CLOSE WINDOW

D1231
བོད་ཡིག

rnal 'byor ba bsod snyoms pa pradz+nyA shrI dz+nyA nas bsdus pa'o//[]@##/ /rgya gar skad du/ ga Na tsa kra bi d+hi nA ma/ bod skad du/ tshogs kyi 'khor lo'i cho ga zhes bya ba/ dpal rdo rje mkha' 'gro ma la phyag 'tshal lo/ /nam mkha'i mdog la dri med rgyas pa sbyor bas rnam par rol//bdud bzhi zhabs kyis rnam par mnan pas 'jig rten legs par skyong / /mkha' 'gro ma yi gtso bzang 'jigs pa de la phyag 'tshal te/ 'gro ba rnams kyi bsod nams tshogs ni rab tu bsags pa'i phyir/ rgyud rnams kun gyi mchog tu bsngags pa'i tshogs chen nyon mongs bsreg /thabs dang shes rab rol pas cho ga bsdus pa bshad par bya'o/ /de la dang por tshogs 'dod pas/ /rig pa yis ni rjes 'brangs nas/ /yongs su dang ba'i dad pa yis/ /bla ma dang ni 'dod lha gzung // de la sangs rgyas thob pa'i rgyu/ /bsod nams ye shes tshogs yin te/ /tshogs las dngos grub mchog tu 'gyur/ /de phyir rtag tu tshogs bsag bya/ /ye shes mngon par rtogs pa ste/ /bsod nams rnam pa mang po yod kyang / /rang gi lha yi 'khor lo yis/ /'dod yon lnga sbyor bla na med//de phyir de yi cho ga ni/ /yar ro'i brgyad dang bcu bzhi dang / /bco lnga dag ni rab tu bsngags/ /de bzhin mar ngo'i brgyad dang ni/ /bcu bzhi dang ni bco lnga la/ /mkhas pa yis ni 'khor lo bskor/ /dur khrod dam ni shing gcig gam/ /skyed mos tshal lam kun dga' dang //de bzhin rang gi khyim dang ni/ /gzhan yang dben pa'i khyim rnams su/ /sa gzhi pa yi lngas byugs la/ /me tog dri zhim sna tshogs dgram/ /de la dang por tshogs 'dod pas/ /tshogs kyi slob dpon dge slong la/ /rgyud rnams mang po shes gyur pa/ /rnal 'byor brtson la rtog pa spangs//de nyid bcu shes snying rje che/ /dam tshig ldan la 'dod pa chung / /yang na de 'dra'i slob dpon la/ /sems bskyed pa nas snyan gsan dbab/ /de nas gzhan yang dam tshig ldan/ /bla ma la gus rtog pa chung / /'khon gcugs med cing rang dad pa'i//lha grangs mi la gsol ba gdab/ /mgron rnams dga' bar bya ba'i phyir/ /de la sha dang chang dag dang / /'bras chan la du khur ba dang / /de bzhin bza' dang bca' ba dang / /btung dang de bzhin bldag dang myang / /'jig rten pa yi 'byor pa yis/ /tshogs ni 'byor tshad sta gon bya//de bzhin spos dang byug pa dang / /dri dang me tog phreng mchog dang / /mar me bdug pa sna tshogs gzhag /de nas slob dpon stan bzang la/ /dbus phyogs su ni yang dag bzhugs/ /de bzhin stan ni bzang po la/ /rnal 'byor pa yi 'khor lo g.yas/ /rnal 'byor ma yi g.yon du bsham//de nas slob dpon bdag nyid kyis/ /rdo rje dang bcas thig le yis/ /lus ngag yid kyi gnas gsum du/ /kun la byin gyis brlab par bya/ /de bzhin me tog phreng mchog gis/ /thod dang ga shal rnam par brgyan/ /des na bdud rtsi bzang po'i chus//kha zas kun la bsre bar bya/ /gtso bo de yi bya ba'i las/ /snod rnams a las thod par bsam/ /de nas bdud rtsi lnga bsams te/ /yang ni hUM las rdo rje bsgom/ /de 'og las kyi rlung dang me/ /sbar nas thod nang rdo rje lhung / /de yis lha yi bdud rtsir bsam/ / bdud rtsi byung nas sngags kyang brjod/ /yang na rdo rje las kyang ni/ /'od zer 'phros pas ye shes kyi/ /bdud rtsi bkug nas ye shes dang / /ro gcig tu ni gsum bsres pas/ /rdo rje bdud rtsi zhes bya ste/ /rang bzhin dag pa'i sngags kyang brjod/ /de dag tshogs kyi 'khor lo yi//cha ni dang po yin par 'dod/ /de nas rnal 'byor ma rnams kyis/ /chu gnas su ni raM las kyang / /'bar ba'i khong du 'od gsal bsam/ /de dbus baM las pad+ma brgyad/ /de steng lha yi 'khor lo bsam/ /kha ni hom khung rab bsams te/ /lag gnyis hUM las rdo rje yi//gzar bu gnyis ni yang dag bsgom/ /rang rang so so'i lha ru bsam/ /rdo rje'i bzlas pa'i tshul gyis ni/ /mi rtog sems kyis gsang sngags bzlas/ /nang gi rnal 'byor nges pa ni/ /thugs kyi 'khor lo zhes byar brjod/ /des ni tshogs kyi 'khor lo yi/ /cha ni gnyis pa yin par 'dod//de nas tshogs kyi bdag po yis/ /so so'i mdun du maN+Dal bya/ /de rjes kun la mchod pa'i tshogs/ /yongs su dag pa mdun du gzhag /me tog thogs te mdun gnas nas/ /byang chub tu ni sems bskyed nas/ /rdo rje 'dzin sogs dgongs su gsol/bdag ni tshogs kyi khyad par 'di/ /dad pa'i sems kyis 'bul lags na/ /ci bde bar yang bzhes su gsol/ /de 'dra'i tshig gis gsol btab nas/ /me tog dag ni gtor bar bya/ /de nas gtso bos lha rnams la/ /e ma'o ye shes chen po rnams//tshogs chen 'bar bas nyon mongs bsreg /'di 'dra'i bde ba thob nas ni/ /kun gyis a ho su kha brjod/ /de nas yun gyis mgrin gcig tu/ /sngags 'di dag ni brjod par bya/ /a ho su kha b+hak+Sha nAM/ /a ho su kha prA ya nAM/ ma hA mu dra sid+d+hi na pra pa tha ta ni ra te na/ hUM ha ha ho/ de nas dang po'i rnal 'byor las/ /hUM gi sgra dang rab ldan zhing / /phyag rgya lnga dang rab ldan pas/ /gzar bus bdud rtsi blangs nas ni/ /'bar ba'i nang du bsreg par bya/ /thod pa dum bu gcig pa'i nang / /bdud rtsi yis ni bkang nas kyang / /gtso bo la ni rnal 'byor mas//pad+ma'i phyag rgyas drang bar bya/ /de bzhin gcig nas gcig tu ni/ /bskor ba phyag rgya'i 'khor lo ste/ /de dag tshogs kyi 'khor lo yi/ /cha ni gsum pa yin par 'dod/ /de nas gtso bos zab mo'i chos/ /mnyam par gzhag pas bsgrub par bya/ /rdo rje de yis bde bskul bya//bde ba chen po'i tshogs rnams kyis/ /yon bdag tshogs ni bsag pa'i phyir/ /zab mo'i chos ni sgrogs zhes bya/ /de ltar thabs dang shes rab tshogs/ /go rims bzhin du chos smra ba/ /dam chos gsung gi 'khor lo yin/ /de nas gtso bos bskul nas ni//rnam par rtog bral rol pa yis/ /thabs kyi gal te shes rab glu/ /yang na de las bzlog bya ba/ /sku dang gsung gi 'khor lo yin/ /de dag go rims ji bzhin du/ /kun gyis 'khor lo bskor bar bya/ /de nas phan tshun rim pa la/ /de'ang yon gyi bdag pos ni//mchod phyir rang gi chung ma'am/ /de la sogs pa'i bud med ni/ /mdzes ma dag ni dbul ba'am/ /bsod nams 'dod pa'i rnal 'byor pas/ /gtso bo la ni gsol ba gdab/ /de nas gtso bos lha rnams kun/ /dam tshig la ni gnas bya'i phyir/ /bde ba chen po'i rnal 'byor gyis//yol ba'i nang du dam 'khyud de/ /stan bde ba la snyoms zhugs te/ /ji srid bde bar gnas kyi bar/ /de srid khams gsum po rnams stong / /yid kyis gcig tu byas nas ni/ /ga pur lce yis blangs nas kyang / /lha rnams kun la thig le dag//gdong gi pad+ma'i nang du btang / /de ni ye shes bde ba ste/ /longs spyod 'khor lor zhugs par bya/ /de ltar rim pa ji lta bar/ /der ni lha rnams ma lus kun/ /bdag byin brlab pa'i rim pa yis/ /stan bde ba la snyoms zhugs nas/ /rang gi bdud rtsi rang gis bza'/ de bde thabs kyis yang dag mkhyen/ /sems kyi bde ba gang skyes pa/ /thugs kyi 'khor lo yin par 'dod/ /de dag yongs su ma grub na/ /sman dang mar gyi khu ba yis/ /snying ga ru ni byugs nas kyang / /dal gyis cung zad mnye bar bya/ /de yang sems kyi bde ba che/ / thugs kyi 'khor lo nges par yin/ /de ltar yongs su sbyor ba'i tshogs/ /rang rang lha yi rnal 'byor gyis/ /longs spyod rnams ni yon phul nas/ /gser dang rin chen la sogs dang / /dar dang ras dang yang na sman/ /gtso bo dang ni bde ba yi/ /shes rab tu ni mnyam pa ste//de dag gzhan las nyis 'gyur tshad/ /gzhan la de yi phyed phul nas/ /yon gyi bdag pos dge bskul bya/ /dkyil 'khor me tog bcas ldan dang / /lag par me tog thogs nas ni/ /tshig ni 'di skad brjod par bya/ /rdo rje 'dzin sogs dgongs su gsol/ /khyed la rab tu dad pa yis//mchod pa'i tshogs ni rab phul nas/ /bdag mtha' sems can ma lus rnams/ /'khor ba'i sdug bsngal spangs nas ni/ /bde chen rdo rje 'dzin rgyal shog /de nas de yi spro skyed phyir/ /gtso bos tshig 'di brjod par bya/ /e ma'o sems can chen po khyod//sangs rgyas rnams kyis de ring ni/ /khyod la rab tu dgongs 'gyur te/ /sangs rgyas nyid du 'gyur bas na/ /'bras bu chen po mthong ba ste/ /yid ches pa yis brtson par bya/ /de dag bsod nams kyi gzhir ro/ /de nas lhag dang phud bsreg te/ /'byung po kun la gtor ma ni//rnal 'byor phun sum tshogs pas btang / /me tog la sogs bsdus nas ni/ /thig le dag ni dbyi bar bya/ /rang rang lha yi rnal 'byor ni/ /ting 'dzin sngags dang phyag rgyas ni/ /'gro ba'i don du gshegs gsol gdab/ /de nas gtso bos lha tshogs la/ / dam tshig bstan par bya ba'i phyir/ /dmyal sogs sdug bsngal mthong nas ni/ /tshul 'di smra bar ma byed brjod/ /bdag gis tshogs bsgrub don byas pas/ /dge ba dri med gang thob des/ /tshogs gnyis tshogs ni bsags nas kyang / /'gro kun rdo rje 'dzin thob shog /tshogs kyi 'khor lo'i cho ga /

CLOSE WINDOW