CLOSE WINDOW

D1234
བོད་ཡིག

/de lta na yang sngon gyi dam pa'i srol/ /gso phyir 'di lta bu dag bgyis pa la/ /deng dus mkhas pa'i skye bos bzod par mdzod// @##/ /rgya gar skad du/ b+hik+Shu br-it+ti nA ma/ bod skad du/ slong mo'i 'grel pa zhes bya ba/ 'jam dpal gzhon nur gyur pa la phyag 'tshal lo/ /dpal ldan 'khrul 'khor sngags kyi don/ /rig pa nges par 'byung ba'i bdag/ /rtog pa'i dra ba sreg pa yi/ /'jam dbyangs dpal la phyag 'tshal lo/ /bla ma dam pa'i zhabs chu skyes/ / lo drug rtog pa med par bsten/ /de yi ge sar mchog gi rdul/ /legs par sbyar byas slong mo che/ /de nas nga rgyal che dor nas/ /lam bral nam mkha'i gnas sdug tu/ /brtse ba'i sbyor nyid rtag tu ni/ /nges par slong mo rtag tu bsten/ /bla ma dang por bsnyen bkur nas//rang 'dod sgrub thabs rtsom zhing dbye/ /thos bsam sgom pa'i rnal 'byor pa/ /de yi don ni snying la bzhag/ /de nas mdun du mchod byas nas/ /rdo rje skyil krung sbyor ba yis/ /srog gi rlung ni kun du dgag /blo bzangs sngags kyi bzlas pa bya/ /phyogs skyong rnams la ro gnas su//gtor ma bshams shing 'bum du bzlas/ /rnal 'byor phyogs kyi gos 'chang can/ /dur khrod gnas su gnas par bya/ /de ltar byed pa'i rnal 'byor che/ /rtogs dang grol ba'i 'bras rab ster/ /bslang zhes pa ni bzlas pa yis/ /'gyur ba med pa'i brtul zhugs spyad//dbyig gu dang ni shing snod dang / /chang gi bum pa skal pa can/ /phyi rol don gyi mchog gis ni/ /sems ni gnas par 'dod pa ste/ /brtan zhing brtan pa'i rkang pa 'dug /sna yi rtse la blta zhing bcing / /shin tu sbyor ldan mtshan med mkha'/ /de bzhin srog gi yon tan sems//sgo dgu rnam par dag pa yis/ /grong dgu ru ni yang dag spyod/ /yod dang med par gang sems pa/ /de bsam bsgom par mi bya'o/ /yid la hUM yig sbyor ba yis/ /yi ge bzhi po brjod par bya/ /sbyin la chags pas khyim khyim du/ / che dang chung bar mi brjod cing / /gang gis 'gyur ba med shes pa/ /de yis phyag rgya gsal ba 'thob/ /rlung bcu po ni yang dag 'phrog /bcu po nyi ma zla ba'i 'od/ /thabs dang shes rab kun sbyor bas/ /slong mo slong du 'gro bar bya/ /der ni 'dod pas tshangs pa yi/ /gnas bzhi rtogs pa'i glu blang ngo //b+huny+dza i ma a Na sa hA ba da ka ma i so sa i A la/ mo a o d+harmA ka raN+Da Na mA ra u kA ma sa hA u/ ats+tsha ak+kha ru dze bu na i so saM sA ra mi muk+ka/ bah+ma ma he sa ra NA rA a NA sak+kha u su d+ha sa hA ba/ 'gyur ba med pa'i tshig 'thob cing / / 'gyur ba med pa'i tshig la gnas/ /b+hik+Shan+te hi zhes gang brjod/ /de yi rnyed pa shin tu sbyor/ /de nas bzlas pa bshad bya ste/ /i li yi ge bzhi yi mthar/ /gsum po yis ni rnam par brgyan/ /de yi steng du zla tshes dang / /de yi steng du nA da'o/ /de yi phyir na shes bya gang //de yang yi ge bzhi pa'o/ /hUM hUM yi ge yi mthar phaT/ /bde ba'i sngags ni brjod par bya/ sngags kyi phreng ba mi'i rus pa/ /brgya dang brgyad ni mchod yin no/ /smon pa'i brtul zhugs yang dag spyod/ /'dod chags zhe sdang rnam par spangs/ /gsal zhing 'brel ba'i lha chen po//bzhi po gang gi rnal 'byor pa/ /de yi de bzhin slong ba min/ /dag cing nges sems skal pa can/ /gang yang / b+hi yig rtogs par kun du sbyor/ /k+ShaM yig grol ba yi ni rgyud/ /de yi yi ge ngan 'gro 'grog /hi yi yi ge 'gyur med mchog /b+ha yig nyi ma zhes rab grub//a yig zla ba'i ri mor 'dod/ /ka yig bkra shis byed sha za/ /sha yig rtag tu lag chu skyong / /bla mchog a yig bla mar blta/ /ma yig pa sangs dbang phyug mchog /ma yi yi ge spen par 'dod/ /de rnams de ru dbang byed mchog /gang yang b+ha yi yi ge gzugs su brjod//ma yi yi ge rtse gcig smra/ /ka yi yi ge dri longs spyod/ /Sha yi yi ge 'ang ro zhes pa/ /deg bya a yi yi ger brjod/ /de hi zhes yig stong pa ste/ /ma yig nga rgyal 'joms shing mdzad/ /dngos dang dngos med mdzas brtul zhugs/ /rdo rje rnal 'byor ma dpal 'dud//rtag tu phyi dang nang du ni/ /kun du spyod cing yang dag spyod/ /dang po skyon med pas rnal 'byor ma yang dag par mchod cing theg pa dman pa sna tshogs pa'i dri ma spang ngo / /de'i rjes su snying rje nam mkha' bzhin du sems gnas shing mi g.yeng bas mi'i thod pa mchog gi snod du bslang ba rab tu bsngags so//ji ltar mngon sum du bsam pa de ltar lha mo sna tshogs pa'i gnas su rnal 'byor gyi bza' ba dang btung ba bzhin/ gang du mngon du bde bar sems shing sems dpa'i sbyor bas mngon sum du tshor bar 'dod pas/dus thams cad du bya'o/ /de nas slong mo'i bza' ba spyod cing sems can kun la snying brtse bar bya'o/ /gang rnam par shes pa tsam du sbyor ba'i rnal 'byor bas dang po ce spyang cig gam khyi'i gnas su bsgom mo/ /de nas 'jig rten pa'i bsam pa shes nas 'jig rten pa'i sems bsgom mo//rnal 'byor ma chang 'tshong ma dang / g.yung mo dang / gtum mo dang / sbos mo rnams la de bzhin du gos nyos la zla ba drug tu kun du so sor mchod par bya'o/ /ye shes kyi yon tan ji lta bar 'jig rten kun la bsam par bya'o/ /rlung yang dag par sbyor bas slong mo bslang zhes brjod par bya'o//'dod chags dang zhe sdang dang gti mug gi 'tshe ba rnam par spangs la ka r+b+bur bza' bar bya zhes pa ni khyad par dang bcas pa'o/ /grong dgu po ni sgo dgu rnam par dag par yang dag par spyad do/ /pad+ma dkar po ji lta ba bzhin gyi snod du bdud rtsi lnga dang dngos po'i dri rigs bsnam zhing bsgom mo//lam gyi rigs 'dus shing gnas pa'i lam du gnas pas slong mo slang zhes brjod cing sna'i rtse la blta zhing bcing ngo / /stong pa dang snying rje dbyer med pa'i rang gi sems yongs su bsgom mo/ /A li bcu gsum pa la zla tshes dang stong pa dang nA da'o//A li gnyis pa la nam mkha' yang dag par ldan zhing mtshams sbyor ba'i yi ge'o/ /A li drug pa la zla tshes dang thig le dang nA da'o/ /sku dang gsung dang thugs dag pa'i chos 'byung gi re'u mig tu nyi shu rtsa gsum po cho gas dgod do//bdud rtsi lnga la sogs pas dag pa'i gzugs mdzes pa'i snod du sin d+hu ral gser gyi smyu gus bri'o/ /u a dza ra a u A re a ha I i re pha a Da sa b+ha a Da A ka A na I i e ha U paM pha u Da uM/ ji lta ba'i rim pas sngags kyi gzugs kyi yi ge rnams dgod do//na chung 'bring po tsam du rnal 'byor ma'i gzugs ji lta ba bzhin no/ /lo legs shing sems can thams cad kyi bya ba dang dgos pa bsgrub pa'i phyir ro/ /tshig sa brgyad po yang dag par brten pas srog legs par brten no/ /oM AHhUM phaT swA hA/oM AHi hUM phaT swA hA/ oM AHSha hUM phaT swA hA/ oM AHko hUM phaT swA hA/ oM A da hUM phaT swA hA/ oM AHe hUM phaT swA hA/ mi rus dkar po'i phreng ba la sngags de rnams yang dag par bzlas so/ /seng ge bzhin du 'jigs pa med pa'i rnal 'byor pas 'jig rten gsum du yang dag par spyad do//A li dang kA li yang dag par brjod pa'i nyi ma dang zla ba'i rang bzhin no/ /rlung nges par rab tu 'jig pa ni dkyil 'khor lnga'i rang bzhin no/ /de'i rang bzhin mngon par shes pas ni rang bzhin 'dzin pa'i spyod yul lo//dngos po dang dngos po med pa'i rang bzhin du yang dag par nges so/ /de nas ngag rnam par dag pas 'jig rten pa'i ting nge 'dzin bsreg go/ /gsal zhing 'chad pa'i man ngag gi rim pa ni/ /phyed dang bzhi yis khru yi lus/ /bde ba'i khyim du 'dod pa yin/ / mi gtsang dri ma dang ldan pa'i/ /longs spyod rnams ni bslang par bya/ /'dod chags zhe sdang gti mug rnams/ /thams cad rnam par bsal bar bya'o/ /de lta bur ni shes pa yis/ /thar pa yi ni gnas su 'gro/ /gnyis gnyis 'khyud pa'i sgyu ma yis/ /ro ni yang dag bza' bar bya//snying rje ldan pa'i chang gi ni/ /stong pa'i ro ni btung bar bya/ /lhan cig skyes pa yi ni ro/ /ro des yang dag grol bar 'gyur/ /de lta bur ni shes pa yis/ /dga' ba yi ni mchog tu 'gyur/ /rnam pa sna tshogs pa yi gzugs/ /sems de gsad par bya ba yi//bla ma bla ma rnams kyis ni/ /zhabs kyi chu skyes bsnyen par bya/ /sems can gyi ni rnam pa kun/ /mtshungs pa nyid du blta bar bya/ /de lta bur ni shes pa yi/ /de yis chos rnams rnam par spyod/ /'jig rten pa yi sems dang ni/ /rgyal ba'i sems ni mtshungs par bya//lo ni bcu drug par du ni/ /skyon ni brjod par mi bya'o/ /rang gi chos ni chen po yis/ /srung ba chen po rab tu bya/ /de lta bu ye shes pa yis/ /thams cad du ni spyod pa bya/ /lus dang ngag dang yid rnams ni/ /gcig pa yi ni rang bzhin no//skyon gyi stobs ni du ma rnams/ /gsal zhing brtan par bya ba nyid/ /chang gi mchod pa du ma yi/ /'khor lo mchog gi dra bar bya/ /de lta bur ni shes pa yis/ /de yis 'khor ba las ni grol/ /ji ltar chu yi zla ba ni/ /mi brtan par ni mthong ba bzhin//ji ltar rmi lam nang gi ni/ /med pa'i sems can dang mtshungs so/ /ji ltar sgyu mas byas pa yi/ /sems can lta bur 'dod pa yin/ /de ltar bur ni shes pa yis/ /de yis thos pa 'dzin pa yin/ /ji ltar yid bzhin nor bu ltar/ /de ltar shes pas bzlas pa bya//ji ltar dpag bsam shing lta bur/ /de dag gi ni rang bzhin no/ /ji ltar Dom+bi pa yi ni/ /zhabs kyi rdul kyang de ltar bur/ /nam mkha' dang ni mtshungs par bya/ /Dom+bi pa'i slong mo'i 'grel ba zhes bya ba rdzogs so// //rab tu bsngags pa'i gnas chen po nye ba'i 'thung gcod pa ba la po yam bu'i grong khyer du/

CLOSE WINDOW