sprin spros nas de nyid du bsdu bar bya'o/ /der gnas pa'i sngags kyi yi ge las de bzhin gshegs pa thams cad kyi sprin spros pa de nyid dpal he ru ka'i rnam par bsdu ba zhes bya ba ni byang chub dam tshig go//de nas thams cad bsdu ste bde ba chen po'i bdag nyid chos kyi dbyings kyi ngo bo/ /don dam pa gnyis su med pa gsal bar ro gcig pa/ spros pa'i 'od zer gyi phreng bas nam mkha' ma lus par khyab pa shin tu phra ba'i thig le tsam blta bar bya'o/ /de dag ni dpal he ru ka'i man ngag las shin tu phra ba'i sa bon dang thig le bsgom pa'i cho ga ste bco brgyad pa'o// //de nas bsam gtan gyi gnas su bde ba'i stan la 'dug ste/ sngags pas skad cig la rdo rje ra ba dang gur la sogs pa nas bdud kyi snying gar nyi ma'i dkyil 'khor gyi mthar bsgoms la/ de'i steng du hUM yig bsgom par bya'o/ /de nas 'od zer gyi phreng ba spros pas rnal 'byor ma'i dkyil 'khor gyi nam mkha'i ngos khyab pa de nyid du bsdu bar bya'o//de bsdus pa las byung ba'i bcom ldan 'das dpal he ru ka'i sngags gsungs pa'i mtshan nyid 'khor lo bzhis byin gyis brlabs pa'i sku kha dog lnga'i 'od zer gyi sgo las spros pa rnal 'byor ma'i dkyil 'khor gyi 'khor lo rnams de bzhin gshegs pa'i sprin gyis nam mkha'i ngos g.yogs par bdag nyid blta bar bya'o//de nas 'byung ba lngas bsdus pa nam mkha'i khams bsgom par bya zhing de'i rjes la rab tu zhugs shing / 'byung ba la dbang po lngas bsdus pa'i rgyal mtshan bsam par bya'o/ /de'i nor bu'i nang du chos kyi dbyings kyi bdag nyid nyi ma'i dkyil 'khor la gnas pa'i hUM yig bsgom par bya'o//de'i rjes la rig bya dang rig pa tha mi dad pa'i sbyor bas hUM yig dang de'i gdan tha mi dad par bstan par bya'o/ /de nas hUM yig gi rang gi gdan las nyi ma dang zla ba'i dkyil 'khor gyi rnam pa gzugs dang / sgra dang / dri dag ro dang / reg bya rim bzhin spros te/ nor bu'i bu gnas bton la pad+ma'i lte ba'i nang du dbus dang shar dang lho dang nub dang byang gi cha la dgod par bya'o//de nas rang nyid las a A i I u U'i sngags kyi yi ge'i rnam pa bdag med ma dang rdo rje ma dang / dkar mo dang / chu'i rnal 'byor ma dang / rdo rje mkha' 'gro ma rnams rim gyis spros te gdan la dgod par bya'o/ /de nas de bzhin gshegs pa lnga bdag med ma la sogs pa'i rnam pa mtha' yas pa rang gi rig pa dang lhan cig phyogs rnams su 'ongs te/rang gi sa bon la zhugs par blta bar bya'o/ /de ltar dkyil 'khor lnga'i bdag nyid ji srid 'dod par bsgoms la/ hUM gi gdan la a la sogs pa'i gdan dang / hUM yig la a yig la sogs pa bsdu bar bya'o/ de nas hUM yig las nag po dang dmar po dang / ser po dang ljang gu'i kha dog gri gug dang cang te'u dang / rus sbal dang / sbrul spros la/ pad+ma'i lte ba'i nang du dbus dang grwa gsum gyi cha la dgod par zhes bya ba rtog pa dang dpyod pa zhes bya ba bsam gtan dang po'o/ /de nas hUM yig nyid ga~M tsa~M ba~M g+ha~M ba~M sha~M la~M Da~M rnam par dag pa'i rang bzhin spros te/mtshan ma bzhi'i lte bar bkod pa dga' ba zhes bya ba bsam gtan gnyis pa'o/ /de nas sbrul gyi mgo bo'i dbus gaM la sogs pa las bsdus pa las byung ba dri ma med pa mu tig gi 'bras bu lta bu'i thig le phra mo blta bar bde ba chen po zhes bya ba bsam gtan gsum pa'o/ /de nas gri gug la sogs pa bzhi bsdus pa las byung ba sems kyi thig le bde ba'i thig le'i dbus su bsam pa ni sems rtse gcig ces bya ba bsam gtan bzhi pa'o//de nas gdan dang ldan pa'i hUM yig gdon te/ bde ba'i thig le'i dbus su yungs kar phra mo'i rin po che'i gong bu'i sbyor ba bskyed par bya'o/ /oM d+harma d+hA tu swa b+hA wa A t+ma kou0f85haM zhes bya bas byin gyis brlab par b ya'o//de nas rin po che de gyen du bteg ste/ sna'i rtse mor bkod la bsgom par bya'o/ /de nas rang gi snying ga'i thig le la rin po che phra mo phab la bsgom par bya'o/ /de'i rjes la hUM yig la bde ba chen po'i yi ge gzhug cing / longs spyod kyi yi ge yang gzhug par bya'o/ /de nas sprul pa'i yi ge gzhug cing / hUM yig de yang rin po che phra mo la gzhug par bya'o//rin po che phra mo de yang sku bzhi ro gcig pa gsang ba'i ngo bo/ bde ba chen po'i bdag nyid ji srid brtan pa de srid du blta bar bya'o/ /sems brtan par gyur pa yang mtshan ma las nye bar mtshon de rin po che chen po las mtshan ma spro bar bya'o/ /de la rin chen chen po rdo rje nor bur phab la/ de las byung ba 'od zer gyi thig le pad+ma'i nang gri gug phra mo sprul te/spros pa'i sbyor bas lus khyab par byas la/ de las byung bas nam mkha'i ngos g.yogs pa de blta bar bya'o/ /de bzhin du cang te'u dang / rus sbal dang / sbrul dang / seng ge dang / dge slong dang 'khor lo dang / rdo rje spro bar bya'o/ /de nas rin po che chen po de nyid las byung ba'i 'od zer gyi thig les mtshan ma brgyad po de nyid kyi dbus su bcom ldan 'das kyi mtshan ma dang /lhag ma ni phyogs mtshams su sprul la de snga ma bzhin spro bar bya'o/ /spros pa de rnams sna tshogs gcig tu gyur nas nam mkha'i ngos las khyab pa'i 'od zer gyi dkyil 'khor snying gar nyi ma gyen du bteg la rin chen phra mo'i dbus su bcom ldan 'das kyi gdan rnam par bsdus te ring du bsgom par bya'o//de ltar bsgoms pas rnal 'byor pa'i sngags snga mar gsungs pa'i yon tan dang / dngos grub mngon du byed par 'gyur ro/ /de dag ni dpal he ru ka'i man ngag las rnam pa sna tshogs pa sbyor ba bsgom pa'i cho ga ste bcu dgu pa'o// // de nas mnyam par gzhag pa'i sngags pas bde ba'i stan la 'dug ste/ sems la sems gzung ba bsgom par bya'o/ /sems las phyi rol du sems kyi gzung ba'i don du cung zad yod pa ma yin te/ gcig dang du ma'i rang bzhin dang bral ba'i phyir ro/ /gzung ba med pas de la ltos pa'i 'dzin pa'i sems kyang med do//de'i phyir gnyis med pa dngos po dang dngos po med pa dang bral ba la dmigs pa sna tshogs gnyis med pa/ stong pa rnam pa thams cad kyi mchog dang ldan pa'i mtshan nyid sems tsam rgyu'i dgyes pa rdo rje'i rang bzhin bsgom par bya'o/ /de nas de nyid bsgom par bya ste/ gang sngon po dang / ser po la sogs pa'i rnam pa de phyi dang nang gi dngos por med pa ste/gcig dang du ma'i rang bzhin dang bral ba'i phyir snga ma bzhin no/ /thog ma med pa nas ma rig pa'i bag chags kyi stobs kyis dkrugs pa/ byis pa rnams kyis blo med pa'i rnam pa de dang des 'ba' zhig pa snang ba'o/ /rnam pa de rgyu mtshan du byas/ dmigs par byas nas/ 'jig rten pa rnams gnyis su brtag pa dang / gnyis su gzung ba thams cad don med pa'i rgyur gyur pa 'jug pa/ ji srid 'di'i rnam par snang ba de srid don dam pa mthong ba ma yin te/ rab rib can gyis skra shad dang sbrang bu la sogs pas stong pa bzhin mthong ba rnams skra shad la sogs pas stong pa bzhin bsams la ming thams cad dang mtshan ma thams cad yongs su spang bar bya'o//de nas chos thams cad la dmigs te brjod du med cing snang ba med pa'i ting nge 'dzin la gnas nas sngar gyi sbyor ba'i bag chags kyi stobs las lhun gyis grub pa mngon par 'du byed pa med pa/ spros pa thams cad nub pa/ rtog pa med pa/ snang ba med pa/ chos thams cad kyi stong pa nyid mthong ba'i bdag nyid 'ba' zhig pa mtha' yas pa ston ka'i nyi ma dang nam mkha' lta bu/'jig rten las 'das pa'i ye shes/ don dam pa can byang chub kyi sems sgrib pa thams cad kyi gnyen po'i lam gyi mtshan nyid shes rab chen po dang snying rje chen po ro gcig pa dpal he ru ka'i rang bzhin bskyed par bya'o/ / gnyen po des kun gzhi rnam par shes pa la yod pa'i kun nas nyon mongs pa thams cad kyi sa bon gyi bag chags zad par byas pas/ gnas dang lus dang longs spyod du snang ba'i rnam par shes pa 'gog par byed do/ /de nas kun gzhi'i rnam par shes pa de yongs su spangs nas zag pa med pa'i dbyings kyi mtshan nyid chos kyi rang gi ngo bo 'bras bur gyur pas dpal he ru ka mngon du byed cing /de'i stobs kyis longs spyod rdzogs pa dang sprul pa'i sku yang mngon du byed do/ /yang bsgom pa 'dis bsgom pa thams cad rnam par dag pa'i ngo bo 'bad nas bsgoms na myur du mchog tu bde ba'i byang chub 'thob po/ /gal te bsgom pha 'dis myur du mchog gi bde ba yang dag par rdzogs pa'i byang chub thob na/gzhan he ru ka dang / rnal 'byor ma'i gzhal yas khang dang mtshan ma dang sa bon dang / zla ba phyed dang sgra tsam la sogs pa phyin ci log gi mtshan nyid ci dgos she na/ dgos pa yod de de 'di ltar gal te rnam par shes pa tsam bsgom par bya ba yin na 'jig rten pa'i ting nge 'dzin tsam thob ste/rnam shes mtha' yas skye mched bzhin no/ /de nas stong pa nyid rgya cher bsgom par bya ba yin na/ mya ngan las 'das pa tsam yin zhing yang dag par rdzogs pa'i byang chub ma yin te/ sangs rgyas kyi chos kyi yan lag med pa'i phyir ro/ /de nas yang lha dang sngags dang sa bon dang thig le dang sgra tsam gyi bdag nyid bsgom par bya ba yin no//de kho nas kyang sangs rgyas nyid ma yin te/ yan lag stong pa'i phyir ro/ /de nas yang lha rnams kyi de kho na nyid bsgom par bya ba yin na/ lha la sogs pa ma yin te/ de bzhin du yang bskal pa grangs med pa mang pos sangs rgyas nyid 'thob kyi myur bar ma yin no/ /de'i phyir gnyis ga bsgom pa yin na shin tu mdzes pa'i phyir dang /byin rlabs kyi khyad par las shin tu myur bar bla na med pa yang dag par rdzogs pa'i byang chub 'thob po/ /de'i phyir rnam pa dang bcas pa bsgoms nas rnam pa med pa bsgom par bya'o/ /gang gi phyir rnam pa med pa bsgoms nas ye shes kyi tshogs kyi ngo bo yin pa de'i phyir gtsor chos kyi sku 'thob po/ /rnam pa dang bcas pa bsgoms pas kyang bsod nams kyi tshogs kyi ngo bo//gtso bo ma yin pa'i longs spyod rdzogs pa dang / sprul pa'i sku 'thob bo/ /de ltar tshogs gnyis kyis sku gsum thob par byed pa'i bdag nyid byang chub thob par byed pa yin gyi gcig gis ni ma yin no/ /de'i phyir rdzogs pa'i byang chub thob pas gzhan gyi yid la byed pas gzhan gyi don la yid brtson pas 'bad de tshogs gnyis rdzogs par bya'o//de dag ni dpal he ru ka'i man ngag las rnam par dag pa bsgom pa'i cho ga ste nyi shu pa'o// //mkhas kyang rang gi blo mi rig /he ru ka dpal man ngag la/ /nga rgyal por nas de yi phyir/ /'bad pas de shes gus par bya//las ni mtha' dag por byas la/ /cho gas bla ma dam pa mchod/ /kun mkhyen ye shes ngo bo de/ /bla ma dgyes pas ster bar byed/ /man ngag rin chen thob pa las/ /rang byin brlabs nas rnal 'byor che/ /nges par dgyes pa 'di nyid de/ /bla ma dgyes la byang chub thob/ /de phyir bla ma nyid ni rgyal ba ste/ /'dir ni rdo rje 'dzin pa chos dbyings mchog /bla ma rnams kyis legs spyod las/ /dgyes par mi 'gyur ci yang med/ /gang 'dir las dang por byed pas/ /'dod pa'i lha la des mchod bya/ /sbyin sreg las dang tshes dang ni/ /gza' skar nges par byas la dbye/ /rnal 'byor yid mthar phyin pas ni/ /mchod bsgom bzlas pa nges pa med/ /tshes sbyor gza' skar dbye ba dang //phan par byed pa'i blo yang med/ /sbyor ba gang mchod bsam gtan te/ /de bzlas me yi mchod pa ste/ /de ni nges dang sbyor ba de/ /de nyid tshes sogs dbye ba'o/ /de phyir rnal 'byor mngon dga' bya/ /rgyun mi 'chad par bkur sti bya/ /bla ma'i zhabs kyi pad+ma la/ /gus pa chen po rtag tu bya/ /he ru ka dpal man ngag byas/ / gang zhig bdag dge las byung ba/ /man ngag rin chen rnyed pa des/ /'gro ba he ru kar 'gyur shog/ /dpal he ru ka'i man ngag ces bya ba rang byin gyis brlab pa rdzogs so// //bla ma'i man ngag rnyed pa de/ /'khrul bas 'jigs nas bdag 'dir bris/ /de la skyes bu yon tan can/ /sngags rig pas ni bzod par rigs/ /dpal 'jam dpal dbyangs kyis byin gyis brlabs pa mkhas pa chen po slob dpon dpal bzang po zhabs kyi pad+ma'i rdul la gus pa dpal ting nge 'dzin rdo rjes mdzad pa'o// //bal po'i paN+Di ta dang / bod kyi lo tsA ba dge slong shes rab ye shes dang / dpyal se tse bsod nams rgyal mtshan gyis bsgyur// //

CLOSE WINDOW