CLOSE WINDOW

D1196
བོད་ཡིག

@##/ /rgya gar skad du/ /DA ki nI badzra dzA li pa ny+dza tan+t+ra rA dza s+ya ta t+t+wa pauSh+TIka pany+dzi kA nA ma/ bod skad du/ /rgyud kyi rgyal po mkha' 'gro ma rdo rje dra pa'i dka' 'grel de kho na nyid rgyas pa zhes bya ba/ thugs rje chen po 'phags pa spyan ras gzigs dbang phyug la phyag 'tshal lo/ /rlabs tshogs g.yo ba'i mtsho yi chu ni chu skyes dmar po'i steng gnas ngang pa yi//phreng bas brgyan ltar gang gi phyag rnams thod pa'i phreng bas shin tu mdzes byas la/ /'phral gyi char sprin lta bur sngo zhing lcug ma'i nags bzhin bcu drug phyag gis gnas/ /mche ba dang bcas zhal dang sku ru ldan pa'i gar mdzad de la rab 'dud cing //zab cing shin tu gting dpag dka' la don dam rin po che yi gnas su gyur pa yi/ /dam pa'i chos kyi gzhung lugs rtogs par nus pa'i rnam dag blo dang ldan pa gang / /bshes gnyen dam pa'i zhabs kyi pad+mar gus phyag 'tshal te yang dag rim pa las/ / de kho na nyid dran par bya phyir de nyid rab gsal la dka' 'grel bri bar bya/ /mkha' dang zhes bya ba la sogs pa la/ mkha' zhes bya ba ni pad+ma'i rang bzhin te/ rig pa bzhi'i chos 'byung ba'i phyag rgya kha dog dkar po gru gsum pa smad zhum zhing stod yangs pa sna tshogs rdo rje dang pad+mas nang mtshan pa'o//bems po zhes bya ba ni sa'i dkyil 'khor te/ kha dog ser po gru bzhi la gar rdo rje rtse gsum pas mchan pa laM las byung pa'o/ /dang ba zhes bya ba ni chu'i dkyil 'khor te kha dog dkar la zlum pa bum pas mchan pa paM las byung pa'o/ /go skabs med ces bya ba ni bya ba par rgyu zhing skabs med pas na rlung gi dkyil 'khor te//kha dog dud ka gzhu lta bu la rgyal mtshan gyis mtshan pa yaM las byung ba'o/ /gsal ba zhes bya ba ni bla na med pa'i ye shes kyi 'od 'bar ba'i ngo bo nyid kyi phyir me'i dkyil 'khor te/ kha dog dmar po gru gsum 'bar bas mtshan pa raM las byung ba'o//sna tshogs zhes bya ba ni dkyil 'khor bzhi'i 'og na gnas pa'i sna tshogs pad+ma'o/ /rdo rje gzhi zhes bya ba ni rdo rje'i mchog thams cad kyi rten du gyur ba'i sna tshogs rdo rje'i/ /gnas khang zhes bya ba ni khang bu brtsegs pa ste/ b+h+rUM dang 'khor lo las byung ba'i rnam par snang mdzad kyi ba spu'i bu gnas byung ba'i bdud rtsi'i rgyun gyis 'byung ba chen po bzhi zhu ba las gyur pa'o//sems can khams zhes bya ba ni de nyid de/ /sangs rgyas dang byang chub sems dpa'i tshogs 'phro bas yongs su gang ba'i phyir ro/ /yang de nyid ni yid du 'ong ba zhes kyang bya ste shin tu bzang zhing gsal ba'i rin po che rnams las bsgrubs pa'i phyir ro//yang na de nyid gzugs la sogs pa'i yul rnams kyis yongs su gang bas na yid 'ong ba'o/ /de dag gis ni 'di skad du chos 'byung ba'i nang du son pa'i sna tshogs rdo rje dang pad+ma la gnas pa khang bu brtsegs pa bsgom par bstan pa'am/gzhal yas khang lnga'i nang ngo / /kha cig ni 'og nas 'byung ba'i rgyud kyi rim pas bdag med ma'i dkyil 'khor gyi 'khor lo ston par byed do zhes zer ro/ /mkha' zhes bya ba ni sangs rgyas kyi chos thams cad yang dag par sdud par byed pa'i bdag med ma'o//bems po zhes bya ba ni sa'i khams kyi rang bzhin puk+ka sI'o/ /dang bzhes bya ba ni chu'i khams kyi rang bzhin sa ba rI'o/ /go skabs med ces bya ba ni rlung gi khams kyi rang bzhin Do m+bi nI'o/ /gsal ba zhes bya ba ni me'i khams kyi rang bzhin tsaN+Da lI'o/ / sna tshogs zhes bya ba ni lus dang longs spyod gnas su snang ba'i kun gzhi rnam par shes pa yongs su gyur pa'i me long lta bu'i ye shes dang / gzugs kyi rang bzhin rdo rje ma'o/ /rdo rje'i gzhi zhes bya ba ni/ rdo rje rnams kyi rten te/ sangs rgyas thams cad kyi mnyam pa nyid kyi ye shes dang /tshor ba'i rang bzhin nang gi gau rI ma'o/ /gnas khang zhes bya ba ni gzung ba gzugs la sogs pa'i rang bzhin gyi gnyen po rnam par rtog pa thams cad thim par gyur ba'i so sor rtog pa'i ye shes dang / 'du shes kyi rang bzhin pa rI DA ki nI'o/ /sems can khams zhes bya ba ni gdul bya'i sems can gyi khams sna tshogs 'dul bar byed pa'i bya ba nan tan gyi ye shes dang /'du byed kyi rang bzhin badzra DA ki nI'o/ /yid 'ong pa zhes bya ba ni de bzhin gshegs pa thams cad kyi ye shes kyi dkyil 'khor yid du 'ong zhing 'gugs par byed pa ste/ /dad pa dang gzugs kyi skye mched kyi rang bzhin gau rA+e ma'o//sems can zhes bya ba de dag 'jug pa ste/ brtson 'grus dang sgra'i skye mched kyi rang bzhin tsau rA+e'i/ /snod ces bya ba ni gnas su bskyed cing 'ching ba ste/ dran pa dang / /dri'i skye mched kyi rang bzhin be tA lI'o/ /'jig rten zhes bya ba ni don sna chogs la lta zhing mnyes par byed pa ste/ting nge 'dzin dang / ro'i skye mchod kyi rang bzhin g+ha sma rI'o/ /sa 'og sa stengs sa bla zhes bya ba la/ /sa 'og ni reg bya'i skye mched kyi rang bzhin sa 'og na rgyu ba'o/ /sa stengs ni rnam par shes pa'i phud po'i rang bzhin te/ /slar yang bdag med ma nyid de bstan pa'o//sa bla zhes bya ba ni chos kyi skye mched kyi rang bzhin mkha' la rgyu ma'o/ /ra ba zhes bya ba ni logs su rgyu ba ma yin gyi steng dang 'og tu 'gro ba zhes bya ba'i bar du'o/ /des ni bdag med ma'i 'khor lo bstan to/ /yang gong du thal ba'i 'phro bshad par bya ste/ /sems can snod kyi 'jig rten dang //zhes bya ba ni kun gzhi rnam par shes pa gnas 'gyur ba ste/ de la snod ces bya ba ni gnas su snang ba yongs su gyur ba'i khang bu brtsegs pa sngar bshad pa nyid do/ /sems can 'jig rten zhes bya ba ni rtag pa ste/ /byang chub sems dpa' la sogs pa'i lus dang longs spyod du snang ba gnas gyur ba'i me long lta bu'i ye shes kyi rang bzhin no//sa 'og sa stengs sa bla dang / /zhes bya ba ni skam pa ma ste/ sa 'og dang sa stengs sa blan gnas pa'i 'dug pa rnams kyi mgrin pa 'don pa'i phyir ro/ /bar dang zhes bya ba ni zhags pa ma ste/ / gdug pa rnams btsal nas nang du 'ching bar byed pa'i phyir ro/ /yid ces bya ba ni 'tshod pa ma ste/ gdug pa rnams btsal nas 'jig rten dag pa'i yid kyi yang dag pa'i dra bas bsngags pa'i phyir ro/ /lus zhes bya ba ni lcags kyu ma ste/ /gdug pa'i lus phug nas 'gugs pa'i phyir ro//ngag ces bya ba me tog ma ste/ byang chub kyi yan lag la dam pa'i me tog gi za ma tog 'bul ba'i gsung rab kyi ngo bo nyid yin pa'i phyir me tog ma'o/ /gcig ces bya ba ni bdug spos ma ste/ /chos thams cad zag pa med pa'i bdug pas gcig tu slon pa'i phyir ro/ / gnyis zhes bya ba ni mar me ma ste/ /snying rje'i snum las byung ba'i gnyis su med pa'i ye shes kyi sgron mes gnyis kyi ra ba rib bzlog nas sangs rgyas kyi yon tan snang bar byed pa'i phyir ro/ /mkha' bde zhes bya ba ni byug pa ma ste/ nam mkha' ma lus par rgyas pa'i bla na med pa'i dbyibs kyi dri la dga' zhing grags pa'i rang bzhin yin pa'i phyir ro//rtag pa'i dkyil 'khor pa rnams so/ /drug dang lnga dang zhes bya ba ni/ rdo rje nyi ma ste/ nga rgyal la sogs pa'i nyon mongs pa drug dang / /sgrib pa lnga'i gnyen po mnyam pa nyid kyi rang bzhin yin pa'i phyir ro/ / drug gnyis zhes bya ba ni lag na nyi ma ma ste/ nyi ma bcu gnyis bsdus pa'i snang bas ma rig pa'i mun nag bzlog pa'i phyir ro/ /bzhi zhes bya ba ni mar me ste rnal 'byor bzhi'i ye shes kyi snar bas rnam par rtog pa'i rab rib sel bar byed pa'i phyir ro/ /'gro ba rnams zhes bya ba ni rin chen sgron ma ste/'gro ba rnams kyi mun pa'i dra ba 'joms par byed pa'i phyir ro/ /nyi shur gcig gis ma tshang pa/ /zhes bya ba ni lag na glog 'dzin ma ste/ khams bco brgyad dang gang zag tu 'dzin pa ste/ rnam par rtog bcu dgu'i chu bo gnyis su med pa'i ye shes kyi snang bas sel bar byed pa'i phyir ro//khams gsum po ni ma lus dang / /zhes bya ba ni sgeg mo ste/ /khams gsum ma lus pa thams cad la pha rol par ston pa'i phyir ro/ /pha zhes bya ba ni phreng ba ma ste/ /nyon mongs pa la sogs pa rnams kyis bcing ba las sgrol ba'i phyir dang / /don dam pa'i rin po che la rol cing 'dzin pa'i phyir ro//bu ga zhes bya ba ni glu mkhan ma ste/ thar pa'i grong khyer du 'jug par mdzad cing / bla na med pa'i chos ston pa'i dbyangs kyis skyob ba'i phyir ro/ /ma zhes bya ba ni gar mkhan ma ste/ gar gyi phyag rgya skyong bas bdud kyi rgya mtsho las grol ba'i phyir ro//rdo rje nyi ma'i dkyil 'khor pa rnams so/ /phyi rol don zhes bya ba ni bcom ldan 'das pad+ma gar gyi dbang phyug ste/ gzung ba la sogs pa'i rnam par rtog pas bcings shing mnan nas don rnams la gzigs pa'i so sor rtog pa'i ye shes kyi rang bzhin yin pa'i phyir ro/ / nang dang zhes bya ba ni lag na pad+ma ste/ snying rje chen po'i 'dod chags chen pos nang zhes bya ba pad+ma'i bdag nyid ston pa'i phyir ro/ /btsun mo kun gyi chos dang ni/ /zhes bya ba ni lag na chos 'byung ma ste/ /bde ba chen po spel bar bya ba'i phyir chos 'byung ba bsnams pa'o/ /las rnams thams cad ces bya ba ni lag na lcags sgrog ma ste/sangs rgyas dang byang chub sems dpa' thams cad byams pas 'ching ba'i las byed pa'i phyir ro/ /bdag med ma zhes bya ba ni kun du 'khyud ma ste/ /bde ba chen po chos thams cad bdag med par bstan pa dang / sangs rgyas rnams rjes su chags pa 'ching pa'i phyir bdag la kun du 'khyud par ston pa'i phyir ro//'bras bu zhes bya ba ni gling bu ma ste/ bug dang ldan pa'i gling bu 'bud pa'i phyag rgyas chos rnams stong pa nyid du dral te/ ston pa'i phyir ro/ /rgyu zhes bya ba ni pi wang ma ste/ skye ba dang 'gag pa la sogs pa'i sgras 'dod chags la sogs pa bsal zhing dor bar bya ba nyid du ston pa'i phyir ro//bya bar grags zhes bya ba ni rdza rnga ma ste/ rdza rnga'i kha cig la brdung pa'i tshul gyis bdag med pa'i byang chub tu bya bston pa'i phyir ro/ /bsgrub bya sgrub thabs rdo rje can/ /zhes bya ba ni rnga chen ma ste/ / mgrin par btags nas lag pa gnyis brdung ba'i tshul gyis rgyu dang bcas pa'i sku gsum ston pa'i phyir ro/ /pad+ma gar gyi dbang phyug pa'i dkyil 'khor ba rnams so/ /'di ltar kun gzhi rnam shes 'gyur/ /zhes bya ba ni/ bcom ldan 'das 'du byed kyi phung po'i rang bzhin rta mchog ste//kun gzhi rnam par shes pa ltar bya ba nan tan gyi ye shes kyis sku sna tshogs sprul zhing rnam par rtog pa bcom pa'i phyir ro/ /chos kyi dbyings zhes bya ba ni rdo rje sgo lcags ma ste/ zag pa med pa'i dbyings kyis thams cad mkhyen pa'i ye shes srung bar byed pa'i phyir ro//ma byung dang zhes bya ba ni lde kyog 'dzin ma ste/ ye shes bzung nas de'i sgo bcad pas nyon mongs pa la sogs pa'i rtog pa 'jug par mi byed pa'i phyir ro/ /sems can khams zhes bya ba ni rdo rje sgo glegs ma ste/ sems can gyi khams ltar ye shes skyes pa mi 'dor ba dang nyes pa rnams kyi skabs mi 'byed pas thog ma dang tha ma med pa'i phyir ro//nam mkha'i khams zhes bya ba ni rdo rje yol ba ma ste/ rang gi 'od kyi btsun mo rab tu bsrung ba'i phyir nam mkha'i dbyings su khyab pa'i yol ba 'dzin pa'i phyir ro/ /bdag med ces bya ba ni sangs rgyas spyan ma ste/sangs rgyas thams cad sems can gyi bdag nyid kyis me long lta bu'i ye shes kyi chos yin pa'i phyir ro/ /bdag nyid tha snyad ces bya ba ni mA ma kI ste/ gnyis po rnam par spyod na/ gnyis med pa ni tha snyad yin la/ de 'di la yod pas na bdag gi tha snyad can te/de gnyis pa'i chos yin pa'i phyir ro/ /dngos dang bral bzhes bya ba ni gos dkar mo ste/ gnyis kyi dngos po rnams stong pa nyid rnam par dpyad nas rtog pa dang bral ba'i chos nyid yin pa'i phyir ro/ /dngos med pa zhes bya ba ni sgrol ma ste/ sangs rgyas kyi sprul pa sna tshogs kyis 'jig rten gyi khams ma lus pa rnams su chos ston pa 'gro zhing sgrib pa'i dngos po dang bral ba'i chos nyid yin pa'i phyir ro//rta mchog gi dkyil 'khor pa rnams so/ /bde ba can zhes bya ba ni gau rI ste/ bde ba chen po'i rang bzhin ye shes kyi dkyil 'khor yin la//de dad pas srung zhing 'gugs par byed pa'i phyir ro/ /gru gsum la zhes bya ba ni tsau rIste/ de la kha cig na re khams gsum zil gyis gnon pa'i gzugs ston par byed pa zhes zer ro/ /ye shes kyi dkyil 'khor gyi gru ni gnyis su nges pa yin la/ gru gcig tu nges pa yin na ni/de la goms par 'dzin pa'i phyir ro/ /yang na brtson 'grus kyi lus la sogs pa la sku la sogs pa 'dzud pa'i phyir ro/ /rdul med ces bya ba ni dran pa'i rang bzhin ni ro langs ma ste/ rdul ni dam tshig dang ye shes kyi rtog pa yin la/ /gnyis po stong pa nyid kyi dra bas lcags sgrog gis gcig tu byed pa'i phyir ro//skyon bral zhes bya ba ni g+hasma rI ste/ rdo rje dril bu'i sgras 'bebs par byed cing ting nge 'dzin gyi rang bzhin gyis rnam par g.yeng ba'i skyon thams cad bsal ba'i phyir ro/ /rdul bral zhes bya ba ni puk+ka sI ste/ sbyin pa'i pha rol tu phyin pa dang //snying rjes ser sna dang / sdang ba'i nyes pa bsal ba'i phyir te/ sa dang po rab tu dga' ba dang / sa'i khams kyi rang bzhin no/ /sdig bcom zhes bya ba ni sa ba rI ste/ tshul khrims dang byams pas tshul khrims 'chal pa dang / mi brtse ba'i sdig pa bcom pa'i phyir te/ sa dri ma med pa dang / chu'i khams kyi rang bzhin no/ /khro gnyer med pa zhes bya ba ni tsaN+Da lIste/ dga' ba dang / bzod pas rmongs shing zhum pa dang / khro ba'i gnyer ma gsal ba'i phyir te/ sa 'od byed ma dang / me'i khams kyi rang bzhin no/ /mnyam gzhag pa zhes bya ba ni Do m+binI ste//btang snyoms dang / brtson 'grus kyi pha rol tu phyin pas snyom las dang rnam par g.yeng ba bcom pa'i phyir te/ sa 'od 'phro ba can dang mngon par 'du byed pa med pa'i rang bzhin no/ /nang gi bde ba mchog rig pa/ /zhes bya ba ni dpal he ru ka ste/ /nang gi 'jig rten dang 'jig rten las 'das pa'i dngos po rnams yin la de'i bde ba ni rab tu zhi zhing mi 'gyur par dbang du gyur pa'o//mchog ni mdzes shing yid du 'ong ba ste/ de rig pa'i dang tshul 'di la yod pas na nang gi bde ba mchog rig pa'o/ /dpal he ru ka'i dkyil 'khor pa rnams so/ / 'khor los sgyur ba lnga po de dag nyid slar yang bstan pa'i phyir gsang ba zhes bya ba la sogs pa smos te/ gsang ba zhes bya ba ni dben pa ste/ shin tu rnam par dag ba'i chos kyi dbyings kyi ye shes te/ sna tshogs 'di dag nyid kyi stong pa las byung ba'i phyir gsang ba'am/ 'dod chags la sogs pa'i nyon mongs pa'i rtog pa bor zhing btang bas gsang ba ste/de la gnas pa yin pa'i phyir ro/ /de nyid du he ru ka ste/ de'i gnas pa yang de skad ces bya'o/ /mchog ces bya ba ni dag pa 'jig rten pa'i ye shes kyis gzhal zhing yongs su bcad nas nges par byas pa ni so sor rtog pa'i le shes te/de nyid ni pad+ma gar gyi dbang phyug ste/ de'i gnas la yang de skad ces bya'o/ /dgyes pa zhes bya ba ni sangs rgyas thams cad kyi mnyam pa nyid kyi ye shes te/ des mnyam nyid du rol cing rtogs pa'i phyir de nyid mi rdo rje nyi ma ste/ /de'i gnas la yang de skad ces bya'o//thams cad bdag nyid ces bya ba ni bya ba nan tan gyi ye shes te/ sangs rgyas thams cad kyi sprul pa'i sku'i bdag nyid yin pa'i phyir ro/ /de nyid ni rdo rje rta mchog ste/ de'i gnas la yang de skad ces bya'o/ /de rnams kun kyang bdun pa'i don gyi mtha' can bsgyur bar byas la/dang po'i mtha' can du rtogs par bya'o/ /rtag tu bzhugs zhes bya ba ni sku gsum gyis mi g.yo bar bzhugs pa ste/ chos kyi sku'i rang bzhin gyis rtag pa'o/ /longs spyod rdzogs pa'i sku ni nyams pa med par bzhugs pas rtag pa'o//sprul pa'i sku ni rgyun mi 'chad pas rtag pa'o/ /sangs rgyas dngos zhes bya ba ni me long lta bu'i ye shes te/ sangs rgyas thams cad kyi lus dang longs spyod dang gnas kyi rang bzhin yin pa'i phyir ro/ /de nyid ni rtag pa ste de'i gnas la yang de skad ces bya'o/ /sems dpa' chen po zhes bya ba ni rdo rje sems dpa' ste/shes bya'i rang bzhin gyis so/ /'di ni zhes bya ba ni 'di la ste/ rtag dud ltar byung bas so/ /rang byung zhes bya ba ni don dam par rgyu la sogs pa med pa'i phyir ro/ /bcom ldan 'das zhes bya ba la b+ha ga ni/ /dbang phyug la sogs pa drug ste/de 'di la yod pas na bcom ldan 'das so/ /de skad du yang / dbang phyug dang ni gzugs bzang dang / /dpal dang grags dang ye shes dang / /brtson 'grus phun sum tshogs ldan pa/ /drug po 'di dag bcom par bshad/ /ces so/ /gcig pu zhes bya ba ni gnyis med pa ste/chos kyi sku'i tshul gyis so/ /lhag pa'i lha zhes bya ba ni lhag par gyur pa'i lha ste/ longs spyod rdzogs pa dang sgrub pa'i sku'i tshul gyis so/ /'bum phrag lnga po he badzra zhes bya ba ni sngar bshad pa'i rgyud rgyas pa'o/ /dkyil 'khor lnga pa zhes bya ba ni 'bum phrag lnga mdor bsdus pa'i rgyud kyi dkyil 'khor lnga po gtso bor gyur pas mkha' 'gro ma rdo rje dra ba zhes bstan pa'o//de nyid kyi phyir 'di skad bdag gis thos pa zhes bya ba la sogs pa la rgyud 'dir ma smos te/ rgyud rgyas pa la ltos pa'i phyir ro/ /snying gar g.yon bcangs sdigs mdzub ste/ /sna tshogs kha dog cher 'bar ma'o//zhes bya ba ni dkar po la sogs pa'i kha dog dang ldan pa ste/ kha dog de dag kyang bsdus pa'i dkyil 'khor las ston par 'gyur ro/ /shin tu gti mug che zhes bya ba la gti mug ni bag chags dang bcas pa'i kun gzhi rnam par shes pa yin la/ de shin tu gnon pas na shin tu ste/ sems tsam gyi mtshan nyid zag pa med pa'i dbyings kyi rang bzhin me long lta bu'i ye shes so/ /de nyid kyi gti mug de gnon pa'i phyir chen po yin no/ /shin tu gzi brjed che zhes bya ba la/ gzi brjid ni nga rgyal la sogs pa'i nyon mongs pa drug go//de sangs rgyas thams cad mnyam pa nyid kyi ye shes kyis gnon pas na shin tu gzi brjid de de nyid kyi phyir gzi brjid chen po'o/ /shin tu 'dod chags 'dod chags che/ /zhes bya ba la/ 'dod chags ni yul rnams la zhen pa ste/ de so sor rtog pa'i ye shes kyis gnon pas na shin tu ste/de nyid kyi phyir 'dod chags chen po yang yin no/ /phrag dog chen po sgrib pa zhes bya ba la rang gi ngo bo nyid rtogs pa'i phyir dang / sku gsung zugs kyi sprul pas 'khor ba ji srid par bzhugs shing mi gnas pa'i mya ngan las 'das par gyur bas na/ phrag dog chen po sgrib pa che/ /zhes bya ba ste/ bya ba nan tan gyi ye shes so/ /rnam par rtog pa'i rab rib 'phrog /ces bya ba ni bdag tu lta ba'i rab rib po/ /thog pa gzhan ni rnam par spangs/ /zhes bya ba ni nyan thos la sogs pa'i mya ngan las 'das pa la bzlog pa'i phyir ro/ / mi bskyod ye shes las byung ba/ /zhes bya ba la/ nyon mongs pa'i rtog pas mi g.yo pas na/ shin tu rnam par dag pa'i chos kyi dbyings kyi ye shes ni mi bskyod ye shes so/ /'byung ba ni de las skyes pa'o/ /skye 'gro mi zad don gnyer phyir/ /zhes bya ba la 'gro ba ni sangs rgyas/ / rnams te mi zad pa ni 'bri ba med pa'o/ /de rnams kyi ci zhig ce na/ mgron du gnyer ba de bsten zhing ri mor bya bas na mgron ni mthar phyin pa'i shes rab yin la de bsrungs pas na gnyer ba ni shes rab dang snyeng rje chen po'o/ /de nyid ni don te dgos pa zhes bya ba'i bar du'o/ /sgrib pa lnga ni 'joms pa'o//zhes bya ba ni don dang sems can dang / bdag dang rnam par rtog pa dang / 'du byed dang 'jug pa'i rnam par shes pa lnga po 'joms pa ste/ de la don dang sems can gyi don rnam par rtog pa 'joms pa ni me long lta bu'i ye shes so/ /bdag tu lta ba 'joms pa ni mnyam pa nyid kyi ye shes so//gzung ba dang 'dzin pa'i rnam par rtog pa 'joms pa ni/ so sor rtog pa'i ye shes so/ /'du byed sems can rnam par g.yeng pa nyid de/ de 'joms pa ni bya ba nan tan gyi ye shes so/ /'jug pa'i rnam par shes pa rnam pa lnga 'joms pa ni/chos kyi dbyibs shin tu rnam par dag pa'i ye shes te/ 'joms pa ni bcom pa las gyur pa'o/ /dbang po gang dang gang lam nas/ zhes bya ba ni/ dbang po rnams kyi yul gang dang gang rnyed pa ste mngon sum du bya ba zhes bya ba'i don to//mchog tu phan pa'i rnal 'byor gyis/ /zhes bya ba la/ mchog ces bya ba ni sangs rgyas thams cad kyi mngon par shes pa'i rang bzhin gyis so/ /phan pa zhes bya ba ni lhun gyis grub par 'jug pas so/ /rnal 'byor zhes bya ba ni shes rab dang thabs kyi rang bzhin gyis so/ / ci ste gzung ba dang 'dzin pas snang bas 'khrul pa'i rang bzhin 'ba' zhig yin no snyam du dogs pa la/ sangs rgyas kun gyi rang bzhin 'jug /ces bya ba smos te/ sangs rgyas thams cad kyi ye shes gnyis kyis stong pa nyid kyis gang dang gang nyams su myong ba de dang de/ /brdzun pa nyid du yongs su spyod pas 'khrul pa med pa kho na'o zhes bya ba'i don te//dngos po gang dang gang gis ni/ /zhes bya ba ni rigs gang dang gang gis zhes bya ba'i don to/ /sems can rnams kyi rigs 'dod chags dang / zhe sdang dang / gti mug dang / nga rgyal dang / phrag dog gi rigs lnga'i bye brag gis so//des na de yi rang bzhin 'gro/ /zhes bya ba ni des byang chub kyi rigs lngar 'gyur ba'o/ /sna tshogs gzugs can nor bu zhes bya ba ni nor bu shel sgong ste/ mdza' ba'i me tog la sogs pa'i kha dog nye bar bsgyur du rung ba'i phyir ro/ /thugs kyi rdo rje las byung zhes bya ba ni rdo rje lta bu'i ye shes las skyes pa'i phyir ro//rang gi rnam rtog ces bya ba ni bdag tu 'dzin pa la sogs pa'i lta ba ste gnyis brtags pa'i phyir ro/ /rnam dag ces bya ba ni glo bur gyi dri ma rnams dang bral ba'o/ /sems dag pa ni bde ba yin/ /zhes bya ba ni/ dri ma gsum spangs pa las zag pa med pa'i bde ba chen por 'gyur ba'i phyir ro/ /ci ste mdog dang mtshan ma la sogs pa'i spros pas grol ba'i thabs su ji ltar 'gyur snyam du dgongs nas/ /gal te steng pa thabs yin na/ /zhes bya ba la sogs pa smos te/ /gal te thabs dang bral ba'i stong pa 'ba' zhig lam du 'dod na de'i tshe bskal ba bye bas kyang sangs rgyas nyid du mi 'gyur te/nam mkha' mtha' yas skye mched la sogs pa zhi pa'i 'bras bu nyid kyis mi khom pa thob par 'gyur ro/ /'di ni pha rol tu phyin pa'i lugs las kyang 'dod pa ma yin te/ / pha rol tu phyin pa lnga'i thabs dang ldan pa'i shes rab kyi pha rol tu phyin pa bsgom par bya'o/ /thabs dang bral ba'i shes rab 'ba' zhig gis ni ma yin no zhes bya ba la sogs pa'o/ /ci ste stong bde nyid lam gyi gnas skabs na ni thabs yin la/ smin pa'i gnas skabs na ni 'bras bu yin no snyam du sems na/rgyu la zhes bya ba la sogs pa smos te/ de'i tshe lam dang smin pa gnyis kyi stong pa nyid la bye brag med pa'i phyir 'bras bu 'dod pa bzhin du stong pa nyid thabs ma yin par 'gyur ro zhes bya ba'i don to/ /rgyu ni spros pa'i ngo bo nyid de dmigs pa dang bcas pa'i phyir ro//'bras bu ni spros pa med pa'i ngo bo nyid de dmigs pa med pa'i phyir ro/ /de'i phyir rgyu dang 'bras bu tha dang par grub po/ /de'i phyir thabs ni stong pa nyid 'ba' zhig ma yin par grub pa'o/ /'on ci'i phyir stong pa nyid gsungs snyam du sems na/ phyin ci log bzlog pas thabs kyi yan lag nyid du bstan pa'i phyir/lta ba las ni log pa rnams/ /zhes byang zhos la bdag med pa la sogs pa lta ba log cing mi mthun pa'o/ /bdag tu lta ba tshol ba rnams kyis zhes bya ba ni bdag tu lta ba tshol ba ste/ bdag tu 'dzin pa la mngon par zhen pa ste/de rnams kyi bdag tu 'dzin pa'i lta ba bzlog pa'i phyir stong pa nyid rgyal bas gsungs so zhes bya ba'i don to/ /ci ste pha rol cu phyin pa'i tshul las shes rab kyi pha rol tu phyin pa'i thabs kyis zin pa'i pha rol tu phyin pa lnga bskal ba grangs med pa gsum du spyod cing mgo sbyin par btang ba la sogs pa dkar ba'i spyod pa sna tshogs kyis byang chub 'grub par bstan pa yin na dkyil 'khor 'khor lo la sogs pa'i thabs kyis ci bya zhe na/de'i phyir/ dkyil 'khor 'khor lo zhes/ thabs ni bde ba'i sdom pa ste/ /zhes bya ba la sogs pa smos te/de'i phyir zhes bya ba ni 'khor dang bcas pa'i pha rol tu phyin pa lA de dag nyid lha'i dkyil 'khor gyi 'khor lor bsdus pa thabs yin te/ bde ba'i thabs zhes bya ba ni dka' ba'i spyod pa ma yin pa'o/ /sdom pa zhes bya ba ni/ bde ba nyid du bstan pa ste/ 'dod pa'i nye bar spyod pa thams cad spyod cing dbang po gnyis kyi bde nyams su myong ba dang ldan pa'o//sangs rgyas nga rgyal zhes bya ni tha mal pa'i nga rgyal dang bral ba'o/ /myur du zhes bya ba ni tshe 'di nyid la'o/ /ci ste sangs rgyas kyi sku chos kyi sku rnams med pa'i tshul gyis bsgom par bya ba'am zhe na/sum cu rtsa gnyis zhes bya ba la sogs pa smos te/ thabs ni sku gsum gyi gzugs can gyi ting nge 'dzin gsum gyi rang bzhin gyis gnas par bstan to/ /rnam pa thams cad kyi mchog ces bya ba la sogs pa la rnam pa thams cad kyi mchog ni dam pa ste/ stong pa nyid kyi rang bzhin no//rgya che ba ni thabs che ba'i rang bzhin no/ /des sems can rnams 'khor los sgyur ba lnga la 'jug pas na sems can 'jug pa'o/ /de gsal bar byed pa na le'u dang po'o/ /mkha' 'gro ma rdo rje dra ba'i dka' 'grel de kho na nyid gsal ba las/ le'u dang po'i rnam par bshad pa'o// //de nas zhes bya ba ni le'u dang po'i rjes thogs la'o/ /'jig rten gsum thob ces bya ba ni sa gsum mo/ /de la 'di'i dgongs pa ni pho brang khang bu sum brtsegs dang ldan pa'o/ /dam tshig mchod pa zhes bya ba ni rang rang gi 'khor los sgyur ba'i dbye bas phye ba'i mchod pas rdzas rnams las 'da' bar mi bya'o//kun du bzang po'i sa bon bdag /ces bya ba ni sa bon hU~M las bskyed pa'o/ /bgrang ba nyid ces bya ba ni sdigs mdzub kyis gsod par 'jug pa ste/ g.yon pa'i sdigs mdzub ces pa'i don to/ /gnyis po dag gis phyag rgya sbyor//zhes bya ba ni rdo rje bcing ba byas nas srin lag gnyis sgril du sprel la mthe bong gnyis kyis gung mo'i sen mo gnyis mnan nas mdzub mo gnyis bskum ste cung zad dgug pa ni rin pa che'i tshul du byas nas/ snying gar gzhag pa'o/ /gnod sbyin mo dang klu mo dang //zhes bya ba la gnod sbyin mo bsgrubs pas gser gyi stegs bu la sogs pa yi ge k+ShaM gi 'od zer gyis bkug la bcug te/ gnod sbyin mo mdog ser mo gdugs dkar po thogs pa/ bskal pa'i me lta bu gshin rje mthar 'dzin gyi mgo bor mnan cing k+ShaM gis snying gar mtshan pa bsgom par bya'o//klu mo la ni yi ge ni gyis so/ /stobs chen ting 'dzin la gnas nas/ /zhes ba la sogs pa la/ pad+ma 'dab ma brgyad ces bya ba ni 'og nas 'byung ba'i drag shul gyis bsgrub pa'i don du rlung dang me dang / chu la sogs pa'i rim gyis klu'i dkyil 'khor bris pa pad+ma 'dab ma brgyad la 'dab ma'i mdog rnams phyogs kyi klu brgyad kyi mdog ltar bris pa'o//klu brgyad ces bya ba la sogs pa la/ shar du ni mtha' yas nag po/ lhor ni nor rgyas dkar po/ nub tu ni 'jog po dmar po/ byang du na stobs kyi rgyu sngon po me mtshams dang bden bral gyi mtshams su ni pad+ma dang pad+ma chen po ser skya'o//rlung mtshams su ni dung skyong ser po'o/ /dbang ldan du ni rigs ldan kha dog sna tshogs bsgom par bya'o/ /rdo rje mkha' lding gdan du mdzad/ /ces bya ba ni de rnams kyi mjug ma gaM las skyes pa'i khyung gi rkang pa g.yon brkyang bas mnan cing bskal pa'i me ltar 'bar zhing stobs po che'i rnal 'byor gyis de'i gdan la bzhugs pa'i klu'i bdag po zhes bya ba ni mtha'i yas la sogs pa ste/de dag nyid lag par bsams la/ hU~M dag dang ni spel ba yi/ /yi ge phu yi sngags brjod bya/ /zhes bya ba ni phreng sngags kyi mthar hU~M phu hU~M phaT ces brjod pa'o//rab tu bsgom zhes bya ba ni/ /nam mkha'i ngos la khro ba yi/ /'od kyis rmongs par gyur pa yi/ /klu rnams kyis chu'i tshogs 'bebs par bsgoms pa'o/ /nges par char 'bab po/ /sangs rgyas de nyid dbye bar bya/ /zhes bya ba ni sangs rgyas kyi rgyur gyur pa'i lam gyi de kho na nyid do//lhag ma ni go sla'o/ /don gyi khyad par gzhan ni bla ma'i man ngag las shes par bya'o/ /dag pa'i gnas zhes bya ba ni dam pa dang po la sogs pa'i gnas so/ /rdo rje lu gu rgyud ces bya ba la sogs pa ni/ drag shul gyis bsgrub pa'i phyir las dgug pa dang bcing pa la sogs pa bstan pa'o//mkha' 'gro ma bzhi zhes bya ni gau rI la sogs pa de dag nyid do/ /de dag gis ni 'di skad du ston te/ bsgom pa dang bzlas pa la zhen pa la yang spyan ras kyis mi 'tsho na de'i tshe zla ba drug tsam du mchod pa thams cad kyis mchod la gnas par gsos te/yang zla ba drug tu snying gar lcags kyus dgug pa la sogs pa byas nas zla ba gzhan la drag shul gyi phur pas gdab par ston par 'gyur ro/ /sangs rgyas gar mkhan zhes bya ba ni/ sangs rgyas rnams kyis gar mdzad pa'o/ /ci ste glu dang rol mo ngag 'khyal pa smra ba dang 'dra bar ston pas sdig pa nyid kyis ngan song du ltung bar mi 'gyur ram zhe na/sangs rgyas gar mkhan rdo rje yis/ /'dod chags can gyi byang chub sgrub/ /ces bya ba la sogs pa smos te sangs rgyas gar gyi rdo rje zhes bya ba ni phyag rgya dang byed pa la sogs pa'o/ /'dod chags can zhes bya ba ni yul la zhen pa rnams te 'dod pa la chags pa dang ldan pa'o//byang chub sgrub ces bya ba ni sangs rgyas nyid do/ /lag pa dang rkang pa dang lta stangs dang / phyag rgya rnams kyis bsod nams ye shes sogs par mdzad pa ste ji ltar lcags la sogs pa'i gong bu chung yang chu'i nang du 'bying ba de nyid snod du byas na che yang steng du 'phyo bar 'gyur ba bzhin no/de bzhin du yang rdo rje'i gar la sogs pa ni 'dus byas ba'i phyag dang zhabs dang / zhal yin pa'i phyir zhal gcig dang phyag gnyis zhabs gnyis dang ldan par bya'o/ /rdo rje can zhes bya ba ni rdo rje gang la yod pa de ni rdo rje 'chang ste kye'i rdo rje'o//de la g.yas kyi thod pa rnams nye bar bsdus pa ni rdo rje'i/ /phyag g.yon pa'i thod pa rnams nye bar bsdus pa ni thod pa dang kha T+wAM ga'o/ /de bzhin du bstan pa ni rtag pa'i g.yas su ni 'khor lo'o/ /nyi ma'i g.yas su ni rin po che'o/ /pad+ma gar gyi dbang phyug g.yas su ni pad+ma'o//rta mchog gi g.yas su ni ral gri'o/ /g.yon pa rnams su kha T+wAM ga dang thod pa'o/ /zhags ni phyed krung bcas pa'i gar gyis bzhugs pa'o/ /phyag la sogs pa ji ltar bsdus pa bzhin du ma mo la sogs pa'i dkyil 'khor pa rnams kyang bsdus par bya ste/ gau rIl sogs pa bsdus pa ni mA ma kI'o/ /skam pa ma la sogs pa bsdus pa ni sangs rgyas spyan no/ /phyag na pad+ma can la sogs pa bsdus pa ni gos dkar mo'o/ /phyag na nyi ma can dang sgo lcags ma la sogs pa bsdus pa ni sgrol ma'o/ /khro bo rnams dang sgo skyong rnams bsdus pa ni/khro bo mi g.yo pa'o/ /kha cig na re khro bo'i 'khor lo bsdus pa'o zhes zer ro/ /me tog snyim par ba sbyor bas/ /zhes bya ba la lag pa gnyis su a las zla ba'i dkyil 'khor der hU~M las rdo rje dkar po bskyed la sor mo rnams kyang rdo rje'i tshul du mos te/ me tog gi thal mo spyi bor sbyar te phyag bya ba ni me tog gi snyi ma pa'o//de nas de bzhin gshegs pa rnams la phyag byas nas bdag nyid nges par dbul ba ni rab tu sbyor ba'o/ /de nas 'og nas 'byung ba bzhin du smon lam gdab pa'o/ /'du shes med pa zhes bya ba ni nam mkha' mtha' yas skye mched la sogs pa rnams so//hU~M zhes bya ba ni lus dang brjod pa dang yid de/ lus ni ha'o/ /brjod pa ni u'o/ /yid ni ma'o/ /mi bskyod pa zhes bya ba ni gnyis kyi rnam par rtog pas mi g.yo ba'o/ /bdag gi stobs bcom pa zhes bya ba ni/ gnyis po med pas snang ba tsam yin pa'i phyir ro/ / oM zhes bya ba ni don gyis stong pa dang yid de/ sems tsam gyi ngo bo nyid do/ /tshangs pa zhes bya ba ni mi gnas pa'i mya ngan las 'das pa'o/ /rnam par snang mdzad ces bya ba ni ye shes kyi me 'bar bas snang ba'i phyir ro/ /A zhes bya ba ni nam mkha' dang mtshungs pa'o/ /gar gyi dbang phyug ces bya ba la sogs pa la/gar ni rnam par rol pa'o/ /dbang phyug ni de'i gtso bo ste/ chos thams cad la so sor rtog cing rnam pa sna tshogs kyi gdul bya rnams la longs spyod pa'o/ /trAM zhes bya ba ni sangs rgyas thams cad kyi de kho na nyid nyams su myong bas chags shing mnyam pa nyid de/sangs rgyas thams cad kyang kho na nyid ni yi ge ta'o/ /nyams su myong bas chags pa'i mnyam pa ni ra'o/ /yid ni ma'o/ /gdugs gcig ces bya ba ni mnyam par 'gegs pa'o/ /tshab sel bzhes bya ba ni nyon mongs pa'i gdung ba sel ba'o//'khor lo'i rnam pa zhes bya ba ni nyi ma lta bu'i ye shes so/ /khaM zhes bya ba ni nam mkha' dang mnyam pa'i sprul pa'i yid de khaM/ rdo rje mgyogs 'gro zhes bya ba ni chos kyis mgyogs par 'gro ba ste/ /de dang der sprul pa sna tshogs ston pa'o/ /snying rje'i chang zhes bya ba ni gnyis kyi rtog pa bzhus nas ro gcig mnyam pa'i rang bzhin no//mA ma kI zhes bya ba ni gnyis kyis sgyu ma 'dzoms pa'i las te mA ma kI ni mi bskyod pa'o/ /zhi bzhes bya ba ni gzung ba la sogs pa rnam par rtog pa zhi ba'i phyir sems tsam nyid do/ /chags pa zhes bya ba ni gnyis kyis stong pa'i ye shes nyams su myong bar yongs su gcod par gnas pa'o//dbang mo che zhes bya ba ni 'jig rten gyi khams sna tshogs su sprul pa rnams kyi rjes su 'dzin pa'i rang bzhin no/ /mig yon zhes bya ba ni steng dang 'og tu blta ba ste/ 'khor ba dang zhi ba lta ba'o/ /de la phyogs gcig tu bstan pa ni khang ba sum brtsegs byas nas khang pa 'og mar ni gar byed pa'i gar mkhan rnams gzhag pa'o//par mar ni bza' bca' la sogs pa'i yo byad gzhag go/ /steng mar ni dkyil 'khor 'khor lo'i khar bzhag la dkyil 'khor bsdus pa'i sgrub thabs las/ /go rims smos pa bzhin ting nge 'dzin gsum bya ste/slob ma bzhi dang 'byor ma bzhi dang bcas bas rang rang gi 'khor los sgyur bar bcos par bya zhing / rnal 'byor ma med na skyes ba rnams kyis bud med kyi gzugs gzung ba khro bo dang sgo skyong thams cad mi g.yo bar bsdus pa dang bcas pas bdud thams cad gzhom par bya'o//bsdu ba de yang khang bu brtsegs pa rnams ni khang bu brtsegs pa la'o/ /zhal rnams ni zhal la'o/ /phyag rnams ni phyag la'o/ /zhabs rnams ni zhags la'o/ /glang po che la sogs pa'i thod pa rnams ni bcos ma'i rdo rje la'o/ /de bzhin du rma bya'i thod pa la sogs pa rnams ni 'khor lo la'o//snod la sogs pa'i thod pa rnams ni rin po che la'o/ /dom la sogs pa'i thod pa rnams ni pad+ma la'o/ /sa la sogs ba'i snod rnams ni ral gri la'o/ /de bzhin du g.yon pa'i mtshan ma rnams ni kha T+wAM ga dang thod pa la bsdu'o/ /de la dang por yol bas bcad la slob dpon gcig pu me long mdun du bzhag ste/rang rang lha'i zhal dang / phyag dang / bcos ma'i rdo rje dang kha T+wAM ga dang thod pa dang ldan pa nor bu la sogs pa'i mdog tu tshon gyis byug cing / bcos ma'i mchod phyir thogs pa la sogs pa'i rgyan gyis brgyan la/ / rkang pa'i mthil du hU~M gis rdo rje rtse gcig dang rtse gsum dang rtse lnga pa dang / a yis bskyed pa'i rdo rje rgya gram rnams rim bzhin du bsams la 'og nas 'byung ba'i rdo rje'i 'gros rnams dang sbyar bar bya'o/ /de bzhin du khro bo chen po'i khro gnyer gyis smin ma bcums pa'i lta ba mig g.yon par Ta las byung ba'i zla ba/g.yas par ma las byung ba'i nyi ma la hU~M zhes bya ba bkod nas/ 'bar ba'i lta ba dang he ru ka'i nga rgyal gyis hU~M zhes bya ba brjod nas 'og nas 'byung ba'i rdo rje 'gros kyis bskor bar bya'o/ /de yang dang po yol ba rim gyis bsal zhing / sa rab tu dga' ba la sogs pa'i sgrib pa bsal zhing bstan pa'i phyir/rim pa bzhin dbu rgyan dang / dpral ba dang spyan dang ko sko dang mgrin pa dang / phrag pa dang / phyag dang / snying ga dang / lte ba dang / rked pa dang / brla dang / zhabs kyi bar du bstan pas rdo rje can phyung ste/ /phyed krung bcas nas g.yas pa mnan te/mnyam pa'i 'dug stangs kyis gnas la/ sngar smos pa bzhin du me tog gi thal mo spyi bor bzung la/ de bzhin gshegs pa thams cad la phyag 'tshal lo zhes bya bas phyag bya ba dang / de bzhin gshegs pa thams cad la bdag nyid dbul lo zhes bya bas bdag nyid phul nas/'di skad du sems can bsdu bas bsdus pa ji snyed pa sgo nga las skyes pa dang / drod gsher las skyes pa'am rdzus te skyes pa'am/ mngal las skyes pa yang rung ste/ gzugs can nam gzugs can ma yin pa'am/ 'du shes can nam 'du shes med pa'am//'du shes can yang ma yin 'du shes med pa yang ma yin pa rnams kyang rung ste de dag thams cad bdag gis phyag rgya chen po'i go 'phang la rab tu gzhag par bya'o zhes smon lam btab la/ /sems can gyi khams rnams mun pa dang 'dres par blta zhing /oM kro d+he dr-iSh+Ti hI zhes bya ba dang / hU~M gi mig 'bras kyi 'od zer 'jig pa'i me ltar 'bar bas 'gro ba gsum po thal bar byas nas phyed krung byas ba'i gar la gnas te/ slar yang rgyal mtshan chen po dang / dril bu'i sgras blangs la gar chen po'i rol pas bskor bar bya'o//gdams ngag las 'ongs pa'i rdo rje 'gros rnam pa bzhi sbyar bar bya ste/ rkang mthil gyi hUM las byung ba'i rdo rje rtse gcig pas sa gzhi la gzhog cing rdo rje dang dril bu rked par bzung la oM e ka sU tsi ka badzra pA da badzra ma hA kro d+ha/ b+ha ny+dza b+ha ny+dza sa rba duSh+TAM a sU rA Na hU~M phaT ces brjod nas/rdo rje rtse gcig pa'i 'gros kyis bskor ro/ /de nas de bzhin du rdo rje rtse gsum pa'i 'gros kyis bskor te/ /sngags ni oM tri sU tsi ka badzra pA da badzram hA kro d+ha b+ha ny+dza b+ham+dza sarba duSh+TAM a sU rA Na hA+o+uM phaT/ de'i 'og tu rdo rje lnga pa'i 'gros kyis bskor te/ sngags ni oM pany+dza sU tsi ka badzra pA da badzra ma hA kro ng+ha b+ha ny+dza b+ha ny+dza sarba duSh+w+TAM a sU rA Na hA+o+uM phaT ces bya'o//de'i 'og tu mtha'i dbyangs yig las skyes pa'i rdo rje rgya gram bsams la/ rdo rje rgya gram kyi 'gros kyis bskor ba byas te/ sngags ni oM bi shwa badzra pA da badzra ma hA kro d+ha b+ha ny+dza b+ha ny+dza sarba duSh+TAM a sU rA Na hU~M phaT/ ces bya'o/ / de nas gzhan yang bshad pa ni/ rang gi lhag pa'i lhar dmigs la/ /lha yi rgyan gyis brgyan pa ste/ /yo byad thams cad dmigs byas la/ /lto ba'i me la sbyin sreg bya/ /shar dang nub dang byang dang lhor/ /phyogs su gnas pa'i rnal 'byor pa/ /mtshams na gnas pa'i lha mo rnams//che ba'i mchog gi mchod par bya/ /de bzhin du rnal 'byor pa gzhan rnams kyis kyang so so rang gi ngo bo yol bas bar du bcad la rang rang gis bsdu ba'i gzugs kyis bcos ma byas nas/ ri bo lhun po'i steng du gnas par bsams te gar bya'o/ /de la brtag pa na shar phyogs kyi sgor mdog dkar po bcos ma'i 'khor lo thogs nas snga ma bzhin du thams cad bya ste/oM gyi mig 'bras dang ldan pas byams pa'i lta bas blta zhing bdud rtsi bsil ba'i 'od kyi phreng bas med pa'i brtul zhugs 'dzin pa'i lta bar lhung ba rnams sangs rgyas kyi gti mug mi gnas pa'i mya ngan las 'das pa la dgod par bsam mo//de bzhin du nub sgo na pad+ma gar gyi dbang phyug mdog dmar po bcos ma'i pad+ma 'dzin pa hI+uH'i mig 'bras dang ldan pas/ oM badzradr-iSh+Ta ru Ta ma Ta zhes bya ba dang / g.yon la brten pa'i lta ba'i lcags kyu'i 'od kyis nyan thos la sogs pa'i byang chub la gnas pa rnams rjes su chags pas 'dod chags kyi byang chub la dgod par bsam mo//de bzhin rta mchog byang sgor mdog ljang gu bcos ma'i ral gri thogs shing rta gdong ljang gu dang ldan pas ji lta ba bzhin du 'bar ba'i lta bas lcags kyus thams cad mkhyen pa'i lam la brten nas nyan thos kyi lam du zhugs pa rnams las thob pa'i byang chub sems dpa' la sogs pa sprul pa sna tshogs kyis byang chub chen po'i lam du khrid par bsam mo//de bzhin du lho phyogs kyi sgor rdo rje nyi ma mdog ser po bcos ma'i rin po che dang ldan pas/oM dI p+ta dr-i sh+ya aM ku sha dzaHbzhes bya ba dang / /nyi ma dang zla ba'i mig g.yas su brdeb cing myur bar g.yo bas lta ba'i pad+ma'i lcags kyus ser sna la sogs pa'i nyes pa bsal nas mnyam pa nyid kyi ye shes la sbyar bar bsams la/ de skad du yang / shar dang nub dang byang phyogs dang //lho yi phyogs su rim bzhin sbyar/ /zhes gsungs so/ /de dag thams cad kyang bcos ma'i stag lpags kyin bza' dang bcos ma'i skra kham ser dang / sangs rgyas lnga'i thod pa'i cod pan dang spyan gsum pa/ bcos ma'i sna tshogs pad+ma dang nyi ma la phyed krung bcas pa'i gar gyis bzhugs pa ste/khyad par rtag pa'i zla ba'i gdan dang 'od can no/ /de bzhin du dbang ldan gyi mtshams su spyan ma mdog dkar mo bcos ma'i 'khor lo 'dzin pas byams pa'i lta bas sems can rnams kyi nye bar 'tshe ba zhi bar mdzad do/ / de bzhin du me'i mtshams su mA ma kI mdog sngon mo bcos ma'i rdo rje thogs nas rdo rje'i lta bas gzhan gyi dpung gis nyen pa rnams bsrung ba'o/ /de bzhin du bden bral gyi mtshams su gos dkar mo mdog dmar mo bcos ma'i pad+ma 'dzin pa rjes su chags pa'i lta bas skye bo rnams la rjes su chags par mdzad pa'o//de bzhin du rlung mtshams su sgrol ma ljang gu ut+pa la ba snams pa 'bar ba'i lta bas gdul bya rnams 'gugs pa mdzad do/ /de dag kyang snga ma ltar bcos ma'i skra kham ser dang / /bcos ma'i zhal dang bcos ma'i na gza' can bcos ma'i pad+ma dang nyi ma la g.yon brkyang bas bzhugs shing kha dog tshon gyis bsgyur ba g.yon pa snying gar khu tshur sdigs mdzub byed pa'o//de bzhin du khro bo mi g.yo ba ral gri dang sdigs mdzub dang klu'i zhags pa thogs pa/ bcos ma'i sna tshogs pad+ma dang nyi ma la g.yon brkyang bas gnas shing /rin po che la sogs pa'i rgyan sna tshogs dang / gos bzang po bgos pa 'khor los sgyur ba rnams dang lha mo rnams kyis logs nas bskor zhing sun 'byin par byed pa steng dang 'og na bltas pas srid pa dang zhi ba mnyam par bsam mo//kun kyang rdo rje 'gros la sogs pa dang pad+ma'i bskor ba lnga dang ldan pas rim bzhin du rkang stabs kyi tshul dgu bcu rtsa brgyad kyis gar bya zhing glu blang bar bya ste/ /stong pa gos med mchog gi gtso/ /rmi lam sgyu ma'i rang bzhin du/ /ji srid ma grub par du ni/ /sems kyi rang bzhin bsgom par bya//mA ma kI'i glu'o/ /srid min mya ngan 'das min gang / /de ni bde chen rdo rje ste/ /gang gi yid la sgom med pa/ /de yis bya ba sgrub pa yin/ /spyan ma'i 'o/ /sngags dang yi ge rnams spangs shing / /thig le sgra dang bral ba'i sems/ /de ni mchog tu bde chen te//'di la bsal dang gzhag pa med/ /gos dkar mo'i 'o/ /ji ltar gzugs brnyan rang bzhin nyid/ /de ltar dngos rnams sgom byed pa/ /stong nyid gos med mchog gi gtso/ /de las bsod nams sdig pa med/ /sgrol ma'i 'o/ /ji ltar chu yi zla ba bzhin bden pa ma yin brdzun pa min//dkyil 'khor 'khor lo mchog gis ni/ /lus kyang de bzhin blta bar bya/ /zhes 'khor thams cad gsungs so/ /chos 'byung gar gyi grong khyer du/ /zhes bya ba ni tshon gyi gnas chos 'byung bar ro/ /mkha' 'gro ma rdo rje dra pa'i dka' 'grel de kho na nyid gsal ba las/le'u gnyis pa'i rnam par bshad pa'o// //rdo rje dra ba'i ting 'dzin gnas/ /zhes bya ba ni dgyes pa'i rdo rje'i ting nge 'dzin du gnas pa'o/ /'byung po chen po'i gtor ma bya/ /zhes bya ba ni 'byung po chen po rnams tshim par bya ba'i gtor ma'i mchod pa nye bar spyod pa dang bcas pa'o//de skad du yang / yan lag rgyan kun gyis brgyan zhing / /rdo rje rgyan gyis mdzes byas la/ /rdo rje dril bu bzung nas su/ /lam gyi bzhi mdor gtor ma gtang / me tog spos dang mar me dang / /dri yi dung sogs g.yas su gzhag/ /g.yon du sngags kyi mchod yon snod//snod gzhan mdun du bzhag nas ni/ /sngon du zhal bsil cho ga yis/ /me tog mchod sogs rim bzhin dbul/ /me tog mchod sogs byas nas su/ /bzang po'i snod du dbul bar bya/ /me tog tshul du bskyod pa dang / /bdug pa'i tshul du bskyod pa dang //mar me 'degs pa'i tshul dang ni/ /dri yi tshul du byug par bya/ /rol pa'i lag pas sgeg pa dang / /phreng tshul mkha' 'gro phreng ba ma/ /hU~M zhes bya bas glu blang zhing / /gar la pus mos dgug par bya/ /'di dag bla med mchod pa ste/ /sangs rgyas rnams ni mnyes mdzad pa'o//nam mkha'i khams kyi dbus gnas par/ /zhes bya ba ni chos kyi 'byung gnas [(]gyi [,]kyi [)]nang du son pa'o/ /pad+ma zhes bya ba ni pad+ma dmar po 'dab ma brgyad pa'o/ /bsgom bya zhes bya ba ni stong pa nyid bsgom pa'i rjes la'o/ /hU~M las zhes bya ba ni hU~M rnams las te/ /phyogs dang phyogs mtshams kyi 'dab ma rnams su brgya byin la sogs pa kha dog sngon por bya'o//de bzhin du tshangs pa la sogs pa rnams ni steng du oM de rnams las te kha dog dkar por bya'o/ /klu la sogs pas sa 'og rnams ni AHrnams las te/ kha dog dmar por bya'o/ /thams cad kyang rdo rje dril bu thogs shing rang gi rig mas 'khyud pa'o//g.yas brkyang ba'i zhabs kyis gdan la zhes bya ba ni sna tshogs pad+ma dang nyi ma la'o/ /tshangs pa la sogs pa brtag pa zhes bya ba ni rnam par snang mdzad do/ /dbang po la sogs rdo rje zhes bya ba ni mi bskyod pa'o//karko Ta la sogs pa gar gyi dbang phyug ces bya ba ni snang ba mtha' yas so/ /thams cad rigs ni gsum las skyes/ /zhes bya ba ni gti mug dang zhe sdang dang 'dod chags kyi rang bzhin yi ge gsum las byung ba'o/ /gau rI yis ni dgug par bya/ /zhes bya ba ni dam tshig 'khor lo bskyed pa las ye shes kyi 'khor lo gau rI'i lcags kyus dgug pa'o//nau rI'i zhags pas bcug nas ni/ /zhes bya ba la sogs pa ni go sla'o/ /de nas mchod yon zhabs bsil nas/ /sngags 'di yis ni tshim par bya/ /zhes bya ba'i mchod yon dang zhabs bsil ni nye bar mtshon pa tsam ste//mchod pa dang bstod pa byas la/ /oM la sogs pa'i yi ge gsum gyis sbyang ba dang / /btso ba la sogs pas bdud rtsir byas la tshim par bya ste zhi ba la sogs pa la ni rdo rje dkar po la sogs pas brgyad pa'i zhal du cung zad phye bar dbul lo//gsod pa la sogs pa la ni khro bo'i rdo rjes brgyan pa'i zhal gdangs par ro/ /lhag ma ni go sla'o/ /de nas zhes bya ba la sogs pa gzhung gi tshig sna tshogs la rdo rje'i ming rnams dkrugs pa nyid du snang ste/ /de rnams 'dir rim pa bzhin du bsdebs la brjod par bya'o/ /de la rdo rje bzhad pa dang /rdo rje rnam par rol ba dang / rdo rje 'gying ba dang / rdo rje a la la rnams ni zhe sdang gi rigs so/ /rdo rje ye shes dang / rdo rje 'babs pa dang / rdo rje pha rol tu phyin pa rnams ni gti mug gi rigs kyi'o/ /rdo rje myu gu dang / rdo rje pad+ma dang / rdo rje pad+ma'i myu gu dang / rdo rje kun du gzigs pa dang /rdo rje 'dod chags rnams ni 'dod chags rigs kyi'o/ /rdo rje yid bzhin nor bu dang / /rdo rje yan lag med pa dang / rdo rje mchog tu dga' ba dang / rdo rje dga' ba'i bde ba dang / rdo rje dga' ba rnams ni rin po che'i rigs kyi'o/ /rdo rje shes rab dang / rdo rje shes rab myu gu dang /rdo rje snying rje myu gu dang / rdo rje nam mkha' rnams ni dam tshig gi rigs so/ /mkha' 'gro ma rnams kyi brjod par bya ste/ rdo rje snying po dang / rdo rje mtshon cha dang / rdo rje e ma bde ba dang / rdo rje bdag med ma dang / rdo rje lag pa rnams ni zhe sdang gi rigs kyi'o/ / rdo rje spyan ma dang / rdo rje mkha' 'gro ma dang / rdo rje ser skya ma dang / rdo rje sgyu 'phrul rnams ni gti mug gi rigs kyi'o/ rdo rje 'bar ma dang / rdo rje lcug ma dang / rdo rje 'bebs ma dang / rdo rje ro langs ma dang / rdo rje lcags kyu ma dang / rdo rje phreng ba ma rnams ni rin po che'i rigs kyi'o/ / rdo rje phreng ba ma dang / rdo rje sgeg mo dang / rdo rje bzhad pa ma dang / rdo rje kun du 'khyud ma dang / rdo rje rgyas ma dang / rdo rje pad+ma dang / rdo rje chags pa ma rnams ni 'dod chags kyi rigs kyi'o/ /rdo rje 'byung ma dang / rdo rje dgod ma dang / rdo rje sgrol ma dang / rdo rje rnam par rol ma dang / rdo rje blo gros dang /rdo rje king ka ma dang / rdo rje kha chu ma dang / rdo rje dbugs dbyung ma rnams ni dam tshig gi rigs kyi'o/ /'dod chags zhes bya ba la sogs pa la/ 'dod chags ni snying rje chen po'o/ /zhe sdang ni gnyis mi zad pa'o/ /gti mug ni gnyis su mi shes pa'o/ /kun du dam tshig ces bya ba ni kun du rnam par sprul pa'o//sems dpa' zhes bya ba ni dngos po gsum gcig tu gyur pa ste/ shin tu rnam par dag pa'i dbyings so/ /nor bu zhes bya ba ni sangs rgyas thams cad mnyam pa nyid kyi khyad par du 'phags pa'o/ /des ni rigs drug go/ /rigs lnga dang gcig ste/gzhan byang chub sems dpa' rnams kyi rigs lnga'o/ /'dod pa zhes bya ba ni 'dod chags dang zhe sdang dang / gti mug dang ldan pa'i sems so/ /mkha' 'gro ma rdo rje dra ba'i dka' 'grel de kho na nyid rgyas pa las le'u gsum pa'i rnam par bshad pa'o// // rdo rje snying po mngon byang chub/ /brtag pa'i rgyal po dang po nyid/ /ces bya ba la sogs pa go sla'o/ /sku yi lag pa'i phyag rgya la/ /zhes bya ba la/ sku yi zhes bya ba ni sku'i bya ba'o/ /phyag rgya zhes bya ba ni 'da' bar mi bya ba ste/ hU~M gi rdo rje sbyangs pa'i lag pa'i sor mo rnams kyi rdo rje dang 'khor lo la sogs pa bca' ba'o//de bzhin du rkang pa bskyod pa dang / lta ba'i phyag rgyal sogs pa yang gzung bar bya'o/ /ngag gi phyag rgya zhes bya ba ni ngag gi bya ba ste/ hU~M las skyes pa'i rdo rje dkar pos mtshan pa'i zhes khro bo la sogs pa'i sngags bzlas pa'o//sems kyi phyag rgya mtshan ma yin/ /zhes bya ba la sogs sems kyi sgrub pa'i phyag rgya ni brtsams pa'i sku gzugs dang thad ka la sogs pa mtshan ma skam pa ma la sogs pa'o/ /lung kha cig las ni ri mo'i mtshan ma ni phyag rgya yin zhes 'byung ste/ ri mo ni rdul tshon gyi dkyil 'khor ro//phyag rgya ni der bri ba'i gser la sogs pa las byas pa'i mtshan ma bri bar bya'o/ /de nyid bsam gtan dkyil 'khor la'o/ /zhes ba ni bsam gtan gyi lha'i mtshan ma ste/ thugs kyi mtshan ma'o/ /de yang skam pa la sogs pa dngos su smos pa rnams te/de bas na puk+ka sI la sogs pa'i ri mo'i dkyil 'khor gyi rjes su 'brangs nas seng ge la sogs pa bri bar shes par bya'o/ /g.yas kyi lag na zhags pa ste/ /zhes bya ba ni go sla'o/ /nam mkha' kun du rgyu zhes bya ba la/ nam mkha' kun ni shes rab kyi ye shes so//mkha' 'gro ma'i rgyud ces bya ba ni rgyu'i rgyud dang / 'bras bu'i rgyud dang / thabs kyi rgyud do/ /de la phan zhing 'bras bu'i ngo bor 'gro bas na rgyu ste/ chos thams cad dmigs pa thog ma dang tha ma med pa'i dbyings kyi rang bzhin no/ /de'i phyir rgyus 'bras bu bsdu ba med pa'i phyir 'bras bu'o//bsdu bar bya ba'i rtog pa'i ngo bo nyid med pa'i phyir ro/ /thabs kyi rgyud ces bya ba ni sngags phyag rgya dang dkyil 'khor 'khor lo la sogs pa rnams so/ /rgyud rnams kun gyi bla ma ste/ /zhes bya ba ni rnal 'byor gyi rgyud bla na med pa ste/ bya ba dang spyod pa'i rgyud la sogs pa'i bla mar gyur ba'i phyir ro//yangs shing gting dpag dka' bste/ /zhes bya ba la/ yangs pa ni thabs kyi rgyud do/ /gting dpag dka' ba ni 'bras bu'i rgyud do/ /de yang sangs rgyas rnams rigs lnga'i ye shes gzhan gyi spyod yul ma yin pa'i phyir ro/ /des na rigs dang gzhan gyis mi rig pa nyid do zhes bya ba gsungs pa ni lhag ma go sla bas bshad pa ma byas so//ting 'dzin mchog la dga' gnas te/ /zhes bya ni man ngag ji lta ba bzhin du/ /mchod pa'i yo byad sna tshogs kyi dkyil 'khor sgrub ba la sogs pa byas nas/ /slob ma dkyil 'khor du 'jug pa'i chogs dang por rang nyid zhugs nas/chu la sogs pa rjes su gnang ba'i mthar thug pa'i dbang 'khor lo'i bdag po la ma nos nas/ bden pa'i byin rlabs bsgrags pa la sogs pa'i mthar bgegs dgras bzlas pa'i ras kyi gdong g.yogs dang stod g.yogs byas la/snying gar mchog tu dga' ba'i rang bzhin te he ru ka'i thugs kar a'i 'od zer gyis rdul phra rab kyi lus thams cad bkang ba'i ting nge 'dzin la gnas pa'o/ /rig pa'i dbang zhes bya ba ni/ ma rig pa bzlog pa ste/ de nyid ni 'khru bas na dbang ngo / de la de kho na nyid kyi sgrib pa dang /don dang / sems can dang / bdag dang / rnam par rtog pa dang / 'du byed dang / 'jug pa'i rnam par shes pa rnams go rims bzhin du 'khru bar byed pa'i dbang rnam pa drug go/ /de yang 'di nyid las/ chu yi dbang ni dang po ste/ /dbu rgyan dbang ni gnyis pa'o//rdo rje'i dbang ni gsum pa ste/ /rang gi bdag po bzhi pa yi/ /ming gi dbang bskur lnga pa yin/ /sangs rgyas nyid ni drug pa ste/ /bum pa'i dbang ni bdun pa yin/ /gsang ba'i dbang bskur brgyad pa ste/ /shes rab ye shes dgu pa'o/ /zhes gsungs so/ / gsum ni 'og nas 'chad do/ /ci ste rdzogs pa'i sangs rgyas kyi/ /dbang dang por bskur ba yin na/ ji ltar drug par 'jog ce na/ rim pa la dang po yin yang me long lta bu'i ye shes la sogs pa ye shes lnga rnam par dag pa la ltos nas/ shes bya rnam par dag pa yin pa'i phyir drug par gzhag go//de la dkyil 'khor du zhugs pa'i rjes la/ /pratIts+tsha badzrahoHzhes bya bas dkyil 'khor bu me tog gi phreng ba bor la/ mtshan ma gang dang gang gi drug du lhung ba de dang de'i sngags dang / pra ti gr-ih+Na swa mi maM satwa ma hA ba la zhes bya bas slob ma'i mgor me tog gi phreng ba bcing ba ni sangs rgyas nyid du khas len pa'i phyir/rdzogs pa'i sangs rgyas kyi dbang ste me tog phreng ba'i dbang ngo / /thog mtha' med pa'i chos nyid rnam par dag pa'i rang bzhin no/ /rang rig skyes bu'i chu dang ni/ /kun nas bum pa brgyad por bcas zhes bya ba la/rang rig skyes bu'i chu zhes bya ba ni rig pa dang bcas pa'i 'khor lo'i bdag por snyoms par 'jug pa las skyes pa'i byang chub sems kyi chus gang ba ste/ rnam par rgyal ba'i bum pa'o/ /yang na snyoms par 'jug pa'i mchod pa las byung ba'i bum pa brgyad po yang dag par bya'o//de dang bcas pas don gcig por go bar bya'o/ /kun nas zhes bya ba ni phyogs brgyad na gnas pa ste/ sgo bzhi dang mtshams na gnas pa'i lha mo brgyad kyi mtshan ma rnams kyis mtshan cing nang du yang de dag gis bkang ba'o/ /bcu pa ni bgegs dgra'i mtshan mas mtshan pa ste/ / bum pa bcu las nyung bar mi bya'o zhes gsungs pa'i phyir ro/ /mnyes par bya zhes bya ba ni bkru bar bya ba'o/ /gang la zhe na/ rdo rje can bsams zhes bya ba smos te/ slob ma he ru bsgoms pa la'o/ /rdo rje sems su rab bsgoms pa/ /zhes bya ba ni kun gzhi rnam shes gnas gyur pa'i//me long lta bu'i ye shes su bsgoms pa'o/ /yang na rdo rje sems zhes bya ba ni de bzhin gshegs pa rnams so/ /rab bsgoms pa zhes bya ba ni cod pan la de rnams kyis byas shing mtshan pa'o/ /rdo rje nyi ma rab bsgom bya/ /zhes bya ba ni slob ma'o/ /dbang gis ni de gyur pa las dbu rgyan no//rdo rje'i tshig ni rab tu sbyar/ /zhes bya ba ni dbang bskur ba de gnyig la yang badzra ab+hiSheny+tsa zhes brjod par bya'o/ /rtse dgu pa zhes bya ba ni rtse mo lnga pa nyid do/ /ji ltar sbyang snyam pa la/ 'og gi ngos kyi rtse mo bzhi ni sgo skyong ba rnams kyi rang bzhin no/ /steng gi ngos kyi rtse mo bzhin ni mtshams kyi lha mo bzhi'i rang bzhin no//steng 'og gi dbu ma'i rtse mo gnyis ni dkyil 'khor gyi bdag po dang de'i rig pa'i rang bzhin no/ /de ltar yang slob dpon kun dga' snying po'i zhal snga nas sangs rgyas mnyam sbyor gyi TI kA las/ ngos kyi rtse mo bzhin na/ /snang ba mo la sogs pa'i lha mo rnams kyi rnam par dag pa yin la/gzhan bzhi ni myur 'gro ma la sogs pa'i'o zhis gsungs so/ /dbu ma ni rde rje sems dpa'i rang bzhin te dbu ma la dbye ba med pas lnga yang grangs dgur 'gyur ro/ /de ltar yang rdo rje gdan bzhi las gsungs pa/ kun gyi dbu ma rnam snang mdzad//ces bya ba'i rang dbus ma ni rnam snang ngo bo ste/ steng 'og gnyis ka'i ngo bo yang de bzhin go bar bya'o/ /rdo rje chen po zhes bya ba ni so sor rtog pa'i ye shes kyi pad+ma gar dbang gi rang bzhin bas so/ /snying gar zhes bya ba ni gzung bar bya ba'i lhag ma can no/ /slob ma 'jig rten dpang bya zhing //zhes bya ba ni slob ma pad+ma gar dbang gi rnam par bya'o/ /de ring khyod dbang bskur zhes pa ni der yang dag par rdzogs pa'i sangs rgyas rnams kyis so/ /'di de sangs rgyas thams cad nyid/ /ces bya ba ni byang chub thams cad bskyed pa'o/ /slob ma rta mchog lha mo ni/ /zhes bya ba ni rdo rje rta mchog go//sgrol mas 'khyung pa bsam par bya/ /zhes bya ba ni sgrol ma dang snyoms par zhugs pa'o/ /rdo rje bdag po zhes bya ba ni rdo rje rnams kyi bdag po bya ba nan tan gyi ye shes kyi gdul bya rnam par dag pas gdul ba'i phyir ro/ /lag pas rdo rje dril bu 'khrol/ / zhes bya ba ni rdo rje dang dril bu dang ldan pas sgrol ma la 'khyud de phyi nas dril bu 'khrol pa'o/ /slob ma rnam snang byas nas ni/ /rtag pa'i gzugs su bskyed la/ ming gi dbang bskur ba zhes bya ba ni slob ma'i spyi bor lag pa bzhag nas ming gdags pas dbang bskur ba ste/ chos kyi dbyings rnam par dag pa'i rang bzhin no//dbang drug po dag nye bar bsdu ba gsungs pa/ gang gang zhes bya ba la sogs pa gsungs te/ gang gang snang ba zhes bya ba ni chu la sogs pa snang ba rnams so/ /kun gyi rang gtso zhes bya ba ni de nyid thams cad kyi bdag nyid do/ /gtso bo ni bdag po'o//he ru ka zhes pa ni nye bar mtshon pa ste/ /so sor rang gi 'khor los sgyur ba'i bdag por blta bar bya'o/ /gang zhes pa ni gang gi phyir zhes bya ba'i don to/ /rang bzhin dag pa zhes bya ba ni 'khru ba ste dbang bskur ba rnams so/ /dri med ces bya ba ni rang bzhin gyis rnam par dag pa'i phyir ro//chos zhes bya ba ni sangs rnams kyi chos so/ /de nyid ci zhig ce na/ sangs rgyas ye shes zhes bya ba smos te ye shes lnga chos nyid rnam par dag pa'i dbyings dang drug go/ /de dag tu zad dam zhe na/ ma yin te brtul zhugs dang lung bstan par yang bya'o/ /de nyid gsungs pa 'di zhes bya ba la sogs pa/sarba ta thA ga ta sib+hA badzra zhes bya ba ni yang dag par rdzogs pa'i byang chub bo/ /sa ma ya tiSh+Tha zhes bya ba la ye shes kun du 'gro ba thob pas na/ dam tshig ste yang dag par rdzogs pa'i byang chub po/ /tiSh+Tha ni de gnas pa'o/ /de nyid yi ge drug gis bstan te/de la hi zhes bya ba ni don dang sems can gyi nyes pa rdul dang bral bas te me long lta bu'i ye shes so/ /hi hi hi hi zhes bya ba ni bdag tu 'dzin pa la sogs pa'i dri ma dang bral ba ste mnyam pa nyid dang / so sor rtog pa dang bya ba nan tan dang / chos kyi dbyings rnam par rtog pa'i ye shes so//hU~M zhes bya ba ni gzung ba la sogs pa'i dri ma dang bral ba'i chos nyid rnam par dag pa'o/ /sgrub thabs kun gyi cho ga yis/ /zhes bya ba ni dkyil 'khor gyi yo byad rnams so/ /chog ni ji lta ba bzhin du 'bul ba ste/ sgyu ma la sogs ba dang mtshungs par mos pa'o/ mchod pa bla med kun zhes bya ba ni phyi dang gsang ba dang de kho na nyid kyi mchod pa rnams so//brtul zhugs zhes bya ba ni mi phyed pa'i dam bca'o/ /de nas rdo rje lag nas lag/ /ces bya ba ni tshigs su bcad pa brjod kyi 'og tu slob dpon gyi lag nas slob ma'i lag tu sbyin pa'o/ /ci 'dra zhe na/ thog mtha' med ces bya ba la sogs pa smos te/ thog mtha' med pa zhes bya ba ni chos nyid rnam par dag pa'i chos kyi sku'o/ /sems dpa' zhes bya ba ni chos thams cad ro gcig pa'o/ /rdo rje sems dpa' zhes bya ba ni mi bskyod pa'i rang bzhin me long lta bu'i ye shes so/ /dga' ba che zhes bya ba ni rin chen 'byung ldan dang mnyam pa nyid kyi ye shes so//kun du bzang po zhes bya ba ni kun nas dge ba ste snang ba mtha' yas dang so sor rtog pa'i ye shes kyi rang bzhin no/ /kun gyi bdag cas bya ba ni bya ba nan tan gyi ye shes dang / don yod grub pa'i rang bzhin no/ / rdo rje snying po zhes bya ba ni chos kyi dbyings rnam par dag pa'i ye shes dang / rnam par snang mdzad kye tshul gyis so/ /gtso bo zhes bya ba ni de bzhin gshegs pa'i gtso bo yin pa'i phyir ro/ /shes rab dbyangs te rjes 'gro ba/ /zhes bya ba ni gdul bya'i rgyud thams cad kyi so so'i bsam pa dang mthun par chos nyid rtogs par byed pa'i phyir ro//dbugs dbyung thams cad byin nas su/ /zhes bya ba ni mthong ba dang btsud pa yis zhes bya ba la sogs pa'i tshig gis so/ /rang nyid shAkya thub 'gyur te/ /zhes bya ba ni/ g.yon pa'i khu tshur gyis snying gar chos gos bzung la/ g.yon pa mchog sbyin gyi phyag rgya bcas nas mnyam pa'i rkang stabs la gnas te/ de bzhin gshegs pa rnams dang lhan cig tu lung bstan par bya'o/ /srid pa shin tu sgrub pa'i phyir/ /zhes bya ba ni mi gnas pa'i mya ngan las 'das pa thob par bya ba'i phyir ro/ /b+hAr b+hu ba swaHzhes bya ba ni 'jig rten gsum mo//rig pa'i dbang thob pas ting nge 'dzin gsum bsgom mo zhes bstan pa'i phyir de nas shes rab la sogs pa smos te/ rdo rje ting nge 'dzin zhes bya ba ni sbyor ba dang po dang dkyil 'khor rgyal mchog dang las rgyal mchog gi ting nge 'dzin to/ /rdo rje dam tshig phyung nas ni rang gi snying gar zla ba'am nyi ma la rang gis bon bsams la de'i 'od zer phyung ste/gang gi 'khor los sgyur ba bla ma dang sangs rgyas dang byang chub sems dpa' rnams dmigs nas/ dkon mchog gsum la skyabs su mche/ /zhes bya ba la sogs pa brjod par bya'o/ /bla ma rdo rje can zhes bya ba ni nye bar mtshon pa'o//mchod bzhes bya ba ni/ rang gi snying ga'i 'od las byung ba'i mchod pa'i lha mo rnams kyis mchod pa'o/ /bdun po rnam par dag par bya/ /zhes bya ba ni sdig pa bshags pa dang / bson nams kyi rjes su yi rang ba dang / bsod nams yongs su bsngo ba dang / gsum la skyabs su 'gro ba dang / zhu ba dang gsol ba gdab pa dang lam bsten par bya ba rnams so/ /byang chub tu ni sems bskyed nas/ /zhes bya ba ni/ don dam pa dang / rjes las skyes pa dag 'jig rten ba'i ye shes las byung ba srung ba'i 'khor lo la sogs ba'o/ /chos kyi 'byung gnas rnam par bsgom//zhes bya ba ni sngon du srung ba'i 'khor lo bsgoms nas/ der mos pa spyod pa'i sa dang bcas pa'i sa bcu gsum pa'i rang bzhin chos 'byung ba'i phyag rgya zhags phra ba steng yangs pa dkar po rdo rje 'dzin pa'i bdag nyid bsgom pa'o/ /der ni sangs rgyas gnas khang bsgom//zhes bya ba ni de'i nang du rdo rje dang pad+ma'i steng du 'byung ba chen po bzhi dang / b+h+rUM dang 'khor lo las rnam par snang mdzad yongs su gyur pa las khang bu brtsegs pa bsgom pa'o/ /rnam pa lnga po bsgom par bya/ /zhes bya ba ni a la sogs pa'i dbyangs yig bco lnga las zla ba/ ka la sogs pa gsal byed sum cu rtsa bzhi las nyi ma de'i 'od kyis sangs rgyas kyi yon tan thams cad bkug ste/ skar ma lta bur btsud nas de dag phan tshun du gzugs brnyan lta bur blta bar bya ste/ me long lta bu'i ye shes so/ /de'i steng du hU~M dang aM yongs su gyur pa las rim bzhin du sna tshogs rdo rjes mtshan pa'i thod pa dang kri gug lte bar nyi ma las sa bon gyis mtshan pa ni so sor rtog pa'i ye shes so//de'i 'od zer las lha mo bco lnga'i dkyil 'khor gyi 'khor lo 'phros te 'gro ba'i don byed pa ni bya ba nan tan gyi ye shes so/ /bsdus nas sa bon dang / phyag mtshan dang zla ba nyi ma de dag thams cad yongs su gyur pa las byung ba'i dang po'i skyes bu zhes bya ba kun du bzang po phyag bcu drug pa zhal brgyad pa zhabs bzhi pa 'og nas 'byung ba'i mdog dang mtshan mar ldan pa ni shin tu rnam par dag pa'i ye shes te/mngon par byang chub pa lnga'o/ /bsgom par bya zhes bshad do//mkha' 'gro ma yi 'khor lo spro/ /zhes bya ba ni/ de nas rdo rje chags chen te/ /zhes bya ba'i mthar sbyar bar bya'o/ /dri za bzhin du zhugs nas ni/ /ltung ste zhu ba rjes dran bya/ /zhes bya ba la/ skye bzhin pa'i lha'i rnam pa ltar/ hU~M aM zhes bya ba hoH dmar po gnyis kyi dbus su bcug ste/yi ge bzhi rang gi zhal nas zhugs te/ pad+ma'i snying por bsams te/ 'dod chags chen po zhu bar bltas la/ de'i 'od kyi mthus dang po'i skyes bu rig pa dang bcas pa yang me lce 'bar ba dang 'dra bar 'od 'bar ba dang zhu ba'i gzugs su gyur ba bsgom pa'o/ /mtshams kyi lha mos bskul bar bya//zhes bya ba ni zhu ba'i 'od las byung ba'i mkha' 'gro ma rnam bzhis/ /khyo ni zhe sdang rdo rje zhes bya ba la sogs pa'i glus blang bar bya'o/ /'khor lo'i 'dren pa bskul nas ni/ /zhes pa ni glus bskul ba'i 'og tu lha mo bzhi zhu ba'i gzugs su bsdus nas sa bon dang mtshan ma yongs su gyur pa las zhal la sogs pa'i 'og nas 'byung ba dang ldan pa'i skur bzhengs pa'o//mig sogs rnams la gti mug sogs/ /zhes bya ba la/ mig dag la ni gti mug rdo rje'o/ /rna bdag la ni zhe sdang rdo rje'o/ /sna dag la ni ser sna rdo rje'o/ /lce dag la ni 'dod chags rdo rje'o//lus la ni phrag dog rdo rje'o/ /yid la ni bdag med mkha' 'gro ma ste/ de rnams kyi mdog la sogs pa ni 'og nas ston par 'gyur ro/ /rdo rje gsum po gnas gsum dgod/ /ces bya ba ni/ snying ga dang / mgrin pa dang / spyi bo'i gnas su mkha' la spyod ma dang /sa spyod ma dang / sa 'og na spyod ba rnam pa gsum dgod do/ /de dag gi thugs ka'i zla bar hU~M AM/ oM zhes bya ba rnams sngon po dang / dmar po dang / dkar po'i mdog tu rim bzhin du bsam par bya'o/ /de'i 'og tu dbang bskur bar gsol bas dbang bskur ba bstan pa'i phyir/rig ma brgyad kyis dbang bskur bya/ /zhes ba smos te/ rang gi snying gar nyi ma la gnas pa'i thod pa dang / zangs gri'i sa bon las byung ba'i 'od kyis bskul ba'o/ /lha mo brgyad kyi phyag gi pad+ma bdud rtsis gang ba'i bum pas brgyan pas spyi bor bkru bar bsgom pa'o/ / de nas rdo rjes chags te zhes bya ba la/ rdo rje ni de bzhin gshegs pa rnams so/ /de rnams kyi rjes su chags pa ni rdo rje dang pad+ma sbyar nas/ mnyam par sbyor ba'i sgyu ma'i sgras de bzhin gshegs pa thams cad bdag la btsud de/ oM sarba ta thA ga ta a nu rA ga na badzra swa b+hA ba At+ma kou0f85haM zhes bya bas bde ba chen po la longs spyod pa'o//de dag ni rang bzhin gyi sku'i bdag nyid sbyor ba dang po'i ting ngo 'dzin to/ /de nas pad+ma'i nang du so so'i sa bon yongs su gyur pa las so so'i yi ge brjod na sgo dang / mtshams kyi lha mo rnams de dang der spro zhing dgod bar bya'o/ /ye shes 'khor lo gzhug par bya//zhes bya ba ni sa bon de dag las byung ba'i 'od kyis ye shes kyi 'khor lo bkug nas/ slar yang bgegs bsal ba dang / mchod pa byas nas dgug pa dang / gzhug pa dang / bcing ba dang / dbang du bya bar bsgrub pa'o/ /de nas bdud rtsi myang bar bya//zhes bya ba ni/ 'khor lo'i gtso la bstod par bya/ /zhes bya ba'i 'og tu sbyar bar bya'o/ /lha mo brgyad kyis mchod nas ni/ /zhes bya ba ni rang gi snying ga'i sa bon las spros pa'i rig ma brgyad kyis mchod pa'o/ /'khor lo'i gtso bo bstod par bya/ /zhes bya ba ni/'og nas 'byung ba'i glu dang sbyar ro/ /de nas yan lag drug po bsgom/ /zhes bya ba ni kha dog rnam pa drug 'khor los sgyur ba drug gi rang bzhin gyi gnas su ston pa ste/ de la nag po dang / dmar po dang / ser po dang / ljang gu dang / sngon po dang / dkar po'i rim gyis lhan cig skyes pa'i dga' ba tsam gyi bdag nyid du 'khor lo'i bdag po rnams bsgom par bya'o//de dag ni longs spyod rdzogs pa'i sgu'i bdag nyid dkyil 'khor rgyal po mchog gi ting nge 'dzin te gnyis pa'o/ /bdag byin brlab pas byin gyis brlab/ /ces bya ba la/ bdag byin gyis brlab pa ni rang gi ye shes te/des gzhan dag byin gyis brlab pa ni rang gi ye shes su sbyar ba'o/ /de dag gi sprul pa'i sku'i bdag nyid las rgyal po mchog ces bya ba'i ting nge 'dzin gsum pa'o/ /cho ga de yang sgrub thabs su shes par bya ste/ rgyud kyi tshul las 'byung ba re zhig 'dir sbyar bar bya ste/bdag byin gyis brlab pa ni mtshan ma rnam pa lnga ston par le'u bcu bzhi pa las gsungs te/ bdag byin brlabs nas byin brlab pa/ /mdor bsdus nas ni bshad par bya/ /snying ga'i dbus gyur zla ba ste/ /zla ba'i gzugs la mi shigs pa//'od zer sna tshogs kun du 'phro/ /de yis rdo rje rnam par bsgom/ /rdo rjes bdag med rnal 'byor ma/ /bsgoms te cho gas bskul nas su/ /mkha' 'gro'i sna rtse'i nang gnas par/ /yungs gar zhes bya rnam par bsgom/ /khams gsum rgyu dang mi rgyu ba/ /'gro ba ma lus der bsgom bya//'di ltar rtag tu bsgoms pa yis/ /bdag byin brlab pa 'grub par 'gyur/ /zhes bya ba smos te/ de la mdor bsdus zhes bya ba ni go rims bzhin du'o/ /snying gi dbus gyur zhes bya ba ni zhes bya ba ni shes rab kyi pad+ma'i nang du'o/ /zla ba ni zla ba'i dkyil 'khor ro/ /mi shigs pa zhes bya ba ni thig le dang /zla tshes dang / dbyangs yig drug pas brgyan pa'i yi ge hU~M ngo / /'od zer sna tshogs kun du 'phro/ /zhes bya ba ni 'od zer sna lnga dang ldan pa'o/ /de yis rdo rje rnam par bsgom/ /zhes bya ba ni hU~M yongs su gyur pa las byung ba'i rdo rje sngon po nas 'bru tsam bsam pa'o//rdo rjes bdag med mkha' 'gro ma/ /bsgoms nas zhes bya ba ni rdo rjes mtshan pa'i don to/ /chogs bskul nas su zhes bya ba ni dbang po gnyis kyi sbyor bas dbab pa'o/ /mkha' 'gro ma yi sna rtser gnas/ /zhes bya ba ni gnyi ga'i sna'i rtse mo'i mtshams su'o/ /khams gsum rgyu dang mi rgyu ba//zhes bya ba ni rten dang brten pa'i dkyil 'khor ro/ /der zhes bya ba ni rdo rje lte ba'i nang du'o/ /yang na snying ga'i dbus gyur zhes bya ba ni rang gi snying gar ro/ /zla ba dang mi shigs pa ni bshad zin to/ /phra mo zhes bya ba ni rdo rje yongs su gyur pa'i thig le ste/ /mkha' 'gro bdag med ma zhes bya ba ni bdag med ma nyid ston pa'o//tshogs bskul nas su zhes bya ba ni sngar bshad pa bzhin du snying ga nas bskul ba'o/ /gang du zhe na/ mkha' 'gro ma yi sna rtser gnas/ /zhes bya ba ste/ pang+ma'i sna'i rtse mor ro/ /lhag ma ni sngar bshad pa bzhin du sbyar ro/ /tsha ga'i go rims rim pa yis//de nas mtshan ma mtshon par bya/ /zhes bya pa la/ /cho ga'i go rims ni goms pa phul du byur ba'o/ /rim pa zhes bya ba ni mtshan ma rnams rim gyis skye ba'o/ /gzhan dag na re rim pa'i mtshan nyid tha dad pa ste dus gcig tu skye bar 'gyur ro zhes zer ro/ /dang po sprin gyi rnam pa ste//zhes bya ba ni phra mo'i 'od zer dang po sprin dang 'dra bar mthug pa ste/ he ru ka'i 'o/ /gnyis pa du ba lta bu yin/ /zhes bya ba ni 'od zer gnyis pa mkha' la chags pa'i dud sprin ltar snang ba ste rtag pa'i 'o/ /gsum pa srin bu me khyer 'dra/ /zhes bya ba mkha' zhes bya ba ni chos kyi dbyings so//u da ya zhes bya ba ni shar zhing skyes pa ste/ sangs rgyas kyi sku yin la/ de ltar snang ba'i 'od ni gsum pa ste/ nyi ma'i yin no/ /bzhi pa mar me lta bur 'bar/ /zhes bya ba ni mar me'i rtse mo ltar 'bar bste pad+ma'i yin no/ /lnga pa rtag tu snang ba ni//sprin med nam mkha' lta bu'o/ /zhes bya ba ni snang ba gang nam mkha'i rnam pa ltar rgyun du gsal bar snang ba ste rta mchog go/ /thams cad mkhyen pa'i rgyu yin no/ /zhes bya ba ni ting nge 'dzin rnyed pa'o/ /phyi nas sgyu ma'i tshul du zhes bya ba ni ting nge 'dzin rnyed nas mtshan ma'i dkyil 'khor la bsdu zhing rmi lam ltar brdzun pa nyid kyis ni nyi ma dang zla ba'i dkyil 'khor shin tu phra ba'i rnam pas bdag med pa nyid du bsdu bar bya'o//'dis gnyis pa thams cad stong pa nyid du rtogs nas gnas pa ste mos pas spyod pa'i sas byin gyis brlabs pa'o/ /skad cig 'gyur zhes bya ba ni yid lhag par dga' ba ste/sngar ma rtogs pa'i chos nyid rtogs pa'i phyir ro/ /de yang chos kyi dbyings kun du 'gro ba'i don du rtogs pas bdag dang gzhan gyi 'khor lo gsum po mnyam zhing gzugs brnyan gyi rnam pa lta bu'i sku snang ba ste/ rab tu dga' ba'i sas byin gyis brlabs pa'o//khams gsum rgyu dang mi rgyu ba/ /zhes bya ba la rgyu ba ni sems can no/ /mi rgyu ba ni snod kyi 'jig rten no/ /ma lus lus pa med pa ni 'dod pa dang gzugs med pa'i khams mtha' dag go/ /'grub ces bya ba ni gnas gsum yongs su gyur pa'i chos kyi sku thob par 'gyur ba'o//rdo rje'i lus can zhes bya ba ni sa mi g.yo ba la sogs par 'jug pa'o/ /de ci zhig ce na/ gong du thal ba'i sku ni ye shes kyi phung po zhes bya ba la sogs pa smos te/ de la ye shes phung po zhes bya ba ni/ mtshan sum cu rtsa gnyis dang dpe byad bzang po brgyad cus brgyan pa'i longs spyod rdzogs pa'i sku ste/me long ltu bu'i ye shes la sogs pa'i rang bzhin yin pa'i phyir ro/ /blo ldan zhes bya ba ni sprul ba'i sku ste/ 'gro ba mtha' dag gi yid dang 'tsham pa'i phyir ro/ /yang dag pa'i 'jig rten pa'i ye shes kyis rnam pa thams cad ji lta ba bzhin du mkhyen pa ste mkhas zhes bya ba'i don to//khams gsum lam zhes bya ba ni sangs rgyas kyi zhing yongs su dag pa'i rang bzhin te khang bu brtsegs pa'o/ /gsal bzhes bya ba ni shin tu 'bar ba'i rin po che bdun las bsgrubs pa'i phyir ro/ /ji srid skye nas las byung rnams/ /zhes bya ba ni/ / skye gnas bzhis mngal skyes sgong skyes drod gsher skyes rdzus te skye bas bsdus pa'i skye bo rnams so/ /phyag rgya chen po rjes su zhes bya ba ni lta la sogs pa'i skye bo khyad par can rnams phyag rgya chen po 'thob pa'i 'khor du 'gyur ba'o/ /de dag kun la nye bar spyod/ /ces bya ba ni bla na med pa'i chos kyi longs spyod la spyad pa'o//zhal brgyad ces bya ba ni sgra ji bzhin pa ste rnam par thar ba'i sgo brgyad par dag pas so/ /in+d+ra nI la mtshungs pa'i 'od/ /ces bya ba ni sku'i kha dog ste/ byams pa'i sems dang ldan pas so/ /zhabs bzhi ba zhes bya ba ni bdud bzhi rnam par dag pas so//dang po'i zhal ni nag pa ste/ /zhes bya ba ni mtshan med pa'i sgo dag pas so/ /dkar po dmar pos rnam par brgyan/ /zhes bya ba la stong pa nyid kyi sgo sbyangs bas na dkar po'o/ /smon pa med pa'i sgo ma chags pas na dmar po'o/ /bdud bzhi mnyam bar mnan pa ste/ /zhes pa ni phung po dang nyon mongs pa dang 'chi bdag dang lha'i bu'i bdud do//spyi bor rdo rje 'dzin pa zhes bya ba ni mi bskyod pa'o/ /sna tshogs gzugs can btsun mo rnams/ /zhes bya ba la/ gti mug rdo rje ni dkar mo'i/ /zhe sdang rdo rje ni sngon mo'o/ /ser sna rdo rje ni sngon mo'o/ /'dod chags rdo rje ni dmar mo'o//phrag dog rdo rje ni ljang gu'o/ /bdag med rnal 'byor ma ni nag mo'o/ /gri gug thod pa phyag na bsnams/ /zhes bya ba la/ /gri gug ni g.yas na'o/ /thod pa ni g.yon na'o/ /srog dang bral ba'i steng du gnas/ /zhes bya ba ni ro'i snying gar nyi ma la g.yon brkyang pas gnas pa'o//mkha' spyod ces bya ba ni snying gar mdog sngon mo'o/ /sa spyod ces bya ba ni mgrin pa ste kha dog dmar mo'o/ /sa 'og spyod pa zhes bya ba ni spyi bor te kha dog dkar po'o/ /rgyud 'dir nyi ma'o 'od dang gdan can yin pas nyi ma'i dkyil 'khor la bsgom mo/ /gzugs dkar mo zhes gsungs pa'o//lhag ma go sla ro/ /byang chub sems kyi bum pa ni/ me yi thab tu rgyal mtshan che/ /zhes bya ba ni bsdus pa'i dkyil 'khor gyi mtshams na gnas pa'i lha mo rnams kyi mtshan ma'o/ /de dag sgo skyong rnams ni go rims ji lta ba bzhin no/ /yang na ni mtshan ma 'ba' zhig bsgom mo//'khor los sgyur ba lnga'i sgrub thabs ni mngon par 'byung ba bsdus pa las shes par bya'o/ /zangs gri dang ni chu skyes dang / /khaT+wAM la bsnams bdag med ma/ /btud de de yi sgrub thabs ni/ /rim pa bzhin du bri bar bya/ /de la sngags pa stong pa la sogs pa'i yon tan dang ldan zhing /byams pa la sogs pa sngon du 'gro ba'i byang chub kyi yid can/ /dpal mkha' gro ma rdo rje dra ba'i dkyil 'khor du dbang bskur zhing rjes su gnang ba zab mo la lhag par mos pa de kho na nyid bcu shes shing dam tshig dang sdom pa la gnas nas/ rang gi sngags mnyes bar byed pa la brtson pas/ ri bo la sogs ba gnas yid du 'ong ba la lar/ bsam gtan gyi khang btsan+da na la sogs pa dri zhim pos grub bzhi bar byugs nas bde ba'i stan la rdo rje skyil krung gis 'dug ste/ phyag gi lo ma ting nge 'dzin gyi phyag rgyar byas la rang gi snying gar nyi ma la yi ge aM bkod nas gdong bkru ba la sogs pa bya ste//oMrak+Sharak+Sha hU~M hU~M hU~M phaT phaT phaT ces bya ba'i sngags kyis gnas dang bdag bsrung ba byas shing rang gi snying ga'i sa bon gyi 'od kyis dkyil 'khor gyi 'khor lo mdun du dmigs la phyag byas nas mchod par bya ste/ de la gau rI ri bod can gyi snod thogs pa dang / cau rI nyi ma'i snod thogs pa dang be tA lI chu'i snod thogs pa dang / g+ha sma rI sman snod thogs pa dang / puk+ka sI rdo rje'i snod thogs pa dang / sa ba rI ro'i snod thogs pa rnams kyis mchod nas/ tsaN+Da lIs rde'u chung brdung zhing Do m+bi nIs mgrin pa nas 'khyud de mnyes par bya'o//de'i rjes la/ dkon mchog gsum la skyabs su mchi/ /zhes bya ba nas/ 'gro la phan phyir sangs rgyas 'grub par shog /ces bya ba'i bar du brjod nas/ bde bar gshegs pa'i tshogs kyi spyan sngar sdig pa'i phung po dag ni bshags par bgyi'o zhes bya ba dang /bde gshegs thub pa rnams dang / srid pa gsum gyi skye bo dam pa rnams kyi bsod nams kyi tshogs kyi dpal la dang pas rjes su yi rang bar bgyi'o zhes bya dang / ji srid byang chub snying po mchis kyi bar du rtog pa yongs su bcom pa'i rgyal ba sangs rgyas rnams la skyabs su mchi zhes bya ba dang /de bzhin theg pa chen po'i chos kyi mchog la skyabs su mchi'o zhes bya ba dang / de bzhin du phyir mi ldog pa'i tshogs kyi byang chub sems dpa'i dge 'dun la skyabs su mchi'o zhes bya ba dang / mkha' 'gro ma rdo rje dra ba'i de kho na nyid kyi rgyal po bla na med pa'i byang chub kyi lam bsten par bya'o zhes brjod nas/skye ba med pa'i sbyor ba yis/ /skye ba 'di ni rab tu grags/ /zhes bya ba'i tshul gyis dngos po thams cad rnam par dpyad na mi dmigs shing / ston ka'i nam mkha'i dkyil ltar snang ba med la/ spros pa med pa nyid du bsgoms nas/oM shUn+ya tA dz+ny+wa na badzra swa b+hA lba At+ma kou0f85haM/ zhes bya bas byin gyis brlab pa'o/ /de nas mdun du raM las nyi ma'i dkyil 'khor te/ nyi ma der ni hU~M byung rdo rje bsam byas la/ rdo rje de nyid kyis ni rnam par bsgom bya ba/ /ra ba dang ni dra ba rab tu bcing bar bya/ /zhes b ya ba la sogs mngon du byas la/de'i dbus su b+hU las 'khor lo ser po rtsibs bcu la mig g.yo ba lta bur 'khor ba/ hU~M bcu yis ni sbyor ba yis/ /khro bo bcu ni rnam par bsgom/ /zhes bya ba 'dis khro bo bcu bsams te/ de la shar la sogs pa'i rtsi bas la ni gshin rje mthar byed sngon po'o//lho phyogs su ni shes rab mthar byed dkar po'o/ /nub phyogs su ni pad+ma ma thar byed dmar po'o/ /byang phyogs su ni bgegs mthar byed sngon po ste/ /rim pa bzhin du tho ba dang / dbyug pa dang / pad+ma dang / rdo rje gdengs pa thogs pa thung zhing gsus pa che ba/sprul brgyad kyi rgyan gyis klubs pa skra kham pa gyen du brdzes shing mig dmar la zlum pa/ rnam par snang mdzad dang mi bskyod pa dang / snang ba mtha' yas dang don yon grub pa'i dbu rgyan dang / stag lpags kyi sham thabs bgos pa'o/ /mtshams kyi khri bo ni nag po ste/gnod mdzes dang gtsug tor 'khor los sgyur ba'i bar du gtsug tor dang / lcags kyu dang / dbyug pa dang mdung rtsa gsum pa dang / ral gri dang / gtun shing rnams thogs pa ste/ de la me mtshams su Tak+ki rin po ches brgyan pa dang / /lha'i na bza' bsnams pa'o//bden bral du ni dbyug pa sngon po'o/ /rlung mtshams su ni stobs po che ste/ de dag ni gshin rje gshed la sogs pa dang 'dra'o/ /dbang ldan du ni mi g.yo ba ste Tak+ki lta bu'o/ /steng du gtsug tor ser po'o/ /'og tu gnod mdzes nag po ste/ /rgyan la sogs pa Tak+ki lta bu'o//thams cad kyang sna tshogs pad+ma dang nyi ma'i gdan la g.yon brkyang bas gnas pa'o/ /lag pa g.yon pa rnams kyis klu'i zhags pa dang / sdigs mdzub thogs pa/ mi bskyod pa dang nor bu'i dbu rgyan can/ dbus na dkyil 'khor lnga la khro bo gzhan yang ldan pa'o//de nas 'bar ba'i tshogs pad+ma phyogs bcing ba la sogs pa byas nas/ de'i dbus su chos 'byung ba zhes bya ba'i phyag rgya gru gsum pa nang nam mkha'i rang bzhin la/ sna tshogs rdo rje dang pad+ma'i steng du/ yaM raM baM laM gi sa bon rnams las byung brlung dang me dang chu dang dbang chen gyi dkyil 'khor rnams dud ka dang dmar po dang dkar mo dang ser po'i kha dog can no//der b+h+rUM dang 'khor lo las byung ba'i rnam par snang mdzad kyi ba spu'i bug las bdud rtsi'i chu rgyun 'dzag pas 'byung ba bzhi zhu ba las byung ba'i khang bu brtsegs pa sgo bzhi pa kha khyer bzhi dang ldan pa rta babs bzhis brgyan pa me tog gi phreng bas brgyan pa la/lha bco lnga'i gnas su sna tshogs pad+ma la ro'i gdan la snying gar nyi ma'i dkyil 'khor gyis brgyan pa bsgoms la/ /oM sarba ta thA ga tA nI la ya badzra swa b+hA wa Ad+ma kou0f85haM/ /zhes brjod par bya'o/ /de nas gdan dbus ma'i steng du smra y ig bco lnga las byung ba'i zla ba dang /kA li la sogs pa'i gsal byed sum cu rtsa bzhi las byung nyi ma bsams pa/ de'i 'od kyis de dang 'dra bar sangs rgyas kyi che ba'i yon tan rnams btsud de rgyas bar bya'o/ de'i steng du dbyangs yig dang po thig le dang bcas par gyur ba las sa bon de nyid kyis mtshan pa'i zangs gri/de'i 'od zer gyis sgo la rnal 'byor ma bco lnga'i 'khor lo spro ba dang bsdu ba'i rim pas bdag nyid bdag med mar bsgom par bya ste/ ro'i snying ga'i steng gi nyi ma la phyed krung bcas pa'i gar gyis rol zhing / mgo bo'i phyogs su 'jig pa'i dus kyi me ltar 'bar ba'i skra dmar ser gyen du 'bar ba rdzes pa/rgyal mchog gi rdul phra rab las bsgrubs pa'i sku dmar la zlum pa'i spyan gsum pa nyi ma bye ba lta bu'i 'od kyis bdud sreg par mdzad pa/ mgo bo rlon pa lnga bcu'i phreng bas nam tshang gi phyogs su brgyan pa//phyag rgya lnga yis spras pa/ srid pa dang zhi ba la mi gnas pa'i chos kyi dbyings kyi rang bzhin du bsams na/ oM d+harma d+hA tu swa b+h+wa wa Ad+ma kou0f85haM/ zhes bya bas nga rgyal bya'o/ /phyag g.yas kyis zangs gri 'phyar zhig phyag g.yon pas lha dang lha ma yin la sogs pa'i khrag gis b kang ba'i thod pa dang kha T+wAM ga mchod phyir thobs kyi tshul du bsnams pa ste/mig gnyis su gti mug rdo rje ma'o/ /rna ba dag la ni zhe sdang rdo rje ma'o/ /sna la ser sna rdo rje ma'o/ /lce la 'dod chags rdo rje ma'o/ /lus la phrag dog rde rje ma'o/ /yid la bdag med rnal 'byor ma'o/ /yang gzugs kyi phung po dang //gti mug la ni rdo rje ma'o/ /tshor ba dang nga rgyal la ni rdo rje gau rI ma'o/ /'du shes dang 'dod chags la ni chu ma'o/ /'du byed dang phrag dog la ni rdo rje mkha' 'gro ma'o/ /rnam par shes pa dang zhe sdang la ni bdag med ma'o/ /de bzhin du sa'i khams dang byams ba ni puk+ka sI'o//de bzhin du chu dang snying rje ni sa rI'o/ /me dang dga' ba ni tsaN+Da lI'o/ /rlung dang btang snyoms ni Do m+bi nI'o/ /de dag gis rim pa bzhin nang du gzugs dang sgra dang dri dang ro rnams sbyang zhing / reg bya dang chos kyi khams ni sa 'og na gnas pa dang mkha' spyod mar bsam mo/ /de lhag par bsams nas snying ga'i zla ba'i hU~M gis mkha' spyod ma sngon mo'o//ma grin par zla bar ni a yis sa spyod ma dmar mo/ /mgo bo'i zla bar ni oM gyis sa 'og na gnas pa dkar mo bskyed la/ /oM sarba ta thA ga ta khe tsa ri badzra swa b+hA wa Ad+ma kou0f85haM/ /oM sarba ta thA ga ta b+hU tsa ri badzra swa b+hA wa Ad+ma k ou0f85haM/oM sarba ta thA ga ta ba ta la si ni badzra swa b+hA wa At+ma kou0f85haM/ zhes bya bas nga rgyal byas la/ rang gi snying ga'i nyi ma'i zangs gri'i lte ba'i aM las byung ba'i 'od kyis de bzhin gshegs pa rnams bkug la/ de bzhin gshegs pa thams cad kyis/ /bdag l a dbang bsgur rab tu stsol//zhes bya bas de rnams he ru ka'i gzugs su gyur nas/ me rtog gi char dang rda sgra dang bcas spyan ma la sogs pas glu len cing / gzugs rdo rje la sogs pas bstod cing mchod nas dbang bskur ro/ /dbang bskur nas spyi bor mi bskyod pa bsgoms te/oM sarba ta thA ga ta a b+hi She ka ta badzra swa b+hA wa At+ma kou0f85haM/ zhes nga rgyal bya ste/ /'di ni ngo bo nyid kyi sku'i rang bzhin sbyor ba dang po'i ting nge 'dzin to/ /de nas rang gi snying ga'i sa bon la gnas bcu bzhir ro'i snying gar zla ba dang nyi ma la so so'i sa bon spros nas/ sa bon dang z angs gri yongs su gyur pa las snga ma bzhin lha mo rnams bsgom par bya'o//AM IM IM uM rnams ni badzra dang gau rI dang / ba rI dang / badzra DA ki nI rnams so/ /UM r-iM r-IM l-iM ni puk+ka sI dang sa ba rI dang tsaN+Da lI dang / Do m+bi nI'o/ /l-IM aM eM aiM ni gau rAM dang / tsau rI dang / be tA lI dang g+ha sma rI'o//oM ni sa spyod ma'i 'o/ /auM ni mkha' spyod ma ste/ rim pa bzhin du bskyed kha thams cad kyang mdog dang mtshan ma la sogs pa bdag med ma dang mtshungs par/ ro'i sIng gar gar stabs kyis bsgom mo/ /gnas gang dang gang du zhe na/ rgyud gzhan las gsungs pa/dbang por rdo rje gshin gau rI/ /chu'i phyogs chu yi rnal 'byor ma/ /gnod sbyin rdo rje mkha' 'gro ma/ /dbus su bdag med rnal 'byor ma/ /dbang ldan puk+ka sI yin te/ /sreg byed mtshams su sha brI/ /srin bu'i mtshams su tsaN+Da lwi/ /Do m+bi rtag tu rlung du gnas shar gyi sgor ni gau rI ste/lhor ni tsau rI'i gzugs can no/ /nub tu pe tA lI yin te/ /de bzhin byang du g+ha sma ri/ /'og tu sa spyod ma yin te/ /steng du mkha' la spyod mar 'dod/ /ces bya ba'o/ /de ltar dkyil 'khor yongs su rdzogs par bltas nas/ /thams cad kyi snying gnas byur ba'i 'od kyi lcags kyus thub pa'i dbang po rnams/rnal 'byor ma bco lnga'i tshul du drangs la/ sgo skyong ma rnams kyis bgegs bskyad cing / gau rI la sogs pa rnams kyis mchod do/ /oM badzra gau rI A kar+Sha ya dzaHna oM badzra tsau rI phra be sha ya hU~M/ oM badzra pe tA lI ban+d+ha ya baM/ oM badzra g+ha sma rI be sh+yaM ku ru hoHzhes bya ba rnams kyis dgug pa la sogs pa byas nas/snga ma bzhin mig la sogs pa byin gyis brlabs te/ sku la sogs pa byin gyis brlabs pa sngon du 'gro bas dbang bskur la rigs kyi bdag po dbu la bsgom par bya ste/ de la rdo rje ma la sogs pa rnams kyi ni rnam par snang mdzad dang /rin chen dbang dang / 'od dpag med dang / don yod grub pa rnams so/ /mtshams na gnas pa dang / sgo skyong ma rnams kyi ni sems kyi dbang dang / rtag pa dang rin chen dbang dang / snang ba mtha' yas rnams so/ /sa la spyod ma ni rnam par snang mdzad do/ /mkha' spyod ma ni snang ba mtha' yas so//de nas gau rI la sogs pas rang mchod rdzas rnams kyis thod pa yongs su gang bas/ bcom ldan 'das bdud rtsis yongs su mchod la/ dkyil 'khor pa gzhan dag gis kyang longs spyad nas/ oM sarba ta thA ga ta a mr-i ta sA b+hA wa At+ma kou0f85haM/ tsaN+Da lI yis rde'u chung brdung z hing DoM bis sku la 'khyud bar bya'o//de nas gsang ba'i pad+mar bskyed pa'i rdo rje dang rjes su chags pas/ oM sarba ta thA ga ta bU dza badzra swa b+hA wa A t+ma kou0f85haM/ zhes bya bas mchod la/ khyod ni rnal 'byor ma rnams yongs su bskor/ /zhes bya ba la sogs pas bstod de/ oM sarba ta thA g a ta stu ti pU ja badzra swa b+hA wa At+ma kou0f85haM/zhes bya bas bstod do/ /slar yang oM pad+ma su kha d+ha ra ma hA rA ga su khaM tsa tur A nan+da b+ha ga bi shwa hU~M hU~M hU~M kar+yaM ku ru Sh+wa me/ oM badzra mahA dwe Sha tsa tu rA na n+da dA ya ka/ khag mu khai ka rA so nA tha hU~M hU~M hU~M kar+yaM ku ru Sh+wa me/ /zhes bya bas rdo rje dang chags pa spyad nas/oM sarba ta thA ga ta a nu rA ga ta badzra swa b+hA wa At+ma kou0f85haM/ zhes bya ba ni longs spyod rdzogs pa'i sku'i bdag nyid/ dkyil 'khor rgyal mchog gi ting nge 'dzin to/ /de nas lte bar 'dab ma drug cu rtsa bzhi ba'i dbus su aM/ snying gar 'dab ma brgyad pa'i dbus su hU~M/ /mgrin p ar 'dab ma bcu drug pa'i dbus su oM/mgo bor 'dab ma sum cu rtsa gnyis pa'i dbus su haM/ zhes bya ba bkod la/ lte bar gtum mo sbyar ba yis/ /de bzhin gshegs pa lnga bsregs te/ /spyan la sogs pa'ang bsreg par bya/ /bsregs pas haM las zla 'dzag 'gyur//zhes bya ba la sogs gtum mo bsgom bar bya'o/ /de'i 'og tu rang rang gi sa bon gyi 'od las rang rang gi sprul pa phyung ste/ rang rang gi ye shes la sems can rnams bkod nas dkyil 'khor bsdus la/ dkyil 'khor gyi bdag po rdo rje 'dzin chen po'i go 'phang la gnas nas bsgom pas dub na 'gog pa'i tshig gi/oM a A i I u U R-i r-I l-i l-I e ai o au o aM aHswA hA/ zhes bzlas par bya'o/ /khrus byed pa ni dbang bskur ba'i chogs so/ /kha zas la longs spyod pa la ni bdud rtsi myang ba'i chogs so/ /dga' ba la spyod na rjes su chags pa'i chos so//ngal dub la ni spyi bor oM las bdud rtsi 'dzag pas lus brta ba sngon du btang la sngags bzlas par bya'o/ /ji skad du bstan pa'i dam tshig nyams pa la/ dam tshig ces bya ba byung nas ni zhes bya ba la sogs pa'i tshul gyis dpal rta mchog gi ting nge 'dzin la gnas nas/sna tshogs rdo rje dang yi ge khaM gi sa bon gyi 'od kyis ji lta ba bzhin du dbang bskur bar bya'o/ /bdud gzhom pa la ni bgegs dgra'i 'khor lo gnas par bya ste/ 'di dag ni sprul pa'i sku'i rang bzhin las rgyal mchog gi ting nge 'dzin to/ /mkha' 'gro ma yi 'khor lo ni//bis la dge ba gang rnyed pa/ /des ni skye 'gro srid mtshor sa/ /brgal nas rgyal mchog nyid gyur cig /bdag med ma'i sgrub thabs rdzogs so// //'og nas 'byung ba'i lha rnams kyi sgrub thabs gzhan dag kyang bde blag tu rtogs par bya ba'i phyir/ 'dir rim pa bzhin du bri bar bya ste/de la snga ma dang 'dra bar snying gar zla ba la bsams pa'i tAM gi 'od zer gyis dkyil 'khor gyi 'khor lo mdun du dmigs la phyag bya ba dang / mchod pa la sogs pa sngon du 'gro bas don dam pa byang chub kyi sems bsgoms la/ bsrung ba bya ste/ chos 'byung ba'i nang du khang bu brtsegs pa'i 'og tu nyams su blangs nas/mngon par byang chub pa lnga'i rim pa'am/ zla ba dang rdo rje'i rigs kyis kyang rung ste/ yi ge tAM dang ut+pal la sogs su gyur ba las spro ba dang bsdu ba'i rim pa sngon du 'gro bas/ rdo rje sgrol ma bskyed bar bya ste/ de yang gsungs ba/ma mo'i dkyil 'khor dbus gnas par/ /lha mo sgrol ma bsgom bya ste/ zhal bzhi pa la phyag brgyad pa/ /rgyan rnams kun gyis rnam par klubs/ /gser gyi mdog tu rnam par bsgom/ /gzhon nu ma yi mtshan gyis 'bar/ /rdo rje nyi mas dbang bskur te/ /sangs rgyas bzhi yi cod pan che//na chung gzhon nu mdangs bzang zhing / /gser gyi rna cha g.yo ba can/ /sna tshogs pad+mar bzhugs nas ni/ /'od zer dmar pos rnam par klubs/ /rdo rje zhags pa ral gri dang / /de bzhin g.yas na mda' ni bsnams/ /rdo rje lcags kyu ut+pal/ /gzhu dang sdigs mdzub g.yon pas 'dzin//zhes pa la so/ /de'i 'og tu mig dang skul sogs pa byin gyis brlab pa dang / dbang bskur ba'i mthar thug pa snga ma bzhin du nyams su blang bar bya ste/ 'di ni sbyor ba dang po'i ting nge 'dzin to/ /gzhan dag kyang gsungs ba/ /rdo rje skyil krung sbyor ba yis//sa gsum po ni bsgrub par bya/ /zhes bya ba la sogs pa ste/ thams cad kyang sna tshogs pa'i stan la rdo rje skyil krung gis bzhugs shing / 'od zer dmar pos brgyan pa'o/ /de dag kyang gang zhe na/ shar du me tog sgrol ma ste/ /yi ge oM gyis bskyed pa'o//kha dog dkar po yid dga' ma/ /phyag na me tog phreng ba bsnams/ /zhal gcig pa la phyag gnyis pa/ /rgyan rnams kun nas rnam par klubs/ /zhes bya ba ni thams cad kyi'o/ /lho ru spos kyi sgrol ma ste/ /yi ge taM gis bskyed pa'o/ /kha dog sngon mo yid 'ong ma//phyag tu bdug pa'i phor pa bsnams/ /nub tu mar me'i sgrol ma ste/ /yi ge re yis bskyed pa yi/ /kha dog ser mo rnam brgyan g.yon/ /mar me'i gong bu phyag na bsnams/ /byang du dri yi sgrol ma ste/ /yi ge tus bskyed kha dog dmar/ /dri yi dung chos phyag na bsnams/ /snying po'i dkyil 'khor bsgom bar bya//zhes bya ba la sogs pa ste/ /shar la sogs pa'i sgo rnams su ni yi ge tA yis lcags kyu sgrol ma'o/ /re yis zhags pa sgrol ma'o/ /tu yis lcags sgrog sgrol ma'o/ /re yis 'gebs ba'i sgrol ma ste/ /rim bzhin du kha dog dkar po dang ser po dang /dmar po dang ljang gu ste/ lcags kyu dang zhags pa dang lcags sgrog dang dril bu bsnams pa'o/ /'og tu yi ge swA yis nges 'dul sgrol ma ste/ kha dog sngon po phyag na klu'i zhags pa bsnams pa'o/ /steng du yi ge ha yis bskyed pa'i gtsug tor rnam par rgyal ma'i sgril ma kha dog ser mo phyag na 'khor lo bsnams pa'o//kha cig ni bcom ldan 'das ma'i thugs kar lha mo rnams bsgom par bya'o zhes zer ro/ /kha cig gdan la bskyed par 'dod do/ /de nas sngon bzhin du ye shes kyi 'khor lo bcug la mchod pa dang bstod pa dang /bdud rtsi myang ba'i mthar thug pa nyams su blangs nas spro ba dang bsdu pas 'gro ba'i don byed cing / ji srid 'dod pas bsgoms la/ oM tA re tu t+tA re tu re swA hA/ zhes bya ba zlas shing / namaH Ar+ya ba lo ki te shwa rA ya bo ng+hi satwA ya ma hA sa twA ya ma hA kA ru Ni kA ya/tad+ya thA/ oM tA re tu t+tA re tu re sarba duSh+T+waM ma ma gr-i te dzaM b+ha ya s+t+wam+b+ha ya mo hA ya ban+d+ha ya hU~M hU~M hU~M phaT phaT sarba du Sh+TAM stam+b+ha ni tA re swA hA/ zhes bya bas kyang bsgrub par bya ste/ rdo rje sgrol ma'i sgrub thabs so/ /rdo rje bzhi'i rim gyis snga ma ltar snying gar nyi ma la hrIHbsams la/ mchod pa nas sdig pa bshags pa dang stong pa nyid dang srung ba'i 'khor lo dang /chos 'byung ba'i bar du bsgoms nas der dur khrod brgyad kyi dbus su hrIHlas bskyed pa'i pad+ma dmar po 'dab ma brgyad dang nyi ma'i dbus su mngon par byang chub pa rnam pa lnga'i rim gyis hrIHdang ut+pal las spro bsdu'i sbyor bas ku ru ku l+le bskyed par bya ste/sgra kham ser gyen du brdzes shing stag gi pags pa'i thabs can phyag rgya rnam pa lnga dang mgo bo'i phreng bas brgyan zhing / dmar la zlum pa'i spyan gsum pa/ /zhal gcig phrag bzhi pa la/ phyag dang po gnyis na ut+ma la kha zum pa'i mda' dang me tog rgyas pa'i gzhu bsnams pa/gzhan gnyis kyis lcags kyu dang ut+pa la'i zhags pa bsnams shing kha dog dmar ba/ ro'i snying ga'i nyis la phyed krung bcas pa'i nyi mar gar gyes bzhugs par dur khrod brgyad kyi dbus su bsams na/ rdo rje se go la gyi phyag rgya bcas te/ oM badzra sa mA dzaHzhes bya bas ye shes sems dpa' bkug la snga ma bzhin du dbang bskur nas/ snang ba mtha' yas dbu rgyan du bsams te/ mchod pa dang bstod pa dang bdud rtsi myang ba byas la spro ba dang bsdu bas 'gro ba'i don byed cing / /ji srid 'dod kyi bar du bsgoms nas/oM ku ru ku l+le hrIHswA hA/ zhes bzlas par bya'o/ bud med dam skyes pa dbang du bya bar 'dod pas zla ba yar ngo'i tshes gcig nas brtsams te/ gos dmar po bgos nas/ lha mo bsgom zhig nyin re dus gsum du khri phrag bzlas la de nas ha'i nub mo snying ga'i hrIHlas gyur pa'i pad+ma dmar po 'dab ma brgyad pa sdong bu gsang ba'i gnas su zug pa bsams la de'i 'dab ma rnams la dbyangs yig ring po brgyad las byung ba'i bung ba kha dog dmar po khro zhing rgyags pas myos pa brgyad bsams la/dbugs kyi rlung gis sna sgo g.yon pa nas spur te/bsgrub bya'i sna sgo g.yas pa nas snying gar zhugs nas de'i snying ga na gnas pa'i dbyangs yig thung ngu brgyad la myos pas 'jib cing phye mar byed par bsam mo/ de nas rnal 'byor pas me tog gi gzhu dang at+ma la'i mda' rna drung du bkang ste/ lte ba chang pa la gtad nas bsgrub bya'i snying ga'i pad+ma'i lte bar bsnun pa sa bung ba de rnams de'i rang gi dam tshig gis bskul nas/ so sor dbyangs yig rnams bzung ste/ sna sgo g.yon nas byung ste/ rnal 'byor pa'i sna sgo g.yas par zhugs nas/ rang gi dam tshig gi ye shes pa dang /gnyis su med par bsams te/ de nas ud+pa la'i sdong bu'i zhags pas mgrin pa bcings la/ lcags kyus snying gar gzir te/ 'od zer 'bar bas 'khrugs shing mgal me'i 'khor lo ltar sngags kyi phreng ba bsams nas/ oM su ru gu l+le hrIHche ge mo ba sh+yaM mA na ya hrI swA tA//zhes bya pa mtshan thog thag tu bzlas na tho rangs kyi dus su bu mo la sogs pa myos shing gos dang bral bzhin du gdon mi za bar 'ong bar 'gyur ro/ /ku ru ku l+le'i sgrub thabs rdzogs so// //snga ma bzhin du snying gar zla ba la yi ge haM bsams nas/mchod pa dang / sdig pa bshags pa la sogs pa sngon du 'gro bas stong pa nyid du bsgoms la/ mngon par byang chub pa lnga'i rim gyis sa bon dang ral gri'i mtshan ma yongs su gyur pa las/ rdo rje lus med zhal gcig phyag bzhi pa'am/ phyag drug par bsgom par bya ste/ kha dog ser po sgeg cing ral pa'i thor tshugs can lo bcu drug lon pa gzhon nu'i rgyan can/ phyag g.yas na mda' dang ral gri dang me long bsnams shing / g.yon na gzhu dang ut+pal dang a sho ka'i 'dab ma bsnams pa/ g.yon brkyang pas bzhugs par bsams la/snga ma ltar ye shes sems dpa' bcug nas/ snying ga'i sa bon gyi 'od zer gyis 'gro ba'i don byed bzhin par bsams la/ oM many+dzu g+hoShA ya hri dzas d+ha te a mo ki A kar+Sha a oM ma ny+dzu g+ho ShA ya hrIHdzaHzhes bya ba'i sngags mang du bzlas par bya'o//de nas bu mo'i snying gar yang lus med rdo rje bsams la/ mdas nu ma phug pa dang a sho ka'i 'dab ma snying gar gdab cing ral gris bsdigs nas me long bstan la/ rkang pa gzhu yis bcings te ut+pa la'i zhags pas drangs nas myos par bsgoms na/ gdon mi za bar 'gugs par 'gyur te lus med rdo rje'i sgrub thabs rdzogs so// //rdo rje bzhi'i rim gyis snga ma bzhin du bsgrub par bya ste/ snying gar zla ba la yi ge oM bsams nas/ mchod pa la sogs pa stong pa'i byang chub kyi bar du nyams su blangs la/ /paM las skyes pa'i pad+ma dkar po dang //zla ba la yi ge a spros pa dang bsdu ba'i sbyor bas yongs su gyur pa las shes rab kyi pha rol tu phyin ma zhal gcig phyag gnyis/ yid du 'ong zhing sku mdog dkar mo rgyan thams cad kyis klubs pa phyag g.yas na pad+ma dmar mo bsnams shing g.yon shes rab kyi pha rol tu phyin pa'i bu sti bsnams pa/rdo rje skyil krung du bzhugs par bsams la/ rdo rje bsdu ba'i phyag rgya dang / oM badzra sa mA dza dzaHzhes bya ba'i sngags kyis ye shes sems dpa' dgug pa la sogs pa bya ste/ de'i snying gar zla ba la gnas pa'i oM bsams nas/de la sngags kyi phreng ba me lce'i phreng ba ltar kha nas byung zhing / lte ba'i gnas su 'jug pas mgal me ltar bsgoms la/ oM pi tsu pi tsu pradz+nyA bar+d+ha ni dz+wa la dz+wa la me ng+ha bar+ng+ha ni/ ng+hi raM d+hi ri bu d+hi bar d+hi swA hA/ zhes bzlas par bya'o/ /cho ga 'di ni gzhan dag tu yang sbyar bar bya ste/ / de skad du yang gsungs pa/ dang po stong pa'i byang chub ste/ /gnyis pa la ni sa bon bsdu/ /gsum pa la ni gzugs rdzogs te/ /bzhi pa la ni yi ge dgod/ /ces so/ /laM gi yi ge las skyes pa/ /'jig rten dbang phyug thub pa che/ /zhal gcig pa la phyag gnyis pa/ / pad+ma dkar pos rnam par klubs/ /dbu rgyan rdo rje chos kyis brgyan/ /pad+ma'i gdan la bzhugs par bsgoms/ /aM ma Ni pad+me hUM/ sngon bzhin du rdo rje bzhi'i rim pas thams cad du blta bar bya'o/ /ma gyi sa bon las byung ba/ /'jam pa'i dbyangs ni ser po ste/ /phyag na me tog mchod sbyin brgyan//mi bskyod rdo rje spyi bor 'dzin/ /o many+dzu badzra mUM swA hA/ yaM gi yi ge las skyes pa/ /rdo rje tho ba sdigs mdzub bsnams/ /mdog sngon ma he'i rgyab tu ni/ /g.yon brkyang bzhugs pa'i gshin rje gshed/ /khro bo'i gzugs can skrag byed pa/ / dbu rgyan rnam par snang mdzad bzhugs/ /oM hrIHSh+T+riHbikr-i tA nan hUM hUM phaT phaT swA hA/ hUM gi yi ge las bskyed pa/ /rdo rje hUM mdzad rdo rje can/ /rdo rje dril bu sbyor ba yis/ /phyag gnyis phyag rgyar bcings pa ste/ /g.yon brkyang zhags kyi sbyor ba yis/ /'jigs byed kyi ni snying gar bzhugs//spyi bor rdo rje rigs kyis brgyan/ /khams gsum rnam rgyal bsgom par bya/ /oM hUM phaT swa hA/ tAM gi yi ge las byung ba/ /lha mo kha dog sngo bsangs ma/ /mchog sbyin dang ni ut+pal bsnams/ /sna tshogs pad+ma'i stan la ni/ /rtag tu bzang po'i stangs kyis gnas//spyi bor don yod grub pas brgyan/ /skal bzangs shin tu 'gegs ma yi/ /sgrol ma'i gzugs su bsgom par bya/ /oM tA re tu t+tA re tu re swAhA/ yi ge maM las byung ba yi/ /mchog sbyin mya ngan med shing bsnyams/ /nyi ma 'char ka lta bu'i mdog /rnam par snang mdzad dbu rgyan can/ /rta bdun ldan pa'i shing rta la/ /g.yas brkyang pa yi sbyor ba yis/ /sgeg cing yan lag brgyan pa yi/ /brtul zhugs can gyi 'od zer bsgom/ /oM mA rI ts+yai swAhA/ /yi ge tsuM las byung ba yi/ /ston ka'i zla ba lta bu'i mdog / rin chen snyim pa snying gar 'dzin/ /sna tshogs pad+ma'i stan la ni/ /rol pa'i stabs kyis yang dag bzhugs/ /rnam par snang mdzad spyi bor brgyan/ /byang chub sems ni 'dzag cing 'bab/ /myos dang bcas pa'i skul byed bsgom/ /oM tsa li tsu le tsun+nge swAhA/ yi ge paM las byung ba yi//lha mo nor rgyun kha dog ser/ /mchog sbyin snye ma phyag na bsnams/ /rin chen pad+ma'i stan la ni/ /rdo rje skyil krung sbyor bas bzhugs/ /rin chen dbang po dbu rgyun can/ /oM bsu ng+ha re ba su br-iSh+Ti pa ta yab su swA ha/ /yig dzi las byung ba yi/ /gnod gnas su ni bsgom bya ste//mdog ser rgyan kun gyis brgyan zhing / /g.yas kyis skyur rtsi shing thog bsnams/ /g.yon na rin po che'i khre'u/ /rin chen dbang po cod pan can/ /oM dzam+b+ha la dza le n+d+ra ye swAhA/ /yi ge baM las byung ba yi/ /'khor lo dang ni ral gri bsnams/ / rnam par snang mdzod cod pan can/ /zlum po yi ni stabs gnas nas/ /gzhon nu'i gzugs ni skye dang ldan/ /so sor rjes su 'brang ba bsgom/ /oM ma Ni b+ha ri badzri Ni ma hA pra tis re hUM hUM phaT phaT swA hA/ hUM gi yi ge las byung ba'i/ /nag po chen po phyag gnyis pa/ /zhal gcig mdog sngon cher 'bar zhing //zangs gri dang ni thod pa bsnams/ /mgo bo'i phreng ba'i do shal byas/ /mche ba gtsigs shig 'jigs su rung / /bong thung gzi brjid chen po ste/ /kha nas khrag ni 'dzag par bsgom/ /slob dpon la rtag sdang ba dang / /gang zhig dkon mchog gsum la gnod//sems can sna tshogs gsod pa rnams/ /nag po chen pos za bar byed/ /oM ma hA kA la shA san u pa ha ri/ e Sha a pa sh+tsi ma kA lo a i daM rat+na traM a pa kari NA na ya di pra ti dz+nyA sma ra sita ta idaM du Sh+TAM kha kha khA hi khA hi mA ra mAr gr-i h+Na gr-id+Na ban+d+ha ban+d+ha/ /ha na ha na/da had ha/ pa tsa pa tsa/ de na mi ke na hUM phaT/ hUM las byung zhes bya ba ni hUM yongs su gyur pa las ba skyed pa'o/ /rtag tu zhe sdang pha rol son/ /zhes bya ba ni gnyis su zad pa'i mthar thug pa'o/ /sems ni nang du khros pa ste/ /zhes bya ba ni khros pas khengs pa'i yid dang ldan pa zhes bya ba'i don to//nams man+ta zhes bya ba ni sgo kun nas phyag 'tshal ba ste dbye ba med do/ /tsan+d+ha zhes bya ba la sogs pa la/ tsan+d+ha man+d+ha la zhes bya ba ni/ gshin rje dang srin mo la sogs pa'o/ /oM k+She pa zhes bya ba ni khyad du gsod pa'o/ /de byed pas ni tsan+d+ha man+d+ha k+She pa byed pa'o//hUM zhes bya ba ni gzung ba la sogs pas stong pa'i sgra'i rkyen med pa'i yid do/ /phaT ces bya ba ni gdug pa rnams lhung bar byed pa'o/ /mi mo'i pad+ma gas chag med/ /ces bya ba ni mi mo'i nye bar mtshon pa ste/ skyes pa yi yang gzung bar bya'o/ /pad+ma ni thod pa'o//gas chag med pa ni zag rdol med pa'o/ /de ltar yang gsungs pa/ zla ga slang gdong pad+ma 'dra/ /gzhan yang gser gyi sgo dang ldan/ /bram ze la sogs thod pa dang / /sman pa'i rigs byung thod pa dang / /dum bu gcig dang ldan pa yi/ /mi yi thod pas shes par bya'o//rna ltag gi ni bu ga dang / /ltag pa yi ni bu gar ldan/ /mi mo'i mdzes shing gas chag med/ /ye shes can gyis shes par bya/ /dpral ba'am rna ba'i steng du ni/ /mu tig phreng ba'i ri mo yod/ /dum gcig dum gnyis dum gsum bzhi/ /bcu gnyis pa dang bcu drug par//de bzhin du ni gas chag med/ /zla ba lta bur shes par bya/ /cung zad ring zhing shin tu mdzes/ /dmar zhing ser ba ba lang gdong / /pad+ma 'dra ba pad+ma ste/ /dmar ser dang ni dkar po yin/ /thod pa de dag bsngags pa ste/ /de las lhag ma spang bar bya/ / gas dang zag pa la sogs pa'i/ /thod ba shin tu gzung min yin/ /rig ma bzhi yi rab sbyor gyis/ /zhes bya ba la rab tu sbyor ba ni dgug pa la sogs pa'i las so/ /rig ma bzhi las de dag la/ /rim bzhin du spyan la sogs pa'i lha mo rnams kyis dgug pa la sogs pa bya'o//sangs rgyas kun gyis dgang bar bya/ /zhes bya ba ni phung po dang khams dang skye mched rnams kyis lha'i rang bzhin gyi zhal gyis bkang ste sangs rgyas kyi rdul phra rab kyis so/ /yang na/ /rig pa bzhi yi rab sbyor gyis/ /zhes bya ba ni/ snying ga rdo rje lcags kyus dbug pa dang //mgrin pa zhags pas bcings nas rlung gi dkyil 'khor la bskyon te bkug la spyi bor lha mo rnams kyis bdud rtsi'i bum pas khrus gsol ba'o/ /rkang rjes ni snying ga'i sa bon no/ /rdul ni de'i 'od zer ro/ /chog ni de las spros pa'i lcags kyu dang /zhags pa thogs pa'i lha'o/ /yang na rkang rjes kyi rdul ni rkang pa por ba'i sa'o/ /cho ga ni chu 'gram gnyis kyi sa dang / rkang rjes kyi rdul bsres pa'i sa las gzugs brnyan bya ba'o/ /rkang bas mnan te bzlas pa bya/ /zhes bya ba la/ bu mo dgug pa la ni g.yon brkyang bas mnan par byas la/skyes pa la ni g.yas brkyang bas gnan par bya ste/ sngags thod pa la bris la zhes bya ba ni lhag ma'o/ /de zhes bya ba ni gshin rje mthar byed do/ /bzlas pa zhes bya ba ni bskul tshig dang bcas pa'i sngags 'don pa'o/ /'di'i bsdus pa'i don ni 'di yin te/bud med 'gugs par 'dod pas bu mo'i thod pa mtshan dang ldan pa blangs la gur ku ma dang go ro tsa na dang / srin lag gi khrag gis thod pa'i rgyab tu lte ba dang bcas pa'i pad+ma 'dab ma brgyad bris la lte bar bsgrub bya spyan ma la sogs pa'i gzugs su bris nas de'i snying gar phreng ba'i sngags cho ge mo A kar+Sha ya dzaHzhes bya ba mthar thug pa bri ba'am/yang na pad+ma'i lte bar rkang rjes kyi rdul las byung ba'i gzugs brnyan gyi snying gar gro ga la sogs pa la bris pa'i sngags bcug nas rkang mthil du hUM las byung ba'i rdo rje lcags kyus mtshan pas gzugs brnyan gyi snying ga rkang pa g.yon brkyang ba lcags kyu'i tshul can gyis mnan nas phreng sngags bskul tshig dang bcas pa bzlas pas bsgrub par bya'o//bsgrub bya yang yaM las bskyed pa'i rlung gi dkyil 'khor la yi ge dze 'od kyis blangs nas bskyon te/des bskul bzhin pa rang gi snying ga nas lcags kyu dang zhags pa thogs pa'i khro bo spros nas de la bka' bsgo ste zhes ji lta ba bzhin du drangs te/ rlung gis bteg nas 'ongs pa dang / khro bo la sogs pa de dag la tsan+dan gyi chu'i ar+g+ha la sogs pa sbyin par bya ste/des gnod sbyin mo dang mi mo la sogs pa 'gugs par 'gyur ro/ /skyes pa dgug pa la ni skyes pa'i thod pa dang / g.yas brkyang pas gnan par bya'o/ /sku gsum skye gnas bsgoms pa yis/ /zhes bya ba ni/ gdan dang / sa bon dang / mtshan ma rnams kyis lha'i gzugs bskyed par bya'o//si ta daN+Ta zhes bya ni rde rje byug pa dkar po dang pad+ma thogs pa'o/ /bi bi da sur a sur mArda ya ti zhes bya ba ni lha dang lham yin sna tshogs 'joms pa'o/ /b+hu da ni rma the zhes bya ba ni 'byung po dang yi dags dang sha za dang gnod sbyin la sogs pa rnams gtogs par byed pa'o//lhag ma gong bzhin no/ /'byung po yi dags sha za dang / /mkha' 'gro ma yis 'khrugs nas su/ /rgyas btab hUM gis bsgyings par bya/ /zhes bya bas 'byung po la sogs pa zin cing rgyas btab pa la hUM zhes 'don cing khro bo dang bcas pa'i khro gnyer bskor ba smin ma btsums pa dang bcas pas bsgyings shing blta'o//rdo rje gzir bas bde bar 'gyur/ /zhes bya ba la/ rdo rjes gzir ba zhes bya ba ni rnal 'byor ma'i lag pa gnyis dang / rkang mthil gnyis su hUM las byung ba'i rdo rje bsams la/dril zhing mnye ba dang / hUM las bskyed pa'i rde rje 'bar bar bskyed pa'i yungs kar gyis brdeg pa'o/ /bde bar 'gyur zhes bya ba ni snga ma bzhin du 'gyur ba'o/ /'di'i don yang gzhan gyis mi thub pa'i rnal 'byor la gnas te/ bsrung ba byas nas lag mthil gnyis dang rkang mthil gnyis su hUM las byung ba'i rdo rje 'bar ba bsams la yid kyis bsgrub bya'i lus las srin po la sogs yid kyis drangs nas lag pa'i bar du mnye zhing rdo rje 'bar bas bsregs la//yang rkang pa'i 'og tu bcug ste/ mnye zhing chig par bsgoms nas/a mu karA k+Sha sa a ti b+h+yo mo dza yid ces bskul tshig dang bcas par sngags bzlas pa'am/ yang na bsgrub bya'i lus kyi steng du gnas te/ srin po la sogs pa de dag nyid yin par dmigs nas bcing bar byas na/ bskru ba bya dbugs chad par 'gyur bar bsams te/de nas bsgrub bya'i rtsib logs gnyis su rdo rje dang bcas ba'i lag pa gnyis kyis gzir la bsgrub bya'i snying ga dang mgrin par yang hUM gis bskyed pa'i rdo rje 'bar bas bsreg cing / yungs kar gyi rgyal po hUM gis rdo rje 'bar bar bskyed la/ sngags brgya rtsa brgyad bzlas te de'i 'og tu yungs kar re re la sngags lan re ba zlas pas bsnun pas phye mar gyur bar blta'o//des ni srin po la sogs pa snying rje dang bcas shing gdung bar 'gyur te/ ji srid du shing gi yal ga chag par gyur ba'i mna' bor na gtang bar bya ba yin no/ /yang na rdo rjes gzir ba zhes bya ba ni/srin po la sogs pa gzung bar bya ba ste/ gdul bya rnams 'dun par bya ba'i phyir srin po la sogs pa gzung bas tshar bcad pa'o/ /bde bar 'gyur zhes bya ba ni/ tshar bcad nas byang chub kyi lam du bcug pa ste/ lhung ba'i gnas nas bslang bar bya'o/ / rdo rje rim pa yang 'di yin te/ bdag nyid gzhan gyis mi thub pa'i rnal 'byor du gnas la/ zla ba mar ngo'i tshes dang skar ma drag po la mdung gis gsod pa dang / bsgags nas gsad pa 'am/ mtshon gyis gsad pa gzhan yang rung ste/ de'i thod pa blangs te/ dur khrod kyi sol bas hUM las bskyed pa'i mche ba gtsigs shing 'jigs su rung ba skra gyen du brdzes shing thod pas bcings pa lag pa g.yas pa ro langs kyi zangs gri 'phyar zhing g.yon pa sdigs mdzub byed pa'i gdon bris la de'i snying gar dug dang rus phye dang /mdzub mo'i khrag tu bcas pas ce ge mo gr-ih+Ne zhes bya ba'i bskul pa'i tshig bcas pa'i sngags bris la/yang thong ba gnyis pa bsgrub bya'i rkang rjes kyi rdul dang dur khrod kyi thal ba dang / sol bar bcas pa'i rdo rje'i chus sprus la/ gzugs brnyan te ta la'i 'dab ma la dug dang mdzub mo'i khrag tu bcas pas bskul tshig dang bcas pa'i sngags bris snying gar bcug nas dug dang lan tshwa dang ske tshes byug go//de nas gnyig yang dgug pa la sogs pa byas nas gdon gyi thod pa ste du gdon zhing kha sbyar la dur khrod la sogs pa'i gnas su des de gzung bar bsams te/mtshan phyed na rdog pas mnan la bsgyings ba dang bcas pas sngags bzlas na gdon mi za bar gdon gyis zin par 'gyur ro/ /rims la sogs pas 'dzin pa'i chog yang de nyid do/ /hu lu hu lu zhes bya ba ni mdzod cig mdzod cig pa'o/ /mahA pad+ma zhes bya ba ni dran pa rnam par dag pa yin pa'i phyir na pad+ma 'dra bar nyes pas ma gos pa'o//a mr-i taM ku ru zhes bya ba ni gcig dang du ma bral ba'i phyir rang bzhin gyis mya ngan las 'das pa nyams su blang ba'o/ /bi shan a zhes bya ba ni bi sha zhes bya ba ni rnam par rtog pa'o/ a la la zhes bya ba ni rang bzhin gyis skye pa med pa ste des na dngos po rnam par rtog pa nyid kyis bcom pa nyid du ston to//dug chen po ni 'gug par byed/ /ces pa ni/ snying gar nyi ma la gnas pa'i hUM gi 'od zer gyis khams gsum na gnas pa'i dug rnams 'gugs pa'i phyir ro/ / de bzhin brgyal las slong bar byed/ /ces bya ba ni bya khyung gi bstan bcos las 'byung ba bzhin srog dang dran pa nyams pa rnams sad par byed pa ste/ de yang rta mgrin gyi rnal 'byor bya khyung gi rgyab tu nyi ma la gnas pa bsgoms la bsgrub bya'i snying gar hUM las byung ba'i nyi ma la yi ge hUM bkod de/dug ldang bar bya ba'i phyir hUM gi 'od zer gyis yan lag kun la gnas pa'i dug 'bar bar bya'o/ /de nas lag pa g.yon pa'i mthil du paM las byung ba'i pad+ma dkar po 'dab ma brgyad pa bsams la/ der hUM dkar po 'od dang bcas shing bdud rtsi 'dzag par dgod pa 'am/yang na zla ba'i dkyil 'khor la yi ge ha'am/ oM hrIHha hUM ja phuHzhes bya drug bkod kyang rung ste/ lag pa des mgo bo nas brtsams nas rkang pa'i bar du byas la/ yi ge'i 'od kyi bdud rtsi'i rgyun gyis yan lag kun gyi dug drangs nas rkang pa'i rtse mo nas mdog nag po drangs par bsgoms la/sngags kyi phreng ba bzla zhing sngags kyi 'od zer dkar pos lus thams cad dag par bya'o/ /yang na bsgrub bya'i mgor hrIHdkar po bkod la/ de'i bdud rtsi'i rgyun gyis snga ma bzhin dug rnams rkang pa'i rtse mo nas mar gzigs la bsgrub bya'i lus kha dog dkar par bsams la yang dang yang du byas la phreng ba'i sngags bzla'o//gnyi ga ltar na yang nges par dug med par 'gyur ro/ /yang spang leb dkar po dang bsgrub bya'i ming gi yi ge re re haM dang spel la dkar por bris na sbyor ba de nyid kyis phreng ba'i sngags bzlas pa'am/bsgrub bya'i gzugs bris la yang spyi bor hrIHdkar po bkod de/ de'i bdud rtsi'i rgyun gyis dug gi mdog nag po bkrus par bsams nas/ yang dug med par 'gyur ro/ /yang na dug gis zin pa'i ming dang / bsgrub bya'i ming du yi ge re re zhing spel ba de spang leb la bris la/yi ge tha dang oM gyis bskor te ha dang mi'i sa bon gyis chog bzhin du sbyar na du ba'i mdog lta bus 'dren par byed do/ /dkar pos ni nye bar zhi bar 'gyur ro/ /ser pos ni 'ching bar byed do/ /badzra san+do ha dar pa ya zhes bya bas ni/ /badzra ni khros pa'o//san+do ha ni tshogs so/ /dar pa ya ni dregs pa'o/ /a mr-i ta kuN+Da li zhes bya ba ni bde pa'o/ /rlung spur zhes bya ba ni rlung gis spur zhing khyer pa'o/ /bsgrub bya'i ming ni bzung nas su/ /zhes bya ba ni ming dang spel ba'i sngags bri ba'o/ /tshogs bdag rkang pa'i 'og tu dgod//ces bya ba la tshogs bdag ni a mr-i ta kuN+Da li zhes bya ba'i tshig go/ /rkang pa'i 'og tu dgod ces bya ba ni rkang pa'i mthil du bri ba'am tshig gi mthar bzla ba'o/ /hUM dang phaT kyis bsgyings par bya/ /zhes bya ba ni gsang mthon por bzla ba'o/ /hUM gis bdud rtsi'i ting 'dzin bya//zhes bya ba ni hUM gis bskyed ba'i bdud rtsi 'khyil bar bsgom pa'o/ /khro bo'i sngags kyi rab sbyor kyis/ /zhes bya ba ni/ rab tu sbyor ba ni 'di yin te/ pha mes kyi nags su song zhing smyo byed bsregs pa'i sol ba dang / ba bla dang dug dang ni ma pa'i lo ma'i khu ba dang rkang pa g.yon pa'i srin lag gi khrag tu bsres te rlung gis sUr ba'i gos la sogs pa la bya rog chen po'i sgro rtsa'i smyu gus rlung gi dkyil 'khor la gnas pa'i ral gri'i 'khor lo lte ba yangs bar bris la/lte bar bsgrub bya'i gzugs bris te/ de'i snying gar ming dang spel ba'i sngags kyi phreng 'bris nas/rdza mkhan gyi 'khor lo las byung ba'i 'jim pa dang rkang rjes kyi rdul/ lam gyi bzhi mdo'i sa rnams las gzugs brnyan byas la/ ras ma snying gar bcug ste/ thod pa kha sbyar gyi nang du bzhag nas/ dgug pa sngon du 'gro bas/ namaHsa man+ta bud+d+ha b+h+yo na mo baj+ra kro d+hA ya mahA daMSh+T+ro da ka Ta b+hair bA ya//oM a mr-i ta kuN+Da li a mu kaM uts+tsha ta ya hUM phaT/ ces bya ba'i phreng ba'i sngags brgya rtsa brgyad bzlas la/ ma mo'i khyim mam lam gyi bzhi mdo 'am dur khror du spa'o/ /bsgrub bya rlung gis bteg pa'i rnga mo la bskyon te/ lag nad phyug pa thogs pa'i khro bo drag pos brdeg cing lho phyogs su khrid par bsams rna gdon mi za par 'khrid par 'gyur ro//lhag ma ni go sla'o/ /ya ma daN+Da zhes bya ba la/ ya ma ni gshin rje la sogs pa'o/ /daN+Da ni de rnams gsod cing chad pa gcod pa'o/ /nI la ya zhes bya ba ni lus kyi kha dog go/ /nI la daN+Da la zhes bya ba ni dbyug pa'i kha dog ste/ming nas bod pa'o/ /tu ru tu ru zhes bya ba ni rings pa rings par ro/ /mu ru mu ru zhes bya ba ni mdzod cig mdzod cig pa'o/ /sarba duSh+DAn zhes bya ba ni dkon mchog gsum la sdang ba rnams so/ /spyor ba'i tshogs bsgrub par bya ba la/ sbyor ba'i cho ga ni 'di yin te/'phags pa dbyug sngon gyi rnal 'byor dang ldan pas dur khrod kyi sol ba dang / grog mkhar gyi sa dang / phub ma dang / sha chen dang [(]rkad [,]rkang [)]rjes kyi rdul rnams las gzugs brnyan byas la dug dang khrag dang rams dang bcas pa'i tsha ba gsum dang / ni ma pa'i lo ma'i khu bas/ dur khrod kyi ras la mi rus kyi smyu gus/ sna tshogs rdo rje la gnas pa'i nyi ma'i dkyil 'khor/ de'i dbus su bsgrub bya'i ming dang spel ba'i phrang sngags bris nas gzugs brnyan gyi snying gar bcug ste/ dgug pa sngon du 'gro bas thod pa gnyis kyi nang du bcug la/de gsod byed kyi khro po gtum por bdag nyid bsgoms nas mtshan phyed dam nyi ma'i gung la rkang ba'i rus pa dang ni ma pa'i lo ma'i 'khar bsdad cing / rdog pa g.yon pas mnan la/ cho ge mo mA ra ya phaT/ ces bya ba dang spel ba'i phreng sngags khro bo'i tshig gis bzlas na nyi ma bdun gyis 'chi par 'gyur ro//des kyang ma grub na dur khrod du song ste ni ma pa'i shing la me sbar la/ de'i dbus su khro bo'i rgyal po spyan drangs ta/ zhal shin tu gdangs par bsams te/ mtshon rnon pos gzugs brnyan gyi rkang pa g.yon pa'i mthe'u chung nas brtsams te/gtabs nas bskul ba'i tshig dang bcas pa'i phreng sngags zlos shing shin tu khros pas sbyin sreg tu phul na/ gdon mi za bar de'i mtshan mo 'chi bar 'gyur ro/ /u tsu sma kro d+ha rA ja zhes bya ba ni ming ste shin tu gsal ba'i lus dang ldan pa'i phyir ro//namaHsarba nA ga naM zhes bya ba naM mtha' yas la sogs pa'i klu brgyad do/ /hr-id ya phi la ta zhes bya ba ni char dpa' ba'i phyir snying gzer ba'o/ /de la dbyar zla ba chungs la ni ka rko Tas so/ /ston zla rab la ni shaM kha pA phas so/ /ston zla 'bring po la ni tAk+Sha kas so/ /ston zla tha chungs la ni ba su kas so//de bzhin du dpyid zla 'bring po la sogs pa rnams la yang rim bzhin du char 'bebs par shes par bya'o/ /sngar bstan mod kyi 'dir bshad par bya ste/ sngar bstan pa bzhin stobs po che'i rdo rje'i ting nge 'dzin zhal bzhi phyag brgyad pa'am/ zhal gcig phyag gnyis pa ste/ de la gnas nas kham phor so ma btang ba la rams kyi khu bas ral gri lce brgyad pa'i 'khor lo'i dbus su pad+ma 'dab brgyad kyi lte bar shu li ni'i sngags dang spel ba'i sngags klu rnams kyi snying po bris nas/ kham phor kha sbyar te/ skud pa sngon pos dkris la shu li ni dang /klu rnams bkug ste mchod nas bka' bsgo ba ste/ klu rnams bskul ba'i kham phor kha sbyar te/ klu gnas pa'i rdzing bu la sogs par gzhug go/ /yang na ta la'i 'dabs ma la sna tshogs rdo rje rtse lnga pa'i sngags kyi tshig dang bcas pa snag tshas bris la/de nyid me lce 'bar ba dang bsams nas/ de las gyur ba'i lha mo ral gcig ma zhal gcig phyag gnyis pa zangs gri dang thod pa bsnams shing mdog sngo ba skra kham ser gyen du brdzes shing thod pa gsum gyis bcings pa bsgoms la/ /mchod da bka' bsgo byus ta ba'i 'dab ma klu'i mtshor bor ro//de nas dben pa'i sa gzhan du me'i dkyil 'khor la rlung gi dkyil 'khor de'i dbus su chu'i dkyil 'khor la pad+ma 'dab brgyad bris la/ de'i lte bar chu'i lha sku stod skyes bu'i gzugs can gdengs ka bdun dang ldan zhing mdog dkar ba phyag gnyis na sbrul zhags thogs pa bri'o//shar la sogs pa'i phyogs rnams su ni a nan+ta sngo bsangs dang / bsu ka dkar po dang / tAk+Sha ka dmar po dang / karko Ta sngon po'o/ /me dang bden bral gyi mtshams su pad+ma dang pad+ma chen po skye bo'o/ /rlung mtshams su ni/ / shi kha pA la ser po'i/ /dbang ldan du ni ku li shaM sna tshogs kyi mdog go/ /de nas klu thams cad yi ge rnams las bskyed pa la sogs pa byas la bu ram dang / 'o ma la sogs pa'i klu rnams dga' ba'i lha ba shos yi ge phuHbzlas la dbul zhing / me tog sngon po dang / dwi dang ba dan sngon po ri bu la zhing / spos dang / rgya smos dang / kun du ru dang / sen mo dang / yungs kar dkar po dang / nA ga ge sar rnams kyi phye ma'am nA ga ge sar rnams kyi phye ma sha ka ra dang bcas ba'i bdug pa dang / mar las byung ba'i mar me rnams mngon par bsngags la dbul lo//de bzhin du bum pa sngon po chu sngon pos bkang ba yang dbul te/ yi ge phuHdang nang du spel ba'i sngags kyis dgug cing bcug la/ ar+g+ha sbyin pa sngon du 'gro bas de ltar mchod nas/ bcom ldan 'das kyi bkas klu khyed rnams bdag la dga' bzhin du char pho ba cig ces brjod la klu rnams nam mkha' las char 'bebs bar bsams nas/oM shu la pA ni bar+Sha pa ya shA g+h+raM oM j+yo ti ni ra na da par+Sha pa yashIg+b+raM zhes bya ba'i bskul tshig dang bcas pa'i sngags bzlas na 'bab par 'gyur ro/ /de nas kyang mi 'bab na hom khung zlum po byas la/de nyid du klu'i dkyil 'khor bris te/ spyan drangs la yi ge naM lce la bsams la ar+g+ha la sogs mchod pa sngon du 'gro bas bu ram dang bcas pa'i mar gyi dag nga blugs gsum phul la bu ram dang bcas ba'i 'o ma la sogs pa'i sbyin sreg blugs shing /oM a nan zhes bya bas byin gyis brlabs pa phul na tshim nas char 'bebs par 'gyur ro/ /de nas yang 'bab par ma gyur na/ chad pas gcad bar bya ste/ rlung dang me la sogs pa'i rim gyis dkyil 'khor bris la/ de'i dbus su stongs po che'i ting nge 'dzin bya khyung gis klu rnams kyi mjug ma brdzis ba'i steng du me dpung 'bar ba 'dra ba'i phyag brgyad kyis klu rnams gzir bar bsgoms la/oM zhes bya ba dang spel ba'i nang dang bcas pa'i sngags 'di nyid/ bar+Sha pa ya shIg+h+raM zhes bya ba'i bskul tshig dang bcas pas bsgyings te bzlas shing bsdigs na klu rnams khro bo la spag nas myos bzhin du nam mkha' las char 'babs par bsams na 'bab par 'gyur ro//ci ste des 'bab par ma gyur na de'i tshe chung ngu dang 'bring po dang / chen po'i bye brag gis klu rnams la mngon spyod bya ste/ de'i rim pa yang 'di yin no//mtshon gyis gsang pa'i ras sam dur khrod kyi ras la dug dang ske tshe dang / lan tshwa dang / mar nag dang / tsha ba rnams kyis ral gri'i 'khor lo'i lte ba la pad+ma 'dab brgyad bris te/ 'dab ma rnams la klu rnams kyi snying po dang / lte bar paM zhes bya ba hUM dang spel ba bris la/chu 'gram gnyis kyis dang dur khrod kyis dang thal ba dang grog mkhar gyis dang / shing gcig pa'i drung gis rnams bshang gci dang bcas pa rnams las klu'i gzugs brnyan byas la snying gar ras ma bcug ste/ dgug pa sngon du 'gro bas tsha ba gsum dang /ske tshes byugs la/ hom khung gru gsum dur khrod kyi shing bu la me swar te/ gzugs brnyan me la gdung zhing sngags brgya rtsa brgyad bzlas na 'bab par 'gyur te chung ngu'o/ /'bring po ni des kyang ma phebs na/ sa gzhi 'di nyid du klu'i dkyil 'khor bris la/ gos sngon po dang cod pan sngon po bcings pa'am gcer bu yang rung ste/ nyi ma la gnas pa'i rdo rje 'bar bas mtshan pa'i rkang pa g.yon pas gzugs brnyan gan rkyal du bzhag ste mnan la bsgyings pa dang bcas pa'i phaT ces bya bas spyi bor dral la nam mkha' las khrag gi char 'bab par bsams nas snga ma ltar naM brgyad dang spel zhing /brA pa ya shIg+h+raM zhes bya ba'i bskul tshig dang bcas pa'i sngags bsgyings shing khro bo'i tshig bzlas na 'bab par 'gyur ro/ /chen po ni des kyang 'bab par ma gyur na/ dug dang lan ch+wa dang / ske tshe dang / da du ra rnams las klu'i gzugs brnyan byas la/seng ldeng gi phur bu sor dgu pa snying gar btab ste/ hom khung gru gsum par shan pa'i me'am/ dur khrod kyi me phus zhes bya ba swar la/ me'i nang du stobs po che spyan drangs te bsgoms nas/ lus bshang gcis byugs shing kha lhor bltas la stobs po che khro bo'i zhal gdangs shing lce la hUM gis byin gyis brlabs la gzugs brnyan gyi mjug mnas brtsams te mtshon rnon pos gtubs nas sbyin sreg brgya rtsa brgyad dbul zhing sngags lugs las bzlog ste bzlas na 'bab pa//ci ste lan gsum gyis 'bab par ma gyur na de'i tshe stobs po che nyid kyis nyas pa drug dang /ske tshed dang du rar bcas pa las stobs po che'i gzugs brnyan byas la bkug nas bdag nyid gnod mdzes su bsgoms te/ nyi ma la gnas pa'i rdo rjes mtshan pa'i rkang pas gzugs brnyan gan rkyal du mnan te/bar+Sha pa ya shA+e g+h+raM zhes bya ba'i bskul tsheg dang bcas pa'i hUM bzhi'i sngags lan bzhi khrir bzlas na/ stobs po ches char 'bebs su 'dzud do/ /des kyang ma phebs na de'i tshe [(]mdon [,]mngon [)]spyod kyi thab khung du gnod mdzes rgyal po spyan drangs te/ hUM gis mtshan pa'i zhal gdangs par bdag nyid gnod mdzes su bsgoms nas/gzugs brnyan snga ma nyid ts+chin+da ts+lin+da zhes tshig dang bcas pa'i hUM bzhi pa'i sngags kyis gtub cing lan khrir sbyin sreg byas na gdon mi za bar stobs po che nyid kyis char 'bebs so zhes sbyor ba thams cad la grags so//char bab nas klu rnams dang stobs po che dbugs dbyung ba'i phyir/ hom khung dkar po zlum bor rnam par snang mdzad la sogs pa'i zhal du de'i sngags nyid kyis mar dang 'o ma la sogs pa'i sbyin sreg khri byas na gdon mi za bar zhi phar 'gyur ro//char shin tu ches pa la ni sngar bstan pa'i mngon spyod kyi thab khung du dpa' rdo rje sems dpa' la phul ba'i me tog rnying pa dang ras bal gyi sbyin sreg lan brgya phul na 'chad par 'gyur ro/ /ya tsa li ni de kho na nyid kyi don to/ /ka na zhes bya ba ni de la blos blta pa'o//tse ta tse ta zhes bya ba ni pho nya ltar bka' bsko pa thams cad 'gugs pa'i phyir ro/ /mo ta mo ta zhes bya ba ni lag pa'i shugs kyis ri po zhes bya ba dang sbyar ro/ /tu ta tu ta zhes bya ba ni de kho na nyid mthong ba'i mtshon chas ma rig pa'i skud pa ring por zhes sbyar ro/ /'dir sbyor ba ni 'di yin te/skyes pa'i thod pa la rkang pa g.yas ba'i mdzub mo'i khrag dang lan tshwa dang / mar nag dang tsha ba rnam pa gsum gyis lha chen po la sogs pa'i chung ma dang bcas pa'i gzugs bris la rdo rje mi g.yo ba'i rnal 'byor gyis de nyid kyi sngags zlos shing dgug pa'o/ rlung gi dkyil 'khor sbyor ba yis/ /seng ges bskyon pa'i chog bya/ /zhes bya ba ni yaM las bskyed ba'i rlung las so las bskyed pa'i seng ge'i rgyab tu bskyon te lcags kyu dang / zhags pa thogs pa'i lhas dgug par bsam pa'o/ /sum+b+ha ni sum+b+ha zhes bya ba ni bod pa ste/ sgrib pa thams cad 'dzoms pas ni sum+b+ha'o//ma lus bar 'joms pas na ni sum+b+ha'o/ /gr-ih+Na graMh+Na zhes bya ba ni rang gis zung shig pa/ /grih+Na pa ya gr-ih+Na pa ya zhes bya ba gnyis ni gzhan 'dzin du chug shig pa'o/ /A na ya ha'o zhas bya ba ni de nyid khrid la shog shig pa'o/ /ho shes bya ba ni gus pa dang bcas pa'i bod pa'o//hUM phaT ces bya ba ni gsad pa'i phyir bod pa'o/ /yang na hUM bzhi'i bka' bsgo ba'o/ /phaT ces bya ba ni 'gog par byed pa'o/ /Tak+ki hUM zhes bya ba la Tak+ki ni 'dod pa'o/ /hUM zhes bya ba ni khro bo'o/ /dzaHzhes bya ba ni 'gugs pa ste/ /ji skad du bde mchog bla ma las/Tak+ki rtag tu 'dod par gsungs/ /hUM zhes bya ba khro bor brjod/ /dzaHni 'dren par rab tu bshad/ /ces so/ /oM saMt+ta pa tra zhes bya ba ni chos kyi dbyings rnam par dag pa'o/ /pim la zhes bya ba ni nyon mongs pa'i mtshan ma'i dri ma dang bral ba'o/ /shaM kar zhes bya ba ni chos kyi longs spyod kyi dge ba'i 'byung gnas su gyur ba'i phyir ro//pra t+yaM gi ra badzra zhes bya ba ni tshul ma yin pa thams cad rlog par byed pa'i phyir ro/ /ts+tshin+da ts+tshin+da zhes bya ba ni gzhan gyi sngags dang sbyar ro/ /b+hin+da b+hin+da zhes bya ba ni phyag rgya thams cad dang sbyar ro/ /tsi ri tsi ri zhes bya ba ni rtsa ba las gsod pa'i don rnams dang sbyar ro//gi ri gi ri ni slon par byed pa'o/ /ma ra ma ra zhes bya ba ni mi snang bar gyis shig pa ste/ gzung ba dang 'dzin pa stong pa nyid gyis bdud rnams nam mkhan dang mnyam pa'o/ /de nyid kyi phyir chos kyi dbyings la/ yul dang yul can med pa'i phyir hUM bcu smos so//gnas gsum ltung ba'i phyir phaT gsum smos so/ /bdag nyid ces bya ba la sogs pa la bdag nyid bsrungs na gtsug tor 'khor los sgyur ba'i rnal 'byor gyis srung ba'i 'khor lo'i dbus su gnas nas/ rang gi snying ga'i 'khor lo'i lte bar hUM gi thig le rang gi gzugs sam gzhan bsams nas 'khor lo g.yon du bskor bar bsams na bsrung bar 'gyur te/gzhan yang de bzhin no/ /dpung par rig pa bzung nas ni/ /zhes bya ba 'khor lo rtsibs bcu pa'i rtsibs rnams la/ hUM bris shing lte ba la ming bris nas mu khyud la phreng ba'i sngags man ngag ji lta ba bzhin bris te/dpung par gdags par bya'o/ /khro bo chen po zhes bya ba la sogs pa la/ snying po zhes bya ba ni dam pa'i don to/ /ci zhig ce na/ sngags rnams te/ le'u gang du de dag la 'jug pa yod pa de dag la de skad ces bya'o/ /mkha' 'gro ma rdo rje dra ba'i dga' 'grel de khon nyid rgyus pa las le'u bzhi pa'i rnam par bshad pa'o// //de nas bcom ldan rdo rje can/ /rdo rje sems dpa'i snying la zhugs/ /zhes bya ba ni sngags kyi lha thams cad la bya ba'i son to/ /sangs rgyas sku zhes bya ba ni mngon par byang chub pa lngas rdo rje sems dpa'i sku rdzogs pa'o//rdo rje sems dpa' zhes bya ba ni dpal he ru ka'o/ /gzhan la yang de ltar blta'o/ /sangs rgyas gzugs las byung ba'i dkyil 'khor zhes bya ba ni bsdus pa'i dkyil 'khor la/ rtag pa la sogs pa'i dkyil 'khor ba rnams kyi gtso bo ste bdag po'o//sngags rnams zhes bya ba ni sngags kyi lta rnams so/ /snying gar ye shes dam tshig bzhugs/ /zhes bya ba ni ye shes sems dpa' sa bon dang / mtshan ma'i tshul gyis snying gar dgod pa'o/ /ye shes sems dpa'i rab sbyor bas/ / zhes bya ba ni dam tshig gi dkyil 'khor dang ye shes kyi dkyil 'khor gcig tu sbyor zhing bsreg pa'o/ /sgra la rnam gsum zhes byas nas/ /zhes bya ba ni 'dod chags zhe sdang dang gti mug skyed par byed pa'i bde ba dang sdug bsngal dang btang snyoms kyi yul rnams so/ /bsrung pa'i dam tshig dbus gnas pa//zhes bya ba ni b+h+rUM las bskyed pa'i 'khor lo ser po rtsi bas bcu la khro bo bcu gnas pa'i dbus su'o/ /dkyil 'khor lnga zhes bya ba ni bsdus pa'i dkyil 'khor ro/ /nyi shu rtsa lngar phye ba yi/ /rdul tshon gyis kyang zhas bya ba ni skud pa bsdu bar bya'o//nyi shu rtsa lnga ni rnam pa nyi shu rtsa lnga ste/ /rtag pa la ni sngon po dang ser po dang dmar po dang ljang gu dang dkar pa'o/ /nyi ma la ni dkar po dang / sngon po dang / dmar po dang / ljang gu dang / ser po'o/ /gar gyi dbang phyug la ni dkar po dang / ser po dang / sngon pa dang //ljang gu dang / /dmar po'o/ /rta mchog la ni dkar po dang / ser po dang / dmar po dang / sngon po dang / ljang gu'o/ he ru ka la ni dkar po dang / ser po dang / dmar po dang / ljang gu dang / nag po ste/ 'dir ni sangs rgyas mgon po rnams/ /gang zhig dbus gnas dkyil 'khor yin//zhes smos pas so/ /'dir sems gtso bo nyid du bstan pa'i phyir/ bsdus pa'i dkyil 'khor gyi gtso bo he badzra nyid yin par bstan mod kyi/ gzhan dag kyang dgag pa ma yin te/ gnas 'pho ba dang / brtan pa'i rim gyis ji ltar 'dod pa bzhin gzung bar bya'o//de nyid kyis na gtso bo'i bye brag gis sa'i cha'i kha dog gzung ngo / /dkyil 'khor re re bsgom pa'am/ /zhes bya ba ni dkyil 'khor so so'i rim pas bsgom pa'o/ /yang na bsdus pa'i dkyil 'khor te/ /zhes bya ba ni bsdus pa'i dkyil 'khor te/ 'khor los sgyur ba lnga dbus su gyur pa'i dkyil 'khor lnga bsgom pa'o//brgyad brgyad kyi ni dbus bzhugs pa'am/ /zhes bya bde nyid kyi bshad pa ste/ ma mo brgyad brgyad kyis bskor ba'i 'khor los sgyur ba lnga rnams bsdus pa'o/ /sgo skyong ma rnams sgor dgod pa/ /de tsha bsdus pa'i dkyil 'khor yin//zhes bya ba ni dkyil 'khor chen po lag na lcags kyu thogs pa la sogs pa'i lha mo rnams sgor dgod ngo zhes bya ba'i don to/ /nya dang rgyal po zhes bya ba la/ nya ni ro hi ta'i nya'o/ /rgyal po ni sprul gyi rgyal po'o/ /'gro ba rnams kyi rab mchog ne/ /mi rnams kyi ni 'gro ba ste//zhes bya ba ni mi rnams kyi 'gro ba la brten nas nges pa'i rigs can dang ma nges pa'i rigs rnams kyis mngon du dang rim gyis kyang / byang chub rnam pa gsum thob par 'gyur gyi 'gro ba gzhan gyis ni ma yin te/ de rnams skye gnas dang shes rab dman pa'i phyir ro/ / de nyid kyis na mi rnams kyi 'gro pa gya nom pa nyid do/ /glang po la sogs nad rnams bsnams/ /zhes bya ba ni phyag g.yas kyi thod pa na bsnams ni nad yin la/ /don gyis nag yon pa rnams ni sman yin no zhes bya ba'i don to/ /nad thams cad dbugs dbyung zhing rab tu zhi ba rdo rje zhes bya ba la nad thams cad rab tu zhi bas de dbugs dbyung ba gang du ston pa de la re skad ces bya'o//mkha' 'gro ma rdo rje dra ba'i dka' 'grel de kho na nyid rgyas pa las/ le'u lnga pa'i rnam par bshad pa'o// //lus rnams thams cad 'dzin pa po/ /zhes bya ba ni sngags kyi lha thams cad 'dzin pa'o//sems ni rjes dran zhes bya ba la sogs pa dkyil 'khor gyi lha spros ba'i dus dang mtshan ma lnga thob nas rdo rjes phra mo spro ba'i rim gyis rjes su dran pa bstan pa'o/ /rdo rje sems dpa' rnam bsgoms nas/ /zhes bya ba ni dgyes pa rdo rje bsgom pa'o//phyag rgya bzhi yis rgyas gdab pa/ /zhes bya ba ni sku gsung thugs dang / sa bon dang mtshan ma'i tshul gyi ye shes sems dpas so/ /yang na lte ba dang / snying ga dang / mgrin pa dang / mgo bo'i sgo rnams su drug cu rtsa bzhi dang / brgyad dang / bcu drug dang / sum cu rtsa gnyis kyi 'dab ma can gyi pad+ma/ spul ba dang / chos dang / longs spyod dang / bde ba chen po'i 'khor lo la ris bzhin du/ aM dang hUM dang oM dang haM gis byin gyis brlabs pa'o/ /rtag pa la sogs pa la yang de bzhin no/ /zhe snga nga rgyal po che zhes bya ba ni dgyes pa'i rdo rje'o//zhe sdang thams cad zad mdzad pa/ /zhes bya ba ni gnyis dang bral ba'i rang bzhin no/ /spro ba'i sbyor bas bsgom bya zhing / /rab tu bsdu ba bstan pa ste/ zhes bya ba ni/ /rang gi sku'i sprin nam mtshan ma'i sprin sngags kyi thig le las spro zhing bsdu ba ste/thig le phra mo dang rjes su dran pa rnams bsdu ba'o/ /rdo rje sems la mi phyed pa/ /zhes bya ba ni dgyes ba'i rdo rje la sna tshogs rdo rjes dbu rgyan bya'o/ /de bzhin du rtag pa ni chos kyi 'khor lo'o/ /nyi ma la ni rdo rje rin chen no/ /gar gyi dbang phyug la ni pad+ma'o/ /rta mchog la ni ral gri'i dbu rgyan du shes bar bya'o//dpag tshad bye ba zhes bya ba ni grangs med par mtshon pa'o/ /sangs rgyas nga rgyal la dmigs bya/ /zhes bya ba ni/ bdag nyid sangs rgyas kyi rang bzhin du mos pa'o/ /chos kyi dbyings ni 'od gsal bar/ /gang phyir bsgoms bde yis ni//sems can sangs rgyas dang mnyam 'gro/ /zhes bya ba ni sangs rgyas kyi sku 'od gsal zhing sgyu ma ltar bsgoms pas sangs rgyas nyid du 'gyur bas so/ /bden min rtog pa'i rnam rtog gis/ /sems ni dri ma can du byas/ /zhes bya ba la/ /bden min rtog pa ni bdag dang bdag gi bzung ba dang 'dzin par zhen pa'o//de nyid ni rnam par rtog pa ste rnam pa sna tshogs su zhen ba'i blo gzhan gyi dbang gi ngo bo nyid da/ des sems kyi rin po che sbags pa'o/ /ji ltar nam mkha' zhes bya ba ni nam mkha' khug rna la sogs pa dang bral ba ltar glo bur gyi dri ma dang bral ba'o//'jig med pa zhes bya ba ni rang bzhin gyis brtan pas brtags pa'o/ /sems kyi rin chen rab tu bsgul/ /zhes bya ba ni bden pa'i don bsgoms pa'o/ /ci ste phyi rol gyi ka ba dang bum pa la sogs pa snang ba ni yod pa nyid dmigs pa yin ta/ gang na seng ge gnas pa der seng ger snang pa skye'i/med pa'i phyogs su ni ma yin no zhe na/ 'khrul par bstan pa'i rin po che sems zhes bya ba smos te/ 'di'i don ni rmi lam la sogs pa dang 'dra bar don med bzhin tu yang sems 'ba' zhig don du snang gi gnyis yod nas snang ba ni ma yin no zhes bya ba yin no//khyams gsum gyi ni rgyal srid che/ /zhes bya ba ni longs spyod rdzogs pa dang sprul pa'i sku'i khams gsum gyi bdag por gyur pa'o/ /rdo rje sems dpa'i snying po rab gsal ba/ /zhes bya ba ni chos thams cad bdag med pa'o/ /mkha' 'gro ma rdo rje dra ba'i dka' 'grel de khon nyid rgyas pa las/le'u drug pa'i rnam par bshad pa'o// //de nas rdo rje zhes bya ba ni nam mkha' lta bu'i chos kyi sku'i bdag nyid do/ /rnam pa lnga po bsgom par bya/ /zhes bya ba ni/ A li bco lnga las byung ba'i zla ba dang / kA li sum cu rtsa bzhi sas byung ba'i nyi ma sangs rgyas thams cad gyi yon tan skar ma lta bu zhugs pa dang /aM dang / hUM las byung ba'i zangs gri dang / thod pa dang / rnal 'byor ma rnams kyi 'khor lo spro ba dang bsdu ba dang / rdo rje 'dzin pa'i gzugs su bskyed pa dag bsgoms pa'o/ dkyil 'khor ji lta ba'i tshul bzhin du dgod ces bya ba ni rang lhag pa'i sku las dkyil 'khor pa rnams spro zhing bsdu ba'o/ /'byung bzhi'i dkyil 'khor zhes bya ba ni sa la sogs pa'i dkyil 'khor ro/ /de lte sangs rgyas bsams nas su/ /zhes bya ba ni/ b+hUM las rnam par snang mdzad du bskyed pa'o//mi phyed pa zhes bya ba ni ye shes thams cad mi phyed cing rang bzhin dbyer med pa ste/ 'dis ni phreng ba dang chu'i dbang bskur ba'i rnam par dag pa shin tu rnam par dag pa chos kyi dbyings dang me long lta bu'i ye shes kyi chus mi shes pa'i dri ma 'khru bar bshad pa'o//skye ba med cing 'jig pa med/ /ces bya ba ni rtag chad dang bral ba ste/ 'dis ni ming gi dbang gi rnam par dag pa chos kyi dbyings kyi rnam par dag pa'i ye shes su bstan to/ /rin chen zhes bya ba ni sangs rgyas rnams so/ /bla ma'i bla zhes bya ba ni nga rgyal chen po bla na med pa'i phyir ro//'dis ni rang gi bdag pos mtshan pa'i rin po che sna tshogs kyi cod pan dbang mnyam pa nyid kyi ye shes su rnam par dag pa bstan to/ /'dod chags la sogs mtshan nyid 'dzin pa'i phyir/ /zhes bya ba ni so sor rtog pa'i ye shes kyis chos rnams kyi chos nyid la chags shing rdo rje 'dzin pa'o//'di sa ni rdo rje'i dbang bskur ba rnam par dag pa bstan to/ /dngos grub 'bras bu ra ster ba/ zhes bya ni bya ba nan tan gyi ye shes kyi don yod pa'i 'bras bu ster ba ste/ shes rab [(]gyi [,]kyi [)]dbyangs kyis 'jig rten gyi khams ma lus par khyab pa'o//'dis ni bdag po'i dbang gi rnam par dag pa bstan to/ /rig pa'i tshig rdo rje zhes bya ba ni de dag ma rig pa bzlog pa'i rang bzhin can no/ /bum pa'i dbang ni dang po ste/ /zhes bya ba la sogs pa ni gsang ba gsum gyi rang bzhin can no/ /de nas de ltar de bzhin min//zhes bya ba ni/ mtshon par bya ba'i de kho na nyid kyi ye shes ji lta bu bzhin du mtshon par bya ba ye shes ma yin pa ste/ de ni rgya che ba dang / zag pa med pa dang / rgyun du 'byung ba'i phyir ro/ /rdo rje sa bon zhes bya ba la/ rdo rje ni de bzhin gshegs pa rnams so/ /sa bon ni zhu ba'i gzugs su gyur ba'o//rigs kyi ming zhes bya ba ni so so'i rigs kyi sngags 'dod pa'o/ /mkha' 'gro ma rdo rje dra ba'i dga' 'grel de kho na nyid rgyas pa las le'u bdun pa'i rnam par bshad pa'o// //zhe snang rdo rje khyod ces bya ni gnyis zad pa'i rang bzhin can te 'joms pas na zhe sdang ngo //rnam dag thugs zhes bya ba ni/ /sgrib pa thams cad zad pa'i phyir ro/ /gti mug rdo rje zhes bya ba ni gnyis su mi shes pa'i phyir ro/ /dag pa'i sku zhes bya ba ni mi chen po'i mtshan sum cu rtsa gnyis dang / dpe byad bzang po brgyad cus brgyan pa'i phyir ro/ / dam pa'i so sor rtog pa zhes bya ba la/ dam pa ni sangs rgyas rnams so/ /so sor rtog pa ni rnam pa thams cad mkhyen pa'i ye shes so/ /sangs rgyas kun gyi gzugs kyis zhes bya ba ni lus med pa'i gzugs kyis sprul pa'i sku ston par byed pas so/ /phyag rgya chen po zhes bya ba la sogs pa la/ci ste rang gi rang bzhin gyis ma dag pa 'ga' yang yod pa ma yin no/ gang zhig gang gis dag bar byed/ /ji ltar dag par byed snyam ba la/ gang tshe 'gal ba'i dngos po yod min yang / /zhes bya ba la sogs pa smos so/ /'gal ba'i dngos po ni ma dag ba'i dngos po'o//gang tshe zhes bya ba ni don dam pa'i dbang du byas pa'o/ /de'i tshe sbyang bar bya ste zhes bya ba ni kun rdzob kyi bden pa'i dbang du byas pa ste/ kun rdzob kyi bden pa la chu'i rnyog pa dang nor bu ltar dri ma sbyong ba la sogs pa srid do zhes bya ba'i don to/ /'khor lo zhes bya ba ni dkyil 'khor gyi 'khor lo ste lam gyi bden pa'o//'on ji ltar don dam pa'i bden pa gzung zhe na/ chos nyid rang bzhin tsam du rnam par bsgom/ /zhes bya ba la sogs pa smos te/ tsam zhes bya ba ni spros pa rnam par gcad pa'o/ /rnam par bsgom zhes pa ni chos nyid rang gi lha'i sku rang bzhin bsgom pa ste lus gcig tu bsgoms pa'o//rnam par dpyad na chos nyid dngos por bden pa min/ /zhes bya ba ni bden pa ni de kho na nyid kyi dngos pa'o/ /rnam par dpyad pa ni rten cing 'brel par 'byung ba la sogs pa'i mtshan nyid bsams na'o/ /yod pa ma yin zhes bya ba ni gnyis rnam par dpyad na'o//'jig rten 'gro ba bsam par nus ma yin/ /zhes bya ba la 'jig rten ni sangs rgyas rnams so/ /'gro ba ni ye shes te/ bsam par mi nus pa ni bsam gyis mi khyab pa'i spyod yul yin pa'i phyir ro/ /ma mo'i dkyil 'khor zhes bya ba ni rnal 'byor gyi 'khor lo'o//zhal bzhi zhes bya ba ni zhal dbus ma ni ser pa'o/ /de nas sgo skyong ma rnams dgod/ /ces bya ba ni lcags kyu dang lcags sgrog ma la sogs pa dgod pa'o/ /'og tu gnod mdzes rab bsgom bya/ /zhes bya ba ni kha dog sngon mor ro/ /gtsug tor rnam par rgyal ma zhes bya ba ni kha dog ser mo'o//tA re zhes bya ba na 'khor ba las sgrol pa'o/ /tut+tA re zhes bya ba la tu ta ces bya ba ni nges pa'i tshig gi tshul du cig shos phyin zhes khyod ces bya bar 'gyur la/ tA re ni sgrol ma'o/ /tu ra zhes bya ba ni chos thams cad la longs spyod pas tshim par byed pa'o//gtum po'i sa bon zhes bya ba ni ske tshe'i sa bon no/ /rdo rje chu zhes bya ba ni khu ba'o/ /rdo rje nyi ma zhes bya ba ni zla mtshan no/ /rta mchog ces bya ba ni sha chen po'o/ /pi tsu pi tsu zhes bya ba ni shin tu phra mor g.yeng ba ste/ ras bal dang chos mthun pas na/ phra mor 'bugs pa'i shes rab bo//dz+wa la dz+wa la zhes bya ba ni de nyid sems 'od gsal ba'i phyir ro/ /d+hi ri d+hi ri zhes bya ba ni brtan pa ste dran pa ma nyams pa'o/ /'jig rten spyod pa'i lugs kyi zhes bya ba la lugs ni gnas pa ste/ tha ma la pa'i tshul gyis nye bar gnas pa'o/ /mchog ces bya ba ni dam pa'o/ /byang chub yan lag de dang bcas//zhes bya ba la/ /byang chub yan lag ni bu mo rnams so/ /ho zhes bya ba ni gang gi phyir zhes bya ba dang nyid ces bya bar yang 'gyur te/ sgeg mo la sogs pa'i lag pa'i phyag rgya dang bcas pa'i byang chub kyi yan lag nyid kyis mchod pa ni dam pa ste/ de kho na nyid ston pa'i phyir ro//tshangs pa'i thig las cha gnyis bor/ /zhes bya ba ni sgo'i phyed spangs pa'o/ /cha drug ces bya ba ni cha drug go /sgo'i cha gnyis bor zhes bya ba ni sgo'i tshad gnyis zhes pa'i don to/ /cha brgyad kyis sgo gnyis ldang na dgu ci smos zhes bya ba dgu'i dkyil 'khor du sgo gnyis kyi bar bcad pa'i don du cha dgu smos pa'o//cha dgu zhes bya ba ni cha dgu pa'o/ /mkha' 'gro ma rdo rje dra ba'i dka' 'grel de kho na nyid rgyas pa las/ le'u brgyad ba'i rnam par bshad pa'o// //rig pa 'dzin pa zhes bya ba ni na bza' dang thor tshugs la sogs ba'i rgyan gyis 'bar zhing byams pa la sogs pa'i yid dad ldan pa'o//g.yas brkyang thabs kyi sbyor ba yis/ /zhes bya ba ni dang po ste/ phyi nas ci bde bar bya ba'o/ /rdo rje se gol sbyor ba yis/ /zhes bya ba ni lag pa gnyis dang dpung mgor rdo rje bcing ba byas la/ badzra sa mA dzaHdzaHzhes bya brjod cing mdzub mo gnyis lcags kyu ltar bkug nas mthe bong dang /gud mo se gol brdebs pa'o/ /rdo rje yi ge zhes bya ba ni yaM gis bon gang yin yang ngo / /rdo rje dkyil 'khor zhes bya ba ni rlung gi dkyil 'khor ro/ /rdo rje spungs pa zhes bya ba ni sa bon raM las byung ba'i me'i dkyil 'khor ro/ / rdo rje smin pa zhes bya ba ni nyi ma la gnas pa'i hUM yig gis bskyed pa'i rdo rje aM gis mtshan ba'i bdud rtsi smin par bya ba'o/ /nam mkha'i dbyings kyi dbus gnas pa/ /zhes bya ni nam mkha'i khongs su chud par gnas pa'o/ /chos 'byung grong khyer zhes bya ba ni/ rang gi 'do kyi rig ma'i pad+mar me'i dkyil 'khor la gnas pa'o//rdo rje ser mo zhes bya ba ni rang gi khro bo'i rdo rje'o/ /lhag ma ni bla ma'i kha las shes par bya'o/ /du ra du ra zhes bya ba ni brod cig pa'o/ /ts+chin+da ts+chin+da zhes bya ba ni de nyid gsal bar byed pa'o/ /hU~M zhes bya ba ni nges par 'joms pa'o/ /dar zhes bya ba ni bstan ba'o//dA ra ma zhes bya ba ni bshad pa'o/ /duSh+Ta naM marda ya marda ya zhes bya ba ni rdo rje lta bas mi snang bar gyis shig pa'o/ /badzrad+h+r-i ka ces bya ni gnyis su med pa'i ye shes de'i rang bzhin gyis 'dzin pa ste/ de yang gsang ba 'dus pa las/ /rgyu lnga dag tu rig pa ni/ /rdo rje zhes byar brjod pa ste/ /ng+h+r-ika ces bya ba 'dzin par bshad//rnam shis rdo rje 'dzin par 'dod/ /ces gsungs so/ /de la rgyu zhes bya ba ni gzung ba rnams so/ /rig ba zhes bya ba ni 'dzin pa rnams so/ /lnga zhes bya ba ni lnga lnga ste bcu'o/ /rdo rje zhes bya ba ni de dag bsdus nas sems kyi rang bzhin gcig pa'o/ /'dzin pa zhes bya ba ni gnyis su med pa'i ye shes de'i rang bzhin gyis 'dzin pa'o//rnam shes zhes bya ba ni rnam par shes pa'i phung po ste/ sangs rgyas rnams kyi zag pa med pa'i rnam par shes pa'i tshogs so/ /badzra nA ma zhes bya ba ni ming yin la/ de'i sa ma ya ni gdul bya'i sems can thams cad la rjes su chags pas lta ba'o/ /hu lu hu lu zhes bya ba ni 'gro ba ste//bla na med pa'i lam du zhugs pa'o/ /A ro l-ikra ces bya ba ni 'di yang gsang ba 'dus pa de nyid las/ thams cad nas ni thams cad kun/ /mtshan cha'i mtshan nyid mtshon pas na/ /rol pa po la sogs pa kun/ /A ro l-ikra ces bya bar bshad//ces gsungs te/ de la thams cad ces bya ba ni rol pa po ste 'du shes so/ /thams cad kyi zhes bya ba ni rol bar bya ba ste/ mtshon bya'i dngos po rnams so/ /kun zhes bya ba ni mtshan nyid de 'du shes kyi khongs su chud pa'o/ /'du shes ci 'dra zhe na/ mtshan ma med par khongs su chud bar bstan pa'i phyir//A ro l-i kra ces bya ba smos te/ nges pa'i tshig gi tshul du ni A zhes pa ni bdag ste/ rol pa po'o/ /ro zhes bya ba ni mtshon par byed pa'o/ /l-ikra ces bya ba ni mtshan nyid khongs su chud pa'o/ /sha shwa ta zhes bya ba ni ming ngo / /par ma sha shwa ta zhes bya ba ni mchog tu rtag pa ste/longs spyod rdzogs pa'i skur 'khor mor 'jug pa'o/ /e h+ye hi zhes bya ba ni tshur spyon cig pa'o/ /dzi na dzikra ces bya ba ni yang gsang ba 'dus pa'i bshad pa las/ yod med dbus las 'das pa ste/ /'byung dang 'byung las gyur las 'byung / /sems can kun gyi lus rnams ni//bskyed las rgyal ba dzin dzikra/ /ces gsungs te/ de la yod pa zhes bya ba ni sems can phyi rol du gyur ba'i don dang skye ba'o/ /med pa zhes bya ba ni nang 'dzin pa dang 'gag pa'o/ /dbus zhes bya ba ni bar dang gnas pa ste/ de dag dang bral ba'o/ /ci zhig ce na/ 'byung dang 'byung las gyur las 'byung //zhes bya ba ste/ zag pa med pa'i gzugs kyi phung po'o/ /sems can kun zhes bya ba ni sangs rgyas rnams so/ /lus zhes bya ba ni gsang ba'i sku'o/ /skyed pa zhes bya ba ni skye ba'o/ /rgyal ba zhes bya ba ni nges bar bstan pa ste/ nges pa'i tshig gi tshul gyis ni dzin dzikra go//badzra sUr+ya zhes bya ba ni ming ngo / /to mo bid ya na zhes bya ba ni nga rgyal gyi dbye ba rnam pa drug gi mun pa sel bar byed pa'o/ /sam ya stAM haM zhes bya ba ni sangs rgyas thams cad mnyam pa nyid kyi bdag nyid can no/ /rat+na d+h+r-ika ces bya ba ni yang gsang ba 'dus pa'i bshad pa las/don rnams thams cad 'byung bas na/ sems ni rin chen zhes byar bshad/ /rig pa pos des rig pas na/ /tshor ba rin chen 'dzin par 'dod/ ces gsungs te/ de la sems zhes bya ba ni sems nyid do/ /ci 'dra zhe na/ don rnams thams cad 'byung bas na sangs rgyas dang byang chub sems dpa'i yon tan ro gcig par 'byung pa'o//de nyid ni rig pa ste de kho na nyid kyi rig pa po'o/ /nges pa ni gdon mi za ba'o/ /rigs ni nyams su myong ba ste/ sems kyi rang bzhin tshor ba'i yul lo/ /tshor ba ni mnyam pa nyid rig pa'i rang bzhin te/ nges pa'i tshig gi tshul gyis na rat+na d+h+r-ikra go//phu phu phu hi hi hi zhes bya ba ni rang bzhin gyi rta'i skad do/ /yang na phu zhes bya ba ni spros shing 'phur bar ro/ /hi zhes bya ba ni rta ltar 'gro ba ste sbrul ba'i sku thams cad du 'gro ba'o/ /pradz+nyaMd+h+r-ikra ces bya ba ni yang gsang ba 'dus pa'i bshad pa las/ rab tu gsal bas rnam shes ni//pradz+nyA zhes byar brjod pa yin/ /sems ni 'du byed kyis 'dzin pas/ /shes rab 'dzin pa zhes byar 'arjod/ /ces gsungs te/ /de la rab tu gsal zhes bya ba ni rang bzhin gyis 'od gsal ba'o/ /ci zhig ce na rnam shes te/ nges pa'i tshig gis ni dz+nyA zhes bya ba ni rnam shes yin la/phra zhes bya ba ni 'do gsal ba'o/ /'du byed ces bya ba ni 'du byed kyi phung bo ste/ ci 'dra ba zhig ce na/ sangs rgyas rnams kyis brtson 'grus kyis gus par de kho na nyid sems pa'o/ /mkha' 'gro ma rdo rje dra ba'i dka' 'grel de kho na nyid rgyas pa las/le'u dgu pa'i rnam par bshad pa'o// //rdo rje'i mig gis zhes bya ba ni thogs pa med pa'i spyan gyis so/ /rdzu 'phrul sna tshogs dra ba yis/ /zhes bya ba ni lhag par mos pa dang / mngon du phyogs ba dang / mngon par 'du byed pa med pa dang ldan pa'i rdzu 'phrul lo//de la lhag par mos pa ni sems can rnams sangs rgyas kyi gzugs dang / sangs rgyas rnams kyang sems can gyi lus dang dbyer med par mos pa'o/ /mngon du phyogs pa zhes bya ba ni nam mkha' las bang mdzod la sogs pa ston pa'o/ /mngon par 'du byed pa med pa zhes bya ba ni skye ba dang /byang chub pa zhes bya ba dang / chos kyi 'khor lo bskor ba la sogs pa lhun gyis grub par ston pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu pa'i rnam par bshad pa'o// //zhi ba'i sems zhes bya ba ni rab tu dang ba'i sems so//dbang bskur ba zhes bya ba ni rnam par snang mdzad la sogs pa'i kha dog dkar po lha'i rnal 'byor la gnas nas/ spre'u dang 'dra ba la sogs pa ni nad bcom ste/ rang gi snying ga'am shes rab kyi pad+mar bsgrub par bya ba chu'i dkyil 'khor la bzhag ste/bum pa dkar po thogs pa'i bdud rtsi'i rgyun gyis dbang bskur nas/ sangs rgyas thams cad kyi rdul phra rab kyis bsgrubs pa'i lha'i skur ba lta'o/ /rgyas pa'i sems zhes bya ba yid do/ /'dir yang rdo rje nyi ma'i rnal 'byor gyis dbang chen gyi dkyil 'khor la gnas pa'i bsgrub par bya ba la/bum pa ser po'i chu rgyun gyis dbang bskur ba sngam bzhin no/ /rjes su chags pa'i sems zhes bya ba ni zhen pa'i sems te/ gar gyi dbang phyug la sogs pa'i rnal 'byor la gnas nas bum pa dmar po'i chu rgyun gyis dbang bskur ba snga ma bzhin no/ /gdug pa'i sems zhes bya ba ni gdug pa mi gdug pa mi bzod pa ste/mi bzad pa'i sems so/ /mi ni sprin tshogs kyi char bas gsod par byed pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu gcig pa'i rnam par bshad pa'o// //ri sul tshang tshing zhes bya ba ni 'dab na gnas pa'i bkad sa'o//yang na byang chub kyi sems myang ba las mi g.yo ba'i phyir ri sul ni shes rab bo/ /tshang tshing phug ni de'i chos 'byung ba'i nang du chud pa'i pad+ma'o/ /me tog 'bras bu la sogs brgyan/ /zhes bya ba la me tog ni sngon gyi las so/ /'bras bu ni de'i tshe 'di'i lus te/rnam par smin pa yin pa'i phyir ro/ /yang na me tog gi rdul lo/ /sogs kyis ni na so la sogs pa gzung bar bya'o/ /byang chub kyi sems zhes bya ba la sogs pa la ci ste gzung ba dang 'dzin pa la sogs pa'i dngos po brtags pa nyid kyis na ji ltar don dam pa byang chub kyi sems su gyur snyam nas/dngos po bden brdzun rnam dpyad na/ /zhes bya ba la sogs pa smos te/ rigs pas rnam par dpyad na/ gzung ba dang / 'dzin pa'i dngos po nyid du mi rung bas/ mi bden zhing sems 'ba' zhig rnam par gnas so zhes bya ba'i don to/ /ci ste gzung ba la sogs pa phyi rol gyi dngos por mi rung yang rnam par shes pa nyid du rdzas su yod do zer na/skye ba med pa'i sbyor ba 'dis/ /zhes bya ba la sogs pa smos te gcig dang du ma la sogs pa'i sbyor ba 'dis ji ltar phyi rol gyi don la gnod pa ltar rnam par shes pa la yang gnod par byed pa yin te/'dir btang snyoms su gzhag pa'am dngos po don dam pa las 'ga' yang yod pa ma yin no/ /skye ba 'di ni zhes bya ba ni stong pa ste stong pa nyid kyi rang bzhin du 'byung ba'o/ /oM zhes bya ba la sogs pa la/ oM zhes bya ba ni don 'di'o/ /shAn+ya tAdz+nyA na ste/ /rab tu gsal pa tsam yin pa'i phyir ro//badzra zhes bya ba ni bdag nyid mi phyed pa'i phyir sgrib pa thams cad 'joms pa'i phyir ro/ /yang na stong pa nyid kyi don can gyi me long lta bu'i ye shes ni oM zhes bya'o/ /mnyam pa nyid kyi ye shes ni shUn+ya tA'o/ /so sor rtog pa'i ye shes ni dz+nyana'o/ / bya ba nan tan gyi ye shes ni badzra ste/ sprul pa'i sku nam mkha' ji srid par gnas pa'i phyir ro/ /shin tu rnam par dag pa'i ye shes ni swa b+hA ba At+ma kou0f85haM ngo / /mi 'chi sbyor ba zhes bya ba ni/ srung ba'i 'khor lo la bgegs dgra'i rnal 'byor du gnas pa'o/ /rdo rje dkyil 'khor zhes bya ba ni rlung gi dkyil 'khor ro//'od kyi dkyil 'khor ni me long gi dkyil 'khor ro/ /mkha' 'gro'i dkyil 'khor ni dgyes ba' rdo rje'i dkyil 'khor ro/ /sa'i cha zhes bya ba ni bdag med ma'i dkyil 'khor ro/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu gnyis pa'i rnam par bshad pa'o// //bya ba'i rgyud ces bya ba ni phyi rol du za ma la sogs pa'i lhar dmigs pa dang / gtsang sbra dang mi smra ba la sogs pa lhur spyod pa'o/ /bya ba'i sbyor bzhes bya ni/ bdag las phyi rol du dmigs pa'o/ /rnal 'byor zhes bya ba ni rang gi 'khor los sgyur ba'i ye shes dang bdag nyid ro gcig tu dmigs pa'o//rnal 'byor bla ma zhes bya ba ni rang gi rig pa dang 'khyud pa las byung ba'i dga' ba mchog gi gsang chen la spyod pa'o/ /rnal 'byor bla na med pa zhes bya ba ni/ rang gi lha'i rdo rje dang pad+ma sbyor ba las skyes pa'i bde ba mchog la dmigs pa'o//stong nyid snying rje dbyer med pa/ /zhes bya ba la stod pa nyid ni gnyis po gtan med ba'i mtshan nyid de yang dag pa'i mtha'o/ /de nyid don dam pa dang / de bzhin nyid ces bya ba la sogs pa'i rnam grangs so/ /snying rje ni pha rol tu phyin pa lnga bsdus par 'gyur ba'i lha'i dkyil 'khor te/de dang dbyer med ba'i ro gcig tu gyur pa'o/ /de la rgyu rdo rje 'dzin pa'i ho gnyis dang spel ba'i yi ge gnyis zhugs pa'am/ sku gnyis zhugs kyang rung ste/ lte ba'i pad+mar 'dod chags kyi me 'bar bas bzhu ba la sku gnyis zhu bar gyur ba'i bdag nyid ni stong pa nyid do//de las byung ba'i 'od zer rnams kyis 'gro ba rnams la phan 'dogs pa ni snying rje ste de dang dbyer med pa'i lha'i sku'i rang bzhin no/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu gsum pa'i rnam par bshad pa'o// //bzang po'i spyod yul zhes bya ba la bzang po ni ri lu la sogs pa'i dngos grub rnams so/ /spyod yul ni spyod pa ste sgrub pa'i thabs zhes bya ba'i bar du'o/ /rdo rje zhes bya ba ni dgyes ba'i rdo rje'o/ /lugs gsum zhes bya ba ni gzhan las gsung pa'i nges pa 'dir sbyar te/mdangs bzang sa ri bong can dang 'od byed rnams/ /gsum bzhi rig byed grangs kyi man chad dang / /thub pa'i yon tan mda' yi grangs bzhin du/ /ra tir bcas pas ri lus bkri bar bya/ /yang na gzhan nas gsungs ba/ /gser dang dngul dang de bzhin zangs ma rnams//me dang mda' dang zung gi man chad dang / /bcu drug gsum dang drug ste rim bzhin du/ /'ol se bcas pas ri lum thug por bkri/ /zhes gsungs pa de bzhin du'o/ /klu'i rgyal po zhes bya ba ni sbrul mgo gnyis pa'o/ /sa bon zhes bya ba ni khu ba'o/ /rdo rje sor mo zhes bya ba ni sor mo glang po che'i sna lta bu la sogs pa'o//rdo rje lce zhes bya ba ni hUM dang rdo rjes mtshan pa'i lce'o/ /rdo rje sems dpa' zhes bya ba ni rang gi mtshan no/ /rdo rje 'khyud pa zhes bya ba ni mgrin par dam por bsdam pa'o/ /rdo rje snying po zhes bya ba ni mi phyed pa'i bde ba'o/ /pad+ma chags pa zhes bya ba ni rdo rje dang ldan pa'o//rdo rje'i bdag nyid dgug par bya/ /zhes bya ba ni kha sbyor byed pa ste/ bla ma'i bka' las shes par bya ste/ rdo rje can gyi sar 'gro 'gyur/ /zhes bya ba ni lug gi shing rta'i steng du raM las nyi ma'i dkyil 'khor bzhag la der hUM las rdo rje can gyi gzugs su bskyed nas mig la sogs pa byin gyis brlabs te/bsrung zhing kha sbyor la sogs pa'i gnas su bkri zhing bzhugs par bya'o zhes bya ba'i don to/ /bdag byin brlab pa'i rnal 'byor zhes bya ba ni rdzogs pa'i rim pa'i rnal 'byor ro/ /snying ga'i dbus 'gyur zhes bya ba ni nor bu gnyis bcings pa'i mtshams su'o//rdo rje bdag med mkha' 'gro ma/ /zhes bya ba ni rdo rje yongs su gyur ba las bdag med ma'i rang bzhin gyi yungs kar phra mo'i rin po che bsam pa'o/ /brtan pa dang g.yo ba zhes bya ba ni dkyil 'khor gyi 'khor lo'o/ /kha cig ni byang chub kyi sems 'dzag pa'o zhes zer ro//rnam par dag mtha' zhes bya ba ni rnam par dag pa'i mtha' ste dbu mar gyur pa'o/ /rtog pa'i dra ba zhes bya ba ni gzung ba dang 'dzin pa rnams so/ /bems po min zhes bya ba ni/ rab tu gsal ba tsam yin pa'i phyir ro/ /brdzun zhes bya ba ni gzung ba la sogs pa'o//bdag nyid ces bya ba ni kun nas nyon mongs pa'i gzugs kyis so/ /sgrib pa lnga zhes bya ba ni 'dod pa la 'dun pa dang gnod sems dang / snyom las dang / gnyid dang / the tshom za ba rnams so/ /rnam pa thams cad mkhyen pa zhes bya ba ni rnam pa thams cad la mkhas pa'o//'bras bu dang rjes su mi mthun pa'i rgyu las 'grub pa dgag par bya ba'i phyir/ 'di ltar mtshan sum cu rtsa gnyis dang zhes bya ba la sogs pa smos te/ 'di'i don ni shes rab kyi pha rol tu phyin pas rjes su gzung ba'i pha rol tu phyin pa lnga bsdus pa'i dkyil 'khor gyi 'khor lo nyid thabs yin gyi tshul gzhan dang stong pa nyid 'ba' zhig ni nam mkha' mtha' yas skye mched la sogs pa ltar zhi ba nyid kyis mi khom pa thob par 'gyur ro zhes bya ba yin no//bden pa ma yin zhes bya ba ni gcig dang du mas dpyad na snang ba tsam yin pa'i phyir ro//brdzun pa yang ma yin zhes bya ba ni/ /longs spyod rdzogs pa dang sprul pa'i sku sna tshogs su ston pa'i phyir ro/ /dor bar bya ba ma yin zhes bya ba ni spang par bya ba'i sgrib pa'i ngo bo nyid med pa'i phyir ro/ /blang bar bya ba ma yin zhes bya ba ni sngon med pa skyed par byed pa'i phyir ro/ / khu tshur zhes bya ba ni sor mo thams cad bskum pa'o/ /seng ge'i rna ba zhes bya ba ni mjub mo dang gung mo cud zad bskum pa'o/ /'dod pa zhes bya ba ni dri yang ku'o/ /bo la zhes bya ba ni gan+d+ha ri sa'o/ /sa li dza zhes bya ba ni kha na da sa'o/ /ka tso ra zhes bya ba ni sha ti'o/ /'di ni tshogs kyi dkyil 'khor zhes bya ba la/'di zhes bya ba rgyu mtshan te/ bsod nams kyi tshogs bsags pa'i phyir ro/ /rdo rje sems dang bzhes bya ba ni hUM gis bskyed pa'o/ /de ru zhes bya ba ni pad+ma'i sna rtse ste pad+ma'i nor bu'o/ /dbyangs zhes bya ba ni ngag ste/ nor bu der sangs rgyas kyi gsung ni rang bzhin a dgod pa'o//yid bzhin nor bu zhes bya ba ni rdo rje nor bu'o/ /nor bu'i sgo ru yi ge phaT/ /ces bya ba ni phaT ser po'o/ /spyan gyi lag pa zhes bya ba ni mdzub mo'i rgyab nas gung mos mdzub mo'i rtse mo bteg ste/ mig ltar byas ba rna ba'i steng du gzhag pa'o//nyan pa'i lag pa zhes bya ba ni bdag lce gnyis pa'i tshul du byas nas kun du bskor pa'o/ /g.yon pa yis ni bskor bar bya/ /zhes bya ba ni lag pa g.yon pa kha spub pa'i steng du g.yas pa khu tshur bcangs nas mthe bo bsgreng pa'o/ /rdo rje rkang stabs zhes bya ba ni rdo rje rtse gcig pa dang /rtse gsum pa dang / rtse lnga pa dang / sna tshogs rdo rje'i 'gros so/ kha bcu pa'i tshul zhes bya ba ni/ sor mo bcu char bskyod la rtse mor byas pa'i tshul te/ de yang seng ge 'gros kyi tshul dang / seng ge bsgyings pa'i tshul dang / rdo rje 'jigs byed kyi tshul dang / /sbrul mgo'i tshul te rnam pa bzhi'o//dbyig pa bkra po zhes bya ba ni dbyig pa dang bkra bo zhes bya bar sbyar te/ tha mal pa'i sgra 'byin pa'o/ /de yang skye ba la sogs pa'i tshul rnam pa bdun te/ pi lbang la sogs pa'i sgra byed pa'i tshul rnam pa bdun no/ /dbyig pa'i tshul zhes bya ba ni mthe bo dbyig pa bsgreng ba ste/sangs rgyas kyi stobs la sogs pa rnam pa bcu gnyis so/ /ba dan gnyis pa zhes bya ba ni mdzub mo mthe bo skam pa ltar 'dzin pa'o/ /ba dan gsum pa zhes bya ba ni mthe bong dang gung mo gnyis de bzhin du byed pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu bzhi pa'i rnam par bshad pa'o// //ku ru ku l+le zhes bya ba ni lha mo ku ru kul+le ste/ de yang phyed krung bcas pa'i gar gyis bzhugs shing mi rus kyi rgyan la sogs pas klu bas nas dur khrod brgyad kyi dbus na bzhugs so zhes man ngag las bshad do//ma Ni zhes bya ba ni tu rin med pa'i nor bu dang 'dra ba'i so sor rtog pa'i ye shes so/ /ci ste ye shes so sor rtog pa yin na/ /rtog pa dang bcas par mi 'gyur ram zhe na/ /pad+ma zhes bya ba smos te/ /ci ltar pad+ma 'dam gyis mgos pa ltar/ /ye shes de rtog pa'i skyon gyis gos pa med do zhes bya ba'i don to//de nyid kyi phyir hUM phaT ces bya ba smos te/ hUM zhes bya ba ni gzung ba dang 'dzin pas stong pa'i yid do/ /phaT ces bya ba ni rnam par rtog pa 'dral ba'o/ /many+dzu badzra ya zhes bya ba ni ming ngo / /mu zhes bya ba ni sangs rgyas thams cad kyi yid kyi mchog ste/hrIHzhes bya ba ni bdud thams cad gan rkyal du bskyal ba'o/ /Sh+T+r-iHzhes bya ba ni mche ba gtsigs pas yi dags dang / /dmyal ba la sogs pa sdang pa rnams 'dul ba'o/ /bi kr-i tA na na zhes bya ba ni zhal rnam par 'gyur bas 'jigs su rung ba'o/ /hUM phaT ces bya ba gnyis gnyis ni rga ba dang 'chi ba sel bar byed pa'o//mA rI tsi zhes bya ba la ma zhes bya ba ni bdud do/ /tsi zhes bya ba ni gnon pa ste/ bdud rnams gnon pas mA rI tsi'o/ /ba su d+har zhes bya ba ni spyan drang pa'o/ /ba su pr-iSh+Ti ni pa da ni zhes bya ba la/ ba su ni rin po che la sogs ba'i nor rnams so//br-iSh+Ti ni de'i char ro/ /dzam+b+ha la zhes bya ba ni ming ngo / /dza len+d+rA ya zhes bya ba ni chu byin bas dbang phyug ster ba'o/ /ma Ni d+ha ra zhes bya ba ni skyes pa dang bud med rin po che mngal du 'dzin pa'i phyir ro/ /badzri zhes bya ba ni ngan 'gro 'joms pas 'jigs pa rnams rdo rjes 'dren pa'o//ma hA pra ti sA ra zhes bya ba ni dmyal ba la sogs pa sdug bsngal chen por zhugs pa rnams 'joms shing snang ba med par byed pa'o/ /hUM phaT ces bya ba ni 'joms shing ltung bar byed pa'o/ /ma hA kA lA ya zhes bya ba ni ming ngo / shas na u pa ha ri a pa zhes bya ba ni/bstan pa la gnod byed rnams la gnod pa bskyed pa'o/ /ya ti pra ti dz+nyA sma ra si zhes bya ba ni khyod kyis dam bcas so zhes ba'i don to/ /kha kha ni bstabs pa'o/ /khA hi khA hi zhes bya ba ni ster bar bshad pa'o/ /gr-ih+Na gr-ih+Na zhes bya ba rims la sogs pa zhes bya ba dang sbyar ro//ban+d+ha ban+d+ha zhes bya ba ni mgrin pa zhags pa zhes bya ba dang sbyar ro/ /da ha da ha zhes bya ba ni 'bar pa rnon por bya ba dang sbyar ro/ /pa tsa pa tsa zhes bya ba ni de nyid de sngar gyi mngon spyod kyi 'khor lo rim pa gsum par bya zhes pa'i don to/ /skad ci gces pa ni kun du dga' ba'o//de la skad cig ces bya ba ni mchog tu dga' ba'o/ /rgyu'i skad cig ces bya ba ni khyad par gyi dga' ba'o/ /rang bzhin zhes ba ni lhan cig skyes pa'i dga' ba'i rang bzhin te/ de nyid ni bde ba chen po ni zag pa med pa'i bde ba yang yin te/ khyad par dga' ba ni lhag / mchog tu dga' ba ni mtha'o/ /dngos po zhes bya ba la sogs pa la/ drug pa rdo rje sems dpa'o/ /rdzogs pa'i sangs rgyas zhes bya ba ni dang po dang sbyar ro/ /chos zhes bya ba ni bdag med pa'i lta ba'i rtsa sbyin pa la sogs pa dag pa'i rgyu mtshan no/ /dam tshig ni bsrung ba dang bza' ba'o//de la bsrung ba ni/ dkon mchog gsum la gnod pa la sogs pa'o/ /bza' ba ni bdud rtsi lnga dang bza' ba lnga'o/ /dkyil 'khor bri bar bya zhes bya ba ni rdul tshon gyi dkyil 'khor dang / tshogs kyi 'khor lo dang / ting nge 'dzin gsum gyi rnal 'byor rtag tu bya'o/ /phyag rgya bcing ba spang bar bya//zhes bya ba ni rdzogs pa'i rim pa'i rnal 'byor pa phyag rgya chen po'i bde ba myong ba rnams kyi ste/ las dang po pa rnams kyi ni ma yin no/ /de dag gi phyag rgya bcing pa spang ba nyid sdig par 'gyur ro/ /dkyil 'khor sogs zhes bya ba ni sogs pa'i sgras ni lus rnam par g.yo ba gzhan bsdu'o//lus kyi las ni mi bya zhing / /zhes bya ba ni rnal 'byor rnam pa gsum gyi las spang ba ste/ de la ye shes cung zad la dbang thob pa rnams kyis ni/ khye'u dang bu mo la pra phab nas/ dkyil 'khor la sogs pa byed du gzhug go/ /ye shes kun la dbang thob pa rnams kyis ni sems kyi dkyil 'khor spro pa dang bsdu ba bya ba'o//yang dag ba'i ye shes dbang du 'dus pa rnams kyis ni spro ba'i dkyil 'khor de nyid gzugs brnyan la sogs pa dang 'dra bar bstan par bya'o/ /slob dpon ma yin phyag mi bya/ /zhes ba ni rnyed pa la sogs pa'i dbang gis rgyal po la sogs la mi 'dud pa'o//bla ma zhes bya ba ni sngags la sogs pa ston par byed pa'o/ /rgan po zhes bya ba ni slob dpon rgan rabs so/ /lhag ma ni las dang po pa ste go sla'o/ /dpal rdo rje 'dzin pas dbang bskur zhes bya ba la sogs pa la de kho na nyid bcu shes shing dkyil 'khor bri ba'i las la mkhas la/dam tshig dang sdom pa la gnas pa rtag tu ting nge 'dzin gsum gyi rnal 'byor dang ldan zhing / gzhan yang ji skad smos pa'i yon tan dang ldan pa'i slob dpon ni rdo rje 'dzin pa dang shin tu nye ba'i phyir dpal rdo rje 'dzin pa'o/ / des dbang bskur ba'i cho ga ji lta ba bzhin du sbyar bar bya ste/ gzhan gyis ni ma yin no/ /'chi ba zhes bya ba la sogs pa la 'chi ba zhes bya ba ni yang dag pa nyid ma yin pa ste/ nags tshal nas nags tshal du mchod sbyin la 'gro ba lta bu'o/ /mkha' spyod gnas zhes bya ba ni/ yang dag pa'i ye shes dbang du thob pa rnams kyis te/ye shes la dbang ba ni go 'phang brnyes pa'o/ /bde ba can zhes bya ba ni mchog tu dga' ba'i 'jig rten gyi khams te/ sa bcu'i dbang phyug thob pa'o/ /'dod na zhes bya ba ni/ ye shes cung zad la dbang thob pa rnams kyis te/ skye ba la dbang thob pas gang du 'dod pa der skye bar 'gyur ro//las dang po pa rnams kyi yang ga la te las kyi dbang gis ngan 'gror 'gro ba na yang sangs rgyas dang byang chub sems dpa' rnams kyi cho ga sna tshogs kyis rjes su 'dzin par mdzad do/ /rjes su mthun pa'i smon pa dang dbang thob pa'i phyir ro//rdo rje dril bu lag tu sbyin/ /zhes bya ba ni nye bar mtshan pa ste/ de bzhin du gzhan dag kyang sbyar bar bya'o/ /de la de dag gi don ni 'di yin te/ rang gi 'dod pa'i lha'i gzugs su bskyed pa la ye shes sems dpa' spyan drang pa sngon du 'gro ba mig la sogs pa byin gyis brlabs nas sngags kyi phreng ba lan mang du bzlas bar bya ba yin no//rdo rje thab khung sbyor ba yis/ /zhes bya ba ni ji lta ba bzhin du dkyil 'khor bris la/ dkyil 'khor gyi sgrub thabs la sogs pa sngon du 'gro bas/ chu dang dbu rgyan dang rdo rje dang / bdag po dang ming dang bum pa'i dbang rnams kyis mngon par dbang bskur te/mchod pa dang bstod pa dang / bdud rtsi myang ba byas nas/ sngags du mar bzlas te/ de'i snying gar rdo rje sems dpa' 'am/ rang gi lhag pa'i lha'i dkyil 'khor ba dang bcas pa bskyed nas/ ye shes kyi dkyil 'khor rang gcig bsres la/mnyam pa nyid du gshegs su gsol bar dmigs te/ zhi ba'i sbyin sreg gi gnas su bsreg cing mngon par sbyang bar bya'o/ /gal te de ltar ma byas na/ /mchod rten bshig pa nyid du 'gyur ro/ /mkha' 'gro ma rdo rje dra ba'i dka' 'grel de kho na nyid rgyas pa las/ /le'u bco lnga pa'i rnam par bshad pa'o// //bla ma'i zhabs bcas las thob pa yi gdams ngag gang yin des/ /rgyud rgyal rtogs dka' rgya chen po 'di ni bzhin bkrol ba las/ /thob pa'i dge ba dri med phun tshogs gang yin de yis ni/ /'gro ba'i tshogs rnams sdug bsngal med pa'i lam du 'gro bar shog//mkha' 'gro ma rdo rje dra ba'i dka' 'grel de kho na nyid rgyas pa zhes bya ba/ slob dpon chen po lha'i rigs blo gros chen po zhes bya bas mdzad pa rdzogs so// //rgya gar gyi mkhan po chen po ga la d+ha ra dang / bod kyi lo rtsA ba 'gos lhas bcas kyis bsgyur cing zhus te gtan la phab pa'o/

CLOSE WINDOW