CLOSE WINDOW

D1251
བོད་ཡིག

/ //zhal gcig phyag gnyis pa'i sgrub thabs rdzogs so// @##/ /rgya gar skad du/ rat+na dzA la sA d+ha rna nA ma/ bod skad du/ rin chen 'bar ba zhes bya ba'i sgrub pa'i thabs/ dpal rdo rje mkha' 'gro ma la phyag 'tshal lo//rtog pas brtags pa'i gnas don ji snyed la/ /khyab par bzhugs nas de dag sdud mdzad pa/ /shes rab thabs gnyis dga' bzhi thig le bzhi/ /sku bzhi spros pas 'gro don mdzad 'dud/ /ha cang rgyas dang ha cang bsdus pa yis/ /'jigs pa bdag dang de 'dra rnams kyi phyir//kye yi rdo rje'i bya ba'i rim pa'i lam/ /rin chen 'bar ba zhes bya'i sgrub thabs brtsam/ /rnal 'byor pa gang nyan thos dang / /byang chub sngags spyod rim par gus/ /dal zhing zab la rig kun mkhas/ /sngags rgyud sbyor bas bde byed cing / /rdo rje dril bu'i ye shes dang //lha dang dkyil 'khor sbyin sreg dang / /sngags dang rdul tshon gtor ma dang / /dbang bskur de nyid bcu rig pas/ /dur khrod chu 'gram shing gcig dang / /ri dang tshang tshing bya skyibs sogs/ /me tog 'bras bu sogs rgyan par/ /bdud rtsi lnga dang dris byugs nas/ / sgrub pa'i sngon du bsnyen pa bya/ /de med na ni 'grub mi 'gyur/ /las kyi cho ga gang dag la/ /nye bar bsnyen pas 'grub 'gyur ba'o/ /dngos dang dngos bral kun ngo bo/ /kye yi rdo rje 'khor bcas la/ /mchod gtor ldan par thun bzhir bsgom/ /thun mtshams bzlas pa 'bum mam khre//yang na mtshan bzang mthong ba ste/ /tshogs 'phel bgegs zhi don grub pa'o/ /dpal kye'i rdo rje'i bya ba'i rim pa'i lam las bsnyen pa'i bya ba ste dang pa'o// //mkhas pas grong dang grong khyer dang / /ri bo 'am sa phyogs nyams dga' ba'am/ /me tog tshal dang dben gnas dang //rgyal sras khyim mam dkyil 'khor sar/ /dkyil 'khor mchog 'di bri ba'i phyir/ /dang por sa ni legs par brtag /chu ni g.yas 'khor shar dang byang / /dma' ba dkar sogs gru bzhi sogs/ /brkos nas slar bkang lhag gyur pa/ /khru phyed brkos nas chu yis dgang //gom pa brgyar ni 'gro bar bya/ /myur 'ongs de ltar nyid nas bsngags/ /u dum+WA ra n+ya gro d+ha/ /a shwa d+tha dang pA la sha/ ba ku la dang a rdzu nar/ /bcas pa rus sbal rgyab 'dra spang / /rang bdag sbyor bas gtor ma sbyin/ /de nas sa ni bslang bar bya//sa phyogs 'dir bdag che ge mo/ /dkyil 'khor rgyal po kye rdo rje/ /bzhengs kyis 'di na gnas pa'i bgegs/ /'di nas gzhan du 'gro bar gyis/ /dgun zlar ba sogs brtsams te/ /zla ba gsum lto 'phye'i mgo/ /lho dang nub dang shar/ /bltas te g.yon pa'i zur gyis nyal//pus mo lte ba rked tsam du/ /dngos grub rjes mthun lto nas brko/ /phub ma gseg ma rdo ba dang / /shing bu sol ba la sogs dor/ /rin chen 'bru sman nang du gzhug /de nas shin tu 'thas par brdung / /gal te de ltar ma nus na/ /mkhar bsams lag mnan sngags 'di bzla//oM ha na ha na kro d+ha hU~M phaT/ oM b+hu khaM hU~M/ /sa nam mkhar byin gyis brlab pa'o/ /mchod dang gtor mar ldan par ni/ /rim bzhin bsgoms te mtshan ma brtag /bkra mi shis na spong ba 'am/ /drag po'i sbyin sreg zhi ba'ang bya/ / de nas srung ba'i 'khor lo yis/ /bgegs dgra tshar bcad bsrung bar bya/ /rdo rje ra ba bla re gur/ /hU~M las gsal bar bsgom par bya/ /der ni 'khor lo ser po 'bar/ /rtsibs bcu b+hU~M las bsgom par bya/ /der ni hU~M bcu'i sbyor ba las/ /khro bo bcu ni rim par dgod/ gshin rje mthar byed shes rab mthar/ /pad+ma mthar byed bgegs mthar byed/ /Tak+ki khro bo dbyug pa bzhin/ /stobs chen mi g.yo mgon po dang / /gtsug tor gdugs ni dkar po dang / /rdo rje zhabs 'og gnas pa'o/ /rdo rje khro bo skyes bu che/ /thams cad zhal gcig phyag gnyis pa//snying gar g.yon pa'i khu tshur mdzub/ /g.yas na rang gi mtshon cha 'chang / /gshin rje gsod pa'i dbyig tho ste/ /gzhan gyis mi thub rdo rje dbyig /rta mgrin la ni dbang mchog dmar/ /mi phyed bdud rtsi thab sbyor la'o/ /Dak+ki rgyal po lcags kyu ste//dbyig sngon can la rang gi ming / /stobs kyi rgyal po rtse gsum pa/ /mi g.yo mgon po rdo rje ste/ /tsha skyob dkar po rgyal po yi/ /chos kyi 'khor lo rnam par bsgom/ /gtun shing rdo rje rkang 'og la'o/ /zhabs g.yon brkyang bas gnas ba'o/ /dbang po sngon po'i rnam pa ltar//mthar byed rnam par bsgom par bya/ /gzhan gyis mi thub rdo rje ni/ /'jigs byed zla ba'i nor bu 'dra/ /pad+ma'i khro bo dmar po che/ /rdo rje bdud rtsi bdag nyid gnag /mtshams kyi khro bo cher gnag cing / /spyi bor rdo rje 'chang ba 'dzin/ /gshin rje rnam snang nyid kyis te//rdo rje sems dpa' dbyig pa can/ /pad+ma'i khro bo rnams gzigs rjes/ /rdo rje sems dpas thal sbyor la'o/ /rdo rje dkyil 'khor dbus gnas par/ /rdo rje nyi ma bsgom par bya/ /'og du pad+ma'i gdan bsams nas/ /khro bo bcu rnams bsgom par bya/ / srung ba'i 'khor lo gzi brjid che/ /bskal pa'i me lta 'bar ba ste/ /'khor zhing rab tu mi g.yo bar/ /dpag tshad brgya yi tshad tsam mo/ /oM ra k+Sha ra k+Sha hU~M hU~M hU~M phaT swA hA/ /dpal kye'i rdo rje'i bya ba'i rim pa'i lam las sa'i cho ga'i bya ba ste gnyis pa'o// //blo ldan 'khor lo'i sa dbus su//legs ldan sngon 'gro nas brtsams te/ /mchog bstod par gyi sbyor ldan pas/ /sangs rgyas rnams la gsol ba gdab/ /ma lus phyogs bcu na bzhugs pa'i/ /mgon po bdag la dgongs su gsol/ /rdo rje 'chang chen che ge mo/ // bdag ni kyai yi rdo rje yi/ /dkyil 'khor mchog 'di 'bri bar byed/ bdag gi bsgrub bya bsgrub pa'i phyir/ /mthu chen ldan pa khyed rnams kyis/ /dkyil 'khor byin gyis brlab tu gsol/ /dpa' bo rdo rje dril 'dzin la/ /slob ma 'am 'khor sprul gsol ba gdab/ /de bzhin gshegs pa kun zhi ba//de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan min thams cad yang dag spangs/ /kun du bzang po sku yi mchog /dkyil 'khor dam pa bshad du gsol//zhi ba chos mchog las byung ba/ /ye shes spyod pa rnam spyod mdzad/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun du bzang po thugs kyi mchog/ /dkyil 'khor dam pa bshad du gsol//langs te mkha' bzhugs rgyal phyag bya/ /sangs rgyas kun sbyor nga rgyal bskyed/ /sangs rgyas rdo rje sems dpa' bdag/ /rdo rje nyi ma'ang bdag nyid de/ don yod rdo rje chos bdag nyid/ /sangs rgyas kun gyi bdag nyid yin/ /de nas kye rdor khros bltas nas//'khor lo mkha' la gdegs par bya/ /yi ge ma Tas nyi zla'i mig phyir/dus thams cad sbar ba dang / /blo ldan 'gro la bltas nas ni/ /'khor lo'i sa ni yongs su bskor/ /rkang 'og rdo rje 'bar ba dang / /rdo rje gsor bar shin tu brtson/ /rol pa'i rdo rje 'gros kyi gar/ / mche ba gtsigs bcas hU~M sgrogs pas/ /me tog snyim pa'i sbyor bas bya/ /spos la yal ga'i sbyor ba nyid/ /mar me mthe bong brtan par bya/ /byug pa de yi rnam pa yang / /lag pas mig dang de bzhin rna/ /rkang pa zur gyi g.yas phyogs su/ /pheg rdob pa yi sbyor bas bya/ / de bzhin du yang g.yon du bskor/ /rgyun gyi gar byas de 'og tu/ /bskyod pa'i gar byas de yi rjes/ /myur bskor de bzhin gar byas te/ /'khor lo bzhin du 'khor bar bya/ /g.yas brkyang ba dang g.yon brkyang ba/ /mnyam pa'i rkang stabs dang / rdo rje'i rkang stabs dang / dkyil 'khor dang / sna tshogs thams cad dang / rus sbal gyi rkang stabs dang / bung ba'i dra ba dang / rgya mtsho bskyod pa dang / ri bo'i mchog dang / mdzes pa'i gom pa dang / khro bo'i gom pa ste rkang stabs kyi bkod pa'o/ /ral gri lugs dang / 'khor lo'i tshul dang /rin po che'i tshul dang / pad+ma'i lag pa dang / ral gri'i lag pa dang / mdung gi tshul dang / gzhu'i tshul dang / dbyig pa'i tshul dang / dbyig tho'i tshul dang / gtun shing gi tshul dang / rdo rje rtse gcig pa'i tshul dang / kha bcu pa'i tshul dang / ral gri bu mo'i tshul dang / sna tshogs dbyig pa'i tshul dang /mdung gi tshul dang / gong bu skyong ba'i tshul dang / 'phan gnyis pa dang / 'phan gsum pa dang / me tog gi tshul dang / bdug spos kyi tshul dang / mar me'i tshul dang / dri'i tshul dang / lA s+ye'i lag pa dang / phreng ba'i lag pa dang / glu'i lag pa dang / gar gyi lag pa dang /gling bu'i lag pa dang / pi wang gi lag pa dang / rdza rnga'i lag pa dang / ku mu ta'i lag pa ste/ lag pa'i bkod pa'o/ /rdo rje'i skyil krung dang / sems dpa'i skyil krung dang / pad+ma'i 'dug stangs dang / bzang po'i 'dug stangs dang / skyil krung phyed pa dang / bkra shis kyi 'dug stangs te/'dug stangs kyi dgod pa'o/ /sgeg pa'i ro dang / dpa' bo'i ro dang / mi sdug pa'i ro dang / rgod pa'i ro dang / drag po'i ro dang / 'jigs su rung ba'i ro dang / zhi ba'i ro dang / rngam pa'i ro dang / snying rje'i ro dang / drug gis rjes su bskyed pa'i glu dang / drang srong gi rjes kyi glu dang /dri za'i rjes kyi glu dang / bar ma'i rjes [(]gyi [,]kyi [)]glu dang / lnga pa'i rjes kyi glu dang / blo gsal gyi rjes kyi glu dang / 'khor nyan pa'i glu'o/ /nyung ngu'i dbye ba dang / sgrol ba'i dbye ba dang / 'jigs pa'i dbye ba dang / gang ba dang / dbye ba phyed phyi ba dang / rnam par 'dre ba dang /'dod chags gnyis mtshungs par byed pa dang / dkyus gsum len par byed pa dang / lkog ma nyed pa dang / rkan nyed pa dang / lce nyed pa dang / so nyed pa ste glu'i dgod pa'o/ /sa gzhi yongs bzung dus su yang / /dam tshig 'di ni rab bskul ba/ ye shes rdo rje can gyis bya//'di ni dam tshig rim pa mchog /lus ngag sems la gnas pa yi/ /bgegs kyi tshogs rnams thams cad nyon/ /nga ni snying rje'i stobs dpal ldan/ /srung ba'i 'khor lo sbyor ba po/ /rdo rje yis ni gsal ba'i lus/ /sku gsum las ni skyes pa spro/ /gal te las la 'da' byed na/'jig par 'di la the tshom med/ /lus srul po dang kha cig gang / /bde chen ye shes 'byung ba dang / /rdo rje sems dpa'i rang bzhin skyes/ /zur cig bgegs ni chen po rnams/ /na maHsa man+ta bud+d+he b+h+yon mo badzra khro d+hA ya/ ma hA daM Sh+To ta ka Ta b+hai ra wA badzra san+do ha da rbA ya/a mr-i ta kuN+Da li hU~M phaT ces bya ba'am/ na maHsa man+ta kA ya bA ka tsi t+ta badzra na ma/ na mo badzra kro d+hA ya/ ma hA daM Sh+To ta ka ra b+hai ra bA ya/ a si mu sa la/ pa ra shu sha gr-i hi ta ha stA ya/ oM a mr-i ta ku N+Da li/ kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gardza gardza/ bi s+pho Ta ya bi s+pho Ta ya/sarba badzra bi g+h+naM/ bi nA ya kA na/ ma hA ga Na pa ti/ dzi pi ta a n+ta ka rA ya/ hU~M hU~M phaT phaT ces brjod par bya'o/ /de ltar sa ni yongs bzung la/ bgegs med phyir ni phyur bu gdab/ /stong du bgegs 'joms khro bo la/ smad du rtse gcig bsams nas gdab/ / oM sum+b+ha ni sum+b+ha hU~M/ gr-ih+Na gr-ih+Na hU~M/ gr-ih+NA ba ya gr-i h+NA pa ya hU~M/ A na ya ho b+ha ga wA na/ bid+yA rA dzA hU~M phaT/ oM g+ha g+ha/ g+hA ta ya g+hA ta ya/ sarba du Sh+TaM phaT/ kI la ya kI la ya sarba pA paM phaT/ hU~M hU~M hU~M badzra kI la ya phaT/ badzra d+ha rod A dz+nyA pa ya ti kA ya bA ka tsi t+tA badzra naM kI la hU~M phaT/ bgegs med sa ni phyogs bcings nas/ /de nas lhag par gnas par bya/ /mchod gtor rgya chen bshams nas kyang / /dkyil 'khor dbus su dris byugs nas/ /lha mo bskyed de mchod byas la/ /lhag par gnas te gshegs su gsol/ /kye yi rdo rje khros mchod pa'i/ /ma ma rin chen sna tshogs 'dzin//lha mo khyod ni dbang du gyur/ /che ge mo bdag dkyil 'khor 'dri/ /lha yi gnas su nges pa der/ /ba yi lnga dang dri zhim sogs/ /sa byugs me tog tshom bu dgram/ /mkhas pas lha yi gnas de la/ /dkyil 'khor rang sngags yi ges sprul/ / spyan drangs mchod bstod bar du bya/ /de nas slob ldan pus btsugs te/ /lag par spos thogs gsol ba gdab/ /bcom ldan kye yi rdo rje mchog /rdo rje 'dzin rgyal phyag 'tshal lo/ /slob ma rnams la brtse ba dang / /khyed rnams la yang mchod pa'i phyir//thugs rje'i bdag nyid can rnams kyis/ /dkyil 'khor bdag ni 'dri bar bgyid/ /bcom ldan bdag ni gus pa la/ /de ni gnang ba mdzad pa'i rigs/ /sangs rgyas 'gro 'khor bya don stsol/ /byang chub sems dpa' 'bras gnas dang / /gang gzhan gsang sngags lha rnams dang //'jig rten skyong ba'i lha rnams dang / /gang yang 'byung po mthu can dang / /gang su lha yi spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yis/ /kye yi rdo rje'i dkyil 'khor ni/ /'gro ba dag par bya ba'i phyir//yo byad ci 'byor bas 'dri na/ /deng bdag slob mar bcas pa la/ /thugs ni brtse bar dgongs nas su/ /dkyil 'khor du ni tshogs pa kun/ /byin gyis brlab pa mdzad du gsol/ /de ltar lan gsum gsol btab nas/ /bum pa lhag par gnas par bya//bum pa nag po ra ri med/ /mgrin pa ring ba lto che ba/ dkar pos byugs te mtshan mas gdab/ /kha rnams yal ga gos rgyan du/ /til dang gro dang sran ma dang / /nas dang 'bras ni 'bru lnga'o/ /ha sa de ba ka pi re/ /kri ta dzaM li bri ha pa la/ /kani ka ni sman lnga yin//gser dngul mu tig byu ru dang / /nor bu rin chen lnga/ /mar dang 'o ma sbrang rtsi mngar/ /lan tshwa spos dang dri bzangs gzhug /hU~M bdun bzlas pa'i srad bu dkar/ /me tog phreng btags rdo rje ni/ /dri chur bcug pa steng du gzhag /bum par lha bskyed mchod nas ni//phreng ba'i mgo nas lag bzung la/ /nyin re bzhin du thun gsum du/ /gtor ma byin zhing bzlas par bya/ /de nas bum pa so sor gzhag /las kun byed pa byang shar du'o/ /slob ma yan lag kun rdzogs shing / /shin tu dul dang spyod pa zhi/ /chos gsum la ni mngon dga' zhing //theg pa che la dga' ba'i blo/ /sngags dang rgyud la sbyor ba dang / /bzo sogs thams cad rtog 'dod cing / /sbyor dang bsam gtan dga' ba dang / /nyan dang klog la brtson pa dang / /rtag tu bla ma gus 'dod dang / /sbyin pa la sogs dge la dga'/ /de bzhin 'dod la mi dga' ba//longs spyod la ni mi gnas pa/ /nga rgyal khro ba med pa gzung / /gang zhig tshul khrims 'tshal ba dang / /slob dpon dang ni rgan pa'i lha/ /sems can kun la smod pa dang / /ngan pa'i bdag nyid gdug sems dang / /rtag tu sdig pa'i blo ngan dang / /tshig rkyal ngag rtsub smra ba rnams//'di dag 'dra ba spang bar bya/ /gal te bde gshegs dgongs pa ni/ /sgrub pa don gnyer brtson ldan na/ /gzugs ngan yon tan med pa 'am/ /dman pa 'am lhag gnas bya bar rigs/ /ston pas de la 'di skad brjod/ /tshe 'di'i 'bras bu 'dod mi bya//tshe 'di 'dod par gyur pa la/ /'jig rten pha rol don mi 'gyur/ /'jig rten pha rol don gnyer skyes/ /'jig rten 'di yi 'bras bu rgyas/ /de phyir 'bras bu mchog 'dod bya/ /de skad brjod nas slob ma de/ /rtag par bsams la gsol ba gdab//dga' chen khyod bdag ston pa pas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /byang chub sems kyang bdag la stsol/ /sangs rgyas chos dang dge 'dun te//skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de skad lan gsum brjod par bya/ /de nas dpa' bos slob ma yi/ /yon tan dmigs byas tshig 'di brjod/ /khyod ni tshul chen snod yin te//bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams/ /'gro la phan phyir bzhugs pa rnams/ / de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags spyod pa mnyam med de/ /shAkya seng ge skyob pa yi/ /bdud sde shin tu mi bzad pa/ /dpung chen dag kyang de yis bcom//de bas kun mkhyen thob bya'i phyir/ /bu yis blo gros 'di gyis shig/ /de ltar slob ma la gdams nas/ /'di skad ces kyang brjod du gzhug /bdag gis thog ma med dus nas/ /log rtog dbang gis sdig bgyis pas/ /thugs rje'i mnga' bdag khyed rnams kyi/ / spyan sngar bshags bgyid slan chad sdom/ /rgyal dang de yi sras rnams dang / /'gro ba'i bsod nams ma lus pa/ /de la yang dag yi rang zhing / /byang chub dam par bsngo bar bgyi/ /gang dang gang gis 'dul 'gyur ba/ /de dang de yi skur ston pa/ /sna tshogs gzugs nor ji lta bu'i//rdzogs sangs rgyas la skyabs su mchi/ /kun rtog ma lus dag gyur pa/ /rang rig yang dag ye shes bskyed/ /lhan cig skyes dga'i ngo bo nyid/ /dam pa'i chos la 'ang skyabs su mchi/ /go rims ji bzhin dbang bskur thob/ /ma log lam 'di nges gnas dang / / sras mchog 'khor 'dus tshogs mchog la/ /rtag tu bdag ni skyabs su mchi/ /yang dag ye shes me bo che/ /gti mug mun pa bsal ba dang / /sgrib pa ma lus sbyang ba'i phyir/ /byang chub mchog tu sems bskyed do/ /rgyal sras dpa' bo rnams kyi lam/ /spyod pa dpag yas gang yin dang //ma bcos ji bzhin gnas lam la/ /da ni yang dag gnas par bgyi/ /de nas bla mas byang chub sems/ /ma skyes pa ni bskyed par bya/ /bskyed pa slar yang dran du gzhug /las kun byed pas bsrungs nas ni/ /snying ga lkog ma spyi bo ru/ /rdo rje pad+ma 'khor lo dag /hU~M AH oM las de dag dgod/ /spos chu rdo rje khu tshur dag/ /snying ga lkog ma spyi bor gtug /de bzhin hU~M AH oM brjod bya/ /oM AHhU~M brjod/ /me tog la sogs rim bzhin byin/ /spyi bor me tog mdun du spos/ /mar me dri ni snying ga ru/ /kun byed bzlas nas gus pa yi//slob ma rnams la sbyin par bya/ /a shwa ta u dum bA ra yi/ /so shing sor ni bcu gnyis pa/ /ma yo ma gas srog chags med/ /rtse mo me tog bcas pa byin/ /shar ram byang du kha bltas gzhag /bcas nas ltos pa med par ni/ /ba ko tsam tu byugs par dor//zhi ba la sogs dngos grub bstan/ /'thor 'thung skyor chu lan gsum blud/ /oM A dzi hwa saM bar+d+ha ni hU~X phaT/ so shing la bzlas pa'i sngags so/ /oM hrI bi shud+d+ha sarba d+ha rmA sarba pA paM ni Sh+tsa s+ye sho d+ha ya sarba bi ka lpa na a pa na ya hU~M/ 'thor 'thung blud pa'i sngags so/ / bdud rtsi 'khyil ba'i sngags bzlas pa'i/ /srung skud dpung pa g.yas par btags/ /ku sha'i snying po rtse ma nyams/ /d+hi las byung ba bsam par bya/ /dang por spyi bor gcig gzung bya/ /gzhan dag sngas dang stan phyir byin/ /'jig rten du ni kun mkhyen rnams/ / u dum bA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba/ /de bas kyang ni dkon pa de/ /gang zhig mnyam med sems can don/ /mya ngan mi 'da' byed par nus/ /bskal pa bye ba du mar ni//sdig pa byas par gyur pa gang / /de kun dkyil 'khor 'di 'dra bar/ /mthong bas 'byang bar 'gyur ba ste/ /grags pa mtha' yas sngags spyod pa'i/ /tshul la gnas pa smos ci dgos/ /skyob pa gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la//blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu 'chang / /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ / bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg can la/ /sang ni rab tu snye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na/ /rang 'byung skal pa chen pa//'jig rten thams cad mkhyen pa yi/ /de bzhin gshegs pa rnams su 'gyur/ /don bshad srung ba byas nas ni/ /ku sha'i stan la nyal du gzhug /rmi lam gang dag ci mthong ba/ /de kun dang por nga la smros/ /rmi lam bzang ngan dris nas ni/ /mi dge thab sbyor dag gis gzhom//dpal kye rdo rje'i bya ba'i rim pa las/ /sta gon bya ba ste gsum pa'o// //mkhas pas mnyam zhing yid 'ong bar/ /ba yi lnga dang bdud rtse lnga/ /dri zhim chu yi legs byug pa/ /phyi yi rgya ni khru bdun pa/ /nang gi khru gsum mthe bong gsum//dkyil 'khor thig ni gdab par bya/ /thig skud gsar pa mdzes par ldan/ /rigs lnga'i sa bon de mdog byung / /ye shes lnga ldan srad bu gang / /lnga phrag lnga ni rnam phye ba/ /nyi zla'i 'bar mig lcags kyus dgug /las kun byed pa'i srad bu yang / /gtsang mas legs bkal dri zhim dang //bdud rtsis spang zhing yi ge gsum/ /thig 'dzin grogs dang bsgril bar bya/ /dz+dza yis btang zhing rang yang zlo/ /khu tshur g.yon pas lte bar gzung / /nub dang shar nas blo ldan gyis/ /mkha' dang / 'og gi thig gdab bya/ /oM badzra sa ma ya sU tra mA ti kra ma hU~M/nam mkha' gang ba'i bde gshegs rnams/ /khyed kyis 'gro don mdzad dus lags/ /thig gi sgra yis bskul nas ni/ /de rnams 'dir ni gshegs su gsol/ /ltas ngan gyis ni dngos mi 'grub/ /thig skud chad na slob dpon 'chi/ / ring thung khyer na nad kyis thebs/ /phyogs 'khrul ba yis slob ma dang / /slob dpon la yang nyes par gsungs/ /slob dpon slob ma shar nub tu/ /bltas te tshangs pa'i thig gdab bya/ /'phel 'grib med pa'i shing shun sogs/ /phyed dang phyed du bgos byas la/ /phyed kyi phyed na lho byang du//bya rog rjes btsal tshangs thig gdab/ /de nas dkyil 'khor phyed tshad kyi/ /g.yas dang g.yon du rgya gram bya/ /shar nub phyogs dang lho phyogs thig /byang lho shar nub bltas pas gdab/ /mer gnas rlung bltas bden bral nas/ /dbang ldan bltas te tshangs thig gdab//phyed la phyed phyed phyed du bgo /tshangs thig ngos rer brgyad brgyad 'gyur/ /dang po phyed rgyab de nang phyed/ /sngar byas sgo khyud phyed nyid dkyil/ /gnyis pa phyed phyed dang po la/ /phyed phyed byas pa logs zhes bya/ /de rgyab me tog chun 'phyang te/ de rgyab rta babs ka ba yin/ /gsum pa'i phyed rgyab de phyed nang / /rdor phreng bzhi pa lha snam yin/ /lnga pa'i phyed phyed dang po la/ /phyed phyed byas pa tshon lnga'i gnas/ /bar gnyis 'dod yon mthar lngar byas/ /sgo 'gram rin chen pha gu 'ang de/ /drug pa'i phyed nang mu tig phreng //de rgyab phyed nang phyed phyed byas/ /ya phubs tha ma rdo rje gdung / /bdun pa rta babs dag tu 'gyur/ /brgyad pa pad+ma 'khor lo gdugs/ /de rgyab nyi ma'i dkyil 'khor te/ /sna tshogs pad+ma rdo rje rwa/ /me 'od rim bzhin bskor bar bya/ /de nas mkhas pas tshon rnams la//b+hUM aM dzr-IM khaM hU~M rnams kyis/ /rdul tshon lha yi rnam par sbyor/ /'bar ba'i blta bya ye shes sbar/ /yang dag gzi bskyed sngags bzlas mchod/ /oM badzra tsi tra sa ma ya hU~M/ /'di ni chos dbyings dag pa ste/ /sems can khams ni dag par byed/ /kye yi rdo rje rgyal chen gyi//dkyil 'khor dam pa bzhengs par bya/ /bla mas g.yon pa'i khu tshur gyis/ /dbang ldan phyogs nas brtsams nas ni/ /dkar dang ser dang de bzhin dmar/ /ljang gu dang ni nag po nyid/ /mnyam zhing g.yas bskor rgyun ma chad/ /ma yo bar ni tshon rtsi dgye//sgo yi nyi shu cha ru ni/ /ri mo mnyam par dgye par bya/ /sbom por skye bas nad kyis 'debs/ /phra mos nor ni rnam par 'jig /yon pos rnam 'gras chad pa yis/ /bla ma dang ni slob ma 'chi/ /g.yas bskor min par skye ba yis/ /tshon ni phur bus btab par 'gyur/ / dkar po rdo rje rtse rang bzhin/ /gnyis pa gser las dmigs pa ste/ /pad+ma rA ga'i rang bzhin rtse/ /de bzhin gzhan dag margad yin/ /nag po nang du shes bya ste/ /'di ni tshon gyi rim par bshad/ /shar du dkar po chen po ste/ /lhor ni ser po yang dag ldan/ /nub kyi cha la dmar po ste//byang ni ljang gu yang dag ldan/ /dbus kyi sa gzhi'i cha dag ni/ /in+d+ra ni la'i 'od gsal bar/ /brtag par bdag nyid shes rab thabs/ /shin tu mnyam gzhag legs par bri/ /ri mo bar ni nas gang gis/ /ma reg par ni bri bar bya//kha sbyor gcig pa sgo bzhi pa/ /sna tshogs 'od kyis yang dag khyab/ /rta babs bzhi dang yang dag ldan/ /rdo rje thig gis rnam par brgyan/ /ri mo lnga dang nges par ldan/ /der ni bum pa brgyad bri bya/ /rin chen lnga phyed rang bzhin nam/ /yang na 'bras la sogs pa'o/ / dur khrod so phag dag gis sam/ /de bzhin dur khrod sol bas so/ /de dbus pad+ma 'dab ma ni/ /brgyad pa ge sar ldan pa bri/ /de dbus thod pa dkar po ni/ /sna tshogs rdo rjes mtshan pa bri/ /dbang ldan du ni seng ge ste/ /me yi mtshams ni dge slong ngo / /bden bral du ni 'khor lo ste//rlung du rdo rje bri bar bya/ /shar gyi sgor ni gri gug bri/ /lhor ni cang te'u bri bar bya/ /nub du rus sbal bri bya ste/ /de bzhin sbrul ni byang du'o/ /lha mo'i kha dog dbye ba yis/ /phyag mtshan brgyad du rab tu grags/ /bla re rgyal mtshan 'phan gdugs sogs/ /bla rgyan 'og rgyan bre bar bya//mchod gtor rgya cher bshams bkram la/ /'bar mig la sogs gong lta bur/ /rdo rje sems dpa'i bsnyems byas la/ /rkang pa g.yas pa brgyang byas te/ /phyag gnyis kye rdor rnal 'byor gyis/ /slob dpon dkyil 'khor 'jug par bya/ / lus bkrus gtsang sbra dri zhim dang / /sna tshogs rgyan gyis brgyan pa'o/ /hU~M hU~M sgra yis nga rgyal byed/ /hi hi sgra yis 'jigs par byed/ /de ltar dkyil 'khor lan gsum bskor/ /ma dag ma tshang skyon rnams bsal/ /de nas slob dpon rang lha yi/ /sbyor tshogs gtso bo'i bdag nyid kyis//dkyil 'khor sprul pa rdul tshon dang / /gnyis med mkhar gnas kyang der gzhug /byin gyis brlab dang dbang bskur gyi/ /bar rdzogs byas nas 'chad pa yi/ /cho gas dkyil 'khor rab tu mchod/ /rang lces rdo rje bdud rtsi myang / /phyi rol 'byung pos gtor ma sbyin//snga gro rgyas pa'i sbyin sreg bya/ /ma dag la sogs nyes pa rnams/ /rgyal ba rnams la bzod par gsol/ /dpal kye'i rdo rje'i bya ba'i rim pa'i lam las/ dkyil 'khor gyi bya ba'i rim pa ste bzhi pa'o// //de nas slob dpon rang lta yi/ / sbyor gnas dkyil 'khor legs bltas la/ /mchod dang bstod pa la sogs bya/ /phyi nang sbyin sreg dag gis kyang / /'khor lo mchod de bdag nyid kyang / /slob ma'i rim bzhin dbang blangs la/ /gzugs brnyan lta bu'i 'khor lo ru/ /slob ma gzhug phyir bden pa bsgrags/ / nam mkha' skye ba mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /kye yi rdo rje deng 'grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ / nyes pa mi mnga' rtag pa'ang khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis 'grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpas bdag grub mdzod//dngos grub chen po kun gyi mchog /dbang phyug chen po rgyal mchog gis/ /grub pa'i rdo rje cher ston pa/ /rdo rje bsnyems bdag bdag mdzod cig /sems can kun gyi yid khyab cing / /sems can kun gyi yid la zhugs/ /sems can kun gyi yab gyur nyid//'dod chags dam tshig mchog gyur pa'o/ /bden pa dag gis ye shes mchog/ /shes rab thabs dag dkyil 'khor ni/ /bden pa de yis mgon bdag la/ /khyed kyis 'dod pa rab rdzogs mdzod/ /chos rnams gzugs brnyan lta bu ste/ /dag cing gsal la rnyog ba med//gzung du med cing brjod du med/ /rgyu dang las la kun du 'byung / /de bzhin nyid la nges par skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyis dri ma med mthong shog//de ltar bstod cing phyag bgyis nas/ /'di ltar yang ni gsol ba gdab//dkyil 'khor gtso bo'i dkyil 'khor du/ /slob ma rab tu gzhug par bgyi/ /sems can don du bdag gsol 'debs/ /bzod pa mdzad de dgongs su gsol/ /de nas slob mas slob dpon gyi/ /zhabs la gtugs la 'di skad brjod/ /dga' chen khyod bdag ston pa bas//slob dpon khyod ni dgongs su gsol/ /byang chub chen po'i tshul brtan pa/ /mgon po chen po bdag 'tshal lo/ /dam tshig de nyid stsal du gsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol//thar pa chen po'i grong mchog tu/ /mgon po chen po bdag 'jug go/ /slob dpon gyis bsgo ba/ /dkon mchog gsum la skyabs su song / /sangs rgyas chos dang dge 'dun la'o/ /'di ni sangs rgyas rigs dag pa'i/ /dam tshig brtan par gyur pa'o/ / rdo rje dril bu phyag rgya yang / /blo chen gyis ni gzung bar bya/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bya/ /bla ma sangs rgyas kun dang mnyam/ /'di ni rdo rje'i rigs dag pa'i/ /dam tshig sgom pa yin par gsungs/ /rin chen rigs mchog chen po la//nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi dang gsang ba theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par bshad/ las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ /mchod pa'i las kyang mi nus bya/ /de las gzhan yang bcu bzhi 'di/ /phas pham pas na rab tu bshad/ /spang zhing dor bar mi bya ste/ /rtsa ba'i ltung ba zhes bshad do/ /nyin dang mtshan mo lan gsum du//nyin re zhing ni bzla bar bya/ /gang tshe nyams 'gyur rnal 'byor pa/ /kha na ma tho sbom por 'gyur/ khyod kyis srog chags gsad mi bya/ /ma byin par yang mi blang ngo / /'dod la log par mi spyad cing / /brdzun du smra bar mi bya'o/ /phung khrol kun gyi rtsa ba yi//chang ni rnam par spang bar bya/ /sems can gdul phyir ma gtogs pa/ /bya ba ma yin thams cad spang / /dam pa nges par bsten bya zhing / /rnal 'byor pa kun bsnyen bkur bya/ /lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ni//ci nus par ni rjes su skyong / /theg pa dman la 'dod mi bya/ /sems can don la rgyab phyogs min/ /'khor ba dag kyang yang mi spang / /rtag tu mya ngan 'das mi chags/ /lha dang lha min gsang ba la/ /khyod kyis brnyas par mi bya zhing / /phyag rgya bzhon pa mtshon cha dang / /mtshan ma 'gom par mi bya'o//'di dag dam tshig yin par bshad/ /rjes mthun sngon pa rgya cher ni/ /gsang ba'i rgyud las rab tu bshad/ /khyod kyis rtag tu bsrung bar bya/ /slob mas brjod pa/ dkon mchog gsum la skyabs su mchi/ /sdig pa thams cad so sor bshags/ / 'gro ba'i dge la rjes yi rang / /sangs rgyas byang chub yid kyis bzung / /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab bsgrub phyir/ /byang chub sems ni bskyed par bgyi/ /byang chub mchog gi sems ni bskyed bgyis nas/ sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /zhes lan gsum bzlas la/ slar yang / sangs rgyas sras bcas thams cad dang / /dpa' bo rnal 'byor ma rnams kun/ / bdag la dgongs par mdzad du gsol/ /bdag ming 'di zhes bgyi ba ni/ /dus 'di nas ni bzung nas su/ /ji srid byang chub snying po'i bar/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi//tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis so sor brtan por gzung / /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni/ /deng nas brtsams te gzung bar bgyi//rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu//sbyin pa rnam bzhi rtag tu sbyin/ /byang chub chen po las byung ba/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos ni ma lus gzung / /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi//mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun don gyi phyir/ /bdag gis sdom pa ma lus bzung / /ma bsgral ba ni bsgral bar bgyi/ /ma grol ba rnams dgrol bar bgyi//dbugs ma phyin pa dbugs dbyung zhing / /sems can mya ngan 'das la dgod/ /zhes lan gsum bzlas so/ /de nas slob mas gos dmar pos/ /gdong g.yogs me tog phreng gzung la/ /bdud rtsi 'khyil ba'i bum pa'i chus/ /bsrung zhing sku gsung thugs sbyangs la//bu sdug khyod su ci la dga'/ /slob dpon gyis ni gzhug phyir dri/ /skal bzang bde chen bdag dga' zhes/ /slob ma blo chen gyis smra'o/ /de nas byang chub sems bskyed phyir/ /oM sarba yo ga tsit+ta u pa da yA mi/ /brjod nas de yi snying gar ni/ /rdo rje bzhag cing bsams nas kyang //su ra te sa ma ya s+t+waM ho/ /si d+d+hi badzra ya thA su khaM/ /deng khyod de bzhin gshegs pa thams cad kyis byin gyis rlab par 'gyur gyis/ de bzhin gshegs pa thams cad kyi mchog du gsang ba 'di/ khyod kyis dkyil 'khor ma mthong ba rnams la smra bar ma byed cig /dad pa dang mi ldan pa rnams la yang ma yin no/ /zhes brjod par bya'o/ /gau rI la sogs rang sngags kyis/ /dam pas dgug dang gzhug par bya/ /yi ge lnga yang de bzhin du/ /brjod de dam tshig mchog 'dzin gzhug/ /deng khyod de bzhin gshegs pa thams cad kyi rigs su zhugs kyis/ngas khyod la ye shes gang gis de bzhin gshegs pa thams cad kyi dngos grub kyang thob nas/ dngos grub gzhan lta smos kyang ci dgos par 'gyur ba de lta bu'i ye shes bskyed par bya yis/ khyod kyis dkyil 'khor chen po ma mthong ba rnams la smra bar ma byed cig /dam tshig nyams par gyur ta re/ de'i snying gar rdo rje bzhag la/ /oM he ru ka dpal deng khyod kyi/ /snying la yang dag zhugs par gyur/ /gal te tshul 'di smras na ni/ /de ma thag tu dral nas gshegs/ /bdag gnas yi ge gsum gyis sbar//mi 'chi lnga pa 'thung du gzhug/ /'di ni khyod kyi dmyal ba'i chu/ /dam tshig nyams na sreg par 'gyur/ /dam tshig bsrungs na dngos grub ster/ /rdo rje bdud rtsi'i chu 'thungs shig /oM ba dzro da da ka/ /Tha Tha Tha/ dam bcas brtan par bya ba'i phyir/ /'di skad brjod do//deng phyin chad khyod kyi dpal he ru ka nga yin gyis/ ngas 'di byos shig ces bsgo ba gang yin pa de yang bya dgos so/ /khyod kyis nga la brnyas par ma byed cig/ /mi bde ba ma spangs par khyod dus byas nas dmyal bar ltung bar gyur te re zhes brjod la/ de nas slob ma la 'di skad ces brjod de/de bzhin gshegs pa thams cad kyis byin gyis rlobs la/ dpal he ru ka bdag la 'bab par gyur cig /ces smros shig ces bsgo'o/ /de skad brjod nas de'i snying gar/ /dbang chen dkyil 'khor mtshams su ni/ /rdo rjes mtshan pa kha dog ser//laM las byung bar hU~M bsgom bya/ /ba~M byung chu ni kha dog dkar/ /bum pas mtshan cing yongs su zlum/ /ya~M las byung ba g.yo ba'i rlung / /ba dan sngon pos mtshan gzhu'i dbyibs/ /de la sku gsum ha a bsgom/ rkang 'og dz+nyA+aiM ni rab 'bar ba/ /rlung las raM byung gru gsum par//gnas par sbar la slob ma dbab/ /de nas 'jigs su rung ba yi/ /rdo rje glu dang gar bya'o/ /A be sha ya s+t+waM b+ha ya/ ra ra ra ra/ tsA la ya tsA la ya/ hU~M a he dz+haiMH lce la a ni dmar po zhig /bsams te babs la slar yang bsgo/ /'dod chags rdo rje de gnas pa//smros shig rdo rje dge mi dge /bsam pa de ni brtan bya ba/ de la tiSh+Tha badzra brjod/ /me tog phreng ba 'khor lo dor/ /pra ti ts+tsha badzra hoHzhes brjod do/ /gal te bzang por mi ltung na/ /lan gnyis bar du dor bar bya/ /de ni spyi bor bcing bar bya/ /pra ti gr-ih+Na twAM i maM satwa ma hA ba la//blangs pa 'am ma blangs pa gnyis ni/ /mtshan ma 'am mtshan ma nye bar ni/ /babs sam dad kyang de'i sbyor ba/ /mig tu 'bar bcas oM bsams la/ /he ru ka dpal deng khyod kyi/ /mig 'byed par ni brtson par mdzad/ /mig ni thams cad 'byed par mdzad//rdo rje'i mig ni bla na med/ /de la bla mas 'di skad brjod/ /dkyil 'khor 'di la da lta nyid/ /dad pa'i shugs kyis blta bar bya/ /khyod kyang sangs rgyas rigs las skyes/ /sngags dang phyag rgyas byin gyis brlabs/ /sngon ma byung ba mthong ba'o/ /slob ma yon dang bcas pa yis//bla ma'i zhabs la phyag byas te/ /de nas 'di skad brjod par bya/ /oM rdo rje dkyil 'khor chen po yi/ /dkyil 'khor du ni bdag zhugs so/ /oM rnal 'byor dkyil 'khor chen po yi/ /dkyil 'khor bdag gis de ring mthong / /oM gsang ba'i dkyil 'khor chen po yi//dkyil 'khor du ni bdag dbang bskur/ /de nas gtso bo nas brtsams nas/ /dkyil 'khor mtha' yi bar du bstan/ /dkyil 'khor shar du khru gnyis dor/ /nang gi dkyil 'khor phyed tshad tsam/ /mtshan nyid ldan pa'i dkyil 'khor ni/ /dkyil 'khor de la khru do bar/ / dkyil 'khor gnyis par slob ma gzhag /mchod yon zhabs bsil la sogs sbyin/ /bag chags sbyang ba'i cho ga bya/ /slob ma shis par 'dod pa yis/ /bla mas bkra shis glu blang bya/ /phun sum tshogs 'dzin gser gyi ri bo lta bu'i mdog /'jig rten gsum mgon dri ma gsum ni rab tu spangs//sangs rgyas chu skyes 'dab rgyas lta bu'i spyan mnga' ba/ /bkra shis des ni deng 'dir khyod la zhi byed shog /de yis nye bar bstan pa mchog rab mi g.yo ba/ /'jig rten gsum du grags pa lha dang mis mchod pa/ /dam chos rab mchog skye dgu rnams la zhi byed pa//'jig rten bkra shis gnyis pa deng 'dir khyod la shog /dam pa'i chos dang ldan zhing thos pa'i bkra shis phyug/ /dge 'dun lha dang lha ma yin dang mis mchod pa/ /ngo tsha dpal gnas tshogs kyi nang na rab kyi mchog /'jig rten bkra shis gsum pa deng 'dir khyod la shog/ / dga' ldan lha yi gnas kyi dkyil nas 'gro don du/ /sngon gyi dus su brgya byin lha dang bcas pa yi/ /'khor gyi tshogs bcas gshegs pa'i bkra shis gang yin pa'i/ /bkra shis des ni deng 'dir khyod la zhi byed shog /lum pa'i tshal du mgon po sku ni 'khrungs gyur cing / /srid mthar mdzad che me tog ge sar bcas pa dag /rab 'bar 'bab pa lha mang gis mthong bkra shis gang / /bkra shis des ni deng 'dir khyod la zhi byed shog /nyes pa sna tshogs rnam par gzhom par bya ba'i phyir/ /mtshan phyed dka' thub tshal du mngon par dgyes bcas pas/ /brgya byin ltar bcas rjes 'brang gshegs pa'i bkra shis gang //bkra shis des kyang deng 'dir khyod la zhi byed shog /chu bo'i 'gram du yon chab mar mes yongs bskor te/ /zhi phyir ngo mtshar rab bskyed srid pa dag byed pa/ /lto 'phye'i rgyal pos legs par bstod pa'i bkra shis gang / / bkra shis des ni deng 'dir khyod la zhi byed shog/ /grong khyer rab mchog ser skya zhes ni bya ba der/ /lha chen khyab 'jug la sogs rnams kyis stong byed pa/ /bde gshegs thog mtha' med par dge ba'i bkra shis gang / /bkra shis des ni deng 'dir khyod la zhi byed shog/ / sems can thams cad la ni phan phyir byang chub pa/ /rin chen chos mdzod thub pa las ni gang byung ba/ /sems can don grub nus pa rgyas pa'i bkra shis gang / /bkra shis des ni deng 'dir khyod la zhi byed shog /gser gyi 'od ltar shin tu 'bar ba'i sku mnga' ba/ /bai dU r+ya mdog 'dra ba'i rtswa bkram pa la bzhugs//skyil krung legs bcas mi g.yo'i sku mnga'i bkra shing gang / /bkra shis des ni deng 'dir khyod la zhi byed shog /sa dang mkha' las sna tshogs dbye ba kun 'byung ba/ /byams pa'i stobs kyis bdud kyi bde las rnam par rgyal/ /shing gi rgyal po'i rtsa bar bcom ldan bkra shis pa//bkra shis des ni deng 'dir khyod la zhi byed shog /bA rA Na sir bzhugs nas bde bar gshegs ston pas/ /sa dang mkha' la shin tu ngo mtshar gsal byung ba'i/ /chos kyi 'khor lo dam pa rab bskor bkra shis gang //bkra shis des ni deng 'dir khyod la zhi byed shog /bsod nams las byed 'phags pa'i skye bos mngon brten pa/ /bcom ldan shAkya seng ges ma lus gsungs pa yi/ /phan byed dam pa bzang po'i bkra shis gang yin pa/ /bkra shis des ni deng 'dir khyod la zhi byed shog /dril bu dkrol zhing rdo rje gsor/ /glu dang ldan pa'i bkra shis so/ /gser la sogs pa'i stan gnas pa/ /der ni de ni dbang bskur bya/ /slob ma nges par byed du gzhug /de bzhin de bzhin dbang bskur la/ /lha yi sbyor ba gang yin pa/ /de yi phyag rgyas 'phrag nas 'khyud//dang po chu yi dbang yin te/ /gnyis pa dbu rgyan dbang yin no/ /gsum pa rdo rje'i dbang yin no/ /bzhi pa rang bzhin dbang yin te/ /lnga pa ming gi dbang bskur bya/ /drug pa yang dag sangs rgyas brjod/ /bdun pa bum pa'i dbang yin te/ /brgyad pa gsang ba'i dbang nyid do//dgu pa shes rab dbang gis te/ /de nyid rdo rje rab sbyor bas/ /brtul zhugs dang ni lung bstan pa/ /'di dag rim par sbyin par bya/ /rang gi rig ma skyes bu'i chus/ /bum pa brgyad po thams cad kyis/ /rdo rje 'chang bsams dbang bskur bya/ /rdo rje thugs su bsgoms pas so//oM badzra a b+hi shi ny+tsa mi twaM/ rdo rje nyi ma rnam bsams nas/ /de la dbu rgyan sbyin par bya/ /oM badzra rat+na ka badzra sha li ho/ /thams cad snga ma bzhin bsgoms la/ /rdo rje'i tshigs bcad rab tu sbyor/ /rdo rje chen po rtse dgu pa/ /rang gi lag pas snying gar bya/ / slob ma 'jig rten dbang phyug gzugs/ /rdo rje sems zhes dbang bskur bya/ /sangs rgyas rdo rje dbang gis ni/ /di ring khyod la dbang bskur ro/ /'di de sangs rgyas thams cad nyid/ /shin tu 'grub phyir rdo rje long / /oM shrI he ru ka a d+hi ba ti twAM/ /a b+hi Shiny+tsa mi ta Sh+Thi bI ra sa ma ya s+t+waM/slob ma rta mchog bsam byas la/ /lta mo sgrol mas sku la 'khyud/ /rdo rje'i bdag pos dbang bskur bya/ /lag pas rdo rje dril bu dkrol/ /oM badzra d+hi ba ti s+t+waM/ a g+hi Shany+tsi mi tiSh+Tha badzra sa ma ya stAM/ slob ma rnam par snang mdzad bsam/ /ming gi dbang ni bskur bar bya/ / oM badzra satwa a b+hi Shiny+tsa mi badzra nA ma a b+hi She ka ta/ kye dpal che ge mo rdo rje/ /gang gang snang ba de kun dang / /rang 'dod lha la sogs pa de/ /rang bzhin dag pa'i dri med chos/ /sangs rgyas ye shes blta bar bya/ /'di de sangs rgyas thams cad nyid/ /rdo rje sems dpa'i phyag na bsnams//khyod kyis kyang ni rtag tu gzung / /rdo rje snying po brtul zhugs brtan/ /oM sarba ta thA ga ta si d+d+hi badzra sa ma ya tiSh+Tha sa ma ya s+t+waM/ d+ha ra yA mi hi hi hi hi hU~M/ /bdag gis bcom ldan tshigs bcad ni/ /rim pa bzhin du bsdu bar bya/ /bde ba can na bcom ldan 'das nyid kyis gang tshe chos bstan pa//de tshe gsang ba'i dbang pos zhus/ /mi rnams ji ltar dbang bskur bgyi/ /bcom ldan 'das kyis bka' stsal pa/ /dgod pa dag la slob dpon te/ /de bzhin blta ba gsang ba'i dbang / /lag pas reg pa shes rab ste/ /de nyid gnyis gnyis 'khyud pa yi//dbang bskur ma 'ongs pa yin no/ /bla ma'i zhal nas gsal bar 'gyur/ /'di ni dbang bskur drug yin no/ /thal mo sbyar ba byas nas ni/ /phyag 'tshal nas ni mdun 'dug ste/ /'og nas 'byung ba'i tshigs bcad 'dis/ /slob ma bla ma la gsol gdab/ mi ldog 'khor lo'i dbang stsol cig /dkyil 'khor lha yi de nyid dang / /slob dpon gyi ni las rnams dag /mgon pos bdag la bka' stsol cig /sangs rgyas kun gyi dam tshig dang / /gsang ba'i sdom pa'i mchog rnams dang / /sems can kun gyi don gyi phyir/ /bdag ni rtag tu slob dpon gyi//de ltar slob mas gsol btab nas/ /bla mas skad cig ting 'dzin la/ /gnas nas de dbang bskur ba'i phyir/ /sangs rgyas dkyil 'khor mchog spro bya/ /nye 'khor ba dan rgyal mtshan sogs/ /glu dang rnga sogs sa ru ni/ /gdugs dang bla re byes nas su//'dug ste 'di ltar brjod par bya/ /rin po che yi dbang 'di ni/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba nga yis sbyin/ /dang po bum pa'i dbang yin te/ /gnyis pa gsang pa'i dbang yin no//gsum pa shes rab ye shes te/ /bzhi pa de bzhin gshegs pa'o/ /thams cad thabs kyi cho ga dang / /bla med mchod pas mchod par bya/ /de nas lag nas lag tu ni/ /slob ma rdo rje brtul zhugs sbyin/ /sems dpa' thog ma tha ma med/ /rdo rje sems dpa' dga' ba che//kun du bzang po kun bdag nyid/ /rdo rje snyems ma'i bdag po bdag /shes rab pha rol phyin ma las/ /byung ba'i dril bu'ang de la sbyin/ /sems can kun gyi don gyi phyir/ /rdo rje dril bu'i ming nyid do/ /'di de sangs rgyas thams cad kyis/ /shes rab dbyangs kyi rjes 'gror bstan//khyod kyis kyang ni rtag tu gzung / /byang chub mchog tu rgyal bas bzhed/ /oM su pra tiSh+Tha badzra swA hA/ /'di'i don ni/ /rdo rje che dang dril bu che/ /zung cig rdo rje rab gnas pa/ /deng khyod rdo rje slob dpon te/ /khyod kyis slob ma gzung bar gyis/ /mkha' 'gro lnga dang yang dag ldan//dam tshig lnga rnams yongs gang ba'i/ /mkha' 'gro ma yi tshogs dang ldan/ /slob ma rdo rje 'chang dbang bskur/ /dkyil 'khor pad+ma zhes su brjod/ /yid kyi dkyil 'khor mchog yin te/ /gzhal med khang zhes bshad pa ste/ /sems ni gzhal med khang brtsegs 'phags//de yi phyi rol gru bzhi ste/ /tshad ma mnyam por gyur pa'o/ /byams pa la sogs sems ni gang / /thig skud bzhir ni brjod pa'o/ /thig gdab yang dag gang bshad pa/ /chos kyi dran pa'i rnal 'byor ro/ /lta ba thams cad rnam grol ba//ye shes thig skud dag tu brjod/ /rgyan rnams yang dag gang bshad pa/ /tshul khrims sogs kyi sdom pa mchog /dad dbang la sogs sems gnyis na/ /rwa ba lngar ni byung ba nyid/ /gang zhig sgo zhes bshad pa ni/ /rnam thar bzhi yi dbye ba'o/ /rta babs ka ba bzhi po na//yang dag spong ba bzhi zhes brjod/ /ya phubs bzhi po gang yin pa/ /dran pa nye bar gzhag pa bzhi/ /sgo khyud bzhi ni gang yin pa/ /rdzu 'phrul rkang pa bzhi zhes bya/ /me tog phreng bas brgyan byas pa/ /byang chub sems ni yan lag bdun/ /ka ba rnam pa brgyad po ni/ / 'phags pa'i lam ni yan lag brgyad/ /rnga yab ces ni gang grags pa/ /lam gyi bye brag ye shes brjod/ /dran par yang dag gang bshad pa/ /nyon mongs 'joms pas dra ba ste/ /yang dag 'gog pa'i rang bzhin gyi'o/ /'khor lo bskor ba gang yin pa/ /tshogs gnyis kyi ni rnal 'byor ro//nyon mongs byed ni 'joms pas na/ /dra ba phyed par brjod pa'o/ /'di ni dkyil 'khor gyi de kho na nyid do/ /phung po lnga ni mdor bsdus na/ /sangs rgyas lngar ni rab tu grags/ /rdo rje skye mched nges par ni/ /byang chub sems dpa'i dkyil 'khor mchog /sa ni spyan zhes kun du brjod//chu yi khams ni mA ma kI/ /gos dkar mo dang sgrol na ni/ /drod dang rlung du rab tu grags/ /gti mug gti mug longs spyod pas/ /gti mug zad pa gshin rje gshed/ /des na phung po mthar byed dang / /de bzhin shes rab mthar byed pa'o/ /nyes pas nyes pa longs spyod pa//nyes zad shes rab mthar byed de/ /des na sems ni mthar byed dang / /des na nyon mongs mthar byed yin/ /'dod chags 'dod chags longs spyod pas/ /pad+ma mthar byed 'dod chags zad/ /des na gsung gi mthar byed yin/ /de bzhin sbyor ba mthar byed do/ /nyon mongs thams cad zad pa dang //de bzhin las kun zad pa dang / /sgrib pa kun zad ye shes ni/ /bgegs ni mthar byed ces brjod do/ /'di ni lha'i de kho na nyid do/ /phyir mi ldog pa slob dpon gyi dbang ngo / /de nas slob mas bla ma la/ /legs bslabs bzhin bzangs mig dkyus ring //gzugs dang lang tshos rgyan byas ma/ /phul la 'di skad brjod par bya/ /bcom ldan zhi ba chen po kye/ /rdo rje rnal 'byor gcig bzhed pa/ /mi phyed phyag rgya rab sgrub byed/ /rdo rje rnal 'byor yang dag 'byung / /ji ltar khyod ni bdag nyid che/ /gtso bo bdag la yang de mdzod//'khor ba 'dam gyi tshogs su ni/ /bying ba skyabs med bdag skyob mdzod/ /mi bskyod sbyor ba btang byas te/ /rtag pa'i sbyor bas rjes dran bya/ /slob ma drung du gzhag byas la/ /de yi rjes su bla ma yis/ /gos la sogs pas mig bkab nas/ / brtags pa'i stan la gzhag par bya/ /shes rab ldan pa rab tu 'jug /rdo rje sa bon rab sbyor bas/ /rang 'dod lha yi rnal 'byor gyis/ /slob ma rtag par bsams byas la/ /'dzag pa'i rigs zhes bya ba ni/ /ji ltar 'das pa'i sangs rgyas kyis/ /byang chub sems rnams dbang bskur ltar//nga yis gsang ba'i dbang gis ni/ /rgyun gyis khyod la dbang bskur ro/ /zad med de ni zad dogs na/ /nya phyis la sogs zhen pa spangs/ /dag pa'i lce yi rtse mo yis/ /gnyis ka las byung blang bar bya/ /'di ni de nyid bla na med/ /gnyis med ye shes brjod mi nus//chos dbyings rnam pa lta bur ni/ /zhi ba'i bde bas yang dag myang / /g.yas pa mchog sbyin khu tshur gyis/ /snying gar chos gos grwa nas gzung / /lag pas dril bu mgul du bsdam/ /bla ma rdo rje 'chang ba yis/ /dbugs 'byung thams cad yang dag blangs//shAkya thub pa nyid gyur pas/ /slob ma chen po lung bstan byed/ /khyod ni sangs rgyas the tshom med/ /skye dang rgas dang 'chi mi 'gyur/ /'jigs dang mya ngan nad mi 'byung / /bde chen theg pa 'di la ni/ /bu khyod nga yis lung bstan te/ /'di ltar nga yis lung bstan khyod//rdo rje sems dpa' de bzhin gshegs/ /srid pa shin tu grub pa'i phyir/ /srid pa'i ngan 'gro nyid las bton/ /kye rang 'dod lha mi de bzhin gshegs/ /sa bla sa 'og sa steng 'grub/ /'di ni gsang ba'i dbang las lung bstan pa'o/ /byang chub rdo rje sangs rgyas kyis/ / chen po'i chen pos ji ltar byin/ /bdag kyang bsgral ba'i don du ni/ /nam mkha'i rdo rjes bdag la stsol/ /rig ma dang po 'am yang na gzhan/ /rgyud gzhan las gsungs rim pa yis/ /tshe dpag med kyi rnal 'byor sbyin/ /phyag rgya bzang mo rab brtags pa/ /lha mo thar byed dga' ster ma//sna tshogs gzugs can brtser ldan ma/ /zung shig zung shig sems dpa' che/ /bzung par byas nas mchod par gyis/ /de nas chos dbyings rdo rje ma/ /dam tshig sdom pa 'di skad ston/ /nus sam khyod ci rdo rje can/ /dri chen dri chu bza' btung yin/ /rak+ta mAM sa ga bur dang //bud med mos par dad nus sam/ /b+ha ga 'o byed mi rtog gam/ /ltos shig rdo rje bde ba can/ /de nas de yis rdo rje can/ /rab tu dgod cing 'di skad smra/ /lha mo ci phyir bdag mi thig /ga bur mAM sa bdag 'tshal gyis/ /shes rab yang dag dad par bgyi/ /de nas lha mo gcer phyung nas//bdag nyid pad+ma ltar gzhug go/ /rmad byung nga yi pad+ma yin/ /bde ba thams cad yang dag ldan/ /rtag tu rim bzhin 'di la spyod/ /'di dag nam yang mi 'bral lo/ /chos dbyings 'di ni rnam par dag /sems can khams ni rnam par grol/ / bde chen rgyal po 'di nyid ni/ /rang bzhin thams cad la mdun nas/ /nang gi rtsa yi 'khor lo la/ /pad+ma la bzhugs bar du gsungs/ /b+ha ga nang du nam mkha' bzhin/ /'byung ba lnga po rgyan bzhin 'chang / /lte ba la ni ge sar bcas/ /'dab ma brgyad kyis rnam par brgyan/ / der gnas nas ni bsgom par bya/ /mi 'chi lha yi gzugs su ni/ /'di la rtag tu 'joms pa yin/ /shes rab kyis ni de ltar gsungs/ /badzra mo k+Sha hoH/ de nas sngags pa rdo rje can/ /de yi rgyu yi sa dbang la/ /b+ha ga'i nang gi rtsa las ni/ /'bad pa las ni rnyed pa la/ /bslab pa bla ma'i dam tshig gis//mdzub mos rab tu brud nas ni/ /lce yi yang yang rol mo mdzad/ /des ni rab tu rgyas par 'ong / /de ltar rol mo mdzad tsam na/ /de bas kyang ni shin tu rgyas/ /rtag pa'i bde ba rab tu byung / /pha rol phyin bcu rdzogs pa dang / /stobs rnams dang ni dbang rnams dang //sa bcu po ni las 'das pas/ /rdo rje mtshan mar de 'gyur ro/ /rdo rje bcing ba'i sbyor ba yis/ /rdo rje mchod pa yang dag brtsam/ /rdo rje sems ni des phyung nas/ /rdo rje lce yis bza' bar bya/ /mnyam par 'byung pa'i cho ga yis/ /dkyil 'khor dam pa bri bar bya/ ting 'dzin las skyes sbyin sreg ste/ /de nas dbugs dbyung sbyin par bya/ /gsang ba mchog gi dkyil 'khor la/ /rab zhugs dam pa mthong ba yis/ /sdig pa kun las nges grol bar/ /deng khyod yang dag gnas par 'gyur/ /bde chen theg pa 'di la ni//phyis ni 'chi bar 'gyur ma yin/ /mi thub pa dang mi 'chi bas/ /sus kyang mi tshugs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /shin tu srid pa grub pa'i phyir/ /ston pa'i mchog tu gyur pa yin/ /'di ni khyod kyis rtag tu bsrung //grub pa'i dam tshig sdom pa'o/ /sangs rgyas kun gyis mnyam par gsungs/ /dam pa rtag pa'i bka' lung yin/ /slob dpon smad par mi bya zhing / /bde gshegs bka' la 'gom mi bya/ /rdo rje spun la smad pa ni/ /nam yang smra bar mi bya'o/ /sems can rnams la byams dman min//skal min de kho na gtam min/ /skal ldan sems can spang mi bya/ /bdag gi lus 'di mi smad cing / /dam pa'i chos ni tshad mi gzung / /gzhan gyi chos la 'ang brnyas mi bya/ /byang chub snying po'i mthar thug tu/ /dkon mchog gsum ni spang mi bya//rtag tu dam tshig bsrung bar bya/ /rdo rje dril bu gzung bya zhing / /dbu rgyan rtag tu gzung bar bya/ /rtag tu sbyin sreg dgang bar bya/ /dkyil 'khor rtag tu bri ba ste/ /rtag tu bde gshegs rab gnas bya/ /'byung po chen po'i gtor ma byin/ /de la sogs pa dbugs dbyung rgyas//shes rab kyi dbang la brjod par bya'o/ /ston pas gsungs pa sems dpa' che/ /yang dag dam par dga' thob pa/ /sna tshogs spangs pa'i skad cig la/ /bde ba chen po gzung bar bya/ /de ni thog ma dbus mtha' med/ /srid dang mya ngan 'das pa min//'di ni dam pa'i bde chen te/ /gzhan med bdag kyang med pa'o/ /ye shes 'di ni ches phra ste/ /snying po rdo rje mkha' lta bu/ /rdul bral zhi ba thar pa ste/ /khyod rang yang ni pha de'o/ /'di nyid ye shes chen po ste/ /thams cad lus la rnam par gnas//gnyis su med dang gnyis kyi gzugs/ /dngos dang dngos med bdag nyid gtso/ /g.yo dang mi g.yo nges thob nas/ /sgyu ma'i gzugs dang mtshungs par sdang / /dkyil 'khor 'khor lo'i thabs gang gis/ /rtag tu nges par 'gyur ba nyid/ /shes rab ye shes kyi dbang gi rjes la de skad brjod do//bla ma dam pa'i zhal nas ni/ /bzhi pa shes par bya ba yin/ /slob ma'i bya ba rdzogs rjes su/ /dkyil 'khor mchod bstod legs byas la/ /oM khyed gyis sems can don kun mdzad/ /rjes su mthun pa'i dngos grub stsol//sangs rgyas yul du gshegs nas kyang / /slar yang 'byon par mdzad du gsol/ /brjod de lha yi 'khor lo gshegs/ /dman pa chu bo chen por dor/ /oM gi li gi li hU~M dzaH swA hA/ /rdul tshon bsdu ba dang dor ba'i sngags so/ /dpal kye'i rdo rje'i bya ba'i rim pa'i lam las//slob ma dbang bskur bar bya ba'i rim pa ste lnga pa'o// //de nas slob ldan rnal 'byor pas/ /bskyed pa'i rim la legs gnas phyir/ /sa phyogs nyams dga' yid 'ong bar/ /dri zhim byug cing me tog dgram/ /bde ba'i stan la rab gnas la/ / paM pad raM skyes gzhom med las/ /lcags kyu lta bu'i 'od zer gyis/ /rgyal ba spyan drangs mkha' la bzhugs/ /phyi nang gsang ba'i mchod pa yis/ /bla ma rdo rje mchod par bya/ /bshags dang yi rang bsngo ba dang / /skyabs 'gro mchog sems lam gnas bya/ /byams dang snying rje dga' ba dang //btang snyoms tshangs pa'i gnas bzhi bsgom/ /gdol pa'i khang pa mes bsregs la/ /bram ze rgyal rigs sogs gnas bya/ /oM shU n+ya tA dz+nyA na badzra swa b+hA A t+ma kou0f85haM/ /paM pad re pha gsal byed de/ /sna tshogs rdo rje hU~M de las/ /ra ba bla re g ur nang du//khro bo bcus kyang bsrung bar bya/ /oM rak+Sha rak+Sha hU~M hU~M hU~M phaT swA hA/ /nam mkhar yaM raM baM laM las/ /rlung me chu sa dkyil 'khor du/ /b+hUM las 'khor lo de steng du/ /srid pa bar ma'i bag chags bsam/ /de dag las gyur pho brang ni/ /zur bzhi sgo bzhi rta babs bzhi//dra ba dra phyed ka ba brgyad/ /rgyan rnams kun gyis rnam par brgyan/ /der ni mtsho skyes snang byed kyi/ /steng du bdud bzhi'i gdan bsam mo/ /oM sarba ta thA ga ta a ni la ya badzra swa b+hA ba At+ma kou0f85haM/ /A li zla ba me long dang / /kA li nyi ma mnyam nyid l dan//oM hU~M rdo rje gri gug dang / /so sor rtog pa'i ye shes te/ /thams cad gcig gyur bya nan tan/ /gzugs brnyan rdzogs pa chos dbyings so/ /de las byung bas kun du bzang / /zhal brgyad zhabs bzhi bcu drug phyag /rtsa zhal zla 'dra g.yas dang g.yon/ /sngon po dmar po lhag ma gnag//glang po rta bong glang rnga mo/ /skyes pa seng ge byi la g.yas/ /sa chu rlung me zla nyi dang / /mthar byed nor sbyin g.yon na'o/ /lha mo zhal gcig phyag gnyis gnag /gri gug thod pa g.yas g.yon na'o/ /oM pad+ma su kha d+har ma hA ra kha su khaM da d+ha tsa tu ra/ A nan da b+ha ga bi swa hU~M hU~M hU~M kA R+YaM ku ru Sh+Ta me/oM badzra ma hA dwe Sha tsa tu ra A nan da dA ya/ ka kha ga mu kha e ka ra so nA tha hU~M hU~M hU~M ka R+YaM ku ru Sh+wa me/ oM sarba ta thA ga ta a nu rA ga na badzra swa b+hA ba At+ma kou0f85haM/ gnyis gnyis sgras bskul sa bon las/ /gzugs sgra dri ro'i rang bzhin dang / /sa chu me r lung rnam dag pa//lha mo brgyad rnams rim pas bkod/ /dbang po tshangs steng gau ri gnag /phyag gnyis gri gug ro hi ta/ /gshin rjer rkun ma dbang po'i steng / /dmar po cang te'u phag pa can/ /chu bdag nye dbang ro langs ma/ /dmar ser rus sbal thod pa bsnams/ /lus ngan drag por za phod mo//ljang gu sbrul dang pad snod can/ /dbang ldan gshin rje puk+ka sI/ /dbang sngon ser g.yas dgra sta g.yon/ /byin zar ri khrod nor sbyin steng / /dkar mo dge slong 'khar gsil 'dzin/ /bden bral de steng gtum mo sngo/ /g.yas na 'khor lo thod pa g.yon//rlung mtshams g.yung mi lha min te/ /rdo rje sdigs mdzub sna tshogs mdog /yang na sbyor sgras oM AHhU~M/ hoHgnyis dbus gnas sbyor ba yis/ /rig ma dang bcas zhu ba las/ /puk+ka sI sogs glu yis bskul/ /snying rje'i thugs kyis rje btsun bzhengs/ /puk+ka sI bdag skyabs mdzod cig /stong pa'i rang bzhin spangs nas ni/ /bdag la bde chen rnal 'byor mdzod/ /khyod dang bral na bdag 'gum mo/ /kye yi rdo rje khyod bzhengs shig /stong pa'i rang bzhin spangs mdzod la/ /ri khrod ma ni bdag don sgrubs/ /'jig rten mgron gnyer 'dod pa'i gtso//stong pa nyid la ci phyir bzhugs/ /gtum mo bdag ni zhu bar bgyid/ /khyod ma lags na phyogs 'tshal/ /bdag gis nyid kyi thugs 'tshal gyis/ /dbang po'i dri ldan khyod bzhengs shig /g.yung mo bdag ni dran nyams pas/ /thugs rje rgyun chad ma mdzad cig /bskul bas smon lam rjes dran nas//hU~M dang o las rab bzhengs pa/ /rnam thar bsdu dngos stong rnams dag /zhal brgyad zhabs bzhi bcu drug phyag /g.yas kar g.yon dmar dbus mthing spyan/ /gsum gsum lhag ma bung ba mtshungs/ /nyi mar zhabs g.yas brkyang g.yon bskum//lhag mar gar gyi tshul gyis bzhengs/ /g.yas par glang sogs nad rnams sdud/ /g.yon pas sa sogs dbang phyug brgyad/ /thod pa skam rlon do shal thod/ /phyag rgya lngas brgyan bdud bzhi mnan/ /rnam shes dag pa bdag med gnag /g.yas na gri gug thod pa g.yon//skra ser spyan gsum rgyan rnams rdzogs/ /yab yum 'khor bcas thugs kar ni/ /pad nyir sa bon phyag mtshan las/ /ye shes sems dpa' bskyed par bya/ /sangs rgyas byang chub 'grub 'gyur bas/ /ye shes dkyil 'khor spyan drang bya/ /gA+au rI la sogs lha mo bzhi/ / dgug gzhug bcing dang dgyes pa bskyed/ /oM badzra gau rI A kaR+Sha ya dzaHoM badzra tsau rI pra be+e sha hU~M/ oM badzra be+e tA lI s+pho Ta ya baM/ oM badzra g+ha sma rI ba shiM ku ru hoH/mig dang rna ba sna lce lus/ /yid kyi skye mched rnam dag pa/ /gti mug zhe sdang ser sna dang / /'dod chags phrag dog rdo rje ma//bdag med ma rnams rang gnas dgod/ /lus ngag yid gsum rnam dag pa/ /mkha' spyod sa spyod sa 'og ma/ /sku gsung thugs kyi gnas su'o/ /'od zer gyis bskul dpa' bo'i tshogs/ /mchod byas gsol btab dbang bskur mtha'/ /rigs kyi bdag pos dbu la brgyan//zhe sdang gti mug ser sna dang / /'dod chags rdo rje gau rI sogs/ /gnyis gnyis rim bzhin phyag rgyas gdab/ /oM sarba ta thA ga ta a b+hi She ka ta badzra swa b+hA ba A t+ma kou0f85haM/ rlung me'i steng du thod par ni/ /b+huM aM dzr-iM khaM hU~M dang ni/ / go ku da ha na las ni/ /bdud rtsi rdo rje lce yis myang / /oM sarba ta thA ga ta a mr-i ta swa da na badzra swa b+hA ba A t+ma kou0f85haM/ de nas mkha' 'gro'i tshogs spros pas/ /zla nyi chus smin rdo rje ro/ /cang te'u sgra dang 'khyud pa ste/ /gtso bo nas brtsams rim bzhin mchod/ /oM sarba ta thA ga ta pU dza badzra swa b+hA ba A t+makou0f85haM/'gro ba dug can mi bzad pas/ /khyab par bzhugs nas he ru kas/ /sna tshogs tshul gyis bdud rtsir bsgyur/ /sman mchog dpa' bo khyod la 'dud/ /oM sarba tA thA ga ta stu ti badzra swa b+hA ba A t+ma kou0f85haM/ de ltar bde bar gshegs drug gis/ /bsam g tan rab tu 'bad pas bya//bsam gtan mi nus rnal 'byor gang / /de ni dag pa rjes su dran/ /de nas mkhas pas sngags bzlas te/ /yab yum zhal nas mgal me yi/ /'khor lo bzhin du bskor bar bya/ /kha dog las kyi dbye bas dbye/ /oM aSh+Ta na nA ya/ piM go ra d+h+wa ke sha war+t+ma ne/tsa tur biM sha ti nai trA ya/ Sho Da sha b+hu dzA ya/ kr-iSh+Na dzI mu ta wa pu She/ ka pA la mA ne ka d+ha ri Ne/ A d+h+ma ta krU ra tsi t+tA ya/ a r+d+ha n+du daM Sh+T-i Ne/ oM mA ra ya mA ra ya/ kA ra ya kA ra ya/ gardza ya gardza ya/ tardza ya tardza ya/ sho Sha ya sho Sha ya/sap+ta sA ga rAn/ b+ha n+d+ha b+ha n+d+ha/ nA ga aSh+Ta ka nA/ gr-ih+Na gr-ih+Na/ sha trUM/ ha hA hi hI hu hU he hai ho hau haM haHphaT swA hA/ rdo rje'i glu dang smon lam dang / /langs nas dngos grub lhar bsam spyad/ /dpal kye'i rdo rje'i bya ba'i rim pa'i lam las bskyed pa'i rim pa'i bya ba ste drug pa'o// //bskyed pas blo sbyangs rnal 'byor pas//rdzogs pa'i rim la gnas pas bya/ /lte bar gtum mo sbar ba yis/ /de bzhin gshegs pa lnga bsregs nas/ /spyan la sogs pa yang bsregs pas/ /bsregs pas haM las ri bong 'dzag /sgong skyes gnas su chu skyes ni/ / 'dab brgyad ge sar bcas de la/ /yab lnga yum bzhi kun gyi dngos/ /kun nas mi 'chi rgyun gyis mchod/ /snying dbus zla bar gzhom med ni/ /sna tshogs 'od ldan de rdo rje/ /rdo rje bdag med mkha' 'gro ma/ /cho gas bskul ba bsgom par bya/ /mkha' 'gro sna rtser yungs kar tsam//mchog dga'i tshul du thams cad bsdu/ /rang 'dod lha yi rim rdzogs nas/ /snying ga'i sa bon 'od zer las/ /A li kA li'i dkyil 'khor dag /spros pas phyogs bcu'i 'jig rten dag /gnyis gnyis sgra yis rim bzhin du/ /lhan cig skyes pa'i nyi zlar gyur//'od zer bye ba brgya stong nas/ /ma lus bzhugs pas byin gyis rlob/ /de nas bla nyi nyi rang la/ /zer yang spu rtsa de 'bum cha/ /'bum cha'ang mi dmigs tshul de nyid/ /dga' ba chen po bsgom par bya/ /rdor dril yid 'ong mtshan ldan pa/ /g.yas kyis gsor zhing g.yon gyis dkrol//bcu drug cha la yang dag rdzogs/ /thams cad thams cad bdag nyid la/ /chu bo rgyun du 'bab pa dang / /mar me rgyun du 'bar ba ltar/ /rtag tu de nyid rnal 'byor pas/ /nyin dang mtshan du gnas par bya/ /rdo rje pad+ma'i rnal 'byor gyis/ /der ni sa ni skye bar 'gyur//gsher ba'i rnam pa byang chub sems/ /chu yi khams ni 'byung ba'o/ /bsrubs pas me ni skye ba ste/ /'gro ba rlung du rab tu grags/ /bde ba nam mkha' yi ni khams/ /gang phyir 'byung chen bde ba yis/ /lnga rnams yongs su bskor ba ste/ /de phyir bde ba de nyid min//lha gcig skyes gnyis gang skyes pa/ /de ni lhan skyes zhes su brjod/ /rang bzhin lhan cig skyes zhes bya/ /rnam pa thams cad sdom pa gcig /thugs rje thabs yin rnal 'byor pa'i/ /phyag rgya rgyu dang bral ba nyid/ /snying rje stong pa tha dad med/ /'di ni byang chub sems zhes brjod//sngags 'dzab dka' thub sbyin sreg byed/ /dkyil 'khor can dang dkyil 'khor de/ /sngags bzlas dka' thub sbyin sreg de/ /dkyil 'khor 'khor dang dkyil 'khor de/ /mdo ru bsdus na sems nyid de/ /ting nge 'dzin gyi rang bzhin no//phyag rgya chen po'i dngos grub ni/ /nye bar thob par gyur pa'i rtags/ /dang po sprin gyi rnam pa ste/ /gnyis pa du ba 'dra ba nyid/ /gsum pa me khyer rnam pa dang / /bzhi pa mar me nye 'bar ba/ /lnga pa rtag tu snang ba ste/ /sprin med nam mkha' 'dra ba nyid//phyi nas sgyu ma'i rnam pa ltar/ /rmi lam rnam par skad cig 'gyur/ /khams gsum rgyu dang mi rgyu ba/ /ma lus lus pa med par 'grub/ /dpal kye'i rdo rje'i bya ba'i rim pa'i lam las/ rdzogs pa'i rim pa'i bya ba ste bdun pa'o// //mkhas pa sngags kyi mthar phyin cing //bstan bcos kun la 'jigs med pas/ /'jig rten tha snyad rjes 'brangs te/ /rab tu gnas pa'i cho ga bya/ /lus bkrus dris bsgom gos gtsang bgos/ /do shal rkang gdub dpung rgyan dang / /rna cha gdu bu sor gdub sogs/ /rgyan rnams kun gyis brgyan byas te//zla ba dag dang tshes grangs dang / /gza' dang skar ma bzang po la/ /gnas ni yid 'ong 'du 'dzi sogs/ /skyon spangs rnam mdzes bla gab can/ /ba yi rnam lnga dri zhim byugs/ /me tog sil ma sna tshogs dgram/ /gdugs dang rgyal mtshan 'phan la sogs//bla re mchog ni bre bya zhing / /bkra shis rnams kyis brgyan pa yi/ /bum pa rin chen sogs gang dang / /pi wang gling bu 'khar rnga sogs/ /glu gar dga' ston cher bya'i phyir/ /ci 'byor mchod pa legs bshams nas/ /gong ma'i cho gas bsrung bar bya//de nas gtor ma legs byin nas/ /sku gsung thugs kyi mtshan ma gang / /sku gzugs glegs bam mchod rten sogs/ /dang po nyes pa bkru ba'i phyir/ /ba yi lci ba chu dang zho/ /'o ma mar gyis bkrus 'og tu/ /'bru mar gyis kyang byug par bya//'bru mar shun lpags lngas bsal bya'o/ /u dum bA ra shi ri Sha/ /a shwa t+tha dang n+ya gro d+ha/ /bar ka ta yi shun pags te/ /de nas dri lngas khrus gsol ba/ /tsan+dan gnyis dang gur gum dang / /la gu dran ti ka lnga'o/ /phyi dro sku gzugs 'du byas pa/ /'og nas 'byung ba'i rim nyid kyis//lhag par gnas bya bum pa yang / /snga ma'i cho ga bzhin du'o/ /lha gnas phyogs char khrus sa ni/ /zur bzhi khru bzhi khru do dpangs/ /yid 'ong mdzes bcas gdan steng bzhugs/ /bkra shis rol mor bcas khyus gsol/ /ji ltar bltams pa tsam gyis kyang //lha rnams kyis ni khrus gsol ba/ /lha yi chu ni dag pa de/ /de bzhin bdag gis khrus gsol lo/ /khyod ni sbyin pa'i rang bzhin chus/ /ser sna'i dri ma sbyong mdzad cing / /gtong ba dri yis rjes bsgos pa/ /khrus legs mdzad la phyag 'tshal 'dud/ /khyod ni tshul khrims rang bzhin chus//khrims 'chal dri ma sbyong mdzad cing / /tshul khrims dri yis legs bsgos pa/ /khrus legs mdzad la phyag 'tshal 'dud/ /khyod ni bzod pa'i rang bzhin chus/ /zhe sdang dri ma spyod mdzad cing / /byams pa'i dri yis legs bsgos pa/ /khrus legs mdzad la phyag 'tshal 'dud//khyod ni brtson 'grus rang bzhin chus/ /le lo'i dri ma sbyong mdzad cing / /brtson 'grus dri yis legs bsgos pa/ /khrus legs mdzad la phyag 'tshal 'dud/ /khyod ni bsam gtan rang bzhin chus/ /rnam g.yeng dri ma sbyong mdzad cing / / ting 'dzin dri yis legs bsgos pa/ /khrus legs mdzad la phyag 'tshal 'dud/ /khyod ni shes rab rang bzhin chus/ /shes 'chal dri ma sbyong mdzad cing / /ye shes dri yis legs bsgos la/ /khrus legs mdzad la phyag 'tshal 'dud/ /chu bo drug gis khrus mdzad cing / / dri ma rnam drug sbyong mdzad pa/ /rgya chen yon tan drug ldan pa/ /khrus legs mdzad la phyag 'tshal lo/ /gang la nyes pa mi mnga' zhing / /yon tan thams cad dang ldan pa/ /sangs rgyas de la thar don du/ /dad pas bdag ni khrus gsol lo/ /oM sarba ta thA ga ta kA ya bi shod+ha ne swA hA//pha'i rnam lnga'i 'o/ /oM hU~M trAM hrIHmar khu'o/ /oM sarba ta thA ga ta a b+hi she ka te sa ma ya shrI ye AHhU~M swA hA/ /sku khrus gsol ba'i sngags so/ /de nas mkhas pas bkra shis kyi/ /tshigs bcad 'di yang brjod par bya/ /nyin mo bkra shis mtshan bkra shis/ /nyi ma'i gung la gnas bkra shis//nyin mtshan rtag tu bkra shis pa/ /sangs rgyas rnams kyis deng 'dir stsol/ /nyin mo bkra shis mtshan bkra shis/ /nyi ma'i gung la gnas bkra shis/ /nyin mtshan rtag tu bkra shis pa/ /dam chos rnams kyis ding 'dir stsol/ /de ltar kun la sbyar/dge 'dun rnams kyis deng 'dir stsol/ /rgyal sras rnams kyis deng 'dir stsol/ /phyogs skyong rnams kyis deng 'dir stsol/ /srung ma'i tshogs kyis deng 'dir stsol/ /de ltar khrus gsol de 'og tu/ /gos kyi phyi bzhin dri lngas byug /sku la sogs pa'i mtshan ma ni//bdud rtsi 'khyil bas bsrung bar bya/ /de nas sku sogs mi dmigs la/ /rang gi sngags dang phyag rgya ste/ /de la sku sogs rdzogs pa la/ /spyan drangs mchod pa la sogs bya/ /ji ltar sangs rgyas thams cad dag /dga' ldan du ni gnas nas su/ /lha mo sgyu 'phrul lhums gshegs pa//de bzhin 'dir ni gshegs su gsol/ /oM badzra gau rI A kaR+Sha ya dzaH/ oM badzro tsau rI pra be sha ya hUM/ oM badzra be+e tA lI ban+d+ha baM/ oM badzra g+ha sma rI wa shaM ku ru hoH /'dir ni rtag tu bzhugs nas kyang / /brtse bas rjes su gzung ba dang / /byang chub sems ni rab 'phel phyir//brtan par 'dir ni bzhugs su gsol/ /oM badzra d+ha ra d+ha ra/ d+ha ra ya d+ha ra ya/ mar+d+ha mar+d+ha/ badzra d+h+r-i ga a d+haM tiSh+Tha/ oM sa shwa pa ra ma sa shwa ta/ e h+ye hi dzi na dzika a d+hi tiSh+Tha/ oM badzra sU r+ya ta mo bi d+ha ma na sa ma ya s+t+waM haM rat+na d+h-i ka a d+hi tiSh+Tha/ oM badzra d+harmA sa ma ya s+t+waM hu lu hu lu A ro l-i ka a d+hi tiSh+Tha/phuHphuHphuHhi hi hi/ pra dz+nyA D+h-i ka a d+hi tiSh+Tha/ oM mo ha ra ti a d+hi tiSh+Tha/ oM dwe Sha ra ti a d+hi tiSh+Tha/ oM rA ga ra ti a d+hi tiSh+Tha/ oM badzra ra ti a d+hi tiSh+Tha/ de nas mig sogs gti mug sogs/ /rdo rje gsum ni gnas gsum dgod/ /dbang ni rang gi rigs nyid kyis//rang nyid gnas su ye shes bsam/ /ye shes bdud rtsi'i sbyor ba yis/ /mchod pa'i rim pa dbul bar bya/ /'chad par 'gyur ba'i cho ga yis/ /rgya cher rab tu mchod nas ni/ /blo dang ldan pas bstod pa bya/ /mi bskyod rdo rje ye shes che/ / rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje dbyings la phyag 'tshal bstod/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab//rdo rje nam mkha' dri ma med/ /rang bzhin dag pas gos pa med/ /rdo rje sku la phyag 'tshal lo/ /rdo rje mi 'chi rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje gsung la phyag 'tshal lo/ /don yod rdo rje rdzogs sangs rgyas//bsam pa thams cad rdzogs mdzad pa/ /rang bzhin dag pa nyid las byung / /rdo rje sems dpa' phyag 'tshal lo/ /der ni tshogs kyi 'khor lo dang / /sbyin sreg gtor ma'ang rgyas par bya/ /mthong dang ma mthong 'bras bu dag /phun sum tshogs pa thob par 'gyur/ / dpal kye'i rdo rje'i bya ba'i rim pa'i lam las rab tu gnas pa'i bya ba ste brgyad pa'o// //blo ldan khrus byas rgyan rnams brgyan/ /dkyil 'khor bsgrub dus gnas nang du/ /sbyin sreg de nyid la gnas te/ /las kun sgrub byed sbyin sreg bya/ /sngags pas byang du mngon bltas te//zhi ba'i las ni yang dag brtsam/ /shar du rgyas pa mngon spyod lhor/ /dbang dang dgug pa nub tu'o/ /zhi ba dgongs ka bya ba ste/ /rgyas pa nang par bya ba yin/ /dbang dang dgug pa nyi phyed la/ /mtshan phyed gsad dang zhe sdang ngo / /phan pa gnyis kyis zhi ba ste/ / rdo rje nyi ma rgyas pa'o/ /rdo rje chos kyi dbang zhes bya/ /rdo rje sems dpa' gsad pa'o/ /zhi ba'i sems kyis zhi ba ste/ /nad la sogs pa zhi bar bya/ /rgyas pa'i sems kyis rgyas pa ste/ /rin chen char sprin rab bskor bya/ /rjes su chags pa'i sems kyis ni/ /dgug pa'i las ni yang dag brtsam//gdug pa'i sems kyis gsad pa ste/ /me yi char sprin dbab par bya/ /zhi ba'i thab khung zlum po ste/ /rgyas pa la ni gru bzhi'o/ /dbang ni zla ba phyed pa 'dra/ /dgug pa la ni lcags kyu'i dbyibs/ /gsad dang zhe sdang las la ni/ /nam mkha'i khams dang mtshungs pa'o//khru gang pa dang khru phyed par/ /rgya dang zabs ni zhi ba ste/ /khru do pa dang khru gang pa/ /rgya dang zabs ni rgyas pa yin/ /dbang dang dgug pa'ang khru gang pa/ /khru phyed rgya dang zabs su bstan/ /sor mo nyi shu de yi phyed/ /rgya zabs gsad dang zhe sdang la'o//zhi ba'i kha khyer sor bzhi ste/ /rgyas pa la ni sor mo brgyad/ /dbang dang dgug la sor bzhi bzhi/ /gsad dang sdang la sor gsum gsum/ /phyed ma dkar pos zhi ba la/ /de bzhin rgyas pa ser po ste/ /dbang dang dgug la dmar por grags/ /gsod dang zhe sdang nag po'o//'khor lo rin chen pad+ma dang / /ral gri rdo rje ci rigs dgod/ /rang 'dod lha yi rnal 'byor gyis/ /las kun pa yi sbyin sreg ste/ /tshad dang dbyibs dang kha dog dag /zhi ba dang mthun shar blta'o/ /dgang gzar dbye ba bshad par bya/ /gser sogs nim pa mchod sbyin zhing //yu ba khru do mchu sor brgyad/ /zheng zabs rdo rje sor bzhi'o/ /kha ni pad+ma'i rnam pa mtshungs/ /ska rags gru bzhi mdzes pa ste/ /'og tu pad+ma legs par bya/ /rin chen sor gnyis yu ba'i mgor/ /tha mar rdo rje sor drug pa/ /de ni dgang gzar mtshan nyid do//blugs gzar yu ba khru gang ste/ /mchur ni sor drug zheng dang zabs/ /rdo rje sor gsum pad 'dab mtshungs/ /rin chen sor gcig gsum rdo rje/ /gzhan yang dgang gzar blugs gzar gyi/ /yu ba khru gang bya ba ste/ /'og tu rdo rje rin chen bya/ / de yi dgang gzar rgyar sor bzhi/ /zabs su sor bzhi nang rdo rje/ /sor bzhi'i mthar ni rdo rje ste/ /bar du pad+ma'i 'dab ma'i dbyibs/ /blugs gzar pad dbyibs sor gnyis te/ /zabs su sor gcig nang rdo rje/ /dgang gzar blugs gzar kha rang gi/ /lha yi sa bon rab 'bar bsam//ri pha'ang de yi khar dgod bya/ /yang na sor mo lnga dang gsum/ /bcer bas kyang ni bya bar gsungs/ /me tog bdug spos mar me dang / /de bzhin dri yi dung sogs g.yas/ /g.yon du sngags kyi mchod yon snod/ /mdun du snod ni gzhag par bya/ / mchod sbyin shing sogs yal ga las/ /rtse mo mchog ni ma nyams pa/ /bzang po lo ma gnyis ldan pa/ /las kyi dbye bas dbye bar bya/ /rgyas pa la ni sor bcu bzhi/ /zhi ba sor ni bcu gnyis pa/ /dbang la sor bcu sdang ba dang / /gsad pa la yang sor mo brgyad/ /sha lnga dang ni bdud rtsi lnga/ / rgun 'brum a mra sbrul 'jigs dang / /kha 'dzag skye ma rtse ba ni/ /'bras bu rnams kyis sbyin sreg bya/ /tsam pa a shwa ka dang glu/ /ka tang pa dang srid sgrub nyid/ /ji ltar rnyed pa bzlas byas nas/ /me tog 'dis ni sbyin sreg bya/ /yid kyis mar khu bsam pa dang / /'bras so chag med 'bras dang ni//'bru dang zho yi zan dang ni/ /til dang de bzhin mnyam pa'i shing / /dUr ba rab tu gzhon pa nyid/ /bsam gtan rdo rjes sbyin sreg bya/ /me tog la sogs rdzas rnams ni/ /las kyi dbye bas kha dog dbye/ /dkar po zhi bar byed par brjod/ /ser po rgyas pa sgrub thabs la//dbang dang dgug par dmar po che/ /tha ma'i las la nag po'o/ /til gyi zhi ba rgyas pa zho/ /tsher mas de bzhin gsad pa la/ /zhe sdang sogs la'ang tsher mar brjod/ /dbang dang dgug la ut+pala'o/ /bdud rtsi 'khyil sngags yungs kar bzla//khu tshur gnyis kyis 'dod lha la/ /rang gi bskor bas rab bskor bya/ /gnyis kyi bar du sbyar bar bya/ /cig car khu tshur gnyis dag gis/ /g.yas su bskor bar yang bya'o/ /sngon bzhin yungs kar me snod la/ /sbyang bar bya phyir gzhug par bya/ /oM sarba pA paM da ha na badzra ya badzra satwaM s+ya sarba pA paM da ha swA hA//sbyang ba'o/ /ye shes rnam shes nang bkug ste/ /snyim pas chu ni blang byas nas/ /bskor te sbyang phyir me ru yang / /nyungs kar bzhin du gzhug par bya/ /oM hU~M ta Ti phaT nye reg go/ /de nas yaM shing la sogs rdzas/ /gsang la sbyang phyir sngags 'di 'don//oM shrIM swA hA/ mar sbyang ba'i sngags so/ /oM swA hA/ rdzas bkru ba'i sngags so/ /oM badzra swA hA/ 'bru sbyang ba'i sngags so/ /oM ku ru ku ru swA hA/ rdzas gzhan sbyang ba'i sngags so/ /oM a swA hA/ yaM shing sbyang ba'i sngags so/ / sbyin sreg yan lag las byung zhing / /thab khung bas thung thab khung gzhug /ting nge 'dzin gyis me sbar la/ /yid kyis mar gyi sreg blugs sbyin/ /de ni so sor snang ba ste/ /bsam gtan las byung sku lnga pa/ /de la zhabs bsil zhal bsil dang / /mchod yon 'thor 'thung rim bzhin dbul//ha cang ring min rtse ma nyams/ /g.yas skor shar nas ku sha dgram/ /rtse mo phyogs gcig bstan bya te/ /stegs bu'i steng du gzhag par bya/ /tsan+dan a ka ru shing ngam/ /gzhan yang dri yi shing dag gis/ /sbyin sreg bya phyir rlung yab kyis/ /me sbar gzi bskyed mtshan ma brtag /kha dog dri dang rtse mo 'khyil/ /gzugs dang sgra la sogs pa yi/ /dge dang mi dge bar gyur te/ /zhi ba kha dog dkar 'bar ba/ /rgyas pa ser po'i rnam pa ste/ /dbang dang mngon spyod dag la ni/ /dmar dang gnag pa'i me ni bsngags/ /brgya byin bzang po'i gzhu 'dra ste//g.yas su 'khyil bas mchog yin no/ /ngang pa'i sgra ltar snyan pa dang / /me lce snun zhing rtse mo can/ /sreg blugs bsres pas yon bdag phyir/ /me ni khong du chud phyir brtag /me stag rnam 'phro du ba mang / /rim gyis 'bar zhing khad kyis 'phro/ /mtha' mar rang 'bar gzi byin can//tsha zhing 'od zer 'phro ba dang / /rtse gsum zhib ma 'dra nyid dang / /de bzhin ba lang 'gro 'dra ba/ /de la sogs pa'i mtshan ngan pa/ /mi dge rnams kyang brtag par bya/ /me yi dbus su bsgom bya ba/ /pad+ma nyi ma'i dkyil 'khor la/ /spyan gsum zhal bzhi phyag bzhi'i lha//gsus chen ral pa'i thor tshugs can/ /g.yas pa mchog sbyin phreng ba ste/ /g.yon na dbyug pa spyi blugs so/ /las dang rjes mthun kha dog can/ /ra yi skye gnas las byung bsgom/ /tshur spyon tshur spyon 'byung po che/ /me lha drang srong bram ze mchog /sreg blugs zhal zas bzhes slad du//'di nyid du ni bzhugs su gsol/ /gzi brjid chen po me yi lha/ /'dod pa thams cad sgrub pa po/ /thugs rjes sems can don mdzad pa/ /'di nyid du ni bzhugs su gsol/ /oM e h+ye hi ma hA b+hU ta de ba r-i Shi dwi dza satwa ma gr-i hi twa a hu ti a ha ra a smiM sa n+ni hi to b+ha ba/mchod pa'i tshogs mchod byas la/ /spos khang yongs su bzung byas te/ /'dod don dngos grub rtogs bya'o phyir/ /dam tshig yang dag brjod par bya/ /oM badzra a na la ma hA b+hU ta dz+wA la ya sarba b+ha smiM ku ru sarba du Sh+Ta hUM phaT dr-i Sh+ya dzaHhUM baM hoHsa ma ya s+t+waM a haM/ dam tshig sbyin pa'o//dgang gzar blugs gzar bzang po yi/ /rdo rjes mtshan par sa bon bsgom/ /lag pa g.yas pas gzung byas te/ /pus mo'i bar du gnas byas nas/ /ye shes bdud rtsir byin brlabs rdzas/ /me yi lha la sreg blugs dbul/ /oM a gan ye swA hA/ mar gyi'o/ /oM sarba pA paM da ha na badzra ya badzra sarba pA paM da ha swA hA//til nag gi'o/ /oM badzra puSh+Ta ye swA hA/ /'bras ma chag pa'i 'o/ /oM sarba saM pa de swA hA/ /zho dang zas mchog gi'o/ /oM badzra bi dzA ya swA hA/ /'bras so ba'i 'o/ /oM ma hA be+e gA ya swA hA/ /nas kyi'o/ /oM ma hA ba lA ya swA hA/ /mon sran dre lu'i'o//oM badzra g+ha sma ri swA hA/ gro'i 'o/ /oM badzra A yu She swA hA/ /dUr ba gzhon nu'i 'o/ /oM a pra ti ha ta badzrA ya swA hA/ /ku sha'i 'o/ /oM badzra bi dzA ya swA hA/ /u dum bA ra'i 'o/ /oM po d+hi br-i k+Sha ye swA hA/ /byang chub kyi shing gi'o/ /oM badzra la tA ya swA hA/ /ba la k+Sha'i'o/ / oM badzra ku be rA ya swA hA/ /n+ya gro d+ha'i 'o/ /oM sa ha ka rA ya swA hA/ /a mrI'o/ /mthar ni swA hA zhi ba ste/ rgyas pa'i dus su pau Sha Ta/ mthar ni hU~M phaT gsad pa la/ /dgug dang dbang la dzaHdang hriH/ /ci 'byor mchod nas me yi lha/ /rdo rje 'dzin pas bstod par bya/ /'jig rten dbang phyug tshangs dbang mchog gi sras//me lha'i rgyal po Tak+kis dbang bskur ba/ /shes rab mchog gis nyon mongs thams cad bsreg /'dzin byed me lha nyid la rnam par 'dud/ /tshangs pa 'jig rten mgon gyi sras/ /me lha'i rgyal po drang srong mchog /'byung po yongs su bskyang ba'i phyir//thugs rje dbang gis skur sprul pa/ /rig sngags grub pa'i drang srong tshul/ /nyon mongs bsreg pa'i shes rab 'od/ /bskal pa'i me bzhin gzi brjid 'bar/ /mngon shes rdzu 'phrul zhabs dang ldan/ /thabs kyis sprul ba'i theg pa bcibs/ /rig sngags gsung zhing bgrang phreng 'dzin//bdud rtsi bcud ldan gun+d+he bsnams/ /chos kyi bdud rtsi yongs la bsil/ /nyes pa'i skyon bral tshangs par spyod/ /'jig rten gnas kyang mya ngan 'das/ /zhi ba brnyes kyang thugs rje che/ /de bas bstod de phyag kyang 'tshal/ /de nas yi ge brgya pa bzla//bsang gtor bya ste me lha yi/ /thugs kar rang lha bskyed byas la/ /spyan drang mchod bstod la sogs bya/ /dmigs med mkha' ltar dag par khyab pa yi/ /chos sku nam mkha' lta bur dbyer med kyang / /thabs dang shes rab gzugs brnyan skur ston pa/ /bcom ldan 'khor bcas 'dir ni gshegs su gsol//ma lus sems can kun gyi don slad du/ /bdud sde dpung bcas ma lus 'joms mdzad cing / /dngos rnams ma lus ji bzhin mkhyen gyur pa/ /bcom ldan 'khor bcas 'dir ni gshegs su gsol/ /oM e h+ye hi b+ha ga wAn ni b+ha ba taM sa ma ye na tsa a r+g+haM taM saM pra tIts+tsha pU dzI tsa r+ya pra si da me/mchod yon phul te dgug sogs bya/ /byin brlabs dbang bskur legs rdzogs nas/ /mchod dang bstod pa nyer spyod sogs/ /sngar bzhin phul nas ye shes me/ /mnyes byas 'dod pa'i don blangs te/ /yi ge brgya bas gshegs su gsol//lhag pa'i rdzas kyi dgang blugs kyis/ /me lha mchod de gshegs su gsol/ /bdag gi don dang gzhan gyi don/ /byin za khyod kyis bsgrubs kyis gshegs/ /ji bzhin du ni slar gshegs te/ /bdag gi dngos grub thams cad sgrubs//oM kr-i twA wa sarba satwA r+tha sid+hir dat+ta ya thA nu gAts+tsha tAM bud+d+ha bi Sha ya pu na ya muHsbyin sreg gis ni lha rnams tshim/ /tshim par gyur nas dngos grub ster/ /gsang sngags lhag chad gang yin pa/ /thams cad sbyin sreg dag gis bskong / /de phyir rdo rje mkha' 'gro yis//sbyin sreg rab tu bsngags par mdzod/ /'dis ni rdo rje mnyes par gyur/ /ye shes me ni rang dgyes bya/ /rgyal ba phan pa mnyes pa dang / /gser gyi mda' bdag mnyes pa dang / /pad+ma gar dbang mnyes pa dang / /lcags mchog rgyal po mnyes pa dang / /tshangs pa brgya byin dbang chen dang //khyab 'jug rlung dang me chen dang / /thod ldan nyid dang 'dod lha dang / /zla ba nyi ma gdon gzhan dang / /sa ni zhags pas 'dzin pa dang / /lus ngan de bzhin mtshams skyong dang / /chos rgyal dang ni klu dang ni/ /dri za lha min mi 'am ci/ /sum cu rtsa gsum gnas pa'i lha//'og min du ni gnas pa dang / /gang zhig rgyal chen gnas pa dang / /gzhan 'phrul dbang bsgyur nyid dang ni/ /'phrul dga' yi ni lha rnams dang / /gang zhig dag pa'i gnas son dang / /'od zer 'jig rten khams gnas dang / /mi mjed khams su gnas pa dang //gling bzhir gnas pa'i sems can dang / /gang zhig khams gsum gnas pa dang / /snod ldan sems can 'jig rten dang / /lcug ma tshogs dang rtswa sogs dang / /gang dag rab dga'i sar gnas dang / /pha rol dri med gang phyir dang / /'od 'phro can du gnas pa dang / / mi g.yo'i gnas su byas pa dang / /gang zhig chos sprin rjes son pa/ /gang zhig sbyang dkar song ba dang / /gang zhig ring song thob pa dang / /'od byed du ni gnas pa ste/ /sa bcu'i dbang phyug mgon po dang / /'phags pa'i gang zag brgyad po dang / /rdzogs sangs rgyas dang nyan thos nyid//rwa ni ral gri gzugs can dang / /dmyal ba yi dags byol song dang / /lha dang lha min mi rnams ni/ /sbyin sreg cho gas dgyes pa nyid/ /dpal kye'i rdo rje'i bya ba'i rim pa'i lam las/ /sbyin sreg gi bya ba ste dgu pa'o// //sngags tshul rig pa'i rnal 'byor pas//yid 'ong srog chags med pa'i gnas/ /legs sbyang dri zhim chus byugs nas/ /dus dang sbyar te ro hoM brtsam/ /bdud rtsi 'khyil pa bzlas pa yi/ /dri zhim chu yis dang por bkru/ /de nas rang lha'i [(]rnam [,]rnal [)]'byor pas/ /rnam snang mdzad du de bsams nas/ / rdo rje sdom pa byin nas kyang / /bum pa'i dbang ni sbyin par bya/ /mig la sogs la gti mug sogs/ /rdo rje gsum ni gnas gsum dgod/ /rdo rje thab khung rab sbyor bas/ /sbyin sreg rim pas sbyang bar bya/ /nyi ma dag ni gsum pa na/ /rus pa'i phreng ba bsdu bar bya/ /'o ma dri bzangs bsang gtor nas//de yi mchod rten yang dag brtsam/ /dpal kye'i rdo rje'i bya ba'i rim pa'i lam las ro hom gyi bya ba ste bcu pa'o// //blo dang ldan pa'i sgrub pa pos/ /rnal 'byor pho mo'i dkyil 'khor la/ /khyad par can gyi longs spyod kyis//tshogs kyi 'khor lo rab tu bskor/ /bsod nams 'dod pa'i sbyin bdag gis/ /dkyil 'khor dri dang me tog bcas/ /dri yi thig le'ang dbul bar bya/ /phyag 'tshal nas ni gsol ba gdab/ /dam tshig gsol ba gzhan gyis kyang / /zhi ba la sogs rab tu bskul/ / snga bar dge 'dun chos ston bya/ /bla ma sangs rgyas yang mnyes bya/ /bla ma la ni yon dbul bya/ /de yi rjes la tshogs kun la'o/ /gnas der 'tshogs pa'i rnal 'byor pas/ /dbyug sngon can la gsol btab nas/ /skal ldan skal min shes 'gyur bas/ /dang por lung dang ngag gi brda//lung gis 'dir ni shes par bya/ /gang zhig spun dang sring mo yang / /the tshom med par rnam par shes/ /gang gis sor mo gcig ston pa/ /'ongs sam zhes ni 'dri ba yin/ /gnyis ni legs par 'ongs pa yin/ /mthe bong g.yon pa bcangs pa ni/ / bde ba'i phyag rgyar shes par bya/ /gang zhig ming med ston pa la/ /de yis mthe chung sbyin par bya/ /gang zhig dbus ma ston pa la/ /de yis mdzub mo sbyin par bya/ /gang zhig ming med ston pa la/ /de la mgrin pa rab bstan bya/ /gang zhig gos ni ston pa la/ /de la rtse gsum rab bstan bya//gang zhig nu ma ston pa la/ /de la mtshams ni rab bstan bya/ /gang zhig sa ni ston pa la/ /de la 'khor lo rab tu bstan/ /gang zhig khro gnyer ston pa la/ /gtsug phud dgrol bar ma mngon par brjod/ /gang zhig dpral ba ston pa la/ /de la rgyab ni rab bstan bya//gang zhig rkang mthil ston pa la/ /pho long rtse bar rol par bya/ /phyag rgya so so'i phyag rgya'o/ /dam tshig la yang dbye bar bya/ /de tshe rnal 'byor mas smras pa/ /e ma bu ni snying rje che/ /gal te phreng ba'i lag ston na/ /'du bar bya zhes brjod pa yin/ /phreng bas mngon par gshegs byas la//dam tshig brtul zhugs shin tu mnos/ /ma da na chang ba la sha/ /ma la ya dza de bzhin du/ /'gro ba khe Ta ro shra pa/ /rus pa'i rgyan ni ni rang shu/ /bre kha na shog ces rab can/ /kr-i bi ta ni cang te'u 'dod/ /du dur ni skal med brjod/ /skal ldan ka liM dza raM 'dod/ / reg min di na ni maM zhes bya/ /thod pa pad+ma ban dza nam/ /zan ni tri pi tri ka raM/ /tshod ma ma la ti daM naM/ /bshang ba tsa tur sa maM brjod/ /kastu ri ni gci bar 'dod/ /sih+la rang byung shes par bya/ /ka bu ra ni khu bar shes/ /sha chen sha li dza zhes brjod/ /dbang po gnyis sbyor kun tu ru/ /bo la rdo rje bshad pa ste//kak+ko la ni pad+mar shes/ /rigs kyi dbye ba'i dbye ba yis/ /rigs ni rnam pa lnga zhes bshad/ /brda yi skad ni 'di dag la/ /sangs rgyas zhes bya rigs lnga yin/ /g.yung mo rdo rje'i rigs su bshad/ /gar ma pad+ma'i rigs su 'dod/ /rin chen rigs nyid rang 'tshed ma//skye gnyis de bzhin gshegs mar shes/ /las kyi rigs nyid rang 'tshed ma/ /phyag rgya 'di dag dngos grub ster/ /de yi khu ba rdo rje yin/ /mchod byas brtul zhugs can gyis btud/ /rdo rje snying po sems dpa' che/ /khyod la nga yis bshad pa gang / /rmad du byung ba brda yi tshig /de dag thams cad dad pas gzung / /kye rdo rje las dbang bskur gang / /brda yi skad ni mi smra na/ /de yi dam tshig nyams par ni/ /'gyur ba 'di la the tshom med/ /yams dang 'tshe ba rkun ma dang / /gdon dang rims dang dug rnams kyang / /brda yi skad ni mi smra na/ / gal te sangs rgyas yin yang 'chi/ /rang gi dam tshig shes snyed la/ /gal te tshig 'di mi smra na/ /de la gnas bzhir skyes pa yis/ /rnal 'byor ma ni khro bar byed/ /sgrub dus bkra shis dga' ston dang / /dam tshig gso pa'i cho ga sogs/ /yi dags zla phyed bcu bzhi dang / / tshes brgyad kyi ni dus dag la/ /dur khrod ri yi bya skyibs dang / /de bzhin mi ma yin gyi gnas/ /yang na dben pa 'am rgya mtsho'i mthar/ /ston mo 'di dag brtsam par bya/ /der ni rtag tu brtag par bya/ /dung chen dgu dang ro yi gzugs/ /yang na stag gi pags pa dang / /de bzhin dur khrod ras dbus su//rang gi lhag pa'i lha dmigs nas/ /bzang po rgyan gyis rnam par brgyan/ /thams cad 'byor ba'am dmigs nas ni/ /bems po'i gnas su sreg blugs bya/ /shar lho byang dang dag phyogs su/ /phyogs gnas rnams ni dga' bar bya/ /phyogs bral rnams su lha mo rnams//dam pa'i tshe yis mchod par bya/ /lcags kyu lnga dang bdud rtsi lnga/ /rgyal mtshan mtshon bsnun bdun 'khor dang / /rgyal po shA li la sogs rdzas/ /ji bzhin byin brlab rim pa ni/ /phyi nang gsang ba'i mchod pa yis/ /mkha' 'gro'i tshogs bcas mchod par bya//der ni ma dang sring mo dang / /sring mo'i bu mo sgyug mo ste/ /de nas rgyas par mchod byas nas/ /tshogs kyi 'khor lo 'grub par 'gyur/ /thod pa chen po cha gcig pa/ /chang ni bzang pos bkang byas te/ /bla ma la dbul skal ldan ma/ /phyag btsal nas ni bdag btud bya//pad+ma'i lag pas blang bar bya/ /lag pa de nyid kyis ni dbul/ /der ni sgrub pa po yis phyag /yang dang yang du bya ba'o/ /glu gar dngos grub rgyur gsungs pas/ /de dag gis kyang mchod par bya/ /kak+ko lar gnas po la ste/ /mu m+mu ni kye kak+ko la/ /kye khyod kri pi ta brdung ba/ /snying rje ku co mi byed do//der ni ba la bza' bar bya/ /bsdams par ma da na btung ngo / /kye ka li dza ni gzhug par bya/ /du du ra ni spang bar bya/ /tsa u sa ma ka s+thu ri/ /ga bur sih+las byug par bya/ /shA li ma la ti daM naM/ /der ni rkang pa bza' bar bya/ /phreng ba khan dang khe ta byed/ /dag dang ma dag mi blta'o//ni raM su yis yan lag brgyan/ /der ni shra pa rnam par gzhug /ma la dza ni kun du ru/ /din daM maM ni der mi spang / /he ru ka yi gzugs kyis gar/ /dran pa ma yengs rnal 'byor bya'o/ /bsgom par zhen pa'i sems kyis bya/ /chags dang ldan zhing goms pa'i sems//rdo rje chos dang sangs rgyas te/ /rnal 'byor ma yis mi mo yi/ /glu dang gar ni 'di dag ste/ /mchog tu glu blang gar bya'o/ /'di nyid kyis ni 'khor bsrung zhing / /de bzhin bdag kyang bsrung ba ste/ /'di yis 'jig rten dbang du byed/ /'di nyid sngags kyi bzlas pa ste/ /gang du dad pas glu blang dang / / gang du dad pas gar bya ba/ /tshogs kyi bdag pos sngon byas te/ de la dri ni brtag par bya/ /dang por sgog pa la sogs dri/ /de nas yang ni bya rgod dri/ /de rjes ga pur ma la dza/ /glu yis byin rlabs mtshan nyid do/ /ngang pa'i skad dang bung pa'i skad/ /glu yis rjes su thos 'gyur te/ / ce spyang gi ni skad dag dang / /phyi rol tshal du brtag par bya/ /sgrub pa po dang rnal 'byor mas/ /tshogs kyi 'khor lo'i ston mo ni/ /gang du zos na dngos grub ni/ /'dod pa thams cad 'grub byed pa'o/ /de ltar glu gar bkra shis dang / /smon lam cho ga kun rdzogs nas/ /yan lag rgyan rnams kyis brgyan te//dro rje dril bu blangs nas ni/ /bdag nyid rnal 'byor legs ldan pas/ /phud dang lhag ma kun bsres la/ /lam gyi bzhi mdor gtor ma gtang / /de rjes sbyor ldan bde bar gnas/ /dpal kye'i rdo rje'i bya ba'i rim pa'i lam las/ /tshogs kyi mchod pa'i bya ba ste bcu gcig pa'o// //mkhas pas gnas dang dus kun du/ /'dod pa'i don kun sgrub byed dang / /bgegs ni zad cing zhi bya'i phyir/ /gtor ma rgyun du sbyin par bya/ /rlung me thod pa la gnas pa/ /lcags kyu lnga dang bdud rtsi lnga/ /'bar dang skrod pa la sogs bsgrub//de nas phyogs gnas rnams dang ni/ /'byung po che la gtor ma sbyin/ /g.yas pas rdo rje gsor bya zhing / /g.yon pas dril bu dkrol bya zhing / /phyag rgya sgyur pa'i regs pas skrod/ /lta stangs dang ni dgra bgegs skrod/ /sngags dang bcas pa'i stang stabs kyis/ / shar gyi gnas ni mnan par bya/ /rim pa 'di nyid kyis ni gzhan/ /sgo nas dag gis kyang ni mnan/ /lag pa g.yas dang g.yon dag gis/ /rol dang bcas pas mtha' sogs spro/ /cung zad bskyod pa'i sdigs mig dang / /bcas pas smin ma rnam par bskyod/ /'gro ba dbang du byed pa'i rgya//g.yas brkyang ba dang g.yon brkyang ba/ /g.yas bskum pa dang g.yon bskum pa'o/ /slob dpon gtso bo rdor 'chang gis/ /sbyor ba can sngags phyag rgya ste/ /pus stabs gtso bo rkang stabs dang / /bskor ba'i stabs dang zlog pa'i stabs/ /oM hU~M phaT/ /shar sgo'i 'o//pus reg stabs dang g.yon 'debs stabs/ /bskor stabs seng ge'i mchongs stabs so/ /oM hU~M A phaT/ lho sgo yi'o/ /g.yas brkyang ba dang g.yon brkyang dang / /sa ga zlum po'i stang stabs so/ /oM hU~M aM aM aM phaT/ nub sgo yi'o/ /mthun pa'i stabs dang mi mthun stabs//gcig bsdus g.yon bcang rkang stabs mchog /oM ha na mA ra du Sh+TaM g+hA ta ya/ /AH hU~M hrIH hU~M phaT/ byang gi sgo yi'o/ /dri yi dkyil 'khor gru bzhi pa/ /me tog dkar sogs mchod byas te/ /dri dang 'bras mar kha ra zho/ /sbrang rtsi mar ldan shar sgor sbyin//rdo rje khu tshur gnyis bcings la/ /rgyab dang rgyab tu sbyar byas te/ /mthe chung lu gu rgyud bcings nas/ /zhags pa'i tshul sbyar mdzub gnyis sprel/ /'dod pa'i rgyal po'i phyag rgya 'di/ /lha rnams dgug par byed pa'o/ /oM ba ta li ma hA ba ta li hU~M hU~M hU~M dzaH swA hA/oM A rgyu mo dang ni rgyu chen mo/ /nyin dang zla ba dngos grub bzhin/ /lta rgyal mo dang zla rgyal mo/ /lha mo u ma gang gA dang / /gzugs mdzes skar ma 'dus pa dang / /gza' tshogs kun dang tshogs kyi gtso/ /karti ka dang dpal ldan mo/ /lha mo ri bong can 'dzin ma//a ka la dang u pa gal/ /lha min lha yi rgyal po rnams/ /sbos mo dang ni sbos chen mo/ /mchod pa'i gnas 'dir gshegs su gsol/ /hU~X he hoHA kaR+Sha ya A kaR+Sha ya sa ma ya d+he be hU~M hU~M phaT swA hA/ /dgug pa'i sngags dang phyag rgya'o/ /de nyid sdigs mdzub gnyis dkrol ba//tshim par byed pa'i phyag rgya'o/ /se gol gsum brdabs sngags 'dis btang / /oM b+ha k+Sha b+ha k+Sha sa ma ya tiSh+Tha dzruM hU~M phaT swA hA/ /de dag ni lha'i gtor ma'i cho ga'o/ /nub tu dri yi dkyil 'khor la/ /me tog ser dang dkar pos mchod/ /'o ma khrag bsres mngar gsum dang //'o mas bkang ba'i gser snod dbul/ /'dod pa'i rgyal po'i phyag rgya dang / /sngags 'di yis ni dgug par bya/ /oM ba ta la mi hA ta la ba hU~M hU~M dzaHswA hA/ klu rgyal mtha' yas nor rgyas bu/ /'jog po dang ni stobs kyi rgyu/ /pad+ma pad+ma chen po dang //dung skyong dang ni rigs ldan no/ /lha mo lha mo chen mo dang / /zla ba'i spyi gtsug spyi gtsug che/ /dbyug 'dzin dbyug 'dzin chen po dang / /be con chen po hu yin dang / /dga' bo dang ni nyer dga' bo/ /rgya mtsho rgya mtsho chen po dang / /tsha ba tsha ba chen po dang / /dpal gyi 'od dang 'od chen po//rjes su 'od dang mdzes pa dang / /mdzes chen po dang sbrul bzangs dang / /stobs po che dang tshi li dang / /tshi li chen po pa rnams dag /mchod pa'i gnas 'dir gshegs su gsol/ /oM A gats+tsha ya A gats+tsha ya ma hA nA gA d+hi pa ti sarba b+hu ra b+hu phu phu swA hA/ rdo rje khu tshur dam bcings te/ /mthe bong mthe chung bsgreng bar bya/ /lag pa g.yas ni bar phye ste/ /sbrul gyi gdugs kyi tshul du sbyar/ /oM b+ha k+Sha ya b+ha k+Sha ya sa ma ya tiSh+Tha dzrUM hU~M swA hA/ /klu rnams dga' byed sngags phyag rgya/ /se gol gsum gtogs gtor bar bya/ / de dag ni klu'i gtor ma'i cho ga'o/ /byang du dkyil 'khor gru gsum pa/ /tsan+dan dmar po la sogs bya/ /me tog dmar sogs nye bar brgyan/ /sA lu'i 'bras chan sbrang rtsi zho/ /bdud rtsi lnga ldan snod bdun gzhag /'dod rgyal phyag rgya sngags 'dis dgug /oM nor bu bzang dang gang ba bzang //bde ba bzang dang rgyal ba bzang / /dga' ba'i phur bu phur bu che/ /phur bu bzang dang pad+ma'i gtsug /dung gi gtsug phud gar dang ni/ /gar chen dang ni 'bigs byed ma/ /gcod byed ma dang rdzogs byed ma/ /nor dang nor kun nor bzang mo/ /gzugs bzang rol dang rol chen mo//bzhad dang rtse dang rnam par bskyod/ /dpal bzang dang ni gzugs mdzes ma/ /rdo rje dbang phyug bka' 'di yis/ /oM ma Ni b+ha drA ya swA hA/ oM pur+Na b+ha drA ya swA hA/ /oM da na b+ha drA ya swA hA/ /oM bai shra ba NA ya swA hA/ oM bi dzi ku N+Da li ne swA hA/ oM ki li mi li ni ya swA hA/oM mu na ke tra ya swA hA/ oM dza le n+d+rA ye swA hA/ nor bu bzang dang gang ba bzang / /nor sbyin bdag dang rnam thos sras/ /rgyal ba bzang po rol mo'i phreng / /bzhin gyi dbang po 'gro ba'i dbang / /de dag la sogs 'khor dang bcas/ /gtor ma sbyin pa'i gnas 'dir gshegs//gnod sbyin gnod sbyin mo spyan 'dren/ /hU~M he hoHA kaR+Sha ya A kaR+Sha ya sa ma ya ti be hU~M hU~M phaT swA hA/ rdo rje bcings bskor snying gar gzhag /sngags 'dis mnyes par byas la btang / /oM da na ti ba ti la phruM swA hA/ de la gnod sbyin gyi gtor ma'i cho ga'o//rdo rje stabs kyis lhor gnas te/ /tsan+dan dmar po la sogs pas/ /phyi rol dkyil 'khor gru gsum byas/ /der ni me tog dmar po dgram/ /nya skam dang ni sha skam dang / /sgog pa'i bi khu khrag gi snod/ /til gyi tshwa mig khu ba rnams/ /khyad par du ni bdud rtsi lnga/ / rnam pa sna tshogs bza' ba dang / /sran ma lnga dang sran chan gyis/ /gang ba'i snod ni mdun du gzhag /'dod rgyal phyag rgya sngags 'dis dgug /oM ba ta li ma hA ba ta li/ /hU~M hU~M hU~M dzaHswA hA/ oM shing gcig dang ni dur khrod dang / /ri dang brag dang phug gis/ /yul gyi 'dab dang lam dang zhing //khyad par du ni khyim stong dang / /snod dang thang dang sa steng dang / /khyad par gdol pa'i khyim gnas pa/ /nag po drag po drag chen po/ /lha sbyin mnyam du bsten pa dang / /nag po 'jigs byed 'jigs byed pa/ /dga' ba las 'das bgegs rgyal lo/ /rgan byed ma dang drag mo dang //'jigs byed ma dang dbu mar bstod/ /rgyal mo rnam par rgyal mo dang / /thub med gzhan gyis mi thub ma'o/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag mo sdang ba lam ba ki/ /'phrog byed ma dang mar me ma/ /'jigs byed yul gnas rnal 'byor ma//drag mo gzugs chen ma dang ni/ /mche ba gtsigs pa thod chen ma'o/ /thod phreng ba dang kha T+waM ma/ /sbrul chen ral gri dgra sta can/ /rdo rje de bzhin gzhu lag dang / /lha yi dbang phyug ma rnams dang / /mkha' 'gro lnga yi de nyid dang / /las kun rjes sgrub byed pa yi//sbyor ba'i dkyil 'khor rgya chen mo/ /de bzhin rdo rje dbang phyug gtso/ /de bzhin gshegs pa'i sku chen po/ /rdul med sbyor ba skye med ma/ /rdo rje dbang phyug ma bka' yis/ /thams cad thams cad 'ong bar byos/ /oM kak+ka D+ha na b+ha n+d+ha na/ kha khA da na sarba du Sh+TaM/ ha na ha na shA ta ya che ge mo hU~M hU~M hU~M phaT phaT dzaHswA hA/khams gsum rnam rgyal rgya bcings te/ /mdzub gnyis lu gu rgyud byas la/ /oM tiSh+Tha hU~M hU~M b+ha k+Sha phaT dzaHswA hA/ /sngags dang phyag rgya 'di yis bya/ /se gol gsum gyis gtang bar bya'o/ /de dag ni 'byung po'i gtor ma'i cho ga'o/ /'byung po chen po'i gtor ma ni//lung gis rim par bshad par bya/ /nam mkha'i khams kyi nang gnas pa/ /pad+ma 'dab brgyad bsgom par bya/ /shar gyi 'dab mar brgya byin bsam/ /lhor ni mthar byed dgod par bya/ /chu bdag nub kyi 'dab ma la/ /de bzhin byang du nor sbyin dgod/ /me yi mtshams la me chen po//bden bral du ni srin po'i/ /nub byang mtshams su rlung lha ste/ /dbang ldan mtshams su 'byung po'i bdag /zla ba nyi ma tshangs la sogs/ /dam pa tshangs ris rnams dang ni/ /tshangs pa mdun na 'don pa dang / /dga' ldan dang ni 'tshe ma dang / /yang dag par byung rgyal chen dang / / gzhan 'phrul dbang ni byed pa dang / /'phrul dga' yi ni lha rnams dang / /gtsang ma'i gnas la gnas pa dang / /bde chen yang dag gnas pa dang / /mi chung bar ni gnas pa dang / /'od zer can gyi 'jig rten khams/ /sum cu rtsa gsum gnas pa rnams/ /de dag thams cad steng du dgod//chos kyi 'byung gnas nang gnas pa/ /stobs kyi rgyu dang dung skyong dang / /mtha' yas nor rgyas de bzhin te/ /'jog po dang ni rigs ldan dang / /pad chen shin du pad+ma dang / /lha min dmyal ba sems can rnams/ /chos 'byung smad du bsam par bya/ /yi ge oM las tshangs la sogs//brgya byin la sogs hU~M yig las/ /stobs kyi rgyu sogs a yig ste/ /phyag gnyis zhal ni gcig pa'o/ /steng gi lha rnams dkar po ste/ /dbang po la sogs nag po'i mdog /stobs kyi rgyu sogs dmar po che/ /rang mdog rig mas yan lag 'khyud/ /lag na rdo rje dril bu bcas//stan la g.yas brkyang yang dag gnas/ /tshangs sogs rtag pa'i phyag rgyas gdab/ /brgya byin la sogs rdo rje yis/ /gar dbang gis ni stobs rgyu sogs/ /thams cad rigs gsum las skyes pa/ /gau rI yis ni dgug byas la/ /chom rkun mas ni zhags pas bcing //ro langs mas ni lcags sgrog sdom/ /za phod mas ni dril bus dbang / /de nas mchod yon zhabs bsil sbyin/ /cho gas gtor ma bsgrub par bya/ /rlung dang me yi dkyil 'khor la/ /a las byung ba'i pad snod bsam/ /'bar ba dang ni khros pa yis//bdud rtsi lnga ni bsgrub par bya/ /chu yi rang bzhin 'di bsgoms nas/ /oM gyis byin gyis brlabs la btang / oM an+da dza ma dza la dza k+Sha b+hU ta ba h+ni/ ba u rak+Sha/ tsan+da sudz+dza mA da pap+pa ta la bA tA la a Sh+Ta sa pa swA hA/ i daM ba liM b+hu dza dzi g+ha phul+la d+hup+pa mAM sa piM g+ha a m+b+ha sap+pa ka dz+dza sA d+ha kha n+ti khu Ni phe Da g+ha ta oM a kA ro mu khaM sarba d+ha rmA NAM A d+ya nu t+pa n+na tA ta oM AHhU~M phaT swA hA//rab tu mchod de bstod nas ni/ /'dod pa'i don kun sgo nas kyang / /de nas dgyes byas gshegs gsol ba/ /yi ge brgya pa bya ba ste/ /oM badzra satwa sa ma ya/ma nu pA la ya/ /badzra satwa twe no pa tiSh+Tha/ dr-i D+ho me b+ha ba/ su po Sh+yo me b+ha ba/ su to Sh+yo me b+ha ba/ sha shwa to me b+ha ba/ a nu rak+to me b+ha ba/ d+h-i da ya me a d+hi tiSh+Tha/ sarba sid+d+hi me pra yats+tsha/ sarba karma su tsa me tsita taM shri yaHku ru hU~M ha ha ha ha ho/ /b+ha ga wAn mA me muny+tsa badzri b+ha ba ma hA sa ma ya satwa AHmuHmkhas pas gtor mas mchod byas nas//lha mnyes 'byung po kun legs byed/ /'khor ba legs 'gyur bde rnyog med/ /zhi rgyas dbang sogs las rnams 'grub/ /dpal kye'i rdo rje'i bya ba'i rim pa'i lam las/ /gtor ma'i bya ba ste bcu gnyis pa'o// //mkhas pas gong du gsungs pa yi/ /gtor ma la sogs dus dag tu/ /phyi nang gsang ba'i mchod pa yi/ /rgyal ba 'khor bcas mchod par bya/ /me tog spos dang mar me dang / /dri yi dung sogs g.yas su gzhag/ /g.yon du mchod yon mdun du snod/ bzhag ste byin gyis brlabs la dbul/ /dang por chu gtsang nyid kyis ni/ /bsang gtor rab tu dbul bar bya/ /oM sarba saM sho d+ha ni hU~M/ /gnyis pa dri yi chu yis ni/ /zhabs bsil dag ni dbul bar bya/ /oM ni ri ti hU~M khaM/ /gsum pa la ni 'o ma mngar/ /zhal bsil du ni dbul bar bya//oM badzra nai bi d+ye AH hUM swA hA/ bzhi par mtheb mdzub gnyis kyis ni/ /me tog dag ni dbul bar bya/ /oM badzra puSh+pe AH hUM/ /dri med dag cing yid 'ong bar/ /sngags kyi yon chab mchog 'di dag /bdag ni dad pas dbul lags kyis/ /bzhes nas bdag la dgyes par mdzod//oM ma hA A mri ta a r+g+haM pra tI ts+tsa swA hA/ /me tog 'di rnams bzang zhing dge /dag pa'i skye gnas las dag pa/ /bdag ni dad pas 'bul lags kyis/ /bzhes nas bdag la dgyes par mdzod/ /oM sarba ta thA ga ta pu Sh+pa pU dzA me g+ha sa mu dra s+pha ra Na sa ma ye hU~M/tshal dag ro ni phan pa dang / /gang zhig dri yi bdug spos rnams/ /bdag ni dad pas 'bul lags kyis/ /bzhes nas bdag la dgyes par mdzod/ /oM sarba ta thA ga ta d+hA pa pU dzA me g+ha sa mu dra s+pha ra Na sa ma ye hU~M/ srin po 'joms shing dag byed pa/ /dge zhing mun sel mar me 'di//bdag ni dad pas 'bul lags kyis/ /bzhes nas bdag la dgyes par mdzod/ /oM sarba ta thA ga ta a lo ke pU dzA me g+ha sa mu dra s+pha ra Na sa ma ye hU~M/ 'di ni dri bzang dge ba ste/ /dag pa'i skye gnas las dag pa/ /bdag ni dad pas 'bul lags kyis//bzhes nas bdag la dgyes par mdzod/ /oM sarba ta thA ga ta gan+d+he pU dzA me g+ha sa mu dra s+pha ra Na sa ma ye hU~M/ bza' dang bca' bar yang dag ldan/ /kha dog dri dang ro ldan ni/ /bdag ni dad pas 'bul lags kyis/ /bzhes nas bdag la dgyes par mdzod//oM sarba ta thA ga ta a kA ro mu khaM sarba d+harma NAM Ad+ya nu t+pa n+na twA ta/ sil snyam la sogs rol mo'i tshogs/ /dbyangs kyi nga ro ldan pa 'di/ /bdag ni dad pas 'bul lags kyis/ /bzhes nas bdag la dgyes par mdzod/ /oM badzra g+ha N+De ra Ni ta pra ra Ni ta saM pra ra Ni ta/sarba bud+d+ha k+She tra pra dz+nya pA ra mi tA nA da swa b+hA be de badzra d+ha rmA/ dr-i da ya ni sa n+to Sha ni phriM hU~M hU~M hU~M/ thod pa rdzas kyis rab bkang pa/ /rlung me'i dkyil 'khor la gnas pa/ /thabs dang shes rab ye shes lnga/ /sku gsung thugs kyis byin gyis brlab/ /ye shes bdud rtsi rab bsgrubs te//sbom po mtha' lhag rtse sbyar la/ /rnal 'byor rnal 'byor ma kun la/ /mthe bo'i thor mas so sor dbyul/ /de yi dbus nas blangs nas ni/ /rang gis bdud rtsi'i ro myang bya/ /oM AHhU~M/ oM sarba ta thA ga ta a mr-i ta badzra swa b+hA ba At+ma kou0f85haM/rdo rje khu tshur gnyis bcings nas/ /rked pa'i mtshams su gzhag par bya/ /khro bo sgeg dang bzhad pa dang / /lus ni dgug pa gsum ltar gzhag /me tog bskyur ba'i tshul gyis dang / /spos la yal ga'i sbyor ba dang / /sdong bus mar me mchod pa dang / /byug pa'i lus kyis rjes su dris//sgeg mo lag pas sgeg mos te/ /phreng ba phreng ba'i mkha' 'gro ma/ /glu yi hU~M gi dam tshig hU~M/ /brla bskum pas ni gar nyid do/ /pi wang tshul gyis sbreng ba dang / /gling bu'i tshul gyis bud pa dang / /bud pa'i tshul gyis bud pa dang / /sil snyan tshul gyis dkrol ba dang //brdab pa'i tshul gyis rdeb pa dang / /gar gyi tshul gyis yan lag bskyod/ /rlung yab tshul gyis g.yob pa dang / /rgyal mtshan tshul gyis bsgreng pa dang / /bla re'i tshul gyis bre ba dang / /ba dan tshul gyis 'phyar ba dang / /gdugs kyi tshul gyis dgab pa dang //cang te'u tshul gyis dkrol ba dang / /'khar rnga'i tshul gyis brdung pa dang / /bzhad pa'i tshul gyis 'dzum pa dang / /khro ba'i tshul gyis khro ba dang / /sgeg pa'i tshul gyis sgeg pa dang / /bsgying ba'i tshul gyis bsgyings pa dang / /'da' 'dren nu ma 'khyud pa dang / / rdo rje gsor ba'i tshul dang ni/ /phyag 'tshal tshul gyis 'dud pa'i/ /gau rI ri bong can 'dzin cing / /chom rkun ma ni nyi ma'i snod/ /ro langs ma ni lag na chu/ /za phod ma ni sman 'dzin cing / /puk+ka sI ni rdo rje ste/ /ri khrod ma ni ro yi snod/ /gtum mos cang te'u brdung par bya//'dod chags chen po rjes chags pas/ /g.yung mo phrag nas 'khyud pa'o/ /de rnams kyis ni gtso bo mchod/ /de ltar rgya cher mchod nas ni/ /blo dang ldan pas bstod pa bya/ /bcom ldan yon tan rab brjod pas/ /'di 'ang mchod pa'i yan lag yin/ /mchod pa 'di rnams bla na med//sangs rgyas thams cad mnyes par byed/ /sangs rgyas rnams ni mchod pas mchod/ /'dod pa'i dngos grub byed par 'gyur/ /sgra la rnam gsum shes byas nas/ /lha rnams la ni dbul bar bya/ /de nyid bcom ldan rdo rje can/ /rdo rje sems dpa' grags chen po//gzugs la rnam gsum shes byas nas/ /lha rnams la ni dbul bar bya/ /de nyid bcom ldan rgyal po ni/ /rdo rje rnam snang mnga' bdag nyid/ /dri la rnam gsum shes byas nas/ /lha rnams la ni dbul bar bya/ /de nyid bcom ldan sangs rgyas ni/ /rin chen chen por rab tu grags//ro la rnam gsum shes byas nas/ /lha rnams la ni dbul par bya/ /de nyid bcom ldan 'dod chags nyid/ /rdo rje chos ni de bzhin gshegs/ /reg la rnam gsum shes byas nas/ /lha rnams la ni dbul bar bya/ /de nyid bcom ldan sna tshogs pa/ /don yod 'bras bu stsol pa'o//glu ni rdo rje can la dbul/ /gar ni sangs rgyas rnams la dbul/ /hi ra mchog la de bzhin dri/ /'jig rten mchog la bza' dang bca'/ /gos kyi mchod pa rta mchog la/ /'di rnams mchod pa dam pa se/ /rdo rje mchod pa byas pa yis/ /rdo rje can kun mnyes par byed//a ka ru nag kye rdo rje/ /phan pa la ni tsan+dan dkar/ /dmar po 'jig rten rje la dbul/ /gur kum rdo rje snang ba la/ /bdun gyi rgyal po thams cad de/ /hU~M rdo rje las byung ba'i dri/ /'di rnams dri yis rab sbyor bas/ /dam pa'i sangs rgyas nyid thob bo/ /kha dang tsha ba rdo rjer dbul//mngar ba rdo rje rtag la dbul/ /skyur ba rdo rje nyi ma la/ /de bzhin lam tshwa 'jig rten dbang / /rta yi rgyal po thams cad dam/ /bska ba yang ni rab brtag bya/ /kye yi rdo rje rdor can gyis/ /me tog mdog nag rkang thung 'byung / /ma l+li ka dang mi la ti/ /kun da sangs rgyas rtag tu dbul//shing gi dbang mchog dri med mchog /snang byed la ni sbyor bar bya/ /dbang mchog dmar po'i chu skyes dang / /ba n+du dmar po pa ta laM/ /pad+ma gar gyi dbang la dbul/ /rta mchog rdo rje can la dbul/ /rdo rje theg pas mnyes byed pa/ /'di ni don dam mchod pa yin//gang gi rnam rtog rnam spangs te/ /byang chub sems ni rnam bsgoms shing / /lus dang sems ni rnam dag pa/ /de yi mchod pa bla na med/ /sems can gang gis dbu ma yi/ /theg pa bsgom pa ma bsgoms na/ /theg pa dman la lhag mos pas/ / de yi mchod pa kun rdzob yin/ /rdo rje mkha' 'gro'i bka' bzhin du/ /bzlas dang bsgom la mngon dga' zhing / /rtag tu 'khor lo'i pha rol 'gro/ /sangs rgyas thams cad mnyes byed pas/ /'dod pa'i dngos grub thob par 'gyur/ /dpal kye'i rdo rje'i bya ba'i rim pa'i lam las/ / mchod pa'i bya ba ste bcu gsum pa'o// //sa gsum gang yin dri bcas de yi phyir/ /de las 'das pa dam pa'i yid brtan nas/ /shes rab thabs ldan rgyal ba'i lam gcig nyid/ /zab cing rgya che rtog ge'i yul ma yin/ /de phyir bla ma'i man ngag brgyud rim gyis/ /rgyal ba'i dbang po bdud rtsi bcud kyi mdzod//sngags tshul rgya mtsho'i lam ni mdor bsdus pa/ /kye yi rdo rje'i bya ba'i rim pa'i lam/ /gang zhig rten cing 'brel pa'i chos 'di dag /rgyu rkyen tshogs las 'bras bu tha dad pa/ /chos nyid kyis thob nus pa bsam las 'das/ /de 'dra'i kun rdzob chud son mi byed cing //de ltar rgyu dang rkyen las byung ba'i phyir/ /dam pa'i don du rang bzhin med rtogs pa'i/ /shes rab nor gyis ma pham de dag la/ /rin chen 'bar 'dis brgyan pa mdzes 'gyur gyi/ /gang zhig kun rdzob rgyu 'bras chud son cing / /don dam tshul la mi mkhas rmongs gyur pa//shes rab nor med dbul po de dag la/ /mdzes par mi 'gyur mi ro brgyan pa 'dra/ /mkhas pa bdag 'dzin zhen pa'i mdud bkrol te/ /bdag gzhan bla med byang chub bsgral ba'i phyir/ /snying rje'i go bgos shes rab thabs ldan pas/ /lus ngag yid kyis mi bya yod ma yin//de phyir dam pa'i grogs kyis gsol btab pas/ /mkhas pa rnams kyi lam srol rnyil pa nas/ /shes rab mig dang rigs pa'i rkang pa yis/ /legs brtags bgrod la nyes pa'i 'jigs bral 'di/ /byas la bsod nams thob pa gang yod des//rin chen 'bar ba'i sgrub thabs lam 'di nas/ /'gro kun 'khor ba'i rgya mtsho myur brgal te/ /kye yi rdo rje'i go 'phang myur thob shog/ /dpal kye'i rdo rje'i bya ba'i rim pa'i lam rin chen 'bar ba zhes bya ba'i sgrub thabs rdzogs so// //slob dpon mkhas pa chen po pradz+nyA i n+t+ra ru tsi'i zhal snga nas mdzad pa rdzogs so/

CLOSE WINDOW