CLOSE WINDOW

D1225
བོད་ཡིག

/ //dpal rigs pa'i 'byung gnas kra ma shI li'i gtsug lag khang du khams pa lo tsA ba ba ri d+harma kIrtis bsgyur cing zhus te gtan la phab pa'o/ /[]@##/ /rgya gar skad du/ shrI he badzra b+ha Da rA ga sto tra nA ma/ bod skad du/ dpal kye rdo rje'i b+ha Da rA ga'i bstod pa zhes bya ba/ dpal kye rdo rje la phyag 'tshal lo/ /thams cad dngos po'i rang bzhin mchog /gdod nas thams cad bdag nyid gnas/ /thabs dang shes rab gnyis med pa/ /kye yi rdo rje la phyag 'tshal//bdag med ma yis mgul nas 'khyud/ /dbu skra ser po gyen du 'bar/ /zhal brgyad po la spyan gsum pa/ /mgon po de la bdag phyag 'tshal/ /spyi bo dang steng nag po mdzes/ /dkar dang dmar po g.yas dang g.yon/ /gang gi lhag ma'i zhal rnams ni//nag po de la bdag phyag 'tshal/ /glang po rta bong glang rnga mo/ /mi dang seng ge de byi la/ /g.yas pa'i phyag brgyad la gnas pa'i/ /thod pa brgyad dang ldan pa po/ /sa dang chu dang me dang rlung / /zla nyi gshin rje gsang ba pa/ g.yon pa'i phyag brgyad la gnas pa'i/ / thod par 'dzin la phyag 'tshal lo/ /zhabs bzhi yis ni bdud bzhi po/ /mnyam par mnan cing gcer bu nyid/ /nyi mar zhabs g.yas brkyang dang sngo/ /gar mdzad de la phyag 'tshal lo/ /'khor lo bzhi yi bdag nyid 'jigs/ /'dzag pa'i mgo bos rnam par brgyan/ /de bzhin gshegs pa rnam dag pa'i//phyag rgya drug gis rnam par brgyan/ /sna tshogs rdo rjes spyi bor mtshan/ /dpral bar rigs kyi bdag po nyid/ /dam pa'i dga' ba yang dag thob/ /bde chen de la phyag 'tshal lo/ /gaM las skyes pa'i gau rI shar/ /yan lag gnag cing g.yon na nya/ / g.yas pa na ni gri gug 'dzin/ /tshangs pa mnan la bdag phyag 'tshal/ /tsi las skyes pa'i chom rkun ma/ /btsod kyi mdog can lho phyogs su/ /phyag na phag dang cang te'u bsnams/ /dbang po mnan la bdag phyag 'tshal/ /baM las skyes pa'i ser mo nub/ /ro langs ma ni nye dbang mnan//phyag g.yon lhung bzed g.yas pa yis/ /rus sbal bsnams la bdag phyag 'tshal/ /g+hasma rI ni byang gi sgor/ /ljang gu g+haM las byung ba yi/ /phyag gnyis sbrul dang thod pas brel/ /drag po mnan la bdag phyag 'tshal/ /gshin rje mnan cing paM las byung / / g.yon na dgra sta seng ge g.yas/ /dbang ldan du ni 'jigs gzugs ma/ /phyag 'tshal puk+ka sI sngo la'o/ /ri khrod ma dkar shaM las byung / /me ru nor bdag steng na gnas/ /g.yon na gsil byed g.yas pa na/ /dge slong 'dzin la bdag phyag 'tshal/ /gtum mo nam mkha'i sngo bsangs ma//srin por laM las byung ba yi/ /g.yon na thod pa 'khor lo g.yas/ /phyag 'tshal srin po nyid la'o/ /DaM las 'khrungs pa'i g.yung mo ni/ /rlung mtshams thags bzangs ris steng gnas/ /phyag g.yon sdigs mdzub rdo rje g.yas/ /sna tshogs mdog la bdag la phyag 'tshal//skyil krung byed pa'i gar gyis bzhugs/ /phyag rgya lnga yis rnam par brgyan/ /gcer bu spyan gsum thams cad la/ /bdag ni gus pas phyag 'tshal lo/ /phung po khams ni rnam dag pa/ /byang chub sems las byung ba yi/ /bde rab ster 'di thams cad la/ /dngos po kun gyis phyag 'tshal lo//nyid kyi g.yas pa'i phyag bzung ba'i/ /phyag mtshan sa bon las byung ba'i/ /bde chen 'dod pa thams cad la/ /rtag tu yang dag phyag 'tshal lo/ /gang zhig nyi zla kha sbyor gnas sa bon/ /gnyis las skyes pa'i gtso bo rig mar bcas/ / nyid kyis nyid kyi dkyil 'khor 'di las ni/ /'jig rten gsum po sprul par mdzad dang ldan/ /nyid las 'di dag thams cad ma lus par/ /zhi ba'i bde stsol rig ma dang bcas te/ /shes rab chags pa bdud rtsi'i ro nyid kyi/ /gnas su zhi ba de la phyag 'tshal lo/ /mkha' 'gro ma'i gtso kye rdo rje//lha mo'i 'khor lo bcas bstod pas/ /bdag gis bsod nams gang thob pa/ /des ni 'jig rten de mtshungs shog /rje btsun dpal kye rdo rje'i b+ha Da rA ga'i bstod pa nyi shu pa zhes bya ba dngos grub brnyes pa'i slob dpon chen po mtsho skyes rdo rjes mdzad pa rdzogs so/

CLOSE WINDOW