CLOSE WINDOW

D1199
བོད་ཡིག

@##/ /rgya gar skad du/ sarba tan+t+ra s+ya ni dA na ma hA gu h+ya shrI samU Ta tan+t+ra rA dza nA ma TI kA rat+na mA la nA ma/ bod skad du/ rgyud thams cad kyi gleng gzhi dang gsang chen dpal kun du kha sbyor zhes bya ba'i rgyud kyi rgyal po'i rgya cher bshad pa rin chen phreng ba zhes bya ba/dpal rdo rje mkha' 'gro ma la phyag 'tshal lo/ /thabs dang shes rab bdag nyid can/ /gnyis med rdzogs longs spyod pa dang / /drag po 'jigs byed 'dul mdzad pa//spyi bos btud la kha sbyor bshad/ /brjod bya rgyu yi don yin la/ /rtogs pa dgos pa yin par bshad/ /snod bcud thams cad bde chen du rtogs pa mthar thug ste/ 'brel ba shugs las rtogs par 'dod//de la bsdus pa'i don ni/ gleng gzhi dang / rgyu dang / rjes su yi rang bas bstod pa gsum yin la/ 'di skad ces bya ba nas gsungs so zhes bya ba'i bar gyis ni gleng gzhi bstan to/ / de nas zhes bya ba nas 'dzum pa mdzad do zhes bya ba'i bar gyis ston pas gleng bslang ba dang / 'dzum pa mdzad ma thag tu zhes bya ba nas nyan par 'tshal lo zhes bya ba'i bar gyis 'khor gyis gleng bslang ba bstan to/ /bka' stsal to zhes bya ba nas yon tan gyi 'byung gnas legs so legs so zhes bya ba'i bar gyis skabs dbye ba bstan to//rgyud kyi mtshan bshad pa dang bzhi yin la/ rdo rje snying po la sogs pa nas/ dbang bskur nyid kyis mtshon byed do//zhes bya ba'i bar gyis mtshan bstan to/ /thabs dang shes rab bdag nyid rgyud/ /ces bya ba nas le'u dang po'i rab tu byed pa bzhi dang le'u lnga'i rab tu byed pa lnga las brtse ba'i tshul gyis bsgom par bya'o zhes bya ba'i bar gyis zab pa'i rdzogs rim bsgom pa bstan to//de la thabs dang shes rab kyi rgyud nas/ ji ltar 'dod bzhin 'grub par 'gyur/ /zhes bya ba'i bar gyis las gsum gyi thun mong gi shes bya bstan to/ /sngon du mtshan nyid bstan pa bzhin/ /zhes bya ba nas/mya ngan las 'das dpa' bo yin/ /zhes bya ba'i bar gyis grol ba'i lam bstan pa dang / ma dang sring mo nyid dang ni/ /zhes bya ba nas/ nor bu 'dzin sogs lam gyi rigs/ /zhes bya ba'i bar gyis chags pa'i lam bstan to/ / sgom pa po med ces bya ba nas bsam gtan bde brjod ces bya ba'i bar gyis rang lhag pa'i lam bstan to/ /rab tu byed pa gnyis pas byang chub kyi phyogs kyi sems rtsa ba'i 'khor lo snang ba dang bcas pa bstan to/ /rab tu byed pa gsum pas bde mchog dang mnyam sbyor gyi gleng gzhi bstan to//rab tu byed pa bzhi pas gsang ba 'dus pa la sogs pa'i gleng gzhi rgyas par bstan pa dang / le'u gnyis pa'i rab tu byed pa dang po las chu dang gsang ba dang shes rab ye shes gsum gyi dbang bskur ba bstan pa dang / rab tu byed pa gnyis pas bzhi pa bsam gyis mi khyab pa'i zab pa'i rdzogs rim bstan to//le'u gnyis pa'i rab tu byed pa gsum pa nas le'u bzhi pa'i rab tu byed pa bzhi dang drug gis bskyed pa'i rim pa bstan to/ /de la dang pos ni he ru ka du ma bsgom pa bstan to/ /gnyis pas ni sgrol ma 'byung ba'i rgyud kyi lha mo du ma bsgom pa bstan to//gsum pas ni phyag rgya drug gi bsgom pa bstan to/ /bzhi pas ni rdo rje gdan bzhi'i ye shes mkha' 'gro bsgom pa bstan to/ /lnga pas ni bdag med ma bsgom pa bstan to/ /drug pas ni de nyid bsdus pa'i rgyud dang mthun pa'i bsgom pa bstan to/ /le'u bzhi pa'i rab tu byed pa bzhi dang /le'u lnga pa'i rab tu byed pa gnyis kas bskyed rdzogs gnyis brten par byed pa'i tshogs kyi 'khor lo bstan to/ /de la dang pos yi ge brda'i mtshan nyid dang gnyis pas dbang bskur ba'i lha mo'i mtshan nyid bstan to/ /gsum pas dpa' bo dang bka' nod pa'i mtshan nyid dang / bzhi pas de rnams kyi yan lag gi brda'i mtshan nyid dang / lnga pas tshogs 'khor gyi gnas kyi mtshan nyid dang / drug pas snying gar 'khor lo bsgom pa nas tshogs kyi 'khor lo bya ba bstan to/ /le'u lnga pa'i rab tu byed pa gsum pas/ bskyed pa'i rim pa'i ldang ba'i rnal 'byor dang / bzhi pas rdzogs pa'i rim pa'i ldang ba'i rnal 'byor bstan to//le'u drug pa'i rab tu byed pa dang pos bde mchog gi gleng gzhi bstan cing dga' ba'i rdo rje'i lus kyi skye ba shes byar bstan pa dang / gnyis pas thig le bsgom pa dang / gsum pas rtsa bsgom pa dang / bzhi pas drod dang byang chub kyi sems bsdam pa bstan to//de ltar le'u drug gi rab tu byed pa nyi shu rtsa bzhis mchog gi dngos grub bsgrub pa bstan to/ /le'u bdun pa'i rab tu byed pa bzhis 'jig rten pa'i dngos grub bsgrub pa bstan to/ /de la dang pos ni bcud kyis len dang tan+t+ra'i tshogs bstan to/ / gnyis pas ni sbyin sreg mdor bstan pa dang / gsum pas sngags du ma bstan pa dang / bzhi pas sbyin sreg rgyas par bstan pa yan+t+ra'i tshogs rgyas par bstan to/ /le'u brgyad pa dang le'u dgu pa'i rab tu byed pa gnyis kyis bsgrub pa'i yan lag bstan to/ /de la dang pos rdo rje dril bu'i mtshan nyid dang /gnyis pas bzlas pa'i phreng ba'i mtshan nyid dang / gsum pas 'chi 'pho'i mtshan nyid dang / bzhi pas phrin las bzhi'i mtshan nyid dang / lnga pas snod ldan bsgom pa'i spyod pa dang / drug pas gtor ma'i spyod pa dang / bdun pas bris sku glegs bam bri ba dang /brgyad pas mchod pa'i kun spyod bstan to/ /le'u bcu ba'i dang pos ni rnal 'byor dang / rnal 'byor ma'i mtshan nyid dang ldan pa'i rgyu'i rgyud bstan to/ /lhag ma gsum gyis ni 'bras bu'i rgyud bstan to/ /de la dang pos ni 'jig rten gyi dngos grub dang / gnyis pas ni 'jig rten las 'das pa'i dngos grub dang / gsum pas ni sngags kyi theg pa'i thun mong ma yin pa'i bza' ba bstan to/ /mtshams sbyor ba ni le'u bcu las mchod pa dang / gleng slong ba bstan nas gsol ba gdab pa dang de nas zhes bya ba'i tshig bcus mtshams sbyor ba bstan to/zhus pa dang lan ni rdo rje snying pos rab tu byed pa bzhi bcu zhus pa las bka' stsal pa bzhi bcus gtan la phab pa'o/ /da ni yan lag gi don bshad par bya ste/ kun rdzob btags pa'i gleng gzhi'i dbang du byas nas byang chub sems dpa' kun du bzang po la sogs pas lcang lo can gyi pho brang du bla gos lnga brgya gdan du bting nas lcang lo can du lag na rdo rje la/chos kyi 'khor lo bskor ba'i mdo/ /rdo rje 'chang bas ji skad gsungs/ /shes rab sras po khyod smros shig /phyag na rdo rje khyod smros shig /ces gsol ba btab pa'i rjes la/ 'di skad bdag gis thos pa zhes bya ba la sogs pa'i tshig gsum gyis sdud pa po'i gleng slong ba bstan te 'di skad ces bya ba la sogs pa ni 'og nas 'byung ba'i rgyud le'u bcu pa'o//bdag gis zhes bya ba ni na ta ku be ra'i sras/ lag bzang dang rdo rje sde'i yab sa bcu'i dbang phyug sdud pa po'o/ /thos pa ni 'khor btang nas sam sprul pa 'am brgyud pa ma yin par dngos su thos pa'o//tshig phyi ma'i dus kyi tshig dang sbyar na lan 'ga' na ni thos pas thos pa mang ba'am/ sangs rgyas kyis byin gyis brlabs pas skad cig ma gcig la rgyud kyi don mtha' dag rtogs pas bdag nyid tshad ma'i skyes bu yin par ston to//dus nam gyi tshe zhe na dus gcig na zhes bya ba rtsod pa'i dus kyi thog mar ro/ /su las she na bcom ldan 'das ni ston pa po dang 'bras bu ste/ he ru ka bdud bzhi bcom pa'o/ /gnas gang du zhe na de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs pa'o//de la de bzhin gshegs pa ni phyogs bcu dang dus gsum dang gnyis su med pa'i sems dang sems las byung ba'o/ /de bzhin nyid gzhan la ston pa'o/ /sku dang gsung dang thugs ni me long lta bu'i rnam pa sku dang / so sor rtog pa'i rnam pa gsung dang / chos kyi dbyings kyi ye shes kyi rnam pa thugs dang /gsung gi chos nyid 'od gsal ba'i rang bzhin ni rdo rje ste/ ye shes de'i gzung ba'i rnam pa'i cha ni shes rab ste btsun mo'o/ /de'i b+ha ga ni 'dzam bu'i gling gru gsum pa rgyal po in+d+ra b+hU ti la sogs pa 'dod chags can 'dul ba la sogs pa'i ched du'o/ /bzhugs pa ni gzugs kyi rnam par rtog pas chos 'chad pa'i phyir te/de skad du yang mnyam sbyor las/ rtog pa med pa'i chos rnams las/ /sems can don du chos bstan dang / /brag ca yi ni sgra 'dra la/ /chos kyi tshig tu 'di 'gyur ro/ /zhes gsungs so/ /gang dang lhan cig tu zhe na rnal 'byor gyi dbang phyug bye ba phrag brgyad cu dang ste/rdo rje snying po la sogs pa sa bcu'i dbang phyug sha stag gis yongs su bskor zhing dbus su chud pa'o/ /ci zhig mdzad cing zhe na 'dzum pa mdzad cing ste/ sangs rgyas dang byang chub sems dpa'i spyod yul las dang po pa la ston pas na ngo mtshar ba'o//don dam pa'i gleng gzhi ni zab pa dang ma zab pa gnyis las/ de la byang chub sems dpa' sa yi snying po la sogs pas 'di skad bdag gis thos pa ste sprul pa'i sku mthong ba'i mtshon byed kyis mtshon bya ma 'ongs pa'i gang zag la rtsa ba'i 'khor lo bsgom par gyis shig ces bya bar ston pa yin no//de la dus ni dga' ba bzhi'i dus so/ /bcom ldan 'das ni lus dang yid bde ba zhi gnas kyi ting nge 'dzin to/ /gnas ni lus ngag yid gsum bde ba ro gcig pa'i btsun mo'i b+ha ga'o/ /'khor ni lus kyi 'khor lo bzhi rtsa'i yan lag dang bcas bcas pa'o//'dzum pa mdzad pa ni gsang ba'i rdo rje'i dbus kyi snying po'i rtsa a wa d+hU tI la gzigs nas 'khor lo bzhi bde bas khyab pa'o/ /byang chub sems dpa' spyan ras gzigs kyi sprul pa'i sku'i mtshon byed las mtshon bya rlung gi 'khor lo bsgom pa rtogs te dus ni rlung gnyis 'gog pa'i dus so//ston pa ni rlung dbus ma la brten nas bde ba'i ting nge 'dzin skyes nas so/ /gnas ni sku gsung thugs kyi rtsa gsum ro gcig pa ste/ sprul pa'i 'khor lo'o/ /'khor lo ni dbugs nyi khri chig stong drug brgya'o/ /rdo rje snying pos gzigs nas 'dzum pa mdzad pa ni rtsa a wa d+hU tIr rlung la brten nas bde ba bskyed pas na 'dzum pa mdzad pa'o//byang chub sems dpa' 'jam dpal gyi sprul pa'i sku'i mtshon byed las/ mtshon bya sems kyi 'khor lo bsgom pa rtogs te/ dus ni bsam gyis mi khyab pa'i dus so/ /ston pa ni mi rtog pa'i ye shes so/ /gnas ni sku gsung thugs ro gcig pa'i chos kyi dbyings so//'khor ni gnyis su med pa'i sems dang sems las byung ba'o/ /'dzum pa mdzad pa ni rang gi sems 'od gsal ba glo bur gyi dri ma dag pa'o/ /rdo rje snying po la gzigs shing 'dzum pa mdzad pa'o/ /dngos su gtso bos gleng bslang ba bstan pas shugs las 'khor dang bcas pa'i chos bstan pa yin no//de skad du yang / dkyil 'khor b+ha ga zhes bya dang / /dkyil 'khor lus zhes bya ba dang / /dkyil 'khor chos kyi dbyings su bshad/ /dbyangs dang sngags dang chos bdag nyid/ /ces gsungs pas/ gnyis ni mi zab pa yin la gcig ni don dam pa las zab pa'i gleng gzhi bstan to//da ni 'khor gyis gleng slong ba bstan te/ 'dzum pa mdzad ma thag tu zhes bya ba ni rjes thogs la'o/ /chos nyan pa'i spyod lam brtul nas stan las langs nas/ rgyud dgu'i don zhu ba'i phyir bla gos phrag pa gcig tu gzar nas pus mo g.yas pa'i lha nga sa la btsugs te phyag 'tshal ba'i mchod pa sngon du song ba'i phyir yan lag gis thal mo sbyar ba byas shing spyi bo sa la btud nas so//'di skad ston zhes bya ba ni sdud pa'i tshig go/ /zhu ba'i don ni rgyud thams cad nas brjod par bya'o/ /gleng gzhi ni rgyud 'byung ba'i tshogs pa ste ston par rtsom pas ni rjod byed do//de yang / 'chad pa po yi byed pa'i yul/ /don gang rab tu gsal blo la/ /de la sgra ni tshad ma nyid/ /ces bshad do/ /gsang chen ni khams gsum pa dang mya ngan las 'das pa rnam pa gnyis kyis ma rtogs pa skal ba dang mi ldan pa rnams rtogs pa dang /de skad du yang / rnam pa sna tshogs skal bzang po/ /rnam pa sna tshogs bde mchog gis/ /'dul ba rnam pa sna tshogs pa/ /sems can khams ni rab tu sgrub/ /ces gsungs so/ /kun du kha sbyor ni rgyud dgu'i thabs dang shes rab mnyam par sbyor ba'o/ /de skad du yang / shes rab pha rol phyin pa yi/ /thabs ni snying rje'i bdag nyid de/ /de bas snying rje chen po thabs/ /shes rab pha rol phyin gsal ba/ /rnal 'byor thams cad bde ba yi/ /rjes su sbyor bar mchod byed cing / /kun du myong bar byed pas na/ /gnyis su sbyor ba tshe 'dir 'grub/ / ces gsungs so/ /mtshan nyid ni yul dang yul can gyi stong pa nyid dang dbang gsum pa dang bzhi pas rtogs nas brtan pa dang g.yo ba'i dngos po thams cad kyi chos nyid mtshon par bya ste/ mtshon par byed pas na mtshan nyid de ye shes kyi dbang phyug snang ba med pa ji lta ba dang / snang ba dang bcas pa ji snyed pa'i sdebs la ma 'ongs pa'i gang zag gi don du nyan par 'tshal lo/ /de'i don ni zhal gyis bzhes pa skabs dbye ba ni bka' stsal pa zhes bya ba la sogs pa'o/ /e ma'o zhes bya ba ni sangs rgyas dang byang chub sems dpa'o/ /spyod pa ni mi rnams kyis don du dri bas na ngo mtshar ba'o//rgyu'i rgyud dri bas na brtse bas legs so zhes bya ba'o/ /thabs kyi rgyud 'dri bas na byang chub sems dpa' legs so sbyin pa'o/ /'bras bu'i rgyud 'dri bas na yon tan gyi 'byung gnas legs so legs so sbyin pa'o/ /legs so legs so lan gnyis ston pa ni brjod bya dang rjod byed gnyis sam/sangs rgyas kyi dgongs pa sems can gyis myong bas na legs so legs so zhes dris pas so/ /skabs dbye ba bstan nas rdo rje snying po la sogs pa byang chub sems dpa' bye ba phrag brgyad cus skabs phye bas thog mar dga' bas rab tu 'dzum pa dang /rab tu gsal ba'i mig phye nas/ tha mar dga' bas yang dang yang du phyag 'tshal nas/ sems can thams cad bdag dang gzhan brje ba byas nas rang gi the tshom zhus pa yin no/ /gsang ba 'dus pa la sogs pa'i rgyud rnams ni brjod bya ci yin zhes zhus pa dang /rjod byed gleng gzhi ji ltar lags zhes zhus pa dang / de rnams kyi rgyu'i rgyud 'di ni gang la gsang ba gsungs zhes bya ba dang / thabs kyi rgyud kun du kha sbyor gyi ming ni ci yin zhes zhus pa dang 'bras bu'i rgyud de'i mtshan nyid ji ltar lags zhes zhus pa'o/ / rgyud thams cad na gsang ba 'dus pa la sogs pa dgu'i brjod par bya ba'o/ /de rnams kyi gleng gzhi ni phun sum tshogs pa bzhi'i tshogs pa las rjod byed kyi rgyud 'byung ba'o/ /gsang ba'i khams gsum gyi bdag po dang / nyan thos dang rang sangs rgyas la sogs pas rtogs par dka' ba'i phyir gsang ba'o//kun du kha sbyor ni thabs shes rab rgyu'i bdag nyid do/ /kun du kha sbyor de las byung ba'i ting nge 'dzin ni mtshon par byed do/ /de las byung ba'i ting nge 'dzin rgod pa brten pa dang / g.yo ba'i dngos po'i rang bzhin mtshon par bya ba'i mtshan nyid dbang bzhi pa'i ting nge 'dzin thams cad bde ba chen po'i byed pa'o//de skad du yang / sems la rnam gnas rnal 'byor pa/ /mya ngan 'das pa mi ston to/ /zhes gsungs so/ /gcig gi stong nyid gang yin pa/ /de ni kun gyi stong nyid yin/ /zhes bya ba'i rigs pas dbang bzhi pa sems kyi de bzhin nyid shes na chos thams cad kyi de bzhin nyid shes par 'gyur ro//des ni 'bras bu'i rgyud kyi mtshan nyid bstan to/ /yang na 'di'i bshad pa'i rgyud ma yin pas rtsa ba'i rgyud dgu ston te/ rgyud thams cad dang gleng gzhi ni snga ma bzhin no/ /kun du kha sbyor zhes bya ba'i sgras ni stong pa nyid dang sgyu ma ro gcig pa zung du 'jug pa'i bdag nyid kyi rdo rje sems dpa' la zhes bya ba yin no//gsang ba yang 'di nyid yin la dbang bskur ba'i mtshan nyid kyis mtshon pas mchod par bya ba dkyil 'khor dang / lha la sogs pa dang sngags btu ba'i man ngag la sogs pa bskyed pa'i rim pa kun brtags kyi 'khor lo dang /mi zab pa'i rdzogs rim gzhan dbang zhig gi 'khor lo rnams dbang bzhi pa'i mtshon byed kyis bde ba chen po'i rang bzhin mtshon pa ni 'bras bu'i mtshan nyid do/ /de skad du yang / dngul chu gser du snang ba zhes bya ba la srang gcig gis lcags srang stong gser srang stong sgrub par byed do zhes gsungs pa dang /chos kyi snying po sems kyi gsang shes na/ /'gro rnams kun yang de bzhin gshegs/ /zhes gsungs so/ /de ltar na yang rgyud dgu'i bshad pa'i rgyud yin la/ gleng gzhi dgu dang / gsang ba dgu dang / kha sbyor dgu dang / mtshon byed ting nge 'dzin dgus mtshon bya snod bcud thams cad bde bar go ba'o/ /yang na 'dir ni rang dga'i rgyud yin pas rgyud thams cad kyi gleng gzhi thabs thams cad kyi don 'di gnyis gcig dang bsnyams nas zung du 'jug pa'i rdo rje sems dpa' ni kha sbyor yin la/ de dbang bzhi bskur ba'i mtshon byed mtshan nyid kyis bskyed rdzogs thams cad bde ba chen po'i rang bzhin du shes pa'o//de ltar mtshan bshad nas da ni rgyud bshad par bya ste/ gang zag gsum gyi shes bya'i thun mong gi thabs dang shes rab kyi bdag nyid rgyud de/ rdo rje 'chang gis bshad kyis byang chub sems dpa' bye ba phrag brgyad cu la nyon cig ces bod pa'o//yang na 'di ni rang dga'i rgyud yin pas/ de la dang po stong pa nyid kyi rang bzhin du bsams nas lus can rnams kyi dri ma bkru bar bya'o zhes mdor bstan nas de ni rgyas par bshad pa/ yul drug stong pa nyid kyi rang bzhin du mnyam pa'o//de la rdo rje snying po 'di snyam du sems te/ gzugs la sogs pa yul drug las/ rnam par shes pa skye ba'i mig la sogs pa dbang po drug dang / gzugs la sogs pa yul drug stong zhing med pas na dmigs pa'i rnam par shes pa drug ri bong gi rwa bzhin du skye bar thal bar mi 'gyur ro zhes zhus pa yin no//bcom ldan 'das kyis bka' stsal pa ni 'dzin pa med pas dpyad du med la gzung bya med pas shes bya ma yin zhing rjes su dpag pas gtan la phab pa'i rtog ges brtag par dka' ba dang / gzung 'dzin gnyis spangs shing gnyis su med pa'i ye shes ni zung du 'jug pa ji lta ba'i lam de nyid yin pas/ri bong gi rwa ltar med pa'am rnam par bcad pa tsam 'ba' zhig ni ma yin no/ /des na rgyud thams cad kyi gleng gzhi 'di ni gnyis su med pa yin no/ /de'i gsang ba'i don rgyas par bshad pa ni dus gsum gyi sangs rgyas kyi yul zung du 'jug pa'i gsang ba chen po ni nam mkha' lta bur chos thams cad kyi mnyam pa nyid do//nyon mongs pa'i sgrib pa'i mun pa dang ldan pas nyan thos kyis mi shes la/ phyogs gcig gi bag chags kyis dkris pas/ rang sangs rgyas su sprul cing skyed pas ni mi shes so//de dag kun gyis zhes pas ni tshangs pa la sogs pa'i khams gsum pas mi shes so/ /rgyu des na gsang chen sangs rgyas spyod yul zhes bya'o/ /nyan thos dang rang sangs rgyas de rnams kyis mi shes na ci'i phyir bstan zhe na/ byang chub sems dpa' 'khor ba'i rgya mtshor bying ba rnams sgrol ba'i bsam pas dbang bzhi'i mtshan nyid kyis mtshon nas sgrol bar byed do//de la mtshon bya ni snod bcud thams cad do/ /mtshon byed ni dbang bzhi pa'o/ /mtshan nyid ni zung du 'jug pa'i bde ba chen po'o/ /mtshon byed de yang gnyis te/ dga' ba gsum bsam gtan gyi bde ba dang /bde ba stong pa nyid kyi rang bzhin gyi ye shes so/ /ye shes kyi snod bcud kyi rang bzhin shes bya stong pa'i rang bzhin du bltas la zhes bya ba stong par shes nas/ ma dag pa'i rang bzhin 'gro ba rigs drug bde ba chen po'i rang bzhin du shes par bya'o/ /skye ba stong phrag du ma ru//rdzogs par rtogs pa'i rnal 'byor pa/ /zhes bya ba ni skye ba snga mar gnyis su med pa'o/ /don la goms par byas pas/ /ji ltar 'dod pa'i sku gsum gyi go 'phang du 'gro bar 'gyur ro/ /de ltar na gang zag gsum gyi thun mong gi gsang chen kha sbyor gyi mtshan nyid bshad nas da ni grol lam pa'i shes bya bstan par bya ste/sngar bcom ldan 'das kyis stong pa'i mtshan nyid bstan pa bzhin du chos thams cad kyi stong pa shes rab kyis yang dag par dran par byas nas lus kyi dkyil 'khor dang b+ha ga'i dkyil 'khor dang chos kyi dbyings kyi dkyil 'khor dang gsum gyi nang du lus kyi dkyil 'khor gyi zhing la ye shes kyi rgyu rnam shes bde ba'i sa bon gdab par bya'o//de ltar grol lam pa'i mdor bstan nas/ da ni shin tu mdzes pa'i rtsa a wa d+hU tI chu shing gi snying po ltar drang ba/ til gyi mar me ltar gsal ba/ pad+ma'i skud pa ltar phra ba/ rgya skyegs kyi me tog ltar dmar ba'i rtsa las byung ba'i rdul phran gyi sems de rgyud kyi rim pa rtsa'i rang bzhin bstan to//dri med shel dang mtshungs pa'i zhes bya ba'i tshigs bcad gnyis kyis sems 'od gsal ba'i rnam par snang ba snying gar gnas pa'i byang chub kyi sems kyi thig le bstan to/ /de'i dbus na gnas pa'i lha zhes pa ni rtsa dbus ma yin la/dbus na gnas pa'i lha ni nam mkha'i rlung ngo / /mi gsal ba ni bems po yin la/ gsal ba ni shes pas myong ba'o/ /cha phye ba ni mi shigs pa'i rlung / mig btsums phyed kyi tshad du sdod pa thig le'i gzugs can rtog pa med pa'i yid kyis myong ba'o//de ltar tshigs bcad gnyis kyis nam mkha'i rlung bstan nas/ tshigs bcad gnyis kyis bde ba'i gnas kyi tshad bstan pa ni byang chub kyi sems so/ /gzi brjid chen po'i 'od dang ldan pa snying ga'i dbus na yul dang dbang po drug gi mtha' yin pa rtog pa med pa yin la/ de'i bu ga dgu'i mtha' las mi 'da' ba rkang pa nas spyi gtsug gi mthar thug pa 'am/yang na rkang pa'i sor mo gnyis dang / spyi bo smin mtshams nas bcal ba sor dgu'i bdag nyid kyi dbus na a wa d+hU tI'i skud pa gcig tu gnas pa'am/ yang na lte ba'i khung nas mar sor dgu'i mthar a wa d+hU tI'i rtse mor gnas pa yang sor gnyis kyi mthar tshangs pa'i bu ga'i mthar gnas kyang zer ro//de ltar rtsa dang rlung byang chub kyi sems kyi rgyud kyi rim pa bstan nas/ rlung me'i drod can sngags kyi rim pa ni skud pa gcig la brten te lte ba'i dbus na logs la sor bdun gyi tshad kyi drod gnas kyang bde ba mi skye bas 'byung ba lnga'i tshad dang ldan pa'i cha lnga pa mthe bo'i ri mo lta bu'am/klu'i dbang po lta bu klu dbang 'khyil pa der de rab tu rgyas shing 'phel bar byas nas/ ye shes kyi rim pa snying ga'i byang chub sems kyi cha phye nas/ lte ba rdo rje'i dbus su byung ba na byang chub kyi sems skye ba'i gnas me'i dkyil 'khor e gru gsum gyi dbus su byang chub kyi sems kyi thig le phab pas ni khu ba'i dngos po ste/de skad du yang / e yi cha byad bzang po gang / /dbus su waM gyis rnam par brgyan/ /zhes gsungs so/ /de rim gyis 'phel nas sgo dgu'i mthar thug par gnas so//'phel bar gyur pas dga' bral du ci'i phyir mi 'gyur zhe na/ 'khrul 'khor gyis bkag pa'i phyir/ de du yod ce na/ yi ge'i 'khrul 'khor dang / lus kyi 'khrul 'khor dang / sman gyi 'khrul 'khor dang / ting nge 'dzin gyi 'khrul 'khor ro/ /'dir gang gis bkag ce na/ yi ge'i 'khrul 'khor gyis te/de la steng du me'i sa bon te/ drag mo'i sa bon k+ShuM ngo / /sa'i sa bon ni gtum mo'i yi ge hUM ngo / /gtum mo'i sa bon ni rdzogs pa'i yi ge yuM mo/ /chu'i sa bon ni mkha' 'gro ma'i sa bon suM mo/ /gti mug gi sa bon ni seng ge ma'i yi ge smraM ngo / /zhe sdang gi sa bon ni stag mo'i yi ge h+m+r+yuM ngo //snying ga'i phyogs su bskyod pa'i sa bon ce spyang ma'i yi ge y+m+r+yuM ngo / /phyugs kyi sa bon ni 'ug pa'i yi ge k+Sh+m+r+yuM ngo / /brtan pa dang ni g.yo ba'i 'gro ba thams cad khyab pa yin no/ /zhi gnas kyi bde ba'i ting nge 'dzin gyi snod bcud bde bar snang ba'o/ /de 'ba' zhig tu snang ngam zhe na/ tshangs sogs lha dang lha min bcas/ /zhes bya bas 'dod pa'i khams kyi lha rnams btang snyoms kyi bde ba la brten nas 'byung ba'o/ /de mi g.yo ba'i lam bsam gtan gyi bde ba 'ba' zhig tu 'gyur ram zhe na/ gom pa gcig gis mya ngan 'das/ /gom pa gcig gis 'khor ba yin//de nyid kyis ni 'ching 'gyur zhing / /de nyid kyis ni grol bar 'gyur/ /zhes bya ba'i rim pas ji srid lus la gnas kyi bar las dang las min des byed ces bya ba ni sems rang rig glo bur gyi dri ma dang bcas tsam na bde ba rtog pa med pa ma skyes pa'i tshe las dang las ma yin pa'i nyon mongs pa des byed cing dge ba dang mi dge ba'i dbang gis mtho ris dang ngan song skyed par byed do//de ltar tshigs su bcad pa gcig po des ni sdug bsngal dang kun 'byung ba'i bden pa gsungs pa yin no/ /da ni lam gyi bden pa dang 'gog pa'i bden pa ston te/ mnyam par sbyor ba ni phyag rgya bzhi dang ngo / / sbyor ba bsgoms pa ni mngon sum gyi sems rang bzhin brgyad cu'i rtog pa dang bral ba bsgom pa'o/ /gang gi tshe rnam par rtog pa'i lus zhig nas/ bde ba stong pa nyid kyi rang bzhin gzugs brnyan lta bu'i gzugs su bdag byin gyis rlob pa de'i tshe/ sa dang po rab tu dga' ba thob nas brtan pa dang /g.yo ba thams cad stong pa nyid du shes par 'gyur ro/ /de ltar 'gog pa dang lam bstan nas/ 'bras bu bshad pa ni/ de yi kha dog shes par bya/ /zhes bya ba ni 'byung ba la rnam snang gis rgyas btab nas yul gyi stong pa nyid shes pa'o/ /nam mkha' dang mnyam pa lta bu zhes bya ba ni sems mi bskyod pas rgyas btab nas nam mkha' lta bu stong pa bsgoms pa'o//mya ngan las 'das pa'o zhes bya ba ni 'od gsal ba bsam gyis mi khyab pa bsgoms nas/ rdo rje sems dpas rgyas btab nas zung du 'jug pa shes pa'o/ /des na de ltar ngo shes pa'i sems de nyid nyon mongs pa'i sgrib pas mi gos shing shes bya'i sgrib pa'i dri ma spangs pa'o//de skad du yang / gong bu'i gzugs ni 'das gyur nas/ /dngos po med pa'i sems nyid bsgoms/ /sems nyid rtag par mi bya ste/ /de yang bsam gyis mi khyab bsam/ /sems la rnam gnas rnal 'byor pa/ /mya ngan 'das pa mi ston to//zhes gsungs so/ /de ltar grol ba'i lam bshad nas/ da ni chags pa'i lam bshad par bya ste/ de lam ni rdo rje slob dpon dang dus mnyam du dbang thob pa'o/ /sring mo ni rang dang dus mnyam du dbang bskur ba'o/ /bu mo ni rang gis dbang bskur ba'o/ /gnyen mo ni rang gi slob mas dbang bskur ba'o//de bzhi ni sngags skyes yin la/ bram ze mo la sogs pa bzhi ni gnas la sogs pa las skyes pa 'jig rten du grags pa yin no/ /gar mkhan ma la sogs pa bzhi ni zhing skyes kyi bye brag rigs tha mar gyur pa bdud rtsi dang dpa' bo rnam pa lnga rnams zas su 'dod pas rnam rtog goms pas rnam rtog chung ba yin te/de ltar ba su tra gcig dbye ba bshad nas/ da ni thabs kyi khyad par bshad par bya ste/ shes rab thabs kyi cho ga yis/ /de nyid rigs pas mchod bya zhing / /zhes pa ni rtog pa med pa'i dga' ba bzhi pa'i rang bzhin no/ / ci nas tshor bar mi bya'o/ /zhes bya ba ni rnam par dbye ba'i gnas su gsang thub cing dam tshig dang ldan pa'o/ /rab tu 'bad de bya ba ni bsnyen bsgrub ngang ldan pas sbyang bar bya'o/ /ma gsang sbrul dang chom rkun dang / /sa la spyod pas sdug bsngal spyod/ /ces pa ni ma spyad pa'i nyes dmigs so//de ltar thabs kyi khyad par bstan nas/ da ni phyag rgya'i dbye ba bshad par bya ste/ sngags skyes ma la sogs pa bzhi la de bzhin gshegs pa lnga'i rigs sam/ rigs brgya'i rang bzhin du 'gyur ba'i dbye ba bshad pa yin no/ /de yang / dag byed dbang gi lha mo dang / /dpa' bo'i lha mo bkas bsgos skyes//zhes bya ba'i man ngag nas sems 'dzin pa la sogs pa'i yan lag gnyis rigs dang mthun pa yin te/ rgyu'i tshogs pa gcig pa yin pa'i phyir ro/ /de la bram ze ni mngal nas skyes pa dang / rigs kyis bskyed pa dang gnyis dang ldan pa'i khyad par du byas pa'i phyir ro//rgyal rigs ni rgyal srid dang ldan pa'i bu mo'o/ /rje'u'i rigs ni glang po che skyong ba'i rigs yin pas rje'u rigs kyi khyad par yin no/ /zhi ba la sogs pa byed na dmangs rigs kyi khyad par yin no/ /dmangs rigs shan pa mo dag ni nya pa dang shan pa dang lham mkhan la sogs pa rnam par snang mdzad chen po'i rigs so//lhag ma'i rigs bzhi ni de bzhin gshegs pa'i rigs ma gtogs pa bzhi dang mthun par shes par bya'o/ /lo'i tshigs ma la sogs pa'i dbye ba mtha' yas pa yod kyang de bzhin gshegs pa rnams kyi rigs ni mdor bsdus nas brjod pa yin no//de ltar dbye ba brjod nas de'i 'thad pa bstan pa ni/ de bzhin du ni slar song nas/ /de bzhin dpal ldan slar 'ong ma/ /shes rab 'di ni zhes bya ba ni mtshan nyid kyi lta ba bzhin du rang gis rtogs shing / gzhan la ston pa ni/ rigs 'di shes rab stong pa nyid rtogs pa 'di la de bzhin gshegs pa zhes brjod do//de mkhas pa chen po dz+nyA na pa'i zhal nas/ de bzhin nyid rang gis mkhyen nas slar byon nas nyid kyis gzigs pa'i lam du gzung ba ni rnal 'byor gyis mngon sum rig pa 'dis bud med rnams la shes rab ces bya'o/ /snga ma ni de bzhin gshegs pa dang mtshan nyid mthun pas bud med la de bzhin gshegs pa zhes bya ba yin la/phyi ma ni de bzhin gshegs pas mkhyen nas bud med rnams shes rab rab tu bstan pa yin no/ /phung po khams dang dbang po dang yul dang ye shes la dbye bas rigs brgya yin no/ /mdor bsdu na lnga dang gsum gyi rang bzhin du bstan to//yang na bye brag phung po lnga dang 'byung ba lnga las rigs su 'gyur ro/ /rdo rje thugs ma dang / pad+ma gsung dang / rin po che yon tan dang / 'khor lo nor bu can sgra dang tshogs kyi sna tshogs rdo rje 'dzin pa las kyi rigs bsdu ba'o/ /de ltar chags pa'i lam bstan nas/de nas rang lhag par gnas pa'i lam bshad par bya ste/ sgom pa po med ces pa ni 'dzin pa dang bral ba'o/ /bsgom bya med ces pa ni gzung bya dang bral ba'o/ /sngags med ces bya ba ni bcos ma'i bzlas pa med pa'o/ /lha yang med ces pa ni bcos ma'i lha spangs pa'o//'o na lha bsgom pa dang sngags bzlas pa la sogs pa ji ltar bya zhe na spros pa med pa'i rang bzhin du zhes bya ba smos te/ 'od gsal ba'i rang bzhin bsgom mo/ /de ltar mdor bstan nas/ rgyas par bshad pa ni spros pa dang bral ba de nyid rigs lnga'i rang bzhin dang / tshangs pa la sogs par snang ba chos kyi dbyings de kho na rtogs pa las byung ba yin no//ci'i phyir de ltar brjod ce na/ gnas gyur pa ye shes lnga la rnam par snang mdzad la sogs pa lngar brjod pa las 'khor ba dang mya ngan las 'das pas tshangs pa dang stong pa nyid la 'jug pas khyab 'jug dang / rtag tu zag pa med pa'i bde ba yin pas zhi ba ste/ kun du thams cad bdag nyid bzhugs/ /zhes bya ba'o/ /de yang gang yin zhe na/ sa bcu gcig pa'i bde ba dam pa zung du 'jug pa'i de kho na nyid mthar phyin nas rtogs shing khong du chud pa las sangs rgyas lnga zhes bya'o/ /glo bur gyi dri ma'i lus las dri ma med pa'i rang bzhin du 'byung ba'i phyir rnam par dag pa'i lha zhes bya'o//de la mtshan gyi bye brag ci lta bu zhe na/ skal ba drug dang ldan pa'i nyon mongs pa 'joms pas na bcom ldan 'das zhes bya'o/ /gdul bya 'dod chags can rnams kyi'o/ / ma dang sring mo bu mo rnams shes rab kyang brdar btags la tshos mkhan dang gar mkhan dang g.yung mo zhes kyang brdar brjod la/ rnam snang chen po'i rang bzhin du 'gyur bas thams cad la khyab pa 'am/ gnyis su med pa'i don gcig la shes rab kyi pha rol tu phyin pa'i mtshan brgya rtsa brgyad pa'i tshul gyis brdar 'dogs pa yin no//rnal 'byor pa rnams kyis nyams su blangs na 'od gsal ba'i rang bzhin nyid rtogs na ngag gi brjod pa thams cad bzlas pa dang / rkang pa 'gro ba dkyil 'khor dang / lag pa bskyod pa phyag rgya dang / sems kyis gang bsams pa thams cad bsam gtan du 'gyur ro//chags dang sdang ba la sogs dang / /lus kyi g.yo 'gul la sogs dang / /ngag gis ji snyed brjod pa rnams/ /chos nyid ci bzhin mthong nas ni/ /thams cad bde ba chen por 'gyur/ /zhes gsungs so/ /de ltar rang lhag par gnas pa'i lam bshad nas/ de ji ltar rtogs pa'i thabs bstan pa ni/pha las thob pa'i bde ba gang / /zhes bya ba la sogs pa smos so/ /bla ma las dbang bskur ba'i dus su bde ba rtogs pa med pa myong nas bde ba'i rgyun rnams rnal 'byor pa rang gi dga' ba gsum las lus dang sems mngon sum du longs spyad par bya'o//de yang ji lta bu zhe na/ chu'i bde ba gang yin pa de rang bzhin brgyad cus 'gags shing 'od gsal ba'i rang bzhin gyis bde ba chen po de la bsam gtan gyi bde ba zhes brjod do/ /de nyid ni mngon sum gyis lam gyi zag bcas dang zag med kyi bde ba rgyu tshogs pa las byung ba yin no zhes bstan to//brtag pa dang po'i rab tu byed pa dang po'o// //de ltar de kho na nyid bsgom pa'i rab tu byed pa bshad nas/ da ni 'khor ba dang mya ngan las 'das pa ro mnyam par bstan pa'i phyir/ dkyil 'khor rnams kyang gnyis su med pa'i byang chub kyi sems kyi rang bzhin yin par bstan par bzhed nas/byang chub kyi phyogs kyi chos sum cu rtsa bdun gsungs te/ de la byed pa la nye bar gnas pa'i rgyu'i sas bsdus pa dang / gnas pa las gyur pa 'bras bu mi slob pa'i sas bsdus pa'o/ /de la gsang sngags kyi theg pa ni sgyu ma lta bu dang stong pa 'od gsal ba'i rang bzhin du cig car bsgoms pa yin te/sgyu ma lta bu sum cu rtsa bdun ni thabs/ stong pa nyid sum cu rtsa bdun ni shes rab/ zung du 'jug pa sum cu rtsa bdun ni bde ba chen po yin no zhes thos bsam gyis shes par byas nas phyag rgya bzhi la brten nas yul shes rab kyi stong pa nyid dang /yul can thabs kyi stong pa nyid mngon sum du shes par byas nas bsgom pa yin no/ /de la dran pa nye bar gzhag pa lus dang tshor ba dang sems dang chos yin la yul can shes rab kyi rnam pa ni stong pa nyid du byed pa yin no/ /sngags kyi theg pa ni lus dang tshor ba dang /sems kyi chos ni bskyed rim pas lha mo bzhi bsgom pa dang / rdzogs rim la rtsa bzhi bsgoms nas/ de la yul stong pa nyid dang / yul can sgyu ma lta bur ro gcig par bsgom pa na/ chu'i zla ba'am/ smig rgyu lta bur sems kyis rnam pa byed pa yin no/ /de'i dgos pa ni lus kyi gnas ngan len dang /sred pa dang / bdag tu 'dzin pa dang / chos su rmongs pa spong ba'i phyir bsgom pa yin no/ /de bzhin du shes rab brtson 'grus kyi grogs dang bcas pas nyon mongs pa ma skyes pa mi skyed pa dang / skyes pa rnams spong ba'i phyir sbyor ba la/ 'dun pa bskyed cing dngos gzhi la 'bad de rjes la brtson 'grus rtsom mo//de ltar sems rab tu 'dzin cing ma 'ongs pa la sems dbang du smon to/ /de bzhin du dge ba'i chos ma skyes pa skyed pa dang / bskyed pa 'phel ba'i phyir byed pa yin no/ /de la rdzu 'phrul gyi rkang pa ni ting nge 'dzin gyi grogs dang ldan pas 'dun pa dang /brtson 'grus dang dpyod pa dang / sems dang / ting nge 'dzin bzhi la re res kyang mi mthun pa'i phyogs kyis/ le lo dang / brjed pa dang / bying ba dang / rgod pa dang / 'du byed dang / 'du mi byed de/ nyes pa lnga po spong pa yin no/ /de la le lo'i gnyen po ni gnas bdun pa dang /gnas pa brtson 'grus dang rgyu dad pa dang / 'bras bu shin tu sbyangs pa bzhi dang / dran pa dang lngas brjed ngas pa spong ba yin no/ /bying ba dang rgod pa ni shes bzhin gyis spong ngo / /'du mi byed pa ni sems pas spong ngo / /'du byed drags pa ni btang snyoms kyis spong ngo //de la dbang po rnams ni mi mthun pa'i phyogs spangs nas rang gi rigs 'dra bskyed pa la dbang ba'i phyir dbang po'o/ /mi mthun pa'i phyogs kyis mi brdzi ba'i phyir stobs so/ /de la byang chub kyi yan lag bdun la rang bzhin gyi yan lag ni chos rnam par 'byed pa'o//gnas pa'i yan lag ni dran pa'o/ /nges par 'byung ba'i yan lag ni brtson 'grus so/ /dga' ba ni phan yon gyi yan lag go/ /shin tu sbyangs pa dang ting nge 'dzin dang btang snyoms ni nyon mongs pa med pa'i yan lag go/ /gzhi'i yan lag dang / gnas pa'i yan lag dang /ngo bo nyid kyi yan lag go/ /'phags pa'i lam yan lag brgyad la yongs su gcod pa'i yan lag ni lta ba'o/ /go bar byed pa'i yan lag ni rtog pa'o/ /lta bas yid ches pa'i yan lag ni ngag go/ /tshul khrims kyis gzhan yid ches par byed pa ni las kyi mtha'o/ / yo byad bsnyungs pas gzhan yid ches par byed pa ni 'tsho ba'o/ /nyon mongs pa'i gnyen po ni rtsol ba'o/ /nye ba'i nyon mongs pa'i gnyen po ni mngon shes so/ /dbang gis bsgribs pa'i gnyen po ni ting nge 'dzin to/ /de ltar byang chub kyi phyogs cig car bsgom pa bstan nas de'i snang ba lus kyi 'khor lo'i rtsa bshad par bya ste/de ltar yang dag bshad de dag /rab tu dga' la sogs pa'i sa/ /zhes bya ba la sogs pa ni rtsa'i rten gyi bye brag bshad pa'o/ /dbang po rnams byang chub sems dpa'i yon tan yin zer ro/ /phung po lnga sangs rgyas yin pa dang / sogs kyis 'byung ba lnga lha mo yin pa gnas de rnams su sangs rgyas dang byang chub sems dpa' shes pa rtog med 'byung ba yin no/ /dus nam gyi tshe zhe na/ byang chub sems ni sum cu gnyis/ /gang tshe 'dir ni yongs gang ba/ /zhes bya ste/ lus la tshor ba sdug bsngal gyi phung po nad med cing tshor ba btang snyoms kyi dbang po khams nyi shu rtsa bzhi sbyangs nas/dga' ba dang mchog dga' dang / lhan cig skyes dga' khyab pa'i dus kyi tshe/ bde ba rtog pa med pa yin pas phung po dang khams dang skye mched lha'i rang bzhin no/ /de rang gi lus la zhi gnas kyi sangs rgyas bzhugs pas gzhan du gang na'ang sangs rgyas med kyang mi shes pas sangs rgyas 'dod do//sems de'i stong pa nyid ni lus la gnas kyang lus las ma skyes pa yin te/ kun du brtags pa nub nas rtog pa thams cad spangs pa yin la/ gzhan gyi dbang nub nga kun du rtog pa thams cad nub pa yin no//mi 'gyur bar yongs su grub pa'i ngo bo nyid yin pas dngos po kun la khyab cing lus la gnas kyang glo bur gyi rnam par rtog pas ma skyes pa yin no/ /de skad du yang / 'tshe ba med dang yang dag don/ /ngo bo nyid la phyin log gis/ /'bad du zin kyang mi zlogs shing / / blo ni de phyogs 'dzin phyir ro/ /zhes bshad do/ /des na rang rig 'od gsal ba las ni phung po lnga'i lhan cig byed pa'i rkyen byed la glo bur gyi rtog pa phung po lngas ni sems 'od gsal ba'i rkyen mi byed do/ /des na rang rig pa 'od gsal bas ni nyams su myong ba'i rgyu rkyen las skye'i glo bur gyi rnam par rtog pa las mi skye'o//des na 'bad du zin kyang glo bur gyi rnam par rtog pa'i sgrib pas mi zlogs pa de la bde ba chen po zhes bya'o/ /byang chub sems dpa' rdo rje snying pos zhi gnas kyi bde ba'i rten rtsa du mchis zhes zhus pa yin no/ /bcom ldan 'das kyis 'khor lo bzhi'i rtsa gtso mo brgya nyi shu bstan pa dang /spyi gtsug gi byang chub kyi sems 'bab pa lus thams cad la khyab pa'i rtsa sum cu rtsa gnyis bstan la/ rtsa rnams kyang dbyibs kyis mtshon nas ming gi brdar btags pa ni gnyis yin te/ bde mchog dang sbyar nas gnas nyi shu rtsa bzhi/ 'khor lo gsum dang /bu ga dgu'i rtsa dam tshig gi 'khor lo'i rten bshad pa yin no/ /dgyes pa rdo rje dang sbyar nas ra sa nA dang la la nA dang / a wa d+hU tI gsum gsum ni gtso bo yin la/ mi phyed pa ni rdo rje bdag med ma yin zhing / de la rtsa sku gsung thugs kyi yon tan dang ldan pa yin pas na rtsa bzhir snang ba yin no//gzhan lha mo bco lnga ni thabs dang shes rab gnyis dang ldan pa yin pas na rtsa gnyis gnyis su 'jog pa yin pa 'am yang na rgyu 'bras bu gnyis dang ldan pa yin no/ /yang na sangs rgyas mnyam sbyor dang sbyar nas/ rigs drug gi rten he ru ka dang ldan pas na rtsa drug lnga sum cu tham pa yin la/ra sa nA dang / la la nA ni dbus kyi gtso bo he ru ka'i sku gsum dang ldan par ston pa yin no/ /bcom ldan 'das la rtsa de dag gi rang bzhin zhus pa ni/ srid pa gsum po thams cad kyi lus rtsar snang yang bsam gtan gyi bde ba rtog med skyes pa'i dus su rang bzhin brgyad cu'i rtog pa brgyad cu po mtshan mo'i sgras bstan pa dang /'dzin pa'i rtog pa brgyad cu'i nyin mo'i brdar bstan pa dang bral ba yin no/ /bde ba chen po'i ye shes kyi snang ba ni rnam par rtog pa rnams spangs pa la gzung ba dang 'dzin pa dang bral ba'i ye shes 'dus ma byas pa ste/rgyu dang rkyen gyis ma bskyed pa'o/ /zhes gsungs pa dang / gsang ba 'dus pa'i rgyud phyi ma las kyang / ye shes lnga yi rang bzhin lus/ /'byung ba lnga yi ngo bo nyid/ /ces gsungs so/ /rab tu byed pa gnyis pa'i bshad pa'o// //de ltar sems snang ba dang bcas pa'i rab tu byed pa bshad nas/zhi gnas dang lhag mthong nyams su blang ba bstan pa ni/ de nas bcom ldan 'das la mchod pa byas nas/ gsang chen bde ba'i zhi gnas kyi bde ba dang / ye shes bla na med pa lhag mthong gi rang bzhin dang / bla na med pa'i snying po nyams su blang ba'i thabs gsungs pa yin no/ / de nas bcom ldan 'das kyis rgyud thams cad kyi snying po nyams su blang ba zhi gnas dang lhag mthong / rnam shes dang ye shes kyi sgron ma rnam par rtog pa thams cad spangs pa zhes bya ba'i ting nge 'dzin la snyoms par zhugs nas gsungs pa yin no/ /de la dang po gleng gzhi'i don bstan pa ni gsang ba dga' ba dang /mchog dga' dang / dgyes pa lhan cig skyes pa'i 'khor byang chub sems dpa' bye ba phrag brgyad cu dang / ston pa'i gtso bo bdag nyid dus rtag tu bzhugs so/ /ston pa'i gtso bo gang yin zhe na/ sangs rgyas kun dngos sems dpa' ste/ /rigs lnga'i rang bzhin he ru ka /rdo rje sems dpa' longs spyod rdzogs pa'i sku'i bde mchog dang / chos skus bdud bzhi bcom zhing zung du 'jug pa'i rnal 'byor te ye shes phun sum tshogs pa dang / glo bur gyi rnam par rtog pas mi bskyod pas na brtan zhing mi mthun pa'i phyogs kyis bar du mi chod pas na rtag pa nyid de spangs pa phun sum tshogs pa'o//rtag tu da ltar byung ba dang / /zhes pa ni myong ba 'ba' zhig dus gsum dang bral bas na der snang ba tsam ste/ he ni rgyu tshogs spangs pa dang / /ru ni bkod pa dang bral bas/ /ka ni gang du 'ang mi gnas pas/ /zhes 'byung bas dus gsum gyis stong pas dngos dang rjes thams cad du chos kyi dbyings las mi bzhengs pas na rang bzhin gyis ni 'da' dka' ba'o//de ltar sku gsum bstan nas/ da ni bshad pa'i chos phun sum tshogs pa bstan par bya ste/ sna tshogs las kyi sbyor ba yis/ /zhes pa ni thabs lnga dang shes rab lnga mnyam par sbyor ba'o//sna tshogs cho ga 'dod rnams la/ /zhes bya ba ni/ bskyed pa'i rim pa dang / rdzogs pa'i rim pa gang 'dod pa la/ de lta de ltar ston cing ston pa pos sangs rgyas dang rdo rje 'dzin pa la sogs pas gdul bya bzhin du rgyud dgu rdzogs par mdzad pa yin no//de yang khyad par ci lta bu zhe na/ sangs rgyas kun sogs brtan g.yo zhes bya ba smos te/ sangs rgyas kun ni mya ngan las 'das pa'i gzugs su snang ba'o/ /dngos po kun du 'di 'gyur ro/ /zhes pa ni thams cad kyang bde ba chen po'i rang bzhin can du snang ba'o/ /de nyid kyang gang zhe na/sangs rgyas kun dang mnyam sbyor ba/ /zhes bya ba ni phyag rgya chen po dang dam tshig dang chos dang las kyi phyag rgya dang / thabs rnam par mi rtog pa'i ye shes dang lus bde ba dang yid bde ba dang rnal 'byor ma rnams rang bzhin brgyad cu gzung ba mtshan mor snang ba dang / 'dzin pa ni nyin mor snang ba'i rtog pa rnams dang bral bas na/bde ba rtog pa med pa yul dang yul can ro gcig pa'i zhi gnas kyi mnyam par sbyor ba dang / bde ba sgyu ma lta bu dang stong pa nyid ro gcig pa'i lhag mthong gi mnyam par sbyor ba'i phyir ro/ /mkha' 'gro ma yi dra ba sdom/ /zhes bya ba ni rtsa'i dra ba las byang chub kyi sems sdom pas dbyings dang rlung gi dra ba las sngags kyi rang bzhin dang /stong pa nyid dang sgyu ma lta bu'i rang bzhin sdom pas sems kyi sdom pa chos kyi rang bzhin no/ /sdom pa zhes bya ba'i sgras ni bde mchog la bya'o/ /de ltar tshigs bcad gcig gis zhi gnas dang /lhag mthong gi rgyud thabs bstan nas/ da ni sgyu ma bde ba'i thabs yin par ston te/ sgyu ma bde ba 'di yis ni/ /zhes bya ba smos te/ sgyu ma de gang zhe na/ mkha' 'gro ma dra ba bde ba'i mchog go/ /rnam pa du zhe na/ thams cad du ni sna tshogs mchog /ces bya ste/phyag rgya bzhis rgyas btab nas yul thams cad du dngos po bde ba sna tshogs pa gzung 'dzin dang bral bas na mchog ste/ su'i zhe na/ sems can kun gyi don du'o/ /ji lta bu zhe na/ bla na med par ro/ /thabs gang gis she na/ sangs rgyas la sogs 'dul bas grub/ /ces gsungs te/ tshogs kyi 'khor lo byed pa'i dus su sangs rgyas lnga dang /dpa' bo thams cad dang dpa' bo dang dpa' mo'i mnyam par sbyor ba'i tshul gyis bzhugs nas gdul bya 'dod pa'i yon tan lnga la mos pa la gzugs sdug pa dang / sgra snyan pa dang / dri zhim pa dang / ro mngar ba dang reg bya yid du 'ong pa'i bar gyis gdul bya 'dul bar grub po//de skad du yang / skye bo 'dod chags can don du/ /'di yi byed pa rdo rje sems/ /zhes gsungs so/ /mnyam sbyor las kyang / bskal pa bye ba grangs med snyed/ /sangs rgyas thams cad ma mthong la/ /phyag rgya'i sbyor ba gang dag gis/ /tshe 'di nyid kyis 'grub par 'gyur//de ni bdag gis bstan par bya/ /sangs rgyas kun dngos bde ba'i mchog /ces gsungs so/ /da ni las kyi phyag rgya'i dam tshig ston te/ rang gi gzugs ni yongs brjes nas/ /zhes bya ba ni chags pa dang bral ba'i gzugs spangs nas chags pa chen po'i gzugs su bsgyur te/las kyi phyag rgya rnam pa bzhi'i dbye bas bde ba'i ting nge 'dzin shes par byed pa'o/ /de yang du zhe na/ ma dang sring mo dang bu mo dang tsha mo ste bzhi dang rgyal rigs dang rje'u rigs dang bram ze'i rigs dang dmangs rigs te bzhi dang / bcu gnyis ma dang / bcu drug ma dang / nyi shu ma dang /nyi shu rtsa bzhi ma ste bzhi dang / sngags skyes ma dang / zhing skyes ma dang / las las skyes ma dang / ye shes las skyes ma ste/ bzhi dang bcu drug go/ /de dag ni bud med kyi sgyu mas grub ces bya ste/ sgyu mar khyad par med kyang / bde ba'i sgyu ma ni sgyu ma rnams kyi mchog yin te/ des sna tshogs sgyu ma'i phyag rgya'i brdar btags nas mkha' 'gro ma zhes bya'o/ /ci'i phyir de la mkha' 'gro ma zhes bya zhe na/ sgra bshad pa'i rgyu mtshan dang 'jug pa'i mtshan nyid gnyis yod de/ DA yi sgra las mkha' 'gro zhes/ /'dir ni khams la rnam par brtag /ces bya ba'i tshigs bcad phyed kyis de'i a ka sa ma zhes bya ba'i sgra'i khams kyis sgra bshad pa'i rgyu mtshan yin no//'jug pa'i rgyu mtshan ni zhi gnas rtog med kyi nam mkha' gzugs med pa bzhi dang / bsam gtan bzhi rtogs na rgyu bas mkha' 'gro ma bzhi'o/ /yang sa bcu gcig gi chos kyi dbyings stong pa nyid rtogs shing rgyu bas mkha' 'gro ma zhes bya'o//de ltar mkha' 'gro ma'i nges tshig bshad nas/ da ni mkha' 'gro ma rnams kyi rigs kyi dbye ba bshad de/ kun du sna tshogs phyag rgya ni/ /kun du yid 'ong bde mchog yin/ /zhes bya ba ni dag byed kyi lha mo dbang gi lha mo dang / dpa' bo'i lha mo dang /bkas gnang ba dang / de 'og ma lus kun spyod ma'i phyag rgya'o/ /kun du sna tshogs bde mchog ni/ /sems 'dzin pa'i yan lag dang / dbang bskur ba'i yan lag dang / tshogs kyi 'khor lo'i rim pa dang / mchod pa'i yan lag go/ /de yang dbye na du zhe na/ rdo rje rdo rje 'dzin nyid dang //zhes bya ba smos te/ rdo rje ni rdo rje'i rigs yin la/ de las byung ba he ru ka'i rigs ni rdo rje 'dzin pa nyid do/ /pad+ma ni snang ba mtha' yas kyi rigs yin la/ pad+ma 'dzin pa ni las kyi rigs yin no/ /nor bu'i rigs ni rin po che'i rigs yin la/ nor bu 'dzin pa ni rin po che'i rigs yin no//de ltar na rigs drug ka'i rang bzhin du 'di rnams snang ba yin no/ /yang na rdo rje pad+ma dang nor bu chos kyi dbyings dang so sor rtog pa dang / me long lta bu yin la/ 'dzin pa gsum ni stong pa nyid gsum dang ldan pa yin no/ /de'i don 'di skad ston pa yin te/ gnas dben zhing yid du 'ong bar dpa' bo dang dpa' mo'i lha'i grangs dang mnyam par bsags nas bsnyen bsgrub bzhis ji lta ba bzhin du sbyang ba byas pa 'am/yang na gdong brnyan gon la lha'i cha byad bzung nas/ gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / reg bya rdo rje ma rnams la/ gzugs 'dzin gyi rnam par spangs nas/ dga' ba bzhi'i ting nge 'dzin bsgoms nas bsam gtan dang po la sogs pa zhi gnas kyi sems gzung ngo / /de skad du yang / dbugs dbyung bar ma ro mchog dang / /dri yi chu dang bcas pas kyang / /rnal 'byor pas dus rtag khyab par//rigs ldan rnams ni mchod par bya/ /zhes gsungs pa dang / mnyam sbyor las kyang / lha la dmigs par byed pa dag /rnal 'byor gzugs brnyan rang bzhin te/ /rang gi dam tshig dam sbyor ba/ /mi 'gyur dam pa 'grub par 'gyur/ /gzugs brnyan lus la sogs pa las//rnal 'byor 'byung bar mi 'gyur ro/ /byang chub sems la rab brtson na/ /de las rnal 'byor lhar 'gyur ro/ /zhes gsungs pa rgyu rkyen tshogs kyi 'khor lo las bsam gtan dang po lta bu'i bde ba skye bar 'gyur ro/ /de ltar zhi gnas kyi thabs bshad nas/ da ni lhag mthong bshad par bya ste/bcom ldan 'das 'khor zil gyis gnon cing rnam par rtog pa'i rdul dang bral ba'o/ /bde ba chen po bsam gyis mi khyab pa'i rnam par thugs rtse gcig tu mdzad pa'o/ /byang chub sems 'di gsungs zhes bya ba ni don dam byang chub kyi sems so/ /de'i rnam pa gang zhe na/ stong pa ma yin mi stong min/ /dbu mar yang ni mi dmigs so/ /zhes bya ba la/ stong pa ni kun du brtags pas stong pas kun brtags mtshan nyid med pa'o/ /mi stong ni gzhan dbang skye ba ngo bo nyid med pa'o/ /dbu mar yang ni mi dmigs pa ni yongs su grub pa don dam pa ngo bo nyid med pa dbang po rnon po'i dbang du byas pa'o//stong pa ma yin pa ni gong bu'i gzugs las 'das pa'o/ /mi stong min ni dngos po med pa'i sems nyid yin zhes bya'o/ /yang na chags dang chags bral ba/ /lhan cig skyes dga' mi dmigs te/ /de skad du yang mnyam sbyor las//chags med chags dang bral ba med/ /dbu mar yang ni mi dmigs so/ /bud med kun gyi sgyu ma'i rgya/ /'di ni gnyis med theg pa'ang mchog /ces bshad do/ /shes rab pha rol phyin pa'i stong pa nyid do/ /snying rje'i bdag nyid thabs sbyor bas/ /zhes bya ba ni sgyu ma lta bu'o//snying rje'i thabs kyis mdzes pa ni/ /zhes bya ba ni bde ba sgyu ma lta bu rgyun mi 'chad pa'o/ /shes rab pha rol phyin gsal 'gyur/ /zhes bya ba ni stong pa nyid la dmigs pa ste/ zung du 'jug pa'i don yin no/ /rnam par mi rtog chos rnams la/ /dngos po med cing bsgom pa med//ces bya ba gzung ba dang 'dzin pa med cing bsgom bya dang sgom byed dang bral bas sems gzhag pa'o/ /de skad du yang / de las che mchog gzhan med pas/ /sangs rgyas thams cad mnyam sbyor ba/ /rnal 'byor dbang phyug bde chen des/ /chos 'di nyid la mi 'grub med//ces gsungs so/ /mi rtog lhag par mos par bya/ /rtog pa kun gyis lhag par brtag /ces bya ba ni seng ge'i phru gu lta bu'am/ zla ba tshes gcig pa lta bu'am/ skar khung gi gsang lta bur phyogs gcig gi stong pa nyid la mngon sum gyis bsgom pa'o/ /de lta bu'i thabs sus mdzad ce na bde bar gshegs pas mngon sum gyi lam 'di/rnam par mi rtog chos rnams la/ /sems can don du rab tu brtags/ /zhes bya ste/ phyag rgya bzhi'i byin gyi rlabs kyis bdag byin gyis brlabs pa'i rim pa bsgom pa yin te/ longs spyod rdzogs pa'i skur snang ba'o/ / de bzhin gshegs pa kun bdag mchog /chos can med cing chos nyid med/ /ces bya ba ni chos kyi sku'i bdag nyid do/ /chos dang chos can dang chos nyid dang rnam pa gsum med par bde ba chen por ro gcig pa'o/ /de ltar yin na ni ji ltar chos gsung bar 'gyur te/ brag ca sgra dang mtshungs pa yi//de nas chos kyi gsung 'di 'byung / /zhes bya ba la sogs pa'i tshigs su bcad pa gcig gis sprul pa'i sku 'byung ba bstan to/ /de ltar sku gsum gyi don shes pa'i rnal 'byor pas bsgoms pas sangs rgyas dang 'dra ba'i yon tan rgyas par 'grub par 'gyur ro//de ltar lhag mthong bshad nas nyams su blang ba'i don bstan pa ni bstod cing phyag byas nas gsol ba btab pa yin no/ /'gro ba sgrol byed sprul pa'i sku'o/ /sems can bdag skyes ni longs spyod rdzogs pa'i sku'i sgo nas so/ /rmongs pa gcod byed ni chos kyi sku'i sgo nas so//de nyid gcig pu ni ngo bo nyid kyi sku'i sgo nas so/ /chos kun gcig pa'i snying po zhes bya ba ni gnyis su med pa'i ye shes kyi don no/ /dbang po drug gi lam gyur pa/ /zhes bya ba ni mchan bcas kyi yul lnga la dga' bzhi de dang de'i rang bzhin du 'gro ba'o/ / mnyam par ma bzhag pa'i rjes kyi rnal 'byor la/ dngos gzhi bzhin du mnyam par bzhag pa dang ro mnyam par 'gyur ro/ /yang na dbang po gang gi lam sems kyi bde ba chen po stong pa nyid kyi rang bzhin du rgyas btab pas/ bde ba chen po de dang de'i rang bzhin du 'gro ste/ mnyam par bzhag pa dang mnyam par ma bzhag pa gnyis khyad par med pas dngos rjes bde ba chen po'i rang bzhin du ro mnyam par bsgom pa dang mi bsgom pa med pa'o//des na/ gang phyir dngos kun bdag nyid ni/ /rnam shes phung por bstan pa yin/ /zhes bya ste/ dbang bzhi yi ni sems kyi chos nyid shes pas chos thams cad kyi mdo dang rgyas pa shes par 'gyur ro//de skyes bu blun po tha shal gyis shes par ma nus so/ /thams cad kyis rtogs par mi nus sam zhe na/ phyogs gzhan 'ga' dang 'ga' gzhan gyi yin te/ thams cad kyang bde ba chen po 'dod pa la gzhol ba 'ba' zhig go//de gang zhe na/ chos kyi phung po brgyad khri bzhi stong ste sems rnam par shes pa drug gam brgyad kyi rang bzhin te/ khams gsum pa de'i rang bzhin du shes pas grol bar 'dod pa'am/ sems las byung ba dad pa dang / ngo tsha shes pa dang khrel yod pa'i sgo nas grol bar 'dod pa'i sems rnam bcas dang rnam med kyi sgo nas/shes bya bye brag tu smra ba dang / mdo sde pa'i sgo nas so/ /rgyu ni rjes su dpag pa dang / 'bras bu ni spyod pa dang bya ba dang / gnyis ka'i rgyud kyi sgo nas so/ /chos can ni don dam sgyu ma lta bu'i sgo nas dang / chos nyid ni rab tu mi gnas pa'i sgo nas thar pa 'dod pa rnams kyis bsgom par 'dod pa yang chu bo chen po rnam pa bzhi ru chu bran lnga brgya'i 'khor gyis bskor nas rgya mtsho chen po'i lan tshwa'i ror gcig tu gyur pa bzhin du grub pa'i mtha' du ma de dag kyang don dam par bde ba chen po la du ma nyid du mi dmigs pa'i phyir thar pa ni gcig kho na yin no//ji ltar gang gis sems kyi stong nyid shes she na/ kha nang du bltas pa'i tha ma'i lam gyis so/ /rab tu byed pa gsum pa'i 'grel pa'o// //de ltar bde mchog la sogs pa'i mnyam sbyor gyi gleng gzhi bstan nas/da ni 'dus pa la sogs pa'i gleng gzhi bshad par bya ste/ rgyud rnams kun gyis nges pa ste/ /gru gsum shin tu yangs pa'i gzugs/ /zhes bya ba ni phyogs gcig rtogs pas zhi gnas kyi rtogs pa bde ba med pa'am phyogs gcig gi gang zag gi bdag 'gags sam/nyan thos sam rang rgyal ba'i bdag med pa'am/ phyogs gcig gi nyon mongs pa dang shes bya'i sgrib pa dang bral bas byang chub sems dpa'i stong nyid mtha' dag dang bral bas sangs rgyas kyi stong nyid ni sems can thams cad dang thun mong yin la/ kun rdzob tu e gru gsum gzhal yas khang ngam zla ba'am pad+ma'am/btsun mo'i gru gsum b+ha ga'i gzugs su kun rdzob tu snang ba de bzhin gshegs pa'i bzhugs gnas su gyur pa yin la/ don dam par de nyid shes rab kyi pha rol tu phyin pa'o/ /gzung ba'i yul las 'das shing 'dzin pa med pas na srog chags thams cad kyi dbus na bzhugs pa rnam par mi rtog pa'i ye shes mtshon pa'i thabs kun rdzob ston pa phun sum tshogs par snang ba ste/mdor na thabs dang shes rab kyi don rtogs pas sangs rgyas nyid du 'gyur bas na thabs dang shes rab ston pa'i phyir gleng gzhi bstan pa yin no//de yang mngon sum du ma rtogs pas bskal pa grangs med pa gsum du goms pa yin la/ mngon sum gyi lam gyis tshe 'di nyid la rdo rje 'dzin pa'am/ lha'i 'khor los sgyur ba'am/ dngos grub bzhi thob par 'gyur ro/ /de ltar gleng gzhi mdor bsdus pa bstan nas sems 'od gsal ba yin yang glo bur gyi dri ma 'dod chags la sogs pa'i dbang gis 'khor bar 'ching zhing /sdug bsngal gyis 'joms par byed cing sems de'i las dge mi dges bcings nas dmigs pa dang ldan pa de srid du slar yang sdig pa sna tshogs pas khams gsum du 'khor zhing skye bar 'gyur ro//de ltar dang po'i 'khor ba'i mtshan nyid bshad nas de'i tshe sangs rgyas dpa' bo ni zhes bya ba ni dbugs dbyung ba'i lam rjes su mthun pa'i stobs ston te ji lta bu zhe na 'khor ba'i rgya mtshor ltung ba'o/ / dgos pa ci'i phyir zhe na/ sdug bsngal dang bral ba'i phyir te/ thabs gang gis she na/ sprul pa'i sku byin rlabs kyi lam dang / rig pa'i mngon sum gyi lam gyis so/ /thabs kyi mtshan nyid ji lta bu zhe na/ thabs dang thabs kyi sbyor bas so/ /shes rab ni mtshon byed de la ci zhig rtogs she na/khams gsum pa mtshon bya dri ma med pa'i rang bzhin du rtogs pa'o/ /gang dang gang gi gnas gyur pas/ /de dang de yi ngo bor 'gyur/ /dper na bud shing mer 'gyur ba bzhin du bskyed pa'i rim pa lha'i gar gyi 'khor los phung po dang khams dang skye mched sbyangs te/ dper na sgyu ma'i mkhan pos sgyu ma mkhan po pham par byas pa bzhin no/ /de la bskyed pa'i rim pa dang sbyar na nyon mongs pa lnga'i gnyen por sangs rgyas lnga bsgom pa'am mi zab pa'i rdzogs rim la rtsa lnga'i rlung la bde ba bsgom pa 'am nyon mongs pa lnga po de nyid kho na stong pa nyid kyis gseng brtol ba'o//de ltar re re'i sbyor ba bshad nas/ thun mong du sbyor ba/ rdo rje 'dzin bcas thams cad sbyong / /zhes 'byung ste/ 'od gsal bas thams cad bde ba chen po'i rang bzhin du byed pa'o/ /nyon mongs pa lnga ji ltar sbyong du rung zhe na/ sems 'od gsal ba brten pa'i glo bur gyi dri ma nam mkha' la sprin sna tshogs byung nas de nyid du thim pa bzhin no/ /nang gi bye brag 'di lta bu gang gis shes she na/ bla ma'i man ngag la brten pa'o/ /de ltar rjes su mthun pa'i thabs gnyis bstan nas da ni brtag pa'i gleng gzhi bshad par bya ste/'dzam bu'i gling ni gru gsum la btsun mo'i b+ha ga zhes bya ste/ e yi cha byad bzang po yi/ /dbus su waM gyis rnam par brgyan/ /zhes so/ /gnas 'di'i dbus na bzhugs pa'i gleng gzhis ma 'ongs pa'i dus kyi bsgom bya ci mtshon zhe na/ btsun mo yum gyi b+ha ga gru gsum mtshon pa yin no//chags pa'i lam dang sbyar na dkyil 'khor b+ha ga zhes bya la/ grol ba'i lam dang sbyar na dkyil 'khor lus yin la/ rang lhag par gnas pa'i lam pa la dkyil 'khor chos kyi dbyings yin no/ /de la rlung gi dkyil 'khor bde mchog dang sbyar na lte ba sprul pa'i 'khor lo bcu drug dang a wa d+hU tI dang 'brel pa rlung rgyu ba dang /g.yas pa ra sa nA dang 'brel pa bcu drug khrag rgyu ba dang / g.yon pa la la nA dang 'brel pa bcu drug byang chub kyi sems rgyu ba dang / dbus ma dang g.yas nas g.yon du 'brel pa sgo ma bzhi'i rtsa dang / g.yas g.yon 'brel pa mtshams ma bzhi'i rtsa dang /'byung ba bzhi'i rlung dang / bdud rtsi bzhi dang drug cu rtsa bzhi rten 'brel gyi gnas lugs yin la de'i dbus na gnas pa'i rlung la sems bzung nas phyi rol gyi rlung 'gags nas shes pa rtog med bskyed nas bde ba chen po'i rang bzhin du 'gro ba yin no//de ltar gleng gzhi'i don gsum bshad nas de yang mos pa'i bye brag gis mu dra bzhi'i snang ba ni 'byung ba bzhi la mos pa la 'byung bzhi'i dkyil 'khor du snang ba 'am/ lha mo bzhir mos pa la de ltar snang ba 'am/ tshad med pa bzhir mos pa la tshad med pa bzhir snang ba 'am/pha rol tu phyin pa bzhir mos pa la de ltar du snang ba'am/ ye shes bzhir mos pa la de ltar du snang ba'am/ e waM ma yA yi ge bzhir mos pa la de ltar snang ba ste/ bdag byin gyis rlob par mos pa la glo bur gyi dri ma bsrabs pas stong pa mthong ba'i rgyu yin no zhes yan lag med pa'i rdo rje 'dod do//yang na sangs rgyas kyi byin gyi rlabs kyis zag pa med pa'i ye shes kyi snang ba sprul pa'i sku dang mtshungs pa med pa'i ye shes kyi snang ba nyon mongs pa med pa'o zhes dpal mchog dang po las gsungs so/ /de ltar snang ba med pa'i bye brag bshad nas/ e waM gyi bye brag bshad par bya ste/spyi bo dang lte ba ni e yin la/ mgrin pa dang snying ga waM yin te/ steng 'og gi bye brag gis thabs dang shes rab kyi rang bzhin du 'gyur ro/ /e waM gyi sgra de las sdud pa po'i gleng gzhi dang sbyar na mdo sde dang mthun pa'i yi ge'i don du bshad par bya ste/'di skad bdag gis thos pa zhes bya ba la sogs pa nas rjes su yi rang zhing bstod do zhes bya ba'i bar du gleng gzhi dang tshig gi mtshams sbyar nas/ bcom ldan 'das nyid kyi bka' nyid du gnas pa yin pas bkar ba sgrub pa de la bshad pa'i rgyud kyis 'chad par 'gyur ba'am/ yang na sprul pa'i skus 'dul ba'i ngor bde bar gshegs pas bshad la sdud pa pos gdul bya'i ngor sangs rgyas nyid du sdud pa por sprul pa'o//de gnyis kyi don bshad pa'i phyir bcom ldan 'das kyis dus gzhan gyi tshe/ sangs rgyas dang byang chub sems dpas gsol ba btab nas bshad pa'i rgyud gsungs kyang 'gal ba yod pa ma yin no//de skad du yang mya ngan las 'das pa'i mdo las/ sdud pa po nyid kyis gsungs pa yin la/ de'i don rtogs par dka' ba yang mdo sde gzhan du nga nyid 'chad pa yin no zhes gsungs so/ /de ltar 'di skad bdag gis thos pa zhes bya ba'i don bstan pa'i phyir/spyan ras gzigs kyis rtogs pa'i chags pa'i lam dus dang / sa'i snying pos rtogs pa'i dus ngan pa dang / 'jam dpal gyis rtogs pa'i bsam gyis mi khyab pa'i dus so/ /de la bzang po ni b+ha ga'i dkyil 'khor bde ba'i rgyun 'jug pa'i dus so/ /ngan pa ni lus kyi dkyil 'khor rlung me'i drod can gyi srog a wa d+hU tIr 'jug pa'i dus so//bsam gyis mi khyab pa ni sgyu ma dang stong pa ro gcig pa'i dus te/ chags pa ni dga' ba dang mchog tu dga' ba'i dus yin la/ chags bral ni dga' bral yin la/ dbu ma ni lhan cig pa'i dga' ba yin te/ de gsum mi dmigs pa ni bde ba chen po 'od gsal ba'o//chags pa dang chags bral 'dres pa ni kun rdzob tu tha dad pa yin yang / don dam par ro gcig pa des na dngos dang dngos med ro gcig pa'i don ston pa ji lta bu zhe na/ yon tan drug dang ldan pa'am/ nyon mongs pa dang shes bya'i sgrib pa bcom pa dang ldan pas na bcom ldan 'das so//gnas gang zhe na/ sku dang gsung ni chos can yin la de yi chos nyid ni snying po yin no/ /de nyid sgrib pa gnyis kyis mi phyed pas na rdo rje ste/ de la de bzhin gshegs pa rnams kyi sgras btsun mo zhes grags so/ /de'i b+ha ga ni mi slob pa'i lam gyi stong pa nyid do//kye bcom ldan 'das kyi chos kyi dbyings kyi b+ha ga la rnam par mi rtog par ro gcig pa na bzhugs so zhes bya ba'i/ tha snyad ji ltar rung zhe na/ lan du bka' stsal pa don dam par stong pa nyid dang ye shes ro gcig pa yin yang gdul bya'i skye bo mos pa'i dbang gis de rnams kyi yid 'phrog pa'i rgyud kyi gleng gzhi'i gnas pad+ma dang zla ba dang gzhal yas khang dang /ro'i gdan dang / btsun mo'i b+ha ga la bzhugs pa yin no/ /chos kyi rnam grangs kyi rnam pa der bcom ldan 'das bzhugs pa la bdag gis thos so zhes mtshams sbyor ro//de la ci'i phyir b+ha ga zhes bya zhe na/ nyon mongs pa dag /shes rab stong pa nyid kyis 'joms pas na b+ha ga ste/ de nyid snang ba med pa'i rnam pa thams cad mkhyen pa'i ye shes gdul bya rnams kyis stong pa nyid la gseng brtol ba'i phyir b+ha ga'i gzugs su sprul cing bstan pa yin no//'di rjod par byed pa'i chos gang zhe na/ gleng gzhi'i don de nyid kyis rjod par byed pa ni e waM ma yA zhes bya ba'i yi ge bzhi yin la rjod byed des rgyud dgu'i thabs dang shes rab kyi don ston pas na/ rgyud dgu'i chos kyi thog mar e waM ma yA bstan pa yin no/ /dgos pa ci'i phyir zhe na/sangs rgyas dag pa'i dngos grub skyed/ /ces bya'o/ /mdo sde thams cad kyang e waM ma yA'i sgra brjod par bya ba yin na lan du lag na rdo rje zhes bya ba nas brjod du med pa'i don/ nga yis sems can la bstan pa yin la/ yi ge des phyag rgya bzhi shes rab la thabs bzhugs so zhes bya bar khong du chud pas 'khor ba'i rgya mtsho las ring du 'gro ba'o//sems de'i chos nyid rtogs pa ltar chos thams cad kyi chos nyid rtogs na ji ltar 'gyur zhe na/ brgya lam zhig na/ thams cad las ni sems bsdus nas/ /nang gi bdag nyid g.yo med par/ /dul ba'i sems kyi mtshon byed kyis//chos thams cad kyi mtshon bya mngon sum du byas nas tshe 'di nyid la rdo rje 'dzin pa thob bo/ /gang gis sems kyi stong nyid ma shes pa de srid kyi bar du bsam gtan dang / gzugs med kyi lha'i bde ba myong bar 'gyur ro/ /gang gi tshe mngon sum gyi lam de las ma yin no zhes spangs na mnar med pa'i sems can dmyal bar skye bar 'gyur ro//dpal ldan gang zhig gis mngon sum gyi lam dag pa'i sems kyi phyag rgya bzhi'i shes rab ji ltar rnyed pa bzhin du thams cad kyi bsgoms na rang rig pa'i glo bur gyi dri ma dag pa'i mtshon bya rtogs nas khams gsum pa'i chos nyid nam mkha' dang mnyam par gzigs pa chos kyi sku dang /longs spyod dang / sprul sku'i gzugs yid bzhin gyi nor bu lta bus sems can gyi don mdzad pa de yang mngon sum gyi rgyu rkyen dang bral na ni chos kyi dbyings bsam gyis mi khyab par mtshon par mi nus so/ /rab tu byed pa bzhi pa'i bshad pa'o// //de ltar le'u dang pos zab pa'i rdzogs rim gyi shes bya bshad nas/ da ni nyams su blangs pa dbang bskur ba'i rim pa bshad par bya ste/ thog mar dkyil 'khor dang bar du tshogs kyi 'khor lo dang tha mar dbang bskur ba'i don bshad par bya'o/ /de ltar sgrub pa po la phan pa'i phyir/ dbang bskur ba'i tshigs bcad gcig gis mdor bstan pa yin la/de rgyas par bshad pa ni dang por bdag nyid lha'i dngos por byas la/ rdo rjes sa sbyang ba'i phyir yi ge hUM las rdo rje 'bar bar bya'o/ /de ltar sa sbyang ba dang bslang ba dang brtag pa bshad nas/ da ni tshigs su bcad pa gcig gis bshad pa yin no/ / tshon brtag pa ni 'byor pa'i dbang gis rin po che las byas pa'am/ 'bring gis bsres pa'am/ tha mas 'bras kyi phye mas tshon rtsi bsgrub par bya'o/ /chung tshad gru gsum pa'i dkyil 'khor la/ sor gsum gyi mtha' skor lhag pa ni tshon brtag pa'o/ /sgrub pa'i yan lag brtag pa ni sngags kyi lam gyi bsnyen bsgrub bzhis sbyang ba byas nas dbang bskur ba thob pa'i rigs lnga'am/yang na gar mkhan la sogs pa'i rigs bzhi'i dkyil 'khor der gzhug par bya'o/ /ji ltar sgrub pa'i yan lag tu gyur pa brtag pa ni mngon sum gyi lam mam/ sangs rgyas thams cad kyi chos kyi dbyings kyi dkyil 'khor longs spyod rdzogs pa dang /sprul pa'i gzugs kyi sku'i pho brang na gnas pa bzhin du rnal 'byor pas zlos gar byas nas 'jig rten gyi khams mtha' yas pa'i bud med kyi dbang phyug dang / las kyi phyag rgya la sems gzung bar bya zhing longs spyod du blangs na gdon mi za bar sems can rnams dam tshig nyams par gyur pa'i 'jigs pa thugs la bzhag nas/byin rlabs kyi go 'phang dga' ba gsum dang / sangs rgyas kyi don dam pa'i bden pa stong pa nyid dang / rang bzhin brgyad cu dang bral ba/ sngags pa'i lam yang sangs rgyas dang byang chub sems dpa' bzhin du rtogs pa yin no//de ltar dbang bskur ba'i gnas dang sa bshad nas/ da ni tshogs kyi 'khor lo bshad par bya ste/ rdo rje sems dpa' dang de bzhin gshegs pa la sogs pa'i lha rnams kyi dam tshig 'da' bar dka' ba dang / rgyal ba nyid las skyes pa'i byang chub sems dpa' mngon sum du dbang nod pa'i phyir ro//de ltar dgos pa bshad nas de'i rten slob dpon bshad pa ni/ zab pa dang rgya che ba'i yon tan rgya mtsho dang ldan pa la/ chags lam grol lam gyi tshogs 'khor dbul bar bya'o/ /rten slob dpon bshad nas/ sgrub pa'i yan lag rnal 'byor ma bshad pa ni/ma dang sring mo la sogs pa'i sngags skyes dbang thob pa'am/ de med na kun spyod ma la sogs pa'ang rung ste/ 'di ni bde mchog gi rtsa ba'i rgyud du rnal 'byor 'khyil ma dang / khu byug lta bur skad snyan pa dang / rdo rje lta bur skad gsal ba rnams la/ sangs rgyas kyis bstod pas de gzung bar bya'o/ /yang na zhing skyes kyi dbye ba ni bram ze mo la sogs pa rnam pa bdun te/ de la bzo byed pa'i rigs ngan smyig ma mkhan la sogs pa zhes bya ba ni smyig ma mkhan dang lham mkhan la sogs pa'o/ /sems kyi mtshan nyid ni dam tshig bsrung ba dang / lha'i sku'i spyod lam bsgom pa las 'grub pa dang / chos kyi de kho na nyid shes pa dang / sngags kyi de kho na nyid shes pa dang / dbyibs kyi de kho na nyid shes pas ni sgrub pa po'i sdig pa zad par byed pa dang / btsan phyug ni ldang ba yang ba dang / zo mdog bde ba la sogs pa 'jig rten pa'i dngos grub dang /bsam gtan bzhi'i thun mong gi dngos grub dang / mchog gi dngos grub kyang thob par 'gyur ro/ /yang na ji ltar rnyed pa'i lo tshogs kyi rang bzhin gzugs dang lang tsho la sogs pas brgyan pa'o/ /khyad par gyi mtshan nyid gang gis rtogs par byed ce na/du ba las ni mer shes shing / /chu skyar las ni chu yin te/ /byang chub sems dpa' blo ldan gyis/ /rigs ni mtshan ma rnams kyis shes/ /zhes gsungs pas de gsum la skyabs su 'gro ba la sogs pa bsnyen sgrub bzhis sbyangs nas/ sngags dang rgyud dang de kho na nyid shes pa'o//de la sngags ni bsgom bzlas so/ /rgyud ni sman no/ /de nyid ni ye shes lnga'o/ /gsang chen de ltar sbyangs nas zhes pa ni/ lus dang ngag gi bya bas sbyangs nas so/ /de skad du yang / rtsa ba'i rgyud las/ gzhi ni sa gzhir byas nas su/ /rnal 'byor pas ni longs spyod bya/ /zhes gsungs pa'o//mnyam sbyor las kyang / de nas khrus bya dri zhim lus/ /ci 'byor pa yi gos dang rgyan/ /sna tshogs gos ni thogs nas kyang / /me tog phreng ldan kha dri zhim/ /gang gis lha dang 'dra ba yi/ /bud med dag ni legs bsgrubs la/ /skal bzang dag ni phyag rgyas mtshan/ /tshogs kyi 'khor lo brtag par bya//zhes gsungs so/ /'tshe ba thams cad spangs pa'i gnas su bzhag ste zhes bya ba ni rnam par dben pa ste/ yang na bdag gi gnas dag gam/ /skyed mos tshal la sogs par bsgrub/ /der ni dang por gdan bsham ste/ /'jam zhing reg na bder 'gyur ba/ / sna tshogs pad+mo ras kyis g.yogs/ /de ni thams cad dag pa'i bdag /ces gsungs so/ /g.yogs dang bcas pa zhes bya ba ni bsku mnye dang gos rnam pa sna tshogs me dang gsos rnams byed pa la sogs pa'i grogs dang bcas pa'o/ /de skad du yang / lha mo kun dang 'grogs pa yis/ / sna tshogs kun gyi skal bzang ma/ /a ra li yis kun 'grub 'gyur/ /nam mkha'i dbyings ni mtha' klas pa'i/ /lha mo kun dang bde mos pa/ /rdo rje sems dpa' yang dag rdzogs/ /zhes gsungs so/ /de ltar me tog gi phreng ba la sogs pas bkur sti bya zhing / de ltar bsgrub pa'i slob dpon rig ma dang bcas la rnal 'byor ma gus pa'i sems kyis 'o ma dang zho mar la sogs pa dkar gsum dang /'o ma dang sbrang rtsi dang ka ra la sogs pa mngar gsum dang / sha dang chang gi tshogs rnams dang / /sha yi sbyor ba sha skam dang / /tshogs kyi 'khor lo dbul bar bya/ /zhes gsungs so/ / de ltar tshogs kyi 'khor lo rdzogs nas/ da ni kun rtog thams cad rnam spangs ba/ /zhes bya ba la sogs pa stong pa nyid lngas me long lta bu dang mnyam pa nyid dang so sor rtog pa dang bya ba nan tan dang chos kyi dbyings kyi sgo nas bstod nas/ tshigs su bcad pa gsum gyis gsol ba gdab par bya ste/ de la dang po ni gsang ba'i dbang bskur ba'i sgo nas so//de nyid bla med ye shes 'tshal/ /zhes pa ni ro rdo rje ma las mngon sum gyis stong pa nyid rtogs pa'o/ /rdo rje'i dbang bskur kun mkhyen gyis/ /zhes pa ni ro rdo rje ma las rang bzhin brgyad cu'i rnam par rtog pa'i dri ma bkrus pa'o/ /sangs rgyas kun la gsang zhes pa ni reg bya'i stong pa nyid shes par gsang ba'o//ji ltar dpal ldan sems des bya ba ni sngon bcom ldan 'das rdo rje sems dpas rdo rje chos la dbang bskur ba bzhin du bdag la bka' drin stsol cig ces pa'o/ /khyod zhabs pad+ma spangs nas ni/ /zhes pa sems kyi stong pa nyid rtogs pa'i mngon sum gyis lam spangs pa'o//'khor ba'i 'gro ba spangs pa'i phyir/ /zhes pa ni glo bur gyi rtog pa zad pa'i phyir/ dbang bzhi pa bdag la stsol cig ces pa'o/ /de ltar gsol ba btab nas/ da ni slob dpon snying rje dang ldan pa'i rnal 'byor pas/ slob ma la tshogs kyi dbus su bos nas snying rje bskyed la dbang bskur ba'o//de nas sgrub pa'i yan lag dang dbang bskur bar byed pa'i lus la mchod par byed pa ni/ rnal 'byor ma ni rnal 'byor ldan/ /zhes pas ni bsnyen sgrub bzhis lhar bskyed pa dang ldan pa'o/ /dril bu'i sgra sgrogs shing bla re bres pa ni gnas so/ / 'dod yon lnga yis brgyan byas zhes pa ni sngar tshogs 'khor du mchod pa'o/ /de skad du yang mnyam sbyor las/ de la gzugs sgra dri ro dang / /reg bya bde bar myong ba yi/ /gzugs ni ri mo yin par gsungs/ /sgra ni glu yin zhes bshad do/ /dri ni rab tu tshim byed de/ /ro ni ra sa ya na yin/ / reg bya bde ba yin par bshad/ /rab tu reg pa dag pa'i bde/ /chos kyi phyag rgya yin par bshad/ /ces gsungs so/ /me tog bdug pa'i sbyor ba zhes bya ba ni lus kyi dkyil 'khor gyi gnas su dri'i thig le dang bdug pa dbul bar bya'o/ /phreng dang shin tu dri zhim sogs//zhes pa ni me tog gi phreng ba gdags shing gdong dri zhim par bya ste kha so rtsis bkang la glu snyan pas mchod par bya'o/ /dkyil 'khor dam pa rmad byung mchog /ces pa ni tshogs kyi 'khor lo'i rnal 'byor mchod par bya'o/ /de ltar mchod pa byas nas/ phyag rgya dang mnyam par sbyor ba las/byang chub kyi sems rgyal ba'i bdag nyid las skyes pa'i byang chub kyi sems pad+ma'i snod du bzhag nas/ rnga yab dang / gdugs la sogs pa'i gzugs dang / glu dang dbyangs dang / bkra shis kyi tshigs su bcad pa'i sgra dang / ga pur dang / tsan+dan dang bcas pa'i dri dang / bdud rtsi lnga dang bcas pa'o/ /bdud rtsi lnga'i dbang bskur ba'o/ /de yang slob dpon nam shes rab 'ba' zhig gi yin nam zhe na/ slob dpon mchog gi dbang phyug dang / phyag rgyar bcas zhes smos so/ /rin chen mchog gis dbang bskur ba/ /zhes bya ba ni ro rdo rje ma la sems gzung ba'i zhi gnas dang lhag mthong ni dngos grub rnyed pas na rin chen mchog ces gsungs so//des 'gro ba'i gtso bo byang chub sems dpar dbang bskur ro/ /de yang mnyam sbyor las/ b+ha ga ling+ga e ma bde/ /thod pa pad+ma ling+ga yin/ /kha T+wAM ga ni ling+ga ste/ /sangs rgyas phyag rgya pad+mor bshad//bde ba kun gyi bdud rtsi yin/ /rnam pa kun mkhyen shes bya'i phyir/ /dbang bskur thams cad dbang bskur che/ /zhes pa dang / lha yi rnal 'byor dang ldan pas/ /srin lag dang ni mthe bo'i rtse/ /zhim pa'i btung ba nyid myangs na/ /rtag pa yi ni dngos grub thob/ / ces gsungs so/ /de nas rang bzhin rnam dag pa'i/ /mtshan nyid dag pa nyams dga' sbyin/ /zhes bya ba ni slob ma la bshad pa'i dbang du byas nas/ bdud rtsi lnga'i ro la bde ba rtog pa med pa bskyed nas/ dbang bskur ba 'am/ tshogs kyi dbang du byas na/ ngas ji ltar dbang bskur ba bzhin du khyed kyang bdud rtsi lnga'i ro la longs spyad par bya'o zhes bya ba'i don to//khrag chen po ni rang byung gi me tog go/ /ga bur bcas ni byang chub kyi sems dang ldan pa'o/ /tsan+dan dmar ni rta mchog go/ /rdo rje chu ni mi bskyod pa'o/ /lnga pa rnam snang ni sems me long lta bu las byung bar bshad pas de'i shugs kyis lhag ma bzhi'i ye shes las byung ba'o//rgyu de'i phyir ye shes lnga dang / 'bras bu bdud rtsi lngar snang ba ni/ sangs rgyas rnams kyis mthun par gsungs/ /zhes bya'o/ /dam tshig 'di ni bla na med/ /ces bya ba ni zhi gnas dang lhag mthong mngon sum du bskyed pa'i dam tshig go//bzang po khyod kyis bskyang zhes bya ba ni rjes su gnang ba byin pa ste/ zhi ba'i btung ba gtsang sbra ston pa'o/ /de ltar gnas bshad nas/ dam tshig ni srog chags gnod par mi bya ste/ lce'i rnam par shes pa sgyu ma lta bu rtog pa med pa la gnod par mi bya'o/ /dam tshig 'di ni bla na med//ces pa ni ro rdo rje ma'i stong pa nyid mi 'dor ba'o/ /de dag gi don 'di skad ston pa yin te/ rab tu byung ba'i byang chub sems dpa'i slob dpon gyis/ gtum mo'i drod kyis phyag rgya dang snyoms par zhugs pa la byang chub kyi sems bdud rtsi lnga dang bsres nas thod pa'i nang du bzhag la bkra shis kyi tshigs su bcad pa dang bcas pas srin lag dang /mthe bos ro rdo rje ma myong zhing / klang rgyas kyis go ro tsa na 'dzag pa'i man ngag dbang bskur bar bya ba ni/ rin chen mchog gi dbang bskur gyi/ /'gro ba'i gtso bos dbang bskur bya/ /zhes gsungs pa yin no/ /de'i rjes la khyod kyis kyang zhim pa'i btung ba'i rjes su gnang ba dang /thabs dang shes rab mi 'dor ba'i dam tshig sbyin par bya'o/ /khyim pa'i byang chub sems dpa' yin na sngar bshad pa'i rig ma sngags las skyes ma dang / ye shes las skyes ma dang / las las skyes ma rigs dang mthun pa'am rang gi rigs las kyi phyag rgyar 'gyur ba mthun pa'i rnal 'byor ma dang snyoms par zhugs pa'i sbyor bas byang chub kyi sems bdud rtsi lnga dang bsres nas dbang bskur bar bya'o//de ltar grol ba'i lam dang chags pa'i lam thun mong gi dbang bskur ba bstan nas/ sngon du gsungs pa'i rig ma zhes bya ba ni sngags skyes dang /zhing skyes dang / las skyes dang ye shes las skyes pa rnams so/ /yang na bdag gi rnal 'byor ma zhes bya ba ni rang gi las kyi phyag rgyar 'gyur ba'o/ /sih+la ga pur gyis bsgos nas zhes pa ni lha rnams kyi gnas su dri'i thig le byas la me tog bkod cing cod pan dang rgyan btags nas sangs rgyas spyan la sogs pa'i rig pa'i lha mor sprul par bya'o//yang na rig ma ni de'i sprul pa bya ste zhes bya ba ni bsnyen sgrub bzhi yis sbyangs nas rig ma de'i dri ma med par byas zhes bya ba'i don to/ /phyag rgya dang thabs kyi gdong dgab pa ni ngo tsha'i 'jigs pa dang bcas na rtog med kyi ye shes mi skye bas na gdong g.yogs par bya'o//bag tsha ba med na g.yogs par mi bya'o/ /ji srid khu ba ldan gyur pa/ /de srid bar du bsten par bya/ /zhes bya ba ni/ 'khor lo bzhi byang chub kyi sems kyis bkang nas/ gsang ba'i rdo rje nor bu'i mtshams su byang chub kyi sems gzung la slob ma'i lce la gzhag par bya'o//de skad du yang gdan bzhi las/ ro dang lce yi rnam shes rtag spangs nas/ /bde mchog 'gyur ba mngon du khyim gyi gnas/ /su ni dbus su gnas pa gzung bar bya/ /zhes gsungs pa dang / mnyam sbyor las kyang / bde ba phyag rgya la bab nas//bud med dag kyang bsgoms nas ni/ /rdo rje nor bu'i mtshams bzung nas/ /slob ma'i khar ni dbab par bya/ /zhes gsungs so/ /de ltar gsang ba'i dbang bskur ba bshad nas/ da ni shes rab ye shes kyi dbang bskur ba bshad par bya ste/ de nyid du ni mnyam pa'i ro/ /zhes bya ba ni snga ma bzhin du bsnyen sgrub bzhis sbyongs pa'i las kyi phyag rgya slob ma la byin nas a wa d+hU tI kha sbyar la bde bar rnal 'byor ma'i stobs kyis bskyed pa la slob dpon gyis dga' ba dang mchog tu dga' ba lus bde ba dang /lhan cig skyes pa'i dga' ba yid bde ba rtog pa med pa slob ma'i spyod yul dag tu bya'o//bdag dang gzhan du 'dzin spangs shing / /zhes bya ba ni bud med dang skyes pa'i rnam par rtog pa nub pa'o/ /rang rig pa'i ye shes zhes pa ni/ bde ba mi rtog pa mngon sum gyis shes pa'o/ /dngos dang dngos med bdag nyid mchog /ces pa ni reg bya'i dngos po dang reg bya'i stong pa nyid dngos po med pa'i mchog ste/yul gyi stong pa nyid la bsgom pa rnam snang gis rgyas btab pas na nam mkha' dang mnyam pa'o/ /de nyid rang bzhin brgyad cu'i rtog pa dang bral bas na rdul bral lo/ /'dod chags chags bral 'dres pa ste/ /zhes bya ba ni/ 'dod chags dga' ba dang mchog dga' dang / chags bral dga' ba dang dga' bral te/ de gnyis stong pa nyid du ro gcig pas na 'dres pa'o/ /thabs dang shes rab shin tu 'dres/ /zhes pa ni lus shes pa'i shes pa sgyu ma lta bu dang reg bya stong pa nyid du 'dres pa'o/ /de nyid srog chags rnams kyi srog /ces pa ni rnam par rtog pa dang bral ba'i lhan cig skyes dga'o/ /de nyid mi 'gyur zhes bya ba ni glo bur gyis mi gnod pa'o/ /dam pa ste zhes bya ba ni bde ba dang ldan pa'i stong pa'o/ /de nyid kyis ni thams cad mkhyen/ /zhes pa ni reg bya'i stong pa nyid shes na chos thams cad kyi stong pa nyid shes par 'gyur ro//sangs rgyas ye shes dang dpal he ru ka'i ye shes ni ming gi rnam grangs so/ /'di dang de dang gzhan yang rung / /zhes pa ni rjes las byung ba'i bde ba stong pa shes pa'i rgyun no/ /dngos po ni snang ba'i dngos po'o/ /dngos med ni mi snang ba'o/ /'di las byung zhes shes rab ye shes kyi stong nyid shes pa las 'di dag thams cad byung ba'o//de skad du yang mkha' 'gro las/ klung ni dbang bar gyur pa las/ /nya dag myur du 'phar ba ltar/ /de bzhin stong gsal rang bzhin las/ /sgyu 'phrul dra ba 'byung bar 'gyur/ /zhes gsungs so/ /dang po gsang ba'i dbang bskur nas/ gnyis pa slob ma la shes rab ye shes kyi dbang bskur bar bya'o//de yang mnyam sbyor las/ slob dpon ji ltar zlos gang las/ /slob ma rnams la bde ba sbyin/ /slob ma dag dang deng phyin cad/ /phyag rgya'i ye shes rjes gzung nas/ /rnam par snang mdzad mchog bzhin du/ /sangs rgyas kun gyis bdag la bsgrubs//zhes gsungs so/ /de yang chags pa'i lam shes pa'i rig pa skye ba'i dbang du byas nas dpa' bo lus bde ba ni dga' ba yin la lus ni dga' ba 'phel nas/ rnal 'byor pa'i lus kyi 'dod pa'i yon tan lnga dag par snang ba ni mchog dga' yin no/ /yid kyi rnam par shes pa rtog pa med pa'i yul ma lus pa bde bar 'gyur ba ni lhan cig skyes dga' yid bde ba yin no//bde ba'i thabs kyi ma lus nyid/ /ces bya ba ni/ de'i tshe tshor ba sdug bsngal dang / btang snyoms dang bral bas/ yul chos ci snang ba thams cad bde ba'i rang bzhin du ma lus par rig par bya'o//grol ba'i lam gyi dbang du byas nas spyi gtsug tu phyin pa ni dga' ba yin la/ lkog mar phyin pa ni mchog dga' yin la/ snying gar phyin pa ni khyad par gyi dga' ba yin la/ bzhi pa ni lhan cig skyes pa'i dga' ba yin no/ /de ltar dga' ba bzhi'i rim pa bshad nas/ dbang bzhi'i go rims bshad par bya ste/nub dang po rdul tshon gyi dkyil 'khor du bum pa'i dbang bskur ba dang / nub gnyis pa lus kyi dkyil 'khor la gsang ba'i dbang bskur ba dang / nub gsum pa b+ha ga'i dkyil 'khor la shes rab ye shes kyi dbang bskur ba dang / nub bzhi pa chos kyi dbyings kyi dkyil 'khor la dbang bskur ba bzhi pa bya ste/ji ltar shes rab ye shes kyi dus su/ yul gyi stong pa de bzhin du/ sems kyi stong pa nyid rtogs pa'i dbang bzhi pa'o/ /de skad du yang mnyam sbyor las/ lha yi bde ba chen po kun/ /thabs dang rnal 'byor bde bas myong / /sems kyi bde ba thams cad kyi/ /dbang bskur bde ba las byung ba'o//zhes gsungs so/ /byang chub sems kyis bkrus nas su/ /zhes pa ni/ dbang bzhi pa'i rim pa kun rdzob dang / don dam byang chub kyi sems so/ /slob ma'i sdig dang bral byas te/ /zhes pa ni chu'i dbang bskur bas lus kyi sgrib pa 'dag pa dang / gsang ba'i dbang bskur bas ngag gi sgrib pa 'dag pa dang /shes rab ye shes kyis dbang bskur bas/ sems kyi gzung ba'i dri ma 'dag pa dang / dbang bzhi pas sems kyi 'dzin pa'i dri ma 'dag pa'o/ /de ltar shes rab ye shes kyi dbang bskur nas rjes su gnang ba sbyin pa ni/ sangs rgyas grong mchog spyan snga ru/ /zhes pa smos te/ dkyil 'khor bzhi las/ b+ha ga'i dkyil 'khor gyi spyan snga ru'o/ /de la rjes su gnang ba'i tshig ni byang chub snying po'i mthar thug pa bzhed nas/ da ni sems can don rab kyi/ /zhes bya ba'i bar du brjod par bya'o/ /de ltar gnang ba byin nas/ dbang bskur ba dang gnang ba nod pa'i rjes thogs la/ 'jam pa'i tshig gis dbugs dbyung ba brjod par bya ste/de ring gson pa 'bras bur bcas/ /zhes bya ba nas/ rdzogs pa nyid du bdag gyur to/ /zhes bya ba'i bar du brjod par bya'o/ /de nas yon dbul ba bshad par bya ste/ rab tu mgu bas mig gdangs te/ /zhes bya ba nas/ de dang de ni nges par dbul/ / zhes bya ba'i bar gyis mdor bstan nas/ rgyas par bshad pa ni/ bla ma thugs rje bdag gis kyang / /zhes pa ni slob ma la phan par bzhed pa'i sems so/ /'dzin pa med pa yis ni rang gi mngon sum gyi lam nyams su myong nas slob ma'i zhan pa sbyang ba'i phyir mngon sum gyi lam ston pa yin te dbul ba'i lam yin no//de nas de la tshogs kyi 'khor los mchod cing / gser ni stong phrag brgyar gnas kyang / /zhes bya ba nas/ khyed la bdag ni 'bul lags kyis/ /zhes bya bas ni rab tu yon dbul ba ston to/ /mngon par 'dod pa rnyed nas su/ /'di ltar yang yang mkhyen par gsol/ /zhes pa ni bdag gi lus dbul ba mngon par 'dod pa'i dngos grub rnyed kyi bar du rim gyis brjod par mdzod cig ces pa'o//dbul ba'i dgos pa ni/ di ring sangs rgyas thams cad nyid/ /ces bya ba nas/ de nyid du ni gzhag par bya/ /zhes pa'i bar gyis bdag gis mngon sum gyis lam mthong nas gzhan la yang bstan par bya'o zhes slob mas tshig tu brjod pa'i sgo nas dam 'char gzhug go//las kyi phyag rgya 'ba' zhig gi sgo nas shes rab ye shes kyi dbang bskur ram zhe na/ slob ma'i mos pa shes byas te/ /zhes bya ba smos te/ chos kyi phyag rgya 'dod pa'i yon tan lnga dang / dam tshig gi phyag rgya rlung me'i drod can las/dga' ba bzhi'i ting nge 'dzin rim gyis bskyed par bya'o/ /de yang ji ltar bya zhe na/ dbang bskur cho ga bzhin byin nas/ /zab cing rgya che la mos na/ /zhes bya ba ni reg bya rdo rje ma las dbang bskur ba'i cho ga bzhin du bde ba stong pa nyid zab pa'i sems dang / dga' ba'i rnam pa gsum rgya che ba'i rang bzhin rnam par shes pa'i bdag nyid la mos pa slob dpon gyis mngon sum gyi gzhan don gyi tshig gis nyams su myong ba bde ba stong pa nyid bsam gyis mi khyab pa'i rin po che'i dbang bskur bar bya'o//kha cig tshig dbang rin po che/ /zhes 'dod kyang / de ni rigs pa ma yin te/ dbang bskur ba nyams su myong ba'i don gtan la phab pa yin pas/de yang mngon sum gyis rtogs pa ma yin no/ /dbang bskur mchog ni ma lus thob nas su/ /zhes bya ba ni phan yon 'bras bu rtogs pa yin te/ mchog ni rtogs pa'o/ /ma lus ni dbang gsum thob nas so/ /rnyed dka' ni rjes su dpag dka'i lam gyis mi rtogs pa'o//mtshungs med ni yul gyi stong pa nyid do/ /rdo rje brdungs byas zhes bya ba ni mngon sum du rtogs pa'o/ /dpal gyis zin cing zhes bya ba ni rang don phun sum tshogs pa'o/ /longs spyod zhing du 'gyur zhes bya ba ni gzhan don phun sum tshogs pa'o/ /byang chub sems kyi dbang bskur zhing / / zhes bya ba ni gsang ba dang shes rab ye shes so/ /gsang ba'i dbang bskur dang shes rab ye shes kyi dbang bskur ba ni rjes gnang thob pa'o/ /'jig rten sdig gi dgra las rgyal/ /zhes bya ba ni nyon mongs pa dang shes bya'i sgrib pa dang bral ba'o/ /blo ldan ni rten gyi gang zag go/ /go bgos rgyal bar 'gyur zhes bya ba ni chos kyi sku thob pa'o//byang chub la dmigs sems ni rab rgyas gsal/ /zhes bya ba ni longs spyod rdzogs pa'i sku thob pa'o/ /dri med rnams la 'byor pa ni/ /'dir rgyu zhes pa ni sprul pa'i sku 'thob pa'o/ /le'u gnyis pa'i rab tu byed pa dang po'i 'grel pa'o// //de ltar shes rab ye shes kyi dbang bskur ba bstan nas/da ni dbang bzhi pa bshad par bya ste/ gzhan don la zhugs brtson 'grus can/ /zhes bya ba ni slob dpon sems kyi stong par 'dod do/ /sgrub pa po la phan pa'i phyir ni slob ma bzhi pa thob par 'dod pa'o/ /shes rab thabs kyi don bsgom pa/ /zhes pa ni shes rab ni chos kyi dbyings so//thabs ni stong pa nyid bsgom pa rang rig pa'i mngon sum mo/ /bsgom ni mngon sum du grub pa'o/ /de ltar mdor bstan nas/ da ni de'i rgyas par bshad par bya ste/ gang zhig bsgom pas 'khor ba yi/ /rgal dka'i rgya mtshor mi gnas shing / /rnal 'byor pa ni rang don tsam/ /bsgoms pas mya ngan las 'das la//zhes pa ni nyan thos gang zhig gang zag gi bdag med pa bsgom pas 'khor ba'i rgya mtshor mi gnas shing / theg pa dman pa'i rnal 'byor gyis/ /rang gi don tsam bsgoms pas/ phung po lhag med kyi mya ngan las 'das pa thob po/ /byang chub sems dpa'i rnal 'byor pas/ / shes rab kyis srid pa la mi gnas shing / snying rjes zhi la mi gnas te/ /de ji lta bu zhe na/ gang zhig rab kyi mthar thug pas/ /dri med sangs rgyas snod du 'gyur/ /zhes bya ste/ sa bcu gcig pa rab kyi mthar phyin pa sgrib pa rnam pa gnyis kyi dri ma dang bral ba ni sgyu ma lta bu'i stong pa ro gcig pa'i rmad du byung ba'i sangs rgyas su 'gyur ba'o//ci'i phyir rmad du byung zhe na/ gnyen po 'phel ba dang nyon mongs pa'i sgrib pa las rnam par grol ba'i phyir ro/ /'o na sangs rgyas su ji ltar 'gyur zhe na/ sgyu ma lta bu'i ngor bla med byang chub skye zhes bya'o/ /de ltar 'khor ba dang mya ngan las 'das par gnas pa dang 'phel 'grib dang bral bar bstan cing /gnyen po dang / spang bya dang bral bar bstan nas/ phung po lnga la sogs chos dang / /theg pa gsum po dor mi bya/ /zhes bya ba smos te/ ma dag pa'i phung po lnga la sogs pa dor bar mi bya zhing / de'i gnyen po theg pa gsum po yang dor bar mi bya'o//ci'i phyir zhe na/ chos dbyings mnyam pa zhes bya ba smos te/ mnyam pa gnyen po dag pa dang / mi mnyam pa phung po la sogs pa dag pa'o/ /de gnyis ka yang chos kyi dbyings su ro gcig pa'i phyir ro/ /de yang ji lta bu zhe na/ chu shing lta bu zhes bya ba smos te/ dag pa dang ma dag pa gnyis ka med pa'i phyir ro/ / gang la ji ltar gzung bar bya zhe na/ rang gi sems la de ltar gzung bar bya'o/ /de ltar spang bya dang gnyen po mnyam par bstan nas/ da ni stong pa dang mi stong pa mnyam par bstan pa'i phyir stong pa nyid 'ba' zhig tu yang mi bsgom mo/ /mi stong pa'i dngos po 'ba' zhig tu yang mi bsgom la/ de ni blang ba dang dor ba mnyam pa nyid du ston pa ni stong pa nyid spang bar mi bya ste zhes pa chos can med pas chos nyid 'ba' zhig dor bar yang mi bya'o//mi stong pa dor ram zhe na/ dngos po'i chos mi stong ba yang dor ro/ /stong pa dang mi stong ba blang ba dang dor bar gzung ba las nyes pa cir 'gyur zhe na/ tha mal min pa'i rnam rtog skyes//zhes bya ba gsungs te/ rtag pa dang chad pa la sogs pa'i rnam rtog du ma skye bar 'gyur ro/ /dbu ma rab tu mi gnas pa bzhin du de gnyis ka btang na nyes pa ci yod ce na/ btang ba zhes bya ba la sogs pa ste/ des na de gnyis spang bar bya/ /zhes bya ba smos te/ blang ba dang dor ba gnyis spang bar bya'o//de'i 'bras bu ci yin zhe na/ 'dzin pa gnyis ni yongs btang ba/ /rnam par dag cing grol ba'i gnas/ /zhes bya ba ste/ sgrib pa gnyis rnam par dag cing 'od gsal ba'i stong pa nyid kyi grol ba'i gnas so/ /de ni dag pa dang ma dag pa'i mtha' las grol bar bstan pa ni/bdag ces bya ba rtog pa ste/ /des na de yang gtang bar bya/ /zhes bya ba smos te/ bdag dag go bdag ma dag go zhes gtang bar bya'o/ /de ci'i phyir zhe na/ 'gyur ba med ces bya ba smos te/ chos kyi dbyings ni dri ma dang bcas pa dang / dri ma dang bral ba med pas na 'gyur ba med cing rang nyid la dri mas gos pa'i dogs pa yang med do//rgyu des na/ dag pa'i gnas la 'dun pa med/ /ces bya ba smos te/ ma dag pa med pas na dag pa la 'dod pa mi skye'o/ /da ni thog ma dang tha ma'i mtha' dang bral ba ston te/ dang po ni 'khor ba'i thog ma'o//tha ma ni phung po lhag ma med pa'i phyir mya ngan las 'das pa'o/ /mtha' de gnyis nam mkha' dang bral ba grol ba nam mkha' lta bu rnal 'byor pas bsgom par bya'o/ /da ni yod pa dang med pa'i mtha' dang bral ba'i snying rje can gyis sems can gyi don la rgyab kyis phyogs par mi bya ste/ sgyu ma'i skyes bu ji bzhin du sems can yang yod ce 'am/ med ces sgro btags pa dang dbang bskur ba'i gdams ngag sbyin par bya ste/ sgyu ma dang khyad par med pa'i phyir ro/ /de ltar spros pa bzhi 'am bcu drug dang bral bas na sems 'od gsal ba'i rang bzhin la shes rab ces grags so/ / de ltar shes rab kyi rang bzhin bshad nas/ da ni thabs kyi rang bzhin bshad par bya ste/ yid bzhin nor ltar sems can don/ /zhes bya ba smos te/ sems rang rig pa 'od gsal ba la sems can ci ltar mos pa ltar snang bas na sems can don no/ /ma lus byed pa'i snying rje che/ /zhes bya ba ni snod dang bcud ma lus pa sems 'od gsal ba'i snang ba yin pas na ma lus byed ces bya'o//de nyid sgyu ma sdug bsngal dang bral bas na snying rje'o/ /de yang chos kyi dbyings la dmigs pas na dmigs pa med pa'i snying rje'o/ /sangs rgyas dang byang chub sems dpa'i spyod yul du gyur pas na/ dmigs pa med pa'i gnas zhes grags/ /zhes bya'o/ /de ltar thabs kyi rang bzhin bstan nas/ da ni zung du 'jug pa'i rang bzhin bstan par bya ste/ de ltar yang bsgom pa gsum las sgom pa dang po ni mtshan nyid lnga dang ldan pa yin te/ zung du 'jug pa'i mtshan nyid dang / mngon sum gyi lam gyi mtshan nyid dang /yon tan gyi mtshan nyid dang / glo bur gyi mtshan nyid dang / glo bur dang bral ba'i mtshan nyid do/ /de la zung du 'jug pa'i mtshan nyid ni blo dang lhan cig gcig tu gyur pa zhes bya ba smos te/ blo dang rig pa dang shes rab rig pa gnyis ro gcig pa'o/ /dpe ji lta bu zhe na/ ji ltar mkha' dang mkha' nyid bzhin//zhes bya ba smos te/ nam mkha' dang mkha' nyid las khyad par gzhan spangs pa dang ma spangs pa las ma gtogs pa dngos po la skra'i rtsa mo'i tshad tsam yang med do/ /dbye ba med na ji ltar bsgom zhe na/ sgom pa po yang rang rig pa yin la/ bsgom par bya ba yang rang rig pa yin zhing /bsgom pa yang rang rig pa'i chos nyid yin pas/ lta ba po lta sbyin dang / lta ba mig lta bar bya ba'i gzugs lta bu ni med de/ de bas na tha mi dad pa'i shes pa ni lhun gyis grub pa'i bsgom pa zhes brjod do/ /da ni bya ba dang byed pa zung du 'jug pa ston te/ nyan thos kyi bya ba dang byed pa po dang /mu stegs kyi bza' bar bya ba dang za ba po las grol ba ni don dam par rnam par bsgom par bya'o/ /da ni bsgrub bya dang sgrub byed med pa ston te/ gcig dang du ma med pa'i gtan tshigs kyis sgrub par byed pa dang / bsgrub par bya ba cung zad kyang med de rang rig pa'i phyir ro/ /da ni blang dor med pa ston te/blang dor med pas spang bar bya ba dang / rang rig yin pas blang bar bya ba med do/ /de yang ji ltar shes par bya zhe na/ bdag byin gyis brlabs pa'i thabs kyis shes te rang gi sems yin la byin gyis rlob pa ni stong pa nyid kyi rnam par skye ba'o/ /de yang gang gis she na/ mngon sum gyis mthong ste/gzugs la dri za'i grong khyer lta bu dang / sgra la sgra brnyan lta bu dang / dri la sgyu ma lta bu dang / ro la mig yor gyi grong khyer lta bu ste/ mig yor de la seng ge zla ba'i grong khyer zhes grag go/ /reg bya ni rmi lam lta bu ste/ gzugs kyis stong pa nas reg bya'i bar du yul gyis stong pa ni dbang po'i mngon sum gyis shes te/shes pa thams cad sgyu ma bzhin du rang rig pa'i mngon sum gyis shes so/ /de ltar na 'gro ba thams cad bde ba chen po'i rang bzhin ma gtogs pa rnam par gnas pa cung zad tsam yang dmigs su med do/ /da ltar zung du 'jug pa'i mtshan nyid bshad nas/da ni mngon sum du lam gyi mtshan nyid bshad par bya ste/ ji ltar gzhon nu ma yi ni/ /dbang po gnyis ni 'dus pa las/ /skyes pa'i rang bzhin ji bzhin no/ /zhes bya ba'i lus kyi bde ba mngon sum du skyes par gyur pa la rtsod pa med pa de bzhin du rang rig pa'i chos kyi dbyings kyi b+ha gar rtog pa med pa'i shes pa gzhan las skyes pa'i ye shes ni dbang bzhi pa yin no//cung zad skyes pa'i ye shes zhes ci'i phyir brjod ce na/ chos thams cad kyi stong pa nyid rtogs pa ma yin gyi/ rang gi sems kyi chos nyid stong pa cung zad tsam zhes bya'o/ /glo bur gyi dri ma dang bral na ji ltar rang gi sems nyid mthong zhe na/thog ma ni dga' dang mchog dga'o/ /dbus ni lhan cig skyes pa ste/ /de rnams las 'das pa'i 'od gsal ba ni rnam par dag pa ste/ sangs rgyas rjes su dran pa bsgom/ /zhes bya'o/ /mngon sum yin na ji ltar dran pa yin zhe na/ rang gis rig pa'i ye shes te/sangs rgyas kyi chos nyid mkhyen pa dang khyad par med par dran pa zhes ming du btags so/ /tshu rol mthong ba ni tshig gi spyod yul ma yin pas na brjod par nus pa ma yin pa'o/ /gzugs la sogs pa'i yul rnams las skyes pa'i shes pa ni ji ltar 'od gsal bar 'gyur zhe na/ gzugs la lta ba dang / sgra la nyan pa dang / reg bya la reg pa'i khyad par dang / lus kyi g.yo 'gul gyis dge ba dang mi dge ba byed pa dang / ngag gi sgo nas smra ba dang / dgod pa la sogs pa'i dge ba dang mi dge ba brjod pa dang / lus kyi sgo nas dge ba dang mi dge ba'i las thams cad byed pa la/bde ba chen po'i sems ma gtogs pa gzhan rnam par rtog pa dang bcas pa'i glo bur gyi sems kyis mi bya'o/ /snod dang bcud thams cad bde ba chen pos rgyas btab nas bsgom par bya ba yin gyi/ gzung ba dang 'dzin pa'i rang bzhin du gzung bar mi bya'o/ /de ji ltar bsgom par 'gyur zhe na/de nyid rig pa'i rnal 'byor pa/ /rgyun du mos pa'i rnal 'byor skye/ /zhes smos te/ rang rig pas stong pa nyid mthong ba'i mngon sum la/ bar du rnam par rtog pa'i bgegs med par byas nas rgyun bsring ba'i sgom pa'o/ /de skad du yang don dam snying po las kyang / mngon sum shes pa rgyun bsrings pa/ /sgom pa zhes su de la bshad/ /ces 'byung ba dang / gdan bzhi las kyang / dngos po ngo bo med pa yis/ /sgom pa dag ni mtshon bya ba/ /gzugs dang stong pa'i dbus su ni/ /sems ni mkhas pas shes bya ste/ /sems kyi de kho na nyid kyis/ / dngos med rdzu 'phrul thob par 'gyur/ /zhes gsungs so/ /de'i mngon sum grangs ji lta bu zhe na/ gnyis su med pa'i byang chub kyi sems chen po dang / dpal rdo rje sems dpa' dang / rdo rje dang sangs rgyas dang / byang chub dang pha rol tu phyin pa thams cad dang / pha rol tu phyin pa nyid ces bya'o/ / mngon sum bsgom pa'i man ngag gang zhe na/ mnyam pa'i sems byed ces bya ba smos te/ nges pa'i shes pa mngon sum gyis zlos gar byed pa ni a sa ma sa ma zhes bya ba ste/ dbang bzhi pa'i man ngag yin no/ /de ltar mngon sum gyi mtshan nyid bshad nas/ da ni yon tan gyi mtshan nyid bshad par bya ste/sangs rgyas kun gyis bsgom pa mchog /ces bya ba ni/ sangs rgyas thams cad kyis bsgom pa'i chos kyi dbyings mngon sum gyi mchog go/ /ji ltar mchog yin zhe na/ byang chub sems dpa' mtha' yas dang / /rdzogs sangs rgyas dang nyan thos sogs/ /sogs pa'i sgras tshangs pa dang / brgya byin la sogs pa bsdu'o//brtan pa snod dang g.yo ba bcud kyi 'jig rten 'gro ba 'di dag thams cad sems kyi stong nyid de shes pa'o/ /de bsgoms pas cir 'gyur zhe na/ dngos dang dngos med bral ba yin/ /zhes bya ba'i tshigs bcad gcig gis las myur ba bstan to/ /dngos po dang dngos med ni sgyu ma dang stong pa'o//de ro gcig pa ni de las grol ba'o/ /myur ba las byung ba gang yin zhe na/ kun nas nyon mongs rgyab phyogs nas/ /zhes bya ba'i tshigs bcad phyed kyis spangs pa phun sum tshogs pa ston la/ tshigs bcad phyed 'og mas ye shes phun sum tshogs pa skye ba ston to//de ltar yon tan gyi mtshan nyid bstan nas/ glo bur gyi mtshan nyid bstan pa ni/ rnam rtog rmongs pa chen po ni/ /zhes bya ba smos te/ ma rig pa'i 'khrul ba bag chags so/ /ye shes glog ni zil gyis mnan/ /zhes pa ni ma rig pa'i 'khrul pa'i nang du res 'ga' sgyu ma dang gzugs brnyan lta bu shes pa glog lta bu skye yang bdag dang bdag gir 'dzin pa'i rmongs pa zil gyis mnan nas/stong pa nyid la sems 'dren mi nus so/ /stong pa nyid de la nges par ma skyes pas na khams gsum 'khor ba yin te/ ma rig pa'i khams gsum 'khor ba zil gyis gnon pa'i phyir ro//des na 'dod chags la sogs pas bsgos pa'i sems 'di ni spang bar dka' bas na/ 'di ni bcom ldan 'das rdo rje can gyis 'khor ba yin par gsungs so/ /glo bur gyi mtshan nyid bstan nas/ dri ma dang bral ba'i mtshan nyid bshad par bya ste/ chags pa la sogs pa'i dri ma mngon sum gyi lam gyis bcom nas rang bzhin brgyad cu'i rtog pa las grol ba'o//'od gsal ba gzung ba dang 'dzin pa la sogs pa dang bral ba'i phyir sems can mchog 'di ni rgyu dbang bzhi pa 'dis mya ngan las 'das pa mchog tu grub par 'gyur ro/ /de ltar zung du 'jug pa bshad nas/de'i mjug bsdu ba ni/ des na zhes bya ba la sogs pa smos te/ 'di las gzhan pa'i lam thams cad sdug bsngal gyi rgyu yin pas/ des bde ba'i lam du 'gyur ba ni med do/ /de nas sangs rgyas kyi bde ba mtha' yas pa thams cad don du gnyer ba rnams zhi gnas kyi bde ba mngon sum du byed cing lhag mthong gi bde ba mngon sum du byed pa'i rgyu ni 'di las thabs gzhan ci yang med do zhes bya'o//de ltar zung du 'jug pa'i mtshan nyid dang ldan pa bshad nas/ da ni mtshan nyid gsum dang ldan pa'i zung 'jug bstan te/ de la sbyor ba gdams ngag gi mtshan nyid bstan pa ni/sdug bsngal ma lus pa'i 'ching ba las grol bar 'dod pa dang / sangs rgyas kyi bde ba thob par 'dod pas sems kyi rang bzhin yod pa dang med pa brtags nas chu'i zla ba bzhin du rtogs par bya'o/ /ji srid du rnam par rtog pa'i ling tog pa'i kun 'byung ba dang bcas pa de srid du 'bras bu sdug bsngal mtha' yas pa dang ldan par 'gyur la/nam zhig sems kyi stong nyid shes nas rnam par rtog pa spangs pa de'i tshe 'phags pa rnams dgyes pa'i bde ba rtog pa med pa skye zhing / rtog pa gzung ba dang 'dzin pa zad par byas nas rang nyid kyi sems kyi stong nyid mthong nas chos thams cad kyi stong nyid kyang rgyas shing gsal bar mthong bar 'gyur ro//de skad du yang gdan bzhi las/ /mtshan nyid med pa'i sems kyis ni/ /mtshon bya thams cad rtogs par 'gyur/ /zhes gsungs so/ /de ltar sbyor ba gdams ngag gi mtshan nyid bstan nas/da ni dngos gzhi bsgom pa'i thabs kyi mtshan nyid bshad pa ni/ de ltar de nyid rnal 'byor pa/ /rnal 'byor nyes pa byas nas su/ /zhes bya ba smos te/ phyag rgya chen po las/ stong nyid nges par byas nas bsgom par bya'o/ /de yang thabs gang gis she na/ rjes su rang gi dam tshig nyams pa bskang bar bya zhes smos te/ dam tshig bsrungs pa'i stengs su bla mas man ngag rjes su gnang nas bsgom par bya'o/ /de skad du yang mnyam sbyor las/ gsang las gsang ba gsang chen po/ /rnam shes ye shes gsang ba dag /chos log sogs pa spang bya zhing //yul gyi mtshan nyid las kyang rig /mtshon bya'i mtshan nyid de nyid ni/ /bla ma'i lam gyis thob par 'gyur/ /zhes gsungs so/ /thabs kyi mtshan nyid bshad nas/ bcos pa'i mtshan nyid ni/ thun mong dngos grub skye ba yi/ /zhes bya ba nas/ tshigs bcad gcig gis bcos ma'i bsgom pa dang /bzlas pa dang sngags dang phyag rgya mdor bstan pa yin no/ /de skad du slob dpon klu sgrub kyi zhal nas/ ji ga glang po rnyed gyur nas/ /glang po'i rjes ni tshol byed dam/ /zhes gsungs so/ /'o na gang gis mtshon zhe na/ rang 'dod lha yi sbyor ba yis/ /sangs rgyas nyid kyis mthar thug pa'i//mtshon bya'i mtshan nyid dngos byas nas/ /zhes bya ba ni bskyed pa'i rim pa'i rang 'dod pa'i lhar bsgoms nas/ rdzogs pa'i rim pa rang 'dod pa'i lha phyag rgya la mngon sum gyis mtshon par byas nas/ sangs rgyas nyid kyis mthar thug pa'i 'khor ba dang mya ngan las 'das pa'i mtshan nyid rtogs shing khams gsum po nam mkha' lta bur rtogs par 'gyur ro//de gang gis bsgoms pas she na/ mkhas mchog nyid la dmigs pa'o/ /rang rig pa mngon sum gyis nyin dang mtshan du goms par byas pas so/ /de ltar bcos ma dang bral ba'i sgom pa'i mtshan nyid bshad nas/da ni gnas kyi mtshan nyid bshad par bya ste/ ri rtse dang ni zhi byed gnas/ /zhes bya ba nas/ sngags shes pas ni gnas bcos te/ /zhes bya ba'i bar gyis gnas kyi mtshan nyid bstan nas/ des ci zhig bsgom par bya zhe na/ bde dang ldan pas bsgom par bya//zhes bya ba smos te/ zag bcas kyi bde ba dga' ba dang mchog dga' la sogs pa dang ldan pas bsgom par bya'o/ /bde ba stong pa de'i thabs gang zhe na/ shes rab thabs ni ma gtogs par/ /sangs rgyas nyid ni rnyed mi 'gyur/ /zhes bya ba ni phyag rgya bzhi la stong pa nyid ma bsgoms par rnam par mi rtog pa'i ye shes rnyed par mi 'gyur ro//de ltar gnas dang ldan pa'i sgom pa bshad nas/ da ni mjug bsdu ba ston pa/ /de bas de ltar rdzogs byang chub/ /ces bya ba smos te/ 'bras bu rdzogs pa'i byang chub ni rang bzhin phyag rgya bzhi spangs shing de dang mnyam par sbyor ba'i mngon sum gyi lam med na stong pa nyid 'ba' zhig gam rang rig pa 'ba' zhig gis dngos grub mi 'thob bo//de ltar rim gyis stong pa nyid la 'jug pa'i thabs bshad nas/ da ni zung du 'jug pa'i thabs gsum pa bshad par bya ste/ 'di las ye shes skyes pas na/ /phyag rgya bzhi dang sbyar bar bya/ / zhes bya ba ni zla ba tshes pa bzhin du zhi gnas kyi bde ba la lhag mthong gi bde ba skye ba ni yul phyag rgya bzhi la rag las pa yin no/ /de ltar tshigs bcad phyed kyis mdor bstan nas/ da ni phyag rgya'i mtshan nyid rgyas par bshad par bya ste/ gti mug dam tshig phyag rgya ste/ /zhes bya ba ni rnam par snang mdzad la mos pa'i rnal 'byor pas/bram ze'i rigs kyi bu mos sangs rgyas spyan du bskyed nas snyoms par zhugs pa las/ dga' ba gsum gyi bdag nyid las/ bde ba stong pa nyid kyis rgyas btab pa ni dam tshig gi phyag rgya ste me long lta bu'i stong pa nyid bsgom pa'o//zhe sdang rtag tu phyag rgya che/ /zhes bya ba ni/ rdo rje'i rigs la mos pa'i gang zag gis rgyal rigs kyi bu mo mA ma kI'i rigs su bskyed nas/ lhan cig skyes dga'i mthar stong pa'i rgyas btab pa ni phyag rgya chen po ste mnyam pa nyid kyi chos nyid do/ /phrag dog las kyi phyag rgya ste//zhes bya ba ni las kyi rigs la mos pa'i gang zag gi dmangs rigs kyi bu mo sgrol mar bskyed nas lhan cig skyes dga' bskyed pa'i mthar bde ba stong pa nyid kyis rgyas btab pa ni las kyi phyag rgya ste bya ba nan tan gyi chos nyid do/ /'dod chags chos kyi phyag rgya ste/ /zhes bya ba ni pad+ma'i rigs la mos pa'i gang zag gis rje'u rigs kyi bu mo gos dkar mor bskyed la dga' ba gsum gyi mthar bde ba chen po'i rgyas btab pa ni chos kyi phyag rgya ste/so sor rtog pa'i ye shes kyi chos nyid do/ /de skad du mtshan brjod las/ mchod pa chen po 'dod chags che/ /sems can thams cad dga' bar byed//ces pa la sogs pa gsungs so/ /phyag rgya de dag rnal 'byor pas/ /rdzogs par byed pas bstan par bya/ /zhes bya ba ni zhi gnas mngon sum du skyed par byed pa bde ba chen po rdzogs par byed pas/ phyag rgya bzhi'i rgyu'i tshogs pa bstan par bya'o zhes bya ba'i don to/ /rigs dang gnyis ka mngon sum du//lha yi gzugs su bsam par bya/ /zhes bya ba ni bsnyen bsgrub bzhis sbyangs nas lha'i rnal 'byor bsgom pa ni dang ba'i dad pa bskyed nas bsod nams kyi tshogs su 'gyur ro/ /rmongs pas zhi 'gyur khro bas drag /ces bya ba ni gti mug gi stong pa nyid bsgoms pas zhi bar 'gyur te/zhe sdang gi chos nyid bsgoms pas dag pa dang / 'dod chags kyi chos nyid bsgoms pas chags pa chen po dang / phrag dog gi chos nyid bsgoms pas sems can gyi don rab tu byed pas na rgyal ba lnga'i bdag nyid du 'gyur ro/ /de skad du yang / sems gang gis na 'ching 'gyur ba//sems de nyid kyis grol bar 'gyur/ /zhes so/ /yul phyag rgya bshad nas da ni dus bshad par bya ste/ tho rangs ni 'od gsal ba'o/ /nyi ma phyed ni snang ba mched pa'o/ /mtshan mo ni snang ba ste/ dga' ba gsum 'od gsal ba ni 'od gsal ba dang bcas pa'i ye shes ni phyag rgya'i sbyor bas rtogs par bya'o//de ltar dus bshad nas bslab par bya ba'i mtshan nyid bshad pa ni/ skye bo mi srun pa rgyal po'i pho brang gi 'khor lta bu 'am/ mu stegs can lta bu bstan pa la smod pa'i 'jigs pas/ rang gi sems nyid snang ba'i phyag rgya'i lha mo la mos par bya'o//de lta bu'i bag tsha ba med pa'i rnam par dben pa'i gnas yin na phyag rgya bzhi mngon sum du bstan par bya'o/ /gal te mngon sum shes rab ma rnyed na/ /byol song ma la goms par bya/ /zhes bya ba ni/ byol song gi sgra ni logs na gnas pa la bya ste/ rang gi phyag rgya ma yin pa'i ngan spyod ma la yang de goms par bya'o//de skad du yang mnyam sbyor las/ rnyed dang ma rnyed bde kun gyi/ /ngan spyod ma la 'ang 'grub par 'gyur/ /zhes gsungs so/ /ye shes pa na re byol song gi sgras ni/ 'khyog por 'gro ba yin pas/ lte ba'i mtheb tshad gang gi gtum mo drod rlung 'khyil ba 'khyog par 'gro bas na byol song ma zhes bya'o zhes zer ro//de ltar mngon sum gyi lam phyag rgya bzhi nyin re 'am zla ba 'am lor mngon sum gyi yul du ma byas na dam tshig nyams par 'gyur ro/ /de nas ldang ba'i thabs ji lta bu zhe na/ dam nyams bag med gang 'gyur na/ /zhes bya ba smos te/ dbang bskur zhing slar yang mngon sum gyi lam dor bar mi byed cing sdom pa gzung bar bya'o//de ltar zung 'jug gi mtshan nyid bshad nas mjug bsdu ba ni/ des na ma lus sdom ldan zhing / /rdzas dang sngags kyi sbyor ba yis/ /zhes bya ba smos te/ sdom ldan ni rten gyi gang zag go/ /rdzas ni sman no/ / sngags ni sgom bzlas so/ /sbyor ba ni 'khrul 'khor te/ byang chub kyi sems dga' bral du mi 'gyur bar bzlog par bya'o/ /de ltar zung du 'jug pa gsum po bstan pa la khyad par ci yod ce na/ dang po ni bdag byin rlob pa'i thabs kyis skar khung nas nam mkha' mthong ba bzhin du yul dang yul can gyis stong nyid cig car du mthong ba yin no//gnyis pa ni seng ge phrug pa bzhin du gzung ba la rnam par snang mdzad kyis rgyas btab cing 'dzin pa la mi bskyod pa'i rgyas btab nas/ sems kyi stong nyid shes pa rdo rje sems dpa'i rgyas btab nas rim gyis bsgom pa yin no//gsum pa ni yul las kyi phyag rgya'i bde ba stong pa nyid kyis rgyas btab nas/ zla ba tshes pa ltar zag bcas la brten pa'i bde ba chen po gsal bar byed pa yin no/ /de ltar rgyud dgu'i thabs dang shes rab kha sbyor la blo dang ldan pas dus rtag tu gnas par byas nas/ srid pa gsum gyi rang bzhin gcig pa'i bde ba bsam gyis mi khyab pa'i go 'phang bsgom mo//ci'i phyir bsam gyis mi khyab ces bya zhe na/ don gyi rang gi ngo bo gcig /bdag nyid mngon sum yin pa la/ /zhes bshad pas/ mngon sum don gyi rnam par skyes/ /rgyas 'debs zhes ni bshad pa yin//zhes gsungs so/ /brtag pa gnyis pa'i rab tu byed pa gnyis pa'i 'grel pa'o// //de ltar mchog tu gyur pa'i lam zab pa'i rdzogs pa'i rim pa bstan nas/ da ni las dang po pa'i sgom pa bskyed pa'i rim pa du ma bshad par bya ba'i phyir/ de nas yang dag bshad bya ba/ / zhes gsungs te/ ci zhig 'chad pa yin zhe na/ 'khor lo kun gyi rnal 'byor pa/ /zhes bya ba smos te/ rgyud dgu'i rnam par rol pa zhes bya ba rdo rje sems dpa' la sogs pa lha sgom pa bla na med pa bsgom par bya'o/ /de yang don du dang ldan zhe na/ sgrub pa'i yan lag dang ldan pa dang /gnas dang sgrub pa'i thabs dang thun mong gi sgrub pa'i thabs dang / khyad par gyi sgrub pa'i thabs so/ /de la yan lag gi gsang ba mchog gi dgyes pa na ste/ yid du 'ong ba'i las kyi phyag rgya dang ldan pas mgon po thams cad kyi bdag nyid bsgrub par bya'o/ /de la rnam par dben pa'i gnas sam nags tshal yid du 'ong ba la sogs pa'o//de yang mnyam sbyor las/ bde ba chen po'i phyag rgya ste/ /lha mo so sor rang 'grub 'gyur/ /zhes bshad do/ /thabs ni sna tshogs kun du bsdus/ /zhes bya ba rten gyi gang zag rgyu'i rgyud kyi mtshan nyid ston pas na/ sna tshogs kun gyi phyag rgya ni//zhes bya ba ni phyag rgya bzhi'o/ /sna tshogs kyi zhes bya ba ni rnam shes dang / rnam shes kyi sems so/ /ji ltar bde bas bsgrub par bya/ /zhes pa ni/ 'dod pa'i yon tan rnam pa lnga la ma chags pa'i sems dang stong pa nyid kyis rgyas btab nas bsgom par bya'o/ /de ltar thabs bshad nas thun mong gi sgrub pa bshad pa ni/stong nyid ye shes las byung ba/ /zhes bya ba smos te/ stong pa nyid kyi ye shes las byung ba'i de bzhin gshegs pa kun gyi dkyil 'khor la sems can gyi mos pa ni zhi ba 'am/ rgyas pa 'am/ dbang ngam khro bo'i skur snang ba'am/sangs rgyas kyi rnam par 'phrul ba bsam gyis mi khyab pa bdag gis sems can mtha' yas pa'i ngor bstan pa ni brjod par ga la nus te mi nus so/ /de yang thabs dang shes rab kyis 'dul ba'i ngor lha bsgom pa dang bzlas pa dang / bris sku la sogs pa lha'i skur mos pa thams cad dang /sems kyi mos pas ci zhig bya zhe na/ sems can rnams la phan pa'i phyir te/ gdul bya rnams kyi mos pa dang sbyar nas/ rgyud dgu'i brjod bya bstan pa yin no/ /de lta bu'i dkyil 'khor tha dad par snang ba ci'i phyir zhe na/ stong pa'i rdo rje can nyid gcig /ces bya ba smos te/ don dam par chos kyi sku gcig yin yang /gdul bya'i mos pa la brten nas rigs rnam pa lnga la sogs pa bshad do/ /de ltar thun mong gi sgrub pa bstan nas/ bye brag gi sgrub pa bshad pa'i phyir/ rdo rje snying pos zhus pa yin no/ /gang zhig yin zhe na/ gang gis sgrub pa po 'grub pa/ /zhes bya ba ni rgyu'i rgyud do//dbyibs dang kha dog phyag la sogs/ /zhes bya ba ni zhal gcig phyag gnyis pa dang / zhal bzhi phyag bzhi pa dang / zhal gsum phyag drug pa la sogs pa'o/ /sngags bzlas pa'i cho ga dang zhes bya ba lha rnams kyi bzlas pa'i bye brag go/ /bskyed pa'i rim pa'i cho ga rnams/ / zhes bya ba ni sngon du 'gro ba'i rnal 'byor dang / dngos gzhi'i rnal 'byor dang / ldang ba'i rnal 'byor ro/ /de'i lan du bka' stsal pa ni/ sbyor ba tshad med pa bsgom pa dang / dngos gzhi cho ga'i yan lag bzhi dang ldan pa'o/ /de la yan lag dang po ni stong pa'i byang chub bsgom pa'o/ /gnyis pa ni yig 'bru dang phyag mtshan spro ba dang bsdu ba'o//gsum pa ni sku rdzogs pa'o/ /bzhi pa ni phung po dang / khams dang skye mched kyi lha bsgom pa'o/ /de ltar dngos gzhi dang sbyor ba mdor bstan nas/ khyad par du zhal gcig phyag gnyis pa bsgom pa bstan pa ni/ mdun du raM las nyi ma bsgom//zhes bya ba ni tshogs sogs pa'i rnal 'byor dang / tshad med pa bzhi bsgom pa'i rnal 'byor dang / stong pa nyid bsgom pa'i rnal 'byor rdzogs nas/ srung ba'i 'khor lo bya ba ston pa yin no/ /de yang mkha' 'gro ma rdo rje gur las khro bo bcu sprul nas ra ba dang dra ba dang me 'od kyi pheng ba dang /yang na raM las nyi ma'i dkyil 'khor der hUM las sna tshogs rdo rje de'i 'od zer gyi ra ba dang dra ba bsam pa dang / yang na ku ku ri'i bzhin du rdo rje chen po nam mkha'i tshad dang mnyam pa'i nang du lha bsgom par bya'o zhes 'chad do/ /ra ba dang dra ba'i nang du lha bskyed pa'i rten yi ge e las chos kyi dbyings kyi rang bzhin gru gsum bsams la/de'i dbus su dpa' bo gcig pa'i gdan ro bsgom par bya'o/ /de'i steng du rnal 'byor pa bdag nyid 'dug ste/ de'i snying gar yi ge hUM dmar nag thabs dang shes rab kyi bdag nyid can 'od zer 'phro ba bsams la de yongs su gyur ba las zhe sdang rdo rje'i bdag nyid bsgom par bya'o//dpa' bo de ni shes rab stong pa nyid ches che bas/ sku mdog sngon po 'ang thabs snying rje dang ldan pas na cung zad dmar ba bsgom par bya'o/ /da ni tshogs rdzogs pa'i rnal 'byor dang 'khor dang bcas pa bshad par bya ste/ rdo rje las skyes rtse chen po//zhes pa ni tshogs sogs pa'i tshe snying ga'i yi ge hUM las 'od 'phros pas tshogs sogs pa'i lha bskyed par bya ste/ rdo rje las skyes zhes gsungs pa'i phyir na spyan drangs pa dang 'od kyis snang bar byas pa ni ma yin no/ /de'i gtso bo ni zhal gcig phyag gnyis pa 'am/ zhal bzhi phyag bzhi pa 'am/zhal gsum phyag drug pa'am/ de rnams kyi lha gang bsgom pa dang mthun par bsam par bya'o/ /de la lha mo gnyis ni phyag na ri dgas kyi mtshan ma zhes bya ba ni byang chub kyi sems dang / nyi ma zhes pa rang byung gi khrag dang / chu skyes bya ba dri chu dang / sman zhes bya ba sha chen po dang / dri zhes bya ba rnam par snang mdzad dang / ro zhes bya ba chang dang / cang te'u brdung ba dang / 'od zer 'phro bas sku la 'khyud pa'o/ /de ltar dpa' bo bsgom pa rnam par rtog pa dang bcas pa'i chos kun gyi lam las rnam par grol ba lha'i bdag nyid bsgom par bya'o/ /da ni 'khor dang bcas pa bshad par bya ste/A li las zla ba me long lta bu dang / kA li las nyi ma mnyam pa nyid kyi dbus su sa bon dang mtshan ma so sor rtog pa'i rang gi sems mchog tu dga' ba'i gzugs can no/ /de las 'od 'phros pas nam mkha'i khams thams cad khyab pa'i 'gro ba ma lus pa lhar bskyed nas/slar bsdus pa bya ba nan tan gyi ye shes las rnal 'byor pa bdag nyid zhe sdang rdo rje'i skur bskyed par bya'o/ /bcom ldan 'das de yang chos kyi dbyings kyi rang bzhin gyi pho brang gi dbus su ni nyi ma'i 'od can thugs kyi rigs su gyur par hUM las bskyed pa'o//lo bco lnga pa lta bu'i lang tsho la bab pa/ drag po 'jigs byed khyo shug zhabs kyis mnan pa/ zhi gnas mtshon pa'i rdo rje khaT+wAM ga dang / snying rje'i rang bzhin gyi thod pa bsnams pa/ g.yas pa na lhag mthong gi rang bzhin rdo rje sngon po bsnams pa'o/ /sngar bshad pa'i lha mo brgyad kyis bskor ba dur khrod kyi dbus na bzhugs pa bsgom par bya'o//de ltar zhal gcig phyag gnyis pa bshad nas/ da ni zhal bzhi pa phyag bzhi pa bshad par bya ste/ sngon du tshogs sogs pa dang / tshad med pa'i rnal 'byor bsrung ba dang / stong pa nyid bsgom pa bdag bsrung ba ba dang /gnas bsrung bar byas la e gru gsum nam mkha' stong pa'i dbus su 'byung ba bzhir gyur pa las sam/ yang na 'byung ba bzhi'i steng du sngar gsungs pa lha'i dkyil 'khor gyi 'khor lo bskyed la/ de'i steng du 'jigs byed khyo shug gi stan la mngon par byang chub pa'i rim pa las sam yang na yi ge hUM las byung ba zhal gcig phyag gnyis pa yum rdo rje phag mo la 'khyud pa'i phyag gnyis kyis rdo rje dang dril bu bsnams pa phyag gzhan gnyis kyis thod pa dang khro bo'i rdo rje bsnams pa/dpa' bo gcig po'am yang na lha mo brgyad kyis bskor ba'o/ /de la phung po dang khams dang skye mched la yig 'bru bkod pas byin gyis brlab pa dang /ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang / bzlas pa dang mchod pa dang / bstod pa byas la/ bsgom bzlas kyis skyon thun tha mar ye shes sems dpa' gshegs su gsol ba dang /dam tshig sems dpa' lus la bsdus nas rigs lnga'i sa bon gyis bsrungs la ldang bar bya'o/ /de nyid kyi don bshad par bya ste/ rnal 'byor de nyid ces pa ni/ /phyag bzhi pa bsgoms pa'i rnal 'byor pa'o/ /de nyid rigs gang yin zhe na/ rdo rje sems dpa' de bzhin gshegs//zhes smos pas rdo rje'i rigs yin no/ /ye shes dpal bzang po'i zhal snga nas 'di gsung gi he ru ka yin no zhes gsungs so/ /phyag bzhi na dga' ba bzhi'i ting nge 'dzin mtshon pa 'am/ bdud bzhi 'joms par mdzad pa'o/ /de'i phyag mtshan bzhi ni thod pa thabs kyi rang bzhin dang rdo rje dang /dril bu zhi gnas dang lhag mthong gi rang bzhin no/ /yum rdo rje phag mo ni lha mo gos dkar mo yin par shes par bya'o/ /bcom ldan 'das kyi rang bzhin bsgom/ /zhes pa ni sku mdog dang phyag mtshan mtshungs so/ /de ltar phyag bzhi pa bshad nas/ de ni phyag drug pa bshad par bya ste/de ltar sngon 'gro byas nas/ stong pa'i byang chub bsgoms pa'i rjes la 'byung ba bzhi'i steng du gzhal yas khang bsgoms la/ pad+ma'i lte bar zla ba'i dkyil 'khor gyi steng du yi ge hUM las bskyed pa'am/ yang na mngon par byang chub pa lnga las bskyed par bya'o/ /lha yi gzugs su bsgom par bya//zhes pa ni bdag nyid lha der bsgoms la 'khor rnams yig 'bru las bskyed par bya'o zhes bstan pa yin no/ /de la zhal dang po nag po ni chos kyi dbyings kyi ye shes yin la/ g.yas dkar ba ni sku me long lta bu dang / g.yon dmar ba ni gsung so sor kun du rtog pa'i ye shes so//rgyan rnams kun gyis zhes pa ni rus pa'i rgyan gyis brgyan pa'o/ /thod pa'i gdan la bzhugs par bsgom/ /zhes pa ni/ phung po'i bdud 'joms pa 'am/ ye shes dpal gyi zhal nas ni b+h+r-ing gi ri ti gdan du bting bar bya'o zhes zer ro/ /phyag g.yon na thod pa dang dril bu dang gzhu dang /g.yas pa na rtse gsum dang rdo rje dang / mda' bsnams pa dang / yang na rtsa ba'i rgyud dang mthun par bya ba yin te/ gnyis kas kyang pha rol tu phyin pa drug rnam par dag pa bstan pa yin no/ /yum gyi phyag gnyis na thod pa dang gri gug bsnams shing khams gsum gyi bdag nyid 'joms pa'i phyir ro'i gdan la bzhugs pa yin no//sangs rgyas rang bzhin 'od zer sprin gyi tshogs rnams rnam par 'phro/ /zhes bya ba ni de bzhin gshegs pa'i khams bsdus nas btsun mo'i b+ha gar bzhugs pas lha mo'i 'khor lo bskyed par bya'o/ /'khor gyi lha mo rnams kyi zhal dang phyag mtshan ni go sla bas ma bshad do//kha dog ni sngo ba dang / ser ba dang / dmar ba dang / ljang ba dang / du ba'i mdog dang / dkar ba dang / sngo ba dang / ser ba'o/ /sna tshogs rol mo brdung zhes bya ba ni/ gling bu ma dang / pi wang ma dang / rdza rnga ma dang / rnga rings ma rnams ni zur bzhir dgod par bya'o//sgo rnams su lcags kyu dang zhags pa dang / lcags sgrog dang / dril bu'o/ /phung po dang khams dang skye mched byin gyis brlab pa ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang bzlas pa bya ba'i phyir/b+ha ga'i dbus su bsgoms nas ni/ /de nas sngags kyi bzlas pa brtsam/ /zhes bya'o/ /de'i bzlas pa ni gang zhe na/ oM AH hUM hrIH swA hA/ zhes bya ba'am/ oM badzra ki ti ki ti hUM phaT swA hA/ oM dang AH dang hUM ni sku gsung thugs byin gyis brlab pa'o/ /de bzhin gshegs pa'i snying po ni yi ge gcig pa'i yi ge hUM ngo //lha mo thams cad kyi snying po dang nye ba'i snying po ni hrIH'o/ /mchod pa'i lha mo'i ni e ai/ o au'o/ /sgo srung rnams kyi ni a A/ i I'o/ /de nas sgrub pa pos rdo rje zhes pa ni hUM gis rdo rje bskyed la/ as pad+ma bskyed nas snyoms par zhugs pa las lha mo bzhi'i tshogs spros pas/bdud rtsi lnga'i lha mos mchod pa dang 'khyud pa dang / cang te'u dang / ro dang / me tog la sogs pa bzhis bdag nyid dang dkyil 'khor la mchod par bya'o/ /gal te phrin las kyi dngos grub sgrub par 'dod na phrin las bzhi'i sngags bzlas par bya'o/ / brtag pa gnyis pa'i rab tu byed pa gsum pa'i 'grel pa'o// //de ltar dpa' bo du ma'i sgrub pa'i thabs bshad nas/ da ni dpa' mo du ma'i sgrub pa'i thabs bshad par bya ste/ nyon cig rdo rje tshul ci bzhin/ /zhes pa ni lha bsrung ba'i tshul lo/ /'khor lo bsgrub bya'i khyad par rnams/ / zhes bya ba ni 'khrul 'khor gyi khyad par mi 'dra'o/ /zhi dang rgyas dang zhes bya ba/ /tshigs su bcad pa phyed kyis ni 'bras bu bstan to/ /re'u mig dgu sogs 'khor lo la/ /zhes bya ba ni shar nas nub tu ri mo gnyis dang / lho dang byang du ri mo gnyis rgya gram du btab la mtha' ma mu khyud nyis rim gyis bskor ba'i nang duut+pal rdo rjes bskor ba bris la yi ge'i 'khrul 'khor bri bar bya ste/dbus su bsgrub bya'i ming dang spel ba'i oM shar du tA/ lho ru re/ nub tu tu ta/ byang du tA/ byang shar du re/ shar lhor tu/ lho nub tu re/ nub byang du swA hA/ zhes bya ba bri bar bya'o/ /zhi ba la gur kum gyis sam/rgyas pa la li khris sam/ dbang la khrag gis sam/ mngon spyod pa dug gis bri bar bya'o/ /zhi ba la gro ga dang / rgyas pa la ras dang / dbang la smad g.yogs kyi ras la bri bar bya'o/ /sa bon 'di ni kun las te/ /zhes bya ba ni phrin las bcu gnyis pa'o/ / che ge mo bsrung zhes bya ba dang / /zhes pa ni bsrung ba la/ che ge mo rak+Sha zhes bya ba dang spel bar bya'o/ /de yang ji ltar spel zhe na/ phyag 'tshal bsreg pa'i thog mthar spel/ /zhes bya ba la/ oM ni phyag 'tshal lo/ /bsreg pa ni swA hA'o/ /thog mtha' spel ba ni thog mar oM dang tha mar swA hA bcas pa'o//dbus su rab tu sbyar bar bya/ /zhes bya ba ni oM che ge mo tA re tu t+tA re che ge mo rak+Sha swA hA zhes pa dang spel ba'o/ /'khrul 'khor ji ltar bsgom zhe na/ /stong nyid mnyam pa'i ye shes la/ /zhes bya ba ni oM swa b+hA wa/ zhes bya ba la sogs pas stong par bsgom mo/ /bdag gi gzugs ni rab byas la//zhes pa ni yig 'bru lha'i 'khor lor bskyed pa'o/ /mnyam nyid kun rig gnas su ni/ /zhes pa ni mnyam nyid ni nam mkha'o/ /kun ni zhi ba la chu dang / rgyas pa las dang / dbang la rlung dang / mngon spyod la me'i dkyil 'khor la rig pa'i yi ge rnams zhugs pa'i gnas su bya'o//der srung ba'i 'khor lo lhar bskyed la ye shes sems dpa' bcug ste/ lhar dbang bskur zhing bdud rtsi myangs la bsgoms pa dang / bzlas pa byas la/ seng ge dang glang po la sogs pa 'jigs pa brgyad las ring du 'gyur ro/ /de ltar 'khrul 'khor bris nas/ da ni bdag nyid lhar bskyed pa bsgom par bya ste/ sems can dngos po med pa ru/ /zhes bya ba ni stong pa'i byang chub bo/ /a las zla ba'i dkyil 'khor paM las pad+ma 'dab ma brgyad pa bskyed nas de'i steng du tAM yongs su gyur pa las ut+pal/ de las rje btsun dngos grub thams cad stsol ba g.yas skyabs sbyin g.yon ut+pal bsnams pa/zhal gcig phyag gnyis pa rgyan thams cad kyis brgyan pa bsams la yan lag drug tu yi ge'i go cha bskon nas/ ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang /bzlas pa dang / mchod pa dang / bstod pa bya'o/ /sngags kyi rgyal pos bskul ba yis/ /zhes bya ba ni rje btsun ma'i snying po'i zhabs su/ zhi ba la swA hA dang / rgyas pa la oM dang / dbang la ho dang / mngon spyod la phaT bri bar bya'o/ /de ltar sgrol ma'i sgrub pa'i thabs bshad nas/ de ni lha mo ku ru ku l+le'i bshad pa bya ste/ snga ma bzhin du 'khrul 'khor bris la/ dbus su ming / shar du oM/ lhor ku/ nub tu ru/ byang du ku/ byang shar du l+le/ shar lhor hIH/ lho nub tu swA/ nub byang du hA bris nas/ snga ma bzhin du ye shes sems dpa' gzhug pa la sogs pas bsgrubs te/mchod pa byas nas las bcu gnyis byed par 'gyur ro/ /de ltar 'khrul 'khor rdzogs nas/ stong pa'i byang chub kyi sems kyi rjes la raM las nyi ma'i dkyil 'khor bsam par bya'o/ /de'i dbus su yi ge hrIH bsam pa ni sa bon te/ de las bdag nyid zhal gcig phyag bzhi par bskyed par bya'o//ye shes sems dpa' gzhug pa dang / dbang bskur ba dang / bsgom pa dang / bzlas pa dang / mchod pa dang bstod pa bya'o/ /ldang ba'i tshe go chas bsrungs la ldang bar bya'o/ /de ltar ku ru ku l+le'i sgrub thabs bshad nas/ da ni shes rab kyi pha rol tu phyin pa'i 'khrul 'khor bshad par bya ste/sngon gyi mtshan nyid dang ldan pas zhes pa ni 'khrul 'khor bri ba'o/ /de yang snga ma nyid las mtshams bzhi cha gnyis su byas pa'i re'u mig bcu gnyis la/ sngon du gsungs pa bzhin du bsgrub/ /ces bya ste/ yig 'bru lhar bskyed nas ye shes sems dpa' gzhug pa dang /dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang bstod pa bya'o/ /las ci'i phyir 'khrul 'khor byed ce na/ thabs dang shes rab 'phel ba'i las la zhes bya ba smos so/ /de la sngags dgod pa ni oM nas swA hA'i bar du yig 'bru bkod nas bsgom par bya'o//de la bdag nyid lhar bskyed pa ni gdan a las zla ba'i dkyil 'khor bskyed la de'i dbus su hUM las zhes bya ba zhes re pha med pa ste zhal gcig pa phyag gnyis pa bsgom par bya'o/ /de la ye shes sems dpa' gzhug pa dang /dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang / bstod pa bya'o/ /de ltar shes rab kyi pha rol tu phyin pa'i sgrub pa'i thabs bshad nas/ da ni dpa' bo bzhi dang / dpa' mo bzhi bskyed pa bshad par bya ste/ thams cad kyi sngon du 'gro ba bshad par bya ste/stong pa'i byang chub kyi rjes la zla ba dang nyi ma'i gdan gyi steng du thod pa'i gdan la rnam snang gi sa bon b+h+rUM dang / rin chen 'byung ldan gyi trAM dang / snang ba mtha' yas kyi hrIH dang / don yod grub pa'i a dang / sangs rgyas spyan gyi buM dang / mA ma kI'i hUM dang / gos dkar mo'i hrIH dang /sgrol ma'i tAM/ las bskyed la phung po dang / khams dang / skye mched byin gyis brlabs nas/ ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang / bstod pa bya'o/ /ldang ba'i tshe na thams cad kyang rigs lnga'i sngags kyis gnas drug tu bsrungs la ldang bar bya'o//brtag pa gnyis pa'i rab tu byed pa bzhi pa'i 'grel pa'o// //de ltar dpa' bo dang dpa' mo re re'i sgrub thabs bshad nas/ da ni bdag med ma dang bcas pa'i zhal brgyad pa'i sgrub thabs bshad par bya ste/sgrub thabs de nyid nyon zhes pa ni rdo rje snying po la bod pa'o/ /gang gis sdang dag ma rungs pa'i/ /sems can 'dul 'gyur zhes pa ni dgos pa'o/ /dgos pa de dang bcas pa'i mkha' 'gro dpal he ru ka dang mkha' 'gro ma dgu'i 'khor lo bri bar bya'o/ /de ltar mdor bstan nas rgyas par bshad pa ni/rdo rje sems dpa' rdo rje nyid/ /ces pa ni rgyu'i he ru ka'o/ /slar yang rdo rje 'dzin 'gyur te/ /zhes pa ni 'bras bu'i he ru ka'o/ /'bar ba'i phreng ba nas tshigs bcad phyed ni mtshan nyid do/ /de ltar rgyas par bshad nas/ shin tu rgyas par bshad pa ni/ zla ba'i dkyil 'khor dbus su ni/ /sa bon phreng ba de nas dgod/ /ces bya ste/ rgyu'i he ru ka bskyed nas yab yum gyi b+ha ga'i zla ba dang nyi ma'i dbus su lha mo brgyad kyi yig 'bru'i sa bon dgod par bya'o/ /de nas thabs dang shes rab snyoms par zhugs pa las mngal skyes kyi tshul gyis lha mo brgyad bskyed nas rang rang gi gnas su gzhag par bya'o//de nas rgyu'i he ru ka zhu ba dang / phyogs bzhi'i lha mo ma gtogs pa sa'i lha mo puk+ka swI dang / chu'i lha mo ri khrod ma dang / me'i tsaN+Da lI dang / rlung gi DoM bi nI bzhis glus bskul ba dang / 'bras bu'i he ru ka bskyed pa yin no//de'i don 'di skad ston pa yin te/ rgyu'i he ru ka mngon par byang chub pa rnam pa lngas bskyed nas/ phyogs bcu'i sangs rgyas zhal nas zhugs te/ btsun mo yum gyi b+ha gar lha mo brgyad kyi yig 'brur gyur pa dang lha mo brgyad mngal skyes kyi rim pas phyogs skyong brgyad kyi thog tu bzhag la/de nas rgyu'i he ru ka chos kyi skur zhu ba dang / de las mtshams kyi 'byung ba bzhi'i rlung gi rang bzhin 'od kyi thig le dkar dmar bskul bas thig le gnyis nyi zla'i rang bzhin du gyur pa dang / aM hUM yig 'bru gnyis dang thod pa dang phyag mtshan gri gug gnyis dang /'od zer spro bsdu gnyis dang rgyu brgyad las/ 'bras bu he ru ka sprul pa'i sku rdo rje can ni chen por bzhengs zhes pa'o/ /zhabs ni sa la bsnun pa yis/ /zhes pa ni bdud bzhi'i steng na gar dang bcas pas bzhugs pa'o/ /gaM tsaM la sogs pa ni lha mo'i sa bon no/ /dga' ba'i bdag po'i sa bon dang //zhes pa ni/ 'bras bu he ru ka yab yum gyi sa bon no/ /sa bon de yang gang zhe na/ hUM dang aM ni 'bar ba las/ /zhes bya ba smos te/ ma mo'i grong khyer zhes bya ba la sogs pa ni go sla'o/ /sgeg pa'i nyams ni 'khyud pa'o/ /dpa' ba ni bdud bzhi gnon pa'o/ / 'jigs pa ni spyan gsum khro gnyer phyag bcu drug dang ldan pa'o/ /brjid pa ni zhal dbus ma'o/ /drag po ni zhal g.yas pa'o/ /'jigs su rung ba ni zhal g.yon pa'o/ /snying rje ni spyan dmar ba'o/ /rngam pa ni zhal gdongs pa'o/ /zhi ba ni thal bas byugs pa'o/ /mgo bo'i do shal mdzad ces bya ba la sogs pa ni go sla'o//sgo bzhi ni mi 'am cis 'dul bar byed pas na shar du rta'i gdong can/ byang du phag gi gdong can/ nub tu khyi'i gdong can/ lhor seng ge'i gdong can no/ /mtshams kyi lha mo bzhi ni phyag gnyis kyis gling bu 'bud pa sngo ba dang / pi wang brdung ba ser ba dang /rnga bo che brdung ba dmar ba dang / rdza rnga brdung ba ni ljang ba'o/ /sdo ser dkar po zhes bya ba ni sgo ba bzhi la zhal gsum gsum yod pa zhal gnyis ni tha mal pa'i gdong la gcig ni dud 'gro'i gdong yin no/ /des na sgo ba rnams kyi sku mdog dang sbyar ba'o/ /de rnams la yig 'bru dgod pa dang /go cha bskon pa dang / ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang / bstod pa bya'o/ /ldang ba'i tshe na dkyil 'khor bsdus la/ rigs drug gi yi ge bkod la ldang bar bya'o/ /brtag pa gsum pa'i rab tu byed pa dang po'i 'grel ba'o// //de ltar zhal brgyad pa'i sgrub pa'i thabs bshad nas/ da ni ye shes kyi mkha' 'gro ma'i sgrub thabs bshad par bya ste/ nyon cig ces pa ni rdo rje snying po la bod pa'o/ /gnyis po spangs nas su zhes pa ni thabs dor ba'i dpa' mo 'ba' zhig bsgom pa'o//gnyis med chos kyi ye shes ni/ /zhes pa lha mo gcig pus dbyings dang ye shes ro gcig par bsgom pa'o/ /mkha' 'gro ma'i sgrub thabs zhes pa ni rdo rje rigs kyi lha mo'i sgrub pa'i thabs so/ /de ltar mdor bstan nas rgyas par bshad pa ni rnal 'byor kun gyi dang po zhes pa ni lha'i sku bskyed pa'i thog mar stod pa'i byang chub bsgom pa'o//de la sngags dang pa ni rang bzhin gyis rnam par dag pa'i chos nyid do/ /sngags gnyis pa ni lus ngag yid gsum rdo rje rnam par dag pa'o/ /sngags gsum pa ni sgyu ma dang stong pa'i rnal 'byor dag pa'o/ /de brjod pas de'i don stong pa nyid kyang bsgom par bya ba yin no//de ltar stong pa'i byang chub bshad nas/ de'i gnas bshad pa ni yid du 'ong ba'i gnas su zhes bya ba smos te/ gnas der bla re bre ba dang / ba dan dang rgyal mtshan bsgreng ba dang / dri'i thig le dang / me tog gis dgram pa yang bya'o//gnas der ci zhig bsgom zhe na/ blo ldan mchod pas sngon 'gro bas/ /zhes bya ba smos te/ skad cig tsam gyi rnal 'byor gyis ye shes kyi mkha' 'gro ma'i skur bsgom par bya'o/ /de skad du ston pa yin te/ tshogs sogs pa'i dus dang / tshad med pa bzhi bzhis sems can gyi don byed pa'i dus dang /srung ba'i 'khor lo'i dus dang / ye shes kyi tshogs sogs pa stong pa'i byang chub kyi dus su skad cig mas ye shes mkha' 'gro ma bsgom par bya'o/ /de ltar sngon du 'gro ba'i rnal 'byor byas nas stong pa'i byang chub bsgom pa'i rjes la rdo rje'i sa sbyang bar bya ste/bya ba'i cho ga de nyid kyis/ /ye shes mkha' 'gro bsgom par bya/ /zhes bya ba la/ bya ba'i cho ga ni/ yaM las rlung / raM las me/ baM las chu/ laM las gser gyi sa gzhi/ ye shes kyi snang ba bsgom pa ni ye shes rgya mtsho bsgom pa'o/ /de'i steng du suM las ri'i rgyal po ri rab bskyed par bya ba ni phyogs bzhi kha dog bzhir gnas pa'i/lhun po'i gzugs su bsams nas ni/ /zhes pa yin no/ /de'i steng du b+h+rUM las gser las byas pa'i grong khyer ni zhes bya ba smos te/ sgo bzhi sgo khyud dang bcas pa dang / rta babs dang dra ba dang dra ba phyed pas brgyan pa bsgom par bya'o//de'i dbus su a siM a las seng ge'i gdan lnga bskyed la/ de'i steng du gdugs dkar po dang nyi ma'i gdan yang bsam par bya'o/ /de ltar rten gyi dang po'i sbyor ba bskyed nas/ brten pa lha'i dang po'i sbyor ba bskyed pa ni/ rang gi dbugs ni yi ge hUM/ /zhes bya ba smos te/ rang gi dbugs ni yi ge hUM ngo / /ye shes mkha' 'gro dbus su bsam/ /zhes pa ni rdo rje mkha' 'gro ma'o/ /zhal gnyis pa la sogs pa ni go lha'o/ /shar du yang yi ge hUM las byung ba'o/ /de bzhin du byang dang / nub dang / lho dang / dbang ldan dang / me dang / bden bral dang / rlung gi gnas rnams su mkha' 'gro ma dang / 'dzag ma dang / ro langs mo dang / gtum mo dang / seng ge ma dang / rta rna mo dang / ce spyang mo dang / 'ug pa mo la sogs pa brgyad ni dkyil 'khor la bkod nas/ de'i phyi rol gyi rim pa la/ shar du bzhad ma dang / byang du mar me ma dang / nub tu 'jigs ma dang / lhor kaM po tse bsgoms la phung po dang khams dang skye mched byin gyis brlab pa dang / ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang / gtor ma bya'o/ /de la bdud rtsi myong ba ni dang po lha mo ye shes kyi mkha' 'gro ma'i mdun du thod pa'i dbus su bdud rtsi lnga bzhag pa ni/dam tshig dag ni bstan par bya/ /zhes bya ba lta bu yin no/ /rlung dang me zhes pa ni yuM dang k+Shu mo/ /bdun pa la zhes pa ni bdud rtsi lnga'i steng du rigs lnga'i sa bon hUM oM trAM hrIH a zhes bya ba ste/ de ltar na bdun dgod pa'am/ye shes dpal gyi zhal snga nas ni raM dang yaM ni 'og tu bdud rtsi lnga'i gdan yin la/ gnyis pa nas brtsis pa'i bdun pa ni ha yin la/ de la thig le aM dang / sgra u dang ldan pas yi ge hUM du 'gyur ro/ /hUM de lan gnyis su 'gyur te/ de sna bug gi rlung gis rdo rje'i sa bon gyis bskul nas/rlung g.yos nas me sbar ba dang / steng nas hUM gis mnan pas bdud rtsi'i char pa'i rgyun 'bab par bsam par bya'o zhes gsungs so/ /brtag pa gsum pa'i rab tu byed pa gnyis pa'i 'grel pa'o// //de ltar ye shes mkha' 'gro bshad nas/ da ni bdag med ma'i sgrub pa'i thabs bshad par bya ste/de nas bdag med sgrub thabs zhes bya ba ni tshigs bcad phyed kyis mdor bstan pa'o/ /rgyas par bshad pa ni/ nam mkha'i dkyil 'khor dbus su ni/ /zhes bya ba smos te/ tshogs sogs pa dang / gzhan don dang / gnas bsrung ba dang / stong pa'i byang chub bsgoms pa'i rjes la/gzhal yas khang gi dbus su nam mkha'i dbyings su e gru gsum de'i dbus su raM las nyi ma'i dkyil 'khor bsam mo/ /'khor lo de ji lta bu zhe na/ 'khor lo ji lta'i tshul bzhin du/ /zhes bya ba smos te/ sgo bzhi dang sgo khyud dang rta babs dang dra ba dang dra ba phyed pa dang bcas pa'o//de'i sngon du ci zhig bya zhe na/ sngon du ji ltar glu blangs zhes bya ba smos te/ 'khor lo'i sngon du laM las sam/ baM las chu/ raM las me/ yaM las rlung mtsho'i rlabs bzhin du rim par bsgoms la/ lha rnams kyi rtags rtse gsum pa dang me 'od dang ba dan rim bzhin du bsgom par bya'o//'khor lo'i dbyibs kyi khyad par ji lta bu zhe na/ e las byung ba'i steng du pad+ma 'dab ma brgyad las byung ba'i 'khor lo rim pa gnyis rnam par dag cing dri ma med pa'o/ /'khor lo gcig pa gang du dgod ce na/ gcig ni pad+ma'i lte ba la'o/ /gnyis ni mkha' spyod dang sa spyod sku dang gsung dang /gau rI la sogs pa'i lha mo rdo rje can dang bcas pa dkyil 'khor gnyis bsgom pa'o/ /de rnams su gdan ci zhig ce na/ ro'i gdan bco lnga yang dag par bsam par bya'o/ /de ltar rten gyi dang po sbyor ba bshad nas/ da ni brten pa lha'i dang po'i sbyor ba bshad pa ni zla ba me long lta bu dang /nyi ma mnyam pa nyid dang / yig 'bru dang phyag mtshan so sor rtog pa'i ye shes dang / 'od zer spro bsdu bya ba nan tan gyi ye shes kyi rang bzhin las rgyu'i rdo rje bdag med ma sku mdog dkar mo zhal gcig phyag gnyis pa bsgom par bya'o/ /de yongs su gyur pa las dkyil 'khor gyi bdag po 'bras bu'i rdo rje bdag med ma bsgom par bya'o//ci'i phyir mngal skyes kyi rim pas ma yin zhe na/ A li kA li'i sbyor bas ni/ /zhes bya ba smos te/ nyi ma dang zla ba'o/ /de'i dbus su yig 'bru aM dang / phyag mtshan gyi gri gug ni rdo rje sems dpa' zhes bya'o/ /de'i gdan ni nyi ma dang zla ba'o/ /de'i rgyu ni yi ge a las byung ba'i gri gug gi gzugs yin pas/bsrub bya srub byed kyi sbyor ba mngal skyes kyi rim pa las 'dod par mi bya'o/ /sems dpa'i gzugs las byung ba rung / /zhes pa ni rgyu'i rdo rje bdag med ma las so/ /dkyil 'khor bdag mo bsgom par bya/ /zhes pa ni 'bras bu'i bdag med ma'o//zhal dang phyag la sogs sngon bzhin/ /zhes pa ni rgyu dang 'bras bu'i bdag med ma gnyis 'dra ba'o/ /kha dog kyang mtshungs sam zhe na/ zla 'od nor bu'i 'od lta bu/ /zhes bya ba smos te/ rgyu ni dkar mo yin la/ /'bras bu ni nag mo yin no/ /yum grub pa 'ba' zhig tsam yin nam zhe na/ thabs dang shes rab rang bzhin las/ /zhes smos te/ 'od zer spro ba dang bsdu ba las bskyed par bya'o/ /de 'ba' zhig de ltar bskyed dam zhe na lha mo thams cad kyang de ltar bskyed par bya'o/ /'bras bu'i bdag med ma ni/ rgyu'i bdag med mar 'gyur ba yin la/ 'khor gyi lha mo rnams kyi yum gyi thugs ka nas bskyed par rigs so zhe na ma yin te/shes rab A li thabs kA li/ /zla ba nyi ma'i bye brag dang / /sa bon yi ge so so las/ /gau rI la sogs yang dag 'byung / /zhes smos te/ zla ba dang nyi ma bco lnga dang / yig 'bru bco lnga dang phyag mtshan bco lnga las lha mo bco lnga skyes pa yin no zhes smos so//de ltar dkyil 'khor ba rnams kun/ /nan tan bskyed de brtag par bya/ /zhes pa ni mngon par byang chub pa'i rim pa lnga las/ lha mo bco lnga so sor bskyed par bya'o/ /slob dpon rin chen rdo rje ni gtso bo byang chub pa lngas bskyed pa bzhin du 'khor rnams la yang rgyu'i bdag med ma dkar mo bcu bzhi las/'bras bu'i bdag med ma bcu bzhi mi 'dra ba bcu bzhi bskyed par 'dod do/ /yan lag med pa'i rdo rje'i zhal nas rgyu'i bdag med ma srid pa lnga pa dang / mes po lta bu'i rnal 'byor yin pas rgyu'i bdag med ma gcig yin la/ de yongs su gyur pa las lha mo bco lnga bskyed cing phyag mtshan bco lnga yang lhan cig tu bskyed cing /'od zer spro bsdu bco lnga yang lhan cig tu byas pa la sogs lha mo bco lnga cig car bskyed pa yin no/ /zhal dang phyag mtshan sogs sngon bzhin zhes pa ni sngon zhes pa ni mdun gyi sgra yin la/ de yongs su gyur pa las/phyi'i 'bras bu'i bdag med ma'i sgra dang 'dra ba'o/ /sku mdog ni zla ba lta bu yin no/ /de lta bu yin na/ nyi ma zla ba'i bye brag gis/ /yig 'bru so so'i dbye ba yis/ /shes pa ji ltar 'dod ce na/ /'bras bu bco lnga la ltos nas rgyu bco lnga bzhag pa yin gyis tha dad pa la ltos pa ni ma yin no/ / de ltar na dkyil 'khor nang ma la mdun du bdag med ma dang / shar du rdo rje ma dang / lhor gau rI ma dang / nub tu chu'i rnal 'byor ma dang / byang du mkha' 'gro ma dang / phyi rol gyi rim par shar du gau rI ma dang / lhor tsau rI ma dang / nub tu ro langs ma dang / byang du za phod ma dang / shar lhor sbos mo dang /lho nub tu ri khrod ma dang / nub byang du gtum mo dang / byang shar du g.yung mo dgod par bya'o/ /gal te dkyil 'khor bslang ba yin na/ steng du mkha' spyod ma/ 'og tu sa spyod ma gzhag par bya'o/ /lhor mkha' spyod ma sngo ba dang ser ba dang / byang du sa spyod ma dmar ba dang /sngo ba phyed gzugs ma'i mdog can no/ /thams cad kyang zhal gcig phyag gnyis ma 'chi bdag gi bdud 'joms pa'i rus pa'i rgyan gyis brgyan pa'o/ /g.yon pa 'chi bdag gi bdud 'joms pa'i bdud rtsi'i thod pa dang / g.yas na nyon mongs pa'i bdud 'joms pa'i gri gug dang ro'i steng na gar mdzad pas lha'i bu'i bdud 'joms pa'o//bzhad cing khro la sgeg pa dang / /zhes pa ni bdag med ma ni bzhad pa'i nyams can no/ /nang gi lha mo bzhi ni khro ba'i nyams can no/ /phyi rol gyi lha mo rnams ni sgeg pa'i nyams can no/ /mchod pa'i gzugs su yang dag bstan/ /zhes pa ni thams cad kyang thabs shes rab bo//'od zer sna tshogs sangs rgyas sprin/ /zhes pa ni sangs rgyas kyi 'od zer spro bsdus sems can 'dul ba'o/ /de nyid gsum bsdus dbus su bsgom/ /zhes bya ba ni sku gsum char gyi lha mo'i 'khor lo'o/ /brtag pa gsum pa'i rab tu byed pa gsum pa'i 'grel pa'o// //de ltar bdag med ma bshad nas/ da ni thabs kyi 'khor lo'i sgrub pa'i thabs bshad par bya ste/ de nas yang dag bshad bya ba/ /zhes bya ba nas/ rdo rje dbyings zhes bya bar brjod/ /ces pa'i bar du mtshan bstan pa'o/ /phyag rgya chen po bsgrubs nas su/ /zhes pa nas/ thams cad du ni blta bar bya//zhes pa'i bar gyis gnas bstan to/ /gnas de'i phyogs thams cad du dkyil 'khor bstan nas thig gdab par bya ste/ sar pa legs par bkal nas kyang / /zhes pa ni go sla'o/ /gru bzhi pa la sgo bzhi pa/ /zhes pa nas/ phyi yi dkyil 'khor thig gdab bo/ /zhes pa'i bar gyis thig gdab pa'i thabs bstan to//de ltar thig btab nas/ de nas nang du zhugs nas su/ /zhes pa la sogs pas nang gi dkyil 'khor du lha dgod pa bstan to/ /sangs rgyas gzugs brnyan gzhag par bya/ /zhes bya ba ni lugs ma'am 'bur du brkos pa dang bris pa la sogs pa ci rigs par gzhag par bya'o//de ltar bzhi'i dkyil 'khor rdzogs nas/ bdag nyid lhar bsgom pa bshad pa ni dkyil 'khor cho ga zhes bya ba la sogs pa bstan to/ /de la dang po sngags pas lha'i khang par bzhugs nas/ paM las snying gar pad+ma/ a las dbus su zla ba'i dkyil 'khor de'i steng du hUM las rdo rje rtse lnga pa dkar po//de'i 'od kyis de bzhin gshegs pa thams cad spyan drangs la mchod pa dang phyag btsal ba dang / sdig pa bshags pa dang dge ba la rjes su yi rang ba dang / chos kyi 'khor lo bskor bar bskul ba dang / mya ngan las mi 'da' bar gsol ba gdab pa dang / lus 'bul ba dang / dge ba'i rtsa ba bsngo ba dang / sdom pa gzung bar bya ste/ ji ltar dus gsum mgon po rnams/ /zhes bya ba nas/ dam pa bdag gis bskyed par bgyi/ /zhes pa'i bar gyis smon pa'i sems bskyed la/ da ni 'jug pa'i sems bskyed bshad par bya ste/ sangs rgyas rnal 'byor sdom pa la//zhes pa ni rigs 'dzin gyi sdom pa'o/ /bslab pa yi ni tshul khrims dang / /zhes pa ni 'og nas 'byung ba'i phas pham pa bcu bzhi'o/ /dge ba'i chos ni sdud pa dang / /zhes pa ni lha thams cad kyi sdom pa ma lus pa pha rol tu phyin pa drug bsgom pa'o/ /sems can don byed tshul khrims ni//zhes pa ni phrin las bzhi'o/ /bdag gis brtan por gzung bar bgyi/ /zhes pa ni rnam par snang mdzad bsgom pa'i tshe rdo rje dkar po rtse lnga pa dang / mi bzod pa'i tshe rdo rje sngon po dang / rin chen 'byung ldan gyi tshe rin po che ser po dang / snang ba mtha' yas kyi tshe pad+ma dmar po dang / don yod grub pa'i tshe sna tshogs rdo rje bsgom par bya'o/ /byang chub sems ni bla na med/ /ces pa ni dge ba'i chos sdud kyi rgyas par bshad pa pha rol tu phyin pa drug gis byang chub tu sems bskyed par bya'o/ /ma bsgral zhes pa ni zhi bas so/ /ma grol zhes pa ni rgyas pas so/ /dbugs ma phyin pa dbugs dbyung zhes pa ni dbang gis so//sems can mya ngan 'das la dgod/ /ces pa ni mngon spyod kyis so/ /de ltar sngon du 'gro ba rdzogs nas mngon par byang chub pa lnga'i rim pa bsgom pa'i phyir de bshad par bya'o snyom du dgongs nas ting nge 'dzin la snyoms par zhugs te bka' stsal pa yin no//de nas bsam gtan gyi khang par zhugs nas zhes pa ni 'og min gyi lha'i rgyal po'i gnas su bsam par bya'o/ /de nas snying ga'i rdo rje la badzra satwa hUM zhes bya ba'i sngags yid kyis bris nas de nas don dam byang chub mchog tu sems bskyed bsgom par bya'o//de nas rnal 'byor pa'i lus mi bskyod par bsgoms la/ me long lta bu'i snang ba bsgoms nas oM tsit+ta pra ti be d+haM ka ro mi zhes bya ba sngags dang pos brtan par bya'o/ /de'i steng du dbyangs yig bcu drug gru gsum du bkod la stong pa nyid bcu drug gi yon tan bskyed par bya'o/ /de nas rin chen 'byung ldan du bsgoms la/mnyam pa nyid kyi rnam pa zla ba gnyis pa bskyed par bya'o/ /oM bo d+hi tsit+ta ut+pA da yA mi zhes brtan par bya'o/ /gsal byed sum cu rtsa gsum dkyil 'khor gyi lha'i tshul du bkod nas lha'i yon tan bskyed par bya'o/ /de nas snang ba mtha' yas su bskyed la zla ba gnyis pa'i steng du rdo rje bsgoms te/oM tiSh+Tha ta badzras brtan par byas la/ zag pa med pa'i yon tan bskyed par bya'o/ /de nas don yod grub par bskyed la 'od zer spro bsdus de bzhin gshegs pa'i khams kyi sku gsung thugs bcug ste/ badzra A t+ma kou0f85haM gis brtan par bya ste/ snang ba med p a'i rnam par thar pa'i sgo stong pa nyid dang /gnas med pa'i mtshan ma med pa dang / ma skyes pa'i sngon pa med pa dang / mngon par 'dus ma byas pa'i 'od gsal ba dang / dngos po dang dngos po med pa'i chos kyi dbyings kyi rang bzhin gyi yon tan bskyed nas/ gzhig tu med pa nyon mongs pa'i sgrib pa dang chags pas gzung du med pa'i chos kyi sgrib pa dang bral ba dang /nyer len med pa las kyi sgrib pa dang bral ba dang / rdo rje'i bdag nyid rnal par smin pa'i sgrib pa med pa rdo rje'i bdag nyid de chos kyi skur gyur pa'o/ /de nas rnam par snang mdzad du bsgoms la snying ga'i zla ba'i rdo rje la zhal bzhi pa'i longs spyod rdzogs pa'i sku bskyed la/oM ya thA sarba ta thA ga tA sta thA haM zhes bya bas brtan par bya'o/ /da ni mngon par byang chub pa'i rim pa lugs las bzlog la bshad par bya ste/ longs spyod rdzogs pa'i sku gang las byung zhe na/ zhi ba gsang ba'i bdag nyid las so/ /gsang ba gang las she na/spyod pa rdo rje las so/ /spyod pa gang las byung zhe na/ spyod yul zla ba gnyis pa las so/ /zla ba gnyis pa gang las byung zhe na/ de nyid rtogs pa zla ba dang po las so/ /de ltar mngon par byang chub pa lnga ni/ sangs rgyas thams cad kyi bdag nyid mi slob pa'i lam gcig tu skye ba las so/ / rdo rje snying pos gsol ba/ de ltar na mngal skyes kyi rim pa ji ltar 'thad ce na/ bcom ldan 'das kyis bka' stsal pa/ zla ba gnyis pa ni pad+ma yin la/ de'i steng gi rdo rje ni de bzhin gshegs pa kun gyi gnas yin pas rdo rje pad+ma'i steng du gnas zhes bya'o/ /de nas 'od zer spro bsdu byas pa las so//sangs rgyas thams cad 'byung zhing de nyid las rnam par snang mdzad kyang 'byung ste/ de ni rgyu'i rdo rje 'chang yin la/ de nas gzhal yas khang gi dbus su 'bras bu rdo rje 'chang bskyed pas na rnal 'byor pa'i rgyud las 'byung ba'i mngal skyes kyi rim pa b+ha ga dang pad+ma'i sbyor ba las byung ba'o zhes 'gal ba yod pa ma yin no//de ltar rgyu'i rdo rje 'chang chen po bskyed nas/ da ni rten gyi dkyil 'khor bskyed par bya ste/ steng dang 'og tu sngags rnams dgod byas nas/ /zhes pa ni steng gi ri rab bo/ /'og ni 'byung ba bzhi'i sngags bkod nas dkyil 'khor bskyed pa'o/ /ri rgyal lhun po'i gzugs ni bskyed par bya//zhes pa ni suM las kha dog bzhi pa rtse mo brgyad dang ldan pa gser gyi ri bdun dang rol ba'i mtsho bdun gyis bskor ba'o/ /de'i steng du e gru gsum las byung ba'i nam mkha' stong pa'i dbus su b+h+rUM las rnam par snang mdzad de yongs su gyur pa las 'od zer sna tshogs dang ldan pa'i dkyil 'khor gyi 'khor lo zag pa med pa'i srid pa las byung ba bsgoms la/de'i nang du paM las byung ba'i pad+ma de'i steng du raM las byung ba'i nyi ma'i dkyil 'khor bskyed par bya'o/ /de nyid kyi rgyas par bshad pa ni/ /rlung dang me'i dkyil 'khor yang dag ldan/ / zhes smos te/ rlung dang me'i steng du sa dang chu'i dkyil 'khor dang ldan pa'o/ /de'i sa bon gang yin zhe na/ ya ra la was shin tu mdzes par byas/ /zhes bya ste/ 'byung ba bzhi'i sa bon las bskyed pa'o/ /de nas steng zhes pa ni/ suM las bskyed pa'i ri rab kyi steng du'o/ /sngags de nyid las ni zhes pa ni rnam par snang mdzad kyi sa bon 'byung ba bzhis bsdus pa'i yi ge b+h+rUM de nyid las so//rnam par snang mdzad de yongs su gyur pa las gzhal yas khang de bzhin gshegs pas sku'i sgo nas brten cing / gsung gi sgo nas bsngags la/ thugs kyi sgo nas bstod pa'o//gzhal yas khang rtse mo rdo rje rin po che las brtsegs pa'i nang du/ rgyu'i rnam par snang mdzad kyi thugs ka'i zla ba'i dkyil 'khor gyi steng du lha'i sa bon sngags 'di bkod nas de dang bcas pa'i sku'i rnam par snang mdzad de yongs su gyur pa las rdo rje rtse lnga par gyur nas de'i 'od zer spro ba dang bsdu ba las rdo rje sems dpa' thams cad kyi mchog dang ldan pa'i sku mdog dkar po bsam par bya'o//zla mdog dang mtshungs zla ba'i gdan la bzhugs/ /zhes bya ba la sogs pa ni go sla'o/ /de nas shar phyogs su rnam par snang mdzad ni dbu gsum phyag drug pa g.yas sngo zhing g.yon dmar ba dbus ma dkar ba 'khor lo dang /dril bu dang / ral gri dang / zhags pa dang / lcags kyu dang thod pa bsnams pa'o/ /don yod grub pa ni g.yas dkar ba g.yon dmar ba dbus ma ljang ba'o/ /phyag dang po na sna tshogs rdo rje dang dril bu bsnams pa'o/ /lho ru rin chen 'byung ldan/nub tu snang ba mtha' yas/ byang du don yod grub pa ni zhal gsum phyag drug pa'o/ /rin chen 'byung ldan zhal dbus ma ser zhing g.yas sngo ba dang g.yon dkar ba'o/ /phyag dang po gnyis ni rin po che dang / dril bu bsnams pa'o/ /snang ba mtha' yas ni g.yas sngo zhing g.yon dkar ba dbus dmar ba'o//phyag dang po na pad+ma dang dril bu bsnams pa'o/ /phyag lhag ma rnams ni thams cad kyang ral gri dang zhags pa dang lcags kyu dang / thod pa bsnams pa'o/ /spyan ma dang / mA ma kI dang / gos dkar mo dang / sgrol ma rnams ni rang rang gi gtso bo dang mtshungs pa'o//zhal gsum phyag drug pa'o/ /drag mo dang rdo rje gzugs dang / rdo rje chags pa mo dang / rdo rje zhi ba mo dang / rdo rje gnod sbyin mo dang / rdo rje mkha' 'gro ma dang / rdo rje sgra can ma dang / rdo rje sa rnams ni zhal gcig phyag gnyis pa rdo rje dang rin po che dang pad+ma dang sna tshogs rdo rje dang ral gri dang zhags pa dang lcags kyu dang thod pa bsnams pa'o//'khor lo rim pa gnyis kyi phyi rol gyi zur la gling bu ma dang / pi wang ma dang / rnga bo che dang / rdza rnga bsnams pa sngo ba dang / ser ba dang / dmar ba dang / ljang ba dang zhal gcig phyag gnyis pa'o/ /phyi rol gyi lha'i snam bu la bskal bzang bcu drug bkod nas/de'i zur du me tog ma dang / bdug pa ma dang / mar me ma dang / dri ma ser ba dang / sngo ba dang / dmar ba dang / ljang gu'o/ /shar phyogs la sogs pa'i sgor ni lcags kyu dang zhags pa dang / lcags sgrog dang dril bu'o/ /sku mdog dang phyag mtshan la sogs pa ni go sla'o//de la phung po dang khams dang skye mched byin gyis brlabs pa dang / ye shes sems dpa' gzhug pa dang / dbang bskur ba dang / bdud rtsi myang ba dang / bsgom pa dang / bzlas pa dang / mchod pa dang / bstod pa byas la/ ldang bar 'dod pa'i tshe/ nye bar bsdu ba dang / rigs drug gi sngags kyis bsrung ba byas la ldang bar bya'o/ /de ltar bsnyen pa bsgom bzhin du sta gon gyi lha dgod pa byas nas/ dkyil 'khor chen po'i tshe de ltar lugs ma 'am/ 'bur du brkos pa la sogs pa'i gzugs brnyan bzhag pa dang / ye shes sems dpa' gzhug pa dang / dbang bskur ba dang /bdud rtsi myang ba dang / bsgom pa dang / bzlas pa dang / mchod pa dang / bstod pa ji ltar nus pa bzhin du bya ba'o/ /de ltar rdo rje sems dpa'i dkyil 'khor rdzogs nas/ da ni dgyes pa'i rdo rje'i dkyil 'khor brjod par bya ste/ phyi'i dkyil 'khor gru bzhi sgo bzhi dang bcas pa bskyed la/ de'i nang du dkyil 'khor gyi phyed kyi tshad la/ zla ba phyed pa lta bu'i gzugs can ka ba bzhi dang ldan pa rdo rje dang rin po che dang pad+ma dang sna tshogs rdo rje'i ri mo bzhis bskor ba'o/ /de'i dbus su bcom ldan 'das dgyes pa'i rdo rje sna tshogs pad+ma dang nyi ma'i dkyil 'khor gyi gdan la zhal gcig phyag bzhi pa/ral gri dang 'khor lo dang / lcags kyu dang zhags pa bsnams pa bsam par bya'o/ /de'i 'khor thams cad kyang skra 'bar ba gyen du brdzes pa sna tshogs pad+ma dang nyi ma'i gdan la gzhag par bya'o/ /mtshams kyi me tog ma la sogs pa'i bar du lha mo thams cad kyang zhal gcig phyag gnyis pa bsam par bya'o//'di rnams ji skad gsungs pa'i gdan rnams la gau rI la sogs pa'i yig 'bru dgod par bya'o/ /bcom ldan 'das kyi hUM ngo / /dkar mo'i ni hA ring ba'o/ /tsau rI'i ni hi thung ngo / /ro langs ma'i ni dzi'o/ /za phod ma'i ni bi'o/ /puk+ka sI'i ni hUM ngo //sha ba rI'i dza'o/ /tsaN+Da lI'i ni maM mo/ /DoM bi ni'i hUM ngo / /me tog ma'i ni a thung ngu'o/ /bdug pa mo'i ni A ring ba'o/ /mar me ma'i ni e thung ngu'o/ /dri chab ma'i ni AM ring po'o/ /sgo bzhir ni dzaM raM baM hUM ngo / /phyi'i dkyil 'khor gyi phyi rol gyi rdo rje'i ra ba'i nang du dur khrod brgyad dgod par bya ste/ zhing skyong brgyad dang phyogs skyong brgyad dang / klu brgyad dang / sprin brgyad dang / pho nya brgyad dang bcas pa bsam par bya'o/ /de yang mnyam sbyor las 'byung ba'i rim pas gdul bya dang phyogs skyong ba de rnams ji ltar sngon byung ba'i rim pas bshad par bya ste/ drag po dang dbang po dang nye dbang dang khyab 'jug dang bcas pa tshangs pa ste/bdud bzhi dang phyogs skyong ba brgyad 'dul ba ni sngon bcom ldan 'das 'dzam bu'i gling du byon nas/ de rnams gdan bting bas rgyas btab pa dang / sems brgyal zhing ngag rengs nas rmongs par byas pa dang / btsun mo rnams phrogs shing tshogs kyi 'khor lo rnams gsol bas longs spyad pa'o//rnam par shes pa brgyal bas na thar par byas pa dang gnas gyur nas ye shes thob pas na slar thar pa mdzad do zhes sbyar ro/ /de ltar dbang byas pa dang longs spyad pa dang / btul ba'i rjes la slar yang gsos nas bsrung ba'i phyir phyi rol gyi dur khrod du bkod pa nyid du mdzad pa yin no//des 'dul ba'i bcom ldan 'das ji lta bu zhe na/ thabs dang shes rab rnal 'byor gyis/ /zhes smos te/ rigs drug gi he ru ka nyon mongs pa drug dang ldan pa'i sems can dbugs dbyung ba'i phyir/ phyag g.yon pa na thod pa kha T+wAM ga dang bcas pa bsnams shing /phyag g.yas pa na rdo rje 'bar ba bsnams pa rang gi brla g.yon pa mnan nas/ phyed krung gis gar mdzad cing / gzigs pa rnam pa sna tshogs bgrang ba yi/ /rjes thogs nyid las 'gyur ba'i rgyal thob la/ /rnam pa sna tshogs 'o byed 'khyud pas rmongs mdzad de//rnam pa sna tshogs bde ba'i mchog ste kun gsol pa/ /rnam pa sna tshogs bde mchog mdzad pa bstan du gsol/ /rnam pa sna tshogs rgyas gdab rmongs byas bstan du gsol/ /che mchog ngo mtshar bde bar bzhugs/ /hUM a la la ho zhes pas btul nas/ tshangs pa la sogs pa 'khor gyi dregs pa bcom nas rang gi btsun mo phrogs pa rnams kyang slar yang de la byin nas dur khrod kyi srung mar bzhag pa yin no zhes gtam rgyud rnying pas brjod pa yin no//de ltar btul zin pa'i rjes la bcom ldan 'das ji ltar bzhugs she na slar zhi ba'i gzugs su mdzad pa yin no//'od zer sna tshogs gsal ba'i mdangs/ /sangs rgyas sprin rnams rab tu spro/ /zhes bya ba yin no/ /de lta bu'i dam tshig gi 'khor lo ye shes sems dpa' bzhugs pa la sogs pa las brgyad byas nas ting nge 'dzin gsum dang ldan pa'i lha'i rnal 'byor bsgoms na myur du dngos grub thob par 'gyur ro zhes bya ba smos so//brtag pa gsum pa'i rab tu byed pa bzhi pa'i 'grel pa'o// //de ltar rab tu byed pa drug gis bskyed pa'i rim pa bstan nas/ da ni bskyed rdzogs gnyis ka bsgrub pa'i yan lag tu tshogs kyi 'khor lo'i rab tu byed pa drug pa ston pa yin te/ de la dang po tshogs 'khor gyi yan lag tu ngag gi brda bshad par bya'o//de la brda ni gnas skabs gnyis su dgod par gsungs te/ de la thog mar dpa' bo dang dpa' mo 'du ba byed pas na brda shes pas byang chub sems dpa' dang byang chub sems ma'i mtshan nyid shes par bya'o/ /tha mar tshogs 'khor byed pa'i dus su tha mal pa'i ngag dor nas de bzhin gshegs pa'i brdar gyur pa 'di brjod par bya'o//de yang chos bcu gcig pa'i mdo las/ du ba las ni mer shes shing / /chu skyar las ni chu yin te/ /byang chub sems dpa' blo ldan gyis/ /rigs ni mtshan ma rnams las shes//zhes gsungs so/ /rdo rje theg pa 'di las ni ngag gi brda dang / lus kyi brda dang / yan lag gi brda rnam pa gsum gyis phan tshun tha snyad du bya'o/ /de yang ji lta bu la tha snyad du bya zhe na/ mkha' 'gro ma'i kun du spyod pa las/ /dag byed dbang gi lha mo dang / /dpa' bo'i lha mo bka' bsgos skyes//de 'og ma lus kun spyod ma/ /zhes gsungs pa rnams la'o/ /de rnams su mtshan nyid cis mtshon zhe na/ kha dog dang dbyibs dang / spyod lam dang mtshan nyid gsum gyis shes par bya'o/ /dbyibs ni lus po ring thung dang phra ba dang lag pa'i ri mo dang ldan pa'o//spyod lam ni gos dang dri dang khyim du ri mo 'dri ba dang / mal du 'dre zhing ldog pa dang / srog chags kyi rigs dga' ba dang / mi dga' ba'i bye brag gis shes par bya'o/ /de la dang po ngag gi brda bstan to/ /rnal 'byor dang rnal 'byor ma rnams kyi zhes pa nas bshad du gsol zhes pa'i bar gyis mdor bstan to//de nas bcom ldan 'das mkha' 'gro ma rnam par rgyal ba zhes bya ba ni brda mi shes pa las rnam par rgyal ba'o/ /bka' stsal to zhes pa ni bar gyi skabs dbye ba bstan te/ mu mug ces pa nas 'dus pa nyid du bya zhes pa'i bar gyis dgyes rdor gyi rgyud kyi brda bstan to//mu khyi zhes pa nas dri sta zhes pa'i bar gyis gdan bzhi'i brda bstan to/ /da ni zhes pa nas u du spar sha na zhes pa'i bar gyis 'khor lo bde mchog gi brda bstan to/ /brda da dag ni le'u bdun pa'i rab tu byed pa dang po nas ston pas de 'dir ma bshad do/ /de dag gi steng dang 'og na gnas zhes pa ni thabs dang shes rab la brdar btags pa yin no//phyag rgya phyag rgya'i len zhes pa ni tshogs kyi 'khor lo'i dus sam/ dbang bskur ba'i dus su ngo shes par byed pa dang / de bzhin gshegs pa'i brdar gyur pa 'di brjod na ngag gi 'khrul 'khor las dngos grub bskyed pa yin no//brtag pa bzhi pa'i rab tu byed pa dang po'i 'grel pa'o// //de ltar brda bshad nas/ dbang gi lha mo bshad par bya ste/ rdo rje snying po'i zhes pa'i tshigs bcad phyed kyis nyon cig ces skabs dbye ba bstan pa yin no/ /de la bde mchog gi rgyud 'bum pa'i nang nas gsungs pa'i lha mo bdun gyi mtshan nyid mdor bstan pa ni gzugs can ma dang 'o byed ma gnyis ni rgyal rigs te sangs rgyas spyan dang nye ba'i rigs so//mdzes ma dang yongs gyur ma gnyis ni rje'u'i rigs te/ sgrol ma dang nye ba'i rigs so/ /byis bcas mo dang mi ldog ma gnyis ni bram ze'i rigs te/gos dkar mo dang de'i nye ba'i rigs so/ /'di dpa' mo zhes pa ni dmangs rigs mkha' 'gro ma'i rigs su 'gyur ba yin te/ nye ba'i rigs ni med do/ /de rnams kyi mtshan nyid ni rtogs par sla bas ma bshad do/ /de'i khyim du ji lta bu zhig 'dri zhe na/ sangs rgyas spyan gyi rigs gnyis kyis thod pa dang dgra sta 'dri bar byed do//sgrol ma'i rigs gnyis kyis mche ba dang rgyal mtshan 'dri bar byed do/ /gos dkar mo'i rigs gnyis kyis ral gri dang dgra sta 'dri bar byed do/ /rdo rje mkha' 'gro ma'i rigs gnyis kyis khyim du dung 'dri bar byed do/ /lus sprul pa'i mtshan ma zhes bya ba ni drag po 'jigs byed kyi mkha' 'gro ma'i phyag rgya khyim du 'dri bar byed pa yin no//brtag pa bzhi pa'i rab tu byed pa gnyis pa'i 'grel pa'o// //de ltar dbang gi lha mo bshad nas/ da ni dag byed kyi lha mo dang / dpa' bo'i lha mo dang / bkas gnang ba'i lha mo dang gsum gyi mtshan nyid ston pa yin te/de nas yang dag bshad bya ba/ /mdzes pa yi ni mtshan nyid de/ /zhes bya ba nas/ pad+ma gar dbang rigs 'byung yin/ /zhes bya ba'i bar gyis pad+ma'i rigs kyi dag byed kyi lha mo bshad do/ /lus ni sngo bsangs cung zad skya/ /zhes pa nas/ mkha' 'gro ma ni shes par bya/ /zhes pa'i bar gyis dpa' bo'i lha mo mi bskyod pa'i rigs kyi mtshan nyid bshad do/ /dmar zhing ser la mig dmar zhing / /zhes pa nas/ mkha' 'gro mar 'di the tshom med/ /ces pa'i bar gyis dpa' bo'i lha'i rigs bshad do/ /bud gang ser zhing cung zad sngo//zhes pa nas/ bde gshegs rigs kyi rjes 'gro yin/ /zhes pa'i bar gyis dag byed kyi lha mo rin po che'i rigs kyi mtshan nyid bshad do/ /cung zad sngo zhing cung zad ljang / /zhes pa nas rdo rje phag mo'i rigs kyi mtshan nyid bstan to/ /ser zhing ser ba'i mdog tu snang / / zhes pa nas/ khaN+Da ro hA'i rigs 'byung yin/ /zhes pa'i bar gyis dpa' bo'i lha mo du ma skyes ma'i rigs kyi lha mo bstan to/ /bud med gang zhig sha la sred/ /ces pa nas/ he ru ka yi rigs 'byung yin/ /zhes pa'i bar gyis dpa' bo'i lha mo mkha' 'gro ma'i rigs bstan to/ /bud med gang zhig mdog ni sprin sngon 'dra//zhes pa nas/ mkha' 'gro mar ni the tshom med/ /ces pa'i bar gyis dpa' bo'i lha mo gzugs can ma'i rigs bstan to/ /gang gis skra ni 'khyil pa dang / /zhes pa nas/ mtshan nyid 'gyur ba 'di dag ni/ /zhes pa'i bar gyis bkas gnang ba'i lha mo pad+ma'i rigs bstan to//dmar zhing ser ba'i bud med gang / /zhes pa nas/ phyag rgya'i lan du 'gyur ba yin/ /zhes pa'i bar gyi bkas gnang ba'i lha mo las kyi rigs bstan to/ /thung zhing byin pa sbom pa dang / /zhes pa nas/ khyim du rdo rje 'dri bar byed/ /ces pa'i bar gyis bkas gnang ba'i lha mo he ru ka'i rigs bstan to//lus kun la ni ba spu yod/ /ces pa nas/ khyim du mche ba bris te mchod/ ces pa'i bar gyis bkas gnang ba'i phag mo'i rigs su bstan to/ /brtag pa bzhi pa'i rab tu byed pa gsum pa'i 'grel pa'o// //de ltar mtshan nyid bstan nas dpa' bo'i lha mo'i brda bstan pa ni/de nas yang dag bshad bya ba/ /zhes pa nas/ slob dpon gnyis pas bskul bar bya/ /zhes pa'i bar gyis brda'i mtshan nyid bstan to/ /brtag pa bzhi pa'i rab tu byed pa bzhi pa'i 'grel pa'o// //de ltar brda dang mtshan nyid bshad nas/ tshogs kyi 'khor lo'i dpa' bo dang dpa' mo rnams bsags nas/de'i gnas bshad par bya ste/ de nas yang dag bshad bya ba/ /zhes pa nas/ mdzes pa'i bshes la nan tan bya/ /zhes pa'i bar gyis mdor bstan te/ /mdza' ba dam pa kun 'dus pa/ /zhes pa ni rnal 'byor pa dang / rnal 'byor ma rnams 'dus pa ste/ de la ci phyir dam pa zhes bya ba ni dri'i thig le'i dkyil 'khor dang me tog gi tshom bu'i dkyil 'khor dang /yig 'bru dgod pa'i dkyil 'khor dang / phyag mtshan dgod pa'i dkyil 'khor dang / lag pa'i phyag rgya dgod pa'i dkyil 'khor dang / sku phyag rgya chen po'i dkyil 'khor las tshogs kyi 'khor lo 'di dam par 'gyur ba'o//de lta bu'i mdza' ba dam pa kun 'dus pa ste/ dpa' bo dang rnal 'byor ma rnams bsnyen bsgrub bzhis lha'i rang bzhin du bskyed nas 'dod pa'i yon tan rnam pa lnga la dgos pa med pas tshogs kyi 'khor lo'i longs spyod bya'o/ /de yang lhag ma ni gcig la gcig gis zos pa'i lhag ma la rtog pa med pa'o//snod gnyis ni rang bzhin gyi don snod gnyis la longs spyod pa'o/ /mdzes pa'i bshos la nan tan bya/ /zhes pa ni rnal 'byor pa'i lus la lha'i dkyil 'khor bskyed la/ lag pa g.yas pa dang g.yon pa dgang gzar blugs gzar du byas la phyi dang nang gi dkyil 'khor lnga'i zhal du oM shAn+tiM ku ru swA hA/puSh+TiM ku ru oM dang / ba shaM ku ru ho dang / mA ra ya phaT dang bcas pa nang gi sbyin sreg byas pa ni nan tan du byas zhes bya ba yin no/ /de'i gnas gang lags zhes zhus pa dang bde mchog gi rgyud dang sbyar nas gnas nyi shu rtsa bzhi'am/dgyes pa'i rdo rje dang sbyar nas gnas sum cu rtsa gnyis su shes par bya ste/ de yang dur khrod bzhi dang bcas pa gnas bcu bzhi yin no/ /sngon gdul bya 'dul ba'i ched du yang dag par rdzogs pa'i sangs rgyas kyis gnas sprul pa'i sku'i ye shes kyi snang ba'o//sangs rgyas kyi zhing khams rnam par dag pa de yang gdul bya rnams kyi brda dang sbyar nas lha rnams kyi gnas zhes bya ba dang / dri za rnams kyi nye ba'i gnas zhes bya ba dang / gnod sbyin rnams kyi zhing zhes bya ba dang / de'i 'khor rnams kyi nye ba'i zhing zhes btags pa dang / srin po rnams kyi tshan+do ha zhes pa dang /'khor rnams kyi nye ba'i tshan+do ha zhes pa dang / klu rnams kyi 'dus dang / 'khor rnams kyi nye ba'i 'dus zhes bya ba dang / lha ma yin rnams kyi dur khrod dang / 'khor rnams kyi nye ba'i dur khrod dang / mi 'am ci rnams kyi grong mtha' dang nye ba'i grong mtha' zhes bya ba'i brdas btags pa dang /byang chub sems dpa' rnams kyis rtogs pa'i sa bcu gnyis kyi yul stong pa nyid kyang de nyid dang tha mi dad pa yin no/ /de'i gnas kyi dbye ba zhus pa'i lan du/ gnas ni dzA lan+d+ha ra zhes pa nas/ de yang dur khrod ces pa'i bar gyis ming bshad pa yin no/ /de dag las lhag pa'i yul bshad pa ni/rdul bral yul na tsu ta'i shing / /zhes bya ba la sogs pa yul brgyad na shing brgyad gnas pa/ phyogs skyong brgyad gnas pa btul nas dur khrod kyi bdag por bzhag pa yin no/ /de yang 'di skad du ston pa yin te/ sngon byung ba rdo rje gdan nyid du drag po 'jigs byed nyi shu rtsa bzhi/'dul byed sku gsung thugs kyi 'khor lo gsum gyis btul nas/ skyes pa rnams lus dang ngag dang yid gsum dbang du byas pa dang / btsun mo dang tshogs kyi 'khor lo la longs spyod pa dang / gdul bya de nyid kyi rnam par shes pa 'gags pas srog thim pa dang /ye shes bskyed pa'i ye shes thim pa yin no/ /de dang rjes su mthun par grong mtha' dang / nye ba'i grong mtha' dang / dur khrod dang nye ba'i dur khrod dang / mi 'am ci brgyad dang / khwa gdong ma la sogs pas de bzhin du btul ba yin no/ /rdul bral gyi yul nas dzA lan+d+ha ra'i bar du phyi rol gyi yul rnams su zhing skyong brgyad dbang du byas pa dang /longs spyod pa dang thim pa'i rjes la slar g.yos nas dur khrod du srung mar bzhag pa yin no/ /de skad du yang mnyam sbyor las/ rgyas btab rmongs byas bslangs nas ni/ /las rnams kun la sbyor bar byed/ /phyag rgya 'di yis btab pa ni//'dod pa bzhin du 'gro 'ong lding / /zhes gsungs so/ /gnas ni rab tu dga' ba'i sa/ /zhes bya ba la sogs par sbyar ba ni go sla'o/ /rnal 'byor ma yi brda yis bshad/ /ces pa ni sngon gyi gdul bya rnams kyis brdar btags pa'o/ /pu la sogs pa ji bzhin du/ /zhes pa ni pul+lI ra ma la sogs pa'i pha rol gyi gnas nyi shu rtsa bzhi 'am/bzhi bcu tham pa sngon ji ltar grub pa bzhin du 'khor lo'i rtsibs kyi gnas su dgod pa 'am/ nang du lus kyi gnas nyi shu rtsa bzhi dang / bu ga bzhi la lha'i 'khor lo nyi ma'i gdan la dgod pas na/ phyi dang nang du bsam par bya//zhes bya'o/ /de rnams kyi sku mdog dang phyag mtshan dkyil 'khor gyi 'khor lo ltar bya'o/ /de skad du mnyam sbyor las/ thod pa pad+mo yin par bshad/ /kha T+wAM ga yang rgyal mtshan che/ /sangs rgyas phyag rgya pad+mo rnams/ /bde ba kun gyi bdud rtsi yin/ /sangs rgyas brda yi phyag rgya yis//skyes bu sangs rgyas kun bshad do/ /'di nyid dam tshig yin par bshad/ /lha rnams thams cad tshogs pas na/ /skye bo dam can kun tshogs pa/ /chos kyi dkyil 'khor dam pa na/ /mdza' ba thams cad 'dus pa'o/ /zhes gsungs so/ /de rnams kyi 'du ba'i dus bshad pa ni/yi dags phyogs kyi bcu bzhi dang / /zhes bya ba mar gyi ngo'i nyi shu dgu dang / tshes bzhi la mchod pa chen po bya ste/ rgyal mtshan dang ni mtshon gyis bsad/ /ces pa ni gsal shing la bskyon pa 'am/ g.yul ngor shi ba'o/ /skye ba bdun pa bsten par bya/ / zhes pa ni skye ba bdun pa 'am/ bde mchog las 'byung ba bzhin du phyugs bdun gyis bya'o/ /'bad de snying rje bskyed nas su/ /mkhas pas gsad pa'i las rnams bya/ /zhes pa ni 'jig rten pa'i mkha' 'gro ma rnams dga' bar bya ba'i phyir/ bag zan las byas pa'i phyugs nang du khrag gis bkang la tsan+dan dmar pos byugs nas dkar gsum dang mngar gsum ldan pa ro dang gcig tu gyur pa'i zas de mkha' 'gro ma rnams la gtor ma sbyin pa dang /rnal 'byor pas tshogs kyi bza' ba dang / nang gi sbyin sreg bya ba yin no/ /de ltar rnal 'byor pas ji lta bur bya zhe na/ snying rje dman pas 'grub mi 'gyur//de bas kun du snying rje spyad/ /ces bya ste/ bdag dang gzhan mnyam nyid du sems pa'i rnal 'byor pas mkha' 'gro ma rnams la 'tsho ba'i thabs med pas na snying rje bskyed pas sha dang khrag de sbyin par bya'o/ /de skad du yang mnyam sbyor las/ bag zan las ni byas pa'i phyugs//tsan+dan dmar pos bsgrubs pa dang / /bag phye zan las byas pa'i sha/ /rgyal po'i zan zhes gang bshad pa'o/ /las dang po pas de ltar yin du zin kyang / brtan pa thob pa'i byang chub sems dpas ji ltar bsgrub par bya zhe na/ gso bar nus na dngos su bsgral bar bya'o zhes gsungs pas/ji ltar bdag bzhin sems can de/ /de ltar sems can de bzhin bdag /ji ltar rnal 'byor pas bsams na/ /dngos grub myur du thob par 'gyur/ /zhes pas bdag dang gzhan brje ba'i snying rje chen pos phyis gso bar nus na dngos su bsgral bar gsungs pa yin no//brtag pa lnga pa'i rab tu byed pa dang po'i 'grel pa'o// //de ltar gnas bshad nas/ da ni tshogs kyi 'khor lo'i ting nge 'dzin bshad par bya ste/ gsang ba'i pad+ma'i mtshan nyid dang / /zhes pa ni rgyud kyi rim pa 'khor lo'i rang bzhin no/ /sems dang ye shes 'dres pa zhes pa ni sems kyi rgyud dang sngags kyi rim pa'i rjes la rgyal ba bzhi'i ye shes kyi rim pa'o//ye shes 'dres 'gyur ba ni/ gsang ba'i rim pas de la stong pa nyid kyis rgyas btab pa'o/ /de nyid mngon par byang chub pa'i rim pa yin pas na ye shes rtogs pa'i dbang phyug nyan par 'tshal ba'o//de ltar zhus pa'i rjes la bka' stsal pa ni/ byang chub rim pa'i rdo rje can/ /gdan bzhi pa ni yang dag bsten/ /zhes gsungs te/ bdag gi gdan rgyud kyi rim pa dang / gzhan gyi gdan gtum mo drod kyi rang bzhin dang / sbyor ba'i gdan dga' ba bzhi'i rim pa dang / gsang ba'i gdan stong pa nyid kyi rim pa dang / byang chub pa'i rim pa rdo rje can zhes bya ba'o/ /de yang gnas gang du bsgom zhe na/ yid du 'ong ba'i sa phyogs su/ /bde ba'i stan la 'dug nas ni/ /zhes gsungs so/ /de'i bsam pa ji lta bu zhe na/'dod chags la sogs rigs spangs te/ /zhes bya ba'i tshigs bcad gcig gis bkod do/ /da ni bsgom pa'i thabs ston te/ /spyi bo nas ni rkang mthar thug /ces pa la spyi bo nam mkha'i dkyil 'khor la'o/ /rkang pa rlung gi dkyil 'khor ro/ /rtsa yi gsang ba pad+ma ste/ /zhes pa ni snying ga sa dang lte ba me'i dkyil 'khor ro//cha dang mdog ni sna tshogs dang / /zhes pa ni/ cha ni spyi gtsug gi 'khor lo sum cu rtsa gnyis dang / lkog ma'i bcu drug dang snying ga'i brgyad dang / lte ba'i drug cu rtsa bzhi'o/ /mdog ni 'khor lo bzhi la yi ge dgod pa'o/ /de bzhin du ni gdan dag ste//zhes pa ni yi ge dgod pa de bzhin du 'khor lo bzhi la dga' ba bzhis gdan du byas pa'o/ /de ltar ji ltar bya zhe na/ sku spyi gtsug tu dga' ba dang / gsung lkog mar mchog dga' ba dang / thugs snying gar sna tshogs kyi dga' ba dang / rdo rje'i lte bar lhan cig skyes dga'i rang bzhin no//chos kyi dbyings su rol ba ni/ /zhes pa ni/ lte ba me'i dkyil 'khor gru gsum gyi dbus su byang chub sems kyi rol ba'o/ /'khor lo bzhi dang ldan pa des ci zhig byed ce na/ bsdus te gong bu'i sbyor ba yis/ /rdo rje sems dpa'i rang bzhin 'gyur/ /zhes smos te/ 'khor lo bzhi dang ldan pa'i rnal 'byor pas/ bde ba'i ting nge 'dzin dang ldan par byas nas/ tshogs kyi 'khor lo bya'o zhes bya ba'i don to/ /de ltar rgyud kyi rim pa bshad nas/ sngags dang ye shes kyi rim pa bshad pa ni/ /chu dang me yi khams dag gis/ /gcig tu gyur pa go 'phang mchog /ces smos te/ me'i khams gtum mo drod kyi rim pas bsregs nas/ byang chub kyi sems kyi rgyun dang 'khor lo bzhi la ro gcig par gyur pas na/ bde ba'i go 'phang mchog ces bya'o/ /de ltar gtum mo drod shes rab dang byang chub kyi sems thabs kyi sbyor ba las lus dang sems shin tu sbyangs pa thob nas dbang po drug dang phung po lnga dang 'byung ba lnga dag sangs rgyas nyid du yang dag par mthong bas/bstan bcos las byung ba'i lha thams cad kyi de kho na nyid yang dag par shes pa yin no/ /de ltar sngags dang ye shes kyi rim pa yang dag par bshad nas/ da ni gsang ba'i rim pa bshad par bya ste/ slob dpon lung gi rjes 'gro zhing / /gsang chen de nyid don bsgoms pa/ /zhes pa ni slob dpon gyis nyams su myong ba'i mngon sum gyi lam bstan nas sems kyi stong pa nyid bsgom pa ni gsang chen de nyid kyi don bsgom pa'o/ /gcig nas gcig brgyud de nyid can//zhes pa ni nyams su myong ba'i bla ma'i brgyud pas so/ /stong pa nyid la sogs mtshan nyid/ /ces pa ni stong pa nyid dang sogs kyis mtshan ma med pa dang smon pa med pa'i mtshan nyid kyis brtan pa dang g.yo ba'i tshogs thams cad mtshon par bya ba dbang gi dus kyis mtshon par byed pas na/ thams cad sngon bzhin mtshon byas nas/ /zhes bya ba smos so/ /'di skad ston pa yin te/ snod dang bcud thams cad gzhal bya yin zhing dbang gi dus su skyes pa'i shes pa ni mngon sum yin la/ rnam par thar pa'i sgo gsum gyi rnam pas chos thams cad gzhal bya yin no/ /des ni/ dri ma bkrus pa'i lus kyis ni/ /mngon par byang chub rim par 'gro/ /zhes bya ste/ ye shes kyi rim pa stong pa nyid bsgoms pas/ mngon par byang chub pa lnga yis lha bskyed pa dang 'dra bar stong pa'i byang chub dang / yig 'bru bsdu ba dang sku yongs su rdzogs pa dang / yig 'bru dgod pa dang mtshungs par 'gro ba yin no//de ltar mdor bstan nas/ shin tu rgyas par bshad pa ni/ zla ba'i dkyil 'khor dbus gnas par/ /ye shes sems dpa' bsgom par bya/ /zhes smos te/ las dang po pa bskyed pa'i rim pa la mos pa'i rnal 'byor pa yin na byang chub pa lnga'i rim pas lhar bskyed nas bsgom pa 'am/yang na me long gi gzugs brnyan bzhin du skad cig rnal 'byor bsgom par bya'o/ /ji lta bu bsgom par bya zhe na/ zla ba'i 'od zer 'phro ba yi/ /zhes bya ba smos te/ sku mdog dkar po phyag gnyis pa sems dpa'i skyil mo krung gis bzhugs pa rgyan thams cad kyis brgyan pa sangs rgyas lnga'i cod pan can no//phyag gnyis phyag rgya che bcings te/ /zhes pa ni rdo rje khu tshur gnyis bcings te mthe'u chung gnyis lu gu rgyud du sbrel nas bkan te mdzub mo gnyis kyi rtse mo sbyar nas gung mo gnyis kyi tshigs bar ma sprad nas chos 'byung gru gsum nyis rtseg tu gyur pa'i phyag rgya ni phyag rgya che bcings te/de rang nyid kyi thugs kar 'dzin par mdzad pa'o/ /gzugs mdzes shin tu rdzogs pa yi/ /zhes pa ni mtshan dang dpe byad dang ldan pa'o/ /ye shes pad+ma'i gdan la bsam/ /zhes pa ni ye shes kyi snang ba'i pad+ma'i gdan la bsam par bya'o//chu shing me tog lte ba nas/ /snying ga'i bar du 'greng ste gnas/ /zhes pa ni snying pad+ma 'dab ma brgyad pa ge sar dang bcas pa'i steng du yig 'bru brgyad bkod la bsgom par bya'o/ /sngar gyi mtshan nyid yongs rdzogs pa/ /zhes pa ni sngar rgyud kyi rim pa las bshad pa'i pad+ma 'dab ma brgyad phyir bzlog nas kha gyen du bstan pa'i bar du/bcom ldan 'das kyi sa bon yi ge oM dkar po dgod par bya'o/ /de gyur pa las bdag nyid dang 'dra ba zhal gcig pa phyag gnyis pa/ rnam par shes pa dang ye shes mtshon par byed pa dri ma med pa'i sku bsam par bya'o//de yang gdan bzhi las/ dbus na gnas pa rnam shes te/ /ye shes rang bzhin gzugs med cing / /dri med ye shes skur snang yang / /dngos dang dngos med rnam par grol/ /zhes gsungs so/ /shar gyi 'dab ma la yi ge aM las mi bskyod pa dang / lho'i 'dab mar uM las rin chen 'byung ldan dang /nub kyi 'dab ma la yi ge eM las 'od dpag med dang / byang gi 'dab mar oM las don yod grub pa bsam par bya'o/ /kha cig na re nyi zla kha sbyor gyi dbus su yig 'bru bcug la de zhu ba las sgong skyes kyi rim pas bskyed par bya'o zhes zer ro/ /dbyangs yig thog ma sogs sa bon//zhes pa ni a i u e o ste thabs kyi rang bzhin byung ba rnams so/ /zla phyed thig ler ldan pa zhes pa ni/ steng du zla ba phyed pa'i thig le dang ldan pa'o/ /'od dang ldan pa rim bzhin dgod/ /ces bya ba ni 'od kyi gong bu lnga dang ldan pa ste/ sangs rgyas lnga'i sa bon dang 'od dang bcas pa'i skur bsgom par bya'o//mtshams su ni/ sngon du bstan pa'i ma ning dgod/ /ces pa ni r-i r-I dang l-i l-I bzhi yum bzhi'i sa bon te 'od kyi gong bu'i dbus su'o/ /de skad du yang gdan bzhi las/ /rdul phran tsa na lta bu'i gzugs/ /A li kA li'i sa bon ni/ / rdul phran zhes bya dbus su ste/ /rnam pa med cing brjod du med/ /ces gsungs so/ /de yi dbus su de yi sems/ /yi ge ru ni sbyar bar bya/ /zhes pa ni sems mtshon par byed pa'i thabs bskyed rim gyi yi ges rdzogs rim gyi bde ba'i thabs mtshon pas na de'i sems yi ger sbyar bar bya'o/ / de ltar lha dgod pa'i rjes la lag pa g.yas pa dgang gzar g.yon blugs gzar du byas nas/ rdo rje mer byin gyis brlabs nas phyi dang nang gi lha mos mchod nas dga' ba bzhi'i ting nge 'dzin bsgom pa'am/ de bzhin du gzugs la sogs pa 'dod pa'i yon tan thams cad la dga' ba bzhi'i ting nge 'dzin bsgom par bya'o//las dang po pa'i bskyed rim la mos na rdo rje gdan bzhi dang mthun par mtshon byed yin te/ bsnyen bsgrub bzhis lhar bskyed la 'khor lo bzhi la dkyil 'khor bzhi bkod nas ye shes sems dpa' gzhug pa dang dbang bskur ba dang / mchod pa dang bstod pa'i rjes la tshogs kyi 'khor los mchod pa byas la/rdo rje'i glu blang bar bya'o/ /te na hUM te na hUM te na te te hUM/ ston ka'i zla ltar zhal mdzes shing / /dung ltar dkar ba'i sku 'dzin pa/ /te na hUM te na hUM te na te te hUM/ rdo rje dril bu'i phyag rgya can/ /gnyis 'khyud sbyor ba 'dzin pa'o/ /te na hUM te na hUM te na te te hUM/ sgyu ma'i lus su thim pa yi/ /'gro ba 'dzin pa rgyu med dngos/ /te na hUM te na hUM te na te te hUM/ srid gsum 'bar ba'i sku ni rjes chags ldan/ /'od zer sngon po stong phrag nyi ma stong dang ldan/ /rnam mang sku dang cha byad rjes chags sems dpar ldan/ /rdo rje sems dpa' dbang phyug mchod dang sngags pa lhan cig gar byed shog /rnam pa mang po 'dod chags rgyud kyis sems can ma lus lus pa med pa 'dul mkhas pa/ /de bzhin gshegs pa sgyu ma bde mchog sgyu mas rnam par sprul/ te na hUM te na hUM te na te te hUM/ rnam pa mang po rab tu dga' ba'i rgyud kyis sems can ma lus lus pa med pa 'dul mkhas pa//de bzhin gshegs pa kun gyi sgyu mas thams cad rnam sprul rnam par sprul/ /hUM hUM hUM zhes bya ba'i glu blang bar bya'o/ /mnyam sbyor las kyang / dbyibs dang dri dang ro bde bas/ /rdo rje sems dpa' bdag nyid mchog /lha yi gzugs dang sgra dang dri/ / ro dang reg pa bde myong bas/ /sangs rgyas sgyu mar byin brlabs nas/ /rdo rje sems dpa' mnyam sbyor bas/ /dngos grub dang ni bde ba rnams/ /dkyil 'khor dag tu myong bar 'gyur/ /zhes gsungs so/ /de ltar tshogs kyi 'khor lo'i lha bshad nas/ da ni tshogs kyi 'khor lo la sems 'dzin pa'i ting nge 'dzin yi ge dang /thig le dang / chags lam dang / grol lam dang / rang lhag par gnas pa'i lam bshad par bya'o/ /de la yi ge ni/ stong pa'i mtshan nyid med pa las/ /ji ltar yi ge sbyar bar bgyi/ /zhes zhus pa'i lan bshad pa ni/ stong pa'i mtshan nyid mtshon pa ni//chu shing snyi ma'i bdud rtsi bzhin/ /zhes pa ni sems kyis stong pa nyid mtshon par byed pa lha'i yig 'bru kun du brtags pa yin pas/ /dper na chu shing snying po med kyang 'bras bu'i ro mngar bar 'byung ba bzhin du yi ge'i snying po med pa las bde ba stong pa snying por 'gyur ba mtshon pa yin no/ / tshogs kyi 'khor lo'i bde ba skyes nas stong pa nyid bsgoms pas chog mod yi ge bsgom pa ci dgos she na/ bden te spyod pa dang / bya ba'i rgyud bcos ma'i dkyil 'khor la mngon par zhen pa'i rnal 'byor pa rnams rgyud 'dir 'jug pa ni yi ge la mngon par zhen pas de'i don bshad do/ /yan lag med pa'i rdo rje ni bde ba stong pa nyid dran pa sad par byed pa yin no zhes zer ro//dbus kyi rnam shes ye shes de/ /zhes pa ni lus kyi dbus na rnam shes de dga' ba gsum dang ye shes bde ba chen po rtog pa med pa gnas pa'i 'od gsal ba'i rang bzhin ye shes ni yi ge'i gzugs su med cing mtshon bya dang mtshon byed dang bral bas/mtshan nyid med pa'i mtshan nyid can dri ma med pa'i ye shes sku'o/ /de yang chos dang / gang zag gi bdag gis stong pas dngos po las 'gro zhing nyams su myong ba sgyu ma ltar gnas pas dngos po med pa las rnam par grol ba'o/ / yi ge lnga'i gzugs su med kyang nyams su myong ba dang stong pa'i dbus nas bde ba rtog pa med par gnas pa de nyid la rnal 'byor pas sems gzung bar bya'o/ /mnyam pa nyid kyi sems kyis ni/ /mtshan nyid ji bzhin shes byas nas/ /zhes pa ni/ karma mu dra la sogs pa gang yang rung ba dang mnyam par sbyor bas/mtshan nyid ji lta ba bzhin du shes par byas nas nyams su myong ba'i rjes la/ de rdzogs pa'i byang chub kyi lam du 'gro ba bla ma nyid kyi lung las shes par bya'o/ /rdzogs pa'i byang chub kyi lam du ji ltar 'gro zhe na rnam par rtog pas kun nas bslang bas sems kyis dge ba dang mi dge ba'i las/bsod nams dang bsod nams ma yin pa'i las bskyed pa dang / bde ba rtog med kyis kun nas bslang bas bsam gtan dang gzugs med pa srid pa'i rtse mo'i bar du 'gro'i mi g.yo ba'i las bskyed pa dang / bde ba chen por rtogs nas 'od gsal ba'i rang bzhin nyid du shes nas/de ni myur du byang chub kyi lam du rdzogs par 'gyur ro/ /de ltar rgyud kyi rim pa lha'i 'khor lo dang / sngags kyi rim pa yi ge'i 'khor lo bstan nas thig le ye shes kyi rim pa bsgom pa bshad par bya ste/ ye shes rnam shes gzugs dag ni/ / bstan bcos las ni mtshan nyid brtag /de kho na nyid dpa' bos bshad/ /ces pa ni rnam shes dga' ba gsum dang / ye shes 'od gsal ba'i rang bzhin thig le'i gzugs su bshad pa'i bstan bcos kyis mtshon par byed pa dpa' bo bcom ldan 'das kyis bshad do zhes pa ni sdud pa'i tshig go//'od zer dkar pos rnam brgyan par/ /'di ni kun du bsgom par bya/ /zhes pa ni gnas lngar byang chub sems kyi thig le bsgom par bya'o/ /de yang yi ge gang gis mtshon par bya zhe na dbus su byang chub kyi sems mtshon par byed pa'i yi ge k+ShuM dang bshang ba'i dngas ma'i mtshon byed smraM dang /gci ba'i dngas ma mtshon par byed pa'i yi ge hUM dang / sha'i dngas ma'i mtshon byed y+m+r+yuM/ khrag gi dngas ma'i mtshon byed k+Sh+m+r+yuM dang / brtsegs pa lnga'i mchod rten snying gar bcug ste bkod nas 'od zer dkar po gsal ba'i mdangs can du bsam par bya'o//de'i rjes la mgo bo dang / mgrin pa dang / phrag pa dang / snying ga dang lte bar yang yi ge de rnams dgod par bya'o/ /bdud rtsi'i rgyun ni 'dzag par bya/ /snying ga'i pad+ma'i dbus su ni/ /mthe bong tsam gyis zlum por bya/ /zhes pa ni sangs rgyas dkon mchog gi mtshan ma yungs kar gyi tshad tsam bsam par bya'o//de ltar rtsa dang thig le'i gnas lugs sangs rgyas dkon mchog bshad nas/ chos dkon mchog ni de'i dbus kyi sa bon ni/ A li kA li dag las btu/ /zhes pa ni sngar bshad pa'i brtsegs pa'i mchod rten lnga bsam pa'am/yang na dbus su hUM/ phyogs bzhir i dang u dang e dang o de rnams kha dog dkar zhing 'od zer 'bar ba gtum mo drod ni mtshon byed bsgom par bya'o/ /de nas dge 'dun dkon mchog ni gtum mo drod kyi thig le bzhu nas de'i dbus kyi sgo rnams la bdud rtsi lnga ro gcig pa'i thig le rab tu bsam par grags pa yin no//gnas gang du zhe na/ skra yi rtse mo brgyad stong cha/ /rdul phran kun du rnam par gnas/ /zhes bya ba smos te/ skra'i rtse mo ltar phra ba a wa d+hU tI'i dbus su'o/ /der ci zhig mtshon par bya zhe na rnam par shes pa'i dngos po'o//mtshan nyid mtshon pa'i ye shes can/ /sems kyi mtshan nyid mi shes pas/ /thig le gnas nas go 'phang blta/ /zhes smos te/ bde ba rtog med rtogs par dka' ba bdud rtsi rnam pa lnga ro gcig pa'i thig le de kho na nyid kyi man ngag thabs kyi thig les bdag po'i rkyen byas nas/nang gi lus reg bya la brten nas bde ba rtog pa med pa skye ste/ de bas na mtshon par byed ces bya'o/ /thig le bsgom pa la bye brag du yod ce na/ snying dang tshangs pa'i sgo dang ni/ /thigs pa'i lam gyi sgo dag tu/ /zhes bya ba smos te/ snying ga chos kyi 'khor lo ste/de'i dbus su byang chub sems kyi thig le bsgom pa dang / thigs pa'i lam ni spyi gtsug nas 'bab pa'i lam ni lkog ma dang snying ga nas babs pa'i lam gyi sgo ni lte ba'o/ /gnas de dag tu byang chub sems kyi thig le mi shigs pa'i rlangs pa can gyi/ wa san+ta dang ti la ka bsgom par bya'o//rjes su dpag pa'i lam gyis ci'i phyir mi rtogs she na/ phyi rol gyi ni lam dag dang / /bstan bcos las kyang ring ba yin/ /zhes smos so/ /mdo sde zab mo gzhan dag las kyang sems kyi stong nyid bstan pa ma yin nam zhe na/ bstan bcos dag ni rnyed sla ste/ / de yi sbyor ba rnyed par dka'/ /zhes smos te/ bstan bcos las bshad pa yin yang bla ma'i gdams ngag dang bral bas mngon sum du myong ba ma yin no/ /de ltar thig le bsgom pa bshad nas/ /chags pa'i lam gyi gsang ba'i rim pa bsgom pa bshad pa ni bla ma'i bsnyen bkur la gus pa'i thabs dang ldan pa'i sgrub pa pos/las kyi phyag rgya la dmigs nas/ /mi g.yo 'tshe ba med pa ru ste mi g.yo ba ni rtog pa med pa'o/ /'tshe ba med pa ni rang bzhin brgyad cu dang bral ba'o/ /mnyam par bzhag ste dngos po bsgom/ /zhes pa ni yul reg bya'i stong pa nyid bsgoms pas chos thams cad kyi mdo dang rgyas par shes par 'gyur ro//de ltar chags pa'i lam bstan nas/ grol ba'i lam bas chos kyi phyag rgya la gsang ba'i rim pa bstan pa ni/ chos kyi sngon 'gro yid yin te/ /yid kyis 'jug cing yid 'dag byed/ /ces bya ba smos te/ chos ni 'dod pa'i yon tan lnga yid kyi mngon sum gyi yul yin pas na chos so//de yang yid bde ba bskyed pa'i yul ni chos kyi phyag rgya yin pas/ yid kyis 'jug cing rtog pa dang bcas pa'i yid ni 'dag par byed pa yin no/ /yid kyi rgyal po'i bka' drin gyis/ /zhes bya ba ni so so'i skye bo'i tshe/ yid kyi rgyal po dang 'dra bas kun nas bslang nas ngag gi smra ba dang lus kyi byed pa 'byung bas de bas na thams cad yid kyi rang bzhin las byung bar blo dang ldan pas shes par bya'o//yid thams cad bskyed pa rtog pa dang bcas pa yin na/ ji ltar rtog pa med pa'i ye shes skye zhe na/ gal te bzlas brjod rnal 'byor pa/ /snying gis bsam dang bsgom pa ste/ /sdom dang rgyur gyur sa bon ni/ /de kho na ni gzugs yin no/ /zhes bya ba smos te/ bzlas brjod ces pa ni rlung me'i drod can no/ /de kho nar ni gzugs yin no zhes pa ni bde ba bskyed kyang stong pa mi rtog pa'o/ / yid 'ong 'bras bu'i sa bon ni/ /de kho na nyid mthong ba yin/ /zhes pa ni rgyu sngags kyi rim pa dang 'bras bu ye shes kyi rim pa ni de kho na nyid kyi gsang ba'i rim pa slob dpon gyis ma bstan par rtogs pa ma yin no/ /gzugs sogs srid pa'i longs spyod la/ /sa bon lnga ni dmigs par bya//zhes pa ni yul 'dod pa'i yon tan lnga'i steng du yi ge lnga'i mchod rten bsam pas yul lnga la rtog pa med pa'i thabs yin no/ /kun nas kun du 'jug pa'i tshe/ /mgo dang mgo min yang dag gnas/ /zhes pa ni yul kun la rmongs pa'i dbang gis gzung ba dang 'dzin pa 'byung ba na/ mgo ni spyi gtsug nas mgo min gsang ba'i rdo rje'i mtshams kyi bar du gnas pa'i rtsa a wa d+hU tI lte ba'i bu ga ru dbugs 'byung 'jug a wa d+hU tIr bcug nas gnas pas na/ rtag tu rtsa bar gzir bar bya/ /zhes bya ste/ rtsa gsum gyi sum mdo lte ba'i rtsa bar dus rtag tu rlung bcug nas byang chub sems kyi thig les sgo bcad bzhin du bkag na rnam shes dang ye shes skye bar 'gyur ro//de yang lha mo dpal mo'i zhal nas yul la mchod rten brtsigs pa dang / lus la sgo bcad pa ni rtog med skye ba'i thabs yin te/ yul rtog med skye ba ni yi ge lnga dran par byed la rlung nang du btsug pas ni rtog pa'i rkyen ma tshang bar byas nas rtog pa med pa skye ba yin no//don dam snying po'i nang nas kyang / /thams cad las ni sems bsdus nas/ /nang gi bdag nyid g.yo med pa/ /gnas pa'i shes pa'i yul rnams ni/ /mthong ba'i blo de rtog med yin/ /zhes bshad do/ / des na srid pa'i longs spyod 'dod pa yis/ /ngag gi yi ge spangs nas su/ /yid kyi bzlas par yang dag ldan/ /zhes bya ba smos te/ rnam par rtog pa'i yi ge spangs nas srog a wa d+hU tIr bcug pa rtog med kyi bzlas pa dang ldan par bya'o/ /rtag par chos kyi dbyings nyid ni/ /mi g.yo go 'phang rgyun du gnas//zhes bya ba ni chos kyi dbyings ni nam mkha'i rlung ste/ srog a wa d+hU tIr chud nas rtog pa med pa'i shes pa mi g.yo ba'i dga' ba bde ba'i go 'phang du gnas par 'gyur ro/ /rtag tu phra zhing gos med pas/ /zhes pa ni rang rig pa rtog pa med par rang bzhin brgyad cus ma gos pa'i rnam par shes pa ye shes la thim pas rnam par shes pa sems 'od gsal ba dang lhan cig par gyur pas zhi gnas dang lhag mthong gi rim pa mthong bar 'gyur ro//de la chags pa'i lam dang grol ba'i lam gnyis kas/ mar me lta bus thams cad du/ /zhes bya ba la sogs pas sa dang po dang sa brgyad pa'i bar gyis rtags brgyad bshad pa yin la/sa dgu pa dang sa bcu pa ni zung du 'jug pa'i rang bzhin yin pas rtags dang dngos gzhi khyad par yin no/ /mi slob pa'i rang bzhin sku gsum gyi rang bzhin nyid yin pas rtags bshad mi dgos so//de ltar chags pa'i lam dang grol ba'i lam gnyis bshad nas/ rang lhag par gnas pa'i lam bshad pa ni rdo rje snying po la bos nas mnyan par gyis zhes skabs dbye ba gsungs pa yin no/ /de ji ltar bsgom par bya zhe na lam ril por 'dzin pa dang rjes su gzhig pa gnyis kyis te/de la ril por 'dzin pa ni rmi lam dang sgyu ma la sogs pa'i sgo nas stong pa nyid la cig car 'jug pa yin no/ /dngos po rnams ni thams cad kyi/ /rnam dag de bzhin nyid du brjod/ /ces bya ste/ sems kyis stong pa nyid shes na chos thams cad kyi de bzhin nyid zo chun gyi 'khor lo bzhin du cig car shes par 'gyur ro//rjes su 'jug pa ni/ phyis ni re re'i dbye ba yis/ /lha rnams la ni rab tu brjod/ /ces bya ste/ thams cad stong par shes nas re re nas bde ba chen po'i rgyas gdab par bya'o/ /de yang / chu ni dngas par gyur pa las/ /nya dag myur du 'phar ba ltar/ /de bzhin stong gsal rang bzhin las//sgyu 'phrul dra ba 'byung bar 'gyur/ /zhes gsungs pas/ thams cad 'od gsal ba'i rang snang bar shes par byas nas gal te lha'i 'khor lor snang ba bzung na yang dngos po med par bsgom par bya'o/ /mi shes sgrib phyogs rnam sbyangs nas//lus can phung po khams dang ni/ /skye mched rang bzhin gyis ni dag /rang rig bdag nyid kyis dag ste/ /zhes bya ba ni rim dang cig car gyis 'od gsal bar rtogs nas phung po dang khams dang skye mched kyi rang bzhin dang rig pa'i bdag nyid du snang bas gzung 'dzin dang bral bas dag pa'o//de lta ma yin na/ gzhan du dag cing grol mi 'gyur/ /zhes gsungs pa yin no/ /yul rnams rnam par dag pa'i phyir/ /rang rig pa ni bde ba mchog /ces bya ba ni thams cad rang rig pa 'od gsal ba'i snang bas yul thams cad rgyas btab pa yin no//gzugs sogs yul lam gzhan yang rung / /rnal 'byor pa la gang zhig snang / /zhes bya ba ni yul snod du snang ba dang / bcud sems can du snang ba ste/ /snod dang bcud thams cad bde ba chen po'i rang bzhin du grub pa yin no/ /de ltar na bsgom pas ci zhig bya zhe na/ thams cad rnam par dag pa'i phyir/ /rnam dag sangs rgyas rang bzhin no/ /zhes smos te/ lhun gyis grub pa'i rang bzhin shes na 'khor ba yongs su shes pa de nyid mya ngan las 'das pa yin no/ /de skad du yang / sems la rnam gnas rnal 'byor pa/ /mya ngan 'das pa mi ston te//zhes gsungs so/ /de ltar thabs 'bras bu dang bcas pa bstan nas/ da ni rnam par dag pa'i grangs zhus pa yin te/ /bka' stsal pa ni gzugs la sogs pa rnams so/ /ci'i slad du zhe na gtan tshigs zhus pa dang / bka' stsal pa/ glo bur gyi rang bzhin yin pa'i phyir ro//'dzin pa ji ltar lags zhes zhus pa dang / 'od gsal ba'i rnam pa la gnyis med kyang / ming dang gzugs la sogs pa tshogs drug gi yul dang / yul can gnyis su snang ba yin no/ /de nyid nyams su myong du zin kyang / bsten bya 'di dag rnam dag pas/ /dug med byas te bsten par bya//zhes pa ni gnyis su 'dzin pa kun du brtags pa dang gnyis su snang ba gzhan gyi dbang gnyis nub nas gnyis su med pa 'od gsal ba'i rnam pa grub pa'o/ /de ltar grub pa ci zhig tu 'gyur zhe na/ gzugs ni sangs rgyas rnam snang mdzad/ /ces bya ba smos te/phung po lnga sangs rgyas kyi rang bzhin dang / dbang po rnams sems dpa'i rang bzhin dang / 'byung ba rnams lha mo'i rang bzhin dang / snod bcud thams cad gnas gyur nas ye shes kyi rnam par 'gyur ro/ /gang la ji ltar shes par 'gyur zhe na/ /phung sogs lus can rnams kyi lus//lha 'di dag gi bdag nyid yin/ /zhes bya ba smos te/ dbang bzhi pa'i don rtogs na thams cad bde ba chen po'i bdag nyid yin no/ /de thabs gang gis yin zhe na/ bde dang sdug bsngal bdag nyid las/ /zhes bya ba smos so/ /bde ba ni 'gog pa'i rang bzhin no//sdug bsngal ni sdug bsngal gyi bden pa'o/ /las dang nyon mongs la sogs skye/ /zhes pa ni las ni 'du byed dang sred pa'o/ /nyon mongs pa ni ma rig pa dang sred len no/ /skye ba ni rnam par shes pa dang / ming dang gzugs dang / skye mched drug dang / reg pa dang /tshor ba dang / skye ba dang / rga shi 'o/ /de rnams kyi rtsa ba ni skyed par byed pa dngos po la mngon par zhen pa'o/ /de 'gog pa rang bzhin brgyad cu 'gags pa'i bde ba rtog med dang / bde ba stong pa nyid kyi ye shes lam gyi bde ba'o/ /de ltar na rgyu kun 'byung dang lam gnyis la brten nas 'bras bu sdug bsngal dang 'gog pa 'byung ba yin no//skye dang 'jig pa la brten nas/ /srid dang mya ngan 'das pa'o/ /zhes gsungs so/ /brtag pa lnga pa'i rab tu byed pa gnyis pa'i 'grel pa'o// //de ltar rnam par dag pa'i rab tu byed pa bshad nas/ da ni spyod pa bshad par bya ste/byang chub la ni gnas pa yi/ /sangs rgyas sras la phan bya'i phyir/ /zhes bya bas ni dgos pa ston to/ /lus med rdo rje can de nyid/ /ces bya ba smos te/ tha mal pa'i rnam par rtog pa'i lus bcos nas/ 'od gsal ba'i lus rtogs pas na rdo rje can de nyid do//shes rab pha rol phyin pa mchog /ces bya ba ni shes rab kyi rang bzhin stong pa nyid ji lta ba bzhin rtogs pa'o/ /chos rnams kun las byung ba ni/ /zhes bya ni rgyu ba dang chos thams cad sgyu ma lta bur rtogs pa ni thabs te/ thabs dang shes rab de las byung ba ni spyod pa'o//de ni mtshan nyid ji lta bu zhe na/ de nyid spyod pa bla na med/ /rtog pa rnams dang bral ba yi/ /spyod pa zhes bya ba smos te/ dngos gzhi sgyu ma lta bu dang stong par rtogs pa las rjes la rtog pa dang bral ba'i mtshan nyid ni spyod pas 'dod pa'i yon tan lnga la sems can gyi don du longs spyod pas pad+ma 'dam las skyes kyang 'dam gyi nyes pas ma gos pa bzhin du 'khor ba'i skyon gyis mi gos pas na spyod pa bla na med pa'o//de nas bshad par bya zhes bya ba ni 'khor 'dus pa rnams kyis mchod pa dang bstod pa dang gsol ba btab pa'i rjes thogs la/ spyod pa thugs la bzhag nas bshad par bya//zhes mdor bstan gsungs pa yin no/ /de ltar mdor bstan bshad nas/ rgyas par bshad pa ni/ rga shi dba' glong 'khyil pa yi/ /zhes smos te/ skye rga na 'chi'i dba' glong 'khrug pa'i rgya mtsho'i rab tu 'jigs pa las sems can thams cad sgrol bar byed pa ni bskyed rdzogs kyi spyod pa yin no//de ji lta bu zhe na/ nyen med pa ni 'gro ba'i gru/ /zhes bya ba smos te/ tshong pa rnams chu bo las sgrol ba bzhin du spyod pas sgrol bas na gru'o/ /skam sar phyin pa lta bu'i 'bras bu ci zhig byed ce na/ myur du dngos grub byed pa'i mchog /ces bya ba smos te/ 'jig rten dang thun mong dang mchog gi dngos grub gsum gyis skam sar phyin par byed pa'o/ /de ltar rjes su 'gro ba bstan nas/ ldog pa bstan pa ni/ yid 'ong yon tan kun gyi gnas/ /zhes bya ba gzhan don phun sum tshogs pa'i rgyu dang / sems ni rin chen las byung ba/ /zhes pa rang don phun sum tshogs pa'i rgyud 'dod pa'i don rnams rab tu sgrub pa la 'di med par gyur na 'bras bu rdo rje can gyi bdag dang gzhan gyi don phun sum tshogs pa'i bkra shis rgyu dri ma med pa kun nas byung ba'i yon tan dam pa'i yan lag can gyi dngos grub kyi bde ba skye bar mi 'gyur ba de bas na mtshungs pa med pa'i spyod pa 'bras bu mchog ster ba'i thabs mchog 'di la thar pa 'dod pa'i rnal 'byor pa rnams kyis spyod par bya'o zhes pa dgos pa gsungs pa yin no//de ltar rjes su 'gro ldog gi sgo nas spyod pa bstan nas/ 'bras bu bstan pa ni/ lha min dgra dang brgya byin dang //zhes bya ba la sogs pa smos te/ lha min dgra ni gdong drug go/ /brgya byin ni dbang po'o/ /grong khyer sum dgra ni lha chen po'o/ /tshangs sogs zhes bya bas ni khyab 'jug la sogs pa bsdu'o/ /de rnams kyis zhabs kyi pad+mor mchod pa ni bde bar gshegs pa ste ye shes lnga'i go 'phang mchog dang ldan pa'o//'bras bu de gang gis thob ce na/ sdig bcos spyod pa 'dis myur thob/ /ces bya ba smos so/ /de ltar dgos pa dang 'bras bu bstan nas/ /da ni bshad par dam bca' ba ston te/ dpal ldan rdo rje sems dpa' yi/ /bsam gyis mi khyab pa yi gnas//rnal 'byor pas ni sgom byed pa/ /a wa d+hU tI'i spyod pa bshad/ /ces bya ba smos te/ bsam gyis mi khyab pa yi gnas ni rtog pa dang bral bas sangs rgyas byang chub sems dpa'i dag pas 'jig rten pa'i ye shes kyi gnas ni go 'phang ngo / /gnas de la bskyed pa'i rim pa dang rdzogs pa'i rim pa bsgom pa brtan pa thob pa'i rtags byung ba'i tshe/'bras bu sangs rgyas dang byang chub sems dpa'i zlos gar byed pas na a wa d+hU tI'i spyod pa ste/ a wa d+hU tI'i zhes bya ba ni khams gsum pa'i bag la nyal ni nyes pa'o/ /a zhes bya bas ni dgag pa ston pa ste/ khams gsum pa'i nyes bral gyi spyod pa'o/ /bshad ces bya ba thugs la bzhag nas gsungs pa'o/ /de ltar dam bca' ba bstan nas/ da ni bskyed pa'i rim pa'i bum pa'i dbang bskur ba'i spyod pa dpa' bo gcig pu dang rgyal tshab kyi spyod pa bshad par bya ste/ rtog pa thams cad rnam spangs nas/ / shin tu gsang ba'i dam tshig spyad/ /ces bya ba ni/ bskyed pa'i rim pa la mthong ba'i mtshan ma dang reg pa'i mtshan ma dang thos pa'i mtshan ma thob nas sprul pa'i sku dang tha mi dad par shes nas gzung 'dzin gyi rtog pa thams cad spangs la/ dpa' bo gcig pu'am dkyil 'khor gyi 'khor los rgyal tshab lta bu'i spyod pa 'jig rten pa la shin tu gsang ba'i dam tshig yin yang mtshan ma thob pa'i dus de'i tshe mngon du bya'o//ji ltar brtsam par bya zhe na/ /de ltar brtsams nas rnal 'byor pa/ /rgyu mthun 'bras bu'i tshul du ste/ /zhes bya ba smos te/ dang por rtsom nas ni lha gang la me tog phog pa'o//rgyu mthun pa ni rnal 'byor pa'i spyod pa 'bras bu sangs rgyas kyi tshul dang 'dra bas rgyu 'bras bu'i zlos gar can no/ /de nas byis pa'i rol pas rgyu/ /zhes bya ba ni 'dod pa'i yon tan lnga la de mi sems pa ni rtog pa dang bral ba'o/ /thabs gang gis she na/ bsdus te bsgoms la zhen par bya//zhes bya ba smos te/ bsdus pa ni snod bcud do/ /bsgoms la zhes pa ni 'dod pa'i yon tan lnga la dga' ba'i sems dang bral bar nges pa'o/ /dgos pa ji lta bu'i yin zhe na/ so so'i skye bo'i gnas skabs na rnam par rtog pa dang bcas pas nyon mongs pas kun nas bslangs nas mi dge ba 'byung ba'am dge ba'i sems kun nas bslangs nas bsod nams kyi las byed pa ste/de gnyis ni mtho ris dang ngan song 'grub pa'i bsod nams dang bsod nams ma yin pa'i las yin la/ rnal 'byor pas bskyed rim la brtan pa thob pa'i rjes kyi spyod pa 'dod pa'i yon tan lnga la longs spyod pas kyang de'i sems pa'i rnam par rtog pa med pas bsam gtan gyi sdom pa mi g.yo ba'i las yin no//rdzogs pa'i rim pa la thob pa'i rjes kyi spyod pa ni bde ba chen po stong pa nyid kyis rgyas btab pas zag pa med pa'i sdom pa ye shes kyi tshogs dag pa 'jig rten pa'i ye shes dang mthun pa dngos rjes khyad par med pas na ro mnyam pa'i spyod pa zhes bya'o//bskyed rim gyi dpa' bo gcig pu'i spyod pa ji lta bu zhe na/ skye bo sna tshogs 'dul bas na/ /gzhon nu'i gzugs su bsgom par bya/ /zhes pa ni gzhon nu ni 'jam pa'i dbyangs yin la/ des mtshon pa'i phyag na rdo rje dang /spyan ras gzigs la sogs pa gdul bya ji ltar mos pa ltar bsgom pa'o/ /de dus ni gang gi tshe zhe na/ ci gsungs spyod pa sna tshogs kyis/ /zhes bya ba smos te/ spyod lam bzhi la lha'i rnam par gnas pas so/ /dngos grub sna tshogs bla med 'grub/ /ces bya ba ni 'bras bu'o//'gro kun bcom ldan rdo rje can/ /zhes bya ba ni 'gro ba'i spyod lam gyi che snod kyi 'jig rten gzhal yas khang 'gro ba rigs drug lha'i rang bzhin du mos pa ni/ kun du bzang po mtshungs med pa/ /zhes bya ste/ 'gro ba drug dang grub mtha' thams cad ji ltar mos pa'i gzugs su ston pas na kun du bzang po ste/des dngos grub mi 'grub par mi 'gyur zhes bya ba'i don to/ /de ltar dpa' bo gcig pu bstan nas/ rgyal tshab kyi spyod pa ston pa ni/ dpal ldan slob dpon rdo rje can/ /zhes bya ba la sogs pa smos te/ rdo rje slob dpon gyi zhabs la phyag byas nas bya ba byas shing mtshan ma thob pa'i blo can gyis thams cad kyang dga' ba bzhi'i rang bzhin du mos pa'i gsang ba'i spyod pa la brten par bya'o//dogs pa kun las phyir phyogs nas/ /de nas rang 'dod bzhin du spyad/ /ces bya ba la/ dogs pa kun gyis 'dod pa'i yon tan lnga la gzung bar mngon par zhen pa'o//phyir phyogs nas zhes pa ni gzung 'dzin la'o/ /sems pa'i rnam par rtog pa dang bral nas rang ji ltar 'dod pa bzhin du dga' ba dang mchog dga' dang lhan cig skyes dga' rang bzhin du 'dod pa'i yon tan lnga la rtog pa med pa'i sems kyis spyod pas gzugs brnyan la sogs pa'i tshul du spyod pa'o//de su zhe na/ ji bzhin yang dag don rig pa/ /'gro ba 'don pa'i bsam pa can/ /zhes bya ba smos te/ dngos po sgyu ma lta bur rig nas 'gro ba la snying rje chen po bskyed de/ gzugs la sogs pa la stong pa nyid kyi de kho na nyid dang ldan pa'i blo yis seng ge bzhin du kun du rgyu ste/rnam par rtog pas bag tsha ba med do zhes pa'i don to/ /rang sems brtan byas gnas med par/ /zhes bya ba ni/ gzungs 'dzin gyi rtog pa dang bral bas brtan par byas nas yul lnga la chags pa med pas gnas med pa zhes bya'o/ / yang dag lta bas 'jug par bya/ /zhes bya ba ni dngos po rnams la gzugs brnyan dang sgra brnyan lta bur 'jug par bya'o/ /de ltar bskyed pa'i rim pa'i dpa' bo gcig pa dang rgyal tshab kyi spyod pa bstan nas/ da ni rdzogs pa'i rim pa'i pha rol tu phyin pa'i spyod pa bshad par bya ste/ phung po khams kyi mtshan nyid sogs//zhes bya ba ni khams gsum pa'i rang bzhin phung po dang khams dang skye mched kyi rang bzhin rmi lam dang sgyu ma bzhin du dngos po thams cad shes par bya ba yin no/ /sgrib pa kun las grol ba ni/ /zhes bya ba ni rang bzhin brgyad cu dang bral ba'i tshul gyis byang chub sems dpa' chos 'phags bzhin du 'dod pa'i yon tan lnga la ma chags pa'i sems kyis longs spyad pas na/dbang phyug ldan par 'tsho bar bya/ /zhes gsungs so/ /de bzhin 'jig rten chos brgyad ni/ /zhes bya ba ni rnyed pa dang ma rnyed pa dang / grags pa dang /ma grags pa dang / bstod pa dang / smad pa dang / bde ba dang / sdug bsngal ba las ring du gyur pas na rnam par mi rtog pa'i pha rol tu phyin pa'o/ /de lta bas na/ rtag tu mi rtog par gyur dang / /gnyis med nges par bya ba yi/ /pha rol phyin drug sbyor bas ni/ / sangs rgyas dngos grub nges par 'grub/ /ces bya ba smos te/ gzung 'dzin gyi rtog pa dang bral bas dge ba chos sdud kyi rang bzhin pha rol tu phyin pa drug dang / tshad med pa bzhi dang bsdu ba'i dngos po bzhis sems can don byed kyi thabs kyis sems can gyi don la stobs dang ldan yang gdul bya ni 'di/'dul bar byed pa ni 'di zhes sems can gyi dngos por brtag par mi bya'o/ /de ltar pha rol tu phyin pa drug gi spyod pa bshad nas/ da ni phyogs las rnam par rgyal ba'i spyod pa bshad par bya ste/ byang chub la dmigs sems kyis ni/ /phyogs las rnam rgyal spyod pa brtsam//zhes bya ba smos te/ zab pa dang rgya che ba'i byang chub la dmigs nas thabs dang shes rab dang ldan pa'i bdag nyid kyis dbang shes rab ye shes ji lta ba bzhin thob nas mngon sum gyi don rgyun bsrings pas/ de nyid goms par byas pa dang / /zhes bya ba smos so/ / de ltar na dogs pa kun la rgyab kyis phyogs na tshe 'di nyid la grub par 'gyur ba yin no/ /rtog pa kun las rnam grol bas/ /zhes bya bas ni gzung ba la rnam par snang mdzad kyis rgyas btab nas/ 'dzin pa la mi bskyod pas rgyas btab pa ni/ rtog pa kun las grol ba yi/ /sems can bsam pa'i khyad par gyi//zhes bya ba ni chags pa'i lam pa dang / grol ba'i lam pa dang / rang lhag par gnas pa'i rim pas sgyu ma dang smig rgyu dang chu zla la sogs pa'i sbyor bas snod dang bcud thams cad la longs spyod pa yin no/ /chos kyi dbyings las byung bas na/ /grogs po med par gcig pur rgyu//zhes bya ba ni 'dod pa'i yon tan lnga la rnam par rtog pas kun du brtags pa'i gzugs la sogs pa dmigs pa dang / rtog pa med pas gzhan gyi dbang gis gzugs la sogs pa dmigs pa dang gnyis su med pa'i sems kyis chos nyid kyi gzugs la sogs pa dmigs pas na grogs med gcig pur rgyu ba'o//dogs pa med pa'i sems kyis ni/ /zhes bya ba ni chags pa dang sdang ba dang rmongs pa'i dogs pa med pa'i sems kyis ji ltar 'dod pa bzhin du longs spyad par bya'o/ /ci'i phyir dogs pa med ce na/ khams gsum 'di dag ma lus la//thams cad de yi longs spyod don/ /zhes bya ba ni lus yul ma lus pa thams cad la shes pa de'i rtog pa med pa'i longs spyad pa'i don ni 'dus pa'i rgyud phyi ma las/ ye shes lnga yi rang bzhin gzugs/ /'byung ba lnga yi ngo bo nyid/ /ces gsungs pas na/ sgrub pa po la phan pa'i phyir//rdo rje sems dpa' rnam par sprul/ /zhes bya ba smos so/ /rtag tu sgom dang ldan pa yis/ /zhes bya ba ni dbang shes rab ye shes thob pas/ gzung ba rang bzhin med par rtogs nas reg bya'i chos nyid rtogs pas chos thams cad kyi mdo dang rgyas pa shes par 'gyur ba de'i tshe/sa bcu gcig pa'i ye shes skyes pa'i de bzhin gshegs pa la yang mi 'dud na lugs ma sogs pa'i gzugs brnyan la smos kyang ci dgos/ dngos po 'di dag kun rang bzhin/ /byang chub sems kyi rang bzhin te/ /zhes smos te/ dngos po thams cad kyi rang bzhin yin pa de'i phyir/'od gsal ba de nyid lhar snang ba dang / rdo rje can du snang ba dang / dkyil 'khor du snang ba dang / phyag rgyar snang ba dang / bsdu bar snang ba dang / mchod rten la sogs par snang ba de la gzhan gang cung zad bstan pa thams cad bcom ldan 'das bde ba chen po rdo rje can gyis sems can mos pa'i don du gsungs pa yin no//gsungs pa'i don de dag la nges pa'i don dang / drang ba'i don du shes par bya ste/ ji ltar don dam pa'i bdud rtsi don du gnyer bas bde ba rtog pa med pa'i snying po blangs te/ gzung ba dang 'dzin pa'i rnam par rtog pa'i tshig 'dor bar bya'o//de bzhin chos kyi bdud rtsi ni rnyed nas zhes bya ba ni bde ba stong pa nyid rtogs nas gzung 'dzin gyi rtog pa sbun pa lta bu spang bar bya'o/ /rtog pa'i gnas ni kun btang nas/ /blo ldan re zhig mi rtog gnas/ /zhes bya ba ni sngar bshad pa'i don gyi mjug sdud pa ste/thugs rdo rje ni bcom ldan 'das rdo rje 'chang ba'o/ /des gsungs pa de la dngos grub the tshom med par 'gyur te/ zhi gnas dang lhag mthong mngon sum gyis myong ba bsgom pa'i phyir ro/ /rtog pas dmyal bar 'gro 'gyur zhing / /'gro drug rgya mtshor 'khor bar 'gyur//zhes bya ba ni rtog pa'i nyes dmigs so/ /rtog pa las ni rnam grol na/ /dri med zhi ba'i gnas su 'gro/ /zhes bya ba ni rtog pa dang bral ba'i phan yon no/ /dri med ni spangs pa phun sum tshogs pa'o/ /zhi ba ni ye shes phun sum tshogs pa'o/ / gnas ni sku gsum gyi go 'phang ngo / /skyon dang yon tan ldan pa'i rgyu mtshan/ des na rtog pa'i dra ba bcad/ /ces bya ba gsungs so/ /sangs rgyas rnams kyis bsten pa dang / /khyod kyis kyang ni rtag bsten pa'i/ /dam tshig gang yin de la gnas/ /zhes bya ba ni dus gsum gyi sangs rgyas rnams kyis bde ba rtog pa med pa'i spyod pa bsten pa ltar/rjes su 'jug pa'i rnal 'byor pas rtag tu bsten zhing dam tshig de la gnas par bya'o zhes gdams ngag gsungs pa yin no/ /mchog tu gyur pa'i rnal 'byor pa la gdams ngag bstan pa ni/ sngags shes pas ni dngos grub la/ /zhes bya ba smos te/ sngags shes pa ni shes rab ye shes kyi dbang thob pas mchog gi dngos grub la sangs rgyas dang byang chub sems dpa' bzhin du chags par mi bya ste/ sgom pa po dang 'bras bu dngos grub dang thob pa'i thabs bskyed rdzogs gnyis la bskyed tshul du sbyar ba thams cad du ni blta bar bya zhes bya bar sbyar bar bya'o//de ltar shes rab ye shes kyi dbang thob pa'i phyogs las rnam par rgyal ba'i spyod pa bstan nas/ da ni dbang bzhi pa thob pas shin tu spros pa med pa'i spyod pa bshad par bya ste/ dang por bza' ba ro mnyam pa'i spyod pa ni/ khyi bong rnga mo glang chen sogs/ /khrag btung rtag tu sha ston bya/ /zhes bya ba nas/ sha yi gzugs su brtag par bya/ /zhes bya ba'i bar du gsungs pa yin te yan lag gi don ni go sla'o/ /da ni mtha' gnyis dang bral ba'i ro mnyam ston te//skye bo gzhan gyis bza' min gang / /zhes bya ba ni/ bdud rtsi lnga dang sha lnga 'jig rten pa rnams kyis smod pa'o/ /bsgrub pa'i dbang pos bza' ba dang / /zhes bya ba ni kun rdzob tu don rang gi mtshan nyid rten 'brel yin par mtshungs la de don dam par bza' ba dang mi bza' ba dang bral bas na mtha' gnyis su mi rtog pa dang /ma dang sring mo la sogs pa rigs gcig par bgrod par bya ba ma yin pa dang / rgyal rigs dang rje'u rigs la sogs par bgrod par bya ba de dag rnal 'byor pa des ro mnyam par shes pa dang / bya ba ma yin pa mi dge ba dang / bya ba ni dge ba dang / sdud pa yid du 'ong ba dang / mi sdud pa yid du mi 'ong ba dang / btung ba chang dang / btung ba ma yin pa rdo rje'i chu la sogs pa rnams mtha' gnyis su sngags pas blang ba dang / dor bar brtag pa mi bya ste/ bde ba rtog pa med pas rgyas btab pas der snang ba'i rang bzhin gyis bsngags pa'i lus dang ngag dang sems mgu bar bya'o//da ni spyod pa ro mnyam ston te/ ji ltar sems g.yengs mi 'gyur ba/ /de ltar chang ni btung bar bya/ /zhes bya ba ni 'dod pa'i yon tan lnga la lus dang sems bde ba skyes pa nam chags pa'i sems kyis sems can la bsngo ba rdo rje chen po'i rgyas btab pa dang /dad pa dang dang bas dkon mchog gsum la mchod pa bsod nams kyi tshogs kyis rgyas btab pa dang nyams su myong bar stong pa nyid kyis rgyas btab pas ye shes kyi tshogs kyang grub pa yin no/ /de ltar chang gi ro la rgya rnam pa gsum gyis btab nas btung bar bya'o//smad pa ni gdol pa la sogs pa'o/ /dregs chen ni dbang thob pa'i rgyal po la sogs pa'o/ /rigs bzang ni bram ze la sogs so/ /rigs ngan ni dmangs rigs so/ /nad pa ni sdug bsngal can dag nye bar mtshon pa'o//gzhan mthong na'ang zhes bya ba ni 'gro ba ris drug gi bye brag tha mal pa mthong na yang thams cad kyang rang gi lha'i dkyil 'khor gyi rnam pa 'am rgyal ba rigs lnga'i rang bzhin du blta bar bya'o/ /da ni gnyen po dang spang bya ro mnyam par ston te/ glegs bam bklag par mi bya ste//zhes bya ba ni/ dge ba zag pa dang bcas pa bcos ma'i sems kyis glegs bam bklag pa dang / maN+Dal la sogs pa mi bya ba dang / bcos ma'i lugs ma la sogs pa la phyag mi bya ste/ thams cad kyang bde ba chen po 'od gsal ba'i snang bar shes na glegs bam bklag pa dang /maN+Dal bya ba dang sngags bzlas pa la sogs byas kyang nyes par mi 'gyur te/ /de skad du yang rigs pa mchog las/ de nyid rtog pa'i rnal 'byor dang / /bcos ma yi ni blo can ni/ /rnal 'byor ma yi khyad par gyis/ /bsod nams ye shes tshogs su 'gyur/ /zhes gsungs so//'od gsal ba'i blo can des/ mi dge ba bcu rnams kyang gnang ngam zhe na/ brdzun du yang ni smra bar bya/ /gzhan gyi bud med skal bzang bsten/ /gdug la byams par mi bya ste/ /sangs rgyas rnams ni gsad par bya/ /zhes bya ba smos te/ gnyis su zhen pa ni nub/ gnyis su snang ba ni bral ba bzhin thob pas/ gnyis su med pa'i 'od gsal ba'i gseng brtol ba na/ mi dge ba bcu spyad kyang zag pa med pa'i sdom par 'gyur ba ni/ /ji ltar chu la chu bzhag dang / /ji ltar mar la mar bzhin dang / /rang gis rang gi ye shes ni/ /legs mthong de la sdig pa med//ces bshad do/ /zag pa med pa'i sdom pa 'od gsal ba thob pa'i tshe/ su la mchod pa bya zhe na/ ye shes kun sems zhes bya ba ni/ rgyal ba kun gyi slob dpon mchod/ /ces bya ba smos te/ ye shes kun sems zhes bya ba ni/ sems ni gseng brtol nas chos thams cad kyi mdo dang rgyas pa shes pa'i slob dpon no//ci'i phyir slob dpon mchod ce na/ dngos grub sna tshogs ster bas na/ /blo dang ldan pas rtag mchod bya/ /zhes bya ba smos so/ /de ltar spros pa med par mnyam gyi spyod pa bshad nas/ da ni de'i phan yon bstan par bya ste/gang phyir phyogs bcu'i sangs rgyas dang / /byang chub sems dpa'i bsod nams pas/ /slob dpon ba spu'i khung gcig mchog/ /de phyir slob dpon mchod byed la/ /sangs rgyas byang chub sems dpas gzigs/ /zhes bya ba smos ste/ /sems rang rig pa 'od gsal ni/ting nge 'dzin mngon sum gyi gzhan don gyis slob ma la rtogs par byed pa de ni sangs rgyas dang byang chub sems dpas byin gyis rlob cing chos kyi sku'i don ston pas na ba spu'i khung bu gcig kyang mchog tu gyur pa de'i phyir slob dpon la mchod par bya'o/ /shin tu spros pa med pa yin na/slob dpon la ci'i phyir mchod pa bya zhe na/ sangs rgyas 'dod pa'i dngos grub stsol bas zhes bya ba smos te/ rgyu mtshan des na slob dpon la mi smad pa dang / rdo rje spun la mi smad pa dang / slob dpon gyis gnang ba gus par blang ba dang / pha dang ma dang mes po la sogs pa thams cad ltos pa med par rtswa bzhin du btang nas/mchog gi dngos grub kyi rgyal srid bsgrub par bya'o/ /brtag pa lnga pa'i rab tu byed pa gsum pa'i 'grel pa'o// //de ltar bskyed pa'i rim pa dang rdzogs pa'i rim pa'i spyod pa rnam pa bzhi mdor bsdus pa'i le'u de bshad nas/da ni de'i rgyas par bshad pa ston pas na/ de nas yang dag bshad bya ba/ /zhes bya ba smos so/ /de nas zhes bya ba ni de ma thag pa ste/ 'khor gyis phyag byas pa dang / mchod pa dang bstod pa byas pa'i rjes thogs la'o/ /yang dag bshad bya ba ni mchog tu gyur pa'i rnal 'byor pa'i dngos rjes ro mnyam pa'i spyod pa bshad par bya'o//de dus kyis spyod pa bya zhe na/ spyod pa pha rol son mtshan nyid/ /gang gis ring gnas rdo rje yi/ /rnal 'byor pas zhes bya ba smos te/ dngos gzhi la bskyed rdzogs kyi mtshan ma thob pa ni/ spyod pa'i pha rol du son pa'o//de'i mtshan nyid ni bskyed pa'i rim pa'i du ba dang smig rgyu la sogs pa'i rtags lnga dang / rdzogs pa'i rim pa'i mar me dang srin bu me khyer la sogs pa rtags rnam pa brgyad rang gi rtogs pa dang / byang chub sems dpa' gzhan gyis lus ngag gis 'gyur ba'i sgo nas rtogs pa ni gang gis ring gnas nye ring gi rgyud las ring bar gyur pa/gzhan gyi rgyud yin yang ldang ba dang zo mdog bde ba la sogs pa'i rtags kyis rdo rje'i rnal 'byor par shes par the tshom med pa'o/ /de ltar mdor bstan nas rgyas par bshad pa ni/ mkha' 'gro ma sogs gtor ma yi//bza' dang bca' ba ji snyed pa/ /rnal 'byor pas ni bza' bar bya/ /zhes bya ba smos te/ mkha' 'gro ma ni lha'i rigs so/ /sogs zhes bya ba ni dri za dang gnod sbyin dang / srin po dang lha ma yin la sogs pa'i gtor ma dang mchod pa bdag dang gzhan mnyam pa nyid du shes pa'i rnal 'byor pas bza' bar bya'o//ro yi thal bas bsgo bya zhing / /zhes bya ba ni gdul bya drag po 'jigs byed yin pas ro'i thal ba dang gos dang kham phor la sogs pa la spyod pa dang mtshan mo gsang ste rgyu bar bya'o/ /ci'i phyir bzlog pa'i spyod pas mi 'dul zhe na/rjes su mthun pa dbugs dbyung gi lam yin pa'i phyir ro/ /gnas gang du zhe na/ ri bo dang ni bzhi mdo dang / /zhes bya ba la sogs pa smos te go sla'o/ /dus ni gang gi tshe zhe na/ mtshan mo ma mo'i khyim dang ni/ /zhes bya ba smos te/ gnas de dag tu spyod pa byed par 'dod pa'i rnal 'byor pas cung zad drod thob pa'i dus de'i tshe spyod pa byed par 'dod pas zhes bya ba smos pas ni spyod pa byed par mi 'dod pa spangs pa yin te/mtshan ma'i rnam par rtog pa med pa [(]bzad [,]bzang [)]po'i stobs can dang / sems 'od gsal la mos pa'i sems brtan pa gnyis ni drod thob par gyur kyang spyod pa byed par mi 'dod de g.yeng ba shas chung ba'i phyir ro//smon lam gyi stobs can tshogs bsags dgos pa dang / khyad par du 'gro ba dmigs pa dgos pa gnyis pa ni drod thob nas dngos rjes ro mnyam pa'i phyir dang / rjes la mtshan ma'i g.yeng ba dgag pa'i phyir spyod pa bya'o//de yang ji lta bu zhe na/ gal te bdag nyid grub 'dod na/ /slar yang byis pa'i spyod pa bya/ /zhes bya ba smos te/ des na byis pa'i rol pas rgyu zhes pa mdor bstan pa'i bshad pa yin no/ /'dzin pa med pa'i sems kyis ni/ /kha dog bcos ma'i ras rnying bgo /zhes pa ni bsdus te bgos la zhen par bya zhes pa mdor bstan pa'i bshad pa yin no/ /sems can rjes su gzung ba'i phyir/ /blo dang ldan pas rgyu bar bya/ /'jam pa'i rdo rjer bdag gyur te/ /zhes bya ba smos pas/ skye bo sna tshogs 'dul bas na/ /gzhon nu'i gzugs su bsgom par bya//zhes mdor bstan pa'i rgyas par bshad pa yin no/ /de ltar dpa' bo gcig pu'i spyod pa bstan nas/ rgyal tshab kyi spyod pa ji ltar bya zhe na/ dkyil 'khor pa ni brtag par bya/ /ba spu rnams kyi bu ga nas/ /phyogs bcu rnams su spro bar bya/ /zhes bya ba ni/ 'gro ba ji ltar mos pa ltar kun du bzang po dang mtshungs pa'i spyod pas/'khor dang bcas pa'i dkyil 'khor gyi 'khor lo ltar snying ga'i hUM las ba spu'i khung bu nas 'od spros nas phyogs bcur dkyil 'khor gyi 'khor lo spro bar bya'o/ /de ltar bskyed pa'i rim pa a wa d+hU tI'i spyod pa bstan nas/da ni gsang ba'i dbang thob pas pha rol tu phyin pa'i spyod pa bya ba ni/ ri yi sul lam rtse mor ni/ /gnas ni shin tu mnyam par bya/ /zhes bya ba ni rnyed pa dang ma rnyed pa dang grags pa dang ma grags pa dang / bstod pa dang smad pa dang / bde ba dang sdug bsngal rnams shin tu mnyam par bya ba'o//de yang sangs rgyas mnyam sbyor gyi rjes su 'brangs nas/ pad+ma'i tshal ni yid 'ong 'gram du ni/ /gnas de sgrub pos dngos bsgoms na/ /dngos grub myur du thob par 'gyur/ /zhes bya ba smos te/ pad+ma'i tshal ni lo bcu gnyis dang bcu drug dang nyi shu dang nyi shu rtsa bzhi pa'o//rdzing bu yid 'ong ni bsnyen bsgrub bzhis sbyangs pa ma dang sring mo la sogs pa'i sngags skyes so/ /sgrub pos dngos bsgoms zhes bya ba ni dga' ba bzhi'i ting nge 'dzin bsgoms pas der 'jig rten gyi chos brgyad zil gyis mnan nas gang zhig rnyed pa de dag bza' zhes bya ba smos te/bzang ngan gyi rnam par rtog pa spongs nas ro la rtog pa med pa'i sems kyis bza' ba dang rdzas la gtor ma gtang bar bya'o/ /guny+dza la sogs sna tshogs pa'i/ /zhes bya ba la sogs pa ni 'ol ma se la sogs pa ci rnyed pa'i phreng ba'i rgyan bya zhing ma rnyed pa'i rin po che'i phreng ba la sogs pa la 'dod par mi bya'o//srog chags yan lag las byung bgo/ /zhes bya ba ni glang po che dang stag gi pags pa la sogs ci rnyed pa bgo zhing ras yug chen ka shi ka'i gos la sogs pa ma rnyed par mi tshol ba'o/ /rnyed pa dang ma rnyed pa ro mnyam pa ci dgos she na/bde don gnyer la bde ba sbyin/ /zhes bya ba smos te/ bsam gtan gyi sdom pa mi g.yo ba'i las/ bde ba rtog pa med pa'i rnal 'byor pa la lus dang yid bde ba'i thabs ro mnyam pa sbyin par bya'o/ /grags pa'i sgra la khyad par yod dam zhe na/ la lar saM skr-i ta yang ni//bzlog ste pra kr-i ta yang brjod/ /ces bya ba smos te/ grags pa dang ma grags pa ro mnyam pa'i don to/ /smyon pa'i brtul zhugs sbyor ba yis/ /bza' dang bza' min ji snyed bza'/ /zhes bya ba ni ji ltar smyon pa nad kyis dbang po nyams par rtog pa rnams so sor brtags min du song ba bzhin du rnal 'byor pa rnams srog a wa d+hU tIr bcug pa'i mthus so sor brtags pa'i stobs kyis rtog pa bkag nas/smyon pa'i spyod pa dang mthun par bza' ba dang bza' ba ma yin pa bdud rtsi lnga la sogs pa smad pa dang / nya sha dang zan dron la sogs pa bstod pa dang bde ba dang sdug bsngal dag ro mnyam par bya'o//de ltar pha rol tu phyin pa'i spyod pa bshad nas/ da ni shes rab ye shes kyi dbang thob pa la phyogs las rnam par rgyal ba'i spyod pa bshad pa ni gzhan gyi yul du grub pa ste zhes bya ba smos te/ gzhan gyi yul ni grong dang kun dga' ra ba la sogs pa'o//bde mchog gi rtsa ba'i rgyud kyi rjes su 'brangs nas/ ri su la tshang tshing zhes bya ba/ /gdod nas grub pa'i dur khrod du/ /zhes bya ba'i bar gyis bde mchog gi gnas su 'jigs pa thams cad spangs pa'i bsam pas/ rnal 'byor pa shes rab can gyis dbang shes rab ye shes kyi don bsgoms pas/sgrub pa po drod thob par gyur pa'i tshe/ phyogs las rnam par rgyal ba'i spyod pa brtsam par bya'o/ /ci'i phyir phyogs las rnam par rgyal ba zhes bya zhe na/ sgrib pa kun las rnam grol zhing / /bsam pa thams cad rdzogs byed pa/ /zhes te/ spangs pa dang / che ba bstan to/ /phyogs las rgyal zhes bya ba ni/ /phyogs bcu dag tu gnas pa'i dngos/ /gzung dang 'dzin pa rnam spangs pa/ /zhes bya ba/ bde ba rtogs pa med pas spyod lam bzhi la gzung 'dzin dang bral bas na phyogs kun las rgyal ba zhes bya'o/ /de ltar nges pa'i tshig bshad nas/ da ni chags pa'i lam gyi dbang du byas nas/de ltar re zhig rnal 'byor pas/ /mi shigs bar ni brtan byas nas/ /zhes bya ba smos te/ mi shigs pa'i srog a wa d+hU ta'i ra bcug nas bde ba stong pa nyid kyi ting nge 'dzin du brtag par byas nas so/ /shin tu gzugs mdzes 'dod ldan ma/ /rig pa'i lha mo gzung bar bya//zhes bya ba ni dge byed dang dbang gi lha mo'o/ /lha mo dga' ma rol dga' ma/ /zhes pa ni lhan cig skyes pa'o/ /rin chen rgyan sogs kyis spras pa/ /rig pa 'dzin pa'i bu mo dang / /zhes bya ba ni bsnyen bsgrub sbyangs pa'i sngags las skyes pa'o/ /lha dang gnod sbyin yang na ni/ / zhes bya ba ni lha dang dri za ni mkha' spyod do/ /gnod sbyin dang srin po ni sa spyod do/ /sa 'og gnas pa'i lha min dang / /klu yi bu mo dag dang ni/ /zhes bya ba ni sa 'og tu spyod pa ste de ltar na gnas nyi shu rtsa bzhir skyes pa gzung bar bya'o/ /rnal 'byor pas ni de dag las/ /gang 'dod pa'i rigs lha mo gcig /ces bya ba la lhan cig skyes pa dang sngags skyes dang zhing skyes la gang 'dod pa cig sgrub pa'o/ /lcags kyu zhags pa'i sbyor ba yis/ /nye bar bkug ste bsdu byas nas/ /zhes bya ba ni rlung gyen du bzlog pa'i sbyor ba ni lcags kyu yin la/ g.yas g.yon gnyis kyi rlung 'then pa ni zhags pa'o//nye bar bkug pa ni byang chub kyi sems bzlog nas 'bad pa med par 'jig rten dang thun mong dang mchog gi dngos grub ci dgos pa ster ba dang / rga ba dang na ba las rnam par grol ba'i bsam gtan gyi bde ba dang / khams gsum gyi rtog pa las rnam par grol bar 'gyur ro//de ltar chags pa'i lam gyi phyogs las rnam par rgyal ba'i spyod pa bshad nas/ da ni grol ba'i lam gyi phyogs las rgyal ba bshad pa ni/ lus ni sbyin par btang nas su/ /phyi nas spyod pa brtsam par bya/ /zhes bya ba smos te/ lus la chags pa med pa'i blo bskyed nas/ /ma chags pa'i rtags su du ba dang / smig rgyu la sogs pa zhi gnas kyi rtags lnga dang / mar me lta bu'i lhag mthong gi rtags brgyad thob nas/ de'i rjes la spyod pa brtsam par bya ba yin no/ /skal ldan skal med phye bas na/ /des na gtang bar yang mi bya//zhes bya ba ni skal ba med cing dbang bskur ba ma thob pa la rang gis ji ltar rdzogs pa'i rim pa bsgom pa'i man ngag mi ston yang skal ba dang ldan pa dbang shes rab ye shes thob nas/ rdzogs pa'i rim pas bsgom pa la rang gis nyams su myong ba'i don bstan dgos pa yin pa des na gtang bar mi bya zhes bya ba yin no//des na spyod pa gzhan don du yang 'gyur zhes bya ba'i tha tshig go/ /bza' dang ston mo byung ba yis/ /gang zhig rnyed pa bza' bya ste/ /zhes bya ba ni blang dor gyi rnam par rtog pa'i phyogs las rgyal ba'i rtog pa med pa'i bza' bar bya'o/ /'dod dang mi 'dod rnam rtog gis//'di la lhag par zhen mi bya/ /zhes bya ba ni blang dor med par 'dod pa'i yon tan lnga la sbyang ces bya ba'i tha tshig go/ /bslab pa dang ni cho ga dang / /ngo tsha dag pas grol bar bya/ /zhes bya ba ni bslab pa ni nyan thos dang byang chub sems dpa'i bslab pa'i sdom pa'i bslab pa ste/rang gi shes rab ye shes kyi dbang thob nas bde ba stong pa nyid mngon sum du rtogs pa'i tshe las dang po pa'i gnyen po nyan thos kyi bslab pa dang / byang chub sems dpa'i bslab pa drang ba'i don du gsungs pa las rnam par grol bar bya'o/ /cho ga ni bskyed pa'i rim pa bcos ma'i rnal 'byor bsgom pa ste/bde ba stong nyid kyi don rtogs pa'i tshe bcos ma las grol bar bya'o/ /de yang / kha cig glang po rnyed gyur nas/ /glang po'i rjes ni tshol byed dam/ /zhes bya gsungs pa dang / dper na pha rol don gnyer 'ga'/ /gzings la brten nas don gnyer te/ / pha rol phyin nas 'dor bar byed/ /phyi rol bcos ma de bzhin no/ /zhes gsungs so/ /ngo tsha dag las zhes bya ba ni khrus dang gtsang sbra la sogs pa 'jig rten na bstod pa dor na ngo tsha ba yin yang / rang gi bde ba stong pa nyid rtogs pa'i tshe 'jig rten pa'i chos brgyad las grol bar bya'o//srid pa'i rang bzhin gshegs pa dang / /zhes bya ba ni shes rab kyis stong par rtogs pas srid pa la mi gnas pa'o/ /brtse chen sbyor bas rgyu bar bya/ /zhes pa ni/ snying rjes bu gcig pa ltar sems pas mya ngan las 'das pa la mi gnas pa'o/ /rgyu ba ni spyod lam bzhis gnas pa'o//des phyogs las rnam rgyal bshad nas/ da ni dbang bzhi pa thob pas shin tu spros pa med pa zung du 'jug pa'i spyod pa bshad pa ni/ sbyin sreg mchod sbyin dka' thub dang / /sngags dang bsam gtan rnam par spang / /zhes bya ba ni/ bde ba chen pos rgyas btab nas sgyu ma dang stong pa ro gcig par shes nas mi dge ba'i gnyen por dge ba zag bcas kyi sbyin sreg rtogs pa dang bcas pas bslang ba dang phyi'i yul lnga dang nang gi bdud rtsi lnga lha mor bskyed pa'i mchod sbyin dang /sdom pa gsum la gnas pa'i dka' thub dang / phrin las bzhi'i sngags dang /dpa' bo gcig pu dang / dkyil 'khor 'khor lo bsgom pa'i bsam gtan ni bcos ma yin pas rnam par spang ngo / /dam tshig sdom las rnam par grol/ shin tu rnal 'byor ldan pas spyad/ /ces bya ba ni dam tshig dang sdom pa ni rnam par rtog pas kun nas bslang ba'i bskyed pa'i rim pa'i bsod nams kyi las shin tu rnal 'byor dang ldan pas dbang bzhi thob pas bde ba stong pa nyid rtogs pa'i ting nge 'dzin ni zag med kyi sdom pa yin pas zag bcas kyi sdom pa las grol bar spyad ces bya ba'i tha tshig go//brgya byin lha yi gdon dag ni/ / mdun na nges par gnas gyur kyang / /zhes bya ba ni/ dbang bzhi pa'i gseng brtol ba'i tshe na thams cad bde ba chen po'i rang bzhin las ma 'das par rtogs pas gdon la sogs pa glo bur gyi rnam rtog gi snang ba yin pas na/ mi 'jigs pa seng ge'i tshul du rgyu bar bya'o/ / sems can kun la phan pa'i phyir/ /zhes bya ba ni spyod pa'i dgos pa'o/ /sgrub pos rtag tu snying rje dang / /rnal 'byor btung la dga' bya yin/ /zhes bya ba la/ snying rje ni rtogs pa dang bral ba'i myong ba'o/ /de la stong pa nyid kyis rgyas btab pa ni rnal 'byor pa'i btung ba'o//de nyid bde ba chen po'i 'od gsal ba yin pas de la dga' bar bya'i/ /gzugs sdu gu dang sgra snyan pa dang / dri zhim pa dang / ro mngar ba dang / reg bya yid du 'ong ba la sogs pa ni btung ba gzhan te/ btung ba de la sems can chags pa ni bzi ba'o/ /min zhes pa ni dgag pa'i sgra ste/chags par mi bya zhes bya ba'i tha tshig go/ /zung du 'jug pa dang po bshad nas/ bskyed rdzogs zung du 'jug pa bshad pa ni/ de nas dpal ldan rgyal tshab kyis/ /sems can kun la phan pa'i phyir/ /zhes bya ba ni zung 'jug gi spyod pa'i dgos pa'o/ /gang gis dngos grub mthar 'gro ba//brtul zhugs spyod pa bshad par bya/ /zhes bya ba ni dngos gzhi bdag rdzogs par longs spyod pa 'od gsal ba'i rnam pa dang mthun par rjes la ro mnyam pa'i spyod pa bsgoms pas na dngos grub kyi mthar 'gro ba yin pas spyod pa de bshad par bya'o/ /rna ba gnyis la 'khyil ba gzung //zhes bya ba ni snang ba mtha' yas so sor rtog pa gzung ba'o/ /spyi bor 'khor lo bcang ba ni mi bskyod pa'i chos kyi dbyings kyi rnam pa'o/ /lag pa gnyis la gdu bu zhes bya ba ni rnam par snang mdzad me long lta bu'i rnam pa'o/ /rked par ska rags ni dpal he ru ka'i rnam pa'o//rkang pa'i gdu bu ni don yod grub pa bya ba nan tan gyi rnam pa'o/ /lag pa'i rtsa ba'i dpung rgyan dang mgrin pa'i phreng ba ni rin chen 'byung ldan mnyam pa nyid kyi rnam pa'o/ /rnam par rtog pa'i yul du phyag rgya drug bsgom pa ni bskyed rim kun du brtags pa yin la/ zad par chu bzhin du mtshan ma thob pas phyag rgya drug snang ba ni gzhan gyi dbang gi snang ba yin la dbang bzhi pas gseng brtol nas 'od gsal ba'i rnam pa'i phyag rgya drug gnang ba ni yongs su grub pa chos nyid kyi rnam pa'o//rnam pa dang nyams su myong ba gnyis mar me'i 'od bzhin du zung du 'jug pas na gnyis su med pa'i spyod pa'o//de ltar zung 'jug rgyal tshab lta bu bshad nas dpa' bo gcig pu bshad pa ni/ stag gi pags pa gon nas su/ /mi 'chi bcu phyed bza' bar bya/ /zhes bya ba smos te/ sems can mos pa'i dbang gis drag po 'jigs byed gdul ba'i phyir stag dang glang po che'i pags pa gyon pa dang /bcu phyed kyi bdud rtsi bza' bar bya'o/ /skyes bus shin tu mnyam bzhag pas/ /he ru ka dpal rnal 'byor gnas/ /zhes bya ba ni mngon spyod kyi sku gar gyi nyams dgu dang mthun pa'o/ /rgyu zhe sdang gis bslang ba med na/ci'i phyir mngon spyod kyi gzugs su snang zhe na/ khro bo'i skur snang ba la rgyu rnam pa gsum ste so so'i skye bo rtog pa dang bcas pa'i tshe zhe sdang gis kun nas bslangs nas khro bor snang ba dang / byang chub sems dpa'i spyod pa la dge ba zag bcas kyis bslangs nas tshar bcad cing phan gdags pa'i phyir khro bor snang ba dang /sangs rgyas dang byang chub sems dpa' zag pa med pa yin yang thugs rje chen po'i dbang gis khro bor snang ba'o/ /dbang bzhi pa thob pa'i rnal 'byor pa ni stong nyid kyi gseng brtol bas zag pa med pa'i bde ba rtogs pa yin yang snying rjes kun nas bslang bas dpal he ru ka'i rnal 'byor gyis gnas so//de ltar na mi dge ba bcu yang gsum du shes par bya ste/ so so'i skye bo'i tshe nyon mongs pas kun nas bslang ba'i mi dge ba bcu dang / byang chub sems dpa'i sdom pa la dge ba zag bcas snying rjes kun nas bslang ba'i mi dge ba bcu dang /sangs rgyas dang byang chub sems dpa' bdag dang bdag gir 'dzin pa'i zag pa spangs kyang sems can gzhan gyi don du mi dge ba'i mngon spyod mdzad pa ltar snang ngo / /dang po ni theg pa gsum gyis dor bar bya ba yin la/ bar ma ni kun nas bslang ba'i dge ba bsod nams kyi tshogs yin la/tha ma ni gzhan don ye shes kyi tshogs yin no/ /de yang sngags kyi spyod pa'i gnas skabs su mi tshangs par spyod pa ni khyim pa'i byang chub sems dpa' la shes rab ye shes kyi dbang bskur ba'i phyir gnang ba yin la/ srog gcod pa ni gnang ba'i skabs med de des thob nas zag pa med pa'i sdom pa skyes pa'i tshe srog gcod pa la sogs pa yang gzhan gyi don du gnang ba yin no//bdag byin gyis rlob pa la ye shes zhabs ni mi dge ba bcu'i nang nas mnar sems dang gnod sems dang log par lta ba gsum ni rang bzhin gyi kha na ma tho ba yin la/lus ngag gi bdun ni dge ba dang mi dge ba dang / lung du ma bstan pa gsum kas kyang kun nas bslong bas bcas pa'i kha na ma tho ba yin la/ sngags kyi spyod pa'i tshe dge ba zag med kyis kun nas bslang ba'i tshe bdun yang byar rung ngo zhe'o/ /de ltar na dbang bzhi pa thob pa'i rnal 'byor pa la mngon spyod kyi bya ba rnams zag med kyi sdom par 'gyur ba yin no//de skad du/ rnal ma'i lam la brten nas ni/ /thams cad byas kyang rnam par grol/ /zhes gsungs so/ /bzhin mdzes mig gi dkyus ring zhing / /rang gis dbang bskur snying rjer ldan//rdo rje'i bu mo 'di bzung ste/ /brtul zhugs spyad na sangs rgyas 'gyur/ /zhes bya ba ni bde ba'i ting nge 'dzin 'phel bar bya ba'i phyir zhi gnas kyi rgyu tshogs pa bzhin mdzes mig dkyus ring ba btsal ba dang / sdom pa gsum la gnas pa'i phyir rang gis dbang bskur ba dang bdag tu mi 'dzin pa'i phyir snying rje dang ldan pa dang rigs mnyam par bya ba'i phyir dmangs rigs rdo rje lta bu'i bu mo gzung bar bya'o//brtul zhugs spyad na zhes bya ba ni dag byed kyi lha mo de bzung nas bde ba'i ting nge 'dzin bskyed pa la stong pa nyid kyis rgyas gdab pa'o/ / rdo rje'i rigs ni med gyur na/ /zhes bya ba ni/ dung can dang pad+ma can dang ri dgas can ma rnyed na'o/ /rang 'dod lha yi rigs kyis bya/ /zhes bya ba ni/ rigs lnga dang ni rjes mthun pa/ /skye gnyis de bzhin gshegs par 'dod/ /rin chen rgyal po'i rigs las skyes/ /rje rigs dpag med rdo rje ste//dmangs las skyes pa las kyi rigs/ /gdol pa rnam snang rigs can no/ /zhes bya ba rim pas bsgom pa 'am/ de yang rnyed na/ yang na gzhan gyi rigs kyang rung / /zhes bya ste/ tha mal pa'i rigs bud med ngan spyod ma yang gzung bar bya'o/ /gsang ba 'dus pa las kyang //mi ngan dud 'gro mo yang bsten/ /zhes bya ba ni dud 'gro'i sgra ni ti rdza zhes bya ba 'gram la bya la/ rdza ka zhes bya ba chu bo'i 'gram las rgal ba la bya'o/ /des na 'khor ba'i chu bo las sgrol ba'i phyir/ ngan spyod ma la dud 'gro zhes bya'o/ /de skad du yang / 'khor ba'i chu bo las sgrol bas//dud 'gro zhes ni bshad pa yin/ /zhes gsang ba sra zhing mtho ba las gsungs so/ /byang chub sa bon bkod pas ni/ /legs par sbyangs te gzung bar bya/ /zhes bya ba ni/ lus la lha bkod nas bsnyen bsgrub bzhis sbyangs pa'o/ /reg bya ji lta ba de bzhin du sgra la sogs pa la yang bsgre ba bstan pa ni/gsang tshe glu ni len gyur pa/ /de tshe rdo rje ldan pa mchog /ces bya bas ni reg bya bzhin du bya bar bstan to/ /thar pa'i rgyur ni gar byed na/ /de nas rdo rje rkang pa'i gar/ /zhes bya ba lag bcangs la sogs pa lus kyi reg bya gzhan la yang zag med kyis rgyas btab na thar pa'i rgyur 'gyur ba'o//mchog tu dga' ba bskyed 'gyur ba/ /rnal 'byor pas ni rtag tu bya/ /zhes bya ba ni 'dod pa'i yon tan la bde ba rtog pa med pa bskyed la/ stong pa nyid kyis rgyas gdab par rtag tu bya'o/ /de ltar dpa' bo gcig pu'i spyod pa bshad nas/rigs thun mong gi spyod pa rgyas par bshad pa ni/ /mi bskyod 'khor lo'i gzugs kyis 'gugs/ /zhes bya ba la sogs pa smos te/ phyag rgya rigs lnga'i tshul gyis bzhugs pa dang / shes rab stong pa nyid kha T+wAM ga'i tshul gyis snang ba dang /Da ma ru thabs sgyu ma lta bu'i rang bzhin yin pa dang / gzhi mnyam nyid kyi sman rtag tu bza' ba dang gla rtsi'i chu btung ba ni ro mnyam gyi spyod pas zag med kyi sdom par 'gyur la/ rgyu rkyen tshogs pa rten 'brel gyi rgyu rga ba dang 'chi ba las rgyal ba dang / nad thams cad las bsrungs pas/kha sha twa t+t+wa zhes bya ba dus ma yin par 'chi ba las rgyal ba dang / lus zungs 'phel bas ka ma twa t+t+wa zhes bya'o/ /sa'i dbang phyug grub pas 'jigs pa brgyad dang bral ba'o/ /rkun ma'i skra las cod pan bya/ /zhes bya ba ni ro'i skra las so/ /der ni hUM las byung ba sbyar//zhes bya ba ni/ byang chub sems las byung ba'i dur khrod kyi rus pa la rigs lnga'i 'bur brkos pa'o/ /tshad ni ji tsam zhe na/ sor lnga pa yi dum bu las/ /byas pa'i cod pan gzung bya ste/ /zhes bya ba smos so/ /hUM las byung ba gang yin zhe na/ sangs rgyas lnga yi thod pa dag /rnal 'byor spyod pas bcang bar bya/ /zhes bya ba smos so/ /thabs dang shes rab rang bzhin ni/ /ske rags gnyis skor bcings nas ni/ /zhes bya ba ni mi'i skra dang rus pa'i phreng ba gnyis dang ldan pa'o/ /skra yi dag byed thal ba dag /ces bya ba ni lus thal bas byugs pa'i steng du dur khrod kyi skra las byas pa'i tshangs skud rnal 'byor pas bcang bar bya'o//je chung sgra ni bzlas pa ste/ /zhes bya ba ni rang gi don gyi dbang du byas nas srog a wa ng+hU tIr 'jug pa yin la/ de yang gzhan gyi don yin pa'i phyir/ sems can thams cad mgron du bod//ces smos te/ bde ba stong pa nyid sgoms shig /ces gdams pa'o/ /rgyan dang bcas pa'i lha'i sku 'ba' zhig la mos pa 'am zhe na/ kha TI shes rab bsgoms pa ste/ /zhes bya ba smos te/ stong pa nyid kyis rgyas btab pa ni bzlas pa dang / bsgom pas 'jig rten pa'i lha chen po la sogs pa'i rus pa'i rgyan can gyis spyod pa las/ stong nyid kyis rgyas btab pa'i spyod pa khyad par du gyur pas na rdo rje theg pa can du gyur zhes bya'o/ /chags dang rmongs dang 'jigs pa dang / /khro dang ngo tsha la sogs spangs/ /zhes bya ba ni rnam par rtog pas bslang ba'i nyon mongs pa can gyi sems dang nyon mongs pa med pa'i sems kyang zag bcas kyi sdom pa yin pas re bar bya'o//he ru kar bsgoms rnal 'byor pas/ /rigs lnga kun la spyad par bya/ /zhes bya ba ni shin tu spros med bsgom pa rnal 'byor pas rgyal rigs dang /bram ze dang rje'u dang dmangs dang / gdol pa la sogs pa'i rigs lnga la mnyam pa nyid du spyad pa'o/ /rigs lnga dang ni yang dag ldan/ /rigs gcig nyid du brtag par bya/ /zhes bya ba ni b+ha ga'i dkyil 'khor la brten nas/ bde ba'i rang bzhin du rigs gcig pa 'am chos kyi dbyings kyi dkyil 'khor la brten nas stong pa nyid du rigs gcig pa'o//rigs lnga tha dad par mthong ba ci'i phyir gcig tu 'gyur zhe na/ gang phyir bye brag mi dmigs pas/ /du ma nyid kyang rigs gcig yin/ /zhes bya ba smos te/ so sor rtog pa'i shes rab kyis rnam par dpyad na kun rdzob kyi du ma nyid kyang don dam par rigs gcig yin no//gnyid ni kun du spangs nas su/ /zhes pa ni nyon mongs pa can ma rig pa'i gnyid dang / nyon mongs pa can ma yin pa'i shes bya'i sgrib pa'i gnyid dbang bzhi pa'i gseng brtol ba'i stong nyid rtogs pas spangs te/spyod pa byas na ro mnyam par gyur pas the tshom med par 'grub par 'gyur ro/ /brtag pa lnga pa'i rab tu byed pa bzhi pa'i 'grel pa'o// //de ltar spyod pa bshad nas/ da ni rgyud kyi gleng gzhi bshad par bya ste/ byang chub sems dpa' 'jam dpal gyi ngor rang lhag par gnas pa'i lam bshad pa ni gsang chen zhes bya ba la sogs pa bcom ldan 'das la zhu ba yin no//bdag byin gyis rlob pa'i rim pa ni dkyil 'khor chos kyi dbyings kyi rang bzhin la bdag byin gyis brlab pa'i gang zag 'jam dpal lta bus don dam pa'i bde ba rang lhag par gnas pa'i lam dbang bzhi pa thob nas shes bya thams cad ji ltar snang ba'i rim pa lha bcom ldan 'das la nyan par 'tshal lo//lan du bka' stsal pa ni/ rdo rje sems dpa' brtse ba che/ /zhes pa ni rdo rje snying po la bod pa'o/ /rtse gcig yid kyis mnyan par gyis/ /zhes pa ni bdag byin gyis rlob pa'i lam zab pas na rang bzhin brgyad cu dang bral ba'i rtog pa med pa'i yid kyis shes par gyis shig pa'o//rgyud rnams kun gyi nges pa gang / /zhes pa ni gleng gzhi'i brjod bya'i don gsang chen kun du kha sbyor zhes bya ba de gtan la dbab par bzhed pa'o/ / mdor bsdus nas ni bshad par bya/ /zhes bya ba ni 'khor lo bde mchog gi rgyud 'bum pa las/ thabs dang shes rab kyi gleng gzhi bshad pa de 'dir gtan la dbab par bya'o zhes pa'i don yin no/ /de ltar mdor bsdus pa bshad nas rgyas par bshad pa ni/ de yang gang zhe na/ e zhes bya bar gang gsungs pa//zhes bya ba ni/ yi ge es brjod par bya ba'i chos kyi dbyings kyi rang bzhin gyi glo bur gyi rnam par rtog pas bsgribs pas ni mi gsal bar gyur pa rtag tu sems can rnams kyi sems kyi khams ni dbugs 'byung 'jug la brten nas gzung ba dang 'dzin pa'i tshul gyis 'gro ba dang 'ong bar 'gyur ba yin na/zag pa med pa'i 'od gsal ba'i khams zhes bya ba'i sgra 'di ci la bgyi zhes zhus pa dang / bcom ldan 'das kyis bka' stsal pa/ gsang ba mchog gis dgyes pas na/ /thams cad bdag nyid rtag tu bzhugs/ /zhes bya ba ni byang chub sems dpa' sa'i snying po'i dbang du byas nas dkyil 'khor lus kyi dbus na bde ba'i rang bzhin du bzhugs pa dang /spyan ras gzigs dbang phyug gi dbang du byas nas/ dkyil 'khor b+ha ga zhes rlung dbus su chud pa'i tshul gyis bzhugs pa ni tshigs su bcad pa phyed dag gi dbang du byas nas bshad pa yin no//byang chub sems dpa' 'jam dpal gyi dbang du byas na/ dkyil 'khor chos kyi dbyings rnam par mi rtog pa'i don ston pa yin pas/ yi ge re re'i rjod byed kyi sems 'od gsal ba'i snang ba khams bcu drug gi rang bzhin bshad pa yin no/ /khams bcu drug ni go sla'o//de'i don ni 'di skad ston pa yin te/ rnal 'byor pa'i lus la rnam par rtog pa'i yul du gyur pa kun du brtags pa'i sems can du snang ba dang / ma rig pa 'khrul pa'i bag chags las byung ba ni gzhan gyi dbang gi snang ba rtsa dang rlung gi 'khor lor snang ba dang / gnyis su med pa'i sems 'od gsal gyi snang ba dang /yongs su grub pa dang rnam pa gsum du gnas pa yin pas kun du brtags pa'i gnyen por bcos ma'i rnal 'byor lha'i 'khor lo bsgom pa yin la/ gzhan gyi dbang rtsa dang rlung gi 'khor lo la mtshan ma dang bcas pa'i mi zab pa'i rdzogs rim bsgoms pa dang /sems 'od gsal ba chos kyi dbyings kyi snang ba zab pa'i rdzogs rim bsgom pa yin no/ /de yang rjod byed gsum gyis ston te/ rnam par brtags pa'i gnyen por bskyed pa'i rim pa lha'i 'khor lo bsgom pa/ las dang po pa'i don du ngag gis bstan pa dang /rtsa dang rlung gi 'khor lo la mi zab pa rdzogs rim bsgom pa/ gsang ba mchog gi dgyes pa na/ /thams cad bdag nyid rtag tu bzhugs/ /zhes bya ba'i tshigs su bcad pa bstan pa dang / zab pa rdzogs pa'i rim pa byang chub sems dpa' 'jam dpal gyi ngor yi ge re re'i dbang du byas nas sems 'od gsal ba'i snang ba ston pa yin no//de yang yi ge re re'i brdas sangs rgyas dang byang chub sems dpa' rnams kyi brdar gyur pa yin no/ /de bas na kye lha mo zhes bos nas rgyud kyi nang nas yi ge bcu drug gi don bstan pa 'di dag gis/ rtsa dang sgra yi rang bzhin las//cha yi bdag nyid 'byung ba ste/ /zhes bya ba smos te/ rtsa ni lha mo'i rang bzhin no/ /sgra ni rlung gi rang bzhin te dpa' bo/ /cha de gnyis 'dus pa las byung ba byang chub sems kyi rang bzhin te/ 'od gsal ba'i rang bzhin no/ /de yang 'od gsal du snang ba'i rtsa dang / rlung gi rang bzhin ni khams bcu drug tu snang ba yin no/ /de ltar khams bcu drug bshad nas/ srid pa 'byung ba'i rim pa bshad pa ni/ ra ni me ru bstan pa ste/ /khrag dang mkhris pa yang dag 'byung / /zhes bya ba ni ma rung zhing zla mtshan dang ldan pa bstan to/ /bad kan gyis ni khyab nas su//rdul dang rgyus pa 'byung ba yin/ /zhes bya bas ni pha'i sa bon gyi rang bzhin yi ge brgyad bstan pa yin no/ /de'i dbus su hUM gnas pa ni don ci yin zhe na/ srid pa bar ma do'i dri za nye bar 'khor ba zhugs pa yin no/ /de dag gtso bo'i hUM yin te/ ha ni kun du 'gro bar brjod//ces bya ba ni rlung ni rnam par shes pa'i rten yin no/ /de la brten nas dri za nye bar 'khor ba 'jug pa ni yi ge ha kun du 'gro bar brjod do/ /de'i phyir kun du 'gro bar brjod ce na/ dbang po kun tshang thogs med ldan/ /mi ldog de ni dri za'o/ /zhes 'byung bas kun du 'gro bar brjod do//rnam par shes pa de ma'i mngal du brgyal nas gang du gnas she na/ rus pa yi ni mtshams rnams su/ /sa bon lnga yis khyab pa yin/ /zhes bya ba smos te/ pha dang ma'i lus zungs kyi mtshams su bdud rtsi rnam pa lnga'i sa bon khyab pa la brten nas gnas pa yin no/ /tha mar lus su gyur pa'i gnas skabs gang du gnas she na/rang gi rkan la gnas pa ste/ /sa bon bzhi ni bla na med/ ces smos te/ rkan ni lkog ma longs spyod kyi 'khor lo'i sa bon bzhi'i 'byung ba bzhi ni rlung ngo / /re'u mig dang po'i gnas su ni/ /zhes bya ba ni snying ga chos kyi 'khor lo'o//sa bon lnga pos brgyan pa ste/ /zhes pa ni bdud rtsi lnga'i dngas ma la brten pa'i rlung dang ldan pa'o/ /ha ni dbyangs yig drug pa dang / /lte bar rnam par shes pa grags/ /zhes pa ni yi ge hUM ste/ des brjod par bya ba'i don ni nam mkha'i rlung ste/ de la brten pa'i rtog pa med pa'i rnam par shes pa'o//des longs spyod kyi 'khor lo dang chos kyi 'khor lo bstan pa yin la/ de'i dbus na gnas pa nam mkha'i rlung la brten pa'i shes pa ni rtog pa med pa yin pas de yang yi ge has bstan pa yin no/ /ha zhes bya ba kun na gnas pa/ sangs rgyas thams cad 'dus pa ste/ / 'byung ba lnga ni sangs rgyas yin la/ de'i rlung lnga ro gcig par gyur pa la brten pa ni shes pa rtog pa med pa sems 'od gsal ba'o/ /sems 'od gsal ba dngos po'i rang bzhin yang rnal 'byor pas ji ltar rtogs par bya zhe na/ /'byung gnas sgra tshul nges 'byung rnams/ /dam tshig spyod pa'i spyod tshul yin//zhes bya ba smos te/ 'byung gnas ni 'byung khung gi rgyu ste/ nam mkha'i rlung la brten pa'i mi rtog pa'i shes pa'o/ /rgyu tshul ni srog a lba d+hU tIr chud pa'o/ /nges 'byung rnams zhes bya ba ni/ dbang po drug gi shes pa bde ba rtog pa med pa skyes pa'o/ /dam tshig spyod pa'i spyod tshul yin//zhes pa ni/ dam tshig ni dbang po drug gi shes par bde ba las mi 'da' bas na dam tshig go/ /spyod pa ni yul rnam pa drug go/ /spyod tshul ni bde bas rgyas btab pa'o/ /de ltar rtog pa med pa'i shes pa ni 'jig rten gsum du rnyed par dka' ba yin la/ sems rang bzhin gyis 'od gsal ba thog ma dang dbus dang tha mar yang dag par gnas pa'o//de skad du yang / thog mtha' med pa'i sems dpa' ni/ /rdo rje sems dpa' bde ba che/ /zhes dpal mchog dang po las gsungs so/ /bsrub bya srub pa'i sbyor bzhin du/ /zhes pa ni phyag rgya bzhi dang /thabs bzhi ji lta ba bzhin du rtog pa med par mnyam par sbyor ba'o/ /sngags bzlas zhes bya ba ni dbugs 'byung rngub gsum mo/ /bsam gtan zhes bya ba ni rnam shes dang ye shes so/ /sogs zhes bya ba ni rdzogs rim lus kyi dkyil 'khor dang sbyin sreg la sogs pa bsdu'o/ /sbyor nyid cho ga'i ye shes ni/ / zhes pa ni phyag rgya bzhi'i thabs la brten nas yul stong pa nyid la sbyor ba'i ye shes ni rang bzhin brgyad cu'i rtog pa dang bral bas na/ sbyor nyid cho ga'i ye shes so/ /rgyud ni bshad kyis nyan par gyis/ /zhes pa ni skabs dbye ba phun sum tshogs pa yin no/ /ci'i phyir de skad du gsungs she na/ chos thams cad stong pa nyid 'od gsal ba yin yang /phyag rgya bzhi'i thabs kyis stong pa nyid mngon sum du ma grub na/ tshu rol mthong ba'i gang zag gis mngon sum du rtogs par mi nus pas na thabs dang shes rab kyi don ji lta ba bzhin du mnyan par gyis shig ces pa'i don to/ /de ltar mdor bstan nas/ rgyas par bshad pa ni/ skye gnas dbus na rtsa gnyis te//g.yon dang de bzhin g.yas na'o/ /zhes bya ba la skyes gnas ni lte ba sprul pa'i 'khor lo'i dbus na la la nA dang ra sa nA'i rtsa gnyis gnas pa'o/ /g.yon nas de bzhin khu ba zhes pa ni la la nA'o/ /g.yas nas de bzhin khrag rgyu ba ni ra sa nA'o/ /de 'dus pa'i dbus na nam mkha'i rlung chos kyi dbyings kyi rang bzhin gnas pa ni a lba d+hU tI'o//rdul dang mun pa'i snying po stobs/ /zhes brdar btags pa ni go sla'o/ /rdo rje pad+ma mnyam sbyor bas/ /dngos dang dngos med 'dres pa ste/ /zhes pa ni dngos po byang chub kyi sems dang dngos med rang byung gnyis 'dres pa'o/ /de 'ba' zhig 'dres par gyur tam zhe na khams bcu drug ro gcig par gyur pa'o//cir ro gcig par gyur zhe na/ bde ba chen por snang ba'i rang bzhin no/ /de'i don 'di skad ston pa yin te/ skyes bu'i lus la tshor ba sdug bsngal gyi dus dang / tshor ba bde ba'i dus dang / tshor ba btang snyoms kyi dus dang / dus gsum du gnas pas na rdo rje dang pad+ma mnyam par sbyor bas rlung me'i drod can bskyed nas khams bcu drug gi rang bzhin bzhus te/de bde ba'i rang bzhin du ro gcig par gyur te/ bde ba stong pa nyid kyi rang bzhin du shes par 'gyur ro/ /de skad du yang mnyam sbyor las/ sgyu ma dag ni thams cad las/ /las kyi phyag rgya khyad par 'phags/ /ye shes gsum gyi dbye ba ni/ /gsal bar de las mtshon par 'gyur//zhes gsungs so/ /de ltar na pha dang ma'i mnyam sbyor gyi dus kyi tshe bdud rtsi rnam pa lnga dang 'dres pa'i rnam par shes pa las rnal 'byor pa sgyu ma lta bu'i lus su 'byung bas na/ bshang gci bad kan khrag dang ni/ /de bzhin lnga pa khu ba ste/ /bdud rtsi lnga yi rang bzhin lus/ /zhes bya ba ni rtog pa med pa'i shes pa'i snang ba bdud rtsi rnam pa lnga 'dus pa'i lus so//de ni rdo rje can zhes brjod/ /ces bya ba ni sems 'od gsal ba'i snang ba rtog pa med pa'i shes pa'i nyams su myong ba'i dus su rdo rje can zhes bya ba yin te/ mi 'gyur ba yongs su grub pa'i rang bzhin yin pa'i phyir me long gi gzugs brnyan bzhin no//gang zhig ma shes par gnyis su brtags pa de'i tshe kun du brtags pa'i lus su snang ba yin no/ /gnyis su snang bar 'gyur ba de'i tshe gzhan gyi dbang gi lus yin no/ /lus de nyid nub par gyur pas/ lus gnas chen po lus skyes min//zhes bya ba ste 'od gsal ba'i snang ba la/ rdo rje can zhes brjod do/ /de la/ rus pa rkang dang khu ba ni/ /pha las skyes par bsten pa ste/ /lus kyi bye brag gsum ni pha'i rgyud las skyes pa'o/ /sha dang khrag dang pags pa ni ma las skyes pa ste/ khams bcu drug gis lus kyi gong bu/mdor bsdus pa ni rnal 'byor pa bzhi'i lus su bstan te/ gnyis las 'byung bas na khams du ma yin la/ bsdoms pas na gcig yin te des na gcig dang du ma 'dres pa'i lus la rdo rje can zhes brjod de/ /zla ba bcu yi rnam pa las/ / sems can sa bcu'i dbang phyug yin/ /zhes gsungs pas na byang chub pa'i lus su bshad do/ /de ltar srid pa 'byung ba dang mya ngan las 'das pa ro mnyam par bshad nas/ da ni shes pa rtog pa med pa skye ba'i gnas bshad pa ni/ rtsa rnams thams cad yang dag 'jug /de yi sgo ni rnam pa gnyis//zhes bya ba ni lus kyi rtsa'i 'khor lo'i dbus na sgo rnam pa gnyis gnas te/ gtum mo drod gyen du 'gro ba'i spyi gtsug gi sgo dang / byang chub kyi sems thur la 'bab pa a lba d+hU tI'i sgo'o/ /de dag 'dus pa'i dbus su ni/ /lha yi lus su dmigs par 'gyur/ / zhes bya ba ni sngar khams nyer bzhir tshor ba btang snyoms kyi dus las gtum mo drod kyi bde ba bskyed nas byang chub sems kyis khyab pa de'i tshe lha'i lus su 'gyur te bde bas khyab pa'i phyir ro/ /steng gi sgo dang 'og sgo nyid/ /ces bya ba ni a lba d+hU tI'i steng dang 'og go/ /'og sgo rnam par shes pa ste//steng gi sgo ru khams rnams so/ /zhes pa ni gtum mo drod gyen du 'gro ba'i rim pas/ mig me dang / rna ba rlung dang / sna sa dang / lce chu dang / spyi gtsug nas nam mkha'i rlung khams rnams su gtum mo drod bskyed pa dang byang chub kyi sems babs pas 'og sgo la brten nas rnam shes dang ye shes skye ba'o//rnal 'byor pas ni rtsa rnams kun/ /'dus nas 'jug par bshad par bya/ /zhes bya ba ni dbugs 'byung 'jug byed pa'i tshe 'khor lo bzhir 'byung ba'i rlung rnams lhan cig tu 'dus nas 'byung 'jug byed pa yin no/ /lus la rtag tu steng sgor ni//rdo rje can ni rgyun du gnas/ /zhes bya ba spyi gtsug nas a na ha'i byang chub sems kyi thig le'o/ /steng 'og 'khrul 'khor gsum la ni/ /sgo dgu yis ni yang dag bskor/ /zhes bya ba ni/ gyen du rgyus pas mig dang / rna ba dang / sna dang / lce'i rlung bzhi bskyed pa dang /thur du sel bas bshang gci gnyis bskyed pa dang me dang mnyam du gnas pa'i rlung gis byang chub kyi sems bskyed pa ni rlung gi 'khrul 'khor zhes bya'o/ /de ltar sgo dgu ni bu ga dgu'o/ /de nas bcom ldan 'das la 'khrul 'khor gsum zhus pa ni bka' stsal pa ni sku gsung thugs kyi rang bzhin gyis zhes bya ba ni sku ni bshang gci'i sgo'o//gsung ni mig me dang / rna ba rlung dang / sna sa dang / lce chu'o/ /thugs ni a lba d+hU tIr nas byang chub sems 'bab pa'i sgo'o/ /mchog ni bde ba'i ting nge 'dzin bskyed pas na a wa d+hU tI'o//bar ma ni tshor ba btang snyoms bskyed pas na rlung gi sgo bzhi'o/ /tha ma ni tshor ba sdug bsngal dang ldan pa de sems gzung bar dka' ba'i phyir ro/ /ka ba gcig ni a wa d+hU tI'o/ /rigs pa lnga ni dbang po lnga'o/ /rtsom pa'i lha sprul zhes pa ni de bzhin gshegs pa'i brdas rnam par snang mdzad dang mi bskyod par grags pa'o//gang gis de shes sems ldan zhing / /zhes pa ni bde ba skye ba'i lus kyi gnas shes pas skyes bu rnal 'byor pa zhes bya'o/ /ma shes na ji ltar 'gyur zhe na/ dus rnams kun du rtag par ni//'gro dang 'ong ba'i khyad par gyi/ /zhes bya ba smos te/ dus rtag tu dbugs 'byung rngub la brten nas srog chags rkang gnyis dang rkang mangs la sogs pa 'byung ba bzhi'i rlung la brten nas sems gnas pa'i cho ga gnyis su 'gyur te thim pa dang 'jug pa'o/ / thim pa ni nam mkha'i rlung ste/ srog a lba d+hU tIr gtan du gnas pa'o/ /'jug pa ni phyir song ba las 'ongs pa'o/ /de gnyis la brten nas rtog pa med pa'i shes pa skye ba yin la/ /rtog pa med pa rgyun du gnas pa las bsam gtan dang po la sogs pa'i ting nge 'dzin du 'gyur ro//de ltar mnyam par bzhag pa'i sems kyis mi shes pa ni so so'i skye bo nyid yin no/ /de ltar sgo dgu'i bye brag mdor bstan nas/ de'i don rgyas par bshad pa ni/ me dang de bzhin rlung dang ni/ /dbang chen dang ni de bzhin chu/ /zhes pa ni/ lte ba me'i rlung mig gi sgo nas steng du rgyu ba dang /rkang pa rlung gi dkyil 'khor nas rna ba'i sgo nas logs su rgyu ba dang / snying ga sa'i dkyil 'khor nas sna'i rlung thad kar rgyu ba dang / lte ba chu'i dkyil 'khor nas lte ba'i rlung thur du rgyu ba'o/ /de ltar 'khor lo bzhi las rnam par shes pa bzhi 'pho ba'i rlung rgyu ba yin no//gsum pa yid kyi sgo yin te/ /zhes pa ni gsang ba'i rdo rje'i phyi rol gyi sgor gcig pa yin la/ nang gi rtsa dbus mar zla ba byang chub kyi sems 'byung ba dang / nyi ma gtum mo drod 'jug pa'i sgo ni tshor ba bde ba skyes pa ni sgo rnams kyi mchog yin no/ / gtso bo steng dang 'og ces grags/ /zhes pa ni/ steng spyi gtsug dang 'og nor bu'i sna rtse ni rnal 'byor pa mngon sum gyi lam la gtso bo yin te/ bsam gtan gyi ting nge 'dzin gyis lus bde ba dang yid bde ba'i dga' ba bzhi bskyed pa'i phyir ro/ /ci'i phyir de gtso bor smos she na/ rnal 'byor pa la nye bar mkho ba'i phyir ro//tshad ma ni skyes bu blang dor gyi don bsgrub pa la nye bar mkho bas mkhas pa rnams kyis blang bar bya ba yin pa bzhin du rnal 'byor pa rnams kyis zhi gnas dang lhag mthong gis skyes bu'i don grub pa dang / mngon sum gyi lam nye bar mkho ba yin pas/ de'i phyir de yongs su btsal ba yin no/ /'og sgo rnam par shes pa ste/ /zhes bya ba la sogs pa ni sngar bshad pas go sla'o/ /de ltar lus kyi sgo dgu bshad nas/ 'byung ba lnga'i rlung lus la rgyu ba bshad pa ni/ rnam snang la sogs sangs rgyas rnams/ /zhes bya ba la sogs pa smos te/'byung ba lnga ni sangs rgyas lnga'o/ /steng gi sgo nas bskyed pa ni/ /nyin mtshan gcig la dbugs nyi khri chig stong drug brgya phyir rgyu ba dang nang du 'jug pa dang / gnas pa gsum gyi dbye bas gnas pa dang / spyan drang ba dang / gshegs su gsol ba'o/ /de dus nam gyi tshe zhe na/ sgyu ma dag ni thams cad las//bud med sgyu ma khyad par 'phags/ /ye shes gsum gyi dbye ba ni/ /gsal bar 'di las mtshon par 'gyur/ /zhes gsungs pas/ mkha' 'gro ma dam tshig gi phyag rgya dang / sbyor ba'i yum las kyi phyag rgya las rtog pa med pa'i rlung 'byung rngub kyi de nyid dang lus kyi rang bzhin shes par 'gyur ro//de yang rlung nang du 'jug pa na rtog pa med pa skye bas yon tan dang bde bar 'gyur ro/ /phyir rgyu ba la ni rnam par rtog pa skye bas skyon dang sdug bsngal du 'gyur ba yin te de ltar rgyu rkyen tshogs pas lhan cig skyes pa'i rang bzhin du 'grub pa'i phyir ro//de ltar 'og rlung gi lam tshogs ni bcom ldan 'das rdo rje sems dpa' bshad pa yin no/ /de ltar lus kyi gnas bshad nas/ da ni lba san+ta ti la ka bshad pa'i phyir/ bcom ldan 'das la mnyan par sbyor bas mnyes par bya ste/ 'di skad ces zhus pa yin no/ /wa san+ta zhes gang la bgyi zhes bya ba ni lus kyi dbang po'i bye brag tshor ba bde ba skye ba'i rten snying ga'i byang chub sems kyi thig le'o//ti la ka ni ji lta bu zhes pa ni rlung me'i drod can bskyed pa'i rten lte ba'i khrag gi thig le'o/ /mi phyed la sogs gang du brten/ /zhes pa ni nam mkha'i rlung ngo //a na ha zhes bya ste phyir mi rgyu bas na srog ces bya'o/ /sogs pa ni gnas nyer bzhir rtsa'i gnas su rlung dang khams rgyu ba'o/ /de rnams gnas ni gang dag lags/ /zhes pa ni gnas nyer bzhi 'dri ba'o/ /pUl+li la sogs gang bstan pa/ /zhes pa ni gnas nyer bzhi'i ming bstan pa'o//'khor lo mchog ni ji ltar dgod/ /ces pa ni lus la sku gsung thugs kyi 'khor lo ji ltar dgod pa'o/ /rtsa rnams gang las ci 'byung ba/ /zhes bya ba ni rtsa rnams spyi gtsug nas skyes nas ji ltar 'byung ba zhus pa'o/ /bye brag de dag bshad du gsol/ / zhes zhus pas gnas sha'i gor gling dang / dpa' bo khams su gnas pa dang / dpa' mo rtsar gnas pa dang / 'khor lo gsum gyi bye brag zhus pa'o/ /lan bka' stsal pa ni/ gsang la shin tu gsang gyur pa/ /zhes pa ni gsal ba'i sems 'od gsal ba'i snang ba lhar bstan pa'o/ / shin tu gsang ba ni las dang po pa'i rnal 'byor pas bde ba rtog pa med pa'i sgo nas rtogs pa'o/ /pha rol phyin pa sa bcu ni/ /gnas la sogs pa rtsa yi gzugs/ /zhes pa ni rtog pa med pa'i pha rol tu phyin pa bde ba'i gnas skabs kyi sa bcu'i snang ba ni rtsa'i gzugs su gyur pa yin no/ / de yang sku khams shas che ba dang / gsung drod shas che ba dang / thugs rlung shas che ba'i bye brag gis gnas nyi shu rtsa bzhir phye ba yin no/ /mgo ni ma lA ya yul te/ /zhes pa la sogs pa ni go sla'o/ /mkha' spyod thugs kyi 'khor lor gnas/ /zhes pa la/ mkha' spyod ni gtso bo nam mkha'i dkyil 'khor ro//thugs kyi 'khor lo ni rlung rgyu ba'o/ /gnas zhes bya ba ni gang gi tshe bde bas khyab pa'i dus de'i tshe thugs kyi 'khor lo'i gnas su gyur pa'o/ /sa spyod gsung gi 'khor lor gnas/ /zhes pa la sa spyod ni snying ga sa dang / lto ba chu dang / lte ba me la brten pa'o//gsung gi 'khor lo ni drod shas che ba'o/ /de yang zhing dang rol par gyur pa ni gang gi tshe lus la bde ba gnas pa dus de'i tshe 'gyur ro/ /sa 'og na/ sku yi 'khor lor yang dag gnas/ /zhes bya ba la/ sa 'og ni gsang ba'i rdo rje nas pus mo'i bar du'o/ /sku'i 'khor lo ni khams rgyu ba shas che ba'o//'dus dang dur khrod du rgyu ba ni gang gi tshe bde bas khyab pa'i dus kyi tshe yin gyi khams nyer bzhi tshor ba btang snyoms kyi dus sam rlung dang mkhris pa dang bad kan shas che bar 'gyur ba tshor ba sdug bsngal gyi dus ni ma yin no/ /de dag mkha' 'gro ma rnams yul//zhes bya ba ni sha'i 'khor lo de dag ste sngar gnas gang lags zhes zhus pa'i lan yin no/ /rang gi lus las byung ba ste/ /zhes pa ni/ rtsa rnams gang las ji ltar byung / /zhes bya ba'i lan yin te/ /de yang thog mar spyi gtsug nas 'byung ba'i sku gsung thugs kyi 'khor lo ni zhes pa/bye brag de dag bshad du gsol/ /zhes pa'i lan yin no/ /bskyed pa'i rim pa ltar lha'i skus mi gnas na mkha' 'gro ma gzugs ji ltar gnas she na/ gnas kun du ni mkha' 'gro ma/ /rtsa yi gzugs kyis yang dag gnas/ /zhes bya ba yin no/ /de yi shugs kyis rgyud kyi rim pa'i tshe na/gnas de rnams su dpa' bo ni/ khams kyi gzugs kyis yang dag gnas/ /zhes bya ba dang / sngags kyi rim pa'i tshe na/ gnas de rnams su dpa' bo ni/ /rlung gi gzugs kyis yang dag gnas/ /zhes bya ba dang / ye shes kyi rim pa'i dus kyi tshe na/gnas de rnams su dpa' bo ni/ /bde ba'i gzugs kyis yang dag gnas/ /zhes go bar bya'o/ /brtag pa drug pa'i rab tu byed pa dang po'i 'grel pa'o// //de ltar rgyud kyi rim pa bshad nas/ da ni thig le'i 'khor lo bshad par bya ste/ de nas gzhan yang de bzhin gshegs pa'i sku la zhes pa ni rnal 'byor pa'i lus so//ji lta ba bzhin du gnas zhes pa ni don rang gi mtshan nyid kyi gnas lugs so/ /rtsa yi 'khor lo bshad par bya/ /zhes pa ni tshor ba bde ba skyes pa'i rnal 'byor pa la nye bar mkho ba'i 'khor lo bshad pa'o/ /gnas de gang yin zhe na/snying ga'i dbus 'gyur pad+ma ni/ /'dab ma brgyad dang ge sar bcas/ /zhes bya'o/ /de yi dbus su 'gyur pa'i rtsa/ /mar me lta bu'i gzugs su gnas/ /zhes pa ni chu shing gi snying po ltar drang ba/ pad+ma'i skud pa ltar phra ba/ /til gyi mar me ltar gsal ba/ /rgya skyegs kyi lo ma ltar dmar ba'o//de gang gi dbus su gnas she na/ snying chu shing gi me tog lta bu'i dbyibs can kha thur du bltas shing 'phyang ba'i dbus ni rtsa de gnas pa yin la/ rtsa de'i tshigs kyi dbus na dpa' bo yungs kar gyi tshad tsam ste/ spyi gtsug nas babs pa'i byang chub sems kyi thig le lus bde ba'i dang po'i gnas so//hUM gi sa bon mi shigs pa/ /zhes pa ni nam mkha'i rlung spyi gtsug mig btsums gnyis kyi tshad du sdod pa mi shigs pa'i rlung la hUM gi ming gis btags pa'o/ /kha ba lta bur 'dzag pa yin/ /zhes pa ni gal te rlung me'i drod can gyis bzhus pa de'i tshe kha ba 'am ba mo lta bu'i mdog can 'dzag pa yin no//wa san+ta zhes bshad pa yin te/ lus can kun gyi snying dga' byed/ /ces pa ni lus bde la dga' ba dang mchog dga' bskyed pa'i rgyu dpyid ces bya ba lus bde ba'i dbang po'i sa bon yin no/ /de ltar thabs kyi wa san+ta bshad nas/shes rab ye shes kyi ti la ka bshad pa ni/ rgod ma'i kha ni me yi gzugs/ /zhes bya ba la/ byang phyogs kyi rgya mtsho ni rgod ma'i kha zhes bya la/ de dang 'dra ba'i rlung nang du 'jug pa'i gnas lte ba ni rgod ma'i kha zhes bya'o/ /de'i gzugs ni rlung me'i drod can la bya ste/de nyid byang chub kyi sems 'bebs shing 'dzin pas na bdag med ma ti la ka zhes bya'o/ /bdag med ma ni dgyes pa'i rdo rje'i btsun mo'i brdas btags pa'o/ /ti la ka ni drod gtsub stan khrag gi thig le'o/ /las kyi rlung gis bskyod nas su/ /zhes pa ni g.yas g.yon gnyis kyi rtsa ni srub thag yin la dbus ma a lba d+hU tI ni srub shing yin no//gtsub stan ni me'i khams kyi lhag ma khrag gi thig le'o/ /de la g.yas g.yon gnyis kyi rlung gis bskyod nas lte ba'i dkyil 'khor nas 'bar ba dang du ba dang gsal bar gyur nas snying ga'i wa san+ta dad phrad pas na lus dga' ba dang mchog dga' dang yid bde ba dang lhan cig skyes dga' 'byung ba'i rgyu ni 'ga' zhig snyoms par zhugs te gnas zhes bya ba yin no//'di nyid bsam gtan dang po'i ting nge 'dzin rtog pa med pa'i bde ba yin pas na zhi gnas kyi bde ba rgyu'i he ru ka yin no/ /de bas na 'di ni dpal ldan he ru ka /wa san ti la ka ru bzhed/ /ces bya'o/ /bzhed ces bya ba ni lhag mthong stong pa nyid kyi ti la ka la rnam par mi rtog pa'i ye shes kyi wa san+ta dang ro gcig pa'i 'bras bu'i he ru ka ma yin yang zhi gnas rgyu'i he ru ka la dgongs nas bzhed ces gsungs pa yin no/ / rnal 'byor ma la sogs kyis ni/ /rgyu dang mi rgyu yang dag gnas/ /zhes bya ba ni rlung me'i drod can bems po yin yang rnam par shes pa'i snang ba yin pas rgyu ba zhes bya'o/ /sku gsung thugs kyi bye brag gis/ /zhes bya ba ni sngar bshad pa'i sgo dgu las rlung me'i drod can 'gro ba dang / 'ong ba'i tshul gyis gnas pa'o/ /de ltar wa san ti la ka bshad nas/ de nas de'i bye brag gi gnas bshad par bya ste/ lte bar a yi gzugs kyis te/ /thung ngu zhes ni bya bar grags/ /zhes pa ni/ hUM mig btsums gcig gi tshad du sdod pa'o/ /snying gar yang ni hUM yig ste//cha gnyis tshad ni ri bo yin/ /zhes pa ni/ mig btsums gnyis kyi tshad du sdod pa'o/ /mgrin par aM gi gzugs kyis te/ /'dren pa cha gsum tshad yin te/ /zhes pa ni mig btsums gsum gyi tshad du sdod pa'i rlung ngo / /dpral bar yang ni haM yin te/ /zhes pa ni dus thams cad du nam mkha'i rlung de gnas nas 'chi ka'i bar du lus la gnas pa'o//rlung de rnams ji srid gtum mo'i drod ma skyes pa de srid du nam mkha'i rlung yin no/ /drod skyes pa'i dus su me'i rlung yin no/ /'khor lo de rnams gang na gnas she na/ sa sogs 'byung ba chen po ni//zhes gsungs te/ lte ba me dang lte ba chu'i bar na lte ba sprul pa'i 'khor lo dang / lte ba chu dang snying ga sa'i bar na snying ga chos kyi 'khor lo dang / snying gas dang mgo bo nam mkha'i bar na longs spyod kyi 'khor lo dang / mgo bo nam mkha' dang / phyi rol gyi nam mkha'i mtshams na bde ba chen po'i 'khor lo'o//de rnams su byang chub kyi sems 'bab pa'i bde ba skyes pa rnal 'byor bzhi dang dga' ba bzhi dang dus bzhi zhes brjod do/ /des na sbyor ba bzhis 'gro ba ste/ dga' ba bzhi yi tshul gyis ni/ /mtshams bzhi ru ni lhag par gnas/ /zhes bya'o/ / mchog tu dga' ba'i tshul gyis ni/ /bya ba dang ni byed pa'i dngos/ /zhes bya ba ni/ dga' ba bzhi bskyed pa'i bya ba khrag gis thig le dang / byed pa byang chub kyi sems kyi thig le'o/ /dpal ldan rdo rje sems tshul gyis/ /zhes bya ba ni/ rtog pa med pa'i bde ba'o/ / 'di ni ji ltar bde bar rol/ /zhes pa ni/ lte ba'i dbus na bde bas khyab par gnas pa'o/ /phyogs bzhi'i 'dab ma la gnas pa/ /zhes pa ni 'byung ba bzhi'i rtsa mkha' 'gro ma la sogs pa'i rtsa'o/ /mtshams rtsar bdud rtsi lnga 'bab gnas/ /zhes bya ba ni/ bdud rtsi bzhi mtshams bzhi'i rtsa dang /dbus ma byang chub kyi sems kyi rtsa dang lnga'o/ /de ltar ye shes kyi 'khor lo bshad nas/ 'khor lo gsum gyi bye brag bshad par bya ste/ sku gsung thugs kyi bye brag gis/ /zhes bya ba ni/ gnas nyer bzhi'i lus kyi dkyil 'khor ro/ /gnas rnams su ni yang dag gnas//zhes bya ba ni/ gnas nyi shu rtsa bzhir gnas pa'o/ /rtsa de rnams gang nas byung zhe na/ mgo bo las ni byung ba'i rtsa/ /mgo las skyes zhes brjod pa ste/ mngal du zhugs nas zhag bdun gyi tshe yi ge hUM gi gzugs can gyi rtsa grub pa'o/ /snying stobs rdul dang mun stobs kyis/ / zhes bya ba ni/ la la nA dang ra sa nA dang / a wa d+hU tI dang gsum mo/ /'khor lo bzhi'i dbye bas rtsa brgya nyi shu'i yi ge la gnas sum cu rtsa gnyis kyi dbye bas rtsa sum cu rtsa gnyis yin no/ /de la gtso bo gsum yin la snying ga'i bdud rtsi lnga'i rtsa bzhi ma gtogs pa lhag ma nyer bzhi ni gnas nyer bzhi gnas pa'i rtsa yin te/de gang yin zhe na/ mi phyed ma mgo bor ro/ /phra mo ni spyi gtsug tu'o/ /gsal ba ni rna ba g.yas par ro/ /g.yon ma ni ltag par ro/ /'dul byed ma ni rna ba g.yon par ro/ /rus sbal ma ni smin ma'i dbus su'o/ /srid pa ni mig gnyis na'o/ /dbang bskur ma ni phrad pa gnyis su ste thugs ka'i 'khor lo'o//bzang ldan ma ni mchan khung du'o/ /bshang ba ma ni nu mar ro/ /ma mo ni lte bar ro/ /mtshan mo ni sna rtser ro/ /bsil ster ma ni kha la'o/ /drod ma ni mgrin par ro/ /nags tshal ma ni snying gar ro/ /mgu ma ni chu sor te gsung gi 'khor lo'o//mdog mdzes ma ni mtshan mar ro/ /thun mong ma ni bshang ba'i lam la'o/ /rgyu ster ma ni brla la'o/ /bral ba ma ni rje ngar la'o/ /mdza' mo ni rkang pa'i sor mor ro/ /grub ma ni rkang pa'i bol du'o/ /me ma ni mthe bo la'o/ /yid 'ong ma ni pus mo la ste sku'i 'khor lo'o/ /khams dang gnas nyer bzhi'i ming ni go sla'o//snying ga'i dbus nas lte bar byang chub kyi sems 'bab pa'i rtsa ni sum rim zhes bya ste/ dga' ba dang mchog dga' lhan cig skyes dga'i gnas yin no/ /snying ga'i shar lho mtshams na 'dod ma bshang ba'i dngas ma 'bab pa dang / lho nub mtshams na khyim ma gci ba'i dngas ma 'bab pa dang /nub byang gi mtshams na gtum mo khrag gi dngas ma 'bab pa dang / byang shar mtshams ni bdud 'dul ma sha'i dngas ma 'bab pa ste/ de ltar na rtsa sum cu rtsa gnyis yin no/ /brtag pa drug pa'i rab tu byed pa gnyis pa'i 'grel pa'o// //de ltar thig le'i 'khor lo bshad nas/ da ni lus kyi 'khor lo bshad par bya ste/ rnal 'byor pa'i lus kyi dkyil 'khor dang / mchod sbyin dang / sbyin sreg dang / bzlas pa dang / bsgom pa dang / slob dpon dang / gnas la sogs pa ji lta bu yin zhes zhus pa yin no//lan du bka' stsal pa ni/ rtsa yi gzugs las yang dag 'byung / /zhes pa smos te/ bskyed pa'i rim pa brtags pa ma yin pa gzhan gyi dbang gi 'khor lo rtsa'i gzugs kyis gnas pa yin no/ /des ci zhig bya zhe na/ rnal 'byor pa dang rnal 'byor ma bde ba'i ting nge 'dzin bskyed pa'i rten rtsa yin pas lus kyi dkyil 'khor de btsal bar bya'o//he ru ka sogs lha yi ni/ /zhes bya ba ni/ bde ba rtog med kyi lha drug cu rtsa gnyis kyi lus kyi dkyil 'khor du'o/ /ji skad gsungs pa'i sgo bzhir ldan/ /zhes bya ba ni/ sngar bshad pa'i mig dang /rna ba dang kha chu'i sgo bzhi'o/ /ka ba brgyad kyis bstan pa yin/ /zhes bya ba ni/ dpung pa gnyis dang lag ngar gnyis dang rje ngar gnyis dang brla gnyis so/ /dngos po kun du mnyam pas na/ /zhes pa ni/ 'dom gang spyi bo dang / rkang pa'i bar du mnyam pas na gru bzhi par grags pa'o//sku gsung thugs kyi tshul gyis ni/ /zhes pa ni spyi gtsug gi 'khor lo'i g.yon pa la la nA dang 'brel pa brgyad byang chub kyi sems rgyu ba sku dang / g.yas par sa nA dang 'brel pa brgyad khrag rgyu ba gsung dang / dbus ma a wa d+hU tI dang 'brel pa brgyad rlung rgyu ba thugs dang 'brel pa brgyad dam tshig gi 'khor lo ste sum cu rtsa gnyis yin no//de ltar spyi gtsug gi 'khor lo gcig pu nyid la rtsa'i dbye bas 'khor lo gsum du brjod do/ /de yang / /der ni mgo bo'i char gnas pa/ /sum cu rtsa gnyis 'dab skyes las/ / dbyangs dang gsal byed yang dag rdzogs/ /byang chub sems ni sum cu gnyis/ /zhes 'chad par 'gyur ro/ /gzhan dag ni sku'i gnas nyi shu rtsa bzhi la sku gsung thugs kyi 'khor lo yin zer te/ theg pa'i 'khor lo'i skabs su bshad du zin kyang 'dir yang 'chad par 'gyur ro/ / bla ma brgyud pa'i rim gyis ni/ /rdzogs pa'i dkyil 'khor nyid du gsal/ /zhes pa ni/ sum cu rtsa gnyis byang chub kyi sems kyis gang ba'i dus de'i tshe rdzogs pa'i dkyil 'khor zhes bya'o/ /bems ro la sogs rim bzhin gnas/ /zhes bya ba ni/ rkang pa rlung gi dkyil 'khor dang lte ba me dang lto ba chu dang snying ga sa dang mgo bo nam mkha'i dkyil 'khor ni ri rab kyi dbyibs yin no//de ltar lus kyi dkyil 'khor mdor bstan nas/ rgyas par bshad pa ni rkang mthil ni gzhu mchog gi dbyibs yin la/ rkang pa gnyis ni gzhu'i yin pas rlung gi dkyil 'khor ro//sum mdo gru gsum ni me'i dkyil 'khor ro/ /lte ba zlum po ni chu'i dkyil 'khor ro/ /snying ga gru bzhi ni sa'i dkyil 'khor ro/ /sgal tshigs ni ri rab kyi dbyibs so/ /de'i dbus na rtsa sum cu rtsa gnyis ni lus kyi dkyil 'khor ro/ /g.yon pa la la nA dbyangs yig dang / /g.yas pa ra sa nA gsal byed dang /a wa d+hU tI ma ning dang dbus ma dang g.yas g.yon gnyis su 'dres pa'i sgo ma bzhi dang / g.yas g.yon gnyis 'dres pa'i mtshams ma bzhi ste/ rtsa sum rtsa gnyis gnas pa yin no/ /mgo bo'i dbus na glad pa zhes bya bar grags pa ni/ zla ba'i dkyil 'khor ro/ / de yi dbus su yi ge haM/ /zhes bya ba ni/ rtsa'i dbus na srog ces bya ba'i rlung 'chi ba'i dus kyi tshe lus la 'byung zhing sngar mi 'byung bas mi shigs thig le'i gzugs can zhes bya'o/ /mi gsal gsal ba'i bdag nyid can/ /zhes bya ba ni/ byang chub kyi sems gsal ba la khrag gi dngas ma mi gsal ba'am/yang na byang chub kyi sems bems po'i gzugs kyis gnas kyang rnam par shes pa'i snang ba yin pas gsal ba'i bdag nyid can no/ /de nyid brtan dang g.yor bcas pa/ /zhes pa ni brtan pa lus dang g.yo ba sems kyi rgyu sa bon gyi gzugs kyis gnas pa'o/ /'gro ba kun gyi rtsa ba ste//zhes pa ni/ lus gnas pa'i rtsa ba ste/ khams kyi dngas ma'o/ /dngos po de las skyes pa yin/ /zhes pa ni/ pha ma gnyis kyi sa bon zhag bdun gyi tshe na dang por spyi gtsug gi haM grub pa yin no/ /'o na de ltar gnas pa'i rang gi mtshan nyid ni/ tshor ba btang snyoms kyi rten yin na bde ba skyes pa'i lus kyi dkyil 'khor du dus nam gyi tshe 'gyur zhe na/me ni mnyes par byed pa ste/ /de nyid kyis ni sgo yang phye/ /zhes bya ba smos te/ gtum mo drod kyi nam mkha'i rlung mdzod spu'i sgo phyes nas des spyi gtsug gi byang chub kyi sems bzhu ba las nyin dang mtshan mo dbugs 'byung rngub kyi dus su bdud rtsi zla ba 'dzag pa des dkyil 'khor yongs su rdzogs par 'gyur ro//ci'i phyir dkyil 'khor zhes bya zhe na/ rtsa sum cu gnyis kyi dbus na gnas pa'i byang chub sems kyi thig le gtum mo drod kyis len pas na/ snying po len pas dkyil 'khor zhes bya'o/ / de ltar dkyil 'khor bshad nas/ da ni mchod sbyin bshad par bya ste/ de ni phyi nang sna tshogs kyis/ /khyab bya'i gzugs kyis yang dag gnas/ /zhes bya ba ni/ phyi 'dod pa'i yon tan rnam pa lnga'o/ /nang gi bdud rtsi lnga la sogs pa rang gi lus la grub pa'i rdzas gnas pa'o/ /phyi gzugs rdo rje ma la sogs pa la dga' ba bzhi'i ting nge 'dzin skye ba na mchod pa'o//nang bdud rtsi lnga'i zungs kyi dngas mas lus bde ba skyes pas phyi dang nang gi bdag nyid byang chub sems kyi rdo rje can zhes bya'o/ /sbom po dang ni phra gzugs kyi/ /zhes bya ba'i sbom po ni/ dbang po lnga'i yul gzugs la sogs pa'o//phra gzugs ni bdud rtsi rnam pa lngas lus bde ba dang yid bde ba skyed pa'o/ /su la mchod par bya zhe na/ 'gro ba sangs rgyas rang bzhin nyid/ /ces bya ba smos te/ 'gro ba sems can 'od gsal gyi/ /rang bzhin yin pas dga' ba bzhi/ /skye ba'i sgo nas mchod par bya'o//de ci'i phyir gsungs she na/ de ni sangs rgyas byang sems kyi/ /dam tshig don du gsungs pa ste/ /zhes bya ba smos te/ sangs rgyas bcom ldan 'das rnams kyis bde ba rtog pa med pa las zhi gnas kyi ting nge 'dzin gyi thabs su gsungs pa yin no/ /yul lnga dang bdud rtsi lnga las bde ba rtog pa med pa skyes pas ci zhig byed ce na/tshe 'di nyid du sangs rgyas ni/ /thob pa'ang dkyil 'khor las byung ba/ /zhes bya ba smos te/ bde ba rtog pa med pa ni bsam gtan dang po yin te/ bsam gtan gyi bde ba la brten nas/ lhag mthong stong pa nyid kyis rgyas btab pas tshe 'di la yang sangs rgyas su 'gyur ba yin no//sangs rgyas 'ba' zhig tu ma zad kyi nyan thos dang rang rgyal ba dang / tshangs pa dang / brgya byin la sogs pa yang bsam gtan gyi bde ba rtog pa med pa la brten nas rang rang gi rnam par thar pa skye ba yin no/ /de ltar mchod sbyin bshad nas/nang gi sbyin sreg bshad par bya ste/ nang gi khu ba la sogs dang / /zhes bya ba ni/ nang gi bdud rtsi lnga dang / phung po lnga dang khams dang skye mched rnams so/ /phyi'i yul rnam pa drug dang bcas pa shes rab stong pa nyid mngon sum du rtogs pa'o/ /ye shes kyi me 'bar ba la bla na med pa'i sbyin sreg byas pas 'od gsal ba'i mer bsreg par bya'o//bla na med pa'i sbyin sreg bshad nas/ /nang dang gsang ba bshad pa ni/ /phung po khams dang skye mched sogs/ /lhag pa yi ni lha nyid de/ /zhes bya ba ni phung po dang khams dang skye mched lha'i rang bzhin du bskyed nas/lte ba dang lkog ma dang / spyi gtsug tu 'khor lo bzhi bzhag nas lag pa g.yas g.yon dgang gzar blugs gzar du bya ste/ kha zas rnams bdud rtsir bskyed nas mchod pa de dag gis mchod na mnyes par 'gyur ro/ /da ni chags pa'i lam pa'i gsang ba'i sbyin sreg bshad pa ni/de rnams de bzhin mkha' 'gro ma/ /sbyor ba'i mchod pa bshad pa ni/ /zhes bya ba ni thabs dang shes rab kyi lus bsnyen bsgrub bzhis sbyangs nas rdo rje dang pad+ma byin gyis brlabs te byang chub kyi sems kyi dgang gzar gyis bde ba'i ting nge 'dzin gyi sbyin sreg bya'o/ /da ni grol lam pa'i sbyin sreg bshad par bya ste/mgo thod sreg rdzas snod yin te/ /zhes bya ba smos te/ bdud rtsi lnga'i rdzas kyi snod ni mgo bo yin no/ /snying ga chos kyi 'khor lo'i g.yas ngos rtsa ra sa nA ni blugs gzar yin no/ /la la nA ni dgang gzar yin no/ /lte bar me'i dkyil 'khor ni thab khung yin la/sgo dgu'i las kyi rlung gis bskyod pa ni tshangs pa rang byung gi me yin no/ /de ltar sbyin sreg bshad nas/ bzlas pa bshad pa ni/ sgra ni sngags su gsungs pa ste/ /'byung 'jug 'khor bzlas pa yin/ /zhes pa ste/ phyir rgyu ba hUM nang du 'jug pa ni oM yin la/gnas pa ni AH yin pas rigs gsum gyi bdag nyid can dbugs nyi khri chig stong drug brgya rang bzhin gyis 'khor ba ni bzlas pa yin no/ /bsgom pa 'di ltar snang ba ste/ /zhes pa ni bde ba chen pos rgyas btab nas/ sems so sor snang ba dang / stong pa dbyer mi phyed par snang ba ni bsgom pa yin pas/gnyis med sbyor ba dkyil 'khor yin/ zhes bya'o/ /rgyal ba'i dkyil 'khor la sogs pa/ /lhan cig skyes pa la ni gnas/ /zhes pa ni/ thams cad 'od gsal ba'i rang bzhin don gyis lan cig skyes pa'i rang bzhin la gnas pa'o/ /slob dpon gang yin zhe na/slob dpon sems kyi rgyal po ste/ /zhes bya ba smos te/ rten cing 'brel ba'i sems kyis res 'ga' ni dge ba dang / res 'ga' ni mi dge ba dang / res 'ga' ni lung du ma bstan pa'i sems skye ba ni chos ston pa yin la/ de bde ba chen por rtogs pa'i sems kyis thams cad stong pa nyid du shes na dkyil 'khor gtso bo'i sems 'od gsal ba'i rang bzhin du 'gyur ro//des chos ci zhig ston zhe na/ e waM la sogs pa gsungs pa ste/ 'di skad bdag gis thos pa dus gcig na zhes bya ba la sogs pa thabs dang shes rab mnyam par sbyor ba'i rang bzhin thams cad dkyil 'khor gtso bo des shes par bya ba yin no//de ltar dkyil 'khor la sogs pa bshad nas/ rgyud kyi rim pa rtsa gsum dang 'khor lo bzhi'i rang bzhin bshad pa ni tshigs su bcad pa gcig gis zhus pa dang / lan du bka' stsal pa ni mgo bo dang /lte ba'i e gru gsum gyis gnas pa yin la/ snying ga dang mgrin pa ni waM gyis mtshon pa'i dbyibs zlum por gnas pa yin no/ /de'i dbus na gnas pa'i rtsa'i 'khor lo ni/ lte ba'i dkyil 'khor rtsa drug cu rtsa bzhi gnas pa dang / snying ga'i dbus na 'khor lo'i rtsa brgyad du gnas pa dang /lkog ma longs spyod kyi 'khor lo'i dbus na 'byung ba bzhi'i rtsa bcu drug gnas pa dang / spyi gtsug bde ba chen po'i gnas na rtsa sum cu rtsa gnyis su gnas so/ /ci'i phyir sprul pa zhes bya zhe na/ rigs kyi lha skye pa'i sprul par byed pa'o/ /ci'i phyir chos zhes bya zhe na/ rdo rje theg par yid rtog pa med pa dang rtog pa dang bcas pa dge mi dge ba'i chos sems kyi snying la brten par 'dod do//ci'i phyir longs spyod ces bya zhe na/ ro drug la longs spyod pa'i phyir ro/ /ci'i phyir bde ba chen po zhes bya zhe na/ lus zungs kyi dngas ma byang chub sems dang mi 'bral ba'i phyir ro//de'i nang gi rlung yi ges mtshon pa ni lte ba'i dbus na gnas pa'i rlung ni a zhes bya ste/ sde tshan brgyad kyis bskor ba'o/ /chos kyi 'khor lo'i dbus na mi shigs pa'i a ha na'i rlung ste/ de la dbyangs yig lngas bskor ba ni bdud rtsi bzhi'i rtsa la a u a i dbus kyi hUM dang bcas pa ste lnga'o//'byung ba bzhi'i rtsa la ya ra la wa bzhi'o/ /lkog ma longs spyod kyi 'khor lo'i dbus na yi ge oM mo/ /'byung ba bzhi'i rtsa bzhi la i u e o'o/ /de ltar 'khor lo bzhi bshad nas/ da ni rtsa bshad par bya ste/ g.yas dang g.yon gyi ngos gnyis su//zhes pa ni g.yas par sa nA khrag rgyu ba dang / g.yon pa la la nA byang chub kyi sems rgyu ba'o/ /g.yon gyi mgrin pa nas brtsams nas/ /zhes bya ba ni sna bug g.yon pa nas brtsams nas mgrin pa g.yon ngos nas snying ga'i g.yon ngos su byung nas lte ba'i g.yon ngos su bskor te/der byang chub kyi sems gsal ba ni la la nA'o/ /lte ba'i g.yas ngos nas brtsams nas/ snying ga'i g.yas ngos su byung nas/ mgrin pa'i g.yas ngos su rgyu ba ni ra sa nA'o/ /mgrin pa'i dbus su rtag tu 'dzag /ces pa ni/ sna bug g.yas nas 'byung ba'i rlung phyir rgyu ba'i tshe khrag dang lhan cig rgyu ba yin la/de nas phar rlung 'ba' zhig rgyu ba yin no/ /de'i don 'di skad ston te/ g.yas pa'i rlung nang du 'jug pa'i tshe byang chub sems dang lhan cig tu 'grogs pas na/ g.yon pa'i mgrin pa nas brtsams te lte ba'i dbus su 'bab ces pa'o/ /g.yas pa'i rlung steng du rgyu ba'i tshe lte ba'i dbus nas mgrin pa g.yas pa'i bar du khrag dang lhan cig 'grogs nas lte ba nas steng du bltas nas 'bab pa'i rtsa zhes bya'o//gnyis ka nas rlung rgyu ba yin yang byang chub sems thur la 'bab pa yin yang g.yon pa nang du 'jug pa zhes bya'o/ /khrag steng du rgyu ba dang 'grogs pas g.yas pa nas phyir byung ba zhes bya'o//des na/ steng dang 'og tu brten nas su/ /zhes bya'o/ /nyi ma zla bar grags zhes bya ba ni brdas bstan pa yin no/ /dpa' bo mkha' 'gro ma rnams kyi/ /'gro dang 'ong bar nges par brjod/ /ces pa ni/ dpa' bo ni phung po lnga bskyed pa'i sa bon yin la/mkha' 'gro ma ni 'byung ba lnga'i rlung ngo / /de la sangs rgyas kyi brdas 'char ba dang nub pa zhes bya'o/ /gnyid log pa dang sad pa zhes bya'o/ /steng bltas dbyangs yig drug gnyis bltas/ /zhes pa g.yon pa la la nA'i mgrin pa'i g.yon ngos nas g.yas g.yon gyi ngos su 'byung ba la bya'o//steng du bltas pa ni sna bug g.yon pa nas ma zin pa'i rlung nang du 'jug pa'i tshe byang sems 'bab pas na de skad ces bya'o/ /de la dbyangs yig bcu gnyis zhes brdar btags pa yin no/ /ka sogs 'og tu bltas pa ni/ / zhes pa g.yas pa'i rlung phyir rgyu ba zin pa'i rlung yin pas na 'og tu lta ba'o/ /steng dang 'og tu bltas pa des zin pa dang ma zin pa'i bye brag shes par bya'o/ /ngos gnyis dag tu spel ba ni/ /zhes pa lte ba'i g.yas g.yon nas brtsams te/ sngar bshad pa bzhin du 'khyog por rgyu ba'o/ / dbus su sbyar bar bya zhes pa ni/ mgrin pa dang snying ga dang lte ba dang gsum du phrad pa'o/ /'og gi cha zhes pa bshang gci rgyu ba'i gnas su'o/ /yi ge k+Sha ni bsrung bar bya ba ni bza' ba dang btung ba ma zhu ba'i bar du 'og gi lus zungs kyi rlung gis bsdom pas na k+Shas bsrung ba'o//g.yon pa nang du 'jug pas na longs spyod rdzogs pa zhes bya'o/ /g.yas nas phyir rgyu bas na sprul pa zhes bya'o/ /sangs rgyas lnga ni phung po lnga dang 'byung ba lnga'i rlung zhes bya'o/ /byang sems ni dbang po lnga'i rlung zhes bya'o/ /bskyed cing spros pa ni phyir 'byin pa'o/ / de ltar steng gi sgo nas rgyu bshad nas/ da ni 'og gi sgo nas rgyu ba bshad par bya ste/ /gang tshe longs spyod rdzogs sku yang / /zhes pa ni/ g.yas par sa nA'i phyi rol gyi rtsa'i rtse mo nas nub par gyur cing a wa d+hU tI'i sgo rdo rje rtse mor gnas pa de la b+ha ga'i dbus gyur zhes bya ba ste/ lte ba'i dbus su bzhugs pas na g.yas pa ra sa nA longs spyod rdzogs pa'i skur gyur pa yin no//pad+ma gar dbang rgyal po yis/ /zhes pa ni/ gang gi tshe rdo rje dang pad+ma sbyor bas dga' bral du gyur pa de'i tshe la la nA longs spyod rdzogs pa'i sku yin la/ de nas nyi ma nub par gyur pa ste/ nang du 'jug pa'i rlung las lte ba nas mar phyir rgyu bas na sprul sku'o//de ltar na/ de bzhin dang ni yang dag ldan/ /zhes bya'o/ /da ni dbus ma'i rtsa ston te/ /rdzogs pa'i byang chub sems zhes brjod/ /ces bya ba ni chu shing gi snying po ltar drang ba'i dbus nas byang chub sems 'bab pa'o/ /dri ma med pa'i dngos ni gnas de la brten nas rtog med skye ba'o//'khor ba'i lam ni gcod byed pa/ /zhes pa ni de la brten nas rtog pa 'gegs pa'o/ /rtog med ni mya ngan las 'das pa yin la rtog pa ni 'khor ba'o/ /gom pa gcig ni 'khor ba yin no/ /gom pa gcig ni mya ngan las 'das pa zhes bshad do//spros pa nyer zhi dge ba ni rtog pa dang bral bas na'o/ /rtog pa med pas na dge ba'o/ /yul lnga la de'i ming sems pa'i rtog pa dang bral bas dmigs med dag go/ /de la rdo rje sems dpa' dang dpal he ru ka zhes brdar btags pa yin no//gang gi thog tu rtog med skye zhe na/ dgod dang blta dang lag bcangs dang / /zhes smos te/ dgod pa'i sgra'i steng du bde ba rtog med skye ba'am/ gzugs la lta ba dang reg bya lag bcangs dang gnyis gnyis 'khyud pa dang reg bya las bde ba rtog med skye ba yin no/ / srin bu'i tshul gyis zhes pa ni zag med bde ba chen po ston pa'i tshul yin te/ srin bu shing las skyes nas shing nyid za ba bzhin du bde ba las skyes pa'i ting nge 'dzin stong pa nyid du bsgom par bya'o/ /bde ba bzhir gnas shing gzhan 'phrul dbang byed la sogs pa'i lha bzhi bde ba la goms pa'i don du rgyud bzhir gsungs pa'o//de yang ji lta bu zhe na/ 'dod chags nyid dang chags bral nyid/ /ces smos te/ gsum ni grol lam yin la/ /gcig ni chags lam yin no/ /zos nas srin bu nyid du gnas/ /zhes pa ni chags lam dang grol lam la ni zhi gnas yin la/de gnyis ka yang mthar stong nyid bsgom pa'o/ /brtag pa drug pa'i rab tu byed pa gsum pa'i 'grel pa'o// //rgyud kyi rim pa bshad nas/ da ni srid pa 'byung ba'i rim pa dang dbugs 'byung bshad par bya ste/ de nas rdo rje snying po la sogs pa gsungs te/ bsdus pa'i don ni gsum yin te/'khor lo bzhi'i rim pa dang / rnam par dag pa lha ji ltar 'byung ba'i rim pa dang / yul la sogs pa mkha' 'gro ma'i rim pa dang / bde mchog gi mtshan nyid bshad du gsol zhes dris pa'o/ /lan du bka' stsal pa ni/ mkha' 'gro ma yi lus dbus su/ / zhes smos te/ rnal 'byor pa'i lus la yi ge as mtshon pa'i sdom pa ni bde mchog ste/ bde ba de'i gnas kyi phyi rol gyi dbus nyer bzhir ji lta ba bzhin du nang du lus la gnas nyer bzhir bde ba rab tu gsal bar byas na phung po dang khams dang skye mched thams cad bde ba stong pa nyid kyi rang bzhin du bya'o//de gang las shes par bya zhe na/ phyag rgya chen po las te/ gsang ba 'di ni snyoms 'jug pa/ /zhes bya ba ste/ bdag byin gyis brlab pa'i rim pas stong pa nyid mngon sum du shes pas/ phyi rol stong pa ma gtogs so/ /zhes bya'o/ /de ltar mdor bstan nas/rgyas par bshad pa ni/ sku gsum 'khor lo gsum gzugs su/ /zhes bya ba smos te/ bde ba chen po'i ngo bo nyid kyi sku yin la/ lkog ma lte ba snying ga ni sku gsum yin no/ /ma dag pa'i las la ci'i phyir gzhan zhe na/ bdag byin gyis rlob pa'i rnal 'byor pas dbang bzhi pa'i mtshon byed kyi lus kyi mtshon bya rtogs pa'i rtsa gang la sems can ma lus ma skyes pas na sprul sku zhes bya'o//chos dge ba dang mi dge ba dang / lung du ma bstan pa'i sems kyi rang bzhin yin pas chos kyi 'khor lo'o/ /ro drug myong bas longs spyod do//bde ba'i rten lus zungs gnas pas bde chen no/ /'bras bu bzhi dang bde ba yang de nyid do/ /de ni gnyis su shes par bya ste/ yang dag gi kun rdzob lus kyi rang bzhin las sku bzhi dang 'bras bu bzhi dang bde ba bzhi dang 'khor lo bzhi la brdar btags nas bstan pas gzhan ni drang ba'i don yin no//'di ni nges pa'i don yin no/ /zhes bstan pa yin te/ de thams cad kyang nges par 'byin pa'i lam yin la 'di zag bcas dang zag med mngon sum du skye bas nges par 'byin pa'i lam mchog yin par bstan to/ /rnam pa gcig tu na ma dag pa'i lus yin pas dbang bzhi pa thob pas sku bzhi la sogs pa sems 'od gsal ba'i rang bzhin du 'gal ba med do//des na nges par 'byin pa'i bde ba ni/ lus su gsungs la de la nges par 'byung ba'i 'bras bu sems kyi skur gsungs pa'o/ /des na 'di ni bskyed pa'i rim pa yin zhing rnam par dag pa'i lha 'byung ba yin no//sangs rgyas dang byang chub sems dpa' ma gtogs pas rnam par dag pa'i lha ji ltar rtogs she na/ dbang bzhi pa thob pa la chos thams cad stong pa nyid mngon sum du rtogs pas gdod ma nas 'gro ba rnams sprul pa'i sku yin par shes so//de yang ji ltar shes she na/ gdod ma nas rang bzhin gyis dge slong yin te/ rnam par dag pa'i sde pa ni lus po'i lto ba ni gtsug lag khang ngo / /rtog pa med pas mngal las byung ba la ni 'dod chags dang bral ba'o/ /ma bcos pas na sha ma ni chos gos so/ / skyed par byed pas na ma ni mkhan po'o/ /rnam rtog gis ma bslangs pas thal mo sbyar ba ni 'dud pa'o/ /rtog pas bslang ba med par 'gro ba'i bya ba skal ba mnyam pa rnams dang mthun pas khrims kyi gnas pa'o/ /rtog pas ma bslang ba'i sngags a haM zlos pas sngags so/ / skra dang kha spu breg go snyam pa'i kun nas slong ba med pas ni dge slong ngo / /de ltar rtog pa med pa'i rgyu rkyen tshogs pa las byung ba'i sems can 'di dag ni sangs rgyas nyid du the tshom med do/ /de yang gsang ba 'dus pa las/ /ye shes lnga yi rang bzhin lus/ /'byung ba lnga yi ngo bo nyid//ces gsungs so/ /ji ltar sangs rgyas yin zhe na/ sems 'od gsal ba'i snang ba la rtog pa med pas dmigs pa de'i tshe'i/ /de ltar zla ba bcu ni sa bcu yin la/ /sems can ni sa bcu'i dbang phyug yin no/ /dus nam gyi tshe rtogs she na/ btsun mo'i b+ha ga bde can du//khu ba'i gzugs kyis yang dag bzhugs/ /zhes bya ste/ phyag rgya bzhi dang mnyam par sbyor ba'i dus kyi tshe'o/ /de yang mnyam sbyor las/ sgyu ma dag ni thams cad las/ /zhes bya ba la sogs pa gsungs so/ /de ma gtogs par bde ba med/ /ces bya ba ni/ rgyu rkyen gyis tshogs pa med par bde ba mi 'byung ba'o/ /bde ba de spangs na de la brten pa'i zhi gnas kyang mi dmigs so/ /des na bde ba mngon sum du rtogs pa'i nus pa med de/ de'i rgyu rkyen gyis tshogs pa la ltos pa dang bcas pa'i phyir ro/ /bde ba rtog pa dang bcas pas sangs rgyas dang byang chub sems dpar shes sam zhe na/lha'i sbyor bas bde ba zhes smos te/ bde ba stong pa nyid du rtogs pa ni lha'i sbyor ba'o/ /mjug bsdu ba ni/ de phyir sangs rgyas dngos med cing / /zhes bya bas/ sgro 'dogs pa dang skur ba 'debs pa dang bral ba'o/ / zhal dang phyag gzugs rnam pa ste/ /zhes bya ba ni/ /'od gsal ba'i rnam pa gzugs su snang yang kun brtags dang gzhan dbang gi gzugs su yod pa ma yin no/ /des na 'gro kun lhan cig skyes/ /zhes bya ba yin no/ /bde ba stong pa nyid des mtshon nas 'gro ba thams cad don gyis lhan cig skyes pa'i rang bzhin du gnas pa'o//de yang ye shes snang ba'i rgyan las/ bde bar gshegs pa rtag tu skye med chos/ /zhes bya ba la sogs pa gsungs so/ /glo bur dang bcas pa de ltar yin nam zhe na/ sems kyi rang bzhin rnam dag pas//zhes bya ba smos te/ 'od gsal ba'i rang bzhin rtogs pa'i tshe mya ngan las 'das pa'o/ /de yang / sems la rnam gnas rnal 'byor pas/ /mya ngan 'das pa mi ston to/ /zhes gsungs so/ /de ltar yin na/ khams gsum du 'khor bar 'gyur ro zhe na/ dbyibs dang kha dog la sogs pa//'on kyang tha mal zhes par 'gyur/ /zhes bya ba smos te/ ma shes pas sems can du 'dzin pa'o/ /rnam par rtog pa de gang gis spong zhe na/ lha yi gzugs kyi sbyor ba yis/ /zhes bya ba smos te/ kha dog dang dbyibs la zhen pa de'i don du bskyed rim bsgom pa'o//gang gi ched du bstan ce na/ 'di dag rnal 'byor ma rnams kyis/ /bstan pa bla na med pa yin/ /zhes bya ba smos te/ rnal 'byor ma'i rgyud las sangs rgyas dang byang chub sems dpa' dang khyad par med pa'i rnal 'byor pa rnams kyis rtogs par 'gyur ro/ /so so'i skye bo'i gnas skabs kyi stong pa nyid mngon sum gyis bstan nas/dpa' bo dang rnal 'byor pa rnams ngo mtshar skyes nas brgyal bar bstan pa ni bdag med ma la sogs pa'i rnal 'byor ma rnams zhes bya ba la sogs pa smos te/ dgyes pa'i rdo rje'i rgyud dang sbyar nas bdag med ma la sogs pa'i lha mo rnams ngo mtshar skyes nas brgyal ba dang /gsang ba 'dus pa dang sbyar nas lha mo thams cad ni sangs rgyas spyan la sogs pa bzhi'o/ /sgrol ma 'byung ba'i rgyud dang sbyar nas skul byed ma dang ri khrod lo ma can la sogs pa'o/ /sangs rgyas mnyam sbyor dang sbyar nas/e ma bde ba zhes bya ba la sogs pa kun du bzang mo'i mtshan gnyis pa ngo mtshar ba la sogs pa dkar mo dang rkun mo la sogs pa'o/ /sogs pa'i sgra smos pa ni bde mchog dang sbyar nas/ yum rdo rje phag mo la sogs pa ri rab kyi rdul phra rab snyed dang mnyam pa'i rnal 'byor ma bye ba phrag sum cu rtsa bdun dga' ba'i ting nge 'dzin skyes pas na mchog tu'o//mchog dga' skyes pas na ngo mtshar skyes pa'o/ /lhan cig skye dga' yid bde ba skyes pas na skrag nas so/ /rang bzhin brgyad cu dang bral nas gzung 'dzin gyi rnam par rtog pa nub cing 'od gsal bar gyur pas na brgyal bar 'gyur ba'o//de nas mi bskyod pa la sogs pa'i de bzhin gshegs pa gang+gA'i klung gi bye ma snyed thams cad kyis chos kyi dbyings stong pa nyid ji lta ba bzhin rtogs pas so so'i skye bo thams cad kyang sems rang rig 'od gsal ba mkhyen nas ngo mtshar ba skyes pa med pas bcom ldan 'das dpal he ru ka la skrag pa'i rnal 'byor ma'i tshogs thams cad bslang bar gsol ba btab pa yin no//de nas bcom ldan 'das 'bras bu'i he ru ka thugs kyi phyag rgya kun rig rnam par rgyal ba rdo rje zhes bya ba'i ting nge 'dzin la snyoms par zhugs nas/smin mtshams kyi mdzod spu nas 'od phyung bas rnal 'byor ma thams cad bslang ba yin no/ /de la kun rig ni snang ba dang bcas pa'i rnam pa thams cad mkhyen pa'o/ /rdo rje ni snang ba med pa'i rnam pa thams cad mkhyen pa'o/ /rnam par rgyal ba ni nyon mongs pa dang shes bya'i sgrib pa dang bral ba'o//ting nge 'dzin de la snyoms par zhugs nas/ sems can thams cad kyi rang bzhin sangs rgyas yin par ston par bzhed nas bslang ba yin no/ /de bka' stsal pa ni/ sems can sangs rgyas yin mod kyang / /'on kyang glo bur sgrib pas bsgribs/ / zhes bya ba ni/ sems rang rig pa 'od gsal ba ngo bo nyid kyi chos kyi sku la dgongs pa yin no/ /de spangs pa ni sangs rgyas nyid/ /ces bya ba ni rjes su dpag pa'i lam gyi sgo nas bskal pa grangs med pa gsum gyis glo bur gyi dri ma dag nas sangs rgyas nyid du 'gyur ba'am/ mngon sum gyi lam gyis phyag rgya bzhi'i sgo nas rgyu rkyen gyi tshogs pa me long gi gzugs brnyan mthong ba bzhin du tshe gcig gis sangs rgyas thob par 'gyur ba yin pa de bas na/sems can 'di dag ni yang dag par rdzogs pa'i sangs rgyas bcom ldan 'das yin no/ /'jig rten pa sems 'od gsal ba de kho na nyid mngon sum dang rjes su dpag pa'i lam gyis ma shes pa gang dag dngos po la mngon par zhen pa'i dug zos nas khams gsum gyi 'khor bar brgyal bar gyur pa yin no//dngos po'i rang bzhin de lta bu'i mi shes pa'i lha mo rnams dang don des brgyal ba yin no//de nyid shes pas spong 'gyur ltar/ /zhes bya ba ni/ dug zos nas brgyal bar gyur pa las dug gi rang bzhin shes pas sman du gyur pa ltar/ dngos po la mngon par zhen pa'i gti mug spangs nas mi gnas pa'i mya ngan las 'das pa thob par 'gyur ro//de ltar dngos po'i gnas lugs bstan nas/ zhi gnas dbugs dbyung gi lam dang lhag mthong stong nyid mngon sum du shes pa bstan pa ni/ dug gi dum bu gang nyid kyis/ /zhes bya ba la sogs pa smos te/ man+t+ra dang tan+t+ra dang yan+t+ra'i thabs dang bral ba'i dug zos pas skye bo thams cad 'chi bar 'gyur ro//dug gi de nyid shes pa yis/ /zhes pa ni/ man+t+ra sngags dang tan+t+ra sna bug g.yon pa'i rlung dang / srin lag g.yon pa'i tshigs kyis reg pa dang / yan+t+ra sman rtsi ma gi la sogs pas dug zos na/ dug gi nad sel bar 'gyur bas na/ dug gis dug ni zad par 'gyur//zhes gsungs so/ /sman pa la grags pa'i dpe bstan nas/ 'jig rten pa la grags pa'i dpe bstan pa ni/ ji ltar rlung nad ldan pa la/ /sran ma bza' ba sbyin par bya/ /zhes gsungs so/ /'byung ba rlung gi shas che ba las srang la bsgar na yang ba'i sran mas rlung nad 'joms pa bzhin du khams gsum 'khor ba'i srid pa'i 'dod chags dang /zhe sdang la sogs pa'i de kho na nyid shes pa'i srid pa nyid kyis sbyong ba ni rang bzhin brgyad cu'i rtog pa dang bral ba yang dag pa'i rtog pa'o/ /de la 'dod chags la sogs pa'i nyon mongs pa las yang dag par zhen pas khams gsum 'khor bar skye la/de nyid la rtog pa med par nges pas ni mi g.yo ba'i las bsam gtan gyi ting nge 'dzin skye la/ 'dod chags la sogs pa'i stong pa nyid rtogs pas zag pa med pa'i sdom pas dang po'i ye shes su 'gyur ba yin no//de skad du yang dpal mchog dang po las/ 'dod chags zhe sdang gti mug rnams/ /mi mnyam bstan pas dug yin la/ /chos nyid rtogs pas brten gyur na/ /bdud rtsi nyid du 'gyur ba yin/ /zhes gsungs so/ /mkhyud spyad kyi bstan bcos kyi dpe bstan pa ni/ji ltar rna bar chu zhugs pa/ /slar blugs pa yis 'byung bar 'gyur/ /de bzhin dngos por rtogs pa yang / /de nyid tshul gyis 'dag par 'gyur/ /zhes gsungs te/ phyag rgya chen po la brten nas phyi nang gi dngos po'i chos nyid shes pas so/ /mkhyud spyad kyi dpe gnyis pa bstan pa ni/mi yis tshig par gyur pa la/ /slar yang mes bsros pas phan par 'gyur ba de bzhin du/ 'dod chags la sogs pa'i nyon mongs pa'i mes tshig na/ 'dod chags chen pos khams gsum pa la chags pa dang / zhe sdang chen pos khams gsum la chags pa dang bral ba dang /gti mug chen pos bdag dang gzhan pa rje ba ni zhi gnas dbugs dbyung ba'i lam dang / phyag rgya chen po la brten nas 'dod chags la sogs pa'i chos nyid shes pas nyes pa dang bral bar 'gyur ro/ /de ltar mtshan nyid bshad nas da ni don bshad pa ni/skye bo mi bzad pa yi las/ /gang dang gang gis bcings 'gyur ba/ /zhes bya ba gsungs te/ khams gsum pa yi skye bo sgro 'dogs pa dang / skur 'debs kyi lta ba mi bzad pas kun nas bslang ba'i las dge ba bcu dang mi dge ba bcu la sogs pa gang dang gang gis mtho ris dang ngan song du 'gyur ba de la/zhi gnas dbugs dbyung gi lam gyis shes pa rtog pa med pa skyes pa dang / lhag mthong gi dge ba dang mi dge ba'i de kho na nyid shes nas zhi gnas dang lhag mthong gi thabs dang bcas na/ dge ba dang mi dge ba'i de nyid la stong pa nyid kyi gseng brtol nas srid pa'i 'ching ba las grol bar 'gyur ro//skye bo 'dod chags kyis bcings te/ /'dod chags nyid kyis grol bar 'gyur/ /zhes bya ba ni/ dga' ba dang mchog dga' dang lhan cig skyes dga' la rnam par rtog pa sum cu rtsa gsum dang bzhi bcu dang bdun no//'dod chags kyi rnam par rtog pa dang bcas pas 'ching ba yin la/ 'dod chags kyi de kho na nyid shes na sems snang ba gsum 'od gsal bar gyur pas na grol bar 'gyur ba nyid do/ /de'i mjug bsdu ba bstan pa ni/ slar bzlog pa yi bsgom pa 'di//zhes bya ba la sogs pa gsungs te/ 'dod chags rgyun phyogs su byung ba las de'i chos nyid rtog pas 'khor ba las bzlog pa'o/ /bsgom pa 'di nang gi mu stegs can de sde snod gsum la spyod pa can gyis rtogs pa ma yin no/ /de ltar rnam par dag pa'i lha 'byung ba bstan nas/phyag rgya'i mtshan nyid bstan pa ni/ dga' chen gcig gi bdag nyid la/ /'byung ba lnga yi bdag nyid phyi/ /zhes bya ba gsungs te/ dga' chen gcig ni sems rang rig 'od gsal lo/ /'byung ba lnga'i bdag nyid la brten nas lus kyi mngon sum gyis shes pa'i bye brag lngar 'gyur ro//de yang ji ltar rtog pa med pa'i shes pa la rtogs she na/ rdo rje pad+ma 'dus pa las/ /zhes bya ba gsungs te/ lte ba sprul ba'i 'khor lo'i sa'i rtsa dang phrad pa las phra ba'o/ /phra ba'i chos nyid shes na gti mug chen po rnam par snang mdzad kyi rang bzhin du 'gyur ro//chu'i khams dang reg pa'i mtshan nyid shes na zhe sdang chen po mi bskyod pa'i rang bzhin du 'gyur ro/ /dro ba'i reg pa'i chos nyid shes na 'dod chags mgon po 'od dpag med kyi rang bzhin du 'gyur ro/ /pad+ma'i nang du rgyu ba'i rlung gi chos nyid shes na phrag dog chen po don yod grub pa'i rang bzhin du 'gyur ro//bde ba chen po nam mkha'i rang bzhin gyi chos nyid rtogs na nam mkha' las byung ba ser sna chen po rin chen 'byung ldan gyi rang bzhin du 'gyur ro/ /de yang mnyam sbyor las/ snang ba gsum gyi dbye ba ni/ / gsal bar 'di las rtogs par 'gyur/ /zhes gsungs so/ /de ltar rnam pa lngar shes bya/ /zhes bya ba ni/ 'byung ba lnga'i chos nyid shes pas rigs lnga'i rang bzhin du 'gyur ba de bzhin du gzugs dang sgra dang dri dang ro dang reg bya la sogs pa'i chos nyid kyi dbye ba rtogs pa la dgongs nas/de las stong phrag du ma 'byung / /zhes gsungs so/ /de la mjug sdud pa ni/ de phyir mchog tu rgyas pa yin/ /bde chen bya ba gcig pu nyid/ /ces bya ba gsungs te/ sems 'od gsal ba bde ba chen po'o/ /gcig pu yin yang 'dod chags la sogs pa'i sems lnga'i bye brag gis rnam pa lngar dbye ba dang /gang+gA'i klung gi bye ma snyed kyi de bzhin gshegs pa'i rigs gcig yin yang rigs brgya dang rigs 'bum dang rigs bye bar 'gyur ba ni glo bur gyi ye shes la brten nas dmigs pa'i yul gyi bye brag gis grangs med par 'gyur ba yin no//rgyu mtshan de ltar na rigs grangs med pa rnams kyang mchog tu dga' ba 'od gsal ba'i rigs las byung ba yin no/ /de skad du yang mnyam sbyor las/ /klung ni dang bar gyur pa las/ /nya dag myur du 'phar ba ltar/ /de bzhin stong gsal rang bzhin las/ sgyu 'phrul dra ba 'byung bar 'gyur/ /zhes gsungs so/ /'dir gsal ba zhes bya ba ni 'od gsal ba rang bzhin gcig na/ rigs rnams du mar ji ltar 'gyur snyam du bsams nas/ shin tu phra zhing bsdus pa 'od gsal ba las de snyed kyi rang bzhin 'byung ba ci lags zhes zhus pa yin no//bcom ldan 'das kyis bka' stsal pa ni/ ji ltar byang chub sems dpa'i sde snod las/ /rdul phra rab gcig gi steng na sangs rgyas kyi zhing khams du mar gnas pa phan tshun 'byer ba dang dog par yang mi 'gyur ba lta bu dang / sangs rgyas phal po che las kyang / / chos kyi dbyings la bzhengs pa mi mnga' yang / /bzhengs shig bzhengs shig stobs bcu mnga' ba'i lha/ /zhes 'byung ba bzhin du/ 'dir sems rang rig 'od gsal ba gcig pa yin yang / kha cig gis gzugs brnyan las chos nyid stong pa nyid shes pa'i rigs dang /kha cig gis sgra brnyan las/ kha cig gis dri brnyan las/ kha cig gis ro brnyan dang / kha cig gis reg bya brnyan ma las chos nyid rtogs pa dang / kha cig gis 'dod chags zhe sdang gti mug las rtogs pa dang / kha cig gis sa chu me rlung nam mkha' dang 'byung ba lnga'i rlung las rtogs pa'o//chos nyid rtogs pa'i rigs mtha' yas pa de dag kyang yul phyag rgya bzhi'i rgyu rkyen tshogs pa la brten nas skyes pa yin no/ /de ltar yul gyi mtshan nyid bshad nas/ don gyi kha sbyor gyi mtshan nyid bshad pa ni/ kha sbyor las byung mtshan nyid ni/ /zhes bya ba la sogs pa gsungs te/ kha sbyor ni thabs bzhi dang / phyag rgya bzhi mnyam par sbyor ba'i mtshan nyid do/ /'byung ba la ni rnam shes dang ye shes so/ /mtshan nyid ni rang bzhin brgyad cu dang bral ba bde ba stong pa nyid mngon sum gyis rtogs pa'o//de bshad par bzhed nas/ lha mo la bos te mngon sum gyis mnyan par gyis zhes gsungs pa yin no/ /gsang ba mchog gi dgyes pa na/ /thams cad bdag nyid rtag tu bzhugs/ /zhes pa'i don gsungs par bzhed nas/ gsang ba sa yi khams zhes bya/ / zhes pa la sogs pa gsungs te/ yi ge'i don du gleng gzhi phun sum tshogs pa lnga'i yang / bcom ldan 'das nyid kyis gleng gzhi gsungs pa'i dgongs pa ni las kyi phyag rgya 'am/ dam tshig gi phyag rgya la brten nas/ /sa dang po'i ye shes mngon sum du rtogs pa gsungs pa yin no//las kyi phyag rgya dang dam tshig gi phyag rgya lte ba sprul pa'i 'khor lo'i dbus na sa dang chu dang me dang rlung gi rtsa gnas pa'i dbus na a wa d+hU tI nam mkha'i rtsa gnas pa de la reg na rtog med kyi shes pa skye bas rtag tu bzhugs zhes gsungs pa yin no/ /yang na gsang ba me long lta bu dang /mchog mnyam pa nyid dang / dgyes pa so sor rtog pa dang / thams cad bdag nyid bya ba nan tan gyi bdag nyid dang / rtag tu bzhugs pa'i tshe phyag rgya chen po chos kyi dbyings rtogs pa yin no/ /yang chos kyi phyag rgya la brten nas gzugs rnam par snang mdzad/sgra rin chen 'byung ldan/ dri 'od dpag med/ ro don yod grub pa dang / reg bya rdo rje sems dpa'i rang bzhin las/ /stong nyid rtogs pas rtag tu bzhugs/ /zhes bya'o/ /yang na gsang ba'i dbang bskur la bdud rtsi lnga'i ro las stong pa nyid rtogs pa las bdud rtsi lnga dngos bsdus pa'i thig le'i gzugs ni dpe med pa ltar gsungs so//de ltar na gsang ba mchog gi dgyes pa na gnas ston pa ni las dang po pa'i byang chub sems dpa' stong pa nyid rtogs pa'i yul phyag rgya bzhi yin no zhes dgongs nas/ shin tu rnam dag ye shes te//lha mo thams cad kyi ni gzugs/ /zhes gsungs te/ rtag tu bzhugs pa de gang yin snyam na/ rdo rje sems dpa' zhes bya ba/ /mchog tu bde ba yang dag brjod/ /ces gsungs te/ rnam pa thams cad kyi stong nyid rtogs pa'i ye shes so/ / de glo bur gyi ye shes yin no zhe na/ rang byung gi ni rang bzhin gyi/ /chos kyi sku zhes bya bar grags/ /zhes bya ba gsungs te/ 'od gsal ba'i rgyu las byung ba don gyi lhan cig skyes pa ni chos sku yin par shes par bya'o/ /de thabs gang gis shes par bya zhe na/ de ni shes rab lhan skyes gnas//zhes bya ba smos te/ dam tshig gi phyag rgya rlung me'i drod can ni shes rab lhan cig skyes pa yin la/ de dbugs 'byung rngub kyi las kyi rlung gis bskyod pas mgo bo nam mkha'i dkyil 'khor der 'gro ba gtum mo drod kyi gzugs can ni rnam par rtog pa 'joms pas na bdag med ma zhes bya ba'o//wa san ti la ka zhes brjod/ /zhes bya ba ni/ wa san+ta ni lus bde ba skyes pa'i rten sa bon yin la/ ti la ka ni rlung me'i drod can yin te/ lus bde ba bskyed pa'i rten yin no/ /a wa d+hU tI nas 'jug pa'i drod kyi tshad ji tsam zhe na/skra rtse brgya yi tshad tsam ste/ /'od zer glog stong 'khyug pa bzhin/ /zhes bya ba gsungs so/ /dus nam gyi tshe zhe na/ lha yi rnal 'byor dus su ni/ /zhes bya ba gsungs te/ ye shes kyi rim pa bde ba rtogs pa med pa'i lha'i dus so/ /ba spu'i bu ga'i mtshams rnams su/ /zhes bya ba ni sngags kyi rim pa rlung me'i drod can gyi dus su/lus kyi phyogs bcu'i ba spu'i bu gar zhugs te/ nang du 'jug pa lha dang / phyir rgyu ba lha ma yin gyi rlung bsdoms shing bkag nas/ snying ga'i 'khor lo dang lkog ma'i 'khor lor song ste/ g.yas pa ra sa nA sna bug g.yas kyi sgo nas byung nas/la la nA sna bug g.yon pa'i sgor zhugs te/ dbugs dbyung rngub gsum gyi bar du smin mtshams kyi mdzod spur ra me shwa ri phye nas thabs la lan gsum bskor ba byas nas zhes bya ba gsungs pa yin no/ /dang por a wa d+hU tIr 'jug pa ni skra'i rtse mo'i tshad tsam du phra bas rtogs par dka' ba dang /gnyis pa ba spu'i bu ga khyab pas dbugs 'byung rngub bkag pa dang / gsum pa g.yas g.yon gyi rtsa nas dro ba rgyu bas dbugs 'byung rngub gsum gyi bar du 'og nas smin mtshams mdzod spu brtol te/ phyogs bcu'i sangs rgyas spyi gtsug gi rtsa sum cu rtsa gnyis shangs sgo g.yon pa ni sna bug g.yas pa ho ta ya zhes bya ba yin la/de nas zhugs nas spyi gtsug dzA lan+d+ha ra'i 'khor lo bsregs te/ kun rdzob byang chub sems kyi bde ba bzhu nas sngar gsungs pa'i spyi gtsug gi sgo nas slar pu lI ra ma la ya'i dbus su zhugs pa dang /rtsa sum cu rtsa gnyis gtum mo drod kyis bsregs pa'i sangs rgyas dga' ba bskyed de/ lkog ma longs spyod kyi 'khor lor nga la bsos nas snying ga'i dam tshig gi 'khor lo bsregs pa'i sangs rgyas dga' ba bskyed nas/ lte ba sprul pa'i 'khor lo'i gnas su 'ongs te/ sngon khrag gi thig le ji ltar gnas pa bzhin du byang chub kyi sems gnas par gyur na ye shes kyi rim pa bsam gtan gyi ting nge 'dzin mngon sum du skye ba yin te/ phyag rgya bzhi la brten nas bde ba rtog pa med pa'i ting nge 'dzin bskyed pa'i don gyi kha sbyor gyi mtshan nyid yin no//brtag pa drug pa'i rab tu byed pa bzhi pa'i 'grel ba rdzogs sto// //de ltar mchog gi dngos grub bstan nas/ 'jig rten gyi dngos grub kyi yan lag ngag gi brda dang lus kyi brda dang / bcud kyis len ston pa ni/ ngag gi phyag rgya'i mtshan nyid ni//bcom ldan 'das la nyan par 'tshal/ /zhes bya ba la sogs pa gsungs te/ ngag gi brda ni rnam pa gsum yin te/ rgyu'i rgyud dbang bskur ba'i tshe dang / thabs kyi rgyud tshogs kyi 'khor lo'i dus dang / zhi ba'i btung ba dang / pho nya'i gtsang sbra'i dus dang / 'bras bu'i rgyud bskyed rdzogs gnyis dkyil 'khor la dngos grub len pa'i tshe sangs rgyas dang byang chub sems dpa'i spyod yul zag pa med pa'i ngag dang / zag pa med pa'i lus kyi brda dang / zag pa med pa'i lta ba'i phyag rgya'i sgo nas dngos grub kyi yan lag tu 'gyur bas/ brda de rnams bcom ldan 'das la nyan par 'tshal ba'o/ /dgongs pa'i gsung ni ji ltar bshad/ /ces pa ni dgyes pa rdo rje dang / rdo rje gdan bzhi dang / dpal bde mchog 'khor lo dang / dgyes pa rdo rje'i lta ba rnams dang / mnyam sbyor dang / mkha' 'gro las gsungs pa'i sman rnams dang /'khrul 'khor rnams ji ltar lags pa bshad du gsol zhes pa'o/ /nyan thos sogs kyis mi rtogs shing / /zhes bya ba ni/ nyan thos dang rang sangs rgyas dang 'jig rten pa'i lha rnams kyis zag pa med pa'i brda mi rtogs pa'o/ /rnal 'byor ma yi dam tshig che//zhes bya ba ni/ sangs rgyas dang byang chub sems dpa'i brdar gyur pa zag pa med pa'i sdom pa ni dam tshig ces bya'o/ /dgod pa dang ni blta ba dang / /'khyud dang de bzhin gnyis sbyor gyi/ /zhes bya ba ni/ bya ba'i rgyud dang spyod pa'i rgyud dang gnyis ka'i rgyud dang rnal 'byor gyi rgyud bzhir dgos pa'i don bshad pa de bcom ldan 'das kyis nges par bshad du gsol zhes bcom ldan 'das la nges par gsol ba 'debs pa'o//de ltar gsol ba btab pas gleng bslang ba bshad nas/ da ni skabs dbye ba phun sum tshogs pa gsungs pa ni/dgongs pas bshad dang cher bshad dang / /dam tshig brda ni rab rgyas pa/ /zhes bya ba gsungs te/ dgongs pas bshad pa ni ngag gi brda dang lus kyi brda'o/ /cher bshad pa ni dgyes pa'i rdo rje dang / rdo rje gdan bzhi la sogs pa'i brda'i don rgyas par bshad pa'o//dam tshig brda ni rab rgyas pa/ /zhes pa ni/ sangs rgyas dang byang chub sems dpa'i brdar gyur pa'o/ /rdo rje snying po zhes bos nas/ /sangs rgyas dang byang chub sems dpa'i brdar gyur pa de tha mal pa'i tha snyad dang sbyar nas ngas bshad kyis thos pa'i shes rab sems rtse gcig pa dang ldan pa'i sems kyis mnyan par gyis zhes pa'o//chang la ma da naM zhes bya ba la sogs pa nas ma la ti na naM tshod ma'o zhes bya ba'i bar gyis tshogs 'khor gyi yan lag bshad pa yin no/ /tsa tur sa ma ni bshad pa'o zhes bya ba nas sa li dza ni sha chen po'o zhes bya ba'i bar gyis zhim pa'i btung ba'i yan lag ston to//kun du zhes bya ba nas/ kak+ko la ni pad+ma'o/ /zhes bya ba'i bar gyis pho nya'i gtsang sbra'i yan lag bstan to/ /de ltar dgyes pa'i rdo rje'i brdar bshad nas/ da ni rdo rje gdan bzhi'i brda bstan pa ni mu ku zhes bya ba la sogs pa smos te/ gzhan gyi gdan gyi mkha' 'gro ma'i 'khor lo'i skabs las mu ku zhes bya ba ngag gi brda dang / sor mo khar 'jug pa lus kyi brda ni shar gyi mkha' 'gro ma'i ste/ lag pa gnyis khar bcug pa ni//ha har brjod pa de bzhin 'bar/ /zhes gsungs so/ /go g+hU zhes bya ba ngag gi brda dang / thal mo spyi bor sbyar ba ni byang phyogs kyi mar me'i brda'o/ /de yang thal mo'i steng du lag gnyis thal sbyar mar me lta bur 'bar zhes gsungs so/ /go g+hU zhes bya ba ngag gi brda dang mthe bo 'tshir ba ni nub phyogs kyi 'jigs byed ma'i brda ste/de yang / lag gnyis snyim pa sbyar ba las/ /khrag gi rgyun ni 'thung bar mdzad/ /ces gsungs so/ /g+hu g+hu zhes bya ba ngag gi brda dang lag gnyis rna bar 'gebs pa ni lho phyogs kyi kaM po dzi'i ste/de yang / sdigs mdzub dang ni gtun shing thogs/ /sems can sems rmongs rna ba 'gebs/ /zhes gsungs so/ /lu gu zhes bya ba ngag gi brda dang / sor mo sna rtser 'gebs pa ni ye shes kyi lha dgu la phyag 'tshal ba'i brda'o/ /ng+hA snya zhes bya ba ngag gi brda ste/ri dgas kyi mgo bo ston pa ni phyag 'tshal ba'i lan gyi brda'o/ /de ltar gdan bzhi'i brda bstan nas/ dpal bde mchog gi brda bstan pa ni/ da zhes bya ba la sogs pa smos te/ d+ha zhes bya ba nas/ b+hu zhes bya ba 'dus pa yin/ /zhes bya ba'i bar gyis dbang bskur ba'i brda bstan pa yin no//pa zhes bya ba dur khrod ces bya ba nas/ dz+ha zhes bya ba byin pa gnyis/ /zhes bya ba'i bar gyis dag byed ting nge 'dzin gyi brda bstan to/ /ba zhes bya ba dang rba zhes bya bas ni dpa' bo'i tshogs kyi 'khor lo'i lha mo dang / bkas/ gnang bas mchod pa'i lha mo dang / longs spyod kyi yan lag kun spyod ma'i thun mong gi brda bshad pa yin no/ /brda de ji lta bu yin zhe na/ de dag yi ge re re zhing / /zhes bya ba smos te/ de su dag gi brda yin zhe na/ dpa' bo'i sring mo'i brdar shes bya/ /zhes bya ba gsungs te/gnas gtsang ma'i ris kyi lha'i sangs rgyas dang byang chub sems dpa'i brda'o/ /de da ltar las dang po pa'i rnal 'byor pa la mkho ba ci yod ce na/ yi ge'i dam tshig phyag rgya shes/ /zhes bya ba gsungs te/ las dang po pa'i rnal 'byor pa rnams kyis zag pa med pa'i yi ge'i dam tshig gi phyag rgya shes pa'o//de ltar yi ge re re'i brda bshad nas/ da ni ngag gi brda bshad par bzhed nas/ rdo rje snying po la sogs pa/ /zhes bya ba la sogs pas ngag gi brda zhus pa yin no/ /ngag gi brda rnams mi 'tshal na/ /zhes bya ba zag pa med pa'i brda rnams ma 'ongs pa'i las dang po pa'i rnal 'byor rnams kyis mi 'tshal ba de rtogs par byed pa'i phyir bde ba chen po de bshad du gsol zhes zhus pa yin no//bka' stsal pa ni/ de dag nga yis mdor bsdus te/ /zhes bya ba la sogs pa ste sangs rgyas dang byang chub sems dpa'i ngag gi brdar gyur pa/rgyud 'bum pa las rgya cher gsungs pa yin yang rnal 'byor pa rnams la nye bar mkho ba'i don du mdor bsdus te bshad kyis thos pa'i shes rab kyis sems rtse gcig pa dang bsam pa'i shes rab kyis nyon cig pa'o/ /pro taM gi zhes bya ba nas brtsams te/ ngag gi brda yi ye shes so//zhes bya ba'i bar gyis ngag gi brda bstan te/ las dang po pa rnams kyis gnas nyer bzhir rnal 'byor pa rnams kyis brda shes par bya ba'i phyir nye bar mtshon pa bstan pa dang / bskyed rdzogs kyi rtags thob nas dngos grub len pa'i gtsang sbra rnam gsum gyi dus kyi tshe dngos grub kyi yan lag tu 'gyur ba'i ngag gi brda'i ye shes yin no//de ltar ngag gi brda bstan nas/ da ni lus kyi brda bstan pa ni/ mnyam dang 'dug dang 'phral ba dang / /ltung ba rtag tu gsungs pa ste/ /zhes bya ba ni/ dngos grub len pa'i dus su lta ba'i 'khrul 'khor gyis sgrub pa po'i yan lag tu gyur pa yin no//de la dang po mnyam pa bshad pa ni/ dbang la g.yon nas bstan nas su/ /zhes bya ba gsungs te/ dngos grub len pa'i tshe lha 'am phrin las kyi dus su rigs rnam pa bzhi dbang du byed na/rlung g.yon du rgyu ba la brten nas mig gnyis ka sna'i sgor bltas pas dngos grub sgrub par bshad pa yin no/ /gnyis pa 'gugs pa ni g.yas kyi rlung rgyu ba'i cha la brten nas mig gnyis gyen du lta ba'i sbyor ba bya ba yin no/ /gsum pa bcing ba la ni mnyam par rgyu ba'i rlung la brten nas mig gnyis sna gong du bltas pa'i sbyor ba bya'o//bzhi pa bsad pa la ni dal bar rgyu ba'i rlung la brten nas mig gnyis thad kar sna'i rtse mor lta ba'i sbyor bas so/ /lta ba'i sbyor ba de las rlung rgyu ba dang sbyor ba bstan pa ni/ ltung la phyi ru 'byung ba ste//zhes bya ba gsungs te/ rlung phyir rgyu ba dang yi ge hUM gi sbyor ba las phyir dbyung bar bya'o/ /yi ge a dang rlung nang du 'jug pas bum pa can gyi sbyor bas dbang du bya'o/ /dgug pa la ni yi ge oM dang rlung nang du 'jug pa'i sbyor bas so/ /bcing ba la ni yi ge he dang zhi ba'i mthar srog a wa n+d+hU tIr chud par bya'o//de ltar lta ba'i phyag rgya bstan nas/ dngos grub kyi yan lag sbyin sreg bstan pa ni/ ltung la 'dzag pa'i shing las te/ /zhes gsungs te/ bsad pa'i lta ba dang bsad pa'i dag gis phyag rgya dang bcas nas/shing 'jam po pa la sha la sogs pa'i sbyin sreg bya'o/ /dbang gi lta ba dang sngags dang bcas pas me tog gi sbyin sreg bya'o/ /dgug pa'i lta ba dang sngags kyis rdo rje'i shing ste shrI khaN+Da dang sbyin sreg bya'o/ /bcing ba'i lta ba dang sngags kyis g.yo ba'i rtsa ba ste lcam pa dang sbyin sreg bya'o//zla drug sbyor bas bslabs pas ni/ /zhes bya ba ni/ ma grub na bskyar ba'i cho ga yin te/ sbyin sreg gi sbyor bas zla ba drug bskyar na 'grub par 'gyur bar the tshom med do/ /sems kyi ting nge 'dzin la ma goms na/ lta ba dang ngag gis ji ltar 'grub par 'gyur snyam na/sangs rgyas rdzu 'phrul bsam yas pas/ /'di ni 'phrul par dogs mi bya/ /zhes bya ba gsungs te/ sangs rgyas kyi zag pa med pa'i rdzu 'phrul bsam gyis mi khyab pa yin pas rten 'brel gyi tshogs pa 'di la slu ba yin par dogs pa mi bya'o//de'i ting nge 'dzin dang cha byad ji lta bu zhe na/ rdo rje sems sogs sbyor ba yi/ /phyag dang phyag lan slob dpon gnyis/ /zhes bya ba gsungs te/ rdo rje sems dpa' la sogs pa ni rigs drug gi rnal 'byor pa dang / rdo rje phag mo la sogs pa rigs drug gi rnal 'byor mas dngos grub kyi yan lag phyag rgya dang phyag 'tshal ba'i lan gyi phyag rgyas slob dpon dang /rnal 'byor pa gnyis kyis bsgrubs na/ mig g.yas pa 'gul bas nam mkha' la 'gro ba dang / g.yon pa bsgul bas g.yul las rgyal bar 'gyur ro/ /de bzhin du gau rI la sogs pa'i lha mo drug gi gdong brnyan gon zhing /mig g.yon pa bsgul na g.yul las rgyal ba'i dngos grub de rdzogs par 'gyur ro/ /rdo rje sems dpa' la sogs pa'i gzugs brnyan gyis ni mig g.yas pa bsgul na nam mkha' la 'gro bar 'gyur ro/ / de ltar rnal 'byor pa lta ba'i 'khrul 'khor dang ldan pa ldang ba'i spyod pa las 'jig rten pa'i tha snyad la 'jug cing / 'jig rten dang 'jig rten las 'das pa'i dngos grub rnams 'grub pa'i phyag rgya'i ye shes bstan to/ /de ltar lus dang ngag gi 'khrul 'khor bstan nas/da ni tan+t+ra zhes bya ba sman gyi sbyor ba bstan pa ni/ dpal rdo rje sems dpa' zhes bya ba la sogs pa gsungs te/ dpal rdo rje sems dpa'i rnal 'byor pa bsnyen bsgrub bzhis bskyed nas mtshan ma thob pa 'am/ sku'i dbyibs kyi gdong brnyan ni ji lta ba bzhin du gon nas/mi'i thod pa ji lta ba bzhin du yungs kar bskyed de/ 'bras bu smin pa'i mar khu bza' ba dang / bsku byugs byas nas mi snang ba la sogs pa'i las bcu gnyis gang yang rung ba'i 'bras bu 'grub par 'gyur ro/ /de yang mnyam sbyor las zhes gsungs so/ / yungs kar de nyid dpal rdo rje sems dpa'i rnal 'byor pa mngon spyod kyi cha byad dang ldan pas phyogs thams cad du gtor na bdag dang gzhan bsrung bar 'gyur zhing sangs rgyas kyi dngos grub tshol ba la bar chad med par 'gyur ro/ /de ltar thun mong gi sbyor ba bshad nas/ bye brag gi sbyor ba ni/ /dang por skye gnyis bram ze'i thod par nyungs kar de bzhin du bskyed de/ ston ka smin pa dang 'bras bu blangs nas phyi'i lo rje'u rigs la sogs pa'i mi'i thod par bskyed cing smin pa'i dus su 'bras bu blangs nas gang gi mgul du bcings pa de shi zin pa'i skyes pa dang bud med kyi gzugs 'dzin par 'gyur ro//de bzhin du khwa dang 'ug pa dang bya rgod la sogs pa'i thod par yungs kar bskyed nas/ gang gi mgul du btags pa de'i gzugs 'dzin par 'gyur ro/ /de bzhin du 'ol ma se dkar po'i thod par bskyed pa 'am/ bram ze'i thod par bskyed la phyis rdo rje'i rigs la sogs pa'i thod par bskyed nas/sangs rgyas spyan gyi sngags kyis gzugs shing / mA ma kI'i sngags kyis chu bcu gos dkar mo'i sngags kyis yur ma byas la sgrol ma'i sngags kyis 'bras bu blangs te/ cho ga bzhin du bsgrubs na glang po che dang rta la sogs pa gang gi thod par bskyed pa de'i gzugs su 'gyur ro//de bzhin du ro'i kha ru gu gul bcug ste/ mar ngo'i 'byung po'i nyin zhag dur khrod kyi sol ba'i me la bsregs nas/ bdugs na 'gro ba ma lus pa la lha 'bebs par 'gyur ro/ /de bzhin du 'bebs pa'i cho ga gzhan gsungs pa ni/thod pa dang zhes pa ni bram ze la sogs pa'o/ /gser shing gi 'bras bu zhes pa ni rgya'i lang tang ngo / /ma du lung ga ni bu ram mo/ /a lam ni ldong ros so/ /ci tra dang shu dag ni shes par zad do/ /khyim bya'i sgo nga ni dum bur gyur pa'o/ / 'bebs pa'i cho ga bshad nas mngon spyod kyi cho ga bshad pa ni/ rta gsod dkar po'i rtsa ba zhes pa ni 'ol ma se'i rtsa ba'o/ /shing arka ni shing po hi ma la zhir 'gyur ba'o/ /sa la ba zhes pa ni/ cha ga pa dang / sbrul dang / sdig pa'i mjug ma cha bsnyams pa'i lnga gus lag pa byugs nas zas lam reg pa'i sngon du reg nas/mi de la byin na sbyar dug tu 'gyur ro/ /shing arka mi'i thod par zhag bdun spangs te thong lo kor dang sbyar nas/ sbrul gyi gzugs bris nas lag pas zas gang la reg pa de dug tu 'gyur ro/ /sbyar ba'i dug 'joms pa'i sman bstan pa ni/tsan+dan dang nA ga ge sar dang nas kyi dbang po ste ru rta dang / po so 'cha' dang rgya spos su sbyar te/ /'bras bkrus pa'i chu dang bskol nas byin na slar 'tsho zhing dug ma lus pa zhi bar 'gyur ro/ /nyin zhag de la skyes pa'i byis pa ni ma'i mngal du shi ba'i 'o ma 'thungs pa'i byis pa'i ro tsan+dan dang /shu dag dang rgya spos su ri lu byas te zos na dug ji ltar 'dod pa bzhin du 'thungs kyang dug gis tshugs par mi 'gyur ro/ /sbal pa mgo gnyis pa dang sbrul mgo gnyis pa'i zhag gi nang du ba ru ra bskol ba'i khu ba dang cha snyoms pa lag par byugs nas zas gang yang rung ba byin pa des dug zhi bar 'gyur ro//ba'i mar dang rdo rje can te shrI khaN+Da dang rma bya'i khrag dang sbrul mgo gnyis pa'i sha dang sgal tshigs btags pa sbyar nas des lag pa la byugs pas kyang sa gsum pa'i skye bo dug med par byed do//lha'i ting nge 'dzin du mnyam par gzhag cing / gcer bu skra grol ba dang ldan pas mtshan phyed kyi dus su sman pa li ka'i rtsa ba blangs te/ dum bu bdun byas pa'i phreng ba nyi shu dgu'i nyi ma la gang gi lag tu btags pa de'i dug gi rims zhi bar 'gyur ro//de ltar mngon spyod dang zhi ba'i las bshad nas/ dbye ba'i las bshad pa ni/sbrul nag po'i pags pa brjes pa dang / rma bya'i sgro cha bsnyams pa dang sbyar ba'i ri lu'i bdug pa gang la bdugs pa de dbye bar 'gyur ro/ /yang na khwa dang 'ug pa'i sgro cha bsnyams pa'i dud pas 'phrog ma ma bskrad kyang 'byer bar byed do//rta rmig gi sbal par sbrul gyi mgo dang khyi smyon pa'i lce bcug nas dgra bo'i sgor sbas na bskrad par 'gyur ro/ /sman ha ni li ni 'jig rten na na ga li zhes grags pas dbyibs bshor 'dra ba yin no//mgrin rings kyi rus pa ni rnga mong gi rus pa'o/ /ro skra rnams kyi sbyor ba ni cha mnyam pa'o/ /'byed pa dang skrod pa bshad nas/ lha'i mig gis mngon shes skyed pa'i sbyor ba ni/ ka ra bI ra'i me tog dmar po dang ba la ta ka dang chu ba rnams cha bsnyams la me long la byugs te bltas na skye ba snga ma shes par 'gyur ro//rta dang spyang ki dang phag dang spre'u dang bong bu dang rnga mo rnams kyi sen mo cha bsnyams te snod kha sbyar du bsregs la thal bar byas pa sbal pa'i zhag dang bsres nas me long la byugs na snga ma bzhin du mthong bar 'gyur ro/ / sman a ko ta ni se ba dkar po lta bu me tog gi bye brag gis 'bras bu btsir ba'i mar khu dang / ba ser mo'i 'o ma dang gi wang yod pa'i mig dang sbyar te/ rgyal gyi zhag la byis pa gzhon nu'i mig la bskus nas me long la bltas na skye ba snga ma'i gzugs mthong bar 'gyur ro//a sho ta ka'i mar khu rgya spos kyi 'bras bu dang btags te me long la byugs shing mig la byugs na skyes pa dang bud med tha ma pa lha'i gzugs su mthong bar 'gyur ro/ /mes mi 'tshig pa bshad pa ni ri bong can zhes bya ba wa khu dang srin bu pad+ma dang g.yon can de khwa'i lag pa dang shing pa ta la zhes pa lo ma 'khum pa'i rtsa ba rnams kyi lde gu rkang pa la bskus nas me'i steng du song yang 'tshig par mi 'gyur ro//rmigs pa dang sbal pa'i zhag dang dUr ba dang ri bong can te wa khu dang pad+ma'i rtsa bas yan lag la byugs na me'i tsha ba bsil bar byed do//chu sbrul gyi khrag gis kha bkang ste chu'i nang du zhugs na ji srid 'dod kyi bar du chus gsher bar mi 'gyur ro/ /dong ka'i sa bon gyis bkang ba'i lham du rkang pa gnyis bcug ste chu'i steng du song na gru dang 'dra bar bying bar mi 'gyur ro/ /btsag dang ser tshur dang mu zi rnams cha bsnyoms la nya phyis kyi nang du lde gu byas nas lus la byugs na chur mi 'bying ngo //gser shing gi sa bon dang rgya'i lang tang gi sa bon gser shing 'bus zos pa'i phye ma dang khu byug dang 'ug pa dang khra'i sha dang sbyar nas byin na yi dags dang 'dra bar mi snang bar 'gyur ro//bu ram kany+tsi dang sbyar te byin na slar 'tsho bar 'gyur ro/ /skye gnyis te khu byug dang byi la dang spre'u dang khra dang 'ug pa dang sre mo'i spu rnams phye mar byas te/ lko dkar gyi rtug pa dang sbyar te byin na smyo bar 'gyur ro/ /spyang ki'i mjug ma dang bya rog gi gshog pa g.yas pa'i sgro mal stan gyi 'og tu bcug nas bzhag na yun ring po mi thogs par gdon gyis zin par 'gyur ro//gser shing gi 'bras bu zhes bya ba la sogs pa ni go sla'o/ /zangs kyi gtsug phud can ni khyim bya'o/ /mgo la bskus na smyo bar 'gyur la/skra bregs na 'tsho bar 'gyur ro/ /gser shing gi 'bras bu la sogs pa'i sgras ni ma du lung ga dang phug ron dang rma bya dang khyim bya'i sha rnams bsdu'o/ /lhag ma ni go sla'o/ /yang skrod pa gsungs pa ni mar nag gis lag pa byugs la pa tsu mar da zhes bya ba nim pa'i shing gi bye brag dang khwa'i tshang gi shing la byugs te dur khrod kyi sol ba la bsregs nas thal bas gang gi bza' btung la sbyar ba'am/mgor bzhag na skrod par 'gyur ro/ /de yang dbye ba gsungs pa ni bya rog dang 'ug pa'i sgro dang / bram ze dang gcer bu'i skra gser shing gi me mdag du ba med pa la bsregs pa'i thal bar skyes pa dang bud med kyi mal stan gyi 'og tu ma tshor bar bcug na dbye bar 'gyur ro//de ltar las bcu po de dag ni bde mchog gi rgyud las gsungs pa'i rnam par shes pa'i ye shes te so so'i skye bo rnam par shes pa dang ldan pa rnams kyis tan+t+ra sman gyi sbyor ba byas nas thob pa'i byang chub sems dpa'i ye shes dang mnyam par 'gyur ro//de ltar bde mchog gi sbyor ba bshad nas/ dgyes pa'i rdo rje nas gsungs pa'i sman gyi sbyor ba bshad pa ni/ ci ste 'gugs pa'i zhes bya ba la sogs pa smos te khyi mo nag mo zhes bya ba la sogs pa ni go sla'o//bud med dang skyes pa'i ming can ni skyes pa dang bud med kyi thod par a mra la sogs pa bskyed pa'o/ /glang po che'i rngul ni myos pa'i 'o/ /skal bzang po ni longs spyod dang ldan par 'gyur ro//'byung bo'i sgras ni 'bab pa'o/ /rtag tu ngu ni ru tan+ti zhes bya ba rtag tu zil pa dang ldan pa'o/ /dan da ut+pal ni spang rgyan sngon po'o/ /ha sa de ba ni lug mig go/ /ma'i chang ni phabs so/ /pu tra dza ni do ba nag po zhes bya ba rtsa ba'i bye brag go/ /e ran+na ni ba sha ka'o//bin nu kan+ta ni khyab 'jug gi spos so/ /lag sh+mi ni ldum bu'u su'o/ /a ba da ni rtsa dgu pa'o/ /shing a rka ni lo ma nyi ma la lta ba'i rtsa ba'o/ /rang gi khrag ni srin lag g.yon pa'i 'o/ /ra ma du ti ni nye shing pa'o/ /'o ma can ni skyabs so/ /ma he'i sna thag ni gso thag go//bya'i bdag po'i 'khor lo ni gres ma'i me tog go/ /lham bu chu gsher ni go bar zad do/ /ma na shi la ni ldong ros so/ /drag po ni ba tshwa'o/ /bkra shis ni ro tsa na'o/ /dUr ba dkar po ni rim pa dkar po'o/ /ri dgas kyi dUr ba ni dUr rgod do/ / ro tsa ni gi wang ser po'o/ /khyab 'jug gi 'khor lo ni gres ma'i me tog sngon po'o/ /lham bu chu gsher ni srog chags phra mo dmar po'o/ /a ba na da ni rtsa dgu po 'o ma can no/ /biSh+Nu kan+da ni khyab 'jug gi spos so/ /nan ta ki ta ni lha'i srin bu'o/ /ku da ra tsa ni thal ka rdo rje'o//bye'u lte ba ni ram bu'o/ /dbang po'i nas ni spyi zul gyi 'bras bu'o/ /sring ka la ni bil ba'o/ /ri bong can ni wa khu'o/ /shing su ta ni nam mkha'i lcug ma'o/ /dza yan+ti ni rgya shug dkar po'o/ /ki ri kar ni ka ni sran ma chen po'o/ /ka bi ta ni bil ba'i 'bras bu chag pa'o//sa rdzar sa ni rgya shug gi thang chu'o/ /lcags gsum ni gser dang zangs ma dang dngul lo/ /rdo rje mkha' 'gro las byung ba bzhin du sran chan gyi ri lu'o/ /sro ta any+dza na ni smug po sbal rgyab bo/ /shang shang ka ni se ba dkar po'i me tog can no/ /mar ba ni shing mngar ro//te tso pa ni tsher ma dgu'o/ /e sha ka na nag po ni bo de tse'i shing nag po'o/ /pri yang ku ni khra rgod ljang gu'o/ /pha mes kyi nags ni dur khrod do/ /'dar ma ni sbrang bu sngon po'o/ /yang na sngar smos pa'i rdzas de rnams zhes bya ba ni/ lig bu mig dang se ba dkar po'i me tog dang shing mngar dang zla mtshan dang por byung ba'i khrag dang te tso pa na ti rnams dang ba bla dang ldong ros kyi ri lus byas pa'o//de ltar mi snang ba shes pa bshad nas/ lha'i mig gi mngon par shes pa ni de nas mig sman zhes bya ba la sogs pa bshad pa yin no//sha chen gyi zhag la sogs pa ni 'di rnams bya rgod kyi pags par zla ba drug gtums nas bya rgod kyi rkang gi sbu gur bcug ste mi rus kyi phye mas mig la byugs na gter shes par 'gyur ro/ /dgyes pa'i rdo rje'i rgyud nas 'byung ba bshad nas/ dpal bde mchog nas 'byung ba'i sman bshad par bya ste/gang gis sgrub pa po 'grub pa zhes bya ba la sogs pa gsungs te/ ting nge 'dzin dang sngags bzlas mi dgos par sman gyi sbyor bas dngos grub bsgrub pa'i las bshad pa 'am/ bsam gtan dang bzlas pa la dga' bas las kyi cho ga sgrub par mi nus na/sman gyi tshogs pas sems can dman pa rnams kyis grub par 'gyur ro/ /rdo rje rgya mtsho las skyes dang / /zhes bya ba ni/ rdo rje ni brag zhun no/ /rgya mtsho las skyes pa ni rgya mtsho'i sbu ba'o/ /sbang ma skyur po ni rtsabs so/ /lhan cig tu brdungs pa ni sman dang bcas pa'i dngul chu'o//dro ba'i gtun bu tshan de la/ /zhes bya ba ni dron mo'i gzhi la yang dang yang du mnyes nas zhes bya ba ni steng gi gtun bu des yang dang yang du mnyes pa'o/ /snu ha ri ni shrI khaN+Da'o/ /dzA ti ni dzA ti pha la'o/ /rtsabs skyur po ni sbyar ba'i chang ngo //chu shing dang bcas pa ni 'bras bu dang bcas pa'o/ /zangs kyi snod du bskol ba ni chu zangs kyi snod du bskol ba'o/ /lcags phye ni ze smug gi phye'o/ /ba ku la ni me tog le brgan no/ /ut+pal chen po ni 'jig rten na grags pa'o/ /de rnams dang ji srid bskam par 'gyur ba de srid kyi bar du rdo'i gtan pa la mnyes nas yang rdo rje'i 'o ma zhes brtan pa'i sbyor ba'o//rdo rje'i 'o ma ni shI khaN+Da'o/ /lce myang tsha ni tsha dmar po'o/ /tsha la ni tsha'i lcug ma'o/ /zangs ni chu zangs so/ /de rnams dngul chu mnyam por byas te/ dan da pa sha zhes bya ba/mu zi'i phye ma dang bskol na gser du 'gyur ro/ /de ltar gser 'gyur rtsi'i sbyor ba bshad nas/ da ni nang gi sman gyi sbyor ba bshad pa ni/ /de nas bcud len cho ga'i snying po kun las 'od ces bya ba gsungs so/ /bcud len ni rgas dka' ba dang ro tsa ba dang bsam gtan gyi ting nge 'dzin skye bas na be shad tat+ta dang ne rany+dza na tat+ta dang zhes bya'o//snying po kun las btus pa ni rgyud 'bum pa zhes bya ba la sogs pa las btus te bshad pa'o/ /de bcing ba la brten nas su/ /zhes bya ba ni 'chi ba slu ba'i cho ga bshad par bya ba ni las brten pa'o/ / rnal 'byor cho ga bshad par bya ba ni mi'i lus la gnas pa'i bdud rtsi lnga'o/ /de ltar mdor bstan nas rgyas par bshad pa ni/ bzhi mnyam ni bshang ba'i dngas ma'o/ /gci ba ni dri chu'o/ /tsan+dan ni g.yul du bsad pa'i khrag go/ /ga bur ni khu ba'o/ /sa li dza ni sha chen no//sih+la ni rang byung gi khrag go/ /kun du ru ni snyoms 'jug gi brda'o/ /kak+ko la ni pad+ma'o/ /mu gu ni rkang ngo / /de rnams sman ni chen po ste/ /zhes pa ni mi'i lus la gnas pa'i sman yin pas chen po zhes brdar btags pa'o/ /dus drug tu ni mthu dang ldan ni phyi rol du drug yin la/nang du rnal 'byor pa'i thun drug bdud rtsi zos na lus bcud dang ldan pas skra dkar dang gnyer ma med par 'gyur ro/ /bya ba'i dus gang yin snyam na/ dpyid dang sos ka dbyar dang ni/ /ston dang dgun stod dgun smad rnams/ /zhes bya ba gsungs so/ /de la sbyor ba'i dus ni dpyid ni snga dro//sos ka ni nyi ma gung ngo / /dbyar ni dgongs mo/ /ston ni srod do/ /mtshan phyed ni dgun stod kyi cha'o/ /dgun smad ni tho rangs so/ /rnal 'byor pa'i dbang du byas pa'i dus tshod de dag gi sbyor ba ni rdo rje phag mo bzhin bzangs mo khyod la bstan par bya zhes gsungs pa yin no//dus drug tu gang bza' snyam na mtshan phyed ni rang byung gi me tog go/ /dgun stong khu ba'o/ /snga dro bshang pa'i dngas ma'o/ /phyi dro ni gci ba'i dngas ma'o/ /nyin phyed rang gi khrag go/ /srod la rkang gi zhag bza' ba'o/ /tho rangs su khyad par du/ga pur bza' ba dgun smad yin/ /zhes gsungs pas bdud rtsi lnga'i steng du byang chub sems bsnan pa bza' bar bshad pa yin no/ /de bzhin du snga dro bshang ba'i dngas ma bsnan pa dang / nyi ma phyed na khrag bsnan pa dang / phyi dro gci ba'i dngas ma bsnan pa dang /srod la rkang gis bsnan pa dang / phyed na rang byung gi me tog gis bsnan pa bza' ba ni nang gi bcud len zhes bya ba'o/ /rnal 'byor mchog gi gtso bo 'di dag ni bdud rtsi lnga dang dpa' bo lnga'i steng du dus drug tu sman drug bsnan pas na/ gtso bo 'di dag ces bya'o//gang gis rtag tu mnyam 'jog pa ni/ bskyed rdzogs kyi ting nge 'dzin la mnyam par bzhag nas yid bde ba'i sems rtse gcig pas nang gi bcud len bsten na 'bras bu rga ba dang 'chi ba la sogs pa las grol bar 'gyur ro/ /de ltar nang gi bcud len bshad nas/ phyi'i sman gyi bcud len bshad pa ni/ /dngul chu dang mu zi dang pad+ma'i khrag dang mar dang sha chen po lhan cig tu sbyar nas chu tshod gsum gyi bar du dkrugs shing bskol na nad 'du ba bzhi ka 'joms par 'gyur ro/ /yang dang yang du sbyar zhes bya ba ni rlung dang bad kan dang 'dus pa zhi ba'i las la sbyar bar bya'o//bcu bzhi'i rdzas ni bzung nas su/ /zhes bya ba ni bdud rtsi lnga dpa' bo lnga'i steng du dngul chu mu zi pad+ma'i khrag dang sha chen po dang bcu bzhi'o/ /dgu pa rnams dang ba li bza'/ /zhes bya ba ni bdud rtsi lnga'i steng du grangs gong ma bzhin bsnan la bza' bar bya'o//nyi ma zla ba'i cha yis ni/ /zhes bya ba ni/ nyin mo'i dus gsum du bdud rtsi cha drug po dus gang dang gang yin pa de dang der bsnan nas ji ltar 'dod pa bzhin du bza' zhing las bya ba yin no/ /rgyu khams snyoms pa dang thabs sman tshang bas nyi ma nyi shu rtsa gcig zos na sen mo dang skra dkar rnams brul te byis pa lo brgyad pa lta bur de rnams skye bar 'gyur ro//grub nas de yi rdzas kyis ni/ /zhes bya ba ni bcud len grub nas bu ga dgu'i rdzas gser du 'gyur ba yin no/ /phyi rol du gser 'gyur bshad nas/da ni mar khu'i cho ga bshad par bya ste/ sbu gu'i zhag ni rkang ngo / /ba li ka'i zhag ni khu ba'o/ /mar khu ni tshil chen no/ /bzhi mnyam ni bshang ba'i dngas ma'o/ /rdzas de cha bsnyams la ba li ka'i chu dang skyo mar sbyangs la/ gong du rtsi zhes bya ba dUr ba'i snying po dang 'o ma dang cha bsnyams la sbyar bar bya'o//de dag tshad bshad pa ni/ phye ma srang ni sum cu yi/ /chu ni nyis 'gyur bza' bar bya/ /ji srid srang tshang bzhi lus par/ /de srid bar du bskol bar bya/ /zhes gsungs so/ /ba li ka ni sum 'gyur te/ /go rims bzhin du bsgrub par bya/ / zhes bya ba ni srang sum cu rtsa gnyis kyi sum 'gyur ro/ /mar khu bzhi 'gyur ni srang sum cu rtsa gnyis kyi bzhi 'gyur ro/ /'o ma dang dUr ba'i snying po'i khu ba ni mar khu'i phyed kyi tshad do/ /sngar bstan pa'i skyo ma de'i phyed ni rkang dang ba li ka'i zhag dang mar khu dang bcas pa'i dngas ma dang yung ba nag po dang bcas pa'i skyo ma ni de'i phyed kyi tshad do//de rnams bsres nas lhan cig tu bskol bar bya ba yin no/ /chung dang 'bring dang chen po ni/ /chu gsum bcad pa dang / chu gcig bcad pa'o/ /gtso bo rnam gsum go rims bzhin ni sna sman srang bcu pa chung ngu dang / btung ba srang brgyad pa 'bring dang bsku byug srang brgyad pa ste chen po'o/ /rnal 'byor mnyam par bzhag pas bya ba ni yid mi bde ba med pa dang / khams snyoms pa'i sems rtse gcig pas so/ /sna sman gyis ni lo stong 'tsho/ /zhes bya ba ni/ /ngas bshad pa la the tshom med kyi bar gyis phan yon gsungs pa yin te go sla'o//bshang ba skams nas 'o ma dang yang dang yang du mnyes te snod kha sbyar du lci ba'i mes bskol te bsnan ni nyis 'gyur dang 'o ma bzhi 'gyur dang bcas pas bskol na gser gyi bzhi 'gyur dang / 'bras bu gsum dang yung ba nag po dang rang skyur dang ta la rnams kyis cha re re bskyed la skyo mar bya'o//mchod byed ni ming gi rnam grangs tsi ti zhes bya ba dang / 'dab ma stong pa zhes bya ba yin no/ /nag po ni yung ba nag po'o/ /ba ku tsi ni shu dag go/ /ut+pa la'i myu gu ni kha ma bye ba'o/ / lcags dreg ni lcags bzhus pa las byung ba'i snyigs ma'o/ /dri ngan ni mu zi'o/ /de rnams btsos pa ni kha sbyor du bskol ba'o/ /de lta bu'i mar khus tshe dang nad med pa 'phel bar byed ces pa ni phan yon no/ /sna sman gyi btang thabs bshad nas/ bsku byug gi mar khu bshad pa ni/de nas zhes bya ba la sogs pa gsungs te sngar bshad pa'i mar khu'i steng du khrag 'phrog pa zhes bya ba par pa ta dang / gser shing dang dre ta pre he zhes pa se pa'i me tog ser po'o/ /sin du par zhes pa ni rgun+tha dang / lhan cig bcas pa sngon gsungs pa bzhin du btso ba gsum gyi go rims kyis bsgrub par bya'o//de'i rdzas la sha ma ni khre rgod ljang gu'o/ /ge sar ni nA ga ge sar ro/ /ba ku la dang rigs 'dzin gyi me tog ni tsam pa ka'o/ /nA ga ni nA ga put+pa'o/ /tsakra marda ni lcam pa'o/ /mtshan mo spyod ni yung ba'o/ / gcod sman ni gres ma'i me tog dang / bgegs kyi sgra ni yungs kar ro/ /khu byug mig dang ni sman la ba bya'o/ /mu ta ka ni lo btsan dkar po'o/ /ka ra ni shing ka rany+dza'o/ /many+dza ri ni sman skra lta bu'i snye ma'o/ /ga na ni glang sna'o/ /da du ra ni skyer pa'o/ /nad kyi dbang po ni ru rta'o//nag pa la ni na le sham dkar po'o/ /'di rnams cha bsnyams la bskams te sbyar bas ni nad thams cad sel ba'o/ /nad sel ba bshad nas dug 'joms pa bshad pa ni/ tsan+dan dkar dmar gnyis dang gla rtsi dang ga pur dang sa la ki zhes pa ldum bu re ral dang //na kha zhes pa chu srin gyi sen mo rnams dang bcas pa'i bdug pas dug 'joms par byed la g.yan pa dang lud pa dang shu ba dang yan lag gi dug thams cad 'joms par byed do/ /bdug pa'i cho ga bshad nas byug pa bshad pa ni yung ba'i phye ma dang /sin du ra ba ra ste shing kun dang lha khang gi so phag gi phye ma dang da du ra ste rgya'i lang tang gi khu ba dang gla rtsi dang bshang ba'i dngas ma dang bzhi mnyam du byas nas/ ra tsar+ya zhes bya ba a ba'i rtsa ba dang ken du zhes bya ba a ba'i lo ma dang bcas pas nad thams cad 'joms shing srin bu dang mdze la sogs pa sos par 'gyur ro//ba ku tsa dang bcas pas lta ci smos zhes bya ba ni/ kha sman lta bu'i shu dag dkar po dang bcas pas lta smos kyang ci dgos zhes bya ba'o/ /byug pa'i cho ga bshad nas btung ba bshad pa ni tsha ba gsum dang bshang ba skam po lhan cig tu btags te/gci ba'i dngas ma dang lhan cig 'thungs na nang khrol gyi nad thams cad 'joms par byed do/ /yang na bshang ba'i dngas ma dang 'bras bu gsum dang lhan cig zhib tu btags te mar dang sbrang rtsi dang sbyar la zho gnyis gnyis zos na lo sum brgya'i bar du 'tsho bar 'gyur ro//rlon pas de ltar 'gyur mod kyi/ /zhes bya ba ni bshang ba'i dngas ma dang 'bras bu gsum rlon pa sbyar ba'i tshe mar dang sbrang rtsi sbang bar bya'o/ /yang na tsha ba gsum dang bshang ba skam po lhan cig phye mar byas la gci ba'i dngas ma dang lhan cig zos na rlung dang skran rnams 'joms par byed do//gci ba dron pos ni skra dkar skyed do/ /yang na 'bras bu gsum dang bshang ba'i dngas ma lhan cig tu 'o ma dang chur btsos nas 'og tu byug par bya'o/ /in+d+ra ma na ni dbang po'i lag pa dang 'bras bu dmar po lhan cig btags te khu bar byas la mar du btsos nas gla rtsi dang lhan cig zla ba gsum zos na nad thams cad sel bar 'gyur ro//zla drug bsten zhes pa la sogs pa ni go sla'o/ /yang na nA ga pu Sh+ba ni nA ga ge sar gyi rtsa ba dang sman pa las dang ru rta sum cha dang glang po che'i pi pi ling ste pi pi ling bcu dang sbyar ba'i phye ma zho gnyis 'o ma dang lhan cig sbyar na lo brgya 'tsho ba dang bkres skom las grol bar 'gyur ro//'di'i sbyor ba la rlan med pa'i brag phug la sogs pa gnas dben par dbang po'i lag par bsdams shing las kyi dung can dang pad+ma dang ri dgas can rnyed na lhan cig tu brtul zhugs bya'o//mjug bsdu ba bshad pa ni dus bcing ba ni mi shes par zhes bya ba la sogs pa gsungs te/ dus bcing ba ni 'chi ba slu ba'i thabs so/ /thabs de yang yan+t+ra tan+t+ra man+t+ra gsum gyi sbyor ba bya ste de mi shes par gang zhig rnal 'byor pas khas 'che bar 'dod pa de ni sgra nyan par 'dod pa'i phyir mkha' la khu tshur rdeg pa dang /smig rgyu'i chu 'thung ba dang 'bras 'dod pa'i phyir phub ma rdung ba dang 'dra'o/ /sngags dang sman dang 'khrul 'khor shes pa'i rnal 'byor pa de la bcom ldan 'das kyis ston par mdzad pa yin no//brtag pa bdun pa'i rab tu byed pa dang po'i 'grel pa'o// //de ltar 'jig rten pa'i dngos grub sman sbyor ba bshad nas/ gnyis pa sbyin sreg gi cho ga mdor bstan pa ni/ zhi rgyas dbang dang mngon spyod kyi//zhes bya ba la sogs pa gsungs te/ zhi ba la sogs pa'i las bzhi bsgom pa dang bzlas pa dang gtor ma dang mchod pa dang bstod pa dang phyag 'tshal ba la sogs pa bcom ldan 'das la nyan par 'tshal ba'o zhes gsol ba btab pa dang / sbyin sreg la sogs pa'i mtshan nyid ni de nyid ji bzhin rdo rje nyon ni skabs dbye ba bshad pa'o//de ltar mdor bstan nas rgyas par bshad pa ni/ dang po bzlas pa 'bum gyis bsnyen pa byas la/ de nas sngags pas phrin las rnam pa bzhi'i las brtsam par bya'o/ /de la dang po thog mar 'dug stangs bshad pa ni/mtho lngas bar du chod pa'i g.yas brkyang g.yon brkyang ba dang / khru dos bar du chod pa'i zlum po dang / sor nyer bzhis bar du chod pa'i sa ga rnal 'byor pas byas na/ de'i 'og tu rig pa dang lhan du 'dug par bya'o/ /gos dang phyag rgya lnga la sogs//shes rab yan lag ces gsungs pa'i phyir ro/ /su'i sbyin sreg brtsam par bya zhe na/ bram ze'i rgyal po rje'u rigs dang / /dmangs rigs zhes bya ba gsungs te/ de dag gi sbyin sreg brtsam par bya'o/ /de la dang po re zhig gzhi'i dkyil 'khor bshad pa ni/zhi ba la ni zlum po rgyar khru gang ba'i tshad zabs su de'i phyi rol du kha khyer sor bzhi pa'i tshad kyi rim pa gsum gyis bskor la tsan+dan dkar pos byug par bya'o/ /rgyas pa la rgyar khru do zabs su de'i phyed kha khyer sor brgyad pa rim pa gsum gyi gyis bskor ba dri ser pos byug cing me tog ser po dgram par bya'o//mngon spyod la thab khung gru gsum rgyar sor nyi shu zabs su sor bcu rim pa gsum pa'i kha khyer gyis bskor ba dur khrod kyi sol bas byug par bya'o/ /dbang dang dgug pa la zla ba phyed pa la rgyar khru gang zabs su de'i phyed kha khyer sor bzhi pa'i rim pa gsum gyis bskor ba dri dmar pos byug cing me tog dmar po dgram par bya'o//dbyibs bshad nas tshon bshad pa ni/ dkar po dang ser po dang nag po dang dmar po'o/ /phyogs bshad pa ni lha khang ngam dkyil 'khor gyi shar du zhi ba/lhor mngon spyod/ nub tu dbang dang dgug pa/ byang du rgyas pa'o/ /de ltar gzhi'i dkyil 'khor bshad nas rdzas bshad pa ni/ de nas 'bru la sogs pa zhes bya ba la sogs pa gsungs te zhi ba'i las la 'bras sA lu zhes bya ba la sogs pa go sla'o//thab lhar bskyed pa ni bdag nyid rnam par snang mdzad la sogs par bsgoms la gtsub shing las byung ba'i me sbar te/ ba ba ka'i mdog can gyis me bskyed nas shar du kha bltas pas dus gsum du sbyin sreg brgya rtsa brgyad bya ba dang /de bzhin du rnam par snang mdzad la sogs pa'i lha me lha 'od du zhu ba'i gnas su bzhugs su gsol te/ zhi bar 'dod pas sbyin sreg brgya rtsa brgyad bya'o/ /'bras bu ni ye shes sems dpa' la dngos grub blangs la gshegs su gsol ba dang /me lha la dngos grub blangs la gshegs su gsol bar bya'o/ /de ltar zhi ba bshad nas rgyas pa byed par 'dod na til dang ma sha la sogs pa'i rdzas bsag pa dang / u dum wA ra'i me sbar la/ thab ni rgyas pa dang rjes su mthun pa'i me lhar 'dzin byed du bskyed la/rin chen 'byung ldan la sogs pa dmigs te/ byang du kha bltas te dus gsum du grangs stong gi sbyin sreg byas na nyi ma bdun rdzogs pa'i 'og tu sbyin bdag chen por 'gyur ro/ /dbang du byed par 'dod na/ rdzas ni til dmar po dang /pri yang ku dang / nA ga ge sar la sogs pa'i rdzas bsags la gu gul gyi shing gi me sbar nas 'dod pa'i me lha dang / snang ba mtha' yas la sogs pa'i gzugs dmar por dmigs te/ kha nub tu bltas nas sbyin sreg byas na/ 'bras bu ji srid 'tsho'i bar du dbang du 'gyur ro//mngon spyod byed par 'dod na til nag po dang ma sha ste sran ma sngon po dang 'chang ba sta ka ste sbrang sngon dang / ki ma ka'i 'bras bu nag po la sogs te bsreg rdzas dang ro'i shing gi me sbar la drag po'i me lha dang gshin rje gshed la sogs pa bzhugs su gsol la/kha nub tu bltas te gang gi ming nas bzung ste sbyin sreg byas na nyi ma bdun gyis 'chi bar 'gyur ro/ /ma yin na zhes bya ba la sogs pa gsungs te/ gcig pu dben pa'i gnas su 'dug nas sngar bshad pa'i rdzas kyis shan pa'i me la sbyin sreg byas na/ gshin rje ste 'chi bdag gis 'khrid par 'gyur ro/ /las kyi khyad par gsungs pa ni bskrod par 'dod na mngon spyod kyi thab tu yungs kar la sogs pa'i rdzas rnams dang mngon spyod kyi me lha dang gshin rje la sogs pa bsams nas bsregs na skrod par 'gyur ro/ /yang na bya rog gi sha dang zhes pa ni bskrod pa gnyis pa bstan pa yin te/dkyil 'khor dang lha la khyad par med de rdzas dang sngags la phyag rgya'i sbyor ba'i khyad par gyis skrod par 'gyur ro/ /bcing bar 'dod na rgyas pa'i thab kyi dbus su sha dang nya sha la sogs pa'i bsreg rdzas dang / 'dzin byed kyi me lha dang rdo rje lcags sgrog bzhugs su gsol te/ gang gi ming nas smos te bsregs na bcing par 'gyur ro/ /yang rgyas pa'i thab tu yung ba la sogs pa bsreg rdzas mi 'dra bas kha byang du bltas nas gang gi ming nas bzung ste bsregs na bcing bar 'gyur ro/ / bskrad pa'i bye brag gsum pa bshad pa ni mngon spyod kyi thab tu khyi dang khyim bya'i sha la sogs pa'i bsreg rdzas dang che ge mo u tsa ta ya zhes pa'i sngags dang spel na skrod par 'gyur ro/ /rgyas pa'i khyad par gnyis pa ni de'i thab tu lha la ce spyang gi sha brgya rtsa brgyad bsregs na zla ba gsum gyis phyug por 'gyur ro//dbang du bya ba'i khyad par ni de'i thab dang lha la ba lang gi sha dang khrag gis sbangs pa'i bsreg rdzas lan stong bsregs na ji srid 'tsho'i bar du dbang du 'gyur ro/ /dbang gi khyad par gnyis pa ni ba lang gi sha de nyid chang gis sbangs nas lag pa g.yon pas bsregs na dbang du 'gyur ba dang bskyar ba ni mig rnag dang so brud nas bsgyur ba'i shing dang rna spabs dang snabs dang mchil ma dang bshang gci dang lus dril pa'i dri ma chang gis sbangs te bsregs na dbang du 'gyur ba la the tshom med do//dbang gi thab tu lha la rang 'byung gi me tog zos pa skyugs pa dang mi'i skra dang bsres te bsregs na 'grub par 'gyur ro//bsad pa'i khyad par ni mngon spyod kyi thab tu de'i lha la bya rog gi sgro rtsa ba'i mar gyis byugs te rgya'i lang tang gi me la bsregs na bskrad pa 'am 'chi bar 'gyur ro/ /bcing ba'i khyad par ni rgyas pa'i thab khung du me lha de nyid dang bsreg rdzas a ti muk+ta ka'i lcug ma kun sman da ste do rgod dang sman mu kha ste sran sngon dang ma sha ste sran ma nag po dang sha na ste sran leb zos pa skyugs pa dang /skye dang tshas su bskyed pa'i ta ma las sbyin sreg byas na bcing bar 'gyur ro/ / dbang gi khyad par gsungs pa ni dbang gi thab dang lha la rdzas thams cad bshang ba dang bsregs na dbang du 'gyur ro/ /bzhi pa dbang gi thab dang lha la glang po che'i sha dang khrag gis nas bsregs na dbang du 'gyur ro/ /dbang du bya ba lnga pa ni de'i thab khung gi lha la nya sha dang / chang dang bcas pa sbyin sreg byas na bud med thams cad dbang du 'gyur ro/ /bskrad pa'i bye brag bzhi pa ni mngon spyod kyi dkyil 'khor dang / lha la bya rog gi sha 'ba' zhig lan stong du bsregs pas rdo rje sems dpa' yin yang nyi ma gsum gyis 'bros par 'gyur ro/ /bskrad pa lnga pa ni bya rog gi sha dang byin lag gi sha dang da du ra'i me la bsregs na de dang 'dra'o//mngon spyod kyi khyad par ni de'i thab dang lha la sha chen po dang bya rgod kyi sha dang lhan cig bsregs na smyo bar 'gyur ro/ /thams cad kyi gso ba cig car bshad pa ni/ zhi ba'i thang dang zhi ba'i lha la 'bras so ba bsregs na bsad pa bskrad pa dang smyo ba thams cad slar 'tsho bar 'gyur ro//gang zag ji lta bus bya zhe na/ sngon du bsnyen pa byas pa rnams kyis bya ba yin gyi/ de lta ma yin pas ni ma yin no/ /khyad par ji lta bus bya zhe na/ skye bo sus kyang mi tshor bas bya ste/de ltar ma yin pas mi bya'o/ /sngar bshad pa'i cho ga thams cad gyi mjug bsdu ba ni/ de bas na zhes pa la sogs pa smos te/ sngags pas su'i drung du yang mi bzlas so/ /gal te byed par 'dod na gcig pu dben par gnas nas bzlas na ni las thams cad 'grub par 'gyur ro//brtag pa bdun pa'i rab tu byed pa gnyis pa'i 'grel ba'o// //de ltar sbyin sreg mdor bstan pa bshad nas/ rgyas par bshad pa ni lha thams cad kyi sngags btu ba zhes pa la sogs pa smos te/ sngags btu ba ni ji ltar lags zhes bya ba nas nyan par 'tshal lo zhes bya ba'i bar gyis gsol ba btab pa bstan to//bka' stsal to zhes pa nas bshad par bya ba'i bar gyis skabs dbye ba bstan to/ /de ltar mdor bstan nas rgyas par bshad pa ni/ gru gsum zhes bya ba la sogs pa smos te/ gru gsum dkyil 'khor nyams dga' ba ni yi ge btu ba'i gnas bstan te/'thas par bcags shing legs par byugs pa'i sa gzhi la/ chos 'byung gru gsum gyi thig btab nas thod lo kor gyis pad+ma 'dab ma brgyad pa ge sar dang bcas pa bris la sngags bskyed pa'i rgyud yin pas pad+ma de la mA ma kI zhes brdar btags pa yin no//'dod pa'i don kun sgrub byed pa/ /zhes bya ba ni 'jig rten pa dang thun mong dang mchog ga dngos grub gsum mo/ /der gnas dpa' bo'i yig 'bru btu bar bya/ /zhes pa ni gsung gi dpa' bo'i yig 'bru btu ba'o/ /der gnas pa gang yin snyam pa la/ e la sogs pas phye ba yis//sde tshan dbang phyug sngags kyi mchog /ces bya ba gsungs te/ a ga tsa Ta ta pa ya sha'i sde tshan brgyad bkod pa'o/ /de'i don 'di skad ston pa yin te/ yi ge btu ba'i gnas gsungs pa yin te/ chos 'byung gru gsum gyi dbus su sde tshan brgyad bkod pa dang / rdza rnga'i dbyibs kyi re mig la yi ge bzhi bcu rtsa dgu dgod pa dang /gzhal yas khang gi dbus su re mig bzhi bcu rtsa dgu'i dkyil 'khor dbyangs dang gsal byed kyi phyi mo dgod pa'o/ /thabs ni bzhi ste 'khrul 'khor gyis btu ba dang / dbyangs dang gsal byed kyi rim pas btu ba dang /ming gis btu ba dang / phyed btus pas btu ba'o/ /btus pa'i 'bras bu ni sa bon gyi sngags btu ba dang / snying po dang nye ba'i snying po btu ba dang / yan lag gi sngags btu ba dang / phrin las kyi sngags btu ba'o/ /'dir ni chos 'byung gi dkyil 'khor las sa bon dang snying po dang phrin las kyi sngags btu ba'o//a la sogs pas phye ba yi/ /sde tshan dbang phyug sngags kyi mchog /ces bya ba ni pad+ma 'dab brgyad kyi sde tshan brgyad kyi yi ge lnga bcu bkod pa'o/ /de la dang po sangs rgyas spyan gyi sa bon dang sngags btu ba ni/ dang po'i gnyis pa kha'o//stong pas yang dag mnan ni/ aM dang sbyar bas khaM du 'gyur ba'o/ /bdun pa'i gsum pa la'o/ /zla ba phyed dang bco lngas brgyan ni i dang sbyar bas laM ngo / /byang chub sa bon haM ngo / /bco lngas mnan ni aM ste de dang sbyar bas haM ngo / /de ltar na khaM laM haM zhes bya ba gsum ni snying po yin par ston no//nyi ma'i snying po ni bdun pa'i gnyis pa ni ra yin la/ rdo rje mkha' 'gro ma ste u dang sbyar bas rur gyur pa yin no/ /lan gnyis su sbyar bas ru ru'o/ /drod kyi gsum pa ni sa yin la drug pa'i gnyis pa pha dang sbyar bas s+pha zhes bya'o/ /dbyangs lnga pa u dang sbyar bas spu zhes bya bar 'gyur ro//mthar gnas kyi gnyis pa ni ra'o/ /dbyangs kyi lnga pa ni u'o/ /gsum pa'i gsum pa ni dza'o/ /nyi shu rtsa dgu pa ni wa'o/ /bdun pa'i gsum pa ni la'o/ /lnga pa'i dang po ta'o/ /dbyangs yig gsum pa i'o/ /brgyad pa'i gnyis pa Sha'o/ / bcu gnyis pa ni tha'o/ /sum cu rtsa gnyis pa ni Sha'o/ /go rI ni i'o/ /lnga pa'i gsum pa ni da'o/ /de nyid kyi bzhi pa ni d+ha'o/ /mthar gnas kyi gsum pa ni la'o/ /g+hasma rI ni o'o/ /gsum pa'i dang po ni tsa'o/ /lnga pa'i lnga pa ni na'o/ /tsaurI ni e'o/ /de ltar sangs rgyas spyan gyi sngags kyis las gsum byed de zhi ba 'byung ba dang /dam tshig bskul ba dang / shi ba gso ba'o/ /yang bcom ldan 'das rnam par snang mdzad kyi ni o badzra bai ro tsa nI ye swA hA'o/ /gnyis pa mA ma ka'i sngags ni gnyis pa'i bzhi pa ni g+ha'o/ /chu ma ni I ste g+hI zhes bya ba ni snying po'o/ /nye ba'i snying po ni drod can gyi dang po ni sha'o//mkha' spyod ma ni aM ngo / /gnyis pa'i dang po ni ka'o/ /bdun pa'i gnyis pa ni ra'o/ /tsau rI ni e'o/ /brgyad pa'i dang po ni sha'o/ /rdo rje ma ni a'o/ /nyi shu pa ni na'o/ /lnga pa'i dang po ni ta'o/ /gau rA+e ni i'o/ /gnyis pa'i dang po ni ka'o/ /nyer bdun pa ni rA'o//tsau rI ni e'o/ /gnyis pa'i bzhi pa ni g+ha'o/ /rdo rje mkha' 'gro ma ni u'o/ /gsum pa'i dang po ni Ta'o/ /lan gnyis bzlas pas ni g+hu Ta g+hu Ta'o/ /gnyis pa'i bzhi pa ni g+ha'o/ /rdo rje mkha' 'gro ma ni u'o/ /bcu gcig pa ni Ta'o/ /dbyangs kyi gsum pa ni i'o/ / lnga pa'i lnga pa ni na'o/ /gau rI ni i'o/ /gnyis pa'i bzhi pa ni g+ha'o/ /rdo rje ma ni a'o/ /bcu drug pa ni ta'o/ /nyi shu rtsa drug pa ni ya'o/ /lan gnyis bzlas pa ni g+ha ta ya g+ha ta ya zhes bya'o/ /gnyis pa'i bzhi pa ni g+ha'o/ /dbyangs yig lnga pa ni u'o/ /bzhi pa'i dang po ni Ta'o/ /go rI ni i'o//de'i phan yon ni srung bar byed pa dang 'jigs pas nyen pa las skyob pa dang stobs 'gyed pa'o/ /de'i yab rin chen 'byung ldan gyi sngags ni/ oM dz+wa la dz+wa la hUM khaM b+h+yo swA hA/ /zhes bya'o/ /gsum pa gos dkar mo'i sngags ni gnyis pa'i dang po ka'o/ /bzhin pa'i dang po ni Ta'o/ / tso rI ni e'o/ /bdun pa'i bzhi pa ni wa'o/ /gau rI ni i'o/ /gnyis pa'i dang po ni ka'o/ /bcu gcig pa ni Ta'o/ /tsau rI ni e'o/ /lnga pa'i lnga pa ni na'o/ /dbyangs yig gsum pa ni i'o/ /gnyis pa'i dang po ni ka'o/ /bzhi pa'i dang po ni Ta'o/ /tsau rI ni e'o/ /gnyis pa'i dang po ni ka'o//bzhi pa'i dang po ni Ta'o/ /mkha' spyod ma ni aM ngo / /gnyis pa'i dang po ni ka'o/ /bcu gcig pa ni Ta'o/ /tsau rI ni e'o/ /de'i phan yon ni rtag tu stobs 'phel ba dang ches cher longs spyod kyi mdzod 'phel bar 'gyur ro/ /de'i yab snang ba mtha' yas kyi sngags ni/oM d+ha rma hriHswA hA/ zhes bya'o/ /bzhi pa sgrol ma'i snying po ni/ bcu drug pa ni ta'o/ /rdo rje ma ni A'o/ /nyi shu rtsa bdun pa ni ra'o/ /rtsau rI ni e'o/ /lnga pa'i dang po ni ta'o/ /mkha' 'gro ma ni u'o/ /bcu drug pa ni ta'o/ /lnga pa'i dang po 'ang ta'o/ /rdo rje ma ni A'o//yi ge nyi shu rtsa bdun pa ni ra'o/ /rtsau rI ni e'o/ /lnga pa'i dang po ni ta'o/ /rdo rje mkha' 'gro ma ni u'o/ /bdun pa'i gnyis pa ni ra'o/ /rtsau rI ni e'o/ /de'i phan yon ni sangs rgyas dang rdo rje 'chang la sogs pa 'jig rten las 'das pa dang ma 'das pa'i khams ma lus pa sdang ba'i sems med par gyur nas bran bzhin du dbang du 'gyur ro//bcom ldan 'das rdo rje 'dzin chen pos gsungs pa'i yum gyi sngags bzhi la thog mar gsal byed kyi oM dang mthar swA hA'i sngags dang spel bar bya'o/ /de la yab la don yod grub pa'i sngags ni/ kar kar nas swA hA'i bar ro/ /bde mchog gi rtsa ba'i sngags ci'i phyir don yod grub pa'i sngags su 'gyur zhe na/'di rnams ni khro bo yin pa'i phyir te/ rnam par snang mdzad ni zhal gcig phyag gnyis pa yin la/ rin chen 'byung ldan ni zhal gsum phyag drug pa yin no/ /snang ba mtha' yas ni zhal gcig phyag bzhi pa yin no/ /don yod grub pa ni zhal brgyad phyag bcu drug pa yin pa de bas na rtsa ba'i sngags dang sbyar bar bya'o//de ltar yab yum gyi sngags bshad nas mi bskyod pa'i snying po gsungs pa ni/ dang por rnam par snang mdzad ni oM mo/ /dro ba'i bzhi pa ni ha'o/ /puk+ka sI ni u'o/ /stong pas mnan pa ni aM ngo / /mthar swA hA dang sbyar ro//de'i phrin las ni 'bum bzlas na 'gro ba bcing bar 'gyur ro/ /gnyis pa rin chen 'byung ldan gyi snying po ni yi ge oM mo/ /mkha' spyod ma ni laM ngo / /mthar swA hA dang sbyar nas sngags bzlas na sangs rgyas dbang du 'gyur ro/ /gsum pa don yod grub pa'i snying po ni rig byed kyi dang po oM mo//gnyis pa'i gnyis pa kha'o/ /stong pas mnan pa ni oM mo/ /mthar swA hA dang sbyar nas 'bum bzlas na sangs rgyas kyang skrod par 'gyur ro/ /bzhi pa snang ba mtha' yas kyi snying po ni dang po rnam snang ni oM mo/ /gsum pa'i gsum pa ni dza'o/ /ra dang ldan pas badzra zhes par 'gyur ro//gau rIs brgyan pa ni i'o/ /stong pa oM ngo / /mthar swA hA dang ldan pas bzlas pa 'bum byas na mdza' bo rnams 'byed par 'gyur ro/ /lnga pa rnam snang gi snying po ni dang po yi ge dbang phyug oM mo/ bdun pa'i bzhi pa ni ha'o/ /stong pa ni oM ngo / /rdo rje mkha' 'gro ni u'o/ / swA hA mtha' dang ldan pas 'bum bzlas na/ mngon spyod kyi las byed do/ /spyan gyi sngags gsungs pa ni/ thog ma'i dbang phyug ni oM mo/ /hUM 'od dmar po dang ldan pa'i mthar swA hA dang bcas pa'i 'bum bzlas na lha ma yin gyi bu mo thig le mchog la sogs pa yang 'gugs par byed do/ /mA ma kI'i snying po ni gti mug gi rigs ni dang po oM mo//yi ge hUM gi rjes la mthar swA hA dang bcas pas 'bum bzlas na lha dang mir bcas pa gsod par byed do/ /gos dkar mo'i snying po ni/ brgyad pa'i gnyis pa ni ra'o/ /brgyad pa'i brgyad pa ni ha'o/ /dang por gti mug gi rigs ni oM mo/ /me dang zhes bya ba ni oM dang sbyar bas hraM mo//thar 'bum bzlas pa bya'o/ /sgrol ma'i snying po las kyi sa bon ni I'o/ /rnam par snang mdzad kyi sa bon oM thog mar sbyar ro/ /mthar swA hA dang sbyar nas bzlas brjod bya'o/ /sgo skyong rnams kyi snying po r-i r-I l-i l-I zhes pa ma ning gi yi ge bzhi'o/ /de bzhin dbyangs yig lhag ma nyid me tog ma la sogs pa'i lha mo brgyad kyi snying po'o//rig byed rnams kyi dang po ni oM mo/ /sgo ma rnams mchod pa'i lha mo la dbyangs yig re re dbus su gzhag pa ni oM dang swA hA thog ma dang tha mar sbyar bar bya'o/ /me tog ma'i i'o/ /bdug pa ma'i I ring po'o/ /dri chab ma'i u thung du'o//mar me ma'i U ring po'o/ /gling bu ma'i e dung du'o/ /pi wang ma'i e ring po'o/ /rnga rings ma'i o thung ngu'o/ /rdza rnga ma'i au ring po'o/ /snying po'i bzlas pa'i mchog gi bya ba de nyid tshogs 'khor gyi dkyil 'khor ltar rtogs par bya'o/ /de ltar bzlas pa'i sngags bstan nas/yi ge'i 'khrul 'khor dgod pa bshad pa ni/ las rnams kun gyis las rnams rol/ /zhes bya ba la sogs pa gsungs te/ stong phrag bcu gnyis pa sgrol ma 'byung ba'i rgyud las/ 'khrul 'khor sum cu rtsa gnyis kyi las kyi tshogs thams cad bshad par bya ste/phyi rol du ut+pal phyogs bzhi dang mtshams bzhir kha bltas pa'i yi ge tAM gsum gyis mdzes par byas la/ de'i nang ri mo zlum por bskor ba'i gnas su oM pra san+ta' ri'i sngags kyi phreng ba dgod par bya'o/ /de'i dbus su 'khor lo rtsibs brgyad pa/ de'i dbus kyi lte ba la lnga pa'i dang dang po ta la zla ba phyed pa dang thig le ste aM gis mtshan pa'i che ge mo swA hA zhes pa'i sngags dang spel bar bya'o//de'i phyi rol du a'i phreng bas bskor bar bya'o/ /'khor lo gnyis bris la kha sbyor byas te bcings na nyi ma bdun gyis dbang du 'gyur ro/ /gnyis pa 'khor lo rtsibs bcu pa la yi ge bcu pa'i sngags bkod la 'khor lo'i dbus su pad+ma'i yi ge bcu dang ldan pa'i lte ba la bsgrub par bya ba'i ming dang hrIH spel nas bkod pas ji srid 'tsho'i bar du dbang du 'gyur ro//gsum pa ut+pal lnga'i steng du 'khor lo rtsibs drug pa bris la dbus kyi lte ba la che ge mo bshaM ku ru ho/ / swA hA zhes pa bris te gi wang dang sen rtsi dang tsan+dan dmar po dang rang gi khrag dang bcas pas gro ga la bris na lha la sogs pa dbang du byed do/ /bzhi pa chu'i dkyil 'khor gyi dbus su rdo rje rtse gsum pa rgya gram gyi lte bar bsgrub bya'i ming dang sbel ba'i rig pa kham phor gnyis la rdo rgyus kyis bris na kun du 'ching bar 'gyur ro//lnga pa pad+ma lta bu'i 'khor lo rtsibs brgyad pa la che ge mo zhes bya ba bris te/ dbus su che ge mo swA hA zhes bya ba yung ba'i khu bas bris te legs par kha thur du bzhag na 'ching bar 'gyur ro/ /drug pa 'khor lo de nyid la hUM che ge mo hUM che ge mo hUM phaT ces bya ba dang spel te rtsibs brgyad la bkod la thod pa la mi rus kyi smyu gus dug dang khrag dang skye tshe dang bcas pas bris la dur khrod du sbas pas 'chi bar 'gyur ro//bdun pa 'khor lo de nyid la che ge mo oM zhes pa dang spel te gro ga la gur gum gyis bris na brgyal bar 'gyur ro/ /brgyad pa ni 'khor lo de nyid la che ge mo swA hA zhes bya ba dang spel te bris na bsrung bar 'gyur ro//dgu pa ni 'khor lo de nyid la yi ge bcu po a zhes pa dang spel te kham phor la tsan+dan dkar pos bris na zhi bar 'gyur ro/ /bcu pa ni 'khor lo de nyid la dbus su yi ge a chen po gcig gi nang du che ge mo ho zhes pa bris te de'i phyogs bzhir hUM bzhi dang /mtshams bzhir baM bzhi dang phyi rol du ri mo gsum gyis bskor ba gi wang gis gro ga la bris na dbang du 'gyur ro/ /bcu gcig pa ni 'khor lo de nyid kyi lte bar pad+ma 'dab ma bzhi pa bris te hrIHbzhi dang / dbus su hrIH che ge mo zhes bya ba bris te/ de'i phyi rol du hUM bzhis bskor ba tsan+dan dmar pos kham por so ma btang ba la bris na zhi bar 'gyur ro//'khor lo de nyid la gum kum mam sen rtsi 'am gi wang gis gro ga la bris te 'khor lo gcig rang gis bcangs shing / gcig mar dang sbrang rtsi'i nang du bcug na mdza' bor 'gyur ro/ /las so so la sbyar ba'i sngags ni/sarba mo ha zhes pa la sogs pa'o/ /dkyil 'khor de nyid gro ga la bris te lam du 'jug pa'i tshe chos gos kyi mtha' ma la mdud na chom pos mi tshugs so/ 'khor lo bcu gcig po de thams cad mthar ut+pal dang po bzhin du brgyan pa ni thun mong ma yin par shes par bya'o/ /bcu gnyis pa ni snga ma lta bur ut+pala'i dbus su 'khor lo rtsibs brgyad pa bris la che ge mo wa shaM ku ru ho zhes lan bdun bsngags nas gang la sbyin pa de dbang du 'gyur ro//bcu gsum pa ni ut+pala'i dbus su pad+ma 'dab brgyad pa la hUM zhes pa dang spel ba bris la/ dbus su che ge mo hrIH zhes gi wang gis bris na skal ba bzang por 'gyur ro//bcu bzhi pa la pad+ma 'dab brgyad pa'i dbus su oM bris la phyi rol du ri mo zlum pos bskor la de'i phyi rol du rdo rje rtse gsum pa brgyad kyis bskor ba gur kum gyis bris nas dpung bar btags na bsrung bar 'gyur ro/ /bco lnga pa la 'khor lo de nyid kyi mtha' mar rdo rje yangs pa ste/lte ba dang phyi rol gnyis kar oM hUM hUM zhes pa la sogs pa rta mgrin gyi dbye ba'i sngags kyis bskor ba dug dang khrag la sogs pa mngon spyod kyi rdzas kyis ma he dang rta'i rmig pa'i nang du bris te bcug na ma hA de ba dang / u ma yang 'byed par 'gyur ro/ /bcu drug pa la e'i dkyil 'khor sum brtsegs bris pa zur gsum la oM ga hUM zur gnyis pa hUM ga hUM gsum par hUM gu phaT 'og gi gru gsum du hUM ga hUM hri ngang dbus su hUM ga hUM zhes bya bas dug dang khrag la sogs pas bud med kyi smad gsham la bris la khro bo stobs po che'i sngags kyis phyi rol nas bskor ba bris na dgra bo thams cad bcom par 'gyur ro//bcu bdun pa dbang chen gyi dkyil 'khor la/ oM brgyad bris nas 'bras bu pad+ma 'dab ma brgyad pa la AH brgyad bris la lte bar bsgrub bya'i ming hUM bzhis bskor ba kham phor kha sbyar gyi nang du bcug la rdo rje'i skud pas bcings na dgra bo bcing bar 'gyur ro//bco brgyad pa dbang chen gyi dkyil 'khor la phyogs mtshams su rdo rje rtse gsum pa brgyad kyis mtshan pa dbus kyi shar du/ oM pa ta pa ta ni ni swA hA/ lhor dzaM b+ha dzaM b+ha ni swA hA/ nub tu oM mo ha mo ha ni swA hA/ byang du staM b+ha staM b+ha ni swA hA/dbus su yang dbang chen gyi dkyil 'khor la che ge mo staM b+ha ya swA hA/ zhes pa yung ba'i khu bas gro ga la bris nas/ sbal ba'i gzugs brnyan gyi khar bcug ste tsher mas sbal ba'i kha btsems na/ pha rol gyi dpung 'ching bar 'gyur ro/ /bcu dgu pa chu'i dkyil 'khor zlum po mtshams bzhir rdo rje rtse lnga pas mtshan pa bris la de'i ra dbus ma la hUM bzhi/dbus su oM pa ta kra ma zhes bya ba'i sngags rings bris la de'i dbus su rdo rje rtse gsum pa rgya gram rtse bzhi la oM ba ra ha mu kha zhes pa la sogs pa'i sngags bris la mtshams bzhir oM mA rI bats+yai zhes dgod do//de'i lte ba la oM ba ra li zhes pa la sogs pa'i sngags kyis bskor la/ de'i dbus su yi ge mAM chen po de'i dbus su che ge mo ra k+Sha zhes bya bas bsrung bar 'gyur ro/ /nyi shu pa ni 'khrul 'khor gyi rten skyes bu'i gzugs skra grol ba la rna cha gnyis la sna tshogs rdo rje haM gis mtshan pa/spyi gtsug gi nor bu la haM gis mtshan pa'i rdo rje rtse gsum pa/ dpral ba'i steng du laM gnyis/ mkhur tshos g.yas g.yon dang / o skor ma ma tsit+ta zhes bya ba la sogs pa'i sngags bri/ de'i lte ba nas brtsams te steng du bltas pa'i mchod rten la g.yon nas bskor ba'i rim pas rten 'brel gyi snying po mgrin pa la kha thur du bltas pa'i hUM gi phreng ba/mchod rten de'i lte bar rdo rje rtse lnga pa 'greng ba/ rtsibs logs ngos gnyis su hUM bcu gnyis mchod rten gyi gdan khri la/ ma ning gi yi ge bzhi spangs pa'i dbyangs yig bcu gnyis/skyes bu'i nam chang la ma ma tsit+ta la sogs pa'i sngags kyi phreng ba brla gnyis dang / long bu gnyis dang chu so dang gsang ba'i gnas rnams su su yaM raM bri yan lag brgyad la taM brgyad/ rkang pa gnyis la baM gnyis dang raM gnyis skyes bu'i gzugs ni mngon spyod kyi rdzas kyis bri'o//mchod rten ni tsan+dan dkar pos bri'o/ /rdo rje gur kum gyis bris na gzhan gyis byad byas pas mi tshugs par 'gyur ro/ /nyi shu gcig pa'i ri rab kyi rtse mor rdo rje rtse gsum pa rgya gram bris la ri rab kyi zur brgyad du hUM ni hUM brgyad bris la bar du a la dang / ka ta dang / b+ha ya dang / maM yaM bri bar bya'o/ /de'i dbus su ri mo zlum pos bskor ba bris la/ de'i dbus su tshogs bdag bris la/ tshogs bdag gi dpral bar hUM ga hUM/ snying gar hUM ga hUM/ dku gnyis su bri sti ku ru/ lte bar hUM ga hUM mngon spyod kyi rdzas kyis bris la kham phor so/ ma btang bar bcug ste/ bsregs na char 'bab pa dang / kha thur du bstan te bris na char 'chad par 'gyur ro/ /nyi shu gnyis pa ni 'khor lo rtsibs brgyad pa la yi ge bris la/ dbus su che ge mo zhes pa dur khrod kyi ras la ba bla'i khu bas bris nas 'bras kyi phye ma las byas pa'i tshogs bdag gi gzugs kyi snying gar bcug ste/kham phor kha sbyar du bzhag nas mchod na mchod par 'gyur ro/ /nyi shu rtsa gsum pa ni sngar bshad pa'i 'od zer can gyi 'khor lo bris la/ de'i lte ba'i yi ge mA chen po'i dbus su oM ba da li zhes pa la sogs pa'i sngags rings bris la yung ba'i khu bas so phag gnyis la 'khrul 'khor bris la kha sbyar nas 'og tu bcug na sdang ba thams cad bcing bar 'gyur ro//nyi shu rtsa bzhi pa ni b+ha ga ling+gas mtshan pa bris la dbus su ming gi yi ge hrIHdkar pos bskor ba bris na gang 'dod pa'i bu mo 'gugs par 'gyur ro//nyi shu rtsa lnga pa ni zla ba'i dkyil 'khor gyi dbus su 'khor lo rtsibs brgyad pa rdo rje la sogs pa'i phyag mtshan gyis mtshan pa/ dbus su zla ba gang ba la che ge mos bu rnyed par gyur cig ces bya ba dang / zla ba'i dkyil 'khor gyi lte ba la oM ma Ni ng+ha ri ma hA pra ti sa re hUM hUM phaT swA hA/zhes pa bri bar bya'o/ /'khor lo rtsibs brgyad pa'i phyi rol gyi zla ba la oM a mr-i ta zhes bya ba la sogs pa'i sngags kyis bskor bar bya ste/ de yang rgyal gyi nyin par gum kum dang gi wang gis gro ga la bris te bcings na bu rnyed par 'gyur ro/ /nyi shu rtsa drug pa ni 'khor lo la bum pa'i gzugs bris la de'i mgrin pa la yi b+ha ya d+ha ya ta ya mu ya tsa ya ta ya zhes bya ba'i sngags kyi yi ge bsgoms nas bsad pa'i ras la bya rog gi khrag gis rgyal po'i khyim du bris nas bya rog gson ma'i sker btags nas byang nub tu sbur na myur du skrod par 'gyur ro//nyi shu rtsa bdun pa ni nyi ma'i dkyil 'khor gyi dbus su 'khor lo rtsibs brgyad pa bris la rtsibs la hUM brgyad bkod nas dbus su yang nyi ma'i dkyil 'khor la rdo rje'i lte ba che ge mo rak+Sha zhes bya ba gum kum dang gi wang gis gro ga la bris na rnal 'byor pa de la thams cad bsrung bar 'gyur ro//nyi shu rtsa brgyad pa ni bde mchog gi ro mnyam gyi 'khor lo bzhin du 'dab ma nyer bzhi pa bris la/ brgyad la oM/ brgyad la hrIHbrgyad la k+Sha 'dab ma nyi shu rtsa bzhi'i phyi rol du rdo rje dang pad+ma dang 'khor lo'i phreng ba gsum gyis bskor la sgo bzhi sgo khyud dang bcas pa la rdo rje rtse gsum pas phyogs mtshams kyi nang du ya ra la wa sha Sha swA hA brgyad bri bar bya'o//nyi shu rtsa dgu pa ni rdo rje dang pad+mas bskor ba'i dbus su rdza lta bu'i 'khor lo bris la de'i phyi rol du sku gsung thugs kyi 'khor lo yi ge dang bcas pas bskor nas rdza rnga'i re'u mig bzhi bcu dgu la oM nas phaT kyi bar du nyi shu dgu pa bkod nas dbus kyi re'u mig stong pa gcig la/las bcu gnyis gang yang rung ba'i sngags dang spel ba'i ming che ge mo shAn+tiM ku ru swA hA zhes pa nas che ge mo mA ra ya phaT ces pa'i sngags kyi cho ga mthong bas bris pas 'khrul 'khor gyi mthus dgra thams cad gdul ba dang bya ba thams cad byed par 'gyur ro//sum cu pas ni thog mar sngags btub bstan nas bdag nyid lhar bsgoms nas 'khrul 'khor bcing bar bya'o/ /de la sngags btu ba ni ya tshan brgyad pa'i sa bon zhes pa smos te/ya tshan brgyad pa'i sa bon ni ha'o/ /ma mo gnyis ni dbyangs yig bcu gnyis pa'o/ /bar ma dor ni ha ring po drug dor ba'o/ /he ru ka'i yan lag drug ni sa bon drug go/ /dpa' bo drug dang mnyam sbyor ba ni sngags drug dang mnyam par sbyor ba'o/ /re re ru ni yang dag gnas ni yi ge drug dpa' bo drug gi sngags so sor gnas pa'o//dang po snying ga nas mtshon cha'i bar du lus la dgod pa ni go sla'o/ /de ltar yi ge btu ba bstan nas lhar bsgom pa ni/ rdo rje phag mor ldan pa yi/ /phyag bzhi pas ni brgyan par bsgom pa ni/ /bdag nyid he ru ka zhal gcig phyag bzhi pa sku mdog ser po zla ba phyed pas brgyan pa rdo rje dril bu dang /cang te'u kha TI ga bsnams pa de'i thugs kar ye shes sems dpa'/ de'i thugs kar zla ba'i dkyil 'khor la yi ge rim pa bdun bkod nas/ rang la khaM haM gi go chas bsrung ste rdo rjer ba rnams phyogs phyogs su bkod la khro bo mche ba gtsigs shing bzhin 'gyur bas khyab pas khro bo bcu pa spros la phyogs skyong bcu bsdigs shing phur bus btab la/lha dang lha min la sogs pa bgegs kyi tshogs glo bur ba rnams bskrad nas/ der mda'i dra ba dang me 'od kyi phreng ba bya ba yin no//de ltar bdag dang gnas bsrung ba'i go cha bgos pas sum cu rtsa gsum pas kyang shigs par mi 'gyur ro/ /de'i 'khrul 'khor bya ba ni/ gru bzhi pa la sgo bzhi pa dbus su pad+ma 'dab ma drug pa ge sar dang bcas pa bris la de'i dbus su mkha' 'gro ma'i 'khor lo rtsibs drug pa 'khor lo'i rnam pa la mkha' 'gro ma'i sngags drug dang /phyi rol gyi pad+ma 'dab ma drug la dpa' bo'i sngags rnams sngags pas nyis 'gyur du bri bar bya'o/ /de'i lte ba la he ru ka dgod par bya'o/ /rtsibs drug dang pad+ma 'dab ma drug po gzhan dag la de bzhin du mkha' 'gro ma drug dang dpa' bo drug dgod par bya'o//sgo rnams kyi phyi rol du rdo rje ser po bzhis mtshan pa/ sgo'i nang dang mtshams bzhir khwa gdong ma la sogs pa'i sa bon brgyad 'khor lo'i snying po lte dbus su cho ga bzhin du dpa' mo drug dgod par bya'o//de ltar bkod nas skar ma bzang po la rab tu gnas pa byas nas mchod de/ spyi bo 'am lus la btags na dus ma yin par 'chi ba dang g.yul las rgyal bar 'gyur ro/ /sum cu rtsa gcig pa'i zangs kyi 'dab ma la sgo med pa'i 'khor lo rim pa gnyis pa ltar dpa' bo dang dpa' mo'i sngags bkod nas rgyal gyi nyin par 'khor lo la yon chab kyi chus gang bar byas te chu'i nang du bzhag la dus gsum du mchod na dgra rnams 'chi bar 'gyur ro//bton na zhi bar 'gyur ro/ /sum cu rtsa gnyis pa ni so sor 'brang ba'i 'khor lo ston par bzhed nas/ de nas gzhan yang 'khor lo ni//zhes pa la sogs pa gsungs te/ gru bzhi pa sgo bzhi pa 'dod yon gyi lha mo'i kha khyer rta babs kyi gnas su rdo rjes mtshan pa sgo bzhir shar du tho ba/ lhor dbyug pa/ nub tu pad+ma/ byang du ral gri/ mtshams su thod pa dkar po la gnas pa'i ut+pal bzhi/ de'i dbus su pad+ma bcu par lte bar sngags kyi mchog oM pra san+ta re zhes pa la sogs pa'i sngags bkod la 'dab ma bcu la sdang ba zlog par byed pa'i sngags oM sarba mo ha zhes pa la sogs pa dgod par bya'o//pad+ma'i lte ba'i dbus su zla ba la taM gi phreng ba ge sar gyi tshul gyis zlum por bskor ba bri bar bya'o//de'i dbus su 'khor lo rtsibs drug pa la yi ge tAM drug dang spel ba bri bar bya'o/ /dbus su che ge mo staM b+ha ya la sogs pa bri bar bya'o/ /'khrul 'khor de'i ming ni dpung thams cad las rnam par rgyal ba zhes bya'o/ /'di'i phan yon ni sngags 'bum bzlas na zhes bya ba nas sna tshogs byed par 'gyur ro zhes pa'i bar gyis las bcu gcig gsungs pa ni go sla'o//brtag pa bdun pa'i rab tu byed pa gsum pa'i 'grel pa'o// //de ltar sngags kyi 'khrul 'khor bstan nas/ brtag pa gnyis pa'i sbyin sreg gi mdor bstan pa ste de'i rgyas par bshad pa zhus pa ni/rab gnas mtshan nyid dge ba dang / /gnas dang sbyin sreg cho ga dag /ces bya ba la sogs pa gsungs te/ rab gnas kyi cho ga dang phrin las kyi bzlas pa dang sbyin sreg gi cho ga dag bstan du gsol zhes zhus pa yin no/ /zhus pa de nyid kyis mkhyen nam snyam pa'i rnam par rtog pa med pa'i phyir/chos rnams thams cad gcig bsdus sku/ /zhes pa la sogs pa gsungs pa yin no/ /mtshan nyid ji lta bu zhe na rdo rje snying po bdag ces gsungs so/ /bshad pa ji lta bu yin snyam na/ dgyes pa chen po rnyed dka' ba/ /zhes bya ba gsungs pa yin no//dus nam gyi tshe bshad snyam na/ de ring bshad pa'i bka' drin mdzod/ /ces gsungs pa yin no/ /zhus pa'i lan bka' stsal pa ni/ bsam gtan gyi sbyor bas zhi ba rgyas pa dbang mngon spyod kyi las thams cad bsgrub pa la bsam gtan dang bcas pa'i las kyi cho ga ji lta ba bzhin du bshad kyi lha mo nyon cig ces gsungs pa yin no//mdor bstan nas rgyas par bshad pa ni/ dang po sbyang ba ji lta ba bzhin du byas nas/ bgegs nye bar zhi ba'i cho ga bshad par bya ste/ /rdo rje khu tshur gnyis dkur brten nas badzra satwa hUM zhes zlos shing dbang dang bcas pa bsgyings pa dang bcas pas khams gsum rnam par rgyal bar bsgyur nas bgegs thams cad bskrad nas/dkyil 'khor gyi lha rnams dang mthun pa rnam snang sgyu 'phrul dra ba la sogs pa'i rgyud las gsungs pa'i cho gas rkang stabs drug cu rtsa bzhi ji lta ba bzhin du bkod nas/sngar bshad pa'i zhi ba la sogs pa'i thab khung du sbyin sreg rnams cho ga bzhin du/ zhi ba dang rgyas pa la sogs pa'i phyag rgya'i sbyor ba dang bcas pa sbyin sreg byas la phyi nas dkyil 'khor bri bar bya'o/ /de la shin tu rgyas par bshad pa ni zhal gsum phyag drug pa'i khro bo khams gsum rnam rgyal du bdag nyid bsams la/lus las khro bo'i tshogs sprul la phyogs bcu'i de bzhin gshegs pa bskul zhing gsol ba btab nas phyogs bcu'i sangs rgyas rnams rang gi snying ga'i zla ba rdo rje'i lte ba'i hUM la de bzhin gshegs pa kun gcig tu bsres nas/oM AH hUM gsum gyis byin gyis brlabs nas rdo rje 'dzin pa'i rig ma dang 'khyud pa'i phyag gis pad+ma'i gar bskor la/ g.yas pa'i rdo rje gsor zhing g.yon pa'i dril bu gsil nas rkang mthil du hUM las sna tshogs rdo rje bsams te/hUM mdzad kyi nga rgyal gyis shar nas brtsams te bgegs rnams bskrad par bya'o/ /de nas khro bo'i gzugs su bsgyur nas 'di skad brjod par bya'o zhes pa la sogs pa ni go sla'o/ /rdo rje chen po'i gar ni mgo bsgyur ba dang / dpung ba bsgyur ba dang / rked pa bsgyur ba dang /rkang pa bsgyur ba'o/ /rdo rje'i 'gros ni g.yas brkyang dang g.yon brkyang dang zlum po dang sag dang mthun pa'i rkang stabs so/ /sa gzhi rnam par bskor ba ni g.yas skor dang g.yon skor gyis sngags zlos shing bsgyings pa'i tshul gyis bskor ba'o/ /rang gis lus las khro bo'i tshogs phyung ba ni gnod mdzes kyi khro bo'i 'khor lo'o//sdang ba thams cad bskrad pa ni phyogs skyong ba'i glo bur gyi bgegs bskrad pa'o/ /sa'i lha mo yang bskrad de snyam na/ de ltar sa bzung nas sa'i lha mo spyan drangs nas zhes smos te/ sa'i lha mo spyan drangs la dpang du gsol te/phyis sngags kyi lha rnams lhag par gnas par bya'o/ /de la dang po bla ma dang sngags kyi lha rnams la phyag byas nas de'i rjes la sa'i lha mo spyan drangs la mchod pa bya ba dang / rdo rje 'di ni rdo rje che/ /zhes bya ba la sogs pa'i de nyid bsdus pa las 'byung ba'i sngags dang phyag rgya dang bcas pas dam tshig bsgrags la/skyob pa sangs rgyas thams cad kyi/ /zhes bya ba la sogs pa rnam snang sgyu 'phrul dra ba las 'byung ba'i tshig gis dpang du gsol te/ 'khor rnams la gtor ma byin pa sngon du btang la sa'i lha mo la mchod pa lnga dang mchod yon phul nas gshegs su gsol bar bya'o//de la spyan drangs ba'i sngags ni oM e h+ye he ma hA de bA bra thi bi lo ka ma hwa ta re zhes bya'o/ /zhabs bsil dang yon chab dbul ba'i sngags ni oM sa tra rat+na saM pu re zhes bya ba nas swA hA'i bar du'o/ /sngags 'dis lhag par gnas pa la sogs pa byas te zhes pa ni sa'i lha mo lhag par gnas pa dang /mchod yon dang zhal bsil dang mchod pa dbul ba la sogs pa yang bya'o zhes pa'i don to/ /de ltar sa'i lha mo'i cho ga bshad nas/ sa gzhi kun du sna tshogs rdo rje bri ba'i cho gas bsangs la ba'i rnam lngas byugs la de'i rjes la bdud rtsi lngas byugs shing sha chen gyi bdug pas bdugs la rig pa'i lha tshogs bar snang las phab ste/dri'i thig le dang me tog gi tshom bu la bcug ste mchod par bya'o/ /de ltar rig pa spyi'i sgra gsungs nas/ rig pa bye brag tu zhus pa ni/ gsol ba bcom ldan 'das rig pa'i bzhugs gnas bya ba ji lta bu lags/lha'i dbang du byas nas lugs ma dang bris pa dang 'bur du btod pa la sogs pa mngon par 'du byas pa'i rigs bzhugs pa lags sam/ /bka' stsal pa/ ma yin te/ dkyil 'khor b+ha ga'i dbang du byas nas/ shan pa mo la sogs pa rigs bzhi'i mtshan nyid dang ldan pa'i dag byed dbang gi lha mo dang /dpa' bo'i lha mo bka' sgo skyes ma med na ma'i bud med gzhan de 'og ma lus kun spyod ma la sogs pa gzhan gang yang rung ba bcug la yan lag la hriH dang snying ga mdzod spu spyi bo mgrin pa b+ha ga'i dbus su yi ge b+hUM dgod par bya'o//bcom ldan 'das b+ha ga'i dbus zhes bya ba ci lags zhes zhus pa dang / bka' stsal ba b+ha ga'i sgra ni lte ba sprul pa'i 'khor lo la brjod do/ /'byung ba bzhi la rtsa lha mo bzhi dang dbus su kun du bzang mo dgod par bya'o/ /zhi ba la ni bram ze mo dang dmangs rigs mo sangs rgyas spyan gyi rigs can mdog dkar mo'o//dbang la g.yung mo'i rigs sgrol ma'i bdag nyid mdog dmar mo/ /rgyas pa la ni gar mkhan dang rgyal rigs ma gos dkar mo'i bdag nyid kha dogs ser mo de rnams bcug la snyim pas me tog gtor bar bya'o/ /de ltar rigs kyi dbye bas phye ba'i ye shes las skyes pa'i lha mo 'am/zhing skyes dang sngags skyes la sogs pa tha mal pa gzhan yang rung ste snying ga chos kyi 'khor lo dang 'brel ba'i byang chub sems kyi dgod blugs kyi sbyin sreg dga' ba bzhi'i rim pas nye bar bstan pas de'i b+ha ga'i khu bas dgang bar bya'o//de nyid kyis ni byang chub kyi sems de nyid rnal 'byor ma'i lus sbyangs pa nyid du 'gyur ro/ /phyi'i rdul tshon gyis thig btab pa de bzhin du/ gsang chen b+ha ga'i dkyil 'khor la yang bcu drug gi thig btab par shes par bya ste/ shin tu dam tshig dang ldan pa'i phyag rgya sbyor ba'i ting nge 'dzin gyi gdan du gyur pa de bzhin du nang gi me thab la sogs pa yang shes par bya'o/ /de ltar nang gi rig ma gzhug pa bshad nas lhag par gnas pa'i sbyin sreg gi cho ga bshad pa ni/ las rnams thams cad bsgrub pa yi/ /de nas sbyin sreg las bshad pa//zhes pa la sogs pa gsungs te/ las thams cad ni zhi ba la sogs pa bcu gnyis so/ /de bsgrub pa ni sbyin sreg gi 'khrul 'khor gyis so/ /sbyin sreg de nyid legs gnas pa ni gzhi'i dkyil 'khor bya ba dang / mchod rdzas bsags pa dang / bdag nyid lhar bskyed pa dang me lha lhar bskyed nas 'od du zhu ba'i thab khung me lha'i zhal du brjod de/de'i dbus su lha rnams bzhag la/ sbyin sreg lha rnams tshim byed de/ /tshim pa las ni dngos grub 'gyur/ /zhes gsungs so/ /de'i 'bras bu bsgom pa'i lha dang bzlas pa'i sngags lhag pa dang ma tshang ba thams cad sbyin sreg gis skong bar 'gyur ro//rgyu mtshan de bas na sku gsum mchog tu skye ba'i rgyu sbyin sreg yin pas na bcom ldan 'das kyis sbyin sreg gi bsngags pa brjod do/ /de ltar sbyin sreg gi thabs 'bras bu dang bcas pa brjod nas/ phrin las bzhi'i me'i rgyu gsungs pa ni/gtsub shing las byung ba'i me zhes pa la sogs pa smos te/ gtsub shing las byung ba ni dge ba'i las zhi ba dang rgyas par byed do/ /gdol ba dang dur khrod nas byung bas mi dge ba ste/ mngon spyod tshe dang dbang gi las byed pa yin no/ /me'i rgyu bshad nas gzhi dkyil 'khor ni/zlum po ni zhi ba'o/ /gru bzhi ni rgyas pa'o/ /zla phyed ni dbang ngo / /gru gsum ni mngon spyod do/ /kha khyer ni grwa rnams la zhes pa ni/ zhi ba'i gnas kyi kha khyer gyi grwa la rdo rjes mtshan pa dang / kha khyer bar ma la gtsug tor gyis mtshan pa dang / phyi ma la chu skyes kyis mtshan ba dang /rgyas pa'i kha khyer gyi grwa la rdo rje rin po che dang / dbang la pad+ma'i phreng ba dang / mngon spyod la khro bo'i rdo rje'i phreng ba'o/ /hom khung gi ni dbus dag tu/ /zhes pa ni phrin las bzhi'i thab kyi dbus su'o/ /sbyin sreg cho ga'i rim pas dgod/ /ces pa ni/ zhi ba dang rgyas pa dang dbang dang mngon spyod kyi mtshan mgo rims bzhin du dgod par bya'o//dkyil 'khor bshad nas mchod pa ni/ /sbyor ba ji bzhin bzhugs gnas su/ /zhes bya ba gsungs te/ zhi ba la shar du bltas nas gos dkar po gon te/ rnam snang la sogs pa'i rnal 'byor bya ste/ rdo rje sems dpa' la sogs kyi skyil krung gis gnas nas mchod par bya'o//rgyas pa la byang du bltas nas gos ser po gon te rin 'byung gi rnal 'byor byas la bzang po'i 'dug stangs kyis 'dug nas mchod par bya'o/ /dbang la gos dmar po gon nas nub tu bltas te snang ba mtha' yas kyi rnal 'byor byas nas pad+ma'i 'dug stangs kyis 'dug la mchod par bya'o//mngon spyod la kha lhor bltas te gos nag po gon te/ hUM mdzad dam gshin rje gshed kyi rnal 'byor dang ldan pas g.yas bskum g.yon brkyang gis gnas la mchod par bya'o/ /gru mo pus mo'i bar du bzhag /ces pa/ dgang gzar blugs gzar bzung ba'i cho ga ni go sla'o//bsreg rdzas rnams ni g.yas su bzhag /chu yi snod ni g.yon du bzhag/ /mar gyi snod ni mdun du'o/ /zhes pa ni/ zhi ba dang rgyas pa la mtshon pa yin gyi/ dbang dang mngon spyod la bzlog par shes par bya'o/ /las kun byed pa bzlas nas ni//zhes pa ni/ bdud rtsi 'khyil ba 'am/ hUM mdzad kyi sngags bzlas la mchod pa'i rdzas kun bsangs nas ku sha bsnyams te thab khung du gzhag go/ /rdzas bsags te me lha lhar bskyed pa ni/ me ni 'bar bar shes nas su/ /zhes pa ni rang gi lha'i sa bon gyi yi ge las gzhal yas khang bskyed nas de'i dbus su phrin las bzhi las byung ba'i dkyil 'khor bskyed la/'byung ba ni raM yongs su gyur pa las me thab gru gsum du oM AH hUM gsum khams gsum gyi zhal gyi rtags logs gsum du hrIHgsum dbus su raM dang bcas pa yongs su gyur pa las/ zhi ba mdog dkar/rgyas pa 'dzin byed dmar/ dbang gi 'dod pa'i me dang / drag po'i me bskyed la rlung g.yab kyis sbar te/ 'og nas 'byung ba'i sngags kyi cho ga 'di dang lag pa g.yas pa mi 'jigs pa sbyin pa'i phyag rgyas me lha spyan drang bar bya'o/ /sngags ni go sla'o/ /de la rgyas pa'i me'i dbang du mdzad nas/zhal bzhi zhes pa la sogs pa smos te/ me yi dkyil 'khor stan la bzhugs/ zhes bya ba ni sa'i dkyil 'khor gyi steng du me'o/ /'od 'bar ba'i gdan la bzhugs pa'o/ /las kyi 'od kyis rnam par brgyan/ /zhes pa ni zhi ba la zla ba'i 'od dang rgyas pa la nyi ma'i 'od dang dbang la 'ja' lta bu'i 'od dang /mngon spyod la 'od nag po'o/ /g.yas kyi dang po mchog sbyin zhes pa la sogs pa ni go sla'o/ /drang srong kun gyis yongs bskor ba ni byin za dang khyur mid la sogs pa drang srong bcu gnyis kyis bskor ba'o/ /me yi mtshams nas bkug nas ni//zhes pa shar lho'i mtshams so/ /rdo rje las kyis bsangs nas ni/ /zhes pa ni srin lag dang hUM mdzad kyi chus bsangs la mchod pa lnga dbul lo/ /de nas me'i dbus su dgug pa byas la rgyas gdab cing dbang bskur nas bsreg rdzas thams cad lan gsum gsum dbul bar bya'o//de ltar me lha mchod nas ye shes sems dpa' mchod pa ni/ de nas zhal bsil gsol byas nas/ /'bar ba'i gzugs su thim par bya/ /zhes gsungs so/ /cho ga'i rim pa 'di nyid kyis/ /zhes bya ba ni/ me lha lhar bskyed nas ye shes sems dpa' spyan drangs te mchod pa bzhin du/'jig rten las 'das pa rim pa 'di nyid kyis lhar bskyed pa dang / spyan drang ba byas la mkhas pas lha rnams tshim par bya'o/ /zin pa'i rjes la dge ba'i rtsa ba bsngos nas bzod par gsol ba dang dngos grub kyi don du gsol ba gdab nas gshegs su gsol bar bya'o//me 'bar ba'i rtags bstan pa ni/ gdugs dang rgyal mtshan rdo rje dang / /zhes pa la sogs pa gsungs te/ dbyibs dang kha dog dang dri dang sgra dang bzhi'i sgo nas brtag pa ste go sla'o/ /gal te mi shis pa'i mtshan ma byung na/ ngan pa'i mtshan ma shes byas nas/ /de nas bgegs ni bzlog par bya//zhes gsungs so/ /bgegs bzlog pa'i rjes la bzlas pa dang bsgom pa la 'bad par bya ba'i rnal 'byor pa des dngos grub myur du 'grub par 'gyur ro/ /zhi dang rgyas dang dbang la ni bar ta'i bstan bcos las byung ba bzhin glu dang gar la sogs pa'i sgra rol mo'i cha byad bcu la sogs pa gzhug par bya'o//sngags ni oM che ge mo shAn+tIMku ru zhes pa swA hA'i mtha' dang ldan par bya'o/ /rgyas pa la ni oM gyi mtha' can no/ /dbang la ni ho'i mtha' can no/ /mngon spyod la ni phaT kyi mtha' dang ldan pas so/ /bsam pa ni zhi ba'i yid dang spel ba'i yid dang chags pa'i yid dang srid pa gsum bza' ba'i yid kyis bya ba yin no//bskul ba'i tshig dang spel nas su/ /zhes pa ni swA hA dang / oM dang ho dang phaT sbyar bar bya'o/ /sngags ni me lha dang ye shes sems dpa'i sngags so/ /yi ge dang sbyar ba ni mtha' rten gyi yi ge dang sbyar ro//sbyin sreg cho ga thams cad la/ /zhes bya ba ni/ phrin las bzhi las bdun nas brgya'i bar thams cad la sogs pa'i sngags kyis bsgrub pa'i cho ga shes pas las kyi cho ga sna tshogs kyis lha mchod par bya'o/ /de yang rim pa ji ltar mchod snyam na/ dang po dgang blugs phul nas ni//phyi nas las kyi rjes mthun bsreg /ces bya ba gsungs so/ /sbyin sreg cho ga'i rim pa 'dis/ /zhes pa ni/ me lha dang ye shes pa mchod pa'i rim pa 'di las thams cad la mchod pa la so so'i las kyi sbyin sreg sngags de nyid kyis dbul bar bya'o/ /sbyin sreg gi cho ga smyung bar gnas par bya ba 'am snyam na/zhi rgyas dbang sogs cho ga la/ /zhes pa gsungs te/ bdud rtsis lnga'i ri lus kha bkang la sbyin sreg bya bar bshad pa yin no/ /de ltar sbyin sreg gi cho ga bstan nas/ thabs kyi rgyud lnga dang shes rab kyi rgyud bzhi la sogs pa so so'i lhas las so so byed pa'i rnal 'byor pa so sos bsgom dgos pa lha bskyed pa'i cho ga ni/de nas zhes bya ba la sogs pa gsungs te/ de nas ni rjes thogs la ste/ gzhi dkyil 'khor dang mchod rdzas bsags pa'i rjes la/ bdag nyid phrin las so so dang rjes su mthun pa'i lhar bskyed pa'i rjes la me lha 'od du zhu ba'i gnas su dpa' bo gcig pu 'am dkyil 'khor gyi 'khor lo bzhag la mchod par bya'o zhes pa'i don to//don de lta bu bcom ldan 'das kyi thugs la bzhag nas de bzhin gshegs pa'i ye shes kyi 'khor lo bsgrub pa zhes bya ba'i ting nge 'dzin la snyoms par zhugs pa yin no//ston pa'i mtshan nyid ji ltar yin snyam na/ rnam snang chen po'o/ /ye shes kyi 'khor lo ni zag pa med pa'i ye shes kyis sems can gyi don sna tshogs mdzad pa'o/ /'khor lo rab tu bskyed pa'i sgrub pa bya'o snyam du dgongs pa'i ye shes rdo rje ltar mi phyed pa'i ting nge 'dzin la snyoms par zhugs nas phyi dang nang gi las kyi 'khor lo bsgrub pa'i lha bskyed pa'i sbyor ba'i man ngag thams cad las bsdus nas gsungs pa yin no//gsungs pa de gang yin snyam na/ lha ni gang yang rung ba zhig /ces pa la sogs pa gsungs te/ thab kyi dbus su lha gang yang rung ba bzhag nas/lha de'i ming nas smos pa'i gtso bo de'i rdo rje'i dkyil 'khor du 'gyur ro/ /sangs rgyas gsungs zhes bya ba ni rtsa ba'i rgyud rnams su sangs rgyas kyis gsungs pa'o/ /ci'i phyir sna tshogs gsungs she na/ zhi rgyas dbang dang mngon spyod la/ /bdag nyid kyi ni bka' yis ni/ /zhes bya ba gsungs te/zhi ba la sogs pa'i las rnams la dkyil 'khor gyi gtso bo tha dad pa'i sngags dang bka'i gnang ba thob nas las la rab tu sbyor ba'i tshe/ 'khor lo tha dad pa'i las byed par 'gyur ro/ /spyir lha bskyed pa bstan nas/ da ni bye brag tu sgrol ma 'byung ba'i rgyud dang sbyar nas las thams cad ba'i sgrol ma bskyed pa gsungs pa yin no//zla ba'i dkyil 'khor rdzogs pa ni/ /zhes bya ba la sogs pa gsungs te/ de la dang por sngar bshad pa'i me thab kyi dbus su e gru gsum b+ha ga'i dkyil 'khor la yi ge a las zla ba de'i steng du sa bon tAM de gyur pa las ut+pal/ de'i spro bsdu las sgrol ma bskyed do//lha mo sgrol ma bdag chen mo/ /zhes pa la sogs pa go sla'o/ /spros pa'i sangs rgyas rab tu 'khrugs/ /zhes pa ni/ sgrol ma ni yum shes rab kyi pha rol tu phyin ma yin la sras ni phyogs bcu'i sangs rgyas spros pa yin no/ /sems can thams cad bskyed pa mo ni/ sgrol ma ni chos kyi dbyings yin pas sems can thams cad bskyed pa'o//yid du 'ong ba de lta bu'i lha mo rnal 'byor bas bsgoms na/ myur du sangs rgyas thob par 'gyur/ /zhes pa ni mtshan ma thob pa'i rnal 'byor pa la dgongs pa yin no/ /g.yas kyi dang po na ral gri zhes pa la sogs pa go sla'o/ /zhal bdun pa steng ma bong bu'i gdong ma ste/dpal he ru ka'i rigs yin no/ /gal te 'dod pa'i gzugs can ma ni bong bu'i gdong pa la mi mos na rigs kyi bdag po don yod grub pa'i zhal du bya ba yin no/ /bsdu ba'i dngos po bzhi zhabs bzhi dang ldan pa drug pa'i mdung rtse gsum pa la sbrul gyis dkris pa na he ru ka gar ma zhes pa dngos grub thams cad stsol ma bsgom par bya'o//bsgom pa gnyis pa ni me thab kyi steng du b+ha ga'i dbus su yaM las rlung du ba'i mdog can ba dan gyis mtshan pa bsams la/ de'i steng du a las zla ba de la sa bon gyi yi ge ng+hIHde gyur pa las rgyu'i 'jam pa'i rdo rje de'i snying gar a las nyi ma'i steng du 'od zer lnga dang ldan pa'i hUM de'i 'od kyis 'jam pa'i rdo rje spyan drangs la bdun rnam dag byas la/de nas snying gar zla ba de'i steng du 'od lnga dang ldan pa'i hUM de yongs su gyur pa las rdo rje 'jigs byed bskyed par bya'o/ /zhal dgu zhes pa la sogs pa go sla'o/ /phyag bcu gnyis pa'i bin+du pha la ni rdo rje rtse gcig pa rma bya'i sgro dang bcas pa'o//zhabs g.yas rnams kyis mi dang ma he zhes pa la sogs pa ni steng gi phyogs skyong ba brgyad mnan pa'o/ /g.yon rnams kyis 'ug pa zhes bya ba la sogs pa mkha' spyod kyi gza' chen po brgyad la sogs pa mnan pa'o/ /de lta bu'i rdo rje 'jigs byed bsam pa ni me thab kyi dbus su'o//gtor ma dbul bar bya ba ni mngon spyod kyi sbyin sreg byas pa'i rjes la gtor ma dbul lo/ /de'i 'og tu 'khor shar phyogs kyi dur khrod du srin po dang / byang du zhing skyong dang / nub tu ro langs/ lho ru mdung gis phug pa/ byang shar du gsal shing la bskyon pa/shar lhor mes bsregs pa/ lho nub tu khyi dang bya sna tshogs/ nub byang du ro langs ha ha dgod pas gang ba'o/ /gsum pa lha mo 'od zer can bsgom pa ni/ de nas mAM las 'od zer can/ /zhes pa la sogs pa smos te/ e gru gsum gyi dbus su a las zla ba'i steng du raM gyur pa las rta bdun gyis drangs pa'i shing rta a yongs su gyur pa las nyi ma de'i steng du mAM gyur pa las 'od zer can 'od kyi dkyil 'khor gyis 'jigs pa rnams bsrung ba bsgom par bya'o//zhal gsum pa zhes pa la sogs pa go sla'o/ /bzhi pa sha ba rI bsgoms pa ni nam mkha'i dbus su e gru gsum de'i nang du raM las nyi ma de'i steng du paM las ri khrod shing gi lo ma can mche ba 'don pa'i rnam pa dang gdug pa dang nad thams cad 'joms par byed pa'i khro bo 'bar ba sprin gyi tshogs 'phro ba bsam par bya ste/zhal gsum zhes pa la sogs pa go sla'o/ / lnga pa ro langs kyi bde mchog bsgom pa ni/ rdo rje khro bo bsgom pa nyon cig ces bya ba la sogs pa gsungs te/ lha mo la bos nas rnal 'byor pas khro bo'i gzugs su bsgom pa ni gar gyi nyams dgu dang ldan pa'i khro bo'i gzugs su bsam par bya'o zhes bya ba'i don to/ /de la e gru gsum gyi dbus su ro'i gdan la hUM gyur pa las zhal bzhi phyag bzhi pa 'am zhal stong phyag 'bum sku mdog dkar po nges par brjod pa'i le'u nyi shu pa las bstan pa bzhin du bsgom par bya'o//drug pa rta mchog bsgom pa ni e gru gsum pa'i dbus su paM las pad+ma 'dab brgyad dkar po de'i dbus su hUM gyur pa las rta mchog thod pa la bzhugs pa mdog dkar po bsams la zhal bzhi phyag bzhi pa bsam par bya'o//de'i mtshan ma thob nas zhal bzhi pa ya ra la wa ba'i rig pa'i yi ge bkod de/ de nas las la sbyor ba'i bsgrub pa brtsam par bya'o/ /de la rlung gi dkyil 'khor dud ka ba dan gyis mtshan pa/me'i dkyil 'khor gru gsum me'i 'od kyis mtshan pa/ sa'i dkyil 'khor gru bzhi pa ser po rdo rje rtse gsum pas mtshan pa/ chu'i dkyil 'khor dkar po zlum po bum pas mtshan pa mdog dmar po zhal bzhi pa phyag bzhi pa yi ge hUM phra mo bsgrub par bya ba'i yan lag gi tshogs kun bkang la lus thams cad kha dog dmar por gyur pa la ce spyang gi gdong can gyis mkha' 'gro ma spros pas de'i khrag 'jib par bya ste/sngags la sogs pa go sla'o/ /brgyad pa ma he'i gdong can ni e gru gsum gyi dbus su ro'i gdan la yi ge hUM gyur pa las ma he'i gzugs can zhal bzhi pa phyag brgyad pa bsam par bya'o//g.yas na rdo rje gsal shing zhes pa ni go sla'o/ /ba spu'i bu ga nas khro bo'i tshogs du ma spros nas bsgrub bya'i srung ma dang lus zungs kyi dngas ma drangs par bsam mo/ /dgu pa khyi'i gdong can ni e'i dbus su ro'i gdan la hUM gyur pa las/ rdo rje srin po khyi'i gdong can bsams la/gshin rje gshed kyi rtsa ba'i sngags zlos shing shar nas bya rog dang byang nas ce spyang nub nas bya rgod/ lho nas 'ug pas bskor bar bsgoms la/ gshin rje'i gshed kyi sngags kyis bskul bas bsgrub bya la 'thog par bsam pa'o/ /bcu pa gshin rje'i pho nya bsgom pa bstan pa ni/bdag nyid hUM las gshin rje gshed zhal gcig phyag gnyis par bsgoms la rlung gi dkyil 'khor la gnas pa'i rnga mo bsgoms la/ de'i rgyab tu bskyon nas lho phyogs su khrid par bsams pa dang / rlung gis shing bsdus pa'i shing lo dgra bo'i rkang pa'i rdul dang bsres pa'i snag tshas bris la rnga mo'i rmig par sbas na bskrad par 'gyur ro//'ug pa dang khra'i gshog pa la dgra bo gnyis kyi ming bris nas bram ze dang dge sbyong gi skras dkris te sar sbas la dgra bo gnyis su gyur nas 'thab par bsgoms na dgra bo 'bye bar 'gyur ro/ /bcu gcig pa rta'i gdong can gyi bsgom pa ni e gru gsum gyi dbus su khyab 'jug dang ma hA de ba khyo shug bzhi bsgyel ba'i steng du nyi ma'i dkyil 'khor la tsa yongs su gyur pa las rta'i gdan la rta'i gdong can dgra bo'i khrag 'jib par byed pa bsgom par bya ste/sku mdog ljang gu zhes bya ba la sogs pa go sla'o//bsgrub bya'i lte bar maM bsams pa de gyur pa las sbrul mgo gsum pa gyen du rgyu ba bsams na chang 'gugs par 'gyur ro/ /bcu gnyis pa rlung mnan pa ni dkyil 'khor gru bzhi dri ser pos byugs pa byas la thig le bdun bkod nas yaM las rlung lha bskyed nas kham phor ri rab tu bskyed nas mnan la laM gyis mtshan pa'i dbang chen gyi steng du mnan na rlung mnan par 'gyur ro//bcu gsum pa char dbab pa ni pad+ma'i 'dab ma'i dbus su klu brgyad bkod pa de'i dbus su bcom ldan 'das gos sngon can bsams la lto 'phye rnams zhabs kyis mnan la hUM ni hUM zhes pa'i sngags kyis gzir bar bya'o//bcu bzhi pa 'jigs byed chen po bsgom pa ni raM las nyi ma de'i dbus su yi ge hUM yongs su gyur pa las dgyes rdor zhal brgyad phyag bcu drug pa zhal dang po nam mkhar gdangs par chu bo bdun gcig tu bsdus nas 'thung bar bsgom par bya'o//bco lnga pa mi g.yo ba bsgom pa ni bdag nyid b+hUM las rnam snang du bsams la de'i dpral ba'i dbus nas mi g.yo ba zhal gsum pa phyag drug pa rnam snang sgyu 'phrul dra ba nas 'byung ba bzhin du bsgom par bya'o/ /bcu drug pa mi'i bgegs bzlog pa ni bdag nyid nges brjod nas 'byung ba bzhin du hUM mdzad du bskyed la mi khrag dang rkang pa'i rdul las mi'i gzugs byas la mi rus kyi phur bus btab la tshogs bdag gi gzugs brnyan gyi khar bcug la rdo rje gsal shing gis brdeg par bya'o//bcu bdun pa gos sngon can bsgom pa ni/ zla ba'i steng du hUM gyur pa las nges brjod nas bshad pa bzhin du bya khyung gdong can gyi gos sngon can klu brgyad kyi steng na bzhugs pa bsgom par bya'o//bco brgyad pa sgrol ma bsgom pa ni nam mkha'i dbus su tAM gyur pa las ut+pal de'i steng du hrIHgyur pa las sgrol ma zhal gsum phyag brgyad pa bsgoms nas/dbang du bya bar 'dod na bdag nyid mdog dmar por bsgoms la rang gi lus las lcags kyu dang zhags pa thogs pa'i khro bo'i tshogs phyung ste/ bsgrub bya'i snying ga dang mgrin pa nas sngags kyi 'khrul 'khor 'khor lo rtsibs bcu gnyis snying gar bkod la bsgrub bya'i rnam shes rang gi rnam shes la bsdus la lhan cig tu gyur par bsam par bya'o//bcu dgu pa thog bzlog pa ni nam mkha'i dbus su dpal mchog dang po zhal gsum phyag bzhi zhabs bzhi pa gau rI la sogs pa lha mo bzhis bskor ba/ gau rI rdo rje'i mda' gzhu/ tsau rI rdo rje gsum gyis 'khyud pa/pra mo chu srin rgyal mtshan/ be tA lI rdo rje bsnyems pas bzhugs pa yid las byung ba dang / ki li ki li dang / rdo rje brtan pa dang / rdo rje bsnyems pa zhes mtshan gyi rnam grangs dang ldan pa rang gi lus las phyung la 'gro ba sems can rnams la g.yas pas mi 'jigs pa sbyin pa dang /g.yon pas dbang bskur bar bsam par bya'o/ /de lta bus ni thog bzlog par 'gyur ro/ /nyi shu pa gshin rje'i 'khor lo ni zhi ba la mtha'i ya bor nas yi ge ni gnyis kyang spangs la phyi nas dbus kyi ya yang dbyi zhing yi ge lhag ma yang ci bde bar bri bar bya'o/ /de ltar mngon spyod kyi las zin nas zhi bar bya'o//nyer gcig pa dbang du bya ba ni snga ma bzhin du dpal mchog dang po bsgoms la/ dpyid zla ra ba'i tshes brgyad la na tha pha la zhes pa po so 'cha' bza' zhing ka ma tsi ka zhes pa rgya star gyi khu bas thig le byas na dbang du 'gyur ro/ /nyer gnyis pa mche ba'i dug gso ba ni snying gar pad+ma 'dab brgyad kyi dbus su i las klu'i rgyal po de'i mig la i bkod pa las bdud rtsi 'dzag par bsams na dug zhi bar 'gyur ro//nyer gsum pa ni nyi ma dang zla ba bcings pa ni bdag nyid gshin rje gshed du bsgoms la/ 'bras kyi phye las nyi ma dang zla ba'i gzugs byas la/gci ba'i nang du bcug na nyi zla rengs par 'gyur ro/ /nyer bzhi pa pha rol gyi dpung gzhom par 'dod pa ni dgyes rdor zhal gsum phyag drug par bsgoms la/ bzlas pa byas nas rdo rgyus dang bdud rtsi lnga dang ku tsa ta ra tsan+da dang bsres pa'i ri lu bum pa'i mgrin pa la bris nas bsgrub bya'i mgrin pa bcad par bsams na mgo 'chad par 'gyur ro//nyer lnga pa lha dgas pa ni bdag nyid dgyes rdor du bskyed la nam mkha'i me tog dang u par tsin+ta dang nyi zla gzas zin pa'i tshe gci ba dang btags te/ sta re'i gzugs byas la sngags bye ba bzlas la rang gi dpral bar thig le byas na gang la phyag byas pa de 'gas par 'gyur ro//nyer drug pa char dbab pa ni dgyes rdor zhal brgyad pa phyag bcu drug pa zhabs bzhi pa bsgoms la grog mkhar gyis las mtha' yas kyi gzugs byas la snying gar 'khrul 'khor bcug nas oM a phu cho ga bzhin du zhes bya ba la sogs pa go sla'o//nyer bdun pa char mi 'bab na sngags bzlog ste bzlas na char 'bab ces pa ni go sla'o/ /nyer brgyad pa sprin dral bar 'dod na dgyes rdor bsgoms la dur khrod kyi ras la 'khrul 'khor bris na 'grub par 'gyur ro/ /brtag pa bdun pa'i rab tu byed pa bzhi pa'i rnam par bshad pa rdzogs so// // de ltar 'jig rten gyi dngos grub bsgrub pa bshad nas/ dngos grub gsum char gyi yan lag rab tu 'byed pa brgyad kyis ston pa las/ brtag pa brgyad pa'i rab tu byed pa dang po bshad par bya ste/ mtshon bya'i mtshan nyid gzhan dag ni/ /zhes bya ba gsungs te/ mtshon bya ni sems so//mtshan nyid rdo rje dang dril bu dang phreng ba ste mtshon byed do/ /rdo rje dril bu sngags/ ye shes kyi de nyid bzhi po 'di mi 'tshal bas bshad du gsol zhes gsol ba 'debs pa'o/ /'khor ba las grol zhes pa tshig phyed ni skabs dbye ba phun sum tshogs pa'o/ /dang po rdo rje dang gnyis pa dril bu'i dbang bskur ba dang /gsum pa sngags kyi phreng bas dbang bskur ba dang / bzhi pa ye shes kyi dbang bskur nas rdo rje dang dril bu dang sngags dang ye shes kyi mtshan nyid lha rnams nyan par 'dod pa ni nyon cig mdor bstan pa'o/ /rgyas par bshad pa ni cha gsum du ni gzung ba zhes pa nas byang chub snying po la ni dgod ces pa'i de kho na nyid bshad pa ste go sla'o//dril bu'i phyogs brgyad du yi ge'i sa bon rnam pa brgyad ces pa ni/ laM mAM baM tAM hUM hrIHa dgod par bya'o/ /shar du sgrol ma zhes pa ni go sla'o/ /gzung ba'i thabs bshad pa ni lag pa g.yas g.yon thabs dang shes rab kyi sbyor ba byas la/g.yas pa la nyi ma g.yon pa la zla ba bsams la pad+ma'i gar bskor bas blang bar bya'o/ /bdag nyid bsgom pa ni rang 'dod pa'i lhar bsam par bya'o/ /gsor thabs bshad pa ni hUM gi glu len cing gsor bar byed pa'o/ /sems can rmongs pa bsal don du/ / rdo rje gsor ba mdzes pa yis/ /rnam thar chos kyi bya ba ste/ /spros bcas rdo rje gzung bar bya/ /zhes pa ni/ 'gro ba la ji ltar mdzes pa'i rdo rje dang rdo rje gsor zhing dril bu dkrol bar bya zhes pa'i don to/ /sngags ni go sla bas ma bshad do/ /rdo rje dril bu gzung ba'i dgos pa ni/ / thabs dang shes rab cho ga yis/ /zhes bya ba la sogs pa gsungs so/ /rdo rje dril bu'i rjes su gnang ba ni/ shes rab thabs kyi cho ga yis/ /rnal 'byor pa yis 'gro don gyis/ /zhes pa la sogs pa gsungs so/ /de nyid mi shes pa'i nyes dmigs ni/ de nyid ma shes rnal 'byor pa//zhes bya ba la sogs pa gsungs so/ /brtag pa brgyad pa'i rab tu byed pa dang po'i 'grel pa'o// //rdo rje dang dril bu bshad nas sngags kyi phreng ba bshad pa ni/ yang dag cho ga gang gis ni/ /zhes pa la sogs pa gsungs te/ mi shes pa'i nyes dmigs ni/ de nyid ma shes rnal 'byor pa//zhes pa la sogs pa nas/ ji bzhin rdo rje nyon zhes pa'i bar gyis skabs dbye ba bstan to/ /shel dang nya phyis mu tig dang / /zhes pa la sogs pa go sla'o/ /sngags bsgrub pa ni lnga bcu ste zhes pa la sogs pa grangs bstan to/ /phyogs dang phyogs mtshams zhes bya ba la sogs pa ni skud pa'i mtshan nyid bstan to//ri lu rnams ni dgra bcom ste/ /zhes pa la sogs pas ni phreng ba'i de nyid bstan to/ /sngon du dbyangs yig dang po la zhes pa la sogs pas ni lag pa byin gyis brlabs pa bstan to/ /rdo rje pad+ma las byung ba/ /zhes pa la sogs pas ni bgrang ba'i phreng ba lhar bskyed pa'i cho ga bstan to//rdo rje ma ni g.yon pa ste/ /zhes bya ba la sogs pas bgrang thabs kyi bye brag bstan to/ /de ltar sngags dang bsgom pa dang / /zhes pa la sogs pas de nyid mi shes pa'i nyes dmigs bstan to/ /de nyid thams cad byed par 'gyur/ / zhes bya ba la sogs pa ni bzlas pa'i thabs bstan to/ /oM pa de pa de zhes bya ba la sogs pas ni phreng ba'i sngags bstan to/ /bgrang phreng dag pa'i sngags kyis ni/ /zhes pa la sogs pas ni 'bras bu bstan to/ /ye shes de nyid khyad par gyis/ /zhes bya ba la sogs pas ni 'khor lo'i lha bsgom pa bstan to//zla ba'i dkyil 'khor dbus gnas pa/ /zhes pa la sogs pas lha so so'i khyad par mi bsgom na thams cad kyi thun mong du rnam snang zhal gcig phyag gnyis pa mdog dkar po bsgoms la bzlas pa bya'o/ /cig car bya ba'i cho ga 'dis/ /zhes bya ba ni ye shes pa lus la gzhug pa'i phyag rgya bstan to//A li kA li sa bon dag /hUM gis srad bu bsgril ba yin/ /zhes pa la sogs pas thig skud bsgril ba'i sngags kyis bsgril bar bya zhes pa'i tha tshig go/ /brtag pa brgyad pa'i rab tu byed pa gnyis pa'i 'grel pa'o// //de ltar rdo rje dang dril bu dang sngags kyi phreng ba'i mtshan nyid bshad nas/ye shes kyi mtshan nyid rnams bshad pa ni/ sbyin pa dang tshul khrims la sogs pa'i bsod nams kyi las kyis mtho ris dang longs spyod can du 'gyur ba'i las ma bsags na yang sdig pa chen po can gyi gang zag rnams 'chi ltas kyi mtshan ma shes par byas nas/lus kyi 'khrul 'khor la sogs pa'i thabs kyis mtho ris la sogs par skye bar bya ba'am/ rnal 'byor ba sbyin pa dang tshul khrims dang ldan pa zhig yin yang 'chi ltas kyi mtshan ma shes par byas nas bu ga dgu'i rlung / rdo rje gdan bzhi las 'byung ba bzhin du sngags kyis dgag pa'am/ma hA mA yA nas 'byung ba bzhin seng ge rnam rol gyi phyag rgyas dgag pa'am/ rdo rje mkha' 'gro nas 'byung ba bzhin du rlung la dbang thob pas bu ga dgu'i sgo bkag ste/ srog a wa d+hU tIr bcug ste/ tshangs pa'i bu ga nas bton la mtho ris thob par 'gyur ba ni rdo rje 'pho ba'i mtshan nyid ces bya ste/dgongs pa nges par 'grel pa las kyang bsam gyis mi khyab pa yongs su gyur pa'i las kyis bsod nams kyi las ma bsags kyang mtho ris dang phyug por 'gyur ba yin no zhes gsungs pa yin no/ /nyon cig rdo rje 'pho ba zhes bya ba ni dbugs 'byung rngub bkag pa'i rtsa a wa d+hU tI'i rlung dbus ma ni rdo rje yin la/de nyid spyi gtsug gi lam nas 'byung ba ni 'pho ba'o/ /de nyid mtshan nyid ni a na ha'i mtshan nyid do/ /rnal 'byor zhes pa ni lus kyi 'khor lo dang yi ge'i 'khor lo dang rlung gi 'khrul 'khor gyis bkag pa'o//lam bzang po yis ni a na ha'i rlung la brten nas bsam gtan gyi ting nge 'dzin bskyed pa'o/ /rnal 'byor ba 'gro ba mdzes par ston par byed pa zhes pa ni rnal 'byor pa de lha la sogs pa'i 'gro ba mdzes par skye ba yin no/ /de ltar mdor bstan nas rgyas par bshad pa ni/sgo dgu po ni gang lags dang / /zhes pa tshigs bcad gcig gis zhus pa yin no/ /lan gsungs pa ni srog ni 'chad pa'i dus dag tu 'chi ltas bzlog par dka' ba mthong bas na'o/ /yang dag sbyor ba mnyan par gyis/ /zhes pa gnas gtsang ma'i lhar skye ba'i thabs bstan gyi zhes bya'o//lam bzang po las yid 'ong gnas/ /zhes pa sgo dgu bkag pas spyi bo nas 'byung ba'o/ /lam ngan gyis ni srid pa'i skyon/ /zhes pa ni mig dang rna ba la sogs pa'i bu ga nas byung na srid par 'gyur ba'o/ /de la thig le zhes pa ni spyi gtsug nas byung na gnas gtsang ma'i lhar skye'o//lte ba nas 'dod khams kyi lhar skye bar 'gyur ro/ /spyi gtsug las gzugs khams kyi lhar skye bar 'gyur ro/ /mig las mir skye'o/ /sna las gnod sbyin du 'gro ba'o/ /rna ba las rig 'dzin gyi lhar skye ba'o/ / gci ba chu'i sgo nas dud 'gror 'gro ba'o/ /byang chub kyi sems rgyu ba'i sgo nas ni yi dags su 'gro ba'o/ /bshang ba'i lam ni dmyal bar 'gro ba'o/ /de la rgyas par bshad pa/ /lte ba las ni 'dod khams lha/ /zhes pa la sogs pa go sla bas ma bshad do/ /de'i shin tu rgyas par bshad pa ni/rigs kyi bu zhes bya ba la sogs pa gsungs te/ srid pa phyi mar 'pho ba'i sgo'i bye brag las 'khor ba dang mya ngan las 'das pa'i bye brag tu 'gyur ba yod pas/ rigs kyi bu 'di 'chi ba'i dus la bab par gyur na 'chi ltas kyi mtshan mar shes par byas nas rims la sogs pas ma phog pa'i sngon du mnyam par gzhag pas 'pho ba'i sbyor ba bsgom par bya'o//sgo rnams thams cad bkag nas ni/ /zhes pa ni/ lus dang rlung dang yi ge'i 'khrul 'khor gyis bkag pa'o/ /sngon du bum pa can ni brtsam/ /zhes pa ni srog a wa d+hU tIr gzhug pa'i thabs so//sngags pas rgyas pa lnga'i mchod rten gyi sgo'i bu gar bsgom par bya zhes pa ni/ mgo bo la k+Sh+m+R+YuM suM dgod par bya'o//gnas dang chu yi sgo la ni/ /me yi sa bon bsam pa ste/ /zhes pa ni bshang ba dang gci ba'i gnas su yi ge k+ShuM mo/ /dbugs ni sngon bzhin bsgom zhes pa ni rlung a wa d+hU tIr gzhug pa'o/ /lus ni rlung gi mdog tu ste/ /rlung gi dkyil 'khor bsgom par bya//zhes bya ba ni/ spyi bor s+m+r+yuM kha dog sngo skya bsgom par bya'o/ /de yi rtsa ba rlung yin te/ /zhes bya ba ni rlung gi dkyil 'khor gyi rtsa bar sa bon ni yi ge hUM ngo / /thig le sgra dang ldan pa'i sa/ /sems kyi sa bon 'dren par byed/ /ces pa ni yi ge 'dren par byed/ /ces pa ni yi ge haM/ sems kyi sa bon zhes pa ni sgras 'dren pa'o//rdo rje sa bon drag po ni/ zhes pa ni hig ces bya ba'i sgra'i don yin no/ /lcags kyu ru ni sbyar bar bya/ /zhes pa ni/ spyi gtsug gi thig le gnas pa'i rnam par shes pa hig gi lcags kyus drangs nas spyi gtsug gi gnas su 'dren par bya'o/ /de 'ba' zhig la 'dren par byed dam zhe na/nyi shu rtsa bzhi'i gnas dang ni/ /gnas bcu la ni drag pos drangs/ /zhes pa ni/ gnas de rnams la yi ge hig drag pos rnam par shes pa drang bar bya'o/ /gnas gang la ni gang gis gnas/ /zhes pa ni/ gnas nyer bzhi ste dzA lan+d+ha ra gser sgo'o/ /tshigs dgu las steng du zhes pa ni tshangs pa'i bu ga'o//smin pa'i sa bon steng du 'debs/ /zhes pa ni rlung gis sgra cher brjod pa'o/ /brgyad kyi mtha' yi sa bon la/ /zhes pa ni yi ge ha'o/ /drag po'i sde'i drag po nyid ni ig go/ /dang po'i dang po phyed du sbyar ba ni ka'o/ /'og tu rlung gi sa bon dang ldan pa ni rlung gi dkyil 'khor ro/ /sa bon ni yi ge bzhag nas drag po'i sgra'i yi ge hig gis 'phen par byed pa yin no//nyi shu rtsa bzhi'i gnas nas ni/ /gong nas gong du de nas mchog ni gnas nyer bzhi las steng ma dzA lan+d+ha ra spyi gtsug gi gnas su hig gi sgras bskul nas mod la 'pho bar shes par 'gyur ba yin no/ /de ltar 'pho ba'i thabs bshad nas phan yon bstan pa ni/nyin re bram ze gsod pa dang / /zhes pa la sogs pa gsungs te go sla'o/ /lam 'di yis ni dag par 'gyur/ /zhes pa ni srog a wa d+hU tIr chud pa las shes pa rtog pa med par skyes nas bsam gtan gyi sdom pa la mi g.yo ba'i ting nge 'dzin skyes pa yin no/ /de la/ stong pa nyid kyis rgyas btab nas//zhes pa stong pa nyid kyi rnam par skyes pa zag pa med pa'i sdom pa yin pas de'i tshe drag po'i sgras phul nas srog tshangs pa'i bu ga nas phyung nas sdig pas gos par mi 'gyur zhing srid pa las ring du 'gro ba yin no/ /de nyid dpes bstan pa ni/ ji ltar 'dam las skyes pa yi//zhes bya ba la sogs pa go sla'o/ /dus ni nam gyi tshe 'pho bar bya snyam na/ 'pho ba'i dus bstan pa ni/ 'pho ba'i zhes pa la sogs pa gsungs te/ nges par 'chi ba'i dus la bab na'o/ /dus min lha rnams gsod par 'gyur ba ni/ /dus ma yin par gsod par 'gyur ba dang / /lus kyi 'chi ltas shes par bya ba dang /blo dang ldan pas 'chi ba bslu bar bya'o/ /'chi ba bslu ba'i thabs rgyas par bshad pa ni/ nyon cig rdo rje zhes skabs dbye ba gsungs pa yin no/ /de yang ji ltar bsgom snyam na/ sngon bzhin mtshan nyid thams cad ni/ /mnyam nyid sems kyis bsgom par bya/ /zhes pa ni/ rdo rje sems dpa'i dkyil 'khor snying gar bsgom par bya ba de bzhin du 'chi ba bslu ba'i thabs rnams bsgom par bya'o//de yang ji ltar bsgom par bya snyam na/ snying ga'i dbus su hUM oM twaM hrAMHa zhes pa sangs rgyas lnga'i sa bon 'od 'bar ba dang bcas pa bsgom par bya'o/ /sngon bzhin mtshan nyid yang dag ldan//zhes pa ni/ sems kyi dri ma bkrus nas rjes su gzhig pa'i tshul gyis stong pa nyid du 'pho ba'i tshul gyis/ dngos po'i gzugs thams cad stong pa nyid du 'pho bar bya'o/ /zla ba'i dkyil 'khor dbus su ni/ /hUM zhes bya ba gnas par bsam/ /zhes bya ba ni snying ga'i zla ba la yi ge hUM gi sa bon gyi gzugs su gyur pa las ye shes mkha' 'gro zhal gsum phyag drug pa bsgom par bya'o//zhes pa ni go sla'o/ /dbus ni mi g.yo bsgom par bya/ /zhes bya ba ni/ srog a wa d+hU tIr bcug nas ye shes bdud rtsi zhes bya ba lha bsgom par bya'o/ /A li kA li rab sbyor bas/ /sa bon ji bzhin zhes bya ba ni/mgo bor k+ShuM/ sna dang rna ba gnyis la yuM/ mig gnyis la hUM/ lkog mar suM/ mgrin par smaM dpral bar h+m+raM snying gar y+m+r+yuM lte bar k+Sh+maM dgod par bya'o/ /'od kyi snang ba dkar po can/ /chu shing me tog pad+ma bzhin/ /zhes pa ni/ snying chu shing gi me tog lta bu'i dbus na rtog med kyi zhes bya ba/ skye ba'i rten a na ha'o/ /rlung 'od dang bcas pa 'chi ba bslu ba'i phyir rdo rje sems dpa' zhal gsum yu phyag drug yu ba'i rang bzhin nam/ yi ge hUM gi rang bzhin bsgoms la/ de'i snying ga'i sgo skyong gi gnas su 'od 'pho ba ni mdun du sor drug rgyab tu sor lnga'i rlung 'byung ngo zhes rdo rje gdan bzhi las gsungs so//de'i dbus rnam shes ye shes bcas/ /zhes pa srog a wa d+hU tIr bcug pa las mi rtog pa'i shes pa dga' ba gsum skyes pa ni rnam shes yin la/ de gzung 'dzin gyi sems kyi stong par mthong ba ye shes yin no/ /mi g.yo 'chi ba med pa ni/ /zhes pa ni/mi g.yo ba ni rang bzhin brgyad cu dang bral ba yin no/ /'chi ba med pa ni nyon mongs pa dang shes bya'i sgrib pa dang bral ba yin no/ /dngos po rnam par bsgom par bya/ /zhes pa ni gnyis su med pa'i dngos por bsgom par bya ba yin la/ rang rig pa de nyid kyis stong pa nyid kyi rnam par bsgom par bya ba yin no//de skad du yang mnyam sbyor las/ /sems dpa' sangs rgyas kun gyi dngos/ /rdo rje sems dpa' bde ba'i mchog /sna tshogs kun gyi skal bzang ngo / /mchog gi dngos grub ces bya'o/ /zhes gsungs so/ /de ltar nang gi sbyor ba gsungs nas/ gzhan gyi sems shes pa'i man ngag ni/ de nas phyi rol spyod pa ni/ /zhes pa la sogs pa gsungs te/ sems ni gnyis su bsgom pa las/ /zhes pa ni gzung ba dang 'dzin pa'i sems gnyis su bsgoms pa las so/ /de yang ji ltar bsgom par bya snyam na/ snying ga'i phyi rol du yaM las rlung / de'i dbus su raM las me/ de'i dbus su nyi ma'i dkyil 'khor de'i steng du A li kA li las nyi zla kha sbyor de'i dbus su yab yum dgu'i sa bon kha dog dmar por bsam par bya'o//bsgrub par bya ba'i snying gar yang dkyil 'khor de rnams bsam par bya'o/ /de nas rnal 'byor pas dbugs 'byung rngub kyi bzlas pa bya'o/ /phyir 'byung ba'i tshe ye shes kyi sa bon hUM gi tshul gyis byung nas/bsgrub bya'i snying ga'i dbus su bsnun par bya'o/ /phyi nas nang du 'jug pa'i tshe snying ga'i sa bon gyi yi ge la me tog lta bur bsnun par bya'o/ /de ltar dbugs 'byung rngub bzlas pas gzhan gyi sems kyi de kho na nyid dang mnyam par bsgom pa las mnyam par gzhag pa'i goms pa dang /gzhan gyi sems shes pas 'grub par 'gyur pa la the tshom med do/ /thabs gang gis de ltar 'gyur snyam na/ sgrub pa po yi rnam 'phrul ba/ /zhes bya ba smos te/ phyi rol gzhan dag gi lus po la dbugs 'byung rngub kyi 'khor bas bsgoms na gzhan gyi rnam par shes pa dang bsres la til la sna ma'i me tog gis bsgos pa bzhin du gzhan gyi sems shes par bya'o//de ltar bsgom pa dang bzlas pa dang ldan pa'i rnal 'byor pa nang gi sbyor bas srog a wa d+hU tIr bcug la phyi'i sbyor bas mngon shes skyes pa de/ gal te 'pho bar 'dod na spyi gtsug gi lam nas rdo rje 'pho ba bsgoms na bzang po'i lam 'di rnam par bsams na 'grub par the tshom med do//sems gzugs can ma yin na de'i ji ltar 'pho ba dang mi 'pho bar 'gyur snyam na/ de nas ye shes gzugs gyur pa/ /mar me lta bu bsams nas su/ /zhes bya ba smos te/ nam mkha'i rlung la brten pa'i rnam par mi rtog pa'i ye shes mar me lta bu bsams nas mkhas pas 'pho ba la sogs pa'i las rnams bya'o//gnyis su med pa'i ye shes dang nyan thos la sogs pa'i sems la khyad par ci yod snyam na/ nyan thos la sogs de nyid ni/ /'dir ni legs par bshad pa yin//zhes bya ba gsungs te/ nyan thos dang rang rgyal ba'i sems ni gang zag gi bdag med par rtogs nas rang gi don du rtog med bsgoms pa yin te/ sems ni shel dang 'dra bar gnas/ /mar me lta bur bsam par bya/ /spros pa kun la dmigs nas ni/ /spros pa spros pa med par bya//zhes bya ba gsungs te/ dang po nyan thos kyi sems ni rang rig pa mar me lta bu yin la/ phyis ni spros pa rgyun bcad pa yin no/ /rnal 'byor ba'i ji ltar yin snyam na/ rnal 'byor rang bzhin med pa yis/ /'di dag thams cad yongs su btang / /zhes bya ba gsungs te/ zung du 'jug pa'i rgyas btab pas/ yod pa dang med pa'i mtha' gnyis dang bral ba yin no/ /de skad du yang kun spyod las/ /gong bu'i gzugs ni 'das gyur nas/ /de yang bsam gyis mi khyab bsam/ /bsam gyis mi khyab de bsams na/ /mya ngan 'das pa mi ston to/ /zhes gsungs so//mnyam sbyor las/ chags pa ma yin chags bral min/ /dbu mar yang ni mi dmigs te/ /bud med kun gyi sgyu ma'i rgya/ /'di ni gnyis med theg chen yin/ /zhes gsungs so/ /de ltar 'jig rten las 'das pa'i ye shes bstan nas/ /'jig rten pa'i ye shes kyi khyad par gang lags zhes zhus pa dang /bka' stsal pa/ lha rnams kyi ye shes ni gsal bar goms pa las byung ba yin no/ /lha ma yin gyi ye shes ni 'khor ba goms pa las byung bas so/ /yi dags kyi ye shes ni 'jungs pa goms pa las so/ /dmyal ba'i ye shes ni 'jigs pa goms pa las so//byol song gi ye shes ni blun pa goms pa las so/ /bems po rnams ni sems dang bral ba'o/ /de su la mi bstan snyam na/ dgug cing gleng ba zhes pa la sogs pa gsungs so/ /su la bstan snyam na/ rnal 'byor gsang sngags khyad par gyi//zhes bya ba la sogs gsungs te/ de bas rnal 'byor bstan bcos la/ /zhes bya ba la sogs pa ni mjug bsdu ba bstan pa yin te/ rnal 'byor gyis bstan bcos 'di yang dag par rdzogs pa'i sangs rgyas kyi chos kyi dbyings mngon sum mkhyen pa'i lam gzhan la bstan pa yin pas 'bad de dad pa bskyed nas sgyu ma mkhan gyi rnam par thar pa bzhin du ye shes sgyu ma'i rnam par thar pa 'di bsgoms na 'jig rten gyi dngos grub kyi spyod pa dang /mchog gi dngos grub grol ba'i 'bras bu thob par 'gyur ro/ /brtag pa brgyad pa'i rab tu byed pa gsum pa'i 'grel pa'o// //de ltar rdo rje dang dril bu dang phreng ba dang shes pa'i mtshan nyid bstan nas/ sngags kyi kun du spyod pa gsungs pa ni/ sngags rnams kyi ni mtshan nyid dag /nyon cig 'dod pa'i rgyal po che/ /zhes bya ba la sogs pa gsungs so/ /de ltar mdor bstan nas rgyas par bshad pa ni/rdo rje sems dpa'i dkyil 'khor gyi sngags rdo rje dril bu la thug gi bar du gsungs pa dang / spyan la sogs pa nas dri ma la thug gi bar du thabs dang shes rab kyi 'khor lo'i sngags gsungs pa yin no/ /oM hUM zhes pa nas he ru ka'i dkyil 'khor gyi 'khor lo zhes bya ba'i bar du he ru ka'i dkyil 'khor gyi sngags gsungs pa dang /oM aM swA hA zhes bya ba nas bdag med ma'i dkyil 'khor ro zhes bya ba'i bar gyis bdag med ma'i dkyil 'khor gyi sngags gsungs pa dang / dgyes pa'i rdo rje'i sngags gsungs pa dang / 'khor lo bde mchog gi sngags gsungs pa dang /phag mo can dang 'od zer can dang ri khrod ma gsum gyi sngags gsungs pa dang / sgrol ma'i sngags gsungs pa dang / sa byin gyis rlob pa'i sngags gnyis dang / mkha' 'gro ma bzhi'i sngags dang / ye shes kyi mkha' 'gro'i sngags dang / mchod pa'i yan lag gi sngags dang /dam tshig sems dpa' dang ye shes sems dpa' dang / bsrung ba'i sngags gsungs pa yin no/ /brtag pa brgyad pa'i rab tu byed pa bzhi pa'i 'grel pa rdzogs so// //sngags kyi spyod pa kun du bstan nas khams gsum lhar shes pa'i spyod pa ni/ de nas rdo rje snying po zhes bya ba la sogs pa gsungs te/phyag 'tshal nas zhes pa'i bar ni sdud pa po'i tshig go/ /gang zhig tu ni gnas nas su/ /zhes pa 'od gsal 'khor ba'i gnas gang du gnas nas rgyu ba bcud dang mi rgyu ba snod kyi 'jig rten du rnam par rol cing phyis 'od gsal ba dri ma dag nas zhi ba'i go 'phang rab tu rgyas pa bcom ldan 'das lha yis bshad du gsol zhes zhus pa yin no//skabs dbye ba gsungs pa ni/ sems 'od gsal ba thams cad kyi bdag nyid rtag tu bzhugs pa de/ gang zhig dag pa'i gnas skabs ni/ /gsang ba mchog gi dgyes pa na/ /thams cad bdag nyid rnam par bzhugs//zhes te/ de ltar ngas bshad pa'i skabs ni sems kyi rtog pa gzung ba'i dri ma dang bcas pa yin no zhes 'od gsal ba'i gnas lugs ji lta ba bzhin bshad kyis nyon zhes pa'o/ /de ltar mdor bstan nas rgyas par bshad pa ni/ /dkyil 'khor lus zhes bya ba gsungs te/sngar bshad pa'i/ gsang ba mchog gi dgyes pa na/ /thams cad bdag nyid rtag tu bzhugs/ /zhes pa'i don to/ /dkyil 'khor lus kyi dbus na rtsa a wa d+hU tI ni gnas yin la/ de ni mig me'i sgo dang / rna ba rlung gi sgo dang / sna sa'i sgo dang / lce chu'i sgo dang ldan pa'i lte ba'i dkyil 'khor gyi dbus kyi gnas der bzhugs pa'i dpal bo ni dga' ba gsum gyi rang bzhin shes pa rtog pa med pa dang /bde ba stong pa nyid kyi rang bzhin 'od gsal ba kun mkhyen ye shes zhes bya bar grags pa der bzhugs pa zhes pa rnal 'byor pas rtogs shing khong du chud pa yin no//de ltar longs sku bstan nas chos sku bstan pa ni/ rdul dang bral zhing rtog pa spangs/ /zhes bya ba gsungs te/ rdul dang bral ba ni kun du brtags pa dang bral ba'o/ /rtog pa spangs pa ni gzhan dbang dang bral ba'o/ /lus las 'das pa ni yongs su grub pa dang bral ba'o//dri ma med pa ni 'od gsal bde chen no/ /lus can kun las rnam par rol/ /zhes pa ni/ sems 'od gsal bas sems can thams cad la khyab pa'o/ /sangs rgyas kun gyi rdzu 'phrul che/ /zhes pa ni sprul pa'i sku ston pa yin te/ sems 'od gsal ba snang ba'i dbang du byas nas/zla ba bcu sa bcu dang / a haM 'don pa sngags dang / phru ma chos gos dang / thal mo sbyar ba lha phyag gi tshul gyis rol pas thams cad rab tu 'jug pa yin no/ /'od gsal gyi snang ba yin na ji ltar tha dad pa yin zhe na/ glo bur gyi rnam par rtog pa'i dbang gis la lar byang chub sems dpa' dang /zhes pa nas/ la lar skal ba thams cad kyi/ /zhes bya ba'i bar gyis sprul pa'i sku thams cad du khyab par bstan pa yin no/ /dngos grub grub pa'i dbang phyug gtso/ /zhes pa ni 'od gsal ba glo bur gyi dri ma dang bral ba ni dngos grub yin la/de'i dbang phyug gtso bo ni sangs rgyas dang byang chub sems dpa'o/ /de la sogs pa mtha' yas mchog /ces pa ni nges brjod nas 'byung ba bzhin du 'jig rten dang 'jig rten las 'das pa mtha' yas par snang ngo / /sangs rgyas kun gyi bde mchog bdag ces pa ni sems 'od gsal ba'i rang bzhin no//dngos po ni dga' ba'o/ /dngos med ni dga' bral lo/ /de gnyis ka yang glo bur gyi dri ma yin pa de bas ni rmongs pa de dor bar bya'o/ /de ltar khams gsum pa'i 'od gsal ba'i lha'i rang bzhin yin par shes par byas nas/ / de ni las dang po pa rnams kyis rtogs pa'i thabs gsungs pa ni/ A li bum pa zhes bshad de/ /zhes gsungs so/ /b+ha ga'i pad+ma'i rtsa ba'i 'khor lo ni pad+ma'i rtsa ba'o/ /a wa d+hU tI'i sgo sprad nas gsang ba'i rdo rje reg pa ni bung ba'o/ /dga' ba gsum nyams su myong ba ni bung bas sbrang rtsi myangs pa'o//bung ba rdo rje 'jigs byed yin/ /zhes pa ni bde ba stong pa nyid du rtogs pa'o/ /A li nam mkha'i mthas klas pa/ /zhes pa ni bde ba stong pa nyid thams cad khyab pa'i chos kyi dbyings kyi rang bzhin no/ /rgyu ba bcud dang mi rgyu ba snod kyi gsang ba de kho na nyid 'dzin pa'i lus ni bde ba stong pa nyid rtogs pa las 'gro ba ma lus pa de las 'byung ba yin no//de yang dgyes rdor las/ lus gnas chen po lus skyes yin/ /zhes gsungs so/ /phung po skye mched khams rnams dang / /zhes pa ni phung po dang khams dang skye mched dang dbang po rnams su 'dzin pa'i rnam par shes pa bdud rtsi lta bu rnam par shes pa yul de dag kun las drangs nas/rtsa ba'i dbus su srog a wa d+hU tIr bcug pa ston pa yin no/ /bde ba de gang gis bskyed snyam na/ 'jigs byed rdo rje sgra yis ni/ /zhes gsungs te/ gtum mo drod kyis so/ /sbyor ba'i rdzas ni dbyung bar bya//zhes pa ni/ 'khor lo bzhi la byang chub sems 'bebs pa'o/ /me dang rlung gi bdun don la/ /zhes pa ni ha'o/ /rdo rje ma yi sa bon sbyar ni U ring po dang sbyor ba'o/ /thig le sgra yis yang dag mnan ni steng du zla tshes dang thig le'o/ /char gyi rgyun zhes brjod pa yin/ /zhes pa ni/ spyi gtsug nas lte ba'i bar du byang chub kyi sems 'bab pa'o/ /dbyangs yig dang po'i sa bon ni/ /de'i dbus su gzung bar bya ni sgo dgu bkag la srog a wa d+hU tIr bcug nas byang chub sems lte ba'i gnas su gzung ba'o/ /kA li me tog tshul du ni/ /zhes pa ni/ lte ba'i khrag gi thig le'o/ /rdo rje can gyi lus me tog ni/byang chub sems 'dres pa las rdul gyi brnyan la zangs kyi zol song ba bzhin no/ /'khor ba bskyed pa ma yin zhing ni bde ba stong par bsgoms pas so/ /thams cad kyis ni sa gzhi yin ni dngos grub gsum gyi rgyu yin no/ /rtog pa'i rgya mtsho las rtog pa med pa ji ltar yin snyam na/ye shes chu bo'i rgya mtsho 'dir/ /zhes pa smos te/ 'od gsal ba'i rgya mtsho las stong pa nyid rtogs pa'i shes rab ni 'khor ba'i chu srin dang nya la sogs pa'i rnam par rtog pa'i 'dam gyi dbus nas gnyis su med pa'i rang bzhin/ dga' ba bzhi thabs kyi sa bon las bde ba stong pa nyid kyi myu gu skye ba yin no//ye shes kyi rgya mtsho'i man ngag bstan nas/ bung bas sbrang rtsi len pa'i man ngag bstan pa ni/ /ban+du ka'i me tog rgyas pa lta bu ni phyag rgya bzhi yin la/ sbrang rtsi ni bde ba rtog pa med pa yin la/ bdud rtsi ni bde ba stong pa nyid de/ dug gi phyag rgya bzhi yin no//kA li nyid kyang bdud rtsi ste khrag ni thig le las kyang stong pa nyid kyis rgyas btab na ye shes kyi bdud rtsir 'gyur la/ bde ba rtog pa med pa me tog dang bde ba stong pa nyid kyi tshul 'dzin pa yin no/ /gnyis las skyes pa'i lus yin te/ /zhes pa ni khrag dang khu ba las skyes pa'i lus so//bdud rtsi chu bo go cha mchog ni chags lam gyi dbang du byas nas 'byung ba bzhi'i rtsa'i dbus na a wa d+hU tI nam mkha'i rtsa la reg pa ni chu las skyes pas ni chu yin la/ de yang mi zad pa'i stong pa nyid kyis rgyas btab pa ni bdud rtsi yin no/ /de yang dang por lus kyi mngon sum gyis reg bya lnga nyams su myong bar 'gyur te/du ba lta bur snang ba g.yo ba rlung yin no/ /gsher ba chu ni chu yin la/ reg bya mkhrang ba ni sa yin no/ /ye shes rdo rjer byin gyis brlabs pa ni a wa d+hU tI'i sgo sprad pas rtog med kyi ye shes stong pa nyid kyi rtsa byin gyis brlabs pa ni gzhag pa'o/ /des na rnam pa lngar ni skyes zhes bya'o/ / ma lus chu yi dbus gnas shing / /zhes pa ni a wa d+hU tI'i sgo sprad de/ byang chub sems kyi bde ba la brten te 'byung ba lnga'i reg bya dang / dbus ma a wa d+hU tI dang reg pas bde ba rtog pa med pa lus kyi mngon sum gyis shes par 'gyur ro/ /de skad du yang mnyam sbyor las/ sgyu ma dag ni thams cad las//bud med sgyu ma khyad par 'phags/ /ye shes gsum gyi dbye ba ni/ gsal bar 'di las rtogs par 'gyur/ /zhes gsungs so/ /yul dmigs pa'i rkyen a wa d+hU tI'i reg bya dang / dbang po bdag po'i rkyen khu ba dkar po dang / mtshungs pa de ma thag pa'i rkyen slob dpon gyi man ngag dang rtog pa med pa'i bag chags kyi sa bon las bde ba stong pa nyid du 'dren nus pa'i mtshan ma skye ba yin no//de yang mkhas pa chen po'i zhal snga nas/ thams cad las ni sems bsdus nas/ /nang gi bdag nyid g.yo med las/ /gnas pas lus kyi reg bya ni/ /myong ba'i blo de tshad skyes yin//zhes gsungs so/ /de yang ji ltar thams cad las sems bsdus nas bde ba rtog pa med pa skye ba'i don ni/ /hUM gi rdo rje'i glu'i tshul gyis gsungs pa yin no/ /rdo rje'i yan lag dgyes pa'i thugs/ /zhes pa ni 'khyud pa'o/ /spyan gyi gzugs ma zhes pa ni/bltas pa dang dgod pa dang thos pa dang ga bur dang / tsan+dan gyi dri bsnams pa dang / lce dang mchu gzhib pa dang lag pa bcangs pa la sogs pa lus kyi reg pa'o/ /yi ge dngos po'i rang bzhin ni dga' bral du ma spong ba'i byang chub kyi sems so/ /stong par rol pa nyid kyis ni stong pa nyid kyis rgyas btab pas so//dngos dang dngos med rnam par spangs ni/ /bde ba stong pa'i mtshan nyid do/ /snying po yang ni btsal ba nyid/ /ces pa ni sems 'od gsal stong par 'dod pa'o/ /ma lus pa yi bsam pa dang / /yi ge thams cad gzhom par bya/ /zhes pa ni shes bya dang brjod bya spangs pa'o//gnyis gnyis 'khyud pa'i rnal 'byor gyis/ /chu rnams kyis ni dgyes pa can/ /zhes pa ni/ byang chub kyi sems 'bab pa las byung ba'o/ /gnyis med chos ni thob pa na/ /de ni thar ba thob pa nyid/ /ces pa ni 'bras bu'o/ /'khor ba bde ba rmongs pa ni/ /rnam par grol ba gsal ma yin//zhes bya ba ni mi shes pa'i gang zag la'o/ /thams cad stong pa'i rang bzhin las/ /rnal 'byor pa yi sngags kyis rol/ /zhes pa mkhas pas shes na rnam par grol ba'o/ /de yang mnyam sbyor las/ /rnal 'byor pas ni lnga po rnams/ /sangs rgyas de nyid mtshon par bya//zhes pa ni/ /bde ba stong pa nyid rtogs pas sangs rgyas mtshon par byed pa'o/ /sgyu ma'i gnas pa du ma kun/ /sna tshogs gzugs kyis sems can smin/ /zhes pa ni/ dge slong rgya mtsho'i sprin bzhin du gzugs la dga' ba bzhi skye ba dang / dri za'i rgyal po rab bzangs bzhin sgra la dga' ba bzhi skye ba dang /khyim bdag spos 'tshong bzhin dri la dga' ba bzhi skye ba dang / dge bsnyen ma phul du byung ba bzhin du ro la dga' ba bzhi skye ba dang / bcom ba mo lha'i bshes gnyen bzhin du reg bya la dga' ba bzhi skye ba des na/ rdo rje brkyang ba'i dgos pa ni/ /chos kyi rmongs pa bral bar byed//ces gsungs te/ mngon sum du shes pa'o/ /rnal 'byor pa yi thar ba can/ /chos kyi snying por phyag 'tshol cig /ces pa ni/ reg bya rdo rje ma la stong pa nyid kyis gsang brtol nas/ bde ba rtog pa med pa'i shes pa rnal 'byor ma'i thar ba'i lam yin no//rigs kyi bu gang zhig ces bya ba la sogs pa ni phan yon yin te go sla'o/ /brtag pa dgu pa'i rab tu byed pa dang po'i 'grel pa'o// //khams gsum pa ltar ngo shes pa'i kun du spyod pa bshad nas/ gtor ma'i kun du spyod pa bshad pa ni/ /gtor ma'i las kyi cho ga ni/ /nyon cig rgyal po rdo rje 'od//ces pas mdor bstan pa'o/ /rgyas par bshad pa la tshig rkang gsum gyis bstan/ gnyis pa nya sha zhes pa la sogs pa gtor ma'i rdzas bstan/ gsum pa rdo rje sems dpa'i ting nge 'dzin dang zhes pa la sogs pas ni bdag nyid lhar bskyed pa bstan to/ /bzhi pa bsngo ba ni/rdzas kun bdud rtsi lngar sbyangs zhes bya ba la sogs pas bstan te/ lnga pa snod ni pad+mar zhes pa ste thod pa yin no/ /drug pa sbyang ba ni/ oM gyis 'bar bar bya ba ste/ /hUM gi lce ni de nyid kyis/ /zhes gsungs te/ oM gyis 'bar bar byed pa dang / AH sa bzhu ba dang / hUM gis spel ba dang / hUM gi 'od zer gyi sbu gus ye shes kyi bdud rtsi spyan drangs nas spel bar bya'o/ /de yang gdan bzhi las/ ha zhes bya bas kha dog 'phrog /hoHzhes bya bas dri 'joms te/ hrIHzhes bya bas nus pa 'joms/ /go rims de ltar mngon par brjod/ /ces gsungs so/ /bdun pa mgron spyan drang ba ni/ ye shes 'od zer lcags kyu yi//yid kyis thams cad 'gugs par byed/ /ces gsungs so/ /lcags kyu de'i bye brag du zhig mchis snyam nas zhus pa dang / lan du skye dgu bdag po ste/ /zhes gsungs so/ /mi bskyod pa'i rdo rje lcags kyu'o/ /gnyis pa de bzhin sgrol ma yin/ /zhes pa ni//rin po che'i lcags kyu'o/ /gsum pa rab tu mang po ste/ /zhes pa ni don yod grub pa'i lcags kyu'o/ /bzhi pa mang po las skyes zhes pa ni 'od dpag tu med pa'i pad+ma'i lcags kyu'o/ /lnga pa byis pa zhes bya ba ni rnam par snang mdzad kyi lcags kyu'o/ /de skad du yang gdan bzhi las/ rdo rje lcags kyu mi bskyod pa/ /gnyis pa lcags kyu rin chen dbang / /rgyal po'i lcags kyu don yod grub/ /g.yo ba'i lcags kyu 'od dpag med/ /lcags kyu stobs ldan rnam snang mdzad/ /ces gsungs so/ /ye shes lnga yi bye brag gis/ /de dag ye shes lnga yi sngags/ /zhes pa ni/ rigs lnga'i sngags dang sbyar nas spyan drang bar bya'o/ /kha cig ni sha lnga yin no zhes zer ro/ /lhag ma ni go sla'o/ /lcags kyu lnga yi bye brag gis/ /las rnams kun la sbyar bar bya/ /zhes pa ni zhi ba dang rgyas pa la sogs pa'i las la sbyar bar bya'o/ /gal te rtag tu las 'dod na/ / zhes bya ba ni/ dus thams cad du phrin las bzhi bsgrub par 'dod na/ rnal 'byor pa kun gtor mas tshim par bya'o/ /brgyad pa rnam par dbye ba'i mtshan nyid bshad pa ni/ 'dod la dga' bar mi bya zhing / /zhes bya ba la sogs pa gsungs so/ /dgu pa byin gyis brlab pa'i sngags ni/ dbyangs kyi yi ge bcu gsum pa a las byung ba'i zla ba'i dkyil 'khor la dbyangs yig bcu drug dang kA li sum cu rtsa bzhi 'od zer spro ba dang bsdu ba'i rab tu sbyor bas lha rnams tshim par bya'o/ /yi ge oM gyi 'od zer 'bar ba dang AH sa 'phro ba dang / hUM gis spel nas khyad par rtogs pas shel sgong dang mtshungs par gyur pa oM AH hUM gsum gyis kha zas thams cad brtags nas/lce'i dbus su 'od zer gyi sbu gu bsams nas bdud rtsi myang bar bya'o/ /lhag ma dang bcas pa'i gtor ma ni phyi rol dur khrod brgyad kyi dkyil 'khor tshim par bya'o/ /bcu pa phyag rgya ni g.yon pa thod pa 'dzin pa lta bu dang /g.yas pa khro bo'i sdigs mdzub dang / rkang dang mig dang lag gi phyag rgya'o/ /bcu gcig pa dus ni mar gyi ngo'i bcu bzhi la zhes gsungs so/ /bcu gnyis pa gnas bshad pa ni/ shing gcig ces bya ba la sogs pa'o/ /gnas kyi thog mar yi ge oM smos pa ni dril bu dkrol nas bsngo ba'i tshigs su bcad par 'gyur ba yin no//su la bsngo snyam na/ kun du bzang mo dang / spyan dang / mA ma kI dang / gos dkar mo dang / sgrol ma la sogs pa'i 'khor nag mo la sogs pa'i gtso mo re re la/ brgyad brgyad kyis bskor bas lha mo bzhi bcu yin no//gtso mo lnga gsungs pa ni/ bdag nyid chen mo mkha' 'gro lnga/ /zhes bya ba'o/ /dkyil 'khor gyi rgyal mo lnga po de dag gang yin snyam na/ rdo rje dbang phyug gtso mo ni kun du bzang mo'o/ /de bzhin gshegs pa'i sku ni spyan no/ /rngul med ni mA ma kI'o/ / 'byin pa mo ni gos dkar mo'o/ /rdo rje dbang mo ni sgrol ma'o/ /'dir spyon cig ces pa dang sngags kyis dgug par bya'o/ /bcu gsum pa bsngo ba ni/ /bdud rtsi bsam gtan dmigs nas ni/ /zhes bya ba la sogs pa ni go sla'o/ /lha gsum gyi rang bzhin du bya/ /zhes bya ba la sogs pa ni ha las pad+ma'i dbang phyug dang /hoHlas rnam par snang mdzad dang / hrI las phyag na rdo rje yin no/ /so sor bza' bas lhan cig tu bza' snyam na/ ltos shig ces bya ba la sogs pa gsungs te/ bram ze dang khyi la sogs pa'i dpes lhan cig tu bza' bar bshad pa yin no/ / 'di'i sa zhes pa ni 'og nas 'byung bas so/ /phyag rgya ni g.yas pa dang g.yon pa'i lag pa gnyis pad+ma'i gar bskor ba'o/ /ting nge 'dzin ni rang gi lha'i rnal 'byor pas so/ /dril bu dkrol zhing rdo rje gsor nas/ /oM bde gshegs chos ni sdig med cing / /zhes bya ba la sogs pas bsngos la/hUM gsum dang dril bu dkrol ba'i sgra dang bcas pas/ de lta nyid du gnas par shog /ces pa'i smon lam yang gdab par bya'o/ /ye shes sems dpa' gshegs su gsol ba ni g.yon pa'i rdo rje khu tshur snying gar bzhag la g.yas pa sa la brkyang ste/ sngags dang bcas pas gshegs su gsol lo//de nas rang gi dbugs kyis ni/ /rang gi lus la thim par bya/ /zhes bya ba ni dam tshig sems dpa' lus la bsdu ba bstan to/ /skad cig tsam gyi rnal 'byor gyis/ /bdag nyid bsgoms te mchod par bya/ /zhes bya ba ni bdag nyid dpal he ru kar bsgoms nas 'jig rten pa'i mkha' 'gro ma la mchod par bya'o//gtor ma phul nas 'jig rten pa'i lha rnams gshegs su gsol ba ni/ se gol gsum brdab par bya ste/ phyi rol lha rnams gshegs su gsol/ /zhes pa'o/ /brtag pa dgu pa'i rab tu byed pa gnyis pa'i 'grel pa'o// //gtor ma'i kun du spyod pa bshad nas/ bris sku dang glegs bam bshad pa ni/ gsang ba'i pad+ma bde ba can/ /zhes bya ba la sogs pa gsungs te/ de ni lha mo gsol ba btab/ /ces pa'i bar du tshigs bcad gcig ni btsun mo yum gyi b+ha ga la bcom ldan 'das bzhugs so zhes bya ba sdud pa po'i tshig yin no//lha mos zhus pa dngos ni de bzhin gshegs pa zhes pa nas bshad du gsol zhes pa'i bar gyis bstan to/ /lan du bka' stsal pa thog mar ri mo mkhan gyi mtshan nyid bshad pa ni/ gzhon zhing zhes bya ba la sogs pa'o/ /bris sku'i gzhi bshad pa ni sgrub pa po dam pas zhes bya ba la sogs pa'o//bri ba'i thabs bshad pa ni/ shin tu gsang ba'i sa phyogs zhes pa la sogs pa'o/ /tshon gyi rdzas bshad pa ni/ ji ltar gsungs pa'i tshon lnga zhes bya ba la sogs pa'o/ /pir bshad pa ni mi rus ro'i skra 'am/ zhes bya ba la sogs pa gsungs so//slob dpon gyi mtshan nyid bshad pa ni/ dang por slob dpon zhes bya ba la sogs pa'o/ /slob dpon gyi sbyor ba bshad pa ni/ pho nya'i gtsang sbra dang po yin/ /zhes bya ba la sogs pa'o/ /slob dpon gyis gtsang sbra de la mi smad par bshad pa ni/ rang sems dri ma dag 'gyur na//zhes bya ba la sogs pa gsungs so/ /tshon rtsi'i snod dang tshon rtsi'i 'khor lo bshad pa ni/ dung dang nya phyis mu tig ces bya ba la sogs pa'o/ /shes rab kyi yan lag bshad pa ni/ dag byed skud pa bde ba'i mchog /ces bya ba la sogs pa gsungs so/ bri mkhan yang shes rab yan lag ldan pas bya 'am zhe na/gzugs bzang gzhon pas brgyan pa zhes pa la sogs pa'o/ /gzhan la mi bstan pa'i dam tshig bshad pa ni/ bsgrub pa ri mo tsam byas pa la sogs pa'o/ /bris sku'i mtshan nyid bshad pa dang / glegs bam gyi mtshan nyid bshad pa ni//nyon cig lha mo skal chen mo/ /zhes bya ba la sogs te go sla'o/ /brtag pa dgu pa'i rab tu byed pa gsum pa'i 'grel pa'o// //bris sku dang glegs bam gyi kun du spyod pa bshad nas ni/ kun sbyor rol ba'i mtshan nyid ni/ /nyon cig lha mo bshad par bya//zhes pa ni mdor bstan pa'o/ /bsgrub pa 'am/ dngos grub len pa'i tshogs kyi 'khor lo'i mthu ni gnas gtsang ma'i skad du gling bu 'bud pa ni/ hUM dza hUM gi bar gyis so/ /pi wang brdung ba ni hUM hraM hUM gsum gyi bar du'o/ /rnga rings brdung ba ni/ phaM naM ga bar gyis so//rdza rnga brdung ba ni hUM b+h+yo'i bar gyis so/ /rta mgrin gyi cang te'u brdung ba ni Ta k+ki hUM dzaH zhes bya ba la sogs pa'o/ /gshin rje gshed kyi cang te'u brdung ba ni hrIHSh+T+r-iHzhes bya ba la sogs pa'o/ /sgrol ma 'byung ba'i rgyud kyi cang te'u brdung pa ni hIM hrIM zhes bya ba la sogs pa'o/ /de nas rnge'u chung gi mtshan nyid bshad par bya ste/rgyu ni ma la yar skyes zhes bya ba la sogs pa'o/ /tshad ni sor bcu zhes bya ba la sogs pa'o/ /dngos po ni thod pa'i rus pa'o/ /pags pa zhes bya ba la sogs pa bsgrub pa'i cho ga ni/ de nas rkang pa'i lcags kyu yis/ /zhes bya ba la sogs pa'o/ /dgod pa ni/bdag dang skal ldan 'khor ba las/ /zhes bya ba la sogs pa'o/ /brdung ba'i gnas ni tshogs kyi mchod pa mdzes pa ste zhes pa la sogs pa gsungs so/ /tshogs kyi 'khor lo'i dus su bza' ba dang btung ba la sogs pa'i spyod lam thams cad la zag pa med pa'i brdar bshad pa ni/chang ni sge mo yin par bshad/ /ces bya ba la sogs pa tha mal pa'i ngag dang brda spangs nas/ sangs rgyas dang byang chub sems dpa'i brda bya'o/ /gar rnams kyi ni khyad par dang / /zhes bya ba ni/ zag pa med pa'i lha'i gar bya'o/ /glu yi phyag rgya 'di dag dbul/ /zhes bya ba ni/ ka ka la sogs pa zag pa med pa'i glu'o/ /gang du lag pa chang bar gtad/ /ces bya ba ni/ mda' la sogs pa'i cho ga bstan pa yin no/ /mnyam sbyor las/ dbyibs dang bde blag sbyor ba dang / /kun du sbyor dang 'dren dang myur/ /'gengs dang 'phen dang gsal ba'o/ /rkang pa gzhibs pas sa gnon cing //rkang pa 'gyed pas sa gnon no/ /dkyil 'khor dag kyang gnas par bya/ /brkyang bskum gyis kyang sa gsum mnan/ /zhes dbyibs kyi khyad par gsungs pa yin no/ /tshogs 'khor gyi yan lag dpa' bo'i sring mo bshad pa ni/ ma dang sring mo tsha mo dang / / zhes bya ba la sogs pa gsungs te/ mnyam sbyor las/ rnam par lta ba dang / sgrol ma dang / rgyal mtshan ma dang / khro gnyer ma dang pad+mar gnas/ /zhes pa dang / /sangs rgyas brda yi phyag rgyar bshad/ /ces gsungs so/ /tshogs 'khor gyi mchod pa'i rim pa bshad pa ni/ mi chen thod pa du ma gcig pa//zhes pa la sogs pa gsungs te/ thog mar pad+ma'i gar bskor nas/ /bla ma la yang dbul bar bya/ /de nas rang gis myong ba dang / rdo rje spun rnams sbyin par bya'o/ /de skad du yang mnyam sbyor las/ /e ma bde ba rmongs byed pa/ /snang ba zhes bya bza' ba'i rgya/ /shi shi hUM ni tshe 'phel zhing //kha kha khA hi zo shig ces gsungs so/ /brtag pa dgu pa'i rab tu byed pa bzhi pa'i rnam par bshad pa rdzogs so// //dngos grub gsum gyi yan lag tu kun du spyod pa'i rtog pa brgyad bshad nas/ rten gyi gang zag rgyu'i rgyud bshad pa ni/ rdo rje slob dpon grub pa yi/ / dam tshig phyag na rdo rje nyon/ /zhes pa la sogs pa gsungs te/ dang por slob dpon gyis rang gi snying ga'i dkyil 'khor du 'jug pa dang / dbang bskur ba thob par byas nas rdo rje slob dpon dam tshig ma nyams pa dang / mnyam por dam tshig dngos grub thob par 'gyur ro/ /mdor bstan nas rgyas par bshad pa ni/'bad pas thos bsam mthar phyin pa/ /zhes pa la sogs pa gsungs te/ dang por rnal 'byor pa thos pa dang ldan pa dang bzlas pa 'bum byas pa dang bsnyen pa'i tshe lha la gnang ba thob pa dang / phrin las nus pas sems can rnams las rgyal bar 'gyur ro//de nyid gnas shing go cha bgos/ /zhes pa ni rnal 'byor pa'i mtshan nyid bstan te/ don dam pa'i de kho na nyid la gnas pa dang / bsnyen bsgrub kyi rnam par sbyangs nas go cha bgos pa dang / thabs shes rab gnyis su med pa la spro ba dang thams cad mkhyen pa'i rigs lnga dang rjes su mthun pa de dang de bzung nas dga' ba bzhi bsgrub par bya'o//de la dang po sangs rgyas spyan gyi rigs gsungs pa ni/ gti mug bdag nyid ma dang ni/ /zhes pa la sogs pa'o/ /gnyis pa kun du bzang mo ni/ /zhe sdang bdag nyid bu mo dang / /zhes pa la sogs pa'o/ /gsum pa gos dkar mo'i mtshan nyid ni/chags pa'i bdag nyid sring mo dang / /zhes pa la sogs pa'o/ /bzhi pa sgrol ma'i mtshan nyid ni/ phrag dog bdag nyid tsha mo dang / /zhes bya ba la sogs pa gsungs so/ /lnga pa rin po che'i mA ma kI'i mtshan nyid bshad pa ni/ nga rgyal bdag nyid mna' ma dang //zhes pa la sogs pa'o/ /thabs gang gis phyag rgya gang dang lhan cig bsgrub ce na/ spyan dang lhan cig ces pa la sogs gsungs so/ /khro bo brgyad dang sems dpa' bcu drug la sogs pa yang phyag rgya de nyid dang snyoms par 'jug gam snyam na/ de'i phyir/ khro bo lha dang rgyal sras sogs//gzhan yang 'di ni sgrub par 'gyur/ /zhes gsungs so/ /de skad du yang mnyam sbyor las/ sangs rgyas lnga dang sbyor ba yis/ /lha mo kun dang 'dus pa yis/ /kun du sna tshogs skal bzang mo/ /mkha' 'gro ma bzhi thams cad bsgrub/ /ces gsungs so/ /da ni phrin las bzhi la spyod lam ji lta bu bya snyam na/khro la dpa' gtum cho gas 'grub/ /zhes pa la sogs pa gsungs so/ /rjes la ro snyoms spyod pa bya/ /dka' ba med pa'i thabs 'di ni/ /zhes pa gsungs te/ dga' ba bzhi'i ting nge 'dzin gyis rgyas btab pas so/ /brtser ldan rdo rje can gyis bsngags ni mngon sum gyi lam 'di bcom ldan 'das kyis bsngags shing bstod pa yin no//bde ba'i lam gyi man ngag gsungs pa ni/ dka' spyod brtul zhugs spangs pa yis/ /shin tu bde ba sgrub pa'i thabs/ /sdug bsngal 'jigs med bdud rtsi'i ro/ /rnyed kyang gang zhig mi brtson pa/ / zhes bya ba ni/ sbyangs pa'i yon tan bcu gnyis la sogs pa'i dka' thub spangs nas dga' ba bzhi'i de nyid rgyas btab pa'o/ /shin tu bde ba sgrub pa'i thabs kyi rang bzhin brgyad cu spangs pas na/ ngan song gsum gyi sdug bsngal gyis 'jigs pa med la zag pa med pa'i bde ba'i ro rnyed nas/gang zhig pho nya'i lam de la mi btsun na de dag gi dka' thub spyod pa rmongs pas bdag gi don yang mi nus na/ gzhan don sangs rgyas rnams lta smos kyang ci dgos zhes bya'o/ /de ni slar yang gar 'gro ba/ /de yis shes par ma 'gyur ro/ /zhes pa ni/ mkha' 'gro ma rnams kyis dus ma yin par bsad nas ngan song du 'gro bar 'gyur ro//de skad du yang mnyam sbyor las/ /bdag kyang ngo bo bde spangs te/ /dka' thub kyis ni gzir mi bya/ /ci bde bar ni bde bar spyod/ /'di ni ma 'ongs rdzogs sangs rgyas/ /zhes gsungs so/ /rdo rje theg pa 'di la ni//de dag gis ni snying rings na/ /snying la khrag chen 'thungs pa zhig /ma 'ongs par ni sdug bsngal 'gyur/ /zhes gsungs so/ /des na bde bas dngos grub thob/ /ces pa ni mjug bsdu ba yin te/ tshegs med pas rnyed pa mngon sum gyi lam dang thams cad rmi lam dang sgyu ma lta bur bdag byin gyis rlob pa'i lam gyis rnal 'byor pa thams cad sangs rgyas lta bur bltas nas ji srid 'khor ba lta bu'i 'jigs pa las ma rgal gyi bar du bstan pa'i snying po sangs rgyas kyi bka' zag pa med pa'i chos mngon sum gyis spyad par bya'o//brtag pa bcu pa'i rab tu byed pa dang po'i 'grel pa'o// //de ltar rgyu'i rgyud bstan nas/ 'jig rten pa'i 'bras bu bshad pa ni/ de nas gang gi rig pa yi/ /zhes pa la sogs pa gsungs te/ mtshan ma thob pa'i rjes thogs nyid la mi g.yo ba'i lam bsam gtan gyi ting nge 'dzin thob pa'i 'jig rten pa'i dngos grub dang ldan pa'i rig pa'i skyes bur gyur pa de'i tshe 'og nas 'byung ba'i phan yon 'di dag dang ldan pa yin no//lhag ma ni go sla'o/ /brtag pa bcu pa'i rab tu byed pa gnyis pa'i 'grel pa'o// //de ltar 'jig rten gyi dngos grub bstan nas/ mchog gi dngos grub bstan pa ni/rig pa'i skyes bu grub pa ste/ /zhes pa la sogs pa gsungs te/ dga' ba bzhi'i ting nge 'dzin mthar thug pa'i rig pa'i skyes bu grub nas phyis gang du 'gro zhing gang du gnas zhes bcom ldan 'das la zhus pa yin no/ /lan du bka' stsal pa ni/ rig pa'i skyes bu grub pa ste phyag rgya chen pos rgyas btab pa las 'gro ba drug gang du yang mi 'gro zhing khams gsum du yang mi gnas la/dus gsum rnam par spangs nas sgyu ma lta bu dang stong pa gnyis su med pa 'od gsal ba'i srid pa gsum du snang ba dang / longs sku sangs rgyas kyi zhing thams cad du 'gro zhing /shes bya'i dkyil 'khor ji snyed pa thams cad mkhyen pa'i ye shes yin no/ /grub pa'i mtha' la gnas pa thams cad kyis don du gnyer bar bya ba yin zhing sems can kun gyi sems la 'od gsal ba gnas pa yin no/ /'od gsal de nyid ni sdig pa kun las grol zhing rjes kyi yon tan phun sum tshogs pa kun gyis brgyan pa dang /kun la phan zhing bde ba'i ye shes phun sum tshogs pa mnga'o/ /rtag 'char mgon skyob rnam rtog spangs/ /zhes pa ni ngo bo nyid kyi sku'o/ /dbyibs dang kha dog las 'das pa ni chos kyi sku'o//rgyal po rgyal ba'i spyod yul yin ni longs sku'o/ /gzhig par dka' bas rdo rje ste zhes pa ni sprul sku'o/ /nyon mongs gdung sel zla ba ni phrin las so/ /'jigs pa med pas seng ge ste/ /zhes pa ni bdud 'joms pa'o/ /'jug par dka' bas rgya mtsho yin/ /zhes pa ni mngon par sangs rgyas pa'o//de la sogs pa sna tshogs su/ /rnal 'byor pa ni nyid du 'gyur/ /zhes pa ni chos kyi 'khor lo rnam pa gsum du bskor ba la sogs pa'o/ /rtog pa kun las grol nas kyang / /de nyid gcig pu 'gro don mdzad ni snyigs ma lnga'i dus su yang sku lngas byon nas 'gro ba'i don phrin las mdzad pa'o//nyams dga' lha las babs pa dang / /zhes pa la sogs pa ni mtshan nyid kyi theg pa'i sgo nas mdzad pa bcu gnyis ston pa ste go sla'o/ /brtag pa bcu pa'i rab tu byed pa gsum pa'i 'grel pa'o// //de ltar 'jig rten dang mchog gi dngos grub kyi 'bras bu bshad nas/gsang sngags thun mong ma yin pa'i lam gyi rnam dag thabs kyi 'bras bu bshad pa ni/ bshang gci sha sogs sbyin sreg ni/ /zhes pa la sogs pa smos pa ste/ bshang gci la sogs pa bdud rtsi lnga'i sbyin sreg gi ye shes sems dpa'i zhes mi gtsang bas bkang bar gyur na ji ltar sdig par mi 'gyur/sdig pa yin na/ ji ltar dngos grub kyi 'bras bur 'gyur zhes pa dang / lan du bka' stsal pa ni/ mi shes rmongs pa'i sems can rnams/ /zhes pa la sogs pa gsungs te/ bdag gis 'dzin pa'i rnam par rtog pa dang bcas pa'i sems can gyi ngor bsod nams kyi las dge ba dang /bsod nams ma yin pa'i las sdig pa dang bcas pa yin gyi/ shes pa rtog pa med pas bsam gtan gyi ting nge 'dzin dang ldan pa de'i tshe/ dge ba dang mi dge ba la sogs pa nus pa dang / dbang shes rab ye shes dang / bzhi pa stong pa nyid kyi gseng brtol nas/bde ba chen pos rgyas btab pas/ zag pa med pa'i ye shes skyes pa de'i tshe/ dge ba dang mi dge ba la sogs pa'i rnam par gzhag pa med la/ bdud rtsi lnga la sogs pa gtsang ba dang mi gtsang ba yang med pas/ sems can gyi don gyi gdul bya'i phyir zhi ba dang / rgyas pa dang /dbang dang / mngon spyod bshad pa yin no/ /des na/ ji srid ye shes rnam spangs te ni/ rnam shes dang ye shes ma skyes pa'o/ /phyi rol gyi dngos po la gnas shing rtog pa'i dra bas dkris pa'i tshe/ bsod nams dang sdig pa'i phung po la sogs pa gnyis su brtags pa yin gyi/rang bzhin rnam par dag pa yin yang / mi shes pas bsgribs pa'i skye bo'i ngor sdig pa dang bsod nams rgyal bas gsungs pa yin no/ /dngos po la med na ci'i phyir gsungs she na/ drang ba'i thabs su mdzad pas na/ /zhes gsungs so/ /sdig pa dang bsod nams gnyis ka yang /chu rgal bar 'dod pa'i skye bo'i gzings dang 'dra ba yin pas/ mya ngan las 'das pa'i bde ba stong pa nyid kyi grong khyer du phyin nas rab tu spong ba yin no/ /mjug bsdu ba ni/ de bas rtog pa'i tshogs btang ste/ /zab mo'i chos la brten par bya/ /zhes bya ba la sogs pa gsungs so/ / rnam rtog rmongs pa chen po ste/ /zhes bya ba la sogs pa go sla'o/ /shes bya'i gnas lugs stong pa yin yang thabs gang gis rtogs par bya zhe na/ dbang po gnyis ni snyoms zhugs las/ /zhes pa la sogs pa gsungs te/ phyag rgya bzhi dang mnyam par sbyar bas/ /sku dga' ba dang / gsung mchog dga'/ thugs lhan cig skyes dga'i ye shes skyes nas rang bzhin brgyad cu spangs te/ bde ba chen po 'od gsal bas rgyas btab pas/ tshe 'di la gzung ba dang 'dzin pa'i nga rgyal rnam par rtog pa spongs te/ bde ba stong pa nyid kyis rgyal ba'i skur 'gyur ro/ /de yang mnyam sbyor las/bskal pa bye ba grangs med par/ /sangs rgyas thams cad ma thob pa/ /phyag rgya'i cho ga gang dag gis/ /tshe 'di nyid la thob par 'gyur/ /zhes gsungs so/ /gsang ba dang / shes rab ye shes kyi dbang ma thob cing ma rig pas 'khrul pa'i bag chags kyi sprul pa'i 'gro ba rigs drug sna tshogs las skyes pa yin yang //gsang ba dang shes rab ye shes thob nas/ stong pa nyid kyi gseng brtol ba'i rnal 'byor pa skyes pa dang bud med thams cad 'od gsal bar shes par bya'o/ /de bzhin du dbang bzhi pa thob pa'i rnal 'byor pas sems can thams cad kyi sems rnam par rtog pa'i dra bas bcings pa yin yang 'od gsal ba'i rang bzhin du shes par bya'o//'gro ba sems can thams cad kyi sems snyan pa dang / mi snyan pa'i sgra yang 'od gsal ba'i ngang du shes par bya'o/ /de yang gsang ba 'dus pa'i rgyud phyi ma las/ ye shes lnga yi rang bzhin dbugs/ /'byung ba lnga yi ngo bo nyid/ /ces gsungs so/ /dbang bzhi pa thob pa'i rnal 'byor pas sha ni rnam snang dang / rkang ni mi bskyod pa/ khrag ni rin 'byung / mkhris pa snang ba mtha' yas/ /gsang ba'i rdo rje'i sgo don yod grub pa yin no zhes dbang bzhi pa'i dam tshig shes pa'i rnal 'byor pa sangs rgyas dang byang chub sems dpa'i snang ba 'di ngas bshad pa yin no//blo dang ldan pa'i byang chub sems dpa'i thugs rje'i de kho na nyid shes nas/ bde ba chen pos rgyas btab cing mngon sum gyis lam bsgoms na/ 'dod chags la sogs pa nyon mongs pa thams cad kyang bde ba chen po ye shes lnga'i rang bzhin du shes par 'gyur ro//bdud rtsi lnga la sogs pa dang ma dang sring mo la sogs pa bsten pa yin yang rang bzhin brgyad cu dang bral ba'i 'od gsal bsgom pa yin pas/ thams cad las bde ba chen po 'byung bar 'gyur ro//byin rlabs dang mngon sum gyi lam dang bral ba rjes dpag goms pa'i lam du zhugs pa rnams ni/ sog po par tsi ma bag ma len pa bzhin du dgos pa dman pa yin pas/ ji ltar bud med byis gtam rjes yi rang / zhes pa nas/ lam yang ma bshad 'ching bar 'gyur ba yin//zhes gsungs pa yin no/ /de ltar thabs kyi rgyud lnga dang shes rab kyi rgyud bzhi'i don ston pa'i kha sbyor las byung ba'i rtog pa bcu/ rab tu byed pa bzhi bcu'i bdag nyid gsungs nas/ sangs rgyas dang byang chub sems dpa' dang dpa' bo dang dpa' mo thams cad 'bras bu he ru ka la rjes su yi rang zhing bstod pa ni/de nas rnal 'byor zhes pa la sogs pa gsungs te/ rnal 'byor ni gshin rje gshed la sogs pa'i khro bo bcu'o/ /rnal 'byor ma ni khwa gdong ma la sogs pa brgyad do/ /mkha' 'gro ni thod pa'i dum bu la sogs pa'i dpa' bo'o/ /mkha' 'gro ma ni rab gtum mo la sogs pa nyer bzhi'o//byang chub sems dpa' bye ba phrag brgyad cu ni phyag na rdo rje dang byams pa la sogs pa'o/ /de bzhin gshegs pa la sogs pa'i tshogs du ma ni/ rnam par gzigs dang rnam snang la sogs pa'o/ /thams cad dang ldan pa'i 'khor ni drag po dang 'jigs byed nyi shu bzhi'o//de dag thams cad rab mgu ste/ /zhes pa ni/ sangs rgyas dang / byang chub sems dpa' rnams so/ /thams cad kyis de bzhin gshegs pa'i ye shes thob nas ni/ dbang byas pa dang longs spyod pa dang thim par mdzad pas/ bsam gtan dang ye shes zag pa med pa'i ye shes thob pa'o//rdo rje snying po la sogs pa byang chub sems dpa' rnams dang ni/ yi ge'i don nyan pa theg pa thun mong pa'i byang chub sems dpa' dang / lha dang / klu dang / gnod sbyin dang dri za la sogs pa ni bskyed pa'i rim pa'i sku bsgom pa'i khro bo thams cad kyis/bcom ldan 'das kyis gsungs pa la mngon par bstod do zhes pa ni lus kyi sgo nas bskor ba dang / phyag 'tshal ba dang yid kyis bdud rtsi lnga thogs pa'i lha mo sprul pa dang / ngag gis mkha' 'gro ma'i snying po nas 'byung ba'i mtshan brgya rtsa brgyad pas bstod pa yin no/ / rgyud thams cad kyi gleng gzhi dang gsang chen dpal kun du kha sbyor las byung ba'i brtag pa'i rgyal po bcu pa'i 'grel pa rdzogs so// //bla ma ye shes dpal gyi zhabs btud nas/ /rje btsun bde mchog sku la dad pa yis/ /byin rlabs mngon sum lam rnams gang thob pa//rgyud rgyal don rnams phyin ci ma log rtogs/ /gzhan gyis bskul phyir rang gis rtogs bkod pa/ /'gro ba 'di kun mngon sum lam zhugs nas/ /rnam shes ye shes go 'phang thob nas kyang / /gnyis med bde mchog ngang du 'gro bar shog /rgyud thams cad kyi gleng gzhi dang gsang chen dpal kun du kha sbyor las byung ba'i rgya cher bshad pa rin po che'i phreng ba zhes bya ba/

CLOSE WINDOW