CLOSE WINDOW

D1209
བོད་ཡིག

/ @##/ /rgya gar skad du/ a b+hi sa ma ya kra ma nA ma/ bod skad du/ mngon par rtogs pa'i rim pa zhes bya ba/ dpal kye'i rdo rje la phyag 'tshal lo/ /dpal u D+yan nas 'ongs pa'i kye'i rdo rje'i rgyud kyi rin po che'i mngon par rtogs pa bstan par bya ste/byang chub kyi sems sum cu rtsa gnyis 'bab pa'i rtsa rnams ni kun rdzob dang don dam pa'i bdag nyid can no/ /de rnams kyi gtso mo ni gsum ste/ brkyang ma dang / ro ma dang / kun 'dar ma'o/ /brkyang ma ni shes rab kyi rang bzhin no//ro ma ni thabs kyi rang bzhin no/ /kun 'dar ma ni skye gnas kyi 'khor lor gnyis su med pa'i de kho na'i gzugs so/ /mi bskyod 'bab pa ni brkyang ma'o/ /khrag 'bab pa ni ro ma'o/ /byang chub kyi sems 'bab pa ni kun 'dar ma'o/ /chos rnams thams cad kyi shin tu phra ba nyid ni brkyang ma'o//chos rnams thams cad kyi spros pa med pa nyid ni ro ma'o/ /mi phyed pa'i bdag nyid can ni kun 'dar ma'o/ /rtsa sum cu rtsa gnyis po de rnams kyi gnas dang / rang bzhin brjod par bya ste/ rkang pa g.yon pa'i mthe bong la mi phyed ma ni rang bzhin med pa'i phyir ro//byin pa phra gzugs ma ni nam mkha' dbyings kyi rang bzhin no/ /brla g.yon par brtse ba ma ni 'dod pa lnga'i bdag nyid can gyi phyir ro/ /skye gnas kyi g.yon pa'i ngos kyi rtsa la g.yon pa ma ni bzang po'i de kho na 'dzin pa shes rab kyi gnas kyi phyir ro/ /lte ba ru thung ngu ma ni rgyal chen po'i rgyu mthun pa'i bdag nyid can no//snying gi ze 'bru la g.yon pa'i cha la rus sbal skyes ma ni srid pa dang mya ngan las 'das pa kha sbyar gzugs kyi phyir ro/ /nu ma g.yon par bsgom pa ma ni bde ba chen po'i bsgom pa'o/ /mgul pa g.yon pa'i cha la dbang ma ni dri ma med par byed pa'i phyir ro//lag pa g.yon pa'i mthil du skyon ma ni thal lcag la sogs pas 'gyur bar byed pa'i phyir ro/ /chu la 'jug ma ni bde ba chen po 'jug pa'i phyir ro/ /mkhur tshos sum mo ni kun bzhi mthong bar byed pa'i phyir ro/ /mig g.yon par mtshan mo ni bde ba chen po'i 'khrus pa'i bdag can no//rna ba g.yon pa'i rtsa bar bsil sbyin ma ni rlung rab tu 'byung ba'i phyir ro/ /klad pa g.yon pa'i ngos su tsha ba ma ni me dang ldan pa'i phyir ro/ /spyi bor rdo rje 'dzin pa chen po'i g.yon ngos su brkyang ma ni rnam par rtse ba'i rang bzhin gyi phyir ro//mdun du kun 'dar ma ni spros pa dang bral ba'i phyir ro/ /g.yas par ro ma ni myang bar 'dod pa'i phyir ro/ /rgyab nas tshad ma ni sku la sogs pa'i tshad ma'i phyir ro/ /glad pa'i g.yas ngos su mdog nag ma ni mi bskyod pa gnag pa'i phyir ro/ /rna ba g.yas pa'i rtsa bar spyi ma ni thams cad du rjes su 'gro ba'i phyir ro//mig g.yas pa la rgyu sbyin ma ni byed rgyur gyur pa'i phyir ro/ /mkhur ba la sbyor bral ma ni dga' ba spangs pa'i phyir ro/ /ya mchu la sdu gu ma ni gnas thams cad phangs par byed pa'i phyir ro/ / lkog ma la grub ma ni thog ma med pa'i rang bzhin gyi phyir ro/ /lag pa g.yas pa 'tshed ma ni sgeg pa'i ro rgyas par byed pa'i phyir ro/ /nu ma g.yas pa la yid bzang ma ni lus kyi 'bras bu 'byung ba yid bzangs 'thob pa'i phyir ro/ /snying ga g.yas ngos su sum skor ma dang sku dang gsung dang thugs kyi bdag nyid kyi phyir ro//lte ba g.yas pa'i yul du 'dod ma ni 'dod pa la sdug pa'i phyir ro/ /skye gnas su khyim ma ni 'byung ba thams cad kyi gnas kyi phyir ro/ /brla la gtum bdag ma ni bde ba chen pos thams cad du khyab pa'i phyir ro/ / byin pa la ka ta ya nA ni bgegs gcod par byed pa'i phyir ro/ /g.yas pa'i mthe bong la bdud 'dral ma ni sdug bsngal thams cad 'jug pa med pa'i phyir ro/ /rtsa sum cu rtsa gnyis po la gnas ji lta bar yi ge bcu drug dang / tshes gcig la sogs pa nyin mo yang rim pa dang /rim pa las bzlog pa'i phyir ro/ /rtsa de rnams ni srid pa gsum yongs su gyur pa/ sku la sogs pa'i rang bzhin gyis bde ba chen pos yongs su gyur pa'o/ /A li ni a'i rnam pa la sogs pa'o/ /kA li ni ka'i rnam pa la sogs pa'o/ /rdo rje dang pad+ma dang thabs shes rab bo//chos dang longs spyod rdzogs pa dang / sprul ba dang / lhan cig skyes pa dang / dga' bral dang mchog dang / thugs dang gsung dang / sku'o/ /e waM ma ya ni/ e'i rnam pa ni chos kyi 'byung gnas dang / stong pa nyid dang / dga' ba dang lha mo spyan no/ /waM gyi rnam par rdo rje dang / mtshan ma med pa dang / mchog tu dga' ba dang / mA ma kI'o/ /ma'i rnam pa ni che ba dang / smon pa med pa dang / dga' bral gyi dga' ba dang / gos dkar mo'o/ /yA'i rnam pa ni gsher ba nyid dang / mngon par 'dus ma byas pa dang / lhan cig skyes pa dang / sgrol ma'o/ /skye gnas su sprul ba'i 'khor lo 'dab ma drug cu rtsa bzhi la ka la sogs pa'i yi ge sum cu gnyis po rnams ni rim pa dang rim pa ma yin pas yi ge drug cu rtsa bzhi'o/ /pad+ma 'dab ma bzhi po re re la sogs pa rnams kyi stong pa nyid bcu drug gi yi ge rnam par dag pa spyan la sogs pa rang bzhin gyis yongs su gyur pa 'dab ma drug cu rtsa bzhi'i rnam par skyes pa gnas kyi 'khor lo'o//snying gar chos kyi 'khor lo 'dab ma brgyad par yi ge brgyad de a ka tsa Ta ta pa ya sha 'byung ba dang 'byung ba las gyur pa/gzugs shin tu phra ba'o/ /pad+ma 'dab ma brgyad pa'o/ /lkog mar longs spyod rdzogs pa'i 'khor lo 'dab ma bcu drug la a A i I u U r-i r-I l-i l-I e ai o au aM aH/ stong pa nyid bcu drug rnam par dag pa ni lo bcu drug ma longs spyod rdzogs pa'i rnam pa'i shes rab bo//de nyid longs spyod rdzogs pa'i 'khor lo 'dab ma bcu drug pa'o/ /spyi bor bde ba chen po'i 'khor lo 'dab ma sum cu rtsa gnyis la ka kha ga g+ha nga / tsa tsha dza dz+nya nya/ Ta Tha Da d+ha Na/ ta tha da d+ha na/ pa pha ba b+ha ma/ ya ra la wa/ sha Sha sa/ skyes bu chen po'i chos kyi mtshan rnam par dag pa ni 'dab ma sum cu rtsa gnyis so/ /'khor lo bzhi la grangs ji lta bas skad cig ma bzhi ni rnam pa sna tshogs dang / rnam par smin pa dang / rnam par nyed pa dang / mtshan nyid dang bral ba'o/ /bden pa bzhi ni sdug bsngal ba dang /kun 'byung ba dang / 'gog pa dang / lam mo/ /de kho na bzhi ni bdag gi de kho na dang / sngags kyi de kho na dang / lha'i de kho na dang / ye shes kyi de kho na'o/ /dga' ba bzhi ni dga' ba dang / mchog tu dga' ba dang / dga' bral gyi dga' ba dang / lhan cig skyes pa'i dga' ba'o//sde pa bzhi ni gnas brtan pa dang / thams cad yod par smra ba dang / kun gyis bkur ba dang / dge 'dun phal chen no/ /de rnams skad cig ma dang / bden pa dang / de kho na dbye ba dang / sde'i rang bzhin gyi chung ngu dang / 'bring dang lhag ma dang / ches lhag pa nyid kyis gnas bzhi la rnam par gnas so/ /zla ba g.yon pa/ nyi ma g.yas pa/ A li phra ba/ kA li sbom po'o/ /'pho ba bcu drug ni lug dang / ba glang dang / 'khrig pa dang / karka Ta dang / seng ge dang / bu mo dang / srang dang / sdig pa dang /gzhu dang / chu srin dang / bum pa dang / nya dang / zla ba gzas zin pa dang / nyi ma gzas zin pa dang / thig le 'gog pa dang / nam mkha' 'gog pa ste/ de rnams ni 'pho ba bcu drug la sogs pa sbom po'o/ /yang na khu ba'i g.yon skor dang / g.yas skor gyi dbye bas gnas bcu drug tu 'pho bar gyur pa'o//mthe bong la tshes gcig la a'i rnam pa dang / byin pa la gnyis la A'i rnam pa/ brla la gsum la i'i rnam pa/ skye gnas su bzhi la A'i rnam pa/ lte bar lnga la u'i rnam pa/ snying la drug la U'i rnam pa/ nu ma la bdun la r-i'i rnam pa/lkog ma la brgyad la r-I'i rnam pa/ lag pa'i rtse mor dgu la l-i'i rnam pa/ mkhur tshos la bcu la l-I'i rnam pa/ mig tu bcu gcig la e'i rnam pa/ rna ba'i rtsa bar bcu gnyis la i'i rnam pa/ bcu gsum la dpral bar o'i rnam pa/ spyi bor bcu bzhi la au'i rnam pa/ mchan gyi g.yon dang g.yas su gang ba la aM aHde dang de'i chang gi shin tu phra ba'i rnam pas 'pho bar gyur pa'o/ /dbyi gu drug cu rtsa bzhi ni dus kyi rnam pa'i cha la rgyu skar nyi shu brgyad dang / nyin par bco lnga dang / gza' dgu dang / cha bcu gnyis dus kyi rnam pa'i cha yis dbyi gu blang bar bya'o//mtshan mo dang / nyin par dag la/ sbu gu can drug cu dang / de dag nyid la zad pa dang / 'phel bas bzhi'o/ /de nyid kyi phyir dus kyis dbyi gu drug cu rtsa bzhi gzung bar bya'o/ /yang na shes rab dang / thabs dag la don dam pa dang / kun rdzob kyi dbye bas de dang de la gnas nyid du rnam par dag pa 'pho ba bcu drug gis myos byed kyi dbye bas dbyi gu gzung ngo / /de rnams ni rtsa sum cu rtsa gnyis rnams so/ /de rnams thams cad ni 'khor lo bzhi la bsdu ba rnams so/ /yang bzhi ni lte bar gtum mo 'bar ba zhes bya ba phyag rgya chen mor thim mo/

CLOSE WINDOW