CLOSE WINDOW

D1217
བོད་ཡིག

/ //rgya gar gyi mkhan po bud+d+ha ka ra badzra dang / bod kyi lo tsA ba 'gos kyis bsgyur ba'o// @##/ /rgya gar skad du/ shrI rat+na many+dza rI nA ma TI ka/ bod skad du/ dpal rin po che snye ma zhes bya ba'i rgya cher 'grel pa/ dpal chos kyi dbyings la phyag 'tshal lo/ /rnal 'byor rnal 'byor ma bye brag /gang zhig 'di skad bdag sogs don/ /dpal rin rdor zhabs la phyag 'tshal te/ /shes rab dpal bdag des gsal bshad//'di ltar gsang ba chen po ni/ /gsal bar byed pa lugs min yang / /de lta mod kyi bod yul du/ /skyes pa rang gi slob ma mchog /gus pas zhus pa'i ngor byas so/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje dpa' bo chen po dang dpa' mo'i dbang phyug mas rnam par bskor nas shes rab kyi b+ha ga la bzhugs so zhes bya ba ni mdo'o//de las dang po brjod pa dang brjod par bya ba dang 'brel ba dang / dgos pa dang / dgos pa'i yang dgos pa'i don gyi yan lag 'jug pa'i phun sum tshogs pa nges par bshad pa'o//gang gi phyir zhe na 'dis rgyud kyi don gsal bar shes pa de'i phyir ro/ /dang po ni bdag po phun sum tshogs pa/ bdag po ni thams cad skye ba'i rgyu'i rang bzhin gyi phyir ro/ /ji ltar sa bon no/ /gnyis pa gnas phun sum tshogs pa ni sa bon la yang bzhi dgos pa'i phyir ro//gsum pa 'khor phun sum tshogs pa ni bzhi la yang chu la sogs pa dgos pa'i phyir ro/ /bzhi pa dus phun sum tshogs pa ni chu la sogs pa la yang gnas dgos pa'i phyir ro/ /lnga pa sdud pa po phun sum tshogs pa gnas skabs la yang byed pa po dgos pa'i phyir ro//drug pa rgyud phun sum tshogs pa 'dir byed pa po yang thams cad rdzogs pa la 'dus pa phyed pa'i phyir ro/ /'di ltar rigs pas bskyed pa'i rim pa'o/ /de la brjod pa la sogs pa'i don gyi rim pas rdzogs pa'o/ /de'i phyir bskyed pa dang rdzogs pa'i ngo bo nyid kyi rgyud dpal ye shes thig le rgyud kyi rgyal po las nyid mchog gi dbang phyug gis de skad gsungs so//da ni brjod pa la sogs pa'i don gyis phun sum tshogs pa drug bshad de/ gang rgyud phun sum tshogs pa de ni brjod pa'o/ /gang sdud pa po dang dus phun sum tshogs pa gnyis ni brjod par bya'o//gang 'khor phun sum tshogs pa ni 'brel pa'o/ /gang gnas phun sum tshogs pa ni dgos pa'o/ /gang bdag po phun sum tshogs pa de ni dgos pa'i dgos pa'o/ /da ni 'di la ji lta bar sgra'i rim pa gsal bar bshad de/ 'di skad ces bya ba ni rgyud de/ bdag gis thos pa zhes bya ba ni sdud pa po'o/ /dus gcig na zhes bya ba ni dus so/ /bcom ldan 'das de bzhin gshegs pa thams cad kyi sku dang gsung dang thugs rdo rje zhes bya ba ni bdag po rdo rje 'dzin pa chen po'o/ /dpa' bo chen po dang dpa' mo'i dbang phyug mas yongs su bskor ba zhes bya ba ni 'khor ro//shes rab kyi b+ha ga la bzhugs zhes bya ba ni gnas so/ /da ni e waM ma yA yi ge bzhi la dang po re zhig rnal 'byor rgyud kyi rim pas don bshad de/ rnal 'byor ni bskyed pa'i rim pa'i mtshan nyid kyi phyir ro/ /rnal 'byor ma ni rdzogs pa'i rang bzhin no//de bas na rnal 'byor ni dang por bshad par rigs so/ /e'i rnam pa zhes bya ba ni sa'o/ /sangs rgyas rin po che'i snod kyi rten gyi gzugs so/ /rtsub pa'i mtshan nyid kyi phyir sra ba'o/ /waM gyi rnam pa ni chu'o/ /gzhan min ni sangs rgyas rin po che'i snod do//gsher ba'i mtshan nyid kyi phyir 'jam pa'o/ /ma zhes bya ba ni me'o/ /nyid byang chub kyi sems rin po che'o/ /tsha ba'i mtshan nyid kyi phyir shin tu 'od gsal ba'o/ /ya'i rnam pa ni rlung ngo / /yang dag pa byang chub kyi sems zla ba'i gzugs so/ /g.yo ba'i mtshan nyid kyi phyir sprin dang 'dra zhes bya ba'i don to//da ni 'byung ba chen po'i bdag nyid kyi yi ge bzhi la rnam pa dang bcas pa'i lha mo'i dbang bshad de/ e'i rnam pa ni las kyi phyag rgya'i rang bzhin sangs rgyas spyan no/ /thams cad bde ba 'byung ba'i rgyu sbyor thabs byed pa'o/ /waM gyi rnam pa ni chos kyi phyag rgya'i rang bzhin mA ma kI'o//sbyor thabs las byung ba'i bde ba phyi'i 'dod chags kyi me'i tsha ba las bsil bar byed pa'o/ /yang na nye bar zhi bar byed pa'o/ /me'i rnam pa ni dam tshig gi phyag rgya'i rang bzhin gos dkar mo'o/ /dga' ba dang skad cig thams cad kun myong ba'i phyir ro//yA'i rnam pa ni phyag rgya chen po'i rang bzhin sgrol ma'o/ /spros pa thams cad dang bral ba'i rmad du byung ba'i bde ba chen po gsal bar byed pa'i phyir ro/ /yang na khyab par byed pa'i phyir zhes dgongs pa'o/ /da ni de rnams la tshangs pa'i gnas dang bcas pa'i gnas kyi rim pa bshad de/byams pa dang snying rje dang dga' ba dang btang snyoms zhes bya ba ni tshangs pa'i gnas bzhi'o/ /yang na tshangs pa'i sgra ni byang chub kyi sems so/ /spyod pa'i phyir na gnas so/ /des na tshangs pa'i gnas so/ /de la gnas ni sprul pa dang chos dang longs spyod dang bde ba chen po'i 'khor lo bzhi'o//de la 'di ni dgongs pa'o/ /gang zhig e waM ma yA yi ge bzhi po de ni byang chub kyi sems kyi rang bzhin lha mo'i rnam pa'i gzugs kyis sprul pa la sogs pa'i gnas na bzhugs so/ /de yang lha'i rnam pa'i gzugs shes rab dang thabs gnyis su med pa'i rang bzhin te/steng 'og sbyor bas zhes dgongs pa'o/ /'og gi gnas na yod pa e'i rnam pa'i gzugs shes rab bo/ /steng gi gnas na yod pa'i waM gyi rnam pa'i gzugs thabs so/ /dgongs pa gang gis steng dang 'og gi sbyor ba de bshad de/rten dang brten pa'i rang bzhin gyi phyir zhes dgos pa'o/ /gang gi tshe e'i rnam pa'i gzugs shes rab rten yod pa de'i tshe thabs la ngal so'i gnas yod do/ /thabs ngal so bas thabs bskyed pa dang gnas par 'gyur ro/ /bskyed pa la ni rdzogs pa yang dag par shes so//de lta ma yin na gzhan gang nas 'ong / gang gi phyir zhe na/ rdzogs pa'i rang bzhin nam mkha' bzhin du chos kyi sku'i rang gi ngo bo'o/ /de ni skyed pa'i rten med pas mi shes so/ /ji ltar mun nag nang du mar me med par mu tig la sogs pa mi rnyed ces 'brel pa'o/ /da ni ma'i sgra'i don bshad de/ma yA zhes bya ba ni longs spyod rdzogs pa'i sku'o/ /ma'i rnam pa'i bde ba chen po'i grub pa 'od kyi bdag nyid byang chub kyi sems so/ /yA'i rnam pa ni rang bzhin gyi rlung gi mtshan nyid des mnan pa g.yo ba med par byas pa zhes bya ba'i don to/ /g.yo ba med pas thams cad dga' ba skad cig ros yongs su rgyas pa de'i phyir longs spyod rdzogs pa'i sku'o//yang na dngos po thams cad kyi ro gcig pa'i rang bzhin gyi phyir longs spyod rdzogs pa'i sku zhes bya ba'i don to/ /yang na ma'i rnam pa ni srog /yA'i rnam pa ni nye ba'i srog /de dag sbyor bas mnyam pa'o//gang zhig mnyam pa de ni 'gro ba dang 'ong ba dang bral ba'o/ /gang zhig srog de ni sum cu rtsa gnyis phyi nang chu tshod sum cu rtsa gnyis dbyu gu drug cu rtsa bzhi thun tshod brgyad kyi phyed kyi bar du brgyad brgyas lhag pa'i stong phrag bcu snang ba mched pa'i gzugs kyis bde ba chen po'i longs spyod myong ba'i don du snying ga nas 'ongs nas khyad par 'byung ngo //phyed kyi snang ba thob pa'i gzugs kyis lte ba'i dbus nas 'ongs nas gyen du 'byung ngo / /de dag 'byung bas gang zhig skad cig gis bde ba chen po chu skyes kyi snying por 'od rab chen po'i snang ba de ni ma yA zhes bya ba'i don to//da ni thos pa'i sgra'i don bshad de/ thos pa zhes bya ba ni rdzogs pa'o/ /ci zhig sprul pa'i sku'o/ /gang las rdzogs pa de nyid don bshad de/ bde ba chen po grub pa'i 'od kyi bdag nyid gang gi tshe grub pa zla ba'i rnam pas yongs su smin pa de'i tshe yongs su smin pa'i dus su rlung dang me'i khong du chud pas mtshan dang dpe byad ldan pa'i sku chu las nya bzhin bzhengs par rdzogs pa zhes bya ba'i don to//yang na thos pa de ni gzhan min rdzogs pa'o/ /ci zhig de rang don bshad de/ dngos po thams cad la snang ba thob pa'o/ /snang ba zhes bya ba ni tha mar grol ba'i lta ba'o/ / thob pa ni de rang len pa/ yang na gzung ba zhes bya ba'i don to/ /da ni 'di skad bdag gis thos pa zhes bya ba'i tshigs bcad la sbyor ba drug gi don gyis ji ltar rang bzhin bshad de/ e'i rnam pa dngos po'i rnam par shes pa dngos po thams cad kyi rten gyi phyir ro/ /yang na lam mo//waM gyi rnam pa rten gyi rnam par shes pa'o/ /thob pa dang ma thob pa rnams la ngal so ba'i sa'o/ /yang na rgyur gyur pa'o/ /rgyu 'dir rnyed pa la 'byung ba ma yin pa zhes bya ba'i don to/ /ma'i rnam pa ni ye shes kyi rnam par shes pa'o/ /thob pa'i bde ba la sogs pa skyabs sbyin no//yang na 'dus par byed do/ /ya'i rnam pa ni rnam par 'byed pa'i rnam par shes pa'o/ /sbas pa la bye brag byed do/ /yang na 'gro bar 'dod pa ni mi ster ba'o/ /shro'i rnam pa ni mtha'i rnam par shes pa'o/ /grangs med pa'i 'jig rten la yod pa'i srog gi grags pa'o/ /yang na khyab par byed pa'o//de'i rnam pa ni snang ba'i rnam par shes pa'o/ /mi gsal ba'i bde ba'i ye shes kun la gsal bar byed do/ /yang na spong bar byed pa zhes bya ba'i don to/ /da ni dus gcig na zhes pa'i don bshad de/ dus kyi sgra ni gnas skabs so/ /yang na yongs su smin pa'i dus so/ /de yang 'dir gnyis su dbye na ni shin tu dus dang /ngan dus so/ /shin tu dus ni sna'i 'phar ba gnyis kyi 'ong ba/ ngan dus ni de bzhin du 'gro ba shin tu dus kyis ji ltar 'dod pa'i 'bras bu rnyed do/ /ngan pa'i dus kyis mi rnyed do/ /yang na dus ni dga' ba gnyis mnyam par 'byung ngo / /yang na gnyis kyi rin po che kha sprad pa'o//yang na bla ma'i man ngag gis rin po che'i ske'i nang gi lte ba'i rtsa bar bzung ba'o/ /de nyid gzung ba tsam gyis ni gang zhig zla ba nyi ma'i stan 'dzums pa de ni gcig ces bya ba'i don to/ /yang na gang zhig 'gro ba dang 'ong ba dang bral ba de ni gcig go/ /yang na gang zhig grags pa dang bral ba de ni gcig go//yang na gang zhig chags pa dang bral ba de dag gcig tu gyur pa mar gyi nang du mar bzhin du de ni dus gcig brjod ces bya ba'i don to/ /de'i skad cig la phyis bshad pa'i shes rab kyi b+ha ga la bcom ldan 'das de bzhin gshegs pa thams cad kyi sku dang gsung dang thugs rdo rjer bzhugs so//chags pa la sogs pa'i nyon mongs pa'i dra ba bcom pa'i phyir bcom ldan 'das/ yang na dbang phyug la sogs pa'i yon tan dang ldan pa'i phyir bcom ldan 'das/ yang na srid pa'i mun nag bcom pa'i phyir bcom ldan 'das/ yang na srid pa'i rgya mtsho gting ring ba'i zab pa chags pa la sogs pa'i nyon mongs pa'i chu srin gyis khyab pa sgrol bar byed pa'i phyir bcom ldan 'das/yang na stong pa nyid kyi b+ha ga la bzhugs pa'i phyir bcom ldan 'das so/ /bzhugs bzhin du gang gi phyir 'gro ba dang mi 'gro ba dbyer med pas gzigs pa de'i phyir thams cad do//ji ltar sus kyang ma gshegs pa de ltar gshegs pas de bzhin gshegs pa zhes bya ba'o/ /yang na de bzhin gshegs pa'i sgras rnam par snang mdzad la sogs pa de rnams kyi gang zhig sku gsung thugs de ni rdo rje'o/ /rdo rje ni rang bzhin bde ba'i mtshan nyid do/ /bde ba'i mtshan nyid kyi phyir mi shigs pa'o//yang na thams cad kyi sgras 'byung ba chen po las skyes pa phung po la sogs de ni ji ltar sngon 'ongs pa de bzhin du 'gro ba de ni de bzhin gshegs pa zhes bya ba'i don to/ /de rnams la gang zhig sku de ni sku'i mtshan nyid kyis 'das so/ /nyon mongs pa'i sgrib pas skyon mi bgyid pa'i phyir lus po la rgas pa la sogs pa yod pa'o//de med pas lus po yod pa ni yang med de/ ji ltar chu'i zla ba bzhin du chu zla'i mtshan nyid kyi phyir de nyid rdo rje'o/ /de yang chos kyi dbyings kyi rang bzhin no/ /chos rnams kyi dbyings chos kyi dbyings bya ba chos kyi sgra ni sku gsung thugs/dbyings kyi sgra ni sa bon sems las byung ba/ yang na nam mkha'/ de nyid shes rab kyi pha rol phyin ma/ de'i b+ha ga ni stong pa nyid do/ /de yang shin tu gting ring ba zab pa tshad med bsam du med do/ /yang na mya ngan las 'das pa'i 'dzin pa'i gzhi bcom pa'i phyir b+ha ga'o//de la bzhugs pa su zhig bcom ldan 'das de bzhin gshegs pa thams cad kyi sku dang gsung dang thugs rdo rje 'dzin pa chen po zhes bya'o/ /da ni 'di skad bdag gis thos pa la sogs pa nas bzhugs pa yan chad gnas dang nye ba'i gnas la sogs pa'i don gyis ji lta ba'i rang bzhin bshad de gang gi phyir zhe na/bcom ldan 'das rdo rje 'dzin pa chen po la e waM gyi rnam pa gnas pa de'i phyir gnas dang nye ba'i gnas la sogs pa'i don gyis nges par smra bar bya'o/ /zla ba grags pa'i zhal snga la sogs pa nas sems can gyi phyogs la snying rje med/ yod na 'di skad bdag gis la sogs pa ci'i don gyi phyir yang dag par ma bshad/ gang zhig bshad pa de ni rgyud rang gi rim pa bor nas gal te 'dus pa la gnas la sogs pa'i don ma bshad ces dgongs nas de la smra'o/ /gang 'dus pa ma bshad na de ni 'dus pa chen po la bcom ldan 'das kyis ma bshad dam ci/gal te rgyud mthong ba yin na de lta yin na thos pa che ba'i mtshan nyid gang / thos pa chung ba des 'grel pa la sogs pa mi bya/ mang po smra bas ci bcom ldan 'das kyis bshad pa'i go rims kyis bdag gi der don bshad de/ 'di skad ces bya ba'i gnas dngos po thams cad kyi rten gyi phyir/yang na 'ongs pa rnams la gnas bgyid pa'i phyir ro/ /bdag gis zhes bya ba ni nye ba'i gnas/ gnas pa la 'phel bar byed pa'i phyir yang na yongs su smin par byed pas so/ /thos zhes bya ba ni zhing thams cad skye ba'i rgyu'i phyir yang na rdzogs par byed pas so/ / dus gcig ces pa ni nye ba'i zhing thams cad la thams cad yan lag gis thams cad rgyas par byed pa'i phyir/ yang na khyab pa'i phyir ro/ /de bzhin gshegs pa thams cad ces pa ni 'dun pa/ rten dang 'phel ba dang 'byung ba dang yan lag rgyas pa la gzung ba'i phyir/ yang na lta ba'i phyir ro/ /sku ni nye ba'i 'dun pa/bzung ba'i dngos po la 'du byed bgyid pa'i phyir yang na dag par byed pa'i phyir ro/ /gsung ni 'dus pa/ chos thams cad la sbyor bar byed pa'i phyir yang na bye brag gsal bar byed pa'i phyir ro/ /sems ni nye ba'i 'dus pa/ dngos po thams cad la nye ba ma yin pa'i phyir/ ji ltar pad+ma'i 'dab ma ni nang na chu/yang na thams cad kyi nang na yod pa'i phyir/ ji ltar shing la sogs pa'i nang na me'o/ /rdo rje zhes bya ba ni dur khrod/ dngos po thams cad la dngos po med par byed pa'i phyir/ yang na rlag par byed pa'i phyir ro/ /dpa' bo chen po zhes pa ni nye ba'i dur khrod/ brlag pa 'grub pa la sngon gyi bag chags kyi stobs kyis gzhan ma'i dngos pos myu gu 'byung bar byed pa'i phyir/yang na rang gi mtshan nyid gsal bar byed pa'i phyir ro/ /dpa' mo'i dbang phyug ma ni ring ba chos thams cad la ye shes kyi lta bas khyab par byed pa'i phyir/ yang na khong du chud par byed pa'i phyir ro/ / yongs su bskor ba zhes bya ba ni nye ba'i ring ba/ ye shes kyi lta bas khyab pa'i dngos po la yang dag par dran par byed pa'i phyir ro/ /yang na nyams su myong ba'i phyir ro/ /shes rab ces bya ba ni sbyor ba/ ye shes thams cad las gzhan ma yin pa spyod pa'i phyir/ yang na rnam par dpyod pa'i phyir ro//b+ha ga zhes bya ba ni nye ba'i sbyor ba/ rnam par dpyod pa'i ye shes la yang dag par mtshan nyid mi dmigs par byed pa'i phyir/ yang na btang snyoms byed pa'i phyir ro/ /bzhugs so zhes bya ba ni lam/ chos thams cad la 'gog pa grol ba'i phyir/ yang na dag par byed pa'i phyir ro//bcom ldan 'das zhes bya ba ni nye ba'i lam/ skad cig gcig gis bcu bzhi dbang byed pa'i phyir/ yang na rnyed pa'i phyir zhes pa'i don to/ /da ni rnal 'byor ma'i rgyud kyi go rims kyi don bshad de/ rnal 'byor dang rnal 'byor ma gnyis su med pa'i phyir ro/ /rnal 'byor ni thabs/ rnal 'byor ma ni shes rab/shes rab dang thabs gnyis su med pa'i sbyor bas ye shes chen po thob bo/ /e'i rnam pa zhes bya ba ni char yang thams cad bde ba bskyed pa'i phyir/ gleng gzhi'i rang bzhin ye shes kyi gzugs so/ /waM gyi rnam pa zhes bya ba ni thig le bde ba la tshim par byed pa'i phyir/'byung ba'i rang bzhin ye shes kyi gzugs so/ /ma'i rnam pa zhes bya ba tshul/ bde ba la yangs par byed pa'i phyir gnas kyi rang bzhin gyi ye shes kyi ngo bo'o/ /yA'i rnam pa zhes bya ba ni tshul tsam bde ba la nang gi reg bya byed pa'i phyir stong pa nyid ye shes kyi mtshan nyid do/ /de ltar rang bzhin ye shes gzhi'i bye brag tu 'di skad bdag gi don dpal de kho na nyid kyi sgron ma'i rgyud kyi 'di ru zhes bstan to//da ni ye shes bzhi la rtsa'i don gyis rang gi ngo bor bshad de/ 'das pa dang ma 'ongs pa dang / da ltar yod pa dga' ba rnams la gnas sbyin pa'i phyir/ yang na rtsa ni thams cad la rtsa ba'i rten la gnas/rtsa ba'i rten gnas las bde ba thams cad la sogs pa rnyed do/ /e'i rnam pa zhes bya ba ni lus kyi mtshan nyid srog ma/ lus gsal ba'i gzugs kyi phyir ngag la sogs pa bzhi'o/ /waM gyi rnam pa zhes bya ba ni ngag gi mtshan nyid ro ma/ ngag ni ro thams cad kyi dbang byed pa mi gsal na yang gsal ba'i snang ba byed do//ma'i rnam pa zhes bya ba ni sems kyi rang bzhin 'dzin ma/ bde ba thams cad dang ro las 'byung ba'i ngo bo 'dzin pa'i phyir/ yang na tshor ba'i phyir ro/ /yA'i rnam pa zhes bya ba ni sems las byung ba'i ngo bo nyid rtog med ma gsal ba rten la sogs pa ni khyad par bye brag ngo bo zhes pas/yang na spros pa dang bral bar byed pa'i phyir zhes pa'i don to/ /da ni rtsa'i mtshan nyid can yi ge bzhi la gnas bshad de/ e'i rnam pa zhes bya ba ni 'dab ma brgyad pa'i nang du rnam pa sna tshogs kyi mtshan nyid can 'dab ma gsum pa'i 'dab skyes so//waM gyi rnam pa zhes bya ba ni de'i nang na yod pa rnam par smin pa'i mtshan nyid can lte ba/ ma'i rnam pa zhes bya ba ni lte ba'i nang na yod pa rnam par 'joms pa'i mtshan nyid can sgur mo'i rnam pa'i bya gdong ma gtum mo'o/ /yA'i rnam pa zhes bya ba ni rnam pa'i mtshan nyid can yon po'i gdub bu'i rnam pa any+dza ka'o//de la 'di ltar dgongs pa'o/ /gnas gsum gyi dbus su gang zhig yon po'i gdub bu'i rnam pa any+dza ka de ni kun rdzob dang / don dam pa gnyis su med pa'i rang bzhin byang chub kyi sems zhes bya ba'i don to/ /da ni dga' ba bcu drug gi bye brag tu thos pa la sogs pa'i don gsal bar bshad de/gang gi phyir e waM zhes bya ba ni bde ba'i zhing de bdag gis thos zhes bya ba ni 'brel pa/ de'i phyir ji ltar thos pa la sogs pa'i don dga' ba la sogs pa'i don gyis gsal bar byed pa de ni rgyu 'bras mthun par 'gyur ro/ /thos pa zhes bya ba ni 'dod pa'i mtshan nyid zla ba'i bde ba/bde ba la sbyor bar byed pa'i phyir ro/ /gcig ces bya ba ni 'dar ba'i grags pa mchog sbyor ba tsam gyis ni steng gnas na yod pa'i byang chub kyi sems 'og nas 'gro ba'i rab g.yo ba'i phyir ro/ /dus zhes bya ba ni 'gro ba'i rang gi ngo bo phyag rgya chen po rang gi gnas reg bya nyams su myong ba'i dus shes nas phyi nas gyen du 'gro ba'i phyir ro//phyag rgya chen po'i sgra ni rtog med ma bdag gis dgongs pa'o/ /thams cad ces bya ba ni dga' ba'i mtshan nyid ye shes gsum gcig pu yin na yang rlag pa longs spyod dbang byed pa'i phyir ro/ /de bzhin gshegs pa zhes bya ba ni rgyas pa'i ngo bo nyid rnam par 'byed pa dbang la sogs pa byed pas skad cig dang /ro la sogs pa khengs pa las chad pa la rnam par 'byed pa byed pa'i phyir ro/ /sku zhes bya ba ni mdung gi ngo bo nyid dga' ba las kyi phyag rgya las 'byung / bde bar rang gis dpyod pa'i stobs kyis yongs su bor bas mtshan nyid med par byed pa'i phyir zhes bya ba'i don to//gsung zhes bya ba ni 'byung ba'i grags pa mchog gi dga' ba dam tshig phyag rgya las 'byung ba'i bde ba myong nas bcos ma zhes yongs su bsgoms te/ dpe med gsar du 'byung ba'i bde ba byed pas so//sems zhes bya ba ni mchog gi dga' ba'i ngo bo nyid chad pa'i ngo bo de ru smra ba mang po yod/ man ngag gi phyir smra ba lugs ma yin na yang de lta mod kyi skal ldan sems can gyi ngor mdzad pas bstan bcos kyi gzhi la bdag gis bri zhes 'brel pa'o/ /mchog gi dga' ba 'di med na de la ji ltar chad pa'i dga' ba las rang bzhin dga' ba rnyed de/chad pa'i dga' ba zhes bya ba ni dga' ba'i dngos po las rlag pa srog dang bral ba'i dngos po 'thob bo/ /ji ltar snum zad pa'i mar me'i sdong bu de ni 'dod pa'i dngos po rnyed pa yun ring po yod dam ci/ chad pa'i dga' ba yang de bzhin no//med pas na gcig pu chad pa'i mun nag go/ /mun nag la shin tu phra mo'i dngos po sus rnyed par nus/ de bas na mchog gi dga' ba'i mar me dgos so/ /gang gi phra mo'i dngos po rang bzhin dga' ba rnyed pa zhes bdag gis dgos pa'o/ /ji ltar rnyed pa'i man ngag gi don bdag gis bshad de/dang po srub dang bsrub thabs kyi gtum mo'i sbyor ba las rdo rje rtsa bar dga' ba tshor bar bya'o/ /rtsa ba las rke ru mchog gi dga' ba rke las snying gar chad pa'i dga' ba de ni bskyed pa'i rim pa'i phyogs so/ /rdzogs pa'i phyogs su snying ga'i gnas su bde ba chen po sleb pa tsam gyis bla ma'i man ngag las de ru gang zhig gzung ba de ni mchog tu dga' ba'o//cung zad tsam gyen du 'gro bar byed pa rang bzhin dga' ba'o/ /de ltar min na rang bzhin dga' ba thob par mi 'gyur zhes bdag gis dgongs so/ /rdo rje zhes bya ba rdo rje 'bar ba'i ngo bo nyid kyi rang bzhin spros pa thams cad lhan cig skyes pa'i phyag dang mdog la sogs pa bral ba'i 'od kyi ngo bo'i phyir ro//dpa' bo chen po zhes bya ba ni dpa' bo chen po byang chub kyi sems thig le'i ngo bo nyid du zhu ba dang chad pa dang bral ba'i phyir thig le'i sgras bshad pa'o//dpa' bo chen po'i dbang phyug ma ni myos pa'i rang bzhin gtso/ /bde ba thams cad la sogs pa khong du chud pa'i phyir ro/ /yongs su bskor ba zhes pa ni chad pa'i dga' ba'i mtshan nyid kyi yan lag thams cad chad pa dang bral ba'i phyir ro/ /de la 'di ni dgongs pa'o//chad pa'i mtshan ma'i mtshan nyid dga' ba ni nyin mo'i mtshan nyid mtshan mo 'das pas nyin mor 'gyur ro/ /nyin mo'i yan lag thams cad 'od dang ldan pa mchog gi dga' ba mthong ba mdzes pa zhes bya ba'i don to/ /sa zhes bya ba ni shes rab oM d+ha'i rang bzhin sangs rgyas rin po che'i snod ro thams cad dang /reg bya la sogs pa la gzhi'i phyir ro/ /yang na ngal so ba zhes bya bar dgongs pa'o/ /b+ha ga zhes bya ba ni tshul gyi ngo bo nyid longs spyod tha ma'i dngos po bcom pa'i phyir/ yang na 'jig rten las 'das pa'i ro myong ba'i phyir ro/ /bzhugs zhes bya ba ni nyid kyi mtshan nyid kyis bzhugs so/ / phyi'i chags pa la sogs pa ma tshor ba'i phyir ro/ /ji ltar skyes bu gnyid du 'gro ba ci yang mi tshor ro/ /bcom ldan 'das zhes bya ba ni rang bzhin dga' ba'o/ /nam mkha'i ngo bo nyid kyi phyir ro/ /yang na thams cad la khyab pa'i phyir zhes dgongs pa'o/ /de ni mchog gi gsang chen po/ /thams cad rgyud kyi don snying po/ / mchog gi bla ma mngon par gces/ /ye shes bdud rtsi rgya mtsho'o/ /dri med bdag gis bshad pa yis/ /gang zhig 'bras mchog dge ba rnyed/ /srid pa'i sgrog gis bcings pa la/ /de yis grol bar 'gro bar shog /bdag nyid dran pa'i don phyir dang / /mkhas pa ya mtshan 'gyur ba dang / /slob ma dga' ba'i don gyi phyir//bdag gis rin chen snye ma byas/ /rgya gar gyi slob dpon chen po shrI gup+ta'i zhal snga nas mdzad pa/ dpal rin po che'i snye ma zhes bya ba'i rgya cher 'grel pa zhes bya ba rdzogs so// //nyid kyi zhal snga nas mdzad cing gtan la phab pa'o// //

CLOSE WINDOW