CLOSE WINDOW

D1197
བོད་ཡིག

/ @##/ /rgya gar skad du/ shrI saM pu Ti ti la kA nA ma yo gI nI tan+t+ra rA dza s+ya TI kA smr-i ti saM daR+sha nA lo ka nA ma/ bod skad du/ dpal kha sbyor thig le zhes bya ba rnal 'byor ma'i rgyud kyi rgyal po'i rgya cher 'grel pa yang dag par lta ba'i dran pa'i snang ba zhes bya ba/byang chub sems dpa' sems dpa' chen po pad+ma dkar po la phyag 'tshal lo/ /skye ba dang ni 'jig pa yi/ /gzugs ni ma lus pa rnams ni/ /gnyi ga sdang phyir thig le ni/ /bde chen de la phyag 'tshal lo/ /phyag rgya chen po zhes bya las/ /rang gi spyod pa ston byed pa//stong pa snying rje dbyer med pa/ /mchog tu rtag pa de phyag 'tshal/ /'dod chags me yi rgya mtsho las/ /pha rol du ni 'gro nus pa/ /bla ma'i zhabs la spyi bo yis/ /phyag 'tshal 'jigs pa'i dbang gis te/ /rnal 'byor rnal 'byor ma phun tshogs/ /rgyud 'di rten dang brten pa las//mtshan ma thob nas sbyor ba ni/ /yang dag lta ba'i dran snang ba/ /bstan pa'i tshig gi sbyor ba yis/ /skal ldan sems can don phyir ro/ /byis pa mkhas par mngon rgyal can/ /rnams la bstan pa nyid mi sbyar/ /gal te shes rab 'chal ston byed/ / mkha' 'gro ma sogs nyer gtses te/ /sems ni 'khrugs par ngu 'bod dam/ mnar med la sogs par ni 'gro/ /de phyir bla gus ser sna med/ /dbang po thul zhing dbang bskur ba/ /brtan zhing yang dag lam smra byed/ /'di ni theg pa chen po'i snod/ /rgyal ba'i bka' rnams rab skyong byed//yang dag sbyin la rtag chags shing / /bdag nyid dam ni gzhan dag ni/ /'jug cing 'di ni ston byed la'o/ /'dir nges par brjod pa dang / brjod par bya ba dang / 'brel pa dang / dgos pa dang / dgos pa'i dgos pa sngon du 'gro ba mngon par blta ste/ 'dir re zhig rnal 'byor dang rnal 'byor ma'i rgyud rgyas pa 'bum phrag sum cu rtsa drug las byung ba rgyud nyung ngu brtag pa bcu gcig gi bdag nyid can kha sbyor thig le zhes bya ba ni rjod par byed pa dang / de las rgyu dang 'bras bu sngon du 'gro ba'i phyir gzhung gi tshogs ni brjod par bya ba'o/ / smra bya dang smra byed kyi mtshan nyid la 'bras bu nye bar brtag pa'i phyir 'brel ba'o/ /phyi ma las phyi ma'i dbang byin pa ni dgos pa'o/ /las kyi tshogs kyi rigs pa dang / bskyed bya dang / skyed byed kyi 'brel pa dang / dkyil 'khor gyi 'khor lo khong du chud pa dang / yan lag bcu gnyis spangs pa dang / /bsod nams dang ye shes kyi tshogs gnyis kyis phyag rgya chen po thob pa ni dgos pa'i dgos par bstan pa'o/ /'di ni bsdus pa'i don to/ /'di nyid kyi bshad pa ni rgyas pa'i rgyud kyi rigs pas gsungs so/ /da ni brjod par bya ba brjod de gdul bya'i skye bo nges pa dang bral ba rnams kyi rang gi sems kyi bsam pa nyid kyis tshe 'di la sangs rgyas nyid kyi 'bras bu rab tu ster ba phyag rgya chen po'i bde ba'i gnas rdo rje sems dpas gsungs pa'i rgyud kyi rgyal po'i dkyil 'khor chen po'i sbyor bas bsgrub bya dang /sgrub pa dang / sgrub pa po rab tu ston par byed pa/'jig rten pa dang / 'jig rten las 'das pa'i bden pa la brten pa/ mngon par byang chub pa bzhi dang / rdo rje bzhis yongs su dag pa/ rigs bzhi dang / rigs drug la sogs pa mtha' med pa'i mthar thug pa dang / bden pa bcu gnyis dang / de kho na nyid bcu drug dang / stong pa nyid bcu drug dang / snying rje bcu drug dang / mngon par byang chub pa rnam pa nyi shu'i bdag nyid can dus lnga dang ldan pa 'di ni brjod par bya bar bstan to/ /de ltar yang bcom ldan 'das kyis sgyu 'phrul dra ba las gsungs pa/ rnam pa bcu gnyis bden pa'i don//rnam pa bcu drug de nyid rig /rnam pa nyi shu mngon byang chub/ /rnam par sangs rgyas thams cad rig /ces pa 'dis sngags kyi theg pas 'khyud pa'i dbang por bstan to/ /'di'i gzhung gi tshogs brtag pa bcu gcig gi bdag nyid kha sbyor thig le yang rjod par byed pa'o//de yang brtag pa bcu gcig gi rang bzhin 'di bcom ldan 'das rdo rje sems dpar kun tu gnas te/ dang po re zhig rgyud thams cad gsang ba'i rang bzhin du kun tu gnas so/ /rjod par byed pa dang / brjod par bya ba dang / byang chub tu sems bskyed pa rnam par bsgom pa'i rtog pa'i rang bzhin de kun tu gnas so//rdo rje dbyings kyi dkyil 'khor chen po bri ba'i rtog pa'i rang bzhin de kun du gnas so/ /rdo rje mkha' 'gro ma'i brda'i rtog pa'i rang bzhin de kun du gnas so/ /spyod pa'i rtog pa'i rang bzhin de kun du gnas so/ /dpyid kyi thig le zhes pa'i rtog pa'i rang bzhin de kun du gnas so//las thams cad dang bsam gtan 'byung ba zhes pa'i rtog pa'i rang bzhin de kun du gnas so/ /bya ba thams cad yang dag par 'byung ba'i rtog pa'i rang bzhin de kun du gnas so/ /bya ba'i de kho na nyid kyi rgyal po'i rtog pa'i rang bzhin de kun du gnas so//rgyud thams cad kyi gleng gzhi'i rtog pa'i rgyal po'i rang bzhin de kun du gnas so/ /rtog pa thams cad kyi gleng gzhi thig le thabs sna tshogs kyi rang bzhin de kun du gnas so/ /'di ni brjod par bya ba'o/ /'di'i ming brjod pas rjod par byed pa dang / brjod par bya ba dag gi smra bya dang / smra byed kyi mtshan nyid rab tu byed pa sum cu'i bdag nyid ni 'brel ba'o/ /'di lta ste/ dang po re zhig rjod par byed pa dang / brjod par bya ba dang / byang chub tu sems bskyed pa la sogs pa'i rang bzhin gyi dngos pos dang / byang chub sems la 'jug pa'i rang bzhin gyi dngos pos dang /de kho na nyid man ngag gi rang bzhin gyi dngos pos dang / byang chub sems kyi dbang gi rang bzhin gyi dngos pos dang / shes rab dang thabs kyi don bsgom pa'i rang bzhin gyi dngos pos dang / 'khor lo thams cad kyi rnam 'phrul gyi rang bzhin gyi dngos pos dang /he ru ka bskyed pa'i rang bzhin gyi dngos pos dang / ye shes mkha' 'gro ma'i sgrub thabs kyi rang bzhin gyi dngos pos dang / bdag med pa'i sgrub thabs kyi rang bzhin gyi dngos pos dang / ngag gi brda'i yi ge'i mtshan nyid kyi rang bzhin gyi dngos pos dang / lus srul po'i mtshan ma dang phyag rgya'i rang bzhin gyi dngos pos dang / lA ma'i mtshan nyid kyi mtshan ma dang / phyag rgya'i rang bzhin gyi dngos pos dang / 'dus pa'i gnas kyi rang bzhin gyi dngos pos dang / phung po dang khams dang skye mched kyi rnam par dag pa'i rang bzhin gyi dngos pos dang /spyod pa dang ldan pa'i rang bzhin gyi dngos pos dang / yi ge bcu drug mtshon bya dang / mtshon byed kyi rang bzhin gyi dngos pos dang / rtsa ba'i gnas dgod pa'i rang bzhin gyi dngos pos dang / lus kyi dkyil 'khor dang / sbyin sreg gi rang bzhin gyi dngos pos dang /thams cad mkhyen pa'i ye shes 'byung ba'i rang bzhin gyi dngos pos dang / sbyin sreg gi cho ga'i rang bzhin gyi dngos pos dang / las tshogs thams cad dang / 'khor lo 'byung ba'i rang bzhin gyi dngos pos dang / dril ba'i de kho na nyid kyi rang bzhin gyi dngos pos dang /sngags kyi bzlas pa dang / bsgom pa'i rang bzhin gyi dngos pos dang / mu stegs pa'i rnam par shes pa bsal ba'i rang bzhin gyi dngos pos dang / de bzhin gshegs pa thams cad bskyed pa'i rang bzhin gyi dngos pos dang / gtor ma dbul ba'i rang bzhin gyi dngos pos dang /bris sku dang glegs bam gtan la dbab pa'i rang bzhin gyi dngos pos dang / slob dpon gyi sgrub thabs chen po'i rang bzhin gyi dngos pos dang / bde ba chen po'i dngos grub dang / mchod pa dang / bkur sti'i rang bzhin gyi dngos pos dang / sangs rgyas kyi sgyu ma'i rnam 'phrul gyi rang bzhin gyi dngos por de kun du gnas so/ rtog pa thams cad kyi gleng gzhi'i thig le rtog pa bcu gcig gi bdag nyid rab tu byed pa sum cu'i rang bzhin gyi dngos por de kun du gnas so/ /de yang bcom ldan 'das rdo rje sems dpa' dpal he ru ka zhes pa dang 'brel to//da ni dgos pa brjod pa brjod de/ 'di skad bdag gis la sogs pa ni rgyud mtha' dag yongs su rdzogs par ston par byed pa'i tshig phrad do/ /'dir byang chub sems dpa' bye ba phrag brgyad cu'i nang nas/ rdo rje snying po gsol ba 'debs pa pos/bcom ldan 'das nyid las bdag gis thos kyi gzhan las brgyud pa ma yin zhing su zhig las 'ongs pa dang / ma thos pa dang / dus kyi khyad par 'ga' zhig las thos pa ni ma yin no/ /de'i phyir bcom ldan 'das rdo rje 'chang ston pa po dang / bdag gis thos pa dus gcig na zhes 'brel to/ /dus ni dus mang ste/ de yang 'jig rten pa dang / 'jig rten las 'das pa'o/ /'dir re zhig 'jig rten pa ni rnam pa bzhi ste/ chags pa dang / 'jig pa dang / gnas pa dang / stongs pa'o/ /de bzhin du lhar yang skyes pa'i mtshan nyid gnas so//de ltar rnam par shes pa gsum gyi dbye bas lus dang ngag dang / sems kyi bdag nyid sgo nga las skyes pa dang / drod gsher las skyes pa dang mngal las skyes pa dang / rdzus te skyes pa'o/ /de yang lus kyi dbang gis mtshungs so/ / slar yang rnam pa bzhir 'gyur te/ bstan pa'i tshig go/ /lhar bshad pa brjod de/ dus de nyid ni 'phags pa rnams brtan zhing sems can gyi don rgyun chags pa thar pa ster bar byed pa'o/ /de bzhin du byis pa rnams la 'dod chags dang / zhe sdang dang / gti mug dang / phrag dog gi dbang gis ngan 'gro ster bar byed pa'o/ /ci 'phags pa rnams kyi dang / ci byis pa rnams kyi las/ 'phags pa rnams kyi dus gcig mi nyams pa'i mtshan nyid gzung ba dang / 'dzin pa dang bral ba/ smra bya dang smra byed las 'das pa chos kyi sku'i rang bzhin nyid dang /yang dag pa'i mtha' dang / stong pa nyid dang / gnyis su med pa dang / shes rab kyi pha rol tu phyin pa dang / don dam pa dang / 'od gsal ba'i bdag nyid do/ /byis pa rnams kyi g.yo ba'i phyir sems nyams shing sad pa'i mtshan nyid kyis/ rgas pa dang / na bas 'jigs pa dang / 'chi ba ster bar byed pa sdig pa'i dbang gis dmyal ba'i 'jigs pa 'byung ngo / /bsod nams kyi dbang gis mtho ris kyi 'bras bu 'thob bo/ /de de bzhin du yang rnam pa bzhi zhes pa'o/ /de la rdzogs ldan dang / gsum ldan dang gnyis ldan dang /rtsod pa'i dus 'byung bar 'gyur te/ der tshe rabs snga ma'i tshogs gnyis kyi dbang gis/ sangs rgyas pa rnams sangs rgyas su 'gyur ro/ /nyan thos la sogs pa ni ma yin te/ bdag dang / bdag gi dang / gzung ba dang / 'dzin pa'i rnam par rtog pa'i dbang gis 'khor bar 'khor ro//de bzhin du 'chad bzhin pa las rgyas par bshad par bya'o/ /de bzhin du 'jig rten las 'das pa yang gcig gi rnam pa skad cig ma gcig la mngon par byang chub pa'i mtshan nyid dus bzhi rnams kyis yongs su shes pa smra bya dang smra byed kyi mtshan nyid dang bral ba/bskyed bya dang / skyed byed rjes su mthun par gnas pa'o/ /'di yongs su shes pas sems can thams cad grol bar 'gyur ro/ /'di ni dus gcig gi mtshan nyid dgongs pa'o/ /de nas 'dir 'di skad bdag gis thos pa nges par gzung zhes pa'i don to//'on kyang 'di skad bdag gis thos pa zhes bya ba la sogs pa nas kha sbyor las byung ba'i rgyud ces pa 'di'i mthar thug pa'i ngag dang pos brjod par bya ba dang / dgos pa nye bar dgod pa ni nyan pa po rnams gzhug pa'i phyir bstan to/ /gzhan du gal te brjod par bya ba dang /dgos pa 'dir ma brjod na/ ji ltar sems can rnams mnyan pa la yang 'jug par 'gyur/ thams cad du dgos pa la 'dod pa dang bcas pa'i phyir 'jug par 'gyur mod/ ji srid gsum du dgos pa nges par ma bzung ba de srid du skyes bu su zhig 'jug par 'gyur/de yang skyes bu'i don gyi dgos pa la sbyor bas thabs dang bcas par gal te 'gyur ba de'i tshe 'jug go/ /de yang 'dir yod pa nyid de/ 'di ltar yang 'chad bzhin pa'i rnam pa la sogs pa'i tshul gyis gnyis su med pa'i ye shes kyi mtshan nyid de kho na nyid don dam pa skyes bu'i don du dgos pa de'i don du bstan par bya'o//de'i phyir 'dir brjod par bya ba ni he ru ka la sogs pa'i mtshan nyid de kho na nyid do/ /dgos pa yang de yongs su shes pa'o/ /de'i phyir de yongs su shes pas mya ngan las 'das pa thob ste/shin tu rab tu grub pa 'di ni dgos pa'o/ /gal te yang sgra'i don gyi rgyun med pa'i phyir tshad med de/ de ltar na yang don la the tshom za bar yang 'gyur te/ de la rtog pa dang ldan par 'jug go/ /dbang po rnon po 'jug ste gzhan gyi rnam pa med pa'i phyir ro/ /dbang po rnon pos skyes bu'i don de kho na nyid la 'jug par bya'o//'di ltar yang rang gi ngo bos de kho na nyid de la brjod par bya ba dang / rjod par byed pa'i dngos po med do/ /der bla mas brjod pa las kyang rang gis rig pa med de/ de kho na nyid ni ngag thams cad kyi tha snyad las 'das pa'i phyir ro//de lta mod kyi yang dag pa'i rigs pa can gyis bla ma'i ngag las des lam 'ga' zhig rnyed de phyi nas 'jig tshogs la lta ba la sogs pa yongs su spong pa'i mtshan nyid kyi lam nye bar dmigs pa'i rim gyis dad pa la sogs pa'i yon tan dang ldan pa'i slob ma'i bsgom pa brgyud pa las de kho na nyid des rang nyid byin gyis rlob par byed do//rigs pas thams cad kyi shes pa ngan pa'i mtshan nyid yongs su gtang ba'i phyir ro/ /de'i phyir ma lus pa'i shes pas ngan pa yongs su spangs pa'i phyir/ /yang dag pa'i ye shes gang don dam pa de rang nyid kyis rnyed par 'gyur te/snang bas mun pa sel ba bzhin dang / nyi mas mun pa sel ba bzhin no/ /der 'di skad bdag gis thos pa dus gcig na zhes pa 'dis rdo rje snying po thos pa mang ba dang ldan par gsal bar bstan te/ dus gcig gi tshe na bdag gis de kho na nyid 'di thos la/gzhan du ni de bzhin gshegs pa gzhan las kun rdzob du ma dang don dam pa'i dbye bas so/ /du ma'i dbye bas bcom ldan 'das gcig pu bzhugs te/ brtan pa dang g.yo ba dang bud med dang / skyes pa la sogs pa'i dbye bas dang /de bzhin du kun rdzob dang don dam pa'i bden pa'i dbye bas so/ /bcom ldan 'das de nyid kun rdzob kyi gzugs kyang yin la don dam pa'i gzugs kyang de yin no/ /'dis de kho na nyid sgrib par byed pas kun rdzob bo/ /don yang yin la dam pa yang yin pas don dam pa'o//dam pa'i sgra ni phul du byung ba'i rnam grangs so/ /de'i phyir bcom ldan 'das gcig pu'i gzugs nyid ji ltar de so so'i dbye bas gnas par 'gyur zhes bya ba'i don to/ /de ltar bcom ldan 'das kyi gzugs de ni lhan cig skyes pa'i dga' ba'i rang bzhin dga' ba rgyun mi 'chad pa'i yid kyis rig par bya'o//'dis ni phyag rgya chen po gsal bar bstan par 'gyur ro/ /'di ni dgos pa'i dgos pa'o/ /da ni bcom ldan 'das bzhugs zhes pa'i tshig gi tshul gyis gsungs pa'i phyag rgya chen po 'bras bu la rgyur nye bar btags pas gnas phun sum tshogs pa bstan pa'i phyir/bcom ldan 'das de bzhin gshegs pa zhes bya ba la sogs pa gsungs te/ b+ha ni srid pa ste/ rang byin gyis brlabs pa'i nye bar btags pas kun rdzob kyi bden par bstan pa'i phyir ro/ /ga bAn zhes pa ni mya ngan las 'das par 'gro bar 'gyur zhes sbyar ro//su zhig 'gro bar 'gyur zhe na/ de bzhin gshegs pa thams cad kyi sku dang gsung dang thugs so/ /de bzhin gshegs pa yang de yin la thams cad kyang de yin te/ de bzhin gshegs pa thams cad kyi sku dang gsung dang thugs las byung ba rnams so//'dir sku las byung ba rnams ni dgongs bshad gzhan gyis gsungs pa 'jug pa'i tshogs drug gi rnam par shes pa rnams so/ /de yang 'di lta ste/ mig dang rna ba dang sna dang lce dang lus dang yid kyi rnam par shes pa rnams so/ /de'i phyir gzung ba dang 'dzin pa nyams su myong bas re re yang grangs med pa de rnams su snang ste/brtan pa dang g.yo ba dang yul 'khor dang rgyal po'i pho brang dang ljon shing dang gel ba dang / lcug ma la sogs pa dang / de bzhin du grong dang grong khyer dang lam dang tshong dus la sogs pa na gnas pa'i sems can sna tshogs pa rnams yang dag par mthong ba'i phyir de rnams de bzhin gshegs pa rnams nyid do//'on kyang mu stegs la sogs pa ni mi shes pa'i sgrib pas g.yogs so/ /sangs rgyas pa snying rje can rnams ni yang dag par yongs su shes pas de la de skad ces bya'o/ /de bzhin du gsung las byung ba'i de bzhin gshegs pa/nyon mongs pa can gyi yid kyi rang bzhin ma rig pa la sogs pa'i dri mas bsgribs pa rnams ni 'khor ba nas 'khor bar 'khor ro/ /'on kyang gzhan gyi don la chags shing brtson pa'i byang chub sems dpa' rnams ni sems can rnams skye bas sna tshogs par sprul cing rang gi las kyi srid pa len to//de'i phyir nyon mongs pa cung zad tsam gyis bsgribs mod/ rang gi dbang gis ni ma yin no/ /de bzhin du thugs las byung ba ni sngon gyi bag chags kyi stobs kyis rten cing 'brel par 'byung ba bzhin te/ de yang de bzhin gshegs pa rnams so//'on kyang rnam par rig pa tsam la chags pa'i 'tsho ba lus las skye ba gdos dang lcags sgrog bzhin 'khor bar bcings pa rnams te/ brgya lam na mtshan mo'i glog bzhin dge ba'i grogs dang phrad pas grol bar 'gyur te/ de ltar yang rang dbang thob pa 'jig rten gyi chos brgyad rnam par spangs pa'i phyir de bzhin gshegs par 'gyur ro//de ltar khams gsum pa'i sems can bud med dang skyes pa la sogs pa rnams sku dang gsung dang thugs las skyes par 'gyur ro/ /'di rnams kyi rang gi ngo bo yongs su shes pa dang / kun rdzob kyi bden pa mthong ba dang /dge ba'i grogs mchog mnyes pa dang / pho nya dang pho nya mo rnams kyi mchod pa la nye bar gnas pa'i nye bar spyod pa dang / de bzhin gshegs pa'i gsung gi pha rol tu 'gro ba dang / 'dod pa'i yon tan lnga la nye bar longs spyod pa dang bral ba dang / dkyil 'khor gyi 'khor lo la sogs pa dang 'dod pa'i lha mnyes pa dang / theg pa gsum gyi cho ga dang / theg pa mchog rtogs pa dang / mos pas spyod pa'i sa la gnas pa dang / pha rol tu phyin pa bcu'i tshul yongs su rdzogs pa dang / gnyis su med pa dang / de bzhin nyid dang / 'od gsal ba'i ting nge 'dzin la gnas pas so//'di mtha' dag rnam par mi rtog pa dang 'brel ba'i de bzhin gshegs pa'i sku dang gsung dang thugs kyi bdag nyid rnams so/ /sku dang gsung dang thugs dbyer med par byas shing ro gcig par 'gyur ba bde ba chen po bcom ldan 'das de bzhin gshegs pa thams cad kyi sku dang gsung dang thugs kyi gsang ba gsum bsdus pa'i bdag nyid rdo rje 'chang he ru kar bshad do//gang du bzhugs she na/ rdo rje btsun mo'i b+ha ga la/ /zhes so/ /rdo rje btsun mo ni spyan ma la sogs pa ste/ de rnams kyi b+ha ga'i pad+ma la bye ba phrag brgyad cu'i 'dab ma'i bdag nyid rang gi 'khor 'dus pa dang lhan cig pa rnams la bcom ldan 'das ye shes kyi rang gi ngo bo rol ba dang ldan par bzhugs zhes sbyar ro//pad+ma ni mdor bsdus na lus so/ /rnam par rtog pa mtha' dag bcom pa'i phyir b+ha ga'o/ /bye ba phrag brgyad cu'i rang bzhin gyi bdag nyid ni 'dab ma rnams so//shes bya'i mchog nyid 'di shes pa'i phyir rnam par shes pa ni rdo rje snying po'o/ /rdo rje yang yin la snying po yang yin pas na rdo rje snying po ste/ bcom ldan 'das kyi gzugs gzugs brnyan gyi rang bzhin sprul pa'i sku'i mtshan nyid do/ /de ltar yang /rang nyid byed cing rang nyid 'phrog /rang nyid rgyal po rang nyid gtso/ /de ni ston pa rang nyid de/ /bstan bya yang ni rang nyid do/ /zhes gsungs so/ /'dis ni sdud pa po'i nges pa spang ba bstan to/ /don 'di nyid gsal bar bya ba gsungs pa/ bzhugs zhes pa ni rdo rje btsun mo rnams kyi b+ha ga rnams la ste/ rtsa stong phrag bdun cu rtsa gnyis kyi gsang ba'i bu ga rnams su rol pa dang ldan pa'o//su zhig ce na/ bcom ldan 'das ye shes sku'o/ /rtsa 'di rnams kyi dbus su khong stong gi bdag nyid a wa d+hU tI'i rnam pa rang gi ngo bos 'bar ba srog la sogs pa'i rlung rnams sdud pa phung po dang khams dang / skye mched rnams rang bzhin med par byed cing thig le'i gnas su son pa mi shigs pa dang 'khyud pa ro gcig pa'i dngos po byang chub kyi sems ye shes mi 'dzag pa las rang rig pa'i ye shes skye ba ni phyag rgya ste/phyag rgya chen po'o/ /'on kyang srog la sogs pa'i rlung rnams rnam pa gsum du 'gyur te/ re zhig las dang / dbyibs dang rdo rje lta bu rim pa bzhin du dbugs dbyung ba dang 'jug pa dang /'gro ba dang 'ong ba'i dbye bas gnas pa ni las so/ /phung po la sogs pa'i lus kyi rtsa la gnas pa ni dbyibs so/ /de bzhin du ye shes dang rnam par shes pa phun sum tshogs pa ni rdo rje lta bu'o/ /de yongs su shes pa ni bla ma brgyud pa'i rim pas rdo rje bzlas pa la sogs pa'i rgyun gyi stobs dang /sbyor ba'i yan lag drug khong du chud pa'i phyir ro/ /de la yan lag drug ni 'di lta ste/ so sor sdud dang bsam gtan dang / /srog dang rtsol ba de bzhin gzung / /rjes su dran dang ting 'dzin rnams/ /sbyor ba'i yan lag drug tu 'dod/ /ces so/ / dgongs bshad gzhan gyis dpal gsang ba 'dus pa la sogs par gsungs pa'i phyir ro/ /de yang du ba la sogs pa'i mtshan ma'i mtshan nyid dang / stong pa'i sku mthong ba'i phyir dang / ji srid du yan lag drug cur 'gyur gyi bar ro/ /de ltar yang bcom ldan 'das kyis sgyu 'phrul dra ba las gsungs te/sa bcu'i dbang phyug mgon po ste/ /sa bcu la ni rab tu gnas/ /shes bcu rnam par dag pa'i bdag /shes bcu rnam par dag pa 'chang / /rnam pa bcu po don gyi don/ /thub dbang khyab bdag stobs bcu'i bdag /ma lus sna tshogs don byed pa/ /rnam bcu dbang ldan che ba po/ / zhes so/ /'di'i don ni rgyud sna tshogs kyi dgongs pas rtogs par bya'o/ /de bzhin du byang chub sems dpas mdzad pa'i rgya cher 'grel las nye bar mtshon par bya'o/ /bdag gis kyang rgyud 'di'i don cung zad rang gi blo'i dbang gis sbyar bar bya'o/ /'di ni rnal 'byor gyi rgyud kyi nges pa'o/ /kha sbyor thig le zhes pa rgyud kyi rgyal po'i rgya cher 'grel pa yang dag par lta ba'i dran pa'i snang ba zhes pa las rjod byed dang /brjod bya la sogs pas rgyud la 'jug pa bstan pa ste dang po'o// //da ni sdud pa po'i tshig bstan pa'i phyir/ de yang bcom ldan 'das kyis rnal 'byor pa'i dbang phyug bye ba phrag brgyad cu rnams kyi dbus su rdo rje snying po la gzigs te 'dzum pa mdzad do zhes bya ba gsungs te/der zhes pa ni de'i phyir ro/ /rin po che sna tshogs kyi rang bzhin gyi khang pa brtsegs ma'i dbus su bcom ldan 'das longs spyod rdzogs pa sku'i bdag nyid rdo rje 'dzin no/ /'di la bcom pa yod pas na bcom ldan no//yang na mchog tu gsang ba'i rnal 'byor gyi bdud rtsi'i char 'bebs pa'i phyir b+ha ga rim las bzlog pa'i 'od zer gyi phreng bas khams gsum pa bskyed bya skyed byed 'brel ba'i phyir bcom ldan 'das zhes bstan te/ yang zhes pa ni nges pa'o/ / de bzhin du bAn zhes pa ni bye ba phrag brgyad cu'i 'khor dang yang dag par ldan pa'o/ /der ci lhag pa dang chad pa ma brjod de brgyad cu nges par smos/ 'dir gsungs pa sems can thams cad kyi dpral ba nas rkang pa'i mthe bong gi bar la rang gi lag pa'i sor brgyad cur 'gyur ro/ /gtsug tor la sor bzhi'i tshad do//de'i phyir sor re re la bye ba'i grangs kyi rnal 'byor gyi dbang phyug rnams gnas so/ /de ci zhe na dbugs phyir rgyu ba dang / nang du rgyu ba bcings pa'i rnal 'byor gyi rang bzhin rnams su 'gyur ro/ /de'i phyir 'di la rnal 'byor yod pas na/ rnal 'byor pa'i dbang phyug ste/pha dang bu bzhin no/ /rnal 'byor ni rang rig pa'i mtshan nyid 'od gsal ba'i ye shes zhes pa'i don to/ /de'i phyir rang bzhin rnams su 'gyur te/ gzhan ni ma yin no/ /de yang byis pa rnams la sdug bsngal ster bar byed de/ rgyu dang 'bras bu dang bral ba'i phyir ngu 'bod la sogs par ltung ba'o//rgyu dang 'bras bu ci zhe na/ sbyin pa la sogs pa'i pha rol tu phyin pa bcu ni rgyu'o/ /'bras bu ni rang rig pa'i ye shes stong pa dang snying rje dbyer med pa'i mtshan nyid do/ /de ltar dag pa'i rang bzhin rnams ni bstan par bya ba'o/ /gzugs brnyan gyi mtshan nyid ni bcom ldan 'das ston pa po'o//de'i phyir sgyu ma lta bu'i chos/ /bden pa ma yin brdzun pa min/ /brtan dang g.yo ba sna tshogs pa/ /rang sems rgyu las 'byung ba yi/ /sgyu ma 'di ni mi shes pas/ /'gro ba drug ni nyid du 'khor/ /de bzhin sgyu ma gang rig pas/ sangs rgyas 'gyur ro gzhan du min/ /de ltar rnal 'byor pa'i dbang phyug rnams kyi dbus su rdo rje snying po la gzigs te zhes pa la rdo rje ni dbyer med pa'i ye shes so//snying po ni de shes pa ste/ rnam par shes zhes pa'i don to/ /yul dang yul can gzung ba dang 'dzin pa la sogs pa la dmigs pa ni gzigs pa'o/ /de nyid sems can la gzigs pa'i snying rje'i dbang gis 'dzum pa mdzad pa de la de skad ces bya'o//'dzum pa mdzad ma thag tu zhes pa ni 'dir chos bdag med pa la gnas pa dang ldan pa'i de bzhin gshegs pa dgra bcom pa yang dag par rdzogs pa'i sangs rgyas de nang du yang dag 'jog pas chos la dmigs pa mngon du byed pa ni 'dzum pa mdzad ces pa'i don to//'dir zhes pa la byang chub sems dpa' rnams ni sems can gyi don byed pa'i phyir ji srid du gang zag la bdag med pa la chags par mi byed pa de srid du skyes rabs sna tshogs pa rnams la yang sprul pa'i skus 'jug par mi 'gyur ro/ /de'i phyir de bzhin gshegs pa rnams kyi gcig dang du ma'i lus kyi dbang gis gang zag la bdag med pa grub bo//gang gi phyir dmigs pa med pa'i snying rjes kyang sems can rnams kyi bsam pa'i dbang gis chos ston pa'i phyir ro/ /de'i phyir de bzhin gshegs pa la sna tshogs pa ni med do zhes pa'i tshig ni gsung rab kha cig las gsungs so//de ltar/ stong nyid snying rje dbyer med pa/ /byang chub sems zhes brjod pa yin/ /shes rab thabs dag ye shes ni/ /snying rje chen po zhes su gsungs/ /rang gi stan las langs te zhes bya ba la sogs pa la/ shes rab dang thabs dag gi rnal 'byor pa ste/ rgyu rdo rje 'dzin gyi drung nas sgyu ma dang gzugs brnyan bzhin nam/ nam mkha' las skar ma bzhin langs pa'o/ /bla gos phrag pa gcig la gzar nas zhes pa la bla gos ni theg pa gsum las sngags kyi theg pa chen po gong mar gyur pa'o/ /de'i gzar ba ni de la 'jug pa'o/ /dran pa yang rung gzar nas zhes sbyar ro//pus mo g.yas pa'i lha nga sa la btsugs te zhes pa la/ pus mo g.yas pa ni dang po lam bstan pa'i dus su'o/ /pus mo'i lha nga ni phyag rgya chen por 'gro ba la brtson pa'i sems so/ /de nyid sa la btsugs pa zhes pa ni chos thams cad kyi gzhi ma rig pa yin te/ de las byung ba'i phyir ro//sa la btsugs pa ni des bcom pas ro gcig par byed do/ /thal mo sbyar ba byas pa ni dngos po thams cad ro mnyam par rtogs pa'i sems de la de skad ces bya'o/ /bcom ldan 'das la 'di skad ces gsol to zhes pa ni 'di ltar bstan te brag ca bzhin dmigs pa'i don to/ /rgyud thams cad kyi gleng gzhi gsang chen kha sbyor las 'byung ba'i mtshan nyid ye shes dbang phyug la nyan par 'tshal lo zhes pa ni 'dir gsungs pa/sngon gyi las dag pa'i stobs kyis bag chags kyi dbang gis gzung ba nyid ni nyan pa'o/ sems can sna tshogs pa rnams la chos bstan pa 'dzin pa ni 'tshal ba'o/ / ye shes kyi dbang phyug ces pa la ye shes ni mngon par shes pa drug gi mtshan nyid de/ khyab 'jug dang dbang phyug la sogs pa rnams la mngon par shes pa 'di rnams med pa'i phyir dbang phyug go/ /gang gi phyir phyogs gcig par mi 'gyur te/ thams cad la khyab par byed pa'i phyir ro/ / de'i phyir rgyud thams cad kyi gleng gzhi gsang chen kha sbyor las byung ba'i mtshan nyid bshad du gsol zhes sbyar ro/ /de ni de bzhin gshegs pa'i gsung bstan te/ e ma ho/ /rdo rje snying po brtse ba chen po legs so legs so zhes bya ba la sogs pa la/ 'dir sems can thams cad mi shes pa gsum gyis nyes pa las dang nyon mongs pa dang sdug bsngal rnams kyis 'khor bar 'khor bar 'gyur ro//sems can de rnams la sangs rgyas kyi sngon gyi smon lam gyi dbang gis brgya lam na skad cig thang cig tsam bsod nams bsags pa'i tshul gyis sems bskyed de bsod nams des sum cu rtsa gsum pa'i lhar 'gyur ro//de nas 'phos nas slar yang mi la sogs pa'i 'gro ba lngar skye'o/ /de'i phyir sngon gyi las kyi bag chags kyi stobs kyis lta ba drug rnams la 'jug par byed de/ lta ba de rnams kyang dus kyi dbang gis sems can rang rang gi sems las byung ngo //de ltar lta ba po'i sems can sna tshogs pa grangs med par 'gyur ro/ /de ltar yang / 'gro ba thams cad bdag las byung / /srid pa gsum yang bdag las byung / /bdag gis 'di dag thams cad khyab/ /bdag las gzhan pa'i 'gro ba med/ /ces gsungs so/ /'on kyang byang chub sems dpa' byams pa dang snying rje dang dga' ba dang btang snyoms kyi bdag nyid dang de bzhin du sbyin pa dang tshul khrims la sogs pa'i yon tan dang ldan pa rnams kyis rang gi don dang gzhan gyi don gyis mi shes pa gsum ring du byed do//de 'ba' zhig byed par ma zad kyis mi 'dod bzhin du sku gsum mngon du byed pa'i don to//de'i phyir bcom ldan 'das kyis e ma ho zhes pa'i ngo mtshar dang / legs so zhes pa'i lan gnyis gsungs te/ gang gi phyir/ rig pa bde ba ster bar byed/ /ces pa'i don to/ /yon tan gyi 'byung gnas zhes pa la/ yon tan rnams kyi 'byung gnas yin pas na/yon tan 'byung gnas so/ /yon tan ni rnam pa lnga ste/ de la sa'i yon tan lnga grangs bzhin dus dang chu dang me dang rlung dang nam mkha'i bdag nyid do/ /de bzhin du chu'i yon tan bzhi'o/ /de yang chu dang me dang rlung dang nam mkha'i khams kyi bdag nyid do/ /de bzhin du me'i khams kyi yon tan ni gsum ste me dang rlung dang nam mkha'i khams kyi bdag nyid do//de bzhin du rlung gi khams kyi yon tan ni gnyis te/ rlung dang nam mkha'i khams kyi bdag nyid do/ /de bzhin du stong pa'i khams kyi yon tan ni gcig ste/ nam mkha'i khams kyi bdag nyid do/ /de bzhin du ye shes kyi khams thams cad kyi bdag nyid gcig pa'i mtshan nyid shes pa snod kyi 'jig rten du bstan to//de ltar 'gro ba lnga'i mi la sogs pa'i sems can rnams rim pa bzhin lnga dang bzhi dang gsum dang gnyis dang gcig gi yon tan gyi bdag nyid du 'gyur ro/ /de yang gong du rdul phra rab kyi chos can brdzun par gnas so//'on kyang ma rig pa la sogs pas bsgribs shing log pa'i chos la chags pa dang / mi dge ba'i grogs dang phrad pa la sogs pa'i nyes pas gos pa rnams sngon bzhin bag chags kyi dbang gis 'gro ba sna tshogs pa rnams su 'khor bar 'khor bar 'gyur ro//de bzhin du yang ye shes kyi khams khams drug gi bdag nyid skyes bu chen po'i gang zag 'di nyid dngos po thams cad kyi bdag nyid chos sku'i mtshan nyid stong pa nyid dang yang dag pa'i mtha' dang de bzhin nyid kyi bdag nyid kyi bdag nyid can gang la bsam pa 'di lta bu yod pa'am de'i rigs can no/ / de nyid kyis na legs so legs so zhes pa lan gnyis gsungs te/ 'di ni rdo rje snying po'i don bstan to/ /rgyud thams cad kyi gsang chen gang yin pa de dag thams cad nyan par 'dod pa zhes pa la/ 'dod pa zhes pa ni rdo rje snying po'i byed pa'i tshig ste/ e ma ho zhes pa dang 'brel to/ /'on kyang 'dir sngags kyi theg pa chen por rnal 'byor dang rnal 'byor ma kha sbyor ba de ni rnal 'byor gyi rgyud dang /rnal 'byor ma'i rgyud ces brjod do/ /de bzhin du rnal 'byor gyi rgyud dang sngon du gsungs pa'i mtshan nyid kyi rang bzhin no/ /da ni rnal 'byor ma'i rgyud kyi dbye ba gsungs te/ rgyud thams cad kyi gsang chen gang yin pa zhes bya ba la/rnal 'byor gyi rgyud sum cu rtsa drug gi gsang ba ni rnal 'byor ma'i rgyud do/ /rnam pa sum cu rtsa drug po de yang 'chad bzhin pa'i rtsa ba'i rnal 'byor ma bskyed pa rnam pa mang pos bshad par bya'o/ /de ltar rnal 'byor ma'i rgyud ni rnal 'byor gyi rgyud thams cad kyi gsang chen sbas pa zhes pa'i don to//de gang la yod pa de la de skad ces bya'o/ /gang yin pa de dag thams cad zhu ba zhes pa ni rnal 'byor dang rnal 'byor ma'i rgyud shes rab dang thabs dang stong pa dang / snying rje dbyer med pa rnams la zhu ba ste khong du chud pa'o/ / sems can thams cad la yang dag pa'i lam ston pa'i 'dod pa de ni/ de ltar smras par 'gyur ro/ /'di ni de bzhin gshegs pa'i nges pa'o/ /da ni 'khor ba'i tshig gsungs pa/ de nas rdo rje snying po la sogs pa'i byang chub sems dpa' chen po zhes bya ba la sogs pa la/ de nas zhes pa ni zhus pa'i rjes thogs su'o//byang chub sems dpa' chen po zhes pa ni sku rdo rje la sogs pa gang dag gis dang po na yod pa de ni rdo rje snying po la sogs pa ye shes dang rnam par shes pa dag gcig tu 'dres pa'i bdag nyid ces pa'i don to/ /yang na sgyu ma'i sprul pa bzhin du gtso bo'o/ /de'i snying po ni dbyer med pa'i dngos po'i phyir rdo rje'o//der khyad par gyi bag chags kyi stobs las byung ba ni byang chub sems dpa' chen po rnams so/ /de nyid kyis na rab tu dga' zhing mig gdangs pa ni ye shes kyi sku'i bdag nyid ces pa'i don to/ /des na de bzhin gshegs pa'i spyan dang sha'i spyan dang /lha'i spyan dang / shes rab kyi spyan dang / ye shes kyi spyan dang / sangs rgyas kyi spyan no/ /de'i phyir rab tu dga' ba'i mig gdangs kyi so so skye bo'i ni ma yin no/ /de ltar byang chub sems dpa' chen pos zhus zhes 'brel to/ /yang dang yang du phyag byas te/ /'dir rang gi the tshom gyi phyir zhus zhes pa'i rigs pas ye shes dang rnam shes gcig tu 'dres pa'i bdag nyid du grub bo//'on kyang gang gsungs pa'i mtshan nyid thams cad de dgongs bshad gzhan gyi skal pa dang ldan pa'i sems can rnams nye bar spyod par 'gyur gyis/ da lta'i gdul bya rnams la ni ma yin no//gang gi spyir bstan bya dang ston byed dang bstan pa rnams la 'jug par mi 'gyur te/ de'i tshe gdul bya dka' ba bems po'i sems can rnams 'dul bar mi 'gyur ro/ /rgyu des na sprul pa'i lus can dbyer med pa la nye bar spyod pa'i byang chub sems dpa' chen po rab tu dgyes shing mig gdangs la gzugs brnyan lta bu rnams kyis yang dang yang du phyag byas nas rang gi the tshom gyi phyir kha sbyor las byung ba'i rang bzhin de'i bdag nyid zhus te/'dir zhes pa ni tshig 'dir gsungs pa'o/ /rgyud rnams thams cad gang la bgyi/ /zhes pa nas/ der ni mtshan nyid ji lta bu//zhes pa'i bar ni zhes zhus pa'i tshig go/ de ni bcom ldan 'das kyis lan gyi tshig gsungs te/ bcom ldan 'das zhes bya ba la sogs pa la/ sdud pa po'i nyes pa yongs su spang ba'i don du gsungs zhes sbyar ro/ /rgyud kyang de zhes bya ba la sogs pa ni bsdu ba'i tshig go/ /yang thabs kyi sgra ni 'dus pa la sogs par shes par bya'o//sogs pa'i sgras ni bya ba dang spyod pa gzung ngo / /'dir bya ba ni de nyid bsdus pa la sogs pa'o/ /de bzhin du spyod pa ni sgrol ma byung ba dang / 'byung po 'dul byed la sogs pa'o/ /'di dag thams cad rnal 'byor gyi rgyud du nye bar btags pa'i mtshan nyid can du brjod de/slob dpon rnams kyi'o/ /gleng gzhi ni sgyu 'phrul dra ba la sogs pa'ang rnal 'byor gyi rgyud sum cu rtsa drug gi bar dus kyi rtsa sum cu rtsa drug gi snang ba'i mtshan nyid do/ /de yang rnam pa gsum ste/ snang ba dang snang ba mched pa dang snang ba thob pa la sogs pa rnal 'byor gyi rgyud du rten du shes par bya'o//'od gsal brten par shes par bya'o/ /'di ni sdud pa'i mtshan nyid do/ /sangs rgyas rnams kyi ni rim pa las bzlog pas 'od gsal ba ni rten no/ /brten pa ni snang ba gsum ste/ sgyu 'phrul chen po 'dzin pa nyid kyi phyir ro/ / de ltar yang sgyu 'phrul dra bar bcom ldan 'das kyis/ sgyu 'phrul chen po 'chang mkhas pa/ /sgyu 'phrul chen po'i don 'grub par/ /sgyu 'phrul chen po dga' bas dga'/ /sgyu 'phrul chen po mig 'phrul can/ /zhes bya ba la sogs pa gsungs so/ /rgyud ces pa ni 'khor ba'i sdug bsngal du bying ba'i sems can rnams la skyob pas na rgyud do//de rnams kyi gleng gzhi ni rnal 'byor gyi rgyud sum cu rtsa drug rnams kyi gleng gzhi yang dag par spros pa'i mtshan nyid de/ de las byung ba ni rnal 'byor ma'i tshogs sam rnal 'byor gyi tshogs so/ /'di gnyis bsdus pa'i dbang gis brjod bya dang rjod byed dang bral bar nges pa zhes pa'i don to//yang sngon du gsungs pa'i dus la sogs pa ste de rnams kyi gleng gzhi ni kha sbyor du 'gyur ba'o/ /nges pa ni ma 'khrul ba'o/ /yang na kha sbyor las byung ba'i thig le sad pa la sogs pa bzhi'i rnam par gzhag pa dang bral ba lhan cig skyes pa rdzogs pa'i byang chub kyi mtshan nyid de/dang po'i sangs rgyas rgyu med pa/ /zhes gsungs pa'i phyir ro/ /nges par zhes pa ni gsungs shing bstan zhes pa'i don to/ /seng ge dang 'phrog byed ces pa la sogs pa la/ 'dir lus la lam drug tu song ba'i rtsa drug go/ /de la lte ba'i steng du gsum ste/la la nA dang ra sa nA dang a wa d+hU tI'o/ /de bzhin 'og tu gsum ste/ bshang ba dang gci ba dang khu ba 'bab pa'o/ /'di rnams kyi ming rnams rim pa las bzlog pas dbyig gi snying po ni bshang ba'i rtsa'o/ /'dir seng ge ni khu ba'i rtsa'o/ /'phrog byed ni dri chu'i rtsa'o//de bzhin du steng du ni zla ba dang nyi ma dang sgra gcan 'bab pa'o/ de yang nyan thos dang rang sangs rgyas dang theg pa chen po'i bdag nyid can dus kyi khyad par gyi dus kyi pho nya'am dus kyi rtsar brjod do/ /'di rnams las skad cig thang cig yud tsam gyi dbye bas mig la sogs pa'i skye mched yul dang yul can gyi dbye bas rnam shes tshogs drug sems kyi 'phrul pa'i shes pa skye'o//de las skyes nas rang rang gi las kyi dbang gis sems las byung ba'i dngos pos lta ba drug rnams 'jug par byed do/ /de ltar lta ba rnams kyi nang du chud pa ni sems can rnams te/sems can gyi nang du chud pa yang lta ba rnams zhes pa la sogs pa ji srid grangs med pa'i rnam par rtog pa'i bag chags dang / grangs med pa'i lus kyi rtsa rnams dang / grangs med pa'i rnal 'byor ma rnams skye bar 'gyur ro/ /de'i phyir de rnams kyi spyod yul ma yin pa'i phyir gsang chen zhes pa'i sngags kyi theg pa chen po'i rnal 'byor dang rnal 'byor ma'i rgyud kyi rang bzhin zhes pa'i don to//yang na gsang chen zhes pa ni sbas pa ste dus kyi pho nya rnams rnam par 'joms pa'i phyir khyab par byed pa'i rang bzhin no/ /gang skad cig bzhis mtshon pa yang dag pa'i lam ngag gi lam las 'das pa'i spyod yul gnyis gnyis pa thams cad spangs pa'o//de'i phyir spyod yul ma yin pa'i phyir gsang ba ni mi slob pa'i lam zhes pa'i don to/ /da ni yang dag par sbyor ba'i rnal 'byor du byed pa gsungs te/ shes rab dang thabs kyi bdag nyid kha sbyor de nyid las byung ba zhes pa la kha sbyor zhes pa ni sems dang sems las byung ba dngos po gcig tu byed pa dang /phyi dang nang gi bdag nyid mi phyed pa dang / stong pa dang snying rje sbyor ba dang / rdo rje dang pad+ma mnyam par sbyor ba dang / spro ba dang bsdu ba sbyor ba dang / dpal he ru ka dang bdag med ma snyoms par 'jug pa dang /zung du 'jug pa'i mtshan nyid dang / chags pa dang / chags pa dang bral ba rnam par 'dres pa dang / 'khor ba dang mya ngan las 'das pa'i dngos po dbyer med pa dang / skyes ma dang skyes pa'i gzugs gnyis med pa dang / kun rdzob dang don dam pa mi phyed pa dang / rang bzhin gyis 'od gsal ba'i ye shes dang / rgyu dang 'bras bu'i bdag nyid gnyis su med pa ni kha sbyor gyi don to/ /de ltar gzhan yang gnyis su med pa'i ye shes dang rnam par shes pa la sogs pa dang shes rab dang thabs kyi bdag nyid ma gsungs te/ gzhung rgyas pas 'jigs pa'i phyir ro//de'i phyir bla ma brgyud pa'i rim pas thos pa dang bsam pa dang sgom pa'i shes rab kyi stobs kyis dbugs dbyung ba dang 'jug pa rnam par bcom pas bsam gyis mi khyab pa'i lam yang skye'o/ /de yang thig le zhes brjod de dpral bar thig le gzung ba bzhin no/ /de ltar yang dpal gsang ba 'dus pa las/dngos po med pa sgom pa'i dngos/ /bsgom par bya ba bsgom pa min/ /de ltar dngos po dngos med pas/ /bsgom pa dmigs par mi 'gyur ro/ /zhes bcom ldan 'das kyis gsungs so/ /de'i phyir kha sbyor ni snyoms par 'jug pas zhes pa'i don ston pa'i tshig go//slar yang 'di'i don gsal bar bya ba'i phyir gsungs pa/ kha sbyor zhes pa ni 'phags pa rnams kyi chos dang longs spyod rdzogs pa'i bdag nyid kyi sbyor ba dbyer med pa'i nye bar spyod pa la 'jug pa de la snyoms par 'jug pa zhes brjod de/ mchog tu mi 'gyur ba rtogs pa ni lhan cig skyes pa zhes pa'i don to//de yang 'phags pa rnams kyi brjod par bya ba'i mtshan nyid do/ /slar yang 'byung ba ni skyes pa zhes pa la mchog tu mi 'gyur bas bsgrub pa'i rang rig pa'i ye shes so/ /de las byung ba ni sna tshogs pa stong pa nyid kyi sku snang ba med pa'i rang bzhin no//de'i skyes pa de ni ma dang pha yang dag par sbyor bas dang sngon gyi skye bo'i bag chags kyi dbang gis sems can thams cad bsgral ba'i rgyur 'jug par byed do/ /de nyid bcom ldan 'das sprul pa'i sku'i mtshan nyid de/ de yang mtshon bya dang mtshon byed kyi bdag nyid do/ /'dir de lta bur gyur pa zhes bya ba la sogs pa la/de lta bu zhes pa ni 'dra ba'i don te/ snga ma'i tshig gces pa'i yang phyir ro/ /gyur pa zhes pa ni skyes pa'o/ /de ci zhe na brtan pa dang g.yo ba'i dngos po'i bdag nyid ces gsungs te/ brtan pa ni snod la sogs pa'o/ /g.yo ba ni mi la sogs pa'o//de rnams skyes pa de'i rang bzhin gyi bdag nyid ni bcom ldan 'das rdo rje 'chang ngo / /de yang bskyed bya dang skyed byed rjes su mthun par yang dag par gnas pa'o/ /'dis mtshon pas na mtshan nyid des zhes pa ni bdun pa'i don la gsum pa'o/ /mtshon bya dang mtshon byed rnams la bcom ldan 'das rdo rje 'chang gi sku bzhugs pa 'dis khong du chud par bya'o//yang na mtshon pas zhes pa ni mchog tu mi 'gyur ba'i sbyor bas sangs rgyas rnams gus pa dang bcas pas rgyun mi 'chad par zhi gnas dang lhag mthong la goms pas khams gsum pa'i sems can rnams yang dag par nye bar spyod pa'i tshul ni mtshan nyid do//de ltar dus gsum du bzhugs pa'i de bzhin gshegs pa rnams kyi mtshon bya dang mtshon byed dag gis yang dag pa'i lam bstan pa'i phyir skad cig ma cig la mngon par rdzogs par byang chub pa'i mtshan nyid ni mtshon pa'o//de'i phyir 'bras bu la rgyur nye bar btags pa'i phyir sems can la dmigs pa'i mtshan nyid ni rjod par byed pa'o/ /de ltar gzhung nye bar btags pa'i tshig ni 'brel ba'o/ /da ni phyogs gzhan gyi dgos pa brjod de/ yang na zhes bya ba la sogs pa la/ yang na zhes pa ni sngon du gsungs pa'i lam rtogs par bya ba dang /da ltar gyi sems can rnams la yang dag pa'i lam bstan pa'i phyir/ rgyud ces pa'i sgra ni skyes par brjod do/ /de bzhin du rgyud can gyi bud med du brjod do/ /thams cad ces pa ni bud med dang skyes pa dag gcig pa nyid do/ /de ltar bud med dang skyes pa dag ni kha sbyor gyi sgras bstan to//de'i gleng gzhi zhes pa ni bde ba chen po'o/ /de yang 'byung ba chen po lnga'i bdag nyid kyi rang bzhin rdo rje sems dpa' ste/ rdo rje yang yin la sems dpa' yang yin pas na rdo rje sems dpa'o/ /de las byung ba ni sems can thams cad ces pa'i don to//'on kyang mi shes pa'i dri mas bsgribs par 'gyur te/ gdul bya de rnams kyi don du rten cing 'brel par 'byung ba bzhin du de bzhin gshegs pa rnams srid pa'i dang por yang dag par bzhugs so/ /de ltar yang dang yang las kyi sar 'jug par byed cing 'jig rten gyi khams sna tshogs pa rnams su yang sgyu ma lta bu'i ting nge 'dzin gyis byang chub bsgrubs nas chos kyi 'khor lo bskor bar 'gyur ro//yang longs spyod rdzogs pa'i skur bzhugs nas slar yang 'jug par byed do/ /de ltar grangs med pa'i dus rnams su grangs med pa'i sems can rnams la grangs med pa'i bstan pa rnams sangs rgyas rnams kyis ston par byed do//gsang chen zhes bya ba 'dis zhes bya ba la sogs pa ni de ltar gsang ba sba bar bya ba zhes bya ba'i don to/ /man ngag las byung ba zhes pa ni de ltar brjod par bya ba dang rjod par byed pa dang / 'brel pa dang dgos pa ma gsungs kyang bcom ldan 'das kyi gsung gi rjes su 'brangs pas khong du chud par bya'o//'di ni man ngag ces pa'i don to/ /sngags btu ba zhes bya ba la sogs pa ni bsdus pa'i don to/ /thabs dang shes rab bdag nyid rgyud/ /de ni bdag gis bshad kyis nyon/ /zhes pa la/ thabs dang shes rab bdag nyid ces pa ni sgyu ma'i dngos po'i mtshan nyid kyi phyir ro//de ci zhe na sgyu ma ni shes rab bo/ /thabs ni dngos po'i mtshan nyid kyi bdag nyid do/ /rgyud ces pa ni bstan pa'i chos so/ /de bdag gis zhes pa ni thams cad kyi kun rdzob kyi bden pa la gnas pa'i phyir ro/ / bshad kyis zhes pa ni don dam pa'i yul gyi mtshan nyid sgyu ma lta bu'o/ /nyon zhes pa ni nges par zung zhes pa'i don to/ /yang na rdo rje snying po la sogs pa'i dpa' bo rnams thos pa la sbyor ba ste/ sgyu ma lta bu'i ting nge 'dzin ston to zhes pa'i don to/ /de ltar yang bcom ldan 'das kyis shes rab kyi pha rol tu phyin pa la sogs pa las gsungs pa/yang dag par rdzogs pa'i sangs rgyas kyang sgyu ma lta bu rmi lam lta bu'o zhes bya ba la sogs pa dam pa'i chos klog pa las khong du chud par bya'o zhes pa ni de bzhin gshegs pa'i nges pa'o/ /da ni slar yang de nas rdo rje snying po la sogs pa zhes pa nas nyon zhes pa'i mthar thug pa'i yi ge'i don gyis phyi dang nang gi bdag nyid 'byung ba lnga'i bdag nyid can gyi lus la ming sna tshogs pa 'jug pa brjod de/de yang rnam pa gsum ste/ lus dang ngag dang sems kyi bdag nyid do/ /'dir dang po nyid du ngag gi ming brjod do//'dir sems can thams cad la mngal du gnas pa'i rang rig pa nas brtsams te/ ji srid 'chi ba la thug pa de srid ngag gi ming ste/ des spyod pa dang grol bar 'gyur ro/ /de'i phyir ngag gi ming gi tha snyad kyis sems can rnams 'khor ba nas 'khor bar 'khor ro/ /rgyu des na a zhes pa tshig gi ming dang po nyid du bstan te/a ni yig 'bru kun gyi mchog /ces mtshan yang dag par brjod pa las gsungs pa'i phyir ro/ /de bzhin du yang a ni nam mkha'i khams kyi mtshan nyid srog gi rlung zhes pa'i don to/ /de yang rnam pa gnyis te/ ta dang ra dag chu dang me'o//de la chu'i khams ni byang chub sems so/ /de las bskyed pa'i tshogs chen po'i rang bzhin me'o/ /rkan gyi bu ga'i ming ni ta'o/ /de bzhin du lte ba'i bu ga'i ming ni ra'o/ /ci'i phyir zhe na/ ra me'i sa bon yin pa'i phyir ro/ /me'i dkyil 'khor gru gsum du lung nas gsungs pa'i phyir/lte ba lam gsum gyi bdag nyid ces pa'i don to/ /'di dag rab tu sbar ba dang 'jug pa dag gis rang rig pa'i ye shes skye bar 'gyur ro/ /de ni sems can thams cad rnams kyi srog g.yo ba'i phyir rlung ste/ srog gi rlung du brjod de rtsa'i rang bzhin zhes pa'i don to/ /de'i phyir tha zhes pa ni/brtan pa la sogs pa dang / g.yo ba dang bcas pa bskyed pa'o/ /te zhes pa ni de kun sems 'byung chos rnams so/ /ba zhes pa ni lung dang ldan pas brjod pa'o/ /dz+wa zhes pa ni 'dir bdag gis rang gi rol ba'o/ /ga zhes pa ni dri za'i grong khyer lta bu'o/ /b+ha zhes pa ni de kun snang bar byed pa'o//phra zhes pa ni 'gro drug rab tu dga' bar byed pa'o/ /mu zhes pa ni/ kha yi pad+mas chu yi ni/ /bdud rtsi'i char ni 'gugs pa'o/ /khA zhes pa ni/ bza' dang btung la rtag chags shing / /'dod pa lnga la longs spyod pa'o/ /ma zhes pa ni/ yid kyis chos la chags pa nyid/ /hA zhes pa ni/chos rnams thams cad 'jig dang mtshungs/ /bo zhes pa ni/ khong chud nyid ni byis pa'i gtso/ /d+hi zhes pa ni/ blo dang ldan pa'i sems can rnams/ /rnam shes smra ba'i snying po min/ /sa zhes pa ni/ theg pa chen po dran pa yis/ /'gro ba drug las grol bar 'gyur/ /twA zhes pa ni/khyod kyis 'phags pa'i chos rnams ni/ /rtogs par gyis shig rdo rje 'dzin/ /pra zhes pa ni/ rab dga'i skad cig dbus su'o/ /ha zhes pa ni/ dgod dang de bzhin spro ba'o/ /R+Sha zhes pa ni/ bdag nyid chen po mya ngan byed/ /phu zhes pa ni/ de bzhin bems po gdung mi byed/ /l+la zhes pa ni/mtshon byed de yi dbus su'o/ /lo zhes pa ni/ 'dir ni skye bo 'dod rnyed nyid/ /tsa zhes pa ni/ bya ba phra la spyod mi byed/ /nAHzhes pa ni/ sangs rgyas phun tshogs spyod yul rnams/ /ji bzhin dus su rtogs mi byed/ /pri zhes pa ni/ tha dad chos la chags pa nyid/ /ts+tshaM zhes pa ni/'dir ni bstan pa mdor byed pa'o/ /tI zhes pa ni/ mu stegs thams cad phyugs rnams nyid/ /ha zhes pa ni/ kyi hud su zhig la ni bstan/ /swa zhes pa ni/ rang rig la dga' sangs rgyas pa/ /saM zhes pa ni/ yang dag lam ni rjes 'brangs pa'o/ /de zhes pa ni/ lus med smra bar nus ma yin//ha na zhes pa ni/ mi shigs rdo rje sems dpa' ni/ /lta ba'i dkyil 'khor du ni rgyal/ /'byung ba zhes pa'i grangs ni lnga/ /nam mkha' de las 'byung bar 'gyur/ /pra zhes pa ni/ nyin mtshan tshig las 'byung ba yi/ /rtog pa'i dra ba rab bcom pa'o/ /Ni zhes pa ni/ rtag tu chos sku mi 'gyur ba/ /bsgoms pas spros pa rnams dang bral/ /pa zhes pa ni/ chos rnams thams cad mchog gi ni/ /chos phyir rnam pa rang bzhin no/ /t+yaM zhes pa ni/ skye lus sangs rgyas thams cad kyi/ /rigs la zhen pa spang bar bya/ /mu zhes pa ni/ chos zhes pa yi phyag rgya bsten/ /hu zhes pa ni/ byin za la ni 'gro ba gsum/ /rmu zhes pa ni/ thub pa thams cad rnams kyis ni/ /huHzhes pa ni/ sgrib pa mang po bsreg par bya/ /'di ni ngag gi ming ngo / /da ni lus kyi ming yang gsungs pa/ sa zhes pa ni/ skye bo dam pa bsgral ba'i phyir//rba zhes pa ni/ sna tshogs lha ru gnas pa'o/ /taM zhes pa ni/ ji srid nam mkha' khyab par du/ /de de sems can don rnams byed/ /traM zhes pa ni/ sems can rnams la gnod byed pa/ /gdul dka' rnams ni skrag par byed/ /kiM zhes pa ni/ gzhan yang de rnams chos kyi ro//rnam pa sna tshogs du ma yis/ /snying rje'i dbang gis tshim par byed/ /u zhes pa ni/ theg chen chos kyi rgya che zhing / /zab pa rnams la gzhug par bya/ /ts+ya ba zhes pa ni/ sems dang sems kyi rang bzhin dang / /shes pa can yang mkha' gzugs can/ /te zhes pa ni/ bdag dang bdag gi lta ba ni/de yi dngos pos grol bar 'gyur/ /ni zhes pa ni/ dam pa'i don du mya ngan 'das/ /dA zhes pa ni/ bden pa'i lta ba 'byung ba'i phyir/ /na zhes pa ni/ bdag gis su la'ang bshad pa med/ /tsa zhes pa ni/ spyod pa yang ni sems rang bzhin/ /ka zhes pa ni/ snying rjes sems can la phan bya/ /thaM zhes pa ni/ dbang po'i gzhu bzhin bstan pa'o/ /b+ha zhes pa ni/ /'jigs pas skrag la mi 'jigs ster/ /srid pa'i rgya mtsho las phar sgrol/ /be ta zhes pa ni/ mkhas pas thams cad chos dbyings kyi/ /nang du chud par shes rig bya/ /ra zhes pa ni/de bzhin nyid kyi bdag la rol/ /ha zhes pa ni/ bdag dang gzhan ni rig pa med/ /s+ye zhes pa ni/ 'di yi bde ba 'dus pa las/ /sngon gyi smon lam nyid ni dran/ /t+ye zhes pa ni/ snying las 'od zer rnams ni gtong / /tra zhes pa ni/ snang ba gsum ni gsal ba 'byung / /kiM zhes pa ni/cung zad thos pa'i sgra tsam yang / /rmi lam bzhin du sems las byung / /u zhes pa ni/ spros pa med pa'i chos de rnams/ /ts+ya zhes pa ni/ 'dzag pa'i lam du nges par sba/ /te zhes pa ni/ de yi sangs rgyas sku la'o/ /saM zhes pa ni/ the tshom med par nges pa yin/ /pu zhes pa ni/ pu ni byang chub sems dpa' rnams/ /Do zhes pa ni/ 'di dag gnyis med sgyings pa las/ dge 'dun gzhan na brjod du med/ /b+ha zhes pa ni/ 'das pa'i spyod pa rnams spangs pa/ /'dir ni sems can rnams 'khor ro/ /ba zhes pa ni/ rigs dang rigs min rnams dpyad na/ /thams cad nam mkha' las byung ngo //ka zhes pa ni/ sangs rgyas gang na'ang mi bzhugs te/ /rkyen gyi don ni 'ba' zhig go/ /thaM zhes pa ni/ skam la gnas pa'i skye bo rnams/ /nA zhes pa ni/ sna tshogs las ni kun du smin/ /ma zhes pa ni/ mi yi bdag nyid 'ba' zhig gis/ /la zhes pa ni/ dge dang mi dge mtshon par bya/ /k+Sha zhes pa ni/ skad cig bltas pa tsam gyis so/ /NaM zhes pa ni/ thog med dus su dbang du 'gyur/ /ta zhes pa ni/ de ru de ni 'gro mtshan nyid/ /tra zhes pa ni/ dus ni rnam pa gsum rnams su/ /ka zhes pa ni/ 'dir ni thod pa dag tu byed/ /thaM zhes pa ni/'di ltar bdag gis dus bstan pa/ /rang rig bdag nyid kyis rtogs byed/ /b+ha zhes pa ni/ srid pa'i nyes pa 'joms par byed/ /be ta zhes pa ni/ dri ma med pa'i sa rnams ni/ /de nyid du ni rig par byed/ /b+ha zhes pa ni/ b+ha ni 'dir ni dga' ba ste/ /de bzhin ga ni mchog dga' ba//bA ni lhan cig skyes par bshad/ /nA ni dga' dang bral bar brjod/ /ha ni dga' ba thams cad de/ /rdo rje sems dpa' mi shigs pa'o/ /'di ni lus kyi ming ngo / /da ni 'dir sems kyi ming brjod de/ sa zhes pa ni kun du bzang / /rbe zhes pa ni/ 'gro ba nges par gzung bar rig /tsa zhes pa ni g.yo ba'i phyir//te zhes pa ni/ de nas lam ni 'dris pa yin/ /taM zhes pa ni/ rnam shes de yi mtshan nyid do/ /trA zhes pa ni 'khor ba la ni skyob bzhin pa/ /sh+tsa zhes pa ni/ bya ba thams cad la ni spyod/ /sa zhes pa ni/ kun du bzang po bdag gi gang / /rba zhes pa ni/ 'gro ba ma lus phyag ni bya//taM zhes pa ni/ de ni rtag tu bskyang bar bya/ /trA zhes pa ni/ khams gsum pa ni sangs rgyas bdag /sa zhes pa ni/ lus las 'od ni spro bar byed/ /rba zhes pa ni/ nor 'dzin bdud rtsi bde ster ba/ /sha zhes pa ni/ 'khor lo drug tu chud pa'o/ /b+de zhes pa ni/lo sbyor rnam sbyor ba ru 'gyur/ /na zhes pa ni/ 'chi mtshan nyid kyis 'pho mi 'gyur/ /sa zhes pa ni/ dngos po rnams ni thams cad la/ /sems ni slar bshad gzhan ma yin/ /mA zhes pa ni/ sangs rgyas sgyu 'phrul dra ba chags/ /dzA zhes pa ni/ sad pa la sogs bzhi rnams so//da zhes pa ni/ skye bo rnams ni ster ba nyid/ /ya zhes pa ni/ gang du'ang rung ba'i bud med dam/ /de bzhin du ni skyes pa rnams/ /he zhes pa ni/ de rnams thog ma tha mar gnas/ /ShAM zhes pa ni/ zhi gnas thob pa'i rgyu yis ni/ /ni zhes pa ni/ bdag nyid chen po bzhugs pa yin//dA zhes pa ni/ bden pa'i dngos po kun nas ster/ /na zhes pa ni/ dbang po'i sgo yi spyod yul min/ /b+hU zhes pa ni/ 'byung ba lnga po rnams la yang / /taM zhes pa ni/ 'di yang de yi spyod yul min/ /ni zhes pa ni/ 'du 'dzi can ni rnams kyi dang / /dbang po med rnams kyi yang min//sh+tsi zhes pa ni/ yid bzhin nor bu lta bu yang / /ta zhes pa ni/ dba' rlabs kyis ni dkrugs pa'i sems/ /mi zhes pa ni/ log pa'i chos la dga' ba rnams/ /t+ya zhes pa ni/ bde can rnams kyis 'dor bar bya/ /r+tha zhes pa ni/ nyer spyod rnams ni don med 'gyur/ / ha zhes pa ni/ kyi hud sdug pa ngu 'bod 'gro/ /ri zhes pa ni/ lus la yon tan stong pa bzhin/ /ha zhes pa ni/ pha rol po yi rdzas rnams 'phrog /ra zhes pa ni/ chags pa'i bde bas rol pa'o/ /hi zhes pa ni/ dor dang blang ba'i don spangs rnams/ /ra zhes pa ni/ dga' la sogs pa chags pa'i bdag /N+ya zhes pa ni/ rig pa'i chos la phyir bltas pa/ /ga zhes pa ni/ zab mo'i lung dang bstan bcos rnams/ /bstan pa de bzhin don dam pa'o/ /r+b+ha zhes pa ni/ 'jigs pas skrag pa'i sems can rnams/ /log pa'i chos ni rab ston byed/ /shrA zhes pa ni/ dad pa'i sems can rnams la ni/ /'dod can sangs rgyas pa ni brjod/ /ba zhes pa ni/ gnas dang zas dang skom la sogs/ /mal cha bdag la shin tu dgos/ /ka zhes pa ni/ gal te rigs kyi bu byed na/ /'khor ba'i rgya mtsho pha rol 'gro/ /pra zhes pa ni/ 'das pa'i rang bzhin mi shes par//sems can rnams la khyab byed pa/ /t+ye zhes pa ni/ rang don gzhan don med pa rnams/ /ka zhes pa ni/ rang don tsam ni 'ba' zhig pa/ /sangs rgyas pa ni 'gro drug 'gro/ /bu zhes pa ni/ chos rnams mang po rtogs pa'i phyir/ sems can rnams la'ang phan byed pa/ /d+ha zhes pa ni/srid pa'i rtse ru bzhugs nas su/ /rtog pa rgyas par ster bar byed/ /nA zhes pa ni/ bya ba mang po'i yul rnams so/ /ma zhes pa ni/ yid kyis brjod par song ba rnams/ /go zhes pa ni/ sangs rgyas blo yis sbas pa'o/ /tsa zhes pa ni/ spyod dang kun spyod spangs pa nyid/ /ra zhes pa ni/sems can rnams ni bcom pa'i phyir/ /rtag tu spros pa las ni spros/ /twA ta ces pa ni/ khyod bdag la ni dbyer mi byed/ /ra zhes pa ni/ dngul chur rdzas rnams zhu ba bzhin/ /ha zhes pa ni/ rta yi nang gi sgra rnams ni/ /rtag tu skye dang 'gog pa bzhin/ /de bzhin sangs rgyas pa yi lam//bya ba smig rgyu'i chu bzhin no/ /s+yaM zhes pa ni/ ji ltar 'ga' zhig shing rta zhon/ /de ltar snang ba gsum po la'ang / /saM zhes pa ni/ rtag tu 'di la yang dag gnas/ /pu zhes pa ni/ skyes bu mya ngan 'das par 'gro/ /TaM zhes pa ni/ thams cad gar gyi de bzhin du/ /srid pa gsum ni mthong ba bzhin//pra zhes pa ni/ 'od gsal ye shes bzhi yin te/ dz+nyo zhes pa ni/ shes bya chu yi chu bur bzhin/ /de ltar snying rje can sems can/ /snang ba gsum ni ston par byed/ /pA zhes pa ni/ pha rol 'gro ba'i chos rnams la/ /yA zhes pa ni/ rang bzhin dngos grub dam pa la/ de la bdag ni brten pa ru//brag ca bzhin du bzhugs pa yin/ /t+ma zhes pa ni/ ma rig la sogs mun pa yis/ /g.yogs pa'i sems can rnams la ni/ kaM zhes pa ni/ tha mar theg pa gsum ston pa/ /ta zhes pa ni/ de de'i thabs ni bdag gis bstan/ /de zhes pa ni/ lus can rnams kyi grol rgyu nyid//bo zhes pa ni/ byang chub sems dpa' gzhan ma dang / /skye bo thams cad rnams nyid la/ /thun mong du ni lam bstan to/ /d+b+ha zhes pa ni/ 'gyur bar 'di ni the tshom med/ /paM zhes pa ni/ rdo rje sems dpa' snying la'o/ /saM zhes pa ni/ mi shigs pa ni rtag tu bzhugs//bu zhes pa ni/ kha sbyar sbyor ba'i ting nge 'dzin/ /TaM zhes pa ni/ sems dpas dbyibs ni brjod pa'o/ /sa zhes pa ni/ ting 'dzin 'di ni bdag gis bstan/ /mA zhes pa ni/ dbus ma a wa d+hU tI'o/ /pa zhes pa ni/ srog dang thur sel gang zag las/ /t+ti zhes pa ni/rnal 'byor bdud rtsi rnams kyis tshim/ /ri zhes pa ni/ stong bzhin pa yi rnal 'byor ni/ /h+ye zhes pa ni/ thog ma tha ma mtshon pa spangs/ /r+thaHzhes pa ni/ dngos don phun tshogs gsungs pa rnams/ /de ni bral ba zhes pa'i don/ /don rnams don ni med pa yin/ /de'i phyir bral bar nges par gzung //u zhes pa ni/ de las dngos grub 'byung bar bstan/ /brten pa'i don ni skyed byed shes/ /d+b+ha zhes pa ni/ sems kyi gar mkhan las byung ba/ /bsgoms pas 'dir ni bden pa min/ /ba zhes pa ni/ rnam rig tsam du smra bas ni/ /rnam rig lta ba bden pa yi/ / sangs rgyas pa de tshad ma min/ /u zhes pa ni/ glegs bam kha cig las ni gsungs/ /ji ltar nam mkha' la ni sprin/ /mdog dang dbyibs ni tha dad pa/ /nam mkha'i dbyings su byung nas ni/ /de nyid du ni thim par 'gyur/ /de'i phyir rnam rig tsam smras tshad ma min/ /glegs bam mthong bas khengs pas longs spyod phyir//t+tiHzhes pa ni/ sems can de rnams rang sems bsams pa yis/ /byang chub lam gyi rjes lta bcom ldan gsungs/ /'dir gsungs pa/ de lta bur gyur pa'i brtan pa dang g.yo ba'i rang bzhin gyi bdag nyid 'dis mtshon pa ni mtshan nyid ces pa 'dis ni bsdus pa'i don ston to//yang na e zhes pa ni chos kyi 'byung gnas so/ /waM zhes pa ni rdo rje'o/ /b+hU zhes pa ni bdar ba'i sbyor ba las der sa skyes pa'o/ /tam zhes pa ni/ de de'i phyir bde ba chen po'o/ /zhu bas na chu ste khu ba zhes brjod do/ /s+thi zhes pa ni/ de brtan pa'i phyir mi 'gyur ba phun sum tshogs pa'o//ra zhes pa ni/ rol ba'i phyir der lhan cig skyes pa'i dga' ba skye ba'o/ /tsa zhes pa ni/ g.yo ba rlung gi khams su 'gyur ro/ /'pho ba'i chos bstan pa'i phyir yang rtsa'o/ /la zhes pa ni rtag pa'i go 'phang rnyed pa'o/ /swa zhes pa ni rang gi sems nam mkha'i khams su 'gyur ro//b+hA zhes pa ni bsgom pa nyid bsgom pa min pa'o/ /bA zhes pa ni yang dngos po thams cad kyi bdag nyid bsgoms pas rang nyid las byung ba'i don to/ /t+ma zhes pa ni yid kyang de mi bsam zhing bsam du med pa las kyang kun du spro ba'o/ /kaM zhes pa ni ci las kun du spro zhes gsungs so//mtshon zhes pa'i yi ge gsum dang 'brel pa'i phyir gang gi phyir bla ma'i man ngag gi tshul gyis sam/ tshe rabs snga ma la goms pa'i stobs kyis bcom ldan 'das kyis gsungs pa'i bsgrub bya dang sgrub thabs dang / sgrub pa pos skad cig ma gcig la mngon par rdzogs par byang chub pa mthong ba de ni mtshon bya gzung ba med pa'i don to//mtshon bya med pa'i phyir de ltar bsam du med pa'i don te/ 'dis zhes pa yi ge bzhi dang 'brel pa de'i phyir bsam du med pa'i don 'di las byung ba las gyur pa'i sems can thams cad dang / sangs rgyas dang byang chub sems dpa' rnams mtshan nyid ces pa ni 'dus byas pa'i gzugs nyams su myong ba dngos po re re la yang ming du mi 'jug ste/de yang skyes pa dang bud med dang / lang tsho ma dang nu ma dang skra dang ldan pa zhes pa la sogs pa ming du ma'o/ /gang gi phyir bsam du med pa la sogs pa las bsam pa'i chos 'byung ste/chu bo dang rgya mtsho bzhin du rtogs par bya'o/ /'on kyang chu'i zla ba bzhin du mtshon par bya bzhin pa rnams sangs rgyas rnams las mi 'byung gis sems can rnams 'ba' zhig las de 'byung ba'i phyir rang gi sems kyi bag chags kyi dbang gis sangs rgyas bcom ldan 'das mthong ngo //skad sna tshogs kyis bstan pa nyan pa dang / mya ngan las 'da' bar byed de skar ma 'phro ba bzhin gang nas byung ba de nyid du song zhes ma gsungs kyang de bzhin gshegs par blta bar bya'o/ /'di ni sems kyi ming ngo / /da ni sems las byung ba rnams kyi tha snyad kyi phyir ming gsungs pa/yang na zhes bya ba la sogs pa la/ de nas zhes pa ni sems can gyi ming gi rjes su'o/ /yang na phyogs gzhan no/ /rgyud thams cad kyi gleng gzhi kha sbyor gyi sgras zhes pa/ thams cad ni gang sngon du bstan pa rnams so/ /rgyud ni 'dus pa la sogs pa'o/ /gleng gzhi zhes pa ni dang po ni rnal 'byor gyi lugs bstan te/de ci zhe na/ kha sbyor zhes gsungs te/ shes rab dang thabs kyi bdag nyid kyi chos stong pa dang / snying rje dbyer med cing gnyis su med pa'o/ /sgras zhes pa ni rgyud sna tshogs pa'i lung rnams kyis de'i don tshig tu brjod pas bstan pa'o//rdo rje sems dpar brjod ces pa ni chos de nyid sems can gang dang gang gis rjes su dran pa dang / nyan pa dang / 'chad pa dang / klog pa dang / sgom pa de dang / de ni rdo rje sems dpar brjod par 'dir som [(]nyid [,]nyi [)]med do/ /de yang sems las byung ba'i chos so/ /slar yang sku gsum du rnam par gzhag par sems can rnams la ston to//gang gi phyir yang zhes pa ni phyogs gzhan dang 'brel pa'i phyir ro/ /'on kyang thams cad ces pa ni thams cad rnams kyis thog ma dang tha ma med pa'i dus rnams so/ /rgyud ces pa ni chos rnam par gnas te/ 'das pa dang ma 'ongs pa dang da ltar byung ba'i dus rnams su sangs rgyas rnams kyi shes rab kyi pha rol tu phyin pa dang /mtshan yang dag par brjod pa la sogs pa rnams bstan nas yang nub po/ /de'i gleng gzhi zhes pa ni gdod nas mi 'jigs pa'i phyir ro/ /kha sbyor zhes pa ni shes rab dang thabs kyi sbyor ba mi 'jigs pa'o//gang gi phyir sangs rgyas thams cad kyis gzung ba'o/ /de yang sgras brjod do/ /rdo rje zhes pa ni mi phyed pa'i ye shes so/ /de'i nye bar spyod pa'i tshul ni sems dpa'o/ /yang na rdo rje zhes pa ni snying rje'o/ /de'i 'byung gnas ni stong pa nyid de/ rnam pa kun gyi mchog dang ldan pa'i mtshan nyid do//de'i phyir khyab par byed pas na rdo rje sems dpar brjod de/ 'dir ni bcom ldan 'das kyi nges pa'o/ /yang na a zhes pa ni/ snang ba med las rnam kun 'byung / /zhes so/ /de nas chos thams cad gdod nas ma skyes pa'i phyir a'i sgo'o zhes gsungs pa'i phyir ro//tha zhes pa ni gnas kyi khyad par rnams su'o/ /sa zhes pa ni gnas dang nye bar gnas kun du'o/ /rba zhes pa ni/ sems can thams cad bsgral don du'o/ /taM zhes pa ni/ sems can la ni de de ster/ /'dod pa'i don gyi mchog rab ster/ /tra zhes pa ni/ chos kyis tshim pa ru ni 'gyur//ni zhes pa ni/ mya ngan 'das gnas mi zad pa/ /dA zhes pa ni/ bu pho dang ni bu mo rnams/ /ji ltar rol pa de bzhin 'dir/ /na zhes pa ni/ 'dir ni brdzun pa 'byung ba min/ /saM zhes pa ni/ yang dag lam la dga' ba nyid/ /pu zhes pa ni/ pu ri la sogs par gnas te//rtag tu snying rjes dga' bar bya/ /Ta zhes pa ni/ gnyen gyis bskor ba'i sems can rnams/ /sa zhes pa ni/ bsags pa rnams la chags pa nyid/ /b+ha zhes pa ni/ lo gcig tu ni 'khor ba yis/ /na zhes pa ni/ mi yi gzugs so sangs rgyas rnams/ /ba zhes pa ni mthong ba la ni phyag 'tshal ba'o//dzra zhes pa ni/ nyon mongs zad pa der ni rol/ /sa zhes pa ni/ yang dag pa yi bla ma yi/ /twa zhes pa ni khyod chos kyis/ /bi zhes pa ni mngon par snod/ /d+hI zhes pa ni/ blo ldan byang chub sems dpa' rnams/ /ya zhes pa ni gang gi phyir/ /te zhes pa ni/ de rnams bstan pa 'di la 'grub/ /de'i phyir khyod kyang da ltar ni/ /'grub par 'gyur bar som nyi med/ /da ni 'di'am da lta'i sems can rnams la bstan pa'i rjes su 'brangs pas lam gyi man ngag brjod de/ gsang chen zhes bya 'dis ni zhes bya ba la sogs pa la gsang chen zhes pa ni sbas pa ste/rgyu'i rgyud de chos kyi sku dang / 'bras bu'i phyir ye shes kyi sku zhes pa'i don to zhes pa 'dis zhes pa ni rgyu dang 'bras bu 'dis so/ /man ngag can gyis zhes pa ni yang dag pa'i bla mas lung rgyas pa'i tshul las de 'di'i don bstan to/ /sngags btu ba la sogs pa nas/dbang bskur ba'i mtshan nyid ces pa'i bar du ni go sla'o/ /'di ni mdor bsdus te bstan pa'o/ /sogs pa'i sgras ni las tshogs la sogs pa dang sgrub thabs gzung ngo / /man ngag gis zhes pa ni de bzhin gshegs pa'i lam sad pa dang rmi lam dang nyal ba dang bzhi pa dang bral ba 'chad bzhin pa las bshad par bya'o//shes rab dang thabs kyi bdag nyid ces pa ni de ltar gsungs pa'i tshig nas yongs su rdzogs pa'i bar ram/ gleng gzhi ni shes rab dang thabs kyi bdag nyid kyi rgyud dang stong pa dang / snying rje'i bdag nyid kyi chos so/ /rgyud ces pa ni thabs te/'dir gzhung gi tshogs so/ /de bzhin du shes rab dang thabs sbyor ba nyid ni kha sbyor zhes brjod de/ thabs kyi rgyud ces pa'i don to/ /de yang sangs rgyas rnams kyi sprul pa'i sku'o/ /de ni bdag gis bshad kyis zhes pa ni bdag shAkya thub pas kha sbyor gyi rgyud de bshad ces pa'i don to//nyon zhes pa ni rdo rje snying po la sogs pa'i byang chub sems dpa' bdag gis sprul pa'i mtshan nyid rnams ma 'ongs pa'i sems can rnams gzhug pa'i phyir nyon zhes gsungs te/ tshig 'di ni de bzhin gshegs pa'i nges pa'o/ /de ni dang po stong pa nyid bstan pa'i sgo nas sems can rnams la stong pa'i byang chub bstan pa'i phyir/dang po stong pa nyid bsams pas/ /zhes bya ba la sogs pa gsungs te/ 'dir sems can thams cad 'jug pa'i rnam par shes pa drug dang gzung ba dang 'dzin pa'i dngos pos 'khor bar bcings te/ de rnams yongs su zad pa'i phyir/ dang po stong pa nyid rnam par bsams te thun mong du khyab par byed pa'i phyir chos rnams thams cad kyi rang bzhin nyid rnam pa thams cad dang ldan pa stong pa nyid snang ba med pa bstan du med pa rnam par rig pa med pa gzugs med pa chos la bdag med pa'i rang bzhin de bzhin du rnam par bsam mo/ / lus can rnams kyi dri ma bkru/ /zhes pa ni lus 'byung ba dang ldan pas na lus can rnams kyi ste/ stong pa nyid kyi mes mi shes pa'i dri ma bsreg cing sngon gyi skye ba brgyud pa'i bag chags kyi dri ma bkru zhes pa'i don to/ /gzugs khams zhes bya stong pa ste/ /zhes bya ba la sogs pa'i tshigs su bcad pa phyed dang gnyis kyis skye mched drug kyang stong pa nyid du bstan pa ni de bzhin gshegs pa'i dam par 'gyur ro//gzugs khams zhes pa ni dang po'i don la grub pa'o/ /de'i phyir gzugs rnams stong pa'o/ /de bzhin du sgra dang dri dang ro dang reg bya dang yid kyi khams rnams kyang stong par bya ba ste/ gsol ba gdab pa dang / de bzhin gshegs pa'i lan gyi tshig gi tshul gyis so/ /'dir gsungs pa/ rdo rje snying pos gsol ba zhes pa'i don to/ /ci gsol zhe na gsol ba/ mig gi bdag nyid ces bya ba la sogs pa nas/ dbus su rnam shes ji ltar 'gyur/ /zhes pa'i mthar thug pa'i tshigs su bcad pa gsum gyis skye mched drug la 'jug pa'i rnam shes drug rnam par gnas pa'i don to//ji ltar 'gyur zhes pa ni rnam pa gang gis 'gyur zhes pa'i don to/ /gang gi phyir phyi dang nang gi bdag nyid kyi gzugs dang sgra dang dri dang ro dang reg bya dang yid rnams rang bzhin gyis stong pa'o//'on kyang byis pa rnams glo bur ba'i dri mas bsgribs pas gzung ba dang 'dzin pa la sogs pa'i rgyus sngon gyi skye ba'i bag chags kyi stobs kyis bum pa dang ras dang shing rta la sogs pa rnams la 'khrul pa'i shes pa skye'o/ /de las rnam par shes pa skye bar 'gyur zhing mig la sogs pa'i dbang po rnams las kyang ngo //de nyid kyis rmongs pa 'khor bar 'ching ngo / /de nyid kyis ye shes can rnams kyi yang dag par yongs su shes pas 'khrul pa yongs su zad pas grol bar 'gyur ro/ /grol ba 'ba' zhig tu ma zad kyi mngon par shes pa drug kyang rnyed par 'gyur ro/ /de'i phyir gzugs med ces bya ba la sogs pa'i tshigs bcad phyed dang gnyis ni sngon gyi tshig dang rjes su 'brel pa'i phyir rdo rje snying po bdag nyid la yid ches par 'gyur zhes pa'i don to//gang gi phyir rnam par shes pa ni gzugs med pa bstan du med pa thogs pa med pa/ snang ba med pa rnam par mi rig pa/ bsam du med pa/ tshad med pa/ brjod du med pa/ brtag tu med pa/ rtog pa med pa/ dbang po med pa zhes pa la sogs pas mngon par 'dus byas pa dang bral bar blta'o/ /'on kyang dbang po'i gzhu bzhin du snang ba ste/ sangs rgyas rnams sgyu ma'i rnam par snang ba'i phyir ro/ /de nyid byis pa rnams la don med pa bskyed pa'i don to//de ltar yang 'phags pa zla ba'i sgron ma zhes pa'i mdo'i rgyal po las bcom ldan 'das kyis/ ji ltar gzhon nu ma yi rmi lam nang du ni/ /de la bu skyes nas ni shi ba yang ni mthong / /skyes pas dga' zhing shi bas yid mi bde bar 'gyur/ /chos rnams thams cad de dang 'dra bar shes par bya//zhes gsungs so/ /de'i phyir gzugs med lta ba med/ sgra med/ de bzhin du nyan pa med/ dri med snom pa med/ ro med myang ba med/ /reg med reg pa yang med/ sems med sems las byung ba yang med do/ /de ltar skye mched bcu gnyis 'gog pa'i phyir/stong pa zhes pa ni nye bar mtshon pa tsam ste/ chos kyi dbyings kyi rang bzhin zhes pa'i don to/ /'dir bcom ldan 'das kyis bka' stsal pa/ ci gsungs she na/ nyan pa po'i skye bo rnams kyi ngor de kho na nyid bstan pa'i phyir lan gyi tshig gsungs te/ ji bzhin lam gyi de nyid nyon//zhes bya ba la sogs pa la/ nyon zhes pa ni rdo rje snying po nges par gzung ba'o/ /ci nges par gzung zhe na/ sngar zhus pa drug gis gzung ba dang 'dzin pa gnyis las gnyis med pa'o/ /de nyid ces pa 'chad bzhin pa'i bla ma'i man ngag bsgom pa 'dis gzung ba dang 'dzin pa spangs pa gnyis med pa'o//ji bzhin lam zhes pa ni ji lta ba bzhin gyi tshul gyis te/ bskyed pa dang rdzogs pa'i rim pa gnyis la brten pa'i lam gyi ye shes lnga'o/ /de yang nam mkha' la sogs pa'i khams lnga rnams so/ /de'i rim pa ni 'di lta ste/ a i r-i u l-i'o/ /'di ni spros pa'i rim pa'o/ / sdud pa ni ring po'o/ /de bzhin du a e ar o al zhes pa ni yon tan no/ /de bzhin du ya na'i bsgyur ba ha ya ra wa la'o/ /haM zhes pa ni mi shigs pa'am/ a yang rung ba'o/ /'di ni dga' ba bcu drug gi mtshan nyid kyi phyir lam ni zla ba'i ste/ ji srid dkar po'i tshes gcig nas brtsams te/nya rdzogs pa'i mthar thug par cha bco lnga'o/ /mtha' ma bcu drug pa don gyi bya ba mi byed pa'i phyir char mi phod pa'o/ /de bzhin du yang nya dang mar ngo'i tshes gcig gi mtshams su'o/ /de yang sangs rgyas rnams kyi ye shes kyi sku zhes pa'i don to/ /gang phyir mtshan phyed kyi dus ni/ /mgon pos byang chub bla med thob//ces pa la sogs pa gsungs pa'i phyir ro/ /de ltar shes rab kyi de kho na nyid do/ /de yang snying rje bcu drug gi bdag nyid do/ /de la dga' ba rnams brjod de/ sprul pa'i sku dang gsung dang thugs/ /ye shes gcig sdom dga' ba'o/ /longs spyod rdzogs sku gsung dang thugs//ye shes gcig tu sdom dga' ba/ /dpal chos sku dang gsung dang thugs/ /ye shes gcig tu sdom dga' ba/ /lhan cig skyes pa'i sku gsung thugs/ /ye shes gcig tu sdom dga' ba'o/ /de bzhin nag po'i tshes gcig nas brtsams te/ ji srid gnam stong gi mthar thug par gug skyed ring bo'i dbye bas sdud pa'i rim pas bstan to//de yang stong pa nyid bcu drug gi de kho na nyid thabs shes su brjod do/ /nyi ma'i 'phel ba'i rgyud nyid kyi phyir ro/ /gug skyed kyang gsungs pa/ lA wA rA yA hA/ de bzhin du Al au Ar ai A/ de bzhin du l-I U r-I I A/ aHmtha' ma'o//gnam stong dang dkar po'i tshes gcig gi mtshams so/ /stong pa nyid bcu drug brjod pa 'di lta ste/ nang stong pa nyid dang / phyi stong pa nyid dang / phyi nang stong pa nyid dang / chen po stong pa nyid dang / stong pa nyid stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / rang gi mtshan nyid stong pa nyid dang / chos thams cad stong pa nyid dang / dngos po med pa stong pa nyid dang / dngos po med pa'i ngo bo nyid stong pa nyid do//de ltar shes rab thabs dag sbyor/ /stong pa snying rje'i bdag nyid kyis/ /lam ni bdun du bstan pa ni/ /'di dag gnyis su gsungs pa yin/ /gnyis po spangs pa'i phyir na 'di/ /gnyis su med pa zhes su brjod/ /de yang mngon byang chub skad cig /de bzhin bcu drug pa ni mtshams//thob bya mi shes pa rnams ni/ /'gro ba drug nyid du ni 'khor/ /zhes so/ /brtag tu med cing shes bya min/ /de bzhin rtog ge bas rtogs dka'/ /zhes pa la/ brtag tu med ces pa ni brtag pa ni dpyad pa'o/ /des mi rnyed pas na brtag tu med pa ste/ rtog pa med ces pa'i don to//shes bya min zhes pa la/ shes bya ni rnam par shes pa'i 'khrul pa sngon po dang ser po la sogs pa mthong ba'o/ /shes par byed pa ni yid kyi dbang po'o/ /de lta bu dang 'dra ba med pa'i phyir don dam par yang mi snang ngo / /rigs pa 'dis na shes bya ma yin pa'i don bcom ldan 'das kyis bstan to//rtogs dka' zhes pa ni khong du chud par dka' ba'o/ /de yang / rang gi bsod nams las ni shes/ /bla ma brgyud pa nyer bsten bya/ /zhes so/ /de bzhin rtog ge bas zhes pa ni/ glegs bam mang po mthong bas khengs/ /zhes pa'am/ yang na rtog ge skam po la chags pa rmongs pa mkhas par rlom pa mngon pa'i nga rgyal can rnams kyis bstan par mi nus shing des 'di rtogs par mi nus zhes pa'i don to//sangs rgyas kun gyi gsang chen ni/ /nam mkha' mnyam pa lta bu ste/ /zhes pa ni 'dir so so'i skye bo byis pa mi mkhas pa rnams 'ba' zhig gis mi nus par ma zad do zhes bstan pa'i phyir/sangs rgyas kun gyi zhes gsungs te/ 'dir rnam par shes pa'i skad cig re re las rang bzhin sna tshogs rnams spros te/ de las dbyibs sna tshogs par skyes pa'i sems can rnams kyi bsam pa dag pa nyid kyis sangs rgyas su 'byung ba ni nye bar brtags pa'i tshig go//mi shes pa de rnams kyis ni sngags kyi spyod pa gsang ba dang bral zhes pa'i don to/ /nam mkha' mnyam pa zhes pa ni khyab par byed pa'i phyir 'dra ba ste/ 'od gsal ba'i ye shes zhes pa'i don to/ /lta bu zhes pa ni de las bskyed pa'i rgyu dang 'dra ba ste/ 'chad bzhin pa'i sgom pa'i man ngag de la de skad ces bya'o//yang na nam mkha' dang mnyam pa'i rgyu dang 'bras bu'i bdag nyid sngags kyi theg pa chen po'o/ /de yang 'bras bu la rgyu nye bar btags pa'i phyir 'bras bu'i bdag nyid 'di las 'byung ngo / /de'i phyir de kho na nyid dmigs pa dang 'dra ba rtogs par dka' ba zhes pa'i don to//de ltar theg pa chen po la dga' ba sangs rgyas pa rnams kyis te/ de yang gsang zhing sba zhes pa'i don to/ /nyan thos rnams kyis zhes bya ba la sogs pa ni go sla ste/ nyan thos dang rang sangs rgyas la sogs pa de dag kun gyis kyang mi shes te/ sngon gyi smon lam dang bral ba rnams kyis mi shes shing mi dran zhes pa'i don to//gsang chen sangs rgyas spyod yul lo/ /zhes pa la/ sangs rgyas zhes pa ni sems can rnams smon lam yongs su rdzogs shing tshogs rdzogs pas yang dag par rdzogs pa'i sangs rgyas kyis gzhan ni ma yin no/ /de'i spyod yul du gyur pa ni ye shes ni gsang zhing sbas pa ste/rang rig pa'i ye shes tshig gi lam gyi spyod yul ma yin pa'o/ /de'i phyir rang bzhin gyis yongs su dag pa pha rol tu phyin pa bcu yongs su rdzogs pa la sogs pa'i yon tan dang ldan pa/ 'jig rten las 'das pa'i kun rdzob kyi bden pa la gnas pa/ de bzhin du rgyun du goms pa dang ldan pa de'i yang spyod yul ma yin pa de brjod du med pa'i phyir bgrod du med pa'o//de'i rang bzhin nyid kyi phyir rtogs par dka' ba'o/ /mi 'gyur ba la gnas pa'i phyir brtag par dka' ba'o/ /gzugs med pa'i phyir zhes bya ba ni ma yin pa'o/ /gang gi phyir/ 'khor ba'i rgya mtsho rab 'jigs las//sgrol bar 'gyur ba'i bsam pa yis/ /zhes gsungs pa'i rigs pas so/ /lus can rnams kyi dbus gnas pa/ /sgrol ba yi ni mtshan nyid brjod/ /ces pa ni/ sems can rnams kyi lus kyi dbus su rang rig pa'i ye shes gnas zhes pa'i don to/ / bsgom pa zhes pa ni rab kyi mthar song ba de'i mtshan nyid bstan pa 'chad bzhin pa las gsungs te/ mtshon bya mtshon byed mtshan nyid ni/ /rnam shes rnams ni ye shes bsam/ /zhes bya ba la sogs pa la/ mtshon byed ces bya ba ni/ srog dang thur sel bcings pa'i sbyor bas brtan pa dang g.yo ba'i dngos po mi g.yo bar byed pa'o//'dir brtan pa ni phung po lnga rnams so/ /g.yo ba ni srog la sogs pa'i rlung bcu rnams so/ /de la brten nas sna tshogs pa'i ming can 'jig rten dang 'jig rten las 'das pa'i chos thams cad kyi rnam par rtog pa glo bur ba rnams skye ba'o/ /de rnams kyi mtshon bya a wa d+hU tIr bcug cing de 'gog pas rgyu mthun pa la sogs pa'i 'bras bu thob pa ste/las kyi phyag rgya dang / chos kyi phyag rgya dang / ye shes kyi phyag rgya dang / phyag rgya chen po'i 'bras bu yang 'thob pa 'chad bzhin pa'i 'khor lo bzhi'i dbye bas ston te/ de ltar mtshon pa sku mthong ba khams gsum pa'i bdag nyid do//mtshan nyid ces pa ni 'dir ji ltar 'ga' zhig ting nge 'dzin rnyed pa'i bsgom pa'i rim pas mtshan ma mthong ngo / /de bzhin du 'dir yang mthong bas sangs rgyas rnams kyi sprul pa'i dbang gis mar me'i rtse mo bzhin phyi'i chos rnams la brten te 'byung bar 'gyur ro/ /de'i las kyis sems can gyi don du sngon gyi smon lam gyi stobs kyis da ltar mtshan nyid rnams dang ldan no//rnam par shes pa ye shes bsam/ /zhes pa ni chos rnams thams cad kyi mtshan nyid 'di rnams longs spyod rdzogs pa'i sku las byung ste/ ye shes bsam zhes pa'i phyir ro/ /de bzhin du yang 'dir ye shes ni lhan cig skyes pa'i sku'o//bsam zhes pa ni chos kyi sku'i mtshan nyid do/ /shes rab dang thabs 'di dag snyoms par 'jug pa ni longs spyod rdzogs pa'i sku zhes brjod do/ /sngon du gsungs pa nye bar brtags pa de'i dbang gis rnam par shes pa zhes pa de skyed par byed do/ / de'i phyir mtshon bya dang mtshon byed dang mtshan nyid rnams dang ldan pa'i bcom ldan 'das su grub bo/ /yang na mtshon bya ni chos kyi sku'o/ /mtshon byed ni longs spyod rdzogs pa'i sku'o/ /mtshan nyid ni sprul pa'i sku ste/ des 'gro ba'i don bya ba'i phyir sku dang gsung dang thugs kyi bdag nyid de bstan te de bzhin gshegs pa'i nges pa'o//da ni gang zag gi chos la gnas pa'i sems can rnams kyi ye shes dang shes bya'i mtshan nyid med par gzung ba dang 'dzin pa'i dbye ba brjod de/ ye shes kyis ni shes bya blta/ /shes bya rnams kyis 'gro ba brtag /ces pa la sogs pa la/ ye shes kyis ni zhes pa ni mig la sogs pa'i skye mched rnams las skyes pa'i rnam par shes pa de ni yul can zhes brjod de/des gang phyi'i gzugs la sogs pa la dmigs pa de ni shes bya la blta ba'o/ /'gro ba brtag ces pa ni dbang po'i rtog pa 'gro bas dngos po mthong ba la rtog pa'o/ /shes pa dang shes bya 'di dag snyoms par 'jug pa'i don to//'gro ba zhes pa ni gzhan du 'gro ba la 'jug pa'o/ /de ci zhe na/ rtog pa'i sems kyis rang dga' la sogs lam 'gror 'gyur/ /zhes gsungs so/ /bsam zhes pa ni sems las byung ba'i dngos por 'gyur ro/ /rtog pa zhes pa ni de'i rang bzhin gyis lta ba ste/de'i sngon gyi bag chags kyi dbang gis so/ /rang 'dod la sogs zhes pa ni rang nyid kyi las kyi rjes su 'brangs pas so/ /sogs pa'i sgras ni mig la sogs pa'i skye mched rnams kyis gang byas pa'i las des 'gro ba'o/ /lam zhes pa ni lam der bgrod par bya ba yin pas na de la de skad ces bya'o//yang na ye shes kyis zhes pa ni kun gzhi rnam par shes pas so/ /shes bya blta zhes pa ni/ gang phyi rol sngon po dang ser po la sogs pa'i rnam pa rnams la mig la sogs pas blta ba'o/ /shes bya rnams kyis zhes pa ni dngos po mtha' dag pa de rnams kyi'o//'gro ba zhes pa ni de rnams la kun gzhi rnam par shes pa 'jug pa'o/ /lta ba zhes pa ni lha'i dbang po'i sgo nas lta bas khyab par byed pa khams gsum mthong ba zhes pa'i don to/ /de yang gcig dang du ma'i rang bzhin gyis sems las byung ba'i dngos por brjod de bag chags mang po'i dbang gis so//'gro ba ni de'i bgrod pa ste dngos po so so tha dad pa mthong ba'o/ /de'i phyir rang gi 'dod pas rang rang gi las dang rjes su mthun pas lam la 'jug cing lam la sogs pa la bgrod de de la brten zhes zhen pa'i don to/ /de ltar dge ba'i las can bden pa gnyis la brten pa dge ba'i grogs bzang po dang phrad pa'i dbang gis 'grub ste/sngon du gsungs pa'i nang du 'ga' zhig dge ba'i dbang gis 'grub pa'i don to/ /'on kyang 'chad bzhin pa'i tshul gyis bar bar du bshad par bya'o/ /da ni sngon du gsungs pa'i stong pa nyid kyi lus kyi rim las byang chub sems kyi sgom pa'i thabs kyi de kho na nyid brjod de/ye shes lnga zhes pa la sogs pa la/ 'dir ye shes lnga'i dngos po de nyid ces pa ni de bzhin gshegs pa lnga'am khams lnga'o/ /de yang srog la sogs pa'i rlung lnga rnams so/ /de kho na nyid ces pa ni hUM ye shes kyi phung po'o/ / yungs kar sbom po'i tshad tsam ste/ /zhes pa ni 'dir ma gsungs kyang gtum mo'i sbyor bar brjod de/ 'dir lte ba 'dab ma drug cu rtsa bzhi pas sprul pa'i 'khor lo kha dog ser po'o/ /de'i dbus kyi lte bar a 'od zer lnga'i rang bzhin 'phro ba'o/ /snying gar 'dab ma brgyad pa chos kyi 'khor lo kha dog sngon po 'phro ba'o//de'i lte bar hUM kha dog sngon po kha 'og tu blta ba'o/ /de bzhin du mgrin par longs spyod rdzogs pa'i 'khor lo 'dab ma bcu drug pa kha dog dmar po 'phro ba'o/ /de'i dbus kyi lte bar oM mdog dmar po kha steng du bltas pa'o/ /spyi bor bde ba chen po'i 'khor lo 'dab ma sum cu rtsa gnyis pa kha dog dkar po 'phro ba'o//de'i dbus kyi lte bar mi shigs pa zla ba'i 'od 'phro ba kha 'og tu bltas pa'o/ /spyi gtsug tu nam mkha'i 'khor lo 'dab ma lnga pa ljang gu'o/ /de'i dbus kyi lte bar khaM gi sa bon ljang sngon no/ /de bzhin du gsang bar ye shes kyi 'khor lo 'dab ma sum cu rtsa gnyis pa kha dog sna tshogs pa'o//de'i dbus su ho dkar po dang dmar por snang ba'o/ /de ltar 'khor lo drug la rim pa bzhin rnam par snang mdzad dang / mi bskyod pa dang / 'od dpag med dang / don yod grub pa dang / rin chen 'byung ldan dang /rdo rje sems dpa'o/ /de bzhin du khams kyi dbye bas spyan ma dang / mA ma kI dang / gos dkar mo dang / sgrol ma dang / rdo rje dbyings kyi dbang phyug ma dang / bdag med ma'o/ /de rnams kyi dbus su rtsa gsum te/ la la nA dang / ra sa nA dang / a wa d+hU tI rnams so/ /de'i phyir yungs kar zhes pa ni 'khor lo lnga'i nang du chud pa'i lus dang ngag dang sems kyi bdag nyid rtsa gsum mo//de'i nang nas kyang byang chub kyi sems 'dzag pa ni a wa d+hU tI zhes bya ste/ sems kyi gzugs yin pa'i phyir ro/ /gang phyir chos rnams thams cad la/ /sems kyis khyab par byed pa'i phyir//zhes gsungs pa'i phyir ro/ /de ltar yi ge gsum gyi nges pa'i tshig bstan pa'i phyir/ yungs kar zhes gsungs te/ saR+Sha ba zhes pa'i yi ge dbus ma phyi ba'i phyir sarba zhes 'brel to/ /de ltar sarba bstir zhes gsungs pa'i phyir ro/ /sbom po zhes pa ni rtsa stong phrag bdun cu rtsa gnyis rnams la khyab par byed pa'o//tshad tsam zhes pa ni a tsam mo/ /ci phyir a'i gug skyed tsam zhe na/ de ltar yang gsungs pa/ a ni yig 'bru kun gyi mchog /don chen yi ge dam pa ste/ srog chen po ni skye ba med/ /tshig tu brjod pa spangs pa ste/ /zhes gsungs pa'i phyir ro/ /de bzhin du R+Sha zhes pa ni chags pa chen po'i rang bzhin yin pa'i phyir/haR+Sha zhes pa lhan cig skyes pa'i dga' ba'i rang bzhin kun rdzob kyi rnam pa zhes pa'i don to/ /gsang ba zhes pa ni 'khor lo lnga po rnams kyi bar bar du khyab par byed pa nyid kyis na gsang ba ste/ sbas pa zhes pa'i don to//de'i phyir ye shes kyi 'khor lo zhes brjod do/ /de ltar kun rdzob dang don dam par gsungs par 'gyur ro/ /de bzhin du 'dir don dam pa bstan pa'i phyir/ de'i dbus na zhes bya ba la sogs pa gsungs te/ de'i zhes pa ni sngon du gsungs pa'i bde ba chen po'i dbus su gnas pa'o//de ci zhe na/ lha zhes pa ste/ snang ba med pa'i ye shes rang bzhin gyis 'od gsal ba'o/ /mi gsal gsal ba'i rang bzhin can/ /zhes pa ni de nyid ye shes chen po ste/ sangs rgyas rnams kyi skad cig ma gcig la mngon par rdzogs par byang chub pa'i mtshan nyid dbang po'i sgo rnams kyi spyod yul ma yin pa de'i phyir mi gsal ba'o//de'i rang bzhin nyid kyi phyir gsal ba ste/ des na de'i rang bzhin zhes pa'i don to/ /gug skyed phyed pa mchog phra ba/ /thig le'i gzugs can yid lta bu/ /zhes pa ni/ 'dir kun rdzob dang don dam pa dbyer med pa'i phyir ro//gug skyed phyed pa zhes pa bsgom pa rtogs pas mthong ba'i rnam pa tsam gyi sgra zhes pa'i don to/ /phul du byung bas na mchog go/ /phra ba zhes pa ni dmigs pa dang bral bas so/ /thig le zhes pa ni yi ge lta bu'o/ /gang gi phyir mi 'dzag pa'i phyir yi ge ste rtsa'i khong stong nas steng du 'gro ba'i phyir 'dzag pa'i ye shes kyi bdud rtsi'i pha rol tu son pa zhes pa'i don to//rtag tu snying gi dbus na gnas/ /gzi byin chen po'i 'od bzhi ldan/ /zhes gsungs pa la/ 'dir snying zhes pa ni snying po'i don to/ /'on kyang dbus ma a wa d+hU tI la brten pa'i sems so/ / de yang dbang po dang bral ba ste/ sgo dgu 'gog pa'i phyir/ de'i phyir spyi gtsug la sogs pa las 'ongs pa'i byang chub sems kyi thig le de'i dbus su'o/ /rtag tu gnas zhes pa ni chos kyi sku'o/ /de'i gzi brjid chen po ni chos thams cad snang ba ste/ ye shes dang shes bya dag gcig cing stong pa dang snying rje gnyis med pa'o//de bzhin du 'od ldan zhes pa ni longs spyod rdzogs pa'i sku ste/ byams pa dang snying rje dang dga' ba dang btang snyoms kyi rang bzhin bsam gtan bzhi'i bdag nyid do/ /yang na snang ba bzhi'i bdag nyid de/ de yang snang ba dang snang ba mched pa dang snang ba thob pa dang 'od gsal ba'o//de ni 'od zer bzhi zhes pa'i don to/ /bcu gnyis mtha' dang dgu yi mtha'/ /rkang pa nas ni spyi mthar thug /ces pa ni 'dir sngon du gsungs pa'i ye shes lnga'i rang bzhin dbugs te/ de yang dkyil 'khor lnga'i rang bzhin gyis rab tu rgyu ba rtogs par bya'o//'dir g.yon dang g.yas kyis sna'i bu ga dag las spro ba dang sdud pa'i dbye bas dkyil 'khor lnga lnga rgyu bar 'gyur te/ g.yon nas nam mkha' la sogs pa'o/ /de bzhin du g.yas nas sa la sogs pa'o/ /de ltar dkyil 'khor bcu rgyu ba'i rim pas srog gi rlung du brjod de/de yang ye shes lnga'i bdag nyid ces pa'i don to/ /de ltar yang 'dus pa phyi ma las bcom ldan 'das kyis/ ye shes lnga yi rang bzhin dbugs/ /yungs kar sbom po'i tshad tsam ste/ /sna yi rtse mor nan tan du/ /rnal 'byor rig pas rtag tu bsgom/ /zhes gsungs so//de nyid 'chad bzhin pa las bshad par bya'o/ /de bzhin du 'dir bcu gnyis mtha' zhes pa ni 'dir dbugs dbyung ba dang 'jug pa'i sbyor ba dag las gang gi phyir 'gro ba'i srog de ni sor bcu gnyis kyi tshad tsam du 'byung ngo / /dgu'i mtha' zhes pa ni srog de nyid 'jug pa'i lam nas sor gsum mi tshang bar 'gyur ro//rkang pa nas ni spyi mthar thug /ces pa ni spyi gtsug nas mthe bo'i bar du bla ma'i man ngag gi tshul gyis gzhu'i rnam pa lta bu ni gug skyed phyed pa'o zhes brjod pa'i phyir brtan pa las ni khyab par byed do/ /de'i phyir 'gog par brjod do/ /yang na mgrin pa nas dpral ba dang mgo bo'i mtshams kyi mthar thug pa ni phyi'o//nang du de tsam du srog 'gro ba'i phyir bcu gnyis kyi mtha'o/ /slar la de nyid smin ma'i dbus nas mgrin pa'i mthar thug par 'ong ba de ni dgu'i mtha'o/ /de bzhin du yang gsang ba dang lte ba dang snying ga'i 'khor lo rnams su sngon du gsungs pa'i rigs pas rnal 'byor gyi lam la dga' ba'i rnal 'byor pas thun tshod kyis dus kyi khyad par gyis sam/yang na rgyun mi 'chad par goms par bcu gnyis kyi mtha' dang dgu'i mtha' nye bar mtshon par bya'o/ /de'i phyir ji skad du gsungs pa de la de skad ces bya'o//'khor lo 'di rnams kyi bsgom pa'i khyad par gsungs pa/ snal ma gcig ni yang dag 'byung / /zhes bya ba la sogs pa la/ cha lnga pa yi tshad dang ldan/ /zhes pa ni 'dir sngon du gsungs pa'i ha'i gdan u'i ming can no/ /'on kyang klu dbang rnam par rab rgyas pa//zhes pa lte ba'i steng du khung du 'khyil pa'i rnam pa skor phyed dang bzhi'i bdag nyid de'i snal ma gcig yang dag par byung zhing spyi gtsug gi mthar thug par song ba'o/ /de yang gtum mo zhes brjod de/ gang gi phyir/ lte bar gtum mo sbar ba yis/ /de bzhin gshegs pa lnga bsregs shing //spyan ma la sogs pa ni bsregs/ /bsregs pas ri bong can haM 'dzag /ces bcom ldan 'das kyis gsungs so/ /cha de yang ni phyed nas su/ /rdo rje dbus su nges par byung / /zhes pa ni/ klu dbang las byung ba snal ma gcig po de mi shigs pa rdo rje sems dpa' la 'khyud cing ro gcig par byas pa bum pa gang ba bzhin bdud rtsi'i rgyun 'dzag pa'o//de'i phyir yang 'ongs te/ gang gi phyir dzA lan+d+ha ra'i sgo ru song nas/ o D+yan gyi sgor yang 'ong ba'o/ /de'i phyir dbyer med cing gcig tu 'dres par 'gyur ro/ /rdo rje'i dbus su zhes pa ni/de bzhin du a wa d+hU tI'i dbus su rtsa gnyis byung ba'i phyir shes rab dang thabs kyi bdag nyid khong stong gnyis te/ de ltar a wa d+hU tI'i steng dang 'og tu 'bab pa gnyis so/ /de'i phyir rdo rje zhes brjod de/ gang gi phyir sems rdo rje rdo rje der song nas rdo rje de las kyang 'ong ba'o/ /de bzhin du dbus su nges par byung ste/zhig nas slar yang snying rje chen po'i dbang gis rang rig pa skye'o/ /phyag rgya chen po bde ba'i dbang gis dam tshig gi phyag rgya zhes brjod de/ longs spyod rdzogs pa'i sku'i khyad par can zhes pa'i don to/ /ji ltar sangs rgyas thams cad kyi 'dus pa'i dus des chos thams cad 'dus pa'o//dam tshig dang chos 'di dag phyag rgya snyoms par 'jug pa de ni dam tshig gi phyag rgya'o/ /'di dag gi rab kyi mthar thug pa'i phyag rgya chen po thob pa ni rdo rje sems dpa' zhes brjod do/ /'dir gsungs pa/ rdo rje mi phyed ces gsungs pa/ srid gsum gcig pa sems dpa'o//shes rab rig pa 'di yi ni/ /rdo rje sems dpa' zhes su brjod/ /ces so/ /sa bon skye gnas dbus su gnas/ /zhes bya ba la sogs pa ni de bzhin du sngon du gsungs pa ni o rgyan gyi sgo las kyang 'ongs pa'i byang chub sems kyi thig le skye gnas dbus su gnas pa zhes pa lte ba'i dbus su gnas pa'o//sa bon zhes pa ni ji ltar dngul chu gsad pa dang gzags pa'i rim pas gsad pa dang 'dzag pa las byed de brgya stong phrag du ma dang ji srid grangs med par 'byed do/ /de bzhin du 'dir yang rdzogs pa'i rim pas sa bon gyi gzugs su gnas pa ni ye shes chen po zhes pa'i don to//de chos kyi dbyings su zhu bar byas shing kun gzhi rnam par shes pa la thim par gyur zhes pa'i don to/ /ma rig pa la sogs pa'i sgrib pa zad par nges par gsungs pa'i tshig go/ /de ltar dngul chu bzhin kun gzhi rnam par shes pa la sogs pa bsad cing de bzhin du phung po dang khams dang skye mched bcu gnyis dang /de bzhin du las kyi dbang po drug dang de'i bya ba drug kyang bsad ces pa'i don to/ /'dis ni rang dbang thob pa'i de bzhin gshegs par 'gyur ro/ /rang dbang thob pa de ni gang dang gang du 'gro 'dod pa de dang der 'gro bar 'gyur te gzhan du ni ma yin no//de bzhin du/ de yi rim gyis 'pho bar 'gyur/ /zhes pa ni ting nge 'dzin la gnas pas ye shes kyi dbang gis sgo dgu nas gang du 'dod pa der 'pho bar byed de/ de yang mig la sogs pa'i skye mched kyi sgo nas 'gro ba'i don to//'on kyang ji ltar sgra brnyan dang sna tshogs nor bu bzhin sngon gyi dngos pos so/ /thams cad du zhes pa ni rnam pa thams cad kyis so/ /tshangs pa'i me ni 'di de bzhin/ /zhes pa la/ me zhes pa ni chags pa chen po'o/ /des ni tshangs pa zhes pa ni sangs rgyas so//'di zhes pa ni rang gi gnas kyi sems rtogs pa'i phyir ro/ /de bzhin zhes pa ni mchog gi go 'phang rtogs pa'i phyir tshangs pa'am/ rang bzhin gyis sdud pa'i phyir me ste gtum mo zhes pa'i don to/ /yang na me zhes pa ni dus me ste dbang po thams cad sreg pa'i phyir ro//de'i phyir tshangs pa 'di ni bdag med pa'i de kho na nyid rig pa'o/ /de bzhin gshegs pa ni 'chad bzhin pa'i sgo'i dbye ba las so/ /'dir sgo'i dbye bas gsungs pa/ sa zhes bya ba la sogs pa la/ 'dir sgo dgu rnams la bu ga bcu drug nyid du 'gyur te/ 'di rnams la dgu ni gsal lo//de bzhin du bdun ni mi gsal ba ste/ de yang rim pa bzhin mgrin pa gnyis dang / de bzhin du dpung pa'i rtsa ba dag dang / snying ga dang / lce'i rtsa ba dag dang / de bzhin du khu ba'i bu ga'o/ /'di rnams kyis dgag pa'i phyir rang bzhin gyis grub pa'i sa bon gyi yi ge rnams brjod do//de la sa yi sa bon gnyis/ /zhes pa ni spyir la lA'i sa bon gnyis so/ /de bzhin du rlung gi sa bon ya yA'o/ /nam mkha'i ha hA'o/ /sogs pa'i sgras ni me'i sa bon ra rA'o/ /bdud rtsi'i k+ShaM ngo / /chu'i ni baM mo/ /'phyang ba dag gi u U'o/ /glo ba'i hu hU'o//snying gi gong bu'i hU'o/ /'khyil ba can gyi a A'o/ /nges pa'i tshig can gyi yi ge gsungs pa/ a i r-i u l-i zhes pa ni nam mkha' la sogs pa'i'o/ /de ltar yang gsungs pa/ a ku ha kaM tsheg drag mgrin pa can/ /zhes pa ni nam mkha'i bdag nyid do/ /i tsu ya sha rkan can zhes pa ni rlung gi bdag nyid do//ri Tu ra Sha me ste spyi bo can zhes pa ni me'i bdag nyid do/ /u pu wa pa mchu can zhes pa ni chu'i bdag nyid do/ /li tu la sa so can sa'i bdag nyid du 'gyur zhes pa'i rigs pas so/ /de'i phyir sa la sogs pa'i sa bon rnams brjod de/l-i l-I i I aM aHr-i r-I wa wa U d+h+ri d+h+rI huM hUM duM aM aH'o/ /yang na 'jigs ma dang gtum mo dang drag mo la sogs pa'i sa bon rnams gzhan du go sla ba nyid kyi phyir ma bris so/ /de ltar 'di rnams kyi sa bon rnams bsam par bya ste/ rim pa bzhin nges par bzung ste/ bsam zhes gsungs pa'i phyir ro/ /de ltar sa bon de rnams la srog dang thur sel 'gog pas dbang po thams cad dang mig la sogs pa yang thim par bya'o/ /bdud rtsi zhes pa ni gsang ba'o/ /sogs pa'i sgras ni dri chen dang dri chu'i bu ga dag gzung ngo / /dbang phyug gtso zhes pa ni bsrub cing bsrub pa'i sbyor bas lce gnyis dang rkan gnyis kyi bdag nyid bde ba ste/'jig rten dbang phyug ces pa'i don to/ /mgrin par zhes pa ni lce chung gnyis so/ /dpung par zhes pa ni dpung pa'i bu ga'i rtsa ba nas mchan khung gi lam du song zhing glo ba'i mthar thug par song ba'o//snying ga'i phyogs su skyong ba zhes pa ni pad+ma'i rtsa ba'i snal ma lta bu'i rtsa des mdud pas mdud pa thams cad du khyab pa ste/ mgo bo dang lag pa dang rkang pa la sogs pa'i sor mo rnams su yang khyab pa'i don to/ /phyugs zhes pa ni 'dir gsungs pa/gang du skyes pa'i phyugs thams cad/ /khu ba lhung ba'i rgyu yis ni/ /gsang ba'i gnas su 'di gsal te/ /rang nyid sems ni med par 'gyur/ /gang gi phyir pha dang ma yang dag par sbyor bas kun gzhi rnam par shes pa dang / lhan cig brgyal brgyal ba de'i phyir don med par byed pa de'i phyir phyugs zhes brjod do//de bzhin du khu ba dang bu ga'i gnas de dag gsad pa 'dir chags pa dang bral ba skyes pa'i don to/ /lte ba'i rtsa bar zhes pa ni/ gsang ba dang lte ba dag tu gzung ba'i phyir gnyis gnyis dang bral ba'i sbyor ba skye bar 'gyur ro//yan lag brgyad kyi zhes pa ni sngon du gsungs pa'i yan lag brgyad kyi sa bon rnams so/ /yan lag ni mig la sogs pa'i skye mched rnams so/ /de'i sa bon ni rnam par shes pa dang dbang po'o/ /de'i 'gog pa ni cho gas yan lag brgyad du dgod pa'o//de ltar sa bon dang yan lag tu gzung bas so/ /cho gas zhes pa ni sngon du gsungs pa'i rigs pas so/ /slar yang 'bras bu dang rgyu'i ting nge 'dzin dang 'brel pa'i phyir rab kyi mthar son cing nang la gnas pa'i rnal 'byor pa rnams kyi phyi'i rten bstan pa'i phyir/ 'gro ba kun la khyab pa po//zhes bya ba la sogs pa la/ khyab pa po zhes pa ni rang rig pa'i ye shes kyi bdag nyid kyi sems so/ /'gro ba zhes pa ni khams gsum pa'i 'gro ba rnams so/ /kun zhes pa ni sgo nga las skyes pa dang / mngal nas skyes pa dang / drod gsher las skyes pa dang rdzus te skyes pa'o//brtan pa zhes pa ni/ shing la sogs pa dang / ri dang 'byung ba chen po bzhi yang gzung ngo / /g.yo bar bcas pa zhes pa ni rkang gnyis pa dang rkang bzhi pa la sogs pa'i sems can de rnams la yang khyab par 'gyur ro/ /de yi rten du gyur pa yin/ /zhes pa ni khyab bya dang khyab par byed pa'i shes bya la sogs pa'i sgrib pa spong ba'i stobs bcu dang /mi 'jigs pa bzhi la sogs pa'i yon tan dang ldan pa sangs rgyas kyi chos ma 'dres pa bco brgyad dang ldan pa yan lag bcu gnyis spong ba byang chub kyi phyogs sum cu rtsa bdun gyi chos rnams yang dag par rjes su rtogs pa/sbyin pa la sogs pa pha rol tu phyin pa rdzogs pa/ lus dang ngag dang sems gsum gyi dri ma dang bral ba bdag dang bdag gi dang / gzung ba dang 'dzin pa'i dngos po dang bral bar byams pa la sogs pa'i gnas rab tu skyong ba la sogs pa'i yon tan dang ldan pa de'i rten du 'gyur te/de bzhin du tshangs lha dang lha min gyi yang ngo / /sogs pa'i sgras ni khyab 'jug dang drag po dang mi dang mi ma yin pa la sogs pa bsdu'o/ /de ltar khyab bya dang khyab byed nyams su myong bas sgyu ma lta bu'i ting nge 'dzin nye bar mtshon par bya'o//gtso bo gang du spyod pa yi/ /gnas ni b+ha ga zhes su gsungs/ /zhes pa ni gnas zhes brjod de/ de la yang phyi dang nang gi gzugs can no/ /de la nang gi lus ni lus la gnas pa'i rtsa stong phrag bdun cu rtsa gnyis so/ /rtsa de la b+ha ga zhes brjod do/ /dbang phyug la sogs pa'i yon tan rnams dang ldan pa'i phyir ro//rtsa de rnams la gtso bo gang du spyod pa zhes pa srog gi rlung ye shes kyi bdag nyid rgyu ba ste/ dus kyi khyad par dang 'pho ba bcu gnyis kyi dbye bas zhes pa ni mdor bsdus pa'o/ /'on kyang rtsa'i dbye bas stong phrag bdun cu rtsa gnyis brjod do//ci'i phyir zhe na 'pho ba'i phyir na 'pho ba zhes brjod do/ /'dis ni nyi khri chig stong drug brgya'i srog rgyu ba'i phyir zhes pa bstan to/ /yang na rtsa ji lta ba bzhin de'i mtshan nyid kyi rnal 'byor ma rnams so/ /de bzhin du gnas dang nye ba'i gnas dang zhing la sogs pa rtogs par bya'o//ji ltar phyi ru yang stong gsum gyi stong chen po'i 'jig rten gyi khams sna tshogs pa'i 'jig rten gyi khams rnams shar dang nub dang lho dang byang dang 'og dang steng du 'phyar bar gnas te/ slar yang de re re la yang de ltar 'gyur ro//'di dag thams cad ni khams gsum pa'o/ /de bzhin du nang du rtsa'i dbye bas gnas dang nye ba'i gnas la sogs pa rtogs par bya'o/ /de bzhin du bcom ldan 'das kyi sprul pa'i sku'i mtshan bstan par 'gyur te/ des 'gro ba'i don byed pa'i bya ba yang dag par nye bar spyod par 'gyur ro//ji srid lus la gnas kyi bar/ /de yi las dang las min 'gyur/ /zhes pa ni/ 'dir spyir sems can rnams kyi lus la lus dang ngag dang sems kyi bdag nyid kyi las kyis 'khor bar 'ching ste/ de yang las ni gnyis te/ dge ba dang mi dge ba'o/ /sems can rnams ni rnam pa gsum du 'gyur ro//de ci zhe na/ gsungs pa/ dge ba'i las dang mi dge ba'i las dang 'dres pa'i las so/ /de ltar gang dag dge ba bcu'i las kyi lam rnams la chags pa de dag ni dge ba'i las can no/ /de bzhin du gang dag rim pa las bzlog pa la chags pa de dag ni mi dge ba'i las can no//de bzhin du gnyis po de dag gang la yod pa zhes pa de dag thams cad 'dren ma can no/ /de'i phyir/ lus dang ngag dang yid kyi las/ /rang byas dge dang mi dge gang / /'jig rten de yi 'bras la spyod/ /byed po gzhan ni su yang med/ / ces gsungs so/ /gang gi phyir 'khor ba las dang nyon mongs pa dang sdug bsngal glo bur ba rnams kyi dang / rten cing 'brel pa yan lag bcu gnyis kyi tshul gyis 'khor bar 'khor bar 'gyur ro/ /ci'i phyir zhe na/ ji srid nye bar len pa'i phung po lnga las te/ lus zhes pa ni lus de la gnas pa'i kun gzhi rnam par shes pa la sogs pa'i rnam par shes pa tshogs brgyad do//'on kyang kun gzhi rnam par shes pa 'ba' zhig las 'jug pa'i rnam par shes pa drug dang nyon mongs pa can gyi yid kyang skye ste/ sngon gyi bag chags kyi dbang gis so/ /yang dang yang las kyi rnam par smin pas sems bskyed de/de'i las dang las ma yin par 'gyur te/ mgal me'i 'khor lo bzhin no/ /blo dang ldan pa'am byang chub sems dpa'i sprul pa'i sku'i dbang gis las zhes pa ni/ sems can sna tshogs pa yongs su smin pa'i phyir chos ston to/ / gang gi phyir sangs rgyas rnams kyi gang ci yang rung ba'i ngag gi las de ni chos ston pa la gnas zhes gsungs pa'i phyir ro/ /las min zhes pa ni ston pa de sgra brnyan bzhin te/ rkan dang lce dang mgrin pa dang mchu rnams kyis brjod pa ni ma yin no/ /de'i zhes pa ni sangs rgyas bcom ldan 'das de'i'o//'gyur zhes pa ni nges par ro/ /'on kyang / ji srid lus la rnam gnas par/ /zhes pa ni/ gang du de bzhin gshegs pa'i chos ston pa'i dus su 'khor 'dus pa de ni 'dir sngon gyi las kyi dbang gis theg pa gsum la mos pa rnams dang / bla na med pa'i theg pa la gnas pa rnams kyi rang gi sems bskyed pa'i dbang gis so//'di dag thams cad sems kyi nang du 'dus shing sems kyang thams cad kyi nang du 'dus so/ /de'i phyir sngon gyi lus las byung ba'i sems can rnams kyi lus de rnams nyid 'khor 'dus pa yin gyi gzhan ni ma yin no//de ltar yang bcom ldan 'das kyis thams cad gsad pa'i rgyud las gsungs pa/ rnal 'byor pa dang sems can kun/ /'dod dang mi 'dod dngos po yis/ /nyon mongs bag chags nges pas bsgos/ /lus can nges par 'khor bar 'gyur/ /sems gang sdug bsngal de nyid de//lus can gyis ni lus 'byung phyir/ /sems de so sor rtogs pa yis/ /skye bo yis ni sdug bsngal gnon/ /rnam par snang mdzad rgyal ba mgon/ /sangs rgyas thams cad gcig 'dus pa/ /sems can thams cad sangs rgyas nyid/ /sangs rgyas sems can sgrol byed pa'o//zhes bya ba la sogs pas rtogs par bya'o/ /yang de nyid las gsungs pa/ rang sems nyid ni rdzogs sangs rgyas/ /rtogs par bya ba'i sems nyid de/ /rang sems nyid ni gsad bya ste/ /sems ni gsad par bya ba yin/ /rnal 'byor ba ni 'byor 'brel phyir//res 'ga' 'ang dngos po 'byung ba min/ /sangs rgyas gang de rnal 'byor pas/ /sangs rgyas nga rang zhes ni bsgom/ /mdor na ting 'dzin ye shes ni/ /sangs rgyas nyid du 'byung ba yin/ /sangs rgyas rnal 'byor ma rtogs par/ /sangs rgyas rnal 'byor pas mi 'thob//ji ltar phra mo'i dngos po mthong / /de ltar dngos dang dngos med bsgom/ /dngos dang dngos med dngos po min/ /bsgom pa yongs su brtag pa nyid/ /dngos po bsgom pa dngos po med/ /bsgom pa nyid ni bsgom pa min/ /dngos dang dngos med dag gi dngos//rang gi sems kyi las ni nyid/ /sangs rgyas yul ni sangs rgyas min/ /sems can yul du mi 'gyur te/ /sangs rgyas rtogs la sangs rgyas min/ /rang sems thul ba sangs rgyas nyid/ /ces pa la sogs pas rtogs par bya'o/ /de'i phyir me long gi gzugs brnyan bzhin du sems can rnams kyi rang gi bdag nyid kyi dbang gis sangs rgyas mthong bar 'gyur gyi/rigs gzhan ni med ces pa'i don to/ /dge dang mi dge gang cung zad/ /byas pa'i las rnams thams cad byed/ /ces pa ni gang gi phyir 'dod chags dang zhe sdang dang gti mug la sogs pas g.yogs pa gdul dka' ba la sogs pa'i sems can rnams la de'i las rnams byed de las tshogs kyi tshul gyis chos ston zhes pa'i don to//thams cad ces pa ni gsad pa dang bskrad pa dang dbye ba dang rmongs pa dang dbang la sogs pa'o/ /byas pa zhes pa ni sngon gyi las kyi rnam par smin pas rang gi cha las bskyed pa'i dbang gis de bzhin gshegs pa'i las de ni byas pa'i las te gang la yod pa de la de skad ces bya'o//de'i rang gi sems kyi mi dge ba'i dbang gis gsad pa la sogs pas rnam par gzhom mo/ /bde ba'i dbang gis ni thams cad kyis dge ba nyams su myang ngo //gang gi phyir/ rang nyid byed po rang 'phrog go/ /rang nyid rgyal po rang gtso bo/ /zhes gsungs pa'i phyir ro/ /'on kyang thun mong ba'i sems can mi dge ba'i grogs la chags pa rnams mi dge ba'i dbang gis mnar med pa la sogs pa'i sdug bsngal nyams su myong bar 'gyur ro//de bzhin du dge ba'i dbang gis mtho ris la sogs pa rnams su longs spyod rnyed ces pa ni thams cad du grags pa'o/ /da ni las dang po pa'i tshul gyis bsgom pa'i sbyor ba gsungs pa/ sbyor ba zhes bya ba la sogs pa la/ 'dir 'chad bzhin pa'i tshul gyis dbang ji lta ba bzhin thob pa'i slob ma yang dag par rjes su gnang ba de'i rang dang gzhan gyi don du bskyed pa'i rim pa'i tshul gyi dkyil 'khor gyi 'khor lo la sogs pa'i rnam par lha dmigs pas tha mal pa'i nga rgyal yongs su spang ba'i don du lha'i nga rgyal 'chang ngo //de'i sbyor ba zhes pa ni gnas bsrung ba dang bdag bsrung ba dang rnal 'byor bsrung ba dang /dang po'i sbyor ba dang / dkyil 'khor rgyal po mchog dang / las rgyal po mchog dang / thig le'i rnal 'byor dang / phra mo'i rnal 'byor ro/ /du'i sgra ni nges par gzung ba'o/ /mnyam pa nyid ces pa ni sbyor ba des sems rnam par g.yengs pa spangs pa'i phyir de'i zhi ba ni mnyam pa nyid du gsungs te/sbyar bar bya zhes dgongs so/ /de'i phyir bsgom pa ru ni 'gyur/ /zhes pa ni dngos po bsgom par bya'o/ /de ci zhe na/ bcom ldan 'das kyi gzugs dpal he ru ka'i rnam pa la sogs pa dmigs pa'o//de nyid bsgom par bya bar 'gyur/ /zhes pa ni nges pa'o/ /de'i rang bzhin nyid kyis na kun gzhi rnam par shes pa de rab kyi mthar song ba'i phyir ro/ /bsgom pa'i dngos po dang sgom pa po gcig tu 'dres pa'i bdag nyid ces pa'i don to/ /gang tshe las kyi lus zhig na//de lta bu yi lus su 'gyur/ /zhes pa ni 'dir gang tshe 'chi ba'i dus su phung po lnga rnams 'jig par 'gyur ba de'i tshe lus dang ngag dang sems kyi las rnams kyang 'jig go/ /'on kyang snga ma la ltos pa'i phyir bag chags kyang 'jig pas chos thams cad la dmigs pa dge ba'am mi dge ba'i 'bras bur 'gyur ro//de'i phyir 'dir yang dpal he ru ka la sogs pa'i dmigs pas de 'dra ba'i lha ru 'gyur ro/ /de ltar rnal 'byor pas 'chi ba'i tshe gang dang gang gi gzugs bzang ba de dang de ru snang ngo / /ji ltar skyes pa'am bud med 'ga' zhig gnyid ma log pa'i gnas skabs su chags pa yid la byed pa de nyid kyis gnyid log pa'i gnas skabs su rnam par rtog pas rmi lam du yang nyams su myong bar 'gyur ro//gang gi phyir/ 'ga' zhig gnyid log sad pa na/ /reg dang nyams su myong mi rnyed//des na de ni brdzun par 'gyur/ /de 'di sems kyi tho 'tshams pa'o/ /de'i phyir rnal 'byor pa'i sems nyid lha'i gzugs su 'gyur ro/ /de yi nus pa de tshe des/ /gang gis brtan dang g.yo ba khyab/ /ces pa ni lha de'i gzugs kyi nus pa ni stobs so/ /de tshe zhes pa ni nges par gzung ba'o//de'i zhes pa ni sgrub pa po'i 'o/ /gang gis khyab ces pa ni ston ga'i nam mkha' nyi ma phyed du snang ba lta bu kun gzhi rnam par shes pa des khyab pa'o/ /brtan g.yo zhes pa ni khyab bya'o/ /brtan pa ni snod la sogs pa'o/ /g.yo ba ni rkang gnyis pa dang rkang bzhi pa la sogs pa'o//de ltar thams cad kyis khyab par byed pa de la de skad ces bya'o/ /yang na chos rnams thams cad kyi rtag pa nyid kyis na khyab par byed pa ni chos kyi sku'o/ /rnal 'byor de nyid kyi sems rdo rje 'chang lha'i gzugs des phyi dang nang gi gzugs rnams la khyab pa'o/de yi kha dog shes par bya/ /lung dang mnyam pa lta bu'o/ /zhes pa ni/ de'i lha'i bdag nyid kyi sems kyi'o/ /kha dog ni dkar po dang / ser po dang / dmar po dang / nag po dang ljang gu'o/ /gang lung dang mnyam pa lta bu zhes pa ni bya ba dang / spyod pa dang rnal 'byor dang rnal 'byor bla ma dang rnal 'byor bla ma'i rgyud rnams su gang bcom ldan 'das kyis gsungs pa'i zhi ba la sogs pa'i las kyi tshul gyis shes par bya zhes pa de nyid sgrub pa pos mos pa'i dbang gis lte bar mtshon par bya'o//yang na kha dog thams cad do/ /mya ngan 'das nas dpa' bo ni//gos pa med cing dri mas sbags/ /zhes pa'am/ mya ngan 'das zhes pa ni chos sku'o/ /dpa' bo zhes pa ni lhan cig skyes pa'i sku'o/ /mi 'dzag pa'i phyir dpa' bo ste/ yan lag ma rnams kyis bde ba la reg pas res 'ga' yang 'dzag par mi 'gyur zhes pa'i don to//yang na dpa' bo dang bcas pa'i lhan cig skyes pa rdo rje lta bu'i ting nge 'dzin gyis de bzhin gshegs pa rnams nam mkha'i khams kyi mthar thug par bzhugs pa ni dpa' bo ste/ mi 'dzag pa'i rgyud ces pa'i don to/ /yang na bdud bzhi bcom pa'i phyir snying rje chen po mngon du byed cing phyir mi ldog pa'i phyir dpa' bo'o//yang na dpa' bo rnams thul ba'i phyir dpa' bo'o/ /gos pa med ces pa ni 'dod chags dang zhe sdang dang gti mug dang phrag dog la sogs pas ni gos pa ste/ nam mkha' la sprin bzhin 'gebs par byed pa de bzhin du sems la ma rig pa la sogs pa'i nyon mongs pa dang nye ba'i nyon mongs pa glo bur ba'i dri ma rnams kyis 'gebs par byed do//de rnams dang bral ba ni gos pa med pa ste/ longs spyod rdzogs pa'i sku'o/ /dri mas sbags zhes pa ni sprul pa'i sku'o/ /de yang ma dang pha yang dag par sbyor ba'i dbang gis phung po lnga la sogs pa rnams la rten par byed do//dri ma de rnams kyis 'od gsal ba'i ye shes stong pa dang / snying rje'i bdag nyid kyi sems sbags pa'o/ /gang gi phyir phung po lnga ma gtogs par sangs rgyas rnams kyis sems can gyi don du mi 'gyur ro//rgyu des na skyes rabs sna tshogs pa rnams su 'khrungs pa'i phyir ma 'ongs par yang sprul pa'i skus cung zad 'dod chags la brten pa'i thugs kyis rten par byed do/ /'dod chags ni sems kyi dri ma ste/ dngos po rnams la chags pa'i dri mas des sbags pa ni sangs rgyas kyi ye shes 'jug pa'i don to//de ltar sku bzhi go rims bzhin rnal 'byor pa rnams dang 'brel par bya'o/ /da ni phyi dang nang du rtsa'i dbye bas 'pho ba bcu gnyis kyi dbang gis sa bcu gnyis bstan pa dang / rigs kyi rnal 'byor ma rgyu ba'i dam tshig bstan pa'i phyir ma dang sring mo zhes pa la sogs pa gsungs te/'dir lte bar 'khor lo rtsibs bcu gnyis pa'i rang bzhin thun mong du bstan pa'o/ /'on kyang tshad ma ni rtsibs bcu'o/ /de ci zhe na/ 'dir phyogs brgyad kyi dbye bas rtsibs brgyad thun brgyad kyi bdag nyid do//de bzhin du thun tshod gnyis dbye bas gnyis lhag pa'o/ /de ltar rtsibs bcu dkyil 'khor bcu 'bab pa'i phyir yang bcu'o/ /de'i 'og dang steng gi dbye bas 'dab ma gnyis te/ rtsa gnyis khu ba dang khrag 'bab ba'o/ /de ltar rtsibs bcu gnyis 'dir rim pa bzhin rtsa rnams 'dus te/ma ni ser skya ma'o/ /sring mo ni yid bzangs ma'o/ /bu mo ni i Ta'o/ /gnyen mo ni snar ma'o/ /bram ze mo ni glang po che'i lce'o/ /rgyal rigs mo ni rgyal zhes pa'o/ /rje'u rigs mo ni rgyal ma'o/ /dmangs rigs ni i da'o/ /gar mkhan ma ni sreg ma'o//tshos mkhan ma ni dung can ma'o/ /'og tu ye shes can te de ni g.yung mo'o/ /steng du rnam par shes pa ste/ de ni gtum mor shes par bya'o/ /shes rab thabs kyi cho ga yis/ /zhes pa ni shes rab ni rnal 'byor ma bcu gnyis so/ /de rnams kyi thabs ni srog la sogs pa'i rlung rnams so//cho ga yis zhes pa ni dus kyi khyad par gyis so/ /mchod par bya zhes bya ba ni ji lta ba'i dus kyis nye bar mtshon par bya'o/ /de nyid rig pas zhes pa ni rnal 'byor pa de kho na nyid tshol zhing rig pa de ni de nyid rig pa'o/ /de kho na nyid ces pa ni rang rig pa'i ye shes rab kyi gnas skabs su son pas rdo rje 'dzin pa chen po'i sa thob bo//dus 'di'i cho ga ma gsungs kyang bla ma brgyud pa las rtogs par bya'o/ /de'i rim pa ni 'di yin te/ rtsibs bcu'i dbye ba rnams la rtsibs re re rtsa re re'i bdag nyid kyis 'pho ba bcur 'gyur te/ 'og dang steng gi rtsa nyid kyis dbye bas thun tshod bzhi dang lhan cig 'pho ba gnyis so//ci'i phyir zhe na/ phyi rol du yang lug dang srang gi 'pho ba'i dus gnyis mnyam pa'i phyir ro/ /de ltar nang du mnyam par sbyor ba'i phyir rdo rje lta bur srog dang thur sel 'gog pas rtsa gnyis rtogs par bya'o//de ltar 'pho ba bcu gnyis nye bar mtshon par bya'o/ /ji ltar phyi rol de bzhin nang gi bdag nyid do/ /de yang 'pho ba re re la g.yon dang g.yas kyi sna'i bu ga'i dbye bas dkyil 'khor lnga lnga rgyu bar 'gyur te/ dkyil 'khor re re la sum brgya drug cu'i srog rnams su 'gyur ro//de ltar dbyug tshod drug cu dang rtsa drug cu rnams su yang 'gyur ro/ /de bzhin du a wa d+hU tI'i ye shes kyi dkyil 'khor gyi cha la dkyil 'khor bcu gnyis su brjod de/ de rnams lhan cig bdun cu rtsa gnyis su 'gyur ro/ /de rnams las rnal 'byor ma dang / /rnal 'byor gyi rgyud rnams skye ba brjod do//de la de ltar spro ba dang sdud pa dang g.yon gyi rtsa rnams la rnal 'byor ma'i rgyud drug tu 'gyur ro/ /de bzhin du g.yas kyi rtsa la rnal 'byor gyi rgyud drug tu 'gyur ro/ /de yang g.yon rnams la 'khor lo sdom pa dang / gdan bzhi pa dang / rnal 'byor rjes su rig pa dang /kun du spyod ma dang / brjod pa bla ma dang / he ru ka mngon par 'byung ba'o/ /de bzhin du g.yas rnams la 'dus pa dang / sgyu 'phrul dra ba dang / rdo rje bdud rtsi dang / rdo rje 'jigs byed dang / gshin rje'i dgra dang dpal mchog dang po'o/ /de ltar rnam pa gnyis ni kha sbyor zhes brjod de/dus kyi pho nya drug drug gi dbye bas so/ /de las rnal 'byor ma dang rnal 'byor gyi rgyud dag 'byung ste/ sum cu gnyis drug cur 'gyur zhes sbyar ro/ /de las dpal dgyes pa'i rdo rje 'bum phrag lnga pa zhes rtog pa sum cu rtsa gnyis kyi bdag nyid do//des na rgyud nyung ngur byang chub kyi sems 'bab pa'i rtsa sum cu rtsa gnyis gsungs te/ de ni sdud pa'i don to/ /de de ltar mi shes pa'i sems can rnams la kha sbyor thig le las byung ba'i rnal 'byor gtsor bcom ldan 'das kyis bstan to/ /slar yang rtsa 'di dag rnams kyi rtsibs bcu gnyis rnams la rlung rnam par gzhag pa brjod de srog dang /thur sel dang / mnyam pa dang / gyen rgyu dang / khyab byed lnga'o/ /klu dang / rus sbal dang / rtsangs pa dang / lhas byin dang / nor rgyal zhes pa bcu ni rtsibs bcu la'o/ /de bzhin du 'og dang steng du ye shes 'char ba dang /rnam par shes pa 'char pa'o/ /de rnams kyi 'pho ba bcu gnyis kyi dbye bas dkyil 'khor rgyu ba'i dbang gis dang bla ma'i man ngag gi dbang gis a wa d+hU tIr srog rgyu bas 'pho ba'i dkyil 'khor rnams 'gog par 'gyur ro/ /rgyun du goms pa'i sbyor ba'i yan lag bcu gnyis rnams 'gog par 'gyur ro//des na sa bcu rnams kyi 'bras bu la longs spyod par 'gyur te/ gang gi phyir ma zhes pa la sogs pa tshos mkhan ma'i mthar thug par rab tu dga' ba la sogs pas sa bcu rnams kyi ting nge 'dzin gyi yon tan don dam pa'i bden pa'o//'di'i rgyu yang kun rdzob kyi bden pa la sogs pa'i rtsa rnam pa bcu pha rol tu phyin pa bcu ste/ des rab tu thob pa'i sangs rgyas kyis kun du 'od rnam pa kun gyi mchog dang ldan pa stong pa nyid yang dag pa'i mtha' ni g.yung mo zhes brjod do/ /dang ni sdud pa'i don to//de dag ni ma gsungs kyang don gyis rtogs par bya zhes pa'i don to/ /de bzhin du snying rje'i dbang gis mos pas spyod pa'i sa ni bcu gnyis so/ /de yang dang por 'gyur te/ gang gi phyir rnal 'byor pa'i bsam gtan thams cad kyi dang por snying rje la dmigs pa'i bsam gtan de bzhin gshegs pas bstan to//de yang gtum mo zhes brjod de shin tu gdug cing gtum pa'i log pa'i chos kyis nye bar bsnun pa rnams kyis blo ngan pa rnam par gzhom pa'i phyir drag po la sogs pa'i gzugs dang snying rjes brlan pa'i thugs kyis las tshogs sna tshogs pa de bzhin gshegs pas gsungs so//de'i phyir gtum mos gtum po'i las rnams gzhom pa'i phyir steng gi rtsa dgag go/ /de ltar srog dang thur sel gyi sbyor ba'i shes rab dang thabs kyi cho ga'i sbyor ba des rdo rje lta bu'i sems mchod par bya'o/ /yang na dbang gi dus su rnal 'byor ma bcu slob mas slob dpon la dbul bar bya'o//g.yung mo dang gtum mo'i bu mo skye gnas ma nyams pa gnyis khrus kyi don du yang dbul lo/ /de rnams dang lhan cig slob dpon gyis snyoms par 'jug par bya ste/ slob ma la gsang ba'i dbang bskur ba'i rgyur ro/ / de yang bung ba dang 'dra ba kha phye ba dang dpyang thag dang / bskums pa dang / brkyang ba la sogs pa 'byed pa'i tshogs 'dod pa'i bstan bcos su gsungs pa'i tshul gyis rtogs par bya'o/ /de bzhin du bcu'i nang nas gcig dbang phyi ma'i don du slob ma la gtad par bya'o/ /gcig kyang 'bras bu dang rgyu'i dbang gis bcur 'gyur te/de ci zhe na/ gsungs pa/ dang po nu ma la reg pa'i phyir ma zhes brjod do/ /de yang gdung ba dang bcas pas lta ba ni sring mo'o/ /brtse ba brtan pas 'khor ba'i sdug bsngal sel to/ /da ni nges par gzung ba'o/ /de yang thams cad kyi rjes su 'brel bar bya'o//de bzhin zhes pa ni ma lta bu dang sring mo lta bu'o/ /bu mo lta bu zhes pa ni yang dang yang du'o bya ba'i phyir ro/ /de bzhin du gnyen mo ni 'khyud pa'i phyir ro/ /bram ze mo ni dam pa'i don rig pa'o/ /rgyal rigs ma zhes pa ni shin tu chags pa'i sbyor bas res 'ga' yang yongs su mi tshim pa'o//yang na shin tu gdungs pas kyang mi tshim pa'o/ /yang na bram ze mo zhes pa ni tshangs pa'i gnas su shes par bya ba ste/ rang gi lag pas mtshan ma bzung nas rang gi mtshan mar reg par byed pa'o/ /de bzhin du rje'u rigs mo zhes pa ni cha lugs sna tshogs pa'am gzugs sna tshogs pas 'dod pa'i bstan bcos kyi tshul gyis srid ces pa'am/ha zhes pa 'don pa'o/ /de bzhin du dmangs rigs mo ni 'dzag pa ste/ ji ltar ri'i rtse mo nas chu rgyun 'dzag pa de bzhin du pad+ma'i lte ba nas byang chub sems kyi rgyun 'jag pa'o/ / de bzhin du gar mkhan ma zhes pa ni yan lag brgyad kyis bskyod pa'i phyir ro/ /de bzhin du tshos mkhan ma zhes pa ni chags pa chen po'i bde bas mchod pa'i phyir sna tshogs pa'i bde bas bde ba mi 'chor bar byed pa'o/ /de ltar 'dod pa'i gnas skabs bcu rgyas pa las shes par bya'o//de nas g.yung mo zhes pa ni lhan cig skyes pa dga' ba'i dus su ye shes smrar med pa dang reg tu med pa'i phyir dbang po rnams kyi spyod yul ma yin pa nyid kyis ngag gi lam dang bral zhes pa'i don to/ /de nyid gtum mor shes par bya ste/ rnam par rtog pa'i shing bsreg pas gtum mo'o//dga' ba dang bral ba rnams bral bar byed cing de bzhin bde bar byed pa'o/ /de ltar phyi dang nang gi sbyor ba ni dam tshig ces pa'i don to/ /de ni 'dus pas dam tshig tu blta'o/ /de nyid rig pas mchod ces pa ni gnyis te/ sgyu ma lta bu dang rnam par rig pa'o//sgyu ma lta bu'i ni sngon du gsungs pa'i 'khor lo rtsibs bcu gnyis pa'i tshul gyis sa la brten pa'o/ /de'i phyir rnam par rig pa ni da lta'i sems can rnams kyis rang gi sems kyi bsam pas las kyi phyag rgya dang sbyar bas sangs rgyas nyid thob pas de la de skad ces bya'o//da ni dam tshig bsrungs pa dang nyams pa'i skyon dang yon tan bstan pa'i phyir/ ji ltar dbye ba skye med par/ /zhes pa la sogs pa gsungs te/ 'dir sngon du gsungs pa'i ting nge 'dzin brten pa'i dus su de yang rab tu 'bad pas brten par bya'o//rab tu 'bad pas zhes pa ni lus dang ngag dang sems kyi nyes pas rtsa rgyu ba'i dus su ji ltar sems rnam par g.yeng bar mi 'gyur ba de ltar dus 'jig par byed de skad cig ma gcig la mtshon pa zhes pa'i don to/ /gang gi phyir rnam par g.yeng bar 'gyur ba de'i tshe nyes pa skye ste/ting nge 'dzin la gnas pa'i sems nyams so/ /sems nyams pa des ji ltar dbye ba zhes pa dus kyi dbye ba skye'o/ /des na skal ba med par 'gyur te/ mig la sogs pa'i rnam par shes pa rnams g.yeng ba'i don to/ /de mthong ba'i nyes pa'i phyir dam tshig nyams par 'gyur ro//yang ni dbang la sogs pa'i dus su dam tshig la spyod pa'i dbang gis gsad par mi byed ces pa ni gdul dka' ba'i sems can nyan thos la sogs pa rnams kyis de mthong bas sdug bsngal zhes pa ni mnar med pa la sogs pa'i dmyal ba rnams su 'gyur te/ rnal 'byor gyi spyod pa la tho 'tshams pa sbrul la sogs pas bsad nas sdug bsngal nyams su myong bar 'gyur ro//de'i phyir/ dam tshig bsrungs pas dngos grub 'thob/ /ces pa ni nges pa'o/ /da ni rnal 'byor ma zhing skyes brgyad kyi rigs rnams bstan pa'i phyir/ rigs kyi dbye bas phye ba zhes bya ba la sogs pa gsungs te/'dir zhing dang nye ba'i zhing la gnas pa'i rnal 'byor pa rnams kyi rigs kyi dbye bas phye ba zhes pa ni de bzhin gshegs pa lnga'i rang bzhin gyi bdag nyid mtshon par bya ba'o/ /des na nye bar mtshon pas sgrub pa po rnams la mchog ster bar 'gyur ro//ci'i phyir zhe na/ sems kyi rigs kyi dbang gis gcig dang du ma'i sems las byung ba'i dngos po'i phyir des na dag pa'i rang bzhin gyis 'khor lo las phyi rol du rnal 'byor ma rnams skye'o/ /des na yang sgom pa tsam gyis rnam par rtog pa'i dbang gis sgrub pa po rnams kyang dus mnyam pa la skye'o//de'i phyir gcig las gcig mthong bas grol bar 'gyur ro/ /de ltar zhing brgyad kyi rnal 'byor ma rnams rang gi rigs dang 'khyud pas phyag rgya zhes pa phyag rgya chen po'i dngos grub thob par 'gyur ro/ /de yang rnam pa lnga ru gsungs te/bram ze mo la sogs pa'o/ /de bzhin gshegs par 'dod ces pa ni rnam par snang mdzad 'dod ces pa'o/ /dpag med rdo rje zhes pa ni 'od dpag med pa'i rigs las skyes pa'o/ /las kyi rigs las skyes pa ni don yod par grub pa'i rigs las skyes pa'o//dmangs ma mo ni zhi ba mo la sogs pa'i rig ma'o/ /rnam snang mdzad ni chen por 'dod/ /ces pa ni nang du rang rigs pa'i gzugs lhan cig skyes pa'i rnal 'byor ma zhes pa'i don to/ /rdo rje zhes pa ni mi bskyod rdo rje'o/ /rin chen zhes pa ni rin chen 'byung ldan gyi rigs so//phyag rgya rnam pa lngar nges pa'o zhes pa ni sngon du gsungs pa'i zhing skyes kyi rnal 'byor ma rigs lnga las skyes pa rnams so/ /de ltar phyag rgya chen po lngar nges pa'i don to/ /de bzhin gshegs pa rnams kyi rigs/ /'di ni mdo ru bsdus par brjod/ /ces pa ni rigs lnga po 'di dag ni 'dod chags chen po dang /zhe sdang chen po dang / gti mug chen po dang / phrag dog chen po dang / ser sna chen po'i rigs lnga'o/ /rigs de rnams kyis phyag rgya chen po'i dngos grub tu song ba de bzhin gshegs pas mdor bsdus te rab tu bstan to//'on kyang rigs mtha' yas pas phyag rgya yang mtha' yas te/ gcig la gcig 'khyud pa'i dbang gis rang gi rigs la mngon par 'grod pas de rnams dang lhan cig 'grub pa la 'dir som nyi med do/ /su'o zhe na/ de bzhin nyid du song nas zhes bya ba la sogs pa gsungs te/de bzhin nyid dang yang dag pa'i mtha' dang rnam pa kun gyi mchog dang ldan pa stong pa nyid shes rab kyi pha rol tu phyin pa gnyis med pa'i 'od gsal ba grol ba'i lam gyi mtshan nyid dngos po rnams dang ro gcig par byed pa'i phyag rgya ni phyag rgya chen po zhes brjod de/der song ba ni sems dang sems las byung ba'i dngos po gnyis so/ /dpal ldan zhes pa la/ dpal zhes pa ni gnyis su med pa'i ye shes so/ /ldan zhes pa ni de la rig pa'i sems de'i bdag nyid do/ /de bzhin du slar 'ongs pa zhes pa ni de las yang rten cing 'brel par 'byung ba bzhin du de nyid las 'ongs pas sprul pa'i sku bzung nas sems can gyi don byed cing slar yang de nyid du song nas sngags kyi theg pa chen po'i chos rjes su dran pa sku bzhi thob pa'o//de ltar/ de bzhin gshegs pa slar yang byon/ /zhes pa'i don to//shes rab 'di'i zhes bya ba la sogs pa ni go sla'o/ /rigs zhes bya ba la sogs pa ni 'dir sngar gsungs pa'i rigs lnga po de'i khyad par nyid brjod pa'o/ /mtha' yas zhes pa ni rang bzhin rnams mtha' yas pa des na mtha' yas pa'i rigs so/ /brgya zhes pa ni rang bzhin de re re las rigs brgyar 'gyur te/dbyug pa dang yud tsam gyi dbye bas so/ /de yang stong phrag tu 'gyur ro/ /de ltar rigs mtha' yas pa ni sems so/ /de bzhin du rigs brgya ni lus so/ /rigs stong ni ngag go/ /phyis zhes pa ni sku dang gsung dang thugs kyi dbye bas zhes pa ste/nye bar bsdu ba'i don to/ /slar yang tshigs su bcad pa phyed phyed dkrugs te gsungs pa/ rdo rje zhes bya ba la sogs pas bskyed pa'i rim pa bstan to/ /de ci zhe na/ gsungs pa/ rdo rje zhes pa ni mi bskyod rdo rje ste/ mi phyed pa'i ye shes de 'dzin pa'i phyir ro/ /des sangs rgyas rnams kyi rnam par shes pa'i phung po bskyed pa ni nam mkha'i khams so//rin chen zhes pa ni rin chen 'byung ldan te/ yang dag pa'i ye shes 'dzin pa'i phyir ro/ /des sangs rgyas rnams kyi tshor ba'i phung po bskyed de/ rigs pa'i ye shes zer ba'i phyir ro/ / pad+ma zhes pa ni 'od dpag med de pad+ma'i rtsa ba'i snal ma lta bu'i rtsa rkang pa nas spyi bor 'dzin pa'i phyir yang dag pa'i dran pa des sangs rgyas rnams kyi 'du shes kyi phung po bskyed de/ yang dag pa'i ting nge 'dzin mngon du bya ba'i phyir ro/ /nor bu zhes pa ni don yod grub pa'o/ /ci'i phyir nor bu yin zhe na/in+d+ra nI la lta bu'i ral gri 'dzin pa'i phyir ro/ /nyon mongs pa dang nye ba'i nyon mongs pa sna tshogs pa'am/ 'dod chags la sogs pa rnam pa lnga 'joms pa'i phyir des sangs rgyas kyi 'du byed kyi phung po bskyed par 'gyur ro/ /'khor lo zhes pa ni rnam par snang mdzad de rnam par snang mdzad ces pa'i rlung chen po de 'gog pa'i phyir des sangs rgyas rnams kyi gzugs kyi phung po bskyed pa'o//de bzhin du sa dang chu dang me dang rlung gi khams rnams rim pa bzhin du rtogs par bya'o/ /de'i phyir dkrugs pas sngar gyi tshigs su bcad pa phyed kyi don bstan pa'i phyir ro//'byung ba zhes bya ba la sogs pa gsungs te/ 'dir gang gi phyir ye shes lnga rnam par gzung ba'i phyir de'i dus su rigs gcig nas brtsams te/ ji srid grangs med pa'i rigs rnams bskyed par 'gyur ro/ /ci'i phyir zhe na/ gsungs pa/ phung po lnga'i zhes pa ni srog lnga la sogs pa'i rlung rnams so/ /de ltar 'byung ba chen po lnga'i rang bzhin de ni brten pa'o/ /de rnams kyi rten ni phung po lnga'o/ /de'i rang bzhin khams rnams so/ /khams rnams las rigs rnams 'byung ngo / /de'i rigs rnams kyis byang chub sems dpa' rnams kyi rigs su 'gyur te/bya ba byed pa dang 'brel ba'i phyir ro/ /de ltar yang bcom ldan 'das kyis lang kar gshegs pa las gsungs te/ du ba las ni mer shes shing / /chu skyar las ni chu yin te/ /byang chub sems dpa' blo ldan gyis/ /rigs ni mtshan ma rnams las shes//zhes so/ /de ltar sangs rgyas dang byang chub sems dpa' rnams skyes zhes pa ni phung po lnga dang khams lnga po de'i rang bzhin du bskyed par 'gyur ro/ /de'i phyir rigs zhes pa ni sems can sna tshogs pa'i khams rnams su bskyed pa'o/ /sems can thams cad 'dod chags dang /zhe sdang dang / gti mug dang / phrag dog dang / dregs pa dang / ser sna dang nga rgyal gyi dri mas bsgribs pa 'gro ba drug tu sdug bsngal nyams su myongs ba ma yin nam/ ci'i phyir sangs rgyas dang byang chub sems dpa' rnams kyi rigs rnams su skyes/gang gi phyir gsum la skyabs su 'gro ba tsam gyis kyang ngan 'gror mi 'gro na gzhan lta ci smos/ gang dag sangs rgyas skyabs 'gro ba/ /de dag ngan 'gror mi 'gro'o/ /mi yi lus ni spangs nas su/ /de yis lha yi lus ni rnyed/ /de bzhin du chos dang dge 'dun la skyabs su 'gro bas kyang ngo //khyad par dus bcu'i dbang phyug sangs rgyas dang byang chub sems dpa' rnams kyi rigs rnams su skyes pa'i sems can thams cad kyi khams rnams dmyal ba la sogs pa'i sdug bsngal nyams su myong bar 'gyur snyam pa'i dogs pa 'ga' zhig la yod de/de'i phyir 'dir lan gsum gsungs/ bden mod 'on kyang mi shes pa'i dri mas bsgribs pas mu stegs pa la sogs pa'i byis pa rnams log pa'i chos la chags pa mi dge ba'i grogs kyi dbang gis phyin ci log gi chos rnams la yongs su rtog go/ /de'i phyir de rnams kyi lta ba ngan pa rnams rnam par gzhom pa'i phyir de bzhin gshegs pas chos sna tshogs ston par mdzad do//gang gi phyir ting nge 'dzin bar bar du chad pas ji srid du/ sems rab kyi mthar thug par ma gyur pa de'i phyir/ de kho na nyid kyi le'u tshul gyis de kho na nyid bsgom pa bcom ldan 'das kyis bstan te/gang dmigs pas sems rtse gcig par 'gyur ro/ /de ci zhe na/ sgom pa po med ces bya ba la sogs pa gsungs pa/ sgom pa po med bsgom bya med/ /ces pa ni 'dir sems can rnams kyi gzung ba dang 'dzin pa'i dngos pos dbang po'i sgo nas phyi'i dngos po rnams la 'jug par 'gyur ro//de'i phyir phung po lnga'i nga rgyal las slar yang dge ba dang / mi dge ba'i bag chags kyi dbang gis ma dang / pha yang dag par sbyor bas phung po dang khams la sogs pa la brten pa 'dzin to/ /gang las she na/ sems kyi rtog pa'i dngos po las so//sems kyang mi bden pa te/ mi bden pa la brten par yongs su brtags pa des 'khor bar 'ching bar 'gyur te/ mi shes pas so/ /'di ni 'gal lo/ /ci zhe na/ der bstan pa ci gang dang gang bstan pas sems can thams cad kyi nyon mongs pa rnams zad par byed do/ /de yang rnam par rtog pa'i bdag nyid du 'gyur te/sdud par byed pas gsungs pa'i dam pa'i chos sna tshogs pa'i glegs bam gyi tshul gyis de rnams su ngag gi rnam par rtog pas dngos po'i dpe brjod pa'i phyir ro/ /de 'dir brjod de/ 'dir sangs rgyas rnams kyis gzung ba dang 'dzin pa'i bag chags dang bcas pa'i sgrib pa thams cad dang /nyon mongs pa rnams spangs pa'i phyir rnam par mi rtog pa'i bdag nyid kyi lam bskyed do/ /gang gi phyir dgra bcom pa rnams kyi ni lhag ma dang bcas pa'o/ /de bzhin gshegs pa rnams kyi ni lhag ma med pa'i mya ngan las 'das pa'i lam du 'gyur ro//de'i phyir de bzhin gshegs pa rnams kyis rnam par mi rtog pa'i bdag nyid kyi sems rang bzhin dang bral ba chos kyi dbyings kyi bdag nyid do/ /'on kyang kun rdzob kyi rgyus sems ming tsam du brjod do/ /de ltar yang rgyal ba'i yum las gsungs te/rab 'byor sems gang sems de ni sems med par yang dag pa ji lta ba bzhin du rab tu shes pa'i sems de ni sems med pa'o/ /de bzhin du yang / yod pa ma yin med pa min/ /yod dang med pa gnyis ka min/ /gnyi ga'i bdag nyid med pa'ang min/ /mtha' bzhi las ni rnam grol ba//de nyid dbu ma pa yis shes/ /de phyir sgom pa po med de/ /sems med ces pa'i don to/ /de med pa'i phyir phung po lnga'i nga rgyal yang med de/ phung po lnga med pa'i phyir mig la sogs pa'i skye mched rnams kyang med do/ /skye mched rnams med pas 'dzin pa yang med do/ / 'dzin pa med pas gzung ba'i dngos po yang med do/ /ci'i phyir med ce na/ gcig dang du ma dang bral ba'i phyir ro/ /khams rnams kyi gong bu rdul phra rab tu son cing rdul phra rab kyang cha drug tu phye zhing phyogs cha drug gi dbye bas cha med pa nyid du 'gyur ba'o/ /de ltar phung po lnga dang skye mched rnams bden par med do//de'i phyir sgyu ma lta bu'i chos/ /bden pa ma yin brdzun pa min/ /sgyu ma'i dpe ni bcu gnyis kyis/ /rtogs par bya'o 'di lta ste/ /sgyu ma dang ni smig rgyu dang / /dri za yi ni grong khyer dang / /mdun gyi chu yi zla ba dang / /me long gi ni gzugs brnyan dang //de bzhin rmi lam dpa' bo'i gzhu/ /sprin gyi grib ma gsal snang dang / chu yi chu bur mig 'phrul dang / /mun pa yi ni rab rib po/ /dam pa'i kun rdzob kyi bden pa gsungs pa ni sna tshogs kyi don 'byung ba'i phyir ro zhes pa ni nges pa'o/ /rigs pa 'dis dngos po med ces pa ni rnal 'byor gyi sred pa bsal ba'o//yang na bsgom par bya ba dang bsgom pa dang sgom pa po bsgom par bya ba'i rnal 'byor la goms pas cung zad nyams su myong ba dang bcas pa'i sems kyi lam mthong ngo / /'di gnyis 'di ltar bsgom par bya ba mi phyed pa'i sbyor ba blta'o//rtsa rnams kyi rang bzhin gyis 'khor los srog dang thur sel 'gog pa yang phan tshun phyi dang nang 'khyud pa'o/ /de ltar bsgom pa yang de dag gi sgyu ma lta bu gsal ba tsam nyid kyis te/ gzhan du de kho na nyid 'di mos par bya ba ma yin no zhes dgongs so/ /da ni don dam pa'i bden pa'i lta ba bstan pa'i phyir sngags med ces bya ba la sogs pa gsungs te/'dir rnal 'byor pa rnams kyi sngags zhes pa la/ sngags ni rnam pa gsum mo/ /de'i rim pa ni 'di lta ste/ dbyibs dang byang chub sems dang rlung ngo / /de la dbyibs ni rnam pa gnyis te/ sngags dang dbyibs kyi bdag nyid do//de yang yid skyob pa'i don gyis de bzhin nyid kyi bdag nyid do/ /de bzhin du byang chub sems kyi dbye ba gnyis te/ gcig ni lus la dbyibs kyi rtsa'o/ /de bzhin du byang chub sems rgyu ba'i dus su gang rnal mar brjod pa de'o/ /de bzhin du rlung yang rnam pa gnyis te/ gcig ni don dam pa'i srog go//de bzhin du gnyis pa ni de rgyu ba'i phyir snal ma dang snal ma med pa ste/ sbas pa nyid kyi yan lag drug gi sbyor bas shes pa'o/ /de yang med de/ bsgom pa'i rnam par rtog pa'i dbang gis so zhes pa ni nges pa'o/ /lha yang med ces pa ni don dam par rang rig pa'i ye shes kyi lha de yang med ces pa'i don to//de ci zhe na/ gsungs pa/ gzung ba dang 'dzin pa'i dngos po'i phyir ro/ /de ltar ma yin na der ci zhig rtogs par bya zhe na/ spros pa med pa zhes bya ba la sogs pa gsungs te/ 'dir spros pa med pa las bzlog pa bsgom par kun du 'dzin pa'o/ / de bzhin du 'khrul pa rnams kyi spyod yul ma yin pa chos kyi dbyings dang de bzhin du yang bzhi pa las 'das pa'i ye shes kyi khams so/ /de dag gnyis med pa ni spros pa med pa dmigs pa yang dag pa'i ye shes bde ba chen po'i rang bzhin 'khrul pa'i rgyu thams cad chub pas na spros pa med pa'o/ / yang dag pa'i ye shes de nyid kyis kun nas nyon mongs pa'i sa bon thams cad zad pa'i phyir rdo rje 'dzin pa chen po'i sa bcu gsum pa zag pa med pas spros pa med pa 'od gsal ba'i ye shes zhes pa'i don to/ /de nyid sngags dang lha de'i bdag nyid du bzhugs zhes sbyar ro/ /sngags rnams las byung ba'i lha nyid sngags kyi lha ste/yan lag drug gi sbyor bas 'od gsal ba'o/ /gang gi phyir sna tshogs pa de'i rang bzhin de'i bdag nyid ces pa ni nges pa'o/ /de ltar yang bcom ldan 'das kyis gsungs pa/ 'od gsal rang bzhin sna tshogs pa/ 'od gsal las ni sna tshogs 'byung //de nyid 'od gsal bdag nyid do/ /'di nyid du ni thim par 'gyur/ /'on kyang sgyu ma ltar sangs rgyas/ /sems can rnams kyi lus su 'byung / /snang ba yi ni rang bzhin chos/ /bstan nas de nyid du thim 'gyur/ /de ltar yid ches tshogs pa rnams/ /sangs rgyas rnams kyis bstan pa ni//yid ches pa ni 'ba' zhig tsam/ /sems can rnams ni bsgral ba'i rgyur/ /gang dang gang gi las kyis ni/ /sems can rnams ni bsgral ba'i phyir/ /de dang de yi lam nyid ni/ /de bzhin gshegs pa rnams kyis bstan/ /lta ba drug la gnas pa ni/ /sems can de nyid 'dod gang dag /de rnams rang gi sems dbang gis/ /bstan pa de nyid ces su brjod/ /da ni sangs rgyas bcom ldan 'das khyab bya dang khyab byed kyis de kho na nyid bstan pa brjod de 'dir dang po nyid du sangs rgyas pa rnams de bzhin gshegs pa drug gi gzugs kyis de'i rang bzhin gyi bdag nyid rnams la de kho na nyid bstan pa'i phyir/rnam snang zhes bya ba la sogs pa gsungs te/ rnam snang mdzad dang mi bskyod pa/ /rin chen dpag med sems dpa' rnams/ /zhes pa la dang gis ni don yod grub pa bzung ngo / /sems dpa' zhes pa ni rdo rje sems dpa'o//de dang po brjod par 'dod pas gsungs pa/ 'dir rdo rje sems dpa' gcig pur 'grub pa rtog pa thams cad kyi cho ga dang gzhan rnams su bar bar du ji ltar 'dod pa nges par sbyor ba'i phyir ro/ /de ltar yang bcom ldan 'das kyis sangs rgyas mnyam sbyor las gsungs pa/sna tshogs cho ga 'dod rnams kyis/ /sna tshogs cho ga'i sbyor ba yis/ /sems can rnams ni 'dul don du/ /bde ba thams cad rab grub phyir/ /zhes bya ba la sogs pas so/ /de nyid rnam par snang mdzad shin tu stong pa dang ldan pa'o/ /des sems can thams cad 'byung ba'i phyir der 'gog pa'i chos nyid la 'gog cing yongs su mya ngan las 'das pa de rnams ji srid nam mkha'i mthar thug par gzhug par bya ba'i phyir de bzhin gshegs pas bskul lo//de ltar yang bcom ldan 'das kyis gsungs pa/ de nyid bcom ldan 'das sbyor ba//rdo rje sems dpa' de bzhin gshegs/ /rnam thar thams cad rnam dag phyir/ /sangs rgyas mya ngan 'das pa 'dzin/ /stong pa ma yin mi stong min/ /dbu ma dmigs par mi 'gyur te/ /shes rab pha rol phyin sbyor ba/ /snying rje thabs kyi bdag nyid do/ /de phyir snying rje bcas pa'i thabs//shes rab pha rol phyin par gsal/ /rnam par mi rtog lhag mos pas/ /rtog pa thams cad brtag par bya/ /rnam par mi rtog chos rnams la/ sems can don ni yongs su brtags/ /brag ca sgra ni lta bu ru/ /chos kyi gsungs ni blta bar bya/ /zhes bya ba la sogs pas so//de ltar 'gro ba'i don bsgrub pa mchog mnyam pa med pa rtag tu snang bar byed pa brtse ba chen po'i bdag nyid snying rje mi 'dor ba 'dis rnam par snang mdzad do/ /de nyid mi bskyod rdo rjer kun du 'byung ste/ shin tu gdug cing gtum la drag pa'i sems can rnams kyi las des ngu 'bod pa la sogs par ltung ngo //der shi nas slar sems kyi bag chags kyi sbyor bas sems can du 'gyur te/ shin tu gdug pa che rgyal po/ /bdud kyis byin gyis brlabs pa rnams/ /rims dang dug dang sbyar dug nad/ /mkha' 'gro'i nye bar 'tshe dang gdon/ /bdud dang log 'dren nyid dang ni//shin tu gdug pa chen por 'gyur/ /srid pa gsum ni rlog par byed/ /legs pa rnams ni zad byed cing / /lha la sogs pas skyo bar byed/ /bstan pa rnams ni 'joms par byed/ /de'i phyir dbang po dang bcas pa/ /tshangs pa la sogs pa la brten/ /de rnams kyi skyabs la nye bar brten to//tshangs pa la sogs pa de rnams kyang rdo rje 'dzin la skyabs su 'gro'o/ /de ltar yang bcom ldan 'das kyis gsungs pa/ de'i phyir dbang por bcas pa'i lha/ /tshangs pa la ni nye bar brten/ /tshangs pa dbang por bcas pa'i lha/ /khyab 'jug la ni skyabs su song / /tshangs pa dang ni khyab 'jug lha//lha chen po la nye bar brten/ /tshangs pa khyab 'jug dbang phyug che/ /rdo rje can la skyabs su song / /zhes so/ /de'i phyir mi bskyod rdo rje'i ting nge 'dzin gyis/ dpal he ru ka la sogs pa drag po'i gzugs snying rje chen po can mngon du mdzad do/ /de bzhin du rdo rje sems dpa'i yang dag pa'i sbyor ba shes rab dang thabs kyi bdag nyid kyis sangs rgyas thams cad dang khro bo la sogs pa 'dus par bya'o//de rnams kyang rdo rje 'chang gi bka' tsam gyis 'khor gyi 'khor lo 'dus pas khams gsum yang nges par bsreg go/ /gang phyir sangs rgyas kun byon na/ /gzhan dag smos lta ci zhig dgos//shin tu gdug cing drag rnams la/ /zhi ba nyid ni nyer mi sbyar/ /sangs rgyas kun nam ci yang rung / /khams gsum pa ni khyad par nyid/ /de nas sna yi rtse mo ru/ /yid kyis brtan por gzung bar bya/ /sna yi dbugs ni spro bsdus pas/ /phyag rgya'i sbyor bas rgyal ba ni//he ru ka sogs spro bar 'gyur/ /de ltar yang glegs bam la lar bcom ldan 'das kyis gsungs pa 'di lta ste/ de nyid bcom ldan 'das sbyor bas/ /rdo rje khro bo rnam par spro/ /he ru ka dpal drag chen po/ /'jigs pa'i thal ba nye bar 'bar/ /sems dpa' sngon po 'bar rang bzhin//'od kyi dkyil 'khor dmar 'bar ba/ /'jigs pa chen po'i lus ltar 'bar/ /dur khrod kyi ni me lta bu/ /skra las 'od ni chen po 'bar/ /thod pa dag ni cod pan bcings/ /'jig pa chen po'i dus ltar drag /dur khrod lta bur 'jigs shing gtum/ / drag po la sogs nyams sbyor bas/ /sna tshogs zhal ni rnam par 'khor/ /de ni rnam 'khor smin ma gnyer/ /mar me 'od ltar gar byed pas/ /drag po'i dbang po nye dbang po/ /zla ba nyi ma gshin rjer bcas/ /srid pa gsum ni nye bar 'bar/ /thal bar 'jigs par byed pa 'di/ / rdo rjer bcas shing kha T+wAM bcas/ /dril bur sil sil sgra sgrogs pas/ /yang dag phab nas slar thams cad/ /thal bar song ba de yang 'tshe/ /de las nyi ma'i 'od mi 'byung / /grib ma mchog tu rno ba'o/ /bdud la sogs pa ma lus spro/ /bdud kyi khrag ni gsol bar spyod/ /de rnams lhan cig rgyal po ni//dur khrod du ni thal bar byed/ /thams cad rdo rje mnyam par sbyor/ /mkha' 'gro ma dkyil nye bar 'bar/ /shin tu gdug cing drag po gtum/ /sems can khams ni rnam dag nyid/ /sangs rgyas zhing ni dag rnams su/ /sangs rgyas byang chub la ni bzhugs/ / rdo rje can 'dod khro sogs kyis/ /rtog pa thams cad bla med pas/ /nam mkha'i khams kyi mthar thug par/ /sems can khams ni rab tu bsgrubs/ /zhes pa ni bcom ldan 'das kyi nges pa'o/ /de nyid ni rin chen pa ni rdo rje nyi ma'o/ /'dir shin tu gdug cing brkam pa des sems can thams cad 'dod pa'i bdag nyid can du 'gyur ro//shin tu ser sna che ba des kyang sems can rnams dmyal bar ltung bar 'gyur ro/ /der yang shi nas kyang dbul ches par 'gyur ro/ /de'i phyir ltogs pa dang skoms pa la sogs pa'i nyes pa rnams kyi pha rol gyi rdzas 'phrog pa de rnams 'dul ba'i don du de ltar bcom ldan 'das kyis gsungs pa/de nyid bcom ldan 'das sbyor bas/ /don dam pa ni nor chen po/ /shin tu gdug pa dag don du/ /rdo rje nyi ma 'byung bar 'gyur/ /nam mkha'i snying po kun gyi bdag /bsam pa thams cad yongs rdzogs byed/ / mkha' las btsun mo sogs rin chen/ /rin chen thams cad sgyur byed pa/ /shin tu gdug cing gtum rnams la/ /zhi ba nyid ni nyer sbyin min/ /shes rab thabs dngos nyi mas ni/ /sgrub po thams cad gdung bar byed/ /byed pa dang ni gzung ba dang / /'phrog po yi ni khyad par nyid/ /'di don thams cad rnam par bsam//srid pa gsum ni 'dud par 'gyur/ /khams gsum rnam par rgyal sogs kyi/ /rtog pa kun gyi bla med pas/ /nam mkha'i khams kyi mthar thug par/ /sems can khams ni rab tu bsgrubs/ /zhes pa ni bcom ldan 'das kyi nges pa'o/ /de nyid 'jig rten mgon po ste//de bzhin du pad+ma gar gyi dbang phyug go/ /log pa'i lta ba la chags pa dang / de bzhin du mu stegs pa la sogs pa gzhan yang ngo / /des sems can thams cad bskyed de/ de yis kyang shin tu gdug cing mi bzad pas ngu 'bod chen po rnams su ltung bar 'gyur ro/ /de rnams kyi yang rnam par gzhom pa'i phyir bcom ldan 'das kyis gsungs pa/de nyid bcom ldan 'das sbyor ba/ /rdo rje sems dpa' rnam dag phyir/ /pad+ma rA ga'i rang bzhin sbyor/ /rdo rje chos ni rab tu gnas/ /ji ltar pad+ma dmar po 'di/ /'dod chags dri mas mi gos te/ /de bzhin bag chags skyon rnams ni//sna tshogs kyis dag khams gsum pa/ /de la kun tu bltas pa'i phyir/ /dbang phyug dag gi rgyal bar 'gyur/ /dpal ldan kun tu gzigs dbang phyug /rdo rje sems dpa' de bzhin gshegs/ /'dod chags thams cad rnam dag phyir/ /bcom ldan mchog ni ster ba'i mchog /sna tshogs 'dul ba'i thabs dang ni/ /sna tshogs 'dul ba'i spro ba yi/ /spyan ras gzigs dbang phyug rgyal po/ /pad+ma gar gyi dbang phyug 'gyur/ /pad+ma 'bar ba mnyam sbyar ba/ /mkha' 'gro ma yi dra ba sdom/ /dpal ldan gar gyi dbang sogs kyis/ /rtog pa kun ni bla med pas//nam mkha'i khams ni mthar thug par/ /sems can khams ni rnam par sbyangs/ /zhes pa ni nges pa'o/ /de bzhin du de nyid dang gi rta mchog tu bzung ste/ shin tu brtson 'grus dman pa'i phyir de las sems can thams cad bskyed par 'gyur te/ /slar yang brtson 'grus dman pa des mnar med pa'i dmyal bar ltung bar 'gyur te/de rnams kyis brtson 'grus thob par bya ba'i phyir/ rta mgrin gyi ting nge 'dzin gyis bcom ldan 'das kyis gsungs pa'i tshig brjod de/ de nyid bcom ldan sbyor ba ste/ /rdo rje sems dpa' de bzhin gshegs//dpal ldan rta yi sbyor cho gas/ /rta yi mchog ni 'byung bar 'gyur/ /thams cad dag par mos pa yis/ /rab bsgrubs stobs kyis mi 'gro'o/ /thams cad gnon pa nyid kyis ni/ /'jig rten thams cad rab gzir bya/ /sems can khams ni sna tshogs par/ /shin tu gdug cing mi bzad gtum//byi byed chom po gsod byed pa/ /thams cad de ltar rnam sbyang bya/ /dor thabs dang ni rgyud nyid kyis/ /rab bsgrubs stobs dang ldan de bzhin/ /mtshon cha lnga dang nye mtshon lngas/ /'jig rten kun las rgyal de tshe/ /'gro ba brtan dang g.yo ba ni/ /ma lus sna tshogs pa ni 'grub//sna tshogs 'dul ba'i thabs rnams kyis/ /rgyal srid chags pa rjes su bskyang / /'dod can rnams la 'dod par 'gyur/ /drag po rnams la drag por 'gyur/ /zhi ba rnams la zhi bar 'gyur/ /gzhi rnams kyang ni rnam par gnon/ /dbang phyug dam pa gnas par bya//rab bsgrubs stobs kyis mi 'gro'o/ /'jigs pa'i lha mo bkug nas ni/ /rang nyid nye ba'i longs spyod spyod/ /khyab 'jug yang dag par mnan par/ /rab bsgrubs stobs kyis de mi 'gro/ /dpa' mo yang dag bkug nas ni/ /rang gi nye ba'i longs spyod spyod/ /skye dgu'i bdag po yang dag gnas//rab bsgrubs stobs kyis mi 'gro'o/ /rab zhi lha mo yang dag mnan/ /rang ni nye ba'i longs spyod spyod/ /'dod pa'i lha ni yang dag mnan/ /rab bsgrubs stobs kyis de mi 'gro/ /dga' ma brtse brtan dbang phyug ma/ /yang dag bkug nas nyer longs spyod//de sogs mtha' med dang po ni/ /chos dbyings mnyam dang mi mnyam pa/ /nam mkha'i khams kyi mthar thug par/ /rdo rje bu mo mchog ni gdon/ /nam mkha' kun gyi skabs na dpal/ /rdo rje sems dpa' rab tu bzhugs/ /bsgrubs pa'i rta yi sbyor ba yi/ /skyes bu gzhon nu'i sgrub thabs kyis//ma lus 'jig rten gsum rgyal po/ /rdo rje 'dzin bcas yang dag thob/ /byang chub sems ni mtha' med brtse/ /btsan thabs sbyor bas bsgrub par bya/ /thams cad bdag la mos pa yis/ /bsgrubs pa'i stobs kyis de mi 'gro/ /pha rol stobs ni mnan pa yis//sangs rgyas byang chub rab brnyes byas/ /bdud med dka' spyod kyis bsgrub cing / /sangs rgyas byang chub bde chen po/ /de yi sbyor ba'i bdag nyid thob/ /go 'phang mchog tu rtag pa'o/ /sems can khams ni sna tshogs pa/ /ma lus pa ni mngon du bya/ / bdud med dka' spyod byang chub pa/ /sems can rnams la gnas brtan ster/ /ma lus lus pa med pa yi/ /rtog pa thams cad dbang du 'gyur/ /rta yi mchog gi rnam 'phrul gyis/ /sems can don ni thams cad byed/ /de phyir dpal ldan rta sogs kyis/ /rtog pa kun ni bla med pas//nam mkha'i khams ni mthar thug par/ /sems can khams ni rab tu bsgrubs/ /zhes pa ni bcom ldan 'das kyi nges pa'o/ /de sogs mtha' med dang po ni/ /chos dbyings mnyam dang mi mnyam pa'o/ /chos kyi ye shes rang byung ba/ /nam mkha' kun gyi skabs na dpal//rdo rje sems dpa' rab tu bzhugs/ /thams cad bdag nyid rab tu 'jug /dngos grub dbang phyug rab tu ster/ /de ltar sangs rgyas rnams kyis 'khor los sgyur ba drug gi tshul gyis chos ston pa ni de bzhin gshegs pa'i nges pa'o/ /gang gi phyir/ bdag rig gzhan rig thams cad la//kun la phan pa'i gang zag mchog /dper bya kun las 'das pa'o/ /shes dang shes bya bdag po mchog /ces sgyu 'phrul dra bar bcom ldan 'das kyis gsungs pa'i tshig gis so/ /yang na don dam pa'i bden pa 'od gsal ba'i bdag nyid de nyid rnam par snang mdzad de/ snang ba tsam nyid kyis snang ba gsum mthong ba'i phyir snang ba tsam de bstan pa'i phyir snang ba med pa'i gzugs su 'gyur ro/ /de nyid mi bskyod pa ste/ mi g.yo ba'i ting nge 'dzin yin pa'i phyir chos kyi sku'o/ /de nyid don yod grub pa ste/ don sna tshogs byed pa'i phyir ro/ /de nyid rin po che ste/ sangs rgyas thams cad kyi chos rnams rnyed pa'i phyir ro//de nyid ni 'od dpag med de/ de rnams kyis bdag yang dag par yongs su bcad pa'i phyir ro/ /de ltar ye shes lnga'i rang bzhin nyid kyi phyir/ de nyid sems can te/ ye shes nam mkha' lta bu mi g.yo ba'i phyir rdo rje sems dpa' zhes pa'i don to//da ni tshangs pa la sogs pa'i chos kyis tshangs pa la sogs pa'i longs spyod la brten pa'i sems can rnams 'dul ba bstan pa'i phyir/ tshangs pa zhes bya ba la sogs pa gsungs te/ 'dir sngon du gsungs pa'i de bzhin gshegs pa lnga la sogs pa ni brten pa'o/ /de yang tshangs pa la sogs pa rten du gyur pa nyid kyis na sangs rgyas rnams 'byung ba'i don to//ci'i phyir zhe na/ tshangs sogs lha dang lha dang lha ma yin/ /de la brten par 'gyur ba yin/ /zhes bcom ldan 'das kyis gsungs pa'i phyir ro/ /de ltar tshangs pa la sogs pa'i lta ba lnga rim pa bzhin rtogs par bya ba'o//de'i rim pa ni 'di yin te/ tshangs pa zhes pa ni tshangs pa'i lta ba'o/ /de bzhin du khyab 'jug gi lta ba dang zhi byed kyi lta ba'o/ /kun zhes pa ni gcer bu'i lta ba'o/ /rnam rtog ces pa ni 'jig rten rgyang 'phen pa'i lta ba'o/ /gang dag lta ba de rnams la gnas pa de dag ni de'i lta bar 'gyur te/de thams cad kyang de kho na nyid 'dod pa'o/ /'on kyang mi dge ba'i grogs kyi dbang gis dmyal ba la sogs pa'i sdug bsngal nyams su myong ngo / /'dir de bzhin du de rnams kyang sngon log pa'i chos la sems kyis rtog go/ /de las sems can rnams byung ba'i phyir lta ba rnams kyi rjes su 'brang ngo //de'i phyir sangs rgyas dang byang chub sems dpa' rnams tshangs pa la sogs pa'i lus rnams su 'khrung bar 'gyur ro/ /des na sems can sngon gyi las kyi rjes su 'brangs pa rnams la chos ston to/ /de rnams kyang gcig la gcig gis rjes su 'brang ngo / /de ltar thams cad kyis de kho na nyid ces brjod do//ci'i phyir zhe na/ de kho na nyid brjod ces gsungs pa'i phyir ro/ /ji srid du sangs rgyas kyi chos rnams la brten par mi byed pa de srid du 'gro ba rigs drug po 'dir yang 'khor bar 'gyur ro/ /gang gi phyir de 'dir gsungs pa/ /tshangs pa mya ngan 'das sangs rgyas/ /zhes pa ni sems can gang dag tshangs pa'i ye shes 'dod pa de rnams kyi mya ngan las 'das pa zhes pa ni mya ngan las 'das pa'i lam bstan pa'o//de yang sangs rgyas zhes pa ni shin tu rnam par dag pa rtogs pa'i rang bzhin gyi phyir 'di ni sangs rgyas te de kho na nyid de bzhin du bram ze mchog gi lam bstan pa'i phyir ro//ci rigs byed la sogs pa la/ mngon sum du spyod pa ma yin nam/ gsungs pa de ni bden mod/ 'on kyang gdul dka' ba la sogs pa'i sems can rnams gdul ba'i don du de bzhin gshegs pas thabs kyi sgo nas sprul pa sprul te bya ba byed do/ /gang gi phyir/ sems can gang dang gang gi ni//sems ni dngos po la reg pas/ /sems can de dang de yi ni/ /gzugs dang mthun la brten pa yin/ /las dang rigs dang bya de bzhin/ /zhes so/ /'dir las ni bzo sna tshogs kyi las dang / bzo ma yin pa'i las so/ /rigs ni rigs drug cu rtsa drug gi khyad par te tshong pa dang phreng rgyud ma la sogs pa rnams so//de bzhin bram ze la sogs pa rigs bzhi'am rus so/ /bya ba zhes pa ni sems can 'di rnams kyi rang rang gi las dang rjes su mthun pas bya ba sna tshogs pa chos dang chos ma yin pa rnams la 'jug pa'o/ /de ltar las la sogs pa gsum la brten te de bzhin gshegs pa rten par mdzad pa'i gzugs kyi thabs gdul bya'i don du mdzad de/rgyal po la sogs pa'i chad pas ni ma yin no/ /de'i phyir rig byed la sogs pa'i mu stegs kyi chos kyi tshul gyis de bzhin gshegs pas skabs su bstan pa la nyes pa ci yod/ gang phyir sna tshogs 'dul ba'i thabs//gzugs byas nas ni de nyid du/ /snying rje'i ro la dmigs nas su/ /de bzhin gshegs pas de nyid gsungs/ /de bzhin du/ 'jug pas khyab 'jug ces su brjod/ /ces pa ni mngon du gsungs pa'i sems can rnams de'i bdag nyid kyis rang rang gi chos la 'jug pa'i phyir dang /phyis zab pa'i chos bstan pa'i phyir ro/ /bi Sha'i skad dbyings las bi Sha pra be Sha ste/ rim gyis 'jug pa'i don to/ /zhi byed rtag tu dge ba yin/ /zhes pa ni de ltar zhi byed nyid kyis dus thams cad du dge ba ster bar byed pa ni thar ba ster zhes pa'i don to/ /lhag ma ni sngon bzhin no//kun ni thams cad bdag nyid bzhugs/ /zhes pa ni de ltar gcer bu ba'i rigs drug ces bya ba la sogs pa'i chos rnams la gnas shing de rnams kyi bdag nyid kyi chos de ston par byed pa la gnas te/ de'i lam gyis sangs rgyas kyi chos la 'jug cing rig par byed pa nyid la gnas pa'o//de bzhin du bde ba dam pas de kho na chub pas rnam par rtog par bzhed ces pas ni 'jig rten rgyang 'phen gyi gzhung lugs rnams la de'i gzugs la brten te des bstan pas rnam par rtog pa'o/ /ci'i phyir zhe na/ rtogs par 'dod pas so/ /bde ba dam pa zhes pa ni stong pa dang snying rje dbyer med pa nyid kyis ni de kho na nyid de/de rtogs par 'dod pa ni gzhan rnams la ston par byed pas lam la 'dzud pa zhes pa'i don to/ /'on kyang da ltar gyi mu stegs la sogs pa'i sems can rnams kyi mu stegs pa'i ye shes gsal ba'i don du rtog pa brgyad pa'i rab tu byed pa gnyis par bcom ldan 'das kyis gsungs te/bdag gis kyang de nyid du cung zad bshad par bya'o/ /de ltar lta ba drug bstan pa ni bcom ldan 'das kyi nges pa'o/ /yang na phyi dang nang du rnam par snang mdzad la sogs pa 'khor lo drug gi dbye bas rnam par gnas par gsungs te/ 'dir rnam par snang mdzad ni lte ba'i 'khor lo'i gtso bo ste/de yang sa'i khams so/ /mi bskyod pa ni snying ga'i 'khor lo'i gtso bo ste/ chu'i khams so/ /de bzhin du 'od dpag med ni mgrin pa'i 'khor lo'i gtso bo ste/ me'i khams so/ /don yod grub pa ni dpral ba'i 'khor lo'i gtso bo ste/ rlung gi khams so/ / rin chen 'byung ldan ni gtsug tor gyi 'khor lo'i gtso bo ste/ nam mkha'i khams so/ /sems dpa' can ni gsang ba'i 'khor lo'i gtso bo ste/ ye shes kyi khams so/ /de rnams kyang grangs bzhin du tshangs pa ni lte bar ro/ /khyab 'jug ni snying gar ro/ /zhi byed ni mgrin par ro/ /thams cad ni dpral bar ro//rnam par rtog ni gtsug tor du'o/ /de nyid ni gsang bar 'gyur ro/ /kun rdzob tu dri chen la sogs pa thams cad 'og tu 'bab pas khams drug zad par rtogs par bya'o/ /don dam par ni yang thams cad steng du 'bab par 'gyur ro/ /de ltar yang / tshangs pa mya ngan 'das sangs rgyas//zhes gsungs te/ dri chen gyi khams mi 'dzag pa'i phyir ro/ /'jug pas khyab 'jug ces pa ni dri chu'i khams 'dzag pa 'gro ba med pa'i phyir ro/ /brjod ces pa ni sangs rgyas bcom ldan 'das zhes pa'i don to/ /de bzhin du zhi byed ces pa ni khu ba 'dzag pa med pa'i phyir ro/ /de yang rtag tu shin tu rnam par dag pa'i dge ba byed pas sangs rgyas zhes pa ste/gzhan ni ma yin zhes pa'i don to/ /thams cad bdag nyid bzhugs zhes pa ni don yod grub pa ste srog gi rlung ngo / /de yang rtsa rnams thams cad kyi bdag nyid khams sum cu drug po de rnams la khyab par byed pa'i rlung ste/ de mi zad pa'i phyir 'du byed med pa'o/ /de yang thams cad kyi bdag nyid ye shes dang rnam par shes pa ro gcig par gyur pa zhes pa'i don to/ /chub pas rnam par rtog par bzhed/ /ces pa ni rin chen 'byung ldan te/ khrag gi khams de 'dzag pa med pa'i phyir sdug bsngal med pa'o/ /de med pa'i phyir bde ba dang sdug bsngal mthar byed pa de rtogs pa'i phyir lha'i mig la sogs pas gzhan gyi sems shes pa la khyab pa'i phyir rnam par rtog pa zhes pa'i don to//de bzhin du/ bde ba dam pas de kho na nyid ces pa ni mchog tu mi 'gyur ba'i bde ba dmigs pa med pa zad pa med pa stong pa nyid mtshan ma med pa smon pa med pa mngon par 'du ma byas pa/rnam par thar pa bzhi gcig pa'i bzhin snying rje la sogs pa bzhi'i rang bzhin can dmigs pa med pa'i rang bzhin gyis mi dmigs pa shes rab dang thabs kyi bdag nyid sangs rgyas zhes brjod de/ /de ltar gang ye shes kyis dmigs pas sems dang sems las byung ba gnyis su med pa ni de kho na nyid ces brjod do//de gang la yod pa'i lha de ni de kho na nyid ces brjod do/ /de nyid gsungs pa/ lus las byung ba nyid kyi phyir/ /lha zhes bya bar brjod pa yin/ /zhes pa ni 'dir sngon du gsungs pa'i lha'i 'khor lo drug gi tshul gyis rnal 'byor pa rnams kyi lus las mi 'dzag pa'i phyir rdo rje lus so//de las byung pa ni gnyis su med pa'i ye shes stong pa nyid dang snying rje dbyer med pa'i bdag nyid kyi byang chub kyi sems shes rab dang thabs kyi bdag nyid bdag med pa'i ye shes rdo rje 'chang gi sku de nyid blta'o/ /de'i phyir kun rdzob kyi bden pas brjod ces pa ni dmigs pa de'i rang bzhin du bya zhes pa'i don to//yang 'chad bzhin pa'i pho nya mo bcu gnyis kyi bdag nyid du sangs rgyas 'khrungs te/ kun gzhi rnam par shes pa'i yang dag par sbyor bas ma'i lto bar sngon gyi lus 'ongs pa de'i phyir kun rdzob kyi bden par dgongs so//'di la skal pa yod pa zhes pa ni dmigs pa sngon du 'gro ba de gang la yod pa de ni sangs rgyas kyi skal pa rig pa nyid de kun rdzob dang don dam pa de'i skal pa dang ldan pa de bzhin nyid kyi bdag nyid kyi phyir ro/ /gsungs zhes pa ni shes par bya/ /zhes dgongs pa'i don to//dbang phyug la sogs yon tan ni/ /skal ba rnam pa drug du bshad/ /ces pa ni 'dir skal ba'i sgra ni rnam pa drug ste/ dbang phyug dang ni gzugs bzang dang / /dpal dang grags dang ye shes dang / /brtson 'grus phun sum tshogs pa ste/ /drug po de la ldan zhes brjod/ /de ltar yon tan gyi khyad par gyis ji lta ba'i dus kyis 'khor lo drug rnams su ji lta ba'i rim pas rtogs par bya'o//yang na nyon mongs la sogs bcom/ /zhes pa ni sngon du gsungs pa'i tshangs pa la sogs pa'i lta ba la gnas pa 'dod chags dang zhe sdang dang gti mug la sogs pas sbags pa'i sems can de rnams kyi bag chags 'joms pa'i phyir bcom ldan 'das zhes brjod do//yang na bag chags dang bcas pa'i sgrib pa thams cad spangs pa'i phyir/ bcom ldan 'das kyi sgrar brjod do/ /da ni 'khor lo drug rnams su spro ba dang bsdu ba'i bdag nyid kyi rnal 'byor ma bcu gnyis rnams kyi bskyed bya dang skyed byed kyi dbang gis sangs rgyas rnams kyi rdzogs pa'i rim pa las bskyed pa'i rim pas bskyed pa brjod de/'gro ba'i zhes pa la sogs pa la/ 'dir bskyed ma zhes pa ni ma'o/ /shes rab ces pa ni sngon gyi lte ba'i bu ga nas yod pa dang med pa nye bar mtshon pa'i phyir blo'o//phra ba zhes pa ni rab kyi mthar thug pa song ba nyid kyis ni shes rab bo/ /de'i dz+nyA zhes pa ni shes par byed pa'i phyir ro/ /gang gi phyir dz+nyA khong du chud par skad kyi dbyings nas brjod do/ /de la cung zad chags pa de'i sems de'i rang bzhin skyes pa ni yan lag ma ste/ de yang zhes brjod do//gang gi phyir 'gro ba bskyed pas ma/ /zhes pa la gang gi phyir zhes pa ni 'dir sems can thams cad rnams kyi skyed par byed pa ni pha las 'ongs pa'i khu bar brjod do/ /de'i yang bskyed pa ni shes rab kyi rdul gyi khams so/ /su zhig bskyed ce na/ 'dir gsungs pa/ las kyis byin gyis brlabs pa'i dri za'i sems can no//'on kyang 'phags pa rnams kyis ni las bzang pos byin gyis brlabs pa'o/ /de bzhin du so so'i skye bo ni las ngan pas byin gyis brlabs pa'o/ /de yang 'chi ba'i mthar rdzus te/ skyes pa'i yan lag kun gzhi rnam par shes pa'o/ /de yang 'dir 'gro ba zhes pa'i sgras brjod do//gang gi phyir kye rgyal ba'i sras dag khams gsum pa 'di dag ni sems tsam mo zhes gsungs pa'i phyir ro/ /de'i phyir 'gro ba'i sgra nyid ni 'gro ba bskyed pas shes pa'i rigs pas so/ /de ltar shes rab dang thabs kyi bdag nyid ni rdul dang khu ba'i khams so/ /shes rab de nyid la sring mo zhes brjod do//cha shas du ma ston pa'i phyir/ /zhes pa ni khrag gi ba spu dang pags pa la sogs pa'i khams rnams 'gyur ba'i mtshan nyid do/ /de bzhin du khu ba'i rtsa dang rkang la sogs pa'i khams rnams kyi cha shas 'gyur ba'i phyir ro/ /de ltar yang gsungs pa/ ma las 'gyur ba rnam pa gsum//de bzhin pha las gyur pa gsum/ /drug gi sbubs can gong bu 'di/ /lus kyi khams su brtags pa yin/ /shes rab de nyid yon tan 'jo ba'i phyir/ /zhes pa la yon tan ni lnga ste/ gzugs dang sgra la sogs pa'i yul de rnams la de rnams 'jo ba'i phyir yang dag pa'i ye shes gzung zhes pa'i don to//yang na sngon du gsungs pa'i khu ba dang khrag las byung ba'i khams rnams thams cad pad+ma'i rtsa ba'i snal ma bzhin ro mnyam par byed pa'i phyir de bzhin gshegs par 'gyur te/ shes rab de la bu mo zhes brjod de nyon mongs pa'i phung po 'joms par byed cing lha'i phung po skyed pa'i ngang tshul can zhes pa'i don to//khams de rnams thams cad kyi dbang po'i sgo nas skyed pa ni bu mo'o/ /de la re zhig dbang po drug dang / gzugs la sogs pa'i skye mched drug go/ /de la de bzhin gshegs pa'i spyan lnga gzung ba'i phyir sha'i spyan dang / lha'i spyan dang / shes rab kyi spyan dang /ye shes kyi spyan dang / sangs rgyas kyi spyan no/ /de bzhin du sgra ni lnga ste/ thun mong gi sgra dang / lha'i sgra dang / shes rab kyi sgra dang / mi shigs pa'i sgra dang / ye shes kyi sgra'o/ /de bzhin du dri lnga ni sha la sogs pa'i dri dang / lha'i dri dang / mchog tu mi 'gyur ba rang rig pa bde ba'i dri dang /bzlas pa'i dri dang / bsam gtan gyi dri'o/ /de bzhin du ro lnga ni sems can thams cad kyi ched du snying rje la sogs pa'i ro dang / dam pa'i chos kyi ro myang ba'i ro dang / bla ma'i man ngag gi dbang gis brtags pa'i bde ba'i ro dang / mchog gi bdud rtsis tshim pa'i ro dang /reg pa'i ro'o/ /de bzhin du reg bya la yang rnam pa lnga ste/ dang po nyid du ma dang pha'i dbang gis kun du sbyor ba'i reg bya'o/ /da yang mngal du zhugs pa nas skyes pa la thug par myang ba'i reg bya'o/ /de bzhin du snying rjes phan pa'i sems can la dbang po'i shes pa la kun lta ba'i reg bya'o/ /phung po lnga la sogs pa nas khams sum cu rtsa drug 'jug pa'i mthar thug pas de rnams kyi so so tha dad par byang chub kyi phyogs kyi chos bskyed pa'i tshul gyis gnas dang nye ba'i gnas su rgyu ba des na 'chad bzhin pa'i rab tu byed pa gnyis par lta ba'i bde ba skyed pa'i reg bya'o//mya ngan las 'das pa'i reg bya ni lnga pa'o//de dag ni thabs so/ /'di'i shes rab kyi rang bzhin gzugs drug pa dang / sgra drug pa dang / dri drug pa dang / ro drug pa dang / reg bya drug pa'o/ /de dag thams cad drug pa chos kyi dbyings gnyis su med pa'i ye shes kyi bdag nyid de bzhin gshegs pa'i nges pa'o/ /de bzhin du/shes rab tshos mkhan ma zhes brjod/ /ces pa ni mngal gyi gnas nas 'byung bas tshos mkhan ma ste/ de'i lus thams cad ye shes kyi bdud rtsis bsgos pa de nyid mthong ba ste/ sems can thams cad 'tshed pas zhes pa dbang po la sogs pa'i lha dang mi la sogs pa rnams snying rjes chags pas 'tshed pa'i phyir ro//tshos mkhan ma ni de bzhin brjod/ /ces bya ba ni de bzhin gshegs pa'i'o/ /brjod pa ni nye bar mtshon par bya ba'i don to/ /brtse ba chen po g.yo bas na/ /shes rab gar mkhan ma zhes brjod/ /ces pa ni 'dir de bzhin gshegs pa 'khrungs pa'i phyir/ gar mkhan ma zhes pa ni chos ston pa'i sgo nas sems can rnams 'dul ba'i phyir byang chub kyi lam du gshegs nas byang chub bsgrubs te bdud bcom par mdzad pa'i sangs rgyas rnams kyi rol mo ni gar ro//de'i phyir shes rab de ni gar mkhan ma ste/ sngon gyi byang chub kyi ro'i gar byed pa'i phyir rab kyi mthar song bas g.yo ba ni rtog pa spangs pa'i don du gnas med pa ni sbyor bas sems de nyid gnas med pa nyid de/ting nge 'dzin phul du song ba nyid kyis sems nyid sems med pa nyid du gyur pa'o/ /brtse ba chen po zhes pa ni rdo rje snying po la 'bod pa'o/ /'on kyang de bzhin gshegs pa nyid rdo rje snying po ste dbyer med pa'i ye shes las de bzhin gshegs pa 'khrungs pa'o//dbyer med pa'i ye shes chos kyi dbyings kyi de ni rdo rje'o/ /de las mar me'i rtse mo lta bu'i de bzhin gshegs pa'i snying rje'i dbang gis byon pa'o/ /de'i phyir brtse ba chen po zhes pa bdag nyid la byed pa yin gyi/ gzhan la ni ma yin zhes dgongs so//de bzhin du shes rab de ni g.yung mo ste/ gang gi phyir bsam gtan gyi sbyor bas bde ba sna tshogs pa'i 'gyur ba 'byung ste/ bde ba'i mthar thug pa'o/ /de yang brjod du med pa'i phyir reg tu med pa'o/ /de'i phyir de bzhin gshegs pa'i rdzu 'phrul dang cho 'phrul rab tu bstan pa'i phyir yang g.yung mo'o//DiM ni nam mkha' 'gro ba zhes pa 'dir skad kyi dbyings las brjod do/ /am+ba'i zhes pa la/ am+ba ni ma ste/ shes rab ma de nam mkhar 'gro ba'i don to/ /de ltar rdzu 'phrul gyi cho 'phrul nam mkhar bstan pa gang gi phyir bcom ldan 'das la de'i bdag nyid kyi blo gang la yod pa de la de skad ces bya'o//de bzhin du lte bar ma'o/ /snying gar sring mo'o/ /mgrin par tshos mkhan ma'o/ /dpral bar bu mo'o/ /gtsug tor du gar mkhan can ma'o/ /de bzhin du gsang bar g.yung mo'o/ /'dir sdud pa las phyi ru spro ba'i rim pas bskyed pa ni nges pa'o/ /de bzhin du ma gsungs kyang dgongs bshad gzhan gyi man ngag gis gnyen mo la sogs pa rnal 'byor ma drug rnams kyi nges pa'i tshig bstan pa'i phyir/bzlas pa zhes bya ba la sogs pa gsungs te/ 'dir bzlas pa'i yul gnyen mo shes rab ma'o/ /de bzhin du dkyil 'khor gyi yul la bram ze mo shes rab ma'o/ /de bzhin du lag pa'i bya ba rnams la rgyal rigs ma'o//de bzhin du blang ba dang dor ba'i bya ba la rje'u rigs ma'i shes rab ma'o/ /de bzhin du bde ba'i las ni dmangs rigs ma'i shes rab ma'o/ /de bzhin du 'chi ba'i gnas skabs 'joms pa ni gtum mo'i shes rab ma zhes pa de nges pa'o/ /de'i phyir de bzhin gshegs pa'i bzlas pa zlos par bshad pa zhes pa ni gang dag gis brjod cing zlos pa de ni bzlas pa brjod de/dbyangs dang gsal byed kyi tshogs so/ /yang na srog dang rtsol ba'i sbyor bas bstan pa'o/ /dkyil 'khor zhes pa ni dbus ma a wa d+hU tI'o/ /rkang pas 'dri 'gyur zhes pa ni la la nA dang ra sa nA'i rtsa gnyis kyi srog mnan pa ni rkang pa'o//a wa d+hU tIr 'jug pa ni 'dri ba ste/ sngon goms pa'i phyir ro/ /'gyur zhes pa ni nges par zhes pa'i don to/ /nyed phyir dkyil 'khor zhes byar brjod/ /ces pa la nyed pa ni rdul chags chen po rang rig pa'i ye shes mchog tu bde ba ste/ des sna tshogs rgyas btab pa 'dis na dkyil 'khor te/rang dang gzhan kun rdzob pa dag cig pa de la de skad ces bya'o/ /de bzhin lag pa brkyang ba zhes bya ba la sogs pa la/ lag pa ni sna tshogs 'dul ba'i 'od zer rnams te/ de rnams kyi brkyang ba pa ni gsal bar 'gyur zhes sbyar ro/ /phyag rgya zhes pa ni khams gsum sa rnams bdud rtsi'i ro rnams kyis tshim par byed pa'i phyir phyag rgya ste/sems can rnams kyi gzugs brnyan gyi mtshan nyid ces dgongs so/ /sor mo bskum pa'ang de bzhin no/ /zhes pa ni chos kyi bdud rtsi'i 'od zer rnams kyi bskum pa ni bskum pa ste/ sems can thams cad rang gi ye shes kyis de rnams dang ro mnyam par byed pa'i phyir ro//gang zhig bsam pa de bsam gtan zhes pa ni de bzhin du sems can thams cad kyi rim gyis rnam par gzhag par bya ste/ gang zhig bsam pa de bsam gtan du gzung bar bya ba rnal 'byor pa'i sems kyis gzhan gyi sems shes par byed pa'o//gang phyir rnam bsam bsam gtan no/ /zhes pa ni gang gi phyir bsam du med pa de bzhin gshegs pa'i gzung ba dang 'dzin pa med pa'i phyir rnam par mi rtog pa'i lam zhes pa'i don to/ /'on kyang rnal 'byor pa rnams kyis gang bsam pa pha las thob pa'i bde ba gang zhes pa ni lnga pa'i don la bdun pa'o//pha las thob pa'i 'chi ba'i mthar bskyed pa'i bdag nyid bde ba 'dzag pa'i gnas skabs su myong ba'i bde ba de nyid lo bcu drug gi mthar skyes pa rang nyid kyis spyod do/ /bud med kyis kyang lo bcu gnyis mthar rang nyid kyis spyod do/ /gang gi phyir bde ba gang gi 'dir mi 'chi zhes pa ni 'dir 'khor ba pa rnams ni skad cig tsam gyi bde bas 'khor ba nas 'khor bar 'khor ro//blo dang ldan pa rnams kyis ni gang gi tshe bde ba nyid bstan par 'gyur ba de'i tshe rnal 'byor pa rnams kyi bsam gtan du brjod do/ /gang gi phyir/ bcom ldan bde ba'i rnam pa ste/ /bde bas 'gro ba khyab pa nyid/ /'dir ni bde las bde gzhan gyi//'ching dang skye ba 'byung mi 'gyur/ /zhes bcom ldan 'das kyis gsungs so zhes pa ni rgyud 'di'i brjod pa zhes bya ba la sogs pa ste go sla'o/ /sogs pa'i sgras ni bstan pa dang / /ston pa la 'brel ba la sogs pa rnams ni sngon du gsungs so/ /de kho na nyid kyi rab tu byed pa zhes pa ni rtog pa bcu gcig gi mdor bsdus pa ste/de rnams la khyab par byed pa'i phyir ro/ /de kho na nyid ni dam pa'i don la 'jug pa'i don to/ /de ni rtog pa thams cad kyi rab tu 'byed pa'o/ /de yang phyag rgya chen po'i dngos grub ster bar byed pa rab kyi mthar 'gro ba'i phyir rab tu 'byed pa'o/ / de nyid dang po ste/ dang po'i ming yin pa'i phyir ro/ /'di ni de bzhin gshegs pa'i nges pa'o/ /kha sbyor thig le'i rgyud kyi rab tu byed pa dang po'i rgya cher bshad pa yang dag par lta ba'i dran pa'i snang ba zhes bya ba'i gzhung mdor bstan pa ste dang po'o// //da ni byang chub kyi phyogs kyi chos rnams sum cu rtsa bdun gyi rnam par 'grel ba bcom ldan 'das kyis gsungs pa bstan pa'i phyir/de nas zhes bya ba la sogs pa gsungs te/ de nas zhes pa ni kho na nyid kyi rab tu byed pa'i rjes thogs su rab tu byed pa gnyis pa bshad ces pa'i don to/ /yang na de nas zhes pa ni gcig gi tshig gi rigs te/ rab tu byed pa dang po de'i don sna tshogs 'byed cing rtogs par byed pa'i bstan bcos zhes bya ba zhes pa'i tshad ma'i ngag ces pa'i don to//'dir byang chub kyi phyogs kyi chos rnams sum cu rtsa bdun zhes pa ni 'dir byang chub kyi chos rnams ni phung po lnga dang / khams lnga dang / yul lnga dang / de bzhin du las kyi dbang po lnga dang /de'i bya ba lnga'o/ /de la drug pa ye shes kyi phung po dang / ye shes kyi khams dang / ye shes kyi dbang po dang / ye shes kyi yul dang / de bzhin du ye shes kyi las kyi dbang po dang / de'i bya ba'o/ /de rnams la khyab par byed pa ni sum cu rtsa bdun pa ste/ de yang chos can ye shes kyi khams zhes pa'i don to//de ltar chos rnams sum cu rtsa bdun te/ chos de rnams kyi phyogs so/ /phyogs zhes pa ni yan lag ces brjod do/ /de'i yan lag ni rnam gsum mam rnam pa mang por 'gyur ba'o/ /de thams cad bshad par bya zhes pa ni 'chad bzhin pa des rgyas par gsungs te/ nang gi lus zhes pa la lus zhes pa ni gzugs kyi phung po'o//de yang rnam pa gsum ste/ de ni lus kyis nye bar mtshon par bya'o/ /'dir nang gi lus gsungs pa/ gang rnal 'byor pa rnams kyi gtum mo'i tshogs pa rdo rje lta bu'i ting nge 'dzin gyis srog gi rlung gzung ba'i gnas der lus kyi rjes su lta ba zhes pa ni rang rig pa'i ye shes rang gi sems dang gnyis su med pa'i dngos po'o//de yang sems can rnams la rab tu bstan pa ste/ rang dbang thob pa'i sems can rnams 'khor lo can thob par bya ba'i phyir te/ rnam par spyod ces pa ni spros pa'i phyir ro/ /des na shes bzhin zhes pa dang gi sgra ni sdud pa'i don to//des shes bzhin ni yang dag par rab tu shes pa ste/ lha'i dbang pos sems can rnams kyi lus kyi las shes pa'o/ /des na dran pa dang ldan pa'i 'jig rten gyi rnam par gsal te zhes pa ni sngon du mngon shes thob pas rang las byung ba'i 'jig rten gyi gdul bya de rnams des dran pa de'i bdag nyid kyis dran zhing rtogs pa'i don to//gang gi phyir rang gi bdag nyid las byung ba'i sems can sngon dge ba'i rtsa ba bsags pa de rnams kyi ci zhig rnam par gsal zhes brjod de sa bon gyi khyad par las 'bras bu'i khyad par skye bar 'gyur ba ma yin nam/ ji ltar 'bras kyi myu gu las 'bras kyi 'bras bu 'byung gi khre ni ma yin no//'di ltar shin tu rnam par dag pa'i sems kyi sa bon dang / las khyad par can las 'bras bu khyad par can skye bar 'gyur ro zhes 'ga' zhig som nyi za bar 'gyur na/ de la brjod pa de ni ma yin te/ de ci'i phyir zhe na/ ma rig pa dang yid mi bde ba zhes gsungs te/'dir sngon nas 'khor bar skye bar byed pa ni ma rig pa'o/ /des na sems can thams cad kyi rnam par rtog pa'i bag chags kyi nyes pa rnams kyis 'ching bar 'gyur ro/ /rtogs pa rnams kyis ni de rnam par bcom pa'i phyir bcings pa las grol bar 'gyur ro/ /'on kyang sngon gyi las kyi bag chags kyi dbang gis ji srid du sangs rgyas su mi 'gyur ba de srid du 'khor ba'i bcings pa las grol bar mi 'gyur te/rang gi phung po la sogs pa'i sgrib pa rnams zad pa'i phyir grol bar brjod do/ /de ltar phan tshun zo chu'i 'khrul 'khor bzhin sems can gyi rigs grangs med pa dang /sangs rgyas kyi rigs grangs med pa rnams nye bar mtshon par bya'o/ /'o na 'di ltar pha las bu skye bar 'gyur mod pha ni mkhas pa chen pa bya ba chos dang ldan pa la sogs pa'i yon tan dang ldan la/ de'i bu ni las ngan pa la dga' ba rmongs pa chos mi byed pa la sogs pa'i nyes pas gos pa dang ldan no//des na 'dir ma rig pa dang yid mi bde bas sems khyad par can rnams skyed par byed do/ /phyi'i lus la brten pa de thams cad nyes pas gos par 'gyur ro/ /ji ltar me long gsal ba nyid la dngos po sna tshogs pa bstan pa'i phyir de la gzugs brnyan snang bas gsal ba yang sngar gyi gzugs spangs nas bems por 'gyur ro//'on kyang 'dir lus dang ngag dang sems gsal ba rnams mi gsal bar 'gyur te/ des na skye bo la sogs pa rnams kyi dngos po sna tshogs pa mthong bas gsal ba'i sngon gyi gzugs spangs nas rmongs pa nyid du 'gyur ro/ /de rnams btul ba'i rgyus de bzhin gshegs pa'i shes bzhin no//de rnams 'dul ba'i dus su yang de bzhin gshegs pa mthong ba'i phyir sems dran pa dang ldan par 'gyur ro/ /de bzhin du dus gsum rim pa bzhin du rtogs par bya'o/ /de la rim pa ni 'di yin te/ nang gi bdag nyid kyi lus de bzhin gshegs pa skyed par byed pa'i rgyu'o//de yang sngon du gsungs so/ /de nas phyi'i lus rgyan gyi bdag nyid de bzhin gshegs pa'i gzugs so/ /de bzhin du nang dang phyi'i lus ni 'jig rten gyi bsam pa byang chub sems dpa'i rigs so/ /de yang 'bras bu'i bdag nyid can sangs rgyas kyi mdzad pa byed pa'i phyir zhes pa'i don to//de ltar gzugs kyi phung po rnam par snang mdzad kyi rigs sku gsum du rnam par gzhag pa'am yang na chos dang longs spyod rdzogs pa dang sprul pa'i sku'o zhes pa ste nges pa'o/ /da ni de bzhin du tshor ba rnam pa gsum bstan pa'i phyir/ nang gi tshor ba zhes pa la sogs pa gsungs te/'dir tshor ba'i phung po ni rin chen 'byung ldan te/ de'i lus dang ngag dang sems kyi bdag nyid kyi tshor ba ni rnam pa gsum mo/ /'dir rin chen 'byung ldan ni rdul gyi khams so/ /de las byung ba ni tshor ba ste/ bde ba dang sdug bsngal ba dag go/ /de la gang tshor ba bde ba ni nang gi bdag nyid do/des bde ba'i rnam pa'i bcom ldan 'das rang rig pa'i lus kyi bdag nyid ces pa'i don to/ /des gang tshor ba sdug bsngal ba de ni sems can la dmigs pa'i snying rje ste/ ngag gi brjod pas chos mang po ston pa'i phyir ro/ /gang tshor ba bde ba dang sdug bsngal ba de ni sems can gyi rigs can gyi ste/dngos po'i tshogs pas gzhan gyi sems khong du chud pa de'o zhes pa'i don to/ /des na yang tshor ba'i rjes su lta zhes pa ni sems can de rnams la yang dag par rdzogs pa'i byang chub kyi lam rjes su ston pa'i tshor ba don mthun pa nyid kyi bsdu ba'i dngos po zhes pa'i don to/ / shes bzhin dang rnam par spyod ces pa la dang gi spyod ni sems can de rnams kyis yang dag pa'i lam shes nas spyod pa ste/ kun rdzob dang don dam pa'i rnal 'byor gyis ji srid nam mkha'i mthar thug par sems can gyi don byed pa'o/ /ma rig pa dang yid mi bde ba zhes pa ni de ltar tshor ba rnam pa gsum la brten pa'i sems so//tshor ba zhes pa gang zhe na/ ma rig pa'i dbang gis tshor ba'o/ /de sad pa ni tshor ba bde ba'o/ /dran pa dang ldan pa ni rig pa bzang po skyed par byed do zhes pa'i don to/ /de ltar lus bzhi'i bdag nyid tshor ba ni tshor ba'i phung po'o/ /de'i yang dag par dran pa'i phyir dran pa nye bar gzhag pa'i gnyis pa'o//de bzhin du chos rjes su dran pa nye bar gzhag pa bstan pa'i phyir/ nang gi chos rnams zhes bya ba la sogs pa gsungs te/ 'dir lus dang ngag dang sems kyi bdag nyid chos rnams kyi tshig gi lam gyis nges par gsungs shing bcom ldan 'das kyis chos bstan to//de yang stong pa nyid dang / mtshan ma med pa dang / smon pa med pa'i bdag nyid de/ de dag ni lung gzhan rnams las rgyas par rtogs par bya'o/ /bdag gis ni gzhung rgyas pas 'jigs pas ma brjod do/ /'on kyang man ngag gis brjod de/ nang gi chos rnams zhes pa ni rtsa stong phrag bdun cu rtsa gnyis pad+ma'i skud rtsa lta bu rnams la gang brten pa'i sems te/de yang chos can zhes brjod de rang rig pa'i bdag nyid kyi phyir ro/ /de'i phyir de'i rang bzhin gyis yul dang yul can rnams la lta ba'i chos ni nang gi chos rnams so/ /phyi'i chos rnams zhes pa ni de lta bu'i chos rnams la bltas pas dngos po sna tshogs pa'i ming rnams la 'jug ste/de'i rang gi las kyi dbang gis dge ba 'am mi dge ba 'byung ngo / /des dngos po sna tshogs pa bskyed de 'byung ba chen po'i bdag nyid 'byung bar 'gyur ro/ de bzhin du rnal 'byor pa rnams dang byang chub sems dpa' rnams kyi tshe rabs snga ma'i bag chags kyi dbang gis dge ba'i las kyis dam pa'i chos sna tshogs pa'i dngos po rnams la sems bskyed do//las des phyi ru brag ca bzhin chos ston to/ /nyan pa dang / ston pa dang klog pa dang / rgyas par yang dag par rab tu ston to/ /de bzhin du dam pa'i chos sna tshogs ston pa'i glegs bam rnams sdud par byed pa dang /'dzin par byed pa la sogs pa shes rab kyi pha rol tu phyin par yang bcom ldan 'das kyis gsungs pa'i bka' thams cad byed do/ /de bzhin du nang dang phyi'i chos rnams la zhes pa ni 'dir chos la dmigs pa'i snying rje gang dag sna tshogs par sprul pa'i sems can de rnams kyi blo ngan pa'i nyes pa gzhom pa'i phyir/chos rnams la rjes su lta ba zhes pa ni rnam pa kun gyi mchog dang ldan pa'i stong pa nyid kyi lam gyi rjes su lta ba'o/ /des na rgyas par yang chos ston pa'o/ /rnam par dpyod pa dang shes bzhin zhes pa ni de ltar sems can de rnams kyi bag chags tsam spang ba'i phyir btul zhes pa ni sngon bzhin du bcom ldan 'das kyi ting nge 'dzin gyi tshul gyis rjes su zhugs pa'o//ma rig pa dang yid mi bde ba zhes pa ni bdag tu 'dzin pas gzung ba dang 'dzin pa la dmigs pa'i phyir ma rig pa'o/ /des na yid mi bde ba zhes pa cung zad 'dod chags kyis g.yogs par 'gyur ro//dran pa dang ldan pa zhes pa ni de'i phyir de bzhin gshegs pa mthong bas sngon gyi gzugs spangs te/ rang bzhin gyi gzugs kyi rjes su dran pa'o/ /ji ltar nyi ma 'char bas pad+ma kha bye ba bzhin du 'gyur ro/ /de bzhin du ma rig pas g.yogs pas kyang sangs rgyas kyi nyi ma 'char ba mthong bas kha bye bar 'gyur ro//de ltar de rnams kyis yang dag pa'i lam rab tu shes pas na shes bzhin no/ /'jig rten gyi btul te zhes pa ni de las byung ba'i phyir ro/ /'jig rten de las chos ston par byed do/ /des bag chags spangs pa'i bdag nyid bcom nas rang dang mnyam par byed ces pa'i don to//de bzhin du rnam par spyod pa ni thog ma dang bar ma dang tha mar ro/ /de ltar yang bcom ldan 'das kyis thog mar dge ba bar du dge ba zhes bya ba la sogs pa gsungs pas dus gsum du dge ba la rnam par spyod do/ /de yang 'du shes kyi phung po 'od dpag tu med pa'i chos de'i yan lag ni phyogs de yang byang chub de ni sgrub thabs kyi phyir dran pa nye bar gzhag pa gsum pa'o//bzhi pa'i dbang du byas te gsungs pa/ nang gi sems zhes bya ba la sogs pa la/ 'dir sems ni rnam pa gsum ste/ de la kun gzhi rnam par shes pa ni nang gi sems so//phyi'i sems zhes pa ni nyon mongs pa can gyi yid do/ /nang dang phyi'i sems zhes pa ni 'jug pa'i rnam par shes pa'o/ /rnam par shes pa de rnams bkag pa'i phyir/ gang nang gi sems de ni snang ba med pa'i ye shes te/ rnal 'byor pa rnams kyi sngon du bkag pa'i phyir ro//gang phyi'i sems de ni brdzun te/ gang gi phyir sems las byung ba'i dngos po sgyu ma lta bu'o/ /de bzhin du sangs rgyas rnams kyi sku la rnam par rig pa 'gog pa'i phyir ro/ /de'i phyir gang nang gi sems pa'i phyi'i sems sgrib pa med pa de ni dmigs pa med pa'i snying rje ste/ sngon du rnam par shes pa 'gog pa'i phyir ro//ma rig pa dang yid mi bde ba zhes pa ni gang gi phyir sngon du 'gog pas dmigs pa med par 'gyur te/ de'i tshe nye ba'i nyon mongs pa cung zad 'dzag pa de ni ma rig pa'i chags pa rnam par bcom pa'i phyir sems kyi rjes su lta ba'o/ /sems can nad rnams kyi sems gang sems med par bstan pa snying rje gsum las snying rje chen po bsgrubs pa ste/chos kyi dbyings gnyis med pa stong pa nyid yang dag pa'i mtha' don dam pa 'od gsal ba de kho na nyid ces pa rnam grangs te/ de'i rjes su lta zhing bcom ldan 'das rnam par spyod ces sbyar ro/ /ci la rnam par spyod ce na gsungs pa/shes bzhin dang zhes pa ni de ltar sems can gyi ris la yang dag par shes bzhin pa la ma ston pa des nye bar mtshon pa dran pa dang ldan pa zhes pa rdo rje 'chang gi sku'o/ /'jig rten gyi btul de zhes pa ni de nyid sgyu ma lta bu'i chos te/ rang byin gyis brlabs pa'i chos kyis 'dod chags zad pa'i sku kun rdzob dang don dam pa dag dbyer med pa la rnam par spyod ces dgongs so//de ltar 'du byed kyi phung po ni don yod par grub pa'i chos so/ /de'i yan lag byang chub kyi phyogs dran pa nye bar gzhag pa bzhi pa sems su bshad pa des ni rnam par spyod ces pa ni bcom ldan 'das kyi nges pa'o//bzhi po zhes pa ni grangs tsam mo/ /de rnams zhes pa'i de ltar sngon du gsungs pa'o/ /dran pa nye bar gzhag pa rnams zhes pa ni 'khor rnams la bstan pa'o/ /da ni yang dag par spong ba bzhi rnams brjod pa'i phyir/ sdig pa mi dge ba'i chos zhes bya ba la sogs pa gsungs te/'dir sangs rgyas kyi zhing shin tu rnam par dag pa rnams su sangs rgyas dang byang chub sems dpa' rnams 'byung bar 'gyur ro/ /de'i dus 'byung ba chen po bzhi'i bdag nyid kyi sems can rnams skye bar 'gyur ro/ /de yang rnam pa bzhir 'gyur te de la rdzus te skyes pa ni gzugs med pa'i khams so//de rnams kyi las ni rlung dang rnam par shes pa'i bdag nyid de/ des na gzugs med par gnas so/ /de la gtsug tor nas dpral ba'i 'khor lo'i mthar thug par sor bzhi rnams su gzhan bzhi dang ldan par 'byung bar 'gyur ro/ /de rnams kyi bag chags kyi nyes pa bzlog pa'i phyir sgrol ma rlung gi khams bsam ste/de yang yang dag par spong ba'o/ /sdig pa mi dge ba'i chos ma skyes pa rnams zhes pa ni gzugs med pa'i khams 'gog pa'i ting nge 'dzin la snyoms par zhugs pa 'di rnams kyi ting nge 'dzin gyis ji srid du de rnams kyi gnas su 'chi bar mi 'gyur ro//sngon gyi bag chags kyi dbang gis shi nas sdig pa mi dge ba'i chos rnams la blo 'jug ste/ des sdug bsngal sna tshogs pa nyams su myongs bar 'gyur ro/ /de'i phyir de rnams kyi mi bskyed par bya ba'i phyir zhes pa ni sdig pa'i blo dang / mi dge ba'i blo dang / chos ma yin pa'i blo dang ji srid du skye bar mi 'gyur ba de srid du bcom ldan 'das kyis bstan to/ /de nyid bstan pa'i phyir 'dun pa skyed do zhes pa ni sngon gyi gnas rjes su dran par byed pa'o/ /'dun pa dang rim pa dang 'dra ba'i tshig gam sngon gyi chos dang las de dang 'dra ba ni de bzhin gshegs pa'i gsungs zhes pa'i don to//des ni sangs rgyas kyi chos rnams la 'jug par 'gyur ro/ /de ni lus rnam par dben pa shes so/ /lus rnam par dben pas lus kyi ting nge 'dzin la rten par byed do/ /de yang spros pa dang bcas pa ste/ rdo rje sems dpa' la sogs pa'i dkyil 'khor gyi 'khor lo la dmigs pa'o//des na dben no zhes pa ni de rnams la slar de la sogs pa ston cing 'dzin par byed cing slar yang mi skye ba 'dzin par byed do/ /de'i phyir brtson 'grus rtsom mo zhes pa ni bla ma dang dge ba'i bshes gnyen rnams mnyes par byed do/ /brtson 'grus kyi spro bas sbyin pa dang shin tu sbyin pa dang sbyin pa chen po ster ro/des na theg pa gsum la sogs pa'i chos rnams nyan to/ /de'i phyir bla ma'i man ngag la dmigs so/ /des kyang nyon mongs pa'i phung po rnams yongs su spong bar byed cing dngos grub kyang thob par 'gyur ro/ /de ltar yang bcom ldan 'das kyis gsungs pa/ brtson 'grus spro ba'i rang bzhin chos//sgrub pa po ni pha rol 'gro/ /brtson 'grus dang ni bral na ni/ /sgrub pos dngos grub thob mi 'gyur/ /de ltar brtson 'grus brten pa yis/ /mkhas pa rnams ni 'grub par 'gyur/ /ji srid mi ru ma skyes par/ /brtson 'grus nyid ni bya ba yin/ /chos ni mang po mnyan pa dang //bsgom pa rnams ni sgrub par byed/ /sems can rgyu ru bdag bsgrub par/ /smon lam yang ni 'debs par byed/ /de bzhin du sems rab tu 'dzin to zhes pa ni stong pa'i ting nge 'dzin yongs su spangs te/ sbyin pa la sogs pa'i pha rol tu phyin pa drug ston cing des yang dag pa'i smon lam rdzogs par byas pa'o//smon no zhes pa ni sems can thams cad rnams la yang dag pa'i lam ster zhes pa ste nges pa'o/ /de bzhin du gzugs kyi khams rnams kyi bstan pa'i phyir/ sdig pa mi dge ba'i chos skyes pa rnams zhes bya ba la sogs pa gsungs te/ 'dir gzugs kyi khams pa'i lha ni gtsor me'i khams kyi bdag nyid do//de rnams kyang sngon gyi dge ba'i rtsa bas bdag nyid chen por 'gyur ro/ /'on kyang dge ba'i grogs mchog dang bral ba'o/ /des na dge ba'i chos rnams la sems bskyed par mi 'gyur te/ gang dang gang yang dag par spong bskyed pa'i dge ba'i chos des yang dag par rdzogs pa'i byang chub rnyed par 'gyur ba'o//gang 'dun pa skyed do zhes bya ba la sogs pa ni sngon bzhin du rtogs par bya ste/ gang gi phyir dpral ba nas mgrin pa'i 'khor lo'i mthar thug par sor bcu drug nas der skye ste/ gzugs na spyod pa bcu drug gi lha rnams kyi gnas bcu drug po de rnams su skye bar 'gyur ro//de'i phyir de bzhin gshegs pa'i gdul bya'o/ /de bzhin du me'i khams gos dkar mo'o/ /des na yang dag par spang bar bya'o/ /gang du bsgom par bya ba yang der skyes pa'i sems can rnams sdig pa mi dge ba'i chos rnams kyi blo dang ldan te/ des na 'khor bar yang dang yang du sdug bsngal nyams su myong bar 'gyur ro//des na 'dun pa skyed do zhes pa dge ba dang mi dge ba'i chos ston pa nyan to/ /des na 'dun pa dang ldan par gyur to/ /bcom ldan 'das mthong bas sor phreng bzhin rgyal bar 'gyur te/ phyis dran par byed do/ /de yang 'bad do zhes pa ni de ltar bcom ldan 'das kyi bka' dran pa'am 'dzin par byed do//sdig pa mi dge ba'i chos rnams 'dor zhes dgongs so/ /dge ba'i rtsa ba bskyed pa'i phyir/ brtson 'grus rtsom mo zhes bya ba la sogs pa ni sngon bzhin te/ /yang dag par spong ba gnyis pa'o/ /de bzhin du yang dag par spong ba gsum pa'i dbang du byas te gsungs pa/ dge ba'i chos ma skyes pa rnams zhes bya ba la sogs pa ni 'dir 'dod pa'i khams kyi lha rnams ni gtsor chu'i khams kyi bdag nyid do/ /lhag ma ni de'i nang du 'dus so/ /de la mgrin pa nas snying ga'i 'khor lo'i bar sor mo bcu gnyis po de rnams las de sor gnyis gnyis po de las gnas drug rnams su 'dod pa'i khams drug po rnams 'byung bar 'gyur te/sngon du gsungs pa'i yon tan gnyis dang / phyi ma dang yon tan gsum las 'byung ngo / /lha ma yin yang de'i nang du 'dus te/ de yang snying ga'i 'og tu sor gnyis las 'byung bar 'gyur ro/ /de bzhin de mA ma kI ni chu'i khams so//de rnams kyang bsod nams kyi bdag po chen por bstan pas sbyin pa la sogs pa dang ldan pa ye shes kyi snang ba spangs pa dge ba'i grogs dang bral ba shin tu 'dod pa la chags pa'o/ /de rnams kyi spong ba ni yang dag par spong ba'o/ /'on kyang 'dod pa la sred pa de gang gi phyir mi bskyod pa sems te/de yang zhu ba'i rang bzhin no/ /des na mA ma kI chu'i khams so/ /des na 'dod pa la sred pa'i sems kyi 'dod pas skyes ma rnams dang snyoms par 'jug go/ /de'i phyir lha rnams 'dod pa la sred pa'o/ /des na dge ba'i chos ma skyes pa rnams skyed pa'i phyir 'dun pa skyed ces pa la/'dun pa ni ting nge 'dzin rnyed pa ste/ chos kyi dbyings lta bur shes par byed pa'o/ /'bad do zhes pa ni de yang dag par 'bad pa'o/ /des na brtson 'grus zhes bya ba la sogs pa sngon bzhin rtogs par bya'o/ /de bzhin du yang dag par spong ba bzhi pa bstan pa'i phyir/ de bzhin du dge ba'i chos skyes pa rnams zhes bya ba la sogs pa gsungs te/de bzhin zhes pa ni sngon du gsungs pa'i yang dag par spong ba gsum po rnams nye bar bsdu ba'i don to/ /de rnams thams cad grangs bzhin du/ /bzhi dang de bzhin bcu drug dang / /gnas bdun du ni gang bshad pa/ /gsum po rdzus te skye bar 'gyur//de bzhin du yang mngal nas skyes pa ni rkang gnyis pa mi la sogs pa'o/ /de rnams kyi dge ba'i chos skyes pa rnams gnas par bya zhes pa ni de ltar rdzus te skyes pa srid pa gsum gyi lha rnams mngal nas 'byung bar skyed pa'i phyir sngon gyi mi'i dngos 'dzin to/ /des na mi de rnams kyang dge ba'i chos yongs su rdzogs pa'i rang bzhin gyis gnas te/de rnams yongs su rdzogs par bya ba dang / yang dag pa'i lam sbyin par bya ba'i phyir de bzhin gshegs pa'i sprul pa'i skur 'gyur te/ rten cing 'brel par 'byung ba bzhin/ /kha ton mar me me long sogs/ /zhes so//ji ltar kha ton las kha ton dang mar me las mar me dang / me long las gzugs brnyan no/ /de de bzhin du sngon gyi smon lam gyi dbang gis sprul pa'i skur 'gyur ro/ /lus de sems can rnams kyis bsgom par bya ba'i thabs tshad med pa zhes pa ni 'dir de bzhin gshegs pas rnal 'byor dang rnal 'byor ma sna tshogs pa'i rgyud rnams su thabs sna tshogs pa'i sgom pa sna tshogs pa la brten te/sems can rnams la zhi ba dang drag po dang shin tu drag po'i thabs kyis te/ bcom ldan 'das kyi skus man ngag sna tshogs pas bstan pa'o/ /yongs su rdzogs par bya ba la/ /zhes pa ni lnga pa'i don la bdun pa'o//sems can gang dang gang gi rang gi sems chos de rnams kyis yongs su rdzogs par bya ba'i phyir ro/ /slar yongs su rdzogs par bya ba zhes pa ni slar gyi sgras mir 'jig rten du 'jug pas lha dang klu dang gnod sbyin dang mi'am ci la sogs pa rnams chos kyi sku bdud rtsis yongs su rdzogs par byed pa'o//byol song dang dmyal ba de rnams yongs su rdzogs par bya ba'i phyir yang dang yang du skyes nas chos ston par byed do/ /sgom pa 'phel ba dang rgyas pa'i phyir zhes pa ni de yang sgo nga las skyes pa dang drod gsher las skyes pa'i sems can byol song rnams dang / sgo nga las skyes pa rkang bzhi pa la sogs pa yang mi'i skye ba thob pas sgom pa sna tshogs pa rgya chen po 'phel bar 'gyur ro//sgom pa des sangs rgyas su 'gyur te ye shes 'phel ba'i phyir ro/ /'dun pa skyed do zhes bya ba la sogs pa ni go sla'o/ /'on kyang mi de rnams ni gtsor sa'i khams kyi rang bzhin te/ lhag ma ni de'i nang du 'dus pa'o//yang na khams thams cad kyi rang bzhin gyi bdag nyid do/ /de rnams kyi snying ga'i 'og tu sor gnyis nas lte ba'i mthar thug pa sor bcu las skye bar 'gyur te/ gang gi phyir spyan ma sa'i khams te de'i rten lte ba'i 'khor lo yin pa'i phyir ro/ /de ltar khams bzhi'i rang bzhin yang dag par spong ba bzhi rnams ni bcom ldan 'das kyi nges pa'o//da ni mi rnams kyi rdzu 'phrul gyi rkang pa bzhi sgom pa rnams bcom ldan 'das kyis rnam par bshad pa bstan pa'i phyir/ 'dun pa'i ting nge 'dzin zhes bya ba la sogs pa gsungs te/ 'dir 'dun pa zhes pa nas rkang pa zhes pa'i mthar thug pa ni mdor bstan pa'o//'di'i bshad pa ni dben pa zhes pa la sogs pa'o/ /dben pa zhes pa ni lus rnam par dben pa ste/ de'i dbang po'i sgo nas phung po dang khams rnams dang skye mched la sogs pa nye bar mtshon par bya ba'o/ /de yang rnal 'byor gyi rgyud du ma rnams su bcom ldan 'das kyis rgyas par gsungs shing chos mngon pa la sogs pa rnams su yang gsungs so//des na bdag gis ma bstan te/ gzhung rgyas pas 'jigs pa'i phyir ro/ /yang na de rnams kyi phung po dang / khams dang skye mched la sogs pa rnams kyi bdag nyid kyis sems can thog ma med pa nas tha mal pa'i nga rgyal gyis rnam par gnas pa rnams de'i rang bzhin gyi phyir 'dun pa'o//de'i spong ba ni sgom pa dben pa ste/ des na ting nge 'dzin ni rdo rje sems dpa' la sogs pa'i nga rgyal lo/ /da yang lhag par mos pa'i rnam par rtog pa'o/ /des na 'jig rten pa'i gang zag tu lta ba'o//brten pa zhes pa ni lta ba la brten pa'i sems so/ /'dod chags dang bral ba zhes pa ni de'i 'dod chags dang bral ba ni man ngag rnam par dben pa ste/ des rab tu zhi ba'o/ /de yang rdo rje bzlas pa'i tshul gyis rlung gi sbyor ba nyid sna'i rtse mor sgom pa'i rim pas nye bar mtshon par bya'o//des ni sems brten par 'gyur ro/ /de ltar yang bcom ldan 'das kyis gsang ba 'dus pa las gsungs te/ rin chen kha dog sna lnga pa/ /nyungs kar sbom po'i tshad tsam du/ /sna yi rtse mor nan tan du/ /rnal 'byor rig pas rtag tu bsgom/ /zhes bya ba la sogs pa rgyud sna tshogs las rgyas par gsungs so//de'i phyir rdzogs pa'i rnal 'byor med par slar rnam par rtog pa'i sems su 'gyur te/ de gsungs pa/ rten zhes pa ni rnal 'byor pa la dmigs pa'i phyir/ sems yod ces sbyar ro/ /de'i 'gog pa zhes pa ni sems rnam par dben pa'o/ /de yang sems dang sems las byung ba'i gnas skabs kyi rang bzhin gyi chos rnams lung rnam pa mang po'i tshul gyis khong du chud par bya'o//'on kyang de'i ji srid du sgyu ma lta bu'i ting nge 'dzin sngon du ma byas pa de srid du de'i 'gog par mi 'gyur ro/ /de yang bcom ldan 'das kyis thabs sna tshogs pa bstan mod//rmongs pa rnams kyis mi shes so/ /brten pa zhes pa ni de la yang brten to/ /'o na gang las shes she na/ 'ga' zhig sgyu ma rnam pa dang bcas pa goms pa med par dmigs pa'i phyir bstan pa'i rgyun nyid do/ /rnam par spong bas yongs su bsgyur ba zhes pa ni nyes pa dang yon tan no/ / de yang rnam pa dang bcas pa'i bden pa'am rnam pa med pa'i sgyu ma lta bu de'i nyes pa rnams yongs su thim pa'i sems nyid ye shes te/ de brjod du med pa'i 'od gsal ba'i ye shes zhes pa'i don to/ /rdo rje sems dpa' la sogs pa'i 'dod pa'i lha'i nga rgyal tsam gyis lus dang ngag dang sems dri ma med pas sems can thams cad grol bar gyur pa ma yin nam/ji ltar ting nge 'dzin sna tshogs pa la nye bar spyod pas sems gong nas gong la brten par 'gyur/ de ni ma yin no/ /de ci'i phyir zhe na thog ma med pa'i bag chags kyis rnam par rtog pa la nye bar spyod pa'i phyir ro/ /gang gi phyir 'gro ba'i don byed pa'i phyir//bdag gi mdun du zhum par ma gyur zhes pa ni 'dir byang chub sems dpa' rnams ni rnam par rtog pa tsam bzhed de smon lam gyi dbang gis so/ /rigs pa des na sngon gyi rnam par rtog pa ngan pa'i bag chags kyi dbang gis smon lam sngon du song ba'i rnam par rtog pa bzang pos rang gi don dang /gzhan kyi don dag sgrub par byed kyi rang gi don gyi rnam par rtog pa tsam 'dzin pa ni ma yin no/ /des na 'dir smon lam 'debs so/ /'dun pa zhes pa ni cung zad rdo rje 'chang la sogs pa'i gzugs su sprul pa'i rang bzhin gyis de'i yang dmigs pa rang bdag nyid de dang 'dra bar 'gyur zhes pa'i don to//shin tu zhum par ma gyur cing sgyu ma'i sems de yang shin tu ches zhum par ma gyur cig ces pa ni smon lam mo/ /shin tu 'dzin par ma gyur zhes pa ni res 'ga' cung zad gnas pa der yang gnas par mi byed pa'i smon lam mo/ /'o zhes pa ni de de bzhin//zhes pa'i don to/ /de la rdzu 'phrul gyi rkang pa yang ci zhe na/ sngon du gsungs pa'i phung po bzhi po der lnga pa rnam par shes pa'i ni 'dun pa'i rdzu 'phrul gyi rkang pa'o/ /de yang mi bskyod pa'i chos te/ de'i 'gog pa nges par gsungs pa des na de la de skad ces bya'o/ de ltar ldan pa zhes pa ni rnal 'byor pa rnams kyi gnyis med pa'i rgyun du rnal 'byor dang ldan pa'i sems de yang bsam du med pa'i 'du byed nyid kyis 'dun pa de 'gog pa la gnas pa'am mi gnas zhes pa ni nges pa'o/ /de bzhin du rdzu 'phrul gyi rkang pa gnyis pa bstan pa'i phyir/brtson 'grus kyi ting nge 'dzin zhes bya ba la sogs pa gsungs te/ brtson 'grus kyi ting nge 'dzin zhes pa nas/ rkang pa zhes pa'i bar gyi mdor bstan pa'i tshig go/ /de'i bshad pa dben pa zhes bya ba la sogs pa ni sngon bzhin du rtogs par bya'o/ /'on kyang sngon du gsungs pa'i rdzu 'phrul gyi rkang pa gang yin pa ni rags pa'o//'dir rdzu 'phrul gyi rkang pa gnyis pa ni de nyid kyi phra ba'i mtshan nyid do/ /de'i phyir phra ba ni lus rnam par dben pa'o/ /de bzhin du ngag dang sems kyang ngo / /rdzu 'phrul gyi rkang pa yang ci zhe na/ sngon du khams bzhi gsungs pa de'i lnga pa ni nam mkha'i khams te/de yang rdzu 'phrul gyi rkang pa pad+ma 'bar ba'i chos de'i 'gog pa la de skad ces bya'o/ /de bzhin du spyod pa'i ting nge 'dzin zhes bya ba la sogs pa ni go sla'o/ /'on kyang rdzu 'phrul gyi rkang pa ni shin tu phra ba ste/ de yang dben pa zhes pa ni sngon bzhin rtogs par bya'o/ /rdzu 'phrul gyi rkang pa yang ci zhe na/dbang po rnams la dbang po drug pa ni chos kyi dbyings te de yang rdzu 'phrul gyi rkang pa ste/ kun du bzang po'i chos de'i 'gog pa'o/ /lhag ma ni snga ma bzhin no/ /de bzhin du rdzu 'phrul gyi rkang pa bzhi pa'i dbang du byas te gsungs pa/ sems kyi ting nge 'dzin zhes bya ba la sogs pa ni sngon bzhin te/de yang ches phra ba'o/ /de'i dben pa zhes bya ba la sogs pa go sla'o/ /'on kyang rdzu 'phrul gyi rkang pa ci zhe na/ de'i yul chos kyi dbyings so/ /de yang sems las byung ba bcom ldan 'das byams pa'i chos de 'gog pa'o/ /yang na gzugs rdo rje dang / sgra rdo rje dang dri rdo rje dang / ro rdo rje'i rang bzhin can rdzu 'phrul gyi rkang pa bzhi po de'i chos rnams de'i 'gog pa'o/ /de rnams 'gog pa'i phyir 'dod pa'i yon tan lnga rnams 'gog pa'o/ /lhag ma ni snga ma bzhin no/ /'di ni slob dpon rnams kyi lugs so/ /de ltar rdzu 'phrul gyi rkang pa bzhi shin tu dben pa dang / /shin tu dpyad pa dang shin tu yon tan gyi tshul gyi rnal 'byor pa rnams kyis bsgom par bya'o//da ni dbang po lnga rnams brjod pa'i phyir/ de 'dod pa na spyod pa zhes bya ba la sogs pa gsungs te/ de ltar sngon du gsungs pa'i rdzu 'phrul gyi rkang pa bzhi mi la sogs pa'i rang dbang du 'gyur ro/ /des na 'dod pa na spyod pa zhes pa ni 'dod pa'i khams na spyod pa'i sems can de rnams kyang las kyi sar skyes nas byang chub kyi sa bon rab tu 'debs te/las des 'jig rten pa zhes pa ni rang gi phyir khams gsum gyi sems can rnams mi'i gzugs rnams su 'jug pa de'i tshe yang dag pa'i lta ba phun sum tshogs pa la dad par byed ces dgongs so//rang gi las zhes bya ba la sogs pa ni sems can de rnams kyang chung ngu dang 'bring dang chen por 'gyur te/ kha cig ni rang gi dge ba'i las kyi rnam par smin pa'i dbang gis mtho ris la sogs pa'i longs spyod la spyod do/ /kha cig ni las mi dge bas byol song dang yi dags dang dmyal ba rnams su skye bar 'gyur ro//kha cig ni shin tu dge ba'i las kyis yang dag par rdzogs pa'i byang chub kyi lam bgrod par 'gyur ro/ /de ltar de'i las kyi rnam par smin pa bdag gis bstan par bya'o/ /de rnams la bstan pa tsam gyis nyon mongs pa zad par byas nas thams cad sangs rgyas su 'gyur ro//de ltar rang gi las zhes pa nas/ so sor myong bar 'gyur zhes pa'i mthar thug pa ni smon lam nyid de/ de bzhin gshegs pa'i nges pa'o/ /de srog gi phyir yang zhes bya ba la sogs pa'o/ /'dir sems can gang dag gi bdag 'tsho ba'i don du srog gcod pa la sogs pa dang /tshong sna tshogs pa 'tshong bar byed do/ /yang gi sgras 'chad pa dang rtsod pa dang chom pa la sogs pa gzung ngo / /des na sdig pa'i las rnams bdag nyid mngon par 'du mi byed pa'o/ /gal te byed pa na des ni dmyal ba la sogs par sdug bsngal nyams su myong bar mi 'gyur ro//de rnams kyi/ 'di ni dad pa'i dbang por brjod/ /ces pa ni 'dir rnal 'byor pa rnams kyi chos rnams kyi dang po ni dad pa'o/ /gang gi phyir chos rnams thams cad kyi dang por bskyed pa ni dad pa'o/ /de'i tshe chos gang dag ces pa ni nyan thos dang / rang sangs rgyas dang /theg pa chen po dang / yang dag par rdzogs pa'i byang chub kyi chos rnams ji ltar gsungs pa bzhin byed pa ste/ gzhan 'jig rten pa'i chos la ni ma yin no zhes dgongs so/ /de ltar de rnams ni mig gi dbang po'i yul lo/ /de yang gzugs rdo rje ma'i chos te/ de'i bya ba la nye bar spyod pa de la de skad ces bya'o//de bzhin du rna ba'i yul sgra rdo rje ma'i chos brtson 'grus kyi dbang po'o/ /de bzhin du sna'i yul dri rdo rje ma'i chos dran pa'i dbang po'o/ /de bzhin du lce'i yul ro rdo rje ma'i chos ting nge 'dzin gyi dbang po'o/ /de bzhin du lus kyi yul reg bya rdo rje ma'i chos shes rab kyi dbang po'o//de bzhin du chos de rnams brtson 'grus gang gis shes pa nas de dag ni stobs lnga zhes pa'i mthar thug pa ni go sla'o/ /'on kyang yul can lngas sa snying la sogs pa'i byang chub sems dpa' lnga po de rnams stobs lnga'o/ /de bzhin du byang chub kyi yan lag bdun rnams bstan pa'i phyir/de la byang chub kyi yan lag bdun zhes bya ba la sogs pa gsungs te/ de la zhes pa ni sngon du gsungs pa'i rdzu 'phrul gyi rkang pa la sogs pa'i gnas rnams la'o/ /ji lta bu zhe na zhes pa ni tshad ci zhes rdo rje snying pos gsol ba btab pa'o/ /'di lta ste zhes bya ba la sogs pa ni bcom ldan 'das kyi lan gyi tshig go//'on kyang dran pa yang dag byang chub kyi yan lag ni kun gzhi rnam par shes pa'i khams te/ de yang 'jam dpal gyi chos so/ /lhag ma ni go sla'o/ /chos rnam par 'byed pa la sogs pa rnams ni lus rnam par dben pa la sogs pa rnams la nges par sbyar bar bya'o//byang chub kyi yan lag bdun zhes pa la sogs pa'i sgra ni 'phags pa'i lam yan lag brgyad po rdzu 'phrul gyi rkang pa'i gnas rnams la bsgom zhes pa ste/ de bzhin gshegs pa dam bca' ba'o/ /'di ni nges pa'o/ /chos rnam par 'byed pa la sogs pa drug po 'di rnams kyis chos rnams rnam par gzhag pa gsungs te/de rnams thams cad rim pa bzhin du gshin rje mthar byed dang / shes rab mthar byed dang pad+ma mthar byed dang / bgegs mthar byed dang / gnod mdzes rgyal po'o/ /las kyi dbang po lnga'i dngos po'i phyir ro/ /de bzhin du las kyi dbang po rnams las btang snyoms yang dag byang chub kyi yan lag ni gtsug tor 'khor los sgyur ba'i chos so//de yang mtshan ma'i sgo'o/ /de ltar drug par brjod do/ /lhag ma las kyi dbang po'i bya ba rnams 'chad bzhin pa las shes par bya'o/ /da ni 'phags pa'i lam yan lag brgyad pa brjod pa'i phyir/'phags pa'i lam yan lag brgyad ces bya ba la sogs pa gsungs te/ ji lta bu zhes pa ni byang chub kyi yan lag gi gnas rnams su ji lta ba'i rang bzhin rnams bsgom par bya zhes dgongs so/ /'jig rten las 'das pa'i lta ba gang gis zhes bya ba la sogs pa ni go sla'o/ / 'on kyang cung zad brjod do/ /yang dag pa'i lta ba ni las kyi dbang po'i bya bas mi g.yo ba'i chos rkang pa'i bya ba'o/ /de bzhin du yang dag pa'i rtog pa ni nye bar gnas pa mjug ma'i bya ba dbyug sngon can gyi chos so/ /de bzhin du yang dag pa'i ngag ni tshig gi bya ba 'dod pa'i rgyal po'i chos so/ /de bzhin du yang dag pa'i las kyi mtha' ni lag pa'i bya ba ste/stobs po che'i chos so/ /de bzhin du yang dag pa'i 'tsho ba ni khu ba 'dzag pa drug pa ye shes kyi phung po rdo rje sems dpa'i chos so/ /de bzhin du yang dag pa'i rtsol ba ni nam mkha' mthar thug pa a wa d+d+hU tIr rang rig pa 'dzin pa'i phyir drug pa ye shes kyi khams te/chos kyi dbyings rdo rje ma'i chos so/ /de bzhin du yang dag pa'i dran pa ni rdo rje'i lam nas chags pa chen po chags pa'i khams steng du 'gro ba'i phyir drug pa ye shes las kyi dbang po ste/ de yang bdag med pa'i chos so/ /de 'dzin pa'i phyir drug pa ye shes las kyi dbang po'i bya ba'i snying rje'i chos so//'di rnams kyi cod pan na bzhugs pa'o/ /de bzhin gshegs pa de rnams kyang chos te de ltar chos sum cu rtsa bdun gyi rang bzhin gyi bdag nyid yang dag pa'i ting nge 'dzin gyi chos can bcom ldan 'das dpal he ru ka dpa' bo'i chos so/ /chos sum cu rtsa bdun po de rnams rnal 'byor gyi rgyud rnams la brten te mdor bsdus nas gsungs so//de'i phyogs ni byang chub kyi phyogs kyi chos rnams te/ de yang mdor bsdus te gsungs so/ /rgyas par yang gzhung sna tshogs pa'i lung rnams las rtogs par bya'o/ /lhag ma ni go sla'o/ /da ltar de dag yang dag bshad/ /rab tu dga' la sogs pa'i sa//zhes pa ni de dag ces pa sngon du gsungs pa'i byang chub kyi chos sum cu rtsa bdun rnams so/ /de ltar zhes pa de rnams thams cad do/ /yang dag bshad ces pa ni 'gro ba'i don gyi rgyur bdag gis yang dag bshad ces pa'i don to/ /rab tu dga' ba la sogs pa//zhes pa la sogs pa'i sgras ni rim pa bzhin sa bcu gnyis rnams gzung ngo / /nyid ni nges par gzung ba'o/ /byang chub sems dpa' rnams kyi gnas zhes pa ni sa de rnams thams cad ni byang chub sems dpa' rnams kyi rten no/ /byang chub sems dpa' de rnams dbang po la sogs pa rang bzhin can zhes pa la sogs pa'i sgra ni yul dang yul can las kyi dbang po dang de'i bya ba'o//de rnams kyi rang bzhin ni yang dag pa'i lam rjes su rtogs pa'o/ /byang chub bsgrub pa'i tshul yod pa'i sems can ni byang chub sems dpa'o/ /de rnams kyi gnas ni byang chub sgrub pa'i rten rang gi lus zhes pa'i don to//sangs rgyas thams cad rnams kyi gnas pa zhes pa ni de bzhin du sngon du gsungs pa'i sa bcu gnyis kyi bdag nyid kyi gnas te/ de rnams bsdus pa'i lus ni yang dag par rdzogs pa'i byang chub kyi sgrar bstan to/ /so sor phye na rnal 'byor gyi rgyud sum cu rtsa drug rnams su brjod de bskyed pa'i rim pa'i phyir ro//rten de'i brten pa rnal 'byor ma'i rgyud sum cu rtsa drug tu brjod de/ de rnams kyang lus kyi rtsa sum cu rtsa gnyis te/ 'chad bzhin pa'i rim pas ston to/ /de rnams 'dus pa'i bdag nyid rtsa gsum mo/ /tha mal ba'i a wa d+hU tI de rnams 'dus pa'i rtsa gcig ni ye shes kyi a wa d+hU tI'o//de ltar rtsa sum cu rtsa drug po de yang gnas te/ sangs rgyas thams cad rnams dang / rang rig pa'i ye shes sems dang sems las byung ba rnams kyi rten yin pa'i phyir ro/ /phung po la sogs khyad par nyid/ /ces pa ni sangs rgyas thams cad rnams 'ba' zhig gi gnas ma yin te/phung po la sogs pa rnams kyi yang gnas so/ /sogs pa'i sgras khams dang skye mched rnams kyi yang ngo / /'on kyang de rnams la khyad par yod de/ gzhan gzugs la sogs pa'i phung po dang / gzhan khams rnams dang / gzhan skye mched rnams dang /gzhan yul rnams dang / gzhan las kyi dbang po rnams dang / gzhan de'i bya ba rnams so/ /de ci zhe na/ sngon du gsungs pa'i byang chub kyi phyogs kyi chos sum cu rtsa bdun gyi tshul gyis chos kyi dbyings shin tu rnam par dag pa'i bdag nyid du 'gyur ba'o/ /de'i ye shes kyi snang ba mthong bar bya ba'i phyir de rnams kyang /sangs rgyas byang chub sems rnams kyis/ /sangs rgyas nyid ni 'byung ba'i mchog/ /ces pa ni 'dir shin tu rnam par dag pa'i sangs rgyas dang byang chub sems dpa' rang gi lus las byung ba de'i bdag nyid rnams ji srid dngos su rdo rje 'chang gi sa la brten par mi byed pa de srid du de rnams ma rig pa'i dbang gis brgya la cung zad lam ma rdzogs pa'i dbang gis 'khor bar 'jug par 'gyur ro//de'i phyir/ sangs rgyas nyid 'byung ba'i rtsa'i mchog /ces phul du byung ba gzung ba dang / 'dzin pa dang bral ba sngon gyi rim pas rab tu dag pa'o/ /'on kyang sum cu rtsa gnyis zhes pa ni tha mal pa'i gnas skabs su yang slob bzhin pa nyid kyi phyir rnal 'byor pa rnams kyi rdzogs pa'i rim par 'os pa shin tu bsdus pa 'dod pa'i phyir byang chub bsgrub pa la brtson pa'o//gang gi phyir rtsod pa'i dus su nga rgyal can tshe thung ba sgyu can las ngan pa la dga' ba 'byung ngo //des na bcom ldan 'das kyis rnal 'byor ma'i rgyud kyi rim pa rnams su rdzogs pa'i rim pa bstan pa des na rtsa sum cu rtsa gnyis bstan to/ /de rnams kyi ming 'chad bzhin pas brjod pa'i phyir rgyu ba rtogs par bya'o/ /byang chub sems rnams sum cu gnyis/ /gang tshe zhes pa ni de ltar yang rtsa de rnams la dus thams cad du byang chub sems rgyu bas tha mal pa'i gnas skabs su yang bla ma'i man ngag gis bsgom pa'i dus su gang ba zhes pa ni dus thams cad du byang chub kyi sems kyis gang bar gyur te/mgal me'i 'khor lo bzhin rgyun mi 'chad par 'gyur ba de'i tshe 'chad bzhin pa'i dus su 'khor lo bzhi'i dbye ba rnams las bshad pa'i phyir ro//dbang po zhes bya ba la sogs pa ni rtsa rnams 'ba' zhig byang chub sems kyis gang bar ma zad kyi dbang po rnams dang 'byung ba rnams dang phung po la sogs pa rnams kyang gang ba ste/ 'chad bzhin pa'i dus su rang rig pa'i ye shes nyams su myong zhes pa'i don to//de ltar rnal 'byor gyis nyams su myong bas 'jig rten pa'i kun rdzob kyi bden pa mthong ngo / /de nas kun rdzob dang don dam pa'i bden pa dbyer med pa'i mtshan nyid gnyis su med pa zung du 'jug pa'i bdag nyid dngos po dang dngos po med par ro mnyam pa'i rang bzhin nyid do//de nyid bstan pa'i phyir/ de rjes sangs rgyas nyid ces pa ni sgrib pa med pa'i ye shes zhes bya ba la sogs pa dang bral ba mchog tu mi 'dzag pa'i rnal 'byor rang bzhin gyis 'od gsal ba'i bdag nyid de bzhin nyid bgrod du med pa rgyud med pa dang po'i dang po thog ma med pa'i sems dpa' rdo rje 'dzin gyi sa'o//mi phyed pa'i phyir rdo rje ste/ dus gsum du rgyud nyams pa med pa rtog ge pa rnams kyis bgrod par bya ba ma yin pa sangs rgyas rnams kyi yul brjod du med pa'o/ /gang phyir rtogs pas sangs rgyas nyid/ /sems nyid rdzogs pa'i sangs rgyas te//sangs rgyas gzhan du bstan pa min/ /rang rig pa yi mchog ni rnyed/ /ces pa ni de bzhin gshegs pa'i nges pa'o/ /dkyil 'khor gyi 'khor lo dmigs pa la sogs pa dang / sku gsum rnam par bsgom pa dang / de bzhin du sku gzugs dang / mchod rten dang dam pa'i chos rnams 'dus bya ba la nye bar spyod pa dang /de rnams kyi dkyil 'khor bya ba dang / sbyin pa pa'i lci ba zhes bya ba la sogs pa ni maN+Dal gyi tshigs su bcad pa brjod pa'i phyir pha rol tu phyin pa drug thob ste/ de'i phyir pha rol tu phyin pa bzhi ni bsod nams kyi tshogs kyi don du'o/ /de bzhin du shes rab kyi pha rol tu phyin pa 'ba' zhig ni ye shes kyi tshogs so//brtson 'grus kyi pha rol tu phyin pa ni tshogs 'di gnyis ka la 'jug pa'o/ /de ltar tshogs gnyis yongs su rdzogs pa'i phyir te/ de bzhin gshegs pas sangs rgyas pa nyid du gsungs pa ma yin nam/ de ji ltar sems rang rig pa'i phyir sangs rgyas nyid 'thob ste/gzhan du bstan pa min zhes brjod do/ /sems nyid shes rab kyi pha rol tu phyin pa'i rang bzhin te/ de yang chos kyi sku'o zhes gal te 'ga' zhig sems par gyur na de'i phyir gsungs pa/ /rang gi lus la sangs rgyas bzhugs/ /gzhan du gang na'ang sangs rgyas med/ /ces bya ba la sogs pa de rnams bzlog pa'i phyir bcom ldan 'das kyis gsungs so//'dir gang dag pha rol tu phyin pa'i theg pa la brten pas rig pa'i ye shes ma rtogs pa rang gi mngon par 'dod pa de ni ma yin no/ /ci'i phyir zhe na/ brjod par bya ste/ 'dir dang po re zhig sems can rnam pa gsum du 'gyur te/chung ngu dang 'bring dang chen pos sangs rgyas kyang rnam pa gsum mo/ /lus dang ngag dang sems kyi chos can gyis theg pa gsum ste/ nyan thos dang rang sangs rgyas dang theg pa chen po'o/ /de la gang dag dbang po rtul po'i sems can de dag la bskyed pa'i rim pa'i tshul gyis bstan to//gang dag dbang po cung zad rno ba'i sems can de dag la bskyed pa'i rim pa'i rdzogs pa'i rim pa bstan to/ /de rnams kyang slob bzhin par 'gyur ro/ /gang dag dbang po rnon po'i sems can de dag la rdzogs pa'i rim pa bstan to/ /de bzhin du gang dag dbang po rnon po'i sems can de dag la yang dag par rdzogs pa'i rim pa bstan to//'on kyang rdzogs pa'i rim pa'i yongs su rdzogs pa'i rim pa ste/ rgyu dang 'bras bu'i tshul gyis phan tshun ltos pa'i phyir ro/ /de la bskal pa bzang po'i dus su rnam par gzigs nas 'od srungs kyi mthar thug pa'i de bzhin gshegs pa rnams kyis theg pa gsum bstan to/ / rdzogs ldan gyi dus su yang dbang po rnon po'i sems can rnams kyis theg pa gsum gyi nang du rdo rje theg pa 'dus par shes te/ des na de bzhin gshegs pa rnam par gzigs la sogs pa rnams kyis glegs bam la sogs pa ma bstan zhing dam pa'i chos kyi mdzod kyang ma mdzad do/ /'khor thams cad kyis rig cing rang gi bdag nyid kyis yongs su shes pa'i phyir ro//de'i phyir 'dir rtsod pa'i dus su shAkya thub pas rdo rje theg pa yang dag par bstan to/ /sdud pa po rnams kyis kyang dngos su thos shing sdud pa pos glegs bam rnams bris pa'am gzung ba'i don to/ /des na gzhan dang gzhan las brgyud de 'ongs pa gang dag yang sngon nas dbang po rnon po slob bzhin pa de rnams thams cad pha rol tu phyin pa'i theg pa rnams kyis grub ste/rdo rje theg pa nang du 'dus pa'i phyir ro/ /rdo rje theg pa yang lus kyi rim pa lus la brten pa'i sems des lus su song zhing 'jug pa'i phyir sems nyid rang rig pa'i bdag nyid do//des na nyams su myong bas rab kyi mthar thug pa phung po dang khams dang skye mched rnams kyis thar pa thob ste/ gang gi tshe de'i rjes su sangs rgyas nyid dam rdo rje 'chang ba nyid sgrib pa dang bral ba spros pa med pa'i ye shes thob ces pa'i don to/ /des na rang gi lus la zhes pa ni rnal 'byor pa rnams kyi rdo rje'i sku la'o//rdo rje'i sku ni dbyer med pa'i ting nge 'dzin dang ldan pa'i phyir ro/ /des na sangs rgyas nyid bzhugs zhes pa ni rang rig pa'i ye shes te/ de'i phyir gzhan brjod du med pa'i bde ba la gnas pa ste/ bde ba'i mthar thug ces pa'i don to//gzhan du zhes pa ni rang gi lus ma gtogs par zhes pa'i don to/ /gang na'ang med ces pa ni rang rig pa'i mtha' de dang yang bral ba gang na yang med pa ste bstan bcos brjod pa la yang gnas pa ma yin zhes pa'i don to/ /de nyid bstan pa'i phyir lus la zhes bya ba la sogs pa gsungs te/rang gi lus spangs nas gzhan du sangs rgyas nyid ces pa nyan thos dang rang sangs rgyas dang theg pa chen po rnams la yang med do/ /de'i phyir/ mi shes pa yis bsgribs par 'dod/ /ces pa la rdo rje theg pa dang bral ba de rnams kyi 'dod pa ni rang gi sems kyi bsam pa'o/ /byis pa rnams kyi phyogs gcig pa'i phyir des sdug bsngal nyams su myong bar 'gyur ro//rang lus ye shes chen po'i gnas/ /zhes pa ni mchog gi longs spyod rdzogs pa'i sku chags pa chen po 'bras bu chen po 'byung ba'i phyir ro/ /de nyid kyis na/ kun rtog thams cad spangs pa nyid/ /ces gsungs te/bdag dang bdag gi dang gzung ba dang 'dzin pa dang bral ba ma bcos pa skad cig ma'i bde ba spangs pa'o/ /de yang chos kyi sku'i mtshan nyid thams cad mkhyen pa bgrod bya ma yin pa'o/ /dngos po kun la khyab byed pa/ /zhes pa ni brtan pa dang g.yo ba la sogs pa'i dngos po rnams la khyab par byed pa'i chos kyi sku rnam pa kun gyi mchog dang ldan pa stong pa nyid kyi mtshan nyid do//de yang lus la gnas kyang zhes pa ni sprul pa'i sku'i lus shes pa'i phyir skyes bu chen po'i mtshan sum cu rtsa gnyis kyi bdag nyid dpe byad brgyad cus brgyan pa'i lus de yang sngon gyi gzugs brnyan gyi phyir bde ba'i rang bzhin de yang sgyu ma lta bu'i lta ba las byung ba'o//ci'i phyir zhe na/ yang dag par lta ba nyid kyi phyir te/ gang gi phyir gang 'jig rten las 'das pa'i bdag gi lta ba kun las mi ldang ba zhes bya ba la sogs pas so/ /lus ma skyes pas ni brjod du med pa'i phyir kun rdzob dang don dam pa'i bden pa dag gcig pa nyid kyis dbyer med pa'i mtshan nyid do//des na ye shes dang shes bya gcig pa nyid do/ /de'i phyir lus dang sems dag kyang mi phyed pa'i phyir lus las ma skyes pa'o/ /gang gi phyir sems ma rtogs par shes par mi nus pa de'i phyir brjod du med pa'o/ /gal te 'di ma yin na/de ci zhe na/ 'od gsal ba'i ye shes can gyis grub pa'i phyir dbang pos dmigs pa dang bral ba des na lus kyis nges par gzung ba'i dngos po med do/ /de'i phyir rang rig pa las dam pa zhes pa'i don to/ /de nyid byang chub dang byang chub chen po de nyid sangs rgyas te rang nyid kyis rab tu rtogs pa'i chos kyi dbyings nyid go 'phang dam pa mi zad pa nyid kyis na sangs rgyas nyid do//de yang sangs rgyas rnams kyi yul/ /zhes pa phung po lnga rnams dang dbang po lnga rnams dang khams lnga rnams kyi yul nyams su myong ba'i phyir rang rig pa'i spyod yul de'i mthar thug pa de rnams kyi spyod yul ma yin pa dbang po dang phung po dang khams tha mal pa rnams spangs pa brjod du med pa zhes pa'i don to//de'i phyir rtsod pa'i dus kyi sems can rnams rdo rje theg pa med par dngos su dngos grub med nges pa'o/ /gang gi phyir tshe 'di nyid la sangs rgyas nyid dam rdo rje 'chang ba nyid du 'gyur zhes bcom ldan 'das kyis gsungs pa'i phyir ro//de ltar sems nyid ni shes rab kyi pha rol tu phyin pa'i rang bzhin no zhes pa ni bden mod/ 'on kyang dbang po rtul po rnams la dngos grub med do/ /de ci'i phyir zhe na/ sngon blo rnon po ma yin pa'i phyir zhes pa ste nges pa'o/ /de ltar yi ge don mtha' dag gsungs par 'gyur ro//slar yang de nyid kyi don man ngag nyid kyis gsungs pa/ 'dir dkar po'i phyogs dang nag po'i phyogs kyi dbye bas rtsa sum cu rtsa gnyis rnams kyi gnas skabs brjod do/ /de la dkar po'i phyogs la spro ba'i rim pas zla ba'i cha bco lnga'o/ /de bzhin du nag po'i phyogs la sdud pa'i rim pas nyi ma'i cha bco lnga'o//de bzhin du nya'i mthar cha gcig go/ /de bzhin du gnam stong gi mthar yang cha gcig go/ /des na spro ba'i rim pas dbang po zhes pa ni dga' ba la sogs pa'i tshes lnga'o/ /dkar po'i tshes gcig nas tshes lnga'i mthar thug pa 'di lta ste/dga' ba dang bzang po dang / rgyal ba dang stong pa dang rdzogs pa'o/ /de bzhin du phung po zhes pa ni lnga ste drug pa nas bcu pa'i mthar thug pa dga' ba la sogs pa'i tshes lnga'o/ /de bzhin du 'byung ba zhes pa ni lnga ste/ bcu gcig la sogs pa'i nya'i mthar thug pa sngon bzhin du tshes lnga'o/ /'di rnams kyi cha a la sogs pa thung ngu yon tan dang ya Na'i rkyen bsgyur ba'o//de bzhin du nag po'i tshes gcig la sogs pa sdud pa nyid 'byung ba dang phung po dang de bzhin du dbang po rnams te/ lnga dang lnga dang de bzhin lnga nas stong gi mthar thug pa'i cha bco lnga ya Na'i rkyen bsgyur ba la sogs pa ring po rnams so/ /de bzhin du rjes dbyangs dang tsheg drag gi cha dag bcu drug pa mtha' ma nyid do//de ltar rtsa'i rgyu ba rnams kyis srog dang thur sel phrad pas a wa d+hU tIr 'jug pa rtogs par bya'o/ /de la re zhig rtsa ni rnam pa gsum du 'gyur te/ dang po khong stong rgyus pa'i dbyibs kyi rtsa'o/ /gnyis pa ni byang chub sems kyi rtsa'o//de bzhin du byang chub sems skyed par byed pa rlung gi rtsa'o/ /gang gi tshe rtsa de rnams gnam stong dang nya dag gi mthar gang bar 'gyur zhing mtha' ma dag gi cha gnyis 'dus pa de'i tshe byang chub sems rgyu bar mi 'gyur ro/ /de mi rgyu ba'i phyir rtsa rnams kyi rgyu bar mi 'gyur ro/ /de mi rgyu ba'i phyir rtsa rnams dang byang chub sems ro mnyam pa nyid du 'gyur ro//der ro mnyam pa'i phyir sha'i khams 'ju bar 'gyur ro/ /de zhu ba'i phyir rus pa'i khams 'ju bar 'gyur ro/ /de yang zhu ba'i phyir pags pa'i khams zhu bar 'gyur ro/ /de dag yongs su zad pa'i phyir lus la sogs pa'i khams gsum yongs su zad par 'gyur ro//des na dbang po dang phung po dang 'byung ba'i khams rnams yongs su zad par 'gyur ro/ /des na gzung ba dang 'dzin pa rnams mi dmigs so/ /de ltar cha gnyis gnyis med pa'i dngos po srog dang bde ba dag ro gcig pa'i dngos po'i srog gi brda ni tsheg drag ste/ de yang dngos po'i dbye bas thabs so//dngos po rnams mthar byed pas na shes rab bo/ /de bzhin du bde ba ni rjes dbyangs te/ de yang dngos po'i dbye bas shes rab dang thabs nyid du gyur pa'o/ /de ltar khams gsum pa'i 'gro ba brtan pa dang g.yo ba la sogs pa thams cad shes rab dang thabs kyi bdag nyid do/ /de rjes sangs rgyas nyid ces pa ni shes rab dang thabs kyi sbyor ba dag gi rjes su sangs rgyas kyi spyan gyis gang mthong ba'i dngos po de thams cad ni gzhon nu ma'i chags pa bzhin no//de yang bdag gis bla ma brgyud pa'i man ngag las shes mod kyi 'on kyang gzhung 'dir ma brjod de/ brjod du med pa'i phyir ro/ /de yang bla ma dang lung dang bdag nyid la yid ches pas brgyud pa las bdag nyid kyis rtogs pa'i phyir ro//yang na bla ma dang dpa' bo dang rnal 'byor ma'i bka' drin gyis rtogs pa'i don to/ /de la rang gi lus la zhes bya ba la sogs pa'i tshigs su bcad pa gnyis kyi don bcom ldan 'das kyis dgongs bshad gzhan gyis gdan bzhir gsungs te/de bzhin du tshigs bcad dang po phyed kyis bdag gi gdan no/ /gnyis pa ni tshigs bcad phyed kyis gzhan gyi gdan no/ /gsum pa'i tshigs bcad phyed kyi sbyor ba'i gdan no/ /bzhi pa'i tshigs bcad phyed kyis gsang ba'i gdan bstan te mdor bsdus pa'o//de la rang gi lus la spyod pa ni sangs rgyas nyid de 'dir bdag gi gdan gyi rkang pa nas gtsug tor gyi bar gyi rtsa stong phrag bdun cu rtsa gnyis kyi 'khor lo de rnams la khyab par byed pa'i srog gi rlung ngo / /de yang bdag gi gdan te/ gang gi phyir bdag srog la brten pa'o/ /de yang rang gi lus sngon du gsungs pa'i phung po dang khams la sogs pa rnams zad pa'i phyir rdo rje'i sku ste/de yang bde ba'i rang bzhin no/ /de nyid du sangs rgyas bzhugs te/ bdag nyid kyis bde ba rtogs pa'i phyir/ gzhan gang na yang med ces pa ni khyad par gyi don to/ /'on kyang bdag nyid sangs rgyas te bdag nyid rtogs pa de la de skad ces bya'o//gzhan du gzhan gsungs pa/ lus las gzhan du sangs rgyas nyid/ /ces pa ni lus ni sngon du gsungs pa'i srog gam cha gnyis po shes rab dang thabs dag go/ /lus las zhes pa ni de las gzhan pa ni gzhan gyi gdan zhes pa'i ming can 'od gsal ba'i ye shes te/de yang sangs rgyas nyid de lhan cig skyes pa'i dga' ba'i mtshan nyid do/ /mi shes pa yis bsgribs par 'dod/ /ces pa ni de la/ sangs rgyas med gnyis med pa med/ /kho na nyid med ye shes med/ /ces pa la sogs pa'i rnam grangs du mas bstan te/ de thams cad kyi dngos po med pa'i phyir zhes pa ni/mi shes pa yis bsgribs par 'dod/ /ces de bzhin gshegs pas gsungs so/ /de ltar 'jig rten las 'das pa'i kun rdzob med par dngos grub med do/ /de yang mchog tu zab pa'i phyir don dam pa'o/ /de'i phyir kun rdzob dang don dam pa dag dbyer med pa'i phyir sbyor ba'i gdan gsungs te/rang lus ye shes chen po'i gnas/ /zhes pa ni 'dir 'chad bzhin pa'i 'khor lo bzhi'i tshul gyis 'khor lo bzhi rab tu phye bas sngon du gsungs pa'i byang chub sems zhu ba'am/ rgyu ba la sogs pas gang lus la byang chub sems kyi rang bzhin gyi lha dang lha mo bsgoms pa las lhan cig skyes pa'i ye shes kun rdzob nyid bskyed pa de ni rang gi lus la gnas pa'i byang chub sems kyi rnam pa rtsa'i ye shes so//de yang / rtog pa thams cad spangs pa nyid/ /ces pa ni de ltar gsungs pa'i ye shes chen po rtsa stong phrag bdun cu rtsa gnyis po re re'i bde ba sna tshogs pa'i yang dag pa'i rtog pa las/bdag dang bdag gi rtog pa spangs pa ye shes dang shes bya dag dbyer med pa ni sbyor ba'i gdan no/ /de bzhin du gsang ba'i gdan gsungs pa/ dngos po kun la khyab byed pa/ /zhes pa ni 'dir rang rig pa'i ye shes 'byung ba chen po lnga'i bdag nyid de ni rnal 'byor pa rnams kyi sgom pa'i dus su yang sems rang rig pa'i rang bzhin sna tshogs pa'i bde ba nye bar dmigs pa'i phyir ro//des na nye bar dmigs pas bsam du med pa yang bsam pa nyid du 'gyur ro/ /de ni gsang ba'i gdan no/ /gang gi phyir gsang bar bya bas na gsang ba'am dpag par dka' ba cung zad kyang snang ba med pa gang gis kyang mi dmigs pa sus kyang mi mthong ba'o//de bzhin du rang rig pa'i sems dang sems las byung ba'i chos 'byung ba dang 'byung ba las gyur pa de yang snod la sogs pa bcud dang bcas pa brtan pa dang g.yo ba'i dngos po'o/ /de la sogs pa dngos po'i mtha' yas pa rnams kyis brjod pa'i dngos po de thams cad la khyab par byed pa de nyid kyis na rang rig pa'i ye shes kyi rang bzhin gyi sems so//de yang lus la gnas kyang lus ma skyes zhes pa ni rnal 'byor pa rnams kyi lus te sku'o/ /de rnams kyi lus la gnas pa ni rtog pa'i ye shes so/ /de yang lus las phyir byung ba'o/ / de'i phyir lus la gnas kyang de lus las ma skyes te gzugs med pa'i phyir ro/ /rgya che ba'i phyir lus dang khams rnams la brtags bzhin pa na gang las kyang ma skyes te/ gnas med pa'i phyir ro/ /de'i phyir 'di ni gsang ba'i gdan no/ /de ltar gdan bzhi'i bdag nyid kyi rnal 'byor ni lnga pa de kho na nyid kyi gdan te/de yang rnal 'byor pa rnams kyis rtag par rgyun du bsgom par bya zhes pa ste nges pa'o/ /da ni 'khor lo bzhi'i rab tu dbye ba bstan pa'i phyir/ rdo rje snying pos zhes bya ba la sogs pa gsungs te/ gsol to zhes bya ba ni sdud pa po'i tshig go/ /lus la rtsa ni du zhig mchis//zhes pa ni rdo rje snying pos gsol ba'o/ /bcom ldan 'das kyis bka' stsal pa/ /zhes pa ni bstan pa'i sgo nas bstan pa'o/ /bcu phrag gnyis lhag brgya phrag gcig/ /'khor lo bzhi'i rab dbye nyid/ /ces pa ni mdor bsdus pa'i tshig go/ /de la lte bar pad+ma 'dab ma drug cu rtsa bzhi pa'o/ /de bzhin du snying gar 'dab ma brgyad pa'o//mgrin par 'dab ma bcu drug pa'o/ /spyi bor 'dab ma sum cu rtsa gnyis pa'o/ /de ltar sku dang thugs dang / gsung dang / ye shes kyi 'khor lo rnams rim pa bzhin drug cu rtsa bzhi dang brgyad dang / bcu drug dang / sum cu rtsa gnyis kyi rab tu dbye ba nyid de mdor bsdus na/brgya phrag gcig dang nyi shu'o/ /'on kyang rgyas par ni bye ba phrag brgyad cu ste/ rang bzhin gyi chos rnams kyi dbang gis so/ /gzhan 'jig rten du grags pa ni bye ba phrag phyed dang bzhi ste ba spu dang skra'i chos nyid do/ /de ltar 'khor lo bzhi'i rab tu dbye ba'i rtsa lha'i rang bzhin rnams ni gdan bzhi la sogs pa rnams su shes par bya ste/des na 'dir ni rgyas par ma gsungs so/ /'on kyang 'dir ni bdag gis bla ma brgyud pa'i man ngag gis 'di rnams kyi bshad pa cung zad tsam brjod do/ /de la re zhig /rang bzhin 'khor lor mi rtog pa/ /byang chub sems ni bde chen po/ /rnal 'byor ma ni drug cu bzhi'o//lte ba'i rtsa yi pad+mar 'jug /dbus rtsar btsan thabs sbyor ba yis/ /lag pas rkang pa gnyis bzung nas/ /ltag pa nas ni sker gzung zhing / /gru mo gnyis kyis sna ni gzir/ /de tshe rlung ni bzung bar byed/ /dbugs stong 'gro ba'i sbyor ba yis/ /sems ni pad+mar gzhug par bya//chos rnams thams cad stong rang bzhin/ /phung po khams ni brgyad po gzhom/ /rtsa bcings pa yis rlung la zhugs/ /rlung gnyis dbyer ni med zhugs pas/ /pad+ma'i mdud pa dbye bar bya/ /mgrin par brgyad gnyis kyi ni rtsa/ /dbu ma yi ni mdud par 'bar/ /sngon gyi byed pa'i bcings pas 'dor//bde ba chen po'i pad+mar 'jug /sum cu gnyis su zhugs pa yis/ /rtsa las rgyun mi 'chad par 'bab/ /mthe bong nas ni rlung bkug cing / /gtsug tor bar du 'dzag par bya/ /de nas bla ma'i bka' drin ni/ /rnal 'byor ma yi sde yi chos/ /'di ni su la'ang bstan mi bya/ / mi thogs 'gro ba'i gtso bor 'gyur/ /rtsa'i 'khor lo gzung ba'i man ngag 'dis dngos grub thob cing dus su 'chi ba yang slu na dus ma yin par 'chi ba lta ci smos/ 'dis rgyun mi 'chad par bslabs pa'i sbyor bas sangs rgyas nyid dam rdo rje 'chang ba nyid kyang 'thob bo/ /slar yang gang gi tshe rnal 'byor pa rnams man ngag bsgom pa'i dus su rtsa sum cu rtsa gnyis khong stong de rnams kyi nang rnams su byang chub sems kyi bdag nyid kyi rgyun de rnams 'byung ba de rnams bstan pa'i phyir/byang chub sems kyi rang bzhin zhes bya ba la sogs pa gsungs te/ 'dir byang chub sems ni rnam pa gnyis te/ de la gcig ni rgyun 'dzag pa'i rang bzhin no//gnyis pa ni yi ge'i don nyid do/ /de dag la rgyun 'dzag pa de ni kun rdzob kyi bden pas rnal 'byor pa rnams la bde ba ster bar byed pa'o/ /de bzhin du gang yi ge'i don de ni don dam pa'i bde ba ster bar byed pa'o/ /de yang rtsa sum cu rtsa gnyis rnams kyi ming gi dbye bas ji srid mchog tu mi 'gyur ba de srid rnal 'byor pa rnams kyis mtshan rnams thob pa'o//de bzhin du mchog tu 'dod ces pa ni mchog tu mi 'gyur ba'i bde ba 'dod ces pa'i don to/ /de yang 'di lta ste zhes bya ba la sogs pa gsungs te/ de bzhin gshegs pa'i bya ba tshig 'bras bu la nye bar spyod pa'i phyir zhes sbyar te de nyid kyi las ni mi phyed ma zhes bya ba la sogs par dgongs so//de nyid la gsungs pa/ a/ thog ma par dang mtha' ma ru/ /b+he/ rkang pa nas ni mgo ru dbye/ /byA bdud rtsi yis ni dga' bzhin pa/ /sU/ khong stong thams cad du ni 'gro/ /k+Sh+ma/ de nyid du ni 'dzin par byed//rU/ bde ba zhes pa brten pa yin/ /pA/ don dam pa yi sems ni nyid/ /tsa/ dpyad pa yis ni byang chub mchog /di/ nyin mo'i dus su rtsa ni grang / /byA/ mgo yi spyi gtsug bar du khyab/ /bA/ tshig ni lce dbang pad+ma ru/ /mA/ ma du lung ga'i mgo bo ru/ /tu/ bzhi pa rdo rje'i rtse mo'i rtsar/ /bA/ g.yon tu khu ba'i bu ga ru//ma/ nor bu gnas su song ba tsam/ /NI/ byang chub sems su thim pa'o/ /kU/ dbang po thams cad la ni khros/ /rma/ dbu ma'i rtsa ru rtogs pa yi/ /dzA/ gtum mo yi ni gzugs kyis 'dzag /b+ha/ dngos dang dngos med zad byed ma/ /ba/ sgrub po rnams kyis mchog gi gzugs/ /kI/ grags dang bde bas sgeg pa mo//si/ mchog de kho na nyid ni brten/ /kA/ 'dod pa'i bstan bcos rjes 'brangs ma/ /d+hU/ /du ba'i lam ni snying nyid do/ /yang na/ 'og lta'i bzang mo'i gzugs can ma/ /ShA/ tshar gcad rjes su bzung byed ma/ /bi/ dben pa'i bdag nyid skyed byed ma/ /Sh+TA/ khams ni bco brgyad 'bab pa mo//rtsa/ lus rnams thams cad du ni rgyu/ /mA/ mgrin pa dang ni rkang du mdar/ /tu/ /myur 'gro'i mchog ni lte ba ru/ /rA/ 'dod chags me ni rab 'bar ma/ /sa/ rgyu dang mi rgyu snying 'khor lor/ /rba/ rkang rnams bcing bar sbyor byed ma/ /rI/ khu ba thams cad du ni 'phangs/ /shI/ bar gyi mtshams ni tshol 'gro ma//tA/ shing gi gzugs su'ang de shes bya/ /dA/ byang chub kyi ni sems nyid gzung / /u/ u yi yi ge yi ni gzugs/ /Sh+mA/ sna yi gnas su 'gro 'ong byed/ /tsa/ thams cad spyod par song ba ni/ /la la nA bcings sbyor ba yis/ /ra sa nA ni rkan gyi lam/ /dwe/ rtsa gnyis a wa d+hU tIr ma//pra/ lte ba yi ni bu gar zhugs/ /mA/ nga rgyal can rnams rtogs byed ma/ /nA/ sna bug gnyis ka las ni steng / /kr-i/ dbang po thams cad dgug par bya/ /Sh+Na/ dro ba'i sgor ni song ba'i rtsa/ /wa/ yur ba yi ni ngo mtshar byed/ kha dog sna tshogs spangs pa nyid/ /tsa/ gtum byed gtum pa'i ma mo'o//sA/ bu ga snying po las 'bar ma/ /mA/ der ni bdag nyid mchod par byed/ /n+ya/ gang zhig snang ba gsum spangs pa/ /he/ de yi rgyu ni 'od gsal ba'o/ /tu/ bzhi pa'i dbang gis rtsa ni gang / /dA/ blo ldan mkha' bzhin rtag tu bsam/ /ye/ gang dag gi ni khams thams cad//kA/ lus can gyi ni rtsa mang po/ /bi/ de nyid du ni ngal ni bsos/ /yo/ rnal 'byor bde ba mi 'gyur ba'o/ /gA/ der ni shin tu brje dbang gis/ /rtsa/ rgyu ba dag gi rtsa 'dra ba/ /pre/ de nyid du ni gzhug par bya/ /ma/ gnad gcod sred pa mthar byed ma/ /NI/ khug rna du ba la sogs kyis/ / si/ phyag rgya'i dngos grub 'dod can ma/ /d+hA/ rtsibs bcu gnyis kyi 'khor lor bshad/ /tsa/ rgyu ba'i srog ni mdzes pa'o/ /bA me yis rab tu gang bar bya/ /ba/ nyon mongs pa ni slu zhing gsad/ /kI/ sgra yi rnam pa lta bu'i rtsa/ /su/ yid bzangs steng du rab rgyu ma/ /ma/ yid srub steng du song ba nyid/ / na/ mi yi sna ni 'phyang bas na/ /ta/ de bzhin gshegs pa rnams kyis gsang / /thA/ de yi gnas ni steng bu ga /tri/ rtsa gsum zla nyi sgra gcan te/ /bri/ dus me zhes pa'i bya ba'ang bcings/ /tA/ skar ma rnams dang mig sman mkha'/ /kA/ thams cad kyi ni kha ni 'byed/ /mi/ dbang pos mchog ni rtogs pa'i phyir//nI/ /rtsa gang dag ni mdud pa med/ /ge/ glu yi sgra ni rjes 'gro ma/ /hA/ hA zhes pa las 'char ba nyid/ /tsaM/ gtum mo yi ni gnas su 'ongs/ /rA/ sgo nga rnams ni 'dir 'gas nyid/ /kA/ gti mug la sogs smos ci dgos/ /mA/ 'byung ba thams cad rnams kyi gzhi/ /rA/ de nyid du ni dga' bar bya//dA/ byang chub lam la sems dpas gzung / /rI/ dgra bo rnams ni zad byed ma/ /kA/ 'dod pa'i mchog ni kun du sba/ /rtsa sum cu rtsa gnyis po kun rdzob dang don dam pa'i gzugs kyi bdag nyid brgyud pa'i rim pa bla ma dang dge pa'i grogs mchog de nyid kyi kha nas khong du chud par bya'o/ /rtsa 'di rnams zhes pa ni slar yang rdo rje snying pos zhus pa'o//de rnams ni sngon du gsungs pa'i rtsa sum cu rtsa gnyis so/ /bcom ldan 'das ji lta bu zhes pa ni bcom ldan 'das la dris pa'o/ /ji lta bu zhes pa ni/ rang bzhin ji lta bu zhes pa ste/ 'dir gang gi phyir kun rdzob kyi bden pas rnal 'byor ma'i rgyud rnams la dmigs pa de rnams thams cad ni rtsa rnams te/de yang ci bsgoms pa'i gnas ma yin nam lus rang grub pa'i phyir ro/ /yang na lus kyi nang rnams su pad+ma'i rtsa ba lta bu tha dad pa'i 'khor lo yod dam de ji lta bur 'gyur zhes dgongs so/ /de'i phyir bcom ldan 'das kyis srid pa gsum zhes bya ba la sogs pas lan gsungs te/'dir dgongs bshad gzhan gyis lus la sku dang gsung dang thugs kyi 'khor lo ni srid pa gsum du gsungs te/ de yang gcig tu 'dus pa ni lus te/ de'i yongs su gyur pa zhes pa ni lus thams cad kyi ba spu'i bu ga la sogs pa dang tshigs de rnams thams cad du rtsa sum cu rtsa gnyis nang du 'dus par 'gyur ba ni khu ba'i rnam pa nyid do//de'i phyir thams cad gzung ba dang 'dzin pa spangs pa'o zhes gsungs so/ /gal te re zhig byang chub sems kyi bdag nyid gzhan rgyus pa dang rtsa khong stong rnams ji lta bu zhe na/ ji ltar bu ram shing gi sdong bu'i khams sna tshogs pa ni bems po'i bdag nyid do//ro ni thams cad la khyab par byed pa'o/ /de bzhin du lus kyi rgyus pa sna tshogs pa dang rtsa rnams kyang bems por gyur pa ste/ de rnams la byang chub sems ni ro gcig tu thams cad la khyab par byed pa'o/ /'on kyang de ni gnas sum cu rtsa gnyis su skyes pa'o//de la re zhig mi phyed pa ni spyi bor ro/ /phra gzugs ma ni spyi gtsug tu/ /zhes pa la sogs pa ni dgyes pa'i rdo rjer gsungs pa'i tshig las shes par bya'o/ /ji ltar 'dir bu ram shing sdong bu gcig nyid la mdud pa sna tshogs pa yod pa de bzhin du lus la yang mdud pa sna tshogs pa yod pa'o//des na gzung ba dang 'dzin pa spangs pa'i don to/ /ji lta bu ram shing gi sdong bu 'khrul 'khor gyis ro drangs te dngos po logs su byas pa de yang gang du 'dod pa der khyer te chang la sogs pa bsing ba'i phyir ro/ /de bzhin du lus la lte ba'i 'khrul 'khor gyis te dbus steng dang 'og tu 'gro bas byang chub sems kyi bcud drangs pa logs su byas pa'i dngos po ni khams rnams las tha dad pa nyid de/byang chub sems kyi bcud de yang gang du 'dod pa der khyer te rtsa sna tshogs par rgyu ba'i phyir ro zhes sbyar ro/ /byang chub sems de la yon tan med pa med de dri ma med pa'i phyir ro//de'i phyir gzung ba dang 'dzin pa spangs zhes pa'i don to/ /gal te re zhig dbang po gnyis yang dag par sbyor ba las byung ba'i byang chub sems lag pa'am nya phyis la sogs pas blangs pa de'i tshe de la cung zad kyang srog gi gzugs med de bems po de nyid kyi phyir ro/ /'on te gal te srog med na de las ji ltar 'jig rten rnams skye bar 'gyur zhe na/de gsungs pa ma dang pha yang dag par sbyor ba las 'gyur te/ pha med par ma 'ba' zhig las mi skye'o/ /de bzhin du ma med par pha 'ba' zhig las kyang mi skye'o/ /de'i phyir bde ba tsam 'ba' zhig gi rang bzhin nyid du 'gyur ro//ji ltar bu ram shing gi ro mngar ba'i rang bzhin de la srog yod pa ni ma yin te bems po'i phyir ro/ /de ltar dngos po'i sbyor bas bems po ma yin pa'i dngos po rnams skye bar 'gyur ro/ /ji ltar sa la sa bon sna tshogs pa btab pas 'bras bu sna tshogs pa skye bar 'gyur zhes pa la sogs pa ni bden pa'am mi bden par 'khrul par mi bya'o//'o zhes pa ni de ltar zhes pa'i don to/ /de ltar phung po dang / khams la sogs pa'i bdag nyid rnal 'byor gyi rgyud dang / de bzhin rtsa ba'i bdag nyid rnal 'byor ma'i rgyud do/ /des na kun rdzob dang don dam pa kha sbyor shes rab dang thabs kyi bdag nyid kyi rnal 'byor 'dis rnal 'byor pa rnams kyi ye shes skye ba de la de skad ces bya'o//de bzhin du byang chub kyi phyogs zhes bya ba la sogs pa ni bshad zin to/ /'on kyang dran pa nye bar gzhag pa bzhi dang yang dag par spong ba bzhi dang rdzu 'phrul gyi rkang pa bzhi ni dbang po lnga la sogs pa bzhis bshad de/des na bstan pa dang bshad pa nges pa'o/ /byang chub sems zhes pa ni 'dir 'jig rten las 'das pa don dam pa de la 'jug pa'i ming gang la yod pa ni byang chub kyi sems la 'jug pa zhes pa'i rab tu byed pa'o/ /de yang las gang gis bskyed pa de byed pa'i phyir rab tu byed pa'o/ / dang po la ltos pas na gnyis pa'o/ /kha sbyor thig le'i rgyud kyi rgyal po rtog pa dang po'i rab tu byed pa gnyis pa'i rgya cher 'grel pa yang dag par lta ba'i dran pa'i snang ba zhes pa'i gzhung bstan pa ste gnyis pa'o// //da ni de kho na nyid dmigs pa'i rab tu byed pa gsum pa bstan pa'i phyir/de nas zhes bya ba la sogs pa gsungs te/ de nas zhes pa ni byang chub sems la 'jug pa'i rab tu byed pa bstan pa'i rjes thogs su'o/ /bcom ldan 'das zhes pa ni ye shes dang shes bya dag ro gcig par gyur pa'o/ /de bzhin gshegs pa thams cad kyis mchod de zhes pa ni sgyu ma'i gzugs brnyan gyi bdag nyid do//de rnams kyis mchod par bya zhes pa ni rnam pa sna tshogs pa'i bdag nyid la yid ches pas so/ /phyag btsal ni zhes pa ni de rnams kyis yang dang yang du phyag 'tshal ba'o/ /de'i phyir de bzhin gshegs pa rnams la gsol ba 'debs par byed do/ /gsang chen zhes bya ba la sogs pa la snying po zhes pa ni 'jig rten las 'das pa'i ye shes kyi yang gong ma'o//gsang chen zhes pa ni sangs rgyas thams cad kyi yang spyod yul ma yin pa'i ye shes so/ /bla na med ces pa ni khyab 'jug dang dbang phyug la sogs pa dang / nyan thos la sogs pa las bla na med pa ste de rnams kyi gong ma phul du phyung ba yang dag pa'i ye shes thams cad mkhyen pa'i bgrod bya'o//de'i phyir bcom ldan 'das kyis lan gyi tshig gsungs so/ /de nas zhes pa ni gsol ba btab pa'i rjes thogs su bcom ldan 'das kyis snying rje la dmigs te/ rmi lam bzhin de bzhin gshegs pa rnams kyis gsol ba btab pa mkhyen pa'i phyir ro//rgyud thams cad ces pa ni sngon du gsungs pa'i rnal 'byor gyi rgyud dang rnal 'byor gyi rgyud dang rnal 'byor ma'i rgyud rnams so/ /snying po zhes pa ni de rnams kyi snying po zhes pa'o/ /de ci zhe na gsungs pa/ ye shes sgron ma rdo rje zhes bya ba'i ting nge 'dzin zhes bya ba la/ye shes zhes pa ni khams gsum pa thams cad lag mthil gyi skyu ru ra bzhin du des yongs su shes pa ste/ yang dag par rdzogs par sangs rgyas nas mar me bzhin du rig pa'i phyir ro/ /rdo rje zhes pa ni dngos po dang dngos po med pa ye shes kyi snang ba de'i rang bzhin nyid ces pa'i ting nge 'dzin de la de skad ces bya'o//de'i phyir rgyud thams cad ces pa ni rnal 'byor dang rnal 'byor ma'i rgyud do/ /de gsang chen zhes pa ni rnam par mi rtog pa'i phyir gsang chen zhes pa'i don to/ /de yang gsungs pa zhes pa ni brag ca'i sgra ltar nyan pa po rnams gzhug pa'i phyir der de gsungs so//gsang ba zhes bya ba la sogs pa ni 'dir lus la bu ga bcu drug tu 'gyur te/ de rnams kyang yi ge bcu drug gi ming rnams kyis mtshon to/ /gang dag bu ga zhes pa de dag ni mtshams rnams te/ 'di ltar ra gsum ni lte ba dang snying ga dang mgrin pa'i mtshams rnams su'o//de bzhin du ha ni spyi bo'i mtshams su'o/ /lhag ma yi ge bcu gnyis ni rim pa bzhin lag pa dang rkang pa la sogs pa'i mtshams rnams su'o/ /de ltar ra gsum dang ha ni a wa d+hU tI la yang dag par sbyar ba'o/ /de bzhin du yi ge bcu gnyis ni la la nA dang ra sa nA la drug drug yang dag par sbyor ba'o//gzhan sgo dgu rnams kyi bu ga dgu ni rab tu byed pa dang por gsungs so/ /de ltar bu ga nyi shu rtsa lnga'i bdag nyid kyi lus so/ /gang snying ga'i bu ga de ni gtsug tor gyi bu ga'o/ /de bzhin du sngon du gsungs pa'i lte ba dang snying ga dang mgrin pa dang mgo bor yi ge rnams te/ de nyid der rim gyis 'og dang steng du 'bab pa'o//de'i phyir dpal gsang ba 'dus pa'i lha nyi shu rtsa lnga'i bdag nyid do/ /de yang sangs rgyas kun dngos po/ /zhes pa ni sangs rgyas nyi shu rtsa lnga ste lha dang lha mo rnams kyi rang bzhin zhes pa'i don to/ /sems dpa' zhes pa ni chos kyi dbyings la sems dpa' zhes brjod de/sems dpa' 'byung ba'i phyir ro/ /yang na rtag pa'i rang bzhin nyid de sems can thams cad rang bzhin gyis dri ma med pa nges na chos kyi sku'i rgyun gyi sbyor bas phul du phyung ba nyid do/ /gang gi phyir de bzhin nyid kyi bdag nyid ni sangs rgyas thams cad kyang yin la/ de bzhin gshegs pa yang yin te/ des na ma skyes shing mi 'gag pa ni de bzhin gshegs pa'o/ /rdo rje sems dpa' zhes pa ni de bzhin du rdo rje'i sgras ni chos kyi sku gzung ngo / /mi phyed pas na rdo rje'am/ /dus thams cad du mi 'jigs pa'i chos ni rdo rje'o/ /khyab par byed pa'i phyir chos kyi dbyings ni sems dpa'o//'di dag snyoms par 'jug pa ni rdo rje sems dpa'o/ /yang na rnal 'byor dang rnal 'byor ma'i rgyud rnams te sangs rgyas te/ de rnams kyi rang bzhin gang la yod pa de ni rdo rje sems dpa'o/ /de ci zhe na/ rgyud med pa'o/ /bde ba zhes pa ni bde ba yang bya ba tsam zhes pa'i don to/ / bde ba'i mchog ces pa ni lhun gyis grub pa'i bde ba dpes rtogs par byed pa bzang mo longs spyod rdzogs pa'i sku dang lhan cig nyid med par gyur pa thog ma med pa nas grub pa de nyid ma grub pa bsgrub bya med cing sgrub pa po yang med pa sgrub pa yang cung zad med pa/ dngos po thams cad rgyud med pa'i phyir ro//de bzhin du grub pa'i ye shes 'di la dpyad pa'i yon tan gsungs te/ 'di ni zhes bya ba la sogs pa la/ 'di zhes pa 'di ni rnal 'byor 'di'o/ /ni zhes pa ni gang gi phyir zhes pa'i don to/ /bcom ldan rnal 'byor zhes pa ni rnal 'byor de ni sangs rgyas dang byang chub sems dpa' la sogs pa'i bla ma ste/rang 'byung nyid kyi phyir ro/ /de'i bcom ldan ni rnal 'byor gyi khyad par ro/ /gang gi phyir rnal 'byor ni rnal 'byor bla na med pa dang / rnal 'byor gong na med pa'o/ /de ni bcom ldan zhes pa'i sgra'o/ /brtan zhes pa ni de ltar gong na med pa'i rnal 'byor chen po rtag pa dang chad pa dang bral ba'o//de yang sku bzhi med par mi skye zhing mi 'gag pa'o/ /ci'i phyir zhe na/ sku bzhi sangs rgyas rnams kyis gong nas gong du 'jug pa ste/ tshogs kyi yon tan rgyas pa'i phyir ro/ /de nas 'dir de yang 'dra ba'i ye shes brtan pa'i phyir ro/ /nges pa'o/ /de'i phyir mchog tu rtag pa zhes pa'i don to//'on kyang yid srubs zhes pa ni 'dod pa'o/ /de yang da ltar byung ba zhes pa ni rnal 'byor pa rnams kyi rang bzhin gyi sku'o/ /des ming sna tshogs pa'i blos sangs rgyas rdo rje 'dzin pa la sogs pa'i dngos po rnams 'dod pa'o/ /rtag tu zhes pa ni dus bzhi gang gi dang po dang bar ma dang tha ma rnams su byang chub sems dpa' 'dod chags kyi bdag nyid rnam par rtog pa mi 'dor bas 'gro ba'i don byed pa'i phyir ro//de bzhin du/ rang bzhin gyis ni 'da' dka' ba/ /zhes pa ni dka' spyod 'dor bar mi nus pa'i phyir ro/ /de nyid gsungs pa/ 'dir sems can rnams kyi bsam pa sna tshogs pa mdzes par 'dod pa de rnams sna tshogs pa'i las kyi sbyor ba'i rjes su 'brangs te/'jig rten pa'am 'jig rten las 'das pa'i lam de la de skad ces bya'o/ /de bzhin du/ sangs rgyas rdo rje 'dzin sogs pas/ /zhes pa ni 'dir gal te re zhig rnal 'byor pa rnams kyis las dam pa'i dbang gis te/las des sangs rgyas nyid dam rdo rje 'dzin pa nyid thob par 'gyur ba de'i tshe mdzad ces pas sangs rgyas la sogs pa yang mdzad par 'gyur ro/ /mdzad pa la yang skyon yod de/ de yang gsungs pa/ 'o na sangs rgyas rdo rje 'dzin pa la sogs pa de rnams kyang rgyu med pa'i phyir ro//'di ltar/ dang po sangs rgyas rgyu med pa/ /zhes gsungs pa'i phyir ro/ /de'i phyir 'dul ba med pa ma byas pa las med pa yin na ji ltar las sna tshogs par 'grub ce na/ de nyid bstan pa'i phyir sangs rgyas zhes bya ba la sogs pa gsungs te/ 'dir brtan pa dang g.yo ba zhes pa'i snod dang bcud la sogs pa'i dngos po sna tshogs pa'i khams gsum pa'o//sangs rgyas kun zhes pa ni de yang mchog tu bde ba dmigs pa med pa stong pa dang snying rje'i bdag nyid do/ /sogs pa'i sgras 'od gsal las 'byung bar 'gyur ba gzung ngo / /de yang / dngos po kun du 'dir 'gyur ro//zhes pa ni brtan pa dang g.yo ba'i dngos po de rnams kyi rang bzhin mi zad pa'i ye shes zhes pa'i don to/ /de rnams kyang rnam par rtog pa thams cad kyi rang bzhin can rgyu dang 'bras bu'i phyir ro/ /yang na sangs rgyas kun ni nyan thos dang rang sangs rgyas dang theg pa chen po dang yang dag par rdzogs pa'i sangs rgyas so//sogs pa'i sgra ni byang chub sems dpa' rdo rje 'chang la sogs pa bzung ste/ de rnams kyi dngos po ni chos kyi dbyings su 'gyur ba'o/ /de yang / sangs rgyas kun dang mnyam sbyor ba/ /zhes pa ni phung po dang khams dang skye mched la sogs pa dngos su sangs rgyas su byed pa'o//mkha' 'gro ma yi dra ba sdom/ /zhes pa la mkha' 'gro ma ni sprul pas nam mkhar 'gro zhing rgyu bas khyab pa'o/ /ki ni a ka'i skad dbyings las/ /gya gyur 'gro ba'o/ /nI ni 'od zer phra ba'i gzugs can de byang chub sems kyi bdag nyid kyi rtsa'i tshogs so/ /sdom pa zhes pa ni 'di dag gi sdom pa chos kyi dbyings dang snyoms par 'jug pa'i rnal 'byor las byung zhes pa'i don to//'dis zhes pa ni gsungs pa'i rigs pa 'dis sgyu ma'i rnal 'byor du 'gyur te/ des na sgyu ma'i rang bzhin sgyu 'phrul chen mo skyed par byed pa'o/ /thams cad du sna tshogs mchog ces pa ni thams cad kyi rnam pa'i bdag nyid ye shes chen po de yang bsam du med pa'i zhes pa'i don to//sangs rgyas la sogs 'dul bas 'grub/ /ces pa ni las khyad par can sna tshogs la sogs pa bstan pas sangs rgyas dang rdo rje sems dpa' la sogs pa byas par 'grub po/ /de 'ba' zhig grub par ma zad de/sems can kun don bla na med/ /ces pa des kyang bya ba'i phyir bla na med ces pa ni yang dang yang byed pa'o/ /bud med kun zhes bya ba la sogs pa la bud med kun zhes pa ni lha mo thams cad de/ de rnams nyid sgyu ma'i lha mo zhing skyes dang / sngags skyes dang lhan cig skyes pa gnas dang nye ba'i gnas na gnas pa'i rnal 'byor ma rnams so//rnal 'byor de rnams dang sgyu mas grub pa'o/ /de bzhin du sangs rgyas de thams cad dang rnal 'byor ma rnams gang du grub pa 'dir gsungs pa/ 'dir dam pa'i las kyis sngon gyi gzugs spangs te phung po rnams 'dor bar 'gyur ba'i tshe khams gsum pa rnal 'byor ma'i gzugs kyis sangs rgyas par 'gyur ro//da bzhin du rang gi gzugs yongs su brjes pa zhes pa slar bdag gi gzugs spangs nas sangs rgyas pa'o/ /sangs rgyas zhes pa ni nye bar btags pa'i tshig go/ /'on kyang byang chub sems dpa' dang rnal 'byor ma rnams su shes pa'i don to//de'i phyir grub ces pa ni bsam du med pa'i ye shes kyi rang bzhin no zhes pa'i don to/ /de bzhin du bsam du med pa dang / shin tu bsam du med pa dang / ches bsam du med pa dang / ches pas kyang ches bsam du med pa de nyid kyang bsam du med pa'o//sna tshogs zhes bya ba la sogs pa ni de ltar lnga po che ba'i che ba che ba'i ye shes bsam du med pa de nyid kyang bsam du med pa sna tshogs pa de nyid bsam pa des na sgyu ma dang shin tu sgyu ma dang sgyu ma chen po sgyu ma'i phyag rgya de yang chen po'i chen po phyag rgya chen po'o/ /de yang 'dir mkha' 'gro ma zhes pa dgongs bshad gzhan gyis bstan te/de ltar Dai ni nam mkhar 'gro ma zhes pa la sogs pa skad dbyings las brjod de/ Dai nam mkha' 'gro ba ni stong pa'i bdag nyid du byed pa'o/ /'di rnams kyis don chen po'i dngos 'grub bstan pa'i phyir nges pa'i tshig gsungs te/nam mkha' zhes bya ba la sogs pa la/ 'dir sangs rgyas dang rdo rje 'chang la sogs pa dang brtan pa dang g.yo ba la sogs pa'i dngos po thams cad kyi go skabs ster ba zhes pa ye shes kyi nam mkha' shin tu zab pa'i chos kyi dbyings kyi yul snang ba med pa dang / snang ba med pa ma yin pa dang /stong pa med pa dang / stong pa med pa ma yin pa dang / brdzun pa med pa dang brdzun pa med pa ma yin pa dang / dngos po med pa dang / dngos po med pa ma yin pa dang / sa bon med pa dang / sa bon med pa ma yin pa dang / mi 'gyur ba med pa dang / mi 'gyur ba med pa ma yin pa dang /skabs med pa dang / skabs med pa ma yin pa dang / brjod du med pa dang / brjod du med pa ma yin pa dang / brjod kyis mi lang ba dang brjod kyis mi lang ba ma yin pa dang / gnyis med pa dang / gnyis med pa ma yin pa dang / 'od med pa dang / 'od med pa ma yin pa dang / gzugs med pa dang /gzugs med pa ma yin pa dang / bems po med pa dang / bems po med pa ma yin pa dang / bstan du med pa dang / bstan du med pa ma yin pa dang / bdag med pa dang / bdag med pa ma yin pa dang / bsam du med pa dang / bsam du med pa ma yin pa de la sogs pa'i yon tan rgya chen pos nam mkha' gang ba 'di spyod pa de thams cad ni nam mkha' la spyod pa 'grub cing /dpag tu med pa de dang lhan cig spyod pa zhes pa phung po drug dang khams dang skye mched la sogs pa thams cad sgrib pa med pa de la de skad ces bya'o/ /mkha' 'gro ma zhes pa ni gcig gi tshig can gyi rigs te/ dngos po 'di dag thams cad kyi rang bzhin gyis bdag nyid bdag med pa de bsgrubs pas na de mi bzad pa'i gnas so zhes bya ba ni rang dang gzhan gyi don rab tu sgrub ces dgongs so//yang na dngos po thams cad kyi go skabs 'byed pa gang dag yin pa de dag thams cad ni nam mkha' ste/ rnam par snang mdzad la sogs pa'i 'khor los sgyur ba drug go//de dag lhan cig spyod pa zhes pa de ni de bzhin du skyes pa nyid kyis gcig gis tshig can te/ rnam par snang mdzad la sogs pa'i sgrub thabs zhes pa'i don to/ /de dag gis ni dngos grub de nyid rdzogs pas khyab pa rnam pa kun gyi mchog dang ldan pa stong pa nyid kyi tshul gang yin pa de ni mkha' 'gro ma ste/bsam du med pa'i ye shes kyi rang bzhin nyid kyi phyir ro/ /de ltar rab tu grub pa ste/ de ltar byung ba la des 'grub par 'gyur ro/ /des na zhing skyes la sogs pa'i mkha' 'gro ma thabs kyi bdag nyid can 'grub ces pa ni tshul lo/ /kun du zhes pa ni phyogs bcur ro//sna tshogs ni phung po la sogs pa'o/ /rgyas 'debs pa ni kun du sna tshogs phyag rgya ste lha mo'o/ /de yang mkha' 'gro ma la sogs par de bzhin du blta ba dang 'khor los sgyur ba drug tu blta bar bya'o/ /dang gi sgra ni khyad par te tha mal pa'i bud med kyi gzugs nyid lha mo'i gzugs can zhes pa'i don to//yang na kun du sna tshogs phyag rgya ni khams gsum gyi sems can thams cad yang dag pa'i ye shes kyis rgyas btab pa'o/ /kun du zhes pa ni sems can de rnams des rgyas gdab pa'i phyir/ sdom pa de nyid gsungs pa zhes shes pa ni don 'di'o/ /rdo rje zhes bya ba la sogs pa ni yang dag pa'i ye shes kyang rigs lnga'i dbye bas lnga'i rang bzhin te/de yang rdo rje dang pad+ma dang / de bzhin du nor bu'o/ /ma gsungs kyang 'khor lo dang ral gri yang gzung ngo / /de'i phyir sems can bsgom pa la mos pas de rnams khyad par can gyi rigs lnga rnams su 'gyur to/'di lta ste/ rdo rje 'dzin gyi rigs dang de bzhin du pad+ma 'dzin pa dang / nor bu 'dzin pa dang / 'khor lo dang ral gri 'dzin pa'i rigs rnams so/ /dang zhes pa ni ma gsungs pa'i rigs kyang rtogs par bya ba'i don to/ /sems can de dag thams cad ni sangs rgyas rdo rje 'dzin pa la sogs pa de rnams kyi rigs can te/sangs rgyas dang byang chub sems dpa' rnams kyi rigs so/ /de ltar thams cad bsam gyis mi khyab pa'i ye shes kyi bdag nyid de kho na nyid do zhes pa ste/ bcom ldan 'das kyi nges pa'o/ /da ni da ltar byung ba'i rnal 'byor pa rnams kyi ye shes kyi lta ba bstan pa'i phyir/de nas zhes bya ba la sogs pa gsungs te/ de nas zhes pa ni sangs rgyas kyi rigs su skyes pa'i rnal 'byor pa rnams la bsgom pa'i ye shes bstan pa'i phyir de rnams thams cad de bzhin gshegs pa'o/ /de rnams zil gyis gnon pa ni gnyis su med pa'i ye shes so/ des na rdul dang bral ba zhes pa ni snying rje'i rdo rje btul te/ rjes su chags pa dngos po'i lta ba de dang bral ba'o/ /gnas zhes pa ni zung du 'jug pa zhes pa des snying rje mngon du byed pa'o/ /de'i phyir don dam pa'i byang chub kyi sems 'di gsungs te/ stong pa ma yin zhes bya ba nas/de nas chos kyi gsung 'di byung / /zhes pa'i mthar thug pa ni go sla'o/ /de ltar bcom ldan 'das kyis gsungs nas/ de bzhin gshegs pa thams cad kyis yang dag par bstod pa de nyid bstan pa'i phyir ro/ /de nas zhes bya ba la sogs pa gsungs te/ theg pa che las zhes pa ni pha rol tu phyin pa'i tshul zab mo'i theg pa chen po rnams las so//'byung zhes pa ni de bzhin gshegs pa rnams 'byung ba'o/ /yon tan rab rgyas zhes pa ni sngags kyi theg pa dbu ma chen po las kyang sangs rgyas 'byung ba'o/ /dus gsum du thams cad kyis bstod pa'i rgyal po 'dis 'chad bzhin pa des ji lta ba bzhin byed do//lhag ma ni go sla'o/ /da ni las dang po pa'i rnal 'byor pa rnams mnyam par gzhag pa'i phyir de kho na nyid brjod de/ yang mchod cing zhes bya ba la sogs pa la bshad du gsol zhes pa ni de kho na nyid bshad du gsol zhes pa'i don to/ /snying po zhes pa ni de kho na nyid do/ chos kun gcig pa'i sku zhes pa la/ chos kun ni brtan pa dang g.yo ba la sogs pa ste/ de rnams kyi sku ni chos kyi sku'o/ /de yang ma rig pa'i dbang gis 'jig rten pas yongs su brtags pa'i sems so/ /de'i phyir rdo rje snying pos gsol ba btab pa de'i lan bcom ldan 'das kyis gsungs so//de ci zhe na/ dbang po gang zhes bya ba la sogs pa gsungs te/ 'dir mig la sogs pa'i rnam par shes pas yul rnams la dmigs te/ de yang thams cad 'khrul pas rnam par shes par yongs su rtog go/ /de thams cad sgyu ma nyid kyi phyir/ de dang de'i rang bzhin zhes pa ni bsam gyis mi khyab pa'i ye shes kyi rang bzhin du yongs su brtag par bya'o//des na mnyam par ma gzhag pa 'khor ba'i sbyor bas so/ /'on kyang de la mos pas rtag tu mnyam par gzhag par 'gyur ro/ /gang gi phyir zhes bya ba la sogs pa la/ dngos kun bdag nyid ces pa ni gnyis med pa'i ye shes so//de ni rmongs pa 'gas kyang zhes pa ni rnam par rig pa'i ye shes kyis mi shes zhes pa'i don to/ /de rnams tha shal zhes pa ni byis pa'i rigs rnams so/ /de'i phyir rnam par shes pa'i phung po la ni rten zhes pa ni gzung ba la sogs pa la mngon par shes par byed do/ /de nyid kyis na 'khor bar 'ching bar 'gyur te/sbubs byed pa'i srin bu bzhin no/ /des na de rnams kyis rnam par dag pa bstan pa'i phyir/ sems zhes bya ba la sogs pa gsungs te/ de bzhin sems su rnam par rtog pa dang sems med par rtog pa la/ gal te re zhig rang gi mtshan nyid kyis sems med de med pa'i phyir sems med pa'i dngos po yang med de/gang gi phyir pha las bu skye bar 'gyur ro/ /de'i phyir pha med na bu su las skye bar 'gyur/ sa bon med par myu gu 'byung bar mi 'gyur ro/ /de bzhin du myu gu med par 'bras bu phun sum tshogs par mi 'gyur ro/ /de'i phyir sems dang sems med par mi 'gyur ro zhes pa ste nges pa'o//sems dngos med ces pa ni sngon po dang ser po la sogs pa so sor snang ba de rnams 'khrul ba'i shes pas dmigs pa ni brdzun pa'o/ /de ltar rnam par shes pa rnam pa gsum bden par ni med do/ /'khrul pa des ni 'khor bar 'khor zhing sdug bsngal nyams su myong bar 'gyur ro//'dir gsungs pa sems can gyi khams mngon sum gyi tshad ma la snang ba des na rnam par shes pa yod do/ /de las ni sems can gyi khams 'byung ngo / /des na sangs rgyas dang byang chub sems dpa'i rigs su 'gyur ro/ /gang gi phyir sems can nyid sangs rgyas te/ sems can gcig kyang sangs rgyas ma yin pa med ces gsungs pa'i phyir ro/ /gzhan yang kye rgyal ba'i sras dag khams gsum pa 'di dag ni sems tsam mo zhes bcom ldan 'das kyis gsungs so/ /des na kun rdzob kyi bden pa la brten zhing don dam pa'i bden pa de la brten te/ de ltar bden pa gnyis rnam par 'chad pa'i rgyun gyis sku bzhis sems can gyi don byed pas sangs rgyas skyes rabs sna tshogs pa len par mdzad pa ma yin nam/ji ltar sems dang sems med pa sems kyi dngos po med ces brjod/ de med pa'i sangs rgyas dang byang chub sems dpa' rnams sun dbyung bar 'gyur ro/ /des ni mnar med pa la sogs par 'gyur ro//des kyang sangs rgyas pa'i sems can rnams kyi log pa'i lta ba'i dbang gis mu stegs pa'i lugs brjod de bsod nams dang sdig pa la sogs pa med ces gsungs pa'i phyir des kyang dmyal ba la sogs par 'gro bar 'gyur zhes 'ga' zhig dogs pa skye bar 'gyur na de'i phyir brjod de/bcom ldan 'das kyi gsung bstan pa/ rnam shes bya ba la sogs pa ni/ 'dir de thams cad ni bden mod/ /'on kyang de bzhin gshegs pas bstan pa'i rnam par shes pa dang ye shes de la yang dgongs pa yod do/ /'bras bu zhes pa la/'dir 'bras bu ni sangs rgyas dang byang chub sems dpa' rnams kyi'o/ /de bzhin du sems can thams cad kyi yang ngo / /'di rnams ni thog ma med pa'i dus nas rgyud mnyam pa ste/ de rnams kyi thog ma med pa'i bag chags kyi rgyun gyi dbang gis bskyed bya dang skyed byed du 'brel pa'i dngos por 'gyur ro//des na rgyu dang 'bras bu zhes pa ni rnam par shes pa dang ye shes phun sum tshogs pa bstan pa la sogs pa la 'jug pa'o/ /de bzhin du sbyin pa la sogs pa'i pha rol tu phyin pa bcu bstan te/ des na bla na med pa'i man ngag gis bsgom pa la sogs pa la dmigs so/ /des ni ye shes kyi tshogs su 'gyur ro//de ltar rnam par shes pa dang ye shes kyi rnal 'byor pa'i phun sum tshogs par 'gyur te/ bsam gyis mi khyab pa'i lam la 'jug pa'i 'bras bu de la de skad ces bya'o/ /de bzhin du chos ni rang bzhin gyis 'byung ba'i chos rnams so/ /chos can zhes pa ni gnyis med pa'i ye shes bsam gyis mi khyab pa'i rang bzhin no//de sgom pa ni rnam par shes pa dang ye shes ma rtogs par byed do/ /des na gang gi phyir zhes bya ba la sogs pa gsungs te/ 'dir sems kyi rang bzhin rnam pa mang po des na sems kyi chos sna tshogs pa'i rnam par rtog pa nyid las rnam par rtog pa 'byung ste/de rnams kyang rgyun mi 'chad par chu bo'i rgyun bzhin rgyun bzhin 'byung ngo / /des na rgya mtsho zhes pa ni 'dus par 'gyur te/ ji ltar rgya mtshor chu 'dus pa bzhin no/ /des na thog ma med pa'i rgyud kyi dbang gis sems can sangs rgyas la sogs pa'i rigs su 'gyur te/ de rnams kyi chos rnams kyis thar bar zhes pa ni thar ba gcig kho na ste/ yang dag par rdzogs pa'i byang chub kyi ye shes su 'gyur zhes pa ste nges pa'o/ /de'i phyir du ma nyid du dmigs pa med cing zhes pa ni sgyu ma lta bu'i chos la brten pa'i rang byin gyis brlabs pas rdo rje 'chang gi rnam pa la sogs par dmigs pa'i yul gyi chos de rnams kyang rang gi sems nyid las byung ba sgyu ma'i rnam pa de ni khyad par gyis rtog par bstan to//des na sgyu ma'i rnam pa 'byung ba de dmigs pa'i phyir ro/ /de'i phyir dmigs pa med pa ni rnam par mi rtog pa ste sgyu ma mi bden pa'i phyir ro/ /de ltar dmigs pa dang bcas pa dang dmigs pa med pa'i sems gsal ba gnyis med pa'i gnyis med par dgongs so//bla ma'i zhal nas rnyed par 'gyur/ /zhes pa ni de yang dbang phyi ma'i dus su bla mas bstan pa'i dpe'i lhan cig skyes pa'i dga' ba bzhi pa thob pa'o/ /ji ltar nang du rnam gnas pa/ / zhes pa ni rdo rje'i nor bu lhan cig skyes pa'i dga' ba bde ba'i gzugs su gnas pa de nyid bla ma'o/ /des na kun rdzob des gang gi tshe rang rig par 'gyur ba de'i tshe bla mar shes par bya'o/ /ci'i phyir bla ma zhe na/ ji srid skyes pa nas 'chi ba'i mthar thug par de yang nang gi bde ba nyid rnam par gnas pa de'i zhal nas rnyed par 'gyur te/bde ba nyams su myong ba'i mthar thug par dpes rtogs pa spros pa med pa'i bde ba brjod du med pa'i don dam pa'i ye shes so/ /de yang 'chad bzhin pas bshad par bya'o/ /de ltar bla ma ni rgyud thams cad du dgongs bshad gzhan gyis bstan pa ste/ bcom ldan 'das kyi nges pa'o/ /de kho na nyid bstan pa zhes pa ni de kho na nyid yang dag pa'i ye shes yongs su brtag pa 'chad bzhin pas bshad pa des nyams su myong ba 'di bstan pa de'i rab tu byed pa des yang dag par byed pa de la de skad ces bya'o/ /kha sbyor thig le'i rgyud kyi rgyal po'i rtog pa dang po'i rab tu byed pa gsum pa'i rgya cher 'grel pa yang dag par lta ba'i dran pa'i snang ba zhes pa'i gzhung bstan pa ste bzhi pa'o// //da ni sems can sna tshogs pa'i bsam pa sna tshogs pas rang gi las dge bas sangs rgyas su 'gyur ro/ /des na man ngag sna tshogs pa'i don du bsam pa sna tshogs pa ston pa'i bsdus don de byed pa bstan pa'i phyir/de nas zhes pa la sogs pa gsungs te/ de nas zhes pa ni rab tu byed pa gsum gyi mthar te/ rab tu byed pa gsum bstan pa de'i rjes thogs su'o/ /de'i phyir rab tu byed pa de gsum bshad pa'o/ /de yang yang dag bshad par bya//zhes pa ni yang dag par rab tu bshad par bya ba ste/ rgyas par bshad par bya zhes pa'i don to/ /gang gi phyir sems can thams cad kyis rtogs par 'gyur ba des kyang 'khor ba'i rgya mtsho'i pha rol tu 'gro bar 'gyur ba'o/ /de yang gang zhe na/ rgyud rnams kun gyi zhes bya ba la sogs pa gsungs te rgyud kun gyi shes rab dang thabs te/de rnams kyi gtan la dbab pa ni yang dag par rnam par gzhag pa rnam pa sna tshogs pa'o/ /sbyor ba yang bsam pa sna tshogs pa rnam pa mang po kun rdzob dang don dam pa'i dbye bas thun mong du nges pa'i rgyud thams cad kyi sgra zhes dgongs so/ /de bzhin du nges pa yang bstan pa'i phyir/sems can zhes bya ba la sogs pa gsungs te/ 'dir sems can thams cad kyi thun mong gi sbyor ba de ni rnam pa gsum mo/ /de ci zhe na/ lus dang ngag dang sems kyi bdag nyid kyi phyir ro/ /yang na rnam par shes pa gsum gyi bdag nyid do/ /de nas rgya che ba'i gzugs zhes pa ni rnal 'byor thams cad kyi bsdus pa'i don to//de yang yul dang de bzhin du yul can de rnams kyi rang bzhin de'i bdag nyid chos kyi sku'o/ /gang dag yul yin pa de dag ni gzugs dang / sgra dang / dri dang / ro dang / reg bya rnams te rnam par shes pa can no/ /yul yang rnam par shes pa gsum ste/de rnams las kun gzhi rnam par shes pa ni sems so/ /nyon mongs pa can gyi yid ni sems med pa'o/ /de bzhin du 'jug pa'i rnam par shes pa ni sems kyi gzugs so/ /de ltar sems can thams cad kyi gru gsum rgya che ba dor te/ dngos por gzung ba'i phyir na sgyu ma'i gzugs can zhes pa'i don to//de ltar chos kyi sku gcig dang du ma nyid de rnal 'byor pa rnams kyi sems kyi don du'o/ /de'i phyir ting nge 'dzin la dmigs pas rnam par shes pa rnams skye bar 'gyur te/ de bstan pa'i phyir gnas su skye zhes bya ba la sogs pa gsungs te/ 'dir sems can rnams la gtsor 'dod pa'i khams la brten pa de rnams ni gzugs la sogs pa'i yul rnams la brten to//tshangs sogs lha dang lha min zhes pa ni go sla'o/ /sogs pa'i sgras ni gzugs kyi khams dang gzugs med pa'i khams dang lha ma yin dang mi la sogs pa rnams so/ / de ltar dngos po thams cad ni khyab bya'o/ /de rnams la khyab par byed pa ni chos kyi sku'o/ /dngos po rnams kun tu sbyor bas na rnam par shes pa tsam mo/ /dngos po de rnams ni sbyin pa la sogs pa'i pha rol tu phyin pa lnga'i rgyus tshangs pa la sogs pa bdag nyid chen po'i lha dang / /gzhan yang chos dang ldan pa'i mi la sogs pa 'thob bo//de bzhin du pha rol tu phyin pa lnga bsod nams kyis tshogs kyi phyir ro/ /de nyid ces pa ni pha rol tu phyin pa lnga po de rnams nyid la shes rab kyi pha rol tu phyin pa khyab par byed pa'o/ /de'i phyir kun rdzob rnam pa'i gzugs can zhes pa ni pha rol tu phyin pa lnga la khyab pa can yongs su shes pa'i tshul can stong pa nyid kyi gzugs can rnam pa kun gyi rang gi ngo bo can zhes pa'i don to//de nyid yul las 'das zhes bya ba la sogs pa ni go sla'o/ /da ni sems can 'khor bar 'ching bar gsungs te/ gti mug ces bya ba la sogs pa ni go sla'o/ / de rnams grol ba'i rgyur de bzhin gshegs pa nyid kyis thabs gsungs pa/ des na sangs rgyas dbang po'i zhes bya ba la sogs pa gsungs te/ 'dir 'khor ba'i sdug bsngal rnams su ltung ba'i sems can de rnams 'byung ba'o/ /des na zhes pa ni de'i phyir zhes pa'i don to/ /dpa' bo sangs rgyas zhes pa'i dang po'i sangs rgyas sam thog ma med pa'i sangs rgyas 'od gsal ba las bzhengs pa'i rdo rje 'chang gis so//de nyid kyis na nyon mongs pa'i bdag nyid kyi sdug bsngal can la gzigs pa'o/ /de rnams kyis nyon mongs pa rnams kyi rkyen du sprul te rigs pas zhes pa ni shes rab dang thabs la sogs pa rgyur bstan pa'o//de yang dang po las kyi phyag rgya'i sgo nas 'dod chags kyi bdag nyid can rnams la bstan te/ de rnams kyi rkyen ni 'dod pa'i yon tan lnga la nye bar longs spyod pa'o/ /de nas sprul pa'i rgyud shes shes pa ni de'i phyir rigs pas nang gi bdag nyid kyi sbyor ba bstan te/ de yang 'chad bzhin pa'i 'khor lo bzhi'i rab tu dbye ba las so//'bras bu zhes pa ni de'i phyir shes rab dang thabs dag gcig pa nyid do/ /mtshon zhes pa ni rang rig pa'i ye shes te des 'bras bu mtshon du med pa zhes pa'i don to/ /de yang / khams gsum rnams su dri med snang //zhes pa ni snang ba gsum spangs pa'i 'od gsal ba'i ye shes te/ des na gang dang gang gis zhes bya ba la sogs pas ni tshangs pa la sogs pa'i gzugs su sprul te/ des na skyes rabs sna tshogs pa rnams su sprul nas sems can rnams la chos ston to/ /shing dang me yi tshul bzhin du//zhes pa ni 'dir ji ltar shing gnyis bsrubs pa las me 'byung ste/ me de nyid kyis shing de gnyis bsregs so/ /de bzhin du rang gi ngo bo yongs su shes pas rnal 'byor pa rnams kyis rang bzhin rnams su rab tu 'phro ste/ de sgyu ma sangs rgyas dang byang chub sems dpa' rnams 'byung ngo / /de bzhin du cung zad rang gi ngo bo yongs su shes pa'i dbang gis gdul bya'i sems can ma lus pa rnams 'byung bar 'gyur te/de ni shing bzhin no/ /de rnams kyi sangs rgyas dang byang chub sems dpa' rnams ni me bzhin te/ dam pa'i chos kyi ye shes kyi mes nyon mongs pa thams cad kyi sgrib pa rnams bsregs te/rang gi rig pa las byung ba'i phyir zhes dgongs so/ /de ltar sangs rgyas kyi rol mo dam pa rnam pa sna tshogs pa'i bdag nyid do/ /bzang po zhes pa ni rang gi ngo bo las byung ba'i byis pa rnams kyis mi rtogs pa rnal 'byor pa rnams kyi ngo mtshar skyed par byed pa dang / phyag rgya chen po'i bde ba ster bar byed pa'o//phung po zhes bya ba la sogs pa ni ji skad gsungs pa de de bzhin du bya zhes pa'i don to/ /gti mug ces bya ba la sogs pa ni 'dir tha mal pa'i gti mug la sogs pa rnams gti mug chen po la sogs pas sbyang bar bya'o/ /de ltar rnam par dag pa lnga ni rnam par snang mdzad la sogs pa'i de bzhin gshegs pa lnga'o//de rnams thams cad sbyong zhes pa ni de rnams ni rdo rje sems dpa' de'i rang bzhin te/ nyon mongs pa lnga rdo rje 'chang dang 'dra bar 'gyur ba'o/ /de dag rigs zhes bya ba la sogs pa ni go sla'o/ /da ni sems can gang dag gis bla na med par sngags kyi theg pa chen po mi rnyed pa des na de rnams kyi phyir bcom ldan 'das shAkya thub pa 'byung bar brjod do//gang dag bla ma la zhes bya ba la sogs pa la/ sngags dang phyag rgya rnyed mi 'gyur/ /zhes pa ni sngags dang phyag rgya mi shes pa'i don to/ /'ang gi don ni phyag rgya chen po yang mi shes pa de la de skad ces bya'o//'dzam bu'i gling du zhes bya ba la sogs pa ni 'dir dga' ldan gyi gnas nas de bzhin gshegs pa rnams 'khrung bar 'gyur ba'o/ /'dir yang 'dzam bu'i gling du bdag /ces pa ni shAkya thub pa sangs rgyas bdag dga' ldan gyi gnas nas rin po che sna bdun gyi rang bzhin rdo rje'i rgyan gyi bdag nyid kyi gzhal yas khang rnams su longs spyod rdzogs pa'i sku las sprul pa'i sku 'byung ba ni thun mong gi tshig go//nges par gsungs pa'i tshig ni btsun mo zhes pa ni rdo rje'i btsun mo spyan ma la sogs pa dang / mkha' 'gro ma la sogs pa'o/ /yang na tha mal pa'i bud med rnams so//de rnams kyi b+ha ga gru gsum ni sa bcu gcig rnam par dag pa'i phyir gong nas gong du spangs pa'o/ /sa bcu'i dbus khong stong gis bcu gcig pa'o/ /'di ni ming tsam mo/ /rang gi ngo bo ni shin tu rnam par dag pa'i b+ha ga ste/ sna tshogs sdud pa'i phyir ro/ /lhan cig skyes pa'i dga' ba'i bdag nyid lus dang ngag dang sems gsum gru gsum mo//dag pa zhes pa ni rang rig pa'i bdag nyid de nyid gang la yod pa de la dag pa zhes brjod de gtso bo'o/ /de ji ltar dga' ba de bstan pa'i phyir e'i cha byad ces bya ba la sogs pa gsungs te/ 'dir e'i rnam pa a wa d+hU tI la'o/ /dbus su waM ni blta bar bya//zhes pa'i sgra ni bdag nyid rdo rje sems dpa'o/ /de ltar e waM zhes pa shes rab dang thabs kyi mdor sbyor ba bsdus pa bstan pa'o/ /ji lta ba zhes pa ni rags pa'o/ /de nyid bstan pa'i phyir gru gsum pa zhes bya ba la sogs pa gsungs te/ 'dir rdzogs pa'i rim pa las skye bar 'gyur ba de yang rdzogs pa'i rim pa bsgoms pa las bstan pa des na dag pa ste/shes rab dang thabs kyi bdag nyid sbyor ba'o/ /de'i phyir rdzogs pa'i rim par brjod do/ /gru gsum zhes pa ni la la nA dang ra sa nA dag gi dbus kyi a wa d+hU tI'o/ /de yi dkyil 'khor nyams dga' bar/ /zhes pa ni chos kyi dbyings yon tan rgyas pa thams cad 'byung ba thams cad kyi gnas de nyid bla ma'i man ngag gis zhes bya ba la sogs pa'i sgrib pa yongs su zad pa chos kyi dbyings kyi rang bzhin nyams dga' ba la me tog dang 'bras bu sna tshogs gtams pa'o//me tog ni ting nge 'dzin sna tshogs pa'i bde ba bsam gyis mi khyab pa gzhal du med pa'o//'bras bu ni rgyu mthun pa dang rnam par smin pa dang skyes bu byed pa dang dri ma med pa rnams te/ de la sogs pa thob pa'i gnas su rnal 'byor pa rnams kyis bsgom pa rtogs pa'i phyir/ rdo rje rol ba yang dag 'byung / /zhes pa ni 'dir a wa d+hU tIr bsam gyis mi khyab pa'i sems kyis yongs su rtogs pa'i srog dang thur sel 'jug pas byang chub sems dgug pa'o//ji ltar de dgug ce na dbu rgyan gyi bu ga nas lte bar 'ong ba de la brten pa'i bde ba de nyid kyi sbyor ba goms pa las bsam du med pa yang steng du 'gro ste/ mi 'dzag pa'i phyir ro/ / des na de las sangs rgyas kyi yon tan rnams skye'o/ /de'i phyir chos kyi 'byung gnas shes pa'i sgrar 'jig rten du grags so/ /de yang btsun mo'i b+ha ga zhes bya ba ni spyan ma la sogs pa'o/ /dang gi sgras ni tha mal pa'i bud med gzung ba'i don to/ /de bzhin du de'i zhes pa ni a wa d+hU tI'i b+ha ga'o/ /pad+ma zhes pa ni rtsa brgyad reg bya'i bdag nyid can no//ge sar bcas zhes pa ni de'i mdud pa'i bu ga'am/ khong stong la sbyar ba'o/ /de rnams kyi rang bzhin bstan pa'i phyir A li zhes bya ba la sogs pa gsungs te/ de bzhin du rtsa brgyad rnams la/ A li kA li mnyam 'dres pa'i sde tshan brgyad ces pa ni 'dir a li ni a la sogs pa'i dbyangs yig bcu drug go//de bzhin du kA li ni ka la sogs pa'i gsal byed sum cu rtsa gsum mo/ /'di ni yi ge'i don to/ /'on kyang rtsa rnams la srog mnyam par 'dres pa de ni kA li'i gzugs so/ /de bzhin du A li'i gzugs ni thur sel gyi rlung ngo / /de dag mnyam du 'dres pa ni der thim pa zhes pa'i don to//des na sde tshan brgyad rnam par gnas te brdas bstan pa brjod du med pa zhes pa'i don to/ /des na phung po dang khams dang skye mched rnams 'gog cing ming tsam yang med 'gog ces pa ste nges pa'o/ /yang na A li kA li zhes pa ni zla ba dang nyi ma ste khu ba dang rdul lo/ /de dag 'dres pa ni sgra gcan te/kun gzhi rnam par shes pa'i ming can no/ /de yang dbus su gnas pa'i ge sar gang gi mjug ma de ni du ba mjug rings te/ de'i rnam par thar pa brgyad ni rtsa brgyad de rnams kyi dbus su rnam par shes pa brgyad 'dab ma brgyad bzhin du rtsa brgyad la gnas te de la shar gyi 'dab ma la nyon mongs pa can gyi yid nyi ma'o//de bzhin du nub kyi 'dab ma la kun gzhi rnam par shes pa sgra gcan gyi ming can no/ /de bzhin du lho'i 'dab ma gsum la shar la sogs pa rim pa bzhin du sna'i rnam par shes pa dang / lce'i rnam par shes pa dang / rna ba'i rnam par shes pa'o/ /de rnams dang spen pa dang phur bu dang mig dmar gyi ming can no//de bzhin du byang gi 'dab ma gsum la/ shar la sogs pa rim bzhin du mig gi rnam par shes pa dang / lus kyi rnam par shes pa dang / yid kyi rnam par shes pa'o/ /de rnams kyang gza' lag pa dang zla ba dang pa sangs kyi ming can no/ /de ltar gza' brgyad kyi res brgyad dam thun brgyad de sgra gcan gyi longs spyod kyi dbang gis so//rtsa brgyad po de rnams kyang sgo brgyad rnams su song ba'i don to/ /lus can zhes bya ba la sogs pa ni 'dir sems can thams cad kyi rang rang gi ming gi dang po'i yi ges zhi ba la sogs pa'i las rnams byed do/ / gang gi phyir rang gi lus su bsgrubs pa'i sngags sde tshan brgyad rang bzhin gyis grub pa'o/ /de rnams kyang spros na yi ge lnga bcu'i brdas dbye ba rnams zhes pa ni 'dir lus la gdan lnga bcu'i gnas rnams su mdud pa lnga bcur 'gyur te/ de rnams la khung bu lnga bcu'am kor lnga bcur 'gyur ro/ /de rnams la smig rgyu 'khyugs pa lta bu ga la yod de/de rnams kyi gnas rnams su yi ge rnams grangs bzhin du a A i I u U r-i r-I l-i l-I e ai o au aM aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaHzhes pa yang dag par gnas so/ /de ltar yi ge lnga bcu po rnams kyi dbyibs ni shar phyogs la sogs pa'i yi ge bzhin du gnas so//de rnams nyid kyi gnas gsungs pa de ltar rim pa bzhin spyi bo dang spyi gtsug dang / rna ba g.yas pa dang rgyab kyi cha dang / rna ba g.yon pa dang / smin ma'i dbus dang / mkhal ma dang / snying dang / mchan khung gnyis dang /nu ma gnyis dang / /glo ba gnyis dang / sna'i rtse mo dang / glo ba'i rtsa gnyis dang / lto ba dang / la la nA dang / ra sa nA dag dang / bshang ba'i rtsa dang skra mtshams kyi bu ga dang / rgyu zhabs dang / rnag gi rtsa dang / brla gnyis dang / rje ngar gnyis dang / tshil gyi bu ga dang /rkang pa'i bol gnyis dang / pus mo gnyis dang / lhag ma ni lag pa dang rkang pa'i sor mo nyi shu'i bu ga rnams so/ /de ltar rang bzhin brjod do/ /gnas de rnams su sngags gzhan rnams mgrin pa dang / rkan dang mchu la sogs pas yi ge nyis brtsegs dang sum brtsegs la sogs pa sna tshogs par sbyor ba'i rang bzhin can brjod do//de ltar rgyud rnams dang gzhan yang phyi'i bstan bcos rnams te/ sgra'i bstan bcos la sogs pa rnams 'byung ste/ de'i rang bzhin nyid kyi phyir ro/ /de ltar 'di dag ces bya ba la sogs pa la/ rdo rje snying po'i rang bzhin zhes pa ni rdo rje ni rang rig pa'i ye shes so//de'i snying po ni ming gi yi ge rnam par shes pa tsam nyid do/ /gzhan ni min zhes pa ni de ltar rang rig pa'i ye shes kyi yi ge rnams ni gzhan tha mal pa 'ga' zhig gi lus las 'byung ba ni ma yin no/ /de'i phyir rnal 'byor pa rnams kyis rtag pa rgyun du yang dag pa'i sbyor bas bslab ces pa ste nges pa'o//de ltar sde tshan de rnams la/ /a ni mgrin pa dang khar ro/ /de bzhin du ka ni rna ba g.yas par ro/ /tsa ni mig g.yon par ro/ /Ta ni mig g.yas par ro/ /de bzhin du ta ni rna ba g.yon pa la'o/ /ba ni sna'i bu ga g.yon par ro/ /de bzhin du ya ni bu ga g.yas par ro//de bzhin du sha ni bshang ba'i bu gar ro/ /sde tshan lnga bcu po rnams ni srog gi bu gar ro zhes brjod pa ni dbugs nang du chud pa ste/ sngon du gsungs pa'i btsan thabs kyi sbyor bas so/ /slar yang byang chub sems dang lhan cig rdo rje rol pa ni a wa d+hU tI'i bde bar ro/ /mnyam par gyur pa 'ongs te pad+mar zhugs pa'o//pad+ma de yang a wa d+hU tI nam mkha' dang mtshungs pa bems po dang bral ba'o/ /de yang so so zhes pa ni rang gi ngo bo lta bu'i phung po dang khams dang skye mched rnams rig pa ste lha'i dbang po dang lha'i rnam par shes pa brgyad kyi rang bzhin zhes bya ba'i don to/ /de rnams dbus kyi zhes bya ba la sogs pa ni lha'i rnam par shes pa brgyad po de rnams dbus su'o//lte ba zhes pa ni der bskyed pa rang rig pa'i ye shes gtso bo nyid kyi phyir lte ba'o/ /nyams su myong ba'i phyir te de rnams kyi dbus su gnas pa nyid do/ /de'i phyir mchog gi dbang phyug ma ste/ mchog ni ye shes dam pa rnam par shes pa rnams dang bral ba de'i rang bzhin tsam nyid do//des na dbang phyug ste/ sangs rgyas thams cad kyi yon tan rnams rdzogs pa'o/ /des na 'jig rten dang 'jig rten las 'das pa'i don 'dod pa rnams la dngos grub ster bar byed pa'o/ /des na sde tshan brgyad kyis yang dag par bskor ba'o//de ci zhe na/ mchog tu mi 'gyur zhes pa ste/ mi 'dzag pa'i phyir ro/ /de yang a ste yi ge thams cad kyi mchog tu 'gyur ba'o/ /don chen zhes pa ni rang gi ngo bos shes rab kyi pha rol tu phyin pa'i rang bzhin no/ /des na grub pa ste/ chos kyi dbyings nyid kyi phyir ro zhes dgongs so//de bzhin du sde tshan rnams kyi gtso zhes pa ni chos thams cad kyi mchog tu gyur pa'i phyir chos kyi sku rtag pa'i mtshan nyid do/ /de nyid las zhes pa ni gnas 'di rnams las byung ba lus can rnams sngags thams cad rnams ni 'chad bzhin pa de nyid kyis ston to/ /gang ral gri mig sman zhes bya ba la sogs pa dngos grub kyi las thams cad ni go sla'o//'on kyang de thams cad 'chad bzhin pa la sogs kyi rab tu byed pa las bshad par bya'o/ /da ni sngags 'di rnams kyi gnas kyi dbang gi yon tan gyi rang bzhin brjod pa'i phyir/ sgra ni zhes bya ba la sogs pa gsungs te/'dir sems can thams cad kyi lus kyi rtsa a wa d+hU tI nang du rang rig pa'i ye shes de ni sgra'o/ /de yang a'i yi ge'i ming can bde bas khyab par byed pa'o/ /de'i phyir sngags shes su gsungs par 'gyur te/ sngags rnams brjod pa'i rang bzhin no/ /de yang bde ba sna tshogs pa nyid kyi phyogs dpe'i yul ma yin pa'o//de nyid kyi dbang du byas te gsungs pa/ sna tshogs mdud pa zhes bya ba la sogs pa la/ 'dir lus la sna tshogs mdud pa ni rnam pa gnyis te phyi dang nang ngo / /phyi de ni rdo rje nor bu'i lte ba'o/ /nang ni lte ba'i lte ba'o/ /de'i gnas chen las zhes pa ni 'dir phyag rgya bzhi'i dbye bas dang po goms pa'i sbyor bas lte ba la sogs pa'i 'khor lo bzhi la rim pa bzhin las dang chos dang dam tshig dang phyag rgya chen po'o//de rnams kyang 'chad bzhin pas gsal bar bstan pa'i phyir ro/ /de yang dpral ba nas lte ba'i mthar thug par bzlog pa de las kyi phyag rgya la sogs par shes par bya'o//de'i phyir lte ba'i gnas nas/ chos kyi rol ba yang dag 'byung / /zhes pa ni 'dir sngon gyi bde ba chen po'i 'khor lo las rdo rje rol pa ni o rgyan gyi sgo nas byang chub sems rang rig pa'i ye shes ro mnyam pa'i gzugs lte bar 'ongs pa'o//des na sna tshogs mdud pa'i gnas chen las chos zhes pa slar yang dzA lan+d+ha ra'i sgo nas steng du song ba'i chos kyi 'khor lor 'jug pa ni chu'i 'khrul 'khor bzhin no/ 'on kyang dgongs bshad gzhan gyis chos kyis sgra ni chos kyi dbyings te/ de yang thams cad la khyad par byed ba'o//rol pa zhes pa ni dpe'i bde ba sbangs pa'o/ /yang dag 'byung zhes pa ni gang gi phyir lte ba'i steng du bde ba 'gro ba'i phyir bsam gyis mi khyab pa'i bde ba de sems can thams cad la sangs rgyas nyid ster bar byed pa'o/ /de'i tshe ci yang med ces bya ba la sogs pa ni de ltar ci yang med pa ni kha cig tu 'ga' zhig gis nges pa 'di las ci yang med de/rtag tu lte ba la sogs pa rnam par gnas pa ni sngags te/ chos kyi dbyings kyi rang bzhin nyid kyi phyir ye shes kyi gnas phyogs gcig pa gnas pa med par rang bzhin gyis ma skyes shing mi 'gag pa'i dngos po rnams su 'dzin pa med pa'i phyir zhes dgongs so//dngos grub ces pa ni de'i phyir sngon nas grub pa'o/ /des na dngos grub ni bstan pa'i sgo nas bshad pa'o/ /rdzu 'phrul zhes pa ni mchog tu mi zad pa'i phyir ro/ /de'i phyir rnam gnas zhes pa ni rtag pa rgyun du gnas pa rtag tu dngos po med pa'i mtshan nyid do/ /de yang de dag la sogs pa'i yon tan gyi rnam grangs shes par bya ste ming med pa'i phyir ro//des na de bzhin du bstan to/ /de yang ma skyes pa zhes bya ba la sogs pa gsungs te go sla'o/ /de ltar sngags dang dbyangs dang gsal byed kyi sde tshan thams cad sgra'i rang bzhin sangs rgyas so/ /gang gi phyir sangs rgyas dang sgra la rten cing de las byung ba'o//de de'i phyir sngags la sogs pa thams cad sangs rgyas kyi gsung gi sgo nas bstan pa'i bdag nyid ces pa ste nges pa'o/ /da ni sngon du dngos por zhen pa dgag pa'i phyir shin tu rnam par dag pa'i 'khor lo bzhi'i dbye bas rdo rje 'chang gi chos kyi 'byung gnas kyi nang gi gzhal yas khang du shes rab dang thabs kyi bdag nyid bzhugs pa mchog tu zab pa'i gnas ni kun rdzob kyi bden pa'i dbye bas brjod pa'i phyir ro//de nas zhes bya ba la sogs pa gsungs te/ de nas zhes bya ba ni rnal 'byor pa rnams kyi lus rnam par dag pa'i rjes thogs su rnal 'byor pa dag pa brjod de/des na gzhan zhes pa ni mchog tu zab pa las zab pa'i gnas so/ /de yang / kha sbyor las byung mtshan nyid de/ /zhes pa ni 'dir thun mong du stong pa dang snying rje dbyer med cing gnyis med pa'o/ /khyad par du mngon par 'dod pa ni bsam gyis mi khyab pa'i snying rje dang stong pa ste/des ni kha sbyor ro/ /des na dbyer med cing bsam du med pa shes rab dang thabs kyi bdag nyid zab pa las kyang zab pa gnyis med pa de gang las byung ba yod pa de ni kha sbyor las byung ba ste/ de'i mtshan nyid rab tu bshad par bya zhes sbyar ro/ /de yang e zhes bya ba la sogs pas so//de bzhin du e ni ye shes kyi a wa d+hU tI'o/ /sa zhes pa ni sa chen por shes par bya ste/ bstan pa'i sgo nas shes par bya'o/ /des na/ las kyi phyag rgya nyid dang spyan/ /zhes gsungs te/ de nyid kyi sga ni nges par gzung ba'o/ /lhag ma ni go sla'o/ /de ltar 'khor lo bzhi'i rab tu dbye bas gzhal yas khang bstan pa ni longs spyod rdzogs pa'i sku can te/de yang rin po che sna bdun gyi rang bzhin sngon nas dag pa'i khams rnams so/ /des na mi zad pa'i phyir rin po che'o/ /de yang pags pa dang / rgyus pa dang / sha dang / rus pa dang / zhag dang / khrag dang / khu ba'i rin po che sna tshogs pa'i nye bar spyod pa de rnams kyis spras pa'am sprul pa'o/ /de ltar gnas de'i nang du shes rab dang thabs kyi bdag nyid kyi rnal 'byor bstan pa'i phyir/ e ni zhes bya ba la sogs pa gsungs te/ e zhes pa ni lus dang ngag dang sems kyi dngos por ro mnyam par gyur pa'o//des na chos kyi dbyings bsam du med pa'i shes rab dmigs pa med pa ye shes kyi bdag nyid e'i cha byad bzang po chos kyi 'byung gnas kyi gnas so/ /de'i dngos po nyid kyis sna tshogs su sprul pa'i mtshan nyid ni thabs te/ de bzhin du waM ni bsam du med pa'i snying rje'i bdag nyid rang rig pa bsam du med pa'i thabs lus dang ngag dang sems kyi chos kyi sgyu ma lta bu gsal bar byed pa'o//de nyid shes rab kyi bdag nyid dpyad pa'i spyod yul ma yin pa'i e la waM gyis brgyan te/ e'i cha byad kyi shes rab bo/ /e de nyid kyis kyang waM brgyan pa'o/ /nges par zhes pa ni/gdon mi za bar zhes pa'i don to/ /'og dang steng 'di dag phan tshun du snyoms par 'jug pa ni shes rab dang thabs kyi rang bzhin gyis rnal 'byor bsam du med pa/ e dang waM nyid ces kyang gsungs pa'i tshig gis gnyis med cing gnyis med par gsungs so/ /des na e waM zhes bya ba//zhes pa ni 'dus pa la sogs pa'i rgyud rnams su 'di skad bdag gis zhes pa la sogs pa bstan pa'o/ /tshig phrad ces pa ni 'di skad bdag gi la sogs pa dgongs bshad gzhan gyi tshig gis nges par gzhag pa'o/ /ji ltar 'og dang steng du zhes pa ni/ 'og lte ba'i rtsa bar e'o/ / steng snying ga'i gnas su waM mo/ /'di gnyis ka sbyor ba ni shes rab dang thabs kyi bdag nyid kyi rnal 'byor ro/ /des na gnyis med pa las byung ba'i dngos po'i mtshan nyid de ni sangs rgyas thams cad kyi zhal stong phrag brgya du mas kyang bstan par mi nus na/ bdag cag mi rnams kyi lces brjod pa lta ci smos/de'i phyir 'di yang rgyud 'dir rdo rje'i tshig 'dis 'di skad ces pa nas yongs su rdzogs pa'i mthar thug pa'i rgyud bsdus te ston par byed pa ni e dang waM gnyis te/ de bzhin du bsam du med pa gnyis med pa rtog pa bcu gcig gi bdag nyid rgyud 'di bsdus pas bsam du med pa gnyis med pa ston to/de las byung ba'i phyir de ltar rgyud thams cad bde ba'i rang bzhin du dgongs so/ /bde ba de yang e dang waM la rab tu gnas pa ste de ltar yang gsungs pa/ e yi cha byad bzang po gang / /dbus su waM gyis rnam par brgyan/ /bde ba thams cad kyi ni gzhi/ /sangs rgyas rin chen za ma tog/ces te/ de bzhin gshegs pa'i nges pa'o/ /da ni sems can rnams kyis bsam gyis mi khyab pa'i ting nge 'dzin rnyed par bya ba'i phyir bstan bya dang ston pa po dag gi 'brel pa brjod do/ /bdag gis zhes bya ba la sogs pa ni 'dir rgyud thams cad kyi bla ma'i rgyud kha sbyor zhes pa shes rab dang thabs kyi bdag nyid kyi sbyor ba sngon du rtogs te 'khor lo bzhi'i rab tu dbye bas so//des na rdzogs pa'i rim pa bsgom pa bstan pa'i phyir sems can gyi don gyi dbang gis bskyed pa'i rim pa'i tshul 'og nas 'chad bzhin pa des de bzhin gshegs par bskyed do/ /de'i phyir de kho na nyid khong du chud pas brag ca'i sgra bzhin du gsungs te/de nyid bdag gis thos zhes pa ni rdo rje snying po khyod kyi sprul pa'i sku ste/ ting nge 'dzin la bzhugs pa'i phyir dang / sngon du legs par bslabs pa nyid kyi phyir ro zhes bya ba ni e dang waM gyi yi ge gnyis bde ba nyid kyi chos kyi rang bzhin bdag nyid kyis thos te bsam gyis mi khyab pa bdag nyid rdo rje snying po'i gzugs su snang ba'o//ni zhes pa ni gang gi phyir gyi don to/ /chags pa chen po zhes pa ni bsam gyis mi khyab pa'i snying rje chen po bsam du med pa'i rnam par shes pa dang / ye shes dag gcig tu 'dres shing e waM gnyis ro mnyam par gyur pas so/ / de rtag tu gnas zhes pa ni sangs rgyas dang byang chub sems dpa' rnams rtag pa'i rang bzhin du nye bar bstan te/ chos kyi dbyings kyi rang bzhin nyid kyi phyir zhes dgongs so/ /de bzhin du thos pa mnyan pa zhes pa ni rang nyid kyi kha nas brjod cing thos par 'dod pa nyid do/ /bstan pa zhes pa ni 'dir rdo rje snying po rang nyid som nyi za ba'o//gang gi phyir tshig 'di bstan pa 'di'i tshe gang yang bde chen zhes pa ni bcom ldan 'das rdo rje 'chang chen po'i bde ba chen po'i rang bzhin no/ /mgon po zhes pa ni 'jig rten 'don par bzhed pa des na sems can rnams kyi mgon por 'gyur te/ bsam du med pa'i snying rje chen po rdo rje 'chang chen po'o//de nyid bdag nyid kyis zhes pa la sogs pa ni dam bcas pa nyid de/ de'i tshe thos zhes pa ni bla ma gcig nas gcig tu brgyud pa thos pa ste rna bas thos zhes pa'i don to/ /de nyid kyis nam 'chi ba la thug par dus thams cad du rtogs pa'o/ /shes pas zhes bya ba ni mngon par shes pa'i stobs kyis thos shing nges par gzung ba'o//de'i phyir rtogs pa ni ma yin zhes pa ni bsgoms pas rtogs par ma byas pa ste/ dus thams cad du thos pa brgyud pas skye ba du mar dgongs shing rtogs pa'o/ /des na yongs su shes pas sam mngon shes kyi shes pa nyid kyis thos pa'o//des na de nyid kyis ston to/ /snyam mo/ /rtogs pa la zhes pa ni 'dir bsgom pa 'ba' zhig gis de kho na nyid rtogs te/ des na bde ba chen po'i rang bzhin rdo rje 'dzin thob nas ston pa 'di la bcom ldan 'das nyes pa ci mchis zhes pa ni rdo rje snying pos zhus pa'o/ /der bcom ldan 'das kyis bka' stsal pa zhes pa ni ci gsungs snyam pa ste/rdo rje snying po rang nyid kyi the tshom bsal ba'i don to/ /sdud par byed pa zhes pa la sogs pa ni go sla'o/ /rigs kyi bu zhes pa ni nyan pa'i skye bo rnams la bod pa'o/ /lhag ma ni go sla'o/ /bsam gyis mi khyab pa'i rnam par thar pa zhes pa ni gnyis med pa'i khyad par can gyi thar pa ste/gzhan spyir stong pa dang snying rje gnyis med mchog gi thar pa bsam du med pa gnyis med pa sems can thams cad kyi ting nge 'dzin gyis rnyed pa'o/ /bstan to zhes pa ni yang dag bstan pa'o/ /dus zhes pa ni de bzhin bsam gyis mi khyab pa'i ye shes kyi ting nge 'dzin rnyed pa'i dus so//de yang dus gcig na zhes gsung bar 'gyur te/ rtag pa'i mtshan nyid kyi phyir zhes dgongs so/ /slar yang mi rtag pa'i dus kyi bsgom pa rtogs pa nyid bstan pa'i phyir/ dus ni rnam pa gsum zhes bya ba la sogs pa gsungs te/ dus ni zhes pa nas nyid ces pa'i mthar thug pa ni bstan pa'i tshig go//'di nyid kyi bshad pa bstan pa'i phyir/ sna rtser zhes bya ba la sogs pa gsungs te 'dir sngon du gsungs pa'i tshul gyis 'khor lo bzhi'i rab tu dbye bas gtum mo sbar te/ /lte ba'i 'khor lo nas bde ba chen po'i 'khor lor song ba'i byang chub kyi sems a wa d+hU tI'i sna rtse'i bu ga nas 'ongs pa ni rang rig pa'i ye shes kyi bdag nyid srog gnyis med pa de la dus bzang po zhes brjod do//de bzhin du me'i zhes bya ba la sogs pa ni de yang slar la yang byang chub kyi sems me'i gzugs kyis zhes pa gtum mo'i gzugs kyis dzA lan+d+ha ra'i bu ga nas song ba ni mi 'dzag par 'gyur ba'o//dus ni ngan pa zhes pa ni skad cig de nyid dka' spyod du 'gyur ba'o/ /grags zhes pa ni bstan zhes pa'i don to/ /de dag ces pa ni bde ba'i dus dang sdug bsngal gyi dus dag gcig pa nyid du gyur pa'i dus gcig ni bsam gyis mi khyab pa'i dus de nyid du bstan to/ /'dus pa zhes pa ni rnam pa sna tshogs pa'i kun du rtog pa'i bde ba de rnams spangs ba skad cig ma gcig la mngon par byang chub pa'i mtshan nyid de/de yang bsam gyis mi khyab par son pa'o/ /gang gi phyir mngon par rdzogs par byang chub pa ni mngon par rdzogs par sangs rgyas pa'o/ /sangs rgyas zhes pa ni nye bar btags pa'i tshig go//'on kyang byang chub sems dpa' rnams kyang mngon par rdzogs par byang chub pa nyid du 'gyur ba'o/ /de yang bsam gyis mi khyab pa ste/ des na stong pa dang snying rje bsam gyis mi khyab pa'o/ /de'i phyir gnyis med pa bsam gyis mi khyab pa thob pa ni gyur pa'i sgrar bstan to/ / 'di rnams kyi nges pa'i tshig bstan pa'i phyir/ 'dod chags ma yin zhes bya ba la sogs pa gsungs te/ de yang go sla'o/ /slar yang bzhugs pa'i gnas kyi nges pa brjod pa'i phyir 'di lta ste zhes bya ba la sogs pa gsungs te/ de bzhin du dbang phyug la sogs pa'i skal ba drug dang / yang dag par sbyor ba'i phyir bcom ldan 'das te/de yang gang du bzhugs she na/ de bzhin gshegs pa thams cad kyi zhes bya ba la sogs pa gsungs te/ 'dir sku dang gsung dang thugs las byung ba ni de bzhin gshegs pa thams cad de rnal 'byor pa'i rang gi mtshan nyid kyi nang du 'dus pa'o/ / des na de bzhin gshegs pa rnams tshangs pa la sogs pa'i gzugs la brten te/ de rnams kyi sku dang gsung dang thugs la nye bar bsdus pa ni chos kyi dbyings so/ /de rnams nyid snying po ste mi zad pa'i phyir ro/ /de nyid rdo rje zhes pa ni mi phyed pa'i mtshan nyid kyi phyir dang res 'ga' yang mi 'gro ba'i phyir ro//de nyid kyis na rdo rje lha mo spyan ma la sogs pa 'byung ba chen po'i khams rnams te/ gang gi phyir chos kyi dbyings ye shes lnga'i bdag nyid de rnams ro mnyam par gyur pa ste/ de'i btsun mo'i b+ha ga'o/ /der bzhugs zhes pa ni bsam gyis mi khyab pa gnyis med pa'i ye shes kyi rang bzhin zhes pa'i don to//yang na 'jig rten las 'das pa'i kun rdzob bde ba chen po'i rang bzhin rang rig pa'i ye shes de la de skad ces bya'o/ /a wa d+hU tI nang gi srog ni ye shes lnga'i bdag nyid de/ de yang dkyil 'khor lnga nye bar bsdus pas byang chub sems 'gugs pa'o//de nas skad cig thams cad la kun du zhen pa'i sems de'i rnam pa nyid kyi phyir ro/ /b+ha ga ni nyon mongs pa thams cad las kha phyir phyogs pa'o/ /des na tha mal pa'i kun rdzob tu bstan to/ /gzhan yang so so'i skye bo rnams kyi rgyu dang 'bras bu'i gnas thabs la bde ba yang bud med kyi b+ha ga la kun du sbyor ba'i phyir der yang bzhugs pa'o//gang gi phyir 'jig rten dang 'jig rten las 'das pa yang bdag go zhes brjod pa'i phyir ro/ /des na 'jig rten pa'i kun rdzob tu bstan to/ /de ltar kun rdzob rnam pa gsum gyi b+ha ga la bzhugs te/ chung ngu dang 'bring dang chen po 'chad bzhin pas sems can rnams la ston to//de nyid gsungs pa/ kye bcom ldan 'das zhes bya ba la sogs pa ni rdo rje snying po'i zhu ba bcom ldan 'das la zhus pa'o/ /kye zhes pa ni bod pa'o/ /ci zhe na/ bzhugs zhes gsungs te/ sngon du gsungs pa 'di lta bu'i kun rdzob rnam pa gsum don dam par yang ji lta bu zhes pa'i don to//ci gsungs par 'gyur zhes pa ni dgos pa ci yod ces pa'i don to/ /gal te yang bcom ldan 'das don dam pa'i rang bzhin yin pa de'i tshe ma gsungs pa'i phyir kun rdzob rnam pa gsum ji lta bu'i dgos pa yin zhes pa'i don to/ /de'i tshe bcom ldan 'das kyis gsungs pa'o//ci gsungs zhes pa ni rdo rje snying po'i som nyi bsal te/ rang gi ngo bo'i rang bzhin shes par bya'o/ /ro gcig ces bya ba la sogs pa ni 'dis dang po nyid du don dam pa bstan pa brjod de/ ro gcig ces pa ni rang gi lus dang ngag dang sems kyi chos de'i rang bzhin rnams 'byung ba'o/ / des na de bzhin gshegs pa thams cad ces pa ni de bzhin nyid las byung ba gzhan gyi dbang gis rang bzhin du gyur pa de nyid shes rab kyi pha rol tu phyin pa kun rdzob kyi bden pa'i gzugs can te/ gang gi phyir sems ni de bzhin nyid kyi bdag nyid de gzhan gyi dngos po rnams la thim par gyur pa gcig dang du ma'i rang bzhin sna tshogs kyi nor bu'i gzugs bzhin de'i tshe gzhan dbang du gzhag pa rnam pa sna tshogs pa de ni de bzhin gshegs pa'i nges pa'o//slar yang brtags pa'i bsgom pa'i dbang gis de bzhin gshegs pa de rnams ro gcig pa nyid de ye shes dang rnam par shes pa gcig pa nyid do//des na de rnams kyi sku dang gsung dang thugs rnams nye bar bsdus pa des na yongs su grub pa'i chos nyid do/ /de ltar sems dang sems las byung ba'i ma rig pa'i bag chags zad pa ni rgyu'o/ /de'i 'bras bu bstan pa'i phyir de bzhin du sems la sogs pa gsum gyi rnam par dag pa gsungs te/sna tshogs pa zhes bya ba la sogs pa la sna tshogs zhes pa ni thabs kyi khyab par ro/ /ji ltar 'ga' zhig legs pa bzo ba nyid kyis nor bu rnams 'chos shing byed pa de'i nor bu sna tshogs pa'i yon tan gyi skyon yang yon tan du 'gyur ro/ / de bzhin du rnam pa sna tshogs pa'i thabs kyis gdul bya'i skye bo rnams 'dul bar 'gyur ro/ /ji ltar 'gyur zhe na/ gdul bya'i skye bo de rnams kyi yid la 'dod pa 'phrog pa dang ldan zhes pa ni 'dir bsgom pa'i dus su yang las dang po pa des sems can thams cad bsgral ba'i yid des rang gis sems kyi 'dod pa sna tshogs pa'i blo de nyid dang /bla ma'i man ngag gis thabs sna tshogs pa'i nang du chud kyang bde bas sems kyi glo bur zad de/ des na bde ba dang sems can 'di dag la brten pa'i blo skye'o/ /don to zhes pa ni de ltar rdo rje snying po la bod pa'o/ /kun rdzob gsum la bden par brten pa 'dis de nyid kyi don yongs su rdzogs pa'i nang du chud kyang bsam gyis mi khyab pa la sems pa'o//de'i phyir bsam gyis mi khyab pa'i snying rjes bsgrubs zhes pa'i don to/ /de bzhin du sems can la dmigs pas lhun gyis grub pas dmigs pa med pa'i snying rje skye'o/ /des ni chos la dmigs pa'i snying rje bsgrub par bshad do//slar yang nye ba bsdu ba bstan pa'i phyir de bzhin gshegs pas zhes pa nas bdag gis thos zhes pa'i mthar thug pa gsungs so/ /ci thos she na/ gsungs pa 'di lta ste zhes bya ba la sogs pa la/ 'dir gang gis zhes pa ni yang dag pa'i ye shes kyi nyon mongs pa bcom pa de la de skad ces bya'o//yang na shes rab ces pa ni stong pa nyid rnam pa kun gyi mchog dang ldan pa stong pa nyid bcu drug las gtsor gyur pa de ni gang gi phyir nyon mongs pa thams cad 'joms pa de'i phyir shes rab la b+ha ga zhes brjod do/ / sogs pa'i sgra ni rtsa rnams kyi rgyu bas dkyil 'khor lnga'i srog rnams rgyu ba shes par bya ste/ a wa d+hU tI'i ye shes kyi dkyil 'khor gyi cha de 'jug pa'i dus su de'i b+ha ga la bzhugs pa ste/ gang gi phyir sems dang srog dag gcig pa nyid do/ /yang na tha mal pa'i bud med rnams kyi b+ha ga bde ba dang ldan pa de la de'i rang bzhin gnas pa'o//de ltar de rnams kyi btsun mo la bzhugs pa'o/ /de bzhin gshegs pa zhes bya ba la sogs pa ni de bzhin gshegs pa thams cad rang rig pa'i bdag nyid can no/ /btsun mo zhes pa ni snying rje bcu drug po de rnams dang lhan cig bzhugs pa ste/spros pa med pa'i chos nyid kyi rnam pa de spros pa dang bcas par gyur pa'o/ /des na byang chub sems dpa'i skye bo'i lus la shes rab dang thabs kyi bdag nyid kyi sbyor ba 'dzin pa bzhugs pa'o/ /de yang nyon mongs nyer bsnun zhes pa ni rang gi cha las byung ba'i sems can de rnams thams cad ni mi shes pas bsgribs shing de dang nye bar gnas pa'i sems can 'dul dka' ba la sogs pa la dmigs pa des na mi shes pa de rnams kyis las kyi rnam par smin pa mthong bas 'dul bar 'gyur ro//des na 'dod chags la sogs pa nyon mongs pa thams cad 'joms par 'gyur ro/ /de'i phyir de bzhin gshegs pa de rnams kyis sems can la dmigs pa'i phyir chos la dmigs pa'i snying rje grub pa'o//de nyid kyis na e ma'o zhes bya ba la sogs pas de bzhin gshegs pa thams cad ngo mtshar bar bstan to/ /sangs rgyas thams cad kyi zhes pa ni byang chub kyi lam gyi rjes su 'brang ba de rnams kyi'o//kun mkhyen ye shes zhes pa ni rab tu son pa'i mthar thug pas 'bras bu gang thob pa'o/ /de nyid kyis bla na med pa zhes pa ni de'i rang bzhin nyid kyi phyir zhes dgongs so/ /ga zhes pa ni gang gi phyir de bzhin gshegs pa rnams kyi bde ba'i don to/ /yang dag par rdzogs pa'i byang chub thob pa'i don du'o//de'i phyir/ btsun mo nyid du nye bar sprul/ /zhes pa ni rgyal ba'i rnam par sgeg mo snying rje mgrin pa nas skad cig kyang mi 'dor te/ de ni gnyis su med pa'i bde ba dang ldan pas mi 'dor ro/ /gang gi phyir sems can thams cad ni de'i rang bzhin yin pas des na de rnams kyi don byed do//'di rnams kyi nye bar bsdu ba gsungs pa/ rigs kyi bu zhes bya ba la sogs pa la 'khor rnams rang gi rigs las byung ba ni sangs rgyas kyi sras so/ /des na 'di skad ces pa ni khyod kyi 'di zhes pa'i don to/ /gang gis thos zhes pa ni shes rab dang thabs kyi bdag nyid kyi sbyor ba'o//de yang ngag gi sgo nas nges par gzung ba ming sngon du 'gro bas na yi ge de yang chos kyi thos sogs rtag tu bzhugs zhes pa ni theg pa gsum la sogs pa'i dam pa'i chos kyi glegs bam la'o/ /sogs pa'i sgras ni snyan dngags kyi bstan bcos dang / sgra'i bstan bcos la sogs pa dang / gzhan yang 'jig rten pa'i tshig brjod pa la yang ngo / /rtag tu bzhugs zhes pa ni brjod pa'i ngang tshul zhes dgongs so/ /'on kyang dag pa zhes pa ni 'dir yi ge dag pa de rnams chos kyi dbyings kyi rang bzhin yin pas de nyid kyi nang du thim mo/ /des na brjod du med pas dag pa'o/ /gang gi phyir chos thams cad 'dus ma byas shing gdod nas ma skyes pa nyid dngos po med pa'i mtshan nyid mi bden pa brdzun pa'o//de'i phyir brjod du med ces dgongs so/ /de ltar rdzogs pa'i sangs rgyas de rnams kyi de bzhin du dngos grub de rnams kyang skyed par byed pa'o/ /brjod du med ces pa ni 'dir gal te yang chos rnams thams cad ro gcig pa nyid kyi byang chub de'i bdag nyid sangs rgyas te rdzogs pa'i sangs rgyas so//de rnams kyi chos ni rten med pa chos kyi sku'o/ /des na yi ge dang yi ge ma yin pa'i cha brjod du med pa'o/ /des na yi ge brjod pa'i ming gi mtha' nub pa'o/ /de yang snying rjes bsgrub pa dag gis zhes pa ni shAkya thub pa sprul pa'i sku bzung nas 'gro ba'i don bya ba'i phyir rtsod pa'i dus su sngags kyi theg pa chen po'i chos rnams phyag na rdo rje la yi ge thams cad kyi gzugs kyis so//bstan zhes pa ni shes rab dang thabs kyi bdag nyid kyi sbyor ba'i tshig gi sgo nas bstan zhes dgongs so/ /de'i phyir yi ge zhes bya ba la sogs pa gsungs te/yi ge 'di rnams kyis sems can thams cad kyis mnyan par bya ba dang / bklag par bya ba dang / bsam par bya ba dang / bcang bar bya ba dang / dam pa'i chos sna tshogs pa'i dgongs pa bla ma'i man ngag gis bsgom par bya'o/ / des na sems can rnams la de skad ces bya'o/ /mtshon bya zhes pa ni mngon du bsgom pa la rtog pa'i bdag nyid can yi ge'i ming can gyis rang rig pa la sogs pa'i mtshon par bya'o/ /de yang sngon du zhes pa ni yang dag par der thim pa'i sems kyis ji srid mtshon pa med pa'i bar du zhes sbyar ro/ /tshe 'di nyid la zhes bya ba la sogs pa ni go sla'o//de ltar bsdus pa'i don bstan pa'i phyir/ dngos grub kyi mchog ces gsungs te/ gnyis med pa bsam gyis mi khyab pa gnyis med pa'i mchog gi dngos grub ste/ 'jig rten pa dang 'jig rten las 'das pa dngos grub rnams kyi mchog 'dus ma byas pa'i ye shes kyi dngos grub thob ces pa'i don to//rgyud thams cad ces bya ba la sogs pa ni rnal 'byor dang rnal 'byor ma'i rgyud thabs dang shes rab kyi bdag nyid rnams kyi'o/ /de dag gi gleng gzhi zhes pa ni de'i nges pa'i tshig yang dag par bstan pa'o/ /gsang chen zhes pa ni stong pa dang snying rje gnyis su med pa'i phyir de dag sbas pa nyid do//dpal kha sbyor gyi thig le las byung ba zhes pa ni de bzhin du dpal ni gnyis med pa'i ye shes bsam gyis mi khyab pa gnyis su med pa las byung ba'o/ /rtog pa'i rgyal po zhes pas na de ltar rtog pa thams cad kyi gleng gzhi gtso bor gyur pa brjod pa le'u'am dum bu'am rim par phye ba'o//de nyid don dam pa byang chub sems las mchog go/ /de nyid don gyi sgras bstan te/ gang gis rtog pa'i rgyal po thams cad mdzes shing 'bar bas na rgyal po'o/ /de de las byung ba ste sgra brnyan lta bu dang de yang dang po'o/ /thog ma dang tha ma don mthun pa nyid kyis na rdzogs pa zhes pas ni thob pa'o//de ltar sdud par byed pas yi ge'i rnam pas glegs bam la sogs pa rnams su bris pa ni rgyu dang 'bras bu'i phyir zhes 'brel to/ /kha sbyor gyi thig le'i rgyud kyi rgyal po'i bcom ldan 'das gsang chen thams cad kyi rang bzhin la 'jug pa'i rtog pa'i rgyal po'i rgya cher 'grel pa yang dag par lta ba'i dran pa'i snang ba zhes pa'i gzhung las rtog pa dang po bstan pa ste lnga pa yongs su rdzogs pa'o//rtog pa dang po'i rgya cher 'grel pa rdzogs so// //da ni rtog pa gnyis pa'i byang chub sems kyi dbang gi rab tu byed pa nas brtsams te/sems can gyi don du de'i dkyil 'khor gyi cho ga bstan pa'i phyir de nas zhes bya ba la sogs pa gsungs te/ de nas zhes pa ni rgyud thams cad kyi gleng gzhi gsang chen gyi rjes su ste de bstan pa'i mthar ro/ /yang dag bshad bya zhes pa ni yang dag pa'i chos bstan pa bshad par bya zhes pa'i don to//sgrub pa po rnams la zhes pa ni da ltar byung ba'i sems can rnams la zhes pa'i don to/ /phan pa'i phyir zhes pa ni rgyu dang 'bras bu'i bdag nyid kyi chos te gzhan mu stegs pa la sogs pa'i chos rnams dang mtshungs pa ni ma yin no/ /des na 'di ni gang gi phyir zhes pa'i don to/ / slob ma dbang bskur ba'i zhes pa ni 'dir dbang ni rnam pa gnyis te/ 'jig rten pa dang 'jig rten las 'das pa'o/ /de la 'jig rten ni de bzhin gshegs pa'i dbugs 'byung ba ste/ de yang rnam pa bcu'o/ /gang 'jig rten las 'das pa de ni rdo rje 'chang gi dbugs dbyung ba ste/ gsang ba dang shes rab ye shes dang gong ma'o//de ltar de bzhin gshegs pa'i dbugs dbyung bas ni bsod nams kyi tshogs bsags pa dang / dam pa'i chos kyi snod du byed pa'o/ /de bzhin du rdo rje 'chang gi dbugs dbyung bas ni ye shes kyi tshogs kyi dbang gis sangs rgyas nyid 'thob par 'gyur ba'o/ /de ltar phyi dang nang gi bdag nyid 'chad bzhin pa de ni rgyu dang 'bras bu'i phyir te/gang gis zhes pa ni dkyil 'khor gyi cho gas so/ /cho ga de yang zhes pa la yang gi sgras ni dbang gi cho ga gzung ngo / /bstan par bya zhes pa ni bshad par bya zhes pa'i don to/ /dang por lha zhes bya ba la sogs pa ni 'dir slob mas gsol ba btab pa'i rjes su ste/de ltar dang po nyid du bla ma dang slob ma dag phan tshun legs par brtags pa bdag la ltos pa med pa rang dang gzhan gyi don bsgrub pa la brtson pa de la sogs pa'i yon tan dang ldan pa'i slob ma la/ bla mas kyang snying rje mngon du bya'o/ /de nas yo byad thams cad thob pa de'i tshe dkyil 'khor gyi sar slob dpon song nas dri zhim pa'i me tog la sogs pa rnams kyis yang dag par mchod de sa la bsang gtor bya'o//slar yang bla mas rang gi 'dod pa'i lha'i sbyor ba mngon du bya ste/ de'i tshe bum pa la sogs pa dgod cing sa bon dgod pa la sogs pa sngon du 'gro bas sa'i lha mo lhag par gnas par bya'o//de nyid la gsol ba gdab par bya ste/ me tog la sogs pa phul la bzod pa gsol te/ blos nam mkhar gshegs su gsol lo/ /de nas pus nub tsam brko bar bya'o/ /rus bu la sogs pa'i zug rngu bsal nas mtho gang tsam brkos te chus bkang la brtag ste/gom pa brgya brgyar song la slar log nas blta'o/ /gal te cung zad par ma gyur na de'i tshes gzung bar bya'o/ /gal te cung zad na de'i tshe dor ro/ /ci'i phyir zhe na/ nyes pa du mar thal ba'i phyir ro/ /slar la yang gang gi tshe nyes pa 'di rnams med pa de'i tshe ri nyid kyis sa dgang bar bya'o//gal te sa lhag na de'i tshe sngags kyi dngos grub 'grub bo/ /gal te nyung na de'i tshe dngos grub med do/ /gal te yang mnyam na de'i tshe zhi bar 'gyur ro/ /de bzhin du bla mas ting nge 'dzin la dmigs par byas nas/ sngags bzlas pa la sogs pa dang mchod pa yang bya ste/ bum pa la sogs pa gzhag par bya'o//de nas sa'i lha mo spyan drangs te/ de nyid la mchod pa byas nas/ hUM las rdo rje 'bar byas pas/ /zhes pa ni dkyil 'khor de'i gnas su sa'i lha mo de thim par bsam par bya'o/ /de'i tshe hUM yongs su gyur pa las sna tshogs rdo rje'o/ /des na de'i rang bzhin du bya zhes dgongs so//de'i tshe der phyogs skyong rnams la gtor ma rgya chen po sbyin par bya'o/ /slar yang bla mas ting nge 'dzin gsum gyi tshul gyis srung ba'i 'khor lo la sogs pa nye bar dgod par bya'o/ /de'i rjes su sgrub pa po gal te rgya ji tsam 'dod pa de tsam gyi dkyil 'khor bri bar bya'o/ /de nyid kyi gnas gsungs pa skyed mos tshal zhes bya ba la sogs pa ni go sla'o//stong pa zhes pa ni dur khrod du zhes pa'i don to/ /slar la yang nyes pa'i don gsungs pa/ 'dir chos rnams thams cad kyi gzhi ni ma rig pa'o/ /des ni phung po lnga rnams skye bar 'gyur ro/ /des na sna tshogs pa nyid do/ /de'i phyir rnal 'byor pa rang gi lus sbyang bar bya ste/las dang po pas rnam pa dang bcas pa'i lha'i bdag nyid bsgom pa'o/ /des na sems rtse gcig pa hUM gi brdas bstan pa sems rdo rje can dbyer med pa'i ye shes rdo rjer 'gyur zhes dgongs te/ de'i tshe g.yon dang g.yas kyi sna'i bu ga dag gi srog la sogs pa bcu'i dkyil 'khor lnga lnga bsgom par bya zhes pa ni slob pa'i lam mo//phyis bsgom pa'i lam gsungs te/ skyed mos tshal zhes pa nas lding khang gi bar ro/ /de yang rim pa bzhin sa la sogs pa nam mkha'i mthar thug pa'i dkyil 'khor lnga sna bug g.yas par sdud pa'i rim pas so/ /de bzhin du nam mkha' la sogs pa'i dkyil 'khor lnga sna bug g.yon par spro ba'i rim pas so//de ltar dkyil 'khor mchog ces pa ni gnas 'di rnams su bsam par bya'o/ /de yang rang bzhin gyis dag pa de bzhin nyid kyi bdag nyid chos kyi dbyings kyi dkyil 'khor ro/ /'on kyang zhi ba la sogs pa'i las bya ba'i phyir 'chad bzhin pa las bstan par bya'o//de bzhin du yang phyi'i dkyil 'khor gyi rdul tshon rnams bstan pa'i phyir/ rdul tshon zhes bya ba la sogs pa gsungs te/ dur khrod kyi sol ba dang so phag dang mi'i rus pa'i phye ma dang / mi rus kyi phye ma ldong ros kyis bsgyur ba'i rdul tshon dang / de bzhin rdul tshon ljang gu'o//de rnams ma rnyed na/ rin chen lnga'i rang bzhin zhes pa ni pad+ma rA ga dang in+d+ra nI la dang kar ke ta ka dang baiDUr+ya dang margata rnams so/ /yang na gser dang dngul dang byu ru dang / mu tig dang mu men rnams so/ /de rnams kyang ma rnyed na 'bras la sogs pa ste/ 'bras btags pa'i rang bzhin ldong ros la sogs pa'i tshon sna lngas kha bsgyur ba'i phye ma rnams kyis bya zhes pa ni drang ba'i don to//de bzhin du nges pa'i don bstan pa'i phyir rdul tshon zhes bya ba la sogs pa gsungs te/ mchog ces pa ni sngon du gsungs pa'i dkyil 'khor re re me long lta bu la sogs pa'i ye shes lnga'i bdag nyid do//yang na de nyid kyi a wa d+hU tIr bdud rtsi lnga rgyu ba'i phyir ro/ /des na 'bras la sogs pa'i 'bru ma zos pas nad med par 'gyur ba dang / skra dkar dang gnyer ma spangs pa'i lus kyi dngos grub tu 'gyur ro zhes pa ste nges pa'o/ /da ni slob ma'i dbang gi dkyil 'khor gyi tshad bstan pa'i phyir/khru gsum zhes bya ba la sogs pa gsungs te/ de la khru gsum nas brtsams te khru bzhi la sogs pa'am khru stong gi mthar thug par ro/ /de ltar dkyil 'khor rdzogs nas 'di nyid du slob ma dang / slob dpon lha gang la mos pa dgyes pa'i rdo rje la sogs pa'i lha gnas su dgod de/ji lta ba'i cho gas mchod pa byas nas gtor ma sbyin no/ /'on kyang dbang bcu ma gsungs mod de bzhin du 'dir go rims ji lta ba bzhin rgyas par bya'o/ /gzhan du dam tshig nyams bar 'gyur/ /zhes pa ste nges pa'o/ /de ni slar la yang 'jig rten las 'das pa'i dbang gi don 'dod pa skal pa dang ldan pa'i slob ma rnams kyi gsang ba'i dbang bstan pa'i phyir/rig ma zhes bya ba la sogs pa gsungs te/ 'dir spyir rigs lnga las byung ba'o zhes pa ni bram ze la sogs pa'i rigs pas byung ba'o/ /de bzhin du sngags zhes bya ba la sogs pa la sngags kyi lam la kla klo'i lam gyis bstan pa ni rnam pa gnyis te/gcig ni bla ma'i nus pa ste/ des na khams gsum pa gang su yang rung ba'i bu mo sngags kyi nus pas 'gugs pa'o/ /gnyis pa ni sngags kyi theg pa chen por rnal 'byor la spyod pas rnam par rtog pa mi bya ste/ sngags kyi lam la brten pas bud med rnams la rigs can rigs can ma yin par mi brtag pa'i don to//blo ldan zhes bya ba la sogs pa ni go sla'o/ /yo byad ces pa ni ches myur bar rnal 'byor 'phel bar 'gyur ro/ /lhag ma ni go sla'o/ /skal bzangs ma zhes pa ni pad+ma can te/ de yang gsungs pa/ rus sbal rgyab dang glang po'i dpung //pad+ma'i kha dang legs zlum pa/ /spu ni med cing kha rgyas pa/ /drug po de dag skal bzangs brjod/ /bu mo 'di dag gis ni zhes pa ni rig ma brgyad kyis so/ /rigs kyi rim pa bzhin zhes pa ni gau rI la sogs pa'i rigs las byung ba'o/ /yang na gang dang gang du skyes pa'i bu mo de dang de nyid bzung ste/gsum la skyabs su 'gro ba dang dbang bskur ba sngon du 'gro bas dam pa'i chos sna tshogs pa mnyan par bya'o/ /gzhan yang ga ra na sna tshogs pa'i rim pa zhes pa ni 'dod pa'i bstan bcos dang rjes su mthun par legs par bslab pa brjod de/ 'khyogs dang bskums dang brkyangs pa dang //brla gdengs legs par brkyangs pa zhes pa la sogs pa byed pa drug cu rtsa bzhi'i bar la legs par bslabs shing byang bar bya'o/ /de ltar sgrub pa po rnams la gdung ba'i phyag rgya rna cha la sogs pa rgyan thams cad kyis rnam par brgyan pa'o/ /dngos grub mchog ster zhes pa ni phyag rgya chen po'i dngos grub ster bar byed pa'o//'di lta bu'i phyag rgya gang dag sngon du gsungs pa'i tshul gyis sbyangs pa de dag gis ni ji skad gsungs pa bzhin te/ gzhan du ni ma yin no/ /rig pa 'dzin pa'i grogs la sogs pa dang bcas pa zhes pa ni 'dir rnal 'byor gyi nus pas slob dpon gyi dngos grub chen po brgyad thob pa de'i dngos grub 'dzin pas na rig pa 'dzin pa'o//dngos grub de rnams kyang dgug par bya'o/ /gang gi phyir 'jig rten las 'das pa'i dngos grub thob pa de'i tshe 'jig rten pa'i dngos grub gzhan bsgrub pa ni grogs su gyur pa'o/ /de'i phyir de thams cad slob par 'gyur ro//sogs pa'i sgras lha dang mi la sogs pa rnams bsdu'o/ /me tog gi phreng ba zhes bya ba la sogs pa ni de lta bu'i yon tan gyis brgyan pa'i slob dpon la phyag rgyas dbul zhes pa'o/ /gzhan thams cad ni go sla'o/ /da ni slob mas slob dpon la gsol ba btab pa gsungs te/slob ma zhes bya ba la sogs pa ni slob ma'i bya ba bstan pa'o/ /'dud ces bya ba la sogs pa ni gsol ba gdab pa'i phyir bstod pa'o/ /de yang mi bskyod pa'i sgo nas bstod pa'o/ /kun mkhyen ye shes zhes bya ba la sogs pa ni rnam par snang mdzad kyi sgo nas so/ / 'gro ba mi shes zhes bya ba la sogs pa ni rin chen 'byung ldan gyi sgo nas so/ /sangs rgyas zhes bya ba la sogs pas ni 'od dpag med kyi sgo nas so/ /de bzhin du dkon mchog gsum zhes bya ba la sogs pa ni don yod par grub pa'i sgo nas so/ /'gro ba zhes bya ba la sogs pas ni rdo rje sems dpa'i sgo nas so//de ltar mdor bsdus pa'i sangs rgyas kyi yon tan gyi rang bzhin gyis slob dpon gyi yon tan yang dag par gyur pa slob mas brjod par 'gyur ro/ /de nyid bla na med ces bya ba la sogs pa gsungs pa ni gsol ba gdab pa'o/ /rdo rje'i dbang bskur ba zhes pa ni bum pa'i dbang gi rjes su gsang ba'i dbang bskur ba'o//gsang chen zhes pa la sogs pa ni shes rab ye shes kyi dbang gi rjes thogs su dbang bla ma la gsol ba gdab pa'o/ /de ltar dpal ldan zhes bya ba la sogs pa bla mas kyang ji skad gsungs pa brjod pa de la de skad ces bya'o/ /'dod pa'i yon tan lnga zhes pa ni gzugs dang sgra dang dri dang ro dang reg bya rnams te/rnam pa sna tshogs pa de rnams kyis brgyan pa'i gnas rnams su slob ma dbang bskur bar bya'o/ /'gro ba'i gtso bo zhes pa ni ma gsungs kyang de bzhin du rgyas pa'i dbang rnam pa bcu ston to/ /nyid ni nges par gzung ba'o/ / 'on kyang me tog bsgyur nas dam tshig sbyin par bya'o/ /des na rang bzhin zhes pa ni lus sbyang ba'i phyir ro/ /de yang khrag chen po zhes bya ba la sogs pa gsungs te/ khrag chen po zhes pa ni rang 'byung gi me tog go/ /ga pur bcas zhes pa ni yang dag par sbyor ba las byung ba'i byang chub sems so//des na de dang ldan par 'gyur ro/ /de bzhin du mi'i khrag dang / tsan+dan yang dag par sbyar zhes pa ni bshad pa dang ldan pa'i mi bskyod pa'o/ /de bzhin sems las 'byung bar bshad/ /ces pa ni yang sngon du gsungs pa'i pad+ma'i snod la gnas pa'o/ /de dag thams cad bdud rtsi lnga'o/ / de ltar dam tshig gsungs so/ /gzhan yang srog chags zhes bya ba la sogs pa ni sdom pa'o/ /de bzhin du sngon du gsungs pa'i zhes bya ba la sogs pa ni gsang ba'i dbang ngo / /des ni ngag dag par 'gyur ro/ /de bzhin du de nyid du zhes bya ba la sogs pa ni shes rab ye shes kyi dbang ngo / / des ni sems rnam par dag par 'gyur ro/ /de bzhin du bdag dang gzhan du zhes bya ba la sogs pa ni dbang bla ma'o/ /des ni ye shes rnam par dag par 'gyur ro/ /de bzhin du byang chub kyi snying po zhes bya ba la sogs pa ni rjes su gnang ba sbyin pa'o/ /de ltar slob ma la chos bstan pa smra bar bya'o/ / de bzhin du chos bstan pa thos nas rangs pa'i slob mas 'di brjod do/ /de ring zhes bya ba la sogs pa'o/ /de bzhin du gang dang gang zhes bya ba la sogs pa ni bla ma la yon dang bcas pa sbyin pa'o/ /gzhan de thams cad la gang cung zad ma bstan pa de thams cad ni go sla'o/ /'on kyang don de de bzhin 'chad bzhin pas bshad par bya'o//des na kha cig tu don gsal bar khong du chud par bya zhes pa ste/ drang ba'i don to/ /da ni 'di nyid kyis bsdus pa'i nges pa'i don bstan pa'i phyir/ khru gsum pa zhes bya ba la sogs pa gsungs te/ 'dir lus la rkang pa nas ji srid du mgrin pa'i mthar thug par khru gsum dang sor bcu gnyis lhag par 'gyur ro//des ni dbyibs kyi rlung bstan pa'i don to/ /bzhi zhes pa ni ko sko nas sna'i bar la sor bzhi'o/ /'dis ni las kyi rlung bstan pa'o/ /ci'i phyir bstan zhe na gsungs pa/ rig ma zhes bya ba la sogs pa ni rig ma ni spyan la sogs pa'i lha mo lnga dkyil 'khor lnga de bzhin gshegs pa lnga'i rang bzhin can no//de yang sngags kyi lam gyis te/ yi ge gsum gyi rang bzhin gyis rdo rje bzlas pa'i tshul gyis dkyil 'khor thams cad nang du thim par bya ba'o/ /gang gis sems dbang bskur bar 'gyur bas skad cig thams cad du bde ba la dmigs pa thob bo//de bzhin du mngon sum du phung po thams cad kyi ste/ de ltar yang ji ltar chos kyi 'byung gnas kyi nang du byang chub sems kyi dkyil 'khor phung po dang khams dang skye mched thams cad kyi bdag nyid de bde ba'i gnas so/ /de ltar sems bde ba nyid du yongs su brtags to/de las byung ba'i phyir zhes dgongs so/ /de'i phyir ji ltar sems dbang bskur bar 'gyur ba de bzhin du/ 'jig rten khams ni mtha' yas zhes pa ni lus dang ngag dang sems kyi bdag nyid rtsa stong phrag bdun cu rtsa gnyis la sogs pa de thams cad blos gzung bar bya'o/ / 'dis ni kun rdzob kyi bden pa rang byin gyis brlabs pa'i bdag nyid 'thob po/ /des ni khams gsum pa sna tshogs pa'i rang bzhin bskyed do/ /des kyang 'gro ba'i don byed de rnal 'byor pa rnams kyi dam tshig chen po bsrungs pa'i phyir 'grub bo/ /de bzhin du sngags kyi lam gyis don dam pa rdzogs pa'i byang chub kyi rgyur rdo rje lta bu'i srog 'jug par 'gyur ro//de'i tshe rdo rje sems dpa' la sogs pa de bzhin gshegs pa drug rnams skyed par 'gyur ba ni don dam pa'i dam tshig go/ /'di don thams cad ni dbang gi don te rgyal ba'i bdag nyid gang gis yang dag par thob po/ /mdor na thams cad la khyab par byed pa'i rnal 'byor gyi rdo rje slob dpon bcom ldan 'das shAkya thub pa yon tan gyi rgya mtsho bzhin zhes so//des na ma la sogs pa rnal 'byor ma bzhi rim pas bzlog pas dam tshig gi phyag rgya la sogs pas sgrub par byed do/ /yang na phyag rgya gcig bsam gtan gyi khyad par gyis ji ltar thob pa de dang lhan cig bya zhes dgongs so//gang de ltar mi 'gyur ba de'i tshe gzhan rig ma brgyad pa zhes pa bram ze mo la sogs pa'o/ /de rnams kyi yang yi ge'i don brjod de rnal 'byor pa'i rgyud rgyas pa rnams las ji lta ba bzhin gsungs pa/ dwi/ lce gnyis 'dus pa'i gnas su'o//dza/ rgod ma yi ni me ni 'bar/ /d+ha/ ye shes thig le 'ong bar 'gyur/ /rA/ 'dod chags la sogs lnga zad pas/ /ma/ dregs pa 'bab pa'i rtsa ni gang / /tha/ nu ma'i dbus su rnam par gzung / /bA/ bag chags dam pa shes par bya/ /rA/ 'dod chags phul dbyung byed pa yin//dza/ rigs 'byung de ni rnam par 'joms/ /kI/ skra yi mtshams su song ba'i rtsa/ /a/ ma mchu'i bdud rtsi bza' ba'o/ /tha/ gang tshe mgrin par 'dar zhing 'dar/ /bA/ tshig gi tshogs mi 'gog pa'o/ /tsaM/ bdud rtsi'i ro ni myang ba'o/ /b+ha/ tshangs sgo zhes pa tshol 'gro ba//li/ der ni mi shigs pa la 'khyud/ /kA/ dus dang dus min gnyis dus min/ /do/ sbrul bzhin du ni shugs 'gro ma/ /bI/ sa bon gzugs ni bdud rtsir song / /ma/ nor bu'i bu ga gnyis las g.yas/ /Ni/ de 'gro bar ni sems can sbrul/ /ku/ rigs dang rus ni rab tu skyes//la/ dbang ni thams cad thob pa yin/ /dza/ sprul pa po ni rtag tu 'byung / /a/ 'byung ba thams cad rnams ni gnas/ /tha/ brtan pa la sogs g.yo dang bcas/ /bA/ a wa d+hU tI'i steng du 'gro/ /rA/ 'dod chags bdud rtsi mi 'dzag phyir/ /dz+nyI/ rtag tu bdag ni shes rnam pa/ /na/ shes pa med cing shes bya med/ /Ta/ sgrub thabs thams cad dran bzhin te/ /da/ dngos grub thams cad 'ong bar 'gyur/ /rA/ rgyal po dgra yis 'jigs thams cad/ /shil/ mdun nas dal ba nyid du song / /pi/ sems can gang dag spro chung ba/ /ka/ 'di lta bu yi mchog ni byed/ /ma/ yid can gyis ni yod med byed//tha/ srog ni rdo rje lta bur brtan/ /bA/ bag chags bde ba tsaM ni nyid/ /rdo rje rlung bu bstan pa yin/ /'di ni sbyor ba'i lam yin no/ /de nas mthong ba'i lam gsungs pa/ /ri dgas mig la sogs pa yi/ /'dir ri dgas bzhin du rnal 'byor mig /bsgom pa rtog pa yi ni sems/ / rgya che bar ni lta ba'i lus/ /dbu ma phra ma spangs pa'o/ /bde dang sdug pa ro smad nyid/ /chos kyi dbyings ni rgya che'i phyir/ /nu ma mthon po zhes pa 'dir/ /srid dang mya ngan 'das pa nyid/ /lta ba'i sdong po spangs pa nyid/ /de dag gnyis med mchog tu 'gyur/ /skal bzangs zhes pa 'di ni gsungs/ / su/ /bder gshegs 'ching ba dang ni bral/ /b+ha/ rang gi bag chags kyis ni 'khor/ /gA/ sems can rnams kyi rigs ni gzung / /de yang bsam med gnyis su med/ /sgyu ma nyid de sgyu ma'i sgyu/ /'khrul bas smig rgyu'i tshogs la ni/ /chu yi rnam pa nyid du mthong / /'khrul ba'i phyir na chu ni med/ / de ltar thams cad du ni dor/ /zab mo'i chos kyi dbyings ni nyid/ /bcom pa'i gzugs la 'das pa'i sgra/ /bskal pa'i dang por rtag tu gnas/ /dam tshig ces pa dus mi 'gyur/ /spyad pas gnyis med rab tu 'thob/ /de ltar shin tu gus gnas su/ /de nyid brjod med mchog mdun du/ /sngags dang rgyud sogs thams cad ni//smig rgyu bzhin du rtag shes bya/ /'di dag gnyis med bu mo yang / /gnyis med chos nyid du ni gsungs/ /lus ngag gsum gyi srid gsum du/ /rin thang med pa bsgom pa'i bdag /'di nyid kyis ni sems can kun/ /dbang bskur nyid bdag de yi dngos/ /de ltar bdag nyid dngos grub ni//chos rnams kyis ni rig rim gyis/ /yang na ji lta phyag rgya ni/ /zab mo'i chos kyi nges pas so/ /da ni rgyu ba gsung pa ste/ /lo ni bcu drug ma la sogs/ /lo ni bcu drug ma zhes pa/ /'di ni dgongs bshad gzhan nyid kyis/ /'pho ba bcu drug tu ni brjod/ /de yis rnal 'byor ma rgyu 'gyur//gnas ni bcu drug gnas su'o/ /'khor lo rtsibs ni bcu drug tu/ /thams cad du ni srog rnams rgyu/ /de bzhin 'khor lo'i don ni gsungs/ /thig le lnga pa lnga nyid de/ /phreng ba bzhin du yongs su grags/ /zur bzhi'i thig le rnams dang ni/ /dbus kyi thig le nyid kyang dbye//thams cad du ni dor bya ste/ /cha ni bcu drug rgyu ba'i phyir/ /thun mtshams bzhi'i thig le bzhi/ /stong pa'i thig le rnams su brtag /gnas lnga'i bu ga rnams su ni/ /thig le'i gnas sogs sngon 'gro ba/ /mchog gi de nyid shes par bya/ /lnga gsum gcig la rgyu ba'i phyir//de yang pad 'dab bzhin zhes bya/ /dang po thig le gtsug tor ming can las/ /nyi ma'i cha ni byung nas su/ /gnyis pa yi ni dang por 'gro/ /yang ni gsum pa'i gnyis par 'ong / /bzhi pag yi ni dang por song / /lnga pa yi ni gnyis par 'gro/ /de bzhin bzhi ba'i gsum par 'gro//yang ni lnga pa'i bzhi par 'ong / /bzhi pa yi ni lnga par 'gro/ /de nas gsum pa'i bzhi par ro/ /gnyis pa yi ni lnga par 'gro/ /de nas dang po'i bzhi par ro/ /gnyis pa yi ni gsum par 'gro/ /dang po'i thig le'i gnyis par 'gro/ /rtag tu g.yas nas bskor ba ru/ /yang dag par ni byed par 'dod//de bzhin rim pa bzhin shes bya/ /rkang pa'i mthe bong g.yon pa nas/ /phrag pa g.yon pa'i mtshams su 'gro/ /bdud rtsi yi ni gnas su 'ong / /lag pa'i mthe bong tshigs su 'gro/ /yang ni lce yi rtse mor 'ong / /rkang pa g.yas pa ru ni 'gro/ /phrag pa yi ni mtshams su 'gro//de nas mtshan ma'i 'bras bur 'gro/ /de las rtsa ba'i bu gar ro/ /mgrin pa nas ni rkan du 'gro/ /de las dregs pa 'bar bar 'gro/ /sna yi bu ga dag tu 'gro/ /de ltar 'pho ba bcu gnyis ni/ /pad+ma 'dab ma brgyad du grags/ /phyogs bzhi ru ni thig le bzhi/ /shar la sogs pa'i 'dab mar gnas//'char ba dang ni nub pa'i rgyus/ /phun sum tshogs pa'i rim shes bya/ /nyi ma 'char dang zla ba 'char/ /de bzhin sgra gcan thig le yang / /de rnams 'dzin pa sngon 'gro ba/ /de rnams gnas ni rim pa bzhin/ /dngos grub rgyu ru bstan par bya/ /la la nA yi khong stong gnas//dang po rtag tu shes par bya/ /gnyis pa ra sa nA dbus nyid/ /gsum pa a wa d+hU tI'i gnas/ /bzhi pa mgo bo yi ni mtshams/ /'di ni mchog gi de nyid de/ /rnal 'byor ma yi tshogs rgyu phyir/ /rab tu 'bad de shes par bya/ /dus dang dus tshod nyer mtshon pa/ /de yang grangs ni bcu drug la//srog dang rtsol ba nyer brtag phyir/ /dkyil 'khor de nyid rlung gis ni/ /rnal 'byor pa yi grangs bgrang ba/ /dbugs ni drug brgya lhag pa yi/ /stong phrag nyi shu rtsa gcig gis/ /cha ni rim par rnam shes pas/ /rgyu ba de nyid rgya yis gdab/ /de dag bcu drug lha chen mo/ / de yi dbus du grangs med pa/ /rang bzhin dang ni skyes bur shes/ /sems kyi gzugs ni mthong ba'i phyir/ /de yang nag mo gcig la sogs/ /gdan bzhi pa las shes par bya/ /de bzhin rdo rje mkha' 'gro ru/ /dus kyis rnal 'byor mas shes bya/ /ye shes ro mnyam gyur pa yi/ /bdud rtsi'i rgyun ni 'bab par 'gyur//'dis ni 'bab par shes bya ste/ /gnas bcu drug tu 'dzag phyir ro/ /de bzhin a wa d+hU tI'i cha/ /gzhon nu la sogs legs byed phyir/ /de yi cha ni de tshe shes/ /dus kyi rtsa ni brtags pa yin/ /de nyid kyis ni dang por 'gyur/ /lang tsho nad med 'phel ba'i phyir//de ltar phyag rgyar rtag tu bshad/ /sangs rgyas pa ni 'dod bzang lha/ /'di lta bu yi phyag rgyas gdab/ /phyag rgya 'di ni phyag rgya che/ /de yi gzugs kyis phyi rol sdud/ /gsum la skyabs 'gro sogs don bzhin/ /'on kyang sems can don dbang las/ /phyi ru don nyid bstan pa yin/ / rang rig bdag nyid las ni gzhan/ /gzhan du phyag rgya brjod pa min/ /de ltar 'di ni bstan pa yang / /slob ma rnams la brtse dbang gis/ /de yang snga ma bzhin du 'byung / /mi bskyod la sogs bde gshegs drug /'dir ni bstod pa yang ni byed/ /bdud ces bya sogs tshigs bcad kyis/ / stong pa dngos po kun gyi mchog/ /de yi snying po rdzogs longs spyod/ /de yang lhan cig skyes pa tsam/ /rtog pa yi ni dra ba spangs/ /'od gsal zhes pa'i chos 'di ni/ /thams cad mkhyen pa nyid kyi rgyu/ /ye shes kyi ni sku de yis/ /bla ma dam pa phyag 'tshal bstod/ /mi bskyod dngos po'i gzugs kyis ni//rtag tu gtso bo kun du bzhugs/ /slar la yang ni rnam snang mdzad/ /mgon po dmigs pa yi ni mchog /de yi bstod pa'i nang chud pa/ /sangs rgyas gang+gA'i bye mar 'dod/ /'gro ba zhes sogs tshigs su bcad/ /de ltar sems can thams cad ni/ /de rnams la ni bstan pa'i chos//rin chen 'od zer snying gsang ba/ /rdo rje mi phyed byed pa ni/ /sems dpa' rtag tu rgyun chags pas/ /chos kyi dbyings ni de yi gzhi/ /de ltar rin chen rdo rje che/ /bla ma ston pa 'gro ba'i gtso/ /ma byon rdo rje sems dpa' ni/ /dngos po kun gyis phyag 'tshal lo//yang ni dpag med rdo rje ru'i/ /yang dag bzhugs pa khyod dpa' bo/ /rdzogs sangs rgyas dag thob phyir dang / /sems can thams cad 'dul ba'i phyir/ /de bzhin byang chub sems bsgyings nas/ /de nyid la sogs yang dag bstan/ /de ltar yang ni lus la ni/ /byang chub sems ni 'byung ba ni//don dam pa yi gzugs ni nyid/ /de yi rang bzhin can phyag 'tshal/ /de bzhin dkon mchog gsum la sogs/ /theg pa che la sogs chos nyid/ /lus las yang dag 'byung ba yin/ /don yod grub pa dbang bsgyur bas/ /bstan pa dang ni g.yo sna tshogs/ /gtso bo khyod kyis sprul byed cing //khams gsum la sogs bskyed pa dang / /'du byed zhi bar byed pa'o/ /de ltar sku sogs rdo rje gsum/ /dpa' po yis ni pha rol 'gro/ /dpa' bo 'gro ba'i bya ba spyod/ /don yod grub la phyag 'tshal bstod/ /de bzhin yid bzhin nor bu sogs/ /rdo rje sems dpa' bdag dngos kyis//gtso bo khyod ni yang dag bzhugs/ /rdo rje sems dpa' 'gro ba nyid/ /gzugs brnyan bzhin du mdzad pa'o/ /des na khyod kyi sku nyid ni/ /'dod pa yi ni dngos grub ste/ /dpal ldan la sogs go sla'o/ /de bzhin gshegs pa drug rnams kyis/ /sras po gnyis la phyag 'tshal bstod//yon tan la sogs go sla'o/ /zhes pa ni nges pa'o/ /da ni ting nge 'dzin yang dag pa'i sbyor bas byang chub sems kyi gsang ba'i dbang brjod pa'i phyir/ /dpal ldan rdo rje zhes bya ba la sogs pa gsungs te/ 'dir slob dpon ni sngon nas grub pa'i phyir de'i lus kyi dkyil 'khor dang po'o//gnyis pa ni byang chub sems kyi dkyil 'khor ro/ /de yang phyag rgya'i sbyor bas bskyed par bya'o/ /slar yang de nyid ni gcig ste bdag gi dngos po'o/ /gnyis pa ni gzhan la phan pa'o/ /gang bdag gi dngos po de yang nang gi bla ma'o/ /de'i phyir pad+ma'i snod a wa d+hU tI'i dbus su 'ongs te/ /lte ba'i dbus su ngal ba sos pa'i byang chub sems so//rgyal ba bdag nyid skyes zhes pa ni de bzhin gshegs pa drug gi bdag nyid do/ /u/ mchog gi de nyid 'byung bar 'gyur/ /d+hU/ pho nya pho nya mo rang bzhin/ /ta/ de ni bden pa chen po'i sems/ /tsa/ sgyu ma yis ni sdud par byed/ /ma/ yid kyis dbang bskur ba ni sbyin//rai/ 'di dag tshogs kyi dkyil 'khor te/ /tshwa/ bde ba'i sku yi dri ma nyid/ /tai/ khams gsum spro ba nyid kyis ni/ /gA bde ba phun sum tshogs pa gzung / /thA/ gnas dang gnas min nyams dga' ba/ /ma/ bkra shis yid can rnams kyis yongs su rdzogs/ /ga/ gsang ba'i dus su song nas ni//la/ bde ba dmigs pa brgyud pa ni/ /g+hi/ ri bo yi ni phyir mchod pa/ /ti/ til las mar khu 'byung ba bzhin/ /b+hi/ 'byung ba'i rtsig pa la ni brten/ /de ltar phyag rgya phyag rgya che/ /ldan pa rnal 'byor pa de nas/ /slob ma dbang bskur bya zhes pa/ /de ni 'byung chen bdag nyid las//'byung las gyur pa'i dngos po 'byung / /de thams cad ni slob mar 'gyur/ /'gro ba'i gtso bor zhes pa ni/ 'gro ba'i gtso bor bya ba'i phyir ro/ /bya zhes pa ni slob dpon gyis dbang ngo / /de ni khams gsum gyi sems can rnams la de kho na nyid bstan pa'i phyir ro/ /de'i phyir mchog gi dbang phyug tu 'gyur te/ sangs rgyas nyid du nges pa'o//da ni de rnams kyi rten brjod pa'i phyir/ /bzang po zhes bya ba la sogs pa gsungs te/ sbyin par bya zhes pa ni phyi'i rnal 'byor ma zhing skyes dang sngags skyes dang lhan cig skyes ma gnas las skyes pa/ 'chad bzhin pa rnams kyi mngal du 'jug par 'gyur te/ de bzhin du de yang gal te rnal 'byor pa sngon du rnal 'byor dang rnal 'byor ma'i rgyud la rnam par mos pas shes rab dang thabs kyi bdag nyid du 'gyur ba de'i tshe rgyu des ni pha dang ma dpa' bo dang dpa' mo'i dbang phyug dag gi rigs las skye bar 'gyur zhes sbyar ro//'on te rnal 'byor gyi rgyud gcig pu la mos pa des na pha ni dpa' bo la sogs pa yon tan gyis brgyan cing /ma ni tha mal pa'i bud med do/ /de bzhin du rnal 'byor ma'i rgyud la mos pa des na ma ni dpa' mo la sogs pa'i yon tan gyis brgyan te pha ni tha mal pa'i skyes pa'o/ /des na cung zad ma gyur par 'gyur ro/ /de'i phyir shes rab dang thabs kyi bdag nyid kyi sbyor ba gzung bar bya'o//des na dag pa'i sems de sbyin par bya zhes sbyar ro/ /des na nyid kyi sgra ni nges par gzung ba'o/ /de ltar dam tshig ces pa ni brda'i skad kyis gsungs pa'o/ /nyams dga' zhes pa ni rang rig pa'i bdag nyid do/ /bzang po zhes pa ni sna tshogs pa nyid kyi rang bzhin dang bral ba'i chos kyi dbyings kyi rang bzhin gyis yongs su dag pa'o//'dus byas zhes pa ni chos kyi sku'i ngo bo de'i gnas so/ /khrag chen po zhes pa ni 'dir de'i rang gi ngo bo las byung ba'i sems de ma yis kyang rnal 'byor gyi nus pas de'i dus su mthong ngo / /de'i tshe rang gi bdag nyid chags pa chen po'i ting nge 'dzin la dmigs par bya ste/des rang byung gi me tog bskyed pa de ni khrag chen po'o/ /de dang ga bur bcas zhes pa ni rang rig pa'i bdag nyid kyi byang chub sems te/ de yang de bzhin du bskyed ces pa'i don to/ /'on kyang tsan+dan dmar po dang sbyar zhes pa ni/ pha chags pa chen po skyes pa des na rnal 'byor ma bskul te/des kyang 'khyud pa la sogs pa byed do/ /dmar po ni chags pas mchod pa'i phyir de'i tshe tsan+dan dri bzhin bri ba'o/ /ji ltar phyi'i rnam par rtog pas rdul phra rab lta bu'i sems can rnams shin tu phra bar 'gyur te/ dri snom pas na dri za'o/ /de bzhin du 'dir yang tha mal pa'i byang chub sems ni dri ma med pa ste/tha mal pa'i bag chags kyi dbang gis so/ /rnal 'byor pa rnams kyis ni de lta bu ma yin te/ chags pa chen po'i bdag nyid tsan+dan bzhin du dri shes par bya ste/ bag chags khyad par can las rang rig pa nyid du 'gyur ro/ /de bzhin du yang ji ltar tsan+dan go shiR+Sha'i dri bsnams pa tsam gyis gdung ba chen po nye bar zhi bar 'gyur ro//de bzhin du rang rig pa'i bde ba nye bar mtshon pa tsam gyis 'khor ba'i bag chags rnams kyi gdung ba chen po nye bar zhi bar 'gyur ro/ /de yang de nyid bag chags su 'gyur te/ de'i tshe dri ni sems can thams cad kyi ming can de de bzhin no//ma dang pha'i dri zhim po'i tsan+dan bzhin du de dag gi dri bsnams zhes pa ste nges pa'o/ /rdo rje chu dang bcas pa zhes pa ni pha'i byang chub sems 'dzag pa'i dus su'o/ /lnga pa sems las byung ba zhes pa ni kun gzhi rnam par shes pa dri za nye bar 'khor gyi sems can de yang rnal 'byor pa rnams kyi sems khyad par can las byung ba de nyid ma dang pha'i bde ba dang lhan cig ro gcig par gyur pa skyed par byed pa de la de skad ces bya'o//de'i phyir/ 'di de dam tshig yang dag 'dod/ /ces pa ni bsam gyis mi khyab pa'i dus te dus kyi mtshan nyid de yang de bzhin gshegs pas dpal 'dus pa la sogs pa'i rgyud thams cad sangs rgyas thams cad yang dag par bzhed pa gsungs so//de rnams kyang thog ma med pa'i dus su gsungs so zhes pa ste nges pa'o/ /de bzhin du bzang po bskyang bar bya zhes bya ba la sogs pa ni go sla'o/ /de bzhin du sdom pa ni grub pa'i rnal 'byor pas srog chags gsad mi bya zhes pa ni myur du mya ngan las 'das par mi bya zhes dgongs so//bud med rin chen dor mi bya/ /zhes pa ni dpal sgyu ma yongs su mi dor zhes pa'i don to/ /yang na gal te yongs su mya ngan las 'das par byed na/ de'i tshe slob dpon gyis te/de ni dor zhes pa ni 'jig rten gsum spyod par mi 'gyur ba de'i tshe sems can gyi don phun sum tshogs pa mi 'gyur ro/ /de'i phyir sdom pa mi 'dor te/ ji srid du nam mkha'i sbyor ba 'dzin pa/ de srid du sgyu ma'i lus bzhin du brtag ces pa ni mchog gi sdom pa'i nges pa'o/ /sngon du gsungs pa zhes bya ba la sogs pa ni 'dir sngon du gsungs pa'i tshul gyis rig ma'i rang bzhin grub pa rnams mthong ba'i phyir gsang ba'i dbang ngo //yang na zhes pa ni phyogs gzhan no/ /bdag gi rnal 'byor ma zhes pa ni a wa d+hU tI la brten pas chos kyi dbyings kyi rang bzhin dag bde'i tshe snga ma bzhin de la de skad ces bya'o//de bzhin du sih+la zhes pa ni sgyu mar yid ches pa rang 'byung chags pa chen po'i khrag snying rje'o/ /ga bur zhes pa ni yi ge lnga ste/ ka ni sdong bu'i rtsa ba ru/ /ri na bu ga lnga ru'o/ /pa ni rlung lnga rnams gu'o/ /u ni yi ge mi 'gyur ba'o/ /ra ni 'tshed pa'i chags sbyor bas//bud med de ni mi 'jig byed/ /ces pa ni snying rjer bcom ldan 'das kyis gsungs pa'i phyir ro/ /ji srid ces bya ba la sogs pa ni de ltar mchog tu mi 'gyur ba'i rig pa thob pa'o/ /de srid bsten zhes bya ba ni sbyor ba'i yan lag drug gis rgyun du goms par bsten pa'o/ / de srid khu ba dang ldan 'gyur/ /zhes pa ni de goms nas rab kyi mthar thug pas yang dag pa'i ye shes mthong ba'i phyir phyag rgya chen po thob par 'gyur ba'o/ /de bzhin du phyag rgya'i 'bras bu bstan pa'i phyir/ phyag rgya'i zhes bya ba la sogs pa gsungs te/ phyag rgya ni rnam pa kun gyi mchog dang ldan pa'i stong pa nyid do//gdong ni bkab nas su zhes pa ni bsam gyis mi khyab pa de nyid bems po dang bcas pa'o/ /des na thabs kyi zhes pa ni rnam par shes pa'i bya ba ste/ de yang snying rje chen po rdo rje'i rang bzhin bsam du med pa'i mtshan nyid kyi phyir ro/ /des na gdong bcings pa'o//de nyid kyis na/ dmigs pa med pa'i bde ba'i rgyu/ /ye shes nyid las ye shes skye/ /zhes pa ni nges pa'o/ /'di dag gi ye shes des slob ma mngon shes drug dang ldan pa rnams kyi kha nas kha ru spros pa'o/ /thams cad de'i rang bzhin zhes pa ni mdor bsdus nas sprul pa'i sku zhes pa de la de skad ces bya'o//da ni thams cad de'i bdag nyid kyis na ye shes dang ye shes kyi shes rab dang ye shes kyi dbang gi sgo nas byang chub sems slob dpon dang rnam par shes pa slob ma'i 'bras bu brtag pa'i man ngag bstan pa'i phyir de nyid ces bya ba la sogs pa gsungs te/'dir rnal 'byor pa rnams kyi 'og dang steng gi dbye bas ye shes dang shes bya'i bdag nyid du 'gyur ba'o/ /de yang kun rdzob tu steng rkang pa gnyis kyi bar dang de bzhin 'og spyi bo'o/ /de bzhin du thabs ni steng ngo / /shes rab ni 'og go/ /de dag gi ste 'og dang steng dag tu ye shes dang shes bya dag gis snyoms par 'jug par 'gyur te/des na byang chub sems bla ma de bzhin du gsungs par 'gyur ro/ /de'i dngos po rang rig pa skyed par byed pa ni slob ma'o/ /de'i yang shes rab ni ye shes kyi mtshan nyid do/ /des na mnyam pa'i ro zhes pa ni ril por 'dzin pa dang rjes su gzhig pas ro gcig par byed pa'o//btsan thabs kyi sbyor ba'i sems kyi srog dang thur sel phrad pa 'di dag gi snyoms par 'jug pa ni slob ma dang shes rab de nyid du 'du shes gsungs pa'i phyir ro/ /yang de nyid du zhes pa ni sngon du gsungs pa'i yi ge gnyis bstan pa'o//e waM zhes pa rim las bzlog pas waM ni spyi bor ro/ /e ni lte ba'i rtsa bar ro/ /de ltar gnyis ka 'dus pa ni waM zhes so/ /srid pa gsum ni thams cad shes/ /chos kyi 'byung gnas shes rab kyis/ /thig le rdo rje rlung gis ni/ /reg pas der ni thim par 'gyur/ /de bzhin shes rab ye shes kyi dbang gi rjes thogs de nyid du tshig gi sgo nas bstan pa/de ni dba' bla ma zhes brjod do/ /des kyang brtags pa'i phyir man ngag brtan par 'gyur ro/ /de bzhin du bdag dang gzhan zhes bya ba nas/ /ji srid dngos dang dngos med ces pa'i mthar thug pa dpes nyams su myong ba'i mthar dpe med pa'i byang chub sems kyi bla ma zhes pa brjod du med pa de ni rang rig pa'i ye shes so//lhag ma 'di nyid kyi yon tan gyi khyad par thams cad ni go sla'o/ /de'i man ngag bstan pa'i phyir/ dang po dga' ba zhes bya ba la sogs pa gsungs te/ 'dir spyi bo nas byang chub sems 'dzag pa'i dus su dang po nyid du dga' ba skye'o//de yang mi g.yo ba'i ting nge 'dzin gyis dpa' bo'o/ /slar yang byang chub sems lte ba'i gnas su phyin pa'i tshe dam par dga' ba skye'o/ /rnal 'byor ma zhes pa ni de bzhin du sbyor ba'i lam gyi steng du rgyu ba ste/ rlung phrad pa'i phyir zhes gsungs pas so//des na shes rab dang thabs kyi bdag nyid la rnal 'byor zhes brjod do/ /gnyis po 'di dag las bde ba bskyed pa'o/ /rtsa thams cad rgyu ba'i phyir a wa d+hU tIs thams cad la khyab ste/ de nyid dkyil 'khor gyi srog gi cha las ye shes kyi dkyil 'khor shes so//des na mchog tu chags pas dga' ba mi 'dzag pa'o/ /de nyid kyis na ma lus pa ni thams cad la khyab par byed pa'i ye shes so/ /des nyid kyi sgra ni nges par gzung ba'o/ /de bde ba'i thabs kyis thams cad rig /ces pa la/ de zhes pa ni ye shes kyi rnam par gzhag pa dang / bral ba de nyid kyi ming bstan pa'i sgo nas te/ des na 'di nyid mchog tu chags pa'i dga' ba dang dga' ba la sogs pa gsum gyi thabs kyis chos rnams thabs kyi rang bzhin chos kyi dbyings dang de'i snying po rang rig pa'i ye shes te/ rnal 'byor gyi rang bzhin nyid kyis na 'od gsal ba'o/ 'di dag gi bsam gyis mi khyab pa ni gnyis med pa'o/ /de'i rigs zhes pa ni skyed par byed pa'i dga' ba gsum mo/ /de'i phyir 'di dag ni bla mar brjod de bskyed bya dang skyed byed 'brel pa'i phyir zhes dgongs so/ /de ltar don dam pa mthong ba zhes pa ni nges pa'o/ /de'i tshe 'dir gal te 'jig rten dang 'jig rten las 'das pa gcig tu 'gyur na de ji ltar rnal 'byor pa rnams kyis tshe 'dir sems can gyi don byed//gal te re zhig phyi'i bya ba bkag na slob ma la chos bstan pa med par 'gyur ro/ /ci'i phyir zhe na/ nang du bsgoms pas so/ /des na rang gi don mi 'byung ste/sngon du ma thos pa'i phyir ro/ /ci'i yang thos pa brgyud pa med par sems can gyi don du 'gyur ram zhes 'ga' zhig gi tshig tu 'gyur na de'i ma brjod de bcom ldan 'das kyis bka' gsungs pa/ dang po dga' ba zhes bya ba la sogs pa 'dir bstan pa'i rgyun thams cad ni go sla'o//de ltar bstan pa ni 'on kyang bden mod thams cad don dam pa'o/ /ci'i phyir zhe na/ gsungs pa kha cig tu yang khyed cag rnams kyis gtam tsam yang ma thos sam/ de ci zhe na/ gang gi phyir brtan pa dang g.yo ba la sogs pa'i chos thams cad ni mdor bsdus na rang bzhin gyis kun rdzob kyi mtshan nyid do//des na dang po nyid du lta ba drug la 'jug pa rnams 'di skad ces brjod de/ bdag cag gis thar pa la ji ltar bgrod par 'gyur zhes gcig la gcig 'gro bar 'gyur ro/ /de'i tshe de rnams kyi las kyi rnam par smin pa'i dbang gis dge ba'i grogs dang phrad par 'gyur ro//de nyid ni tshig 'di skad ces brjod de mu stegs la sogs pa'i slob dpon la bsnyen bkur gyis shig /slob dpon che ge mo'i khyim du song la chos nyon cig /de'i bka' drin gyis thar pa thob po/ /de'i srid pa zad par byed do/ /de ltar de yang song nas ji skad smras pa de bzhin du byed do//slob dpon rnams kyang rang rang gi chos de dang de la sbyar ro/ /de'i phyir thams cad dam par 'dod pa'o/ /'on kyang de bzhin gshegs pa'i bstan pa la bden pa gnyis la brten pas thar pa thob po/ /de yang stong pa dang snying rje'i bdag nyid do/ /de bzhin du rgyu dang 'bras bu med na grol bar med do//de yang kun rdzob dang don dam pa'i bden pa dag go /de ltar gsungs pa/ dang po nyid du don dam pa ni rgyu'o/ /kun rdzob ni 'bras bu'o/ /de yang 'jig rten las 'das pa'o/ /kun rdzob kyi bden pas don dam pa'i bden pa bsgrubs so/ /des na sangs rgyas de des 'jig rten las 'das pa'i bden pa'i sgo nas thams cad mkhyen pa'i rgyu'i phyir bstan te 'jig rten pa'i bden pa'i sgo nas ni ma yin te/mi nus pa'i phyir rgyal po gzugs can snying po bzhin no/ /de'i phyir phan tshun rgyu dang 'bras bu 'jig rten las 'das pa'i kun rdzob dang don dam pa'o/ /de ltar bstan pa ni gtsor sgyu ma yin te/don dam pa ni gtsor dngos grub kyi rgyu yin no/ /des na thams cad mkhyen pa nyid bstan pa ston to/ /tha mal pa rnams kyis ni ma yin no zhes pa ni nges pa'o/ /'o na ji ltar da ltar sems can rnams ston/ gang gi phyir de bzhin gshegs pa yongs su mya ngan las 'das pa'i phyir ro//de'i phyir brjod de 'dir de bzhin gshegs pas sngon nyid du rgyu dang 'bras bu'i bdag nyid kyi chos ston te/ de yang sdud par byed pas bsdus nas glegs bam la sogs par grags so/ /de yang phan tshun brgyud pas thos pa dang bsam pas phyag rgya chen po la mngon par bgrod do//des na da lta'i slob dpon rnams la bcom ldan 'das kyis gsungs pa/ de ring zhes bya ba la sogs pa ni/ slob ma spro ba'i rjes thogs su/ /de nas rdzas ni gang zhes bya ba la sogs pa ni slob dpon gyi yon tan gyi rjes thogs su'o/ /de nas slob ma la chos bstan pa'i rjes thogs su slar yang slob ma rnams rgyal tshab nyid du gzhag pa'i phyir/srid gsum zhes bya ba la sogs pa gsungs te/ de nyid kyis zhes pa ni 'di nyid kyis te/ phyi dang nang gi bdag nyid kyi gzhung lugs dag gis te/ ji ltar gsungs pa'i gzhung lugs zab mo de nyid kyi cho gas da ltar gyi slob dpon rnams kyis rang dang gzhan gyi don bya zhes pa ni bcom ldan 'das kyi nges pa'o/'on kyang slob ma rnams mos pa'i dbang gis chos bstan pa'o/ /des na slob ma zhes bya ba la sogs pa gsungs te go sla'o/ /de ltar dbang bskur ba thob pa'i slob ma'i yon tan gyi tshigs bcad bstan pa'i phyir dbang bskur zhes bya ba la sogs pa gsungs te/mchog ces pa ni rdo rje 'dzin chen po'i dbugs dbyung ba'o/ /de yang zab mo'i sgom pas rtogs pa'o/ /de bzhin du rnyed dka' zhes pa ni thob par dka' ba'o/ /mtshungs med ces pa ni sgom pa thams cad dang mtshungs pa med pa'o//de yang rnal 'byor pa chen po rnams kyis bgrod pa'o/ /zhing zhes pa ni bla ma'i man ngag gis rang gi lus nyid sbyangs pa'o/ /longs spyod ces pa ni rang rig pa'i ye shes de'i rang bzhin no/ /de'i phyir dpal zhes pa ni gnyis med pa las gnyis med pa ni byang chub sems chen po de nyid do//de nyid kyis dbang bskur ba'i gang rnal 'byor pa de ni rdo rje 'chang chen po ste/ gang gi phyir rjes gnang zhes bya ba la sogs pa gsungs te de yang go sla'o/ /da ltar kun rdzob dang don dam pa'i dbang bskur ba'i rjes thogs su ye shes ster bar byed pa'o/ /de yang byang chub sems kyi dbang bskur ba'o//de la bo mchog gi bdag nyid kyis ni rtogs/ /d+hi/ nyin mo'i dus su dmigs pa yis/ /tsita/ sems ni sems med rang bzhin byas/ /tA/ de yis mchog tu gnyis med do/ /b+hi/ sku rnams la ni rang blo med/ /She/ gnyis kyi mgo bo ru ni gtor/ / ko/ /dpa' bo nus pa de ru zhig /rang gi khyim du sems bla ma/ kha sbyor thig le'i rgyud kyi rgyal po rtog pa gnyis pa'i dbang bskur ba'i rab tu byed pa dang po'i rgya cher 'grel pa yang dag pa'i lta ba'i dran pa'i snang ba zhes pa'i gzhung bstan pa ste dang po'o// //da ni shes rab dang thabs kyi don bsgom pa'i rnam par 'grel pa bstan pa'i phyir//de nas zhes bya ba la sogs pa gsungs te/ de nas zhes pa ni 'jig rten pa dang 'jig rten las 'das pa'i dbang bskur ba'i rjes thogs su bsgom pa'i nges pa'o/ /de yang yang dag bshad bya zhes pa ni ji ltar go rims bzhin bshad par bya'o//gang gi byis pa skye bo rnams kyis rtogs par 'gyur ba de la de skad ces bya'o/ /gzhan don zhes bya ba la sogs pa ni 'dir sems can gang dag gzhan gyi don med par sgom pa byed pa de rnams ni mya ngan las 'das par 'gyur ro/ /ci'i phyir zhe na/ 'dir gang gi phyir rtsod pa'i dus su sems can thams cad tshe thung zhing brtson 'grus chung ba spro ba chung ba bsod nams chung ba rnams 'byung ste/de'i tshe sgrub pa po rnams kyi rang gi sems kyi bsam pas sangs rgyas nyid 'dod do/ /de la phan pa'i phyir tshe 'di nyid la rdo rje 'chang ba nyid 'thob pa'o/ /gang gis zhes pas 'khor ba'i 'jigs pa zab mo 'dod chags la sogs pa'i nyon mongs pa'i rgya mtsho las sgrol bar 'gyur ro//de'i phyir mya ngan las 'das zhes pa ni rang gi don tsam yongs su spangs shing srid pa'i bya ba mi byed pa'o/ /gang gi phyir rab kyi mthar thug pa zhes pa ni sngon du gsungs pa'i bsgom pa la ji srid rab kyi mthar thug par ma song ba de srid gzhan gyi sems mi bya zhes pa'i don to//'on kyang gang sangs rgyas zhes bya ba la sogs pa 'di ni dam bcas pa'i tshig ste/ de'i phyir dri ma med par byung ba'o/ /des na de nyid bstan pa'i phyir/ 'phel ba dang dbri zhes bya ba la sogs pa gsungs te/dbri zhes pa ni chos rnams kyi med pa'i blo'o/ /'phel zhes pa ni de rnams la kun tu 'dzin pa ste 'di dag spangs pa'i blo de la de skad ces bya'o/ /bla med ces bya ba ni thams cad mkhyen pas kyang bsam du med pa brjod du med pa'am/ gdon du med pa'i tshig spangs pa//zhes pa slob dpon kha cig gi'o/ /de bzhin du dbri zhes pa ni 'dir sems can thams cad kyi rang bzhin gyis rang bzhin gyis rang bzhin brgyad cu rnams la mdor bsdus na sems ni brten pa'o/ /des na yang rtsa rnams kyang brten pa'o/ /de'i phyir shin tu zab pa dgongs pas bshad pa 'di nyid gsal bar gsungs pa//de yang bsdus na sems kyi rang bzhin gyis mtshan nyid de/ de rnams kyi rang bzhin spangs pa ni dbri ba'o/ /yang na de rnams 'phel ba'i phyir 'phel ba'o/ /'di dag gis rang bzhin spangs shing rnam par grol ba'i rnal 'byor pa de la de skad ces bya'o/ /de ltar bsdus pa nyid phung po lnga zhes bya ba la sogs pa la/sogs pa'i sgra ni khams dang dbang po la sogs pa'i chos rnams te/ de thams cad mi 'dor ba'o/ /des na phyi'i bya ba yang yongs su mi dor te 'jig rten gyi tha snyad kyi phyir ro/ /gang gi phyir 'jig rten pa yid ches pa nyid de bzhin gshegs pa thams cad kyis dpe la yid ches pas chos ston to//'on kyang de thams cad ni chu shing lta bu zhes bya ba la sogs pas gsungs te/ ji ltar chu shing rnams kyi snying po ni stong pa ste/ brtag pa na de mi dmigs so/ /de bzhin du chos rnams kyi chos nyid ni chos kyi dbyings las byung ba'i phyir chos kyi dbyings kyi mtshan nyid do//nam mkha'i ngos su nam mkha' 'byung ba bzhin no/ /de dang mtshungs pas na mnyam dang mi mnyam zhes pa nam mkha' yang gdod nas ma skyes pa mi bden pa snang ba'i mtshan nyid de chos kyi dbyings brjod du med pa zhes dgongs so//de bzhin du dang po nyid du la la nA dang ra sa nA dang a wa d+hU tI'i lus dang ngag dang sems kyi bdag nyid rnams kyi rang bzhin brjod de/ 'dir la la ni lus kyi rang gi ngo bo ste/ des na stong pa nyid du mi bsgom zhes pa ni nag po'i phyogs la nyi ma'i cha 'phel ba'i dbye bas zla ba'i cha bco lnga zad do//de yang nang gi bdag nyid kyi byang chub sems te cha bco lnga'i bdag nyid kyi zla ba'o/ /des na lus kyi dngos po ste/ de spangs na rang gi don dang gzhan gyi don rnams la 'jug par mi 'gyur ro/ /de'i phyir de bsgom par mi bya ste/ rang bzhin gyis grub pa'i phyir ro zhes pa ste nges pa'o//mi stong par yang zhes pas ni de bzhin du dkar po'i phyogs la zla ba'i cha'i longs spyod 'phel ba'i phyir nyi ma'i cha phri zhing nang du ni ra sa nA dbri'o/ /dkar bo'i tshes gcig la sogs pa cha bco lnga 'phel ba'i dbye bas so/ /de ltar mi stong zhes bya ba ni/ /mi stong pa yang bsgom pa min//zhes dgongs so/ /de bsgoms pas ni ngag gi dngos po zad par 'gyur ro/ /des na de'i tshig gsungs te/ stong nyid dor mi bya zhes pa ni 'dir a wa d+hU tI'i cha bcu drug pa cha gcig ni sems kyi dngos po'i mtshan nyid kyi phyir ro/ /de ltar stong pa dang mi stong pa'i phyogs gnyi ga yang mi dor zhes pa'i don to//ci'i phyir zhe na gsungs pa/ mi stong zhes bya ba la sogs pa ni 'dir stong pa'am mi stong pa'i dngos po gcig la sems zhen pa'i phyir nyes pa yod do/ /de ci zhe na/ tha mal pa'i rnam rtog skye zhes gsungs so/ /tha mal pa zhes pa ni dngos po gnyis la 'dzin pas so so la zhen to//des na gnyis med pa'i blo mi skye'o/ /de ltar bsgom pa dman par 'gyur ro/ /yongs su gtong zhes bya ba la sogs pa ni kun tu rtog pa 'di dag la gang brten pa'i blo de ni yongs su dor ba'o/ /gnyi gar zhes bya ba la sogs pa la/ rnam dag ces pa ni rnal 'byor ba'i sems so//des na rnam par grol bar 'gyur/ /zhes pa ni mi dmigs pa dang bcas pa'i ye shes spangs pa'o/ /de'i phyir bdag ces pa la sogs pa ni go sla'o/ /de bzhin du lus dang ngag dang sems rnams kyi chos kyi rang bzhin brjod de/ /de yang rang bzhin gyis dbye bas rang gi ngo bo'i rang bzhin du 'gyur te/'gyur ba med ces pa la sogs pa la/ chags bral gyi rang bzhin ni la la nA ste/ de ni 'gyur ba med pa'i bsgom pa'i dbang gis so/ /de ltar thams cad la yang khong du chud par bya'o/ /ra sa nA ni chags bral bar ma ste de yang som nyi med pa'o/ /a wa d+hU tI'i ni chags bral chen po ste/de yang 'dod pa med cing dri ma dang bral zhes pa'i don to/ /de ltar sems rnam pa gsum dang bral zhing dri ma gsum gyi rang bzhin spangs zhes pa'i don te de bzhin du sems 'di'i srog rgyu ba rnam pa gnyis te/ dang po ni steng du 'gro ba'o/ /gnyis pa ni 'og tu 'gro ba'o//de yang skye ba dang 'chi bar dgongs so/ /de dag las nges par grol ba dbus su nam mkha' bzhin du blo dang ldan pas bsgom par bya'o zhes pa ni nges pa'o/ /de bzhin du sems can rgyab kyis phyogs pa'i ni mya ngan no/ /sems can yod par 'dzin par ni mya ngan bar ma'o/ /sems can med par 'dzin pa ni mya ngan chen po'o//des na kun tu rtog pa gsum du mi brtag go/ /de'i tshe spros pa med pa nyid zhi ba'i gzugs te/ de'i shes rab kyi rtog pa brjod du med pa'o/ /slar yang 'khor ba las 'jigs pa dor ba'i phyir/ yid bzhin nor ltar zhes bya ba la sogs pa gsungs te/ de la de skad ces bya'o//'on kyang 'jigs pa bar ma ni de bzhin du dmigs pa med pa'i rang bzhin gyis bya ba rtson pa dang bral ba'o/ /des na yang shin tu 'jigs pa ni dmigs pa med pa'i brtse ba snying rje chen po bsam gyis mi khyab ba'o/ /de bzhin du gnyis ka ni srid pa ste/ gcig nyid shes rab dang lhan cig pa de nyid srid pa bar ma'o//nam mkha' la nam mkha' bzhin du srid pa chen po nyid du nya bar song ba'o/ /de'i tshe nye bar len pa ni skyes bu 'ga' zhig gang na yang ste gang du yang sgom pa po med pa'o/ /des na gang na'ang sgom pa med/ /ces so/ /des kyang mi dge ba nyid du 'gyur te/dge ba'i rnam par rtog pa dang bral zhes dgongs te/ de'i tshe brjod pa bsgom par bya ba'i dngos po cung zad kyang med de rang gi sems yongs su shes pa'i phyir ro/ /gzhan yang rang gi sems kyi rang bzhin las byung ba'i skye bo de thams cad 'khor ba'i dbus su skom gyis gdungs te/de kho na nyid kyi sgom pa la gdungs par byed do/ /de dang bral ba'i phyir de bzhin du 'dir tshor ba'i bya ba cung zad kyang med do/ /de'i tshe spyad par bya ba yod pa ma yin no/ /tshor ba bar ma ni byed pa po nyid de shin tu tshor ba las rnam par grol ba'i phyir ro/ /de'i skad cig la mtshon cing spyod pa'i don dam pa'i ye shes de las kyang rnam par grol lo/des na bsam gyis mi khyab par 'gyur ba'i rnam par bsgom pa'i gnas thob pa'o/ /de bzhin du 'dir so sor rtog pa sgrub pa po yang med do/ /de'i phyir bsgrub par bya ba yang med ces bya ba ni dngos po cung zad kyang med pa ste/gang gi ngo tsha ba'i dbang gis bya ba nye bar brkyang ba yang med pa'o/ /rgyu des na de ltar yang spang bar mi 'gyur ro/ /slar la yang brtse ba yang yod de/ des na dngos po cung zad gzung bar bya'o/ /de yang brtse bar bya ba'i phyir de med de 'dir de yang brtse ba chen po'i dbang gis dri za ba la sogs pa'i dpe lngas nye bar 'jal ba des na nye bar mtshon par bya'o//de ltar/ dgongs pas dngos po gang dang gang mthong ba/ /zhes bya ba la sogs pa ni go sla'o/ /de bzhin du the tshom nyid kyis dpe gsungs pa/ ji ltar zhes bya ba la sogs pa ni/ 'dir ji ltar khye'u dang bu mo'i bdag nyid 'ga' zhig rtse ba'i gnas skabs su gnyi ga'i dbang po 'dus par byed de/de gnyis ma bslabs par yang dben par de dag 'dus nas bde ba'i sems bskyed par 'gyur ro/ /de'i phyir b+ha gar ling rab tu gzhag mod dngos su cung zad kyang nyams su myong bar mi 'gyur te/ mi 'dzag pa nyid kyi phyir zhes dgongs so/ /de bzhin du sangs rgyas rjes su dran par bsgom pa'i rnal 'byor pa rnams ser sna'i dbang gis bsnun te/ thog ma med pa'i bskal ba grangs med pa'i bag chags kyi ser sna la sogs pa'i nyes pas nye bar bsnun pa'i phyir shes rab dang thabs nyid kyis bsgom pa gdod nas ma skyes pa byed de bskyed pa zhes bya ba la sogs pa go sla'o//de ltar la la nA'i rang bzhin rtsa sum cu rtsa gsum gyi bdag nyid kyi rang gi ngo bo gsungs so/ /de ci'i phyir zhe na/ gang gi phyir byang chub sems dpa'i la la nA'i rtsa sum cu rtsa gnyis kyi bdag nyid du 'dod pa de'i phyir ro//de bzhin du sum cu rtsa gsum pa ni thams cad kyi gcig pa'i rang bzhin gyis rang gi ngo bo nye bar mtshon pa'o/ /slar yang ra sa nA yis gsungs pa/ bskyed pa zhes bya ba la sogs pa ni 'dir la la nA'i rkyen gyis ra sa nA'i bstan te/ de nyid kyang chags pa ni dang po'o/ / de'i mtha' ma ni khrag go/ /bar ma ni gnyi ga'i dri ma med pa'i ye shes mgu bar byed pa bskyed de mgu ba bar ma de nyid kyis ni rang rig pa bskyed do/ /ye shes de nyid ni shin tu mgu ba'i phyir/ lus bor nas gzhan bems po'i dngos po la brjod par mi nus so/ /de bzhin du gzugs rnams kun la blta ba zhes pa ni bems po'i gzugs la shes par khyab par byed pa'i phyir/de mthong bas rang byin gyis brlabs pa de ni dga' ba'o/ /de bzhin du sgra'i bdag nyid dngos po rnams la rtog pa ming sna tshogs pa de rnams la byung ba de ni rab tu dga' ba'o/ /de bzhin du rang gis brtags pa'i phyir ngo mtshar bar byed pa'i tshig bsam gyis mi khyab pa de bzhin du dga' ba lta bu'i dgod pa'o//'am gyi sgra ni rnam par rtog pa'o/ /gang gi phyir dngos po thams cad nam mkha' dang mnyam pa'i rang bzhin te/ ji ltar dgod pa'i skad cig la sngon gyi dngos po yongs su gtang zhing ma 'ongs pa ma thob cing da lta'i gnas pa ni dgod pa'o//da lta'i ha si ta'i ha can gyis bsgyur bas ar 'gyur te/ de yang nam mkha'o/ /mkha' zhes pa ni nam mkha' dang mnyam pa zhes pa'i don to/ /de bzhin du tshim pa thob pa ni sna tshogs ro rnams zhes pa la ji ltar chags pa chen po'i tshul gyi ting nge 'dzin gyi phung po lnga rnams nam mkha' nyid du 'gyur te/de rnams ro gcig pa drug pa ye shes kyi ro thams cad kyi gzugs sna tshogs pa'i bde ba'i rang bzhin thob pa'o/ /des 'khyud pas las rnams thams cad byed pas zhes pa ni zhi ba la sogs pa'i las rnams thams cad byed pa'o//de nyid 'o byed pa ste/ shin tu brtse ba gzhan du song ba'i sems kyis min te phyi'i dngos grub rnams su thal ba'i bsam pas ma yin pa'o/ /de bzhin du rgyun du zhes pa ni ma dub pas dub pa mi 'dor te/ rnal 'byor bas rgyun mi 'chad par rnal 'byor la goms par byed de/ji ltar byis pas ma'i nu ma rgyun mi 'chad par 'jib kyang mi skyo ba de bzhin du ye shes la goms par byed de mgal me'i 'khor lo bzhin du yang ngo / /de bzhin du bstan pas bla na med pa'i sbyor ba skye ste/ /des na de kho na nyid/ / rig pa'i rnal 'byor bas mi zad pa'i ye shes thob par 'gyur ro/ /des na gnyis med pa 'dis brtson 'grus 'grub par 'gyur zhes gsungs te/ des kyang 'dir nga rgyal gyis don dam pa'i byang chub sems dam pa phul du byung ba thob pa'o/ /de yang las kyi rnam par smin pa'i phyir rdo rje ste mi phyed pa'o//de bzhin du dpal rdo rje sems dpa' chos kyi dbyings kyi mtshan nyid kyis yang dag par thob pa'o/ /de'i stobs kyis gsal bar sangs rgyas byas pa'o/ /de'i byang chub nyid ni spro ba'o/ /de bzhin nyid lhan cig skyes pa'i rgyud de nyid shes rab kyi pha rol tu phyin pa chos kyi sku'i rang bzhin no//slar yang pha rol tu phyin pa kun dngos zhes pa ni pha rol tu phyin pa bcu'i sa rnams so/ /de bzhin du snang ba med pa'i phyir kun tu 'od de bzhin gshegs pas bcu gcig pa'o/ /de la gnas pa'i phyir lhan cig skyes pa chen por 'gyur te rang gi don du'o/ /de bzhin du lhan cig skyes ba bar ma'i ni pha rol tu phyin pa bcu dang kun tu 'od dag gnyis med pa'o//de yang drag po kun za ba bzhin 'od gsal ba rnam par rtog pa thams cad za ba'o/ /des na sangs rgyas thams cad kyi sgom pa'i mchog de nyid las rnam par sgeg pa 'di byung ba na 'gro ba brtan pa de la de skad ces bya'o/ / g.yo ba zhes pa ni zhe 'gras pa'i bdag nyid do/ /de bzhin du dge ba'i bsam pas byang chub sems dpa' mtha' yas pa dang rdzogs pa'i sangs rgyas rnams kyis gsungs gsal pos nyan thos la sogs pa rnams la chos bstan to/ /sogs pa'i sgras ni rang sangs rgyas rnams bsdu'o/ / de nyid rnal 'byor pas bsgom bya zhes pa ni bden pa'i dngos dang / de bzhin du mi bden pa'i dngos po de dag dang bral bar nges pa'o/ /de ji ltar nges she na/ dngos po zhes pa ni 'jig rten pa'i kun rdzob kyi bden pa'o/ /dngos po med pa zhes pa ni 'jig rten las 'das pa'i bden pa'o/ / de yang nye bar len pa'i mtshan nyid do/ /de ltar 'jig rten pa dang 'jig rten las 'das pa dag las grol ba ster ba'o/ /des ni don dam pa'i ye shes bsgom par bya'o/ /myur du 'grub 'gyur te zhes pa ni ji ltar 'grub ce na/ 'jig rten pa dang 'jig rten las 'das pa dag la bskul ba de la de skad ces bya'o//rnal 'byor pa de nyid dpa' bo nyid de thabs myur bas 'grub pa'i don to/ /'on kyang kun nas nyon mongs pa zhes bya ba la sogs pa ni go sla'o/ /nyid tsam pa ni nges par gzung ba'o/ /kun nas nyon mongs pa 'di rnams la 'jig rten pa'i bya ba la gnas pas ngo tsha ba mi bya ste byis pa bzhin du rnam par dpyad ces dgongs so//des na de la mtha' yas zhes bya ba la sogs pa la/ mtha' yas zhes pa ni rnal 'byor pa de la grangs med pa'i yon tan rdo rje 'chang bzhin no/ /skye bar 'gyur zhes pa ni 'dod pa spangs bzhin du'o/ /ji ltar 'o ma las mar bzhin du bems po las bems po 'byung ngo //de nyid kyis sgrub pa po de'i gsungs pa/ dpal zhes pa ni gnyis med par ston to/ /des na srin po zhes pa ste ji lta ba'i mtshan nyid ma gsungs kyang thams cad bsgrub pa'o/ /de ltar thams cad song ba'i yon tan gnyis med pa las byung ba thams cad do//de'i 'dod pa ni bde bar gshegs pa'i bzhed pa'o/ /de ltar gnas thob pa'i rnal 'byor pa de nyid ni sangs rgyas rdo rje 'chang la sogs pa'i mtshan du 'gyur ro/ /gzhan yang byis pa skye bo rnams gdug pa dang g.yo dang sgyu la chags pa de rnams rim pa bzhin/ rnam rtog chen po zhes bya ba la sogs pa gsungs te/'dir ji srid du rab kyi mthar ma song ba'i de srid du sngon gyi bag chags kyi dbang gis so/ /chen po zhes pa ni mtha' med pa'i bskal bas rgan pa ni 'od gsal ba'o/ /ji ltar lang tsho gzhon nu mkhas pa ye shes can yon tan gyis rgan pa ni rgan pa'o//gzhan yon tan med pa rmongs pa mi shes pa can rgan pa ma yin pa yon tan chung ngu de gang la yod pa de la de skad ces bya'o/ /de yang 'khor ba'i rnam par rtog pa'o/ /des na mun pa zil gyis mnan pa zhes pa ni ji ltar dmun long de'i kun gzhi rnam par shes pa la sogs pa rnam par shes pa brgyad long ba ni ma yin te/sngon nas lha'i mig yin pa'i phyir ro/ /de bzhin du byis pa rnam par rtog pa'i shes pa'i mun pas zil gyis mnan cing glo bur ba'i dri ma ste/ g.yo dang gdug pa dang sgyu dang gya gyu'i las dang /de bzhin du chags sogs zhes pa 'dod chags dang zhe sdang dang gti mug dang phrag dog dang ser sna la sogs pa g.yo sgyu'i dbang gis 'dor bar mi nus te/ des na rang bzhin dri ma med pa'i sems dri mas sbags te g.yo sgyu can de rnams gdon pa'i phyir 'khor bar bdud rtsi'i rang bzhin gyis thabs gsungs so//rdo rje can zhes pa ni rdo rje sems dpa'o/ /de yang 'od gsal zhes bya ba la sogs pa ni go sla'o/ /de ltar thabs kyi rang bzhin bzhi bcur ra sa nA'i rang bzhin gyi rang gi ngo bo gsungs pa ni rdul gyi khams te/ 'dod chags kyi bag chags rnams yongs su zad pa'i rgyur gsungs so//da ni a wa d+hU ti'i rang gi ngo bo bstan pa'i phyir/ des na zhes bya ba la sogs pa gsungs te/ 'dir chags pa bar ma ni lhan cig skyes pa'i dga' ba'i skad cig ste/ de nyid 'od gsal ba'o/ /des na 'di las gzhan pa'i dam pa'i dngos po ci yang yod pa ma yin no//sdug bsngal zhes bya ba la sogs pa ni go sla'o/ /de nyid ni brjed ngas pa byed pa de las gzhan ci yang med ces bya ba la sogs pa byed pa'o/ /rgyu ni zhes pa ni rgyu gtso bo ma yin pa gzhan de ni med de/ 'khrul pas 'khor ba'i bde ba sna tshogs pa/ /rjes su tshol ba de ma lus zad pa/ /zhes pa rnam par rtog pa'i bde ba zad pa'o//de nyid kyis na 'ching ba zad par 'dod pa'o/ /des na mi smra bar 'gyur ro/ /rdzogs sangs rgyas zhes bya ba la sogs pa ni don ji lta ba bzhin no/ /de'i phyir sems zhes pa ni brgya lam na bsgoms pas skyon des shin tu brtags nas 'bad pas brtan par bya'o//min la le lor 'gyur te/ de'i tshe sems rang bzhin gyis sna tshogs pa'i rnam par des ni gnyis gnyis su 'gyur te/ de'i rang bzhin rang bzhin med pa'o/ /des na 'khor ba'i sdug bsngal de nyid kyi rang bzhin 'gog cing sngon du gsungs pa'i rang bzhin gyis bya ba nye bar 'gro ba ste bems po'i khams bzhin no//de ltar a wa d+hU tI'i rang bzhin gyis ngo bo gsungs so/ /des na gnyis med par 'gro zhes pa'i tshul gyis so/ /rnam pa bdun gyi bde bas de ltar mdor bsdus na rnam pa gsum la brgyad cu'o/ /rgyas par ni bye ba phrag brgyad cu'i tshad dang grangs med pa skad cig dang thang cig la srog gi rang bzhin gyis 'byung ngo //de bzhin du ji srid rtog pa zhes bya ba la sogs pa ni go sla'o/ /de bzhin du bsgom pa zhes bya ba la sogs pa ni/ 'dir ji skad du rnal 'byor ba 'khor ba la gnas pa de srid du rnam pa dang bcas pa'i bsgom pa la dmigs par 'gyur te/gzhan du na thun mong gi dngos grub rnams bsgrub par mi 'gyur ro/ /des na sems can rnams yid ches par mi 'gyur ro/ /'on kyang rnal 'byor pa sangs rgyas nyid ces pa ni dang po nyid nas sems mthar thug pa'o/ /des na 'gyur zhes pa ni don dam pa'i sgrub thabs la nan tan byed par 'gyur ba'o//de yang mtshon bya zhes bya ba la sogs pas gsungs te/ 'dir mtshon bya'i rnal 'byor goms pa yang gang gis mtshon pa mtshon pa med par bya ste/ sngon du gsungs pa'i rang bzhin gsum gyis rang gi don ngo bo gsum bsgom pa'o/ /de la mos pas gnas pa'i rnal 'byor pas de yang srog dang rtsol ba'i rim gyis nye bar mtshon par bya'o//de bzhin du srog dang rtsol ba'i rnam pa drug cu rtsa bzhi'o/ /tshig gi dbye bas drug cu rtsa bzhi'i rnam pa'i bsam gtan rnams su 'gyur ro/ /de rnams kyang gnad kyi sgo rnams su mtshon par bya'o/ / de la gnad kyi sgo gsum pa/ 'dir lus la gnad phye ba'i sgo gcig kyang drug cu rtsa bzhi'i rnam pa'o/ /lte ba'i gnyis gnyis drug cu rtsa bzhi dbye bas mdud pa drug cu rtsa bzhi rnams su gnyi ga las rgyu ba 'di nyid kyis 'dod pa'i gnas skabs drug cu rtsa bzhi rnams so//de rnams kyi gnas rnams su rim pa bzhin brjod pa 'di lta ste dkar po'i phyogs kyi dkar po'i tshes gcig la sogs pa la mthe bo nas brtsams te/ mthe chung gi mthar thug par steng du bu ga bzhi'o/ /de bzhin du long bu'i gnas su bzhi ni mdun dang rgyab dang logs gnyis su'o//de bzhin du pus mo la mdud pa bzhi'o/ /de bzhin du rked pa dang brla'i mtshams su yang snga ma bzhin no/ /sgo nga la yang de bzhin no/ /gsang ba dang lte ba dang snying ga dang mgrin pa'i g.yon logs rnams su yang bu ga bzhir 'gyur ro/ /de bzhin du lag pa g.yon pa'i sor mo'i rtsa ba rnams su rkang pa g.yon pa'i sor mo bzhin no//lag pa'i mkhrig ma rnams su ni long bu'i gnas bzhin no/ /gru mo'i gnas su ni pus mo bzhin no/ /de bzhin du dpung par ni rked pa bzhin no/ /de bzhin du za yu ba dang mkhur tshos dang rna ba'i rtsa ba dang mig g.yon pa'i zur dag tu gnad gnyis su 'gyur ro//de bzhin du smin ma'i bu ga dang / de bzhin du mtshog ma dang dpral mtshams dang / de'i g.yon zur gyi gnas bzhi ru gnad kyi sgo gnyis gnyis so/ /de bzhin du spyi bo dang gtsug tor dang rgyab kyi char gnad kyi sgo phra mo gnyis gnyis drug go//de ltar rnam pa drug cu rtsa bzhir rtogs par bya'o/ /de bzhin du nag po'i phyogs kyi nag po'i tshes gcig la sogs pa la g.yas rnams kyi gnad kyi sgo'i rnam pa drug cu rtsa bzhi'o/ /de dag la dbyug pa sor sor re re'i dus kyi dbang gis nya dang gnam stong gnyis 'dus par bya'o/ / des na a wa d+hU tI'i ye shes kyi dkyil 'khor gyi skad cig las te de'i phyir mtshon bya mtshon par bya'o/ /rdo rje rlung gis gnas kyi sgo dbye bar bya ste/ srog gi rgyu bas so/ /de yang / rang 'dod lha yi skyor ba yis/ /zhes pa ni rang bzhin gyis dag pa thog ma med pa nas chos kyi sku'i mtshan nyid kyi lha de bzhin nyid yang dag pa bdag med pa la mos pas thig le stong pa mtshon par bya'o//mtshon bya ba de yang mtshon pa med par bya'o/ /de nyid kyis na rdzogs pa'i mtshon bya zhes gsungs so/ /gsum pa zhes ni lus dang ngag dang sems so/ /gnas zhes pa ni bde ba rnams kyi gzhi'o/ /'di rnams nam mkha' lta bu zhes pa ni chos kyi dbyings dang mtshungs par 'gyur ba'o//de ltar 'dod pa thams cad rab dor te/ /zhes bya ba la sogs pa ni go sla'o/ /'di nyid kyi bsam gtan gyi sbyor ba'i gnas gsungs pa/ ri'i rtsa zhes bya ba la sogs pa ni 'dir las dang po rnams kyi ni sgra ji bzhin no//rdzogs pa'i rnal 'byor pa rnams kyi 'dod pas mtshan ma'i rgyu'i gnas rnams la de'i tshe ri'i rtse mo zhes pa ni ri brags kyi steng du sprin med pa'i nam mkha' la rnal 'byor ma drug cu rtsa bzhi brtan par 'gyur ro/ /de rnams kyang srog bcu dang de bzhin du dkyil 'khor bcu dang /mtshan ma bcu dang / gnas skabs bcu dang / ye shes bcu dang / rang bzhin bcu'o/ /de bzhin du bsam gtan bzhi ste/ drug cu rtsa bzhi po de dag thams cad nam mkha'i mtshan mar shes par bya'o/ /de bzhin du zhi byed gnas zhes pa mtshan nyid gcig pa'i gnas rnal 'byor ma rnams kyi brdas 'dul bar 'gyur te/de rnams kyi sgrub pa po la bka' stsol ba 'grub bo/ /yang na pad+ma'i tshal zhes pa ni mtsho'i nang du mtshan mo dus su pad+ma'i rang bzhin du yongs su brtag pa ste/ nang gi rtsa rnams pad+mar snang ba'i phyir ro/ /des na rang nyid pad+ma'i tshal bzhin du so sor snang ngo //de'i tshe kun tu skrag par mi 'gyur te/ sngon du phyi'i skyed mos tshal khyad par can te/ gang du me tog dang 'bras bu rnam pa sna tshogs pa'i dngos po rnams kyis brgyan par 'gyur ba'o/ /des na sems de'i bdag nyid can du 'gyur ro/ /de'i tshe rang bzhin dang bral bar 'gyur ro//yang na 'di lta bu'i gnas su'o/ thams cad ces pa ni skye bo dang bral zhing 'bras bu la sogs pa thams cad kyis brgyan pa de la de skad ces bya'o/ /rgas pa'i dbang gis nus pas kyang res 'ga' rang gi khyim du dngos po thams cad spangs te bsgom mo/ / yang na sems kyi mos pas gang du sems mngon par dga' ba dngos po'i khyad par gyi rang bzhin yid du 'ong bar ro/ /'di dag thams cad mkhyen pa zhes bya ba la sogs pa ni go sla'o/ /gnas ni gang zhes pa ni sems can gang dang gang mos pa'i bdag nyid dang des gnas su bya'o//gzhan ni go sla'o/ /phyag rgya bzhi zhes bya ba la sogs pa ni gti mug gi gnyen po ni dam tshig gi phyag rgya'o/ /zhe sdang gi gnyen po ni phyag rgya chen po'o/ /phrag dog gi gnyen po ni las kyi phyag rgya'o/ /'dod chags kyi gnyen po ni chos kyi phyag rgya'o/ /phyag rgya de dag ces bya ba la sogs pa la de dag ces pa ni gti mug la sogs pa'i rig ma rnams spyan ma la sogs pa'i lha mo'i gzugs su bskyed de tha mal pa'i dbang gis so//rang byin gyis brlabs pa'i bdag nyid kyi rnal 'byor ma sna tshogs pa sgyu ma lta bur ro/ /de ltar rnal 'byor pas bsten pa ni mchod pa ste/rig ma ltar bsams nas so/ /mngon sum du zhes pa ni rnal 'byor pa rang nyid kyang lha'i bdag nyid du 'gyur ro/ /de ltar gnyis ka yang lha'i gzugs su so sor snang ngo / /des na rmongs pas zhes pa ni dkar pos zhi ba'i las so/ /khro bos zhes pa ni nag pos drag po'i las so//de bzhin du chags pas zhes pa ni dmar pos chags pa'i las byed do/ de ltar 'dod chags dang zhe sdang dang gti mug gi las kyis de rnams kyi gnyen po'o/ /de don du zhes pa ni de'i don du'o/ /rab tu byed pa lnga po zhes pa ni rtog pa dang po'i rab tu byed pa dang po ni brjod pa dang rjod par byed pa dang byang chub tu sems bskyed pa la sogs pa'i bsgom pa'i de kho na nyid kyi bar du byed pa'o//gnyis pa ni byang chub sems la 'jug pa zhes pa'o/ /gsum pa ni de kho na nyid bstan pa'o/ /bzhi pa ni rtog pa gnyis pa'i rab tu byed pa dang po byang chub sems kyi dbang bskur ba'o//lnga pa 'di ni shes rab dang thabs kyi bdag nyid kyi bsgom pa ston pas so/ /de'i phyir de rnams kyis rgyal ba yang dag par bskyed pa'o/ /de bzhin du res 'ga' rnal 'byor pa sems can gyi don gyi dbang gis bsgoms pa las langs shing rnal 'byor la mi dmigs pa de'i tshe thun tshod bstan pa'i phyir tho rangs zhes bya ba la sogs pa gsungs so//phyag rgya'i sbyor ba zhes pa ni sngon du gsungs pa'i tshul gyis a wa d+hU tIr bzhugs pa ste/ gzung ba'i rim pas srog gzhag par bya'o/ /gzhan du rnal 'byor nyams so/ /des na dngos grub mi 'gyur zhes pa ni gzhan du ma yin par nges pa zhes pa'i don to//de bzhin du bstan pa smod ces bya ba la sogs pa ni bstan dang dus thams cad du lhan cig pa'i rnal 'byor pa phyag rgya des rgyas btab cing spyi'i phyag rgya spangs pa'o/ /smod ces pas ni rmongs pas kha na ma tho ba byed pa spang ba'o/ /'jigs pa zhes pa ni 'jigs pa dang bcas pa ste 'khor bar smod pa'i skye bo mi srun zhes pa la sogs pa'o//'on kyang mngon sum zhes bya ba la sogs pa gsungs te/ rnal 'byor pa dam bcas pa brtan por rtag tu 'di 'bad pa 'di sgrub po/ /de yang mngon sum shes zhes pa ni phyag rgya chen po'i dngos grub kyi mtshan nyid kyi shes rab ma ma rnyed na/de'i phyir/ byol song la yang des goms bya/ /zhes pa ni phyugs bzhin du rgyun du bya ba'o/ /de yang brjod pa mi byed ces pa ni 'di lta bu'i yang dag pa'i sbyor ba dam tshig dang lhan cig pa gal te rnal 'byor pa mi byed na de'i tshe dam tshig nyams par 'gyur ro//de ltar las kyi phyag rgya dang lhan cig sbyor ba rtag tu bya'o/ /dam tshig bskyang ba'i don du ma gsungs kyang bdud rtsi lnga la sogs pa chang dang sha rnam pa sna tshogs dang ldan pa'i sna tshogs dam tshig rnams bya zhes pa ste nges pa'o/ /gal te mi byed na de'i tshe nges par 'gyur ro/ /de ci'i phyir zhe na nyin re la sogs par rnal 'byor pa mi phyed pa ni bcom ldan 'das kyi nges pa'o//de ci'i phyir de'i bya ba'i don to/ /de ltar 'dir brjod de/ gang dag chang ni mi 'thung dang / /yul gyi bdud rtsi mi bsten zhing / /rgyun du byang chub sems mi bsten/ /skyes bu de 'dir glang dang mtshungs/ / slob dpon gus shing dam tshig gis ni tshim/ /sdug dang mngon 'dus dam tshig zas rtag za/ /sems can sdig pa 'di rnams nges bsnun pas/ /dus kun btung ba chang gi btung 'di bya/ /rdo rje mkha' 'gro gcig gi skus/ /bde bar gshegs pa'i spyod pa bya/ /rnam par mi rtog bdag dngos kyis//yul ni bsten zhing spyad par bya/ /thams cad du ni chang snying po/ /sems can sems bzang po yis btung / /gal te yang ni 'dir byang chub/ /rab tu thob pa'i rgyu med na/ /sgyu ma'i rang bzhin 'di la blta/ /sha yi mchog ni bza' bar bya//rnal 'byor ma yi 'khor dbus gnas/ /de ru ro ni mang po la/ /lus can la ni dmar por 'khyud/ /cang te'u lag thogs slar gar bya/ /snod min la ni mngon 'dod chang / /sbyin pa dang ni btung mi bya/ /de ltar dam tshig bsten zhing bsgrubs na dngos grub tu 'gyur ro/ /gzhan du bag med pa la sogs pas dam tshig nyams par 'gyur ro//des na dngos grub thob par mi 'gyur ro/ /des na nyin re'am zla re'am lo re'am rtag tu gal te rnal 'byor ma mchog gis pad+ma la reg par mi byed na de'i tshe slar yang dam tshig dang sdom pa la sogs pa gzung bar bya'o/ /de'i phyir zhes bya ba la sogs pa ni go sla'o//de ltar sangs rgyas yang dag pa'i/ /kha sbyor ba yi sbyor ba yis/ /zhes pa ni shes rab dang thabs kyi sbyor bas so/ /bud bya ba dang bya ba min par zos/ /b+ha/ mchog tu mi 'gyur ba ni gzung / /saM/ yang dag sbyin pa'i sbyor ba yis/ /mya/ dam tshig gnyis ni gcig tu bya/ /saM/ yid kyi dbang po yang dag mnan/ /pu/ skyes bu nyid du nye bar 'gro/ /ta/ TaM zhes pa ni gnyis dbus su/ /yo/ /skye gnas bu gar a ni sbyar/ /ge /khyim gyi snying por song nas thim/ /na/ yid kyi dngos po 'dir mi snang / /de ltar bsgom pa'i rnal 'byor ba//'khor ba las brgal pha rol 'gro/ /lhag ma ni go sla'o/ /de ltar shes rab dang thabs kyi don bsgom pa zhes pa ni bsam du med pa gnyis med pa'o/ /de'i don ni nye bar brtags pa'i tshig gang gi rtog par 'gyur ba ste/ des na bsgom pa la 'jug pa'o/ /de yang rtog pa gnyis pa'i rab tu byed pa gnyis pa de'i'o//kha sbyor thig le'i rgyud kyi rgyal po'i brtag pa gnyis pa'i rab tu byed pa gnyis pa'i rgya cher 'grel pa yang dag pa'i lta ba'i dran pa'i snang ba'i gzhung bstan pa ste gnyis pa'o// //da ni bsam du med pa'i lha'i rnam pa bsgom pa brjod pa'i phyir/ de nas zhes bya ba la sogs pa gsungs te/ rab tu byed pa lnga'i rjes thogs su rgyal ba 'byung ba'i rgyu'i phyir de nyid kyi lha'i bdag nyid kyi sgom pa dang / /dkyil 'khor gyi 'khor lo'i tshul gyis so/ /de yang yang dag bshad par bya/ /zhes pa ni phyi dang nang gi bdag nyid do/ /'khor lo kun gyi rnam 'phrul nyid//ces pa ni rgyud thams cad kyi gang dkyil 'khor gyi 'khor lo ma lus pa de rnams la khyab par byed pa'o/ /de yang rdo rje sems dpa' la sogs lha'i zhes pa la sogs pa'i sgra ni dpal 'dus pa la sogs pa rnal 'byor dang rnal 'byor ma'i rgyud mtha' dag pa de rnams kyi dkyil 'khor ba dang gtso bo rnams kyi'o//thams cad du ni sna tshogs mchog /ces pa ni de lta bu'i brtan pa dang g.yo ba'i dngos po sna tshogs pa rnams 'od gsal ba ste/ gang gi phyir thams cad la khyab par byed pa'i chos kyi sku'i rnal 'byor ma'i rang bzhin ni gnyis med pa'i yang gnyis med pa'o//de'i longs spyod rdzogs pa nyid kyis na mchog go /de nyid ni gsal por dkyil 'khor gyi 'khor lo'i gzugs so/ /de lta bu gang du bsgrub ces pa ni gsungs pa/ gsang ba zhes bya ba la sogs pa ni 'dir yi ge bcu drug ni de kho na nyid bcu drug ste/ bcom ldan 'das kyis rdo rje gsang ba bla ma zhes pa las gsungs pa/'di lta ste/ ra/ khrag gi khams ni byas pa'i bdag /rus pa'i dra ba bzhu bar bya/ /zhag rnams 'gul zhing 'gul bar 'gyur/ /lus kyi dra ba gsad par bya/ /ha/ khu ba dbus su bsnun pa ni/ /bde ba rnam shes mtshan nyid do/ /thim pa ster ni thim bya ste//phung po lnga ni gsad par bya/ /s+ya/ mchog gi byang chub sems ni bsten/ /thig le'i gzugs ni mi shes pa/ /blo ldan bsam gtan tsam gyis ni/ /'gro dang 'ong ba 'gog par byed/ /pa/ pad+ma'i 'dab ma'i rnam 'dra ba/ /pags pa stong pa'i gnas kyi mchog /rlung gi gzugs su 'ongs nas ni//thig le mi 'dzag pa la reg /ra/ ro dang dri ni nye bar 'gro/ /lha yi dbang po yis ni phye/ /bsnams kyang der ni yod min pa/ /ye shes dri ni bla na med/ /me tog nyid kyi nam mkha' ni/ /snying gi dbus su kha ni phye/ /de las lhan cig skyes pa ste/ /tshig gi lam las 'das spyod yul//ra/ ra sa nA yi mkha' dbus su/ /chags pa kun tu thim pa der/ /snying rje yi ni ro skyes te/ /des na bsam gyis mi khyab gsungs/ /me/ sha 'di rtag tu zos pa ni/ /'bar ba bzhin du don dam pa/ /'drangs pa nyid ni 'dir mi byed//seng ge bzhin du yongs su zos/ /sa/ kun nas nor bu gtsug tor gyis/ /mtshams gnyis la ni nyer brten nas/ /srog ni mi g.yo bar byas pas/ /stong dang mi stong pa ni 'gro/ /rba/ g.yon pa'i rtsa nas bkug nas ni/ /de ni mgo nas rkang mthe bor/ / srog gi thig le drug gi phyed/ /gnas la brten te dbang ba nyid/ /t+ma/ bag chags gnas ni kun zos pas/ /snang ba gsum ni 'byung ba'i phyir/ /dbang po rnams dang bral ba yis/ /sdong bu las skyes pad+ma gnyis/ /bya/ smin mar song ba'i rnal ma dgod/ /cho ga 'dod pa rnams kyis gzung //mar khu'i dri ni dri zhim pa/ /gtso ni sgrub pa'i thabs kyis bsgrub/ /bu/ mtho min gnas su thig le ni/ /bgrod med ting du bzung ba ni/ /zhi byed mchog tu brtag pa ste/ /yid lta bu yis mchog ni mnan/ /sA/ mchog gi sbyor ba bsgrub par bya/ /kun rdzob bden par lta ba yi//shes pa yang ni de la med/ /ye shes snying po btus pa'o/ /d+ha/ chos dang chos min rnam dpyad pa/ /mkhas pa rnams kyis mi bya'o/ /gang gi rnam pa kun gyis ni/ /tshig 'di yis ni dngos po med/ /ye/ gang dang gang gi rnam pa yis/ /'chi ba sngon du 'gro ba dor//de dang de ni thams cad bya/ /la lar la la'i ci yang med/ /de ltar gnas rnams su sna tshogs kyi mchog bsgrub par bya'o/ /de bzhin du rgyu'i gnas dang 'bras bu sgrub pa'i yang gnas gsungs pa/ rnam par dben pa zhes bya ba la sogs pa 'dir rnam par dben pa zhes bya ba ni bdag gi ngar 'dzin pa spangs pa ste/sngon gyi tshul gyis so/ /gnas zhes pa ni gcig gi rnam pa'i sems kyi gnas de la de skad ces bya'o/ /'am zhes pa ni rang gi lag pa gnyis bzlog pa rgyab tu thal mo sbyar ba bcings pa'i sbyor bas mgo gzung zhing lce rim las bzlog par bya ste/ de bzhin du steng gi rkan gyi mdud pa la reg par byed pa'o//byed pa des srog gi rlung dbyung ba dgug pa'i rnam par gnas te/ sna yi dbugs dbyung ba dang 'jug pa mi 'gro ste/ gnas de ru rang gi sems nye bar mtshon par byas pa de ni bsgom pa de bzhin du 'gyur ro/ /rang gi skyed mos tshal zhes pa la sogs pa ni slar la yang dkyil 'khor bcu po rnams rang rang gi dus tshod la gang du skyes pa de rnams la der lag pas mnan pa'o//'dir gsungs pa/ gtsug tor dang ni spyi bor gsungs/ /smin ma'i dbus dang mgrin pa'i mtshams/ /snying ga dang ni lta ba'i gnas/ /rgyu zhabs nyid dang gsang ba'i rtsar//nor bu'i bu ga de bzhin te/ /lce'u chung ba yi mdud pa'i rtser/ /gnas 'di rnams su srog ni gang / /skyes pa de ni dgag par bya/ /lag pa gnyis ni rnams bzung pas/ /gnad kyis mtshams ni brtsir bar bya/ /dkyil 'khor re re rgyu ba yis/ /'gro dang 'ong ba 'gog pa nyid//des ni dgag pa dag ni bya/ /sgom pa rtogs pa'i sems kyis ni/ /sangs rgyas sku la sogs pa sgom/ /de nas rdo rje 'chang sa thob/ /de ltar sa la rab brten te/ /longs spyod rdzogs pa'i rnam par bya/ /bsam du med bsgom bsam pa'i phyir/ /rang bzhin las 'byung ngo bo nyid//sogs pa'i sgras ni phyi'i skyed mos tshal la sogs pa'i dang po'i gnas su bya'o/ /de ltar rang bzhin gyis dri ma med pa'i ye shes nyid/ kun tu zhes bya ba la sogs pas gsungs te/ sna tshogs phyag rgya zhes pa ni rang bzhin gyi sku gang gis phung po dang khams dang skye mched la sogs pa sna tshogs pa rgyas btab cing de la brten pa yang 'dis rgyas btab ste/de ltar phan tshun rgyas par yid ches par bya'o/ /des na sna tshogs kyi phyag rgya stong pa nyid kyi skus sdom pa'o/ /kun du sna tshogs sdom pa zhes pa ni de yang stong pa nyid kyi ye shes rnam pa kun gyi rang bzhin gang brtan pa dang / g.yo ba la sogs pa sna tshogs pa rnams kyi nang du 'dus pas kyang dngos po thams cad kyang sdom pa'o/ /de nyid kyi rang bzhin nyid kun tu zhes bya ba la sogs pa la kun du'i sgras ni ba la sogs pa'i las tshogs rnams bzung ngo / /de rnams kyi sna tshogs ni sems can sna tshogs pa'i don byed pa'o//de bzhin du rang gi ngo bo nyid du bya ba ni 'bras bu'i gzugs de nyid 'bras bu'i go 'phang thob pa'i rgyud sna tshogs dri ma med pa'i chos kyi rang bzhin du 'gyur ro/ /bsgrub par bya zhes pa ni rjes su 'jug pa'o/ /ji ltar bde bar zhes pa ni rang rig pas zab mo'i longs spyod rdzogs pa'i sku bsgrub par bya zhes pa'i don to//de bzhin du dkyil 'khor zhes bya ba la sogs pa la/ dkyil 'khor ni dngos po thams cad gcig pa'i dngos po'o/ /dngos po ni de bzhin gshegs pa thams cad kyi sku dang gsung dang thugs las byung ba rnams so/ /de rnams kyi lus dang ngag dang sems bsdus pa'i gzugs ni rdo rje 'dzin chen po chos kyi sku'i mtshan nyid he ru ka la sogs pa'i gzugs te/de yang rang bzhin gyi sku las byung ba'o/ /stong pa nyid ye shes zhes pa ni sna tshogs mthong ba sangs rgyas kyi sku'o/ /de bzhin du yang khro bo rnams kyis zhes pa ni rang bzhin gyi dbang gis nyin mo skyes pa rnams te/'dus pa la sogs pa rnal 'byor gyi rgyud rnams kyi tshul gyis so/ /khro bo gshin rje gshed la sogs pa bcu po rnams rim pa bzhin du brjod do/ /gshin rje gshed ni gsang ba'i rtsar/ /bu ga gcig nas 'bab nang du/ /sa yi dkyil 'khor ming can la/ /sna tshogs bya ba rnams ni byed//shes rab mthar byed khro chen po/ /chu so'i bu ga bshang lam nang / /chu yi dkyil 'khor ming can la/ /der ni rgyas pa'i las byed do/ /pad+ma mthar byed lte rtsa bar/ /a ni 'byung ba'i bu ga ru/ /sems can thams cad bsad pa ni/ /me yi dkyil 'khor la ni bya/ /snying gar khro bo bgegs mthar byed//bu ga thig le 'bab nang du/ /rlung gi dkyil 'khor rgyu ba la/ /bskrad pa'i las ni sna tshogs byed/ /mgrin par khro bo mi g.yo bas/ /yid bzangs bu ga'i nang du ni/ /dkyil 'khor nam mkha'i ming can la/ /dbang gi las rnams byed pa yin/ /smin ma'i dbus su dbyug sngon can//mdzod spu'i bu ga'i nang du'o/ /g.yon pa'i nam mkha'i dkyil 'khor la/ /dgug pa'i las ni sna tshogs byed/ /spyi bor 'dod pa'i rgyal po ni/ /bu ga a wa d+hU tI 'bab/ /rlung zhes bya ba'i dkyil 'khor la/ /rengs pa'i las ni thams cad byed/ /gtsug tor du ni stobs po che/ /bu ga nam mkha' 'byung ba ru//me yi dkyil 'khor rgyu ba la/ /dge ba yi ni las rnams byed/ /gsang ba'i lte bar gnod mdzes ni/ /khu ba 'byung ba'i bu ga ru/ /chu yi dkyil 'khor rgyu ba la/ /lkugs pa yi ni las rnams byed/ /lce'u chung mdud par gtsug tor ni/ /bu ga bdud rtsi thig le 'bab//sa zhes bya ba'i dkyil 'khor la/ /rmongs pa'i las ni thams cad byed/ /de ltar khro bo mchog thams cad/ /sgyu ma'i rnam par lta bu nyid/ /'bad pa yis ni bsam byas nas/ /de nyid rnal 'byor pa ru 'grub/ /de rnams dbang po'i gzhu lta bur/ / rnal 'byor 'dzin pas blta bar bya/ /sa bcu yi ni nang rnams la/ /gnas kyang der ni mi mthong ngo / /tshogs kyi grangs ni thob pa nyid/ /gzhan du yi ni g.yo ba min/ /de ltar rang bzhin thams cad ni/ /mthong ba yid kyi mtshan nyid do/ /de ni rnam par bcom pa'i phyir/ / sangs rgyas sa ni dri med 'od/ /de bzhin du zhi ba zhes bya ba la sogs pa ni mtshan mo'i ni zhi ba'i lha rnam par snang mdzad la sogs pa'i de bzhin gshegs pa bzhi dang / de bzhin du sa'i snying po la sogs pa'i byang chub sems dpa' drug skye'o/ /de ltar de bzhin gshegs pa dang / byang chub sems dpa' bcu po rnams sngon du gsungs pa'i gnas su srog rgyu ba'i dus kyi khyad par las skye bar 'gyur ro/ /de rnams kyi las ni sngon bzhin du bya'o/ /dang gis ni slar yang khro bo rnams 'byung ba'i dus su spyan ma la sogs pa'i lha mo bzhi dkyil 'khor so so las dang chu dang me dang rlung gi dkyil 'khor gyi rang bzhin gyis so//de bzhin du chos kyi dbyings rdo rje ma nam mkha'i dkyil 'khor la'o/ /de rnams skye ba'i gnas ni sngon du gsungs so/ /'on kyang gnas re re la yang spu'i tshad tsam gyi rtsa lnga lngar 'gyur ro/ /de bzhin du mtshan mo la gzugs rdo rje ma la sogs pa rnal 'byor ma lnga dkyil 'khor lnga la rgyu'o//de bzhin gshegs pa dang rnal 'byor ma bcu po 'di rnams kyi rgyu dang 'bras bu bcom ldan 'das kyis gsungs pa'i tshig dang 'brel pa gsungs pa/ rnam snang mdzad dang rin chen gtso/ /'od dpag med dang don yod grub/ /sa snying phyag na rdo rje dang / / mkha' snying 'jig rten dbang phyug dang / /sgrib pa thams cad rnam sel dang / /de bzhin kun tu bzang po'o/ /'di nyid gcig ma tshang ba'i yid/ /lnga bcu tham pa dag gis bshad/ /de rnams kyi ni gtan dbab brjod/ /rgyu yi phyir ni gnas la spyod/ /gcig ma tshang ba'i lnga bcu yi//re mig rnams la rim pa bzhin/ /yi ge re re'i rang bzhin yang / /tsa yi de kho nas phye nyid/ /dang po bdun grangs de bzhin bdun/ /bdun lnga yi ni re'u mig la/ /bai/ /dri ma med pa'i spyi bor gsungs/ /ro/ /gi wang 'chang ba ru ni 'dod/ /tsa/ rkang pa'i 'og nyid du ni gtso//nam/ chu ba rnams ni yang dag g.yo/ /tsa/ thugs kyi 'khor lor gang phra mo/ /ra/ ro yi khams dang yang dag ldan/ /te/ de rnams nye bar 'bar byed pa/ na/ sgra tsam la ni nyes thim phyir/ / Sha/ phung po drug la gang phra mo/ /ma/ bdud rtsi 'bab pa yis ni rtsa//mi/ dbang po rnams la gang phra mo/ /tA/ skar ma lta bur dri ma med/ /b+ha/ lte ba'i rtsa rnams su ni 'bar/ /mo/ /khams rnams bskyed par 'gyur ba yin/ /g+ha/ dril bu'i sgra ni rtsa ni gang / /si/ rang 'byung ga bur 'bab ces pa/ /d+hi/ nyis brtsegs snying dang lte dbus su/ /k+Shi/ 'o ma'i rgyun ni 'bebs byed pa//te/ sum khrel gyi ni dbus kyi rtse/ /ga/ 'gro ba yis ni yid ni 'dzin/ /rbA/ smin ma'i dbus su 'bab pa gang / /ba/ rtsa ba dag gi rtsa bar 'bab/ /dzra/ sum gril gyi ni dbus su rol/ /pA/ sdong bu yi ni rtsa bar me/ /Ni/ chu dang ko sko dag tu 'byar/ /kha/ bya bzhin du ni pus mo gnyis//ga/ 'gro ba yi ni bla lam du/ /b+ha/ b+ha ga'i dbus kyi rtsa ni gang / /lo/ /ba spu mtshams rnams su ni g.yo/ /ke/ skra zhes pa ni gtsug tor du/ /shwa/ dbugs ni thams cad du 'gro ba/ /ra/ rdul 'bab pa yi rtsa ni gang / /sh+tsa/ stan las dang po langs pa nyid/ /sa/ tshigs kun du ni rab 'bab pa//rba/ bshang gci 'bebs par byed pa'o/ /Ni/ bar gyi dbus su sprul pa'o/ /ba/ gang du tshigs ni 'byung ba nyid/ /ra/ dga' la sogs pa yi ni rtsa/ /na/ chu yi mtshams su song bar des/ /gi sna tshogs mdud pa rab 'phyad pa/ /ska/ phrag pa la sogs rus pa'i 'phreng / /b+hi/ /sems kyis sa bon yid ni 'phrog//da/ de yi yang ni gzhan ni gang / /thA/ nu ma yi ni rdog mar gzhag/ /sa/ mtshams ni sngon 'gro rked rus te/ /ma/ de yi dbus su gzhan mtshams nyid/ /ta/ snal ma'i grangs med phra ba nyid/ /b+ha/ tshangs pa'i gnas su de las gzhan/ /tra/ dbu ma las ni thams cad 'bab/ /ka ci dang ci 'bab rtsa ni gang / / de la bde ba brten pa'o/ /de ltar re mig mchog ni gsungs/ /bdun phrag bdun zhes bya ba yi/ /lus las rtag tu rnam shes rgyu/ /re mig bzhi bcu rtsa dgu la/ /yi ge re re'i dbus su bsgom/ /lha mo bzang mo'i gzugs can la/ /spyan ma'i bkod pa tha dag ni/ /nam mkha' gang bas zhi ba yi/ /las ni dri ma med par bya//de bzhin mA ma kI sogs dang / /de bzhin gzugs kyi rdo rje sogs/ /de bzhin sangs rgyas gar mkhan ni/ /ma lus bsam mi khyab par bsam// sems can grangs ni bsam med phyir/ /de bzhin du yang las ni bya/ /des na der ni thim par 'gyur/ /rang gi re mig 'byung gnyis med//spyan ma lha yi mig tu 'gyur/ /mA ma ka'i ni shes rab mig/ /gos dkar ye shes mig tu gsungs/ /sgrol ma sangs rgyas spyan de bzhin/ /sha yi mig tu byas pa'i bdag /gzugs kyi rdo rje lha mo'o/ /lha yi sgra sogs de bzhin gzhan/ /sgra sogs pa yi lha mo 'dod/ /de ltar yon tan khyad par gyis//rnal 'byor pa yi sems nyid med/ /de mig rnams la de bzhin gzhan/ /lha mo'i rigs ni grangs med pa'o/ /sgyu ma'i de nyid 'dir gsal bar/ /mdor bsdus nas ni bstan pa yin/ /slob dpon la ni bsnyen bkur bas/ /rgyas pa de ni shes par bya//re mig mthar ni byung ba dang / /yi ge rnam par rtog bsgom pa/ /de ni med cing 'di ni med/ /rkyen gyi don ni 'ba' zhig go/ /'on kyang thams cad mkhyen bgrod pa/ /med par de ni dmigs mi 'gyur/ /de ltar yang gsungs pa bdag gi ci zhes bya ba la sogs pa go sla'o/ /bcom ldan 'das kyi rgyud thams cad du/dkyil 'khor gyi 'khor lo'i bsgom pa la sogs sngon du 'gro bas yang dag par rdzogs pa'i byang chub bsgrub pa ma yin nam/ de 'dir ji ltar sangs rgyas gar mkhan gyi bsam gyis mi khyab pa yin te de nyid bstan pa'i phyir/ /lha'i zhes bya ba la sogs pa gsungs te/ 'dir thams cad sems kyi rnam 'phrul lo zhes pa ni sgom pa la sogs 'di dag thams cad nyes sems kyi rnam par rtog pa tsam du rab tu 'grub po//sems gcig pu nyid sna tshogs pa rnam pa'i sgom pa la dmigs pa lha'i gzugs snang ba tsam mo/ /des ni bya ba'i rgyud la sogs pa rnams su gsungs pa de dag ni sems kyi rnam 'phrul rnams so//de yang gsungs pa/ sgom pa sems dang sems 'byung ba/ /'khrul bas sgrub pa po ni rmongs/ /sgom pa nyid kyis rtag tu grol/ /gang phyir rtog pa rnams 'ching byed/ /rtog pa bden par 'gyur ma yin/ /sems dang sems las byung ba gzhan/ /sems kyang der ni yod min na/ / sems las byung ba smos ci dgos/ /sems kyi thog med bag chags kyi/ /rtog pa las ni lus byung ste/ /lus la sems ni gnas pa yin/ /'di dag sgyu ma ru ni gsungs/ /de bzhin bsgom pa la sogs ni/ /de lta bur ni yongs su brtag /sangs rgyas sku ru skye bar 'gyur/ /de phyir sangs rgyas 'di sgyu ma/ /sngon gyi bag chags las nyid kyis//sems can rnams ni de de bzhin/ /gzhan las sangs rgyas 'byung ba min/ /sems can nyid kyang sems can min/ /rnam par rtog pas rnam rtog 'byung / /de bzhin sangs rgyas nyid shes bya/ /sangs rgyas min bden pa ru 'dod/ /'on kyang sems can de sgyu ma/ /ji srid khams gsum gnas kyi bar//de srid sangs rgyas sgyu ma yang / /snying rje'i rkyen gyis bzhugs pa yin/ /de kun de nyid nyams dga' gnas/ /bcu drug pa yi char mi phod/ /sems dang sems byung sangs rgyas kyis/ /dngos po ru ni gdod nas bstan/ /de ltar gnyi ga mi bden par/ /de phyir bsam mi khyab sangs rgyas/ /gar mkhan gyi ni sgyu ma nyid//ces pa ni sems sgom pa la sogs pa'i nges pa'o/ /de bzhin du sems can rnams gzhug pa'i don du'o/ /sems can zhes bya ba la sogs pa gsungs te/ bdag gis zhes pa ni shAkya thub pa bdag gis so/ /rgyud du zhes pa ni kha sbyor 'di la sogs pa rnams so/ /sems can zhes pa ni de rnams la phan gdags pa'i don du'o//gang gi phyir sngon nas rigs gcig pa'i dngos po 'od gsal ba'i ye shes ni rdo rje sems dpa' zhes pa de nyid rtog pa'i dbang gis rigs mtha' yas te/ sems can grangs med pa'i phyir ro/ /des na mdor bsdus na/ rigs ni rnam pa lnga zhes pa ni rnam par snang mdzad la sogs pa'o/ / bshad ces pa ni sngon du gsungs pa'i rigs pas rigs gcig go/ /stong pa'i rdo rje can zhes pa ni stong pa nyid kyi ye shes rdo rje bsam du med gnyis med pa'i rang gi ngo bo yongs su shes pa'i phyir zhes dgongs so/ /da ni 'jig rten pa dang 'jig rten las 'das pa la sogs pa'i sgom pa skyed pa dang rdzogs pa'i rim pa sgrub pa thabs sna tshogs pa'i man ngag bstan pa'i phyir/rdo rje snying po zhes bya ba la sogs pa gsungs te/ gsol ba zhes pa ni ci gsol zhe na/ 'di zhus pa'o/ /bshad du gsol zhes bya ba la sogs pa ni bcom ldan 'das la zhus pa'o/ /dgyes pa chen po zhes pa ni zab mo longs spyod rdzogs pa'i sku'o//de yang ji ltar longs spyod rdzogs pa dang / lhan cig skyes pa'i sku dag ro gcig par 'gyur bas chos dang longs spyod rdzogs pa'i sku 'bras bu'i rang bzhin no/ /des na zab mor gsungs so/ /de ltar 'jig rten las 'das pa'i kun rdzob kyi phyogs la rgyu dang 'bras bu'i bdag nyid kyi chos su 'grub bo//don dam par ni rgyu dang 'bras bu dag 'gog pa yod de mi bden pa'i phyir ro/ /de bzhin du gtso bo zhes pa ni ye shes kyi bdag nyid do/ /de ltar gtso bo sprul pa'i sku bcom ldan 'das la 'di zhus pa ste/ gang gis zhes pa nas cho ga zhes pa'i mthar thug pa'o//'dis ni de lta bu'i sgrub pa po'i sems can 'grub pa'o/ /gang gis zhes pa ni dngos po'i rnam pas so/ /de bshad du gsol zhes pa de'i tshe bcom ldan 'das kyis bka' stsal pa zhes pa la sogs pa ni de bzhin gshegs pa'i lan gyi tshig go//de bzhin du dang po zhes bya ba la sogs pa ni 'dir rnal 'byor pa rnams kyi mthun pa'i chos kyi rjes su 'brangs pa rnams kyis bsgom pa 'di bya'o/ /gang gi phyir thog ma med pa nas 'jig rten gyi chos bum pa dang ras dang shing rta sogs pa rnams la sems 'jug go/ /des na de dag thog ma med pa'i bag chags kyi rgyun gyis 'jug pa 'di'i tshe bskal pa bzang po 'di la rnam par gzigs la sogs pa'i de bzhin gshegs pa rnams kyis chos ston pa mdzad cing shAkya thub pas kyang zab mo'i chos bstan to//de'i phyir yang zab mo'i chos ston to/ /de bzhin du yang dang po zhes pa ni rdzogs ldan gyi dus su'o//byams pa bsgom par bya zhes pa ni de la 'jug pa'o/ /der gnyis par zhes pa ni gsum ldan la snying rje'o/ /gsum pa zhes pa ni gnyis ldan la dga' ba'o/ /kun gyi mthar ni zhes pa ni dus gsum gyi mthar rtsod pa'i dus su btang snyoms bsgom pa ni de la 'jug pa'o//de bzhin du rnal 'byor pa rnams kyis kyang bsgom pa'i dus su bya zhes pa ni nges pa'o/ /de bzhin du dang po sgom pa'i dus sems kyi mtha' dag rdzogs par byas te/ langs pa'i gnas skabs su rang gi don dang gzhan gyi don la brtson pa des ni 'bras bu yang dag par rdzogs pa thob ste/sems dang sems las byung ba'i dngos po'i phyir ro/ /de yang byams pa ni shin tu brtse ba'i bdag nyid de/ de'i tshe dang po'i sangs rgyas byams pa'i bdag nyid kyi rang bzhin skye'o/ /des na rdzogs ldan gyi dus kyi sems can rnams phan tshun byams pa'i rang bzhin du 'gyur ro//des na 'bras kyi 'bru la sogs pa yang dag par rdzogs par 'gyur ro/ /de'i phyir rang bzhin gyis byams pa grub ste/ dper na skyes bu 'ga' zhig lta ba drug pa dang bral ba rmongs te yon tan med kyang de'i tshe sems can rnams la phan pa byed de rang bzhin gyis brtse ba'i phyir ro//de bzhin du sangs rgyas dang byang chub sems dpa' rnams kyis bsam gyis mi khyab pa'i byams pa'i rang bzhin gyi grub pa des na dang por byams pa bstan te/ rtsod pa'i dus su yang sgra tsam gyis mngon du byed de rdzogs ldan gyi dus su ni sgra tsam ma yin no//de bzhin du gsum ldan gyi dus su chos kyi cha gcig dang bral te/ sems can rnams drag po'i blo dang ldan pas de'i tshe rang bzhin gyis snying rje'i rang bzhin grub ste sngon la ltos pas sangs rgyas rnams bsgom pa'i dus su yang bgegs bskrad pa'i phyir khro bo'i ting nge 'dzin la dmigs pa ni rmi lam gyi gnas skabs nyid du 'gyur ro//de'i tshe snying rje'i rang bzhin de yang sangs rgyas dang byang chub sems dpa' rnams kyis rtsod pa'i dus su gsung gi yi ge bstan pas sems can rnams snying rje la dmigs so zhes pa ni nges pa'o/ /de bzhin du gnyis ldan gyi dus su chos kyi cha gnyis med de/de bzhin du sangs rgyas rnams kyis sngon du bsgom pa'i dus su bdag dang gzhan gyi gnas su bsrung ba'i 'khor lo sogs pa bsam pas cung zad sems rtse gcig pas sngon gyi dngos po dang bral te/ des na rab tu dga' ba'i yid kyis shin tu nyal ba'i gnas skabs su 'gyur ro//des na gnyis ldan gyi dus su sems can rnams dga' ba'i yid kyis rang bzhin gyis rab tu dga' ba grub po/ /de bzhin du rtsod pa'i dus su bsgom pa'i dus su yang bcom ldan 'das kyis gsung tsam gyis bstan pa de la de skad ces bya'o/ /de bzhin du rtsod pa'i dus su chos kyi cha gsum med de/sngon du sangs rgyas rnams kyi bsgom pa'i dus su rang bzhin gyis dag pa'i phyir oM swa b+hA wa shud+d+haHzhes pa'i tshigs bcad brjod pas sems dngos po dang dngos po med pa dang bral lo/ /des na rtsod pa'i dus kyi sems can rnams blo chung ba 'khor ba dang mya ngan las 'das pa'i blo dang bral ba ste/ji ltar bsgom pa'i dus su yid brtan pa de ltar dngos po rnams la yid brtan pa'i dngos po rnams nyung zhing 'bras kyi 'bru la sogs pa nyung ba'o/ /des na btang snyoms kyi rang bzhin no/ /de yang sems can rnams phan tshun rgyu dang 'bras bu rnams la btang snyoms su mi byed de/de'i tshe bcom ldan 'das shAkya thub pas 'jig rten gyi chos brgyad rnams la mi 'jug par bya ba'i phyir btang snyoms bstan to/ /de bzhin du rdzogs ldan la sogs pa rnams kyi tshe rnams kyi tshe rnams kyang 'phel ba dang 'bri ba'o/ /da ltar tshangs pa'i gnas rnams bsgom pa'i phyir ro//dus 'dir yang gsal ba nyid du bya'o/ /slar yang de ltar dus so so re re la rnam par bzhag pa de bzhin du bsgom pa'i dus su yang rtag tu nyi ma re re bya'o/ /de ltar yang gsungs pa sngon du sangs rgyas la bskrun pas/ sems ni nyan thos rnam pa'o/ / rdzogs ldan byams pa'i rang bzhin te/ phan tshun sems can rnams ni 'jug /gsum ldan snying rje'i rang bzhin gyis/ /khro la brtan pa'i cha ni bri/ /sems can bgegs la gsod par byed/ /des na rang sangs rgyas su 'gyur/ /gnyis ldan gnas sogs bsrung ba ste/ /sems ni rtse gcig bsgom pa yis//sems can de rnams cha ni bri/ /rab tu dga' ba bsgom pas ni/ /theg pa chen po de sangs rgyas/ /btang snyoms kun gyi mtha' mar yang / /cha gsum bri ba des sangs rgyas/ /dag pa chos kyi bsgom pa ni/ /sngags kyi theg chen de sgrub cing //rdzogs ldan gsum ldan gnyis ldan la/ /de ltar thams cad bya ba nyid/ /rtsod dus lha yi sgrub thabs so/ /ma yis thams cad 'joms pa ste/ gti mug la sogs sdig 'byung ba/ /sems can thams cad dbang byas te/ /'tsho ba'i tshe ni bslu bar bya/ /e ni dbang po thams cad de//shin tu tshim pa yis ni gzhom/ /nyan thos spyod pa bskyang ba'i phyir/ /dbang phyug nyid ni rtag tu 'byung / /thams cad skrag par mi byed de/ /srog chags rnams kyi dngos po rnams/ /bskyang ba dang ni thar par 'gyur/ /de ltar dri ba'i mtshan nyid do/ /I/ 'di dag bu ni rtag tu bya/ /sangs rgyas 'di 'dra rgyu ni nyid/ /sdug bsngal la sogs de bzhin du/ /bden pa bzhi yi mtshan nyid rnams/ /ka ni las rnams byed pa nyid/ /gong du 'dzin pa skye ba yi/ /rgyu dang 'bras bu zhen pa'i phyir/ /grangs las 'das pa sems ni nyid/ /ru/ der ni gnyis ka yod min te//rnal 'byor zhi ba'i don 'ba' zhig /sems dang bral yang ru byed de/ /'dod chags 'ba' zhig gis ni btsos/ /Na/ bya ba rnam pa gnyis ni 'joms/ /nyan thos rang sangs rgyas de bzhin/ /sems can rnams la phan byed pa/ /theg pa chen po 'joms par byed/ / mu ni sdud pa nyid yin te/ /dga' ba'i bde ba yi ni rgyud/ /de nyid du ni grol byed pa/ /rnam par 'dres rtogs pha rol 'gro/ /de nyid phyed chas sad byas pas/ /ye shes bdud rtsi 'dus pa'i phyir/ /sems dang sems las byung ba spangs/ /'di yi shing rta la ni zhon/ /tA/ ji srid mkha' yi mtha' klas pa//de srid sangs rgyas nyid byed pa'o/ /gzhan gyi bya ba rnams byed pa/ /srid pa'i rgya mtsho las ni grol/ /u/ glo bur ba ni 'byung ba kun/ /lus kyi rgyu ba spangs pa ni/ /des ni de yi rang bzhin 'gro/ /rnal 'byor pa ni sangs rgyas rtse/ /be/ de nyid bdud rtsi lta bu nyid/ /bdud rtsi mya ngan 'das pa nyid//bla ma'i bka' yang bdud rtsi ste/ /tshe zad pa yang 'tsho ba'o/ /k+Sha ni dngos po zad pa ste/ /sems kyi rnams rmongs thams cad nyid/ /sems ni zad pa'i rgyu yis na/ /de nyid rnam par rtog pa'ang zad/ /da ni 'dra ba'i chos nyid kyi phyir/ sgom pa po'i stong pa nyid kyi byang chub kyi mtshan nyid brjod de/slar yang zhes bya ba la sogs pa la/ /slar yang zhes pa ni 'dir sangs rgyas rnams bsgom pa'i dus su oM su bi shud+d+haHzhes bya ba la sogs pa'i tshigs bcad kyi rjes thogs su/ oM shU n+ya tA zhes bya ba la sogs pa'i sngags brjod de/ 'dir khams gsum pa mtha' dag stong par dmigs so//des na byang chub ni chos kyi sku'i mtshan nyid de/ de de bzhin du rtsod pa'i dus kyi mthar thams cad stong par 'gyur te/ 'jig rten gyi tha snyad kyi dngos po nyid do/ /de'i phyir des rang bzhin stong pa nyid du 'grub po/ /dus der sems can dbyibs chung ngu'i bdag nyid can rnams phan tshun stong pa'i sems su 'gyur te sngon gyi bag chags kyi dbang gis so//de bzhin du gnyis pa la ni stong pa nyid kyis sgom pa lags so/ /sa bon bsdu zhes pa ni byang chub kyi tshogs kyi rgyus sems tsam la lhag par gnas pa'o//sems can rnams la yang rang bzhin gyis sems la so sor rtogs par 'gyur te/ dang po'i ting nge 'dzin la dmigs pa'i phyir ro/ /de bzhin du gsum pa la ni zhes pa ni bsgom pa'i sems tsam las so/ /gzugs sogs zhes pa ni gzhal yas khang la gzugs la sogs pa mtha' dag sems kyis mngon du byed cing rdzogs pa'i rgyur zhes pa ste nges pa'o//sems can rnams la yang rmi lam bzhin rgyu dang 'bras bu rnams la sems bskyed par 'gyur ba de la de skad ces bya'o/ /de bzhin du yang bzhi pa la ni zhes pa ni de ltar sems bskyed cing bsgoms pa'i rnal 'byor pa rnams kyi rang la yid ches pas rang gis lus kyi dbyibs nam mkha' bzhin du blta ste yi ge dgod pa'i gzugs dmigs pas gsal bar 'gyur te 'di ni ngag gi ming zhes dgongs so//sems can rnams la yang lus kyi dngos po las ngag gsal ba nyid du 'gyur te/sngon la ltos pa'i rang gi 'du shes kyis 'dzin pa'i phyir ro/ /de'i phyir mdun du ra zhes bya ba la sogs pa gsungs pa ste/ de ltar de'i dus su rnal 'byor pa de rnams kyi sems nyid rjes su chags pas ra'i rkyen du 'gyur ro//des na ra las nyi ma ye shes 'od gsal ba'i gzugs brnyan sems nyid nyi ma'i rnam par snang ngo / /mdun du zhes pa ni rang gi lus la ltos pa'i mdun du snang ba'o/ /bsgom zhes pa ni rjes su 'jug pa'o/ /de ltar yang 'dir nyi ma der zhes pa ni sgyu ma'i rnam pa'i nyi ma'o//hUM byung zhes pa ni sems kyang 'dod chags kyis dkris pa de nyid gcig gi rnam pa'o/ /des na hUM gi rkyen gyis bdag nyid zhu zhing der thim pa nyid kyis 'bras bu'i dbang gis rgyu nyams te sa bon dang myu gu bzhin no/ /des na de'i bdag nyid sna tshogs rdo rje zhes pa ni de bzhin du sems gcig nyid ye shes lnga'i bdag nyid do//rdo rje yang snying po'i gzugs te khyad par can gyi shes rab kyi mtshan nyid chos kyi 'byung gnas rten bzhin no/ /de'i phyir de nyid kyis ni zhes bya ba la sogs pa gsungs te/ sna tshogs rdo rje las 'od zer rnams spros pa'o/ /sems kyang sna tshogs pa'i rnam par snang ste/smig rgyu'i dra ba bzhin mthong bas yid ches pas brdzun pa bsgom pa la zhen pa'i phyir ro/ /de ltar de rnams rdo rje ste rgyu dang rkyen mang po'i don gyi rdo rje'o/ /de yis bsgom par bya ba ni 'jug par bya'o/ /ra ba dang ni dra ba zhes pa ni sngon du bya ba ste/ ji ltar chos rnams thams cad kyi sngon du snga nas chos kyi dbyings kyi rnam pa de bzhin du bya ba zhes pa ni ra ba'o//de bzhin du dra ba ni kun nas sngon du sprul pa'i skus sems can sna tshogs pa rnams sangs rgyas kyi phun sum tshogs pa'i phyir byang chub bskyed pa'o/ /rigs sna tshogs kyi dbang gi chos kyi sku la sogs pa de rnams kyang grangs med pa'o//des na rdo rje'i gur nye bar gnas par 'gyur zhes dgongs so/ /cho ga ni bzhin zhes pa ni cho ga 'dis sems can rnams kyi rgyu dang 'bras bu gsungs pa/ 'dir yang slar la rdzogs ldan gyi dus 'byung bar 'gyur te/ de'i dus su byams pa yang dag par rdzogs par sangs rgyas te/sngon byams pa'i gnas sgom pa'i phyir ro/ /de yang 'dod chags kyi rkyen gyis de bzhin du 'dir dus der bsod nams kyi dbang gis sems can rnams la sangs rgyas rnams snang ba'i phyir mthong ngo / /de la bsnyen bkur byas pa'i phyir nyi ma dang hUM las sku bzhin du'o//de ltar sna tshogs rdo rje las 'od zer 'phro ba de bzhin du sems can sna tshogs pa dri ma med pa nyid kyis gcig la gcig rtse ba dang bcas pas spyod pa'i ngang tshul can no/ /des na rdo rje bzhin mi phyed pa'i mtshan nyid kyi phyir zhes pa ni dri ba la sogs par blta'o//de ltar rtsig pa rten te rang nyid dang gzhan bla ma dang bral ba yang ye shes snang bar 'gyur zhing byang chub kyi lam du nye bar 'gro'o/ /des na gur bcings zhes pa ni bcom ldan 'das kyi nges pa'o/ /de bzhin du dang por ro zhes bya ba la sogs pa ni 'dir dang por zhes pa nye bar btags pa tsam mo//'on kyang rnal 'byor pa rnams kyi 'khrul pa spangs pa bsgom pa nyid kyi ye shes so/ /ro ni bsgom par bya zhes pa ni sems brtan pa'i dngos po'o/ /mar las mar bzhin rkyen gyi sna tshogs rdo rje dang gur ra ba dang / sangs rgyas kyi rang bzhin rnams kyi dbus su e'i rnam pa'i chos kyi 'byung gnas kyi gzugs bsams pa'o//de nyid kyis ni sangs rgyas dag pa'i yon tan gyis bdag nyid de rnams rang bzhin gyi sku chos kyi dbyings kyi bdag nyid mkhas pas zhes pa'i rkyen no/ /de'i phyir ro ni dag pa'i sems chos kyi sku'i rang bzhin las rang bzhin nyid 'phro ba dang de dag ro gcig pa'i gzugs ni ro'o//ji ltar lus dang sems dag 'chi ba'i gnas skabs kyi dus su sems can rnams kyi ril po gcig tu 'gyur te sna tshogs dang bral bas so/ /de bzhin du 'dir yang de la de skad ces bya'o//de'i steng rnal 'byor pa 'dug ste zhes pa ni 'dir so so'i skye bo'i gnas skabs su rnal 'byor pa zhes pa ni las dang po ba sgom pa po dbang po rtul po gnyis med pa mngon sum du byed mi nus pa ste/ phyi'i yul rnams la dbang po rnams longs spyod cing chags pa'i phyir ro//de'i phyir kun rdzob kyi phyogs la de'i steng du zhes pa chos kyi 'byung gnas la sogs par btags pa'i gzugs can la gnas kyi don dam pa la gnas pa ni ma yin no/ /'on kyang don dam par khams gsum pa ro'i rnam par mi rtog pa de'i dngos po yang chos kyi dbyings kyi bdag nyid do//chos kyi dbyings nyid ni rtag pa'i rang bzhin te/ des na mi g.yo ba'i ting nge 'dzin gyis de'i steng du gnas pa ni rnal 'byor pa'o zhes sbyar ro/ /de ltar dus rnams kyi go rims bzhin/he ru ka nyid rnam par bsgom zhes pa ni 'dir rdzogs ldan gyi dus su sems can thams cad skal pa phun sum tshogs pa ni sngon du sgom pa'i dus su b+ha ga mthong ba'i phyir ro/ /de bzhin du yang grub pa'i rnal 'byor pa'i rang bzhin gyis de'i steng du 'dug ste/ nang du ting nge 'dzin la snyoms par 'jug pa'i phyir ro/ /de yang / rnal 'byor ldan pa skye bar 'gyur/ /zhes gsungs pa'i phyir ro zhes pa ste nges pa'o/ /de ltar mdor bsdus te gsungs pa dus dang dus la yang dang yang rtogs par bya'o/ /de bzhin du rab tu sbyor ba yang shes rab dang ldan pa rnams kyis rtogs par bya'o//de'i phyir he ru ka'i ye shes kyi phyir yang he ru ka la sogs pa'i bsgom pa la sogs par dam bca'o/ /de ltar shes rab kyi dngos po bsgom par bstan nas de bzhin du thabs kyi dngos po bstan pa'i phyir/ rang gi zhes bya ba la sogs pa gsungs te/'dir rang gi snying gar zhes pa ni rang gi sems chos kyi dbyings kyi rang bzhin no/ /de'i bsgom par bya ba ni snying rje'i rkyen gyis rjes su 'jug pa'o/ /de yang re ba zhes pa'i ming gis kun gzhi rnam par shes pa dngos po rnams kyi rgyu mi byed pa'o/ /de yang rtag bzhin pa zhu ba las te/de byung nyi ma zhes pa ni gzugs snang ba tsam sems nyid de'i rnam pa nyid kyi phyir nyi ma'i dkyil 'khor sngon bzhin no/ /de steng zhes pa ni de bzhin du chags pa'i ye shes las chags pa dang bral ba'i ye shes 'byung ngo / /de yang hUM zhes bya ba ni zhes pa la hUM gi cha byad ni ming tsam mo//de ltar yang 'dod chags dang bral ba dag 'dres par 'gyur ba'o/ /de nas shes rab dang thabs kyi bdag nyid ces pa ni stong pa dang snying rje dbyer med pa'o/ /de la yid ches kha dog nag po zhes bya ba la sogs pa ni khro bo rdo rje zhe sdang ting nge 'dzin ye shes kyi rang bzhin bskyed pa de'i tshe/hUM las tha mal pa'i zhe sdang zad pa chags bral lo/ /des na yang zhe sdang chen po'i rang bzhin gyis rdo rje'o/ /des na nag po'o/ /'jigs pa chen po zhes pa ni/ sngon gyi zhe sdang gi bag chags sdud pa'i gzugs 'bar ba'i rdo rjer lnga'i bdag nyid nam mkha' lnga mchog gi gzugs des 'gro ba lnga 'gog pa ste de la de skad ces bya'o//slar yang rdo rje lte ba'i dbus gnas pa/ /zhes pa ni mi'i ming can dbus kyi ra'o/ /hUM de nyid ces pa ni rdo rje sems dpa'i rang bzhin gyi ngo bo rang gi rang bzhin du bsgom par bya zhes pa ni nye bar mtshon par bya zhes pa'i don to/ / de ltar de ni yongs su shes pa ni rdo rje dang hUM sems dpa' dang rdo rje'am rdo rje sems dpar gyur zhes pa ni 'gro ba lnga rdo rje sems dpa' dang lhan cig gcig tu byas par blta'o/ /zhe sdang bdag nyid ces pa ni rgyu dang 'bras bu lhan cig pa gcig gi dngos po mi bskyod pa'i ming can he ru ka zhal gcig phyag gnyis pa'i sku sems can thams cad dang lhan cig pa bsdus pa'i gzugs so//bsgom par bya zhes pa ni lus lhar bya zhes pa'i don to/ /de yang rdo rje lus te dpa' bo che zhes pa ni 'gro ba lnga yang rdo rje la gnas pa'i phyir te/ gang gi phyir chos rnams thams cad kyi rang bzhin chos kyi sku'o//de yang mi phyed pas rdo rje sems dpa' nyid de/ de las bla mar gyur ba 'byung ba chen po'i bdag nyid kyis so/ /des na rtse lnga dang bcas par lnga'i bdag nyid rdo rje de nyid 'gro ba lnga zhes pa'i don to/ /tshul 'dis rdo rje las skyes pa'i hUM sems dpa'i gzugs mi phyed pa ni rdo rje'o//rtag pa'i rang bzhin nyid kyi mi bzad pa'i phyir dpa' bo'o/ /slar yang 'dam skyes sngon po zhes pa ni khu byug sgra'o/ /lta bu zhes pa ni kha dog de dang 'dra ba ste nam mkha'i mtshan nyid kyi phyir ro/ /khams ni kha'i rkyen no//de yang bdag dang bdag gi dang bral ba ma 'khrul pa nyams su myong ba nyid do/ /yang na don yang rtogs pa'o/ /des na cung zad dmar snang ba/ /zhes pa ni ji srid nam mkha'i mthar thug par 'gro ba'i don byed pa'i phyir sngon po'i rang bzhin cung zad dmar bar snang bar 'dod pa gang yin pa'o//sngon po cung zad dmar bar snang ba 'di ni chos dang longs spyod rdzogs pa zhes pa'i don to/ /dad pas nges par bsgom par bya/ /zhes pa ni 'dir dus kyi go rims bzhin rang nyid 'grub ste/ rang gi ngo bo la yongs su rtogs pas so//'on kyang dad pas bems po nyid kyi de rnams lta ba gzhan rnams la 'jug go/ /de bzhin du sngon du sangs rgyas dang byang chub sems dpa' rnams kyi bsgom pa la chags pa'i bdag nyid des na de bzhin gshegs pa dad pa sngon du 'gro bas chos ston to//nges par zhes pa ni gdon mi za bar zhes pa'i don to/ /da ni rtsod pa'i dus 'ba' zhig gis rnam par gzhag pa der mchod pa'i rim gro bstan pa'i phyir/ /nam mkhar zhes bya ba la sogs pa gsungs te/ nam mkha' zhes pa ni rtsod pa'i dus ni nam mkha'i rang bzhin no//tshes dang nam mkha'i rang bzhin no/ /sems can yang de'i rang bzhin de'i tshe de'i bdag nyid kyis nam mkha' rje btsun zhes pa ni bdag nyid sgrub pa'i dus su rdzogs ldan gyi dus sa'i khams kyi rang bzhin te/ rang gi lus las nyid nyams par 'gyur ro//de bzhin du gsum ldan dang gnyis ldan ni chu dang me'i rang bzhin te/ rang gi lus la bsgom pa'i dus su chu dang me nyams par 'gyur ro/ /des na rtsod pa'i dus ni rlung dang rnam par shes pa'i rang bzhin no/ /des na nam mkha'i ming du 'gyur te/rang gi lus kyi khams rnams gsal ba nyid du 'gyur ro/ /des na bcom pa'i rang bzhin nyid kyi phyir rje btsun sems kyi dngos po gsal ba'i gzugs dmigs pa ni lta ba ste/ bsgom par bya ba dang sgom pa po dag chu'i zla ba bzhin snang ba'o/ / ci'i phyir zhe na/ rdo rje las skyes zhes gsungs te/ /des na sngon nyid du bshad zin to/ /brtse ba chen po zhes pa ni snying rje chen po'i bdag nyid kyi sems kyi sprul pa'i sku 'dzin pa dus phyis bstan pa'i phyir/ 'dis mchod par bya zhes bya ba la sogs pa gsungs te/ 'dir mchod pa'i tshig ni bla na med pa'i ye shes bdag gir byed pa'i phan tshun lus kyi dngos po ste/gau rI ma la sogs pa'i lha mo brgyad kyis so/ /de yang rnam par shes pa rnam par brgyad kyi dngos po dang chos mthun pa'i phyir zhes dgongs so/ /rgyan thams cad 'dzin pa'i lha mo zhes pa ni rnal 'byor ma rang rang rnams kyi rang bzhin khams kyi khyad par gyis brgyan pa ste/khams re re la khams thams cad kyis khyab pa nyid kyis na dngos po'i rgyan te/ gzhan yang rgyan nyid ni rang gi bde ba 'dzin pa'i phyir zhes so/ /de yang gau rI la sogs pa rnams te/des gau rI'i zhes bya ba ni 'gro ba'i ngang tshul can gyi byang chub sems kyi rang bzhin de la brten pa'i bde ba'o/ /ri dgas kyis mtshan zhes pa ni ji ltar ri bong gi rgyas btab pa'i zla ba de bzhin du bde bas rgyas btab pa khu ba de nyid 'dzin pa'o/ /gang gi rnam par shes pas de 'gro ba la brtson pa'i phyir gau rI zhes sbyar ro//de ci ltar mo rtags yin zhe na/ rang bzhin gyi dbang gis te sems nyid kyi bden pa sgyu ma'i rnam pa des ni gau rI'o/ /de ltar sgra nye bar 'gro ba zhes so/ /de bzhin du tsau rI zhes pa ni g.yo ba'i yid kyis khrag gi khams kyi rang bzhin chags pa chen po des na de nyid 'gog pa'i mtshan nyid do//nyi ma'i snod ces pa ni de nyi ma'i 'od zer rnams te bde ba rtogs pa'i phyir ro/ /ji ltar nyi ma 'char ba'i dus su yang pad+ma kha zum pa kha bye ba de bzhin du chags pa chen po ma sad pa'i rang bzhin gyi ye shes kyi 'od zer gyi bag chags kyis sad par byed pa de nyid kyi rang gi yan lag can zhes pa'i don to//de bzhin du be tA lI zhes pa ni byang chub sems kyi rgyun thag pa bzhin brtan pa'i ming sems dang sems las byung ba'i dngos po rang bzhin gyi ngo bo'o/ / chu zhes pa ni 'ju ba'i dngos po de'i rang bzhin 'og dang steng du 'gro ba des 'dzin pa dag gzhan ma yin pa mi bskyod pa'i bde ba mi g.yo ba zhes pa'i don to/ /'on kyang sems nyid rgyal ba'i gnas skabs skyes pa des mngon du byed par thal ba min pa ni ro langs mo'o//de bzhin du g+hasma rI zhes pa ni sman 'dzin pa ltar rnam par snang mdzad kyi khams 'dzin pa de'i tha mal pa'i dri 'gog pas zos pas phyir lha'i dri 'dzin to/ /de bzhin du dri chu la yang ngo / /g+hasma rI zhes pa ni 'du byed kyi ye shes la 'gro ba mi dran pa'i lha'i ye shes kyi dri 'dzin pa'i phyir zhes dgongs so//de bzhin du puk+ka sI ni dri'i phyag ces pa ni 'dir khu ba dang khrag dang dri chu dang dri chen gyi khams rnams zad pa'i phyir/ sha'i khams su mi 'gyur te ro gcig pa'i phyir ro/ /dri zhes pa ni bla na med pa'i dri 'dzin pa'o/ /de yang / khams rnams thams cad zad byed de//sna tshogs gzhan yang nam mkhar song / /mkha' la ka shi'i me tog bzhin/ /rtag tu 'khor bar gnas pa'i phyir/ /de nyid kyis ni dri nam mkha' khyab par byed de gnas pa med pa yang de lta bur shes par bya'o/ /de'i phyir ro 'dzin sha ba rI/ /zhes pa ni ro yang nam mkha'i khams kyi mtshan nyid do//des na de'i bdag nyid kyi ro'i dngos po sems kyi rnam pa ro bzhin du shes par bya'o/ /sha ba rI zhes pa ni dbugs kyang ro'i rang bzhin ltar rgyu bas khams sna tshogs pa rgyu ba des 'gog pa de thams cad kyang nam mkha'i mtshan nyid du za ba de la de skad ces bya'o//de bzhin du tsaN+Da lI ni cang te'u brdung / /zhes pa ni 'dir rnam pa drug tu rnam par gzhag pa gsungs pa ste/ de rnams me'i khams kyis skal pa nye bar mtshon pas a'i yi ge phyed pa nyid kyis rlung dang rnam par shes pa tha dad pa'i gzugs su 'gyur te/ des na rab tu 'bar te/gtum mo'i gzugs kyi phyir ro/ /de ci zhe na/ A li zhes par shes par bya'o/ /de'i tshe mi shigs pa'i sgra skyes pa'o/ /des na rgyun mi 'chad par brdungs pa'o/ /cang te'u zhes pa la/ Da ni nam mkhar 'gro bar byed pa'o/ /nam mkha' yang de bzhin du mi 'chi ba'i phyir ro//mkha' 'gro ma thams cad de la brten pa nyid kyis na lha'i sgra byed de/ kaM gi rkyen gyi don bstan pa'i phyir ro/ /de nyid kyis na g.yung mos rang gi lus la 'khyud par gsungs so/ /de yang srog gi rlung rdo rje lta bu ste/ khams rnam pa bdun gyi nang du 'dus te/chos rnams la goms pa nyid kyis na de'i go 'phang thob pa'o/ /'khyud pa nyid ni med de gzhan du 'khyud pas bstan pa ni bstan pa tsam du byung ba de la de skad ces bya'o/ /mchod pa'i cho ga zhes bya ba la sogs pa ni de ltar yang sngon du gsungs pa te/ mchod pa zhes pa ni rang la yid ches pa rtogs par bya'o//cho ga zhes pa ni gsungs pa gang ngo / /rgyas pa zhes pa ni 'dir mdor bsdus pa'i khams bdun gyis so/ /rgyas par ni khams sna tshogs par yongs su shes pa'i phyir gzhan du rnyed sla bas des na 'dir ma gsungs te/ de rnams kyis mchod de/de yang yang dag par nyams su myong ba'i mtshan nyid kyis so/ /gtso bo zhes pa ni longs spyod rdzogs pa'i sku dngos su rang gi lus la yid ches pas ji srid yid ches pa med pa byed kyi bar du bla na med pa'i mchod pa de la de skad ces bya'o/ /de nas zhes bya ba la sogs pa la de ltar tshig ces pa ni mchod pa'i tshig go//rnam grol zhes pa ni lus dang lus gnyis med pa'i dngos po gnyis dang bral ba'i lta ba ste sngon bzhin du rigs pa las so/ /de'i phyir/ chos kun bdag nyid bsgom par bya/ /zhes pa ni chos kyi sku'i mtshan nyid du 'gyur ro/ /de ltar rtsod pa'i dus ni chos kyi skur rnam par gzhag go//rdzogs ldan gyi dus su ni sprul pa'i sku'o/ /de bzhin du gsum ldan ni longs spyod rdzogs pa'i sku'o/ /gnyis ldan ni lhan cig skyes pa'i sku'o/ /de ltar rtsod pa'i dus la gnas pa'i rnal 'byor pa rnams ni chos rnams thams cad kyi rang bzhin te/ de bzhin du slar yang sprul pa'i sku gzung ba'i phyir bskyed pa'i rim pa gsungs pa/A li'i zla bas zhes pa la sogs pa ni 'dir sngon du byams pa la sogs pa'i ting nge 'dzin la gnas pa nyid kyis dang po'i smon lam rdzogs par bya ba'i phyir rang gi sems nyid las dngos po rnams 'byung bar 'gyur te/ de yang thams cad sems kyi rnam 'phrul zhes bcom ldan 'das kyis gsungs pa'i phyir ro//de ltar yang 'di'i yi ge'i don brjod de/ A lis zla ba zhes pa ni A la sogs pa'i yi ge bcu drug yongs su gyur pa ni zla ba'o/ /de bzhin du kA lis nyi zhes pa ni ka la sogs pa ha'i mthar thug pa'i yi ge yongs su gyur pa ni nyi ma'o//de ltar me long lta bu dang mnyam pa nyid kyi ye shes kyi rang bzhin dag gam mtshan dang dpe byad kyi rang bzhin de dag gi dbus su'o/ /sa bon zhes pa ni hUM zhes pa so sor rtog pa'i ye shes kyi rang bzhin no/ /de ltar bsam par bya zhes pa ni sngon gyi rnam par rtog pa'ang shes par bya'o//yang nges pa'i don ni A lis 'jug pa'i rang bzhin te 'ong ba'i mtshan nyid kyi phyir zla ba'o/ /de bzhin du kA lis 'gro ba'i rang bzhin te 'gro ba'i mtshan nyid kyi phyir nyi ma'o/ /de dag sngon du 'grog pas sems la brten pa'i hUM gi sa bon no//de yang rang gi rang bzhin rmi lam bzhin du lta'o/ /de nyid kyis na de nyid sems dpa' zhes bya ba la sogs pa gsungs te/ de nyid ces pa ni hUM sems kyi sa bon no/ /sems pa zhes pa ni rnam par shes pa'i mtshan nyid de sems can thams cad kyi brtan pa dang g.yo ba rnams la khyab par byed pa nyid kyis sems pa'o//brjod ces pa ni ye shes dang shes bya dag dbyer med pa'i mtshan nyid kyi phyir ro/ /yang na brjod ces pa ni yid tshim par byed pa'i phyir ro/ /de nyid kyis na de nyid mchog tu dga' ba'i rang bzhin zhes pa ni sad pa'i gnas skabs las rmi lam gyi gnas skabs shes par byed do//bzhi pa'i gnas skabs gzung bas bkug pa'i chos kyi sku nyid nyal ba'i gnas skabs sgrub par byed pa'o/ /de la rmi lam gyi gnas skabs kyang longs spyod rdzogs pa'i sku'i mtshan nyid du rig par bya de'i phyir yang sprul pa'i sku bzhi pa las 'das par bsgrub par bya zhes dgongs so//des na rang lus zhes bya ba la sogs pa ni mi 'dor bzhin du yang rnam par shes pa'i 'od zer rnams 'gro ba'o/ /rang lus las zhes pa ni rnal 'byor pa rnams kyi rdo rje'i lus las mi dmigs pa'i phyir nam mkha' las glog 'byung ba de bzhin du 'od zer rnams spro ba'o//slar yang snying gar bsdus bkug nas/ /zhes pa ni 'od zer de rnams ni mar me'i rtse mo bzhin nang du thim par gyur pa gsal snang bzhin mthong ba med pa'i mtshan nyid kyi phyir yod pa'o/ /des na rnal 'byor zhes pa ni dmigs pa med pa'i sems so//zhe sdang bdag nyid 'gyur zhes pa ni dngos po dang dngos po med pa'i mi bskyod pa'i khams kyi rang bzhin no/ /'gyur zhes pa ni de ltar zhes pa'i don to/ /des na snying gar zhes pa ni gnyis med pa'i ye shes nyid kyis gcig tu byas pa'i phyir/de ltar nam mkha'i dbyings zhes bya ba la sogs pa la rtsod pa'i dus kyi rkyen gyis 'byung ba ni rdzogs ldan no/ /ci'i phyir zhe na/ bsam gyis mi khyab pa'i longs spyod rdzogs pa dang / sprul pa dag las bzhi pa las 'das pa'i khyad par gyi ye shes kyi sku skyed par byed pas so//nam mkha'i dbyings zhes pa ni mi bskyod pa phra mo chos kyi dbyings kyi rang bzhin phyag rgya chen po nyid kyi chos kyi 'byung gnas kyi gzugs dmigs pas shes rab kyi pha rol tu phyin pa gong na med pa thog ma dang dbus dang mtha' mar gnas pa rtag pa zhes pa'i don to/ / de yis yid ches pa'i bdag nyid phyi'i las kyi phyag rgya rnams kyi gzugs so/ /de nyid kyi las kyi phyag rgya dang 'dus pas phyag rgya chen po mthong ngo zhes so/ /des na phul du byung ba'i 'dod chags kyi pha rol tu phyin pa'i ye shes thob kyi/ nyan thos la sogs pas yongs su brtags pa'i shes rab kyi pha rol tu phyin pa'i ye shes ni ma yin snyam du dgongs so//des na dbus gnas par/ nyi ma'i dkyil 'khor bsam par bya/ /zhes pa ni 'dod chags kyi pha rol tu phyin pa'i gsal ba'i dngos por 'gyur te/ gang gis sems can thams cad kyis bsam gyis mi khyab pa'i ye shes thob par 'gyur ba'o//des na der zhes pa ni rgyu de na rnal 'byor sgom pa byed pa ste/ lhan cig skyes pa'i he ru ka zhal gcig phyag gnyis zhes dgongs so/ /de nyid gsungs pa/ der ni hUM zhes bya ba la sogs pa la/ hUM ni sngon du rdo rje lte ba'i dbus su bstan pa ste/dngos po de las kyang sems gsal ba nyid du 'gyur ro/ /de'i phyir de las kyang / skyes pa sngon po cung zad dmar 'dra bar/ /zhes pa nyid du bstan zin to/ /rgyan thams cad kyis klubs pa zhes pa ni rang nyid sangs rgyas kyi yon tan rnams kyis brgyan zhing bya ba rnams kyis brgyan te/rang bzhin gyis rnam par dag pa'i chos nyid kyi rang gi bag chags rnams kyis rdzogs ldan gyi dus su sangs rgyas kyi yon tan rnams kyis brgyan pa'i sems can rnams 'byung ste/ sngon gyi bsgoms pa'i rkyen gyis so/ / de bzhin du phyag gnyis zhes pa ni de'i dus su gnyis kyis dngos po med de des na de 'dzin pa de la de skad ces bya'o/ /zhal gcig ces pa ni mya ngan las 'das pa 'ba' zhig la mngon par phyogs pa'o/ /de bzhin du spyan gsum zhes pa ni theg pa gsum la mngon par phyogs par 'gyur ba'o//de bzhin du/ skra ni ser po gyen brdzes dang / /zhes pa ni ldem po sna tshogs pa nyid kyis sngags kyi theg pa chen po gcig tu mthar phyin pa'o/ /des na dang ni nges par gzung ba'o/ /de bzhin du gdugs ltar zhes pa ni srid pa gsum sdud cing za ba la sogs pa'i lta ba'o//brgyad gnyis lo'i tshad ces pa ni lo'i bcu drug ste/ gzugs khams bcu drug gi lha'i gnas rnams kyi tshe ru yongs su brtag pa'o/ /rdzogs ldan gyi dus der mngon shes dang ldan pa lhun gyis grub pa 'byung ba'i sems can rnams gcig la gcig mthong ba'i stobs kyis nus pa skyes te/gang gi phyir thams cad nyid yongs su dag pa'i rang bzhin gyi phyir zhes pa ste nges pa'o/ /de bzhin du yang 'jigs byed zhabs kyis mnan zhes pa ni mya ngan las 'das pa dam pa gcig gi mtshan nyid mnan te/ de'i rang bzhin gyis na 'bras bu'i dbang gis 'byung bar 'gyur ba de la de skad ces bya'o//des na phyag g.yon pa ni kha T+waM ga zhes pa ni chos thams cad kyi rnam pa kun gyi mchog dang ldan pa stong pa nyid dang mtshan ma med pa ston par byed par dgongs so/ /thod pa yang ni bsnams pa ste/ /zhes pa ni sangs rgyas kyang thod pa'i ming can te/ rang rig pa'i rigs so/ /de yang brdzun pa dang bdag tu 'dzin pa spangs pa'o/ /g.yon na zhes pa ni song ba'i don ston pa'o/ /de bzhin du/ g.yon du rdo rje nag po bsnams/ /zhes pa ni de'i dus su byung ba'i sems can thams cad kyi rang gi rang bzhin mthong bas te/ rdo rje zhes pa ni sgom pa la gnas pa nyid kyi sems so//nag po zhes pa ni snying rje'o/ /de ltar mthong bas sad pa de'i skad cig gnyis la mya ngan las 'das pa nye bar 'gro ste/ gzhan du ni ma yin no/ /de bzhin du yang hUM zhes pa la sogs pa la 'don pa'i bdag ces pa ni de ltar rnal 'byor pa rnams kyi bsgom pa dang bral ba'i dus su rang bzhin sna tshogs pa spangs pa'i phyir hUM zhes pa 'don pa ni dngos po thams cad spangs pa 'ba' zhig gi sems tsam de la de skad ces bya'o//gtso bo dur khrod du ni rol/ /zhes pa ni dbugs gnas pas na dur khrod do/ /'dir yang / sha /ro yi yon tan dbugs de rnams/ /ma/ /yid kyis 'khrul pa rgyas pa nyid/ /sha /bags kyis des rnams rdzogs ldan gyi/ /na/ /dus su mi yi mchog ni 'gro/ /de yi phyir ni rol pa thabs/ /dus 'di ru ni sems kyis sprul/ /de nyid rol mo der mgon po/ /sems can rnams kyi sems zhugs pa'o//yang na/ dbugs dbyung zhes pa'i rigs 'di yis/ /dur khrod ces su brjod pa'i yin/ /'di'i don brjod de/ shwa /rang gi pad+ma'i snod la ste/ /snying gar gsang ba lnga la ni/ /sbyor ba yi ni gnas skabs lnga/ /zad pa'i mtshams su rim gyis 'byung //sa/ ro langs rnams ni rgyu ba ste/ /'og /du ma la sogs shi ba brgyad/ /de bzhin lce brgyad shes par bya/ /rtsa brgyad nyid ni 'bar byed pa'o/ tI /me gnon po yis rab gdungs pas/ /gnas mtshams su ni des na dpa'/ /gang gi keng rus yang 'dis 'byung //mi rtog dga' ba ngo mtshar ba'o/ /t+ya ni gar byed dpa' bo ste/ /mig la sogs pa'i dbang po rnams/ /bsreg la sogs pa'i gnas brten te/ /rang lus rig pa'i bde ba'i bdag /n+ya ni rjes su gzung ba'i don/ /mnyes pa yang ni shes rab phyir/ /'dir ni rnam shes brgyad po nyid//skrag pas bdag gi rtag tu gsad/ /ya/ der ni gang su rung mkha' 'gro/ /sna tshogs rtsar ni yongs brtags phyir/ /'jigs pa'i sgra ni sgrogs pas za/ /yid can rnams kyi rang 'dod pa'o/ /yu/ rnal 'byor pa ni lang tsho'i tshogs/ /de yi dbus su 'ongs nas ni//gzhan gyi lus la rol par byed/ /nus pa yi ni rang bzhin mchog /kA ni rnam gsum shes bya ste/ /bya rog bya bzhin 'ug pa rnams/ /gang ci'ang rung ba'i sems spangs pa'i/ /sha ni de rnams thams cad za/ /sha//stan la 'gyel ba'i ro rnams ni//khu ba btung bas rgyal ba'o/ /ma/ tsheg tsheg ces 'bar dbus su ni/ /thod pa can ni nges par gzung / /sha /phyogs kyi gos can rnal 'byor ma/ /ro yi rnam pas gar byed do/ /blo ldan gzung dang 'dzin pa yi/ /chang ni phan tshun 'thung bar byed/ /na/ shi ba khyer bzhin pa yi ni//sems ni rnal 'byor ma sdug pa'o/ /zad byed kyis ni mes bsregs nas/ /mkha' spyod nyid du nges par 'gro/ /t+ya /lha lnga la sogs rol mo rnams/ /mi shigs rnal 'byor brgyud pa'o/ /sdud pa'i rnal 'byor sngon 'gro bas/ /phung po'i bud shing tsam yang ngo //b+hi /zhig pa'i lus las skyes pa yi/ /rnam shes lus ni thams cad 'gro/ /lan bdun 'khor ba'i khams rnams kyi/ /des ni nyi ma bdun par brtags/ /d+hi /lha yi mngon shes sngon 'gro bas/ /brtan pa nyid ni yang dag 'thob/ /byang chub brgyud pas bag chags ni//'dir ni slar yang sdud par byed/ /ya/ sems kyi bag chags bzang po yis/ /'dir ni gshin rje skyong bar byed/ /zab mo'i chos ni bstan thos pas/ /chu bo chen po'i pha rol 'gro/ /te/ de rnams yang ni skyes nas su/ /srid pa'i rgya mtsho brtse bzhin pas/ / sems can rnams kyi lus brtan te/ /thams cad du ni skyob par byed/ /de bzhin du lha mo brgyad ces pa ni/ gau rI la sogs pas bskor te rol ba'o/ /ci'i phyir zhe na/ gau rI gzugs kyi phung por 'gyur/ /chom rkun ma ni tshor bar brjod/ /ro langs ma ni 'du shes nyid/ /de bzhin za phod ma 'du byed//rnam shes phung po'i rang bzhin ni/ /bcom ldan 'das su yongs su brtags/ /puk+ka sI ni sa nyid de/ /ri khrod chu yi khams su brtags/ /gtum mo me ru shes par bya/ /g.yung mo rlung du rab tu brtags/ /bdag med nam mkha'i khams su'o//de ltar khams rnams dang mnyam pas/ /sangs rgyas 'byung ba brjod mi lang / /'gro ba'i gnyen gyi rang bzhin gyis/ /'gro ba'i gtso bo rol par 'gyur/ /de ltar zhes bya ba la sogs pa ni sngon du gsungs pa'i mtshan nyid do/ /bsgom par bya zhes pa ni/ dbang po rtul po'i rnal 'byor pas so/ /rnal 'byor kun gyi bdud rtsi mchog /ces pa ni/ 'bring dang chen po la sogs pa rnal 'byor thams cad kyi nang nas las dang po ba dang po slob ma rnams kyi rnal 'byor mchog bdud rtsi dang 'dra ba bdud rtsi bzhin thams cad la khyab par byed pa po mi zad par byed pa'i phyir bdud rtsi lta bu mi 'jigs pa sangs rgyas kyi mdzad pa zhes pa'i don to//des na mchog ni gnyis med pa'i dngos por mi 'dod pa'o/ /de ltar rtsod pa dang rdzogs ldan gyi nges pa'o/ /'on kyang rtsod pa'i dus su yang gal te dbang po 'bring dang chen po'i rnal 'byor par 'gyur ba de'i tshe 'di nyid la rang nyid kyi dngos grub mngon du byed pa'o//de lta mod kyi rnam pa dang bcas pa'i sgom pa lhag par mos pas so zhes pa ni nges pa'o/ /da ni gsum ldan gyi nges par brjod pa bstan pa'i phyir/ de nyid ces bya ba la sogs pa gsungs te/ de nyid ces pa ni sngon du gsungs pa'i phyag rgya gnyis pa'i he ru ka rnal 'byor pa de nyid bcom ldan 'das te bsgom pa gsal bas bcom ldan 'das kyi skur grub pa'o//des na rnal 'byor pa zhes pa ni sgyu ma'i rnam pa gnyis kyis sna tshogs kyi don byed pa'i phyir sems can grangs med pa rnams snying rje'i sgo nas lus gsum ldan las 'byung bar 'gyur te/de rnams kyis sangs rgyas rnyed pa'i phyir/ rdo rje sems dpa' de bzhin gshegs/ /zhes gsungs te/ longs spyod rdzogs pa'i sku'i bdag nyid he ru ka'i gzugs sngon nas dmigs par nges pa'o/ /des na rdo rje ni dbyer med pa'i ye shes kyi bdag nyid kyi rnal 'byor pa zad par ma gyur pa'o//sems dpa' ni rigs te de rnams la rigs gcig gis khyab par byed pa nyid kyis ni gcig tu 'gyur ro/ /yang sems dpa' zhes pa ni dus bzhi'i nang du thim pa rtag pa'i gzugs des grub pa'i sna tshogs la khyab par byed pa chos kyi sku dbyer mi phyed pa'i rdo rje ste/de nyid rtag pa'i gzugs chos thams cad kyi gzhir gyur pas sems dpa'o/ /yang na rdo rje sems dpa' de bzhin gshegs pa rnal 'byor pa las gzhan dngos po med ces pa'i don to/ / des na khro bo zhes bya ba la sogs pa gsungs te/ 'dir bsgom pa'i dus su yang rang bzhin gyis snying rje ba des na gsum ldan gyi sems can yang cung zad khro bo'i gzugs can yin pa des na de rnams gdul ba'i don du'o/ /khro bo'i gzugs ni 'dzin pa'i mchog /ces pa ni snying rje chen po las/khro bo chen po'i dngos po mngon du gnas/ /zhes pa ni khyad par ro/ /de bzhin du phyag bzhi zhes bya ba la sogs pa ni go sla'o/ /g.yon du zhes bya ba la sogs pa la/ thod pa ni sems can thams cad kyi sems te/ de yang sangs rgyas so/ /'on kyang chos rnams thams cad gsog go//sngon du yang byang chub sems dpa'i gnas skabs kyi dus su dge ba'am mi dge ba gang yang byas pa de spangs pa'o/ /des na thod pa'i mtshan mas sems can rnams sad par byed pa'o/ /lha dang lha min gyi khrag gis gang ba'i thod pa zhes pa ni gsum ldan gyi dus der lha dang lha ma yin rtsod par 'gyur te/chags pa'i nyes pas so/ /de rnams kyis thod pa mthong ba'i phyir rang gi sems dran par 'gyur ro/ /de las byung ba'i chags pa'i sems de nyid dang bral te/ de ltar ma rungs pa'i sems dang chags pa dag par rnam par bcom pa'i phyir khyad par can du 'gyur ro zhes dgongs so//de bzhin du g.yas su zhes pa ni zhe sdang 'jigs par byed pa'i rdo rje'o/ /de yang 'bar ba'i bzhin te 'bar ba'i gzugs so/ /gang gi phyir zhe sdang gi me ni ye shes kyi mes 'joms pa de la de skad ces bya'o/ /de bzhin du gzhan zhes bya ba la sogs pa la phag mo bcom ldan gzugs can zhes pa ni 'dir shes rab ni shes bya'i rnam pa'o//des ni sems can rnams la yang dag pa'i shes bya'i blo nye bar 'gro ba ste/ ji ltar bdag de ltar sems can/ /zhes pa'o/ /des na bcom ldan 'das kyi gzugs can te/sems can thams cad de'i bdag nyid du bya zhes pa'o/ /bsgom par zhes pa ni rjes su 'jug par bya'o/ /bya zhes pa ni de ltar gsungs zhes pa'i don to/ /da ni gnyis ldan gyi nye bar spyod pa bstan pa'i phyir dang po zhes bya ba la sogs pa gsungs te/ /stong nyid ces pa ni chos kyi sku'i rang bzhin lhan cig skyed pa dang longs spyod rdzogs pa gnyis las byung ba 'dres pa'i chos gnyis ldan gyi dus su stong pa chos kyi sku'i ming can du sngon du gsungs te/des na dam tshig sems dpa' bsgoms pas dngos grub tu 'gyur ba'am/ stong pa nyid tsam bsgoms pas so//de nyid kyi lte ba'i cha med pa la zhes pa ni dam tshig sems dpa' de'i snying gi 'dab ma brgyad kyi lte ba'i dbus su ye shes kyi rang bzhin gyi yi ge a ste/ de yongs su gyur pa las zla ba'i dkyil 'khor ro/ /rtsa g.yon pa'i srog rgyu ba'i dus su a ba d+hU tI la/ / dmigs pas srog thams cad 'gag par 'gyur te rtsa thams cad kyi gcig pa nyid kyis srogs dang lhan cig ri bong can 'ongs nas a ba d+hU tI'i dbus su gnas pa de'i tshe dkyil 'khor gyi ming du brjod de/ de'i dbus su gnas pa'i hUM ye shes kyi ming can rang rig pa'i ye shes zhes pa'i don to/de la yang sngon du gsungs pa'i dam tshig sems dpa' phyag bzhi pa'o/ /snying gar ye shes sems dpa' de dang 'dra ba zhal gsum phyag drug pa spyan gsum pa zhal g.yon dmar po g.yas dkar po cung zad dmar bar snang ba zhal dbus ma sngon po sngon du gsungs pa'i khams gsum pa'i bdag nyid kyi ro mnan pa/phyag rnams pha rol tu phyin pa rnam par dag pa'o/ /phyag g.yon pa'i dang po la rtse gsum/ gnyis pa na dril bu/ /de bzhin du phyag g.yas kyi dang po na rdo rje/ /gnyis pa na gri gug go/ /lhag ma phyag gnyis kyis shes rab ma rdo rje lu gu rgyud ma bcom ldan 'das kyi gzugs can ma la 'khyud pa ste/de'i g.yas dang g.yon na gri gug dang thod pa'o/ /zhal gsum yang chags pa chen po dang zhe sdang chen po dang gti mug chen po'o/ /de yang gnyis ldan gyi dus kyi gti mug chen po las lhan cig skyes pa dang longs spyod rdzogs pa dang chos kyi sku'i mtshan nyid sems can bsam pa sna tshogs pa rnams te/de yang gtso bo zhal gsum phyag drug pa'i don bstan pa'o/ /da ni slar yang rnal 'byor ma'i rgyud kyi ming can zab cing rgya che ba'i mchog gi rdo rje sems dpa' sgom pa sngon du 'gro bas dkyil 'khor gyi 'khor lo brjod de/de ru zhes bya ba la sogs pa la/ der zhes pa ni pad+ma'i lte ba'i dbus su hUM bsgoms pa zhes pa'i don to/ /de ltar sems kyi sa bon ye shes kyi rnam pa ni me long gi gzugs brnyan bzhin rang bzhin gyis dri ma med par snang ste/ ji ltar chu dang ba'i nang du nya skye ba de bzhin du sems gsal ba las sems las byung ba hUM gi rnam pa bsal ba rkyen gyis bdag nyid rgyu dang 'bras bu'i phyir ro//de bzhin du bsgom par bya zhes pa ni pad+ma'i lte bar A li dang kA li kha sbyor gyi dbus su hUM las rdo rje de'i lte bar hUM gi 'od zer rnam pa lnga nam mkha'i ngos su 'phros te/'od zer de rnams kyis lha'i tshogs bkug la sa bon de nyid du bsdu bar bya'o/ /de ltar mtha' dag yongs su gyur pa las bdag nyid lha'i gzugs su blta ste/ zhal gsum zhes bya ba la sogs pa ni go sla'o/ /'di ni drang ba'i don to//slar yang nges pa'i don gsungs pa 'dir gnyis ldan las rtsod dus sprul pa'i sku bstan pa'i phyir de nyid dus dus su 'byung bar 'gyur ro/ /de yang sngon bsgoms pa goms pa dang sngon du gsungs pa'i tshul gyis te/ des na sangs rgyas rnams mngal du rim gyis 'jug par brjod do//'dis ni pad+ma 'dab ma brgyad par zhes pa ma'i skyes gnas su'o/ /de'i rang bzhin gyi kha dog ni rang bzhin gyi phyag rgya lhan cig skyes pa'i rnal 'byor ma dkar mo'i bsam gtan la rtag tu chags pa'o/ /de yang rnam pa brgyad de 'di lta ste/ zhing brgyad du ni rtsa ni brgyad//rtsa brgyad kyi ni sna ni gnas/ /de nyid ri bong can rab rdzogs/ /rtag tu mi 'dzag par ni gnas/ /gsang ba'i snyoms par 'jug pa 'dis/ /dkar po'i bsam gtan yang dag spyod/ /rtsa ni re re yi ni grangs/ /rnal 'byor dus su brjod pa yin/ /des na rnam pa brgyad yin te//skad cig kyang ni rnam pa brgyad/ /de ni thun ni brgyad po nyid/ /dus bsdu ba ni sngon 'gro ba'o/ /dus rnams kyang ni gza' brgyad de/ /de rnams bsdus pa nag po nyid/ /de ltar bsam gtan chags de yang / /shes rab pha rol phyin pa nyid/ /des na sprul pa'i dngos por 'gyur//sangs rgyas rnams kyi yum sgyu ma/ /bden pa ma yin brdzun ma yin/ /rnal 'byor ma ni mchog rmad 'byung / /de'i zla ba zhes pa ni pad+ma'i rigs can gyi b+ha ga bzang mor dgongs so/ /de bzhin du der ni zhes bya ba la sogs pa la/ de'i zhes pa ni sngon du bstan te/de bzhin du sngon gyi mtshan nyid kyis de bzhin gshegs pa rnams kyi 'byung ba dang 'byung ba las gyur pa ni bsam gtan du 'dus pa'i phyir/ sgyu ma nyid sgyu ma chen po sngon du gsungs pas sems can rnams la snying rje'i dbang gis mi 'dod bzhin du 'dod pa rnams 'byung ba'o//de'i phyir bsam gtan gyi stobs kyis bsgrubs pa'i rnal 'byor gyi sems de la de skad ces bya'o/ /de ltar bsgom par bya zhes pa ni rjes su 'jug pa'o/ /rjes su 'jug pa de ci zhe na/ gsungs pa sems dang sems las byung ba 'dir 'gyur te/ der pha dang ma yang dag par sbyor ba'i phyir hUM zhes pa ni dri za nye bar 'khor gyi sems can gyi ming can no//bsgom par bya zhes pa ni der gnas pa'o/ /de yang lha'i gzugs zhes pa ni pha dang ma yang dag par sbyor bas rang rigs pa'i ye shes te/ bsrub pa dang bsrubs pa las kun gzhi rnam par shes pa 'jug pa de dang lhan cig ro mnyam par gyur pa'o//de yang zhal gsum pa zhes pa ni khrag dang khu ba dag gi dbus su dang po nag po zhes pa rlung dang rnam par shes pa'i rang bzhin kun gzhi rnam par shes pa'o/ /de bzhin du g.yas dkar po ni khu ba'o/ /zhi ba zhes pa ni rang rig pa'i bdag nyid do//g.yon dmar ba lta bu zhes pa ni khrag gi khams so/ /de bzhin du spyan gsum zhes pa ni zhal gsum la spyan dgu'o/ /de yang rtsa dgu skyes pa'i dus su sa dgu mngon du byed pa'i phyir ro/ /mdzes pa'i gzugs zhes pa ni sa bcu pa chos kyi sprin no//de ltar yang de rnams la srogs la sogs pa'i rlung sum cu 'byung ba de la de skad ces bya'o/ /de'i phyir phyag drug ces pa ni lus la khams drug rdzogs pa'o/ /de ltar yang gsungs pa/ ma las gyur pa rnam pa gsum/ /de bzhin pha las gyur pa gsum//sbubs drug gi ni gong bu 'di/ /lus kyi khams su btags pa yin/ /de nyid bstan pa/ pags pa sha dang de bzhin khrag /ma yi g.yon gyi phyag ni gsum/ /de bzhin rus pa tshil rgyus pa/ /pha yi g.yas kyi phyag ni gsum/ /rgyan rnams kun ni rab tu rdzogs//zhes pa ni sangs rgyas kyi yon tan rnams kyis brgyan pa'o/ /'on kyang sa bcu gcig pa kun tu 'od sangs rgyas kyi sa ste des brgyan pa'o/ /de yang / sngon du gsungs pa'i mnyam nyid gzugs/ /zhes bya ba la sogs pa las rtogs par bya'o/ /thod pa'i gdan zhes pa ni chos rnams thams cad kyi de bzhin nyid yang dag pa'i mtha' gnyis med pa'i rnam pa'o//des na thod pa'i gdan no/ /de ltar yang gsungs pa/ /ka ni gang na yang chos med do/ /pA ni ye shes me yis rtag tu bsregs/ /la/ rnyed dang ma rnyed rnam par spangs/ /sa/ lhan cig skyes rnams ngo bo yis/ /na/ mi ni sprul pa'i gzugs can te/ /saM/ /dar ni rdzogs sangs rgyas bzhugs so/ /s+thi/ mngon par byang chub mtshan nyid bzhugs/ /ta/ de ru chos ni rtag tu rigs/ /de mngon tshig nyid mtshon par bya/ /sa/ dngos po thams cad brtags nas ni/ /rbA/ bag chags bzang po sngon 'gro ba//laM/ /snang ba tsam la dmigs pa ni/ /byang chub sngon 'gro'i rgyu phyir ro/ /ra/ ro bzhin ches rnams thams cad la/ /saM/ yang dag ye shes rtogs byed pa'o/ /pU/ rdzogs pa'i zla ba bzhin du blta/ /r+Na/ gzhan las ma yin 'od gsal 'byung / /de ltar mngal na brten pa yi//rol mo bdag gi don spangs nyid/ /bde gshegs rnams kyi byang chub rim/ /bag chags de nyid byis rnams la/ /'khor bar sdug bsngal byed pa'o/ /de bzhin byang chub sems dpa' rnams/ /mi 'dod sems can bya ba rnams/ /mkha' dang mnyam pa nyid ni 'byung //sangs rgyas de rnams rtag tu bzhugs/ /mi smra dbang po rnams ni thul/ /de bzhin bshang dang zhes bya ba la sogs pa'i sangs rgyas sgyu ma'i skyes bu lta bu de rnams la bshang ba dang gci ba dang khu ba dang khrag 'bab par mi 'gyur ro/ /des na gang ba'i thod pa phyag na bsnams//zhes pa ni khams bzhi po a ba d+hU tI'i nang du 'bab ste/ sngon goms pa'i phyir ro/ /de nyid kyis na mda' gzhu zhes bya ba la sogs pa gsungs te/ gzhu zhes pa ni srog gi rtsa ra sa nA'o/ /de'i rgyud ni thur sel gyi rtsal la nA'o/ /de dag rnam par 'dzin pa'i phyir a ba d+hU tI mdas thig le 'ben la bsnun no//de'i tshe rdo rje dril bu zhes pa ni mi shigs pa'i sgra tsam rang rig pa dbyer med pa'i ye shes thob pa thams cad du 'dzin pa de la de skad ces bya'o/ /de ltar yang dang po rdo rje 'bar ba zhes pa ni drang don du phyag g.yas na rdo rje bsnams pa'o/ / nges pa'i don du dang po goms pa'i dus su gtum mo'i rnal 'byor ba'i phyir zhes dgongs so/ /'dir gsungs pa/ gzhu ni g.yas kyi srog yin te/ /de bzhin ra sa nA yi rgyud/ /thur sel la la nA 'gog nyid/ /de dag gnyis ni 'dzin pa 'ben/ /a ba d+hU tI'i mda' nyid do//thig le rdzogs pa rna ltag mtha'/ /'ben dang 'ben ni med par gzhig /dril bu'i sgra ni des bshad de/ /rgyud btang ba ni sgra tsam 'di/ /des na mi shigs sus ni 'di/ /sangs rgyas mchog tu mi 'gyur ba'o/ /goms pa'i sbyor ba zhes pas ni/ /de nas khams ni bzhir rgyu'o//de bzhin rnal 'byor 'di yang bstan/ /lte ba'i dbus kyi me thab tu/ /rdo rje me ni mngon ldang ste/ /rkan gyi bu ga ru ni 'gro/ /de ru khams rnams bsregs nas ni/ /gzhan yang thal ba lta bur gnas/ /de rnams 'tsho bar 'byung ba ni/ /ro ni nam mkha'i ming can te/ / de yang ye shes bdud rtsir brjod/ /byang chub sems ni bde chen po/ /lte ba'i rtsa ba ru ni lang / /phyag rgya bzang mo'i phyir rgyal nyid/ /chu shing snying po zhes bya ba/ /phyag rgya med cing khams kyang med/ /sems kyi sbyor ba 'di dag ni/ /mig 'phrul lta bu'i bya ba'o//de bzhin gshegs sangs rgyas dpa' bos/ /byang chub sems ni sa bon bsgrubs/ /de bzhin du mdung rtse gsum zhes pa ni mi shes pa gsum zad pa'i phyir ro/ /de bzhin du shes rab 'khyud ces pa ni khrag dang khu ba'i rang bzhin phyag gnyis po de la brten pa de yang khrag ni snying rje chen po'o//de bzhin du khu ba ni chags pa chen po'o/ /rang bzhin gnyis med cing gnyis med pa'i dngos po 'dzin pa'i phyir ro/ /de nyid kyis na dpal ldan zhes pa ni dpal gyi sgra ni mi bzad pa'i dngos po ste/ nam yang 'jigs par mi 'gyur ro/ /ldan zhes pa ni de lta bu dang ldan zhes pa'i don to//ral pa zhes pa la sogs pa ni bems po'i 'jig rten 'khor lo can du bya ba dang / sems can gya gyu can bcing ba'i phyir ral ba'i thor tshugs can te/ gang gi phyir dang po'i sems can sangs rgyas par bya ba'i phyir cod pan gyis brgyan pa'o/ / de'i phyir sangs rgyas zhes bya ba la sogs pa ni sems kyi 'od zer gyis sems can gyi don bya ba'i phyir/ /mngal du gnas nas kyang sngon gyi bag chags kyi dbang gis bems po ma yin pa'i khams 'di gsal bar spro ba'o/ /ci'i phyir zhe na/ gang du byang chub sems dpa' rnams 'od gsal ba'i ting nge 'dzin la nyal ba bzhin gnas mod/'on kyang rmi lam bzhin sad pa'i gnas skabs mi 'dor ro/ /de ltar yang gsungs pa/ 'od gsal la gnas sangs rgyas rnams/ /shin tu gnyid log ting 'dzin gyis/ /'on kyang sad pa'i gnas skabs ni/ /'dir ni rmi lam bzhin mi 'dor//ji ltar sems dang sems byung rnams/ /rnam par brtags na mi dmigs te/ /de ltar der ni yid ches te/ /mun pa la ni mar me bzhin/ /de la sogs pa mtha' yas nyid/ /sangs rgyas rnams kyi rgyu ru ni/ /rgyu dang 'bras bu phyir mi 'grol/ / thams cad rgyu nyid gzhan du min/ /de nyid kyis na b+ha ga yi/ /zhes bya ba la sogs pa gsungs te/ der ni bdag nyid bsgom par bya/ /zhes pa ni gnas der mgo dang lag pa dang rkang pa dang sor mo la sogs pa rnams gsal bar skye'o/ /de'i phyir/ b+ha ga'i dbus su sgrub pa po/ /zhes pa ni 'dir sgrub pa po rang gi sems zhes bya ba la sogs pa'i sgrib pa las grol ba'o//de yang mngal du sems bskyed pa'i dus su a ba d+hU tI'i dbus su blo chung ba ni b+ha ga'i dbus su zhes pa'i ming du 'gyur ro/ /ci'i phyir b+ha ga zhe na/ gru gsum nyid kyis te gang gi phyir lus dang ngag dang sems nang du 'dus pa de'i phyir b+ha ga zhes bya'o//de'i dbus su zhes pa ni/ rang rig pa'i bde ba nyid kyis bsgrub po zhes pa dang 'brel to/ /gang gi phyir bsgrub bya dang sgrub pa po dang sgrub thabs rnams bsgrub bya'i rigs gcig tu thal bar yid ches pa de la de skad ces bya'o/ / da ni drang ba'i don gyi phyir dkyil 'khor pa rnams kyi cho ga gsungs te/ b+ha ga zhes bya ba la sogs pa la/ b+ha ga'i dbus su zhes pa ni chos kyi 'byung gnas kyi khang pa brtsegs ma'i dbus su lha'i gzugs bsgom par bya zhes pa'i don to/ /sgrub pa po zhes pa ni bcom ldan 'das kyis rdo rje snying po la bos pa ste/gang gi phyir rdo rje snying po ni rnam par shes pa'i mtshan nyid de rang gi sems nyid sgrub pa po zhes dgongs so/ /lha dang zhes bya ba la sogs pa ni de'i phyir gnas 'dir phyag rgya zhes pa ni phyag rgya chen po'i rang bzhin lha mo'i 'khor lo'o/ /bsgom par bya zhes pa ni gsal ba nyid du rang byin gyis brlabs pa las nye bar mtshon par bya'o//lha dang lhan cig mtshungs pa zhes pa ni rnal 'byor ma dang rang snang gi thabs de rnams dang lhan cig gnas pa'i ngang tshul de'o/ /de bzhin du bcom ldan 'das rdo rje 'chang chen po yang rang snang ba'i shes rab dang ldan pa de'i gzugs kyi rang bzhin zhes dgongs so//de bzhin du 'dab ma zhes bya ba la sogs pa la/ 'dab ma brgyad la rnal 'byor ma brgyad bri zhes pa ni dmigs par bya'o/ /de bzhin du dbyug to zhes pa ni rtse mo na tho ba'i rnam pa'i rdo rje cung zad 'og phyogs dbyug pa'i rnam pa chang gzungs dang ldan pa'o//de bzhin du ba dan gsum zhes pa ni mthe bos mthe'u chung mnan te sor mo lhag ma rnams mdung gi rnam pa lta bu nyid do/ /gzhan thams cad ni go sla'o/ /'on kyang rnal 'byor ma brgyad po 'di rnams kyi ming dam pa ji ltar rab tu byed pa gsum pa'i mthar 'khrugs su gsungs pa/'dir yang rdo rje drag mo la sogs pa brgyad brjod de/ de la shar gyi 'dab mar rdo rje drag mo'o/ /lhor rdo rje lus so/ /nub tu rdo rje chags ma'o/ /byang du rdo rje zhi ba mo'o/ /de bzhin du me'i mtshams su rdo rje gnod sbyin ma'o/ / bden bral du rdo rje mkha' 'gro ma'o/ /rlung du sgra rdo rje ma'o/ /dbang ldan du sa rdo rje ma'o/ /de ltar lha mo rnams kyi thod pa zhes bya ba la sogs pa gdan dang kha dog dang zhal dang phyag dang mtshan ma rnams ni go sla'o/ /de bzhin du rol mo sna tshogs zhes pa ni byed pa sum cu rtsa drug tu brjod pa klu dkyugs sna tshogs pas mdzes pa'i rol mo'o//de yang sbubs dang rgyu dang sil snyan dang rnga sbubs so/ /de bzhin du gsang ba'i dkyil 'khor du zhes pa ni snying gi dkyil 'khor du mi shigs pa zhes pa dus kyi pho nya sum cu rtsa drug pad+ma'i sna lam lta bu'i rtsa'i sgra'i dbang gis grong la sogs pa'i klu dkyugs so//de yang rol mo de rnams kyang 'chad bzhin pa'i thun mtshams bzhi'i rtsa thams cad kyi rjes su 'gro ba de la de skad ces bya'o/ /de bzhin du sgo skyong lha mo zhes bya ba la sogs pa'i sgo bzhi rnams su re re yang dag par bri zhes pa ni bsam par bya'o/ de ltar rdo rje lcags kyu zhes bya ba la sogs pa ni go sla'o/ /da ni dkyil 'khor 'di rnams kyi rim pa bzhin nges pa'i don gsungs te/ der ni zhes bya ba la sogs pa la/ phyag rgya zhes pa ni rnal 'byor gyi phyag rgya'o/ /de gang zhe na 'dir gzugs kyi phung po la sogs pa rgyas btab pas na phyag rgya'o//de yang gzugs kyi phung po ni rdo rje drag mo'o/ /tshor ba'i phung po ni rdo rje lus ma'o/ /de bzhin du 'du shes kyi phung po ni rdo rje chags ma'o/ /'du byed kyi phung po ni rdo rje zhi ba ma'o/ /rnam par shes pa'i phung po ni rdo rje sems dpa'o/ /de bzhin du sa'i khams ni rdo rje gnod sbyin ma'o//chu'i khams ni rdo rje mkha' 'gro ma'o/ /de bzhin du me'i khams ni sgra rdo rje ma'o/ /rlung gi khams ni sa rdo rje ma'o/ /de bzhin du nam mkha'i khams ni rang 'od kyi shes rab ma'o/ /de bzhin du sgo srung bzhi ni las kyi dbang po lnga bskyed pa'o/ /de ltar bcom ldan 'das sa bcu gnyis kyi bdag nyid do//snying por bcom ldan 'das rang nyid rdo rje 'dzin chen po'i sa ste/ sngon du gsungs pa'i rtsa'i rang bzhin gyi 'khor lor bshad pa'i rtsa bcu gnyis kyi nang du 'dus pa'i rdo rje lta bu'i srog gis ting nge 'dzin la snyom par zhugs pa'i phyir ro/ /des na sngon gyi rgyun gyis 'dir yang mngal du de'i rang bzhin du 'gyur ro//de bzhin du bsgom par bya zhes pa ni rjes su 'jug pa'o/ /lha dang lhan cig mtshungs pa ni/ /zhes pa ni sems kyang rnam pa brgyad de/ de yang rtsa brgyad rnams las khams kyi dbye bas 'byung ba'o/ /des na mtshungs par ldan pa de la de skad ces bya'o//'dab la zhes bya ba la sogs pa ni 'dir snying gi 'khor lo'i rtsa brgyad ni 'dab ma brgyad do/ /de rnams kyi dbus su thod pa'i gdan zhes pa ni khong stong nyid kyis na chos kyi dbyings kyi thod pa'o/ /de'i dbus su gnas pa ni thod pa brgyad las rnal 'byor ma'i rnal 'byor 'byung ba'o//de yang sna tshogs gzugs can zhes pa ni zhal gcig nyid kyi dus sna tshogs la grangs med pa'i kha dog dkar po dang ser po la sogs pa'o/ /des na sna tshogs pa'o/ /de nyid kyis na yid dga' ma/ /zhes pa ni gang dang gang du rtsa rnams la rlung rgyu bar 'gyur ba de dang de ru yid 'gro zhes pa'o//de'i phyir gzugs 'dzin pa'o/ /de ltar brgyad brgyad la sogs pa grangs med par 'gyur ro/ /de ltar yang gsungs pa/ sems 'di sna tshogs gzugs can te/ /gzugs ni du mas mtshan pa nyid/ /du ma 'dus par 'gyur ba ni/ /rtsa ni brgyad pa mchog ster ba'o//de yang zhe sdang sems sogs rnams/ /sangs rgyas rnams ni rtags bzhes pa/ /zhe sdang la sogs dngos po yis/ /'dod pa yang ni chen por brjod/ /de las yid ni khyad can 'byung / /rdo rje drag mo sogs lha mo/ /mngal brjod byis pa sngon 'gro ba/ /rtsa brgyad la ni brgyad rnams so//sa rnams kyi ni 'bras bu 'byung / /de tshe pha rol phyin pa shes/ /dgongs pa'i skad kyis gsungs pa yin/ /lhag ma rnams ni gang bskyed pa/ /de bzhin sa ni rnam pa bzhi/ /sgo srung rnam pa bzhi po ni/ /dran pa nye bar gzhag bzhi 'gro/ / bcom ldan bde ba chen po nyid/ /rdo rje 'dzin gyi sa yi ming / /rang gi lus la 'od 'phro ba/ /dus kyi kha dog kun du bsgrubs/ /thod pa yi ni ming gi rtsa/ /nam mkha'i khams kyi mtshan nyid phyir/ /'dab ma rnams ni gang skyed pa/ /srog la sogs pa'i rlung gis te/ /rtsa rnams lha mo'i ming du ni//sems kyi rgyud de de bdag nyid/ /rtag tu 'dir ni nges par yang / /rnal 'byor ma ni mchog de nyid/ /rang bzhin med pa'i dngos po yis/ /'dir ni dus su bstan pa med/ /tshe 'gags 'jig rten 'byung ba'i phyir/ /'dir ni 'jig rten yang dus so/ /de phyir 'dir brtag dus ni med//sangs rgyas mi rtag chos nyid do/ /de rnams kyi ni rtog pa yod/ /stong pa de yi ming can phyir/ /zhes pa ni bcom ldan 'das kyi nges pa'o/ /de bzhin du re re'i zhal gcig ces pa ni rnal 'byor ma thams cad lhan cig skyes pa'i rang bzhin dang mya ngan las 'das pa la mngon par phyogs pa'i phyir ro//bcom ldan 'das ni srid pa dang mya ngan las 'das pa'i bdag nyid do/ /de'i phyir phyag bzhi zhes pa ni brgyad po de rnams kyi nang du re re la yang bzhi bzhi nang du 'dus pa 'khor lo bzhi po gnas pa'o/ /de'i phyir de rnams thams cad phyag bzhi pa'o/ / des na rnal 'byor ma re res kyang las bzhi bzhi byed do/ /mda' dang gzhu zhes bya ba la sogs pa la/ dang po zhes pa ni dang po goms pa'i dus su 'og dang steng gi srog gi rtsa sngon du gsungs pa 'gog pa'i phyir gzhu dang rgyud dag go/ /de dag gi mda' ni mtshon pa'o/ /des na mdzes pa ni dbang po thams cad rnams kyis gdug pa rnams skrag par 'gyur ro//des na zhe sdang chen po la sogs pa rnams skye'o/ /de'i phyir mdzes pa'o/ /de bzhin du thod pa zhes pa ni chos kyi dbyings kyi rtsa la khu bas rab tu gang ba rgya ba'i don to/ /de nyid kyis na lcags kyu phyag na bsnams ba zhes pa ni thur sel gyis byang chub kyi sems lcags kyu bzhin 'gugs pa ste/mi 'jog pa'i phyir ro/ /de ltar rtsa sum cu rtsa gnyis po thams cad ches phra ba de rnams kyi nang nas rtsa bzhi'o/ /des na mi phyed ma la sogs pa bzhi po de rnams kyi las gsungs so/ /de bzhin du rim pa bzhin bzhi bzhi brgyad kyi bar sum cu rtsa gnyis 'gyur zhes sbyar ro//rtsa sum cu rtsa gnyis po de rnams kyi nges pa'i tshig rtog pa dang por gsungs pa ni 'dir las bya ba'i phyir ro/ /de bzhin du gnyis pa'i phyag na mdung zhes pa ni 'dir gsang ba'i gnas su a ba d+hU tI'i lam gsum gsum du 'gro ba'o//de'i 'gog pa'i phyir khrag gis gang ba'i thod pa zhes pa la khrag ni rdul gyi khams te de yang steng du rgyu ba'i phyir zla ba dang nyi ma dag 'dres par 'gyur ba nya dang gnam stong dag go/ /rdo rje zhes pa ni de dag la sgra gcan gyis zos pa'o/ /de bzhin du zhags pa zhes pa ni mjug ma phra ba ste/bcu drug pa'i cha bzang po 'di'o/ /de yang bdag gis zos par gyur ba ste/ khams drug za ba nyid do/ /de las kyang longs spyod 'byung ba ste mtshan mo byed pa'i chas nyin mo byed pa'o/ /de yang der thim mo/ /dus 'di ni gsang ba'i mchog go/ /de bzhin du gsum pa'i phyag na ral gri zhes pa ni snying ga nas ral gri lta bu'i rtsa dus me'i rang bzhin no//de yang de bzhin du/ srid pa gsum ni 'bar byed pa/ /las kyi tshogs rnams zad byed pa'o/ /zhes pa ni las kyi ral gri'i nges pa'o/ /chu yis gang ba'i thod pa zhes pa ni de bzhin du yang chos kyi dbyings kyi rtsa las chu 'bab pa'i phyir ro//chu yang rnam pa gnyis te dri chu'i chur btags pa'o/ /de bzhin du gnyis pa ni khams thams cad zhu ba'i rang bzhin gyi chu'o/ /rgyu ba de nyid 'dzin pa'i thod pa de la de skad ces bya'o/ /de bzhin du rdo rje zhes pa ni mes de thams cad za ba'o/ / de bzhin du dril bu zhes pa ni lte ba'i dbus nas de nyid can rdo rje ka ba bzhin no/ /de nyid kyis na sangs rgyas rnams kyi rdo rje'i sku'o/ /gang gi phyir sprul pa'i 'khor lo sku'i rang bzhin de la de skad ces bya'o/ /de bzhin du phyag na kha T+wAM ga zhes pa ni smin ma'i dbus nas byung ba'i rtsa'i snal ma des sangs rgyas rnams kyi snying por gnas kyang de lus kyi dngos po mi len te tshor ba dang bral ba'i phyir ro//de yang stong pa la kha T+wAM ga'i ming du dgongs so/ /de bzhin du thod pa zhes pa ni 'gro ba dang 'ong ba mi 'gog pa'o/ /de nyid kyis na dbyug to zhes pa ni 'og tu gtun gdungs kyi rnam pa lus thams cad kyi rlung rnams 'og tu mi 'gro ba ste des na phra ba'o//des na steng tho ba'i rnam pa rnam par 'dzin pa de ni dbyug to'i mtshan ma'o/ /de bzhin du ba dan gsum zhes pa ni lus dang ngag dang sems kyi spyod pa dang bral ba'i rtsa zhes sbyar ro/ /de bzhin du phyag na dbyug pa zhes pa la/dbyug pa ni mtshams kyi snal ma ro gcig pa'i dngos po'o/ /de bzhin du thod pa zhes pa ni dbang po rnams kyi rtsa 'gog pa'i phyir rnam par shes pa rnams 'gog par 'gyur ro/ /de bzhin du ut+pal zhes pa ni 'dab ma brgyad kyi ming gis rnam par shes pa brgyad ston pa snying gi rtsa grub ma la sogs pa brgyad de/de yang grub ma dang / smin byed ma dang / yid bzangs ma dang / sum 'khril ma dang / 'dod can ma dang / khyim ma dang / gtum byed ma dang / bdud 'dral ma'o/ /rtsa brgyad po de rnams ni rnam par shes pa rgyu ba can te/ ut+pal zhes dgongs so//de bzhin du cang te'u'o zhes pa ni kha'i rtsa ste/ gang gi phyir smra ba dang len pa 'gog pa'i phyir rang nyid smra ba po rang 'byung ba nyid kyi phyir ro/ /de bzhin du pad+ma zhes pa dbang po brgyad de/ de yang mig dang / rna ba dang / sna dang / lce dang / lus dang / yid dang / shes rab dang /blo'o/ /yang na gzugs dang / sgra dang / dri dang / ro dang / reg bya dang / yid dang / blo dang / nga rgyal lo/ /de yang de rnams kyi yul gyi dngos po rgyu dang 'bras bu nyid kyis de dag 'gog pa'o/ /de bzhin du zhag gis gang ba'i thod pa zhes pa la zhag ni stobs te dgongs bshad kyis ston pa'i mngon shes drug gi mtshan nyid nus pa'o//de'i phyir des gang ba ni a ba d+hU tI'o/ /de bzhin du me long zhes pa ni mngon shes te/ de rnams kyis chos rnams thams cad kyi rang bzhin me long bzhin nye bar mtshon pa'i phyir ro/ /de bzhin du dgra ste zhes pa ni khams gsum pa'i ma rig pa'i bag chags gcod pa'i phyir ro//khams gsum pa yang lus dang ngag dang sems te/ de yang a ba d+hU tI'i ming can tha mal ba'i rtsa'o/ /de'i rgyu ba ni ma rig pa ste de gcod par byed pa'i sgra sta de la de skad ces bya'o/ /de bzhin du mdung zhes pa ni dbyug pa la rdo rje'i tho lum dang ldan pa'o//de yang mi shes pa'i ri bo gcod pa'i phyir ro/ /de ni lto ba 'bab pa'i rtsa gang gi zas la gnyis med pa des na mi shes pa skye zhing zhe sdang la sogs pa yang skye ste/ de rnam par bcom pas de'i phyir skyes par mi 'gyur ro/ /de bzhin du dung zhes pa ni dbu ma'i rtsa'i nang du lus thams cad kyi srog gang gnas pa de yang rang bzhin med pa nyid kyis rang la dbang thob pa de ma dmigs pa'i phyir shin tu chags pa'i sgra 'byung ba ni khyad par ro//de nyid kyis na shaM kha rim las zlog pa ste/ kha zhes pa ni bya gdong de la brten pa'o/ /shaM shes pa ni rang rig pa'i ye shes zhes pa'i don to//de ltar yang gsungs pa/ kha ni rkan la bzhar ba'i lce/ /bskyod pa bdud rtsi 'byung ba'o/ /shaM ni 'di ru gzag pa yang / /sna las 'dzags phyir mi 'dzag pa'o/ /de bzhin du 'khor lo zhes pa ni dngos po thams cad kyi rang bzhin du gsungs pa'i mtshan nyid der gnas pa des na thams cad mkhyen pa dang rnam pa kun mkhyen pa'i phyir zhes pa'o//de nyid kyis ni mtshon cha zhes pa ni 'dir mtshon cha'i sgra ni gang dang gang gis bsam pa dang ldan pa de dang de la de nyid bstan zhes dgongs so/ /de bzhin du ro yis gang ba'i thod pa zhes pa ni 'di nyid kyis yi ge'i don gsungs pa//ka / sdong bu'i rtsa bar gang skyes pa/ /pA/ smin byed rnam pa rmad du byung / /la/ 'og tu bltas pa'i rtsa ni dmigs/ /ra/ ro bzhin du ni yongs su thim/ /sa/ de yang pad+ma sar pa'i rtsa ba bzhin/ /sa/ mtshams kyi dus su kha dog can/ /pU/ srid pa gsum ni thams cad bkang //r+Na/ sgra can nyid la thim pa can/ /de bzhin du dgod ces bya ba la sogs pa ni/ /ha/ ngang pa nam mkhar 'gro bar mdzod/ /sa/ ro mnyam pa yi tshul ni za/ /ma/ lam rnams la ni bgrod pa'i bya/ /nA/ sna tshogs ngang pa yid rgyu'i phyir/ /sa/ rgya mtsho'i 'gram ni nyams dga' bar//mA/ bum pa can ni dgang yang na/ /li/ A li kA li gnyis ni bza'/ /khe/ des na sngon po nam mkhar 'gro/ /de bzhin du phyag na bum pa zhes pa ni ji ltar bum pa bzang po rin po che thams cad kyis rab tu gang ba de bzhin du de ltar a ba d+hU tI'i chos nyid grangs med pa'i yon tan gyis brgyan pa des na kun rdzob kyi phyogs la de chos kyi dbyings zhes pa'i don to//de nyid kyis na rdo rje zhes pa ni mi phyed pa'i phyir thabs sna tshogs byed pa'o/ /de nyid thabs kyi rdo rje'o/ /de'i shes rab dril bu zhes pa ni dngos po thams cad rtogs par byed pa'o//des na pha rol tu phyin pa'i tshul lo/ /de gnyi ga ni stong pa nyid rdo rjer brjod do/ /thod pa zhes bya ba la sogs pa la/ mi'i pags pas g.yogs shing zhes pa ni de bzhin du sangs rgyas kyi thod pa dang dngos po thams cad kyis stong pa khong stong mngal nas skyes pa'i sems can rnams la de bstan pas sha dang pags pa'i mig gis mthong ngo //des na mi'i pags pas g.yogs pa bcom ldan 'das gzugs kyi sku'o/ /de'i phyir/ bden pa ma yin brdzun pa min/ /de bzhin ma skyes mi 'gag pa/ /snang ba tsam gyi mtshan nyid de/ /de yang sgyu ma gzhan du min//de bzhin du rdzas kyis bkang ba zhes pa ni khrag dang khu ba dang bshang ba dang gci ba rnams kyis bkang ba'o/ /des na rang bzhin yongs su shes pa'o/ /de yang sngon nas rnam par gzung ba des sangs rgyas rnams kyi sku'i gnas skabs kyi zab mo'i chos kyang ston to/ /de bzhin du 'dab ma zhes pa ni de rnams la'o//lha mo bri zhes pa ni rang snang ba'i mtshan nyid dmigs pa'i phyir ro/ /de bzhin du lte bar zhes pa ni a ba d+hU tI la'o/ /bde ba chen po zhes pa ni rang rig pa'i ye shes te/ de dang ldan ba'i sprul pa'i sku'o/ /rol mo zhes pa ni sangs rgyas gcig nyid kyi thugs kyi dngos po las 'byung po sna tshogs pa grangs med pa dang sangs rgyas dang /byang chub sems dpa' rnams spros pa'o/ /de ji ltar rol mo yin zhe na/ mi shigs pa'i bdag nyid kyi sangs rgyas de rnams kyang shes rab kyi sgra yis sad par byas pa'o/ /des na rol mo ni nye bar btags par 'gyur ro//de ltar yang gsungs pa/ sgra yi dbus las yang dag 'byung / /sangs rgyas thams cad du gshegs pa/ /shes rab kyis ni 'di bskul te/ /shin tu chags pa'i sgra yis sad/ /de nyid kyis ni gsang ba'i dkyil 'khor du zhes dgongs so/ /de bzhin du sgo skyong zhes bya ba la sogs pa ni rdo rje lcags kyu ma la sogs pa'i rnal 'byor ma bzhi byams pa dang snying rje dang dga' ba dang btang snyoms kyi rang bzhin te/de bzhin gshegs pa rnams rtsod pa'i dus la sogs pa rnams su 'khrungs par 'gyur ba'o/ /de bzhin du/ b+ha ga'i dbus su bsgoms nas su//zhes pa ni sngon du gsungs pa sdud pa'i phyir b+ha ga zhes pa ni ma'i skye gnas zhes pa'i don to/ /des na sngags kyi bzlas pa zhes pa ni brjod pa'o/ /de yang hUM la sogs pa'o/ /nges don du/ /hUM ni rdo rje sems dpa' ste/ /zhes pa ni sems rang rig pa'i srog gi hUM gi ming can no//de yang / oM zhes bya ba'i dbyangs kyis phye/ /zhes pa ni lus dang sems 'dres par 'gyur pa'o/ /AH zhes bya ba'i ngag dang ldan/ /zhes pa ni des na lus dang ngag dang sems kyi chos rnams bsdus pa'o/ /de nyid kyis na/ dag pa'i shel ma dang mtshungs//zhes pa ni zhi ba la sogs pa'i mdog go/ /de bzhin du hUM ni zhes bya ba la sogs pa ni go sla'o/ /de bzhin du bsam gtan zhes bya ba la sogs pa la/ yi ge gcig ces pa ni rdo rje bzlas pa'i bsam gtan gyis 'jug pa la sogs pa'i rlung gsum gcig nyid du 'gyur ba'o/ / de'i tshe mi 'dzag pas na yi ge gcig go/ /'gyur zhes pa ni rjes su 'jug pa'o/ /de ltar bsdus nas oM hUM AH d+hI swA hA zhes pa'o/ /slar yang 'dab ma zhes bya ba la sogs pa la/ lha mo rnams zhes bya ba ni rdo rje drag mo la sogs pa rnams kyi sngags 'dab ma rnams la dgod pa'o/ /bsdus nas oM hUM AH badzra bud+ha'iHswA hA/de bzhin du thams cad kyi ming bar du spel ba sngags dang po dang tha mar sbyar ro/ /de nas sa bon bzhi zhes pa ni ha dang i dang ra dang tsheg drag go/ /bsdus na hUM zhes so/ /mchod pa bzhi zhes pa ni phyi dang nang gsang ba dang bla na med pa'o/ /de yang rang bzhin nyid ces pa ni dga' ba la sogs pa bzhi byed pa'o//des na dang po'i dbyangs zhes bya ba la sogs pa gsungs te/ a de dang por ldan zhes pa ni shes rab ma rang gi pad+ma ste/ hrIHyongs su gyur ba de'i lte bar a las chos kyi 'byung gnas kyi rnam pa'o/ /de yang dbus su hrIHdang ldan pa'o//de bzhin du sgo skyong zhes bya ba ni mchod pa'i sngags so/ /bsdus nas sa bon bzhi zhes pa ni hUM dang AH'o/ /sogs pa'i sgra ni phyag 'tshal ba'o/ /de bzhin du d+h+rI'o/ /de ltar oM hUM ya badzra oM ku shrI d+h+rI swA hA'o/ /thams cad du zhes pa ni rnal 'byor ma thams cad kyi sngags rang gi ming brjod pa'o//yang na sa bon bzhi zhes pa ni spyi bor oM mo/ /de bzhin du khar AH'o/ /snying gar hUM ngo / /pus mo dang rkang pa la swA hA'o/ /de ltar thams cad du zhes pa ni rnal 'byor ma thams cad rigs lnga'i spyan du byas pa'o/ /gang yang dkyil 'khor pa de rnams kyang ma la sogs pa rtog pa dang po'i rab tu byed pa dang por gsungs pa/'di lta ste/ ma dang sring mo nyid dang ni/ /de bzhin bu mo gnyen mo dang / /bram ze dang rgyal rigs mo'o/ /rje'u mo dmangs mo gar mkhan mo/ /khrus mkhan ma dang g.yung mo nyid/ /gtum mo bcu gnyis shes par bya//de rnams kyi cho ga ni ji ltar gsungs pa bzhin du bya'o/ /de nas sgrub pas sa zhes bya ba la sogs pa ni b+ha gar mtshan ma gzhug pa'o/ /de yang b+ha ga dang mtshan ma de dag kyang ro gcig pa nyid do/ /'on kyang rdo rje hUM yongs su gyur pas bya ste/ de'i lte bar oM dkar po byang chub sems kyi bu gar ro//de bzhin du AH'o/ /de'i dbus su chags pa chen po'i rang bzhin d+hI zhes pa ni steng du kha phyogs pa'o/ /de ltar oM dang hrIHdag gi dbus su AHkha dog dmar po'o/ /oM ni kha 'og tu bltas pa'o/ /tsheg drag gi mthar swA hA sbyar ro/ /'dis ni rnal 'byor ma rnams mi 'dzag pa nyid du 'gyur ro//ci'i phyir zhe na/ bzlas pa'i sngags su rab bstan pa'i/ /bsam gtan gyis ni yig gcig 'gyur/ /zhes bcom ldan 'das kyis gsungs pas nges so/ /de bzhin du sgrub pa pos zhes bya ba la kha nas hUM dang hrIH dag gdon par bya'o/ /man ngag las yi ge phye dang gnyis gnyis hi ka dang a hi ka bzhin steng du hrI ngo //'og tu hrIHzhes pa gnyis ka dag mgrin nang du brjod pa'i phyir srog dang thur sel dag 'gog par 'gyur ro/ /kha yis zhes pa ni a ba d+hU tI'i lam nas bza' bar bya'o/ /de yang de las blang ba ste/ /khu ba zhes pa ni gcig ni ro'i rang bzhin no//gnyis pa ni yi ge'i don nges par gsungs pa'i tshig gis 'dir shU zhes pa ni a wa d+hU tI'i nang du'o/ /kraM zhes pa ni sngon du gsungs pa'i ro'i ming can 'pho bas thams cad a ba d+hU tI'i bzhin du 'gyur te/ der thim pa'i phyir ro/ /khrag gi dus su zhes pa ni chags pa'i dus su sngon du gsungs pa'i tshul gyis las kyi phyag rgya dang rab tu sbyor ba'i phyir de bya zhes dgongs so//yang na dbang po gnyis yang dag par sbyor ba las skyes pa rang gi kha'i lces bza' bar bya zhes pa'o/ /rgyal shes rab ma rang byung gi me tog dang ldan pa de'i tshe yang dus der byang chub sems dpa' lhan cig 'dres par 'gyur ba bza' bar bya zhes pa ni khrag gi dus su zhes bya ba la sogs pa dang sbyar ro//des na rnal 'byor ma'i mchog mnyes par 'gyur te/ de'i tshe sgrub pa po rnams kyi 'dod pa'i 'bras bu 'gyur ro/ /slar la yang hUM zhes bya ba la sogs pa'i nges pa'i don gsungs te/hUM zhes pa ni mi bskyod pa'o/ /oM ni rnam par snang mdzad do/ /AH ni rin chen 'byung ldan no/ /hrIHni 'od dpag med do/ /swA ni don yod grub pa'o/ /hA ni rdo rje sems dpa'o/ /de bzhin gshegs pa de rnams skyes tsam nyid na mngon par shes pa thob par 'gyur ro//des na hrIHzhes pa ni lha mo bcu gnyis sa bcu gnyis kyi bdag nyid rnal 'byor ma rnams kyi sngags rnams te/ rang gi ming dang mthun pa'i las bya ba'o/ /des na sa bon bzhi zhes pa ni sprul pa dang chos dang longs spyod rdzogs pa dang bde ba chen po'i sa bon no/ /yang dag ldan zhes pa ni sa bcu gnyis kyi rnal 'byor ma'o//des na mchod pa bzhi zhes pa'i ni dus bzhi gang gis mchod pa ni rdzogs ldan la sogs dus bzhi gang gis zhes dgongs so/ /de yang chos kyis 'jug pa'i tshul gyis so/ /yang na sa bon bzhi zhes pa ni oM AHswA hA'o/ /de bzhin du/ dang po'i dbyangs yig la sogs ldan/ /zhes pa ni dbyangs yig bcu gnyis te rnal 'byor ma bcu gnyis po re re'i yi ge sa bon bzhi'i dbus su nges par sbyar ro/ /bsdu na oM AHaM hrIHswA hA/ zhes pa rdo rje drag mo la sogs pa'o/ /yang na de'i phyir/ dang po'i dbyangs la sogs pa zhes pa ni dbyangs yig bcu gnyis po rnams kyi dbus su a la sogs pa dbyangs bzhi rdzogs ldan gyis te/a A i I'o/ /de bzhin du gsum ldan la u U e'o/ /gnyis ldan la ai o'o/ /rtsod ldan dus la au'o/ /rdzogs ldan dang rtsod ldan gya dus kyi dbus su thog ma dang tha ma dang aM aHspro ba dang sdud par byed pa'o//de bzhin du r-i r-I l-I l-I ste de ltar rang nyid kyis dus rnams so/ /de bzhin du ting nge 'dzin la 'jug pa'i dus su ni rdzogs ldan no/ /de bzhin du dang du len pa'i dus su ni gsum ldan no/ /nyams su myong ba'i dus ni gnyis ldan no//rang bzhin med pa'i dus su ni rtsod dus so zhes dgongs so/ /des na zhes bya ba la sogs pa la/ rdo rje dang b+ha ga dag ces pa ni sna tshogs pa'i chos ni chos nyid du nye bar spyad par byas nas gang du skyes pa de thim par 'gyur te/ bcom ldan 'das zhes pa 'od gsal ba'i na thar yang dang yang ldan par bya'o//des na der ni zhes bya ba la sogs pa gsungs te/ stong pa dang snying rje'i sa bon gnyis po 'dis te/ kha zhes pa ni stong pa dang snying rje dbyer med pa'i sems te/ des na bza' zhes pa ni nye bar bsdu ba'o/ /khu ba zhes pa ni 'od gsal ba'i 'bras bu bzang po'i rgyu zhes pa'o//de yang khrag gi dus su zhes pa ni snying rje'i dus su bsam gyis mi khyab pa gnyis med pa'i ting nge 'dzin gyi tshul gyis bza' bar bya'o/ /'dir ni mdor bsdus te gsungs so/ /rgyas par yang rgyud sna tshogs pa'i dgongs pas rtogs par bya'o/ /de bzhin du sems can rnams kyi bsam pa sna tshogs pas de rnams kyi bsam pa rnams gcig tu bya ba'i phyir thabs rnams bstan pa gsungs te/der ni sngags kyi bzlas pa bya/ /zhes pa ni rtog pa thams cad nyams su myong ba'i dus su ngag gi sgo nas brjod pa'i yi ge ni sngags so/ /de rnams kyi rang rig pa bsam du med pa nyid ni bzlas pa'o//der ni zhes pa ni mi 'jig pa'i gnas su rdo rje bzlas pa bya ste/ rlung bcu rnams nges par gzung ba'i thabs te hUM gi ming can gyis so/ /ye shes sems dpa' de nyid kyi snying gar ting nge 'dzin sems dpa' ste/ 'dab ma brgyad la lha mo rnams nye bar dgod pa'i phyir ro//de'i tshe rim pa bzhin shar gyi 'dab ma la sogs par g.yas skor gyis rdo rje phag mo la sogs pa dgod pa'o/ /drag mo zhes pa ni zhe sdang skyed pa'i rtsa ba'o/ /de bzhin du lus ni gti mug skyed pa'o/ /chags ma zhes pa ni 'dod chags skyed pa'o/ /zhi ba zhes pa ni zhi ba skyed pa'o//gnod sbyin zhes pa ni phrag dog go/ /mkha' 'gro ma zhes pa ni ngar 'dzin pa'o/ /sgra zhes pa ni ser sna'o/ /sa zhes pa ni nga rgyal rgyu ba can zhes pa'o/ /de ltar yang dam tshig sems dpa' bzhin dgyes pa'i rdo rje rnal 'byor ma phyag bzhi pa bsgom pas de rnams kyi nyes pa dang bral lo//slar yang rtsa brgyad po de rnams kyis zhe sdang chen po la sogs pa bskyed pa'i phyir rdzogs pa yang ste thams cad la rdo rje'i sgras brjod do/ /de ltar dkyil 'khor gyi 'khor lo phyag bzhi pa'am phyag drug pa lha mo brgyad kyis bskor ro/ /de nyid kyis gnyis ldan gyi dus su sbyin pa la sogs pa la 'jug pas sems can thams cad kyis sangs rgyas mthong bar 'gyur ro zhes sbyar ro//da ltar gyi dus su yang dpa' bo rnon po rnams la gsal bar 'gyur te/ gzhan du ma yin zhes dgongs so/ /da ltar de la sogs pa bstan pa de'i tshe/ sgom pa po rnams kyi sgrub thabs kyi don du ting nge 'dzin gsal bar byas pa ni 'dir rnyed sla ba'i phyir ro//bdag gis ni dgos pa tsam zhig bstan to/ /de yang bdag gi bla ma'i bkas so/ /rang gis rang bzos ni ma yin te byis pa rnams kyis sun 'byin cing tho 'tshams pas 'jigs pa'i phyir zhes pa ni nges pa'o//gang phyir byis pa skye bos yon tan can mi bzod cing nyes pas rgas par 'gyur/ /srid pa gsum du mi bden dngos po mi rtag pa nyid 'dir ni 'di mi rigs/ /de phyir sdug bsngal las kyi byis pa rnams/ /shi nas ngu 'bod la sogs dmyal bar 'gro/ /blo ldan rnams la gdug pa grangs med 'tshe ba kyi hud snying re rje//kha sbyor thig le'i rgyud kyi rgyal po'i rtog pa gnyis pa'i rab tu byed pa gsum pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung bstan pa ste gsum pa'o// //da ni rtsod pa'i dus kyi sems can mngon spyod kyi las la sogs pa la dga' ba rnams kyis zhi ba la sogs pa'i las bya ba'i phyir dang thabs dang bcas pas sems can gyi don du sgrub thabs sna tshogs pa'i phyir mdor bstan pa'i rab tu byed pa gsum gyi mthar slar bshad pa brjod de/nyon cig ces bya ba la sogs pa la/rdo rje zhes pa ni rdo rje snying po la bos te nyon cig ces pa'o/ /de ltar tshul ji bzhin zhes pa ni go rims bzhin te/ sngon du gsungs ba'i dus rnams kyi mthar rtsod pa'i dus kyi nges pa gang gi dus gsum yang yongs su shes par 'gyur ro/ /des kyang skal ba bzang po'i nang du sems can rnams kyi glo bur ba'i dri ma rjes su bsdus pa gang yin pa de thams cad yongs su zad par 'gyur ba'o//des na 'khor lo zhes bya ba la sogs pa gsungs te/ 'khor lo yang 'chad bzhin pa des so/ /bsgrub bya zhes bya ba ni bsgrub par bya ba'o/ /khyad par nyid ces bya ba ni man ngag ji lta ba las rnal 'byor gyis nus pas zhes pa ste nges pa'o//des kyang ci zhig byed ce na gsungs pa/ zhi ba zhes bya ba la sogs pa ni 'dir gcig gis kyang bsgrub bya'i khyad par sna tshogs pa byed de/ zhi ba dang rgyas pa la sogs pa'o/ /de yang re mig ces bya ba la sogs te/ re mig dgu'i 'khor lo 'dab ma brgyad pa bzhin 'gro ba'i 'dab ma la sogs pa rnams la gur kum dang ba lang gi gi wang la sogs pas bri bar bya'o/ /sogs pa'i sgras ni re mig stong gi mthar thug par bri bar bya ba zhes pa'o/ /phyi rol mu khyud ces pa ni sems can thams cad rnams kyis nges par bya zhes sbyar ro//de bzhin du las kyi kha dog la sogs zhes pa ni zhi ba la sogs pa'i las kyi khyad par gyis yi ge rnams dkar po la sogs pa'i mdog tu bsgom par bya'o/ /'khor lo zhes pa ni bsgom par bya ba'am/ dngos su bya zhes dgongs so/ /oM zhes bya ba la sogs pa ni 'phags ma sgrol ma'i yi ge bcu'i sngags kyis srung ba'i 'khor lo'o//'di'i zhes pa ni sngags 'di'i dbus kyi re mig tu oM de ba dat+ta s+ya shAn+ti zhes bya ba la sogs pa ku ru ha zhes pa'o/ /de bzhin du shar la sogs pa'i 'dab ma brgyad la g.yas skor du rim pa bzhin oM de ba dat+tA/de bzhin du oM che ge mo re oM che ge mo tud/ oM che ge mo tA/ oM che ge mo re/ oM che ge mo tu/ oM che ge mo re/ oM che ge mo swA zhes bris so/ /de ltar phyi ru rak+Shas bsrungs pa de'i tshe sgrub pa po'i gnas la sogs pa stong pa nyid kyis bsrung ba gsungs te/ mnyam nyid ces bya ba la sogs pa ni go sla'o//de bzhin du sems can zhes bya ba la sogs pa ni mchod pa'i rnam pa dang yon tan dang me tog la sogs pa'i dngos po rnams gnas ngan pa dang dus kyi khyad par gyis ma thob pa de'i tshe sems can rnams kyi phyir rnal 'byor bsgom pas shes pa ni cung zad rnal 'byor la goms pa'i dbang gis nus pa'i dngos pos bya zhes pa'i don to//de nyid kyi sbyor ba bstan pa'i phyir/ zla ba'i dkyil 'khor zhes bya ba la sogs pa gsungs te 'dir 'phags ma sgrol ma'i sgrub thabs dpal sgyu 'phrul dra ba las 'byung ba brjod do/ /rgyud 'di ni mdor bsdus pa nyid gsungs te/des na zla ba'i dkyil 'khor zhes bya ba la sogs pa gsungs te/ gzhan rnams su ni rgyas par gsungs so zhes dgongs so/ /der gsungs pa tho rangs gdong dag pa la sogs pa byas te bsam gtan gyi gnas su zhugs nas bde ba'i stan la 'dug ste/bcom ldan 'das sgrol ma'i bris sku la sogs par chud par dmigs la maN+Dal byas te/ me tog la sogs pa nye bar spyod pa lnga'i mchod pa rnams dbul lo/ /ma 'byor na thams cad yid kyis bya'o/ /de nas gtor ma yang sbyin par bya'o/ /rang gi snying ga'i zla bar yi ge tAM las 'od zer rnam pa lnga 'phros te rang gi bdag nyid sbyangs te/slar 'ongs nas oM badzra -i mra te hUM phaT ces pa'i sngags 'don cing se gol brdabs pas bgegs rnams bskrad par bya'o/ /slar yang sngon gyi sa bon las 'od zer rnams 'phros pas bkug nas nam mkhar bzhugs pa'i lha mo de la yang yid la 'dod pa'i mchod pa byas te/sdig pa bshags pa la sogs pa byas nas nye bar bsdu bar bya'o/ /de nas oM swa b+hA ba shud+d+haHsarba d+harmAHswa b+hA ba shud+d+hohaM zhes brjod/ de bzhin du oM shU nya tA dz+nyA na badzra swa b+hA ba A t+ma kohaM/ zhes pa'i sngags 'di rang dang gzhan khams gsum pa stong par rnam par bsam par bya ste/byang chub kyi tshogs bsgom pa'i phyir/ /sems tsam du gnas so/ /der ni paM skyes pad+ma aM skyes zla/ /b+hUM zhes pa ni steng du dgod/ /de 'gyur 'khor lor bcas pa yi/ /gzhal yas khang pa rnam par bsgom//gru bzhi la sogs pas brgyan pa/ /rnga yab la sogs sna tshogs brgyan/ /de yi dbus su pad chen po/ /sna tshogs 'dab mas shin tu mdzes/ /ri dgas kyis mtshan steng du ni/ /zla bar paM ljang rnam par bsgom/ /'od zer phreng ba'i lcags kyu yis/ / sangs rgyas thams cad bkug nas ni/ /de gyur pa las bdag nyid ni/ /lha mo sgrol mar rnam bsgom bya/ /de nas pad+ma'i gdan zhes bya ba la sogs pa ni go sla'o/ /de'i yan lag drug pa'i yi ge dgod pa'i phyir bsgom par bya zhes gsungs te/ oM tA re zhes bya ba la sogs pa ni go sla'o//slar la yang sngon du gsungs pa'i 'khor lo gur kum mam ba lang gi gi wang la sogs pas bris te lha mo'i snying gar bsgom par bya'o/ /gzhan yang dbang bskur ba dang mchod pa la sogs pa thams cad bya'o/ /de bzhin du lha mo thams cad kyang zhal gcig phyag gnyis pa ste/ de ltar shar gyi 'dab ma la rdo rje sgrol ma'o/ /lho ru rin chen sgrol ma'o/ /nub tu pad+ma'i sgrol ma'o/ /byang du sangs rgyas sgrol ma ste/ shar la sogs pa'i rim pa bzhin nag po dang / ser po dang / dmar po dang / dkar po'o/ /de bzhin du shar la sogs pa'i mtshams su me tog gi sgrol ma dang /spos kyi sgrol ma dang / mar me'i sgrol ma dang / dri'i sgrol ma'o/ /de rnams kyi mdog ni dkar po dang / nag po dang / ser po dang / dmar po'o/ /de yang zhal gcig phyag gnyis pa thams cad kyi g.yon pa na ut+pa la 'dzin pa'o/ /thams cad kyi g.yas kyi mchod sbyin gyi phyag la rang rang gi mtshan mas mtshan pa ste/de yang phyogs kyi lha mo bzhi'i shar la sogs pa'i phyag g.yas pa la rdo rje dang / rin po che dang / pad+ma dang / 'khor lo 'dzin pa'o/ /de bzhin du mtshams rnams kyi g.yas la phreng ba dang / spos khang dang / mar me'i mchod sdong dang / dri'i dung phor ro/ /de bzhin du sgo bzhi ru sgo skyong rnams ni drag mo'o/ /nang gi rnal 'byor ma brgyad ni bcom ldan 'das bzhin zhi ba'o/ /de bzhin du bcom ldan 'das ni mchod sbyin dang ut+pal 'dzin pa'o/ /de bzhin du shar gyi sgo la sogs pa rnams su sgo skyong rnams te/rdo rje lcags kyu ma dang / rdo rje zhags pa ma dang / rdo rje lcags sgrog ma dang / rdo rje dril bu ma nyi ma'i dkyil 'khor gyi steng du zhal gcig phyag gnyis ma drag mo chen mo/ rdo rje lcags kyu dang / rdo rje zhags pa dang / rdo rje lcags sgrog dang / rdo rje dril bu phyag na bsnams pa bsam par bya'o//de bzhin du rnal 'byor ma brgyad zla ba'i steng du bsgom par bya'o/ /de bzhin du bcom ldan 'das ma'i sngags yi ge bcu bzlas par bya'o/ /yang na las thams cad pa oM ku ru kul+le hrIHswa hA zhes bya'o/ /rnal 'byor ma brgyad kyi sngags kyi dang por phyag 'tshal ba'o//dbus su ming ngo / /mtha' mar swA hA'o/ /de bzhin du sgo skyong rnams kyi sngags kyi dang por phyag 'tshal ba'o/ /ming dbus su'o/ /hUM phaT mtha' mar ro/ /gzhan las thams cad pa zhes bya ba la sogs pa ni go sla'o/ /yang na 'chad bzhin pa'i sgrol ma'i gzugs bsgom par bya'o//de ltar/ rnal 'byor de nyid bla na med/ /ces pa ni sngon du gsungs pa'i nang gi tshul gyis dus dang 'pho ba 'byung ba'o/ /des na dus kyi rtsa rnams rgyu ba rtogs par bya'o/ /da ni rig byed ma'i sgrub thabs bstan pa'i phyir nyi ma'i zhes bya ba la sogs pa gsungs te/sngon du gsungs pa'i gdong dag pa la sogs pa byas nas de dang 'dra bar thams cad bya'o/ /'on kyang dur khrod brgyad kyi dbus su bdud rtsi lnga la sogs pa'i gtor ma dang mchod pa la sogs pa bya'o/ /de'i sngags ni oM ku ru kul+le hrIHde ba dat+ta pa sha ma na ye swA hA/lhag ma ni go sla'o/ /da ni rtsod pa'i dus su shes rab chung ngu dang ldan pa rnams kyi shes rab 'phel bar bya ba'i phyir shes rab kyi pha rol tu phyin ma nyid kyi sgom pa brjod de/ 'dab ma brgyad pa zhes bya ba la sogs pa ni 'dir dang po re zhig bsgom pa'i dus su shin tu rnam par dag pas nyams dga' ba'i gnas su ste/mchod pa sna tshogs pa dang / dar dang rgyan la sogs pas brgyan pa spos kyis bdug pa ru bde ba'i stan gyi steng du 'dug ste/ rang gi bdag nyid kyis ji ltar gsungs pa bya'o/ /'dir sngon du gsungs pa'i dbang bskur ba'i dkyil 'khor gyi cho ga bzhin 'dir yang de ltar bya'o//de'i dbus su/ 'dab ma brgyad pa'i 'khor lo 'di/ /zhes pa la 'khor lo'i sgra ni pad+ma'o/ /de yang / kha dog dkar po shin tu mdzes/ /zhes pa ni lte ba dang ze 'brus brgyan pa sdong bu kha phye ba'o/ / mnyam pa nyid kyi gzugs su bsam/ /zhes pa ni 'dir mnyam pa nyid ni dngos po thams cad gcig gi rang bzhin du bsam pa ste/ brtan pa dang g.yo ba'i dngos po rnams rnam pa kun gyi mchog dang ldan pa'i stong pa nyid du yang dag par bsams pa'o/ de bzhin du/ khams gsum gyi ni rang bzhin nyid//ces pa ni gang gi phyir 'dir lus dang ngag dang sems las byung ba'i khams gsum gyi ming can dngos po thams cad de/ de rnams kyi rang bzhin yongs su shes pa'i chos kyi sku zhes pa'i don to/ /de yang sngon gyi zhes bya ba la sogs pa la/ sngon gyi mtshan nyid ces pa ni chos kyi dbyings de dang ldan pa ste/ye shes dang shes bya dag dbyer med pa'i dngos po'o/ /de yang sngon du gsungs pa zhes pa ni ye shes dang shes bya gcig pa nyid las gang skyes pa'i dngos po bsam gyis mi khyab pa gnyis su med pa de nyid bsgrub par bya zhes dgongs so//de'i nye bar spyod pa gsungs te/ bsam gyis mi khyab pa'i ye shes rdo rje sems dpa'i bsgom pa bstan pa'i phyir/ shes rab ces bya ba la sogs pa gsungs te/ shes rab nye bar zhes bya ba ni/ de'i gsal ba nyid du 'gyur ba'o/ /des na las 'di bya'o/ / yang oM la sogs pa'i yi ge bcu'i sngags rim las bzlog ste rnam par rmongs par bya ba'i phyir gsungs pa ni kha cig gi tshig go/ /yang na bzlas pa'i sngags la mchod pa la sogs pa'i las thams cad bya'o/ /de bzhin du bsgom pa'i zhes bya ba la sogs pa la/ dngos po zhes pa ni sa bon dang mtshan ma la sogs pa'i dngos po'o//dngos po des bsgom par bya'o/ /der ci bsgom zhe na/ 'od zer zhes bya ba la sogs pa gsungs te/ rang gi snying ga'i zla ba'i dkyil 'khor gyi dbus su gnas pa'o/ /shes rab bdag nyid ces pa ni d+hI 'od zer sna tshogs pa'i rang bzhin te/des rang gi bdag nyid dang khams gsum pa shin tu rnam par dag par byas pa'o/ /yang na shes rab bdag nyid ces pa ni oM pra dz+nyA zhes bya ba la sogs pa'i yi ge bcu'i sngags des bya ba'o/ /dri med pa zhes bya ba ni yi ge rnams dag pa'i shel ltar snang ba'o/ /de ltar bcom ldan 'das ma spyan drangs te/mchod pa dang sdig pa bshags pa la sogs pa rnams bya'o/ /slar yang zla ba dang sa bon gyi tshul gyis 'di dag yongs su gyur pa las bskyed pa'i phyag gnyis zhes pa la sogs pa ni go sla'o/ /shes rab bdag nyid ces pa ni yi ge bcu'i sngags te/ de bzlas pas de'i shes rab mngon sum du 'phel ba'i don te lhag ma ni go sla'o//da ni rnam par snang mdzad kyi sgrub thabs bstan pa'i phyir/ zla ba'i zhes bya ba la sogs pa gsungs te/ 'dir zhi ba'i las ni rnam par snang mdzad kyi ting nge 'dzin gyis bya'o/ /sa bon yi ge zhes pa ni oM mo/ / lhag ma dkyil 'khor dang gzhal yas khang la sogs pa ni sngon bzhin du bya'o/ /nges pa'i don du ni rnal 'byor ma'i rigs sna tshogs pa thams cad kyang rigs gcig tu 'gyur ro/ /gzhan ni go sla'o/ /sbyor ba'i rim pa de nyid kyis/ /zhes bya ba la sogs pa ni sngon du gsungs pa'i rim pas rnam par snang mdzad kyi rang bzhin dang /de bzhin du rin chen 'byung ldan gyi dang / 'od dpag med kyi don dang / don yod grub pa'i bsgom pa'i dkyil 'khor gyi 'khor lo dang lhan cig ji ltar gsungs pa'i tshul gyis bya'o/ /de ltar go sla ba nyid kyis na bdag gis rnam par ma phye'o/ / da ni spyan ma la sogs pa'i lha mo rnams kyi sgrub thabs bstan pa'i phyir/ nam mkha'i dbyings zhes bya ba la sogs pa gsungs te/ 'dir sngon du gsungs pa'i khang pa brtsegs ma'i dkyil 'khor gyi dbus su spyan ma dang / mA ma kI dang gos dkar mo dang / sgrol ma yang bsgom par bya'o//de bzhin du sa la sogs pa'i dkyil 'khor rgyu ba'i dbus su ji skad gsungs pa'i lha mo'i gzugs dmigs par bya/ de'i phyir ji ltar 'thad pa'i las rnams bya ste/ zhi ba la sogs pa 'khrul 'khor rnams kyang bya'o/ /las kyi tshogs de rnams kyang 'og nas bshad par bya'o//lhag ma ni go sla'o/ /'on kyang de rnams kyi dkyil 'khor dang lha ni dpal 'dus pa bzhin de'i dbus su bya zhes pa ni man ngag go/ /rgyud thams cad ces pa ni rnal 'byor ma'i rgyud rnams so/ /de'i gleng gzhi zhes bya ba la sogs pa ni 'di'i don yang rtog pa dang por gsungs pas rtogs par bya'o//dpal kha sbyor thig le'i rgyud kyi rgyal po rtog pa gnyis pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung mdor bstan pa gsum gyi mtha' slar bshad pa ste bzhi pa'o// //da ni dpal he ru ka bskyed pa'i sgrub thabs bstan pa'i phyir/bdag med ces bya ba la sogs pa gsungs te/ de nyid ces pa ni stong pa dang snying rje dbyer med pa nyid do/ /bdag med ma zhes pa ni shes rab kyi rgyud yin pa'i phyir ro/ /rnal 'byor ma la bos pa'i don to/ /gang gi phyir shes rab dang thabs kyi don gyi tshig gnas pa ni thabs kyi rgyud thun mong pa nyid gtso bor gyur pa nyid kyis te/des na dpal he ru ka'i mdun du bdag med ma gtso mo chen mo bos so/ /de kho na nyid la 'jug pa'i thabs ni he ru ka'o/ /de'i phyir bdag med ma'i chos kyi de kho na nyid ni thabs khyad par can gyi mtshan nyid do/ /de yang he ru ka sku bzhi las bla ma'o//de ji ltar zhe na gsungs pa/ shes rab kyi pha rol tu phyin pa la sogs pa dang rnal 'byor gyi rgyud rnams la sku bzhi thun mong gi mtshan nyid do/ /shes rab kyi rgyud rnams la ni khyad par yod de/ de yang bzhi pa spangs pa'o/ /de nyid kyis na mchog tu drag cing brtson pa'i chags pa'o//drag po rnams 'jigs par byed pas kyang 'jigs par byed pa gsang ba dang khyad par du gsang ba chen po dang shin tu gsang ba rnams las gsang ba/ bya ba dang spyod pa dang rnal 'byor dang rnal 'byor bla ma rnams las gong du gyur pa'i phyir/ chags pa chen po la sogs pa bsam gyis mi khyab pa'i snying rje chen po zhes pa ni khyad par ro//'dir gsungs pa/ e yi cha byad gzugs ni gang / /gdan lnga nyid du gnas pa yin/ /de'i dbus ha ni bdag gi gdan/ /g.yon du au D+yan u ru gsungs/ /g.yas su dzA lan+d+hu rar rA/ / mdun du kA ma rU bar kaM / dbus ni pul+lI la gnas su/ /bstan pa bdag gi ming can no/ /g.yon ni sbyor ba'i gdan yin te/ /g.yas ni de kho na yi gdan/ /mdun du gsang ba'i gdan nyid do/ /dbus na gsang ba'i bar du shrI/ /gzhan gyi gdan ni mtshan nyid do/ /ye shes can gyis de nyid brjod//chos dang longs spyod rdzogs sprul pa/ /de bzhin bzhi pa gong ma nyid/ /'bras bu rgyu yi dngos po ni/ /he ru ka yi mchog rmad 'byung / /'jig rten rnams ni rang gzugs nyid/ /de bzhin bdag nyid gdul bya'o/ /bsam gyis mi khyab snying rjer brjod/ / rnal 'byor 'di ni de nyid mchog /de ltar thabs kyi sa nyid ni/ /shes rab rgyud las yang dag 'byung / /de bzhin du he ru ka'i bskyed pa'i sgrub thabs zhes pa ni 'dir kun rdzob kyi cha shas dbyibs kyi bdag nyid la bdag yid ches pa yang me tog las dri bzhin du'o/ /de'i phyir drag po las drag po nyid de de nyid sgrub thabs so//des na he ru ka'i bskyed pa'o/ /gang gis zhes bya ba la sogs pa ni go sla'o/ /mkha' 'gro ma zhes bya ba la sogs pa ni mkha' 'gro'i gzugs dang mkha' 'gro ma'i gzugs te thams cad ni gdug cing ma rungs pa rnams kyi gdul bya'i don du de rnams kyi rang bzhin shes par bya'o//de dag thams cad bshad par bya/ /zhes pa ni nyon zhes sbyar ro/ /'dir rdo rje'i snying po'i rang bzhin rang gi ngo bo nyid kyi bdag med pa ste bdag med pa'i chos 'dzin pa'i phyir ro/ /yang rdo rje'i snying po mi smra bar gyur nas bdag med 'di ba ni ma yin no//de'i phyir rdo rje'i snying po nyid bdag med ma'o/ /ci'i phyir zhe na/ 'dir spyod pa'i dus su stong pa nyid gtso bo nyid kyis na chos rnams la brtags pa'i phyir blo chung ngu dang ldan pa'i sems can rnams kyi stong pa nyid du brtags pa nyid kyis myur bar 'gro bar 'gyur te/de'i tshe rdo rje snying bo nyid rnam par shes pa'i gzugs so/ /rnam par shes pa yang dngos po'i gzugs so/ /dngos po yang sngon po la sogs par snang ba'i gzugs te/ de rnams kyi rang bzhin gyi mtshan nyid ni chos kyi dbyings bdag med pa'i rang bzhin no/ /de ji ltar kun rdzob tu rnal 'byor ma bdag med ma'i gzugs su 'gyur/gang gi phyir chos rnams thams cad stong pa nyid kyi rang bzhin dang chos mthun pa ste/ de yang rnam pa dang dbyibs dang kha dog dang cha shas med pa'o/ /des na zhu ba po de nyid la stong grongs med na mtshams ga la yod/ rdo rje snying po'i gzugs kyi khyad par phul du byung ba ga la yod/ de med pa'i phyir de bzhin gshegs pa nyid rang stong par 'gyur/ /'di ni sa zhig gis byas pa'o zhes 'ga' zhig gis dogs na de'i phyir gsungs pa de ni ma yin no/ /ci'i phyir zhe na/ gang gi phyir chos thams cad mi rtag pa'i mtshan nyid kyi phyir dngos po'i gzugs kyi chos de rnams kyi rang bzhin gyi chos nyid yongs su brtags pas sems can rnams kyang chos dam pa la brten pas byang chub sems dpa'i lus sam sa bcu'i dbang phyug rnams kyi sangs rgyas nyid kyi sku grub pa'o//chos nyid kyang bdag med pa'i rang bzhin rang gi mtshan nyid dang bral ba yang dag pa'i mtha' de bzhin nyid shes rab kyi pha rol tu phyin pa sbas pa nyid kyis na 'od gsal bar brjod de/de nyid sangs rgyas rnams kyi sku mi zad pa brtag pa'i gzugs te/ lha rnams kyi gzugs kyang de bzhin no/ /de bzhin du 'dir yang sngags kyi theg pa la khyad par yod do//de ji ltar zhe na/ 'dir las dang po pa rnal 'byor la goms par thog ma med pa'i rgyun can dus sna tshogs pa dus gsum du 'byung ba'i sems can rnams rtsod pa'i dus su stong pa nyid bsgoms pas de rnams grol bar de bzhin gshegs pa rnams kyis rgyal ba bskyed ma la sogs pa rnams gsungs so//de'i phyir stong pa nyid du yongs su brtag pa tsam nyid rdo rje snying po'i rang bzhin gyis bdag med pa'i gzugs grub pa rnam par shes pa nyid bdag gis byed pa'i phyir bdag nyid ni nyi tshe ba'i stong pa nyid do/ /des na grol bar mi 'gyur te//nyon mongs pa'i phyir ro/ /des na kun rdzob kyi tshul gyis yang dang yang du he ru ka dang bdag med ma bskyed do/ /rang bzhin gyis snang ba nyid kyis phyag rgya chen po la sems can rnams gzhug pa'i phyir gang gi tshe las dang po bas mngon du byed pa de'i tshe yang kun rdzob tu rdo rje snying po nyid bdag med ma'i gzugs su 'gyur ro//gang gi phyir cig car ni mngon du byed par mi nus te/ rim gyis goms pa'i phyir ro/ /de'i phyir nang du rdo rje'i snying po rnam par shes pa'i rang bzhin gyi phyir ro/ /des na de nyid gsal ba nyid du 'gyur te/ stong pa nyid bdag gir byed pa'i phyir ma rig pa zad pa'i phyir de bzhin gshegs pas bstan te/ma rig pa yang rig pa bzang po la yid ches pas bdag med ma'i gzugs sgyu ma'i rang bzhin ches mchog tu 'byung ba'i phyir bud med dang skyes pa dang ma ning dang bral ba zhes pa'i don te/ ye shes kyi rnam pa'i phyir zhes pa ni nges pa'o//de'i don du bcom ldan 'das kyis rdo rje sems dpa' zhes bya ba la sogs pa gsungs te/ sngon du gsungs pa'i rdo rje sems dpa' dkyil 'khor gyi dbus kyi zhal gsum phyag drug pa de bzhin du de la sogs pa rtog pa gnyis par yang ji ltar gsungs pa rtogs par bya'o//slar yang rdo rje 'dzin zhes pa ni rdo rje sems dpa' rgyu'i rdo rje 'chang de yang 'byung bar 'gyur ro/ /rdo rje sems dpa'i rdo rje nyid/ /ces pa ni rtse lnga pa thabs kyi rdo rje 'dzin pa ste/ de'i lte bar A li kA li kha sbyar/ de'i dbus su hUM dang oM gyi sa bon gnyis te de las rdo rje dang gri gug dang /de'i steng du yang sa bon de nyid do/ /de nyid 'bar ba zhes pa la sogs pa ni rdo rje lte ba'i hUM dang gri gug gi aM gi sa bon de dag las lha sna tshogs pa mkha' 'gro dang mkha' 'gro ma dang khro bo'i tshogs dang de'i rigs 'bar ba'i phreng ba rnam par spros pa'o/ /kun tu zhes pa ni phyogs bcur rdo rje khro bo rnams spros te//sems can rnams btul bar byas nas slar 'ongs te de nyid du gzhug go/ /de yang de dag thams cad yongs su gyur pa las skad cig gis dgyes pa'i rdo rje'i sku phyag dang mdog dang mtshon char ldan par 'chad bzhin du bsgom par bya'o//de nas bdag med ma dang 'khyud cing bsrub pa dang bsrubs pa'i sbyor bas lha mo'i 'khor lo dbyung bar bya'o/ /de yang 'chad bzhin pa'i rim pas so/ /de rnams kyi dbus su chags pa chen po'i ting nge 'dzin gyis bdag med ma dang lhan cig pa'i bdag po'i zla ba'i dkyil 'khor gyi dbus su'o//sa bon phreng ba de nas dgod/ /ces pa ni gtso bo dang lha mo'i snying gi zla ba las spros pa'i 'od zer gyi rtse mo las de bzhin gshegs pa thams cad dang mkha' 'gro dang mkha' 'gro ma rnams spros te/ de nyid dri za'i sems can gyi gzugs te yi ge gsum ho gnyis kyi dbus su spel ba rang gi khar zhugs shing rdo rje'i lam nas zhu bar gyur pa de dang lhan cig bdag rang de bzhin du zhu bar 'gyur ba'o//de'i phyir bskul zhes bya ba la sogs pa gsungs te/ sbos mo la sogs pa'i rnal 'byor ma bzhi byams pa dang snying rje dang dga' ba dang btang snyoms kyi rang bzhin gyi glus skul bar byed pa'o//der gsungs pa/ snying rje zhes bya ba la sogs pa la/ bzhengs zhes pa ni bzhengs shig pa'o/ /rje btsun zhes pa ni snying rje lhan cig ces pa'o/ /snying rje'i yid kyis zhes pa ni snying rje'i thugs kyis zhes pa'i don to//puk+ka sI ni bdag la skyobs/ /zhes pa ni bdag puk+ka sI la mgon po bdag la skyobs shig pa'o/ /ci zhe na/ bde chen zhes gsungs te/ bde ba chen po la bdag sbyor bas bdag 'dod ces pa ni byams pa'i rang bzhin gyis so/ /stong pa'i ni rang bzhin thong zhes pa ni stong pa'i rang bzhin gyi ting nge 'dzin thong shig pa'o//de nas ri khrod ma'i glu gsungs pa/ btang nas zhes pa ni khyod bde ba dang bral ba de'i phyir stong pa'i ting nge 'dzin la zhugs pa'o/ /bdag 'gum zhes pa ni bdag ri khrod ma'i snying rje'i rang bzhin gyi gtso bo khyod mthong ba med pas bdag 'chi zhes pa'o//de'i phyir/ dgyes pa'i rdo rje khyod bzhengs shig /ces pa ni kye mgon po bzhengs shig pa ste/ stong pa nyid kyi ting nge 'dzin zhu ba'i rang bzhin las bcom ldan 'das dgyes pa'i rdo rje khyod bzhengs shig pa'o/ /stong pa'i rang bzhin btang nas ni//zhes pa ni stong pa'i rang bzhin thong mdzod la bdag ri khrod ma'i dgongs pa sgrubs shig /bde ba chen po la sbyor bar 'dod pas so zhes pa'i don to/ /yang gtum mo'i glu gsungs pa/ 'jig rten mnyam mnan na zhes pa ni khams gsum pa'i 'jig rten la snying rje'i ros bos so//bde ba'i gtso bo zhes pa ni kye shin tu dga' ba'i gtso bo 'jig rten rnams kyi don gyi bya ba brjod cig pa'o/ /ci'i phyir stong nyid bzhugs zhes pa ni ci'i phyir stong nyid zhu bar rang bzhin med pa la bzhugs pa'i don/ gtum mo bdag ni zhes pa ni bdag gtum mo dga' ba'i rang bzhin can zhes pa'o//gsol ba 'debs zhes pa ni zhu ba bgyid ces pa'o/ /de ci zhe na/ gsungs pa/ khyod mi bzhugs na bdag mi 'tshal/ /zhes pa ni khyod ma rtogs par bdag gis cung zad kyang ma mthong ste mun pa bzhin no/ /de bzhin du g.yung mo'i glu gsungs pa/mig 'phrul lta bur khyod bzhengs shig /ces pa ni kye mig 'phrul mkhan khyod bzhengs shig pa ste/ ji ltar mig 'phrul mkhan mig 'phrul ston par byed pa de bzhin du sgyu ma'i dngos po sna tshogs pa snang bar mdzad pa'i don to/ /bdag gis khyod kyi thugs 'tshal gyis//zhes pa ni dngos po sna tshogs pa de thams cad brdzun par mkhyen pa'i thugs bdag gis shes pas ni bdag btang snyoms kyi rang bzhin g.yung mo'o/ /de'i phyir/ g.yung mo bdag ni yid rig ma/ /zhes pa ni bdag g.yung mo grong khyer ma yid rig ma ste grong khyer pa rnams kyi yid shes shing rig pa'o//snying rje'i rgyun chad ma mdzad cig /ces pa ni bcom ldan 'das snying rje'i rgyun rnam par chad par ma mdzad cig pa'o/ /de'i phyir/ zhu ba'i ting 'dzin las bzhengs shig /ces pa'i don to/ /de ltar glus bskul ba rmi lam bzhin gsan nas/hUM dang aM lam bzhengs zhes bya ba la sogs pa ni go sla'o/ /slar yang gi tsaM zhes bya ba la sogs pa sa bon brgyad las gau rI la sogs pa'i lha mo brgyad rnams dbyung bar bya'o/ /'di rnams las zhes pa ni 'chad bzhin pa'i gdan thod pa brgyad kyi dbus su dgod par bya'o//de yang mtshams bzhi ru'o/ /de bzhin du phyogs kyi rnal 'byor ma bzhi ro'i gdan rnams la'o/ /de rnams kyi steng du gaM tsaM baM g+haM paM shaM laM DaM zhes pa'i sa bon brgyad blta ste/ de yongs su gyur pa las gau rI la sogs pa'i mtshan ma nya ro hi ta dang / phag pa dang / rus sbal dang / sbrul dang / seng ge dang / stag dang / ce spyang dang / dge slong rnams so/ /de bzhin du phyogs kyi rnal 'byor ma rnams kyi ro steng du haM suM shwaM siM zhes pa'i sa bon bzhi las rta'i gdong pa la sogs pa rnams kyi mtshan ma lcags kyu dang / zhags pa dang / thod pa dang / ral gri rnams so/ /de bzhin du bdag po zhes bya ba la sogs pa la/ bdag po dang dga' ma'i bsrub pa dang bsrubs pa'i sbyor bas hUM aM gi sa bon las dbyung par bya'o/ /de bzhin du 'khor lo chen po'i rtsibs rnam pa bcu gnyis pa'i gzhung lugs du ma nyid kyis na bla ma'i kha las shes par bya'o//'dir gzhung dkrugs pa ngo shes pa'i phyir bya ba zhes pa'i nges pa'o/ /'bar ba zhes bya ba la sogs pa ni 'od zer sna tshogs spros pa de las lha mo khro mo'i tshogs spros pa'o/ /de bzhin du ma mo'i 'khor lo zhes bya ba la sogs pa ni go sla'o//de lta'i zhes bya ba la sogs pa la/ cho ga'i bya ba zhes pa ni sngon du gsungs pa'i tshul gyis gau rI la sogs pa'i rim pa bzhin mtshams bzhir thod pa'i gdan rnams la bsam par bya'o/ /de la shar gyi mtshams kyi 'dab ma la gau rI'o/ /de bzhin du 'dab ma gnyis la tsau rI'o//phra mo hA zhes pa ni g.yung mo'i ming gi rnam grangs te/ de ni bden bral gyi 'dab ma la bsgom par bya'o/ /de bzhin du 'dab ma gnyis la ro langs ma'o/ /de bzhin du rlung gi 'dab mar sbos mo'o/ /de bzhin du 'dab ma gnyis par gtum mo'o/ /dbang ldan gyi 'dab mar za phod ma'o//de bzhin du de'i 'dab ma gnyis par ni ri khrod ma'o/ /lha mo 'di rnams kyi mdog dang phyag dang mtshan ma la sogs pa rnams ni go sla'o/ /de bzhin du shar dang / lho dang / nub dang / byang gi 'dab ma rnams la rim pa bzhin rta gdong zhes bya ba la sogs pa ni rta'i gdong dang /phag gi gdong dang / khyi yi gdong dang / seng ge'i gdong dang / de ltar rnal 'byor ma bzhi'i g.yon gyi phyag gnyis la thod pa dang kha T+wAM ga'o/ /de bzhin du g.yas na ni gri gug go/ /de bzhin du rta gdong la sogs pa thams cad kyi g.yas kyi phyag dang po la rim pa bzhin lcags kyu dang /zhags pa dang / tho ba dang / ral gri bsnams pa'o/ /de ltar phyag bzhi zhes bya ba la sogs pa ni go sla'o/ /de bzhin du gling bu ma la sogs pa'i rnal 'byor ma rnams mtshams bzhi ru bsam par bya'o/ /'di rnams ni rang gi ming dang mthun pa'i mtshan ma phyag na bsnams pa'o/ / gzhan ni go sla'o/ /'di ni sgra ji bzhin mdor bsdus pa'o/ /da ni 'di rnams kyi rim pa bzhin ting nge 'dzin gsum bsgom pa gsungs pa/ 'dir bsgoms pa'i dbang du byas pa'i sngags pas tho rangs rang gi snying gar zla ba'i dkyil 'khor la dgyes pa'i rdo rje'i yi ge'i sa bon 'od zer gyi phreng ba can bltas te/gdong dag pa la sogs pa byas la bsam gtan gyi gnas su zhugs nas stan bde ba la 'dug ste/ gnas dang bdag nyid rnal 'byor bsrung ba byas nas/ rang gi sngags kyis mchod yon la yongs su bzlas te/ de bzhin gshegs pa thams cad bsdus pa dgyes pa'i rdo rje'i dkyil 'khor mdun gyi nam mkha'i ngos kyi phyogs su bltas te/rang gi sa bon las byung ba'i mchod pa'i lha mo brgyad kyis mchod par bya'o/ /go rI ri dgas kyis mtshan 'dzin/ /tsau rIs nyi ma'i snod ni 'dzin/ /be tA lI yi lag na chu/ /g+ha sma rIs ni sman 'dzin te/ / puk+ka sI ni stobs can bsnams/ /de bzhin ro 'dzin sha ba rI/ /tsaN+Da lI ni cang te'u brdung / /Dom+bi phrag pa nas ni 'khyud/ /de lta bur gyur pa'i bcom ldan 'das spro ba dang sdud pa'i sku nam mkha' bltas te rang gi snying gar nyi ma dang zla ba la gnas pa'i hUM gi sa bon las byung ba'i phyi dang gsang ba'i mchod pa rig ma'i khyad par rnams kyis yang dag par mchod de/de'i mdun du sdig pa bshags pa la sogs pa bya ste/ gang 'khor ba thog ma med par bskal pa grangs med par 'byung ba'i bdag gis sdig pa'i las bgyis pa de dag thams cad bcom ldan 'das kyi spyan sngar bshags pa'o//slar mi bgyid par khas blangs so/ /gang yang sems can thams cad dang 'phags pa rnams dang so so'i skye bo rnams kyi dge ba de mtha' dag la rjes su yi rang ngo / /gzhan yang bla na med pa yang dag pa'i byang chub tu bsngo bar bgyi'o/ /khams gsum pa'i bdag nyid de mtha' dag bde ba chen po'i rnam pa dgyes pa'i rdo rje sangs rgyas dang /des gsungs pa'i sngags dang phyag rgya dang dkyil 'khor la sogs pa'i rang bzhin gyi chos dang / der rnal 'byor ma'i tshogs dang / lha mo'i tshogs 'khor lor bzhugs pa'i dge 'dun la skyabs su mchi'o//bla na med pa'i byang chub tu sems bskyed par bgyi'o/ /sems can thams cad kyi don byed pa'i rgyur gyur pa rnam pa kun gyi mchog dang ldan pa'i stong pa nyid mthong ba'i phyir byang chub kyi sems la brten par bgyi'o/ /sems can thams cad la phan pa dang bde ba'i don du dang /ji ltar skal ba dang ldan pa de rnams kyi byang chub rnam pa gsum thob par bya ba'i phyir de'i rjes su sems can thams cad la bu gcig pa ltar byams pa'i mtshan nyid byams pa chen po bsgom par bya'o/ /de bzhin du rnam par rtog pa'i rgya mtshor bying ba'i sems can skyabs med pa rnams mthong nas de rnams 'don pa'i rang bzhin gyi 'dod pa'i snying rje chen po mngon du bya'o//de ltar sems can gyi don du dga' ba chen po thob pa'o/ /de'i phyir rnam par rtog pa mtha' dag gi yul rnams la 'jig rten gyi chos brgyad la sogs pa la sngags pas btang snyoms su bya'o//de nas dngos po ma lus pa'i de kho na nyid kyi snying po bsdus pa'i sngags brjod de/ oM shU n+ya tA dz+nyA na badzra swa b+hA wa At+ma kohaM/ de'i rjes su sngags kyi don mngon sum du byas te bdag dang khams gsum pa snang ba med par bsgom par bya'o/ /'dir gsungs pa/ /oM ni gzugs rnams bzung ba ste//bye brag smra ba'i lugs kyis so/ /cha yi dbye bas don med de/ /rdul phran stong pa nyid du 'gyur/ /shU yis sems ni sbyangs pa nyid/ /mdun na gnas pa'i 'khor lo nyid/ /bye brag smra bar gnas pa ni/ /de rnams sangs rgyas 'dod pa yin/ / n+ya/ /de rnams la ni dbu ma dgod/ /lung rgyud las ni yod min pa'o/ /'dir ni rtag par rjes thogs bya/ /rdul phran rnams ni cha med phyir/ /tA/ sems ni nyams pa de rnams la/ /'dir ni mdo sde nyid ni bstan/ /kun rdzob tu ni gnas pa'o/ /de rnams med min dbu ma'o/ dz+nyA/ /'dir ni shes pa tsam gnas la/ /rnal 'byor spyod pa rnams ni bstan/ /de yang ma rig der shes bya/ /rnal 'byor spyod pa'i dbu ma'o/ /na/ yod min med min 'khrul pa nyid/ /des na sngon po la sogs snang / /de rnams dmigs par mi 'gyur te/ /brtags pa'i phyir na 'dir bstan to//ba/ rtsa'i dbu ma khyad par can la/ /ming tsam nyid du de shes bya/ /rnam shes nyid ni ring ba'i phyir/ /sgyu ma brdzun pa nyid du bya/ /dzra/ dam pa'i don gyis bsgyings pa'i phyir/ /de yang de kho na nyid bshad/ /rdo rje chos rnams kyis bstan pa'o/ / rdo rje bsam du med pa'i gzugs/ /swa/ /dngos po ngo bo tsam nyid ni/ /dbu ma chen por shes par bya/ /de dag thams cad yod pa min/ /yod pa mngon sum mthong ba'i phyir/ /b+hA/ cha dang cha min rnam par dpyad/ /sangs rgyas pa rnams sems mang bas/ /de rnams rtogs pa thob pa'i phyir//lta ba rnams ni 'di yis bstan/ /ba/ sangs rgyas de nyid bsgoms pa yis/ /bag chags rnams ni zad pa nyid/ /de ltar byas dang ma byas kun/ /ji srid bdag gis rnam par gnas/ /At+ma bdag nyid kyis ni bzung btang ste/ /de bzhin brjod med chos nyid do//bla ma'i bka' ni yid ches pas/ /'di yis sangs rgyas sangs rgyas min/ /ko/ khro ba la sogs 'khor ba las/ /blo dang ldan pa grol bar 'gyur/ /chos kyi dbyings ni nyid thob cing / /rdo rje 'dzin pa'i sa de bzhin/ /haM/ da ltar byung ba'i sems can rnams/ /bdag nyid nga rgyal byed pa ni//sngags kyi dag pa nyid ni shes/ /sgrub pa po ni 'khrul pa spangs/ /stong pa nyid kyi ye shes 'dis/ /'grub kyi gzhan du ma yin te/ /rang gi lta ba rtogs pas zhes dgongs so/ /des na smon lam rjes su dran te nam mkhar 'di bsgom par bya'o//raM las nyi ma mdun du bsgom byas te/ /nyi der hUM byung sna tshogs rdo rje ste/ /rdo rje de nyid kyis ni bsgom bya ba/ /ra ba dang ni gur ni bcing bar bya/ /de ltar rdo rje ra ba dang rdo rje gur rnam par bsgom par bya'o/ /de'i nang du rdo rje bla re yang bsgoms te bgegs bskrad par bya'o/ / de'i nang nam mkha' khyab pa can/ /ston ka'i zla ba'i ltar dkar ba rtse mo gsum du gnas pa nang khong stong chen mo chos kyi 'byung gnas bsgom par bya'o/ /de'i nang du dbang chen gyi dkyil 'khor gru bzhi kha dog ser po'o/ /de'i steng du chu'i dkyil 'khor zlum po dkar po'o/ /de'i steng du me'i dkyil 'khor gru gsum dmar po'o//de'i steng du rlung gi dkyil 'khor gzhu'i rnam pa lta bu nag po'o/ /de rnams yongs su gyur pa las sna tshogs pad+ma chen po'i lte bar sna tshogs rdo rje la gnas pa'i gzhal yas khang rnam par bsam par bya'o/ /de yang mchog tu 'bar ba rin po che sna tshogs rang bzhin gru bzhi rta babs bzhis brgyan pa ka ba brgyad kyis nye bar mdzes pa kha khyer bzhir mchod pa'i lha mo brgyad gnyis kyis mchod pa byed pa/dra ba dang dra phyed pas spras pa/ rdo rje'i thig gis brgyan pa/ rlung gis bskyod pa'i ba dan sna tshogs pa'i mchog dril bu'i sgra sgrogs pa'o//de'i dbus su pad+ma 'dab ma bcu gnyis pa lte ba dang ge sar dang ldan pa kun tu dkar po dang zla ba ltar snang ba chos kyi 'byung gnas kyi nang du chud cing kun nas yongs su bskor ba'o/ /de'i dbus su zla ba'i dkyil 'khor/ de'i steng du tshangs pa'i thod pa'o/ /de'i dbus su hUM 'od zer sna tshogs pa 'phro ba bsgom par bya'o//de yongs su gyur pa las bdag nyid lha'i gzugs su bsgom ste/ zhal gsum phyag drug pa de bzhin du rtsa ba'i zhal nag po g.yas pa dang g.yon pa dkar po dang dmar po'o/ /yang na lus thams cad ni dkar po'o/ /g.yon dang g.yas dmar po dang nag po ji ltar 'dod pa'o//de bzhin du spyan gsum pa phyag drug dang ldan pa g.yas kyi phyag gsum la rim pa bzhin rdo rje dang mda' dang rtse gsum mo/ /de bzhin du g.yon rnams la bdud rtsi lngas gang ba'i thod pa dang gzhu dang rdo rje dril bu'o/ /ral pa'i cod pan gyis brgyan pa'i bcom ldan 'das ji lta ba de bzhin du 'khyud pa'i shes rab ma'o//de lta bur gyur pa de'i snying gar zla ba'i steng du rdo rje rtse lnga pa'o/ /de'i lte ba la A li kA li kha sbyor gyi dbus su hUM dang oM yongs su gyur pa las rdo rje gri gug go/ /de'i steng du de nyid kyi sa bon gnyis 'od zer lnga'i rang bzhin 'bar ba'i phreng ba kun nas 'phro ba las mkha' 'gro dang mkha' 'gro ma drag mo'i rigs kyi tshogs spros te 'gro ba'i don byas nas slar de nyid du gzhug go//de thams cad rim pa bzhin 'gyur bar blta ste/ rdo rje sems dpa' dang / zla ba dang / rdo rje A li dang / kA li dang / mtshan ma gnyis dang / sa bon gnyis gyur pa las bdag nyid dpal dgyes mdzad rdo rje'i sku'i mdog nag po zhal brgyad pa zhabs bzhi pa phyag bcu drug pa bdud bzhi mnyam par mnan pa bdag med pa dang lhan cig dgyes par mdzad pa mchog tu dga' ba bde ba chen po'i chags pa la gnyis gnyis snyoms par 'jug par blta'o//de nas oM pad+ma su khA d+ha ra ma hA rA ga su khaM data tsa tu rA nan+da b+ha ga bi shwa hUM hUM kA r+yaM ku ru ShA me/ oM badzra ma hA dwe Sha tsa tu rA nan+da dwa ya ka kha ga mu khai ka rA so nA tha hUM hUM kA r+yaM ku ru Sh+wa me/ phyi'i bya ba la yang shin tu chags pa'i go cha la 'di ltar byin gyis brlab par bya'o//de nas snying gar zla ba dang rdo rje'i steng du hUM ngo / /bdag med pa la yang nu ma'i bar du zla ba dang gri gug sa bon 'bar bas mdzes pa'o/ /'di ni sbyor ba dang po zhes pa dang / ting nge 'dzin ngo bo nyid kyi sku'o/ /de'i rjes su snying gi mtshan ma la gnas pa'i sa bon dang / bsrub pa dang bsrubs pa'i kha sbyor las lha mo'i 'khor lo rnams dbyung bar bya'o//de nas shar la sogs pa'i 'dab mar rim pa bzhin tshangs pa dang / dbang po dang / nye dbang dang / dag po'o/ /de bzhin du me la sogs pa'i mtshams bzhir 'dab ma brgyad la thod pa gnyis gnyis brgyad du 'gyur ro//de ltar 'dab ma bcu gnyis pa'i 'khor lo'o/ /rgya la sgrub po'i khyad par gyis 'dab ma brgyad pa byed na de rnams kyi 'dab ma brgyad la gau rI la sogs pa'i gdan thod pa brgyad do/ /de bzhin du shar la sogs pa'i sgo bzhi ru tshangs pa la sogs pa bzhi'i stan gyi steng du rta gdong ma la sogs pa'i rnal 'byor ma bzhi rnams kyi'o//de bzhin du mtshams bzhir gling bu ma la sogs pa bzhi rnams kyi'o/ /'di rnams kyi gdan gyi steng du rim pa bzhin zla ba'i gzugs bcu gnyis so/ /de bzhin du dbang ldan la sogs pa'i mtshams bzhir gling bu ma la sogs pa'i gdan gshin rje dang nor bdag dang bden bral dang thags bzangs ris te/de rnams kyi steng du zla ba'i gzugs bzhi'o/ /de ltar bcu drug go/ /de bzhin du zla ba'i gzugs bcu drug rnams spro bar bya'o/ /de'i steng du haM suM shwaM siM dang / de bzhin du gaM tsaM baM g+haM paM shaM laM DaM ngo //de bzhin du baM bAM muM mUM mUM mo/ /de ltar brgyad gnyis kyi sa bon blta'o/ /de so sor gyur pa las rta gdong ma la sogs pa'i dang / de bzhin du gau rI la sogs pa rnams kyi dang / gling bu ma la sogs pa'i mtshan ma rnams so/ /de las lcags kyu dang zhags pa dang /lcags sgrog dang / ral gri rnams bsam mo/ /de bzhin du ro hi ta'i nya dang / phag pa dang / rus sbal dang / sbrul dang / seng ge dang / stag dang / ce spyang dang / dge slong rnams kyang bsam mo/ /de bzhin du gling bu dang / pi wang dang / rnga rings dang / rdza rnga rnams bsgom par bya'o/ /de'i steng du de nyid kyi sa bon rnams so/ /de thams cad gcig tu gyur pa las rta gdong ma la sogs pa dang / /gau rI ma la sogs pa dang / gling bu ma la sogs pa yang bskyed par bya'o/ /de la shar gyi sgor baM las byung ba kha dog nag po zhal dang po nag po'o//g.yas dang g.yon dkar po dang ser po'o/ /steng du rta'i gdong pa ljang gu'o/ /de ltar zhal bzhi dang phyag bzhi'o/ /de la g.yas kyi phyag dang po la lcags kyu'o/ /gnyis pa la gri gug go/ /g.yon pa dag la thod pa dang kha T+wAM ga bsnams pa tshangs pa mnan pa dgod par bya'o//de bzhin du lho'i sgor phag pa'i gdong ma suM las byung ba kha dog ser po zhal bzhi pa phyag bzhi pa'o/ /g.yas dang g.yon gyi zhal dkar po dang nag po'o/ /rtsa ba'i zhal ser po'o/ /steng du phag gi gdong dmar po'o/ /g.yas na zhags pa'o/ /lhag ma rnams ni rta gdong ma bzhin te dbang po mnan pa'o//de bzhin du nub kyi sgor shwaM las byung ba khyi gdong ma kha dog dmar po zhal bzhi pa rim pa bzhin du dbus dmar ba g.yas dang g.yon gyi zhal nag po dang dkar por snang ba'o/ /steng du khyi gdong ma ser po'o/ /phyag bzhi la g.yas kyi phyag na lcags sgrog go//lhag ma rnams phag gi gdong ma bzhin nye dbang mnan pa'o/ /de bzhin du byang gi sgor siM las byung ba seng gdong ma kha dog ljang gu zhal bzhi pa zhal dang po ljang gu'o/ /g.yas dang g.yon gyi zhal nag po dang dmar po'o/ /steng gi zhal seng ge'i gzugs 'bar ba'o//de bzhin du phyag bzhi pa g.yas na ral gri'o/ /lhag ma rnams ni khyi gdong ma bzhin drag po mnan pa dgod do/ /'di rnams ni phyag rga lnga 'dzin pa phyogs kyi gos can rgyan thams cad kyis brgyan pa bsam par bya'o/ /de bzhin du me'i mtshams su gau rI gaM las byung ba'i kha dog dkar po zhal gcig phyag bzhi pa/phyag g.yas gnyis mda' dang rdo rje gri gug go/ /de bzhin du g.yon dag na gzhu dang khrag gis gang ba'i thod pa bsnams pa thod pa'i gdan gyi dbus su bsam par bya'o/ /de bzhin du 'di nyid kyi 'dab ma gnyis pa la tsau rI tsaM las byung ba kha dog dmar po zhal gcig phyag bzhi pa phyag g.yas gnyis na 'khor lo dang cang te'u 'o//de bzhin du g.yon gnyis na thod pa dang lcags kyu 'dzin pa gzugs mdzes ma dgod do/ /de bzhin du bden bral gyi 'dab mar phra mo hA TaM las byung ba kha dog nag po zhal gcig phyag bzhi g.yas kyi phyag gnyis la tho ba dang rtse gsum 'phyar ba'o//de bzhin du g.yon gyi phyag dag la thod pa dang thod pa lcang lo can mgo bo'i ming can gnyis pa'o/ /'di nyid kyi 'dab ma gnyis la baM las byung ba'i be tA lI dkar ser du snang ba zhal gcig phyag bzhi pa g.yas kyi phyag gnyis na rdo rje dang chu dang thod pa'o//gnyis pa na bshang bas gang ba'i thod pa'o/ /g.yon dag na chang gis gang ba'i thod pa dang kha T+wAM ga bsnams pa mdzes pa'i gzugs can bsgom par bya'o/ /de bzhin du rlung gi mtshams su baM las byung ba'i puk+ka sI kha dog ser po zhal gcig phyag bzhi pa/g.yas kyi phyag gnyis la dpag bsam gyi shing dang / de bzhin du rin po che dang lhan cig pa'i mchod sbyin gyi phyag go/ /de bzhin du g.yon dag la lcug ma dang shas gang ba'i thod pa'o/ /de bzhin du 'di nyid kyi 'dab ma gnyis pa la tsaM las byung ba'i tsaN+Da lI kha dog sngon po zhal gcig phyag bzhi pa/g.yas kyi phyag gnyis la rlung ras dang / khu bas gang ba'i thod pa'o/ /g.yon dag la rang byung gi me tog gis gang ba'i thod pa dang de bzhin du pad+ma dkar po'o/ /dbang ldan du g+haM las byung ba'i g+hasma rI ljang gu dang ser por snang ba zhal gcig phyag bzhi pa phyag g.yas kyi dang por mi 'jigs pa sbyin pa'o//phyag g.yas gnyis la rdo rje me'i thab khung bsnams pa'o/ /g.yon la dgra sta'o/ /gnyis pa la zhag gis gang ba'i thod pa bsnams pa'o/ /'di nyid kyi 'dab ma gnyis pa la shaM las byung ba'i sha ba rI kha dog dkar po zhal gcig phyag bzhi pa g.yas kyi dang po la thod pa ros gang ba'o//gnyis pa la rdo rje'o/ /de bzhin du g.yon pa la kha T+wAM ga dang zhags pa'o/ /de ltar thams cad rang snang gi thabs dang ldan pa spyan gsum pa mche ba gtsigs pa'i zhal can skra ser po gyen du langs pa gcer bu'i phyag rgya lnga dang ldan pa zhabs g.yon brkyang ba'o//sgeg pa dpa' bo mi sdug pa/ /drag po bzhad pa 'jigs byed dang / /snying rje rngam dang zhi ba rnams/ /gar dgu'i nyams rnams dang ni ldan/ /zhes so/ /de bzhin du gling bu ma la sogs pa 'byung ba yang shes par bya'o//de ltar byang chub sems spros pa las byung ba bsgom par bya'o/ /de'i rjes su bsnyen pa dang / nye ba'i bsnyen pa dang / sgrub pa brjod par bya ste/ gang du rdo rje 'chang las thabs kyi rdo rje 'dzin pa rdo rje las byung ba'i bcom ldan 'das kyi dbyibs la sogs pa'i mthar thug pa ni bsnyen pa'o//dkyil 'khor 'byung ba ni nye ba'i bsnyen pa'o/ /de'i rjes su ho gnyis kyi dbus su spel ba'i yi ge gsum nang du zhugs pas shin tu rgyun mi 'chad pa'i mchog tu bde ba chen po ro gcig pas rang gi rig ma dang lhan cig zhu bar gyur pa sa bon gyi gzugs su kun tu gnas par gyur to//de nas puk+ka sI la sogs pa'i lha mo bzhi bdag cag mgon med par shes nas thams cad yid mi bde ba thob pas shin tu gdung ba drag pos thugs sad par byed pa'i rdo rje'i lus bcom ldan 'das kyi thugs slong bar byed de/ rje btsun bzhengs zhes bya ba la sogs pa'i de kho na nyid kyis glus rmi lam bzhin bcom ldan 'das kyi thugs sad de/bdud rtsi gzugs las zla ba'i gzugs so/ /de'i steng du hUM de las rdo rje'o/ /de'i steng du lte bar A li kA li kha sbyor gnyis kyi steng du sa bon gnyis so/ /de las mtshan ma gnyis te de'i steng du hUM dang aM gnyis te/de thams cad gcig tu gyur pa las dkyil 'khor gyi dbus su thod pa'i zla ba bdud bzhi'i steng du hUM las byung ba'i bcom ldan 'das dang aM las byung ba'i bdag med ma snyoms par zhugs pa'i khu ba las bzhengs te/ bcom ldan 'das dpal he ru kar bdag nyid sprul par bya'o//zhabs rnams sa la brdabs pa yis/ /lha dang lha min rnams ni bsdigs/ /ma mo'i 'khor lo nyams dga' bar/ /'di lta bu yi gtso bor bsgom/ /zhal brgyad zhabs ni bzhi dang ldan/ /bcu drug phyag rnams kyis ni brgyan/ /bdud bzhi mnyam par mnan pa ni//'jigs pa yang ni 'jigs par byed/ /sgeg pa la sogs nyams dang ldan/ /mgo yi phreng ba rnams kyis brgyan/ /rkang pa dag la g.yer ka'i sgra/ /nyi ma la gnas gar dang ldan/ /spyi bor sna tshogs rdo rjes mtshan/ /kha dog nag po 'jigs mdzad pa/ / nyid kyi zhal nas hUM spro ba/ /sku la thal ba'i rdul gyis byugs/ /bdag med ma dang kha sbyor bas/ /gnyis gnyis dag la snyoms zhugs pa/ /dur khrod brgyad kyi dbus su ni/ /dba' rlabs med pa'i rang bzhin can/ /rtsa zhal nag po bzhad pa ste/ /g.yas ni kun+da lta bu ste/ /g.yon ni dmar mo 'jigs chen po//steng gi zhal ni rnam par gtsigs/ /lhag ma'i zhal ni bung ba mtshungs/ /nyi shu rtsa bzhi spyan gyis phyug /de bzhin g.yas kyi phyag rnams la/ /rdo rje ral gri 'dzin pa nyid/ /de bzhin mda' dang 'khor lo dang / /lcang lo'i thod pa dbyug pa dang //rtse gsum dang ni dbyug pa nyid/ /de bzhin g.yon gyi phyag rnams la/ /dril bu dang ni pad+mar bcas/ /gzhu dang kha T+wAM ga phyar dang / /thod pa dang ni rin chen nyid/ /sdigs mdzub dang ni zhags pa nyid/ /kun nas 'od zer sna tshogs las/ /sangs rgyas sprin dang mtshungs par spro//'di ni sgrub pa'o/ /de nas sgrub pa chen po brjod par bya ste/ bdag po dang dkyil 'khor ba thams cad kyi rang rang gi zla ba la gnas pa'i rang rang gi mtshan ma'i dbus na gnas pa'i sa bon de dang de gyur pa las skad cig gis dam tshig sems dpa' bzhin bdag nyid ye shes sems dpa'i gzugs su blta'o//de'i snying ga'i mtshan ma de nyid kyi sa bon ting nge 'dzin sems dpa'i gzugs bsam par bya'o/ /bcom ldan 'das kyi snying gar yang dam tshig gi dkyil 'khor bzhin ye shes sems dpa'i dkyil 'khor bsgom par bya'o/ de bzhin du bdag med ma zhal gcig phyag bzhi pa kha dog sna tshogs pa drag mo chen mo gcer bu phyag rgya lngas rnam par brgyan pa/ spyan gsum pa/ skra ser skya gyen du brdzes pa/ mgo'i phreng bas dbu la brgyan pa/ maM mgo skam po'i phreng bas sku brgyan pa'o/ /phyag g.yon gyi dang po na rnal 'byor pa'i snod do//gnyis pa na kha T+wAM ga'o/ /g.yas kyi dang po la rdo rje sngon po'o/ /gnyis pa la gri gug go/ /gri gug gi phyag dang / thod pa thogs pas 'khyud pa g.yon brkyang bas mchog tu bde ba chen po la chags pa'o/ /de ltar bcom ldan 'das ma dang bcom ldan 'das g.yas brkyang ba de dang snyoms par zhugs par rnam par bsgom par bya'o//des ye shes sems dpa'i snying ga'i sa bon gyi sngags kyi 'od zer rnams kyis sku rdo rje dang / gsung rdo rje dang / thugs rdo rje rnams dgug par bya'o/ /de bzhin du spyi bo dang / mgrin pa dang /snying gar zla ba dang / nyi ma me gsum gyi steng du oM AHhUM rnam par bsams te/ de'i 'od zer gyis kyang sku rdo rje la sogs pa gsum der gzhug par bya'o/ /sku dang gsung dang thugs byin gyis brlabs nas sngags brjod par bya'o/ /oM kA ya badzra swa b+ha wa At+ma kohaM/ de bzhin du kA'i gnas su ngag dang sems sbyar bar bya'o/ /de nas rang gi snying ga'i 'od zer rnams kyis nam mkha'i khams gsum pa'i rang bzhin ye shes kyi dkyil 'khor bkug ste/ nam mkha'i ngos su bzhag nas hUM gis bgegs rnams bskrad par bya'o/ /der sngon du yongs su bzlas pa'i mchod yon dang zhabs bsil rang gi sngags kyis dbul bar bya'o//de nas dzaHhUM baM hoH /zhes pas dam tshig gi dkyil 'khor la ye shes kyi dkyil 'khor dgug pa dang gzhug pa dang bcing ba dang dbang du byas nas 'o ma dang chu bzhin ro gcig par gyur par bya'o//de bzhin du bdag gi gzugs kyi phung po la de'i bdag nyid kyi gau rI'o/ /tshor ba'i phung po la tsau rI'o/ /'du shes kyi phung po la be+e tA lI'o/ /'du byed kyi phung po la g+hasma rI'o/ /rnam par shes pa'i phung po la bcom ldan 'das dpal he ru ka'o/ /sa'i khams ni puk+ka sI'o//chu'i khams ni sha ba rI'o/ /me'i khams ni tsaN+Da lI'o/ /rlung gi khams ni Dom+bi nI'o/ /nam mkha'i khams ni bdag med ma'o/ /gzugs kyi skye mched ni rta gdong ma'o/ /sgra'i skye mched ni phag gdong ma'o/ /dri'i skye mched ni khyi gdong ma'o/ /ro'i skye mched ni seng gdong ma'o//de bzhin du sgra'i skye mched ni rnam pa bzhi ste/ 'di lta ste sbubs dang / rgyud dang / sgra chen dang / sgrog pa ni gling bu ma la sogs pa'i'o/ /de la sogs pa gzhan rnams kyi yang phung po dang khams dang skye mched rnams la nyon mongs pa dang nye ba'i nyon mongs pa rnam par dag par mos par bya'o//de nas lha'i nga rgyal bzung ste/ rang gi lus las byung ba'i 'od zer gyi tshogs kyis de bzhin gshegs pa thams cad dang byang chub sems dpa' dang rig ma dang lha mo dang / khro mo la sogs pa rnams bkug nas nam mkha'i dkyil du bzhag ste/rang gi snying ga'i sa bon las spros pa'i lha mo brgyad rnams kyis yang dag par mchod nas dbang bskur bar gsol ba gdab par bya'o/ /de nas de rnams kyis bdud rtsi lngas gang ba'i bum pa rnams kyis 'khor gyi bdag po dang dkyil 'khor rnams la yang dag par dbang bskur bar bya'o//de bzhin du dbang skur bzhin pa na rnam pa sna tshogs pa'i mchod pa'i khyad par rnams kyis yang dag par mchod bzhin bar bdag gi dngos po bsgom par bya ste/ de ltar rim pa bzhin rnam pa sna tshogs dang rnam par smin pa dang rnam par nye ba dang mtshan nyid dang bral ba'i skad cig bzhi thob pas/dga' ba dang dam par dga' ba dang mchog tu dga' ba dang / lhan cig skyes pa'i dga' ba bzhi mngon par mtshon to/ /dgod pa dang / lta ba dang / lag pa bcangs pa dang / gnyis gnyis 'khyud pa bzhi rnam par dag par slob dpon dang / gsang ba dang /shes rab ye shes dang / mchog tu bde ba chen po'i mthar thug pa'i dbang bskur ba bzhin blang bar bya'o/ /de ltar dbang bskur nas rang gi rigs gtsos mtshan to/ /de la/ sems dang rtag pa rin chen dbang / /'jig rten dbang dang don yod grub/ /ces so/ /de ltar sems kyis ni bcom ldan 'das la rgyas gdab po//lhag ma rtag pa la sogs pas gau rI la sogs pa rgyas gdab par bya'o/ /de bzhin du sems dang rtag pa dang rin chen dbang dang 'jig rten dbang gis mtshams na gnas pa rnams la'o/ /de bzhin du rta gdong la sogs sgo skyong rnams la rtag pa dang rin chen dbang dang 'jig rten dbang dang don yod grub pa rnams kyis rgyas gdab po//de bzhin gling bu ma la sogs pa thugs kyis rgyas gdab pa'am/ rang rang gi phyogs kyi gtso bos so/ /de bzhin du rang gi snying ga'i sa bon las spros pa'i rnal 'byor ma'i tshogs kyis bdud rtsi lnga po de rnams kyis bdag nyid yang dag par mchod par bya'o//de bzhin du yan lag drug rjes su dran par bya ste/ bcom ldan 'das gcig bu'i sku nag po dang / dmar po dang / ser po dang / ljang gu dang / sngon po dang / dkar po'i rim pas so/ /'di ni sgrub pa chen po'i yan lag go//de bzhin du mchod pa'i dus su bdag po dang dkyil 'khor pa rnams kyi sngags brjod de/ oM hrIHswA hA/ he ru ka'i'o/ /oM badzra gu h+ya sid+d+ha ya pa ra ma yo gI shwa rI ka pA la mA lA d+hA ri Ni ru d+hi ra pri ye swa shA bA si ni hUM phaT swA hA/ gau rI'i'o/ /oM badzra tsaN+Da shwa rI khwa DAM ga ma hA badzri Ni ka pA la mA lA ma ku te A ka D+D+h+ya ka D+D+h+ya ru lu ru lu b+h+yo hUM phaT/tsau rI'i'o/ /oM badzra pa rA dzi te pA ra ma gu h+ya ka pA la bi b+hu Shi te sarba duSh+Ta mo ha ni pri ye e h+ye hi b+ha ga ba ti badzra gu h+ya shwa rI ba hu bi bi d+ha ri Ni sarba duSh+Ta ni pa ri ni hUM phaT/ pra mo hA'i 'o/ /oM badzra be tA la'i kha kha khA hi khA hi sarba duSh+Ta bi kr-i ta be sha d+ha ri Ni bi kr-i tA laM kA ri bi b+hU Shi te ha na ha na da ha da ha pa tsa pa tsa mA bi laM ba sa ma ya sma ra pra be ya sma ra pra be ya maN+Da ba ma ng+h+yai u thA ba yas rba hUM phaT/be tA li'i'o/ /o e h+ye hi/ b+ha ga ba ti badzra gu h+ya shwa ri baM hUM bi bi d+ha ri Ni sarba ta thA ga ta duSh+Ta sa ma ya ma nu sma ra ha na ha na raM ga ra ga raM gA ba ya raM gA ba ya pU ra ya pU ra ya a be sha sarba pU ta narta narta narta pa ya narta pa ya ha ha hUM hUM phaT/puk+ka sI'i'o/ /oM badzra shU lA gri b+hin+da b+han+da sarba duSh+Ta hri da yaM A kaR+Sha ya A kaR+Sha ya ha na ha na nirma tha nirma tha mA ra ya mA ra ya mA bi laM ba sa ma ya ma nu sma ra hUM phaT/tsaN+Da lI'i'o/ /oM badzra ma hA ma he shwa rI ha ha ha ha/ ru lu ru lu b+h+yo hUM phaT/ b+hak+Sha ya sarba duSh+Ta nirma tha nirma tha hr-i da ya hUM phaT swA hA/ g+ha sma rI'i'o/ /oM suM b+ha ni d+hi ba sa ma ya badzra hUM phaT he ru ka san+ni d+ha oM badzra baM she hUM swA hA/ gling bu ma'i 'o/ /o badzra bI Ni hUM swA hA/ pi wang ma'i'o/ /oM mu kuN+Di hUM phaT swA hA/ rnga rings ma'i'o/ /oM badzra mr-i daM gi hUM phaT swA hA/ rdza rnga ma'i'o/ /oM badzra ba d+ha wa a shwa mu kr-i yo ga'i shwa rI he he he he he hUM dza/ rta gdong ma'i'o/ /oM badzra daMSh+Ta bA rA hI mu khe tro baM baM hUM/ phag gdong ma'i'o/ /oM badzra sU r+ya hUM ta sa ni siM gi ni de r+Na de siM ha ba ga dre siM ha ni ha tab/seng gdong ma'i'o/ /oM badzra d+hA tu saM dzA ba ni ma hA yak+Sha ni shwa ni rU pa ma hA yA nir+Na te kA ma rU pe tri tra Ta tra Ta ho shan s+ya swA hA/ 'di ni he ru ka 'khor dang bcas pa thams cad kyi sngags so/ /de ltar rnal 'byor pas gau rI la sogs pa rnal 'byor ma bcu gnyis rgyu bar bya'o//rnal 'byor ma re re yang bdag med ma'i nang du 'dus te/ 'pho ba bcu gnyis kyi dbye bas so/ /gling bu ma la sogs pa thun mtshams su mchod de dus kyi sbyor ba las so/ /bdag nyid ni lhan cig skyes pa'i dga' ba gcig gi gzugs can no//'di ni dkyil 'khor rgyal po mchog /ces pa'i ting nge 'dzin te gnyis pa longs spyod rdzogs pa'i sku'o/ /de'i rjes su bdag po dang dkyil 'khor ba snying gi sa bon las 'od zer spros te/ de las sku'i sprin spros pas 'gro ba'i don byas nas slar rtsa ba'i lus nyid la bsdu bar bya'o//de'i tshe gau rI la sogs brgyad zhal brgyad du gzhug go/ /sgo srung gdan bzhi las skyes pa ni rim pa bzhin sbyor ba dang / gzhan dang de kho na nyid dang / gsang ba'i gdan rnams su gzhug go/ /de bzhin du gling bu ma la sogs pa ni bdag gi gdan las skyes pa'i phyir de nyid du gzhug go//de la sgo srung bzhis ni me long lta bu la sogs pa'o/ /de bzhin du dad pa dang brtson 'grus dang / dran pa dang / ting nge 'dzin dang / shes rab kyi dbang po rnams la sems can rnam par 'jog par byed pa ni rta gdong ma'o//de bzhin du phag gdong mas ni dad pa dang / brtson 'grus dang / dran pa dang / ting nge 'dzin dang / shes rab kyi stobs rnams la 'jog go/ /de bzhin du khyi gdong mas ni rab tu dga' ba dang / dri ma med pa dang 'od byed pa la 'jog pa'o/ /de bzhin du seng gdong mas ni 'od 'phro ba dang /sbyang dka' ba dang mngon du byed pa rnams la 'jog go/ /de bzhin du gau rIs ni ring du song ba la'o/ /tsau rIs ni mi g.yo ba la'o/ /be tA lIs ni legs pa'i blo gros la'o/ /g+hasma rIs ni chos kyi sprin la'o/ /lhag ma puk+ka sI la sogs pa bzhis ni sangs rgyas kyi sa kun du 'od la'o//de bzhin du gling bu ma la sogs pa bzhis ni sa dang po ste/ de yang bcu gnyis pa mos pas spyod pa'i sa'o/ /bdag med mas ni rdo rje 'chang gi sa bcu gsum ma'o/ /de ltar khams gsum po mtha' dag shes rab dang thabs kyi bdag nyid kyi dkyil 'khor gyi 'khor lo'i rnam par mos par bya'o//sngar gyi bcom ldan 'das 'khor lo dang bcas pa 'di ni ye shes lnga'i bdag nyid do/ /de la A li yongs su gyur pa'i zla ba ni me long lta bu'i ye shes kyi rang bzhin no/ /kA li yongs su gyur pa nyi ma ni mnyam pa nyid kyi ye shes kyi rang bzhin no//de dag gi dbus su son pa'i mtshan ma dang sa bon ni so sor rtog pa'i ye shes so/ /de dag gcig tu gyur pa ni bya ba grub pa'i ye shes so/ /sku rdzogs pa'i ni shin tu rnam par dag pa'i ye shes su shes par bya'o/ /'di ni las kyi rgyal po mchog ces pa'i ting nge 'dzin te/ gsum pa sprul pa'i sku'o/ /de nas thig le'i rnal 'byor gyi dbang du byas te gsungs pa/ sna yi rtse mor yungs kar bsgom/ /rgyu dang mi rgyu yungs kar la/ /sna yi rtse mor nan tan gyis/ /rnal 'byor rig pas rtag tu bsgom/ /sna yi rtse mor 'phyang ba ru/ /sngon du gtum mo sbar bar bya//rgod ma'i mes ni 'bar ba'i phyir/ /sgra la sogs pa brgyad ni bsregs/ /oM las langs pa'i de nyid ni/ /ha hu byed pa po yis gtong / /las kyi rlung dang yang dag ldan/ /dbyibs la thim pa tsam gyis ni/ /thams cad du ni gdung bar byed/ /phung po lnga ni 'ju bar 'gyur//zhu bas 'dir ni bcu drug pa'i/ /cha yi bag chags kyang ni bsregs/ /lha mtshon pas ni mi 'dzag pas/ /rnal 'byor pa ni bsam gtan byed/ /khri phrag bye ba'i grangs kyis ni/ /yi ge bsam gtan zhes su brjod/ /me yi yang ni lce ni bdun/ /grangs de gang yin sna rtse bdun//snying mgrin lte ba'i 'og ni 'dir/ /mtshams gsum du ni sna gnyis gnyis/ /bdun pa'i sna ni gcig pu nyid/ /thig le'i gnas su 'od du bltas/ /'dir ni bsreg bya bza' ba ni/ /pags pa la sogs khams ni bdun/ /de nyid du ni thig le bdun/ /me yi dbus ni nyid du gnas//yi ge rnams ni bdun po nyid/ /ka sde la sogs Sha mthar thug /brgyad pa'i sde tshan rab rdzogs pa/ /blo ldan mi shigs pa ru brjod/ /thig le thams cad la khyab byed/ /yi ge las ni mi 'dzag 'byung / /de bzhin du ni rlung brgyad rnams/ /mnyam pa la sogs par ni grangs//de rnams steng 'og gnyis bstan pa/ /he ru byed pa'i las can nyid/ /des na thig le rtag tu gnas/ /ye shes lnga yi ngo bo nyid/ /srog la sogs pa lnga po nyid/ /rnal 'byor ma yi de nyid gzugs/ /thig le bdun gyi rnal 'byor nyid/ / sangs rgyas bdun gyi mtshan can 'di/ /de ltar gzugs ni lnga yin te/ /drug pa rdo rje 'dzin de bzhin/ /bdun pa 'dir ni dgyes rdo rje/ /dpral ba nyid du haM zhes pa/ /gang gis brjod du med grags pa/ /dgyes pa'i rdo rje zhes su brjod/ /rnal 'byor 'dir yang rtag tu 'dis/ / 'dir dga' bcu drug tsam nyid de/ /rnal 'byor rgyud kyi rgyud ni nyid/ /ma mo bcu drug shes par bya/ /de rnams kyi ni nang du sngon/ /rnal 'byor ma yig sum cu'o/ /dkyil 'khor lnga rnams thim pas na/ /'khor lo'i nang ni nyid du gnas/ /de ltar rnal 'byor rnal 'byor ma'i//kha sbyor sangs rgyas mtshan nyid do/ /de yi dbus su rdo rje'i rlung / /k+Sha ni bsam gyis mi khyab gzugs/ /de yi yang ni dgang blugs sbyin/ /sbyin sreg las ni thams cad pa/ /thab khung dbus nas bdag nyid ni/ /ye shes dkyil 'khor ming can no/ /'khor lo drug tu lha rnams la//sngags rig pa yis mchod par bya/ /gnyis med gnyis ni med pa'i dngos/ /cha med pa yi bde ba spyod/ /de ltar yang gzhung lugs brjod pa/ /nam mkha' dri ma med par gzung / /yid dang rlung ni gnyi ga dgag /'di lta'i rang bzhin rje btsun mthong //sku la sku thim mchog tu dga'/ /de bzhin du kol+la i reT+Thi zhes bya ba la sogs pa'i don yang 'di nyid du rtogs par bya'o/ /'di ni thig le'i rnal 'byor ro/ /de bzhin du 'di nyid du phra mo'i rnal 'byor brjod de/ 'khor lo bzhi yi mtsho skyes so/ /phra mo srog ni rnam par gzhom//rdo rje yis ni dgag pa nyid/ /ra yi bu ga nyid ni bcings/ /ra dang ra la brten pa ni/ /dbu ma ru ni gnyi ga 'dus/ /kha nas kha ru mthong 'gyur te/ /gnyis ka'i ra yi bar la gnas/ /yid can gyis ni g.yas pa dang / /g.yon pa'i ra dang dbu ma gsum/ / 'og gi ra ni gnyi ga yang / /lus la dbyer med par ni gnas/ /dpal gyi zhal nas zla ba 'bab/ /steng gi sgo ni mchog tu 'gro/ /'bar zhes thig le'i sngon 'gro ba/ /sa bon bzang po las ni 'dzag /de nas phung po'i zla can 'gyur/ /srid pa gsum ni rang bzhin med/ /nyi ma'i 'od zer phreng ba bzhin//yang ni thams cad 'bar ba nyid/ /mtsho skyes de rnams ni sngon 'gro/ /khong stong de nyid DI mtha' can/ /de kun grangs ni med pa nyid/ /blo ldan thim pa ru ni 'gyur/ /de rnams kyi ni 'od zer phreng / /mi shigs pas bsnun ngal ba las/ /de ni slar ya langs nas yang //dpe med glu ni dran par bya/ /thog ma tha ma dbus med cing / /zhes pa la sogs pa'o/ /'di ni rnal 'byor ro/ /de ltar thun tshod bzhi'i rim gyis bstod pa dang / mchod pa dang gtor ma'i cho ga sngon du 'gro bar bya'o/ /sngags kyi bzlas pa yang bya'o/ / rim pa 'dis bzlas te/ de la rim pa ni 'di yin no/ /oM ni spyi bor bsam bya zhing / /AHni khar chud ba ru dgod/ /hUM ni snying ga'i nyid du dgod/ /hrIHni lte ba'i rtsa bar ro/ /swA zhes pa ni gsang ba ru/ /hA ni rkang pa dag tu dgod/ /de ltar yan lag drug dgod de/ /yi ge bzhi yi rgya yis gdab//oM zhes pa ni 'jug pa nyid/ /d+hI ni de bzhin 'byung ba'o/ /swA zhes pa ni lte bar gnas/ /hA zhes pa ni sgra tsam nyid/ /gzhan yang rnam par dag pa ni/ /mchog tu rmad du 'byung bar bya/ /snying rje'i spyan ni dmar po ste/ /yan lag nag po byams sogs nyid//bsdu ba'i dngos po bzhi po ni/ /zhabs ni bzhi po dran par bya/ /zhal brgyad rnam par thar pa brgyad/ /phyag rnams stong pa bcu drug go/ /mtshon cha rnams ni rnam dag pa/ /snying rje bcu drug nyid du 'dod/ /phyag rgya lnga ni sangs rgyas lnga/ /khro bo gdug pa 'dul ba nyid/ / sha ni puk+ka sI ru bshad/ /khrag ni sha ba rI ru brtags/ /khu ba'i gzugs ni tsaN+Da lI/ /tshil dang rkang dag Dom+bi nI/ /pags pa byang chub yan lag bdun/ /rus pa bden pa rnam pa bzhi/ /de ltar lhag par mos nas sngags pas lha'i rnal 'byor gyis gnas par bya'o/ smon lam yang gdab ste/ rigs skyes zhes bya ba la sogs pas so/ /'di ni bcom ldan 'das kyi nges pa'o/ /de ltar mdor bsdus te spros pa ni dpal bla ma'i nges pas dpal he ru ka'i ting nge 'dzin gsum gyi sgom pa rgya cher 'grel las gsungs pa ni las dang po'i rnal 'byor pas mos pa tsam gyis dmigs par bya'o//'on kyang slob pa la gus pa rnams kyis khams gsum pa nyid ting nge 'dzin gsum gyi mtshan nyid dkyil 'khor gyi 'khor lor 'grub mod/ des kyang sgrub thabs la dmigs te/ sems can sna tshogs pa'i rgyu ru'o//da ni bdag po dang dkyil 'khor ba 'di rnams kyi nges pa'i don bstan pa'i phyir/ bdag med mar zhes bya ba la sogs pa gsungs te/ 'dir rnal 'byor ma rnams kyi rdo rje sems dpa'i sbyor ba sngon du gsungs pa ste/ skye ba brgyud par mngon du byas pa de'i phyir dgyes pa'i rdo rje mchog gi gzugs de kho na nyid do//de nyid kyi sku bdag med ma zhes pa ni gang zag la bdag med pa zhes pa'i don to/ /des na nyon zhes pa ni nges par gzung ba nyid do/ /de ci'i phyir zhe na/ gsungs pa/ he ru ka zhes pa ni snying gi chags pa chen po la he ru ka de'i skyed pa'i rgyu'o//sgrub thabs zhes pa ni khams sum cu rtsa drug rnams kyis rkyen gyi rang bzhin thabs te/ des na dus kyi pho nya rnams 'dus par brjod do/ /gang gis zhes bya ba la sogs pa ni 'dir gang gis bcom ldan 'das kyi sku sdud pa'o/ /de dag thams cad ces pa ni khams gsum pa'i lus dang ngag dang sems las kyang byung ba'o//gdug pa la sogs pa ni bde ba 'dod pa'i dbang po la sogs pa'o/ /de rnams 'dul ba zhes pa ni rang bzhin med par byed pa'o/ /mkha' 'gro zhes pa ni nam mkha' mnyam par song ba ste/ Di ni nam mkhar 'gro ba'i phyir nam mkhar khyab pa can no//de nyid kyis na mkha' 'gro ma zhes pa ni gang la de dang 'dra ba'i 'gro ba'i ngang tshul las brtson pa'i yid yod pa de ni mkha' 'gro ma'i rnam 'phrul zhes bya'o/ /de ltar de dag thams cad ces pa ni mtshan nyid gang gis rnal 'byor pa sangs rgyas nyid de mya ngan las 'das par 'gro ba de thams cad bstan par bya zhes sbyar ro//rdo rje sems dpa' zhes pa ni 'dir rdo rje sems dpa'i sgra ni rnam pa gnyis te/ rdo rje sems dpa' zhes pa'i bsdu ba rdo rje sems dpa' rnam pa gnyis so/ /de la rdo rje'i sgras ni chos dbyer med pa'i mtshan nyid rtag pa'i gzugs gzung ngo //de bzhin du sems dpa' zhes pa ni chos can skye ba dang 'jig pa'o/ /des na srid pa gsum gcig pa nyid mnyam pa'i tshul du skyes bu 'jug pa mi rtag pa'i gzugs so/ /de bzhin du gnyis las gnyis med par byed pa'o/ /slar yang zhes bya ba la sogs pa la yang zhes pa ni yang 'gyur ba'o//de ci zhe na/ gsungs pa/ rdo rje 'dzin zhes pa ni rdo rje sems dpa'o/ /de yang rdo rje nyid 'dzin zhes pa ni gnyis par 'gyur te/ sangs rgyas dang byang chub sems dpa' yongs su mya ngan las 'das par bya zhes dgongs te/ de'i tshe gzhan gyi gzugs dngos po thams cad kyi rang bzhin du byas pa'o//des na 'bar ba zhes bya ba la sogs pa ni go sla'o/ /'on kyang gtum mor bstan te/ sngon goms pa'i phyir 'bar ba zhes pa dang sbyar ro/ /de ltar sngon du bstan pa des na cung zad sa bon tsam pa'i sangs rgyas dang byang chub sems dpa' rnams yod do//de yang 'du shes kyi shes pas sa bon tsam pa thim par 'gyur ro/ /'dir gsungs pa/ zla zhes bya ba la sogs pa la/ 'dir zla ba'i dkyil 'khor zhes pa ni sbyangs pa'i a wa d+hU tI'o/ /de'i dbus su sa bon phreng ba zhes pa ni dus kyi pho nya mo sum cu rtsa drug gi rang bzhin gyi dkyil 'khor g.yon dang g.yas kyi dbye bas so//'dir yang dus ni g.yas kyi rtsa'i rang bzhin rnal 'byor gyi rgyud do/ /pho nya mo ni g.yon gyi rtsa'i rang bzhin rnal 'byor ma'i rgyud do/ /de ltar gnyis ka'i ye shes kyi dkyil 'khor rnams phreng ba bzhin dgod ces pa ni der thim par bya'o//de nas zhes pa ni de'i phyir zhes pa'o/ /rdo rje can zhes pa ni rang bzhin rig pa tsam mo/ /de yang chags pa chen pos zhes pa ni rang rig pa mi 'gyur ba'i phyir/ /lhag ma rnam par shes pa tsam mo/ /zhu zhes pa ni nub par gyur pa'o/ /de yang rig mar bcas pa zhes pa ni snying rje dang lhan cig go//de'i tshe skul bar byed ces pa ni ye shes kyi dkyil 'khor thim pas yang dkyil 'khor bzhi'i rnal 'byor mas sad pa'i ngo mtshar gyis langs pa'o/ /glu blangs pas zhes pa ni rang byung gi sgras so/ / de yang rig ma sna tshogs zhes pa ni gtsug tor la sogs pa'i 'khor lo drug la gnas pa'i rnal 'byor ma rnams kyi nang rnams su/ /sgra'i dbyangs rang byung nyid langs pa'o/ /de bzhin du snying rje zhes bya ba la sogs pa ni 'khor lo drug rnams yi ge brgya bzhi bcu rtsa bdun du 'gyur te/ de la gtsug tor du lnga'o/ /dpral bar bcu bzhi'o/ /de bzhin du mgrin par sum cu'o/ /snying gar brgyad do/ /de bzhin du lte bar drug cu'o/ /gsang bar sum cu'o/ /de bzhin du 'dir gsungs pa/ u tha b+ha rA d+ho zhes pa la u ni spyi bo'i snal ma ste/ tha ni dbus kyi shar nyid du//b+ha ni dbus kyi lho ru'o/ /de bzhin byang du rA nyid do/ /nub tu d+ho zhes bya ba'o/ /'dir ni rtag tu nam mkha' lnga/ /sgra lnga yi ge lnga rnams nyid/ /rigs ni lnga ru gsungs pa yin/ /de ltar rtsa ni lnga rnams la/ /'khor lo rnam pa lnga ni gnas/ /rtsa yi dngos po'i rang bzhin nyid//yi ge yi ni nang du 'dus/ /rtsa ni lnga po re re la/ /'khor lo lnga ni rim pa bzhin/ /'khor lo'i rnam par gnas pa ni/ /yi ge lnga yi rnam dag nyid/ /de ltar de bla med phung po'o/ /'khor lo'i rnam pa nyid du gnas/ /'dir ni phra mo'i rnal 'byor brjod//bcom ldan 'das ni yi ger bzhugs/ /ka ru Na ma Na puk+ka sI ma hu pa ri tA hi ma zhes pa la/ ka/ thod pa'i dbus su rtsa ni gang / ru/ 'dod pa'i rnal 'byor la ni gzhol/ Na/ gus pa dang ni 'dul ba'i gzugs/ ma/ byang chub kyi ni bde bas brgyan/ Na/ ston pa'i tshig ni rjes su 'gro//pu/ sngon gyi chos ni ston pa'i phyir/ ska/ las nyid bag chags sngon 'gro ba/ /sI/ rtsa ni bcu bzhi rnams ni 'grub/ ma/ dbu ma yang ni gtsug gtor du/ /hu ni nam mkha'i ming can te/ pa/ lhag ma yang ni rnam pa bzhi/ ri ni mgrin pa'i 'khor lo ste/ tA/ de ru rtsa ni bcu phrag gsum/hi/ shar du gser gyi gzugs su song / /ma ni sems ni 'di lta bu/ /de ltar yi ge sum cu'o/ /ma hA su ha dzo e ka ma ma hU tsha DA hi su Na sa hA ba I/ tu dzU bi hU Ne a ma ra i ha u zhes pa ni/ ma/ dkyil 'khor bcu ni phrag gsum nyid/ /hA ni mi shigs pa yang de/su/ bde ba yi ni gzugs su gnas/ /ha ni sgra yi sa bon can/ dzo/ rtag tu 'od kyi gzugs ni nyid/ e/ rnal 'byor pa yis de ltar blta/ ka/ 'dir ni su yi ming ni gnas/ ma/ yid kyi ming yang cung zad med/ ma/ yid kyi sangs rgyas rtag tu bzhugs/ /hU ni bdag kyang cung zad med/cha/ gdugs su gyur pa snying gi mkha'/ /DA ni mkha' 'gro ma yi tshogs/ /hi ni de nyid ji lta ba/ su/ shin tu sad pa'i mi shigs pa/ Na/ de nyid kun dang bral ba min/ sa/ 'di la'ang thams cad gnas pa med/ /hA ni rang bzhin med pa nyid/ /ba ni rdo rje 'dzin pa de/I/ de ltar gyur pa 'byung chen po/ /tu ni blo ldan 'di nyid de/ dzU/ thig le phra mo chen mo 'dzag /bi/ sna tshogs rnam pa rtag tu gnas/ /hU ni dbugs dang bral ba yis/ Ne/ bag chags med pa mkha' mtshan nyid/ /a yis thams cad la khyab byed/ /ma/ a wa d+hU tI dbus kyi mkha'/ ra/ sems ni nyi ma'i gzugs su song / /i/ yid la sogs pa zla ba'i gzugs/ /ha ni rdo rje sems dpar brjod/ u/ sangs rgyas gar mkhan bzhengs pa ni/ /de bzhin pad rtsa gzhon nu ltar/ /snying du rtsa ni brgyad rnams so/ /gtsug gtor gyi ni lnga po rnams//de las kyang ni lho yis 'dir/ /u nas dza la thug par ni/ /u la sogs pa'i yi ge brgyad/ /dur khrod brgyad du lha mo rnams/ /au D+yan la sogs pa yi gnas/ /nam mkha'i bu ga rtag tu brgyan/ /oM zhes pa ni cha lnga pa/ /pha zhes pa ni mtshams su sbyin/ / ti/ gangs can gyi ni mdun nas 'bab/ tu/ ba mo yi ni ma khengs lus/ /hU yi yi ge'i rgyu las so/ /he ni stong pa'i snying po ru/ ba/ chos kyi khams rnams gnas pa yin/ /dza ni rtag tu bems po yin/ /de ltar yang ni gnas pa ni/ /'dir ni zhing gi gzugs mdzes pas/ /'dir ni rtag tu bzhengs pa ni//dbang po'i sgo dgu las 'das so/ /de yang rtsa ni bcu drug rnams/ /yi ge drug cur brjod pa'i phyir/ /tsha Da la sogs u tha'i bar/ /'bras bu dang ni rgyu phyir gsungs/ /tsha ni grib ma'i rnam pa ste/ /Da/ spros pa yi ni blo dang bral/ / hi 'tshe ba dang ni bral ba'i gzugs/ su/ yid kyi ngo bo yid ni med/ /Na ni lus kyi 'di ni med/ sa/ thams cad mkhyen pa'i sku mi zad/ /ha ni he ru ka nyid de/ /Da ni sems dang sems las byung / sa/ 'di dag thams cad stong ci bzhin/ ba/ spros pa nyid ni spangs pa'o/ ri/ yid dga' bar ni gang tshe gyur//ha ni bde ba lta bu'o/ /si/ 'dir ni phyag rgya chen po 'grub/ dza/ bems po'i gnas skabs kyang ni ri/ /a ni bde ba'i rnam pa nyid/ u/ sems kyi rgol ba bsal la sogs/ ka/ sems can gyi ni rgyu ru bya/ /dzu zhes pa ni chags pa'i cha/ lo/ ba spu'i khung bu'i 'od zer gyis/a/ nam mkha' ru ni sems ming nyid/ Ni/ de nyid du ni sprul pa'i gzugs/ ma/ bsod nams chung ba'i sems can rnams/ dri/ skyabs gsum la ni 'jug pa'i phyir/ su/ bcom ldan 'das ni bde ba dran/ ra/ rnal 'byor pha rol phyin pas rol/ /a ni rnal 'byor rnams la khyab/ba/ gzhan rnams 'dul bar byed pa'o/ /hU zhes pa ni rab sbyor bas/ su/ gtso bo bdag la bde ba gnas/ Ne/ 'di de stong pa'i gzugs ni min/ a/ gtso bo bdag ni sdig tshar gcod/ /tsha ni sangs rgyas yon tan rnams/ si/ dngos grub sems can rnam ster byed/kI/ 'dir ni mang po smos ci dgos/ a/ sems kyi sgyu ma'i gzugs su blta/ /ha zhes pa ni rgyu med pa/ u/ stong pa'i mtshan nyid las ni bzhengs/ /tsaN+Da lI yi yig gsum gyis/ bin/ gzugs rnams nam mkha'i rang bzhin no/ na/ sna yi bu gar song nas nyal/ / ba rdo rje lta bu'i ting 'dzin gyis/ ma/ bde ba chen po khyod brten nas/ i/ dbang po rnams kyis byang chub mchog /te zhes pa yis bde ba nyid/ i/ 'di ni sems can gyis rtogs pa/ ci/ bde ba'i rang bzhin la ni gnas/ /N+yaM yis sems ni gnyis su med/ u/ rang bzhin gnas nyid 'don pa nyid//ha ni gnyis su med pa'i mchog /mi zhes pa ni bdag dang bsre/ na/ stong dang stong min ming ni med/ di/ nyin dang mtshan mo de bzhin mtshams/ sa/ bde ba btang nas ma zhugs shing / i/ 'di ni snying rjes dkris par 'gyur/ /de ni mgon med sems can la/ /a/ byang chub phyir ni 'bod par byed/ la/ thim pa'i gzugs ni rtag tu 'dor/ u/ drag po'i gzugs kyis mdzes pa'i phyir/ /tha zhes gnas ni drug cu bzhi/ /de yis rnal 'byor ma ni bskul/ /klu yi yi ge drug cu po/ /re re yang ni lnga lngar byas/ /de ltar lte ba'i 'khor lo nyid/ / sprul pa rnal 'byor ma yi lugs/ /'dir ni bcom ldan 'das bsten te/ /de yang thim nas langs pa'o/ /rnal 'byor rnal 'byor ma yi gzugs/ /de ni spros dang sdud pa'i gzugs/ /de bzhin yi ge sum cu yang / tu/ hu la sogs tsit+ta'i bar/ /ye shes dkyil 'khor pho nya mo//yi ge re re yis ni bskul/ /tu zhes pa ni bdag gi gzugs/ /hu ni khyod dang gcig pa nyid/ /sa gzugs thabs kyi rang bzhin gyis/ a/ sems kyi mtshan nyid mi g.yo ba/ la/ mtshon cha'i mtshan nyid mtshon pa nyid/ bi/ des na gtso bo sna tshogs gzugs/ /ru/ de ltar gzugs ni rtag tu bya/ a/ bsam gyis mi khyab mtshan nyid bsam/ liM/ btsun mo bdag nyid 'khyud par byed/ /tsi ni rtag tu sems kyi gzugs/ ta/ de nas gzhan gyi don shes bya/ a/ yan lag gzugs kyi ming ni byed/ he/ he ru ka dang de thabs gcig /me/ re re dang ni gnas kyang rung //Dom+bi spros pa las ring ba'o/ /mi ni dregs pa las brtson pa'o/ ni/ rtag tu bdag ni rtag pa'i gzugs/ /tshi ni chad pa'i chos nyid do/ /a ni mgon po bdag spyod dang / na/ phyag rgya chen po'ang don med pa'o/ /nu zhes pa yis stong par 'dod/ /ma ni sgyu ma rtag tu rig /ka/mgon po khyod ni bya ba yin/ ra/ nam mkha' yi ni dbus su rol/ ka/ thod pa'i dbus su gang tshe 'byung / ra/ 'on kyang 'dod chags kyi ni gtsos/ na/ khyod ma gtogs par ci yang med/ bi/ byang chub mtshan nyid khyad par can/ /ci zhes pa ni gang bsam pa//ta de ni bde ba kun gyi gnas/ /de ltar rnal 'byor ma rtag par/ /gnas kyi sa rnams la sgyu mas/ /de ltar gnas nas 'bod par byed/ /rang gi sems kyi snang bar bsam/ /hUM aM ye shes rnam par shes/ /sems dang sems las byung bar bstan/ / gnyis las bzhengs pa'i rdo rje can/ /thams cad du ni rang bzhin sku/ /lhag ma rnams ni 'chad bzhin pa'i/ /rnam par dag pa bshad pa las/ /de'i nges pa'i don bshad par bya'o/ /de ni bcom ldan 'das kyi nges pa'o/ /kha sbyor thig le'i rgyud kyi rgyal po'i rtog pa gsum pa'i he ru ka bskyed pa'i rab tu byed pa'i rgya cher 'grel pa yang dag par lta ba'i dran pa'i snang ba las ting nge 'dzin gsum gyi drang ba dang nges pa'i don bstan pa'i rab tu byed pa ste dang po'o// //da ni ye shes mkha' 'gro ma 'khor dang bcas pa'i sgrub thabs brjod pa'i phyir/nyon cig ces bya ba la sogs pa gsungs te/ dgyes pa'i rdo rje phyag bcu drug pa'i sgrub thabs bstan pa'i rjes thogs su de nyid bstan pa'i phyir ji ltar 'jigs sde la 'jigs pa zer ba bzhin du 'on kyang gdan bzhi'i don ye shes mkha' 'gro ma la sogs pa dgyes pa'i rdo rje nyid khong du chud par bya'o//'dir rdo rje gtso rgyal po zhes pa ni/ 'dir sngon du rdo rje sems dpa' zhu ba las dgyes pa'i rdo rje can du gyur pa de'i bsdus pa ni rdo rje'i sgra'o/ /de yang gtso bo zhes pa ni bdag med ma'i lta ba gsal ba'i 'od de dang ldan pas na rdo rje'o/ /de yang rnal 'byor thams cad la khyab par byed pa'i phyir rgyal po ste/gdan bzhi'i bdag po de'i shes rab yang dag pa'i ye shes so/ /de yang ye shes mkha' 'gro ma zhes pa ni de'i gzugs kyi sgrub thabs rnam pa du ma'o/ /des na ye shes kyi don ni sna tshogs pa gcig pa nyid de'i mkha' 'gro ma ni mang po'i don te/sngon du gsungs pa'i rgyu'i phyir ro/ /de bzhin du gnyis kyi dngos po zhes bya ba la sogs pa la/ gnyis kyi dngos po zhes pa ni 'jig rten las 'das pa'i ye shes dang shes bya'o/ /de'i gnyis spangs pas na/ de'i phyir gnyis med chos zhes pa ni gnyis kyi dngos po med pa'i phyir sngon du zhu ba'i gzugs stong pa nyid la rnal 'byor mas bskul ba'i phyir bslang ba 'gro ma'i gzugs kyi dbus su rang bzhin med pa'i rnal 'byor de gnyis med par brjod do//de'i dbus su sangs rgyas dang byang chub sems dpa' rnams kyis sam rnal 'byor pa rnams kyi rang gi sems kyi ngo bo las byung ba spros pa'i phyir/des na sems can gnyis med pa'i chos kyi ye shes can no/ /de rnams kyi dag pa rnam pa gsum zhes pa ni ye shes dang shes bya dang sbyor ba dag pa'o/ /de yang lan gsum du brjod par bya'o/ /sems can gyi lus la dbang po rnon po rnams kyis brjod pa tsam gyis bsam gyis mi khyab pa'i ye shes gnyis med pa skye bar 'gyur ro//des na rnal 'byor kun gyi dang por zhes pa ni rnal 'byor thams cad kyi bsdus pa ni gnyis med pa'i ye shes so/ /de'i rnal 'byor ni bsam gyis mi khyab pa gnyis med pa'o//dang po ni phul rab tu gyur pa'i phyir ro/ /de nas swa b+hA wa zhes bya ba la sogs pa ni sngags te/ rang bzhin gyi ye shes kyi sngags so/ /de bzhin badzra shud+d+ha zhes bya ba la sogs pa'i sngags ni sna tshogs su sprul pa'i phyir ro/ /de bzhin du 'di dag gnyis med pa de'i mchog ni yo ga zhes bya ba la sogs pa'i sngags te/gnyis med pa'i yang gnyis med pa/ /zhes pa dbang po rnon po rnams dang sangs rgyas dang byang chub sems dpa' rnams kyis ni bzlas pa tsam du nges pa'o/ /de bzhin du 'di nyid du da ltar gyi sems can rnams kyi sgom pa bstan pa'i phyir/de ltar zhes bya ba la sogs pa gsungs te/ de ltar brjod nas zhes pa ni bsam gyis mi khyab pa gnyis med pa bstan pa'i phyir/ swa b+hA wa zhes pa la sogs pa'i sngags brjod pa'o/ /des byas pa'i rnal 'byor pas bsgom par bya zhes pa ni dang po nyid du gnyis med pa la bsam par bya'o//de yang las dang po'i rnal 'byor pas de'i dang po yang bskyed pa'i rim par bsgom par bya'o/ /de yang yid du 'ong ba'i sa phyogs zhes bya ba la sogs pa gsungs te/ dang po gdong dag pa la sogs pa byas te/ bsam gtan gyi gnas su zhugs nas bde ba'i stan gyi steng du 'dug ste/ye shes mkha' 'gro ma'i sku ras ris la sogs par chud par dmigs par bya'o/ /nye bar spyod pa lnga la sogs pa'i mchod pa phul te/ bdud rtsi zos la gtor ma byin nas bzod par gsol te/ bsam gtan brtsam par bya'o//skad cig tsam gyi zhes bya ba la sogs pa ni 'chad bzhin pa'i ye shes mkha' 'gro ma'i gzugs dmigs par bya'o/ /des na rang gi snying gar ye shes mkha' 'gro ma'i sa bon nyi ma la gnas pa'i 'od zer gyi tshogs las de bya ba'i cho ga de nyid kyis bsgom pa'o/ /ye shes rgya mtsho zhes pa ni ye shes kyi dkyil 'khor spyan drangs te cho ga'i bya bas mchod pa dbul zhing sdig pa bshags pa la sogs pa byas nas stong pa nyid bsgom par bya'o//lhun po'i zhes bya ba la sogs pa ni nam mkha'i dbus su rlung la sogs pa'i dkyil 'khor bzhi'i dbus su lhun po'i steng du dkyil 'khor gyi khang pa rin po che bzhi'i rang bzhin no//sogs pa'i sgras mtshams su yang gser la sogs pa spras pa'o/ /khang bzangs de'i nang du rgyan rnams bsam mo/ /de la dbus su seng ge'i gdan la ye shes mkha' 'gro ma'i sa bon thig le tsam mo/ /des na bdag gi dbugs las 'byung ba zhes pa na 'dir ye shes kyi dkyil 'khor sa bon tsam mo//des na ye shes kyi dkyil 'khor sna tshogs pas brgyan pa rin po che sna bdun gyi rang bzhin gzhal yas khang bsgom par bya'o/ /lhag ma ni go sla'o/ /de'i dbus su seng ge'i gdan zhes bya ba la sogs pa ni dbus dang shar dang byang dang nub dang lho ste gnas lnga ru'o//de rnams kyi steng du nyi ma'i dkyil 'khor re re ye shes mkha' 'gro ma'i dkyil 'khor re rer 'gyur ro/ /des na sgrub thabs thams cad nyid kyi stong pa nyid kyi sgra ni ye shes kyi dkyil 'khor tsam mo/ /de yang khams sna tshogs pa'i rang bzhin no//des na mkha' 'gro ma'i rang gi dus rang rang gi khams las byung ba bdag gi dbugs las byung ba'i dus der ye shes mkha' 'gro ma la sogs pa bsgom pa nyid yod pa de la de skad ces bya'o/ /de ltar sngon gos dkar mo'i rnam par spros pa rgyu'i mkha' 'gro ma'i rjes su kha dog sngon po bsgom pa ni 'o ma dang chu bzhin no//lhag ma ni go sla'o/ /de bzhin du ye shes mkha' 'gro ma'i shar dang byang dang nub dang lhor rim pa bzhin rdo rje mkha' 'gro ma dang 'jigs pa'i mkha' 'gro ma dang ro langs mkha' 'gro ma dang gtum mo mkha' 'gro ma rnams so/ /de bzhin du dbang ldan la sogs pa'i mtshams bzhir rim pa bzhin bsam par bya ste/seng ge mo dang / stag mo dang / ce spyang mo dang / 'ug pa mo rnams bsam par bya'o/ /de bzhin du shar la sogs par g.yon skor gyi mkha' 'gro ma la sogs pa'i sgo bzhi rnams su rim pa bzhin du mkha' 'gro ma dang / mar me ma dang / 'jig byed ma dang /g.yo ldan ma'i rnal 'byor ma rnams bsam par bya'o/ /de ltar ye shes kyi dbang phyug ma bcu gsum ye shes kyi dkyil 'khor las byung bar bsgom par bya'o/ /de nas ye shes kyang de bzhin du gzugs tsam gyis mkha' 'gro ma ste/ de'i tshe phrag mo gnyis med pa'o/ / de ltar gnyis med pa'i gnyis med par 'gyur ro/ /rig ma dang po zhes bya ba la sogs pa la/ dang po sgra ni gnyis med par gnyis med pa'o/ /de nyid kyi dam tshig rlung dang zhes bya ba la sogs pa ni bdun du brtsegs pa'i sa bon te 'og tu ya la sogs pa'o/ /de yang rdo rje'i sa bon gyis zhes pa ni ha zhes pa'i steng du sbyin pa'o//de ltar bsdus nas h+k+Sh+m+l+W+r+yUM de ltar brgyad brtsegs kyi bdag nyid lus kyi ming can rnam par bsam mo/ /de bzhin du thig le dang sgra dang tsheg drag dang lhan cig bsdus pa'i yi ge bcu gsum ni mkha' 'gro ma bcu gsum rnams bsdus pa'i phyir te/ a wa d+hU tIr mkha' 'gro ma bcu gsum gyi rang bzhin ye shes kyi dkyil 'khor nang du 'dus par 'gyur te/phra mo'i rnam pa la 'jug pa gang gis bsam gyis mi khyab pa gnyis med pa nyid du 'gyur ro/ /gtsug tor nas ni rkang mtheb bar/ /yi ge rnams bkod bsgom par bya/ /mkha' 'gro ma rnams bskyed pa gang //rkang gnyis pa yis rim zhes bya/ /yi ge sum cu ming ni nyid/ /sa nyid kyang ni bcu gsum nyid/ /sangs rgyas mkha' 'gro ma rnams bsgom/ /bza' ba'i rang bzhin mdzes pa'i phyir/ /de bzhin du char pa'i rgyun zhes pa ni hUM ye shes kyi bdud rtsi'i rgyun mi 'chad par 'byung ba ste/ye shes kyi dkyil 'khor gyi sbyor bas zhes dgongs so/ /kha sbyor thig le'i rgyud kyi rgyal po'i rtog pa gsum pa'i rab tu byed pa gnyis pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste gnyis pa bstan pa'o// //da ni rnal 'byor ma rnams kyi shin tu phra ba sngon du gsungs pa'i ye shes kyi dkyil 'khor las mkha' 'gro ma bcu gsum bskyed de/ de'i re re'i dus las bdag med ma'i sgrub thabs lha mo bco lnga'i bdag nyid brjod pa'i phyir/ de nas zhes bya ba la sogs pa gsungs te/ye shes mkha' 'gro ma'i sgrub thabs kyi rjes thogs su de nas zhes pa ni rnal 'byor rang bzhin med pa'i mtshan nyid bshad pa'o/ /bdag med ma zhes pa ni phung po dang khams dang skye mched la sogs pa bdag med pa'i gzugs so/ /de'i sgrub thabs zhes pa ni thabs kyi mtshan nyid de/de bzhin du bshad ces pa ni mdor bsdus te dpyis phyin par gsungs pa'o/ /de nyid gsungs pa nam mkha'i dbyings/ /zhes bya ba la sogs pa ni sngon du gsungs pa'i ye shes mkha' 'gro ma'i dus kyi rnal 'byor yi ge bcu gsum yi ge gcig gi rang bzhin chos thams cad 'byung ba chos kyi dbyings kyi ngo bo ste de nyid nam mkha'i dbyings kyi ming can ma mo rnams kyi skye gnas bzhin chos rnams thams cad kyi skye gnas so//de'i dbus su chud par zhes pa ni/ nyi ma'i dkyil 'khor gyis rdul chags chen bsam zhes sbyar ro/ /de ci zhe na/'dir gsungs pa/ 'khor lo zhes bya ba la sogs pa ni ye shes kyi dkyil 'khor thim pa'i phyir slar yang de nyid du a wa d+hU tI'i chos kyi 'byung gnas las ye shes kyi khams lnga rnams 'byung bar 'gyur ro/ /de bzhin du 'khor lo zhes pa ni ye shes kyi sa'o/ /sngon du zhes pa ni ye shes kyi chu'o//tshul ji bzhin zhes pa ni ye shes kyi me'o/ /lha rnams zhes pa ni ye shes kyi rlung ngo / /ci ltar 'byung ba zhes pa ni ye shes kyi nam mkha'o/ /de nyid ni rnal 'byor pas shes par bya'o/ /de bzhin du de nyid du sa bon dang myu gu bzhin thig le lnga 'byung ba byang chub sems kyi rang gi ngo bo don dam pa'o//de yang khams lnga'i rang bzhin no/ /de nyid kyis na 'khor lo sngon du song zhes bya ba la sogs pa bsgom par bya zhes pa'i mthar thug pa gsungs so/ /de ltar ye shes dang shes bya'i bdag nyid rnam pa bcu nang gi yang nang ngo / /chos 'byung las 'byung zhes pa ni u U ya ra wa la ma Sha ka k+Sha ha zhes pa'i yi ge bcu las sa bcu dang sangs rgyas kyi sa 'byung ba'o//des na 'khor lo zhes pa ni sgra tsam mo/ /de yang nyis brtsegs zhes pa ni thig le dang tsheg drag dag khyab par byed pa'i phyir ro/ /dag pa'i rang bzhin med pa zhes pa ni stong pa dang snying rje bsam gyis mi khyab pa mi phyed pa'i gzugs la mos pas spyod pa'i sa dang rdo rje 'dzin chen po'i sa dag la lha'i rnam pa rnams zhes pa'i don to//de ltar sems can gyi ris rnams su sangs rgyas rnams spro zhing rang bzhin med pa'i de la rnam par spyod pa'o/ /de bzhin du/gcig ni ze 'bru can du 'gyur/ /zhes bya ba la sogs pa ni bskyed pa dang / rdzogs pa tha mal pa dang 'dus byas pa'i dbye bas rtogs par bya ste sku gsum la brten pa'i phyir ro/ /lhag ma ni go sla'o/ /'on kyang las dang po pas ting nge 'dzin gsum gyis bsgom par bya zhes dgongs so//de bzhin du de nyid gsum zhes pa ni ye shes kyi dkyil 'khor gyi nang du 'dus pa'i bdag med ma'i de kho na nyid do/ /gnyis pa ni de nyid du dkyil 'khor gyi rang bzhin no/ /de bzhin du gsum pa ni gnyis med pa'i yang gnyis med pa de'i bdag nyid kyis gnas pa'i phyir zhes pa ste nges pa'o//de'i phyir gsungs pa/ u ni rkang pa'i mthil nas brjod/ /'dir ni pus mo gnyis ka yi/ /snal ma phra mor sdud par 'gyur/ /U zhes pa ni u gnyis so/ /ya zhes pa ni brla gnyis su/ /brjod pas thur sel 'gog par 'dod/ /ra zhes pa ni me yi khams/ / gsang ba nyid du brjod pa'i phyir/ /wa zhes pa ni lto ba'i snar/ /la zhes pa ni brang du brjod/ /ma zhes pa ni 'di nyid du/ /brjod pa yis ni thim par 'gyur/ /Sha ni mgrin pa'i gnas su'o/ /ka ni lce yi rtsa ba ru/ /k+Sha ni brjod pa tsam gyis ni/ /dbang po rnams ni sdud par 'gyur/ /ha ni dud pa can zhes bya//dpral bar zla ba phyed pa'o/ /gtsug tor gnas su thig le ni/ /brjod pas der ni thims par 'gyur/ /'dir ni tsheg drag 'gro 'gyur te/ /bsam med gnyis su med mtshan nyid/ /de ltar srid dang mya ngan 'das/ /rang gi ngo bo 'dir mtshon pa/ / mkha' spyod sa spyod lha mo gnyis/ /'di rnams thog mthas rgyas gdab pa'i/ /rgyu ni bde ba nyid kyi phyir/ /zhes pa ni bcom ldan 'das kyi nges pa'o/ /kha sbyor thig le'i rgyud kyi rgyal po rtog pa gsum pa'i rab tu byed pa gsum pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste gsum pa bstan pa'o// //da ni slob ma rnams kyis phyag rgya chen po'i dngos grub thob par bya ba dang chos kyi dbyings kyi dkyil 'khor rdo rje sems dpa' zhes pas bris pa de bstan pa'i phyir dang / sngon du gsungs pa'i rdo rje sems dpa' sgom pa'i phyir/ /dgyes pa'i rdo rje la sogs pa mdor bstan pa 'di'i slar bshad pa bstan pa'i phyir/de nas zhes bya ba la sogs pa gsungs te/ de nas zhes bya ba ni rab tu byed pa gsum pa bstan pa'i mthar slar bshad pa la 'jug pa'o/ /phyis sngon du bstan pa'i rjes thogs su 'byung ba de la'ang de skad ces bya'o//de yang yang dag bshad bya ba/ /zhes pa ni gang gis nyan pa'i skye bo rnams kyis khong du chud par 'gyur ba de ltar shin tu gsal ba nyid du bshad par bya'o/ /de bzhin du/ dkyil 'khor chen po bla na med/ /ces pa ni snga ma la ltos pa'i phyir rab tu rdzogs pa'o/ /yang na bla ma'i nges pa'i dbang gis nus pa bstan pa tsam gyis sems can rnams kyis phyag rgya chen po rnyed par 'gyur ba'o//ji ltar bdag cag gi brgyud pa pad+ma badzra'i zhal snga nas kyis o D+yan pa la bstan cing des kyang rdo rje slob dpon in+d+ra b+hU ti bdag la bstan pas spros pa dang bcas pas phyag rgya chen po'i dngos grub thob par 'gyur ba de ltar/rdo rje dbyings dang 'dra ba ni/ /zhes pa ni ji ltar bcom ldan 'das shAkya thub pas rdo rje dbyings kyi dkyil 'khor bris te/ rdo rje snying po la dbang byin zhing 'di nyid du sems can thams cad lung bstan pa de ltar rdo rje dbyings dang mtshungs pa zab mo las kyang zab pa rdo rje sems dpa'i dkyil 'khor de'i rnam pa gsum pa'i don la dang po rdo rje dbyings kyi tshul gyis bya zhes dgongs so//de'i phyir/ rdo rje dbyings zhes bya bar brjod/ /ces pa ni cung zad nus pa thob pa'i slob dpon gyis bya'o/ /de nyid sangs rgyas bcom ldan 'das su 'gyur ro//yang na tha mal pa'i slob dpon yang 'dod chags la sogs pa'i nyes pa dang bral zhing rdo rje sems dpa'i yang nga rgyal dang ldan pa sangs rgyas dang mtshungs pa des kyang dkyil 'khor 'di byas shing slob mas kyang dad pas blangs nas thams cad sangs rgyas thob par 'gyur te gzhan du ni ma yin pa ste nges pa'o//de bzhin du dkyil 'khor gnas zhes bya ba la sogs pa ni phyi'i dkyil 'khor la bya ba'i phyir so phag la sogs pa gsal lo/ /de nyid du/ phyag rgya chen po yongs su bzung / /zhes pa ni 'chad bzhin pas phyag rgya chen po bsgrub par bya'o//sngags pas 'di ni zhes pa la sngags pa ni rnam pa gnyis te grub pa dang ma grub pa'o/ /des na thams cad nyid la zhes pa ni sems can thams cad nyid la bltas na mi shes pa rgyang ring bar 'gyur ba de la de skad ces bya'o/ /'dir ji ltar od+yan pa'i zhal snga nas kyis rdo rje bu mo bstan pas phyag rgya chen pos sems can rnams kyi don byed par 'gyur ro//de nas 'dir yang dkyil 'khor bri ba'i phyir sa sbyangs pa'i rjes thogs su gsang ba zhes bya ba la sogs pa gsungs te/ tshon sna lnga las bcos pa'i srad bu dkyil 'khor gyi tshad kyis so/ /des na ci ltar nus pa zhes pa ni khru gang nas brtsams te/ji srid khru stong gi bar gyis dkyil 'khor thig gdab ces pa'i don to/ /gru bzhi zhes bya ba la sogs pa ni go sla'o/ /rdo rje srad bu zhes pa ni zlum por bskor ba'i phyir ka ba brgyad kyi phyi ru rdo rje phreng bar bya ba'o/ /de bzhin du/ rdo rje ka ba'i rtser gnas pa//dkyil 'khor lnga dang ldan par bya/ /zhes pa ni sgo'i mthar thug par lnga brtsegs su byas te/ rdo rje dbyings kyi dkyil 'khor de nyid bsdus pa la sogs pa'i rim pas shes par bya'o/ /de nas zhes pa ni dkyil 'khor de rnams kyi dbus su sangs rgyas kyi gzugs brnyan zhes pa ni dkyil 'khor ba'i lha rnams 'chad bzhin pa'i rim pas dgod par bya'o//de'i don gyi dbang du byas te gsungs pa/ dkyil 'khor zhes bya ba la sogs pa ni 'dir ji ltar phyis mdor bsdus te gsungs pa 'di nyid sngon du cho ga bzhin zhes pa ni rdo rje dbyings kyi tshul gyis so//de bzhin du sgrub thabs khyod la bshad ces pa la kyang gi sgra ni 'di nyid du rdo rje dbyings bzhin du 'dir yang sgrub thabs kyi tshul las mi gsal ba gsal bar byed pa de la bshad par bya zhes sbyar ro/ /de la dang po zhes bya ba la sogs pa la de la zhes pa ni de'i phyir ro//dang po zhes pa ni dang po nyid du'o/ /lha'i khang par zhes pa ni bsgom pa'i gnas sam dkyil 'khor gyi khang par bzhugs te der bsgom par bya zhes pa'o/ /der bris pa'am 'bur du brkos pa'am blugs pa la sogs pa 'dod pa'i lha'i gzugs dmigs te/rang gi snying gar a zhes bya ba la sogs pa ni zla ba'i dkyil 'khor gyi steng du sa bon yongs su brtags pa'i phyir de ni rnam pa gsum du 'dod de/ gcig ni rnal 'byor gyi rgyud kyi rim pas oM mo/ /rnal 'byor ma'i rgyud kyi rim pas hUM ngo / /yang na zla ba'i dkyil 'khor gyi 'od zer las ji ltar gsungs pa'i rdo rjer 'gyur te de ltar cho ga bzhin zhes sbyar ro//de bzhin du rdo rje'i 'od zer gyi rdo rje rnams kyis thams cad ces bya ba la sogs pas nam mkhar dgug par bya'o/ /sogs pa'i sgras ni spyan ma la sogs pa sna tshogs pa dang khro bo'i lha rnams bzung ste/ de rnams kyis ji ltar sprul pa'i mchod pa bya'o//gzhan yang de rnams kyi mdun du bdag la dgongs su gsol zhes pa la sogs pa la thams cad bya ba ni go sla'o/ /de nas zhes bya ba la sogs pa la/ bcom ldan 'das zhes pa ni sngon nas bsgoms pa'i sku sgra brnyan lta bu'o/ /de yang de las byung ba'i sems can de rnams la chos ston par snang ba'i phyir ro//de nas zhes bya ba la sogs pa ni de bzhin du chos thams cad kyi rang bzhin gyi yid de las byung ba'i phyir ro/ /yid kyang brtags na bdag med pa'o/ /de bzhin du thams cad blta'o/ /phyir zhes pa la sogs pa la sprul pa zhes pa ni spros pa dang bcas pas sprul pa'o//de'i phyir sems med pa zhes pa ni da ltar gyi sems can rnams kyi dngos pos yongs su brtags pa yod de/ des rtsod pa'i dus su sems de nyid kyis yongs su brtags pa'i phyir dngos po zhes phul du byung ba de bzhin du 'byung bar 'gyur ro//des na chos thams cad gdod nas ma skyes zhes bya ba la sogs pa yid kyis sngags brjod par bya'o/ /de nas rang bzhin 'grub pa zhes bya ba la sogs pa ni don ji lta ba nyid du blta ba'i don to/ /'on kyang bzlas pa'i khyad par gyis rnal 'byor gyi khyad par yod de/ gtum mo sbyar bas thig le'i zla ba lta ste/de yi sngags ni oM la sogs pa'o/ /gru gsum zhes pa ni a la sogs pa'i dbyangs sum skor bzhi bcu rtsa brgyad du 'gyur ba de la de skad ces bya'o/ /yangs pa'i gzugs can zhes pa ni spros pa'i gzugs can no/ /snying rje zhes pa ni gri gug gam ral gri'o/ / kha cig ni cang te'u ru 'dod/ /de ltar bcom ldan 'das lha bzhi bcu rtsa gnyis kyi bdag nyid b+ha ga'i dbus su bsgom par bya'o/ /de nyid ni rnal 'byor ma'i rgyud kyi rim pas de kho na nyid sdud pas brjod do/ /de bzhin du me tog la sogs pa'i mchod pa'i lha mo bcu drug brjod de/ de la me tog ma dang /spos ma dang / dri ma dang / mar me ma dang / lha bshos ma dang / glu mkhan ma dang / gar mkhan ma dang / sgeg mo dang / me long ma dang / pi wang ma dang / ro bsnams ma dang / chos 'byung ma dang / sil snyan ma dang / gos thogs ma dang / zhabs bsil ma dang /mchod yon ma rnams so/ /de ltar lhag ma ni go sla bas bdag gis rgyas par ma bris te gzhung rgyas pas 'jigs pa'i phyir dang gzhan du rnyed sla ba'i phyir ro/ /de bzhin du phyi'i dkyil 'khor zhes bya ba la sogs pa ni gsang ba'i dkyil 'khor las phyi ru spros pa'o/ /snga ma dang 'dra ba de'i phyed tshad tsam zhes pa ni/nang gi rim pa'i rdul tshon gyi dkyil 'khor las phyi'i dkyil 'khor lnga'o/ /de re re'i nang nas snying po'i rim pa'i phyi phyogs bzhir rlung gi dkyil 'khor zla ba phyed pa lta bu bri'o/ /de bzhin du ma gsungs kyang rim pa gzhan dkyil 'khor lhag ma so so gsum la/me dang chu dang sa'i dkyil 'khor rnams re res byas so/ /de bzhin du rim pa bzhis zhes bya ba la sogs pa ni go sla'o/ /de bzhin du 'dir rnal 'byor thams cad shes rab dang thabs dang ldan pa'o/ /de bzhin du yang lha thams cad kyi ste dkyil 'khor pa rnams kyi'o//ral gri zhes bya ba la sogs pa ni dkyil 'khor thams cad kyi shar dang mer rnam par snang mdzad la sogs pa'i g.yas kyi phyag dang po la 'khor lo'o/ /de bzhin du dbang ldan dang byang du don yod par grub pa la sogs pa'i ni ral gri'o/ /de bzhin du rlung dang nub tu 'od bdag med pa la sogs pa'i lcags kyu'o//de bzhin du bden bral dang lho ru rin chen 'byung ldan la sogs ba'i zhags pa'o/ /de bzhin du dpa' bo dang rnal 'byor ma thams cad kyi phyag lhag ma g.yon pa dang g.yas pa dag gi phyag lnga lnga po rnams kyi ni bcom ldan 'das bzhin shes par bya'o//de ltar dkyil 'khor gyi 'khor lo thams cad kyi yi ge'i don ni go sla'o/ /'on kyang 'dir dkyil 'khor ni rnam pa gsum ste/ spros pa dang bcas pa dang spros pa med pa dang / shin tu spros pa med pa'o/ /de la gang spros pa dang bcas pa de ni rdul tshon la sogs pas bris pa'am 'bur du byas pa ni dkyil 'khor du 'jug pa'i don du bya'o//de bzhin du spros pa med pa ni rim pa gsum la sogs pa'i khang bzangs su dpa' bo dang dpa' mo'i dbang phyug ma rnams 'dus par bya'o/ /de yang rdo rje dbyings bzhin du kha dog dang mtshan mar ldan pa'i rnal 'byor ma dang dpa' bo rnams te/de'i dbus su rdo rje slob dpon rdo rje sems dpa'i nga rgyal gyis bsgyings par bdag nyid bsgom par bya'o/ /de rnams kyi mdun du nye bar spyod pa lnga la sogs pa'i mchod rdzas dang bza' ba bca' ba la sogs pa dang btung bas sogs pa rnams 'chad bzhin pa las bya zhes pa ni nges pa'o//de la shin tu spros pa med pa'i dkyil 'khor la spyod pa ni rang gi bdag nyid kyis gsang ba'i dkyil 'khor bsgom pas nus pa thob nas mngon sum du dkyil 'khor spros pa de mthong bas slob ma'i tshogs dkyil 'khor ba de rnams dang 'dra ba'i sems su 'gyur te/de rnams kyang snyoms par zhugs pa phyag rgya chen po'i dngos grub thob par byed ces dgongs so/ /'on kyang tha mal pa'i slob dpon gyis kyang de'i bdag nyid mngon sum du byed de 'dod pa'i yon tan lnga dang ldan zhes pa ste nges pa'o/ /de ltar gzhung lugs cung zad 'chad bzhin pa las gsal bar byed do//des na 'dir ma gsungs zhes pa'i tshul lo/ /kha sbyor thig le'i rgyud kyi rgyal bo'i rtog pa gsum mdor bstan pa gsum gyi mthar slar bshad pa'i rgya cher 'grel pa yang dag pa'i lta ba'i dran pa'i snang ba zhes bya ba'i gzhung bstan pa ste bzhi pa'o// //da ni de lta bu'i dkyil 'khor la gnas pa mkha' 'gro ma thams cad kyi nang gi dam tshig gi phyag rgya bstan pa'i phyir/ rnal 'byor zhes bya ba la sogs pa gsungs te/ nyan par 'tshal zhes pa ni rdo rje snying po la sogs pas bcom ldan 'das rdo rje sems dpa' la zhus pa'o//phyag rgya zhes pa ni phyag rgya chen po'o/ /de yang ngag gi zhes pa ni ngag gi sgo nas khong du chud pa ste/ tha mal pa'i gnas skabs kyi dus su yang sems dang sems las byung ba'i dngos po rtogs pa'i phyir ro/ /de rnams kyi mtshan nyid ces pa ni mngon sum du nyams su myong ba'o//de nas gsang ba zhes bya ba la sogs pa la/ rnal 'byor zhes pa ni gsang ba'i dkyil 'khor ro/ /de yang rnal 'byor ma'i zhes pa ni a wa d+hU tI'i rnam pa drug dang sbyor ba'i yan lag drug ste 'khor lo drug gi rab tu dbye bas so/ /des na mkha' 'gro ma rnams kyi dam tshig gi brda'i skad kyis de bstan zhes gsungs te/thub pa chen po zhes pa ni chos kyi sku rtag pa des sna tshogs rgyas btab pas na thub pa can no/ /brjod du med pa'i mtshan nyid ni thub pa'o/ /yang na 'di ltar rang rig pas nye bar spyod pa la 'jug pa'i mi smra ba'i sbyor ba de ni thub pa chen po zhes pa'i don to//de nas zhes bya ba la sogs pa la bcom ldan 'das zhes pa ni rang rig pa'i sems so/ /de nyid mkha' 'gro ma zhes pa ni 'khor lo drug la bsgyur ba'i dus kyi pho nya mo drug ni a wa d+hU tI'o/ /de yang ming drug dang ldan pa'o/ /des na dus kyi pho nya mo drug gi nang du 'dus pa nyid kyi sems rtse gcig pa nyid mngon shes drug gi mtshan nyid du'o//de bzhin du rnam par rgyal ba'i stobs zhes pa ni phyag rgya chen por rab tu song bas bdud las rnam par rgyal ba ste snying rje'i stobs kyis so/ /de ltar phyag rgya dang snying rje chen po gnyis med pa'i dngos po zhes pa gang yin pa de'o//de bzhin du ting nge 'dzin la snyoms par zhugs pa zhes pa ni yang dag pa'i rjes su dran pa drug la 'jug pa'o/ /des na mkha' 'gro ma zhes pa ni bsdus pa'i dam tshig ces pa'i tshul lo/ /de la ko la zhes bya ba la sogs pa ni yi ge brgya drug cu rtsa gsum gyi nang nas yi ge drug dus kyi pho nya mo drug gi brda 'di las byung ba brgya lnga bcu rtsa bdun gyi yi ge'i ming rnams kyis rnal 'byor gyi gdan rnams brjod de/de yang 'khor lo drug gi rtsa rnams te/ drug cu rtsa bzhi dang / brgyad dang / bcu drug dang / sum cu rtsa gnyis gnyis 'gyur dang de bzhin du lnga'o//de ltar dus kyi rtsa drug rnams kyi nang du 'dus pa'i phyir zhes pa ste nges pa'o/ /de la 'khor lo drug ni khams drug gi rang bzhin te dus kyi rtsa'o/ /de rnams la thabs kyi rang bzhin gsum mo/ /de bzhin du shes rab kyi rang bzhin gsum mo/ / de la gtsug tor dang dpral ba dang snying ga'i 'khor lo gsum ni thabs kyi rang bzhin no/ /de bzhin du mgrin pa dang lte ba dang gsang ba ni shes rab kyi rang bzhin no/ /de bzhin du a wa d+hU tI'i gnyis te lte ba'i steng du lam gsum du song ba'o/ /de bzhin du 'og tu lam gsum du song ba'o/ / de dag gi rnam pa drug ni dus kyi rtsa'o/ /de ltar lte ba'i dbus kyi 'og dang steng du bo la dang kak+ko lar brjod do/ /de la yi ge'i don brjod pa/ ko/ gzhu yi rnam pa lta bu'i rlung / /'og tu dus me'i rtsa rnams la/ /thur sel dang ni khu ba gnas/ /de ni ye shes khu bar brjod/ Da/ de nyid sum cu gnyis su shes//mkha' 'gro ma ni snal phra mo/ /de nyid ye shes mkha' 'gro ma'o/ l+la/ khu ba la sogs lha mo thim/ i/ dbang po dang ni lhan cig srog /re/ khu ba yi ni lha rnams gang / /thi zhes pa ni bshang bas gang / a/ nang du 'di yi lha mo'am/ bo/ byang chub ces pa nyid ni byed/l+lA/ 'og gi rtsa ni dri chu 'dzin/ /mu ni rmongs pa'i lha mo'o/ /mu/ lto 'phye zhe sdang 'bab pham/ Ni/ rgyu med pa yi ro ni myang / re/ 'byin byed byis pa'i rtsa ni gang / ka/ de bzhin 'dam skyes gang byed pa/ ko/ khu byug sgra ni steng du 'bar/ l+la/ bde ba bdag gi sems ni rnyed/ / g+ha/ dril bu'i rgyun la sems brtag pas/ ma/ yid kyis bsams te snyan par smra/ ya/ gshin rje'i pho nya 'dir ni shes/ ka/ tshig rgyun du ni ci bgyi ba'o/ pi/ sna yi rtse las chang 'thung ba'o/ /Ta zhes pa ni nam mkha'i lha/ /ho ni chags pa can lha mo/ ba/ /mda' can gsang ba'i nang du'o/dzi/ skra dkar byed pa'i lha mo yang / i/ dbang po sna yi nang du rgyu/ ka/ ral gri zhes bya lkugs par byed/ ru/ khrag gi kha yi lha mo'o/ Ne/ cha lugs du ma 'dzin pa'o/ /ki/ ge sar skye gnas ming can te/ a/ nga ru byed pa 'dzin pa nyid/ i/ dbang po sgyu ma dbyangs can ma/ / na/ mi yi gzugs ni lha mor shes/ ro/ ba spu'i bu ga'i rtse mtshams su/ /de ltar rtsa ni sum cu gnyis/ /ye shes 'khor lo'i ming nyid do/ /rtse gcig nang du gnas pa nyid/ /ye shes mkha' 'gro sum cu gnyis/ /rnal 'byor ma rnams dam tshig 'di/ /dus me gcig pu la ni thim//ye shes phung po sngon rgyu ba/ /thams cad du ni rgyu bar byed/ /de las ye shes khams ni skyes/ /rnam shes rnam pa'i sems byas te/ /de bzhin gtsug tor gyi ni rtsa/ /lte dbus a wa d+hU tI ni/ /steng du song ba sgra gcan te/ /nam mkha' yi ni rtsa ni lnga/ la/ mdzes ma rnams kyi za ba'i rtsa/ta/ pad rtsa 'jam po'i sku 'dra ba/ hi/ 'tshe ba spangs pa'i lha mo'o/ pa/ rdo rje sna yi nang du bde/ la/ lnga pa yi ni dbus su mtshon/ /lha mo yang ni 'byung lnga rnams/ /nam mkha'i mkha' 'gro ma ru 'dod/ /dpral ba'i rtsa ni med phyed sogs/ /ye shes dbus su yi ge rnams//nang du byang chub sems rgyu ba/ /grangs ni sum cu rtsa gnyis so/ /khA/ sems dang sems byung mkha' mnyam pa/ dza/ mngal nas 'byung ba rnams la rgyu/ i/ dbang po'i sgo'i bde ba yis/ /b+hA/ sna yi nang nas gzhan du 'gro/ /De ni ye shes mkha' 'gro yi/ / ma ni de bzhin dam tshig ste/ /A ni rnal 'byor mkha' 'gro'o/ /Na ni rdo rje mkha' 'gro nyid/ pi/ ser sna'i mkha' 'gror 'dir brjod do/ /dza ni sangs rgyas mkha' 'gro'o/ /a ni mya ngan 'das 'dun pa/ /ha zhes pa'i ni sems ming la/ le/ nam mkha' ya ni rlung thim mo/kA/ blo dang dbugs ni 'gog byed pa/ lin/ 'khyud pas zla ba sad pa nyid/ dza/ rdo rjer 'dzags pas shin tu nyal/ ra/ de ni dngul chu'i rgyun dang mtshungs/ pa/ lta ba yi ni rtsa bar ltung / ni/ sdong bu yi ni rtsa bar sbrul/ a/ mi shigs thams cad khyab pa'o/ / i/ 'di ni dbang por gnas pa'i rgyus/ du/ de yang gzung bar dka' ba'i gnas/ du/ mtshan ma ngan pa rtag tu spangs/ ra/ 'dod pa'i lam ni 'di ru chags/ ta/ bde ba'i dba' rlabs zhes bya'i phyir/ hi/ rnal 'byor 'di ni bdud rtsi 'dzin/ ba/ du ni rnam pa bzhi ru 'dzin/ /dzri 'dir gnas pa yi blo ni med/a/ rten gyi dga' ba las ni grol/ /i ni zla ba dang bral ba'o/ tsa/ zla ba'i ye shes dbang phyug gtso/ /u yi dbyangs ni thams cad 'gro/ /de ltar rtsa ni sum cu gnyis/ /dgyes pa'i rdo rje kun nas gtso/ /de rnams las byung rtog pa ni/ /sum cu rtsa gnyis bdag gis brjod/mi phyed ma sogs dang mo ni/ /rdo rje snying po mngon byang chub/ /rtog pa'i rgyal po ru ni brjod/ /gnyis pa sgyu 'phrul rtog pa ste/ /gsum pa sangs rgyas gar mkhan no/ /bzhi pa sna tshogs rtog pa ste/ /lnga pa rdo rje rtog pa'o/ /drug pa stobs po che yi ste//bdun pa mi g.yo ba rtog pa/ /brgyad pa gzungs kyi rtog pa'o/ /dgu pa rigs ni byed ma yi/ /bcu pa mkha' 'gro ma nyid kyis/ /bcu gcig pa ni 'byung 'dul byed/ /bcu gnyis pa ni rnam snang mdzad/ /dngos grub rtog pa sgrol ma yi/ /rtog pa 'di ni bcu gsum pa//rdo rje phag mo bcu bzhi ba/ /bco lnga pa ni me lha yi/ /bdag med rtag pa bcu drug pa/ /bcu bdun pa ni gshin rje'i dgra/ /bco brgyad pa ni hUM mdzad kyi/ /bcu dgu pa ni phyir bzlog pa/ /sbyin sreg rtog pa nyi shu pa/ /nyi shu gcig ni rab gnas kyi'o/ /dkyil 'khor chen po rtog pa ni//nyi shu gnyis pa nyid du 'dod/ /nyi shu gsum pa gtor ma'i rtog /nyi shu bzhi ba lha'i gnas kyi/ /nyi shu lnga pa mngon rtogs kyi/ /de bzhin rgyas btab nyi shu drug /nyi shu bdun pa byed pa ni/ /nyi shu brgyad pa klu yi 'od/ /de bzhin nyi shu rtsa dgu pa/ /pad+ma gar dbang phyug rtog pa//sum cu pa ni dbyangs rtog pa/ /rnal 'byor rgyud kyi rtog pa nyid/ /sum cu rtsa gcig pa ru 'dod/ /srid mthar phyin pa rnal 'byor ma'i/ /rtog pa sum cu gnyis por brjod/ /de ltar rtsa rnams yas byung ba/ /dus kyi longs spyod la ni spyod/ /lte ba'i steng gi g.yon gyi rtsar//bde chen 'khor lo zhes pa nyid/ /de bzhin mgrin pa'i 'khor lo ni/ /lte ba'i steng gi g.yas gnas pa/ /de rnams rtsa ni rab tu bshad/ /rnam pa bcu drug de kho na/ /yi ge bcu drug dbye ba yi/ /dam tshig mkha' 'gro'i mtshan nyid do/ a/ kun tu bzang po zhes pa nyid/ma/ dbu ma'i dga' ba tsam na nyid/ oM/ zla ba'i dga' ba de bzhin shes/ ko/ keng rus kyi ni dga' ba nyid/ /thu ni mi rtog dga' ba'o/ /ri zhes pa ni de bzhin mchog /sa ni reg bya'i dga' ba nyid/ hA/ yid tshim pa yi dga' ba nyid/ /de ni yid can dga' bar byed/ / hi ni snying gi dga' ba'o/ /ka ni nam mkha'i dga' ba nyid/ /bu ni 'jigs pa'i dga' ba nyid/ /ra ni de bzhin dga' bral nyid/ /la ni lhan cig skyes dga' mtshon/ /i ni de bzhin sna tshogs pa'o/ a/ a wa d+hUM tI'i bla ma'o/ /de ltar rnal 'byor mchog gis phul/ /mkha' 'gro rnams kyi dam tshig gzhan//rnal 'byor ma rnams kyi ni ming / /'pho ba bcu drug tu ni 'dod/ /de yang khams kyi dbang gis shes/ /dus kyi rtsa yi ngo bo nyid/ /der ni khrag gi thig le rgyu/ /gsang ba la sogs yi ge 'dod/ /de rnams kyi yang don ni gang / /'chad bzhin pa yis bstan par bya//de'i phyir lte ba'i 'khor lo ni/ /rnal 'byor 'dab ma drug cu bzhi/ /yi ge nyid kyang drug cu bzhi/ /i ni gnas kyi rnal 'byor ma/ ma/ phreng ma zhes pa'i rnal 'byor ma/ /le zhes pa ni thong rmo ma/ i/ de bzhin du ni shing 'tshong ma/ i/ bur shing phyed mar de bzhin shes//d+ha na gzhu mkhan ma dang gar mkhan ma/ /sa zhes pa ni smad 'tshong ma'o/ li/ gzhon nu ma yi 'khyud pa ma/ dza/ sgo nga las skyes rnams 'tshong ma/ ta/ snal ma thag pa de bzhin nyid/ /hi ni de bzhin 'tshod pa mo/ b+ha/ bram ze mo yi rnal 'byor ma/ ru/ de bzhin khro bo'i rnal 'byor ma/khA/ bza' dang btung la chags pa gang / i/ in+d+ra nI la sogs 'tshong ma/ a/ 'bru la sogs pa'i tshong pa nyid/ /i/ dbang po dkar mo'i rnal 'byor ma/ pe ni khron pa byed pa mo/ kha/ shan ma zhes pa'i rnal 'byor ma/ Na/ sen mo 'dreg pas 'dreg mkhan ma/khe/ nam mkhar 'gro ma de bzhin nyid/ /Ta zhes pa ni sbubs byed ma/ ka/ de bzhin zas 'tsho mar ni shes/ ra/ ro 'dzin pa yi blo gros can/ /te zhes pa ni rgyud byed ma/ shu/ bzang mo'i rtsa ni sbyong byed ma/ d+ha/ ras 'khrud pas na 'khrud mkhan ma/ shu/ chang 'tshong ma ni rnal 'byor ma/d+ha/ mche ba srub pa'i rnal 'byor ma/ /Na zhes pa ni nya pa mo/ /ma zhes pa ni lham byed ma/ Ni/ de bzhin chos dkar bdag por gnas/ a/ 'dir ni rus pa byed pa nyid/ /i ni spra tshil byed pa mo/ /ni ni de bzhin ras 'tshong ma/ /ra zhes pa ni tshos mkhan ma/su/ gser byed ma yi rnal 'byor mA/ a/ mi 'ching ba rnams mchod byed ma/ ga/ dri yi rdzas la sogs 'tshong ma/ tsa/ de bzhin du ni gtum mo nyid/ /da zhes pa ni g.yung mor 'dod/ pa/ gnyug mar med pa'i rnal 'byor ma/ a/ kun dga' ra ba srung byed ma/ ta/ so rtsi so la 'tshong byed ma/hi/ de bzhin 'tsho bar 'dod pa ma'o/ /dza ni ba lang skyong mar shes/ /sa/ 'di ni ri khrod rnal 'byor ma/ ra/ de bzhin rgyal po'i bu mo nyid/ /ba ni phyugs zan 'tshong ma'o/ /pa zhes pa ni shing mkhan ma/ /pa ni gos bzo byed ma'o/ /Na ni gnyug me'i gar byed ma'o//i ni mar khu mar zhes bya/ /a ni 'khar ba byed ma'o/ /i ni mching bu byed ma'o/ /ma ni ri mo byed ma'o/ /la ni rgya skyegs byed ma'o/ /i ni rgyal po'i nang 'khor ma/ /dza ni de la rje'u rigs mo/ /ku bum pa byed pa'i rnal 'byor ma/ /du ni dmangs rigs mo nyid do/ / ru/ nad sel pa yi sman pa mo/ ga gdong 'gegs lha mo khyim pa mo/ /de/ /de ltar lte ba'i g.yon logs kyi/ /'khor lo 'di ni sprul pa'o/ /rnal 'byor ma'i cha lugs mang po ni/ /lus kyi dngos po las ni byung / /rnal 'byor ma yi rgyud 'di nyid/ /dus kyi rtsa las yang dag 'byung //'di nyid kyi ni g.yas logs la/ /thugs kyi 'khor lo'i rtsa brgyad gnas/ /ta zhes pa ni ma nyid de/ /i ni de bzhin bu mo'o/ /na zhes pa ni tsha mo'o/ /de ni de bzhin sring mo'o/ /ma zhes pa ni sgyug mo'o/ /ba ni de bzhin gnyen mo'o/ /dzi ni pha yi sring mo'o//a yi khyad byed yi ge gnyis/ /de la a ni nam mkhar 'gyur/ /i zhes pa ni rlung dang ldan/ /rtsa bcu po ni rlung gi gzugs/ /i Da la sogs lte ba'i ming / /yi ge rnams ni rlung gi ming / /de ltar rtsa ni drug rnams kyi/ /yi ge'i don dang rjes su mthun/ /yi ges rnal 'byor rnams ni brjod//ming ni dam tshig gi ni skad/ /de bzhin lte ba'i 'khor lo yi/ /rnal 'byor ma yi gnas kyi ma/ /drug cu rtsa bzhi yi ni grangs/ /myu gu la sogs yi ge rnams/ /mu zhes pa ni kha yi gnas/ /g+ho sna'i bu ga g.yon pa la//g+hu ni sna khung g.yas su 'dod//de ltar gu gu gnyis ni mig /de bzhin rna gnyis la myu gu/ /gci ba'i bu ga dang bshang sgo/ /gnyis la lu g+hu gnyis ni brjod/ /de bzhin 'dir ni dra zhes pa/ /khu ba'i bu ga'i nang du'o/ /lta ba'i bu ga'i gnas rtag tu/ /Sh+Tha zhes pa ni gcig pur brjod/ /de ltar dgongs bshad gzhan ma yin//sa ni bcu gnyis dag la gnas/ /de nyid kyis na de dag ces bya ba la rnal 'byor pas mthong zhes bya ba ni spyod yul lo/ /sa bcu gnyis kyi tshul gyis grub pa'i tshig gsungs pa'i phyir ro/ /'di rnams kyi mtshan ma zhes bya ba la sogs pa ni khams rnams gnas su brjod/ta zhes pa ni mthil ni lnga/ /t+ya ni sor mo nyi shu'o/ /ra ni mtshan ma zhes su gsungs/ /Da di zhes pa sgo nga gnyis/ /pu su gnyis ni phrag brgya pa/ /rkang par ma yo yi ge gnyis/ /b+hi d+hi spyi bo mgrin par ro/ /lu zhes pa ni snying gar gnas/ /s+thi zhes pa ni gnas ming nyid//sa ni de bzhin lto bar ro/ /pi zhes pa yang ye shes pa/ /gdan gnyis su ni brtan par bya/ /b+ha b+hi zhes pa gnyis kar yang / /blo yi gnas dag tu ni bstan/ /bu b+hu zhes pa gnyis ka yang / /'dir ni gru mo gnyis kyi ming can te/ /Di g+ha zhes pa mkhrig mar ro//dri ku nu ma gnyis su ste/ /ha ni rkang pa'i gnas su'o/ /dza zhes pa ni lce nyid du/ /b+ha zhes pa ni so nyid do/ /swa zhes pa ni lus kun la/ /pu la sogs pa nyi shu bzhi/ /gnas nyid du ni rab tu grags/ /de yang khams ni nyi shu bzhi/ /rnal 'byor ma rnams kyi ni gnas//de ltar nang ni thams cad nyid/ /rnal 'byor ma yi gnas dkyil 'khor/ /grub pa'i kha sbyor rnal 'byor ni/ /rnal 'byor pa la bde ster byed/ /'di ni dus kyi rtsa rnams kyi rgyu ba'i cho ga ste bcom ldan 'das kyi nges pa'o/ /de ni phyi'i rnam par shes pa rnam par dag pa'i rnal 'byor pa dang rnal 'byor ma rnams kyi ngag gi phyag rgya bstan pa'i phyir/de nas zhes bya ba la sogs pa gsungs te/ de nas zhes bya ba ni ngag gi gnas kyi rnal 'byor ma'i dam tshig bstan pa'i rjes thogs su 'byung ba'i ye shes las de bzhin du 'byung ba las gyur pa ye shes te/ yang dag bshad bya ba zhes pa ni bskyed pa dang rdzogs pa'i rim pa'i rnal 'byor dang /slar yang bskyed pa'i sgo nas rnal 'byor dang / rnal 'byor ma rnams kyi 'dus pa'o/ /de yang brda'i cho ga'i rim zhes pa ni phyag rgya'i brda'i skad do/ /cho ga rim zhes pa ni ji ltar sngon nyid du rnal 'byor ma drug cu rtsa bzhi lte ba'i 'khor de'i nang nas rnal 'byor ma bcu gnyis pa bcu gnyis kyi rang bzhin no//lhag ma lnga bcu gnyis lus kyi dngos po rnams phyi ru spros pas ni dam tshig gi brda'o/ /gang gis zhes pa ni rgyus zhes pa'o/ /mang po zhes pa ni rigs gcig pa'i dpa' bo'o/ /de bzhin du sring mo zhes pa'i rnal 'byor ma'o//de rnams kyis 'jig rten pa'i skad las gsang ste spyad pa'i phyir/ po tang gi zhes pa ni gsang por smra ba'o/ /de bzhin du 'jig rten las 'das pa'i yang brda dang brda' lan po tang gi'i sgras sngon du rang rig pa'i ye shes las de bsgoms pas rang bzhin gyis da ang gi zhes pa de'i don to//de bzhin du DA Di zhes bya ba la sogs pa sa'i mthar thug pa'i yi ge nyi shu rtsa lnga dpa' bo nyi shu rtsa lnga'i rang bzhin mang po'o/ /de bzhin du pa dza zhes bya ba la sogs pa ma ku'i mthar thug pa'i yi ge nyi shu rtsa bzhi/ rnal 'byor ma nyi shu rtsa bzhi'i rang bzhin rnams ni sring mo'o/ / lhag ma ni go sla'o/ /de ltar dus kyi rtsa drug lus kyi rang bzhin no/ /de rnams las byung bas gsungs pa'i rnal 'byor ma ni ngag gi rang bzhin no/ /des na ngag gi brda yi ge'i rang bzhin rnam pa sna tshogs pa'i phyir zhes pa ni nges pa'o/ /kha sbyor thig le'i rgyud kyi rgyal po'i rtog pa bzhi pa'i rab tu byed pa dang po'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste dang po bstan pa'o// //da ni dus kyi pho nya mo drug las byung ba'i rnal 'byor ma bdun po rnams kyi mtshan ma'i phyag rgya'i mtshan nyid bstan pa'i phyir/ rdo rje snying po zhes bya ba la sogs pa gsungs te/de la gzugs can ma zhes pa ni lte ba'i 'og gi g.yon logs su sku'i 'khor lo 'dzin pa'i rtsa rnams rigs mang po'i khyad par ni gzugs can ma'o/ /de bzhin du lte ba'i dbus la a wa d+hU tI'i steng gi rtsa rnams ni 'o byed ma'o/ /de'i dbus las 'og tu dus me'i rtsa ni mdzes ma'o//de bzhin du thugs kyi 'khor lo rtsa rnams ni yongs gyur ma'o/ /de bzhin du lte ba'i steng gi g.yon gyi rtsa bde ba chen po'i 'khor lo rgyu ba de ni byis bcas ma'o/ /slar yang lte ba'i g.yas kyi rtsa mgrin pa'i 'khor lo rgyu ba ni mi ldog pa'o/ /de bzhin du rtsa drug po rnams kyis thams cad la khyab pa can bdun pa ni 'dod pa ma'o//de ltar mkha' 'gro ma rnams sprul pa'i sku'i mtshan nyid kyi rang gi ngo bo'i mtshan ma gsungs te/ gang gi smin ma zhes bya ba la sogs pa ni go sla'o/ /'di rnams kyi 'dod pa'i lha'i mtshan ma khyim du bri ba brjod do/ / thod pa zhes bya ba la sogs pa ni gzugs can ma la sogs pa mtshan ma bdun 'dzin pa'o/ /de la thod pa la sogs pa'i rim pa bzhin byang chub sems dang / rdul dang / rus pa dang / sha dang / rgyus pa dang / pags pa dang / lus kyi dbyibs dang bdun te/ khams bdun rnam par dag pa'i mtshan ma bdun no//yang na thod pa la sogs pa ni kun gzhi rnam par shes pa la sogs pa rnam par shes pa bdun du dgongs so/ /'di dag ces bya ba la sogs pa la kha sbyor cho ga zhes pa ni sngon du gsungs pa'i dus kyi rtsa de rnams las byung ba'i 'khor lo drug kha sbyor shes rab dang thabs kyi bdag nyid gnyis med pa'o//des na rnal 'byor rig pas zhes pa ni rnal 'byor pas so/ /rtag mtshon bya zhes pa ni rnal 'byor gyi spyod par bya ba ste rang gi bdag nyid rgyu ba'i phyir zhes pa ste nges pa'o/ /lus srul po zhes pa ni dgongs pas bshad pa'i tshig ste/ka ta'i sgra ni gcod pa'i don de rang rig pa'i ye shes kyis 'khor ba gcod pa'o/ /mchog tu bde ba 'byung ba chen po chags pa chen po'i ting nge 'dzin las byung bas lhag ma'i mtshan nyid ni pu ti'i don to/ /lus srul po'i mtshan ma dang phyag rgya de bzhin du gsungs pa nyid ces pa ni bcom ldan 'das kyi nges pa'o//de ltar yang gsungs pa/ ka zhes pa ni gcod par gsungs/ /sgra ni sgra yi mtshan nyid de/ /pu ni sngon gyi lhag ma'o/ /ti zhes pa ni 'byung ba nyid/ /nI ni rnal 'byor ma shes bya/ /ci ni sems dang sems byung ba/ /h+na ni gnyis su med par 'gro//phyag rgya nyid ni che sngon 'gro/ /kha sbyor thig le'i rgyud kyi rgyal po'i rtog pa bzhi pa'i rab tu byed pa'i rgya cher 'grel pa yang dag pa'i lta ba'i dran pa'i snang ba'i zhes bya ba'i gzhung ste gnyis pa bstan pa'o// //da ni sa bcu gsum rnam par dag pa'i mkha' 'gro ma bcu gsum gyi tshul gyi mtshan ma dang /phyag rgya'i mtshan nyid la rtag par rnam par spyod pa'i rab tu dbye ba bstan pa'i phyir/ de nas zhes bya ba la sogs pa gsungs te/ pad+ma zhes bya ba ni lag pa gnyis thal mo gnyis sbyar ba phye ste sor mo thams cad pad+ma'i 'dab ma'i rnam pa ltar byas pa ni pad+ma'i phyag rgya'o//yang na rus sbal gyi phyag rgya'o/ /rdo rje'i phyag rgya ni dbus ma'i sor mo'i bar du gzhug par 'gyur ro/ /mdung rtse'i phyag rgya zhes pa ni mthe bos mthe chung mnan te/ sor mo lhag ma'i steng du brkyang ba'i rnam pa ni rtse gsum gyi phyag rgya'o/ /mdung gi phyag rgya zhes pa ni mdzub mo dbyug pa'i rnam par byas te bstan pa'o//dril bu'i phyag rgya ni khu tshur g.yon pa dril bu 'dzin pa'i tshul du bstan pa'o/ /de bzhin du 'khor lo'i phyag rgya zhes pa ni thal mo rgyab sbyar ba bsnol te/ 'khor lo'i rnam pa ltar byas pa bstan pa'o/ /de bzhin du dung gi phyag rgya zhes pa ni mthe bong dang mdzub mo sbyar la rtse mo/kha ba ltar byas shing lhag ma gsum nang du bskum pa ni dung gi phyag rgya'o/ /klu'i phyag rgya zhes pa ni lag pa gnyis sbrul mgo gdengs pa ltar bstan pa ni klu'i phyag rgya'o/ /lhag ma thams cad ni go sla'o/ /de ltar dam tshig can gyi mis phyag rgya dang phyag rgya'i lan gnyis kyi dbye bar bya'o//'di dag ni shes rab kyi pha rol tu phyin pa la sogs pa'i rigs las byung ba'o/ /yang na mkha' 'gro ma la sogs pa bcu gsum las 'byung ba'o/ /'di ni nges pa'o/ /kha sbyor thig le'i rgyud kyi rgyal po'i rtog pa bzhi pa'i rab tu byed pa gsum pa'i rgya cher 'grel pa yang dag pa'i lta ba'i dran pa'i snang ba zhes bya ba'i gzhung ste gsum pa bstan pa'o// //da ni phyi'i rnal 'byor ma sum cu rtsa drug po 'di rnams kyi lus kyi cha bstan pa'o/ /des na phan tshun ming po dang sring mo rnams kyi gnas bstan pa brjod pa'i phyir/ de nas zhes bya ba la sogs pa gsungs te/mdor bstan pa gsum gyi rjes su mi gsal ba de'i phyir phyag rgya dang phyag rgya'i lan cung zad brjod de/ yang dag bshad bya ba zhes pa ni de la spyi gtsug dang / dpral ba dang / so dang / mchu dang / mgrin pa dang / lto ba dang / mkhur ba dang / gsang ba dang pus mo dang /lag pa dang / rkang pa dang / sor mo dang / sa dang / nam mkha' dang / chu bo dang / sor mo gcig dang / sor mo gnyis dang / smin ma g.yas pa bskul ba zhes pa'i gnas rnam pa bco brgyad la gang reg pa'i lus kyi phyag rgya de nyid kyi mtshan nyid rnams kyi sangs rgyas kyi yon tan rnams yod par mtshon no//de yang dam tshig can te/ sangs rgyas kyi chos ma 'dres pa bco brgyad dang ldan zhes pa'i don to/ /rnal 'byor ma de nyid la rnal 'byor ba'i spyi bo la sogs pa'i khams bco brgyad rnam par dag pa'i gnas rnams bstan te/ 'chad bzhin pa'i rtsa rnams kyi dgod pa'i rab tu byed pa'i rnal 'byor dang rnal 'byor ma'i rgyu ba ston pa'i phyir zhes pa ni nges pa'o//lhag ma ni go sla'o/ /rgyud thams cad kyi gleng gzhi gsang chen zhes pa ni ngag gnyis kyi dang po gnyis med pa'o/ /dpal kha sbyor thig le'i rgyud kyi rgyal po las byung ba'i rtog pa'i rgyal po rdo rje mkha' 'gro rnams kyi brda'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste mdor bstan pa gsum gyi rjes su slar bshad pa bzhi pa bstan pa'o// //da ni gnas dang nye ba'i gnas la sogs pa bstan pa'i phyir de nas zhes bya ba la sogs pa gsungs te/phyag rgya dang phyag rgya'i lan gyis rjes su rtog pa'i rgyal po bzhi pa'i rjes su dpa' bo dang dpa' mo dbang phyug 'dus pa 'byung ngo / /de nas yang dag bshad bya ba/ /zhes pa ni yang dag par bshad pa zhes pa'o/ /de ci zhe na/ gsungs pa/ mdza' ba dam pa kun 'dus pa//zhes pa ni yang dag pa'i skye bo dpa' bo dang dpa' mo'i dbang phyug ma rgyud gcig las spros pa'i phyir ro/ /de yang brdas gnas sum cu rtsa gnyis su'o/ /snod gnyis zhes bya ba la sogs pa la bza' ba zhes pa ni kun rdzob tu bza' ba lnga rnams bza'o/ /'dir zhes pa 'dus pa'i gnas su'o//snod gnyis lhag ma zhes pa dpa' bo dang dpa' mo'i dbang phyug dag lhan cig tu zas la spyod pa ste/ gcig la gcig gi snod dag la 'dus pa'o/ /nan tan du zhes pa ni kha dang kha ru rol pa'i phyir zas kyi khams ster ba'o/ /don dam pa ni rtsa sum cu rtsa gnyis la longs spyad pa dang thim pa dang dbang du byed pas rgyu ba'i phyir ro//des na srog rgyu ba des rang rig pa'i rang bzhin gyis 'od gsal ba'o/ /des ni dri ma med pa'i ye shes gnyis med pa de'i zas bza' bar bya'o/ /ni zhes pa ni nges par gzung ba'o/ /de bzhin du snod gnyis lhag ma zhes pa ni bsam gyis mi khyab pa gnyis pa'i lhag ma mchog gi gnyis med pa de la de skad ces bya'o//de bzhin du lce zhes bya ba la sogs pa ni rdo rje snying pos zhus pa'o/ /bcom ldan 'das kyis bka' stsal pa zhes pa ni ci gsungs she na/ rdo rje snying po'i lan gsungs pa'o/ /de la gnas dang zhes bya ba la sogs pa ni phyi ru ni don ji lta bzhin no//nang du ni spyi gtsug tu dzA lan+d+ha ra'o/ /de bzhin du rna ba g.yas par ni o D+yan no/ /spyi bor ni pul+lI ra'o/ /rgyab kyi char ni de bzhin du arbu da'o/ /gnas 'di bzhi ni sa rab tu dga' ba'o/ /de bzhin du nye ba'i gnas bzhi ni rna ba g.yon par gorA ba rI'o/ / smin ma'i dbus su ni de bzhin du rA me shwa ra'o/ /mig gnyis su ni lha mo'i mkhar ro/ /phrag pa gnyis su ni mA la wa'o/ /'di ni dri ma med pa'i sa'o/ /de bzhin du mchan khung gnyis su ni kA ma rU pa'o/ /de bzhin du nu ma gnyis su ni o tre'o/ /'di ni zhing ste 'od byed pa'i sa'o/ /de bzhin du lte ba'i rtsa bar ni tri sha ku ne'o//sna'i rtse mor ni ko sa la'o/ /'di ni nye ba'i zhing gnyis te/ 'od 'phro ba'i sa'o/ /khar ni ka lid+ha'o/ /mgrin par ni l+m+pA ka'o/ /'dir bdun pa ste mngon du gyur pa'i sa'o/ /snying gar ni kAny+tsi'o/ /rgu zhabs su ni hi mA la wa'o/ /'di ni nye ba'i 'dun pa ste/sbyang dka' yi sa'o/ /de bzhin du mtshan mar ni pre ta di e si ni'o/ /bshang lam du ni gr-i ha de ba ta'o/ /'di ni 'dus pa ste ring du song ba'i sa'o/ /de bzhin du brla gnyis su ni so rASh+Ta'o//rje ngar gnyis su ni su bar+Na dI pa'o/ /'di gnyis ni nye ba'i 'dus pa ste/ / mi g.yo pa'i sa'o/ /de bzhin du rkang pa'i sor mo rnams la ni nA ga ra'o/ /da la rkang pa dag gi bol du ni sin+d+hu'o/ /'di ni dur khrod gnyis te legs pa'i blo gros kyi sa'o/ /de bzhin du mthe bong ni ma ru'o/ /pus mo dag tu ni ku lu tA'o/ /'di ni nye ba'i dur khrod de chos kyi sprin gyi sa'o/ / de bzhin du snying gi gnas rnams su rtsa brgyad rnams rim pa bzhin ka ru Na la sogs pa bzhin du'i mthar thug pa bzhin ni grong mtha' dang nye ba'i grong mtha' ste mos par spyod pa'i sa'o/ /de bzhin du yi dags 'dus pa zhes bya ba la sogs pa ni/ 'gram zhes pa'i mthar thug pa bzhi ni dur khrod dang nye ba'i dur khrod de/'di nyid ni kun tu 'od kyi sar shes par bya'o/ /de bzhin du 'di nyid ni bcu gsum pa rdo rje 'dzin gyis khyab par byed pa nyid rnam pa brgyad de rtsa brgyad dang zhing brgyad kyi nang du 'dus pas sbas pa'i gnas zhes pa ste nges pa'o/ /de rnams kyang de nas zhes bya ba la sogs pa zhing brgyad rnams kyi gnas rnams so//de bzhin du lhag par zhes pa ni rgyu dang 'bras bur 'brel ba'o/ /gnas pa'i zhes pa ni rten gyi gnas so/ /de rnams kyi cho ga zhes pa ni rim pa bzhin no/ /bshad ces pa ni sgrub pa'o/ /de la rdul bral zhes pa ni shar phyogs kyi 'dab ma la'o//de'i rgya mtsho'i ming can pur+NA gi rir tsu ti'i shing la gnas pa dpal chen mo'o/ /de bzhin du lho'i 'dab ma la ko ko ni ra so ma ba ling+ka zhes pa a sh+w+d+tha'i shing la gnas pa sgyu ma chen mo'o/ /de bzhin du yang nub tu tsa ri tri du ka rany+dza'i shing la gnas pa zhig byed ma'o//de bzhin du byang du a ta har sa kad m+ba'i shing la gnas pa zhi ba dmigs pa'o/ /de bzhin du dbang ldan du de wA+e ko TIr ba Ta'i shing la gnas pa rna ba mu tig ma'o/ /de bzhin du mer ha ri ki lir shing ha ri'am par ka ti la gnas pa rlung shugs ma'o/ / bden bral du od+yan du a shwa ka'i shing la gnas pa lha mo nag mo'o/ /rlung du dzA lan+d+ha rar gser shing la gnas pa 'bar ma'i gdong ma'o/ /'di rnams kyi rang bzhin gsungs pa/ khams brgyad rnams kyi dbang gis brgyad rnam par shes pa yang brgyad nyid de/ gnas dang shing ni brgyad du brtag /rnal 'byor ma brgyad 'dir 'dus yang / /khams ni 'dus par brtag pa yin/ /de ru rtsa ni rgyu ba ru/ /dus ni khyad par las ni bya/ /thig le brgyad du song ba kun/ /rtsa ni zla ba'i ming can no/ /dus dang thig le de bzhin brgyad/ /rtsa las nyi ma'i thig le spro/ / de yang srog gi ming ni brgyad/ /grong mtha' la sogs rnam pa brgyad/ /de rnams re re rnam gsum 'gyur/ /nyi shu rtsa bzhi'i rim pa yis/ /ku lu tA la sogs par rgyud/ /srog ces bya ba 'gro bar 'gyur/ /sku yi 'khor lor rtsa rnams la/ /thim dang longs spyod sogs rim pas//sa rnams la ni log pa ru/ /der ni rnal 'byor ma spyod do/ /g.yas skor dang ni g.yon skor gyis/ /rim pa rgyas pa las zhes bya/ /nag po zhes pa pus mor gnas/ /sgyu ma chen po mchog gi mchog /gtsig ma mthe bo'i gnas su'o/ /de bzhin cod pan sor mo la//mi sdug ma ni rkang bol du/ /'bar ma me dang 'od mnyam mo/ /rje ngar dag la dga' las 'das/ /mtshams kyi rtsa ni steng rgyu ba/ /brla gnyis su ni log 'dren ma/ /bshang ba'i lam du rgan byas ma/ /gsang bar 'jigs pa'i gzugs can ma/ /dka' zlog lha mo chu so ru/ / snying gar dbyangs can ma nyid do/ /rgyal ma zhes pa mgrin gnas su/ /kha ru rnam rgyal mar zhes bya/ /sna rtser mi thub ma de bzhin/ /nu ma gnyis la che gzugs ma/ /lha mo nyid ni bde gzugs ma/ /thams cad du ni bya ba byed/ /mtshan ma yang ni rdo rje 'dzin/ /lte bar gzhan gyis mi thub gnas//nag mo bzang mo mchan khung du/ /phrag pa gnyis su nag chen mo/ /mig dag la ni nag chen mo/ /smin ma'i dbus su dbang mo'o/ /rna ba g.yon par gtum mo nyid/ /'jigs ma ltag pa'i rgyab tu'o/ /rna ba g.yas la tho 'tshams pa/ /sum cu'i dbang phyug spyi gtsug tu//spyi bor de bzhin 'dab las skyes/ /de ltar rtsa yi rgyu ba ni/ /rnal 'byor pa ni mkhas pas bya/ /de ltar yang ni re re yang / /rnal 'byor ma lnga dus las skyes/ /mar me ma dang 'jib byed ma/ /grong nas rnal 'byor ma zhes bya'o/ /'jigs pa'i gzugs dang gzugs chen ma//lnga yi sbyor bas rgya ni gdab/ /dkyil 'khor lnga yi dbye ba yis/ /snal ma phra mo rnams la shes/ /dkyil 'khor gyi ni cha ming can/ /'di yi dus kyang rab tu bshad/ /stong phrag nyi shu rtsa gcig rnams/ /brgya phrag drug rnams dang ldan pa'i/ /srog rnams 'gro dang 'ong ba nyid//gnyi ga gcig tu sdom ming can/ /sems can rnams kyi nyin mtshan la/ /gsungs pa'i dus ni brjod pa yin/ /dgu brgya dgu brgya'i dbugs la ni/ /'pho ba re re nyid du brtag /de tshad nyi shu rtsa bzhi ni/ /nyin mtshan du ni brjod pa yin/ /dgu brgya po ni 'di dag la//brgya dang brgyad cu phrag ni lnga/ /dbus rnams kyi ni dkyil 'khor gsungs/ /mar me ma la sogs pa lnga/ /dkyil 'khor re re'i mtha' ru ni/ /a wa d+hU tI'i dkyil 'khor de'i/ /dbugs ni phyed dang drug rnams dang / /bzhi cha'i cha lnga pa dang ldan/ /de ltar dus ni shes par bya//zhes pa ste nges pa'o/ /da ni 'dus pa'i nyi ma bstan pa'i phyir/ rnal 'byor ma zhes bya ba la sogs pa gsungs te/ yi dags phyogs kyi zhes pa ni nag po'i phyogs kyi'o/ /de yi bcu bzhi la brgyad pa/ /zhes pa la phyi'i rnal 'byor ma rnams sngon bzhin du 'dus par 'gyur ro//de bzhin du nang du thig le bcu gnyis 'dus pa ste kha sbyor gyi sbyor bas so/ /'khor lo drug la bu ga gnyis gnyis te/ de yang thig le'i ming du brjod do/ /'khor lo re re'i 'og dang steng du bu ga gnyis gnyis so/ /de na gzugs can ma la sogs pa rnal 'byor ma bcu gnyis dang /sbyin pa la sogs pa pha rol tu phyin pa rnams sam/ de bzhin du mkha' 'gro ma la sogs pa sa bcu gnyis rnams te/ de rnams 'dus pa'i gnas su dus kyi dbang gis sam 'pho ba'i dbang gis 'dus pa de la de skad ces bya'o/ /slar yang thams cad kyi 'dus pa nyid ni 'dud pa'i rtse mor dpa' bo'i lce der thim par byed de srog gi rab tu sbyor bas so//de ni sa bcu gsum pa'o/ /de dag gnyis med par song ba de ni bcu bzhi pa ste/ rnal 'byor ma rnams 'dus pa'i nyi ma zhes dgongs so/ /de bzhin du brgyad pa la zhes pa sku dang gsung dang thugs kyi 'khor lo rnams la thig le drug 'gog pa'i phyir ro//sdong bu'i bu ga'i steng du sems thim pas thig le bdun pa'i ming du 'gyur ro/ /brgyad pa ni sngon bzhin du gnyis med par shes par bya zhes pa ste nges pa'o/ /de bzhin du 'di nyid du sha za ba'i phyir ro rnams gsungs te/rgyal mtshan dang ni mtshon gyis gsad/ /ces bya ba la sogs pa ni 'dir g.yul du rnam par rtog pa med par mtshon cha 'debs pa'i dpa' bo mtshon gyis bsnun pa de ni rgyal mtshan te/ skyes bu mchog bdun gyi rgyal mtshan lta bu'o/ /gang gi phyir skye ba bdun pa de ni lan bdun du ma'i lus su 'ongs pa ste/sems can rnams kyi dngos grub kyi don du'o/ /des na rgyal po la sogs pas tshar bcad pa'am/ de yang 'gegs pa'am mdung gis phug pa la sogs pa'o/ /de'i sha zos ba tsam gyis mkha' la spyod par 'gyur te/ gzhal du ma yin zhes pa ni nges pa'o//nges pa'i don du rgyal mtshan zhes pa ni chos kyi dbyings shes rab kyi mtshon chas bsnun pa ste gzhig pa'o/ /skye ba bdun pa'i khyad par nyid/ /ces pa ni thig le'i rnal 'byor las byung ba'i byang chub sems so/ /de bzhin du rang rig pa'i dus su 'bad de/ snying rje bskyed ces pa ni snying rje bskyed par bya ba'o//mkhas pas gsang ces pa ni blo dang ldan pas a wa d+hU tI'i nang du thim par bya zhes pa'i don to/ /de bzhin du snying rje dang bral bas rnam par mi rtog pa'i ye shes 'grub par mi 'gyur ro/ /sems can gyi don bya ba'i phyir/ ji ltar bdag bzhin zhes pa la sogs pa gsungs pa ni go sla'o//de ltar yang gsungs pa/ lte ba'i gnas dang nye gnas yin/ /zhing dang de bzhin nye zhing snying / /'dus pa dang ni nye 'dus pa/ /mgrin pa'i 'khor lo yang dag gsungs/ /'dun pa dang ni nye 'dun pa/ /dpral ba ru ni so de bzhin//dur khrod dang ni nye dur khrod/ /gtsug tor du ni yang dag gnas/ /de bzhin ye shes 'khor lo la/ /grong mtha' nye ba'i grong mtha' nyid/ /de ltar sa ni bcu gnyis gnas/ /a wa d+hU tI'i bcu gsum pa/ /rdo rje 'dzin pa'i sa ni 'dir/ /rnal 'byor ma rnams kyang 'dus pa'o//tha mal pa yi bag chags kun/ /bsdus pa gnyis su med song ba/ /rgyal mtshan zhes pa 'di ru brjod/ /tshogs kyis bsnun pa rnam dpyad pa'o/ /rnam shes bdun ni thag bsrings pa/ /skye ba bdun par rab tu grags/ /snying rje kun gzhi rnam shes te/ /ma rig pa nyid rtag tu gsad//snying rje de yi rigs bzang po/ /des na dang po'i bag chags spangs/ /gang phyir ma rig zad pa nyid/ /de phyir snying rje'i rnam pa de/ /snying rje med na mi 'grub pas/ /rnal 'byor pa yis rtag bsten bya/ /zhes pa ni nges pa'o/ /kha sbyor thig le'i rgyud kyi rgyal po'i rtog pa lnga pa'i rab tu byed pa dang po 'dus pa la sogs pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste/dang po bstan pa'o// //da ni a wa d+hU tI'i nang gi bde ba la brten nas pad+ma de nyid ming gi mtshan nyid bstan pa'i phyir/ gsang ba'i pad+ma zhes bya ba la sogs pa gsungs te/ 'dir bcom ldan 'das kyi gzhung lugs rdo rje snying po zhes pa nyan par 'dod pa'o/ /ye shes dbang po zhes pa ni bcom ldan 'das kyi khyad par ro/ /gsang ba'i pad+ma zhes pa ni a wa d+hU tI'o/ /de'i mtshan nyid ces pa ni rang gi ngo bo la 'jug pa'o//de nyid kyi sems dang ye shes bsres pa'i zhes pa ni rdo rje 'dzin pa'i rnal 'byor chen po a wa d+hU tI'i ye shes dang rnam par shes pa gnyis med pa nyid du 'dres pa'i phyir ro/ /de'i phyir bcom ldan 'das bdag la the tshom ma mchis zhes pa'i don to//mngon par byang chub pa'i rim pa ci 'dra zhes pa ni gnyis med pa las gzhan nas grub pa'i mtha' med pa des na 'dir gnyis med par rdzogs pa'i byang chub kyi rim pa'am/ yang na 'dir bsgrub par bya ba ci gzhan cung zad cig yod/ bdag la som nyi mchis te/ des na/ bcom ldan 'das la nyan par 'tshal/ /zhes sbyar ro/ /de nyid kyis zhus pa'i lan ni/ bcom ldan 'das kyis bka' stsal pa/ /zhes bya ba la sogs pa'o/ /de yang gnas bzhi'o/ /yid du 'ong ba'i zhes bya ba la sogs pa'i tshigs su bcad pa bzhis mdor bstan pa slar bshad pa'i phyir/gnas bzhi la brten pa'i gnyis med pa'i ye shes ni rdzogs pa'i byang chub kyi rim pa zhes dgongs so/ /de bzhin du mnyam pa nyid ces pa ni dngos po thams cad rang nyid las 'byung ba'ang lus dang ngag dang sems kyi gzugs nyid de/ ji ltar bdag bzhin zhes pa la sogs pa'i rigs so//de'i phyir 'dod chags la sogs pa'i sems ring du bya zhes pa'o/ /sogs pa'i sgras ni zhe sdang dang gti mug la sogs pa yongs su spang bar bya zhes pa'i don to/ /de bzhin du bde ba'i stan la zhes pa ni rang rig pa'i gzhir byas ba'o//yid du 'ong ba zhes bya ba ni sngon du gsungs pa'i gnas dang nye ba'i gnas la sogs pa'i gnas rnams su nang gi srog rgyu ba'i phyir bde ba nyams su myong bar 'gyur ba'o/ /de bzhin du brtan pa dang g.yo ba zhes bya la sogs pa ni snod kyi 'jig rten dang bcud kyi 'jig rten rnams ma rig pas sprul pa'i phyir snying rje bar dgongs so//de bzhin du mgo med ces pa ni 'byang ba'i rtse mo 'og tu bltas pa mgor byas te/ de la brten pa'i sgra ni bde ba chen po'i ye shes so/ /a wa d+hUM tI'i pad+ma zhes pa ni de'i nang du gnas pa'i rlung ngo / /de bzhin du cha dang sna tshogs zhes pa ni A li dang kA li'i rang bzhin gyi rtsa ste/de rnams kyi rang bzhin dang mtshan nyid ni gzugs brnyan gyi rang bzhin lta bu'o/ /des na sku gsung zhes bya ba la sogs pa gsungs pa ni/ oM AHhUM ldang ba la sogs pa gsum ste de rnams kyang thim par bya'o/ /ril po'i sbyor ba yis zhes pa ni dbyibs kyi rlung bsdus pa'i phyir ro//de bzhin du rdo rje sems dpa' zhes pa ni rdo rje'i rlung ngo / /rang nyid 'gyur zhes pa ni rnam pa kun gyi mchog dang ldan pa'i chos kyi dbyings kyi rang bzhin du 'gyur ba'o/ /des na chu'i khams zhes pa ni oM la sogs pa gsum las kyi rlung byang chub kyi sems kyi rang bzhin no//de bzhin du me'i khams zhes pa ni dbyibs kyi rlung ngo / /de gnyis gang dag gcig pa nyid sems dpa' thim pa gnyis med par ro mnyam pa dmigs pa med pa'i ye shes so/ /de yang rdo rje lta bu mchog ste phul du byung ba bsam gyis mi khyab pa gnyis med pa'i go 'phang ste gnas dang brten de rnam pa bzhi zhes pa'i don to//de bzhin du shes rab ces bya ba la sogs pa la/ dbang po drug ces pa ni longs spyod rdzogs pa'i sku'i lha'i dbang po rnams te sku mthong ba so sor rtogs pas gnas bzhi la sogs pa'i nang na gtso bo'o//des na sbyor ba'i yan lag drug bstan to/ /de'i phyir sangs rgyas gzugs zhes pa ni mthong ba'i dus kyi ming ngo / /de gzhan yang mig la sogs pas dmigs pa de thams cad ni sems las byung ba'i dngos po ste/ de bas lha dang mi la sogs pa 'byung ba'i don to/ / de bzhin du yang dag ces bya ba la sogs pa la/ bstan bcos zhes pa ni yang dag pa'i sngon du gsungs pa'i tshul gyis nyams su myong ba ste/ yan lag drug gi sbyor bas sangs rgyas kyi sku mthong ba'o/ /des na de nyid kyi zhes pa ni rnal 'byor dang rnal 'byor ma'i rgyud sna tshogs pa'i bstan bcos rnams kyi'o//des na slob dpon zhes pa ni bla ma dam pa'i kha las shes par bya'o/ /lung gi rjes 'gro ba zhes pa ni sngon du gsungs pa'i bstan bcos rnams rjes su rtogs pa'o/ /gsang ba'i de nyid ston dngos kyang / /zhes pa ni de'i don gyi de kho na nyid kyi dngos po bla ma'i man ngag go//yang gis ni slob dpon mang po gcig nas gcig tu brgyud pa de la de skad ces bya'o/ /de bzhin du stong pa'i zhes bya ba la sogs pa ni gsungs pa'i stong pa'i mtshan nyid bsam gyis mi khyab pa gnyis med pa'i ye shes so/ /thams cad ces pa ni brtan dang g.yo ba'i dngos po rnams stong pa'o//stong pa'i de nyid rnams zhes pa ni gnas dang nye ba'i gnas la sogs pa rgyu ba'i dus su a wa d+hU tIr 'jug pa'o/ /des na stong pa'i de nyid rnams/ /zhes mang po'i tshig smos so/ /des na mtshan nyid ces pa ni dngos po thams cad stong pa'i mtshan nyid du rtogs par bya'o//de bzhin du dri ma bkrus pa zhes bya ba la sogs pa la dri ma zhes pa ni lus la 'dod chags la sogs pas sbags pa'o/ /de'i phyir dri ma bkrus pas gnyis med pa'i ye shes thob pa'o/ /der rdzogs pa yi byang chub rim pas gtso/ /zhes pa'i tshul 'dis ni zla ba la sogs pa gsungs te/zla ba'i dkyil 'khor zhes pa ni a wa d+hU tI'i nang du byang chub kyi sems kyi dbus su ye shes sems dpa' zhes pa sgyu ma'i rnam pa'i ye shes kyi sku bsam par bya'o/ /de ltar zla ba'i zhes bya ba la sogs pa ni go sla'o/ /chu shing zhes bya ba la sogs pa la chu shing gi me tog lta bu 'phyang bzhin pa kha 'og tu bltas pa la sogs par gsungs pa'o//lte ba nas zhes pa ni snying ga nas lte ba'i gnas su mgo 'phyang bzhin pa'i phyir zhes dgongs so/ /de yang ye shes sems dpa'i snying gar ting nge 'dzin sems dpa'i ming can bsgom par bya'o//sngon bzhin zhes pa ni ye shes sems dpa' bzhin du chos kyi sku rdo rje sems dpa' bsgom par bya'o/ /spro zhes pa ni ye shes sems dpa'i snying ga nas cho ga bzhin spro ba'o/ /pad+ma'i sngon du zhes pa ni/ pad+ma'i mdun te lte ba'i gnas su bsgom par bya'o/ /de bzhin du 'dab ma brgyad ces bya ba la sogs pa ni go sla'o//sa bon yi ge dgod par bya/ /zhes pa ni dbus su hUM zhes pa dgod par bya'o/ /brda'i skad kyis don dam par yi ge zhes pa ni mi 'dzags pa'i ye shes kyi khu ba'o/ /byang chub sems 'gugs pa'i dus su yang bcom ldan 'das a'i rnam pa dmigs par bya'o//de nyid kyis na dbus su me'i gdan la/ /zhes pa ni gtum mo bsgom par brjod pas me'i gdan du 'gyur ro/ /de'i dbus su zhes pa ni gtum mo la phyag gnyis zhes bya ba la sogs pa bsgoms te/ slar yang de'i dbus su bsgoms nas phyag gnyis lte ba'i gnas su rnam par shes pa zhes pa rang rig pa'i bde ba'i rang bzhin bdag nyid kyi rig par bya'o//ye shes zhes pa ni dngos po thams cad de'i rang bzhin rig pa'i gnyis su med pas spros pa'o/ /de bzhin du 'dab ma brgyad la lha'i yi ge dgod pa'i phyir/ sngon du byams pa la sogs pa gsungs te/dbyangs yig thog ma la sogs pa zhes bya ba ni shar gyi 'dab ma la a'o/ /de bzhin du lhor A'o/ /nub tu aM shes par bya'o/ /de bzhin du byang du aH'o/ /de bzhin du me la sogs pa'i mtshams rnams su ma ning bzhi zhes pa r-i r-I l-i l-I'o/ /de ltar thams cad kha dog dkar po zla ba'i 'od zer dang ldan pa'o//de bzhin du shar dang me dag tu mi bskyod pa dang byams pa zhes pa'i lha mo'o/ /de bzhin du lho dang bden bral dag tu rin chen 'byung ldan dang snying rje'o/ /nub dang rlung dag tu 'od dpag med dang dga' ba'o/ /de bzhin du byang dang dbang ldan dag tu don yod grub pa dang btang snyoms so//de ltar yi ge brgyad yongs su gyur pa las lha brgyad bsgom par bya'o/ /rnam par shes pa brgyad rnams kyi rnam pa bstan pa'i phyir/ shin tu phra ba'i mchog tu mi 'gyur ba'i rnal 'byor zhes pa ni nges pa'o/ /de bzhin du de'i dbus su zhes bya ba la sogs pa ni dkyil 'khor ba de rnams kyi snying gar gnas pa'o//sems can rnams kyi yi ge zhes pa sngon du gsungs pa'i yi ge brgyad lha rnams kyi rang rang gi yi ge rnams bsgom par bya'o/ /de ltar de bzhin gshegs pa thams cad kyi yi ge rnams kha dog dkar po'i 'od zer dkar po 'gyed par bsams te/gnyis su med pa rdzogs pa'i byang chub kyi rim pa bsam par bya ste zhes pa'i don to/ /sems ni ngo mtshar zhes bya ba la sogs pa ni 'dir rdo rje snying po la sogs pas som nyi skye ste/ de'i phyir bcom ldan 'das la zhus pa'o/ /bshad du gsol zhes pa ni the tshom bsal ba'i phyir don to//de ci zhe na stong pa'i mtshan nyid med pa zhes gsungs te/ bsam du med gnyis med pa'i ye shes bsam gyis mi khyab pa'i rnal 'byor thog ma med pa nas rnam par mi rtog pa bag chags med par chos kyi sku stong pa'i rnam grangs 'gyur ba med pa gang gi phyir rtog pa'i dbang gis 'khor ba'i chos 'dod chags la sogs pa de rnams rang bzhin med pa'i phyir rnam par mi rtog pa'o//de'i phyir gnyis med pa de'i tshe/ de nyid ji ltar sbyor sogs yi ge zhes pa bsgom pa'i phyir rdzogs pa'i byang chub kyi rim par bgyi/ de nyid bcom ldan 'das kyis gsungs pa/de nyid ji bzhin zhes bya ba la sogs pa la/ rdo rje zhes pa ni rdo rje snying po la bod pa'o/ /ji bzhin zhes pa ni ji lta bu'i tshul gyis so/ /de kho na zhes pa ni stong pa nyid dang snying rje gnyis dbyer med pa bsam gyis mi khyab pa'i mtshon cha nyid do/ /de'i mtshan nyid ni zhes pa ni man ngag ji lta ba bzhin bshad par bya'o//snying po med ces pa la sogs pa 'dir dpe bstan te/ ji ltar rnam par rtog pa 'di bsgom pa la rnam par mi rtog pa bsgrub par bya'o/ /yang na dngul chu bsgrub pa la rdzas snying po rnams kyi nang nas snying po ma yin pa'i rdzas rnams gzag par bya'o//snying po ma yin pa de rnams dang po nyid du sbyar bar bya'o/ /ji ltar bdud rtsi rtsom pa'i dus su 'gro ba bzhin zhes pa ni gzag par bya zhes pa'o/ /bzhin gyi sgras ni slar yang de nyid kyi dpe gsungs pa/ 'dir bud med dang skyes pa yang dag par sbyar ba las dang po nyid du 'dod pa'i bstan bcos kyi tshul gyis byed pa la sogs pa bya'o//de nyid kyang snying po ma yin pa'i byed pa rnams kyis bde ba'i rang bzhin snying po de nyid rtsom la ji ltar dag pa la sogs pa'i dpe la snying por gyur pa'i ni lhan cig skyes pa'i dag pa'o/ /de yang khu ba la brten pa de'i grol ba bzhin zhes pa ni 'dzag pa'i dus bzhin du bde ba bsam gyis mi khyab pa'o//dbus su zhes pa ni rdo rje dang pad+ma'i dbus su mtshon pa'o/ /de yang rnam par shes pa'i ming can no/ /de yang bsam du med pa gzugs med pa bstan pa'i tshig gi sbyor bas rnam par shes pa zhes pa tsam 'di nyid du gzhag pa'i phyir shes pa thams cad kyi rang bzhin gyi phyir gzugs nyid do//de'i phyir don dam pa'i phyogs su de nyid sngon du gsungs pa'i bcom ldan 'das kyi sku dmigs par bya'o/ /de nyid gsal bar bstan pa'i phyir mtshon bya zhes bya ba la sogs pa gsungs te/ 'dir mtshan nyid ces pa ni kha dog dang dbyibs kyi mtshan nyid mtshon pa med pa'o//de ci ltar zhe na gsungs pa/ rang gi rang bzhin gyi ma grub pa'i phyir ro/ /de nyid du gsungs pa'i ye shes sku zhes bya ba la sogs pa ni go sla'o/ /'on kyang byis pa'i rnal 'byor pa rnams gzhug pa'i don du/ lha'i gzugs bsgom par bya zhes pa ni tshig tsam mo//des na gzhan yang rnal 'byor pa khyad par can rnams kyi gzugs zhes bya ba la sogs pa phung po dang khams dang skye mched la sogs pa stong pa'i dbus su'o/ /gzung zhes pa ni sngon du gsungs pa'i a wa d+hU tI'i dbus su bsgom pa gzung bar bya zhes pa'i don to//rnal 'byor can gyis de nyid zhes pa ni 'dir gang gi phyir sngon gyi bag chags nyid kyis rnal 'byor pa rnams kyi lus grub po/ /de'i phyir rnam par rtog pa la dngos grub med de sems mang ba nyid kyi phyir sems can rnams kyi phung por 'gyur ba'o/ /des na 'dir yang sngon du gsungs pa'i sbyor ba'i yan lag drug gis dbang po drug kha nang du phyogs pas sangs rgyas kyi sku rnams bsgom par bya'o//de dang ldan pa'i rnal 'byor pa ni/ rnal 'byor can gyis de nyid ces pa'i tshul lo/ /de bzhin du gang gis zhes bya ba la sogs pa la/ gang zhig ces pa ni sangs rgyas kyi sku rnams kyi'o//mtshan nyid ces pa ni kha dog dang mtshan ma la sogs pa'o/ /shes byas nas zhes pa ni rtogs par byas nas so/ /mnyam pa nyid kyi sems kyis ni/ /zhes pa ni gang sems can thams cad sems las byung ba de rnams de'i rang bzhin du byed pa ni mnyam pa nyid sna tshogs pa sangs rgyas kyi gzugs zhes pa'i don to//da ltar de'i zhes bya ba la sogs pa ni rnal 'byor pa de'i zhes pa de la de skad ces bya'o/ /da ni bstan bcos dang rjes su mthun pa'i man ngag bstan pa'i phyir/ bla ma'i man ngag ces bya ba la sogs pa gsungs te/lam zhes pa ni yang dag par rdzogs pa'i byang chub kyi lam mo/ /de'i ye shes rnams zhes pa ni bstan pa dang ston pa'i 'brel pa'o/ /des na gzugs nyid de zhes pa ni snang ba nyid sgyu ma lta bu'o zhes pa ste nges pa'o/ /de'i phyir/ bstan bcos las ni mtshan nyid bstan//zhes pa ni de yang ngag gi sgo nas shes par bya'o/ /de kho na nyid ces pa ni bla ma sna tshogs pa'i man ngag rnams so/ /de yang dpa' bos bshad ces pa ni sngon gyi las dang 'brel ba'i phyir ro/ /rang gi sems nyid bsgoms pas rnam par mi rtog pa'i bla ma'o//ye shes sems dpa'i snying ga'i ting nge 'dzin sems dpa' de'i bshad pa ni 'og nas 'chad par 'gyur ro/ /des na bsgom par bya'o/ /de ci zhe na gsungs pa/ 'di'i zhes bya ba sogs pa la sgrogs pa lnga zhes pa ni mi gsal ba'i mtshan ma'o/ /'on kyang mchod rten gyi sgras snying ga dang mgrin pa dang lte ba dang gsang ba'i gnas rnams su 'chad bzhin pa'i bu ga lnga'i nang du khu ba'i thig le rnams mchod rten gyi rnam pa bsgom par bya'o//de'i don bstan pa'i phyir/ sgrogs pa lnga zhes bya ba la sogs pa'i yi ge brgyad kyi tshigs su bcad pa'i sdebs kyis bshad pa gsungs pa/sgrogs pa lnga bzhin du ni srog /mchod rten rnam pa ru ni bsdu/ /gnas lnga ru ni 'khor lo 'di/ /bu ga zhes par srog ni 'gro/ /bdud rtsi sogs zhes sa bon gyis/ /gsang ba zhes pa'i pad las 'byung / /snying ga'i 'khor lo ru ni bsams/ /srog dang thur sel gnyi ga gzhom/ kha dog dkar po'i 'khor lo las/ /'od kyi zer yang yang dag 'byung / /bzang po mi shigs rnam pa yi/ /bdud rtsi rgyun nyid mchod rten no/ /'dud pa'i rtse mo las ni 'dzags/ /ye shes sa bon mi 'dzags pa/ /snying ga'i sa bon du ngal bsos/ /thig le dang ni thig ler thim/ / pad+ma zhes pa'i rtsa rnams kyi/ /zla ba ye shes kyi dbus su/ /snying ga yi ni steng du ni/ /mthe bo tsam ni zlum po'o/ /des zhes pa ni snying ga nyid/ /dbus ni mgrin pa'i lte bar te/ /'khor lo gnyis su yang dag bshad/ /sa bon zhes pa 'od zer 'byung / /A li kA li zhes dbus kyi/ /rdul phran du ni song ba'i mchog//dkar po zhes pa snang bskyed pa/ /kha dog sgyu ma lta bu bzhin/ /zla ba zhes pa sems zla ba/ /'od zer rnam par yang dag spro/ /de nyid kyi ni 'od zer tshogs/ /dbus ni gnas kyi rgyu ru'o/ /sgo ni bu gar rnam par bshad/ /des na gzhan yang gdan du brjod/ / khong stong rnam pa bu ga'o/ /thig le zhes pa stong par brtag /de yang 'od zer tshogs kyi ni/ /nang du sems ni 'di lta bu/ /skra rtse la sogs go sla'o/ /mtshon pa mtshon med ye shes te/ /mtshan nyid 'di ni brjod pa yin/ /ye shes can de rnal 'byor pas/ /rnam par shes las dngos po 'byung //de yi rang bzhin sems can rnams/ /sangs rgyas 'jig rten rnams nyid byed/ /blta ba sngon gyi bu ga ru/ /sems kyi 'od zer yang dag 'byung / /de ltar thig le'i go 'phang gnas/ /rang bzhin med pa ru ni bsam/ /des na sems ni mchod rten te/ /gnas lnga rnams su brjod pa yin//mchod rten rnam par song ba'i sems/ /mi shes pa la sbyor 'di gsungs/ /mtshan nyid dngos po'i gzugs kyis te/ /snying la sogs pa brjod par bya/ /'di ni rab tu brtags pa'i gzugs/ /bsgoms pas gong du 'pho bsam gtan/ /tshangs pa'i sgo ru phra mo ni//lus can rnams kyi dpral ba ru/ /de dbus snying gar zhes bya ba/ /thig le zhes pa dag byed pa/ /sgo zhes pa ni rten nyid de/ /lam ni yang dag rdzogs byang chub/ /des na lam ni gzung zhes pa/ /rnam shes sngon gyi mtshan nyid do/ /ye shes zhes pa'i dngos po'o//bla ma'i man ngag bstan par bya/ /'dus pa'i phyir ni gong bu 'pho/ /mchod rten zhes pa rlung lnga rnams/ /ye shes sems dpa'i dngos po rnams/ /a wa d+hU tI'i nyid dbus su/ /ye shes sems dpa'i snying po ru/ /ting 'dzin sems dpa' 'og bltas pa'o/ /de yi snying po rab bshad pa//srog sogs thig le'i mchod rten te/ /de ltar nam mkha' lnga de nyid/ /sgo yi bu ga de bzhin nyid/ /gnas lnga rnams su bsgom par bya/ /srog lnga'i dus ni gcig pa nyid/ /snying gi thig le ru ni gzhug/ /tshangs pa yi ni sgo ru 'gro/ / don dam pa yi sems ni 'dzag /de ni snying zla'i dbus su 'ong / /tshogs rnams kun tu rnam par thim/ /yang na mthe bong tsam ni tshad/ /kun nas zlum po ru ni 'gyur/ /ye shes thig le khu ba bzang / /de dbus ji ltar bdag nyid ni/ /A li kA li sa bon phreng / /'bad pa yis ni bsam par bya//de ru gtum mo 'bar 'gyur te/ /de phyir des na 'gog par 'byung / /mdog dkar 'od zer rnam pa ni/ /de yi sgo ni shin tu phra/ /de ni ming tsam nyid yid de/ /thig le'i ming du rab tu grags/ /tshangs pa'i sgo nas byung nas ni/ /yid ni yid kyis mtshon par bya//a wa d+hU tI'i thig le'i sgo/ /lam nas mtshon pa can ni 'gro/ /rtsa mang po yi nam mkha' ru/ /rnam par shes pa'i dngos po bzung / /bla ma'i lam la chags pa mchog /ye shes 'di ni mngon shes nyid/ /de ltar lam gyi mchog nyid ni/ /bla mas bstan pa yi ni mchog / man ngag mchog gi ye shes ni/ /bstan pa mnyam dang mi mnyam pa/ /de yang lam las phyi min sogs/ /man ngag las ni phyi rol min/ /bstan bcos ma gtogs man ngag med/ /bstan bcos nye bar spyod las rnyed/ /rnyed sla la sogs pa yi tshig /phyi yi bstan bcos sna tshogs pa'o//sbyor la sogs pa ji skad gsungs/ /bstan bcos thams cad las rnyed dka'/ /thabs shes pa ni sangs rgyas kyi/ /bsgom pa sems kyis byas pa'o/ /bstan bcos rnams ni bstan pa tsam/ /mkhas pa rnams kyis mi rtogs pa/ /ma thos par ni 'jug byed cing //slob ma rnams la ston par byed/ /de rnams dmyal ba ru ni 'gro/ /rtsod dus mi bden pa smras pa/ /de nyid kyis na thabs shes pa'o/ /bla ma yon tan kun gyi gnas/ /rnal 'byor pa yis bsnyen bkur bya/ /de bzhin mi shes pa ni spangs/ /de bzhin gshegs pa'i rgyud kyi chos//bla ma'i kha las rnyed par 'gyur/ /gcig nas gcig brgyud rim pa nyid/ /lam ni de bzhin bstan pa yin/ /mkhas pa rnams kyi rjes 'brang bya/ /bla ma de ni sangs rgyas mnyam/ /brgya la bstan bcos dman na yang / /mkhas pas smad par mi bya'o/ /de'i mgrin par lam ni gnas//sgra las byang chub nyid mi 'ong / /sgra tsam la ni zhen pa dag /byang chub lam las phyi rol 'gyur/ /mnyam gzhag la sogs tshig gis ni/ /blo ldan bsam gtan sbyor ba yis/ /de yi bsgom pa'i dngos po ni/ /rtag tu sangs rgyas sgyu ma nyid/ /mi g.yo sgyu ma'i sbyor ba yis//dbang po rnams ni 'tshe ba ldog /de bzhin de dang bral ba ni/ /yid ces bya ba la sogs rim ji bzhin/ /'dir snying por gong du 'pho ba de yang yid kyis bsgoms pa tsam gyis na/ des na sngon 'gro ba zhes pa ni sngon du gsungs pa'i sgom pa rnams yid las byung ngo / / chos zhes pa ni yid las 'byung ba med pa'o/ /de yang yid kyis dag ces pa ni bsgom pa bzang pos dag pa'o/ /yid las byung zhes pa ni chos thams cad yid las 'byung ba'o/ /de'i phyir yid kyi rgyal po'i zhes bya ba la sogs pa la yid kyis spros shing gsal bas na yid kyi rgyal po'o//bka' drin gyis zhes pa ni yid kyis nus pa gsal bar byed pa'o/ /ji ltar lus kyi bka' drin ni longs spyod rgyas pas lus rgyas par 'gyur ro/ /de bzhin du yid las khams gsum pa thams cad 'byung ba'o/ /des na chos dang chos can du brtags pa'i phyir ngag gi sgo nas brjod do//yang na byed ces pa ni khams gsum pa sprul pa'o/ /de ltar sangs rgyas kyi 'jig rten no/ /de bzhin du tha mal pa'i 'jig rten brjod de/ de'i phyir zhes bya ba la sogs pa ni da ltar gyi sems can rnams kyi rgyu dang 'bras bu'i dngos po spro bar bya'o/ /'dir sngon nas thog ma med pa'i rgyud kyi phyir ma rig pa'i chos nyid kyi sems can rnams thams cad yid kyi rang bzhin no//des na sems can yid las byung / /zhes pa ni yid kyi rnam par rtog pa las gang byung ba'i ma rig pa'o/ /de yang blo ldan zhes pa mkhas pas yongs su spang bar bya'o/ /de ji ltar zhe na gsungs pa/ gal te zhes bya ba la sogs pa ni gal te ma rig pa yongs su spang bar 'dod na de'i tshe bzlas zhes pa ni/sngon du gsungs pa'i mtshan nyid kyi phyir/ a wa d+hU tI'i nang du ye shes sems dpa'i snying ga'i ting nge 'dzin sems dpa'i snying ga'i mchod rten lnga mtshon par bya ste ye shes kyi bzlas pa bya'o//rnal 'byor pa zhes pa ni sems tsam gyis so/ /snying du zhes pa ni sems kyi snying po'o/ /bsam pa zhes pa ni bsam du med pa'i dngos po'o/ /des na bsgom par bya'o/ /rags pa'i phung po la sogs pa dang skye mched rnams thig le bzhi'i nang du thim pa'o/ /der phung po phra mo thig le bzhi yang nam mkha'i nang du thim pa'o//de ltar phung po lnga phra mo la yang gzugs kyi phung po ni pad+ma'i rtsa ba'i snal ma lta bu'i rtsa stong phrag bdun cu rtsa gnyis so/ /de la a wa d+hU tI ni rnam par shes pa'i phung po'o/ /de'i nang gi ye shes sems dpa' ni tshor ba'i phung po'o/ der ting nge 'dzin sems dpa' ni 'du shes kyi phung po'o/ /'di nyid du gong du 'pho ba'i sgom pa de ni 'du byed kyi phung po'o/ /de ltar brdas mchod rten lnga rags pa'i rnam pa nyid du dgongs so/ /de bzhin du rgyu zhes bya ba la sogs pa la/ rgyu zhes pa ni der thim par byed pa'i phyir ro/ /gyur zhes pa ni gzugs la sogs pa'o//de'i sa bon zhes pa ni yid tsam pa khams lnga'i bdag nyid dam ye shes lnga'i bdag nyid do/ /des na yang de kho na'i gzugs min zhes pa ni/ yi ge'i gzugs sam thig le'i gzugs ni don dam par mi 'byung ngo / /'on kyang de dag yid tsam brtag pa'i gzugs kyi bdag nyid do//ci'i phyir zhe na gsungs pa/ rgyu dang zhes bya ba la sogs pa la/ 'bras bu zhes pa ni rang rig pas rdzogs pa'i byang chub kyi rim pa mthong ba'o/ /de'i rgyu zhes pa ni phung po'i rang bzhin tsam mo/ /des na sa bon zhes pa ni ma rig pa spangs pa'i sems can las rig pa bzang po 'byung la/de las kyang sangs rgyas dang byang chub sems dpa' rnams 'byung ngo / /de'i phyir/ de yang de kho na nyid mthong ba min/ /zhes pa ni sangs rgyas dang byang chub sems dpa' rnams de kho na nyid kyi gzugs te de kho na nyid kyi yid las byung ba'i phyir ro/ /de yang lung las de rnams kyang mi rtag pa ste gang gi phyir sems can gyi ris dang /srog gi ris mi rtag pa'i phyir te/ srog kyang 'khrul ba'i gzugs mi bden mi rtag pa'i mtshan nyid do zhes pa'i tshul gyis so/ /des na de rnams kyis mthong ba min te mthong ba ni zad pa'i dngos po yin pa'i phyir ro zhes pa ste nges pa'o//'dir sangs rgyas la sogs pa'i dngos po thams cad mi rtag pa'i gzugs can no zhes pa ni 'gal te/ 'dir theg pa gsum la sogs pa theg pa mchog gi chos thams cad du bcom ldan 'das kyis gsungs te/ 'di ltar sa bon dang mtshan ma la sogs pa'i tshul gyis gzugs la sogs pa'i rnam pa'i dngos po de bzhin gshegs pa rnams kyis bskyed pa'i rim pas grub pa ma yin nam/des na 'di ji ltar rdzogs pa'i rim pa 'ba' zhig gis byang chub bsgrub par bya/ gang yang sngags bzlas pas de yang 'jug pa dang gnas pa dang ldan pa'i yi ge gsum gyi brdas ston pa'i lung las gsungs na de ji ltar yid tsam gyis yid la yi ge lnga bzlas pa yin zhes 'ga' zhig dogs par 'gyur na/de la brjod pa 'dir de thams cad ni bden te/ 'on kyang der bcom ldan 'das kyis bka' brjod pa/ gzugs sogs zhes bya ba la sogs pa la/'dir gzugs la sogs pa zhes pa ni gang gi yi ge'i don gyi yi ge rnams ni oM la sogs pa'i yi ge lnga'o/ /srid pa'i longs spyod ces pa ni/ 'dod pa'i yon tan lnga'i nye ba'i longs spyod rnams so/ /der gsungs pa/ oM zhes pa ni gang brjod pa//lha yi gzugs ni yang dag 'byung / /sems kyis kun tu dmigs pa ni/ /sems can 'dod pa'i yid ni nyid/ /a zhes pa yi sgra yi gzugs/ /de dmigs pa la lha yi sgra/ /de yang yid las byung bar 'gyur/ /rgyu dang 'bras bu'i gzugs can na/ /hrI zhes yang dag bshad pa ni//bdud rtsi'i gzugs te de ni sems/ /ro bzhin du ni chos rnams byed/ /thams cad bcud kyis len bzhin no/ /khang zhes pa ni snas bsnams pa/ /yi ge'i bdag nyid chen po nyid/ /de ni dmigs par byed pa ni/ /lha yi dri ni 'byung bar 'gyur/ /hUM zhes pa ni bdag byas te//sgom pa bsam med mtshan nyid la/ /sems ni dga' phyir ba spu langs/ /reg pa'i bde ba yang dag 'byung / /de bzhin du ma rig pa zhes bya ba la sogs pa la ma rig pa ni bag chags thams cad 'dzin par byed do/ /kun gyi spyi bor yang dag gnas//zhes pa ni kun tu rtog pa thams cad kyi spyi bo'o zhes pa gtso bo'i ma rig pa'i dbang gis 'khor ba nyid do/ /rtag tu zhes pa ni ji ltar sa bon thams cad kyi rtsa ba rnams ni gtsor bcud 'bab can no/ /de bzhin du ye shes zhes pa ni/ gang cung zad mthong ba'i dngos po'i mtshan nyid gnas skabs 'dir yi ge lnga ye shes nyid rnam par shes pa'i sa bon te 'dod pa'i yon tan lnga rnams la yid gtsor 'jug par 'gyur ro//de ltar yid de nyid ye shes mtshon pa tsam mo/ /de yang / thig le'i sgra dang yang dag ldan/ /zhes pa ni 'dir kun rdzob tu sa bon lnga zhes pa bsdus na sngon du gsungs pa'i don gsal ba'o//de yang rtsa ba ni u'o/ /ye shes ni ha'o/ /rnam par shes pa ni spyi bo'o/ /de nyid kyis na kun gyi kun 'dzin zhes pa ni a zhes pa dngos po thams cad la yang dag par gnas par brjod pa'i bdag nyid do/ de nyid sgra dang thig les brgyan pa'o/ /de ltar bsdus pa yi ge lnga ni hUM zhes pa'o/ /de bzhin du gzugs la sogs pa'i nye ba'i longs spyod lnga yid kyi rnam par shes pa 'khor ba'i longs spyod kyi rgyur spyod pas skye ba len pa'i phyir ro/ /de'i phyir sngon gyi tshul la sogs pas yi ge gsum yid kyis bzlas pa de la de skad ces bya ba'o//rtag pa zhes bya ba la sogs pa la nyid ces pa ni nges par gzung ba'o/ /rtag pa zhes bya ba la sogs pa ni bzlas pa'i khyad par ro/ /de bzhin du/ ye shes la ni rnam shes thim/ /zhes bya ba ni yid kyi sgom pas yid kyi rnam par shes pa'i ming can ye shes te/de ltar de thim pa'i phyir mtshon pa'i mtshan nyid du byas pa'i 'bras bu mtshon pa med par 'gyur ro/ /des na ye shes kyi dngos pa zhes pa ni 'jig rten pas rnam par shes pa mi mthong ba'o/ /'jig rten las 'das pa yang rnam par shes pa rtag pa'i phyir sgyu ma lta bu'i rdzogs pa'i byang chub kyi rim pa mthong ba'o//rnam par shes pa brgyad kyi 'jig rten las 'das pa'i nang gi lta bas gong du 'pho ba'i mtshan nyid kyi sbyor ba goms pas de'i tshe sangs rgyas kyi spyan la sogs pa brgyad sangs rgyas kyi ye shes rnams bstan pa'i phyir de'i mtshan nyid bstan pa gsungs te/mar me lta bu zhes bya ba la sogs pa la thams cad ces pa ni dmyal ba'i nang du gnas pa'i dngos po thams cad de'i mig gi rnam par shes pas mar me'i rnam pa lta bur mthong ba'o/ /de yang dmyal ba rnams thar pa'i rgyur snying rje gtsor mdzad do/ / de bzhin du nam mkha' snang ba zhes pa ni byol song gi 'gro ba la khyab pa'i rnam par shes pas rnam par bcom nas mthong ba'o/ /rdul zhes pa ni 'od zer rnams so/ /de bzhin du rdul dkar zhes bya ba la sogs pa ni/ tsa na ka'i ri lu lta bur 'od zer rnams sna'i rnam par shes pa las byung nas yi dags kyi 'gro ba rnams rnam par 'joms pa'o//de nyid nyon mongs 'joms zhes pa ni sngon gyi bag chags kyi ming rnams kyang rnal 'byor pa rnams kyi zhes pa mi'i lus las byung ba'o/ /de nas yang mi rnams kyi lus kyi gzugs sna tshogs pa bdag nyid kyi rnam par shes pa'i mtshan nyid kyis mthong bar 'gro ba de rnams bcom pas de thams cad stong pa'i skur mthong ba'o//de bzhin du 'dod pa zhes bya ba la sogs pa ni/ 'dod pa na kun tu spyod pa'i gnas bcu gcig po lus kyi rnam par shes pas mthong bas 'gro ba 'gog pa'i phyir de'i rang bzhin gyi phyir longs spyod ces pa ni rang nyid sprul pa'i sku'i phyir ro//de bzhin du gzugs zhes pa ni gzugs kyi khams kyi bdag nyid kyi lha rnams ni yid kyi rnam par shes pa'i bdag nyid de/ de rnams kyang sgyu ma'i gzugs can mtho ris la longs spyod par mthong ngo / /de ltar sems kyis mthong zhes pa'i tshul gyis gnas bcu drug gi lha rnams bzung ngo //de ltar ma gsungs kyang sngon du gsungs pa'i mig la sogs pa'i rnam par shes pa rnams rtogs par bya'o/ /de ltar yang drug pa zhes bya ba la sogs pa ni gzugs med pa'i khams kyi lha rnams bzhi po nyon mongs pa can gyi yid kyi rnam par shes pa'i dngos po mthong ngo //gang gi phyir tshor ba stong pa de la de skad ces bya'o/ /de bzhin du bdun pa zhes bya ba la sogs pa la/ chos kyi dbyings nyid ces pa ni kun gzhi rnam par shes pa'i rang bzhin dmigs pa med pa'i phyir chos kyi dbyings te de las chos rnams thams cad 'byung ba de rnams 'gog pa'i phyir ro//brgyad pa zhes bya ba la sogs pa ni ji skad du gsungs pa bzhin du 'gyur te gzhan du ma yin zhes pa ste nges pa'o/ /de bzhin du gong du 'pho ba'i mtshan nyid kyi rnal 'byor pa rnams kyi sangs rgyas nyid kyi 'bras bur 'gyur te/rang gi rang bzhin yongs su shes pa'i phyir ro/ /de ltar rnam pa dang bcas pa'i bsgoms pa las shin tu zab pa'i mthar snang ba med pa'i ye shes chos kyi dbyings su brjod pa bstan to/ /'dir ni bcom ldan 'das kyis mdor bstan pa'i phyir sngon du zhus pa gsal ba'i don to//da ni sngon du gsungs pa'i stong pa nyid rang nyid kyis nyams su myong ba'i dngos po'i nga rgyal tsam gyis sems dri ma med pa'i phyir phung po dang khams dang skye mched la sogs pa'i rnam par dag pa brjod de/ rdo rje snying po zhes bya ba la sogs pa la rdo rje snying po zhes bya ba ni rdo rje snying po la bod pa'o//bcom ldan 'das de nyid rdo rje snying po ste de nyid kyis na brtse ba chen po zhes pa ni snying rje'i sgo nas bod pa'o/ /de yang snying rje ni thos pa la sbyor ba'o/ /de ci zhe na dngos po zhes bya ba la sogs pa ni kun gzhi rnam par shes pa'i nang du gnas pa chos kyi dbyings kyi kun gzhi rnam par shes pa las dngos po thams cad 'byung ba'i phyir de rnams kyi rnam par dag pa sngon du mtshan ma'i mtshan nyid kyis mtshon par chos kyi dbyings te/de yang de bzhin nyid yang dag pa'i mtha'o/ /phyi nas re re'i zhes pa ni lus kyi dngos po'i phyir khams bzhi la sogs pa'i rang bzhin gyi phyir so sor yongs su brtag pa rab tu brjod pa'o//ni ni nges par gzung ba'o/ /lha rnams kyi zhes pa ni rags pa'i rnam par shes pa brgyad dang sngon du gsungs pa'i phra mo 'dir rtsa stong phrag bdun cu rtsa gnyis lha rnams te de rnams las byung ba sgyu ma'i rnam pa'i rang bzhin no//de yang snang ba tsam de bzhin nyid kyi rang bzhin no/ /de'i phyir rtsa rnams kyi phung po zhes bya ba la sogs pa ni rnal 'byor pa rnams kyi phung po dang khams dang skye mched la sogs pa'am/ sems can rnams kyi rang bzhin zhes pa brtags na stong pa ste gong du rdul phra rab bzhin du blta ba'o//rnam par dag pa zhes pa ni rnal 'byor pa'i 'jig rten ni chos kyi dbyings kyi bdag nyid do/ /de bzhin du byis pa rnams kyis mi shes pa zhes pa la sogs pa ni nyon mongs pa can ma yin pa mi shes pa shes bya'i sgrib pa'o/ /nyon mongs pa zhes pa ni 'dod chags la sogs pa'i nyon mongs pa'i sgrib pa'o//de dag gis bsgribs shing dri ma can du byas pa rnam par sbyangs pa'o/ /de rnams kyi glo bur ba'i dri ma bsal ba'i don du skye ste/ mi shes pa de rnams kyi dri ma bsal ba'i phyir/ thabs gang gis sbyangs pa 'dir gsungs pa/ rang rig ces bya ba la sogs pa ni 'dir sngon du bshad pa'i rang rig pa de'i rang bzhin des rnam par dag ces pa'i don to//de ci zhe na/ gsungs pa/ gzhan du zhes bya ba la sogs pa ni gang gi phyir rang rig pa las gzhan pa'i rnam par dag pa'i khyad par du dag par mi brjod de/ bag chags dang bcas pa'i sgrib pa thams cad rnam par dag pas na/rnam par dag pa zhes pa'i don to/ /'o na de rnam par dag pa'i 'bras bur gyur pa de ni yun ring po'i dus su bsgoms shing lam 'di la dmigs pa yin na sngon du ji ltar rang bzhin gyis thams cad dag par 'gyur des na gsungs pa/yul rnams kyi zhes bya ba la sogs pa ni/ yul dang dbang po la sogs pa rang rig gi shes pa dmigs pa'i phyir/ de rnams kyi rang rig pa'i bde ba'i mchog don dam pa zhes pa'i don to/ /de ci zhe na gsungs pa dngos po dag phyir zhes pa ni dag pa de rnams kyang gnyis med pa stong pa'i rang gi ngo bo reg pa byed pa nyid kyis na stong pa nyid nyams su myong ba'i rang bzhin gyi phyir ro//dngos po yang sems bskyed pa'i ngo bo'i phyir dngos po dag pa ste/ de med pa ni de kho na nyid do/ /de'i phyir stong pa nyid nyams su myong ba thun mong gi 'bras bur gyur pa rang rig pa'i bde ba ni shes bya thams cad dang dbyer med pa'i phyir zhes dgongs so//de nyid kyis ni stong pa nyid kyi cha de bzhin nyid kho na nyid do/ /dngos po rnams kyi stong pa dngos po'i cha rnal 'byor ma'i 'khor lo la dmigs pa'i dbye bas nyams su myong ba'i dbye ba'o/ /rnal 'byor ma'i dbye bas so sor dmigs pa rnams kyi de kho na nyid do//yang na de bzhin gshegs pa'i dmigs pa'i dbye bas nyams su myong ba'i dbye bas ni de bzhin gshegs pa'i dbye ba ste so sor dmigs pa zhes pa de la de skad ces bya'o/ /'o na gang dag sngon po dang ser po la sogs pa'i dbye ba'i rnam pas rnal 'byor ba rnams la dngos po snang ba de ji ltar rnam par dag ce na/des na gsungs pa gzugs zhes bya ba la sogs pa la gzugs sogs yul zhes pa ni gzugs la sogs pa'i yul rnams so/ /gzhan zhes pa ni de bzhin nyid de de dag yang dag par rig pa'i mtshan nyid dang bral zhes pa'i don to//rnam par dag pa'i dngos po zhes pa ni rnam par dag pa'i rang bzhin no/ /de ci zhe na gang gi phyir 'gro ba thams cad sangs rgyas kyi rang bzhin te/ 'di ltar de bzhin gshegs pa thams cad kyi sku dang gsung dang thugs kyi gsang ba'i rim pa bzhin du gzugs thams cad dang sgra thams cad dang sems kyi g.yo ba thams cad chos kyi dbyings su song bas na sems can gyi khams kyang de bzhin gshegs pa'o//'dir gal te sems can gyi tshogs de rnams kyang de bzhin gshegs pa'i gsang ba'i rjes su song ba de kho na nyid kyis rnam par sbyangs pas ma dag pa cung zad med ces pas bgros nas zhus pa/kye bcom ldan 'das zhes bya ba la sogs pa la/ ci'i slad du zhes pa ni rgyu gang gis zhes pa'i don to/ /gzung ba zhes bya ba la sogs pa ni 'dir gang dag 'jig rten pa'i mig la sogs pas yul rnams la dmigs shing bdag tu 'dzin pa ni dmyal ba la sogs pa'i rgyu ste/de thams cad lha'i gzugs nyid kyis sbyang pa'i don to/ /de nyid gsungs pa bsten zhes bya ba la sogs pa ni/ gang dag ma dag pa de dag thams cad dus thams cad du sbyang bar bya'o/ /'di dag ces pa'i tshig ni gzugs zhes bya ba la sogs pa ste/ phung po dang khams dang skye mched la sogs pa rnams la rnam par snang mdzad la sogs pa'i lha'i gzugs bkod cing yongs su brtags nas rang dgar rnam par spyod pa'o/ /yang na de ltar mi byed na de'i tshe bde ba zhes bya ba la sogs pa ni tha mal ba'i sems can rnams kyi sbyin pa la sogs pa'i bsod nams kyi dbang gis mtho ris kyi 'dod pa'i 'bras bu la nye bar longs spyod pa thob cing bde ba la longs spyod do//sdug bsngal zhes pa ni sems can la gnod pa byas pas dmyal ba la sogs pa'i 'bras bu sdug bsngal la longs spyod do/ /de bzhin du yang zhes pa ni mdor na sems can rnams kyi rten cing 'brel par 'byung ba'i phyir las dang nyon mongs pa la sogs pa'i dgras sdug bsngal gyis 'khor bar 'khor te de ltar skye ba la sogs pa'o//'jig pa zhes pa ni 'chi ba ste/ dge ba'i grogs mchog dang bral bas so/ /de bzhin du srid pa zhes pa ni dge ba'i grogs mchog brnyes pa rnams kyi kun rdzob kyi bden pa'i rang byin gyis brlabs pa mngon sum du byed pa'o//mya ngan las 'das pa zhes pa ni don dam pa'i 'od gsal ba'i ye shes la mos pas mngon du byed pa'o/ /de ltar bden pa gnyis kyis grol bar 'gyur gyi gzhan du ni ma yin zhes pa ni nges pa'o//de ltar yang gsungs pa/ sgyu ma lta bu'i ting 'dzin yang / /bden pa la brten byang chub nyid/ /'od gsal la ni mos pa yis/ /rnal 'byor pa srid zad pa bya/ /rang byin brlab pa'i rim nyid dang / /zung du 'jug pa'i ting 'dzin gyis/ /ma lus sangs rgyas gzugs su yang //phung po la sogs dag pas blta/ /rnal 'byor pa ni sangs rgyas nyid/ /de nyid la sogs bsgoms pas mthong / /sems can rnams ni de dag phyir/ /srid la zhen pa med par bya/ /kha sbyor thig le'i rgyud kyi rgyal po'i rtog pa lnga pa'i rab tu byed pa gnyis pa phung po dang khams dang skye mched la sogs pa rnam par dag pa'i rgya cher 'grel ba yang dag pa'i lta ba'i dran pa'i snang ba zhes bya ba'i gzhung bstan pa ste gnyis pa'o// //da ni spyod pas 'khyud pa'i bla na med pa'i rab tu byed pa bstan pa'i phyir/ byang chub la ni zhes bya ba la sogs pa gsungs te/'dir gang gi tshe rnal 'byor pa rnams kyi spyod pa dang bral ba'i phyir phyi dang nang gi dngos grub med do/ /des na rab bshad de zhes pa ni yang dag pa'i yongs su shes par bya ba'i phyir ro/ /spyod pa ni spyod pa'i tshul gyis de'i rang bzhin du 'gyur ba'o/ /de'i phyir rtog pa'i dgra rnams 'joms pa'i zhes pa ni kun tu rtog pa'i rnam par rtog pa sna tshogs pa'i dgra de rnams 'joms shing spyod pa'i ting nge 'dzin gyis bsrub ces pa'i don to//thams cad ces bya ba la sogs pa ni spyod pa'i rnal 'byor pas spyod pa'i phyir sems las chos bzang po yang dag par 'byung ba'o//de nyid ces pa ni rnam par mi rtog pas gzung ba 'chad bzhin pa'o/ /de'i phyir spyod pa bla na med pa zhes pa ni gzhan dpe dang bral ba yang dag pa'i byang chub kyi lam gyi rjes su 'brang ba de la de la de skad ces bya'o/ /de nyid kyis na phan pa zhes bya ba la sogs pa gsungs te sangs rgyas kyi sras da ltar byung ba'i las dang po pa rnams dang rdzogs pa'i byang chub la gnas pa gnyi ga la phan par byed pa'i spyod pa'o//de yang de kho na nyid ces pa ni rang rig pa'i ye shes so/ /ci'i phyir zhe na gsungs pa/ lus med rdo rje zhes pa ni 'dod chags chen po'i rdo rje bde ba chen po'i ye shes bzhi pa las 'das pa'i rtog pa'i bden pa spangs pa'o//de nyid kyis na shes rab kyi pha rol tu phyin pa zhes pa ni chos kyi sku bsam gyis mi khyab pa'i rang bzhin mchog ces brjod pa'i phyir ro/ /de ji lta bur gyur pa yin zhe na/ de nyid gsungs pa/ skye ba zhes bya ba la sogs pa ni/skye ba brgyud pa'i sdug bsngal chen po'i rgya mtsho'o/ /'jig pa zhes pa ni las kyi chu srin la sogs pas dkris pa'o/ /dga' ba zhes bya ba la sogs pa ni nyon mongs pa'o/ /de bzhin du sgrol byed pa zhes pa ni spyod pa nges so/ /gru bzhin du zhes pa ni gru bzhin du sems can thams cad bde bar sgrol bas shes pa de la de skad ces bya'o//de bzhin du myur du zhes bya ba la sogs pa ni go sla'o/ /de bzhin du de bzhin gshegs pa rnams kyi phan yon gyi sgo nas spyod pa bstan pa'i phyir/ lha min dgra zhes bya ba la sogs pa gsungs te/ 'dis zhes pa ni de bzhin gshegs pas spyad pa'i spyod pas so//de bzhin du lha min dgra'i 'khor lo zhes pa ni khyab 'jug go/ /grong khyer gsum sgra zhes pa ni zhi byed do/ /de bzhin du tshangs pa dang sogs pa'i sgras lha dang mi la sogs pa de rnams kyis mchod pa'i 'gro ba'i ston pa'o/ /sdig 'joms zhes pa ni sdig pa rnam par 'joms pa'o//a wa d+hU tI'i spyod pa zhes pa ni a wa d+hU tI'i rjes su spyod pa'i phyir ro/ /lhag ma ni go sla'o/ /bsam gyis mi khyab pa zhes bya ba la sogs pa la/ bzang po zhes pa ni bzhi pa las 'das pa'o/ /bsam gyis mi khyab ces pa ni gnyis med pa'i gnyis med pa'o/ /gnas pa zhes pa ni rang rig pa'o//rab gsang bsgom zhes pa ni srog bla na med par thim pa sngon du rgyas par gsungs pa'i phyir ro/ /sgom zhes pa ni bya ba'o/ /rnal 'byor pa zhes pa ni srog la brten pa'i ye shes so/ /yang dag spyad ces bya ba ni dbang po'i sgo nas sngon bzhin mtshan ma brgyad mthong ba'i tshul gyis yang dag par spyad pas rnam par dag pa zhes te nges pa'o//des na bya zhes pa ni der ci zhig bya zhe na/ gsungs pa/ rtog pa zhes bya ba la sogs pa ni byang chub tsam gyi rtog pa de yang spang bar bya zhes sbyar ro/ /da ni a wa d+hU tI pa rnams kyi rnal 'byor rnam par gzhag pa bstan pa'i phyir/dang po zhes bya ba la sogs pa gsungs te/ mos pa'i dus su ji srid mngon sum du bsam gtan gsal bar mi 'gyur ba de srid du man ngag bsgom pa yang dag pa brtson pas rgyu mthun pa'i 'bras bu'i tshul nyid skye ba ni rnal 'byor pa rnams kyis zhes pa'i don to/ de nas zhes pa ni de'i phyir sgom pa rnam par thim nas rnam par smin pa'i 'bras bur 'gyur pa'o//de bzhin du nye bar bsdus zhes bya ba la sogs pa rang nyid 'gyur zhes pa'i mthar thug pa'i skyes bu byed pa'i 'bras bu ste/ byis pa gzhon nu'i gzugs nyid kyi phyir ro/ /de bzhin du dngos grub ces pa ni rab kyi mthar thug pa'i phyag rgya chen po'i dngos grub dri ma med par song ba'o//de'i phyir rab tu grub pa'o/ /ma lus pa zhes pa ni lus pa med pa'o/ /sna tshogs pa ni longs spyod rdzogs pa dang sprul pa'i spyod pa de bzhin gshegs pa rnams kyi rigs las skyes pa'o/ /bla med ces pa ni chos kyi dbyings mnyam pa de la de skad ces bya'o//kun du bzang po bde ba chen po'i skus gzhal du med pa'i dngos grub skyed par byed pa 'od gsal ba zhes pa'i spyod pas so/ /'grub ces pa ni gang rnal 'byor sgom pa po de nyid du mi 'gyur te/ rdo rje can zhes pa ni bcom ldan 'das rdo rje sems dpa' zhes pa dbang phyug la sogs pa'i yon tan drug dang ldan pas b+ha ga'i sbyor ba dang ldan par nges pa'o//de'i phyir 'gro ba zhes pa ni dang po'i sangs rgyas rgyu med pa 'gro ba las dang por byung ba sngon du gsungs pa'i rdo rje 'chang de nyid gang gi phyir slob dpon te/khams gsum po sprul pa'i bstan pa dang ston pa po nyid kyi phyir shin tu yang mtshan pa nyid kyi na'o/ /phyag byas nas zhes bya ba la sogs pa ni go sla'o/ /gsang ba'i zhes bya ba la sogs pa ni da lta'i slob dpon gyis de de bzhin du bya ba'o/ /de bzhin de nas zhes bya ba la sogs pa ni de'i phyir sprul pa'i sku dang 'dod pa zhes pa bdag la rang dbang thob par 'gyur pa'o//lhag ma dgod pa zhes bya ba la sogs pa ni go sla'o/ /kha sbyor thig le'i rgyud kyi rgyal po'i rtog pa lnga pa'i rab tu byed pa gsum pa spyod pas 'khyud pa sems tsam nyid du gsungs pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung bstan pa ste gsum pa'o// //da ni spyod pas 'khyud pa mdor bstan nas de slar bshad pa bstan pa'i phyir/ de nas zhes bya ba la sogs pa gsungs te/ yang dag bshad bya ba zhes pa ni spyod pa slar bshad pa'i mtshan nyid gang dang gang sems can gyi don mtshungs pa med par 'gyur ba'o//pha rol son zhes pa ni bsam gtan gyi sbyor bas so/ /de'i tshe gang gis zhes bya ba la sogs pa la/ gang gis mchog tu dga' ba zhes pa ni rnal 'byor ma dang 'dus pa'i phyir kha sbyor gyi sbyor bas te/ rdo rje rnal 'byor pa zhes pa ni mchog tu mi 'gyur ba'i rnal 'byor pa'o//som nyi med pa zhes pa ni mi zad pa'i bde ba thob ces pa'i don to/ /de nyid kyis na mkha' 'gro ma sogs zhes gsungs te/ mkha' 'gro ma rnams 'dus pa'i gnas su'o/ /gtor ma zhes pa ni zas kyi mchod pa'i dus su'o/ /sogs ba'i sgras ni tha mal pa'i gnas su nub mo 'dus pa nyid kyi phyir ro//ci rnyed pa zhes pa ni nam dang po la sogs pa'i sha dang btung ba de thams cad rnam par mi rtog pas bza' bar bya'o/ /de bzhin du ro'i gos zhes pa ni mi'i bags pa bgo ba'o/ /yang na 'di nyid kyi skra las byas pa'i gos sam/de'i ras bgo ba'o/ /kham phor chags po zhes pa ni kham phor dum bur song ba'o/ /de yang 'chad bzhin pa'i skra dang ldan pa g.yul gyi sa nas blangs pa'o/ /de bzhin du bsgom pa'i gnas gsungs pa/ ri bo zhes bya ba la sogs pa ni go sla'o/ /kha dog can zhes pa ni 'od zer rnams so//bgo zhes pa ni spros pa'o/ /'od zer des kyang dkyil 'khor pa'i lhar brtag par bya'o/ /nges pa'i don du bzhi mdo zhes pa ni dbang chen la sogs pa'i dkyil 'khor bzhi'i rjes su a wa d+hU tI'i dkyil 'khor rgyu ba las rang gi bdag nyid kyis bsgom pa'o//de bzhin du ri bo zhes pa ni spyi bo'i ming can nam mkha'i dkyil 'khor la'o/ /de ltar dkyil 'khor mtha' dag a wa d+hU tIr rgyu ba'o/ /de bzhin du shing gcig drung zhes pa ni ye shes kyi dkyil 'khor rgyu ba'i dus su mtshon par bya'o/ /de ni sna khung g.yon pa'i rlung ngo //de bzhin du sna'i bu ga g.yas pa'i yang dur khrod ces pa ni sdud pa'i gnas su'o/ /gang gi phyir g.yon pa spros pa'i gnas yin pa'i phyir ro/ /'ang zhes pa ni brtag pa'o/ /de ltar dbang zhes pa la sogs pa ni sa la sogs pa'i dkyil 'khor bzhi'i rjes su'o/ /ma mo'i khyim zhes pa ni nam mkha' la'o//dben pa zhes pa ni ye shes kyi dkyil 'khor sgom zhing srog gzhug ces pa'i don to/ /de'i phyir pad+ma'i tshal zhes pa ni rnal 'byor pa rnams kyi skye gnas kyi rtsa phra mo ste/ de'i gnas su rgyu ba'i dus su rtsa pad+ma zhes brjod do/ /de bzhin du chu bo 'dus pa zhes pa ni/ / steng 'og gi sbyor ba rlung gnyis lte bar 'dus pa'i gnas su'o/ /der zhes pa ni phyi dang nang gi gnas dag tu'o/ /de bzhin du ri rtser zhes pa ni mchog tu mi 'dzag pa'i sbyor bas steng du 'gro ba'o/ /tshang tshing zhes pa ni gsang ba'i gnas mi 'dzag pa'i bde ba 'dzin pa'i zhes ba ste nges pa'o//ji ltar zhes bya ba la sogs pa ni rtsa ba'i sbyor bas dus rnams zos pa'o/ /de nyid kyis na gtor ma sbyin/ /zhes pa ni srog gsad pa'o/ /da ni sems can gyi don du a wa d+hU tI'i rnal 'byor pa'i cha lugs sna tshogs pa 'dzin pa mngon du bstan pa'i phyir/ 'ol ma se sogs zhes bya ba la sogs pa gsungs te/'ol mas la sogs pa'i do shal gyi rgyan du bya zhes pa'i don to/ /de bzhin du srog chags yan lag ces bya ba la sogs pa ni stag la sogs pa ni stag la sogs pa'i pags pa gos su bgo ba'o/ /bde don du zhes pa ni rnal 'byor ma snyoms par 'jug par 'dod na sbyin zhes pa ni bya ba'o//la lar zhes pa ni rnal 'byor pas 'dod pa bzhin rtag tu thams cad ces bya ba'i don to/ /gzhan gyi yul 'khor zhes bya ba la sogs pa ni phyi'i gnas rnams su gnas pa'o/ /de ltar zhes bya ba la sogs pa la/ phyogs rnam par rgyal ba zhes pa ni spyod pa'o//phyogs las rnam par rgyal ba zhes pa ni rnal 'byor pa'i rang bzhin ji skad du gsungs pa'o/ /de ltar re zhig brtan byas te/ /zhes pa ni spyod pa bsgom pas brtan par byas pa'o/ /de yang mchog tu mi 'gyur ba'i sbyor ba'i phyir ro/ /de nyid kyis na rnal 'byor zhes pa ni de dang ldan pa ste/mi shigs pa zhes pa ni mi 'gyur ba'i bde ba'i thob pa'o/ /des na rig ma zhes bya ba la sogs pa la/ rig ma zhes pa ni rnal 'byor ma'o/ /lha mo zhes pa ni 'dod pa can gyi bud med rnams so/ /gzung bar bya zhes pa ni rnal 'byor ma'i gzugs su bya ba ste nges pa'o/ / de yang 'dod pa can zhes pa de ci zhe na/ gsungs pa/ lha mo zhes pa la sogs pa la lha mo zhes pa ni thig le mchog ma la sogs pa'o/ /dga' ma zhes pa ni bde ba chen po'i rang bzhin ma'o/ /rol ma zhes pa ni yang de bzhin du blta'o/ /dga' ma zhes pa ni dga' bar bya ba ma'o/ /de bzhin du rig pa 'dzin pa zhes pa ni gtso mo chen ma'o//gnod sbyin mo zhes pa ni gnod sbyin gyi bud med do/ klu mo zhes pa ni klu'i rigs brgyad rnams kyi klu'i bu mo'o/ /de bzhin du sa 'og gi lha ma yin gyi bu mo'o/ /rnal 'byor pas zhes pa ni de ltar bu mo brgyad kyi nang nas ji ltar 'dod pa de ltar dgug par bya'o//de bzhin du lcags kyu zhags pa zhes pa ni man ngag 'di yin te/ sngon du gsungs pa'i tshul gyis dur khrod brgyad kyi dbus su bsgom pa'i rim pa bzhin bsam par bya ste phyag bzhi pa'i lha mo rig byed mar bdag nyid bya ba'o/ /de'i phyir bum pa can gyi sbyor ba bsgom par bya'o//de'i rim pa ni 'di lta ste/ sngon du bsnyen pa'i dus su dkar po'i tshes gcig nas brtsams te/ dus gsum du bcom ldan 'das ma'i gzugs su dmigs nas nyi ma re re bzhin khri tsho re re bzlas par bya'o/ /de nas lus la gos dmar po bgos te de'i rjes su rang gi snying gar nyi ma la gnas pa hrI dmar po yongs su gyur pa las pad+ma dmar po'o//'dab ma brgyad pa skye gnas kyi mthar thug par sdong bu song bar rnam par bsgom par bya'o/ /'dab ma de brgyad la dbyangs yig brgyad yongs su gyur pa las shin tu gnag pa gdong pa dmar ba rgyas ba mgu ba ma rungs pa brjod pa'i rim pa bzhin rlung gang gis de rnams la bskyod de rang gi sna nas byung ba'o//de yang rang gi sna khung g.yon pa nas phyung nas bsgrub bya'i sna khung g.yas pa'i bu gar zhugs te seng ge bzhin du bcom pas a la sogs pa'i dbyangs rnams cung zad dmar ba'am 'dab ma dang ldan par rnam par bcom par rnal 'byor pas blta bar bya'o//phyi nas rnam par bkang ba'i ut+pal dmar po gzhu dang mdas bsngags pa'i khu tshur lta ba dang ldan pa gtad de bsgrub bya'i pad+ma'i lte bar bsnun par bya'o/ /de nas bung ba de rnams dam tshig gis bskul te/ de'i dbyangs yig re re bzhin blangs nas de'i sna khung g.yon pa'i bu ga nas phyung ste/rnal 'byor pa'i sna khung g.yas pa'i bu ga nas snying du zhugs pas rang dang gzhan gyi shes pa gcig tu bya'o/ /phyi nas ut+pala'i sdong bus mgrin pa bcings shing lcags kyus skye gnas phug ste 'od zer 'bar bas gzir bar rnam par bsams na dbang du 'gyur ro//gzhan yang mgal me'i 'khor lo la brten pa'i sngags yongs su bzlas pa'i rnal 'byor pas de ltar yongs su bsgoms te sngags bzlas par bya'o/ /oM ku ru kul+le hrIH che ge mo m+me sha ma nA ya swA hA/ de ltar zla ba nya'i bar gyi mtshan mo mtha' dag la bzlas pa bya'o//de nas tho rangs 'ongs te skra grol ba gos med pa 'dod cing chags pa de khug ste sngags kyi rgyal pos bskul bas rig ma rnams kyi dngos grub thob bo/ /yo byad ces bya ba la sogs pa la/ yo byad ces pa ni 'byung po 'dul byed du gsungs pa'i sna tshogs pa'i mchod pa'i rdzas rnams so//dbul ba zhes pa ni rgyas par 'bul ba'o/ /'di ltar lha yis dngos grub ster/ /zhes bya ba la sogs pa la/ lha zhes pa ni lha mo la sogs pa'o/ /lhun grub ster zhes pa ni bcud kyis len pa dam pa bdud rtsi'i 'bras bu la sogs pa yang des ster ro//des na sgrub pa po rnams kyi nad la sogs pa rnams 'jig par byed do/ /de bzhin du lus zhes bya ba la sogs pa ni rnal 'byor pas rnal 'byor ma drag mo bsten pas rgya la byis pa'i dbang gis skrag pas 'chi ba la thug par som nyi za ba de'i phyir dang po goms pa'i dus su lus kyi sbyin pa brtag cing rnam par rtog par mi bya zhes pa ste nges pa'o//de bzhin du phyi nas zhes bya ba la sogs pa la cha dang cha min zhes pa ni rnal 'byor ma 'dod pa can rnams kyis rigs kyi khyad par la spyod pa'i dus su brtag par mi bya'o/ /sbyin pa zhes pa ni lus kyi sbyin pa las gzhan gyi 'byor pa'i sbyin pa lta ci smos/de bzhin du bza' dang zhes bya ba la sogs pa ni go sla'o/ /da ni rnal 'byor pa spyod pa 'dzin pa rnams kyi brtul zhugs dang rgyan gyi nges par bstan pa'i phyir/ brtul zhugs zhes bya ba la sogs pa gsungs te/ gang gis 'khyud par shes pa'o//grub pa'i mthar 'gro ba zhes pa ni rnal 'byor ma rnams kyi rang bzhin gyi dbang gis sangs rgyas nyid thob pa'o/ /gzhan yang sems can zhes bya ba la sogs pa ni bdag gi don dang sems can thams cad kyi don du'o/ /bzang zhes pa ni sgeg pa la sogs pas bsgrub pa'i ro ste/ de'i rus pa'i rang bzhin las byas pa'o/ /de bzhin du mi 'chi bcu phyed ces pa ni bdud rtsi lnga'o/ /he ru ka zhes pa ni dpal khrag 'thung gi sbyor ba 'dzin pa'o/ /skyes bu gnas zhes pa ni de'i rang bzhin gyi phyir ro/ /bzhin mdzes zhes bya ba la sogs pa ni rnal 'byor pa lung thob pas/ rdo rje bu mo 'di bzung la/ /zhes pa'i tshig gis de bzung ste chos mgrin par chud par shes par bya'o/ /de yang / bzhin mdzes mig gi dkyus ring ba/ /zhes pa kha nang du phyogs pa gang gi phyir rang gis dbang bskur ba brtse ba dang ldan pa rnal 'byor pa'i mthu 'di dag dang ldan pa zhes pa'i don to//de bzhin du sbyor zhes pa ni sbyor ba dang brtul zhugs la 'dzud pa'o/ /rdo rje zhes pa sngon du gsungs pa'i rigs can no/ /des na med 'gyur na zhes pa ni de'i rigs med pa'i phyir ro/ /rang 'dod ces pa ni rang gi 'dod pa'i lha'am rigs gzhan las 'byung ba ste rang gi 'dod pa'i lha'i rigs las byung ba'am lha gzhan dag gi rigs gsum las 'byung ba'o//de yang / 'dus byas na ni gzung bar bya/ /zhes pa ni yang dag par dbang bskur ba'o/ /byang chub sa bon zhes pa ni dge ba'i rtsa ba bskyed nas de bzung la spyod pa bya zhes sbyar ro/ /gal te zhes bya ba la sogs pa la/rdo rje ldan pa zhes pa la rdo rje dbyer med pa'i phyir gnyis med pa yang dag pa'i bden pa gnyis dang ldan pa de ston pa rdo rje'i klu zhes pa'i don to/ /de bzhin du gal te zhes bya ba la sogs pa la dga' ba zhes pa ni mchog tu mi 'dzag pa zhes pa'i sbyor ba las skyes pa'i dga' ba'o//de yang dngos po thams cad ro gcig par bya ba'i phyir sems dang rlung 'gog pa'o/ /'di dag rgyu bas na gar ro/ /de nyid kyis na thar pa'i rgyu ru'o/ /de yang rdo rje rkang pas gar zhes bya ba ni g.yas brkyang ba dang g.yon brkyang ba dang zlum po dang yangs pa dang mnyam pa'i stabs so//de bzhin du sna khung dag gi rlung yang mtshon par bya'o/ /yang na de bzhin du rnal 'byor ma rnams la rnal 'byor pa'i lag pa dang rkang pa dang kha dang lta ba'i gar gyis rgyas 'debs pa'o/ /mi bskyod 'khor lo zhes bya ba la sogs pa ni phyag rgya lnga lus la gnas pa zhes bya ba'i don to//sman zhes pa ni dri chen no/ /chu zhes pa ni mi bskyod pa'o/ /bsrung bar 'gyur zhes pa ni dgongs bshad gzhan gyis khu ba steng du rgyu bas bshang ba dang gci ba steng du rgyu bar 'gyur ro/ /gang gis she na/ gsungs pa/ zur sel gyi rlung steng du rgyu ba'i phyir thams cad ro gcig par 'gyur te/des na yang a wa d+hU tI kha nas bza' bar bya ba'o/ /de'i phyir gyur zhes pa ni 'byung ba chen po'i khams rnams so/ /de rnams kyang mi zad de phyi'i zas dang skom la sogs pa spangs pa des na lus mi g.yo zhing bsrung zhes pa'i don to/ /rkun ma'i skra zhes pa ni rgyal po'i 'chad pas bsad pa'i rkun ma'o//da yang mtshan ma dang ldan nam mi ldan pa yongs su brtag pa ste/ mtshan bzang po de'i tshe dbang po'i rim pas ji lta ba'i tshul du dbab pa byas nas de la thod pa bslang ba'i phyir gsol ba gdab ste/ de'i tshe des kyang skra dang lhan cig thod pa ster te de ltar blangs nas 'grub par 'gyur ro//thod pa de cod pan la gnas pa gang la bstan pa des ni gang 'dod pa de yang dbang du 'gyur ro/ /hUM las byung ba zhes pa ni mi bskyod par byas pa'i cod pan no/ /de bzhin du sor lnga pa zhes pa ni sangs rgyas lnga'i rang bzhin gyi thod pa lnga ni sangs rgyas kyi thod pa'o//ska rags zhes pa ni skra'i srad bu'o/ /thal ba zhes pa ni lus la byugs pa'i thal ba'o/ /skra'i dag byed ces pa ni mchod phyir thogs pa'o/ /cang te'u sgra zhes pa ni mi shigs pa la dus thams cad du sems dpa'i bzlas pa'o/ /bzlas pa yang thim pa'o/ /sems can thams cad mgron du 'bod ces pa ni sgra'i cha tshul gyis rnam par shes pa la dmigs pa'i phyir ro//de'i gzugs kyang sems can du 'byung ba'o/ /de rnams kyang sgra tsam la chags pa'o/ /de nyid kyis na bzlas pa dang bsgom pa zhes gsungs te/ de dag gis zhes pa ni 'dis rdo rje thod pa can du 'gyur ba de la de skad ces bya'o//'dod dang zhes bya ba la sogs pa ni 'dod pa dang rmongs pa la sogs pa rnal 'byor gyi bgegs rnams spangs par bya'o/ /de bzhin du ngo tsha ba yang rnal 'byor chen po'i bgegs yin pa de la de skad ces bya'o/ /he ru ka zhes bya ba la sogs pa la/he ru ka'i bdag nyid ces pa ni chos dang longs spyod rdzogs pa dang sprul pa rnams lhan cig skyes pa gang gi bdag nyid yin pa de la de skad ces bya'o/ /rnal 'byor pa'i rnal 'byor gyi sems mi 'gyur ba'i ting nge 'dzin gsungs pa/ a wa d+hU tI'i rnams rten te/ / ting nge 'dzin gyi sbyor bas gzir/ /he zhes pa ni chos sku nyid/ /ru ni nyams myong longs spyod rdzogs/ /ka ni sprul pa'i sku nyid do/ /bdag nyid lhan cig skyes gzugs nyid/ /b+ha ni 'khor ba'i rgyun 'joms pa/ /be ta ni rig bya rig byed mtshan/ /yo ni dngos po gang gang zhes/ gi ni gnyis med brtags pa brjod/ /bi ni bde la gnas pas rig /ha ni rdo rje sems dpa'i gzugs/ /'byin dang bum can gang byed pas/ /lnga la sogs pa brjod par bya'o/ /rigs ni dus kyi grangs nyid do/ /dkyil 'khor lnga yi rlung nyid do/ /spyod pa sngon du gang gsungs pa//rigs gcig bsam gyis mi khyab pa'o/ /brtag ces pa ni bde ba tsam/ /rang rig pa yi sngon du 'gro/ /du ma la sogs der gsungs pa/ /rtsa yi kha dog nyer brtags pas/ /sna tshogs dus ni mdor bsdus pa/ /rigs gcig tu ni rtogs par byed/ /de yang skad cig gcig tu bshad//mngon par rdzogs byang chub mtshan nyid/ /gang phyir zhes sogs tshig gis ni/ /dus mang po yi don med pa'o/ /gnyid ces pa ni gti mug nyid/ /rnal 'byor rigs pas rtag tu spang / /spyod pa rnal 'byor spyod pa ste/ /bya ba byang chub lam 'gro ba'o//'dir ni the tshom bya ba min/ /rnam par rtog pa bdud kyi las/ /rnam par mi rtog rdzogs byang chub/ /sngon gyi rgyal bas nan tan gsungs/ /zhes pa ste nges pa'o/ /kha sbyor las 'byung zhes pa ni sngon bzhin du rtogs par bya'o/ /kha sbyor thig le'i rgyud kyi rgyal po'i rtog pa lnga pa mdor bstan pa gsum gyi mthar bzhi pa slar bshad pa'i rgya cher 'grel pa yang dag pa'i lta ba'i dran pa'i snang ba zhes bya ba gzhung slar bshad pa ste bzhi pa'o// //da ni dpyid kyi thig le'i mdor bsdus pa rgyud gnyi ga'i bshad pa rab tu byed pa gsum bsdus te bstan pa slar bshad pas bzhi pa gzhung lugs mang po nyid ston pa 'di gsungs te/lha las zhes bya ba la sogs pa ni spyod pa'i rtog pa la sogs pa rtog pa lnga'i gzhung lugs gtan la 'bebs pa'o/ /gzigs mo zhes pa ni bcom ldan 'das kyi bka' rdo rje snying po la sogs pa nyan par 'tshal ba'o//bdag byin rlabs zhes pa ni sngon du gsungs pa gnas skabs kha cig tu bdag cag la bshad pa 'dir yang cung zad lhag pa dang chad pa'i dbang gis 'di gsal ba'i don du brjod de/ des na ji ltar 'gyur zhes sbyar ro/ /de bzhin du gsang ba zhes bya ba la sogs pa ni yi ge bcu drug rnams so//de rnams kyi dgos pa ci zhes pa ni rang bzhin ci zhes pa'o/ /de bzhin du/ bcom ldan 'das kyis lan gyis gsung / /rdo rje sems dpa' zhes bya ba la sogs pa la/ rdo rje sems dpa' zhes pa ni rdo rje'i ting nge 'dzin las byung ba'i 'khor rnams ni sems dpa'o//des na rdo rje sems dpa' zhes pa'i sgra'i don to/ /de nyid kyis na brtse ba chen po zhes pa ni snying rje chen po'i rang bzhin te gang la 'di lta bu'i bsam pa yod pa de ni de bzhin du gsungs par 'gyur ro/ /yang na rdo rje sems dpa' ni mchog tu zab pa'i don gyi yul nye bar rtogs pa'o//mchog gi don gyi yul yang rdo rje ye shes te de yang mchog tu zab pa'i kun rdzob po/ /rdo rje sems dpa'i ting nge 'dzin gyi phyir rdo rje sems dpa' ste/ de nyon zhes pa'i tshul lo/ /mdor bsdus nas zhes pa ni de kho na nyid mdor bsdus nas so//rgyud ces bya ba la sogs pa la/ 'dir kun gyi sgra ni lus kyi rtsa gnas te de rnams kyi rgyud ni srog gi rlung ngo / /de'i nges pa ni yang dag par rnam par gzhag pa'o/ /'on kyang a zhes bya ba la sogs pa ni 'di skad bdag gis la sogs pas bshad pa gang gsungs pa'i gnas cung zad kyis gsal ba'o//rtag tu zhes bya ba la sogs pa ni 'dir gnas dang gnas pa dag gsal bar byed pa la 'gro ba zhes pa ni phyir 'gro ba'o/ /rjes 'ong zhes pa ni nang du 'ong pa'o/ /de dag gi srog dang thur sel du rnam par bzhag pas skye ba dang 'jig pa'i phyir srid pa bar mar brjod do//de yang khams rnams kyi zhes pa'i sngon gyi bag chags kyi khams rnams kyis rang gi bdag nyid kyi lus de'i gzugs su mthong ngo / /sems kyi rtag 'gro ba zhes pa ni rten cing 'brel bar 'byung bas gcig la gcig gis sems las khams rnams blta zhing khams rnams las sems blta'o//de bzhin du rdo rje snying pos zhus pa 'di gsungs te/ khams zhes bya ba la sogs pa la/ ci zhes pa ni ji lta bur 'gyur zhes pa'o/ /bcom ldan 'das kyis bka' stsal pa/ /zhes pa ni lan no/ /de ci zhe na gsungs pa/ gsang ba zhes bya ba la sogs pa ni khams kyi sgra 'dis gsang ba la sogs pa'i yi ge bcu drug gi brda gsungs so//'di dag ces pa la ra zhes bya ba la sogs pa ni 'dir phyi dang nang gnyi gar rdzogs pa las/ /bskyed pa'i rim pa zab mo ston pa'i phyir de'i phyir re'u mig bcu drug gi bdag nyid kyi 'khrul 'khor ro/ /de yang lus la rtsa'i 'khor lor brjod do//de yi rim pa ni 'di yin te/ /khrag gi khams 'bab ra sa nA/ /ra da po yi yi ge yis/ /lha ni chags pa'i bdag nyid can/ /mkha' 'gro ma yi rim pas 'pho/ /reg bya'i rtsa ni mi phyed 'gyur/ /ha zhes pa ni mgo phyogs pa/ /de ni lha mor shes bya ste//bdag med thig le mtshon pa'o/ /bad kan rtsa ni mgrin par gnas/ /s+ya zhes pa ni ming dang po/ /'di la rnal 'byor ma lA ma/ /'pho ba yang ni gsum pa'o/ /a wa d+hU tI sems kyi rtsa/ /ba zhes pa ni rlung rgyun can/ /nub tu dum bskyed ma nyid de/ /lha mo rgyu ba'i phyir na 'pho/ chags pa'i rtsa ni thams cad du/ /ra zhes pa ni ro skyes pa/ /rdo rje sems dpa'i rigs kyi rgyas/ /'pho ba thams cad la khyab byed/ /tshil gyi rtsa ni brla nyid ni/ /me ni dang po'i yi ge bzhin/ /de bzhin gzugs can mar zhes bya/ /tshil gzugs kha ni mang po'i phyir/ /dus me sgra gcan gyis ni rtsa//ra zhes pa yi yig gzugs kyi/ /de ni gtum mo'i lha mo ste/ /'pho ba yang ni drug pa nyid/ /rgyab kyi cha ru shI ba'i rtsa/ /ba spu'i rtser song puk+ka sI/ /me zhes pa ni rtag dang po/ /tshigs rnams thams cad du ni gzir/ /bshang ba'i rtsa ni chu sor gnas/ / sa zhes pa yi ming can gyis/ /der ni gau rI shes par bya/ /'pho ba yang ni brgyad par 'dod/ /zhag gi rtsa ni rgyu ba nyid/ /de ni ri khrod ma ru grags/ /rba zhes pa yi yi ge 'di/ /'pho ba mchog gi gzugs can no/ /pags pa tsau rIr yang dag brjod/ /rma dang po yi yi ge ming / / rtsa de rna ba gnyi ga na/ /de bzhin 'phro ba bcu pa'o/ /rus pa'i rtsa ni keng rus la/ /n+ya zhes pa yi yi ge nyid/ /rnal 'byor ma ni ro langs nyid/ /rtsa rnams thams cad 'bab pa can/ /za phod chu yi bu ga la/ /sa yi gdan la yang dag gnas/ /rdo rje lam gyi nang na ni//de yang 'pho ba rgyu ba'o/ /glo ba la ni g.yung mor brjod/ /dA zhes pa la brten pa'i srog /'pho ba yang ni bcu gsum nyid/ /zla ba nyi ma 'char dang nub/ /pad+ma'i rtsa ni sgo dgu rnams/ /sbre zhes pa la rtag tu gnas/ /'di ni 'pho ba'i thig le rnams/ /he ru ka ni tshogs gtso bo//khu ba'i rnam par gyur bcom ldan/ /ta zhes pa ni snal gzugs can/ /khu ba'i bu ga'i gtsug tor la/ /bcu drug cha las skyes sangs rgyas/ /lha mo de ltar bstan pa ni/ zhes pa ni lha mo'i 'khor lo'o/ /yi ge bco lnga'i bdag nyid do/ /de bzhin du bcu drug pa tA'i bdag nyid ni snal ma'i gzugs rtsa dang sgra'i rang bzhin nyid kyis na bcom ldan 'das kun rdzob kyi rang bzhin gyi phyir cha gcig bcu drug pa byang chub sems dpa' de la de skad ces bya'o//da ni khams rnams bskyed pa bstan pa'i phyir/ ra zhes bya ba la sogs pa gsungs te/ 'dir ra zhes pa'i sgra ni chags pa chen po'i nyi ma spros pa'i phyir me ste/de las yang dag par 'byung ba ni khrag go/ /khrag las mkhris pa zhes pa ni chags pa dang tshor ba dag gi bde ba las mkhris pa 'byung ba'o/ /de bzhin du yi ge bcu drug gi nang nas ra gsum gyi nges pa zhes dgongs te/de yang khrag dang ro dang me'i khams te/ khams gsum zhes gsungs pa'i phyir zhes pa ste nges pa'o/ /de bzhin du sa ma pa zhes pa la skye zhes pa gcig dang sa zhes pa gnyis te gsum dang s+thi zhes pa dang bzhi'o/ /'dir s+thi zhes pa dang / 'brel ba'i tha dang 'brel ba'i sar shes par bya'o//de ltar si dang lhan cig pa'o/ /de bzhin du ma zhes pa gsum yang 'dir me zhes pa dang rma zhes pa'o/ /rba zhes pa ni gcig nyid do/ /de bsdus na yi ge brgyad ni rtsa brgyad do/ /'di lta ste bad kan dang bshang ba dang gcig ba dang rgyus pa rnams sa zhes pa bzhis shes par bya'o//de bzhin du ma zhes pa gsum gyis ni tshil dang sha dang pags pa'o/ /rba zhes pa ni zhag shes par bya'o/ /'dod ces pa ni bad kan te de las byung ba ni rdul dang rgyus pa'o/ /de bzhin du yang de ni gtso bo zhes pa ni bad kan la sogs pa'i khams gsum las byung ba ta zhes pas ni khu ba'o//na zhes pa ni rus pa'o/ /s+thi dang 'brel ba'i tha yang brjod do/ /des na pad+ma zhes pa ni rang 'byung dang khu bar brjod pa'o/ /de yang / rdzas dang ldan pas mdzes pa yin/ /zhes gsungs pa'i phyir ro/ /de ltar khams gsum las rlung du brjod ces pa mi shigs pa'i rdo rje lta bu'o//de nyid kyis na/ ha ni kun tu 'gro bar brjod/ /ces pa ni nges pa'o/ /de bzhin du rus pa'i mtshams rnams su zhes pa ni a wa d+hU tI mdud pa'i rang bzhin gyis tshigs thams cad du khyab pa'o/ /ra sa ma paM zhes pa ni ra la sogs pa'i yi ge 'di bzhi'i sngon du gsungs pa'i yi ge bcu gcig gis khams bcu gcig bstan to//de bzhin du 'dir paM zhes pa sems stong pa'i dus su tshigs rnams la 'phro ba mkhris pa dang bad kan dang rlung rnams kyi dbus su khyab pa ni sems kyi khams su brjod de/ de ltar sa bon lnga zhes pa ni ra sa ma pa paM ngo / /khams 'di rnams las sems can thams cad skyes pa dang bskyed par brjod do//de rnams kyi rtse mor ra zhes pa ni sa bon lnga'i nang gi ra ni chags pa dang me dang ro'i rang bzhin gzhan las gtso bor gyur pa'i phyir rtse mo ste zhi zhes pa'i don to/ /de'i phyir sa bon bzhi zhes pa ni sa ma ba ba'o/ /de yang ra las khams bcu gcig 'byung ba'i phyir ro//de ltar ra gsum dang de bzhin du tAM nA tha gsum ni khrag dang khu ba dang tshil dang yang dag par sbyor ba'i rdzas gsum ste khams drug las khams bcu gcig 'byung ngo / /sems ni thams cad la khyab pa'o/ /de bzhin du sa bon lnga zhes pa la sogs pa la de ni sa la sogs pa'i sa bon bzhi'o//gang du sbyin zhe na gsungs pa/ da zhes pa'i yi ge glo ba zhes pa'i ming can snying ngo / /de las byung ba'i khams bcu gcig dang bzhi ste gnyis bsdoms na khams bco lnga'o/ /re mig gnas su zhes pa ni snying du'o/ /sa bon lnga po zhes pa ni de las skyes zhes pa'o/ /yang na sngon du gsungs pa'i ra la sogs pa las byung ba'i khrag la sogs pa khams bcu drug gi 'khrul 'khor la re mig bcu drug ces brjod do//de rnams la ra ni gsum mo/ /de bzhin du sa ni bzhi'o/ /ma ni gsum mo/ /ba ni gcig kho na'o/ /ba ni lnga pa'o/ /de ltar tAM nA tha dang zhes pa bzhi'i nang nas 'byung bas na snga ma'i khams bcu gcig go//'on kyang ra gsum ni gsung gi rang bzhin no/ /sa bzhi ni sku'i rang bzhin no/ /ma gsum ni rin chen gtso bo'i rang bzhin no/ /ba ni don yod grub pa'i rang bzhin no/ /pa ni mi bskyod pa'i rang bzhin no/ /de bzhin du tAM nA tha da zhes pa ni ye shes te/rdo rje sems dpa'i rang bzhin no/ /de ltar yang rim pa bzhin du 'du shes dang / gzugs dang / tshor ba dang / 'du byed dang / rnam par shes pa dang ye shes kyi rang bzhin no/ /de bzhin du ha zhes bya ba la sogs pa la/ dbyangs yig drug pa zhes pa ni u'o//bsdus na hUM zhes pa ste/ de ni rnam par shes pa'i ming can no/ /de yang yi ge lnga ste/ de sbyin zhes pa gnas bcu drug rnams su rnam par shes pa srog gi rang bzhin gyis rgyu ba'i phyir zhes pa ni nges pa'o/ /de bzhin du yi ge bco lnga'i nang nas gtso bo'i gzugs ha zhes bya ba la sogs pa la/ha zhes pa'i sgra tsam mo/ /des na kun nas sangs rgyas thams cad 'dus pa zhes pa ni rlung dang mkhris pa dang bad kan rnams gang bshad pa de thams cad rnal 'byor gyi rgyud do/ /thams cad du sangs rgyas zhes pa ni phung po dang khams dang skye mched rnams so/ / de rnams kyi 'dus pa ni sgra tsam mo/ /rang rig pa'i ye shes mtshon byar thim par bya zhes pa'i don to/ /de'i phyir sgra'i tshul las zhes bya ba la sogs pa ni rang rig pa gnyis med pa'i sgra tsam las stong pa dang snying rje dbyer med pa'i rang bzhin gyi sems byang chub kyi sa bon gyi rang bzhin ye shes kyi sku'i mtshan nyid mchog tu mi 'gyur pa'i sbyor ba'o//l+ya ba phyis pa'i lnga ba'o/ /de yang ye shes kyi khams brtan par byas nas 'byung zhes sbyar ro/ /de ci zhe na/ gsungs pa/ sgra'i tshul las zhes pa ni sgra ni sgra tsam gyi tshul te A li kA le gnyis ngag tu brjod pa'i tshul gyi sngon du thos pa dang bsam pa dang bsgom pa la sogs pas rang rig pa'i ye shes bsgrubs te/des rab kyi mthar thug pa de ni ye shes kyi sku rdo rje 'chang ste de ni dpyid du brjod do/ /dus thams cad gang du yang ma song ba ma 'ongs pa de nyid sgra tsam gyi sgra ni thig ler brjod do/ /ci'i phyir zhe na/gsungs pa/ 'dir gang gi phyir sgra tsam gyi sgra ni gang la thog ma med pa de ni rnam pa kun gyi mchog dang ldan pa'i stong pa nyid thig le'o/ de nyid kyi bskyed pa'i sa bon dang bral ba'i phyir sgra tsam mo/ /des na sgra'i rang bzhin thig le'o/ /de yang shes bya'i rnam pa'i gzugs can shes rab ma rdo rje phag mo'am bdag med ma 'byung ba ste sngon gyi smon lam gyi dbang gi rig pa bzang po kun gzhi rnam par shes pa sangs rgyas kyi gzugs khams gsum par sprul pa'i phyir zhes pa ste nges pa'o//de nyid kyis ni dam tshig ces bya ba la sogs pa ni khams gsum gyi sems can rnams la dam tshig ces pa ni skad cig ma gcig la mngon par rdzogs par byang chub pa ston pa'o//de'i spyod pa zhes pa ni theg pa gsum la sogs pa'i chos ston par byed pa'o/ /de'i spyod yul zhes pa ni thos pa dang bsam pa la sogs pas byang chub myur ches par thob pa'o//de bzhin du 'jig rten gsum du zhes bya ba la sogs pa ni 'di lta bu'i rnal 'byor pa ni rnyed par dka' ste gang la 'di lta bu'i bsam pa yod pa de ni de bzhin du brjod par 'gyur ro/ /thog ma zhes pa ni sgra tsam gyi dus su'o/ /dbus zhes pa ni da ltar de bzhin gshegs pa rnams 'byung ba'i dus su'o//de bzhin du mtha' mar zhes pa ni thams cad kyi rang bzhin gyi chos rgyun mi 'chad par ji srid nam mkha'i mthar thug par sems can gyi don bya ba'i phyir yang dag par gnas pa ni rnal 'byor pa'i nges pa'o/ /'dir bsrub cing zhes bya ba la sogs pa la/'dir bsrub ni rnal 'byor gyi rgyud do/ /bsrub pa ni shes rab kyi rgyud do/ /ci'i phyir bsrub pa rnal 'byor yin zhe na/ 'dir gang gi phyir shes rab kyi dngos po'i dbye bas sems kyi ting nge 'dzin rnams 'byung ba'i mtshan nyid do/ /des na de bsrubs pas bla na med pa thob ces pa'i don to//de bzhin du shes rab kyi rgyud rnams su thabs kyi dngos po'i dbye bas bsrub pas mtshon bya'i rgyu'i phyir zhes pa'i don to/ /de'i phyir 'di dag sbyor ba ni bsam gyis mi khyab pa'i gnyis med pa'i ye shes so/ /ji bzhin zhes pa ni 'di'i rgyu dang 'bras bu sngags bzlas zhes bya ba la sogs pa'o//sogs pa'i sgra ni 'chad bzhin pa'i sbyor ba'i bsgom pa'o/ /de bzhin du zhes pa ni rgyud bshad kyis nyon zhes 'brel to/ /'dir rgyud ces pa ni shes rab dang thabs 'dus pa'i gnas su'o/ /bshad kyis zhes pa ni mtshon bya'o//de yang nyon zhes pa ni khong du chud pa'o/ /de bzhin du rgyud kyi sgra ni gzhan rnams kyi rgyud yin pas na gzhan dbang ngo / /bshad kyis zhes pa ni kun tu brtags pa'i rgyud do/ /nyon zhes pa ni yongs su grub pa'i rgyud do/ /rgyud de gsum gyi dgongs pas gang bsgrub bya dang sgrub pa dang sgrub pa po rnams kyi rang bzhin rnam par rig pa tsam nyid do//des na rnam par mi rtog pa'i dngos po rnams la sgrub pa po 'jug par byed do/ /rnam par mi rtog pa yang bems po ma yin pa stong pa nyid bdag tu 'dzin pa med pa'i rnam par rtog pa'o/ /de yang med pas na rnam par mi rtog pa bdag tu 'dzin pa dang bral ba de la de bzhin du gsungs so//rnam par rtog pa gang la la yid las byung bar 'gyur ba ni kun dor ba'i rang bzhin no/ /gang yang dga' dang bcas pa'i gzugs/ /snying ni dga' bar byed pa ni/ /de yang kun tu rtog pa tsam/ /de yang chags dang bral ba'i tshul//gzhan yang de dang de gnyi ga /srid pa yi ni dang po'i rgyud/ /kha cig gi ni yul la yang / /rnam par mi rtog bdag dngos las/ /mya ngan 'das pa gzhan na med/ /yang gsungs pa/ nges pa la sogs don ni 'di/ /zab mo'i tshul ni dpa' bos gsungs/ / shes rab dman la rnam shes ni/ /gzung dang 'dzin pa'i rnam par snang / /kha cig gnyis ka las grol ba'o/ /zab mos 'jig pa 'jigs byed pa'o/ /da ltar mar me bltam pa yi/ /'di yi rtse mo rgyun ni 'bar/ /mar khur nub pa'i sdong bu yang / /mar khu zad pas sdong bu de/ / ldog pa yi ni dus su thob/ /de bzhin du ni ye shes 'di/ /de ltar ma rig zad pa'i phyir/ /rnam shes 'di ni ldog 'gyur te/ mar me bzhin du mya ngan 'das/ /de bzhin du yang gsungs pa/ ma rig par ni gang brjod pa/ /rnam shes g.yo ba'i rgyu yis ni/ /gzhan dbang la sogs sbyang ba'i phyir//rig pa bzang po de dag gsungs/ /'on kyang byis pa mkhas rnams kyis/ /rnam par rig pa rtag btags phyir/ /sngon po la sogs snang tshul gyis/ /zab mo'i tshul ni sun 'byin byed/ /kun rdzob dang ni don dam lam/ /bden pa gnyis kyi don gsungs pa/ /'di ni zab mo'i tshul gsal ba//bla ma'i rim pas shes par bya/ theg pa gsum la mos pa yis/ /bstan pa rtsod pa'i dus kyi phyir/ /de rnams spyod pa la ni 'jug /kun brtags la sogs rim pa bzhin/ /kun brtags dang ni gzhan gyi dbang / /yongs su grub pa nyid de bzhin//kha cig phyogs ni rnam bcas te/ /rnam pa med pa nyid du brtags/ /byis pa rnams kyi blo 'phel phyir/ /dngos po tsam zhig gzhag pa yin/ /kun brtags la sogs snang ba yi/ /rang bzhin du ni gsum min nam/ /de rnams mngon sum nyid du 'grub/ /mtshan mo la sogs rim ji bzhin//ji ltar blo ni 'phel phyir yin/ /rang gi phyogs la mnyes par gsungs/ /lung dang tshad ma rgyas pa ni/ /'ba' zhig ma gsungs gzhan la'ang yod/ /zhi byed la sogs lha lnga po/ /de rnams rang rang lung rnams su/ /snang ba gsum ni yid ches phyir//bum pa yi ni dpe bzhin du/ /'dir ni rtag tu bstan pa yin/ /gnyi ga yang ni spyod par mtshungs/ /stong pa'i phyogs la ni tha dad/ /ji ltar mi ni rigs bzhi yi/ /cha shas rnams la dbye ba med/ /de bzhin snang la sogs snang ba/ /sngon gyi sangs rgyas la sogs gsungs//thun mong stong gsum rang bzhin phyir/ /snying stobs sogs yon tan sbyor las/ /sems can thams cad 'byung ba'i phyir/ /de ltar gang la dgos yod pa/ /de la bdag gis tshig 'di brjod/ /de ni don gsungs ma yin te/ /ci phyir 'dir brjod ces gsungs te//'dir ni kun brtags la sogs gang / /khyod kyis brjod pa'i tshig ni nyid/ /skyes bu la sogs cha shas bzhin/ /de phyir thams cad thun mong nyid/ /snang ba la sogs snang gsum nyid/ /sngags kyi tshul la mtshungs med phyir/ /gang phyir dngos po thams cad la//mu stegs rnams la mtshungs 'di yis/ /sngags kyi theg pa snying por 'gyur/ /dngos po kun gyi nang du 'dus/ /dngos po'ang de yi nang du 'dus/ /de bzhin 'dir ni man ngag gis/ /kun brtags la sogs snang ba gsum/ /tshig tsam phyir ni mtshungs pa med//de ltar sngags kyi theg pa ni/ /theg pa gsum ni 'dus pa ste/ /chos bsdus la sogs pa ru ni/ /sna tshogs rnam par dag gsungs phyir/ /de bzhin 'dir ni man ngag las/ /gang phyir kha cig tu ni don/ /kun dga' bo ni phyag rdor zhes/ /shA ri'i bu ni byams pa ste//rab 'byor kun tu bzang po'o/ /de bzhin maud gal gyi ni bu/ /nam mkha'i mdzod du brjod pa yin/ /de la sogs par shes par bya/ /dngos po gcig la sna tshogs pa'i/ /ming rnams sngon du 'gro ba ni/ /dngos po gcig la ming du ma'o/ /'on kyang theg pa gsum gsungs pa//chos gang gis ni sems can rnams/ /sems kyi rnam rtog sna tshogs pa/ /rtsod pa tsam ni 'ba' zhig dang / /blo 'phel ba ni nyid 'grub pa/ /gzhan rnams la ni phyir bzlog pa/ /de nyid kyis brtul sems can gyi/ /rgyu ni sngags kyi theg pa mchog /rtsod pa'i dus las gzhan pa yi//dus rnams la ni gtan dbab min/ /theg pa gsum gyis 'grub 'gyur ba/ /skye ba snga mar rtogs phyir ro/ /'on kyang gsang sngags theg chen las/ /ma rtogs dngos grub rnyed mi 'gyur/ /de yang sngon du mos pa yis/ /nyan thos sems kyis sbas pa yin//de phyir rdzogs ldan sogs dus su/ /sngags kyi theg pa snying la gnas/ /skye ba 'bum phrag dus nas su/ /de ma rtogs par dngos grub med/ /gnyi ga'i mtha' la brten nas ni/ /byang chub dam pa gsungs pa yin/ /de ltar kun brtags la sogs kun/ /man ngag gi ni nang du 'dus//de las byung ba'i snang ba ni/ /'dus byas tha mal pa ru 'dod/ /'dus byas rnal 'byor ma yis gsungs/ /byis pa rnams kyi tha mal gsungs/ /'dus byas snang ba 'ba' zhig min/ /gang cung zad kyi don dam pa'i/ /phyogs dang gar mkhan grangs med pa/ /de dag thams cad 'byung ba nyid//ma rig pa yang der zad 'gyur/ /rig pa bzang po yi ni rgyu/ /shes dang shes bya dag mi g.yo/ /gzhan du sangs rgyas rnyed mi 'gyur/ /de yang 'dus byas sgom pa pos/ /rnam par mi rtog de kho na/ /de ni med cing de yang med/ /bdag la brjod du med pas brgyan//rnam grangs sbyor las sangs rgyas 'byung / /de ltar snying rje la dmigs pa'i/ /blo ldan nan tan shes bya ba/ /sems can rnams la phan pa'i phyir/ /byis pa bzhin du yang dag spyad/ /gang yang mu stegs pa rnams kyis/ /rtag tu snang ba'i ming nyid kyis/ /dus tsam nye bar mtshon pa nyid//dam pa'i don ni dngos po min/ /de rnams rig pa mi shes pas/ /'dir ni lta ba nyams pa nyid/ /gang yang rigs pas shes pa ni/ /de nyid sangs rgyas gzhan du min/ /dam ba'i don gyi lta ba yis/ /sangs rgyas pa ni myang 'das 'gro/ /lta ba gzhan nas sems can yang //dam pa'i dngos pos grol bar 'gyur/ /de bzhin du phyi dang nang du rnal 'byor bskyed pa bstan pa'i phyir/ skye gnas zhes bya ba la sogs pa gsungs te/ skye gnas zhes pa ni lte ba'i dbus su'o/ /rtsa gnyis zhes pa ni la la nA dang ra sa nA gnyis so/ /khu ba zhes pa ni kun rdzob kyi byang chub kyi sems so//de bzhin du rang 'byung yang shes par bya'o/ /de dag ces bya ba la sogs pa la chos kyi dbyings zhes pa ni a wa d+hU tI'o/ /'dus pa yin zhes pa ni rtsa gnyis 'dus pa'i phyir ro/ /don dam pa'i yul la ni sgra'i tshul lo/ /de bzhin du yang snying stobs la sogs pa tshigs su bcad pa phyed kyis nang du bskyed pa ston pa'i phyir ro//'byung ba'i gnas ni chos kyi dbyings skye gnas so/ /de'i phyir rtsa las bsam gyis mi khyab la bsam du med pa 'byung ste/ snying stobs dang / snang ba dang / lus dang / sems dang / stong pa dang / zla ba dang / shes rab dang / mtshan mo dang / gzhan dbang dang oM dang AH'o/ /de bzhin du rdul dang / snang ba mched pa dang / ngag dang / sems las byung ba dang / shin tu stong pa dang / nyi ma dang / thabs dang / nyin mo dang / kun brtags pa dang a dang hrIH'o//de bzhin du mun pa dang / snang ba thob dang / yid dang / ma rig pa dang / stong pa chen po dang / sgra gcan dang / yang dag par sbyor ba dang / mtshams dang / yongs su grub dang / hUM dang phaT do/ /ye shes de rnams kyi rang bzhin rnams su lus dang ngag dang sems kyi bdag nyid grangs med pa sangs rgyas kyis rang bzhin du dgongs pa'o//'byung ba las gyur pa'i de rnams la srid par 'byung bar brjod do/ /ci'i phyir zhe na/ de'i rang bzhin nyid kyis na zhes gsungs pas sangs rgyas kyi rang bzhin nyid do/ /de nyid du gsungs pa/ snying stobs zhes bya ba la sogs pa'i tshigs su bcad pa phyed kyis de'i don bshad de sngon gyi bag chags kyis bsod nams nye bar spyod pa'i phyir ma dang pha sbyor ba sngon du gsungs so//dngos po zhes pa ni kun gzhi rnam par shes pa de la de bzhin du gsungs so/ /de bzhin bshang gci zhes bya ba la sogs pa la/rdo rje can zhes bya ba ni rdo rje sems dpa'i sprul pa'i sku'i lus can no/ /brjod ces pa ni sbyor ba'o/ /rus pa zhes bya ba la sogs pa ni go sla'o/ /rnam gnyis las byung zhes pa ni pha dang ma'i khams kyi dbang gis sam byang chub sems dang srog las srog tu sems kyi rang bzhin gyi mtshan nyid rnam pa mang po'i phyir ro//de bzhin du gcig ces pa ni rang rig pa'i sgra'i bde ba'o/ /du ma zhes pa ni sprul pa'i sku'o/ /de yang byang chub sems dpa' rnams kyi rang bzhin gyis gnas pa rdo rje can ye shes kyi sku rdo rje 'chang ngo / /de yang rtsa'i zhes bya ba la sogs pa rnal 'byor pa rnams dang da ltar gyi dus su'o//rgyu ba zhes pa ni rgyas par ni rtsa stong phrag bdun cu rtsa gnyis rnams la rlung stong phrag nyi shu rtsa gcig dang drug brgya rnams rgyu'o/ /des na rtsa stong phrag bdun cu rtsa gnyis kyi chas gang dus des ni 'di bya ba'o/ /de ci zhe na/ de'i zhes gsungs te/rtsa stong phrag bdun cu rtsa gnyis rnams kyi rtsa re re la'o/ /sgo zhes bya ba ni 'og dang steng du sgo gnyis su 'gyur ba'o/ /de'i gnyis zhes pa ni 'og dang steng las gang du rgyu ba ni spro ba'i dus su'o/ /'og gi sgo nas rgyu ba ni sdud pa'i dus so/ /de dag gi zhes pa ni g.yon dang g.yas su srog 'pho ba'i dus su'o//'dus dus su zhes pa ni rtsa rnams kyi phan tshun srog rgyu ba'i dus su'o/ /lha zhes pa ni a wa d+hU tIr 'pho ba'i phyir thig le'i mtshon pa nyid rang bzhin med pa rlabs med pa'i ting nge 'dzin nye bar dmigs par 'gyur ro/ /des na 'gyur zhes pa ni bdag nyid rdo rje 'chang du 'gyur zhes dgongs so//da ni gong du 'pho ba'i sbyor bas gtum mo'i sbyor ba'i dngos po bstan pa'i phyir/ steng gi sgo zhes bya ba la sogs pa ni 'dir rtsa thams cad rgyu ba'i phyir de'i gang du bskyed pa'i gnas der sgo gcig tu 'gyur ro/ /de ni spyi bo'i gnas steng gi sgo zhes brjod do/ / de nyid kyi srog rgyu ba'i bu ga ni 'og gi sgo'o/ /de nyid kyi 'og gi sgor rnam par shes pa srog gi sbyor ba la gnas so/ /steng gi sgo ru zhes pa ni skye ba'i gnas su'o/ /khams rnams zhes pa ni lus kyi gong bu'i ba spu dang pags pa la sogs pa'i khams rnams kyi gnas rnams su'o/ / 'jug par bsam zhes pa ni rnam par shes pa dang ldan pa'i srog gi rlung bsam par bya'o/ /rnal 'byor pa zhes pa ni sems so/ /rtsa rnams thams cad ces pa ni rtsa'i rnal 'byor ma rnams kyi'o/ /'dus pa zhes pa ni thim par 'gyur ba'o/ /des na steng sgor zhes pa ni sngon gyi tshul gyis bskyed pa'i gnas su'o//de nyid kyis na ni'i sgra ni nges par gzung ba'o/ /de zhes pa ni der ro/ /lus zhes pa ni lus la'o/ /rtag tu zhes pa ni rgyun mi 'chad par ro/ /rdo rje can zhes pa ni ye shes kyi khams so/ /rtag tu gnas zhes pa ni khams bzhi'i nang du 'dus par gnas so/ /de las ni mi bskyod pa'o//da ni de bzhin du snying gar ro/ /s+thi ni rang 'byung gi me tog go/ /ta ni khu ba nyid do/ /de bzhin du steng zhes bya ba la sogs pa ni de'i steng gi sgo la 'khrul 'khor gsum mo/ /sgo dgu zhes pa ni rtsa dgus yongs su bskor ba'o/ /de yang ci zhe na/ de la kye bcom ldan 'das zhes pa ni zhus pa'o//de yang sngon gyi tshig gi rjes su 'gro ba rtag tu bzhugs zhes pa dang 'brel to/ /de la bka' stsal pa zhes pa ni bstan pa'i slar bshad pa gsungs pa'o/ /ci zhe na/ gsungs pa/ gsum zhes bya ba la sogs pa ni 'dir 'khrul 'khor gyi sgras ni rtsa so so rnams kyi bskyed pa'i gnas rnams su lus dang ngag dang sems kyi dbye bas smig rgyu'i skud pa bzhin rtsa gsum 'khrul 'khor gyi gzugs 'khyil pa'i rnam pa nyid du gnas te/de nyid sum 'khyogs thong pa'i cha byad rdo rje sems dpa' ye shes kyi khams su brjod do/ /de la chung ngu zhes pa ni oM 'jug pas sa 'og gnas ma rnams bskyed pa'o//de bzhin du 'bring zhes pa ni AH gnas pa'i phyir sa spyod rnams bskyed pa'o/ /de bzhin du mchog ces pa ni hUM ldad pa'i phyir mkha' spyod rnams bskyed pa'o/ /de bzhin du dkyil 'khor gsum dang / lam gsum dang /mig gsum dang / sku gsum dang / thar pa gsum dang / 'jig rten gsum dang / srid pa gsum dang / de kho na nyid gsum dang / dus gsum dang / thun mtshams gsum dang / khams gsum dang / 'gro ba gsum dang / pho brang gsum dang / sa bon gsum dang /gru gsum dang / gnas gsum dang / yon tan gsum dang / yi ge gsum dang / snang ba gsum dang / rang bzhin gsum dang / khams gsum dang / zhal gsum dang / thab khung gsum dang / gzugs gsum gyi rim pas grangs med par 'gyur ro/ /de ltar dkyil 'khor la sogs pa rnams la ka ba gcig ces pa la sogs pa ni rkang pa nas mgo'i bar du nor las rgyal zhes pa'i rlung lus thams cad kyi rten no//de nyid kyi sgor dgu zhes pa ni nor las rgyal zhes pa la snal ma phra mo sgo dgu'i bdag nyid srog la sogs pa'i rlung rgyu ba de la de skad ces bya'o//rags pa zhes pa ni srog la sogs pa rlung lnga rnams phung po lnga'i rang bzhin dkyil 'khor lnga'o/ /de rnams kyi lhag pa'i lha zhes pa ni/ rnam par snang mdzad la sogs pa'i de bzhin gshegs pa lnga'o/ /de bzhin du bug zhes bya ba la sogs pa ni snal ma phra mo rnams sbom po nyid du 'gyur ro//bu ga zhes pa ni mig la sogs pa'i sgor son pa'o/ /dgu zhes pa ni ka ba gcig dgu'i bdag nyid do/ /de rnams re res gsum gsum gyi bu ga rnams so/ /de nyid du gsungs pa tha ma la zhes bya ba la sogs pa 'dir tha ma ni 'jug pa'i phyir oM zhes pa lus kyi sgor lus la khyab par byed pa'i phyir ro//de nyid kyis ni sbom po zhes pa ni sa la sogs pa'i dkyil 'khor rgyu ba'i spyan ma la sogs pa'o/ /lha mo rnam par sprul zhes pa ni bshang ba dang / gci ba dang / shel dang / rang 'byung dang / khu ba nam mkha'i khams can te/ de rnams kyi lus su sprul zhes pa'i don to//de yang sems ldan zhes pa la sogs pa rnal 'byor pa'i mthar thug pa'i ming gi rnam grangs kyis lnga ste khams lnga'i rang bzhin gyi phyir ro/ /de bzhin du rtag tu zhes pa ni yi ge gnyis kyi sgo'i mchog gtan la phab pa'o/ /de yang ngag gi sgo dus rnams kun du 'gro ba zhes pa'i tshig gi khyad par gyis te/des na 'gro ba sems kyi rnam par rtog pa las sems las byung ba'i tshig go/ /de nyid kyis na brtags pa'i rgyud do/ /de ltar zhes bya ba la sogs pa/ rkang gcig ces pa skyes bu'i khyad par ro/ /rkang bzhi zhes pa ba lang dang rta dang ma he la sogs pa'i khyad par ro/ / sogs pa'i sgras ni rkang gnyis la sogs pa bsdu'o/ /de rnams kyi rlung la sogs pa zhes pa ni 'chad bzhin pa'i dkyil 'khor rgyu ba'i phyir ro/ /sogs pa'i sgra yang dkyil 'khor lnga po nyid do/ /'gro ba zhes pa ni dus de'i tshe skyes pa dang yul 'khor dang rgyal po'i gnas la sogs par brtag pa'i phyir ro//de'i rang bzhin du 'byung ngo / /de bzhin du rlung ni rnam pa bzhi zhes pa rlung yang rlung gcig gi khyad par la dbang chen la sogs pa rnam pa bzhir brjod do/ /de ci zhe na/ gsungs pa/ sems zhes bya ba la sogs pa la/ gnas pa zhes pa ni sngon du rtag tu yi ge gnyis kyi don gsungs so//de ltar gnas zhes pa ni sgras brjod do/ /de ltar gnas zhes pa ni/ sems can gyi rigs te de yang rnam pa gnyis so/ /de la thim pa la sogs pa bstan pa dang / bshad pa khong du chud par bya ste/ 'dir gang thim pa yang yul thams cad la nye bar mtshon pa'i phyir ro//de bzhin du bshad pas thim pa rtag tu zhes pa ni dngos po thams cad kyi nang du 'dus pas dus thams cad du yang ma song zhes pa'i don to/ /de bzhin du 'jug pa'i cho ga ni dbang po drug yul la 'jug par bstan to/ /'dir bshad pa 'jug pa dang /'gro ba dang sems can thams cad la zhes pa ni dngos po thams cad mthong ba'i phyir de'i tshe de'i rang bzhin nyid kyi phyir ro/ /de nyid kyis na de rnams la thim pa'i phyir 'gro ba zhes pa skye ba'i mtshan nyid do/ /de bzhin du yang 'jig rten pa dang 'jig rten las 'das pa'i 'gro ba'o/ / gang yang 'jig rten pa de ni byis pa rnams bems po'i blos rtogs pas 'gro ba drug gi 'khor ba rnams su 'gro'o/ /gang yang 'jig rten las 'das ba de ni 'phags pa rnams rtag tu bems po'i ma yin pa'i blo'i khyad par gyis rtag tu dam pa la spyad pa'i mtshan nyid kyis bde 'gro zhing nga rgyal med par 'gro ba'o//des na sangs rgyas kyi 'jig rten dga' ldan la sogs pa rnams su 'gro'o/ /de ltar zhes bya ba la sogs pa ni go sla'o/ /de nas 'khor lo bzhi'i rab tu dbye bas dkyil 'khor lnga rgyu ba bstan pa'i phyir/ me dang zhes bya ba la sogs pa gsungs te/ 'dir me'i dkyil 'khor gos dkar mo'i rang bzhin mgrin pa'i 'khor lo nas rgyu ste/ g.yon dang g.yas kyi sna khung nas steng du rgyu'o/ /de bzhin du rlung gi dkyil 'khor ni dpral ba'i 'khor lo nas sna'i bu ga gnyis ka'i logs nas rgyu'o/ /de bzhin du dbang chen gyi dkyil 'khor ni lte ba'i 'khor lo nas thad ka zhes pa mdun drang por rgyu'o//chu'i dkyil 'khor ni snying ga'i 'khor lo nas 'og tu 'gro bas rgyu'o/ /nam mkha'i dkyil 'khor ni dkyil 'khor bzhi dang mnyam por rgyu'o/ /de nyid kyis na gsum pa zhes bya ba la sogs pa ni go sla'o/ /'di rnams kyi log pa'i dngos po gsum ste/rnam snang zhes bya ba la sogs pa ni dkyil 'khor rnams kyi lhag pa'i lha'i rang bzhin gyis sangs rgyas lnga'i rlung las bskyed pa'i phyir ro/ /steng gi sgo ru zhes pa ni rtsa rnams bskyed pa'i gnas rnams su lus kyi khams la rlung mi g.yo ba'o/ /de bzhin du 'og tu zhes pa ni sna'i bu ga la sogs pa nas byung nas zad pa'i phyir ro//de rnams rnam par gnas zhes pa ni rlung rgyu ba nyid kyis na de bzhin gshegs pa rnams yang dag par gnas so/ /de nas steng du gshegs gsol zhes pa ni spyi bo nas bskyed pa'i rnams su bla ma'i man ngag gis stong pa'o//de bzhin du spyan drangs zhes bya ba la sogs pa ni sems las byung ba rnams kyi dngos po rnams la'o/ /rtag tu zhes pa ni dus thams cad du'o/ /'gro ba zhes pa ni yul dang yul can rnams la 'gro ba'o/ /de bzhin du ji lta bu'i rang bzhin gyi tshig mkha' 'gro ma zhes bya ba la sogs pa ni go sla'o//de ltar gsungs pa/ thams cad ni bcom ldan 'das kyi bka' yin te/ des na yang sdud pa po bdag nyid kyi nyes pa bsal ba'i don du 'di ni zhes bya ba la sogs pa bcom ldan 'das de nyid ston pa'i phyir zhes dgongs so/ /da ni bdag med ma la sogs pa'i rnal 'byor ma rnams kyi zhu ba sna tshogs pa bstan pa'i phyir//de nas zhes bya ba la sogs pa gsungs te/ de nas zhes pa ni rdo rje snying pos dris pa zhus pa'i rjes su bcom ldan 'das la lha mo rnams kyis mchod pa byas nas de nas bcom ldan 'das mnyes nas/ sems dpa' chen po zhes pa longs spyod rdzogs pa'i sku can de la tshig 'di zhus pa ste/de yang bstan te zhes pa nas bdag la bshad du gsol ba'i bar du zhus pa'o/ /de nas bcom ldan 'das kyis bka' stsal pa zhes pa ni nyon cig ces pa la sogs pa bstan pa dang bshad pa sna tshogs pa rab tu byed pa 'di nas rab tu byed pa gnyis pa'i mthar thug pa ni bcom ldan 'das kyi lan gyi tshig go//de bzhin du gnas 'di zhes bya ba la sogs pa la/ mkha' 'gro ma zhes pa ni rab gtum mo la sogs pa nyi shu rtsa bzhi shes par zhes pa ni nges pa'o/ /gzhan ni go sla'o/ /'on kyang 'chad bzhin pa slar bshad pa gsal ba nyid kyis na 'dir ma bshad do//kha sbyor thig le'i rgyud kyi rgyal po'i rtog pa drug pa'i rab tu byed pa dang po'i rgya cher 'grel pa yang dag pa'i lta ba'i dran pa'i snang ba gzhung bstan pa ste dang po'o// //da ni rtsa ba'i 'khor lo ji ltar byung ba'i gnas bstan pa'i phyir/de nas zhes bya ba la sogs pa gsungs te/ gzhan yang zhes pa ni rnal 'byor pa'i lus kyi'o/ /de nyid kyis na de bzhin gshegs pa'i sku'i khyad par skyes bu chen po'i phyir ro/ /de bzhin du snying ga'i dbus zhes bya ba la sogs pa ni 'dir rtsa stong phrag bdun cu rtsa gnyis po rnams kyi re re'i snying por rtsa'i 'khor lo sdom pa'i dbye bas shin tu phra ba'i dus brjod do//pad+ma zhes pa 'dir pad+ma'i skra ni sa'o/ /de yang 'dab ma brgyad ces pa ni zhing brgyad kyi rtsa'o/ /lte bar babs zhes pa ni thams cad nam mkha'i rnam pa'o//de'i dbus su son pa'i rtsa zhes pa ni snying rje'i rgyun gyi chags pa chen po rgyun mi 'chad pa'i rtsa mar me'i rgyun bzhin no/ /de nyid kyis na mar me lta bu'i gzugs can no/ /de bzhin du de yang chu shing zhes bya ba la sogs pa la/ kha ni thur du zhes pa ni rtsa thams cad dang yul dang yul can las bdud rtsi'i ro dgug ste/sems kyi chu shing gi me tog bzhin ro gcig par gyur pas mdun du dmigs bzhin pas srid pa dang mya ngan las 'das pa'i gzugs kyi phyir ro/ /de bzhin du de'i dbus zhes pa ni rtsa ba'i chags pa'i rtsa rnams kyi dbus su'o/ /gnas pa'o zhes pa ni rnam par rtog pa mtha' dag spangs pa'i phyir dpa' bo rdo rje lta bu'i srog go//yungs kar sbom po'i tshad tsam zhes pa ni don dam pa'i byang chub kyi sems thig le'i gzugs hUM ngo / /ji ltar rdo rje nor bu'i rtse mo nas khu ba'i thig le 'dzag pa pad+mar hUM ltung pa de'i bar la lhan cig skyes pa rnams so/ /de ltar sna'i rtse mo nas srog yungs kar tsam srog ring po 'gro ba'o//des na 'gro ba hUM mi shigs pa srog sa bon zhes sbyar ro/ /'dzag pa yin zhes pa ni byang chub kyi sa bon mi 'dzag pa'o/ /de yang bsam gtan zhes bya ba la/ ba zhes pa ni rdo rje'i dbus/ /rtag tu 'dod pa la rol ba/ /'gro dang 'ong la sogs pa yi//de tshe dgyes pa'i rdo rje bzhugs/ /sa zhes pa ni tshig kun tu/ /rnal 'byor ma yi gnas rgyas pas/ /skye ba dang ni 'jig 'joms phyir/ /rgyu ba'i spyod pa la ni spyod/ /ta zhes pa ni snal ma stong / /bdun cu rtsa gnyis go rims las/ /de yi dbus gnas dpa' bo ni//ze'u 'bru gsang ba'i spyod yul can/ /de bzhin til ka zhes pa la/ /ta ni a sngon 'gro ba yis/ /chu la rlung ni thim pa nyid/ /der gnas pa yi skyems par byed/ /lus kyi tshogs kun rnams la khyab/ /la zhes pa ni sa lho ru/ /a yi pha rol tu ni ra/ /des na me dang mnyam par gnas//sa yi rnam pa dang ni sems/ /ka ni nam mkha'i gzugs kyis ni/ /phung po lnga la yang dag gnas/ /thams cad du ni bdag med nyid/ /des na bdag nyid ma ru grags/ /de bzhin du las kyi rlung zhes bya ba la sogs pa ni rtsa so so rnams kyi nang rnams su dpyid kyi thig le yang dag par gnas te/slar la yang dpyid kyi thig le'i nang du las zhes bya ba la sogs pa sna chu 'bab pa ste zhes pa'i mthar thug pa khong du chud par bya'o/ /gzhan dag ni go sla'o/ /kha sbyor thig le'i rgyud kyi rgyal bo'i rtog pa drug pa'i rab tu byed pa gnyis pa lus la rtsa dgod pa zhes pa'i rgya cher 'grel pa yang dag par lta ba'i dran pa'i snang ba zhes pa'i gzhung bstan pa ste gnyis pa'o// //da ni lus kyi dkyil 'khor gyi rgyu dang 'bras bu bstan pa'i phyir/ nang gi zhes bya ba la sogs pa gsungs te/ sogs pa'i sgras ni 'khor lo bzhi dang dkyil 'khor rnams la sogs pa las zhus pa bsdus pa'o//ci lta bur 'gyur zhes pa ni rnam pa gang gis 'gyur zhes pa'i don to/ /bde ba chen pos zhes pa ni bde ba chen po las mnyam par 'tshal ba'o/ /bdag la bshad du gsol zhes pa ni bdag med ma bdag la bshad du gsol ba'o/ /der bcom ldan 'das kyis bka' stsal pa zhes pa ni lan gyi tshig go//he ru ka zhes bya ba la sogs pa ni he ru ka la sogs pa'i lha rnams so/ /sogs pa'i sgras ni gau rI la sogs pa'am mkha' 'gro ma la sogs pa bsdu'o/ /rtsa'i gzugs ni zhes pa ni rnal 'byor pa thams cad kyi rang bzhin he ru ka'o//de nyid kyis na shin tu bsdams pa ste de rnams sdom pa'i phyir zhes pa'i don to/ /de bzhin du lus kyi zhes bya ba la sogs pa ni dkyil 'khor thog ma tha ma'i rang bzhin nyid do/ /de yang sgo bzhir ldan zhes pa'i don ni go sla'o/ /'on kyang rtsa sum cu rtsa gnyis po rnams kyi rtsa re re'i nang du snying gi rtsa rnams khong du chud par bya'o//de nyid kyi na da dung zhes bya ba la sogs pa gsungs te/ rnal 'byor ma rnams the tshom skyes nas zhus zhes pa'o/ /'dir gal te re zhig rtsa phra ba'i yang phra ba de'i tshe chos la sogs pa sku bzhi'i gzugs kyis ji ltar rol zhes sbyar ro//de rnams zhes pa ni chos la sogs pa rnams kyi'o/ /dbye ba zhes pa ni rab tu dbye ba'o/ /mi 'tshal zhes pa ni shin tu phra ba'i rnam par shes pa shes par bya ba nyid do/ /de'i phyir bde ba chen pos bshad du gsol zhes so/ /rim pa min pas bde ba chen po'i ye shes kyi sku'i nang du sku gsum yang dag par gnas zhes dgongs so//de bzhin du de las byung ba'i bcom ldan 'das kyis bka' stsal pa zhes pa ni bde ba chen po nyid la rnal 'byor pa rnam par gnas pa'i phyir rab tu rtogs pa'i tshul lo/ /de la mgo zhes pa ni mgo'i nang nas lte ba la thug par sngon du gsungs pa'i a wa d+hU tI'i nang du 'khor lo bzhi'o//de yang snying zhes bya ba la sogs pas mgrin pa la thug par e'i dbus su waM lta bu'i zhes pa de'i rang bzhin gyi phyir ro/ /de bzhin du de nyid kyi lte ba zhes bya ba la sogs pa ni go sla'o/ /sprul pa'i 'khor lo la sde tshan brgyad ces pa ni thung ngu dang ring po'i dbye bas shes rab dang thabs kyi bdag nyid yi ge gnyis gnyis te/de yang a la sogs pa nyis 'gyur du byas pa dang / de bzhin du ka la sogs pa nyis 'gyur nyid gnas lnga bcu la'o/ /de bzhin du gnas bcu la/ oM shaM shaM th+ha y+ya th+ha'o/ /de bzhin du ring ba'o/ /de bzhin du mtshams bzhir a A aM aH'o//de ltar drug cu rtsa bzhir srog nang gi rang bzhin sprul pa can du rtogs par bya zhes dgongs so/ /de bzhin du 'khor lo gsum rnams la yang man ngag gis shes par bya'o/ /dbyangs yig lnga zhes pa ni dbus su mi shigs pa'i gnas su a'o/ / shar dang lho dang nub dang byang rnams su rim pa bzhin du i r-i l-i u'o/ /de bzhin du me la sogs pa'i mtshams rnams su ya ra la wa'o/ /de bzhin du longs spyod rdzogs pa'i 'khor lo la cha zhes pa ni/ a A aM aH'o/ /de bzhin du bde ba chen po'i 'khor lo la zla ba nyi ma zhes pa ni A li dang kA li phreng gnyis so//gzhan ni go sla'o/ /de bzhin du dpa' bo rnal 'byor ma rnams kyi zhes pa ni yi ge thung ngu ni shes rab bo/ /yi ge ring po thabs su gsungs pa'i rim pas de rnams kyi 'gro ba dang 'ong ba nges par bcings pa'i phyir ro/ /'od gsal ba'i go 'phang la gnas pa'i rnal 'byor la sngon du goms pas phyi dang nang sgyu ma lta bur shes te de nyid kyis na 'gog pa'i chos nye bar dmigs pas nye bar dmigs par bya zhes pa ni nges pa'o//da ni 'khor lo bzhi'i tshul gyis dbyangs dang gsal byed kyi rab tu sbyor ba'i cho ga bstan pa'i phyir/ 'char dang zhes bya ba la sogs pa gsungs te/'dir slar yang srog 'jug pa dang 'byung ba 'gog pa'i don to/ /de'i phyir 'char zhes pa ni 'od gsal ba'i ting nge 'dzin la gnas pa'i rnal 'byor pa rang byin gyis brlab pa sgyu ma lta bu la gnas pas shin tu nyal ba'i gnas skabs las sad pa rmi lam bzhin du mthong ba'o//de sad pa 'ba' zhig gi rgyus sprul pa'i skur gnas te de ltar 'od gsal ba las rang byin gyis brlab pas dpa'o/ /de nyid kyis na gnyis kyi tshig tu bya'o/ /de bzhin du sprul pa'i sku la gnas pas kyang gnyis med pa'i ting nge 'dzin la gnas pa'i phyir de'i sbyor ba brjod de/g.yas zhes bya ba la sogs pa ni 'dir mi bzad pa'i phyir g.yas dang g.yon zhes pa ni sngon du gsungs pa'i 'khor lo rtsibs bcu gnyis kyi rang bzhin de'i g.yas dang g.yon gyi logs su dbyangs kyi ming can 'pho ba bcu gnyis po rnams lte ba'i gnas su rgyu'o/ / de yang steng bltas zhes pa ni srog gang du skyes pa der thim zhes sbyar ro/ /de yang steng gi sgor stong bzhin pas gnas so/ /'dir gsungs pa/ steng dang 'og gi sbyor ba yis/ /dal zhing dal bas 'gro byas te/ /'dir ni grangs dang dus dag dang / /dpyad pa yis ni dmigs par bya//nye bar dmigs pa shes med pa/ /chu shing snying po lta bu ni/ /cung zad med cing ci yang med/ /bag chags kyis ni sangs rgyas 'dod/ /de phyir tshig gi sbyor ba yis/ /A li dang ni kA lir brjod/ /de yang steng du bltas zhes bya/ /brjod du med pa'i rgyu yis so/ / zhes pa ste nges pa'o/ /de bzhin du de rnams ka la sogs pas bskor zhes pa ni rim pa min pas 'khor lo bzhir bskor ba'o/ /'dir ci'i phyir zhe na/ gang gi phyir/ ka zhes pa ni ka'i phreng ba'o/ /sogs pa'i sgras ni a la sogs pa'i phreng ba bzung ngo / / de nyid kyis na 'khor lo bzhi las rgyu ba des na bskor ba'i dbyangs yig bcu gnyis srog gis thim pa de'i tshe de rnams ka la sogs pa 'khor lo bzhi la gnas pas bskor ba'o/ /'og tu bltas pa zhes pa ni ji ltar sems can thams cad rnams kyi tha mal pa'i gnas skabs su sna'i bu ga dag las rgyu ba ni las ngan pas so//de bzhin du sangs rgyas rnams kyi yang de ltar shes par bya'o/ /'on kyang gzung ba dang 'dzin pa dang bral ba yang sems can gyi don bya ba'i phyir rgyu zhes pa ste nges pa'o/ /de bzhin du 'og gi cha ru sdud cing steng gi char spros pa'o/ /de nyid kyis na k+Sha zhes pa ni bsrung bar brjod ces pa ni rnam par mi rtog pas dngos po thams cad bsdus pa 'og gi cha zhes pa'i mthar thug pa de la de skad ces bya'o//dkris pa zhes pa ni sems chos kyi dbyings su dmigs zhes dgongs so/ /de bzhin du nyin mo dang mtshan mo'i rab tu dbye ba gsal bar bstan pa'i phyir gang tshe zhes bya ba la sogs pa gsungs te/'dir gang gi tshe mgrin pa zhes pa ni srog skyes pa'i bu ga'i rtsa'o/ /chags pa chen po zhes pa ni rang rig pa'i bde ba'i gzugs kyis te/ zla ba zhes pa ni dbyangs yig bcu gnyis 'pho ba'i gzugs can byang chub sems kyi thig le rnams te/de tshe longs spyod rdzogs pa zhes pa ni de'i dus su gang rnal 'byor pa rnams kyi rang gi rang bzhin du 'gyur ro/ /des na sangs rgyas rnams kyi zhes pa ni nye bar mtshon pa tsam mo/ /'on kyang byang chub sems dpa' rnams kyi'o/ /sku'i mchog ces pa ni lhan cig skyes pa'i skur 'gyur te de'i tshe rang bzhin du skye ba'i phyir ro//de bzhin du sna rtser zhes pa ni lnga pa'i don la bdun pa'o/ /de nyid kyis na ni'i sgra ni gang gi phyir don to/ /sna'i rtse mo nas so/ /de'i tshe 'di zhes pa ni byang chub sems kun rdzob las te/ de nyid rdo rje'i rtse mor gang tshe gnas/ /zhes pa ni nya'i mtha'i nag po'i tshes gcig gi mtshan mo'i mtshams su yang rdo rje nor bu rang rig pa'i bde bas yang thig le 'dzag pa'i dus su'o//nub par 'gyur zhes pa ni rnal 'byor pa rnams kyi thim pa'i skad cig la khyab byed do/ /'jig rten rnal 'byor pa rnams kyis kun rdzob pa 'dzag pa'i phyir pad+mar ltung ba'i dus su bde ba nub pas sku yang zhes pa ni chos kyi skur 'gyur ba'o//de bzhin du b+ha ga'i zhes bya ba la sogs pa ni 'dir rnal 'byor pa rnams kyi chos dbyings b+ha gar brjod de/ de'i dbus su gnas pa yungs kar zhes pa de'i gnam stong gi mtha' dkar po'i tshes gcig gi mtshan ma'i mtshams su'o/ / des na yang nyi ma'i gzugs zhes pa ni chags pa chen po las rdo rje'i bdag nyid stong pa nyid dang dbyer med pa nyid du gnas pa ni longs spyod rdzogs pa'i phyir te gang gi phyir de ni sprul pa'i sku ru brjod pa'i phyir ro/ /sangs rgyas zhes bya ba la sogs pa la de las byung zhes pa ni de las skye bar 'gyur ba'o//de ci'i phyir zhe na/ 'dir gang gi phyir/ pad+ma gar dbang zhes pa ni rtsa rnams thams cad kyi rgyu ba'i sbyor bas gar gyi dbang phyug ni srog go/ /rgyal po zhes pa ni sems kyis khyad par ro/ /de nyid kyis na mchog go/ 'phang du 'gro ba'i phyir ro/ /pad+ma 'byed pa'i sbyor dang ldan//zhes pa ni chos kyi dbyings rgyas par byed pa zhes pa'i don to/ /des na sangs rgyas rnams dang byang chub sems dpa' rnams kyi sprul pa'i sku spros zhes sbyar ro/ /de ru zhes bya ba la sogs pa ni nub nas nyi ma'i mthar te gnam stong dang dkar po'i tshes gcig gi mtshams su'o/ / sprul pa'i sku yi gzugs can te/ /zhes pa ni nya dang gnam stong dag gnyis med pa'i phyir te/ des na skad cig ma gcig la gang skyes pa de/ thams cad gang de rdzogs byang chub/ /ces pa ni don dam pa chags pa chen po dag gi sems so/ /gong bur gyur pa ni ro gcig par gyur pa bsam du med pa gnyis med pa las gnyis med pa'i gzugs brjod du med par grangs med par brjod pa sangs rgyas thams cad kyi gzugs can gnyis med par zhes pa'i don to//de nyid kyis na 'khor ba zhes bya ba la sogs pa ni tha mal pa'i 'dod chags la sogs pa rnam par gcod cing spros pa lta bu'i 'jig rten de rnams sangs rgyas te/des na yang zhi byed ces pa ni sgyu ma lta bus sems can thams cad la dge ba ster bar byed pa'o/ /sgyu ma de yang rab sprul pas/ /rang gi bdag nyid nges sangs rgyas/ /sems kyi sangs rgyas 'jig rten mchog / sangs rgyas bskyed pa'i mtshan nyid min/ /sangs rgyas zhes pa de ji lta bu'i rang bzhin yin zhe na/ de nyid bstan pa'i phyir gnyis med ces bya ba la sogs pa ni de bzhin du sems nga rgyal dang bcas pa des ni sems can yang skye ba gcig nas gcig tu brgyud par sems dag pas sangs rgyas su 'gyur ba'o//de nyid kyis ni rgyud ces bya ba la sogs pa ni rgyud rnam pa bzhi'o/ /de rnams kyi yon tan zhes pa ni stobs bcu dang mi 'jigs pa bzhi la sogs pa'i mtshan nyid de des na rang bzhin can zhes pa ni rgyu rnam pa bzhi'i gzugs can no/ /de yang rgyud ces bya ba la sogs pa gsungs te/dgod pa dang lta ba dang lag pa bcangs pa rnams rim bzhin gzugs med pa dang gzugs dang / 'dod pa'i khams pa'i'o/ /'dod chags zhes pa ni mi rnams kyi gnyis gnyis 'khyud pa nyid do/ /de yang chags pa ni lhan cig skyes pa'i dga' ba'o/ /chags pa bral zhes pa ni dga' bral lo//de dag gi bar du zos pa ni mtshon pa'o/ /des na yon tan du ni gnas zhes pa ni sangs rgyas kyi yon tan mtshon du med pa zhes dgongs so/ /de ltar yang gsungs pa/ 'char dang nub la dus ni yongs shes pas/ /rnal 'byor tshul der gang mtshon mtshon pa med//byang chub rang bzhin de las 'jig rten skyes/ /gang zhig bden dngos dngos po med par 'byung / /rtsa rnams thams cad ces pa ni rtsa stong phrag bdun cu rtsa gnyis rnams kyi phan tshun 'dus pa'i gnas dang phrad pa'i gnas ni gang lte bar ro/ /des na mkha' 'gro ma'i dang //zhes pa ni tha mal pa dang 'dus byas pa'i dngos po'i mtshan nyid gsungs pa'o/ /sdom pa zhes pa ni sdom pa'i phyir srid pa dang mya ngan las 'das pa rnams 'gog par bya zhes pa ste nges pa'o/ /kha sbyor thig le'i rgyud kyi rgyal po rtog pa drug pa'i rab tu byed pa gsum pa lus kyi dkyil 'khor la sogs pa'i man ngag sna tshogs pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung bstan pa ste gsum pa'o// //da ni rab tu byed pa gsum mdor bstan nas/ de rnams kyi sdom pa'i dbye ba slar bshad pas gtan la dbab pa bstan pa'i phyir/de nas zhes bya ba la sogs pa gsungs te/ rdo rje snying po la sogs pa ni gang gi dang po yin pa de ni de bzhin du rdo rje snying po ste/ de la sogs pa'i phyir byang chub sems dpa' chen po rnams so/ /de bzhin du/ bdag med pa la sogs pa'i rnal 'byor ma/ /zhes pa ni bdag med ma gtso mo la sogs pa'i mkha' spyod kyi mthar thug pa bco lnga dang /gzhan 'chad bzhin pa'i grangs med pa rnams so/ /ci'i phyir byang chub sems dpa' dang rnal 'byor ma rnams bsam pa gcig pas zhus zhes/ 'dir gang gi phyir dngos po thams cad sdom pa'i phyir ro//de ci'i phyir zhe na/ 'dir gang gi phyir byang chub sems dpa' dang rnal 'byor ma rnams dngos po'i rang bzhin gyi phyir ro/ /'di skad gsol to zhes pa ni de rnams kyi tshig go/ /da yang 'khor lo zhes bya ba la sogs pa ni rab tu byed pa mdor bstan pa gsum la bstan pa de thams cad do//de'i phyir sdom pa zhes pa ni 'dus pa'i rnam par dag pa'i bsdus don te/ bdag la bshad du gsol zhes pa ni bdag nyid kyi don gang gi phyir bdag dang khyod dbyer med pa'i dngos po'i phyir shin tu brtags pa'i gzugs de nyid 'gro ba'i don gyi rgyu brag ca'i sgra lta bu'o/ /bcom ldan 'das kyis bka' stsal pa//zhes pa ni 'jig rten pa 'jug pa'i don to zhes sbyar ro/ /de nyid gsungs pa/ rnal 'byor ma zhes bya ba la sogs pa ni lan no/ /lus dbus zhes pa ni lta ba'i dbus su'o/ /a zhes pa ni dang po'i dbyangs yig go/ /gnas zhes pa ni rtag tu gnas pa nyid do//rnal 'byor ma'i zhes pa ni bdag med ma'i sa bon no/ /de nyid kyis na dngos po ma lus pas sdom pas na sdom pa zhes sbyar ro/ /de bzhin du sdom pa'i sgra'i don gsungs pa/ /saM ni dngos po thams cad kyang / /rnam rtog thams cad bla na med/ /dran pa'i phyir na dngos kun ni//yid kyis nam mkha' las de 'dzags/ /ba ni nam mkha' yi ni mchog /stong dang mi stong nam mkha' med/ /spyi bor thig le las 'dzag pa'i/ /nam mkha' lte ba ru ni ltung / /ra zhes pa ni me langs pas/ /sems kyi nam mkha' bcas pa bsregs//thal ba rnal 'byor ma gzugs can/ /sdom pa yis ni thar pa brjod/ /a yis kyang ni thar par 'gro/ /kun gzhi zhes bya sad pa'i phyir/ /me long la ni has btab bzhin/ /rim gyis mi snang pa ru 'gyur/ /de bzhin du phyi rol ji ltar zhes bya ba la sogs pa ni ji ltar phyi rol de bzhin du nang yang blta bar bya'o//de las ring ba ma yin zhes pa'i don to/ /lus la sdom pa'i phyir sdom pa zhes dgongs so/ /de'i phyir 'di ji ltar bdag med pa'i lus la gnas pa de ltar rnal 'byor pa'i lte ba la gnas pa kun rdzob kyi a zhes gsungs par 'gyur ro/ /rdo rje'i bde ba zhes pa ni lte ba'i a rdo rje'i rtse mor song ba dang snying nas a'i rtse mor song ba'i hUM ni rdo rje'i lte ba ste/de ni phyag rgya chen po'i rnal 'byor ma dang / he ru ka'i lus kyi sdom pa zhes pa'i don to/ /de nyid rdo rje skye mched byang chub kyi sems te/ de nyid thabs so/ /a dang hUM 'di dag gi snyoms par 'jug pas bdag med ma dang he ru ka dag gi phyi'i gnyis gnyis snyoms par 'jug pa'i mchog tu dga' ba gnyis med pa bstan to//de nas bud med dang skyes pa 'brel lo zhes pa ste nges pa'o/ /sku gsum zhes bya ba la sogs pa ni sangs rgyas so so thams cad kyi sprul pa'i sku mtha' yas pa dang /longs spyod rdzogs pa'i sku mtha' yas pa dang / chos kyi sku mtha' med pa'o/ /de lus kyi dbus su gnas par bstan zhes pa ni brjod pa'o/ /sdom pa du zhe na/ 'khor lo'i gzugs kyis te/ sprul pa la sogs pa 'khor lo gsum gyi gzugs so/ /de yang 'dab ma drug cu rtsa bzhi la sogs pa'i gzugs kyis so//sku gsum po de nyid yongs su shes pa ni rang bzhin gyi sku'o/ /de nyid mtha' med pa bzhin sangs rgyas rnams kyi sku bde ba chen po'i 'khor lo'i gzugs kyis sdom pa ste/ pad+ma 'dab ma sum cu rtsa gnyis kyi rnam pas nges par brtan zhes pa'i don to//'khor lo rnams kyi yang don bstan pa'i phyir/ chos zhes bya ba la sogs pa gsungs/ d+ha zhes pa ni gsal ba'i chos/ /chos kyi 'byung gnas su ni thim/ /chos kyi dbyings dang 'khor lor bcas/ /srid pa yi ni rgya mtsho gcod/ /rma zhes pa ni gnyis med nyid//'dod chags rdo rje'i 'dab skyes las/ /de bzhin snyoms par 'jug pa gsungs/ /sbrang rtsi'i sa bon bde chen phyir/ /sa ni sa sogs bzang po 'dir/ /rgyu dang mi rgyur song ba yin/ /b+ho ni sgyu ma'i mtshan nyid spyod/ /bcu gnyis brgyad kyi 'khor lor skyes/ / longs spyod sa la thams cad spyod/ /'di ni rtag tu sangs rgyas bzhugs/ /dbus gsum sa la hUM cha byad/ /ga zhes pa ni thar par 'gro/ /zab mo bde ba phun sum tshogs/ /nam mkha'i dkyil ni lta bu'i phyir/ /nam mkha'i las ni 'byung zhing thim/ /ni ni kun du gleng gzhir 'gyur//rtag tu nam mkha'i yid kyis ni/ /rnam par mi rtog bdag dngos nyid/ /mtshan mo'i dus su sangs rgyas nyid/ /rma ni yid kyi chos sprul pa/ /mya ngan 'das phan sems kyis ni/ /rnal 'byor mtshan bya mtshon pa yis/ /gzugs ni bzang po byed pa yin/ /thog ma bar dang tha ma med//sprul pa stong pa'i mtshan nyid do/ /dngos po med cing 'dus pa med/ /mkhas pas nyon mongs med pa'o/ /ma ni sngags kyi nus pa ste/ /nor bu'i nang chud 'gog pa'i phyir/ /'dod pa steng du rgyu ba yin/ /sngags ni bzang pos gzir ba'i phyir/ /ha yi rnam pa'i gzugs kyis ni//rkang pa'i mtha' nas mgo bor ha/ /'di ni khyab byed che bzang po/ /rnal 'byor ma gnas rdo rje can/ /su zhes pa ni lam gyi rab/ /lha rnams kyis kyang rnyed par dka'/ /su ni yid bzangs nang gi srog /thim pa'i phyir na bde mi 'dzag /khang zhes pa ni dar gnas pa//byang chub sems ni brjod pa'o/ /'dir ni rang bzhin gyi ni sku/ /gsal bar sangs rgyas spyod yul nyid/ /'di rnams kyis bsdus pa'i don du gnas rnams gsungs pa/ skye gnas zhes bya ba la sogs pa la/ skye gnas kyi gnas ni sems can thams cad kyi lte ba'i 'og der snying gar la sogs pa 'khor lo gsum sku gsum nang du 'dus pa'o//lhan cig skyes pa ni bzhi pa ste/ thams cad lhan cig skyes pa'i rang bzhin zhes pa ni khyad par ro/ /de bzhin du gnas dang 'brel ba'i rigs pa bstan par 'dod nas gsungs pa/ gang las zhes bya ba la sogs pa la/gang las zhes pa ni skye gnas las so/ /rab tu grags zhes pa ni skye gnas bzhi las skyes pa ni sangs rgyas kyi gzugs su rab tu grags so/ /de rnams kyang skye ba nyid du zhes pa ni thams cad sprul pa'i sku'i lus can gnas bzhi las skyes pa'o/ / de la gang gi phyir brtan pa las sprul pa'o zhes pa ni rdzus te skyes pa'i gnas can lha'i gzugs su sangs rgyas pa rnams ni sa'i skye gnas las byung ba'o/ /de bzhin du chos zhes pa ni sems kyi rang bzhin te/ sgo nga las skyes pa'i gnas can nam mkha' lding la sogs pa'i gzugs su sangs rgyas pa ni rlung gi skye gnas las byung ba'o//de bzhin du longs spyod rdzogs pa zhes pa ni zas la spyod pa mngal las skyes pa'i skye gnas can rkang gnyis pa la sogs pa'i gzugs su sangs rgyas pa ni me'i skye gnas las 'byung ba'o/ /de bzhin du chos kun zhes bya ba la sogs pa ni drod gsher las skyes pa'i skye gnas can sbrul la sogs pa'i gzugs su sangs rgyas pa ni chu'i skye gnas las byung ba'o//de nyid kyi gzugs kyis de'i sems can rnams 'dul bar byed do zhes pa ste nges pa'o/ /de rnams nyid sangs rgyas kyi gzugs kyis sdom pa'i phyir sdom par brjod do//ji ltar 'khor lo bzhi sku rnams kyi sdom pa de bzhin du 'bras bu rnams dang sde pa rnams bstan pa'i phyir/ e waM zhes bya ba la sogs pa gsungs te/ e waM zhes pa ni skye gnas la gnas pa'i sprul pa'i 'khor lo'o/ /de ci zhe na/ gsungs pa/'bras bu zhes bya ba la sogs pa ni go sla'o/ /rgyu'i khyad par gyis khyad par du byas pa ni rgyu mthun pa'i 'bras bu'o/ /de bzhin du 'bras bu bzhi rnams shes par bya'o/ /de yang e waM gyi nang du 'dus so/ /des 'bras bu 'di rnams la su zhig spyod cing gang la ster bar gsungs pa/las la spyod ces pa la sogs pa ni las kyi 'bras bu rgyu mthun pa la sogs pa rnams la shes rab spyod pa ni de bzhin nyid kyi chos kyi sku'i mtshan nyid chos thams cad nang du 'dus te/ gang gi phyir stong pa nyid rnam pa kun gyi mtshan nyid de de'i phyir skye gnas bzhi las skyes pa sprul pa'i lus can rnams kyi las kyi lus la spyod pa ni bdag gis las nyid byin pa ni ma yin te rang bzhin med pa'i phyir ro//dbang phyug gis byas pa ma yin pa'i phyir byed pa po las ster bar byed pa ma yin no/ /ci'i phyir zhe na/ sprul pa'i sku nyid kyi phyir ro/ /'dir yang ji ltar rgyu'i gnas skabs su byas pa las zhu ba la sogs pa'i bzhin du 'bras bu la spyod pa ni sems can gyi rgyud kyi sprul pa'i skus so//de ltar gnyi ga rnam par mi rtog pa'i phyir ro/ /rnam par smin pa log pa cung zad mtshon du med pa'i mtshan nyid kyi phyir ro/ /de nyid kyis na las kyi rlung gis bskyod pa ni sems can rnams kyi don khyad par du byed pa'i phyir 'dra ba las logs par lhag pa zhes pa'i don to//de dag gi mtshan nyid kyang ngag gis spros pas chos bstan pa'i chos kyi sku yod de skyes bu byed pa bskyed pa'o/ /ci'i phyir zhe na/ mi la sogs pa rnams kyi dge ba rnams bskyed pa'i phyir ro//de yang stong pa la sogs pa byed pa des na sprul pa'o/ /de'i phyir longs spyod rdzogs pa'i sku skyes bu byed pa'i 'bras bu'o/ /de bzhin du 'bras bu bzhi pa dri ma med pa phyag rgya chen po'i sbyor ba dag pa'o/ /gang gi phyir rnal 'byor las skyes pa'i ye shes ni rnal 'byor gyi phyag rgya chen po zhes pa ye shes snang ba'o//des na dag pa shin tu rnam par dag pa'i phyag rgya chen po'o/ /de'i phyir dri ma med pa bde ba chen po'i 'khor lo'o/ /da ni sku bzhi nyid de'i dbye bas bstan pa'i phyir 'phags pa'i dge 'dun brjod de sku rnams bde ba yin pa de'i phyir sprul pa la sogs pa'i sku bzhi bde ba sngon du gsungs pa'i rdzus te skyes pa la sogs pa ni sku'i rnam pa'i gzugs can te/dge slong gi gzugs rnams ni ma yin no/ /'on kyang dge slong gi gzugs so/ /de ci'i phyir zhe na 'di gang gi phyir btags pa'i chos rnams thams cad tha mal pa'i gnas skabs kyi dus su yang sku bzhi'i rang bzhin sangs rgyas kyi sprul pa nyid de de yang gang dang gang gi sems can rnams 'dul ba de dang de'i gzugs su bya zhes so//des na gnas nyid la sbyar ba'i phyir gnas brtan pa ste rdzus te skyes pa'o/ /thams cad bden par smra ba'i phyir na thams cad yi rang bar smra ba ste sems kyi chos nyid kyi phyir ro//de yang nyan thos kyi theg pa nyid gang zag tu lta ba'o/ /yang na chos rnams thams cad sems kyi rnam pa nyid du brjod pa'i phyir sngon po la sogs par snang pa med pa nyid kyis na de tsam du yod par smra bar byed pa'o/ /de rnams yang dag par rig par sbyor ba'i phyir mang pos bkur ba ste sgyu ma'i rnam par des na brjod pa'o//de yang gnyis med pa las gnyis med pa'i phyir sra ba'i dngos po rnams don med pa'i phyir ro/ /dge 'dun phal chen pa'i spyi bo thog ma dang tha ma med pa'i phyir ro/ /de dang sbyor ba'i phyir dge 'dun phal chen pa'o//de yang chos kyi dbyings 'dus pa thams cad kyi gong na med pa'i phyir mgo bor gnas pa'o/ /gang gi phyir thams cad las sbyor ba gtso bor gyur pa'i phyir zhes pa ste nges pa'o/ /de rnams kyi rgyud ni gsang ba'i mtshan nyid las phyag rgya chen po dngos grub tu gsungs so/ / stobs bcu dang mi 'jigs pa la sogs pas sangs rgyas kyi yon tan rnams 'byung ba ni chos sdud pa la sogs pa'i tshul las khong du chud par bya'o/ /de ltar nyan thos kyi tshogs dang byang chub sems dpa'i tshogs snyoms par 'jug pa rdzogs te/ ji ltar sngon du gsungs pa'i mtshan nyid kyis sku gsum dang bzhi sbyor ba ste nges pa'o//da ni byang chub sems dpa'i tshogs thams cad kyi phyir de ltar kun rdzob rgyas par gsungs te/ de ni zhes bya ba la sogs pa la/ lto ba zhes pa ni ma'i lto ba'o/ /'dod chags bral ba zhes pa ni ma dang phar sbyor bas kun gzhi rnam par shes pa skye pa'i dus su 'dod chags med pa'i phyir ro//sha ma'i dra ba'i zhes pa ni ma'i mngal gyi dra ba dri ma 'bar ba zhes pa'i don to/ /a haM zhes pa ni mngal nas lhung ba'i dus su dbugs 'byung ba dang 'jug pa'i sgra'o/ /de bzhin du zhes pa ni rgan po'i dus su yang ha hu zhes pa'i sngags bzlas pa'o/de bzhin du a dang haM zhes pa bzlas pa'i don to/ /de nyid kyis na dge slong skyes pa zhes gsungs te slong mo za ba'i rim pa dang rim pas bzlas par bya'o/ /rab kyi mthar thug pa ni slong mo za bas mi bzlas zhes pa'i don to/ /des na yang gos med pa zhes pa ni reg pa'i bde ba dang bral lo//de nyid kyis na gcer bu ste gos ma gon pa'o/ /rang bzhin gyis gos bgos pa'o/ /mgo bo zhes pa ni skra med pa'i kha spu zhes pa ni sma ra'o/ /bregs zhes pa ni rang bzhin gyis so/ /tshogs 'di zhes bya ba la sogs pa ni go sla'o/ /sa bcu'i dbang phyug ces pa ni skyes pa'i dus kyi mthar thug pa de rjes su brtan pa dang g.yo ba'i dngos po thams cad dang rtogs pa'i phyir sangs rgyas zhes dgongs so//de ltar lto ba la sogs pa yang phyi'i lha khang la sogs pa'o/ /de'i sdom pa ni reg pa'i bde bar shes par bya'o/ /de rnams kyi yang gnyis med pa'i sa rnams la rab tu gzhag pa de la de skad ces bya'o//slar yang sems can rnams kyi rgyu dang 'bras bu nyid kyis na de nyid sangs rgyas zhes pa ni bcom ldan 'das de nyid rang bzhin gyis rnam par spyod ces brjod do/ /de'i don gsungs pa/ btsun mo la sogs pa'i tshigs su bcad pa ni bsdus pa'i rgyud du rgyas par gsungs te/'dir ni mdor bsdus te gsungs so/ /de ltar btsun mo zhes pa ni rdo rje btsun mo ste/ las kyi phyag rgya rnams kyi btsun mo'o/ /de'i b+ha ga rnams su khu ba zhes pa rnam par bzhugs te zhes pa ni de yang grub pa dang bsgrub bya'o/ /gang grub pa de ni ye shes kyi khu ba'o//gang bsgrub bya de ni dpe'i phyir thabs kyi phyi'i khu ba ste/ des na 'di ni khu ba'i ming can te de'i khu ba ni 'dir khu ba gnyis ka snyoms par 'jug pas ltos pa'i phyir bde ba chen po gnyis med pa med pa'i phyir ro/ /rgyu ba'i nang du rus pa med pa'i phyir ro/ /lha zhes pa ni lha'i sbyor ba las lhar skye bar 'gyur ro//de'i phyir da ltar bsgrub bya'i bde ba 'dod pa rnams kyis lha'i sbyor ba las de bsgom par bya/ de bzhin du de'i phyir zhes bya ba la sogs pa la/ dngos min zhes pa ni bsgrub bya'i bde ba sangs rgyas ma yin zhes pa'o/ /de ji ltar zhe na 'dir gang gi phyir lam ni dngos po min zhing dngos po min pa ma yin te 'od gsal bar 'jug pa'i phyir ro//de'i phyir 'bras bu yang sangs rgyas ma yin te/ de nyid kyang gang gi tshe 'od gsal las langs nas 'dir gnas par yang snying rje la dmigs pa des na 'dir 'di'i lus kyis de'i kun nas nyon mongs pa ma lus pa zad pa'i mtshan nyid kyi phyir ro//tshul 'dis sangs rgyas de nyid dngos po dang dngos po med pa rab tu rtogs pas ni 'gro ba'i don byed pa'i don to/ /de nyid kyis na/ dngos po med pa nyid kyang min/ /zhes gsungs te/ de yang thams cad la khyab par byed pas rnam par dag pa ro mnyam pa ye shes kyi rang bzhin nyid kyi phyir/chos 'dod pa lhun gyis grub pa'i rgyun gnyis su byar med pa'i mtshan nyid kyis na chos kyi dbyings mi zad pa'i rgyun gyi dngos po'i tshul te dngos po'i don to/ /phyag dang zhal gzugs rnam pa zhes pa ni rang byin gyis brlabs pa'i phyir sgyu ma'i dpes longs spyod rdzogs pa dang sprul pa'i skur bzung ngo //rnal 'byor pa'i yang de nyid du brjod do/ /de nyid kyis na gzugs med ces pa ni sgyu ma mi bden pa'i phyir ro/ /des na don dam pa bde ba zhes pa ni grub pa'i bde ba mtshon pa'i mtshan nyid kyis brdzun pas chos kyi sku'i bsam gyis mi khyab pa'i chos dang longs spyod rdzogs pa'i bde bas rtags pa'i rang bzhin gyi phyir zhes pa'i don to//de ltar de yang 'bras bu rab tu song ba na dngos po dang dngos po med pa med do/ /de bzhin du des na zhes bya ba la sogs pa la/ 'gro kun lhan cig skyes zhes pa ni 'dir gang gi phyir lhan cig skyes pa'i sbyor ba las skye bo thams cad 'byung zhing de rnams dang sangs rgyas nyid kyi sbyor bas lhan cig skyes pa de nyid du thim pa nyid du 'gyur ro//de yang 'gro kun zhes pa ni sum cu rtsa gsum pa'i lha la sogs pa dang mi la sogs pa'i sems can rnams sangs rgyas dang rdo rje 'chang bar yang 'gyur te lhan cig skyes pa 'dod pas so//de bzhin du lhan cig skyes pa zhes pa'i don ci zhe na gsungs pa/ lhan cig skyes pa zhes pa la sogs pa ni rang bzhin gyis 'od gsal ba'i rnam grangs te thog ma med par rtag pa'i gzugs nyid kyi phyir zhes dgongs so//de ltar gtso bor sprul pa'i skus sangs rgyas pa'i phyir longs spyod rdzogs pa dang chos kyi sku dag gis rang bzhin lhan cig skyes pa'i dngos po zhes pa ste nges pa'o/ /de'i dbang du byas te gsungs pa/ 'od gsal ba'i rang bzhin gyis lhun gyis grub pas rtag pa dang /mi rtag pa'i don med par 'jug pa chos mthun pa'i phyir ro/ /de yang ji ltar zhe na gsungs pa/ sems kyi zhes bya ba la sogs pa las rnam par dag pa ni rnal 'byor la zhes pa'i dri ma med do/ /'od gsal ba nyid bsam du med pa'i rnal 'byor pa'i rang bzhin gang yin pa de ni sems kyi rang bzhin rnam par dag pa de la de skad ces bya'o//rgyu des na gang gi phyir 'od gsal ba rnam par dag pa ni mya ngan las 'das pa'o/ /de'i phyir dngos po med pa'o/ /gang gi phyir sems nyid rnam par dag pa'i phyir bsam du med pa'i rnam pa'o/ /de'i phyir dngos po dang dngos po med pa med do//gnyis med pa'i dngos po yang med de mi sbyor ba'i phyir ro/ /thog ma med pa nas grub pa 'di rnams ni rang bzhin gyis 'od gsal ba ste/ de yang rnal 'byor pa'i sems kyis sangs rgyas dang rdo rje 'chang thob pa'i sa bon du gsungs shing chos kyi sku zab mo'i sa bon du yang ngo //de ji ltar longs spyod rdzogs pa'i sku'i sa bon med des na sngon gyi tshig mi bden par 'gyur ro/ /de ni brjod de tha mal pa'i lus tsam de'i sa bon no zhes sdug bsngal mang po dang ldan pa des na lha'i lus ma yin no/ /de'i tshe de med pa'i phyir lha'i rigs dang bral ba'i don to//des na bcom ldan 'das kyis bka' gsungs pa/ lha'i zhes bya ba la sogs pa ni 'dir gang gi phyir kun gzhi rnam par shes pa gzugs med pa'i phyir gzugs med pa lta bu de skyes pa'i dus su lha'i gzugs kyi sgras ni des sa bon dang 'dra bar gsungs so/ /de yang skyes pa tsam gyi lus la gnas te sngon gyi dngos po'i phyir ro//de ci zhe na/ gsungs pa/ phyag dang zhal zhes bya ba la sogs pa ni mngon sum du mi la sogs pa lag pa gnyis la sogs pa'i lus dang mthun pa'i phyir zhes pa'i don to/ /ji ltar rnal 'byor pa'i lus la rang bzhin gyis rnam par dag pa glo bur ba'i dri ma rnams kyis bsgos pa'i sa bon ni 'od gsal ba rnam par dag pa'i ye shes so//des na de las byung ba ni sprul pa'i sku'i phyir zhes pa ste nges pa'o/ /de ltar rang bzhin gyis rnam par dag pa'i lus nyid lha'i lus kyi sa bon zhes dgongs so/ / de bsams kyang rung ma bsams kyang rung lhan cig skyes pa'i rnam pa zhes pa'i don to/ /de'i don bsgom pa'i phyir/ de bzhin gshegs pa'i gsung gis nges par gsungs pa bkod pa bstan pa 'on kyang zhes bya ba la sogs pa ni tha mal pa'i lus kyi rgyu las kyi bag chags thog ma med pa nas bsags pa'i phung po de yongs su zad pa'i phyir/sbyin pa la sogs pa'i pha rol tu phyin pa rnams dang du len pa'i las kyi sems dag pa'i rnam par rtog pa'i bag chags dam pas he ru ka phyag gnyis pa la sogs pa'i gzugs dmigs pa'i rang gi lus lha'i sku ru bsgoms pa des tha mal pa'i lus spong ste/bskyed pa'i rim pas rnal 'byor pa rnams kyi rdo rje'i sku ru 'grub bo/ /rdzogs pa'i rnal 'byor pa khyad par can gyi sngon du gsungs pa'i tshul gyis lhan cig skyes pa'i rnam pas phyag rgya chen po 'grub pa'o/ /'on kyang rnam par sgom pa ci 'dra ba 'dir yang de 'dra ba 'chad bzhin pa las dpe mang pos bshad par bya zhes pa ste nges pa'o//de ltar zhes bya ba la sogs pa ni de ltar sems dngos po thams cad sdom pa'i phyir bshad pa zhes pa ni rang bzhin gyi dngos po med pas sdom pa med par gsungs so/ /des na gong na med ces pa ni sbyor ba bsgom pa'i phyir zhes sbyar ro//des na de thams cad 'dus pa'i rnal 'byor ma rnams kyis brjod pa/ des na zhes bya ba la sogs pa la/ 'dir bdag med ma rnal 'byor ma'i rgyud rnams su bstan pa'i phyir rnal 'byor ma de rnams thams cad la sogs pa dang gzhan spyan ma la sogs pa bzhi la sogs pa rnal 'byor gyi rgyud rnams su bstan pa'i rnal 'byor ma thams cad dang 'di rnams kyi thabs dpa' bo rnams dang de bzhin du khro gnyer ma la sogs pa rnal 'byor ma lnga rnams te/bya ba'i rgyud rnams su bstan pa'i rnal 'byor ma rnams dang / de bzhin du dang gi sgras ni spyod pa'i rgyud rnams su gsungs pa'i rnal 'byor ma rnams bstan pa'o//de dag la sogs pa zhes pa ni rnal 'byor ma dang rnal 'byor dang bya ba dang spyod pa'i rgyud rnams su re re yang ji ltar gsungs par 'gyur ro/ /rnal 'byor ma de rnams dang nang du rkang pa'i mthil nas gtsug tor gyi mthar thug par gzhu'i rnam pa'i srog de'i tshad kyi rnal 'byor ma nyi khri chig stong drug brgya'i srog dang rtsol ba de rnams las sku'i rang bzhin spyod pa'i rgyud las skyes pa'o//de bzhin du gsung gi rang bzhin bya ba'i rgyud las skyes pa'o/ /thugs kyi rang bzhin rnal 'byor gyi rgyud las skyes pa'o//ye shes kyi rang bzhin rnal 'byor ma'i rgyud las skyes pa rnams zhes pa ste nges pa'o/ /de ltar sku dang gsung dang thugs dang ye shes kyi rang bzhin gyi rnal 'byor ma rnams mchog tu ya mtshan skyes par 'gyur ro zhes sbyar ro/ /der de rnams bslang ba'i don du mi bskyod pa'o zhes bya ba la sogs pa gsungs te/'dir sngon gyi srog gi rang bzhin gyi rnal 'byor ma rnams rgyal bar 'gyur ro/ /de bzhin du phung po la sogs pa'i de bzhin gshegs pa rnams sngon gyi bag chags kyi rmi lam bzhin gyis mthong ngo / /des na bcom ldan 'das zhes pa ni ye shes kyi rgyan gyis rang gi rang bzhin de nyid brag ca'i sgra bzhin slong ste/bskul bas rnal 'byor ma'i tshogs zhes pa sku la sogs pa rnams so/ /'on kyang dgongs pa ni 'di yin te phan tshun sems can gyi gzugs ni rnal 'byor ma'o/ /rnal 'byor ma'i gzugs kyang sems can no//de bzhin du rnal 'byor ma yang sangs rgyas rdo rje 'chang la sogs pa'i gzugs can no/ /sems can yang bdag gi lus so/ /de bzhin du bcom ldan 'das kyang ngo / /des na de'i tshe ji ltar bcom ldan 'das kyi bka' 'gyur/ bdag spangs pa des na sems can dang / sangs rgyas dbyer med pa de'i tshe nyes pa yod de/ gang gi phyir sngon du thams cad grub po/ /de'i phyir bcom ldan 'das nyid rang 'khrul par 'gyur te des na rgyal bar 'gyur ro/ /gang gi phyir 'byung ba chen po'i rang bzhin sna tshogs pa tha mal pa'am/ sbyang ba'i dngos po yin pa'i phyir ro//don de nyid du gsungs pa/ de nas zhes bya ba la sogs pa la/ mi shes pa kun zhes pa ni de kho na nyid kyi mi shes pa'i rnal 'byor ma rnams so/ /de ci'i phyir zhe na/ 'dir gang gi phyir nyan pa'i skye bo'i gzugs can thun mong pa'i phyir ro/ /gal te re zhig sangs rgyas kyi gzugs te/ji ltar sangs rgyas kyi mdun du chos ston pa nyan 'on kyang sangs rgyas rdo rje 'chang la sogs pa rnams kyi dngos po'o/ /sangs rgyas kyi rang bzhin 'ba' zhig rang rang gi rang bzhin rtogs pa'i phyir sangs rgyas so/ /des na thams cad mkhyen par mi 'gyur ro/ /de'i phyir mi shes pa ste de'i mi shes pa bzlog pa'i phyir ro//rnam par rgyal ba zhes pa ni yang dag pa'i ye shes rtogs pa'i phyir/ de nyid kyis na rdo rje zhes pa ni mi phyed pa'i gzugs su gang gi tshe 'gyur ba de'i tshe ting nge 'dzin de yang rdo rje'i ming ste de la snyoms par zhugs pa rtag pa'i gzugs rnam pa kun dang ldan pa'o//rnal 'byor ma thams cad ces pa ni de'i gzugs rdo rje'i rang bzhin gyi mtshan nyid kyis mi phyed pa'i dus gcig la 'byung ba thams cad mkhyen pa'i don to/ /des na bdag dang mtshungs pa bslang ba'o/ /gzhan du sems can sangs rgyas nyid/ /ces pa ni bden te khyod nyid khyod kyi rang bzhin no zhes pa'o//de'i don ni 'di ste 'on kyang zhes pa ni las dang po pa'i dus su dus gsum du gang dag rtogs pa de rnams kyang ngo / /glo bur dri mas bsgribs zhes pa ni shin tu rnam par dag pa'i sems can sangs rgyas yin mod de rnams la ji srid du de bzhin gshegs pa'i rab tu son pa'i ting nge 'dzin ma rtogs pa de srid du bzhi pa'i rang bzhin du mi 'gyur ro//des na rang gi ye shes la chags pa thams cad mkhyen pa ma yin pa glo bur ba'i dri ma rnams kyis bsgribs pa yin no/ /gang yang bzhi pa dang ldan pa de thams cad ni 'jig rten du grags pa'i dpa' bo dang dpa' mo'i dbang phyug gi mchog gi gzugs kyis gnas la sogs pa'i yul dang yul du sems can gyi don byas nas phyag rgya chen po'i dngos grub thob par 'gyur zhes dgongs so//gzhan yang pad+ma badzra'i zhal snga la sogs pa rnams ni grub pa'o zhes grags so//de yang zhes bya ba la sogs pa ni da ltar gyi sems can glo bur ba'i dri mas bsgribs pa rnams kyis te de'i zhes bya ba dang sbyar ro/ /de bzhin du spangs pa'i sa zhes pa ni sngon du gsung pa'i man ngag sna tshogs pa dang kha sbyor 'di la sogs pa'i gzhung bstan pa'o/ /de nas sdud pa pos kyang glegs bam rnams su yi ge'i gzugs kyis bris zhes pa'i nges pa'o//de bzhin du de ltar zhes bya ba la sogs pa ni 'dir de ltar 'di dag ces pa ni gal te re zhig glegs bam la sogs pa rnams su bcom ldan 'das kyi gsung gnas pa bla ma gcig nas gcig tu brgyud pa'i kha nas khar gnas so//de ji ltar bcom ldan 'das kyis gsungs pa'i tshig mdo sde rnams dang rtogs par brjod pa la sogs pa rnams dang de bzhin du shes rab kyi pha rol tu phyin par gsung / nga mya ngan las 'das nas phyi ma'i dus phyi ma'i tshe sems can gdul dka' ba'i sdig pa'i blo can sdig pa'i las byed pa 'byung zhes bya ba la sogs pa rgyas par bstan pa'i phyir ro//de'i phyir bcom ldan 'das kyi bka' brdzun nam zhe na gsungs pa/ rigs kyi bu zhes pa ni mi bskyod pa la sogs pa de rnams la bod pa'o/ /dug zos zhes bya ba la sogs pa la ni 'dir dug zos pa'i 'jig rten gang brgyal ba sems med pa dug sel bar mi shes pa yid sems pa med pa'o//de nyid shes pa'i phyir gti mug spangs pa ni gang gi dug spangs pa de'i 'o/ /de nyid yid ces pa ni dug sel ba'i de kho na'i yid kyis 'jug pa'o/ /de'i dug zos pa'i sdug bsngal skyes pa 'di gcod pa 'di ni dpe tsam mo//de'i phyir dpes shes par bya ba'i byang chub sngon gyi tshul gyis khong du chud par bya'o/ /de yang rnam pa dang bcas pa'i bsgom pas mos pa de'i phyir thabs kyi sgo nas rgyu dang 'bras bu 'brel ba'i phyir byang chub bo/ /de yang shes bya ba la shes pa 'jug pa'o/ /de ltar ye shes dang shes bya dag dpes shes par bya ba snang ba med pa brjod du med pa lhan cig skyes pa'i don dam pa'o//de nyid kun rdzob kyi bde ba med par mi 'grub ste/ dngos po shes pa'i phyir ro/ /'dir gal te 'o na dngos po'i ye shes kyis grol bar 'gyur na de'i tshe sems can rnams ji ltar 'khor bar 'khor/ma rig pa'i dbang gis zhes pa ni de yis ji ltar srid par 'gyur/ khyod cag rnams kyi gtam yang thos pa ma yin nam/ 'dir gang gi phyir khams gsum pa 'dod chags kyi dbang gis skyes pa de'i yang gang dag sems can de dag kyang 'dod chags can no//'dod chags kyang ma rig pa'i rtsa ba'o/ /de'i phyir ma rig pa dngos po'o/ /des grol ba 'di dag ni 'gal lo/ /de'i phyir brjod de bcom ldan 'das kyi bka' las shes par bya'o/ /de ci zhe na/ gsungs pa dug gi dum bu zhes bya ba la sogs pa ni 'dir dug bsal ba thun mong ba ni rnam pa gsum ste/de la gcig ni sngags grub pa ste/ lung sna tshogs pa'i rjes su 'brangs pa'i phyir ro/ /gnyis pa ni sman gyis grub pa'o/ /gsum pa ni rnal 'byor gyis nus pas so/ /de yang sngags dang sman dag gi rnam pa gnyis su 'dod do//de la gcig ni sngags bzlas pa dang sman bsgrubs pas shin tu yun ring po nas bsod nams kyi dbang gis 'grub po/ gnyis pa ni bkas 'grub pa'o/ /de yang bla ma dang rnal 'byor ma rnams bsnyen pa dang bsnyen bkur byas pa'i phyir ro/ /gang yang rnal 'byor gyi stobs kyis de dug gi de nyid shes pas dug sel te dug 'ba' zhig tu ma zad kyi dug nyid bdud rtsir byed do//des na dug gis sel bar 'gyur/ /zhes pa ni rga ba dang 'chi ba dang mdze la sogs pa'i nad rnams dug gis rab tu brlabs shing mi rgas pa dang mi 'chi bar 'gyur ro/ /de bzhin du ma rig pa'i bag chags nyid srid pa'o//'on kyang sngon du sangs rgyas yin pa gsungs pa'i bsgrub pa rnams la dpe sna tshogs pa rnams kyis rigs pa bstan to/ /'dir ma rig nyid rigs pa bzang por bya ba'i phyir/ ji ltar rlung nad ces bya ba la sogs pa ni go sla'o/ /de bzhin du sbyor ba zhes pa ni kun rdzob kyi bde ba'i rnam par dag pa'i yid la byed pa'o//srid pa nyid kyis zhes pa ni shin tu rnam par dag pa'i srid pas so/ /de nyid kyis na rnam rtog ces pa ni gang gis sangs rgyas pa de nyid rnam par rtog pas brtags pa'o/ /de bzhin du 'di'i rna bar zhes bya ba la sogs pa'i dpes kyang shes par bya'o//dngos po zhes pa ni shes bya'i bde ba'o/ /de'i sgrib pa ni rnam par rtog pa ste de sbyang ba'o/ /gang gis she na rnam pas zhes pa ni lha'i sbyor ba'i sgom pa lhan cig skyes pa'i rang bzhin zhes pa'i don to/ /nyid ces pa ni nges pa zhes pa'i don to/ /dper na zhes bya ba la sogs pa ni go sla'o//de bzhin du sbyor ba zhes bya ba la sogs pa ni bskyed pa'i rim pas 'byung ba dang 'byung ba las gyur pa bstan te/ de yang dbang gnyis sbyor ba zhes pa nas phra ma nam mkha' las byung ngo zhes pa'i mthar thug pa ni 'byung ba'o/ /de bzhin du chen po'i sems zhes pa nas/ji srid mchog tu dga' ba'i rigs las byung / /zhes pa'i mthar thug pa ni 'byung ba las gyur pa'o/ /de bzhin du 'dir gsol ba zhes pa ni rdo rje snying po la sogs pas zhus pa'o/ /de yang ci zhes bya ba la sogs pa'o/ /'dir bcom ldan 'das kyi rigs grangs med pa 'byung ba de'i tshe ji ltar 'jig rten gyi khams kyang dog pa nyid du 'gyur ro//gong bu'i gzugs can zhes pa ni sa la sogs pa'i khams rnams bye brag tu smra ba'i gzhung lugs kyi nges pa gsungs pa'i dbye bas bshad pa'i phyir ro/ /de ji ltar rigs grangs med pa rnams gang du gnas zhes pa'i don to//'dir bcom ldan 'das kyis bka' stsal pa zhes pa ni lan no/ /de bstan pa ji ltar zhes bya ba la sogs pa ni 'dir ji ltar kha cig tu byang chub sems dpa' sems dpa' chen po rnams kyi rdul gcig gi tshad kyis nang gi phug kyang bsod nams kyi mthus dog par mi 'gyur zhing yangs par mi 'gyur ro//sangs rgyas la sogs pa'i 'phags pa'i dge 'dun mtha' dag ston mo la spyan 'dren par byed do/ /de yang bzhengs shig ces bya ba la sogs pa'o/ /de bzhin du bskyed pa'i rim pas rdzogs pa'i rim pa bskyed pa gsungs pa/kha sbyor zhes bya ba la sogs pa la/ kha sbyor las byung ba zhes pa ni shes rab dang thabs kyi bdag nyid sbyor ba las byung ba dang / 'byung ba las gyur pa dag 'byung ste/ de yang ye shes kyi khams kyi rang bzhin sa la sogs pa 'byung ba rnams so/ /ye shes kyi khams de ci zhe na/ gsang ba zhes bya ba la sogs pa'i tshig gi phyir ro/ /da ltar me long lta bu la sogs pa'i ye shes lnga rnams so/ /des na de byang chub bo/ /de bzhin du rnam par snang mdzad la sogs pa'i de bzhin gshegs pa lnga yang ngo / /de yang bdag po re re yang lnga lnga nyi shu rtsa lngar 'gyur ro//gzhan ni go sla'o/ /'on kyang 'chad bzhin pas rgyas par bshad par bya'o/ /kha sbyor thig le'i rgyud kyi rgyal po'i rtog pa drug pa'i rgya cher 'grel pa yang dag pa'i lta ba'i dran pa'i snang ba zhes pa phyi dang nang gi sdom pa bstan pa'i gzhung bstan pa ste bzhi pa rdzogs so// // da ni rnal 'byor pa sprul pa'i lus can rnams kyi phyi ru rnam pas spyod pas sems can gyi don bya ba'i phyir las sna tshogs kyi sgrub thabs brjod pa'i phyir ngag gi phyag rgya zhes bya ba la sogs pa gsungs te/ ngag gi phyag rgya'i ye shes brjod pa'i phyir phyag rgya de ni brda'i skad do/ /slar yang lag pa'i phyag rgyas dpa' bo dang dpa' mo'i dbang phyug ma rnams shes par byed pa gang gi tshe de'i mtshan nyid ni mtshan ma'i phyag rgyas zhes pa'i don to//dgongs pa'i skad ni ji ltar brjod/ /ces pa ni kla klo'i tshig ces pa'i don to/ /rnal 'byor ma zhes bya ba la sogs pa la dbye ba dang rab tu dbye ba mi phyed pa'o//de bzhin du dgod dang zhes bya ba la sogs pa gnas bzhi rnams su ste sngon gyi tshul gyis lha dang mi la sogs pa rnams su ma gsungs zhes pa ni ma brjod ces pa ste zhus pa'o/ /rdo rje snying po zhes bya ba la sogs pa ni lan gyi tshig go/ /DiN+Di ma zhes pa ni mthar skyes ma'o/ / lu gu zhes pa ni kha las brjod par bya'o/ /yi ge'i phyag rgya'i ye shes zhes pa ni sngon du gsungs pa'i rnal 'byor pa mngon shes dang ldan pa bstan gyi tha mal pas ni ma yin te rnal 'byor ma 'khrug pa'i phyir ro/ /'on kyang tha mal ba'i gnas skabs kyi dus su yang goms par bya ste/ sems rnam par dag pas zhes dgongs so//de bzhin du ye shes kyi sgra ni mngon par shes pa'i mtshan nyid kyi phyir ro/ /'chad bzhin pa'i ye shes kyi sgra thams cad dang de ltar shes par bya zhes pa ni nges pa'o/ /gzhan ni go sla'o/ /slar yang rdo rje snying pos zhus pa brda zhes pa ni phyag rgya'o/ / gzhan ni go sla'o/ /de bzhin du ngag gi brda'i ye shes ni gnyis pa'o// //da ni lta stangs kyi phyag rgya'i ye shes brjod pa'i phyir mnyam dang zhes bya ba la sogs pa gsungs te/ 'dir lte ba'i gnas su sngon du srog goms par byas te ji srid du mngon shes thob par 'gyur gyi bar du'o/ / des na phyi ru sbyar bar bya'o/ /lhag ma ni go sla'o/ /'di ni ye shes gsum par brjod do/ /da ni sems can rnams gzhug pa'i phyir phyi dang nang gi bdag nyid kyi las tshogs rnams nus pa nyid kyis bstan pa'i phyir ro/ /dpal rdo rje zhes bya ba la sogs pa la/ rnal 'byor zhes pa ni shes rab dang thabs kyi bdag nyid kyi rnal 'byor ro//des na rnal 'byor ma'i sku'i dbyibs dang ldan pa bsam gtan gyi sbyor ba dang ldan pas mtshan ma thob pa dang ldan no/ /de yang 'chad bzhin pa las brjod par bya'o/ /de bzhin du mi'i thod par zhes bya ba la sogs pa la cho ga bzhin zhes pa ni gang gi thod pa yin pa de'i ro'i lus kyi sha dang bshang ba la sogs pas bran pa dang sngags bzlas pas yungs kar 'phel par 'gyur ro//de'i 'bras bu la sogs pas srung bar byed do/ /de yang dam pa zhes pa ni gong na med pa zhes pa'i don to/ /de bzhin du 'ol ma se dkar po'i bsgrub pa bstan pa'i phyir dpal rdo rje sems dpa' zhes bya ba la sogs pa gsungs te/so mchur btsir pa'i kha sbyar gyi phyag rgyas de bzhin du phyogs rgyas gdab par bya'o/ /sangs rgyas kun gyi zhes pa ni sems kyis grub pa de la de skad ces bya'o/ /skye gnyis kyi thod pa zhes pa ni bram ze'i thod pa'o//yang na bsgegs pas bsgrub ste/ de'i thod pa la sngon bzhin du srung ba la sogs pa thams cad byas na 'ol ma se bskyed par bya'o/ /des ni mi'i thod pa la bar snang nas blangs nas des gang la bsnun na de'i tshe bud med kyi dngos grub tu 'gyur ro/ /phan tshun du gzugs bsgyur ba'i phyir zhes pa ni nges pa'o//yang na bsgrub pa'i 'ol ma se de glang po che la sogs pa'i thod par bskyed de/ de'i sha la sogs pas bran par bya zhing de nyid sngags rab tu bzlas pa la sogs pas bsrung ba byas nas ji skad gsungs pa bzhin du byed do/ /lhag ma ni go sla'o/ / da ni dbab pa'i cho ga bstan pa'i phyir/ ro'i zhes bya ba la sogs pa gsungs te/ ro'i khar gu gul zhes pa ni 'chad bzhin pa'i gu gul dang lhan cig pa yan lag lnga yongs su bsgrubs te/ nyin zhag la zhes pa ni de'i tshe mtshan mo la byas nas ji skad gsungs pa bzhin du byed do//de bzhin du gser gyi 'bras bu zhes pa ni da du ra'i 'bras bu'o/ /khyim bya zhes pa ni zangs ma'i gtsug phud can no/ /de ltar ji skad gsungs pa bzhin du byed do/ /de bzhin du dug gi sgrub pa'am bza' ba'i sbyor ba bstan pa'i phyir/ rta gsod dkar po zhes bya ba la sogs pa gsungs te/tu ru ska dkar po'i cha'o/ /de bzhin du ma ri'i rtsa ba'o/ /yang na dug gi rtsa ba'o/ /arka zhes pa ni shing arka'i rtsa ba'o/ /ta ru zhes pa ni arka'i 'o ma'o/ /sa la b+ha zhes pa ni dug sna tshogs kyi 'bras bu'i khyad par rnams so/ /de rnams kyi cha dang sdig pa ni grags par zad de/de'i mjug ma'i rtse mo'o/ /de ltar thams cad phye mar byas te sngon gyi sman dug brgya ldan par bya'o/ /lag pa'i g+ho nas zhes pa ni/ de phye ma de ri lu byas te de bzhin du lag pas bzung na g+ho na sa lta bu'i srog chags kyi khyad par du 'gyur ro zhes pa ste nges pa'o/ /ri lu de btags na nyin mo byed pa zhes pa arka'i 'o ma dang lhan cig btung bar bya'o//yang na 'thung du gzhug go/ /de'i tshe zhag bdun du brgyal bar 'gyur ro/ /spre'u zhes pa ni mi ma yin par 'gyur ro/ /kha cig ni dug nag por 'gyur zhes zer ba'i don to/ /de yang 'tsho ba bstan pa'i phyir de bzhin du zhes bya ba la sogs pa gsungs te go sla'o//de bzhin du sman gyi sbyor bas dug smin par bstan pa'i phyir/ ma la ya zhes bya ba la sogs pa gsungs te/ ma la ya zhes pa ni tsan+dan no/ /'byung ba zhes pa ni nang gi tsan+dan te/ de'i 'chad bzhin pa'i mar khu'o/ /nad kyi dbang po zhes pa ni ru sh+ha'i khyad par te mngal spyod pa'o//rgya spos zhes pa ni gong bu'i rgya spos so/ /de ltar thams cad btsos nas 'gro ba zhes pa'i bya ba byed do/ /nyin zhag de zhes bya ba la sogs pa ni nyin zhag de la skyes nas shi ba'i lce btogs te shu dag dang rgya spos dang sbyar la des ri lu tsa na ka'i chad tsam byas te bza' bar bya'o//de ltar goms pa las de'i tshe ji ltar zhes bya ba la sogs pa byed do/ /de bzhin du sbal pa zhes pa ni sbal pa'i lce'u chung ba'o/ /de bzhin du sprul zhes pa ni sbrul gyi pags pa'o/ /ba ru ra zhes pa ni ba ru ra'i 'bras bu'o/ /des na ji skad gsungs pa bzhin du byed do//de bzhin du ba'i mar zhes bya ba la sogs pa la/ rdo rje can zhes pa ni shri khaN+Da'i shing ngo / /yang na bud med kyi me tog go/ /gzhan ni go sla'o/ /de bzhin du rims zhi ba la sogs pa'i cho ga bstan pa'i phyir/ mnyam par gzhag cing zhes bya ba la sogs pa'i sgras ni dbye ba la sogs pa bsdu'o//'byung ba'i nyi ma zhes pa ni mar ngo'i tshes bcu bzhi la'o/ /de'i cho gas rims nye bar zhi bar 'gyur ro/ /de bzhin du sbrul gyi pags pa brjes pa dang sbrul gyi dgra zhes pa ni ne'u le'i pags pa la 'chad bzhin pa'i sngags kyis dgra'i ming dang ldan pa bri bar bya'o//'on kyang dus kyi khyad par gyis zhes bya ba'i don to/ /sbal pa zhes pa ni sbal pa'i lce dang bya rog gi sgro dang nyin mo 'jigs zhes pa 'ug pa'i sgro ste de rnams kyi spos kyis dbang phyug ma smad kyang 'byed par byed ces pa'i don to/ /de bzhin du bskrad pa gsungs pa/rta'i zhes bya ba la sogs pa ni rta'i rmig pa la sogs pa'i 'khrul 'khor ro/ /de bzhin du sbrul gyi mgo dang khyi smyon pa'i lces ni gsungs pa'i las byed do/ /de bzhin du nang gi sbyor ba bstan pa'i phyir/ ha li ni zhes bya ba la sogs pa gsungs te/ ha li ni zhes pa'i ni u ma'i rtsa ba'o//phag pa zhes pa ni bum pa can no/ /rus pa zhes pa ni 'jug pa'o/ /mgrin rings zhes pa ni 'byung ba'o/ /de bzhin du oM dang AH'o/ /ring po zhes pa ni hUM ngo / /de la ri la gnas pa zhes pa ni a wa d+hU tI'o/ /des srid pa gsum bskrad de lus dang ngag dang sems sbyor ba'i mchog 'dis 'gog pas yul la sogs pa'i dngos po rnams bskrad par 'gyur zhes pa ste nges pa'o//de bzhin du sbyor ba gzhan bstan pa'i phyir rta'i zhes bya ba la sogs pa gsungs te/ rta'i khrag dang bdud ces pa ni ka ra ba'i ra'o/ /de ltar byas te bsam gtan gyi khyad par gyis me long la bltas na ji skad gsungs pa bzhin du 'gyur ro//de'i tshe de rnams kyi gnyer ma'i dri ma dang khrag la sogs pa dang bsres te rta la sogs pa'i lag skye kha sbyor gyis sbyor bas bsres pa'i thal ba blangs te/ sbal pa'i zhag dang bsres pas byugs pa de la yang de skad ces bya'o//de bzhin du mig sman bstan pa'i phyir/ ang ko ta zhes bya ba la sogs pa gsungs pa ste/ 'dir ang ko ta zhes pa ni yon tan med pa'i ang ko ti'i 'bras bu ste de'i sa bon gyi mar khu'am 'o ma'o/ /de yang na su ra b+hi'i 'o ma des mig la byugs pas so/ /srid pa gzhan gyi zhes bya ba ni skye ba sna tshogs pa gzhan yang mthong ba'o//lhag ma ni go sla'o/ /da ni me mnan pa brjod pa'i phyir ri bong can zhes bya ba la sogs pa gsungs te/ 'dir ri bong can gyi sgra ni rnam pa gnyis te/ gcig ni dngul chu'o/ /gnyis pa zhes pa ni ri bong gi mar khu'o/ /srin bu pad+ma dkar po'i mar khu dang de bzhin sbal pa'i zhes bya ba la sogs pa ni snga ma bzhin no//de bzhin du 'dzag pa zhes pa ni du ba can no/ /ri bong las byung ba zhes bya ba ni ri bong gi khrag go/ /de ltar ji skad gsungs pa bzhin du 'gyur ro/ /de bzhin du chu las chags pa gsungs pa/ chu sbrul zhes pa ni lto 'phye'i snying khrag dang bcas pa'o//de'i ni de bzhin du 'gyur ro/ /slar yang spong na ka zhes pa ni pa ta na ka'i sa bon rnams kyi kha dgang bar bya zhes pa'o/ /lhag ma ni go sla'o/ /btsag yug rnams zhes pa ni ldong ros dmar po'o/ /dri ngan pa zhes pa ni mu zi ser po'o//de bzhin du yi dags su bya ba gsungs pa/ gser gyi sa bon zhes bya ba la sogs pa la gser zhes pa ni da du ra'o/ /pi Di zhes pa ni dngul chu bsad pa'o/ /pA tha zhes pa ni pa tha'i phye ma'o/ /de rnams las gzugs brnyan bya'o/ /bu ram dang skyur po dag gis zhes pa ni bu ga'i nang nas phyung nas bkrus nas sngon bzhin du 'gyur ro//de bzhin du gnyis skyes zhes bya ba la sogs pa la spre'u zhes pa ni spre'u dmar po'o/ /de bzhin du bya rog gi sgro rnams so/ /sa bon can zhes pa ni sa bon gyi ri bong ngo / /dwi ka zhes pa ni sngags pa'o/ /snang zhes pa ni don gnyis te/ gcig ni rang 'byung du 'gyur ro//gnyis pa ni sbrul gdug pa'i khrag de yang blang ngo / /de bzhin du 'og nas 'byung ba zhes pa ni dri chen dang dri chu'o/ /gser zhes pa ni da du ra'i rtsa ba'o/ /de bzhin du phug ron la sogs pa rnams kyi bya khra dang spu dang skra la sogs pa rnams so/ /me zhes pa ni stag gi sbrul sogs pa rnams so//des ni ji skad gsungs pa bzhin byed do/ /de bzhin gsor zhes bya ba la sogs pa la dam tshig chen po zhes pa ni glang po che'i rdul lo/ /'bu'i phye ma zhes pa ni shing gi nang gi srog chags de'i phye ma ni dug gi khyad par ro/ /des na de la de skad ces bya'o/ /slar yang sbyor ba gzhan bstan pa'i phyir/tsha ba zhes bya ba la sogs pa gsungs te/ tsha ba'i mar khu de nyid kyis 'di ltar bya ste/ shing de'i rtse mo 'ug pa'i tshang dang shing gi rtse mo'i rtsa ba de thams cad la byugs nas lag pa de nyid kyis zhes pa bya rog gi lag pas dur khrod kyi shing gi mel tshang la sogs pa bsregs nas ji skad gsungs pa bzhin du 'gyur ro//dbye ba bstan pa'i phyir/ bya rog ces bya ba la sogs pa gsungs te/ bram ze'i ska dang mdud pa med pa'i skra dag dang des byas pa'i gzhan du ma yin no/ /de ltar rnam par shes pa'i ye shes zhes pa ni bzhi ba'o/ /'on kyang rnam par shes pa ye shes ni grub pa'i rnal 'byor pa rnams kyis nang gi las thams cad bya ste rtsa ba'i rgyu ba'i sbyor bas so//de yang bla ma'i man ngag las rtogs par bya zhes pa ste nges pa'o/ /da ni dbang du bya ba brjod pa'i phyir yang na zhes bya ba la sogs pa gsungs te/ dkar mo dga' ba dang bcas pa/ / zhes pa ni 'dir gang su yang rung ba'i bud med rnal 'byor de 'dod pas dang po bde ba'i rang bzhin gyi byang chub kyi sems kyi rang gi ngo bor snying du bsam par bya'o/ /sbrang bu phye mar byas te zhes pa ni bud med gzhan dang 'khrig par byas te de'i khu ba blangs te phye ma dang sbyar ba de la de skad ces bya'o/ /'on kyang de'i las ni brtul zhugs pa ni dbang du byed pa'o//bsam gtan dang sa bon dang sngags spyod pa dang sngon du bsnyen pa byed pa'i 'o/ /bsam zhes pa ni/ skar ma rgyal la snyoms par 'jug par bya/ /zhes pa ste nges pa'o/ /de dag gi bcud la rdzas sbyor ba gsungs te/ na ri tsi zhes bya ba la sogs pa la/na ri tsi zhes pa ni rngad kyi khyad par te de'i phye ma'o/ /na ra ta ru'i 'dab ma zhes pa ni na rang ka'i lo ma'i khu ba de dang cha mnyam pa'o/ /glang po che'i dag pa zhes pa ni glang po che'i rdul dang mi'i mar khu'o/ /de ltar thams cad ro gcig par byas nas bu mo zhes pa ji skad gsungs bzhin byed do//de bzhin du mig gi chu zhes pa ni mchi ma'o/ /bkran ta zhes pa ni tsag kra a ka'o/ /'dzag pa zhes pa ni du ba'o/ /lag rmi zhes pa ni skyu ra'i khu ba'o/ /de bzhin du shing arkar po'o/ /gnas kyi byi'u zhes pa ni khyim gyi bye'u'am mchil pa'o/ /rma skyes zhes pa ni rang gi srin lag gi khrag go//des ni gsungs pa'i las byed do/ /de bzhin du ra ma du ti zhes pa ni sngon du gsungs pa'i snyoms par 'jug pa'i khu ba dang d+hU ba'i 'o ma dang bsre'o/ /sbal pa zhes pa ni de'i khu ba'o/ /des ni ji skad gsungs pa bzhin du bya'o/ /shi ba'i yan lag ma zhes pa ni bdag po'i phyir shi ba'o//de'i skra zhes pa ni skra'i thal ba'o/ /de bzhin du reg pa zhes bya ba la sogs pa ni rnal 'byor pa'i dbang pos dran pa tsam gyis thams cad byed ces pa'i don to/ /ye shes zhes pa ni lnga pa'o/ /da ni thig ler byas pa'i ye shes brjod pa'i phyir/ bya'i zhes bya ba la sogs pa gsungs te/'khor los mtshan ma dang in+t+ra go ba dang / shi la zhes pa brag zhun dang ba lang ge gi wang dang ldong ros te/ des ni ji skad gsungs pa bzhin du 'gyur ro/ /de bzhin du dUr wa zhes bya ba la sogs pa la/ ri dgas kyi dUr wa zhes pa ni kr-iSh+Na sa rang ka'i dUr wa zhes pa'o//yang bya bdag dang a ba na ta zhes pa rtag tu me tog can no/ /bag po sar ba zhes bya ba la sogs pa ni 'dis bu mo bag mar blangs pa'i dus nas zhag bdun gyi nang du gal te khyo shi ba de'i tshe de yang me la shi ba'o/ /de dag gi me tog ces pa ni 'dir yang ji skad gsungs bzhin du 'gyur ro//de bzhin du byi snu zhes bya ba la sogs pa la shri zhes bya ba la sogs pa la/ k+Sha na zhes pa ni in+t+ra ka zhes pa'i sman to/ /swa ha zhes pa ni sa ha de ba'o/ /nan+ta kin zhes pa ni rtsang spa'o/ /yang sbrul gyi rgyal po'o/ /u kra zhes pa ni drag po'i rtsa ba'o/ /ku tha tsi na zhes pa ni rtsa sta res gcad pa'o//be'u zhes pa ni pun+ta na dza ri'o/ /lte ba zhes pa ni gla rtsi'o/ /de bzhin du shri zhes bya ba la sogs pa ni byang chub sems dang tsan+dan dmar po dang shri khan+Da dang lhan cig pa'o/ /lte ba zhes pa ni gla rtsi'o/ /ri shi su ta zhes pa ni pa la sha'i sa bon no/ /byi 'u'i khrag ces pa ni byi'u dmar po'i khrag gis bsgos te thig ler byas zhes pa ni nges pa'o//dza an+ti zhes bya ba la sogs pa la ni go sla'o/ /de ltar na thig le'i ye shes drug go/ /da ni ri lu bstan pa'i phyir yang na zhes bya ba la sogs pa la/ sangs rgyas kyi zhes pa ni de'i rang bzhin nyid do/ /dkri zhes pa ni ri lu'o/ /nyi ma zhes pa ni zangs ma'o//zla ba zhes pa ni dngul lo/ /me zhes pa ni gser ro/ /de bzhin du 'di rnams kyi tshad gsungs pa/ ra ti phyed gsum ma sha gsum/ /ra ti phyed gsum ma sha bzhi/ ra ti bdun dang ma sha bzhi/ /nyi ma zla ba sreg byed kyis/ /zhes so/ /de bzhin du yang na zhes bya ba la sogs pa la rdo rje'i 'o ma zhes pa ni rdo rje shing gi 'o mas so//gzhan ni go sla'o/ /pri yaM ku'i me tog ces pa ni lang tsho'i dang po'i me tog go/ /gnyis skyes zhes pa ni snyoms par 'jug pa las byung ba'o/ /'di ni bden pa mi snang ba'i ye shes so/ /slar yang grub pa'i mig sman gyi sbyor ba bstan pa'i phyir/de nas mig sman zhes bya ba la sogs pa gsungs te/ sha chen las skyes zhes pa ni sha chen po las 'byung ba'o/ /thod pa gang ba zhes pa ni chang gis gang ba'i thod pa'o/ /b+ha ga zhes pa ni dkyil 'khor gyi 'khor lo'i rim pa bzhin lha'i sbyor bas bsgom par bya zhes pa'o/ /grub pa'i mig sman gyi ye shes zhes pa ni brgyad pa'o//da ni bcud dang gser gyi cho ga bstan pa'i phyir de nas zhes bya ba la sogs pa gsungs te/ ri zhes pa ni ri las skyes pa'o/ /de bzhin du rgya mtsho las skyes pa dang khron pa las skyes pa'o/ /de la sogs pa ni mang po'i tshig tu brjod pa'i phyir ro/ / skyur mo zhes pa ni star bu'i 'bras bu'i khu ba'o/ /rdo tshan ta la zhes pa ni me shel gyi rdo ba'o/ /yang dang yang du mnyes pas ni brtan par 'gyur ro/ /dzA ti ka zhes pa ni drag po ral pa can gyi rtsa ba'o/ /chu dang bcas zhes pa ni sman ru ta n+ti'o/ /de bzhin du 'bras kyi chu skyur mo'o/ /bskol nas las gzhan gsungs pa/lcags kyi dreg pa zhes pa ni lcags kyi dri ma'o/ /lhag ma ni go sla'o/ /dgu pa ye shes so/ /de bzhin du bcud kyis len gyi cho ga bstan pa'i phyir/ de nas zhes bya ba la sogs pa gsungs te/ 'dir thams cad du nang gi rdzas rnams kyis bya ste/des na bcud kyis len pa'i sgrub thabs su 'gyur ro/ /de nyid kyis na/ snying po kun las btus te bshad/ /ces gsungs te/ phyi'i sman thams cad ni sa la sogs pa'i khams kyi rang bzhin bems po'o/ /des na nang gi khams ni bems po ma yin pa nyid do/ /de bzhin du dus bcings pa zhes pa ni sdig pa nas chu srin 'pho ba la thug pa'i zla gnyis dang por byas pa dang gzhan ni 'chad bzhin pa las bshad par bya'o//rnal 'byor zhes bya ba la sogs pa ni gtum mo'i rnal 'byor bsgom par bya'o/ /des na phyag rgya des ni nad thams cad rab tu 'joms pa'o/ / de'i phyir rdzas rnams bdud rtsi'i dngos por 'gyur ro/ /de yang bzhi mnyam zhes bya ba la sogs pa'o/ /de la bzhi mnyam ni dri chen no/ /gla rtsi ni mi bskyod pa'o/ /tsan+dan dmar po zhes pa ni me tog dang ldan pa'i bud med dang 'dus pa las byung ba'i khrag dang khu ba'o/ /ga pur ni lag pas bskyed pa'i byang chub sems so//sha li dza da ni mi'i mar khu'o/ /si la ka ma ni dang po'i me tog go/ /kun tu ru ni lo bcu gnyis ma'i bu mo dang snyoms par 'jug pa las byung ba'o/ /kak+ko la ni lang tsho 'ba' zhig las byung ba'i khu ba'o/ /sbu gu'i mar ni lang tsho ma rnams kyis rtag tu brlan pa'i snum mo//de bzhin du phyi'i rdzas bcu rnams kyang bsdu bar bya'o/ /dang zhes pa ni nges par zhes pa'i don to/ /de rnams zhes bya ba la sogs pa ni dpyid ka'i dus su ni bzhi mnyam dang tsan+dan dmar po'i bcud len blang ngo / /yang na phyi dang nang gnyis ka bza' bar bya'o/ /de yang tho rangs bza' bar bya ba'am blang bar bya'o//de bzhin du so ga nyin phyed na sha li dza da dang kak+ko la'o/ /de bzhin du dbyar dgongs mo ni gla rtsi dang si la'o/ /de bzhin du ston srod la ni sbu gu'i mar ro/ /dgun stod mtshan phyed la ni kun tu ru'o/ /dgun smad tho rangs na ni ga pur bza'o/ /de yang sngon bzhin du bya'o//'di rnams kyi nang du rang rang gi dus rnams la rdzas bzhi 'dus pa dang lhan cig bza' bar bya'o/ /de yang dngul chu zhes bya ba la sogs pa'o/ /'on kyang dngul chu sngon du gsungs pa'i tshogs bcings pa'o/ /mu zi zhes pa ni mu zi mar khu'o/ /brag las 'dzag ces pa ni brag zhun no//mar dang zhes pa ni 'phral du bskol ba'i mar gyis te/ slar zhes pa ni mnyes pa'o/ /las rnams kun zhes pa ni rdzas thams cad la 'di bzhi pa sbyar zhes 'brel to/ /rnam pa dgu zhes pa ni sngon du gsungs pa'i bzhi mnyam la sogs pa'i rdzas rnams te/ de dang rdzas bzhi lhan cig bza' bar bya'o//de ltar rim pa dang rim par bya ba'i don to/ /slar yang rdzas bcu bzhi po de rnams bza' ba'o/ /zla ba zhes bya ba la sogs pa ni khu ba la sogs pa zos pa'i phyir ro/ /dngul gyi las su 'gyur ro/ /khrag la sogs pa ni gser la sogs par 'gyur te nges pa'o//ji ltar zhe na/ 'dir lo gcig tu rdzas bcu bzhi po bsags par bya ste/ thams cad gcig tu byas te bza' bar bya'o/ /des na nyi ma bdun gsum gyis zhes pa ni zhag nyi shu rtsa gcig tu zos pas so/ /grub ces pa ni ji skad gsungs bzhin du byed pa'o/ /de bzhin du mar khu'i cho ga gsungs te/de nas zhes bya ba la sogs pa ni go sla'o/ /ma tri zhes pa ni ma du lung ga'i 'bras bu rnams so/ /bzhi gnyis zhes pa na brgyad do/ /ming bdag bram zhes pa ni bung ba'i rgyal po'i rtsa'o/ /mi'i sa bon zhes pa ni bung ba'i rgyal po'i sa bon no/ /de bzhin du sku byug pa'i cho ga bstan pa'i phyir/de nas zhes bya ba la sogs pa gsungs te/ sngar bshad ces pa ni gang du bstan pa'i mar khu nyid do/ /khrag 'phrog ces pa ni khrag 'phrog par byed pa'o/ /dri Da zhes pa ni grags par zad do/ /pra ro ha zhes pa ni cin da ro ha'o/ /sngon zhes pa ni skol ba la sogs pa bya'o//de'i zhes bya ba la sogs pa ni grub pa'i mar khu de la las gzhan bya ba gsungs te/ sha ma nas ga pa la'i mthar thug pa'i sman nyi shu rtsa gsum mar khu dang lhan cig pas ni thams cad ces pa la sogs pa byed do/ /de bzhin du yan lag drug gi spos gsungs te/ tsan+dan zhes bya ba la sogs pa ni go sla'o//de ltar g.yan pa zhes bya ba la sogs pa ni nad thams cad 'joms pa'i don to/ /de bzhin du nad sna tshogs pa 'joms pa'i cho ga brjod pa'i phyir/ yung ba zhes bya ba la sogs pa gsungs te/ yung ba zhes pa ni yung ba nag po'o//tso ra zhes pa ni tso ra pa tra'o/ /king su zhes pa ni king su ka'o/ /bcas zhes pa ni skye tshe dang ha sa de ba gzung ngo / /de ltar nad thams cad 'joms pa de la de skad ces bya'o/ /ba ku tsi zhes pa ni shu dag go/ /slar la yang be'u snabs la sogs pa'i nad rnams 'joms par bstan pa'i phyir yang na zhes bya ba la sogs pa gsungs te gla rtsi zhes pa ni dri chu'o//lhag ma ni go sla'o/ /'on kyang sman zhes bya ba la sogs pa rnal 'byor pas nad kyi bdag nyid kyis bya'o/ /de bzhin du stong pa zhes pa ni gnas kyi bye brag ste/ snying gi nam mkhar zhugs pa'o/ /brag ces pa ni rgal tshigs la bstan pa'i gang rtsa de rnams la rgyu ba'i sman la sogs pa'i sbyor ba bsten pa'o//sogs pa'i sgras ni dben pa'i gnas sna tshogs pa rnams rgyu ba'i mtshams rnams su shes par bya'o/ /gzhan ni zhes pa ni phyi'i sbyor ba la sogs pa la brten pa de ni don med ces sbyar te//nang gi bdag nyid dang bral ba'i phyir ro/ /de la yang gnyis kas 'grub pa'i don to/ /de bzhin du dben pa zhes bya ba la sogs pa la dben pa ni yid kyi gnas su'o/ /nags tshal lus kyi sa'o/ /dgon pa zhes pa ni ngag gi gnas so/ /brag phug ces pa ni lus kyi khams rnams so//der gnas nas bsgom par bya zhes pa ni rab tu byed pa 'di'i dang / dang po'i las tshogs kyis rdzas rnams brtsams te/ ji srid rdzas yongs su rdzogs pa'i de srid rang gi sems las nyin mtshan du 'byung bar dgongs so/ /de bzhin du bcings pa zhes bya ba la sogs pa 'dir dgongs bshad gzhan gyi bcings pa'i sgra ni spyi ru kha cig tu ma d+hu ka la sogs pa'i shing dag la gal te gtsor ma d+hu kar gyur pa de'i tshe da la ma sha ta la sogs pa gzhan gyi yal ga skye bar mthong ba de'i phyir bcings pa'i shing ngo //dus kyi sgra yang rnam pa gnyis so/ /de bzhin du lus kyi shing la yang dus sna tshogs kyi dbang gis lcug ma'o//gzhan sman ni bag chags sna tshogs pa'i dbang gis dkar po'i chos rnams 'byung ba'o zhes pa ste nges pa'o/ /des gang gis mi shes pa de ni rnal 'byor pa nyid 'dod ces pa la sogs pa de la de ltar brjod do/ /de ltar bcom ldan 'das ni ya mtshan can gyi gzugs so//de ltar yang gsungs pa/ gang tshe sman gyi lam rnams la/ /gang tshe sman du yang 'gyur ba/ /las byed pa yis yang ni der/ /su yang rung ba las ni byed/ /dngos po kun gyi rnam rtog ni/ /snying gi nam mkha' las ni spros/ /sgyu ma bden pa 'di gsal ba//nyan thos la sogs kyis mi shes/ /thar pa'i don du sems kyis ni/ /rmongs pa de rnams 'khor bar spyod/ /de rnams la ni thar pa ring / /sgyu ma'i dpe ni spangs pa nyid/ /lhag ma yang ni go sla'o/ /de ltar thams cad ces pa ni ye shes bcu rnams te/ srog la sogs pa'i rlung rgyu ba las 'byung ba ye shes dang shes bya'i mtshan nyid do//de'i phyir thams cad mkhyen pa'i ye shes 'byung ba las/ tshogs kyi sgo nas sangs rgyas thams cad mkhyen pa nyid do/ /gzhan ni ma yin zhes dgongs so/ /tshe'i rig byed ces pa ni de rnams kyi 'chi bar byed pa lo brgya phrag gcig dang gsum la sogs pa la rang rang gi dus dang bag chags kyis skad cig las gsungs so//'on kyang sangs rgyas nyid ni thog ma dang tha ma spangs pa ste kun gzhi la sogs pas sangs rgyas rgyud med pa'i phyir ro zhes pa ste nges pa'o/ /kha sbyor thig le'i rgyud kyi rgyal po rtog pa bdun pa'i rab tu byed pa dang po las/sna tshogs kyi sgrub thabs kyi rgya cher 'grel pa yang dag pa'i lta ba'i dran pa'i snang ba zhes pa'i gzhung bstan pa ste dang po'o// //da ni gsungs pa'i las rnams la zhi ba la sogs pa rnams kyi sbyin sreg la sogs pa'i cho ga bstan pa'i phyir/bcom ldan 'das zhes bya ba la sogs pa gsungs te/ bzlas pa zhes pa ni tshad ma ji lta bu la sogs pa'i sgras ni sbyin sreg gi rdzas la sogs pa bsdu'o/ /ci 'dra zhes bya ba ni rang bzhin ji lta bu zhes pa'i don to/ /kha khyer zhes pa ni thab khung gi phyi rol du mu ran gyis bskor ba'o//dam tshig chen po zhes pa ni mi'i mar khu dang mche ba can gyi sha dang lhan cig tu byas la de skad ces bya'o/ /lce'i dri ma zhes pa ni lce bzhar ba'i dri ma'o/ /grong gi phyi rol du zhes pa ni grong khyer gyi phyi rol du bya ba ste/ dam tshig nyams na mi 'grub pa'i don to/ /de dag thams cad ni gsal pa'i phyir go sla bas bdag gis ma bshad do//'dir tshigs su bcad pa gsungs pa/ zhi la sogs pa'i las ni gang / /g.yon dang g.yas kyi rgyu ba yi/ /dkyil 'khor bcu yi grangs nyid las/ /rnal 'byor pa yis rtag tu bya/ /ye shes kyis ni dkyil 'khor nyid//g.yon dang g.yas kyi dkyil 'khor nas/ /'di ni grangs ni gnyis zhes bya/ /gnyis ka yang ni bcu gnyis nyid/ /las chen bcu gnyis po 'di rnams/ /lte sogs thab khung du ni bya/ /gtum mo 'bar ba'i me la ni/ /khams ni sngon 'gro bsreg par bya/ / zhes pa ni nges pa'o/ /kha sbyor thig le'i rgyud kyi rgyal po rtog pa bdun pa'i rab tu byed pa gnyis pa'i sbyin sreg gi thab khung la sogs pa'i cho ga'i rgya cher 'grel pa yang dag pa'i lta ba'i dran pa'i snang ba zhes pa'i gzhung ste gnyis pa bstan pa'o// //da ni las 'di rnams bya ba'i phyir sngags gsungs te/de yang sngags btu ba'i mtshan nyid brjod pa'i phyir/ lha las zhes bya ba la sogs pa gsungs te/ lha mo zhes pa ni de ltar sngon du gsungs pa'i las la sngags btu ba bstan pa'i phyir bdag med ma la bos pa'o/ /a la sogs pa zhes pa ni a la sogs pa'i sde tshan brgyad do//de bzhin du dang po'i gnyis pa zhes pa ni a'o/ /stong pa zhes pa ni thig le'o/ /stong pa yis ni yang dag mnan/ /zhes pa ni thig le gnyis pa'o/ /des da mnan pa ni tsheg drag po gnyis so/ /de ltar bsdus na/ A/ zhes so/ /gsum pa ni bco lnga'o zhes pa ni I zhes pa'o//de la zla ba dang ni thig le zhes pa ni zla ba phyed pa dang / steng du thig le dgod pa'o/ /bsdus na AM zhes 'gyur ro/ /de nas byang chub sa bon zhes pa ni ha'o/ /bco lnga zhes pa ni rjes dbyangs dang lhan cig pa'o/ /bsdus na haM zhes su 'gyur ro/ /de ltar thams cad bsdus na oM AHAM haM swA hA zhes pa'i sngags su 'gyur ro//de bzhin du/ bdun pa yi ni gnyis pa la/ /zhes pa na'o/ /rdo rje mkha' 'gro ma zhes pa ni us brgyan pa'o/ /de bzhin du/ lan gnyis su ni bzlas par bya/ /zhes pa ni ru ru zhes 'gyur ba'o/ /dro ba yi ni gsum pa zhes pa ni sa'o//drug pa'i gnyis pa zhes pa ni pha gdan du byas pa'o/ /de yang / dbyangs yig lnga pa dang ni sbyar/ /zhes pa a dang sbyar ba'o/ /de ltar bsdus na su zhes 'gyur ro/ /mthar gnas pa'i zhes pa ni mthar gnas pa'i gnyis pa'o/ /dbyangs yig lnga ba stan du zhes pa ni u dang lhan cig tu zhes par 'gyur ro//gsum pa ni gsum pa la zhes pa ni dza'o/ /nyi shu rtsa dgu pa zhes pa ni wa'o/ /de'i stan dang lhan cig dz+wa zhes su 'gyur ro/ /bdun pa yi ni gsum pa zhes pa la'o/ /lnga pa'i dang po zhes pa ta'o/ /dbyangs yig gsum pa ni i ste bsdus pa ni ti zhes pa 'gyur ro//brgyad pa'i gnyis pa zhes pa ni sha'o/ /bcu gnyis pa yis stan du bya/ /zhes pa ni tha'o/ /des na Sh+Tha zhes 'gyur ro/ /sum cu rtsa gnyis pa gzung bya/ /zhes pa ni sa'o/ /gau rI zhes pa ni i'o/ /de ltar si zhes 'gyur ro/ /lnga pa yi ni gsum pa zhes pa ni da'o//de bzhi pa'i 'og tu sbyin zhes pa ni ha 'og tu sbyin pa'o/ /gnyis ka sbyor bas d+ha zhes 'gyur ro/ /mthar gnas pa'i gsum pa zhes pa ni la'o/ /g+hasma rI yis steng du brgyan/ /zhes pa ni o'o/ /de ltar lo zhes 'gyur ro/ /gsum pa yi ni dang po zhes pa ni tsa'o/ /lnga pa yi ni lnga pa zhes pa ni na'o//tsau rI mchog tu phan par byed/ /ces pa ni e dang lhan cig par bya'o/ /des na ni zhes 'gyur ro/ /de ltar bsdus na oM ru ru spu ru dz+wa la tiSh+Tha sid+d+ha lo tsa ni swA hA zhes so/ /de ltar sangs rgyas kun zhes bya ba la sogs pa ni dngos po rtogs pa rnams ni sangs rgyas kyi ming du 'gyur ro//'on kyang byang chub sems dpa' rnams zhes pa'i don to/ /de rnams kyi zhi bar 'byung ba zhes bya ba la sogs pa ni don ji lta ba nyid do/ /de bzhin du oM badzra zhes bya ba la sogs pa bskul ba'i sngags 'di ni kha sbyor ro/ /slar yang gnyis pa yi ni bzhi pa zhes pa ni g+ha'o/ / chu ma yis ni brgyan zhes pa i'o/ /gnyis ka bsdus na g+hi zhes 'gyur ro/ /gong gi sngags dang 'di spel te bzlas so/ /yang na tha dad pa'i rim pas oM g+hi swA hA zhes bzlas te snying po'o/ /de bzhin du dro ba yi dang po sa bon zhes pa ni sha'o/ /mkha' spyod ma yis steng du brgyan//zhes pa ni rjes dbyangs so/ /des na gnyis ka shaM zhes 'gyur ro/ /gnyis pa yi ni dang po zhes pa ni ka'o/ /bdun pa yi ni gnyis pa zhes pa ni ra'o/ /de bzhin du tsau rI sbyar bar bya zhes pa ni e'o/ /des na gnyis kar re zhes 'gyur/ /de bzhin du brgyad pa yi ni dang po zhes pa ni sha'o//rdo rje ma ni mchog tu phan/ /zhes pa ni A dang sbyar ba'o/ /gnyis ka shA zhes 'gyur ro/ /yi ge nyi shu pa zhes pa ni na'o/ /lnga pa yi ni stan du byas/ /zhes pa ni ta'o/ /de bzhin du gau rI yis ni brgyan zhes pa ni i'o/ /bsdus na ti zhes 'gyur ro/ / gnyis pa yi ni dang po zhes pa ni ka'o/ /nyi shu bdun pa zhes pa ni ra'o/ /de la tsau rI zhes pa ni e dang lhan cig gnyis ka re zhes 'gyur ro/ /gnyis pa yi ni bzhi zhes pa ni g+ha'o/ /rdo rje mkha' 'gro ma stan bya zhes pa ni u'o/ /de gnyis ka g+hu zhes 'gyur ro/ /gsum pa yi ni dang po zhes pa ni tsa'o//lan gnyis bzlas zhes pa ni g+hu tsa zhes pa'i sngags kyi tshig lan gnyis su bzlas zhes pa'i don to/ /de bzhin du gnyis pa yi ni bzhi pa zhes pa ni g+ha'o/ /rdo rje mkha' 'gro ma dang sbyar/ /zhes pa ni u dang lhan cig g+hu zhes 'gyur ro/ /yi ge bcu gcig ces pa ni Ta'o//dbyangs yig gsum pas phye ba zhes pa ni i'o/ /des ni Ti zhes 'gyur ro/ /lnga pa yi ni lnga pa zhes pa ni na'o/ /de la gau rI sbyar bar bya zhes pa ni i'o/ /des na gnyis ka ni zhes 'gyur ro/ /gnyis pa yi ni bzhi pa zhes pa ni g+ha'o/ /rdo rje ma yis mchog tu brgyan/ / zhes pa ni A'o/ /des na gnyis ka g+hA zhes 'gyur ro/ /de nas bcu drug pa zhes pa ni ta'o/ /nyi shu rtsa drug ces pa ni ya'o/ /lan gnyis bzlas zhes pa ni de lta g+hA ta ya zhes pa ni sngags kyi tshig len gnyis su bzlas par 'gyur/ de bzhin du gnyis pa yi ni bzhi pa zhes pa g+hA'o// // dbyangs yig lnga pas brgyan par bya/ /zhes pa ni u ste/ gnyis ka g+hu zhes 'gyur ro/ /bzhi pa'i dang po gang yin pa ni Ta'o/ /gau rI dang ni yang dag ldan/ /zhes pa ni i ste des ni Te zhes 'gyur ro/ /lnga pa'i lnga pa zhes pa ni na'o/ /de la gau rI sbyar bar bya'o/ /bsdus na ni zhes 'gyur ro//de ltar bsdus na sngags oM shi ka ri shAn+ta ka re g+hu tsa g+hu tsa g+hu Ti ni g+hA ta ya g+hA ta ya g+hu Ti ni swA hA zhes pa'o/ /rdo rje srung ba zhes bya ba la sogs pa la/ rdo rje srung ba'i sbyor bas zhes pa ni bsgoms pa'i dus su khro bo'i rdo rje spro bar bya zhing / rdo rje drag po la sogs pa yang bsgom par bya'o//de'i stobs byed pa'i sngags gsungs pa/ oM dz+wa la zhes bya ba la sogs pa ni 'di ni kha sbyor gyi sngags te/ de de bzhin du srung ba byed pa'i don to/ /de bzhin du rgyas pa'i sngags gsung pa/ gnyis pa yi ni dang po nyid/ /ces pa ni ka'o/ /bzhi pa'i dang po zhes pa ni Ta'o/ / gau rI yis ni brgyan par 'dod/ /ces pa ni es so/ /des na Te zhes 'gyur ro/ /bdun pa yi ni bzhi pa ni wa'o/ /steng du gau rIs brgyan zhes pa ni is te/ des na wi zhes 'gyur ro/ /gnyis pa'i dang po zhes pa ni ka'o/ /de nas bcu gcig pa zhes pa ni Ta'o/ /tsau rI yis ni spyi bor brgyan//zhes pa ni es so/ /des na gnyis ka Te zhes 'gyur ro/ /lnga pa yi ni lnga pa zhes pa ni na'o/ /dbyangs yig gsum pa zhes pa ni i'o/ /des na ni zhes 'gyur ro/ /gnyis pa'i dang po zhes pa ni ka'o/ /bzhi pa yi ni dang po gang yin pa zhes pa ni Ta'o/ /tsau rI yis ni khyad par byas//zhes pa ni e'o/ /des na Te zhes 'gyur ro/ /gnyis pa'i dang po zhes pa ni ka'o/ /bzhi pa'i dang po zhes pa ni Ta'o/ /mkha' spyod ma yis spyi bor brgyan/ /zhes pa ni aM gis rjes dbyangs su sbyin zhes pa'o/ /des na gnyis ka TaM zhes 'gyur ro/ /gnyis pa'i dang po zhes pa ni ka'o//bcu gcig ces pa ni Ta'o/ /tsau rIr yang dag ldan zhes pa ni e'o/ /des na Te zhes 'gyur/ de ltar bsdus na sngags ni oM ka Te bi ka Te ni ka Te/ ka TaM swA hA zhes pa'o/ /de ltar rtag tu stobs zhes bya ba la sogs pa ni go sla'o/ /de'i kha sbyor gyi sngags ni oM badzra zhes bya ba la sogs pa'o//de bzhin du khams gsum pa'i dbang du byed pa'i sngags gsungs pa/ de nas bcu drug pa'i bzung ba bya zhes pa ni ta'o/ /rdo rje ma yis mchog tu mdzes/ /zhes pa ni a sbyin pa'i phyir gnyis ka ta zhes 'gyur ro/ /mthar gnas pa'i gnyis pa de nyid ces pa ni ra'o//tsau rI sbyar bar bya zhes pa ni e dang lhan cig re zhes 'gyur ro/ /de nas lnga pa zhes pa ni ta'o/ /mkha' 'gro ma yis rgyas par 'dod/ /ces pa ni u sbyar bas tu zhes 'gyur ro/ /des na bcu pa bzung nas zhes pa ni ta'o/ /lnga pa'i dang po stan du bya zhes pa ni de la ta sbyin pa'o//des na gnyis ka t+ta zhes 'gyur/ /rdo rje ma ni de la sbyar/ /zhes pa ni ta brtsegs ma de la a sbyar ba'o/ /des na t+tA zhes 'gyur ro/ /yi ge nyi shu rtsa bdun gzung zhes pa ni ra'o/ /tsau rI dang ni ldan par bya/ /zhes pa ni e dang lhan cig re zhes 'gyur ro/ / lnga pa'i dang po gang yin pa zhes pa ni ta'o/ /rdo rje mkha' 'gro 'og tu sbyar/ /zhes pa ni u 'og gi char sbyar bas tu zhes 'gyur ro/ /bdun pa yi ni gnyis pa zhes pa ni ra'o/ /tsau rIs sbyar ba gang yin zhes pa ni e dang sbyar ba ste re zhes 'gyur ro/ /de ltar sgrol ma'i sngags bsdus pa//oM tAr tut+tA re tu re swA hA/ zhes pa'o/ /de ltar sangs rgyas zhes bya ba la sogs pa ni ji skad gsungs pa bzhin du byed pa zhes pa ste nges pa'o/ /de yang kha sbyor gyi sngags ni oM ka ra ka ra zhes bya ba la sogs pa'o/ /'dir gang yang sngags bsdus pa'i sngags de rnams rtsa 'char ba'i dus kyi dbang gis rtogs par bya ste/de rnams yi ge re re'i kha sbyor gyi sngags brjod par bya'o/ /de yang sems can rnams kyi rang rang gi yi ge'i las rnams la'o/ /de bzhin du dang po rnam par snang mdzad sbyin zhes pa ni oM mo/ /dro ba'i bzhi pa zhes pa ni ha'o/ /puk+ka sI yis zhes pa ni u zhes pas mdzes pa'o//stong pa zhes pa ni rjes dbyangs te mnan pa'o/ /des na gnyis ka hUM zhes 'gyur ro/ /de ltar bsdus pa ni oM hUM swA hA/ sngags 'di zhes bya ba la sogs pa ni sgra ji bzhin no/ /de bzhin du yi ge'i bdag po zhes pa ni oM mo/ /mkha' spyod ma zhes pa ni oM mo/ /bsdus pa'i sngags ni oM aM swA hA/de bzhin du rigs byed rnams kyi dbang po zhes pa ni oM mo/ /gnyis pa'i gnyis pa zhes pa ni kha'o/ /stong pas mnan cing zhes pa ni rjes dbyangs dang lhan cig khaM zhes 'gyur te nges pa'o/ /de ltar bsdus na oM khaM swA hA/ de bzhin du rnam par snang mdzad ces pa ni oM mo//gsum pa yi ni gsum pa zhes pa ni dza'o/ /de yang ra dang ldan pa'o/ /bA ris brgyan zhes pa ni i'i dbyangs dang lhan cig pa'o/ /stong dang zhes ni rjes dbyangs sbyin pa'o/ /bsdus ni dzaM zhes 'gyur ro/ /de ltar bsdus na oM dzrAM swA hA/ /de zhes pa'i sngags so//de bzhin du/ dang po'i yi ge dbang phyug sbyin/ /zhes pa ni oM mo/ /bdun pa yi ni bzhi pa zhes wa'o/ /stong dang zhes pa ni rjes dbyangs sbyin pa'o/ /rdo rje mkha' 'gro ma zhes pa ni u dang ldan pa'o/ /bsdus ni wuM zhes 'gyur ro/ /de ltar bsdus pa'i sngags ni oM wuM swA hA/de bzhin du yi ge dbang phyug ces pa ni oM mo/ /de bzhin du hUM kha dog dmar po bsam mo/ /bsdus na oM hUM swA hA/ zhes pa'i sngags su 'gyur ro/ /de bzhin du dang po'i gti mug rigs sbyin zhes pa ni oM mo/ /de bzhin du g+hu yang sbyar ro/ /de ltar bsdus na oM g+hu swA hA/zhes pa'i sngags so/ /de bzhin du sde tshan brgyad rnams ni zhes bya ba la sogs pa la/ sde tshan rnams gnyis dbus su zhes pa ni 'chad bzhin pa'i phyag 'tshal ba dang swA hA zhes pa'i dbus su'o/ /da yang brgyad kyis zhes pa ni a ka tsa Ta ta pa ya sha'i sde tshan gyis so//de bzhin du brgyad gnyis kyi dbus su zhes pa ni a thung ngu nas tsheg drag can gyi mthar thug pa'i yi ge bcu drug rnams te/ de rnams gnyis 'gyur du byas pa'i phyir sum cu rtsa gnyis te de rnams kyi dbus su ka la sogs pa'i mthar thug pa rnams de'i bar du sbyin pa'i don to/ /de rnams kyi dang por gti mug rigs zhes pa ni dang por oM sbyin pa'o//cha med ces pa ni hUM zhes pa'o/ /swA hA mthar sbyar zhes pa ni kha cig gi'o/ /de bzhin du nges par gsungs pa/ sde tshan brgyad rnams zhes bya ba la sogs pa la sde tshan brgyad po'i yi ge gang dag yin pa de dag thams cad gnyis dbus su zhes pa ni dang por sbyin pas o dang por dang swA hA tha ma'i dbus su brgyad brgyad kyis ni zhes sde tshan brgyad rnams kyis brtsegs pa'i yi ger bya'o//de la a ka tsa Ta ta pa ya sha/ i kha tsha Tha tha pha ra Sha u ga dza Da da ba las/ ra g+ha dz+ha D+ha d+ha b+ha wa ha/ l-i nga nya Na na ma u0f89u0fa4 u0f88u0f90/ e ga dza Da da ba u0f89u0fb6 u0f89u0f9f/ o ga dza Da da ba u0f89u0fb7 u0f89u0f90u0fb5/ aM ga dza Da da ba u0f89u0fb4 u0f88u0f90'o/ /de ltar yi ge re re brtsegs pa brgyad brgyad du 'gyur te/ yi ge drug cu rtsa bzhi'i phyir ro/ /yang na sde tshan brgyad rnams zhes bya ba la sogs pa ni sngar gsungs pa'i sngags brgyad do/ /gnyis zhes pa ni thams cad bcu drug go//de rnams dbus su zhes pa ni kho sbyor gyi sbyor bas so/ /brgyad brgyad ces pa ni a ka tsa Ta ta pa ya sha rnams kyi sngags re re brgyan pa ste/ oM la sogs pa swA hA'i mthar thug pa'o/ /de yang gsungs pa/ oM a swA hA/ oM ka swA hA zhes bya ba la sogs pa sbyar bar bya'o//las kyi sa bon gzung zhes pa ni ya'o/ /rnam par snang mdzad ces pa ni oM mo/ /de nas oM ya swA hA'o/ /sgo skyong rnams ni zhes pa ni rta gdong la sogs pa'o/ /de bzhin du ma ning sa bon zhes pa r-i rI l-i l-I'o/ /de ltar bsdus na oM ya r-i swA hA/ oM r-i rA swA hA/oM la l-I swA hA/ oM wA l-i swA hA/ zhes pa ste sngags so/ /'di rnams kyi las ni 'chad bzhin pa las bshad par bya'o/ /de bzhin du dbyangs yig lhag ma nyid ces pa ni dbyangs yig bcu gnyis rnams te/ a A i I u e ai o au aM aH'o/ /rig byed ces bya ba la sogs pa ni oM la sogs pa swA hA'i mthar thug par sbyar ba'o//de bzhin du oM a swA hA zhes bya ba la sogs pa ni me tog ma la sogs pa ni rnal 'byor ma brgyad kyi sngags so/ /sngags btu ba'i cho ga'o/ /da ni rtsa sum cu rtsa gnyis kyi dbye bas dbang du byed pa la sogs pa sngags kyi 'khor lo sum cu rtsa gnyis 'byung ba bstan pa'i phyir/de nas zhes bya ba la sogs pa gsungs te/ sgrol ma byung zhes pa ni dang po nyid du lha mo sgrol ma'i sngags kyi 'khor lo de'i 'byung ba'o/ /de yang a wa d+hU tI'i rtsa'o/ /ci'i phyir zhe na 'dir gang gi phyir a ta ra dbyug pa'i dbus na 'byung ba'i phyir ro//de nyid las thams cad rnam 'phrul ba zhes pa ni las sum cu rtsa gnyis rnam par byed pa ste/ rtsa sum cu rtsa gnyis la khyab par byed pa'i phyir zhes pa ste nges pa'o/ /ut+pa la ni kha bzhi pa/ /zhes pa ni 'khor lo 'di dang po kun nas gru bzhi bri ste/ de'i dbus su 'khor lo rtsibs brgyad zlum po'i rnam par bris nas/de'i phyi rol du slar yang zlum por bskor te de'i gru bzhi'i nang gi mtshams kyi cha bzhi ru ut+pal 'dab ma gsum gsum pa bri bar bya'o/ /de rnams la tAM gsum gyis ni mtshan ma ste zhes pa ni 'dab ma re re tAM re bri bar bya'o/ /der na 'dab ma bcu gnyis la tAM bcu gnyis su 'gyur ro//de'i dbus su zhes pa ni rtsibs brgyad kyi phyi ru bri'o/ /sngags ni go sla'o/ /de'i dbus su zhes pa ni rtsibs brgyad kyi 'dab ma brgyad rnams la'o/ /yi ges brgyan zhes pa ni oM tA re tut+tA re tu re'o/ /de ltar 'dab ma brgyad rnams la'o/ / de'i lte bar zhes pa ni 'khor lo'i dbus su'o/ /lnga pa'i dbang po zhes pa ni ta'o/ /zla phyed thig le zhes pa ni taM zhes 'gyur ro/ /de nas phreng ba'i rnam pas bskor zhes pa ni sngon du gsungs pa'i sngags kyis bskor ba'o/ /de bzhin du dbus su ta dang sngags 'di spel te/ swA hA'i mtha' dang hrIHzhes pa ni hI tAM swA hA zhes spel te 'dri'o//'khor lo gnyis zhes pa ni g.yon skor dang g.yas skor du sngags bris te kha sbyor byas pa'o/ /cho ga bzhin zhes pa ni 'chad bzhin pa'i ba lang gi gi wang la sogs pas bris zhes pa ste nges pa'o/ /des kyang 'di skad gsungs bzhin du byed do//'di ni a wa d+hU tI'i 'khor lo ste dang po'o/ /de bzhin du gzhan pad+ma'i rnam pa'i 'khor lo gsungs te/ slar la yang zhes bya ba la sogs pa ni sngon du gsungs pa'i gru bzhi pa ut+pal gdong bzhi pa'i dbus su rtsibs bcu pa'i pad+ma bri bar bya'o/ /yig bcu zhes pa ni oM tA re zhes bya ba la sogs pa bcu 'dab ma bcu la bri bar bya'o//lte bar bsgrub bya ming dang spel/ /zhes pa ni oM tA re tut+tA re tu re che ge mo ba sha mA na ya swA hA'o/ /'di ni la la nA'i 'khor lo ste gnyis pa'o/ /de bzhin du ra sa nA'i gsungs pa/ yi ge drug ces bya ba la sogs pa la sngon du gsungs pa'i gru bzhi'i dbus su 'khor lo zur drug pa bri bar bya'o//ra khrag ces pa ni srin lag gi khrag gis so/ /lhag ma ni go sla'o/ /'di ni ra sa nA'i 'khor lo ste gsum pa'o/ /de bzhin du pha rol gyi rnal 'byor ma rnams kyis rang gi sde bshig pa'i phyir ril ba spyi blugs kyi mgrin pa rdo rgyus kyis bsgrubs pa de gzhig cing rdo rgyus bcings pa gsungs te/chu'i zhes bya ba la sogs pa gsungs pa/ kham phor dkar po kha sbyar gyi dbus su yung ba la sogs pa'i rengs pa'i rdzas rnams kyis bris te cho ga bzhin du zhes gsungs pa'i phyir ro//kha bzhi pa zhes pa ni sna tshogs rdo rje'i rnam pa la'o/ /bsgrub bya'i ming zhes pa ni sngags kyang oM tA re zhes bya ba la sogs pa'o/ /lhag ma ni sngon bzhin no/ /mi phyed ma'i 'khor lo ste bzhi pa'o/ /gzhan yang rengs pa gsungs pa/ kun nas zhes bya ba la sogs pa la/ yi ge dgod par bya zhes pa ni tA re tut+tA re swA hA zhes 'dab brgyad la dgod pa'o//ga dang zhes pa ni dang por ga tha mar yang ga'o/ /bsdus pa na reg ces bya ba la sogs pa'o/ /pad+ma'i lte bar zhes pa ni ga brgyad zlum po'i rnam par bri ba'o/ /de'i dbus su zhes pa ni oM ta b+ha che ge mo stam+b+ha ya g+ha zhes bri'o//rdo leb ces pa ni rdo leb gnyis la bri bar bya'o/ /de bzhin du 'di ni zhes pa ni kha 'og tu bstan te dgra'i gnas su sbyar bar bya'o/ /phra gzugs ma'i 'khor lo ste lnga pa'o/ /de bzhin du gsad pa'i las gsungs pa/ 'khor lo de nyid ces bya ba la sogs pa ni sgrol ma'i sngags gang spangs te/de'i gnas su hUM zhes bya ba la sogs pa bri ba'i don to/ /lhag ma ni go sla'o/ /bzang mo'i 'khor lo 'byung ba ste drug pa'o/ /de bzhin du rgyas par byed pa gsungs pa/ 'khor lo de nyid ces bya ba la sogs pa ni go sla'o/ /mchod pa lnga zhes pa ni me tog dang spos dang mar me dang dri dang lha bshos rnams kyis mchod pa'o//g.yon pa mi'i 'khor lo ste bdun pa'o/ /de bzhin du bsrung ba'i don du gsungs pa/ yi ge de nyid ces bya ba la sogs pa ni g.yon thung ma'i 'khor lo'o/ /lhag ma ni sngon bzhin te brgyad pa'o/ /de bzhin du zhi bar byed pa rus sbal skyes ma'i las/yi ge bcu po de nyid ces bya ba la sogs pa ni go sla'o/ /dgu pa'o/ /de bzhin du yang gzhan dbang du byed pa gsungs pa/ a zhes bya ba la sogs pa la/ e'i dbus su zhes pa ni sngon bzhin 'khor lo'i dbus su gru gsum gyi rnam pa bris te de'i dbus su sngags 'di bris pa'o//aHoM tA re tu t+tA re tu re che ge mo ba sha mA na ya hUM swA hA aH'o/ /de nyid kyis zhes pa ni sngags kyis phyogs mtshams brgyad du hUM brgyad bri bar bya'o/ /ri mo gsum gyis zhes pa ni sngags kyis bskor ba'o/ /de yang dang po a'i phreng gis so/ /gnyis pa hUM gis so/ / gsum pa rtsa ba'i sngags kyis bskor ba'o/ /lhag ma ni sngon gyi cho ga bzhin no/ /dngos po ma'i 'khor lo ste bcu pa'o/ /de bzhin du yang brjod de gang gi tshe dgra bo khro bar gyur pa de'i tshe pad+ma zhes bya ba la sogs pa yi ge bcu dang lhan cig hrIHbzhi 'dab ma bzhi la bri bar bya'o/ /sngags de nyid dbus su hrIHzhes pa la sogs pa dang /tA re zhes pa la sogs pa che ge mo dang lhan cig bri ba'o/ /de bzhin du phyi rol du phyis pa ni hUM zhes pa ni bskor bar bya'o/ /the tshom med pa zhes pa ni dgra 'gal bar mi sems zhes pa'o/ /dbang ma'i cho ga ste bcu gcig pa'o/ /de bzhin du sbyor ba gzhan yang sngon du gsung pa'i ut+palas mtshan pa'i 'khor lo'i cho ga gsungs pa/gur kum zhes pa la sogs pa ni go sla'o/ /nyes ma'i 'khor lo 'bar ba ste bcu gnyis pa'o/ /de bzhin du zhugs ma'i skal ba bzang po'i 'khor lo gsungs pa/ pad+ma 'dab brgyad ces bya ba sogs pa ni hIHshrI zhes pa dang spel ba'i yi ge bcu bri bar bya'o//dbus su yang de bzhin du che ge mo dang lhan cig bri ba ni nges pa'o/ /zhugs ma'i 'khor lo ste bcu gsum pa'o/ /de bzhin du bsrung ba gsungs pa/ pad+ma zhes bya ba la sogs pa la/ gti mug gi rigs zhes pa ni oM mo//de yang dbus su gtso bo'i gzugs su bri bar bya'o/ /de la yang sgrol ma'i sngags che ge mo dang lhan cig zlum po'i rnam pa bri bar bya'o/ /phyi rol du zhes bya ba la sogs pa go sla'o/ /ma mo'i 'khor lo'i cho ga ste bcu bzhi pa'o/ /da ni rta mgrin gyi sbyor bas 'khor lo 'byed pa gsum pa/'khor lo de nyid ces bya ba la sogs pa thams cad ni go sla'o/ /'on kyang tA re zhes bya ba la sogs pa'i sngags kyang lhan cig bri bar bya zhes pa'o/ /mun pa me'i 'khor lo 'byung ba ste bco lnga pa'o/ /de bzhin du gzhan rengs pa'i sbyor ba gsungs pa/ me'i zhes bya ba la sogs pa la me'i dkyil 'khor zhes pa ni gru gsum gnyis kyi zung drug tu byas ste/de bzhin du de'i zung gi cho gas zhes pa ni hUM zhes pa la sogs pa ste/ yi ge bzhi po rnams zung so so'i dbus su dbri bar bya'o/ /de rnams kyi steng du yi ge'i mgo la mgo sbyar ba'i hUM gsum dang phaT ces pa bri bar bya'o//slar yang zhes pa ni zur gyi dbus kyi yi ge rnams 'og gi char hUM zhes pa la sogs pa mgo 'og tu bltas shing mgo phyir bltas pa bri bar 'gyur ro/ /dbus su yang zhes pa ni yi ge bcu dang hUM spel ba rnams bri bar bya zhes pa'o/ /smyon pa'i ras zhes pa ni a wa d+hU tI'i ras so//lhag ma ni gsungs pa'i cho ga bzhin bya zhes pa'i don to/ /de yang grangs sbyin gyi las kyi cho ga'i dus su bya ba ste bcu drug pa'o/ /de bzhin du gzhan rengs pa gsungs pa/ dbang chen gyi zhes bya ba la sogs pa ni 'dir kham phor kha sbyor gyi dbus su dbang chen gyi dkyil 'khor zhes pa sa'i dkyil 'khor gru bzhi ser po bris nas 'khor lo yang sngon du gsungs pa'i ras la bris te de la dbang chen bri nas phyogs dang mtshams rnams su oM brgyad bri ba'o//lte bar sgrol ma'i sngags bsgrub bya'i ming dang spel mar bri'o/ /rdo rje 'dzin pas mnan la zhes pa ni de bsgom pa'o//bskul tshig dang bcas pa'i sngags zhes pa ni oM badzra bai ro tsa nI ye swA hA zhes pa dang spel ba'o/ /de bzhin du sku gsum las byung ba zhes pa ni sprul pa'i sku la sogs pa las skyes pa'i byang chub sems dpa' rnams dang bcings bar 'gyur na gzhan rnams lta ci smos/ dro ba'i 'khor lo 'byung ba'i cho ga ste bcu bdun pa'o/ /da ni gzhan gyi dpung rengs pa gsungs pa/ dbang chen zhes bya ba la sogs pa ni go sla'o/ /dbus su stam+b+ha na zhes bya ba la sogs pa'i sngags dang bsgrub bya'i ming spel ba bri bar bya'o/ /tshad ma'i 'khor lo 'byung ba ste bco brgyad pa'o//de bzhin du 'od zer can gyi rdo rje'i sbyor ba las bsrung ba'i 'khor lo gsungs pa/ 'khor lo zlum po zhes bya ba la sogs pa ni 'khor lo zlum po bris nas de'i dbus su rtse lnga'i sna tshogs rdo rje mtshams bzhir gnas pa bri'o/ /de bzhin du sna tshogs rdo rje'i ra so so'i dbus su hAM bzhi bri'o//de'i lte bar zhes bya ba la sogs pa ni go sla'o/ /dga' gdong ma'i 'khor lo ste bcu dgu pa'o/ /de bzhin du gsungs pa brjod de/ /skyes bu zhes bya ba la sogs pa ni skyes bu khro ba dang bcas pa de la sogs pa mngon du byas pa'am/ bsgom pa de'i tshe 'di lta bu'i 'khrul 'khor 'chad bzhin pa'i rdzas rnams kyis bri bar bya ste/gro ga'am ras la tha mal pa'i skyes bu 'di bya'o/ /de yang gcer bu zhes bya ba la sogs pa'o/ /ko sko zhes bya ba ni sma ra ste sma ra g.yas pa nas brtsams te der 'di bri ste ye shes zhes bya ba la sogs pa pra taM gi ra'i mthar thug pa rnams so/ /chu zhes pa ni chu'i dkyil 'khor gyi steng du'o//gzhan ni go sla'o/ /thun mong ba'i 'khor lo 'byung ba ste nyi shu pa'o/ /da ni sprin rnams rengs pa dang char pa dbab pa yang de bzhin du gsungs pa/ rdo rje rtse gsum zhes bya ba la rtse mo brgyad pa'i ri rab bri'o/ /a ga Ta ka ta zhes pa dbang ldan gyi mtshams nas me dang bden bral nas de bzhin du rlung gi mtshams kyi dbus su ri rab kyi ri'i rtse mo'i nang du bri ba'i don to//tri ka na tha ka zhes ni kaN+Ta ka ri'o/ /de bzhin du kaN+Ta ka'i 'dab tsher can yang rung ngo / /gzhan thams cad ni go sla'o/ /de bzhin du 'chad bzhin pa slar bshad pa las brjod par bya'o//rgyu ster ma'i 'khor lo'i sbyor ba ste nyi shu gcig pa'o/ /de bzhin du dgra rengs pa gsungs pa/ 'khor lo'i rtsibs brgyad la sogs pa la/ bsgrub bya'i ming zhes pa ni hUM gaHga hUM hUM gaHgaHhUM che ge mo stam+b+ha ya hUM gaHgaHhUM zhes pa ni cho ga 'dis bri bar bya'o//man ngag ji ltar bzhin zhes pa ni sngags 'don pas sngon du 'gro bas so/ /sbyor bral ma'i cho ga'i dus las 'khor lo 'byung ba ste nyi shu gnyis pa'o/ /de bzhin du sbyor ba gzhan gsungs pa/ maM zhes bya ba la sogs pa ni 'dir 'khor lo rtsibs brgyad pa'i dbus su maM mo//de bskor ba ni oM ba ta li zhes bya ba la sogs pa'o/ /lhag ma ni go sla'o/ /gdung ma'i 'khor lo 'byung ba ste nyi shu gsum pa'o/ /yang gzhan dbang du byed pa gsungs pa/ yang na zhes bya ba la sogs pa la/ mngag gzhug pa zhes pa ni sngags kyi khyad par gyis bsgrubs pas bsgrub bya mngag gzhug par 'gyur zhes pa'i don to//grub ma'i dus las sbyor ba 'byung nges pa ste nyi shu bzhi pa'o/ /da ni bu skye ba'i don du srung ba'i 'khor lo brjod de/ zla ba zhes bya ba la sogs pa ni go sla'o/ /'on kyang ji ltar so so 'brang ma'i 'khor lo bzhin mtshon cha bri ba de bzhin du 'dir yang bri ba'o//smin byed ma rtsa ba'i 'khor lo ste nyi shu lnga pa'o/ /de bzhin du bskrad pa gsungs pa/ 'khor lo bum pa zhes bya ba la sogs pa 'khor lo 'di rgyal mtshan gyi ras zhes pa mtshon gyis bsad pa'am bgegs pa'i ras la bri'o//lhag ma ni go sla'o/ /'dis ni myur du skrod par byed de gzhan du ni ma yin no/ /yid bzangs ma'i 'khor lo ste nyi shu drug pa'o/ /de bzhin du 'dir rnal 'byor pa rnams kyi srung ba'i 'khor lo gsungs pa nyi ma zhes bya ba la sogs pa la/ 'dir bsgrub bya dang spel zhes pa ni sngon du gsungs pa'i sngags la hUM thog ma dang tha mar spel zhes pa'i don to//lhag ma ni sngon bzhin no/ /sum bsgril gyis 'khor lor rtogs par bya ba'i nyi shu bdun pa'o/ /de bzhin du gzhan dbang du byed pa gsungs pa/ pad+ma zhes bya ba la sogs pa ni 'khor lo'i dbus su 'dod pa'i lha'i sngags dang a mo g+ha s+ya ba shi ku ru zhes spel bar bya'o//de bzhin du ri mo gsum gyis bskor ba zhes pa ni sum skor re re'i dbus su rim pa bzhin du oM gyi phreng dang / de bzhin du hUM gi phreng dang kliM phreng gis bskor bar bri bar bya'o/ /'dod pa'i 'khor lo 'byung ba ste nyi shu brgyad pa'o/ / da ni gnod mdzes rgyal po'i sngags kyis gnon pa'i las gsungs pa/ rdza rnga zhes bya ba la sogs pa la/ sku gsung thugs zhes pa ni oM AHhUM zhes pa'i ri mo gsum gyi nang du phreng ba gsum bri bar bya'o/ /glu ma'i 'khor lo'i las te nyi shu rtsa dgu pa'o/ /de bzhin du dpa' bo'i go chas dus ma yin par 'chi ba slu ba la sogs pa dang bsrung ba'i 'khor lo gsungs pa/yang sde zhes bya ba la sogs pa la/ brgyad pa'i sa bon zhes pa ni ha'o/ /de yang ma mo bcu gnyis kyi gnas su dbyangs yig bcu gnyis bris pa ste/ de la ha hA hi tI hu hU he hai ho hau haM haH'o/ /de bzhin du/ yi ge bar ma [(]dar [,]dor [)]byas te/ /zhes pa ni yi ge ring po drug phyi ma ste/ hA hI hU hai hau haHzhes pa ni dor bar bya ste/ lhag ma dpa' bo drug ces pa ni rim pa bzhin du dbyangs yig thung ngu dang ldan pa'i yi ge drug go/ /de la ha las snying gar rdo rje sems dpa'o/ /hi las spyi bor rnam par snang mdzad do//hu las spyi gtsug tu pad+ma gar gyi dbang phyug go/ /he las dpung pa gnyis su mi bskyod pa'o/ /ho las mig gnyis su rdo rje nyi ma'o/ /ha las lus thams cad la rta mchog go/ /de bzhin du gru bzhi zhes pa ni gro ga la sogs pa rnams la dri zhim pa sna tshogs pa'i rdzas kyis bri bar bya'o//de bzhin du nyis 'gyur zhes pa ni dpa' bo drug dang shes rab ma snyoms par zhugs pa rnams bri'o/ /shes rab kyang gshin rje ma la sogs pa rnams so/ /mkha' 'gro ma zhes pa ni rdo rje phag mo'o/ /lhag ma ni go sla'o/ /gtum byed ma'i 'khor lo ste sum cu pa'o//de nyid kyis rengs pa dang zhi ba gsungs pa/ yang na zhes bya ba la sogs pa ni sngon du gsungs pa'i 'khor lo'o/ /'on kyang zangs ma'i 'dab ma la bri ba'o/ /de nyid kyi sngags zhes pa ni go cha drug la sogs pa'i sngags so/ /brlan pa zhes pa ni rgyun mi 'chad pas rlon par byas na ji skad gsungs pa bzhin byed ces pa'i don to//bdud mo'i 'khor lo ste sum cu gcig pa'o/ /da ni sgrol ma'i 'khor lo gzhan gyis bya ba mang po byed pa gsungs pa/ de nas zhes bya ba la sogs pa la/ pad+ma 'dab ma bcu pa zhes pa ni 'dab ma de rnams la yi ge bcu pa'i sngags 'di bris te/oM tA re zhes bya ba la sogs pa'i yi ge re re bri bar bya'o/ /bzhi pa'i dang po zhes pa ni Ta zhes pa de la de bzhin du gsungs so/ /yi ge drug ces pa ni ba sh+yaM ku ru swA hA/ zhes pa'o/ /yang na ku ru kul+le swA hA/ lhag ma thams cad ni go sla'o/ dral ma las byung ba'i 'khor lo ste sum cu rtsa gnyis pa'o/ /'khor lo 'di rnams kyi las rgyas pa dang bsgom pa yang 'chad bzhin pa slar bshad pa las khong du chud par bya'o/ /gzhan yang gang ma gsungs pa'i 'khor lo dang / las dang sngags de thams cad 'di las 'byung zhes pa ste nges pa'o//de ltar yang bsdus pa'i tshigs su bcad pa rnams gsungs pa/ 'di lta ste/ a wa d+hU tI'i nang du ni/ /sgrol ma yi ni 'khor lo bsgrub/ /srog gi dkyil 'khor snang ba nyid/ /dbang ni ye shes rang bzhin no/ /dga' byed 'khor lo bzung ba nyid//g.yon gyi bems po'i nang du thim/ /dbang du bya ba'i 'khor lo byed/ /rang rang snang ba'i mchog ni 'dzin/ /ro bcud kyis ni dbang du byed/ /dbang po rnams ni gzung ba'i phyir/ /'og dang steng gi las kyis ni/ /rang gi snang ba dbang du byas/ /nyin dang mtshan ni bcing ba dang //lo yaM zhag rnams de bzhin du/ /zla dang zla phyed mi phyed pa/ /dus drug tu ni gsum rnams kyang / /phra gzugs ma ni 'dir shes bya/ /rdzus te skyes pa rnam pa lnga/ /gnas rnams su ni song ba'i sems/ /rang gi nga rgyal gyis ni bcings/ /bzang mo la sogs nyi shu bdun//bcu drug de bzhin bcu gcig nyid/ /sna tshogs las kyi nges shes bya/ /srid par spyod par byed pa gzung / /rang gi 'du shes nyid kyis 'byung / /'du shes kyis ni thim par byed/ /des na khams gsum pa yi las/ /bdag gis bdag la 'grub par 'gyur//zhes pa ni bcom ldan 'das kyi nges pa'o/ /kha sbyor thig le'i rgyud kyi rgyal po'i rtog pa bdun pa'i rab tu byed pa gsum pa sngags btu ba la sogs pa las thams cad kyi las tshogs kyi 'khor lo 'byung ba'i rgya cher 'grel ba yang dag pa'i lta ba'i dran pa'i snang ba zhes pa'i gzhung bstan pa ste gsum pa'o// //da ni mdor bstan pa la sogs pa gsum gyi mthar bzlas pa dang sbyin sreg la sogs pa'i slar bshad pa brjod pa'i phyir/ rab gnas zhes bya ba la sogs pa gsungs te/ tshul bzhin du zhes pa ni ji ltar spyod pa'i rigs pa bstan pa bshad pa'i phyir/de bzhin du yang rab gnas zhes bya ba la sogs pa la/ gnas skabs 'dir rab gnas zhes pa ni 'chad pa'i sgrub thabs kyi tshul gyis rang rang gi mtshan nyid byung ba'i lha mo rnams 'jog pa'i phyir zhes pa ste nges pa'o/ /de nas mtshan nyid bstan du gsol zhes pa'i tshul gyis so//dge ba zhes pa ni gang gis rab gnas byas pas bsod nams kyi tshogs dang ye shes kyi tshogs yongs su rdzogs par 'gyur ro/ /bzlas dang zhes bya ba la sogs pa la mi 'tshal te zhes pa ni sems can gyi don mi 'tshal ba des na'o/ / snying rje chen po'i bdag ces pa ni chos kyi dbyings kyi nang du lhan cig pa'i skyes pa'i sku'i bdag nyid do/ /de bzhin du bstan du gsol zhes pa ste/ 'di lta bu'i mchog tu dga' ba rnyed par dka' ba bshad du gsol zhes sbyar ro/ /de la sogs pa ni bdag med ma la sogs pa'i rnal 'byor ma rnams kyis zhus pa'o//der bcom ldan 'das kyis bka' stsal pa zhes pa ni lan gyi don to/ /bsam gtan zhes bya ba la sogs pa'o/ /'dir phyi'i dkyil 'khor dang sbyin sreg dang las tshogs la sogs pa dang bsrung ba de thams cad bsam gtan dang sngags kyi rab tu sbyar bas zhes bya ba'i don to//de bzhin du dkyil 'khor gyi sa la sogs pa'i gnas sbyar bar bya'o/ /de la dang por zhes bya ba la sogs pa la/ bsgyings zhes pa ni rdo rje sems dpa'i nga rgyal du bdag nyid bya zhes pa ste bdag nyid bsgrub pa'o/ /slar yang chos thams cad rang bzhin med pa'i mtshan nyid du rnam par bsam te/khengs bcas zhes bya ba la sogs pa gsungs pa'i phyir ro/ /de bzhin khams gsum rnam rgyal zhes bya ba la sogs pa ni/ bdag nyid 'jig rten gsum las rnam par rgyal ba'i ting nge 'dzin mngon du byed pa dang ldan pa'o/ / bgegs zhes bya ba la sogs pa ni 'dir rgyas par dkyil 'khor gyi cho ga'i tshul gyis byas so/ /'dir ni bsdus pa nyid do/ /rkang stabs dgod pa zhes pa ni sngon du gsungs pa'i g.yas brkyang la sogs pa'o/ /gar gyi tshul gyis bcas par bya'o/ /lha mo rnams zhes pa ni dkyil 'khor dang dkyil 'khor ba rnams so//yang na rdo rje'i rigs la sogs pa'i shes rab ma de rnams kyis kyang de bzhin du bya zhes dgongs so/ /de bzhin du/ /sbyin sreg ces bya ba la sogs pa la/ phyag rgya'i sbyor bas zhes pa ni rdo rje bu mo la sogs pa shes rab ma bcu 'dod pa spyad par bya'o//de ltar byas nas su zhes bya ba la sogs pa ni go sla'o/ /gtum mo zhes bya ba la sogs pa'i sgras ni bram ze mo la sogs pa gzung ngo / /rgyu ci'i phyir zhe na/ gsungs pa 'dir gang gi phyir nang gi sbyin sreg bya ba'i phyir ro/ /thun mong ba zhes pa ni gzhan gyi rigs las byung ba'o//yan lag la sngags zhes pa ni rigs lngas rigs can du bya ste/ sngags ni 'di lta ste/ hrIHzhes bya ba la sogs pa yan lag brgyad la bsam par bya'o/ /lhag ma ni sgra ji bzhin no/ /de'i b+ha ga zhes bya ba la sogs pa ni de bzhin du nang gi sbyin sreg gis ni kun rdzob tu phyag rgya chen po'i shes rab de la de skad ces bya'o//de'i rnam par dag pa'i phyir du yang sbyin sreg la sogs pa'i gnas thams cad shes rab kyi gzugs su bsam par bya zhes pa ni gzhung lugs te/ der me tog la sogs pa gtor ro/ /khu ba med pa'i me tog kyang khu ba'i rnam par gtor bar bya'o zhes pa ste nges pa'o//dkyil 'khor zhes bya ba la sogs pa la tha mal pa zhes pa'i slob ma la byin pa'o/ /des na gzhan du shes par bya'o/ /'on kyang dkyil 'khor la ltos pa zhes pa ni dang po nyid du dkyil 'khor byas nas sbyin sreg bya ba sbyin sreg 'ba' zhig tsam ni med par 'gyur ro//gzhan du 'jig rten pa'i tha snyad tsam du 'gyur zhes pa'o/ /de ltar yang gang du zhes bya ba la sogs pa gsungs te/ chos kyi dkyil 'khor zhes pa ni chos kyi 'byung gnas chos kyi dbyings kyi dkyil 'khor ro/ /de yang thig gdab pa zhes pa ni dkyil 'khor zhes bya ba la sogs pa ste/phyi ru rdul tshon gyi dkyil 'khor drug cu rtsa bzhi'i khyad par gyi thig gdab pa'o/ /chos kyi dkyil 'khor gyi rang gi dam tshig ces pa ni ji srid byang chub kyi lam bstan pa mthong ba de srid du a wa d+hU ti'i nang du chud pas rtsa thams cad kyi thig skud 'dzin pa'i phyir zhes dgongs so//de ltar zhes pa ni rtsa rnams su rgyu ba'i phyir ro/ /rnal 'byor pa zhes pa ni rtsa rnams su rgyu ba'i rnal 'byor pa zhes pa tsam pa'o/ /gnas zhes pa ni mtshams kyi gnas su gyur pa zhes sbyar ro/ /der gnas te dus thams cad du phyi'i sa phyogs zhes bya ba la sogs pa la/ las rnams thams cad ces pa ni sngon du gsungs pa'i las rnams so/me ni lha'i zhal zhes pa ni nang gi rnal 'byor pa rnams kyi rtsa thams cad du gtum mo'i sbyor ba de'i mes so/ /zhal zhes pa ni de la brten pa sems las byung ba'o/ /lha zhes pa ni sku dang gsung dang thugs kyi chos can phung po dang khams la sogs pa'i de bzhin gshegs pa rnams te/de'i mtshan nyid kyi rang bzhin de la de skad ces brjod par 'gyur ro/ /de nyid kyis na/ sbyin sreg de nyid rnam par gnas/ /zhes gsungs te/ de'i phyir sbyin sreg ces bya ba la sogs pa gsungs te/ tshim zhes pa ni bstar ba ste/ nang gi byang chub kyi sems kyis tshim pa de la brten nas phyi ru sreg rdzas kyis tshim pa zhes pa mgu bar 'gyur ba'o/ /de nas bcol zhes pa ni nges pa'o/ /sngags ni lhag gam ma tshang zhes bya ba la sogs pa ni 'dir nang du sngags kyi sgra ni phal cher sems las byung ba'i rang bzhin te/ de rnams nyid thung ngu dang ring po'i dus su nyams te/mnyam par ma gzhag pas 'khor bar 'khor ro/ /des na de rnams kyi nang gi sbyin sreg gis dus mnyam par 'gyur ro/ /phyi ru ni sgra ji bzhin no/ /de bas zhes bya ba la sogs pa la/ sku gsum mchog ces pa ni rdo rje sems dpas bsngags pa de la de skad ces bya'o//gtsub shing zhes pa ni a wa d+hU ti'i dus mtshams su gtum mo sbar ba'o/ /phyi ru na dngos su ma sbar bar bya'o/ /gdol pa'i me la dge ba ma yin pa'i las bsgrub pa ni mtshams ma yin pa'i dus su gtum mo'i me sbar ba'o/ /phyi ru ni sgra ji bzhin no/ /de bzhin du zlum po zhes bya ba la sogs pa la/thab khung bzhi ni dkyil 'khor bzhi dang 'khor lo bzhi rnam par dag pa phyi dang nang gi bdag nyid snying ga dang lte ba dang spyi bo dang mgrin pa'i thun mtshams bzhi po de rnams la rdo rje la sogs pa'i mtshan ma bzhi'o/ /'dir dkyil 'khor la dgod pa'i mtshan ma de dag man ngag ji lta ba bzhin thab khung gi dbus su sbyin no//kha khyer zhes pa ni kha khyer gyi mtshams dang zur du mdzes par bya zhes pa ni brgyan pa ste/ rdo rje rin chen dang zla ba phyed pa rnams kyang kha khyer dang mchu la dgod par bya'o/ /gtsug tor la sogs pa thab khung gi dbus su dgod ces pa ste nges pa'o//sbyin sreg de nyid ces pa ni sbyin sreg gi cho ga rgyas pa nyid kyi slob dpon gyis bya'o/ /de bzhin du sbyor ba ji bzhin zhes pa ni gsungs pa'i sbyor ba dang ldan pa'o/ /thams cad las zhes pa ni las thams cad pa'i sbyin sreg la sreg blugs gsum gsum dbul ba'o//gzhan ni go sla'o/ /de nas zhes bya ba la sogs pa la/ rnam par snang mdzad chen po zhes pa ni 'dir rnam par snang bar mdzad cing gsal par mdzad pas na rnam par snang mdzad do/ /chen po yang lhan cig skyes pa'i dga' ba gcig gis gzugs kyi phyir ro//de nas mi phyed pa'i phyir rdo rje'o/ /de la mngon par zhe na pas ni de bzhin gshegs pa'o/ /de yang ye shes kyi 'khor lo zhes pa ni snying rje shes bya'i rnam pa'i ye shes te/ de'i rnam pas 'jug pa'o/ /de'i sgrub thabs zhes pa ni 'jug pa'i phyir ro/ /de bzhin du stong pa dang snying rje gnyis ka dbyer med pa'i phyir byang chub sems rdo rje dang chos mthun pa mi phyed pa'i mtshan nyid kyi ting nge 'dzin gang la snyoms par zhugs pa de la de skad ces bya'o//de bzhin du phyi dang nang gi zhes bya ba la sogs pa la/ 'khor lo zhes pa sngon du gsung pa'i rtsa sum cu rtsa gnyis kyi 'khor lo'o//de'i rab tu sgrub pa ni cho ga'o/ /sbyor ba zhes pa 'chad bzhin pa'i tshul gyis rang bzhin gyi dus rnams la rang rang gi lha'i gzugs dmigs pa'i phyir zhes pa ste nges pa'o/ /de bzhin du las tshogs zhes bya ba la sogs pa ni brjod ces pa'o/ /lha ni gang yang rung zhes pa ni mdor bsdus na rnal 'byor dang rnal 'byor ma'i rgyud stong phrag bdun cu rtsa gnyis zhes pa rnams su dus las byung ba'i lha de rnam par rang rang gi gnas su rang gi 'khor lo'i dbus su de'i skad cig la de'i nang du bsgom pa'i phyir mchod pa'i las bla na med par 'gyur ro//de bzhin du de'i zhes pa ni phyi ru mi las gang gi phyir 'byung ba'i dus su 'gyur te/de'i phyir rdo rje zhes pa ni mi phyed pa'i rdo rje las rdo rje sems dpa' 'byung ba'o/ /dkyil 'khor zhes bya ba ni bsam du med pa las bsam pa'i phyir/ sangs rgyas kyis gsungs zhes pa ni sngags zhes sbyar ro/ /des na zhi ba la sogs pa'i las bcom ldan 'das kyis rnal 'byor pa 'dod pa'i dbang gis sbyar zhes sbyor ro//rang rang gi dus grub pas shes par bya'o/ /des na bdag po zhes bya ba la sogs pa ni las re re'i dus su rang rang gi 'khor lo'i gtso bo'i gnang ba blang bar bya'o/ /de gnang ba thob pas de'i phyir las bya zhes sbyar ro//da ni rang rang gi las 'di rnams byung ba'i dus su gtso bo bsgom pa gsungs pa/ de la dang po sgrol ma brjod de/ zla ba'i dkyil 'khor zhes bya ba la sogs pa la b+ha ga'i dbus su zhes pa ni nang du rtsa b+ha ga'i phyir de'i tshe phyi ru yang de'i rang bzhin nyid kyis bsgom par bya'o/ / zla ba'i dkyil 'khor zhes pa ni/ dang po sems kyi rang bzhin 'byung ba'i skad cig la zla ba'i dkyil 'khor gyi rnam par bsgom par bya'o/ /de ltar 'byung ba'i dus su yang skad cig gi rnam par dmigs par bya'o/ /des na tAM gi ye shes pa ni rang gi sems kyi ye shes 'char ba la sgrol ma'i sa bon tAM bsgom par bya'o//de yang sems kyi zla ba'i steng du de las byung ba zhes pa sgrub pa'i lha mo sgrol ma'i bsgom par bya'o/ /de bzhin du sgeg pa'i nyams dang ldan zhes pa ni he ru ka'i thabs dang ldan pa'o/ /lhag ma ni go sla'o/ /'on kyang he ru ka'i rig byed ma zhes pa ni de bzhin du sgrol ma rje btsun ma a wa d+hU tI'i nang he ru ka'i rnam par dag pa'i phyir rnam par dag pa gsungs pa 'dir a wa d+hU tI'i dkyil 'khor rgyu ba'i phyir rang gi dus 'gog pa brjod de/de ci zhe na rang gi skad cig la 'gog pa yang zhal brgyad bcos pa thun brgyad 'gog pa'o/ /de bzhin du spyan gsum gsum nyi shu rtsa bzhir 'gyur te/des na khams nyi shu bzhi rnams 'gog pa'o/ /bcu drug phyag ces pa ni 'pho ba bcu drug 'gog pa'o/ /bzhad pa zhes pa ni dbang po thams cad sdud pa'i phyir ro/ /kun nas dmar 'dra zhes pa ni kha dog thams cad ni snying rje'i chags pas bcos pa'o/ /de yang bdag gir byed pa'i phyir rnam par rtog pa 'god do//lang tsho gzhon pas zhes pa ni lo bcu gnyis lon pa'i phyir lag bcu gnyis 'gog pa'o/ /sna tshogs pa'i zhes pa ni sna tshogs su bsgyur ba'i mdog sangs rgyas kyi na bza' sku la bsnams pa'o/ /do shal zhes pa ni gnyis med pa'i thar pa'i sa la bzhugs pa'o//rkang rgyan zhes pa ni rkang pa la btags pa'i tshigs kyi dor thabs spang bar 'gyur ro/ /mgul do zhes pa ni mgul du rin po che'i phreng ba btags pa'i dgra'i rgyud thams cad kyi ske bcings pa'o/ /rna rgyan zhes pa ni rna ba gnyis la rna cha btags pas dbu ma las bdud rtsi'i rgyun 'dzag pa'o//dpung rgyan zhes pa ni dpung pa gnyis su btags pas bdag gi 'gog pa'i phyir dbang du byed pa'o/ /ske rags zhes pa ni ske rags bcings pa ni bya ba dang bya ba ma yin pa 'gog par byed pa'o/ /srad bu zhes pa ni tshangs pa'i skud pas las kyi tshogs thams cad a wa d+hU tI'i khyab par byed pa'o//sogs pa'i sgras ni spyi bor 'khor los brgyan pa bsdus te/ de yang khams gsum gyi sems can thams cad la chos bstan pa'i phyir/ de rnams la chos bstan mi nus pa 'gog pa'i mtshan nyid kyis so/ /sna tshogs rgyan zhes pa ni bde ba sna tshogs pa'i rang bzhin byang chub sems bag chags dang bral ba'i phyir yid kyis gzung ba'i don to//ut+pa la zhes pa ni shin tu brtson pa'i brtson 'grus kyis brgyan pa'i sems so/ /dzi ba ka'i me tog ces pa ni ban+du ka'i me tog dmar po bcings pa ni longs spyod rdzogs pa'i sku snying rjes brtson pa'i phyir ro//g.yas brkyang ba zhes pa ni ting nge 'dzin 'di spangs nas dus thams cad du yid rol pa yin pa'o/ /sum cu gsum pa zhes pa ni sum cu rtsa gsum pa'i gnas rnams kyi dbang po la sogs pa'i lha rnams kyi lus dang ngag dang sems 'gog pa'o//'gyel zhes pa ni dregs pa dang bral ba'i blo mi shigs pa las rtag tu bzhugs pa'o/ /gzhan yang ngag gi sgyu mas skrag pa dang / de'i brdzun pa ni thal mo sbyar bas srid pa dang mya ngan las 'das pa 'gog par byed pa'o/ /'od zer dmar po 'bar ba zhes ni 'das pa dang ma 'ongs pa dang da ltar byung ba rnams kyi snying rje nyid kyi 'od do//gzi brjid ces pa ni snying rje chen po nyid kyi tshig go/ /des na 'bar ba ni dga' ba'i yid nyid gnyis med pa'i blo'i phyir ro/ /de bzhin du bsam gyis mi khyab pa'i sprul pas bsam gyis mi khyab pa'i chos rnams spros zhes pa la sogs pa ji skad gsungs pa bzhin no//sems can zhes bya ba la sogs pa la/ skyed byed ma zhes pa ting nge 'dzin te sgrol ma sangs rgyas thams cad kyi yum mo/ /sems can zhes pa ni rdo rje sems dpa'i rten te/ de bzhin du yid 'ong zhes pa ni sdug pa stong pa nyid dang snying rje'o//bsgoms na zhes pa ni mngon du bya zhes pa'o/ /de bzhin du dang po zhes bya ba la sogs pa phyag bcu drug gi phyag mtshan rnams kyi rnam par dag pa gsungs pa 'di lta ste/ ral gri yis ni rgyu ma gcod/ /ral gri yi ni gsal snang bzhin/ /mthong yang de ni gnas pa med//ral gri yis ni las gcod do/ /'dir ni ut+pal gnyis pa/ /brtson pas yid kyi rgya mtsho las/ /de yi sad pa'i mtshan nyid ni/ /'khor ba'i rgya mtsho pha rol 'gro/ /mda' ni bdud rnams bzlog pa ste/ /mtshon cha bsam du med pa 'bigs/ /rnal 'byor ma ni mda' bzhin du//phug na rtag tu 'ong bar byed/ /rdo rje phung po gsad par bya/ /sems kyi rdo rje dang 'dres phyir/ /de yis thams cad rgyas gdab nyid/ /rdo rje gnyis ni gnyis med spyod/ /lcags kyu yis ni lam bkug ste/ /srog gi lcags kyu rtag tu shes/ /sku sogs rdo rje spros pa'i phyir//de yi las ni rab tu phug /dbyug pa yang ni lnga par bzung / /bag chags rnams ni 'joms pa'i phyir/ /las kyi dbyug pa zhes brjod pa/ /srog gi rlung gis gzung bar bya/ /gri gug tu ni gang brjod pa/ /yan lag bcu gnyis gcod pa'i phyir/ /las gcod pa ni rnams gzung bas//bdud kyi sde rnams bsdigs par byed/ /lag pa'i sor mor brkyang ba'i phyir/ /sems can kun la mi 'jigs te/ /sems can de bzhin gshegs lnga'i dngos/ /mi 'jigs pa ni rtag tu bstan/ /g.yon du thod pa gdug pa ni/ /bdud kyi khrag bkang 'dzin pa'i phyir//tshangs pa yi ni gnas su gang / /de nyid du ni thim ste gnas/ /gang phyir sdigs mdzub 'dzin pa ni/ /lam gcig gis ni mdzes pa'i phyir/ /sems can rnams la bstan pa nyid/ /ting 'dzin rdzogs par bsgoms pa'i phyir/ /'gro ba thams cad gzhu rnam pa//yon po nyid du rtag tu gnas/ /de nyid dbyug pa dgug pa nyid/ /mtshon bya mtshon byed kyis ni 'bigs/ /kha TAM stong pa'i rnam pa ste/ /dri za'i sems can lta bu nyid/ /bag chags dra ba song bas na/ /nye bar dmigs pa'i dngos po spangs/ /zhags pa rnam rtog 'ching ba ste//mig la sogs pa brgyad kyi ni/ /rnam par shes pa rmongs par 'gyur/ /bcings pa'i phyir na de ni spangs/ /gang gis mgo bo gsum 'dzin pa/ /dus gsum po ni gcod pa'i phyir/ /yang na de nyid gsum gyi rigs/ /yi ge rnams ni gcod pa yin/ / 'gro ba blo ldan rin chen mtshungs/ /sangs rgyas rin chen de rtag tu/ /sems can gang dag rmongs pa la/ /grol ba nyid kyi phyir ni bzung / /bum pa bdud rtsis rab gang ba/ /sprul pa la sogs ro rnams te/ /sku bzhi yi ni chos kyis ni/ /khams gsum pa ni tshim par byed/ / ces pa ni bcom ldan 'das kyi nges pa'o/ /de bzhin du g.yas kyi zhes bya ba la sogs pa ni/ g.yas dang g.yon du zhal drug go/ /steng gi zhal ni bdun pa'o/ /rtsa ba'i zhal ni brgyad pa'o/ /zhal bdun po rnams kyi mdog gang dag yin pa de dag ni a wa d+hU tI'i nang du pags pa la sogs pa'i khams bdun gyi mdog 'gog pa'i phyir/bung ba'i rnam pa zhes pa ni skye ba bdun pa bzhin sna tshogs 'dzin pa'i phyir ro/ /zhabs bzhi zhes pa ni sbyin pa la sogs pa rnam pa bzhis khams gsum rnams la sprul pa nyid rnam par spyod pa'o/ /mdung rtse gsum zhes pa ni dus thams cad du de ltar rtsa gsum gyi sbyor ba 'dzin pa'o//sprul zhes pa ni de la srog brten pa nyid de/ sar pa ro'i sgras rgyas pa ste srog de la bral ba ni sems can ma yin zhes pa'i don to/ /de yang sgyu ma bzhin nye bar mtshon pa'i phyir ro/ /de ltar rnam par dag pa'i thabs sna tshogs pa/ sgrub thabs thams cad las bla ma'i man ngag gis rtogs par bya ste/ ngag gis brjod pa zhes dgongs te dang po'o// //da ni rdo rje 'jigs byed kyi sgrub thabs bsgom pa'i rim pa gsungs pa/ b+ha ga'i zhes bya ba la sogs pa ni 'dir rtogs pa/ 'di rdzogs pa'i mthar thug pa'i sgrub thabs thams cad ni go sla'o//des na rgya cher 'grel pa 'dir rgyas par ma brjod do/ /de lta mod kyi gnas skabs kha cig tu tshig rtogs pa'i phyir bshad par bya'o/ /'dir yang sngon du gsungs pa'i 'khor lo sum cu rtsa gnyis kyi las kyi tshogs bstan pa de rnams la las kyi sgrub thabs 'di rnams sbyar bar bya'o//'on kyang slar bshad pa'i 'di las bsgrub par bya'o/ /des na man ngag gis gsungs so/ /de bzhin du sngon gyi 'khor lo'i rjes su 'brangs pa nyid dbang la sogs pa'i tshig las shes par bya'o/ /de bzhin du der gsungs pa'i dbang la sogs pa dang 'dir brjod pa'i dbang la sogs pa gnyis ka 'dus pa las shes par bya'o//ma yin na gnyis ka dang bral ba'i phyir/ brjod pa don med par 'gyur zhes pa ste nges pa'o/ /de ltar rdo rje 'jigs byed kyi sgrub thabs ni go sla'o/ /gnyis pa'o// //de bzhin du 'od zer can brjod do//de nas mang zhes bya ba la sogs pa la/ me tog brtsegs ma zhes pa ni rin po che bzhin me tog gi cod pan no/ /gsungs zhes pa ni sdud pa po rang nyid kyi nyes pa sel ba'o/ /gzhan ni ji bzhin nyid do/ /gsum pa'o// //de bzhin du par+Na sha ba ri'i sgrub thabs brjod de/ nam mkha'i dbyings zhes bya ba la sogs pa ni chos kyi 'byung gnas kyi dbus su'o//lang tsho zhes pa ni lo bcu gnyis kyi cha byad do/ /thor gtsug ces pa ni spyi bo'i skra'o/ /de de bzhin du me tog gi phreng bas bcings pa'o/ /snga ma bzhin zhes pa ni 'od zer can bzhin no/ /bzhi pa'o// // de bzhin du rdo rje khro bo rnams kyi sgom pa gsungs pa/ rdo rje khro bo zhes bya ba la sogs pa la/ rdo rje khro bo zhes pa ni de'i brjod pa'o/ /'dir ni pad+ma 'dab brgyad pa/ /dur khrod brgyad po rnams dbus su/ /bdud rtsi byed pa'i he ru ka / khro bo 'di lta bu bsgom bya/ /mthun pa'i stabs sogs brtsams nas ni//gar gyi tshul la sbyor ba nyid/ /kha dog dmar po 'od mnyam pa/ /khro bo'i rgyal po bsam par bya/ /zhal bzhi pa la phyag bzhi pa/ /ral pa'i cod pan gyis ni mdzes/ /zhal gyi mche ba cung zad gtsigs/ /yi dags chen po gdan du byas/ /phyag bzhi rnams la mtshan ma rnams//dbyug pa g.yas kyi dang po la/ /gnyis pa na ni lcags kyu nyid/ /g.yon na sdigs mdzub lcags kyu'o/ /de ltar khro bo mchog thams cad/ /gcig la sogs pa mtha' yas pa'o/ /kha cig shes rab ldan par 'dod/ /kha cig de yi dngos sgom byed//dngos grub kun gyi gzhi byed pa/ /rdo rje phag mo ru ni 'dod/ /de yi mdog dang mtshon cha sogs/ /go sla gzhan du rgyas pa'i phyir/ /zhes pa ni bcom ldan 'das kyi nges pa'o/ /'on kyang gzhan yang brjod pa ste/ rdo rje khro bo zhes pa ni rdo rje shugs la sogs pa'i ji ltar 'thad pa'i khro bo thams cad bsgom par bya'o//rdo rje phag mo zhes pa ni 'khyud pa'i shes rab ma'o/ /de yang de'i mdog ces pa ni bcom ldan 'das bzhin no/ /rta'i gzugs zhes bya ba la sogs pa la/ sogs pa'i sgras ni ce spyang gi gdong la sogs pa bsdu'o/ /des ni de rnams kyi las bzhi bsgrub bo//yi ge dang ni yi ger ldan/ /zhes pa ni rang gi sa bon yongs su gyur pa las lhar bzhengs pas sa bon de nyid 'dzin pa'i phyir ro/ /de bzhin du ya ra zhes bya ba la sogs pa ni sa bon bzhi las bzhi bsgrub pa'o/ /des na sgrub pa zhes bya ba la/ dud ka zhes bya ba la sogs pa ni las kyi bye brag gis kha dog gi khyad par bsgom pa'o//de bzhin du rlung la sogs pa'i zhes pa ni/ rlung la sogs pa'i dkyil 'khor bzhi la zhon pa de yang rlung la sogs pa'i phyogs su song bar bsam par bya'o/ /de ltar yang gi cho ga ste lnga pa'o// //de bzhin du ra'i las gsungs pa/yi ge ra zhes bya ba la sogs pa ni go sla ste drug pa'o// //de bzhin du ma he'i gdong can gyi las gsungs pa/ de nas zhes bya ba la sogs pa la ma lus de nyid ces pa ni hUM ngo / /srung ma zhes pa ni rnal 'byor ma gzhan rnams kyis sngags kyi srung bas srung ba de la de skad ces bya'o//lhag ma ni sgra ji bzhin te bdun pa'o// //de bzhin du gzhan khyi'i gdong can gyi las gsungs pa/ de nas khyi'i zhes bya ba la sogs pa la/ rdo rje srin po zhes pa ni sngon du gsungs pa'i ma he'i gzugs can te/ de ltar ma he'i gzugs spangs pa'i phyir khyi'i gdong par 'gyur ro//rdo rje mchu can zhes pa ni phag gi gdong can de'i rkang par zhugs pa'o/ /brgyad pa'o// //de bzhin du rdo rje khro bo'i las gsungs pa/ 'ug pa'i zhes bya ba la sogs pa la/ sa la 'gog ces pa ni sa'i nang du gzhug pa'o/ /lhag ma ni sngon bzhin de dgu pa'o// //de bzhin du chang dgug pa gsungs pa/ tsi zhes bya ba la sogs pa ni chang 'tshong ba'i khyim nas chang blangs te/ de'i tshe snod de'i steng 'og tu rta'i rnam pa'i gdong can gnyis bzhag nas chang thams cad dgug par bya ste bcu pa'o// //de bzhin du mu stegs dang nyan thos la sogs pa tho 'tshams pa rnams kyi chang skyug pa'i cho ga gsungs pa/sku mdog ljang khu zhes bya ba la sogs pa ni go sla ste bcu gcig pa'o// //de bzhin du rengs pa gsungs pa/ rlung gi zhes bya ba la sogs pa la/ 'di rlung zhes pa ni rlung lha'i mtshams su'o/ /kham phor zhes pa ni sngon du gsungs pa'i rengs pa'i 'khor lo bya'o//de nyid kyi ni ri bo zhes bya ba la sogs pa gsungs te/ ri rab rtse mo brgyad pa ri bdun dang bcas pas mnan pa'o/ /de yang yaM las byung ba'i rlung gi dkyil 'khor gyi steng du sbyin pa'o/ /dbugs ni nang du bsdams te zhes bya ba ni rnal 'byor pas ting nge 'dzin 'di bsgom par bya'o//de yang las kyi dus su bya zhes pa ni 'dir ni yaM dang ldan pa'i srog 'gog par bya ste/ de'i steng du laM gyis mtshan pa zhes pa ni sa bsgom pa'o/ /de yang laM yongs su gyur pa'o/ /de ltar byas pas ni rlung 'ching bar 'gyur te gzhan du ni ma yin no//bcu gnyis pa'o// //da ni sprin rnams kyi char dbab pa'i cho ga gsungs pa/ pad+ma 'dab brgyad ces bya ba la sogs pa 'dir sngon bzhin du skad cig rnal 'byor pa'i sbyor bas pad+ma 'dab ma brgyad pa bri'o/ /de ltar 'dab ma brgyad la mtha' yas la sogs pa klu brgyad rnam par dgod par bya'o//de'i rim pa ni 'di yin te/ de la klu thams cad kyi mgo bo ni 'dab ma'i rtse mo rnams la dgod do/ /mjug ma ni lte ba'i gnas su'o/ /de la lte ba'i dbus su mjug ma rnams kyi steng du rdo rje khro bo zhes pa sngon bzhin phyag 'bum la sogs pa de'i skus gzir bar bya zhes sbyar ro//klu'i sa bon zhes pa ni/ klu rnams kyi rang rang gi ming dang ldan pa'i phuHzhes pa dang spel ba dgod pa'o/ /de bzhin du klu de rnams rting pa'i mthil zhes pa ni thams cad kyi mjug ma'i rtse mor zhabs sbyin pa ste/ rkang pa'i rtse mo'i chas mnan pa de'i tshe ji skad gsungs pa bzhin byed do//rnal 'byor pa de'i las thams cad byed do/ /de bzhin du yang 'di sbyor ba gzhan gsungs pa/ de nas zhes bya ba la sogs pa la/ 'dir rang gi phyag rgya zhes pa ni klu brgyad po rnams kyi klu'i bu mo brgyad gzhug par bya'o/ /bcom ldan 'das rdo rje khro bo dang stag gdong ma la sogs pa'i rnal 'byor ma'i tshogs gzhug par bya zhes pa ni bsgom par bya zhes pa'i khyad par ro//des na gtub ces pa ni sprin dral ba'i don to/ /de'i sngags su 'gyur ba ni/ de'i las gsungs pa/ oM pa pA Ta ya hUM ts+tshin+da ya hUM zhes pa'o/ /skad cig gis ni zhes pa ni de bzhin du sngags kyi tshig rnams lan gnyis su bzlas te brjod pa'o//sgom pa yang ston ka'i dus kyi nam mkha' bzhin dri ma med pa'o/ /me ru zhes pa ni me'i mtshams su'o/ /dkyil 'khor la zhes pa ni dkyil 'khor bris nas der gnas te/ rdo rje chen po gtum po'i ting nge 'dzin gyis 'di spor bar bya'o//dpral ba zhes bya ba la sogs pa la/ mi g.yo ba zhes pa ni khro bo'i rgyal po mi g.yo ba'o/ /de bzhin du rnam par snang mdzad sdug ces pa ni rnam par snang mdzad kyi btsun mo rdo rje rnam snang mdzad ma ste/ des sprin thams cad bzlog par bya'o/ /bcu bzhi pa'o// //de bzhin du ting nge 'dzin 'di las gzhan gsungs pa/ bgegs zhes bya ba la sogs pa las/ mig ces pa ni 'chad bzhin pa'i gzugs de la bsngags par bya'o/ /de yang glang po che zhes pa'i mig la zhes dgongs so/ /de ltar lhag ma oM badzra nA ra yA Na/ zhes pa mthar thug pa ni go sla'o//'dir ni mdor bsdus pa'o/ /'on kyang gzhan du rdo rje mkha' 'gro dang 'dus pa la sogs pa rnams su rnyed sla ba'i don to/ /da ni rang byin gyis brlabs pas lha'i dbang po rnam par dag pa dang / sangs rgyas nyid la sogs pa'i dngos grub sna tshogs bsgrub pa'i phyir sgrol ma'i sgrub thabs gsungs pa/nam mkha'i dbyings zhes bya ba la sogs pa ni/ chos kyi gzhal yas khang gi nang du pad+ma chen po bsam mo/ /de'i lte bar A li kA li'i steng du yi ge haM ngam yi ge bcu hrIHdang spel bar bsam mo/ /de yongs su gyur pa las bdag nyid sgrol ma'i gzugs su skad cig gis bsam par bya'o//de bzhin du zhal gsum zhes bya ba la sogs pa ni/ zhal gsum pa phyag bcu pa zhabs gnyis kyis dbang phyug chen po dang khyab 'jug gnon pa'i lha mor de bzhin du bya'o/ /lhag ma ni go sla'o/ /nang du rtsa sum cu rtsa gnyis kyi mtshams su rang byin gyis brlabs pas na nam mkha'i dbyings zhes bya'o//de'i dbus su zhes pa ni/ rtsa gnyis su 'pho ba'i sbyor bas so/ /zhal gsum zhes pa ni spro ba dang bsdu ba dang gnas pa'o/ /de bzhin du thim pa dang / longs spyod pa dang / dbang du byed pa'i rim pas so/ /de yang rtsa gcig dor ba ni thim pa'o//gcig la 'jug pa ni longs spyod pa'o/ /gnyis ka'i mtshams su byed pa ni dbang du byed pa'o/ /de bzhin du spyan gsum zhes pa ni zhal gsum la spyan dgu'o/ /de la sngon du gsungs pa'i nang gi bcud kyis len gyi rdzas dgu dgun stod la sogs pa dus drug las byung ba'i 'jug pa'i phyir rtsa dgu a wa d+hU tI'i nang du gzung //de bzhin du rgyan kun zhes pa ni de ltar byas nas rnal 'byor pa'i lang tsho gzhon pa phun sum tshogs pa sangs rgyas kyi mtshan gyis brgyan pa rtag tu goms pa'i phyir/ rgyan thams cad kyis brgyan pa zhes pa'i don to//de yang stag gi zhes bya ba la sogs pa ni/ srog la sogs pa'i rlung man ngag gis 'gog pa la goms pa'i phyir/ gtum mo sbar bar bya'o/ /de'i pags pa zhes pa ni rang rig pa'i mtshan nyid can reg pa'i bde ba'o/ /de dag gi na bza' zhes pa ni gnas der dus thams cad gnas pa'o//de la sku mdog dmar po zhes pa ni khams gsum pa dbang du bya ba'i phyir sku dang / gsung dang thugs las byung ba nyid de/ gang gi phyir shin tu chags pa rgyun du 'bab pa'i phyir ro/ /gzi brjid che zhes pa ni 'bad pa dang bcas pa'i brtson 'grus so/ / nyi ma 'char ka zhes pa ni sems can thams cad gnyid dang le lo dang rmongs pa dang brtson 'grus dman pa dang ldan la bdag nyid ni/ tho rangs snang ba gsal bas kha dog dmar po'i 'od do/ /rnal 'byor pa yang spro ba de nyid kyis na/ dus thams cad du de'i rang bzhin gyi sbyor bas dmar por snang ngo //de nyid kyis na/ gang gi rmongs pa 'chi 'gyur ba/ /de yis mkhas pa grol bar 'gyur/ /zhes gsungs pa'i phyir ro/ /de bzhin du phyag bcu yang de rnams kyi g.yon dang g.yas rnams kyi rim pa bzhin mtshan brjod do/ ral gri zhes bya ba la sogs pa la/de la g.yas kyi phyag lnga rnams la ral gri mda' dang sha chen po/ de bzhin cang te'u lcags kyu'o/ /g.yon pa kha T+wAM ga dang gzhu/ /thod pa zhags pa de bzhin 'dir/ /lnga pa nyid ni ut+pa la/ /lha mo de nyid rnam par sbas/ /'di rnams kyi rnam par dag pa gsungs pa/ ral gri 'dzin pas sems can rnams/ /'dul zhing shes rab 'phel ba'i phyir/ /mda' yis sems ni 'bugs pas na/ /sha chen po yis rgya yis gdab/ /cang te'u thabs ni nyid yin te/ /bden pa gnyis kyi tshul la gnas/ /lcags kyus bde ba chen po ni/ /rtag tu 'gugs pa'i bya ba byed//sems ni kha T+wAM ga bzhin du/ /chos rnams nyid ni mi dmigs so/ /gzhu ni rtag tu sgrar shes bya/ /thod pa'i thig le yi ni gdan/ /zhags pas sems can rnams kyi ni/ /yan lag bcu gnyis kun nas 'ching / /ut+pa la yis yang dag pa'i/ /ye shes spros med brjod med pa'o//kha dog sngon po dmar rnam pa/ /snying rje yi ni gzugs brnyan nyid/ /de bzhin du g.yon brkyang ba la sogs pa ni sngon bzhin du rtogs par bya zhes pa ste nges pa'o/ /bcu drug pa'o// //de bzhin du gsungs pa'i mtshan nyid kyis kyis rnam pa dang bcas pa'i bsgom pa'i phyir sgrol mas slar yang dbang du byed pa gsungs pa/de nas zhes bya ba la sogs pa la/ sngags zhes pa ni yi ge bcu'o/ /zhal gsum pa zhes pa ni sngon du gsungs pa'i sgrol ma'i gzugs so/ /lhag ma ni go sla'o/ /bcu bdun pa'o// //de bzhin du rdo rje thog ma la sogs pa bzlog pa'i phyir sbyor ba gsungs pa/de nas zhes bya ba la sogs pa la/ dam pa dang po zhes pa ni rdo rje sems dpa'i gzugs te/ de lta bur gyur pa 'dab ma brgyad pa'i dbus su lha mo bzhis yongs su bskor ba'i bcom ldan 'das bsgom par bya'o/ /de la bsgyings pa ma zhes bya ba la sogs pa ni shar gyi 'dab ma la rdo rje mtshon cha ma'o//lho'i 'dab ma la rdo rje kI li kI la'o/ /nub kyi 'dab ma la rdo rje rtse mo'o/ /byang gi 'dab ma la rdo rje snying po ma'o/ /de ltar thams cad phyag bzhi ma ste/ de rnams kyi mtshon cha rdo rje gtod pa zhes pa ni phyag na rdo rje gsor ba'o/ /de lta bur gyur pa nam mkhar bsgom par bya'o//lhag ma ni go sla'o/ /bco brgyad pa'o// //de bzhin du gsad pa las gshin rje'i 'khrul 'khor gsungs pa/ de nas gsad pa zhes bya ba la sogs pa ni 'dir sgyu ma gsungs mod/ de bzhin du zhi ba la sogs pa'i 'bras bu gnas par shes par bya'o/ ji ltar 'bras bu rgyu rgyas btab pa de bzhin du 'dir shes par bya'o/ /gshin rje'i 'khor lo rim pa gsum pa bya ste/ de la nang gi rim pas re'u mig brgyad do/ /de'i phyi ru rtsibs bcu gnyis te/ de las re'u mig bcu bdun ya la sogs pa yi ge bcu bdun dgod par 'gyur te/nang gi 'khor lo'i shar la sogs pa'i gnas bzhi ru/ /yi ge bzhi dgod de/ de la k+She ma me da'o/ /de'i dbus su ya'o/ /mtshams kyi cha bzhir bsgrub bya'i ming spel ba'i sngags hrIHSh+T-iHzhes bya ba la sogs pa'o/ /de'i phyi rol rtsibs bcu gnyis la shar la sogs pa g.yas skor du dgod de/de yang yats+tsa ni rA tsa sa do ru Na yo ni ra zhes pa'i yi ge bcu gnyis su 'gyur ro/ /de'i phyi rol du re mig bcu drug bya'o/ /de rnams la shar la sogs pa'i re'u mig re re'i bar oM hrI Sh+T-iHzhes bya ba la sogs pa yi ge re re bri bar bya'o/ /lhag ma brgyad la sgrub pa'i ming dang spel ba'i sngags bri'o//de'i phyi rol du sngags kyi yi ge phyin ci log tu bri ba ni man ngag go/ /de ltar 'khor lo gnyis bya ste/ gcig ni g.yas skor du bri'o/ /gnyis pa ni g.yon skor du bri ba ni thams cad du nges pa nyid do/ /lhag ma ni sngon du gsungs pa'i mchog nyid kyis rtogs par bya'o//gzhan yang zhi ba la sogs pa'i las rnams la zhi ba la mtha'i ya zhes bya ba la sogs pa gsungs pa ni go sla'o/ /bcu dgu pa'o// //de bzhin du ku ru kul+le'i sbyor bas dbang du byed pa gsungs pa/ bud med ces bya ba la sogs pa la/ yang zhes pa ni/ sngon du gsungs pa'i sgrol ma bzhin du bsgom pa'o/ /'on kyang rnal 'byor pa ku ru kul+le'i nga rgyal du byed pa'o/ /lhag ma ni sngon bzhin no/ /nyi shu pa'o// //da ni dus su zin pa bslang ba'i sbyor ba gsungs pa/ de nas zhes bya ba la sogs pa la/ mig dag gi zhes pa ni mdzod spu las so//lhag ma ni go sla'o/ /nyi shu gcig pa'o// //de bzhin du zla ba dang nyi ma gzung ba gsungs pa/ de nas zhes bya ba la sogs pa ni phyi'i las bya ba gsungs pa thams cad ni go sla'o/ /'on kyang nang du srog dang thur sel 'gog pa khu ba dang rdul dag gzung bar bya'o//de nas/ lta stangs phyi ru sbyar bar bya/ /zhes pa ste nges pa'o/ /nyi shu gnyis pa'o// //de bzhin du gzhan gyi dpung zhes bya ba la sogs pa ni nang du dgra rnams ni yi ge lnga bcu rnams so/ /de rnams kyi mgo bo bcad pas phyir 'di bsgrub par bya'o/ /rdo rgyus zhes pa ni a wa d+hU tI'i nang gi byang chub sems so//de phyi ma zhes pa ni de thim par byas pa'o/ /bdud rtsi lnga zhes pa ni dri chen la sogs pa de nyid du thim par bya'o/ /ku thar tshin+d+ha zhes pa ni a wa d+hU tI'i khong stong ngo / /de dang bsres la zhes pa ni ril bo gcig tu gyur pa ri lu zhes bya'o//de bzhin du ril ba spyi blugs zhes pa ni mi shigs pa bdud rtsis gang ba'o/ /de'i skye ba ni thur du bltas pa'i mgo'am bu ga'i gnas su'o/ /de la ri mo bskor na zhes pa ni mi 'dzag par 'gyur ba'o/ /de'i phyir yi ge brjod du med pa de la de skad ces bya'o/ /de bzhin du phyi ru yang de nyid kyi lta bas thams cad bya zhes pa ste nges pa'o//nyi shu gsum pa'o// //de bzhin du lha rnams dag par 'dod pas thig le'i bsgrub pa gsungs pa/ /lha zhes bya ba la sogs pa la/ rdo rje bcings pa zhes pa ni sngon du gsungs pa'i man ngag nyid do/ /rtog pa dang po'i rab tu byed par yang gsungs pa'o//de bzhin du rtog pa bcu gcig pa las kyang bstan par bya'o/ /de bzhin du rdo rje me tog ces pa ni mchog tu mi 'dzag pa'i byang chub kyi me tog go/ /de nyid kyis na sgrub pa po de yang / ku thar tshin+d+ha dang bsres/ /zhes pa ni mi rgyu'o/ /nyi ma gzas zin pa zhes pa ni sdud pa'i dus su sgra gcan gyi rtsal 'jug pa'o//mi bskyod pa dang sta re zhes pa ni gang gi phyir mi 'khrugs pas ni mi bskyod pa ste mi g.yo ba'i ting nge 'dzin zhes pa'i don to/ /sta re zhes pa ni kun gzhi rnam par shes pa sta re rnon po bzhin du gyur pa de nyid kyis rnam par rtog pa thams cad gcod par byed pa'o//rkang pas mnan te zhes pa ni rkang pa'i sgras ni dga' ba bzhi'i lhag ma lhan cig skyes pa'i dga' ba'i bzung ste/ des mnan pa ni stong pa'i sta re'o/ /de'i phyir sngags bzlas pa zhes pa ni oM la sogs pa dus kyi yi ge rnams so/ /des na brjod pa'i dus kyi zhes pa ste nges pa'o//thig le zhes pa ni sbyor ba 'dis stong pa nyid la zhugs pa'o/ /gang la phyag byas pa zhes pa ni dngos po gang dang gang byung ba de dang de thams cad de bzhin nyid du zhugs pas na de rnams 'jig pa'o/ /phyi ru yang lha rnams dag pas ni de la brten pa'i phyir zhes dgongs so/ /nyi shu bzhi pa'o// //da ni sprin rnams las char dbab pa'i cho ga gsungs pa/ de nas zhes bya ba la sogs pa la/ cho ga bzhin zhes pa ni/ dur khrod kyi sa dang sol ba dang dug dang / skye tshe la sogs pa dang ldan pas bya ba'o/ /dkyil 'khor bris la zhes pa ni sngon du gsungs pa'i dgyes pa'i rdo rje'i dkyil 'khor te/der bdag po nas brtsams te dkyil 'khor ba yang ngo / /de bzhin du mtha' yas mnan pa'i dgyes pa'i rdo rje'i gzugs bri zhes pa ni sgrub thabs kyi rim pas bsgom par bya'o/ /ardza ka zhes pa ni pa na sa'o/ /lhag ma ni go sla'o/ /nyi shu lnga pa'o// // de bzhin du rlung chen po dang char ches ba bcad pa'i phyir sprin rnams drang ba'i cho ga gsungs pa/ sprin rnams dral bar 'dod na zhes bya ba la sogs pa ni go sla'o/ /nyi shu drug pa'o// //de ltar las tshogs nyi shu rtsa bdun gyi sgrub thabs gsungs te/ lhag ma drug ni sngon du gsungs pa'i 'khor lo sum cu rtsa gnyis kyi skabs su lha rnams kyi mtshan gyis bstan te/des na 'dir ma gsungs so/ /de ltar sum cu rtsa gnyis su gyur zhes pa ni mdor bsdus par 'gyur ro/ /rgyas pa'i gzhung sna tshogs pa'i dgongs pa rnams bla ma'i kha las rnyed par 'gyur ro/ / kha sbyor thig le'i rgyud kyi rgyal po'i rtog pa bdun pa'i mdor bstan pa gsum gyi mthar sna tshogs slar bshad pa'i rgya cher 'grel pa yang dag pa'i lta ba'i dran pa'i snang ba zhes pa'i gzhung las thams cad kyi bsam gtan 'byung ba la sogs pa'i rtog pa ste/ bzhi pa bstan pa'o// // da ni dpal rdo rje dril bu la sogs pa de kho na nyid bzhi ma gtogs par rnal 'byor pa rnams kyis dngos grub ches myur bar mi 'thob ste/ de'i dbang du byas pa'i rtog pa rgyas pa gsungs pa/ mtshon bya zhes bya ba la sogs pa la/ mtshon bya'i mtshan nyid ces pa nang gi mtshan nyid bzhi dgongs pas bshad pa nyid kyis mtshon pa'i skad cig ces pa bsam du med pa ste mtshan nyid gang gis mtshon pa'i mtshon bya ni skad cig go//de yang de nyid bzhi zhes pa ni 'dir chos thams cad kyi grub pa'i mtha' la gnas pa ni bcom ldan 'das te/ 'dir grub pa'i mtha' 'di yang mtha' bzhi po des rtogs pas de kho na nyid dam pa'i don mthong bas sangs rgyas rdo rje 'dzin pa la sogs pa'i go 'phang thob pa'o//de mi 'tshal zhes pa ni 'dir som nyi rnam pa gnyis brjod do/ /de la 'dir gal te re zhig rtog pa bdun par bcom ldan 'das kyis nges par bstan te/ las thams cad kyi bsam gtan 'byung ba zhes pa las thams cad kyi tshogs rnams de nyid bsam gtan las byung ba zhes pa lnga'i don la dang po ste/de bzhin du de rnams bsam gtan las byung ba'i phyir ro/ /de bzhin du bsam gtan zhes pa'i ting nge 'dzin gang gis dngos po g.yo ba thams cad 'gog pa'o//'on te 'byung ba dang 'byung ba las gyur ba'i ye shes de skye ba gzhan yang nyams su myong bar 'gyur te/ de ltar yang bcom ldan 'das kyi nges pa skye ba 'dir sngags kyi spyod pa rtogs pa'i phyir sangs rgyas nyid dam rdo rje 'chang ba nyid du 'gyur na/ de'i tshe ji ltar bcom ldan 'das kyi las tshogs kyi tshul gyis sangs rgyas pa de'i tshes bcu gnyis pa tsam la brten te thar pa 'byung ba sa bcu gsum pa ni ma yin no//gang gi phyir bsam gyis mi khyab pa'i sa des na bsam du med pa'i ye shes de nyid gnyis su med pa bsam du med pa'i bsam du med pa zhes pa'i don to/ /de'i phyir de med pa'i sangs rgyas nyid la sogs par mi 'gyur ro//de ltar som nyi gcig go/ /de bzhin du gnyis pa brjod do/ /'dir gal te re zhig 'byung ba dang 'byung ba las gyur pa'i bsam gtan la sogs pa sgrub/ /des na las kyi tshogs kyi tshul gyis sems can gyi don dang sangs rgyas nyid skye ba gzhan la sa bcu gnyis la brten pa la sogs pa grangs med pas sangs rgyas nyid la sogs par mi 'gyur ba de'i tshe yang gal te/dngos po stong pa nyid kyi ting nge 'dzin gyis mar me bzhin mya ngan las 'das pa'i ye shes 'jug go/ /de'i tshe des ni yang dag par rdzogs pa'i byang chub kyi sa rnams la nyams te//de ltar nyams pas nyan thos la sogs pa'i sar lhung ngo / /de ltar phyogs gnyi ga la nyes par 'gyur ro/ /de'i phyir 'di'i thabs kyi ye shes kyi phyir/ de kho na nyid bzhi ma gtogs par byang chub med ces dgongs so/ /des na de rnams mi 'tshal zhes sbyar ro//de bzhin du/ bde ba chen po bshad du gsol/ /zhes pa ni/ bde ba chen po las bde ba chen po lta bu bde ba chen po bshad du gsol zhes pa'o/ /de'i tshe bcom ldan 'das kyis bka' stsal pa ni 'khor ba zhes bya ba la sogs pa'o/ /rdo rje zhes pa ni rdo rje snying po la bod pa'i phyir ro//de nyid ji bzhin zhes pa ni ji ltar phyi dang nang gi go rims bzhin rdo rje snying po khyod nyon zhes sbyar ro/ /de ltar byang chub myur ches pa thob pa'o/ /des na 'khor ba zhes pa ni 'dod chags dang zhe sdang la sogs pa'o/ /de las sgrol ba zhes pa ni pha rol tu khyer ba'o/ /de yang mtshan nyid ces pa ni 'chad bzhin pa'i dgongs pas bshad pa nyid bla ma'i man ngag gis bshad pa'i phyir ro//'di rdo rje zhes bya ba la sogs pa ni 'dir rnal 'byor pa rnams kyi bsam gyis mi khyab pa'i bsgom pa la dang po nyid du gnyis med pa ma rtogs par mi 'grub pa des na de bya'o//de yang de kho na nyid ces pa ni bdag nyid kyi rdo rje la sogs pa'i de kho na nyid gzugs kyis thams cad nye bar mtshon par bya ba'o/ /des na mtshan nyid kyis mtshon pa 'grub ces pa'o/ /des na phyi ru de'i rang bzhin nyid gzugs brnyan bzhin snang gi rang gi ngo bo nyid kyis phyi'i las grub pa ni ma yin no//de'i phyir 'dir cha brjod de/ gtsug tor nas ko sko'i mtha' ni dril bu'i steng gi rdo rje ste/ rtse gcig pa nas dang por brtsams te ji srid byed pa'i rtse mo'i bar du shes par bya'o/ /de nas ko sko nas mgrin pa'i mthar thug pa ni rdo rje'i 'og gi pad+ma'o//de'i steng du ni zla ba dang nyi ma'o/ /'og tu ni ri rab bo/ /de bzhin du zla ba dang nyi ma ni lce'i rtsa ba nyid do/ /ri rab ni rgyab kyi cha'o/ /de bzhin du mgrin pa nas snying ga'i mthar thug pa ni shes rab kyi zhal lo/ /de bzhin du snying ga nas lte ba'i mthar thug pa ni bum pa gang ba'o/ /de bzhin du lte ba nas brtsams nas ji srid skye gnas kyi mthar thug pa de srid pa ni dril bu'i sbubs so//skye gnas de nyid kyi dbus kyi lte ba ni dril bu bskyod pa'i lce'o/ /de nyid la 'di brjod do/ /nyon cig rdo rje zhes bya ba la sogs pa la/ rdo rje 'dzin rgyal po zhes pa ni dril bu de kho na nyid 'di la rnam par gnas pa don dam pa'i byang chub kyi sems kyi rang bzhin gyis mdzes shing 'dis gsal bas na rgyal po'o//de ltar dril bu tsam mtshon par byed pa rang gi lus kyi bdag nyid la sbyor bar bya'o/ /des na sems kyi 'char ba dang / /nub pa med par 'gyur ba'o/ /de yang mtshan nyid ni dril bu'i tshul gyis phyir zhes sbyor ro//de bzhin du bshad par bya ba de gsungs pa/ shes rab ces bya ba la sogs pa ni 'dir rang gi lus ni shes rab kyi dril bu'i gzugs so/ /de yang dkrol bas zhes pa ni/ dus thams cad du sgra tsam la brten pas smon lam la sogs pa sngon du 'gro bas sems can rdzogs pa bsam gyis mi khyab pa'i ting nge 'dzin la snyoms par zhugs pa'i rnal 'byor pa sgra tsam nyid la thim pa nyid do//de yang gang du dkrol ba zhes gsungs pa/ de kho na nyid kyi zhes pa ni 'dir de kho na nyid kyi sgra ni phung po lnga la sogs pa'o/ /de rnams kyi dkrol ba ni sgra tsam las thams cad nges par thim par 'gyur ro//de'i tshe/ lha rnams thams cad nyan 'gyur ba/ /zhes pa ni/ stong pa gnyis med pa'i lha rnams zhes pa sprul pa la sogs pa'i sku bzhi la gnas pa'i sangs rgyas la sogs pa de rnams kyis ro gcig pa'i phyir nyan zhes pa'i tshul lo//de nyid kyis nam mkha' zhes bya ba la sogs pa gsungs so/ /de bzhin du lha mo brgyad ces pa ni sgrol ma la sogs pa brgyad do/ /sa bon rnam pa brgyad ces bya ba la sa bon ni ye shes kyi khams so/ /de mi 'dzag pa'i phyir yi ge brgyad de thig le brgyad sdong bu las byung ba'o/ /de ltar thig le re re yi ge re re yang rnam par shes pa brgyad kyi rim pa'i phyir khams rnam par shes pa brgyad kyi rim pa'i phyir khams rnams nang du 'dus pa de yang lha'i gzugs kyis mi shigs pa'o//'dir shar du zhes pa ni shar gyi thig ler rlung gi khams kyi ngo bo ye shes kyi rang bzhin sgrol ma'o/ / de bzhin du me dang chu dang sa gos dkar mo dang mA ma kI dang spyan ma dkyil 'khor bzhi rnam par dag pa ye shes kyi khams su rtogs par bya zhes pa ni nges pa'o/ /de bzhin du de rnams la mdog mdzes zhes bya ba la sogs pa ni spyan ma la sogs pa'i rnal 'byor ma rnams kyi mtshams bzhin spros pa skul byed ma dang rin chen glog dang khro gnyer ma dang /rdo rje lu gu rgyud ma'o/ /des na yang gnas dang nye ba'i gnas na gnas rnams kyi rigs bzhi'i khyad par las skyes pa'o/ /de la gnas nas skyes pa ni mdog mdzes ma'o/ /mngar ma ni sngags skyes ma'o/ /sdug ma ni zhing skyes ma'o//rdo rje phreng ba ni lhan cig skyes ma'o/ /de ltar 'byung ba dang 'byung ba las gyur pa'o/ /de yang rnal 'byor pa bdag gi rang bzhin ji lta bu zhes pa'i bdag mi shes so/ /de rnams kyi sems kyi ji ltar dril bu'i dbus khong stong pa de bzhin du rnal 'byor pa'i nam mkha' dbus zhes pa ni snying ngo //de'i phyir du gzugs mdzes zhes pa sprul pa'i sku'i gzugs tsam mdzes pa nyid do/ /yon tan gyi ni gnas zhes pa ni/ ji ltar nam mkha' yon tan thams cad rab tu rdzogs pa de bzhin du rnal 'byor pa yang sngon nas thig le stong pa nyid do/ /de bzhin du dril bu'i steng du pad+ma rgyas pa'o//nang du chos kyi dbyings kyi pad+ma de las byung ba gang gi tshe de'i gzugs zhes pa ni de rnams kyi lus kyi dngos po med de 'dir btags pa'i phyir ro/ /'on kyang 'di rnams kyi gnas su zhes pa ni lus shes rab bdud rtsi'i bum pa bzhin zhes pa dril bu'i kha bum pa bzhin gsal ba dang mi gsal ba'o//ji ltar bdud rtsi'i bum pas sems can thams cad la phan par byed pa de bzhin du rnal 'byor pa rnams kyi gzugs kyi gzugs kyang ngo / /de bzhin ye shes bdud rtsi ni gnas zhes pa ni lte ba'o/ /de'i zhes pa ni a wa d+hU ti'i khyad par ro//gdan zhes pa ni gnas te/ de las byung ba'i phyir ro/ /de yang rnal 'byor ma ste/ shes rab ces bya ba la sogs pa ni/ de'i tshul du sems can rnams kyi 'jug pa'o/ /gang gi phyir gzugs mdzes pa sgyu ma bzhin yon tan rnams kyi phyir shes rab kyi pha rol tu phyin pa de 'dir gab ste gnas pa nyan thos la sogs pa rnams kyis mi shes pa'o//de bzhin du steng gi zhes bya ba la sogs pa la/ ji ltar sngon bzhin zhes pa ni/ pad+ma'i chos kyi dbyings so/ /rdo rje ni rdo rje 'dzin pa chen po'i sa bsam du med pa'i ye shes zhes pa'i don to/ /de bzhin du dbus kyi zhes bya ba la sogs pa ni de bzhin du nang du sgra tsam mo//'dir ye shes kyi gzugs kyi a wa d+hU tI'i nang du dbus ma ye shes kyi dbyug pa'o/ /de la gnas pa rnams kyi bsam gyis mi khyab pa'i rnam pa rang bzhin gyi sangs rgyas kyi ye shes so/ /de rnams kyi A li kA li zhes pa ni 'byung ba dang 'jug pa'o//des rab sbyor ba zhes pa ni sngon du gsungs pa'i thig le brgyad kyi dbus nas a wa d+hU tI'i ru gzhug pa ni/ bskyed ces pa sdud pa'i dus so/ /de'i phyir spro ba zhes pa ni sangs rgyas thams cad kyi'o/ /gnas brgyad ces pa ni sdong bu'i thig le brgyad rnams kyi gzugs las zhes sbyar ro//de nyid kyis ni sprul pa'i sku'i lus can rnal 'byor ma'i gzugs la brten te/ thams cad ces pa ni sems can thams cad de 'khor bar yang de rnams nyid gang gi phyir 'dod chags la sogs pa'i nyon mongs pa rnams kyis bsgribs pa de rnams gdon pa'i phyir/gang las 'khor ba gcod pa'i yid kyi brtson pa dang ldan pa de ni/ 'khor ba thams cad gcod pa po/ /zhes pa rnal 'byor ma'i gzugs kyis sangs rgyas dang rdo rje 'chang ba nyid ces pa'i don to/ /da ni rdo rje dang dril bu'i rgyu dang 'bras bu gsungs pa/ rdo rje zhes bya ba la sogs pa ni 'dir phyi dang nang du bshad do//'di yang nang gi dril bu ji ltar phyi'i rgyus nye bar mtshon par bya'o/ /'dir thabs zhes pa ni rtsod pa'i dus kyi sems can chung ngu dang 'bring dang chen po rnams thabs sna tshogs pas sangs rgyas pa nyid du bcom ldan 'das kyis bstan to/ /der gsungs pa de'i dus su gang dag chung ngu'i sems can de dag dril bu'i de kho na nyid kyi thabs kyis sangs rgyas pa nyid do//de yang / thabs ni de yi dbus nyid du/ /zhes pa ni a wa d+hU tI'i rdo rje dril bu sngon du gsungs pa'i mtshan nyid do/ /de bzhin du lag pa zhes bya ba la sogs pa ni nang du lag pa'i sgra ni srog dang thur sel lo//de nyid bskyangs nas su zhes pa ni a wa d+hU tIr bcug pas chos kyi dbyings stong pa'i mtshan nyid kyi phyir rgyas par 'gyur zhes dgongs so/ /pad+ma zhes pa ni ye shes lnga'i gzugs su bskyed de sems can gyi lus grangs med par bsgyur ba'o/ /de yang dkyil 'khor lnga'i rigs la sogs pa'i rigs lnga yin no//'on kyang g.yas par nyi ma zhes bya ba la sogs pa ni g.yas nas rgyu ba'i phyir nyi ma'i dngos po yang sdud pa'i tshul gyis shes rab bo/ /dngos po'i dbye bas thabs so/ /de bzhin du g.yon nas zla ba rgyu ba'i phyir ro/ /spro ba'i tshul zla ba'i dngos po thabs te dngos po'i dbye bas shes rab bo//de bzhin du dbu ma yang thabs su bcom ldan 'das kyis bstan to/ /lus can rnams kyi zhes pa ni rang gi lus dgyes pa'i rdo rje zhal gcig phyag gnyis pa la sogs pa'i rang gi 'dod pa'i lha'i gzugs su bsgom par bya'o/ /de bzhin du rdo rje zhes bya ba la sogs pa ni chen po rnams kyi ste g.yon gyi sgras ni bzlog pa sna tshogs pa rgyas pa sems kyis byed pa de la de skad ces bya'o//de nas zhes pa ni phyi ru g.yas su dril bu g.yon du rdo rje'o/ /sgro btags pa zhes pa ni gzung bar bya'o/ /de'i tshe/ rdo rje'i glu 'di brjod par bya/ /zhes pa'i don to/ /de la hUM zhes bya ba la sogs pa la/ tshul gyis zhes pa ni hUM gi dbyangs so/ /sangs rgyas thams cad ces pa ni chos kyi sku'o/ /de'i chags pa ni chags pa de'i rang bzhin nyid kyi phyir dgongs so/ /'dir so ha i zhes bya ba la sogs pa la/so ha i zhes pa ni de 'di ste kye khyod kyis 'di mdzod cig pa'o/ /de ci zhe na badzra mul+la i zhes pa ste/ rdo rje gsor zhing zhes pa'i don to/ /gang 'dir ta re a zhes pa ni srid pa'i rgya mtsho las sgrol bar byed pa'o/ /sa n+ta bi mo k+She ya zhes pa ni sems can rnams la yang grol ba'i lam ster ba'o//des na ha ma pi mo zhes pa ni mi phyed pa'i rdo rje chos kyi sku ru chos nyid kyi thar pas grol par 'gyur ba'o/ /ka dzu badzra hUM sa ra ng+haran+du zhes pa ni bya ba 'dis snying po rdo rje mchog tu mi 'gyur ba'i ye shes zung cig pa'o/ /de bzhin du phyi ru brjod pa'i sngags gsungs pa/ hUM zhes bya ba la sogs pa la shin tu dga' bas brjod de/dbang gi dus su slob dpon gyis sbyin te/ slob mas kyang brjod nas gzung bar bya'o/ /'dod pa'i lha mchod pa la sogs pa'i dus sam zhes pa ste nges pa'o/ /lhag ma ni go sla'o/ /'dir bsdus pa brjod de/ a wa d+hU tI'i dril bu 'di//mi shigs pa yis bsdu bar bya/ /khams gsum pa yi rang bzhin ni/ /de ni cha gsum pa ru grags/ /'og gi cha ni la la nA/ /ra sa nA ni steng du sbyar/ /a wa d+hU tI'i dbus kyi cha/ /ye shes dbyug par yang dag nyid/ /shes rab gdon ni 'dir snang ste/ /lte ba'i bu ga 'og bltas pa'o//rkan ni mtshams kyi mdud pa ru/ /bum pa ha yi rnam pa nyid/ /rtsa gsum gyi ni nang rnams su/ /rdo rje bzlas pa des rdo rje/ /yi ge gsum dang sku gsum nyid/ /thig le brgyad ni thigs pa can/ /thams cad du ni 'grol bar byed/ /phyogs brgyad brgyad kyis dbyug tshod ni//drug cu rtsa bzhi dus chen po/ /sgra yi tshangs pa bskul ba'i phyir/ /yi ge sum cu gnyis kyi rtsa/ /ka sogs mthar thug de de bzhin/ /de rnams dbus su ha yig ni/ /thams cad du ni dgra yis dgang / /dga' ba bcu drug rkan can gyis/ /rjes su mthun pa yis ni brdung / / de yang dbyangs su yang dag bshad/ /srog ni bcu drug po rnams ni/ /'pho ba bcu drug po 'di rnams/ /'gag pa'i dus kyi mtshams su ste/ /de ru 'das par yang dag bshad/ /thig le sgra ni mtshon par byed/ /thig le brgyad du de shes bya/ /sgrol ma la sogs brgyad du grags/ / de ltar dril bu khams gsum pa/ /gcig gi gzugs su rtag ces bya/ /sgra ni sgra yis brjod pa'i phyir/ /sna tshogs don ni byed pa nyid/ /sems can gzugs kyang de nyid du/ /chos kyi sku nyid brjod med phyir/ /rdo rje mi phyed pa yi gzugs/ /rdo rje sems dpa' dril bdag nyid/ / de ltar bstan pa thams cad ni/ /rnal 'byor pa yis rtag tu bsgom/ /bsam du med pa'i chos nyid 'di/ /rtag tu rgyu dang 'bras bdag nyid/ /'di bzhi'i de nyid chen po ni/ /bsgrubs la byang chub ster byed pa/ /bdag gis mdor ru bsdus te bshad/ /rgyas par gzhan du shes par bya//zhes bya ste nges pa'o/ /kha sbyor thig le'i rgyud kyi rgyal po'i rtog pa brgyad pa'i rdo rje dril bu la sogs pa'i de kho na nyid kyi rab tu byed pa'i rgya cher 'grel pa yang dag pa'i lta ba'i dran pa'i snang ba las dang po bstan pa'o// //da ni bgrang phreng dang sngags bzlas pa la sogs pa'i rab tu byed pa bstan pa'i phyir/yang dag cho ga zhes bya ba la sogs pa la/ rdo rje zhes bya ba ni/ rdo rje snying po la bcom ldan 'das kyis bos pa'o/ /sogs pa'i sgras ni zhi ba la sogs pa'i sngags bzlas pa bsdu'o/ /'bras bu gnag ces pa ni/ lung thang la sogs pa'o/ / thams cad nyid ces pa nyi hUM ste/ des byin gyis brlabs zhes pa'i don to/ /sdig pa zhes pa ni mdzub mo'i steng du bgrang ba'o/ /gzhan thams cad ni go sla'o/ /de bzhin du phreng sngags bzlas pa'i de kho na nyid kyi sgom pa gsungs pa/ sgrub pa pos zhes bya ba la sogs pa la/ de kho na nyid ces pa ni 'chad bzhin pa nyid do//des na thams cad ces pa ni zhi ba la sogs pa'i sngags bzlas pa'o/ /de'i phyir bshad pa'o/ /a ka ru ku ru na zhes pa ni mchog tu mi 'gyur ba'i rgyus so/ /de bzhin du tat+t+wa zhes pa ni de kho na nyid dag pa 'dis te so hi ya zhes pa ni sbyangs pa'o//de ci zhe na sa bA zhes pa ni thams cad stong pa 'od gsal ba'i ye shes te de nyid sngags sbas pa'i phyir te/ gang gi phyir sangs rgyas rnams kyi spyod yul yin pas so/ /bi s+tha ru ga Na i zhes pa ni/ bgrang ba'i rim gyis thig le nye bar mtshon par bya zhes pa ste/ gang gi mchog tu mi 'gyur ba 'grub ces pa'i don to//de nyid kyis na a sa kha a li khu zhes pa ni grangs med pa'i bgrang bas mtshon pas thig le stong pa 'grub pa'o/ /des na si dza u dzo i ni swA hA ru zhes pa ni rnal 'byor ma'i snying po zhes pa ni rnal 'byor ma'i snying po 'grub ste/ rnal 'byor ma'i ye shes bye ba phrag brgyad cu'i nye bar sbyong ba'i thig le'i stong pa las nyin mtshan du dpa' bo dang rnal 'byor ma'i rang gi lus 'grub par 'gyur zhes dgongs so//de ltar yang rang gi sems kyi smon lam gyis oM zhes bya ba la sogs pa ni oM zhes pa'i tshig gis gang 'jug pa'i phyir ye shes chen por 'gyur ro/ / sarba b+hu d+d+ha zhes tshig gis ni hUM gsum de bzhin du a haM zhes bya'i tshig gis ni ho gsum mo/ /de bzhin du b+ha ba de zhes pa'i tshig gis ni yaH/ /thams cad kyi mtha' ma'i cha gzung ngo / /swA hA zhes pa ni thams cad la sbyar ro/ /de ltar oM hUM hUM hUM a/ zhes pa rnams la ho gsum sbyar te/ thams cad du chags pa'i ye shes 'di nyid la yang ngo //de bzhin du hUM gsum gyi 'jug pa dang gnas pa dang ldan pa rnams la thams cad du khyab par byed pa ni sems 'di'o/ /de ltar bgrang phreng sbyangs bas sems dag go/ /de nyid de kho na nyid de dag pa'o/ /des na thig le'i gzugs rnams rnal 'byor ma ste/de rnams sna tshogs pa de la de skad ces bya'o/ /des na bgrang phreng zhes bya ba la sogs pa ni las gang 'dod pa de thams cad 'grub par bya zhes pa'i don to/ /de rnams kyi nges pa'i tshig ni sngon du gsungs so/ /de yang mi gsal ba zhes pa ni mi gsal ba de nyid du byas nas 'grub ces pa'i don to//de ltar yang gsungs pa/ yi ge'i dngos dang dngos po rnams/ /thams cad stong par mi 'gyur ba/ /mchog tu mi 'gyur sbyor ba yis/ /las rnams thams cad bsgrub par bya'o/ /phreng ba dang ni sngags dag ni/ /gang gi sbyor thabs shes par bya/ /nyi ma zla ba 'jug pa'i phyir//nam mkha'i rnam pa'i ngo bo nyid/ /rnal 'byor ma yi tshogs rdzogs pa/ /sngags kyi bzlas pa yis ni rdzogs/ /sgrub pa po las de byung phyir/ /tshig 'di nyid kyang ster bar 'gyur/ /sngags kyi bzlas pa'i sbyor ba yis/ /phyag rgya'i dngos grub gzhan du min/ /de nyid dag pa yi ni sbyangs//mchog tu mi 'dzag mi g.yo'i phyir/ /gzhan du dngos po nyid du 'gyur/ /sems dang sems byung mtshan nyid phyir/ /des ni rdo rje rnal 'byor pa'i/ /rtags su dngos grub bde ba min/ /zhes pa ste nges pa'o/ /da ni kun rdzob tu rnal 'byor pa rnams kyis sngags bzlas pa'i dus su skad cig thams cad du rnam pa dang bcas pa'i sgom pa brjod de/ye shes zhes bya ba la sogs pa la ye shes chen po zhes pa ni las dang po pas sngon du gsungs pa'i rim pas bsgom pa byas pas rab kyi mthar thug pas lus dang ngag dang sems kyis ye shes chen po nyid thob pa'o//des na ye shes de nyid ces pa ni kun rdzob tu ye shes kyi rnam pa rang gi lus rnam par snang mdzad kyi cha byad kyi gzugs su bsgom par bya'o/ /des na de'i khyad par can du 'gyur ro/ /de bzhin du mnyam par gzhag pas zhes bya ba la sogs pa la/ 'khor lo zhes pa ni dngos po thams cad ro gcig pa'i tshul gyis mtshon par bya'o//mnyam nyid ces pa ni lhan cig skyes pa'i ye shes kyi sems kyi khyad par nyid do/ /de'i phyir zla ba zhes bya ba la sogs pa la/ ye shes sa bon zhes bya ba ni hUM zhes pa'am oM zhes pas so/ /cig car zhes pa ni shes rab dang thabs kyi rim pa 'dis gang sngags kyi yi ge rnams lha mo'i zhal nas byung nas rang gi khar zhugs pa de'i tshe rdo rje'i lam nas lha mo'i pad+mar zhugs pa'o//yang lha mo'i zhal nas byung ste/ rim pa 'dis rgyun mi 'chad par bzlas pa ni don gcig go/ /gzhan yang cig car zhes pa ni phyi'i phyag rgya ma lo bcu gnyis ma bsten pa ste/ji srid du khu ba dang ldan pa'i de srid du'o/ /de'i tshe bdag nyid kyang phyag rgya chen po zhes bya ba byang chub kyi sems so/ /phyag gnyis ces pa ni srog dang rtsol ba dag gzung bar bya'o/ /snying gar zhes pa ni steng dang 'og gi srog dag snying ga'i gnas su phrad par byed pa'o//btsir bar bya zhes pa ni thim par 'gyur zhes sbyar ro/ /des na yang kha dog dkar po zhes bya ba la sogs pa ni de'i dngos po'i rang bzhin 'byung ba'o/ /de'i phyir de rnams bud med las khu ba 'byung bas lag pa zhes bya ba la sogs pa ni pad+ma'i lag pa sbyin te/rim pa 'dis srog dag sngon du 'gog pa'i phyir slar yang spro ba'o/ /bskor zhes pa ni bskyod par bya'o/ /mkha' 'gro ma yi de bde ba/ /zhes pa ni sngon du bsgrubs pa'i byang chub kyi sems de'i pad+mar gnas pa'o/ /de yang A li zhes bya ba la sogs pa ni srog dang thur sel ro gcig pa'i dngos po'i phyir ro//hUM zhes pa ni hUM gi rnam pa brjod pa'i phyir/ rdo rjes lcags kyu bzhin byang chub kyi sems dgug par bya'o/ /de bzhin du skud pas zhes pa ni a wa d+hU tI'i bu ga'i lam du'o/ /gdab par bya zhes pa ni mi shigs par brjod pa der khyar ba'o//de'i phyir bstan par 'gyur te/ srad bu bzhin du zhes pa'o/ /de bzhin du 'di yi zhes pa ni mchog tu mi 'dzag pa'i sa bon gyis de'i sgom pa yang rgyun mi 'chad par goms pa shin tu bzung ba'i gong du 'pho ba'i mtshan nyid bstan pa gsungs pa/ ma gzir ba zhes bya ba la sogs pa ni 'chad bzhin pa las gsungs pa'i phyir ro//rims la sogs pas ma gzir ba'i rnal 'byor pa de la de skad ces bya'o/ /des na bum pa can zhes bya ba la sogs pa ni dang po'i ting nge 'dzin gyis bum pa can gyi sbyor ba la goms par bya'o/ /des na sgo rnams thams cad de bzhin du 'gyur ro//de bzhin du sgrogs pa lnga zhes bya ba la sogs pa'i ni mchod rten gyi sgras sngon du gsungs pa'i sgo rnams la brtsegs pa'i yi ge rnams dgod pa ste/ sgo so so la yi ge lnga po re re'i yi ger 'gyur te/ khams lnga'i ming can rlung lnga'i bdag nyid ces pa'i don to//des na yang sgo re re la rtsa lnga rab tu phra ba sgrogs pa lnga shes par bya ste/ de'i rnam pa'i yi ge sbyor ba'i dus su brjod pas rtsa thams cad la gnas par 'gyur ro/ /de'i tshe yi ge 'di nyid kyi rnam par brjod pa'i phyir zhes gsungs so/ /de la 'og gi zhes bya ba la sogs pa ni sgrogs pa lnga'i sgra'o//de rnams la yi ge brgyad dam drug rim pa bzhin dgod de des na mchod rten bzhin de rnams kyi nang du yang 'jug pas na mchod rten gyi yan lag gi sa bon gyis de nye bar mtshon pa'i phyir/ srog sbas pa'i yid kyis yi ge brjod pa'i phyir zhes pa ste nges pa'o/ /de yi sgo yi sa bon ha//zhes pa ni haM gi cha byad du bdud rtsi'i rgyun 'bab pa kha dog dkar po chu bzhin du gtsug tor nas rkang pa'i mthe bo'i mthar thug par zla ba'i gzugs su rang gi sems blta ba'o/ /chu dang zhes bya ba la sogs pa la chu ni 'gro ba'i tshul gyi phyir las kyi rlung ngo / /de'i thim pas na mi 'gro ba'i chu min 'chi ba'i bar du mi 'byung ba de ni dbyibs kyi rlung ste/chu'i nang gi lam nas rgyu ba'o/ /de gnyis ka'i sbyor bas me'i sa bon 'jig rten pa las grags pa'i ra'o/ /de yang yang dag sbyin pa nyid kyis ar 'gyur te/ de'i cha gnyis kyi phyir chu min ni ra'o/ /chu ni ta'o/ / de'i phyir ra me'i sa bon gyi phyir 'bar ba bzhin zhes par bsgom par bya'o/ /ta ya dngos po'i dbye bas me 'jug par 'gyur te me de nyid la thim par 'gyur ba ni me lha zhes dgongs so/ /de'i phyir me bzhin zhes pa ste nges pa'o/ /sbyor ba 'dis ni sgo dgu rnams 'gog par 'gyur ro/ /de bzhin du/shin tu mnyam par gzhag pa'i rnal 'byor pa/ /zhes pa ni shin tu rnam par shes pa'o/ /de'i sngon zhes pa ni ting nge 'dzin rtsom pa'i dus su dbugs la dang po nyid du 'di bya zhes gsungs pa lus ni rlung gi zhes bya ba la sogs pa ni 'dir kun gzhi rnam par shes pa la rang gi lus gnas pa de'i tshe rlung gi rnam par shes pa bsgom par bya'o//des na rdzus te skyes pa gzugs med pa'i khams bzhin no zhes sbyar ro/ /de bzhin du/ rlung gi dkyil 'khor bsam par bya/ /zhes pa ni dri za'i sems can bzhin rlung gi dkyil 'khor gyi rnam pa bsam mo/ /gang gi phyir rnam par shes pa de la brten pas so//de'i phyir bsam zhes pa ni sems las byung ba ye shes zhes pa'i don to/ /de bzhin du rlung gi dkyil 'khor ba gang gis gang du ci byed ce na/ gsungs pa/ rlung gi sa bon rtsa ba ni/ /zhes bya ba la sogs pa la/ rtsa ba ni dbyibs kyi rlung ngo //de nyid kyi 'og ste/ /mtha' ma nas steng du 'gro ba ni las kyi rlung ngo / /de nyid kyis mi shigs pa la reg pa de'i tshe sna la sogs pa'i bu ga nas byung ngo / /'dir yang sbyor ba 'di bya ste/ sa bon zhes pa ni oM hUM zhes pa'i sa bon gnyis kyi 'og dang steng du gnas pa 'jug pa dang 'byung ba'i phyir ro//rlung gi sa bon de nyid kyi dbus su sngon du gsungs pa'i rlung gi dkyil 'khor a'i ming can no/ /de yang thig le sgra zhes bya dus thams cad du mi dor zhes pa'i don to/ /des na rnal 'byor pa de la de skad ces bya'o/ /de las kyi phyag rgya la sbyor bas phyag rgya chen po bcom ldan 'das kyis thams cad du bstan pa'i phyir ro//de ltar yang gsungs pa/ las kyi phyag rgya'i sbyor ba yis/ /phyag rgya chen po bsgrub par bya/ /bcu gnyis lo lon dpe med ma/ /shes rab chen po bsten par bya/ /bung ba la sogs byed pa yis/ /ji srid khu ba ldan 'gyur bar//lag gnyis snying gi dbus bzhag ste/ /bdag nyid kyis kyang de bzhin gzung / /phyi nang khu ba dgug bya ba/ /pad las rdo rje lam nas ni/ /rkan gyi bu ga ru ni 'dren/ /sngags kyi bzlas pa mi 'dzug pa/ /de nyid kyis na sangs rgyas nyid/ /phyag rgya che la nye bar gnas//goms pa'i dus su de nyid kyis/ /skra dkar gnyer ma la sogs spangs/ /zhes pa ste nges pa'o/ /kha sbyor thig le'i rgyud kyi rgyal po'i rtog pa brgyad pa'i rab tu byed pa gnyis pa'i sngags bzlas pa la sogs pa'i rgya cher 'grel pa yang dag pa'i lta ba'i dran pa'i rnam pa'i gzhung mdor bstan pa ste gnyis pa'o// //da ni rtsod pa'i dus kyi dbang gis sems can rnams shin tu gtum pa'i las la spyod pa des na rdzogs pa'i rnal 'byor pa rnams kyang las bzang bor mi 'gyur te/ gang gi phyir rang gi sems kyi dngos po thams cad mthong bas de'i rang bzhin du 'gyur ro//de'i phyir lam bzang po nas myur bar gong du brjod pa'i phyir/ gong du 'pho ba zhes bya ba la sogs pa gsungs te/ rdo rje zhes pa ni rdo rje snying po la bod pa'o/ /sbyor mtshan nyid ces pa ni rtsa rnams kyi nang rnams su de rnams thim par byas nas so/ /de ci'i phyir zhe na/ 'dir gang gi phyir gong du 'pho ba zhes pa ni gang gi tshe rang gi gnas gong du mi 'pho ba de'i tshe der thim pa ste/sgo gzhan gyi lam nas ma yin zhes pa'o/ /de bzhin du lam bzang po zhes pa ni gzhan byis pa'i skye bo'i rang blo kun du brtags pa ni ma yin no/ /des na ji bzhin zhes pa ni ji ltar go rims bzhin mi 'gyur zhes sbyar ro//de'i phyir bdag gi ye shes kyis ji ltar mdzes pa zhes pa ni bcom ldan 'das kyi nges pa'o/ /de yang 'chad bzhin pa las bshad par bya'o/ /de ni 'chi ba'i mthar de'i dngos po la gzhan gyis kun du brtags pa'i lam la srog 'byung bas 'gro ba bstan pa'i phyir/sgo dgu po zhes bya ba la sogs pa gsungs te/ tshad ma zhes pa ni sems can thams cad kyi thun mong gi tshig go/ /'on kyang mu stegs pa la sogs pa'i brtags pa'i gong du 'pho ba la skyon brjod de/ sbyor ba zhes pa ni de rnams kyi rang gi 'dod pa'i thig le'i gnas su song bas thar par 'dod pa'o//de ni ma yin te sbyor ba nyams pa'o/ /yang na de nyid kyi sbyor bas 'grub na de'i tshe bzang ngo / /'on kyang mi shes pa'i phyir te mi shes te/ de'i tshe srog gzer bas sdug bsngal nyams su myong bar 'gyur ro/ /des na sgo dgu nas srog 'gro ste nges pa med pas so/ /de ltar de rnams kyi lam ni lam ngan par brjod do//lam bzang po zhes bya ba la sogs pa la/ thig le zhes pa ni mdzod spu'o/ /steng zhes pa ni spyi bo'o/ /sogs pa'i sgras ni kha gzung ngo / /grub pa'i lha zhes pa ni ral gri'i rig pa 'dzin pa la sogs pa'o/ /srid pa'i sgo zhes pa ni kha'o/ / 'pho ba zhes pa ni 'pho ba'i phyir rnam par shes pa 'pho bar brjod do/ /gzhan ni go sla'o/ /des na 'di ltar sgo ba zhes bya ba la sogs pa ni 'dir rgya la rnal 'byor phul du ma song ba rnams rgan par 'gyur ba'am/ yang na dus ma yin par 'chi bas gal te 'chi ba'i mtshan ma mthong ba de'i tshe/ de yang gdan bzhi pa dang / rdo rje mkha' 'gro la sogs par gsungs pa'i phyir/ de rnams las rtogs par bya'o/ /de'i phyir sgo'i bye brag ces pa ni/ 'dod pa'i dbang gis lte ba la sogs pa'i sgo rnams las gong du 'pho bar bya zhes sbyar ro/ /de bzhin du ba la sogs pa la thig le ni gtsug tor du'o//sgra ni lte ba dang rkang pa'i mtha' la thug par de dang ldan pas steng 'og nas dgug cing lta ba nang du sbyar te ji srid a wa d+hu tI zhugs kyi bar du'o/ /de nyid sems kyi sa bon gyis zhes pa ni dri za'i sems can gyi rnam pa'i bag chags tsam gyis so//gzhan du rlung la brten pa'i rnam par shes pa de dang bral ba'i phyir las nyid du su zhig byed par 'gyur/ de'i phyir sems kyi sa bon gyis zhes smos te/ de nyid kyang / de kho na nyid gang gis 'gugs she na gsungs pa/ rdo rje'i sa bon zhes bya ba la sogs pa ni rdo rje 'chang gi sa bon ni dgongs bshad gzhan gyis hUM du bzung ngo //de yang steng du gnas nas 'og tu bltas pa'o/ /de bzhin du drag po'i sa bon zhes pa ni/ oM ste 'og tu gnas nas steng du bltas pa'o/ /yang na suM dang k+Shi zhes pa dag ste/ 'di gnyis kyi dbus mgo bo gnyis kyi steng du yaM gi sa bon gnyis thig le dang sgra'i bdag nyid kyi phyir zhes dgongs so//de ltar thig le dang / sgra dang / yaM gnyis lcags kyu bzhin sbyar te/ lcags kyu bzhin zhes pa ni da ltar yi ge gnyis rdo rje drag po'i gnas kyis snying nas 'gugs par byed do/ /snying gi gnas de nyid gong du shes par bya'o//gang phyir dus kyi rnam grangs kyi snying sna tshogs par 'gyur te/ rlung nas 'phro ba'i phyir zhe na gsungs pa/ nyi shu rtsa bzhi zhes bya ba la sogs pa ni pul+li ra mA ya la sogs pa gnas dang nye ba'i gnas la sogs pa'i spyi bo'i gnas nas pus mo'i mthar thug pa nas der 'gugs pa de de ltar snying du gsungs so//de nyid kyis na gnas gang zhes rdo rje snying pos zhus pas brjod do/ /de nas bcom ldan 'das kyis bka' stsal pa/ gang gi gnas zhes pa ni lan gyi tshig ste/ pul+lI ra la sogs pa gnas nyi shu rtsa bzhi ru bzhag ste/de yang tshogs dgu zhes pa ni sgo dgu'i steng du song ba'i srog la sogs pa dgug par bya'o/ /gang gis she na gsungs pa/ 'gro dang ldog ces bya ba la sogs pa ni 'dir sngon du gsungs pa'i rdo rje can drag po'i sa bon gyis dgug pa'o/ /de'i yang byed pa 'gro ba zhes pa ni hUM ngo //ldog ces pa ni oM ste/ de dang srog dang thur sel la/ /de yang sa bon gnyis sbyangs te yi ge phyed dang gnyis khong nas brjod pa'i phyir ro/ /de yang drag po'i sgras zhes bya ba la sogs pa la drag po ni phrad pa'i phyir sdud pa'i dus so/ /de na sgra de nyid sbas te gzhan ni ma yin no//de'i skad cig la ci zhig brjod par bya zhe na gsungs pa/ brgyad kyi mtha' zhes bya ba la sogs pa ni ha'o/ /a'i sde'i rjes su ka'i sde ka'i phyed de/ he ka a hi ka gnyis kyis 'og dang steng du lcags kyu bzhin dgug par bya zhes pa ste nges pa'o/ /rtsa bar rlung gi dkyil 'khor zhes bya ba la sogs pa la ni go sla'o//de bzhin du rnal 'byor pa'i zhes bya ba la sogs pa ni dbugs 'byung ba dang 'jug pa dag gis sa bon gnyis kyis steng gi sa bon gnyis steng dang 'og gzir bar bya zhes pa ni las dang dbyibs gnyis bza' bar bya'o/ /des na rnal 'byor pa zhes pa ni sangs rgyas dang mtshungs te bzod pa'i phyir ro//de bzhin du 'phral du 'pho zhes pa ni sbyor ba 'dis gong du 'pho ste/ rtag tu goms pa las 'gyur zhes dgongs so/ /yang na rnal 'byor pa rnams kyi sdig pa thams cad 'phral du 'dag par 'gyur te de yang 'chad bzhin pa dang bral ba'o//da ni gong du 'pho ba'i 'bras bu dang nyes pa gsungs pa'o/ /lha dang zhes bya ba la sogs pa ni chos 'khor dang gtsug lag khang 'joms pa dang bram ze gsod pa dang / de bzhin du pha dang / ma dang / bla ma dang / dgra bcom pa gsod pa'i mtshams med pa lnga byed pa dang sdig pa'i blos dge ba dam pa ma yin pa dang mi dge ba la 'jug pa dang //chom po yang ma rig pa'i dbang gis te 'dod pa la sogs pa'i nye ba'i longs spyod la chags pa dang sdig pa'i bshes kyis gzung ba sdig pa'i skyes bu rnams kyis ni mi 'grub ste/ de lta mod kyi skyes pa gang dag 'di yis zhes pa ni chom po la sogs pa'i sems dang ma bral ba de rnams kyang lam gyi khyad par gyis yang dag par gong du 'pho bas bde bar gshegs pa sangs rgyas rdo rje 'chang la sogs pa thob par 'gyur ro//sdig pa sogs pa zhes pa ni lha gsod pa la sogs pa'i nyes pa des gos pa ma yin nam/de la srid pa'i dngos po ring ba nyid du mi 'gyur ro/ /ci ste gal te 'gyur na de'i tshe skas kyi thim pa'i rim pa bzhin rigs na/ de ji ltar sdig pa'i bdag nyid can grol bar 'gyur/ dge ba bcu la sogs pa'i las kyi lam rnams bstan pa'i phyir/de'i tshe dge ba bcu'i lam la sogs pa rnams bzung bas grol lo zhe na gsungs pa/ ji ltar 'dam zhes bya ba la sogs pa ni 'on kyang dus gang du 'pho ba dang nye ba'i dus der rang gi sems dang lhar sbyangs pa'i phyir/ dge ba bcu la sogs pa'i las kyi lam mngon du byed do//de la dpe ni bdag gi sdig pa ni 'dam bzhin te/ de las byung ba'i pad+ma dri ma med pa mdzes pa bzhin ye shes kyi lus dri ma med pa de ltar sdig pa phyis spangs pa'i phyir ji skad gsungs pa bzhin du byed de/ sdig pa'i skyes bu nyid sdig pa med par 'gyur te/ lam bzang po nas gong du 'pho ba'i mtshan nyid kyis so//'on kyang de'i dus su rnam par shes pa nyid kyi de'i rang bzhin du 'gyur te/ sngon gyi rang bzhin rnams nyid du 'gyur ba ni ma yin no/ /de'i rigs kyi phyir skye ba gzhan rnams la de nyid kyis gdul ba'i bya ba byed de/ bdag nyid grub pa'i phyir zhes dgongs pa'o//lhag ma ni go sla'o/ /mdor bsdus pa'o/ /rgyas pa ni rtog pa lnga pa'i rab tu byed pa gsungs bar gsungs pa ste/ der sgrub pa pos shes par bya'o/ /bdag gis kyang de nyid du bsdus pa'i tshigs su bcad pa sna tshogs pas bstan to/ /da ni sngon du gsungs pa'i gong du 'pho ba las goms pa'i dus su rnal 'byor pa bsgrub bya de ltar byung ba rnams kyi bsgom pa gsungs pa/rnal 'byor bsgrub bya zhes bya ba la sogs pa ni rdo rje snying po khyod de bzhin du go rims ji lta ba de kho na nyid 'chad bzhin pa de nyon zhes sbyar ro/ /de yang rnam pa dang bcas pa'i sgom pa nyid kyi ye shes mkha' 'gro ma'i gzugs su bskyed de/des na rnal 'byor pa bdag nyid kyi gzugs 'chad bzhin pa las dkyil 'khor la bshad de/ de yang sngon du gsungs pa'i rtog pa gsum pa'i rab tu byed pa gnyis pa der shes par bya'o/ /de ltar gsungs pa'i mtshan nyid thams cad sngon bzhin zhes bya ba la sogs pa ni go sla'o//'on kyang de rnams kyi sa bon brgyad ces bya ba la sogs pa la/ A li kA li zhes pa ni rtog pa bdun pa'i rab tu byed pa gsum par brtsegs pa'i yi ge brgyad ji ltar bsdus pa de'i sa bon rnams dgod ces dgongs so/ /de bzhin du phyi'i bsgom pa 'dir de bzhin du ye shes mkha' 'gro ma'i yi ge nang gi don gsungs pa/de'i don gyi dbang du byas pa gsungs pa/ chu shing me tog ces bya ba la sogs pa ni 'dir rnal 'byor la slob pa'i phyir gang chu shing gi me tog lta bu 'phyang bzhin pa 'og tu bltas pa'i phyir ro/ /rtsa hUM zhes pa ni ming can de bzhin du brten pa'i sbyor bas gi lta bu'i tshig phyis pas chu shing me tog go//de yang mi shigs pa zhes pa'i thig le'o/ /de'i dbus su pad+ma zhes pa ni bde ba chen po mi gsal ba'o/ /de'i dbus su snying gi zhes pa ni chos kyi dbyings b+ha ga'i rnam pa brjod do/ / de'i dbus gong skyes zhes pa ni rdo rje lta bu'i srog gi rlung ngo / /gzhag ces pa ni mi sad pa'i ting nge 'dzin te/ mi g.yo'i sbyor bas srog gi rlung brtan pa'o/ /de'i dbus zhes bya ba la sogs pa la/ ye shes rnam shes zhes pa ni shes rab dang thabs kyi bdag nyid dang stong pa dang snying rje'o//lhan cig pa zhes pa ni mi byed pas so/ /ni'i sgra ni nges par gzung ba'i phyir ro/ /de bzhin du dngos po thams cad kyi dang por gyur pa stong pa dang snying rje'o/ /de yang dngos po zhes pa ni ye shes dang rnam par shes pa ste/ srog la brten pa'i phyir ro/ /des na mi g.yo ba ni chos kyi sku ro gcig par 'od gsal ba'i ye shes so//nye bar 'tshe ba med pa zhes pa ni rdo rje 'dzin chen po'i sa thob nas 'tshe ba med pa'o/ /des na phyi rol zhes bya ba la sogs pa ni 'dir dang po goms pa'i dus su gsungs pa'i rim pas nang gi rnal 'byor gyis bsgom pa byas pa de'i tshe de nyid la mos pas phyi'i ye shes mkha' 'gro ma la sogs pa'i gzugs bsgom par bya zhes sbyar ro//'dir gnyis zhes pa ni sngon du mos pa'i phyir ye shes dang rnam par shes pa dag las ring bar 'gro ba'i phyir 'od zer rnams rnam pa gnyis kyi phyir ro/ /'od zer gcig ni nyi ma bzhin kha dog sna tshogs pas spras pa'i 'od zer de rnams las spros pa rnams kyis gnas thams cad bsrungs par 'gyur ro//gnyis pa ni de rnams kyis gnas zhes pa ni 'byung ba chen po'i khams sa'i yon tan skye ba'o/ /de'i phyir nang du thim pas rang gi sems kyi chu las 'byung ba phye ma leb mar me la thim pa bzhin no//de ltar gnyis ka bsam pa las zhes pa ni ye shes dang rnam par shes pa las so/ /de yang gnas gnyis kyi dngos po'i phyir sa dang chu'i rang bzhin me dang nyi ma'i dkyil 'khor du 'gyur ro/ /de yang bsam zhes pa ni ye shes dang rnam par shes pa'i gzugs sku ru spro bar bya'o//ji ltar phyi'i rang bzhin spros she na gsungs pa/ slar yang rlung gi dkyil 'khor zhes pa ni sngon du sgong skyes bzhin rlung gi 'khor lo bsgom par bya ba'o/ /bsam par bya zhes pa ni de'i rnam par sems nye bar dgod cing de'i dbus su me bsam mo//de bzhin du yang sngon du gsungs pa'i phyir snying gi rang bzhin chos kyi dbyings de las spros par bya'o/ /de nas me'i dbus su nyi ma zhes pa ni sngon du gsungs pa'i pad+ma'i bde ba chen po las spro bar bya'o/ /de bzhin du nyi ma'i dbus su A li dang kA li sngon du thig le'i mtshan nyid kyi rnal 'byor bstan pa'i phyir te dbugs dbyung ba dang 'jug pa mi g.yo ba'i phyir zhes pa'i don to//de nyid rnal 'byor ba'i ye shes kyi sku'o/ /de dang ldan pa'i sa bon zhes pa ni sngon du gsungs pa'i mi shigs pa'i chu shing gi me tog lta bu'o/ /de nyid kyi dmar po zhes pa ni ye shes kyi sku las snying rje chen po'i phyir longs spyod rdzogs pa'i sku chos dang gnyis med pa'o//de ltar hUM zhes pa yi ge lnga'i don to/ /de'i phyi rol du sprul pa'i sku'i bzlas pa gsungs pa rnal 'byor pa zhes bya ba la sogs pa ni 'dir gsungs pa'i spro ba dang sdud pa'i mtshon bya'am/ ye shes kyi sa bon gnyis med par son pa'am/de'i dbugs dang sems dag de'i tshe slar mang yang rtsa gnyis pa rnams la 'pho ba'i dus su 'byung ba la sogs par 'gyur ro/ /de ji ltar zhe na gsungs pa/ pul+lI ra la sogs pa gnas nyi shu rtsa bzhi rnams su zhes gsungs pa'i phyir ro/ /de'i phyir rtsa re re rnams la 'pho ba'i dus su de ltar gsungs par 'gyur te/rnal 'byor pa rnams kyis khyad par du zhes gsungs pa'i phyir ro/ /de'i tshe de'i dus su rtsa gcig gnyis med pa'i phyir dang / rnal 'byor la goms pa'i phyir gnyis pa las 'byung bas na 'byung ba ste/ dal zhing dal bas rlung rnams 'byung ba'o//'jug pa zhes pa ni yang bsdu ba na 'byung ba dang 'jug pa'o/ /de bzhin du ye shes sa bon zhes pa ni sngon bzhin du mi shigs pa zhes pa gnyis med pa'o/ /de'i dbus su 'byung bas bsnun bzhin pa zhes pa ni 'byung bas 'jug pa'i skad cig las dbus su gnas pa'i ye shes kyi sa bon gyi ting nge 'dzin de la bsnun te srog phra mos bskul ba de dbus su ji ltar zhe na/gsungs pa snying gi zhes bya ba la sogs pa 'dir snying gi ye shes sngon nas chos kyi dbyings kyi rang bzhin te/ de'i spro ba'i don du bsnun bzhin pa dang spro ba de yang ci zhe na/gsungs pa/ me tog bzhin zhes pa ni ji ltar pad+ma dang ut+pala'i 'dab ma la sogs pa'i gnas skabs gcig la gcig rgyas pa de ltar 'dir rgyu ba dang mi rgyu ba de rnams gsal bzhin pa de'i rang bzhin bdag nyid kyis lta ba ni ye shes kyi bdag nyid 'od gsal bar 'gyur ro/ / de bzhin du 'byung ba las 'byung ba zhes pa ni dbugs dbyung ba dang sdud pas ye shes kyis sa bon bzlas so/ /'byung ba'i skad cig las byung zhing de yang sdud pa'o/ /de bzhin du 'jug pa'i skad cig las 'jug pa'o/ /de yang 'jug pa 'og gi cha las 'byung ba'o/ /de ltar skad cig bzhi bzlas pa'i khyad par las so//de 'byung ba dang 'jug pa'i zhes pa ni de ltar srog gi rang bzhin gyi skad cig rnams las bdag nyid phyi rol du byas te/ skad cig nyi shu rtsa bzhi la yang bdag thams cad ye shes kyi sa bon gyi rang bzhin zhes dgongs so/ /gal te re zhig skad cig nyi shu rtsa bzhi la ye shes kyi sa bon bzung na de'i tshe 'gyur ba dang 'jug pa dag gis ci zhig bya zhe na/gsungs pa/ 'byung ba'i mtshan nyid ces bya ba la sogs pa ni 'dir rnal 'byor pa dus thams cad du mya ngan las mi 'da' ste/ sems can la phan pa'i rgyu yis so/ /des na yang bems po'i ting nge 'dzin spangs pa bems po ma yin pa'i ting nge 'dzin lhun gyis grub pa'i rgyun gyis bde ba chen po'i rang bzhin te/de'i tshe ji ltar 'di 'byung ba la sogs pa'i mtshan nyid kyis gsungs pa'i rang bzhin gyi ye shes dang rnam par shes pa'i sa bon bsgrubs pa de ltar de nyid kyis na 'byung ba la sogs pa dang 'jug par brjod pas kyang mtshon bya mtshon pas rnal 'byor pas bya zhes shes par bya'o//de ltar cig car ye shes la sogs pa'i sa bon dag gis 'byung ba la sogs pa la 'jug pas 'gyur zhe na/ gsungs pa/ 'byung dang 'jug pa'i sbyor bas zhes bya ba la sogs pa ni de ltar 'byung ba dang 'jug pa dang ye shes kyi sa bon gnyis ka'i ting nge 'dzin la gnas so//mnyam nyid de kho na bsgom pa/ /zhes pa la de kho na'i sgras ni phung po la sogs pa gzung ngo / /de rnams la phan pa mi 'chi bar byed pa mnyam pa nyid kyi bde ba'i rang bzhin dus thams cad du nyams su myong bar 'gyur te/phung po la sogs pa'i sgom pa'i de kho na nyid kyi ngang tshul gang la yod pa de la de skad ces bya'o/ /des kyang rab tu son pa'i mthar thug pas thams cad mi dmigs par bya zhes pa'o/ /de'i phyir rnal 'byor pa rnams kyang 'od gsal ba'i de kho na nyid kyis chos thams cad kyi de bzhin nyid la zhugs pas mchog tu mya ngan las 'da' ba de'i don gyi dbang du byas te/gsungs pa/ mnyam gzhag ces bya ba la sogs pa ni ji ltar mnyam par gzhag pas mchog tu mya ngan las 'das pa'i mtshan nyid kyi 'od gsal ba des thob par 'gyur ro//de bzhin du dngos po bsgoms pas zhes pa ni sngon du gsungs pa'i bsgom pa nyid rang gi ngo bo la so sor brtags pas dngos po zhes pa ste yang dag par ye shes kyi skur rnal 'byor pa rnams kyi bya ba'o/ /des na 'grub 'gyur zhes bya ba la sogs pa 'bras bu thob pa gzhan du ma yin pa de la de skad ces bya'o//de nas yang ci zhig bya zhe na gsungs pa/ de nas sgrub pa po zhes bya ba la sogs pa ni grub nas rnal 'byor pa'i sprul pa'i skus bla na med pa'i rdzu 'phrul dang / cho 'phrul la sogs pa bstan pas stobs bcu dang mi 'jigs pa la sogs pas sangs rgyas kyi yon tan rnams rtogs par 'gyur te gzhan ni go sla'o//da ltar yang gsungs pa/ rnal 'byor pa gang ye shes kyi/ /shes bya chen po rtag byed pa/ /de 'jug srid pa'i pha rol 'gro/ /bsam mi khyab pa'i go 'phang thob/ /de yis kyang ni sems kyi rgyud//kun nas mtshungs med thar pa'i phyir/ /mya ngan 'das par de shes bya/ /kye ma snying rje rnyed dka' nyid/ /da ni mu stegs pa rnams dang nyan thos pa rnams kyi shes pa ngan pa'i lta ba gzhom par bya ba dang / yang dag pa'i shes pa'i lta ba gzhag pa'i phyir/ de nas zhes bya ba la sogs pa gsungs te/'dir ye shes gzugs zhes pa ni rnal 'byor pa rnams 'khor bar gnas te sems can gyi don yun ring por bya ba dang / de'i tshe mya ngan las 'das pa la phyogs pa de rnams kyis 'di bya'o/ /'dir sngon du ting nge 'dzin thob pa'i phyir/ de slar zhes pa ni yang ngo //mar me lta bu zhes pa ni/ mar mes me long la gzugs brnyan snang ba de bzhin du rnam par brten par bya'o/ /sems kyis ni zhes pa ni de'i phyir las bya zhes pa ste/ sngon bzhin tshogs kyi tshul gyis gsal snang bzhin bya zhes pa'i don to/ /gzhan yang de ltar byas nas mar me'i rnam pa'i ting nge 'dzin la brten pa de ni gsal bar 'gyur te/de'i don du rdo rje snying pos zhus pa gsungs pa/ nyan thos zhes bya ba la sogs pa ni 'dir gal te re zhig bcom ldan 'das kyis mar me'i rnam pa'i ye shes de la nyan thos rnams la phan pa'i phyir gsungs pa yin gyi/yang dag par rdzogs pa'i byang chub la brten pa rnams la gsungs pa ni ma yin no/ /des na gal te/ gang gi phyir nyan thos rnams kyi kun du brtags pa mar me bzhin mya ngan las 'das pa zhes pa ni tshul lo/ /de bzhin du yang nyan thos rnams kyi nang du legs par bshad pa gsungs pa yin zhes gsungs pa'i phyir ro//de ltar rdo rje snying po zhes pa'i tshig med do/ /ni zhes pa ni nges par gzung bar shes par bya'o/ /de ltar la sogs pa'i sgras ni 'chad bzhin pa'i mu stegs pa rnams kyi ye shes bskyed pa bsdu'o/ / de'i phyir 'di zhus pa la/ bcom ldan 'das kyis rab gsungs pa/ sems ni shel zhes bya ba la sogs pa ni 'dir dang po nyid du rigs kyi bus shel lta bu'i sems brtan par bya'o/ /de yang sngon bzhin du ting nge 'dzin bya'o/ /de'i rjes su gang dag sngon gyi tha mal pa'i gnas skabs kyi dus su lus dang ngag dang sems rnams kyis byas pa'i bde ba dang sdug bsngal la sogs pa sna tshogs pa'i las de rnams mar me'i rnam pa zhes pa ni me long la mar me bstan pas gsal snang dmigs so//de ltar yang sems 'di brtan par byas nas so/ /bsam par bya zhes pa ni sems las byung ba'i dngos po gsal bar 'gyur/sems dang sems las byung ba dag ni me long dang mar me bzhin no/ /de'i phyir spros pa kun zhes pa ni sems dang sems las byung ba'i dngos po dag gis las gang spros pa ste/ 'dir de thams cad ni brdzun pa brtags pa'o//des na las kyis tshogs phyin ci log go/ /des na de ltar dmigs nas zhes pa ni/ las kyi tshogs re re'i dus rnams la ting nge 'dzin re re gsungs pa/ spros pa spros pa med pa nyid/ /ces pa ni sems ting nge 'dzin la zhugs pas so/ /de yang las ni med cing byed pa med/ / yid las 'khrul cing rnam par 'khrul gang gi phyir spros pa med pa'i sems yang dag pa'i ting nge 'dzin gyis shes bya'i sgrib pa nyid dang las kyi sgrib pa zad ces pa'i don to/ /de nyid kyis na rang bzhin rnal 'byor zhes bya ba la sogs pa de la de skad ces bya'o/ /de'i phyir nyan thos la sogs pa rnams la yod pa ma yin zhes sbyar ro//'dir gang de ltar byas pas spros pa thams cad rnam par mi rtog pa de'i tshe ye shes kyi sgra don med do zhe na/ de'i tshe rnal 'byor mas zhus pa/ kye bcom ldan 'das zhes bya ba la sogs pa la/ gang gis zhes pa ni rgyu gang gis zhes pa'o/ khyad par phye zhes pa ni 'jig rten las grags pa nyid do/ /de yang mu stegs pa la sogs pa rnams la snang ba'o zhe na gsungs pa/ bcom ldan 'das kyis bka' stsal ba zhes pa 'di ni lan te/ ye shes zhes bya ba la sogs pa la/ 'dir ye shes kyi sgras ni sems can thams cad kyi 'gro ba ltar skyes pa'o//de yang ye shes sngon du 'gro ba'i sems kyi rnam par rtog pa las byung ba'i dngos po 'byung ba'o/ /de bzhin du rnam pa lnga zhes pa ni ye shes rnam pa lnga 'chad bzhin pa las ston pa'i phyir ro/ /de'i phyir sems can thams cad la ye shes kyi rang bzhin las byung zhing de rnams kyang rang bzhin las 'byung ngo //der dper gsungs pa/ lha yi ye shes gsang bar bstan/ /zhes pa ni ji ltar me long la gdong la sogs pa'i cha shas zhes pa'i snang ba brdzun pa'i phyir zhes pa ni nges pa'o/ /'di ni gsung gcig go/ /de bzhin du gzhan nas ni ye shes snang bar bstan zhes pa ni sngon bzhin du mar me dang me long dag gis yang dag par rdzogs pa'i byang chub kyi mtshan nyid thob pa'o//des na dang zhes bsdu ba'i phyir ro/ /de ltar lha la sogs pa gsang ba'i ye shes las byung zhing de nyid kyis 'joms te/ yang sdig pa'i las kyis dmyal ba la sogs pa'i sdug bsngal nyams su myong bar 'gyur ro//de bzhin du dman pas zhes pa ni sems can dbul po sems dman pa nor la 'dod pas yi dags kyi yid shes kyis yi dags su skye'o/ /de bzhin du sems can gyi sems bskyed pa dang 'jigs pa las dub par 'gyur ba de la de skad ces bya'o//byol song zhes bya ba la sogs pa ni go sla'o/ /de bzhin du rnam pa lnga zhes pa la rnam lngas ni zhes pa ni rang gi sems las 'gro ba lnga 'byung bar 'gyur te/ 'dir ni dbang phyug la sogs pa'i lha rnams su sngon gyi bag chags dang / khro bo la sogs pa'i ye shes kyis bskyed nas/slar yang 'khor ba rnams su dmyal ba la sogs pa'i sdug bsngal nyams su myong bar 'gyur ro/ /bems po lkugs pa lta bu'i ye shes de'i tshe ye shes can de grol bar mi 'gyur ro/ /ci'i phyir zhe na/ sems gcig dang du ma'i rang bzhin gyi phyir te/ sems can gyi rgyud sems dang sems las byung ba yang sna tshogs pa'i phyir ro//yang na thog ma med pa nas bems po'i ye shes kyi rgyud de las yang bems po'i khams 'byung ste/ sems med ces bya ba la sogs pa'i phyir ro/ /de'i phyir dbang phyug la sogs pa'i lta ba rnams la lta bas thams cad 'gro ba lnga yin na/de'i tshe ji ltar de rnams ye shes gang gang gis grol zhe na/ gsungs pa/ ye shes de nyid bye brag nyid/ /ces bya ba la sogs pa la/ ye shes zhes pa ni bag chags dang bcas pa'i nyes pas zhe sdang la sogs pa'i ye shes su 'gyur ro//de rnams la de nyid bye brag ces pa ni rnal 'byor la goms pa las te/ de yang snying rje'i khyad par las so/ /des na rnal 'byor bstan bcos khyad par nyid ces pa ni rnal 'byor pa'i gzhung lugs kyi tshul las te mdor bstan pa nyid do/ /de'i phyir sangs rgyas pa'i ye shes med par grol ba med do//de ci zhe na/ 'dir ni gang gi phyir stong pa nyid la so so'i dbye ba yod de/ de yang lung rnams kyi nang du grags so/ /'dir rnam pa kun gyi mchog dang ldan pa chos rnams thams cad kyi dang por 'byung ba dang de bzhin du yang dag pa'i mtha' chos kyi sku la sogs pa'o//yang na rnal 'byor bstan bcos zhes pa ni gang gsungs pa'i rnal 'byor spyod pa de ni thun mong gi tshig go/ /'on kyang de'i khyad par gyi tshig gis/ rnal 'byor bstan bcos zhes pa ni sngags kyi theg pa chen po'o/ /des na skye ba zhes bya ba la sogs pa la nga'i zhes pa ni thams cad mkhyen pa'i ye shes ma gtogs par ji srid du sems can rnams ma bskul ba de srid du de rnams grol bar mi 'gyur te/skye ba bye ba stong phrag tu/ /zhes pa dang sbyar ro/ /de bas rnal 'byor pa bstan bcos la zhes bya ba la sogs pa ni thams cad mkhyen pa'i ye shes grub pa'o//de'i phan yon gzhan yang gsungs pa/ gang gi phyir de ma rtog par grol ba med do/ /de'i phyir phyi'i bstan bcos ring por yongs su spang bar bya'o/ /gar zhes pa ni skad cig ma'o/ /gzhan ni go sla'o/ /de ltar yang ni gsungs pa/ mu stegs byis pa mi shes pa/ /shes pa ngan pas rtag tu bsgribs/ /bdag kyang de yis phung byed cing / /gzhan yang phung bar byed pa yin/ /de rnams nyid kyis thabs rtag tu/ /rnal 'byor snying rje sngon du bya/ /ye shes chad pas bsnun bya yi/ /rgyal po la sogs chad pas min//bsam gtan sngags sogs las kyis ni/ /nus pa rnams ni 'grub pa nyid/ /mu stegs la sogs gzhom pa'i phyir/ /ji skad gsungs sogs las ni bya/ /zhes pa ste nges pa'o/ /kha sbyor thig le'i rgyud kyi rgyal po'i rtog pa brgyad pa'i rab tu byed pa gsum pa gang du 'pho ba la sogs pa dang mu stegs pa'i ye shes ngan pa bsal zhing /de rnams sangs rgyas pa'i ye shes la gzhag pa'i rgya cher 'grel pa yang dag pa'i lta ba'i dran pa'i snang ba zhes pa mdor bstan pa ste gsum pa'o// //da ni sngon du gsungs pa'i sgrub thabs thams cad kyi las bya ba'i phyir sngags bzlas pa yang rnal 'byor pa rnams kyis shin tu rnyed sla ba de nyid kyis ci ste yang sngags bsdus par cung zad gsungs mod de lta na yang 'di bsdus te gsungs pa/nyon cig ces bya ba la sogs pa la/ rdo rje gtso rgyal po zhes pa ni ye shes can rnams zhes pa ni ye shes can gyi gtso bo dang po ste/mdzes pas na rgyal po'o/ /rdo rje snying po zhus pa nyid la bos nas/ 'chad bzhin pa rnams kyi mtshan nyid nyon zhes sbyor ro/ /de la oM badzra a mi ta zhes bya ba la sogs pa ni 'dir sngags thams cad kyi man ngag de'i ni bla ma'i kha las nye par mtshon par bya'o//de bzhin du rtog pa rdzogs pa'i mthar thug pa ni go sla'o/ /kha sbyor thig le'i rgyud kyi rgyal po'i rtog pa brgyad pa las mdor bstan pa gsum gyi mthar sngags slar bshad pa'i rgya cher 'grel pa yang dag par lta ba'i dran pa'i snang ba zhes pa mdor bstan pa ste bzhi pa'o// //da ni sprul pa'i sku mnyam par gzhag pa'i rnal 'byor par spyod pa'i gnas nges par gsungs pa'i bya ba byed pa bstan pa'i phyir ro/ /de nas rdo rje snying po zhes bya ba la sogs pa gsungs te/ de nas kyi sgra ni rtog pa brgyad pa'i rjes su rtog pa dgu pa la 'jug pa ste/de yang rdo rje snying po la sogs pa ni sgra ji bzhin no/ /de bzhin du dpa' bo zhes pa ni nyon mongs pa thams cad kyi g.yul las rgyal ba'i phyir ro/ /de nyid ye shes dang rnam par shes pa'i rang bzhin zhes dgongs so/ /de nyid kyis na cha ni med/ / ces bya ba la sogs pa la/ A li bung ba zhes bya ba la sogs pa ni sprul pa'i rdzu 'phrul gyis la lar zhes pa'i tshig gis gang gi tshe de rnams kyi de'i tshe/ A li zhes pa ni yi ge thams cad nyid sgra'i rang bzhin du brjod do/ /des na chos thams cad bsam du med pa nyid du shes so/ / de'i tshe bung ba zhes pa ni bung ba bzhin pa yang dag par ye shes kyi rang bzhin sangs rgyas kyi sprul pa'i sems so/ /de yang bung ba rdo rje 'jigs byed ces pa ni dgongs pas bshad pas bcom ldan 'das rdo rje 'jigs byed zhabs bcu drug gis 'pho ba bcu drug go/ /phyag nyi shu rtsa bzhis lus kyi khams nyi shu rtsa bzhi dang zla ba bcu gnyis kyi zla phyed nyi shu rtsa bzhi'o//zhal dgus ni lus kyi sgo dgu ste/ de la sogs pa dpag tu med pa'i mthar thug pa'o/ /'jigs byed ni rdo rje'i rlung ngo / /mi phyed pas rdo rje'o/ /de nyid kyis na A li nam mkha'i zhes bya ba la sogs pa ni bdud rtsi lnga'i cho ga'i khyad par gyi bdud rtsi'i rang bzhin rdo rje 'jigs byed lhan cig skyes pa'i dus zhes pa'i don to//chos kyi dbyings kyi rang bzhin gyi phyir ro/ /ma lus pa zhes pa ni sangs rgyas dang byang chub sems dpa' la sogs pas gsungs pa'i rim pas so/ /lus las zhes pa ni rnal 'byor pa rnams kyi ye shes kyi lus las de dag 'byung zhes pa'i don to//gsang 'dzin pa zhes pa ni rdo rje snying po nyid ces pa'i don to/ /de me zhes pa bzhin du phung po zhes bya ba la sogs pa ni mdor bstan pa gsungs pa'i slar bshad pa'o/ /rtsa ba'i dbus su zhes pa ni dbu ma a wa d+hU tI'o//de'i rtsa ba ste mgo de'i dbus su thim pa de la de skad ces bya'o/ /rlung dang me zhes pa de la rlung zhes pa ni ya'o/ /me zhes pa ni ra ste/ de gnyis gcig pa'o/ /dngos po ni rlung dang me'o/ /de'i phyir bcu bdun zhes pa ni ha'o/ / rdo rje ma'i sa bon zhes pa ni u'o/ /de yang gya gyu phyag na rdo rje zhes gsungs pa'i phyir ro/ /thig le sgra zhes pa ni zla ba phyed pa'i cha byad dang ri mo ste/ thig les mnan pa de'i steng du dgod pa'o/ /de ltar char pa'i rgyun zhes pa ni hUM bdud rtsi 'dzags pa'i rang bzhin gyi phyir ro/ /dbyangs yig dang po zhes pa ni a'i pad+ma'i dbus su zla ba/zla ba de'i dbus su hUM zhes pa gzung bar bya'o/ /de ltar yi ge drug ni rdo rje 'chang gi ye shes kyi khams drug go/ /de'i kA li'i me tog ces bya ba la sogs pa la/ kA li ni ku mu da dang ut+pal sogs pa'i me tog ste/ shes rab gang la rnam par gzhag pa de'i ni lus kyi me tog rgyas pa rdo rje 'chang brjod du med pa'i yang brjod du med pa sprul pa'i sku'i tshogs so/ /de'i phyir 'khor ba bskyed do/ /thams cad kyi ni ma yin zhes pa ni rdo rje 'chang gi rang bzhin gyi ye shes las bud med kyi sgyu ma'i gzugs 'byung ngo //de bzhin du rnal 'byor ma thams cad kyi b+ha ga rnams su song bas brgyan pa zhes dgongs so/ /de bzhin du rdo rje 'chang gi dngos po las skyes pas ye shes kyi rgya mtsho mang po nyid rnam par gzhag pa gsungs pa/ ye shes zhes bya ba la sogs pa ni dang po pha dang ma sbyor ba'i dus su kun gzhi rnam par shes pa 'jug pa'i tshe khu ba dang khrag 'dres pa'i dus der ye shes kyi chu de nyid kyi rang bzhin gyi phyir ro//de'i phyir ye shes chu'i rgya mtsho'o/ /de bzhin du shes rab de nyid dngos po sna tshogs pa'i phyir chu srin dang nya'i ming ngo //de nyid du brgyal bar 'gyur ba'i phyir gnyis med pa'o/ /ji ltar rgya mtsho'i nang du 'dam zhes pa ni gnyis med pa'i ming ngo / /de bzhin du der thams cad ni zla ba'i me tog go/ /ji ltar rgya mtsho'i 'gram gyi chu'i nang du lcug ma sna tshogs pa'i myu gu bzhin no/ /ban+du zhes pa ni ban+du ka'i me tog bzhin snying rjes sems can sna tshogs pa'i rgyud la chags pa'i sems su 'gyur ba'o//kha bye zhes pa ni rnal 'byor ma'i pad+ma rgyas pa'o/ /de bzhin du rgya mtsho'i nang du gru 'og gi cha zhum pa'i rnam pa la steng gi cha yangs par 'gyur ro/ / sbrang rtsi zhes pa ni mngal du zla ba gcig sbrang rtsi'i rnam par 'gyur ro/ /kA li zhes pa ni bdud rtsi de nyid la rang 'byung thim pa'o/ /me tog chu zhes pa ni sdong bu'i me tog ste/ ku mu da dang ut+pal bzhin rtsa thams cad kyi rang bzhin skyes pa'o/ / de bzhin du nang gi don thams cad rnal 'byor pas bla ma'i man ngag las shes par bya'o/ /da ni sngon du skyes pa de nyid kyi rgyu'i phyir 'bras bu gsungs pa/ gnyis las skyes pa zhes pa la sogs pa ni 'dir shes rab dang thabs dag las cho ga sngon du 'gro bas gnyis med pa 'byung ba'o//bdud rtsi chu yi cho ga mchog /ces pa ni lnga pa'i don la dang po ste/ cho ga'i mchog las zhes pa ye shes gnyis med pa las so/ /de bzhin du dang po rdo rje bdud rtsi zhes pa nas snang ba yin te zhes pa'i mthar thug pa ni 'byung ba chen po'i ye shes so//de bzhin du/ ye shes bdud rtsi byin gyis brlabs/ /zhes pa ni a wa d+hU tI ru byang chub kyi sems ye shes kyi rnam pa gnas zhes pa'o/ /de bzhin du yang ma lus chu'i dbyibs nas/ /zhes pa ni byang chub sems ye shes kyi rnam pa gnas zhes pa'o/ /de bzhin du yang ma lus chu'i dbyibs nas zhes pa ni//'byung ba lnga las byung ba las gyur pa 'byung ba de la de skad ces bya'o/ /de bzhin du slar yang chu la sogs pa khams bzhi der thim pas dngos po rnams zad par 'gyur te/ mi rtag pa'i rang bzhin gyi phyir ro zhes pa ste nges pa'o//sa ni dbang po'i gzugs can yin/ /zhes pa ni lhan cig skyes pa'i gnyis med pa'i sbyor bas sku bzhi spangs zhes pa'i don to/ /de nyid kyi don bcom ldan 'das mya ngan las 'das pa chen por zhugs nas/ hUM gi glu zhes pa la sogs pa de bzhin gshegs pa thams cad kyi gzugs rnal 'byor ma rnams kyi glus sad par byed do//des mnyes pas de bzhin gshegs pa thams cad kyi rang bzhin bcom ldan 'das kyang dus thams cad du bzhugs pa'i don to/ /de bzhin du glu gsungs pa/ badzra hUM pu ra a pa hUM/zhes pa de la sogs pa ni kye mchog tu dga' ba'i gtso bo shin tu stong pa nyid kyi ting nge 'dzin der gcig pa'o/ /lo ya Na daM sha Na yi zhes pa ni gang gi phyir khyod stong pa med par 'jig rten thams cad kyang stong pa'o/ /de'i phyir 'jig rten pa de rnams kyis mthong bar bya ba'i phyir bzhengs shig pa'o//a kha ru b+ha ru swA hA hUM/ zhes pa ni lhan cig skyes pa'i ye shes rang bzhin gyis mi 'gyur ba khyod goms shig pa'o/ /pu Na bi lI sa Na ye shes pa ni stong pa nyid kyi ye shes sbyar ro/ /b+hA bA b+ha ba b+ha dzi a zhas pa ni lhan cig skyes pa nyid gnyis med pa'i gnyis pa gyis shig pa'o//de'i phyir rol cig ces dgongs so/ /des nam dza bi dza Na e zhes pa ni dbu ma'i tshul gyis lhan cig skyes pa rdzogs pa byang chub kyi rim pa shes pa'o/ /der yang brjod du med pa'i phyir gsungs pa/ b+ha Na dzi a a ru sa pu zhes pa ni A li kA li'i yi ge thams cad ngag tu bzlas pa de chom shig pa'o//gang gzhom zhe na gsungs pa/ she sho bi rtsin te a ye/ zhes pa ni yi ge lnga bcu rnams kyi mgo bo chod cig pa'o/ /dan d+ha ling ge Na dze u zhes pa ni gnyis gnyis 'khyud pa'i sbyor bas bdag gis rnal 'byor ma rnams dang lhan cig rnam par spyod pa ste/sgrol ma la sogs pa'i lha mo brgyad la 'dod pa spyod cig pa'o/ /sa li lA ka dzi ma ye zhes pa ni rol ba'i rgyud 'dod pa spyod ces pa'o/ /d+ha ma a d+ye d+ya su bA bi a yi/ zhes pa ni kye gtso bo dag po spyod pa'i phyir chos nyid med par byang chub kyi sems blud cig pa'o//gang gis she na mu khA bi ba bi a se zhes pa ni bdag cag rnal 'byor mas thar pa thob pa'o/ /srub pa dang bsrub pas tha mal pa'i 'dod chags skyes pa'i byang chub sems ni ma yin no//de'i don gsungs pa/ su ha saM sA ra bi mo ti a zhes pa ni tha mal pa'i bde bas 'khor ba thams cad rmongs pa'o/ /mu kha bi ba dza a ye zhes pa ni mu stegs pa la sogs pa dang sangs rgyas pa chags pa can gyi sems can de rnams kyis thar pa spangs pa'i phyir ro//dmyal ba la sogs pa sdug bsngal nyams su myong bar 'gyur ro/ /sa ba su Na sa hA bi dzo yi Na zhes pa ni thams cad stong pa'i rang bzhin gyi rnal 'byor pas so/ /mad ta bi naM rtsi a ya zhes pa ni rnal 'byor ma'i gzhung lugs kyis lhan cig skyes pa'i ye shes gcig gis sku ji srid nam mkha' mi 'gyur ba sgeg par bya ba ste/sbyor ba 'dis spyad pa bya zhes sbyar ro/ /pa na dza bi dza i ni b+hu d+ha tad ta zhes pa ni ye shes mkha' 'gro ma la sogs pa rnal 'byor ma lnga sangs rgyas lnga'i rang bzhin zhes pa'o//tad ta zhes pa ni ye shes lnga'i bdag nyid do/ /des na a la khi a ye zhes pa ni sems can thams cad de'i rang bzhin te de rnams kyi gzugs su yid la gnas zhes pa'o/ /de rnams kyang sa b+ha mA ye ba hU bi ha ru ya zhes pa'i rnam pa mang po rnams kyi sgyu ma nyid rnam pa'i gzugs de'i rnam pas so//sad ta bi pA tsi a ye zhes pa ni sems can rnam par smin par bya'o/ /badzra pu sA ri ya a ga dzu zhes pa ni sems can rnams kyi 'khor ba'i nyes pa rdo rjes gzhom par bya'o//ci'i phyir zhe na/ gsungs pa/ bya ba ma yin pa byed pa ste/ d+ha ma bi mo hi a ye zhes pa ni bye ba ma yin pa'i chos zhe sdang la sogs pas ldongs pa rnams gsad par bya ba'o/ /de rnams la chos bstan pa gsungs pa/ na ma ta su sA ru d+ha mu zhes pa ni shin tu snying po'i chos stong pa nyid dang snying rje'i bdag nyid sangs rgyas kyi chos de la yang phyag 'tshol cig pa'o//dzo i ni mu khe a ye zhes pa ni sbyor ba gang gis thar par 'gro ba 'thob pas dbang phyug la sogs pa kla klo'i chos rnams dor cig ces dgongs so//de nyid kyis na bcom ldan 'das kyis gsungs pa/ rigs kyi bu glu 'di zhes bya ba la sogs pa ni go sla'o/ /bcom ldan 'das zhes bya ba la sogs pa ni sdud pa po bdag nyid kyis byas pa'i nyes pa spangs pa'i don to/ / 'dir gsungs pa/ de ltar rgyal ba'i gnas sna tshogs/ /sems can rnams kyi rgyu ru bya/ /dbang phyug la sogs mu stegs kyis/ /kla klo'i chos rnams la zhen pa'i/ /mu stegs pa dang lhan cig rtsod/ /snying rje can gyis rtag tu bya/ /mngon shes thob pa rnal 'byor pas//chos ni gnas pa'i rgyu ru bya/ /gal te mngon shes med na ni/ /des ni lung gi rjes 'brang bya/ /des na legs bslabs rnal 'byor dbang / /phyi yis bstan bcos mdzes pa'i phyir/ /zhes pa ste nges pa'o/ /kha sbyor thig le'i rgyud kyi rgyal po'i rtog pa dgu pa'i rab tu byed pa dang po de bzhin gshegs pa thams cad bskyed pa'i rgya cher 'grel pa yang dag par lta ba'i drang pa'i snang ba zhes pa mdor bstan pa ste dang po'o// //da ni phyi dang nang gi gtor ma'i de nyid brjod pa'i phyir/nyon cig ces bya ba la sogs pa gsungs te/ cho ga bzhin zhes pa ni rgyas par ro/ /dri dmar zhes pa ni tsan+dan dmar po la sogs pas maN+Dal byas nas/ phyi rol dkar po zhes pa ni tsan+dan dkar po la sogs pas bya ba'o/ /de bzhin mchod yon zhes bya ba la sogs pa kye bcom ldan 'das zhes pa'i mthar thug pa ni phyir ru sgra ji bzhin no//'on kyang nang du bltas pas kyang bya ste/ de nyid kyis na/ ye shes lcags kyu'i bye brag nyid/ /ces pas ston ta/ de'i tshe kye zhus pa zhes bya ba la sogs pa'o//de bzhin du bcom ldan 'das kyis gsungs pa ni dang po zhes bya ba la sogs pa'o/ /'dir 'jig rten pa la grags pa rigs lnga'i rang bzhin lcags kyu lnga sha lnga ni de bzhin gshegs pa ste/ de'i rang bzhin mar me lnga ni lcags kyur shes par bya'o//de la skye dgu'i bdag po zhes pa ni rta bdun pa nyi ma de'i rang bzhin rta'i sha 'od dpag med do/ /gnyis pa sgrol ma zhes pa ni don yod grub pa'i rang bzhin ba lang gi sha'o/ /gsum pa chen po ru ni 'dod pa zhes pa ni mi'i sha rnam par snang mdzad kyi rang bzhin sha chen no//de bzhin du bzhi pa mang po las skyes zhes pa ni mi bskyod pa'i rang bzhin glang po che'i sha'o/ /lnga pa byis pa zhes pa ni gtso bo'i rang bzhin khyi'i sha zhes pa ste yi ge'i don to/ /nges pa'i don du skye dgu'i bdag po ni khu ba'o//sgrol ma'i ni de nyid kyis rlung gi rang bzhin gyis 'og dang steng du 'bab pa'o/ /chen po ni rnam par snang mdzad de ha mi shigs pa'o/ /mang po ni mi bskyod pa rnam par shes pa'i bdag nyid srog brtan par sbyor ba'i phyir ro/ /byis pa ni rin chen 'byung ldan rdo rje rin po che'i rtsa nas mi 'dzags pa'i sa bon 'gugs bzhin pa'o//de dag ces bya ba la sogs pa ni rigs lnga'i dbye bas bdud rtsi lnga rnams so/ /ye shes chen po zhes pa ni me long lta bu'i ye shes la sogs pa'o/ /de lta bu'i sbyor ba la brten pa rnal 'byor pa thams cad tshim par bya'o//de'i phyi ru sems can gyi don gyi phyir zhes bya ba la sogs pas mchod pa thams cad la sogs pa bya'o/ /de bzhin du nang gi bdag nyid kyis lha thams cad tshim par bya zhes pa de'i tshe ji ltar snang ba gang gis ni/ 'dir gsungs/ dbyangs gcig ces bya ba la sogs pa la dbyangs yig bcu gsum pa oM zhes pa 'jug pa'i phyir/zla ba byang chub sems thig le 'byung ba'i phyir ro/ /de yang / A li kA li'i rab sbyor bas/ /zhes pa ni dbugs dbyung ba dang 'jug pa rnam par gzung pa'i phyir 'jug pa'i rim pa'i sngon du gsungs pa dang /'chad bzhin pa'i lha thams cad tshim par bya'o/ /slar yang bdud rtsi lnga'i sgrub thabs kyi sbyor ba gsungs pa/ spar bas zhes bya ba la sogs pa la spar bas zhes pa ni dgug pa'i sbyor bas 'og dang steng gi mnyam pa'i dus su srog dang thur sel dag lte ba'i gnas su phrad par bya'o//des na cung zad me'i du ba 'thul te/ des ni ye shes kyi snang ba cung zad nyams su myong bar 'gyur ro/ /de nas rab tu son pa'i phyir 'bar ba nyid do/ /'bar ba las tshogs thams cad dro bar 'gyur ro//de ltar bdud rtsi rdzogs nas des tshim par bya'o/ /de bzhin du shel zhes pa ni dag pa'i sbyor ba'i phyir rang bzhin thams cad dang rtsa rnams kyang shel bzhin du nye bar dmigs par bya zhes pa ste nges pa'o/ /de'i zhes bya ba la sogs pa la ni rdo rje rtsa'i sbyor bas a wa d+hU tI'i dbus su myang bar bya zhes pa'o//yo byad ces bya ba la sogs pa la/ yo byad kun zhes pa ni phyi rol du bza' ba dang bza' ba ma yin pa cho ga ji lta ba bzhin sbyin pa'o/ /lhag ma zhes pa ni phyogs skyong la sogs pa'i 'byung po thams cad la gtor ma sbyin pa'o//de nyid kyis na phyi'i dkyil 'khor zhes pa ni rnam pa gnyis te/ rdul tshon gyi dkyil 'khor dang / gnyis pa dpa' bo dang dpa' mo'i dbang phyug gi 'khor lo nyid dus su tshim par bya'o/ /g.yon gyi zhes bya ba la sogs pa ni go sla'o/ /de ltar phyi'i dkyil 'khor tsan+dan dmar po la sogs pa'i rdul tshon ni nye bar mtshon pa'o//de'i dbus su nag po drag po la sogs pa dang mche ba gtsigs ma'i mthar thug pa'i lha dang lha mo sum cu rtsa gnyis yang dag par mchod par bya'o/ /de bzhin du nang du sngon du gsungs pa'i rtsa sum cu rtsa gnyis yang dag par mchod par bya'o//de bzhin du nang du mngon du gsungs pa'i rtsa sum cu rtsa gnyis po de rnams kyi nang du tshim par bya'o/ /de dag ni bsdus pa'o/ /mkha' 'gro ma lnga zhes bya ba la sogs pa ni de rnams bsdus na ye shes mkha' 'gro ma la sogs pa'i dkyil 'khor lnga rgyu ba'o//de bzhin du de nyid ces pa ni dkyil 'khor lnga'i rang bzhin rtsa thams cad do/ /des na las kun zhes pa ni zhi ba la sogs pa bya zhes pa ste nges pa'o/ /sbyor ba'i dkyil 'khor zhes pa ni/ lus dang ngag dang sems kyi bdag nyid rtsa thams cad de/de rnams kyis gcig tu sbyor ba ni a wa d+hU tIr gzhug pa'o/ /dkyil 'khor dang der de'i phyir sbyor ba'i dkyil 'khor thams cad kyi rang bzhin no/ /des na rgyal chen mo ni bdag med ma'i gzugs kyi shes rab bo/ /rdo rje'i dbang phyug ni ye shes kyi khams so/ gtso bo zhes pa ni rdo rje'i sems dpa' ste/ dbang phyug mi 'dzags pa'i phyir zhes dgongs so/ /gzhan ni go sla'o/ /'dir spyon cig ces pa ni spyan drangs pa ste/ oM kak+ka zhes pa la sogs pa'o/ /de'i nges par gsungs pa brjod pa/oM zhes pa yi dbyangs rnam pa/ /'dir ni lus la dmigs par bya/ ka gnyis kyis ni bsnun pa yin/ /byang chub sems ni drang ba yin/ /ba gnyis shes pa steng 'og tu/ /snal ma'i dbus su rgyu bar bya/ /rdo rje'i lam dang rkan dbus su/ /bde ba yi ni sa bon cing //kha zhes bya ba gnyis ni der/ /'di lta bu yi rtog pa bza'/ /de nyid bde ba kun mkhyen gyis/ /dbang po rnams kyi gdug pa bza'/ /ha na ha na sngon 'gro ba/ /lhan cig skyes sbyor rtogs pa'i phyir/ /g+ha gnyis shes pa'i ming gis ni//'byung dang 'jug pa'i las byed pa'o/ /g+ha ha ya ni stong pa'i sems/ /a mu sems can grangs med pa/ /shAn+tiM 'khor ba gzung ba'i phyir/ /ku ru snying rje rtogs pa'o/ /hUM zhes pa ni gnyis med sems/ /sems las byung ba 'ang der thim pa/ / phaT ces pa ni de bzhin du/ /gnyis med mdzes pa las ni sad/ /dzaHzhes pa ni 'dir kun du/ /mkha' 'gro mkha' 'gro ma ni dgug /sa ha zhes pa bde ba nyid/ phung po la sogs lha thams cad/ /de phyir bdud rtsi zhes bya ba la sogs pa la/ bsam gtan zhes pa ni sngon du gsungs pa'o//des na bdud rtsis kha bkang zhes pa ni/ ting nge 'dzin rdzogs par rab tu son par byas pas de'i tshe gal te zhes bya ba la sogs pa ni go sla'o/ /de bzhin du gtor ma sbyin pa'i tshig gsungs pa/ ltos shig ces bya ba la sogs pa la/ltos shig dag pa yi ni chos/ /zhes pa ni rab tu dga' ba'i chos 'di la rtogs shig pa'o/ /gang dag gi lam bzang po la mngon par phyogs pa de dag gi dus thams cad du yul can la sogs pa 'dus pa'o/ /des na/ 'di la rnam rtog yod ma yin//zhes pa ni thams cad du mi 'dzags par sbyor ba'o/ /de'i phyir yul la sogs pa rnams la res 'ga' yang 'khor bar sbyor ba ma yin no/ /des na bram ze zhes pa ni gti mug go/ /khyi zhes pa ni phrag dog go/ /gdol pa zhes pa ni zhe sdang ngo //rang bzhin gcig pas zhes pa ni lhan cig skyes pas gcig gi rang bzhin gyis so/ /lhan cig bza' zhes pa ni gti mug la sogs pa bza' ba'o/ /phyi'i don ni sgra ji bzhin/ /gzhan yang phyi ru pad+ma'i bskor ba la sogs pa ni go sla'o/ /de ltar yang gsungs pa/gang gis phyi dang nang gi ni/ /de bzhin gtor ma gtong byed pa/ /de 'dir nyon ni mi mongs shing / /srid pa'i rgya mtshos gzir mi 'gyur/ /de la rnal 'byor ma mchog ster/ /zhing skyong bdag nyid che sogs kyis/ /sgrub po gang du gnas kyang rung //rtag tu de la srung bar byed/ /dngos grub brgyad ni grub pa yis/ /skye ba gzhan du kun dbang 'gyur/ /der ni bstongs dang grogs byed par/ /sgrub pa po la som nyi med/ /kha sbyor thig le'i rgyud kyi rgyal po'i rtog pa dgu pa'i rab tu byed pa gnyis pa bla na med pa'i gtor ma sbyin pa rgya cher 'grel pa yang dag pa'i lta ba'i dran pa'i snang ba zhes pa mdor bstan pa ste gnyis pa'o// //da ni bris sku dang glegs bam rnams kyi bya ba la 'jug pa'i 'brel ba bstan pa'i phyir/ gsang ba'i pad+ma bde ba can//zhes bya ba la sogs pa gsungs te/ bshes gnyen can zhes pa ni blo byang ba'o/ /dpa' bo'i ras zhes pa ni g.yul du bsad pa'i ras so/ /bud med me tog ces pa ni rang byung me tog gos pa'i ras so/ /khrag chen po zhes pa ni mi'i khrag gis byug pa'o//si hA zhes pa ni bud med kyi me tog go/ /ga pur zhes pa ni byang chub sems bsres pa'o/ /sogs pa'i sgras ni bshang ba dang gci ba bsdu'o/ /kha lag ma bshal zhes pa ni rtag tu gtsang sbra med pa de nyid gtsang sbra'o/ /gzhan ni go sla'o/ / 'dir gsungs pa/ rang byin brlabs pas bris sku ba/ /yan lag drug gis bris pa'i las/ /'jug pa de ni bcom ldan 'das/ /rang snang gis ni tshon gyis bris/ /der ni ri mo byed pa yang / /shes bya'i rnam pa rang sems nyid/ / ye shes rang bzhin bcom ldan 'das/ /shes bya'i mtshan nyid mthong phyir ro/ /de nyid glegs bam du ni gsungs/ /sor mo bcu gnyis 'gog pa'i phyir/ /srog ni glegs bam ming can ni/ /ye shes sku ni rtogs byed pa'o/ /kha sbyor thig le'i rgyud kyi rgyal po'i rtog pa dgu pa'i rab tu byed pa gsum pa bris sku la sogs pa gtan la 'bebs pa'i rgya cher 'grel pa yang dag pa'i lta ba'i dran pa'i snang ba zhes pa mdor bstan pa ste gsum pa'o// //da ni phyi'i thabs dang shes rab snyoms par 'jug pa'i bde ba bzung ba la rol mo sna tshogs pa'i sngags kyi yi ge rnams bstan pa'i phyir/kha sbyor zhes bya ba la sogs pa gsungs te/ bris sku glegs bam la sogs pa'i rab tu byed pa mdor bstan pa gsum gyi mthar slar bshad pa brjod par bya'o/ /de yang kha sbyor zhes pa ni dbang po gnyis su 'dus pas de'i tshe mtshan nyid mi 'jigs par bya ba'i phyir ro//sngags kyang a ra ra zhes bya ba la sogs pa'i sgras de gzung bar bya'o/ /lhag ma ni bla ma'i man ngag las shes par bya'o/ /slar yang sngags de nyid kyis cang te'u brdung ba de'i mtshan nyid gsungs pa/ de la zhes bya ba la sogs pa la/'dir mtshan nyid ces pa ni gang gis 'chad bzhin pa'i cang te'u'i mtshan nyid des bsgrubs pas mkha' 'gro ma thams cad 'gugs par byed pa'o/ /de bzhin rdo rje can zhes pa ni shi ri Sha skam po'i rtsa ba'o/ /ma la yar skyes tsan+dan dmar/ /zhes pa ni tsan+dan dmar po lngas bya'o//gzhan zhes pa ni thod pa las cang te'u bya ba'o/ /brdung zhes pa ni cang te'u brdung ba dang ldan pas so/ /gzhan ni go sla'o/ /de bzhin du phyi'i kha sbyor bya ba'i phyir/ kam po dza la sogs pa'i rnal 'byor ma rnams bkug nas 'dod pa spyad par bya'o/ /de bzhin du gal te zhes bya ba la sogs pa la slob dpon khros pas zhes pa na/slob dpon gyis khro bo'i lta stangs sbyar ba de'i tshe rnal 'byor ma mig las 'chi ma 'dzags shing ngu bar 'gyur ro/ /des ni tshig 'di brjod do/ /khro bo sngon po mdzes pa khyod/ /ces pa ni khyod kyi khro bo mdzes pa dpral bar khro gnyer gyis brgyan pa zhes rtogs par byed pa'o//dam tshig sgrub pa zhes pa ni bdag cag thams cad khyod kyi dam tshig bsgrub pa'o/ /mchil lham zung zhes pa 'di bdag mchil lham bzhin du zung shig pa'o/ /chad pa 'di zhes pa ni bdag cag gis chad pa 'di'o/ /mi g.yo bar ni ma bzhugs shig /ces pa ni lan gnyis su bzlas pa'i tshig ste bdag la shin tu khro ba bor cig pa'o/ /des na mi g.yo bar sdang mig nyid dor cig pa'o/ /dpa' bo khyod ni ltos zhes pa ni dpa' bo khyod gdul bya la gzigs shig pa'o/ /'dus pas 'khor ba las ni sgrol//zhes pa ni dpa' bo thams cad kyis sems can thams cad 'khor ba las bsgral ba'i phyir 'dus pa mdzod cig pa'o/ /bsam gtan bzlog ces pa ni khro bo'i bsam gtan bzlog pa la zhi bar mdzod cig pa'o/ /lus 'dus pa rnal 'byor ma'i dbus su mdzod cig pa ni tshogs kyi 'khor lo'i dbus su rnal 'byor ma dang lhan cig lus 'dus pa gyis shig pa'o//de bzhin du tshogs la 'dus pa'i gnas sna tshogs pa'i don du bshad pa gsungs pa/ nyon cig lha mo zhes bya ba la sogs pa la/ de bzhin du chang zhes pa'i rnal 'byor ma rnams 'dus pa'i dus su dgongs pas bshad pa nyid la rnam par spyad pa'o//sgeg mo zhes gsungs pa ni chang du shes par bya'o/ /lhag ma ni sngon bzhin du rtogs par bya'o/ /glu 'di zhes bya ba la sogs pa ni 'dir srog dang sems dag ro gcig pa'i rang bzhin gyis dus su g.yon dang g.yas gnyis kyi dkyil 'khor rgyu ba'i dus dang dkyil 'khor re re 'pho ba re re'i dus rnams su yang ka la sogs pa'i sngags kyi yi ge rnams brjod do//'pho ba bcu drug 'gog par 'gyur ba de srid du rang bzhin gyi yi ge thams cad brjod par shes par bya'o/ /de lta bu gang du brjod ce na/ gsungs pa a wa d+hU tI kla klo'i brdas gsungs pa'i phyir ro//de bzhin du he ru ka'i gar zhes pa ni chos dang longs spyod rdzogs pa dang sprul pa la sogs pas so/ /phyag rgya zhes pa ni sna tshogs brjod pa'i'o/ /phyi ru yang gang du zhes bya ba la sogs pa gsungs pa/ de la de skad ces bya'o/ /lhag ma ni go sla'o/ /de ltar de kho na nyid kyi bya ba thams cad rnal 'byor ma rnams thar pa'i rgyu ru bya'o/ /de yang gal te rtag tu phyag rgya chen po nyid la mngon par bgrod na'o/ /kha sbyor thig le'i rgyud kyi rgyal po rtog pa dgu pa'i mdor bstan pa gsum gyi mthar slar bshad pa'i rgya cher 'grel pa yang dag pa'i lta ba'i dran pa'i snang ba zhes pa slar bshad pa ste bzhi pa'o// //da ni rtog pa bcu pa nas brtsams nas rdo rje slob dpon gyi dngos grub kyi rgyur sgrub thabs bstan pa'i phyir/ rdo rje slob dpon zhes bya ba la sogs pa gsungs te/ dam tshig ces pa ni sgrub pa'i thabs so//de yang dang po zhes bya ba la sogs pa la 'khor lo chen po zhes pa ni sngon du gsungs pa'i dgyes pa'i rdo rje'i dkyil 'khor nyid dang po snying gi gnas su rnam par bsam par bya'o/ /phyi ru ni dkyil 'khor bri bar bya'o/ /de bzhin du thog ma zhes bya ba la sogs pa ni dbang bskur ba'i cho gas thams cad bya zhes pa'o//snying po zhes pa ni sngon du gsungs pa'i sngags so/ /'on kyang slob dpon gyis las thams cad kun rdzob tu bya zhes pa ste nges pa'o/ /gzhan yang rab tu byed pa 'di'i don ni go sla ba ste sgra ji bzhin no/ /des na bdag gis ma bshad do/ /kha sbyor thig le'i rgyud kyi rgyal po'i rtog pa bcu pa'i rab tu byed pa dang po rdo rje slob dpon gyis sgrub thabs kyi rgya cher 'grel pa yang dag pa'i lta ba'i dran pa'i snang ba zhes pa mdor bsdus pa ste dang po'o// //da ni bde ba chen po'i sgrub thabs te/ des grub pa'i rnal 'byor pa nus pa can phyag rgya dang lhan cig mchod pa sna tshogs pa dang bkur stir bstan pa'i phyir//de nas zhes bya ba la sogs pa gsungs te/ rig pa 'dzin pa zhes pa ni shes rab dang thabs nyid mchog tu mi 'gyur ba'i rnal 'byor mi 'dzag pa'i phyir de rnams rnal 'byor du sgrub pa de nyid kyis 'bras bu phun sum tshogs par bya ba gsungs pa/der sa chen po zhes bya ba la sogs pa la rnal 'byor zhes pa ni phun sum tshogs pa thams cad do/ /rnam pa drug tu g.yos zhes pa ni gal te rnal 'byor gyi dbang phyug sa'i steng du 'khor ba de'i tshe rnam pa drug ces pa ni gal te ye shes kyi dga' bas rnal 'byor pa gar byed bzhin pa de'i tshe/ drug skyes la sogs pa grong gi klu dkyugs kyi sgra'i sa'i phyogs nas grags par 'gyur ro/ /de bzhin du dga' ba zhes pa ni gal te de nyid sa gzhi la zhabs drag tu mnan pas gar byed bzhin pa dang thugs dgyes bzhin pa'i phyir de'i tshe cha lang lta bu zhes pa ni cha lang gi sgras shin tu drag pa lta bu'am glog 'khyug pa lta bu'i sgra chen po'i sgra grags par 'gyur ro//de bzhin du rkang gdub las bskal pa'i me lta bu'i sgra 'byung ba de la de skad ces bya'o/ /de bzhin du rgya mtsho 'khrug pa dang zhes bya ba la sogs pa thams cad ni go sla'o/ /kha sbyor thig le'i rgyud kyi rgyal po rtog pa bcu pa'i rab tu byed pa gnyis pa bsgrub pa'i rnal 'byor pa rnams kyis mchod pa dang bkur sti bstan pa'i rgya cher 'grel pa yang dag pa'i lta ba'i dran pa'i snang ba zhes pa ste/mdor bstan pa gnyis pa'o// //da ni tshe 'di la rnal 'byor par grub nas sangs rgyas kyi rang bzhin nyid rnam par spyod pa brjod pa'i phyir/rigs pa'i skyes bu grub pa zhes bya ba la sogs pa la/ rgyal po rgyal ba'i spyod yul yin/ /zhes pa ni shes rab kyi pha rol tu phyin pa'i rnam pa mngon du yon tan gyi gnas so/ /de bzhin du yang tshig sna tshogs pas sgyu ma'i mtshan nyid mtshon cing zung du 'jug pa'i ting nge 'dzin la gnas pa'i rnal 'byor pa de/sangs rgyas bcom ldan 'das yin gyi gzhan ni ma yin no/ /de ltar yang gzhung 'di nyung ngu'i phyir gzhan las rjes su rtogs par bya zhes pa ste nges pa'o/ /lhag ma gzhan ni go sla'o/ /kha sbyor thig le'i rgyud kyi rgyal po'i rtog pa bcu pa'i rab tu byed pa gsum pa'i rgya cher 'grel pa yang dag pa'i lta ba'i dran pa'i snang ba zhes pa mdor bstan pa ste gsum pa'o// //da ni mdor bstan pa gsum gyi mthar slar bshad pa gtan la dbab pa brjod pa'i phyir lha khyod kyis ni zhes bya ba la sogs pa gsungs te/dam tshig la zhus pa dang lan btab pa ni rgyud thams cad kyi thun mong ngo / /lhag ma ni go sla'o/ /'dir yang gsungs pa/ kha sbyor don ni gsal byed cing / /rnal 'byor pa la thar ster byed/ /rgya cher 'grel tshig la lar ni//sbas shing gsal bar rab rdzogs pa/ /bla ma rdo rje 'dzin dga' yis/ /sems can rgyu ru 'dud pa yin/ /sna tshogs lung gi dgongs pa nyid/ /rang gis brtags nas byas pa min/ /sangs rgyas rdo rje 'chang la sogs/ /zhing brgyad lhan skyes rnal 'byor ma//bla ma'i sngon 'gro thams cad ni/ /bdag la bzod pa mdzad par 'os/ /rnal 'byor dbang po byang chub sras/ /gang gzhan de nyid pha rol 'gro/ /yi ge lhag gam 'chad pa'i phyir/ /de dag thams cad bzod par 'os/ /gal te sangs rgyas don spyod yul/ /lung gi don la dpyod pa ni//de tshe kun du rgya chen gyi/ /legs pa'i tshig ni bdag la stsol/ /dpal kha sbyor thig le'i rgyud kyi rgyal po rgyud thams cad kyi gleng gzhi las/ rtog pa bcu pa'i dpal rgya cher 'grel pa yang dag pa'i lta ba'i dran pa'i snang ba zhes pa'i gzhung las mdor bstan pa slar bshad pa ste bzhi pa'o// //slob dpon in+d+ra b+hU ti ni/ /zhes byas rgyal ba'i lam 'di byas/ /bde chen bzang po dpal ni nyid/ /bsod nams byang chub thob de bzhin/ /ye shes thob nas de nyid ni/ /sems can rnams ni rtag tu spyod/ /rgyal ba yi ni lam thob nas/ /de kun gyis kyang sems can gyi//don ni nam mkha'i mthar thug byed/ /dpal kha sbyor thig le'i rgyud kyi rgyal po'i rtog pa bcu'i bdag nyid kyi rgya cher 'grel pa yang dag pa'i lta ba'i dran pa'i snang ba zhes pa'i gzhung rdzogs so// //phyag rgya che brnyes pad+ma u rgyan pa'i/ /rim brgyud rgyal po in+d+ra d+hU ti yi/ /gzhung lugs yang dag lta ba dran snang ba//'bad de bsgyur byas bsod nams gang thob des/ /'gro kun gnyis med ye shes gnas thob shog /rgya gar gyi mkhan po shrI badzra bo d+hi dang / bod kyi lo tsA ba chen po gyi jo zla ba'i 'od zer gyis bsgyur cing zhus te gtan la phab pa// //

CLOSE WINDOW