CLOSE WINDOW

D1202
བོད་ཡིག

@##/ /rgya gar skad du/ shrI sa ha dza A nan da pra dI paM nA ma pany+tsi kA/ bod skad du/ dpal lhan cig skyes pa'i dga' ba'i sgron ma zhes bya ba'i dka' 'grel/ dpal ye shes thig le la phyag 'tshal lo/ /shes rab mya ngan 'das pa khyad dga' mkha'/ / ye shes 'khor ba mchog dga' 'gro ba ste/ /gnyis med rin chen phrog ma'i dbang phyug 'di/ /rang gis dran dang slob ma'i don sogs brtsam/ /'di skad bdag gis zhes bya ba la sogs pa'i don ni yig 'bru bzhi'i don du rgya cher sbyar te drang don nges don du dbye'o/ / de yang 'di skad du ston te/ sangs rgyas mkha' 'gro la sogs lnga'i/ /bdag po gang yin ngo bo de/ /rdo rje sems dpa' zhes bya ste/ /de ni ngo bo yin par 'dod/ /rgyud 'di dbu nas zhabs kyi bar/ /don dang yon tan brjod pa ni/ /de phyir rdo rje sems dpa' yin/ /de yang 'brel ba'i phyir na rgyud//a yi rigs ni gcig nyid las/ /rigs kyi yi ge mang por dgyes/ /de bzhin slar la gcig tu 'dus/ /'di ni rgyud kyi mthun pa'i dpe/ /don gyi rang bzhin ro gcig la/ /shes rab thabs ni gnyis su dbye/ /de yang gnyis gnyis phye ba las//gcig la'ang lnga lngar phye bas dbye/ /don dang tshad la sogs pa ni go sla bas ma bshad do/ /'di skad la sogs pa la/ e waM zhes pa'o/ /e gru gsum chos kyi 'byung gnas shes rab kyi rang bzhin no/ /waM zlum po thabs kyi ye shes kyi rang bzhin te rgya cher sbyar ro//de yang / e yi cha byad bzang po la/ dbus su waM gyis rnam par brgyan/ /ces gsungs so/ /'di skad bdag gis thos pa'i dus gcig na/ bcom ldan 'das zhes pa la sogs pa ni rgyud la sogs pa'i phun sum tshogs pa rnams te/ rgyud dang sdud pa po lha'i dbang phyug dang 'das pa'i dus la sogs pa dang bral ba ste dmigs su med pa'i dus dang /ston pa bcom ldan 'das nyid dang / 'khor dpa' bo dang dpa' mo la sogs pa bye ba phrag bdun cu rtsa gnyis dang / bcom ldan 'das ma shes rab kyi pha rol tu phyin pa'i mkha' dbyings chos kyi 'byung gnas kyi gnas la sogs pas bstan to//yang na 'di skad bdag gis zhes pa ni bde ba chen po'i 'khor lo dang / longs spyod kyi 'khor lo dang / chos kyi 'khor lo dang / sprul pa'i 'khor lo la sogs pa'am/ sangs rgyas spyan la sogs pa'i 'byung ba bzhi'i lha mo la sogs par bshad do//thos pa ni bdag rang gis thos pa ste/ gcig nas gcig tu brgyud pa lta bu ma yin pa'o/ /dus gcig na zhes bya ba ni sprul pa'i 'khor lo mtha' rdo rje sems dpa'i gnas su thams cad der gcig pa la ni shin tu'i dus shes par bya'o/ /bcom ldan 'das zhes pa ni 'khor lo bzhi la sogs pa'i bdud bcom pa ste brlag pa la sogs pa'i dga' ba drug gi ye shes yon tan dang ldan pa'i ngo bo'o//de bzhin gshegs pa ni sngar gshegs pa ltar rtsa rnams rnam par dag nas gshegs pas lha dang lha mo ru gnas pa'o/ / thams cad ni rtsa la sogs pa'i sngar gyi rnam pa ma lus pa'o/ /sku dang gsung dang thugs ni bde ba chen po'i 'khor la sogs pa gsum ste rigs gsum gyi 'khor lo'o/ /rdo rje ni sprul pa'i 'khor lo ste lte ba'am snying ga'o/ /dpa' bo zhes pa ni bde ba chen po'i 'khor lo'i g.yas kyi rtsa bcu drug gam yang na thabs kyi rtsa rnams so//dpa' mo rnams ni bde chen gyi g.yon gyi rtsa rnams dang / longs spyod 'khor lo'i rnam par dag pa 'am/ yang na g.yon gyi shes rab kyi rtsa rnams so/ /rnam par bskor ba ni de rnams thams cad kyis bskor ba mkha' 'gro ma la sogs pa'o//btsun mo ni bud med de las kyi phyag rgya la sogs pa'i shes rab ma'o/ /de'i gnas na dus rtag tu bzhugs so/ /yang na dpa' bo la sogs pa rnams ni byang chub kyi sems khu ba dang bde ba'i dbye bas shes par bya'o/ /der dpal nam mkha' dri med dag dang zhes bya ba nas nam mkha'i zhal zhes bya ba'i bar gyis ni dpa' bo bcu drug gi mtshan bstan nas yang ni dpa' mo'i dbang phyug ma lA ma zhes bya ba nas yum mo zhes bya ba'i bar dang /yang ni ma ra ta'i zhes bya ba nas 'dod gzugs ma'o zhes pa'i bar gyis dpa' mo rnams kyi mtshan bstan to//de lta bu'i rab zhal la sogs pa zhes pa ni sku mdog la sogs pa'i dbyibs dang kha dog bstan pa ste/ 'og nas ston pas 'dir ma bstan no/ /ma mo'i btsun mo bye ba phrag bdun cu rtsa gnyis zhes pa yang sngar bshad pa bzhin shes par bya'o//dbus su zhes pa ni 'khor lo de rnams thams cad kyi dbus su'o/ /legs dgyes chen mo'i sbyor ba zhes pa ni shes rab dang thabs gnyis su sbyor ba'i rol pa las byung ba'i bde ba'o/ /bcom ldan 'das kyis zhes pa ni nyid kyis sdud pa po bos nas gsungs pa'o/ /ci'i phyir zhe na dpal ye shes thig le'i don lha'i dbang phyug gis ma rtogs pas bos nas gsungs pa yin no//'di skad bdag gis thos pa'i dus gcig na zhes bya ba la sogs pa'i don lha'i dbang phyug gis khong du ma chud pa de chud cing rtogs par bya ba'i phyir/ byang chub sems dpa' sems dpa' chen po lha'i dbang phyug la bos te/kye zhes bya ba nas lha'i dbang phyug de kho na la sogs pa gsum du phye nas gsungs te/ de yang byang chub ni rnam par mi rtog pa'i ye shes so/ /de la sems rtse gcig tu bsam pa ni sems dpa'o/ /de bdag nyid lhun gyis grub nas sems can gyi don byed pa ni yang sems dpa'o//chen po ni sems can gyi don spyod nus pa'o/ /de yang 'di skad du/ gzung 'dzin spangs pa'i ye shes gang / /'di ni byang chub sems dpa' ste/ /phyag na rdo ye shes gang / /'di ni byang chub sems dpa' ste/ /phyag na rdo rje la sogs pa'o/ /de ni sems dpa' chen po yin/ /zhes so/ /de ltar lha'i dbang phyug kyang yin no//de skad gsungs pa'i bcom ldan 'das la zhes pa ni ston pa nyid dpal ye shes thig le'o/ /lha'i dbang phyug ces pa ni mtshan yin te/ lha thams cad kyi mnga' bdag bcom ldan 'das dang mtshungs pa'o/ /'khor thams cad ces pa ni bye brag bdun cu rtsa gnyis la sogs pa'i mkha' 'gro'o//lhan cig tu zhes pa ni lha'i dbang phyug dang 'khor thams cad dus gcig tu bskor ba bya ba dang de'i rjes su phyag 'tshal ba la sogs pa byas pa'o/ /yang na bcom ldan 'das ni bde ba chen po'i byang chub kyi sems so/ /lha'i dbang phyug la sogs pa ni rtsa bye ba phrag bdun cu rtsa gnyis la sogs pa'i 'khor gyis bskor ba'o//lan gsum zhes pa ni longs spyod kyi 'khor lo lan gsum du g.yas phyogs su bskor ba'o/ /bcom ldan 'das kyi zhabs la mgo bos phyag 'tshal zhes pa ni bde chen 'khor lo'i byang chub sems rdo rje zhabs kyi gdan/rin po'i che'i pho brang na gnas tsam na 'khor thams cad kyis phyag byas pa'o/ /de yang lung las/ ye shes zab mo rang gis rtogs/ /rdo rje de ni rin chen dbus/ /rnam rtog med pa'i bde chen mtha'/ /gsal zhing rtogs pas phyag yin no/ /zhes gsungs so/ / slob dpon chen po klu sgrub kyis mdzad pa'i rim pa lnga pa las kyang / rang gis rang gi ye shes ni/ /legs mthong gang yin 'dir phyag yin/ /slob dpon shAkya bshes gnyen gyis gsungs so/ /de ni bcom ldan 'das rdo rje gdan la bzhugs tsam na phyag 'tshal bar don gyis shes par bya'o//sa la lta ba ni lan glan pas mi thebs pa'i phyir sa la lta zhing gnas pa'o/ /cang mi smra bar zhes pa ni don dam pa'i rang bzhin dga' ba la brjod pa la sogs pa'i chos thams cad las 'das pa'i phyir mi smra bar 'dug pa'o/ /de'i dus na zhes bya ba la sogs pa ni phyag 'tshal ba'i dus so//nam mkha' la ni bar snang stong pa la zhes pa bshad do/ /man+dA ra ba zhes bya ba ni me tog sna tshogs dang rin po che la sogs mang po sprul pa'i mchod pa'o/ /yang na nam mkha' ni bde ba chen po'i 'khor lo la sogs pa'i rtsa'i mkha'o/ /man+dA ra ba chen po zhes pa la sogs pa ni rtsa'i mkha' stong pa'i gnas na rlung bcu la sogs pa'i rim pa bzhin sbyar ro//dri chen po me tog dang ldan zhes pa ni byang chub kyi sems bde ba'i dri dang rlung de rnams dang ldan nas nam mkha' nas 'bab pa'o/ /de yang zhabs kyi rtsa bar bab po zhes te/ bcom ldan 'das kyi zhabs zhes go bar bya'o//yang bcom ldan 'das kyis bos te zhes pa la sogs pa ni sngar lan med pas de la yang mtshan skyes nas phyi nas yang bskyar nas lha'i dbang phyug la bos pa'o/ /lha'i dbang phyug gis gsol ba zhes pa ni bcom ldan 'das la gsol ba'o/ /de yang 'di skad bstan to/ / bcom ldan 'das de kho na nyid gsum zhes pa la sogs pa ni mtshan ma'am dngos po la sogs pa'i brjod pa yang med dam ci zhes so/ /de la bdag ya mtshan du gyur to zhes pa ni mtshan ma dang dngos po la sogs pa med pa la ni mtshan la sogs pa'i dngos por gsungs pa la ni ya mtshan skyes pa'o//e ma'o ni ngo mtshar rmad du byung ba'o/ /dpa' bo ni gdug pa thams cad la sogs pa 'joms pa'i bdag nyid do zhes pa'o/ /chen po zhes pa ni sems can gyi don mdzad pa dang sangs rgyas kyi che ba'i yon tan gyis brgyan pa la bya'o/ / lha'i dbang phyug ni sngar gyis don de rnams ldan pa mtshan nas bcom ldan 'das kyis bos pa'o/ /mchog gi rdo rje 'dzin pas zhes pa ni de bzhin gshegs pa'i snying po mchog tu gyur pa dbyer mi phyed pa'i sku rdo rje de'i ngang ma g.yengs par 'dzin pas ni byed pa por brjod do/ /'di gsungs so zhes pa ni 'og na mar 'byung ba 'di'i zhes bshad do//de yang 'di skad du bstan te/ de kho na nyid gsum zhes pa ni e dang waM dang mA dang gsum zhes par dgongs so/ /bdag nyid kyi zhes pa la sogs pa nas tshad ces pa'i bar ni med dam ci zhes pa ni ya la sogs par bshad pa'o//de yang 'di skad ces pa nas bcom ldan 'das zhes pa'i bar gyis shes par bya/ 'o na de bzhin gshegs pa la sogs pa mi gsung ba ci'i phyir zhe na/ de bzhin gshegs pa la sogs pa'i 'khor rnams ni der 'dus pa dang / de kho na la sogs pa'i don rtogs pas thams cad rtogs par 'gyur ro//de ltar yang ni byang chub sems dpa' lha'i dbang phyug khyod bden de bya'o/ /chos thams cad ni 'dus byas dang 'dus ma byas kyi chos te phyi nang gis bsdus pa'i chos so/ /kyi zhes pa ni zlas dgar ba'o/ /ngo bo stong pa nyid kyi zhes pa ni 'dus byas la sogs pa'i chos ni ngo bo nyid kyis stong pa don dam pa'i bden pa'o//'di ga las shes zhes pa ni tha snyad dang bral ba'i don ni brjod pa dang rtogs pa zhes shes su mi rung ste de bas na ga las shes zhes mig yor tsam gyi rgyu rten ni kun rdzob kyi bden pa sgyu ma'am mig yor tsam du snang ba la brten nas shes par bya'o//chos thams cad ces pa sngar gyi chos te/ rten dang rten can no/ /ji ltar zhes pa ni mthun pa'i dpe yis don shes par ston no/ /gla rtsi la brten nas dri la gla rtsi dngos po med na/ dri rnyed par ji ltar 'gyur zhes gsungs te/ de ni dpe gla rtsi dngos po sra ba la ma brten par dngos po med pa'i dri stong pa mi rnyed do zhes so//de bzhin du kun rdzob sgyu ma tsam gyi bden pa la ma brten par don dam pa'i bden pa mi rnyed do zhes pa'i don to/ /de yang lung las/ bskyed pa'i sku la brten nas ni/ /tha mal pa yi bag chags sbyong / /de yang bdag gi de nyid de/ /bdag shes pa ni bde chen sku//zhes gsungs so/ /de bzhin du zhes pa ni gla rtsi la sogs pa bzhin du kun rdzob la brten dgos par bstan to/ /rang gi ngo bos sa dang tshad kyis dang rnam pa'i zhes pa ni kun rdzob kyi byang chub sems la ma brten par ni don dam pa'i byang chub sems mi rnyed ces so/ / dper na chu med par nya tshol ba bzhin no/ /de kho na nyid gsum ni sku rdo rje dang gsung rdo rje dang thugs rdo rje gsum mo/ /bdag nyid ces pa gsum po'i don ma nor bar rtogs pa'o/ /zla ba bde mchog ces pa ni sngar thos pa bshad pa de phung po lnga dang skye mched dang khams la sogs pa'i rang bzhin sangs rgyas la sogs par shes par bya'o//phyag rgya chen po'i sku zhes pa ni ye shes sems dpa'i rang bzhin bdag la rang chas su gnas pa'i rdo rje snying po'i ngo bo yin no/ /yang na de kho na nyid gsum ni rlung gi 'khor lo dang / me'i dang / sprul pa'i 'khor lo dang gsum mo/ /zla ba bde mchog ni longs spyod 'khor lo'i phyag rgya chen po'i 'khor lo ste/chos kyi 'khor lo la ni spyi thams cad la sbyar ro/ /yang de kho na nyid ces pa la sogs pa ni char yang la sogs par bstan te/ de rnams la brten nas don dam rnyed par 'gyur ro/ /stong bas ni de lta ma yin no/ / de yang rgyu byed pa dang 'byung ba dang / brten pa dang gnas pas ni dga' ba la sogs pa'i don 'byung ba'o/ /yang na de kho na nyid gsum zhes pa la sogs pa ni thabs dang shes rab sbyor ba'i dus su bya gdong gi gnas btsal nas rin po che'i kha la ri bong can thigs pa gcig gis rin chen khar gnas pa dang /bya gdong la thal ba dang / gnyis su med pa'i bar na gsal ba'o zhes badzra bo d+hi'i man ngag go/ /de gsum ni sems dang sems las byung ba dang ma rig par bshad do/ /de bas na zhes pa ni de dang de las dbyung zhes pa'i don bstan pa'o//de yang 'di skad bshad do/ /khyab dang khyab byed bye brag tu/ /gnyis su med pa'i bde ba che/ /zhes gsungs so/ /don dam pa'i byang chub sems dang kun rdzob byang chub sems gnyis las rang bzhin gyis bde ba chen po 'byung bar bstan to/ /thams cad ces pa ni 'jig rten dang 'jig rten las 'das pa'i chos rnams so//gnyis su ni so sor gnas pa la dbye bar bshad do/ /med pa'i zhes pa ni gnyis su snang ba'i chos rnams dbyer mi phyed pa'i ngang du gcig pa'o/ /dngos zhes pa ni dbyer mi phyed pa la dngos zhes bya'o/ /de yang thabs dang shes rab tha dad pa//rten dang brten pa'i ngo bo ru/ /de gnyis gcig gi don du mnyam/ /gang gis rtogs pa gnyis med dngos/ /zhes gsungs so/ /gzhan yang / dbyer med brtags pa'i dngos grub ni/ phyag rgya chen po'i rang bzhin no/ /zhes so/ /de ci'i phyir zhe na/ phyag rgya chen po'i rang bzhin ni mi 'gal te rang bzhin dga' ba la phyag rgya chen po zhes bya'o//gzhan ni de lta ma yin no/ /de yang rang bzhin dga' ba ni dga' ba gang gis kyang reg par mi nus so/ /de yang dgyes pa'i rdo rje'i rgyud las/ /gzhan gyis ma reg lhan cig skyes/ /gsum pos spangs pa'i gang rnyed de//gsum gyi rang bzhin gsum dang bral/ /de la ma reg lhan cig skyes/ /zhes gsungs so/ /de bas na rang bzhin dga' ba dang phyag rgya chen po tha dad du mi dbye'o/ /drug gi bde ba ni rnam par snang mdzad la sogs pa'i rigs drug shes rab dang bcas pa'o/ /ye shes mchog ni yab yum gnyis sbyor ba las byung ba'i gnyis su med pa'i ye shes so//bde ba sku ni gnyis las byung / /zhes pa ni kun rdzob dang don dam pa'i sku thabs dang shes rab gnyis thabs las yang dag pa'i ye shes 'byung ba'o/ /'khor lo yi ni drug dbus bzhugs/ /zhes pa ni dkyil 'khor chen po drug gi bdag po rdo rje sems dpa' byed pa'o//de kho na nyid gsum zhes pa la sogs pa ni sku rdo rje la sogs pa'i rigs gsum du bshad do/ /yang na 'khor lo drug pa pad+ma'i kha stong pa'i nang byang chub kyi sems kyis brgyan pa la sogs pa la ni/ drug gi bde ba ye shes mchog /ces pa la sogs pa'i don sbyar ro/ /yang na drug ces bya ba nas rgyu ru grags zhes bya'i bar gyis ni char yang dang / thig le dang / tshul dang / tshul tsam dang / mchog dang / gzhan mchog rnams la bde ba'i ye shes re re sbyar ba la ni de skad ces bya'o/ /gnyis su med pa'i 'bras bu'o//gnyis po ni rgyu yin pas rgyu ru grags zhes bstan to/ /lus rten srog gi dbyug pa la/ /sbyor ba drug gi ye shes bzhugs/ /zhes bya ba la sogs pa ni sngar gyi char yang la sogs pa'i sbyor ba drug ye shes dang bcas pa'i gnas srog gi dbyug pa'o/ /yang na lus ni kun rdzob kyi byang chub sems so//rten ni don dam pa byang chub kyi sems so/ /srog gi dbyug pa ni srog rlung dang ldan pa'i byang chub sems dang rtsol ba'i rlung la sogs pa'o/ /sbyor ba drug gis ye shes bzhugs/ /zhes pa la sogs pa ni don dam pa dang kun rdzob las ye shes kyi rim par sbyor te/de yang srog la sogs pa'i rlung 'gags pas steng dang 'og tu dga' ba'i ye shes sbyor ba ni bcu drug dang drug dang bzhi la sogs pa'o/ /de yang slar gsum rdzogs pa gsum po de la rang bzhin gsum rdzogs pa'o/ /'khor lo drug gi lte ba'i gnas/ /zhes pa ni bde ba chen po'i 'khor lo la sogs pa drug gi lte ba ni srog gi dbyug pa'i ngo bo'o//de'i nang la dbus zhes bya'o/ /phra mo lus ldan rab ni drug /ces pa'i rtsa mdud pa drug ste/ /las dang po pas mi rtogs pas phra la/ yang dang yang du goms pas rtogs pa de ni lha'i ngo bor shes la don du yang snang ba'o//rtsa de drug gi lus ni byang chub sems dang ldan pa'o/ /thigs pa dang bcas te rnal 'byor zhes pa ni ye shes kyi dngos po'i thig le la ni de skad ces bya'o/ /ji lta zhe na/ yungs kar la mar gyis khyab pa bzhin no/ /de yang rtsa dang thig le dang rlung la sogs pa de rnams la ni byang chub kyi sems kyi rang bzhin de dga' ba'i rim par sbyar ro//srog gi dbyug pa ni nang du'o zhes pa ni srog gi rtsa'i nang na de rnams gnas bde bar bzhugs kyi phyi'i 'dab ma la sogs pa'i nang du ni ma yin no/ /bde chen 'khor lo'i lte ba la ni bde ba'i gnas na bcom ldan 'das chu zla ltar kun rdzob tu bzhugs pas so//yal ga dang ku mu ta la sogs pa la bzhugs pa ma yin te rtsa'i lte ba kho na'o/ /zla mo tshe dang ldan pa ste/ /zhes pa ni rtsa dang thig le dang / srog rlung la sogs pa ldan pa'i ye shes so/ /de ni zhes pa ni de dag rnams kyi don ston te/de yang srog yang dag par dbang phyug sbyin par mdzad pa ni chos thams cad kyi rtsa ba'o/ /zur gsum ni dbyibs de lta bu'i dngos por gnas nas tshangs bug tu gnas pa la rnam pa'i tshul zhes pa'o/ /longs spyod rdzogs pa'i lte ba'i zhes pa ni mtshan bzang po sum cu rtsa gnyis la sogs pa'i yon tan thams cad rdzogs pa'i pad+ma'i lte ba der gnas pa'i bdag nyid do//lce ma ni rtsa'i ming du btags pa'o/ /de ni bde ba'i thig ler bcas pa'i gyen du rgyu ba la sogs pa'i rlung dang ldan pa'o/ /rigs kyi me tog dang 'dra ba zhes pa ni rtsa'i mdud pa'i dbyibs te bu mo lang tshos ra pa'i nu ma'i dbyibs bzhin no//de bzhin du chos kyi 'khor lo gzhan dang rtsa dang thig le dang rlung la sogs pa yang bla ma rje btsun chen po'i zhal las shes par bya'o/ /rtog med mas ni 'khyud yin phyir/ /zhes pa ni bcom ldan 'das ma phyag rgya chen pos bcom ldan 'das la gnyis su med pa'i dbyer mi phyed par rol pa las byung ba'i byang chub kyi sems so//de'i tshe tshangs pa'i dbyug pa yin na ni gzugs kyi sku gnyis las chos kyi sku rang bzhin dga' ba'i ye shes su gyur pa de'i tshe na zhes bya ba la sogs pa'o/ /yang na rtog med mas zhes pa la sogs pa ni so sho mna' yis rtsa gsum la 'khyud pa'i rang bzhin du bzhugs pa la bya'o//yang na rtog med ma ni ye shes bde ba'i rang bzhin no/ /'khyud pa ni thig le'i dngos po la ni yang dag pa des khyab nas dbyer mi phyed par 'khyud pa'o/ /de'i tshe ni kun rdzob dang don dam pa'i dngos po mchog gi dga' ba dang chad pa'i dga' ba gnyis kyi bye brag pa'o//tshangs pa zhes gsungs te rang bzhin dga' ba de'i tshe nyon mongs pa'i rtog pa la sogs pa kun 'joms pa'i tshangs pa'i dbyug pa'i zhes bshad do/ /de yi dus ni bdag gis bshad/ /ces pa ni sngar gyi dus 'di nas mar shar ba dang nub pa la sogs pa bshad par dam bca'o//shar ba dang ni nub gnyis so/ /zhes pa ni rlag pa dang longs spyod la sogs pa'i dus ni thabs dang shes rab gnyis kyis bsdu bar bya'o/ /gang zhig tshangs pa'i dbyug pa zhes pa ni sngar bshad pas 'dir ma bstan no//mdud pa zhes pa ni pad+ma'i mdud pa la sogs pa ste/ de bzhin gshegs pa'i gnas pad+ma'o/ /sum cu rtsa gnyis yod pa zhes pa ni pad+ma'i 'dab ma'i grangs bstan pa'o/ /de la lte ba'i 'og tu 'pho ba bcu drug ces pa la sogs pa ni dkyil 'khor gyi lte ba'i dbus nas sgo yan chad du bcu drug pa gnyis kyi gnas na dpa' bo dang /dpa' mo rnams kyis bskor ba ni 'phar ma gnyis la 'pho ba zhes bya'o/ /yang na shar ba zhes pa ni longs spyod kyi 'khor lor nyi ma shar ba'o/ /nub pa ni bde ba chen po'i 'khor lor nyi ma nub pa'o/ /mdud pa la sogs pa ni go sla'o/ / yang na/ shar ba dang ni nub gnyis so/ /zhes pa la sogs pa ni mchog gi dga' ba'i pho brang du byang chub sems kyi thig le gnas tsam na shar zhes bya'o/ /de las 'phos pas chad pa ste/ nub pa'i dngos po ste/ de yang 'di skad du ston to/ /thabs kyi nor bu'i kha na byang chub kyi sems gnas pa'i gcig ni longs spyod pa'o//shes rab kyi sangs rgyas rin po che'i khar thal pa ni rlag pa'o/ /slar la bkug pas ni gnyis ka ye shes bde ba chen po'i ngo bor gyur te de kho na gnyis su med pa'i dbang ngo / /gang gis tshangs pa'i dbyug pa zhes pa ni rin po che dang sangs rgyas kyi snod gnyis bde ba'i ye shes kyis rgyas pa'o//mdud pa ni 'dus byas dang 'dus ma byas kyi chos thams cad kyi mdud pa'o/ /sum cu rtsa gnyis yod pa ni char yang bcu drug dang / dga' ba bcu drug gnas pa'o/ /de la lte ba'i 'og tu 'pho ba bcu drug ni sngar bstan pa de thabs kyi lta ba'i 'og nas ni shes rab kyi lte bar 'pho ba'o//steng gi 'pho ba bcu drug ni/ /zhes pa ni slar la thabs kyi gnas su 'pho ba'i byang chub kyi sems thig le dang dga' ba la sogs pa dang bcas pa de ji srid gnas [(]gyi [,]kyi [)]bar du ni dus zhes bya'o/ / de yang 'di skad bshad de/ byang chub kyi sems dang rlung gnyis phrad pa'i phyir ro zhes pa ni thur du 'byung ba'i rlung gnyis dang bcas pa phrad pas ni rlung de yang dag dri med spros bral 'od rab rang bzhin dga' bar gyur to/ /de lta bu'i don dam pa'i rang bzhin la ni 'pho ba ste steng 'og gcig pu'i zhes gsungs so//steng dang 'og la sogs pa'i 'pho ba ni de gcig pu kho na zhes pa'i don to/ /dang po'i sbyor ba'i zhes pa ni de rnams la de sbyor ba'o/ /ci'i phyir de la de sbyor zhe na/ thabs dang shes rab ces pa la sogs pas bstan to/ /don dam pa'i shes rab skye ba med pa la kun rdzob sgyu ma'i thabs khyad par can gyis sbyor ba las mchog gi ye shes dang /chad pa'i rang bzhin gnyis su med pa'i sbyor ba zhes bshad do/ /rtsa sum cu rtsa gnyis ni go sla bas 'dir ma bshad do/ /sku dang zhes pa la sogs pa ni rnam par snang mdzad la sogs pa'i rigs gsum 'khor lo dang sbyar ro//gcig pu rtog med ma zhes pa ni sprul pa'i 'khor lo'o/ /yang srog gi dbyug pa ni sku'o/ /la la nA ni gsung ngo / /ra sa nA ni thugs so/ /gcig pu rtog med ma ni sku gsung thugs gsum dang bral ba a wa d+hUM tI'i rang bzhin dga' ba zhes bya'o//so sho mna' tshangs pa'i dbyug pa 'khyud nas zhes pa ni srog gi rtsa byang chub kyi sems kyis gang na gnas tsam na tshangs pa la sogs pa'o/ /mi gnas tsam na ni de lta ma yin te srog gi dbyug pa'o/ /bde ba chen po'i gtsug tor nas zhes pa ni spyi bo gtsug gi 'khor lo bde chen gyi thugs gnas so//bde ba chen po'i gtsug tor nor bu'i kha rlung gi 'khor lo yan chad ces pa ni bde ba chen pos stong gi mtha' mtshon pa'o/ /rlung gis 'og gi mtha' mtshon pa ni bzung ba'i bar yang don gyis shes par bya ba yin no/ /ji ltar tsan+dan go shiR+Sha'i shing la sbrul chen po yod pa'o zhes pa ni tsan+dan la ni shing yang yod la dri yang yod de de gnyis dbyer mi phyed pa'i tshul du yod pa ni sbrul gyis shing la 'khyud pa ji lta ba bzhin no//de bzhin du byang chub kyi sems khu ba dang bde ba gnyis kyang bye brag tu mi phyed par 'pho ba'i dus su bde ba'i ngo bo ro gcig par yod pa ni rang bzhin gyis ye shes zhes bshad pa'o//tshangs pa ni yang dag pa'i ye shes kyis nyon mongs pa la sogs pa tshangs par byed pa'o/ /dbyug pa'i snying po ni yang dag pa'i ye shes de rtsa'i dbyug pa'i dbus na don dam pa dang kun rdzob gnyis dang ldan nas snying po bzhugs so/ / dang po zhes pa ni rtsa'i mdud pa dang tshes grangs la sogs pa bcu drug gi dang po'o/ /zur gsum gyi rnam pa'i zhes pa ni rtsa'i dbyibs zur gsum pa tshangs pa'i bu ga na pad+ma'i dngos por yod pa'o/ /de yang shes rab ma'i dngos po'i longs spyod rnams kyi dang po'i dga' bar bshad do//'dod pa 'dar ba zhes bya ba nas rang bzhin dga' ba zhes bya ba'i bar gyis gnyis pa mchog gi dga' bar bshad do/ /lte ba'i srog gi rlung zhes bya ba nas gsal ba zhes bya ba'i bar gyis gsum pa chad pa'i dga' ba bstan to/ /'od kyi zhes bya ba nas thog gi zhes bya ba'i bar gyis bzhi pa rang bzhin dga' ba'i rnam grangs bstan to//yang na shes rab ma'i lte ba la sogs pa bzhis dga' ba'i don bstan to/ /'dod pa'i dga' ba la sogs pa bzhin mchog gi dga' ba bstan to/ /srog dang zhes pa la sogs pa bzhis chad pa'i dga' ba'i don bstan to//'od dang bya ba la sogs pa bzhis rang bzhin dga' ba'i don bstan to/ /de ltar dbye bas drug cu rtsa bzhir dbye bar byas pas ni sprul pa'i thams cad dga' ba zhes so/ /yang 'dod ces bya ba la sogs pas dga' ba'i rnam grangs so/ /rgyas pa zhes bya ba la sogs pa ni mchog gi dga' ba'i rnam grangs so//'bar ba zhes pa la sogs pa ni chad pa'i dga' ba'i rnam grangs so/ /u ta zhes pa bzhi ni rang bzhin dga' ba'i ming gi rnam grangs te/ de rnams 'dod pa zhes bya ba'i dga' ba'i dga' ba dang / 'dar ba zhes bya ba'i mchog dga' ba dang /'gro ba zhes bya ba'i chad dga' ba dang / dga' ba zhes bya ba'i dga' ba yang dga' ba'o/ /gzhan rnams kyang de ltar shes par bya'o/ /de ltar bzhir dbye ba dang rnam grangs kyi dbye bas bcu drug tu yang dbye ba'o/ /dbyu gu drug cu rtsa bzhi dang /chu tshod sum cu rtsa gnyis dang / 'pho ba bcu drug dang / thun tshod brgyad dang / skad cig ma bzhi la sogs pa'i yang dag yang 'di rnams su bshad do/ /de ltar bsdus nas bstan nas/ 'di nas mar phyed nas bshad do/ /zur gsum la sogs pa gsungs te/sngar bstan pas zur gsum 'dir ma bshad do/ /shes rab ma'i zhes pa ni sbyor thabs rnam pa sna tshogs su bstan to/ /lta bas ni de rnams la dga' ba skye bas rgyu yin pa'o/ /'dod pa shes pa ni shes rab ma la 'dod pa ste dga' ba'o/ /srog gi rlung ni byang chub kyi sems dang ldan pa'i rlung du bshad do//zla ba stod kyi zhes pa ni mar ngo la sogs dang bral ba ni tshes dang po'i zla ba tshes gcig pa'o/ /de yang zla ba dang mtshungs pa'i ye shes su chu tshod gcig gi bar du ni ye shes de ni bar de tsam du gnas pa'i bar ro/ /byang chub kyi sems zhes pa ni kun rdzob dang don dam par khu ba der 'brel pa ste/de yang 'od ces pa'i thig le phye nas bde ba'i thig le rtog pa la sogs pa'i dri ma thams cad dang bral ba ni dga' ba kun gyi 'bras bu'o/ /shar ba zhes pa mchog gi dga' ba'o/ /nub pa ni chad pa ste mun pa lta bu'o/ /de ni spong ba'o//'pho ba ni mchog gi dga' ba'i gnas la sogs pa ni longs mi spyod par rlag pa'o/ /dus zhes pa ni 'das pa'i dus kyang ma yin/ ma 'ongs pa'i dus kyang ma yin/ da ltar zhes kyang dmigs su med pa'i dus te/ de lta bu'i dus su me tog dang 'bras bu la sogs pa rgyas pa'i dus so//de yang rlung phyir rgyu ba dang / nang du rgyu ba med pa'o/ /de'ang rgyud las/ shin tu rgyu ba'i dus dang ni/ /shin tu min pa dus gnyis te/ /sna yi bu ga gnyis ka yi'o/ /gnyis ka min pa de nyid ni/ /zhes pa la sogs pa gsungs so/ /pad+ma'i 'bras bu'i 'dod pa ni rtsa'i dbyibs pad+ma'i 'bras bu 'dra ba yod pa de 'dod pa ni rnam pa sna tshogs pa la sogs pa'i sbyor thabs dang /dga' ba skye ba'i rgyu'o/ /de yang las kyi phyag rgya la sogs pa la brten pa la 'byung ngo / /lus 'dar zhes pa ni de las byung nas 'dar ba'i dga' ba la sogs pa'i shes rab mas rgyu byas nas 'byung ba dang brten pa 'dar bar byas pa'o//nyes pa zhes bya ba'i rlung dang ldan nas/ stobs zhes bya ba'i thig ler gnas pas 'bras bu smin no/ /drag po'i ming ni rtsa'i dbyibs ru drAk+Sha bzhin gnas pa la bya'o/ /des ni drag po'i mig mtshon pa'o/ /'gro ba zhes pa ni byang chub kyi sems mi gnas pa ste/dga' ba'i rnam grangs so/ /mnyam pa zhes pa ni me dang mnyam pa'i rlung gi ming ngo / /ldan zhes pa ni dga' ba dang rlung du ldan pa ste/ byang chub kyi sems la sogs pa thams cad dang ldan no/ /sprin zhes pa ni bde ba'i thig le'i mtshan gyi rnam grangs de'i dus su thams cad dang ldan no//rigs kyi me tog ces pa la sogs pa ni bla ma las rtogs par 'gyur ro/ /thog ni sngangs 'jigs byed pa ste/ /zhes pa ni thog babs sam brgyab kyang bred pa bzhin/ rang bzhin dga' ba spros pa thams cad dang bral ba dga' ba thams cad kyi thog tu gyur pa dang /gzhan yang thog ces pa rang bzhin dga' ba'i rnam grangs su brtags pa des chad pa'i dga' ba la sogs pa rnams 'jigs shing bred par byed pa'o/ /'o na rang bzhin dga' ba de ji lta bu zhe na/ dga' ba kun dang mi mnyam pa dngos po med pa yin no//rgyud phyi ma'i phyi ma las kyang gsungs te/ rang bzhin dga' ba dngos po min/ /dngos po ma yin pa yang min/ /srid dang mya ngan 'das pa min/ /char yar thig le tshul ma yin/ /zhes pa la sogs pa'o/ /snying po'i rgyud las kyang / rlag dang longs spyod la sogs bral//dga' ba rnams kyis brjod mi nus/ /thig le la sogs 'joms pa'i lha/ /de nyid rang bzhin ye shes so/ /de bas na mtshan mar snang ba'i ye shes thams cad dang thun mong ma yin no/ /de la nub pa bcu drug yin/ /zhes pa ni byang chub kyi sems mi gsal ba la ni bcu drug yin bya'o//shar dang nub pa gang la lar zhes pa ni longs spyod dang rlag pa la sogs pa ni rang bzhin dga' ba zhes mi bya'o/ /de'i phyir/ rang bzhin dga' ba de yod min/ /zhes gsungs te/ rang bzhin dga' ba la ni shar dang nub pa'i dngos po longs spyod la sogs pa'i mtshan ma'i ye shes med pa'o//yon po'i gdung bu zhes pa ni la la nA g.yon phyogs na lu gu rgyud bzhin gnas pa'o/ /rtsa ba'i lte ba zhes pa la sogs pa ni srog ma'i lte ba'i mdud pa re rer byang chub kyi sems thigs pa re re la dga' ba dang char yang tshul la sogs pa 'pho ba dang skye ba dang gnas pa'i tshe shar dang nub dang dus la sogs par sbyar ro//de lta'i bde chen rnams ni zhes bya ba ni sngar bstan pa'i bde ba chen po'i rang bzhin kun rdzob tu dbye ba la ni rnam pa zhes bya'o/ /'pho ba ru ni bdag gis bshad/ /ces pa ni 'pho ba bcu drug tu sngar bdag gis bshad de/ston pas bshad zin pa'o/ /de ltar bshad nas bsdus pa 'di nas mar phye nas bstan to/ /dngos dang rten dang rnam par 'byed/ /ces pa la sogs par dngos ni las kyi phyag rgya'i lta ba la sogs pa'i sbyor thabs sum cu rtsa gnyis te/dga' ba dang sprul pa'i 'khor lo la sogs pa'o/ /yang na dngos po ni dam tshig gi phyag rgyas byang chub kyi sems rtsa de rnams mdud par brten pa dang mchog gi dga' ba dang chos kyi 'khor lo la sogs pa'o/ /yang rten gyi ye shes kyi phyag rgyas rang gi bde ba'i rten byang chub kyi sems thig le la brten par rtogs pa'o//ye shes ni ye shes kyi phyag rgya rang gis rig cing rtogs pa ste/ yang dag pa'i byang chub kyi sems dang kun rdzob byang chub kyi sems gnyis las byung bar rig pa'am chad pa'i dga' ba dang longs spyod 'khor lo la sogs pa'o/ / yang na ye shes ni chos kyi rang bzhin gyi phyag rgyas rig pa'i byang chub kyi sems su shes pa'o/ /rnam par 'byed pa zhes pa ni chos kyi rang bzhin gyi phyag rgyas bde ba chen po'i rang bzhin rig pa dang bral bar phye nas rtogs pa 'am/ rang bzhin dga' ba dang / bde chen 'khor lo la sogs pa'o//yang na rnam par 'byed pa ni phyag rgya thams cad dang bral ba byang chub kyi sems kyi rang bzhin phye nas ye shes kyi gzhi dang bcas pa spangs pa'o/ /de ltar bsdus pa'i phye ba bstan nas rgyas pa'i phye ba bshad par bya'o/ /dngos po ro mnyam lta ba yin/ /zhes pa ni thabs dang shes rab srub dang bsrubs pa las ni ye shes kyi ro'i rtags mnyam par 'byung ba'o//'dod chags pa ni gzugs dang sgra dang dri dang ro dang reg la sogs pa'i 'dod pa'i yon tan lnga rnams la chags shing zhen pas ni 'khor ba'i 'bras bu thob ste bskyed pa'i rim pa la sogs pa sna tshogs kyis ni yon tan du 'gyur ro//des 'bras bu gzugs kyi sku 'byung bas ni tha mal pa'i bag chags dag par byed do/ /'dus pa reg bya byed pa'i zhes pa ni thabs dang shes rab 'dus pas reg bya'i bde ba nyams su myong ba 'dis rtogs pa la sogs pa dag par byed do//dngos ni srid pa med par byed/ /ces pa la sogs pa ni khams gsum gyi bag chags bzang ba dang ngan pa la sogs pa las dang nyon mongs pas bskyed pa rnams ni dngos kyis med par byed pa'o/ /gzhan yang sbyor thabs sna tshogs pa'i longs spyod 'o bya ba dang /sen mos gdab pa dang / nu ma mnye ba dang / 'khyud pa la sogs longs spyod do/ /de ltar gzung ba dang 'dzin pa'i chos thams cad ni dngos kyi bar du gcod par byed do/ /puN+Da rI ka 'byung ba yis/ /zhes pa ni me tog dkar po'i kha dog gi sems dkar pos byang chub kyi sems dkar po'i kha dog dpes mtshon nas/rtsa'i mdud par 'byung ba yin no/ /zur gsum zhes pa la sogs pa ni zur gsum dang pad+ma'i 'bras bu dang drag po'i mig 'dra ba la sogs pa'i mdud pa sum cu rtsa gnyis yod pa'i rten byed pa'o/ /brten pa yin zhes pa ni byang chub kyi sems kyi rten ni rtsa rnams kyis byed pa'o//brten pa ni bsam gtan med pa ste zhes pa la sogs pa ni/ de la sgom pa po med rnal 'byor pa dang sgom rgyu gnyis dang bral ba ste/ de bas chos kyi dbyings spros pa dang bral ba'o/ /steng dang 'og gi mnyam pa'i rten zhes pa la sogs pa ni gyen du rgyu ba'i rlung la sogs pa'i rlung thams cad gcig tu 'dus pa dang /'dus pa'i dus nas ye shes tsam du yang rtogs pa'am gnas pa med do/ /bde ba chen po'i bdud rtsi'i rten ni shin tu bde ba'i rang bzhin de ni nyon mongs la sogs pa'i rtsi ru gyur pa'i rten no//rigs lnga'i ni mchog gi gzhi ni gzugs kyi phung po la sogs pa lnga'i gzhi ni nam mkha' rdo rje sems dpa'o/ /yang na 'khor lo lnga ni rigs lnga'o/ /de rnams kyi mchog gi gzhi ni bde ba chen po'i 'khor lo yin te rigs drug pa'i 'o//de bde ba dkar po bsrubs pa las zhes par bshad do/ /ye shes 'dod pa lhun gyis grub/ /ces pa ni dga' ba thams cad chad pa'i dga' bas bsdu'o/ /'o na rang bzhin dga' bas kyang bsdu'am zhe na/ rang bzhin dga' bas ni bsdus kyang mi 'gal te/chad pa'i dga' ba la ma brten par rang bzhin dga' ba mi rnyed do/ /rang bzhin dga' ba ni dga' ba gsum las logs na med pas kyang mi 'gal lo/ /dper na lus med par yang sems mi rnyed pa ltar chad pa'i dga' ba la ma brten par rang bzhin dga' ba mi thob bo//de bzhin du ma yin na skyon yod pas 'di skad kyang gsungs te/ dmigs pa la ni brten nas su/ /mi dmigs pa ni rab tu tshol/ /zhes pa dang / dper na me tog dang dri bzhin no zhes pa'i dpe 'di rnams kyis bstan to/ /'dar ba dga' ba mchog gi dga'//zhes pa la sogs pa'i mchog gi dga' ba de ni rtog pa dang bcas pa'i sgo nas ye shes nyams su myong la/ de ltar myong ba'i don la bde bar gnas tsam na sems rtse gcig tu mi g.yeng bar gnas pa las rang bzhin dga' ba 'grub pa ma rnyed par 'gyur/ de'i skabs su chags pa la sogs pa'i ye shes thams cad dang bral ba'i don ni rang bzhin dga' ba'o//chags pa dang bcas pa'i chad dga' ston to/ /gzhi med pa yi rang bzhin dga'/ /gzhi dang bcas pa'i chad pa'i dga'/ /zhes so/ /ye shes nga rgyal med par byed/ / ces pa ni yang dag pa'i mtha'o snyam pa'i nga rgyal spangs pas 'grub po/ /chos thams cad ni rnam par shes/ /zhes pa ni phyis bsdus pa'i chos dang nang gis bsdus pa'i chos ma lus pa shes pa'o/ /ye shes shes bya don grub byed/ /ces pa ni thun mong gi dngos grub la sogs pa kun gyi don grub pa'o//rnam par 'byed pa 'od gzugs grags/ /zhes pa ni byang chub sems 'byed pa spros pa thams cad dang bral ba'i 'od rab de ni brjod pas mi phog go/ /tshul dang sprin dang stobs bdag nyid/ /ces pa ni bde ba'i thig le bcu drug gi bdag nyid yin pas na rnam par 'byed ces bya'o//dngos po kun du ni dngos por snang ba thams cad do/ /rnam pa bzhi dang bcas pa rlag ni de rnams ma lus pa dang / bag chags dang bcas pa thams cad rlag par zhes pa'i don to/ /skye dang gnas pa rdzu 'phrul gyi/ /zhes pa ni skye ba'i cho 'phrul ston pa dang /'gag pa dang / gnas pa la sogs paM yang yon tan no/ /rnam par 'byed pa gti mug sod/ /ces pa ni nyon mongs pa 'joms pa ni de rnams dang bral ba'o/ /rtsa'i snying po thams cad ni zhes pa ni rtsa stong phrag bdun cu rtsa gnyis te/ de rnams kyi snying po 'khor lo byang chub kyi sems dang bcas pa rtsa'o//'od 'di yang zad de med par byed do/ /'khor lo sngags dang bya ba la/ /zhes pa ni dkyil 'khor dang / 'khor lo dang / shes rab dang / snying rje dang / las la sogs pa'o/ /'joms byed de ni rnam par 'byed//ces pa ni dkyil 'khor la sogs pa sngar bshad pa'i chos thams cad do/ /bcom pa'i phyir zhes pa la sogs pas ni go sla bas ma bshad do/ /sangs rgyas byang chub sems kun la/ /zhes pa ni sa bcu gcig gi sangs rgyas la sogs par/ sa bcu man chad kyi byang chub sems dpa'o//snying gar rtag tu bzhugs pa'o/ /zhes pa ni rang bzhin dga' ba kun gyi byang chub kyi sems kyi rang bzhin no/ /yang sangs rgyas zhes pa la sogs pa ni phung po lnga la sogs pa'o/ /byang chub sems dpa' kun ni dbang po la sogs pa'i skye mched rnams so//snying gar de'i snying ga'i pad+ma'i lte ba la byang chub sems kyi sa bon zla ba ltar kun rdzob kyi dngos por bzhugs so/ /rnam par 'byed pa bsgoms pa med/ /ces pa ni chos nyid yang dag par de nyid cir yang bsgom du med do/ /phung po khams la sogs dang bral//zhes pa ni phung po lnga dang khams bco brgyad dang skye mched la sogs pa'i 'dus byas thams cad dang bral ba'o/ /sgra la sogs pa'i chos kyis stong / /zhes pa ni sgra dang tshad ma la sogs pa'i chos kun gyis stong ngo / /stong dang snying rje'i bdag nyid yin//zhes pa ni stong pa shes rab skye ba med pa dang / snying rje thabs khyad par can gnyis las rang bzhin dga' ba 'byung ngo / /tshangs pa la sogs pa la tshangs pa ni don yod par grub pa ste/ de ni ye shes yin la ye shes thams cad kyi bdag nyid ni bya ba nan tan yin no//'o na ye shes la tshangs pa zhes ci'i phyir bya zhe na/ rtog pa thams cad dag pa gang yin pa de ni tshangs pa zhes bya'o/ /de yang 'di skad du 'byung ste/ dngos po'i bag chags rang bzhin ni/ /ma spangs dag pas ye shes 'dod/ /ces so/ /'di skad bstan te/don dam dang ni kun rdzob kyi/ /bden gnyis gang du 'dres pa yis/ /byang chub sems kyi thig le khab/ /de tshe tshangs pa ye shes 'dzin/ /zhes gsungs so/ /nam mkha'i dbus na thig le bde/ /byang chub sems kyi dngos 'di yin/ /gcig pu'i bdag nyid dngos po bral//de dus tshangs pa'i bdag nyid do/ /zhes pas so/ /des ni tshangs pa don yod grub par bstan to/ /khyab 'jug ces pa ni rin chen 'byung ldan no/ /de bzhin snang ba mtha' yas drag po yin te des mi mthun pa'i phyogs thams cad bcom nas so sor rtog pa'i ye shes sbyin par mdzad do//dbang phyug ni mi bskyod pa'o/ /rtag tu zhi ba ni rnam par snang mdzad do/ /rlung gi 'khor lo la sogs pa lnga la yang sbyar ro/ /de rnams kun zhes pa ni de 'das ma thag la/ rnams kun ni rigs lnga po la bya'o/ /yab yin no zhes pa ni de kho na nyid spros pa dang bral ba'i ye shes brjod du med pa'i bdag po rdo rje sems dpa'i bdag po de la bya'o//spros pa dang bral ba'i ye shes ni chos kyi sku bde ba chen po yin na rdo rje sems dpa' gzugs kyi sku yin pas de gnyis mi 'gal lam/ mi 'gal te rdo rje ni ye shes lnga'i rang bzhin dbyer mi phyed pa'o//sems dpa' ni sprul pa la sogs pas sems can gyi don byed pa ste/ de yang rang bzhin dga' ba spros pa thams cad dang bral ba las ni rim gyis longs spyod rdzogs pa'i sku mtshan thams cad rdzogs pa de las sprul nas don byed do/ /byed pa de ni mchog rmad byung //'di nyid ye shes thig le 'dir/ /zhes pa rang bzhin dga' ba bde ba'i thig le kun gyi ngo bo bcu drug pa chad pa dang mchog dang mi mnyam mo/ /de bas na/ mchog rnams grub pa'i mnga' bdag go/ /zhes smos so/ /'byung ba kun gyi nang yod pa/ /zhes pa la sogs pa ste/sa dang chu dang me dang rlung la sogs pa'i 'byung ba'i nang na yod do/ /sku lnga'i zhes pa ni rnam par snang mdzad la sogs pa ste de rnams kyi bdag po yin no/ /mkha' lnga'i bdag nyid skye med do/ /zhes pa ni shes par sla'o/ /nam mkha' lnga yi nang du thim/ / zhes pa ni sa dang chu dang me dang rlung dang rnam par shes pa dang lnga'i nang du bsdu'o/ /sangs rgyas kun gyis phyag byed pa ni rnam par snang mdzad la sogs pa sangs rgyas thams cad ma lus pas byed pa yin no/ /de lta'i gsang chen ye shes ni/ /ji ltar nor brkus mi rnyed ltar/ / 'bad pa yis ni sba bar bya/ /zhes pa ni rnam par 'byed pa de rtog pa dang / mi mthun pa kun phye nas rang bzhin dga' ba shin tu rnyed par dka' ba de dbang la sogs pas thob par byas la de nas sems la bcang ngo / /lhan cig skyes pa'i dga' ba'i sgron ma las le'u dang po'i dka' ba bkral ba'o// //dang po bcom ldan 'das kyis gsungs pa'i don 'dir zhus so/ /lha'i dbang phyug gis gsol ba zhes pa ni sdud pa'i tshig go/ /kye bcom ldan 'das zhes pa ni snyan pas bod pa'o/ /de nyid gsum la sogs pa gsum po la bzhir phye nas zhus so//bcom ldan 'das kyis bka' stsal pa zhes pa ni lha'i dbang phyug la sogs pa'i 'khor thams cad kyi nang du gsungs so/ /de nyid gsum ni sku gsung thugs/ /rdo rje gsum ni ye shes mchog /ces pa ni sku rdo rje rnam par snang mdzad de mchog gi dga' ba dang /snang ba mtha' yas chad pa'i dga' ba rdo rje gsung dang / rdo rje sems dpa' rang bzhin dga' ba'i ye shes rdo rje'o/ /zla ba bde ba mchog gi nang / /de ni phung po dbang po khams/ /zhes pa ni phung po lnga la sogs pa'i rigs lnga la sogs pa'i de bzhin gshegs pa dang /dbang po la sogs pa'i byang chub sems dpa' dang / khams la sogs pa'i lha mo la sogs pa'i dkyil 'khor ro/ /yang na byang chub kyi sems kyi ngo bo'o/ /phyag rgya chen po rdo rje snying po zhes pa ni/ ye shes sems dpa' ste ye nas gnas pa'o//yang na bde ba'i ye shes so/ /de yi mtha' ni b+ha gar dran/ /zhes pa ni sangs rgyas bcom ldan 'das nyid do/ /yang na gong ma'i de rnams shes rab kyi b+ha ga la gnas pa'o/ /mtha' dang snang ba rnam par shes/ /chu yi zla ba bzhin du mthong / /zhes pa ni dga' ba gsum gyi rang bzhin dga' ba'i rgyu gnyis te/kun rdzob kyi dngos por chad pa'i dga' ba'i gnas na chu'i zla ba bzhin snang la don dam par stong pa kho na'o/ /chos kun rang bzhin dri ma med/ /ces pa'i chos ni gzung 'dzin no/ /de'i dag pa ni dri ma med pa'i dga' ba'o/ / snang ba las ni thams cad 'byung / /zhes pa ni snang ba thob pa la sogs pa las rang bzhin 'byung ngo / /skye ba dang ni 'gag pa med/ /ces pa yang dag dri med 'di chos thams cad kyi ngo bos stong ngo / /yang dag 'od las thams cad 'byung / /zhes pa ni 'di las chud pa'i dga' ba de las mchog gi dga' ba rim par 'byung ngo //de'i phyir chos thams cad kyi bdag nyid ces pa ni 'dus byas dang 'dus ma byas kyi chos ma lus pa kun 'di las 'byung ngo / /bcom ldan 'das dpal ye shes thig le'o zhes pa ni sku bzhi'i dngos po'i bdag nyid bde ba chen po'i sku bcom ldan 'das so//de la dang po rnam pa dang bcas pa'i dkyil 'khor 'khor lo'i bskyed pa bsgoms pa dang zhes pa ni le'u bzhi pa dang bcu pa dang bcu bdun pas rnam pa dang bcas pa'i dkyil 'khor ston to/ /bcu gcig pas dkyil 'khor bskyed pa ston to/ /lnga pas sngags ston to//bzlas pa ni bcu gcig pas so/ /sbyin sreg ni bcu bzhi pas ston to/ /mchod sbyin ni drug pa dang bcu gcig pas ston to/ /gtor ma ni dgu pa dang bco lnga pas ston to/ /mchod pa ni bdun pa dang bcu gnyis pas ston to/ /gnas ni gcig pas so//dbang bskur ba ni gsum pa dang bcu gsum pas ston to/ /de rnams la ni rim pa med pa de ngas bshad do zhes bya'o/ /de yang le'u dgu pa yan chad du ni dngos su'o/ /gzhan ma rnams ni sbas pa ste/ 'dir bdag gis phye'o/ /rang bzhin dga' ba'i sgron ma las le'u gnyis pa'i dka' ba bkral ba'o// //lha'i dbang phyug gis gsol ba zhes bya ba ni zhu ba po'i tshig go/ /tshangs pa'i zhes pa nas gzhan 'dir ma gsungs zhes bya ba'i bar du sdud pa po phyag na rdo rjes zhus pa'i don to/ /bcom ldan 'das kyis bka' stsal pa zhes pa ni 'khor dpa' bo dang dpa' mor bcas pa la gsungs so//gcig pu rtog med ma so sho mna' zhes smos so/ /de ni gzhan spangs pa'o/ /bye ba phrag bdun cu rtsa gnyis zhes pa la sogs pa ni de thams cad kyi don 'dis byed ces bsdus nas gsungs pa'o//lha'i dbang phyug gis gsol ba byin yang zhus pa'o/ /de ltar yin yang bya ba ni bsdus pa'i don yin mod kyi zhes pas so/ /sum cu rtsa gcig la mtshan dang grangs zhes pa la sogs pa zhu pa'o/ /des ni bde chen 'khor lo rtsa sum cu rtsa gnyis yod pa la a wa d+hu ti ma gtogs pa'i ming re'i sgo nas grangs tsam du zhus pa yin no//sum cu rtsa gcig gi rtsa'i ming nyon cig ces pa ni bde ba 'bab pa'i rtsa'o/ /de yang gsang ba zhes pa la sogs pa'o/ /gsang ba la sogs pa'i rtsa'i ming nges pa kho na'am des nyams su myong ba ste/las dang ngo bo la sogs pa'i sgo nas 'dogs pa'o/ /de yang dbye na mang bas 'dir bsdus pa'i dbye ba bstan to/ /rtsa'i rnam pa'i dbye ba ni mdor bsdus pa na bcu zhes so/ /byang chub sems kyi thigs pa gsum/ /dang po mkha' la snang ba las//i dang pi ga so sho mna'/ /'byung ba de ni rgyu yin no/ /gzhan rnams de las byung ba dang / snga ma'i rim las phyi ma 'byung / /de lta'i dbye ba thams cad ni/ /khyad par rgyu ru 'dod pa'o/ /rtsa re rnam dag dbye ba yis/ /lha dang lha mo 'khor lor snang //dkyil 'khor ma lus rdzogs pa 'di/ /phyi yi 'bras bu dam pa 'phel/ /snga ma rnams ni rgyur 'thad de/ /phyi ma de bzhin 'bras bu yin/ /khyad par can gyi 'bras bu zhes/ /'di ni yin par bdag gis bshad/ /dbyibs dang kha dog mtshan ma rnams/ /so sor gsal ba gang yin pa//de ni rang gi ngo bor snang / /de ltar rtogs pas khyad par yin/ /rtsa yi dra bar 'brel pas na/ /'di ni nges pa'i tshig tu 'dod/ /de yang khyab pa yi ni phyir/ /khyad par 'di ru bdag gis bstan/ /bde ba chen po'i 'khor lo ni/ /byang chub sems kyis gang ba'o/ / de yang rtsa rnams kun nas 'bab/ /las 'di spyi zhes bya ba'o/ /sha khrag bshang gci mig rdu snabs/ /sen mo skra spu rus pa rgyus/ /mkhal snying rus pa glo ba dang / /rgyu ma dri ma tshil dang rnag /a khri gnyer ma lto kha spu/ /bad kan rdul dang mchi ma glad/ /rkang mar khu ba khrag sha ma//'di rnams 'bebs par khyad par las/ /mdud pa la sogs rten byed pa/ /gang zhig shes shing rig pa 'di/ /des na ye shes nyams myong ste/ /myong ba'i mtshan ma mtshan nyid do/ /de yang ye shes so sor gsal/ /khyad par zhes ni bya bar bshad/ /mtshan ni rtsa ru btags pa ste//spyi yi sgo nas bod pa'o/ /re rer btags pa gang yin pa/ /khyad par yin pas de brjod do/ /rtsa gsum nas ni spu khung bar/ /'di ni rtsa yi dbye ba'o/ /'khor lo drug dang bzhi dang gcig /i da la sogs khyad par dbye/ /srog gi dbyug pa dbus na 'greng //kun gyi rten du shes par bya'o/ /gcig la gcig brten kun gyi dang / /khyad par brten pa so sor gsal/ /dper na shing la sogs pa bzhin/ /yal ga lo ma 'bras bus brgyan/ /de lta bur ni dbye ba 'di/ /don gyis shes par 'bad la bya/ /rtsa rnams med na phung po med//phung po med na bde med pas/ /me tog med na dri med ltar/ /de bas 'bras mchog thob mi 'gyur/ /thos par bya ba'i don du ni/ /mdo ru bsdus na bcu po 'di/ /don 'di ma nor bla ma la/ /yang nas yang du zhu bar bya'o/ /de'i phyir shes par dka' bas 'on kyang bsdus pa'i don gyis gsang ba dang zab pa la sogs pa'i mtshan ci la brtags pa shes par bya'o//de ni rtsa sum cu rtsa gnyis zhes pa la sogs pa ni go sla'o/ /zla ba nyi ma gzas zin pa'i dus tshigs su rgyas pa'o zhes pa ni thabs shes rab gnyis ka'i rin po che dang / sangs rgyas rin chen gyi snod gnyis ka bde ba chen pos rgyas pa ste/chad pa'i dga' ba dang mchog gi dga' ba'i bar rang bzhin ye shes brtan pa la gzas zin zhes bshad do/ /rtsa'i don bstan nas da dbang gi rim pa ston to/ /de nas zhes pa ni 'brel ma chad pa'i tshig yin no/ /dbang gi rim pa bshad de zhes ni bum pa dang gsang ba dang /shes rab ye shes dang bzhi pa'i dbang la de skad ces bya'o/ /ji lta'i ni go rims zhes pa ni snga ma rgyu/ phyi ma rnams 'bras bu rim pa ma nor bar bya'o/ /dbang bskur mchog ni mnyes pa gang / /zhes bya ba ni rgyu dang / 'bras bu'i rim pas bzhi pa rnyed kyi mngon sum du ni mi rnyed do/ /thams cad du ni phod par 'gyur/ /zhes pa ni bzhi pa thob pa'i rnal 'byor ba ni thun mong dang mchog la sogs pa dang / ci bsams pa yang 'grub par bshad do/ /des ni dbang gi yon tan dang 'bras bu bstan to//yon tan tshul khrims ldan pa'i bu ni snod dang skal bar ldan pa sdom pa dang dam tshig bsrung ba'i slob ma'o/ /bla mas dang por dbang bskur bya/ /zhes pa ni kun gyi mchog tu gyur ba'i bla mas slob bu mtshan thams cad dang ldan pa de la dbang gi rim pa bskur bar bya'o//mtshan dang ldan pa gang la bya/ /bcom ldan 'das kyis ni sems can thams cad la dbri bkol ma mdzad na/ de lta mod kyi 'on kyang sngon gyi dus su de bzhin gshegs pa la bkur sti rim gro la sogs pa ma byas pa rnams ni tshe 'di dang phyi ma'i dus la sogs par bsod nams zhan pas bcom ldan 'das kyi byin rlabs dang phrad par mi 'gyur ro//mi phrad pa'i phyir na snod dang mtshan nyid dang mi ldan no/ /de yang 'di skad du/ gang 'di dge slong dngos gnas dang / /gang zhig rgan por gnas pa dang / / gang yang rtog la dga' ba'i mi/ /de la de nyid bstan mi bya/ /zhes 'byung ngo / /gzhan yang / mu stegs pa dang nyan thos dngos/ /ma ning pas ni dbang mi 'thob/ /rgyud 'di las kyang gang gi dra ba zhes pa la sogs pa gsungs so/ /de'i phyir snod dang mi ldan pa la gsang sngags kyi dbang mi bskur ro//mtshan la sogs pa ni 'gal ba med do/ /bcom ldan 'das kyis gsungs pa yang dgongs nas so/ /khrus byas mig dgab ras kyis bcing / /me tog gis dgang snyim par ldan/ /yon dbul zin nas dga' dang bcas/ /lha yi dbang phyug dbang bskur bya/ / zhes par sngar sa dang dkyil 'khor gyi thig dang sta gon dang rab gnas dang khrus kyi cho ga la sogs pa kun rdzogs nas mig dgab pa'i cho ga byas nas bla ma la me tog gtor ba dang / dkyil 'khor la gtor ba dang / dam tshig gi cho ga nas yon dbul ba'i rim pa kun dbang nod kar bya'o//dbang bskur la ni sangs rgyas sa/ /zhes pa ni bcu gcig nas bcu drug gi bar 'thob bo/ /the tshom med par rnyed par 'gyur/ /zhes pa ni bar der thob par des sam som nyi dang yid gnyis mi bya'o/ /de bas thams cad du 'bad de/ /dpal ldan dbang rgyal blang bar bya//zhes pa ni slob mas bkur sti yon la sogs pas bla ma mnyes par bya/ bla mas kyang rim pa dang don ma nor bar dbang gi rgyal po bzhi pa yan chad rdzogs par sbyin no/ /dbang bskur bzhin du dbye ba ni/ /zhes pa ni dang po bum pa dang / gnyis pa gsang ba dang / gsum pa shes rab ye shes dang //bzhi pa de ltar de bzhin no/ /slob dpon la sogs dbye ba yin/ /zhes pa la sogs pa ni go sla'o/ /bzhi gnyis rab tu dbye ba ni/ /zhes pa ni bzhi gnyis la brgyad de bum pa'i dbang ni mi bskyod pa'i 'bras bu dang ldan pa'o/ /dbu rgyan dang / rdo rje dang / dril bu dang / ming dang de bzhin no/ /rdo rje brtul zhugs dang / lung bstan pa dang / skyabs sbyin la sogs pa brgyad po'i dbang bskur ni slob dpon gyi'o/ /rdo rje'i dbang la gsum du dbye/ /nam mkha' mnyam du bdag gis gsal/ /zhes pa ni rdo rje slob dpon gyi dbang ni nam mkha' dang mnyam du khungs bstan pa ste/dam tshig gsum gyi dbang ngo / /dbang bskur de ni rin po che/ /khams gsum gyis ni phyag byas pa/ /zhes pa ni bum pa ru sman dang 'bru dang rin po che la sogs pa dang ldan pa'am/ bdud rtsi lnga la sogs pa'i dbang bcu gcig pa dang /kun rdzogs pa la 'jig rten gsum gyi phyag dang mchod pa'i gnas so/ /yang na nang gi slob dpon gyi bum pa la sogs pas dbang bskur ba'am/ gsang ba'i slob ma rang gi bum pa la sogs pa'i dbang rdzogs par bskur na dngos su khams gsum gyis phyag byed par 'gyur ro//yang na sangs rgyas rin po che'i snod dang rin po che sna lnga la sogs pa yod pa thabs kyi rdo rje la dbang bskur ba dang / phyag bya ba'i ngo bos rdzogs pa ste/ shes rab la yang de bzhin no/ /yang na dbang gi yon tan gyi rim pa gsal bas shes par 'dod pas de ru blta'o//rnal 'byor rgyud la mos rnams la/ /zhes pa ni yo ga phyi la dga' ba'i slob ma la bya'o/ /dbang brgyad phye ba sbyin par bya/ /zhes pa ni chu dang / dbu rgyan dang / rdo rje dang / dril bu dang / ming dang lnga ni rigs lnga'o/ /brtul zhugs dang / lung bstan dang / skyabs sbyin te sngar bstan pa bzhin no/ /rnal 'byor bla ma la mos rnams/ /zhes pa ni rnal 'byor chen po thob pa'i thabs kyi'o/ /bcu gcig bdag nyid sbyin par bya/ /zhes pa ni snga ma'i thog tu sku rdo rje la sogs pa'i dam tshig gsum ste bcu gcig go/ /rnal 'byor ma la mos pa rnams//zhes pa ni ma rgyud do/ /gsang ba'i dbang ni sbyin pa'o/ /zhes pa ni bcu gnyis pa'i mchog go/ /gsang ba gnyis zhes pa la sogs pa ni go sla'o/ /de ni gsang ba gsum du dbye/ /zhes pa ni 'og nas gsum du ston to/ / skye dang zhes pa nor bu'i skye'i mchog gi dga' ba'i gnas so/ /mdud dang zhes pa ni a wa d+hU tI'i rtse mo rang bzhin gyi gnas so/ /de bzhin du ni pad+ma'i shes rab ma'i kha chad pa'i gnas so/ /shes rab gnyis su dbye bar bya/ /bskyed dang rdzogs pa'i bye brag go/ /zhes pa ni phyi ni shes rab ma'i pad+ma nas 'thung ba ste bskyed pa'o//gtum mo la sogs pas bdud rtsi 'thung ba ni rdzogs pa'o/ /'di na mar gsang ba'i yum gyi mtshan nyid ston te/ shes rab brgyad gnyis lo dang ldan/ /bu mo lo grangs bcu drug pa dang / med na nyi shu pa'o/ /spyan rings zhes pa mig 'khyug pa smin ma'i bar ma chad par gnas pa gnag la 'tsher ba'o//longs spyod mkhas pa zhes pa ni sbyor thabs drug cu la sogs pa'i las dang / dbang gi rim pa la mkhas pa'o/ /yan lag tsan+dan sar pa'i dri/ /zhes pa ni lus dang yan lag kun las shin tu zhim pa'i dri mnam pa'o//shin tu 'jam pa'i khu bas tshim/ /zhes gsungs te/ ye shes kyi rgyu bde zhing tshim ste/ si la ga phur la sogs pa'i byang chub kyi sems kyis 'jam pa dang ldan pa'o/ /gzugs bzang sngo la skal ldan pa/ /zhes pa ni lus sbom pa min pa/phra yang mi phra/ kha dog sngo ljang / snod bzang ba/ shes rab che ba'o/ /nu ma zhes pa la sogs pa ni nu ma 'bur ba/ rked dbus phra ba/ dad pa la sogs pa'i yon tan tshad med pa de 'bad la slob bus btsal te gsang ba'i dbang nod pa'i don du rigs dang ldan pa phul ba/bla ma la zhu ba'i tshigs bcad la sogs pas gsang dbang thob par bya'o/ /dbang gi man ngag gsum du dbye/ /nang gi yi ni brda byed pa/ /bzhi pa 'bras bu'i ngo bor grags/ /gsum dang bral ba gsum bdag nyid/ /ces pa ni bum pa dang / gsang ba dang / shes rab ye shes dbye ba byas nas kha khwa mu kha dang bo lar sbyor ba la sogs pa'i ye shes 'khor lo rnams la rim gyis babs pa dang de yang spyi bo dang / mgrin pa dang / snying gar babs pa'i bskyed pa'i rim pa don dngos so/ /rdzogs pa dga' ba dang mchog gi dga' ba dang chad pa'i dga' ba la sogs pa dang dbang gsum rim par sbyar ba las bzhi pa 'byung ba ni 'bras bu'o//de yang / gsum po la sogs na yang med/ /gsum po rang yang ma yin te/ /mar me'i dkyil 'khor 'od bzhin no/ /dga' ba la sogs bye brag tu/ / rdo rje gzhon nu mas gsal byed/ /ces pa ni dga' ba dang mchog dga' la sogs pa'i yang dag pa'i ye shes ni thabs dang shes rab gnyis su med pa las gsal bar 'byung ste/ de yang shes rab mtshan dang ldan pa las skye'o/ /de yang rgyud gsum zhes pa la sogs pa bstan to//dbang bskur gyis zhes pa la sogs pa ni dbang gi yon tan bstan to/ /gcig nas gcig gi rim pas 'byung / /zhes pa ni snga ma ni rgyu/ phyi ma ni rim pas 'bras bu'o/ /bla ma rab kyi zhal nas blang / /zhes smos so/ /de yang dbang thams cad thob pa/rgyud dang man ngag dang dbang la sogs pa la mkhas pa grub pa thob pa dang ldan pa'o/ /de ni mnar med par ni 'gro /zhes pa ni bla ma mnyes par ma byas na de'i skyon gyis dmyal bar 'gro'o zhes skyon bstan pa'o/ /de bas na skyon spongs la bla ma la 'bad pas mchod pa dang yon la sogs pas dgyes par bya'o//rang bzhin dga' ba'i sgron ma las le'u gsum pa'i dka' ba bkral ba'o// //dbang bskur bas snod du rung bar byas nas bsgom pa'i rim pa ston to/ /de nas gzhan yang bshad nyon cig/ / ces pa ni dbang bshad ma thag tu gnas kyi don bstan pa'o/ /ka ba gcig dang sgo dgur ldan/ /zhes pa ni srog gi dbyug pas ka ba byas pa'i sgo dgu dbang ba'o/ /rdo rje'i rtsig pa ni ba spu'i ngo bo rtsa re re la byang chub kyi sems kyis gang ba des lus kun rtsa'i dra bas khyab pa ste/rtsa thams cad bde ba'i rang bzhin gyis sangs rgyas pa ye shes rnam pa lnga'i rang bzhin no/ /ye shes de rnams dbyer mi phyed pa'i rang bzhin rdo rje'i/ de bas na rdo rje'i rtsig pas brgyan pa'o/ /rdo rje'i thig ni rtsa'i dbye bas phye ba'o/ /bla re ni zhes pa ni bde ba chen po'i 'khor lo la sogs pa ste/des ni khyab pa kun du yongs su bskor ba yin zhes smos so/ /rlung la sogs pa'i rim pas dbye/ /'byung ba bzhi dang ldan pa yin/ /zhes pa ni yaM las rlung gi dkyil 'khor sngon po zhes bya ba la sogs pas gsang ba'i gnas dang /lte ba dang / sprul pa dang / snying ga dang rim pas bsam/ yang na rlung gis me sbar ba las rtsa thams cad kha bye ba las bde ba chen po'i rang bzhin 'khor lo bzhi la khyad par ldan zhing 'byung ngo / /nam mkha' thams cad mtha' kun du/ /thams cad bdag nyid rtag tu bzhugs//zhes pa ni bde ba chen po'i 'khor lo nam mkha' zhes te 'khor lo gzhan dang / mtha' ma'i rtsa yan chad khyab nas rang bzhin dga' ba'i bdag nyid du lus thams cad bzhugs so/ /yang na nam mkha' ni chos kyi 'byung gnas te/ shin tu rgya che ba de'i nang na dbang chen las bskyed pa'i gzhal yas khang la sogs pa'i phyi rol du bstan pa bzhin no//'di'i don ni 'di yin no/ /dkyil 'khor sku ru bstan pa dang / de bzhin gsung du bstan pa dang / thugs su byang chub sems bshad do/ /zhes pas phyi nang gsang ba gsum shes par bya'o//yang na gsang ba 'di le'u bcu par blta'o/ /bsrung ba'i 'khor lo 'khor ba bzhin/ /zhes pa ni 'di ni gzhan go sla bas ma bshad do/ /de kho na nyid bsdus pas bstan te/ rnal 'byor chen po'i dus su ni/ /sangs rgyas rin chen snod rnyed nas/ /byang chub kyi sems nyi ma bsrungs nas slar 'khor lo'i lte ba'i dkyil 'khor du gnas pa de ni phyi'i rtogs pa rgyu ru mi ster bar nang gi reg bya shin tu 'jam pa chu'i zla bas kun rdzob tu snang ba lta bu de dang dbyer mi phyed pa bzhin snang ba ni ye shes chen po zhes man ngag go//rtsibs bcu pa la gser gyi mdog /ces pa la sogs pa ni go sla bas ma bshad do/ /'dir ni 'khor lo'i lte ba gru gsum gyi byad gzugs ri bong can chos kyi 'byung gnas zhes pa'o/ /rtsibs bcu pa la gser gyi mdog ste gshin rje mthar byed la sogs pa bcu dang ldan pa'i dbus kyi lte ba la/ dar mo ta ya kha dog dkar mo byang chub kyi sems kyi ngo bo 'di gzung 'dzin la sogs pa'i chos thams cad 'byung ba'i gnas te/ sngar bshad pa bzhin rim pas dbye'o/ /de'i dbus su zhes pa ni 'khor lo'i lte bar bya'o/ /sngar bstan pa'i zhes pa ni rlung la sogs pa'i zhes par bstan pa bzhin no//'byung ba bzhi ni rlung dang me dang chu dang sa'i bzhi ste/ chos thams cad 'di las 'byung ba'o/ /ji lta bu'i rim pas ni yaM raM baM laM las rlung la sogs pa bzhi de rnams kyi steng du b+h+rUM las 'khor lo'o/ /thams cad 'od du zhu ba las rnam par snang mdzad do/ / rnam par snang mdzad yongs su gyur pa las zhes pa ni 'od du zhu nas pho brang grub bo/ /dur khrod brgyad dang ldan pa yi/ /zhes pa ni de yang yi dags dang ldan pa'i gnas mi bzad pa zhes bya ba'i dur khrod dang / mi sdug pa dang zhes pas ston to/ /de rnams ldan pa'i bzhugs gnas so//gzhal yas zhes pa ni dpag pa dang gzhal ba dang tshad dang bral ba ste/ rdo rje 'dzin pa'i bzhugs gnas la dog pa la sogs pa'i dngos po spangs pas na khang pa yangs pa chen po'o/ /'phar ma gnyis ni phyi nang phye ba'o/ /nyi ma'i gdan du zhes pa ni nyi ma'i steng du bdud pho mo'o//sna tshogs pa zhes pa ni go bar sla'o/ /'dab ma brgyad kyi lte bar zhes pa ni bzhi pa spangs pa'i dbus su nyi ma la sogs pa sngar bzhin no/ /tshul dang thigs pa'i rang ngo bo'o/ /zhes pa ni bka'i dngos po thigs pa a khong na gnas pa'i tshul lo/ / de gnyis las A li kA li'o/ /A li ni a A zhes pa nas aM aHzhes pa'i bar ro/ /kA li ni ka kha zhes pa nas ha k+ShaH zhes pa'i bar ro/ /de yang dam tshig gi A li dang / ye shes kyi A li'o/ /kA li la yang de ltar de bzhin no/ /gnyis las byung ba ni zhes pa ni zla ba dang nyi ma ste/de gnyis las byung ba'o/ /thabs dang shes rab kyi bdag nyid maM hUM gnyis la rdo rje dang gri gug sa bon dang ldan pa 'di rnams thams cad las thabs dang shes rab kyi skur bzhengs pa la dpal ye shes thig le zhes bya'o/ /phyag rgya chen pos 'khyud cing zhes pa ni thabs dang shes rab la brten zhes pa ste/dbye bas phye na go sla'o/ /da ni kha dog dang dbyibs la sogs pa ston to/ /zhal brgyad phyag brgyad g.yas brkyang ba/ /zhes pa ni rnam par thar pa brgyad la sogs pa'i yon tan dang ldan pa ste/ le'u bcu par sbyar ro//zhal bzhi ni zhes pa ni brgyad kyi phyed rtsa ba nas drangs pa'o/ /gnag ces pa ni sku dang mthun pa dbus su bsam mo/ /ser po ni g.yas dmar po g.yon dang rgyab ma ljang gu'o/ /gzhan bzhi sngon po'i pad+ma lta bu'o zhes pa ni sngar gyi ma gtogs pa bzhi ni ut+pal sngon po dang 'dra'o//rdo rje la sogs pa ni phyag brgyad na g.yas dang g.yon na'o/ /sna tshogs rdo rje rgya gram gyis spyi bor brgyan pa'o/ /zla ba zhes pa la sogs pa go sla'o/ /phyag rgya drug gis sku bcings pa ni 'khor lo la sogs pa ste/ rigs drug gi ngo bo yin no//gzhan yang de ltar shes par bya'o/ /rang bzhin dga' ba'i sgron ma las le'u bzhi pa'i dka' ba bkral ba'o// //da ni sngags mchog bshad bya ba/ /zhes pa ni skabs 'dir snying po phye la bshad pa'o/ /sgrub pa po ni gang gis 'grub/ / ces pa la sogs pas phyi nang gsang ba de kho na nyid la sogs pa bshad par bya'o/ /sgrub pa po zhes pa ni rnal 'byor pa'o/ /gang gis ni thabs khyad par can no/ /'grub ces pa ni sngags des 'grub pa ste/ mchog gi dngos grub la sogs pa'o/ /de yang sngags ni man+t+ra zhes so//man ni stong pa mtshan ma bral/ /kha dog sogs bral chos nyid bdag /rdo rje 'dzin pa'i dbugs 'byung ba/ /shes rab ces su bshad pa yin/ /tra ni ye shes bde ba ste/ /mtshan dang dpe byad gzugs skur gnas/ /de bzhin gshegs par dbugs 'byung ste/snying rje chen por bdag gis bshad/ /snying rje shes rab gnyis po 'di/ /gang du gcig tu gnas pa yis/ /dngos po med pa'i dngos po'i tshul/ /de ni sngags su bstan pa'o/ /de lta bu yi phyag rgya che/ /shes nas bdag nyid ming mchog pa//ming yang ma yin mtshon pa ming / /sus rtogs sngags kyi dngos grub bo/ /zhes pa ni shes rab dang snying rjer bshad do/ /sngags kyi nges tshig la sogs pa gzhan mi bstan pa ci/ gzhan 'dir ma bstan te de yang dbang gi yon tan gyi rim par blta'o/ / pad+ma 'dab ma brgyad pa bya/ /zhes pa ni 'dab ma dang lte bar bcas pa bri'o/ /rdo rje ni rdo rje gzhon nu zhal gsum phyag drug pa sgom mo/ /phur bu bcu ni grangs so/ /khro bo'i sngags ni mkhas pas gdab/ /ces pa ni rdo rje gzhon nu khro bor bsams la oM badzra kI li la sogs pa rnal 'byor pas phyogs dang mtshams bye brag tu gdab bo//A li kA li mnyam byas nas/ /zhes smos te/ A li ni shes rab kyi yi ge bcu drug go/ /kA li ni kA la sogs pa thabs kyi yi ge sum cu gsum mo/ /mnyam byas ni A li bcu drug po dang / kA li sum cu rtsa gsum pa gnyis ldan pa'o//des rgyu bstan to/ /'dab ma kun gyi rim pas dgod/ /ces pa ni rten dang rten can bstan to/ /yang na snying po'i sngags te/ 'di skad bshad de/ phur bu ni bcu ste/ mig gi dbang po'i skye mched gti mug mkha' 'gro la sogs pa don 'di bla ma rje btsun rim pas bshad par 'gyur ro//A li ni longs spyod kyi bcu drug go/ /kA li ni bde ba chen po'i rtsa sum cu rtsa gnyis dang srog gi dbyug pa'o/ /mnyam byas nas zhes pa ni de rnams thams cad la byang chub sems dang ldan pa'o//'dab ma kun gyi rim pas dgod/ /ces pa ni thams cad la tshang bar dgod do/ /de la snying po la sogs pa'i sngags rim pa bzhin btus pas yab kyi snying po thabs kyi rtsa nas snying po bgrang ngo / /yum gyi snying po shes rab kyi rtsa nas snying po bgrang ba la sogs pas so//yang na kA li ni zur gsum la sogs nas til gyi me tog rgyas par bar du tshes bcu drug 'pho ba de slar steng du bcu drug ste sum cu rtsa gnyis so/ /A li ni sum cu gnyis las byung ba'i bde ba bcu drug go/ /mnyam byas nas zhes pa ni khu ba dang bde ba mnyam pas dga' ba bcu drug gi bdag nyid do//de ni thabs kyi snying po'o/ /shes rab kyi rang gis shes par bya'o/ /yang na dga' ba bcu drug la rang bzhin bcu drug rdzogs pa ni shes rab kyi'o/ /'dab ma kun gyi zhes pa la sogs pa ni go sla'o/ /yang na A li ni shes rab kyi pad+ma 'dab ma brgyad pa kun rdzob zla ba'i dngos po thigs pa brgyad la don dam pa'i rang bzhin brgyad rdzogs pa'o//kA li thabs kyi la de bzhin dgod pa'o/ /mnyam byas nas zhes pa ni lte ba'i dkyil du mnyam pa ste/ de ni nam mkha' stong pa'i ngo bo'o/ / 'dab ma kun gyi rim pas dgod/ /ces pa ni rang bzhin dga' bas thams cad kun la khyab pa med pa'o/ /de yang tshig dang bral/ yi ge med pa/ bltar med pa/ dpyad pas rnyed pa ma yin pa/ thog ma dang / mtha' ma dang bral ba/ mtha' med pa/ rmad du byung ba de ni rang bzhin gyi ye shes de kho na nyid ces bya'o//des ni sngags bstan to/ /A li ye shes 'dab mar gcig /ces pa ni bcu drug pa kun 'dab ma gcig la dgod do/ /kA li 'dab ma bdun du ni/ /zhes pa ni bdun pa'o/ /'dab ma re re yi ge lnga/ /zhes pa ni bdun gyi gnyis ma gtogs pa lnga gdab bo//lnga pa'i bar du lnga lnga pa'o/ /zhes bya ba ni 'dab ma re re lnga lnga ste/ ka kha ga g+ha nga de ni gcig la'o/ /rtsa la sogs pa la de bzhin no/ /'dab ma gnyis su bzhi gnyis te/ gcig la ya ra la wa bzhi'o/ /gnyis pa la sha Sha sa ha ste bzhi'o//k+Sha'i yig 'bru ste nang ngo / /zhes pa ni 'dab ma brgyad pa'i nang du k+Sha rdo rje sems dpa'i rang bzhin bsam mo/ /dbyangs yig ni/ a A i I u U r-i r-I l-i l-I e ai o au aM aHzhes so/ /gsal yig ni ka kha ga g+ha nga / tsa tsha dza dz+ha nya/Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha'o/ /de gnyis la A li kA lI'i 'du shes yin zhes pas bye brag kyang bstan to/ /gnyis kyi yi ge 'dab ma yis/ /zhes pa ni thabs dang shes rab kyi yi ge'o/ /sngags kyi rgyal po de nyid drang //zhes pa ni yab kyi snying po dang / nye ba'i snying po dang / yum gyi snying po dang / nye ba'i snying po'o/ /dang po gzugs kyi rgyal po dbang / /zhes pa ni dang po kho na rnam par snang mdzad kyi sa bon yi ge oM mo/ /de nas 'dab ma gnyis kyi dang por zhes pa ni de ma thag gnyis kyi dang po sha'o//bzhi pa'i dbyangs yig ni I dang bcas pa ni sha dang i ru ldan pa/ 'og tu ni shi'i 'og tu'o/ /re pha ni ra'i ming gi rnam grangs so/ /des brgyan te/ de rnams kyis shri ri grub bo/ /nyi shu rtsa lnga yod pa yi/ /zhes pas ma bstan to/ /'dab ma gnyis pa'i bzhi pa'o//zhes pa ni bzhi pa ha'o/ /dbyangs yig gnyis pa dang ldan pa/ /zhes pa ni A ste/ ha dang A dang ldan pas hA zhes so/ /'khor ba'i ngan 'gro dag byed pa/ /zhes pa ni dpal chen pos bdud la sogs pa thams cad bsgral nas ye shes kyi bdag nyid du byed do//'dab gnyis dang po bzhi pa yis/ /zhes pa ni skabs 'di na mar man ngag gis bstan te/ dang po'i bzhi pa ni ba'o/ /de nas gsal byed pa'i brgyad ni dza'o/ /'dab gnyis dang po'i gnyis pa yis/ /zhes pa ni ra'o/ /ldan pa thams cad rim 'phrog byed//ces pa ni dzar ldan nas gnas pa la badzra zhes so/ /rdo rjes thams cad gcod pa dang / 'bigs pa la sogs pa byed do/ /gsal byed pa gsum pa ste ni ga'o/ /bcu pas yang dag ldan pa'o/ /zhes pa ni le ste ga ru ldan pa'o/ / dbyangs kyi yi ge zhes pa la sogs pa ni bstan pa'o/ /bzhi pa'i lnga pa ni na yin no/ /de nas de'i dang po'i ta'o/ /bcu drug pa ni gsum pas ldan ni i ste ti ru ldan no/ /thams cad sngags kyi tshig gi gzhi ni 'di rtsa ba'am gzhi yin no/ /de nas ni dag pa dag la'o//de bzhin gsal byed dang po'o/ /zhes pa ni ka'o/ /yan lag gsal byed sum cu gsum/ /zhes pa ha'o/ /dbyangs yig drug pa yang dag ldan/ /zhes pa ni U ste ha la U ldan hU'o/ /de nas chos thams cad 'byung ba ste/ dbye ba ni zhal las shes par bya'o//zla tshes ni nga'o/ /thig le ni go sla'o/ /de ni zhes pa ni de rnams las hUM grub bo/ /hUM de dang nye bar gnas pa ni yang hUM ste/ don du ni gnyis grub bo/ /sems kyi dbang phyug yi ge mchog /ces pa ni bcom ldan 'das kyi bskyed pa'i rgyu 'di yi ge thams cad kyi mchog go//gang zhig lnga pa'i gnyis pa zhes pa ni pha'o/ /gsum pa'i dang po Ta dang ldan pa'i phaT do/ /mthar ni swA hA ldan pa'o/ /ste zhes pa ni de thams cad kyi zhabs su'o/ /snying po'i sngags ni yang dag mchog /ces pa ni yab kyi snying po'o//dang po ru ni gzugs kyi mchog /ces pa ni gzugs kyi sa bon oM mo/ /'dab gnyis kyi bzhi pa ni ha'o/ /'og tu re phas yang dag ldan/ /zhes pa ni ra'o/ /dbyangs kyi yi ge bzhi pas sbyar/ /zhes pa ni I ste/ ha dang ra dang I dang gsum sbyar bas hrI'o//rig pa'i rgyal po'i yi ge mchog /ces pa ni rig pa'i snying po'o/ /thig le yis ni mgo bo mnan/ /zhes pa ni hrIM zhes pa'o/ /de rang du ni nye bar gnas/ /zhes smos pas yang hrI btu'o/ /thams cad zhi ba zhi ma mchog /ces pa ni bde ba chen po'i rang bzhin no//thig les mnan pa'i sum cu gsum/ /zhes pa ni haM ngo / /bcu drug pa'i gnyis pa ni A'o/ /ldan pa ni haM dang Ar ldan pa'i hAM ngo / /yang na de nyid yi ge mchog /ces pa ni haM ngo / /khams gsum mun nag 'byed par byed/ /ces pa ni yon tan gyis so//hUM phaT de ni gnyis kar sbyar/ /zhes pa ni re re yang gnyis gnyis su sbyar ro/ /tha mar swA dang hAs ldan no/ /nye ba'i snying po'i sngags zhes bya/ /zhes pa ni de yan chad do/ /bcom ldan ye shes thig le'o/ /zhes pa ni bcom ldan 'das kho na'o zhes so//dang por rnam par snang mdzad ces pa ni/ dag pa'i dngos po oM mo/ /nyi shu rtsa dgu de rnams so/ /zhes pa wa'o/ /gsal byed pa yi brgyad pa'i yig /ces bya ba ni yi ge dza'o/ /nyi shu rtsa bdun pas ni zhes pa ni ra'o/ /dza dang ra dang ldan pas badzra'o/ / nyi shu rtsa lnga pa'i gzhan zhes pas ma'o/ /dbyangs kyi yi ge bdun ni r-i'o/ /ma dang ldan pas mr-i'o/ /bzhi pa las ni gsum pa'o/ /zhes pas ni da ston to/ /de dang nye ba rlung yin no/ /zhes pas ni rlung gi sa bon ya'o/ /dbyangs yig bcu gcig ni e ste ya'o/lnga pa yi ni lnga pa zhes pa ni ma'o/ /ha ni rtogs par sla'o/ /lnga pa yi ni gsum pa dang / /zhes pas ba bstan to/ /nyi shu rtsa brgyad de nas so/ /zhes pas la bstan no/ /lnga pa yi ni dang po dang / /zhes pas ni pa'o/ /nyi shu rtsa bdun de nas so/ /zhes pa ni ra ston no//dbyangs yig gnyis pas zhes pa ni A'o/ /ldan pas bya bas rA zhes bshad do/ /gsal byed kyi ni dang po zhes pa ni ka btu'o/ /sum cu rtsa gcig pa ni Sha'o/ /ldan pa ni de gnyis k+Sha ru ldan no/ /nyi shu rtsa lnga dag pa zhes pa ni ma'o/ /dbyangs yig gnyis pa zhes pa ni A'o//'di gnyis mA'i dngos po la ldan zhes bya'o/ /nyi shu drug gi yi ge mchog /ces pa ni ya'o/ /dbyangs kyi yi ge bcu gcig ces pa ni yi ge e ste/ ye ru ldan pa'i swA hA zhes pa la sogs pa ni go sla bas ma bshad do/ /dang po yi ge phra nan pa//zhes pas oM mtshon pa'o/ /'dab gnyis pa'i gsum phri zhes bstan pas so/ /ya'i sde tshan gnyis pa ni ra zhes smos so/ /nyi shu rtsa dgu de nas so/ /zhes pa ni wa ru bshad do/ /dbyangs kyi yi ge gsum pa yis/ /zhes pa ni gu gu ste wi zhes smos so//drug cu rtsa bzhi phyed dag pa/ /zhes pa ni sum cu gnyis so/ /des sa bstan to/ /ra'i yig 'bru ni ra'o/ /tha mar swA hA dang ldan pa ni kun gyi mthar sbyar ro/ /hUM hUM phaT ni spel ba yin/ /zhes pa ni bar du bzhugs pa'o/ /nye ba'i snying po'i sngags yin no//zhes pa ni bcom ldan mo phyag rgya chen po'i nye ba'i snying po'o/ /bcom ldan 'das ye shes thig le'i phreng ba'i sngags kyi bsnyen pa 'bum byas nas las la sbyar bar bya'o/ /bcom ldan mo'i yang las la sbyar ba la sogs pa snga ma bzhin no//'khor rnams kyi ni nam mkha' dri med dang / zla ba'i snying po ni oM d+hUM d+hUM hUM phaT/ shin tu rtsal chen dang / g.yon pa ma la sogs pa gzhan rnams kyang de ltar ro/ /de bzhin du dpa' mo rnams kyi yang yin no/ /skyes ma'i oM AH hUM phaT/ 'jigs ma'i oM AH hUM phaT/'od ma'i oM mi hUM phaT/ gzhan rnams kyang de kho na bzhin no/ /gzhan 'khor lo drug gi sngags dang dbyangs yig /gsal byed kyi yi ge dang / gtor ma'i sngags dang / khro bo'i sngags dang / sku rdo rje la sogs pa gsum dang / 'di rnams ni go sla bas ma bshad do//rang bzhin dga' ba'i sgron ma las le'u lnga pa'i dka' ba bkral ba'o// //sngags kyi rim pa bshad nas mchod sbyin gyi rim pa ston pa la ni/ de nas mchod sbyin rab bdag bshad/ ces bya'o/ /gnas la sogs pa'i rim pa sbyor/ /zhes pa ni gnas dang / nye bar gnas la sogs pa'i mchod sbyin dang por sbyor ro/ /bskyed pa'i bye brag thigs pa gsum/ /zhes pa ni bde ba chen po'i 'khor lo dang / longs spyod kyi 'khor lo dang / chos kyi 'khor lo dang gsum du rlag pa/ longs spyod pa/ dbang gi thigs pa gsum mo/ / rdzogs pa'i rim gsum de ltar ro/ /zhes pa ni dga' ba dang / mngon par dga' ba dang / chad pa'i dga' ba dang gsum mo/ /yang na yar rdzogs pa la rdzogs zhes bya'o/ /rnam shes la sogs bye brag tu/ /zhes pa ni bde ba chen po'i 'khor lo la sogs pa bzhi dang /dngos po la sogs pa'i bye brag go/ /mchod sbyin tshangs pa'i yul sa che/ /zhes pa ni 'khor lo bzhi'i sprul pa la thug pas so/ /rnam par shes pa zhes pa ni chos kyi 'khor lo ste gnas so/ /snang ba ni longs spyod kyi 'khor lo ste skye'o/ /nam mkha' zhes pa ni bde ba chen po'i 'khor lo'o//ye shes zhes pa ni dga' ba gsum po yang 'khor lo bzhin sbyar ro/ /sku brgyad kyi ni bye brag tu/ /zhes pa ni phyi nang la sogs pa'i rim pa dbye ba ni sku brgyad gnas kyis 'byed do/ /dngos po rten dang rnam par 'byed/ /ces pa ni dga' ba dang /mngon par dga' ba dang / sngar gyi chad pa'i dga' ba dang / 'khor lo la sogs pa'i dbye ba kun rang bzhin pas 'byed do/ /dper na chu dang rnyog ma bzhin no/ /ji bzhin 'dod pa sdud pa ni/ /zhes pa ni mchod sbyin thams cad ni sangs rgyas rin chen du sdud pa ste/ de yang phyi la sogs pa thams cad kyang ngo / /mchod sbyin rnal 'byor ma dkyil 'khor/ /zhes pa ni rnal 'byor ma 'dus pa'o/ /u rgyan la sogs gnas su ni/ /zhes bya ba ni u rgyan gnas dang / dzA lan+d+ha ra dang / pu li ra dang / kA ma ru la sogs pa'i gnas dang / nye ba'i gnas la sogs par ro//legs dgyes ma sogs lha mo rnams/ /zhes pa ni lha mo rnams kyang de ltar gnas pa bzhin du dbye bar bya'o/ /kA li ye shes yig mchog sbyin/ /zhes pa ni yi ge sum cu rtsa gnyis la sogs pas mchod do/ /phyi dang nang du bya ba'i thabs/ / zhes bya ba ni lus dang rtsa dang rim pa sngar bzhin no/ /mchod sbyin byas na sbyin pa che/ /zhes pa ni de rgyas na bde ba chen po thob bo/ /'bras bu bkra shis ldan pa skye/ /zhes pa ni yon tan gyis sangs rgyas pa'i 'bras bu la sogs pa'o/ /sems dang sems kyi bye brag ces pa ni sems bzang ba dang ngan pa la sogs pa'i bye brag gis ston pas thabs sna tshogs gsungs pa'o//kha cig rnams la 'dul ba'i thabs/ /zhes pa la sogs pas blo tshod dang sbyar ba'i chos kyi bye brag mang du gsungs so/ /tshe 'di la ni sangs rgyas so/ /zhes pa ni tshe 'di las tshe gzhan mi 'pho ba phung po lhag ma med pa'i bde ba chen po'i sku'o//dper na rgyal po chen po rnal 'byor gyi dbang phyug chen po dpal in+d+ra b+hU tI mgon po lta bu'o/ /yang na rdo rje 'dzin pa'o/ /zhes pa ni sangs rgyas pa'i rang bzhin no/ /yang na phung po spangs pa tsam//zhes pa ni ye shes kyi bag chags dang bcas nas gnas pa'o/ /bla na med pa'i ye shes sku ni sa bcu drug lta bu'o/ /brtson par mi ldan pa yis rnyed/ /ces pa ni bsam gtan g.yel bas kyang thob pa rnyed nas bsal ba la brtson 'grus rgyun ma chad na smos ci dgos te/ci bsams pa thams cad 'grub bo zhes so/ /de ltar ye shes kyi sku la sogs pa'i 'bras bu yang rnyed na gzhan gyi dngos grub lta smos su ci yod/ de lta bas na/ brtan pa'i brtson pas don thams cad/ /'bad min chen pos grub pa yin/ /zhes gsungs pa yin no//rang bzhin dga' ba'i sgron ma las le'u drug pa'i dka' ba bkral ba'o// //de nas bya ba ni mchod sbyin bshad nas bya ba'o/ /mchod pa'i cho ga ni zhes pa ni mchod ces pa'o/ /de yang yan lag thams cad dang ldan pa'i mchod pa la cho ga zhes so/ / sdig pa thams cad 'jig byed pa/ /zhes pa ni sdig pa dang nyon mongs pa la sogs pa kun 'di'i yon tan gyis med par byed do/ /yid 'phrog lha'i zhes pa ni lha thams cad yid 'jug pa'o/ /gang la 'jug ce na me tog ces smos te de la 'jug go/ /de'i phyir me tog gis zhes gsungs so//zla ba nyi ma'i 'od dang ldan/ /me dang sgron ma rmad du byung / /mchod sbyin dkyil 'khor la mchod bya/ /zhes pa ni ku mu ta dang pad+ma la sogs pa'i mchod pa sna tshogs pa dang / bdud rtsi lnga la sogs pa'i mchod pas sngar gyi dkyil 'khor la mchod do/ /mar ngo'i dang po yi ni dbang //bcu drug pa yi dang po yis/ /zhes pa la sogs pa ston te mar ngo'i tshes bcu drug go/ /dbang zhes pa ni rlag pa dang longs spyod pa dang dbang gsum ni mchod pa'i dus so/ /bcu drug pa ni dbyangs kyi yi ge bcu drug po 'di sngags re rer sbyar ba'o/ /kun gyi rim pa yang de bzhin no//yang na zla ba ni yab kyi byang chub kyi sems so/ /nyi ma ni yum gyi khrag go/ /de gnyis las rang bzhin bde ba'i 'od dang ldan no/ /me ni dri chu ste rang bzhin gyi don la sbyar ba'o/ /sgron ma ni sha chen te bde ba'i bdag nyid do/ /rmad du byung ni dri ste bde ba dang bral ba'i ngo bo'o//mchod sbyin dkyil 'khor la mchod bya/ /zhes pa ni ye shes kyi dkyil 'khor la ye shes kyi mchod pas mchod pa'o/ /mar ngo'i dang po'i zhes pa ni tshes bcu drug pa sngar bzhin no/ /dbang zhes pas mchod de de yang bde ba'i A lis mchod de de'i phyir/ byang chub sems byung mchod pa yis//zhes so/ /yar ngo mar ngo'i bye brag tu/ /zhes pa ni A li dang kA li ye shes kyi khyad par ro/ /shes rab thabs ni rab tu sbyor ni de gnyis dbyer med par sbyar ba las 'di lta bu'i 'khor lo 'byung ngo / /sku gsum ni bde ba chen po ru rlag pas chos kyi sku'o//longs spyod pa ni longs spyod rdzogs pa'i sku'o/ /snying gar dbang byas pas sprul pa'i sku'o/ /yang na re re la yang gsum gsum mo/ /ye shes ni sku gsum dbyer med pa'am/ dga' ba'i gnas la sogs par sku gnas pa la'o/ /de lta bu'i dngos po la dkyil 'khor zhes bya'o//tshes dang yi ge sngags kyis su/ /zhes pa ni chos zhes pa ni ye shes kyi rim pa dang yi ge'i ngo bo thig le dang sngags kyi ngo bo thabs dang shes rab byang chub kyi sems kyi thig le de bsrung ba'i phyir sngags zhes bya'o/ /ri bong can ni 'phel bar 'gyur/ / zhes pa ni ye shes rgyas par mdzad do/ /thig le dang mkha' 'gog pa yis/ /rang bzhin de ni 'byung bar 'gyur/ /zhes pa la sogs pa smos so/ /byang chub kyi sems kyi ngo bo thig le la gnas pa de ye shes rlung 'gag pa dang hUM phaT bkod la spro bsdus rang bzhin dga' bar 'byung ngo //de ltar ma yin na de bzhin gshegs pa rnams kyis kyang ma rnyed do/ /bla ma'i zhal la ltos nas 'od rab 'thob bo/ /de thob na de bzhin gshegs pa thams cad la sogs pa'i bdag nyid yin no/ /rang bzhin dga' ba'i sgron ma las le'u bdun pa'i dka' ba bkral ba'o// //'di na mar ni sbyin sreg gi cho ga ston pa la ni/ de nas yang ni bshad bya ba/ /zhes pas bshad par dam bca' ba'o/ /sbyin sreg sdig ni 'jig byed pa/ /zhes pa ni 'dis sdig pa thams cad sreg pa ni las dang nyon mongs pas bskyed pa'i phung po lnga dang /skye mched dang / khams la sogs pa'i rtog pa dang / mtshan ma'i dngos po'i sdig pa 'jig par byed pa'o/ /de yang zhi ba dang zhes pa la sogs pa gsungs te/ rgyas pa dang dbang dang drag po'i rim pa ni las kyi sgo nas ming dang rim pas dbye'o//zhi ba'i hom khung zhes pa nas/ /gru gsum mo zhes pa'i bar gyis dbyibs bstan to/ /dkar po zhes pa nas rim pas so zhes pa'i bar gyis kha dog bstan to/ /rgya mtsho zhes pa nas tshad yin no zhes pa'i bar gyis me lha'i brda'i sgo nas tshad du bshad do/ / gzhan ma bya ba nas gzhan ma grub bya ba'i tshig gnyis kyis dgug pa la sogs pa yang snga mas 'grub par bstan to/ /hom khung re rer snying gar pad/ /rigs kyi las kyi go rims so/ /zhes pa ni zhi ba la sogs pa'i las kyi dbye bas pad+ma'i kha dog phye la rang rang gi rigs gzhag go//de ste sna tshogs rdo rje ste/ /zhes pa la sogs pa ni phyag mtshan dang sna tshogs rdo rje hUM gi 'od 'phro ba dang rlung dang nyi ma dang de nyid gsum gyi sa bon dang bcas pa las dam tshig sems dpa' bsgom pa dang / ye shes kyi me lha spyan drangs la mchod yon la sogs pa dbul ba dang gnyis su med par bstim pa dang /de la mchod pa la sogs pa rdzas thams cad dbul ba rdzogs par bya'o/ /phyi nang la sogs pa'i dbye ba dang / gnas kyi rim pa bstan pa dang / dgang gzar la sogs pa'i mtshan nyid ni skabs dang sbyar la shes par bya'o/ / sgrub pa'i dbang po yon tan ldan/ /sngags dang rgyud kyi thos pa che/ /sngags kyi bzlas la gcig tu mos/ /yid mi 'phrogs pa gsal ba'o/ /zhes bya ba'i rnal 'byor pa dbang gi rim pa dang / dam tshig la gnas pa/ skyon gyis ma gos pa/ shes rab dang / snying rje che ba/rgyud thams cad kyi thos pa'i don la brtson pa/ bsam gtan dang / bzlas pa la brtson pa 'di lta bu'i sgrub pa po gzhan gyi bsam pa la mi 'phrogs pa zhes bya ba ste/ che ba'i yon tan gyis brgyan pa la/ 'di ni rnal 'byor shes rab can/ /zhes gsungs so/ / gang zag 'di'i don rin po che lta bur yang bstan te/ thig le'i tshul ni ye shes che/ /bye brag shes pa rin chen rigs/ /zhes gsungs so/ /de yang thig le la sogs pa'i dbye bas dga' ba la sogs pa'i ye shes kyi khyad par shes pa'i bdag nyid ni rin po che'i rigs so/ / rigs lnga'i zhes pa ni rnam par snang mdzad la sogs pa'i de bzhin gshegs pa'i rigs so/ /gzhon nu ma ni lnga zhes pas ni lo brgyad gnyis grangs lnga ste/ shes rab ma mtshan ldan zhes pa'o/ /yid dga' khu ba yis ni tshim/ /spyan rings ma dang dag pa ma/ /zhes pa la sogs pa gsungs so//shes rab ma de yang byang chub kyi sems kyi ros bde ba/ mig 'khyug la ring ba/ rtog pa chung ba/ nu ma 'bur ba/ sra ba/ 'jam pa dang ldan pa/ yan lag la sogs pa mdzes pa'o/ /de rigs kyi yum du byin gyis brlabs pa las bsgrub pa'i don du gzhug par bya'o//sbyin sreg la gzhan bcug pas chog mod ce na/ mi btub par gsungs te/ sbyin sreg las su don bsgrub phyir/ /rigs lnga mo ni gzhug par bya/ /zhes gsungs so/ /'o na rigs lnga mo dngos kho na gzhug gam zhe na ma yin te/ rigs kyi mtshan nyid sogs pa dang ldan pa'o//de yang 'di skad du 'byung ste/ sring mo dang ni mna' ma dang / /bu mo chung ma sgyug mo rnams/ /rigs lnga'i yum du bshad pa yang / /ji bzhin ma yin bdag gis phye/ /zhes gsungs so/ /shes rab thabs kyi cho ga yis/ / bla ma nyid kyis dang por mchod/ /ces pa ni bla ma dang lhan cig bsrub pa dang srub thabs kyi sbyor bas dga' ba'i rim pas mchod pa dang / sangs rgyas rin po che'i dgyes pa'i mchod pa ni hUM gi blugs gzar gyis bdun blugs pas/ dgang gzar gyis gcig mchod pa ni dang po bla mas so//brtags pa dang ni ma brtags pa'i/ /'dzin pa 'dir ni mi bgyid do/ /zhes bya ba ni sbyin sreg gi mchod pa 'di yang dag pa'i mchod pa la ngo bo dang bral ba ste/ gnas dang dgang gzar dang blugs gzar la sogs pa kun mi 'dzin zhes rgya cher sbyar ro/ /rang sems 'byung pos zos pa kun//sna tshogs thabs ni bdag gis bstan/ /zhes pa ni byang chub sems mi gnas par 'byung zhing rtog pa dang / mtshan ma la rgyu ba'i thabs kyi bye brag gis gzung bar gsungs so/ /don dam du ni phyi don mi/ /nang gi ma yin phyi ma yin//zhes gsungs te don dam pa de kho na nyid kyi sbyin sreg ni phyi yang ma yin/ nang gi zas la sogs pa yang ma yin te/ de bas na don dam du gsang ba'i sbyin sreg kyang ma yin pa 'di ni rang bzhin dga' ba'i bdag nyid do/ /rdul med rnam par rdul med dag /ces pa ni rtog pa la sogs pa'i rdul dang bral ba'i rnam pa'i bag chags kyi rdul thams cad med par byas nas rang bzhin gyi gnas su dag pa'o//stong ba nyid ni stong min bral/ /zhes pa ni rdzogs pa'i don gyis spros pa thabs dang bral ba ste/ de yang rang bzhin gyis sbyin sreg 'di ni gzugs kyang ma yin/tshor ba la sogs pa ma yin/ dbang po yang ma yin/ khams kyang ma yin/ skye mched kyang ma yin/ khams rnams kyang ma yin/ shin tu stong pa yang ma yin/ stong pa chen po yang ma yin/ mi stong pa yang ma yin/ brjod du med pa lkog tu gyur pa rang rig pa'i dngos dang bral ba ste/rang rig pa las gzhan du 'da' ba ma yin pa 'di ni de kho na nyid kyi sbyin sreg ces bshad do/ /de'i phyir/ phung po khams ni rnam par rtog /lha yi dbang phyug gang zhig bsreg /de ni me yi don dam par/ /zhes pa la sogs pa gsungs so//phung po dang khams dang skye mched la sogs pa ni rnam par rtog pa'i dngos ma yin te sngar bstan pa bzhin no/ /rta dang glang po la sogs pa ni slob dpon la sogs pa'i yon gnas la yon gyi rim pa phul bas bsod nams kyi tshogs kyis don 'grub par bstan to//rang bzhin dga' ba'i sgron ma las le'u brgyad pa'i dka' ba bkral ba'o// //de nas yang ni bshad bya ba/ /zhes pa ni/ bar ma chad par gzhan bsnan te bshad/ /ces pa'o/ /tshogs kyi 'khor lo gtor ma che/ /zhes pa la sogs pa bshad do/ / tshogs kyi dkyil 'khor zhes pa ni/ /tshogs kyang yin te thams cad tshogs pas so/ /'khor yang yin te lha dang lha mo dang bdud rtsi la sogs pas 'khor zhing khyab pa'o/ /gtor ma chen po yin te phyi nang gi dbye bas ni gtor ma bya'o/ /de yang tshogs ni bzhir dbye ste/ phyir bstan pa ni dngos su bla ma la sogs pa'i dkyil 'khor bdud rtsi lnga la sogs pa'i zhal zas la sogs pa'i rim pa'o//nang du ni rtsa rnams kyi rim pa la mkha' 'gro la sogs pa'i dkyil 'khor dang / bdud rtsi lnga la sogs pa yang de bzhin no/ /gsang bar ni ye shes kyi tshogs bza' ba'i bdud rtsi dang srung ba'i bdud rtsi'i tshogs te/de yang rgyu'i rim pas 'bras bu bza' ba dang / bsrung ba 'grub pa de bzhin gshegs pa la sogs pa'i rang bzhin mchod pa'o/ /de kho na nyid ni bza' ba'i tshogs dang / bsrung ba gnyis ni bza' ba'i bdud rtsi byang chub kyi sems kyi rtog pa dang bral ba'am/de bral ba'i dbang gis shes rab kyis srung rgyu med pa 'di ni rig pa dang bral ba'i dngos po gnyis su med pa'i tshogs spros pa thams cad dang rang bzhin gyis bral ba ste/ phyi dang nang dang gsang ba dang / /de kho na nyid 'dus pa'o//de ni bde ba'i tshogs te ye shes kyi rang bzhin gyi tshogs so/ /tshogs kyi dbye ba byas nas/ khyim ni sum thog gi gnas zhes bya ba ni bdag nyid nyams dga' ba la sogs pa'i rgyal po dang / mu stegs dang chom rkun la sogs pa skyon spangs pa btsal lo/ / chom rkun kun dang ldan pa yi/ /phyi rol yul min nang gi min/ /zhes gsungs so/ /slob dpon 'dus pas brgyan pa dang / zhes pa ni phyag rgya drug la sogs pa'i rus pa'i rgyan dang ldan pas gnas pa'o/ /rdo rje mda' ni rnam par gzugs/ /zhes pas mnga' byin gyis brlabs pa bzhi gzugs so//rdo rje skul sogs pas bskor/ /zhes pa ni/ tshon sna lnga'i skud pas bskor dang / tshogs dgram pa bya ba dang / kun sngags dang / ting nge 'dzin dang ldan pa la rdo rje'i sgra ru bshad do/ /de lta bu yi khang mchog ni/ /zhes pa ni go sla'o/ / me tog la sogs dkyil 'khor bya/ /zhes pa ni rdul tshon gyi dkyil 'khor ram me tog gi'am yang na ting nge 'dzin gyi rim pas bya'o/ /sna tshogs dang ni thams cad rdzogs/ /zhes pa ni dkyil 'khor gang la yang rgyal dang / mchod pa dang / sgo dang / rdo rje ra ba yan lag rdzogs par bya'o//si la ga bur gyis ni mdzes/ /zhes bya ba ni phyi'i me tog la sogs bya ba nas rgya cher sbyar te dkyil 'khor gyi mchod pa'o/ /des ni phyi dang nang la sogs pa'i dbye ba'o/ /de ru mchod sbyin don du ni/ /zhes pas ni tshogs kyi dkyil 'khor du dgod pa la bya'o//byol song gi ni rab gzugs blang / /zhes pa ni gti mug byol song gi ngo bo dang bral ba'i ro blang bar bya'o/ /skye ba gcig pa zhes pa la sogs pa ni bar ma chad par skyes pa ni tshod la bab pa'i ro blang zhes so/ /nad kun med pa bde grub pa/ /zhes pa ni nad dang mi bde ba dang bral ba'i dngos grub grub pa'i rgyur 'gyur ba de'o//dri zhim rdul ni 'byung ba can/ /zhes pa ni dri la sogs pa'i yon tan gyis gang ba/ yang dag pa'i bdud rtsi rgyu ste bde ba'i ngo bo'o/ /gang zhig mig ni yun rings 'dzums/ /zhes bya ba ni bdud rtsi ye shes kyi rang bzhin bya ba'i don du mkhas pas blangs zhes gsungs so//sna tshogs pa yi mchod sbyin gyis/ /zhes pa ni tshogs la mchod pa mang po'i tshogs pas so/ /gri gug rung bas brtag par bya/ /zhes pa ni shes rab kyi rang bzhin shin tu rno ba'i gri gug gis bcad pa'i las bya'o/ / yan lag rab kyi pad+mo'i snod/ /btung ba'i don du bla ma'i mdun/ /zhes pa ni rkang pa dang / lag pa la sogs pa'i rab ni mgo bo'i pad+ma'i snod do/ /de la ni ka pA la byas la lha'i chang yang dag pas bkang ba las yang dag pa'i tshogs su 'gyur ro zhes gsungs so/ / yang na ka pA la ni tshogs kyi rtsa ba yin no/ /phyed ni 'khor la brim pa ste/ /phyed ni gtor mar dbul bar bya/ /zhes pa ni phyed mar sha dang chang la sogs pa bgo ba'o/ /gzhan yang de ltar sbyar ro/ /khrag chen ni mi yi khrag go/ /sha chen ni sha chen te mi'i sha'o/ / ji snyed pa ni brtag pa yin/ /zhes pa ni tshogs chang bshams la mchod pa'i rdzas gzhan ni sna tshogs mchod pa bye brag ces pa ni zas kyi rnam pa mi 'dra bas kyang mchod pa'i bye brag go/ /nya dang sha la sogs par ldan/ /zhes pa ni 'di rnams thams cad tshogs pa la ldan zhes bya'o//mi 'tshe ba ni gzhan la gnod pa ma byas pa'o/ /skyon kun bral zhes pa la sogs pa ni go bar zad do/ /de ru dam tshig dag pa ni/ /zhes pa la sogs pa bza' ba'i dam tshig dang srung ba'i dam tshig la sogs pa sngar bshad pa'o/ /'khor lo dang bcas rigs rab tshim/ / zhes pa ni 'khor lo la sogs pa'i tshogs dang / bla mar bcas pas mchod pas tshim par byas la phyed gtor ma'i nang du dbul lo/ /nam phyed lam gyi bzhi mdor ro/ /yang na sum mdo gyes pa ru/ /zhes pa ni mkha' 'gro ma'i rgyu srang bzhi mdor gtor ma chen po gtang ba'am//sum mdo ru gtang ba'o/ /dur khrod kyi ni chu ngos sam/ /zhes pas ni gnas bstan te/ rgya chen por sbyar ro/ /lhag ma ma yin yang na phud/ /ces pa ni tshogs kyi lhag ma la sogs pas yi dags rnams tshim par bya ba'i phyir chus bsres la bya'o/ /gzhan ma kun ni so sor gzhag /ces bya ba ni phyogs skyong bcu la gtor ma bcu so sor gzhag go/ /rtsa ba ci bzhin rim pas gzhag /ces bya ba ni rtsa ba'i gtor ma chen po mdun la gzhag /phyi ma yang rim pa bzhin du gzhag go/ /rang gnas phyin pa tsam gyis ni/ /zhes pa ni dur khrod chen po'i gnas sam/yang na chu ngogs chen por phyin pa tsam ni man ngag go/ /'khor lo la ni snod gcig brtag /ces bya ba ni 'khor gyi tshogs thams cad ni gcig tu btud par brtag go/ /slob dpon la ni dum bu gcig /'bad pa yis ni bsrung bar bya/ /rang gi tshogs la'ang mi sbyin bya//rang dbang bskur ba'ang de bzhin no/ /zhes pa ni bla ma ka pA la gling gcig pa'i 'dzag bug med pa der bdud rtsis bkang la bor mi gzhug par bsrung ngo / /de yang rang gi dam tshig gis bsdus pa'i yum la sogs pa dang yang mi bsre bar gzung ngo //rang gi dbang la sogs pa'i rim pa byas pa dang yang bsre ba ma yin no/ /gzhan dag na re de ni rang gi rang la dbang ba zhes bya ba yin no zhes zer ro/ /de ni dgongs pas bshad pa'o/ /de'i dus su gal te/ der ni tshogs kyi 'khor lo chen po'i dus su rnal 'byor ma 'ongs pa srid pas bya ba'i don to//'ongs na la sogs pa go sla'o/ /ha har dgod pa de yi tshe/ /zhes pa ni ngag gi brda brjod pa'i mkha' 'gro ma la khams gsum rnam par rgyal ba'i phyag rgya sbyin zhes pa ni/ mthe'u chung gnyis lu gu rgyud du sbrel ba'i rnam pa gung mo dang srin lag mthe bong gis mnan la mdzub mo gnyis lcags kyu'i tshul du rnal 'byor pas byas la/de'i dus su ha ha ha ha zhes khams gsum du thos pa'i sgra bya'o/ /chung zad la sogs pa'i ngag gis gsang ba dang lus kyi gsang ba de bzhin du gsang ba la sogs pa ni go sla'o/ /rang bzhin dga' ba'i sgron ma las le'u dgu pa'i dka' ba bkral ba'o// //bcom ldan ye shes rgyal dbang po/ /dkyil 'khor mdo 'di bstan pa gsungs/ /'di ru nges bstan ji ltar lags/ /mnga' bdag chen po nyid bka' stsol/ /zhes bya ba ni lha'i dbang phyug gis bcom ldan 'das ye shes thig le la bos nas dkyil 'khor gyi don nges pa kho nar zhus pa ni zhes dang gus pa'i tshul gyis dris pa'i don to//bcom ldan 'das kyis bka' stsal pa zhes bya ba ni 'khor rnams dang bcas pa la gsungs pa ste/ 'dis thams cad go bar 'gyur ba'o//dkyil 'khor gyi ni nges bstan pa/ /ji bzhin de ni dpa' bo nyon/ /zhes pa ni sngar zhus pa'i dkyil 'khor gyi don nges par bstan gyis bstan pa de ma nor bar sems la yang dag par zung shig /shes par dpa' bos gyis shig pa'o/ /sngar gsungs pa yi rgyud don las//zhes pa ni gong du gsungs pa'i don 'di ru bsdus nas bstan par bya'o/ /A li kA li bde ba che/ /zhes pa ni bde ba'i byang chub kyi sems thig le'i ngo bo zla ba dang nyi ma'o/ /maM hUM gnyis las thig tshul grangs/ /zhes bya ba ni maM las tshul gyi dngos po hUM las thig le de gnyis las phyag mtshan gnyis su gyur pa ni/de gnyis las gri gug dang zhes gsungs te/ phyag mtshan gnyis kyang sa bon dang ldan pa'o/ /sa bon gnyis las 'od phyogs thams cad du spro ba dang / bsdu ba byas pa las bcom ldan 'das ye shes thig le yab yum bzhengs pa ni/ye shes me long las ye shes/ /snying po bdag nyid zhu las byung / /zhes so/ /sar pa sprin dang mnyam pa'i mdog /ces pa ni/ sku mdog sprin bzhin gnag par gnas/ /zhes so/ /phyag ni brgyad gnyis pa yis brgyan/ /zhes bya ba ni brgyad gnyis las bcu drug ste/g.yas pa brgyad dang g.yon pa brgyad do/ /bcu drug phyed kyi zhal 'jigs pa/ /zhes pa ni zhal brgyad mnga' ba'o/ /zhabs bzhi yis ni rab tu mdzes/ /zhes pa ni zhabs bzhis brgyan pa la ni mdzes zhes pa'o/ /nyi shu rtsa bzhi'i spyan gyis phyug /ces bya ba ni yon tan de lta bu dang ldan no//gti mug gsum gyi mun nag 'joms/ /zhes bya ba ni nyon mongs pa gsum bsal ba'i bdag nyid ye shes dang stobs gsum mo/ /dkar po zhes pa la sogs pa la dbus su gnag pa dang g.yas ser po g.yon dkar po lhag ma dmar po'o/ / gzhan ni sngon po'o/ /steng gi shin tu 'jigs pa bong bu'i zhal bung ba'i mdog go/ /g.yon brkyang g.yas brkyang zhabs ni zhes pa la zhabs bzhi brkyang zhes bya ste/ dor stabs su bzhugs nas g.yas brkyang bas 'jigs byed mnan pa/ g.yon gyis nyi zla brdzis pa'o/ / de'i phyir 'jigs byed nyi zla gnon zhes bya'o/ /'jigs byed ma ldan ka pA la/ /khrag gis bkang ba phyag na bsnams/ /zhi ba'i pags pa na bza' mchog /phyag gnyis de ni gyen du brkyang / /zhes pa ni ma hA de ba'i pags pa rlon pa bshus ma thag phyag gnyis kyis gyen la dpyangs pa'i phyag dang gzhan lhag ma rnams kyis 'jigs byed ma'i khrag kha la sogs pa nas 'dzag pas ka pA la bkang bas bdag nyid btung ba'i rol pa mdzad pa'o//tshangs pa'i pags pa rked sham thabs/ /zhes pa go sla'o/ /phyag rgya drug gis sku la bcings/ / zhes bya ba ni 'khor lo la sogs pa drug ste/ dngos su rigs drug go/ /phyag rgya che dang gnyis med sbyor/ /zhes pa ni yum gyi mtshan yin te/ yab yum gnyis su dbyer mi phyed par sbyor ba'i tshul du bzhugs pa'o/ /gar dang ldan pa'i tshangs spyod bzhugs/ / zhes bya ba ni gar mkhan nas sprul pa'i bdag nyid du bzhugs pa'o/ /tshangs pa'i yul sa bye ba khang / /tshangs pa'i yul sa zhal gyis brgyan/ /zhes bya ba ni sha chen la sogs pa gsol ba dang mi mgo la sogs pa'i rgyan gyis brgyan pa'o/ /phyag rgya chen po nam mkha' sngo/ /zhes pa ni bcom ldan mo'i sku mdog sngo ba'o//tshangs pa'i phyag gnyis na bza' grol/ /zhes pa ni gcer bu gos mi mnga' ba zhal gcig phyag gnyis pa'o/ /gri gug snod bsnams zhi ba'i zhal/ /zhes pa ni phyag g.yas gri gug g.yon pa pad+ma'i snod bsnams pa dgyes pa'i tshul du mdzad pa'o//spyan gsum pa dang skra grol ba/ /mgrin par 'khyud pa gsang ba mchog /ces pa ni spyan gsum pa/ skra kham pa gyen du g.yengs pa/ yab kyi mgrin par yum 'khyud nas gnas pa/ yum la yang yab kyis 'khyud pa'o/ /de yang 'di skad ston te/ hUM las sna tshogs rdo rje yi//ra ba gur du bsam par bya/ /de dbus b+hUM las rtsibs bcu ser/ /phyogs skyong bcu dang khro bor bcas/ /gshin rje mdog gnag shar du bsam/ /zhal gsum phyag drug spyan gsum pa/ /rdo rje ral gri rtse gsum g.yas/ /pad+ma tho ba dbyug pa g.yon//dang po'i phyag gnyis rang 'od 'khyud/ /zhal g.yas ser la g.yon pa dmar/ /hUM las 'phro ba bsgom par bya'o/ /shes rab mthar phyin lho yi rtsibs/ /dkar po dmar po sngon po'i zhal/ /dbyug pa ral gri g.yas pas bsnams/ /mtshon rtse mgo bo g.yon du'o//pad+ma mthar phyin nub kyi rtsibs/ /dmar po dkar po sngon po'i zhal/ /ral gri 'khor lo phyag g.yas su/ /zla phyed dang ni ri rab g.yon/ /bdud rtsi 'khyil pa byang gi rtsibs/ /sngon po'i dkar po dmar po'i zhal/ /g.yas na ral gri rdor rgya gram/ /mdung thung dung gnyis g.yon na bsnams//'dod rgyal sngon po dkar dmar zhal/ /ral gri rin chen sta re mdung / /dbyug sngon ser po ljang dmar zhal/ /rtse gsum ral gri gsal shing me'o/ /stobs chen dung mdog ser dang dmar/ /ral gri dud zhags rta rnga yab/ /mi g.yo dkar nag dmar po sngo//ral gri lcags kyu pi wang bye'u/ /drang srong la sogs mtshams su'o/ /gtsug tor 'khor sgyur ser sngo dkar/ /'khor lo ral gri ka pA la/ /kha T+wAM ga bzhi phyag rnams na/ /bsnams pa shar mtshams rtsibs la'o/ /sum rgyal sngon po zhal gsum pa//sngon po nyi ma'i 'od 'dra'i zhal/ /ral gri lcags kyu gri gug dang / /thod pa bsnams pa nub mtshams so/ /kun kyang zhal gsum phyag drug ste/ /dang po gnyis ni yum la 'khyud/ /g.yas brkyang pa la bzhin yang 'jigs/ /gsus rlo ljags 'dril mche ba gtsigs/ / sprul gyi rgyan gyis thams cad brgyan/ /ag tshom dang ni smin ma mnyam/ /dbu skra ser ba gyen 'greng ba'i/ /khro bo bcu ni bsgom par bya/ /kun kyang 'jig rten skyong ba ste/ /gar dgu dang ni ldan pa'o/ /oM dzrim+b+ha dzrim+b+hA hUM phaT/ oM gu gu ro hUM phaT/ oM d+ha ra d+ha ra hUM phaT/ oM bi d+ha ra bi d+ha ra hUM phaT/ oM ta g+he Ta ta g+he Ta hUM phaT/ oM swa ling+ga hUM phaT/ oM a Ta ha sa hUM phaT/ oM a D+ha a D+ha ha sa hUM phaT/ oM lu hu lu hu hUM phaT/ oM bi kra ma bi kra ma hUM phaT/ zhes pa sngags kyis bsrung ba'o/ /de yi lte ba'i dbus su ni/ /d+harma ta ya kun+da mtshungs/ /e las byung ba bsam par bya'o//rlung la sogs pa'i 'khor lo bzhi/ /maM raM baM laM las byung ba'o/ /b+h+rUM las 'khor lo'i steng du bdag /rnam par snang mdzad ngo bor gnas/ /dkyil 'khor dang bcas yongs gyur pa/ /gzhal yas khang pa rim gnyis so/ /gru bzhi pa la sgo sogs ldan//shing dang dur khrod rnams kyis bskor/ /mi bzad mi sdug ce spyang sogs/ /'jigs su rung yang sha za'i kha/ /ha har dgod dang nag po'i me/ /'jigs byed brgyad pos rnam par brgyan/ /dpal gyi me tog mig rdzi shing / /nA ga ge sar wa dang ngang //pa la dang ni sha ra dang / khar ba shing dang sha mi brgyad/ /byi la bya rgod nyi ma 'jigs/ /stag dang glang chen ce spyang dang / /khyi dang rta la sogs pa brgyad/ /dur khrod shing la dbang byed pa'o/ /yang na khwa la sogs pa brgyad/ /rigs pas dur khrod du bshad pa'o//'dod ma la sogs rtsa brgyad ni/ /'bras bu me tog yod pas shing / /shing la dbang byed dpa' bo rnams/ /rang rang ngo bor gnas pa'o/ /de lta'i rgyan gyis brgyan pa'o/ /dbus na 'dab brgyad kha dog dmar/ /zla ba kha dog nyi ma mdzes pa'i gdan/ /dbyangs yig dpe byad las byung ba'i//zla ba nyi ma gnyis su gsal/ /dbus su sa bon gnyis gyur pa/ /pad snod gri gug maM hUM ldan/ /thams cad 'di ru gcig pa la/ /bcom ldan ye shes thig le bzhengs/ /sku mdog gnag la khros pa'i zhal/ /zhal brgyad dang ni spyan gsum pa//dbus ma gnag la sku dang 'dra/ /ser po dmar po ljang gu'i mdog /g.yon nas bskor ba'i rim pa'o/ /gzhan ni ut+pal sngon po mtshungs/ /rdo rje dril bu rde'u chung dang / /ka pA la dang khwa T+wAM ga /ral gri dang ni mda' gzhu rnams/ /phyag ni bzhi gnyis na ni bsnams//sna tshogs rdo rjes spyi bor mtshan/ /zla phyed dbu la brgyan pa la/ /mi bskyod pa yi cod pan can/ /mgo bo rlon pas do shal byas/ /gshin rje'i pags pa'i sham thabs la/ /thod pa'i dum bu'i ska rags bcings/ /sku ni phyag rgya drug gis brgyan/ /bzhengs te gar dgu'i sgra chen sgrogs//zhabs kyis 'jig rten mnan nas rol/ /phyag rgya che dang gnyis med sbyor/ /bde ba chags chen rang bzhin las/ /'phros pa'i lha mo rnams kyis mchod/ /kye rab sku mchog gi ngo bo yi mtshan nyid/ /gang na bzhugs pa mya ngan 'das mtshan nyid//de kho na nyid dang bral ba'i stong de chad/ /gnyis med pa yi bde bas mi tshor ram ci/ /mtsho skyes ma dang gsung rdo rjer sbyor yongs su gzigs/ /gang zhig dngos po dngos med de ni spyod/ /glu yis mchod cing bskul ba las/ /rang bzhin las ni maM hUM ngo / / gri gug pad snod de las byung / /lte ba'i nang du sa bon gnas/ /snying po zhu las bcom ldan 'das/ /'jigs byed zla nyi steng na bzhengs/ /dpa' bo dpa' mo rnams kyis bskor/ /zhal brgyad phyag ni bcu drug ste/ /zhabs bzhi g.yas brkyang g.yon kyang brkyang //spyan gsum pa ni sku mdog gnag /zhal gsum dkar dang dmar dang ser/ /gzhan rnams zhal ni bung ba mtshungs/ /steng ma 'jigs pa bong bu'i byad/ /khyod sku mche ba 'jigs pa gtsigs/ /sku la bskal ba'i me ri 'bar/ /bzhengs nas dregs pa 'joms par mdzad//thod rlon rgyu mas brgyus pas brgyan/ /skra ser smin ma gyen du 'greng / /zhi ba'i pags pa rlon pa ni/ /phyag gnyis kyis ni gyen du dpyangs/ /lhag ma'i phyag rnams 'jigs byed ma'i/ /kha nas khrag 'dzag ka pA lar/ /btung bza'i phyir ni phyag na bsnams//phyag rgya drug gis sku la brgyan/ /tshangs pa'i pags pas sham thabs byas/ /skye rags bcings shing gar du sgrogs/ /ha ha bzhad pa khro bo'i 'jigs/ /phyag rgya che dang mnyam sbyor zhing / /zhal gcig phyag gnyis sku mdog sngo/ /spyan gsum skra grol gnyis ka 'khyud//rus pa'i rgyan dang thod pas brgyan/ /mi bskyod cod pan yab dang mnyam/ /gcer bu kham du thams cad gsol/ /phyag gnyis gri gug snod 'dzin pa/ /rgyan rnams yab dang mtshungs pa'o/ /sna tshogs pad+ma'i shar phyogs su/ /dpa' bo la sogs bzhugs pa rnams//shar du u rgyan gnas su ni/ /nam mkha' dri med bsam par bya/ /dzA lan+d+ha ra byang du ste/ /shin tu rtsal chen bsgom pa'o/ /pu li ra ma nub tu ste/ /lha yi dbang phyug bsam pa'o/ /kA ma rU pa lho yi phyogs/ /gsang ba'i bdag po de ltar ro//ma la pa ru 'od brag ste/ /sin+d+hu'i yul du nyi 'gro'o/ /na ga ru ni mchog dga' ste/ /sing gar thams cad byed pa'o/ /gnas dang nye gnas bya ba'o/ /ma rur ut+pal snying po ste/ /de bI ko TIr zhing chen bdag /kau lu ta ru nag po 'dul/ / rmad 'byung dpa' bo arbu dar/ /zhing dang nye zhing zhes 'dir bshad/ /ha li ka lir grags chen te/ /ku ta par ni dregs 'joms so/ /ri rab rta ni lam pa ka / kAny+tsi kar ni nam mkha'i zhal/ /tshan do dang ni nye tshan do/ /shar dang byang la sogs pa ru//dpa' mo rnams ni sngon dang mtshungs/ /las kyi yul du zla ma ste/ /g.yon pa ma ni gser gling du/ /nyi ma ma ni ku lu tar/ /rlung za ma ni tsin+da ro/ /'dus pa dang ni nye ba'i 'dus/ /yi dags 'dus par bsil sbyin ma/ /snying po'i 'dab ma'i chu yi ngos/ / bag yod thor cog tsa ri tar/ /nyi 'dul gzhon nu'i grong khyer du/ /de ni dur khrod nye dur khrod/ /zhi tshor pho nya ka smi rar/ /ljang brtson ma ni ke ta rar/ /ne pa ler ni 'od bdun ma/ /tshangs pa'i ma ni ka ru dzar/ /byi la nye ba'i byi la'o/ /'chi med grong khyer khyab 'jug ma//thog kha ma ni mi yi yul/ /thams cad skyed byed sa 'og tu/ /dpa' bo'i yul ni ri rab rtser/ /de ni sbyor dang nye ba'i sbyor/ /dpa' bo rnams dang lhan cig sbyor/ /sku mdog bzhugs thabs yab dang 'dra/ /nag po dkar po dmar po sngo/ /ljang gu pad sngon zla dkar dang //dmar chen ut+pal sngon po mtshungs/ /gser zhogs mig sman du ba'i mdog /sprin mdog gser 'od dmar nag dang / /ser po la sogs rim pa bzhin/ /zhal bzhi phyag bzhi dpa' bo kun/ /kha T+rAM ga dang ka pA la/ /rtsa bar bsnams nas shes rab 'khyud//dril bu rnge'u chung 'og gnyis bsnams/ /'jigs byed zla nyi zhabs kyis mnan/ /rgyal po'i bzhugs thabs bzhin du bzhugs/ /phyag rgya rnam pa lnga yis brgyan/ /sna tshogs pa yis rnam par brgyan/ /zhal gcig phyag gnyis dpa' bo rnams/ / thams cad pad snod gri gug thogs/ /rgyan dang cha lugs yab dang mthun/ /rim gnyis sna tshogs 'dab rgyas la/ /shar du skam ma sprin mdog ste/ /byang du 'jigs ma gser gyi mdog /nub tu rgyun 'od kha dog dmar/ /lho ru mchu 'phyangs ma ni ljang / / me mtshams ri rab so ma zla/ /gnod sbyin mtshams su bde ma ser/ /rlung mtshams dmigs stong shel gyi mdog /byang mtshams stag ma bair+ya mtshungs/ /nub mtshams gtum mo rin chen mdog /lho mtshams 'dod gzugs sna tshogs mdog /lus 'phags po dang sgra mi snyan//ba lang spyod dang 'dzam bu'i gling / /lam dang nye ba'i lam yin te/ /rnal 'byor ma rnams gnas pa'o/ /zhal ni nyi mig ut+pal mdog /dbang ldan mtshams su me zhal ser/ /'od ma ser mo shar gyi sgor/ /lce rings dkar mo byang gi sgor//chos dkar zla mdog nub kyi sgor/ /bden ma ljang gu lho yi sgor/ /shar mtshams phyag bzhi sna tshogs gzugs/ /skra dang na bza' grol ba yis/ /spyan gsum pa la rus pa'i rgyan/ /phyag rgya lnga yis shin tu mdzes/ /ral gri dang ni ka pA la/ /khrag gis bkang ba phyag na bsnams//gzhan na kha T+wAM rnge'u chung ngo / /ro steng g.yon brkyang rnal 'byor ma/ /de lta bur ni thams cad gnas/ /rang 'od thabs dang ldan pa'o/ /spyi bo dang ni spyi gtsug dang / /mtshog ma dang ni smin dbus dang / /sna yi rtse mo mig gnyis dang / /rna ba gnyis dang kha pad dang //ko sgo dang ni mgrin gling dang / /rgyab gling de bzhin 'o ma'i snod/ /snying ga dang ni lte ba dang / /gsang ba'i pad+ma mtshan gyi dbus/ /mtshan rtsa dang ni gzhang kha dang / /brla gnyis de bzhin pus mo gnyis/ /rje ngar gnyis dang rkang pa gnyis/ / mthe bong dang ni sor mo dang / /lus thams cad dang rkang mthil gnyis/ /ltag pa dang ni rked pa dang / /chos 'khor de bzhin lte ba dang / /me 'khor de bzhin gsang sna'o/ /spu mtshams de ltar de yi 'og /rin mgrin rdo rje'i dpral ba'i gnas/ /de ni gnas dang nye ba'i gnas//zhing dang de bzhin nye zhing ste/ /tshan do dang ni nye tshan do/ /'dus pa nye 'du de ltar ni/ /dur khrod nye ba'i dur khrod rab/ /byi la nye ba'i byi la dang / /sbyor ba dang ni nye ba'i sbyor/ /lam dang nye lam la sogs gnas/ /de ni gnas ni brgyad du bstan/ /nye ba'i gnas kyang de bzhin no//rang bzhin bde chen nam mkhar gnas/ /ye shes sems dpa' spyan drangs te/ /sngags dang ldan pa'i phyag rgyas dgug /mthe'u chung lu gu rgyud sbrel te/ /mdzub rtse gnyis ni nam mkhar bsgreng / /mthe bong mnan pas brtan par bya//ye shes sems dpa'i dkyil 'khor rnams/ /dam tshig sems dpa' la bstims la/ /sngags 'dis rtag tu nga rgyal bya/ /oM shrI sarba ta thA ga ta dz+nyA na satwa At+ma kou0f85haM/ ji ltar chu la chu thim ltar/ /ye shes sems dpa' bstim pa'o/ /de nas s ku gsung thugs rdo rje//spyi bo snying ga mgrin par bsgom/ /rigs su dbye bas 'khor lo gsum/ /gnas gsum du ni bsgom pa'o/ /oM AH hUM dang ldan pa yis/ /rdo rje gsum gyi dam tshig go/ /bdag nyid phyag rgya drug ldan pas/ /de phyir go cha mi dgos so/ / 'khor lo rna cha mgul gdub dang / /gdu bu ske rags thal ba drug /gti mug mkha' 'gro la sogs pa'o/ /drug tu bdag gis bshad pa'o/ /phyag rgya chen po las kyang gsungs/ /phyag rgya drug la bstan pa ste/ /skye mched drug ni dag pa ste/ /rigs drug rim par shes par bya//lha mo bdag nyid phyag rgya drug /de yi phyir na go cha rdzogs/ /de nas dbang bskur bde ba ni/ /bcom ldan 'das la dbang bskur don/ /'od zer dang ni bcas pas bskul/ /de nas bde chen nam mkha' gnas/ /bdud rtsi dang ldan bum pa yis//rang gi spyi bor dbang bskur bas/ /dri ma dag nas mi bskyod pa'i/ /rang bzhin ye shes su ni 'gyur/ /rlung me'i dkyil 'khor la sogs steng / /bde 'khor ka pA la yi dbus/ /gla rtsi bzhi mnyam sih+la dang / /ga bur dang ni sha li dang / /ye shes gnas pa'i rigs kyi lha//rlung mas bskul nas me ni 'bar/ /rigs lnga bdud rtsi'i ngo bor zhu/ /oM gyi 'od kyis yang dag 'bar/ /hUM gis bdud rtsi dkar por sbyangs/ /a yis gnyis med rtogs par brlabs/ /de rdzas bdud rtsi bza' bar bya/ /rang lce pad+ma'i 'dab ma ru//hUM byung rdo rje dkar bkod la/ /phyi nang rab tshim 'di yis so/ /nyi zla la sogs mchod pa yis/ /phyi dang nang gnyis sku la mchod/ /rim gnyis rnal 'byor ma rnams kyis/ /sngags 'dus mchod pa rtag tu bya/ /oM dang hUM phaT bar du ni//dbyangs yig re re spel ba yis/ /mar ngo tshes gcig nas bzung ste/ /bcu drug bar du mchod bya'o/ /dpral ba la sogs gnas rnams na/ /bde chen sku ni bzhugs pa la/ /sngags dang me tog ldan pa'i dus/ /dus dang tshes grangs ma nor bar/ / rlag dang longs spyod dbang gis ni/ /sku brgyad pa ni mchod byas pas/ /sku gsum bdag nyid rdo rje 'dzin/ /bcu drug dga' ba'i sa thob bo/ /de nas bstod pa sna tshogs kyis/ /'khor lo la ni bstod pa'o/ /don thams cad ni bsgrub pa'i phyir/ /sngags rnams bzlas pa gsal bar bya//oM shrI ma hA badzra ge na ti la ka hUM hUM phaT swA hA/ oM hrIH ha ha hUM hUM phaT swA hA/ bcom ldan 'das kyi snying po dang / /nye ba'i snying po'i 'di gnyis ni/ /grangs med pa yi yon tan yod/ /oM badzra mre ta ye ma hA ba la pa rak+Sha ma ye hUM hUM phaT phaT swA hA/ oM sa ra wi sa ra hUM hUM phaT phaT swA hA/bcom ldan mo yi snying po dang / /nye ba'i snying po 'di gnyis kyis/ /don kun thams cad 'grub pa'i mchog /yang na phreng ba'i sngags ni mchog /bsnyen pa rdzogs par byas nas ni/ /de nas las kyi dbye ba bya/ /'dis ni thams cad las grub byed/ / oM d+hUM d+hUM hUM phaT/ oM kruM kruM hUM phaT/ oM groM groM hUM phaT/ oM mroM mroM hUM phaT/ oM dzroM dzroM hUM phaT/ oM D+woM D+woM hUM phaT/ oM proM phroM hUM phaT/ oM sroM sroM hUM phaT/ oM troM troM hUM phaT/ oM droM droM hUM phaT/ oM phroM phroM hUM phaT/ oM broM broM hUM phaT/ oM y+roM y+roM hUM phaT/ oM hroM hroM hUM phaT/ oM khroM khroM hUM phaT/ dpa' bo dpa' mo bcu drug gnyis/ /snying po mchog tu bstan pa'o/ /'phar ma gnyis po'i rnal 'byor ma/ /snying po sngags kyang de ltar ro/ /oM ni dang po hUM phaT mtha'/ /bar du ming ni spel ba'o/ /a A i I u U r-i r-I l-i l-I e ai o au aM aH yang na A li kA li sngags//dpa' bo dpa' mo snying po sngags/ /de nas gtor ma'i cho ga bstan/ /dzaH hUM baM hoHphyag rgyar ldan/ /mkha' 'gro dang ni phyogs skyong sogs/ /dgug gzhug bcings la dgyes par bya/ /a dang ka sogs sngags rnams kyis//dgyes pa'i rdo rje brtag gnyis las/ /'byung ba'i sngags kyis gtor ma sbyin/ /khro bo'i ngo bor bdag nyid gnas/ /sems can bsrung ba'i don du ni/ /rdo rje snyim pa kha phye la/ /mtshan phyed 'jigs pa med pas sbyin/ /dur khrod la sogs gnas su gtang //de nas bdag gis rnam dag bstan/ /rgyud 'di rang na gsal bas na/ /'di ru dbye ba bdag gis ni/ /ngal bas 'jigs pas ma bris so/ /yang na 'di lta bu ru bstan/ /rdo rje gur sogs dbus su ni/ /chos kyi 'byung gnas bsam pa ste/ / bde 'khor zur gsum yod pa ni/ /de ni chos kyi ngo bo ste/ /nang na gnas pa'i byang chub sems/ /'byung ba'i gnas zhes de la byas/ /nam mkha' chos ni yin pa ste/ /sa bon 'byung gnas g.yon pa'o/ /chos ni b+ha ga yin par bshad/ /b+ha ga'i gnas ni rin chen ste//de bzhin gshegs pa bzhugs pa'i phyir/ /'di ni chos kyi 'byung gnas so/ /'byung ba bzhi ni byang sems las/ /'khor lo las byung thams cad khyab/ /zhu ba shel gyi gzhal yas khang / /char yang thig le'i tshul dga' bzhi'i/ /gru bzhi pa yis rnam par mdzes//stong pa bzhi dang dga' ba bzhis/ /sgo bzhi zur bzhi par ni byas/ /rta babs la sogs dbye ba yis/ /'khor lo la sogs de ltar sbyar/ /yang na byang sems thig le de/ /stong pa snying rje ro gcig pas/ /gru bzhi sgo bzhi zur bzhi sogs/ / tshad med rnam par de bzhin sogs/ /de ltar chos rnams ye shes su/ /dbyer med shes pa de nyid do/ /dur khrod la sogs rnams kyis brgyan/ /rnam par khyab dang shing tshig dang / /phyed tshig swa swa tseg tseg dang / /dum mgo rnam bcas yi dags ldan/ / 'jigs par byed dang me 'bar phreng / /de ni dur khrod gsang yin no/ /yang na mtshan rtogs bag chags gsang / /bde ba'i ye shes 'dzin pa'i ro/ /'dzin pa chad nas rang 'od thim/ /slar la rang gi rin chen khar/ /hUM gis byin brlabs sha chen te/ /shing dang dur khrod dbang byed pa'i//dpa' bo rnams kyis za zhing bzhad/ /ha ha'i sgra ni 'jam pa sgrogs/ /de lta bu yi dur khrod ni/ /bla ma'i zhal las shes par bya/ /rin chen ma dang pad+ma dang / /gshe chen ma dang stobs chen ma/ /mgo chen ma dang myos chen dang / / dga' chen ma dang dga' med che/ /'di ni shing gi dngos po ste/ /'bras bu dang ni me tog dang / /yan lag yod pa'i rtswa yi shing / /gzhal yas khang ni rnam par brgyan/ /de yi dbus na pad+ma'i gdan/ /zur gsum la sogs rnam par gnas/ /gzung 'dzin steng du nyi zla'i gdan//khu bde dbyangs yig dpe byad las/ /zla ba nyi ma sa bon gnas/ /de las bde chen rang bzhin gsal/ /rdo rje sems dpa' nyid ces brjod/ /'di ni gtso bo'i bcom ldan 'das/ /mchog dang chad pa'i dbus na bzhugs/ /rlag dang longs spyod de bzhin no//shar ba dang ni nub pa min/ /rtag tu shar ba bcom ldan 'das/ /u D+yan zhes pa zur gsum mo/ /pad+ma'i 'bras bu dzA lan+d+har/ /drag po'i mig 'dra pul+li ra/ /rigs kyi me tog kA ma ru/ /tshangs pa'i mig 'dra ma la ba/ /dung gi mig 'drar sin+d+hU'i yul/ /rna ba'i mig 'drar na gar ro//ba yi mig 'drar srid kar te/ /dung gi lte 'drar mu mur ro/ /glang chen lte 'drar de kau Tar/ /ut+pal lte 'drar ko lu tar/ /pad+ma'i lte 'drar arbu tar/ /bung ba'i kha 'drar ha ri kol/ /rma bya'i kha 'drar gau ta bar/ /rdo rje'i kha 'drar laM pa kar/ / til gyi me tog rgyas 'drar ru/ /kAny+tsi kar zhes pa yi gnas/ /de ni dpa' bo rnams kyi gnas/ /yan lag ma rnams bstan par bya/ /til gyi me tog ri rab rtse/ /sa 'og de ni rdo rje khar/ /mi yul de ni rma bya'i khar/ /'chi med grong ni bung ba'i khar/ /kar nu dzar ni pad+ma'i lter//ne pa la ni ut+pal lter/ /ka ra tar zhes glang chen lter/ /kar mi ra ni dung gi lter/ /gzhon nu grong khyer pa yi tshig /tsa ri tar zhes rna ba'i mig /chu ngogs de ni dung gi mig /yi dags 'dus pa tshangs pa'i mig /tsin+tar zhes pa'i rigs me tog /ko lu ta ni drag po'i mig /gser gling pad+ma'i 'bras bu'i gnas/ /las kyi yul gnas zur gsum yin/ /'di ni don du gsang ba'i gnas/ /lus 'phags po ni srog rtsa ma/ /sgra mi snyan ni la la nA/ /ban glang spyod ni ra sa nA/ /'dzam bu'i gling zhes pa yi gnas//a wa d+hU tI zhes pa'o/ /'di las gzhan pa'i gnas rnams ni/ /rnyed par sla bar yod mi 'gyur/ /gnas brgyad rang gi ngo bo ru/ /sku brgyad po ni bsgom pa'o/ /gnas ni gsang chen pad+ma'i gnas/ /lte ba yod pa'i 'dab brgyad ni/ / gang gang bzhugs dang rten sa rnams/ /de dang de ni gnas zhes brjod/ /rang bzhin gang du skye ba ni/ /zhing rab ces ni de bstan to/ /de bzhin yang dag byang chub sems/ /'byung bas tshan dor bstan pa'o/ /gsum dang drug sogs dbye ba rnams/ /gcig tu 'dus pas 'dus par bstan//khu ba bde ba gnyis su rtog /dbyer med thim pa dur khrod do/ /gang du ye shes yang dag mthong / /de yang mthong min byi lar brjod/ /steng nas 'og tu 'pho ba yi/ /ye shes brten nas nyams myong lam/ /rin chen kha ru bdud rtsi 'gog/ / 'od rab ngo bo gnas phyir sbyor/ /'di ni de ni gnas brgyad de/ /sku brgyad dang ni sbyor ba'i gnas/ /thams cad stong dang bde chen dang / /rang bzhin dga' dang 'od rab dang / /char yang chen po ye shes che/ /phyag rgya che dang rdo rje sems/ /sku brgyad bdag nyid ye shes brgyad/ / yang na mtshan ma brgyad mchog ste/ /zla ba nyi ma shes rab thabs/ /'di rnams las ni 'byung ba'i sku/ /mchod sbyin gyis ni de la mchod/ /yang ni bdud rtsi rim pa ltar/ /rlung 'khor steng du ye shes me/ /bde 'khor gsang pad ka pA la/ /de bzhin gshegs pa lnga dang ldan//rlung ma dang ni gnyid ma yis/ /ye shes me 'bar gsal ba las/ /bde gshegs lnga rnams bdud rtsir bzhu/ /rdor gsum sa bon 'bar sbyangs rtogs/ /dga' ba gsum dang ldan nas gnas/ /bdud rtsi gsang ba'i ka pA lar/ /gnas pa mthong nas bdag nyid btung //gsang ba'i rdo rje bu gus so/ /de nas mchod pas mchod sbyin bya'o/ /byang chub sems kyi me tog gis/ /sngags dang dus tshod ma nor bar/ /rlag dang longs spyod la sogs pas/ /mchod pa byas pas bsod nams 'phel/ /bde ba la sogs gnas su'o//yang na dga' mchog gnas su 'am/ /de rlag pa ni mchog gi brda/ /chad pa ru ni longs spyod de/ /de gnyis dbus su dbang gnyis bsten/ /mchod pa 'dis ni ye shes 'phel/ /de bzhin dga' ba 'phel ba'o/ /de kho na nyid mchod pa ste/ /gnas brgyad pa yi sku la mchod//nye ba'i gnas na gnas pa yang / /de yis shin tu tshim pa'o/ /de nas bde gshegs snying po sngags/ /de ni A li bcu drug bde/ /kun rdzob tu ni chu zla bzhin/ /de ni bzlog cing drang bar bya'o/ /yang na rdor gsum ye shes kyi/ /spros pa rang rig ma yi mkha'//bsdus pas rang bdag mkha' la ste/ /gnas par rang bzhin ye shes so/ /de ni spros bral nam mkha' bzhin/ /de ni don dam snying po'o/ /sems can thams cad bsrung don du/ /rnal 'byor pas ni gtor ma sbyin/ /gtor ma ba laM zhes bshad pas/ /ba ni shes rab laM ni thabs//de gnyis mchog dang chad pa ste/ /gnyis sbyor ba ni chad pa'i dga'/ /de ru bsrungs pas sems can rnams/ /sangs rgyas nyid 'gyur the tshom med/ /de lta'i gtor ma chen po gtang / /yang na sems can don du ni/ /'di lta bu yi gtor ma sbyin/ /srog chags thams cad bdag nyid kyis//gcig kyang ma shes pa ru gsad/ /gsad cing gsad pas thar pa 'thob/ /'gro ba thams cad 'gog byed pa'o/ /'di ni sku brgyad dkyil 'khor te/ /de lta'i sgrub thabs shes par dka'/ /dkyil 'khor sku ru bstan pa dang / /de bzhin b+ha ga'i dkyil 'khor dang //byang chub sems kyi dkyil 'khor dang / /de kho na nyid dkyil 'khor dang / /dkyil 'khor bzhi ni mchog tu bshad/ /de ltar sku brgyad kyi sgrub thabs bstan nas/ 'di ltar bshad do/ /yang na snying po'i dkyil 'khor bstan//zhes pa ni dkyil 'khor gsum po las gzhan te de kho na nyid kyi yin pa ste 'og nas ston to/ /rang gis ni bdag rnal 'byor pa'o/ /bde ba len pa'i phyir zhes pa ni/ rang bzhin dga' ba thob par bya ba'i ched du khyad par can gyi dkyil 'khor brjod do/ /ma yi yig 'bru 'dab mar brjod//Na yi yig 'bru lte bar dran/ /Da yi yig 'bru ge sar dag /la yi yig 'bru bde ldan no/ /zhes bya ba la sogs pa ni dkyil 'khor la bya ba'i maN+Dal la zhes pas bstan te/ shes rab kyi dkyil 'khor ye shes kyi lha dang gzhal yas khang rdzogs pa gdan dang thams cad rdzogs pa ste/de yang 'dab ma la sogs pa ni gnas la rang bzhin dga' bas gtso bo byas pa dang / bde ba gzhan rnams 'khor/ ma yi yig 'bru rin chen grags/ /Na yi yig 'bru mdud par brjod/ /Da yi yig 'bru ring po'i dngos/ /la yi yig 'bru khar brjod do//zhes pa ni yid bzhin gyi nor bu rin po che'i gzhal yas khang zhes bya ste/ dngos su gsang ba'i rin po che dang gsang ba'i rdo rje 'brel ba'i rtsi'i mdud pa dang bcas pa rin po che'i khar de bzhin gshegs pa'i ye shes bde ba chen po de shes rab kyis nam mkha'i dbyings nas thabs kyis spyan drangs nas bzhugs pa'o//bdag gi gzhal yas khang na bzhugs tsam na rang bzhin dga' ba'i ngo bo rdo rje sems dpa' de thabs kyi ye shes kyi lha'o/ /slar mkha' dbyings su gsol bas shes rab ye shes kyi lha'o/ /de gnyis 'brel pa'i lha rdo rje sems dpa' yin par bstan pa'i phyir/ma yi yig 'bru shu kra'i gzugs/ /Na yi yig 'bru zhu ba'i dngos/ /Da yi yig 'bru 'od dang ldan/ /la yi yig 'bru bde gzugs so/ /zhes gsungs te/ byang chub kyi sems de rtog pa dang mtshan ma thams cad bcad nas gnyis su med pa'i rang bzhin dga' ba 'od sna tshogs 'phro ba gang yin pa ni bcom ldan 'das yab yum gnyis kyi pad+ma dang /rin po che'i gzhal yas khang na 'od phar 'phro tshur spyon cing bde ba chen po rdo rje sems dpa'i gzugs su bzhugs so/ /ma yi yig 'bru snang zhes grags/ /Na yi yig 'bru snang ba mched/ /Da ni snang ba snang ba thob//la ni yang dag dri med mchog /ces bya ba ni/ yang dag dri med 'od rab kyi/ /gtso bo yi ni rang bzhin byas/ /gzhan yang snang ba gsum 'khor gyi rang bzhin no/ /'od rab las ye shes kyi snang ba thob pa spro ba dang / de las yang sngar bzhin snang ba mched pa spro'o//de las yang ye shes kyi ngo bo snang ba mched pa 'phros pas de bzhin gshegs pa'i ye shes gzhal yas khang rdzogs pa'o/ /de nas yang rim gyis yang dag dri med bsdus la thams cad kyi ngo bo 'od rab la gnas pa la ni dkyil 'khor zhes bya'o/ /ma yi yig 'bru dga' bar grags//Na yi yig 'bru mchog tu dran/ /Da yi yig 'bru chad pa'i dga'/ /la ni rang bzhin dran pa'o/ /zhes pa ni dkyil 'khor dga' ba rnams su yang bshad de/ bdag po dang / 'khor dang / spro ba dang / bsdu ba rnams sngar bstan pa yin no/ /'dir shes rab ma dang ldan pa la sogs pas ni dga' ba dang /thabs dang shes rab lha ru gnas pa mchog /rdo rje dang dril bu gnyis dbyer mi phyed par sbyor ba chad pa'i dga' ba/ mtshan ma dang rtog pa thams cad spangs nas nam mkha' bzhin gnas pa ni rang bzhin no/ /yang na bde ba chen po zhu ba la sogs pa 'am/lte ba nas mdud pa la sogs pa ste/ de yang dkyil 'khor la sogs pa thams cad kyi ngo bo ni rang bzhin dga' ba zhes gsungs so/ /ma yi yig 'bru sa zhes bya/ /Na yi yig 'bru chu zhes bstan/ /Da yi yig 'bru yis ni me/ /la yi yig 'bru rlung gi gzugs//zhes pa ni byang chub kyi sems ni sra ba'i chos can te/ brtan pa mi shigs pa'o/ /de yang chu yis bsdus pas so/ /mes smin par byas pa'am/ drod dang ldan pa'o/ /rlung gis 'bab pa'am/ yang na ye shes kyi rlung gis khyab nas gnas pa la ni/ g.yo ba'i phyir ni rlung du brjod//yang na khyab pa'i phyi ru dran/ /zhes so/ /rang bzhin dga' ba la yig 'bru'i bdag nyid gang yin pa de ni rtags dang mtshan ma thams cad spangs nas gnas bya ba dang / rlung g.yo ba gnyis mi 'gal lam zhe na/ de ni mi 'gal te/ dang po bde ba chen po'i 'khor lo nas byang chub kyi sems g.yo bar byed la/rlung gis g.yo ba yang mi 'gal la/ /de yang rgyu yin pa dang rang bzhin dang bde chen du sbyar ba yang yin la/ der ma zad de rang bzhin dga' ba las dga' ba gzhan rnams g.yo bar byed pa dang / rang bzhin dga' ba dang ldan pa'i rlung la g.yo ba zhes ma btags na sa rdo bzhin gnas pa'am/stong pa phyogs gcig par yang 'gyur ro/ /de'i phyir rang bzhin dga' ba la rlung du bshad do/ /rlung ni ye shes kyi rlung zhes bya ba la sogs pas bstan no/ /de ltar rgyud phyi ma'i le'u brgyad pa las kyang gsungs so//rlung ni ye shes yin pa ste/ /ye shes nam mkha' yin pa ste/ /nam mkha' stong par bstan pa'o/ /stong pa las ni thams cad 'byung / /zhes pas so/ /des na ye shes rnyed pa'i phyir/ /bde ba yi ni chen po len/ /ye shes ngo bo bde ba che/ / dkyil 'khor du ni yang dag bzhugs/ /zhes gsungs te rang bzhin dga' ba spros pa thams cad dang bral ba'i ye shes chen po ni de las gzhan pa'i bde ba sus kyang mi rnyed pa ste/ /'di kho na nyid yang dag pa ma nor ba/ gting dpag dka' ba skye 'gag med/ /nam mkha' dang 'dra rang bzhin dga'//de kho na nyid ces bya'o/ /dkyil 'khor sangs rgyas rin chen gtso/ /thig le'i ngo bo yi ge bral/ /zhes gsungs so/ /rnam par snang mdzad la sogs pa'i rigs kyi bdag po'am/ gtso bo ni 'od rab de yin la yi ge la sogs pa'i chos thams cad dang bral ba'i rdo rje sems dpa' ni dkyil 'khor bdag po yin no//de ltar yin pa'i phyir 'di na mar rnam pa thams cad rnam med ces bya ba la sogs pa rgya cher gsungs so/ /bdag 'dzin pa ni nyon mongs che/ /zhes bya ba la sogs pa ni lta ba ngan pa'i phyogs dgag pa'o/ /de yang nyan thos pa'i lta ba dang mu stegs bye brag pa la khyad chung bas de rnams spangs nas bzang bar bstan pa dang /de yang dag par smad na ngan pas so/ /kun rdzob kyi thabs kyis zin par bya'o/ /de bzhin du don gyi zhe ka nas mi smad la/ 'jig rten pa'i lta ba dang cha mthun pas mchod kyang mi mchod do/ /phyi yi 'phar ma gcig gnas su//zhes pa ni 'phar ma gnyis yod pa'i phyi'i rim na gnas pa'o/ /dkyil 'khor 'dir bzhugs rnal 'byor ma/ /zhes bya ba ni phyi rol gyi gnas na bzhugs pa rnams te/ rnal 'byor ma bcu drug gis zhes so/ /rtag tu me tog spos la sogs/ / zhes pa ni mchod pa'i rdzas me tog dang / spos dang / /mar me dang / dri chab dang / lha bshos la sogs pa'i rdzas rnams dang bdud rtsi lnga la sogs pa'o/ /sngags 'di yis ni mchod par bya/ /zhes pa ni shes rab dang snying rjer ldan pa'i sgo nas me tog la sogs pa'i sngags 'di'o/ / oM ni dang po hUM phaT mthar/ /bar du ming ni spel bar bya/ /zhes pa ni sngags te/ bar du A li gzhug pa ni rnal 'byor ma'i ming ste/ re rer spel ba dang / puSh+pe dang / d+hU pe la sogs pas mchod pa'i mchod pas mchod do/ /sna tshogs lnga yi mchod sbyin gyis/ /zhes pa ni go sla bas bdag gis ma bshad do//dkyil 'khor pa la rab tu mchod/ /ces bya ba ni sngar smos pa'i gtso bo dang 'khor du bcas pa la phyi nang la sogs pas phye nas mchod do/ /mchod pa byas nas rab tu 'grub/ /ces pa ni yon tan gyis bsod nams kyi tshogs dang / ye shes kyi tshogs la sogs pa'i dngos grub thams cad thob par 'gyur ro//rang bzhin dga' ba'i sgron ma las le'u bcu pa'i dka' ba bkral ba'o// //der sku brgyad dang bcas pa'i dkyil 'khor bstan nas/ da ni 'dir sngags kyi bzla ba tsam zhig bshad do/ /mchod sbyin ni dpal dga' ba'i me tog las shes par bya'o//dga' ba la sogs pa las byung / /zhes pa ni dga' ba dang mchog gi dga' ba dang / chad pa'i dga' ba dang / rang bzhin dga' ba'i nang nas sngags byung ngo / /yang na dga' ba gsum pos rgyu byas nas byung ba'o/ /yid ni sngags zhes brjod pa yin//zhes pa ni go sla'o/ /srub pa dang ni bsrub pa'i sngags/ /zhes pa ni thabs dang shes rab sbyor ba ni zlos pa ste/ de yang 'di na mar sngags kyi ngo bo bstan pas 'bras bu rnyed pa'o/ /sngags ni bdud rtsi bstan pa'o/ /zhes pa ni A li kA li rgyu byang chub sems kyi bdud rtsi ste/des ni ming dang rgyu bstan to/ /lam gyi thar pa de ni sngags/ /zhes bya ba ni bde ba chen po'i 'khor lo nas chad pa'i bar ni lam yin no/ /rang bzhin dga' ba shes rab dang snying rje chen po dbyer med pa ni thar pa chen po yin pas sngags zhes bya'o/ /de ni sngags thams cad kyi 'bras bu'o//tshig rgyas pa ni de bzhin no/ /zhes pa ni nor bu'i mtha' rgyas pa ni lus thams cad bde ba chen pos rgyas pa ni rang bzhin dga' bas so/ /phrag pa gnyis kyi dbus na gnas/ /zhes pa ni shes rab dang thabs kyi sbyor ba'i dus su bo la dang kak+ko la phrad pas nyi ma dang zla ba'i dus zhes brjod do//de ni don dam pa yi sngags/ /zhes bya ba de ni tshig dang yi ges brjod par mi nus pa ste/ mchog gi dga' ba yang ma yin/ chad pa yang ma yin/ mchog dang chad pa gnyis ka dang bral ba'i rang bzhin gsal ba'o/ /sngags ni A li kA li yin//zhes pa ni A li bcu drug dang / kA li sum cu rtsa gnyis kyis ni ngo bor snang ba la mtshan brjod nas byang chub kyi sems thabs dang shes rab tu dbye/ brjod pa de ni bzlas pa'o/ /zhes pa ni sngags sngar gyi kun gyi mtshan nyid brjod par byas pa'o/ /des ni bzlas pa bstan to//de yang 'di skad ston te/ bskyed dang bzlas pa'i bye brag tu/ /sngags kyi bzlas pa rab tu grags/ /zhes pas bzlas pa bstan te/ dga' ba'i rim pa gsum du bskyed pa dang / yang slar gsum du rdzogs pa dang / de gnyis kyi bye brag las rang bzhin gyi sngags 'byung ba ni don dam pa'i bzlas pa ste/de kho na nyid kyi sngags bzlas pa'o/ /gang du ske dang rkan ni gnyis/ /bskyod pa gang du mi 'byung ba/ /zhes pa ni dbugs mi rgyu ba ni rdo rje'i ske mdud pa'i gnas nas pad+ma'i bar gyi rkan gyi mgul par gnas te yod pa'o/ /srog gi rtsa yi nang yod pa//zhes pa ni srog pa rtsa'i nang na A li la sogs pa'i byang chub kyi sems kyi ngo bo yod pas na tshangs pa zhes bya'o/ /lugs dang lugs min rgyun mi 'chad/ /ces pa ni shel gyi phreng ba lugs su thur la drangs la bzlas pa dang / gyen la slar la bzlog cing drangs la sngags bzlas so//thig le gsum yig gsum dag la/ /zhes pa ni dga' ba thig le gsum gyis lugs su 'byung / rdzogs pa gsum gyis dga' ba gsum dag par byed pa'o/ /rang 'od ma bcos brjod par bya/ /zhes pa ni las kyi phyag rgya la sogs spangs la bdag nyid kyis bzlas brjod bya'i//rkyen la rag ma lus par bya'o/ /ci'i phyir zhe na/ shes rab dang bral ba la de skad ces bya'o/ /dper na ma he sa steng mnyam pa lta bu'o/ /rkan gyi nang du lce bcug pa/ /zhes bya ba ni lce rdo rje dang rkan pad+ma gnyis shes rab dang thabs kyi sbyor bas ni ye shes kyi me 'bar bas bde chen las byang chub kyi sems 'bab par bsam mo//ro ma yis ni mnan par bya/ /zhes bya ba ni lce ste des mnan cing sbyar ba ste/ slob dpon chen po gsung bar 'gyur ro/ /yang na rtse mo'i cha'i reg bya/ /zhes bya ba ni/ lce rtse la raM bsams la de las me mtshon gang ba tsam zhig 'bar bas rkan gyi nang nas 'bar bar bsgoms pas bde ba nyams su myong ba yin/mnyam sbyor rnam pa'i bsam gtan gyis/ /zhes gsungs so/ /de lta bu'i bsam gtan la sems rtse gcig tu dus rtag tu gnas pa'o/ /grags pa med pa bdud rtsi bzhin//zhes pa ni yang dag pa'i byang chub kyi sems 'di ni ma rig pa dang / nyon mongs pa la sogs pa thams cad kyi rtsir gyur pa ste/ tshig dang yi ges brjod par mi nus pa'i phyir ro/ /de nas tshul ni 'byung bar 'gyur/ /zhes bya ba ni ye shes de las rang bzhin gyis dga' ba dri ma thams cad dang bral bar 'byung ba'o//rang bzhin dga' ba'i sgron ma las le'u bcu gcig pa'i dka' ba bkral ba'o// //'di ltar mchod pa'i rim pa bstan pa las byung ba ni/ g.yas g.yon yan lag gnyis su ni/ /zhes pa ni byang chub kyi sems thur du 'byung ba ni g.yon nas mar 'bab/gyen du g.yas nas ldog pa gnyis las 'byung ba bstan pa'i phyir/ khu ba yi ni 'byung bar dran/ /zhes bya ste/ gcig nas gcig tu thig le re re 'byung bas bco lnga 'bab pa'o/ /bcu drug pa 'pho ba dang 'gro ba las grol ba'o//mar ngo de bzhin yar ngo yi/ /bzlog pa yis ni 'byung ba'i tshe/ /zhes bya ba ni khu ba dang bde ba sih+la dang ga bur gnyis shes rab dang thabs sbyor ba las 'byung ba'i bde ba chen po ste rtogs par dka'o/ /bcu dang lnga yi gnyis med sbyor/ /zhes pa ni tshes bco lnga'i bdag nyid ye shes bco lnga la bde ba'i byang chub kyi sems dang gnyis kyi bye brag spangs pa'o//bde ba 'di yis 'byung ba'i phyir/ /zhes pa ni 'di kho na las 'byung ste/ bco lnga'i ye shes las 'byung ba'o/ /de yang gzhan las mi 'byung ba dang / de las logs na med par bstan pa'i phyir/de nyid gsum shes bcu dang ldan/ /shes rab dang bral bde ba che/ /zhes gsungs te/ dga' ba dang / mchog gi dga' ba dang / chad pa'i dga' ba gsum ma nor bar rtogs pas bco lnga po yang rtogs pa yin la/ dga' ba gsum dang bco lnga'i rang bzhin gang gsal ba ni shes rab rigs thams cad dang bral ba'i bde ba'o//gzhan dag na re char yang thig le gsum la ni de nyid gsum zhes bshad la/ de rnams shes pa ni ye shes bco lnga ste/ bco lnga las logs na shes rab dang thabs gnyis dang bral ba'i bde ba chen po med do zhes zer ro//'di lta bu'i dga' ba'i don rang bzhin dga' ba bcu drug gi cha yod med gnyis las grol ba de ni bla ma las thob par bya ba'i phyir/ bla ma'i zhal snga'i bka' drin gyis/ /gnyis su med pa'i bde ye shes/ /zhes gsungs te/ thabs dang shes rab la sogs pa'i gnyis dang bral ba'i bde ba chen po 'od rab de ni bla mas shes par bya'o/ /rtag tu goms pa yis ni shar/ /zhes bya ba ni bla mas dbang gi rim pa bskur bas ye shes nyams su myong ba la yang dang yang dris shing goms pas rang bzhin dga' ba shar ba'o//bsam gtan gyis ni shes pa'o/ /zhes pa ni bsgoms pas rtogs kyi brjod pas rang bzhin dga' ba rnyed par mi 'gyur ro/ /bcu drug gi ni yi ge'i gzugs/ /zhes pa ni shes rab kyi rang bzhin A li'i ngo bo g.yon du 'bab pa'o/ /de'i phyir 'di skad ston te/A li'i thig le rang ngo bo/ /A sogs yig 'bru'i char yang 'byung / /A li'i ye shes bde bdag nyid/ /ces gsungs te/ de yang bde ba'i thig le bcu drug grangs kyi char yang dang / don gyi char yang ni shes rab ye shes bde ba 'byung ba'i rgyu grangs kun rdzob las don 'bras bu rnyed pa'o//ka sogs yig 'bru'i char yang 'byung / /zhes bya ba ni thabs kyi rang bzhin kA li'i g.yas nas 'bab pa khu ba'i ngo bo thig le bcu drug kun rdzob las don dam pa'i rang bzhin no/ /kA li'i ye shes bde ba che ni mchog gi ye shes su bstan pas chad pa'i ye shes kyang shes so//A li kA li gnyis sbyor las/ /zhes bya ba ni thabs las shes rab gnyis kyis mtshon nas gzhan rnams kyang mtshon zhes te/ mchod sbyin de las 'byung ngo / /mchod sbyin gyi ni rab mchog bya/ /zhes pas ni mchod sbyin thams cad kyi mchog ni mchod pa 'di rnams yin no//de bas mchod pa yin de bzhin no/ /zhes bshad do/ /gsang ba'i pad+ma'i snying gar ro/ /zhes pa ni 'khor lo rnams sam/ yang na dga' ba'i pho brang la sogs pa'i lte bar ro/ /gsang ba'i de nyid gsum zhes bya/ /zhes pa ni rlag pa la sogs pa gsum ni sku gsum du bstan pa la gsang ba zhes bya'o//rlag dang longs spyod sogs bye brag /ces pa ni shes rab dang thabs sbyor ba'i rdo rje dang pad+ma phrad pa ni mchod sbyin gyi skabs su rlag pa la sogs pa la ni mchod pa zhes bya ba ste/ pad+ma'i gnas kyi pho brang rnams na ri bong can gnas pa'i rtse na yang dag pa'i mchod sbyin no//rlag pa dang ni longs spyod dbang / /zhes pa ni mchod pa dngos yin par bstan pa'o/ /dga' ba gsum du bstan pa'o/ /zhes pa ni rlag pa la sogs pa'i mchod pa ni dga' ba dang mchog dga' dang chad dga' gsum mo zhes so//de ni thig le gsum zhes bya/ /zhes pa ni dga' ba'i thig le dang / mchog gi thig le dang / chad pa'i thig le'o/ /sku gsum yig gsum bdag nyid do/ /zhes pa ni chos kyi sku dang / longs spyod rdzogs pa'i sku dang /sprul pa'i sku gsum dang / oM AH hUM gi rang bzhin gyi mchod pa'o/ /tshangs pa'i bu ga de bzhin sker/ /snying ga ru ni thig le gsum/ /zhes pa ni spyi bor sku'i thig le/ mgrin par gsung gi thig le/ snying gar thugs kyi thig le'i gnas so/ /yang na rim pa bzhin rlag tshangs pa'i bu ga ste chos kyi sku'o//gzhan gnyis longs spyod rdzogs pa'i sku dang / sprul pa'i sku'o/ /de ni bskyed pa'i rim zhes bya/ /zhes pas ni 'og ma rnams la ltos nas ltos pa zhes bshad do/ /mdud pa'i nang ni man chad do/ /zhes pa ni des gnas kyi don bstan te/ bzlog pa yi ni thig le gsum pa ni chad dga' ru gcig /mngon dga' ru gnyis/ dga' ba'i gnas dang gsum las bzlog pa zhes bya ste/ de yang 'di skad du 'byung ngo / /gyen du rdzogs pa'i rim pa ni/ /zhes pas gsal bar bshad do/ /rgyu 'bras rnam dag bye brag tu/ / thig le drug ni rab tu grags/ /zhes pa ni bskyed pa rnams rgyu la/ rdzogs pa rnams 'bras bu'o/ /yang na dga' ba'i rim pas rgyu las rang bzhin gyi rim pas 'bras bu ni snga ma dang / phyi ma rnams la yang sbyor/ /dri med ye shes char yang drug /de ni rnam shes sbyor drug bshad/ / zhes pa ni bskyed rdzogs kyi thig le drug la rang bzhin gyi char yang drug ste/ de la ni don dam pa'i spros pa dang bral ba'i rang bzhin sbyor ro/ /sbyor ba la ni rnam par shes/ /zhes pas so/ /de yi dbus su de nyid zhugs/ /zhes pa ni sbyor ba drug po de'i dbus su rang bzhin dga' ba bde ba'i dngos po 'di lta bu gnas so//rang bzhin dga' ba'i sgron ma las le'u bcu gnyis pa'i dka' ba bkral ba'o// //rgyud gsum gyi ni rim pa yis/ /dbang drug re ba bstan pa'o/ /zhes bya ba ni rgyud la sogs pa phyi ma thub pa'i rgyud gsum du ni rigs lnga dbang lnga'i thog tu phyir mi ldog par bsnan pas 'bras bu dang bcas pa'o//chu yi dbang bskur dbu rgyan dag /ces pa ni bum pa chu la sogs pa'i rdzas rnams kyis gang ba dang ldan pa ni mi bskyod pa'i 'bras bu'o/ /dbu rgyan yang gser ram ba so la sogs par 'bur du btod pa'am/thang ka la sogs pa la de bzhin gshegs pa bskyed dgug gzhug pa la sogs pa dang ldan pa'i rin chen 'byung ldan 'bras bu yod pa'o/ /bya ba'i rgyud las rab tu grags/ /zhes pa ni dbang gnyis po de bya ba'i sgo nas 'jug dngos su grags so/ /rdo rje dril bu ming gi dbang //zhes pa ni rdo rje la snang ba mtha' yas bskyed pa la sogs pa dang 'bras bu yang de bzhin no/ /dril bu don yod grub pa dang / ming gi rnam par snang mdzad la sogs pa'i 'bras bu la sogs pa'o/ /spyod pa'i rgyud las rab tu gsal/ /zhes pa ni gnyis ka'i rgyud de/ lta ba yang lta spyod pa'i bye brag kyang bya ba'i rgyud dang mthun pa'i phyir gsol lo//phyir mi ldog pa'i dbang zhes pa ni bka' stsal pa la sogs pas ni 'bras bu de bzhin gshegs pa thams cad dang ldan pa sngar bzhin no/ /rnal 'byor rgyud du gsal bar byas/ /zhes pa ni yo ga ru bzhi po rnams gsal ba ste/ de rnams ni thun mong gi dbang du shes so/ /de ni drug gi bye brag dbang / /zhes pa ni chu la sogs pa'i 'bras bu'i sgo nas dbye ba'o/ /yang na sa bon 'debs pa'i dbang ste rgyu'i sgo nas dbye ba ni slob dpon gyi ru grags pa'o/ /rnal 'byor bla ma'i mtshan zhes pa ni rnal 'byor chen po thabs kyi rgyud kyi ming ngo //gsang ba'i dbang ni dbang rgyal bshad/ /ces pa ni gsang ba'i phyir na gsang ba ste/ ma hA yo gar grags so/ /shes rab ye shes bla na med/ /ces pa ni bla na med pa ni ma rgyud de/ de ru shes rab ye shes kyi dbang grags so/ /bzhi pa ltar na de bzhin no//zhes pa ni gong dbang de rnams kyi khongs nas 'byung ste/ char yang bcu drug lta bu'o/ /dgu yi bye brag dbang la sogs/ /'bras bu'i phyir ni brgyad du 'gyur/ /zhes pa ni chu dang dbu rgyan dang / rdo rje dang / dril bu dang / ming dang / brtan pa dang / gsang ba dang / shes rab ye shes kyi dbang la sogs pa brgyad ni rgyu yin la/ dgu pa ni sngar gyi na tshang bar yod pas 'bras bu'i dngos po yang brgyad po na yod la/ de bzhin du bzhi pa yang yod pa'o/ /bzhi pa de ltar de bzhin brjod/ /ces pa ni go sla'o/ / shes rab ye shes de yi 'bras/ /zhes pa ni de'i 'bras bu dbang bzhi pa ste 'di skad ston no/ /dngos po so sor shes mi bya/ /zhes pa ni rgyu dang 'bras bu gcig po'i bzhi pa la sogs na med pa la de skad bshad do/ /de ltar zhes ni tshad med do/ /zhes ni bzhi pa la tshad dang rigs pas gzhal bar mi nus par bstan to//de bas 'bras bu'i tshig don ni/ /rigs pa ma yin pa yi sems/ /zhes gsungs te/ 'bras bu'i ngo bo bzhi pa ni brjod par dka' la rtogs par dka' ba ni rigs pa spangs te ye shes de ni bla ma'i man ngag gis bsgoms pa las 'byung bar bstan no//de yang 'byung ba dang bral ba'i dngos po ste/ gsal bar byed pa'o zhes gsungs so/ /'o na chos nyid kyi rang bzhin bzhi pa ni 'byung bar bstan te/ 'dir/ 'byung ba med pa'i dngos po yi/ /zhes pa ji lta bu zhe na/ bu mo la sogs pa'i dbang gi rim pa las 'byung la/ shes rab ye shes las logs na med pa'i phyir mi 'byung ste/ de bas na 'di skad ston to/ /de yang don dam pa'i dngos po bde ba ni 'byung la/ kun rdzob kyi dngos po khu ba ni mi 'byung ba la bya yang 'gal ba med do/ /de bzhin re zhig dga' ba'i rim/ /ji lta bu'i ni yod par 'gyur/ / zhes pa ni sdud pa pos dga' ba la sogs pa'i dngos po dang / gnas dang / rgyu dang / 'bras bu 'byung ba'i rim pa dang / bskyed rdzogs rnams zhus pa'o/ /dga' ba las su grags pa ste/ /zhes pa la sogs pas ni mchog dga' ba dang / chad pa'i dga' ba dang / dga' ba la sogs pa ni sems can gyi gnas skabs su lus ngag yid gsum yin pa la bya la/sangs rgyas kyi gnas skabs su sku gsung thugs so/ /rang bzhin dga' ba de rnams las gzhan du mi rnyed do/ /de bas na/ sems las gzhan ni yod pa min/ /zhes gsungs te/ /sems logs na yang med/sems rang yang ma yin pa de ni rang bzhin dga' ba'o/ /lus kyi mgo bo'i gnas dga' ba/ /zhes bya ba la sogs pa ni lus kyi dga' ba la sogs pa ni mgo bo la sogs pa'i gnas rnams su shes par bya'o/ /lus rgyu 'bras bu de ni ngag /ces pa la sogs pas snga ma rnams las phyi ma'i rim pas 'bras bur shes la/de yang yid ches pa'i chad pa'i dga' ba shes rab ye shes kyi dbang gi ngo bo rtogs nas gnas pa la rang bzhin dga' ba zhes bya ste/ don dam pa'i ma nor ba'i 'bras bu'o/ /de ni 'di skad ston te/ de nyid gsum bdag ye shes gang //de ni bzhi pa gsum dang bral/ /zhes pa ni dga' ba gsum po de dbang gsum gyi bdag nyid gang yin pa'i ye shes de ni rang bzhin dga' ba bzhi pa dbang gsum dang bral ba gsum gyi bdag nyid do/ /rtsa gsum nang gi dbus na bzhugs/ /zhes pa ni srog ma'i dngos po'i nang na ling+ga la dang /i da dang / so sho mna' dang / gsum po'i dbus ni bya gdong ma ste de'i nang na 'bras bu bzhugs pa'o/ /gnas gsum khyab ma skye ba med/ /'od gsum srid pa gsum dang bral/ /'od rab gnas ni rab kyi mchog /de ni bzhi pa rab kyi dbang //zhes gsung ste/ de ni mgo bo dang / mgrin pa dang / snying ga gsum du khyab pa'i dbang gsum las byung ba skye ba med pa 'di bde ba gsum dang / khu ba gsum po dang bral ba'i rang bzhin dga' ba'i rnam grangs 'od rab kyi gnas gsum po dang mi 'dra ba'i gnas rab ma gnas pa de bzhi pa'i dbang yin no//gzhan dag na re rtsa gsum la ni gnas yin la skye ba med pa bzhi pa'i dbang ngo / /'od la sogs pa ni snang ba dang / snang ba mched pa dang snang ba thob pa dang / la la nAr rlag /ra sa nAs longs spyod/ a wa d+hU tIr dbang ste/de rnams dang bral ba yang dag dri med sangs rgyas rin po che'i gnas na bzhugs pa dbang bzhi pa'i ngo bo yin zer ro/ /bdun gnyis bye brag tu ni yod/ /ces bya ba'i bum pa'i dbang bcu gcig gsang ba'i dbang bcu gnyis shes rab ye shes dang bcu gsum de ltar de bzhi pa ste/de ni bcu bzhi pa'i dbang gi bye brag go/ /de yang rgyu 'bras dang gnas kyi sngo nas bsdus la dbye ste/ yan lag rab kyi mdor bsdus pa/ /zhes bya ba ni lus kyi yan lag dang nying lag thams cad kyi rab ni mgo bor bsdus pas so//chu'i dbang bskur bas ni 'bras bu dga' ba zhes pa thob bo/ /gsang ba'i dbang bskur mgrin pa ru/ /mngon par dga' ba bdag nyid mchog /ces pa ni ngag thams cad ske nas 'byung la/ der gsang ba'i dbang bskur bas 'bras bu mchog gi dga' ba thob bo/ /shes rab ye shes kyi ni dbang //snying ga ru ni chad bdag nyid/ /ces pa ni rgyu shes rab ye shes las 'bras bu chad pa'i dga' ba ste/ de yang gnas snying ga ru ye shes nyams su myong bas rtogs pa la sogs pas gzung 'dzin thams cad chad nas ye shes la gnas pa'o/ /gsang ba'i pad+ma'i lte ba ru//bzhi pa rang bzhin ngo bor grags/ /zhes pa ni gsang pad sangs rgyas rin po che'i snod kyi dbus su dbang bzhi pa bskur ba'i rang bzhin dga' ba'i 'bras bu'o/ /de ltar dbang ni bzhi ru dbye/ /zhes pa ni rgyu 'bras la sogs pa'i dbang gi dbye ba mdor bsdus pa bzhi ru dbye ba yin no//bskyed pa'i rim pa'i phyogs yin no/ /zhes pa ni de yan chad kyi dbang gcig nas gcig tu ye shes skye bas bskyed pa'i phyogs so/ /chu yi dbang ni mdoms su ste/ /zhes pa ni go sla'o/ /'dis 'bras bu tsam bstan te/ sna tshogs 'bras bu sbyin pa yi/ /zhes pa ni 'o dang 'khyud pa la sogs pa'i dga' ba sna tshogs kyi 'bras bu dga' ba dang po'i zhes ston to/rnam par smin pa'i 'bras bu ster/ /zhes pa ni gsang ba'i dbang gi 'bras bus sngar gyi dga' bar 'gyur ba las mchog gi dga' ba'o/ /rnam par 'joms pa'i 'bras bu ster//zhes bya ba ni mtshan ma la sogs pa'i dngos po thams cad bcom nas chad pa'i dga' bar 'gyur ro/ /de ni shes rab ye shes kyi dbang yin la/ de nor bu'i khar byang chub kyi sems gsal la/ gsal ba 'di rang gi shes rab ma'i mkha' la 'gro ba ni 'di skad brjod do//shes rab pad+ma'i yid 'gro'i phyir/ /rlung ma dang ni gnyis skye'i rtsa/ /gnyis ka rgyas pa yis ni bde/ /gyen gyi yi ni lam gyis bzlog /ces pa ni rang gi las kyi phyag rgya'i gsang ba'i mkha' pad+ma la byang chub kyi sems kyi dngos po 'gro la/ 'gro bas ni thabs kyi rtsa dang shes rab kyi rtsa gnyis ka rgyas pa'i ngo bo las nyams su myong la/de gyen du thabs kyis drangs pas ni rang bzhin dga' ba'i 'bras bur bstan te/ de yang / mdud pa yi ni nang nas 'gro /de ltar bzhi pa rab tu grags/ /zhes gsungs so/ /mdud pa ni thabs kyi mdud pa'o/ / nang ni rin po che nor bu'i nang du 'gro ba la grags zhes bya'o/ /mtshan nyid dang bral 'bras bur grags/ /zhes pa ni chos thams cad kyang bral ba'i chos thams cad kyi 'bras bur 'dod de/ de yang mdud pa'i bya ba nas/ /dbang gi ye shes nges bstan to/ /zhes bya ba'i bar gyis bzhi pa'i 'bras bu bstan to//'o na dbang gsum po'i 'bras bu ma bstan nam zhe na 'dir bstan mod kyi thams cad kyi ye shes kyi 'bras bu 'di yin pas na rang bzhin gtsor smos pa dang / dbang bzhi'i 'bras bu 'di tshol ba las 'bras bu gzhan ni de lta ma yin te/ dper na rgyal po'i pho brang bskyod pas 'khor dang ldan nas chas pa bzhin nam/yang na rgyal po spyan 'drangs na 'khor med kyang bsam pa 'grub pa yin no/ /ye shes de ni rgyud gzhan du ston pas gsal bar ma gsungs te/ rdo rje ka pA de bzhin gsang / /zhes pa la sogs pa ni rdo rje ka pA la'i rgyud la sogs pa ru sbas pa'o//khyod kyi ngor mdzad dbang gi don/ /zhes pa ni byang chub sems dpa' lha'i dbang phyug la ngo bo yod par bya ba ste/ rgyud gzhan du dbang gi ye shes sbas zhes bya ba'o/ /khyod kyi ngor mdzad dbang gi dang / /rgyud 'di ru ni rab tu gsal/ /zhes pa ni byang chub sems dpa' lha'i dbang phyug kho na'i ngor bcom ldan 'das kyis mdzad pa'i dbang gi don dpal ye shes thig ler gsal bar gsungs so//tshad ma shes dang zhes bya ba la sogs pa ni snod ngan par bstan te/ yang dag lam shes slob dpon gyis/ /zhes pa ni don dam pa'i lam shes pa'i bla ma gong ma'i skal ba dang mi ldan pa la mi bstan par gsungs so//a'i yig 'brus zhes pa la sogs pa'i dngos pos ni dbang bstan te/ a b+hi She ka zhes pa ni dbang ngo / /de yang dbang gi rgyu byas pas 'bras bu dga' ba la sogs pa'i ye shes su 'di nas mar 'byung ste bdag gis ni ma bshad/rang bzhin dga' ba'i sgron ma las le'u bcu gsum pa'i dka' ba bkral ba'o// //de nas yang ni bshad bya ba/ /zhes pa ni dbang bstan nas bar ma chad par nang la sogs pa'i sbyin sreg bshad do//nang gi mtshan nyid sbyin sreg go/ /zhes pa ni nang dang gsang ba la sogs pa las 'dir nang kho na bstan pa'o/ /kha ni hom khung zhes pa ste/ sngar zas bdud rtsir byin gyis brlabs la/ bsang gtor dang rdzas kyi rnam pa 'og nas mar bstan to/ /de yang / phrag dog la sogs bsang gtor bya//zhes pas bstan to/ /dum bu gsum pa zhes bya ba la sogs pa nang dang gsang ba la sogs pa byin gyis brlabs pa ste/ bdud rtsi mchog ni zhu bar byed/ /ces pa'i bar gyis so/ /gsang ba'i sbyin sreg la las kyi phyag rgya la brten pa dang / dam tshig gi phyag rgya la brten pa dang / ye shes kyi phyag rgya la brten pa'i sbyin sreg las don dam pa'i phyag rgya chen po'i 'bras bu 'thob bo/ /rang bzhin dga' ba'i sgron ma las le'u bcu bzhi pa'i dka' ba bkral ba'o// //de nas gtor ma chen po'i las kyi nges par bstan pa'i don bshad do zhes pa ni bde ba chen po byang chub kyi sems kyi rtog pa la sogs pa bsad pa'i rdzas rnams dga' ba la sogs pa'i sbyor bas byin gyis brlabs te chad pa'i dga' bar rdzas tshogs par bdud rtsir gyur te/sems can thams cad bsrung ba'i phyir gnas dur khrod chen po mtshan mo shi ba dbugs dang bral ba'i bde ba'i ro dang ldan pa'am/yang na chu bo chen po rnam par dga' ba'i ngogs srog gi rtsa'i gnas/ rin po che'i khar byang chub sems kyi rgyun mi 'chad pa'i gnas su gtang ngo / /des ni bar chad byed pa'i 'byung po la sogs pa thams cad zhi nas khams gsum gyi sems can rnams bar chad mi 'byung bar tshogs gnyis mchog dang chad dgar rdzogs nas bde ba chen po'i ye shes kyis pad+ma'i snod dum bu gcig pa shin tu rgya che ba'i nang du gang ngo //de yang he ru kar rnal 'byor pa bsams la ye shes kyi phyag rgya bca' mthe'u chung lu gu rgyud du sbrel mdzub mo gyen du 'greng bar ma sbyar la gtang ba'i sngags ni ba le ma dang has gtang ngo //de lta bu'i gtor mas 'khor ba dang mya ngan las 'das pa gnyis su med pa'i 'bras bu rnyed par 'gyur ro/ /rang bzhin dga' ba'i sgron ma las le'u bco lnga ba'i dka' ba bkral ba'o// //bsdus pa'i nges pa'i don rnams gsungs pa'i rting la ni de nas bcom ldan 'das ma phyag rgya chen pos zhes gsungs te/ sngar zhus pa'i bshad zin par dngos nas bcom ldan mo the tshom mchod nas sdud pa po la bos nas bskul ba byang chub sems dpa' sems dpa' chen po lha'i dbang phyug bos te zhes pa ni 'khor bye brag bdun cu rtsa gnyis kyi nang nas sprul pa'i sku byang chub sems dpa' lha'i dbang phyug la dmigs kyis bos te/bdag gi the tshom sol cig bya'o/ /de yang kye dpa' bo chen po lha'i dbang phyug ces te snyan cing dgyes pa'i sgo nas bos so//de kho na nyid gsum gyi bdag nyid kyi dang nges par bstan pa zhes pa la sogs pa mi zhu ba 'am ci zhes pa ni bcom ldan 'das ma le'u dang por de kho na la sogs pa bcom ldan 'das kyis gsungs pa skabs 'dir nges don zhu bar rigs so zhes bya'o//lha'i dbang phyug gis gsol pa zhes pa ni slar bcom ldan 'das la dgyes nas gsol pa'o/ /mchog gi dbang phyug ma zhes pa nas nam mkha'i mtha' legs so legs so zhes pa lha'i dbang phyug gi tshig ste/ yon tan thams cad kyis bstod nas rjes su yi rang ngo zhes pa'o//yang byang chub sems dpa' sems dpa' chen po zhes pa ni sprul pa'i sku sa bcu pa'i dbang phyug gis so/ /bcom ldan 'das mos khong du chud pas zhes pa ni bcom ldan 'das mos ni lha'i dbang phyug gis khong du chud cing shes par bya ba'i don du ni 'di skad bshad do//dga' ba chen po sems kyis zhes pa ni shes pa'i dbang gis dga' ba bde ba'i bdag nyid kyis sprul pa mang po dgye ba la sogs pa'o/ /rdzu 'phrul dang cho 'phrul dang / rmad du byung ba sprul te zhes pa ni lha'i dbang phyug gis 'jig rten gyi khams de bzhin gshegs pas gang ba'i rdzu 'phrul dang de re re las mchod pa'i lha mo dpag tu med pa sprul pa'i cho 'phrul dang /de rnams thams cad kyi phyag na pad+ma dang ku mu ta'i rang bzhin zla ba dang nyi ma'i me tog la sogs pa'i rmad du byung ba mang po sprul pa'i mchod rdzas so/ / rnam pa du ma tshogs pa'i mchod pa'i mchod sbyin byas nas zhes pa ni lha dang lha mo dang me tog la sogs pa'i rnam pa thams cad 'tshogs nas bcom ldan 'das la mchod pa bya ba la sogs pas dgyes pa byas nas so/ /sngar gyi dris pa zhes bya ba ni bcom ldan 'das mos dris pa'o/ /zhus so zhes pa ni lha'i dbang phyug gis bcom ldan 'das ye shes thig le la zhus pa'o//bcom ldan 'das ni ston pa ste/ bdud bcom pa dang ldan pa'i bdag nyid do/ /de kho na nyid la sogs pa nges pa'i don zhus pa ste/ bka' stsal du gsol zhes pa'i tshig rnams so/ /nyon cig bdag gis rab tu bshad//ces pa ni lha'i dbang phyug la sogs pa'i 'khor gyi byang chub sems dpa' rnams la sems ma yengs par nyon cig pa'o/ /ston pa po bcom ldan 'das bdag gis bshad pa ste/ 'khor rnams kyi nang du dam bcas pa'i tshig tu gsal ba'o/ /mtshan nyid las skyes kho na nyid//ces pa ni chos thams cad kyi chos nyid las skyes pa ni de kho na nyid do/ /de ltar min na zhes pa ni chos nyid las skye ba nyid las skye ba bde ba'i ngo bo ste de'i phyir mi mthun no zhes so/ /de yang kun rdzob tu brjod pa dang mi mthun bshad do/ /'di skad kyang bsnan te/ rang rig pa yi bdag nyid phyir//de bas brjod par mi nus so/ /zhes pa ni chos nyid spros pa thams cad dang bral ba'i rang rig pa yin la/ de la brjod pa'i tshig dang yi ges thog tu mi phebs te de'i phyir kun rdzob tsam du brten la brjod do/ /de kho na'i bdag nyid gsum de snang ba zhes bya ba la sogs pas bstan te/ye shes gsal ba dang shin tu gsal ba dang de yang bdag nyid kyi dbang du 'dus nas thob pa dang / ye shes dus rtag tu yang dag pa'i 'od dang ldan nas gnas pa de dpe don gnyis ka'i sgo nas bstan pa'i 'bras bu ste/ de la 'di skad 'byung ngo / /de ni gnas mchog ye shes te//zhes bya ba ni ye shes thams cad kyi mchog gi rang bzhin dga' ba'i ye shes su bshad pa yin no/ /de la/ blta bar dka' ba'i mtshan nyid do/ /zhes gsungs te/ dpyad pas mi rnyed pa bltas pas mi mthong ba'i ngo bo 'di bsgoms kyang rnyed pa ma yin no/ / de ni 'di nas mar rgyas par bshad do/ /char yang dang ni thig le'i tshul/ /de nyid gsum bdag brjod pa'o/ /'khor lo gsum yod me rlung chu/ /dngos po 'du shes rang ngo bo/ /zhes bya ba ni gsang bar rlung dang rtsa ru ldan pa'i rlung gi 'khor lo'i gnas su char yang gnas pa'o//de'i steng lte bar me'i 'khor lo'i gnas su thig le gnas pa sprul pa'i 'khor lo byung ba chu'i gnas su tshul brten pa'o/ /de gsum dang snang ba zhes bya ba'i dngos po'i dga' ba rang gi ngo bo ru gnas pa'o/ /de kho na nyid gsum du bstan pa'o/ /tshul tsam zla ba yin te/sa yi 'khor lo de ni mchog /de ni rten gyi 'du shes te/ /lha yi dbang phyug shes par bya/ /zhes pa ni 'byung ba sa'i rang bzhin snying gar chos kyi 'khor lo la brten pa'i tshul tsam dri ma dang bral nas gnas pa ste/ snang ba mched pa'i rang bzhin bsten/ /zhes pa'i mchog gi dga' ba la ni zla ba bde ba mchog /ces bcom ldan 'das kyis bos nas bstan pa shes par gyis zhes so/ /phyag rgya chen po 'dir ni mchog /nam mkha' ye shes 'du shes so/ /zhes pa ni 'byung ba nam mkha'i rang bzhin sker longs spyod rdzogs pa'i 'khor lo'i gnas su mchog gnas te/snang ba thob pa'i rang bzhin ye shes zhes bya ba'i chad pa'i dga' ba'o/ /de la ni phyag rgya chen po zhes bya'o/ /de yi mtha' ni gzhan gyi mchog /bde chen mchog gi nam mkhar ro/ /de ni rnal 'byor ngo bor grags/ /gnyis su med pa'i ye shes rab//ces bya ba ni 'byung ba gzhan gyi nam mkha'i rang bzhin bde ba chen po'i 'khor lo rtsa sum cu rtsa gnyis yod pa'i gnas na gzhan mchog chos nyid dang 'dra ba'i gnas so/ /der 'od rab kyi rang bzhin rnam par 'byed pa zhes bya ba'i rang bzhin dga' ba/ mchog gi dga' ba dang / chad pa'i dga' ba gnyis su med pa'o/ /de la ni de'i mtha' zhes bya'o/ /de ni 'khor lo drug dbus gnas/ /rnam shes drug gi ngo bo zhes pa ni rlung gi 'khor lo rtsa drug dang / me'i 'khor lo dang / sprul pa'i 'khor lo dang / chos kyi 'khor lo dang / longs spyod kyi 'khor lo dang bde ba chen po'i 'khor lo dang /drug gi dbus na sbyor ba drug gi rnam shes so/ /dngos po brten la sogs bye brag /ces bya ba ni ye shes dang rnam par 'byed pa bsdus pa'o/ /bzhir ni dbye bar yod pa'o/ /zhes pa ni rang bzhin dga' ba la yon tan 'byung bas dngos po'i ye shes dang /rten gyi ye shes dang / ye shes kyi ye shes dang / rnam par 'byed pa'i ye shes rnams 'byung ngo / /de yang dngos po ni byang chub kyi sems bde ba chen po'i 'khor lo ni gnas pa'o/ /brten ni 'khor lo longs spyod nas mar 'bab pa'i mtha' la brten no/ / ye shes ni de la kun rdzob dang don dam pa gnyis su shes pa la don dam pa la gnas par shes so/ /rnam par 'byed pa ni gnas pa la sogs pa'i ye shes thams cad spangs pa ste/ brjod pa dang spyod pa la sogs pa ni rnyed de 'byed pa'o/ /de nyid gsum bdag bye brag gis/ / zhes pa la sogs pa ni char yang thig le dang tshul dang gsum du yang dbye'o/ /de yang kun rdzob kyi sgo nas don dam par brjod do/ /mtshan mo nyin mo mtshan bral phyir/ /zhes pa ni mtshan mo ye shes ni zla ba shar ba lta bu ste snang ba'o/ /nyin mo ni nyi ma shar ba lta bu'i ye shes snang ba chen po mtshams ni nyin mo dang mtshan mo gnyis dang bral ba'i phra zhing bdag med pa srog dang rtsol ba mi rgyu ba/rgyu ba thams cad dang bral ba'i ye shes snang ba thob pa'i bdag nyid do/ /de rnams kyang sems dang sems las byung ba dang ma rig pa dang gsum gyi mtshan nyid can te/de rnams dang bral bas 'od rab ces bya ba la/ gcig pu yi ni bde ba che/ /zhes gsungs so/ /rang bzhin zhes pa la sogs pa ni gong ma ltar bdag gis ma bshad do/ /de ci'i phyir zhe na/ shes par bla mas byed pa'i phyir ro/ /de bas ni/ bla ma'i zhal nas rnyed par 'gyur//zhes pa la sogs pa ni bla mas bstan pas rang bzhin dga' ba la sogs pa'i dngos grub rnyed de/ de bas na sangs rgyas thams cad kyi rang bzhin bla ma yin par bstan pa'o/ /sa bcu yi ni dbang phyug bdag /ces pa la sogs pa ni bla ma de yang sprul pa'i sku sa bcu pa'i byang chub sems dpa' dper na rgyal po chen po rnal 'byor gyi dbang phyug in+d+ra b+hU tI lta bu'i bla mas slob ma la bstan par sla'o//'o na sa bcu pa'i byang chub sems dpa' in+d+ra b+hU tI lta bu kho na las gzhan mas bla ma mi btub po zhe na/ de lta ma yin te/ de bzhin gshegs pa thams cad kyi bdag po rdo rje sems dpa' nas rim pas dbang la sogs pa thob pa'i rnal 'byor pas bla ma btub ste mi btub pa ma yin no//de yang lung las/ slob dpon rdo rje'i bcu gcig dbang / /gsang ba'i dbang ni bcu gnyis pa/ /shes rab ye shes bcu gsum ste/ /de ltar de bzhin bcu bzhi pa'o//dbang re la ni sa re sbyar/ /de rnams sa yi dbang phyug bdag /ces gsungs so/ /de'i phyir yang dbang thob pa'i bla ma mi 'gal lo/ /de ma zad de lung gzhan nas kyang 'byung ste/ bum pa'i dbang ni dang po ste/ /gsang ba'i dbang ni gnyis pa mchog /shes rab ye shes gsum pa ste//de ltar de bzhin bzhi pa'o/ /sa brgyad la sogs dbye ba yis/ /rim bzhin sbyar nas dbang bskur thob/ /des ni bla ma slob dpon gyur/ /gzhan rnams la yang dbang bskur nus/ /zhes gsungs pas kyang btub ste/ mi 'gal bar bshad do/ /de bas na 'dir bla ma las lhag pa gzhan ston pa chen po yod pa'am zhes gsungs te go sla'o//de ltar sangs rgyas thams cad kyi bdag nyid bla ma yin par bstan nas/ 'di nas mar sngags kyi bla ma'i don gzung ba dang / 'jig rten pa'i chos spang zhing sgra mkhan la sogs pa la dbang dang man ngag mi bstan par bshad de/gang zhig bla ma'i bstan bcos la/ /mdzad dam bshad pa gang la lar/ /zhes pa ni bla ma rje btsun gyis bstan pa'i sgrub thabs la sogs pa'am yang na mdzad pa'i sgrub thabs la sogs pa'o/ /yang na man ngag bstan par yang rung ba'i chos gang na gang ngo //de ni bstan bcos de tshad don/ /de ni de nyid 'khrul pa med/ /ces bya ba ni de zhes pa dang gang zhes pa 'brel la ste/ bla mas gang na gang gis bstan cing bshad pa'am/ mdzad pa'am/ man ngag la sogs pa'i chos de ni yang dag pa'i tshad ma'i don te/ de yang rtsa ba'i rgyud las/rjes dpag mngon sum tshad ma'i don/ /thar 'dod pas ni nges par gzung / /bzung nas rjes dpag bsgoms pa las/ /don dam pa yi bden pa rnyed/ /ces gsungs so/ /yang dag pa'i tshad ma ni bla mas mngon sum du zhal gyis man ngag bstan pa la rjes su dpag nas bzung ba ste yang phyag rgya chen po thob par 'dod pas nges par byas nas bla ma ma brjed par gzung ba de la bsgoms pa'i 'bras bu don dam pa'i bden pa phyag rgya chen po rnyed par 'gyur ro//gtan tshigs des mtshan ma la sogs pa'i 'khrul pa'i chos thams cad kyang 'gag pa la ni 'khrul pa med ces bya'o//slob dpon smras dang bdag gis smras/ /de la bye brag mi dbye'o/ /zhes pa ni don dam pa rtogs pa'i slob ma bla ma drin can de lta bu'i rnal 'byor pa ni bla ma dang gnyis bye brag chos gang la yang med par shes shing rtogs pa'o/ /de ni slob dpon smras dang zhes pa la sogs pa'i don no//rnal 'byor zhes pa ni thub pa'i rgyud shes pa'i phyi'i rnams so/ /phyi ma ni yo ga'o/ /rnal 'byor ma rgyud ces bya ba ni thabs kyi rgyud rnams dang / shes rab kyi rgyud rnams zhes pa'o/ /slob dpon bstan bcos byed pa gang / /zhes pa ni brtsams shing byas pa'i chos rnams so//de la sgra dang sgra ngan du/ /lha yi dbang phyug brtag mi bya/ /zhes bya ba ni de la zhes pas 'brel par sngar bshad de/ bla mas mdzad pa dang brtsams pa'i chos thams cad ni sgra ngan pa yin par bcom ldan 'das kyis lha'i dbang phyug bos nas gsungs so//'di lta bu la sgra ngan par bstan te/ snyan dngags zlos gar gyi bstan bcos zhes pa ni phyin ci log gi tshad ma la sogs pa ni sangs rgyas kyis mdzad pa'i chos dang mi 'dra ba 'di ni mu stegs la sogs pa dang mthun pa'o/ /de la ni/ sgra dang sgra ngan brtag par bya/ /zhes gsungs so//sngags kyi bstan bcos gtan la phab/ /ces pa ni go sla bas ma bshad do/ /yang na rtsa bzhi'i don du rnam pa la sogs par shes par bya'o zhes pa ni/ la la nA 'gro ba/ bya gdong ma de kho na nyid/ /gsum bdag nyid kyi rnam pa'o/ /ra sa nA 'jug pa ni gtum mo'o/ / zla ba bde ba mchog gi tshad du bstan to/ /srog ma brten pa bdag nyid de/ /phyag rgya chen po'i rang ngo bo/ /zhes pa'o/ /a wa ng+hU tI gnas pa'i rtog med ma'i rang bzhin de'i mtha' la rnam pa la sogs pa dang bral ba'o/ /rang bzhin dga' ba'i sgron ma las le'u bcu drug pa'i dka' ba bkral ba'o// //sngar de kho na la sogs pa bshad pas don rtogs pa'i phyir/ de nas lha mo rab tu dgyes/ /zhes bya ba ni bcom ldan 'das mo phyag rgya chen po dgyes pa'o/ /rang bzhin don ni gsal ba'i phyir/ /zhes bya ba ni gong du bshad pa ni rang bzhin dga' ba'i ngo bor gsal zhing khong du chud pa'i phyir ro//dam po ru ni 'khyud byas nas/ /pad+ma dam pa rab tu bskyed/ /ces pa/ bcom ldan 'das la sbyor ba'i tshul du 'khyud de/ gsang ba'i kak+ko la dang bo la gnyis bskyod pa'i sbyor ba las bzhengs nas yang zhu ba bgyid do/ /dur khrod la sogs pa yi don//rdo rje rgyal po la ni zhus/ /zhes pa ni dur khrod dang shing dang rtswa dang lha mo la sogs pa'i don bcom ldan mos zhus pa'o/ /bsrub dang zhes pa ni la la nA dang gnyis sbyor ba'o/ /bsrub pa'i sbyor ba ni yang nas yang du bskyod pa ste/ thabs dang shes rab sbyor ba zhes bshad do/ / sbyor ba las dgyes pa la ni las zhes pa'o/ /dpal bdag dgyes nas bka' stsal to/ /zhes pa ni/ thabs dang shes rab gnyis su med pa'i dpal dkyil 'khor/ thabs kyi bdag po yin sbyor las/ /ye shes myong bas dgyes pa des/ /bcom ldan mo la bka' stsal to/ /dur khrod la sogs kyi ni don//zhes bya ba la sogs pa gsungs te/ phyi dang nang dang gsang ba'i dbye bas dur khrod dang shing dang lha mo la sogs pa'i don gsungs pa'o/ /'di la rtsa yi 'khor lte bar/ /zhes pa ni/ sprul pa'i 'khor lo la sogs pa'i dbus kyi lte ba ni srog gi rtsa yin par ston no//srog rtsa ba dang lhan cig rtsa gsum dang ldan pa'i zhes bya ba ni byang chub kyi sems dang srog rlung gi rten byed pa'i ngang / la la nA dang / ra sa nA dang / a wa d+hU tI gsum lhan cig ste srog gi rtsa'i nang na gsum gnas pa la ni ldan zhes bya'o/ /'dab ma gsum gyi pad+ma'i g.yas ngos su ping+ga la/g.yon ngos su i dang dbus su so sho mna'/ 'jug pa dang / gnas pa dang / 'gro ba 'grub par byed do zhes bya ba ni srog gi rtsa'i nang du gsum po gnas pa bya gdong ma'i pad+ma dang lte bar bcas pa 'dab ma gsum pa'i bdag nyid g.yas ngos su la la nA dri chu 'gro bar byed pa dang /g.yon ngos su ra sa nA si la phyir mi 'byung bar 'jug par byed do/ /dbus su a wa d+hU tI byang chub kyi sems ga bur gnas par byed pa'o/ /de 'dzin ma dang / ro ma dang / rtog med ma gsum du gsang ba'i pad+ma'i snying po yin te/ de bde ba gsum dang ldan pa'o/ /de dag ni bzhi po'i rtsa rnams bstan pa'o//dngos po dang ni snang ba'i ye shes srog rtsa dang ldan pa'o/ /rten ni snang ba mched pa ye shes ra sa nA dang ldan pa'o/ /ye shes ni snang ba thob pa'i ye shes la la nA dang ldan pa'o/ /rnam par 'byed pa ni yang dag dri med rang bzhin gyi ye shes spros pa dang bral ba'i ngo bo a wa d+hU tI dang ldan pa'o//las ni de rnams kyi 'byung ba ru bstan pa'o/ /zhal bzang mo ni bcom ldan mo la bos pa'o/ /de ru shes par bya ba ni rtsa de rnams su gnas sa ru bstan pa ste/ ye shes rnams de ru zhes bya bas so/ /shar ba ni longs spyod pa'i dngos po mchog gi dga' ba'o//nub pa ni rlag pa'i mtshan nyid byang chub kyi sems chad pa'o/ /dus ni rlag dang longs spyod gnyis las grol ba dbang gi rang bzhin te/ mchog dang chad pa'i dbus su rang bzhin dga' ba'i dus so/ /rtsa'i 'khor lo zhes pa ni bde ba chen po'i 'khor lo nas rlung gi 'khor lo yan chad kyi 'khor lo drug drug po rnams so//'byung ba thams cad ces bya ba ni byang chub kyi sems rnams de ru 'byung bas na rnam pa du mar 'byung ba'o/ /'bad pas btsal bar bya'o zhes pa ni rnal 'byor pas byang chub kyi sems bde ba'i ngo bor btsal ba'o/ /gang gi phyir rtsa'i 'byung ba med pa de'i phyir zhes pa ni ma btsal ni ci nyes she na byas pa dang rtsa'i nang nas byang chub kyi sems ma btsal na bde ba chen po'i ye shes mi rnyed pa'i phyir ro//de bas na 'bad la btsal dgos so/ /byang chub kyi sems kyi zhes pa ni kun rdzob dang don dam pa'i dbye bas phye na gnyis su bsdu ba'o//bdud rtsi bde ba'i ye shes zhes pa ni nyon mongs pa'i bdud de'i rtsi ru 'gyur ba ni don dam pa'i ye shes de yin no/ /'di 'jug pa dang la sogs pa gsungs pa yin no/ /byang chub kyi sems med na 'jug pa la sogs pa'i dga' ba mi shes par bstan to/ /ma shes na ji ltar phyag rgya chen po'i sgrub pa rnyed ces pa ni las dang /dam tshig dang / ye shes dang / phyag rgya chen po dang bzhi'i dngos po 'jug pa dang / gnas pa dang 'gro ba dang / skye ba bzhi phyag rgya bzhi la ma brten cing bde ba'i ye shes ma rnyed na phyag rgya chen po'i grub pa mi rnyed do/ /mi shes so/ /de bas na 'di skyon yod pa yin pas bya'o//phyag rgya chen po'i don 'dod pa'i rnal 'byor gyi dbang phyug bsam gtan la ma g.yel bar bya'o zhes gsungs so/ /brjod du med pa/ skye ba med pa/ 'gag pa med pa/ chos thams cad kyi chos nyid/ shin tu zab pa'i gting dpag dka' ba/ yang dag pa'i mthar shar ba yang ma yin nub pa yang ma yin pa rtag tu shar ba'i rang bzhin char yang thig le mchog tu gyur pa ni phyag rgya chen po'o/ /de lta bu'i dngos grub 'dod pa'i thabs dang shes rab kyi don la sbyor ba'i rnal 'byor pas dbang thams cad thob nas sems rtse gcig tu bla ma rje btsun gyis gsungs pa la gnas pas dngos grub thob par 'gyur ro//rgyas par ma bstan par bla ma la khungs bstan pa bcom ldan 'das mos zhus pa'o/ /lha mos gsol pa ni bcom ldan 'das la gsol pa'o/ /bcom ldan ni bcom ldan 'das la bod pa'o/ /rnal 'byor dbang phyug gi bsam gtan 'dir ni ji lta bu zhes pa ni sngar bdag gis bshad pas 'di ru ma bshad do//bcom ldan 'das la sogs pa go sla'o/ /kun rdzob ye shes rten pa las/ /zhes pa ni byang chub kyi sems bde ba chen po'i 'khor lo'i dkyil na a'i tshul du gnas pa de chad dga' pho brang du rten pas ye shes kyi dngos po'o//gnyis su med pa'i gnas rab rnyed/ /ces pa ni kun rdzob dang don dam pa gnyis su med pa ye shes thams cad kyi rab mchog rnyed par 'gyur ro/ /nyer 'gro bsam gtan mchog gis ni/ /zhes pa ni gnas de lta bur bdag nyid kyi byang chub kyi sems nye bar 'gro ba de la sems kyi bsam pa brtan par gnas pa ni mchog yin no//grub pa chen po rnyed par 'gyur/ /zhes bya ba ni mchog de la dus rtag tu sems brtan par gnas pas phyag rgya chen po grub pa dang ldan par 'gyur ro/ /yid dang mthun pa'i rang gnas su ni rang dga' ba'i gnas te ye shes skye ba'i gnas ni chad pa'i dga' ba'i gnas so//skyon ni thams cad dang bral ba ni nyon mongs pa'i mtshan ma dang rtog pa'i gzhi ma rig pa ste/ skyon de dang bral ba'i 'jigs pa med pa'o/ /sra ba spangs pa'i lus po yi/ /zhes pa ni lus thams cad chad pa ma yin pa ste/lus mi bsgrims par klod la ci bder byas pa'o/ /rlabs med pa yi bde ba'i stan/ /zhes pa ni mtshan ma la sogs pa'i rlabs dang bral ba ji ltar bde ba'i stan pad+ma'i lte bar ro/ /lte ba'i dbus na yod pa'i tshul/ /zhes pa ni rang byung gi me sprul pa'i 'khor lo'i lte ba na hUM tshul du yod pa'o//hUM gi yig 'bru drag chen grags/ /zhes pa ni me rang 'byung gi me hUM yin pa des rtogs pa dang mtshan ma dang / 'khor lo kun 'bar zhing bsregs pa la sogs pa'i drag po bzhin grags so/ /de yang 'di skad bstan te/ lte ba la sogs gnas bzhir ni/ / 'khor lo bzhi ni bsgom par bya/ /lte bar sprul 'khor drug cu bzhi/ /snying gar chos 'khor 'dab brgyad la/ /mgrin par longs spyod bcu drug 'dab/ /spyi bor bde 'khor sum cu gnyis/ /pad+ma'i dngos po rtsa re re/ /gsang bar rlung dkyil gzhu 'dra dang / /de steng me 'khor gru gsum mo/ /yig 'bru'i dngos po rtog pa yin//btsums pa dang ni phye ba yis/ /shes rab thabs las me 'byung bas/ /las kyi rlung gis me 'bar ro/ /lte ba'i dbus nas 'od chen 'bar/ /rtog pa'i bdag nyid mkha' 'gro bsregs/ /de nas gyen du 'gro ba'o/ /longs spyod 'khor lo lan gsum bskor//na sa g.yas byung smin gnyis phrag /u rgyan tshigs rgyas gser skor gshegs/ /bde chen yod pa'i bdud rtsir 'jug /ri bong can gyi bdud rtsi gsol/ /thugs rje'i char gyi rgyun 'bab pa/ /sngar lam zhugs nas smin phrag zhugs/ /byang chub sems kyis longs spyod gnas//sngags bsregs mkha' 'gro rab tu tshim/ /lte ba'i dbus na gnas pa'o/ /yar gyis bsregs la mar gyis gso/ /skra yi rtse mo 'bum gyi cha/ /'gro dang 'ong ba'i mthong bar dka'/ /zhes pa'o/ /srog dang rngub pa 'gog pa yis/ /zhes pa ni byang chub sems dang rlung du ldan pa'i srog dang stsol ba'i rlung gnyis 'grogs na bde ba chen po'o//srog dang rngub pa'i bza' ba gsol/ /zhes bya ba ni byang chub kyi sems bde ba chen po de phyir mi gtang bar nang du bza' bar bya'o/ /srog dang rngub pa gnyis zos nas/ /shes pa ni mchog dga' dang chad pa'i dga' ba gnyis kyi gnas de ru zos pa ni kun rdzob tu chu zla ltar ro//de na gang yin par 'gyur na chu zla lta bu de na byang chub kyi sems bdud rtsis khams gsum gang nas ye shes dang ldan pas ni 'khor ba mchog dga' dang mya ngan las 'das pa chad dga' gnyis bdud rtsis tshim pa'o/ /de nas de ni rtags ni kum//zhes pa ni rin chen khar zla ba gang ba'i dus na sna'i rlung la sogs pa yang 'gags nas rdo rje 'dzin pa'i gnas nas rtags brgyad 'byung ngo / /mtshan ma zhes pa la sogs pa ni go sla'o/ /de yang sgom pa la sems brtan pa las rtogs pa 'byung ngo / /de nas rnal 'byor dbang shes nas ni rnal 'byor dbang phyug gi bsam gtan gyi rim pa shes nas/rnam par shes pa'i ye shes mchog gi a'i tshul du mi dmigs par bsgom pa'i don to/ /nang du lta ba byas pas na sems rtse gcig tu mi g.yel bar bdag rang gi nang du gtad pa'o/ /steng mtshams ni mgo bo'i skra'i mtshams su ste mtshog mar ro//rtse mo zab pa ru ni de'i steng gi rtse mo ni bde chen gnas pa tshangs pa'i bug pa chos thams cad kyi dbyings yin pas dang zab pa'o/ /mchog gi nam mkha' ru ni mkha'/ /zhes pa ni chos thams cad kyi dbyings de ni brjod du med pa rab mchog// rmad du byung ba 'di bde chen gyi nam mkha' ru gnas te a'i dngos po'i tshul du bshad do/ /yi ge mchog ni tshor byas nas ni a skye ba med pa de la bsgoms pas nyams su myong nas rtogs pa'i shes rab bo/ /tshangs pa'i yul sa'i pad phug byas/ /zhes bya ba ni sprul pa'i 'khor lo'i la la'i lte ba rgyas par bya ba'i bde ba chen po'i ye shes so//chags pa dang bral gnas su 'gro/ /zhes pa ni bde ba chen po ye shes de spros pa dang bral ba'i rang bzhin dga' ba'i gnas su shes par 'gyur ro/ /de ni de bzhin gshegs pa thams cad kyi gnas yin par ston to/ / dpal dang ldan pa'i rdor 'dzin pa'i/ /lha mo gnas der shes par bya/ /zhes pa thabs kyi mkha' dang shes rab kyi dbyings shes pas gnas te/ bcom ldan 'das dpal rdo rje 'dzin pa 'khor dpag tu med pa'i yang dpag tu med pa dang bcas nas bzhugs pa la ni lha mo la bos nas shes par gyis shig pa'o//de lta bu yi 'dus pa'i sa'i/ /zhes pa ni/ mkha' 'gro dang mkha' 'gro ma dang rnal 'byor dang rnal 'byor ma la sogs pa sngar bshad pa'i 'khor thams cad sngar gyi gnas su 'dus pa la de skad ces bya'o/ /dur khrod chen po'i chos kyi 'byung gnas kyi gzhir zhes pa ni dbugs 'byung ba la sogs pa spangs pa'i dur khrod ye shes la sogs pa'i shin tu bde ba chen po 'dus byas kyi chos thams cad dang 'dus ma byas kyi chos rnams de las 'byung ba'i phyir ni chos kyi 'byung gnas thams cad kyi skye ba dang 'gag pa dang /gnas sa yin pas na gzhi zhes bshad do//grangs med pa ni bye bas yang dpag tu med pa'i yang dpag tu med pa'o/ /rnal 'byor ni rang bzhin dga' ba'i don la mchog gi dga' ba dang chad pa'i dga' bas sbyor bas so/ /phyag rgya chen po'i dngos grub thob ste zhes pa la sogs pa'i don ni sngar bshad do//rang bzhin dga' ba'i sgron ma las le'u bcu bdun pa'i dka' ba bkral ba'o// //sor bcu gnyis ni tshigs pa med/ /ces pa ni mgrin pa'i steng nas tshigs pa'am/ 'dud pa med pa'i sang nge 'dug pa'i sor bcu gnyis kyis tshangs pa'i bu ga'i bar du'o/ / 'og gi cha ni bcu gnyis phyed/ /ces pa ni mgrin pa'i 'og ni rlung gi 'khor lo yan chad du bcu gnyis phyed de mdud pa drug yod pa'o/ /de bzhin sprul pa'i pad+ma ru/ /zhes pa la sogs pa ni sngar bzhin du mdud pa sprul pa'i 'khor lo'i gsang ba'i pad+ma'i rtsa gtso bo gsum ste/ ping+ga la dang / in da dang / so sho mna' gsum gyis pad+ma'i 'dab ma gsum mo/ /des ni ye shes gsal bar byed do/ /de rnams la ni 'di ltar bstan te/ rtsa dang bcas pa'i lte ba'i nang du zhes pa gsungs so/ /rtsa dang pad+mar bcas pa'i lte ba yod pa'i nang du 'byung ngo / /rtsa ba rtsa ba'i nang 'ongs nas//zhes pa ni byang chub kyi sems bde ba chen po'i 'khor lo na yod pa'i chos thams cad kyi rtsa ba yin te/ rtsa ba de rtsa bye ba phrag bdun cu rtsa gnyis kyi rtsa ba srog gi nang du 'ongs nas bde ba la la gnas so/ /de yang 'di lta ste/ 'dab ma'i skye ru bcar te gnas/ /zhes pa la sogs pa ni srog rtsa dang /bde ba dang / 'dzin ma dang / ro ma dang / rtog med ma dang bcas pa ste gsum gyis 'dab ma la gnas pa rtsa'i rtse mo slar la dum gcig bkug nas yod pa de ni sangs rgyas rin chen snod do/ /bu ga phra mos nang na ldan/ /zhes pa la sogs pa ni srog gi rtsa ba la bu ga dang /'dzin ma la sogs pa'i rtsa gsum dang ldan nas gnas pa'o/ /'dzin ma la sogs pa'i rten kyang yin te dga' ba'i rang bzhin rtsa gsum gyi rten no/ /rgyu dang 'bras bu gnyis med kyis/ /zhes pa ni srog gi rtsa ni rgyu la rtsa gzhan gsum po ni 'bras bu ste bde ba chen po'i rang bzhin dga' ba ni gnyis su med pa'i ye shes kyis so//rtsa ba 'bras bu rgya yis btab pa ni rang bzhin gyi ye shes kyis rgyu dang 'bras bu'i rtsa la sogs pa'i dngos po thams cad ni gnyis su med pa 'od rab kyis rgyas btab pa'o/ /drug phyed rtsa ba dang ldan ni/ /la sogs pa ni srog gi rtsa dang rtsa gsum ldan pa'i bdag po'am/yang na srog gi rtsa sor gsum bya gdong du yod pa la bya ba la bstan to/ /srog gi rtsa ni byad dang gzugs la sogs pa gsal ba'i chos can yin no/ /de yang longs spyod rdzogs pa'i sku dang sprul pa'i sku la sogs pa'i yon tan no/ /bcu drug phyed phyed bye brag tu//zhes pa ni bcu drug gi phyed brgyad/ de'i phyed bzhi ste/ la la nA dang / ra sa nA dang / a wa d+hU tI dang / srog gi rtsa dang bzhi la ni srog ma 'dzin ma ro ma/ rtog med ma bzhi ru bshad do/ /de ni rtsa'i skud pa gcig pu'o/ /zhes pa ni don dam pa ru gcig pu'o/ /rtsa ba gsum dbye skal ldan mo//zhes pa la sogs pa ni yang na 'dzin ma la sogs pa gsum la 'bras bu yang de rang ngo / /yang na srog rtsa bya gdong gi gnas su sor gsum na me re mdud pa med par 'dug go/ /'bras bu gsum po'i sna la sor gcig gnas pa 'di ni rtsa dang 'bras bu gnyis kyi gnas ni la la nA dang /ra sa nA dang / a wa d+hU tI dang gsum gyi gnas ni srog gi rtsa'o/ /gsum po rgyu dang 'bras bu'i bye brag la ni bcu gnyis phyed do/ /gcig po ni de rnams 'bras bu gcig pa'o/ /'bras bu ni phra ba'i rang bzhin nam 'jam pa rtog med ma'o/ /rin chen kha nang yan chad do/ /zhes pa la sogs pa ni bde ba chen po'i 'khor lo'i lte ba nas rlung gi 'khor lo lte ba rin po che'i kha ru gnas pa ye shes kyi rang bzhin thig le rgya ba'i rtsa ba'i skud pa/sbyor ba drug gi rten byed pa'i skud pa yod do/ /sbyor ba drug ni char yang zhes pa la sogs pa bstan to/ /dpal ni gzhan min 'dir ni chad//ces pa rgyud kyi mtshan dang tshad bstan te dpal ye shes thig le ni sbyor ba drug tu bshad do/ /'di skad du shrI dz+nyA na ti la ka zhes pa'i/ char yang dang thig le'i tshul/ tshul tsam mchog gzhan mchog drug dang / /nyungs kar zhes pas so/ /dpal ldan ye shes thig le 'di/ / zhes pa ni byang chub kyi sems bde ba chen po'i ngo bo ru bzhugs pa 'di ni thams cad kyi bdag po'o/ /mkha' 'gro ma yi 'khor los sgyur/ /zhes pa la sogs pa gsungs te/ mkha' 'gro ma stong phrag bdun cu rtsa gnyis la sogs pa'i dkyil 'khor ba dang / de yang rtsa'i dngos po yin te/ rtsa re re mkha' 'gro ma re re bstan te/ mkha' ni stong pa la byang chub kyi sems 'gro ba'o/ /yang na chos thams cad dbyings su 'gro ba'o/ /'jug pa gnas pa longs spyod yin/ /zhes pa ni g.yon gyi i da sa hi la gyen du 'jug pa'i steng du 'gro ba longs spyod kyi gnas pa'o/ /rlag pa 'gro ba'i gnas su yod//ces pa ni la la nA gla rtsi 'og tu 'gro ba rlag pa'i gnas so/ /'byung ba dbang gis gnas su ste/ /zhes pa dbus kyi so sho mna' ga bur gnas pa dbus su gnas nas dbang gis gnas so/ /rang bzhin de ni mchog gzhan mchog /ces pa ni rlag pa dang / longs spyod dang / dbang dang gsum la sogs pa'i 'bras bu phyag rgya chen po'i rang bzhin ni mchog dang mchog gi yang mchog go/ /g.yon la sogs pa ni shes par sla'o/ /de bzhin 'di ni dran pa'o/ /zhes pa ni g.yon pa la sogs pa'am/ steng 'og la sogs pa dang 'dra'o/ /de rnams lte ba'i dbus su ni/ / zhes pa ni rtsa rnams la sogs pa gsang ba'i lte ba'i dbus na yod do/ /skra rtse bye ba brgya yi cha/ /zhes pa ni mtshan pa'i ngo bo'i tshul te rab tu gsungs so/ /tshad dang de bzhin du ni gnas/ /zhes pa ni de yan chad du tshad dang gnas bstan pa'i skabs su mtshan kyang bstan pa'o/ /zhal bzangs ye shes thig le'o//zhes pa la sogs pa go sla'o/ /de kun sa yi dbang phyug bdag /ces pa ni sa bcu drug gi bdag po ni bcom ldan 'das dpal ye shes thig le dbang phyug chen po'o/ /gnas la sogs pa dga' ba'i gnas/ /zhes pa ni gnas dang nye ba'i gnas la sogs pa bcu drug po ni dga' ba bcu drug tu sbyar ro//sa yi sgra yis brjod yin no/ /zhes pa ni mos pa spyod pa la sogs pa bcu drug dang yang sbyor ro/ /ji ltar sbyor zhe na/ de ni gnas dang nye ba'i gnas la sogs pa'i rim pas sbyar te/ de yang 'di skad bstan to/ /gnas la sogs rim dbye ba yis/ /dga' sogs rim par dbye ba'o//de ltar sa yi dbye ba'o/ /gnas dang 'dod dga' mos spyod sa/ /nye gnas 'dar dga' rab dga'i sa/ /zhing dang 'gro dga' dri med sa/ /nye zhing dga' bo 'od byed pa/ /tshan do rgyas dga' 'od 'phro ba/ /nye tshan bdud dga' sbyang dga' ba/ /'dus pa 'byung dga' mngon gyur pa/ / nye 'dus mchog dga' ring du song / /dur khrod 'bar dga' mi g.yo ba/ /nye 'dus thig dga' chags blo gros/ /byil mos dga' ba chos sprin sa/ /nye byi chad dga' kun du 'ong / /lam nas uta dga' kun snang mched/ /nye ba'i tshul dga' snang ba thob/ /sbyor ba gnyis dga' 'od rab sa//nye sbyor rang bzhin brjod du med/ /gnas la sogs pa'i dbye ba yis/ /dga' ba sa dang phye la sbyar/ /zhes so/ /gzhan yang rgya cher sbyar ro/ /mos pa spyod pa ni drod rtse mo bzod pa 'jig rten chos kyi mchog dang ldan pa'i sa ste dang po'o/ /chu'i dbang gi 'bras bu'o/ /rang bzhin dga' ba'i sgron ma las le'u bco brgyad pa'i dka' ba bkral ba'o// //rgyud la sogs pa'i tshad la sogs pa bstan nas bcom ldan mos slob dpon dang slob ma 'brel bar bya ba'i phyir dang / rgyud kyi rim pa gong du ma gsungs pa des zhus pas/ de nas yang ni bshad bya ba ni zhus ma thag bshad par zhal gyis bzhes pa ste gong du bstan kyang zhes pa'o//bla ma slob ma'i mtshan nyid do/ /zhes pa la sogs pa ni de gnyis 'brel pa'i mtshan nyid de/ de yang sngon la bla ma'i yon tan bstan to/ /gzhan zhes pa la sogs pa ni bum pa'i dbang la sogs pa dbye ba dang gsang ba'i dbang dang shes rab ye shes kyi dbang dang bzhi pa'i dbang la sogs pa dgongs pa'i dbang yan chad thob pa/sems can la snying rje dang ldan pa/ sngags kyi spyod pa la sogs pas rlabs chen po dang yon tan thams cad kyis brgyan pa'i bla ma rdo rje sems dpa' dngos so/ /slob ma yang de ltar yon tan tshang ba'i slob ma gzung ngo //rang bzhin dga' ba'i sgron ma las le'u bcu dgu pa'i dka' ba bkral ba'o// //slob dpon la sogs pa'i mtshan nyid bshad nas rgyud kyi rim pa dang don dang bcas par bshad do/ /sa bon las ni myu gu bzhin/ /zhes pa ni sa bon myu gu de las sdong bu de bzhin du rtsa ba'i rgyud las brtag pa'i rgyud/de las rgyud phyi ma/ de las phyi ma'i phyi ma/ de las bshad pa'i rgyud/ de las snying po'i rgyud/ de las 'bras bu'i rgyud/ de las rmad du 'byung ba'i rgyud do/ /rgyud kun rim pas so zhes pa ni sngon ma'i rgyud de ltar shes pas gzhan rnams kyang shes pa'i rim pa ni 'brel pa la rgyud ces bshad do//yang na don ni rgyud yin te/ /zhes pa ni rdo rje sems dpa'i don ni tshig dang yi ges mtshon pas 'brel pa la rgyud ces pa'am/ yang na rdo rje sems dpa'i don brjod pa la ni sngar bzhin rgyud 'dzin zhes bya'o/ /yang na rim pa gnyis ni rgyud/ /ces pa ni bskyed pa'i rim pa'i sgo nas zhugs pas rdzogs pa'i rim pa thob pa 'brel pa'o//lha mo ni bos nas bshad pa'o/ /gang du skal ldan mo zhes pa ni dus gcig tu gnas pa'i sa ste/ de yang / shes rab thabs gnyis phrad pa'i sa/ /de ni rgyud du bshad pa yin/ /zhes bya ba ni yab yum gnyis bsrubs pa las zla ba nyi ma phrad pa gang yin pa'i skal ba dang ldan pa ni de bzhin gshegs pa thams cad slar rdo rje 'dzin pa'i rigs gcig tu gyur pa de rgyud du bshad do//yang na ye shes las 'byung ba/ /zhes bya ba la sogs pa ni tan+t+ra ni rgyud de/ yab yum gnyis lha'i sku rdzogs nas tha mal pa'i rtog pa la sogs pa'i dri ma spangs nas zla ba dang nyi ma'i dngos po 'dres pa las tshad pa'i dga' ba de'i rnam pa las rang bzhin dga' ba don dam pa mtshan ma la sogs pa dang bral ba kun rdzob tu chu'i zla ba nya gang ba bzhin du gnas pa ni a'i don to//ci'i phyir zhe na/ a ni skye ba dang 'gag pa med de gang la skye 'gag med pa de la ni don dam pa zhes bya'o//mtshan yang dag par brjod pa las kyang / /a ni yig 'bru kun gyi mchog /khong nas 'byung ba skye ba med/ /ces gsungs so/ /lung las kyang 'di skad ston te/ a zhes nam mkha'i dbyings na bde/ /brjod pa thams cad spangs pa ste/ / 'gag pa ma yin skye ba min/ /skye 'gag gnyis dang bral ba min/ /zhes gsungs so/ /des ni dam pa'i tshul gyi rgyud kyi don yang bshad do/ /rang bzhin dga' ba'i sgron ma las le'u nyi shu pa'i dka' ba bkral ba'o// //rgyud ces bya ba yab yum gnyis yin par bstan pas bcom ldan 'das mos bdag rang gi ngo bo dang rgyud gang yin pa zhus pa'o//bcom ldan 'das zhes pa la sogs pa ni bstan gyis de bzhin du rtogs par dka' ba'i don ni sgrub pa po yang dag pa'i ye shes dang ldan pas bcom ldan mo rnyed pa'o/ /lha mo khyod ni 'byung ba min/ /zhes pa la sogs pa ni rgyu las kyang mi 'byung gcig nas gcig tu yang mi skye/gong nas 'og tu yang 'pho ba ma yin/ skye shi'i mtshan ma la sogs pa'i chos dang bral ba'i rlabs can no/ /rang gi ngo bo ye shes 'od/ /ces pa la sogs pa ni bcom ldan 'das ye shes thig le sngar bstan pa de'i 'od/ de bas na rang 'od kyi shes rab ces gsungs so//'di ni kun rdzob dang don dam pa'i bye brag gis phye na phyi la sogs pa'i rang gi shes rab dang bcas pa'i dbye ba'o/ /gzhan min bdag dang khyod min na/ /zhes pa la sogs pa ni yab dang yum gnyis med na de bzhin gshegs pas kyang rnyed par dka'i/ 'jig rten thams cad kyis bla na med pa'i 'bras bu thob pa'i skyon yod de/ de bas na/ mgo bo bcad pa'i mi bzhin du/ /zhes gsungs so/ /thams cad mkhyen pa'i chos dang 'dra ba shes nas 'di ltar sems can rnams rdo rje 'dzin pa'i 'bras bu rnyed pa yang lha mo'i yon tan du brjod do/ /don dam par de ltar yin yang /kun rdzob bskyed pa'i rim par ni/ /mchog gi nam mkha'i gnas nas byon/ /zhes pa la sogs pa ni bde ba chen po'i 'khor lo mchog khyad par can gyi nam mkha' nas byon nas longs spyod rdzogs pa'i 'khor lor gshegs pa dang / chos kyi 'khor lor gnas so/ /de nas sprul pa'i 'khor lor dus rtag tu bzhugs te/bde ba chen po byang chub kyi sems ni rgyu yin la/ longs spyod ni 'byung ba'i khungs so/ /chos ni gnas pa'i rten sprul pa ni rang bzhin gyi gzhi'o/ /kun rdzob rnam pa'i gzugs su ni/ /zhes pa la sogs pa ni kun rdzob las don dam pa'i ye shes kyi sku yab kyi byang chub kyi sems dang /yum gyi byang chub kyi sems kyi tshul du gsang sna'i snying po na bzhugs so/ /langs na bde ba yin pad+ma/ /thig le khong du chud pa'i phyir/ /zhes pa ni gnyis su med pa'i byang chub kyi sems kyi thig le rtogs nas rnyed par bya ba'i don du thabs dang shes rab kyi sbyor ba las rlung gis me sbar ba las langs te sprul par 'bar ba'o//gshegs nas brten pa kun ka tshig /ces pa ni/ lte ba nas gyen du gtum mo'i 'od gshegs pas chos kyi 'khor lo'i rtog pa'i dngos po'i phung po dang khams la sogs pa kun bsreg pa'o/ /rgyal ba'i thig le khyer nas su/ /zhes pa ni de bzhin gshegs pa'i 'od kyis longs spyod la sogs pa nas gser sgor zhugs pas bde ba chen po'i bdud rtsi la rol cing yang sngar gyi lam nas 'bab pa'o//yang ni khyod 'dir byon pa'i don/ /zhes pa'i thabs dang lhan cig snod rang gi pad+ma ru byin pa'o/ /de la 'di skad bstan to/ /chos kyi 'khor lo'i bar du bsregs pa'ang gsos nas lte ba'i sprul ba'i 'khor lo'i dbus na gnas pa'o//de'i tshe zhes pa la sogs pa ni go sla'o/ /rang bzhin dga' ba'i sgron ma las le'u nyi shu rtsa gcig pa'i dka' ba bkral ba'o// //phyag rgya chen po'i rang gi ngo bo bstan nas yang bshad do/ / byang chub sems ni gsang ba yin/ /zhes pa ni gsang ba don rab 'bring tha ma'i dbye bas gsum du bshad do/ /khu ba'i byang chub kyi sems la skabs 'dir gsang zhes bstan te/ khu ba'i ngo bo 'phur dang bral/ /zhes pa la sogs pa ni khu ba de 'gro ba dang 'pho ba la sogs pa dang bral ba shes rab kyi b+ha ga la gnas pa sems can thams cad la yang gnas pa dga' ba myong bar byed pa'i dngos po'o//bcom ldan mos gsol ba zhes pa la sogs pa ni bcom ldan 'das la slar zhus te brgal ba/ byang chub kyi sems kyi khu ba'i gzugs gsang ba yin phan chad khams gsum gyi sems can thams cad kyis gsang ba shes pas de'i phyir bum pa'i dbang /gsang ba'i dbang la sogs pa bskur mi dgos par thar bar 'gyur ba'i skyon yod pas so/ /bcom ldan 'das kyis bka' stsal pa zhes pa slar lha mo la bskyar ba'o/ /sangs rgyas kyi yum de ni bden zhes pa la sogs pa de ni de bzhin gshegs pa'i rigs lnga la sogs pa'i bskyed pa'i ma byang chub kyi sems gsang ba khu ba yin pas ma nor bar nges par gzung ngo //'on kyang ni de ltar yin yang drang ba'i don dang nges pa'i don gnyis su dbye'o/ /de yang / drang ba'i don gyi tshig gis ldan//zhes pa ni drang don du byas pa'i dbang gis tshig tu smos pas skye na tshig dang don du ldan no/ /rten gyi don phyir yang dag nges pa'i don/ /rten med na ni 'bras bu rnyed mi 'gyur/ /zhes pa ni byang chub kyi sems khu ba'i gzugs gsang ba la brten pa drang ba'i don yin yang / nges pa'i don gyis bde ba'i ye shes rnyed la/khu ba'i ngo bo rten med na nges pa'i ye shes kyi 'bras bu mi rnyed pa'o/ /lus kyi dngos med ji ltar 'di ru sems/ /ji ltar don mthun gsang zhes pa ni dper na lus po med na sems gnas pa med pa bzhin/ dpe de ltar khu ba med na bde ba med pa ni don mthun pa'o//'o na skye mched mu bzhi la gzugs med pa'i khams so/ /de'i phyir 'dod chags kyi chos bstan pa'o/ /khu ba'i gzugs gang yin pa lus te/ de na bde ba'i sems yod pa'i mi 'gal lam zhe na de ni de ltar bden te 'on kyang me tog gzugs med par dri'i dngos po mi 'byung ba'i dpe dang gzugs med pa'i dbang du chos bstan pa ma yin gyi/'dod khams pa'i dbang du chos bstan pa'o/ /des ni tha ma'i gsang ba bstan to/ /drang ba'i don min nges pa'i don yang min/ /zhes pa la sogs pa ni kun rdzob kyi bskyed rim dang bral nas don dam pa'i rdzogs pa'i gsang ba ste rab kyi gsang ba bstan to//yang na 'bring gi don gyis su/ /zhes pa la sogs pa ni 'bring gi gsang ba ste/ de ni rang bzhin dga' ba rab kyi gsang ba rnyed par 'gyur ro/ /de rnyed pa ni brjod du med pa nam mkha'i rang bzhin gyi ngo bo yin no/ /rang bzhin dga' ba'i sgron ma las le'u nyi shu rtsa gnyis pa'i dka' ba bkral ba'o// //gsang ba'i don bcom ldan 'das kyis rang bzhin dga' ba zhes gsungs pas rang bzhin rtogs na chos thams cad kyi rtsa ba don dam pa yin par dgongs nas/ de nas bcom ldan mos 'jam pa'i dbyangs kyis yang zhu bar byed do zhes pa la sogs pas ni bcom ldan 'das rdo rje sems dpa' mgon ma mchis pa'i mgon du gyur pa'i mgon po zhes dbyangs snyan cing 'jam pa brjod nas chos thams cad khyod kyis sngar gtan la phab pa'i don rang bzhin dga' ba ji lta ba lags zhes zhus pa ste lha mos so//de lta bu'i tshig thos nas zhes pa ni rang bzhin dga' ba'i don dam pa spros pa dang bral ba de'i ngo bo ji lta bu zhes pa'i tshig thos nas bcom ldan 'das cang mi gsung ba'i dngos pos zhes pa la sogs pas ni rang bzhin dga' ba'i don la zhugs te bzhugs pa'o//ci'i phyir zhe na/ rang bzhin dga' ba'i don ni mchog dang chad pa'i gnyis las grol ba/tshig dang bral ba/ yi ge dang bral ba/ rgyu 'bras spangs pa ste/ 'di lta bu'o/ /zad pa med cing 'phel ba med/ /skye ba med cing 'gag pa med/ /'ong ba med cing 'gro ba med/ /'pho ba med cing gnas pa med/ /thog ma ma yin tha ma min/ /dbu ma min zhing mtha' yang min/ mya ngan 'das min 'khor ba min/ /gzung ba ma yin 'dzin pa min/ /shes rab thabs su snyoms 'jug 'di/ /thams cad der ni 'dus pa yin/ /rnal 'byor dbang phyug dus shes pa/ /dus dang bral ba rang bzhin don/ /de lta'i rang bzhin don dam pa/ /shar ba med cing nub pa med//gnyis po gang sbyar ba yi dus/ /de ni rang bzhin dga' bar bshad/ /ces so/ /de nas bcom ldan mo zhes pa nas/ cang mi smra bar bzhugs so zhes pa'i bar gyis rang bzhin gyis don zhus pas 'gyod pa'o/ /de'i dus su bya ba nas sna tshogs par snang / yod pa zhes bya ba la sogs pa ni bcom ldan mo 'khor dang bcas pa sna tshogs pad+ma'i nang chos kyi 'byung gnas stong par mthong ba la sogs pa'o/ /de yang sna tshogs zhes pa ni 'khor rnams dang bcas pa'i tshogs pa'o/ /pad+ma zhes pa ni chos nyid skye ba med pa'i dbyings skyon dang bral ba'o//chos kyi 'byung gnas ni sngar bshad do/ /stong pa la sogs pa ni go sla bas ma bshad do/ /kye byang chub sems dpa' zhes pa la sogs pa ni bcom ldan 'das mo 'khor dang bcas pas dris pa'o/ /lha'i dbang phyug gis zhes pa la sogs pa ni go sla'o/ /ci'i phyir zhe na/ rang bzhin brjod du med pa dang zhes pa la sogs pa'i don ni sngar bshad do/ /rig pa med pa de'i phyir dris pa la lan med pa zhes pa ni sngar bstan kyang 'dir ni shes rgyu 'am/ rig rgyu 'am/ rtogs pa med pa la bstan du med pa ston cig gsungs pas na lan med pas na bzhugs zhes bshad do//rang bzhin dga' ba dpe ji ltar snang ba med pa dang / de ltar nyams su kun rdzob tu myong ba yin zhe na'o/ /rang bzhin dga' ba'i nam mkha' bzhin snang ba med de snang ba thams cad dang bral ba'o/ /nyams su myong ba ni kun rdzob tu dper na bu mo lo bcu drug lon pa'i bde ba shin tu rgyas pa bzhin no//de yang lung las ni/ ji ltar gzhon pa'i chags dga' dang / /ji ltar lkugs pa'i rmi lam dang / /de bzhin nyid kyis mig rgyas btab/ /rang bzhin 'di ni shin tu phra/ /zhes gsungs so/ /de yang 'di skad kyang bstan te/ rtogs shig rab rtogs byed pa na//gsal 'gyur 'di ni bzhi pa yin/ /ye shes snying po shin tu phra/ /rdo rje sems dpa' mkha' dang mtshungs/ /zhes gsungs so/ /des ci yang ma yin pa'i rang bzhin dga' ba'i don rnyed pa'o/ /rang bzhin dga' ba'i sgron ma las le'u nyi shu rtsa gsum pa'i dka' ba bkral ba'o// //gzhan rnams ni bla mas 'chad par 'gyur ba dang / thams cad kyi rtsa ba rang bzhin dga' ba'i nor bu rin po che dang 'dra ba las 'bras bu med pas ma bshad do/ /de bas na 'dir bsdus pa'o/ /rang bzhin dga' ba'i sdom gang yin/ /sus shes rnal 'byor dbang phyug ste//de ni bdag gis gsal bshad pa/ /rang bzhin mkha' 'gror bzod par gsol/ /dbang bzhi thob pa'i rnal 'byor pas/ /skabs su bshad bzhin phye ba yis/ /dga' ba bzhi yi 'bras bu btsal/ /mkha' 'gro ma bzhi bzod par gsol/ /smyon pa lta bu'i tshig yin yang //dran pa lta bu'i don 'byung bas/ /sangs rgyas lta bu'i bla rnams la/ /sgyu ma lta bu'i bzod pa gsol/ /rang bzhin dga' ba'i rin chen 'di/ /ye shes sgron mas gsal bar byas/ /rnyed nas dbul phongs bral ba bzhin/ /sems can kun gyi rin chen shog/ /rang bzhin dga' sgron dka' 'grel 'di//bdag gis brtsams pa'i dge ba 'dis/ /khams gsum ye shes sgron gyur nas/ /rang bzhin don ni rnyed par shog /dpal rang bzhin dga' ba'i sgron ma zhes bya ba'i dka' 'grel/ khog don bsdus pa slob dpon chen po rdo rje gsang ba'i zhal snga nas mdzad pa rdzogs so// //rgya gar kyi mkhan po ma hA yo gI shrI pra dz+nyA gup+tas bsgyur cing bshad pa'o/ /rin chen lta bu'i 'grel pa 'di/ /snod dang ldan pa'i bu la gtad/ /mun pa lta bu'i dbang med la/ /lcags kyu lta bu'i sems kyis bsdoms/ /zhes gtad pa'i gtad tshig cho ga dang bcas pa'o/

CLOSE WINDOW