CLOSE WINDOW

D1246
བོད་ཡིག

/dge ba gang zhig thob pa 'di yis skye la brten pa bdag /dus rnams kun du phan pa'i rgyu des rdo rje rgyal bar shog /slob dpon rin chen 'byung gnas zhi bas mdzad pa rdzogs so// @##/ /rgya gar skad du/ sa ha dza sa yo ga kra ma nA ma/bod skad du/ lhan cig skyes pa'i rnal 'byor gyi rim pa zhes bya ba/ dpal dgyes pa rdo rje la phyag 'tshal lo/ /dgyes rdor rgyu mthun dang bcas dam pa ni/ /rnal 'byor ma yi 'khor lor rab btud de/ /rdzogs pa'i rim pa'i phyogs su ji lta bar/ mngon par rtogs pa de bzhin bshad par bya//mkha' dbyings b+ha gar bsams nas ni/ /dbus su bsgom par bya ba ste/ /'khor lo sngon 'gro ci rigs par/ /lha rnams ji ltar byung ba'o/ /zhes bya ba mdor bstan pa'o/ /de'i don ni 'di yin te/ /gnas la byed pa zhugs nas ni/ /sgrub pa pos ni bya ba bya//'bras bu rnal 'byor ma 'khor lo/ /de yi rgyu mthun he ru ka'o/ /zhes bya ba la bskyed pa'i phyogs su dag pa bzhi gang yin pa de rnams las gsum pa dang mchog las 'og ma dang / dga' bral las gong ma gang yin pa de ni lhan cig skyes pa'i dga' ba ste/ de nyid 'dir ni rnam pa gnyis//'bras bu rnam pa gnyis su 'dod/ /gcig ni nam mkha' dang mtshungs pa/ /gzhan ni zla ba rdzogs pa bzhin/ /de dag las ni mkha' dang mtshungs/ /gang de skyob pa chos sku yin/ /gang zhig zla ba rdzogs 'dra ba/ /de ni longs spyod rdzogs sku'o/ /de nyid rnal 'byor ma'i 'khor lo//gang zhig ye shes gnyis su med/ /ji ltar mthar ni bde ba che/ /de bzhin thog mar tha mi dad/ /de ni chos kun rang bzhin dang / /de ni gnyis med yi shes yin/ /de ni bde chen de yi phyir/ /'gro ba thams cad de bzhin no/ /'di'i mngon par rtogs pa ni 'di yin te/sgom pa 'di la dbang byed pa ni/ dpa' bo gcig pu dben par gnas pa/ 'jam pa'i stan la 'dug ste/ chos thams cad rang bzhin gyis dag par shes nges par byas la/ bdag nyid he ru kar mos shing yid kyis gang yang rung ba bkug ste/ de nyid bdag med mar mos te/kak+ko lar po la'i rol pa 'am yang na bo la'i bu gar rang gi snying ga dang lte ba las byung ba'i thabs shes rab kyi rnam par rol pa bsgom zhing / bsgoms pa'i stobs kyis don dam pa mngon par phyogs par bya'o/ /ji ltar mngon par phyogs par byas pa/ dbang po thams cad dang /yan lag dang nying lag dang / phyogs bcu'i dngos po thams cad la spro bar bya'o/ /snang ba med cing gsal ba tsam/ /bde ba chen po mtha' yas pa/ /ji srid nus pa de srid du/ /rgyun ma chad par blta bar bya/ /langs pa dang dngos po thams cad bde ba chen po'i rang bzhin yin pas rnal 'byor ma'i 'khor lo'i bdag nyid can mos par bya'o//yang dag yang du myur du bsod nams dang ye shes kyi tshogs bsags par bya ba'i phyir/ rang rig pa'i bde ba chen po de nyid kyis mchod par bya'o/ /tshogs bsags pa'i bsgom pa'i khyad par gyis yun ring ma yin par 'dod pa'i dngos grub tu 'gyur ro//srog chags thams cad bdag las byung / /khams gsum yang ni bdag las byung / /'di dag thams cad bdag gis khyab/ /'gro gzhan rang bzhin mi snang ngo / /de ltar shes nas rnal 'byor pa/ /mnyam par gzhag pa gang slob pa/ /mi de bsod nams dman pa yang / /grub par 'gyur te the tshom med//yang na mnyam par gzhag pa'i rnal 'byor yang yang ldang ba'i rnal 'byor te/ rnal 'byor gnyis po ni nus pa ji lta ba bzhin du chu bo'i rgyun bzhin nam rgyu ba mar me'i snang ba'i rgyun bzhin du/ rtag tu de nyid rnal 'byor gyis/ /nyin dang mtshan du gnas par bya/ / rang gi rig pa'i ye shes 'di/ /ngag gi lam gyi spyod yul 'das/ /de ni byin brlab rim pa ste/ /kun mkhyen ye shes de rang bzhin/ /sa dang chu dang me dang ni/ /rlung dang mkha' rnams nyid dag dang / /rang bzhin rig pas kun rig la/ /skad cig de kun gnod mi 'gyur/ /mtho ris sa bla sa 'og tu//skad cig gis ni sku gcig 'gyur/ /rang bzhin dbye ba'i rtog pa yis/ /de ni gnod par mi nus so/ /rnal 'byor 'di ni gnas skabs kyi dbye ba dang / thabs kyi dbye bas rnam pa bzhi yin te/ sprin lta bu dang / sgyu ma lta bu dang / rmi lam lta bu dang / gnyid log pa dang / sad pa lta bu'o/ /dngos grub kyis sngon du sprin lta bu ste/ srab pa'i sprin gyis bkab pa'i zla ba rdzogs pa bzhin du mi gsal ba'i phyir ro/ /grub na sgyu ma lta bu ste/ yid kyis sprul pa'i rig ma'i stobs kyis gsal bar 'byung ba'i phyir ro/ /de nas rmi lam dang 'dra ba ste/ /bo la'i yi ge rnal 'byor gyi stobs kyis rnal 'byor gyi gnyid log pa la cig car du skye ba'i phyir ro//de nas rmi lam dang sad pa lta bu yin pa la/ ji ltar sad pa lta bu yin zhe na/ phyi rol gyi rig ma'i sbyor ba las skyes pa'i phyir ro/ /rmi lam lta bu'i rgyu ci lta bu yin zhe na/ rang dang gzhan dag mi dmigs pa'i phyir ro//de dag kyang gong nas gong du khyad par du 'gyur ba'i phyir te/ snga ma dang snga ma'i stobs kyis phyi ma dang phyi ma skye ba'i phyir ro/ /ji ltar tha ma thams cad kyi mchog ce na/ g.yeng ba yod na yang shin tu mnyam par ma bzhag pa'i phyir dam tshig ma lus pa yod pa'i phyir ro//shin tu zab pa'i dgyes pa'i rdo rje las/ /lhan cig skyes pa'i sbyor ba bsdus nas ni/ /dge ba gang zhig bdag gis nyer bsags pa/ /des ni 'gro ba rdo rje 'dzin thob shog /lhan cig skyes pa'i rnal 'byor dam pa slob dpon chen po dpal rin chen 'byung gnas zhi ba'i zhal snga nas mdzad pa rdzogs so/

CLOSE WINDOW