285b3 lo tsa ba shAkya'i dge slong nyi ma rgyal mtshan dpal bzang pos dpal thar pa gling gi gtsug lag khang chen por legs par bsgyur ba'o// @##/ /rgya gar skad du/ mr-i t+yu bi d+hi nA ma/ bod skad du/ gshin gyi cho ga zhes bya ba/ kyai'i rdo rje la phyag 'tshal lo/ /
285b4 gang zag gang phyir shi 'phos te/ kyai rdo rje'i lugs kyis bdun tshig byed par 'dod na/ gos la sogs pa'i rtags gcig la rten bya ba'am/ yang na ming shog bu la bri'o/ /maN+Dal dang mchod pa dang gtor ma yang gzhung ltar bsham mo/ /de nas rang lhag pa'i lhar
285b5 bsgoms la/ye shes kyi dkyil 'khor spyan drangs te/ mchod pa'i khyad par gyis mchod la/ bstod pas bstod de/ mkha' 'gro ma rnams la gtor ma bsngos la 'dod pa'i don la gsol ba gdab po/ /de nas rang gi snying ga'i sa bon gyi 'od zer gyis/ tshe 'phos
285b6 pa'i sems yi ge a thung gi gzugs su 'od zer gyi lcags kyus bkug nas/rten gang yin pa la bstim mo/ /rnam smin gyi lus gang yin pa der bsams la/ rang gi snying ga'i sa bon las 'od zer 'phros te/ bsgrub bya'i snying gar thim pas las dang nyon mongs
285b7 pa thams cad sbyangs te/lus shel lta bur bsam mo/ /de nas mkha' 'gro ma dang bcas pa'i ye shes kyi dkyil 'khor dang rig pa'i lha mo rnams kyi phyag na bsnams pa'i bum pa'i bdud rtsi'i chu rgyun gyis dbang bskur te/ bkrus pas/ bsgrub bya'i sgrib pa'i
286a1 bag chags thams cad byang bar bsam mo//de nas bzlas pa byas te/ bdag gi snying ga'i yi ge las bzlas pa'i yi ge'i phreng ba sbrul 'khyil ba'i tshul du bskor bar bsams la/ de'i phreng sngags gang yin pa bzlas pas sngags kyi phreng ba las 'od zer
286a2 'phros pas/bsgrub bya'i snying gar thim pas/ lus ngag yid gsum gyi sgrib pa'i dri ma thams cad byang bar bsam zhing bzlas par bya'o/ /de nas smon lam gdab cing dge ba'i rtsa bar bsgyur ro/ /de nas bsgrub bya'i shes pa a thung du ste/ yaM gi rlung gi dkyil 'khor gyis
286a3 bteg nas nam mkhar bzhugs pa'i gtso bo'i thugs kar thim par bsams te/gnas btang ba'o/ /gal te rten med par gyur na/ gang yin pa'i rnam smin gyi lus de nyid mngon sum dang 'dra bar bsams la mngon rtogs sngar bzhin bya'o/ /de ltar zhag bdun pa thams
286a4 cad la bya'o//gshin gyi cho ga zhes bya ba slob dpon chen po nag po zhabs kyis mdzad pa rdzogs so// //paN+Di ta chen po rgyal ba'i snyan las legs par mnyan te/ lo tsA ba shAkya'i dge slong nyi ma rgyal mtshan dpal bzang pos dpal thar pa gling gi gtsug lag khang chen
por legs par bsgyur ba'o/

CLOSE WINDOW