CLOSE WINDOW

D1206
བོད་ཡིག

/ // @##/ /rgya gar skad du/ sa mA d+hi b+hA Sha TI ka / bod skad du/ dgongs pa'i skad kyi 'grel pa/ dpal rdo rje sems dpa' la phyag 'tshal lo/ /ji snyed rdo rje mkha' 'gro ma/ /kun du rtog pa'i 'ching gcod cing / /'jig rten bya bar rab 'jug pa//de snyed rnams la rtag phyag 'tshal/ /brda'i rnam grangs rnam pa bdun gyis bshad pa bshad par bya'o/ /de la chang ni nam mkha'i bdud rtsi yin te/ de rgyun mi 'chad par btung par bya'o/ /stobs ni rlung yin la de bza' ba ni 'gog pa zhes bya bar dgongs so//ma la ya dzaM 'byung ba dang dbang po dang rnam par shes pa rnams gcig tu yang dag par 'dug nas bsgom par bya ba yin te/ lhan cig skyes pa'i dga' bas zhes bya bar dgongs so/ /khe Ta ni rlung 'gro ba yin te/ de yang rnal 'byor bzhi dang ldan pas mi gzung bar bsgom pa yin te gtang zhes bya ba'i don to//ro ni lus kyi 'khrul 'khor 'od dpag tu med pa yin la/ 'du bar der dgod par bya ba yin no/ /ni raM shu ni rang gi rus pa 'di dag nyid bdag gi rgyan yin no zhes mos par bya'o/ /bro k+Shu naM ni rlung 'jug pa yin la/ de yang gang ba can la sogs pa'i las kyis rjes su 'gog pas bya ba yin no//kr-i pi Ta ni gzhom du med pa'i sgra yin la/ de yang srog dang rtsol ba 'gog pas brdung bar bya zhing mnyam par bya ba yin no/ /du n+du ru ni rnam par rtog pa yin la/ de yang der gzhan ma yin par brjod do/ / kA liny+dza ra ni rnam par mi rtog pa'i rang bzhin yin te/ de yang rlung 'jug pa yin pas mi don par bya'o zhes bya bar dgongs so/ /pad+ma b+hany+dza naM ni 'khor lo bzhi yin te/ spyi bo 'am sprul pa'i 'khor lo 'am/ yang na las kyi phyag rgya'i kak+ko la yin no/ /spyi bor chang gis gang pa ni rang bzhin gyis grub nas yod pa ste/des na btung zhes bya ba ni rgyun mi 'chad pas grub pa yin la/ 'khor lo bzhi ni pad+ma b+hany+dza naM yin no/ /'khor lo bzhi ni pad+ma'i snod yin la/ sprul pa gcig pu ni rtag pa yin la/ gzhan chos la ni mi bskyod pa yin zhing / gzhan yang longs spyod la ni 'od dpag tu med pa ste/bde ba chen po ni byang chub kyi sems bdud rtsi yin no/ /rim pa 'dis bdag chang 'thung la yin no zhes gnas par bya zhing bdag nyid de ltar mos par bya'o/ /yang na las kyi phyag rgya'i kak+ko la las byung ba'i chang btung ba ni lce yis blang par bya ba yin no//tri pi ta bsam gtan de nyid rnal 'byor pa rnams kyis bza' bar bya ba yin no/ /mA la tIn+d+ha naM ni 'byung bzhir brtags pa de bza' bar bya'o/ /bzhi mnyam ni rnam par snang mdzad yin zhing des lus byugs nas yod pa'o/ /gla rtsi ni mi bskyod pa yin zhing //sih+la ni rin chen 'byung ldan yin no/ /kap+pU ra ni 'od dpag med yin pas rnal 'byor pa rnams la ngo bo nyid 'di rnams kyis byugs nas yod do/ /shA liny+dza don yod grub pa ste de nyid kyang yod pa yin no/ /kun+du ruH ni dbang po dang rnam par shes pa 'dus pa yin pas 'di dag kyang yod pa yin no//bo la ni rnam par shes pa yin pa 'am phyi rol rdo rje yin no/ /kak+ko la ni gsang ba'i pad+ma yin pa 'am/ phyi rol du gsang ba shes rab yin pas 'di dag gis rnal 'byor du bya'o/ /bshad pa'i rnam grangs gcig go// //shes rab la ltos pa'i dga' ba ni/ sha ni shes rab kyi ma mchu gzhi bas pa las mchog tu dga' ba'i mthar thug pa'o/ /'du ba ni lhan cig skyes pa'i dga' ba yin zhing / 'gro ba ni byang chub kyi sems 'phro bas dga' bral lo/ /ro ni gnyis ka'i byang chub kyi sems yongs su spangs pa'i lus so//rus pa'i rgyan ni rnam par mi rtog pa sgrib pa med cing shin tu rnam par dag pa'i rnam par shes pa'o/ /'ong ba ni shes rab kyi pha rol tu phyin pa'i rjes su zhugs pa'o/ /cang te'u ni rdo rje pad+ma'i sgra yin la/ skal med ni sa bon gnyis yin zhing / skal ldan ni rdo rje yin no/ /reg min ni pad+ma'i nam mkha'i khams la/ thod pa ni shes rab kyi gsang ba'o/ /bza' ba ni der shukra'o/ /tshod ma ni rang 'byung gi me tog yin no/ /bshad pa ni shes rab kyi dri chen no/ /gci ba ni shes rab kyi rjes thogs su gci bas gci ba'o//rang 'byung ni shes rab kyi rin po che yin la/ kapU ra ni gnyi ga'i shukra'o/ /sha chen ni rdo rje dang kak+ko la gzhi bas pa'o/ /dbang po gnyis sbyor ni rnal 'byor gyis sbyar ba'o/ /rdo rje ni nor bu yin la kak+ko la ni lte ba'o/ / bshad pa rnam grangs gnyis pa'o// //chang ni de bzhin nyid do/ /stobs ni dregs pa ste nga rgyal lo/ /mA la ya dzaM ni 'byung po thams cad rjes su mi dmigs pa nyid do/ /khe Ta maH ni lam de la gzhol ba'o/ /shu kra ni bdag med pa la mos par byed do/ /ni raM shu ni bdag nyid ston kha'i nam mkha' dri ma med pa'i 'od ltar rang bzhin gyis bsam par bya'o//pro k+Shu naM ni rgyun mi 'chad pa snying rje la spyod cing mos par bya'o/ /kri pi tra ni 'byung po rnams skul bar byed pa'o/ /duM d+hu ra ni de bzhin nyid du rtogs pa'o/ /kA liny+dza ra ni rnam par mi rtog pa'i de bzhin nyid la dmigs pa'o//DiN+Ti mi ni chos kyi sku dang bde ba chen po'i sku gcig pa nyid do/ /pad+ma b+hany+dza naM ni naM mkha'o/ /tri pi ta ni de bzhin nyid sgom par byed pa'o/ /mA la tIn+d+ha naM ni bde ba chen pos rjes su myong ba'o/ /tsa tuH sa maM ni 'byung ba bzhi mnyam pa nyid do//kastu ri ni mi bskyod pa'i rang bzhin du bsam par bya'o/ /sih+la ni bsam gtan de'i ye shes kyi 'od 'byung ba'o/ /kap+pU ra ni zla ba'i 'od zer ston par byed pa'o/ /kun du ru ni shes rab dang de'i bdag nyid thabs su rnam par brtag par bya'o/ /bo la ni dbyer med pa'i stong pa nyid ye shes so//kak+ko la ni chos kyi 'byung gnas shes rab kyi pha rol tu phyin pa zhes bya'o/ /bshad pa'i rnam grangs gsum pa'o// //la zhes bya ba ni yod do/ /nga zhes bya ba ni 'dul ba'o/ /ya zhes bya ba ni rlung ngo / /gang du zhe na/rjes 'gro'i dbyangs kyi thig le'i ma zhes bya ba tshangs pa'i bu gar ro/ /aM sa zhes bya ba ni sgra yin te/ sngags kyi sgra'o/ /'di gnyis kyi dbus su yod/ dang rlung 'dul zhes bya ba ste/ rnal 'byor ma'i brda nyid do/ /la zhes bya ba ni spyi bo yin la/ a zhes bya ba ni dbang phyug ste/de nyid du byang chub kyi sems kyi thig le'o/ /la zhes bya ba ni de nyid du sngags kyi sgras thim par bya'o/ /'dis nan zhes bya bas mya ngan las 'das pa thob par 'gyur ba'o/ /ga zhes bya ba ni mgrin pa yin la/ ta zhes bya ba ni gdon par bya ba yin zhing /i zhes bya ba ni song ba'i don te mya ngan las 'das zhes bya ba'i don to/ /pa zhes bya ba ni de bsgrub par bya ba yin zhing / ba zhes bya ba ni khyed rnams kyis so/ /a zhes bya ba ni 'og min gyi gnas kyi bde ba chen po ste/ sa zhes bya ba ni rnal 'byor pa'o//gang gis de ltar byas pa/ des na thi zhes bya bas gnas pa yin no/ /a zhes bya ba ni sgrib pa yin la/ ba zhes bya bas bcom pa yin no zhes bya ba ni gang gis zhes pa yin la/ Na zhes bya ba 'gog pa'i tshig yin zhing zhen pa yin yang ji ltar zhen pa min par 'gyur pa'o zhes bya ba'i don to//don de med pa las sgrib pa dang bral bar gyur pa'o/ /a zhes bya ba ni dmigs pa ste / ga zhes bya ba nam mkha' la yin zhing / ta zhes bya ba ye shes kyi mes gdung bas i zhes bya ba bgrod pa nyams pa'o/ / da zhes bya ba ni mkha' 'gro ma yin la/ ma zhes bya ba ni phyag rgya'i mkha' 'gro ma'o zhes bya ba 'di gnyis kyi bde ba yin zhing dbyer med par nye bar sbyar ba'i tshul nyid do/ /'di dag gis bdag nyid bsgoms pas rdzogs par byas la/ oM hUM gi sngags kyi sgras mgrin pa nas brjod nas spyi bo tshangs pa'i sgor bcug la thim par bya'o zhes bya ba'i bar du'o//ka zhes bya ba ni byed pa'o/ /a zhes bya ba ni rnam par ma dag pa ste/ b+ha zhes bya ba 'khor ba yin la/ pa ni rnam par dpyad pas rnam par shes pa yin zhing / ya zhes bya ba rnal 'byor pas rim pa 'dis nan tan du bya'o//b+ha zhes bya ba la 'khrul pa yin te/ pa zhes bya ba rnam par shes pa'o/ /ya zhes bya ba rnal 'byor pas rim pa 'dis nan tan du bya ba'o/ /a zhes bya ba ni ma rig pa'o/ /b+ha zhes bya ba ni 'khrul pa'o/ /ba zhes bya ba ni rnam par rig pa tsam du bden pa'o//ya zhes bya ba ni rnal 'byor pas rim pa 'dis nan tan du bya'o/ /a zhes bya ba ni bcom ldan 'das ma bdag med ma'o/ /b+ha zhes bya ba ni bcom ldan 'das srid pa'i cha'o/ /ba zhes bya ba ni rnam par rig pa tsam mo/ / ya zhes bya ba ni rnal 'byor pas rim pa 'dis nan tan du bya'o/ /b+ha zhes bya ba ni 'byung ba yin la/ ba zhes bya ba ni rnam par rig pa'i rang bzhin no/ /ya zhes bya ba ni rnal 'byor pas rim pa 'dis nan tan du bya'o/ /a zhes bya ba ni a'i yi ge ste/ a la la la la'o//sa zhes bya ba ni thams cad do/ /ba zhes bya ba ni chos kyi 'byung gnas su'o/ /sha zhes bya ba ni de la brten pa'o/ /ra zhes bya ba ni bde ba'i gnas yin pa'i phyir ro/ /de bas na bcom ldan 'das mas bcom ldan 'das la brten pa'o/ /ka zhes bya ba ni gang gis te/pA zhes bya ba ni skyong ba yin la/ la zhes bya ba ni gnas yin te/ chos kyi 'byung gnas zhes bya zhing 'gro ba 'di dag lhag par bsdus pa'o/ /b+ha zhes bya ba ni nyi ma'o/ /ka zhes bya ba ni zla ba yin pas/ bcom ldan 'das ni nyi ma'o/ /bcom ldan 'das ma ni zla ba yin te/rang rang gi sa bon gyis mtshan zhing yi ge gnyis pos nges par sbyar bar bya'o/ /ta zhes bya ba ni sgra gdon par bya ba'o/ /pa zhes bya ba ni so sor byas la tha dad par byas te gnyis kar brjod par bya la/ gcig thim nas gnyis pa nye bar brjod par bya ba yin no//ya zhes bya ba ni grims pas yin pa'am/ lhod pas yin pa'am/ yaM ni rlung gi sgrar gtogs par byas la tshangs pa'i sgor rab tu gzhug cing thim par bya'o/ /dza zhes bya ba ni chu yin cing / na zhes bya ba ni rtsa'i sogs btung bar bya ba yin te dub pa zhi bar bya ba'i don to//ga zhes bya ba ni rdo rje 'dzin pa'i yon tan no/ /u zhes bya ba ni rnal 'byor pas nges par de ltar gyur pa'o/ /tha zhes bya ba ni tha nu ste/ 'od dpag med dang mtshungs shing de ltar 'gyur zhes bya ba'i don to/ /ma zhes bya ba ni phyag rgya yin no/ / u zhes bya ba ni thabs yin la/ tA zhes bya ba ni skyob pa ste/ bde ba byed bzhin ba'i thabs la bde ba bsrung ba'o/ /swa zhes bya ba ni sems yin no/ /ya zhes bya ba ni rlung ngo / /b+ha zhes bya ba ni tha dad pas so/ /u zhes bya ba ni nye bar zhi bar gyur pa ste/ mya ngan las 'das par nye bar gyur ces bya ba'i don to//swa zhes bya ba ni sems yin zhing / ya ni rlung yin la/ b+hu zhes bya ba ni lus yin zhing gsum char nye bar zhi bar gyur pa'o/ /sa zhes bya ba ni bde ba yin la/ b+ha zhes bya ba ni bye brag yin no/ /ya zhes bya ba ni rtsol ba dang ldan pa yin te/ khyad par gzhan med ces bya ba'i don to/ /mya ngan las 'das pa'i khyad par du mi bsam mo/ /b+ha zhes bya ba ni srid pa yin pas u zhes bya ba dang 'di dag gis nye bar zhi bar 'gyur pa'o/ /sa zhes bya ba ni bde ba dam pa'o/ /u zhes bya ba ni bde bar shar ba'o/ /kri zhes bya ba ni rim par gyur pa de goms pas thim pa las so//ka zhes bya ba ni cha las 'das pa ste/ cha med ces bya ba'i don to/ /de'i rjes thogs sur zhes bya ba ni nyi ma'i ye shes kyi 'od de shar ba'o/ /ma zhes bya ba ni rlung yin zhing / ha zhes bya ba ni bcom pa ste/thim pa dang / a zhes bya ba ni yid rlung gi rten to/ /la zhes bya ba ni yid do/ /a zhes bya ba ni yid kyi dmigs pa ste thig le tsam mo/ /sa zhes bya ba ni thig le yin no/ /ma zhes bya ba ni nor bu ste rdo rje yin la/ de na ha'i yi ge yongs su gyur pa nyid do/ /yang nor bu der ha'i yi ges sbyar bar byas la/de ni gang zhig gnas pa ni byang chub kyi sems yin no/ /a zhes bya ba ni pad+ma'o/ /ma zhes bya ba ni de'i lte ba'i nor bu'o/ /de ru gang zhig tu gyur pa de dag gi khu ba'o/ /de dag gis thig le tsam ni rang gi rig pa'o zhes bya ba'o/ /sa zhes bya ba ni thams cad du khyab pa'o//da zhes bya ba ni 'khor lo bzhi rnams kyi 'dab ma'o/ /ba zhes bya ba ni lte ba yin la/ 'khor lo bzhi'i sa bon gyi yi ge ste/ oM AH hUM oM gyi yi ge bzhi'i sgra thim par bya zhing e zhes bya ba ni chos kyi 'byung gnas sprul pa'i 'khor lor de'i thig le'o//da zhes bya ba ni sbyor ba 'dis btul ba'o/ /gzhan yang ra zhes bya ba ni me'i sa bon yin no/ /yang na cig shos gzhan yang ngo / /ya zhes bya ba ni yaM ngaM / rnal 'byor bzhi'i sa bon no/ /oM zhes bya ba ni oM mam tshangs pa'i sa bon no/ /ga zhes bya ba ni gau rI la sogs pa rnams kyi sa bon te/gaM tsaM baM g+ham paM saM laM TaM aM A la sogs pa'i yi ge bcu bzhi sa bon te/ sbyor ba 'dis 'di ltar rnam par bsams na rnal 'byor pas rang gi 'dod pa rnyed par 'gyur te/ rdo rje sgrol mdzad kyi bka' drin gyis so/ /pa zhes bya ba ni mchog gi ye shes 'di'o//dza zhes bya ba ni 'gro ba rnams kyis so/ /ra zhes bya ba ni 'di nyid kyis 'gro ba rnams kyis bsrung ba'o/ /ga zhes bya ba ni gang gis so/ /ka zhes bya ba ni gang lag zhes bya ba ni ji ltar te/ oM zhes bya ba ni oM lis o li la/ ji ltar oM li la o li'i sgras ni yang dag pa'i rim pas zhes bya ba dang /yang dag pa'i rim pa la yang dag pa'i rim par thob bo zhes bya ba ste lhag par sdud pa'o/ /la zhes bya ba ni thim pa yin la/ /pad+ma dang rdo rje dang kun+du ru rnams su'o/ /pad+ma ni sprul pa yin la der thim pa'o/ /rdo rje ni rtse yin pas der thim pa yin la/nyungs kar dkar po phra ba'i thig ler rnam par bsam pa'o/ /kun+du ru naM 'gro ba dang 'ong ba ste/ der thim pa yin zhing sems bzhag la 'gro 'ong bya ba yin no/ /gzhan yang ka yig gsum gyis lus dang ngag yid gsum nges par bstan la/de rnams gcig pa ni byang chub kyi sems zhu ba yin te/ de yang o'i yi ges rdo rje'i sgo gang du gyur pa de lta ni thim pa yin no/ /bshad pa'i rnam grangs bzhi pa'o// //chang ni sgom pa ste shes rab ni btung ba'o/ /stobs ni shes rab de'i stobs so//ma la ya dzaM ni dam tshig sems dpa' dang / ye shes sems dpa' gcig tu bya'o/ /khe TaH ni rang gi sa bon gyi 'od zer spro ba'o/ /bre k+Sh+ya naM ni slar yang rang gi sa bon bsdu ba'o/ /shra ba swA ni bdag med ma la brten pa'o/ /ni raM shu ni thod pa'i phreng ba la sogs pa rus pa'i rgyan no//kri pi Ta ni sngags kyi brda'o/ /duM d+hu ra ni nga rgyal phal pa'o/ /kA lany+dzi raM ni lha'i nga rgyal byas pa'o/ /DiN+Di maM ni/ bcom ldan 'das ma'i chos kyi 'byung gnas kyi mtha'i bug pa'o/ /pad+ma b+hany+tsa naM ni bcom ldan 'das kyi thod pa bcu drug yin la/bcom ldan 'das ma'i thod pa gcig po 'am b+ha ga nyid do/ /tri pi ta ga raM ni zung 'jug tu yang dag par sbyor ba'i sbyor ba 'am/ bcom ldan 'das ma'i khu ba'o/ /mA la ti na d+ha naM ni dkyil 'khor gyi dbang phyug dang dkyil 'khor ba tha dad du nges par blta ba'o/ / bzhi mnyam ni 'byung ba bzhi mnyam pa yid las yongs su grub pa'i khang bu'o/ /gla rtsi ni zhu bar gyur pa'o/ /sih+lini bcom ldan 'das ma'i sa bon aM ngo / /kap+pUr ni bcom ldan 'das kyi sa bon hUM ngo / /sa li dzaM ni slar bzhin gnyi ga'i gzugs rdzogs pa'o/ gun+du ru ni mkha' 'gro dang mkha' 'gro ma'i gsang ba gnyis sbyor bzhi pa'o/ /bo la ni mi bskyod pa la sogs pa de bzhin gshegs pas rgyas btab pa'o/ /rim pa 'dis 'gro ba'i rten gyi gnas bde ba chen po bsrung ba bcom ldan 'das kyis sprul pa'i sku stong pa'i rang bzhin bde ba can zhes bya ba kak+ko lA zhes bya ba'i brdas so//bshad pa'i rnam grangs lnga pa'o// //chang ni ma rig pas myos pa yin la/ btung ba ni gzhom pa'o/ /sha ni nga rgyal phal bas dregs pa ste/ de yang bza' zhing bldad par bya ba'o//bsdu ba ni dam pa rnams dang 'tshogs pa'o/ /'gro ba ni bde 'gro'i bya ba'o/ /ro ni bdag med ma'i chos rtogs pa'i bya ba'o/ /rus pa'i rgyan ni dka' ba'i spyod pas lus rus pa'i dra ba tsam 'ba' zhig tu byed pa'o/ /'ong ba ni yul la mi ltos pa'o/ / rde'u chung ni 'gro ba 'di dag sgra brnyan lta bur mos par bya ba'o/ /skal min ni mi dge ba bcu'o/ /skal ldan ni dge ba yin no/ /reg min ni stong pa nyid kyi bsam gtan no/ /ka pA la ni sku gnyis skyong ba yin te/ chos dang bde ba srung ba zhes bya ba'o/ /bza' ba ni bla ma la gus pas bsten pa'o//tshod ma ni gcig dang du ma'i chas rang gi sems yongs su smin pa'o/ /dri chen ni rnam par snang mdzad do/ /gci ba ni mi bskyod pa'o/ /rang 'byung ni rin chen 'byung ldan no/ /kap+pA ra ni 'od dpag med do/ /sha chen ni don yod grub pa'o/ /'di rnams gcig tu gyur pa'i dngos po la bdag nyid de'i bdag nyid yin no zhes mos par bya ba ste/'di dag snyoms par zhugs par bya'o/ /bdud rtsi bza' ba yang 'di nyid kho na'o/ /dbang po gnyis sbyor ni dbang po rnams yid tsam mo zhes sbyar bar bya'o/ /rdo rje ni sgrib pa thams cad kyi ngo bo'i phyogs stong pa nyid kyis gcod pa'o//pad+ma ni 'khor lo bzhi la kun nas blta ba yin te/ bdag ni rang bzhin gyis sprul pa yin no zhes pa ni/ sprul pa kun nas blta ba'o/ /bdag ni rang bzhin gyis chos so zhes pa ni chos la kun nas blta ba'o//bdag ni rang bzhin gyis longs spyod rdzogs pa'o zhes pa ni/ longs spyod rdzogs pa la kun nas blta ba'o/ /bdag ni rang bzhin gyis bde ba chen po'o zhes pa ni bde ba chen po ni kun nas blta ba yin pas 'khor lo bzhi la kun nas blta ba ste/ kun nas blta ba 'dis rnal 'byor pa rnams gnas par bya'o zhes pa ni/bshad pa'i rnam grangs drug pa yin la/ gzhung du bshad pa ni bshad pa'i rnam grangs bdun pa'o/ /dgongs bshad rnam grangs bdun pa ni/ /yan lag bdun gyis ngag ster ba/ /mu tig phreng bzhin mgrin pa la//skyes mchog rnams kyis don gzhol bya/ /mkha' 'gro'i dgongs pa bstan pa la/ /mkhas pa gang zhig nga rgyal gyis/ /rmongs nas sun ni 'don byed pa/ /des smad mkha' 'gro mkha' 'gro ma/ /rdo rje mkha' 'gro ma rnams kyis bshad pa rnam grangs bdun gyi le'u slob dpon 'phags pa klu sgrub kyis mdzad pa rdzogs so/

CLOSE WINDOW