CLOSE WINDOW

D1218
བོད་ཡིག

@##/ /rgya gar skad du/ shrI he badzra sA d+ha naM/ bod skad du/ dpal dgyes pa rdo rje'i sgrub thabs/ dpal dgyes pa'i rdo rje la phyag 'tshal lo/ /dpal ldan dgyes pa'i rdo rje dang / /bdag med ma la gus phyag 'tshal//rdo rje slob dpon bka' drin gyis/ /de yi sgrub thabs cho ga bshad/ dang po kho nar rnal 'byor pas/ sems can thams cad kyi don du blo bskyed nas/ bla ma bcom ldan 'das yang dag par bsnyen te/ cho ga ji lta ba bzhin du dpal dgyes pa'i rdo rje'i dkyil 'khor du zhugs shing rim pa ji lta ba bzhin du dbang bskur te/yang dag par rjes su gnang ba shin tu rnam par dag pa'i de kho na nyid ma nor ba'i ye shes thob cing mtshan ma rnyed pa dang /bdud rtsi lnga la sogs pa'i dam tshig bsten pa/ dpal dgyes mdzad rdo rje bsgrub par 'dod pas rig ma dang lhan cig dur khrod la sogs pa yid du 'ong ba'i gnas su 'dug nas mchod pa dang / gtor ma la sogs pa byas te/rang gi snying gar las byung ba'i nyi ma la hU~M yig sngon po bltas te/ hU~M yig de las 'od zer rnam pa lnga nam mkha'i phyogs su yongs su spros nas/ 'od zer des bcom ldan 'das rdo rje las byung ba'i sku mdog sngon po phyag dang phyag mtshan 'og nas 'byung ba bzhin du phyag bcu drug pa'am/phyag drug pa'am/ phyag bzhi pa'am/ phyag gnyis pa yang rung ste/ /rang gi rig ma la 'khyud pa spyan gsum pa dbu skra kham pa gyen du 'greng ba/phyag rgya drug dang ldan pa/ lha mo brgyad kyis yongs su bskor ba/ sku rnams spro ba dang sdud pa mdun gyi nam mkha'i phyogs su bkug ste bsgom par bya'o/ /de'i mdun na gau rI nag mo phyag na byang chub kyi sems kyi zla ba can no/ /lho phyogs su chom rkun ma btsod kyi mdog can phyag na rang byung gi nyi ma zhes bya ba'i me tog can no//rgyab tu ro langs ma ser mo rdo rje'i chu snod can no/ /byang phyogs su za phod ma ma ra ka ta lta bu gsang ba'i sman bsnams pa'o/ /dbang ldan gyi mtshams su ni spos mo mdog sngon mo sna tshogs pa'i sha bsnams pa'o//me'i mtshams su dur khrod ma dkar mo phyag na ro bsnams pa'o/ /srin po'i mtshams su gtum mo dmar skya rde'u chung gi sgra sgrogs pa'o/ /rlung lha'i mtshams su sme ma sna tshogs kyi mdog rang gi sku la 'khyud pa ste/de ltar bu'i bcom ldan 'das kyi sku rnam par 'phro ba dang sdud pa nam mkha' la bltas nas/ rang gi snying gar nyi ma la gnas pa'i sa bon las 'od 'phros pa'i phyi nang gsang ba dang / de kho na nyid kyi mchod pa'i khyad par gyis yang dag par mchod nas/de'i spyan sngar sdig pa bshags pa la sogs pa bya'o/ /ji srid thog mtha' med pa'i 'khor ba phyin ci log gi rtog pas bsags pa'i sdig pa'i las bdag gis bgyis pa de dag thams cad bcom ldan 'das kyi spyan sngar bshags shing phyis sdom par bgyi'o/ /sems can thams cad kyi dge ba ji snyed pa thams cad la rjes su yi rang zhing bla na med pa yang dag par rdzogs pa'i byang chub tu yongs su bsngo bar bgyi'o//gzhan yang khams gsum thams cad bde ba chen po'i rnam par ro gcig pa'i sangs rgyas dgyes mdzad rdo rje dang / des gsungs pa'i sngags dang phyag rgya dang dkyil 'khor la sogs pa'i chos dang de'i 'khor lo la 'khor bar gnas pa'i lha mo'i tshogs la bdag skyabs su mchi bar bgyi'o//sems can thams cad kyi don bya ba'i rgyur gyur pa'i rnam pa thams cad kyi mchog dang / stong pa nyid kyi bdag nyid du sems brtan par bya'o/ /de nas sems can thams cad la bu gcig pa ltar byams pa chen po bsgom par bya'o//de'i rjes la rnam par rtog pa'i rgya mtshor bying ba'i sems can skyabs med pa rnams mthong nas de dag thams cad bsgral bar 'dod pa'i snying rje chen po'i rang bzhin brtan par bya'o/ /de ltar dga' ba chen po thob pa'i sngags pas brtags pa'i yul rnams la btang snyoms su byas nas/dngos po ma lus pa bsdus pa'i snying po de kho na nyid kyi sngags/ oM shU n+ya tA dz+nyA na badzra swa b+hA ba At+ma kou0f85haM zhes brjod par bya'o/ /'di'i rjes la sngags kyi don bdag khams gsum po ngo bo nyid dang bral bar bsgom par bya'o/ /de n as sngon gyi smon lam rjes su dran pa las nam mkhar raM las byung ba'i nyi ma'i dkyil 'khor gyi dbus su hU~M yig las yang dag par byung ba'i 'od zer lnga'i bdag nyid kyi rtse gsum pa'i sna tshogs rdo rje'i 'od zer las yang dag par byung ba'i ji snyed 'dod pa'i 'bar ba'i tshogs can gyi rdo rje ra ba blta bar bya'o//de'i nang du rdo rje'i dra ba bgegs rnams sel bar byed pa rnam par bsgom mo/ /de'i dbus su nam mkha' khyab pa'i shes rab e'i rnam pa lta bu dkar po bsgom par bya'o/ /de'i steng du sa'i dkyil 'khor la~M las byung ba'i gru bzhi pa ljang gu'o/ /de'i steng du chu'i dkyil 'khor ba~M las skyes pa'i zlum po dkar po'o//der me'i dkyil 'khor ra~M las skyes pa gru gsum dmar po'o/ /der rlung gi dkyil 'khor yaM las skyes pa'i zla ba phyed kyi rnam pa lta bu mdog sngon po'o/ /de nas de'i dbus su rnam par shes pa gnas par blta'o/ /de dag gnas par gyur pa las dkyil 'khor 'khor lo'i khang pa 'od kyi snang ba can skad cig tsam gyis bsgom par bya ste/gru bzhi pa sgo bzhi dang ka ba brgyad kyis nye bar mdzes pa/ dra ba dang dra ba phyed pa dang twa ra na la sogs pas spras pa sems las grub par rnam par bsam mo/ /de'i dbus su zla ba dang nyi ma kha sbyor bar chud pa'i hU~M dang aM gyi sa bon gnyis las yang dag par byung ba'i gri gug dang thod pa la lte bar lha'i sa bon gnyis kyis mtshan pa blta'o//de dag thams cad yongs su gyur pa las/ /bdag nyid dpal dgyes mdzad rdo rje'i gzugs sku mdog sngon po zhal brgyad pa/ phyag bcu drug pa zhabs bzhi pa bdag med ma dang lhan cig mchog tu dga' ba bde ba chen por ro gcig pa/phan tshun 'khrigs pas chags pa dang ldan par blta bar bya'o/ /de nas oM pad+ma su kha d+ha ra ma hA rA ga su khaM da da tsa tur A nan+da b+ha ga bi shwa hU~M hU~M hU~M ka r+ya~M ku ru Sh+Ta me/ /oM badzra ma hA dwe Sha tsa tu ra A nan+da dA ya ka kha mu khe ka rA so nA tha hU~M hU~M hU~M ka r+ya~M ku ru Sh+wa me zhes bya ba 'dis phyi rol gyi chags pa'i bya ba la rdo rje dang pad+ma byin gyis brlab par bya'o//de nas bsrub cing srubs pa'i sbyor bas lha'i 'khor lo dbyung bar bya ste/ de la shar la sogs pa'i sgo ru rim pa ji lta ba bzhin du tshangs pa dang / /dbang po dang / nye ba'i dbang po dang / drag po'o/ /de bzhin du dbang ldan la sogs pa'i mtshams su ni gshin rje dang nor bdag dang bden bral dang /thags bzangs ris dang / de ltar gdan brgyad po dag bsgom par bya'o/ /de'i steng du zla ba dang nyi ma kha sbyor bar chud pa'i gaM caM baM g+haM baM shaM laM DaM zhes bya ba'i sa bon brgyad kyi bdag nyid blta'o/ /de dag yongs su gyur pa las/dkar mo la sogs pa'i mtshan ma gri gug dang / rde'u chung dang / rus sbal dang / sbrul dang / seng ge dang / dge slong dang / 'khor lo dang / rdo rje dag bsam par bya'o/ /de'i steng du yang sa bon brgyad kyi mtshan ma ste/ de dag thams cad so sor gcig tu yongs su gyur pa las dkar mo la sogs pa yongs su rdzogs par bya'o//de las shar phyogs kyi sgor ni dkar mo gzugs kyi phung po'i rang bzhin gaM yig las byung ba mdog sngon mo phyag g.yas na gri gug g.yon na ro hi ta'i nya bsnams shing tshangs pa mnan pa dgod par bya'o/ /lho sgor ni chom rkun ma tshor ba'i phung po'i rang bzhin tsaM yig las yang dag par byung ba btsod kyi mdog can phyag g.yas na rde'u chung g.yon na phag pa bsnams shing dbang po mnan pa dgod par bya'o//nub kyi sgo ru ni ro langs ma 'du shes kyi phung po las sgrub cing ba~M yig las skyes pa gser bsregs pa'i mdog can phyag g.yas na rus sbal g.yon na pad+ma'i snod bsnams shing nye ba'i dbang po mnan pa bsam par bya'o//byang phyogs kyi sgor ni za phod ma 'du byed kyi phung po'i rang bzhin/ g+haM yig las skyes pa ma ra ka ta lta bu phyag g.yas na thod pa bsnams shing drag po mnan pa blta bar bya'o/ /dbang ldan gyi mtshams su sbos mo sa'i khams kyi rang bzhin baM yig las skyes pa mdog sngon mo g.yas na seng ge g.yon na dgra sta bsnams shing gshin rje mnan par bsgom par bya'o//me'i mtshams su ri khrod ma chu'i khams kyi rang bzhin sha~M yig las yang dag par byung ba mdog dkar mo phyag g.yas na dge slong g.yon na bsil byed bsnams shing nor bdag mnan pa bsgom par bya'o//bden bral gyi mtshams su ni gtum mo me'i khams kyi rang bzhin laM yig las skyes pa nam mkha'i mdog can g.yas na 'khor lo 'dzin pa g.yon na thod pa bsnams shing srin po mnan pa bsgom par bya'o/ /rlung gi mtshams su ni sme ma rlung gi khams kyi rang bzhin DaM yig las yang dag par byung ba sna tshogs kyi mdog can phyag g.yas na rdo rje bsnams pa g.yon na sdigs mdzub mdzad cing lha ma yin mnan pa bsgom par bya'o//de dag thams cad kyang spyan gsum pa mche ba gtsigs pa dbu skra kham pa gyen du 'greng ba gcer bu phyag rgya lnga dang ldan pa phyed krung bcas pa'i gar gyis bzhugs pa'i byang chub kyi sems 'phros pa las yang dag par byung ba bsgom par bya'o//'di'i mthar bcom ldan 'das shin tu 'jungs pas mchog tu bde ba chen por ro gcig par ldan pa'i rig ma dang lhan cig tu zhu/ sa bon gyi gzugs su gnas par gyur to/ /de la sbos mo la sogs pa'i lha mo bzhi bdag gi bdag po med par shes nas cher yid mi bde ba thob ste/ mya ngan gyis gdungs nas/ bcom ldan 'das kyi thugs sad par byed pa'i rdo rje'i glus slong bar byed pa ni/ snying rje'i yid kyis bcom ldan bzhengs//sbos mo bdag la yongs su skyobs/ /stong pa'i ting 'dzin spangs nas su/ /bde chen 'dod pas bdag la sbyor/ /khyod mi bzhugs pas bdag 'gum pas/ /stong pa'i rang bzhin spangs nas su/ /ri khrod ma dgos bsgrub pa'i phyir/ /dgyes pa'i rdo rje khyed bzhengs shig /'dod pas 'jig rten snyan mnan nas/ /gtso bo ci phyir stong nyid bzhugs/ /khyod mi bzhugs ni phyogs rmongs pas/ /gtum mo bdag ni gsol ba 'debs/ /bdag gis khyed kyi thugs 'tshal gyis/ /sgyu 'phrul lta bur khyed bzhengs cig /'gro gtso sme ma bdag lags zhes/ / thugs rje rgyun chad ma mdzad cig /de kho na nyid kyi glu 'dis gnyid bsangs pa dang 'dra bar bcom ldan 'das zla ba zhu ba lta bu'i bdud rtsi'i gzugs las bzhengs te/ de'i steng du sa bon gnyis las byung ba'i mtshan ma gnyis kyi steng du yang hUM dang aM gyi sa bon gnyis kyis mtshan pa'o/ /de dag nyi ma'i dkyil 'khor dang bcas pa thams cad gcig tu yongs su gyur pa las/nyi ma'i dkyil 'khor gyi dbus su hUM yig las byung ba aM yig las yang dag par byung ba'i bdag med ma dang yang dag par ldan pa'i bcom ldan 'das dpal dgyes mdzad rdo rje bdag nyid sprul par bya ste/ sku mdog sngon po cher drag pa spyan gsum pa dbu skra kham pa gyen du 'bar ba dbu la sna tshogs rdo rjes mtshan pa/dpral ba'i steng du thod pa lnga'i phreng bas brgyan pa/ /smin ma gnyer ma'i khro gnyer can gyi zhal dang po sngon po/ g.yas kyi dkar po/ /g.yon gyi dmar po/ /yang g.yon gyi zhal gnyis sngo ba/de bzhin du g.yas kyi zhal gnyis sngo ba/ steng gi zhal du ba'i mdog can rnam par gtsigs pa'o/ /zhal de dag thams cad mche ba gtsigs shing spyan gsum pa'o/ /g.yas pa'i phyag brgyad na pad+ma'i snod brgyad la gnas pa'i rim pa ji lta ba bzhin du glang po che dang /rta dang / bong bu dang / ba lang dang / rnga mo dang / mi dang / khyi dang /ma he'o/ /de bzhin du g.yon pa'i phyag brgyad na ni sa'i lha mo dang / chu lha dang / me lha dang / rlung lha dang / zla ba dang / nyi ma dang / gshin rje dang / nor sbyin no/ /sku la mgo bo rlon pa'i phreng bas brgyan ba/ phyag rgya drug dang ldan pa gcer bu zhabs g.yas brkyang bas bzhugs pa/nyi ma'i dkyil 'khor la phung po dang / nyon mongs pa dang / 'chi bdag dang / lha'i bu'i bdud bzhi mnyam par mnan pa'i gar gyis rol pas bzhugs par bsgom mo/ /bdag med ma ni sngon mo phyag gnyis na gri gug dang thod par ldan pa ste/phyag g.yas pa dang gzhan gyis lhan cig mnyam par 'khyud pa gcer bu phyag rgya lnga dang ldan pa spyan gsum pa thod pa'i phreng bas mgo bor brgyan pa/ sku la skyes pa'i mgo bo'i phreng ba skam pos brgyan pa/ g.yon brkyang ba bcom ldan 'das dang mnyam par ldan pas mchog tu bde ba'i rol chags pa'i bcom ldan 'das ma bsgom par bya'o//rig pa'i tshogs kyi dkyil 'khor gyi 'khor lo ji lta ba de bzhin du yang blta ste/ rang gi 'od zer gyi tshogs kyis nam mkha' thams cad yongs su khyab pa bsgom mo/ /de nas rang gi snying gar gnas pa'i rang gi sa bon las 'od zer 'phros te/'od zer des khams gsum thams cad du khyab nas slar yi ge de nyid du gzhug go/ /yang nam mkha'i ngos su yongs su 'phros nas ye shes kyi 'khor lo mngon sum du spyan drangs te mdun du byon pa la/ yang dag par mchod cing bstod nas/ rang gi dam tshig gi 'khor lo la gzhug par bya ste/zhugs nas lha dang gcig tu gyur pa'i nga rgyal bskyed par bya'o/ /de nas rang gi sku'i 'od zer gyi tshogs las byung ba'i de bzhin gshegs pa dang byang chub sems dpa' dang / rig pa'i lha mo dang / khro bo'i rgyal po la sogs pa rnams la mchod pa sna tshogs pa'i khyad par gyis yang dag par mchod de/de dag gis bdud rtsi lngas yongs su gang ba'i bum pas bdag la dbang bskur ba bsgom par bya'o/ /'di ltar rim pa ji lta ba bzhin du rnam pa du ma dang rnam par smin pa dang / rnam par 'joms pa'i dang rnam pa'i mtshan nyid kyi skad cig ma bzhi po dag las dga' ba dang /mchog tu dga' ba dang / rnam pa'i dga' ba dang / lhan cig skyes pa'i dga' ba'i mtshan nyid mngon du 'gyur ro/ /dgod pa dang / blta ba dang / 'khyud pa dang / 'khrig pa bzhi rnam par dag pa las slob dpon dang /gsang ba dang / shes rab ye shes dang / mchog tu dga' ba'i bde ba chen po'i dbang bzhi blang bar bya'o/ /dbang bskur bas rang gi rigs kyi gtso bos mgo bor mtshan pa ste/ 'di ltar sems kyi gtso bo dang / rtag pa dang / rin chen 'byung ldan dang / 'od dpag tu med pa rnams kyis dkar mo la sogs pa la gdab par bya'o//zhe sdang dang / gti mug dang / nga rgyal dang / 'dod chags rnams kyis ni sbos mo la sogs pa'i spyi bor mtshan par bya'o/ /de dag bcom ldan 'das kyi 'khor lo dang lhan cig ye shes lnga'i bdag nyid do/ /de la A li yongs su gyur pa'i zla ba ni me long lta bu'i rang bzhin no//kA li yongs su gyur pa'i nyi ma ni mnyam pa nyid kyi rang bzhin no/ /de dag gi dbus su gyur pa'i sa bon dang mtshan ma ni so sor kun du rtog pa'o/ /thams cad gcig tu yongs su gyur pa ni bya ba grub pa'o/ /gzugs brnyan rdzogs pa ni shin tu rnam par dag pa chos kyi dbyings kyi ye shes te/de ltar khams gsum thams cad dkyil 'khor gyi 'khor lo'i rnam par mos par bya'o/ /'di lta bu'i shes rab dang lhan cig mchog tu dga' ba'i bde ba chen po ro gcig pa'i byang chub sems phyung ba las yang dag par byung ba shes par bya ste/ dkar mo la sogs pa'i lha mo brgyad rang gi sku'i zhal brgyad du rim pa bzhin du zhugs par bsam par bya'o//de ltar khams gsum thams cad thabs dang shes rab kyi rang bzhin gcig gi tshul du byas pa/ rang gi gnas ji lta ba bzhin du rgyas btab ste/ mgo bor ni bde ba chen po'i 'khor lo la pad+ma 'dab ma sum cu rtsa gnyis pa'i pad+ma'o//de'i lte ba la haM dkar po 'od zer dkar po snang ba dang ldan par blta'o/ /mgrin par ni longs spyod rdzogs pa'i 'khor lo 'dab ma bcu drug pa'i pad+ma'o/ /de'i dbus su oM dmar po'o/ /snying gar ni chos kyi 'khor lo la 'dab ma brgyad pa'i pad+ma'o/ /de'i dbus su ni hUM sngon po'o/ / lte bar ni sprul pa'i 'khor lo 'dab ma drug cu rtsa bzhi pa'i pad+ma'o/ /de'i snying po la a 'od zer lnga'i bdag nyid bsgom par bya'o/ /'khor lo de dag yang dag par bsgoms nas de'i 'od zer gyi tshogs kyis nam mkha' la spro zhing bsdus te de nyid du thim par bya'o/ /de nas rang gi lus la gnas pa'i phyag rgya drug gi gzugs de bzhin gshegs pa'i bdag nyid kyi go cha bcing bar bya ste/'khor lo gzugs ni mi bskyod pa/ /rna cha 'od dpag med pa'i bdag /mgul gyi phreng ba rin chen gtso/ /lag rgyan rnam par snang mdzad gnas/ /ska rags la ni don grub bzhugs/ /yan lag kun spyod rdo rje 'dzin//de bzhin du/ mig gnyis gti mug rdo rje ma/ /snyan la zhe sdang rdo rje ma/ /sna la ser sna rdo rje ma/ /kha la 'dod chags rdo rje ma/ /reg ni phrag dog rdo rje ma'o/ /yid ni bdag med rnal 'byor ma'o/ /de dag ni dam tshig tu gyur pa'o/ /de nas cho ga sna tshogs pa'i sngags bzlas pa ni sngags kyi yi ge'i tshogs brjod pas/de dag lha mo'i zhal nas phyung ste 'od zer dang bcas pa rang gi zhal du zhugs nas rdo rje'i lam nas byung ste/ rang gi lha mo'i pad+mar dbab po/ /de yang lha mo'i zhal nas bdag gi zhal du ste/ rim pa du mar rgyun mi 'chad par sngags kyis 'khor bar bya'o/ /las kyi bye brag las ni kha dog gi bye brag tu byas te/de ltar mi skyo'i bar du sngags yongs su bzla'o/ /de nas rang gi snying gar nyi ma dang zla ba'i bar du sngon po'i rnam par spro ba dang bsdu ba'i lus bsgom ste/ bdag med ma'i snying gar yang zla ba la aM blta ste/ a dang zla ba'i dkyil 'khor de dag lhan cig tu zhu ba dang ldan pa'i bcom ldan 'das ma bcom ldan 'das kyi thugs kar zhugs par rnam par bsam mo//de nas bcom ldan 'das kyi thugs ka na gnas pa'i zla ba dang nyi ma'i dbus kyi hUM las 'phros pa'i A li kA li'i 'od zer gyi tshogs 'byung ba dang 'jug pa'i dbugs kyis spro ba dang bsdu bas rang gi de nyid du zhugs nas gcig tu gyur te/zla ba dang nyi ma kha sbyor ba'i nang sa bon gyi lus kyis gnas pa de'i tshe/ 'di ltar bsam mo/ /thog ma tha ma med pa yi/ /'khor min mya ngan 'das ma yin/ /gzhan min bdag nyid ma yin pa/ 'di ni mchog tu bde chen yin/ /de bzhin du sa bon yi ge zla ba dang nyi ma dang 'dres par gyur pa'i bdud rtsi'i rang bzhin gyi 'od kyi gong bu'i rnam pa dang mar me'i rtse mo lta bu'i rim pa bzhin du mchod pa dang gtor ma'i yo byad sngon du 'gro bas bsgom par bya'o//oM in+da dza ma dza la dzak+kha b+hU ta bah+ni bA u rAk+kha tsan+da sudz+dza mA da pAp+pa ta la pA tA le/aT+Ta sap+pa swA hA/ i daM ba li b+huny+dza dzi g+haM phul+la d+hUp+pa mAM sa piM ga aM ba sap+pa kadz+dza sa dA khan+ti khu Ni pheT gA da/ oM a kA ro mu khaM sarba d+harmA NAM/ A d+ya nut+pan+na twata oM AHhU~X phaT swA hA/ 'byung po thams cad pa'i gtor ma'i sngags so/ /oM aSh+TA na nA ya/ piM gor+d+ha ke sha war+t+ma ne/tsa turbiM sha ti ne trA ya/ Sho Da sha b+hu dzA ya/ kr-iSh+Na dzI mU ta wa pu She/ ka pA la mA lA ne kA d+hA ri Ne/ Ad+h+ma ta krU ra tsit+tA ya/ ar+d+hen+du daM Sh+T+r-i Ne/ oM mA ra ya mA ra ya/ kA ra ya kA ra ya/ gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rAn/ ban+d+ha ban+d+ha/ nA ga aSh+Ta kA na gr-ih+Na gr-ih+Na sar+b+ba sha trUM na/ha hA hi hI hu hU he hai ho hau haM haH/ phaT swA hA/ bcom ldan 'das kyi rtsa ba'i sngags so/ /oM de ba pi tsu badzra hUM hUM hUM phaT swA hA/ snying po'o/ /oM badzra karta ri he badzrA ya hUM hUM hUM phaT/ nye ba'i snying po'o/ /oM a ka tsa Ta ta ba ya sha swA hA/ grong khyer bskyod pa'i sngags so/ /mchod pa dang gtor ma bya ba'i cho ga'i dus su dang po dang tha mar dam tshig pa'i mchog gi glu brjod par bya ste/kol+la i re t+thi a po lA/ mum+mu Ni re kak+ko lA/ g+ha Ne kr-i pi ta ho bAdz+dza i/ ka ru Ne ki ya bi na ro lA/ ta hiM ba la khAdz+dza yi/ gA D+hem+ma a NA bidz+dza yi/ he le kA liny+dza ra pa Ni ya yi/ dun+du ra bAdz+dzi a i/ tsa hu sa mA ka t+thu rI sit+lA/ kap+pu ra lA yI a i/ mA la in+d+ha Na sA liM dza/ ta hiM b+ha ru khA hi a i/ phreM kha Na khe Ta ka ren+te/ sud+d+ha a sud+d+ha na mu Ni a i/ ni rAM su aM ge tsa DA pi a i/ ta hiM dza sa rA wa pa Ni a i/ ma la ya dze kun+du ru bA Ta i/ DiN+Di ma ta hin+na bAdz+dzi ya yi/ 'di ltar mtshams su lhag par gnas pa dang /tshogs kyi mchod pa'i dus su rdo rje dang dril bu 'dzin pa'i sngags pas dngos grub thams cad nye bar bya ba'i phyir glu 'di shin tu dal bas blang bar bya'o/ /ji ltar bstan pa'i rim pa de bzhin du/ dkyil 'khor gyi 'khor lo'i nang du bcom ldan 'das zhal gcig phyag gnyis phyag g.yas pa na rdo rje g.yon pa na thod pa dang //kha T+wAM ga gcer bu zhabs g.yas pa brkyang bas ro la gnon pa bsgom par bya'o/ /de bzhin du phyag bzhi pa ni g.yas na rdo rje g.yon na thod pa lhag ma'i phyag gnyis kyis rang gi rig ma la 'khyud pa'o/ /de dag ji lta ba bzhin du zhal gsum pa phyag drug pa la ni zhal g.yon pa dmar pa g.yas pa dkar po//phyag g.yon na rtse gsum pa dang dril bu/ phyag g.yas na rdo rje dang gri gug//phyag lhag ma gnyis kyis rang gi rig ma la 'khyud pa'o/ /de'i bcom ldan 'das ma ni gri gug dang thod par lhan cig ldan pa'i phyag gis bcom ldan 'das la mnyam par 'khyud pa'o//phyag gnyis pa dang phyag bzhi pa dang phyag drug pa 'di dag kyang mdog sngon po spyan gsum pa skra kham pa gyen du 'greng pa phyag rgya drug dang ldan pa/ zhabs g.yas pa brkyang bas ro la gnon par bsam mo/ /'on kyang zhal brgyad pa mi sgom pas kyang lha'i 'khor lo rang gi lus la gzhug par bsgom mo//oM trai lokyA k+She pa hUM hUM hUM phaT swA hA/ phyag gnyis pa'i sngags so/ /oM dz+wA la dz+wA la b+h+yoM hUM hUM hUM phaT swA hA/ phyag bzhi pa'i sngags so/ /oM ki Ti ki Ti badzra hUM hUM hUM phaT swA hA/ phyag drug pa'i sngags so/ /cho ga lhag ma rnams ni snga ma bzhin du bya'o/ / gzhan yang 'di ltar shes par bya ste/ snying rje'i spyan ni dmar po ste/ yan lag sngon po byams pa'i sems/ /bsdu dngos bzhi ni zhabs bzhir bshad/ /zhal brgyad rnam par thar pa brgyad/ /phyag ni stong pa bcu drug ste/ /rus rgyan phyag rgya rnam pa lnga/ /khro bo gdug pa 'dul ba ste/ /sha ni puk+ka sI ru bshad/ khrag ni ri khrod ma ru brtag /tsaN+Da lI ni khu ba'i gzugs/ /sme ma rkang dang tshil bu ste/ /pags pa byang chub yan lag bdun/ /rus pa 'phags pa'i bden pa bzhi/ /de ltar sngags pas mos byas nas/ lha yi sbyor bas rab tu rgyu/ /de nas smon lam gdab par bya/ /rigs skyes rjes su ma nyams shing / dam tshig can dgyes rdo rje 'chang / /snying rje ldan zhing bla ma gus/ /skye zhing skye bar bdag gyur cig /lag na rdo rje dril sgrogs shing / /zab mo'i chos ni rab 'don pa/ /shes rab 'dus pa'i khu ba can/ /skye zhing skye bar bdag gyur cig /cung zad tsam gyi sgrub thabs 'di/ /dad pa'i shugs kyis bdag gis bris//blo gros rab dman bdag la ni/ /de nyid mkhyen rnams bzod par gsol/ /bla ma'i zhabs kyi pad+mar gus shing sems can brtse/ /zla ba'i thigs pa'i rigs rnams rab dga' ba/ /mngon pa'i nga rgyal dgra las rang rgyal ba'i/ /lha yi mtshan ma rnyed nas bdag gis bris pa yin//dgyes pa'i rdo rje rnyed dka' ba'i/ /sgrub pa'i thabs su byas pa yis/ /bsod nams gang zhig rnyed pa des/ /'jig rten rdo rje 'dzin grub shog /dpal dgyes pa'i rdo rje'i sgrub thabs/ /slob dpon pad+mas mdzad pa rdzogs so// //

CLOSE WINDOW