CLOSE WINDOW

D1226
བོད་ཡིག

/ //rgya gar gyi mkhan po ga ya d+ha ra dang / bod kyi lo tsA ba dge slong shAkya ye shes kyis bsgyur ba'o/ /[]@##/ /rgya gar skad du/ shrI e ka pI ra sA d+ha naM nA ma/ bod skad du/ dpal dpa' bo gcig pa zhes bya ba'i sgrub pa'i thabs/kye rdo rje la phyag 'tshal lo/ /snying rje shes rab gnyis med bdag /he ru ka dang bdag med dang / /rdo rje slob dpon zhabs pad+ma/ /phyag 'tshal dpa' bo gcig pa bri/ /bya mang rgan po blo dman pas/ /dngos grub thob phyir rab tu bsdus/ /dang po kho nar rnal 'byor pas//rdo rje slob dpon yang dag pa la kye rdo rje las gsungs pa'i rim pas sems legs par sbyangs pas ji skad gsungs pa'i gsung nyams dga' bar legs par sbyangs pa'i shes rab dang / 'dod pa'i longs spyod kyis bde bar gnas par bya'o/ /de nas phyi nang gi khrus dang mchod pa dang gtor ma tshogs pa dang /rang gi snying gar nyi ma la hUM dkar po 'od zer lnga dang ldan pa'i 'od kyi snang bas nam mkha' la bla ma dang sangs rgyas yang dag par gsal ba la/ /lha mo brgyad kyi phyag na bdud rtsi lnga dang / ro'i bcud dang / cang te'u dang / 'khyud pas mchod pa dang /de'i mdun na sdig pa bshags pa dang / byed pa sdom pa dang / rjes su yi rang ba dang / bsngo ba dang / dkon mchog gsum la skyabs su 'gro ba dang / /sems bskyed pa dang / tshangs pa'i gnas bzhi bsgom par bya'o/ /de nas snod bcud thams cad snying ga'i 'od zer gyis bsregs la/oM shU n+ya tA dz+nyA na badzra swa b+hA ba At+ma kou0f85haM/ zhes brjod pas mi dmigs par bsgom/ de nas sngon gyi smon lam gyi stobs kyis nam mkha' la pad+ma dang nyi ma'i dkyil 'khor gyi dbus su hUM yongs su gyur pa las sna tshogs rdo rjer gyur/ de las 'od 'phros/ 'dus pa las rdo rje'i ra ba dang / gur dang / sa gzhi la sogs pa rgyas par bsgom/ de'i dbus su shes rab e'i dbyibs 'dra ba bsgom mo/ /der yaM/ raM/ baM/ laM/ rnams las rlung dang / me dang / chu dang / sa'i dkyil 'khor zla gam dang / gru gsum dang / zlum po dang / gru bzhi rnams dang /bdag nyid gcig tu gyur pa las/ gzhal yas khang gru bzhi rta babs bzhi pa/ ka ba brgyad pa/ dra ba phyed dang / nyi zla dang sna tshogs pa'i dar dang / me tog la sogs pa 'dod pa'i yon tan lngas brgyan pa dur khrod brgyad kyi dbus su bsgom mo/ /de'i dbus su pad+ma dmar po dang /nyi ma'i dbus su tshangs pa dang dbang po dang khyab 'jug dang / drag po'i snying khar dbyangs dang gsal byed gnyis yongs su gyur pa las/ zla ba dang nyi ma/ de'i dbus su aM dang hUM las gri gug dang thod pa/ aM hUM gis mtshan pa spro ba dang bsdu ba'i mtshan nyid can bsam mo//thams cad gcig tu gyur pa las/ /bdag nyid dpal kye rdo rje bdag med ma dang bde ba sdom pa/ zhal brgyad pa/ phyag bcu drug pa zhabs bzhi pa/ sku mdog zla ba dang shel lta bu dang / rtsa ba'i zhal sku lta bu/ g.yas sngon po/ /g.yon dmar po gzhan ni bung ba ltar gtsigs pa/phyag g.yas pa'i thod pa brgyad na/ rim par glang po dang / rta dang / bong bu dang / glang dang / rnga mo dang / mi dang / seng ge dang / byi la bsnams pa/ de bzhin du g.yon pa brgyad na/ sa dang / chu dang / rlung dang / me dang / zla ba dang / nyi ma dang / gshin rje dang / gnod sbyin bsnams pa/ thod pa'i dbu rgyan dang / do shal dang / phyag rgya lnga dang / stag lpags kyi sham thabs dang / thal ba dang / tshangs skud dang ldan pa/ skra ser po gyen du 'bar ba la/ sna tshogs rdo rjes mtshan pa/ spyan nyi shu rtsa bzhis phyug pa/ phyed krung bcas pas bdud kyi steng na rol pa/bdag med ma nag mo zhal gcig phyag gnyis ma/ skra ser po gyen du 'bar ba/ 'khor lo dang / rna cha dang / mgul rgyan dang / lag gdub dang / ska rags kyis brgyan pa/ stag lpags kyi sham thabs can/ gri gug dang thod pa 'dzin pa'i phyag gis gtso bo'i mgul nas 'khyud pa/gnyis su med pa'i man ngag gis gnas par bya'o/ /de nas snying ga'i sa bon las 'od zer lcags kyu'i gzugs kyis ye shes sems dpa' spyan drangs la/ mchod pa dang / bstod pa byas la/ gnyis su med par bstim par bya'o/ /oM hUM traM khaM hUM/mig dang / rna ba dang / sna dang / lce dang / lus dang / yid du/ gti mug rdo rje la sogs pa/ dkar po/ sngon po/ ser po/ dmar po/ ljang gu/ nag po dang / gri gug dang / thod pa dang / kha T+wAM ga bsnams par bsgom par bya'o/ /de nas thugs ka'i 'od zer gyi lcags kyus de bzhin gshegs pa spyan drangs la mchod pa bya ste/a b+hi Shiny+tsa tu mAM sarba ta thA ga ta zhes gsol ba btab pas/ de dag he ru ka'i gzugs su gyur pas/ bdud rtsi'i bum pas dbang bskur bas/ rigs kyi bdag pos spyi bor mtshan par bsam mo/ /de nas gtum mo'i rnal 'byor bla ma'i man ngag gis bsgoms pas/brtags pa'i mtshan ma la sogs pa'i rim pas dngos grub thob po/ /bskyed pa'i rim pa dga' ba yis/ /rtsa sogs gsang sngags btu bzlas nas/ /'byung po che la gtor ma byin/ /dkyil 'khor la sogs las rnams bya/gau rI glu blang 'dod longs spyod/ /dka' thub mi spyad bde bas bsgrub/ /bdud rtsi lnga po rtag tu bza'/ /zhal brgyad rnam par thar pa brgyad/ /bcu drug phyag ni stong pa ste/ /zhabs bzhi bsdu ba'i dngos po bzhi/ /spyan gsum po ni sku gsum yin/ /snying rje'i spyan ni dmar po ste//yan lag nag po byams pa'i sems/ /gug skyed rnam dag sangs rgyas lnga/ /khro bo gdug pa 'dul ba po/ /phung po lnga ni mdor bsdu na/ /rdo rje ma sogs lha mo lnga/ /khams bzhi dag pas lha mo bzhi/ /mig sogs gti mug rdo rje sogs/ /yul sogs dag pa lha mo drug /yang dag par ni rang bzhin med/ /dag pas dug med byas nas ni/ /bsten bya 'di dag bsten par bya/ /spyod lam dag ni ci spyad dang / /rtag tu de nyid dran byas na/ /'grub 'gyur 'di la the tshom med/ /shes rab rgyud kyi snying po kye yi rdo rje rgya mtsho las/ /de nyid bsdus pa dpa' bo gcig pa'i sgrub pa'i thabs//gsal bar byas pa'i dge ba gang yin des/ /'gro ba ma lus dngos grub thob par shog /dpal dpa' bo gcig pa zhes bya ba'i sgrub pa'i thabs/ /slob dpon rdo rje dril bus mdzad pa rdzogs so// //rgya gar gyi mkhan po ga ya d+ha ra dang /

CLOSE WINDOW