CLOSE WINDOW

D1227
བོད་ཡིག

dge slong shAkya ye shes kyis bsgyur cing gtan la phab ba'o/ /[]@##/ /rgya gar skad du/ shrI he badzra nA ma sA d+ha naM/ bod skad du/ dpal kye rdo rje zhes bya ba'i sgrub pa'i thabs/ /dgyes pa'i rdo rje la phyag 'tshal lo/ /e waM nyid bzhugs rje bo mgon po bzhi//dang po tha ma dbus las rnam par grol/ /rdo rje 'dzin pa khyod la phyag 'tshal lo/ /bla ma dang sangs rgyas dang chos dang dge 'dun rgan pa rnams kyi rkang pa la/ dad pa spyod pas phyag btsal nas bri/ dang por gnas bstan par bya ba ni/ shing gcig gam ni dur khrod du//de bzhin ma mo'i khyim dag gam/ /yang na dben pa'am bas mtha' ru/ /der ni bsgom pa bzang bar gsungs/ /zhes 'byung bas na gnas der ram/ rang nyams dga' ba'i gnas su 'dug nas/ sems rtse gcig pa'i ting nge 'dzin la rnal 'byor mnyam pa nyid du byas nas//nub mo rang gi snying gar 'dug nas/ /raM las nyi ma'i dkyil 'khor/ /de'i steng du thabs dang shes rab kyi bdag nyid can yi ge hUM/ nam mkha' la bla ma dang sangs rgyas dang byang chub sems dpa' rnams mthong nas/ lha mo brgyad rgyan gyis brgyan pa spros nas mchod pa/gau rI zla ba'i snod can/ tsau rI nyi ma'i snod can/ bet+tA lI dri chu'i snod can/ g+hasma rI sman gyi snod can/ /puk+ka sI rdo rje 'dzin pa/ sa pa rI bdud rtsi'i snod can/ /tsaN+Da lI rnge'u chung 'dzin ma/ de rnams kyis mchod pa/ Dom+bi nI reg bya dbyer med pa'i chags pa chen po dang rjes su chags par byed/de nas phyi'i mchod pa dang / sdig pa bshags pa dang / dkon mchog gsum la skyabs su 'gro ba la sogs pa bya'o/ /de nas dang po byams pa dang / gnyis pa snying rje dang / gsum pa dga' ba dang / bzhi pa btang snyoms su bya'o/ /de nas sems stong pa nyid du byed pa//'khor ba bdag tu 'dzin pa med par bya/ oM shU n+ya tA dz+nyA na badzra swa b+hA ba At+ma kou0f85haM/ de nas yi ge raM las sngon du nyi ma'i dkyil 'khor bsgom/ de'i steng du yi ge hUM las rdo rje/ de'i lte ba la hUM/ de las 'od zer 'phros pas bla re dang / sa gzhi dang / rtsig p ar gyur/de'i dbus su nam mkha'i dbyings kyi 'byung gnas su bsgom pa ni rlung gi dkyil 'khor me'i dkyil 'khor/ chu'i dkyil 'khor/ sa'i dkyil 'khor/ de'i steng du b+h+rUM las 'khor lo lte ba la b+h+rUM b+h+rUM dang 'khor lo gnyis dbyer med pa las rnam par snang mdzad de dang 'byung bzhi'i dkyil 'khor gcig tu 'dres nas/chos kyi 'byung gnas kyi dbus su gzhal yas khang du gyur/ gzhal yas khang thog gcig pa/ /sgo bzhi pa twa ran bzhis mdzes pa/ me tog sna tshogs pa'i gzugs can/ de'i dbus su A li las zla ba'i dkyil 'khor/ kA li las nyi ma'i dkyil 'khor dang /zla ba me long lta bu'i ye shes nyi ma mnyam pa nyid kyi ye shes dbus su hUM las rdo rje so sor rtog pa'i ye shes/ gcig tu 'dres pa'i ngo bo bya ba grub pa'i ye shes/ rdo rje sems dpa'i gzugs su gyur pa chos kyi dbyings rnam par dag pa'i ye shes te/'dres pa yi ge hU~M las rdo rje sems dpa' de mngon par byang chub pa lngas sku bskyed pa'o/ /zhal dang phyag mtshan yab dang sras su mthun pa/ rdo rje sems dpa' rin chen zla ba'i gzugs can/ phyag bcu drug zhal brgyad zhabs bzhi dga' bar byed pa phyag dang po gnyis kyis bdag med ma la 'khyud pa/thabs dang shes rab gnyis su med pa'i byang chub kyi sems zla ba/ gau rI brgya byin phyogs su gnas/ tsau rI yi dags phyogs su gnas/ bet+tA lI chu bdag phyogs su gnas/ g+hasma rI gnod sbyin phyogs su gnas/ bdud bzhi 'joms pa'i tshul du'o/ / gtsigs pa'i gzugs can sgor gnas pa'o/ /puk+ka sI 'joms pa'i gzugs can dbang ldan grwar gnas/ sa ba rI me'i grwar gnas/ tsaN+Da lI bden bral gyi grwar gnas/ Dom+bi nI rlung gi grwar gnas pa'o/ /gaM tsaM baM g+haM baM saM laM DaM sa bon las sku rdzogs nas dbyung bar bya/ /gau rI phyag g.yas na gri gug g.yon na nya/tsau rI g.yas na rde'u chung / g.yon na phag /g+ha sma rI g.yas na sbrul/ g.yon pad+ma'i snod/ pu k+ka sI g.yas seng ge/ g.yon dgra sta/ sa ba rI g.yas na dge slong / g.yon na gseg shad/ tsaN+Da lI g.yas na 'khor lo/ g.yon na thod pa/ Dom+bi nI g.yas rdo rje/ g.yon sdigs mdzug gau rI kha dog nag mo/ tsau rI mdog dmar/ bet+tA lI mdog ser/ g+hasma rI mdog ljang / puk+ka sI mdog sngo/ sa ba rI mdog dkar/ tsaN+Da lI nam mkha'i mdog /Dom+bi nI kha dog sna tshogs thams cad spyan gsum pa/ skra grol ba/ phyag rgya bzhi dang ldan pa thams cad bzhengs nas/ brkyang bskum du bzhugs pa/ thams cad kyang phyag gnyis pa/ tshangs pa dang / khyab 'jug dang / drag po dang / gshin rje dang / gnod sbyin dang / srin po dang / lha ma yin rnams/ gau rI la sogs pa rnams kyi gdan no/ / de nas rdo rje sems dpa' yab yum dang bcas pa 'dod chags chen pos zhu nas/ de nas lha mo bzhis bskul ba/ sna tshogs glu yis rab tu mchod/ /dgyes pa'i rdo rje'i thugs rje'i yid/ /puk+ka sI ni bdag la skyobs/ /bde ba chen po sbyor 'dod pas/ / stong pa'i rang bzhin bsal te bzhengs/ /stong pa'i rang bzhin bsal nas ni/ /sa ba rI la dngos grub stsol/ /gal te gson par mchi bzhed na/ /dgyes pa'i rdo rje bzhengs su gsol/ /tsaN+Da lI ni bdag gis su/ /mthong ba med nas gsol ba yi/ /ci yi phyir na stong par bzhugs//sngon smon bzhin du dpa' bo rol/ /bdag ni Do m+bi'i mtshan ma med/ /khyod kyi sems ni shes pa ste/ /thugs rje med pa de mi rung / /sgyu 'phrul lta bur bzhengs su gsol/ /dang po stong pa'i byang chub sems/ /gnyis pa la ni sa bon 'byung / /gsum pa la ni gzugs rdzogs te//bzhi pa la ni yig 'bru dgod/ /bdag po dga' ma sa bon gnyis/ /bar ma 'jigs pa sngon po gnyis/ /aM hUM gnyis kyi 'od zer las/ /rdo rje chen po bzhengs pa'o/ /lha yi gzugs su 'phros nas ni/ /nam mkha'i khams ni yongs gang pa'o//snying gar aM hUM la bsdus nas/ /rnal 'byor badzra d+ha ra zhes/ /zhe sdang chen po'i rang bzhin gyur/ /zhabs bzhi sa la mnan pa yis/ /lha dang lha min 'jigs par byed/ /kha dog nag po 'jigs par byed/ /bdag med ma la bde ba ster/ /rtog pa med pa'i bde ba rnyed//rtog pa med pa'i rang bzhin gzugs/ /bdud bzhi rim par zhabs kyis mnan/ /'jigs pa thams cad 'jigs par byed/ /mgo bo'i phreng ba rdzogs par bya/ /nyi ma'i gdan la gar thabs byed/ /sna tshogs rdo rje spyi bor gnas/ /kha dog nag po 'jigs par byed//dang po zhal ni nag po che/ /g.yas kyi zhal ni zla ltar dkar/ /g.yon gyi zhal ni dmar po 'jigs/ /steng gi sngon po gtsigs pa'i zhal/ /nyi shu rtsa bzhi spyan dang ldan/ /zhal rnams gzhan ni nag po'o/ /hU~M zhes bya ba'i sgra 'byin cing / /thal bas lus kyang byugs pa'o//smin ma skra yengs ser po yin/ /phyag rgya lnga yis sku la brgyan/ /spyan ni lta stangs khro bor blta/ /lo ni bcu drug tsam gyi tshad/ /glang po rta dang bong bu dang / /ba lang rnga mo mi dag dang / /byi la dang ni seng ge dang / /g.yas kyi phyag na thod pa brgyad//de rnams rim pa bzhin du gzhag /sa yi lha dang chu yi lha/ /me yi lha dang rlung gi lha/ /zla ba'i lha dang nyi ma'i lha/ /gshin rje lha dang nor sbyin no/ /g.yon pa'i phyag na ban+d+ha brgyad/ /de rnams rim par dgod pa'o/ /sgeg pa dpa' ba 'jigs su rung ba dang /rgod dang gshe dang 'jigs par byed pa dang / /snying rje rngam dang zhi ba la sogs pa/ /'bar ba'i gar dgu ro dang ldan/ /shrI ni ye shes mi gnyis pa/ /he ni rgyu sogs rnam par spangs/ /ru ni tshogs dang bral ba ste/ /ka ni gang du'ang mi gnas pa'o/ /oM d+harma d+hA tu swa b+hA ba At+ma kou0f85haM/mig gnyis la ni gti mug rdo rje'o/ /rna ba la zhe sdang rdo rje'o/ /sna la ser sna rdo rje'o/ kha la 'dod chags rdo rje'o/ /reg bya la phrag dog rdo rje'o/ /yid la bdag med rnal 'byor ma'o/ /sa la spyod ma lus rdo rje ma/ /mkha' la spyod ma gsung rdo rje ma//snying gi dbus na gnas pa ni bdag med ma'o/ /rang gi snying ga'i sa bon las/ /'od nag po lcags kyu 'dra ba 'phros pas/ /khams gsum gyi sangs rgyas spyan drangs nas/ /mchod pa lha mo brgyad dag gis bya'o/ /de nas gsol ba gdab par bya'o/ /oM a b+hi Shiny+tsa tu mAM sarba badzra ta thA ga ta/rdzogs nas thams cad he ru ka /sangs rgyas kun gyis dbang bskur mdzad/ /sangs rgyas kun gyi rang bzhin chu/ /bdud rtsi bum pas dbang bskur ro/ /de nas me tog gi char dang / ras dang tsan+dan gyi phye ma dang / gur gum char du phab pas/ nam mkha'i khams sna tshogs pa'i sgras gang nas/ sna tshogs pa'i gzugs kyis mchod pa byas nas/ lo tsa na la sogs pa yis/ /rdo rje'i glus kyang stod par byed/ /de ltar dbang bskur zin nas/ mi bskyed pa 'khor lo'i gzugs can/ rna ba snang ba mtha' yas kyi bdag nyid//mgul du rin chen 'byung ldan/ /ska rags don yod grub pa/ gdu bu rnam par snang mdzad kyi rang bzhin du dran par bya'o/ /phyag rgya lnga rnam par dag pa rigs lnga'o/ /snying rje rnam par dag pa spyan dmar po/ byams pa rnam par dag pa mdog nag po/ byang chub kyi yan lag rnam par dag pa pags pa/'phags pa'i bden pa bzhi rnam par dag pa rus pa/ phyag rgya rnam par dag pa sangs rgyas lnga'o/ /gdug pa'i sems can gdul ba'i phyir/ /khro bo'i gzugs so/ /sha rnam par dag pa puk+ka sI'o/ /khrag rnam par dag pa sa ba rI'o//byang chub rnam par dag pa tsaN+Da lI'o/ /rkang rnam par dag pa Dom+bi nI'o/ /rnam par thar pa brgyad rnam par dag pa zhal brgyad/ lus ngag yid gsum rnam par dag pa spyan gsum/ stong pa bcu drug rnam par dag pa phyag bcu drug /bdud bzhi rnam par dag pa zhabs bzhi/ de bzhin gshegs pa mi bskyod pa dang / rnam par snang mdzad dang / rin chen 'byung ldan dang / snang ba mtha' yas dang / gau rI la sogs pa phyag rgya bzhi'o/ /sa rnam par dag pa puk+ka sI'o/ /chu rnam par dag pas ba rI'o/ /me rnam par dag pa tsaN+Da lI'o/ /rlung rnam par dag pa Dom+bi nI ru gsungs so//dus gsum du gnas pa las langs nas lha'i gzugs su bya'o/ /nyon mongs pa med na sngags kyi bzlas pa bya ste/ oM de ba pi tsu badzra hUM hUM hUM phaT swA hA/ /bya ba thams cad he ru ka'i gzugs su bya ste/ dngos grub gang 'dod kyang rung ste/ he ru ka'i gzugs su bya'o//zla ba drug tu 'dug na dngos grub 'byung ste/ 'khrul pa'i bsam pa med na/ sangs rgyas kyi rdzu 'phrul thob par 'gyur ro/ /bsgul bskyod thams cad phyag rgya yin/ /brjod pa thams cad sngags yin te/ he ru ka ni gnas pa ni/ /rnam shes yang dag shes pa yin//rgyud las sgrub thabs bsdus pa'o/ /shes dang mi shes mi dpogs pas/ /zab mo tshul ni gsal byed pa/ /shes rab 'o ma'i rgya mtsho las/ /skad cig man ngag srubs shing gis/ /slob dpon bde ba'i man ngag gis/ /bsdus pas bdud rtsi za ba ltar/ /de yi blo yi shes pa yin//he ru ka yi sgrub thabs 'di/ /legs par gsal bar byas pa ni/ /dgyes pa'i rdo rje'i rgyud las brtsams/ /de bzhin gsungs pa'i rim pa yis/ /bdag gi bsod nams 'di dang ni/ /dpal gyi sngags kyi rim brjod pas/ /yin pa'i byang chub man dge bas//myur bar sems can grol gyur cig /bla ma dang ni pha ma dang / /'khor mi rnams kyis thos dga' ba/ /byang chub snying por byas pa 'di/ /sngon du dran pa'i ye shes kyis/ /de nyid brjod par byas pa 'dis/ /dpal gyi yid ni rnyed par shog /he badzra'i sgrub thabs slob dpon byang chub snying pos mdzad pa rdzogs so/

CLOSE WINDOW