CLOSE WINDOW

D1221
བོད་ཡིག

/ //[]@##/ /rgya gar skad du/ he badzra maN+Dal bi d+hi/ bod skad du/ dgyes pa rdo rje'i maN+Dal gyi cho ga/ dpal he ru ka la phyag 'tshal lo/ /rnam par smin pa'i lus kyi snying gar nyi ma'i dkyil 'khor gyi steng du hU~M zla ba'i gzi ltar dkar po bsams te/ de las 'od zer dkar po spros pas lus bkang ste/ sdig pa dag par bsams la/ de nas stong pa nyid bsgoms la hU~M zhes brjod pas bdag nyid las kyi he ru ka zhal gcig phyag gnyis par bsgom ste/ de'i spyi bor zla ba'i dkyil 'khor gyi steng du oM dkar po bsams te/ lkog mar pad+ma 'dab ma brgyad pa'i steng du AHd+mar po bsam/snying gar nyi ma'i dkyil 'khor gyi steng du hUM sngon po bsams la/ oM AHhUM rak+Sha rak+Sha hUM hUM hUM phaT swA hA/ zhes bya bas bsrungs te/ bdud rtsi 'am/ ba'i rnam lnga la sogs pa la oM AHhUM bzlas la/ oM badzra re khe hUM zhes zlos shing / maN+Dal byug par bya'o/ /de nas lag pa bshal te thal mo sbyar nas phan yon brjod par bya'o/ /chu bcas lci ba sbyin pa yin/ /skyang nul byas pa tshul khrims yin/ /grog ma sogs bsal bzod pa yin/ /bya ba brtsams pa brtson 'grus yin/ / skad cig rtse gcig bsam gtan yin/ /ri mo snyoms pa shes rab yin/ /thub pa'i maN+Dal byas pas pha rol phyin drug de dag rnyed par 'gyur/ /lha mi khyad par can skye zla ltar gzi 'phags shing / /nad kun las grol gser gyi mdog dang 'dra bar 'gyur/ /rgyal rigs 'bru dang gser sogs 'byor pa ldan par skye//des na bde gshegs mchog gi khyim du lus las bya/ /zhes brjod do/ /de nas lag pa g.yon pa sa la reg par byas la/ oM badzra me dI nI badzrI b+ha ba badzra ban+d+ha hUM zhes brjod pa tsam gyis sa gzhi de sna tshogs rdo rjer gyur par bsam mo/ / de nas me tog gi tshom bu dkyil 'khor du dgod par bya ste/ dbus su oM AHhUM na maH/ zhes brjod de me tog dor ro/ /shar du gaM gau rI na maH/ zhes bya bas me tog dor ro/ /lhor tsaM tsau rI na maH/ zhes bya bas me tog dor ro/ /nub tu baM be tA lI na maH/ zhes bya bas dor ro/ /byang du g+haM g+hasma dI na maH/zhes bya bas dor ro/ /dbang ldan du paM puk+ka sI na maH/ zhes bya bas dor ro/ /me mtshams su saM sa wa rI na maH/ zhes bya bas dor ro/ /bden bral du laM tsaN+Da lI na maH/ zhes bya bas so/ /rlung mtshams su ni DaM Dom+bi nI na maH/ zhes pas so/ /de dag ni me tog gi tshom bu'i dkyil 'khor ro//de nas bdag nyid kyi snying ga'i hU~M las 'od zer 'phros pas phyogs bcu'i sangs rgyas thams cad kyi shangs bug g.yon pa nas zhugs te/ thugs ka'i pad+ma la bsnun pa tsam gyis/ thugs bskul nas phyogs bcu'i sangs rgyas thams cad dgyes pa rdo rje'i lha dgu'i dkyil 'khor du sprul te/mdun gyi nam mkha' la byon par bsams la/ de'i 'od zer gyi sna la 'jus te 'ongs pa'i bgegs thams cad tshar gcad pa'i bsam pas hUM bzhis bgegs bskrad par bya'o/ /de nas oM badzra gau rI A kAR+Sha ya dza/ oM badzra tsau rI pra be sha ya hUM/oM badzra bet+tA lI ban+d+ha baM/ oM badzra g+hasma rI ba shaM ku ru hoH/ zhes brjod pas ye shes kyi lha dgu me tog gi tshom bu'i dkyil 'khor la dgug pa dang gzhug pa dang bcing ba dang dbang du bya ste/ yi ge brgya pas kyang brtan par bya'o/ /de nas phyag bya ste/ gti mug gis mnan 'gro bltas te//'gro ba gti mug zhi bya'i phyir/ /rdo rje can gyi gau rI mdzad/ /de bas gau rI bstod phyag 'tshal/ /zhe sdang gis mnan 'gro bltas nas/ /'gro ba zhe sdang zhi bya'i phyir/ /rdo rje can gyi tsau rIr mdzad/ /de bas tsau rI bstod phyag 'tshal/ /nga rgyal gyis mnan 'gro bltas nas//'gro ba nga rgyal zhi bya'i phyir/ /gtso bos bet+tA lI gzugs mdzad/ /de bas bet+tA bstod phyag 'tshal/ /'dod chags kyis dkugs 'gro bltas nas/ /'gro ba 'dod chags zhi bya'i phyir/ /gtso bos g+hasma rI gzugs mdzad/ /de bas g+hasma rI bstod 'dud/ / bdag med ma dang gnyis med gzugs/ /phyag 'tshal 'dud cing phyag 'tshal 'dud/ /ye shes lnga dang sku gsum bdag /rdo rje mkha' 'gro la phyag 'tshal/ /de nas yang oM de ba pi tsu badzra hUM hUM hUM phaT swA hA zhes bcom ldan 'das la mchod la/ oM a A i I u U ri rI li lI e A+ai o au aM aHzhes bya bas bcom ldan 'das ma la mchod la/yang oM ASh+TA na nA ya na maH/ oM piM gor+d+ha ke sha bar+t+ma nA na maH/ oM tsa tu rbiM sha ti nai trA ya na maH/ oM Sho Da sha b+hu dzA ya na maH/ oM kriSh+Na dzi mU ta wa pu She na maH/ oM ka pA la mA la a ne ka d+ha ri Ne na maH/ oM Ad+h+ma ta krU ra tsit+tA ya na maH/ oM ad+he n+du daM Sh+Ti Ne na maH/ zhes bya ba rkang pa brgyad kyis mchod do//de nas nang dang phyi dang de kho na nyid kyi mchod pas kyang yang dag par mchod de/ phyi rol gyi bya ba'i mchod pas kyang mchod la/ oM AHhU~M zhes bzlas pa'i me tog dang mchod rdzas thams cad la bsnun pas/ byin gyis brlabs la/ oM sarba saM sho d+ha ni hU~X phaT swA hAHzhes bya bas dri chab kyis bsangs te/oM badzra ni ri ti hUM zhes bya bas zhabs bsil phul la/ oM hri bi shud+d+ha sarba d+harmA/ sarba pA paM nish+tsa saM shod+ha ya/ sarba bi kalpa a pa na ya hUM zhes bya bas zhabs bsil phul/ dzaHhUM baM hoHkhaM raM zhes bya bas a r+g+haM phul la/ oM badzra d+hU pe AHhUM/ oM badzra puSh+pe AHhUM/ oM badzra A lo ke AHhUM/ oM badzra gan+d+he AHhUM/ oM badzra nai bi t+ye AHhUM/ oM badzra shap+ta AHhUM phaT swA hA zhes bya bas go rims bzhin du me tog dang / spos dang / mar me dang / lha bshos dang / sil snyan rnams dbul bar bya'o/ /gzhan yang dpal dgyes pa rdo rje'i dkyil 'khor 'khor lo dang bcas pa rnams la bdag dbul bar bgyi lags kyis thugs rje chen pos bzhes su gsol//de nas bstod pa nyi shu pas kyang bstod la/ de nas sdig pa bshags par bya ste/ ji srid thog ma med pa'i 'khor bar phyin ci log gi rtog pas bsags pa'i las bdag gis bgyis pa dang / bgyid pa la rjes su yi rang ba de dag thams cad bcom ldan 'das kyi spyan sngar bshags shing phyis sdom par bgyid do//sems can thams cad kyi dge ba'i rtsa ba ji snyed pa 'di lta ste/ sangs rgyas dang byang chub sems dpa' dang / so so'i skye bo thams cad kyi bsod nams la rjes su yi rang bar bgyi'o//bdag byang chub kyi snying po la mchis kyi bar du thugs rje chen po dang ldan pa'i khams gsum bde ba chen por rnam par ro gcig pa'i sangs rgyas dgyes mdzad rdo rje dang / des gsungs pa'i sngags dang phyag rgya dang theg pa chen po'i chos ma lus pa dang / dkyil 'khor la sogs pa'i chos dang /byang chub sems dpa' phyir mi ldog pa'i dge 'dun dang / de'i 'khor lo la 'khor bar gnas pa'i lha mo'i tshogs la bdag skyabs su mchi'o/ /bdag gis bla na med pa yang dag par rdzogs pa'i byang chub tu sems bskyed par bgyi'o/ /sems can thams cad la phan pa dang /bde ba bsgrubs pa dang / 'di dag ji srid mthar thug pa'i mya ngan las 'das pa'i sangs rgyas kyi byang chub la dgod pa'i phyir bla na med pa yang dag par rdzogs pa'i byang chub tu sems bskyed par bgyi'o/ /dkon mchog gsum la skyabs su mchi/ /sdig pa thams cad so sor bshags//'gro ba'i dge la yi rang ste/ /sangs rgyas byang chub yid kyis gzung / /zhes sems bskyed la/ de nas bla na med pa'i theg pa chen po'i lam 'di nyid la brten par bya'o/ /bdag nyid kyang sangs rgyas dang byang chub sems dpa' thams cad la lus 'bul lags kyis//thugs rje chen po dang ldan pa rnams kyis bzhes su gsol zhes lus 'bul te/ de nas smon lam gdab par bya ste/ rigs skyes rjes su ma nyams shing / /dam tshig can dgyes rdo rje 'chang / /snying rjer ldan zhing bla mar gus/ /skye zhing skye bar bdag gyur cig /lag na rdo rje dril bu 'khrol//zab mo'i chos ni 'don pa dang / /btsun mo'i khu ba mnyam zas can/ /skye zhing skye bar bdag gyur cig /he ru ka dpal bdag gyur nas/ /sems can kun gyi don yang byed/ /he ru ka yi go 'phang mchog thob nas/ /sems can ma lus 'di la 'god cing 'jog par shog /de ltar bstod pa'i mchod sbyin las ni rdo rje rigs mchog tu ni bdag myur skye gyur cig /sems can phan phyir yang dag thabs kyis yon tan dang ldan 'jam pa'i dbyangs bzhin bdag gyur cig /rnal 'byor ma kun la ni dpe med bde ster rdo rje sems dpa' bzhin du bdag gyur cig /phyag rgya drug gis bdag brgyan dur khrod gnas su tshangs par spyod dang ldan par bdag gyur cig /de'i 'og tu yi ge brgya pas cho ga kha bskang zhing bshags pa bya ste/ oM badzra he ru ka sa ma ya/ ma nu pA la ya/ he ru ka twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pa yats+tsha/ sarba karma su tsa me/ tsi t+taM shre yaH/ ku ru hUM ha ha ha ha ho/ /b+ha ga wan sarba ta thA ga ta badzra mA me mu ny+tsa/ badzrI b+ha ba/ ma hA sa ma ya satwa a hUM phaTaH/ zhes pas bshags la/ ye shes lha oM AHhUM badzra muH/ zhes bya bas gshegs su gsol lo/

CLOSE WINDOW