41a7 /[]@##/ /rgya gar skad du/ yo ga yo gI ni nAM A sa dar na a lo pe de sha nA ma/ bod skad du/ rnal 'byor pha dang rnal 'byor ma rnams la thun mong ma yin pa'i don la gdams pa zhes bya ba dpal he ru ka la phyag 'tshal lo/ /dur khrod ha ha
41b1 sgrogs pa zhes bya ba ru/rgyal po sa muny+dza ya zhes bya bas yon bdag byas te/ slob dpon Dom+bi he ru ka la sogs pa rnal 'byor pa'i tshogs dpag tu med pa 'dus te tshogs kyi 'khor lo bskor ba las/ bram ze mu ba kha da zhes pas slob dpon la ma zhus par stan las langs
41b2 nas phyir song ba las/rnal 'byor pa rnams kyis bag dang mi ldan par rtogs nas phyir dbyung ba'i las byas te chogs khang du ma btsud do/ /de nas slob dpon Dom+bi he ru kas rnal 'byor pa rnams la gdams pa/ kye theg pa chen po thun mong ma yin pa'i lam 'di la zhugs
41b3 nas dam tshig dang brtul zhugs dang 'gal bar mi bya ste/de skad du yang rnal 'byor ma kun du spyod pa'i rgyud las/ dbang thob nas ni dam tshig nyams mi bya/ /tshogs kyi 'khor lo mthun byas gnas su bskor/ /bya ba thams cad he ru ka yi bdag /tshul ma yin pa byed pa
41b4 tshar gcod do//zhes 'byung bas so/ /e ma'o rnal 'byor pa rnams kyis rtsod pa'i dus su gyur na yang tshe gcig gi phyag rgya chen po'i dngos grub thob par byed pa'i thabs mchog tu gyur pa tshogs kyi 'khor lo 'di dag la longs spyod du yod pa 'di ni thun mong ma yin pa'i bsod
41b5 nams kyi mthu las grub pas na//kye rdo rje 'dzin pa rnams dga' bar byos shig /'khor lo dam pa 'di dag kyang phal pa'i gnas dag tu bskor bar mi bya ste tshong 'dus spang bar bya'o/ /g.yeng ba'i grong dang / bram ze'i khyim dang rgyal po'i pho brang dang / rje rigs kyi khyim
41b6 dang /dge 'dun gyi kun dga' ra ba dang / kla klo bag med ba dag spang bar bya'o/ /mu stegs kyi grong dang 'brog dgon pa dang / gcan gzan gdug pa can rgyu ba'i gnas dag kyang spang bar bya'o/ /mkha' 'gro ma rgyu ba'i gnas dang / grong zad pa'i mtha' dang / dgon
41b7 pa dang /lha khang dang / dur khrod dang / phug stong dang / shing drung dang / nags tshal gyi mthongs dag tu tshogs kyi khang pa rim pa gsum dang ldan pa brtsigs te/ tshogs kyi 'khor lo 'am/ dpa' bo'i ston mo bya'o/ /de dag brda dang mi ldan pa dag 'du bar mi bya'o/ /slob
42a1 dpon gyis ma bsgo bar brda mi bya'o//gsol ba ma btab par sgo mi dbye'o/ /bsang gtor ma byas par nang du mi 'gro'o/ /mchod yon ma grangs par gtam mi bya'o/ /slob dpon la me tog pa ma phul bar thang la 'dug par mi bya'o/ /las kyi
42a2 sems dpa' dang sems mas ma bsgos par gral du 'dug par mi bya'o//gsol ba ma btab par ting nge 'dzin la mnyam par gzhag par mi bya'o/ /thig le ma bkod par rnal 'byor pa la mchod par mi bya'o/ /bdud rtsis ma bran par kha zas byin gyis brlab par mi bya'o/ /
42a3 'jigs pa dang dogs pa ngo tsha ba med par longs spyad par bya'o/ /zas la zhen par mi bya'o/ /rnal 'byor pho mo la chags par mi bya'o/ /gcer bu pa'i cha byad kyis gnas par mi bya'o/ /dur khrod kyi rgyan byin gyis ma brlabs par bgo bar mi bya'o/ /rtog pa dang
42a4 'dzem pas zos na dmyal ba chu bur can du skye'o//des dge slong la sogs pa rtog pa dang ldan pas kyang 'dir rtog par mi bya'o/ /skyil krung gis gnas par bya'o/ /rgan po'i rim pa bzhin du gral la 'dug par bya'o/ /slob dpon gyis snyoms par ma zhugs
42a5 par snyoms par 'jug par mi bya'o//zas la lag pa gnyis kyis drang zhing gnyis kyis blang bar bya'o/ /slob dpon la ma zhus par glu dang gar dang bag yangs pa'i spyod pa mi bya'o/ /shing la sogs pa 'og gzhi med pa'i phyogs su zas gzhag par mi bya'o/ /khyim
42a6 pa la sogs pa'i blo chung ba rnams kyang ma gus pa dang skur pa 'debs par mi bya'o//btab na mnar med pa'i sems can dmyal bar skye'o zhes rgyud las gsungs so/ /e ma'o rnal 'byor pa rnams pha rol gyi skyon rtog par ma byed cig /mtshang 'bru ba dang / rtsod pa
42a7 dang /nga rgyal dus thams cad du spang bar bya'o/ /bla ma la ma zhus par bya ba la ma 'jug cig /rnal 'byor pa rnams kyi spyod pa'i brtul zhugs la ma skrag cig /gal te skrag na rdo rje dmyal bar skye bar 'gyur ro/ /dpa' bo
42b1 dang mi ldan pa'i dpa' mo dang /dpa' mo dang mi ldan pa'i dpa' bo dag gis tshogs kyi 'khor lo bskor bar mi bya'o/ /dkyil 'khor dang mi ldan par dpa' bo'i ston mo dag kyang mi bya'o/ /kye ma rnal 'byor rnams zas la brkam pa dang / chags pa dang / lus kyi ched dang stobs kyi phyir mi bza' snye/ gal
42b2 te zos na yi dags rgyu bcings su skye bar 'gyur ro//kye ma rnal 'byor pa rnams 'dod chags dang / zhe sdang dang / gti mug dang / nga rgyal dang / phra dog gis gnas par ma byed cig /sgyu ma mkhan gyi gtam dang / rol mo mkhan dang / rgyal po'i gtam dang
42b3 dmag dang /tshong dang / sman dang / bzo dang / don med pa'i bstan bcos dang / nyan thos kyi bslab par bya ba dang / rigs ngan dang / smad 'tshong ma la sogs pa'i gtam smra bar ma byed cig /rkang pa brkyang ba la sogs pa'i 'dug stangs kyis lus ma bsdams
42b4 par 'dug par mi bya'o//lar lus ngag yid gsum ma bsdams par gnas par mi bya'o/ /las dang po pa la rtog pa dang mi ldan pa dag gis kyang spyod pa dam pa dag gis nye sar zhog cig /spyod pa gang la yang mi dad par ma byed cig /zas mang du bza' bar bya'o/ /
42b5 zas la dpya bar mi bya'o/ /zas mnye bar mi bya'o/ /skom ci rnyed pa btung bar bya'o/ /bla mas bka' stsal pa dag ni thams cad bya'o/ /zas kyis lus ma 'byongs pa'i phyir 'byung bar mi bya'o/ /gtor ma ma btang ba'i phyir 'byung bar mi bya'o/ /ma zhus pa dang / bsngo
42b6 ba ma byas pa dang /smon lam ma btab par nyal bar mi bya'o/ /kye ma rnal 'byor pa rnams don chen po dang ldan par go bar gyis shig /dga' ba dang / spro ba dang / sems gzengs mtho bar gyis shig /tshul 'di dag gzhan du smra bar ma byed cig /gal te smras na
42b7 mkha' 'gro ma rnams kyis mgo 'gas par byed cing /dngos grub kyang 'jig par byed do/ /de bas na 'di dag las ma nyams par bya'o zhes gdams ngag gsungs pa'o/ /slob dpon Dom+bi he ru kas thun mong ma yin pa'i don gyi gdams ngag brjod pa rdzogs so// //


CLOSE WINDOW