189a4 /'dis kyang 'gro ba mang po la phan par gyur cig// @##/ /rgya gar skad du/ b+h+ra ma hA ra sA d+ha naM nA ma/ bod skad du/ 'khrul pa spong ba zhes bya ba'i sgrub pa'i thabs/ dpal dgyes pa'i rdo rje la
189a5 phyag 'tshal lo//sa la zhabs mnan byin pa'i shugs kyis rgya mtshor rnam par bskyod/ /'jigs pa'i dus kyi sprin ltar zhal rnams kyis ni sgra 'byin zhing / /phyag gi nags tshal rlung gis ri yi rtse mo 'gul nas 'phen/ /he ru ka yi gar gyis khyed rnams 'jigs
189a6 pa sel ba yin//zhal gdong re rer spyan gsum pa/ /zhabs bzhi yis ni 'jigs mdzad cing / /phyag ni bcu drug zhal brgyad pa'i/ /dgyes rdor sgrub thabs bshad par bya/ /'dir bsgom pa dang / bzlas pa la dbang bar gyur pa'i sngags pa nang par sngar langs te/ snying
189a7 gar nyi ma la sa bon bsams la//gdong bkru ba la sogs pa byas te/ oM rak+Sha rak+Sha hU~M hU~M hU~M phaT swA hA/ zhes bya bas gnas dang bdag nyid dang rnal 'byor bsrung ba byas nas/ dri dang me tog la sogs pa dri zhim po dang ldan pa'i bsam gtan gyi gnas su zhugs la/
189b1 stan bde ba la skyil mo krung bcas te/ mchod yon la sngags yongs su bzlas nas snying ga'i sngags kyi 'od zer gyis mdun gyi nam mkha' la bcom ldan 'das 'khor dang bcas pa spyan drangs te/ bltas nas snying ga'i sa bon las byung ba'i dkar mo la sogs pa'i lha mo
189b2 brgyad kyis mchod par bya'o//de la dkar mo ni ri bong can 'dzin no/ /chom rkun ma ni nyi ma'o/ /ro langs ma ni chu'o/ /za phod ma ni stobs so/ /spos mo ni tsan+dan no/ /ri khrod ma ni sbrang rtsi'o/ /gtum mo ni cang te'u rdung ba'o/ /g.yung mo ni skyes bu bzhin du mgul pa nas
189b3 'khyud pa'o//de nas bcom ldan 'das de nyid kyi mdun du sdig pa bshags pa la sogs pa 'di ltar bya ste/ bdag gis sdig pa thams cad bcom ldan 'das la so sor bshags so/ /sangs rgyas dang byang chub sems dpa' dang 'phags pa dang so so'i skye bo thams
189b4 cad la rjes su yi rang ngo //bdag gis dge ba thams cad kyang bla na med pa yang dag par rdzogs pa'i byang chub tu yongs su bsngo'o/ /bdag nyid byang chub kyi bar du rkang gnyis rnams kyi mchog sangs rgyas la skyabs su mchi'o/ /theg pa chen po'i chos kyi mchog chos la
189b5 skyabs su mchi'o//phyir mi ldog pa'i byang chub sems dpa'i tshogs kyi mchog dge 'dun la skyabs su mchi'o/ /e ma'o sems can thams cad kyi don phan pa dang bde ba'i phyir bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ mchog tu mthar phyin pa'i
189b6 mya ngan las 'das pa la thug gi bar gyi sangs rgyas kyi byang chub la dgod par bgyi'o//'di ltar bdag nyid bla na med pa yang dag par rdzogs pa'i byang chub kyi lam rdo rje theg pa la brten par bgyi'o/ /de nas sems can thams cad la khyad par du 'phags pa'i lha'i bde ba
189b7 dang mi 'bral bar gnas pa'i rnam pa'i dga' ba dang /nyon mongs pa'i gnyen po'i lam la sbyor ba'i rnam pa'i btang snyoms bsgom par bya'o/ /de nas chos thams cad la yid kyis dmigs nas dpyad par bya ste/ 'di dag ni sems nyid de dang de'i rnam par 'phrul par snang ste/
190a1 dper na rmi lam bzhin du sems las phyi rol na sems kyi gzung ba med do/ /gzung ba dngos po med pa'i phyir sems kyang 'dzin pa'i dngos po med de/ de'i phyir chos thams cad ni sems kyi lus te/ de dag gzung ba dang 'dzin pas stong pa nyid la don dam pa zhes
190a2 bya'o//de ltar mtha' gcig tu nges nas 'khrul par sgro btags pas 'khrul pa'i mtshan ma'i chos thams cad kyi rnam pa spangs pa de dag gi rang bzhin gnyis su med pa rnam par rig pa'i mtshan nyid 'ba' zhig tu blta'o/ /'di ni dam pa'i byang chub kyi sems 'jig rten las
190a3 'das pa stong pa nyid kyi ye shes spros dang bral zhing rnam par rtog pa dang bral ba zhes bstan to//de nas de'i sngags kyis byin gyis brlab ste/ oM shU n+ya tA dz+nyA na badzra swa b+hA ba At+ma kou0f85haM/ de nyid bcom ldan 'das ma shes rab kyi pha rol tu phyin ma ste/ de nyid mchog tu bsrung ba'o/ /
190a4 de nas de'i rgyu mthun par gyur pa rnam pa dang bcas pa dag pa 'jig rten pa'i ye shes kyi rang bzhin gyi bsrung ba bsgom par bya ste/ /mdun du raM las nyi ma rnam par bsgom bya zhing / /nyi ma de las hU~M byung sna tshogs rdo rjer 'gyur/ /rdo rje de nyid kyis kyang rnam par bsgom bya ba/ /rab dang ni gur yang
190a5 rab tu bcing ba'o//sna tshogs rdo rje 'od zer 'jigs pa'i me ltar bzod par dka' ba rnams kyis thams cad du spros nas gtams par gyur pas logs la rdo rje'i rab 'bar ba gru bzhi pa dang / steng du rdo rje'i gur dang / 'og tu yang rdo rje'i rang bzhin gyi gzhi 'og gi sa gzhi la thug
190a6 par gyur pa blta bar bya'o//de nas nyi ma dang sna tshogs rdo rje 'od zer du gyur te/ phyogs phyogs su spros nas gtams par gyur pas phyi rol thag ring por mtshams gcad par bya'o zhes pa ni tshigs su bcad pa'i don to/ /de nas de'i rgyu mthun par gyur pa ste nyid kyi 'byung ba chen po
190a7 lnga rnam par dag pa bsam par bya ste/de la nam mkha' 'byung ba chen po chos 'byung zhes bya ba rdo rje 'dzin pa chen po'i rang bzhin ston ka'i zla ba bzhin dkar ba 'og phra zhing steng rgya che pa/ gru gsum pa nang nam mkha'i rang bzhin nang du pad+ma 'dab ma sna tshogs pa skyes pa'i snying po
190b1 la sna tshogs rdo rje rgya chen po gnas pa'o//de'i dbus su 'byung ba chen po bzhi'i dkyil 'khor rnam pa bzhi lha mo bzhi'i rang bzhin gong nas gong du blta bar bya ste/ dang por yi ge laM las dbang chen gyi dkyil 'khor chen po gru bzhi pa ser po grwar rdo rje rtse gsum pas mtshan pa'o/ /de nas
190b2 paM las chu'i dkyil 'khor zlum po dkar ba bum pas mtshan pa'o//de nas raM las me'i dkyil 'khor gru gsum pa dmar po grwar raM gyis mtshan pa'o/ /de nas yaM las rlung gi dkyil 'khor gzhu'i rnam pa nag po mtha' ma gnyis su dar dpyang g.yo bas mtshan pa'o/ /sgom
190b3 pa pos yang de'i tshe 'jig rten las 'das pa'i ye shes khyab par byed pa de nyid kho na gnas so//de nas sna tshogs rdo rje'i lte ba'i dbus su 'byung ba chen po bzhi yongs su gyur pa las skyes pa'i sangs rgyas kyi zhing yongs su bsdus pa'i ngo bo/ /thar pa chen po'i khang pa rnam par
190b4 snang mdzad kyi rang bzhin rin po che sna tshogs las gyur pa'i khang pa brtsegs pa 'jig rten gyi khams thams cad bdag med par ston pa'i dur khrod brgyad kyis nye bar bskor ba bsgom par bya'o//gru bzhi pa la sgo bzhi pa/ /ka ba brgyad kyis nye bar mdzes/ /stegs bu bzhi
190b5 yis yongs su bskor//twa ra na ni bzhis brgyan zhing / /do shal dang ni do phyed dang / /dar dang me tog phreng ba dang / /bla re me long rnga yab dang / /rdo rje thig skud rnams kyis mdzes/ /'od las sangs rgyas tshogs 'phro zhing / /g.yo zhing bkra ba'i ba dan mchog/ /phyogs kyi sgo la
190b6 dril bu 'khrol//'dod pa lnga po mchog rnams dang / /dam pa'i mchod pa rnam lngas spras/ /de yi nang gi rim pa las/ /pad+ma 'dab brgyad ge sar bcas/ /sgo bzhi dang ni gru bzhi dang / /dbus ma dag tu stan dag ni/ /tshangs dbang nye dbang drag po dang / /gshin rje gnod
190b7 sbyin yang de bzhin//bden bral dang ni thags bzangs ris/ /dbus su bdud rtsi bzhi pa ste/ /gong nas gong du bkan pa'o/ /'jigs ldan bdud ni bzhi po yi/ /snying ga dag tu nyi mas mnan/ /'jigs pa gzhan yang zla bas so/ /de yi dbus kyi gdan gyi steng du dbyangs
191a1 yig bco lngas zla ba'i dkyil 'khor me long lta bu'i ye shes kyi rang bzhin dang /de'i steng du gsal byed sum cu rtsa bzhis nyi ma'i dkyil 'khor mnyam pa nyid kyi ye shes kyi rang bzhin dang / de'i dbus su oM dang hU~M yongs su gyur pa las gri gug dang thod pa'i
191a2 dbus su rang gi sa bon gyis mtshan pa so sor rtog pa'i ye shes kyi bdag nyid bsam par bya'o//de nas sa bon gnyis las rnal 'byor ma'i 'khor lo'i rnam pa dang de bzhin gshegs pa thams cad yongs su spros nas slar 'dus te sa bon dang lhan cig tu gyur pa ni bya ba nan
191a3 tan gyi ye shes so//de nas zla ba dang nyi ma dang mtshan ma dang sa bon yongs su gyur pa las skyes pa bcom ldan 'das rdo rje sems dpa' 'chad par 'gyur ba'i kha dog dang rnam pa dang mtshan ma la sogs pa rnams kyis/ dpal he ru ka'i gzugs su bskyed cing de bzhin du bdag
191a4 med mas mgul nas 'khyud pa ni shin tu rnam par dag pa chos kyi dbyings kyi ye shes kyi bdag nyid du blta'o zhes pa ni mngon par rdzogs par byang chub pa rnam pa lnga'o//hoHgnyis kyi ni bar gnas pa'i/ /'bar ba'i sa bon gnyis po ni/ /dga' ldan de yi zhal nas zhugs/ /
191a5 pad+ma'i mtha' ru chags pas zhu/ /de nas rdo rje chags chen gyis/ /rig ma dang ni lhan cig zhu/ /ston ka'i zla ba dang 'dra bar/ /de ni zlum por gyur nas gnas/ /de nas zla gdan grwar gnas pa'o/ /lha mo bzhi po dag gis ni/ /rdo rje'i glu ni bzhi dag gis/ /bzhengs phyir de la
191a6 skul bar byed//rje btsun snying rje'i yid kyis bzhengs/ /spos mo bdag la yongs su skyobs/ /stong pa'i ting nge 'dzin spongs la/ /bde chen 'dod pas bdag la sbyor/ /khyod med na ni bdag 'gum pas/ /kye yi rdo rje khyed bzhengs shig /stong pa'i ting nge 'dzin spongs la/ /ri
191a7 khrod dgos pa sgrub mdzod cig /gtso bo 'jig rten mgron gnyer nas/ /ci phyir stong pa nyid la bzhugs/ /khyod mi bzhugs na phyogs rmongs pas/ /gtum mo bdag ni gsol ba 'debs/ /mig 'phrul lta bu khyod bzhengs shig /bdag gis khyed kyi thugs 'tshal gyis/ /
191b1 sme mo bdag ni mkhas par dgongs/ /snying rje rgyun chad ma mdzad cig /de nas glu yi dor byas te/ /zhu ba bsdus pa las skyes pa/ /de'i dbus su byung ba'i nyi ma'i dkyil 'khor la gnas pa'i aM dang hUM gnyis dang / lha'i mtshan ma dang / lus la sogs pa nam mkha' lta bu dang
191b2 sgyu ma lta bur nges par byas nas/de yongs su gyur pa la brten pa'i ting nge 'dzin gyi rang bzhin gyi gri gug dang thod pa gnyis sbyor ba'i snying po la yang dag par ji lta ba bzhin yongs su shes pa'i rang bzhin gyi lha'i sa bon gnyis dang ldan pa blta bar bya'o/ /de nas de nyid las
191b3 rnal 'byor gyis de bzhin gshegs pa mtha' yas pa'i rang bzhin gyi rnal 'byor ma'i 'khor lo'i rnam pa spros te//thams cad sems kyi rang bzhin du nges par byas nas/ yang slar rnal 'byor gyis bsdus te/ de dag thams cad sgyu ma lta bu dang nam mkha' lta bu yongs su shes nas nyi ma
191b4 gnyis dang mtshan ma dang sa bon rnams yongs su gyur pa las skyes pa'i bdag nyid he ru kar blta bar bya'o//zhabs rnams kyis ni stang stabs dang / /lha dang lha min la sdigs mdzub/ /spyan ni gdug cing zlum la dmar/ /lang tsho gzhon zhing 'gying bag can/ /zhabs
191b5 bzhi dang ni zhal brgyad pa//brgyad gnyis phyag gis nyer brgyan cing / /bdud bzhi dag ni yang dag mnan/ /skyil krung phyed pa'i gar byed pas/ /mgo phreng do shal chen po dang / /nyi ma la bzhugs 'jigs kyang 'jigs/ /spyi bor sna tshogs rdo rje 'dzin/ /gnag
191b6 cing nyi ma 'bar ba'i 'od//zhal nas hU~M ni spro bar byed/ /thal ba dag gis sku la byugs/ /rtsa ba'i zhal ni nag chen po/ /g.yas ni kun+da dag dang mtshungs/ /g.yon pa mi bzad chen po dmar/ /spyi bo'i zhal ni gtsigs pa'o/ /lhag ma'i zhal ni phung ba 'dra/ /zhal gdong
191b7 re rer spyan gsum pa//sgeg cing dpa' la 'jigs dang 'dra/ /gdug dang rgod dang 'jigs par byed/ /snying rje ngo mtshar zhi ba dang / /gar dgu yi ni ro dang ldan/ /dbus skra kham ser gyen du phyogs/ /'khor lo rna cha mgul rgyan dang / /lag gdub dang ni ska rags kyi/ /
192a1 phyag rgya lnga yis yongs su brgyan/ /glang po rta bong glang rnga mo/ /mi dang sha ra b+ha byi la/ /g.yas kyi thod par go rims bzhin/ /glang po la sogs shes par bya/ /sa dang chu dang rlung rnams dang / /me dang zla ba nyi ma nyid/ /gnod sbyin dang ni nor lha ste/ /de dag
192a2 g.yon gyi thod brgyad du//bdag med ma yis 'khyud pa ste/ /rang gi lta bu'i phyag rgya lnga/ /phyag gnyis zhal gcig zhabs gnyis pa/ /de yang gri gug thod pa 'dzin/ /de nas bcom ldan 'das kyi thugs kar nyi ma la thod pa gnas pa'i steng du nyi ma la hU~M ste/ bcom
192a3 ldan 'das ma'i thugs kar yang zla ba la gri gug gnas pa//de'i yu bar zla ba la aM bsam par bya'o/ /de nas de'i rna ba la bdag med ma mig la rdo rje ma/ sna la gsang ba'i dkar mo/ /lce la chu'i rnal 'byor ma/ lus kyi dbang po la rdo rje mkha' 'gro ma yid la bdag med ma
192a4 bsam par bya'o//rdo rje ma la sogs pa lnga po de dag nyid go rims bzhin du gzugs dang / tshor ba dang / 'du shes dang / 'du byed dang / rnam par shes pa'i phung po rnams la'o/ /gti mug dang / ser sna dang / 'dod chags dang / phrag dog dang / zhe sdang rnams la yang de bzhin
192a5 no//gzugs dang / sgra dang / dri dang / ro dang / reg bya dang / chos kyi skye mched rnams la phyi'i dkar mo dang / chom rkun ma dang / ro langs ma dang / za phod ma dang / sa spyod ma dang / mkha' spyod ma'o/ /sa dang / chu dang / me dang / rlung gi khams rnams la spos mo dang / ri khrod ma dang /
192a6 gtum mo dang / g.yung mo rnams so/ /lus dang / ngag dang / yid las spyod ma dang / bdag med ma'o/ /sha la spos mo'o/ /khrag la ri khrod ma'o/ /khu ba la gtum mo'o/ /rkang dang tshil gnyis la g.yung mo'o/ /pags pa la byang chub kyi yan lag bdun no/ /rus pa la bden pa bzhi
192a7 ste/de ltar na thams cad lhar gyur pa yin no/ /de'i rnam par dag pa gzhan yang bshad par bya ste/ snying rje yi ni spyan dmar la/ /yan lag nag po byams pa'i thugs/ /zhabs ni bsdu ba'i dngos po ste/ /bcu drug phyag ni stong pa nyid/ /zhal brgyad rnam par thar pa brgyad/ /de nyid
192b1 gsum ni spyan gsum mo//phyag rgya lnga ni rgyal ba lnga/ /khro bos gdug pa rjes su 'dul/ /mgrin snying b+ha ga spyi bo la/ /'khor lo bzhi ni go rims bzhin/ /longs spyod rdzogs dang chos sprul dang / /bde ba chen po de brjod pa/ /chu skyes 'dab ma bcu drug brgyad/ /drug cu rtsa bzhi sum cu
192b2 gnyis//oM dang hU~M dang AHdang ni/ /haM rnams kyis ni dbus su brgyan/ /de'i rjes la rang gi snying ga'i sa bon las spros pa'i 'od zer lcags kyu rnams kyis phyogs bcu na bzhugs pa'i de bzhin gshegs pa rnams spyan drangs te/ nam mkha' la bzhugs su gsol la/ de dag la lha
192b3 mo brgyad kyis yang dag par mchod nas/de bzhin gshegs pa thams cad kyis bdag la dbang bskur du gsol zhes gsol ba gdab par bya'o/ /de nas de dag dpal he ru ka'i gzugs su gyur pa rnams kyis/ de bzhin gshegs pa lnga'i bdag nyid kyis bdud rtsi lngas gang ba'i bum
192b4 pas dbang bskur ro//dbang bskur ba dang ldan pa'i spyi bor bcom ldan 'das mi bskyod pa bskyed do/ /de'i mdun du me tog gi char dang gur kum gyi char 'bab par 'gyur ro/ /rnga'i sgra yang grag go/ /gzugs rdo rje la sogs pa rnams kyis kyang yang dag par mchod do/ /spyan ma la
192b5 sogs pa rnams kyis kyang rdo rje'i glus bstod do zhes bya ba ni dang po'i rnal 'byor zhes bya ba'i ting nge 'dzin dang po ngo bo nyid kyi sku bstan to//de nas pad+ma byin gyis brlab pa ni/ oM pad+ma su khA d+ha rA ma hA rA ga su khaM dat+ta tsa tu rA nan+da b+ha ga bi shwa hU~M hU~M kaR+YaM ku ru Sh+wa me/ de nas rdo rje byin gyis brlab
192b6 pa ni/oM badzra ma hA dwe Sha tsa tu rA nan+da dA ya ka kha ga mu ka e ka ra so nA tha hU~M hU~M kaR+YaM ku ru Sh+wa me/ de nas oM shI shI ha swA hA/ zhes sbyor ba brtsam mo/ /de nas pad+ma'i nang du ltung ba'i zla ba zhu ba'i thigs pa yongs su gyur pa las/ gaM gis grub pa'i dkar mo kha dog nag mo gri gug dang ro hi ta'i nya
192b7 'dzin pa shar gyi sgor zla ba'i gdan la bsam mo//de bzhin du tsa~M gis chom rkun ma btsod kyi mdog can cang te'u dang phag 'dzin pa/ lhor zla ba'i gdan la'o/ /de bzhin du ba~M gyis ro langs ma gser gyi mdog can rus sbal dang thod pa 'dzin pa nub kyi sgor zla ba'i gdan la'o/ /de
193a1 bzhin du g+ha gis za phod ma margad kyi mdog can sprul dang rnal 'byor gyi snod 'dzin pa/byang gi sgor zla ba'i gdan la'o/ /de bzhin du pa~M gis spos mo a n+da rnyil gyi mdog can seng ge dang dgra sta 'dzin pa dbang ldan gyi grwa'i gdan la'o/ /de bzhin du sa~M gis ri khrod ma chu
193a2 shel gyi kha dog lta bu dge slong dang 'khar gsil 'dzin pa me'i grwa'i gdan la'o//de bzhin du la~M gis gtum mo nam mkha' ltar sngo bsangs can 'khor lo dang gshol 'dzin pa bden bral gyi grwa'i gdan la'o/ /de bzhin du Da~M gis g.yung mo kha dog sna tshogs pa rdo rje dang sdigs mdzub
193a3 byed pa rlung gi grwar zla ba'i gdan la bsam par bya'o//skyil krung phyed pa'i gar gyis bzhugs/ /zlum zhing dmar ba'i spyan gsum pa/ /phyag gnyis skra kham gyen du phyogs/ /phyag rgya lnga 'dzin de dag kyang / /de nas yongs su rdzogs pa'i dkyil 'khor la bltas nas/ snying ga'i sa
193a4 bon gyi 'od zer gyi lcags kyu rnams kyis ye shes kyi dkyil 'khor spyan drangs te/shar phyogs kyi sgo la mngon par phyogs shing bar snang la bzhugs pa la/ zhal brgyad nas hU~M rnams kyis bgegs bskrad de mchod yon dang zhabs bsil phul nas/ dzaHhU~M ba~M hoH zhes bya bas go
193a5 rims bzhin du dgug pa dang gzhug pa dang bcing ba dang dbang du byas nas/dam tshig dang ye shes kyi dkyil 'khor gnyis gcig tu 'dres par bsgom zhing rnam par bsgoms la/ snying ga'i sngags kyi 'od zer rnams kyis de bzhin gshegs pa thams cad spyan drangs nas yang dag par
193a6 mchod do/gsol ba btab la dbang bskur ba byin par bsam mo/ /dbang bskur ba dang ldan pa la dbang bskur ba'i rgyal bas mgo bor bskyed do/ /'dir tshigs su bcad pa/ spos mo la sogs bzhi po dag dang ni/ /dkar mo la sogs dag la rim bzhin du/ /snying ga'i mi bskyod
193a7 sangs rgyas rin chen 'byung //ngag dbang rnams kyi skabs 'dir phyag rgyas gdab/ /lus dang ngag sems rigs bdag rnams kyis ni/ /srid dang myang 'das he ru ka rnams la'o/ /rdo rje ma sogs la ni rigs kyi bdag /lnga po rgyal ba mi bskyod sogs rnams kyi/ /de
193b1 nas lha rnams kyi de kho na nyid yid la bya ste/'dir lus dang ngag dang yid dang ye shes rnams kyi chos thams cad bsdus la/ lus la sogs pa de dag chos nyid rnam par rig pa tsam gnyis kyis stong pa nyid gang yin pa de dag la so sor rtog pa ni/ ci rigs par sgo skyong rnams kyi
193b2 de kho na nyid do//stong pa nyid de nyid kyis yang dag pa'i ye shes gang yin pa spros pa dang bral ba zag pa med pa'i shes rab bla na med pa'i rdo rje theg pa ni ci rigs par sbos mo la sogs pa bzhi'i de kho na nyid do/ /rdo rje theg pa de nyid kyis 'bras bu rdo rje 'dzin pa chen po'i go 'phang gong
193b3 na med pa'i byang chub ni dkyil 'khor gyi bdag po'i de kho na nyid do//de nas rang gi snying ga'i sa bon las mchod pa'i lha mo brgyad yang dag par spros te/ yang dag par spros pa'i sprin rnams kyis nam mkha' gang bar gyur pas/ gtso bo dang bcas pa'i dkyil 'khor la mchod par
193b4 bya'o//de nas chos thams cad sgyu ma lta bur mos par byas nas/ glu gnyis kyis bcom ldan 'das la bstod pa bya ste/ sna tshogs du ma'i sgeg dang lta ba rnams kyis rab tu dga'/ /sna tshogs du ma'i 'od dang 'khyug pa rnams kyis rab tu dga'/ /sna tshogs du ma'i bde
193b5 ba'i ston mo rnams kyang rab tu gsol//sna tshogs du ma'i sdom pa chen po rnams ni rab tu ston/ /nam mkha' kun gyi rnal 'byor gyis/ /nam mkha'i dam tshig la zhugs shing / /'jig rten ma lus pa rnams ni/ /nam mkha' thams cad kyis gsol lo/ /de nas bar
193b6 snang la hU~M las rdo rje rnam par bsams la/de'i 'og tu a las pad+ma ste/ de'i dbus su rdzas rnams la oM gyis mtshan nas/ rdo rje dang pad+ma mnyam par sbyor ba las 'dod chags chen po'i me 'bar te/ des de rnams bskol zhing smin pa zhu bar byas nas ye shes kyi nyi ma'i snang
193b7 bar gyur te/de dag gi 'od zer rnams kyis phyogs bcu'i de bzhin gshegs pa thams cad kyi gzugs snang bar byas nas/ 'od zer de dag nyid kyis de dag gi ye shes kyi sa bon las ye shes kyi bdud rtsi blangs nas/ der lhung zhing 'dres par byas la/ de bzhin du de dag
194a1 bdud rtsir gyur nas yi ge gsum gyis byin gyis brlabs la lce la hUM dang rdo rje mchog dang /snying gar nyi ma la dkyil 'khor mos par byas nas/ de dag gi bdag nyid dang dkyil 'khor yang dag par mchod par bya'o/ /ma mo'i 'khor lo nyams dga' bar/ /
194a2 rlabs dang bral ba'i bde ba thob/ /rlabs med pa yi rang bzhin can/ /'di 'dra'i khyab bdag bsgom par bya'o/ /dkyil 'khor rgyal po mchog ces bya ba ting nge 'dzin gnyis pa las longs spyod rdzogs pa'i sku'o/ /de nas dkar mo dang chom rkun ma dang / dkyil 'khor
194a3 gyi bdag po'i bar du re re nas rim gyis phyogs bcur rgyun mi 'chad par spros te/sems can rnams kyi don byas nas/ de nyid du bsdus pa ni bya ba byas pa'i dkyil 'khor ro/ /dkyil 'khor gyi bdag po yang spros pa dang bral ba'i bde ba steng bar blta ste/ de la dkar mos ni
194a4 lus kyi de kho na nyid la so sor rtog pa la sems can rnams rnam par gnas par byed do//chom rkun mas ni sems kyi'o/ /ro langs mas ni ngag gi'o/ /za phod mas ni ye shes kyi'o/ /sbos mos ni lus kyi yang dag pa'i ye shes la'o/ /ri khrod mas ni sems kyi'o/ /gtum
194a5 mos ni ngag gi'o//sme mos ni ye shes kyi'o/ /dkyil 'khor gyi bdag pos kyang rdo rje 'dzin pa chen po'i go 'phang la sems can rnams gnas par byed do/ /de nas yan lag drug gi rnal 'byor gyis mnyam bsgom par bya ste/ nag po dmar po de nas ser/ /ljang sngon
194a6 dkar po rim pa las//lhan cig skyes dga' tsam du ni/ /'khor lo gtso byas bsam par bya/ /las rgyal po mchog ces bya ba'i ting nge 'dzin gsum pa sprul ba'i sku'o/ /bsgom pas skyon sngags bzla bar bya ste/ bdag nyid dkyil 'khor dang bcas pa lha'i gzugs su
194a7 brtan par rnam par bsams la/oM de ba pi tsu badzra hU~M hU~M hU~M phaT swA hA/ snying gar sngags kyi yi ge bcu gsum mgo gyen du 'greng ba mar me ltar 'bar zhing zlum por gyur par yid kyis mngon par bris nas brjod par bya ba ni/ rdo rje'i tshig dang khro bo'i tshig tu bzlas pas de
194b1 dag bzla bar bya ste/zhal thams cad dang / lha mo'i zhal thams cad sngags 'don par mos par bya'o/ /'di nyid ni lha mo thams cad kyi bzlas pa las lha rang nyid kyi bzlas pa brgya 'gyur du byas par 'gyur ro/ /de nas smon lam gdab par bya'o/ /dge ba gang thob de dag gis/ /sangs
194b2 rgyas kun gyi nor thams cad//rdo rje 'dzin chen go 'phang ni/ /'gro ba lnga yis thob par shog /byang chub rdo rje sngags pa yis/ /rdzogs pa'i byang chub phyir spyod dang / /rdzogs sangs rgyas kyi spyod pa gang / /bdag ni de gnyis spyod par shog /de nas gtso bo dang bcas pa'i
194b3 dkyil 'khor snga ma bzhin du yang dag par mchod nas rang gi snying ga'i sngags la lha mo nang du bsgoms te/rten gyi dkyil 'khor shin tu yang yangs par mos par byas la/ 'byung ba chen po bzhi ni sbos mo la sogs pa'i rang bzhin du nges par byas nas/ dgyes pa'i rdo rje'i nga rgyal gyis
194b4 ldang bar bya ste/de nas bzlas pa la sogs pa bya'o/ /gnyid kyi dus su yan lag drug gi rnal 'byor ram lhan cig skyes pa dga' ba'i rnal 'byor mngon du byas la gnyid log go/ /lha mo bzhi'i yang dag pa'i glus bskul nas gnyid las ldang bar bya ste/ langs nas thams cad
194b5 snga ma bzhin du bya'o//de bzhin du nyi ma re re zhing dngos grub kyi mtshan ma'i bar du blta'o/ /de dag mthong nas go rims bzhin du mthong bar 'dod pa'i dngos grub kyi ngo bo la rjes su gnas par bya'o/ /yon tan lci ba'i 'byung gnas zhal brgyad he ru ka'i/ sgrub thabs 'khrul pa spong ba
zhes bya gsal bar brjod pa yis/

CLOSE WINDOW