CLOSE WINDOW

D1241
བོད་ཡིག

@##/ /rgya gar skad du/ ba liM sarba b+hU ta/ bod skad du/ 'byung po thams cad kyi gtor ma/ dpal kye rdo rje la phyag 'tshal lo/ /e baM rnam par nges zhugs pa'i/ /rdo rje sems dpa' phyag 'tshal nas/ /bgegs dang log 'dren la sogs las/ /sems can bsrung phyir gtor ma brtsam//kye yi rdo rje sbyor ldan pa'i/ /rnal 'byor pa yis bsgom bya ba/ /chos kyi 'byung gnas nang du ni/ /pad+ma 'dab brgyad sum brtsegs su/ /dkar gnag dmar ba oM AHhU~M/ /rim par lha chen brgyad dang ni/ /phyogs skyong brgyad dang klu chen brgyad/ / pad+ma'i mdog bzhin bskyed bya ste/ /shar du dbang phyug chen po bskyed/ /lhor ni dbang po bsam par bya/ /nub tu tshangs pa bskyed bya ste/ /byang phyogs su ni khyab 'jug go/ /shar lhor 'dod pa'i dbang phyug bskyed/ /lho nub phyogs kyi bdag po ste/ /b+h+r-iM gi ri ti nub byang du/ /byang shar gzhon nu karti ka'o//shar gyi 'dab mar brgya byin bsam/ /lhor ni mthar byed dgod par bya/ /chu bdag nub kyi 'dab ma la'o/ /de bzhin byang du gnod sbyin dgod/ /me yi mtshams su me chen po/ /bden bral du ni srin po'o/ /nub byang mtshams su rlung lha ste/ /byang shar du ni 'byung po'i bdag /stobs kyi rgyu dang dung skyong dang / /mtha' yas nor rgyas de bzhin te/ /'jog po dang ni rigs ldan dang / /pad chen shin tu pad+ma'o/ /kun kyang zhal gcig phyag gnyis te/ /rdo rje dril bu phyag na bcas/ /rang mdog rig mas yan lag 'khyud//gdan la g.yas brkyang ba yis bzhugs/ /rang gi thugs ka'i sa bon las/ /'od zer lcags kyu ltar spros nas/ /lha brgyad dag la gzugs khams dang / /gzugs med pa yi lha bsdu'o/ /'dod pa'i khams kyi lha dang mi/ /phyogs skyong brgyad la rab tu bsdu//ngan song gsum dang lha ma yin/ /klu chen brgyad la bsdu bar bya'o/ /rang bzhin gnas na bzhugs pa yi/ /dkyil 'khor spyan drang bya ba'i phyir/ /gau rI yis ni dgug byas la/ /chom rkun mas ni zhags pas 'ching / /ro langs mas ni lcags sgrog sdom/ /dril bus myos byed za phod ma'o//rnal 'byor pa yis thugs ka nas/ /'od zer lcags kyu ltar spros pas/ /phyogs bcu'i rgyal ba sras bcas dgug /de la phyi nang gsang bas mchod/ /de dag gis ni dbang bskur mthar/ /rang rigs bdag pos dbu brgyan pa//lha chen brgyad la rtag pa yis/ /rdo rje yi ni phyogs skyong brgyad/ /gar dbang gis ni klu brgyad do/ /de nas cho gas gtor ma bsgrub/ /rlung dang me yi dkyil 'khor la/ /a las byung ba'i pad snod bsam/ /der ni b+h+rUM AM dzr-IM khaM hUM/ go ku da ha na las yin/ / sangs rgyas lnga dang sems can lnga/ /zla ba nyi ma'i dbus su bsam/ /nyi dbus hUM bsam rdo rje ste/ /'bar ba dang ni spro ba yis/ /bdud rtsi rab tu bsgrub par bya/ /chu yi rang bzhin 'di bsgoms pas/ /oM AHhUM gis byin brlabs dbul/ /de la gtor ma dbul ba'i sngags ni 'di yin te//oM an+di dza ma dza la dzak+kha b+hU ta bah+ni/ bA u rak+kha tsan+da sudz+dza/ mA da pAp+pa ta la/ pA tA le/ aSh+Ta sap+pa swA hA/ de ni gtor ma'i mgron no/ /i daM bi laM b+huny+dza dziM g+ha/ phul+la/ d+hUp+pa/ mAM sa/ pi g+haM/ de ni bzhes par zhu ba'o/ /aM b+ha sap+pa kadz+dza sA da khAn+ti khu Ni/ phe Da gA da/ de ni zhu ba'o/ /oM a kA ro mu khaM sarba d+harmA NAM/A d+ya nut+pa n+na twAta/ oM AHhU~M phaT swA hA/ 'di ni byin gyis brlab pa'o/ /de nas dgyes par byas nas gshegs su gsol ba'i yi ge brgya pa brjod par bya ste/ oM badzra satwa sa ma ya/ ma nu pA la ya/ badzra satwa twe no ba tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+hi m+me pra ya ts+tsha/ sar+b+ba kar+m+ma su tsa me tsi t+taM/ shre yaHku ru hU~M/ ha ha ha ha hoHb+ha ga wAn sar+b+ba ta thA ga ta badzra mA me muny+tsa/ badzri b+ha ba/ ma hA sa ma ya satwa AHmuHg+tor ma 'di sbyin zhing rab tu mchod par byed na/ rnal 'byor pa la 'byung po thams cad legs par byed par 'gyur ro/ /de'i tshe la bde ba rnyog pa med pa nyid dang /lha mnyes pa dang / 'khor legs par byed par 'gyur ro/ /gal te 'byung po'i tshogs 'di la gtor ma sbyin na/ dbang dang / mngon spyod dang / dgra'i sde 'jig pa dang / bskrad pa dang / dgug pa dang / zhi ba dang / bde ba dang / rgyas par byed par 'gyur ro/

CLOSE WINDOW