CLOSE WINDOW

D1256
བོད་ཡིག

/ @##/ /rgya gar skad du/ he badzra ho ma bid+hi/ bod skad du/ dgyes pa rdo rje'i sbyin sreg gi cho ga /dpal dgyes pa rdo rje la phyag 'tshal lo/ /dpal ldan dgyes pa'i rdo rje dang / /bdag med ma la phyag byas te/ /rdo rje slob dpon bka' drin gyis//sbyin sreg cho ga bshad par bya/ /bdag gzhan phan par 'dod pa yis/ /rnam rtog nga rgyal sogs spangs te/ /chos phyir 'brang ba'i blo yis ni/ /sbyin sreg cho ga mnyan par gyis/ /bla med nang dang phyi yi ste/ /sbyin sreg dbye ba rnam pa gsum/ /ye shes me la phung po sogs//bud shing bsreg pa bla med yin/ /kha zas bza' sogs nang gir bshad/ /phyi yi bsreg rdzas sbyin sreg ste/ /dkyil 'khor 'di ni lhag gnas dang / /sgrub pa'i dus su sbyin sreg bya/ /gsang sngags ma bzlas mi 'grub la/ /sbyin sreg ma byas 'bras mi 'byin/ /las rnams thams cad rab bsgrub phyir//brtson pas sbyin sreg las rnams bya/ /sdig pa gzhig phyir zhi ba ste/ /bsod nams yongs su spel rgyas yin/ /chags pa bsgom phyir dbang gyur te/ /rtog pa bsad phyir mngon spyod yin/ /nyon mongs sdig pa zhi byed cing / /ting nge 'dzin ni rgyas byed phyir//rang gi lha yi sbyor bas bdag /ci 'dod par ni sems kyis bya/ /de phyir thams cad bshad bya ste/ /thab dang rdzas kyi mtshan nyid dang / /sgrub pa po dang lha dag dang / /sgrub pa'i thabs dang rnam pa lnga/ /de la/ sbyin sreg spyi yi thabs bshad pa/ /sems can dbye ba mtha' yas pa//las kyi dbye bas bzhi ru 'gyur/ /rigs kyi dbye bas lnga ru ste/ /zhi ba kha dog dkar po ste/ /rgyas pa gser gyi mdog tu'o/ /dbang la kha dog dmar po'o/ /mngon spyod la ni nag po'o/ /dgug dang bskrad pa nag po'o/ /zhi ba la ni zlum po ste/ /rgyas pa la ni gru bzhi bya//mngon spyod la ni gru gsum mo/ /lhag ma der ni bsgrub par bya/ /rgya ru khru gang zabs su ni/ /mtho gang ba ni zhi ba yin/ /rgya ru khru do zabs su ni/ /khru gang pa ni rgyas pa'o/ /rgya ru sor mo nyi shu la/ /zabs su sor bcu mngon spyod do/ /dbang dang dgug pa de dang 'dra//zhi ba kha khyer sor bzhis bskor/ /rgyas pa la ni sor brgyad do/ /mngon spyod la ni sor gsum mo/ /dbang dang dgug la de bzhin no/ /zhi ba'i thab khung dbus su ni/ /rdo rje dang ni gri gug bri/ /kha khyer la yang rdo rjes bskor/ /rgyas pa'i thab la rin po che/ /kha khyer rin po che yis bskor//mngon spyod thab la ral gri ste/ /kha khyer la yang ral gris bskor/ /dbang dang dgug la lcags kyu'o/ /kha khyer la yang lcags kyus bskor/ /de 'dra'i thab khung kun la yang / /kha dog mthun pa'i dri yis byug /zhi ba shar gyi phyogs su bya/ / rgyas pa byang gi phyogs su bya/ /lho yi phyogs su mngon spyod do/ /nub kyi phyogs su dbang dang dgug /zhi ba sa gzhi dkar po ste/ /rgyas pa sa gzhi ser po'o/ /dbang ni sa gzhi dmar po la/ /mngon spyod sa gzhi nag po la/ /zhi ba phal cher srod la bya/ /rgyas pa snga dro bya bar bshad//dbang ni dgongs ka'i dus su'o/ /mngon spyod nam phyed nyin phyed bya/ /tshon gyis rjes mthun bri ba'am/ /yang na me tog dag kyang rung / /thab khung dag ni de ltar bya/ /rdzas rnams 'di ltar shes par bya/ /zhi ba mar dang til gyis so/ /rgyas pa la ni zho dang zan/ / dbang dang dgug la ut+pal/ /mngon spyod la ni tsher mas so/ /bskrad pa la yang tsher mas so/ /kun la mthun par 'di dag ste/ /bsang gtor dri dang byug pa dang / /me tog mar me lha bshos dang / /yam shing ku sha'i myu gu dang / /mar dang sbrang rtsi dUr ba dang / /gla gor zho sha dzA ti sogs//'bras bu rnam pa sna tshogs dang / /gzhan yang zhu ba'i rdzas rnams dang / /ma grugs 'bras dang gro dang 'bru/ /nas thug dang ni gro thug dang / /bdud rtsi lnga dang 'o ma dang / /mchod yon dang ni zhabs bsil dang / /mngon spyod la ni bsgrub bya yi/ /rkang rjes sa dang bshang ba gci//khrag dang mi rus phye ma dang / /dug dang ske tshe lan tshwa dang / /dpa' bo lnga dang khra yi sha//gzhan dag dgang gzar blugs gzar ro/ /mchod yon la sogs snod rnams so/ /yal ga'i rtse mo'i cha las byung / /bud shing zhi ba'i las la 'dod//yal ga'i dbus kyi cha las byung / /bud shing mngon spyod las la 'dod/ /mchod sbyin la sogs shing las byung / /yam shing sor ni bcu gnyis pa/ /des ni zhi ba'i las la shis/ /rgyas pa la ni khru gang ngo / /dbang dang dgug ni zhi dang 'dra/ /mngon spyod la ni sor bcu'o//zhi ba la ni mgon med dang / /bram ze tha mal pa yi me/ /rgyas pa la ni rgyal rigs sam/ /rje'u rigs las byung me yis bya/ /dbang dang dgug la smad pa dang / /lam du byung ba'i me yis bya'o/ /mngon spyod la ni gdol pa'am/ /rdo las byung ba'i mi yis bya'o//dgang gzar blugs gzar yu ba khru/ /'og tu rdo rje rin chen bya/ /de steng dgang gzar rgyar sor bzhi/ /mchu ni pad+ma 'dab ma'i dbyibs/ /blugs gzar pad+ma'i dbyibs sor gnyis/ /kha la rdo rjes mtshan pa'o/ /kha dog khyad par las kyi rim/ /rjes su mthun par dbul bar bya'o//slob dpon dag gam sgrub pa po/ /mtshan nyid ma chad yang dag ldan/ /sbyin sreg las la mkhas pa yis/ /brtse bas sbyin sreg las rnams bya/ /'di ni lha ni rnam gsum ste/ /bsreg bya len dang las byed dang / /mchod par bya ba'i me lha ste/ / mtshan nyid 'og nas shes par bya/ /thab ni 'di ltar shes par bya/ /de nas sgrub pa po de yis/ /khrus la sogs pa sngar byas te/ /sbyin sreg khang par legs 'dug la/ /las dang rjes su mthun pa yi/ /lha yi rnal 'byor bsgom par bya/ /de nas bsang gtor snod la ni//gsang sngags 'di dag brjod par bya/ /oM rak+Sha rak+Sha hUM hUM hUM phaT/ 'di yis rdzas rnams bsrung bar bya/ /de nas mchod yon la sogs la/ /rang rang gsang sngags bzlas pa'am/ /yang na 'di dag bzlas brjod bya/ /oM AHhUM/ thams cad dag par mos byas te//gong nas bshad pa'i me blangs la/ /de la rak+Shas bsang gtor bya/ /thab khung bsang zhing me bcug la/ /rlung yab kyis ni sbar bar bya/ /oM a he ru ka badzra dz+wa la dz+wa la raM hUM/ de nas bgegs ni bcing ba'i phyir/ /sngags ni 'di dag brjod nas su/ / shar dang lho dang nub dang byang / /de bcings steng du'ang bcing bar bya/ /oM sar+b+ba bi g+h+na na hUM phaT/ stong pa nyid du byed pa yi/ /rgyal ba'i sngags 'di brjod par bya/ /oM shU n+ya tA dz+nyA na badzra swa b+hA ba At+ma kou0f85haM/ stong par ra~M skyes hUM dngos las/ /sna tshogs rdo rje bsam bya zhing / / 'gro ba'i bdud rnams zhi byed pa/ /hUM las 'od zer spro bar bya/ /gsang sngags 'di dag brjod par bya/ /oM rak+Sha rak+Sha hUM hUM hUM phaT/ de las rdo rjes bskor ba'i gur/ /ra ba yang ni bskor bar bya/ /rdo rje sa dang nam mkha'i dbyings/ /yaM raM baM laM/ 'byung ba'i dkyil 'khor bzhi dang ni//b+hUM gyi dkyil 'khor las byung ba'i/ /gzhal yas khang ni bsam par bya/ /de dbus hU~M las byung ba yi/ /thab khung dag ni bsam par bya/ /der ni raM las byung ba yi/ /me ni gru gsum 'bar ba'o/ /der ni baM las pad+ma bsam/ /mngon par byang chub lnga yis ni//rdo rje sems dpa' bskyed par bya/ /'dod chags chen po'i tshul gyis ni/ /rdo rje sems dpa' yongs gyur pas/ /raM las byung ba'i me lha bsam/ /zhi ba'i me lha b+ha ga me/ /rgyas pa la ni dbang chen me/ /dbang dang dgug la 'dod pa'i me/ /mngon spyod la ni gsod pa'i me//zhal gsum phyag ni drug pa la/ /dang pos rig ma yang dag 'khyud/ /kha dog phyag rgya las kyi rigs/ /ji ltar 'bar ba bsam par bya/ /de nas thugs ka'i 'od zer gyis/ /ye shes me lha spyan drangs nas/ /dam tshig me lhar bstim par bya//gau rI la sogs bzhi po yis/ /dgug gzhug bcing la dbang du bya/ /mig dang sku gzugs byin gyis brlabs/ /thugs ka'i sa bon 'od zer gyis/ /phyogs bcu mgon po bskul nas ni/ /dbang bskur ba ni blang bar bya/ /zhi ba'i me lha rnam snang mdzad/ / rgyas pa la ni rin chen 'byung / /dbang dang dgug la 'od dpag med/ /mngon spyod la ni mi bskyod pa/ /dbu rgyan la ni bsam pa yin/ /mchod yon bsang gtor zhabs bsil dbul/ /de nas me lha'i lce dang ni/ /dgang gzar blugs gzar nang du ni/ / yi ge raM ni rnam dgod do/ /dgang blugs bdun nam gsum mam gcig /me lha'i sngags kyis dbul bar bya/ /de nas legs par me de la/ /'bar ba'i mtshan ma brtag par bya/ /ngan pa spang bar bya ba'o/ /de nas mchod pa'i yan lag kun/ /bsang gtor gyis ni bsang byas nas//mchod pa kun gyis rab tu mchod/ /oM AH hUM rak+Sha rak+Sha hUM hUM hUM phaT/ bsang gtor gyi sngags so/ /oM AHbadzra ra le hUM/ /mchod yon gyi sngags so/ /oM AHni ri ti hU~M/ zhabs bsil gyi sngags so/ /oM AH badzra d+hu p+pe hUM/ bdug pa'i'o/ /oM AH badzra pu Sh+pe hUM swA hA/me tog gi'o/ /oM AHbadzra A lo ke hUM swA hA/ mar me'i 'o/ /oM AH badzra g+ha n+d+he hUM swA hA/ dri'i'o/ /oM a kA ro mu khaM sar+b+ba d+harmA NAM A d+ya nu t+pan na twA ta oM AHhUM phaT swA hA/ bshos kyi'o/ /oM sarba pA paM ha na da ha hUM/ 'di zhes bya ba'i sar+b+ba pA paM da ha na badzrA swA hA/til gyi'o/ /oM sar+b+ba saM ba de swA hA/ zho zan gyi'o/ /oM badzra yA dz+nyA ya swA hA/ ya ma shing gi'o/ /oM bo d+hi br-i k+ShA ya swA hA/ byang chub kyi shing gi'o/ /oM badzra puSh+Ta ye swA hA/ 'bras kyi'o/ /oM badzra g+ha sma rI ya swA hA/ gro dbul lo/ /oM ma hA pe ga ya swA hA/nas kyi'o/ /oM badzra bi dzA ya swA hA/ 'bru dbul lo/ /oM ma hA ba lA ya swA hA/ ma sha'i'o/ /oM badzra A yu She swA hA/ dUr ba'i'o/ /oM a pra ti ha ta badzrA ya swA hA/ ku sha'i'o/ /oM ma hA shA d+ha ye swA hA/ sta rga dang / gla gor zho sha dang / dzA ti pha la rnams kyi'o//gzhan yang zhu ba'i rdzas rnams ni lha'i sngags kyis dbul bar bya'o/ /oM badzra A na la ma hA b+hU ta dz+wA la sar+b+ba b+ha smi ku ru dr-i sh+ya ho dzaHhUM baM hoHsa ma ya ho/ /sa ma ya staM au0f85haM/ mthar yang mar gyi dgang blugs dbul/ /bsang gtor zhabs b sil phul nas kyang //bstod pa 'di yis bstod par bya/ /'jig rten dbang phyug tshangs dbang mchog gi sras/ /me lha'i rgyal po Tak+kis dbang bskur ba'i/ /shes rab mchog gis nyon mongs thams cad bsreg /'jigs byed me lha nyid la rnam par 'dud/ /oM sarba ta thA ga ta stu ti badzra [(]swA [,]swa [)]b+hA ba At+ma kou0f85haM/de nas bdud rtsi dbul bar bya'o/ /oM sar+b+ba ta thA ga ta a mr-i ta swa da badzra swa b+hA ba At+ma kou0f85haM/ de nas me lha'i thugs kar ni/ /dkyil 'khor lha rnams bsam par bya/ /de nas thugs ka'i 'od zer gyis/ /ye shes dkyil 'khor spyan drangs l a//gau rI la sogs bzhi po yis/ /dgug gzhug bcings la dbang du bya/ /de nas sngags dang bsrung ba bya/ /mchod yon zhabs bsil dbul bar bya/ /mig dang sku gzugs byin brlabs la/ /dbang bskur ba ni blang bar bya/ /oM sarba ta thA ga ta a b+hi She ka badzra swa b+hA ba At+ma kou0f85ho//de nas rdzas rnams bsang bya ste/ /mchod pa rnams kyis yang dag mchod/ /khyad par gsungs pa'i rdzas rnams ni/ /ji ltar nus rjes dbul bar bya/ /las rnams yang dag bsgrub pa'i phyir/ /zhi dang rgyas dang dbang dang drag /sngags kyi mjug tu 'di gdags so/ / shAn+tiM ku ru swA hA/ puSh+Ti ku ru oM/ ba shaM ku ru hoHmA ra ya phaT/ lha rnams gzi byin bskyed pa'i phyir/ /mar gyis dgang ba'i dgang blugs dbul/ /mchod yon bsang gtor phul nas ni/ /bstod pa dag ni 'di dag bya/ /de nas bdud rtsi myang bya ste/ /bzod par gsol te gshegs su gsol//dam tshig lha rnams thugs kar bsdu/ /de nas bar chod zhi bya'i phyir/ /phyogs skyong la sogs mgron rnams la/ /oM a kA ro mu khaM sar+b+ba d+harmA NAM/ A d+ya nu t+pan na twA ta/ oM AH hUM phaT/ sngags 'di yis ni byin gyis brlabs/ /rang rang sngags kyis gtor ma dbul//de nas ye shes me lha la/ /mchod pa dbul zhing bstod pa bya/ /gshegs dang bdud rtsi myang ba bya/ /bsang gtor 'thor 'thung phul nas su/ /bzod pa gsol te gshegs su gsol/ /bdag gi don dang gzhan gyi don/ /byas zin byin za gshegs su gsol//thugs ni brtse bar dgongs nas kyang / /slar yang gshegs par mdzad du gsol/ /dam tshig me lha 'bar bar bstim/ /dge ba'i rtsa ba bsngo bya ste/ /rang lha'i nga rgyal dang ldan pas/ /ji lta bar ni gnas par bya'o/ /mkha' la char pa 'bab pa yis/ / rdo yi steng du rtswa skyes ltar/ /bla ma rnams kyi byin rlabs kyis/ /rtog ge bdag 'dra'ang bshad par mos/ /bdag ni shes rab mi gsal zhing / /rgyud sogs don la dman gyur pas/ /gzhung rgyas rjes su mi mthun pa/ /rgyal sras rnams kyis bzod par gsol/ /bcom ldan dgyes pa rdo rje yi//sbyin sreg cho ga bshad pa 'di'i/ /dge ba bdag gis gang thob pa/ /des ni 'gro ba ma lus pa/ /dgyes pa rdo rje myur thob shog /dpal dgyes pa rdo rje'i sbyin sreg gi cho ga slob dpon nag pos mdzad pa rdzogs so// //rgya gar gyi mkhan po ga ya d+ha ra dang /

CLOSE WINDOW