CLOSE WINDOW

D1190
བོད་ཡིག

@#/ /rgya gar skad du/ su bi ni ShA da saM pu Ta TI kA nA ma/ bod skad du/ rab tu gsal ba'i kha sbyor gyi rgya cher 'grel pa zhes bya ba/ rje btsun spyan ras gzigs la phyag 'tshal lo/ / gang gi zhabs dran kho na yis/ /'khor ba mya ngan 'das par 'gyur/ /de phyir bla ma dam pa yum/ /bdag ni rtag par phyag 'tshal lo/ /gcig gnyis gsum bzhi lnga drug bdag /mkha' 'gro ma yi rang bzhin te//de ni dgyes pa'i rdo rje'i mtshan/ /tshig gi me tog kho bos mchod/ /bag tsam yongs gyur 'di ltar chags can nyams su myong ba gang / /mkha' mnyam ro mnyam de ni bsgoms pas ji zhig ltar te 'byung //'di ni bla ma dam pa'i zhabs kyi rgyud pa'i che ba'i bdag nyid las/ /grub pa'i dgyes rdor rgyud ni shin tu dag par bdag gis dbye/ /dgyes pa'i rdo rje yang dag par rdzogs pa'i byang chub yongs su rdzogs pa'i rang bzhin 'di ni brjod par byed pa dang brjod par bya ba bstan pa'i sgo nas 'gro ba'i don 'grub par bya ba'i phyir/theg pa chen po'i gsang sngags la 'jug par bya ste/ 'di skad bdag gis zhes bya ba la sogs pa nas/pad+ma'i lte ba la yi ge A'o zhes pa la thug pas phyag bcu drug pa la sogs pa'i he ru ka'i rnam par dag pa'i zung 'jug bstan par bya bas de nyid la 'jug par bya ste/sgra ji bzhin pa ni/ 'di skad bdag gis la sogs pa'o/ /sgra ji bzhin ma yin pa ni/ gang zhig spyan ma la sogs pa ste/ dbyangs yig yang dag par sbyar ba las 'dus pa can dang / 'dus pa can ma yin pa'i gzhom du med pa'o//de rnam par gtan la dbab par bya ba'i phyir/ gsang sngags kyi tshul la 'jug par bya ste/ sngags kyi sgra ni dbyangs dang gsal byed kyi rang bzhin gyi yi ge gsum pho dang mo dang ma ning gi ngo bo yi ge a la sogs pa dbyangs yig bcu drug rnams dang yi ge ka la sogs pa'i gsal byed sum cu rtsa bzhi rnams te/'di gnyis kho na la A li kA li zhes brjod do/ /'di dag re re bzhin yang thabs dang shes rab dbyer mi phyed pas rdo rje gsum dang /'byung ba bzhi dang ye shes lnga'i rang bzhin no/ /thog ma kho nar kun nas snang ba'i mtshan nyid kyi 'gro ba'i rang bzhin brtan pa dang g.yo ba'i ngo bo ma rig pa'i rkyen gyis kun rdzob kyi bden pa'i bdag nyid can/ bskyed pa'i rim pa dang /rdzogs pa'i rim pa tha mi dad pa'i sku rdo rje/ rdo rje gsum dbyer mi phyed pa'i yi ge oM chos thams cad kyi bdag por bstan par bya'o/ /'di ji ltar zhe na/ gsang sngags thams cad kyi tshig la/ dang por yi ge oM dang mthar swA hA'o/ /zhes bya ba la sogs pa'i tshig gis so/ / yi ge oM gyi don nyid rnam par dbye bar bya ste/ /a ni bdag med ma zhes bshad/ /u yig rdo rje mkha' 'gro ma/ /ma yig mi bskyod rdo rje ba/ /oM ni rdo rje gsum zhes bshad/ /yi ge a ni gsung zhes bshad/ /yi ge u ni sku ru brjod/ /ma yig thugs kyi rdo rje ste/ /rdor gsum gcig pa'i rang bzhin oM//yi ge'i dang por gyur ba'i phyir/ /yi ge'i gtso bo zhes su bshad/ /de phyir A li kA li gnyis/ /thabs dang shes rab zhes byar bshad/ /dbyangs yig bco lnga a yig sogs/ /shes rab tu ni rab tu grags/ /gang zhig dbang po lnga rnams dang / /yul dang shes pa lnga yang ste//rdor gsum mi phyed tha dad phyir/ /oM ni rdo rje gsum zhes bshad/ /ka yi sde tshan lnga lngar bshad/ /rtag pa la sogs de bzhin gshegs/ /nyi shu rtsa lnga'i dbye bas de/ /re re rtag pa la sogs te/ /dbang po la sogs cha las na/ /de yang rnam pa bco lngar bshad/ /yar la nas wa yi mthar//rlung dang me dang sa dang chu/ /re re'ang bzhi yi bdag nyid phyir/ /dbyangs ni bcu drug stong pa nyid/ /sha Sha sa rnams sku gsung thugs/ /yi ge ha ni srid gsum gnas/ /yi ge k+Sha yis kA li bsdus/ /yi ge As ni A li bsdus/ /k+Sha yig mi phyed rtogs pa las/ / gnyi ga bsdus pa rab tu bshad/ /bdag med mkha' 'gro ma yi bdag /mkha' 'gro ma yi dkyil 'khor gnas/ /de bas rdor sogs mkha' 'gro ma/ /bdag med ma dang dbyer med son/ /bdag med ma ni thabs bdag pas/ /de phyir de yang thabs dang 'dra/ /de phyir dbyer med dkyil 'khor bas//'dir ni gnyi ga the tshom med/ /rnam snang la sogs kyang de ltar/ /de yang mi bskyod pa yi bdag /de phyir mi bskyod pa lta bur/ /de kun dkyil 'khor gtso bo yin/ /mkha' 'gro mas ni mi bskyod bdag /de phyir shes rab bdag nyid de/ /gnyis po gnyis kar dbyer med pas//dbyer med dkyil 'khor gnyis yin no/ /de nas yi ge re re yis/ /dkyil 'khor re rer 'gyur ba yin/ /de lta bas na 'di kun nyid/ /nA da'i tshul gyis dkyil 'khor yin/ /A li kA li'i dkyil 'khor zhes/ /mi phyed pa las kha sbyor yin/ / gang phyir A li kA li yi/ /rang bzhin dkyil 'khor rab tu bstan/ /yi ge re re nyid kyis kyang / /gang zhig dkyil 'khor bstan pas na/ /de phyir yi ge gcig dang ni/ /du ma'ang tha dad med pa nyid/ /de bas 'di ru gang 'ga' zhig /yi ge'i dkyil 'khor zhes bya ba/ /yi ge'i dkyil 'khor de nyid kyis//srid gsum rab tu 'grub par 'gyur/ /srid gsum mi phyed par rtogs pa/ /sngags kyi de nyid zhes su bshad/ /de ltar sku dang gsung dang thugs/ /nA da gcig tu mngon par brjod/ /sku dang gsung dang thugs 'di nyid/ /sku zhes bya bar yang dag gnas/ /thugs gsung sku yi rang bzhin yang //thugs zhes bya bar nges par yin/ /thabs ni mtha' yas pa yi phyir/ /shes rab kyang ni mtha' yas nyid/ /srid gsum de rang bzhin shes na/ /skye ba 'di la 'grub par 'gyur/ /de nyid la lar 'jig rten pas/ /sgra don rab tu brtags pa gang / /de nyid don gyi brda nyid du//byang chub pha rol son pas gsungs/ /la lar don gyi brdar btags pa/ /dngos pos kyang ni rnam par bstan/ /de phyir dngos po don 'di dag /gang yang sgra yis nges pa yin/ /yang na sgra dang don 'di nyid/ /dngos po yis ni yongs su brtags/ /yang na dngos po dang ni brda//la lar don gyi dbang gis brtags/ /de ltar dngos po dang ni sgra/ /gnyi gar don dang tha dad med/ /sgra dang dngos po gnyis de bzhin/ /gnyi gar don dang tha dad med/ /de phyir don dang sgra gnyis ni/ /dngos po nyid dang tha dad med/ /de bas sgra dang don gnyis kyang / /dngos po nyid dang tha dad med//de bzhin don dang dngos po gnyis/ /sgra nyid las ni tha dad med/ /de ltar dngos po dang ni don/ /sgra nyid las ni tha dad med/ /gang phyir de gsum dbyer med par/ /lugs 'byung lugs las bzlog pa nyid/ /bla ma dam pa'i bka' drin dang / /dad dang shes rab rnon po ni/ /med par dgyes pa'i rdo rje'i rgyud//don ni su yis rtogs par nus/ /de bas ston pa nyid kyis su/ /'di skad kyi ni tshig gsungs so/ /rgyud kun gyi ni tshul shes nas/ /phyi nas dgyes pa'i rdo rje brtsam/ /de yang thog ma nyid du rdo rje'i snying pos zhus nas/ /bcom ldan 'das kyis bka' stsal pa/ he ni snying rje chen po ste//badzra'ang shes rab brjod par bya/ /thabs dang shes rab bdag nyid rgyud/ /de ni nga yis bshad kyis nyon/ /zhes pa'o/ /de la he ni snying rje chen po ste zhes pa ni/ /he'i sgras 'jig rten pas gang la snying rje chen po'i don brjod pa de srid du mi snang ngo / /de lta bas na cha dang bcas pa dang /cha med pa'i rang bzhin gyi dngos po gnyis kho na skyes pa dang bud med kyi rang bzhin gyi yi ge ha dang yi ge e'i nA da gnyis kyi bdag nyid can gyi sgras snying rje chen po'i don bstan to/ /snying rje zhes bya ba ni 'gro ba'i don la 'jug pa'o/ /de'i yang chen por gyur pa gang las she na/ bdag med mas slar zin pa'i las so/ /de lta ma yin na dmigs pa dang bcas pa'i lta ba des nyan thos rnams bzhin du nyi tshe bar gnas pas rab dman pas sbyin pa la sogs pa'i rang bzhin gyi snying rjer 'gyur ro/ /de bas na shes rab kyis zin pa'i sbyin pa la sogs pa ni snying rje chen po'i don du bstan pas na snying rje chen po'i don to//badzra'ang shes rab brjod par bya/ /zhes bya ba ni/ badzra'i sgras kyang shes rab bstan pa gang las yin/ /de yang shes rab ces bya don gang las bstan ce na/ mi phyed rdo rje zhes bshad ces bya ba'i tshig gis so/ /ji ltar rdo rje cis kyang phyed par mi nus pa de bzhin du shes rab gsal ba'i rab kyi ye shes 'di yang kun rdzob dang don dam pa tha mi dad pa 'di ni dbyer mi phyed pa'i phyir rdo rje zhes brjod do//de bzhin nyid du bla ma'i dus tshigs kyi rim pa las rtogs par bya ste/ theg pa chen po'i gsang sngags mngon par gsal bar bya ba'i phyir bla ma'i rim pa nyid la 'jug par bya ste/yi ge a ni thugs zhes bshad/ /yi ge thams cad gcig tu bsdoms/ /yi ge i ni gsung zhes bshad/ /yi ge u ni sku yin no/ /rdor gsum rdo rje'i rnal 'byor 'khrungs/ /de ltar yi ge gsum zhes bya/ /e yig thugs dang gsung gi tshul//sku dang thugs su baM bya ste/ /e ni shes rab baM ni thabs/ /gang phyir de ltar rdor gsum nyid/ /rdo rje gsum ni gnyis kyis bskyed/ /rnam par phye bas sa dang me/ /'di gnyis rdo rje gsum gyi ni/ /sngon du sbyar bas bskyed pa yin/ /sku dang gsung gi sngon du ni//thugs ni sbyar bas rlung dang chu/ /gnyis nyid rdo rje gsum du 'gyur/ /'byung bzhi nam mkha' dang bsres pa/ /ye shes lnga zhes rab tu bshad/ /lnga lnga gcig la'ang yang dag ldan/ /drug lnga rigs gsum shes par bya/ /rigs gcig grangs ni med pa can/ / grangs med rigs gcig dang ni gsum/ /lnga dang drug pa nyid dang ni/ /'di ni bco lnga'i bdag nyid 'gyur/ /drug po dor bas dgu yi bdag /gnyis po 'di ni gnyis med nyid/ /gnyis su snang ba rtog pa yin/ /bskyed bya skyed byed yod ma yin/ /skyed byed la yang bskyed bya med/ / 'di dag thams cad skye ba med/ /mtshan ma med cing bdag med can/ /chos de med pas sems kyang med/ /snang ba med cing bdag med pa/ /'di ni sangs rgyas byang chub mtshungs/ /bsam gyis mi khyab nam mkha' 'dra/ /de ltar gsang sngags theg chen 'di/ /rim pa shin tu rnyed par dka'//bla ma'i zhabs kyi bka' drin gyis/ /gang tshe dgyes rdor khong du chud/ /gzhan du bskal pa bye ba ni/ /brgyas kyang de nyid rtogs mi 'gyur/ /de nyid ye shes bral gyur na/ /mchog gi dngos grub thob mi 'gyur/ /de bas gang 'di dran pa nyams pa'i 'jigs pa yis/ /bdag gi bla ma rnams kyi rim pa'i don cung zad//'bad pas thob nas shin tu phul du byung bar bsams/ /rnam par bsgoms nas ston pa rnams la 'di yis mchod/ /'di las ma lus 'gro ba'i don byed gter du gyur pa ni/ /yang dag bdag nyid srid gsum bzlog pa rdo rje'i snying po ste/ /dgyes pa'i rdo rje'i rgyud kyi che ba so sor snang ba'i yid//gti mug rab rib ces bya 'di lta'i go skabs ga la yod/ /bsgrub par bya ba dang sgrub par byed pa'i rang bzhin brjod par bya ba dang rjod par byed pa'i ngo bo dag 'gro ba 'jug pa'i mtshan nyid rgyud thams cad kyi gleng gzhir gyur pa gsungs pa/ 'di skad bdag gis thos pa dus gcig na bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs so zhes bya ba'o//'di nyid ma lus pa rtogs par byed pa'i rang bzhin rnams thams cad mkhyen pa nyid yang dag pa'i byang chub kyi rgyu bsgrub par bya ba ni spyi'i don to//'bras bur gyur pa phyag bcu drug pa la sogs pa'i rang bzhin byang chub kyi chos sum cu rtsa bdun gyi bdag nyid can 'di skad bdag gis zhes bya ba la sogs pa mngon par bstan par bya ste/ de la yi ge e la sogs pa bzhis/ /dang por zhabs ni bzhi pa nyid/ /yi ge sru sogs brgyad kyis kyang //zhal brgyad de yi rjes thogs su/ /b+ha sogs bcu drug gis kyang ni/ /phyag ni bcu drug brgyan pa nyid/ /yi ge yo sogs brgyad kyis kyang / /spyan ni nyi shu rtsa bzhis phyug /yi ger zhes bya ba ni/ /dgyes rdor sum cu rtsa drug ldan/ /ji ltar bde mchog dpa' mo dpa'//sum cu rtsa gnyis 'dus pa ste/ /de ltar gnyis med rnal 'byor gyis/ /kha sbyar bas ni rnam par gnas/ /dpa' bo bdag med ma la chags/ /'gro ba'i bla ma 'di la 'dud/ /de lta bas na rgyud kun gyi/ /'di ni gleng gzhi'i tshig yin no/ /rgyud thams cad kyi gleng gzhi zhes bya ba'i sgra yis thams cad ni ma lus pa ste/snod kyi 'jig rten pa'i sems can gyi rang bzhin brtan pa dang g.yo ba la sogs pa'o/ /de rnams kyi rgyud ni bye brag tu rtogs par byed pa ste/ rnam pa thams cad mkhyen pa nyid do/ /de'i gleng gzhi ni dang po'i rgyu ste/ de lta bur gyur ba'i rgyu mtshan 'di yin no//bzhugs so zhes bya ba'i tshig gis bya ba dang / spyod pa'i rgyud nyid kyi bdag nyid do/ /e waM ma ya'i yi ge bzhi ni re re'ang rdo rje gsum dang ldan pa sbas pa gnyi ga'i dkyil 'khor gyi rang bzhin de lta bas na rten cing 'brel bar 'byung ba'i yan lag bcu gnyis kyi ngo bo yin no//re re'ang rdo rje gsum gyi rang bzhin po yin pas bzhi rnams 'byung ba bzhi'i bdag nyid yin pa des kyang stong pa nyid bcu drug gi rang bzhin rnam pa thams cad mkhyen pa nyid kyis yang dag par rdzogs pa'i byang chub 'grub pa yin no/ /yang na rgyud thams cad kyi sgras ni rgyud bzhi ste/de la bya ba dang spyod pa'i rgyud ni/ /dgod par bshad do/ /de la bzhugs so zhes bya ba'i tshig nyid kyis mngon par gsal ba nyid do/ /rnal 'byor gyi rgyud ni yang blta bar mngon par bstan to/ /rnal 'byor bla na med pa'i rgyud ni lag pa bcangs pa zhes bya'o//rnal 'byor gong na med pa'i rgyud ni gnyis gnyis sprad pa zhes bya ba yin no/ /rnal 'byor gyi rgyud la sogs pa 'di rnams ni/ 'di skad bdag gis zhes bya ba la sogs pa brda sna tshogs kyis don bstan pa don gcig pa yin par bsdus so/ /rnal 'byor bla na med pa'i rgyud du ni//gsang ba mchog gis dgyes pa ni/ /thams cad bdag nyid rtag tu bzhugs/ /sangs rgyas kun dngos sems dpa' ni/ /rdo rje mkha' 'gro bde ba'i mchog /ces pa'o/ /rnal 'byor gong na med par yang / /gzhan ni 'bus zos snying po med/ /ces pa ste gnyis kyis gnyis sprad pa'i rgyud du yang nges pa'i don nyid yin no//rnal 'byor gyi rgyud kyi gleng gzhi'i tshig gnyis gnyis sprad pa'i rgyud du yang nges pa'i don nyid yin no/ /rnal 'byor gyi rgyud kyi gleng gzhi'i tshig gnyis gnyis sprad pa'i rgyud dang mi 'dra ba med par mngon par gsal ba yin no//gsang ba la sogs pa'i don dang gzhan ni 'bus zos zhes bya ba la sogs pa'i don gyi khongs su gtogs pa yin te/ 'di skad bdag gis zhes bya ba la sogs pa'i ngag ni thams cad mkhyen pa nyid kyi gleng gzhi yin no/ /ji ltar 'dir shes rab kyi pha rol tu phyin pa'i nang du pha rol tu phyin pa thams cad 'dus pa de bzhin du gnyis gnyis sprad pa zhes bya ba'i khongs su rgyud kun 'dus pa yin no//kun mkhyen gsum gyi rang bzhin dgyes pa'i rdo rje yang dag par rdzogs pa'i byang chub 'thob par byed pa'i nges pa gsungs pa/ yi ge e ni sa ru bshad//las kyi phyag rgya spyan ma ste/ /'gro ba'i don la rab 'jug phyir/ /'di ni mi sogs rang bzhin nyid/ /de ni snying rje che zhes bshad/ /thabs chen po yi rang bzhin can/ /'di ni de bzhin gshegs pa'i rigs/ /pad 'dab drug cu rtsa bzhi pa/ /sprul par zhugs pa'i lha mo ni/ /kun rdzob rnam pa'i tshul can te//phung po lnga ni gcig pa'i sku/ /sgyu ma chen mo zhes su bshad/ /baM yig chu ru rab tu bshad/ /chos kyi phyag rgya mA ma kI/ /A li kA li'i rang bzhin gyis/ /byang chub sems kyi rang bzhin can/ /zla ba nyi ma gcig tshul gyis/ /thabs dang shes rab sdom pa gcig /byams dang smon lam tshul can te/ lha mo rdo rje'i rigs rjes 'gro/ /snying ga chos kyi 'khor lor ni/ /chu skyes 'dab ma brgyad par zhugs/ /yi ge ma ni me ru bshad/ /phyag rgya chen mo gos dkar mo/ /dga' ba stobs kyi rnal 'byor gyi/ /lha mo pad+ma'i rigs su byung / / zla ba nyi ma yang dag sbyor/ /de yi myong ba'i tshul can te/ /mgrin pa longs spyod 'khor lo ru/ /chu skyes bcu drug 'dab mar gnas/ /yA yig rlung gi khams su 'gyur/ /dam tshig phyag rgya sgrol ma ste/ /btang snyong ye shes tshul can las/ /de yang las kyi rigs rjes song / / de bzhin gshegs pa 'dus pa yis/ /dogs pa thams cad rnam par bral/ /bde ba chen po'i 'khor lo ni/ /spyi bo'i gtsug na rtag tu bzhugs/ /rtsa yi 'khor lo rnam dag pa/ /chu skyes 'dab ma sum cu gnyis/ /de ltar sa dang chu dang me dang rlung gi khams kyi sku can gyi yi ge bzhi po las dang chos dang /chen po dang / dam tshig gi phyag rgya bzhi'i rang bzhin/ snying rje chen po dang thabs chen po'i ngo bo/ byams pa dang / smon lam gyi rang bzhin dga' ba dang / stobs kyi bdag nyid/ btang snyoms dang ye shes kyi dngos po/ tshad med pa bzhi bsgom pa dang tha mi dad pa lte ba dang /snying ga dang mgrin pa dang / spyi bo'i rang bzhin sprul pa dang / chos dang longs spyod dang bde ba chen po'i 'khor lo rnams rim par pad+ma 'dab ma drug cu rtsa bzhi dang / brgyad dang / bcu drug dang / sum cu rtsa gnyis te bzhi po rnams la bzhugs pa yin no/ /'di nyid las 'khor lo gnyis gnyis e dang waM gyi rang bzhin te/de ji ltar zhe na/ steng dang 'og tu mnyam sbyar bas/ /thabs dang shes rab rang bzhin las/ /yi ge e ni shes rab 'gyur/ waM ni thabs su bya ba yin/ /'di yang yi ge waM gyis brgyan/ /yi ge e yis nges par mdzes//yi ge waM gyis snying gar mgrin/ /bla med chen por brgyan pa yin/ /yi ge es ni mgo dang lter/ /brgyan pa phan tshun kha sbyor yin/ /sangs rgyas lnga yi bdag nyid sku/ /yi ge e ni pad+mar brjod/ /waM ni rdo rje zhes byar bshad/ /de ni thabs su 'gyur ba ste//rdo rje pad+ma mnyam sbyor ba/ /chos dang sprul pa'i 'khor lo'i bdag /longs spyod 'khor los sbyar ba las/ /bde ba chen po'i 'khor lor 'gro/ /de ltar thams cad bzhi bzhi'o/ /zhes bcom ldan 'das kyis gsungs so/ /gzhan yang gsungs pa/ /e yi cha byad bzang po gang / / dbus su waM gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /de lta bur ni rgyud gsungs pa/ /khams gsum dag ni ma lus pa/ /khams gsum gyi ni ye shes che/ /'byung ba bzhi yi rang bzhin can/ /dbyangs yig sbyar ba la brten nas/ /nyi ma zla ba'i rang bzhin nyid//rnam shes tshor ba'i phung po ni/ /rang bzhin mi bskyod rin chen bdag /bdag med gau rI sbyar ba las/ /ye shes lnga dang gsum rten las/ /ye shes bco lnga'i rang bzhin can/ /yi ge e ni sa ru 'dod/ /gzhom du med pa'i ye shes che/ /dbyangs yig 'dus par rab tu gnas//thabs dang shes rab yang dag ldan/ /rdo rje gsum ni bzhi yi bdag /'byung ba lnga yi ye shes che/ /kha sbyor bas na dgu yi bdag /'di ni dkyil 'khor gnyis bdag nyid/ /yi ge e ni spyan mar 'dod/ /dbyangs yig sbyar ba la brten nas/ /A li kA li'i rang bzhin nyid//'du byed phung po rnam par shes/ /rang bzhin don yod rdo rje bdag /mkha' 'gro ma ni mkha' spyod sbyar/ /ye shes lnga dang gsum rten las/ /bco lnga'i rang bzhin ye shes te/ /yi ge waM ni chu ru bshad/ /gzhom du med pa'i ye shes che/ /dbyangs 'dus pa ni yang dag gnas/ / thabs dang shes rab yang dag ldan/ /rdo rje gsum dang bzhi yi bdag /'byung ba lnga yi ye shes che/ /kha sbyor gyis na dgu yi bdag /de ltar dkyil 'khor gnyis kyi bdag /waM yig mA ma kI ru 'dod/ /dbyangs yig ldog pa la bsten nas/ /mkha' 'gro rdo rje sbyar ba las/ /rnam shes phung po la brten te//lha mo'i 'khor lo bsgom pa las/ /ye shes bco lnga'i rang bzhin te/ /yi ge ma ni me ru bshad/ /gzhom du med pa'i ye shes che/ /dbyangs yig med par yang dag gnas/ /thabs dang shes rab yang dag ldan/ /rdo rje gsum dang bzhi yi bdag /'byung ba lnga yi ye shes che//kha sbyor bas na dgu yi bdag /'di ltar lha mo'i 'khor lo'i dngos/ /de ltar de bzhin gshegs pa'i gnas/ /gnyi ga dbyer med rdzogs sangs rgyas/ /ma yig gos dkar mo ru bshad/ /dbyangs yig sbyor ba la brten nas/ /A li kA li rab tu sbyar/ /ming dang gzugs su mngon brjod bdag /'dod chags gti mug rang bzhin bdag /chu ma rdo rje mnyam sbyor las/ /ye shes lnga dang gsum rten nyid/ /ye shes bco lnga'i rang bzhin can/ /yi ge yA ni rlung du bshad/ /gzhom du med pa'i ye shes che/ /dbyangs yig 'dus par rab tu gnas/ /thabs dang shes rab yang dag ldan//rdo rje gsum ni bzhi yi bdag /'byung ba lnga yi ye shes bdag /kha sbyor gyis ni dgu yi bdag /de ltar dkyil 'khor gnyis kyi bdag /yi ge yA ni sgron mar 'dod/ /e waM ma yA yi ge bzhi/ /re re 'ang gsum gyis bsgres pa rnams/ /de ni re re'ang rnam gnyis las//spyan ni nyi shu rtsa bzhi yin/ /e waM ma yA'i yi ge bzhi/ /ye shes lnga yi rang bzhin nyid/ /re re'ang rnam pa lngar phye bas/ /brgya'am du ma'i rnam grangs 'gyur/ /e waM ma yA'i yi ge bzhi/ /rdo rje gsum dang bzhi yi bdag /re re'i dbye ba la brten nas/ / bzhi'am bcu yi nA da can/ /bco lnga cha yi bdag nyid yin/ /a sogs dbyangs yig der 'gyur te/ /gsal byed rnams ni lnga lnga nyid/ /mthar gnas pa yi 'byung bzhi rnams/ /sha Sha sa 'di srid gsum bdag /rdo rje mi phyed gsum sbyor ba/ /yi ge ha las srid gsum 'byung / /ye shes chen po gzhom du med//rdo rje bzlas pa zhes su bshad/ e waM ma yA'i yi ge bzhi/ /skye mched drug dang sbyar ba las/ /rdor gsum dbye ba la brten nas/ /bco brgyad kyi ni rnam par 'dod/ /phung po lnga yi ye shes dngos/ /'byung ba bzhi ru rab tu gnas/ /rdor gsum gnyis ni dbyer med pa//rdo rje sems dpa' zhes su bshad/ /de la sku gsum bdag nyid can/ /yi ge bzhi ru rab tu gnas/ /nam mkha' la ni 'ja' tshon ltar/ /shes nas rnal 'byor pas dngos grub/ /yi ge bzhi po 'di dag 'grub/ /dngos grub thabs gzhan du na med//yang na e ni shes rab po/ /waM ni thabs so/ /A li kA li zla ba dang nyi ma dag thabs dang shes rab tu gyur pas na/ /phyag gnyis sprul pa'i sku'o/ /A li kA li dag kyang ni/ /phyag bzhi pa longs spyod rdzogs pa'i sku'o/ /zla ba nyi ma dag ni phyag drug pa chos kyi sku'o/ /de ltar sku gsum gyi bdag nyid 'di gnyis tha mi dad cing dbyer med pa de ni bcom ldan 'das phyag bcu drug pa ngo bo nyid kyi sku'i bdag nyid de bzhugs so//thams cad du khyab pas mi 'gyur ba'i rang bzhin yin pa'o/ /'di nyid mngon par gsal ba'o/ /bdag gis zhes bya ba ni/ /sprul pa'i sku'i rgyus so//thos pa zhes bya ba ni longs spyod rdzogs pa'i sku rtogs pa'o/ /gcig ces bya ba ni/ chos kyi sku'i rgyu mtshan no/ /dus zhes bya ba ni/ /sku gsum tha mi dad pa'i ngo bo nyid kyi sku'i rang bzhin gyi 'bras bu'i rdo rje 'chang ngo / /de bzhin gshegs pa thams cad kyi sku dang gsung dang thugs rdo rje'i btsun mo'i b+ha ga la zhes bya ba ni/de bzhin gshegs pa smos pas/ me long lta bu la sogs pa'i ye shes lnga'o/ /thams cad kyi sgras gzugs la sogs pa'i dngos po ma lus pa ste/ thams cad kyang yin la de bzhin gshegs pa yang yin pas de bzhin gshegs pa thams cad de/'dis ni de bzhin gshegs pa'i rang bzhin ma yin pa med pa nyid do/ /de bzhin gshegs pa de nyid sku gsung thugs rnams so/ /mi phyed pa'i ye shes de nyid rdo rje'o/ /de nyid btsun mo ste bdag med pas dogs pa thams cad bral bas so/ /de nyid b+ha ga ste/ dbang phyug la sogs pa'i yon tan ma lus pa dang ldan pas so/ /de la zhes pa ni/ rgyu mtshan de'i phyir na'o/ /de bas na bcom ldan 'das bzhugs te/ rnam pa sna tshogs pa'i gzugs kyis gdul bya sna tshogs kyi yid 'phrog pa mdzad do/ /yang na bdag gis zhes bya ba ni/ /me'i khams dang rlung gi khams dag gnyis su med pa'i rang bzhin des/lte bar gtum mo sbar ba yis/ /de bzhin gshegs pa lnga bsregs shing / /spyan la sogs pa yang bsregs pas/ /bsregs pas ri bong can haM 'dzag /b+ha ga'ang de'o/ /thos pa ni 'dzag pa'i bya bar gyur pa'o/ /de ci zhe na/bcom ldan 'das te gcig go/ /dus gcig na zhes pa ni/ de bzhin gshegs pa thams cad gnyis su med par rtogs pa'i skad cig la ste/ de nyid bcom ldan 'das so/ /de bzhin gshegs pa thams cad kyi rdo rje btsun mo'i b+ha ga la bzhugs te zhes bya ba ni/ de kun rdzob kyi bden pas rnam par bzhugs pa yin no/ /yang na bdag gis zhes bya ba ni/ dga' ba'i rgyus so/ /thos pa zhes pa ni/ mchog dga'o/ /dus gcig na zhes bya ba ni/ de nas rnam par dga' ba bstan to/ /bcom ldan 'das zhes bya ba ni/ lhan cig skyes pa'i dga' ba'i rang bzhin no//de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs te/ zhes bya ba ni/ mngon par shes pa drug dang ldan pas 'gro ba'i don byed pa'i rgyu rdzogs pa zhes pa'i don to/ /yang na bdag gis zhes bya ba ni las kyi phyag rgya'o/ / thos pa ni chos kyi phyag rgya'o/ /dus gcig ni dam tshig gi phyag rgya'o/ /bcom ldan 'das zhes bya ba ni/ phyag rgya chen po ste phyag rgya bzhi'i bdag nyid ni de bzhin gshegs pa thams cad kyi sku dang gsung dang thugs rdo rje btsun mo'i b+ha ga'o/ /la zhes pa ni de la bzhugs nas 'gro ba'i don rdzogs par mdzad do zhes bya ba'o//mdor na yang brtags pa de thams cad rtag pa dang mi rtag pa dang / dge ba dang mi dge ba la sogs pa gnyis kyi bdag nyid can no/ /de yang yi ge e dang waM gyis rgyas btab pa las gnyis ga tha mi dad pas de nyid e waM yin par bstan to/ /de nyid gsungs pa/sangs rgyas kun gyi sdom pa ni/ /e waM rnam par rab tu gnas/ /gzhan yang / e yi cha byad bzang po gang / /dbus su waM gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /ces pa dang / gzhan las kyang / e waM yi ge shes pa gang //ma lus mtha' dag shes pa yin/ /de ni chos kyi za ma tog /gnyug ma'i mnga' bdag 'di la gnas/ /de'i phyir e waM nyid khams gsum yin gyi gzhan du ma yin no/ /'di ni yi ge gnyis kyi bshad pa'o/ /de ltar na rgyud thams cad kyi gleng gzhi'i tshig 'di yin no zhes pa/'di'i don gtan la phab pa yin no/ /de bas na byang chub sems dpa' don la rton par bya ba'i tshig de ji lta ba de ltar ma yin no/ /yang na e ni shes rab bo/ /waM ni thabs so/ /'di gnyis kyi bdag nyid ni sku rdo rje zhes pa'i don to/ /bdag gis thos pa zhes pa ni/ tshig khong du chud pa ste gsung rdo rje zhes pa'i don to/ /dus gcig na zhes bya ba ni/ gcig ni zla med pa'o/ /'di ltar lha nyid yang dag par bsdoms nas 'dus pa'i dus te thugs rdo rje zhes bya ba'i don to/ /'di nyid chos kyi sku ste/ sku 'di gnyis kyi rgyur gyur pas so/ /de bzhin gshegs pa thams cad kyi sku dang gsung dang thugs rdo rje btsun mo'i b+ha ga la zhes pa ni/thams cad kyang de yin la/ de bzhin gshegs pa yang yin pas de bzhin gshegs pa thams cad de gzugs la sogs pa'i phung po lnga'o/ /de nyid sku gsung thugs so/ /de nyid rdo rje ste de bzhin gshegs pa'i sku gsum tha mi dad pa'i ye shes so//de nyid btsun mo ste/ rnal 'byor ma ni de'i cha/ /zhes bya ba'i tshig gis so/ /de nyid b+ha ga'i ye shes che/ /dbang phyug la sogs pa'i yon tan ma lus pa'i rang bzhin gyi phyir ro/ /la bzhugs so zhes bya ba ni/ khyab par bya ba dang khyab par byed pa'i bdag nyid des bzhugs so//gnyis su med pa'i sku can gyi rdo rje 'dzin pa de nyid ston pa po dang sdud pa po yin te/ ji skad du bcom ldan 'das kyis gsungs pa/ 'chang ba po nga chos kyang nga / /rang gi tshogs ldan nyan pa nga / /zhes pas so/ /e waM ma yA zhes bya ba'i yi ge bzhi po 'dis thams cad bsdus te/de ltar thams cad bzhi bzhi'o zhes pa dang / bzhi po thams cad kun dag kyang / /e waM yi ger yang dag 'dus/ /zhes pa'o/ /der zhes bya ba ni/ de ltar khyad par du 'phags pa'i gnas dang dus dang / 'khor dang bstan par bya ba rab tu gsal ba nyid bcom ldan 'das bdag nyid kyi tshe tshad kyi spro ba dang bsdu ba'i bdag nyid mdzad do//gang 'di bcom ldan 'das zhes bya ba yongs su rdzogs pa'i ngo bo nyid kyi sku'i bdag nyid de ston pa yin te/ bcom ldan 'das kyi ston pa ni da ltar byung ba nyid kyis dus gsum can yin pa nyid dang /thams cad la khyab pa nyid dang / rnam pa thams cad sdom pa gcig pa nyid kyis na ston pa yin no/ /de bzhin du yang / /lha yi rgyal pos char phab kyang / /sa bon mi rung mi 'khrungs ltar/ /sangs rgyas rnams ni byung gyur kyang / /skal pa med la 'bras mi 'byung //zhes pa dang gzhan las kyang / de bzhin gshegs pa rnams byung yang rung ma byung yang rung bar gnas pa 'di ni chos rnams kyi chos nyid do zhes bya ba la sogs pa'o/ /de ci yin zhe na/ gsungs pa/ de bzhin gshegs pa thams cad kyi sku dang gsung dang thugs kyi snying po rje btsun gsang ba las ches shin tu gsang ba/e ma'o rdo rje snying po snying rje chen po legs so legs so/ /rdo rje sems dpa' dang / sems dpa' chen po dang / dam tshig sems dpa'i snying po dgyes pa'i rdo rje zhes bya ba nyon cig ces bya ba smos te/ de bzhin gshegs pa thams cad kyi sku dang gsung dang thugs kyi snying po zhes bya ba ni/kun du snang ba'i mtshan nyid gzugs la sogs pa'i phung po lnga bsags pa'i rang bzhin sku'o/ /de yang brda'i rgyu mtshan du rnam par gnas pa brjod pa'i phyir gsung gi rang bzhin no/ /de yang gsung rigs pa'i rang bzhin nyid kyi thugs kyi sku yin zhing /rdo rje gsum dbyer mi phyed pa nyid kyis sku gsung thugs so/ /de yang de bzhin gshegs pa thams cad snying po ni ma lus pa'i de bzhin gshegs pa'i ye shes so/ /slar yang de ci lta bu zhig ce na gsungs pa/ rje btsun zhes pa ste/ nyan thos la sogs pa'i yul ma yin pa'i phyir dang /theg pa chen po la mchod pa bya ba'i phyir ro/ /gsang ba las ches shin tu gsang ba ni/ gsang ba sdom pa ste/ gsang ba ni 'khor ba ste kun rdzob kyi bden pa'o/ /shin tu gsang ba ni/ de las shin tu 'das pa'i phyir na mya ngan las 'das pa don dam pa'i bden pa'o//gnyi gar brgal nas shin tu 'das pas na gsang ba las ches shin tu gsang ba'o/ /e ma'o byang chub sems dpa' chen po rdo rje'i snying po snying rje chen po legs so legs so zhes bya ba la/ e ma'o ni/ yul ma yin pa mthong ba'i che ba'i bdag nyid kyi phyir ngo mtshar ba ste/ de nyid zhus nas nyan par byed pa legs so legs so zhes pa ni/ brtse ba dang bcas pas rjes su yi rang ba'o/ /rdo rje snying po zhes bya ba ni/ mi phyed pa'i sku'o/ /snying rje chen po zhes bya ba ni/ kun rdzob kyi bden pa'i bdag nyid can no//byang chub sems dpa' chen po zhes bya ba ni/ don dam pa'i bden pa'i rang bzhin te/ de ltar gnyi ga'i bdag nyid kyis na rdo rje snying po yin no/ /rdo rje sems dpa' dang / sems dpa' chen po dang / dam tshig sems dpa'i snying po zhes bya ba ni/ rdo rje gsum dbyer mi phyed pas na rdo rje sems dpa' ni chos kyi sku'o//sems dpa' chen po ni longs spyod rdzogs pa'i sku'o/ /dam tshig sems dpa' ni sprul pa'i sku yin te/ sku gsum gyi ye shes su gyur pa'o/ /dgyes pa'i rdo rje zhes bya ba ni/ /gnyis su med pa dang / gnyis dang gsum dang bzhi'i bdag nyid dang /ye shes lnga'i sku dang / rdo rje 'dzin pa dang / bdag med ma dang tha mi dad pa las dgu'i bdag nyid kyi dkyil 'khor te/ phyag bcu drug pa la sogs pa'i he ru ka'i sku dgyes pa'i rdo rje zhes bya'o/ /nyon cig ces pa ni/ nyan pa'i spyod yul du gyis shig pa'o/ /de ltar bcom ldan 'das kyis bka' stsal pa'i rjes thogs su/rdo rje snying pos gsol ba/ gang phyir rdo rje sems dpa' lags/ /ji ltar sems dpa' chen po lags/ /gang gis dam tshig sems dpa' lags/ /bcom ldan 'das kyis bdag la gsungs/ /zhes gsol ba btab pa'i rjes thogs su/bcom ldan 'das kyis bka' stsal pa/ rdo rje mi phyed ces byar brjod/ /sems dpa' srid pa gsum gcig pa/ /shes rab rigs pa 'di yis ni/ /rdo rje sems dpa' zhes byar brjod/ /ces bya ba smos te/ shes rab ni gsal ba rab kyi ye shes nyid kyis rdo rje nyid do/ /rigs pa ni rigs pas so//sems dpa' nyid ni/ rdo rje gsum mi phyed pa yin pa'i phyir rdo rje sems dpa' ste chos kyi sku'o/ /ye shes chen po'i ros gang ba/ /sems dpa' chen por brjod par bya/ /zhes pa la/ ye shes chen po zhes bya ba ni/ yang dag par rdzogs pa'i byang chub kyi ye shes so/ /de'i ro ni sna tshogs su nyams su myong ba'i mtshan nyid do//de yis gang ba ni theg pa chen po'i byang chub sems dpa' la sogs pa rnams kyis thos pa la sogs pa'i ye shes kyis nyams su myong ba'o/ /sems dpa' chen po ni longs spyod rdzogs pa'i sku'o/ /sku 'di gnyi ga yang ma ning gi rtags so/ / rtag tu dam tshig la 'jug phyir/ /dam tshig sems dpa' brjod par bya/ /zhes bya ba la rtag tu ni bar ma chad pa'o/ /dam tshig ni lha thams cad 'byung ba ste/ yang dag par sdom zhing bsdus pa'i lhar byas pa'o/ /de'i rang bzhin gyis 'jug pa'i phyir dang / yongs su grub pa yin pa'i phyir dam tshig sems dpa' ni/rdo rje 'dzin pa'i sprul pa'i sku'o/ /de ltar sku gsum gyi rang bzhin nyid du dgyes pa'i rdo rje rtogs par bya'o/ /dgyes pa'i rdo rje brjod pa'i don nyid rnam par rtog pa gsum blo la bsdogs nas/ rdo rje snying pos gsol ba/ ming bsdus pa ni 'di lta bu/ gang gis kye yi rdo rje lags//he yi rnam pas ci zhig bshad/ badzra yis kyang de bzhin ci/ /zhes smos pas/ gang gis kye'i rdo rje lags/ /zhes pa ni yi ge gsum po 'di ci ltar yin zhes pa'o/ /ming bsdus pa ni 'di lta bu zhes bya ba ni/ /'di lta bu'i tshul gyis ming brda des bsdus te yang dag par sdom pa'o//he yis byed pa ci zhig bshad/ /badzra yis kyang de bzhin ci/ /zhes pa'o/ /bcom ldan 'das kyis bka' stsal pa/ he ni snying rje chen po ste/ badzra'ang shes rab brjod par bya/ /zhes bya ba ni/ nyon mongs pa'i bag chags kyis nying mtshams sbyor ba rtsad nas gcod pa he'o//de la byed pa ni 'gro ba'i don rdzogs par byed pa ni byed pa zhes bya'o/ /'di mi 'thad do zhe na/ gang byed pa med pa'i byed pa 'di nyid snying rje chen po ste/ gang don dam pa'i bden pa'i bdag nyid kun rdzob kyi bden pa yin no/ /yang na ha ni thabs so/ /e ni shes rab bo/ / gnyi ga 'byed pa'i gnas skabs de gnyis su med pa nyid de ni snying rje chen po ste/ bdag dang gzhan gyi don la 'jug pa'i rgyu rnam pa thams cad mkhyen pa'i mngon par byang chub pa 'di nyid gsal ba yin no/ /badzra'ang shes rab brjod par bya/ /zhes bya ba ni/ badzra ni rdo rje 'dzin pa'o//shes rab ni bdag med pa'o/ /brjod par bya ni/ rtogs par bya ba ste dgyes pa'i rdo rje'i don to/ /'dir/ thabs dang shes rab bdag nyid rgyud/ /de ni nga yis bshad kyis nyon/ /zhes bya ba smos te/ dgyes pa'i rdo rje dri ba gsum gyi don bstan nas/ de bye brag tu bshad pa gsungs pa/'di'i don gyi bdag nyid de ci yin/ 'di lta ste/ thabs dang shes rab bdag nyid rgyud/ /ces pa ni thabs dang shes rab tha mi dad pa bye brag tu 'chad par byed pa ni shin tu spyod yul ma yin no/ /ji lta zhe na/ cha med pa dang cha dang bcas pa dag gis don dam pa dang kun rdzob tha mi dad par bye brag tu 'chad par byed pa de dbye ba sbyar nas 'grub par mi nus te/sbyor ba med pa'i phyir ro/ /byed pa dang bral bas kyang rdzogs pa ma yin te/ de nas yang de la yang dag par sbyor ba'i don med pa'i phyir ro/ /bden pa gnyi ga dbyer med pas kyang ma yin te/ 'dis rgyud 'di bye brag tu 'chad par byed pa spyod yul ma yin no//de ni rgyud do/ /bdag gis bshad ni/ bdag gi tshig kho na'i yul yin gyi gzhan gyi ni yul ma yin no/ /de nyon ni thos pa'i spyod yul du gyis shig pa ste/ longs spyod rdzogs pa'i sku dang tha mi dad pa'i sku gsum skyed par byed pas na/theg pa chen po'i gsang sngags mchog nyid 'di'i che ba'i bdag nyid yin no/ /'chad par 'gyur ba yang / rgyud kun gyi ni tshul shes nas/ /phyi nas dgyes pa'i rdo rje brtsam/ /zhes pa'o/ /sku gsum tha mi dad pa nyid rtogs par byed pa bden pa gnyis kyi rim pas bstan par 'dod nas gsungs pa/lta stangs dgug dang brda chen dang / /don byed rnam mang rig pa dang / /zhes pa'i lta stangs dgug pa la sogs pa'i bshad pa 'di yang / le'u gzhan las rab tu grags pa nyid do/ /gzhan yang / lta stangs ni lta ba'i ye shes te thugs kyi rnam pa'o/ / dgug pa ni dgug pa ste/ yul dang dbang po la sogs pa 'dus pa las dgug pa'i rang bzhin gyi phyir sku'i rnam pa'o/ /brda chen zhes bya ba ni/ brda chen po ste mtshan ma med pa'i rang bzhin gyi chos las mtshan mar ston pas na gsung gi rnam pa'o/ /de lta bur gyur ba'i don byed pa'i don ni don dam pa'i bden pa'o//ji ltar zhe na/ mnyam pa'i phyir dang / mi phyed pa'i phyir sku dang gsung dang thugs rnams so/ /de'i dngos po ni don byed pa'o/ /de'i rnam mang ni rnam pa sna tshogs te/ kun rdzob kyi bden pa'i rang bzhin no/ /de'i rig pa ni shes pa ste/ ye shes kyi rnam pa yin pa'i phyir dang /don dam pa'i bden pa nyid kyi phyir nges pa dang ldan no zhes bya ba'i don to/ /rengs par byed dang skrod pa nyid/ /sde rengs byed dang mngon spyod dang / zhes bya ba ni/ don rab tu grags pa'i don de gsal ba nyid do/ /don gzhan yang rengs pa smos pas g.yo ba med pa nyid de bsdu ba'o//skrod pa'i sgras spro ba'o/ /sde rengs byed pa smos pas/ sde ni dbang po la sogs pa'i dpung ste de rnams kyi tshogs la sde'o/ /'di'i rang bzhin g.yo ba med pa nyid kyis na rengs pa'o/ /de nyid mngon pa nyid du thams cad du spyod cing spro ba'i rang bzhin gyis kyang gnas pa yin no//sde rengs byed dang mngon spyod kyi nges tshig go/ /lta stangs dgug pa la sogs pa dang rengs par byed pa dang skrod pa la sogs pas ye shes lnga'i rang bzhin gyi sku gsum dang sku gsum tha mi dad pa nyid ye shes lnga'i rang bzhin no/ /de nyid gsungs pa/ ji ltar rigs par rnal 'byor ma'i//skye dang gnas dang byed rgyu dang / /zhes bya ba ni rnal 'byor gang la yod pa ni rnal 'byor ma ste bdag med ma la sogs pa bco lnga'o/ /ji ltar zhe na/ gang gzugs la sogs pa'i nye bar len pa'i phung po lnga rnams dang / de'i yan lag yul lnga po rnams gzung ba dang 'dzin pa gnyi ga 'dus pa las byung ba'i bde ba la sogs pa'i rang bzhin gyi ye shes lnga po 'di ni bco lnga ste/'di rnams tha mi dad pa'i phyir rnal 'byor ma'o/ /de la ji ltar rigs pa ni rim pa ji lta ba bzhin du'o/ /skye dang gnas dang byed rgyu ni cha med pas 'jig pa'i rang bzhin gyi phyir dang /de dag gi skyed pa dang gnas pa mi dmigs pa'i phyir/ gnyi ga rgyu nye bar dgod par bya dgos so/ /'dis ni gang skyed pa'i rgyu yin pa de ni gnas pa'i yang yin te/ gnyi ga yang rgyu gcig pa nyid kyi phyir ro/ /gnyi ga yang 'jig pa las gud na med pa'i phyir na skye ba dang gnas pa dang 'jig par gyur du zin kyang /rgyu gcig pa kho na yin te/ gsum ka yang rgyu gcig pa'i phyir ro/ /de kho na nyid du na rgyu dang 'bras bu'i rang bzhin med pas rgyu dang 'bras bu'i 'brel ba yan lag can yod pa ma yin pa 'di nyid rnal 'byor rim pa yin no//gzhan yang / nus mthu ye shes rnam shes dang / /lha rnams ji ltar 'byung ba'o/ /zhes bya ba smos te/ ye shes ni rtogs pa ste kun rdzob kyi bden pa'o/ /rnam par shes pa ni de las 'das pa ste don dam pa'i bden pa'o/ /ye shes nyid rnam par shes pa yin la/ kun rdzob kyi bden pa nyid don dam pa'i bden pa'o//de nyid lha rnams te gzugs la sogs pa ji ltar 'byung ba'o/ /de nyid kyi nus mthu ni/ gnyis su med cing gnyis su dbyer med pa'i dgyes pa'i rdo rje bstan pa yin no/ /de nyid/ he ru ka ni bskyed pa'i rgyu/ /dang por gcig ni bsgom par bya/ /zhes bya ba smos te/he ru ka'i bskyed pa ni he ru ka bskyed pa ste/ mtshan ma med pa dang / smon pa med pa dang / stong pa rnams 'byung ngo / /de'i rgyu ni rgyu'o/ /gcig nyid ni/ /gnyis su med pa nyid do/ /bsgom par bya ni dang po re zhig gang sgom pa'o/ /de nas dang por re zhig ni gzhan la ltos pa med par bstan pa'i rim pa'o//gcig ces pa ci/ ma ning du gyur pa'i phyir/ gcig gis zla bo med par ston te zla med pa yang gcig kyang med pa yin pas so/ /'dis ni dmigs pa can gyi lta ba thams cad rnam par bcad pa yin no/ /de nyid/ /rdo rje snying po snying po che/ /dngos po nyid kyis rnam grol cing //zhes pa ste dngos po nyid 'khor ba yin la de nyid grol ba skyed par byed pa ste/ 'khor ba las 'das pa'i pha rol na grol ba yod pa ma yin no/ /de nyid rdo rje snying po snying rje che/ /zhes pa ni khyad par dang bcas pa bod pa'o/ /rdo rje snying po nyid kyis don dam pa'i bden pa'i don to//snying rje che nyid kyis ni de nyid kun rdzob kyi bden pa yin no/ /gang gsungs pa/ /'khor ba he ru ka yi tshul/ /'gro ba sgrol byar byed pa'i gtso/ /zhes pa'o/ /de ji ltar 'ching bar 'gyur ba gsungs pa/ /dngos po'i 'ching bas 'ching bar 'gyur/ /de yongs shes pas grol ba yin//zhes bya ba smos te/ dngos po'i 'ching bas 'ching bar 'gyur/ /zhes pa ni dngos po nyid grol ba'i tshul du brtags nas thar pa'i rtog pas 'ching bas bcings nas slar yang srid par 'gyur ro/ /de yongs shes ba grol ba yin/ /zhes pa ni thar pa yongs su shes pa nyid kyis grol bar 'gyur ba yin no//'dis ni thar pa'i rtog pa yang 'ching ba la/ /'ching ba'i rtog pa yang thar pa yin no/ /de'i phyir 'ching ba dang thar pa gnyi ga yang ltos pa dang bcas pa yin no/ /ltos pa med pa'i don la ni 'ching ba yang med la thar pa yang med do/ /dngos po med pa yongs shes pas//dngos po sgom 'gyur shes rab can/ /zhes bya ba la dngos po ni kun rdzob po/ /dngos po med pa ni don dam pa'o/ /gnyi ga yang snyoms par 'jug par bsgom par bya'o/ /'gyur ba ni skyed pa'o/ /ji ltar zhe na/ yongs su shes pas so/ /thams cad du yongs su shes pa nyid yongs su shes pa ste/mi shigs pa'i rang bzhin der gnas pa yin no/ /de nyid shes rab can zhes pa ni bod pa'o/ /yang na dngos po cir 'gyur/ dngos po med pa ma skyes pa'i rang bzhin no/ /ji ltar zhe na/ yongs su shes pas te/ lhun gyis grub pas dbang du gyur pas so//bsgom par bya ba gang zung du 'jug pa'i rang bzhin gyis bsgrub par bya'o/ /yang na dngos po ni dngos po med pa yin la/ dngos po med pa yang dngos po yin pas dngos po gnyis pa'i ma ning ni he ru ka'o/ /dngos po med kyang gnyi ga dbyer mi phyed pa'i rdo rje mkha' 'gro ma ning gi ste/de gnyis po gnyi gang snyoms par 'jug pa'i rang bzhin gyis bsgom zhing bsgrub par bya'o/ /yongs su shes pa ste rnam pa thams cad mkhyen pa zhes bstan zin pa'i don to/ /de nyid gsal bar bya ba'i phyir/ gsungs pa/ dngos po med pa yongs shes pas/ /de ltar he ru ka bsgom bya//zhes bya ba smos te/ snyoms par 'jug pa'i rang bzhin gyis bsgom par bya ba gang bsgrub par bya ba de yod pa yin pa de ltar ro/ /de ci zhe na/ he ru ka dang bdag med ma tha mi dad pa ste/ bdag med ma'i go 'phang de nyid dngos po med pa'o/ / med pa ni bdag med ma yin la/ dngos po ni rdo rje 'dzin pa yin pas gnyi ga dbyer mi phyed pa'i ye shes so/ /ji ltar zhe na/ yongs shes pas zhes pa ste/ 'di'i don ni bstan zin pa nyid do/ /'dis ni dngos po dang dngos po med pa'i bdag nyid kyis rnam pa thams cad mkhyen pa'i mngon par rdzogs par byang chub pa'i ye shes nye bar bstan nas/bden pa gnyis su byar med pa'i de nyid rnam par gsal bar bya ba'i phyir gsungs pa/ lus la ye shes chen po gnas/ /rtog pa thams cad yang dag spangs/ /dngos po kun la khyab pa'o/ /lus gnas lus las skyes pa min//zhes bya ba smos te/ lus ni lus te bsags pa'o/ /gzugs la sogs pa nye bar len pa'i phung po lnga'o/ /de la de'i bdag nyid kyis gnas shing mi g.yo bas na lus la gnas pa'o/ /ye shes chen po ni/ de bzhin gshegs pa thams cad kyi mkha' 'gro ma'i sdom pa mngon par rtogs pa'i ye shes so//de nyid kyi phyir/ yang dag rtog pa thams cad spangs/ /zhes pa ste/ yang dag pa'i rtog pa ni yang dag pa'i rtog pa ste/ 'phags pa'i bden pa bzhi la sogs pa'o/ /thams cad ni ma lus par te 'dis ni bag la nyal gyi bag chags tshun chad do//de spangs pa ni spangs pa ste/ dngos po'i rtog pa dang / dngos po med pa'i rtog pa dang / sgro btags kyi rtog pa dang / dmigs kyis bsal ba'i rtog pa dang / ji lta ba bzhin zhes pa dang / de bzhin zhes pa dang / gcig dang du ma dang / spyi dang khyad par te/ rtog pa rnam pa bcu spangs nas dor ba yin te shin tu rnam par dag pa'i chos kyi dbyings kyi rang bzhin yin pa'i phyir ro//de nyid kyi phyir dngos po kun la khyab pa po ni don gnas pa de'i phyir na dngos po ste/ thams cad kyang de yin la/ dngos po yang de yin pas dngos po thams cad de/ 'dod pa'i khams la sogs pa'i phung po dang khams dang skye mched rnams so//de rnams kyi khyab pa ni/ phan tshun du gzugs brnyan lta bur mtshungs pa des so/ /slar yang lus las skyes pa min ni rgyu lus las skyes pa'i rgyu gzhan dang gzhan tshad mas grub pa med pa'i phyir te/ gdod ma nas ma skyes pa yin par dgongs so//de ni ye shes chen po lus 'di la gnas pa des dngos po thams cad la khyab pas dbyer mi phyed pa nyid do/ /rdo rje snying pos bcom ldan 'das la gsol ba/ kye bcom ldan 'das rdo rje'i lus la rtsa du lags zhes bya ba smos te/ lus dang ye shes chen po dag dbyer mi phyed pa des na rdo rje'i lus so//bcom ldan 'das zhes bya ba ni/ dbang phyug la sogs pa'i yon tan ma lus pa'i gter gcig pu de/ rnam pa sna tshogs pa'i shes pa dang shes bya la sogs pa'i sgrib pa zil gyis mi gnon pas rnam pa thams cad mkhyen pa'i mngon par rdzogs par byang chub pa'i dbang du gyur nas/thugs su chud pas bka' stsal pa'i skabs 'dir bod par rigs pa yin no/ /rtsa du lags zhes pa ni/ zhus pa dang lan btab pa ste/ rtsa'i sgra yis dkyil 'khor gnyis bstan te/ dbyu gu gnyis la chu tshod gang yin pa'o//du lags zhes pa ni du yod ces pa'o/ skyes pa dang bud med tha mi dad pa nyid kyis na zhus te gsol ba/ rtsa gsum ni mkha' 'gro ma yin na de bzhin gshegs pa skyes pa du lags zhes pa'o/ /zhus pa de nyid bcom ldan 'das kyis bka' stsal pa/ rtsa rnams ni sum cu rtsa gnyis te/byang chub kyi sems sum cu rtsa gnyis 'bad pa bde ba chen po'i gnas su 'dzag pa'o zhes bya ba smos te/ yang dag pa'i ye shes brtan pas 'dzag pa spro ba'i tshul gyis gnas pa sprul par son pa de longs spyod rdzogs pa'i sku yongs su gyur pa las sprul pa'i sku 'bab pa'o//ji ltar zhe na/ byang chub kyi sems sum cu rtsa gnyis 'bab pa ste/ /byang chub kyi sems zhes pa ni/ stong pa nyid dang snying rje dbyer med pa'i thig le dang nA da dag tha mi dad pa las yi ge a la sogs pa dbyangs yig bcu drug nyid thig le bcu drug yin no/ /sku gnyis tha mi dad pas byang chub kyi sems sum cu rtsa gnyis 'bab pa'o//rtsa sum cu rtsa gnyis zhes pa ni sum cu rtsa gnyis po de nyid las byang chub kyi sems 'bab pa ste/ sku gnyis tha mi dad pa'i sprul pa'i sku dang dbyer med pas drug cu rtsa bzhi'o/ /de la a ba d+hU tI ni rgyu mthun pa bdag med ma dbus na gnas so//rkyang ma dang ro ma ni rgyu mthun pa'i 'byung ba chen po bzhi yin te/ byang chub kyi sems drug cu yin no/ /rtsa gsum ni gcig pa des na/ sum cu ste/ nyin zhag gcig la yang thabs dang shes rab kyi rang bzhin gyis drug cu yin no/ / tshes gcig la sogs pa tshes bco lnga'i rang bzhin can yar ngo dang mar ngo gnyi ga'i ngo bo nyid zla ba la sogs pa dus kyi bdag nyid kyis rten cing 'brel bar 'byung ba'i yan lag bcu gnyis kyi rang bzhin khyim bcu gnyis so/ /ma rig pa la sogs pa yang ma rig pa'i rkyen gyis 'du byed/'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi'o/ /de la ma rig pa zhes bya ba ni sdug bsngal ba dang / bdag med pa dang / mi rtag pa dang / mi dge ba rnams te/ bde ba dang / rtag pa dang / bdag dang dge bar sgro btags pa ni/ mi mthun pa'i phyogs so//bde ba dang / rtag pa dang / bdag dang / dge bar sgro btags pa mi mthun pa'i phyogs bsags pa'i las kyi rnam par smin pa ni 'du byed do/ /las de rnam par smin pa las byung ba ni rnam par shes pa'o/ /rnam par shes pa la brten nas ming dang gzugs so//ming dang gzugs las nye bar len pa'i phung po lnga byung la nye bar len pa'i phung po lnga dang lhan cig pa'i sems skye mched drug go/ /skye mched drug las yul dang dbang po dang rnam par shes pa gsum rnams zag pa dang bcas par sgro btags pa rig pa'o/ /reg pa dang 'dus pa las byung ba tshor ba'o//tshor ba rtag tu chags pa las sred pa'o/ /sred pa 'phel ba las len pa'o/ /gzugs la sogs pa'i phung po lnga dang de 'dus pa las srid pa'o/ /de'i rgyu mthun pa skye ba'o/ /de yongs su smin pa las rgas shing 'khogs pa'i phung po dang tha mi dad pa'i 'chi ba'o//'dis ni yang ma rig pa la sogs pa dang tshes gcig la sogs pa'o/ /gsum pa ji lta ba de bzhin du bcu gsum mo/ /ji ltar bzhi pa de ltar bcu bzhi pa'o/ /ji ltar lnga pa de ltar bco lnga pa yin te/ tshes grangs gsum tshes grangs bcu gnyis kyi nang du 'dus pa yin no//de la tshes gcig ni gnyis su med pa'i ye shes so/ /gnyis pa ni thabs dang shes rab bo/ /gsum pa ni sku gsung thugs so/ /bzhi pa ni 'byung ba chen po bzhi'o/ /lnga pa ni ye shes lnga'o/ /drug pa ni ye shes lnga dang tha mi dad pa'i rdo rje 'dzin pa'o/ / bdun pa ni thabs dang shes rab tha mi dad pa'o/ /brgyad pa ni de nyid sku gsung thugs so/ /dgu pa ni 'byung ba chen po lnga dang tha mi dad pa'i ye shes lnga rnams so/ /bcu pa ni lnga po gnyi gar tha mi dad pa'o/ /bcu gcig pa ni ye shes lnga gnyi ga yang gnyis su med pa'i rang bzhin no//bcu gnyis pa ni/ de nyid thabs dang shes rab kyi rang bzhin des so/ /bcu gsum pa ni de nyid sku gsung thugs kyi bdag nyid des so/ /bcu bzhi pa ni de nyid 'byung ba chen po bzhi'i rang bzhin gyi phyir ro/ /bco lnga pa ni lnga po gsum tha mi dad pas rnal 'byor ma bco lnga pa'o/ / de nyid 'char ba dang nub pa'i rang bzhin des tshes grangs sum cu'o/ /tshes grangs sum cu rnams dang yang tshes gcig tha mi dad do/ /tshes grangs kyi rang bzhin de la yang dbang du bya ba dang longs spyod pa dang thim pa'i rang bzhin rnams mkha' 'gro ma drug cu'o/ /nyin zhag gcig gi dbyu gu'i grangs kyis rnam par gnas so//ka la sogs pa sde tshan lnga rnams dang yi ge ma la sogs pa'i sde tshan lnga po rnams go rims las zlog pa dang / sa a+paSha sha th+a+ka a+kAshA Sha a+pAsa'i 'di dag ni de bzhin gshegs pa lnga'i rang bzhin rnams dang mthe bong la sogs pa sor mo lnga po rnams la 'byung ba bzhi'i rang bzhin lag pa g.yas la sogs pa nas rkang pa g.yas pa'i bar du so sor rdo rje gsum gyi rang bzhin des tshigs rnams la mtha' yas so//de bzhin du g.yon pa'i rkang pa la sogs pa g.yon pa'i lag pa'i bar du de ltar mtha' yas so//mdun dang rgyab dang logs gnyis su 'byung ba chen po bzhi rnams yin la dbus su bdag med ma yin no/ /nyin zhag gcig gi rang bzhin des na nyin mo ni bcom ldan 'das yin la/ /mtshan mo ni shes rab po/ /'di nyid 'chad par 'gyur ba las/ nyin mo bcom ldan rdo rje can//rnal 'byor ma ni mtshan mor bshad/ /ces pa'o/ /de nyid zhag bco lnga las zla ba phyed de yar ngo ni rdo rje 'dzin pa'o/ /mar ngo'i bdag nyid gzhan zla phyed bdag med ma yin la/ zla phyed gnyi ga'i bdag nyid ni zla ba la de nyid ma rig pa la sogs pa rten cing 'brel bar 'byung ba'i yan lag bcu gnyis kyi rang bzhin gyi lo'o//de nyid zla ba gnyis kyi chas dbye bas dus drug ste/ rdo rje sems dpa' dang de bzhin gshegs pa lnga po 'di rnams kyi rang bzhin yin par mtshungs so/ /zla ba drug drug gi ldog mtshams gnyis te/ gnyi ga yang de bzhin nyid yin no//de la de bzhin nyid sum cu rtsa gnyis kyi rang bzhin gyi dbugs gcig yin no/ /de nyid sum brgya drug cu'i bdag nyid dbyu gu ste bstan pa'i ka la sogs pa sum cu dang go bzlog pa'i a+ka la sogs pa sum cu'o/ /de ltar dbyu gu drug cu la rlung nyi khri chig stong drug brgya'o//lo la yang dbyu gu 'di nyid do/ /'dis ni lo re la dbyu gu ji snyed pa de snyed du nyin zhag gcig la dbugs so/ /lo re la nyi ma ji tsam yod pa de tsam du dbyu gu gcig la dbugs yod pa yin no/ /'khor lo bzhi la 'pho ba bcu drug gis dbugs gcig yin te/dbugs kyi 'pho ba'o/ /de ltar 'char ba dang nub pa dang / gnas pa'i rang bzhin gyis srid pa gsum tha mi dad cing cha med pa'i kun du bzang po rgyu skar nyi shu rtsa brgyad gyi rang bzhin 'byung ba bzhi po rnams la rgyu skar bdun bdun ldan pa sbyor ba bzhi'i bdag nyid des na tha skar la sogs pa'i rim pas gnas bzhi rnams la lan bdun bdun ldabs par shes par bya'o//rkyang ma dang / ro ma dang / kun 'dar ma dang / bu mo ste rtsa bzhi nyid sbyor ba bzhi'i yin par bya'o/ /de nyid sbyor ba bzhi yin te/ sbyor ba bzhi dang tha mi dad pas so/ /tshogs brgyad dang gza' brgyad kyang yin te/nyi ma ni shes rab bo/ /zla ba ni thabs so/ /mig dmar la sogs pa ni de bzhin gshegs pa lnga'o/ /sgra gcan ni rdo rje 'dzin pa'o/ /dus mtha' dag nyid la kun du bzang pos khyab pa yin pas rga ba dang 'chi ba dang mya ngan bskyed pa la sogs pa'i rtog pa bla ma dam pa'i bka' drin las 'bad pa med par rdo rje 'dzin pa'i skur 'khril bar 'gyur ro//rtsa sum cu rtsa gnyis po de nyid thabs dang shes rab kyi rang bzhin gyis drug cu rtsa bzhi'i rang bzhin te/ sprul pa'i 'khor lo 'dab ma drug cu rtsa bzhi par brjod do/ /de dag nyid tha mi dad pa ni bde ba chen po'i 'khor lo 'dab ma sum cu rtsa gnyis par brjod do//de nyid stong pa nyid bcu drug gi rang bzhin dbyangs bcu drug gi bdag nyid can longs spyod kyi 'khor lo 'dab ma bcu drug par brjod do/ /de nyid ye shes lnga dang sku gsum gyi rang bzhin chos kyi 'khor lo 'dab ma brgyad pa zhes brjod do//yang na nyin zhag gcig la dbyu gu drug cu rtsa bzhir bcom ldan 'das kyis gsungs so/ /de'i rang bzhin des na 'dab ma drug cu rtsa bzhi ste/ 'di nyid bla ma'i rim pa las brgyud pa'o/ /de nyid thabs dang shes rab tha mi dad pas dbyu gu gnyis kyis chu tshod sum cu rtsa gnyis kyi bdag nyid can pad+ma 'dab ma sum cu rtsa gnyis kyi de nyid dbyu gu bzhis 'pho bas dbyangs bcu drug gi rang bzhin dag la 'dab ma bcu drug go//de nyid dbyu gu brgyad brgyad kyis thun brgyad tshang pas pad+ma 'dab ma brgyad pa yin no/ /de la yang thun gnyis gnyis kyis thun mtshams bzhi ste/bde chen gyi lte ba'i pad+ma'i 'dab ma bzhi'o/ /de la yang thun bzhi bzhi po des nyin zhag phrugs gcig go/ /de gnyi ga tha mi dad pas nyin zhag tha mi dad cing gnyis su med pa'i rdo rje pad+ma zhes brjod do/ /de nyid sna tshogs pad+ma sna tshogs rdo rjes mtshan pa chos kyi 'byung gnas kyi gzhal yas khang zhes brjod do//de nyid gsungs pa/ de rnams kyi nang nas rtsa gsum ni gtso mo ste/ rkyang ma dang / ro ma dang / kun 'dar ma'o zhes pa smos te/ rkyang ma shes rab rang bzhin gyis/ /ro ma thabs kyis yang dag gnas//kun 'dar ma ni dbus gnas su/ /gzung dang 'dzin pa rnam par spangs/ /zhes pa smos so/ /rkyang ma shes rab rang bzhin gyis/ /zhes pa ni cha shas kyi rang bzhin dang bral ba des so/ /ro ma thabs kyis zhes pa ni cha dang bcas pa'i dngos po de'o/ / kun 'dar ma ni dbus gnas su/ /zhes pa ni dbus kyi yul du bstan pas dbus gnas te/ gnyi ga yang tha mi dad pa'o/ /de'i phyir/ gzung dang 'dzin pa rnam par spangs/ /zhes pa la gzung ba ni shes bya'o/ /'dzin pa ni shes pa'o/ /de'i spangs pa ni de gnyis ka yang tha mi dad par dgongs pa'o//shes pa dang shes bya dag bskyed bya skyed byed du yin pas sngon dang phyi ma'i dngos pos bden pa dang rnyed pa rnam par spangs pa'i don to/ /'di nyid/ mi bskyod 'bab pa rkyang ma ste/ /ro ma khrag ni 'bab pa'o/ /shes rab zla ba 'bab bshad pa/ /de ni kun 'dar ma rab grags/ / zhes pa ni/ mi 'khrug cing mi g.yo bas na mi bskyod pa ste/ de 'bab pa yin pas mi bskyod pa rdo rje 'dzin pa de rtag tu 'bab pa nyid der gnas pas don dam pa'i rang bzhin can no/ /ro ma khrag ni 'bab pa'o/ /zhes pa ni khrag ni 'dod chags kun du chags pa'i mtshan nyid kyis snang ba mtha' yas so//de rtag tu 'bab pa nyid du der gnas pa'i rang bzhin kun rdzob kyi bden pa'i bdag nyid ni ro ma'o/ /de bas na/ /shes rab zla ba 'bab pa ste/ shes rab bdag med ma'o/ /zla ba byang chub kyi sems te/ rtag pa nyid du gnyi ga 'bab cing gnyi ga gnas pas bden pa gnyis dbyer mi phyed pa'i rang bzhin can no//de nyid kun 'dar ma rab grags/ /zhes pa ni yang dag par rdzogs pa'i sangs rgyas gsal bar bya ba'i don la/ a ba ni ngang gis lhun gyis grub pas d+hU tI ste/ nyon mongs pa la sogs pa'i mi shes pa 'joms pas kun 'dar ma'o//yang na a ni bdag med ma'o/ /ba ni rdo rje 'dzin pa'o/ /gnyi ga ni d+hU tI'o/ /g.yengs nas bcom zhing rang bzhin med pas na kun 'dar ma'o/ /'di ni rkyang ma dang / ro ma dang kun 'dar ma rdo rje gsum dbyer med pa nyid kyis mkha' 'gro ma rnams kyi dngos grub yin no/ /'chad par 'gyur ba yang /srid gsum yongs gyur thams cad ni/ /gzung dang 'dzin pa rnam par spangs/ /zhes pa'o/ /'dis ni mi phyed pa la sogs pa'i rtsa 'di'i rang bzhin nyid yin du zin kyang 'khor lo bzhir gyur pas gnas gzhan dang dngos po gzhan dang byed pa'i khyad par gsum 'byung bar man ngag gis brjod par bya ste//mi phyed ma ni mgo bor gnas/ /so dang sen mo 'bar bar 'dod/ /phra gzugs ma ni spyi gtsug gnas/ /skra dang ba spu 'bab pa yin/ /mdzes ma rna ba g.yas par gnas/ /pags pa dri ma 'bab par bshad/ /g.yon pa ma ni ltag khung gnas//sha ni rtag tu 'bab pa yin/ /rna ba g.yon par mi thung ma/ /chu rgyus 'bab par gyur pa yin/ /smin ma'i dbus gnas rus sbal skyes/ /rus pa nges par 'bab pa yin/ /sgom pa ma ni mig la gnas/ /rtag tu snying 'khrung 'bab pa yin/ /dbang po lag pa'i dpung par gnas//snying ni 'bab par 'dod pa yin/ /skyon ma brang gi gnas su song / /mig 'bab pa yi rtsa yin no/ /'jug ma nu mar yang dag gnas/ /mkhris pas nges par gang nas 'bab/ /ma mo lte ba'i phyogs na gnas/ /mchin pa 'bab pa rab tu 'gyur/ /mtshan mo sna yi rtse mor gnas//rgyu ma'i phreng ba nges par 'bab/ /bsil sbyin ma ni kha na gnas/ /rtsib ma'i logs kyi rtsa bran 'bab/ /tsha ba ma ni mgrin par gnas/ /grod pa 'bab par 'gyur ba yin/ /tshad ma snying gi kha na gnas/ /dri chen rtag tu 'bab par 'gyur/ /kha dog nag mo mtshan mar gnas//rtsa de mtshog srubs nang du gnas/ /sra zhing brtan pa'i gzugs kyis gnas/ /sems can kun la bde ba ster/ /spyi ma gsang ba'i gnas na gnas/ /rtag tu rnag ni 'bab pa yin/ /brla yi gnas na yod pa'i rtsa/ /de ni rgyu sbyin ma yin te/ /byin par gnas na khrag 'bab pa'o//sbyor bral ma ni rngul 'bab po/ /brtse ba ma ni sor mor gnas/ /sna tshogs pa yi khu ba 'bab/ /grub ma rkang pa'i bol na gnas/ /rnam pa kun du mchi ma 'bab/ /'tshed ma mthe bo'i gnas na yod/ /thams cad du ni mchil ma 'bab//bzhin bzang pus mo'i lha ngar gnas/ /stobs dang snabs ni 'bab pa yin/ /sum skor ma ni mdoms na gnas/ /mtshog ma'i srubs ni 'bab par 'dod/ /nyi shu rtsa bzhi'i rtsa 'di rnams/ /gnas la sogs pa'i dbye bar 'dod/ /'dod pa can dang he ga dang /gtum mo 'dod pa bu mo dang / /lnga po snying gi dkyil gnas nas/ /rtsa ni lnga nas bdud rtsi 'bab/ /'di ni kha sbyor rgyud sogs kyi/ /don ni blangs nas rtsa gnas pa'i/ /byed pa nges par bstan pa yin/ /rtsa sum cu rtsa gnyis po 'di rnams kyang ji lta bu yin pa gsungs pa//srid gsum yongs gyur thams cad ni/ /gzung dang 'dzin pa rnam par spangs/ /yang na thabs ni thams cad kyis/ /dngos po'i mtshan nyid du ni brtag/ /ces pa smos so/ /gsum gyi sgras sku dang gsung dang thugs so/ /'di gsum ni srid par gyur pas srid pa gsum ste/ / gzugs dang gzugs med la sogs pa'o/ /de yongs su gyur pa ni rgyu mthun pa ste/ /de gang la yod pa de ni de'i bdag nyid kyis srid gsum yongs su gyur pa nyid de srid pa gsum rgyu mthun pa'i rang bzhin no/ /thams cad ces pa ni/ lhag ma med pa'o/ /de bas na gzung dang 'dzin pa rnam par spangs te/gzung ba ni 'dzin pa la ltos pa yin zhing / 'dzin pa yang gzung ba la ltos pa dang bcas pas gzung ba dang 'dzin pa dag mi dmigs pa ste/ de'i dmigs pa med pa'i phyir spangs pa'o/ /yang na zhes pa ni bsdu ba bstan pa'o/ /thabs ni thams cad kyis zhes pa ni/chos kyi dbyings kyi rang bzhin gyi thabs phyag dang zhal dang mdog dang dbyibs kyi dngos po'i mtshan nyid kyis so/ /de nyid rtag pa ste rtsa'i rang bzhin zhes bya'o/ /yang na thabs ni thams cad kyis ni rdo rje 'dzin pa'i rang bzhin gyis so/ /dngos po'i mtshan nyid du ni brtag/ /ces pa ni gang gis gzhig pa de ni dngos po'i mtshan nyid du brtags pa ste/srid gsum yongs su gyur pa nyid kyi phyir ro zhes dgongs so/ /'di ni zung 'jug rgyun gyi rim pa bstan pa yin no/ /de nas sdom pa'i dbye ba yang bshad par bya ste/ sdom pa ni bsdu ba'o/ /dbye ba ni spro ba'o/ /spro ba dang bsdu ba tha mi dad pas gang dag ma ning du gyur pa'o//de bshad pa ni bstan par bya ba'o/ /yang na yang dag pa'i mchog gtso bo dbye ba'i khyad par gong ma'i yang gong ma'i khyad par bshad par bya zhes pa'o/ /yang na sdom pas sdom pa ste kun rdzob kyi bden pa'o/ /de'i dbye ba ni/ gzhan ma yin zhing skabs sna tshogs pa yin pa nyid du'o//bshad par bya ste zhes bya ba ni/ mtshan mar byas pa yin no/ /de nyid gsungs pa/ A li kA li ni zhes pa ste/ A li ni a la sogs pa dbyangs bcu drug go/ /kA li ni yi ge ka la sogs pa'i gsal byed rnams so/ /gnyi ga yang thabs dang shes rab ste/shes rab ni bdag med ma'i dkyil 'khor ro/ /thabs zhes bya ba ni/ rdo rje 'dzin pa'i dkyil 'khor ro/ /chos dang longs spyod dang sprul pa ni sku dang gsung dang / thugs so zhes pa ni sprul pa ni sku'o/ /longs spyod rdzogs pa ni gsung ngo / /chos ni thugs te go bzlog pas go bar bya'o//e waM ma yA'i/ /e yi rnam pa lha mo spyan/ /waM gyi yi ge bdag mar brjod/ /ma ni lha mo gos dkar mo/ /yA yi rnam pa sgrol mar brjod/ /sa ni spyan mar bshad pa nyid/ /chu khams mA ma kI ru bshad/ /me ni lha mo gos dkar mo/ /rlung ni sgrol mar rab tu grags//zhes bya bas gsang sngags kyi tshul 'dir A li kA li gnyis kyi rim pa las thabs dang shes rab kyi rang bzhin gyis ni sku gsum skyed pa yin no/ /de nyid sku gsung thugs 'byung ba bzhi rab tu gnas pa de nyid spyan ma la sogs pa'i lha mo 'khor lo'i rim par gnas pa nyid do//'khor lo bzhi po de nyid gsungs pa/ sprul pa'i 'khor lo la 'dab ma drug cu rtsa bzhi dang / chos kyi 'khor lo 'dab ma brgyad dang / longs spyod kyi 'khor lo 'dab ma bcu drug dang / bde ba chen po'i 'khor lo 'dab ma sum cu rtsa gnyis so zhes pa ste/ 'khor lo'i grangs kyi rim pas rnam par gnas pa yin no/ /sprul pa'i 'khor lo 'dab ma drug cu rtsa bzhi dang zhes par smos te/ sprul pa ni snang ba'i mtshan nyid do/ /'khor lo ni sems so/ /'dab ma ni nA da'o/ /de la sku dang gsung dang thugs las 'byung ba bzhi'o//drug cu zhes bya ba ni dkyil 'khor drug cu'i rang bzhin no/ /'dis ni lte bar haM ngo / /'dab ma bzhi la ya ra la ba'o/ /ka la sogs pa lugs dang lugs las bzlog pa lnga bcu dang / saa+pa Sha sha a+ka a+ka sha Sha a+pa sa rnams lugs dang lugs las bzlog pa yin te/drug cu rtsa bzhi'i rnam par gzhag pa'o/ /yang na brgyad kyi bar gyis te/ a ka tsa Ta ta pa ya sha rnams dang / yi ge a la sogs pa dbyangs kyi yi ge bcu drug dang / ka la sogs pa gsal byed sum cu rtsa bzhi rnams te/ cung zad nga ro zhan pa Ta D+ha da d+ha ya la rnams so//chos kyi 'khor lo brgyad ces pa ni/ dkyil 'khor drug cu rtsa bzhi rnams brgyad brgyad kyis bsdus pas so/ /longs spyod kyi 'khor lo la 'dab ma bcu drug ces pa ni/ dkyil 'khor brgyad po de nyid 'gyur du byas pas so/ /bde ba chen po'i 'khor lo sum cu rtsa gnyis zhes pa ni/bcu drug po de nyid 'gyur du byas pa las so/ /sku bzhi ni/ sprul pa dang / chos dang / longs spyod rdzogs pa dang / ngo bo nyid yin te/ sku bzhi mngon par bstan to/ /skad cig ma bzhi ni/ rnam pa sna tshogs dang / rnam par smin pa dang / rnam par nyed pa dang /mtshan nyid dang bral ba'o zhes pa/ 'chad par 'gyur ba ni yang / /sna tshogs rnam pa sna tshogs brjod/ /'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /'khyud pa la sogs pa nye bar dga' ba ni/ /dga' ba dang mchog dga'i rang bzhin no//rnam par nyed pa dpyod par brjod/ /bdag gis bde ba spyad do zhes/ /'dis ni rnam par dga' ba'i don bde ba la gcig tu chags pa'i mtshan nyid do/ /mtshan nyid bral ba gsum las gzhan/ /chags dang chags bral rnam par spangs/ / 'dod chags med cing chags bral med/ /dbu ma dmigs par mi 'gyur te/ /gsum po spangs par 'gyur ba nyid/ /de nyid lhan cig skyes par brjod/ /ces bya ba'i don gyi tha tshig go/ /'di yang skad cig ma bzhi dang / sprul pa'i 'khor lo la sogs pa rim par sbyar ba ni/rim par rnam par bzhag pa'o/ /'phags pa'i bden pa bzhi ni/ sdug bsngal dang kun 'byung ba dang / 'gog pa dang / lam mo/ /sdug bsngal ni shes par bya'o/ /kun 'byung ni spang par bya ba'o/ /'gog pa ni mngon sum du bya ba'o/ /lam ni bsgom gyis sdug bsngal yongs su shes pa'o//de nas dge ba la sogs pa kun 'byung spangs pa'o/ /de nas 'gog pa zhes pa ni/ rnam par rtog pa bcu spangs nas log pa'o/ /de nas lam bsgom pa ni/ yang dag par rdzogs pa'i byang chub kyi lam 'dris shing byang ba las byung ba'o/ / de bzhin du 'khor lo bzhi la yang sbyar bar bya'o/ /de kho na nyid bzhi ni/ bdag gi de kho na nyid dang / sngags kyi de kho na nyid dang / lha'i de kho na nyid dang / ye shes kyi de kho na nyid do/ /de ltar rim pa sbyar ro/ /dga' ba bzhi ni/ dga' ba dang / mchog dga' dang / rnam par dga' ba dang /lhan cig skyes pa'i dga' ba'o/ /'chad par 'gyur ba yang / dga' ba bde ba cung zad de/ /mchog tu dga' ba de bas lhag /rnam par dga' ba chags par 'gyur/ /lhan cig skyes dga' lhag ma nyid/ /ces pa'o/ /sde pa bzhi ni/ gnas brtan pa dang / thams cad yod par smra ba dang /mang pos bkur ba dang / dge 'dun phal chen no/ /'chad par 'gyur ba yang / gang phyir sprul par gnas brtan phyir/ /sprul pa'i 'khor lor gnas brtan nyid/ /chos ni smra ba las phyung phyir/ /chos kyi 'khor lor thams cad yod/ gang phyir mgrin par myong ba'i phyir//longs spyod 'khor lo mang pos bskur/ /gang phyir bde chen 'khor lor gnas/ /dge 'dun phal chen bde chen du'o/ /zhes pa'o/ /de ltar thams cad do/ /zla ba nyi ma zhes pa la/ zla ba ni byang chub kyi sems so/ /nyi ma zhes pa ni/ sih+la ka ste/ 'di gnyis so/ /A li dang kA li ni/ yi ge a la sogs pa dbyangs dang / yi ge ka la sogs pa gsal byed do/ /'pho ba bcu drug dang zhes pa ni/ nyin zhag gcig la thun brgyad rnams kyis thun phyed phyed na 'pho'o/ /dbyu gu drug cu rtsa bzhi dang zhes pa ni/'pho ba bcu drug la re re zhing 'dir skad cig bzhi'i bye brag gis shes par bya'o/ /chu tshod sum cu rtsa gnyis dang zhes pa ni/ 'pho ba bcu drug la thabs dang shes rab kyi dbye bas 'pho ba gnyis kyi bye brag las go bar bya'o/ /thun tshod bzhi ste zhes pa ni/ nyin mo dang mtshan mo dag la yang yin te/de ni thun brgyad do/ /rnal 'byor ma re re zhing yang brgyad brgyad kyi khyad par gyis te/ 'di thams cad rdo rje 'dzin pa dang bdag med ma tha mi dad pa las dgu'i bdag nyid kyis dkyil 'khor yin no/ /yang na thun tshod bzhi ste zhes bya ba ni/ stong pa nyid bcu drug rnam par dag pa'i 'pho ba bcu drug la skad cig ma re re'i nang du thim pa des na dga' ba la sogs pa'i skad cig bzhis thun tshod bzhi'o/ /kun gyi bdag nyid rab tu gsal bas thams cad nyid sdud par byed pas na thun tshod do/ /'dis ni A li kA li zhes bya ba la sogs pa nas thun tshod bzhi'o zhes pa'i bar gyis/thams cad nyid gsang sngags kyi tshul gyi ye shes dgyes pa'i rdo rje las gsungs pa bstan pa yin te/ 'di ltar A li kA li dag 'pho ba bcu drug yin te/ a i u ka tsa Ta ta pa dang ya ra la wa dang / sha Sha sa rnams dang /gzhom du med pa'i yi ge ha'o/ /de ltar bcu drug tu bzhag pa gang 'pho ba yin no/ /de nyid dbyu gu drug cu rtsa bzhi ste/ a ka tsa Ta ta pa ya sha rnams dang / yi ge a la sogs pa dbyangs bcu drug dang ka la sogs pa gsal byed sum cu rtsa bzhi rnams dang / cung zad nga ro zhan pa Da d+ha da d+ha ya la rnams so/ /de ltar drug cu rtsa bzhi'o/ /chu tshod sum cu rtsa gnyis dang / /zhes pa ni dbyangs bcu drug nyis 'gyur dang / ka la sogs pa'i yi ge nyi shu rtsa lnga dang / ya ra la wa dang / sha Sha sa rnams dang / mi shigs pa 'pho ba rnams yin pas gnyi ga'i khyad par gyis thun tshod bzhi'o//nyin zhag gcig la brgyad de a ka tsa Ta ta pa ya sha rnams so/ /bzhi'o zhes pa ni ya ra la wa ste de ltar thams cad do/ /de ltar na de ltar thams cad bzhi'o/ /zhes pa ni e waM gi yi ges rgyas btab pas thams cad nyid 'byung ba bzhi'i bdag nyid can phung po dang khams dang skye mched la sogs pa'o//bzhi zhes pa ni/ dga' ba la sogs pa lhan cig skyes pa'i mthar yin no/ /da ni/ ye shes chen po lus la gnas/ /yang dag rtog pa thams cad spangs/ /dngos po kun la khyab pa'o/ /lus gnas lus la skyes pa min//zhes gang gsungs pa'i ye shes chen po de nyid ji ltar rnyed par 'gyur ba gsungs pa/ lte bar gtum mo 'bar ba yis/ /de bzhin gshegs pa lnga bsregs shing / /spyan ma la sogs yang bsregs pas/ /bsregs pas ri bong can haM 'dzag / ces bya ba smos te/ gtum mo 'bar nas zhes bya ba ni/ bsrub par bya ba dang / srub par byed pa'i sbyor bas ye shes kyi mi'o/ /'bar ba ni rab tu gsal bar 'gyur ba'o/ /gang du zhe na/ lte ba sprul pa'i 'khor lor ro/ /ci byed ce na bsregs pa'o/ /ci zhe na/ de bzhin gshegs pa lnga ste/gzugs kyi phung po la sogs pa chos kyi 'khor lor son pa rnams yul las ldog par byed do/ /spyan la sogs pa yang bsregs ni spyan la sogs pa'i sgras gzugs la sogs pa'i yul gzung bar 'dod pa de yang dbang po las ldog par byed cing bsregs pa'i dbang po dang yul dag dbang po las ldog cing /yul dang dbang po dag kyang dbang po yul las ldog pa'o/ /haM 'dzag pa ni/ yi ge haM zhu ba'i rnam par gyur to/ /de yang ji lta bu'i gzugs yin pas gsungs pa/ ri bong can zhes pa ste/ byang chub kyi sems zla ba bdag med ma dang tha mi dad pa'i rdo rje 'dzin mngon par gsal bar 'byung ba yin te/sgra ji bzhin pa'i bshad pa'o/ /yang na gtum mo zhes bya ba'i sgras ni/ gtum pa ni nyi ma ste shes rab bo/ a ni zla ba ste thabs so/ /gnyi ga yang yi ge aM dang haM du so sor bsdus shing lugs dang lugs las bzlog pa'i bdag nyid kyis lus kyi nA da'i phreng ba gnyis kyi bdag nyid can phan tshun tha mi dad pa'i sngags lha'i sku'i tshul can de ni gtum mo 'bar ba ste/des cha med pa 'od gsal du gyur pa'o/ /gang du zhe na/ lte bar te/sprul pa'i 'khor lo 'dab ma drug cu rtsa bzhi'i rang bzhin sngar bstan pa'i nA da drug cu rtsa bzhis bsdus par gyur pa'i khu ba'i rnam pa/ aM haM haM aM/ lus khu ba'i rnam pa byang chub kyi sems kyi zla ba'o/ /de bzhin gshegs pa lnga bsregs shing / /zhes pa ni ka'i sde tshan la sogs pa'i sde tshan lnga'o//spyan la sogs pa yang bsregs pa ni ya ra la wa rnams so/ /dang po'i mang po'i tshig gis sku gsum gyi rang bzhin sha Sha sa dang / a zhes bya ba yi ge a la sogs pa aM gyi mthar mkha' 'gro ma bco lnga'i rang bzhin nA da bco lngas so sor bsdus pa'i dbyangs bco lnga de bzhin gshegs pa'i bdag nyid kyis so//Da D+ha da d+ha ya la ni/ gsal byed drug gi gzugs byang chub kyi sems drug gi yi ge rnams dang / nA da gnyis ka yang bsdus par gyur pa'i a ka tsa Ta ta pa ya sha/ dbyangs dang gsal byed kyi nA da brgyad dang /a+pa a+ka a+kA a+mani yang dag pa'i gong bu'i nA da gnyis dang / yi ge k+Sha bsdus pa yi ge haM dang aM gang yongs su gyur pa'o/ /de de'i tshe bsregs pa ni/ yam shing med pa'i me'i rang bzhin nyid du snyoms par 'jug pa'o/ /ri bong can haM 'dzag ces pa ni/ byang chub sems zla ba bskus pa'i bdag nyid byung nas/zag pas lus thams cad kyi mtshan mo thams cad chos kyi phung po brgyad khri bzhi stong gi bdag nyid byung ba yin te/ rim pa 'di ni shin tu rnyed par dka' bas bla ma dam pa'i man ngag gis gzhan las shes par bya ba yin no/ /phung po lhag ma dang bcas pa'i rim pa ste sgra ji bzhin ma yin pa cha med pa'i phyir de nyid yin par dgongs so//yang na/ lte bar gtum mo sbar ba yig/ /zhes pa ni/ gtum pa de nyid kA li'i tshul gyis nA da'i phreng ba cung zad nga ro zhan pa Da D+ha da d+ha yal dang bcas pa'i nA da bzhi bcu tham pa'o/A li zhes pa ni/ yi ge a la sogs pa dbyangs bcu drug rnams so/ /'di gnyis dang gsal byed kyi rang bzhin thabs dang shes rab kyi ngo bo nyid kyis skyes bu chen po'i mtshan sum cu rtsa gnyis kyi rnam par dag pa dang / dpe byad bzang po brgyad cu'i rang bzhin rnam pa thams cad mkhyen pa mngon par byang chub pa'i rnam par dag pa'i sku'o//de ltar dbyangs dang gsal byed dag brgya rtsa bcu gnyis kyi nad las bla ma'i man ngag gis nye bar 'dus nas sprul pa'i 'khor lor nyi zla'i nang du phreng ba'i tshul gyis rnam par bkod nas kha sbyar ba'i nang du gnyi ga'i bu gar ye shes kyis byin gyis brlabs nas las kyi rlung gis bskul bas gtum mo 'bar te/'bar bas chos kyi 'khor lor song ba'i de bzhin gshegs pa rnams bsregs nas rang bzhin med par mdzad do/ /'dus te longs spyod kyi 'khor lor song nas yul drug dang 'khril bas spyan ma la sogs pa rnams bsregs so//de nas bde ba chen po'i 'khor lor song bas haM bsregs so/ /bsregs nas rang bzhin med par byas te ri bong can 'dzag pa yin no/ /rim pa 'di'i rnal 'byor ni gtum mo'i rnal 'byor zhes bya'o//yang na gtum mo ni bdag med ma'o/ /'bar ba ni 'od gsal du gyur pa'o/ /gang du zhe na/ lte ba'i chu byang chub kyi sems khu ba'i tshul la'o/ /de bzhin gshegs pa lnga bsregs shing ni/ dbang po drug gi rang bzhin rnams so/ /spyan la sogs pa yang bsregs pa ni/yul drug gi tshul rnams so/ /aM bsregs pa drug pa rdo rje 'dzin par gnas te/ dbang po lnga dang yul lnga dang rnam par shes pa lnga'i bdag nyid can gyi lha mo bco lnga rnams bsdus nas/ haM gi tshul gyi rdo rje 'dzin 'dzag pa de yang rang bzhin med par 'gyur ba yin no//da lta bur gyur pa'i ri bong can byang chub kyi sems kyi rang bzhin stong pa dang snying rje dbyer mi phyed pa'i bdag nyid can thams cad spro ba dang bsdu ba'i ngo bo'i rdo rje 'dzin pa 'byung ba yin no/ /'dir yang ji ltar skyes pa'i ye shes de de bzhin du bla ma'i gdams ngag gi rim pas shes par bya ste/rim pa tsam nye bar bstan pa yin no/ /rdo rje rigs kyi rim par phye ba ste dang po'o zhes pa ni/ rdo rje ni mi phyed pa'o/ /rigs ni sna tshogs pa'i tshul lo/ /gnyi ga yang gos dang 'dra bas gos te phan tshun du 'gebs pa'i phyir te/ gzhung 'di'i rtsom pa'o//de len cing 'dzin la rtogs pas rim par phye ba'o/ /de yang dang po ni/ gnyis pa med pa'o/ /de yang rdzogs pa ni/ mnyam pas gnyis su med pa rnyed pa thob pa'o/ /rab tu gsal ba'i kha sbyor gyi rgya cher 'grel pa las le'u dang po'o// //de ltar sku rdo rje rdo rje gsum dang tha mi dad par bshad nas/da ni gsung rdo rje yang rdo rje gsum gyi bdag nyid du gsal bar bcom ldan 'das kyis gsungs pa/ sngags kyi le'u bshad par bya'o zhes smos so/ /sngags kyi sgras ni/ gsung rdo rje'o/ /de'i yang don ni 'di yin te/ yid skyob par gyur pa'i phyir/sngags zhes mngon par brjod do/ /yid ni sems yin la de skyob cing skyob pa yin te thugs rdo rje ni rlung la zhon pa'i phyir ro/ /de skad du yang bcom ldan 'das kyis gsungs pa/ g.yung mo sku la 'khyud nas ni/ /'dod chags chen pos rjes chags nyid/ /zhes pa'o/ /g.yung mo'i sgras ni rlung du brjod do//de yang na da des kyang lus mtha' dag la khyab pa yin no/ /rdo rje gsum dbyer mi phyed pa'i sngags de nyid de kho na nyid kyi don skul bar byed pa'i sgra'i sngags so/ /kun bkab te sbas pas gos yin la/ de len cing 'dzin par byed pas na sngags kyi rim par phye ba'o//de bshad par bya'o zhes pa ni/ mngon par brjod pa'i chos kyi phyir sgra ste sgra nyid kyis rtogs par bya ba'o/ /sgras sgra rtogs pas sgra nyid kyi nang du thim pa yin no/ /cha med pa'i rdo rje 'dzin pa nyid nA da'i bdag nyid can yin te rtogs par byed pas so/ /de la sngags pas bgegs thams cad tshar gcad par bya ba'i phyir dkyil 'khor lo la sogs pa mngon du byas nas dang po kho nar 'byung po thams cad kyi gtor ma'i sngags gsungs pa/oM a kA ro mu khaM sarba b+harmA nAM A D+ya nad+pa n+nu twA ta/ oM AH hUM phaT swA hA/ 'byung po thams cad kyi gtor ma'i sngags so zhes pa smos so//'byung po ni srog chags so/ /thams cad ces pa ni lhag ma ma lus pa'o/ /lha la sogs pa 'gro ba rigs drug ste/ de rnams kyi gtor ma ni mchod pas tshim par bya'o/ /de'i don gyi sngags so/ /de yang yi ge a ci 'dra ba zhig ce na/ chos thams cad kyi sgo ste/dang po'i rgyu'o/ /oM zhes pa ni khas blangs pa'o/ /ji ltar zhe na gsungs pa/ gdod ma nas ma skyes pa'i phyir chos kyi rang bzhin ma skyes pa nyid do/ /chos de yang rdo rje gsum gyi rang bzhin rnams oM AH hUM gi phyir ro/ /phaT swA hA zhes pa ni/ phaT shes rab bo//swA hA thabs te/ thabs dang shes rab kyi rang bzhin gyi phyir ro/ /'dis ni ye shes lnga dang / sku gsum gyi rang bzhin nyid du chos thams cad bstan pa yin no/ /yang na oM zhes pa ni kun rdzob kyi bden pa'o/ /a kA ro zhes pa ni don dam pa'i bden pa'o/ /gnyi gar ni/ sarba d+harmA nAM mu khaM ngo //gang las she na/ A d+ya nud+pan+na twa ta/ dang por yi ge oM gyi tshul ni/ kun rdzob kyi bden pa ma skyes pa'i phyir dang / don dam pa'i bden pa'i rang bzhin gyi phyir dang gnyis dbyer med pa'i rtog pa yang de la med pa yin no/ /de bas na oM AH hUM phaT gsum yang tha mi dad pa'o//ji ltar tha mi dad ce na/ gang bdag nyid rdo rje gsum gcig pa'i sku sems tsam yin no/ /de yang ha rdo rje 'dzin pa dang / a bdag med pa tha mi dad pa'o/ /'byung po thams cad kyi gtor ma'i sngags ni sems can gyi khams ma lus pa tshim par byed pa'i byang chub kyi rang bzhin gyi mchod pa rdo rje'i bdag nyid kyi don skul bar byed pa'i brda yin no//yang na byas pas ni/ kA ro ste bya ba yin la de bzhin du 'dra ba'i rnam pa ni ma yin no/ /gang rnams kyi zhe na/ sarba d+harmA nAM zhes pa'o/ /gang las she na/ A d+ya nud+pan+na twa ta/ de'i phyir mu khaM ngo //yi ge oM ni rdo rje gsum tha mi dad pa'o/ /de yang oM AH hUM phaT swA hA ste phaT shes rab bo/ /swA hA thabs so/ 'di gnyi ga yang tha mi dad pa yin no/ /yi ge oM gyis rdo rje gsum mo/ /yi ge AH sa kyang de bzhin du'o/ /yi ge hUM gyis kyang de kho na nyid gsum gyi bdag nyid yin pa'i phyir gsum kas kyang dgu'i bdag nyid kyi dkyil 'khor rdzogs pa yin no//de ltar de bzhin gshegs pa thams cad kyi bsdu ba'i bdag nyid kyi sngags bstan nas/ da ni de bzhin gshegs pa thams cad kyi spro ba'i tshul gyi sa bon gsungs pa/ buM AM dzr-IM khaM hUM/ buM ni rnam par snang mdzad do/ /aM ni rin chen 'byung ldan no/ /dzr-IM ni 'od dpag med pa'o/ /khaM ni don yod grub pa'o/ /hUM ni mi bskyod pa'o/ /'di gnyis spro ba dang bsdu ba'i bdag nyid 'bras bu rdo rje 'chang dgyes pa'i rdo rje zhes bya'o/ /phyag bcu drug pa de'i sngags tha mi dad par bshad par bya ste/oM de wa pi tsu badzra hUM hUM hUM phaT swA hA zhes pa smos te/ oM zhes pa ni sku'i rdo rje'o/ /de yang lha yin te/ lha spro ba'i tshul gyis gnas lha'o/ /de yang pi tsu gso ba ste bsdu ba'i tshul lo/ /spro ba dang bsdu ba dbyer mi phyed pa ni badzra'o/ /de yang yi ge hUM gsum gyi bdag nyid yi ge hUM re re yang rdo rje gsum gyis so//phaT swA hA dag ni thabs dang shes rab kyi bdag nyid yin pa'i phyir dgu'i bdag nyid kyi dkyil 'khor gyi dgyes pa'i rdo rje'o/ /de nyid dgyes pa'i rdo rje'i snying po'o/ /thabs dang shes rab tha mi dad pa'i dgyes pa'i rdo rje zhes bya ba'i ye shes yin zhes pa'i don to//de nyid kun rdzob dang don dam pa tha mi dad pa'i phyir ro/ /'di ni A li kA li'i bdag nyid yin pa'i phyir sngags thams cad kyi rkang pa dang por yi ge oM dang / mthar ni swA hA dang hUM phaT kyi yi ges spel bar bya'o zhes pa ni/ nA da thams cad yi ge hUM phaT kyi nang du sngags kyi tshig yin no//yang na sngags thams cad kyi rkang pa zhes ni/ ma lus pa'i nA da'i ye shes kyi bdag nyid yin pa'i phyir rdo rje 'dzin pa'o/ /de nyid dang por oM gyi yi ge dang mthar swA hA'o/ /yi ge oM ni rdo rje gsum tha mi dad pa ste de nyid dang po ste/de'i rang bzhin yin pa'i phyir ro/ /mthar ni swA hA ni/ swA ni rdo rje gsum mo/ /hA ni thab dang shes rab po/ /'di mtha' ma yin pas mtha'o/ /de yang a ni gnyis su med pa'i he ru ka'o/ /de nyid kyi phyir hUM phaT kyi yi ge spel lo zhes pa ni/ hUM rdo rje 'dzin pa'o/ / phaT shes rab bdag med ma'o/ /de dag la yi ge spel ba ni mtshan pa'o/ /de nyid chad par 'gyur pa yang / yi ge las byung gong bu la/ hUM phaT yi ge 'dod mi bya/ /zhes pas so/ /de nyid A li kA li'i rang bzhin gyis nA da rnams dang rdo rje 'chang tha mi dad pas so/ /oM a ka tsa Ta ta pa ya sha swA hA/grong khyer dkrugs pa'i sngags so/ /grong khyer ni lus sa/ /de dkrugs pa ni rang bzhin med par byed pas na grong khyer dkrugs pa'i sngags so/ /de yang yi ge oM ni rdo rje gsum mo/ /de yang a zhes pa ni/ bdag med la sogs pa'i rnal 'byor ma bco lnga'i rang bzhin gyi dbyangs bco lnga'o//ka tsa Ta ta pa rnams ni/ re re yang ye shes lnga'i bdag nyid kyi de bzhin gshegs pa lnga ste/ yi ge nyi shu rtsa lnga'o/ /ya zhes pa ni/ ya ra la wa ni 'byung ba chen po bzhi'i bdag nyid kyi lha mo bzhi'o/ /sha zhes pa ni/ sha Sha sa ste sku gsung thugs rnams te/sku gsum gyi rang bzhin gyi yi ge gsum mo/ /swA zhes pa ni rdo rje gsum mo/ /hA zhes pa ni thabs dang shes rab gnyis su med pa'i rdo rje 'chang yin te/ grong khyer dkrugs pa'i sngags so/ /de la a zhes pa ni/ rnal 'byor ma'i bsdus pa'i sa bon no/ /'di nyid gsal por gsungs pa/a A i I u U r-i r-I l-i l-I e ai o au aM zhes pa smos te/ /i i u re l-i zhes pa lnga po 'di ni/ gnyis su med pa'o/ /A I U r-I l-I zhes pa lnga ni dbyer mi phyed pa'o/ /e o aM gsum ni sa'i bdag nyid kyi dbyangs yig rdo rje gsum mo/ /ai au ni rdo rje gsum dbyer med pa'i bzhi pa'o//rnal 'byor ma rnams kyi sa bon no zhes pa ni/ 'di la rnal 'byor yod pas/ de'i sa bon ni skyed par byed pa'i rgyu ste/ ma skyes pa'i rang bzhin gyi mtshan ma nyid mtshan ma med pa yin no/ /ka tsa Ta la sogs pa kA li'i gzugs kyis thabs kyi rang bzhin yin pa'i phyir phyag gnyis pa'i sa bon dang sngags so//oM trai lo kyA pa hUM hUM hUM phaT swA hA/ zhes pa la gnyis smos pas thabs dang shes rab dag de'i bdag nyid kyis longs spyod pas na phyag gnyis pa'o/ /de'i oM ni rdo rje gsum dbyer med pa nyid de gsum gyi sgras sku gsung thugs so//lo ka'i sgras phung po lnga rnams te/ gsum yang yin la 'jig rten yang yin pas 'jig rten gsum mo/ /lnga po gsum la sum 'gyur gyis dgu'i bdag nyid dang bco lnga'i bdag nyid kyi dkyil 'khor gnyis so/ /de'i dngos po'i trai lo kyA ni/da sang bar byed pas te/ trai lo kyA kaShe pa'o/ /de yang hUM hUM hUM zhes pa ni/ sum 'gyur gyis na dgu'i bdag nyid kyi dkyil 'khor ro/ /phaT swA hA ni phaT shes rab po/ /swA hA thabs so/ /de ni thabs dang shes rab tha mi dad pas bo la ka ko la sbyar ba las dga' bzhi'i rnam par dag pa'i phyag bzhi pa'i bcom ldan 'das de'i/oM dz+wa la dz+wa la b+h+yo hUM hUM phaT ces smos so/ /oM zhes pa ni rdo rje gsum tha mi dad pa'i rdo rje 'chang ngo / /de yang dga' ba la sogs pa'i rim pas bzhi'o/ /gsal ba yin pas dz+wa la dz+wa la'o/ /de yang b+h+yo mi bskyod pa'o//hUM hUM hUM ni de bzhin nyid do/ /phaT swA hA zhes pa yang de bzhin no/ /da ni phyag gnyis pa dang phyag bzhi pa dag drug pa'i rang bzhin du gsungs pa/ oM ki Ti ki Ti badzra hUM hUM hUM phaT swA hA zhes pa ste thams cad snga ma bzhin no/ /ki Ti ki Ti ni rnal 'byor ma rnams bzhad pa'o/ /rnal 'byor ma ni 'od gsal gyi rang bzhin rdo rje 'chang ngo zhes pa'i don to//spro ba dang bsdu ba'i bdag nyid can gyi dgyes pa'i rdo rje yin no/ /phyag gnyis pa dang phyag bzhi pa dang phyag drug pa gsum po 'di yang thabs dang shes rab gnyis su med pa dang dga' ba bzhi ste drug gi rang bzhin no//sku gsung thugs ni rnal 'byor ma bco lnga'i rang bzhin gyi he ru ka gsum ste/ ye shes bco lnga'i bdag nyid do/ /de byin gyis brlabs pa'i sngags ni/ oM AH hUM zhes pa'i yi ge gsum ste/ byin gyis brlabs pa'i sngags so/ /ting nge 'dzin lhag par phan tshun du dmigs pa'i gnas so//gnas zhes pa ni byin gyis brlabs pa ste/ de yang he ru ka'i gzugs kyi sngags so/ /'di lta bu'i de kho na nyid kyi don skul bar byed pa'i sgra ni bzhi pa 'bras bu'i rdo rje 'chang stong pa nyid bcu drug gi rnam par dag pa zhes pa'i don to/ /de ni he ru ka bzhi byin gyis brlabs pa dang //sbas pa rtogs par byas nas de'i rang bzhin gyis gnas par bya ba yin pa'i phyir sa sbyang ba'i sngags ni/ oM rak+Sha rak+Sha hUM hUM hUM phaT swA hA zhes pa ste/ sa'i sgras ni chos 'byung ngo / /de sbyang ba ni chos thams cad kyi rnam par dag pa ste/de ltar gyur ba'i sngags so/ /de kho na nyid kyi don/ skul bar byed pas sgra'o/ /de yang yi ge oM ni sku rdo rje ste thabs so/ /ra ni shes rab bo/ /thabs dang shes rab dbyer med pa ni yi ge k+Sha ste/ de yang 'jig pa'o/ /k+Sha zhes pa ni mi zad pa'o/ /'ga' zhig 'jig pas thim par 'gyur//gang zhig dngos med zad pa'ang med/ /ces bya ba'i tshig gis so/ /hUM phaT swA hA zhes pa ni/ thams cad sngar bstan pa yin no/ /de nyid rengs par byed pa ste/ oM hUM swA hA zhes pa ni rengs par byed pa ste/ g.yo bcas kyi rtsol bslab par bya'o//yang na oM ni rdo rje gsum tha mi dad pa'o/ /de bzhin du hUM yin no/ /de ltar swA yang ste/ gsum ni de kho na nyid gsum tha mi dad pas so/ /hA zhes pa ni thabs shes rab dbyer mi phyed pa'i phyir te/ rdo rje sems dpa' ni g.yo ba med pa nyid do/ /sems ni brtan par gyur na spro//brtan par ma gyur de mi spro/ /zhes bya ba'i tshig gis so/ /oM aM swA hA/ dbang du byed pa'o/ /oM ni thabs so/ /aM ni shes rab bo/ /swA ni rdo rje gsum mo/ /hA ni thams cad dbyer med pa'o/ /dbang du bya ba'i sngags ni mnyam pa nyid kyi ye shes kyis so//i kho swA hA/ skrod pa'i sngags so zhes pa ni/ sngags 'dis gnas las g.yo bar byed pa'o/ /yang na skrod pa ni spro ba'o/ /i rdo rje gsum tha mi dad pa gang de sa ye shes lnga rnams so/ /swA hA zhes pa ni/ rdo rje gsum thabs dang shes rab kyi bdag nyid kyis spro bar byed pas na rdo rje rta mchog gis so//oM dzre swA hA zhes bya ba ni/ sdang bar byed pa ste/ dbye bar byed pa'i sngags so/ /yang na sdang ba ni gnyis smos pas thabs dang shes rab de dag 'dod pas na sdang ba ste zung 'jug go / /de yang o dzi swA hA zhes pa'i de kho na nyid gsum dbyer med pas na snang ba mtha' yas kyis so//o rbu ba swA hA zhes pa ni mngon spyod kyi'o/ /mngon spyod kyi sgras rims la sogs pa byed pa'o/ /yang na mngon spyod ces pa ni/ de nyid zhe sdang rdo rje ste thams cad la khyab pa nyid kyis na mngon spyod de ma ning ngo / /de yang buM smos pas/byang chub kyi sems khu bzhes bya ste/ de nyid rdo rje gsum nyid kyis khyab pa yin pas na rnam par snang mdzad kyis so/ /oM swA hA ni bshad zin pa'i don to/ /oM hUM swA hA/ 'gugs par byed pa'o zhes pa ni/ /rlung la sogs pa 'gugs par byed pa yin no//yang na bshad zin pa'i don gyis thams cad ni tha mi dad pa'i phyir 'gugs pa ni bsdus pa ste/ mi bskyod pas so/ /oM g+hu swA hA/ gsod par byed pa'o/ /yang na yul dang dbang po dang rnam par shes pa rnams gsod cing 'phye ba'o/ /de yang g+hu ni dang po'i bzhi pa la mkha' 'gro mas brgyan pa tsheg drag gi mtha' can ste/'di rnams kun ni rnam par spangs/ /zhes pa'i tshig gis so/ /oM swA hA zhes pa ni go sla'o/ /gsod pa bsdu bar bstan nas/ 'gro ba drug gi mnyam pa nyid gsungs pa/ oM ku ru ku l+le hrIH swA hA/ku ru kul+le'i sngags so zhes pa ni/ sems sna tshogs dbang du bya ba'i sngags so/ /yang na ku ru kul+le hrIHlas/ ku ru ku zhes pa ni/ thabs dang shes rab tha mi dad pa'i dga' ba gsum mo/ /de yang l+le ni gsum kha sbyor ro/ /de yang hrIHtsheg drag gi mtha' can bzhi pa yin no//oM swA hA ni go sla'o/ /'gro ba drug mnyam pas so/ /ku ru kul+le'i sngags bstan zin nas de'i mthu bstan pa da ni char dbab pa'i chog gsungs pa/ a phu'i yi ges mtha' yas kyi gzugs byas la/ bdud rtsi lngas ni blugs me tog nag pos ni mchod/klu 'dul bar byed pa'i khu bas ni blugs/ klang po che'i chang gis ni mgo bo byug kham phor kha sbyar du ni gzhag /ba nag mo'i 'o mas ni dgang / gzhon nu ma nag mos bkal ba'i skud pas ni dkri/ rlung gi phyogs su rdzing bu byas te/ mtha' yas der gzhag go//de'i 'gram du dkyil 'khor bzhengs par bya te/ dur khrod kyi sol bas ni rdul tshon nag po/ skyes pa'i rus pa'i phye mas ni rdul tshon dkar po/ ldong ros kyis ni rdul tshon ser po/ dur khrod kyi so phag gis ni rdul tshon dmar po/ rkun ma'i lo ma dang / skyes pa'i rus pa'i phye ma dag gis ni rdul tshon ljang gu ste/rdul tshon 'di rnams kyis dkyil 'khor bzhengs so/ /dur khro ba kyi srad bus thig gdab cing dkyil 'khor khru gsum pa byas te/ de'i dbus su mtha' yas mnan pa'i kye'i rdo rje bri bar bya ste/ zhal brgyad pa/ zhabs bzhi pa/phyag bcu drug gis brgyan pa/ spyan nyi shu rtsa bzhis che ba/ 'jigs pa'ang 'jigs par mdzad pa bri'o/ /de nas slob dpon gyis nang gi ma rungs pa'i sems kyis dben pa'i gnas su sngags bzlas te zhes bya ba ni/ klu'i mtshe'u chu kha dog nag po'i 'jim pa nag po la a phu zhes bya ba'i sngags kyis lan brgya rtsa brgyad kyi bar du mngon par bsngags te/blangs nas slar mtha' yas zhes bya ba klu de'i gzugs brnyan byed cing mngon par bsngags te de'i gzugs brnyan bya'o/ /bdud rtsi lnga zhes pa ni 'o ma la sogs pas khrus chab gsol lo//me tog nag pos zhes pa ni zar ma'i me tog gis so/ /de med na me tog sngon po gzhan gyis kyang ngo / /mchod pa ni mchod pa'o/ /klu 'dul bar byed pa'i khu bas ni byug /glang po che'i chang gis ni mgo bo byug /kham phor kha sbyar du ni gzhug pa ni/ 'jim pa de nyid las byas pa'i kham phor so ma btang ba gnyis so/ der ba nag mo'i 'o mas ni dgang / gzhon nu ma nag mos bkal ba'i skud pas dkri/ rlung gi phyogs su rdzing bu byas te/ mtha' yas der bzhag go/ /de'i 'gram du dkyil 'khor bzhengs par bya ste//bdud rtsi lngas ni blugs pa la sogs pa bya ba bcu rnams la re re zhing yang yi ge a phu'i sngags brgya rtsa brgyad kyi bar du yongs su bzlas par bya'o/ /dkyil 'khor bzhengs pa yang / dur khrod kyi sol bas rdul tshon nag po ni mi bskyod pa'i rnam par dag pas bya'o/ /skyes pa'i rus pas ni rdul tshon dkar po zhes bya ba ni rnam par snang mdzad kyi rnam par dag pas so//ldong ros kyis rdul tshon ser po ni rin chen 'byung ldan gyi rnam par dag pas bya'o/ /dur khrod kyi so phag gis rdul tshon dmar po ni snang ba mtha' yas kyi rnam par dag pas so//rkun ma'i lo ma dang skyes pa'i rus pa dag gis rdul tshon ljang gu ste ni don yod grub pa'i rnam par dag pas so/ /mi'i rus pa dang dur khrod kyi sol bas ni rdul tshon sngon po ni rdo rje sems dpa'i rnam par dag pas so/ /rdul tshon 'di rnams kyis dkyil 'khor bzhengs so//dur khrod kyi srad bus thig gdab cing zhes pa ni/ bcu bzhi'am brgyad la 'du byed pa'i sa gzhir thig skud byin gyis brlabs te bzhag la/ 'dus bya ba zin nas thig skud des thig btab pa'i dkyil 'khor khru gsum pa mi bskyod pa'i rnam par dag pa bzhengs nas/de'i dbus su mtha' yas mnan pa'i dgyes pa'i rdo rje bri bar bya ste/ zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhis che ba/ phyag bcu drug mtshan ma can de dkyil 'khor gyi dbus su bri bar bya'o/ /dkyil 'khor du ni rnal 'byor ma brgyad 'dab ma rnams la phyi nas bri bar bya'o//'di dag thams cad byas nas slob dpon gyis sngags bzla bar bya'o/ /nang gi ma rungs pa'i sems kyis zhes pa la/ nang ni brtson 'grus chen por rol ba'o/ /ma rungs pa'i sems ni khros pa'i sems so//rgyu 'dis sngags bzlas na char 'bab par 'gyur te/ dben pa'i gnas su oM g+ha Da g+ha Da/ g+hu Du g+hu Du/ sa ma sa ma/ g+ha Ta g+ha Ta/ g+ho Ta ya g+ho Ta ya/ a n+n+ta k+Sho b+ha ka rA ya nA gA d+hi pa ta ye/ he he ru ru ka / sap+ta pA tA la ga tAM nA gA nA kaR+Sha ya/ baR+Sha ya/ gardza ya ta rdza ya/ phu phu phu phu phu phu phu hUM hUM hUM phaT phaT swA hA zhes pa'o//gal te char mi 'bab na de'i sngags 'di bzlog la bzla te/ phyin ci log tu bzlas pa yang / swA hA phaT phaT hUM hUM hUM phu phu phu pu phu phu phu ta rdza ya ga rdza ya/ baR+Sha ya/ A kaR+Sha ya nA gA nA sap+ta pA tA la ga tAM/ ka ru ru he he/ nA gA d+hi pa ta ye a n+n+ta k+Sho b+ha ka rA ya/g+ho Ta ya g+ho Ta ya/ g+ha Ta g+ha Ta/ ma sa ma sa/ g+hu Du g+hu Du/ g+ha Da g+ha Da/ oM zhes pas char dbab bo/ /de bzhin du yang char mi 'bab na de'i mgo ardza ka'i dog pa ltar 'gas so zhes pa ni/ na se'i snye ma ltar ro/ /'dis ci bstan na nges pa kho na char 'bab par 'gyur ba'i don de char 'bab par 'gyur ba yin no//sprin dral ba bshad par bya ste/ gal te char pa rgyun mi 'chad pa nyid du 'bab na de'i tshe rgya mtsho 'bab zhig tu 'gyur ba yin pas/ sprin dral ba'i cho ga dur khrod kyi ras la nye bar 'dug nas zhes pa ni/ de yang bcu bzhi la sogs pa shi ba'i gdong g.yogs pa'i ras blangs pa de la 'dug nas/sngags bzlas pas dral bar bya'o/ /oM A r+ya sma swA na pri yA ya hUM hUM hUM phaT swA hA zhes pa ste/ ji srid du sprin dral bar gyur pa'i bar de srid du sngags bzlas pa byas na de nas sprin dral bar 'gyur te sprin dral ba'i cho ga'o//char dbab pa ni go sla ba nyid kyi don to/ /yang na a zhes pa ni gnyis su med pa tsheg drag gi mtha' can no/ /phu zhes pa ni tsheg drag gnyis kyi mtha' can no/ /'di ni tsheg drag gnyis kyi mtha' can no/ /yi ge ni A li kA li sreg pas yin no//mtha' yas smos pas mtha' med pa yin pas na mtha' yas te/ thog ma dang bar dang tha ma las grol ba'o/ /de'i gzugs brnyan ni so sor bya ba'o/ /byas la ni byas pa'i sgo nas so/ /bdud rtsi lnga ni/ ye shes lnga'i rang bzhin gyis so/ /blugs pa ni dbang bskur ba'o//me tog nag pos ni mchod pa ni nag po mi bskyod pa'o/ /me tog bdag med ma'o/ /gnyi gar tha mi dad pas so/ /mchod pa ni mchod pa'o/ /klu 'dul bar byed pa'i khu bas ni byug ni/ 'gro ba dang 'ong ba med pas na klu ste skye ba dang 'jig pa las rnam par grol ba'o//de yang 'dul ba ni gtan nas nye bar zhi ba'i rang bzhin yin pa'i phyir ro/ /de yang byed pa ni/ yang dag pa'i ye shes kyi rang bzhin no/ /de'i khu ba ni myong ba'i mtshan nyid do/ /des byug pa ni de bzhin gshegs pa rnams de'i rang bzhin du bya'o zhes pa'i don to//glang po che'i chang gis ni mgo bo byug ces pa la glang po che smos pa ni 'di la lag pa yod pas na glang po che ste/ lnga pa gnyis kyi bdag nyid yin pas yul dang dbang po'i bdag nyid rnams phung po lnga'i de bzhin gshegs pa dang / mkha' 'gro ma'o//de rnams kyi chang ni dga' ba'o/ /des mgo bo byug pa ni/ mgo bo ni sems la byug pa ste de'i rang bzhin du bya ba'o/ /dga' dang bde bas 'grub par 'gyur/ /zhes bya ba'i tshig gis so/ /kham por kha sbyar du ni gzhag /ces pa ni yang dag pa'i sbyor ba'i rnal 'byor gyis gnyis su med pa'i rtog pas rnam par gzhag go//ba nag mo'i 'o mas ni dgang zhes pa la/ ba nag mo ni thabs dang shes rab tha mi dad pa'o/ /'o ma ni byang chub kyi sems te/ des dgang ba ni tshim par btung ba'o/ /gzhon nu ma nag mos bkal ba'i skud pas ni dkri zhes pa la/gzhon nu ma nag mo'i sgras shes rab dang thabs kyi bdag nyid kyi ye shes so/ /des bkal ba'i skud pa ni rgyun chad pa'o/ /des dkri ba ni bsgom pa'o/ /rlung gi phyogs su rdzing bu byas te mtha' yas der gzhag go zhes pa la/ rlung gi phyogs zhes pa ni/rlung gi rang bzhin gyi nA da'o/ /mtha' yas ni rdo rje sems dpa'o/ /rdzing bu ni phyag rgya chen po'o/ /byas te gzhag pa ni cha med par rnam par gzhag par bya ste/ rdzing bu de'i phyag rgyas so/ /'gram ni de dang nye bar ro/ /dkyil 'khor bzhengs par bya ste zhes pa ni bskyed par bya ba ste/ de yang spro ba'i bdag nyid do/ /nag po ni mi bskyod pa'o/ /dkar po'i ni rnam par snang mdzad do/ /ser po ni rin chen 'byung ldan no/ /ljang gu ni don yod grub pa'o/ /sngon po drug pa rdo rje 'chang ngo / /'di yang rdul tshon gyi tshul te/ rdul tshon rdo rje mkha' 'gro ma'o/ /rdul tshon 'di rnams kyis dkyil 'khor bzhengs so zhes pa ni/de bzhin gshegs pa thams cad kyi bdag nyid can gyi rdo rje 'dzin pa bskyed par bya ba'o/ /bya ba gzhan gsungs pa/ dur khrod kyi sol ba ni/ dbugs dbyung zhes bya'i rigs pa 'dis/ /dur khrod ces ni mngon par brjod//ces pa'o/ /gnyi ga'i nA da ni aM mkha' spyod do/ /'di'i rang bzhin gyis ni sgra bstan pa'o/ /de nas nag po mi bskyod pa'o/ /skyes pa'i rus pa'i phye mas ni skyes pa sku rdo rje'o/ /de'i rus pa ni cha med pa'i tshul lo/ /ji ltar zhe na/ phye ma ste/ rdul phra rab kyi tshul gyis so//dkar po rnam par snang mdzad do/ /ldong ros zhes pa ni/ kha sbyor gyis 'od dpag tu med par 'jug pa'o/ /ser po ni rin chen 'byung ldan no/ /dur khrod kyi so phag ni/ /dur khrod ni gnyi ga'i bdag nyid kyi nA da 'dod pa'i phyir dang khyab pa'i phyir ro/ /gang gi zhe na bde bas te chags pa'i mtshan nyid do//dmar po ni 'od dpag tu med pa'o/ /rkun mo'i lo ma dang / skyes pa'i rus pa'i phye ma dag gis ni zhes pa la mi rus dang rkun ma skyes pa thabs so/ /rus pa shes rab po/ /gnyi gar gyis sku ste thim par gyur to/ /de yang lo ma ni ye shes so/ / sku'i bdag nyid kyi rnam par snang mdzad 'jug go/ /ljang gu ni don yod grub pa'o/ /'dir gnyis kyi tshig ni mi'i rus pa ni thabs dang shes rab tha mi dad pa'i sku rdo rje'o/ /dur khrod ni A li kA li ste gsung rdo rje'o/ /sol ba ni thugs rdo rje'o/ /re re zhing yang ye shes lnga rnams la 'jug go//sngon po rdo rje 'dzin pa yin te 'di ni gnyis kyi tshig go/ /dur khrod kyi srad bus thig gdab cing zhes pa ni/ A li kA li dag gi dbus su thig skud a wa d+hU tI'o/ des rgyud kyi rgyud la thig btab pa'o/ /dkyil 'khor khru gsum pa ni bco lnga'i bdag nyid do/ /de'i dbus su zhes pa ni de'i phyogs so//mtha' yas mnan pa ni rnam pa thams cad kyi rang bzhin no/ /dgyes pa'i rdo rje bri zhes bya ba ni/ dgod par bya ba'i don to/ /cis khyad par du 'phags she na/ zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhis che ba zhes pa la/lha mo brgyad kyi rnam par dag pa zhal brgyad do/ /dga' ba bzhi'i rnam par dag pa zhabs bzhi'o/ /rdo rje sems dpa' dang mnyam pa nyid dang / de bzhin gshegs pa lnga'i rnam par dag pa drug go/ /bcu ni dbang po lnga dang yul lnga'i rnam par dag pas phyag bcu drug yin no//spyan nyi shu rtsa bzhis che ba zhes pa ni/ sa bcu gnas dang nye ba'i gnas la sogs pa'o/ /gnas dang nye ba'i gnas dag brgyad dang / zhing dang nye ba'i zhing la sogs pa bcu drug ste/ 'di rnams kyi rnam par dag pas so//de lta bur gyur pa'i dgyes pa'i rdo rje yin no/ /de nas slob dpon zhes pa ni/ khams gsum gyis mchod par bya ba'o/ /sngags bzlas te zhes pa ni/ ye shes sngon du bya ba'o/ /rgyu gang gis she na/ nang gi ma rungs pa'i sems kyis zhes pa ste nang ni kun rdzob kyi bden pa'i rang bzhin gyis so//ma rungs pa'i sems kyis ni/ don dam pa'i bden pas so/ /gnyi ga dbyer mi byed pas zhes pa'i don to/ /dben pa'i gnas su zhes pa ni/ skye bos dben pa'i sa phyogs su'o/ /oM g+ha Ta g+ha Ta/ g+hu Tu g+hu Tu/ ma sa ma sa/ g+ha Ta g+ha Ta/ g+ho Ta ya g+ho Ta ya/a nan+ta k+Shob+ha ka rA ya nA gAd+hi pa ta ye he he ru ru kasap+ta pA tA la nA gA nA kaR+Sha ya/ gardza ya tardza ya phu zhes pa brgyad hUM hUM hUM phaT phaT swA hA zhes pa la/ oM zhes pa ni rdo rje gsum dbyer med pa'o/ /g+ha Ta g+ha Ta zhes bya ba la sogs pa ni/ thabs dang shes rab gnyis 'gyur la bzhi bzhir gyur pas stong pa nyid bcu drug go//g+ho Ta ya g+ho Ta ya zhes pa ni rdo rje gsum nyis 'gyur gyis drug pa rdo rje 'chang ngo / /a nan+ta k+Sho b+ha ka rA ya ni khams gsum bsdus pa'i bdag nyid kyi sku ste mtha' yas ni rdo rje 'chang ngo / /de yang k+Sho b+ha ni mi bskyod pa'o/ / de yang ka rA ya ni ka thabs so/ /ra bdag med ma'o/ /gnyi ga dbyer med pa'i rang bzhin gyi ye shes so/ /de yang nA gA d+hi pa ta ni/ nA gA ni de bzhin gshegs pa rnams te/ de las lhag par gtso bo'am bdag por gyur par gnas pas na nA d+hi pa ta'o/ /de yang bdag med ma dang dkar mo gnyis tha mi dad pas so//he he zhes pa ni/ rgyu la sogs pa spangs pas rgyu dang bral ba'i phyir he he gnyis so/ /ru ru zhes pa ni/ yi ge ru tshogs pa dang bral ba ste/ rnam par rtog pa'i rtog pa dang bral ba'o/ /ka ni gang du yang mi gnas pa ste/ de'i byin gyis brlabs pa'i phyir ro//sap+ta pA tA la ga tAM zhes pa la/ sap+ta ni drug pa rdo rje 'dzin pa ye shes lnga la 'jug pas so/ /pA tA la ga tAM ni phung po lnga dang 'byung ba bzhi son pa ste ba'i sgras gos dkar mo me'i khams so/ /A kaR+Sha ya ni bsdus pas byang chub kyi sems kyi bdag nyid du byed pa'o//baR+Sha ya gardza yata rdza ya zhes pa ni/ spo ba dang bsdu ba'i rim pas gnyis su med par rtogs pa'i bdag nyid kyi rdo rje 'dzin pa yin no zhes pa'i don to/ /de yang phu brgyad thabs dang shes rab kyi rnam par dag pas stong pa nyid bcu drug gi rnam par dag pa yin no zhes bya ba'i don to/ / hUM hUM hUM phaT phaT swA hA zhes pa la hUM zhes pa ni skad cig ma bzhi tha mi dad pa'o/ /phaT phaT yang skad cig ma bzhi dbyer mi phyed pa'o/ /swA ni rdo rje gsum mo/ /hA ni thabs dang shes rab dbyer med pa'o/ /rnam pa thams cad kyi mchog dang ldan pa'i stong pa nyid kyi rang bzhin gyi char 'bab pa'o zhes pa'i don to//gal te char mi 'bab na de'i tshe sngags 'di bzlog pas bzlas te zhes pa ni/ sngags 'di ni ye shes 'di phyin ci log tu bzlas pas ye shes kho nar 'gyur ro/ /ye shes 'di yang char 'bab pa yin no/ /bya ba med par bya ba'i sgo nas rnam par gzhag pas phyin ci log gi sngags bzlas pa yin no//bya ba yang sngar bstan pa'o/ /gal te char mi 'bab pa de'i tshe mgo 'gas pa yin no zhes pa/ 'di'i don ni 'di yin te/ gal te char mi 'bab na ni byang chub kyi sems nye bar bsdus par ma gyur na de'i tshe mgo 'gas pa ni/ rdo rje 'dzin par gsal bar gyur pa yin no//a rdza ka'i dog pa lta bu ni snye ma ste/ a bdag med ma'o/ /dza'i sgra ni sde tshan gnyis pa'i bdag nyid kyi gsum pa rnam par dga' ba'o/ /de yang ras brgyan pa ste bdag med ma dang 'khril ba yin no/ /ka lhan cig skyes pa'i rang bzhin no/ /de'i snye ma ni sna tshogs pa'i gzugs su spro ba'i tshul can yin te/spro ba dang bsdu ba'i bdag nyid kyi rdo rje 'dzin pa'o/ /char dbab pa'i cha'o/ /sprin dral ba bshad de zhes pa ni 'dir gtor zhing blugs pas ni sprin dral ba ste dbang ngo / /byang chub kyi sems shar ba des dri ma med pa'i rang bzhin nyid kyi sku gsum dang ye shes la yin no/ / dral ni spro ba'o/ /bshad de ni gsal bar byed pa'o/ /'dis ni 'di skad ston pa yin te/ bden pa gnyis tha mi dad pa nyid bden pa gnyis yin no/ /dur khrod kyi ras la nye bar 'dug nas zhes bya ba ni/ dur khrod ni A li kA li'o/ /de yang ras ni phan tshun du 'gegs pa'i phyir ro//de la nye bar 'dug nas ni/ khyab par bya ba dang khyab par byed pa'i tshul gyis gang gnas pa'o/ sngags bzlas pa ni ye shes mngon du bya ba ste ye shes de'o/ /o Ar+ya sma sA na pri yA ya hUM hUM hUM phaT swA hA/ oM ni rdo rje gsum tha mi dad pa'o/ /A ni rdo rje ste gzugs kyi phung po rnam par snang mdzad dang sku rdo rje'o//ra ni bdag med ma gzugs rdo rje'o/ /ya ni g.yung mo rlung gi rang bzhin yin pa'i phyir gsung rdo rje yin te rdo rje g.yung mo'o/ /de nyid sma sA na ste nA da phreng gnyis po de dang tha mi dad pa'i phyir ro/ /pri yA ni rdo rje 'chang ngo / /de yang ye shes 'di ni ye shes 'di nyid do//hUM phaT ces pa ni de dbyer med pa'o/ /swA hA zhes pa la/ swA ni rdo rje gsum mo/ /hA ni thabs dang shes rab tha mi dad pa yin te song zin pa'i don to/ /sprin dral ba'i cho ga'o ni spro ba dang bsdu ba bstan pa'o/ /da ni gnyis ka bsdu ba gsungs pa/ pha rol gyi sde rnam par gzhig pa'i phyir rdo rgyus kyi sgrub pa bshad de zhes pa ni pha rol ni dgra'o//de rnams kyi sde ni dpung ngo / /de rnam par gzhig par 'dod pas rdo rgyus kyi sgrub pa bya'o/ /de bshad pa ni bstan pa'o/ /rdo rgyus kyi sgrub pa de ji lta bu yin pa gsungs pa/ /rdo rgyus dang bdud rtsi lnga dang ku tha rats+tshin lhan cig btags la/ri lu byas te/ ri lu bya ba'i sngags ni/ oM badzra ka rta ri he badzrA ya hUM hUM hUM phaT swA hA zhes pa ni/ ri lu bsgrubs pa de thogs nas dngos grub kyi don du bya ba bzlas shing sngon du bsnyen pa 'bum byas te zhes pa ni sngar gyi rdo rgyus bzung ste sngags 'bum bzla bar bya'o/ /rjes thogs su sngags bye ba bzlas nas rdo rgyus de thogs te bsgrub bya pha rol gyi sde'i gzugs bsams nas ril ba spyi blugs kyis bsgrub bya'i mgrin pa bskor bar bya'o//bskor nas bcag na dgra thams cad kyi mgo med par 'gyur ro/ /rdo rje gri gug gi cho ga'o/ /yang na pha rol gyi sde rnam par gzhig pa'i phyir zhes pa ni pha rol ni yul lo//sde ni dbang po rnams so/ /'di dag gzhig pa ni gzung ba dang 'dzin pa'i mngon par zhen pa ldog pa'o/ /de bas na rgyu mtshan de'i phyir rdo rgyus bsgrubs te nam mkha' la 'gro bas na rdo rgyus te mkha' spyod do/ /de'i sgrub pa bshad de gsal bar byed pa'o//rdo rgyus btags nas zhes bya ba ni/ chos kyi dbyings kyi rang bzhin gyi nam mkha' la bde bas spyad pa can gyi chags pa'i mtshan nyid rtog pa med par byas pa'o/ /bdud rtsi lnga dang ni ye shes lnga dang ngo / /ku tha ra ts+tshan na dang lhan cig ces pa ni/ sta ra ni rdo rje 'dzin pa'o//gcod pa ni bdag med ma ste tha mi dad pa'o/ /lhan cig ri lu ni kun la khyab par bya ba'o/ /bya ba ni bya ba'o/ /sngags ni/ oM badzra karta ri he badzrA ya hUM hUM hUM phaT swA hA zhes pa ni/ oM rdo rje gsum mo/ /badzra ni rdo rje 'dzin no/ /karta ri ni bdag med ma'o/ /gnyis tha mi dad pa'i dgyes pa'i rdo rje'o//de yang ye shes 'di yin no/ /de nyid hUM ngo / /de nyid sum 'gyur dgu'i bdag nyid kyi dkyil 'khor ro/ /phaT swA hA zhes pa ni/ ye shes 'di'o/ /dngos grub kyi don du ni/ /dngos grub kyi dgos pa'o/ bye ba bzlas zhes pa ni mthar rab tu gsal ba/ des na bzlas pa ni gnyis su med pa'i tshul gyis rnam par gzhag go//sngon du bsnyen pa 'bum byas te/ /zhes pa ni sngon du ni dang por ro/ /de'i bsnyen pa ni bdag gir byas pa'o/ /de yang 'bum bzlas pa ni bkag pa ste dang po nas ma skyes pa'i phyir ro/ /de zhes pa ni rdo rgyus te mkha' spyod do/ / bsgrubs la ni bsgrubs pas so/ /ril ba spyi blugs ni bde ba'o/ /'di'i bdag nyid kyi dkyil 'khor ni ril ba spyi blugs so/ /de'i mgrin pa ni rdo rje'i lte bar ro/ /bskor ba ni khyab pa ste rnam par dga' ba la thug par mkha' spyod kyis rgyas btab pa'i phyir ro/ /bskor ba ni bsgom pa'o/ / bcag pa ni lta mo'i pad+ma'i nang du spro ba ste/ de nas lhan cig skyes par shar ba'o/ /dgra thams cad ni 'dod chags zhe sdang gti mug gi nyon mongs pa'i bag chags la sogs pa'o/ /mgo med par 'gyur ro zhes pa ni nyon mongs pa chos kyi dbyings kyi rang bzhin du 'gyur ro zhes pa'i don to//rdo rje gri gug gi cho ga'o/ /kun rdzob pa dang don dam pa tha mi dad pa'i ye shes kyi cho ga'o zhes pa'i don to/ /lha rnams dgas par 'dod pas thig le bsgrubs te zhes pa ni/ mu stegs kyi lha bkas pas rnal 'byor pa'i nus mthu chen po yin no/ /de'i don tshangs pa'i sa bon rgyal la bsgrubs nas/sta ri gcod pa dang bsres la nyi ma gzas zin pa na mi bskyod pa btags so/ /btags nas dgra sta bya ste/ de rkang pas mnan nas sngags bzla'o zhes bya ba la tshangs pa'i sa bon ni/ /pa lA sa'i sa bon no/ /rgyal la bsgrubs nas ni rgyu skar rgyal la'o/ /sta ri gcod pa dang bsres la nyi ma gzas zin pa na/mi bskyod pa zhes pa ni/ rdo rje'i chu dang btags nas sta ri gcod pa bya ba na bya ba'o/ /de rkang pas mnan nas sngags bzla'o/ /oM badzra ku tha ra pA Ta ya pA Ta ya hUM hUM hUM phaT phaT swA hA/ sngags 'di bye ba bzlas la thig le byas te/ phyag bya'o zhes pa na/phyag byas pa ni 'dud pa ste des 'gas so/ /lha dgas pa'i cho ga'o/ /yang na lha rnams mdzes par rol pas na lha rnams te phung po lnga'i bdag nyid kyi de bzhin gshegs pa'o/ /de rnams dgas par 'dod pas ni/ spro ba'i tshul gyis rnam par gzhag par 'dod pas so/til dang 'dra bas na til te rigs gcig dang 'brel ba'i khyad par tha mi dad pa du ma yin no/ /de yang don dam pa'i rang bzhin yin no/ /gnyi ga yang tha mi dad pas 'di thams cad bskyed pa'i phyir/ rdo rje 'dzin pa de nyid bsgrub par bya ba yin no/ /gang rdo rje 'dzin pa'i go 'phang grub na spro ba dang bsdu ba byed pa nus pa yin no//gang spro ba dang bsdu ba'i rang bzhin nyid ni rdo rje 'dzin pa yin no/ /yang na tshangs pa'i sa bon zhes pa ni/ mya ngan las 'das pa'i go 'phang ste/ tshangs pa mya ngan 'das sangs rgyas/ /zhes pa'o/ /de'i sa bon ni mya ngan las 'das pa'o//rgyal la bsgrub pa zhes pa ni rgyal gyi sgras ni rgyas pa ste kun rdzob kyi bden pa'o/ /des bsgrubs pa ni kun rdzob ste mtshan nyid dang bral ba'i don dam pa med pa'i phyir ro/ /de nyid sta ri gcod pa dang bsres pa ste/ rdo rje 'dzin pa dang bdag med ma tha mi dad pa'o/ /de ji ltar zhe na/ nyi ma gzas zin pa na ste bdag med pas zin pa'o/ /mi bskyod pa dang zhes pa ni/ btags shing ni gcig tu byas pa'o/ /des dgra sta byas te/ mi shes pa thams cad gcod pa'i phyir rdo rje 'chang ngo / /de byas te ni yang dag bskyod par bya ba'o/ /de rkang pas ni ye shes kyis so/ /mnan nas ni rnam par gzhag pa'o//sngags ni ye shes so/ /bzlas pa ni bskyed pa'o/ /oM ni sku'o/ /badzra ni thugs so/ /ku tha ra ni gsung ste/ mtshan ma med par rtogs pas mtshan ma'i mi shes pa gcod par byed pas rdo rje gsum tha mi dad pa'o/ /pA Ta ya pA Ta ya zhes pa lan gnyis ni/dbang po dang yul gyi dbye bas spro ba'o/ /hUM hUM hUM ni dgu'i bdag nyid kyi dkyil 'khor ro/ /phaT phaT gnyis ni dbyer mi phyed pa'o/ /swA hA zhes pa ni ye shes lnga rnams so/ /bye ba bzlas pas ni rab tu gsal ba'i mthar phyin pa'o/ /thig le ni rdo rje 'dzin pa'o/ /phyag byas pa ni mngon du bya ba'o//de nas 'di rdo rje 'dzin pa la 'dug pa'o/ /A ni bdag med ma'o/ /ba ni rdo rje 'chang ngo / /gnyi ga dbyer mi phyed pa len cing 'dzin la der 'gro zhing rtogs pas 'dud pa'o/ /de'i phyir gang 'dud pa de nyid rdo rje 'chang ngo / /'gas pa ni spro ba'i tshul du gyur pa yin pas lha dgas pa'i cho ga'o//tsha bas gdung bar bya bar 'dod pas/ arka'i lo ma la dug dang ske tshe dang / tsi tra ka'i khu bas dgra'i ming bri zhing 'bras phub kyi me la gdung ste/ sngags khri bzla'o/ /oM he badzra dza ras b+h+rUM hUM hUM hUM phaT swA hA/ 'bras phub kyi me bcug nas sngags khri bzlas so//de nas tsha ba'i rims kyis 'debs so/ /zhi ba'i don du de nas phyung la 'o mas bkru'o/ /yang na tsha bas gdung bar 'dod pas zhes pa ni/ gtum mo'i rnal 'byor sbyar bar 'dod pas so/ /arka'i lo ma zhes pa la arka ni nyi ma'o/ /de'i 'dab ma dum bu ste ka li'o//de la dug dang ske tshe ni dug ni zla ba'o/ /de'i ske tshe ni A li'i phreng ba'o/ /gnyis ka tha ma dad pas na sna tshogs so/ /de yang ka ni bde ba'o/ /de la khu ba ni nyams su myong ba'i mtshan nyid do/ /des dgra'i ming ni/ /dgra smos pas/ dgra dang 'drebs na dgra ste/ nyon mongs pa dang nye ba'i nyon mongs pa dang yang dag pa'i rtog pa rnams te/yul dang dbang po dang rnam par shes pa rnams so/ /bsdus pas gcig gi tshig go/ /de'i ming ni ming ngo / /bri ba ni nyams su myong ba nyid de'i bdag nyid kyi rnam par gzhag pa'o/ /'bras phub kyi me ni/phub ma ni snying po med pa ste gsog go/ /de yang me dang 'dra bas ni me ste bsreg pa'i bdag nyid kyi phyir yang nyams su myong ba'o/ /der gzhug pa ni de'i bdag nyid du bya ba'o/ /rim pa 'dis na sngags ni ye shes so/ /khri ni gnyis su med pa'o/ /bzlas pa ni bskyed par bya ba'o//oM ni rdo rje gsum tha mi dad pa'i phyir ro/ /he badzra ni thabs dang shes rab tha mi dad pa'i phyir dang / de ltar ye shes lnga dang dbyer mi phyed pa'i phyir ro/ /dz+wa ra dz+wa ra ni rims 'bar ba'o/ /da ha da ha ni bsregs la gdungs shig pa ste rang bzhin med par gyis shig pa'i tha tshig go//gnyis kyi tshig ni phyi nang gi dbye bas so/ /sha trUM zhes pa ni bstan zin pa nyid do/ /b+hUM gyi sbas ni sku rdo rje'o/ /de yang hUM hUM hUM zhes pa ni/ rdo rje gsum tha mi dad pa'i dgu'i bdag nyid kyi dkyil 'khor ro/ /de yang phaT swA hA zhes pa ni thabs dang shes rab tha mi dad pa'o/ /khri bzlas pa ni/gnyis su med pa'i ye shes zhes bya ba'i don to/ /chang skyug par 'dod pas bsgrub bya'i lte bar yi ge maM bsgom mo/ /yi ge maM gyur pa las chang lto bar rnam par bsgoms te/ skyug par byed par bltas na chang skyug go/ /'di'i don ni rab tu gsal ba nyid do/ /yang na chang skyug par bya bar 'dod pas zhes pa la/myos par byed pas na chang ste/ lhan cig skyes pa'i dga' ba'o/ /de skyug par byed par 'dod pa ni/ spro ba'i tshul gyis bsdu ba'i bdag nyid du rnam par gzhag par 'dod pas so/ /bsgrub bya ni rdo rje 'dzin pa'o/ /lte ba ni bskyed pa'i gnas so/ /yi ge maM ni lnga pa'i lnga pa ma ste mA ma kI chu'i khams byang chub kyi sems khu ba'i rnam par bsgom par bya ste/snyoms par 'jug pa'i rnal 'byor gyis rnam par gzhag par bya'o/ /yi ge maM yongs su gyur pa ni/ byang chub kyi sems nang du thim pa'o/ /chang lto bar ni ye shes kyi gnas de'i bdag nyid kyis so//bltas na zhes pa ni mngon du bya ba'o/ /rnam par bsgom pa ni rnam pa sna tshogs pa'i tshul gyis snyoms par 'jug par bya'o/ /skyug par byed par bltas na skyug go zhes pa la/ ba ni lnga pa'i gsum pa la/ a bdag med mas mtshan pa dga' bral te/ de yang zhen pa'i mtshan nyid kyis rtogs pa yin no//de mthar byed pas ta ste de yang lhan cig skyes pa'i dga' ba'i tshul lo/ /de ltar yongs su rdzogs par blta ba ni skyug par byed pa ste/ ye shes kyi spyan mngon du gyur pa'o/ /chang skyug pa ni chang ni lhan cig skyes pa bsdus pa'i tshul lo/ / skyug pa ni spro ba'i tshul 'byung bar 'gyur bas rdo rje 'dzin pa rdzogs pa yin no/ /rab tu myos pa dbang du bya bar 'dod pas mya ngan med pa'i brgyad la mya ngan med pa'i 'og tu song ste gos dmar po bgos nas/ myos byed kyi 'bras bu bza' zhing ka ma tsi ka'i khu bas thig le byas nas sngags bzlas te/oM a mu kI me hrI ba sI b+ha ba tu swA hA/ khris 'ong bar 'gyur ro zhes pa ni sngags 'di khri bzlas na de 'ong bar 'gyur te/ 'di'i don ni go sla'o/ /yang na rab tu myos pa bdag med ma'o/ /dbang du bya bar 'dod pa ni rang dgar bya bar 'dod pas so/ /mya ngan med pa'i brgyad ni/a ni bdag med pas/ de dag phye ma zhib mor klog pas na a sa'o/ /des na a sa rdo rje 'dzin pa'o/ /de yang a ka ni a bdag med ma las ka rdo rje 'dzin pa ste/ bdag med mas 'khril ba'i rdo rje 'dzin pa'o/ /brgyad ni rnal 'byor ma brgyad do/ /mya ngan med pa yang yin la brgyad kyang yin pas mya ngan med pa'i brgyad do//de dag ni dgu'i bdag nyid kyi dkyil 'khor ro/ /mya ngan med pa'i 'og tu song ste zhes pa ni/ rdo rje 'dzin pa dang bdag med ma 'khyud pas rdo rje 'dzin pa'i rang bzhin du rtogs par bya'o/ /gos dmar po bgos nas ni dmar po ni chags pa'i mtshan nyid do//de nyid gos te sgrib par byed pa'i tshul lo/ /de bgos nas ni de la zhugs nas so/ /myos byed kyi 'bras bu ni myos byed byang chub kyi sems khu ba'o/ de'i 'bras bu ni lhan cig skyes pa'i rang bzhin no/ /de bza' ba ni khams gsum de'i bdag nyid kyis gang 'khril ba'o//kA A kA ni/ A li kA li'i nA da'i phreng ba gnyis de dang tha mi dad pas so/ /ma ni mA ma kI te chu'i khams khu ba'i tha tshig go/ /yang na a bdag med mas lhan cig skyes pa gsum de'i bdag nyid kyis brgyan pa yin pas kA ma'o//de bsags pa ni bsags pa'i mtshan nyid kyis kun rdzob kyi bden par rnam par gzhag pa yin pas dgyes pa'i rdo rje'o/ /de'i khu ba ni nyams su myong ba'i mtshan nyid do/ /thig le des rdo rje 'dzin la phyag bya mngon par btud pas spro ba'o/ /sngags ni ye shes so//bzlas pa ni bskyed pa'o/ /de yang oM a mu kI me h+'+ri ba sI b+ha ba tu swA hA/ oM zhes pa ni rdo rje gsum dbyer med pa'i rdo rje 'dzin pa'o/ /a mu ki zhes pa ni/ ming med pa'i bdag med ma'o/ /ma byang chub kyi sems so/ /e ni e'i cha byad kyi phyag rgya bdag med ma rnal 'byor ma des brgyan pa'o//de yang hrI ni bzhi'i rang bzhin no/ /ba sI b+ha ba tu zhes pa ni 'di'i ltung bar byed pa'o/ /de yang swA ni rdo rje gsum mo/ /hA ni thabs dang shes rab bo/ /'di ni ye shes lnga'i bdag nyid kyi ye shes so/ /'di yang khris 'ong bar 'gyur ro zhes pa la/ khri ni rnal 'byor gnyis tha mi dad pa'i don dam pa dang kun rdzob dag dbyer med pa'o//de yang bdag med ma gzugs mi mnga' ba'i rang bzhin no/ /des 'ong bar 'gyur ba ni rtogs pa ste/ yang dag par khong du chud pa'i bdag nyid du 'gyur ro zhes pa'i don to/ /zla ba dang nyi ma dbang du bya bar 'dod pas sA lu btags pa can gyi 'gyur ba la zla ba dang nyi ma byas nas rdo rje'i chu ru gzhug cing sngags bzlas te/oM badzra rka mA ca la mA tsa la/ tiSh+Tha/ he badzra ya hUM hUM hUM phaT swA hA/ bye ba phrag bdun bzlas te nyi ma dang zla ba yang dag par gnas shing nyin mtshan bye brag med par 'gyur ro//zla ba dang nyi ma rnam par 'dzin pa zhes bya ba'i cho ga'o/ /'di'i don ni go sla ba nyid do/ /yang na zla ba dang nyi ma dbang du bya bar 'dod pas zhes pa la/ zla ba rdo rje 'dzin pa'o/ /nyi ma bdag med ma'o/ /gnyi ga dbang du bya bar 'dod pa ni/ gnyi ga dbyer med pa'i rnam par 'dod pas so//sA lu btags pa can gyi 'gyur ba la zhes pa ni/ sA lu'i sgras don yod pa'i rlung ngo / /de yang A li kA li'i nA da phreng ba gnyis so/ /de'i btags pa ni bcar ba ste phan tshun du dbyer med pas gnas pa'o/ /de la ka ni byang chub kyi sems so/ / 'gyur ba ni nyi zla'o/ /bya ba ni skyes pa'o/ /rdo rje'i chu ni dbyer med pa'i byang chub kyi sems so/ /gzhug pa ni de'i bdag nyid kyis rnam par gzhag pa'o/ /sngags bzla ba ni 'gog pa'o/ /de yang oM ni rdo rje gsum mo/ /badzra ni rdo rje 'dzin pa'o/ /arka ni bdag med ma'o/ /gnyis tha mi dad pa'o//mA ca la mA tsa la ni spro ba'i tshul gyis so/ /tiSh+Tha tiSh+Tha ni bsdu ba'i bdag nyid do/ /de yang he badzrA ya zhes pa ni dgyes pa'i rdo rje'i ye shes so/ /hUM hUM hUM ni dgu'i bdag nyid kyi dkyil 'khor ro/ /phaT swA hA zhes pa ni/ thabs dang shes rab dbyer med pa'i ye shes so//bye ba bzlas pa ni drug pa sems las 'das pa bdun pa 'di nyid phye ba ste rab tu gsal bar rdzogs pa'i don to/ /sngags 'dis gnyis dang gnyis med par rtogs pa yang gnyis su med pa yin no/ /gnas shing zhes pa ni g.yo ba med pa'i tshul lo/ /nyi ma dang zla ba dag ni thabs dang shes rab dag go//nyin mtshan bye brag med par 'gyur ro zhes pa ni/ rdo rje 'dzin pa dang bdag med ma dag bye brag med pa'i rang bzhin nyid du rang las 'byung ba ste thams cad nyid du dus gsum la khyab pa yin no/ /zla ba dang nyi ma rnam par 'dzin pa zhes pa'i cho ga'o/ / zhes pa ni ye shes 'di shes par 'gyur ba de'i phyir zla ba dang nyi ma dag gis rnam par 'dzin pa mi g.yo bar 'gyur ba'o/ /de'i cho ga ni rdzogs pa yin no zhes pa'i don to/ /oM nA grA nA grA zhes bya ba'i sngags 'dis dus ma yin pa'i dus su don bsgrub pa'i phyir/ gzhon nu ma'i mig dag la brgya rtsa brgyad mngon par bsngags nas/me tog la sogs pa'i mchod pa lngas yang dag par mchod cing snyan gsan dbab pa'o/ /bcu bzhi'am brgyad pa'i snga ba'i dus su bum pa la sogs pa gzhag cing 'bru mar dang sen rtsi'i khu ba la sngags 'di nyid kyis lan brgya rtsa brgyad mngon par bsngags so//de nas mngon par bsngags pa'i sen rtsa'i khu bas bsngags pa'i pa the bo rgan po bskus nas/ 'bru mar gyis kyang blugs la gzhon nu ma la bstan te nga'i rdzas sus khyer smros/ /de la des smras pa/ che ge mo zhes pas khyer ro/ /rdo rje'i rtsis so/ /sngags 'di rdo rje 'ba' zhig yin pas gsal ba nyid kyi don to//yang na oM rdo rje gsum dbyer med pa'o/ /de yang nA grA nA grA zhes pa ni yi ge bzhis skad cig ma bzhi dang / gzhan dga' ba bzhi yin pas bzhi'o zhes bya ba'i sngags 'dis zhes pa ni ye shes 'dis so/ /dus ma yin pa'i dus su ni dus dang bral ba'i dus gsum mo//bde ba'i dus dang sdug bsngal gyi dus dang bsam gyis mi khyab pa'i dus so/ /'di gsum dang bral bas gang de dus ma yin pa ste/ 'di lta bu'i dus su'o/ /brgya rtsa brgyad ni rnal 'byor ma brgyad de/ /'di rnams las bla ma'am mchog ni bdag med ma dang tha mi dad pa'i rdo rje 'dzin no//de yang rigs brgya'i dbye bas tha dad pa nyid kyis rnam pa brgya yin pas brgya'i bdag nyid do/ /rgyu des na gzhon ma ni bdag med ma'o/ /mig dag ni bden pa gnyis so/ /mngon par bsngags ni phan tshun du khyab par bya ba dang khyab par byed pa'i tshul du byas pa'o//bcu bzhi ni/ rnal 'byor ma bcu bzhi rnams la bdag med ma'i dkyil 'khor ro/ /brgyad pa ni rnal 'byor ma brgyad la rdo rje 'dzin pa'i dkyil 'khor ro/ /gnyi ga'i bdag nyid kyi dkyil 'khor ro/ /snga ba ni 'od gsal nyid do/ /de la bum pa la sogs pa ni bum pa rdo rje 'dzin pa dang /bdag med gnyis tha mi dad pa'o/ /sogs ni dang po'o/ /de yang kaM ni ye shes kyi rnam pa'o/ /de gzhag pa ni brtag par bya ba'o/ /de gzhon nu ma ni bdag med ma'o/ /me tog la sogs pa zhes pa ni sku gsung thugs dbyer med par gzhag par bya ba'o/ /'bru mar la lan brgya rtsa brgyad mngon par bsngags so zhes pa ni 'bru mar byang chub kyi sems so//de yang brgya rtsa brgyad ni rdo rje 'dzin pa'o/ /des mngon par ni ye shes kyi rnam par rtog pa'o/ /a lak+ta ni/ phyi nas a bdag med ma'o/ /lak+ta ni chags pa'o/ /'di gnyis ka yang lhan cig skyes pa'i ye shes so//'di gnyis kyis mngon par bsngags pa yang de'i gzhon nu ma bdag med ma la'o/ /brgya rtsa brgyad kyis mig dag la mngon par bsngags so/ /sngags pa'i mthe bo rgan po zhes pa ni sngags pa rdo rje 'dzin pa'o/ /mthe bo rgan po ni sor mo lnga'i rgan po yin pa'i phyir gzhi mthun pa'o//des na a lak+ta'i khu ba ni/ rdo rje 'dzin pa dang bdag med ma tha mi dad pa'i ye shes kyis so/ /de nyid 'bru mar gyis blugs la zhes pa ni/ byang chub kyi sems kyis dbang bskur bar bya'o/ /gzhon nu ma la bstan te zhes pa ni rab tu gsal ba'i mtshan nyid mngon du bya ba'o//nga'i rdzas sus khyer smros zhes pa la sus ni ye shes kyis so/ /nga'i rdzas ni bdag nyid kyi dngos po'o/ /khyer zhes pa ni yang dag pa spangs pa'o/ /smros zhes pa ni/ lnga pa'i gsum pa'i yi ge ba ste/ 'od dpag tu med pa'o/ /bzhi pa'i gsum pa ni/ rin chen 'byung ldan ste gnyi ga dbyer med pa'o//khyer ba ni yang dag par bsdus pa ste/ de ni bdag med ma mtshan ma med pa'i tshul can don dam pa'i bden pa'i tshul smras pa ste/ gsal bar byed pa'i kun rdzob kyi bden pa mngon par gsal ba nyid do/ /che ge mos khyer zhes pa ni/ ming med par bsdus pa yin no/ /rdo rje'i dpyad do zhes pa ni/ rdo rje ni rdo rje mi phyed pa'o/ /de'i dpyad ni 'od gsal yi ge as rgyas btab pa'o/ /'od gsal bstan nas sgrib pa lnga spang bar bya ba'i phyir sngags lnga gsungs pa/ bai DUR+Ya bai DUR+Ya zhes brjod na glang po che 'bros par 'gyur ro/ /zhes pa ya'i sgras g.yung mo'o//de yang rdo rje sems mas brgyan pa nyid do/ /de ltar gnyis med pa'i bden pa gnyis drug pa rdo rje 'chang ngo / /'di'i rang bzhin gyi glang po che de 'bros pa ni dbang po dang yul tha dad pas nyon mongs pa las ldog pa yin no/ /gti mug rnam par dag pa'o//'di'i don ni gsal ba nyid do/ /yang na bai DUR+Ya'i sgras lnga pa'i gsum pa yi ge ba 'od dpag tu med pa'o/ /de yang es brgyan pas bdag med ma dang tha mi dad pa'o/ /DA'i sgras ni gsum pa'i gsum pa ste mi bskyod pa'o/ /de yang rdo rje mkha' 'gro mas brgyan pa'o/ / yA zhes pa ni/ ma m+mA ma m+mA zhes brjod na stag 'bros par 'gyur ro zhes pa la/ ma'i sgra ni mi bskyod pa ste/ de yang rdo rje gsum dang tha mi dad pa yin no/ /m+mA ni don yod grub pa rlung gi khams gsung rdo rje'o/ /mi ni mi bskyod pa thugs rdo rje'o/ /a rdo rje ni gzugs kyi phung po rnam par snang mdzad sku rdo rje ste/rdo rje gsum dbyer med pa'i rdo rje 'chang m+mA'o/ /de yang lan gnyis brjod pas drug pa rdo rje 'dzin pa'o/ stag 'bros par 'gyur ro zhes pa la stag dang 'dra bas stag ste gsod cing sdug bsngal bskyed pa'i phyir gti mug la sogs pa'o//de de nyid du thim pas nga rgyal rnam par dag pa'o/ /te l+li yA te l+li yA zhes brjod na bse 'bros par 'gyur ro zhes pa la don gsal ba nyid do/ /ta'i sgras ni bzhi pa'i dang po don yod grub pa nA da mtha' dag gcig tu bsdoms pa de yang yi ge es brgyan pa ste/ / thugs kyi rnam par dag pa'o/ /l+li zhes pa ni/ /la ni sa'o/ /de yang rnam par snang mdzad dang tha mi dad pa yin no/ /yi ge la gnyis dang yang dag par ldan pa de yang yi ge i dang bcas pa tshor ba'i phung po gau rIs brgyan pa ste gti mug la gti mug thim pa'i phyir sku rnam par dag pa'o//yA'i sgras gang rlung g.yung mo gsung rdo rje a bdag med ma des brgyan pa thugs rdo rjes byin gyis brlabs pa'o/ /a rdo rje ni gzugs kyi phung po'i rang bzhin sku rdo rje'i bdag nyid yin te rdo rje gsum gyi rang bzhin gsung rnam par dag pa'o/ /de'i de nyid la rdo rje gsum gyi rang bzhin gyi ye shes de'i rang bzhin te l+lI yA zhes lan gnyis brjod do//'di ni rdo rje gsum tha mi dad pas bse 'bros pa yin te/ 'di yang sdug bsngal bskyed nas gsod pa'i phyir nga rgyal la sogs pa rnam par dag pas gti mug rnam par dag pa'o/ /I li mI li phu phu zhes brjod na sbrul 'bros par 'gyur ro//'di'i don ni gsal ba nyid do/ /I li mI li zhes bya ba la/ I'i sgras gau rI tshor ba'i phung po me'i khams so/ /li'i sgras ni me'i khams dang 'dres pa'i sa'i khams so/ /mI zhes pa ni me'i khams dang lhan cig pa'i rlung gi khams so/ /li zhes pa ni thabs dang shes rab tha mi dad pa me'i khams la sogs pa'i khams gsum re re'ang rdo rje gsum gyi rang bzhin rdo rje gsum dang tha mi dad pa dgu'i bdag nyid kyi dkyil 'khor ro//de'i sngags phu phu zhes pa ni lnga pa'i gnyis pa rin chen 'byung ldan de yang rdo rje mkha' 'gro mas brgyan pa thabs dang shes rab bdag nyid slar lan gnyis brjod pas bzhi pa'i rang bzhin nyid kyis dga' ba bzhi po des so//sbrul 'bros so zhes pa ni dug gi bdag nyid yin pa'i phyir sbrul dang 'dra bas na sbrul te/ rnam par ma dag pa'i yul yang dug lta bu'o/ /de shin tu rnam par dag pa'i chos kyi dbyings kyi bdag nyid des rnam par dag pa'o//ye shes kyi rnam par bden par rgyu ba yin pas sbrul 'bros par 'gyur te/ 'dod chags la sogs pa'i rnam par dag pas phrag dog rnam par dag pa'o/ /nor skyong 'dul ba'i phyag gis lag pa rab tu bstan na/ khyi 'bros par 'gyur ro zhes pa ni//d+ha'i sgra ni bzhi pa'i bzhi pa don yod grub pa'o/ /na'i sgra ni bzhi pa'i lnga pa ste mi bskyod pa'o/ /d+ha na gnyis char gyi sgras ni/ de skyong zhing dbyer med par rnam par 'jog pa yin pas nor skyong ste rdo rje 'dzin pa'o/ /de 'dul ba'i phyag gis ni de'i rang bzhin gyi ye shes lngas so/ /lag pa ni ye shes lnga'i bdag nyid kyi ye shes so//bstan pa ni 'od gsal du bya ba'o/ /des na khyi 'phros par 'gyur zhes pa la/ rang nyid rang ste bems po'o/ /rnam par rig byed kyi tshul gzung ba dang 'dzin par mngon par zhen pa mi shes pa'i rnam pa 'bros pa ste/ bems po ma yin pa rtogs pa'i rnam par 'od gsal nyid thob pas phrag dog la sogs pa rnam par dag pas zhe sdang rnam par dag pa'o//de ltar glang po la sogs pa ma rig pa lnga bstan pa phung po lnga dang nyon mongs pa dang / nye ba'i nyon mongs pa dang / kun du rtog pa'i bdag nyid rnams chos kyi dbyings shin tu rnam par dag pa'i bdag nyid ji lta ba de gsungs pa/rdo rje dkar mo chu ma dang // rdo rje mkha' 'gro bdag med ma/ /mkha' spyod sa spyod rnal 'byor las/ /rengs sogs brtul zhugs can gyis byed/ /ces pa la 'di'i rang bzhin nyid gzugs dang tshor ba dang 'du shes dang 'du byed dang rnam par shes pa'i rnam par dag pa rnams so//ji ltar zhe na/ /mkha' spyod sa spyod rnal 'byor las/ /zhes pa las spyod ni srid pa'i rang bzhin no/ /mkha' spyod ni mya ngan las 'das pa'i rang bzhin no/ /de'i phyir gnyi ga tha mi dad pas rnal 'byor ro/ /de bzhin du yang gsungs pa/srid dang zhi ba'i rang bzhin gyis/ /snying rje chen po 'di dag gnas/ /zhes pa'o/ /rgyu 'dis na/ shin tu rnam par dag pa'i chos kyi dbyings kyi bdag nyid yin pa'i phyir ro/ /rengs pa la sogs pa phyi rol gyi rab tu grags pa nyid do/ /nang du na mi g.yo ba'i rang bzhin la sogs par bya ba ni/bskyed par bya ba'o/ /brtul zhugs can ni rdo rje 'dzin pa'i rang bzhin zhes pa'i don to/ /'dis ci bstan na/ ye shes lnga'i bdag nyid kyi thabs dang shes rab dbyer med pa yul dang dbang po rnam par dag pa'i rdo rje gsum dbyer med pa'i bdag med ma'i dkyil 'khor shin tu rnam par dag pa'i chos kyi dbyings kyi bdag nyid drug pa rdo rje 'dzin pa dang tha mi dad pa bzhi pa'i rang bzhin gyi rang byung gi ye shes kyi bdag nyid bstan to//rdo rje 'dzin pa'i dkyil 'khor yang 'di lta bu nyid du bstan te/ dkyil 'khor gnyi ga yang dbyer med pa'i phyir ro/ /A li kA li gnyis kyi nA da'i phreng ba re re yang sngags kyi de kho na nyid bskyed pa ste de lta ma yin na/'di dag phyin ci log tu rtogs pa'i phyir bstan pa'i sngags rnams ni 'grub pa ma yin no/ /oM zhes bya ba ni rang byung ba'o/ /de nyid thabs dang shes rab dbyer med pas A li kA li rnam pa gnyis so/ /gnyi ga dbyer med pas kyang sku gsung thugs kyi rnam pa gsum mo//de yang bde ba la sogs pa'i rnam par rtog pas rnam pa bzhi'o/ /me long la sogs pa'i ye shes lnga ni ye shes lnga rnams yin no/ /rim pa 'dis bco lnga ste de rnams kyang rnam par shes pa'i lus las te/ drug pa rnam par shes pa de yang de'i rang bzhin des de las 'das pa yin pas lnga pa dang /drug pa dang bdun pa 'di gsum re re zhing yang rdo rje gsum gyi rang bzhin yin pas dgu'i bdag nyid kyi dkyil 'khor dang gnyi ga tha mi dad pa nyid sngags kyi de kho na nyid yin no/ /dang po ka'i sde tshan mi bskyod pa'o/ /gnyis pa tsa'i sde tshan don yod grub pa'o//gsum pa Ta'i sde tshan rin chen 'byung ldan no/ /bzhi pa ta'i sde tshan rnam par snang mdzad do/ /lnga pa pa'i sde tshan 'od dpag tu med pa'o/ /'di re re zhing yang ye shes lnga'i bdag nyid rnams dang 'byung ba lnga'i bdag nyid rnams te mi bskyod pa la sogs pa'i rim pas/ka kha ga g+ha nga zhes pa 'di nyi shu rtsa lnga'i dbye bas de rnams ni re re zhing lnga'i bdag nyid do/ /de yang lnga'i bdag nyid des mtha' yas pa'i rigs su 'gyur ba yin te/ yi ge thams cad nyid me long la sogs pa ye shes lnga'i rnam pa yin pas sngags kyi de kho na nyid bstan to//de bzhin du sngags btu ba yang 'chad par 'gyur ba'i rjes su 'gro bas dang po'i ni dang po dang / gnyis pa'i ni gsum pa dang zhes bya ba la sogs pa dang / lnga pa'i ni bzhi pa dang zhes bya ba la sogs pa dang / bdag med ma yis rnam par brgyan/ /zhes bya ba la sogs pa'o//swA zhes pa ni swA khu ba ste 'od dpag med gsung rdo rje'o/ /ba rnam par snang mdzad sku rdo rje'o/ /a bdag med ma thugs rdo rje ste/ rdo rje gsum tha mi dad pa sngags so/ /de yang hA zhes pa ni/ hA thabs so/ /a shes rab ste gnyi ga tha mi dad pa ni sngags so/ /yi ge phaT kyis spel ba ni khyad par 'dus pa yin pa'i don to//de'i phyir de la sngags med gang zhig phyag rgya med/ /gang zhig dkyil 'khor med cing lha yi rnam pa med/ /rdo rje 'dzin dang bdag med ma las gzhan pa'ang med/ /ces pa'o/ /de'i phyir phyi rol dang nang gi brda gnyis kyi sgra bkod pas sngags thams cad gnas pa yin no//'dir ni phyogs tsam zhig bstan pa yin te/ bla ma'i rim pa las 'ongs pa bdag nyid rjes su dran par bya ba'i phyir dang / bdag dang mnyam pa'i sems can rnams kyi don du'o/ /dgyes pa'i rdo rje mkha' 'gro ma'i dra ba'i sdom pa las sngags kyi le'u ste gnyis pa'o zhes pa la/dgyes pa'i rdo rje zhes bya ba ni/ gnyi ga tha mi dad par byas pa'o/ /mkha' 'gro ma'i dra ba ni rnal 'byor ma'i 'khor lo ste bsdus shing sdom pa de'i bdag nyid kyis de'i bdag nyid du 'jug par 'gyur bas na//mkha' 'gro ma'i dra ba'i sdom pa'o/ /de'i phyir sngags kyi rim par phye ba ni sngags ni ye shes so/ /de la gos ni 'gebs pa'o/ /de len cing 'dzin pas na la'o/ /de yang gnyis pa ni sprul pa'i sku dang tha mi dad pas chos kyi sku dang tha mi dad par gyur pas zhes pa'i don to//dang por 'byung po thams cad kyi gtor ma'i sngags dang / de nas de bzhin gshegs pa rnams kyi sa bon dang / de nas phyag bcu drug pa dang / de nas sngags thams cad nyid kyi rkang pa'i dang por oM dang / mthar swA hA dang phUM phaT kyi yi ge spel ba'o/ /de'i rjes su grong khyer bskyod pa'o//de'i rjes su rnal 'byor ma rnams kyi sa bon dang / de nas phyag gnyis pa'i dang / de nas phyag bzhi pa'i dang / de nas phyag drug pa'i dang / de nas byin gyis brlabs pa'i dang / de nas sa sbyang ba'i dang / de nas rengs pa'i dang / dbang du bya ba'i dang / bskrad pa'i dang /mngon spyod kyi dang / dgug pa'i dang / dbye ba'i dang / gsang ba'i dang / ku ru ku l+le'i sngags dang / char dbab pa'i dang / sprin dral ba'i dang / rdo rgyus kyi dang / lha dgas pa'i dang / tsha ba'i rims kyis 'debs pa'i dang / chang skyug pa'i cho ga'i dang / rab tu myos pa dgug pa'i dang /nyi ma dang zla ba gzung ba dang / rdo rje'i dpyad dang / glang po 'bros pa dang / stag 'bros pa dang / bse 'bros pa dang / sbrul 'bros pa'i dang / khyi 'bros pa sku rdo rje rigs kyi rim par phye ba las gsungs pa'i rtsa sum cu rtsa gnyis kyi 'khor lo sgro ba sprul pa'i sku'i bdag nyid dang longs spyod rdzogs pa'i bdag nyid rnams kyi sngags sum cu rtsa gnyis yin no//sngags kyi rim par phye ba'o/ /rab tu gsal ba'i kha sbyor gyi rgya cher 'grel pa las le'u gnyis pa'o// //de ltar rdo rje rigs kyi rim par phye bas sku rdo rje sprul pa'i sku bstan te//sngags kyi rim par phye bas gsung rdo rje longs spyod rdzogs pa'i sku bstan nas/ da ni thugs rdo rje chos kyi sku bstan pa'i phyir gsungs pa/ de nas lha'i le'u bshad par bya'o zhes bya ba smos so/ /lha ni rnam pa gnyis te/ sku can dang / sngags kyi rang bzhin can no/ /gnyi ga yang bstan ma thag pa'i rim par phye ba gnyis kyis bstan to//da ni de gnyi ga tha mi dad pa'i ye shes kyi rang bzhin can gyi lha gsal bar bya ba'i phyir gsungs pa/ lha'i le'u bshad par bya'o zhes bya ba smos te/ de la/ dang por byams pa bsgom par bya/ /gnyis pa snying rje rnam par bsgom//gsum pa dga' ba bsgom pa dang / /kun gyi mtha' mar btang snyoms sgom/ /zhes pa dang / de nas/ yang ni stong pa'i byang chub ste/ gnyis pa la ni sa bon bsdu/ /gsum pa la ni gzugs brnyan rdzogs/ /bzhi pa la ni yig 'bru dgod/ /ces pa la dang po zhes pa ni sngon du'o//stong pa'i byang chub ni stong pa nyid dang / mtshan ma med pa dang smon pa med pa ste rnam par thar pa'i sgo gsum bsgom par bya'o/ /gnyis pa la ni sa bon bsdu/ /zhes pa ni de'i rjes thogs su lha gang bsgom par bya ba de bskyed pa'i sngags bsdu ba ste yang dag par bsdus pa'i tshul te gnyis pa'o//gsum pa la ni gzugs brnyan rdzogs/ /zhes pa ni phyag dang / zhal dang mig dang mtshan ma'i rnam pa la sogs par bskyed pa ni gsum pa'o/ /bzhi pa la ni yig 'bru dgod/ /ces pa ni mi 'gyur bas ni yi ge ste rdo rje 'dzin no/ /de yang dgod pa ni dmigs par bya ba ste mi g.yo ba'i rang bzhin no//de yang spyi bor rang gi rigs kyi bdag por 'gyur ro zhes pa'i tshig gis so/ /de lta bu'i rim pas lha bsgom par bya'o zhes pa ni bzhi pa'o/ /yang na/ dang por stong pa'i byang chub ste/ /zhes pa la dang po ni gnyis su med pa'o/ /de yang stong pa'i byang chub zhes pa ni rnam par mi rtog pa'i ye shes so//gnyis pa la ni sa bon bsdu/ /zhes pa ni rlung la zhon pa'i phyir thugs rdo rje ste/ de yang gnyis pa la sa bon gyi tshul gyis bsdus te yang dag par gzung ba'o/ /gsum pa la ni gzugs brnyan rdzogs/ /zhes pa ni//A li kA li nA da'i bdag nyid des sku'i sku bskyed pa yin no/ /bzhi pa la ni yig 'bru dgod/ /ces pa ni bkod pas na dgod pa ste/ rdo rje gsum dbyer med pa'o/ /de yang mi g.yo bas yi ge ste de'i bsgom par bya'o/ /snyoms par 'jug pa'i rnal 'byor gyis bskyed par bya ba'i rim pa 'di'o//las kyi phyag rgya la yang dga' ba la sogs pa'i rim pas rim pa 'di'o/ /chos kyi phyag rgya la yang 'khor lo rim pas gtum mo'i rnal 'byor gyi rim pa 'di'o/ /phyag rgya chen po la yang phyag rgya gsum gyi dbye bas rnam pa thams cad mkhyen pa'i mngon par byang chub pa'o/brgyud pa'i rim pa'o/ /de bas na slar byams pa bsgom pa ni/ sems can rnams la bu gcig pa ltar brtse ba'o/ /gnyis pa snying rje ni 'bras dang shu ba la sogs pa'i sdug bsngal dang / sdug bsngal gyi rgyu mi dge ba'i rang bzhin las yang dag par gdon par 'dod pa'o//dga' ba ni sems can thams cad sdug bsngal dang sdug bsngal gyi rgyu las grol ba bde ba dang ldan par gyur pa gang sems dga' ba ni dga' ba'o/ /btang snyoms ni 'jig rten gyi chos brgyad las rnam par grol ba'i mtshan nyid do/ /kun gyi mtha' mar zhes pa ni/yang dag par rdzogs pa'i byang chub la thug par ro/ /yang na byams pa ni bu gcig pa'i brtse ba nyid de/ 'gro ba thams cad nga las byung / /srid pa gsum yang nga las byung / /nga yis 'di dag kun la khyab/ /nga las gzhan pa'i 'gro ma mthong / /zhes bya ba'i tshig gis so//gnyis pa snying rje zhes pa ni/ bstan pa'i tshul du rnam par rig par bya'o/ /gsum pa dga' ba zhes pa ni/ de'i bdag nyid kyis gnyi ga tha mi dad pa'o/ /kun gyi mtha' mar btang snyoms bsgoms/ /zhes bya ba ni gnyi ga dbyer med pa rtogs par gyur bas zhes pa'i don to//yang na/ yul dang dbang po tha mi dad pa byams pa ste/ dga' ba'i rang bzhin no/ /snying rje zhes pa ni/ kA bde ba'o/ /ru 'dzin pa ste/ bdag nyid 'jug par 'gyur bas na snying rje'o/ /mchog dga'i rang bzhin no/ /dga' ba zhes ba ni bde ba la chags pa'i rang bzhin can rnam par dga' ba'i bdag nyid can no//btang snyoms zhes bya ba ni/ /'dod chags dang chags bral rnam par 'dres par gyur pa lhan cig skyes pa'i rang bzhin can zhes bya ba'i don to/ /yang na byams pa ni gnyis med du rtogs pa'i shes rab bo/ /snying rje zhes pa ni spro ba'i tshul gyis thabs so/ /dga' ba zhes pa ni gnyi ga dbyer med ba'i rdo rje gsum gyi mtshan nyid do//btang snyoms zhes bya ba ni rdo rje gsum dbyer med pa'i mtshan nyid rnam pa thams cad kyi mchog dang ldan pa'i stong pa nyid kyi rang bzhin zhes pa'i don to/ /bzhi po 'di gnyis thabs dang shes rab tha mi dad pa rnam par thar pa brgyad kyi sgo'i rang bzhin lha lus pa med pa'i bdag nyid kyi dkyil 'khor gyi 'khor lo'i rim pas rang byin gyis brlab pa'i zung du 'jug pa dag rtogs par bya ba'i phyir gsungs pa/raM las nyi ma mngon du rnam bsgoms nas/ nyi der hUM byung sna tshogs rdo rje ste/ /rdo rje de nyid kyis ni ra ba dang / gur bcing ba yang rnam par bsgoms pa nyid/ / ces pa smos te/ nyi ma ni nyi ma'o/ /sngon du ni dang por ro/ /bsgoms nas ni bltas nas so/ /de'i rjes su nyi der ni dkyil 'khor gzhir gyur pa der ro/ /hUM byung sna tshogs rdo rje ste/ rdo rje de nyid kyis ni bsgom pa nyid/ /ces pa ni rab blta bar bya'o/ /dang gi sgras thad kar 'od zer song bas bsgom par bya'o//gur bcings pa zhes pa ni/ gur dang 'dra bas na gur te/ de bcings pa spras pa nyid do/ /yang gi sgras ni 'og tu song ba'i 'od zer gyis rdo rje'i rang bzhin gyis bzhi dang steng du 'phros pas thog phub par bsam mo/ /rim pa 'dis gzhal yas khang ngo / /yang na raM zhes bya ba ni/rin chen 'byung ldan nyi ma bdag med ma'o/ /nyi der hA+o+uM ni snang ba mtha' yas zla ba byang chub kyi sems so/ /de gnyis byung ba'i khams gsum ni sna tshogs so/ /de yang rdo rje ni mi phyed pa'i ye shes so/ /rdo rje de nyid kyis ni ye shes de nyid kyis so/ /ra ba ni khyad par du 'phags pa'i rnam pa ni ra ba ste/mdog dang phyag dang zhal dang dbyibs kyi rang bzhin kun rdzob kyi bden pa'i bdag nyid do/ /de yang ka ni bden pa'i rang bzhin no/ /'di gnyis tha mi dad par gur 'ching ba ni zung 'jug yin no/ dang por ro ni rnam bsgom pa/ chos kyi dbyings kyi bdag nyid rig//ces pa ni gzhal yas khang der dang por thog mar ro bsgom par bya'o/ /cis khyad par du 'phags she na/ chos kyi dbyings kyi bdag nyid rig /ces pa ste/ chos ni 'dus byas thams cad do/ de rnams kyi dbyings ni rang bzhin te de'i bdag nyid kyi rang bzhin gyis rang bzhin med pa'i rang bzhin no//rig pa ni shes pa ste/ de shes pa'i rnam par rtog pa'o/ /yang na de dgyes pa'i rdo rje zhes bya ste/ dang po ni gnyis su med pa'o/ /ro ni rang bzhin med pa'o/ /chos kyi dbyings kyi bdag nyid ni chos rnams kyi dbyings de'i bdag nyid kyi sku ston pa yin pas chos kyi dbyings kyi bdag nyid kun rdzob dang don dam tha mi dad pa'o//rig pa ni ye shes kyi rnam pas rnam par gzhag pa yin no zhes pa'i don to/ /de steng rnal 'byor pa 'dug nas/ /he ru ka ni rnam par bsgom/ /zhes pa la ro de'i steng du rnal 'byor pa 'dug nas so/ /he ru ka nyid ni he ru ka'i sku rnam par bsgom par bya ba'o//yang na rnal 'byor pa ni/ 'di la rnal 'byor yod pas na rnal 'byor pa ste zung 'jug gi rim pa la gnas pa'o/ /de'i ngo bo dang chos kyi dbyings kyi bdag nyid bshad zin pa'i don gyi rang bzhin yin no/ /steng du gnas pa ni khyab par bya ba dang khyab par byed pa'i rang bzhin gyis g.yo ba med par gyur pa'o//he ru ka nyid ni/ he zhes pa ni rgyu la sogs pa dang bral ba'o/ /ru zhes pa ni yi ge ru tshogs pa dang bral ba'o/ /ka zhes pa ni gang du'ang mi gnas pa'o/ /de ltar gyur pa'i he ru ka de'i dngos po'i de kho na nyid rnam par dag pa bsgom par bya'o//rnam pa sna tshogs par bsgoms te/ snyoms par 'jug pa'i rnal 'byor gyis rnam par gzhag par bya'o zhes pa'i don to/ /raM las nyi ma sngon du rnam bsgoms nas/ zhes bya bas mdor bstan nas rgyas par bshad pa gsungs pa/ rang gi snying gar re pha bsgom//zhes pa smos so/ /de gang du bsgom par bya ba'i dogs pa bsu nas gsungs pa/ rang gi snying gar ni thugs kar ro/ /raM bsgom par bya ba'o/ /de las byung ba'i nyi dkyil 'khor/ /der ni hUM gi rnam pa nyid/ /thabs dang shes rab rang bzhin can/ /zhes pa ni thabs dang shes rab kyi rang bzhin te thams cad bshad zin to//rang gi snying gar zhes pa ni chos 'byung du'o/ /thabs dang shes rab rang bzhin can/ /zhes pa la thabs ni sna tshogs rdo rje'o/ /shes rab ni sna tshogs pad+ma'o/ /'di'i rang bzhin gyi ye shes chos 'byung dang sna tshogs rdo rje dang sna tshogs pad+ma rnams rdo rje gsum dbyer med pa yin no zhes pa'i don to//der hUM rdo rje de ji lta bu zhig bsgom par bya ba gsungs pa/ hUM las byung ba'i rdo rje ni/ /kha dog nag po 'jig chen po/ /rdo rje lte ba'i dbus gnas pa'i/ /yang na hUM gi de nyid bsgom pa cis khyad du 'phags she na/ rdo rje lte ba'i dbus gnas zhes pa ste/ rdo rje lte ba'i nang du son pa'o/ /kha dog nag po 'jigs chen ni rtogs dka' ba'o/ /hUM las byung ba'i rdo rje ni de dbus kyi nang du gnas pa zhes pa'i don to/ /hUM gi rnam pa gyur bltas nas/ /zhe sdang bdag nyid rnam par bsgom/ /zhes pa ni der yi ge hUM bltas nas/de yongs su gyur pa las zhe sdang bdag nyid mi bskyod pa'i rang bzhin rnam par bsgom par bya'o/ /rdo rje las skyes nag po che/ /'dam skyes sngon po 'dra ba'i mdog /yang na sngo dang skya rengs mdog /dad pas nges par rnam par bsgom/ /zhes pa la rdo rje skye ba ni rdo rje'i rang bzhin du skye zhing 'khrungs pa ni gang la yod pa ni rdo rje skye ba'o//de nyid nag po che ni/ shin tu gnag pa ste gnyis med pa'o/ /'dam skyes sngon po'i mdog 'dra ba ni dkar po dang nag po rnam par bsres pa'i kha dog gi rang bzhin te gnyis so/ /yang na sngo dang skya rengs mdog / ces pa ni dkar po dang nag po dang dmar po 'dres pa'i rang bzhin gyis rnam pa gsum bsgom mo/ /'di la kha dog gcig go/ /dad pas ni rang gi bsam pas so zhes pa ni nges pa ste sbyar bar bya ba'o/ /phyag gnyis pa dang bzhi pa dang phyag drug pa dang / he ru ka gsum las gcig ces dgongs so//yang na kha dog nag po ni/ kha dog A li kA li'i rang bzhin gyis/ nag po bsrabs pa gang de la kha dog nag po'i dri ma med do zhes pa'i don to/ /de nyid 'jigs chen po ste/ shin tu mi dmigs pa'i rang bzhin gyis rdo rje byung ba yin te/ mi phyed pa'i tshul gyis yang dag pa'i mthar phyin pa'o//gang las she na/ yi ge hUM las so/ /thabs dang shes rab tha mi dad pa'i phyir ro/ /de lta bur gyur pa'i rdo rje lta ba'i dbus gnas pa ni/ ba byang chub kyi sems thabs so/ /ra shes rab bo/ /gnyi ga lte ba'o/ /de yang ka'o/ /de'i dbus gnas nas ni thabs dang shes rab tha mi dad pa'o//de ltar gyur pa'i hUM de nyid kyis de kho na nyid yang dag pa'i ye shes bsgom par bya ba'o/ /yang zhes pa ni/ slar yang 'di nyid rgyun mi 'chad par bsgom pa'o/ /de nyid hUM gi rnam par gyur pa ni/ yi ge hUM gi rang bzhin nyid rgyu dang 'bras bu tha mi dad pa'i phyir ro//bltas nas zhes pa ni rtogs par bya ba'o/ /zhe sdang bdag nyid ni gnyis kyis gnyis sprad pa bdag gis spang bar mi bya ste/ 'khor ba dang mya ngan las 'das pa dbyer med pa yin pas zhe sdang ngo / /bdag gi lus gang la de nyid yod pa'ang de skad ces bya'o//de bsgom par bya'o zhes pa ni bstan zin pa'i don to/ /slar yang de nyid khyad par du cis 'phags she na/ gsungs pa/ rdo rje skye ba la sogs pa ste skye ba ni skye ba'o/ /nag po che ni cher 'jigs pa'o/ /gnyi ga yang rdo rje dang tha mi dad pas rdo rje skye ba nag po che'o//'dam skyes sngon po 'dra ba'i mdog ni sngon po ni dkar nag yin pa'i phyir sngon po'o/ /de yang 'dam skyes ni chos 'byung ngo / /der yang dag par ma lus par rab tu snang bas na 'dam skyes sngon po 'dra ba'i mdog go/ /skye ba dang 'jig pa tha mi dad pa'i chos 'byung las byung ba'i phyir ro//yang na sngo dang skya rengs mdog /ces pa ni kha dog gnyis kyi bdag nyid ni sngon po'o/ /skya rengs ni dmar po'o/ /dkar nag dmar ba'i tshul gyis 'jig pa dang skye ba dang gnas pa'i tshul lo/ /mdog ces pa ni sngo dang skya rengs mdog go/ /de lta bur gyur pa'o//dad pas zhes pa ni dad pa'i dbang pos yin te/ dbang po gzhan gyi spyod yul ma yin pa'i phyir ro/ /bsgom zhes pa ni mnyam pa nyid du bzhag pa'o/ /nges par ni nges par ro/ /yang na rdo rje skye ba nag po che/ /zhes pa ni gnyis su med pa 'di rang bzhin gyis dag pa'i ye shes so//de nyid 'dam skyes sngon po dang 'dra ba'i mdog ste/ thabs dang shes rab rang bzhin tha mi dad pa'i rang bzhin no/ /yang na sngo dang nyi ma'i mdog /ces pa ni thabs dang shes rab dbyer med pa'i ye shes te/ de nyid rdo rje gsum dbyer med pa'i rang bzhin can no/ /bsgom zhes pa ni snyoms par zhugs par rnam par gzhag go//dad pas nges par zhes pa'i don ni bstan zin to/ /yang na skye ba ni skye ba'o/ /nag po che ni 'jigs pa'o/ /de yang rdo rje ste 'di nyid sngon bo'o/ /gnyis su dbyer med pa'i gnyi ga mi phyed par 'khril nas gnas pa yin te/ sngon po dang skya rengs yin pa'i phyir ro/ /skye ba dang 'jig pa dang gnas pa 'di gsum gzugs med pa bdag med ma dang tha mi dad pas so/ /mdog ces pa ni so sor snang ba de de'i bdag nyid kyis rnam par gnas par gyur pa yin pas sngo dang skya rengs mdog go/ /de lta bur gyur pa'i rje btsun gang du ji ltar bskyed par bya ba gsungs pa/nam mkhar rje btsun zhes pa smos te/ nam mkha' zhes pa ni chos 'byung gi gzhal yas khang gi nang du'o/ /rje btsun zhes pa ni 'gro ba'i gtso bo'o/ /bltas nas/ rdo rje skye ba snying rje che/ /rgyan rnams thams cad yongs 'dzin pa'i//lha mo brgyad po rnams kyis mchod/ /ces pa la bltas nas ni nye bar dmigs la'o/ /cis khyad par du 'phags she na/ rgyan rnams thams cad 'dzin pa'i zhes pa ste 'khor lo dang / rna cha la sogs pa'i phyag rgya'i rgyan de 'chang ba rnams kyis so/ /dkar mo ri [(]dgas [,]dwags [)] mtshan ma 'dzin//zhes pa ni byang chub sems te zla ba'o/ /chom rkun ma ni nyi ma'i snod/ /ces pa ni thod par rin chen 'byung ldan nyi ma thogs pa'o/ /ro langs ma ni chu lag ma/ /zhes pa ste mi bskyod pas gang ba'i thod pa bsnams pa'o/ /g+ha sma rI ni sman 'dzin cing / /zhes pa rnam par snang mdzad des gang ba'i thod pa bsams pa'o//puk+ka sI ni rdo rje lag /ces pa ni rdo rje'i sha don yod grub pa ste sku rdo rje 'jug pas de nyid rdo rje'i lag go/ /de bzhin ri khrod ma ro 'dzin/ /zhes pa ni ri khrod ma mngar ba la sogs pa myang ba'i mtshan nyid de 'dzin par byed pas ro 'dzin pa'o//gdol ma ma ni cang te'u brdung / /'di rnams kyis gtso bo mchod/ /g.yung mos sku la 'khyud pa nyid/ /ces pa ni phrag pa nas 'khyud pa ji ltar gyur pa de ltar g.yung mo des mchod do/ /ji ltar zhe na/ 'dod chags chen pos rjes chags pa/ /zhes pa ste/ 'dod chags chen po ni rdo rje 'dzin pa'o//de'i rjes su chags pa ni he ru ka bzhi po 'dis kyang ngo / /'dis ni mkha' 'gro ma'i dkyil 'khor yang bstan pa yin no/ /yang na nam mkhar rje btsun zhes bya ba la sogs pa la/ nam mkha' ni chos 'byung yi ge e'i cha byad do/ / rje btsun ni byang chub kyi sems yi ge waM gyi cha byad do/ /bltas nas zhes pa ni ye shes mthong ba de'i rang bzhin du byas pa'o/ /rdo rje skye ba ni gnyis ka tha mi dad pa'i tshul gyis skye ba'o/ /snying rje che ni rnam pa thams cad kyi rang bzhin no/ /lha mo brgyad po rnams kyis mchod/ /ces pa ni/ lha mo brgyad kyi skur bskyed par bya ba'o/ /rgyan rnams thams cad 'dzin pa yis/ /zhes pa ni 'khor lo dang rna cha la sogs pa de bzhin gshegs pa rnam par dag pa'i rgyan 'dzin pa'i phyir ro/ /de bzhin gshegs pa'i rnam par dag pa de rnams ni bcom ldan 'das kyang 'di dang 'dra ba kho nas gnyi ga mtshungs pa yin no//dkar mo ri [(]dgas [,]dwags [)]mtshan ma 'dzin/ /zhes pa ni dkar mo gzugs rdo rje me long lta bu ye shes kyi rang bzhin sku rdo rje 'dzin no/ /chom rkun ma ni nyi ma'i snod/ /ces pa ni/ chom rkun ma ni sgra rdo rje ma nA da mnyam pa nyid kyi ye shes kyi rang bzhin gyi phyir gsung rdo rje'o//ro langs ma ni chu lag ma/ /zhes pa ni ro langs ma ni dri rdo rje ma thugs te nA da la zhon pa'i phyir de yang sa bon so sor rtog pa'i ye shes thugs rdo rje'o/ /g+has ma rI ni sman 'dzin cing / /zhes pa ni rdo rje gsum tha mi dad pa'i phyir bdud rtsi lnga'i sman bya ba nan tan gyi ye shes so/ /pu k+ka sI ni rdo rje'i lag /ces pa ni puk+ka sI sa'i khams su grags pa sku rdo rje yang rdo rje gsum tha mi dad pa de bas na rdo rje lag ste chos kyi dbyings shin tu rnam par dag pa'i ye shes so/ /de bzhin ri khrod ma ro 'dzin/ /zhes bya ba ni ri khrod ma chu'i khams byang chub kyi sems me long la sogs pa'i ye shes tha mi dad pa'o//ro 'dzin pa zhes bya ba ni byang chub kyi sems lhan cig pa'i ye shes dang tha mi dad pa zhes bya ba'i don to/ /gdol ba mo ni me'i khams ni bdag med ma'o/ /de yang cang te'u ni gzhom du med pa'i sgra'o/ /brdung ba ni nA da dang tha mi dad par bya ba ste/ cha med par bskyed par bya'o zhes pa'i don to//'di rnams kyis ni gtso bo mchod/ /ces pa ni/ bcom ldan 'das 'di'i bdag nyid yin zhes pa'i don to/ /de yang ji ltar zhe na/ gsungs pa/ 'dod chags chen pos rjes chags las/ /g.yung mos sku la 'khyud pa nyid/ /ces pa la g.yung mo ni rlung A li kA li'i nA da tshar gnyis so//des sku las 'khyud pa ni thugs rdo rje de la zhon pa'i phyir ro/ /ji ltar zhe na/ 'dod chags chen pos rjes chags las/ /zhes pa ste 'dod chags chen po ni/ rdo rje 'dzin pa'o/ /de'i rjes su chags pa ni/ de la mngon par zhen pa'i phyir ro//de yang rdo rje gsum dbyer med pa ste/ A li kA li'i nA da phreng gnyis kyi sku med na mi 'byung ba'i phyir ro/ /de yang thugs med na mi 'byung ngo / /'di nyid gsungs pa/ A li zla ba kA li nyi/ /sa bon nang du son gyur pa/ /zhes pa ste A li zla ba zhes pa ni/ yi ge a la sogs pa'i dbyangs bco lnga rnams zla ba'o//kA li nyi zhes pa ni yi ge ka la sogs pa sum cu rtsa bzhi rnams so/ /'di dag nang du son pa ni sa bon nang du song gyur ba'o/ /yang na/ sa bon nang du son gyur pa/ /zhes pa ni nA da gnyis tha mi dad pa gang sa bon nang du son gyur pa ye shes su 'gyur ba ste/de nyid rdo rje 'chang ngo / /ji ltar zhe na gsungs pa/ sems dpa' srid pa gsum gcig pa/ /zhes bya ba'i tshig gis te/ thabs dang shes rab dbyer med pa'i ye shes de yang sku gsung thugs kyi rang bzhin gyi srid pa gsum la/ de'i gcig pa nyid ni sems dpa'o//de yang mchog tu dga' ba'i rang bzhin can ni lhan cig skyes pa'i ye shes kyi rang bzhin rdo rje 'chang zhes bya ba'i don to/ /da ni ye shes kyi dkyil 'khor dang dam tshig gi dkyil 'khor dbyer med par bstan pa'i phyir/ nam mkha'i dkyil 'khor khyab par ni/ /rang gi lus mtshungs rnam par spro//zhes pa smos te/ rnam par spro zhes pa ni/ /zhe sdang bdag nyid rnam par bsgom/ /zhes gang bstan pa de ni ye shes kyi dkyil 'khor ro/ /rdo rje skye ba snying rje che/ /lha mo brgyad po rnams kyis mchod/ /ces gang bstan pa de ni dam tshig gi dkyil 'khor ro//dkyil 'khor de gnyi ga yang tha mi dad par/ A li zla ba kI li nyi/ /zhes bya ba la sogs pa bstan ma thag pa gang de nyid kyis gsal bar byed do/ /rang gi lus mtshungs rnam par spro/ /zhes pa ni rang gi lus ni gnyug ma'i lus te ye shes kyi sku'o//de dang mtshungs pa ni 'od zer rnams gzugs sna tshogs kyi rnam par spros pas dam tshig gi dkyil 'khor gyi skur 'gyur ro/ /nam mkha'i dkyil 'khor khyab par ni/ /zhes pa ni khams gsum gyi rang bzhin de rnams ni nam mkha'i dkyil 'khor du yang mi shong ngo zhes pa'i don to//bsdus nas snying gar dgug pa ni/ /yo gi zhe sdang bdag nyid 'gyur/ /zhes pa la de rnams 'dus te gcig tu gyur nas ye shes kyi dkyil 'khor gyi thugs kar zhugs par gyur to/ /de nyid yo gi zhe sdang bdag nyid 'gyur te dkyil 'khor gnyi ga dbyer med pa'i rdo rje 'dzin pa yin no//'dis ci bstan na/ bcom ldan 'das ni bden pa gnyi ga'i bdag nyid yin no/ /bcom ldan 'das de yang cis khyad par du 'phags she na/ de gsungs pa/ sngo dang skya rengs mtshungs pa'i mdog /ces pa la sngo dang skya rengs mtshungs ni shin tu gnag ba'o zhes pa'i don to//ban+du dmar po'i spyan dang ldan/ /zhes pa ni me tog ban+du ka dang 'dra bar spyan dmar po dang ldan pa'o/ /skra ser gyen 'khyil rdzi ma dang / /zhes pa ni ser po ni kham pa'o/ /gyen 'khyil ni 'greng ba'o/ /skra ni dbu skra'o/ /rdzi ma ni rdzi ma ste gang la rdzi ma yod pa de la de skad ces bya'o//phyag rgya lngas ni rnam par brgyan ni phyag rgya 'di rnams de bzhin gshegs pa'i rnam par dag pa yin pa'o/ /de gsungs pa ni/ 'khor lo rna cha mgul gdub dang / /lag gdub dang ni skye rags nyid/ /sangs rgyas lnga ni rnam dag pa/ /'di rnams phyag rgyar rab tu grags//zhes pa'o/ /yang cis khyad par du 'phags she na/ sdang mig ces pa ste/ sdang mig gdug pa'i gdul bya la'o/ /brgyad gnyis lo'i tshul zhes pa ni lha thams cad kyi snying po'i tshul lo/ /'di'i mtshan ma ni/ g.yon na rdo rje thod pa dang / /zhes pa g.yon ni phyag g.yon no//rdo rje thod pa ni rdo rjes mtshan pa'i thod pa'o/ /g.yon pa nas kyang kha T+wAM ga /zhes pa ni g.yon pa'i 'gram du kha T+wAM ga'o/ /g.yas na rdo rje nag po nyid/ /ces pa ni phyag g.yas na rdo rje nag po'o/ /rdo rje de ji lta bu zhig yin pa gsungs pa/ hUM gi yi ge 'don pa'i mchog / ces pa ste yi ge hUM gi sgra sgrogs pa yin pa'i don to/ /rnal 'byor ma brgyad yongs bskor nas/ dur khrod du ni mgon po rol/ dur khrod kyi sgra'i don bye brag tu 'chad de/ dbugs rgyu zhes bya'i rigs pa 'dis/ /dur khrod ces ni mngon par brjod/ /ces pa'o/ /der rol ba ni bzhugs pa'o//de yang mgon po ste 'gro ba'i don gyi bya ba la 'jug pas so/ /rnal 'byor ma brgyad ni gau rI la sogs pa'o/ /yongs bskor nas zhes pa ni phyogs dang mtshams kun nas rim par bskor ba'o/ /'di ni phyag gnyis pa bskyed pa'o/ /'di'i yang shes rab ma ni/ kha T+wAM ga'i gzugs can ma'o//phyag bzhi ni/ yang bdud bzhi las rgyal nas rnam par dag pa ni phung po dang nyon mongs pa dang lha'i bu dang 'chi bdag ste/ 'di rnams rnam par dag pas phyag bzhi'o/ /gong du brjod pa'i gzugs dang sku mdog dang hUM las byung ba'o zhes pa ni yi ge hUM gi sa bon las byung ba'o//de'i mtshan ma yang phyag g.yon gyi dang po ni skyes pa'i thod pa zhes pa ni/ mi mgo thod pa a las byung ba lha dang lha ma yin gyi khrag gis bkang ba'o/ /g.yas kyi phyag dang po na rdo rje zhes pa ni hUM las byung ba'o/ /phyag lhag ma dag gis shes rab la 'khyud pa zhes pa ni/shes rab la 'khyud pa can dang / shes rab kyis kyang 'khyud pa'o/ /de nyid shes rab rdo rje phag mo bcom ldan 'das kyi gzugs can no zhes pa ni/ shes rab ma bcom ldan 'das kyi gzugs can te de yang rdo rje phag mo'o/ /'di ni phyag bzhi pa bskyed pa'o/ /rnal 'byor ma yang ji ltar phyag gnyis pa'i dkyil 'khor pa ltar bya'o//phyag drug pa yang / /phyag drug pa zhal gsum po/ g.yon dmar ba zhes pa ni g.yon dmar ba'o/ /g.yas pa zla ba dang skya rengs lta bu zhes pa ni zhal g.yas pa dkar po'o/ /dang po sngon po zhes pa ni zhal dang po sngon po'o//gcer bu gong du brjod pa'i sku mdog dang gzugs zhes pa ni/ 'dis ni ru ka gzhan rnams la stag gi pags pa'i na bza' yod pa yin no/ /phyag rnams ni pha rol tu phyin pa rnam par dag pa'o zhes pa ni/ sbyin pa la sogs pa pha rol tu phyin pa drug po de rnam par dag pa'i phyag go//phyag g.yon gyi dang po rtse gsum pa/ g.yas kyi dang po na rdo rje/ phyag g.yon gyi gnyis pa na dril bu/ g.yas kyi gnyis pa na gri gug /phyag lhag ma dag rdo rje lu gu rgyud ma la snyoms par 'jug pa/ bcom ldan 'das ji lta ba de ltar shes rab ste/g.yas pa dang g.yon pa na gri gug dang thod pa 'dzin pa'i shes rab mas khams gsum gyi bdag nyid can gyi ro mnan pa'o zhes pa ni chos kyi dbyings kyi bdag nyid kyi khams mnan no zhes bya ba'i don to/ /yang / A li zla ba kA li nyi/ /sa bon nang du son gyur pa//de nyid sems dpa' zhes byar brjod/ /mchog tu dga' ba'i rang bzhin can/ /zhes gang gsungs pa dang / /dang po stong pa'i byang chub ste/ /gnyis pa la ni sa bon bsdu/ /gsum pa la ni gzugs brnyan rdzogs/ /bzhi pa la ni yig 'bru dgod/ /bsgom par bya'o zhes pa dang de nyid/dkar mo ri dgas mtshan ma 'dzin/ /zhes bya ba la sogs pa nas/ /puk+ka sI ni rdo rje'i lag /ces pa'i bar gyis me long la sogs pa ye shes lnga'i bdag nyid kyi phyag gnyis pa bstan pa'o/ /A li zla ba kA li nyi/ /zhes pa ni thabs dang shes rab dag ste/zla ba me long ye shes ldan/ /bdun pa'i bdun pa mnyam nyid ldan/ /zhes pa gnyis ka'i ye shes te/ mi phyed pa la stong pa nyid kyi byang chub ces brjod do/ /'di'i nang du son pa'i sa bon A li kA li'i yi ge gang ci yang rung ba gnyi ga'i bdag nyid ni so sor rtog pa'i ye shes zhes brjod do//gnyis pa la ni sa bon bsdu/ /de nyid sems dpa' zhes byar brjod/ /ces pa ni de gnyi ga tha mi dad pa sems dpa' ste/ bya ba nan tan gyi ye shes so/ /gsum pa la ni gzugs brnyan rdzogs/ /zhes pa ni/ mchog tu dga' ba'i rang bzhin can/ /zhes pa ste/ rdo rje 'dzin pa'i rang bzhin zhes pa'i don to/ /chos kyi dbyings shin tu rnam par dag pa'i ye shes so/ /bzhi pa la ni yi ge 'bru dgod/ /ces pa ni/ /ri khrod gdol ma g.yung mo yang / /sku gsung thugs kyi rang bzhin gyis/ /zhes pa ste ji ltar sku las 'khyud nas mi phyed pa de ltar 'dod chags chen po rjes chags las//rdo rje 'dzin pa'i rang bzhin zhes bya ba'i don to/ /rnam pa ra spro zhes bya ba la sogs pa ni/ /sna tshogs pa'i rnam par spro ba'i tshul gyis bskyed pa'o/ /gang zhe na/ rang gi lus mtshungs te gnyug ma'i lus kyi 'od zer rnams so/ /cis khyad par du 'phags she na/nam mkha'i dkyil 'khor khyab pa ste nam mkha'i dkyil 'khor gyi sgra ni bdag med ma'i dkyil 'khor ro/ /de ni de'i bdag nyid kyis khyab par bya ba yang gnyis su med par spro ba yin pa'i don to/ /gnyis su med pa'i byang chub nyid bsdu ba de rnal 'byor bas bskyed par bya ste//kun rdzob dang don dam pa'i bden pa tha mi dad pa nyid kyis zhe sdang bdag nyid 'gyur te gnyis 'dod pas na zhe sdang ngo / /de lta bur gyur pa'i bdag nyid kyi sku gang la yod pa de la de skad ces bya ste rdzogs par 'byung ngo / /de lta ma yin na spro ba dang bsdu ba'i bdag nyid du mi 'gyur ro/ / de yang cis khyad par du 'phags pa gsungs pa/ /sngo dang skya rengs mtshungs pa'i mdog /ces bya ba la sogs pa ste/ sngon po ni dkar nag go/ /skya rengs ni dmar po yin pas sngo dang skya rengs rdo rje gsum mo/ /de yang a bdag med mas 'di lta bu'i tshul du gsal zhing so sor snang bar byed pas na skya rengs 'od do//ji ltar zhe na/ kha dog gis te nA da gnyis kyi bdag nyid nges so/ /ban+du ka dmar spyan dang ldan/ /zhes pa la dmar po ni chags pa'i mtshan nyid de de yang kun nas snang ba sku rdo rje zhes bya ba'i don to/ /ban+du ka zhes pa ni 'phel bar byed pas na ban+du ste nA da gnyis ka yang gsung rdo rje'o//ka'i sgras ni thugs rdo rje yin pas ban+du ka'o/ /de ltar spyan ni ye shes te de gang la yod pa de ni de dang ldan no/ /'dis ni bcom ldan 'das spyan gsum pa kho nar brjod do/ /skra ser gyen 'khyil rdzi ma dang / /zhes pa la ser po ni ser skya'i phyir ro//gyen ni gyen du phyogs pa'i phyir na/ ser gyen 'khyil ni nyi ma'o/ /skra zhes pa ni/ ka bde ba la de'i gtso bo ni mnga' bdag ste/ bde ba spangs na de ma yin zhes bya ba'i tshig gis te byang chub kyi sems kyi rang bzhin gyi zla ba'o/ /de ltar zla ba dang nyi ma'i bdag nyid kyi lam gang la yod pa de ni skra ser gyen 'khyil rdzi ma'o//de bas na phyag rgya lnga me long la sogs pa'i ye shes lnga'i bdag nyid can gyi de bzhin gshegs pa lnga'i rang bzhin 'khor lo dang rna rgyan dang mgul gdub dang lag gdub dang ske rags kyis brgyan pa'i ye shes lnga'i bdag nyid ces bya ba'i don to//'di nyid gsungs pa/ /'khor lo rna cha nor bu dang / lag gdub dang ni ske rags nyid/ /sangs rgyas lnga ni rnam dag pa/ /zhes pa ste thabs dang shes rab sku gsum 'byung ba chen po bzhi ye shes lnga'i rnam par dag pa rdo rje 'dzin pa zhes bya ba'i don to/ /de yang cis khyad par du 'phags pa gsungs pa/sdang mig ces bya ba smos te/ sdang ba ni gdul bya ste/ gdug pa'i yul dang dbang pos byin gyis brlabs pa'i nyon mongs pa dang nye ba'i nyon mongs pa dang yang dag pa'i rtog pa 'di rnams gdul ba yin te/ chos kyi dbyings shin tu rnam par dag pa'i rang bzhin du byed pa des na gdug pa'o//mig ces pa ni lta ba'i ye shes so/ /de lta bur gyur pa'i phyir sdang mig go/ /yang na sdang ba ni khro bo'i bdag nyid kun rdzob kyi bden pa'i rang bzhin no/ /mig ni lta ba'i ye shes don dam pa'i bden pa'o/ /de'i rang bzhin gnyi ga dbyer med pa'i phyir sdang mig yin no//brgyad gnyis lo'i tshul ni/ brgyad gnyis ni bcu drug go/ /lo ni lo ste byang chub sems kyi rang bzhin gyis brgyad po nyis 'gyur bcu drug ste 'di'i cha byad kyi tshul gang gi rang bzhin gang la yod pa de la de skad ces bya'o/ /'dis ni ye shes kyi dkyil 'khor dang dam tshig gi dkyil 'khor med pa'i rdo rje 'dzin pa yin no zhes pa'i don to//de lta bur gyur pa'i mtshan ma gsungs pa/ g.yon na rdo rje thod pa dang / g.yon pa nas kyang kha T+wAM ga /zhes pa ni/ phyag g.yon pa ste/ ye shes lnga'i bdag nyid kyi byang chub kyi sems kyi rang bzhin A li'i nA da'i rang bzhin gyi zla ba'o//rdo rje thod pa ni/ rdo rje ni byang chub kyi sems so/ /de yang thod pa ni/ ka ni bde ba'i ye shes te skyod par byed pas na thod pa'o/ /g.yon pa nas kyang kha T+wAM ga zhes pa ni/ shes rab kha T+wAM ga yi gzugs/ /zhes bya ba'i tshig gis so/ /bdag med ma la sogs pa bco lnga'i mkha' 'gro ma le sogs bco lnga'i cha'i bdag nyid des g.yon pa nyid zla ba yin no//yang na/ /g.yon pa nas kyang kha T+wAM ga /zhes pa ni/ kha T+wAM ga ni bstan zin pa nyid do/ /de yang g.yon pa nas ni rdo rje gsum tha mi dad pa yin te/ ba rnam par snang mdzad sku rdo rje'o//a ni nA da gsung rdo rje'o/ /ma lnga pa bsdu ba mi bskyod pa thugs rdo rje yin te mi phyed pa'i phyir ro/ /g.yas na rdo rje nag po nyid/ /ces pa ni g.yas ni nyi ma'o/ /rdo rje nag po zhes pa ni nag pos bsrabs pa'i phyir rdo rje ste/ mi phyed pa'i phyir rdo rje nag po yin pas/ g.yas dang g.yon pa dag thabs dang shes rab dag gi yi ge hUM ngo / /gang gsungs pa/ yi ge las byung gong bu la/ /hUM phaT rnam pa 'dod mi bya/ /zhes bya ba'i tshig gis te/ yi ge hUM nyid thabs dang shes rab kyi sa bon no/ /de bas na yi ge phaT kyi khyad par du byed pa mi bzhed pa kho na yin no//'di gnyis tha mi dad pa gang brjod pa'i bdag nyid nA da'i rang bzhin zhes bya ba'i don to/ /de nyid gsungs pa/ rnal 'byor ma brgyad yongs bskor nas/ dur khrod du ni mgon po rol/ /zhes pa ni/ dur khrod kyi sgra ni don gsal por bcom ldan 'das nyid kyis phyed de/ dbugs rgyu zhes pa ni/ A li kA li nA da'i bdag nyid des dbugs 'byung rngub byed pa'o/ /rigs pa 'dis gnyi ga tha mi dad pa'i rnal 'byor ni dur khrod ces mngon par brjod do/ /'dir rol pa ni spro ba'i tshul gyis bzhugs pa'o/ /rnal 'byor ma brgyad yongs bskor nas/ /zhes pa ni/khyab par bya ba dang khyab par byed pa'i tshul gyis gnas pa yin no/ /de nyid mgon po ste 'jig rten gsum gyi bla ma zhes pa'i don to/ /de ltar thabs dang shes rab tha mi dad pa nyid kyi phyag gnyis pa bstan pa de nyid rdo rje 'chang ngo / /phyag bzhi pa ji ltar zhe na/ bdud bzhi las rnam par rgyal ba rnam par dag pa ste zhes pa la/bdud bzhi la phung po'i bdud gzugs la sogs pa phung po lnga'i bdag nyid do/ /nyon mongs pa'i bdud ni nyon mongs pa dang / yul dang dbang po rnams la gzung ba dang 'dzin pa'i mngon par zhen pa 'jug pa yin pas nyon mongs pa dang nye ba'i nyon mongs pa dang /kun du rtog pa'i rang bzhin no/ /lha'i bu'i bdud ni/ lha ni mdzes par rol pas na lha ste rnam par shes pa'o/ /de'i bu ni yul dang dbang po rnams ni de bskyed pa'i phyir lha'i bu ste yul dang dbang po dang rnam par shes pa'o/ /'chi bdag gi bdud ni 'chi bdag gi gshin rje 'jig pa'o//yul dang dbang po dang rnam par rig byed rnams kyis bskyed pa'i bde ba la sogs pa'i rnam par nyams su myong ba de yang yul dang dbang po dang rnam par rig byed 'gog pa'i rang bzhin yang chags pa'i mtshan nyid yin pa'i phyir bdud nyid do//de ltar bdud bzhi po de rnams las rgyal bas ma lus par rgyal ba'o/ /de'i rnam par dag pa zhes pa ni/ bde ba la sogs pa'i rnam pa nyams su myong ba'i mtshan nyid las 'das pa'i rdo rje 'dzin no zhes pa'i don to/ /de yang gong du bstan pa'i gzugs dang sku mdog dang hUM las byung ba'o//phyag mtshan yang khyad par med pa'i mtshan nyid do/ /khyad par gsungs pa/ /phyag g.yon gyi dang po na skyes pa'i thod pa dang lha dang lha ma yin gyi khrag gis bkang ba zhes pa la phyag g.yon gyi dang po ni skyes pa'i thod pa zhes pa ni/ dang po ni gnyis su med pa de mkha' 'gro ma thams cad bsdu ba'i bdag nyid yin pa'i phyir ro//g.yon ni zla ba'o/ /de yang phyag ni dga' ba bzhi longs spyod pa'i bdag nyid nges so/ /de'i phyir thod pa ni mi'i thod pa ste rdo rje 'dzin pa'i ye shes so/ /lha dang lha ma yin gyi khrag gis bkang ba zhes pa ni/ mdzes pas ni lha ste gzugs la sogs pa'i phung po lnga rnams so//lha ma yin ni yul rnams so/ /de rnams kyi khrag ni 'dod chags te de rnams la chags pa'i mtshan nyid do/ /des bkang ba ni de'i bdag nyid spro ba'i tshul gyis rnam par gnas pa'o/ /dang po'i g.yas kyi phyag na rdo rje zhes pa ni g.yas pa nyi ma'o//de yang phyag ste khams gsum la 'khyud pa'i bdag nyid do/ /dang po ni gnyis su med pa'o/ /de la rdo rje zhes pa ni/ mi phyed pa'i ye shes so/ /phyag lhag ma dag gis zhes pa ni g.yas dang g.yon pa'i phyag gnyis zla ba dang nyi ma dag 'dres pa'i dngos po'o//lhag ma nyid ni lhag mas kyang shes rab la 'khyud pa'i phyir ro/ /'khyud pa'i phyag ces pa ni gnyis su med pa'i ye shes yin no/ /de gsungs pa/ /shes rab rdo rje phag mo ni/ /bcom ldan 'das kyi gzugs can no/ /zhes pa ni bdag med ma rdo rje 'dzin pa dang tha mi dad pa yin no//phyag bzhi pa dgyes pa'i rdo rje'o/ /de ltar phyag drug pa zhes pa ni/ phyag drug pa zhal gsum pa zhes bya ba la sogs pa drug ni bsdu ba'i rnam pa'o/ /de yang zhal gsum ni sku gsum gyi rang bzhin no/ /g.yon pa dmar ba zhes pa ni g.yon pa zla ba'o/ /de nyid dmar po nyi ma ste gnyi ga tha mi dad pa'o//g.yas nyi ma ste de nyid zla ba'o/ /de yang skya rengs kyi 'od de a bdag med ma yin la de'i tshul gyis 'dzin pas na skya rengs so/ /'dis kun du snang zhing so sor gsal bar byed pas na skya rengs so/ /de yang dang po ni gnyis su med pa'o//de nyid sngon po ste dkar po dang nag po'i bdag nyid do/ /de nyid gcer bu ste sgrib pa med pa'i rang bzhin no/ /gong du brjod pa'i sku mdog dang gzugs zhes pa ni yi ge hUM gi rang bzhin nyid bcom ldan 'das yin no zhes pa'i don to/ /phyag rnams ni pha rol tu phyin pa rnam par dag pa'o zhes pa ni phyag rnams ni bsdu ba'i rnam par dag pa'o//gang zhe na sbyin pa la sogs pa'i pha rol tu phyin pa drug go/ /'dis ni spro ba dang bsdu ba'i bdag nyid kyi bcom ldan 'das zhes pa'i don to/ /phyag g.yon gyi dang po na rtsa gsum pa zhes pa ni/ g.yon pa ni zla ba'o/ /phyag ni nyi ma ste 'khyud nas longs spyod pa yin pa'i phyir ro/ /'di gnyi ga yang dang po ste/ gnyis med pas g.yon gyi phyag dang po'o/ /de'i phyir rtse gsum ni rdo rje gsum te sku gsung thugs so/ /phyag g.yas kyi dang po na zhes pa la g.yas ni nyi ma'o/ / phyag ni bshad zin pa'i don to/ /dang por rnam par snang mdzad sku rdo rje kun du snang ba'i mtshan nyid kun rdzob kyi bden pa'i rang bzhin rdo rje 'chang la/ nyi ma yang bdag med ma yin pas g.yas kyi phyag dang kun rdzob dang don dam pa tha mi dad pa'o/ /rdo rje ni sku rdo rje ste dbyer med pa'i ye shes so//phyag g.yon gyi gnyis pa na dril bu zhes pa ni g.yon pa zla ba'o/ /gnyis pa rin chen 'byung ldan no/ /de yang bsdu ba'i rnam pas phyag go/ /de la dril bu zhes pa ni/ de la A li kA li gnyi ga'i bdag nyid kyi gsung rdo rje mi phyed pa'o/ /phyag g.yas kyi gnyis pa na gri gug ces pa la g.yas ni nyi ma'o//de'i gnyis pa ni zla ba'o/ /de ltar g.yas gnyis pa'i phyag de dag 'dres pa'i dngos po gri gug ste mi shes pa thams cad gcod pas thugs rdo rje dang dbyer med pa'i ye shes so/ /phyag lhag ma dag gis rdo rje lu gu rgyud ma la snyoms par 'jug pa zhes pa la lhag ma ni ma lus par rdo rje gsum dbyer med pa'i lhan cig skyes pa ste lhag ma nyid do//de dag gis ni thabs dang shes rab tha mi dad pa gang yin pas lhag ma phyag gnyis pa'o/ /de la rdo rje lu gu rgyud ma la snyoms par 'jug pa ni rdo rje lu gu rgyud ma'i sgra'i rdo rje 'chang ste/de la lu gu rgyud kyi rang bzhin gyis phan tshun tha mi dad par 'ching bas rdo rje'o/ /lu gu rgyud de bdag med ma de dang lhan cig snyoms par 'jug pa ni/ mtshungs par tha mi dad pa'i rang bzhin du 'jug pa yang dag pa'i ye shes te rgyu de'i phyir na'o/ /de nyid bcom ldan 'das ji lta ba de ltar shes rab ste/thabs dang shes rab dag cung zad dbyer med pa yin no zhes pa'i don to/ /g.yas dang g.yon pa na gri gug dang thod pa zhes pa ni/ g.yas pa ni nyi ma cha med pa'o/ /g.yon ni zla ba cha dang bcas pa'o/ /cha med pa de nyid cha dang bcas te rgyu de'i phyir na'o//gri gug dang thod pa ni gri gug bdag med ma'o/ /thod pa ni rdo rje 'chang ngo / /gnyi ga tha mi dad pas na gcig gi tshig go/ /de nyid khams gsum gyi bdag nyid can gyi ro mnan pa'o/ /zhes pa ni khams gsum gyi sgras ni rdo rje gsum mo/ /de'i bdag nyid can de ni de'i rang bzhin no//ro ni chos thams cad kyi rang bzhin no/ /mnan pa ni khyab par byed pa gcig pa'i tshul gyis rnam par gnas pa'i don to/ /lha'i le'u gsum pa'o zhes bya ba ni/ gang phyir lus su byung bas na/ /lha zhes bya bar mngon par brjod/ /ces pa'i tshig gis so/ /lha ni nA da zhon pa'i thugs rdo rje'o//de yang gos ni 'gebs pa'o/ /de len cing 'dzin par byed pas na lha'i le'u'o/ /de yang gsum pa ni gsum po rnams rdzogs pa'i sku dang gsung dang thugs rnams mdog dang phyag dang dbyibs kyi rnam pa sku rdo rje'o/ /de yang sa bon las byung ba yin pas sngags kyi rnam pa ste/bzhi pa la ni yig 'bru dgod/ /ces bya ba'i tshig gis so/ /ye shes kyi rnam pa nyid du gyur pa yin pas rim par phye ba gsum gyi bdag nyid can nyid 'di rim par phye ba gsum pa'o/ /rnam par shes las nA da 'byung / /nA da las ni sku 'byung ste/ / de ltar sku dang nA da dag /rnam par shes dang gnyis med gsum/ /rnam par shes pas nA da bskyed/ /des kyang sku ni rnam par sprul/ /gnyi ga sprul par 'grub pa na'o/ /rnam par shes pa su yis sprul/ /rnam par shes pa 'od gsal phyir/ /de ni rang bzhin gyis ma skyes/ / de yis kyang ni bskyed pa gang / /de la skyes zhes ji ltar brjod/ /de phyir nA da dang ni sku/ /gnyis po 'di ni bskyed pa med/ /gnyi ga ma skyes par grub pas/ /ma skyes pa ni bden par brjod/ /de ltar 'gro kun ma skyes pa/ /rang bzhin nyid kyis 'od gsal lo/ /ma rig gdung ba'i sems kyis ni//bskyed pa ru ni yongs su btags/ /de nyid rnam par dag phyir 'di/ /gtso bo chen po thugs rjes bzhugs/ /dgyes rdor gnyis su dbyer med pa/ /dag pa la ni bstan pa yin/ /de lta bas na thugs kyi rnam par dag pa nag po chen po/ phyag gnyis pa ye shes lnga'i bdag nyid can shes rab ma dang bral ba'o//phyag bzhi pa ni/ sngon po dang / dkar po dang / gnag pa'i phyir thabs dang shes rab dbyer med pa nyid do/ /phyag drug pa ni sngo dang skya rengs te/ sngon po ni dkar zhing gnag pa'o/ /skya rengs ni dmar ba'i phyir rdo rje gsum tha mi dad pa'i thabs dang shes rab kyis phyag drug pa'o//phyag bcu drug pa ni/ gnag pa dang / dmar ba dang / dkar ba'i zhal gsum gyis rdo rje gsum mo/ /'dres pa rdo rje gsum tha mi dad pa'o/ /lhag ma'i zhal ni bung ba mtshungs/ /zhes pa ni dga' ba bzhi'i dbye bas zhal brgyad do//thabs dang shes rab kyi rnam par dag pas phyag bcu drug pa yin te/ phyag gnyis pa dang / phyag bzhi pa dang / phyag drug pa dang / phyag bcu drug pa he ru ka bzhi po 'di bla ma las kyang bla mar ye shes kyi dkyil 'khor dang dam tshig gi dkyil 'khor dbyer med par blta bar bya'o//rim par phye ba gsum pa'o/ /dgyes pa'i rdo rje'i rnam par bshad pa/ rab tu gsal ba'i kha sbyor las lha'i rim par phye ba ste le'u gsum pa'o// //de ltar rdo rje'i rigs la sogs pa'i rim par phye ba gsum gyi rdo rje gsum bstan nas/da ni de rnams dbyer med pa bzhi pa dbang bskur ba'i rim par phye ba'i bshad pa gsungs pa/ kun nas dbang bas dbang bskur ba ste/ dri ma med par byed cing sgrib pa med par rnam par dag pa yin no zhes pa'i tha tshig go/ /lha zhes bya bas dbang bskur bas na lha dbang bskur ba ste/de yang gos ni 'gebs pa'o/ /de len cing 'dzin par byed pas na lha dbang bskur ba'i rim par phye ba'o/ /de bshad par bya'o zhes pa ni bstan par bya ba'o/ /rang gi snying gar rang gi sa bon las 'od zer nag po lcags kyu'i rnam pa'i gzugs kyis phyung nas des khams gsum na bzhugs pa'i sangs rgyas thams cad spyan drangs nas ma mo brgyad kyis yang dag par mchod nas rjes su gsol ba gdab par bya'o zhes pa la rang gi snying gar zhes bya ba ni/ye shes kyi dkyil 'khor dang dam tshig gi dkyil 'khor tha mi dad pa'i lha'i thugs kar ro//rang gi sa bon ni yi ge hUM gi sa bon no/ /de yongs su gyur pa las rdo rje de'i lte ba'i nang las so/ /'od zer nag po'i lcags kyu phyung nas zhes pa ni spros nas so/ /lcags kyu'i rnam pa'i gzugs kyis zhes pa ni/ mtshon par bya ba rnams mdzub mo lta bus mtshon par byed pa'i tshul gyis so//khams gsum na bzhugs pa'i sangs rgyas thams cad spyan drangs la zhes pa ni spyan drangs nas so/ /ma mo brgyad kyis zhes pa ni rnal 'byor ma brgyad kyis so/ /yang dag par mchod nas ni/ pi waM dang gling bu la sogs pa rnams kyis yang dag par mchod pa byas nas/phyis rjes su gsol ba gdab par bya ba ni gsol ba gdab pa'o/ /yang na rang gi snying ga zhes pa ni bsdus nas snying gar 'gugs pa ni/ yo gi zhe sdang bdag nyid 'gyur/ /zhes bya ba 'dis ni mi bskyod pa'i rang bzhin du bskyed pa'i lha'i thugs kar ro//rang gi sa bon las zhes bya ba ni/ yi ge hUM gi rang bzhin rdo rje 'dzin las so/ /'od zer nag po phyung nas zhes pa ni mi bskyod pa'i rang bzhin gyi 'od gsal gyi ye shes spros nas so/ /des lcags kyu'i rnam pa'i gzugs kyis zhes pa la/ a ni yi ge a la sogs pa'i yi ge aM gi bar gyi bco lnga ni mkha' 'gro ma'o//de rnams khong du chud cing rtogs par byed pas na lcags kyu'o/ /de yang yi ge a bdag med ma'i rang bzhin du'o/ /des zhes pa ni rdo rje 'dzin pa dang bdag med ma tha mi dad pas so/ /khams gsum du bzhugs pa ni sku gsung thugs tha mi dad pas so//de bzhugs pa ni de'i bdag nyid kyis rnam par gnas pa'o/ /sangs rgyas ni ye shes lnga'i bdag nyid kyi de bzhin gshegs pa lnga'o/ /spyan drangs pa ni bsdu ba'o/ /ma mo brgyad kyis ni dkar mo la sogs pa lnga ni yul lnga rnams so/ /ri khrod ma la sogs pa gsum ni rdo rje gsum mo//'di rnams kyang skyed par byed pa yin pas ma lta bu'o/ /gzung bar bya ba la mngon par zhen pas 'dzin par byed pa dmigs pa las so/ /gnyi ga yang lha'i rnam par dag par gyur nas sgrib pa med pa nyid du gyur pa yin no/ /de rnams kyis yang dag par mchod nas ni yang dag par mchod pa byas pa ste/dbang po dang yul dag mngon par zhen pa las bzlog pa zhes bya ba 'di yang dag pa'i mchod pa yin no/ /rjes su gsol ba gdab par bya'o zhes pa la/ /rjes ni 'dra ba'o/ /'dra ba nyid kyis na gsol ba gdab pa ste mgon po'i rang bzhin rnams su byed do//'dis ni de bzhin gshegs pa dang mkha' 'gro ma dbyer med pa yin no/ /gsol ba gdab pa de gang yin gsungs pa/ oM a b+hiShiny+tsatumAM sarba ta thA ga ta zhes pa ni rnam pa thams cad kyi shin tu rnam par dag pa'i chos kyi skur bdag de bzhin gshegs pa thams cad kyis mdzad du gsol cig pa'o//yang na a b+hiShiny+tsatu mAM zhes pa ni sgrib pa med pa'i ye shes thob pa'o/ /sarba ta thA ga tA mAM ku ru paM zhes pa ni de bzhin gshegs pa thams cad tha mi dad pa'i rdo rje 'dzin zhes bya ba'i don to/ /sangs rgyas de rnams he ru ka'i rnam pa'i gzugs kyis de bzhin gshegs pa lnga'i bdag nyid kyi bdud rtsi lngas gang ba'i bum pa lngas dbang bskur bar bya'o zhes pa la sangs rgyas de rnams he ru ka'i rnam pa'i gzugs kyis zhes pa ni mtshon pa tsam te/lha gang bsgom par bya ba'i lha de nyid kyi gzugs kyis blta bar bya'o zhes dgongs so//de bzhin gshegs pa lnga'i bdag nyid kyi bdud rtsi lngas gang ba'i bum pas dbang bskur bar bya'o zhes pa ni khrus gsol ba'o/ /yang na sangs rgyas de rnams kyis zhes pa ni/ me long la sogs pa ye shes lnga'i bdag nyid kyis so//he ru ka'i rnam pa'i gzugs kyis zhes pa ni gnyis su med pa'i rang bzhin yin no/ /de nyid bdud rtsi lngas gang ba ste ye shes lnga'i bdag nyid des so/ /de nyid de bzhin gshegs pa lnga yin no/ /bum pa des zhes pa la bde ba'i ye shes la dgyes par rol pa lnga'i bdag nyid de 'dis na bum pa'o//ye shes gcig gi rang bzhin rnams phung po lnga'o/ /des dbang bskur ba ste rnam pa thams cad du sgrib pa med pa nyid du skyes pas na 'di lta bu'i dus na dbang bskur ba ste/ khrus gsol bar gyur pa'o/ /spyi bor rang gi rigs kyi bdag por 'gyur ro/ / 'dis ni he ru ka rdzogs pa yin no/ /yang na dbang bskur ba na zhes pa ni sgrib pa med par skyed par gyur pa na'o/ /me tog gi char 'bab par 'gyur ro zhes pa la me tog ni khrag go/ /char 'bab pa ni khu bas me tog gi char 'bab par 'gyur ro/ /gnyis su med pa'i rtog pas sprul pa'i sku 'byung ngo //rnga'i sgra grag par 'gyur ro zhes pa ni rnga'i sgra smos pas nA da gnyis kyi bdag nyid can A li kA li'i rang bzhin gyi nA da steng du 'jug ste nA da gnyi ga dbyer med pa'i ye shes spro bar gyur bas longs spyod rdzogs pa'i sku 'byung ngo / /gur kum gyi char 'bab par 'gyur ro zhes pa ni/gur gum bdag med ma ste byang chub kyi sems so/ /lhan cig skyes pa'i char 'bab ste thabs kyi bdag nyid kyi byang chub kyi sems khu ba'o/ /gnyi ga dbyer med par gyur par byang chub kyi sems chos kyi sku 'byung ngo / /gzugs rdo rje ma la sogs pa rnams kyis mchod par bya'o zhes bya ba ni/thabs dang shes rab kyi rang bzhin de dang rdo rje gsum dbyer med pa'i phyir/ gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / reg bya rdo rje ma dang / chos kyi dbyings kyi rdo rje ma dang drug dbyer med par rdzogs pa yin no//mchod par bya ba rdo rje glu ste mi phyed pa'i sgras so/ /spyan ma la sogs pa rnams kyis zhes pa ni/ 'byung ba chen po bzhi'i rang bzhin rnams kyis so/ /blang bar bya'o zhes pa ni gsal bar byed pa'o/ /mtshan ma med pa'i rang bzhin nyid dkyil 'khor gnyi ga'i bdag nyid kyi rdo rje 'chang gi ye shes bskyed par bya ba yin no//dbang bskur ba na zhes pa ni sgrib pa med pa'i rang bzhin des 'od gsal ba bskyed pa na'o/ /spyi bor ni mgo bor byang chub kyi sems khu ba'i rang bzhin no/ /rang gi rigs kyi bdag po ni mi bskyod pa lhan cig skyes pa'i rang bzhin 'byung ngo //'dis ni zhes pa ni rgyu 'dis na'o/ /he ru ka rdzogs pa nyid do zhes pa ni rdzogs pa nyid do/ /he ru ka zhes pa ni he ru ka'i sgra'i don yang rgyu la sogs pa dang bral ba zhes bya ba 'dis bcom ldan 'das nyid kyi bye brag tu gsungs pa yin no/ / thun gsum du byin gyis brlabs pa'i bsgom pa rnam par bsgoms nas langs te lha'i gzugs su gzhag go zhes pa ni tho rangs dang nyi ma phyed dang dgongs ka'i dus rnams so/ /byin gyis brlabs pa'i bsgom pa ni dmigs pa la snyoms par 'jug pa'o/ /bsgoms nas zhes pa ni gnyis su med pa'i tshul du bzhag nas so//langs te zhes pa ni spro bas gnas par 'gyur ba'o/ /yang na thun gsum du byin gyis brlabs pa'i bsgom pa zhes pa ni thun mtshams gsum ste/ ye shes kyi dkyil 'khor dang dam tshig gi dkyil 'khor dang /gnyi ga'i dkyil 'khor dbyer med pa'i ye shes so/ byin gyis brlabs pa'i bsgom pa zhes pa ni dbang bskur ba la thug pas sgrib pa med pa'i go 'phang thob pa'o/ /bsgoms nas langs te zhes pa ni bshad zin pa'i don to/ /lha'i gzugs su gzhag go zhes pa ni lha ni ye shes te don dam pa'i bden pa'o//gzugs zhes pa ni kun rdzob kyi bden pa'o/ /bden pa gnyis ka'i bdag nyid des lha'i gzugs su bzhag pa yin te/ rdo rje 'chang gi go 'phang bskyed par bya zhes pa'i don to/ /dbang gi le'u ste bzhi pa'o zhes pa ni kun nas sgrib pa med par byed pas dbang ngo //de yang gos ni sgrib pa'o/ /de len cing 'dzin pas na rim par phye ba ste/ dbang gi rim par phye ba bzhi pa'o/ /bzhi pa rdzogs pa lhan cig skyes pa'i rang bzhin zhes pa'i don to/ /rdo rje rigs kyi rim par phye bas sku rdo rje sngags kyi rim par phye bas gsung rdo rje/lha'i rim par phye bas thugs rdo rje/ dbang bskur ba'i rim par phye bas rdo rje gsum dbyer med pa bzhi pa'o/ /las kyi phyag rgya la dga' ba la sogs pa rim pas so/ /chos kyi phyag rgya ni 'khor lo bzhi'i rim pas gtum mo'i rnal 'byor ro/ /phyag rgya chen po ni phyag rgya bzhi tha mi dad pas so//dam tshig gi phyag rgya ni rnam pa thams cad mkhyen pa'i mngon par byang chub pa yin no/ /rab tu gsal ba'i kha sbyor gyi rgya cher 'grel pa las dbang bskur ba'i rim par phye ba ste le'u bzhi pa'o// //da ni de nas de kho na nyid kyi le'u bshad par bya'o zhes pa ni/ de la de kho na nyid bzhi ste/ bdag gi de kho na nyid dang / sngags kyi de kho na nyid dang / lha'i de kho na nyid dang / ye shes kyi de kho na nyid do/ /rdo rje rigs kyi rim par phye ba bdag gi de kho na nyid do/ /sngags kyi rim par phye ba sngags kyi de kho na nyid do/ /lha'i rim par phye ba ni lha'i de kho na nyid do/ / dbang bskur ba'i rim par phye ba ni ye shes kyi de kho na nyid do/ /de ltar de kho na nyid bzhi bstan nas bzhi po tha mi dad pa'i phyir/ chos kyi dbyings shin tu rnam par dag pa'i bdag nyid kyi ye shes kyi de kho na nyid rdo rje 'dzin pa rtogs par bya ba'i phyir gsungs pa/ de nas zhes pa ni rjes thogs su bar ma chad pa'o//de kho na nyid kyi rim par phye ba bshad par bya'o zhes pa ni/ de nyid gsungs pa/ ngo bo gzugs med ces bya ba smos te rang gi ngo bo ni rang gi ngo bo ste/ gang dang gang gi ngo bo de dang de'i ngo bo de'i rang bzhin no/ /des na de yod pa ma yin no/ /de skad du shes rab kyi pha rol tu phyin pa las kyang /gang gzugs ni gzugs kyi ngo bo nyid kyis stong ngo / /tshor ba dang / 'du shes dang / 'du byed dang gang rnam par shes pa'i rang gi ngo bo nyid kyis stong ngo zhes bya ba la sogs pa'o/ /mthong ba yang mthong ba rang gi ngo bo nyid kyis yod pa ma yin te/ bdag gi de kho na nyid kyi rim par phye ba dang po'o/ /sgra med thos pa po yang med/ /ces pa ni/ de bzhin du thams cad du rang gi ngo bo nyid kyis yin par sbyar ro/ /sgra ni sgra'i ngo bo nyid kyis med la/ thos pa ni thos pa po rang gi ngo bo nyid kyis yod pa ma yin pa sngags kyi de kho na nyid de/ sngags kyi rim par phye ba'o//dri med snom pa po yang med/ /ces pa ni de bzhin du sbyar bar bya ste/ dri sna'i rnam par shes pa'i gzung bya yin pa'i phyir sna'i rnam par shes pa yang nA da la thim par gyur pa/ /nA da la zhon pa ni sems te/ de kho na nyid gsum po des lha'i de kho na nyid de lha'i rim par phye ba'o//ro med myong ba po yang med/ /ces pa ni ro nyams su myong ba'i mtshan nyid yin la de yang ye shes kyi de kho na nyid dbang bskur ba'i rim par phye ba'o/ /reg med reg pa po yang med/ /ces pa ni/ de kho na nyid bzhi bsdus pa'i bdag nyid yin pa'i phyir/ reg pa dga' ba la sogs pa rnam par dga' ba la thug par ro//sems med sems las byung ba med/ /ces pa ni lhan cig skyes pa'i dga' ba sems las 'das pa'i phyir drug pa rdo rje 'dzin pa'o/ /yang na/ ngo bo gzugs med mthong ba med/ /ces bya ba la sogs pa bzhis de kho na nyid bzhi'o//thabs dang shes rab dbyer med pa'i phyir/ reg med reg pa po yang med/ /sems med sems las byung ba med/ /ces pa'o/ /de kho na nyid bzhi bsdus pa'o/ /de lta bu'i rim pa'i dngos pos yul drug gzugs dang / sgra dang / dri dang / ro dang / reg bya dang / chos kyi dbyings rnams dang / mig dang / rna ba dang / sna dang / lce dang / lus dang / yid de dbang po drug rnams so/ /'di'i rang bzhin yang khams gsum yin no/ /rnam par rtog pa spang bar bya ba'i phyir/ /skyed byed ma dang sring mo nyid/ /rnal 'byor rig pas rtag tu mchod//bar ma tshos ma rdo rje ma/ /gdol ma de bzhin bram ze ma/ /thabs dang shes rab cho ga yis/ /de nyid 'dod pas rtag tu mchod/ /ces pa'i don ni go sla ba nyid do/ /yang na skyed byed ma'i sgras gzugs la sogs pa'i yul lnga rnams te/ gang phyir 'gro ba bskyed pa'i phyir//bskyed ma zhes pa'i tshig gis so/ /phal cher gzung bar bya ba la mngon par zhen pas dmigs pa'i dbang po rnams bskyed pa'o/ /sring mo'i sgras mig la sogs pa'i dbang po lnga rnams te/ /gang phyir skal pa ston pa yi/ /shes rab sring mor brjod par bya//zhes bya ba'i tshig gis so/ /de ltar mig la sogs pa dbang po lnga'i gzugs la sogs pa yul lnga gzung bar bya ba yin pa'i phyir/ gnyi ga sbyor ba rig bas rnal 'byor rig go/ /rtag tu ni dus thams cad du rgyun mi 'chad par dbyer med pa'i rnam pas so/ /mchod ces pa ni nye bar longs spyod pa ste 'dis ni rdo rje dang pad+ma byin gyis brlabs pa'o//'dis ni mig la sogs pa byin gyis brlab pa yang bstan to/ yul dang dbang po sbyor ba las skyes pa'i ye shes yin pas lus byin gyis brlab pa yang bstan to/ /gar ma tshos ma rdo rje ma/ / gdol ma de bzhin bram ze ma/ /rigs ni rnam pa lngar gnas pa'o/ /mchod pa ni goms par bya ba'o/ /ji ltar zhe na/ /thabs dang shes rab cho ga yis/ /zhes pa ste thabs dang shes rab kyi rang bzhin gyis yul dang dbang po'i bye brag rtogs pas so/ /de nyid rigs pas zhes pa ni kho na nyid la chags pa'o//rgyu 'di'i rang bzhin gyis yang dag pa ji lta bar yongs su shes pas/ ngo bos gzugs med mthong ba med/ /ces pa la sogs pa/ /sems med sems las byung ba med/ /ces pa'i mthar rdo rje gsum tha mi dad pa des de kho na nyid yin te/ yul lnga dang dbang po lnga dang shes pa lnga dbyer med pas mkha' 'gro ma bco lnga'i rang bzhin gyi dkyil 'khor ro//rdo rje sems dpa' dang dbyer med pas yang yul drug dang rnam par shes pa drug gi rang bzhin des phung po dang khams dang skye mched bco brgyad rnams kyang ngo / /ji ltar phye bar mi shes pa//de ltar 'bad pas bstan par bya/ /zhes pa'o/ /'di rnams 'jig rten pa dang 'gal ba ji ltar bsten zhe na/ gsungs pa/ ji ltar phyed par mi shes pa/ /zhes pa ste ji ltar sus kyang mi shes pa de ltar bsten par bya'o/ /rab tu 'bad pas ni/ 'bad rtsol phul du byung ba ste//rdo rje 'di ni khu bar 'gyur/ /zhes bya ba'i tshig gis so/ /yang na bsten par bya ni goms par bya ba ste/ 'bad pas de nyid ji ltar byed pa mi rig par bya'o/ /de skad du yang bcom ldan 'das kyis gsungs pa/ mi phyed mtshan nyid dngos grub ni/ /rnal 'byor pa yi phyag rgyas 'grub//ces gsungs so/ /gal te phyed par gyur na de'i tshe cir 'gyur zhe na/ gsungs pa/ ma gsang sbrul dang chom rkun dang / /sa spyod me yis sdug bsngal byed/ /ces pa ste/ gal te gsal por bsten na de'i tshe sdug bsngal du 'gyur te/ gang gis she na/sbrul dang chom rkun dang sa spyod me yin te sa spyod stag la sogs pa'o/ /de yang ba ma spangs par 'chi ba'i dus byed par 'gyur ro/ /de nas dmyal bar lhung nas sdug bsngal gzhan dang gzhan du 'gyur ro/ /yang na ma gsang na dbyer med de gzung ba dang 'dzin pa'i mngon par zhen pas sdug bsngal bar byas te 'khor ba can gyi sdug bsngal gyi bya ba la zhugs nas sbrul dang chom rkun dang me dang sa la spyod pas sdug bsngal bskyed pa'i phyir/nyon mongs pa dang nye ba'i nyon mongs pa kun du rtog pa de rnams kyi zhes pa'i don to/ /gal te 'di bsten pas phyed na skyon du 'gyur na 'di bsten pas dgos pa ci zhig yod ces pa'i dogs pa bsu nas gsungs pa/rigs lnga'i phyag rgya zhes bya ba/ /thar pa'i rgyur ni brjod par bya/ /zhes pas thar pa'i rgyu'i phyir ro/ /gar ma tshos ma rdo rje ma/ /gdol ba de bzhin bram ze ma/ rigs lnga'i phyag rgya zhes bya ba//thar pa'i rgyur ni brjod par bya/ /yang na rigs lnga ni de bzhin gshegs pa lnga nyid phyag rgya yin pas thar pa'i don du bstan to/ /yang na mi phyed na 'di nyid yin te/ phyag rgya lnga zhes bya ba ni de bzhin gshegs pa lnga'i phyag mtshan yin par bshad de/ de bzhin gshegs pa lnga dbyer med pa'i rang bzhin yul lnga'i rang bzhin gyi phyag rgya lnga po 'di nyid thar pa thob par 'gyur ba yin no//phyag rgya zhes pa ni sgra 'di ji ltar yin pa gsungs pa/ /rdo rje 'dis ni gdab pa nyid/ /des na phyag rgya brjod par bya/ /zhes pa ste gang rdo rje zhes pa bstan pa'i rdo rje mi bskyod pa thugs rdo rjes reg pa'i yul yin pa'i phyir yin no//dam pa'i bde ba nyid yin te/ /zhes pa'i tshig gis so/ /gar ma tshos ma rdo rje ma/ gdol pa de bzhin bram ze ma/ /zhes gang gsungs pa de rnams kyi nang nas dang po rdo rje'i rigs bstan pa ni/ thugs ni thams cad kyi bdag po yin pa'i phyir ro//rdo rje pad+ma de bzhin las/ /de bzhin gshegs dang rin chen nyid/ /slar dang por gnas pa'i phyag rgya gnyis so/ /gar ma pad+ma'i rigs te 'od dpag tu med pa'i rigs gsung rdo rje ma'o/ /tshos ma las kyi rigs don yod grub pa'i rigs sku rdo rje ma'o/ / slar lugs las bzlog pa mtha' yas pa nas bzung ste/ /bram ze mo de bzhin gshegs pa'i rigs sku rdo rje ma don yod grub pa ni 'di nyid du zhugs pas so/ /'di'i don dang po nyid du bstan pa yin no/ /gdol ba mo ni rin po che'i rigs te 'od dpag tu med pa gsung rdo rjer zhugs so//'od dpag tu med pa rin chen 'byung ldan nyi ma ste zla ba dang nyi ma'i bdag nyid kyi phyir/ gnyi ga yang bdag med ma dang tha mi dad pas/ byang chub kyi sems kyis rgyas gdab par rigs pa yin no/ /de nyid rin chen 'byung ldan gyi rigs su bstan pa yin no/ /snying rje chen po dam pa yi//rigs ni rnam pa lnga ru brjod/ /rim pa 'dis na rigs rnam pa lnga yin te/ kye rdo rje snying po snying rje che/ /zhes pa bod pa'o/ /gzugs la sogs gnyi ga tha mi dad pa yin te/ gzugs dang sgra dang dri dang ro dang reg bya rnam par snang mdzad dang rin chen 'byung ldan dang / / 'od dpag tu med pa dang / don yod grub pa dang / mi bskyod pa rnams lugs su 'byung ba dang / lugs las bzlog pa'i rim pas bram ze mo dang / gdol ba mo dang / gar ma dang tshos ma dang / g.yung mo rnams bstan pa yin no/ /rdo rje 'dis ni gdab pa nyid/ /des na phyag rgyar brjod par bya//zhes pa ni rgyas gdab par bya ba mtshon pa'i phyir phyag rgya ste/ rgyu 'dis na mngon par brjod do/ /de gang zhe na/ rdo rje pad+ma de bzhin las/ /de bzhin gshegs dang rin chen nyid/ /'di dag thams cad phyag rgya zhes mngon par brjod do/ /rgyu des na rdo rje mi phyed pas na'o//'di nyid rigs rnam pa lnga'o/ /dam pa bstan pa ni ye shes kyis nges par ldan pa'o/ /de bas na snying rje chen po zhes bos nas/ thabs dang shes rab dbyer med pa 'di nyid ye shes yin te/ blta bar bya ba 'am lta bar byed pa la sogs pa dbyer med pa'i phyir ro//thabs dang shes rab cho ga yis/ /de nyid rig pas rtag tu mchod/ /ces pa'o/ /yang na ku'i sgras ni chos 'byung bdag med ma'o/ /de len cing 'dzin la de dang lhan cig tu dbyer med pa'i rang bzhin gyi dngos por gyur pas/ rigs lnga po de rnams rgyas pa'i rnam pas rigs mtha' yas pa'o//ji ltar rigs mtha' yas pa nyid ni sngags kyi rim par phye ba nyid du bstan zin pa dang / rim par phye ba gzhan du yang so sor bstan par bya'o/ /'di nyid dam par bshad do/ /kun rdzob dang don dam pa dbyer med pa'i phyir snying rje chen po nyid do/ / 'di nyid mi phyed pa'i mtshan nyid rtogs par bya ba'i phyir lugs su 'byung ba dang lugs las bzlog pas so so ba dang bsdus pas gsungs pa/ rdo rje phyag rgya g.yung mo nyid/ /de bzhin pad+ma gar ma nyid/ /las ni tshos mar rab tu bshad/ /de bzhin gshegs pa bram ze mo/ / rin chen gdol mar shes par bya/ /zhes bya ba'o/ phyag rgya lngar ni rnam par nges/ /'di rnams de bzhin gshegs pa'i rigs/ /mdor bsdus pas ni brjod par bya/ /zhes bya ba la/ mdor bsdus pa ni/ yul dang rnam par shes pa dag de bzhin gshegs pa rnams la de'i bdag nyid kyis zhugs pas na rdo rje ma la sogs pa dang /mi bskyod pa la sogs pa de bzhin gshegs pa rnams kyi rigs yin no/ /ngo bos gzugs med mthong ba med/ /ces bya ba la sogs pa thams cad nyid bstan to/ /yang na gang gi phyir g.yung mo la sogs pa rnams kyi phyag rgya'i rang bzhin nyid de 'di rnams kyi rdo rje ste rdo rje nyid ni mi phyed pa'i rang bzhin yin no//de nas rnam par nges pa dang bral ba'i rang bzhin te/ rnam pa sna tshogs par nges pa rnams stong pa nyid dang snying rje dbyer med pa'i rang bzhin de zhes pa'i don to//'di rnams de bzhin gshegs pa'i rigs/ /mdor bsdus pas ni brjod par bya/ /zhes pa ni/ 'di nyid rigs kyi ye shes so/ /ji ltar zhe na/ mdor bsdus pa zhes pa ste/ yul dang rnam par shes pa dag 'di la de'i bdag nyid kyis 'jug pa yin no//de bzhin gshegs pa'i rigs zhes pa ni/ de bzhin gshegs pa'i sgra nyid kyi don ci yin pa gsungs pa/ dpal ldan de bzhin nyid gshegs shing / /de bzhin slar yang gshegs pa nyid/ /'dis ni shes rab rigs pa yis/ / de bzhin gshegs zhes brjod par bya/ /zhes pa ni de bzhin nyid ni mkha' 'gro ma dang g.yung mo la sogs pa'o/ /de rnams la rdo rje ma la sogs pa'i phyag rgya'i tshul gyis son zhing zhugs pa na de bzhin gshegs so/ /gshegs pa ni de nyid mkha' 'gro ma rnams la rdo rje ma la sogs pa'i rgyas gdab pa'i tshul gyis bdag nyid rtog pa dang ldan pa yin no//de bzhin slar yang gshegs pa nyid ni de nyid dpal ldan te/ yi ge shrI ni gnyis su med pa'i ye shes te/ de yod pas de dang ldan pa'o/ /yang na de bzhin nyid ni rnam par mi rtog pa'o//der song ba de'i nang du thim pa de'i rang bzhin yin no zhes pa'i tha tshig go/ /de bzhin slar yang gshegs pa nyid/ /ces pa ni de nyid rnam par mi rtog pa'i ye shes spros pa'i tshul gyis kyang rnam par gnas pa yin no/ /dpal ldan zhes bya ba'i don ni bshad zin to/ / 'dis ni shes rab ces pa ni bstan pa'i rim pa'i don dam pa'i bden pa des so/ /rigs pa zhes pa ni/ bstan pa'i rim pa'i kun rdzob kyi bden pa des so/ /de bzhin gshegs zhes brjod par bya/ /zhes pas ni rdo rje 'dzin par gsal por byed do/ /da ni ngo bos med ces bya ba la sogs pa'i bsdu ba gsungs pa/rigs ni rnam pa drug tu brjod/ /ces pa ste/ /mig dang rna ba sna dang ni/ /lce dang lus dang de bzhin yid/ /gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin dang / /rigs ni 'di rnams drug yin no/ /mdor bsdus pas ni rnam pa lnga//zhes pa ni de rnams mdor bsdus pa las rnam pa lnga ste yid de rnams la bshad do/ /sku gsung thugs kyi dbye ba yis/ /phyi nas rnam pa gsum du 'gyur/ /zhes pa ni skus ni rnam par snang mdzad dang don yod grub pa dag /thabs shes rab kyi rang bzhin gyis rnam par gzhag pa'i phyir/rnam par snang mdzad du don yod grub pa bsdus so/ /gsung ni 'od dpag med dang rin chen 'byung ldan dag de bzhin du rnam par gzhag pas so/ /'od dpag tu med du rin chen 'byung ldan bsdus so/ /thugs kyis ni sku dang gsung de bzhin du rnam par gzhag pas rnam par snang mdzad dang 'od dpag med bsdus pas so//sku gsung thugs kyi dbye ba yis/ /phyi nas rnam pa gsum du 'gyur/ /zhes pa ni 'gyur bar grags pa'o/ /yang na/ rigs ni rnam pa drug tu brjod/ /mdor bsdus pas ni rnam pa lnga/ /zhes pa la rnam pa drug gi rnam pa ste/mig la sogs pa'i rang bzhin gang de rnams drug po de bshad pa'i rigs yin no/ /sku bdag med ma de len cing 'dzin par byed pa de'i bdag nyid kyis bdag nyid du 'jug pas ni rigs so/ /bshad pa ni shes pa'o/ /ji ltar zhe na/ mdor bsdus pa ste bsdu ba'o/ /de rnams slar rnam pa lnga ste rnam pa lnga ni spro ba'i tshul gyis so//sku gsung thugs kyi dbye ba yis/ /phyi nas rnam pa gsum du 'gyur/ /zhes pa la gang rnam pa gsum gyi rnam pa de rnams ni rnam pa gsum ste/ sku dang gsung dang thugs kyi bdag nyid dbyer med pa'o//de nyid gcig gi tshig go/ /ji ltar zhe na/ sku gsung thugs kyi dbye ba yis/ /zhes pa la sku dang gsung dang thugs kyi rang bzhin du 'gyur ro/ /dbye ba yis zhes pa ni spro ba'i tshul gyis so sor rnam par gzhag pa'o/ /sku gsung thugs kyi dbye ba yis te sku dang gsung dang thugs rnams kyi dbye bas te/shin tu 'das pa'i phyir rang bzhin med pa yin no zhes bya ba'i tha tshig go/ /rigs dang 'byung ba lnga rnams dang / /phung po lnga yi rang bzhin gyi/ /rigs dang bgrang bya 'di yis ni/ /rigs zhes mngon par brjod par bya/ /zhes pa ni gang mi bskyod pa la sogs pas de rnams ni rnam pa lngar 'gyur ro//sku dang gsung dang thugs kyi dbye bas gsum du 'gyur ro/ /rigs de rnams nyid ni/ ji ltar yin pa gsungs pa/ rigs bgrang bar bya ba'i grangs kyis yongs su gcod pas na rigs te rgyu des na mngon par brjod do//'byung ba lnga rnams dang zhes bya ba ni sa la sogs pa'i 'byung ba lnga rnams so/ /de nyid phung po lnga'i rang bzhin rnams te/ /gzugs dang / tshor ba dang / 'du shes dang / 'du byed dang / rnam par shes pa'o/ /gang la de ni phung po lnga'i rang bzhin no/ /de rnams kyi rigs nyid gang zhe na/gsungs pa/ rigs bgrang bar bya ba'i grangs kyis yongs su gcod pas na rigs te rgyu des na bshad do/ /yang na rigs dang zhes pa ni rnal 'byor ma bdag med ma'i rang bzhin rnams so/ /'byung ba lnga rnams ni rgyas par rang bzhin gyis yang dag pa ji lta ba bzhin du des rnam par gzhag pa rnams so//phung po lnga yi rang bzhin gyi/ /zhes pa ni gzugs kyi phung po la sogs pa'o/ /de yang lnga po ni rgyas par te/ rgyu 'dis na rang bzhin nyid yang dag pa ji lta ba bzhin du de yod pa yin pas na rang bzhin no/ /de rnams kyi rigs bgrang bar bya ba lnga po nyid so so lnga'i rang bzhin rnams te/de yang re re zhing lnga'i rang bzhin yin pas mtha' yas pa grangs med pa yin no/ /rgyu 'dis na rigs te des na de'i rang bzhin gyis mngon par brjod do/ /kun nas rnam par gzhag ste/ 'dis ni kun rdzob dang don dam pa tha mi dad pa nyid kyis rdo rje 'dzin pa yin no//de nyid bsgom med sgom pa med/ /ces pa ste/ rdo rje gsum tha mi dad pas phung po lnga'i rang bzhin nyid med pa ste/ gzugs med mthong ba po yang med/ /ces bya ba la sogs pa bstan zin pa'o/ /de bsdu ba gsungs pa/ sgom pa po ni lta ba po med pa'o//bsgom bya ba ni gzugs med do/ /sngags med ces pa ni/ sngags kyi sgras rna ba yang med pa'o/ /lha med ces pa ni dri yang med la rna ba yang med pa'o/ /'dis ni sku dang gsung dang thugs gsum ka yang med pa yin no/ /'o na thams cad stong pa nyid yin na chad ltar 'gyur ro zhe na/de gsungs pa/ lha dang sngags ni yang dag gnas/ /zhes pa'o/ /ji ltar zhe na/ spros pa med pa'i bzhin las zhes pa ste sngags dang lha gsung rdo rje dang / thugs rdo rje dag spros pa'i sku de yang ma lus par de la ltos pa'i phyir thams cad nyid rang rang gi ngo bo la gnas pa yin pa'i don to//yang na sgom pa po med ces pa ni 'dzin pa nyid kyis gang brtags pa de bkag pa yin no/ /bsgom bya med ces pa ni gzung bar bya ba nyid du gang brtags pa de bkag pa yin no/ /de lta bas na sngags med pa ni mtshan ma med pa yin te//mtshan ma med pa'i rang bzhin gyi phyir ro/ /rnam par shes pa'i rang bzhin gyi lha yang med ste/ 'dis ni bsgom par bya ba dang sgom pa po dag bkag pa'o/ /cho ga yang bstan pa'i phyir te/ sngags dang lhan cig gnas pa las so/ /ji ltar zhe na/ spros pa'i rang bzhin las zhes pa ste spros pa ni rgyas pa ste/kun rdzob kyi bden pa'i rang bzhin no/ /spros pa med pa de nyid las 'di rnams thams cad byung ba yin te/ 'di'i rang bzhin yin pa'i phyir ro/ /'di'i rang bzhin yang dngos po med pas 'di rnams bkag pa ni med do/ /yang na/ spros pa med pa'i rang bzhin las//zhes pa ni spros pa las 'das pa'i phyir sngags dang lha mtshan ma dang mtshan med pa dag tu gnas pa'i rdo rje gsum dbyer mi phyed pa nyid de kho na nyid du bstan pa yin no/ /sgom pa po med bsgom pa med/ /ces pa ni bdag gi de kho na nyid rdo rje rim par phye ba'o//sngags med ces pa ni sngags kyi de kho na nyid de sngags kyi rim par phye ba'o/ /lha zhes bya ba ni lha'i de kho na nyid de lha'i rim par phye ba'o/ /spros pa med pa'i rang bzhin las/ /lha dang sngags ni yang dag gnas/ /zhes pa ni ye shes kyi de kho na nyid dbang bskur ba'i rim par phye ba'o//de ltar bsgom pa nyid kyis mig la sogs pa rnam par snang par snang mdzad la sogs pa'i rigs lngar gyur pa yin pas gsungs pa/ /rnam snang mi bskyod don yod pa dang / /rin chen dpag med sems dpa' can/ /zhes pa smos te gzugs la sogs pa'i yul drug rnams ni bsgom par bya ba nyid kyis sgom par byed par rnam par gzhag pa rnam par shes pa'i nang du thim pa'i phyir/sems dpa' can te thams cad nyid la yod pa yin no/ /tshangs pa khyab 'jug zhi ba dang / /thams cad sangs rgyas de nyid brjod/ /phung po lnga'i gzugs nyid de kho na nyid du brjod do//sems dpa' can yang / sems dpa' srid pa gsum gcig pa/ /zhes bya ba'i tshig gis so/ /bsgom par bya ba dang sgom par byed pa gnyi ga dbyer med par bde ba la sogs pa rnam par rtogs shing khong du chud pa'i phyir srid gsum mo/ /de yi gcig pa ni dbyer med pa yin te/ de kho na nyid kyi rang bzhin du brjod do/ /yang na tshangs pa rnam par snang mdzad do/ /khyab 'jug ni mi bskyod pa'o/ /zhi ba ni don yod pa'o/ /thams cad ni rin chen 'byung ldan no/ /sangs rgyas ni 'od dpag med do/ /de nyid ni sems dpa' can no/ /yang na rnam par snang mdzad la sogs pa'i rigs drug po rnams de'i rang bzhin des lnga nyid mtha' yas pa'i rigs su 'gyur bar gsungs pa/rnam snang mi bskyod don yod dang / /rin chen dpag med sems dpa' can/ /tshangs pa khyab 'jug zhi ba dang / /thams cad sangs rgyas de nyid brjod/ /ces pa'o//rnam par snang mdzad la sogs pa de bzhin gshegs pa nyid yin pas de kho na nyid du 'thad na tshangs pa la sogs pa yang ji ltar yin zhe na/ gsungs pa/ tshangs pa sgrib bral sangs rgyas nyid/ /ces pa ste/ tshangs pa yang mya ngan las 'das pa rtogs pas so/ /sangs rgyas zhes pa ni brjod ces pa ste/nyi tshe ba'i rtogs pa'i phyir ro/ /'jug phyir khyab 'jug nyid du brjod/ /ces pa ni gnas nyams nas 'jig pa ste/ 'jig pa'i rang bzhin gyi phyir khyab 'jug nyi tshe ba'i rtogs pas gnas so/ /yang na 'jug pa zhes pa ni/ 'jug pa 'jug pa ste//thams cad la zhugs nas 'jug pa'i phyir ro/ /spro ba tsam gyis rnam par gnas pa yin te/ khyab 'jug sangs rgyas zhes brjod do/ /rtag tu dge bas zhi ba nyid/ /ces pa ni/ zhi ba ni dbang phyug chen po'o/ /de yang sangs rgyas so/ /ji ltar zhe na/ rtag par kun du dge bskyed pa'i phyir te 'di yang nyi tshe ba nyid yin no//thams cad kun gyi bdag nyid gnas/ /zhes pa ni thams cad kyang thams cad kyi bdag nyid ni 'di thams cad kyi bdag nyid do/ /gnas ni gnas pa'i phyir te/ mu stegs kyis brtags pa'i bdag gi rang bzhin gyi phyir ro/ /dam pa'i bde bas de nyid de//bde ba rtogs phyir rnam sangs rgyas/ /zhes pa la sangs rgyas zhes pa ni rnam par sangs rgyas pa'o/ /bde bar rtogs phyir zhes pa ni/ stong pa nyid bdag med pa'i rnal 'byor ma rtogs pa'i phyir te/ mi shes pa'i phyir ro/ /ji ltar zhe na/ dam pa'i bde ba ni yang dag pas te/rgyu 'dis ni de kho na nyid yin no/ /yang na/ rnam snang mi bskyod don yod dang / rin chen dpag med sems dpa' can/ /zhes pa ni 'dis ni mig la sogs pa'i dbang po drug rnams dang / gzugs la sogs pa'i yul drug rnams thabs dang shes rab dbyer med pas phung po lnga'i rang bzhin des tshangs pa la sogs pa de bzhin gshegs pa'i rang bzhin no//tshangs pa khyab 'jug zhi ba dang / /thams cad sangs rgyas de nyid brjod/ /ces pas tshangs pa nyid khyab 'jug ste/ tshangs pa ji lta bu zhe na/ gsungs pa/ tshangs pa mya ngan 'das sangs rgyas/ / zhes pa ste/ mya ngan 'das pa'i rang bzhin tshangs pa don dam pa'i bden pa des rnam par gnas so/ /'jug phyir khyab 'jug nyid du brjod/ /ces pa ni/ thams cad la 'jug pa'i phyir spro ba'i tshul gyis bdag nyid des kun rdzob kyi bden par rnam par gnas pas kun rdzob dang don dam pa tha mi dad pa ni de kho na nyid yin no//tshangs pa nyid khyab 'jug ste/ gnyis su med pa'i rang bzhin gyi phyir ro/ /de nyid brjod ces pa ni/ zhi ba nyid thams cad la de yang de kho na nyid ces brjod do/ /ji ltar zhe na/ rtag tu dge ba'i phyir te/ thams cad nyid rang bzhin med pa des dge ba bskyed pa'i phyir bsdu ba'i tshul lo//thams cad kun gyi bdag nyid gnas ni 'di rnams thams cad kyi lus la gnas pa yin te/ spro ba'i tshul gyis gnas pa'o/ /spro ba dang bsdu ba'i bdag nyid des gnyi ga dbyer med pa'i phyir de kho na nyid du brjod do/ /de nyid rnam sangs rgyas te khyad par du 'phags pa'i rtogs pas gnas pa'o//ji ltar zhe na/ bde ba rtogs pa ste/ khams gsum stong pa nyid kyi rang bzhin gyis snang bas so/ /dam pa'i bde ba yang dag pa nyid kyis de kho na nyid yin no/ /yang na rnam par snang mdzad la sogs pa sems dpa' can gyi bar du drug dang /tshangs pa la sogs pa de nyid brjod kyi bar du drug ste/ drug po 'di gnyi ga sems dpa' can dang tha mi dad pa yin te/ sku gsung thugs dbyer med pa rtogs pa'i phyir ro/ /lnga po gnyi ga'i de kho na nyid rnams ye shes kyi bdag nyid de nam mkha' 'gro ma bco lnga'i rang bzhin gyi dkyil 'khor ro//thabs dang shes rab kyi rang bzhin de/ phung po dang khams dang skye mched bco brgyad kyi bdag nyid can rdo rje 'dzin pa'i dkyil 'khor ro/ /gnyi ga dbyer med pa ye shes kyi dkyil 'khor dang dam tshig gi dkyil 'khor dag dbyer med pa des rdo rje 'dzin pa rdzogs pa te/mi bskyod pa nyid rdo rje 'dzin par rdzogs pa yin no/ /lha'i rang bzhin nyid rtogs par bya ba'i phyir bye brag tu bshad pa gsungs pa/ gang phyir lus su 'byung ba nyid/ /lha zhes mngon par brjod par bya/ /zhes pa la/ /lus la ye shes chen po gnas/ /zhes bya ba'i tshig gis so//yang na lus phung po lnga'i bdag nyid bsags pa'i rang bzhin du byung nas/ de'i bdag nyid du gnas par gyur pas lha yin no/ /brjod par bya zhes pa ni gsal bar byed pa ste/ de nyid bcom ldan lha yin no/ /ji ltar zhe na/ 'di la bcom pa yod pas sangs rgyas bcom ldan 'das zhes brjod do//bcom pa'i sgra nyid kyis ci brjod pa de gsungs pa/ bcom pa rnam pa drug tu brjod/ /dbang phyug la sogs yon tan kun/ /yang na nyon mongs la sogs bdud/ /'joms phyir bcom ldan 'das zhes brjod/ /ces bya ba smos te/ dbang phyug la sogs yon tan kun//zhes pa ni/ /dpal dang grags dang ye shes dang / /dbang phyug dang ni gzugs bzang dang / /brtson 'grus phun sum tshogs pa ste/ /drug po de la ldan zhes bya ba la/ dbang phyug bzang zhes pa ni bag chags mtha' dag spangs pa'i bdag nyid kun rdzob dang don dam pa dbyer med pa'i ngo bo shin tu rnam par dag pa'i ye shes ni phun sum tshogs pa ste/rang dang gzhan gyi don phun sum tshogs pa de rab tu goms par bya ba'i phyir ro/ /gzugs bzang zhes bya ba ni gzugs brnyan lta bur dngos po thams cad yang dag pa'i lta ba'i ye shes 'byung ba'i rgyu me long lta bu ste/gzugs bzang ba'o/ /grags pa bzang zhes pa ni/ thugs rje la sogs pa yon tan rin po che'i mthus 'gro ba dag la sman pa'i nus pa des grags pa bzang ba ste/ phun sum tshogs pa thams cad la brten nas bdag por sbyar ba mnyam pa nyid kyi ye shes so//dpal bzang po ni dngos po thams cad phyin ci ma log pa'i so sor rtog pa des so sor rtog pa'i ye shes so/ /brtson 'grus bzang po zhes pa ni/ brtson 'grus kyi pha rol tu phyin pa rnam par dag pa rab tu goms par byas pa bya ba nan tan gyi ye shes so/ / ye shes bzang po ni/ rnam pa thams cad kyi mtshan nyid dang ldan pa'i stong pa nyid rang bzhin gyi ye shes kyi dbyings shin tu rnam par dag pa'o/ /'di ni ye shes lnga'i bdag nyid kyi dbang phyug go/ /bcom pa drug de la yod pa yin pas bcom ldan 'das so/ /yang zhes pa ni phyogs gzhan no//nyon mongs la sogs zhes bya ba ni nyon mongs pa dang nye ba'i nyon mongs pa dang / kun nas nyon mongs pa rnams dang / phung po lnga'i bdud dang / lha'i bu'i bdud dang / 'chi bdag rnams so/ /'joms phyir ni/ sgrib pa med pa'i phyir bcom ldan 'das so//yang na 'di la bcom pa yod pas sangs rgyas kyi ye shes kyi rnam pa ni bcom ldan 'das zhes bshad do/ /bcom pa rnam pa drug ni rnam pa drug ste/ ji ltar zhe na/ mig la sogs pa drug dang / gzugs la sogs pa drug dang / gnyi ga dbyer med pa'i rnam par shes pa drug ste/de ltar phung po dang / khams dang / skye mched bco brgyad rnams mngon par shes pa drug gi yon tan gyi rang bzhin no/ /brjod pa ni ye shes kyi rnam pa'o/ /rgyu de'i phyir na dbang phyug la sogs pa bstan pa'i yon tan ma lus par 'byung ste/ 'di ni bcom ldan 'das mchog nyid la yon tan 'di rnams mnga'i gzhan rnams la ni yod pa ma yin no//yang na nyon mongs la sogs bdud ni nyon mongs pa dang nye ba'i nyon mongs pa dang kun nas nyon mongs pa rnams kyis nyon mongs par byed do/ /gzung ba dang 'dzin pa la sogs pa mngon par zhen pas rab tu 'jug pa yin no//nyon mongs pa ni dbang po drug rnams so/ /nye ba'i nyon mongs pa ni gzung ba'i mngon par zhen pas de rnams la dbang po rnams 'jug pa ste yul la'o/ /kun nas nyon mongs pa ni gzung ba dang 'dzin pa'i mngon par zhen pa la 'jug pas bden pa la sogs pa'i rnam par shes pa drug 'jug ste/nyon mongs pa dang nye ba'i nyon mongs pa dang kun nas nyon mongs pa'o/ /de nyid bdud de/ ye shes la sems 'dod pa mi skye bas na bdud do/ /de rnams bcom pa ni chos kyi dbyings shin tu rnam par dag pa'i rang bzhin gyis rnam par gnas te de'i phyir bcom ldan 'das so//da ni skyed byed ma dang sring mo zhes bya ba la sogs pas mdor bstan nas/ rgyas par bshad pa don gzhan gsungs pa/ shes rab ma zhes brjod par bya/ /zhes pa smos te/ 'dir skye 'gro rnams skyed pa'o/ /shes rab sring mo zhes bya nyid//gang phyir skal ba ston pa'i phyir/ /don ni shin tu gsal ba nyid do/ /yang na/ shes rab ma zhes brjod par bya/ /zhes pa ni/ shes rab kyi sgras mchog tu byung ba'i ye shes shes rab de shin tu rnam par dag pa'i rnam par shes pa'o/ /de ni ma zhes brjod par bya ni/gang gi phyir skye 'gro skyed pas so/ /skye 'gro zhes pa ni gzugs la sogs pa phung po lnga'i bdag nyid mig la sogs pa'i dbang po rnams so/ /de nyid shes rab sring mo brjod par bya/ ji ltar zhe na/ gang phyir skal ba ston pa'i phyir/ /shes rab sring mor brjod par bya/ / zhes pa ste skal ba ni yul la sogs pa'i rang bzhin 'byed pa'o/ /ston pa ni rtogs pa'o/ /yang na cha dang bral ba ni skal ba de dbyer med pa zhes pa'i don to/ /de 'di ltar ston pa ste/ chos thams cad ni sems kyi lus nyid yin pas zhes pa'i don to/ /btso blag ma dang bu mo dang / / gar mkhan ma yang brjod par bya/ /zhes pa ni/ tshos ma dang gar ma la sogs pa dang / bu mo 'di rnams kyang bshad par bya'o/ /sems can thams cad 'tshod pa'i phyir/ /btso blag ma zhes de bzhin brjod/ /gar ma dang bu mo dag gang las yin pa de gsungs pa/ yon tan 'jo phyir shes rab ni//bu mo zhes ni brjod par bya/ /shes rab gar mar brjod par bya/ /ji ltar zhe na g.yo ba'i phyir ro/ /de yang don de nyid kyis bu mo'o/ /de bas na snying rje chen po zhes bod pa'o// gang phyir bcom ldan mi reg pa/ /de phyir g.yung mor brjod par bya/ 'di yang bu mo nyid do//A li kA li rab brjod phyir/ /brjod pa bzlas par yang dag bshad/ /ces pa 'dis gdol ba mo dang / bram ze mo dag A li kA li'i rang bzhin gyis rnam par gnas pa'o/ /yang na btso blag ma dang bu mo bshad par bya zhes pa ni/ sems can thams cad 'tshod pa'i phyir btso blag ma zhes pa la/sems can thams cad ni gzugs la sogs pa phung po lnga'i bdag nyid do/ /de rnams 'dod chags chags pa'i mtshan nyid kyis/ kun rdzob kyi bden pa des rnam par gzhag pa sku rdo rje ma btso blag ma'o/ /don dam pa'i bden pa yang de nyid kyis rnam par bzhag pa yin pas yon tan 'jo phyir bu mo yin no//shes rab gar mar brjod par bya ni g.yo ba'i phyir ro/ /snying rje chen po zhes pa ni g.yo ba yin te rlung g.yo ba yin pa'i phyir ro/ /A li kA li'i bdag nyid kyi rlung gar mkhan ma gsung rdo rje ma ste de yang bu mo'o//gang phyir bcom ldan mi reg pa/ /de phyir g.yung mor brjod par bya/ /zhes pa ni/ yid ni dam pa'i bde ba 'dzag /ces pa'i tha tshig gis so/ /thugs rdo rje ma g.yung mo de yang bu mo'o/ /'di rnams kyang rdo rje gsum dbyer med pa'i phyir sprul pa'i sku nyid kyis rdo rje'i rigs te/rim par phye ba dang po bdag gi de kho na nyid do/ /rdo rje gsum dbyer med pa nyid bstan pa'i phyir gsungs pa/ brjod pa bzlas par yang dag bshad/ ces pa ni/ A li gdol pa mo rin chen 'byung ldan gyi rnam par dag pa'i phyir rnal 'byor ma bdag med ma'o/ / kA li bram ze mo rnam par snang mdzad kyi rnam par dag pa'i phyir thabs so/ /gnyi ga yang brjod pa ste/ gnyis su med par rnam par gzhag pa'o/ /bzlas par yang dag bshad ces pa ni/ nges pa nyid kyis bstan pa yin no/ /'di ni sngags kyi rim par phye ba sngags kyi de kho na nyid longs spyod rdzogs pa'i sku'o//rkang pa'i rjes ni dkyil 'khor yin/ /zhes pa ni/ rkang pa'i cha des ri mo sna tshogs pa'i tshul gyis spro ba yin te/ dam tshig gi dkyil 'khor ro/ /nyed phyir dkyil 'khor brjod par bya/ /zhes pa ni/ /nyed cing 'dzin pa mi g.yo bar bya zhing bsdu ba'i tha tshig go//'di yang dkyil 'khor zhes brjod do/ /'di ni ye shes kyi dkyil 'khor ro/ /de ltar dkyil 'khor gnyis so/ /yang na dkyil 'khor yin zhes pa ni rkang pa'i rjes ni rkang pa ye shes te rgyu de'i phyir na'o/ /rjes ni spro ba ste/ 'di ni lha'i de kho na nyid lha'i rim par phye ba chos kyi sku'o//nyed phyir dkyil 'khor brjod par bya/ /zhes pa ni spyi bor rang gi rigs kyi bdag por 'gyur ro/ /'dis ni he ru ka rdzogs pa yin no/ /dbang gi rim par phye ba ye shes kyi de kho na nyid sku gsum dbyer med pa'i rnam pa thams cad mkhyen pa yin no/ /yang na/ nyed phyir dkyil 'khor brjod par bya//zhes pa ni dkyil 'khor du gyur pa'o/ /ci zhe na/ rkang pa'i rjes te/ rkang pa ni bzhi pa lhan cig skyes pa'o/ /tshul 'dis na ri mo ste/ dmigs pa'o/ /de nyid dkyil 'khor zhes brjod de/ mnyes nas bzung bas g.yo ba med pa'i rang bzhin nyid do zhes pa'i don to//rim par phye ba 'di nyid du rdo rje 'dis ni gdab pa nyid/ /des na phyag rgyar brjod par bya/ /zhes bya ba mdor bstan nas de kho na nyid rgyas par gsungs pa/ lag pa bsgyur ba phyag rgya yin/ /zhes pa ste/ lag pa dag phan tshun brdabs pa'i sgra 'di nyid phyag rgya'o//sor mo nyed pa'ang de bzhin no/ /zhes pa ni sor mo rnams phan tshun du nyed pa 'di nyid phyag rgya'o/ /yang na/ lag pa bsgyur ba phyag rgya yin/ /zhes pa ni ka rdo rje 'dzin pa'o/ /ra bdag med ma'o/ /gnyi ga'i bdag nyid ni bsgyur ba sgra'o/ /phyag rgya yi ni mtshan mar 'gyur ba'o//rigs lnga'i rim pas rigs brgya la sogs pa'i rab tu dbye ba tha dad pa dbyer med par 'gyur ro/ /sor mo'i nyed pa'ang de bzhin no/ /zhes pa ni/ /sor mo'i sgras yul dang dbang po'i rang bzhin gnyi ga lnga'i bdag nyid kyi rigs lnga'o/ /de'i nyed pa ni bsdu ba la thug pa'i de nyid de kho na nyid yin te/dkyil 'khor gnyis tha mi dad par spro ba dang bsdu ba'i bdag nyid yin no/ /lha ni rnam pa gnyis te/ sku can dang sngags kyi rang bzhin can no/ /de kho na nyid kyi rnal 'byor pas de ji ltar bsgom par bya ba yin pa de gsungs pa/ de ni bsam bya zhes pa ste/de ni bsgom par bya ba'o/ /gang bsams ni gang dang gang bsams pa'i yul du byas pa'o/ /gang las she na gang phyir rnam bsams te sna tshogs pa'i tshul gyis gsal bar byed pa gang de ni bsam byar 'gyur ro/ /yang na de ni bsam bya ni de ni gzung bar bya ba'i yul gyi rang bzhin no//gang las she na/ gang phyir rnam bsams te/ dbang pos 'dzin pa'i tshul gyis yul du byas pa'o/ /gang bsams dbang po'i rang bzhin gang / /de'i phyir bsgom bya gzung bar bya ba'i yul gyi rang bzhin de la mtshan nyid yod pa ma yin no/ /gang phyir rnam bsams zhes bya ba ni/yul dang dbang po tha mi dad pa'i phyir ye shes dang sku can dang sngags kyi rang bzhin can gyi lha'i de kho na nyid rnal 'byor pas thams cad nyid bsgom par bya ba yin te/ rim par phye ba dang po dang gnyis pa dang lha'i rim par phye ba dang / dbang bskur ba'i rim par phya ba'o//lha gang bstan pa de rnams ji ltar bsgom par bya ba gsungs pa/ pha las thob pa'i bde ba gang / /de yi bde ba rang gis bza'/ /bde ba gang gis 'chi ba 'di/ /de yi bde ba bsam gtan brjod/ /ces pa smos te/ pha zhes pa ni skyed par byed pa'i yid de las gang thob pa'i bde ba gang yang yul dang dbang pos bskyed pa'i ye shes bde ba la sogs pa'i rnam pa'o//de bza' ba ni nyams su myong ba'o/ /rang gis zhes pa ni bdag nyid kyis te 'dis ni sems las logs shig pa yang med pa yin no/ /de skad du yang 'phags pa klu sgrub kyi zhal snga nas/mos pa sna tshogs pa yi phyir/ /lha yi dmigs pa so sor yin/ /thugs kyi rdo rje ma gtogs pa/ /gzhan pa'i lha ni med par brjod/ /ces gsungs so/ /de'i bde ba ni de nyid ye shes so/ /bsam gtan brjod ces pa ni bsam gtan zhes brjod pa'o/ / 'dir ni dgyes pa'i rdo rje'i rgyud 'dir ro/ /gang las she na/ bde ba gang gis te ye shes gang gis so/ /'chi ba ni 'chi ba lta bu ste yul dang dbang po dang rnam par shes pa 'gags pa ste gang ye shes las tha dad pa'i ye shes gzhan rtogs pa ma yin pa de'i don to/ /yang na pha zhes pa ni//skyed par byed pa thabs dang shes rab dbyer med pa'i rang bzhin du rtogs pa dag go/ /thob pa'i bde ba gang ni ye shes gang bskyed pa'o/ /ye shes de nyid bza' ba'o/ /rang gis zhes pa ni rang la rang dmigs pa'o/ /bde ba de nyid la 'chi ba/ /zhes kyang brjod do/ /bde ba gang gis ni ye shes gang gis so//'dir bsam gtan brjod ni 'dir bstan pa ste/ gnas pa yin par rnam par gzhag go/ /de bas na skye ba dang gnas pa dang / 'jig pa rnams ye shes gcig la rag las pa yin pas rdo rje gsum tha mi dad pa'i ye shes nyid ni nges pa yin no//yang na/ pha las thob pa'i bde ba gang / zhes pa ni thabs dang shes rab dbyer med pa'i bskyed pa pos bskyed pa ni ye shes gang de nyid do/ /bdag nyid bza' ste/ bdag nyid kyis zhes yongs su brtag go/ /de yang bdag med pa nyid yin par gsungs pa/ 'chi bde nyid bde ba yin par brjod de/ye shes de nyid 'chi ba yin par brtag pa rgyu gang gis/ de bas na ye shes de nyid kyis bsam gtan yang brjod do/ /brjod ces pa ni bstan pa'o/ /des na 'di thams cad bdag med pa yin te/ rang bzhin gyis yongs su dag pa'i phyir zhes bya ba'i don to//yang na pha zhes pa ni skyed pa po ste bsam gtan dang bsam par bya ba dag mi phyed par rtogs pa'o/ /bde ba gang ni ye shes gang ngo / /de ni bsam gtan zhes brjod do/ /de yang rang gis bza' zhes pa ni 'di rang rig pa yin no/ /de yang bsam gtan ni 'chi ba ste 'chi ba lta bur dbang po dang yul dang rnam par shes pa 'gags pa'i phyir ro//bde ba gang gis ni ye shes gang gis so/ /'dir ni 'dir rtogs pa ste/ de ni de kho na nyid dang ldan pa'i bsam gtan gyi ye shes zhes brjod do/ /rim par phye ba bzhi gang bstan pa de thams cad de kho na nyid kyi rim par phye ba bsdus pa yin no//de bzhin gshegs pa thams cad kyi sku dang gsung thugs dgyes pa'i rdo rje las de kho na nyid kyi rim par phye ba ste lnga pa'o/ /de bzhin gshegs pa thams cad ces pa ni thabs dang shes rab dbyer med pa shin tu rnam par dag pa chos kyi dbyings kyi bdag nyid kyi ye shes lnga tha mi dad pa mig la sogs pa byin gyis brlabs pa'i ye shes so//sku gsung thugs zhes pa ni sku gsum byin gyis brlabs pa'i ye shes so/ /dgyes pa'i rdo rje zhes bya ba ni thabs dang shes rab kyi bdag nyid do/ /de kho na nyid ces pa ni/ gnyis su med pa'i ye shes rdo rje 'dzin pa'i rang bzhin 'di thams cad nyid yin no//lnga pa ni lnga po rnams ni rdzogs pa ste rgyas pa'o/ de bas na rdzogs pa nyid rnam pa thams cad kyi mchog dang ldan pa'i stong pa nyid kyi rang bzhin yin no zhes pa'i don to/ /yang na de bzhin gshegs pa thams cad kyis rdo rje rigs kyi rim par phye ba'o//sku gsung thugs kyis sngags kyi rim par phye ba'o/ /dgyes pa'i rdo rjes lha'i rim par phye ba'o/ /de kho na nyid kyis dbang bskur ba'i rim par phye ba'o/ /lnga pa zhes pa de kho na nyid bzhi'i bdag nyid kyi rim par phye ba'o/ /dpal dgyes pa'i rdo rje'i rab tu gsal ba'i kha sbyor gyi rgya cher 'grel pa las/de kho na nyid kyi rim par phye ba ste le'u lnga pa'o// //da ni ye shes kyi dkyil 'khor dang / dam tshig gi dkyil 'khor gyi bdag nyid kyi de kho na nyid bzhi rim par phye ba bzhi dang / de kho na nyid bzhi'i bdag nyid yang dag pa'i ye shes kyi rang bzhin de kho na nyid kyi rim par phye ba bstan nas/de kho na nyid kyi rnal 'byor pas ji ltar 'khyam zhing 'khyams pa'i de kho na nyid kyi 'bras bu gang yin pa de bstan par bya ba'i phyir gsungs pa/ de nas gzhan yang rab bshad bya/ /spyod pa pha rol phyin mchog rnams/ /gang gis dngos grub mthar 'gro ba//kye yi rdo rje dngos grub rgyus/ /'di yi don ni 'di yin te/ /spyod pa zhes bya ba ni de kho na nyid kyi rnal 'byor pas 'khyam pa'o/ /de bshad bya ni/ gsung rab kyis bstan par bya ba'o/ /gsung rab ces bya ba ni/ gang 'di nyid bya ba med pas bya ba bstan pa'o//cis khyad par du 'phags she na/ pha rol phyin zhes pa ste rab tu gsal ba'i mthar thug pa thob pa'o/ /de nyid mchog ste dam pa'o/ /dman pa la mos pa'i nyon thos la sogs pa'i yul ma yin pa'i phyir ro/ /ci'i don du spyad pa nyid bya ba yin par gsungs pa/ gang gi dngos grub mthar 'gro ba//zhes pa ste spyod pa gang byas pas dngos grub mthar 'gro ba ni rtogs pa ste dngos grub kyi mthar thug pa'i rang bzhin rtogs pa'o/ /cis khyad par du 'phags she na/ de nas gzhan yang zhes pa ste/ de nas gzhan yang ni de kho na nyid kyi rim par phye ba bstan pa 'di las 'di rgyur gyur pas/mthur thug gi dngos grub kyi 'bras bu 'byung ba'i phyir/ mchog khyad par du 'phags par 'gyur ro/ /gang du zhe na/ kye'i rdo rje zhes pa ste/ dgyes pa'i rdo rje'i rgyu 'dir ro/ /rgyu gang gis she na/ dngos grub rgyus te phyag rgya chen po'i dngos grub kyi rgyus so//yang na spyod pa bshad par bya/ /zhes pa ni bstan pa'i don nyid do/ /dngos grub mthar 'gro ba zhes pa ni/ dngos grub ni rdo rje 'dzin pa'o/ /de'i mthar ni rang bzhin no/ /ces khyad par du 'phags she na/ mchog ste gtso bo'o/ /gang las she na/ mtha' bdag med ma ste/rdo rje 'dzin pa dang bdag med ma dag tha mi dad pa'i phyir ro/ /ji ltar zhe na/ dgyes pa'i rdo rje zhes pa ste/ gnyis su med par rtogs pa las so/ /de nyid ci'i don du rtogs pa yin par gsungs pa dngos grub rgyus te/ phyag rgya chen po'i dngos grub kyi phyir yin gyi gzhan du ni ma yin pa nyid do zhes pa'i don to//de kho na nyid kyi rnal 'byor pa'i mtshan nyid bstan pa 'jig rten dang 'jig rten las 'das pa'i mtshan nyid kyi rang bzhin gyi rgyan 'chang ba'i phyir gsungs pa/ sgom pa po yis rnam 'dzin pa/ /rna ba dag la rna cha bzang / /zhes pa smos te/ rnal 'byor pas rgyan bya ba'o//de ci zhe na/ rna cha bzang zhes pa ste/ lha'i bdag nyid kyi lha'i rna rgyan la sogs pa'i lha'i rnam par dag pa'i phyir ro/ /'dis ni rna rgyan phyag rgya rnam par dag pas lha gang yin pa'i lha de nyid kyi mtshan ma nyid du de la dmigs nas rab tu gnas pa la sogs pa byas nas rna ba dag la yongs su gdags par bya'o//mdzes pa'i sgra ni kun la gzhug par bya'o/ /'khor lo lag gdub la sogs pa rnams la 'dir yang snga ma bzhin du bya'o/ /yang rkang gdub rdo rje thod pa'i phyag rgya bya'o/ /dpung rgyan slar rdo rje 'dzin pa nyid kyi phyag rgya'o/ / spyi bor 'khor lo rnam par 'dzin/ /lag pa dag la lag gdub gnyis/ /lag skor gnyis so/ /rked pa la yang ska rags nyid/ /rkang par de bzhin rkang gdub po/ /lag pa'i rtsa bar dpung rgyan nyid/ /mgrin par rus pa'i phreng ba ste/ /zhes pa la mgrin par ni raM shu'i mgul rgyan bya'o//'dis ci bstan na/ rna cha la sogs pa gang ci bstan pa de/ thams cad rus pa kho nas bya ste/ rus pa yang chos kyi dbyings shin tu rnam par dag pa'i rang bzhin yin pa'i phyir ro/ /bdag med pa'i rang bzhin nyid yin no/ /rgyan rnams thams cad nyid thabs dang shes rab kyi rang bzhin yin pas de kho na nyid kyi rnal 'byor pas bcang bar bya'o//yang na sgom pa po yis ni/ de kho na nyid dang ldan pas mdzes pa'i rna rgyan te/ rna cha 'od dpag med kyi bdag /ces pa'i tshig gis so/ /de yang rna rgyan mdzes pa ste//de yang 'od dpag med lha thams cad kyi rang bzhin no/ /ji ltar zhe na/ rna ba dag la A li kA li gnyis kyi nA da gnyis rdzogs pa'i phyir ro/ /de nyid rnam par sna tshogs pa'i tshul gyis de 'chang ba ste dbyer med pa byas nas/ rnam par 'chang ba gsung rdo rje'i rang bzhin longs spyod rdzogs pa'i skus so//spyi bor 'khor lo rnam par 'dzin/ /zhes pa ni dkyil 'khor ba'i bdag po yis na 'khor lo mi bskyod pa'o/ /de yang spyi bor ni/ gang zhig bde ba chen po'i gnas/ /zhes pa'i tshig gis so/ /rnam par 'dzin ces pa ni/ de nyid 'khor lo mi bskyod pa gzugs sna tshogs pa btags nas 'chang zhing dbyer med par 'dzin pa de bya ba'i tshul des bcang bar bya'o//a bdag med ma yin la bdag med ma dang tha mi dad pa nyid mi bskyod pa thugs rdo rje'i rang bzhin chos kyi sku'o/ /lag pa dag la lag gdub gnyis/ /zhes pa ni/ lnga po gnyis kyi bdag nyid de yul dang dbang po'i rang bzhin gnyis dag go//lag gdub kyi sgra ni/ rnam par snang mdzad kun du snang ba'i mtshan nyid sku rdo rje sprul pa'i sku ste/ lag gdub rnam par snang mdzad yin/ /zhes pa'i tshig gis so/ /de ltar thabs dang shes rab kyi bdag nyid du brjod pas yang dag par rig pa kun du snang ba rab tu gsal ba'i bdag nyid sku gsum de kho na nyid kyi rnal 'byor pas bya'o//rgyan ni rgyan te de ltar yang dag par brgyan pa yin no/ /'di rnams nyid thabs dang dbyer mi phyed par bstan pa'i phyir gsungs pa/ rked pa la yang ska rags nyid//ces pa ste/ ka ni bde ba chags pa'i mtshan nyid do/ /der 'gro zhing shin tu 'da' bar byed pas rked pa ste/ bdag med ma'o/ /de yang rten dang brten pa de yis khyab par bya ba dang khyab par byed pa'i rang bzhin gyi phyir/ ska rags don yod grub pa ste sku rdo rje'o//'od dpag la ni don yod bzhugs/ /zhes bya ba'i tshig gis so/ /kun rdzob dang don dam pa dbyer mi phyed pa'i sku rdo rje yin no/ /rkang par de bzhin rkang gdub bo/ /zhes pa ni gnyi ga'i ye shes nyid dbyer med pa rkang gdub ste A li kA li'i nA da phreng gnyis so/ /de bzhin zhes pa ni gnyi ga dbyer med pa nyid gsung rdo rje yin no//lag pa'i rtsa bar dpung rgyan nyid/ /ces pa ni byang chub sems so/ /a bdag med ma'o/ /de'i rang bzhin nyid byang chub kyi sems yin pas pa'o/ /ha ni rdo rje 'dzin pa'o/ /de yang u rdo rje mkha' 'gro mas brgyan pa'o//de ltar hUM rdo rje 'dzin pa'i rang bzhin nyid byang chub kyi sems yin te gnyi ga dbyer med pa'i gnyi ga'i bdag nyid gang de ni phung po'i sgra'o/ de nyid rtsa ba yin te dang po gtso bo yin pa'i phyir ro/ /de'i phyir 'byung ba lnga'i bdag nyid kyi ye shes so/ /u sbos mo sa'o/ /sbos mo sa yi khams su bshad//ces bya ba'i tshig gis so/ /ka chu'i khams so/ /ya rlung gi khams so/ /ra me'i khams so/ /e chos 'byung nam mkha'i khams yin te/ dpung rgyan 'byung ba chen po lnga'i bdag nyid kyi ye shes byed pa'o/ /gnyi ga dbyer med pa nyid thugs rdo rje yin no//mgrin par rus pa'i phreng ba nyid/ /ces pa ni mgrin pa'i sgras mgrin pa ste/ de yang longs spyod kyi 'khor lo de 'dra ma bcu drug pa'i phyir stong pa nyid bcu drug pa'o/ /de la rten dang brten pa'i dngos pos khyab par bya ba dang khyab par byed pa des rus pa ni raM shu chos kyi dbyings rang bzhin yin pa'i phyir mkha' 'gro ma rnams te de nyid rgyan no//me la sogs pa'i ye shes lnga'i bdag nyid spro ba'i tshul nyid kyis yin no/ /dang po tha ma'i rna rgyan dang mgul rgyan dag 'od dpag med dang rin chen 'byung ldan khu ba dang khrag gi tshul rdo rje 'dzin pa dang //bdag med ma gnyis skye ba dang 'jig pa'i rang bzhin zla ba dang nyi ma'i ngo bo dag go/ /rin chen 'byung ldan gyi rang bzhin 'di/ mgul gyi phreng ba rin chen gtso/ /zhes pa'i tshig gis so/ /kA li'i nA da dang A li'i nA da dbyer med pa dag rdo rje gsum dang ye shes lnga'i bdag nyid bzhi pa lhan cig skyes pa'i rang bzhin gyi de kho na nyid gnyis su med pa'i de kho na nyid dang ldan pa'i rgyan bstan zin pa'i don to//gzhan yang gsungs pa/ de'i/ bgo ba stag gi pags pa nyid/ /bza' ba mi 'chi bcu phyed de/ /zhes pa ni/ bdud rtsi lnga'o ma la sogs pa'o//bdud rtsi yang ji lta ba bzhin du longs spyod de/ de bzhin du rnam par snang mdzad la sogs pa yang ngo / /yang na bgo zhes pa yongs su ni thams cad las so/ /bgo ba ni dmigs pa ste yongs su bgo ba'o/ /de gang zhe na/ stag gi pags pa zhes pa ste sna tshogs pa'i gzugs kyis spro ba'i nga dag nyid kyi des so//de nyid bza' ba ste 'khril ba'o/ /bdud rtsi bcu phyed de bzhin gshegs pa lnga'i bdag nyid kyi ye shes bsdu ba'i rang bzhin yin no/ /de ltar rdo rje gsum dbyer med pa'i sku rdo rje'i rigs kyi rim par phye ba mdo dang rgyas par bstan to//'dir he ru ka sbyor skyes bu nyid ni he ru ka'i rnal 'byor dang ldan pa'i rnal 'byor pas rigs lnga rnams su 'khyam par bya ste/ bram ze dang rgyal rigs dang rje'u rigs dang dmangs rigs dang mthar skyes dang lnga po rnams su'o/ /yang na/ rdo rje'i rigs dang / pad+ma'i rigs dang /las kyi rigs dang / rin po che'i rigs dang / de bzhin gshegs pa'i rigs rnams su'o/ /de ji ltar yin pa gsungs pa/ rigs lnga dag dang yang dag ldan/ /rigs gcig tu ni rnam par brtags/ /zhes pa la/ rigs lnga 'dres par gyur pa gang de nyid rigs gcig ste rigs gcig pa nyid do//de yang slar brtags pa ste gcig tu gyur pa yang bag chags kyis brtags pa yin no/ /'di ji ltar yin pa de gsungs pa/ du ma'i rigs ni gcig pas na/ /gang phyir dbye ba mtshon mi bya/ /zhes pa la/ gcig kyang ni rgyu gang gi phyir dbye ba tha mi dad pa'o//mtshon mi bya zhes pa ni ma gtogs pa'o/ /yang na/ he ru ka sbyor skyes bu nyid/ /ces pa ni rnam par mi rtog pa'i bdag nyid kyi skyes bu'o/ /de kho na nyid kyi rnal 'byor pas 'khyams pa spro ba'o/ /gang du zhe na/ rigs lnga las te/ me long la sogs pa'i ye shes lnga rnams la'o/ /gang las she na/ rigs lnga dag dang mnyam ldan pa ste/ ye shes lnga la mnyam pa'i tshul gyis de 'jug go/ /rigs ni gcig tu zhes pa ni gnyis su med pa'i ye shes so/ /de yang rnam par brtags pa ni nges pa'o/ /ji ltar zhe na/gang gi phyir kun rdzob kyi bden pa'i bdag nyid kyis du mar spros la/ don dam pa'i bden pa'i bdag nyid kyis rigs gcig tu bsdus pas so/ /dbye ba ni so sor ro/ /mtshon mi bya ba ni ma gtogs pa'o/ /yang na rigs lnga zhes pa ni yi ge lnga rnams te/ ka kha ga g+ha nga / rnams su 'khyams pa'o/ /rnam pa sna tshogs pa'i rang bzhin spros par gyur pa'o/ /ji ltar zhe na/ rigs lnga dag kyang mnyam ldan pa/ /zhes pa'i kyang gi sgra ni gang gi phyir gyi don te/ phan tshun du rigs lnga rnams kyis de yang dag par bsdus so/ /rigs gcig tu ni gang brtags pa ni rnam par snang mdzad la sogs pa de bzhin gshegs pa nyid kyis gang nges pa de nyid ye shes lnga'o//gang he ru ka'i rnal 'byor ni he ru kas sbyor ba ste/ he ru ka'i rnal 'byor ro/ /de'i skyes bu'i rnal 'byor pa'o/ /de nyid ji ltar gyur pa de gsungs pa/ rigs ni du ma gcig gis kyang gang gi phyir rnam par snang mdzad la sogs pa'i de bzhin gshegs pa rnams ni dbye ba sna tshogs su rtogs pa ma yin no//rigs du mas kyang gang gi phyir dbye ba mtshon mi bya ste/ tha dad pa dang tha dad pa ma yin pa dag gang gi phyir khyad par nyid med do/ / de lta bur gyur pa'i rnal 'byor pas gang du 'khyam par bya ba yin pa de gsungs pa/ shing gcig dang ni dur khrod dang / /ma mo'i khyim dang mtshan mo dang / /yang na dben pa'am bas mtha' ru/ /bsgom pa bzang bar brjod par bya/ /zhes bya ba la/ shing gcig ces bya ba ni shing gzhan gyi grib mas gang la ma phog pa de ni shing gcig la gdon mi za bar gnod sbyin chags pa yin te/de'i byin rlabs kyis te dogs pa med pa de'i tshe de kho na nyid spyod la de 'bras bur 'gyur ro/ /dur khrod dang zhes pa ni/ dur khrod kyis gzhir yang yi dags la sogs pas byin gyis rlob ste/der yang 'di dogs pa dang bral na'o/ /ma mo'i khyim zhes pa ni/ bse mo la sogs pa rab tu gtum pa'i lhas byin gyis brlabs pa 'dir 'jigs pa med na'o/ /bzhi mdor zhes pa ni gang du la ma bzhi gcig pa der lha tshogs pa yin te/ 'dir yang brtson 'grus dman pas gnas par mi nus so//de bzhin du mtshan phyed dang zhes pa ni skyes bu kun gnyid log pa'i dus ni mtshan mo ste lha ma yin la sogs pa rgyu'o/ /der yang de ni dogs pa med pa yin no/ /yang na bden pa ni/ ri bo tshang tshing la sogs pa rgyu ba'i gnas yin pa'i phyir ro//de yang 'jigs pa med par gnas par bya'o/ /bas mtha' zhes pa ni/ bar thag shin tu ring bas chod pa'i phyogs rgya mtsho'i nang gi gling ma la sogs pa'o/ /der yang klu la sogs pas byin gyis brlabs pas 'jigs pa med par der yang rtog pa med par bya'o//'di lta bu'i gal te spyod pa byed par 'dod pas bya ba'i sgo nas so/ /cung zad drod ni thob na bya/ /zhes pa la/ cung zad kyi drod kyi sgras lta stangs bzhi'i de kho na nyid grub pa na'o/ /'di med na dogs pa med par mi 'gyur ro/ /gal te 'di lta bu'i spyod pa dka' bas des ci'i phyir 'di byed pa yin zhe na/gsungs pa/ gal te 'dod yon dngos grub ba'ang 'gyur/ /'dis ni spyod pa spyad pa nyid/ /ces pa la dngos grub ni phyag rgya chen po'i dngos grub bo/ /'gyur ba ni thob pa'o/ /gal te ni/ gang gi phyir gyi don to/ /'dod yon ni yod pa'o/ /'ang gi sgra ni de'i phyir gyi don to//'dis ni spyod pa zhes pa ni 'dis gnas pa'o/ /spyod pa ni rgyu ba'o/ /yang na shing gcig ces bya ba ni shing dang 'dra bas na shing ste/ spro ba'i tshul gyis yal ga dang zar bu ba'i bdag nyid can no/ /gcig ni zla med pa ste sku rdo rje'o/ /dur khrod dang zhes pa ni/ chos kyi dbyings kyi gnas de nA da phreng gnyis kyi rang bzhin gsung rdo rje'o//ma mo'i khyim zhes pa ni ma mo mkha' 'gro ma ste nye bar mtshon pa'i phyir/ de dag tha mi dad pa'i de bzhin gshegs pa dang de rnams kyi'o/ /khyim ni gnas te thugs rdo rje ste de ru'o/ /bzhi mdo zhes pa ni/ rdo rje gsum dbyer med pa'i rdo rje 'dzin pa'o//mtshan phyed ces pa ni mtshan mo phyed de gang gis mtshan mo so sor byas pa de ni nyin mo ste nyin mtshan thabs dang shes rab kyi rang bzhin gyis dam tshig gi dkyil 'khor gyi bdag nyid ye shes kyi dkyil 'khor ni mtshan phyed pa zhes pa 'di'i don to/ /mngon par gsal bar byas pa'o//yang na dben pa'am bas mtha' ru/ /zhes pa ni skye bo sna tshogs pa me long la sogs pa ye shes lnga'i bdag nyid du'o/ /bas mtha' zhes pa ni mi snang bas te spyod yul du ma gyur pa der ro/ /gnyi ga la yang gnyi ga yod pa ma yin no/ /shing gcig gis sku rdo rje bstan pa'i phyir ro//rdo rje rigs kyi rim par phye ba'o/ /dur khrod kyis kyang gsung rdo rje bstan pa'i phyir sngags kyi rim par phye ba'o/ /ma mo'i khyim gyis thugs rdo rje bstan pa'i phyir lha'i rim par phye ba'o/ /bzhi mdo zhes pas rdo rje dbyer med pa'i rdo rje 'dzin pa ste spyi bor rang gi rigs kyi bdag por 'gyur ro zhes bya ba la sogs pas dbang bskur ba'i rim pa phye ba'o//ye shes kyi dkyil 'khor dang dam tshig gi dkyil 'khor dbyer med pas mtshan phyed yin te/ de nyid gnyi ga'i bdag nyid kyi dkyil 'khor spro ba dang bsdu ba'i tshul gyis dkyil 'khor gnyis kyi rang bzhin yin pas de kho na nyid kyi rim par phye ba'o//de bas de kho na nyid kyi rnal 'byor pas spyod pa byed par nus pa yin no/ /de bas na rnal 'byor pa 'dis spyod pa byed 'dod pa ste bya ba'i sgo nas so/ /de bas na cung zad drod ni thob pa na/ /zhes pa ni/ lta stangs bzhi la sogs pa'i nus pa sna tshogs dang ldan pa'i phyir ro//de'i phyir na gang spyod pa byed par 'dod pa de sbyar bar bya ba nyid yin no/ /spyod pa nyid ci'i don du yin pa gsungs pa/ dngos grub 'gyur zhes pa ni phyag rgya chen po'i dngos grub thob par bya ba'i phyir ro/ / gang 'di 'dod par gyur pa des spyod pa 'di spyad de 'khyam mo/ /'di de kun du bzang po'i spyod pa zhes brjod do/ /'di med par yang dag pa'i dngos grub thob pa ma yin no/ /rdo rje gsum dbyer med pa'i gsung rdo rje sngags kyi rim par phye bas mdor bstan nas rgyas par bstan pa yin no//'dis ni spyod pa zhes bstan pa de'i don ni 'di yin te/ 'dis ni zhes bstan zin pas sam/ 'chad par 'gyur bas rigs lnga la sogs pa dbyer med du rtogs pas shing gcig la sogs pa rnams su rgyu bar nus pa yin no/ /de nas yang drod thob par 'gyur te/de nas yang kun du bzang po'i spyod pa nus so/ /des na dngos grub dogs pa med par 'byung ba'o/ /dngos grub kyang phyag rgya chen po'i sngon du 'gro ba nyid kyis bden pa gnyis khyad par 'phags pa'i phyag rgya rnyed pa de khyer nas spyod pa spyad par bya'o/ /shin tu bzhin bzangs mig yangs ma//rang gis dbang bskur rdo rje can/ /rdo rje'i bu mo 'di khyer nas/ /spyod pa bya bar rtogs par bya/ /rang gis dbang bskur zhes pa ni bdag nyid kyis dkyil 'khor la sogs pa'i bya ba gang chu la sogs pa'i cho gas dbang bskur nas shin tu rnam par dag par byas pa'o//yang na/ rang gi chung ma snying rje can/ /zhes pa ni gzhan gyi don la 'jug pa'o/ /snying rje mnan 'grub mi 'gyur zhes pa'i tshig gis so/ /rdo rje bu mo zhes pa ni rdo rje'i rigs dang ldan pa lo bcu drug ma'o/ /'di zhes pa ni 'di lta bu'o/ /khyer nas ni blangs nas spyod pa bya ba'o/ / 'ang gi sgra ni khyad par gyi don te spyod pa dam pa byed do zhes rtogs par bya'o/ /rdo rje rigs kyi dngos med na/ /rang 'dod lha yi gzugs kyis bya/ /zhes pa la/ /rang 'dod lha zhes pa ni bdag gi 'dod pa'i lha gang yin pa de'i rigs kyis so/ /rnal 'byor pa gang dkar po che/ /de'i lha ni rnam snang zhes bya ba la sogs pa 'chad par 'gyur ro//rigs des kyang yin no/ /de yang gal te ma rnyed na de'i tshe yang na zhes pa ste phyogs gzhan no/ /gzhan gyi rigs las byung ba zhes pa ni rigs tha dad pa las so/ /byang chub sa bon bcug pas sbyangs te zhes pa la/ byang chub ni rnam par mi rtog pa'i ye shes so//de nyid sa bon te yang dag pa'i byang chub kyi rgyu yin pa'i phyir ro/ /de bcug pa ni dmigs par byas pas so/ /sbyangs te ni chos kyi dbyings shin tu rnam par dag pa'i ye shes kyi rang bzhin no/ /de khyer nas ni blangs nas/ spyod pa bya bar rtogs par bya//zhes yang slar brjod do/ /yang na bzhin bzangs ni brjod pa yin pas kha'o/ /de ni A li kA li'i nA da phreng gnyis so/ /bzhin bzangs ni yid 'phrog pa'o/ /gang la de yod pa de ni bzhin bzangs ma ste gsung rdo rje ma'o/ /mig yangs ma zhes pa ni yangs pa ni rgya cha ba ste khams gsum la khyab pa'o//mig ni lta ba'o/ /thabs dang shes rab kyi rang bzhin gang de ni mig yangs ma thugs rdo rje ma ste de'o/ /rang gis dbang bskur ni dbang bskur ba la thug pas sku rdzogs pa'i sku rdo rje ma ste de'o/ /snying rje can zhes pa ni 'gro ba'i don gyi bya ba la 'jug pa'i phyir bden pa gnyis kyi rang bzhin te de yang ngo //de bas na rdo rje bu mo ni rdo rje mi phyed pa'i phyir ro// /bu mo ni 'od gsal gyi phyir spro ba'i rang bzhin nyid rab tu gsal ba'i bdag nyid yin pas rdo rje'i bu mo ste de'o/ /'di zhes pa ni 'di lta bu khyer nas dngos su 'khyam par bya bar rigs pa yin no//rdo rje rigs kyi dngos med na/ /rang 'dod lha'i rigs kyis bya'o/ /zhes pa la rdo rje ni mi phyed pa'o/ /'di'i rang bzhin gyis na rigs ni bgrangs nas yongs su gcod pas na rdo rje'i rigs so/ tshul 'dis med pa ni dngos med pa'o/ /de'i phyir rdo rje rigs kyi dngos med pa bdag med pa rtogs pa'o//rang 'dod lha'i rigs kyis bya'o/ /zhes pa ni/ rang gi sgra ni rnam par shes pa'o/ /'dod lha zhes pa ni rnam par shes pa des 'dod pa btsal bas khyab pa gang me long la sogs pa ye shes lnga'i bdag nyid kyis yongs su bcad pas kyang ngo / /rnam pa gnyis ka yang dbyer med par byas pa kun du bzang po'i spyod pa la 'jug pa yin par dgongs so//yang na zhes pa ni phyogs gzhan no/ /gzhan gyi rigs las byung zhes pa la/ gzhan ni zla med pa gcig go/ /des gang gi rigs yongs su gcad pa de ni gzhan rdo rje 'dzin na'o/ /de las byung ba ni der gyur par byung ba rab tu gsal te/'khor ba kun rdzob kyi bden pa'i bdag nyid gang bdag med pa de ni don dam pa'i bden pa'i rang bzhin no/ /cis khyad par du 'phags she na/ byang chub kyi sa bon bcug pa ni byang chub kyi sa bon bcug pa ste byang chub rnam par mi rtog pa'i ye shes so//de nyid sa bon no/ /der gzhug pa ni dmigs pa'o/ /des sbyangs pa ni 'dus byas pa'i tshul can kun rdzob kyi bden pa'i bdag nyid do/ /'dis ni kun rdzob kyi bden pa'i bdag nyid kyis don dam pa'i bden pa'i rang bzhin nyid de/ don dam pa'i bden pa'i tshul gyis kyang kun rdzob kyi bden pa'i rang bzhin nyid yin no//gnyi ga dbyer med pa bdag med rnal 'byor ma rdo rje gsum dbyer med pa thugs rdo rje lha'i rim par phye ba mdo dang rgyas par bstan pa yin no/ /de lta bur gyur pa dang ldan pa'i rnal 'byor pas spyod pa bya bar rigs pa yin te/de gal te dga' ba'i dbang gis glu len par byed na/ de'i tshe de ji lta bu yin pa gsungs pa/ gal te dga' bas glu blangs te/ /'on kyang dga' ba rdo rje mchog dang ldan pa'i rdo rje'i glu des blangs te 'di nyid thar pa'i rgyu yin no/ /gal te dga' ba skyes pa na/ /thar pa'i rgyus ni gar byas te//'o na rdo rje'i rkang pas gar/ /yo gi'i mnyam par bzhag pas byed/ /ces bya ba ni gal te dga' ba skyes nas rnal 'byor pa gar rtsom pa la 'jug par 'gyur ba de'i tshe gar dang bro'o/ /gang gis she na/ rdo rje rkang pas te/ chos kyi dbyings kyi bdag nyid kyi ro mnan pa ji lta ba bzhin gyi rkang pas dpal he ru ka gnas pa de bzhin du rdo rje'i rkang pas te/g.yas brkyang ba la sogs pa rkang stabs brgyad kyis mnyam par bzhag pas de kho na nyid la sems zhen pas so/ /yang na de kho na nyid kyi rnal 'byor pa'i glu ni/ A li kA li'i bdag nyid kyi sgra blangs nas sgra yul du byed pa ste sgra la sgra thim pas cha med pa nyid kyis dga' ba'o//rgyu de'i phyir 'on kyang rdo rje rkang pa dang ldan pa gnyis su med pa'i ye shes rnyed pa nyid do/ /mchog ni khyad par du 'phags pa rnam par dga' ba la thug pa'i tha tshig go/ /rdo rje gsum dbyer med pas dbang bskur ba'i rim par phye ba mdo dang rgyas par bstan pa'i don to//gal te ni de'i phyir ro/ /dga' ba ni rnam par dga' ba'o/ /skyes pa ni gar sgyur ba'o/ /ji ltar zhe na/ thar ba'i rgyus te thar pa'i don du'o/ /'o na ni de'i tshe'o/ /rdo rje rkang pas te/ dbyer med pa'i ye shes kyi dga' ba la sogs pas so//gar byed pa ni gar nges par gnas par 'byung ngo / /de bas na rnal 'byor pa gnyi ga dbyer med pa'o/ /de nyid mnyam gzhag ste mi mthun pa med par gnas pa'i don to/ /'dis ni ye shes lnga'i bdag nyid kyi de kho na nyid des de kho na nyid kyi rim par phye ba mdor bstan pa'i rgyas par bstan pa yin no//da ni rus pa'i rgyan la sogs pa gang rnal 'byor pas brgyan pa de rnams kyi rnam par dag pa gsungs pa/ 'khor lo'i gzugs kyi mi bskyod pa na/ spyi bor 'khor lo rnam par 'dzin/ /zhes mdor bstan pa'i rgyas par bshad pa'o//rna cha'i bdag nyid 'od dpag med ni/ /rna ba dag la rna cha bzang / /zhes mdor bstan pa'i rgyas par bshad pa'o/ /mgul gyi phreng ba rin chen gtso/ /zhes pa ste/ mgrin par rus pa'i phreng ba ste/ /zhes bstan pa'i'o/ /lag par rnam par snang mdzad brjod pa ni/lag pa dag la lag gdub gnyis/ /zhes pa gang ngo / /ska rags la ni don yod gnas/ /zhes pa ni/ /rked pa la yang ska rags nyid/ /ces pa gang gi'o/ /de ltar de bzhin gshegs pa lnga'i rnam par dag pa phyag rgya lnga'i rim par phye ba bstan pa yin te/ 'khor lo rna cha mgul gdub dang //lag gdub dang ni ske rags nyid/ /sangs rgyas lnga yi rnam dag pa/ /'di rnams phyag rgyar rab tu grags/ /zhes pas so/ /'di ni mkha' 'gro ma'i rnam par dag pa de rnams kyang rus pa'i phreng ba'i rgyan du 'dod pa yin no/ /rkang par de bzhin rkang gdub po ni rkang pa dag thabs dang shes rab kyi rang bzhin A li kA li'i nA da'i bdag nyid rkang gdub rnam par dag pa'o//lag pa'i rtsa bar dpung rgyan nyid/ /ces pa ni gnyi ga dbyer med pa'i rdo rje 'dzin pa'i rnam par dag pa'i rgyan rnams nyid spro ba dang bsdu ba'i bdag nyid do/ / bgo ba stag gi pags pa nyid/ /ces pa ni de rnams spro ba'i rang bzhin nyid kyis so/ /bza' ba mi 'chi bcu phyed bcas/ /zhes pa ni 'di rnams bsdu ba'i bdag nyid yin no/ /yang na mi bskyod pa ni mi 'khrugs shing mi g.yo bas na mi bskyod pa ste/ mi rgyu ba'i rang bzhin 'khor lo'i gzugs kyis mi shes pa gcod par byed pa'i rnam pa des so//rna cha'i bdag nyid 'od dpag med/ /ces pa ni dpag med ni dpag tu med pa'o/ /'od ni 'od zer ro/ /spro ba'i rang bzhin rnams kyi bya ba gang la yod pa ni 'od dpag med do/ /ji ltar zhe na/rna cha'i bskor ba'i rang bzhin khyab pa'i rang bzhin zhes pa'i don to/ /dga' ba bskyed pas na rin chen te thugs so/ /de'i gtso bo ni mnga' bdag go/ /de ni mgrin pa'i phreng ba stong pa nyid bcu drug gi rang bzhin no/ /lag par rnam par snang mdzad brjod/ /ces pa ni/ dbang po lnga po gnyi ga'i bdag nyid kyi yul te rnam par ni nges par ro//snang mdzad ni rab tu gsal ba'i rnam par gnas pas rnam par snang mdzad do/ /ska rags ni chos 'byung du gnas pa dbyer med pa'o/ /don yod ni 'bras bu med pa ma yin pas 'gro ba'i don byed par nus pa'i don to//kha T+wAM gzugs shes rab ste/ /zhes pas rdo rje'i bu mo rang 'dod lha'i gzugs kyis bya/ yang na gzhan gyi rigs las byung ba khyer la/ spyod pa bya bar rtogs par bya/ /zhes gang gsungs pa de'i rnam par dag pa bstan to/ /shes rab kha T+wAM ga yi sku/ /zhes pa ni/ g.yon pa nas kyang kha T+wAM ga /zhes kyang gsungs pa de yang shes rab kyi rang bzhin no/ /'dis ni rnal 'byor pas kha T+wAM ga yang bcang bar bya ba yin no/ /yang na kha T+wAM ga gzugs shes rab can te zhes pa ni nam mkha' la 'gro bas na kha T+wa'aM ga ste mkha' spyod do/ /de nyid aM ga gzugs can te/'ongs nas rtogs pas na aM ga la 'di'i rang bzhin gang la yod pa de la'o/ /shes rab ni shes rab kyi sgras yi ge a la sogs pa dbyangs bcu bzhi'i rjes su song ba'o/ /'dis ni mkha' 'gro ma bco lnga A li'i nA da yin par bstan to/ /thabs kyi gzugs kyis cang te'u nyid//ces pa ni/ cang te'u de yang bcang bar bya'o/ /de yang thabs kyi gzugs kyis thabs rnam par dag pas so/ /yang na/ thabs kyi gzugs kyis cang te'u nyid/ /ces pa ni/ /rigs lnga rnams su 'khyam par bya/ /zhes gang gsungs pa de'i rgyas par bshad pa'o/ /cang te'u ni sgra'i rang bzhin yin pa'i phyir nA da'i bdag nyid do//de yang thabs kyi rang bzhin A li'i nA da yin no zhes pa'i don to/ /'dis ni A li kA li'i nA da gnyis kyi bdag nyid des rnal 'byor par 'gyur ro/ /ji ltar zhe na/ zhe sdang rnam par dag pas te mi bskyod pa'i rnam par dag pa'o//yang na/ zhe sdang rnam dag rnal 'byor pa/ /zhes pa ni/ he ru ka sbyor skyes bu nyid/ /ces gang gsungs pa de'i rgyas par bshad pa'o/ /yang na/ zhe sdang rnam dag rnal 'byor pa/ /zhes pa ni gnyig dbyer mi phyed pa nyid kyis rnal 'byor ba'o/ /de nyid zhe sdang ngo / / de yang rnam pa sna tshogs pa 'od dpag tu med pa la sogs pa'i rang bzhin nyid do/ /de ni/ du ma rigs ni gcig pas na/ /gang phyir dbye ba mtshon mi bya/ /zhes te 'khor lo la sogs pa'i phyag rgya'i rnam par dag pa mi bskyod pa la sogs pa'o/ /nA da gnyis kyi bdag nyid thabs dang shes rab kyi rang bzhin rnams rnam par dag par gyur pa yin pas zhe sdang rnam dag rnal 'byor pa rdo rje 'dzin pa'i rang bzhin du gyur pa yin no//'dis ni rnal 'byor pa'i phyag rgya lnga rnams bstan pa de rnam par dag pa mi bskyod pa la sogs pa'o/ /rkang gdub ni thabs dang shes rab rnam par dag pa'i rnam pa'o//dpung rgyan thabs dang shes rab rnam par dag pa'o/ /stag gi pags pa thabs kyi rnam par dag pa'o/ /bza' ba mi 'chi bcu phyed ni shes rab rnam par dag pa'o/ /he ru ka sbyor skyes bu nyid ni des rnal 'byor ba rnam par dag pa'o/ / rigs lnga rnams su 'khyam par bya ba la sogs pa gang phyir phye ba mtshon mi bya'i mthar zhe sdang rnam par dag pas rnam par dag pa'o/ /shing gcig la sogs pa ni me long la sogs pa ye shes lnga'i bdag nyid do/ /dben pa'am bas mtha' ni thabs dang shes rab kyi rnam par dag pa'o//spyod pa'i dngos grub kyang rgyu dang 'bras bur gyur pa thabs dang shes rab kyi rnam par dag pa'o/ /rdo rje'i bu mo la sogs pa yang gnyis su med par rnam par dag pa'o/ /glu dang gar gyi rnam par dag pa yang da ni bstan par bya ste/ glu ni rnam dag sngags su gnas//zhes pa ni sgra nyid sngags kyi rang bzhin no/ /yang na ye shes kyi rang bzhin nyid nA da yin te/ 'dis ni gal te glu len par byed na de tshe rdo rje mchog dang ldan no zhes pa de'i rnam par dag pa bstan to/ /gar ni bsgom par bya ba nyid/ /ces pa ni gar ni g.yo ba ste sna tshogs pa'i gzugs su spro ba gang de bsgom pa bsam gtan dang lha'i rnam par dkyil 'khor bskyod pa'o//yang na gar ni spro ba'o/ /de'i bsgom pa ni snyoms par 'jug par bsdu ba ste spro ba dang bsdu bar dbyer med pa 'di nyid yin no/ /'dis ni gal te dga' ba skyes pa na thar pa'i rgyus ni gar bya'o//de tshe rdo rje rkang pas gar bya zhes bya ba 'di'i rnam par dag pa'o/ /de'i phyir na glu dang gar/ yo gi rtag tu byed ces pa ni rgyu de'i phyir na glu ni sngags so/ /ye shes kyi dkyil 'khor ni gar ro/ /bsgom pa dam tshig gi dkyil 'khor ro// / gnyi ga yang gnyi ga'i bdag nyid do/ /byed pa ni rdzogs pa'o/ /de bas na/ yo gi rtag par rgyun du byed/ /ces pa ni rgyun ma chad pa nyid kyis yin no/ /yang na glu ni gsung rdo rje'o/ /gar sku rdo rje'o/ /gnyi ga yang rnal 'byor pa rnal 'byor gyi bdag nyid dbyer med par rtogs pas rnam par gnas so//gnyi ga yang sems la rag las pa yin pa'i phyir/ rdo rje gsum dbyer med pa nyid do/ /de nyid rtag par rgyun mi 'chad pa nyid kyis rdo rje gsum dbyer med pa'i rnal 'byor ba'o/ /de yis sku gsung thugs ji srid du byed pa srid du byed de kho na nyid du 'jug pa yin no//'di ni kun du bzang po'i spyod pa de kho na nyid kyi rnal 'byor pas yin no/ /bza' ba mi 'chi bcu phyed de/ /zhes gang gsungs pa de'i 'bras bu gsungs pa/ sman ni rnam par bza' ba ste/ /chu ni rnam par btung ba nyid/ /rga shis zil gyis mi non cing / /rtag tu srung bar 'gyur ba yin/sman ni bdud rtsi lnga po de bza' bar bya ba'o/ /chu zhes pa ni byang chub kyi sems de btung bar bya ba'o/ /de ltar dam tshig gnyi ga yang 'di nyid kyis bskyang bar bya'o/ /de nas rgas pa ni 'khogs pa'o/ /'chi ba ni 'chi ba'o/ /'di gnyis kyis zil gyis mi non pa ni na tsha 'byung bar mi 'gyur ro//gang las she na/ gang las rtag tu srung bar 'gyur ba yin pa'o/ /yang na/ sman ni rnam par bza' ba ste/ /zhes pa ni/ rang bzhin med par byas pa bdud rtsi lnga me long la sogs pa'i ye shes lnga'o/ /'di'i phyir na btung ba'i chu byang chub kyi sems so//stong pa nyid dang snying rje dbyer med pa'i ye shes bsrung bar bya'o/ /rtag tu ni rtag par rgyun ma chad pa nyid kyis so/ /de nas rga shis zil gyis mi non cing ni rgas pa dang 'chi ba zhes bya ba 'di rtog par gnas pa ste/ yang rnam par mi rtog pa'i ye shes kyi bdag nyid de ni nad thams cad yongs su spangs pa'i phyir gnod pa gnyi ga yang rnam pa thams cad nyid du med do//de nyid rgas pa dang 'chi ba de'i bsrung bar gyur pa rtag par rgyun mi 'chad par 'gyur ro/ /yang na/ sman ni rnam par bza' ba ste/ /zhes pa ni bstan zin pa'i don nyid do/ /de'i phyir btung bar bya ba ni bA ri ste/bA rnam par rtog pa'o/ /ri ni rtag pa ste dgra'i rang bzhin yang rtag pa'o/ /spyi bor rang gi rigs kyi bdag por 'gyur ro zhes mdor bstan pa'i don rgyas par 'chad de/ rkun ma'i skra la cod pan byas/ /zhes pa la rkun ma'i skra ni dpyangs pa'i ro'i skra des cod pan bya'o//de la hUM byung sbyar bar bya/ /zhes pa ni hUM las byung ba mi bskyod pa de der ldan par 'gyur ro/ /yang na rkun ma'i sgras rkun ma rnams kyi dngos po ni rkun ma ste/ ji ltar rkun ma rku ba nyid kyis de rnams kyi rku bar byed pa 'byung ba yin no/ /de bzhin du dbang po dang yul dag kyang gzung ba dang 'dzin pa'i mngon par zhen pa 'jug pas na yang dag pa'i ye shes 'di rnams brkus nas yod pa yin no//rkun ma'i sgras yul dang dbang po rnams so/ /skra ni sems so/ /yul dang dbang po dang rnam par shes pa'i da rnams kyis byas pa ni rdzogs pa'o//cod pan ni mA ma kI mi bskyod pa'o/ /de'i brtsegs ma ni chos 'byung de gzhir gyur pa'i khyab par bya ba dang khyab par byed pa des so/ /de la hUM byung ni thabs dang shes rab dbyer med pa'i rdo rje 'dzin pa sbyar te/ 'byung ba 'dus pa las de bzhin gshegs pa thams cad kyi bdag nyid skyed pa yin no//de bas na de nyid la cod pan no/ /sangs rgyas lnga yi thod pa rnams/ /zhes pa ni/ de bzhin gshegs pa lnga rnams rnam par dag pa'i thod pa lnga'o/ /yang na de nyid hUM byung ste sangs rgyas lnga'i thod pa rnams ni lnga ni rgyas par te/sangs rgyas pa de rnams kyi rigs mtha' yas pa'i phyir de nyid thod pa rnams so/ /ka bde ba'i ye shes skyong bar byed pas na yang dag pa'i ye shes sangs rgyas lnga'i thod pa rnams mtha' yas mu med pa'i sangs rgyas kyi ye shes kyi rang bzhin no/ /hUM byung la ni rnam par dbye ba med do//gcig dang du mar gyur pa dbyer med pa des nges par gzung ba med pa'i rang bzhin gyi phyir ro/ /rnal 'byor spyod pas rnam par 'dzin/ thod pa sor lnga ba'i char byas pas cod pan zhes pa la/ de la thod pa'i dum bu rdo rje thod pa'i phyag rgya sbyin bar bya ste/de las hUM byung sbyar bar bya/ /zhes bya ba'i tshig gis so/ /yang na 'dzin par byed ni mi g.yo bar bya ba'o/ /de ci zhe na/ thod pa sor lnga yi char/ /zhes pa'o/ /lnga zhes bya ba ni me long lta bu la sogs pa'i ye shes lnga rnams so/ /de rnams kyi'ang sor mo ni/ AM mkha' spyod ma bdag med ma la sogs pa'i rnal 'byor ma bco lnga yongs su bcad pa can no/ /de rnams bskor zhing dkris par gyur pa khyab par bya ba dang khyab par byed pa'i rang bzhin gyis gnas pas sor mo lnga rnams dkyil 'khor gnyis dbyer med me'i dkyil 'khor ro//de nyid thod pa yin te yang dag pa'i ye shes so/ /des char ni yongs su bcad pa la thug pa zhes pa'i tha tshig go/ /de ltar thod pa sor lnga pa'i dum bu byas nas rdzogs par bya'o/ /gang du zhe na cod pan no/ /chos 'byung khyab par bya ba dang khyad par byed pa'i tshul gyis dbyer med pa nyid rdo rje 'dzin pa yin pa ni tshig gi lhag ma'o//gzhan yang rnal 'byor pa des bcad par bya ba ni/ skra yi ske rags nyis skor nyid/ /ces pa ste nyis skor ro/ /gang las she na/ de'i don gsungs pa/ /thabs dang shes rab rang bzhin las so/ /yang na skra'i sgra ni skra'i rnam grangs te/de la skra ni byang chub kyi sems so/ /ske rags ni a bad+hU tI bdag med ma phan tshun du 'brel ba'i phyir skor gnyis so/ /yang na a ba d+hU tI dang 'brel ba nyid byang chub kyi sems so/ /ske rags ni a ba d+hU tI bdag med ma phan tshun du 'brel ba'i phyir skor gnyis so//yang na a ba d+hU tI dang 'brel ba nyid byang chub kyi sems so/ /de yang skra'i ske rags yin la/ thabs dang shes rab rang bzhin gyis nyis skor ro/ /gnyi ga bskor ba nyid ni A li kA li'i nA da gnyis dbyer med pa nyid do/ /'dzin pa ni g.yo ba med par byas pa'o//gzhan yang phyag rgya'i rgyan rnam par dag pa gsungs pa/ thal ba skra yi mchod phyir thogs/ /rnal 'byor pa yi spyod pas 'dzin/ /zhes pa smos so/ /thal ba ni ro 'dus byas pa'i thal ba'am/ yang na ro 'dus pa'i rus pa'i phye ma'o/ /skra'i mchod phyir thogs zhes pa ni/rkun ma dpyangs skra las byas pa'i rnal 'byor pa'i mchod phyir thogs so/ /spyod pas 'dzin ni 'khyams pas so/ /yang na thal ba'i sgras rus pa yin pa'i phyir bdag med ma'o/ /skra'i sgras rdo rje 'dzin pa ste thal ba dang skra dag go/ /mchod phyir thogs ni dri ma med par byas pa shin tu rnam par dag pa chos kyi dbyings kyi rang bzhin no//de nyid rnal 'byor pa ste rnal 'byor dang ldan pas so/ /'dzin pa ni g.yo ba med par 'gyur ba'o/ /spyod pa ni 'khyam pa'i bya ba'o/ /kha T+wAM ga gzugs shes rab te/ /zhes gsungs pa dang //thabs kyi gzugs kyis cang te'u nyid/ /ces pa'i rnam par dag pa lugs las bzlog pas gsungs pa/ cang te'u'i sgras ni bzlas pa ste/ kha T+wa'aM ga bsgom shes rab nyid/ /ces pa'i don ni gsal ba nyid do/ /yang na cang te'u'i sgras A li kA li'i nA da'i bdag nyid gzhom du med pa'i rdo rje 'dzin pa'o//de yang bzlas pa ni rgyun mi 'chad par bzlas pa'i rang bzhin yin pas bar ma chad pa'i rang bzhin dam tshig gi dkyil 'khor ro/ /kha T+wAM ga bsgom shes rab nyid/ /ces pa ni mchog tu byung ba'i ye shes ni shes rab po/ /ci zhe na/ kha T+wAM ga bsgom pa'o//kha T+wAM ga'i skras mkha' 'gro ma bco lnga mkha' spyod ma la mthar thug go/ /de rnams kyi bsgom pa zhes pa ni snyoms par 'jug pa ye shes kyi dkyil 'khor ro/ /'di gnyi ga yang / 'di dag bzlas dang bsgom pa yin/ /ji ltar zhe na/ rdo rje thod pa'i spyod pa yis/ /zhes pa ste de kho na nyid du 'khyams pas so/ /yang na bzlas dang bsgom pa zhes pa la bzlas pa ni rtag tu 'byung ba'i bdag nyid kyi dam tshig gi dkyil 'khor can gyi bdag nyid dang ye shes kyi dkyil 'khor ro/ /bsgom pa ni dam tshig gi dkyil 'khor dang ye shes kyi dkyil 'khor dbyer med pa yin par snyoms par 'jug par byed pa'o//yang na bzlas dang bsgom pa yin/ /zhes pas ni bsgom bya ni gnyis su med pa rtogs pas bsgom par bya ba'o/ /de yang bzlas pa yin te/ rgyun mi 'chad par 'jug cing rtag tu 'byung ba'i rang bzhin yin pas so//'di nyid ji ltar yin pa gsungs pa/ rdo rje thod pa'i spyod pa yis/ /zhes pa smos te/ rdo rje ni rdo rje 'dzin pa'o/ /thod pa ni thod pa dang 'dra ba ste shes rab bdag med ma rdo rje thod pa thabs dang shes rab dbyer med pa'o/ /rang bzhin 'dis spyod pa ni 'khyams pa yin no//brkam dang rmongs dang 'jigs dang khro/ /ngo tsha'i bya ba rnam par spangs/ /zhes pa la 'dod chags dang gti mug la sogs pa'i sgrib pa'i rgyu rnams rnam par spang bar bya'o/ /yang na brkam pa'i sgra ni 'od dpag tu med pa'o/ /gti mug rnam par snang mdzad do//'jigs dang rin chen 'byung ldan no/ /khro ba mi bskyod pa'o/ /ngo tsha don yod grub pa ste 'di lta bu'i rang bzhin no/ /bya ba ni yongs su gcod pa'o/ /de nas spang ba ni ye shes lnga nyid do/ /'di rnams kyi rnam par dag pa 'dis spangs par gyur pa ni spangs pa'o//de bas na/ bdag nyid kyis ni gnyid spangs nas/ /the tshom med par spyad par bya/ /zhes pa la gnyid ces pa ni gnyid bsdus pa yul dang dbang po 'dod pa'i bya ba nyid kyis/ bdag med ma de'i rnam par dag pas de yongs su spangs pa'i phyir shin tu rnam par dag pa rtogs pa'o//de nyid bdag las byung ba'i phyir bdag tu lta ba chad nas gang zag gi bdag med pa don du byas nas/ spro ba med pa'i spyod pa bya/ /zhes dgongs pa'o/ /lus kyi sbyin nas ni/ phyi nas spyod pa yang dag spyad/ /ces pa la/ dang po bdag las byung ba'i gang zag gi bdag med ma mngon du byas nas chos kyi bdag med pa yang mngon du bya bar 'dod pas phyi nas zhes pa'o//de'i rjes su lus ni zhes pa ni chos thams cad do/ /de sbyin pa ni rnam par byang ba rnam par dag pa'o/ /sbyin nas zhes pa ni gtong ba rnam par dag pa ste de rnams kyi mngon par zhen pa yang spangs nas/gang spyod pa de yang dag par brtsam zhing 'di nyid yang dag par bsgrubs te/ sems can thams cad la bdag nyid dbul bar bgyi'o zhes sems 'di ltar bskyed do/ /de'i rjes su sems can thams cad la sems can thams cad kyi phyir lus byin nas spyod pa 'khyam pa brtsam ste yang dag par brtsam par bya'o//skal dang skal min rnam dpyad nas/ /de phyir sbyin pa sbyin mi bya/ /zhes pa la/ skal ba ni bya bar 'gyur ba'o/ /skal med rnam dpyad nas ni sems can thams cad mtha' yas mu med pa gang+gA'i [(]glung [,]klung [)]gi bye ma snyed de rnams la lus sbyin par gtong ba na lus kyi cha shas kyi bya ba byas par gyur na/skal pa med de 'di ni chung ba'i phyir skal ba mi rnyed pa yin pas skal ba med par dpyad par bya'o/ /rgyu des na sbyin pa sbyin na gtang bar mi bya ba'i rgyu de'i phyir na sbyin pa rgyu gang gi phyir sbyin par mi bya ste mi gtong ba'o//rdul phra rab bsags pa dpyad pas mi bzod pa'i phyir rang bzhin gyis btang ba yin/ yang na/ bdag nyid kyis ni gnyid spangs nas/ /the tshom med par spyod par bya/ /zhes pa la/ bdag nyid ces pa ni rnam par shes pa las shin tu 'das pa'i phyir rdo rje 'dzin pa ste/bdag nyid spangs nas so/ /spyod pa ni 'khyam pa'o/ /the tshom med pas thams cad du dogs pa med pa des bskyed par bya ba yin no/ /lus kyi sbyin pa byin nas ni/ /phyi nas spyod pa yang dag spyad/ /ces pa la lus kyi sgras lus brjod do//de'i sbyin pa ni yongs su gtong bas de'i mngon par zhen pa spangs pa'o/ /de sbyin pa ni de yang spangs pa'o/ /'dis ni mngon par zhen pa'i yongs su spangs pa yang mngon par zhen pa nyid de/ de'i mngon par zhen pa de yang med pa yin/spyod pa ni 'khyam pa'o/ /spyad pa ni yang dag par sgrub pa la snyoms par zhugs te mthar thug thob pa yin no/ /skal dang skal med rnam dpyad nas/ /de phyir sbyin pa sbyin mi bya/ /zhes pa la skal ba ni cha shas zhes pa'i tha tshig go/ /de yang thabs kA li'i tshul gyis nA da'i phreng ba'i cha med pa'i cha yin no//skal med ni cha med pa ste A li'i tshul gyis nA da'i phreng ba yin no/ /yang na skal ba ni cha shas yan lag gi rang bzhin skye ba'i rang bzhin des byang chub kyi sems zla ba A li'i phreng ba nyid do/ /skal med ni cha med pa bdag med pa'i rang bzhin nyi ma kA li'i tshul gyis nA da'i phreng ba'o//de ltar skal dang skal med kyi sgras nA da'i phreng ba gsung rdo rje'o/ /de'i dpyad pa ni dpyad pa dang bral bas dpyad pa ste/ cha med pa nyid des dpyad pas cha med pas sbyin pa yongs su btang ngo / /de'i phyir ni rgyu de'i phyir ro/ /sbyin mi bya ni sbyin par mi bya'o//btang ba'i rang bzhin nyid yin pa'i phyir zhes pa'i don to/ /'dis ni bdag las byung ba'i rnam par shes pa'i 'dzin pa ldog go/ /lus kyi sbyin pas lus kyi mngon par zhen pa yang ngo / /skal dang skal med rnam dpyad nas/ /zhes pa ni/ mtshan ma la chags pa yang chags pa gsum las grol bas chags pa thams cad spangs pa'i rang bzhin nyid rdo rje 'dzin pa yin no//'di nyid de kho na nyid dang ldan pa'i dpyod pa'o/ /bza' bca' de bzhin btung ba nyid/ /ji ltar rnyed pa de bzhin bza' ba ni zan dron la sogs pa'o/ /bca' ba ni 'bras chan la sogs pa'o//btung ba ni 'o ma la sogs pa'o/ /de thams cad gang ji lta ba bzhin gyi rnam pas bza' ba'am 'gal ba yang rung ba'o/ /rnyed pa bza' ni nye bar longs spyod pa'o/ /de bas na zhen pa tsam du mi bya'o/ /yid 'ong mi 'ong rnam rtog phyir/ /zhes pa la zhen pa'i mngon par zhen pa de mi bya'o//ji ltar zhe na/ yid 'ong ni 'dod pa'o/ /mi 'ong ba ni 'dod pa'o/ /rnam pa gnyi ga brtag pa nyid rnam par rtog pa'i rgyu nyid yin no/ /de bas na/ bza' dang bca' min dpyad pa dang / /de bzhin btung dang btung min nyid/ /bgrod dang bgrod min sngags pa yis//rnam rtog nyid du mi bya'o/ /zhes pa'i don ni gsal ba nyid do/ /yang na bza' ba dang bza' bar mi bya ba ni lus kyi mngon par zhen pa'o/ /bca' ba dang bca' bar mi bya ba ni ngag gi mngon par zhen pa'o/ /btung bar bya ba dang btung bar bya ba ma yin pa ni sems kyi mngon par zhen pa'o//de ltar 'di gsum ji ltar rim pa gang gis so/ /rnyed pa ni rnyed pa'o/ /bza' ba ni mngon par zhen pa med pa'i rang bzhin du gyur pa yin no/ /de bas na 'dir rdo rje gsum dbyer med pa'i mngon par zhen pa rnams la'o/ /zhen pa ni mngon par zhen pa'o/ / mi bya ba ni bya ba'i tshul gyis bskyed par bya ba ma yin pa'o/ /yid 'ong mi 'ong rnam rtog phyir ni yid 'ong mngon par zhen pa'o/ /mi 'ong mngon par zhen pa med pa ste bya ba'i sgo nas mngon par zhen pa gang yongs su spangs par gyur pa'o/ /de yang mngon par zhen pa nyid kyis rnam par rtog pa nyid de/de bas na zhen par mi bya'o ni mngon par zhen pa med pa yang mi bya'o/ /de ltar na bza' ba dang bza' min zhen pa ni/ bza' ni lus kyi mngon zhen no/ /bza' min de'i mngon par zhen pa spangs pa'o/ /de ltar gnyi ga dpyad pa tsam yang de kho na nyid dang ldan pa'i rnal 'byor pas mi bya ste/bya ba'i sgo nas bskyed par mi bya'o/ /btung dang btung min zhen pa ni/ btung ba chu'i khams gsung rdo rje de la mngon par zhen pa'o/ /btung min ni mngon par zhen pa de med pa'o/ /'di gnyi ga yang bgrod dang bgrod min zhes pa la/ bgrod pa ni sems kyi mngon par zhen pa'o//bgrod min ni mngon par zhen pa de med pa'o/ /de ltar sku gsung thugs kyi mngon par zhen pa dang / yid kyi mngon par zhen pa dang / rnam par rtog pa 'di gnyis ka yang mi bya ste/ bya ba'i sgo nas rtog pa'i yul du mi bya'o zhes pa'i don to/ /de ltar gang rtog pa thams cad spangs pa nyid kyis de'i bya ba yang rnam pa thams cad du yod pa ma yin pas bla mar rtog pa dang de la phyag 'tshal ba'i rtog pa yang kun du yod pa ma yin par dogs pa bsus nas gsungs pa/dngos grub rnyed pa'i slob ma gang / yang dag ye shes snang ba'o/ /mnar med spang ba'i rgyu yi phyir/ grub pas bla ma mngon phyag 'tshal/ /zhes bya ba'i don ni 'di yin te/ gzhan lta zhog gi spyod pa'i bya ba la zhugs pa rnam par mi rtog pas sbyangs pas/ bde bar dngos grub kyang phyag rgya chen po'i dngos grub thob pa de lta bur gyur ba'i slob ma de yang bla ma ston pa la phyag 'tshal te/rnam pa thams cad kyis 'dud de bya ba byed do/ /ci'i phyir zhe na/ mnar med spang ba'i rgyu'i phyir ro/ /de lta ma yin na yang mnar med pa'i dmyal ba chen por ltung ba'i don to/ /yang na dngos grub rnyed pa ni/ de phyag rgya chen po'i dngos grub thob pa yang ngo //bdag dang bdag gir 'dzin pa la sogs pa sna tshogs pa'i rtog pa las rnam par grol bar gyur pas nyid bdag med pa'i rang bzhin de lta bur gyur pa'i slob mas rnal 'byor pas kyang ngo / /mngon phyag 'tshal ni bla ma la mngon par btud pa ste/mchod pa'i rang bzhin gyis blta bar bya'o/ /bla ma zhes pa ni rdo rje 'dzin no/ /'dis ni bla ma nyid rdo rje 'dzin pa ste rang nyid bdag med ma'o/ /de bas na gnyi ga dbyer med pa rtogs pa'i phyir ro/ /dngos grub ni rnam par mi rtog pa'i ye shes so/ /yang dag ye shes snang ba'o/ / zhes pa ni yang dag pa'i ye shes spro ba'i rang bzhin yin no/ /ci'i phyir zhe na/ mnar med spang ba'i rgyu'i phyir te/ mnar med pa'i rba rlabs med pa yin pas mnar med pa ni bdag med ma'o/ /de'i spang ba ni yongs su spangs pa ste rgyu des ni rgyu des na'o/ /'dis ci bstan ce na dngos grub rnyed pa'i slob ma zhes pa ni bdag med ma'o//gcig tu nges pa'i stong pa'i gsob slar phug nas/ rtog par gnas par gyur pa de'i tshe 'di'i rang bzhin gyi don dman par 'gyur ro/ /de bas na ston pa rdo rje 'chang gi rang bzhin dmigs pas de'i tshe de las gzhan ci yang med pa yin no/ /de dbyer med par yongs su shes pa las dngos grub thob par 'gyur ro//de yang gnyi ga dbyer med pa nyid kyis yid dag pa'i ye shes snang ba'o ni/ 'gro ba'i don byed par nus pa'i dngos grub thams cad mkhyen pa 'byung ngo / /mnar med spang ba'i rgyu yi phyir/ /zhes pa ni/ med ni bdag med ma'o//mnar ba ni spro ba'i tshul des bla ma rdo rje 'dzin na'o/ /gnyi ga yang dbyer med pas mnar med pa zhes gcig gi tshig ste/ de dbyer med par rtogs pa yang de'i rtog pa yin te/ de rgyu spang ba'i rgyus rnam pa thams cad kyi mchog dang ldan pa'i stong pa nyid kyi rang bzhin gyis rnam pa thams cad mkhyen pa'i mngon par byang chub pa 'di ni 'thob bo //bdag nyid bdag med ma bla ma rdo rje 'dzin gnyi ga dbyer med pa nyid dngos grub yin gyi gzhan ni ma yin no/ /spyod pa'i rnal 'byor pas dngos grub tu yang shes par bya'o/ /'di nyid dngos grub grub pa yang 'di kho na nyid yin no//bla ma'i phyag btsal ba ma gtogs pa dgos pa gzhan de kho na nyid dang ldan pa de la yod pa ma yin par gsungs pa/ bslab dang cha byad rnam par grol/ /ngo tsha'i bya ba rnam par spangs/ /dngos po kun gyi rang bzhin gyi/ /yo gis rnam dpyad snying rje che/ /zhes pa la/ bslab pa zhes pa ni mi dge ba la sogs pa yongs su spang ba'o//cha byad ni skra bregs pa la sogs pa'i brtul zhugs so/ /de las rnam par grol ni yongs su btang ba'o/ /ngo tsha'i bya ba rnam par spangs ni ngo tsha ba yang yin la bya ba yang yin pas ngo tsha'i bya ba ste/ de spangs shing ngo tsha'i bya ba dang dpyad pa las phyi rol du gyur ba zhes pa'i don to//dngos po kun gyi rang bzhin gyis ni rgyu gang gi phyir ro/ /rnam dpyad ni rnam par 'khyams pa'o/ /de bas na rnal 'byor ba'o/ /'o na rtog pa thams cad yongs su spangs pa'i phyir/ bslab pa la sogs pa yang spangs pa yin pa 'dis de mi dge ba la sogs pa yang bya ba yin snyam pa'i dogs pa bsu nas gsungs pa/snying rje che zhes pa smos te/ gang gi snying rje chen po 'di ni snying rje chen po ste/ 'gro ba'i spyod pas 'jug pa'i phyir mi dge ba la sogs pa la rnam pa thams cad du 'di nyid kyi blo mi 'jug pa yin no//de bzhin du shes rab kyi pha rol tu phyin pa las kyang / shes rab kyi pha rol tu phyin par 'dod chags la sogs pa rnams kyis ji srid du mya ngan las 'das par 'dzin pa yang nye bar zhi bar 'gyur ba yin no zhes gsungs so/ /yang na bslab dang zhes pa ni rig ma bdag med ma'o//de yang cha byad ni gzugs sna tshogs pa can no/ /de rnam par grol ba ni/ gang gis bslab dang cha byad la sogs pa de las rnam par grol ba'i bdag la slar rtog pa'i rtog pa de yang yod pa ma yin par rdo rje 'dzin pa'i go 'phang thob pa nyid kyang de bzhin no/ / ngo tsha'i bya ba rnam par spangs/ /zhes pa ni/ ngo tsha ni mi gsal ba'i tshul gyis bdag med ma'o/ /bya ba zhes pa ni rab tu gsal ba'i tshul nyid kyis rdo rje 'dzin pa'o/ /de ltar ngo tsha dang bya ba gnyi ga des spangs pa ni yongs su spangs ba'o/ /gnyi ga'i rnam par rtog pa yang 'di 'di'i yod pa ma yin no//dngos po kun gyi rang bzhin gyis/ /zhes pa ni/ rang gi dngos po'i rang bzhin rnam par shes pa'i rang gi ngo bo rtogs pa'o/ /de cis khyad par 'phags she na/ 'di thams cad kyi dbang po dang yul rnams kyi dngos po'i skye ba gang gi phyir de ni dngos po kun te/ thams cad kyi dngos po yang 'di yin la rang bzhin yang yin pas dngos po kun gyi rang bzhin no/ /des rnam dpyad ni spyod pa dang bral ba'o/ /de bas na rnal 'byor pa ni bsdu ba las de'i rang bzhin gyis so/ /de kho na nyid dang ldan pas spros pa'i tshul gyi rang bzhin gyis so/ /snying rje che ni thugs rje chen po dang ldan pas so//bslab dang cha byad rnam par grol/ /zhes pa 'dis ni/ gnyis su med par rtogs pa rang byung ba rnam par gnas pa'o/ /ngo tsha'i bya ba rnam par spangs pa nyid kyis ni thabs dang shes rab kyi rang bzhin no/ /dngos po kun gyi rang bzhin gyis ni//rdo rje gsum dbyer med pa'i rang bzhin yang ngo / /yo gis zhes pa 'dis ni bzhi pa'i don yin no/ /snying rje che nyid kyis ni ye shes lnga dbyer med pa nyid kyi rdo rje 'dzin no zhes pa'i don te/ 'di nyid drug par brjod do/ /sbyin sreg mchod sbyin dka' thub 'das/ /sngags dang bsam gtan rnam par spangs//zhes pa la/ sbyin sreg gi sgra ni me tshim par byed pa'o/ /mchod sbyin gyi sgra ni de bzhin gshegs pa la sogs pa mchod pa'o/ /dka' thub kyi sgra ni gso sbyong la sogs pa byed pa'o/ /'di rnams las 'das pa'o/ /sngags kyi sgra ni bzlas pa byed pa'o//bsam gtan gyi sgra ni lha lhag par dmigs par byed pa ste/ gnyi ga'i bya ba rnam par spangs zhes pa'i don to/ /yang na/ sbyin sreg mchod sbyin dka' thub 'das/ /zhes pa la/ ha rdo rje 'dzin pa spyi bor ro/ /mgrin par oM mo/ /AH snying gar ro/ /ya lte bar ro//de ltar sbyin sreg 'khor lo bzhir song nas 'khor lo bzhi bsgyur ba de rnams su dbyer med par son pa'i de bzhin gshegs pa byang chub kyi sems 'thung bar byed pa yin pas sbyin sreg gis son pa'o/ /de cis khyad par du 'phags she na/ 'das zhes pa ste/ A ti ni mnan pa'o//i daM ni gang gis ye shes de 'das pa'o/ /ye shes kyi yang dag par rtog pa yang 'di la yod pa ma yin no/ /de bas na sngags dang bsam gtan rnam par spangs te sngags ni ye shes so/ /de'i bsam gtan ni bsam pa ste ye shes bsam pa las shin tu 'das so zhes pa'i don to//dam tshig sdom las rnam par grol/ /rnal 'byor bzang ldan sbyong ba byed/ /ces pa la/ dam tshig gi sgra ni bsrung bar bya ba dang bza' bar bya ba'o/ /'di'i sdom pa ni yongs su skyong ba'o/ /de rnam par spangs ni spangs pa'o/ /spyod pa byed ni 'khyams par brjod do//de nyid rnal 'byor bzang ldan te/ /mdzes pa'i rnal 'byor dang ldan pa/ /zhes pa'i don to/ /yang na dam tshig sdom pa'i sgras dam tshig spro ba'o/ /sdom pa ni sdud pa ste/ dam tshig sdom pas spro ba dang bsdus pas so/ /ma lus par rnam par grol ba ni rnam par spangs pa'o//gnyi ga'i rtog pa yang 'di la med pa yin no/ /de lta bur gyur kyang spyod pa ni 'khyams pa'o/ /byed pa ni rdzogs par byed pa'o/ /de nyid rnal 'byor bzang ldan te/ mdzes pa'i rnal 'byor dang ldan zhing gnyi ga dbyer med pa'i rtog pa las kyang bral ba'i phyir ro/ /de bas na de'i thams cad las dogs pa med pa'i phyir ro//brgya byin lta bu'i lha min ni/ /nges pas mdun na gnas gyur kyang / /de la 'jigs par mi bya ste/ /seng ge'i gzugs kyis rnam par rgyu/ /zhes pa'i don ni go sla ba nyid do/ /yang na brgya byin gyi sgra ni brgya byin thugs rdo rje mchog gi dbang phyug gi rnal 'byor las so//de lta bu ni mnyam pa ste yul dang dbang po dbyer med pa'o/ /de lta bur gyur pa yang gang de lha min ni lha ma yin no/ /dbang phyug med cing dbyer med pa nyid kyis bsdu ba'i rang bzhin no/ /de yang mdun ni dang po ste/ dang por stong ba'i byang chub ste//zhes pa'i tshig gis so/ /de nyid nges par ni de phung po ma lus par gyur pa'o/ /brgya byin lta bu ni spro bar byed pa'i bdag nyid srid par gyur pa'o/ /de la zhes pa ni de lta bur gyur na'o/ /'jigs par mi bya ba ni sgra bsgrag par mi bya ba'o/ /seng ge'i gzugs kyis ni ji ltar seng ge 'jigs pa med par rgyu ba de bzhin du yang kun la dogs pa dang bral bar rgyu zhing kun la khyab par gyur pa'o//kun la dogs pa med pa des gzhan gyi don gyi spyod pa nyams pa'i rtog par gyur pa de gsungs pa/ sems can kun gyi don gyi phyir/ /rtag tu snying rjes btung bar bya//rnal 'byor btung dga' rnal 'byor pa/ /gzhan gyi btung bas bzi ba med/ /ces pa smos te/ snying rjes ni sdug bsngal dang sdug bsngal gyi rgyu las gdon par 'dod pa'i rnal 'byor pa des so/ /btung ba ni bsrung ba'o/ /rtag tu ni rgyun ma chad par sems can kun gyi don du'o//de nyid 'di ni rnal 'byor btung dga' ste/ rnal 'byor ni bsrung ba'i rjes su chags pa'o/ /de nyid rnal 'byor pa zhes brjod do/ /de'i phyir gzhan gyi btung bas ni gzhan gyi ro'i rjes su 'gyur ba'o/ /de'i bzi ba med ni dga' ba med pa'o/ /yang na snying rje ni kun rdzob kyi bden pa'o//de 'thung ba ni gnyis su med pa'i rtog pas don dam pa'i bden pa de thob pa'o/ /rtag tu ni rgyun ma chad par ro/ /ji ltar zhe na sems can kun gyi don gyi phyir ro/ /sems can yang de yin la thams cad kyang de yin pas na sems can thams cad de gzugs la sogs pa'i phung po'i rang bzhin no//de nyid kyi don ni don dam pa'o/ /rgyu 'dis ni rgyu 'di na'o/ /de nyid rnal 'byor btung dga' ste gnyi ga dbyer med par rtog pa bsdu ba'i rjes su chags pa'o/ /de lta bur gyur pa'i de rnal 'byor pa de kho na nyid dang ldan par gyur pa'o/ /de nyid 'di'i gzhan gyi btung bas ni gzhan ni zla bo med pa'i gcig go//de'i btung ba ni 'khril zhing gnyis su med par rtogs pas rnam par rtog pa med pa'o/ /bzi ba med ni dga' ba med pa'o/ /thams cad shin tu rnam par dag pa'i chos kyi dbyings kyi rang bzhin rnam pa thams cad mkhyen pa mngon par byang chub par bstan pa'o//de bzhin gshegs pa thams cad kyi sku gsung thugs dgyes pa'i rdo rje las/ spyod pa'i rim par phye ba drug pa'o/ /thams cad ni kun la khyab pa'i phyir ro/ /drug pa ni rdo rje 'dzin pa'o/ /de bzhin gshegs pa ni mi bskyod pa la sogs pa lnga'o//sku gsung thugs ni rdo rje gsum mo/ /dgyes pa'i rdo rje ni thabs dang shes rab dbyer med pa'o/ /de ltar de bzhin gshegs pa thams cad kyi sku gsung thugs dgyes pa'i rdo rje gnyi ga dbyer med pa dgu'i dkyil 'khor ro/ /spyod pa zhes pa ni kun rdzob dang don dam pa dbyer med par rgyu ba'o//de'i rim par phye ba ni/ gsang ba rab tu gsal bar ston pa'o/ /de nyid drug pa ste/ drug pa rdzogs pa'o/ /dgyes pa rdo rje'i rnam par bshad pa rab tu gsal ba'i kha sbyor las/ spyod pa'i rim par phye ba ste le'u drug pa'o// //lta stangs dgug dang brda chen dang //zhes bya ba la sogs pas mdor bstan pa de las brda chen po rgyas par bshad pa spyod pa'i rim par phye ba'i rjes thogs su spyod pa'i rnal 'byor pa nges med dag tu gnas pa'i phyir/ de ni gnas dang nye ba'i gnas la sogs par 'phyan pa na sbas pa'i spyod pa la gnas pa'i lha'i rnal 'byor mas yang dag par bstan nas brda mi shes pas mtshon par mi nus so//de nas 'di de dang lhan cig tu tshogs pa med pas 'khrugs par 'gyur ro/ /de 'khrugs pa las dngos grub nyams pa yin no/ /gang gi tshe yang rang dam tshig gi brda shes par gyur pa de'i tshe/'di ni mnyes par 'gyur ro/ de nas de dang lhan cig tu tshogs pas dngos grub nges par thob pa yin pa de gsungs pa/ de nas ts+tsho ma'i le'u bshad par bya'o zhes pa ste/ de nas zhes pa ni spyod pa'i rim par phye ba'i rjes thogs nyid du rnal 'byor pa dang /rnal 'byor ma'i brda bstan par rigs pa yin no/ /ts+tsho ma'i sgras ts+tsho ma ni brda'o/ /de'i rim par phye ba bshad par bya'o/ /gang gis spun dang sring mor yang / /the tshom med par shes par bya/ /zhes pa la/ gang gis na brda yis so/ /spun ni rigs gcig par 'brel pa ste gnyi ga yang dam tshig tha mi dad pa'i phyir ro//sring mo yang de bzhin du'o/ /yang na spun dang sring mo ni thabs dang shes rab bo/ /gang gis shes zhes pa ni rlung gis te/ A li kA li'i nA da'i bdag nyid kyi phyir ro/ /shes bya ba ni khyad par du 'phags pa'i shes par byed pa ste/ gnyis po gnyi ga yang dbyer med par rtogs pa'i phyir ro//yang gis ni spun lta bur sring mo la/ thabs ltar shes rab bo/ /'ang gis ni 'ba' zhig ni ma yin no/ /thabs bzhin du shes rab la sring mo yang spun zla'o/ /shes rab nyid kyang 'dir thabs so/ /the tshom med par ni som nyi med pa nyid rnam par rtog pa med pa'i dgyes pa'i rdo rje yin no//brda nyid gsungs pa/ gang zhig sor mo gcig ston pa/ /zhes pa smos te/ rnal 'byor ma gang su yang rung bas lag pa g.yon pa'i sor mo gal te ston par byed pa de'i tshe/ des khyod legs par 'ongs sam zhes bstan par 'gyur ro//yang na gcig ni rdo rje 'dzin pa'o/ /sor mo'i sgras bdag med ma la sogs pa mkha' 'gro ma bco lnga'o/ /gcig kyang yin la sor mo yang yin pas sor mo gcig go/ /thabs dang shes rab dbyer med pa'i sku rdo rje kun du snang ba'i mtshan nyid de ston dang zhes pa'i tshig gis so//gnyis kyis legs par 'ongs pa yin/ /zhes pa la gnyis kyis zhes pa ni lag pa g.yas pa'i sor mo gnyis rnal 'byor pas bstan pa des so/ /legs par 'ongs pa yin zhes pa ni/ kho bo shin tu legs par 'ongs so zhes bstan par 'gyur ro/ /kho bos shin tu legs par 'ongs pa ni shin tu ni yang dag par reg pa'i thugs rdo rje'o//bstan pa ni gsung rdo rje'o/ /'dis ni gang yang yin no/ /gang yang rlung nA da'i phreng ba gnyis so/ /a a wa d+hU tI'o/ /de ltar gang rdo rje gsum dbyer med pa'o/ /yang gi sgra ni khyad par gyi don te/ khyad par du 'phags pa nyid kyi bzhi par 'gyur ba yin pas ni legs par 'ongs pas rang rig pa'i ye shes yin no//yang na gnyis kyis zhes pa ni/ rdo rje dang pad+ma dag snyoms par zhugs pa'o/ /legs pa ni khu ba byang chub kyi sems so/ /de'i phyir na legs par 'ongs pa ni rang rig pa'i ye shes yin no//g.yon gyi mthe bong bcangs pa las/ bsnyun gyi phyag rgyar rnam par shes/ /zhes pa la/ dge ba'i mtshan nyid kyang der shes par bya'o/ /ji ltar zhe na/ g.yon gyi mthe bong bcangs pa las/ /zhes pa ni g.yon pa'i mthe bong nang du bcug nas/ sor mo bzhis khu tshur bcing ngo zhes pa'i don to//yang na gung mo dang mdzub mo'i bar du g.yon pa'i mthe bong bcug nas bcang bar bya'o/ /yang na snyan gyi phyag rgya ni phyag rgya'i dngos grub po/ /de rnam par shes pa las so/ /g.yon pa'i mthe bo'i sgras ni g.yon pa bdag med ma'o/ /mthe bong rdo rje 'dzin pa'o/ / gnyis ka bcangs pa ni/ gnyi ga dbyer med par rtogs pa'i rgyu de'i phyir na'o/ /gang zhig srin lag ston pa la/ /de yi mthe'u chung rnam par sbyin/ rnal 'byor pa gang srin lag dang mthe'u chung nye bar sor mo ster na de'i mthe'u chung rnam par sbyin no/ /yang na srin lag ni bdag med ma'o/ / gang ster ba ni spong ba'o/ /cha med pa'i rang bzhin nyid kyi phyir ro/ /de'i ni rang bzhin med par rtog pa gnas pa de'i'o/ /mthe'u chung ni rdo rje 'dzin pa mthar thug pa'o/ /sbyin ni spangs pa'o/ /'dis ni gnyi ga dbyer med par rtogs pas rnam pa thams cad mkhyen pa yin no/ /gang yang gung mo ston pa la/de yi mdzub mo rnam par sbyin/ gang sor mo gung mo ston pa la/ de'i mdzub mo dang mthe bo dag gis mtho tshad kyi tshul du byas nas bstan te byin pa'o/ /yang na gung mo zhes pa ni mtha' bzhi las rnam par grol ba'i phyir dbu ma ste/ dmigs su med pa'i rang bzhin nyid kyi rnam par mi rtog pa'i ye shes kyi rang bzhin 'dis so//bstan par bya'o ni mngon sum du bya ba'o/ /yang gi sgra ni khyad par gyi don te/ de slar yang ye shes gang thabs dang shes rab kyi bdag nyid kyi rlung nA da phreng gnyis de yang dbyer med pa'i phyir ro/ /a bdag med ma'o//de ltar gnyi ga dbyer med pa las gang rdo rje gsum dbyer med pa'o/ /'di nyid mdzub mo ste/ yul gcig pa'i gnyis su med pa'i ye shes so/ /de 'di la yod pas yul gcig pa de sku yin pas yul gcig pa can chos kyi dbyings shin tu rnam par dag pa'i ye shes yin no//gcig dang gnyis dang gsum ni rdo rje gsum dbyer med pa'i ye shes lnga'i bdag nyid de/ mthe bo ni mi bskyod pa'o/ /srin lag 'od dpag tu med pa'o/ /mthe'u chung don yod grub pa'o/ /gung mo rin chen gtso bo'o/ /mdzub mo ni rnam par snang mdzad de de bzhin gshegs pa lnga'i bdag nyid kyi lag pa g.yon pas g.yas pa nyid kyis spun dang sring mo'i lag pa'o//gang zhig srin lag ston pa la/ /de yi mgrin pa rab tu bstan/ sngar/ gang zhig srin lag ston pa la/ /zhes pa ni/ rnal 'byor ma'i phyag rgya bstan to/ /da ni gang zhig srin lag ston pa la//de yi mgrin pa rab tu bstan/ /zhes pa la gal te rnal 'byor ma srin lag ston pa de'i tshe rnal 'byor pas mgrin pa bstan par bya'o/ /'dis ni sngar bstan pa'i brda rnams la rnal 'byor ma'i lag pa g.yon pa'i brda'o/ /rnal 'byor ba'i slar lag pa g.yas pas brda bya'o//yang na srin lag ces pa ni 'od dpag med byang chub kyi sems so/ /de ston pa la ni kun du snang ba'i rnam par dag par bya ba'o/ /mgrin pa zhes pa ni mgrin pa 'dab ma bcu drug pa nyid kyis stong pa nyid bcu drug gi rang bzhin rnams dang / kun du snang ba'i kun rdzob kyi bden pa nyid kyis snying rje'i rang bzhin nyid do//yang dag par rig pa'i rang bzhin cha shas dang bral ba nyid kyis stong pa nyid kyi rang bzhin no/ /de bas na yang gi sgra ni khyad par gyi don te/ de ltar khyad par du 'phags par gyur pa las rdo rje gsum dbyer med pa'i byang chub kyi sems stong pa nyid dang snying rje dbyer med pa'i phyir ro//de bas de'i de nyid bstan par bya'o/ /de'i zhes pa byang chub kyi sems so/ /bstan pa ni khyad par du 'phags pa'i ye shes yin no/ /'dis ni gnyi ga dbyer med pa'i yang dag pa'i ye shes bstan pa yin no/ /gang yang gos ni ston pa la/ /de yi rtse gsum rab tu bstan//gos zhes pa ni gos kyis mgo g.yogs pa'i brda rnal 'byor ma gang ston pa'i rnal 'byor ma de la rtse gsum gyi phyag rgya bstan par bya'o/ /rtse gsum zhes pa ni/ mthe bo dang mthe'u chung dag gi rtse mos reg par byas la phral ba'i sor mo gsum bstan par bya'o//yang na gos zhes pa ni kun rdzob kyi bden pa'o/ /gang zhes pa ni bdag med ma don dam pa'i bden pa'o/ /de yang ston pa ni yang dag pa'i lta ba mthong ba'i ye shes gnyi ga dbyer med pa yang dag pa'i ye shes bskyed pa'o/ /'dis ni ye shes lnga dbyer med par gyur pa'i ye shes lnga rnams bstan pa yin no//gang yang nu ma ston pa la/ /de yi mtha' mtshams rab tu bstan/ /zhes pa'i don ni rab tu gsal ba nyid do/ /yang na nu ma zhes pa ni thabs dang shes rab gnyis so/ /de lta bur gyur pa mthong ba'i ye shes de ni mtha' mtshams te/ yongs su gcod pa'i rang bzhin no//ji ltar zhe na/ yang gi sgras ni gang gi phyir gyi don te/ gang gi phyir rdo rje gsum dbyer med pa'o/ /de nyid ji ltar zhe na/ gang thabs dang shes rab de mthong ba ni/ mthong ba'i lta ba'i ye shes nyid kyis rdzogs par dbyer med par rtog pa rnam par gzhag par bya ba'i don to//gang yang sa ni ston pa la/ /de yi 'khor lo rab tu bstan/ /zhes pa la/ 'khor lo zhes pa ni mthe bong dang mdzub mo'i rtse mo dag phan tshun du reg ste gcig tu byas nas zlum po'i rnam par bstan pa'o/ /yang na sa ni sa gzhi chos 'byung ngo / /de bstan pa ni mthong ba nyid kyis rnam par gzhag cing ye shes nyid kyis nges par bya'o//de nyid 'khor lo'i dkyil 'khor me long la sogs pa'i ye shes lnga'i rang bzhin no/ /de yang gong rdo rje gsum dbyer med pa'o/ /gang las she na/ de'i zhes pa ste chos 'byung rnams kyi dkyil 'khor mthong ba khyad par du 'phags pa'i ye shes rnam par bzhag pas gnyis su med pa rtogs pa yin no zhes pa'i don to//gang yang khro gnyer ston pa la/ gtsug phud dgrol bar brjod par bya/ /gtsug phud dgrol ba'i sgras skra dgrol ba'i phyag rgya ste sgra dgrol ba nyid du bya'o/ /yang na khro gnyer ni khro ba sku rdo rje'o//de'i gnyer ni chos 'byung ngo / /de ni me dang 'dra bar mi shes pa thams cad sreg par byed pa'i bdag nyid des so/ /brjod pa ni khyad par du 'phags pa'i mchog rnam pa thams cad kyi mchog dang ldan pa'i stong pa nyid kyi rang bzhin du nges pa'o/ /gang yang dpral ba ston pa la//de yi rgyab ni rab tu bstan/ 'di'i don ni gsal ba nyid do/ /yang na la ni chos 'byung sa gzhi'o/ /de len cing 'dzin par byed pas la la byang chub kyi sems so/ /der 'gro bar byed pas na dpral ba bzhi pa'i ye shes so/ /de'i rgyab ni de'i rjes thogs su de med na mi 'byung ba'o//de rab tu bstan zhes pa ni rab tu gsal ba'i ye shes su gyur pas shes pa'o/ /gang yang ston zhes pa ni sngar bstan pa'i don nyid yin no/ /gang yang rkang mthil ston pa la/ rdo yis rnam par rtse bar bya/ rdo rje bar mngon pa'i tshul du lag pa bstan par bya'o/ /yang na rkang ba ni bzhi pa lhan cig skyes pa'o//de'i mthil ni rang bzhin no/ /yang na rkang ba ni ye shes so/ /de nyid kyi rang bzhin ni ye shes kyi bdag nyid kun yin no/ /de bas na rtse ba ni rgyu bar byed pa'o/ /rdo yis zhes pa ni ji ltar rdo ba rtse ba na lag pa na yod pa'i dngos po 'phangs shing len pa'i bya ba rnam par gzhag pa de bzhin du spro ba dang bsdus pa de'i rgyu ba yin no//yang gi sgra ni gang gi phyir gyi don to/ /gang yang ston pa la zhes pa ni sngar bstan pa'i don nyid yin no/ /phyag rgya phyag rgya'i lan gyis ni/ /dam tshig gis ni rnam par dbye/ /de ltar sor mo gcig bstan pa dang /sor mo gnyis la sogs pa byin pa'i brdar 'gyur ro/ /de la dang po ni ston pa'i phyag rgya'o/ /phyag rgya gnyis pa bstan pa ni lan no/ /'dir rnam par dbye zhes pa ni bdag nyid 'jug par rtogs par bya'o/ /yang na dbye ba ni so sor bya ba ste/ rnal 'byor ma khyed kyi brda ni 'di'o//kho bo'i yang 'di'o/ /yang na dbye zhes pa ni/ gsal ba ste phyag rgya'i lan gyis phyag rgya'i byed pa las mngon pa nyid 'di dag dam tshig gi brda yin no/ /de bas na dam tshig bstan pa tsam gyis 'du ba yin no/ /kyang gi sgra ni khyad par gyi don te/ 'di ni dam tshig gi khyad par yin no//yang na phyag rgya ni bdag med ma'o/ /phyag rgya'i lan ni rdo rje 'dzin pa 'byed pa'o/ /de yang ji ltar zhe na dam tshig gis 'du ba'o/ /kyang gi sgra ni gang gi phyir gyi don te/ gang gi phyir gnyi ga yang dbyer med pa nyid du yod pa ma yin no/ /yang na/ phyag rgya phyag rgya'i lan gyis ni//zhes pa la phyag rgya ni shes rab bo/ /phyag rgya'i lan ni thabs so/ /dbye ba ni dbyer med par bya ba'o/ /dam tshig gis zhes pa ni lha rnams 'dus pas so/ /kyang gi sgra ni khyad par gyi don te/ de yang thugs ka na gnas pa yin pas gdams ngag las shes par bya'o/ /de yang gdams ngag ji lta bu yin bstan par bya ste/sor mo gcig ston dang zhes pa gsungs pa dang / rjes thogs su yang gnyis kyis zhes pa dang / g.yon gyi mthe bo zhes gsungs pa dang / de nas yang srin lag ces pa dang / gung mo zhes gang gsungs pa dang / slar yang srin lag ces pa dang /gos zhes gang gsungs pa dang / nu ma zhes kyang rjes thogs su dang / sa zhes gang gsungs pa dang / khro gnyer zhes pa gzhan dang / dpral ba zhes gang gsungs pa dang / de nas yang rkang mthil dang / de ltar phyag rgya bcu gnyis bstan pa gnas la sogs pa'i grangs kyis thabs dang shes rab bsdus pa las sa nyi shu rtsa bzhi'o//thabs dang shes rab rnam par dag pa sngar gsungs pa'i rtsa rnams mi phyed ma la sogs pa'i phyag rgya nyi shu rtsa bzhi'i brda yin par nges so/ /de la ni de lta bu'i rim pas spyod pa la zhugs pa dam tshig dang brda shes pa bstan nas dgyes pa'o//rnal 'byor mas ni rnal 'byor dang ldan pas so/ /smras pa ni snying gis mnos pa'o/ /e ma'o ni khyod ngo mtshar ba'o/ /kho bo'i bu 'di kho bos bskyed pa de ji ltar 'dir bya bas yang shes pa yin no/ /de la rnal 'byor mas smras pa/ e ma bu ni snying rje che//zhes pa'o/ /ya na de la zhes pa ni de ltar rnam par gzhag pa'o/ /smras pa ni sgra dang ldan par 'gyur ba'o/ /rnal 'byor ma ni rtsa kun nyid do/ /gang las she na/ a shes rab A li'o/ /ho thabs kA li'o/ /de ltar e ma'o thabs dang shes rab dbyer med pa'i dri ma dang bral ba'o//de'i bu ni de las byung ba ste mtshan ma kun med pa'i rang bzhin no/ /de nyid bya ba gzhan mtshan mar rnam par gnas pa kun rdzob dang don dam pa gnyi ga'i bden pa'i bdag nyid kyi don to/ /ston pa'i brda bstan nas 'du ba'i brda gsungs pa/ phreng ba'i lag ces pa ni/me tog gi phreng ba 'dzin pa'i tshul du lag pa gnyi ga'i mthe bo dang mdzub mo sbyar nas lag pa gcig steng du bzung ste/ phyi ma 'og tu byas la gnyis kyi bar ni khru tshad gang ngam lhag par ro/ /ston na zhes pa ni gang 'di 'dra bar mngon pa'i tshul du ston na de'i tshe rnal 'byor ma 'du bar bya zhes smra ba yin te/gal te me tog gi phreng ba lag pas ston pa de'i tshe 'du bar bya zhes ston pa yin no/ /'dis ni ji ltar me tog gi phreng ba ni me tog kha dog sna tshogs pa gcig tu brgyus nas 'dus pa de ltar de rnams kyang 'du ba yin no/ /yang na gal te ni gang gi phyir ro/ /phreng ba ni ma ni mA ma kI'i chu'i khams so//a bdag med ma'o/ /gnyi ga dbyer med pa'i bdag nyid kyi byang chub kyi sems de len cing 'dzin pas na me tog gi phreng ba mkha' 'gro ma bco lnga'i dkyil 'khor te/ bco lnga'i cha'i bdag nyid yin pa'i phyir lag pa gnyis ka lnga lnga'i bdag nyid can yul dang dbang po dbyer med pa'o//ston na ni ye shes nyid kyis rtogs par byed do/ /de'i tshe de'i phyir 'dus shing tshogs nas 'phrad pa'i bya bas de zad par sdom zhing mi dmigs pa nyid kyis rnam par gzhag pa yin pas 'du ba'o/ /smra ba ni zhes pa ni smra ba rtsa'i rgyun no/ /de 'gro zhing 'du ba yin no zhes pa'i don to//phreng ba mngon par btang byas nas/ /dam tshig la gnas brtul zhugs bzang / /phreng ba mngon par btang zhes pa ni me tog gi phreng ba kun las so/ /btang ba ni gtong ba'o/ /ji ltar byed pa de ltar mngon pa'i tshul gyis so/ /'dis ni me tog gi phreng ba thogs pa'i tshul gyis phyag rgya nyid rab tu 'jug par mngon pa'i tshul du byas nas so//dam tshig ni 'di'i phyir dam tshig la 'du ba'o/ /gnas pa ni gnas par 'gyur ba'o/ /kye brtul zhugs bzang po 'di'i phyir na dam tshig dang brda shes par bya'o/ /yang na phreng ba ni rdo rje 'dzin pa dang tha mi dad pa'i bdag med ma don dam pa'i bden pa'i rang bzhin no//de mngon par btang ba ni kun la gtong ba ste spro ba'i tshul gyis rnam par gnas te/ kun rdzob kyi bden pa'i rang bzhin des so/ /de ltar kun rdzob dang don dam par dbyer med par byas pas rtogs par byed pa'o/ /me tog gi phreng ba mngon par btang nas dam tshig la 'du ba ste/dbyer med kyis byang chub rtogs pas so/ /gnas pa ni gnas par 'byung ba g.yo ba med pa de yang dag par bskyed pa'o/ /de bas na brtul zhugs bzang po dam bca' ba brtan pa'o/ /de lta bu'i rnam par rtogs pas na/ sus kyang bskyod par mi nus te bod pa'i tshig yin no//de la phyi rol zhes 'du ba/ /bzang po'i spyod pa la gnas pa/ /de la 'du bar rnal 'byor mas/ /gang smras de dag thams cad bya/ /zhes pa la me tog gi phreng ba btang bar mngon pa'i tshul gyis 'du ba'i brda bstan to/ /da ni 'du ba bstan pa kye brtul zhugs bzang po 'gro zhing song //de la 'du bar ni de'i phyir 'du ba'i gnas su'o/ /ci zhe na der 'di song / gang du zhe na/ bzang ba'i spyod yul la gnas par ro/ /lha'i rnal 'byor ma der 'dus nas/ 'dus pa'i rnal 'byor ma rnams kyis gang smras pa 'jig rten pa dang 'gal ba de thams cad kyang bya'o//bya ba kho na yin gyi bya ba ma yin pa ni ci yang med do/ /grub pa'i rnal 'byor ma dang phrad pas thams cad nyid du dngos grub skye bar byed pa yin no/ /yang na song ba ni shes pa'o/ /ye shes nyid kyis nges par gang dang de ru'o/ /de ltar rnam par gnas pa'i 'du ba bsdu ba'o//bzang po'i spyod yul zhes pa ni bzang po mig la sogs pa dbang po'i spyod yul rnams so/ /ma byang chub kyi sems rnam par shes pa'o/ /a bdag med ma 'di thams cad do/ /dbang po dang yul dang rnam par shes pa'i tshul bdag med ma dang 'brel ba de rten pa'o//'di thams cad rten du gyur pas gang sgrib pa med pa'i rang bzhin can de 'dir shes shing rig par gnas par 'gyur ro/ /de'i phyir gnyi ga dbyer med pa'i ye shes so/ /'du ba ni/ me ni chos 'byung dang tha mi dad pa'i byang chub kyi sems so/ /de len cing 'dzin par byed pas na/'du ba'o/ /de lta bur gyur pa'i ye shes 'di de thams cad 'du ba aM yin te/ a aM aM bco lnga'i cha'i bdag nyid can gyi byang chub kyi sems rnam par mi rtog pa'i ye shes so/ /de nyid rnal 'byor ma ste thabs dang shes rab kyi rang bzhin des dbyangs yig bcu drug nyis 'gyur rtsa sum cu rtsa gnyis de nyid do//gang ni gang gi phyir ro/ /smras pa ni ngag gi bya ba rdzogs par byed pa'o/ /nA da'i bdag nyid gang gi phyir ro/ /de ltar rdo rje dbyer med pa'i rang bzhin nyid kyis ye shes de'o/ /thams cad ni kun gyi bdag nyid do/ /bya ba ni bya ba'i rang bzhin gyis don dam pa dang dbyer med pa nyid kyis kun rdzob khong du chud par bya ba'o//'o na gal te der 'du ba rnal 'byor ma bzang mo 'du ba de'i tshe 'du ba nyid grub pa nyid yin na yang ci 'du ba'i gnas nyid mi shes pa yin pa de gsungs pa/ kye bcom ldan 'das 'du ba'i gnas du lags/ / 'du ba'i sa de du lags zhes zhus pa'o/ /yang na he zhes bya ba ni/ thabs dang shes rab dbyer med pa'i rang bzhin no/ /bcom ldan 'das zhes bya ba ni dbang phyug la sogs pa'i yon tan dang ldan pa'o/ /kye bcom ldan 'das zhes pa 'di ni bod pa yin te/ yang dag pa'i ye shes 'di'o//du lags te/ ka bde ba'i ye shes de'i phyir 'di rtogs shing shes pa'i ye shes khong du chud pa'i ye shes gnyis mi srid pa las rtog pa yang med pa'i don to/ /des na 'du ba'i gnas rnams su 'du bas na 'du ba ste/ bsdu ba'i rang bzhin gyi rnal 'byor ma bdag med ma de thob cing khyab pa yin pas 'du ba rdo rje 'dzin pa'o//de'i phyir gnas dang gnas su gang dang gang rnams sam de 'du ba'i gnas rnams so/ /'dis ni gang de yang dag pa'i ye shes te/ bdag med ma dang dbyer med pa gnyi ga'i dkyil 'khor gyi bdag nyid yin no/ /de lta bur gyur pa bcom ldan 'das kyis bka' stsal pa ste/zhus pa'i rjes thogs su'o/ /thugs kar gnas par sbyar ba 'du ba'i bdag nyid 'chad de/ gnas dang nye ba'i gnas nyid dang / /zhing dang nye ba'i zhing nyid dang / /ts+tsha n+do nye ba'i ts+tsha nod dang / /de bzhin 'du ba nye 'du ba//'thung gcod nye ba'i 'thung gcod nyid/ /dur khrod nye ba'i dur khrod nyid/ /'di rnams sa ni bcu gnyis te/ /'du ba'i gnas nyid 'di rnams tha dad bcu gnyis su phye bas rnal 'byor ba dang / rnal 'byor ma rnams drug po 'di gnyis ka kun dbang po drug dang / yul drug gi rang bzhin nyid kyis gnyi ga dbyer med par bskyed pa'i ye shes drug po de rnams kyang re re zhing yang rdo rje gsum dbyer med pa nyid kyis drug ste/de ltar mi phyed pa la sogs pa'i mkha' 'gro ma nyi shu rtsa bzhi thabs dang shes rab kyi rang bzhin dbyer med pas sa bcu gnyis rnams su 'dus nas gnyis su med par 'gyur ro//gzhan mkha' 'gro ma brgyad ni gnas dang nye ba'i gnas dag gi dbye bas ye shes lnga dang sku gsum gyi bdag nyid des rkyang ma la sogs pa'i rnal 'byor ma brgyad gnas brgyad rnams su 'du ba yin no/ /mkha' 'gro ma sum cu rtsa gnyis kyi rang bzhin nyid kyi sku rdo rje nyid de bzhin gshegs pa yin par mdor bstan pa dang rgyas par bstan pa'o//de nyid sor mo'i brdas su dang tha mi dad pa'i nA da rtogs pa sku dang gsung dang thugs dbyer med pa nyid kyi de bzhin gshegs pa dang mkha' 'gro ma'i bdag nyid kyi sku'i ye shes yin no//sa bcu gnyis sum cu rtsa gnyis su tha dad du phye bas rtogs nas 'du bas 'du bar bstan to/ /yang na gnas dang nye ba'i gnas zhes pa ni/ de bzhin gshegs pa dang mkha' 'gro ma'i gdan dang gnas so/ /zhing dang nye ba'i zhing zhes pa ni/skye ba'i sa dang skye ba'i don to/ /de nyid kyang chos 'byung dang tha mi dad pa'i byang chub kyi sems yin no zhes pa'i don to/ /ts+tsha nod nye ba'i ts+tsha n+do ha/ /zhes pa ni/ ts+tsha n+do rnam par sbas pa dang sbas pa ste/ dngos po med pa'i rang bzhin du gyur pa yin no zhes pa'i tha tshig go/ / de'i rtog pa ni rtog cing rnam par dpyod pa rtog pa yin no zhes pa'i tha tshig go/ /'dis ni 'jig pa bstan pa yin no/ /'du ba nye bar 'du ba zhes pa ni/ skye ba dang gnas pa dang 'jig pa tha mi dad pa nyid kyis rdo rje gsum dbyer med pa'i phyir bzhi pa lhan cig skyes pa'o//'thung gcod nye ba'i 'thung gcod nyid/ /ces pa ni/ 'thung gcod grong gi mthar gnas pa/ /zhes bya ba la sogs pa'o/ /nye ba'i 'thung gcod ni de dang nye ba'i mtha' ste bdun du dbye bas so/ /bdun pa de rnams kyang thabs dang shes rab kyi rang bzhin gnyis po de gnyi ga yang dbyer med pa'i ye shes nyid kyis gzhan yang lnga ste me long la sogs pa'i ye shes lnga yin pa gang de bzhi pa lhan cig skyes pa'i de gnyi ga yang dbyer med pa'i ye shes kyi bdag nyid kyi ye shes lnga'i rang bzhin no//nyid kyi sgras nges pa nyid yin no/ /dur khrod nye ba'i dur khrod nyid//ces pa ni/ de yang A li kA li'i nA da'i bdag nyid des spro ba dang bsdu ba'i rang bzhin gyis bden pa gnyis kyi bdag nyid 'jug pa'o/ /'chad par 'gyur ba yang / dur khrod yi dags 'dus pa dang / /zhes pa'o/ /yi dags rdo rje 'dzin pa'o/ /de yang 'dus pa ni tshogs pa'i bdag nyid do//de ltar sa bcu gnyis po gnas bcu gnyis po 'di rnams so/ /yang na 'di rnams ni ye shes 'di de 'di rnams la yod pas 'di rnams ni de bzhin gshegs pa'o/ /sa ni chos 'byung gi rang bzhin nang rim la gnas pa'i mkha' 'gro ma lnga yin no//de bzhin gshegs pa dang mkha' 'gro ma'i rang bzhin gyi phung po lnga'o/ /de nyid bcu gnyis so/ /de bas na/ sa bcu'i dbang phyug mgon po nyid/ /'dis ni gzhan gyi brjod mi bya/ /zhes pa la/ /'di nyid kyis phung po lnga'i bdag nyid kyi de bzhin gshegs pa dang mkha' 'gro ma rnam par dag pas sa bcu'i dbang phyug go//de nyid mgon po ste/ 'jig rten gsum gyi bla ma'i rang bzhin gnyis su med pa'i phyir ma ning du yang bstan to/ /nAd dang 'brel pa'i rang bzhin gyi bya bas zung du 'jug pa thob pa yin no/ /slar yang gzhan tha dad pa'i rang bzhin gyis ma yin par dbyer med pa'i rang bzhin 'dis mkha' 'gro ma dang de bzhin gshegs pa yin no//yang na sa bcu'i dbang phyug ni/ mig la sogs pa'i rnam par dag pa sa'i snying po la sogs pa'i byang chub sems dpa'i rang bzhin 'di rnams nyid kyis gnas dang nye ba'i gnas la sogs pa bstan to//gzhan ni ma yin no/ /mgon po ni slar yang 'gro ba'i bla ma sangs rgyas so/ /gzhan gyis bcu gcig pa bstan to/ /mgon po ni rdo rje 'dzin pa'o/ /gzhan gyis zhes pa ni rdo rje sems dpa' dang 'brel pas bcu gnyis pa bstan to//'dis ni sa bcu'i dbang phyug gi byang chub sems dpa' dang sa bcu gcig gi dbang phyug sangs rgyas dang / sa bcu gnyis kyi dbang phyug rdo rje 'dzin pa yin te/ mig la sogs pa'i dbang po lnga dang gzugs la sogs pa yul lnga rnam par dag pas bcu tham pa dang /gnyi gas bskyed pa'i ye shes bcu gcig dang / ye shes myong ba'i mtshan nyid bcu gnyis pa de bsnan pa rdo rje 'dzin pa yin no/ /yang na/ sa bcu dbang phyug mgon po nyid/ /ces pa la mgon po ni rdo rje 'dzin pa he ru ka'i rnam pa'o/ /sa bcu'i dbang phyug ni/ 'di rnams nyid kyis gnas la sogs pa'i gnas sa bcu'i rang bzhin bstan to//cis khyad par 'phags she na/ gnas gzhan tha dad pa ma yin pas sa bcur bzhugs pa kho na'i gnas gnyis yin no/ /sa bcu gnyis pa tha mi dad pas gnas dang nye ba'i gnas la sogs pa'i gnas bcu gnyis po rnams kyi bcu gnyis nyid sa bcu'o//de la rab tu dga' ba dang / dri ma med pa dang / 'od 'phro ba dang / 'od byed pa dang / sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin no//sa dang po rab tu dga' ba zhes ji ltar 'di la brjod ce na/ 'go ba'i don byed pa dang / rjes su 'brel ba'i 'jig rten las 'das pa'i ye shes brnyes nas phyag rgya chen po'i dga' ba dang bde ba thob pas na rab tu dga' ba zhes brjod do/ /chags pa la sogs pa'i tshul khrims 'chal ba'i dri ma kun dang bral nas dri ma med pa thob pas dri ma med pa zhes brjod do//ye shes kyi snang ba tshad mi shes pa'i bud shing bsreg pa'i rang bzhin des 'od 'phro ba zhes brjod do/ /de rnams nyid byang chub kyi phyogs kyi chos rnams bsgom pas nyon mongs pa dang bral ba'i dbang bsgyur ba thob pas sbyang dka' ba zhes brjod do//rjes su 'jug pa'i 'du byed mngon du byed pa bsgom zhing mtshan ma sna tshogs yid la byed pa med par sa mngon du gyur pa thob pas mngon du gyur pa zhes brjod do/ /rtag tu mtshan ma yid la byed pa las ring du zhugs par dbang thob pas na ring du song ba zhes brjod do//mtshan ma dang mtshan ma med pa dag dang lhun gyis grub pa dang lhun gyis ma grub pa kun nas nyon mongs pa la dbang bas las kyi rlung la sogs pa rnams kyis kyang g.yo bar mi nus pas na mi g.yo ba zhes brjod do/ / rnam pa thams cad kyi chos ston pa la dbang bas kha na ma tho ba med pa'i blo gros rgya chen po brnyes pa thob pas na legs pa'i blo gros zhes brjod do/ /sprin rum mthug po lta bu'i chos kyi mdzod kyis khams gsum kun du son pa nam mkha' lta bu'i sems can gyi khams rnams la chos kyi char gyis tshim par byed pas chos kyi sprin zhes brjod do//shin tu phra mo'i nyon mongs pa'i sgrib pa spangs pa las chags pa med cing mi shigs pa'i shes bya rtogs pa thob pas na bcu gcig pa sangs rgyas kyis zhes brjod do/ /nyon mongs pa'i bag chags ma lus pa spangs pa las rnam pa thams cad mkhyen pa'i mngon par byang chub pa thob pas na bcu gnyis pa rdo rje 'dzin pa'i sa zhes brjod do//rab tu dga' ba la sogs pa'i sa bcu rnams ni mos pa spyod pa'i rang bzhin yin la/ mos pa spyod pa rnams kyang rgyur gyur pas 'bras bur gyur pa'i sangs rgyas kyi sa la bzhugs pa las so so ma yin pas so//'bras bur gyur pa'i sangs rgyas kyi sa yang 'bras bur gyur pa rdo rje 'dzin pa'i sa'i rgyur gyur pas dbyer med pa'i phyir mos pa spyod pa'i sa dang / sangs rgyas kyi sa dang / rdo rje 'dzin pa'i sa sa bcu dang dbyer med pa nyid yin no/ /sa bcu dang dur khrod dang nye ba'i dur khrod ni dbyer med pa ste/gnas dang nye ba'i gnas la sogs pa dang / rab tu dga' ba la sogs pa'i sa bcu'i rim pa ji lta bar sbyar bar bya'o/ /sa bcu dbang phyug mgon po nyid/ /mgon po rdo rje 'dzin pa dang gnyi ga yang bstan to/ /gzhan gyis tha dad par sangs rgyas rdo rje 'dzin pa'i sa las tha dad pa nyid ni sa bcu gcig pa ma yin no//gnas dang nye ba'i gnas la sogs pa sa bcu'i byang chub sems dpa'i dbang po dang yul rnam par dag par blta bar bya'o/ /dur khrod sangs rgyas kyis ni/ rnam par shes pa rnam par dag par blta'o/ /nye ba'i dur khrod ni/ rdo rje 'dzin pa'i sa ste bde ba la sogs pa'i rnam pa nyams su myong ba las 'das par khong du chud par bya'o//'dir rdo rje gsum dang tha mi dad pa nyid kyis so/ /byang chub sems dpa' dang / sangs rgyas dang / rdo rje 'dzin pa rnam kun nyid sa bcu'i dbang phyug gi byang chub sems dpa' dang sangs rgyas dang rdo rje 'dzin pa rnams rnam pa thams cad mkhyen pa'i mngon par byang chub pa la khyad par ci yang med pa yin no//de'i phyir rdo rje sems dpa' ni rdo rje 'dzin pa'o/ /sems dpa' chen po ni sangs rgyas so/ /dam tshig sems dpa' ni gang byang chub sems dpa'o/ /rdo rje rigs kyi rim par phye ba mdor bstan pa dang rgyas par bstan zin to//gnas dang nye ba'i gnas la sogs pa bcu ni dbang po dang yul rnams so/ /dur khrod ni nA da'i bdag nyid kyi thugs so/ /nye ba'i dur khrod ni de las 'das pa'o/ /kye bcom ldan 'das gnas la sogs pa du lags zhes pa ni/gnas dang nye ba'i gnas la sogs pa bcu gnyis bshad pa de dbye na du lags zhes rdo rje snying pos zhus pa'o/ /bcom ldan 'das kyis bka' stsal pa/ gnas ni dzA lan+d+ha rar bshad/ /de bzhin du ni u D+yan nyid/ /gnas ni ko lA gi ri nyid/ /de bzhin du yang kA ma rU/ /'di nyid gnas kyi dbye ba bzhi'o//nye gnas ma la wa zhes brjod/ /sin+d+hu na ga ra nyid do/ /de ltar nye ba'i gnas kyi dbye ba gsum mo/ /zhing ni mu mU nir bshad do/ /zhing ni byed pa'i grong khyer ro/ /de bzhin de wI ko Ti zhing / /zhing ni lcags pa'i brang nyid do/ /'di ni zhing gi dbye ba bzhi'o/ /nye zhing ku la ta zhes brjod//de bzhin ar bu nyid dang ni/ ba yi mchod sbyin kha ba'i ri/ /nye ba'i zhing ni mdor bsdus pa'o/ /'di ni nye ba'i zhing bzhi'i dbye ba'o/ /ts+tshan+do ha ri ke la dang / /lan tshwa rgya mtsho'i nang skyes dang / /zhes pa ni ha ri ke la khyad par du byed pa'o/ / laM bA ka dang kA ny+tsi nyid/ de bzhin sau rA Sh+Ta nyid/ /'di na ts+tshan+do ha'i dbye ba bzhi'o/ /nye ba'i ts+tshan+do ka ling+ga/ /gser dang ldan pa'i gling dang ni/ /gser gling zhes gang grags pa de yin no/ /nye ba'i ts+tshan+do kaM ka na/ /de ltar nye ba'i ts+tshan+do ha'i dbye ba gsum mo/ /'thung gcod grong gi mthar gnas pa/ / grong gi bas mtha'i sa'o/ /'thung gcod grong khyer gyi dang / yang grong khyer gyi bas mtha'i sa'o/ /tsa ri tra dang ko sa la/ 'bigs byed gzhon nu'i grong khyer ro/ /nye ba'i 'thung gcod de dang nye ba ste tsa ri tra la sogs pa de dang nye bar gyur pa'i sa yang yin no/ /de ltar 'thung gcod dang nye ba'i 'thung gcod kyi rab tu dbye ba rnams gang yang bdun dang de bzhin du yang drug nyid de grong dang grong khyer dag dbyer med pas de na bas mtha'i sar gcig pa nyid de gang las she na/mdor bsdus pas ni brjod par bya/ /zhes pa'i tshig gis so/ /kye rdo rje snying po snying rje che/ /dur khrod yi dgas 'dus pa dang //zhes pa ni dur khrod kyi sa'o/ /dur khrod rgya mtsho'i 'gram nyid dang / /skyed tshal rab ni rdzing bu'i 'gram/ /zhes pa ni/ /dur khrod dang nye ba'i dur khrod kyi dbye ba bzhi'o/ /yang na dur khrod yi dags 'dus pa zhes pa la/ yi dags ni rdo rje 'dzin pa'o/ /de'i 'dus pa ni tshogs nas bdag med ma dang dbyer med pa'i rdo rje 'dzin pa yin par ma ning du bstan to//rgya mtsho'i 'gram ni de nyid rdo rje 'dzin pa'i ye shes kyi chu byang chub kyi sems so/ /de ster bas na rgya mtsho'o/ /mtsho ni phyag rgya dang ldan pa'i rdo rje 'dzin no/ /de'i 'gram ni pha mtha' 'di tshun chad nyid rdo rje 'dzin pa'o zhes pa'i don to//de yang skyed mos tshal ni de las byung ba ste spro ba'i rang bzhin no/ /de nyid rdzing bu'i 'gram ste/ pa ni byang chub kyi sems so/ /a ni bdag med ma'o/ /de rnyed nas thob par byed pas na/ rdzing bu ste rdo rje 'dzin pa dang dbyer med pa'i bdag med mas sdom pa'i rang bzhin can no//de'i 'gram ni/ pha rol 'di tshun chad nyid bdag med ma yin no/ /brjod par bya ba ni/ gsal bar byed pa'o/ /de ltar dur khrod kyi sa bdag med ma dang tha mi dad pa'i rdo rje 'dzin no/ /nye ba'i dur khrod ni rdo rje 'dzin pa dang dbyer med pa'i bdag med ma'o//gnyi ga'i bdag nyid gnyis nA da phreng gnyis yin no/ /de ltar gnas dang nye ba'i gnas dag gi dbye ba rnam pa bdun dang / zhing dang nye ba'i zhing dag rnam pa brgyad dang / ts+tshan+do dang ts+tshan+do ha dag kyang rnam pa bdun dang / 'thung gcod dang nye ba'i 'thung gcod drug dang //dur khrod dang nye ba'i dur khrod dag rnam pa bzhi yin no/ /gnas la sogs pa rtsa sum cu rtsa gnyis rnam par dag pas sum cu rtsa gnyis kyi dbye bas tha dad du 'gyur ro/ /de nas rkyang ma dang ro ma dang / kun 'dar ma gsum 'og dang steng dang bar dzA la n+d+ha ra la sogs pa'i gnas gsum du son pa'o//mi phyed ma la sogs pa gsum skor ma la thug pa'i rtsa nyi shu rtsa bzhi mgo nas gzung ba mdoms la thug pa'i gnas nyi shu rtsa bzhi rnam par dag pa kA ma rU pa la sogs pa gzhon nu'i grong khyer la thug par ro/ /'dod ma dang / khyim ma dang / gtum mo dang / 'dod ma dang //khye'u dang / rtsa lnga ni snying ga'i pad+mar gnas pa bdud rtsi lnga 'bab pa'o/ /de dang nye ba zhes bya ba la sogs pa rdzing bu'i 'gram gyi mthar gnas lnga rnams so/ /de ltar sa bcu gnyis tha dad du phye bas sum cu rtsa gnyis te/ gnas sum cu rtsa gnyis rnams su thabs dang shes rab kyi rang bzhin rtsa sum cu rtsa gnyis kyi 'khor lo'i rang bzhin gyis rdo rje mkha' 'gro ma'o//srid gsum yongs su gyur nas/ spro ba dang bsdu ba la 'jug pas rdo rje rigs kyi rim par phye bas mdor bstan nas rtsa'i 'khor lo'i rang bzhin rdo rje rnal 'byor ma'i 'du bas rgyas par bstan to/ / 'dis ni phyi rol dang nang dag don dam par tha dad pa rnam kun du med par bstan pa yin no/ /gnas 'di rnams su rnal 'byor ma 'du ba de srid du 'du ba'i gnas su bstan pa yin no/ /de nas lha thams cad dang rnal 'byor ma rnams 'du ste 'on kyang nyi ma gang la de rnams legs par 'du ba yin pa'i nyi ma bstan pa/rnal 'byor ma yi legs 'du ba'i/ /nyin par nyid kyang rab bshad bya/ /sems can kun gyi don gyi phyir/ /rnal 'byor ma rgyud dgyes rdo rje/ /kye bcom ldan 'das zhes rdo rje snying po sdud pa po yin pa'i phyir/ rdo rje snying pos bcom ldan 'das nyid la mngon par btud nas/nyi ma bstan par bya ba'i phyir zhus pa/ kye bcom ldan 'das nyi ma yang kho bo la bka' stsal du gsol/ cis khyad par du 'phags she na/ rnal 'byor ma'i legs 'du ba'o/ /gang du zhe na/ dgyes pa'i rdo rjer ro/ /cis khyad par 'phags she na/ / rnal 'byor ma rgyud do/ /ci'i don du zhe na/ sems can kun gyi don gyi phyir ro/ /'gro ba'i don zhes bstan pa'o/ /nyi ma gang lags/ yi dags zla phyed bcu bzhi dang / /de bzhin du yang brgyad pa nyid/ /rgyal mtshan dang ni mtshon bsnun nyid/ /lan bdun pa yang bza' bar bya/ /nyi ma nyi ma du yin/gang la rgyal mtshan te dpyangs pa'o/ /mtshon bsnun te g.yul ngor bsad pa'o/ /cir 'gyur zhe na lan bdun pa'o/ /skye ba bdun pa gang gi grib ma'ang bdun du gyur pa'o/ /de lta bur gyur pa'i skyes bu nyi ma gang la bza' ba de'i nyi ma ni yi dags zla phyed bcu bzhi dang ngo / /de la ni zla phyed de la'am tshes brgyad de la'o//yang na/ nyin par nyid kyang rab bshad bya/ /zhes pa ni nyi ma ni rdo rje 'dzin pa'o/ /de nyid bshad par bya ni shin tu gsal bar byed pa'o/ /rnal 'byor ma yi legs 'du ba/ /zhes pa ni/ rnal 'byor pa bco lnga ste/ bdag med ma la sogs pa'i mkha' 'gro ma de rnams dang bde bar sems khral med par bdag nyid gang de ru'o//'di'i phyir na rdo rje 'dzin pa dang mkha' 'gro ma tha dad pa med do/ /gang du de las she na dgyes pa'i rdo rje ste gnyis med du rtogs pa'o/ /de nyid ji ltar yin pa gsungs pa/ rnal 'byor ma rgyud du'o/ / 'di la rnal 'byor yod pas na rnal 'byor ma ste/ de rnams bye brag tu bshad pa'i dgyes pa'i rdo rje gnyi ga dbyer med pa nyid kyis bye brag tu bshad pa'i phyir ro/ /ci'i don du yin pa gsungs pa/ sems can kun gyi don gyi phyir/ /kun ni rdo rje 'dzin pa ste kun la khyab pa'i phyir gnyis su med pa'o//sems can ni me long la sogs pa'i ye shes lnga dang sku gsum gyi bdag nyid do/ /sems can yang yin la thams cad kyang yin pas sems can kun te don de nyid do/ /don dam pa'i rdo rje 'dzin no/ /de nyid kyi phyir ni rgyu de nyid kyi phyir ro/ /kye bcom ldan 'das zhes pa ni bod pa'i tshig ste yang dag pa'i ye shes so//gang las du zhe na/ ka ni bde ba chags pa'i mtshan nyid do/ /i de ni 'das te chags pa med pa thob pa'o/ /de yang nyi ma ni nyi ma rdo rje 'dzin no/ /a bdag med ma'o/ /gnyi ga'i mtha' ma tsheg drag a de dang dbyer med pa'i rdo rje 'dzin zhes pa'i don to/ / yi dags zla phyed ni phyogs las 'das pa'o/ /bcu bzhi ni a aM aM ste/ a nas bzung ba'i aM gyi bar gyi bcu bzhi'o/ /lugs las bzlog pas a nas bzung nas aM la thug pa bcu bzhi'o/ /thog ma dang tha ma gnyi ga'i dbye bas a bcu bzhi ste/ de rnams bco lnga nyid mkha' 'gro ma yin no//bcu bzhi yang yin la aM yin pas na bcu bzhi ste/ mkha' 'gro ma bco lnga 'dus pa nyid phyogs las 'das pa'i rdo rje 'dzin pa zhes pa'i don to/ /de lta bur gyur pas brgyad de/ ma byang chub [(]gyi [,]kyi [)]sems so/ /ya rlung ngo / /aM rdo rje mkha' 'gro ma yin pas pa rdo rje gsum mo//brgyad khyab pa'o/ /pa rdo rje gsum mo/ /gang des na brgyad pa rdo rje 'dzin pa'o/ /'dir de la sogs pa'i phyogs spangs pa mkha' 'gro ma'i rang bzhin khyab pa'i rdo rje gsum ji lta ba de bzhin du rdo rje 'dzin pa gzhan ni ma yin no zhes pa'i don to/ /yang na yi dags zla phyed ni bdag med ma'o//bcu bzhi ni mkha' 'gro ma bcu bzhi'o/ /de ni mkha' 'gro ma bco lnga'i rang bzhin gyi dkyil 'khor ro/ /brgyad pa yang de bzhin du'o/ /yang na yi dags zla phyed ni rdo rje 'dzin pa'i phyogs mkha' 'gro ma brgyad pa de'i rang bzhin gyi dkyil 'khor te rdo rje 'dzin pa dang bdag med ma dbyer med pa'i dgu'i bdag nyid kyi dkyil 'khor ro//rgyal mtshan ni mtshan ma ste chags pa'i mtshan nyid do/ /de'i mtshon cha ni cha med par byas pa de'o/ /bsnun pa ni ci yang med pa'o/ /de bza' bar bya ba ni cha med par rtog pa yang de la med pa'o/ /gang las she na/ lan bdun pa nyid gang ste/drug pa rdo rje 'dzin pa las 'das pa'i lan bdun pa kun du rtog pa thams cad yongs su spangs pa yin pa'i don to/ /'o na chags pa dang bral zhing kun du rtog pa kun yongs su spangs na/ rnam pa thams cad mkhyen pa yang med par 'gyur ba yin pa de gsungs pa/'bad pas snying rje bskyed nas ni/ /mkhas pas gsad par bya ba yin/ /zhes pa smos te/ snying rje zhes pa ni/ chags pa'i mtshan nyid rnam par dag pa'o/ /'bad pas bskyed pa ni/ 'bad pas bla ma'i dus tshigs kyi rim pas so/ /mkhas pas gsad par bya ba yin//zhes pa ni me long la sogs pa'i ye shes lnga'i byed pas so/ /rig pas zhes pa dkyus gzhan na yod kyang de'i don yang 'di yin te/ rig cing shes zhes pa'o/ /de nyid shes par gyur pas nges pa dang ldan pa yin pa'i don to/ /yang na 'bad pas snying rje bskyed pa'i mkhas pas gsad par bya ba yin zhes pa'i don ni 'di yin te/dpyangs pa'i ro'am g.yul ngor bsad pa kha na ma tho ba med par gyur pa bsgrub pa'i don du bza' bar bya'o/ /gal te skye ba bdun pa kha na ma tho ba dang bcas pa nyid de ci grub pa'i don du bsad nas mi za'am zhe na/ de'i don gsungs pa/ kha na mtho'i skyon med nyid//bsad nas kyang ni bza' bar bya/ /gang las she na/ 'bad pas snying rje bskyed pa yis so/ /'bad pa zhes pa ni mi bskyod pa la sogs pa'i lha'i rang bzhin gyis mi bskyod pa la sogs pa'i rigs su de'i shes pa khyer nas mi bskyod pa'i rang bzhin du rdzogs pas na/ / sems can de'i kha na ma tho ba'i skyon med pa yin te 'bad pas so/ /snying rje'i thabs dang ldan pa'i rnal 'byor pa la gsod pa zhes pa'i skyon med pa'i don to/ /'o na phyag rgya chen po'i dngos grub don du gnyer ba la mkha' spyod kyi dngos grub de la dgos pa ci yod ces pa'i dogs pa gal te yod na//de lta na yang snying rje'i dbang gis gsad par bya ba yin no/ /ji ltar zhe na/ gang der rnal 'byor pa 'du ba dang gang rnal 'byor ma rnams 'du ba de rnams ci gdon mi za bar phyag rgya chen po'i dngos grub la lhag par mos par gyur pa yin nam/ ci yin du chug kyang sems can mos pa sna tshogs pa'i phyir/mkha' spyod la sogs pa'i dngos grub la mos pa'i sems can kyang der 'du'o/ /de bas na de'i don du yang skye ba bdun ba bsgrub pa'i zas kyang nye bar dgos pa yin no/ /de yang snying rje'i bdag nyid kyis bsad nas kyang bza' bar rigs pa yin no/ /yang na 'di ni lta ba gzhan la rnam par gnas pa rnams kyi gzhug pa'i tshig yin te//gang las sha na/ 'bad pas snying rje bskyed pa yis/ /mkhas pas gsad par bya ba yin/ /bdag nyid sdug bsngal las bsgral bar 'dod pa dang / bdag nyid bde ba 'dod pas 'jug pa'o/ /'bad pas ni rnam pa sna tshogs la brten nas so//gang gis gsod par byed pa de ci mkhas pa ma yin te/ mkhas pa'i mngon pa'i nga rgyal mi shes pa nyid yin te/ rang gi bde ba tsam la gzhol ba'i phyir ro/ /khyod cag de rnams kyi'o/ /snying rje med na mi 'grub pas/ /de phyir snying rje bskyed par bya/ /snying rje med na zhes pa ni sems can rnams sdug bsngal dang sdug bsngal gyi rgyu las bsgral bar 'dod pa de rnams la med pas na snying rje med pa zhes brjod do//de mi 'grub pa ni de rnams phyag rgya'i dngos grub mi 'grub pa'o/ /de bas na snying rje brtse ba bskyed par bya'o/ /nye ba'i sgras nye ba'i don yin pa'i phyir sems can la dmigs pa'i snying rje gzung bar bya ba'i chos la dmigs pa ni ma yin no//yang na snying rje zhes pa ni dmigs pa med pa'i rang bzhin de bcom ldan 'das dgyes pa'i rdo rje'o/ /de med pa ni snying rje med pa'o/ /mi 'grub pa ni phyag rgya chen po'i dngos grub 'grub par mi 'gyur ba'o//de'i phyir snying rje bskyed par bya ba ni rgyu de nyid kyis na rdo rje 'dzin pa bskyed par bya'o/ /gdug pa thams cad gzhug bya ste/ /cho ga'i gtso bos rab tu bsgrub/ /gdug pa can zhes pa ni mi dge ba'i sdug bsngal de dang ldan pas na gdug pa can no/ /de rnams nyid gzhug par bya ba'i phyir/ 'dir dge ba la 'jug pa'i phyir gsad pa la sogs pa 'di kun bya'o/ /de yang cho ga nyid do/ /gtso bo ni gtso bor ro/ /de'i rgyu nyid kyis 'grub po/ /rab tu bsgrub pa gsad pa la sogs par 'gyur ba'o/ /de la 'di ltar blta bar bya/ /nyin mo bcom ldan rdo rje can/ /mtshan mo shes rab brtag par bya//de bas na thabs la mkhas pa rnams kyis 'jig rten pa dang 'gal ba yang gang / de 'jig rten las 'das pa skyed pa yin no/ /'jig rten las 'das pa yang gang de 'jig rten pa nyid du 'khor bar 'jug pa yin no/ /nyin mo rab tu gsal ba'i mtshan nyid kyi yon tan no//de rdo rje can ni/ bcom ldan 'das rdo rje 'dzin no/ /mtshan mo ni nub mo ste mun pa'i rang bzhin can gyi skyon no/ /de ni shes rab po/ /skyon dang / yon tan rdo rje 'dzin pa dang / bdag med ma'i rang bzhin dag yin te/ de'i phyir yon tan nyid skyon la skyon nyid yon tan te gnyi ga dbyer med pa yin no//'dis ci bstan na/ thabs la mi mkhas pa'i mu stegs pa rnams kyi yon tan dge ba nyid skyon du 'gyur ba yin no/ /thabs la mkhas pa rnams kyi yang skyon nyid yon tan du 'gyur ba'o/ /'bad pas snying rje bskyed pa yis/ /mkhas pas gsad par bya ba yin//zhes gang bstan pa de thams cad shin tu dag pa yin no/ /yang na de la zhes bya ba ni de ltar rnam par gzhag pa'o/ /'di ltar blta ba'i 'di ltar zhes pa ni thabs dang shes rab dbyer med pa'i ye shes so/ /shes par bya ba ni ye shes kyi rnam pas 'di rnam par gzhag go/snying rje bskyed pa las gzhan gyi don la dbang bas gang gsad pa de gnyi ga yang dbyer med pa nyid du blta bar bya'o/ /nyi ma gang lags zhes gang gsungs pa de rgyas par 'chad pa nyin mo bcom ldan rdo rje can ni spo ba'i bdag nyid do/ /mtshan mo ni nub mo ste de ni shes rab bo/ /bsdu ba'i bdag nyid do//gnyi ga'i rtog pa yang rab tu gsal bar bstan pas spro ba dang bsdu ba'i bdag nyid kyi rdo rje 'dzin pa dang bdag med ma dbyer med pa'i kun du rtog pa yang med pa yin no/ /de bas na/ mi bya cung zad yod ma yin/ /bya ba ni bya ba yin par 'gyur ro/ /bya ba med pas bya ba ma yin pa yang med do//rdo rje 'dzin pa ni rtog pa kun las 'das pa'i phyir ro/ /yang na de la 'du bar rnal 'byor mas gang smras de dag thams cad bya zhes gang mdor bstan pa de'i rgyas par bshad pa 'di yin te/ cung zad yod ma yin zhes pa 'dis so/ /de bas na 'jig rten pa dang 'jig rten las 'das pa'i 'gal ba dang mi 'gal ba de la shes pa med do//yid kyi dbang du gyur pa de rnams sam de rnams kyi'o/ /rtag tu mi bza' yod ma yin/ /zhes pa ni der 'dus pa rnams kyi bza' bar bya ba ma yin pa yang bza' bar bya ba yin te/ skye ba bdun pa'i sems can bza' ba yin pa na skye ba bdun pa yang spyad par bya'o//yang gi sgras sems can gzhan yang bza' bar bya ba yin no/ /gang smras de kun bza' bar bya ste/ kun du snang ba'i rang bzhin des sku'i sku rdo rje bza' bar bya'o/ /de gdod ma nas ma skyes pa'i phyir mi bza' ba ma yin no/ /de ltar lus kyi kun tu rtog pa med pas de med pa'i rtog pa yang yod pa ma yin no//mi bza' min zhes ba ma ning gi bstan pa'o/ /de bas na rtag tu ni de yod par gnas pa'o/ /a rdo rje mkha' 'gro ma'o/ /bdag med ma'i rang bzhin te/ lus kyi mngon par zhen pa'i mngon zhen med pa yin no//'di la mi bsam yod ma yin/ /gang smras pa de thams cad bya ba yin te/ de'i phyir 'dir bsam pa'am mi bsam pa yod pa ma yin no/ /yang na bsam du med pa ma yin pa ni bsam par bya ba yin pas bsam pa'o/ /sems kyi yul lo/ /sems de nyid ni sems med pa'i rang bzhin yin pa'i phyir de'i yul yang med pas bsam par bya ba yod pa ma yin no//de med pas mi bsam par bya ba yang med do/ /gnyi ga dbyer med pa'i phyir na/ ye shes nyid yod pas de nyid rnam par gzhag par bya'o/ /ji ltar zhe na/ 'di ltar 'dir ni dgyes pa'i rdo rjer ro//bzang ngan mi smra gang yang med/ /brjod par bya ba ni brjod pa tshig gi spyod yul du byas pa'o/ /de ni yang sems kyi yul yin pa'i phyir sems de yang sems ma yin no/ /tshig nyid kyang med de/ de'i dngos po med pa las tshig kyang med do/ /de bas na brjod pa dang brjod pa ma yin pa'i kun du rtog pa med pa'i phyir dge ba dang mi dge ba dang /mtshan ma dang / mtshan ma med pa'i kun du rtog pa zad pa nyid yin no/ /de skad du yang / byang chub sems dpa'i kun rtog la/ /gang tshe dge ba'am mi dge ba/ /thams cad dge ba nyid 'gyur te/ /gang phyir de rnams yid dbang yin//de lta bas na gang smras pa de kun bya ba yin te/ de thams cad rdo rje gsum dbyer med pa'i kun du rtog pa las 'das pa nyid yin no/ /bza' ba dang mi bza' ba'i kun tu rtog pa yongs su spangs pas lus kyi kun du rtog pa yongs su zad nas/ lus kyi rtog pa yongs su spangs pa'i bcom ldan 'das so//bsam pa dang mi bsam pa'i rtog pa las 'das pa'i phyir/ sems kyi kun du rtog pa las 'das pa'o/ /brjod pa dang mi smra ba'i rtog pa yongs su spangs pa'i phyir/ ngag gi kun du rtog pa dang bral ba'o/ /de bas na kun du rtog pa gsum yongs su spangs pa'i phyir de ni bcom ldan 'das so//bdag dang gzhan du shes pa'i rnam par rtog pa yang mi bden pa nyid yin par gsungs pa/ ji ltar bdag nyid de bzhin gzhan/ /ji ltar bdag nyid nga dang gzhan/ /ji ltar bdag nga zhes pa ni rab tu rtogs pa'o/ /de bzhin gzhan ni 'gro ba ris drug kyang rab tu shes par bya'o//ji ltar sems can gzhan zhes pa ni gzhan du shes pa'o/ /de bzhin du bdag kyang gzhan du shes par bya'o/ /de ltar rang dang gzhan gnyi ga gzhan du brjes nas gnyi ga dbyer med pa nyid rang dang gzhan gyi rtog pa med pa yin no/ /yang na ji ltar bdag ni yod do//nga zhes pa ni/ bdag med ma dang dbyer med pa'i rdo rje 'dzin pa'i nga rgyal lo/ /ji ltar sems can gzhan ni mchog ste de nyid yang dag pa'i ye shes yin gyi gzhan ma yin pas ngar 'dzin pa'o/ /de bzhin gzhan ni rnam par shes pa yang ngo / /de ltar yul dang dbang po dang rnam par shes pa rnam par rig par rtogs pas na nga ste/yi ge a dang haM gi rang bzhin gyi bdag med ma dang dbyer med pa'i rdo rje 'dzin pa'i ye shes de nyid mchog yang dag pa'i don to/ /'di ltar sems pa'i rnal 'byor bdag /bza' dang btung ba las sogs brtsam/ / zhes bya ba'i rgyu 'dis na/ nga nyid gzhan la gzhan nyid nga'o zhes bsam mo/ /de bas na rnal 'byor bdag ni yang dag pa'i rnal 'byor shes pa'o/ /bza' dang btung ba la sogs ni/ bza' ba dang btung ba dang ston mo la sogs pa spyad par bya'o/ /yang na bza' ba dang btung ba la sogs ni bza' ba ni bza' ba'o//de'i btung ba ni bsrung ba'o/ /de nyid thog ma dang po'i rgyu'o/ /de lta bur gyur pa'i ye shes so/ /spyad pa ni dmigs pa gsad pas kyang bya'o/ /'bad pas snying rje bskyed pa yis/ bsad nas kyang skye ba bdun pa bza' bar rigs pa yin no/ /gzhan gyi don du spyod pa nyid kyi rnal 'byor pa des bya ba yin no zhes pa ni lhag ma'o//'chad par 'gyur ba yang / de yi grib ma'ang bdun du 'gyur/ /de yi zos pa tsam gyis kyang / /dngos grub myur du thob par 'gyur/ /zhes pa'o/ /yang na rnal 'byor bdag ni kun rdzob dang don dam pa dbyer med pa'i rdo rje 'dzin pa'o//bza' dang btung ba la sogs spyad/ kha ni dbang ba'o/ /A naM ni sems so/ /de ltar bza' ba ni dbang po dang shes pa'o/ /dbang po dang shes pa yang yul la ltos pa'i phyir yul dbang po dang shes pa nyid bza' ba yin no/ /de bza' ba dang btung ba gnyi ga yang dbyer med pas rnam par gzhag pa'o//bza' ba ni rdo rje gsum dbyer med pa'i ye shes so/ /de'i dang po med pa ni skye ba dang 'jig pa las rnam par grol ba'o/ /gang gi phyir ma ni byang chub kyi sems so/ /a bdag med ma'o/ /gnyi ga dbyer med pa'o/ /brtsam pa ni thob pa ste gang brnyes pa'o//yang dag pa rtogs pas rdo rje 'dzin pa'i go 'phang du rnam par gzhag par bya ba'i don to/ /de bas na/ yan lag ji snyed bsgyur ba dang / /tshig rnams rab tu rgyas pa nyid/ /he ru ka dpal gnas bzhugs pas/ /de snyed sngags dang phyag rgyar bshad/ /don ni 'di yin te/srog gcod pa la sogs pa mi dge ba zhes bstan pa de lus dang ngag dang yid kyis byed do/ /'dir yang bsad pas kyang bya ba yod par bstan pa'i gsad pa gang yang lus kyis srog gcod pa'i phyir lus dang ngag dang yid nyid kyis 'gyur te/ yang dag pa'i ye shes can gyi yang thabs la mkhas pas srog gcod pa la sogs pa rang dang gzhan gyi don phun sum tshogs par bya ba'i phyir bya ba yin no//yan lag ji snyed bsgyur ba dang / /ji snyed ni rgyun ma chad par ro/ /yan lag bsgyur ba ni lus kyi bya ba dang 'gal ba srog gcod pa la sogs pa'o/ /tshig rnams rab tu rgyas par ni brdzun du smra ba la sogs pa ngag 'khyal pa rnams so//de snyed ces pa ni mtha' med pa'o/ /sngags dang phyag rgyar bshad ni tshig gi brjod pa sngags dang lus kyi bsgyur ba phyag rgyar gang bstan pa/ yan lag nyed pa phyag rgya yin/ /zhes bya ba la sogs pa'o//'di ji ltar yin pa gsungs pa/ he ru ka dpal gnas bzhugs pas so/ /dpal he ru ka'i ye shes la gnas pas so/ /de ltar min na thams cad nyid mi dge ba bskyed pa yin no/ /'o na dpal he ru ka nyid kyis khyad par du 'phags nas ye shes gang la thams cad nyid dge bar 'gyur ba yin pa de gsungs pa/shrI gnyis med ye shes te/ shrI'i sgra'i don to/ /he zhes pa ni i phyis pas ha zhes pa rgyu la sogs pa stong pa'o/ /zhes pa'i sgras ni gang gi phyir gyi don to/ /rgyu gang gi phyir/ he ni rgyu sogs stong pa nyid ni gzod ma nyid kyi rang bzhin gyis gang de la sogs pa stong pa nyid do//ru ni tshogs dang bral ba nyid ni/ ru'i sgras gzugs la sogs pa phung po lnga'i bdag nyid kun du snang ba'i mtshan nyid do/ /de yang tshogs pa ni rtog pa dang dpyod pa dang bral ba'i ye shes gang la de'i tshogs pa dang rnam par rtog pa las 'das pa'o//gang ru dang bral ba ni gzugs la sogs pa phung po lnga dang bral zhing dngos po mtha' dag gi rtog pa dang bral ba zhes pa'i don to/ /ka ni gang du yang mi gnas pa'o/ /kun la khyab pas gnas kyi nges pa med pa'i phyir ye shes de gang na yang mi gnas so/ /'dis ci bstan na/ stong pa nyid dang mtshan ma med pa dang smon pa med pa rnam par thar pa'i sgo gsum gyi rang bzhin rdo rje gsum dang dbyer med pa gang de ni gnyis su med pa'i ye shes kyi rang bzhin gyi ye shes kyi yi ge shrI yin te/ gnyis ka yang bsdu ba'i bdag nyid kun rdzob dang don dam pa dbyer med pa gang gi ye shes nyid dpal he ru ka yin pas ma ning du bstan to//gang du mi gnas pa'o zhes pa 'dis ni stong pa nyid kyi byang chub bo/ /rgyu sogs stong pa nyid ces pa mtshan ma med pa'o/ /ru ni tshogs dang bral ba nyid/ /ces pa smon pa med pa'o/ /'dis ni rnam par thar pa'i sgo gsum gyi rang bzhin nyid kyi bcom ldan 'das grub pa yin no//yang na/ shrI ni gnyis med ye shes te/ /ye shes ni yang dag pa'i ye shes so/ /de cis khyad par 'phags she na gnyis med do/ /gnyis kyi cha gnyis po 'di yod pa de gang la med pa de ni gnyis su med pa'o/ /gnyi ga 'dres pas nges par gzung ba ni nus pa ma yin no//de bas na yi ge shrI ni ri bong can khu ba'o/ /ra ni rin chen 'byung ldan nyi ma'o/ /i ni chu'i rnal 'byor ma'o/ /de yang 'du shes kyi phung po'i tshul can nA da phreng gnyis kyi bdag nyid do/ /de ltar nA da phreng gnyis kyi bdag nyid zla ba dang nyi ma tha mi dad pa'i thabs dang shes rab kyi rang bzhin ni shrI'o//de'i ye shes kyi byed pa'i bya ba de 'dir yod pa yin pas shrI ni gnyis med ye shes so/ /he zhes pa ni/ ha ni rdo rje 'chang ngo / /a bdag med ma'o/ /gnyi ga dbyer med pas ha ste/ thabs dang shes rab dbyer med pa'i ye shes so zhes pa ni/ gang gi phyir te/ de'i phyir rgyu la sogs pa spro ba'i rang bzhin ha rdo rje 'dzin pa'o//stong pa nyid ces pa ni bsdu ba'i bdag nyid do/ /a bdag med ma'o/ /de ltar spro ba dang bsdu ba gnyi ga dbyer med pa kun rdzob dang don dam pa'i rang bzhin gyi bdag nyid thabs dang shes rab kyi bdag nyid kyi rdo rje 'dzin zhes pa'i don to/ /ru ni tshogs dang bral ba nyid//ka ni gang du'ang mi gnas pa'o/ /zhes pa'i don ni bshad zin to/ /gang yang skye ba bdun pa mkha' spyod grub par bya ba'i phyir bza' zhing blang bya yin no/ /dang gi sgras go ku da ha na la sogs pa yang bza'o/ /de rnams kyi dgongs pa ci yin pa de gsungs pa/ skye bo gang dang gang rnams kyi/ /sha ni mkhas pas bza' bya ba/ /sems can de de dbang du 'gyur/ /rdo rje thod pa'i rnal 'byor las/ /ji ltar de yang 'gyur zhe na/ /rdo rje thod pa'i sbyor ba las/ /rdo rje ni rdo rje 'dzin pa'o/ /thod pa dang 'dra bas thod pa ste/ chos 'byung bdag med ma'o/ / rdo rje yang yin la thod pa yang yin pas rdo rje thod pa'o/ /de dag sbyor ba ni 'du ba ste/ gnyis med du rnam par gnas pa'o/ /de bas na bdag med ma dang tha mi dad pa'i rdo rje 'dzin pa'i rang bzhin des rtog pa spangs pa'i phyir de dang de ni srog chags dbang du 'gyur ba'i don to/ /yang na/ 'gyur ni skye bo srog chags dbang po rnams te/rnam par shes pas skyed pa'i phyir ro/ /gang dang gang rnams kyi ni mig dang rna ba la sogs pa'o/ /sha zhes pa ni/ sha dang chos mthun par sha dang 'dra bas na sha ste/ mig la sogs pa'i dbang po rnams gzugs la sogs pa'i yul rnams la rtag tu mngon zhe na 'jug pa'i phyir ro//zang zing gzhan la yang mkhas pas mngon par zhen pa 'byung ste/ de gzugs la sogs pa'i yul gang dang gang gi mig la sogs pa'i dbang po rnams kyi 'brel ba can gang gzugs la sogs pa'i yul de dang de mkhas pa de kho na nyid dang ldan pas so//bza' bar bya ni 'khril bar bya ba ste/ de'i bdag nyid kyi bdag nyid du rnam par gzhag pa'o/ /sems can de de ni/ srid pa gsum gcig par gyur pa dbang po dang yul dang rnam par shes pa dbyer med du yod pa'o/ /dbang ni bdag por 'gyur zhing thob pa ste/mngon par shes pa thob par 'gyur ba'o/ /'di ji ltar yin zhe na/ rdo rje thod pa'i sbyor ba las/ ka ni kA li'o/ /ka ni gnyi ga yang nA da phreng gnyis so/ /de rdo rje ni dbyer med pas rdo rje ka'o/ /de skyong bar byed pas na rdo rje thod pa'o/ /der sbyor ba ni/ 'du ba yin pa ste/ rnam pa thams cad mkhyen pa'i mngon par rdzogs par sangs rgyas pa'i rdo rje 'dzin rnam pa thams cad kyi mngon par sangs rgyas pa kun la khyab pa'o//de bzhin gshegs pa thams cad kyi sku gsung thugs dgyes pa'i rdo rje las brda dang gnas kyi dngos grub gtan la dbab par phye ba'i rim pa ste bdun pa'o//thams cad kyang yin la de bzhin gshegs pa yang yin pas de bzhin gshegs pa thams cad de/ gzugs la sogs pa'o/ /de rnams kyi sku gsung thugs ni/ rdo rje gsum dang ye shes lnga'i bdag nyid kyi rdo rje 'dzin yin pa dang bdag med ma'i dkyil 'khor ro/ /de lta bur gyur pa'i dgyes pa'i rdo rje de la'o//brda ni brda ste/ rnal 'byor dang rnal 'byor ma'i brda'o/ /gnas kyi sgras gnas dang nye ba'i gnas rnams so/ /dngos grub kyi sgras mkha' spyod la sogs pa'o/ /de ltar brda dang gnas dang dngos grub gtan la dbab par nges pa'o/ /de yang gos ni 'gebs pa'o//de len cing 'dzin pas ni rim par phye ba'o/ /de yang bden pa ste/ de kho na nyid la thugs pa lnga dang / spyod pa dang / bya ba dang gnyis so/ /de ltar spyod pa dang bya ba'i bdag nyid ye shes lnga lnga'i rang bzhin drug pa rdo rje 'dzin pa las 'das pa yang dag pa'i ye shes kyi rang bzhin bdun pa rdo rje 'dzin pa'o//'dis ni rnal 'byor pa dang rnal 'byor ma'i mtshan ma'i brda dang gnas dang nye ba'i gnas la sogs pa'i gnas rnams dang / bcu bzhi pa la sogs pas 'du ba dang / skye ba bdun pa la sogs pa'i bza' bas mkha' spyod la sogs pa'i dngos grub dang /dbang po dang yul las bzlog pa dang / bza' ba dang bza' ba ma yin pa la sogs pa dang / /bsam pa dang mi bsam pa la sogs pa dang / smra ba dang mi smra ba la sogs pa dang / rdo rje gsum dbyer med pa sems can dang rang nyid mnyam pa des rang dang gzhan du rtog pa dang bral ba dang /yi ge shrI la sogs pas rdo rje 'dzin pa yongs su rdzogs pa dang / skye bo rnams kyi sha zos pas rnam pa thams cad kyi rang bzhin yang dag par rdzogs pa'i sangs rgyas rdo rje 'dzin no/ /rdzogs so ni kun rdzob dang don dam pa dbyer med pa nyid kyis mthar thug pa rdzogs pa'o/ / dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel pa las brda'i rim par phye ba ste le'u bdun pa'o// //da ni rnal 'byor pa dang rnal 'byor ma rnams kyi brda dang 'du ba dang gnas dang nye ba'i gnas la sogs pa'i dngos grub bstan nas/ rnal 'byor ma nyid gang yin pa dang de rnams kyang gang las bskyed pa dang /de rnams kyi rang bzhin ci yin pa de bstan pa la nye bar brtsam ste/ de nas rnal 'byor ma'i 'khor lo bshad par bya'o zhes pa smos te/ de nas ni rjes thogs su ste mchod pa nyid kyi skabs su bab pa nyid bshad par bya'o/ /de nas rgyu 'di'i phyir ro//rnal 'byor ma'i 'khor lo zhes pa ni rnal 'byor ma rnams kyi 'du ba'o/ /bshad par bya'o zhes pa ni khyad par du kun rdzob dang don dam pa dbyer med pas rdo rje 'dzin pa dang bdag med ma tha dad pa med pa'i phyir dkyil 'khor gnyi ga dbyer med pa'o/ /bshad par bya ba ni bstan par bya ba'o//yang na de nas rnal 'byor ma'i 'khor lo bshad par bya'o zhes pa ni/ de nas a bdag med ma'o/ /tha mi bskyod pa'o/ /gnyi ga dbyer med pas de nas dgyes pa'i rdo rje zhes bya'o/ /de yang de nas bdag med ma ste/ bdag med ma'i rgyu'i phyir ro//ya rnal 'byor ma'o/ /de rnams kyi 'khor lo dang 'dra bar gcod pa'i phyir te/ ji ltar 'khor lo ni gcod par byed pa de bzhin du yang mi shes pa gcod par byed pas rnal 'byor ma'i 'khor lo'o/ /yang na tshim par byed pa'i phyir 'khor lo'o/ /bshad par bya'o ni ba byang chub kyi sems rdo rje 'dzin pa'o//ya rlung ngo / /a a bad+hU tI bdag med ma'o/ /rkyang ma dang / ro ma dang / kun 'dar ma dang rdo rje gsum dbyer med pa'i byang chub kyi sems te/ rdo rje gsum dbyer med pa'i rdo rje 'dzin no/ /kha ni chos 'byung ngo / /ya ni rlung ngo / /a bdag med ma'o/ /kun 'dar ma dang /ro ma dang / rkyang ma dang / rdo rje gsum dbyer med pa'i byang chub kyi sems s+yA rdo rje gsum dbyer med pa'i bdag med ma'o/ /sa ni khu ba'o/ /bde ba yang rdo rje 'dzin pa dang / bdag med ma gnyis med pas na/ sa ni bdag med ma dang dbyer med pa'i rdo rje 'dzin no/ / de yang ya rlung ngo / /a bdag med ma'o/ /ro ma dang kun 'dar ma dang / rkyang ma rnams ni rdo rje gsum dbyer med pa'i thabs dang shes rab kyi bdag nyid ye shes lnga'i rang bzhin s+yA'o/ /de nas ma ni tsheg drag gi mtha' kun du bzang po zhes pa'i don to/ /'dir ni bshad par bya'o zhes pa 'dis ni rdo rje gsum dbyer med pa gsum dgu'i bdag nyid kyi dkyil 'khor gang de ni ma'o//dkyil 'khor gnyis dbyer med pa tsheg drag gi rang bzhin rdo rje 'dzin pa yin no/ /dgyes pa'i rdo rje ni kha sbyor nyid du rdo rje rigs kyi rim par phye ba las/ he ni snying rje chen po ste/ / badzra 'ang shes rab brjod par bya/ /zhes mdor bstan pa de nyid kyi rjes su 'brang bas 'dir 'chad par 'gyur te/ bskyed pa yi ni rim nyid dang / /rdzogs pa yi ni rim pa nyid/ /rim pa gnyis la brten nas ni/ /rdo rje can gyis chos bstan to/ /zhes pa dang / gzhan yang / nam mkha'i khams kyi pad+ma la//b+ha ga zhes bya ye shes brjod/ /ces bya ba la sogs pa bcom ldan 'das bdag nyid kyis 'chad par byed do/ /de'i phyir 'di thams cad nyid kun rdzob dang don dam pa dbyer med pa'o/ /'chad par 'gyur ba yang / chos 'byung las skyes 'khor lo ni//'phar ma gnyis dag ces pas kyang ngo / /de'i phyir 'dir thams cad nyid du phyi rol dang nang dag gi rim par sbyar bar bya'o/ /de nas 'khor lo bshad par bya ste/ /nam mkha'i khams su b+ha ga bsam/ /dbus su bsgom par bya ba ni/ /zhes pa la nam mkha'i khams ni stong pa nyid do//b+ha ga zhes pa ni chos 'byung zur gsum gyen du gnas pa nang nam mkha' stong pa ston ka'i ri bong can ltar dkar ba sna tshogs pad+ma dang sna tshogs rdo rjes brgyan pa'o/ /bsam pa ni bsams nas so/ /dbus su bsgom pa ni snyoms par 'jug pa'o/ /bya ba ni zhes pa ni bsgom pa pos bya ba'o//'khor lo sngon du ci rigs par/ /lha rnams ji ltar 'byung ba nyid/ /'khor lo zhes pa ni dkyil 'khor ro/ /sngon du zhes pa ni dang po nyid du'o/ /ci rigs par zhes pa ni rim pa ji lta ba bzhin du ste/ rim pa dang rim pa las bzlog pas so//de nyid gsungs pa/ lha rnams ji ltar 'byung ba ni lha rnams rim pa ji lta ba bzhin du bskyed pa'o/ /'khor lo nyid gsungs pa/ sa dang zhes pa smos te/ sa ni dkyil 'khor ro/ /lam las byung ba mdog ser po gru bzhi pa'o/ /chu ni chu ste baM las byung ba dkar po zlum po'o/ / re zhig 'di gnyis sngon te dang por ro/ /ji ltar rigs pa ni rim pa ji lta ba bzhin du'o/ /sa bltas nas de'i steng du chu bsam par bya'o/ /de'i rjes su byin za raM las byung ba mdog dmar po gru gsum pa'o/ /de ltar sa dang chu dang me'i rang bzhin 'byung ba chen po gsum gyi rang bzhin rdo rje gsum gyi ngo bo'o//lha rnams ni steng du'o/ /rlung chen ni kun gyi srog tu gyur pa'i phyir ro/ /yi ge yaM las byung ba gzhu'i dbyibs can du ba'i mdog go/ /de'i steng du sgom pa po sems tsam cig gi rang bzhin no/ /'ang gi sgra ni 'o'i don te/ de ltar rim pa 'dis ji ltar 'byung zhing rim pa ji lta ba bzhin du bskyed pa'o//yang na nam mkha'i khams zhes pa ni/ /dang po stong pa'i byang chub ste/ /zhes bstan pa'o/ /de la b+ha ga bsam zhes pa ni/ gnyis pa la ni sa bon bsdu/ /zhes pa gang de yin te/ yi ge e'i sa bon yongs su gyur pa las chos 'byung du sna tshogs pad+ma dang /sna tshogs rdo rjes brgyan pa'o/ /sngar bstan pa'i rang bzhin ni/ gsum pa la ni gzugs brnyan rdzogs/ /zhes pa ste/ nang du bcom ldan 'das bsam par bya'o/ /'khor lo sngon du ci rigs par/ /lha rnams ji ltar 'byung ba nyid//ces pa'i mthar gzugs brnyan rdzogs pa'i rgyu yang rdzogs pa yin no zhes btags pa'i phyir/ bzhi pa la ni yig 'bru dgod/ /ces pas so/ /'khor lo sa dang chu ni sngon/ /ji ltar rigs par byin za dang / /lha rnams dang ni rlung chen dang / /ji ltar sgom pa po 'byung ba'ang //zhes pa'i mthar 'byung ba chen po lnga'i bdag nyid me long la sogs pa'i ye shes lnga'i rang bzhin chos kyi dbyings shin tu rnam par dag pa'i ngo bo yin pas yi ge dgod pa'o/ /yang na 'khor lo gang des sngon du gang de chu'i sngon du ste/ dang por gyur pa'i phyir 'di thams cad kyi'o//ji ltar rigs par zhes pa ni/ gang de byin za srub pa dang / bsrub pa'i sbyor ba'i rim pas de'i 'byung ba gang ngo / /lha rnams dang ni zhes pa ni gang de rlung chen gzugs la sogs pa phung po lnga'i rang bzhin sems can gyi khams thams cad kyi lha'i rang bzhin te srog tu gyur ba'i phyir ro//rlung chen ni ye shes chen po'i rang bzhin no/ /ji ltar 'byung ba zhes pa ni gang de sgom pa po ste/ 'di ltar 'byung ba ni/ ji ltar 'byung bas dang chu la sogs pa'i 'byung ba rnams rnam par shes pa la rag las pa'i phyir ro/ /de yang 'ang gi sgras nam mkha'i rang bzhin gyis nam mkha'i khams ye shes lnga dang /sku gsum dang thabs dang shes rab kyi bdag nyid kyi 'khor lo yin no/ /yang na 'khor lo ni mi shes pa gcod pa'i phyir ro/ /sa ni chos 'byung bdag med ma'o/ /chu ni sngon zhes pa ni byang chub kyi sems rdo rje 'dzin no/ /ji ltar rigs pa zhes pa ni rim pa ji lta bar ro//gnyi ga dbyer med pa'i phyir byin za ni gnyi ga dbyer med pa'i rang bzhin no/ /lha rnams dang ni me long la sogs pa'i ye shes lnga'i bdag nyid gzugs la sogs pa phung po lnga'i rang bzhin no/ /rlung chen ni ye shes chen po bsdu ba'i bdag nyid kyi spro ba'i rang bzhin no//yang na sa ni sa sku rdo rje'o/ /chu ni byang chub kyi sems nA da'i bdag nyid gsung rdo rje'o/ /byin za zhes pa ni rang bzhin med par byed pa'i phyir thugs rdo rje'o/ /lha ni rdo rje gsum dbyer med pa'o/ /rlung chen ni yang dag pa'i ye shes so/ /de yang sgom pa po ni bdag med ma dang dbyer med pa'i rdo rje 'dzin no//ji ltar ni rim par 'byung ba'o/ /yang na sa dang chu dang byin za rnams kyis dga' ba dang por byas pa'i rnam par dga' ba'i bar gyi dga' ba gsum mo/ /rlung chen gyis lhan cig skyes pa'i dga' ba'o/ /sgom pa po zhes pa 'dis bzhi ba'i rang bzhin yongs su rdzogs pa'i rdo rje 'dzin no//de nyid/ chos 'byung las skyes 'khor lo nyid/ /'phar ma gnyis dag skyon med pa/ /chos 'byung gi sgras gzhal yas khang bstan te/ /chos 'byung las byung ba'i gang 'khor lo de ni 'khor lo chos 'byung las byung ba'o/ /de cis khyad par du 'phags pa gsungs pa/'phar ma gnyis so/ /'phar ma gnyis kyi bdag nyid do/ /dag pa ni yongs su dag pa ste rang bzhin gyis dag pa'i phyir nang gi rim pa dang phyi'i rim pa'o/ /skyon med pa ni skyon nad med pa'o/ /des ji ltar sdug bsngal bskyed pa ltar phyi rol gyi yul yang nyon mongs pa la sogs pa sdug bsngal bskyed pa yin pas skyon dang 'dra ba'o//de btang nas skyon med pa lha'i bdag nyid shin tu rnam par dag pa'i chos kyi dbyings kyi rang bzhin no/ /ze'u 'bru las ni gcig yin te/ /gru gsum gyis ni phyi ma brjod/ /ces pa ni rim pa gcig go/ /ze'u 'bru zhes pa ni ze'u 'bru ni pad+ma la rag pa'i phyir pad+ma 'dab ma bzhi par man ngag gis shes par bya'o//gru gsum gyis ni phyi ma zhes pa'i chos 'byung gang khyab pa'i pad+ma 'dab ma brgyad pa gzhan no/ /de dbus shi ba bco lnga yi/ /gdan gyi bdag nyid rnam par bsam/ /zhes pa gang pad+ma gnyis po des rim pa gnyis so//de la nang gi rim pa'i lte ba la bdag med ma'o/ /'dab ma bzhi la mkha' 'gro ma bzhi'o/ /phyi rol gyi 'dab ma brgyad la mkha' 'gro ma brgyad do/ /pad+ma'i 'dab ma gnyi ga'i rtse mo dang rtsa ba'i bar gyi steng 'og dag tu mkha' 'gro ma gnyis so//'dis ni mkha' 'gro ma bco lnga'i rang bzhin gyi 'khor lo rdzogs par bya'o/ /de nas gdan bco lnga'i bdag nyid do/ /bsam pa ni bsgom pa'o/ /de yi steng du zla ba yin/ /chos kyi dbyings kyi bdag nyid kyi ro'i gdan bco lnga'o/ /de'i steng du zla ba'o/ /zla ba'i steng du sa bon yin/ / zhes pa ni lha gang bsgom par bya ba de'i sa bon nyid sa bon no/ /phyi nas bdud las rgyal bas mnan/ /gnyis 'dus pa la bde chen po/ /phyi nas ni rjes thogs te de'i steng du nyi ma'i dkyil 'khor ro/ /des sa bon can no/ /mnan pa ni nyi ma'i dkyil 'khor gyis mnan pa'o/ /de ltar rim pa 'dis nyi ma dang zla ba gnyis so//gang 'dus pa ni de 'dus pa'o/ /de'i bde chen ni ye shes chen po'o/ /'o na zla ba nyid sa bon gang las yin zhe na/ zla ba'i sa bon bstan pa/ A li zla ba'i gzugs kyis gnas/ /yi ge a la sogs pa bcu drug po de yongs su gyur pa las zla ba'o/ / kA li'i gzugs kyis snang byed do/ /zhes pa ni yi ge ka la sogs pa sum cu rtsa bzhi'i nA da'i phreng ba nyi ma'i gzugs kyis de yongs su gyur pa las nyi ma'o/ /rim pa 'dis yongs su rdzogs pa'i zla ba nyi ma 'dus pa las/ dkar mo la sogs rab tu grub/ /ces pa ni zla ba nyi ma 'dus pa las ni gang de 'dus pa las so//dkar mo la sogs ni phyi rol gyi rim par 'du byed nas bdag med ma la thug pa'i mkha' 'gro ma rnams bsdu bas so/ /grub ces pa ni yongs su rdzogs pa'o/ /de ltar gnyi ga'i nA da'i phreng ba gnyis 'dus nas yongs su gyur pa las byung ba'i nyi zla gnyis kyi nang du son pa'i sa bon las byung ba'i mkha' 'gro ma ye shes lnga'i bdag nyid yin par bstan pa'i phyir gsungs pa/zla ba me long ye shes ldan/ /zhes pa ste gang 'di A li'i nA da'i phreng ba yongs su gyur pa las zla ba'o/ /de yang me long lta bu'i ye shes kyi rang bzhin rnam par snang mdzad kun du snang ba'i mtshan nyid sku rdo rje sprul pa'i sku'o//bdun pa'i bdun pa mnyam nyid ldan/ /mnyam pa nyid gnyis su med pa nyid du rtog pa yod pa 'di'i phyir na/ mnyam pa nyid ldan pa rin chen 'byung ldan yang dag par rig pa'i rang bzhin thugs rdo rje rang bzhin med pa'i rang bzhin yin pa'i phyir chos kyi sku'o//rang lha'i sa bon phyag mtshan ni/ /gang dang gang gi sa bon gang yin pa de dang de'i sa bon yin pas sa bon dang lha'i phyag mtshan gang de ni so sor rtog pa'i ye shes so/ /dngos po mtha' dag phyin ci ma log par rtogs pa'i sa bon nA da'i rang bzhin gyis gsung rdo rje longs spyod rdzogs pa'i sku'o//de nyid brjod par bya ba ni bstan par bya'o/ /thams cad gcig gyur nan tan nyid/ /rdzogs pa chos nyid dag pa ste/ thams cad ces pa ni rdo rje gsum mo/ /gcig gyur ni gcig cing tha mi dad par gyur pa gang de'o/ /chos nyid dag pa ni shin tu rnam par dag pa'i chos nyid yin te/chos kyi dbyings shin tu rnam par dag pa'i rang bzhin nyid do/ /de'i nan tan ni rjes su 'dra bar mnyam pa nyid kyis gnas par ro/ /chos kyi dbyings de bzhin nyid rnam par mi rtog pa'i ye shes so/ /de la zla ba dang nyi ma gnyis thabs dang shes rab dag go//de'i nang du sa bon dang lhan cig dbyer med pa'i rdo rje gsum gzugs brnyan rdzogs pa'i bzhi pa lhan cig skyes pa shin tu rnam par dag pa'i chos kyi dbyings nyid du rnam par gzhag pa me long la sogs pa'i ye shes lnga'o/ /yang na chos 'byung ni bdag med ma don dam pa'i bden pa'o//de las skyes ni rab tu gsal bar byung ba kun rdzob kyi bden pa'o/ /gnyi ga dbyer med pa gang de ni chos 'byung las skyes pa'o/ /ji ltar zhe na/ de 'khor lo nyid de mi shes pa mtha' dag gcod pa'i phyir/ bdag med ma dang dbyer med pa'i rdo rje 'dzin pa'i ye shes so/ / de nyid 'phar ma gnyis te gnyi ga yang dag par sbyor ba'o/ /dag pa ni rang bzhin gyis yongs su dag pa'o/ /skyon med pa ni ma rig pa gdug pa'i sems rnams kyis rtag tu rgyun mi 'chad par yun ring por goms par byas pas der 'dzin pa log pa'i rtog pas chos kyi dbyings shin tu rnam par dag pa'i rang bzhin nyid du brtags nas/nyon mongs pa'i bag chags ma lus par nyams su myong ba'i sdug bsngal skyed par byed pas na skyon dang 'dra bas na skyon no/ /de nas lha'i rnam par dag pas spangs nas sems pas na skyon med pa'o/ /'dis ni nang rim gyis dag pa'o//phyi rol gyi skyon med pa dang phyi dang nang dbyer med pa nyid de ye shes yin no/ /de la gcig ni gnyis med pa'o/ /ze'u 'bru las ni mtha' yas pa mu med pa'i rdul phra rab bsags pa'i rang bzhin gyis chos thams cad ni gcig cing dbyer med par rtogs pa'i phyir a shes rab po//ka bde ba thabs so/ /re re yang thabs dang shes rab dbyer med par 'byung ngo / /de nyid zur gsum ste zur gsum ni rdo rje zur gsum ste/ zur gsum po des na rdo rje gsum mo/ /phyi ma ni bzhi pa lhan cig skyes pa'o/ /de yang brjod ni yang dag pa'i ye shes nyid yin no/ /de dbus ro ni bsam bya ba//zhes pa ni de ni ye shes so/ /dbus ni dbu ma'i mtha'o/ /bsam bya ba ni rtog pa'i rnam pa nyid kyis rnam par gzhag pa'o/ /de yang ro ni chos kyi dbyings kyi bdag nyid kun rdzob kyi bden pa'i rang bzhin bdag med ma dang tha mi dad pa'i rdo rje 'dzin pa'i ye shes so/ / yul dang dbang po des bskyed pa'i shes pas bco lnga'o/ /de rnams kyi gdan ni tha mal pa spong ba ste bsdu ba'o/ /de'i bdag nyid ni de'i rang bzhin rdo rje 'dzin pa dang dbyer med pa'i bdag med ma'i ye shes so/ /de'i steng du ni don yod pa sku rdo rje'o/ /sa byang chub kyi sems thugs rdo rje'o/ / yo rlung gsung rdo rje ste rdo rje gsum dbyer med pa'i ye shes so/ /de ltar de'i steng du'o/ /de yongs su gyur pas cir 'gyur zhe na/ zla ba ste bco lnga'i cha'i bdag nyid can gyi byang chub kyi sems so/ /zla ba'i steng du sa bon nyid/ /ces pa ni byang chub kyi sems yongs su gyur pa nyid khams gsum gyi sa bon gyi rang bzhin can yang dag pa'i ye shes so//'dis ni rnam par snang mdzad kyi rang bzhin dga' ba zhes bya ba'i ye shes te rnam par ni nges pa'o/ /snang mdzad ni bde ba'i ye shes gsal bar byed pa 'dis na'o/ /de bas na dga' ba lhag pa mchog tu dga' ba'i rang bzhin de rgyas par byed pas rin chen no//de'i gtso bo ni mnga' bdag go/ /rgyu de'i phyir bzod par nus pa'i phyir 'od dpag med de/ dpag med ni dpag tu med pa yin la/ 'od ni yul dang dbang po dang rnam par shes pa rnams ma rig pa las ldog pa gang la yod pa de ni 'od dpag tu med ba rnam par dga' ba'i rang bzhin no//de ltar rdo rje gsum dbyer med pa de yongs su gyur pa'i gang byang chub kyi sems de dbyer med pa'i ye shes nyid yang dag pa'i ye shes yin no/ /de yi steng du zla ba yin/ /zla ba'i steng du sa bon nyid/ /ces pa'o/ /phyi nas zhes pa ni rjes thogs nyid du ste bar ma chod pa nyid kyis de'i bdag nyid kyis so//nyi mas ni chags pa kun spangs pa'i rang bzhin lhan cig skyes pa'o/ /kun du mnan ni de rtogs pa'o/ /gnyis 'dus pa ni khu ba dang lhan cig skyes pa dag dbyer med du rtogs pa'o/ /bde chen po ni ye shes chen po'o/ /de nyid A li gnas ni bde chen A li mkha' 'gro ma bco lnga'o//de gnas pa ni mi g.yo bar gyur pa'o/ /ci zhe na zla ba'i gzugs kyis te khu ba'i rang bzhin gyis so/ /kA li'i gzugs kyis ni ka ni bde ba'o/ /de'i A li'i phreng ba dga' ba la sogs pa lhan cig skyes pa'i dga' ba'i bar du kA li'o/ /de'i gzugs kyis ni de'i rang bzhin gyis so//snang byed ni 'od gsal zhes bya ba'i don to/ /'dir zla ba dang nyi ma gnyis khu ba dang lhan cig skyes pa'i dga' ba'i rang bzhin dag go/ /gang 'dus pa ni dbyer med pa'o/ /de ni/ dkar mo la sogs rab tu grub/ /de ltar dkyil 'khor gnyis dbyer med pa nyid kyi bden pa gnyis kyi bdag nyid kyi ye shes yin par gsungs pa/zla ba me long ye shes ldan/ /zhes pa smos te/ 'od gsal gyi ye shes dang dbyer med pa nyid kyi byang chub kyi sems so/ /mnyam pa nyid ni dbyer med pa'i byang chub kyi sems dang 'od gsal ba dag dbyer med du rtogs pa'o//bdun pa'i bdun pa ni/ nyi ma ste rin chen gtso bo'o/ /'dir de snyed kyi lhan cig skyes pa dang dbyer med pa nyid kyi khu ba'o/ /de bas na sa bon ni dga' ba la sogs pa rnams kyis so/ /rang lha'i ni rang rig pa'i mtshan nyid can gyi ye shes so/ /phyag mtshan ni mtshan ma'o//de nyid so sor rtog pa ste/ so so re re zhing rtog pa med par nyams su myong ba'i mtshan nyid do/ /rjod par byed pa ni gsal bar bya ba'o/ /de nas yang thams cad ni dga' ba la sogs pa lhan cig skyes pa la thug par ro/ /gcig gyur ni gcig cing dbyer med par gyur pa gang ngo //de ni nan tan te 'dra ba nyid du gnas pa'o/ /'di nyid rdzogs pa ste/ rdo rje 'dzin pa dang bdag med ma tha mi dad pa'i ye shes so/ /chos nyid dag pa ni chos rnams shin tu dag pa'o/ /'di nyid/ mkhas pas cho ga gsungs pa yis/ /rnam pa lnga po bsgom pa nyid/ / zla ba dang nyi ma dang sa bon de gcig pa nyid de yang shin tu rnam par dag pa'i chos kyi dbyings nyid yin par cho ga 'dis so/ /bsgom pa nyid ni bsgom par bya ba'o/ /mkhas pas rtogs pa'i bdag nyid do/ /yang na rnam pa ni rdo rje 'dzin pa'o/ /kun rdzob kyi bden pa dang dbyer med pa'o/ /bsgom pa nyid ni thabs dang shes rab dbyer med pa snyoms par zhugs pa rnam par gzhag pa'o//cho ga lnga ni ye shes rnam pa lnga'i cho ga 'dis rnam pa sna tshogs pa'i ye shes kyis so/ /mkhas pa ni yang dag pa'i ye shes kyi rang bzhin no/ /'dis ni ye shes lnga'i me long la sogs pa bdag nyid de dang mkha' 'gro ma rnams gnyi ga kha sbyor ba nyid kyi rdo rje 'dzin pa rab tu gsal bar byed pa yin pa gsungs pa/A li kA li mnyam sbyor ba/ /rdo rje sems dpa' nyid kyi gdan/ /zhes pa smos te/ A li kA li mnyam sbyor ba/ /zhes pa ni/ sems can dbang bskur ba'i dkyil 'khor bstan pa me long la sogs pa ye shes lnga'i bdag nyid dang mkha' 'gro ma bco lnga'i rang bzhin gyi dkyil 'khor rdo rje sems dpa'i khu ba'i dbang bskur ba thob pa shin tu rnam par dag pa chos kyi dbyings kyi bdag nyid bstan te/A li kA li'i nA da phreng gnyis bdag med ma dang dbyer med pa'i rdo rje 'dzin pa'i thugs ka'i ba spu'i khung bu re re nas spros nas slar yang tshur 'dus te ba spu'i khung nas zhugs nas rdo rje'i lam nas byung bas lha mo thams cad kyi dkyil 'khor dbang bskur ba yin no//mnyam sbyor zhes pa la mnyam pa ni A li kA li dag ni dbyer med par gang de 'jug pas so/ /spro ba dang bsdu ba dag gis de rnal 'byor yin no//de yang rdo rje sems dpa' nyid kyi gdan ni gdan de'i bdag nyid kyi rdo rje 'dzin pa bzhugs pa yin pa'i don to/ /yang na A li kA li mnyam pa ni nyis 'gyur du blta pa'o/ /mnyam sbyor ni 'dus pa ste/ de yang rdo rje sems dpa'i de kho na nyid gsum gyi rang bzhin no//gdan ni gnas so/ /A li zhes pa ni yi ge a la sogs pa bcu drug rnams thabs dang shes rab kyi rang bzhin gyis nyis 'gyur du sum cu rtsa gnyis so/ /kA li zhes pa ni ka la sogs pa'i yi ge sum cu rtsa bzhi rnams Da D+ha da d+ha ya la dang bcas pa bzhi bcu nyis 'gyur las ni yi ge brgyad cu'o//de ltar mtshan bzang po sum cu rtsa gnyis kyi rnam par dag pa yi ge sum cu rtsa gnyis dang / dpe byad bzang po brgyad cu'i rnam par dag pas brgyad cu'o/ /'di ni mtshan sum cu rtsa gnyis dang ldan pa dpe byad bzang po brgyad cu mnga' ba'i rdo rje sems dpa' yin pa'i don to//yang na bdag med ma la sogs pa mkha' 'gro ma bco lnga rnams chos kyi dbyings su son pa zla ba dang nyi ma dang sa bon dang de kho na nyid gsum dbyer med pa de las byung ba shin tu rnam par dag pa'i chos kyi dbyings kyi rang bzhin me long la sogs pa ye shes lnga'i bdag nyid kyis rdo rje 'dzin pa dang tha mi dad pa'i bdag med ma yin no//de nyid gsungs pa/ A li kA li mnyam sbyor ba/ rdo rje sems dpa' nyid kyi gdan/ /zhes pa ste/ A li shes rab po/ /kA li thabs so/ /gnyi ga gang mnyam pa ni mnyam pa'i ye shes dbyer med du rtogs pa'o//de la go rdo rje sems dpa' ste/ go'i sgras dbang po ste/ dbang po rnams me long la sogs pa'i ye shes lnga'i bdag nyid kyis spro ba'i rang bzhin rdo rje 'dzin pa'o/ /rdo rje zhes pa ni mi phyed par gyur pas na bsdu ba'i rang bzhin gyi bdag med ma'o/ /'dis ni rdo rje go thabs dang shes rab dbyer med pa gang sems dpa' srid pa gsum gcig pa nyid de go rdo rje sems dpa'o//de'i gdan ni gdan no/ /'di rnams gdan du gyur pas khyab pa'i rdo rje sems dpa'o/ /de nyid/ yi ge las byung gong bu la/ /hUM phaT yi ge dgod mi bya/ /yi ge'i sgras A li kA li'i nA da phreng gnyis so//de las byung ba ni de las byung ba de'i rang bzhin no/ /gong bu ni gang gi lus de'o/ /yi ge las byung gong bu ni yi ge hUM nyid de bdag med ma dang dbyer med pa'i rdo rje 'dzin pa nyid do/ /yi ge phaT 'byed par byed pa mi 'dod pa nyid do//yi ge hUM gi sa bon nyid las bdag med ma dang dbyer med pa'i rdo rje 'dzin pa'i phyag mtshan rdo rje 'di ni rdo rje 'dzin pa dang dbyer med pa'i bdag med ma'o/ /gnyi ga'i bdag nyid dbyer med pa nyid kyi sa bon no/ /yang na yi ge'i sgras ni mi 'gyur zhing mi g.yo bas na yi ge'o/ /de las byung ni kun rdzob kyi bden pa'i bdag nyid kyi rdo rje 'dzin no//de'i gong bu ni sku kun rdzob kyi bden pa nyid bsdus pa'i don dam pa'i bden pa'i rang bzhin yin no/ /ci 'dra ba yin pa gsungs pa/ hUM zhes pa'i ha ni thabs so/ /u shes rab po/ /gnyi ga dbyer med pa'i byang chub sems zla ba'o//de yang thig le stong pa rang bzhin med pas brgyan pa'o/ /phaT shes rab bdag med ma'o/ /de'i yi ge ni rtog pa'i bya ba'o/ /'dod mi bya ni mi 'dod pa ste lhun gyis grub pa nyid kyis sems can thams cad kyi don la 'jug pa yin no/ /yang na/ yi ge las byung gong bu la/g.yo ba med par rang bzhin du byung ba'i gong bu'o/ /yi ge ni byed pa ste/ rdo rje lte ba'i nang na gnas pa'i byang chub kyi sems g.yo ba med pas so/ /rgyu gang zhe na/ hUM ste yi ge hUM ngo / /de yang de'i phaT kyis 'byed pa mi 'dod do/ /'ang gi sgra ni don 'di nyid gtang bar mi bya ba yin no//yang na dbang po de rnams dga' ba mi 'dor bas na yi ge ste de lta bur gyur pa'o/ /las byung ba ni chags pa'i mtshan nyid kyi 'dod chags chen pos dbang po thams cad la sogs pa gnyis su med pa'i dngos po'i phyir ro/ /gong bu dang 'dra bas na gong bu ste/ de'i 'dod chags chen po'o//phaT kyis 'byed pa ni chags pa dang bral ba'o/ /bden pa de la ni 'dod mi bya ste/ 'dod pa'i byed pa med pa nyid do/ /rtog pa thams cad las rnam par grol ba'i phyir ro/ /de yang rdo rje sems dpa' nyid kyi yi ge hUM dga' ba la sogs pa lhan cig skyes pa la thug pa'i bzhi pa'o//yang na a ni zla ba'o/ /de'i phyir yi ge las byung ni hUM bdag med ma dang dbyer med pa'i rdo rje 'dzin pa'o/ /de nyid phaT kyi yi ge'o/ /'dod mi bya ba nyid yin te/ ye shes kyi dkyil 'khor dang dam tshig gi dkyil 'khor dag dbyer med par mdor bstan pa de rgyas par bshad pas rab tu gsal bar byed pa'o//sems dpa'i gzugs brnyan las byung ba'i/ /dkyil 'khor bdag po rnam par bsgom/ /zhes pa la/ sems dpa'i sgras A li kA li'i nA da tshar gnyis kyi bdag nyid kyi zla ba dang nyi ma'i nang du son pa'i sa bon te/ srid gsum gcig pa sems pa nyid kyis na sems pa'o//de bas na de'i bdag nyid kyis shin tu rnam par dag pa chos kyi dbyings kyi rang bzhin gzugs brnyan lta bur gyur pa chu'i zla ba lta bu bden pa dang mi bden pa rnam par bcad nas/ 'das pa sems dpa'i gzugs brnyan de las byung ba'o//de nyid dkyil 'khor bdag po ste dkyil 'khor gyi gtso bo'o/ /rnam par bsgom ni rnam pa sna tshogs pa'i tshul gyis snyoms par 'jug pa bskyed par bya'o/ /yang na sems dpa'i gzugs brnyan las byung ba gang de nyid dkyil 'khor gyi bdag po ye shes tha mi dad pa'i snying po len pa'o//de rnam par bsgom pa ni lhan cig skyes pa'i bde bar rnam par bsgom zhing / gsal por bsgom par bya ba shin tu rnam par dag pa chos kyi dbyings kyi bdag nyid du rnam par gzhag pa yin no/ /dkyil 'khor gyi bdag po de cis khyad par du 'phags pa yin pa gsungs pa/ phyag mtshan la sogs gong ma bzhin/zla ba chu shel nor bu'i 'od/ /sngar gyi rnams dang 'dra bas na sngar gyi bzhin te phyag bzhi pa dang / phyag drug pa dang / bcu drug pa rnams kyi rim par phye ba gnyis par zhabs bzhi pa/ zhal brgyad pa zhes bya ba la sogs pa gang bstan pa dang / rim par phye ba gsum par phyag bzhi pa bdud bzhi'i rnam par dag pa zhes bya ba la sogs pa dang /de bzhin du phyag drug pa zhal gsum zhes bya ba la sogs pa gang de nyid do/ /de lta bur gyur pa'i zhal dang phyag mtshan la sogs pa gar mkhan la sogs pas mtshan pa'o/ /'on kyang / zla ba chu shel nor bu'i 'od//sems dpa'i gzugs brnyan las byung ba'i rgyu rdo rje 'chang nyid kyi phyir rgyu'i rdo rje 'chang rtsa ba'i zhal dang sku mdog dkar po'o/ /'bras bu rdo rje 'chang ni sku mdog nag po yin no/ /yang na gong ma bzhin ni ji ltar sngar chos kyi dbyings kyi bdag nyid kyi ro'i steng du zla ba dang nyi ma'i nang du son pa'i sa bon no//de bzhin du zhal brjod pa yin te/ brjod pa ni nA da tshar gnyis phyag mtshan dang sa bon yin pas zhal mtshon pa'o/ /'di gsum ka dang po gzod ma nas rgyu med pa de'i rgyu rnams kyis so/ /gang zla ba byang chub kyi sems so/ /ka bde ba'o/ /gnyi ga dbyer med pas na zla ba chu shel lo//nor bu'i 'od ni nor bu dang 'dra bar sna tshogs gzugs can gyi nor bu ji lta bar 'od 'bar zhing 'od gsal ba nyid gang de ni zla ba chu shel nor bu'i 'od do/ /da ni kha sbyor du bsdu ba gsungs pa/ 'di ltar thams cad rdzogs pa nyid/ /'di lta bu'i rim pas me long la sogs pa ye shes lnga'i rang bzhin gyis de bzhin gshegs pa dang mkha' 'gro thams cad nyid rdzogs pa yin no//yang na de ltar mkha' 'gro ma thams cad nyid rdzogs pa rnams de ltar yin no/ /don 'di nyid rgyas par bshad pa/ thabs dang shes rab rang bzhin las/ /zhes pa ste//yi ge e shes rab la/ yi ge waM gyis thabs te rang bzhin 'dis so/ /de nyid shes rab A li zhes brjod do/ /de nyid kA li thabs yin no/ /A li zla ba la kA li nyi ma 'di dbyer med pa'i phyir yi ge e dang yi ge waM thabs dang shes rab de dag las kyang A li kA li zla ba dang nyi ma dag 'dir khyad par du dbye ba/rab tu gsal ba'i shin tu gsal ba'i khyad par de'i phyir ro/ /yang na 'di ltar thams cad rdzogs pa nyid kyi/ 'di ltar ni stong pa nyid dang snying rje dbyer med pa'i byang chub kyi sems gang de'o/ /thams cad ni thams cad rdo rje 'dzin pa'o/ /a bdag med ma'o//de ltar thams cad rdo rje 'dzin pa dang dbyer med pa'i bdag med ma'o/ /de nyid rdzogs pa ni ma lus pa'i ye shes kyi rang bzhin can no/ /gang las she na/ gang gi phyir a tsheg drag gi mtha' can no/ /de nyid thabs dang shes rab kyi rang bzhin las te shes rab ces pa ni bdag med ma'o//thabs ni rdo rje 'dzin pa'o/ /gnyi ga'i rang bzhin las ni gnyi ga'i ngo bo nyid las so/ /gnyi ga yang A li kA li'i nA da tshar gnyis po de dbyer med pa'i phyir cha med pa yin no/ /de nas yang zla ba ni byang chub kyi sems so/ /nyi ma ni nyi ma ste cha shas med pa'i bde ba chen po'i ye shes so//gnyi ga rab dbye bas ni gzhan du na med pas te/ rab tu gsal bar rang bzhin med par byas pa'i phyir bzhi pa rdo rje 'chang ngo / /'di ltar zhes pa ni dga' ba'o/ /thabs dang shes rab ces pa ni mchog dga'o/ /A li kA li zhes pa ni rnam par dag pa'o/ /zla ba nyi ma'i rab dbye bas//zhes pa ni bzhi pa lhan cig skyes pa'o/ /'di ltar dkar mo sogs 'di'i phyir kha dog dbye ba so so yin/ 'di'i phyir ni rgyu 'di'i phyir ro/ /gau rI la sogs pa phyi rol gyi rim par gnas pa gzugs la sogs pa'i yul rnam par dag pas mkha' 'gro ma'o/ / dkar mo la sogs pa rnams kyi mdog ni nag po la sogs pa'o/ /dbye ba ni rab tu dbye ba nyid do/ /so so ni sna tshogs te sna tshogs pa'i mdog gang de mkha' 'gro ma'o/ /kha dog dbye ba zhes pa ni sa bon gyi bye brag go/ /gnas so so zhes pa ni/ so so so so'i sa bon las gang mkha' 'gro ma la sogs pa rnams bskyed pa'o//yang na dkar mo la sogs pa ni/ de bzhin gshegs pa dang mkha' 'gro ma rnams dbyer med pa 'byung ba'o/ /gzhan ni mchog go/ /'di nyid kha dog rnams kyi dbye ba dngos po med par bsdu ba'o/ /so so ni de nyid spro ba'o/ /spro ba dang bsdu ba'i bdag nyid des bden pa gnyis kyi bdag nyid kyi dkyil 'khor gnyis dbyer med pa yin no//de nyid rab tu gsal bar byed pa ni/ re zhig nang gi 'phar ma la/ rnal 'byor ma lnga nges gnas pa/ /nang gi sgras bdag nyid gang gi dbang du byas pa'i gang gi rim pa de ni nang rim pa de ni rim mo/ / de la re zhig gi sgra ni rim pa ste/ phyi nas phyi rol gyi rim pa 'chad par 'gyur ba'i phyir ro/ /gnas pa zhes pa ni dbyer med pa'i phyir gcig gi tshig go/ /nges pa ni nges pa'i don to/ /rnal 'byor ma lnga ni me long la sogs pa ye shes lnga'i bdag nyid kyi rnal 'byor dang ldan pa'o/ /de ji ltar bsgom pa yin pa gsungs pa/phung po lnga yi rang bzhin gyis/ /rnal 'byor rig pas rtag tu bsgom/ /gzugs dang / tshor ba dang / 'du shes dang / 'du byed dang / rnam par shes pa'i rang bzhin gyis snyoms par 'jug bar bya'o/ /de gang zhe na/ rnal 'byor rig pa ste/ gnyis su med pa khong du chud cing rtogs pa'o/ /rtag tu zhes pa ni rgyun mi 'chad pa nyid kyis so/ /yang na nang gi 'phar ma zhes pa ni bdag nyid lhag par gnas pa ste/ bdag nyid gnas pa gang gi 'phar ma de ni 'phar ma'o/ /de la re zhig gnas pa ni/ rba rlabs med pa'i tshul can no//nges pa ni nges pa'o/ /cis khyad par 'phags she na/ rnal 'byor ma lnga po zhes pa ni me long la sogs pa'i rnal 'byor lnga dang ldan pa'o/ /'dis ni gnyi ga'i bdag nyid do/ /bdag med ma dang mkha' 'gro ma de nyid phung po lnga ni gzugs la sogs pa'o/ /de rnams kyi rang bzhin gyis ni me long la sogs pa ye shes lnga'i bdag nyid kyi rnam par snang mdzad la sogs pa'i de bzhin gshegs pa lnga po de'i rang bzhin gyis so//bsgom pa ni snyoms par 'jug par bya ba'o/ /rnal 'byor rig ni gnyi ga dbyer med par rtogs shing khong du chud pa'o/ /rtag tu zhes pa ni rgyun mi 'chad pa nyid kyis so//nang gi 'phar ma la gnas pa'i mkha' 'gro ma lnga bstan pa ni/ dbang por rdo rje ni/ shar gyi 'dab ma la rdo rje mkha' 'gro ma'o/ /gshin rje ni lho'i 'dab ma la dkar mo'o/ /chu bdag ni nub kyi 'dab ma la chu'i rnal 'byor ma'o/ /lus ngan ni byang gi 'dab ma la rdo rje mkha' 'gro ma'o//dbus su ni dbus kyi lte ba la rnal 'byor ma bdag med ma'o/ /yang na dbang por rdo rje zhes pa ni/ gzugs phung rdo rje ma yin te/ /zhes pa'i tshig gis te kun du snang ba'i mtshan nyid sku rdo rje'o/ /gshin rje dkar ni tshor ba'i rang bzhin gyis dkar mo ste/ tshor ba la ni dkar mor bshad/ /ces pas so/ /rang rig pa'i rang bzhin thugs rdo rje'o/ /lus ngan rdo rje mkha' 'gro ma/ /zhes pa ni/ /'du shes chu yi rnal 'byor ma/ /zhes pa'i tshig gis so/ /mngon par brjod pa'i rang bzhin yin pas gsung rdo rje'o/ /lus ngan rdo rje mkha' 'gro ma/ /zhes pa ni rdo rje gsum dbyer med pa nyid kyis 'du byed kyi phung po chos kyi dbyings kyi rang bzhin des/rdo rje yang de mkha' 'gro ma yang yin pas rdo rje mkha' 'gro ma mi phyed pa'i rang bzhin no/ /DA nam mkha'i khams so/ /de'i sku yin pas na nges par bstan pas mkha' 'gro ma rdo rje gsum dbyer med pa'i rdo rje 'chang gi ye shes so//dbus su bdag med rnal 'byor ma/ /zhes pa ni/ bde ba la sogs pa'i rnam par rtog pa las 'das pa nyid kyis rnam par mi rtog pas dbu ma ste bar ma'o/ /de la bdag dang bdag gir 'dzin pa las rnam par grol ba'i phyir rnal 'byor ma bden pa gnyis dbyer med pa zhes pa'i don to//re zhig gi smra/ rim pa la ltos pa nyid kyis phyi rol gyi 'phar ma la gnas pa'i mkha' 'gro ma brgyad bstan pa ni/ phyi rol gyi ni 'phar ma la/ /dkar mo chom rkun ro langs ma/ /g+ha sma rI dang puk+ka sI/ ri khrod ma dang gdol ba ma/ /brgyad pa Dom+bi nI ru brjod//phyi rol gyi 'phar ma la ni shar gyi 'dab mar dkar mo/ lho'i 'dab ma la chom rkun ma/ nub kyi 'dab ma la ro langs ma/ byang gi 'dab ma la za phod ma/ dbang ldan gyi 'dab ma la puk+ka sI/ me'i 'dab ma la ri khrod ma/ bden bral gyi 'dab ma la gtum mo/ rlung gi phyogs kyi 'dab ma la g.yung mo'o//'og ldan ma dang steng ldan nyid/ /mkha' spyod ma dang sa spyod 'dod/ /'og gi sgras pad+ma gnyi ga'i rtse mo dang / /rtsa ba dag tu 'og gi sa spyod ma'o/ /de bzhin du mkha' spyod ma'o/ /srid dang zhi ba'i rang bzhin gyis/ /snying rje chen po'i 'di dag gnas/ / sa spyod ma dang mkha' spyod ma'i rnam pa mkha' 'gro ma gnyis 'khor ba dang mya ngan las 'das pa'i rang bzhin gyis gnas pa'o/ /srid pa dang mya ngan las 'das pa'i rang bzhin 'di dag kyang ye shes kyi rnam pas rnam par gnas so/ /snying rje che zhes pa ni bod pa'o/ /phyi rol gyi ni 'phar ma la/ dkar mo zhes pa ni/ gzugs la gau rIr rtag tu bshad/ /ces pas gzugs ni kun du snang ba'i mtshan nyid yin pa'i phyir sku rdo rje dga' ba dang po'o/ /sgra la chom rkun ma rab grags/ /zhes pa ni gsung rdo rje mchog dga'o/ /dri yi yul la ro langs ma/ /zhes pa ni dri ni rig pa ste thugs rdo rje rnam par dga' ba'o//ro ni za phod ma ru grags/ /zhes pa ni rdo rje gsum dbyer med pa nyid kyis ro ni nyams su myong ba'i mtshan nyid do/ /ro ni rin chen gtso bo'o/ /sa ni byang chub kyi sems 'od dpag tu med pa'o/ /gnyi ga dbyer med pa rdo rje 'dzin pa bzhi pa lhan cig skyes pa'o//sa ni puk+ka sI zhes bshad/ /ces pa ni/ gti mug rdo rje'i rnam par dag pas kun du snang ba'i mtshan nyid kyis sku rdo rje'o/ /chu khams rngon pa ma ru 'dod/ /ces pa ni chu ni 'od dpag tu med pa nyid kyis gsung rdo rje'o/ /me ni gtum mor shes par bya/ /zhes pa ni me ni rang bzhin med pa'i rgyu yin pa'i phyir ro//yang na tsAN+Da nyi ma'o/ /A li zla ba'o/ /gnyi ga 'di la yod pas gtum mo ste thugs rdo rje'o/ /g.yung mo ni gang la reg tu mi rung ba de ni g.yung mo'o/ /gzung ba dang 'dzin pa las rnam par grol ba'i ye shes dang ldan pa'o/ /brgyad pa ni brgyad rdzogs pa'o//thabs dang shes rab kyi rnam par dag pa'i phyir bzhi po gnyis te/ dga' ba la sogs pa'o/ /de bas na lha mo brgyad kyis yongs su bskor ba'o/ /mkha' 'gro ma lngas ni me long la sogs pa'i ye shes lnga'i bdag nyid can gyi bdag med ma'o/ /de lta bas na bcom ldan 'das srid pa dang zhi ba'i rang bzhin gyi gnas te dbyer med cing mi g.yo ba 'di dag ye shes kyi rnam pa'o//mkha' spyod dang sa spyod kyi sgras bdag med ma'i rang bzhin bstan pa las rdo rje 'dzin pa ni ma bstan to/ /rnam dag bstan pa'i lhag mas pho rtags kyis bstan to/ /de bas na rdo rje 'dzin pa bod pa ste/snying rje chen po zhes pas gnyi ga dbyer med pa'i lam shes kyi gzhan du ma yin pa nyid do/ /gang du khams gsum rang bzhin med par rtog pa rnam par gnas pas 'gro ba'i don byed pas na snying rje chen po nyid yin no/ /'di rnams kyi sa bon ni/ AM iM IM UM aM/ rdo rje dkar mo chu ma dang / /rdo rje mkha' 'gro bdag med ma/ /zhes pa'i mkha' 'gro ma lnga'i sa bon rim pas shes par bya'o/ /l-iM eM aiM auM dkar mo dang / chom kun ma dang / ro langs ma dang / za phod ma rnams kyi'o/ /UM r-iM r-IM l-iM/ sbos mo dang / rngon pa ma dang / gtum mo dang / Dom+bi nI rnams kyi'o//oM aM sa spyod ma dang mkha' spyod ma'i yin no/ /'dis ni gzugs la sogs pa'i phung po lnga rnam par dag pas mkha' 'gro ma lnga'o/ /gzugs la sogs pa'i yul bzhi yongs su dag pa dkar mo la sogs pa'i mkha' 'gro ma bzhi'o/ /sa dang chu dang me dang rlung gi 'byung ba bzhi rnam par dag pa sbos mo la sogs pa'i mkha' 'gro ma bzhi'o//yid kyi dam pa'i bde ba 'dzag /ces pa'i tshig gis so/ /sa spyod ma'i rnam par dag pa reg bya'i yul la/ bde ba yang ni nam mkha'i khams/ /zhes bas nam mkha'i khams rnam par dag pa'i phyir mkha' spyod ma'i rnam par dag pa nam mkha'i khams yin no//'dis ni dbang po lnga dang 'byung ba lnga'i bdag nyid kyi mkha' 'gro ma bco lnga'i rang bzhin gyi 'khor lo'o/ /mkha' spyod ma dang sa spyod ma 'di dag srid pa dang mya ngan las 'das pa'i rnam par dag pas thabs dang shes rab kyi bdag nyid kyi rdo rje 'dzin pa ste/rdo rje ma la sogs pa'i mkha' 'gro ma lnga po rnams kyis phung po lnga'i bdag nyid do/ /dkar mo la sogs pa'i rnal 'byor ma brgyad rnams kyis gzugs la sogs pa'i yul bzhi dang sa la sogs pa'i 'byung ba chen po bzhi'i rnam par dag pas rnal 'byor ma brgyad kyi rang bzhin dgu'i bdag nyid kyi rdo rje 'dzin pa yin no//gnyi ga'i dkyil 'khor dbyer med pa'i dkyil 'khor gnyis yin te/ A li kA li mnyam sbyor bas/ /rdo rje sems dpa' nyid kyi gdan/ /yi ge las byung gong bu la/ hUM phaT yi ge'ang 'dod mi bya/ /sems dpa'i gzugs brnyan las byung ba'i//dkyil 'khor bdag po rnam par bsgom/ /phyag mtshan zhal sogs snga ma bzhin/ /zla ba chu shel nor bu'i 'od/ /thabs dang shes rab rang bzhin las/ /'di rnams thams cad rdzogs pa nyid/ /zla ba nyi ma'i rab dbye bas/ /A li shes rab kA li thabs//'di ltar dkar mo sogs 'di'i phyir/ /kha dog dbye ba so so gzhan/ /zhes pas dkyil 'khor gnyis ka dbyer med pa nyid kyis kha sbyor nyid do/ /'phar ma gnyis zhes bya ba gang gsungs pa de gsal bar byas pa yin no/ /rdo rje mkha' 'gro ma thams cad/ /sku mdog nag mo drag chen mo//phyag rgya lnga yis rnam par brgyan/ /zhal gcig spyan ni dmar po rnams/ /lag par gri gug thod pas brel/ /don ni gsal ba nyid do/ /yang na thams cad ni rdo rje 'dzin pa'o/ /a bdag med ma'o/ /gnyi ga dbyer med pa'i ye shes thams cad do//de nyid rdo rje mkha' 'gro ma ste/ rdo rje ni rdo rje 'dzin pa'o/ /mkha' 'gro ma ni bdag med ma la sogs pa'o/ /'dis ni rdo rje mkha' 'gro ma ye shes dang dbyer med pa'i don to/ /sku mdog ces pa ni 'dir nag po bsrabs pas yi ge A li kA li'i nA da phreng gnyis kyis de rnams kha dog gnag pa'i cha med pa'i rang bzhin gyi don to//'dis ni nA da dang dbyer med pa nyid ye shes yin no/ /drag mo zhes pa ni mA ma kI byang chub kyi sems so/ /ha ni rdo rje 'dzin pa'o/ /gnyi ga dbyer med pa'i drag chen po gtum mo nyi ma'o/ /drag po nyi ma de bzhin du yin la ma ni A li'i tshul zla ba'o//chen po'i rang bzhin yang yin la drag mo yang yin pas drag chen mo ste/ snang ba snang ba med pa'i rang bzhin nyid sku dang dbyer med pa nyid kyi ye shes yin te/ rdo rje gsum dbyer med pa nyid sems dpa'i gzugs brnyan gyi rang bzhin gyis sku gsum dang dbyer med pa'i ye shes nyid yin no//phyag rgya lnga yis rnam par brgyan/ /zhes pa ni me long la sogs pa'i ye shes lnga nyid kyis sna tshogs pa'i gzugs su brgyan cing spro ba'i tshul gyis rnam par gnas so/ /spro ba dang bsdu ba'i bdag nyid kho na ye shes yin no/ /zhal gcig ces pa ni brjod pa yin pas na zhal lo//gcig ni dbyer med pa la yod pa de ni zhal gcig pa ste cha med pa'i rang bzhin no/ /spyan ni dmar zhes pa ni dmar po ni 'dod chags chags pa'i mtshan nyid do/ /spyan ni dbang po rnams gang la yod pa de spyan dmar ba'o/ /zhal gcig pas ni cha med pa yin la spyan dmar bas cha dang bcas pa yin no//gnyi ga'i bdag nyid yin pas 'di bden pa gnyis kyi bdag nyid yin no/ /gri gug ni bdag med ma'o/ /thod pa ni rdo rje 'dzin no/ /bden pa gnyis kyi bdag nyid kyis bden pa gnyis bdag med ma dang rdo rje 'dzin pa yin no/ /de nyid phyag ste/ ka rdo rje 'dzin pa'o/ /ra bdag med ma'o//gnyi ga dbyer med pa'i phyir phyag yin no/ /phyag rgya lnga nyid bstan pa/ 'khor lo rna cha mgul rgyan dang / /lag par lag gdub skye rags ni/ /sangs rgyas lnga yi rnam dag pa'o/ /'di lnga phyag rgya dag pa'o/ /zhes pas me long la sogs pa'i ye shes lnga'i bdag nyid yin par gang gsungs pa de'i rgyas par bshad pa'o//'di thams cad nyid dbyer med pa'i ye shes yin par gsungs pa/ ji ltar bdag med rnal 'byor ma/ /de ltar thams cad rnam par bshad/ /thams cad nyid ni mkha' 'gro ma'o/ /de ltar rnam par ni de lta bu'i rnam par ro/ /'di ltar bdag med rnal 'byor ma ni/bdag med mkha' 'gro ma dang 'dra ba nyid du mkha' 'gro ma yin no/ /lag pa gcig ni thod pas brel/ /phyag g.yon pa thod pas brel ba'o/ /g.yas pa na ni gri gug 'dzin/ /zhes pa'i tshig gis dang / /g.yon pa kha T+wAM ga nyid do/ /zhes pa ni g.yon pa'i ngos su'o/ / stag gi pags pas rnam dkris shing / /zhes pa ni stag gi pags pa'i sham thabs so/ /ro la zhon zhing gzi brjid 'bar/ /phyag gnyis gyen du dbu skyes ser/ /zhes pa ni gsal ba nyid do/ /yang na thams cad ni rdo rje 'dzin pa'o/ /a bdag med ma'o/ /gnyi ga dbyer med pa nyid kyis thams cad do//de ltar zhes pa yang e'i cha byad bzang po la/ /dbus su waM gyis rnam par brgyan/ /bde ba thams cad kyi ni gnas/ /sangs rgyas rin chen za ma tog /ces pa'i tshig gis so/ /stong pa nyid dang snying rje dbyer med pa'i byang chub kyi sems kyi rang bzhin no/ /de lta bu'i rnam pa gang la yod pa de ni gnyi ga dbyer med pa'i rdo rje 'dzin pa zhes pa'i don to//bshad ces pa ni kha thugs so/ /ya rlung gsung ngo / /a gzugs kyi phung po'i rang bzhin gyi sku rdo rje'o/ /de ltar sku gsung thugs dbyer med pa'i ye shes ni bya'o/ /'di ltar gyur pas na ta'o/ /ji ltar bdag med rnal 'byor ma//de lta bu'i rnam pas ji ltar bdag med ma'i rnal 'byor ma de bzhin du mkha' 'gro ma thams cad ces pa'i don to/ /lag pa gcig ni thod pas brel/ /ka bde ba skyong bar byed pas na thod pa ste/ chos 'byung bdag med ma'o/ /gcig ni rdo rje 'dzin pa'o/ /de ltar na thod pa gcig gi bdag nyid do//lag pa ni gnyi ga lnga'i bdag nyid rdo rje gsum dbyer med pa'i ye shes 'di ni thod pa gcig gi phyag go/ /'dis ni gnyi ga dbyer med pa'i ye shes brel ba dang po dang bral bas brel ba ste/ dang po dang bral ba'i phyir de yang ye shes so/ /a bdag med ma de dang dbyer med pas lag pa gcig ni thod pas brel lo//g.yas pa na ni gri gug 'dzin/ /nyi ma rin chen gtso bo'o/ /rgyu de'i phyir na gri gug 'dzin ni ji ltar gri gug gi sos gcod par byed pa de bzhin du rin chen gtso yang mi shes pa gcod pa yin pas/ lag pa g.yas na gri gug 'dzin no//'dis ni bdag med ma dang dbyer med pa nyid kyi rdo rje 'dzin no/ /g.yon na kha T+wAM ga nyid do/ /zhes pa ni g.yon na ni zla ba'o/ /kha T+wAM ga ni stong pa nyid bcu drug bdag med ma rnam par dag pa'i byang chub kyi sems yin pa'i don to/ /stag gi pags pas rnam dkris shing / / stag gi pags pa'i sgra ni sna tshogs su spro ba'i bdag nyid kyis so/ /dkris pa ni kun rdzob kyi bden pa'o/ /a bdag med ma don dam pa'i bden pa'o/ /gnyi ga dbyer med par 'gro bas na dkris pa'o/ /'dis ni bdag med ma dang dbyer med pa'i rdo rje 'dzin gsal bar byas pa yin pa'i don to//ro la zhon pa zhes pa ni ro chos kyi dbyings so/ /de la zhon pa ni chos kyi dbyings khyab pa'o/ /gzi brjid 'bar zhes pa ni rang bzhin med par 'od gsal ba'o/ /phyag gnyis zhes pa ni bden pa gnyis kyi bdag nyid do/ /ser skya ni nyi ma'o/ /steng du 'gro ba'i phyir steng ste/ ser po yang yin la steng yang yin pas gyen du yang ser ro//mgo skyes ni mgo skyes te zla ba'o/ /gyen du ser yang yin la mgo skyes kyang yin pas gyen du dbu skyes ser ro/ /'di gnyi ga'i bdag nyid yi ge a ste/ A li bsdu ba'o/ /thabs dang shes rab dbyer med pa nyid bsdu ba'i bdag nyid bdag med ma'i 'khor ro//de bzhin du ji ltar bdag med ma'i dkyil 'khor de bzhin du rdo rje 'dzin pa'i dkyil 'khor yang yin no/ /gri gug gi rnam par dag pa bstan pa/ nga rgyal la sogs skyon drug rnams/ /gcod phyir gri gug rnam par gnas/ /zhes pa ni/ /nga rgyal dang / gti mug dang /'dod chags dang / zhe sdang dang / phrag dog dang / phra ma dang nyes pa drug go/ /de rnams gcad par bya ba'i phyir gri gug gnas pa'o/ /'di ni skyon drug rnam par dag pa ste/ skyon drug rnam par dag pa yang de bzhin gshegs pa lnga dang / rdo rje sems dpa'i rnam par dag pa nyid gnyis su med pa'i ye shes yin no//dngos dang dngos med rnam rtog gi /mgo bo'i pad+ma'i snod du ni/ dngos po ni 'khor ba'o/ /dngos po med pa ni mya ngan las 'das pa'o/ /gnyi ga'i rnam par rtog pa dang bral ba'o/ /mgo ni de dang po nyid yin pas so/ /pad+ma'i snod ni thod pa'i snod de gnyis su med par rnam par dag pa'i thod pa'o//yang na dngos po ni 'byung ba skyed pa'o/ /dngos med ni mi 'byung zhing mi skye ba'o/ /skye ba nyid mi skye ba'o/ /de bas na rnam par rtog pa dang bral ba'i yang dag par rtogs pa'o/ /de'i mgo ni de'i rtsa ba'o/ /pad+ma'i snod ni ye shes kyi gnas so//de nyid yang dag pa'i ye shes zhes bya ba'i don to/ /bdud rnams kyi ni bzhi yi khrag /dngos grub phyir ni btung bar bya/ /thod pa khrag gis bkang ba ste/ /de la thod pa'i khrag 'byung ba'o/ /bdud rnams kyi ni zhes pa ni bdud rnam pa bzhi ste bdud rnam pa bzhi btul ba'i phyir ro//dngos grub phyir ni dngos grub tu 'gyur ba yin pas dngos grub kyi rgyur 'thung ba'o/ /yang na/ sems can dga' bar mi byed pas na bdud de sems can ni dbang po rnams so/ /de rnams yul la chags pa las dga' bar 'gyur ro/ /de bzlog nas kyang dga' ba med cing dga' ba bzhi la sogs pa rnams kyis dbang po rnams yul la bzlog pa 'dis na bdud bzhi'o//de rnams kyi de dang 'brel pa'i khrag chags pa'i mtshan nyid do/ /'thung ba ni chags pa med par byed de/ chags pa med pa'i rang bzhin yin pa'i phyir/ lhan cig skyes pa la lhan cig par chags pa yang med pa yin no//dngos grub phyir ni zhes pa la dngos grub ni 'bras bu'o/ /phyir ni rgyu'o/ /'bras bu nyid rgyu yin pas rgyu dang 'bras bu dbyer med pa yin no/ /de'i phyir lhan cig skyes pa la thug pas rgyu'i phyir 'bras bu nyid kyang lhan cig skyes pa yin no/ /stong pa'i rnam bas kha T+wAM ga /zhes pa ni kha T+wAM ga'i rnam par dag pa bstan te/ stong pa nyid bcu drug rnam par dag pa kha T+wAM ga yin no/ /yang na aM ga 'gro ba yin pas na lus te/ de yang kha T+waM ni nam mkha' la 'gro ba yin pas mkha' spyod ma'o/ /de yang stong pa nyid do/ /ji ltar yin pa gsungs pa/rnam pas zhes pa ste/ ka kA li'o/ /a A li'o/ /de ltar A li kA li gnyis kyi nA da phreng gnyis po de yongs su spangs nas/ A li kA li gnyi ga kha sbyor bas gnyi ga dbyer med du rtogs pa'i phyir bdag med ma dang dbyer med pa nyid kyi rdo rje 'dzin pa yin no/ /thabs kyi ro ni rnam par brtag /ces pa ni/ ro'i rnam par dag pa bstan pa gang ro de chos kyi dbyings kyi rang bzhin gyi thabs nyid kyis rnam par brtag ni yongs su dpyad pa'o/ /thabs kyi rang bzhin nyid ro'i rnam par dag pa yin no/ /yang na chos kyi dbyings thugs so/ /thabs 'di ni rnam par shes pa'o//nye ba ni drung na nye bar bsgyur ba'i ye shes so/ /thabs dbang po dang yul la rag las pa'i phyir dbang po'i yul dang / dbang po dang shes pa brtags pa des yongs su dpyad pa rdo rje gsum dbyer med pa'i ye shes yang dag pa yin no/ /'dis ni 'khor lo rnam bsgoms na/ /dngos grub myur du thob par 'gyur//'dis ni zhes pa ni rim pa 'dis so/ /'khor lo ni rnal 'byor ma'i 'khor lo'o/ /rnam bsgoms na ni snyoms par 'jug par bya ba'o/ /bden pa gnyis kyi bdag nyid dkyil 'khor gnyis dbyer med pa des so/ /myur ba ni myur bar ro/ /dngos grub ni phyag rgya chen po'i dngos grub bo//thob par 'gyur ni rnal 'byor bas thob par ro/ /yang na 'dis ni ye shes kyis so/ /'khor lo ni dbang po lnga dang yul lnga dang ye shes lnga'i bdag nyid kyi rnal 'byor ma bco lnga'i rang bzhin no/ /bsgoms ni snyoms par 'jug par bya ba'o/ /ye shes dang tha mi dad pa nyid de yang 'khor lo yin no//de nas myur du ni dngos grub myur du'o/ /a bdag med ma'o/ /ba byang chub kyi sems rdo rje 'dzin no/ /de ltar gnyi ga ni a ba'o/ /thob par 'gyur ni gnyi ga dbyer med pas khyab pa rnam par gzhag par bya'o/ /de ltar gnyi ga dbyer med pa'i ye shes nyid phyag rgya chen po'i dngos grub yin no//phyag rgya chen po'i dngos grub kyang mngon par shes pa drug 'byung ba yin pas de gsungs pa/ dang po nag po rab tu bsgom/ /gnyis par dmar po rnam par bsgom/ /gsum pa la ni ser po bsgom/ /bzhi par ljang gu de bzhin no/ /lnga par kha dog sngon po dang / drug par dkar po'i lus can te/ /yan lag drug bsgom rnal 'byor pa/ /dga' bral mthar yang de bzhin no/ /'khor lo bsgoms par gyur pa de la dang po kha dog nag po'i 'od zer ro/ /de'i rjes su dmar po'o/ /de'i rjes su ser po'o/ /de'i rjes su ljang gu'o/ /de'i rjes la sngon po'o//de'i 'og tu dkar po'o/ /'od zer drug spros pas mngon par shes pa drug la sogs pa'i yon tan rnams kyi mtshan ma yin no/ /yan lag drug bsgom ni yan lag drug snyoms par 'jug pa'o/ /de nyid ni rnal 'byor pa ste/ gnyi ga dbyer med par rtogs par gnas pa'o//de yang ni yan lag drug go/ /de bzhin ni ji lta ba bzhin du'o/ rnam par dga' ba'i mthar ni lhan cig skyes pa ste/ ji ltar 'od gsal gyi ye shes nyid yin no/ /yang na/ /nga rgyal la sogs skyon drug rnams/ /gcod pas gri gug rnam par gnas/ /zhes pas nga rgyal la sogs pa'i shes pa drug rnam par dag pas gri gug go//gang mdor bstan pa de nyid rgyas par bshad pa yin te/ dang po nag por bsgom par bya/ /zhes bya ba la sogs pa nas/ dga' bral mthar yang de bzhin no/ /zhes pa'i bar gyis nga rgyal la sogs pa'i skyon drug rnam par dag pas mtshan ma drug 'byung ba yin no//yang na nga rgyal la sogs pa'i rnam par dag pas gri gug go/ /dngos dang dngos med rnam rtog gi /mgo bo yi ni pad+ma'i snod/ /ces gang bstan pa pad+ma'i snod rnam par dag pa'o/ /bdud rnams rnam pa bzhi yi khrag /dngos grub phyir ni btung bar bya//zhes pa gang yang khrag gi rnam par dag pa'o/ /stong pa'i rnam pas kha T+wAM ga /zhes pa ni kha T+wAM ga'i rnam par dag pa'o/ /thabs kyis ro ni rnam par brtag /ces pas gang ro'i rnam par dag pa'o/ /'dis ni 'khor lo rnam bsgoms na/ /zhes pa rnam par dag pa lnga'i bdag nyid mkha' 'gro ma bco lnga'i rang bzhin gang drug pa'i rang bzhin gyi 'khor lo de'o//yan lag drug nga rgyal la sogs pa'i skyon drug rnam par dag pa'i phyir/ gri gug gang nag po'o/ /gnyis su med pa'i ye shes nyid yin pas na dang po'o/ /dngos dang dngos med la sogs pa rnam par dag pa las/thabs dang shes rab kyi rang bzhin gnyis pa nyid kyis chags pa'i mtshan nyid kyi phyir thabs dang shes rab kyi chags pa'i mtshan nyid las rnam par grol bas dmar ba'o/ /bdud rnams rnam pa bzhi yi khrag /dngos grub phyir ni btung bar bya//zhes pas gsum pa rnam par dga' ba'i ngo bo'i skad cig la yul dang dbang po'i chags pa'i btung ba 'thung ba'i phyir ser po'o/ /stong pa'i rnam pa kha T+wAM ga /zhes pa bzhi pa ljang gu ste/ bzhi pa lhan cig skyes pa'i rang bzhin gyi dus su ljang gu ste/ ha byang chub kyi sems so//byang chub kyi sems gsog gsob kyi rang bzhin te gsog dang 'dra bas na gsog ste/ nges pa'i tshig gis ljang gu nyid do/ /thabs kyi ro ni rnam par brtag /ces pas de nyid bzhi pa lhan cig skyes pa la me long lta bu la sogs pa'i ye shes lnga de la yod pas lnga bar kha dog sngon po dang zhes pa ste/dkar po dang nag po gnyi ga dbyer med pa'i rang bzhin yin pas sngon po nyid do/ /'dis ni 'khor lo rnam bsgoms na/ /zhes bya ba la sogs pas drug pa ste drug pa rdo rje 'dzin pa'i rgyus dkar po nyid 'od gsal ba nyid do/ /lus ni bsags pa'i mtshan nyid kyi rnal 'byor ma bco lnga'i bdag nyid kyi lus de 'di la yod pas dkar po'i lus can de'i 'khor lo yang dag pa'i ye shes de'i sku dkar po'i lus can no//de ci 'dra ba cig yin pa gsungs pa/ AM ste yi ge a la sogs pa AM gi bar du nA da bco lnga yongs su gyur pa las mkha' 'gro bco lnga'i rang bzhin no//yan lag drug bsgom ni bden pa gnyis kyi bdag nyid du snyoms par 'jug pa'o/ /rnal 'byor pa de nyid zung 'jug pa la rnam par gnas pa'o/ /de lta bur gyur pa gang yan lag drug po de slar ci 'dra ba cig yin par bzhi pa nyid kyi phyag rgya gsungs pa/ rnam dga' mthar yang de bzhin no//zhes pa ni ji ltar bzhi pa lhan cig skyes pa de bzhin du yan lag drug gi ye shes yin no/ /lhan cig skyes pa dang dbyer med pa nyid me long lta bu sogs pa ye shes lnga'i bdag nyid kyi ye shes so/ /de ltar kha sbyor nyid du ston par byed pa/ 'phar ma gnyis dag skyon med pa//zhes gang gsungs pa de thams cad nyid 'khor lo gnyis su med pa'i bdag nyid yin gyi gzhan ni ci yang med do/ /de gsungs pa/ bskyed pa'i rim pa nyid dang ni/ /rdzogs pa yi ni rim pa nyid/ /rim pa gnyis la brten nas ni/ /rdo rje can gyis chos bshad do/ /zhes pa smos te/ rim par bya bar grags pas na rim pa'o/ /de ni bskyed pa'i'o/ /bskyed pa ni bskyed pa ste/ /de ston cing 'chad pas bskyed pas sku mdog dang phyag mtshan dang dbyibs kyi bdag nyid lha'i rnam par yongs su rdzogs pa'i 'khor lo'i rang bzhin no/ /rdzogs pa'i rim pa nyid rdzogs pa'i sgras yongs su rdzogs pa'i lha'i rnam pa gri gug la sogs pa rnam par dag pa'i rang bzhin shin tu rnam par dag pa chos kyi dbyings kyi bdag nyid kyis gang grags pa de'i rim pa'o//'dir rim pa gnyis la brten nas ni/ /rdo rje can gyis ni dbyer med pa'i ye shes can no/ /chos bshad do ni chos yang dag par bstan pa'o//yang na rim pa ni rtog pa'i ye shes so/ /de bskyed pa ni bskyed pa'i sgras kun rdzob kyi bden pa yang dag pa'i ye shes so/ /tsa'i sgra ni gang gi phyir gyi don te gang gi phyir ro/ /e'i sgra chos 'byung bdag med ma'o/ /ba byang chub kyi sems so/ /gnyi ga dbyer med pa yin te/don dam pa'i bden pa dang tha mi dad pa nyid kun rdzob kyi bden pa yin no/ /rdzogs pa yi yang rim pa nyid/ /ces pa la rdzogs pa'i rim pa'i sgra ni don dam pa'i bden pa yang dag pa'i ye shes so/ /de yang 'ang nyid ni 'ang gi sgra nyid kyi don te/ bden pa gnyis dbyer med pa nyid kyi ye shes yin no//de lta bu'i rim pas gang rim gnyis ni ye shes gnyis so/ /de la brten nas ni mnyam pa nyid du nges pa'i rdo rje can dbyer med pa'i ye shes can no/ /chos bshad do ni chos bstan pa'o/ /'di 'dra ba nyid kyis bcom ldan 'das bden pa gnyis kyi bdag nyid can chos kyi sku yin no//bskyed pa yi ni cha bshad do/ /zhes pa ni lung yin pas rtags kyi tshig rang dga' ba med par ma ning gis bstan to/ /nam mkha'i khams su b+ha ga bsam/ /zhes bya ba la sogs pa nas/ rnam dga' mthar yang de bzhin no/ /zhes pa'i bar gyis bskyed pa'i cha bstan to//yang na bskyed pa'i cha zhes pa ni bskyed pa'i sgra ni khyad par du gyur pa 'jug cing bskyed pa'i ye shes gsal ba bdag med ma'o/ /cha ni bgo skal te me long lta bu la sogs pa'i ye shes lnga'i bdag nyid kyis na de'i bdag nyid kyi rdo rje 'dzin no/ /bskyed pa yang yin la cha yang yin pas bskyed pa'i cha ste/gnyis su med pa'i phyir na ma ning ngo / /de 'chad ni ston pa'o/ /bshad zin pa'i bskyed pa'i rim pa'i cha nyid kyi rdzogs pa'i rim pa nyid kyang bstan pa yin pa gsungs pa/ nam mkha'i khams kyi pad+ma la/ /b+ha ga zhes bya ye shes brjod/ /ces pas rdzogs pa'i rim pa bstan to/nam mkha'i khams kyi pad+ma la ni chos 'byung sa gzhi'o/ /brten par gyur pa ni b+ha ga zhes bya ye shes brjod de ye shes so/ /sgom pa zhes bya snyoms 'jug ste/ mtshungs pa nyid du 'jug pa'i ye shes rdo rje dang pad+ma mnyam par sbyor ba'o/ /de'i bde ba ni snyoms par zhugs pa'i ye shes ni 'khor lo brjed do//ji ltar rigs pa rang rig nyid ni snyoms par zhugs pa gang gi dga' ba la sogs pa'i ye shes so/ /de'i rang rig nyid ni bdag nyid rig pa'i ngo bo yin pa'i phyir ro/ /lha zhes bya ba byang chub sems/ /zhes pa ni de nyid stong pa nyid dang snying rje dbyer med pa'i byang chub kyi sems gang de nyid lha yin no//ji ltar 'byung ba khu ba yin no/ /lhan cig skyes pa rnam gnyis te/ ji ltar 'byung ba'i sgra ni khu bar bshad de/ khu ba de nyid lhan cig skyes pa'o/ /de ni rgyu de'i phyir na'o/ /rnam pa gnyis ni lhan cig skyes pa rnam pa gnyis so//re zhig btsun mo shes rab yin/ /zhes pa ni gang bud med kyi gzugs de re zhig go/ /shes rab ni lhan cig skyes pa yin no/ /skyes bu thabs su brjod pa yin/ /zhes pa ni khu ba'i tshul de gang skyes bu yin no/ /'di'i khu ba dang lhan cig skyes pa dag thabs dang shes rab nyid yin no//phyi nas 'dis ni rnam pa gnyis/ /'dis zhes pa ni thabs dang shes rab re re zhing yang rnam pa gnyis nyid do/ /kun rdzob don dam dbye ba las/ /rnam par nub pa don dam pa'i bden pa lhan cig skyes pa'o/ /kun rdzob ni kun rdzob kyi bden pa khu ba'o/ /re zhig skyes bu'i rnam pa gnyis khu ba 'am de'i bde ba'o//khu ba dang 'brel ba'i bde ba gang ngo / /skyes bu ji bzhin shes rab la'ang / de yi khu ba'am bde ba nyid/ /de nyid phyir na dga' ba ni/ /bzhi yi rab tu dbye ba yin/ /bzhi'i zhes pa ni/ rnam mkha'i khams zhes pa gcig gi tha tshig go/ / pad+ma la zhes pa ni mang po'i tshig gang de dga' ba'i rang bzhin gyis so/ /dga' ba rnams kyang shes rab kyi rang bzhin yin pas na/ bzhi'i zhes mo rtags kyis bstan to/ /gang phyir lhan cig skyes rnam bzhi/ /zhes pa ni rgyu gang gi phyir lhan cig skyes pa ni rnam pa bzhi'o/ /rdzogs pa'i rim pa'i phyogs las ni/shin tu rnam par dag pa'i chos kyi dbyings kyi bdag nyid du rnal 'byor ma'i 'khor lo rtogs pas so/ /dga' ba dang po dpa' bo nyid ni dpa' bo rdo rje 'dzin pa gnyi ga dbyer med pa'i ma ning ngo / /mchog tu dga' ba rnal 'byor ma/ /rnal 'byor ma bdag med ma'o//shin tu bde dga' thams cad nges/ /mdzes pa'i dga' ba ni shin tu dga' ba'o/ /nges pa ni nges pa'o/ /gang mtha' dag ni dus mnyam pa nyid du dbang po lnga dang yul rnams gang du der nub pa yin pas shin tu bde ba yang yin la dga' ba yang yin pas shin tu bde dga' ste rnam par dga' ba'o//de yang kun rdo rje 'dzin pa dang bdag med ma gnyis dbyer med pa'o/ /de bde thabs la thams cad rig /de'i phyir rjes su'o/ /gang bde ba gang lhan cig skyes pa'i ye shes so/ /thabs byang chub kyi sems khu ba'o/ /de gnyi ga nyid thams cad rig pas thams cad rig pa'o//dga' ba bde ba cung zad de/ /zhes pa ni/ dga' ba dang po nyid ces pa kun rdzob kyi bden pa'i bdag nyid kyi rdo rje 'chang ngo / /de cir 'gyur pa yin pa rgyas par bshad pa ni/ bde ba ye shes rnams cung zad/ /ces pas shin tu rnam par dag pa'i chos kyi dbyings kyi rang bzhin dbang po dang yul du rtogs pa'i ngo bo kun rdzob kyi bden pa'i bdag nyid kyi ye shes so//mchog tu dga' ba de las lhag /ces pa ni/ mchog tu dga' ba rnal 'byor ma zhes pa ni gang de'i rgyas bshad do/ /mchog ni khyad par du 'phags pa'o/ / dga' ba ni lhan cig skyes pa'o/ /de las lhag ni lhag pa lta bur lhag pa ste/ de kun rdzob kyi bden pa'i bdag nyid kyi ye shes las lhag pa don dam pa'i bden pa'i bdag nyid kyi rang bzhin gyi ye shes so/ /yang na lhag pa ni/ lhag par mnan pas ni lhag pa bde ba'o/ /de nyid lhag pa ste 'di ni lhan cig skyes pa'i lhag par gnas pa'i ye shes so//rnam par dga' ba rnam chags yin/ /zhes pa ni/ /shin tu bde dga' thams cad nges/ /zhes pa gang de'i rgyas par bshad pa'o/ /khyad par 'phags pa'i dga' ba ni rnam par dga' ba'o/ /rnam pa yang de yin la dga' ba yang yin pas rnam par dga' ba ste/dga' ba gsum gyi rang bzhin yin pa'i phyir ro/ /rnam chags ni khyad par du 'phags pa'i chags pa'i dga' ba yin pas mang po'i tshig go/ /khyad par du 'phags par dga' bas na khyad par du 'phags par dga' ba'o/ /yang na rnam par dga' ba zhes pa ni/dga' ba dang mchog tu dga' ba dag rdo rje 'dzin pa dang bdag med ma'i rang bzhin gyis lhan cig skyes pa gnyis so/ /de yang dbang po dang yul gyi rang bzhin te gnyi ga dbyer med pa'i bdag nyid kyis rnam par shes pa yang bde ba'i rnam pa'i rang bzhin du rtogs pa'i phyir dang /rdo rje gsum dbyer med pa'i phyir rnam par dga' ba'o/ /rnam chags yin ni chags pa dang bral bas chags bral te/ 'dod chags kyis chags pa'i mtshan nyid dbang po dang yul gyis chags pa'i mtshan nyid las rnam par grol ba'i rang bzhin gcig tu yod pa rnam par shes pa yongs su mthar phyin pa gang ngo //de yin pa ni 'gyur ba ste/ de yang chags pa'i rang bzhin nyid yin no/ /'o na gal te 'di lta bu'i lhan cig skyes pa'i dga' ba ci 'dra ba cig ce na/ lhan cig skyes dga' lhag ma nyid/ /lhag ma zhes pa ni bde ba'i rnam par nye bar dmigs pa nyams pa dbang po yul dbyer med par bde ba'i rnam par yongs su gyur pa chags pa'i mtshan nyid kyi rnam par shes pa dang bral ba'o//lhan cig skyes dga' zhes pa ni lhan cig skyes pa'i ye shes te/ bde ba spangs nas de ma yin/ /zhes pa'i tshig gis so/ /khu ba dang bde ba dag bskyed par bya ba dang / skyed par byed pa bye brag med pas na 'dod chags dang 'dod chags dang bral ba 'dres par gyur pa'i 'dod chags dang bral ba rnam par spangs pa'i yang dag pa'i ye shes yin no// thabs kyi bde ba de kun rig /ces pa gang de'i rgyas par bshad pa yin no/ /dang por reg pa 'dod pa dang / reg par 'dod pas 'jug pa'i ye shes dang po'o//dga' ba bde ba cung zad de/ /zhes pa gang de rgyas par bshad pa'o/ /gnyis pa bde bar 'dod pa yin/ /zhes pa ni reg pa de la bde bar 'dod pa so/ /mchog tu dga' ba de las lhag /ces pa gang de rgyas par bshad pa'o/ /gsum pa 'dod chags 'jig pa'i phyir//dbang po dang yul dbyer med pa thabs dang shes rab tha mi dad pa'i yul dang dbang po'i chags pa dang bral bas 'dod chags 'jig pa'o/ /de'i phyir dga' bral dga' ba chags bral yin/ /zhes pa de rgyas par bstan pa yin no/ /des na bzhi pa bsgom par bya/ /des na zhes pa ni 'dod chags 'jig pa na ste bde ba'i rnam par yongs su gyur pa'i rnam par shes pa yang yal bar 'dor ba'i phyir 'dod chags nyams pa'i rgyu mtshan de'i phyir na'o//bsgom par bya ni snyoms par 'jug par bya ba ste/ khu ba dang lhan cig skyes pa dag dbyer med pa nyid rdo rje 'dzin pa'i ye shes yin pas lhan cig skyes pa'i dga' ba nges par bya'o//lhan cig skyes dga' lhag ma nyid/ /ces gang de rgyas par bshad pa'o/ /da ni bdag med ma dang dbyer med pa nyid kyi rdo rje 'dzin ye shes yin par rab tu gsal bar byed pa ni/ mchog tu dga' ba srid par brjod/ /mchog tu dga' ba gang de las byung ba kun rdzob kyi bden pa rdo rje 'chang gi ye shes te/mchog tu dga' ba rnal 'byor ma/ /zhes gsungs pa'i phyir ro/ /da ni de nyid rdo rje 'dzin pa'i ye shes su gyur pa las dbyer med pa'i 'di gnyi ga'i bdag nyid kyi ye shes thabs dang shes rab kyi rang bzhin gyis dga' ba bzhi'i rab tu dbye bas thabs dang shes rab dag kyang dbyer med pa'i phyir ro//dga' ba bzhi yin pa lhan cig skyes pa'i ye shes dang dbyer med pa nyid yin pa de gsungs/ rnam par dga' las mya ngan 'das/ /khyad par du 'phags par chags pa'i mtshan nyid don dam pa'i bden pas bdag med pa'i ye shes srid pa dang mya ngan las 'das pa dbyer med pa gang ngo //dbu ma dga' ba tsam nyid de/ /'dis ni lhan cig skyes pa spangs/ /zhes pa ni/ gang de bar ma bar ma na dga' ba tsam de 'ba' zhig bde ba'i ye shes de'i rgyu nyid las mchog tu dga' ba la sogs pa rnams skyes pa kun thun mong pa nyid do//de'i lhan cig skyes pa ni gang bzhi pa de yang ngo / /'di rnams kyis ni gsum po rnams kyis spangs pa ste/ gsum po 'di yang de ru de'i bdag nyid kyis de ru zhugs pa las mi dmigs pas na rnam pa sna tshogs 'di rnams kyis spangs nas yongs su btang ste/dga' ba gsum po lhan cig skyes pa la rag las pa yin te/ de nyid kyi khongs su 'di thams cad 'dus pa'i phyir ro/ /yang na mchog tu dga' ba srid pa zhes pa ni yang dag par chags pa'i mtshan nyid gang de srid pa rtag pa'i ye shes so//dga' bral chags pa med pa'i mtshan nyid gang de yang dga' ba dang bral ba'i chad pa'o/ /srid pa dang mya ngan las 'das pa rtag pa dang chad pa dag gnyi ga dang gang bral ba'o/ /bar ma ni bar ma ste/ de yang dga' ba tsam ye shes 'ba' zhig go/ /de la yang mtshan ma la spyod pa nyid du 'byung ngo //lhan cig skyes pa ni yang dag par rdzogs pa'i sangs rgyas kyi ye shes gang de'o/ /'di rnams kyis spangs ni/ rtag pa dang chad par dang bral ba'i lhan cig skyes pa gang de gsum po 'di rnams kyis so/ /ji ltar zhe na spangs pa ste khyad par du yongs su spangs pa'o/ /'dis ni lhan cig skyes pa nyid dga' ba bzhin du 'byung ste/thig le bzhi'i bdag nyid yin pa'i phyir stong pa nyid bcu drug rnam par dag pa nyid lhan cig skyes pa'i ye shes yin no/ /dga' ba dang po dpa' bo nyid/ /ces bya ba la sogs pa bzhis mdor bstan pa'o/ /dga' ba bde ba cung zad de/ /zhes bya ba la sogs pa bzhis rgyas par bshad do//dang po reg par 'dod pa dang / /zhes bya ba la sogs pa bzhis shin tu rgyas par bshad pa'o/ /mchog tu dga' ba srid par brjod/ /ces bya ba la sogs pa bzhis 'jug bsdu pa ste/ stong pa nyid bcu drug gi bdag nyid lhan cig skyes pa'i ye shes so//de'i phyir bstan pa'i dga' ba la sogs pa'i dga' ba gsum ni/ lhan cig skyes pa la rag las pa yin pa'i phyir lhan cig skyes pa dang dbyer med pa'i rang bzhin des na mtshan ma'i yul ma yin pa gzung ba dang 'dzin pa med pa'i rang bzhin rnam par shes pa'i spyod yul ma yin par des gsungs pa/gzhan gyis brjod min lhan cig skyes/ /gang du yang ni mi rnyed de/ /bla ma'i dus nyer bsten pa yis/ /bdag gis bsod nams las shes bya/ /lhan cig skyes pa gzhan su yis kyang smra bar mi nus te ngag gi spyod yul las 'das pa'i phyir ro/ /gang du yang dngos po mi rnyed de/gzung ba dang 'dzin pa'i yul las shin tu 'das pa'i phyir ro/ /bdag gis shes bya ba ni rang nyid kyis rtogs pa'o/ /ji ltar zhe na/ bsod nams las bsod nams kyi tshogs las so/ /rgyu de nyid kyi phyir/ bla ma'i dus tshigs bsten pa las 'gyur te/ bla ma brgyud pa bsten pa las yin no//de nas des bstan pa la yang bla ma'i bka' drin las khong du chud par 'gyur ro/ /de nyid kyi phyir bsod nams kyi tshogs las ye shes kyi tshogs bstan pa'o/ /yang na rang gis shes bya ni bdag nyid kyis nyams su myong ba'o/ /rang gis nyams su myong ba'i mtshan nyid de ni lhan cig skyes pa'o//bdag nyid la byed pa 'gal ba'i phyir rang rig pa yang stong pa yin no/ /lhan cig skyes pa de rnam par shes pa'i yang spyod yul ma yin no/ /de ltar sku dang gsung dang thugs las shin tu 'das pa nyid do/ /'od ji ltar zhe na/ bsod nams ni bsod nams kyi tshogs las bla ma'i dus nye bar bsten pas/bla ma'i rim pa goms pa nyid des na rim pa lnga'i mngon par byang chub pa dang bral na yang dag pa'i de kho na nyid 'byung bar mi 'gyur bas/ dang por gnang ba de yang 'jig rten gyi chos brgyad dang bral ba'o/ /de nas yang gnas pa ni de las ldog pa'o/ /de ji ltar zhe na//'di lta bu'i kun rdzob dang don dam pa dbyer med pa'i ye shes 'byung ba'o/ /rim pa ni rim pa 'dis ni bskyed par bya'o/ /de nas man ngag ni/ gang de bskyed par bya ba'i ye shes de nyid yin no/ /'di thams cad phyag rgya chen po'i dngos grub kyi thabs dag khyad la gtad pa yin no//khyod kyis kyang byang chub kyi snying po la thug gi bar du 'gro ba'i don bskyed pa'i phyir dad pa'i stobs dang / /dran pa'i stobs dang / brtson 'grus kyi stobs dang / shes rab kyi stobs dang / ye shes kyi stobs rnams mi spang bar bya ba ni yang dag par blangs pa'o/ /de ltar gnang ba dang gnas pa dang /rim pa dang / gdams ngag dang / yang dag par blangs pa dang / rim pa lnga rnams ni bstan bcos kyi dka' drin las mchog tu bstan pa yin te/ /bstan bcos kyi bka' drin nyid las yang dag pa'i ye shes mchog gi rgyu gzhan bstan pa yod pa ma yin no/ / lhan cig skyes pa'i rang bzhin kho na so so'i sdeb sbyor gyis 'byung ba yin no/ /dman dang 'bring dang mchog rnams dang / /gzhan dang gang rnams de rnams kyang / /ro mnyam de nyid bsgoms pa yis/ /'di kun mnyam pa nyid du blta/ /dman pa gnas ni phra ba'i don/ /mchog ni dngos por brjod par bya//dbu ma gnyis kyis spangs pa nyid/ /gzhan rnams zhes bya dbang po drug /gang rnams de rnams brtan g.yo bas/ /'di kun zhes bya nga nyid med/ /dman pa la sogs pa mdor bstan pa'i rgyas par bshad pa yin no/ /dman pa gnas ni phra ba'i don/ /zhes pa ni shes rab go//dngos por brjod par bya zhes pa ni thabs so/ /dbu ma gnyis kyis spangs pa nyid ni thabs dang shes rab dbyer med pa'i rdo rje gsum gyi rang bzhin gyi ye shes so/ /dbang po drug ces pa ni drug pa rdo rje 'dzin pa'i ye shes so/ /gang rnams de rnams brtan dang g.yo ni bsdu ba dang spro ba'i bdag nyid de yin no//'di kun zhes pa ni thams cad nyid ye shes kyi rang bzhin can no/ /nga nyid med ni nga med pa nyid med pa ste/ mtha' dag bsdu pa'i bdag nyid kyi ye shes so/ /yang na/ dman pa gnas ni phra ba'i don/ /zhes pa ni dga' ba'i ye shes so/ /mchog ni dngos por brjod par bya ni mchog dga' ye shes so//dbu ma gnyis kyis spangs pa nyid/ /ces pa ni rnam par dga' ba'i ye shes so/ /gzhan rnams zhes bya dbang po drug /ces pa ni gzhan 'di rnams yin te/ 'di rnams kyis thams cad dbyer med pa'i lhan cig skyes pa'i ye shes so/ / drug po rdo rje 'dzin pa'i rang bzhin gyi ye shes lnga'i bdag nyid de nyid spro ba dang bsdu ba'i rang bzhin no/ /gang rnams de rnams brtan dang g.yo/ /'di kun zhes pa ni dga' ba la sogs pa thams cad nyid kyi ye shes so/ /nga nyid med ni yi ge haM gis tshul yang med pa yin te rdo rje 'dzin pa'i rang bzhin gyi rnam par rtog pa yang de la med pa yin no//mnyam nyid mtshungs par 'dod pa yin/ /dga' ba la sogs pa thams cad rnams mtshungs par bya ba nyid kyis so/ /ji ltar zhe na/ ro mnyam de nyid bsgoms pas ni/ /mnyam pa zhes bya mtshungs par brjod/ /ces dbyer med par bshad do//de yi 'khor lo ro zhes brjod/ /de'i nyams su myong ba'i ro'o/ /ro gcig tu mnyam pa nyid 'gyur ba'o/ /ji ltar zhe na/ brjod par bya'o/ /'dis ni don gyis brjod par bya/ /de nyid kyi don gsungs pa/ nga las 'gro ba thams cad byung / /nga las gnas gsum po yang byung //nga yis 'di kun khyab pa ste/ /'gro ba'i rang bzhin gzhan ma mthong / /gzhan gyi rang bzhin ni tha dad du byas pa ci yang snang ba med do/ /gang gi phyir 'gro ba thams cad nga las byung ni dbang po dang yul gang dag rnam par shes pa las 'das pa'i phyir med do/ /'jig rten gsum ni sku gsung thugs te gang rnam par shes pa las gzhan med do//nga yis 'di kun ni ye shes lnga dang sku gsum gyi bdag nyid nga rnam par shes pas khyab pa'o/ /de bas na de'i phyir shes pa'i rang bzhin las gzhan gyi rang bzhin 'gro ba ci yang ma mthong ngo / /'gro ba kun ye shes gcig gi rang bzhin yin pa des na rnam par shes pa'i rtog pa yang yod pa ma yin no//de skad du yang / rtogs bya rtogs pa'i rnam pa med/ /de bzhin gshegs pa'i thugs kyis gzigs/ /gang la rtogs bya rtogs byed pa/ /de la byang chub yod ma yin/ /zhes gsungs so/ /gzhan yang sems kyis sems mi mthong ngo //yang na/ sems gnyis rtog pa yod pa ma yin no/ /de ltar rnal 'byor pas shes nas/ /shin tu mnyam gzhag gang goms pa/ /bsod nams chung ba'i mi yis kyang / /de ni 'grub par the tshom med/ /yi ge e dang yi ge waM gyi bdag nyid kyi yid la byed pa'i ye shes kyis nges pa'o//rnal 'byor pa ni zung 'jug la gnas nas goms pas mngon du 'gyur ro/ /mnyam par gzhag pa ni dbyer med par lhag par gnas pa'o/ /de ni 'grub par ni phyag rgya chen po'i dngos grub 'grub par 'gyur bar the tshom med do/ / bsod nams chung bas kyang ni zhes pa ni bsod nams bsags pa'i bdag nyid kyis re zhig 'grub pa nyid do/ /bsod nams chung bas kyang ye shes kyi che ba'i bdag nyid kyis dngos grub thob par 'gyur ba'i don to/ /rgyun mi 'chad par bya ba la 'jug pa'i rang bzhin nyid kyis lhan cig skyes pa bstan pa'i phyir/gsungs pa/ bza' dang btung dang 'khrud pa dang / /nyal dang log dang sems pa na/ /phyag rgya chen po mngon 'dod pa/ /de nas mngon du 'gro bar 'gyur/ /bza' dang btung ba la sogs pa'i bya ba la yang lhan cig skyes pa mngon du sems na rgyu de'i phyir phyag rgya chen po mngon par 'dod pa po lhan cig skyes par 'gro zhing lhan cig skyes pa'i rang bzhin thob pa yin no//bza' bas lus kyi mngon par zhen pa ldog pa'o/ /btung bas ni ngag gi mngon par zhen pa ldog pa'o/ /khrus ni sems kyi mngon par zhen pa ldog pa'o/ /nyal dang log pa ni spro ba dang bsdu ba'i bdag nyid kyis bdag med ma dang dbyer med pa'i rdo rje 'dzin pa'i rang bzhin bsams na ye shes gcig gi rang bzhin du 'gyur ro//de bas na de'i phyir mngon du yangs shing rgyas pa de'i dngos po mngon du lhan cig mthong bar 'gyur ba yin pas mngon sum du thob par 'gyur ba yin no//phyag rgya chen po mngon 'dod pas ni phyag rgya chen po ni gang zhig mngon par kun la khyab par bya ba dang khyab par byed pa nyid kyis so/ /'dod pa ni brtag pa gang gi'o/ /de ni phyag rgya chen po mngon par 'dod pa'i rdo rje 'dzin de bstan cing brjod pas so/ /phyag rgya chen po mngon par 'dod pa ni spro ba dang bsdu ba'i bdag nyid bdag med ma dang rdo rje 'dzin pa'i rang bzhin du rnal 'byor pas bskyed pa'i don to//mnyam pa nyid du gcig pa'i mtshan nyid des na/ lhan cig skyes pa'i bsgom par bya ba dang sgom pa po dang bsgom pa gsum ka mi dmigs par bstan pa'i phyir gsungs pa/gang phyir yid kyis mi bsgom par/ /'gro ba thams cad bsgom par bya/ /thams cad chos ni yongs shes na/ /bsgom pa nyid ni bsgom pa min/ /'gro ba thams cad khams gsum du gyur ba 'khor bar spyod pa'i 'gro ba ris drug tu son pa'i 'jig rten pa thams cad dang /ljon shing la sogs pa snod kyi 'jig rten thams cad nyid bsgom par bya ste snyoms par 'jug par bya'o/ /gang gis she na yid kyis so/ /sems kyis sems tsam nyid du 'gro ba kun yin pa'i rgyu gang gi phyir ro/ /de'i phyir bsgom pa zhes brjod do/ /bsgom pa nyid ni bsgom pa min ni snyoms par 'jug pa zhes bshad do//ji ltar zhe na/ gang gi phyir chos thams cad yongs su shes na gang de ni bsgom pa'o/ /chos thams cad dang lhan cig kun nas kun du gang gi phyir ye shes de'i phyir bsgom par mi bya'o/ /snyoms par 'jug par mi bya'o/ /de skad du yang slob dpon la ba'i na bza' can gyi zhal snga nas//gzugs brnyan lta bur gzung bar bya/ /thog ma med pa'i sems las byung / /de yi rnam pa can zhes pa/ /phan tshun du ni gzugs brnyan bzhin/ /ji ltar me long la gzugs brnyan shar la mig gi 'bras bu la yang me long shar ti dus gcig pa nyid du'o//de bzhin du gzung ba dang 'dzin pa dbyer med pa nyid rtag tu shar te dbang po dang yul dang shes pa rnams mnyam pa nyid du gcig pa'i mtshan nyid kyi ye shes te bsgom pa nyid ni bsgom pa yin no/ /'gro ba'i sgras ni dbang po rnams so/ /thams cad kyi skyes yul rnams so//yid kyi sgras sems so/ /de ltar rdo rje gsum dbyer med pa nyid rtag tu ye shes yin no/ /mdor bstan pa'i don rgyas par bshad pa/ /brtan dang g.yo ba'i dngos po gang / /rtswa lcug 'khri shing la sogs pa/ /bdag gi dngos po'i rang bzhin las/ /dam pa de nyid nges bsgom bya//'dir brtan pa ni mi rgyu ba rnams so/ /g.yo ba ni rgyu ba rnams kyi srog chags so/ /de ltar brtan pa dang g.yo ba thams cad kyi dngos po'i don to/ /de nyid gsal bar byed pa rtswa ni phra ba rnams so/ /lcug ma ni bsdus pa'i tshul zor bu'i rnam pa'o/ / 'khri shing ni yan lag gyes pa'i tshul yin pas rtswa lcug 'khri shing ngo / /brtan pa'i dngos po rnams kyang 'grib pa 'phel ba'i rang bzhin rnam pa gsum du yod pa yin no/ /rnam pa gsum nyid nye bar bstan pa yin no/ /sogs pa'i sgras 'gro ba zhes bya ba la sogs pa rgyu ba rnams bstan pa'i phyir ro//de yang bsgom par bya ste dam pa'i de nyid ni mchog gi ye shes kyi rang bzhin no/ /ji ltar zhe na gang gi phyir gyi don to/ bdag gi dngos po'i rang bzhin las/ /bdag gi dngos po ni bdag gi dngos po ste/ ji ltar bdag nyid gzod ma nas ma skyes pa de bzhin du brtan pa'i dngos po rnams gzod ma nas ma skyes pa yin no//'di ni gnyis su med par rtogs pa'i phyir yang dag pa'i ye shes kyi bdag nyid kun yin no/ /'o na ci brtan pa dang g.yo ba dag dbyer med pa yin nam zhe na gsungs pa/ de rnams dam pa gcig yod min/ /zhes pa smos te/ de rnams ni brtan pa rnams kyi dam pa gcig yod min no//de ci zhe na/ rang rig pa bde ba chen po nyid/ /rang rig pa'i rang bzhin gyi ye shes yin gyi/ brtan pa rnams ni sems med pa'i phyir ro/ /yod na de rnams ni brtan pa rnams kyi dang g.yo ba rnams kyi'o/ /gang gcig ni gnyis su med pa'o/ / de dam pa ni de'i rang bzhin no/ /dam pa de ci 'dra ba yin zhe na de gsungs pa/ yod min te/ rang rig pa yod pa las ldog pa'o/ /bdag nyid la byed pa 'gal ba'i phyir de ldog pa med pa yang med pa yin pas gnyi ga yang ldog pa'i rang bzhin gnyis su med pa'i mchog de nyid bde ba'i ye shes de nyid yang dag pa'i ye shes so//gang las rang rig pa gnyi ga las ldog pa yin pa gsungs pa/ rang rig las ni dngos grub yin/ /rang rig phyir ni bsgom pa nyid/ /rang gi rig pa'i rang bzhin las/ /rtog pa las ni las skyes te/ /zhes pa la/ gang rang rig pa'i rgyu las/ phyag rgya chen po'i dngos grub thob pa yin pas na/rang rig las ni dngos grub yin/ /rang rig pa la bsgom pa nyid/ /ces pa ni gang gi phyir te/ rang rig pa'i ye shes de'o/ /bsgom pa ni snyoms par 'jug pa'o/ /gnyi ga dbyer med pa'i rang bzhin nyid kyi phyir/ rang rig pa'i rang bzhin gyi las gang de'i las kyang bde ba dang sdug bsngal nyams su myong ba'i bdag nyid la de yang rang rig pa'i rnam par 'phrul ba yin no//gang las she na/ gang / rtog pa las ni las skyes te/ /zhes pa'o/ /rtog pa zhes pa ni 'khrul ba ste de las skyes pa'o/ /ma rig pa'i rkyen gyis ni thams cad 'dus byas pa ste//ma rig pa yang gti mug go/ /gti mug kyang 'khrul pa'o/ /de la yang der zhen pa 'khrul pa'o/ /de ltar thag pa bsgril ba la sprul du shes pa de'i yang 'khrul pa nyid sa bon no/ /de'i phyir/ 'khrul pa'i dbang gis rtog pa skye/ /de nas yang las bde ba dang sdug bsngal la sogs pa 'byung ste 'di nyid bstan pa'i phyir gsungs pa/rang gis 'phrog po rang nyid byed/ rang nyid rgyal po rang gtso bo'o/ /rang gis 'phrog ni rang rig bsdu ba'i rang bzhin no/ /rang nyid byed po ni rang nyid spro ba'i rang bzhin no/ /rang nyid rgyal po ni rang nyid rab tu gsal ba'i rang bzhin no//rang nyid gtso bo zhes pa ni thams cad kyi bdag po dang ldan pa'i phyir/ sna tshogs gzugs can gyi nor bu dang 'dra bar rab tu gsal ba spro ba dang bsdu ba'i rang bzhin no/ /'phrog cing gi tshul gyis gzugs la sogs pa'i yul gyi rang bzhin no/ /byed po'i tshul gyis mig la sogs pa'i dbang po'i rang bzhin no//rgyal po'i tshul gyis rnam par shes pa'i rang bzhin no/ /gtso bo'i tshul gyis shes pa dang dbang po dang yul dbyer med pa nyid yang dag pa'i ye shes yin no/ /de nyid kyi phyir ye shes rang nyid byed po yin pa'i phyir/ 'dod chags zhe sdang phrag dog dang / /de bzhin gti mug nga rgyal nyid//de kun de'i gnas nyams dga' bar/ /bcu drug char yang mi phod do/ /'dod chags dang zhe sdang la sogs pa de thams cad do/ /de'i gnas ni yang dag pa'i ye shes rtogs pa'o/ /cis khyad par 'phags she na/ nyams dga' ba ste/ 'dod chags la sogs pa ni nyams dga' bar gyur pa ste/ye shes lnga'i rang bzhin de'i bdag nyid kyis 'byung ste ye shes nyid kyis ma ning du bstan to/ /thams cad kyi bcu drug char yang mi phod na/ bco lnga'i cha'i bdag nyid kyi zla ba nyid yin gyi/ bcu drug pa'i cha de ni med pa nyid de bya ba ci yang med pa'i phyir ro//de mi phod pa ni mchod pa mi byed pa'o/ /rang rig pa'i bdag nyid kun nyid do/ /bcu drug ni stong pa nyid bcu drug gi rnam par dag pa'o/ /cha ni/ ka bde ba de len cing 'dzin par byed pas na cha bdag med ma'o/ /de mi phod pa ni mi mchod pa ste thams cad snang ba med par gyur ba'i phyir ro/ / bla ma'i dus tshigs bsten pas lhan cig skyes pa'i shes pa yin par de gsungs pa/ /chos 'byung las skyes ye shes ni/ /mkha' mnyam lhan cig thabs dang bcas/ /thabs dang shes rab rang bzhin las/ /'jig rten gsum po de las skyes/ /chos rnams kyi 'byung ba gang la yod pa de ni chos 'byung ngo //de las byung ni skyes pa ste ye shes gang la yod pa'i ye shes de ni chos 'byung las skyes so/ /cis khyad par 'phags she na mkha' mnyam ste/ nam mkha' lta bu'o/ /slar yang cir 'gyur zhe na/ thabs dang bcas pa'o/ thabs dang lhan cig par gyur pa ste/ thabs dang bcas ni rdo rje 'dzin pa dang bdag med ma'o//de lhan cig ni ldan pa'o/ /de las de'i phyir 'gro ba gsum po skyes pa'o/ /'di ni gang gi phyir te thabs dang shes rab kyi rang bzhin nyid de'i ye shes so/ /yang na chos 'byung ni bdag med ma'o/ /las skyes ni rdo rje 'dzin no/ /chos 'byung yang yin la las skyes kyang yin pas chos 'byung las skyes so//de lta bur gyur pa'i ye shes mkha' mnyam ste/ nam mkha' lta bur ro mnyam pa'o/ /lhan cig thabs dang bcas ni rdo rje 'dzin pa dang bdag med ma dbyer med pa'o/ /de la ni de las skyes pa'o/ /gsum yang yin la 'jig rten yang yin pas 'jig rten gsum mo//de rnams kyi dngos po ni 'jig rten gsum mo/ /gsum gyi sgra ni sku gsung thugs so/ /'jig rten gyi sgra ni phung po lnga ste/ de ba skyed par bya ba dang skyed par byed pa'i tshul gyis de'i bdag nyid kyis de nyid la rnam par gnas so/ /'dis ni sku gsum dang ye shes lnga'i bdag nyid kho na ye shes de yin no//thabs dang shes rab rang bzhin las/ thabs dang shes rab kyi sgras ni A li kA li'o/ /swA'i sgra ni thugs a wa d+hU tI'o/ /'di rnams kyi dngos po las te 'di'i rang bzhin yin pa'i phyir ro/ /'dis ni gnyis su med pa nyid gnyis so//de dang dbyer med par 'di gsum de dang tha mi dad pa'i lnga yin no/ /'di ni bzhi'i bdag nyid bzhi pa lhan cig skyes pa'i rang bzhin gyi ye shes so/ /thabs dang shes rab kyi rang bzhin nyid lhan cig skyes par rab tu gsal bar byed pa ni/ khu ba'i rnam pa bcom ldan 'das/ /de yi bde ba 'dod mar brjod//gcig dang du ma bral ba ste/ /skad gcig gcig las gzhan dga' ba kun du bya ba kun nas bya ba gsal byed pas na/ rnam pa khu ba nyid kyi rnam pas khu ba'i rnam pa ste/ de ni bcom ldan 'das chos 'byung las skyes pa kun rdzob kyi bden pa'i bdag nyid kyi rdo rje 'dzin no//de'i bde ba ni de la yod pa'i ye shes gang de'o/ /'dod mar ni bdag med ma don dam pa'i bden pa'i bdag nyid can no/ /brjod ni ye shes te 'di ni khu ba'i rnam pa bcom ldan 'das so/ /gcig dang du ma'i sbyor bral ni/ /rnam pa sna tshogs pa'i tshul gyis 'di la sbyor ba yin pas sbyor bral lo//gcig nyid du ma yin pas gcig dang du ma ste/ gcig dang du ma'i sbyor ba dang bral bas gcig dang du ma'i sbyor bral lo/ /'dis ni gnyis su med pa dang gnyis la sogs pa'i bdag nyid spro ba dang bsdu ba dbyer med pa tha mi dad pa gcig pa'i tshul lo/ /'di ji ltar zhe na/skad cig las ni lhan cig skyes pas so/ /gcig ni dbyer med pa'o/ /mchog ni khyad par du 'phags pa'o/ /dga' ni phul du byung ba med pa'i bde ba gcig gi mtshan nyid chags pa thams cad las rnam par grol ba'i rang bzhin shes rab kyi pha rol tu phyin pa'o/ /bdag nyid shes bya bsod nams las//zhes pa gang de nyid gsal bar byed pa ni rang gi rig pa'i ye shes 'di nyams su myong bas na rig pa'o/ /yang dag ni yang dag par chags pa thams cad dang bral ba nyid kyis rnam par mi rtog pa de ltar yang dag par rig pa'o/ /de yang ye shes bdag med ma dang rdo rje 'dzin pa dbyer med pa'i rang gi rig pa'o//ngag gi lam 'das spyod yul te/ /zhes pa ni 'di ltar gzhan gyis brjod par mi nus pa'o/ /'di ni byin brlab rim pa'i phyir ni rim par rnyed pas na rim pa'o/ /'di zhes pa ni rang rig pa'i rang bzhin no/ / byin ni lhag par dmigs pa'o/ /brlab ni gnas pa'o/ /brtan zhing mi g.yo ba nyid gang rim par rnyed pa de ni byin gyis brlab pa'i rim pa ste/ g.yo ba med pa'i rang bzhin khyab pa'i ngo bo'o/ /de nyid kyi phyir gang las kyang mi rnyed de/ gang 'di lta bu'i ye shes kun du snang bar brjod pa rang rig pa'i spyod yul ma yin pa'o//de ci yin pa gsungs pa/ ni'i sgra ni gang gi phyir gyi don te/ gang gi phyir/ kun mkhyen ye shes de rang bzhin/ /thams cad shes pas na thams cad mkhyen pa ste sangs rgyas bcom ldan 'das so/ /de'i ye shes ni/ bag la nyal gyi bag chags kyi shes pa yan chad nye bar zhi ba'i gang ye shes so//de rang bzhin no/ /de'i rang gi ngo bo de kun mkhyen pa'i ye shes yin pa'i don to/ /de lta bur gyur pa'i rnam par mi rtog pa'i ye shes 'byung ba chen po'i bdag nyid dbang po dang yul dbyer med pa nyid bstan pa'i phyir/ sa dang chu dang de bzhin rlung //me dang nam mkha' nyid dag ni/ /rang gzhan rig pa'i tshor ba yi/ /kun gyis skad cig mi gnod de/ /sa la sogs pa 'di thams cad la mi gnod de/ /de gang zhe na/ rang gzhan rig pa'i tshor ba ni/ /rang gzhan rig pa yongs su shes pa'o/ /skad cig gis ni skad cig gi ye shes kyi lhan cig skyes pa yang dag par rig pa yin no//yang na/ sa la sogs pa 'di kun la/ /skad cig gis ni mi gnod de/ /lhan cig skyes pa'i skad cig gis lhan cig 'di rnams kyi gnod pa'i rnam par rtog pa med de/ skad cig dbyer med pa nyid 'di yin no/ /rang gzhan rig pa'i tshor ba ni//skad cig gis mi gnod ces pa la rang ni dbang po rnams so/ /gzhan yul rnams so/ /rig pa ni rnam par shes pa'o/ /de ltar na rang gzhan rig pa'o/ /'di rnams kyi rig pa ni ye shes so/ /skad cig gis mi gnod pa ni lhan cig skyes pa dang lhan cig pas dang nga po dang yul dang rnam par shes pa rnams kyi gnod pa yin no//de nyid kyi phyir rdo rje gsum dang dbyer med pa lhan cig skyes pa'o/ /mtho ris mi yul sa 'og gis/ /skad cig gis ni sku gcig 'gyur/ /rnal 'byor pa de sku gcig tu gyur te dbyer med pa'i bdag nyid du skye ba'o//mtho ris dang mi yul dang sa 'og gis te/ ye shes kyi skad cig gis so/ /lhan cig skyes pa'i rang bzhin zhes bya ba'i don to/ /thabs dang shes rab dbyer med pa'i gnyis su med pa nyid de ye shes kyang yin par gsungs pa/ rang gzhan cha yi rnam rtog gis/ /gnod pa nyid ni nus pa min//rang gzhan gyi sgras skyes pa dang bud med de dag gis so/ /cha ni dbye ba'o/ /'di 'dra ba'i rnam par rtog pa des gnod pa nyid min te rnam par rtog pa'o/ /nus pa min ni/ rtog pa thams cad dang rnam par rtog pa las 'das pa'i phyir ye shes kyi'o/ /ye shes 'di nyid kyi che ba'i bdag nyid bstan pa/thams cad rig byed grub mtha' dang / /de bzhin las rgyas la sogs pas/ /dag pa'i dngos grub 'byung ma yin/ /srid pa'i skye ba gzhan du'ang / phyag rgya chen po'i dngos grub thams cad 'di nyid kyis mi 'thob ste/ /rig byed yang yin la grub mtha' yang yin pas rig byed grub mtha'o//thams cad kyang yin la rig byed grub mtha' yang yin pas thams cad rig byed grub mtha'o/ /de ni khyab 'jug dang dbang phyug chen po dang / dbyig gi snying po la sogs pa'i ngag snyan cing 'jebs pa'o/ /rang gi lhag pa'i 'jebs pa ni/ las rab 'byams la sogs pas kyang phyag rgya chen po'i dngos grub 'byung ba ma yin te mi 'thob po//slar ji ltar yin pa gsungs pa/ dag pas te/ rnam par dag pa ste/ bskyed pa dang rdzogs pa'i rim pa dbyer med par rtogs pa las kun rdzob dang don dam pa'i lam gyi ye shes kyi phyir ro/ /gang du zhe na/ srid pa'i skye ba gzhan du'o//skye ba ni 'jig rten 'di'o/ /srid pa gzhan ni skye ba phyi ma ste yang skye ba la'o/ /'dis ni skye ba gzhan dang gzhan rnams su yang phyag rgya chen po'i dngos grub mi 'thob po/ /de nyid gsal bar bstan pa/ 'jig rten 'di dang pha rol du/ /de med pas kyang dngos grub med/ / rnam par dag pa yongs su shes pa de med par 'jig rten gnyi ga ru yang phyag rgya chen po'i dngos grub med pa nyid yin no/ /ldog pa'i sgo nas rjes su 'gro ba bstan par byas pa yin no/ /gang gis mi shes kyi rdo rje/ /de yi ngal ba don med 'gyur/ /gang gis ni rnal 'byor pas so//kye rdo rje ni kun rdzob dang don dam pa dbyer med pa'i ye shes rnam pa thams cad kyi mchog dang ldan pa'i stong pa nyid kyi rang bzhin no/ /mi shes pa ni ma rtogs so/ /de'i ngal ba ni/ rig byed la sogs pa'i ngag 'jebs pa'i don gyis bsgyur pa'i nyon mongs pas yang dag pa'i byang chub kyi mtshan nyid kyi 'bras bu ni mi rnyed pa'i phyir ro//don med pa ni byed pa dang bral ba'i 'bras bu med pa'i phyir ro/ /dgyes pa'i rdo rje yang shes nas rtag tu goms pa med par dngos grub med par bstan pa'i phyir/ chu bo'i rgyun ni rab 'thab dang / /mar me'i 'od kyi rgyun bzhin du/ /rtag tu de nyid rnal 'byor pas//nyin dang mtshan du rnam par gzhag /ji ltar chu bo'i rgyun 'bab pa la khyad par med pa dang / mar me'i 'od la yang rgyun gyi bye brag yod pa ma yin no/ /de bzhin du khams gsum dbyer med pa'i rnam par mi rtog pa'i ye shes kyi sku gcig par rnal 'byor pas dgyes pa'i rdo rje'i rnal 'byor dang ldan pas gzhag par bya'o//nyin dang mtshan du zhes pa ni dus thams cad du bar chad med par zhes pa'i don to/ /de lta'i rim par phye ba rdzogs pa'i sgo nas rim par phye ba gsungs pa'i don bsdu ba gsungs pa/ de bzhin gshegs pa thams cad kyi sku gsung thugs dgyes pa'i rdo rje las/rnal 'byor ma'i 'khor lo zhes bya ba rnal 'byor ma chen mo 'du ba'i rim par phye ba ste brgyad pa'o/ /ye shes lnga dang / sku gsum dang / thabs dang shes rab kyi bdag nyid kun rdzob dang don dam pa dbyer med pa'i yi shes ni de bzhin gshegs pa thams cad kyi sku gsung thugs dgyes pa'i rdo rje las rnal 'byor ma'o//gang 'khor lo ni mi shes pa gcod pa'o/ /de la rim par phye ba de ni rnal 'byor ma'i 'khor lo zhes bya'o/ /rnal 'byor ma chen mo ni bdag med ma'o/ /de'i 'du ba ni 'du ba ste/ des sel bar khyab pa'o/ / de nas gang bde ba'i ye shes gang la rim par phye ba de ni/ rnal 'byor ma chen mo 'du ba can no/ /de yang gos ni 'gebs pa'o/ /de len cing 'dzin pas na rim par phye ba'o/ /de yang brgyad na khyab pa'i tshul lo/ /kun rdzob dang don dam pa dbyer med pa'o/ /stong pa nyid bcu drug rnam par dag pa'i rdo rje 'dzin pa zhes bya ba'i don to//dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel ba las le'u brgyad pa'o// //da ni rim pa gnyis rnam par dag pa de yang dag pa'i ye shes phyag rgya chen po'i dngos grub bskyed pa yin pas phung po la sogs pa rnam pa gnyi ga'i rnam par dag pa bstan pa'i phyir gsungs pa/de nas gzhan rnam par dag pa'i le'u bshad par bya'o zhes smos te/ de nas ni rnal 'byor ma'i 'khor lo las so/ /gzhan ni rjes thogs so/ /rnam par dag pa'i rim par phye ba ni khyad par du 'phags par dag pas na rnam par dag pa ste/kun rdzob dang don dam pa dbyer med pa rdo rje 'dzin pa dang bdag mid ma gnyis su med pa'o/ /rim par phye ba ni gos 'gebs pa'o/ /de len cing 'dzin pas na rim par phye ba'o/ /bshad par bya'o ni khyad par du 'phags pa'i tshul gyis bstan par bya'o//de nyid gsungs pa/ nges par dngos po thams cad kyi/ /dag pa de bzhin nyid du brjod/ /ces pa la don 'di la gnas pas na dngos po'i don to/ /de rnams kyi rnam par dag pa ni khyad par du 'phags par dag pa'o/ /gang zhe na/ de bzhin nyid de rnam par mi rtog pa'i ye shes so//thams cad kyi zhes pa ni brtan pa dang g.yo ba rnams kyi'o/ /gnyi ga yang gang dngos po nyid kyis yongs su brtags pa'o/ /don de rtogs pa stong pa nyid tshad ma'i 'bras bu yin no/ /'dis ni don dam pa'i rnam par dag pa'o/ /phyi nas re re dbye ba yis/ /lha rnams kyi yang brjod par bya//phyi nas zhes pa ni rjes thogs su ma chad par ro/ /re re dbye ba yis ni re re'i rnam pa'o/ /gang rnams kyi zhe na lha rnams kyi'o/ /yang gi sgra ni khyad par gyi don to/ /de nyid phyir brjod par bya ni gsal bar byed pa'o/ /mtshan ma'i rang bzhin nyid kyi phyir kun rdzob kyi bden pa'i lha rnams kyi re re'i dbye bas phung po lnga dang khams dang skye mched la sogs pa'i dngos po rnams kyi rnam par dag pa ste/kun rdzob kyi bden par lha'i rnam pas phung po la sogs pa rnam par dag par bya'o/ /don dam pa'i bden pa yang de bzhin nyid kyi rnam pa yin pas rim pa gnyi ga dbyer med pa bsgom pa na yang dag par rdzogs pa'i byang chub bstan pa yin no//da ni nges par dngos po thams cad kyi zhes pas spyir bshad pa'i don dam pa'i bden pa'i rnam par dag pa bstan nas/ phyi nas re re'i dbye ba yis/ /lha rnams kyi yang brjod par bya/ /zhes pas dngos po'i dbye ba nyid khyad par du bstan pa/phung po lnga dang dbang po drug /skye mched drug dang 'byung chen lnga/ /rang bzhin gyis ni rnam par dag /dbang po drug ni/ mig dang / rna ba dang / sna dang lce dang / lus dang / yid kyi cha rnams ni dbang po drug go/ /phung po lnga ni gzugs dang / tshor ba dang / 'du shes dang / 'du byed dang / rnam par shes pa'o/ /skye mched drug ni gzugs dang / sgra dang / dri dang / ro dang / reg bya dang / bde ba la sogs pa'o/ /'byung chen lnga ni/ sa dang / chu dang / me dang / rlung dang / nam mkha'o/ /'di thams cad rang bzhin gyis zhes pa gzod ma nyid nas ma skyes pa'i ngo bo yin pa'i phyir rnam par dag cing rang bzhin gyis 'od gsal ba'o//'di ni don dam pa'i bden pa rnam par dag pa'o/ /de nyid nyon mongs shes bya'i sgrib pa ni/ de lha'i rnam pas sbyang ni/ de gang kun rdzob kyi rnam par dag pa'o/ /gnyi ga'i rnam par dag pa yang rang rig pa'i bdag nyid nyid de'i rnam par dag pa med na grol bar mi 'gyur ro//de gsungs pa/ rang rig bdag nyid dag pa nyid/ /dag pa gzhan gyis rnam grol min/ /zhes pa'o/ /'di ji ltar yin pa de gsungs pa/ yul gyi dngos po dag pa'i phyir/ /rang gi rig pa'i bde ba mchog /yul gyi zhes pa ni yul la sogs pa rnam dag go//dngos po dag pa'i phyir zhes pa ni/ don dam pa dang kun rdzob dag gi rang bzhin lha'i rnam par dag pa'o/ /rang bzhin yin pa'i phyir rang rig pa gang ngo / /bde ba mchog ni yang dag pa'i ye shes so/ /gang gnyi ga dbyer med par rtogs na de nyid mngon du gyur pa yin pa'i don to//de nyid kyi phyir/ gzugs la sogs pa'i yul rnams gang / /gzhan yang rnal 'byor pas mthong ba/ /dngos po de kun dag pa ste/ /gang phyir sangs rgyas 'gro rang bzhin/ /gzugs la sogs pa'i yul rnams kyi phung po drug dang / yul drug rnams so/ /gang gzhan yang zhes pa ni/dbang po drug dang / 'byung ba chen po lnga'o/ /'di thams cad rnal 'byor bas gnyi ga dbyer med par rtogs pa'i bdag nyid gang so sor snang ba de dang de thams cad gnyi ga rnam par dag pa nyid do/ /gang gi phyir ni rgyu'i phyir ro/ /sangs rgyas rang bzhin ni/ /ye shes gcig gi rang bzhin no//'gro ba ni khams gsum mo/ /gang rnam par ma dag pa de med pa thams cad nyid rnal 'byor ma'i rnam par dag pa'o/ /rang bzhin gyis rnam par dag pa yin na de la don dam par rnam par dag pa nyid zhog gi / lha'i rnam par dag pas ci zhig bya zhes pa'i rtog pa blo la bzhag nas rdo rje snying pos gsol pa/kye bcom ldan 'das rnam par ma dag pa gang lags/ gang lha'i rnam pas rnam par dag par bya ste byar med ces pa'o/ /bcom ldan 'das kyis bka' stsal pa/ gzugs la sogs pa'o/ /ci'i slad du zhe na/ nyon mongs mi shes sgrib pa de'o//mi shes nyon mongs sgrib pa nyid mdor bstan nas rgyas par 'chad de/ gzung ba dang 'dzin pa'i phyir ro/ /gzung ba dang 'dzin pa yang gang lags/ bcom ldan 'das kyis bka' stsal pa/ mig gis gzugs ni gzung bar bya/ /sgra ni rna bas mnyan par bya/ /dri ni sna yis tshor bar bya/ /lce yis ro ni myang bar bya/ / dngos po lus kyis reg par bya/ /yid kyis bde sogs 'dzin pa yi/ /gzugs mig gi yul du bya ba yin te/ mig la gzung ba gzugs so/ /sgra ni rna bas mnyan par bya/ /sgra ni gzung bar bya ba'o/ /rna ba ni 'dzin pa'o/ /dri ni sna yis tshor bar bya/ /sna ni 'dzin pa'o/ /dri ni gzung bar bya ba'o//lce yis ro ni myang bar bya/ lce ni 'dzin pa'o/ /myang ba ni gzung ba'o/ /dngos po lus kyi reg par bya/ /lus ni 'dzin pa'o/ /dngos po gzung ba'o/ /yid kyis bde sogs rig pa yin/ /yid ni 'dzin pa'o/ /bde ba la sogs pa gzung ba'o/ /'dir ni gzung ba dang 'dzin pa'i mngon par zhen pas rnam par ma dag pa de rnam par dag pa bsten par bya ba yin par gsungs pa/dag pas dug med byas nas ni/ /bsten bya 'di dag bsten pa nyid/ /'di yi don ni 'di yin te/ /phung po la sogs pa gzung ba dang 'dzin par mngon par zhen pas/ rnam par ma dag pa de yang lha'i rnam pas rnam par dag na chos kyi dbyings shin tu rnam par dag pa'i bdag nyid du 'gyur ba yin no/ /dag pa nyid gsungs pa/ gzugs phung rdo rje ma yin te/ /tshor ba la yang dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma//rnam shes phung po'i rang bzhin gyis/ /bdag med rnal 'byor ma gnas so/ /phung po ni nam mkhar 'dus pas na nam mkha'i khams su grags pa yin no/ /gzugs mtha' yas pa des na gzugs kyi phung po'o/ /de bzhin du tshor ba mtha' yas pa des na tshor ba'i phung po'o/ / 'du shes mtha' yas pa des na 'du shes kyi phung po'o/ /'du byed mtha' yas pa des na 'du byed kyi phung po'o/ /rnam par shes pa mtha' yas pa des na rnam par shes pa'i phung po'o/ /'dis ni phung po lnga mkha' 'gro ma lngar rnam par dag pa'o/ /de ltar phung po lnga rnam par dag pa'o/ /'di rnams rtag tu dag pas ni//de nyid rnal 'byor pas nges 'grub/ /'di rnams ni mkha' 'gro ma rnams kyi rnam par dag pas so/ /rtag tu ni rgyun ma chad pa nyid kyis so/ /ni'i sgra ni gang gi phyir gyi don te/ gang gi phyir gzugs la sogs pa'i phung po lnga rgyun ma chad par rnam par dag pas so/ / de nyid de nyid rnal 'byor pas ni de kho na nyid dang ldan pa'o/ /de nyid nges pa ni nges pa'o/ /phyag rgya chen po'i dngos grub 'grub par 'gyur ro/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo bzhag cing / /rlung ru g.yung mo rnam par 'dod/ /phyogs kyi rnam par gzhag pa bstan pas/phyogs skyong mnan pa 'byung ba chen po bzhi rnam par dag pa'i mkha' 'gro ma bzhi rnam par dag pa 'byung ba chen po bzhi'o/ /de nas phyi'i 'phar ma bshad/ /ces pa ni/ de nas ni rjes thogs su bar ma chad par ro/ /phyi'i 'phar ma ni phyi rol du 'byung bas phyi'o/ /phyi yang yin la 'phar ma yang de yin pas phyi'i 'phar ma ste/phyi rol ni nang gi mtshan nyid dang bral ba'i phyir te/ nang dang lhan cig tu kun du sbyar ba'o/ /de bshad pa ni bstan par bya ba ste kun rdzob kyi bden pa dang dbyer med par bstan par bya'o/ /de nyid gsungs pa/ phyi ma lha mo dkar mo sogs/ gang la gzhan dang dbyer yod pa ma yin pa de ni phyi ma ste/phyi ma yang yin la dkar mo la sogs pa yang de yin pas phyi ma lha mo dkar mo la sogs pa te dbyer med pas gcig gi tshig go/ /de nyid bstan pa/ dbang dkar gshin rje chom rkun ma/ /chu bdag tu ni ro langs ma/ /lus ngan por ni g+ha sma rI/ / 'og tu sa spyod ma zhes brjod/ /steng du mkha' spyod ma zhes bshad/ /bskyed pa'i rim pa nyid kyi phyogs/ /gau rI ni dbang po mnan pa'o/ /chom rkun ma ni gshin rje mnan pa'o/ /chu bdag ni ro langs mnan pa'o/ /g+ha sma rI ni lus ngan po mnan pa'o/ /sngar gyi dbang ldan la sogs pa mtshams skyong ba bzhi mnan pa mtshams bzhir khyab pa'i puk+ka sI la sogs pa mkha' 'gro ma bzhi'o//'di yang dbang po la sogs pa phyogs skyong ba bzhi mnan pas phyogs bzhir khyab pa'i dkar mo la sogs pa'i rnal 'byor ma bzhi'o/ /steng dang 'og gnyis kyi phyogs gnyis su khyab pas spyod ma dang mkha' spyod ma'i mkha' 'gro ma gnyis so//de ltar phyogs brgyad du 'jig rten skyong ba brgyad mnan pas phyogs brgyad khyab pas mkha' 'gro ma brgyad do/ /'dis ni phyogs bcu rnam par dag pas mkha' 'gro ma bcu'o/ /sa spyod ma dang mkha' spyod ma'i mkha' 'gro ma gnyis 'khor ba dang mya ngan las 'das pa'i rnam par dag pa yin te/srid dang zhi ba'i rang bzhin las/ /lha mo 'di gnyis rnam par gnas/ /srid pa'i rang bzhin gyis sa spyod ma'o/ /mya ngan las 'das pa'i rang bzhin gyis mkha' spyod ma'o/ /'dis ni srid pa dang mya ngan las 'das pa dag ye shes 'di dag gi rnam par gnas pa brtan pa dang g.yo ba'i rang bzhin no//gang zhe na/ lha mo gnyis so/ /dkar mo la sogs pa'i rnam par dag pa gsungs pa/ gzugs la dkar mor rtag tu bshad/ /gzugs rnam par dag pas dkar mo'o/ /sgra la chom rkun ma rab grags/ /sgra rnam par dag pas chom rkun ma'o//dri yi cha la ro langs ma/ /dri rnam par dag pas ro langs ma'o/ /ro la g+ha sma rI rab grags/ ro rnam par dag pas g+ha sma rI'o/ /reg la sa spyod ma zhes bshad/ /reg bya rnam par dag pas sa spyod ma'o/ /chos kyi dbyings la mkha' spyod ma/ chos kyi dbyings kyi de bzhin nyid rnam par dag pas mkha' spyod ma'o//'di rnams rtag tu dag pas ni/ /de nyid rnal 'byor pas 'grub 'gyur/ /'di rnams ni gau rI la sogs pa 'di rnams dang 'brel pa can gyi gzugs la sogs pa rnam par dag pa nges so/ /rtag tu ni rtag tu bar ma chad par ro/ / gang gi tshe gyur pa de'i tshe/ de kho na nyid kyi rnal 'byor dang ldan par gyur pa'i rnal 'byor ba yin pas de nyid rnal 'byor ba'o/ /'grub 'gyur ni phyag rgya chen po'i dngos grub thob par 'gyur ba'o/ /dkyil 'khor gnyis ka dbyer med pa nyid rnal 'byor ma'i 'khor lo rnam par dag pa chos kyi dbyings kyi bdag nyid rdo rje 'dzin pa dang /bdag med ma dbyer med pa'i rnam par dag pa yin par bstan pa'i phyir gsungs pa/ /phyag gi dag pa stong pa nyid/ phyag ni bcu drug stong pa nyid/ /ces pas stong pa nyid bcu drug gi rnam par dag pa nyid phyag bcu drug go/ /bdud dag pa las zhabs rnams nyid//ces pa ni skye ba tsam gyis zhabs dag la/ /zhes pas bdud bzhi rnam par dag pas zhabs bzhi'o/ /rnam thar brgyad kyis zhal rnams nyid ni zhal brgyad rnam par dag pa rnams so/ /rnam par thar pa brgyad rnam par dag pas/ rdo rje gsum gyis dag pa'i spyan/ /zhes pa 'dis ni phyag dang zhabs dang zhal dang spyan rnams kyi rnam par dag pa'o//stong pa nyid bcu drug ni nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang /mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / rang gi mtshan nyid stong pa nyid dang / chos thams cad stong pa nyid dang / mi dmigs pa stong pa nyid dang /dngos po med pa'i ngo bo nyid stong pa nyid dang / dngos po stong pa nyid dang / dngos po med pa stong pa nyid dang / rang gi dngos po stong pa nyid dang / gzhan gyi dngos po stong pa nyid do/ /mi dmigs pa stong pa nyid 'di nyid du dngos po stong pa nyid dang / dngos po med pa stong pa nyid dang /rang gi dngos po stong pa nyid dang / gzhan gyi dngos po stong pa nyid dang bzhi khongs su 'dus pa'i phyir stong pa nyid bcu drug go/ /mig la sogs pa nang gi chos rnams de mig la sogs pa rnams nyid kyis stong pas na nang stong pa nyid do/ /phyi rol gyi gzugs la sogs pa'i yul gyi chos rnams gzugs la sogs pa nyid kyis stong pas na/phyi stong pa nyid do/ /nang gi mig la sogs pa'i chos rnams phyi'i chos gzugs la sogs pa'i yul rnams kyis stong pa la/ phyi'i gzugs la sogs pa'i yul rnams nang gi mig la sogs pa rnams kyis stong pas phyi nang stong pa nyid do/ /chos kun stong pa'i chos rnams kun stong pa yin pas stong pa nyid stong pa nyid do//shar la sogs pa'i phyogs rnams kyis shar la sogs pa'i phyogs stong pas na chen po stong pa nyid do/ /don dam pa'i mya ngan las 'das pa des stong pa nyid mya ngan las 'das pa yin pas don dam pa stong pa nyid do/ /'dod pa'i khams dang gzugs kyi khams dang gzugs med pa'i khams 'dus byas pa de de nyid kyis stong pas na 'dus byas stong pa nyid do//skye ba dang 'gag pa la sogs pa'i stong pa 'dus ma byas pa des de stong pas na 'dus ma byas stong pa nyid do/ /de la mtha' las 'das pa stong pa nyid gang zhe na/ gang gi mtha' mi dmigs pa de ni mtha' las 'das pa ste/ mtha' las 'das pa mtha' las 'das pas stong par brjod pa 'di ni mtha' las 'das pa stong pa'o/ /de la thog ma dang tha ma med pa'i stong pa nyid gang zhe na/ gang gi thog ma med cing tha ma mi dmigs pa de'i dbus kyang med do/ /gang la thog ma dang tha ma med pa'o//des de stong pa yin pas thog ma dang tha ma med pa stong pa nyid do/ /dor ba med pa stong pa nyid ni/ chos gang gis yang dor nas spros shing btang la phyang ba de de bzhin du dor ba ma yin pa des stong pas na dor ba med pa stong pa nyid do/ /'dus byas pa dang 'dus ma byas pa'i chos rnams gang gi rang bzhin te/de des stong pa yin pas na rang bzhin stong pa nyid do/ /gzugs la sogs pa dang gzugs kyi phung po la sogs pa rang gi mtshan nyid stong pa nyid do/ /phung po lnga la sogs pa'i chos thams cad de dang des stong pas na chos thams cad stong pa nyid do//ma 'ongs pa'i chos 'das pa'i dus su med cing ma 'ongs pa 'das pa med la/ da ltar byung ba'i chos kyang da ltar byung ba 'das pa la med cing / ma 'ongs pa dang 'das pa dag da ltar byung bar mi dmigs pa yin pas mi dmigs pa stong pa nyid do/ /chos thams cad kyi yang dag par sbyor ba med cing rang bzhin gyis rten cing 'brel par 'byung ba'i yang dag par sbyor ba des sbyor bas na dngos po med pa'o//ngo bo nyid stong pa nyid sbyor ba rang bzhin gyis stong pa'i phyir dngos po med pa'i ngo bo nyid do/ /dngos po ni nye bar len pa'i phung po lnga rnams so/ /de yang dngos po ni dngos po med par stong pas na dngos po stong pa'o//dngos med ni 'dus ma byas pa'o/ /des de stong pas na dngos po med pa stong pa nyid do/ /rang gi dngos po ni rang bzhin phyin ci ma log pa de nyid des stong pas na rang gi dngos po stong pa nyid do/ /de bzhin gshegs pa rnams byung yang rung ma byung yang rung ma byung yang rung gnas kyang rung ba 'di ni chos rnams kyi chos nyid dang chos gnas pa nyid dang /chos mi 'gyur ba nyid dang / de bzhin nyid dang / phyin ci ma log pa'i de bzhin nyid dang / gzhan ma yin pa'i de bzhin nyid dang / yang dag pa'i mtha' dang de rnams nges gang stong pa nyid de ni gzhan gyi dngos po'i stong pa nyid do//de las gzhan med pa'i phyir 'di nyid du stong pa nyid bzhi khongs su 'dus pas stong pa nyid bcu drug gzung ngo / /bdud dag pa las zhabs rnams nyid/ /ces pa ni phung po'i bdud tshangs pa'i gzugs 'dzin pa'o/ /nyon mongs pa'i bdud gnod sbyin gyi gzugs can no/ /'chi bdag gi bdud gshin rje'i gzugs can no//lha'i bu'i bdud brgya byin gyi gzugs can no/ /'di rnams kyi rnam par rgyal bas bdud bzhi rnam par dag pas zhabs bzhi'o/ /rnam par thar pa brgyad rnam par dag pa'i zhal ni brgyad de/ /ltong pa dang / mtshan ma med pa dang / smon pa med pa dar//rang bzhin gyis 'od gsal ba'i mtshan nyid rnams mi dge ba med pa'i nA da gang rnam par thar pa brgyad kyi zhal te/ de rnam par dag pas zhal rnam par dag pa'o/ /gzugs can gyis gzugs mthong ba stong pa dang / nang gi gzugs rnams mthong ba stong ba dang / phyi rol gyi gzugs rnams mthong ba stong pa dang /skye mched kyis skye mched mthong ba stong pa dang / nam mkha' mtha' yas skye mched mthong ba stong pa dang / rnam shes mtha' yas skye mched mthong ba stong pa dang / 'du shes med pa'i skye mched mthong ba stong pa nyid dang / ci yang med pa'i skye mched mthong ba stong ba'o/ / spyan rnams ni sku gsung thugs dag pa rdo rje gsum rnam pa da pa'o/ /'byung ba chen po'i rnam par dag pa gsungs pa/ sa ni puk+ka sI zhes bshad/ /chu khams rngon pa ma ru bshad/ /me ni gtum mor shes par bya/ /rlung ni g.yung mor rab tu grags/ /zhes pas 'byung ba chen po bzhi rnam par dag pa mkha' 'gro ma bzhi rnam par dag pa yin no//zhe sdang la sogs pa'i rnam par dag pa gsungs pa/ zhe sdang zhes bshad 'khor lo can/ /'khor lo can zhes pa ni 'khor lo'i bdag po bdag med ma de zhe sdang rnam par dag pa'o/ /zhe sdang mi bskyod pa'o/ /de ltar rdo rje 'dzin pa dang dbyer med pa'i bdag med ma'o//'dod chags chu'i rnal 'byor ma de ni 'dod chags kyi rnam par dag pas 'dod chags 'od dpag tu med pa'o/ /de'i rnam par dag pa chu'i rnal 'byor ma ste 'od dpag med dang dbyer med pa'i chu'i rnal 'byor ma'o/ /phrag dog rdo rje mkha' 'gro ma//phrag dog rnam par dag pas rdo rje mkha' 'gro ma don yod grub pa'i rnam par dag pa rdo rje mkha' 'gro ma yin pas de dang dbyer med pa yin pa'i don to/ /pha ma yang gsang ba'i dkar mo nyid/ /ches pa ni pha ma'i rnam par dag pas nang gi rim par gnas pa'i mkha' 'gro ma rin chen gtso'i rnam par dag pa'i phyir de dang dbyer med pa nyid yin pa'i don to//gti mug rdo rjer bshad ces pa ni/ gti mug rnam par dag pas rdo rje ma rnam par snang mdzad kyi rnam par dag pa'i phyir rdo rje ma gang de dang dbyer med pa'i rdo rje ma'o/ /'dis ni zhe sdang la sogs pa'i rnam par dag pa zhe sdang la sogs pa rnam par dag pas na/nang gi rim par gnas pa rdo rje 'dzin pa dang dbyer med pa'i mkha' 'gro ma lnga yin no/ /rim pa 'dis phung po'i rnam par dag pa yin pa de gsungs pa/ bskyed pa'i rim pa'i phyogs las ni/ /'dis ni phung po sbyang bar bya//rim pa 'dis phung po ni gzugs la sogs pa'i phung po lnga'o/ /sbyang bar bya ni dri ma med par byed pa'o/ /bskyed pa'i rim pa'i phyogs las ni/ /lha yi rnam pa nyid las so/ /yang na bskyed pa'i sgras/ /las 'byung bar 'jug pas na bskyed pa ste/ las bkrabs pa'i ye shes nyan thos la sogs pa'i spyod yul ma yin pa'i phyir de rim par rnyed pa yin pas bskyed pa'i rim pa'o//de'i phyir yang dag pa'i ye shes kyi rang bzhin yin pa'i phyir ro/ /ji ltar yin pa gsungs pa/ phyogs las te rnam pa gnyi ga las kyang yin pa'i don to/ /rdo rje 'dzin pa dang bdag med ma dbyer med pa'i kun rdzob dang don dam pa nyid tha mi dad pa nyid yin no//de nyid kyi phyir kun rdzob dang don dam pa dbyer med pa nyid yang dag pa'i ye shes yin par rab tu gsal bar bya ba'i phyir gsungs pa/ gang dang gang gis 'jig rten 'ching gyur pa/ /de dang des ni 'ching ba las grol te//de nyid mi shes 'jig rten mi grol zhing / /de nyid rnam spangs dngos grub rnyed mi 'gyur/ /gang dang gang ni 'dod chas la sogs pa'i mngon par zhen pa rnams kyis so/ /'jig rten 'ching ba ni 'khor ba'i 'ching bas bcings par 'gyur ro/ /de dang des ni 'ching ba las ni 'khor bar 'dzin pa las so//grol te ni grol bar 'gyur ro/ /de nyid kyi phyir 'jig rten mi grol te/ gti mug gi 'khrul pas bsgribs par 'gyur ro/ /de nyid mi shes ni de kho na nyid ma rtogs shing de kho na nyid khong du ma chud pa'i phyir ro/ /dngos grub rnyed mi 'gyur ni dngos grub mi 'thob pa'o//yang na 'jig rten ni phung po lnga rnams so/ /gang dang gang gis ni gzugs la sogs pa'i yul rnams kyi mngon par zhen pas so/ /'ching ba ni mngon par zhen pas so/ /'ching ba ni mngon par zhen par 'gyur ba'o/ /de dang des ni gzugs la sogs pa'i mngon par zhen pa rnams kyis 'ching ba las grol bar 'gyur ro/ / 'jig rten mi grol te ji ltar zhe na/ de kho na nyid kyi rang bzhin ma shes pas so/ /de nyid rnam spangs ni/ rang bzhin yongs su shes pa dang bral bas phyag rgya chen po'i dngos grub thob par mi 'gyur ro/ /de'i phyir shin tu rnam par dag pa'i chos kyi dbyings kyi bdag nyid yongs su shes pa las dngos grub yin no//de lta ma yin na/ bsgribs pa'i phyir 'khor bar 'khor bar 'gyur ro/ /de'i phyir dri med sgra med gzugs nyid med/ /ro dang sems kyi rnams par dag pa med/ /reg med chos med thams cad rnam par dag /rang bzhin dag pa'i 'gro bar shes/ /de phyir dri med sgra med gzugs med cing ro yang med do//ji ltar zhe na/ sems nyid rnam par dag pa ste/ sems gcig pu tsam gyi ngo bo yin pa'i phyir chos thams cad sems las phyi rol du gyur pa gzhan snang ba ci yang yod pa ma yin no/ /sems nyid 'ba' zhig de dang de'i rnam par snang ba yin no/ /de skad du yang / ji ltar byis pas rnam brtags pa'i/ phyi rol don ni yod ma yin/ /bag chags kyis ni dkrugs pa'i sems/ /don du snang bar rab tu byung / gzhan las kyang / dngos po gang dang gang gis ni/ /mi rnams yid ni sbyar gyur na/ /de ni de rang bzhin 'gyur te/ /sna tshogs gzugs can nor bu bzhin//de'i phyir thams cad sems tsam nyid yin pas sems rnam par dag pa'o/ /reg byed chos kyang med do/ /cis khyad par 'phags she na/ sems rnam par dag pa'o/ /de gsungs pa/ rnam dag pas te/ khams gsum rnam par dag pa nyid sems rnam par dag pa'o/ / de'i phyir rang bzhin gyis dag pa'i phyir 'gro la 'gro bar shes te/ 'gro bar shes pa'i rnam pa nyid yin no/ /yang na/ de'i phyir dri med sgra med gzugs nyid med/ /ro med sems nyid rnam par dag pa ste/ 'dis ni dri la sogs pa bkag pa las sems kyang rnam par dag pa yin te/ khyad par du 'phags pa'i dag pa shin tu rnam par dag pa'i chos kyi dbyings kyi ye shes so//reg med chos med ces pa ni/ bde ba la sogs par nyams su myong ba yang med pa yin no/ /thams cad rnam dag pas/ rnam par dag pa ste/ rnam par ma dag pa ni ci yang yod pa ma yin no/ /des na dngos po thams cad kyi//dag pa de bzhin nyid du 'dod/ /ces pa sngar bstan pa'i don nyid bsdus pa yin no/ /'dis ni rang bzhin dag pa'i 'gro la de'i phyir 'gro bar shes te/ brtan pa dang g.yo ba la sogs pa'i thams cad nyid yang dag pa'i ye shes dang dbyer med pa yin no//de skad du yang / 'di dag thams cad sems tsam du/ /thub pa yis ni bstan pa dag /skrag pa yongs su spang phyir te/ /byis pa rnams kyi de nyid med/ /ces pa'o/ /rnam par dag pa'i rim par phye ba ste dgu pa'o/ /bdag med ma dang dbyer med pa'i rdo rje 'dzin pa gtso bo dgu'i bdag nyid kyi dkyil 'khor dang dbyer med pa'i rnal 'byor ma bco lnga'i rang bzhin gyi 'khor lo tha mi dad pa nyid kyi gang khyad par du 'phags pa'i rnam par dag pa de gang la yod pa'i rim par phye ba de ni rnam par dag pa'i rim par phye ba ste dgu pa'o//dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel pa las le'u dgu pa'o// //rim pa gnyis rnam par dag pa'i chos kyi dbyings shin tu rnam par dag pa'i bdag nyid kyi yang dag pa'i de kho na nyid bsgom pa na phyag rgya chen po'i dngos grub thob par byed pa rnal 'byor ma'i rim par phye bas dkyil 'khor gnyis kyi kha sbyar ba las de gnyi ga'i bdag nyid kyi rim pa gnyis rnam par dag pa rnam pa'i rim par phye ba bstan nas/da ni slob ma dbang bskur ba'i rim par phye ba bstan pa'i phyir 'chad de/ ji ltar zhe na/ gang dbang bskur ba thob pa la de kho na nyid bstan par bya'o zhes bya ba'i tshig gis na/ dbang ma thob pa la de kho na nyid bstan par mi nus la/ dbang yang dkyil 'khor dang bral na dbang bskur bar mi nus pas na dkyil 'khor dang dbang bskur bdag gi cho ga gsungs pa/ de nas ji ltar dkyil 'khor gyi/ /rim pa yang dag rab tu bshad/ /gang gis slob ma dbang bskur ba'i//cho ga'ang rab tu bshad par bya/ /zhes pa smos te/ de nas ni rjes thogs nyid du gzhan gyis bar ma chad pa nyid du'o/ /de bas na 'di'i phyir rnam par dag pa'i rim par phye ba las dkyil 'khor ro/ /cho ga'ang rab tu bshad par bya ni dkyil 'khor gyi cho ga bshad par bya ba'o/ /gang gis ni dkyil 'khor gyi cho gas so//slob ma dbang bskur ba na mtshon par byed pas dbang ste dbang de 'chad do/ /de yang cho ga bshad par bya'o/ /'dis ni dkyil 'khor ma mthong ba la dbang bskur ba med la dbang bskur ba ma thob pas/ de kho na nyid mi thob la de kho na nyid med par ni phyag rgya chen po'i dngos grub yod pa ma yin no//dngos grub kyi phyir/ de kho na nyid thob par bya zhing / /de'i don du dbang bskur la/ dbang bskur gyi don du dkyil 'khor yin no/ /dkyil 'khor gyi don nyid gsungs pa/ /dang por lha yi bdag nyid kyi/ /rnal 'byor pas ni nor 'dzin sbyang / /oM rak+Sha rak+Sha zhes pas sbyang ba'i sngags kyis sa sbyang bar bya'o//dang po ni thog ma'o/ /lha'i bdag nyid ni gang la lha'i bdag nyid yod pa de ni lha'i bdag nyid de slob dpon nyid lha'i tshul gyi sku yin pa'i don to/ /yang na nor 'dzin ni chos 'byung ngo / /sbyang ba ni shin tu rnam par dag pa'i chos kyi dbyings kyi bdag nyid kyis rnam par gzhag par bya'o//rnal 'byor pa ni de bzhin nyid kyi rnam par dag pa dang / lha'i rnam par dag pa'o/ /dang po zhes pa ni gnyis med pa'o/ /ji ltar gyur pa de bzhin du lha'i bdag nyid yin te/ rnal 'byor pa gang la lha'i bdag nyid kyi ye shes yod pa de ni lha'i bdag nyid kyi rnal 'byor pa ste ye shes lnga dang /sku gsum gyi rang bzhin gnyi ga rnam par dag pa'i ye shes kyi sku yin pa'i don to/ /'bad pas hUM las rdo rje can/ /byas te phyi nas dkyil 'khor bri/ /nor 'dzin sbyangs pa'i de ma thag tu rnal 'byor pas dkyil 'khor bri bar bya'o/ / 'bad pas hUM las rdo rje can/ /zhes pa ni raM las nyi ma sngon du rnam bsgoms nas/ /zhes bya ba la sogs pa'i rim pas rdo rje'i rang bzhin gyi sa gzhi dang / rdo rje'i gur dang / rdo rje'i thog phub pa'o/ /'dis ni rdo rje'i rang bzhin gyi gzhal yas khang bsgoms nas de'i nang du dkyil 'khor bzhengs par bya'o//yang na hUM las rdo rje can ni yi ge hUM dang dbyer med pa'i rdo rje 'dzin pa dang bdag med mar byas pa'o/ /phyi nas ni rjes thogs su bar ma chad par ro/ /dkyil 'khor ni yang dag pa'i ye shes so/ /bri ba ni/ rtag tu byin gyis brlabs pas rnam par gzhag pa'o/ /dkyil 'khor bri ba'i gnas gsungs pa/tshal dang skye bos dben pa'i gnas/ /byang chub sems dpa'i khyim rnams dang / /dkyil 'khor khang pa'i nang du yang / /dkyil 'khor dam pa rab tu bzhengs/ /dam pa ni mchog go/ /yang na tshal ni ye shes rig pa de las byung bas spro ba'i ye shes de yod pa'o//dben pa zhes pa ni bral ba'o/ /skye bo ni dbang po la sogs pa'o/ /gang la der dben pas bsdu ba'i ye shes so/ /byang chub sems dpa'i khyim rnams dang / /zhes pa ni tshal ni ljon shing sna tshogs pa dang ldan pa'i sa gzhi ste/ /byin gyis brlabs pa'i gnas yin pa'i phyir ro//skye bos dben pa ni skye bo gags byed pa dang bral ba'o/ /gnas zhes pa ni sa phyogs so/ /byang chub sems dpa'i khyim rnams su/ /zhes pa ni skal pa dang ldan pa'i skye bo gnas na dben pa'i gnas kyang ngo / /gnas 'di rnams dkyil 'khor gyi khang pa bya ste de'i nang du dkyil 'khor bzhengs par bya'o//byang chub ni rnam par mi rtog pa'i ye shes so/ /sems dpa' ni srid pa gsum gcig pa ste srid gsum dbyer med pa'i rnam par mi rtog pa'i ye shes so/ /de'i khyim rnams ni gnas rnams te/ rnam par mi rtog pa'i ye shes kyi gnas 'di rnams su'o/ / dkyil 'khor khang pa'i nang du yang ni yang dag pa'i ye shes kyi gnas gang de rtog pa dang rnam par rtog pa kun spangs pa'i yongs su bcad par mi nus so/ /dkyil 'khor dam pa rab tu bzhengs ni khyab pa'i phyir rdo rje 'dzin pa'o/ /dam pa ni mchog gtso bo ste nyan thos la sogs pa'i yul ma yin pa'i phyir ro//dkyil 'khor bzhengs par bya ba'i phyir rdul tshon gsungs pa/ rdul tshon dam pa'i tshon dang ni/ /yang na 'bring po nyid kyis te/ /rin chen lnga yi phye ma dang / /yang na 'bras la sogs pa'o/ /dam pa ni lhar byin gyis brlabs pas rnam par snang mdzad la sogs pa'i rnam par dag pa'o//rdul tshon ni rdul tshon gyis so/ /rin chen lnga yi phye ma dang / /zhes pa ni/ in+d+ra nI la dang / mu tig dang / baiDU R+Ya dang / chu shes dang / ma rgad la sogs pa rnams kyis so/ /yang na mu men dang / dung dang / byi ru dang / gser dang / dngul la sogs pa'i phye ma rnams kyis so//yang na zhes pa ni/ phyogs gzhan no/ /'bras la sogs pa ni/ 'bras dang gro la sogs pa rnams kyis te de bzhin gshegs pa lnga rnam par dag pa'i kha dog lnga'i rang bzhin gyis so/ /yang na dam pa zhes pa ni dam pa dbang po rnams te/ de rnams kyi gtso bo sems yin pas dam pa'o//de yis dga' ba gtong bar byed pas na dam pas ra'o/ /de yang 'dir chu yin pas dam pa'i tshul can no/ /de yang dbang po dang shes pa yul la rag las pa'i rdo rje gsum dbyer med pa yin pa'i don to/ /de la yod pas kha ni chos 'byung las byung ba'i chos kyi dbyings kyi bdag nyid kyi ye shes so//yang na 'bring po nyid kyis te ni a bdag med ma'o/ /tha mi bskyod pa'o/ /ba byang chub kyi sems so/ /A bdag med ma'o/ /go rims dang go rims las bzlog pas spro ba dang bsdu ba dang bsdu ba dang spro ba'i bdag nyid des gnyi ga dbyer med pas na yongs su gcod par mi nus pa'i phyir rgyu des na 'bring po'o//'ang gi sgras ni khyad par gyi don te/ 'di lta bu nyid kyis khyad par du 'phags pa'i khyad can yin pa'o/ /rin chen lnga'i zhes pa ni/ lnga'i sgras dbang po rnams so/ /rin chen ni sems so/ /dngos ni de rnams kyi rnam par 'gyur bas so/ /phye ma zhes pa ni/ rdul phra rab dang mtshungs par bshad pa'i phyir nam mkha'i dkyil gtibs pas so/ /yang na gnyi ga dbyer med pa'i ye shes kyis so/ /'bras la sogs pas ni/ yang na 'bras la sogs pa yin te/ ji ltar 'bras ni/ bsnun pa dang bral ba'i phyir snying po nyid kyis rnam par gzhag go/ / de bzhin du sgro btags pa la sogs pa'i sgrib pa dang bral ba'i phyir/ shin tu rnam par dag pa'i chos kyi dbyings kyi rang bzhin rnams so/ /de lta bu gyur pa'i la sogs pa rnams kyis ni/ ka bde ba zag pa med pa'i mtshan nyid kyi ye shes te/ de nyid dang po gtso bo'i rgyu gang de bzhin gshegs pa rnams kyi de gnyi ga rnam par dag pa dkyil 'khor gnyi ga'i bdag nyid kyi rdo rje 'dzin pa'i ye shes yin pa'i don to//dkyil 'khor bya ba'i tshad gsungs pa/ /dkyil 'khor khru gsum pa ru bya/ /mthe bo gsum gyis lhag pa bzhi/ /khru gsum zhes pa ni mi bskyod pa'i rnam par dag pa'i phyir/ / sor mo nyi shu rtsa bzhi la khru gang ngo / /sor mo yang nas bzhi'i bdag nyid do/ /de ltar rnam pa gnyi ga khru gsum tshad do/ /mthe bong gsum gyis lhag pa ni/ /khru re re zhing yang sor mo gsum gsum bsnan par bya'o/ /mthe bo'i tshad ni bzhi zhes pa ste nas bzhi'i tshad do/ / yang na dkyil 'khor khru gsum zhes pa ni/ gsum gyi sgras sku gsung thugs so/ /khru'i sgra ni lnga'i bdag nyid gnyi ga dbang po dang yul gyi dkyil 'khor yin no/ /dkyil 'khor gyi gtso bo sems zhes bya ba'i ye shes yin te/ sku gsum dang ye shes lnga'i bdag nyid yang dag pa'i ye shes su bya'o//'di nyid 'bras bu yang dag par rdzogs pa'i byang chub kyi rgyu yin pa'i phyir ro/ /de nyid cis khyad par du 'phags she na/ mthe bo gsum gyis lhag pa'o/ /gsum gyi sgras ni lhan cig skyes pa'i ye shes 'di'i cha gsum yin te/ dga' ba la sogs pa rnam par dag ba'i mthar ro/ / de las mthe bos lhag pa ni/ mthe bo rdo rje 'dzin pa'o/ /de la lhag pa ni mtshan pa'o/ /ka bde ba'i ye shes so/ /de nas bzhi pa lan cig skyes pa zhes bya ba'i don to/ /de la dkyil 'khor du rig ma gzhug pa yin pa de gsungs pa/ de ni rigs lnga las byung ba/ /rig ma bzang po rnam par gzhug /rig ma zhes pa ni shes rab btsun mo'o/ /de ni dkyil 'khor du gzhug par bya'o/ /bzang mo ni lha'i rnal 'byor dang ldan pa'o/ /rigs lnga las byung ni rdo rje'i rigs la sogs pa'i rigs lnga las skyes so/ /yang na rigs pa zhes bya ba ni bdag med ma'o/ /der zhes pa ni yang dag pa'i ye shes der ro//rab tu gzhug ni rab tu gsal ba'o/ /gzhug ni de'i bdag nyid kyis gnas par bya'o/ /bzang mo zhes pa ni lha'i rnal 'byor dang ldan pa'o/ /bsdu ba'i rang bzhin can 'ba' zhig ni ma yin te/ spro ba'i rang bzhin can yang de'o/ /de bas na rigs lnga las byung ni rigs lnga rnams ni me long lta bu la sogs pa ye shes lnga rnams so//de rnams kyi byung ba ni byung ba ste/ gang la spro ba de ni rigs lnga las byung ba'o/ /yang na ji ltar gang rnyed de/ /de ltar bcu drug lon pa ni/ rigs lnga med na spyir ji ltar gang rnyed pa de la bya ste bzang mo ma yin pa yang ngo / / 'on kyang slar lo bcu drug ma bzung ste/ byang chub kyi sems 'bab pa'i phyir ro/ /yang na/ yang na zhes pa ni rdo rje 'dzin pa dang dbyer med pa'i bdag med ma rdo rje 'dzin pa'i bdag nyid kyi yang dag pa'i ye shes kyi rang bzhin can no/ /gang de zhes pa ni gtan la phan par mi nus pa'i phyir ro//ji ltar rnyed pa ni/ gang dang gang gi rnam par rnyed pa'i ye shes so/ /bcu drug lon pa zhes pa ni stong pa nyid bcu drug gi rnam par dag pa ste/ chu byang chub kyi sems so/ /de ster zhing yongs su gtong ba yin pas lo bcu drug ma ste stong pa nyid bcu drug gi rnam par dag pa byang chub kyi sems kyi rang bzhin des bdag med ma de'i bdag nyid kyis yongs su btang ba yin pas bdag chags kyi skyon yang de la med pa yin no//de yang btsun mo bsten par bya ba yin pa de gsungs pa/ gang tshe khu ba ldan gyur pa/ /de yi tshe na bsten par bya//gang gi tshe de'i byang chub kyi sems 'byung bar gyur pa de'i tshe na phyag rgya de bsten par bya'o/ /yang de'i tshe ni phyag rgya chen po'o/ /bsten par bya ba ni goms par bya ba'o/ /gang tshe khu ba ldan gyur pa ni byang chub kyi sems so/ /ldan pa ni stong pa nyid dang snying rje dbyer med pa'i ye shes dang ldan par gyur pa'o//'dis ci bstan na/ phyag rgya chen po goms par byas pa la rnam pa thams cad kyi mchog dang ldan pa'i stong pa nyid mngon du 'gyur pa yin no/ /de yang phyag rgya bsten pa las gang byang pa de'i bya ba bstan pa/ phya rgya'i gdong yang bcing ba dang / /thabs kyi gdong yang de bzhin no//bsten pa de las gang byung ba/ /slob ma'i khar ni btung ba nyid/ /btsun mo'i gdong dang thabs kyi gdong par mig ras bcings la bya'o/ /bsten pa ni goms pa'o/ /der gang byung ba ni gang byang chub kyi sems byung ba ste/ slob ma'i khar btung bar bya'o/ /yang na phyag rgya ni bdag med mas so//gdong ni dang po stong pa'i byang chub bo/ /bcing ba ni brtan par bya ba'o/ /thabs kyi ni rdo rje 'dzin pa'o/ /gdong ni snying rje'i rang bzhin no/ /bcing ba ni brtan par byas pa'o/ /stong pa nyid dang snying rje mi g.yo bar byas pa'i byang chub tu sems bskyed nas so/ /bsten pa ni byang chub kyi sems sbyangs pa'o//gang byung ba ni gang byung ba'o/ /de slob ma'i khar ni slob ma'i dbang po rnams so/ /de rnams kyi kha ni yul rnams yin pas slob ma'i kha yul dang dbang po'o/ /der btung ba ni bsdu ba ste de dbyer med par bya ba'i don te gang byang chub kyi sems de yul dang dbang po ldog pa nyid yin pa'i don to//'di nyid mngon par gsal bar byas pa/ ro mnyam slob ma'i spyod yul nyid/ /de nyid la yang byang bar bya/ /zhes pa la/ de nyid la zhes pa ni goms pas so/ /ro mnyam ni stong pa nyid dang snying rje dbyer med pa'i byang chub kyi sems de'i//slob ma'i spyod yul nyid ni/ 'dir dbang po rnams spyod pa yin pas spyod pa yin pas spyod yul te yul lo/ /slob ma ni dbang po rnams so/ /slob ma yang yin la spyod yul yang yin pas slob ma'i spyod yul te dbang po dang yul ro mnyam pa'o/ /bya bar bya ni thams cad byang chub kyi sems dang dbyer med pa yin te kun rdzob tu yang don 'di yin no//de nyid la ni phyag rgya'o/ /slob ma'i spyod yul ni slob ma dang nye ba'o/ /ro mnyam ni 'dus pa'o/ /bya ba ni bya ba'o/ /cir 'gyur ba yin pa gsungs pa/ rang rig ye shes nyid du 'gyur/ /rang gzhan yang dag rig pa spangs/ /mkha' mnyam rdul bral stong pa nyid//dngos dang dngos med bdag nyid mchog /thabs dang shes rab shin du 'dres/ /'dod chags chags bral rnam par 'dres/ /zhes pa smos te/ de la yod pa'i rang rig pa'i bdag nyid kyis yang dag par myong bar 'gyur te/ de'i phyir rang rig pa'i phyir ro/ /ye shes ni yang dag pa'i ye shes so//de cis khyad 'phags she na/ rang gzhan yang dag rig pa spangs te/ bdag gzhan du rtog pa dang bral ba'o/ /de lta bur gyur pa brjod par mi nus pa'i phyir dpes ston to/ /ye shes te mkha' mnyam mo/ /nam mkha' dang 'dra ba ste thog ma dang tha ma med pa'i phyir ro/ / de nyid kyi phyir rdul bral dri med do/ /de nyid kyis na stong pa ste rang bzhin dang bral bas so/ /de nyid kyi phyir dngos po dang dngos med bdag nyid do/ /dngos po 'khor ba'o/ /dngos po med pa mya ngan las 'das pa'o/ /gnyi ga'i bdag nyid 'khor ba dang rnam par byang ba dbyer med pa'o/ /de nyid kyi phyir mchog ni khyad par du 'phags pa ste/nyan thos la sogs pa'i spyod yul ma yin pa'i phyir ro/ /slar yang cis khyad par 'phags pa yin pa de gsungs pa/ thabs dang shes rab shin tu 'dres/ shes rab ni btsun mo'o/ /thabs ni skyes pa'o/ /de dag khyad par du shin tu 'dres pas chu dang 'o ma bzhin du gnyis su med pa'i rang bzhin yin pa'i phyir ro//de nyid kyi phyir/ 'dod chags chags bral rnam par 'dres/ /'dod chags ni chags pa'i mtshan nyid do/ /chags bral ni de yongs su spangs pa'o/ /spangs pa yang chags pa nyid do/ /gnyi ga yang khyad par du 'phags pa'i rim pas so//'dres pa ni 'dren mar gyur pa'o/ /'dod chags ma yin chags bral min/ /dbu ma dmigs par mi 'gyur ro/ /rtog pa med pa ste 'di nyid lhan cig skyes pa yang dag pa'i ye shes kyi de kho na nyid yin no/ /yang na rang rig ni rgyu'o/ /ye shes 'gyur ni rtogs par 'gyur ba'o//ye shes de yang / rang gzhan yang dag rig pa spangs/ /rang ni sems so gzhan ni yul dang dbang po'o/ /yang dag rig pa ni bde ba la sogs pa nyams su myong ba'i mtshan nyid do/ /yul dang dbang po dang rnam par shes pa 'di rnams kyis bskyed pa'i bde ba la sogs pa'i nyams su myong ba de spangs pa'o//cis khyad par 'phags she na/ mkha' mnyam ste/ mkha' ni dbang po'o/ /de mnyam ni lha'i mig la sogs pa'i mngon shes kyi yon tan 'byung ba'i phyir ro/ /de yang rdul bral ste rim pa gnyis dri ma med par byas pa de stong pa de bzhin nyid kyi bdag nyid rtog pa thams cad dang rnam par rtog pa las 'das pa'o//de yang dngos dang dngos med bdag nyid de/ dngos po'i dngos med ni dngos dang dngos med de gzod ma nas ma skyes pa'i phyir ro/ /de bdag nyid ni de'i rang bzhin no/ /de mchog ni khyad par du 'phags pa yang dag par rdzogs pa'i byang chub skyed pa'i phyir ro//yang na rang rig ye shes ni dga' ba tsam mo/ /rang gzhan yang dag rig pa spangs/ /mkha' mnyam ni mchog dga'o/ /rdul bral ste stong pa nyid ni rnam par dga' ba'o/ /dngos dang dngos med bdag nyid mchog /de ni lhan cig skyes pa'i dga' ba'o/ /bzhi pa'i 'di nyid ji ltar yin pa de gsungs pa/thabs dang shes rab shin tu 'dres/ /rdo rje 'dzin pa dang bdag med ma dbyer med pa'o/ /de bas na bzhi pa'o/ /chags dang chags bral rnam par 'dres/ /chags pa 'od dpag med byang chub kyi sems khu ba'o/ /chags bral ni chags pa thams cad yongs su spangs pa lhan cig skyes pa'i dga' ba'i bde ba'o//de dag rnam par 'dres pa ni/ khyad par du 'phags pa'i tshul gyis dbyer med pa ste bde ba spangs nas de ma yin zhes bya ba'i tshig gis so/ /de'i phyir thabs dang shes rab rnam pa gnyis goms pa las dga' ba la sogs pa 'byung ngo //des na yang gang bzhi pa'i don de nyid bdag med ma dbyer med pa'i rdo rje 'dzin pa'o/ /de ni lta ba thams cad nyid yang dag pa'i ye shes kyi nang du chud pa yin par bstan pa'i phyir gsungs pa/ de nyid srog chags rnams kyi srog ni de nyid ni rdo rje 'dzin pa'o/ /srog chags rnams kyi ni skye bo rnams kyi'o//srog ni srog ste de'i nang du son pa'i phyir de ltar rlung gi de kho na nyid dang ldan pa rnams kyang de kho na nyid yang dag pa'i ye shes grub pa yin no/ /yang na de nyid ni rdo rje 'dzin pa'o/ /srog chags rnams kyi srog ni sems so/ /'di rnams yod pas srog chags de nA da'o/ /srog 'di rnams kyi nA da dang 'brel pa yang sems so//nA da yang rlung bcu'i bdag nyid do/ /de yang dbang po dang yul rnams de'i rang bzhin rdo rje 'dzin pa sku gsung thugs te/ de ltar rdo rje gsum dbyer med pa nyid rdo rje 'dzin pa'o/ /de nyid 'di'i 'gro ba'i bdag /ces pa ni rdul dang mun pa dang / snying stobs rnams cha mnyam pa'i gnas skabs kyi rang bzhin yin te/ rang bzhin smra ba rnams kyi rang bzhin gyi 'gyur ba'o/ /'gro ba zhes pa ni 'gro ba'i rang bzhin yang thams cad rdo rje 'dzin pa yin no/ /yang na 'di zhes pa ni/ brtan pa dang g.yo ba gcig pa'i rang bzhin no/ / 'gro bdag nyid ces pa la 'gro ba ni gzugs la sogs pa'i phung po dang khams la sogs pa rnams kyi 'gyur pa ste phung po dang khams kyi bdag nyid 'di bcom ldan 'das so/ /de nyid thams cad khyab pa'o/ /'di nyid 'di'o/ /de nyid 'di ni 'gro ba'i bdag nyid dang thams cad khyab pa nyid kyang bcom ldan 'das yin no//'gro ba thams cad khyab 'jug bdag /ces pa ni khyab 'jug gi lto ba la brten pa rnams so/ /de nyid kyi phyir/ thams cad lus la rnam par gnas/ lus kun rnams la rnam par gnas te thams cad kyi lus la rnam par gnas pa'o//'dis ni/ ye shes chen po lus la gnas/ /rtog pa thams cad rnam par spangs/ /dngos po kun la khyab pa ste/ lus gnas lus las skyes pa min/ /zhes pa'o/ /dngos dang dngos med de las byung / /gzhan dang gang dang de rnams dang / dngos po dang ni 'khor pa'o//dngos med ni mya ngan las 'das pa'o/ /gnyi ga yang de las byung zhing de las skyes pa'o/ /kun rdzob dang don dam pa'i bden pa gnyis dbyer med pa'i phyir rdo rje 'dzin pa'o/ /yang na dngos ni thabs te rdo rje 'dzin pa'o/ /dngos med ni mya ngan las 'das pa ste bdag med ma'o/ /de gnyi ga yang de las byung ba ste de las skyes pa nyid do//gzhan rnams gang rnams de rnams dang ni gzhan rnams ni 'di thams cad sems dang dbyer med pa'i phyir gzhan rnams te dbang po drug rnams so/ /gang rnams de rnams ni zhes pa ni/ gang rnams ni g.yo ba'o/ /de rnams zhes pa ni brtan pa ste/gang rnams de rnams brtan dang g.yo/ /zhes pa'i tshig gis so/ /de'i phyir thabs dang shes rab dag de nas dbang po drug rnams dang / de nas brtan pa dang g.yo ba rtogs pa'i phyir thams cad yang dag pa'i ye shes kyi nang du son pa yin no/ /gzhan yang gsungs pa/ sems can dang ni rnam shes tshul//skyes bu sngon rabs dbang phyug dang / /bdag dang gso ba thams cad dang / /dus dang gang zag nyid dang ni/ /zhes pa la sems can zhes pa ni rig byed smra ba rnams kyi ste/ skye pa dag dang bral ba'i phyir de rtag pa'i ye shes yin no/ /de yang de la rag las pa nyid yin no/ / rnam shes tshul zhes pa ni rnam par shes par smra ba rnams te rnal 'byor spyod pa rnams kyi'o/ /de yang de la rag las pa yin no/ /skyes bu zhes pa ni rdul dang / mun pa dang / snying stobs rnams cha mnyam pa'i gnas skabs ni rang bzhin te rang bzhin mchog gi skyes bu yin no/ /gang gi lta ba de yang de'i nang du 'dus pa nyid yin no//sngon rabs zhes pa ni rig byed pa rnams kyi'o/ /dbang phyug ces pa ni dbang phyug byed pa por 'dod pa rnams kyi'o/ /bdag ces pa ni tshangs pa ye shes dang ldan pa rtag pa gcig pu'i mnga' bdag yin pa gang gi lta ba'o/ /gso ba zhes pa ni dngos po thams cad sems dang ldan par 'dod pa gang rnams kyi lta ba'o//thams cad ces pa ni rgyal po'i bstan bcos su shes par bya'o/ /dus zhes pa ni dus byed pa por 'dod pa rnams kyi ste/ dus kyis smin par gyur pa rnams/ /dus kyis skye dgu sdud par byed/ /ces gang gi'o/ /gang zag ni nyan thos kyi'o//'dis ni lta ba sna tshogs la rnam par gnas pa rnams kyi gang dang gang gi lta ba'i ye shes de thams cad nyi tshe ba ste/ yang dag par rdzogs pa'i byang chub kyi ye shes su thams cad nyid 'dus pa yin no/ /dper na 'khor los sgyur ba'i rgyal po la mkhar gyi rgyal phran la sogs pa thams cad nyid zhabs tog gi zho sha 'bul lo//de bzhin du ye shes thams cad nyid yang dag pa'i ye shes der lhun gyis grub pa nyid kyis rnam par gnas pa yin no/ /ji ltar shes rab kyi pha rol tu phyin par sbyin pa la sogs pa rang nyid mngon du 'gyur ro/ /de bzhin du 'dir yang rnam pa thams cad mkhyen pa grub na cis mi 'grub/des na gzhan thams cad rdo rje 'dzin pa'i ye shes can du grub pa yin no/ /'on kyang 'di goms pa las yin te/ goms pa ma byas na thar pa thob pa ma yin no/ /yang na sems can zhes pa'i ni srid gsum dbyer med pa'i ye shes so/ /rnam shes tshul zhes pa ni ye shes khyad par du 'phags pa'i rang bzhin no//skyes bu zhes pa ni rdo rje 'dzin pa'i rang bzhin gyi ma ning ngo / /sngon rabs ni thog ma dang tha ma mi dmigs pa'i phyir ro/ /dbang phyug ces pa ni rang nyid 'phrog po rang nyid byed/ /ces pas bdag nyid gtso bor gyur pa'i phyir ro/ /bdag ces pa ni pha rol na gzhan ci yang med pa'o//de med pa las bdag kyang med pa yin no/ /gso ba zhes pa ni thams cad mkhyen pa yin pa'i phyir rtogs pa'i rnam pa'o/ /thams cad dang zhes pa ni skye 'jig dang bral ba'i phyir rtag pa ma yin pa'o/ /dus zhes pa ni rang bzhin med pa'i rang bzhin can no//gang zag ces pa ni sprul pa'i bdag nyid kyi chos kyi sku'o/ /thams cad bsdu ba gsungs pa/ dngos po kun gyi rang bzhin 'di/ sgyu ma'i gzugs kyis yang dag gnas/ /de nyid kyi phyir dngos po kun gyi rang bzhin ni rang bzhin gyi srog rnam par shes pas rlung gi de kho na nyid dang ldan pa'i rang bzhin no//'di ji ltar yin pa de gsungs pa/ ji ltar sgyu ma'i rang bzhin ltar ro/ /ji ltar sgyu ma bden pa yang ma yin brdzun pa yang ma yin par kun gyi rang bzhin no/ de bzhin du bcom ldan 'das de yang bden pa dang mi bden pa dang rtag pa la sogs pa rnam par bcad nas 'das pa'i phyir ro//kun la khyab pas kun gyi rang bzhin no/ /yang na gnas zhes pa ni yang dag pa'i rim pas mi g.yo ba'i de bzhin nyid kyi ye shes kyi phyir g.yo ba med pa'i rang bzhin no/ /de ltar rang rig las ni ye shes 'gyur/ /zhes bya ba la sogs pa/ chags dang chags bral rnam par 'dres//zhes pa'i mthar gyis gang gsungs pa de nyid du thams cad khongs su 'dus par bstan nas de nyid gsal bar gsungs pa/ dang po dga' ba tsam nyid de/ /gnyis pa'i grangs las mchog dga' bshad ni de nyid thabs dang shes rab kyi rang bzhin no/ /gsum pa la ni rnam dgar bshad//rdo rje gsum gyi rang bzhin yin pa'i phyir ro/ /bzhi pa lhan cig skyes par brjod/ /ces pa ni lhan cig tu skyes pas ni lhan cig skyes pa ste/ sku gsung thugs dbyer med pa nyid yin pa de nyid bzhin pa'o/ /'dis ci bstan na dang po 'ba' zhig gnyis su med pa'i ye shes tsam mo//de nyid mchog dga' ste thabs dang shes rab kyi rang bzhin no/ /grangs ni gnyis pa'i grangs las so/ /gsum pa la ni rnam dgar bshad ni gsum po rnams rdzogs pa'o/ /de nyid gang las she na/ rnam dgar bshad ces pa ste gang las gnyi ga snyoms par 'jug pas khyad par du 'phags pa dga' ba'o//bzhi pa ni bzhi po rnams rdzogs pa'o/ /gang las she na/ lhan cig gcig tu skyes pa ste dbyer med pa'i rang bzhin du bskyed pa'i phyir ro/ /de yang bshad pa ni ye shes kho na ste shing dang por ba la sogs pa bzhin du ni ma yin no/ /'dis ni gcig dang gnyis dang gsum ni rdo rje gsum dbyer med pa'i lhan cig skyes pa'o//dga' ba gsum las log pa'i bzhi pa med pa nyid de/ 'di ni brtags pa tsam yin no/ /rdo rje snying po la sogs kun/ /mkhas pas de skad nges thos nas/ /mchog tu ngo mtshar gyur nas ni/ /brgyal zhing sa la 'gyel bar gyur//dang po'i dga' ba 'gro ba'i gzugs/ /de bzhin mchog dga' 'gro ba nyid/ /dga' bral dga' ba'ang 'gro ba nyid/ /gsum la lhan cig skyes pa med/ /ces pa ste/ de ltar thos nas ni/ dga' ba nyid kyis dga' ba ni bzhi yin par sngar bstan pa'o/ /da ni dga' ba gsum po rnams dbyer med pa gang las dga' ba gsum yang 'gro ba'i gzugs nyid kyis mtshungs so//gsum la ni dga' ba gsum rnams la'o/ /lhan cig skyes pa yod pa ma yin no/ /thams cad nyid mkhas pas ni rtogs pa la gnas pa'i rdo rje snying po la sogs pa'o/ /nges pa ni nges pa'o//the tshom nyid kyis mchog tu ngo mtshar bar gyur ba ni/ phan tshun du mi bzad pa rtogs nas de the tshom gyi yid du gyur te/ brgyal ba ni gti mug par gyur pa'o/ /sa ni sa la 'gyel ba'o/ /yang na sems te de cis khyad 'phags she na/ de skad ces pa ste/ thabs dang shes rab kyi rang bzhin dbyer med pa khu ba dang bde ba'i rang bzhin de'o//gang gi tshe thos nas ni 'dzag nas don rtogs tsam gyis gnyi ga yang thos par bya ba'i phyir nyid kyis 'di skad ba dag gis thos pa yin no/ /yang dag par sbyor ba'i rgyud las/ /'dzag pa ni thos pa yin pa'i don rtogs pa yin par bcom ldan 'das kyi bkas so//lung yin pa'i phyir nges par bstan pas rtags kyi tshig la sogs pa thams cad nges pa med pa nyid do/ /gang las 'dzag pa de gsungs pa/ rdo rje snying po las te/ rdo rje'i lte las so/ /sa bzhi ni btsun mo'i chos 'byung gi pad+ma'i nang du'o/ /de'i tshe nges pa ni nges pa'o//thams cad nyid mkhas pas te/ shes pa dang shes bya nyid kyi rtogs par rab tu 'jug pas na mkhas pa ste gzugs la sogs pa'i phung po lnga'o/ /'gyel ba ni lhan cig skyes pa yang dag par thim pa'o/ /'ang gi sgra ni yang gi don te gang gi tshe slar 'di rnam par shes pa rdo rje snying po la sogs nas lha mo'i pad+ma'i nang nyid du 'gyur ro//rdo rje'i lte ba nyid de'i tshe mkhas pa'o/ /thams cad nyid mchog tu ngo mtshar du gyur nas ni mchog ni mchog dga'o/ /ngo mtshar ni sngar med pa nyams su myong bas rang gi yul las yid thug pa med pa'o/ /gyur pa ni thob pa'o/ 'dis ni dbang po rnams bde bar nyams su myong bas yul las ldog pa'o//brgyal ba ni rnam par dga' ba na gti mug par 'gyur ba'o/ /gti mug par 'gyur ba yang ji ltar rnam par shes pa yod de/ /'on kyang byed pa ci yang med do/ /de bzhin du dbang po rnams kyang 'dod chags pas rang gi chags pa las rnam par grol bar 'gyur ro//de nyid kyi phyir/ dang po'i dga' ba 'gro ba'i gzugs/ /'gro ba zhes pa ni ye shes lnga dang sku gsum mo/ /'gro ba'i gzugs ni de'i rang bzhin no/ /dang po gnyis su med pa'o/ /dga' ba zhes pa ni bde ba nyams su myong ba'i mtshan nyid do/ /de bzhin mchog dga' 'gro ba nyid//'on kyang de las lhag par nyams su myong ba yod pa yin no/ /dga' bral dga' ba'ang 'gro ba nyid/ /de las lhag par nyams su myong ba yod pa'o/ /gsum la yang ni dga' ba gsum las lhan cig skyes pa yod pa yin no/ /'on kyang med pa ni rtag pa dang mi rtag pa dang bde ba dang mi bde ba dang bden pa dang mi bden par mi dmigs pa'i rang bzhin yin pa'i phyir/lhan cig skyes pa'i 'gro ba'i gzugs nyid do/ /khu ba dang bde ba dag ldog pa med pa'i rgyu yin te/ rgyu mtshan 'dis na bcom ldan 'das lha mo'i pad+ma'i nang du thim pa yin no/ /de nyid kyi phyir/kye rdo rje ste gang las bden pa gnyis kyi bdag nyid do/ /sangs rgyas kun gyi sku gcig pa ni de bzhin gshegs pa thams cad dbyer med pa'i sku'o/ /de nyid kyi phyir gsungs pa/ bka' stsal te/ kun du snang ba brjod pa yang dag par rig pa ye shes lnga'i sku nyid kyis brjod pa'i bdag nyid yin pa'i phyir bcom ldan 'das so//ci yin pa gsungs pa/ rdo rje snying pos rtogs bya'i phyir/ /the tshom legs par sel ba ni/ /gsum la lhan cig skyes pa med/ /ces pa gang 'dis rdo rje snying po la sogs pa the tshom du gyur pa'i the tshom de bsal bar bya ba'i phyir gsungs pa'o//rdo rje snying pos rtogs bya'i phyir ni rtogs par bya ba'i phyir te/ rdo rje snying po nyid mngon par rdzogs par sangs rgyas pas de bzhin gshegs pa thams cad nyid kyang mngon par rdzogs par sangs rgyas par 'gyur ba'o/ /de gsungs pa/ 'dod chags med cing chags bral med//dbu ma dmigs par mi 'gyur ro/ /gsum po spangs pa nyid kyi phyir/ /lhan cig skyes pa byang chub brjod/ /gsum ni dga' ba la sogs pa rnams so/ /spangs pa'i phyir na yongs su spangs pa'i phyir ro/ /thams cad ni chags pa can yin la/ lhan cig skyes pa ni slar chags pa med pa'i mtshan nyid yin pas gsum po rnams spangs pa'o//'dis ni lhan cig skyes pa byang chub brjod do/ /de ni bcom ldan kye'i rdo rje ste stong pa nyid dang snying rje dbyer med pa'o/ /de nyid kyi phyir sangs rgyas kun gyi sku gcig pa ni sangs rgyas kun ni gnyis med du rtogs pa'o//sku ni chags pa dang bral ba'o/ /rdo rje snying po ni gnyis su med pa'i sku'o/ /the tshom sel ba ni rtog pa spangs pa'i rnam par mi rtog pa'i rang bzhin nyid do/ /legs par ni lha'i bdag nyid do/ /rtogs bya'i phyir ni yang dag par rdzogs pa'i sangs rgyas thob par bya ba'i phyir ro/ /gsungs pa//dus gsum du chos ston par mdzad pa yin no zhes pa'o/ /de nyid gsungs pa/ 'dod chags med cing ste chags pa'i mtshan nyid do/ /chags bral med ni de yongs su spangs pa'o/ /'di gnyi gar yang gnyis med par ma rtogs pa'i phyir ro/ /dbu ma de yang mi dmigs te/ mi dmigs pa'i phyir mi dmigs pa'i rang bzhin yin pa'i phyir ro//de nyid kyi phyir gsum po spangs pa'o/ /chags pa dang chags pa med pa dag chags pa nyid kyis gnyi ga las 'das pa'i phyir mo gsham gyi bu bzhin no/ /'dis ni gsum po yongs su spangs pa gang de nyid lhan cig skyes pa yang dag pa'i byang chub ste yang dag pa'i byang chub kyi ye shes yin no//yang na chags med ni 'khor ba med pa'o/ /chags bral med ni mya ngan las 'das pa ma yin pa ste/ gang 'khor ba dang mya ngan las 'das pa ma yin pa'o/ /de ni dbu ma'i rtse zhes brjod do/ /de yang dmigs par mi 'gyur ni mi dmigs pa'i rang bzhin yin pa'i phyir ro//de nyid kyi phyir/ gsum po spangs pa ni nye bar mi dmigs pa'o/ /rgyu 'di nyid kyi phyir lhan cig skyes pa nyid yang dag par rdzogs pa'i byang chub ces brjod do/ /yang na 'dod chags med ni mchog dga' ma yin pa'o/ /chags bral med ni rnam par dga' ba ma yin pa'o//dbu mar mi 'gyur ba ni/ dga' ba tsam zhes pa'i tshig gis na dbu ma yin no/ /de thams cad mi dmigs pa ste gsum pos slar lhan cig skyes pa'i yang dag pa'i byang chub kyi rang bzhin gyi rtog pa spangs pa nyid yin te/ 'byin pa'i dkyil 'khor nyid yin par dgongs so//de nyid kyi phyir/ yang na de nyid thams cad bdag /yang na kun gyis rnam par spangs/ /thams cad bdag ni 'gro ba'i rang bzhin yin pa'i phyir ro/ /kun gyis yongs su spangs pa ni 'gro ba'i rang bzhin yin pa'i phyir ro snyam pa'i dngos po dbye bas rtog pa med pa'i phyir ro/ /yang na/ yang na zhes pa ni dkyil 'khor gnyis dbyer med pa gnyis so//thams cad bdag ni 'gro ba'i rang bzhin yin pa'i phyir ro/ /de nyid ces pa ni shes rab kyi tshul cha shas med pa'i phyir bsdu ba'i rnam pa'o/ /yang na kun gyis ni 'gro ba rnams kyis so/ /spangs pa ni rnam pa sna tshogs kyi gzugs kyi rdo rje 'dzin pa dang dbyer med pas de rnams spro ba'i tshul gyis de bzhin gshegs pa rnams de'i bdag nyid kyis gnas pa de yang rdo rje 'dzin pa spangs pa ste/de dag kyang tha dad pa yin no/ /de yang dga' bral dang por mtshon/ /dga' ba gsum po rnam par spangs/ /de lta bur gyur pa'i lhan cig skyes pa de ji lta bur yid ches par bya ba'i thabs bstan pa yin te/dga' bral yang yin la dang po yang yin pas dga' bral dang po'o/ /dang po'i sgra ni dga' ba'o/ /dga' bral gyi sgra ni rnam par dga' ba'o/ /bar ma mchog dga' yang so sor bsdu ba gzung ngo / /de la yod pa nger lhan cig skyes pa mtshon par bya'o//cis khyad par 'phags she na/ dga' ba gsum po rnam par spangs/ /dga' ba gsum yongs su spangs pa'o/ /yang na dga' bral dang por zhes pa ni rnam par dga' ba yang de dang por yang yin pas rnam dga' dang por te mchog dga'i mthar ro/ /rnam par dga' ba dang por yod pa der lhan cig skyes pa mtshon par bya ba'o//cis khyad 'phags she na/ dga' ba gsum po rnam par spangs/ /dga' ba gsum log pa'o/ /ji ltar zhe na spangs pa ste yongs su spangs pa'o/ /lha mo'i pad+ma'i nang du chad pa de yin pa'i don te/ /de lta bur gyur pa'i lhan cig skyes pa gang dga' ba bzhi'i rang bzhin de ci 'dra ba cig yin pa de gsungs pa/dang por sprin dang 'dra ba yin/ /grub pa sgyu ma lta bur 'gyur/ /bab col rmi lam 'dra bar snang / /nyal dang log pa khyad med 'dra/ /dang po zhes pa ni dga' ba'i rang bzhin te/ gang gi tshe sprin pa dang 'dra bar snang ba'i tshe ye shes bsgribs pa dang 'dra bar so sor snang ngo //reg par 'dod pa nyid kyis reg pa'i bde ba tsam nyid gnas so/ /ye shes gzhan slar bsgribs pa yin no/ /grub pa'ang sgyu ma lta bur 'gyur/ /zhes pa ni mchog tu dga' ba bde ba nyams su myong ba'i mtshan nyid yod pa ste/sgyu ma lta ni sgyu ma lta bur gyur pa'o/ /ji srid du so sor snang ba na thams cad bden pa yang ma yin brdzun pa yang ma yin zhing yul dang dbang po dang rnam par shes pa 'khril ba'i bde ba nyams su myong ba 'byung ba'i phyir ro/ /bab col ni skad cig ma gcig nyid la rnam par dga' ba yod pa dbang po dang yul dang rnam par shes pa rnams mngon par zhen pa dang bral ba gcig pa tsam du bde bar myong ba'i rang bzhin no//rmi lam 'dra bar snang ni rmi lam gyi shes pa dang 'dra bar so sor snang ba ste/ 'di thams cad bden pa yang ma yin brdzun pa yang yin zhing nyams su myong ba'i mtshan nyid kyang grub pa med do//nyal dang log par khyad par med/ /ces pa ni lhan cig skyes pa'i ye shes slar 'di nyid zung du 'jug pa bden pa dang mi bden pa dbyer med pa'i ye shes yin te/ bden pa gnyis kyi bdag nyid thams cad mkhyen pa'i ye shes yin no/ /slar bskyed pa'i rim par de nyid dkyil 'khor bsgom pa na/yang dag pa'i byang chub 'byung ba'i mtshan ma yin par gsungs pa/ dang por sprin dang 'dra bar snang / /grub pa sgyu ma lta bur 'gyur/ /bab col rmi lam 'dra bar snang / /nyal dang log pa khyad med 'dra/ /dkyil 'khor de dang por bsgom pa na sprin dang 'dra ba ni ji ltar sprin pa nam mkha'i dkyil du phan tshun du 'khrigs nas/dmigs pa med pa'i rang bzhin gyis cung zhig kyang nus pa med do/ /de bzhin du dkyil 'khor yang phan tshun du lha nyid 'dus nas dmigs pa med par so sor snang ngo / /gang gi tshe slar grub pa ni mngon du gyur nas de'i tshe sgyu ma bzhin no//sgyu ma nyid ni/ ji ltar sgyu ma mngon sum grub pas bden pa yang ma yin no/ /de bzhin du dkyil 'khor yang bden pa yang ma yin brdzun pa yang ma yin par gang gi tshe snang ba de'i tshe grub pa yin no/ /de'i tshe lha thams cad mngon du gyur bar bstan pa/ bab col ni de ma thag pa'i skad cig las so//rmi lam 'dra ni/ ji ltar rmi lam thams cad nyid du bden pa ma yin zhing nyams su myong ba de la yod pa yin no// /de bzhin du rmi lam 'dra bar snang ngo / /de nyid kyi phyir/ nyal dang log pa khyad med 'dra/ /nyal ba ni gnyid log pa'i gnas skabs dang sad pa'i gnas skabs so//khyad med 'dra ni khyad med par 'dra ba ste/ dper na 'ga' zhig gis sad pa nyid nyal bar mthong ngo / /de bzhin du ye shes bden pa nyid de thams cad yin du chug kyang sgyu ma rmi lam lta bu yin no/ /yang na/ dang por sprin dang 'dra bar snang / /zhes pa ni/ dang por zhes pa ni gnyis su med pa'i ye shes so//sprin dang 'dra bar snang zhes pa ni kun du snang ba nyid dmigs pa med pa'i rang bzhin de'i ye shes so sor snang ngo / /de nyid grub pa ni dngos su mngon du 'gyur ba'o/ /sgyu ma 'dra bar 'gyur ni sgyu ma lta bu yin te/ mA mA kI byang chub kyi sems so/ /a bdag med ma bde ba'o//de ltar ma khu ba dang bde ba dbyer med pa'o/ /de lta bur gyur pa'i ye shes 'di de gang la yod pa de ni sgyu ma 'dra ba'o/ /'gyur ba ni rdzogs pa'o/ /ji ltar zhe na/ grub pa'o/ /'ang gi sgra ni nges pa'i don te de nyid do/ /de lta bur gyur pa'i bab col ni de ma thag pa'i skad cig nyid las so//rmi lam 'dra bar snang ni/ ye shes de yang ye shes kyi mngon par zhen pa nyid du mi 'gyur ro/ /de nyid kyi phyir/ nyal dang log pa khyad med 'dra/ /nyal ba ni bsdu ba'o/ /sad pa ni spro ba'o/ /dbyer med pa nyid zung du 'jug pa'i phyir yin no/ /de nyid kyi phyir/ dngos grub mtshan nyid dbyer med pa//phyag rgya rnal 'byor pa yis 'grub/ /mtshan nyid de de'i dngos grub ni dngos grub mtshan nyid do/ /ji ltar zhe na dbyer med pa las te/ dbyer med pa'i rgyu'i mtshan nyid kyi dngos grub po/ /phyag rgya ni phyag rgya chen po'o/ /de dang lhan cig rnal 'byor pa 'dus pa gang la yod pa des ni nges par 'grub po//yang na phyag rgya yang yin la rnal 'byor yang yin pas phyag rgya rnal 'byor pa ste bdag med ma dang dbyer med pa'i rdo rje 'dzin no/ /grub pa ni rdzogs pa'o/ /kun rdzob tu yang mi phyed pa'i mtshan nyid kyi dngos grub po/ /kun du kun nas kyi rnam pas grub pa ni grub pa'o//dbyer med pa nyid kyi mtshan nyid ni dbyer med pa'i mtshan nyid do/ /ji ltar sprin dang sgyu ma dang rmi lam la sogs pa'i dpe des gang gi tshe dbyer med pa'i mtshan nyid du gyur pa de'i tshe phyag rgya'i rnal 'byor par 'gyur ro/ /de nas grub par 'gyur ro/ /ston pas dkyil 'khor 'di skad gsungs//rgyu de ltar ston pas 'gro ba'i don gyi phyir 'jig pas dkyil 'khor bka' stsal te/ ye shes kyi dkyil 'khor med na gang la phyag rgya'i dngos grub yod pa ma yin no/ /dkyil 'khor de yang sprin dang 'dra/ /zhes bya ba la sogs pa'i dpes dbyer med pa de grub par byed pa yin no//dkyil 'khor de nyid gsungs pa/ gru bzhi yang dag 'bar ba nyid/ /sgo bzhi gzi brjid chen po ste/ /dra ba dra ba phyed pas brgyan/ /phreng ba sna tshogs rnga yab ldan/ /ka ba brgyad kyis nye bar mdzes/ /rdo rje'i srad bu mnyam par ldan/ /me tog sna tshogs nye bar brgyan//bdug pa mar me de bzhin dri/ /bum pa brgyad la sogs par ldan/ /de yang yal ga la sogs brgyan/ /mgrin pa gos kyis bkab pa dang / /rin chen lnga ni yongs su gzhug/ /rnam par rgyal ba shar du sbyin/ /don 'di thams cad go sla'o/ /rdzogs pa'i rim par na/ gru zhi par zhes pa ni/dga' ba bzhi'i rang bzhin zhes so/ /yang dag 'bar ni 'od gsal lo/ /sgo bzhi ni de nyid kyi phyir srid pa'i dgon pa bzhi las nges par 'byin pa'i thabs kyis so/ /gzi brjid chen po ni thams cad stong pa'i phyir ro/ /dra ba dra ba phyed pas brgyan pa ni ji ltar rin chen mu tig la sogs pa skud pa zhig la brgyus pa de bzhin du ye shes lnga dang sku gsum la sogs pa'i rin chen sna tshogs pa gnyis su med par brgyus pa yin no//phreng ba ni me tog gi phreng ba'o/ /sna tshogs rnga yab ni kha dog sna tshogs pa'o/ /ji ltar me rtog gi phreng ba yang me tog sna tshogs du ma'i rigs brgyus pa yin no//de bzhin du sna tshogs skyes pa dang / kha dog sna tshogs de'i khongs su 'dus pa yin pas phreng ba sna tshogs rnga yab ldan no/ /ka ba brgyad kyis nye bar mdzes pa ni rnam par thar pa'i sgo brgyad rnam par dag pa'i phyir ka ba brgyad kyis nye bar mdzes pa'o/ /rdo rje srad bu mnyam par ldan//rdo rje ni thugs so/ /skud pa ni a wa d+hU tI'o/ /de dag mnyam pa ni gnyis su med pas so/ /ldan pa ni 'dus pa'o/ /me tog sna tshogs nye bar mdzes/ /zhes pa ni me tog ni byang chub kyi sems so/ /sna tshogs ni 'gro ba ris drug tu son pa'i sems can de rnams kyi sa bon du gyur pa'i phyir me tog des nye bar brgyan pa'o//de las 'gro ba ris drug tu gyur pa'i sems can thams cad nyid gang las skye ba'o/ /slar cis khyad 'phags she na/ dri zhes pa ni ye shes rtogs pa'i rang bzhin no/ /de cis khyad 'phags she na/ bdug pa zhes pa ni/ sreg pa'i rang bzhin gyis rang bzhin med pa'i tshul lo//mar me zhes pa ni gzi brjid kyi phyir 'od gsal lo/ /ldan zhes pa ni zung ste thabs dang shes rab dbyer med pa'o/ /bum pa brgyad la sogs par ka la ni nA da'o/ /sa ni bsrab par byed pas ni bum pa cha med pa bzhi pa rdo rje 'dzin pa'o/ / brgyad kyi sgra ni mkha' 'gro ma brgyad do/ /brgyad kyang yin la bum pa yang yin pas bum pa brgyad do/ /de nyid kyi dang po ni gtso bo'i rgyud de gang de'i rgyu rnams kyis so/ /ldan pa ni zung ste thabs dang shes rab dbyer med pa nyid kyi dkyil 'khor yin no/ /de yang ni bum pa rnams so/ / yal ga la sogs pa brgyan/ mgrin pa gos kyis dkris pa dang ni kun rdzob tu go sla ba nyid do/ /don dam par ye shes lnga dang sku gsum gyi rang bzhin te/ de nyid kyi phyir yal ga'i rtse mo ni yal ga'i sgras yal ga dang zar bu la sogs pa'o/ /yal ga dang 'dra bas na yal ga'o/ / de nyid kyi rtse mo ni gang gi gtso bo rnams yin pa de'o/ /'dis ni spro ba'i rang bzhin nyid kyis de yin no/ /de nyid kyi phyir/ mgrin pa gos kyis dkris pa ste/ sgrib pa'i rgyu yin pa'i phyir kun rdzob kyi bden pa des dkris pa'o/ /mgrin pa ni mgrin pa longs spyod kyi 'khor lo stong pa nyid bcu drug gang gi de ni mgrin pa gos kyis bskon pa'o//rin chen lnga ni yongs su gzhug /rnam par rgyal ba shar du sbyin/ /rnam par rgyal ba'i bum par rin chen sna lnga yongs su blugs nas shar gyi sgor gzhag go/ /yang na lnga'i sgras gzugs la sogs pa'i phung po lnga'o/ /rin chen gyi sgra ni yul dang dbang po dang rnam par shes pa rnams so//'di rnams yongs su gzhug pa ni mdor bsdus pa ste/ gang du yang dag pa'i ye shes de rin chen lnga yongs su bcug pa'o/ /cis khyad 'phags she na/ rnam par rgyal ba'i sgras mkha' nam mkha'i khams so/ /de las byung bas na rnam par byung ba ste chos kyi dbyings las byung ba'i ye shes so//der 'gro zhing thob par byed pas na rnam par rgyal ba'o/ /'di ji ltar zhe na/ gang las sngon du sbyin pa'i phyir te/ dang po nyid gang las yongs su spangs pa'i tshul de'i don to/ /dkyil 'khor gyi thig gdab pa'i phyir thig gsungs pa/ sar pa legs par bkal ba dang //shin tu tshad ma mdzes pa yi/ /srad bus shes rab can gyis gdab/ /rang 'dod lha yi gzugs kyis ni/ /zhes pa smos te sar pa zhes pa ni las gzhan la ma spyad pa'o/ /legs par bkal ba ni legs par bkal ba'o/ shin tu tshad ma ni dkyil 'khor gyi nyis 'gyur gyi ring tshad do//mdzes pa zhes pa ni grims pa'o/ /de lta bur gyur pa'i thig skud kyis dkyil 'khor gyi thig gdab par bya'o/ /shes rab can ni bdag med ma dang 'brel pa'o/ rang 'dod lha'i gzugs kyis ni gang gi gang 'dod pa'i lha'o/ /de'i gzugs ni rnal 'byor pa la sogs pa'o//yang na gsar pa zhes pa ni sngon med pa ste/ sngon med pas phyi ma yang med do/ /'dis ni thog ma dang tha ma med pa yin no/ /legs par bkal pa ni legs pa ni khu ba'o/ /de nges par bkal bas te rnal 'byor du gyur pas so/ /shin tu tshad ma ni lung ste ston pa'i bka' drin las khong du chud pa'o//mdzes pa ni yid 'phrog pa'o/ /srad bus ni rnam par shes pa'i rgyud kyis so/ /gdab pa ni rgyud pas 'brel par bya'o/ /shes rab can zhes pa ni rnam pa brgyud mas rnam par shes pa'i rang bzhin med par rtogs par gnas so/ /rang 'dod lha yi gzugs kyis ni/ /zhes pa la/ rang ni sems kyis so/ /'dod pa ni lha gang 'dod pa de'o/ /de'i gzugs ni rang bzhin te de rnams kyi rang bzhin rtogs pa'i phyir/ gzugs la sogs pa'i phung po lnga rnams de bzhin gshegs pa'i rang bzhin du rtogs pa'i don to/ /rdul tshon dgye pa dang dkyil 'khor gyi thig gdab pa'i dang por 'khor lo'i bdag po'i bzlas pa 'bum//'khor lo'i bdag po ni dkyil 'khor gyi gtso bo'o/ /bzlas pa 'bum ni sngags 'bum bzlas pa'o/ /dkyil 'khor ba yi de bzhin khri/ /zhes pa ni dkyil 'khor du 'khod pa'i de bzhin gshegs pa gzhan rnams kyi re re zhing yang stong phrag bcu bzlas par bya'o//yang na 'khor lo'i bdag po ni rdo rje 'dzin pa'o/ /'bum ni mtshon pa'i mtshan ma bzlas pa A li kA li nA da'i bdag nyid du bya zhing thabs dang shes rab dbyer med pa nyid kyi rdo rje 'dzin pa'i mtshan nyid yin no/ /dkyil 'khor ba ni dkyil 'khor ni ye shes so/ /der byung ba rnams dkyil 'khor ba me long lta bu la sogs pa'i ye shes lnga dang sku gsum gyi bdag nyid spro ba'i tshul gyis rnam par gnas so//dbyer med pas gcig gi tshig go/ /de rnams kyi yang mtshan nyid khri ste/ a bdag med ma'o/ /de dang lhan cig tu ldan zhing yang dag par sbyor ba bdag med ma dang dbyer med pa nyid de de rnams kyi mtshan ma yin no//mkhas pas nor 'dzin rnam par sbyang / /zhes mdor bstan pa'i rgyas par bshad pa ni gong du gsungs pa'i sngags nyid kyis/ mkhas pas 'dzin ma rnam par sbyang / /gong du gsungs pa zhes pa ni sngags kyi rim par phye bar gsungs pa'i oM rak+Sha rak+Sha zhes pa'i sngags kyis so//mkhas pas 'dzin ma rnam par sbyang ba ni slob dpon gyis so/ /yang na gong du gsungs pa'i sngags nyid kyis zhes pa ni/ oM rak+Sha rak+Sha zhes pa sku gsung thugs thams cad nyid 'jig pa'i bdag nyid rang bzhin med pa'i rang bzhin can no/ /'dzin ma ni chos 'byung ngo //de'i sbyang ni dag pa'o/ /de nyid mkhas pa ste/ rtogs pa'i bdag nyid kyi ye shes kyi sku yin pa'o/ /a yig dang po sogs sngags kyis/ /de la gtor ma rnam par sbyin/ /oM a kA ro mu khaM sarba d+harmA nAM A d+ya nu t+pan+na twA ta oM AH hUM phaT swA hA zhes pa sngags 'dis zhes pa'i don to//yang na gtor ma zhes pa ni de bzhin gshegs pa kun tshim pa'o/ /sogs sngags kyis ni/ yi ge a nyid dang po rgyu'i gtso bo sngags kyi ye shes gang la yod pa de ni a sogs sngags so/ /yi ge a'i sgra ni bdag med ma ste de'i rang bzhin nyid kyi ye shes kun no//de'i phyir dang por ni sngon du'o/ /sbyin pa ni yongs su spangs pa'o/ /dang po nyid 'di la med pa ste de med pas mtha' ma dang dbus kyang med pa nyid do/ /de nyid kyi phyir thams cad bdag med pas phug pa yis de bzhin gshegs pa dam pa yang dag par tshim par gyur pa'o//ji ltar bsam gtan de bzhin 'dir/ /srung ba ji ltar gsungs pa nyid ni/ 'bad pas hUM las rdo rje can/ /zhes gang mdor bstan pa de'i rgyas par bshad pa'o/ /raM las nyi ma sngon du rnams bsgoms nas/ nyi der hUM byung sna tshogs rdo rje de nyid kyis ni rab dang gur bcing ba yang rnam par bsgom pa nyid//ces pa'i bsam gtan ji lta ba de bzhin du 'dir yang dkyil 'khor bya'o zhes pa'i don to/ /nang gi don du na yang lha'i rim par phye ba nyid du raM las nyi ma zhes pa bya ba la sogs pa'i tshigs su bcad pa bstan pa'i phyir gsungs so/ /dkyil 'khor der dbang bskur ba sbyin pa de gsungs pa//gang zhig dbang ni rab phye ba/ /rang gi dkyil 'khor mchog bzhin sbyin/ /gang zhig dbang ni chu la sogs pa gsungs pa de rnams so/ /cho ga bzhin ni cho ga'i rim pa bzhin du sbyin par bya'o/ /rang gi dkyil 'khor zhes pa ni mos pa'i khyad par gyis dkyil 'khor byas pa yin pa'i don to//yang na gang zhig dbang ni/ dbang bskur bas sgrib pa med par byed pa'o/ /cis khyad 'phags she na/ rang gsal ba ni 'od gsal gyi rang bzhin no/ /gang las she na/ rang gi dkyil 'khor las te/ rang yang dag par rig pa'i ye shes so/ /de cho ga bzhin sbyin no/ cho ga ni cho ga'i bya ba gang la yod pa de yin te rang rig pa'i ye shes de'i ye shes ni cho ga bzhin du'o//'dis ni lha'i rnam par dag pa yang de rab tu gsal ba'i mtshan nyid rang bzhin gyis dag pa chos bzhin du yin pa 'dis lha nyid kyi rnam par dag pa gnyi ga yongs su dag pa'i dbang bskur ba rnams so/ /sbyin pa ni yongs su spangs pa'o//rnam pa gnyi ga'i yang chags pa yongs su spangs pa yin pa'i don to/ /mchod dang gsol ba gdab pa nyid/ /ji ltar bshad pa de bzhin 'dir/ /zhes pa ni dbang bskur ba'i rim par phye ba las ji skad gsungs pa'i kun rdzob dang don dam pa dbyer med pas so/ / mchod dang gsol ba gdab pa nyid/ /de bzhin 'dir yang zhes pa ni/ bsam gtan gyis sngon du zhes pa ni/ bsam gtan gyis sngon du rang gi snying gar rang gi sa bon las 'od zer nag po lcags kyu'i rnam pa'i gzugs kyis phyung nas des khams gsum du bzhugs pa'i sangs rgyas thams cad spyan drangs la/ma mo brgyad kyis yang dag par mchod nas rjes su gsol ba gdab par bya'o/ /de bzhin gshegs pa thams cad kyis bdag la dbang bskur du gsol zhes dbang bskur ba'i rim par phye ba nyid du bshad pa'i don to/ /de'i rjes thogs su 'phar ma gnyis bzang rnams bris nas//myur du dkar mo la sogs bri/ de nas mchod pa dang gsol ba btab pa'i rjes thogs su dkyil 'khor bri bar bya'o/ /de yang bzang ni rgyu bzang ba'i phyir ro/ /de rnams bris nas myur du ni/ /myur ba nyid du dkar mo la sogs pa'i mtshan ma bri bar bya'o zhes pa ni man ngag go/ / shar du gri gug rnam par bri/ /lho dang nub tu de bzhin no/ /byang dang me yi mtshams dang ni/ /bden bral rlung du de bzhin no/ /dbang ldan du ni ci gsungs pa/ /de ltar de bzhin 'og dang steng / /'dis ni ci bstan nas/ nang gi rim pa'i lte bar rdo rje dang thod pa'o/ /'dab ma bzhi la gri gug go/ / phyi rol gyi rim par yang 'dab ma brgyad rnams gri gug go/ /steng dang 'og tu yang bri bar bya ba'i don to/ /yang na 'phar ma gnyis zhes pa ni kha sbyor ba ste/ rdo rje 'dzin pa dang dbyer med pa nyid bdag med ma/ bdag med ma dang dbyer med pa nyid rdo rje 'dzin pa yin no/ /de cis khyad 'phags she na//bzang ba ste bden pa gnyis kyi bdag nyid yin pa'i phyir ro/ /rnam bris nas ni nges pas brtan par bya ba'o/ /myur ba zhes pa ni skad cig la'o/ /dkar mo la sogs pa'i mtshan ma bri ni brtan par bya ba'o/ de ci yin pa gsungs pa/ shar du gri gug ste/ lho dang nub dang byang dang me'i mtshams dang /bden bral dang rlung dang dbang ldan dang / 'og dang steng dang phyogs bcu rnams su'o/ /'dis ni phyogs bcur 'khrul pa yang gnyis su med par rtogs pas 'khrul ba/ nang gi rim par gnas pa'i mkha' 'gro ma bzhi bdag med ma dang lnga po de yang drug pa rdo rje 'dzin pa me long lta bu la sogs pa ye shes lnga'i rang bzhin gzugs la sogs pa phung po lnga'i rang bzhin gyi bdag nyid yin no//rdo rje sems dpa' bsnyems byas nas/ /rkang pa g.yas pa brkyang bya ste/ /dgyes rdor phyag gnyis rnal 'byor las/ /slob dpon dkyil 'khor 'jug pa nyid//ces pa ni gang gis rdo rje sems dpa' nyid du bsnyems par byas pa brtson 'grus spro ba de ni slob dpon te dkyil 'khor gyi slob dpon ston pa'o/ /rkang pa g.yas pa brkyang bya ste/ /'jug pa nyid ces pa ni/ rkang pa g.yas pa brkyang ba yin pa ste/ 'di nyid kyi don 'di lung yin pa'i phyir ro/ / ji ltar rdo rje sems dpa'i bsnyems pa yin pa de gsungs pa/ phyag gnyis dgyes rdor rnal 'byor pas phyag gnyis pa'i dgyes pa'i rdo rje'i rnal 'byor gyis so/ /dkyil 'khor gyi skabs nyid kyis dkyil 'khor nyid du 'jug pa yin par shes par bya'o/ /yang na rdo rje ni mi phyed pa'o/ /sems dpa' ni srid gsum gcig pa yin pas rdo rje sems dpa' sgras thabs dang shes rab dbyer med pa gnyis su med pa'i ye shes so//des byas nas ni thob nas so/ /bsnyems pa ni gang gis dge ba la spro ba'o/ /'dis ni brtson 'grus kyi stobs kyis gzhan gyi don dang spro bas rang gi don to/ / rdo rje sems dpa'i rang bzhin thob nas rang dang gzhan gyi don phun sum tshogs pa'o/ /slob dpon dkyil 'khor ni rdo rje 'dzin pa'o/ /'jug pa'o/ /gang du zhen rkang pa g.yas pa dag brkyang ste/ g.yas brkyang nas 'khril pa'i zhabs gang dag rdo rje 'dzin pa dang / bdag med ma de dag gi zhabs dag bdag med ma dang rdo rje 'dzin pa'i bdag nyid gnyi ga'i ye shes bsdu ba nyid yin no//'di nyid ji ltar yin pa gsungs pa phyag gnyis kyi rdo rjer sbyor bas gnyis ni kun rdzob don dam pa dag go/ /phyag ni longs spyod do/ /gang la dgyes rdor gnyis su med pa'i ye shes 'di phyag gnyis pa'i dgyes pa'i rdo rje'o//de'i sbyor bas ni de'i gzugs las te/ de nyid kyi phyir byas nas te thob nas ma ning yan pa'i don to/ /khrus dang gtsang sbra dri zhim lus/ /sna tshogs rgyan gyis rnam par brgyan/ /hUM hUM bsnyems pa byas nas ni/ /hI hI rnam par 'jigs byed dag /hUM hUM bsnyems pa byas nas ni//gang gi byas pa de la de skad ces bya'o/ /hI hI rnam par 'jigs byed dag /ces pa ni gdug pa'i sems can 'jigs par byed pa'i gzugs can no/ /khrus la sogs pa'i don ni go sla ba nyid do/ /yang na khrus ni lha'i rnam par dag pa'o/ /gtsang sbra ni de nyid de bzhin nyid kyi rnam par dag pa'o//'dis ni gnyi ga rnam par dag pa gnyi ga rnam par dag pas dri zhim ste mdzes par rtogs pa'o/ /lus ni aM mkha' spyod la der 'gro ba yin pas lus so/ /dri zhim yang 'di yin la lus kyang yin pas dri zhim lus te bdag med ma'i dkyil 'khor rnam par dag pa nyid mdzes pa'i ye shes yin no//[(]ye [,]yi [)]ge aM gis mkha' 'gro ma bco lnga rnams bsdu bas bdag med ma'i dkyil 'khor nyid bstan pa yin no/ /sna tshogs ni gzugs sna tshogs pa spro ba'i bdag nyid yin pa'i phyir ro/ /rgyan ni kun nas kun du gang zhing rdzogs par bsdu ba'i bdag nyid kyi phyir ro/ /de ltar spro ba dang bsdu ba'i bdag nyid kyi phyir sna tshogs can no//de'i rang bzhin gyis brgyan pas brgyan pa'o/ /hUM zhes pa ni rdo rje gsum dbyer med pa'i ye shes so/ /hUM ni de nyid thabs dang shes rab kyi bdag nyid do/ /yi ge las byung gong bu la/ /hUM phaT yi ge dgod mi bya/ /zhes pa'i tshig gis so//'dis ni byas pa thob nas gang gis gnyi ga phun sum tshogs pa de ni hUM hUM bsnyems pa byas nas so/ /'dis ni ye shes lnga dang sku gsum gyi rang bzhin thabs dang shes rab kyi bdag nyid rdo rje 'dzin pa yin pa'i don to/ /hI zhes pa ni rdo rje gsum dbyer med pa'i bdag med ma'i ye shes so/ / hI'i rnam pa ni de nyid rdo rje 'dzin pa dang / bdag med ma'i bdag nyid kyi ye shes so/ /de nyid kyi phyir 'jigs byed bdag ste/ gang bdag med ma rang bzhin med par gyur pas nyan thos la sogs pa thams cad nyid 'jigs par byed pa'i phyir ro/ /'dis ni/ hUM hUM bsnyems par byas nas ni//zhes pa 'dis ye shes lnga dang sku gsum gyi bdag nyid bdag med pa'i rdo rje 'dzin pa yin no/ /hI hI rnam par 'jigs byed bdag /ces pas kyang ye shes lnga dang sku gsum gyi bdag nyid rdo rje 'dzin pa dang dbyer med pa'i bdag med ma dang gnyi ga yang dbyer med pa yin no/ /phyi nas de nyid yang dag bshad//rnam dag ye shes gzugs can te/ phyi nas ni rjes thogs so/ /de nyid ni bstan par bya ba'o/ /cis khyad 'phags she na/ rnam dag ste rim pa gnyis rnam par dag pa'o/ /de nyid de kho na nyid kyi gzugs can no/ /de nyid kyi phyir/ 'khor ba dang ni mya ngan 'das//khyad par cung zad yod ma yin/ /gnyi ga rnam par dag pa'i phyir/ /'khor ba dang mya ngan las 'das pa'o/ /cung zad med ni cha shas tsam gyi khyad par yang yod pa ma yin te med pa yin no/ /yang na phyi nas ni de ma thag tu bar ma chad pa nyid kyis so/ /de nyid ces pa ni yang dag pa'i ye shes so//cis khyad 'phags she na/ yang dag par bshad pa'i mngon par brjod pa gang la yod pa de ni yang dag bshad do/ /shin tu rnam dag shes pa ni kun rdzob dang don dam pa phul du byung ba shin tu phul du byung ba dbyer med par dag cing dri ma med pa'o/ /ye shes gzugs can ni rtog pa gcig gi rang bzhin no//de nyid kyi phyir/ /'khor ba dang ni mya ngan 'das/ /khyad par cung zad yod ma yin/ /zhes pa'i don ni gsal ba nyid do/ /de nyid bstan pa ni/ mchog dgar bsgom pa med cing bsgom pa po yang med/ /lus kyang med cing gzung ba med dang 'dzin pa med/ /sha dang khrag kyang med cing bshang dang gci ba med//skyug bro med cing rmongs med gtsang ba med/ /chags med sdang ba med dang rmongs med phrag dog med/ /ser sna med dang nga rgyal med cing mthong bya med/ /bsgom dang sgom pa po med bshes dang dgra med cing / /rlom sems med pa'i lhan cig skyes pa sna tshogs nyid/ /ces pa smos te/mchog dgar zhes pa ni/ mchog ni rdo rje 'dzin pa'o/ /dga' ba ni bdag med pa'o/ /mchog kyang yin la dga' ba yang yin pas mchog dga'o/ /rdo rje 'dzin pa dang dbyer med pa'i bdag med pa'i ye shes so/ /der de la yod pa de ci zhe na/ bsgom pa med cing ste bsgom par bya ba'i dmigs par bya ba yang med pa nyid do//gang gi phyir sgom pa po med ni/ dmigs par byed pa yang med de/ ji ltar zhe na lus kyang med cing ngo / /kyang gi sgra ni gang gi phyir te lus med ni kun du snang ba'i mtshan nyid kyi lus kyi rang bzhin yin pa'i phyir ro/ /gzung ba med ni lus bkag pa nyid kyis gzung ba kun du snang ba'i mtshan nyid de med pa'o//de med pa'i phyir 'dzin pa yang med do/ /de nyid kyi phyir lus bkag pa nyid yin no/ /sha dang khrag kyang med cing bshad dang gcig ba med pa med pa 'dis ni de bzhin gshegs pa bzhi yang 'od dpag tu med pa nyid du thim pa yin par bstan to/ / dga' ba yang 'od dpag tu med pa dang dbyer med pa ste mchog dga' zhes bya ba'i tha tshig go/ /skyug bro med ni de nyid kyi phyir skyon du bgrang ba yang med do/ /de skad du bcom ldan 'das kyis gsungs pa/ sangs rgyas la gang rtag skyon bgrang / 'dir ni kho bo skrag par byed/ /ces gsungs so/ / de nyid kyi phyir rmongs med de gti mug ma rig pas 'khrul pa med pa'o/ /de nyid kyi phyir gtsang sbra gtsang ba med de gtsang sbra ni shin tu rnam par dag pa'o/ /gtsang ba ni me ste me shing pa ma lus pa sreg par byed pa'i phyir ro/ /chags med ni chags pa 'od dpag med gsung rdo rje'o/ /sdang ba med ni zhe sdang ba med pa ste mi bskyod pa thugs rdo rje'o//rmongs med ni rmongs pa rnam par snang mdzad de sku rdo rje'o/ /de yang phrag dog med ni phrag dog don yod grub pa thabs dang shes rab dbyer med pa nyid kyis rnam par snang mdzad la thim pa yin te/ de yang med de/ ser sna med pa ni de bzhin du rin chen gtso bo 'od dpag med thim pas so//nga rgyal med ni rdo rje sems dpa' yang med pa'o/ /mi bskyod pa yang de bzhin du dbyer med pa'i phyir ro/ /'dis ni thabs dang shes rab dbyer med med pas rdo rje gsum gyi rang bzhin des sku gsum dang ye shes lnga'i bdag nyid kyi phyir rdo rje 'dzin pa'o/ / mthong bya med ni thams cad snang ba med par gyur pa'i phyir ro/ /bsgom pa zhes pa ni 'byung ba ste/ skye ba'i bya ba bkag pa'o/ /sgom pa po yang med ni gyur pa yin pas na sgom pa po ste de yang med pa yin no/ /chos thams cad dang po nas ma skyes pa'i phyir ro/ /skyes pa dang skye ba gnyis ka yang bkag pa yin no//yang na bsgom dang sgom pa po ni/ bsgom pa ni yul dang dbang po'i dngos po'o/ /sgom pa po ni sems so/ /de gsum ka yang med de rdo rje gsum dbyer med pa'i phyir ro/ /de nyid kyi phyir bshes dang dgra med ni bshes zhes pa ni sems te de med pa'o/ /dgra zhes pa ni dgra rnams te de dang 'dra bas na gang yang yul dang dbang po de rnams kyang med do//ji ltar zhe na/ rdo rje gsum dbyer med pa nyid kyi phyir ro/ /yang na bshes ni mdza' ba'o/ /dgra ni mi mdza' ba'o/ /dge ba dang mi dge ba yang med pa'i don to/ /gang gsungs pa/ ji ltar chu la chu bzhag na/ de snyed chu ru ro mnyam 'gyur/ /skyon dang yon tan rnam ldan sems/ /rmongs pa gnyen po cung zad med/ /ces gsungs so/ /'di thams cad ji ltar yin pa de gsungs pa/ rlom sems med pa'i lhan cig skyes pa sna tshogs nyid/ /rlabs dang 'dra bas rba rlabs te rnam par rtog pa'o/ /de las byung ba gang la lhan cig skyes par bshad de rnam par rtog pa thams cad las 'das pa'i phyir de lhan cig skyes pa'o//de nyid kyi phyir sna tshogs ni gzugs sna tshogs te thams cad nyid de'i bdag nyid kyis de'i khongs su 'dus pa yin par dgongs so/ /rdo rje'i snying pos 'di skad gsol/ /gzod nas rang bzhin med pa'o//lus kyi rang bzhin dag pa ni/ /ci slad 'byung ba'i bdag nyid lags/ /rdo rje snying po zhes pa ni rdo rje'i snying po ste mi phyed pa'i sku yin pa'i phyir ro/ /gsol ba ni zhu ba ste/ rdo rje 'dzin pa la zhugs pa'o/ /rgyu ci'i slad du zhe na/ gang gi phyir mchog dga' bsgom pa dang sgom pa po la sogs pa rnams bkag pa de'i phyir the tshom skyes nas gsol pa'o//lus kyi ni lus lhan cig skyes pa yin pa'i tha tshig go/ /rang bzhin ni rang bzhin las ji lta ba bzhin gyi yang dag pa nyid do/ /dag pa ni rang bzhin gyis yongs su dag pa'o/ /de nyid kyi phyir gzod nas ni dang po nyid nas sa//rang bzhin med pa ni yang dag pa ji lta ba bzhin ma yin pa ste/ gang de ltar/ ci slad 'byung ba'i bdag nyid lags ni ji ltar 'byung ba chen po lnga'i bdag nyid yin zhes pa'o/ /de la bcom ldan rdo rje can/ mkha' 'gro bde ba sbyin pas gsungs/ /rlom sems med pa'i rang bzhin bdag /thams cad lus la rnam par gnas/ /de la zhes pa ni rdo rje snying po'i rtog pa'o/ /bcom ldan rdo rje can ni rdo rje'i 'dzin pa'o/ /gsungs pa ni bka' stsal pa'o/ /cis khyad 'phags she na/ mkha' 'gro ni bdag med ma la sogs pa rnams so/ /bde ba ni ye shes so/ / sbyin pa ni bde ba sbyin pa'o/ /rlom sems med pa'i rang bzhin bdag ni rnam par mi rtog pa'i rang bzhin no/ /bdag ni lus te gang la de yod pa de ni rlom sems med pa'i rang bzhin bdag go/ /de nyid kyi phyir/ thams cad lus la rnam par gnas ni brtan pa dang g.yo ba la sogs pa'i dngos po mtha' dag la rnam par gnas pa'o//khyad du 'phags pa'i tshul gyis a ba ste/ a bdag med ma'o/ /ba rdo rje 'dzin pa yin pas a ba'o/ /rim pa 'dis na brtan pa dang g.yo ba yin no/ /ci'i slad du 'byung ba chen po'i phung po lags zhes pa yin pa de gsungs pa kho la ka k+ko la sbyor bas//sa ni de la skye bar 'gyur/ /de la ni lhan cig skyes pa las sa'i khams skyes ba'o/ /bo la rdo rje'o/ /ka k+ko la pad+ma'o/ /rdo rje dang pad+ma snyoms par 'jug pa yin pa zhes dgongs so/ /slar dang po reg par 'dod pa ste/ reg pas sra ba'i chos kyis ni/ /zhes pa'i tshig gis te sa yang sra ba'i rang bzhin du rtogs pa'i phyir/sa'i khams de la dga' ba'i rang bzhin gyis lhan cig skyes pa las skye'o/ /byang sems khu ba'i rnam pa las/ /chu yi khams su yang ni 'gyur/ /lhan cig skyes pa de las ni byang chub kyi sems 'byung ste/ khu ba skye zhing de yang khu ba'i tshul nyid kyi phyir chu'i khams so//skye ba ni 'byung ba'o/ /bskyod pa las ni me yin te/ rdo rje pad+ma bskyod pa las me'i khams skye'o/ /'gro ba rlung du rab tu grags/ g.yo ba'i rang bzhin yin pa'i phyir rlung gi khams su bstan to/ /bde ba yang ni nam mkha'i khams/ /nam mkha'i khams bde ba'i rang bzhin yin pa'i phyir ro//'dis ni lnga pa rnams kyi sa ni sa la sogs pa 'byung ba chen po lnga rnams so/ /yongs su bskor ni thams cad la khyab pa de'i lhan cig skyes pa'o/ /'dis ni phan pa'i mtshan nyid yin pa'i phyir 'byung ba chen po'i bdag nyid kyi lus lhan cig skyes pa'i ye shes te/de'i phyir 'dod chags dang rnam par chags pa 'dres par gyur pa chu la chu bzhag pa lta bu'i bdag med ma'i byang chub kyi sems thabs dang shes rab dbyer med pa'i bden pa gnyis kyi bdag nyid ye shes lnga dang sku gsum gyi rang bzhin rnam pa thams cad mkhyen pa mngon par byang chub pa'i rgyu yin te/rdo rje snying po'i the tshom bcom ldan 'das kyis bsal ba yin no/ /yang na mchog dga' rdo rje 'dzin pa dang bdag med ma'i ye shes bsgom pa dang sgom pa po la sogs pa rnams mi dmigs pa'i phyir ro/ /'di skad ni rgyu'o/ /dgyes pa'i rdo rje zhes pa ni bdag med ma dang dbyer med pa'i rdo rje 'dzin pa'i ye shes su bstan to//yang dag pa'i bdag nyid ni yang dag pa de nyid phyin ci ma log pa'i bdag nyid kyi rang bzhin gang de ni 'byung ba'i bdag nyid kyi ye shes so/ /ci'i slad du zhe na/ rang bzhin gyis te yang dag pa ji lta ba bzhin no/ /lus dag ni lus ni sku gsum ste ma ning du bstan pa'o//gang gzod nas ni dang po nyid nas so/ /rang bzhin med pa ni med ni bdag med ma'o/ /rang rdo rje 'dzin pa'o/ /bzhin ni gnyis ka'i gnyis kyi bdag nyid do/ /de lta bur gyur pa'i bde ba'i ye shes so/ /de la zhes pa ni de ltar rnam par gnas pa'o/ / bcom ldan 'das kyis gsungs pa ni/ yi ge a dang yi ge ha'i rang bzhin no/ /dbang phyug la sogs pa'i yon tan ma lus pa dang ldan pas so/ /rdo rje can ni mi phyed pa'i ye shes kyi sku'o/ /de nyid kyi phyir/ mkha' 'gro ma ni bdag med ma la sogs pa'i bde ba'i ye shes so//sbyin pa ni spyan pa'o/ /de nyid kyi phyir de rnams kyang ye shes de'i rang bzhin nyid kyis de'i nang du thim pa yin pa'i don to/ /de nyid kyi phyir/ rlom sems med pa'i rang bzhin can ni rtog pa thams cad dang rnam par rtog pa spangs pa'o/ /thams cad lus ni brtan pa dang g.yo ba'i lus la rnam par gnas pa khyab pa yin pas mi g.yo ba'o//de lta bur gyur pa nyid rdo rje 'dzin pa'o/ /de nyid la'o/ /sa skye ba ni de nyid bdag med ma'i rang bzhin du bskyod pa'o/ /ji ltar zhe na/ rdo rje pad+ma mnyam sbyor las/ gnyi ga dbyer med pa'i don to/ /'dis ni bskyed pa'i rim pa bstan pa yin no/ /de nyid byang chub sems ni stong pa nyid dang snying rje dbyer med pa'i byang chub kyi sems kyi rang bzhin no//khu ba'i rnam pa ni mer mer po'i rang bzhin yin pa'i phyir ro/ /gang zhe na/ chu'i khams te rdo rje 'dzin pa'o/ /skye bar 'gyur ni yang dag par 'byung bas na skye ba ste/ shin tu rnam par dag pa'i chos kyi dbyings kyi rang bzhin te/'dis ni rdzogs pa'i rim pa bstan to/ /bskyod pa las ni me yin te/ /zhes pa ni thabs dang shes rab dag las rtag tu'o/ /me ni gnyi ga yang rang bzhin pa'o/ /'byung ba ni skye ba'o/ /de nas yang 'gro bas ni rtog pa las so/ /rlung ni ye shes so/ /grags ni gsal ba rab tu gsal ba'o//bde ba ni bde ba'i ye shes de'i dngos po'i bde ba'o/ /nam mkha'i khams ni 'od gsal chos kyi dbyings kyi rang bzhin yin pa'i don to/ /de nyid kyi phyir lnga po rnams kyis ni me long la sogs pa'i ye shes lngas so/ /yongs su ni kun nas so/ /bskor ba ni khyab pa'o//bde ba yang ni nam mkha'i khams/ /zhes pa ni bde ba nam mkha'i khams yin pa'i phyir ro/ /de yang de kho na nyid ma yin par gsungs pa/ de'i phyir bde ba de nyid min/ /'byung ba chen po'i rang bzhin yin pa'i phyir bde ba de ni bde ba yang dag par rig pa yang de kho na nyid ma yin no/ / 'o na ci'i phyir de lhan cig skyes pa yin zhe na/ gsungs pa/ lhan cig skyes pas gang skyes pa/ lhan cig skyes par de brjod bya/ /lhan cig skyes pa dag ces pa ni khu ba dang bde ba dag go/ /bskyed gang ni gang 'byung ba'o/ /de lhan cig skyes pa'i rang bzhin yang dag pa'i bden pa mthong bas yang dag pa'i ye shes zhes brjod do//de nyid mngon par gsal bar byas pa/ rang bzhin lhan cig skyes zhes brjod/ /rnam pa thams cad bde mchog gcig /rang gi dngos po ni rang bzhin te/ bdag nyid yang dag par rig pa lhan cig skyes pa zhes brjod do/ /de yang / rnam pa thams cad bde mchog gcig ni gnyis su med pa'i tshul gyis bsdu ba yin no//yang na rang gi sems dang yul dang dbang po'i dngos po dag 'di gsum gyi rang bzhin ni ma ning lhan cig skyes pa zhes bstan to/ /thams cad ni rdo rje 'dzin pa'o/ /a bdag med ma'o/ /de ltar thams cad gnyi ga'i bya ba byed pa rnam pa thams cad do//de yang gcig ni gnyis su med pa'o/ /de ltar na rnam pa thams cad gcig go/ /de ltar bur gyur pa'i ye shes bde ba ni ye shes te rnam pa thams cad sdom pa'o/ /'di nyid mchog ni dam pa ste/ rdo rje 'dzin pa dang bdag med ma gnyi ga yang gnyis su med par byed pa 'di 'dra ba'i ye shes dam pa de 'di nyid lhan cig skyes pa yang dag pa'i ye shes so//bde bar nyams su myong ba'i ye shes su ni kha cig 'dod do/ /de yang nyen thos dang mu stegs pa rnams kyi yin no/ /de'i phyir/ phyag rgya rgyu dang bral ba las//rnal 'byor snying rje thabs su 'gyur/ /rnal 'byor ba zhes pa ni thabs dang shes rab dbyer med pa'i bden pa gnyis kyi bdag nyid ci 'dra bar gyur pa'o/ /snying rje thabs ni snying rje nyid kyi thabs gang la yod pa de ni snying rje thabs te gzhan gyi don gyi spyod pa la 'jug pa yin no/ / phyag rgya zhes pa ni shes rab po/ /rgyu dang bral ba las ni mtshan ma med pa'i spyod par rnam par gnas pa yin par dgongs so/ /'dis ni thabs dang shes rab kyi bdag nyid kyi rnal 'byor par gyur pas bskyed pa'i rim pa bstan pa yin no/ /yang na/ rnal 'byor snying rje thabs su gyur ni snying rje zhes pa ni snying rjes sdug bsngal dang sdug bsngal gyi rgyu las bsgral bar 'dod pas so//de nyid thabs kyis rgyu las bsgral bar 'dod pas so/ /de nyid thabs kyis rgyu gang la yod pa de ni rnal 'byor pa snying rje thabs so/ /phyag rgya 'gyur ni phyag rgya chen po'i dngos grub thob pa'o/ / ji ltar zhe na/ rgyu dang bral ba las mtshan ma med pa'i spyod pas rnam par gnas pa'o/ /'dis ci bstan na/ de lta bur gyur pa'i dgyes pa'i rdo rje'i rnal 'byor pa sems can thams cad grol bar byed pa sems can zhes bya bar gyur pa med par byed pa 'di lta bu nyid 'di ni thabs la mkhas pa yin te//thabs la mkhas pa 'di yang dgyes pa'i rdo rje'i rnal 'byor pa kho na las gzhan dang gzhan yod pa ma yin no/ /rdzogs pa'i rim pas bsdu ba gsungs pa/ stong nyid snying rje dbyer med pa/ /byang chub sems zhes rab tu bstan/ /stong pa nyid ni de bzhin nyid do/ /snying rje ni sems so/ / stong pa nyid dang snying rje gnyi ga dbyer med pa gang stong pa nyid de nyid snying rje la gang snying rje nyid stong pa nyid do/ /gang bcom ldan 'das kyis gsungs pa/ sems nyid de bzhin nyid la de bzhin nyid sems yin pa 'di ni gnyis su med cing gnyis su byar med pa dbyer med la gcad du med pa'o/ / de nyid byang chub kyi sems rnam par mi rtog pa nyid kyi ye shes yin par bshad do/ /dran pa brjed ngas med pa'i rnal 'byor la gnas shing bla ma dam pa'i zhabs la gnas pa'i don te/ lhan cig skyes pa nyid kyi rang bzhin yin pa'i phyir ro/ /sngags kyi bzlas med dka' thub med dang sbyin sreg med//dkyil 'khor ba yang med cing dkyil 'khor yang ni med/ /de ni sngags bzlas de dka' thub dang de sbyin sreg/ /de ni dkyil 'khor ba dang de ni dkyil 'khor nyid/ /mdor bsdus nas ni sems ni 'dus pa'i tshul can no/ /de kho na nyid shes pas sngags kyi bzlas pa mi bya'o/ /dka' thub mi bya'o//sbyin sreg mi bya'o/ /dkyil 'khor pa'i lha'i tshul gyis bsgom par mi bya'o/ /dkyil 'khor yang ma lus pa bsgom par mi bya'o/ /ji ltar zhe na/ gang gi phyir de nyid de ni sngags kyi bzlas pa'o/ /de nyid dka' thub po/ /de nyid dkyil 'khor ba'i lha'i tshul lo/ /de nyid dkyil 'khor ro/ /mdor bsdus pa ni mdor bsdus pa ste bsdu ba'o//dbyer med pa'i sems ni 'dus pa'i tshul can no zhes pa ni 'dus pa ni tshogs pa'o/ /sems kyang de la 'das pa yang yin pas sems ni 'dus pa'o/ /de nyid tshul ni rang bzhin no/ /de 'di la yod pas sems ni 'dus pa'i gzugs can no/ / chos rnams thams cad ni sems kyi rang bzhin yin pa'i phyir dgyes pa'i rdo rje yin no/ /de skad du yang 'phags pa klu grub kyi zhal snga nas/ mos pa sna tshogs pa yi phyir/ /lha yi dmigs pa so so ste/ /thugs kyi rdo rje rnam grol nas/ /lha gzhan med par mngon par brjod/ /ces bya ba'i tshig gis so//yang na sems ni 'dus pa'i gzugs can no/ /sems nyid 'dus pa'i tshul 'di la yod pas so/ /sngags kyi bzlas med ces pa 'dis ni gsung rdo rje dbyer med pa'o/ /dka' thub med ces pa 'dis ni sku rdo rje'i bya ba dbyer med pa'o/ /sbyin sreg med ces pa ni thugs rdo rje dbyer med pa'o//dkyil 'khor ba yang med ces pa ni thabs dbyer med pa'o/ /dkyil 'khor yang ni med ces pa 'dis ni shes rab dbyer med pa'o/ /ji ltar zhe na/ mdor bsdus na ste/ mtha' dag dbyer med pa nyid de 'phags pa yin pas mdor bsdu ba'o/ / gang sems ni 'dus pa'i tshul can ni/ sems 'dus pa ni sems 'dus pa ste sems kyang de'i nang du thim pa yin no/ /de lta bu'i tshul 'di rdo rje 'dzin pa la yod pas sems ni 'dus pa'i gzugs can no/ /gang sems de 'dus pa'i tshul can de ni rang 'byung zhing sems las 'das pa de nyid thabs dang shes rab kyi rang bzhin gyi dkyil 'khor dang dkyil 'khor nyid kyis de nyid gnyi ga snyoms par zhugs pas bzlas pa dang dka' thub dang sbyin sreg gi rang bzhin nyid kyis rdo rje gsum gyi rang bzhin thams cad bsdu ba'i bdag nyid des kyang ye shes lnga dang sku gsum thabs dang shes rab kyi bdag nyid rang 'byung ba'i rdo rje 'dzin pa'i dbang bskur ba'i rim par phye ba'o//mngon par kun nas dbang dri ma med par byed pas na dbang bskur ba'o/ /gnyi ga'i rnam par dag pa'o/ /de yang gos ni 'gebs pa'o/ /de len cing 'dzin par byed pas na dbang bskur ba'i rim par phye ba'o//bcu pa'o zhes pa ni bcu po rnams ni rdzogs pas na bcu po ste/ mkha' 'gro ma brgyad dang / bdag med ma dang / rdo rje 'dzin pa'o/ /yang na dkyil 'khor dbang bskur ba'i rim par phye ba ste bcu pa'o/ /dkyil 'khor yang yin la dbang bskur ba yang yin pas na dkyil 'khor dbang bskur ba'i rim par phye ba ste bcu pa'o//dpal dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel pa las le'u bcu pa'o// //da ni dbang bskur bas de kho na nyid shes la de kho na nyid shes pas lta stangs bzhi yis sems can gzhug par bya ba'i phyir mngon du gyur pas na/rim par phye ba dang por mdor bstan pa'i lta stangs dgug dang zhes bya ba la sogs pa'i nus pa rgyas par gsungs pa/ mnyam par ma rungs dpral ba can/ /rtag tu ltung bar byed par brjod/ /mnyam pa zhes pa ni yon po ma yin pa'o/ /ma rungs pa ni ma rungs pa'i las byed pa can no//dpral ba can ni dpral ba'i gnas kyi sgos so/ /ltung bar byed ni 'gyel bar byed pa'i sgo nas te gsad pa'i lta stangs bstan to/ /rtag tu zhes pa ni rtag par rgyun du bsgom par byas pas te/ thams cad nyid du sbyar bar bya'o/ /dbang gi lta stangs g.yon na gnas//'bras bu gnyis ni g.yon nyid du'o/ /dbang du bya bar rigs pa dbang du bya ba ste dbang du bya ba'i sgo nas so/ /g.yon na gnas ni g.yon gyi gnas su 'bras bu gnyis gnas pas so/ /de'i lta stangs g.yon nyid du'o ni g.yon ngos nyid du bzlog nas blta ba'o/ /g.yas pa'i cha la dgug pa nyid/gnyi ga stong du nges par sbyar/ /dgug pa nyid ces pa ni dgug par bya ba'o/ /g.yas pa'i cha la ni g.yas ngos su'o/ /gnyi ga zhes pa ni 'bras bu gnyis so/ /steng du zhes pa ni steng du'o/ /nges par sbyar ni gzhag par bya'o/ /dbu ma rengs pa'i lta stangs nyid/ / sna'i rtse ma'i dbus su gnyis/ /dbu ma zhes pa ni dbus su gnas pa ste/ steng du yang ma yin 'og nas kyang ma yin/ g.yon dang g.yas su yang mi gzhag pa'o/ /de lta bur gyur pa'i lta stangs kyi rengs pa'i 'o/ /gnyis zhes pa ni 'bras bu gnyis so/ /sna'i rtse mo'i dbus zhes pa ni sna'i rtse mo'i dbus drung por ro//lhung bar byed pa la sogs pa'i bya ba rnams kyi rlung ni 'jug pa'i rlung gis dgug pa goms par bya ba'i don to/ /zhi ba can gyis rengs par byed ni rengs pa'i lta stangs zhi ba can gyi rlung gis te/ zhi ba can ni stong pa can dang bum pa can dang gang ba can pas shin tu 'das pas rang bzhin du gnas pa'i rlung gis zhes pa'i don to//ltung bar byed pa'i lta stangs sbyang ba'i gnas gsungs pa/ rlon pa'i shing la ltung byed nyid/ rlon pa'i shing zhes pa ni chu shing la sogs pa khu ba dang bcas pa la'o/ /dbang ni me tog rab tu grags ni dri dang ldan pa'i me tog go/ /rdo rje'i shing la dgug pa nyid/shrI khaN+Da'i shing la sogs pa'i 'o ma can gyi shing rnams la'o/ /g.yo bcas rtswa la rengs byed nyid/ /'dir gdams ngag gis ltung bar byed pa'i lta stangs sbyong ba na/ yi ge g+hu nag po 'am yi ge phaT chu shing la sogs pa'i shing de rnams la dgod par bya'o//dbang du bya ba sbyong ba ni me tog la yi ge oM dmar po'am yi ge hri dgod par bya'o/ /dgug pa sbyong ba na yi ge hUM kha dog dmar po'am yi ge dza shrI khaN+Da'i shing la sogs pa la dgod par bya'o/ /rengs pa sbyong ba ni yi ge hUM ser po'am yi ge laM g.yo ba dang bcas pa'i rtswa la dmigs par bya'o//yang na ltung bar byed pa'i lta stangs zhes pa ni rang bzhin med pa'i ye shes so/ /dbang gi lta stangs zhes pa ni brtan pa dang g.yo ba dbyer med pa'i ye shes so/ /dgug pa'i lta stangs zhes pa ni bsdu ba'i ye shes so/ /rengs pa'i lta stangs zhes pa ni mi g.yo ba'i ye shes te/rang bzhin med dang dbyer med pa/ /bsdu dang de bzhin mi g.yo ba/ /ltung bar byed la sogs bzhi'o/ /ye shes 'di bzhi rab tu bshad/ /mnyam par zhes pa ni gnyis su med pa'i phyir ro/ /g.yon na gnas zhes pa ni g.yon pa zla ba byang chub kyi sems de gnas pa'i phyir ro//g.yas pa'i cha la zhes pa ni g.yas pa nyi ma'o/ /de yang cha ni cha shas dang bral ba'i phyir ro/ /dbu ma zhes pa ni sku gsung thugs rnams kyi rdo rje gsum dbyer med pa'i phyir ro/ /stong pa can gyis zhes pa ni yongs su spangs pa'i phyir ro/ /bum pa can gyis zhes pa ni mi g.yo bas so/ gang ba can gyis zhes pa ni bsdu bas so/ /zhi ba can gyis zhes pa ni yongs su mya ngan las 'das pa chen pos rnam pa thams cad mkhyen pa grub pa'i don to/ /dam tshig gi phyag rgya la dgongs pas sgra ji lta ba bzhin du'o/ /las kyi phyag rgya la dgongs pas dga' ba la sogs pa bzhi'o/ /chos kyi phyag rgyar dgongs pas 'khor lo bzhir rnam par gzhag go//phyag rgya chen por dgongs pas yang gnyis su rtogs pa las yin pa'i don to/ /rlon pa'i shing zhes pa ni byang chub sems kyi ljon shing rnams la'o/ /ltung byed nyid ni rang bzhin med par rtogs pa'o/ /me tog ces pa ni bdag med ma byang chub kyi sems rnams la'o//dbang ni zhes pa ni dbyer med pa'i ye shes so/ /rdo rje'i shing la zhes pa ni rdo rje 'dzin pa dang dbyer med pa'i bdag med ma'i ye shes rnams la'o/ /dgug pa zhes pa ni bsdu ba'i ye shes so/ /g.yo bcas rtsa ni brtan pa'o/ /cis khyad 'phags she na g.yo ba dang bcas pa'o//brtan pa dang g.yo ba dbyer med par yod pa'i mi g.yo ba'i ye shes ni rengs pa'o/ /rtag tu zhes pa ni rtag tu'o/ /rtag tu gus pa dang bcas par sbyangs pas goms pa nyid kyis 'grub par 'gyur ba yin pa de gsungs pa/ zla drug goms par sbyor ba yis//'grub 'gyur 'di la the tshom med/ /'di la 'khrul bar mi bya ste/ /sangs rgyas rdzu 'phrul bsam mi khyab/ /zla ba drug gis lta stangs bzhi po 'di gdon mi za bar 'grub pas the tshom mi bya'o/ /lta stangs 'grub pa yang 'khrul par mi bya ste/ gang gi phyir 'di yang bsam gyis mi khyab pa'i dngos grub ste mngon par zhen pa med pa nyid du de kho na nyid dang ldan pa'i lta stangs 'di rnams sangs rgyas kyi rdzu 'phrul te/sangs rgyas kyi rol pa'o/ /tha ma dang 'bring dang rab kyi sems can gzhug par bya ba'i phyir de nas de gsungs pa/ lta stangs bzhi po bsgrubs nas ni//mkhas pas sems can 'jug par byed/ /lta stangs bzhi bsgrubs nas yang dag pa'i lam la sems can rnams gzhug pa'i phyir zhes pa'i don to/ /yang na zla drug ni drug gi sgras drug pa rdo rje 'dzin pa'o/ /drug pa'i tshul gyis yid ma ste grangs drug pa'o/ /de 'dir 'phen par byed pas na zla ba drug ste drug pa rdo rje 'dzin par rtogs pa'o//ji ltar yod pa gsungs pa/ goms par sbyor ba yis ni sbyor bas rnal 'byor 'dus pa thabs dang shes rab dbyer med pa'o/ /goms pa ni rtag tu goms pas rgyun du sbyor bas so/ /des 'grub par 'gyur ba ste the tshom med do//de nyid kyi phyir/ 'di la 'khrul par mi bya ste 'di la rnam par rtog pa yang yod pa ma yin no/ /gang gi phyir sangs rgyas rdzu 'phrul ni mngon shes drug gi yon tan no/ /de bsam gyis mi khyab ni bsam pa las 'das pa'i phyir ro/ /de nyid bya ba ste bya pa'o//'bras bu'i tshul rdo rje 'dzin pa'o/ /de yang a ste yi ge a la sogs pa mkha' 'gro ma bco lnga'i rang bzhin tsheg drag gi mtha' can no/ /lta stang bzhi po bsgrubs nas ni/ /zhes pa ni ye shes bzhi po bsgrub ces pa sems dpa' srid gsum dbyer med pa'i pa'i ye shes so//a ba'i a bdag med ma'o/ /ba rdo rje 'dzin pa'o/ /gnyi ga dbyer med pa a pa'o/ /'jug pa ni khyab pa'o/ /gnyi ga dbyer med pa nyid spro ba yin no/ /mkhas pa ni ye shes gcig gi rang bzhin yin pa'i don to/ /lta stangs bzhi las gsum ni 'bras bu yod pa yin te sems can gzhug par bya bar gyur kyang gsad pa'i lta stangs kyang re zhig sems can 'jug par byed pa zhog gi sems can la gnod par byed pa nyid du gyur pa yin pa de gsungs pa/gsad par 'di la bya ma yin/ dam tshig nges par nyams par gyur/ /gsad par bya ba ci yang med de skyon gyi khyad par de kho na 'byung ngo //dam tshig nyams zhes pa ni/ sangs rgyas dang byang chub sems dpa'i bka' khyad du bsad par gyur pa yin no/ /nges par gzhan du yang bkag pa brdzun du smra ba la sogs pa ni bsgrub par bya ba'o/ /yang gsad par mi bya ba de gsungs pa/ sems can slu ba ma gtogs pa//bya ba ma yin thams cad bya/ /srog bcad pas mi dge ba kun skye'o/ /brdzun du smra ba la sogs pa rnams la mi dge ba med do/ /sems can la gnod pa byas pa'i mi dge ba'i skyon ci yin pa de gsungs pa/ sems can gnod pa tsam gyis ni/ phyag rgya'i dngos grub rnyed mi 'gyur//zhes pa ni/ gang phyir sems can la gnod pa byas pa gcig bus phyag rgya chen po'i dngos grub nyams pa yin no zhes pa'i don to/ /'di ni 'di nyid gsad par mi bya bar gcig kyang de ci'i phyir goms par bya ba de bstan zhe na/ rnam pa thams cad mkhyen pa bsgrub pa la thams cad nyid sbyang dgos la/'on kyang dor bya nyid kyis rnam par gzhag pa yang yin par dgongs so/ /ji ltar bla na med pa yang dag par rdzogs pa'i byang chub spyad par 'dod pas nyan thos la sogs pa'i sa la yang des bslabs par gyur kyang ci ltar nyan thos kyis la gnas pa yin ste//de'i sems ni dor bar bya ba'i phyir ro/ /de nyid kyi phyir rlon pa'i shing la sbyang par bya ba yin no/ /yang na gsad par gang bstan pa de thams cad sems can la gnod pa'i bsam pas mi bya bar gyur kyang ci sems can la phan pa'i bsam pa nyid kyis bya'o/ /'di ltar dkon mchog gsum la gnod pa byed pa'i bsam pas zhugs pa'i sems can ni dmyal bar 'gyur ro//de de kho na nyid dang ldan pa'i snying rje'i bsam pa can gyis de la phan pa'i blos bsad na mi bskyod pa'i rigs su khrid par byed do/ /yang khro bas zil gyis mnan pa la sogs pa rnams kyis gnod par byed pa'i bsam pas ni ma yin pa'i don to//yang na/ gsad par 'di la bya ba min par 'gyur ba ni gsad pa zhes pa ni yul dang dbang po dang rnam par shes pa rnams bsad nas yang dag pa'i ye shes su bya ba'o/ /'gyur ba ni rdzogs pa'o/ /de nyid kyi phyir dam tshig nyams pa ni dam tshig ni lha rnams 'dus shing tshogs pas na dam tshig ste lha'i 'dus pa'o/de'i nyams pa ni lha rnams 'dus pa'i rnam par rtog pa yang de la med pa yin no/ /de nyid kyi phyir nges pa ni mchog go/ /'gyur ni rdzogs pa'o/ /nyan thos la sogs pa'i spyod yul ma yin pa'i phyir ro/ /de nyid kyi phyir/bya ba ma yin thams cad bya/ /zhes pa ni thams cad rdo rje 'dzin pa'o/ /a bdag med ma'o/ /de ltar thams cad do/ /'di gnyi ga dbyer med pa nyid 'bras bu sku'o/ /'ang gi sgra ni gang gi phyir gyi don te gang gi phyir sems can slu ba ni srid gsum gcig pa des yongs su bslus pa gang ngo //de nyid ji ltar zhe na de gsungs pa/ /gtogs pa bya zhes pa ste/ bya ba ni bya ba bya ba'o/ /de yongs su spangs pas bya ba med pa'i phyir yin par dgongs so/ /de nyid kyi phyir/ sems can gnod pa tsam gyis ni/ /phyag rgya'i dngos grub rnyed mi 'gyur/ /sems can gnod pa'i sgras ni srid gsum gcig par rtogs pas so//phyag rgya'i dngos grub ni phyag rgya chen po'i dngos grub po/ /de yang rnyed mi 'gyur ni phyag rgya chen po'i dngos grub mi thob pa'i yul gyi phyir yin pa'i don to/ /de nyid kyi phyir/ de la dam tshig bza' bar bya/ /na dang ga ha dang po dang //mtha' ma'i shwa dang dang po'i shwa/ /kye yi rdo rje'i dngos grub phyir/ /bdud rtsi lnga/ nga de bzhin bza'/ /dam tshig lnga po gnyis po 'di lha rnams 'dus pa ste/ dang po'i na la sogs pa ni yul rnams so/ /bdud rtsi ni dbang po rnams so/ /dam tshig de gnyi ga yang ngo //bza' ba ni ro gcig par bya ba'o/ /gang gi phyir bza' ba 'di ro mnyam pa'i rang bzhin nyid kyis rnam par dag pa'i rang bzhin no/ /ci'i don du zhe na dngos grub kyi phyir te phyag rgya chen po'i dngos grub kyi phyir ro/ /gang la yod ce na dgyes pa'i rdo rje'i sde gnyi ga dbyer med pa'i ye shes yod pa'i don to//kun rdzob kyi don du yang dam tshig yin te dam tshig ni bcu'o/ /na dang zhes pa ni dam tshig gang la na dang por yod pa de ni na dang po ste rgyal po'i sA li'o/ /ha dang po zhes pa ni gang la yi ge ha dang por yod pa de ni ha dang po ste glang po che'i ste de'i sha'o/ / de bzhin ga dang po zhes pa ni ba lang ste de'i'o/ /mtha' ma'i shwa zhes pa ni rta'i'o/ /dang po'i shwa zhes pa ni khyi'i'o/ /bdud rtsi lnga zhes pa rnam par snang mdzad la sogs pa'o/ /kye rdo rje zhes pa ni gnyis su med pa'i ye shes yod pa'o/ /zos pa tsam gyis dngos grub thob par 'gyur ba'i khyad par gsungs pa/na dang po rnyed nas so/ /skye ba bdun pa de nas brtag /kye'i rdo rjes gsungs mtshan nyid/ /dga' bral dga' ba la smod pa/ lan bdun pas ni 'grub par 'gyur/ lan bdun pa'i sgras skye ba bdun pa'o/ /brtag pa ni mtshan mas mtshon pa'o/ / cis khyad 'phags she na/ kye'i rdo rjes gsungs pa ste dgyes pa'i rdo rje rgyud kyis gsungs pas so/ /skye ba bdun pa de zos pa tsam gyis ni de'i sha zos pas dngos grub tu 'gyur ro/ /cis khyad 'phags she na/ dga' bral dga' ba la smod pa ste/ de yang dag pa'i ye shes smod pa ste/ gang yang dag pa'i ye shes kyis 'grub pa de 'dis 'grub pa yin no//skye ba bdun pa'i mtshan nyid bstan pa/ skad snyan mig dang ldan pa dang / /dri lus gzi brjid chen po dang / /de yi grib ma bdun du 'gyur/ /mthong nas rnal 'byor pa'i sa mtshon/ de ni zos pa tsam gyis ni/ /skad cig la ni mkha' spyod 'gyur//mig dang ldan zhes pa ni mig yangs pa'o/ /dri'i lus zhes pa ni lus la tsan+dan gyi dri bro ba'o/ /gzi brjid che zhes pa ni lus che ba'o/ /grib ma bdun gyis skye ba bdun pa de'i mtshan nyid du yin no/ /'o na bsang ba'i skyon du gyur ba yin par sems la bzhag nas gsungs pa zos pa tsam gyis de ni mkha' spyod du 'gyur te/de'i mod la mkha' spyod du 'gyur ro/ /'dis ni de yang mkha' spyod kyi dngos grub thob pa yin par dgongs so/ /yang na skye ba bdun pa de'i sha zos pas mkha' spyod du 'gyur te/ mkha' spyod du 'gro zhe'o/ /skad cig gis zhes pa ni de'i mod la ste dus thogs pa med pa'i don to//de nyid kyi phyir dngos grub des ni dga' bral dga' ba la smod pa ste gang dga' bral gyis thob pa'i dngos grub de smod pa yin no// 'di ni dga' bral gyi ye shes kyis mkha' spyod kyi dngos grub thob par 'gyur ba'i don to/ /yang na lan bdun pa zhes pa ni thabs dang shes rab dbyer med pa'i kun nas sgyur zhing yang dang yang du goms pa des na drug pa nyid bdun pa yin no//lan bdun pa de rgyu de'i phyir na mtshon pa ste shes par bya ba'o/ /mtshan nyid kyi rgyu cis khyad 'phags she na/ lan bdun pa ste/ lan bdun du sgyur bar bstan pas so//ji ltar zhe na/ kye'i rdo rjes gsungs pas so/ /thabs dang shes rab kyis gsungs pa'o/ /de nyid kyi phyir/ dga' bral dga' ba la smod pas/ /'grub par 'gyur zhes pa ni/ dga' bral gyi dga' ba la smod par byed pas/ dga' bral dga' ba la smod pa/ yang dag par rdzogs pa'i byang chub thob pa'o//skad snyan zhes pa ni longs spyod rdzogs pa'i rang bzhin no/ /mig dang ldan zhes pa ni chos kyi sku'i rang bzhin no/ /dri lus zhes pa ni sprul pa'i sku'i bdag nyid do/ de nyid kyi phyir sku gsum gyi bdag nyid des ni gzi brjid chen po ste sku gsum gyi sku'o/ / de nyid kyi phyir lan bdun pa'i phyir ro/ /grib ma bdun ni grib ma dang 'dra bas na grib ma bdun te/ de'i zhes pa ni drug pa nyid bdun pa'i grib ma ltar gzugs brnyan lta bur mtshon par bya'o/ mthong nas ni shes nas so/ /rnal 'byor pa ni de kho na nyid dang ldan pa'o/ /de'i ni drug pa rdo rje 'dzin pa de ni lnga po rnams zhugs pa'o//de zos pa ni zos pa'o/ /de tsam gyis ni der 'khril bas so/ /mkha' spyod ni mkha' dbang po'o/ /de la spyod pas na mkha' spyod me long lta bu la sogs pa'i ye shes lnga'i rang bzhin no/ /skad cig gis ni lhan cig skyes pa'i skad cig gis so//'gyur ni grub pa'i don to/ /ku ru ku l+le'i sgrub thabs sems can thams cad dbang du bya ba yang bshad par bya ste/ thams cad kyi sgra ni dbang po dang yul dang rnam par shes pa rnams so/ /sems can gyi sgra ni srid gsum gcig pa nyid do/ /'di nyid gsum ka 'di rnams tha mi dad pa'o//'di nyid kyis ni dbang du bya ba ni dbang du 'du ba ste ye shes lnga dang sku gsum gyi rang bzhin nyid de ni dbang du bya ba'o/ /yang gi sgra ni khyad par gyi don te/ ye shes lnga dang sku gsum dbyer med par rtogs par grub na lta stangs grub pa yin pa'i khyad par gyis so/ /ku ru ku l+le'i sgrub thabs ni ku ru ku l+le zhes pa 'dis thabs dang shes rab dbyer med pa bzhi bdag med mas rgyas btab pa gang a'o//de nyid kyi phyir sgrub thabs ni thabs su gyur pa yin no/ /de bshad pa ni bshad par bya ba'o/ /thabs nyid yin pa'i phyir zhes dgongs pa'o/ /kun rdzob du go sla ba'i don nyid do//gong du rtog pa bcu gnyis pas rgyas par gsungs pa mdo ru bsdu/ sngar 'bum phrag lnga pa'i dgyes pa'i rdo rje rtog pa bcu gnyis pas rgyas par gsungs nas da ni mdor bsdus te bstan par bya zhes pa'i don to/ /yang na rtog pa bcu gnyis pas zhes pa ni rtog pa ni yang dag par rtogs pa ste sems so//bcu gnyis zhes pa ni gnyis kyi sgras thabs dang shes rab dag go/ /de dbang po dang yul gyi rang bzhin gyis bcu'o/ /rtog pa yang rtog pa bcu gnyis pa des rdo rje gsum gyi rang bzhin gyi dbang po dang yul dang rnam par shes pa'i rang bzhin gyis so/ /rgyas par ni spro ba'i tshul gyis so//gang gsungs pa ni gang bstan pa'o/ /de nyid sngar te dang por mdor bsdu ba ni gzod ma nyid nas bsdu ba'i rang bzhin no/ /yang na de nyid mdor bsdus pa ni de bsdus pa'o/ /sngar ni dang po ste dang po ni gnyis su med pa'i don to/ /de nyid kyi phyir hrIH las byung ba'i lha mo ni//kha dog dmar zhing phyag bzhi ma/ /mda' dang gzhu yi lag pa ma/ /ut+pal dang lcags kyu 'dzin/ /hrI'i sgras yi ge ha ni rdo rje 'dzin pa'o/ /yi ger ni bdag med ma ste gnyi ga dbyer med pa'o/ /i ni chu'i rnal 'byor ma byang chub kyi sems te tsheg drag gi mtha' can no//de'i las ni bya ba'o/ /de'i las byung ba ni gang la de las byung ba de ni yi ge hrIH las byung ba'o/ /lha mo ni lha mo'i bdag nyid spro ba'i rang bzhin no/ /de nyid kyi phyir kha dog dmar zhing ni chags pa'i mtshan nyid kyi rang bzhin no/ /phyag bzhi ma zhes pa ni gang la longs spyod du yod pa de ni phyag bzhi ma'o//mda'i sgras 'bigs pa'i phyir shes rab po/ /gzhu ni 'bigs pa'i rnam pas thabs so/ /de ltar thabs dang shes rab dbyer med pas mda' dang gzhu'o/ /lag pa ni lnga po gnyis kyi bdag nyid kyi ye shes gang la yod pa de ni mda' dang gzhu'i lag pa ma'o/ /dang ni gang gi phyir gyi don to//ut+pala'i sgras ni byang chub kyi sems so/ /AM ni mkha' spyod ma'o/ /bdag med ma'i dkyil 'khor bco lnga'i bdag nyid de gnyi ga 'byin cing nges par gsal bar byed pas ut+pa la dang lcags kyu'o/ /de 'dzin pa'i ngang tshul gyis rang bzhin 'di yin pas ut+pal dang lcags kyu 'dzin pa'o/'di ni bsgoms pa tsam gyis ni/ /'jig rten gsum po dbang du byed/ /'di ni rdo rje 'dzin pa dang dbyer med pa'i bdag med mas so/ /bsgoms pa tsam gyis ni snyoms par zhugs pa tsam gyis so/ /'jig rten gsum po la gsum gyi sgra sku gsung thugs so/ / 'jig rten gyi sgras phung po lnga rnams te/ de rnams kyi dngos po ni 'jig rten gsum mo/ /dbang du ni thob par 'gyur ba ste/ /snyoms par 'jug pa ye shes lnga dang sku gsum gyi rang bzhin gyi ye shes skyed par byed pa'i don to/ /'bum phrag gcig gis rgyal po rnams/ /khri yis 'jig rten phal pa nyid//bye bas phyugs dang gnod sbyin sogs/ /'bum phrag bdun gyis lha ma yin/ /'bum phrag gnyis kyis lha rnams nyid/ brgya phrag gcig gis sngags pa nyid/ /'jig rten gsum po dbang du byed/ /ces bstan zin pa'o/ /gcig gis ni med pa'i tshul gyis mtshon pa de'o//rgyal po rnams ni thugs rdo rje'o/ /dbang du byed ni rab tu gsal bar 'byung ba'o/ /'jig rten phal ba ni phung po lnga rnams te phal ba yang yin la 'jig rten yang yin pas 'jig rten phal ba'o/ /khri yis ni bdag med mas so sor phug pas zhes dgongs pa'o/ / phyugs kyi sgras ni phyugs rnams te dbang po rnams so/ /gnod sbyin gyi sgras ni thabs dang shes rab dag go/ /sogs pa ni sems so/ /de ltar phyugs dang gnod sbyin sogs so/ /dbang po dang yul gyi bdag nyid kyi thabs dang shes rab dbyer med pa'i sems so/ /bye bas ni gsal ba rab tu 'gro ba'i phyir zhes pa'i don to//a bdag med ma'o/ /su khu ba byang chub kyi sems te/ a su'o/ /de gtong zhing spro bas na lha ma yin no/ /'bum phrag bdun ni drug pa rdo rje 'dzin pa las 'das pa'i ye shes zhes pa'i don to/ 'bum phrag gnyis kyis lha rnams nyid/ /mdzes pas na lha rnams te ye shes lnga la sogs pa'o//'bum phrag gnyis kyis ni thabs dang shes rab kyi rang bzhin gyis so/ /brgya phrag gcig gis sngags pa nyid ni 'di la gsang sngags yod pas na sngags pa ste/ sku gsung thugs rnams so/ /gcig gis ni e chos 'byung gi bdag nyid kyi ye shes yin pas chos 'byung gi ye shes so//cis khyad 'phags she na/ brgya phrag ste spro ba'i tshul gyis zhes pa'i don to/ /kun rdzob kyi bden par yang ku ru ku l+le'i sgrub thabs sems can thams cad dbang du bya ba yang bshad par bya ste/ de nyid gsungs pa/ yi ge hrIH 'i sa bon kha dog dmar po de las byung ba'i lha mo'o//de yang kha dog dmar zhing phyag bzhi ma/ phyag bzhi rnams kyi g.yon gyi phyag dang po na gzhu/ gnyis pa na ut+pal/ g.yas kyi phyag dang po na mda'/ /gnyis pa na lcags kyu'o/ /de lta bu'i rim pa/ 'di ni bsgoms pa tsam gyis ni/ /'jig rten gsum po dbang du byed//sngags kyi bzlas pas slar yang 'bum phrag gcig gis rgyal po dbang du byed do/ /khri yis 'jig rten phal ba nyid/ /bye bas phyugs dang gnod sbyin sogs/ /sogs pa'i sgras yi dags la sogs pa yang gzung ngo / /'bum phrag bdun gyis lha ma yin/ /'bum phrag gnyis kyis lha rnams nyid/brgya phrag gcig gis sngags pa nyid/ /ces pa ste ye shes dang ldan pa'o/ /rdo rje snying po mngon par byang chub pa brtag pa'i rgyal po rim par phye ba bcu gcig pa rdzogs so/ /rdo rje snying po'i sgras/ mi phyed rdo rje zhes byar bshad/ /kun rdzob dang don dam pa dbyer med pa'o//de nyid snying po ste/ gang la nang khong yod pa de ni rdo rje'i snying po'o/ /de mngon par kun nas yang dag par rdzogs pa'i byang chub kyi ye shes ni mngon par byang chub pa ste/ de ltar rdo rje snying po mngon par byang chub pa zhes bya ba'i sgra 'dis gsung rdo rje'o/ /rtog pa ni yang dag par rtog pa thugs rdo rje'o//mdzes shing yangs pa 'dis ni rgyal po ste/ kun du snang ba'i mtshan nyid sku rdo rje'o/ /de ltar rdo rje snying po mngon par byang chub pa zhes pa zhes pa brtag pa'i rgyal po rdzogs so/ /mnyam par dbyer med par gyur pa thob pa ni bsdu ba ste/ rim par phye ba bcu gcig pa zhes pa ni/bcu gcig ni rdo rje 'dzin pa'o/ /e bdag med ma'o/ /gnyi ga dbyer med pas bcu ste/ dbang po lnga rnams dang yul lnga'o/ /de'i gos ni 'gebs pa'o/ /de len cing 'dzin par byed pas na rim par phye ba bcu pa'o/ /rdo rje snying po mngon par byang chub pa zhes bya ba brtag pa'i rgyal po rim par phye ba bcu gcig pa rdzogs so//dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel ba las le'u bcu gcig pa'o// //'dir de kho na nyid kyi rnal 'byor bas de kho na nyid bzhi'i bdag nyid kyi lta stangs bzhi grub pas/ye shes dang rnam par shes pa la sogs pa'i nus pa grub nas rtsig pa la sogs pa rnams las kyang de'i ston pa 'jug pa yin pas rdo rje snying pos sems la bzhag nas/ /shing dang rdo ba dang / 'dzim pa la sogs pa'i lugs ma rab tu gnas pa zhus pa'i sgo nas kun rdzob dang don dam pa dbyer med pa nyid kyis yang dag pa'i ye shes gsal bar bya ba'i phyir//bcom ldan 'das la gsol pa btab pa/ /bcom ldan rdo rje snying po bdag /sangs rgyas kun gyi sku gcig pa/ /rab gnas mtshan nyid bzang ba nyid//ji ltar rigs pa bshad du gsol/ /bcom ldan 'das rab gnas kyi mtshan nyid bshad du gsol ba ni bstan du gsol ba'o/ /ji ltar rigs pa zhes pa ni rim pa ji ltar ba bzhin du'o/ /rab gnas mtshan nyid bzang ba ni ji ltar yang chos thams cad ni rab tu mi gnas pa'i mya ngan las 'das pa'i chos can no//de bzhin du yang kun rdzob kyi bden pa rtogs pas tha mal ba'i nga rgyal bsal nas 'dus byas pa'i nga rgyal sgro btags pa las lha rab tu gnas pa'i mtshan nyid rigs pa yin pas rab gnas kyi mtshan nyid bcom ldan 'das bshad du gsol zhes gsol ba btab pa'o//bcom ldan 'das nyid bden pa gnyis kyi bdag nyid khyad par gnyis kyis rab tu bstan to/ /rdo rje snying po bdag nyid ni/ /rdo rje ni mi phyed ba'o/ /de nyid snying po ste gtso bo'o/ /bdag nyid ni lus gang la yod pa de la de skad ces bya'o/ /'dis ni thabs dang shes rab dbyer med pa nyid kyi bcom ldan 'das bstan to//de nyid kyi phyir sangs rgyas kun gyi sku gcig pa ni/ thams cad kun kyang de yin la sangs rgyas kyang yin pas sangs rgyas kun gyi sku gcig pa ste/ me long lta bu la sogs pa'i ye shes lnga dang sku gsum gyi rang bzhin rnams so//des na gcig pa ni dbyer med pa'i sku ste gang la sku yod pa de la de skad ces bya'o/ /yang na sangs rgyas kun gyi sku gcig pa ni dbyer med pa'o/ /des na 'dzin pa chags pa'i mtshan nyid dang bral ba gang la yod pa de ni sangs rgyas kun gyi sku gcig pa ste/ thabs dang shes rab dbyer med pa nyid kyis don dam pa'i bden pa'i bdag nyid do//sangs rgyas kun gyi sku gcig pa nyid kyis kun rdzob kyi bden pa'i bdag nyid do/ /'dis ni bden pa gnyis kyi bdag nyid kyi bcom ldan 'das nyid rig pa mchog yin no/ /ci gsungs sbyin sreg byas nas ni/ /dkyil 'khor dam pa bzhengs pa dang / /dgongs ka sku rnams sbyang ba dang //sta gon la sogs byas nas ni/ /nyi ma phyed na bgegs nye bar zhi bar bya ba'i phyir ji skad gsungs pa'i sbyin sreg byas nas tshogs dkyil 'khor bzhengs su gsol lo/ /dgongs ka ni phyi dro'i dus so/ /sta gon la sogs byas nas ni/ /zhes pa ni sngags dang phyag rgya la sogs pa dgod cing mchod yon dang zhabs bsil la sogs pa dang me tog dang bdug pa la sogs pa rnams kyis mchod de/sta gon du gnas pa la sogs pa de byas nas rim pa 'dis lugs ma 'dus bya'o/ /nam mkhar bzhugs pa'i sangs rgyas kun/ /sku gzugs snying gar rab tu gzhug /rang 'dod lha mnyam rnal 'byor ba/ /rtogs ldan sngags kyi pha rol son/ /tho rangs snga bar lha rab tu gnas pa bya ste/ lha dbang bskur ba'i rim par phye ba ji ltar de bzhin gshegs pa rnams spyan drang ba de bzhin du rim pas spyan drangs nas mchod de de lugs ma'i snying gar gzhug par bya'o//slob dpon de yang cis khyad par du 'phags she na/ rang 'dod lha mnyam rnal 'byor ba'o/ /'dis ci bstan na gang rang gi 'dod pa'i lha thabs dang shes rab kyi rgyud kyi rim pas gsungs pa de'i mnyam pa'i rnal 'byor dang ldan pa'o/ /rtogs ldan zhes pa ni cho gshes pa'o//sngags kyi pha rol son zhes pa ni/ sngags kyi de kho na nyid ma lus par shes pa'o/ /yang na lugs ma ni sku gzugs so/ /sbyangs pa ni 'dus byas pa'o/ /'jim pa la sogs pa'am lugs ma de'i thugs kar gzhug par bya'o ni gzhug par bya'o/ /gang zhe na sangs rgyas te/me long lta bu la sogs pa ye shes lnga dang sku gsum dang thabs dang shes rab kyi rang bzhin rnams kyi ye shes rnams so/ /ci khyad par du 'phags she na/ nam mkhar bzhugs pa ste sgrib pa med pa'i rang bzhin du rnam par gnas so/ /nges pa ni nges pa'i don te 'di la the tshom med pa nyid do zhes pa'i don to//rang 'dod lha mnyam rnal 'byor pa ni/ rang gi sems 'dod pa'i lha ste des gang btsal ba'i lha de ni me long lta bu la sogs pa'i ye shes lnga rnams so/ /rang yang yin la 'dod pa'i lha yang yin pas na rang gi 'dod lha dag go/ /de dag mnyam pa ni kun nas kun du rnal 'byor yod pas ni rang 'dod lha mnyam rnal 'byor ba'o//'dis ni thugs rdo rje gcig pa'i sku'o/ /rtogs ldan zhes pa 'dis ni kun du snang ba'i mtshan nyid kyi phyir sku'i rdo rje gcig pa'i sku'o/ /sngags kyi pha rol son zhes pa 'dis ni rdo rje'i sku'o/ /'dis ni rdo rje gsum gcig pa'i sku nyid rdo rje 'dzin pa'i rang bzhin gyi rnal 'byor pa des shing dang rdo ba la sogs pa'i lugs ma la sogs pa ye shes kyi rang bzhin du bya bar bzod pa yin no//rab gnas ni so so so so'i zhing gnas pas rab gnas te thams cad ye shes su bzhugs par bya ba'i don to//me tog la sogs pa'i mchod pa bstan pa/ oM badzra puSh+pe AH hUM swA hA/ oM badzra d+hU pe AH hUM swA hA/ oM badzra dI pe AH hUM swA hA/ oM badzra gan+d+he AH hUM swA hA/ oM badzra nai bi d+ye AH hUM swA hA/ rim pa 'dis me tog dang bdug pa dang mar me dang dri dang zhal zas rnams nye bar dbul bar bya'o//cis khyad 'phags she na/ sna tshogs hUM las bskyed pa'i zhes pa ste/ yi ge hUM gi so bon rnams las me tog la sogs pa rnams dngos su yod pa'am/ blos bskyed par bya'o zhes dgongs so/ /yi ge hUM sna tshogs las byung ba'i me tog la sogs pa yang dbul bar bya ba'o/ / yang na sna tshogs hUM las bskyed pa'i zhes pa ni de bzhin gshegs pa lnga'i rang bzhin rnams kyi me tog dang / bdug pa dang mar me dang / dri dang / zhal zas rnams dbul bar bya'o/ /'di'i rang bzhin du lugs ma la sogs pa bya ba'i don to/ /badzra puSh+pe zhes pa ni dbyer med pa'i ye shes so//de nyid rdo rje gsum dbyer med par gsungs so/ /oM AH hUM swA hA/ zhes pa ni ye shes lnga rnams kyi thabs dang shes rab kyi bdag nyid do/ /de ltar badzra d+hU pe la sogs pa rnams kyi yang bshad pa 'di yin no/ /gong ma'i rgyud kyi cho ga rim pas/ /mchod yon zhabs bsil gong ma bzhin//mchod yon la sogs pa byas nas dbul zhing blugs par bya'o/ /snga ma bzhin ni snga ma bzhin no/ /snga ma'i rgyud kyi sgras ni de kho na bsdus pa'i rgyud la sogs pas gsungs pa'o/ /cho ga rim pas ni rim pas te dung chos la sogs pa rnams kyis mchod yon dang zhabs bsil la sogs pa'o/ / yang na zhabs bsil ni ye shes so/ /de nyid dang po ni gtso bo'o/ /mchod yon ni mchod yon chen po rnyed dka' ba'i mchod yon dang zhabs bsil la sogs pa de sngar gyi rgyud bzhin du'o/ /cho ga'i rim pa ni sngar bye brag tu bshad pa'i cho ga rnyed pa'i ye shes lnga'i rang bzhin gyis zhes pa'i don to//sbyin sreg gi don gyi thab khung gsungs pa/ zhi bar thab khung zlum po nyid/ /rgyas pa nyid kyi gru bzhi pa/ /gsad pa la ni gru gsum brjod/ /'di nyid la ni lhag ma bsgrub/ /'di nyid la zhes pa ni gru gsum nyid la'o/ /lhag ma zhes pa ni mngon spyod la sogs pa'o/ /bsgrub par bya ba ni rdzogs par bya ba'o zhes pa'i don to//yang na zlum po zhes pa ni mnyam pa'i phyir ro/ /gru bzhi zhes pa ni de nyid ye shes bzhi'i bdag nyid do/ /gru gsum zhes pa ni rdo rje gsum gyi rang bzhin no/ /lhag ma zhes pa ni ye shes lnga la sogs pa ma lus pa rnams so/ /bsgrub ni yang dag par grub par bya ba'i don to//thab khung gi tshad gsungs pa/ /khru gang dang ni khru phyed nyid/ /zhi ba'i steng dang 'og tu yin/ /zhi ba'i thab khung ni rgyar khru gang zabs su mtho gang gi tshad do/ /khru do dang ni khru gang nyid/ /rgyas pa'i rgya dang zabs su brjod/ /'di ni rgyas pa'i thab khung gi tshad yin no//sor mo nyi shu 'am de yi phyed/ gsad pa'i steng dang zabs su 'dod/ /'di ni gsad pa'i thab khung gi tshad do/ /thab khung gi kha dog gsungs pa/ /zhi bar kha dog dkar por 'gyur/ /rgyas par ser po de bzhin no/ /gsad pa la ni kha dog gnag /dbang la dmar por rab tu grags//dbang la ji bzhin de ltar dgug /gsad la ji ltar sdang la sogs/ /gsad pa la thab khung gru gsum pa bya ste/ de yang mdog nag po'o/ /sdang ba dang bskrad pa la sogs pa la yang de bzhin du thab khung dang kha dog bya'o/ /dbang dang dgug pa dag ni kha dog dmar po nyid do//zhi ba la sogs pa'i don du bsreg rdzas bstan pa/ zhi la til dang rgyas la zho/ /gsad la tsher ma de bzhin no/ sdang la sogs par tsher mar brjod/ /dbang dang dgug pa la ut+pal/ /don ni go sla ba nyid do/ /yang na zhi bar 'gyur zhes pa ni yongs su mya ngan las 'das pa chen po'i ye shes su 'gyur ba'o//gang du zhe na/ rgya dang zabs ni srid pa dang mya ngan las 'das pa dbyer med pas so/ /de yang chis khyad 'phags she na/ khru gang zhes pa ste/ lnga po gnyis ka'i bdag nyid gnyis su med par bsdu ba'i tshul lo/ /khru phyed ces pa ni lag pa'i phyed phyed kyi lag pa ye shes lnga'i bdag nyid spro ba'i rang bzhin no//dang zhes pa ni rdo rje 'dzin pa'o/ /a bdag med ma'o/ /gnyi ga dbyer med pa 'di nyid do/ /khru do zhes pa ni thabs dang shes rab kyi bdag nyid gnyi ga'i ye shes lnga ste/ /de nyid khru gang yang yin la de nyid gnyi ga'i ye shes lnga'i bdag nyid kyang yin no//gcig ni gnyis su med pa'o/ /rgya dang zabs ni bshad zin pa'i don to/ /rgyas pa zhes pa ni rnam pa thams cad kyi mchog dang ldan pa'i stong pa'i ye shes so/ /'dod ces pa ni ye shes kyi rang bzhin yin gyi gzhan ma yin pa'i don to//gsad pa'i rgya dang zabs su zhes pa ni ye shes gnyi ga dbyer med pa nyid bsdu ba'i gnas yin no/ /de sor mo nyi shu ni phung po lnga dang dbang po lnga dang yul lnga dang ye shes lnga'i rang bzhin gyis sor mo nyi shu rdo rje 'dzin pa'i ye shes so/ /rgya dang zabs su zhes pa ni lnga po gnyi ga thams dang shes rab kyi rang bzhin nyid yin no//zhi ba ni yongs su mya ngan las 'das pa chen po'o/ /kha dog dkar po ni 'od gsal gyi ye shes so/ /rgyas pa ni rnam pa thams cad kyi mchog dang ldan pa'i ye shes so/ /ser po ni bsdu ba'i rang bzhin du gyur ba'o/ /gsad pa ni rdo rje gsum dbyer med pa'o//nag po ni rdo rje 'dzin pa'i ye shes so/ /dbang po ni thams cad dbyer med par rtogs pa'o/ /dmar po ni chags pa'i mtshan nyid do/ /dbang la ji bzhin de ltar dgug /dgug pa'i sgras thams cad bsdu ba'i bdag nyid do/ /sdang la sogs pa ni mi bskyod pa la sogs pa ji ltar gsad pa de bzhin du bsdu ba'i rang bzhin gyi rdo rje gsum gyi ye shes so//zhi la til dang rgyas la zho/ /zhes pa ni zhi ba ni yongs su mya ngan las 'das pa chen po'o/ /rgyas pa ni rnam pa thams cad mkhyen pa'i mngon par byang chub pa'o/ /snum pa nyid kyi dngos po til dang zho'i dngos po nyid byang chub sems kyi rang bzhin no//gsad pa dang sdang ba dang bskrad pa la sogs pa ni rba rlabs med pa'i rang bzhin yin pas rdzas drag pa nyid yin te tsher mar gsungs so/ /dbang dang dgug pa la yang gcig tu mnyam pa'i mtshan nyid yin pas de ni bag chags kyis so/ /dri zhim po'i me tog ces pa ni ut+pa la'o//gang du bsreg par bya ba de gsungs pa/ oM ag+na ya ma hA te dza sarba karmA pra sA d+ha kaH/ kA ru N+yA kr-i ta satwa r+tha asmin+sa n+ni hi to b+ha ba/ me lha spyan drangs pa'o zhes pa ni me nye bar byed pa'o/ /oM zhes pa ni rdo rje gsum dbyer med pa'i ye shes so/ /ag+na ye zhes pa ni me long lta bu la sogs pa'i ye shes lnga dang sku gsum dang thabs dang shes rab kyi bdag nyid rdo rje 'chang gi ye shes so//ma hA te dza zhes pa ni de nyid kyi phyir shin tu 'od gsal ba'i rang bzhin no/ /sarba karmA pra sA d+ha kaH zhes pa ni mngon par shes pa drug gi yon tan dang ldan pa'i phyir ro/ /kA ru N+yA kr-i ta sa twAr+tha zhes pa de ni 'gro ba'i don byed pa la rgyun mi chad par 'jug pa'o//asmin+sa n+ni hi to b+ha ba zhes pa ni yang dag par dmigs shing gnas pa med pa nyid do/ /me lha dgug pa'o zhes pa ni yang dag pa'i ye shes byin gyis brlab pa zhes pa'i don to/ /de nyid kyi phyir rtsig pa la sogs pa las kyang ston pas shing dang rdo ba dang 'jim pa la sogs pa'i lugs ma rab tu gnas pa'o//nor 'dzin rnam par sbyangs pa der dkyil 'khor dgod pa gsungs pa/ lha mo khyod ni dbang du gyur/ /rin chen sna tshogs 'dzin pa'i sar/ /khro bo dgyes rdo rje mchod pa'i/ /che ge bdag ni dkyil 'khor 'dri/ /khyod ces pa ni sku gsung thugs dbyer med pa'o//lha mo zhes pa ni ye shes lnga'i rang bzhin nyid do/ /dbang du gyur zhes pa ni dbu ma'i mthar rnam par gnas pa'o/ /khro bo dgyes rdo rje mchod pa'i// zhes pa ni thabs dang shes rab dbyer med pa rdo rje 'dzin pa'i ye shes kyi nges pa'o/ /rin chen sna tshogs 'dzin pa'i sar//zhes pa 'dis ni ye shes ma lus pa'i rang bzhin du gyur pa nyid do/ /sar zhes pa 'dis ni 'gro ba ma lus pa'i don byed par 'jug pa nyid kyi ye shes de yin no/ /che ge bdag ni zhes pa ni yi ge a dang yi ge ha dbyer med pa nyid kyi bdag nyid de'o/ /de lta bur gyur pa'i yang dag pa'i ye shes kyi dkyil 'khor bri ba ni rgyun mi 'chad par nyid du rnam par gzhag par bya ba'i don to//yang na khyod ni zhes bya ba la sogs pa ni bshad zin pa nyid do/ /'on kyang 'di thams cad bdag med ma'i khyad par du byas te de nyid la de'i bdag nyid kyis rdo rje 'dzin pa'i rnam par gnas pa'i don to//che ge bdag ni dkyil 'khor 'dri/ /zhes pa ni bshad zin pa'i don to/ /me lha spyan drangs pas tshim zhing dga' ba gsungs pa/ bdag gi don dang gzhan gyi don/ /byin za khyod kyis bsgrubs nas gshegs/ /slar yang ji bzhin dus su spyon/ / bdag la dngos grub thams cad mdzod/ /byin za ni bsreg bya ste mar la sogs pa za ba yin pas byin za'o/ /gang dang gang gi dngos po der dmigs pa'i dngos po de dang de nyid de'i bdag nyid kyis bdag nyid la bzhugs pas ni byin za'o/ /de nyid kyi phyir/ bdag gi don dang gzhan gyi don/ / bsgrubs nas ni de'i bdag nyid kyi dngos po thams cad longs spyod pa'i rang bzhin nyid kyis rnam par gzhag pa las yin no/ /gshegs zhes pa ni rtogs shing khong du chud kyi rnam par gzhag pa'o/ /de nyid bstan pa'i phyir gsungs pa/ spyon zhes pa ste rnam pa thams cad kyis zhes pa'o/ / gang la yod ce na/ ji bzhin dus su ste/ ya ni rlung gsung rdo rje'o/ /tha rdo rje 'dzin pa kun du snang ba'i mtshan nyid do/ /a bdag med ma thugs rdo rje'o/ /de ltar ji bzhin ni rdo rje gsum dbyer med pa'o/ /de nyid ji ltar zhe na/ dus ni dus te/ ka ni kA li'o/ /a ni A li'o/ /de ltar ka'o//de gnyi ga yang len cing 'dzin pas na dus te thabs dang shes rab dbyer med par der yod pa'i rdo rje gsum mi phyed pa gang gi tshe'i ye shes de'i tshe'o/ /spyon ni yang dag pa'i ye shes gtan la phab pa'o/ /de nyid kyi phyir dngos grub thams cad mdzod de rdo rje 'dzin pa'i dngos grub skyed cig pa'o//bdag la zhes pa ni ma byang chub kyi sems so/ /e bdag med ma ste gnyi ga dbyer med pa nyid yin gyi gzhan ma yin pa'i don to/ /me dga' ba'i sngags so zhes pa la me zhes pa ni rang bzhin med pa'i ye shes so/ /dga' ba zhes pa ni 'gro ba'i don byed pa'i spro ba'i ye shes so//'di gnyi ga dbyer med pa nyid sngags te rdo rje 'dzin pa yin pa'i don to/ /mchod yon gyi sngags gsungs pa/ oM dzaH hUM baM hoH khaM raM zhes pa ni mchod yon gyi sngags so/ /oM zhes pa ni rdo rje gsum dbyer med pa'i ye shes so/ /dzaH zhes pa ni sku rdo rje don yod grub pa stong pa nyid bcu drug gi rang bzhin nyid do//hUM zhes pa ni thabs dang shes rab dbyer med pa nyid kyi ye shes so/ /baM zhes pa la ba ni byang chub kyi sems so/ /aM ni mkha' spyod ma'i rang bzhin nyid kyi byang chub kyi sems so/ /hoH zhes pa ni thabs dang shes rab kyang stong pa nyid bcu drug gi rang bzhin nyid do//khaM zhes pa ni rin chen gtso yang mkha' spyod mas rgyas btab pa nyid do/ /raM zhes pa ni bdag med ma dang dbyer med pa nyid kyi aM mkha' spyod ma yin pas yi ge bdun pa'i sngags so/ /mchod yon ni rin thang che la dkon zhing spyod yul ma yin pas mchod yon gyi sngags so/ / zhabs bsil gyi sngags gsungs pa/ oM nI rI hUM kha oM zhes pa ni bstan pa'i don nyid do/ /nA zhes pa ni 'od dpag tu med pa'o/ /i zhes pa ni chu ma zhes bya ba 'du shes kyi phung po'i rang bzhin no/ /de ltar nA da gnyi ga dbyer med pa nyid 'od dpag tu med pa byang chub kyi sems so/ / rI zhes pa la ra ni bdag med ma ste de yang nA da'i phreng ba gnyi ga dbyer med pa nyid yin no/ /hUM zhes pa ni nA da'i phreng ba 'di gnyis dbyer med pa'i thabs dang shes rab tha mi dad pa nyid yin no/ /kha zhes pa ni dbang po dang yul thams cad stong pa nyid bcu drug gi rang bzhin rnam par dag pa yin no/ / yi ge lnga'i sngags so/ /zhabs bsil gyi sngags so zhes pa ni yang dag pa'i ye shes yin pa'i don to/ /zhal zas kyi sngags gsungs pa/ oM ng+h+waM ng+h+waM/ oM ni sngar bstan pa'i don nyid do/ /d+ha ni rin chen gtso bo'o/ /ba ni 'od dpag tu med pa'o/ /'di gnyi ga yang mkha' spyod ma aM la thug pa yan chad yin pas ng+h+waM ngo //slar yang ng+h+waM ni shes rab kyang ji ltar skyes pa bzhin du lhan cig skyes pa yin no/ /yi ge gsum gyi sngags so/ /zhal zas kyi sngags so zhes pa ni zhal zas ni nges pa'i don nyid kyis myong zhing nges par rig pa la nges par rig pa nyid zhal zas te nges pa'i ye shes kyi don to//de lta bur gyur ba'i sngags ni zhal zas kyi sngags te rdo rje gsum dbyer med pa nyid do/ /gsum zhes pa ni bdag med ma dang dbyer med pa'i gtso bo rdo rje 'dzin pa dgu'i bdag nyid kyi dkyil 'khor ro/ /yi ge bdun pa dang yi ge lnga dang yi ge gsum pa rnams ni yi ge bco lnga'i bdag nyid mkha' 'gro bco lnga'i bdag nyid rang bzhin nyid yang dag pa'i ye shes su rtogs pa'o//rim par phye ba dang po'o zhes pa ni gnyis su med pa'i ye shes so/ /dpal dgyes pa'i rdo rje'i rnam par bshad pa rab tu gsal ba'i kha sbyor gyi rgyu cher 'grel pa las brtag pa gnyis pa'i le'u dang po'o// //de ltar dbyer med pa 'dis rtsig pa la sogs pa la yang byin gyi rlabs 'jug pas rab tu gnas par bya bar bstan pa las phyag rgya chen po'i dngos grub kyang nges par med pa'i phyir/ lam 'dir zhugs pa brgya la the tshom za nas las 'di las ldog par ji ltar yang 'gyur ba yin pa'i dogs pa bsu nas dngos grub gtan la phab pa'i rim par phye ba bcom ldan 'das la zhugs pa'i sgo nas bstan pa/rdo rje snying pos gsol ba ni bcom ldan 'das la zhugs pa'o/ /nam mkha' lta bu'i chos kun la/ /rgya mtsho ku ba ji lta bar/ /rang 'dod lha yi gzugs las ni//sems can ji ltar 'grub par 'gyur/ /rim pa gnyi ga rnam par dag pa bsgoms nas yang dag par rdzogs pa'i byang chub 'thob pa yin par bstan to/ /rdzogs pa'i rim pa nyid bsgom par bya ba ni nam mkha' lta bu'i chos kun la'o/ /sems can rnams bskyed pa'i rim pa bsgom pa nyid ni rgya mtsho ku ba ji lta ba ste/rgya mtsho'i nang du ku ba rdog ma gcig gis so/ /de gnyi ga yang rang 'dod lha'i gzugs las so/ /ji ltar ni gang las so/ /sems can ni srid gsum du gyur pas ji ltar 'grub ces rdo rje snying pos gsol ba'o/ /'dis ci bstan na de bzhin nyid kyis rnam par dag pas rang bzhin med pa tsam nyid kyi sgo yin no//lha'i rnam par dag pas kyang kun rdzob kyi bden pa tsam kho na rnam par dag pa yin te/ kun rdzob dang don dam pa dbyer med pa nyid yang dag pa'i ye shes yin la de'i rnal 'byor dang ldan na phyag rgya chen po'i dngos grub 'thob pa yin pas rim pa gnyis kyi sgom pa rnams kyang gnyi ga dbyer med pa'i sgom pa la the tshom za nas/sems can ji ltar 'grub par 'gyur zhes the tshom za ba'i phyir/ de nas bcom ldan 'das kyis rdo rje snying po la bka' stsal pa zhes par sbyar ro/ /'di 'dra ba'i the tshom za ba la/ bcom ldan 'das kyis bka' stsal pa/bdag med rnal 'byor ldan pa 'am/ /yang na he ru ka dpal brtson/ /gzhan pa'i sems kyis skad cig kyang / /dngos grub 'dod pas mi gnas so/ /gang phyag rgya chen po'i dngos grub 'dod pa des skad cig tsam mam yud tsam mam thang cig kyang gzhan pa'i sems kyis de mi gnas so//ji ltar zhe na gang gi phyir/ bdag med rnal 'byor ldan pa'am/ yang na he ru ka dpal brtson/ /de'i phyir dbyer med par sems gzhag go/ /yang na/ bdag med rnal 'byor ldan pa'am/ /yang na he ru ka dpal brtson/ /gang de gnyi ga'o/ /yang na byang chub kyi sems rdo rje 'dzin pa'o//a bdag med ma'o/ /gnyi ga yang gnyi ga dbyer med pa nyid yin no/ /yang na de lta bur gyur pa gang de skad cig kyang gzhan pa'i sems kyis ma yin par gnyis su med par rgyun mi 'chad par ma ning gi rang bzhin no/ /de ltar de mi gnas pa ni g.yo ba med pa'i rang bzhin du gyur ba'o//de gang zhe na/ dngos grub 'dod pa ste/ phyag rgya chen po'i dngos grub 'dod pa'o/ /de bas na bskyed pa'i rim pa dang rdzogs pa'i rim pa gnyi ga yang bsgom pa na rim pa gnyis dbyer med pa'i bsgom pa nyid yin pas the tshom ma za cig ces pa ni bcom ldan 'das kyis gsung ngo //dang por goms par byed dus kyi/ /gnas ni gang du bsngags pa'i sems/ /gcig tu mnyam gzhag 'grub 'gyur ba'i/ /gnas ni bzang po nges par brtag /dang por goms par byed pa'i dus su goms par bya ba'i gnas de gsungs pa/ rang gi khyim du mtshan dus su//bdag nyid dngos grub sems kyis ni/ /shes rab rnal 'byor ma bsgom bya/ /yang na he ru ka dpal gzugs/ /rang gi khyim du zhes pa ni rang gi gnas nyid du'o/ /mtshan mo'i dus su ni nub mo'o/ /bdag nyid dngos grub ni rnam par gnas pa'o/ /rnal 'byor ma zhes pa ni rnal 'byor ma bdag med ma'o//shes rab ces pa ni bdag med ma'i bsgom pa dang ldan pa'o/ /yang na he ru ka dpal gzugs/ /zhes pa ni thabs kyi cha spro ba'i rang bzhin no/ /yang na bzang po ni mya ngan las 'das pa don dam pa'i bden pa'o/ /brtag ni 'khor ba kun rdzob kyi bden pa'o//gnyi ga yang nges pa ni nges pa'o/ /gnas ni gnas te ye shes mi g.yo bar brtan pa'o/ /dang por goms par byed pa'i dus su gnyis su med par rtogs pa'i skad cig la gnyis su med par rtogs pa nyid brtan pa yin pa'i don to/ /gnas ni gang du ni ya rlung gi khams so//de skyob par byed pas na gang du nA da phreng gnyis po der gnas pas na gang du'o/ /de nyid kyi phyir sngags pa na gsung rdo rje'i bdag nyid do/ /sems gcig gi e shes rab po/ /ka sku rdo rje ste gcig go/ /shes rab dang dbyer med pa'i sku rdo rje'o/ /gcig kyang yin la sems kyang yin pas na sems gcig ste/sku rdo rje dang tha mi dad pa'i thugs rdo rje'o/ /mnyam gzhag ni mnyam pa nyid du gzhag cing dmigs pa sku gsung thugs dbyer med pa yin pa'i don to/ /rang gi khyim du zhes pa ni dbang po dang yul dang rnam par shes pa rnams su'o/ /bdag nyid ces pa ni yi ge a dang haM gi bdag nyid kyi bdag med pa'i ye shes so//dngos grub ni yongs su rdzogs pa'o/ /sems zhes pa ni rnam pa thams cad mkhyen pas so/ /de nyid kyi phyir rnal 'byor ma bsgom par bya ste/ rdo rje 'dzin pa dang dbyer med par bya ba'o/ /shes rab ni rdo rje 'dzin pa la mnga' bas na shes rab po//yang na zhes pa ni gnyi ga'i bdag nyid gnyi ga dbyer med pa'i phyir ro/ /he ru ka dpal gzugs zhes pa ni gzugs med pa'i gzugs ni dpal he ru ka'i gzugs so/ /de bsgom par bya ste snyoms par 'jug pa nyid du gzhag pa'i don to/ /da ni gnyis su med pa'i ye shes lhun gyis grub pa nyid du kun gyis byas nas grol ba yin pa de gsungs pa/rkang pa 'khrud dang za ba dang / /'thor 'thung so rtsi za ba dang / /tsan+dan gyis ni lag nyed dang / /smad g.yogs kyis ni rked 'bebs dang / /'byung dang gtam smra 'gro ba dang / /'dug dang khro dang dgod pa dang //bcom ldan shes rab rnal 'byor ma/ /bsten zhing brtul zhugs can gyis bsgom/ /gzhan gyi tshul gyis skad cig kyang / /gdug pa'i sems ni ma rig pa/ /dngos grub 'dod pas dngos grub phyir/ /mkhas pas 'bad pas mi gnas so/ /bsam gtan nyon mongs 'joms byed pa//rdo rje snying po nga yis bshad/ /dngos grub don du nyams song du'ang / /zla ba phyed du yongs su rtogs/ /bsam pa thams cad yongs spangs nas/ /lha yi gzugs su sems pa yis/ /nyi ma gcig tu ma chad par/ /bsgom pas yongs su brtag par gyis/ /rang gzhan don ni rab sgrub phyir//'khor bar thabs gzhan yod ma yin/ /rig ma lan cig goms byas pas/ /'phral du mngon du byed par 'gyur/ /'di'i don ni go sla ba nyid do/ /yang na rkang pa 'khrud dang zhes pa 'dis ni 'od gsal ba nyid do/ /'thor 'thung zhes pa 'dis ni rim pa gnyis rnam par dag pa'i chos kyi sku'i rang bzhin nyid kyi bcom ldan 'das so//za ba dang zhes pa 'dis ni longs spyod rdzogs pa'i sku nyid do/ /so rtsi za ba dang zhes pa 'dis ni sprul pa'i sku nyid do/ /tsan+dan gyis ni lag nyed dang / /zhes pa 'dis ni sems can thams cad dga' ba bde'i rnam par sku gsum gyi rang bzhin gyi ye shes kyis so//lag pa gnyi ga lnga'i bdag nyid kyi ye shes khyab bdag sku gsum dang ye shes lnga thabs dang shes rab dbyer med pa nyid kyis khyab pa'o/ /smad g.yogs kyis ni rked 'bebs dang / /zhes pa la rked pa zhes pa ni rked pa bdag med ma don dam pa'i bden pa dang kun rdzob kyi bden pa dbyer med pa nyid kyi don to//'byung dang gtam smra 'gro ba dang / /zhes pa ni 'di thams cad sku gsum gyi rang bzhin nyid yin pa'o/ /'dug dang zhes pa ni mi g.yo ba'i ye shes so/ /khro dang ni bsdu ba'i ye shes so/ /dgod pa ni spro ba'i ye shes so/ /bcom ldan 'das ma bsten pa dang //zhes pa ni bdag med ma'i ye shes mngon du byed pa'o/ /shes rab ces pa ni rdo rje 'dzin par gyur ba'o/ /de ltar rim pa 'dis ni rnal 'byor ma ni rnam par bsgom ste/ snyoms par zhugs par bya'o/ /brtul zhugs can ni yang dag pa'i ye shes mthar phyin pa'o/ /gzhan gyi tshul gyis skad cig kyang ni gnyis su med par rtogs pa'o//ma rig pa ni bdag med ma'i ye shes so/ /gdug pa'i sems ni gdug pa mi bskyod pa rdo rje 'dzin pa'o/ /des sems ni ye shes des so/ /de nyid kyi phyir mi gnas so ni mi gnas pa'i rnal 'byor gyis rnam par gzhag par bya'o//mkhas pas zhes pa ni me long lta bu la sogs pa'i ye shes lnga'i bdag nyid kyi ye shes kyis so/ /cis khyad 'phags she na/ dngos grub 'dod pa ste gang la phyag rgya chen po'i dngos grub 'dod pa des so/ ci'i don du zhe na/ dngos grub kyi phyir te dngos grub ni bdag med ma'o//phyir ni rdo rje 'dzin pa'o/ /gnyi ga dbyer med pa'i ye shes de'o/ /'bad pas ni nges pa nyid kyis yin gyi gzhan du ma yin pa'i don to/ /rdo rje snying po ni mi phyed pa'i ye shes kyi sku'o/ /bsam gtan zhes pa ni ye shes so/ /bdag gis zhes pa ni rdo rje 'dzin pa chen pos so//bshad pa ni bstan pa'o/ /nyon mongs 'joms byed ni nyon mongs pa thams cad kyi bag chags kyi sgrib pa yongs su spangs pa'i rang bzhin no/ /dngos grub don du ni phyag rgya chen po'i dngos grub kyi ched du'o/ /nyams sod du 'ang ni lhun gyis grub pa nyid kyis so/ /zla ba ni gnyi ga'o//phyed ni gnyis su med pa'o/ /yongs su rtogs ni gnyis su med pa'i rang bzhin nyid kyis 'od gsal des rnam par gzhag par bya ba yin no/ /bsam pa thams cad yongs spangs nas ni bsam pa thams cad yongs spangs kyi sgras bsdu ba'i ye shes so/ /lha'i gzugs su sems pa yis ci spro ba'i rang bzhin gyi ye shes kyis so//nyi ma gcig ni gnyis su med pa'i rdo rje 'dzin pa'o/ /mchod pa ni rtog par ro/ /bsgom pas ni bdag med ma dang dbyer med par rnam par gzhag pa'o/ /'khor ba ni kun rdzob kyi bden pa ste kun rdzob kyi bden par thob par bya ba'o/ / thabs ni rdo rje 'dzin pa'o/ /de yang gzhan yod ma yin ni 'ba' zhig pa yod pa ma yi pa ste gnyis su med pa rtag chad gnyis dang bral ba zhes pa'i don to/ /de nyid kyi phyir rang gzhan don ni rab grub phyir te rang ni sems so/ /gzhan ni dbang po dang yul lo/ /de rnams kyi don ni rang gzhan don to//de'i rab grub phyir ni mchog gi dngos grub bsgrub pa'i phyir ro/ /lan cig ni skad cig gcig tsam nyid du'o/ /goms byas pas ni thams cad du khyab pa'i nges pa nyid do/ /rig ma ni bdag med ma'o/ /'phral du ni de'i med la'o/ /mngon du byed par 'gyur ni nyams su myong bar byed pa'o//skad cig ma gcig la mngon par rdzogs par sangs rgyas pa nyid rdo rje 'dzin pa'i ye shes su bstan pa yang no/ /de nyid kyi phyir/ 'jigs pa smyo ba sdug bsngal dang / /mya ngan gdung ba 'tshe ba dang / /'dod chags zhe sdang gti mug ches/ /sgrub pa po nyid nyon mi mongs/ /'jigs pa ni 'chi ba la sogs pa'i sdug bsngal lo//smyo ba ni g.yengs ba'o/ /sdug bsngal ni lus can gyi 'bras dang shu ba la sogs pa'i zug ngu'o/ /mya ngan ni zla dang bral ba'i sdug bsngal lo/ /gdung ba dang de la sogs pas 'tshe ba dang / 'dod chags dang zhe sdang la sogs pa rnams kyis so/ / nyon mi mongs ni nyon mi mongs pas mi 'chings pa ste/ /kun du mnyam par 'dod pa de'i phyir zhes dgongs so/ /yang na sgrub pa po ni rdo rje 'dzin pa'o/ /nyon mi mongs ni nyon mongs pas bsgrib par ma gyur ba'o/ /de lta bu'i rang bzhin yin pa las thabs dang shes rab dbyer med pa'i phyir ro/ / 'dod chags ni 'od dpag tu med pa gsung rdo rje'o/ /zhe sdang ni mi bskyod pa thugs rdo rje'o/ /gti mug che ni rnam par snang mdzad sku rdo rje'o/ /rdo rje gsum dbyer med pa'i rgyu de rnams kyis zhes pa'i don to/ /'jigs dang mya ngan ni gti mug chen po'i rnam par dag pa'o/ /gdung ba dang smyo ba ni 'dod chags rnam par dag pa'o//sdug bsngal dang 'tshe ba ni zhe sdang rnam par dag pa'o/ /'jigs pa dang mya ngan ni gti mug chen po rnam par snang mdzad kyi rnam par dag pa zhes pa 'dis ni rdo rje gsum dbyer med pa nyid rdo rje 'dzin pa yin no/ /gdung ba dang smyo ba ni 'dod chags rnam par dag pa 'od dpag tu med pa'i rnam par dag pa'o//de bzhin du sdug bsngal dang 'tshe ba ni zhe sdang mi bskyod pa'i rnam par dag pa'o/ /dgu'i bdag nyid kyi dkyil 'khor ro/ /nyon mongs pa spangs pa ni bag chags spang bar gsungs pa/ phan dang gnod pa'i 'bras 'byung bar/ /de ltar nges par shes nas ni//ji ltar de ni skad cig kyang / /rnal 'byor du 'bod mi gnas so/ /de lta bu'i rim pas mi phan pa nyid phan pa ste phan pa dang mi phan pa de nyid kyi 'bras bu 'byung ba'o/ /de lta bu'i rim pa shes par byas nas so/ /nges pa ni nges pa'o/ /ji ltar zhe na/ de ni skad cig kyang de skad cig tu ngu 'bod du 'gro ba ste/'on kyang de ltar shes par byas pa'i rig pas ni ngu 'bod nyid du cung zad kyang 'gro ba ma yin te/ thams cad nyid dge ba dang mi dge ba cung zad kyang yod pa ma yin no/ /yang na de ltar zhes pa ni thabs dang shes rab dbyer med pa nyid kyi ye shes so//gcig ni gnyis su med pa'o/ /skad cig ces pa ni bzhi pa lhan cig skyes pa'o/ /phan dang gnod pa'i 'bras 'byung ni phan pa ni spangs pa'i rang bzhin yin pa'i phyir bdag med ma'o/ /mi phan pa ni ma spangs pa'i rang bzhin nyid rdo rje 'dzin pa'o/ /gnyi ga dbyer med pa ni 'bras bu 'byung ba'o//'dis ni shes par gyur na'o/ /nges pa ni nges pa'o/ /rnal 'byor pa ni gnyis su med par rtag par gnas pa'o/ /ji ltar zhe na/ ngu 'bod du ste de lta bu'i rang bzhin yin pa'i phyir/ /dge ba dang mi dge ba'i bag chags med pa nyid yin par dgongs so//ye shes kyi che ba'i bdag nyid gsungs pa/ de nyid kyi phyir/ mtshams med lnga ni byed pa dang / /srog chags gsod la dga' gang dang / /gzhan yang skye ba dman pa dang / /rmongs dang ma rungs las byed dang / /gzugs ngan yan lag ma tshang ba/ /de dag gis kyang bsams pas 'grub//dgra bcom pa gsod pa la sogs pa ni mtshams med pa lnga byed pa'o/ /spyir srog chags gsod pa la gang dga' ba dang / skye ba dman pa zhes pa ni g.yung mo la sogs pa'o/ /rmongs dang ma rungs las gang sems can la gnod pa byed pa'o/ /gzugs ngan yan lag ma tshang ba ni mi khom pa brgyad thob par gyur pa'o//'di ni nges par dmyal bar 'gro ste bsod nams dang ye shes kyi tshogs med pa'i phyir dngos grub shin tu rgyang ring ba nyid do/ /dgyes pa'i rdo rje'i che ba'i bdag nyid kyis slar yang 'grub ste/ bsams pa ni ye shes rtogs pa'i phyir zhes dgongs pa'o//de skad du slob dpon zhi ba lhas gsungs pa/ gang zhig shin tu mi bzad rnams byas nas/ /gang tshe skyabs las skad cig gis thar na/ /dpa' bo'i skyabs btsal 'jigs pa chen po ni/ /ma shes sems can ji ltar skyabs mi 'gro/ /zhes pa'o/ /yang na mtshams med lnga ni byed pa dang //zhes pa ni ye shes lnga rnams mtha' yas pas bar med pa'i ngang tshul 'di la yod pas rdo rje 'dzin pa'o/ /srog chags gsod la dga' ba la/ /srog chags gsod pa'i sgra ni sems gsong ba'o/ /de la dga' ba ni bdag med ma'o/ /de ltar gnyi ga yang a stong pa nyid bcu drug rnam par dag pa nyid do//gang dang ni rang bzhin gyis phan pa'i rang bzhin nyid yin pa'i don to/ /'on kyang de 'ba' zhig ni ma yin te/ skye ba dman pa dang ngo / /gang zhes pa ni chos rnams thams cad do/ /skye ba dman pa ni gzod ma nas ma skyes pa rnams so/ /rmongs pa ni mi shes pa'o//ma rung pa las byed pa zhes pa ni 'od gsal gyi rang bzhin gyi rnams so/ /gzugs ngan dang zhes pa ni kun du snang ba'i mtshan nyid rnams so/ /ma tshang zhes pa ni brjod du med pa'o/ /gzugs ni yang dag par rig pa'i rang bzhin no/ /de dag ni chos rnams so/ /'grub pa ni 'grub pa'i rang bzhin nyid du gyur pa'o//bsams pas ni de rnams nyid yang dag pa de lta bu'i tshul gyis ye shes yin par dgongs so/ /gang gsungs pa/ 'di la bsal ba ci yang med/ /bsnan par bya ba cung zad med/ /yang dag nyid la yang dag lta/ /yang dag mthong na rnam par grol/ /zhes gsungs so//gang slar yang / dge ba bcu la goms pa dang / /bla ma la gus dbang po dul/ /nga rgyal khro las rnam par grol/ /de ni re zhig nges 'grub 'gyur/ /dge ba bcu la goms pa ni/ /bsod nams dang ye shes kyi tshogs dang ldan pa'o/ /de nges par ni gdon mi za bar bsgoms pas 'grub pa yin pa'i don to//yang na bcu zhes pa ni mkha' 'gro ma brgyad dang bdag med ma dang rdo rje 'dzin pa'o/ /ku'i sgra ni chos 'byung ngo / /der 'gro bas na dge ba bdag med ma'o/ /de'i kun la re ba 'di'i bsam pa ni bdag med ma'i dkyil 'khor ro/ /bcu dang dge ba la goms pa yang dkyil 'khor gnyi ga de 'di la yod pas na dge ba bcu la goms pa'o//de nyid kyi phyir bla ma la gus pa ni rdo rje 'dzin pa'i rang bzhin spro ba'i rang bzhin no/ /dbang po dul zhes pa ni bsdu ba'i bdag nyid kyang ngo / /nga rgyal khro ba ni sna tshogs pa nyid kyis so/ /rnam par grol ni spangs pa'o//de ni nges 'grub 'gyur ni nges par ro/ /re zhig ces pa ni de yongs su gyur pa'i rang bzhin gnyi ga'i dkyil 'khor gyi rang bzhin nyid yang dag pa'i ye shes so/ /de nyid kyi phyir gsungs pa/ rtag tu goms pa'i rnal 'byor gyis/ /mnyam par bzhag pas dngos grub 'thob//zla ba gcig tu gsang la spyod/ /ji srid phyag rgya ma rnyed par/ /rgyun ma chad par goms pa las/ gnyis su med par rtogs nas mnyam par bzhag pas dngos grub 'thob po/ /zla ba ni tshad do/ /gcig ni gnyis su med pa'o/ /de nyid kyi phyir gsang ba ni nyan thos la sogs pa'i yul ma yin pa'o//ji srid ni bdag med ma dang gnyi ga dbyer med pa'i nA da'i phreng gnyi ni ya'o/ /de dag la yod pa de ni ji srid do/ /de nas phyag rgya ni phyag rgya chen po rnyed pa ste/ phyag rgya'i dngos grub thob par gyur pa'o/ /de ma spyad pa ni de la cung zad kyang med par bya ba yin par dgongs so//gang gsungs pa/ byed po za bo gsum spangs nas/ /don dam pa yi rnam par bsgom/ /zhes pa'o/ /phyag rgya rnyed pa'i rgyu gsungs pa/ gnang ba rnyed pa'i sngags pa ni/ rnal 'byor ma rnams kyis lung 'bogs/ /phyag rgya che ge mo khyer la/ /sems can don gyis rdo rje 'dzin//kye rdo rje 'dzin pa sems can gyi don ni srid gsum gcig pa'i rang bzhin don dam pa'i bden pa'o/ /gyis ni rdzogs pa'o/ /phyag rgya khyer la ni bdag med ma'o/ /che ge mo ni 'di zhes bya ba la sogs par bstan par mi nus pa des de'i 'o/ /gnang ba ni gnang ba thob pa'o/ /sngags pa ni yang dag pa'i ye shes can no//rnal 'byor ma rnams kyis ni bdag med ma la sogs pa rnams kyis so/ /lung 'bogs ni bka' gnang ster ba'o/ /'dis ni ji srid du rdo rje rnal 'byor ma rnams kyi lung ma thob pa de srid du phyag rgya'i dngos grub thob par mi 'gyur ba yin par dgongs so/ / rnyed pa de yang mig yangs ma/ /gzugs dang lang tshos rnam par brgyan/ /si h+la ga pur yang dag ldan/ /byang chub sems kyis rnam par sbyangs/ /de yang zhes pa ni phyag rgya chen po'o/ /rnyed pa ni byang chub kyi sems yang dag pa'i ye shes kyis thob pa'o/ /sbyang ba ni 'dus bya ba'o/ /mig yangs ma//gzugs dang lang tshos rnam par brgyan/ /zhes pa ni yang dag pa'i ye shes kyi byin gyi rlabs kyi mtshan nyid de rab tu bstan pa'o/ /yang ni gang gi phyir te gzugs dang lang tshos rnam par brgyan/ /de nyid byang chub kyi sems dang si h+la ga pur yang dag ldan pa'o/ /yang na de ni bdag med ma'o//sbyang ba ni yang dag pa'i rim pas nges pa gang ngo / /gang gis she na byang chub sems kyis te/ rnam par mi rtog pa'i ye shes so/ /de nyid kyi phyir/ /si h+la ga pur yang dag ldan te si h+la ni nyi ma'o/ /ga pur ni zla ba'o/ /zla ba dang nyi ma gnyis yang dag par ldan pa ni yang dag par sbyor ba'i rang bzhin yin no//yang ni gang gi phyir te mig yangs pas na ye shes te khyad par du 'phags par yangs pa la khyad par du 'phags pa'i ye shes kyi rang bzhin mig bden pa gnyis gang la yong ba de'o/ /rnyed pa de yang ni shes nas 'thob pa'o/ /gzugs kyi sgras kun du snang ba'i sku rdo rje'o//ya ni gsung rdo rje'o/ /o ni sa spyod pa bdag med ma thugs rdo rje'o/ /gzugs dang lang tsho dang byang chub kyi sems dang 'di gsum des brgyan pa ni brgyan pa ste/ gang la gzugs dang lang tshos brgyan pa yod pa de'o/ /'dis ni rdo rje gsum dbyer med pa'i ye shes kyi rang bzhin yin pa'i don to//dge ba bcu las brtsams nas ni/ /de la chos ni bshad par bya/ /lha yi gzugs kyi sems dang ni/ /dam tshig sems dang gcig pa nyid/ /dang por gso sbyong sbyin par bya/ /de rjes bslab pa'i gnas bcu sbyin/ /zhes bya ba la sogs pa'i chos de la bshad par bya'o//srog gcod pa la sogs pa'i mi dge ba las bzlog nas dge ba bcu'i chos de las brtsams te de brtsams pa sngon du song bas de la chos bshad par bya'o/ /lha yi gzugs kyi sems dang ni/ /zhes pa ni lha'i rnam par dag pa'o/ /dam tshig ces pa ni bdud rtsi lnga la sogs pa de bzhin nyid kyi rnam par dag pa'o//sems kyang gcig nyid ces pa ni rim pa gnyi ga rnam par dag pa'i gnyis su med pa'i ye shes yin no/ /yang na de la ni bdag med ma la'o/ /chos ni chos kyi sku'o/ /bshad par bya ni 'od gsal ba nyid kyis de'i bdag nyid du rnam par gzhag par bya'o//ji ltar zhe na/ bcu ni lnga po gnyis kyi bdag nyid do/ /dge ba ni chos 'byung dang dbyer med pa'i ye shes so/ /ku bdag med ma'o/ /sa la rdo rje 'dzin pa'o/ /de ltar lnga po gnyis kyi bdag med ma dang dbyer med pa'i rdo rje 'dzin pa'i ye shes las so//brtsams nas ni de nas bzung ste'o/ /lha'i gzugs kyi sems dang ni spo ba'i ye shes so/ /dam tshig ces pa ni bsdu ba'i ye shes so/ /sems kyang gcig pa nyid ces pa ni spro ba dang bsdu ba'i bdag nyid kyi gnyis su med pa'i ye shes so/ /de nyid kyi phyir/ zla ba gcig gis skal ldan par//'gyur ba 'di la the tshom med/ /mchog thob pa yi bud med gang / /rtog pa thams cad yongs su spangs/ /zla ba gcig gis skal ldan pa ni shin tu rnam par dag pa'i chos kyi dbyings kyi ye shes kyi bdag nyid de phyag rgyar gyur te the tshom med pa nyid do/ / gang las she na/ gang ste gang gi phyir/ mchog thob pa ni gnang ba thob pa'o/ /de nyid kyi phyir rtog pa thams cad yang dag spangs ni rnam par mi rtog pa'i rang bzhin no/ /yang na de la skal ldan ni chos kyi dbyings shin tu rnam par dag pa'i rang bzhin du de 'gyur ro/ /zla ba ni ma byang chub kyi sems so//a bdag med ma yin pas ma'o/ /gnyi ga yang 'di la yod pas na zla ba ni ma ning ngo / /ji ltar zhe na/ gcig gis ni gnyis su med par rtogs pa'o/ /'di la the tshom med ni 'di la the tshom nyid yod pa ma yin no/ /mchog ni rdo rje 'dzin pa'o/ /des thob pa'i bud med ni bdag med ma'o//gang ni nA da'i phreng gnyis ka las so/ /de nyid kyi phyir rtog pa thams cad yang dag spangs ni rtog pa thams cad yongs su spangs pa yin pa'i don to/ /yang na bdag gi nus pa yis/ /phyag rgya bkug la rab tu brtag /lha dang lha min mi rnams dang / gnod sbyin mi'am ci las kyang //don ni go sla ba nyid do/ /yang na bdag gi ni rdo rje 'dzin pa'o/ /nus pas ni nus pas so/ /phyag rgya ni phyag rgya chen po'o/ /rab tu brtag ni khyad par du 'phags pa'i ye shes can du rnam par gzhag pa'o/ /yang na zhes pa ni gnyi ga dbyer med pa'i rdo rje 'dzin pa yin pa'i rang bzhin no//lha dang lha min mi rnams dang / bkug la zhes pa ni lha ni dbang po rnams so/ /lha ma yin ni yul rnams so/ /mi ni rnam par shes pa mkha' 'gro ma bco lnga rnams so/ /bkug pa ni bsdus pa'o/ /gnod sbyin mo ni cha med pa'i rang bzhin rnams so/ /mi 'am ci las kyang ni kyang gi sgra khyad par gyi don to//mi 'am ci las zhes pa ni ci'i sgras ma ning ngo / /de lta bu'i rang bzhin gyi bud med las ma ning gi rang bzhin gyi rdo rje 'dzin pa'i rgyur ro/ /de yang khyer la spyod pa spyad/ /bdag gi dal ba mngon bya'i phyir/ /phyag rgya de khyer nas spyod pa spyad par bya'o/ /ji ltar zhe na bdag gi ngal ba mngon bya'i phyir//bdag nyid rtog pa brtan par spyod pa bya ba yin par dgongs so/ /yang na spyod pa ni kun rdzob dang don dam pa dbyer med spyod pa'o/ /spyod ni shes pa'o/ /de yang ni phyag rgya'o/ /khyer la ni goms pa'o/ /bdag gis ni rdo rje 'dzin pa'i 'o/ /dal ba mngon bya'i phyir ni ye shes de las shes pa'i don to//gang phyag rgya khyer nas spyod pa de longs spyod ma yin par ci tshugs kyang grol ba'i phyir yin pa gsungs pa/ spyod pa longs spyod phyir ma gsungs/ gang bshad 'jig pa'i gzugs can gyis/ /yid ni brtan rnam g.ye'am ci/ /rang gi sems ni so sor brtag /gang 'jig rten gyi chos brgyad las rnam par grol ba'i spyod pa 'jigs pa de la longs spyod la 'dod pas ma yin pa ci tshugs kyang thar pa'i don du yin par dgongs so/ /yang na spyod pa gang bshad 'jigs pa'i gzugs can gyis/ bden pa gnyis kyi bdag nyid kyi bya ba gang de bshad pa ni brjod pa'i spyod yul ma yin te/gang gi spyod yul las 'das pa'i phyir ro/ /de ni longs spyod du med par bshad pa ste gzod ma nas lhun gyis grub pa yin pa'i don to/ /da ni phyag rgya grub par bya ba'i phyir phyag rgya khyer nas spyod pa bya ba yin pa 'di la rdo rje snying po rtog pa skyes pa las/ /rdo rje snying pos gsol pa//bdag med rnal 'byor ldan pa yis/ /phyag rgya nyid ces ji ltar brjod/ /bdag med ma'i rnal 'byor dang ldan pa nyid 'di'i phyag rgya'i khyad par gzhan gyis ji ltar yin par rtogs pa'o/ /de nas kyang phyag rgya gzhan de bzhin du yang ngo / /phyag rgya phyag rgya gnyis dag gis//phyag rgya'i dngos grub ji ltar 'gyur/ /phyag rgya chen po'i dngos grub ni thabs dang shes rab dbyer med pa'i ye shes so/ /'dir yang bdag med ma'i rnal 'byor pa ni bdag med ma'i rang bzhin yin pa'i phyir skyes pa bud med kyi gzugs nyid 'di'i phyag rgya gzhan gyis kyang phyag rgya'i rang bzhin yin pa'i phyir ji ltar gnyi ga 'grub pa yin par rtog pa'o//de la bcom ldan 'das kyis bka' stsal pa/ bud med gzugs ni spangs nas gzhan/ /bcom ldan 'das kyi gzugs su bya/ /bud med kyi gzugs yongs su spangs nas bcom ldan 'das kyi gzugs su bya'o//'di ji ltar yin pa de gsungs pa/ nu ma spangs pa 'o mar 'gyur/ /kak+ko la dbus yang dag gnas/ /'gram gnyis dril bu nyid du 'gyur/ /ze'u 'bru'ang bo la can du 'gyur/ /lhag ma bdag nyid chen por 'gyur/ /dga' chen he ru ka yi gzugs/ / he ru kar sbyor skyes bu nyid/ /'bad pa med par skyes bu nyid nu ma spangs nas bo la rdo rjer 'gyur ro/ /bo la'i nang du gnas pa kak+ko la pad+ma'o/ /'dis ci bstan na bud med kyi nu ma dag gi snying ga de'i nang du yang rdo rje pad+mar gnas pa'o/ /rdo rje dang pad+ma 'di dag nyid kha sbyor ba'o/ /skyes pa'i yang nu ma gnyis sa bon kyis so//de ltar nu ma spangs nas rdo rjer 'gyur ro/ /de'i dbus su yang pad+ma ste rdo rje dang pad+ma nyid dbyer med pa'o/ /bo la'i nang du gnas pa kak+ko la pad+ma'o/ /bud med kyi mtshan ma ni pad+ma'o/ /skyes pa'i yang rdo rje'o/ /rdo rje pad+ma gnyi ga yang kha sbyor du skyes pa dang bud med dga' ba tha dad pa ci yang med pa yin pas dbyer med do//sa bon gyi khyad bar ni phyi rol gyi khyad par te slar yang sa bon gnyis nyid snying gar gnas pa de nu ma gnyis so/ /steng du rdo rje'o/ /'og tu pad+mar gyur pa gnyis ni bud med kyi'o/ /de gnyis sa bon gnyis 'og tu rdo rje steng du pad+mar gyur pa gnyis ni khyo ga'i'o//de ltar nu ma spangs nas zhes bya ba la sogs pa'o/ /'gram gnyis dril bu nyid du 'gyur/ /zhes pa ni A li kA li'i nA da phreng gnyis ni dril bu ste pad+ma'i lte ba'o/ /bo la can du 'gyur zhes pa ni nA da phreng gnyis kyi rtsa ba lte ba de rdo rje yin no/ /rdo rje dang pad+ma gnyi ga nyid dbyer med ma yin pa de gsungs pa/lhag ma'i gzugs zhes pa ni gang gnyi ga dbyer med pa de he ru ka ste rdo rje 'dzin pa'o/ /cis khyad 'phags she na/ dga' chen ste dga' ba chen po bdag med ma gang la yod pa de yin pa'i don to/ /de nyid kyi phyir he ru ka sbyor ni gnyis su med pa'i ye shes can phyag rgya dang ldan pa'i bdag med ma bsgoms pas kyang gnyis su med pa'i ye shes 'di nyid yin no//'bad pa med par ni 'bad rtsol med par ro/ /skyes bu nyid ni skyes bu'i rang bzhin nyid du 'gyur ba'o/ /de nyid kyi phyir/ gsal bar nus pa'i rnal 'byor pa/ 'di ltar phyag rgya'i dngos grub 'gyur//gang phyir zhes pa ni de'i phyir ro/ /rnal 'byor pa ni gnyis su med pa'i ye shes so/ /phyag rgya ni phyag rgya'i dngos grub tu gyur pa'o/ /cis khyad 'phags she na gsal bar nus pa ste/ 'di gsal ba yang yin la nus pa yang yin pas gsal bar nus pa'o//de gang la yod pa de ni gsal bar nus pa'o/ /de'i gsal ba ni phyag rgya dang ldan pa yin pa'i don to/ /de nyid kyi phyir/ skye dang 'jig pa dag gis kyang / /thabs dang shes rab gnod mi 'gyur/ /shes rab ni phyag rgya'o/ /thabs ni rnal 'byor ba'o/ /'di gnyi ga la mi gnod de gang dag gis she na/skye dang 'jig pa dag gis kyang ste/ skye ba dang 'jig pa dang 'chi bas gnod par mi 'gyur ba'i don to/ /yang na skye ba ni dngos po'o/ /'jig pa ni dngos po med pa'o/ /thabs dang shes rab de dag dngos po dang dngos po med pa'i bdag nyid gang rdo rje 'dzin pa'i ye shes so//de ni gnod mi 'gyur ni rtog pa cung zad kyang med pa'o/ /de nyid kyi phyir/ gang phyir thabs las byung ba nyid/ /'jig pa shes rab srid mthar byed/ /thabs ni rdo rje 'jig pa'o/ /'byung ba ni yang dag pa'i tshul du byung ba kun rdzob kyi bden pa'i bdag nyid do/ /'jig pa mya ngan las 'das pa shes rab don dam pa'i bden pa'o//bden pa gnyis kyi bdag nyid rdo rje 'dzin pa'o/ /srid mthar mdzad ces pa ni srid pa skye ba'o/ /mtha' ni 'jig pa'o/ /skye ba ni 'jig pa'i bdag nyid de ye shes 'di la yod pas srid mthar byed pa can no/ /yang na srid pa ni 'khor ba mthar byed pas srid mthar byed de shes rab po//srid pa dang mya ngan las 'das pa dbyer med pa nyid bdag med ma yin par dgongs so/ /des na rab 'jig yod ma yin/ /de nyid la ni skye ba med/ /la lar 'jig pas 'jig par 'gyur/ /'jig pa'i dngos med zad pa med/ /rgyu de'i phyir na rdo rje 'dzin pa 'di la 'jig pa mya ngan las 'das pa med cing gang skyes pa yang de kho na nyid la med de chos thams cad ni rang bzhin gyis gzod ma nas ma skyes pa'i phyir zhes dgongs pa'o//gang nges par skyes pa'i chos de'i 'jig pa ni gzod ma nas ma skyes pa'i phyir skye ba med pas 'jig pa yang med do//zad pa'ang med ni gang gi phyir gyi don te/ gang 'ga' zhig 'jig pa de ni nges par 'jig pas de med pa las skye ba dang 'jig pa dag dngos po med pa yin no/ /de gnod pa thams cad nyid du med par tshigs su bcad pa gnyis kyis bshad zin pa'i don to/ /de nyid kyi phyir/ bskyed pa'i rim pa'i rnal 'byor gyis/ /brtul zhugs can gyis spros pa bsgom/ /spros pa'i rmi lam ltar byas nas/ /spros pa nyid ni spros med byed/ /bskyed pa zhes pa ni bskyed pa ni lha'i rnam par bskyed pa'o/ /rim pa ni de rnyed pa'o/ /rnal 'byor ni 'dus pa ste/ /des na bskyed pa'i rim pa'i rnal 'byor gyis ni dkyil 'khor gyi 'khor lo bsgoms pas so//spros pa ni gzugs kyi phung po la sogs pa'o/ /bsgom pa ni snyoms par 'jug par bya ba'o/ /brtul zhugs can ni gnyi ga rnam par dag par nges pa'i bdag nyid do/ /spros pa ni lha'i rnal 'byor rmi lam lta bur byas nas so//gang gis she na/ spros pa te lha'i rnam pas so/ /spros med byed ni gzugs kyi phung po la sogs pa dbyer med pa'o/ /'dis ni lha'i rnam pas rnam par dag pa'i gzugs kyi phung po la sogs pa bsgom par gyur pa na/ mngon du gyur nas de ma thag tu zhi ba tha dad pa yang dbyer med pa nyid du rtogs par gyur te/chu dang 'o ma ma 'dres pa bzhin no/ /yang na bskyed pa'i sgras ni yang dag pa'i ye shes so/ /de'i rim pa ni rnyed pa'o/ /de yang rnal 'byor gyis ni thabs dang shes rab dbyer med pas bskyed pa'i rim pa'i rnal 'byor gyis yang dag pa'i ye shes thob pa gnyis su med pa rtogs pas so//spros pa ni spro pa'o/ /spros med ni bsdu bar rnam par gzhag pa'o/ /spro ba dang bsdu ba'i rang bzhin nyid de ye shes yin pa'i don to/ /'di ji ltar yin pa de gsungs pa/ /ji ltar sgyur ma'i rmi lam dang / /ji ltar srid pa bar do ltar/ /rtag tu goms par byas pa las//dkyil 'khor nyid ni de ru snang / /rtag tu goms par byas pa'i rnal 'byor bas ni gnyis med rtogs pa las so/ /dkyil 'khor ni lha'i rnam par bsgom pa so sor snang ngo / /de ji ltar sgyu ma zhes pa ni/ mngon sum nyid du bden pa dang brdzun pa ma yin pa'o/ /ji ltar rmi lam zhes pa ni mngon sum ma yin par bden pa'ang ma yin brdzun pa yang ma yin pa'o//ji ltar srid pa bar do ltar/ /zhes pa ni rnam par shes pa tsam dmigs pa med pa'i rang bzhin 'di lta bur so sor snang ba ra 'gyur ro/ /yang na ji ltar dkyil 'khor yang dag pa'i ye shes yin pa ltar de bzhin du sgyu ma kun du snang ba nyid sku rdo rje'o//rmi lam ni mtshan ma gsung rdo rje'o/ /bar do'i srid pa ni rnam par shes pa thugs rdo rje'o/ /de ltar rdo rje gsum snang bar 'gyur ro/ /ji ltar zhe na/ rtag tu ni rgyun du dbyer med pa'o/ /goms pa ni mngon par kun nas so/ / re ba ni gnas pa'o/ /goms pa dbyer med pa'o/ /rtag tu goms pa'i sgra ni dbyer med pa dang dbye ba de dag go/ /rnal 'byor ni 'dus pa'o/ /rtag tu goms pa'i rnal 'byor las/ /tha dad pa dang tha mi dad pa dmigs pa med pa yin pa'i don te/ bskyed pa dang rdzogs pa dag gnyis su med pa nyid du bstan par bya ba'i phyir gsungs pa/phyag rgya chen po'i dbang bskur ba/ /ji bzhin ye shes bde chen yod/ /de nyid 'di yi byin rlabs yin/ /gzhan las dkyil 'khor 'byung ba med/ /dkyil 'khor 'di ni lha'i rnam par bsgom pa'i ye shes so/ /gzhan las 'byung ba med ni gzhan las mi 'byung ba'o//de nyid 'di'i byin rlabs te de'i zhes pa ni gang gi'o/ /ji bzhin ye shes bde chen yod ni gang bde ba chen po'i lhan cig skyes pa rtogs pa'o/ /gang du zhe na/ phyag rgya chen po'i dbang bskur la'o/ /chu la sogs pa'i dbang bskur bdun la'o/ /'dis ni lhan cig skyes pa'i rang bzhin nyid dkyil 'khor yin gyi gzhan ni ma yin pas rim pa gnyis dbyer med pa nyid yin pa'i don to//yang na phyag rgya chen po zhes pa ni chen po yang 'di yin la phyag rgya yin pas phyag rgya chen po ste dga' ba bzhi'o/ /des dbang bskur ba ni dri ma med par byas pa'i dam pa de la'o//ji bzhin ye shes ni gang nyams su myong ba'o/ /bde chen ni yang dag pa'i ye shes so/ /de nyid 'di'i dkyil 'khor ni rdo rje 'dzin pa'i ye shes so/ /cis khyad 'phags she na/ gzhan las 'byung ba med ni gzhan pa ni zla med pa ste bdag med ma'o//'byung ba ni rdo rje 'dzin pa'o/ /gzhan yang yin la 'byung ba yang yin pas gzhan las 'byung ba'o/ /med ces pa ni de la thabs dang shes rab dbyer med pa ma ning yin no/ /de nyid kyi phyir khyad par du 'phags pa'i dngos po ni/ byin rlabs te rdzogs pa'i rim pa dang dbyer med pa'i bskyed pa'i rim pa yin pa'i don to//de nyid kyi phyir/ bde ba gnag cing bde ba ser/ /bde ba dmar po bde ba dkar/ /bde ba ljang gu bde ba sngo/ /bde ba rgyu dang mi rgyu kun/ /bde ba shes rab bde ba thabs/ /de bzhin kun du ru skyes bde/ /bde ba dngos po dngos med bde/ / rdo rje sems dpa' bde bar brjod/ /bde ba zhes pa ni gang lhan cig skyes pa'i ye shes de sngon po dang ser po la sogs pa'i rnam par nyams su myong bar gyur ba'o/ /rgyu dang mi rgyu kun ni skyes pa dang / bud med de gnyi gas bskyed pa'i bde ba nyams su myong ba'i ye shes kyang dngos po dang dngos po med pa yang ngo //rdo rje sems dpa' zhes pa ni rdo rje gsum dbyer med pa'i ye shes te/ bskyed pa'i rim pa'i rang bzhin thams cad nyid kun rdzob kyi bden pa dang don dam pa'i bden pa'i rang bzhin gnyi ga dbyer med pa'o/ /yang na bde ba zhes pa ni su ni khu ba'o/ /kha ni bdag med ma ste khu ba dang bde ba ste/khu ba dang bde ba dag dbyer med pa'i byang chub kyi sems so/ /de nag po ni mi bskyod pa'i rang bzhin no/ /ser po dang dmar po dang dkar po dang ljang gu dang sngon po zhes pa ni/ /rin chen gtso dang 'od dpag tu med dang rnam par snang mdzad dang don yod grub pa dang / rdo rje sems dpa'i rang bzhin nyid do//de gnyi ga nag po rgyu ba dang mi rgyu ba mtha' dag yin te/ brtan pa dang g.yo ba dbang po dang yul gyi rang bzhin no/ /thabs dang shes rab ces pa ni rdo rje dang pad+ma'o/ /kun du ru skyes zhes pa ni/ dga' ba gsum mo/ /dngos po dngos med ces pa ni bden pa gnyis so//rdo rje sems dpa' zhes pa ni rdo rje gsum dbyer med pa'i ye shes so/ /brjod ces pa ni thams cad mkhyen pa'o/ /da ni/ phyag rgya chen po'i dbang bskur ba/ /ji bzhin ye shes bde chen yod/ /de nyid 'di yi byin rlabs yin/ /gzhan las dkyil 'khor 'byung ba med/ /ces pa sems la bzhag nas rdo rje snying pos gsol ba//rdzogs pa'i rim pa'i rnal 'byor 'di/ /dam pa'i bde ba bde chen 'dod/ /rdzogs pa bsgom pa med pa ste/ /bskyed pas dgos pa ci zhig mchis/ /bde chen de de'i bde ba'o/ /dam pa'i zhes pa ni de yod pa'o/ /bde ba zhes pa ni ye shes te//bskyed pa'i rim pa'i rang bzhin rtogs pa'o/ /gang yang bde ba chen po de yang ni rdzogs pa'i rnal 'byor 'di'o/ /'dod ces pa ni rdzogs pa'i rim pa'i bsgom pa med pa de bskyed pa'i rim pa dang rdzogs pa'i rim pa'i bsgom pa dgos pa ci yod de/ dgos pa ci yang med pa yin no zhes pa zhus pa'o//bcom ldan 'das kyis bka' stsal pa/ e ma byang chub sems dpa' che/ /dad pa'i shugs kyis chud re zos/ /e ma'o zhes pa ni bcom ldan 'das nyid ngo mtshar bar gyur pa'o/ /byang chub sems dpa' chen po rdo rje snying po 'di gal te de skad du 'dri ba des chud re zos te/chos nyams pa ste 'dis chos ma shes pas tshad bya bar nus pa ma yin no/ /ji ltar zhe na/ dad pa'i shugs kyis te dad pa'i rjes su 'brang bas chos kyi sku tsam nyid 'dis nges pa yin gyi sprul pa dang longs spyod rdzogs pa'i sku gnyis ni ma yin no/ /bdag nyid kyi thugs ngo mtshar skyes pas rdo rje snying po la slar gsungs pa/lus kyi dngos med gang las bde ba smra bar mi nus so/ /khyab dang khyab byed tshul gyis ni/ /bde bas 'gro ba khyab pa nyid/ /lus kyi sgras bsags pa'i mtshan nyid phung po lnga'i bdag nyid do/ /de'i dngos med bde ba ni nyams su myong ba'i ye shes so//gang las bde ba yin pa smra ba nyid du mi nus so/ /de'i phyir khyab par bya ba dang khyab par byed pa'i tshul gyis te/ khyab bya ni lus so/ /khyab byed ni bde ba'o/ /de lta bu'i rang bzhin gyi bde ba'i ye shes kyis khams gsum gyi 'gro ba la khyab pa yin no/ / yang na lus kyi dngos med ni/ /gzugs dngos po med pa'i bdag med pa'i rang bzhin gyi rdo rje 'dzin pa'o/ /de yang lus ni bsags pa'i mtshan nyid de/ 'di lus kyang yin la dngos med kyang yin pas lus kyi dngos med do/ /de la yod pa'i bsags pa'i bdag nyid rdo rje 'dzin pa bdag med ma'i rang bzhin nges so//gang las ni chos 'byung las so/ /bde ba ni lhan cig skyes pa'i ye shes so/ /de yang bde ba smra bar mi nus so ni ngag gi lam las 'das pa'i phyir ro/ /de nyid kyi phyir/ khyab bya khyab byed tshul gyis ni khyab pa ni lhan cig skyes pa'i bde ba'i ye shes kyis so/ /'gro ba khyab pa nyid ni 'gro ba dang dbyer med pa nyid kyis yang dag pa'i ye shes kyi don to//de nyid dpes bstan par bya ba ni/ /ji ltar me tog la gnas dri/ /me tog dngos med shes mi 'gyur/ /de bzhin gzugs sogs dngos med pas/ /bde ba nyid kyang dmigs mi 'gyur/ /ji ltar me tog la brten pa'i dri me tog gi dngos po med na mi shes shing mi rtogs pa de bzhin du gzugs la sogs pa'i dngos po med na bde ba dmigs par mi 'gyur ba nyid yin no//de'i phyir gzugs la brten pa nyid gzugs med pa'i dngos po khyad par cung zad tsam byin gyis brlabs nas 'dra ba yin te/ de thams cad du mtshungs pa ni ma yin no/ /ci yin du chug kyang de'i bdag nyid kyis rtogs par byas te/ gzugs nyid gzugs med pa can no/ /gzugs med pa nyid du gzugs can yin no/ /yang na/ ji ltar me tog la brten dri/ /zhes pa ni/ di shes pa de re zhig me tog la brten pa yin pas re zhig shes shing rtogs na/me tog nyid ni gzod ma nas ma skyes pa'i phyir/ dngos po med pas na skye ba bkag pas/ dri 'dir nges par shes shing rtogs pa med/ gang dri'i shes pa rtogs pa'i shes pa gzhan med pa'i phyir ro/ /de bzhin du bde ba yang dag pa'i ye shes dmigs su med pa nyid de/mi dmigs pa'i rang bzhin nyid yin no/ /ji ltar zhe na/ gzugs sogs dngos med pas te/ gzugs la sogs pa rnams kyi gzugs kyi dngos po med pa des ni bdag med pa ma bsgom pas gzugs la sogs pa yin pa'i don to/ /'dis ci bstan na/ rdzogs pa'i rim pa bsgom pa med par grub pa nyid 'di'i phyogs te/ ji ltar zhe na/ bskyed pa'i rim pas rtogs pa'i phyir/ /zhes dgongs so/ /bskyed pa'i rim pa spangs nas rdzogs pa'i rim pa med pa nyid yin pa'i don to/ /de skad du yang / 'di la bsal ba ci yang med/ /bsnan par bya ba'ang cung zad med//yang dag nyid la yang dag lta/ /yang dag mthong na rnam par grol/ /zhes pa'o/ /'di nyid gang bden pa mthong zhing chos thams cad kyi rang bzhin rtogs pa la ni/ ma rig pa glo bur gyi dri ma rnams kyis rtag tu dngos po'i de kho na nyid rtogs pa med de/ dngos po'i de kho na nyid rtogs pa yang ma rig pa las ldog pas dngos po'i de kho na nyid rtogs pa med cing gnyi gar yang dngos po'i de kho na nyid rtogs pa med do//dngos po'i de kho na nyid rtogs pa nyid yang dag pa'i ye shes yin no/ /de nyid kyi phyir de'i gnas skabs su son pa rnams kyi yang ma rtogs na ci zhig 'byung bar 'gyur/de'i phyir glo bur gyi dri ma bsal bar bya ba'i phyir/ ma rig pa rtag par gnas pa rnams lha'i rnam par dag pa'i dngos po bskyed pa'i rim pa'o/ /de nyid mnyam pa nyid du mngon du gyur nas de 'di zhes rnam par gcad par mi nus pas na/ rdzogs pa'i rim pa bskyed par bya ba yin te/lha nyid kyi rnam par dag pa dang / de bzhin nyid kyi rnam par dag pa 'di gnyis su med cing gnyis su dbyer med la gcad du med pa'o/ /de ltar ni/ bskyed pa dgos pa ci zhig mchis/ /zhes pa gang 'di rdo rje snying pos zhus pa de thams cad nyid dge ba'i bshes gnyen dang bral bas chos nyams pa yin no//e ma'o byang chub sems dpa' che/ dad pa'i shugs kyis chud re zos/ /zhes pa ni bcom ldan 'das kyis sems bskyed pa ste slar yang bcom ldan 'das nyid kyis nye bar bstan par gsungs so/ /bskyed pa'i rim pa'i dgos pa chen po gsungs pa/dngos dang dngos po med pa dang / /dngos po rtogs phyir sangs rgyas nga / phyag dang zhal gyi rnam pa'i tshul nyid kyis bdag nyid re zhig thams cad mkhyen pa'i dngos po ste/ dngos po'i rang bzhin no/ /bdag nyid dngos po med pa yin te/ phyag dang zhal gyi rnam pa'i tshul nyid rang bzhin gyis gzugs med pa yin no//sangs rgyas nyid ba zhes pa ni sangs rgyas te/ ji ltar zhe na/ dngos po rtogs pa'i phyir te/ dngos po rtogs pa nyid la sangs rgyas thams cad mkhyen pa zhes brjod do/ /de bas na bskyed pa'i rim pa rtogs pa nyid rdzogs pa'i rim pa nges pa yin pa'i don to//yang na/ nga ni yi ge A dang yi ge hA'i rang bzhin nyid kyi dngos po ste/ thabs dang shes rab kyi rang bzhin yin pa'i phyir ro/ /de nyid dngos po med pa nga ste/ gnyi ga yang dbyer med pa'i phyir ro/ /sangs rgyas ba ni thabs dang shes rab dbyer med pa'i ye shes can te/ji ltar zhe na/ dngos po rtogs pa'i phyir ro/ /gang gnyi ga dbyer med pa ma yin pa'i dngos po de ni med pa yin no/ /dngos po thams cad nyid thabs dang shes rab kyi rang bzhin gyi rgyu de'i phyir ro/ /gang zhig le los bsnun pa dang / /rmongs pa rnams kyis nga mi shes/ / rdo rje brtsun mo'i b+ha ga ni/ /bde ba can du rtag tu bzhugs/ /gang zhig rmongs pa ni/ gti mug gis g.yogs pa'o/ /des nga mi shes ni de bzhin nyid kyi rnam par dag par zhig rmongs pa rnams kyi spyod yul ma yin pa nyid shes rab rnon po des kyang gal te de bzhin nyid kyi rnam par dag pa rtogs pa'o//'on kyang dngos po'i de kho na nyid rtogs pa nyid bskyed pa'i rim pa la rag las pa nyid rdzogs pa'i rim pa yin par dgongs so/ /gang zhig le los bsnun pa dang / /zhes pa ni le lo'i dri ma dag de sa bsnun zhing bcom la brtson 'grus dman pa rnams so/ /ci zhe na lha'i rnam par sprul pa bsgom yang lha'i rnam par dag pa mi shes pa de rnams kyis kyang nga mi shes te bskyed pa'i rim pa goms pas ni gnyi ga rnam par dag pa yin la 'on kyang rdzogs pa'i rim pa bskyed pa la rag las pa nyid yin no//rdo rje btsun mo'i b+ha ga mchog /bde ba can ni nga bzhugs te//nga zhes pa ni thabs dang shes rab dbyer med pa'o/ /de nyid mchog ste ma ning gi rang bzhin no/ /bde ba can ni chos kyi 'byung gnas so/ /thugs ni sprul pa'i sku sna tshogs pas bzhugs pa'o/ /bde ba can de yang ci yin pa gsungs pa/ rdo rje btsun mo'i b+ha ga'o/ / gang 'di bde ba can de ni rdo rje btsun mo ste rdo rje mkha' 'gro ma'i'o/ /de'i b+ha ga ni ye shes so/ /yang na rdo rje ni rdo rje 'dzin pa'o/ /btsun mo ni bdag med ma'o/ /rdo rje yang yin la btsun mo yang yin pas rdo rje btsun mo ste thabs dang shes rab dbyer med pa'o/ /de'i b+ha ga ni de dang dbyer med pa'i ye shes so//'dis ni rdo rje 'chang gi dbugs dbyung ba bstan to/ /de bzhin gshegs pa'i dbugs dbyung ba gsungs pa/ e yi rnam pa'i cha byad gzugs/ /sangs rgyas rin chen za ma tog /yi ge e'i rnam pa'i cha byad de chos 'byung gzhal yas khang ngo / /de'i gzugs ni de'i rang bzhin no//cis khyad 'phags she na/ sangs rgyas rin chen za ma tog ste/ sangs rgyas kyi sgras me long lta bu la sogs pa ye shes lnga rnams so/ /de rnams kyi dga' ba rgyas par byed pas na rin chen no/ /sangs rgyas rnams kyi rin chen ni sangs rgyas rin chen no/ / de'i za ma tog ni gzhir 'gyur ba'o/ /gnas te zhes pa 'dis ni gzugs sna tshogs kyi spyod pas sprul pa'i sku nga nyid nga'o/ /nga zhes pa 'dis ni nA da gnyis kyi bdag nyid kyis longs spyod rdzogs pa'i sku nga yin pa'o/ /mchog ces pa 'dis ni nang gi rang bzhin yin pa'i phyir chos kyi sku yang nga'o//'dis ni sku gsum gyi rang bzhin nga yin pa'o/ /rdo rje btsun mo'i b+ha ga ni rdo rje ni rdo rje 'dzin pa'o/ /btsun mo ni bdag med ma'o/ /rdo rje yang yin la btsun mo yang yin pas rdo rje btsun mo ste rdo rje 'dzin pa dang dbyer med pa'i bdag med ma'o/ /de'i b+ha ga ni ye shes yin pa'i don to//e'i yi ge'i cha byad gzugs ni bdag med ma'i rang bzhin no/ /sangs rgyas rin chen ni rdo rje 'dzin pa la de ni za ma tog go/ /'dis ni rdo rje 'dzin pa nyid bdag med ma yin la bdag med ma nyid rdo rje 'dzin pa'o/ /de nyid kyi phyir/ 'chad pa po nga chos kyang nga / / rang gi tshogs ldan nyan pa nga / /'gro ba'i ston pa bsgrub bya nga / /'jig rten 'jig rten 'das pa nga / /'chad pa po nga zhes pa ni 'chad pa po nga nyid do/ /chos kyang nga zhes pa ni bshad par bya ba'i tshul gyi chos kyang nga nyid do/ /nyan pa nga zhes pa ni nyan pa po'i tshul yang nga nyid do//rang gi tshogs ldan ni bdag nyid 'khor dang bcas pa yang nga nyid do/ /bsgrub bya nga zhes pa ni nga nyid 'bras bu'i tshul lo/ /yan lag bcu gnyis sam yan lag dgu po'i chos de rtogs pa'i rang bzhin yang nga'o/ /yan lag bcu gnyis kyang mdo'i sde dang / dbyangs kyis bsnyad pa dang /lung du bstan pa dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bur byung ba'i sde dang / skyes pa rabs kyi sde dang / shin tu rgyas pa'i sde dang / chos 'phrul la sogs pa bstan pa dang / man ngag gi sde'o/ /de la don mang po ston par byed pa'i phyir mdo'i sde zhes brjod do/ /gang dang gang gis gsungs pa'i don gyi mtha' mar glu dang 'brel ba'i tshigs su bcad pa blangs nas dga' bde mang po'i don ni dbyangs kyis bsnyad pa'o/ /gang du ma 'ongs pa'i phyir 'di ltar dus 'di tsam zhig na 'byung bar 'gyur zhes lung ston pa de ni lung bstan pa ste ji ltar skyes bu khyod ma 'ongs pa'i dus bskal pa grangs med pa na shAkya thub pa zhes bya ba de bzhin gshegs pa dgra bcom pa zhes bya ba la sogs par 'byung bar 'gyur ro zhes de bzhin gshegs pa mar me mdzad kyi gsung gis lung bstan pa 'di ni drang ba'i don gyi mdo sde'o//gsungs pa'i don gsal bar byed pa gdul ba'i phyir gsal bar byed cing gdul bya'i rjes su mthun par sgra sna tshogs dang tshig dang yi ges tshig bzhi la sogs pa'i tshigs su bcad pa 'di ni nges pa'i don gyi mdo sde'o/ / gdul bya sna tshogs kyi ngor zhus pa'i don ched du brjod pas na ched du brjod pa'o/ /yul dang dus la sogs pa so sor nges pa'i gtam rgyud nges par byed pa'i ngag ni gleng gzhi'o/ /skye bo rnams rtogs pa'i nges pa bskyed par bya ba'i phyir dpes don ston pa ni rtogs pa brjod pa'i sde'o/ / 'di lta bur byung ba ni sngon gyi gtam rgyud rnying pa'o/ /skyes pa'i rabs ni byang chub sems dpa'i gnas skabs na/ skye ba sna tshogs su lus blangs pa la sogs pa'i spyod pa ston pa'o/ /byang chub sems dpa' rnams la bden pa gnyis dbyer med par rtogs par bya ba'i phyir chos yang dag pa rgyas par brjod pa ni shin tu rgyas pa'o//cho 'phrul chen po la sogs pa bstan pa ni/ ngo mtshar ba'i ltas bstan pas sems can rnams lam la 'jug pa'o/ /gdams ngag ni gsang bar bshad pa'i don ston par byed pa'o/ /yan lag bcu gnyis ni 'phags pa'i dge 'dun phal chen sde'i bzhed pas so//mdo'i sde la sogs pa rnams su gleng gzhi dang rtogs pa brjod pa dang / gdams ngag ces bya ba'i yan lag gsum bsdus pas dgu'o/ /chos zhes pa ni rdo rje 'dzin pa'o/ /'gro ba'i ston pa zhes pa ni 'jig rten gsum bla ma yang nga nyid do/ /'jig rten nga zhes pa ni/'jig rten gsum gyi rang bzhin nyid da'o/ /'jig rten 'das pa nga zhes pa ni/ 'jig rten pa'i tha snyad kyi rang bzhin nyid nga'o/ /yang na nga zhes pa na thabs dang shes rab dbyer med pa'o/ /'chad pa po nga zhes pa 'dis ni sprul pa dang longs spyod rdzogs pa'i sku'i bdag nyid do//chos kyang nga zhes pa ni gnyis su med pa'i rang bzhin gyi chos kyi sku'i bdag nyid do/ /'gro ba'i ston pa nga zhes pa ni 'gro ba dbang po rnams so/ /de rnams kyi ston pa ni mi 'gyur ba ste lha'i mig la sogs pa'i yon tan dang ldan pa yin pa'i don to/ /de nyid kyi phyir 'jig rten nga ni phung po lnga'i rang bzhin nyid nga'o//'jig rten las 'das pa nga ni gzugs la sogs pa'i yul gyi rang bzhin nyid nga'o/ /de nyid kyi phyir/ lhan cig skyes dga'i rang bzhin nga / /mchog mtha' dga' bral dang por ni/ /lhan cig skyes pa'i rang bzhin nga ni/ /lhan cig skyes pa'i dga' ba'i rang bzhin nga'o//mchog mtha' dga' bral dang por ni/ /mchog mtha' ma ni mchog mtha'o/ /de lta bur gyur pa'i dga' bral de dang por gang la yod pa de'i lhan cig skyes pa'o/ /de mchog mtha' dga' bral dang po can ni ma ning ngo / /yang na mchog mtha' ni gang gi mtha' yod pa de ni mchog mtha' ste/dga' ba dang po dang / rnam par dga' ba dang / dga' ba gsum pa ste dang po dang tha ma dag dang dga' ba bar ma rnams kyang mchog tu mi 'gyur ba nyid la thim pa yin no/ /gang la dga' ba gsum dang por yod pa de ni lhan cig skyes pa'i ye shes mchog mtha' dga' bral dang po can no//yang na mchog ni rang bzhin no/ /mtha' ni lhan cig skyes pa yin pas mchog mtha' ste/ mchog mtha'i rang bzhin no/ /dga' bral yang yin la dang po yang yin pas dga' ba dang po ste mchog mtha' dga' bral dang po'o//'di'i rang bzhin nyid can gyi ye shes yin te dga' ba gsum gyi rang bzhin nyid lhan cig skyes pa'i ye shes yin no/ /lhan cig skyes dga'i rang bzhin nga / /zhes pa 'dis ni 'chad pa po nga zhes bya ba la sogs pas bcom ldan 'das kyi rang bzhin grub pa yin no/ /yang na mchog mtha' zhes pa ni mtha' ni mthar thug pa'i mu'o//cis khyad 'phags she na/ mchog ste khyad 'phags pa ste 'di gzhan ci yang yod pa ma yin no/ /dga' bral dang po can ni gang gi phyir dga' bral ni chad pa ste/ 'jig pa'o/ /dang po ni skye ba'o/ /dga' bral yang yin la dang po yang yin pas dga' bral dang po ste skye ba dang 'jig pa dbyer med pa can gyi ye shes so//mun pa la ni mar me ltar/ /de bzhin bus kyang yid ches kyang / /de bzhin zhes pa ni dpe bstan pa'o/ /yid ches zhes pa ni nyams su myong ba'i ye shes so/ /bus zhes pa ni rdo rje snying po la bod pa'o//mun pa la ni mar me ltar ni rang nyid rab tu gsal bar snang ba'i 'od dang tha mi dad pas mun pa sel ba de bzhin du lhan cig skyes pa'i ye shes kyang 'od gsal ba'i rang bzhin lta ba ngan pa ma lus pa'i nyon mongs pa'i bag chags bag la nyal sbyong bar byed pa bla ma'i zhabs kyi bka' drin gyi spyod yul las rtogs pa yin pa'i don to//de yang nga yin no/ /ston pa sum cu rtsa gnyis mtshan/ /gtso bo dpe byad brgyad cur ldan/ /btsun mo'i b+ha ga bde chen du/ /khu ba zhes byar rnam par gnas/ /de med pas na bde med 'gyur/ /bde ba spangs nas de ma yin//nus pa med cing ltos dang bcas/ /lha yi rnal 'byor las bde ba/ /mtshan sum cu rtsa gnyis 'di la mnga' bas na mtshan sum cu rtsa gnyis can te/ phyag dang zhabs kyi mthil 'khor lo'i mtshan dang ldan pa dang / phyag dang zhabs shin tu gnas pa dang / phyag dang zhabs kyi sor mo dra bar 'brel pa dang /phyag dang zhabs kyi mthil 'jam zhing gzhon sha chags pa dang / bdun mtho ba'i tshad dang / sor mo ring ba nyid dang / rting pa yangs pa dang / sku drang por rgyas pa dang / zhabs long bu'i tshigs mi mngon pa dang / sku'i spu gyen du phyogs pa nyid dang /byin pa ri dgas e na ya lta bu nyid dang / bzhengs bzhin du ma btud par phyag pus mo la sleb pa dang / mdoms kyi sba ba sbubs su nub pa dang / mdog gser 'dra ba nyid dang / pags pa srab pa nyid dang / spu re re ba nyid dang / zhal mdzod spus brgyan pa nyid dang / ro stod seng ge 'dra ba nyid dang / sku shin tu zlum pa dang / thal gong rgyas pa nyid dang / ro bro ba nyid dang / shing n+ya gro d+ha ltar chu zhing mnyam pa dang / dbu gtsug tor dang ldan pa nyid dang / ljags shin tu ring zhing srab pa dang / tshangs pa'i dbyangs dang / 'gram pa seng ge'i 'dra ba dang / tshems dkar ba nyid dang / tshems mnyam pa nyid dang / tshems bzhi bcu mnyam par tshang pa dang / spyan mthon mthing lta bu dang / ba'i rdzi ma lta bu nyid do/ /skyes bu chen po'i mtshan sum cu rtsa gnyis rnams bcom ldan 'das kho na las gzhan la med pa yin no/ /thabs dang shes rab rnam par dag pa'i dbyangs yig bcu drug nyis 'gyur yongs su gyur ba'i phyir zhes dgongs pa'o//de la bcom ldan 'das kyi phyag dang zhabs dag gi mthil la 'khor lo rtsibs stong pa mu khyud dang lte ba rnams dang bcas pa mnga' bas/ phyag dang zhabs 'khor lo'i mtshan dang ldan pa'o//phyag dang zhabs kyi mthil mnyam pa'i phyir sa la bzhag na chang rjes mi mngon pa'i phyir/ phyag dang zhabs shin tu gnas pa nyid do/ /ngang pa'i rgyal po'i rkang pa dang 'dra bas phyag dang zhabs kyi sor mo dra bar 'brel ba'o/ /phyag dang zhabs ras bal gyi 'dab ma dang 'dra bas na/phyag dang zhabs gzhon sha chags pa nyid do/ /phyag dang zhabs dang dbu'i cha ltag khung mtho bas na bdun mtho ba'o/ /phyag dang zhabs kyi sor mo rnams ring ba'i phyir sor mo ring ba nyid do/ /rting pa yangs pa nyid kyi phyir rting pa yangs pa nyid do//bdun mtho zhing sku mi yo ba'i phyir sku drang por rgyas pa nyid do/ /pus mo dang long bu mtho bar mi mngon pa'i phyir/ long bu'i tshigs mi mngon pa nyid do/ /ba spu g.yas skor du 'khyil pa'i phyir/ sku'i spu gyen du phyogs pa nyid do/ /rim gyis chags pa zlum pa'i phyir dang /'bar 'bur med pa'i phyir/ byin pa ri dgas e na ya lta bu nyid do/ /mnyam par ring pas ma btud par phyag gi mthil dag gis pus mo'i lha ngar slebs pas na/ bzhengs bzhin du ma btud par phyag pus mo la sleb pa'o/ /mchog tu gsang ba'i tshul gyis mdoms kyi sba ba sbubs su nub pas na/mdoms kyi sba ba sbubs su nub pa'o/ /mdog gser btso ma lta bu'i phyir mdog gser 'dra ba nyid do/ /rdul bag gis ma gos pa'i phyir pags pa srab pa nyid do/ /ba spu'i khung bu gnyis pa med pa'i phyir/ /ba spu'i khung bu re re ba nyid do//gzi brjid chen po'i mdzod spus smin mtshams su spras pa'i phyir/ zhal mdzod spus brgyan pa nyid do/ /ro stod che ba'i phyir ro stod seng ge 'dra ba'o/ /yongs su zlum par mkhregs pa'i phyir/ sku shin tu zlum pa'o/ /shin tu 'dus nas bsags pa'i phung po yin pa'i phyir thal gong rgyas pa nyid do//rlung la sogs pa rnams kyis gnod pa'i ro ma yin pa'i phyir ro bro ba nyid do/ /sgro btags pa yongs su spangs pa'i phyir/ shing n+ya gro d+ha ltar chu zheng gab pa nyid do/ /shin tu yongs su zlum por 'khril bag chags par g.yas nas 'khor ba'i gtsug tor nyid kyis dbu la lta ba'i phyir/dbu gtsug tor dang ldan pa'o/ /ut+pal dmar po'i 'dab ma lta bur dmar zhing yangs pa'i phyir/ ljags shin tu ring zhing srab pa nyid do/ /dbyig gi snying po lta bur dbyangs snyan pa'i phyir tshangs pa'i dbyangs nyid do/ /me long gi bzhin gyi dkyil 'khor ltar 'od gsal zhing shin tu yongs su 'khor bar mngon pa'i phyir 'gram pa seng ge'i lta bu nyid do//kun da dang zla ba ltar dkar ba'i phyir/ tshems dkar ba nyid do/ /tshems sto ba dang mtho dman med pa'i phyir tshems mnyam pa nyid do/ /steng 'og tu lhag ma med pa'i phyir//tshems thags bzang zhing tshems bzhi bcu mnyam par tshang ba nyid do/ /dkar ba dang gnag pa'i shas kyis 'byes pa'i phyir/ spyan mthon mthing lta bu nyid de/ steng 'og tu gnas pa'i rdzi ma rnams ma 'dzings shing rang sar gnas pa'i phyir/ ba'i rdzi ma lta bu nyid do/ / skyes bu chen po'i mtshan sum cu rtsa gnyis rnams rtag tu 'byung ba gang bcom ldan 'das de'i yin pa'i don to/ /ston pa zhes pa ni de lta bur gyur pa'i mtshan nyid dang ldan pa sprul pa'i sku'i bdag nyid longs spyod rdzogs pa'i skus 'gro ba'i don rab tu 'jug pa yin no/ /dpe byad bzang po brgyad cu zhes pa ni/yi ge ka la sogs pa gsal byed sum cu rtsa bzhi rnams la Da D+ha da d+ha ya la'i gsal byed drug rnams cung zad nga ro zhan pa bsnan pas gsal byed bzhi bcu tham pa'o/ /de rnams nyid thabs dang shes rab kyi rang bzhin nyis 'gyur gyis gsal byed brgyad cur yongs su gyur pa'i rang bzhin yin pa'i phyir dpe byad bzang po brgyad cu'o//de la sen mo zangs kyi mdog lta bu ni dpe byad bzang po gcig ste/ bcom ldan 'das kyi 'dra ba'i mtshan ma'o/ /sen mo mdog snum pa nyid dang / sen mo mtho ba nyid dang / sor mo zlum pa dang /sor mo rnams rgyas pa dang / sor mo rnams byin gyis phra ba dang / rtsa mi mngon pa dang / rtsa mdud pa med pa dang / long bu mi mngon pa dang / zhabs mi mnyam pa med pa nyid dang / seng ge'i stabs su gshegs pa nyid dang / glang po'i stabs su gshegs pa nyid dang / ngang pa'i rgyal po'i stabs su gshegs pa nyid dang /khyu mchog gi stabs su gshegs pa nyid dang / g.yas phyogs su ldog cing gshegs pa nyid dang / mdzes par gshegs pa nyid dang / mi yo bar gshegs pa nyid dang / sku 'khril bag chags pa nyid dang / sku byi dor byas pa lta bu nyid dang /sku rim par 'tsham pa nyid dang / sku gtsang ba nyid dang / sku 'jam pa nyid dang / sku rnam par dag pa nyid dang / mtshan rdzogs pa nyid dang / sku kho lag yangs shing bzang pa nyid dang / spyan mnyam pa nyid dang / spyan rnam par dag pa nyid dang /sku shin tu gzhon mdog can nyid dang / sku zhum pa med pa nyid dang / sku rgyas pa nyid dang / sku shin tu grims pa nyid dang / yan lag dang nying lag shin tu rnam par 'byes pa nyid dang / gzigs pa rab rib med cing rnam par dag pa nyid dang / dku zlum pa nyid dang /dku skabs phyin pa dang / dku ma rnyongs pa nyid dang / phyal phyang nge ba nyid dang / lte ba zab pa nyid dang / lte ba g.yas phyogs su 'khyil pa nyid dang / kun nas mdzes pa nyid dang / kun nas spyod pa gtsang ba nyid dang / sku la sme ba dang gnag bag med pa nyid dang / phyag shing bal ltar shin tu 'jam pa nyid dang /phyag gi ri mo mdangs yod pa nyid dang / phyag gi ri mo zab pa nyid dang / phyag gi sor mo ring ba nyid dang / zhal ha cang yang mi ring ba nyid dang / zhal gzugs brnyan snang ba nyid dang / ljags mnyen pa nyid dang / ljags srab pa nyid dang / ljags dmar ba nyid dang / glang po che'i nga ro dang / 'brug sgra dang ldan pa nyid dang / gsung snyan pa nyid dang / 'jam pa nyid dang / mche ba zlum pa nyid dang / mche ba rno ba nyid dang / mche ba dkar ba nyid dang / mche ba mnyam pa nyid dang / mche ba byin gyis phra ba nyid dang //shangs mtho ba nyid dang / shangs gtsang ba nyid dang / spyan rnam par dag pa nyid dang / spyan yangs pa nyid dang / rdzi ma stug pa nyid dang / spyan dkar nag 'byes shing pad+ma'i 'dab ma rangs pa lta bu nyid dang / smin tshugs gnyis ring ba nyid dang / smin ma zung 'jam pa nyid dang /smin ma zung gi spu mnyam pa nyid dang / smin ma zung snum pa nyid dang / snyan shal stug cing ring ba nyid dang / snyan mnyam pa nyid dang / snyan gyi dbang po ma nyams pa dang / 'phral ba legs par 'byes pa nyid dang / 'phral ba dbyes che ba nyid dang / dbu shin tu rgyas pa nyid dang / dbu skra bung ba ltar gnag pa nyid dang / dbu skra mthug pa nyid dang / dbu skra 'jam pa nyid dang / dbu skra mi 'dzings pa nyid dang / dbu skra mi gshor ba nyid dang / dbu skra dri zhim pa nyid dang / phyag dang zhabs dpal gyi be'u dang bkra shis dang g.yung drung 'khyil pas brgyan pa nyid de/dpe byad bzang po brgyad cu rnams rtag tu shar ba gang la yod pa de la de skad ces bya'o/ /de la 'dus byas thams cad la rnam par chags pa'i thugs nyid kyi phyir/ sen mo zangs kyi mdog lta bu nyid do/ sems can thams cad la phan zhing bde ba'i thugs mnga' ba'i phyir/sen mo mdog snum pa nyid do/ /rigs mtho bar 'khrungs pa'i phyir sen mo mtho ba nyid do/ /kha na ma tho ba mi mnga' bar zlum pa'i phyir sor mo rnams zlum pa nyid do/ /dge ba'i rtsa ba bsags pa'i phyir sor mo rnams rgyas pa nyid do/ / dge ba'i rtsa ba rim gyis bsags pa'i phyir/ sor mo rnams byin gyis phra ba'o/ /sku la sogs pa'i las kyi 'tsho ba shin tu mi mngon pa'i phyir rtsa mi mngon pa nyid do/ /nyon mongs pa'i mdud pa bcad pa'i phyir rtsa la mdud pa med pa nyid do/ /chos kyi blo gros mi mngon pa'i phyir long bu mi mngon pa nyid do//nyam nga ba thams cad nges par rgal ba'i phyir zhabs mi mnyam pa med pa nyid do/ /skyes bu seng ge nyid kyi phyir/ seng ge'i stabs su gshegs pa nyid do/ /skyes bu glang po yin pa'i phyir/ glang po'i stabs su gshegs pa nyid do/ /ngang pa'i rgyal po ltar nam mkha' la gshegs pa'i phyir/ngang pa'i rgyal po'i stabs su gshegs pa nyid do/ /skyes bu khyu mchog yin pa'i phyir/ khyu mchog gi stabs su gshegs pa nyid do/ /lam g.yas nas gshegs pa'i phyir/ g.yas phyogs su ldog cing gshegs pa nyid do/ / mdzes par gzigs pa nyid kyi phyir/ mdzes par gshegs pa nyid do/ /rtag tu blo gros ma yo ba nyid kyi phyir/ ma yo bar gshegs pa nyid do// rnam par dag pa'i yon tan 'chad par mdzad pa'i phyir/ sku 'khril bag chags pa nyid do/ /sdig pa'i chos byi dor byas pa'i phyir/sku byi dor byas pa nyid do/ /dam pa'i chos rim gyis 'tsham par ston par mdzad pa'i phyir/ sku rim par 'tsham pa nyid do/ /sku la sogs pa gtsang ma yang dag par mnga' ba'i phyir/ sku gtsang ba nyid do/ /thugs 'jam pa'i rang bzhin yin pa'i phyir/sku rnam par dag pa nyid do/ /dam pa'i chos 'dul ba shin tu yongs su rdzogs pa'i phyir/ mtshan yongs su rdzogs pa nyid do/ /yid 'phrog pa'i yon tan rgyas par ston par mdzad pa'i phyir sku kho lag yangs shing bzang ba nyid do/ /sems can kun la snyoms pa'i thugs mnga' ba'i phyir/spyan mnyam pa nyid do/ /shin tu rnam par dag pa gzigs pa'i phyir/ spyan shin tu rnam par dag pa nyid do/ /sngar med pa'i dam pa'i chos gsungs par mdzad pa'i phyir/ sku shin tu gzhon mdog can nyid do/ /rtag tu thugs zhum pa mi mnga' ba'i phyir/sku zhum pa med pa nyid do/ /dge ba'i rtsa ba rgyas pa'i phyir sku rgyas pa nyid do/ /yang srid pa zad par bcom pa'i phyir/ sku shin tu grims pa nyid do/ /rten cing 'brel bar 'byung ba shin tu ston par mdzad pa'i phyir dang yan lag bcu gnyis de'i nying lag yin pa'i phyir yan lag dang nying lag shin tu rnam par 'byes pa nyid do//shin tu rnam par dag pa'i dam pa'i chos gzigs pa'i phyir/ gzigs pa rab rib med cing rnam par dag pa nyid do/ /slob ma kun nas phun sum tshogs pa'i phyir dku zlum pa nyid do/ /srid pa'i nyes pas ma gos pa'i phyir dku skabs phyed pa nyid do//nga rgyal gyi khengs pa bcom pa'i phyir dku ma rnyongs pa nyid do/ /chos zad par rnam par ston par mdzad pas phyal phyang nge ba nyid do/ /mchog tu zab pa'i chos so sor thugs su chud pa'i phyir lte ba zab pa nyid do/ /slob ma g.yas phyogs nas phun sum tshogs pa gzung ba'i phyir lte ba g.yas phyogs su 'khyil ba nyid do//rab tu mdzes par mtshungs pa'i slob ma 'dus pa'i phyir/ kun nas mdzes pa nyid do/ /thugs kun nas gtsang ba'i phyir kun nas spyod pa gtsang ba nyid do/ /gnag bag med pa'i gdams ngag gi chos kyis 'dul ba'i phyir sku la sme ba dang gnag bag med pa nyid do//sku shing bal ltar yang ba rnyed nas chos ston par mdzad pa'i phyir phyag shing bal ltar shin tu 'jam pa nyid do/ /skye bo bsdum pa'i dngos po so sor brnyas pa'i gnas chen po'i dngos po yin pa'i phyir phyag gi ri mo mdangs yod pa nyid do//mchog tu zab mo brtan par gnas pa'i phyir/ phyag gi ri mo zab pa nyid do/ /cher bzod pa'i chos ston par mdzad pa'i phyir phyag gi ri mo ring ba nyid do/ /bslab pa'i gzhi'i brjod pa ha cang yang mi mnga' ba'i phyir zhal ha cang yang mi ring ba nyid do//gzugs brnyan lta bur 'jig rten thams cad la lan btab pa'i phyir/ zhal gzugs brnyan snang ba nyid do/ /gdul bya la 'jam por rim pas mdzad pa'i phyir ljags mnyen pa nyid do/ /nyes pa srab pa'i phyir dang sku la yon tan phun sum tshogs pa'i phyir/ ljags srab pa nyid do//byis pa'i skye bos gting dpag dka' ba'i chos 'dul ba la rjes su chags pa'i phyir/ ljags dmar ba nyid do/ /glang po'i nga ro dang 'brug sgra rnams la snyems pa mi mnga' ba'i phyir glang po'i nga ro dang 'brug sgra dang ldan pa nyid do/ /shin tu mnyen la yid 'phrog cing kha na ma tho ba med pa'i gsung mnga' ba'i phyir/gsung snyan cing mnyen la 'jam pa nyid do/ /srid pa'i sbyor ba las log pa'i phyir mche ba zlum pa nyid do/ /skye bo 'dul ba la shin tu mkhas pa'i phyir/ mche ba rno ba nyid do/ /dkar po'i chos kyis 'dul ba'i phyir mche ba dkar ba nyid do//mnyam pa'i sa'i char shin tu rab tu gnas pa'i phyir/ mche ba mnyam pa nyid do/ /mngon par rtogs pa'i gdams ngag rim gyis mdzad pa'i phyir mche ba byin gyis phra ba nyid do/ /shes rab kyi ri bo'i phung po mthon po mnga'i ba'i phyir shangs mtho ba nyid do/ /gdul bya'i skye bo gtsang ma la yang dag par mdzad pa'i phyir/shangs gtsang ba nyid do/ /sangs rgyas kyi chos shin tu rgya chen po gzigs pa'i phyir spyan yangs pa nyid do/ /sems can gyis mchod pa'i sku yin pa'i phyir/ rdzi ma stug pa nyid do/ /spyan dkar nag 'byes shing pad+ma'i 'dab ma lta bus lha dang lha ma yin gyi na chung rnams dga' bar mdzad pa'i phyir/spyan dkar nag 'byes shing pad+ma'i 'dab ma rangs pa lta bu nyid do/ /rtag tu rgya chen po ston par mdzad pa'i phyir smin tshugs gnyis ring ba nyid do/ /'dul ba phra mo la mkhas pa'i phyir smin ma zung 'jam pa nyid do//nyes pa mtha' dag mkhyen pa'i phyir/ smin ma'i zung gi spu mnyam pa nyid do/ /byams pa la sogs pa'i dge ba'i rtsa ba'i bsod nams bsags pas rgyud dul zhing skye bo dul ba 'dul ba'i phyir/ smin ma zung snum pa nyid do/ /mchog thun mong mnga' ba'i phyir/snyan shal stug cing ring ba nyid do/ /bdud las rgyal nas ro mnyam pa'i phyir snyan mnyam pa nyid do/ /sems can mnyam pa 'dul bar mdzad pa'i phyir/ snyan gyi dbang po mnyam pa nyid do/ /lta ba kun gyi nyes pa 'byed pa'i chos mnga' ba'i phyir 'phral ba legs par 'byes pa nyid do//dge sbyong dang bram ze dang phas kyi rgol ba rab tu 'joms par mdzad pa'i phyir/ 'phral ba dbyes che ba nyid do/ /shin tu yongs su rgyas pa'i mchog gtso bo'i phyir/ dbu shin tu rgyas pa nyid do/ /yul gyi me tog gi sbrang rtsi las dbang po'i bung ba bzhin du bzlog pa'i phyir dbu skra bung ba ltar gnag pa nyid do//shin tu bsags pa'i lta ba bsgoms pas phra rgyas spangs pa'i phyir/ dbu skra mthug pa nyid do/ /mngon par shes pa'i thugs 'jam pa brtan pa'i snying po yin pa'i phyir/ /dbu skra 'jam pa nyid do//rtag tu thugs ma 'dzings pa'i phyir/ dbu skra mi 'dzing ba nyid do/ /rtag tu tshig rtsub mo mi mnga' ba'i phyir/ dbu skra mi gshor ba nyid do/ /byang chub kyi yan lag gi me tog gi dri zhim pos lhag par bsgos pa'i phyir/ dbu skra dri zhim pa nyid do/ phyag dang zhabs dpal gyi be'u dang bkra shis dang g.yung drung 'khyil ba la sogs pas mtshan pa ni shin tu nyams mdzes pa'i phyir/phyag dang zhabs dpal gyi be'u dang bkra shis dang g.yung drung 'khyil bas brgyan pa nyid do/ /dpe byad bzang po brgyad cu po 'di rtag tu shar ba gang la yod pa de la de skad ces bya'o//de ltar mtshan dang dpe byad dang ldan pa'i longs spyod rdzogs pa'i sku dang dbyer med pa'i sku'i bcom ldan 'das so/ /gtso bo zhes pa 'dis ni dkyil 'khor gyi gtso bo yin pa'i phyir de nyid chos kyi sku'i bdag nyid yin te/ bskyed pa'i rim pa dang dbyer med pa nyid kyi rdzogs pa'i rim pa yin gyi gzhan ni ma yin no//bskyed pa'i dgos pa ci zhig mchis zhes pa gang 'di rdo rje snying po'i rtog pa thams cad nyid du mi rigs pa yin no/ /lus kyi dngos med gang las bde/ /zhes bya ba la sogs pas ni mtshan sum cu rtsa gnyis so//gtso bo dpe byad brgyad cu ldan/ /ston pa zhes pa 'dis ni bcom ldan 'das so/ /bskyed pa'i rim pa nyid rdzogs pa'i rim pa la rdzogs pa'i rim pa nyid bskyed pa'i rim pa ste/ 'di gnyis ni gnyis su dbyer med pa la gcad du med pa'o/ /gzhan yang dbyangs bco lnga yongs su gyur pa las bdag med ma la sogs pa'i mkha' 'gro ma bco lnga'o//de rnams kyang tsheg drag gi mtha' can dbyangs bcu drug rnam par dag pa thabs dang shes rab rnam par dag pas nyis 'gyur la rtsa sum cu rtsa gnyis kyi rang bzhin gyi mtshan sum cu rtsa gnyis kyis brgyan pa'i phyag dang zhabs nyid cha shas med pa'i rang bzhin mkha' 'gro ma yongs su gyur pa nyid sprul pa'i sku re zhig 'bab po//dpe byad kyang de bzhin gshegs pa yongs su gyur pa'i rnam par dag pa rnams thabs kyi rang bzhin nyid sprul pa'i bdag nyid 'dus byas thams cad pa rnam par chags pa'i thugs mnga' ba'i phyir/sen mo zangs kyi mdog lta bu zhes bya ba la sogs pa rnam par shes pa'i rnam par dag par bshad pas chos kyi sku rab tu bstan pa'i phyir ro/ /A li kA li'i nA da phreng gnyis kyang thabs dang shes rab kyi rang bzhin gyis/Da d+ha da d+ha ya la rnams cung zad nga ro zhan pa'i yi ge gang de la bsnan pas/ dbyangs sum cu rtsa gnyis dang dpe byad bzang po brgyad cu'i rang bzhin gyis longs spyod rdzogs pa'i sku'o/ /de ltar longs spyod rdzogs pa'i sku nyid re zhig sprul pa dang chos kyi skyed pa yin no//thabs dang shes rab kyi bdag nyid ni sku gsum yin gyi gzhan du ni ma yin no/ /kun rdzob dang don dam pa dbyer med pa bden pa gnyis kyi bdag nyid de kho na yang dag pa'i ye shes bskyed pa'i rim pa la rag las pa'i rdzogs pa'i rim pa tha mi dad cing dbyer med pa yin no/mun pa la ni mar me ltar/ /de bzhin bus kyang yid ches gyis/ /zhes pa gang de'i mjug bsdu ba gsungs pa/ btsun mo'i b+ha ga zhes pa ste mi la sogs pa'i cha byad kyi bud med ni btsun mo'o/ /de'i b+ha ga ni chos 'byung ngo / /khu ba zhes bya rnam par gnas ni khu ba zhes bya ba'o//cis khyad 'phags she na/ bde ba can te/ bde ba'i gnas b+ha ga yin pa'i don to/ /yang na btsun mo ni/ rdo rje btsun mo bdag med ma'o/ /de nyid kyi b+ha ga ni ye shes so/ /de ru rnam pa sna tshogs pa'i gzugs kyis de ltar thabs dang shes rab dbyer med par mi g.yo bar bzhugs so//gang du zhe na/ bde ba can du ste/ lhan cig skyes pa'i ye shes su'o/ /gang gis she na/ khu ba zhes bya ste/ byang chub kyi sems su brjod pa'o/ de nyid kyi phyir de med pas na ni byang chub kyi sems so/ /bde ba lhan cig skyes pa'i ye shes so//mi 'gyur ni bde ba lhan cig skyes pa'i ye shes kyang med pa'o/ /spangs nas ni de dor nas so/ /de yang byang chub kyi sems kyi bdag nyid khu ba zhes bya bar mi 'gyur te/ gnyi ga yang de'i bdag nyid kyi rang bzhin yin no/ /nus pa med cing ltos dang bcas/de nyid kyi phyir khu ba de bsdu ba mdog dang dbyibs dang phyag gi rang bzhin can gyi rdo rje 'dzin pa'o/ /de nyid lha'i rnal 'byor te gnyis su med pa'i rang bzhin no/ /de'i phyir/ lha'i rnal 'byor las bde ba zhes pa ni yang dag pa'i ye shes yin pa'i don to/ gnyis su med pa nyid du re zhig cher nyams su myong ba ni mun pa la mar me lta bu yin no/ /de phyir sangs rgyas dngos po min/ /dngos po med pa'i tshul yang min/ /rgyu 'di'i phyir na sangs rgyas dngos po min ni lhan cig skyes pa'i rang bzhin gyi phyir khu ba ste/ sangs rgyas dngos po min no//lhan cig skyes pa ni khu ba'i gzugs yin pa'i phyir ro/ /sangs rgyas dngos po med pa yang ma yin te/ gnyi ga dbyer med pa'i phyir zhes dgongs pa'o/ /zhal phyag rnam pa'i gzugs can nyid/ /mchog tu bde bas gzugs med pa/ /khu ba'i ngo bo yin pa'i phyir//phyag dang zhabs kyi rnam pa'i rang bzhin no/ /mchog tu bde bas zhes pa ni lhan cig skyes pa'i rang bzhin yin pa'i phyir ro/ /gzugs med pa ni gzugs las 'das pa'i phyir ro/ /dngos po dang dngos po med pa'i bdag nyid kyis gzugs dang gzugs med pa'i rang bzhin yin pa'i don to//de'i phyir 'gro kun lhan cig skyes/ /rang bzhin lhan cig skyes par brjod/ /de'i phyir khu ba'i ngo bo yin pa'i phyir lhan cig skyes pa'o/ /de'i yang 'gro ba'i rang bzhin yin pa'i phyir phung po lnga'i bdag nyid do/ /'gro kun lhan cig skyes pa'i rang bzhin yang gnyug ma'i ngo bo nyid do//brjod pa ni bstan pa'o/ /rnam par dag pa'i sems kyis ni/ /rang bzhin mya ngan 'das pa nyid/ /rang bzhin zhes pa ni yang dag pa ji lta ba bzhin pa'o/ /de nyid mya ngan las 'das pa ni thar pa'o/ yang dag pa ji lta ba bzhin ji ltar yin pa gsungs pa/rnam par dag pa'i sems kyis ni/ /zhes pa ste/ phung po lnga'i rnam par dag pa dang / rnam par shes pa de gnyi ga yang gang gi tshe rnam par dag pa de yin pa'i don to/ /'dis ni khu ba dang lhan cig skyes pa dag dbyer med pa lhan cig skyes pa'i rang bzhin yin la rang bzhin yang mya ngan las 'das pa ste/'di thams cad nyid dbang po dang yul dang rnam par shes pa rnams kyi rim pa gnyis dbyer med pa rnam par dag pa nyid yin pa'i don to/ /de nyid kyi phyir/ lha yi sku yi rnal 'byor yang / /skyes pa tsam gyis rnam par gnas//bzhin lag kha dog dbyibs las ni/ /'on kyang bag chags tha mal bas/ /lha'i sgra ni phung po lnga la sogs pa'o/ /de rnams kyi sku ni rang bzhin no/ /de gang zhe na/ rnal 'byor te/ thabs dang shes rab dbyer med pa'i ma ning du de nyid slar yang gnas so/ / de ci'i phyir zhe na/ bzhin lag kha dog dbyibs las ni/ /zhes pa ste/ bzhin lag gi sgra ni phyag dang zhal la sogs pa'o/ /kha dog gi sgra ni nag po dang ser po la sogs pa'o/ /dbyibs kyi sgra ni mig la sogs pa'i khyad par ro/ /rim pa des na gnas so/ / gang la yod ce na skyes pa tsam gyis te/ skyes pa'i dus na'o/ /yang na skyes pa tsam ni lha mo'i pad+mo'i nang du son pa'i gnas skabs nas gzung ba nyid do/ /de cis ji ltar na de la mtshon pa ma yin pa gsungs pa/ yang gi sgra ni gang gi phyir gyi don te/ bag chags tha mal pas te tha mal pa mi shes pa'o//de rnams kyi bag chags kyi rgyu de'i phyir ro/ /yang yang shes pa yin na de mer mer por gyur pa'i rang bzhin nying lag mdog dang dbyibs kyi bdag nyid du brjod do/ /tha mal pas slar yang mi mthong ba yin no/ /'di ji ltar yin pa de pes bstan par byas pa/ dug gi dum bu gang nyid kyis//skye bo thams cad 'chi bar 'gyur/ /dug gi de nyid shes pa yis/ /dug gis dug ni 'joms par byed/ /re zhig dug zos pa tsam gyis dug gi nus pas srog chags thams cad 'chi bar 'gyur ro/ /dug gi de nyid shes pa de ni dug gi de kho na nyid yongs su shes pa'o//dug ni 'joms par byed ni sel bar byed pa'o/ /'dis ni thun mong ma yin par mthong ba'o/ /gzhan yang gsungs pa/ ji ltar rlung gis zin de la/ mon sran sde'u'i bza' ba sbyin/ /bzlog pa'i sman du brtag par bya/ /rlung gis rlung la snun par byed/ /rlung gi nad kyis btab pa de la mon sran sde'u'i bza' bas nad cher 'phel bar byed par bshad pa las/de la mon sran sde'u'i bza' ba byin na de yang rlung gi nad 'joms par byed do/ /'dis ni bzlog pa'i sman du brtag par bya ni/ /phyin ci log tu byas pa nyid sman yin te/ nyes pa byed pa nyid yon tan byed pa nyid yin no//yon tan nyid thabs la mi mkhas pas zil gyis ma non na skyon du 'gyur la/ skyon nyid thabs la mkhas pas zil gyis non na yon tan bskyed pa yin no/ /de nyid gsungs pa/ srid pa nyid kyis srid pa dag /bzlog pa'i rtog las rnam rtog dag /ji ltar rna bar chu zhugs pa//chu gzhan gyis ni dbyung bar bya/ /de bzhin dngos po'i rnam rtog kyang / /rnam par nges pas sbyang bar bya/ /srid pa ni skye ba ste kun rdzob kyi bden pa'o/ /de srid pa nyid kyis dag pa ni skye ba med pa nyid kyis te/ skye ba ni ma skyes pa'i rang bzhin du rtog pa'i phyir kun rdzob kyi bden pa nyid don dam pa'i bden pa yin no//rnam rtog ces pa ni/ srid pa'i mngon par zhen pa kun rdzob kyi bden pa rdzogs pa'o/ /de yang bzlog pa'i rtog pas ni/ re re'i rtog pas te/ lha'i rnam pas rnam par dag pa las so/ /yang na rnam rtog ces pa ni rnam par mi rtog pa'i ye shes ma ning ste de bzhin nyid kyi rnam par dag pa'o//bzlog pa'i rtog pa las ni rtog pa re re lha'i rnam par dag pa las so/ /lha'i rnam par dag pa nyid de bzhin nyid kyi rnam par dag pa'o/ /bskyed pa'i rim pa nyid rdzogs pa'i rim pa yin pa'i don to/ /ji ltar rna bar chu zhugs pa//chu gzhan gyis ni dbyung bar bya/ /de bzhin dngos po ni 'khor ba'i tshul gyi rnam par rtog pa'o/ /rnam par nges pas ni lha'i rnam pas so/ /sbyang bar bya ba ni gzugs la sogs pa phung po lnga'i 'khor ba lha'i rnam pas rnam par dag pa byas na shin tu rnam par dag pas chos kyi dbyings kyi bdag nyid du 'gyur ba yin pa'i don to//dpe gzhan yang gsungs pa/ ji ltar me yis tshig pa la/ /slar yang me yis gdung bar bya/ /de bzhin 'dod chags mes tshig pa/ /'dod chags me yis gdung bar bya/ /'jig rten na mes tshig na me nyid kyis gdungs pas me'i tsha ba zhi bar 'gyur ro//de rnams bzhin du 'dod chags pa'i mtshan nyid do/ /de nyid sdug bsngal skyed par byed pa yin pa'i phyir me dang 'dra bar des bsregs pa'o/ /nyon mongs pas gdungs na de rnams kyi nyon mongs pa nye bar zhi bar 'gyur ro/ /gang gis she na/ 'dod chags me yis te/chags pa'i me lha'i rnam par dag pa'i chags pa yin pa'i don to/ /dug gi dum bu gang nyid kyis/ /zhes pa ni phyi rol gyi dngos po'i de kho na nyid kyis bskyed pa'i skyon nyes pa yul gyi chags pa'i mtshan nyid do/ /ji ltar rlung gis zin pa de'i/ /zhes bya ba la sogs pas ni gang zag las byung ba'i dbang po'i mngon par zhen pa'i mtshan nyid do//ji ltar rna bar chu zhugs pa la sogs pas ni phyi dang nang gi yul dang dbang po gnyi ga chags pa'i mtshan nyid do/ /ji ltar me yis tshig pa yang / /zhes bya ba la sogs pas ni gnyi gas bskyed pa'i chags pa bde ba la sogs pa'i rnam par nyams su myong ba'i mtshan nyid do//thams cad nyid rang bzhin gyis rnam par dag pa ste rang gi dngos po ni rang bzhin te/ gang gis dngos po gang gi rang bzhin des rnam par dag pa yin te kun rdzob kyi bden pa rnam par dag pa nyid don dam pa'i bden pa de rnam par dag pa'o//bskyed pa'i rim pa nyid rdzogs pa'i rim pa yin pas de kho na nyid can gyi thams cad nyid chos kyi dbyings shin tu rnam par dag pa'i rang bzhin no/ /rnam par ma dag pa cung zad kyang med par bsdu bar gsungs pa/ skye bo mi bzad pa yi las//gang dang gang gi 'ching ba ni/ /thabs dang bcas na 'di nyid kyis/ /srid pa'i 'ching las grol bar 'gyur/ /ni'i sgra ni gang gi phyir gyi don to/ /gang dang gang gi mi bzad las ni drag po'i las so/ /skye bo ni srog chags so/ /'ching ba ni bcings par gyur pa'o//de nyid kyi las kyis grol ba ni grol bar 'gyur ba'o/ /cis khyad 'phags she na/ 'ang gi sgra ni gang gi phyir gyi don to/ /thabs dang bcas na ni thabs dang ldan par gyur pa'o/ /thabs dang bcas pa des nges so/ /de'i don ci zhe na/ don 'di'o/ /las kyi sgra ni yin gyi kun du rtog pa de nyid ma rig pa'i mngon par zhen pa yin pas mi bzad pa'i las zhes brjod do//des bcing bar 'gyur ba ni/ de nyid lta'i mngon par zhen pa'o/ /thabs dang bcas pa des na grol bar 'gyur ro/ /de'i phyir bcings pa dang grol ba zhes bya ba yang ma rig pa dang de ldog pa yin gyi rang bzhin la ni bcings pa dang grol ba yod pa ma yin no//'ching ba'i rtog pas ni grol ba'i rtog pa la grol ba'i rtog pas ni 'ching ngo / /dper na thag pa 'khyil pa la sbrul du snang ba na rang bzhin nyid la thag pa la sbrul du snang ba ma 'khrul pa'o/ /de la sbrul du shes pa ni 'khrul ba'o//de nyid la ma rig pa zhes brjod do/ /de'i 'khrul pa nyid thag pa la sbrul du 'khrul ba'i sa bon log nas thag pa 'khyil pa ma 'khrul par shes par grub pa nyid do/ /ma 'khrul pa'i rtog pa ni 'khrul par rtogs pas bsgrubs pa'i phyir te/ 'khrul par shes pa med na yang ma 'khrul par shes pa yang cung zad kyang med pa nyid do//de bas na kun rdzob kyi bden pa nyid don dam pa'i bden pa yin zhing bden pa gnyis kyi bdag nyid kho na nyams su myong ba'i rang bzhin yang dag pa'i shes pa yin no/ /yang na des bcings so/ /cis she na/ mi bzad pa'i las kyis so//skye bo gang gis ni srog chags bcings pa'o/ /'ang gi sgra ni khyad par gyi don te/ khyad par du grol to/ /cis she na/ rigs pa'i tshul gyis te/ theg pa chen po la sbyangs pas so/ /cir 'gyur zhe na/ thabs dang bcas pas te/ thabs dang ldan pas so/ /gang gsungs pa//thabs dang bral bar gyur pa'i phyir/ /dngos med tsam zhig bsgrubs na yang / /rang gzhan don la nus pa ni/ /med phyir nam mkha'i me tog bzhin/ /ces gsungs so/ /de phyir rdzogs pa'i rim pa bsgrub pa yang bskyed pa'i rim pa la ltos pa dang bcas pa yin pa'i don to/ /spyir mngon par bstan nas khyad par du nye bar bstan pa'i phyir gsungs pa/chags pas 'jig rten 'ching gyur pa/ /'dod chags nyid kyis rnam grol 'gyur/ /bzlog pa'i bsgom pa 'di rnams ni/ /sangs rgyas mu stegs pas mi shes/ /chags pas zhes pa ni chags pa'i mtshan nyid kyis so//'jig rten ni skye bo bcings pa'o/ /'dod chags nyid kyis ni lha'i rnam par dag pa chags pa'i mtshan nyid kyis rnam par grol lo/ /ni ni gang gi phyir gyi don to/ /bzlog pa'i bsgom pa 'di rnams ni/ /zhes pa ni phyin ci log tu snyoms par zhugs pa 'di gang las so/ /'di sangs rgyas mu stegs kyis mi shes ni nyan thos la sogs pa rang gi 'khor nyid kyis kyang gang du mi shes na/lta ba gzhan la brten pa rnams kyis lta smos kyang ci dgos zhes thabs kyi che ba'i bdag nyid bstan to/ /yang na ni gang gi phyir ro/ /bzlog pa'i bsgom pa 'di rnams ni/ / zhes pa ni b+ha'i sgra ni rnam pa sna tshogs pa'i tshul lo/ /des na pa ri ta ni rigs pa'i phung po'o/ /bsgom pa zhes pa ni bzlog pa'i bsgom pas khams gsum ma lus pa'i bstan pa dang / g.yo ba dbyer med par snyoms par 'jug pa yin no/ /de sangs rgyas mu stegs kyis mi shes ni de rnams kyi spyod yul ma yin pa'i phyir zhes dgongs pa'o//yang na/ chags pas 'jig rten 'ching 'gyur ba/ /zhes pa la/ 'jig rten ni phung po lnga rnams so/ /chags pas ni dga' ba la sogs pa rnam par dga' ba'i bar du'o/ /'ching 'gyur ba ni mi g.yo bar 'gyur ba'o//chags pa nyid kyis ni de nyid kyis rnam grol 'gyur te/ /yul gyi chags pa las rnam par grol bar 'gyur ro/ /'di ji ltar yin pa gsungs pa/ ni ni gang gi phyir gyi don to/ /bzlog pa'i bsgom pa zhes pa ni gzugs sna tshogs pa yongs su gyur par snyoms par 'jug pa'o/ /mi shes ni ma rtogs pa'o//sus she na/ sangs rgyas nyan thos kyis te/ yul dang dbang po dang rnam par shes pa rnams kyis te de yang snyoms par 'jug pa'o/ /'di rnams ni zhes pa ni dga' bral sngon du 'jug pa'i lhan cig skyes pa'i dga' ba'i rang bzhin yin pa'i don to/ / bzlog pa'i bsgom pa'i don nyid mngon par gsal bar mdzad pa/ 'byung ba lnga yi rang bzhin las/ /kun du ru la lnga ru 'gyur/ /dga' ba chen po gcig nyid las/ /dbye bas lnga ru 'gro bar 'gyur/ /gcig nyid ni gnyis su med pa nyid do/ /dga' ba chen po zhes pa ni lhan cig skyes pa'i dga' ba'o//lnga ni ye shes lnga'i rang bzhin nyid do/ /'gyur zhes pa ni thob pa'o/ /ji ltar zhe na/ dbye ba ste/ tha dad par byas pa ste/ spro ba'i rang bzhin gyis yin pa'i don to/ /kun du ru la zhes pa ni rdo rje dang pad+ma mnyam par sbyar bas dga' ba la sogs pa rnam pa lngar 'chang bar 'gyur ro//'di ji ltar yin pa gsungs pa/ 'byung ba lnga yi rang bzhin las/ /kun du ru nyid 'byung ba chen po lnga'i bdag nyid yin pa'i phyir ro/ /yang na kun du ru ni thabs dang shes rab dbyer med pa'i ye shes rnams la'o/ /de yang dga' ba chen po gcig nyid las ni lhan cig skyes pa'i rang bzhin no//ji ltar zhe na/ 'byung ba'i rang bzhin las te/ de kho na nyid kyi rang bzhin las so/ /de nyid kyang dbye bas lnga dang lnga dang lngar 'gyur te/ bco lngar phye ba'i phyir ro/ /gang gi phyir mkha' 'gro ma bco lnga'i rang bzhin nyid lhan cig skyes pa'i dga' ba ste//rnal 'byor ma ni de yi cha/ /zhes bya ba'i tshig gis so/ /yang na gcig nyid de bzhin gshegs pa lnga dang dbyer med pa yin pas gnyi ga dbyer med pa nyid thams cad do/ /de nyid gsal bar mdzad pa/ /bo la kak+ko la sbyor bas/ /reg pas sra ba'i bag chags nyid/ /sra ba gti mug chos kyi phyir/ /gti mug rnam par snang mdzad brjod//gang phyir byang sems gsher ba nyid/ /gsher ba chu yi khams su brjod/ /chu ni mi bskyod gzugs kyi phyir/ /zhe sdang 'dren pa mi bskyod pa/ /gnyis kyi bskyod pa'i sbyor ba las/ /drod ni rtag tu skye bar 'gyur/ /'dod chags dpag med rdo rje yin//'dod chags drod sogs 'byung bar 'gyur/ /kak+ko lar ni gang zhig sems/ /de ni rlung gi rang bzhin can/ /phrag dog don yod grub pa yin/ /don yod rlung las byung ba nyid/ /bde ba'i 'dod chags khrag tu 'gyur/ /dga' ba nam mkha'i mtshan nyid de/ /nam mkha' ser sna rdo rjer 'gyur//ser sna nam mkha'i las byung nyid/ /sems ni chen po gcig nyid la/ /lnga yi gzugs kyis rnam par mtshon/ /rigs ni lnga po de nyid las/ /stong phrag du ma skyed pa nyid/ /de'i phyir 'di dag rang bzhin gcig /bde chen mchog tu phan pa nyid/ /'dod chags la sogs sems lnga yi//dbye bas lnga ru 'gro bar 'gyur/ /zhes pa ni/ 'byung ba lnga yi rang bzhin las/ /kun du ru la lnga ru 'gyur/ /dga' ba chen po gcig nyid las/ /dbye bas lnga ru 'gro bar 'gyur/ /zhes mdor bstan pa'i rgyas par bshad pa tshigs bcad 'di rnams yin no//rdo rje pad+ma mnyam par sbyar nas reg pa'i skad cig der yang sra ba'i bag chags nyid skye ste/ sra ba'i rang bzhin gyis sa'i khams so/ /de'i yang gti mug ni mi gsal ba'i chos so/ /de nyid rnam par snang mdzad brjod ni/ ye shes lnga dang sku gsum dang thabs dang shes rab kyi rang bzhin las so//de nyid/ bo la kak+ko la sbyar bas/ /reg pa las ni byang chub kyi sems mi gsal bar nang du thim par gang 'byung ba'o/ /de ni gsher ba'i rang bzhin no/ /de yang chu yi khams su brjod/ /ces pa ni ye shes lnga dang sku gsum dang thabs dang shes rab kyi rang bzhin yin no//chu ni mi bskyod gzugs kyi phyir ni/ gang zhe sdang 'di nyid la rnam pa gnyis yin pa'i don to/ /'dren pa mi bskyod pa zhes pa ni 'di thams cad nyid kyi bdag po ni byang chub kyi sems yin no/ /yang na mi bskyod pa yang yin la 'dren pa yang yin pas 'dren pa mi bskyod pa ste/rdo rje sems dpa' dang lhan cig dbyer med pa'i phyir ro/ /de nyid kyi phyir zhe sdang ste/ 'di nyid du nga rgyal yang 'dus pa yin pas logs shig pa med do/ /rdo rje pad+ma bskyod pa las ni drod skye bar 'gyur ro/ /de yang rtag tu ni de bzhin gshegs pa thams cad kyis byin gyis brlabs pas rtag tu 'char ba'i rang bzhin de bzhin gshegs pa rin chen gtso bo'o//de nyid 'dod chags dpag med rdo rje yin ni/ /dpag med rdo rje dang rin chen 'byung ldan dbyer med pa'o/ /gang gi phyir zhe na/ gang 'dod chags ni 'od dpag med do//drod las 'byung bar 'gyur ni me'i khams las skye ba'o/ /de yang 'byung ba ni/ 'dus pa'i tshul du 'byung ba ste/ de bzhin gshegs pa la sogs pa dbyer med pa'i phyir yin pa'i don to/ /kak+ko lar ni gang zhig sems/ /zhes pa ni btsun mo'i pad+ma'i nang du sems 'phos pa'o//de ni rlung gi rang bzhin can ni g.yo ba'i tshul gyis rlung gi khams yin pa'i don to/ /de yang don yod ni don yod grub pa'o/ /gang gi phyir rlung las byung ni/ rdo rje rta mchog yin pa'i phyir don yod yin par dgongs so/ /de yang phrag dog go//yang na rlung las byung ni/ thams cad mkhyen pa'i ye shes kyi rang bzhin no/ /bde ba ni nyams su myong ba'i mtshan nyid do/ /de nyid 'dod chags su 'gyur ro/ /ji ltar zhe na/ khrag de ste/ chags pa de'o/ /khrag ni nam mkha'i mtshan nyid de/ /zhes pa ni//bde ba yang ni nam mkha'i khams/ /zhes pa'i tshig las so/ /nam mkha'i khams ni nam mkha' yang phra ma rdo rje'o/ /phra ma rdo rje zhes pa ni rin chen gtso dang 'od dpag tu med pa dbyer med pa'o/ /'dis ni sngar rin chen gtso bo phra ma rnam par dag par ma bstan pa ni 'od dpag med kyi rnam par dag pa nyid rin chen 'byung ldan la/rin chen 'byung ldan rnam par dag pa nyid 'od dpag tu med pa'o/ /de ltar thabs dang shes rab gnyis su med pa gang de nyid 'byung ba rnams te/ sa la sogs pa yul gyi rang bzhin no/ /de nyid gzugs la sogs pa'i phung po lnga dang dbang po rnams te/de nyid gti mug la sogs pa'i rang bzhin gyi skye mched drug rnams so/ /'di nyid kyang yul dang dbang po dang rnam par shes pa'i rang bzhin des rdo rje gsum gyi rang bzhin gyi ye shes de yin no/ /dga' ba chen po yang ni bzhi pa'i skad cig gi rang bzhin no//gcig nyid ces pa ni gnyis su med pa 'di khams gsum gyi rang bzhin no/ /de nyid gsal bar byas pa sems ni gcig nyid la ni byang chub kyi sems chen po gang ngo / /lnga'i gzugs kyis rnam par mtshon ni rtogs pa'o/ /rigs ni lnga po skyes pa nyid ni gcig yod pa nyid las stong phrag du mar 'gyur te/gcig nyid la lngar phye ba dang du ma yin pa'i phyir ro/ /slar yang de re re zhing yang lnga lnga'i dbye bas phye bar gyur na stong phrag brgyar 'gyur ba mtha' yas pa'i rigs su 'gyur bar gsal lo/ /de phyir 'di dag rang bzhin gcig /bde ba chen po ni thams cad rang bzhin gcig pas so/ /de nyid kyi phyir/ mchog tu rtag pa nyid ni rnam pa thams cad gcig pa'i rang bzhin dbyer med pa'o/ /dbye bas ni yongs su brtag pa las so/ /de lnga ru 'gro bar 'gyur ni/ ye shes lnga'i rang bzhin gyis rtogs pa'o//'dod chags la sogs sems lnga yis ni/ 'od dpag tu med pa la sogs pa'i rgyu'i gtso bo lnga rnam par shes pa lnga po rnams kyi gang de yin par dgongs so/ /stong phrag du ma zhes mdor bstan pa'i rgyas par bshad pa/ gang+gA'i klung gi bye snyed mtshungs pa'o//rigs gcig la ni de bzhin gshegs pa'i tshogs/ /rigs kyi tshogs la rigs ni mtha' yas rnams/ /de rnams rigs la rigs ni rnam pa brgya/ /de rnams la yang 'bum phrag rigs chen rnams/ /bye ba'i rigs rnams mang por 'gyur ba ste//bye ba'i rigs rnams dag ni grangs med rnams/ /mchog tu dga' ba'i rigs las byung ba rnams/ /rigs gcig rnams la zhes pa ni de bzhin gshegs pa gcig la mang po'i tshig bsdu ba'i tshul lo/ /gcig la mtha' yas thug pa med pa'i rang bzhin gyis rnam par gnas pa yin no//du zhe na/ de bzhin gshegs pa'i tshogs te/ de bzhin gshegs pa lnga rnams te/ gang zag dman pa'i dbang du byas te bstan pa'o/ /slar yang de cis khyad 'phags she na/ gang+gA'i klung bcu'i bye ma snyed dang mtshungs pa ste mtshungs pa'o//'dis ni bgrangs na bye ba dang 'dra bar mtshon te thug pa med par yang bstan to/ /gang zag 'bring gi dbang byas nas/ /zhes pa'i tshig gis so/ /de bzhin gshegs pa lnga rnams dang / gang+gA'i klung gi bye ma snyed rnams dang mtshungs pa de rnams las rigs mtha' yas rnams dang grangs med kyi rigs rnams su 'gyur te/gang zag rab kyi dbang byas nas/ /zhes gsung rab las so/ /ji ltar 'di mtha' yas pa'i rigs yin pa'i rim pa gsungs pa/ de rnams la zhes ni dmigs kyi bkar ba'i bdun pa'o/ /de rnams kyi nang nas rigs gang yang rung ba de nyid la mang po'i tshig nyid de/de nyid mang po yin pa'i phyir ro/ /rigs ni rnam pa brgya zhes pa ni 'byung ba chen po bzhi dang / de bzhin gshegs pa lnga'i bdag nyid de re re zhing yang lnga lngar phye bas nyi shu rtsa lnga'o/ /nyi shu rtsa lnga po de bzhi 'gyur byas pas rigs brgyar 'gyur ro//rigs ni rnam pa brgya po de rnams la yang / de ltar lngar phye bas stong phrag lnga dang stong phrag dang khri phrag la sogs pa'i dbye bas 'bum phrag rigs so/ /de nyid kyi phyir re zhig chen po ni de yang rnam pa lngar phye bar gyur na/ rigs lnga la sogs pa'i dbye bas bye ba phrag phyed dang gsum mo//'byung ba chen po bzhi po des de rnams kyang bzhi 'gyur du bsgres pas rig byed pa rnams su 'gyur ro/ /de ltar re zhig mang por 'gyur ba ste/ bye ba'i rigs rnams la ni grangs med rnams de bzhin du lnga'i dbye bas de phye bar gyur na grangs med pa'i rigs so//grangs med rnams zhes pa'i mang po'i tshig ni mtha' yas pa nyid yin pas mtha' yas pa'i rigs yin par grub bo/ /bsdu ba gsungs pa/ mchog tu dga' ba'i rigs las byung ba rnams/ /zhes pa mchog tu dga' ba'i sgra ni lhan cig skyes par brjod do/ /de las byung ba nyid ni khams gsum thams cad gnyis su med cing gnyis su byar med pa 'di yin no//rang 'dod lha yi rnal 'byor gyis/ /sems can ji ltar 'grub par 'gyur/ /zhes pa'i the tshom za ba med par 'grub ste/ rim pa gnyis dbyer med pas grangs med pa'i rigs rnams te/mchog tu dga' ba'i rigs las byung ba rnams zhes pa 'dis bcom ldan 'das kyis gsal bar mdzad do/ /dgyes pa'i rdo rje'i mkha' 'gro ma dra ba'i bde mchog las dngos grub gtan la dbab pa zhes bya ba'i rim par phye ba ste gnyis pa'o/ /dgyes pa'i rdo rje zhes bya ba ni/rdo rje 'dzin pa dang bdag med ma dbyer med pa'o/ /mkha' 'gro ma dra ba'i bde mchog las zhes pa la mkha' 'gro ma dra ba'i sgra ni bdag med ma la sogs pa'i mkha' 'gro ma'o/ /bde mchog gi sgra ni rdo rje 'dzin pa'o/ /'di ltar bdag med ma dang dbyer med pa'i rdo rje 'dzin pa'i ye shes gnyis po gnyi ga dbyer med par rtogs nas des gdon mi za bar 'gyur ro//dngos grub ni dngos po gtan la dbab pa'o/ /de lta bur gyur pas rim par phye ba ste sbas pa'i don rab tu gsal bar byed pa'o/ /gnyis ni gnyis pa rdzogs pa'i rang bzhin no/ /yang na gnyis su med par gnyis med rtogs pa'i rang bzhin gnyi ga dbyer med pa'i phyir zhes pa'i don to//dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel pa las brtag pa gnyis pa'i le'u gnyis pa'o// //da ni dngos grub gtan la phab pas the tshom med par gyur par gnas pa las sa brgyad pa la 'jug pa thug par bdud kyi ris sems can 'jug pa sa brgya la bstan pa'i don bskyud par 'gyur ba'i dogs pa bcom ldan 'das nyid kyis bsus nas/rgyud thams cad kyi gleng gzhi'i thabs rnal 'byor ma rnams la gsungs pa yin no//de gsungs pa/ /de nas rdo rje can gyis rnal 'byor ma rnams la rgyud thams cad kyi gleng gzhi zhes bya ba'i thabs bka' stsal ba/ rgyud thams cad kyi sgra ni ye shes dang rnam shes la sogs pa'i nus mthu ma lus pa yang dag par rdzogs par byang chub pa la thug pa ni rgyud thams cad do//de'i gleng gzhi ni dang po'i rgyu'o/ /de nas zhes bya ba ni rjes thogs su bar ma chad pa'o/ /rdo rje can zhes pa ni mi phyed pa'i sku'o zhes bya ba ni 'di ni brda tsam mo/ /ngag gi spyod yul las 'das pa nyid de ni rdo rje can zhes brjod do/ /de yang thabs ni rdo rje 'dzin pa'i ye shes so//de gang rnams kyi zhe na/ rnal 'byor ma rnams kyi ste/ bdag med ma la sogs pa rnams kyi yin pa rnal 'byor ma'i ye shes dang dbyer med pa'i phyir rdo rje 'dzin pa'i ye shes so/ /bka' stsal pa zhes pa ni brjod du med pa nyid kyi chos ston cing 'chad pa la bka' stsal pa'o//gang 'phags pa'i zhal snga nas gsungs pa/ gang gis brjod du med pa'i chos/ /thugs rje'i tshig gis bstan pa yin/ /thugs rjes rjod par byed pa'i tshig gis brjod pas gsungs zhes pa'o/ /de nyid rgyud thams cad kyi gleng gzhi'i thabs gsungs pa/sdom pa dang ni dbang dang yang / /de bzhin dgongs pas bshad pa dang / /dga' dang skad cig dbye ba dang / /gzhan yang bza' ba la sogs pa/ /zhes bya ba 'di ni mdor bstan pa'o/ /'di'i rnam par bshad pa gsungs pa/ de la sdom pa bka' stsal pa/ re zhig sdom pa gsungs pa'o//sangs rgyas kun gyi sdom pa ni/ /e waM rnam par rab tu gnas/ /rang rig bde ba chen po ni/ /de yang dbang las shes par bya/ /sdom pa'i sgra ni rim par phye ba dang po mdor bstan pa'i rgyas par bshad pa'o/ /yang sangs rgyas kun gyi sdom pa ni bsdu ba'o//rab tu gnas ni re re zhing gnas pa'o/ /gang du zhe na/ e waM rnam par te/ thabs dang shes rab gnyis su med pa'i ye shes su'o/ /yang na sangs rgyas kun ni phung po dang khams dang skye mched la sogs pa rnams kyi'o/ /e waM rnam pa ni thabs dang shes rab gnyis su med par rtogs pa yod pa'o//sdom pa ni rdo rje 'dzin pa'i ye shes so/ /rab tu gnas ni so so zhing yang rnam par gnas pa'o/ /'dis ni thabs dang shes rab dbyer med par rtogs pa zhes bya ba spro ba dang bsdu ba'i tshul bden pa gnyis kyi bdag nyid kyi ye shes yin no/ /e waM ma yA zhes bya ba la sogs pa rim par phye ba dang por mdor bstan pa'i e waM nyid kyi gleng gzhi'i tshig yin par bstan to//de nyid sdom pa ji ltar shes pa yin par gsungs pa/ dbang las ni dbang bskur ba'i rim par phye bar mdor bstan pa'i rgyas par bshad pa'o/ /shes par bya ni rtogs par bya ba'o//cis khyad 'phags she na/ de'i sdom pa ni ma ning ngo / /rang rig bde ba chen po ni zhes pa yang dag pa'i ye shes so/ /de yang zhes pa ni/ e waM rnam par gnas pa'o/ /de nas bcom ldan 'das rdo rje sems dpa' la/ rnal 'byor ma rnams kyis 'di skad ces gsol to//de nas zhes pa ni rjes thogs su'o/ /rdo rje sems dpa' zhes pa ni/ /rdo rje gsum dbyer med pa'o/ /bcom ldan 'das zhes pa ni dbang phyug la sogs pa ma lus pa'i yon tan dang ldan pa'o/ /rnal 'byor mas zhes pa ni bdag med ma la sogs pa gnyis su med pa'o//'di skad ces gsol to zhes pa ni 'chad par 'gyur ba gsol ba'o/ /sangs rgyas kun gyi sdom pa ni/ /e waM yi ger rab tu gnas/ /zhes bcom ldan 'das kyis gsungs nas/ bcom ldan ston pa 'gro ba'i bla/ /mkha' 'gro ma yi sdom pa nyid/ /e waM rnam pa ci zhes brjod//rim pa ji ltar bshad du gsol/ /gal te re zhig sangs rgyas kun gyi sdom pa e waM yin pa de zhin du mkha' 'gro rnams kyi sdom pa yang e waM rnam pa ma ning yin no/ /de nyid e waM rnam pa ci zhes brjod/ /de bcom ldan ston pa zhes pa ni ston pa'o/ / de nyid kyi phyir 'gro ba'i bla ma'o/ /bshad du gso ni bstan cing brjod par bshad du gsol lo/ /rim pa ji ltar ni yongs su brgyud pa'o/ /de la bcom ldan 'das kyis bka' stsal pa/ e yi cha byad bzang po gang / /dbus su waM gis rnam par brgyan//bde ba thams cad kyi ni gnas/ /sangs rgyas rin chen za ma tog /yi ge e yi cha byad ni e yi cha byad do/ /bzang po gang zhes pa ni lha'i gnas so/ /'di ji ltar yin zhe na/ dbus su ste de'i nang du'o/ /waM gyis rnam par brgyan ni byang chub kyi sems kyis yang dag par brgyan pa'o//de nyid kyi phyir bde ba thams cad kyi ste ma lus pa'i ye shes rnams kyi'o/ /gnas ni gzhir gyur pa'o/ /de nyid kyi phyir/ sangs rgyas rin chen ni rdo rje 'dzin pa'o/ /za ma tog ni sgrom bu'o/ /yang na e yi cha byad ni gang bdag med ma'i rang bzhin de'o/ /bzang po zhes pa ni lha thams cad kyi rang bzhin no//dbus su zhes pa ni de'i tshogs su byed pa nyid do/ /waM gyis rnam par brgyan ni stong pa nyid dang snying rje dbyer med pa'i byang chub kyi sems kyi rang bzhin no/ /bde ba thams cad kyi ni gnas/ /zhes pa ni de sku gsum gyi rang bzhin yin no/ / sangs rgyas rin chen za ma tog /ces pa ni/ thabs dang shes rab dbyer med pa ye shes lnga dang sku gsum gyi bdag nyid gnyis su med pa bzhi pa lhan cig skyes pa'i rang bzhin rdo rje 'dzin pa'i ye shes yin pa'i don to/ /rang rig de yang dbang las shes par bya zhes gang bstan pa de 'dis bstan pa yin no//bde ba chen po ni zhes pa ni/ gang yang de bstan pa yin no/ /skad cig dbye bas phye ba nyid/ /dga' ba de las skye bar 'gyur/ /skad cig shes nas bde shes pa/ /e waM rnam par rab tu gnas/ /de la zhes pa ni/ e waM gyi rnam pa de nyid la'o/ / dga' ba ni bzhir 'gyur ro/ /ji ltar zhe na/ skad cig dbye bas phye ba nyid yod pa'o/ /skad cig ni yongs su shes par bya ba'i phyir ro/ /bde ba ni bde ba nyams su myong ba'o/ /de nyid ces pa ni yang dag pa'i ye shes so/ /'dis ni bde ba chen po e waM gyi rnam par rab tu gnas pa skad cig dbye ba las dga' ba la sogs pa bzhir dbye ste/skad cig ma bzhi yang bde ba bzhi rtogs pas so/ /'dis ni stong pa nyid bcu drug rnam par dag pa'i ye shes yang dag pa'i shes pa e waM gyi rnam pa'i rang bzhin nyid yin te don dam par na yang bye brag cung zad kyang yod pa ma yin no//dga' ba bzhi ni gzhan dag tu bstan pa'i phyir ro/ /skad cig ma bzhi gsungs pa/ sna tshogs dang ni rnam smin dang / /rnam nyed de bzhin mtshan nyid bral/ /skad cig bzhi ni rab shes pa/ /de ltar rnal 'byor pas shes 'gyur/ /rnal 'byor pa zhes pa ni/ gnyis su med par rtogs par gnas shing shes pa'o//de ltar zhes pa ni thabs dang shes rab kyi rang bzhin no/ /ci byas nas she na/ rab shes pa ste/ yang dag par rtogs pa'o/ /ci zhe na/ skad cig bzhi ste rnam pa sna tshogs la sogs pa'i skad cig ma bzhi'o/ /yang na skad cig bzhi ni bzhi pa'i skad cig ma lhan cig skyes pa'i dga' ba der shes nas yin pa'i don to//rnam pa sna tshogs la sogs pa'i don gsungs pa/ sna tshogs rnam pa sna tshogs brjod/ /'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /rnam par nyed pa dpyod par brjod//bdag gi bde ba spyad do zhes/ /mtshan nyid bral ba gsum las gzhan/ /chags dang chags dral rnam par spangs/ /sna tshogs dang po dga' ba nyid/ /rnam smin la ni mchog dga' nyid/ /rnam nyed dga' ba dga' bral nyid/ /lhan cig skyes dga' mtshan nyid bral//dga' ba ni chags pa sna tshogs pa 'byung ba'o/ /sna tshogs pa nub ste/ bde ba 'dus te gcig tu nyams su myong ba ni mchog tu dga' ba'o/ /bdag gis bde ba nyams su myong ngo zhes sems dang sems med pa ni rnam par dga' ba'o/ /mtshan gzhi dang mtshan nyid dang mtshon pa rnams mi dmigs pa'i ye shes ni lhan cig skyes pa'i dga' ba'o//sna tshogs rnam pa sna tshogs brjod/ /ces bya ba la sogs pa nas/ lhan cig skyes dga' mtshan nyid bral/ /zhes pa'i bar gyi tshigs su bcad pa gsum gyis gang gsungs pa de'i don ni 'di yin te/dga' ba la sogs pa bzhi nyid do/ /dbang bstan pa ni/ slob dpon gsang ba shes rab dang / /de ltar de bzhin bzhi pa yang / /dbang ni bzhi yi grangs kyis ni/ /dga' ba la sogs rim shes bya/ /slob dpon gyi sgras ni rdo rje'o/ /gsang ba'i sgras ni chos 'byung ste gnyi ga dbyer med pa'i rdo rje gsum dbyer med pa'o//shes rab ni rnam par dga' ba'o/ /bzhi pa ni gang lhan cig skyes pa'o/ /de yang de bzhin no zhes pa ni sngar gyi bzhin no zhes pa'i don to/ /dgod pa dag pa slob dpon nyid/ /lta ba gsang ba de bzhin no/ / lag bcangs la ni shes rab nyid/ /de yang gnyis gnyis sprad pa'i rgyud/ /dgod pa dag la zhes pa ni/ /bya ba dang spyod pa dang rnal 'byor dang / rnal 'byor bla na med pa dang / rnal 'byor gong na med pa'o/ /bya ba dang spyod pa'i rgyud ni dgod pa zhes brjod do/ /rnal 'byor gyi rgyud ni lta ba zhes brjod do//rnal 'byor bla na med pa ni lag pa bcangs pa'o/ /rnal 'byor gong na med pa ni gnyis gnyis sprad pa'i rgyud do/ /rgyud ni rnam pa bzhi yis kyang / /dgongs pa'i skad kyi sgra yis min/ /zhes 'chad par 'gyur ro/ /'dis ni rnam pa sna tshogs kyi skad cig gi rang bzhin/ dga' ba'i ngo bo nyid slob dpon nyid du brjod pa'i dgod pa'i sgras gtan la phab pa/bya ba dang spyod pa'i rgyud kyi rnam par dag pa'i skad cig ma bzhi'i rang bzhin rnam pa sna tshogs la sogs pa'o/ /de ltar rnam par smin pa'i rang bzhin mchog tu dga' ba'i ngo bo gsal ba'i dbang du brjod pa'i lta ba'i sgras gtan la phab pa rnal 'byor gyi rgyud kyi rnam par dag pa skad cig ma bzhi'i rang bzhin dga' ba la sogs pa'o//de ltar rnam par nyed pa'i rang bzhin dga' bral gyi ngo bo shes rab tu mngon par brjod pa'i lag pa bcangs pa'i sgras gtan la phab pa/ rnal 'byor bla na med pa'i rgyud kyi rnam par dag pa skad cig ma bzhi slob dpon la sogs pa'o//de ltar mtshan nyid dang bral ba'i rang bzhin lhan cig skyes pa'i dga' ba'i ngo bo de'i sgrar mngon par brjod pa'i gnyis gnyis sprad pa'i rgyud kyi rnam par dag pa skad cig ma bzhi'i rang bzhin dgod pa la sogs pa'o/ /de ltar bzhi bzhis stong pa nyid bcu drug gi rang bzhin nyid yin no//de ltar thams cad bzhi bzhi'o/ /zhes mdor bstan pa'i don rgyas par bshad pa'o/ /yang na dgod pa'i sgras ni rab tu gsal ba'i rang bzhin rnam par shes pa tsam mo/ /lta ba'i sgras ni/ 'di de zhes 'byed pa'i rang bzhin du rab tu 'jug par gyur pa'i rnam par shes pa'o//lag pa bcangs pa'i sgra ni/ lnga po gnyis kyi bdag nyid yul dang dbang po gzung ba dang 'dzin pa'i mngon par zhen pas bde ba la sogs par nyams su myong ba'i mtshan nyid kyi rnam par shes pa'o/ /gnyis gnyis sprad pa'i rgyud kyi sgras ni thabs dang shes rab dbyer med pa'i sku gsum dang ye shes lnga'i bdag nyid bde ba la sogs pa yal bar dor ba'i rang bzhin 'od gsal gyi ye shes gang de lhan cig skyes pa yin no//'dir yang dga' ba la sogs pas rim par bshad pa de nyid gsungs pa/ sems can rnams kyi dngos grub phyir//dbang ni rnam pa bzhi ru bshad/ /dbang gi don nyid gsungs pa/ /gtor dang bkrus pa zhes bya 'dis/ /des na dbang zhes brjod par bya/ /bkrus pa zhes pa ni dri ma med par byed pa ste/ rim pa gnyis rnam par dag pa'i gnyi ga rnam par dag pa des glo bur pa'i dri ma bsal nas shin tu rnam par dag pa'i chos kyi dbyings kyi rang bzhin skyed par byed pa dbang gi don to//dbang rnam pa bzhi nyid gsungs pa/ shes rab bcu drug lon pa la/ /lag pa gnyis kyis yang dag 'khyud/ /rdo rje dril bu mnyam sbyor ba/ /slob dpon dbang du rab tu bshad/ / bla ma'i rim pa las yod pas don ni go sla ba nyid do/ /yang na lag pa gnyis zhes pa ni yul dang dbang po gnyis kyis so/ /yang dag 'khyud ces pa ni dbyer med par byas pa'o/ /shes rab ces pa ni gnyi ga dbyer med pa'i ye shes so/ /nges zhes pa ni nges pa'i don to/ /cis khyad 'phags pa yin pa gsungs pa/bcu drug lon pa la ste/ stong pa nyid bcu drug rnam par dag pa de'i ye shes so/ /ji ltar zhe na/ rdo rje dril bu zhes pa ni nA da phreng gnyis so/ /rdo rje 'dzin pa ni de dang dbyer med pa'o/ /mnyam sbyor ba'i sgras ni mnyam par dbyer med pas bskyar zhing sbyor ba ni kun du sbyor ba'o//de'i phyir slob dpon zhes pa ni rdo rje 'dzin pa'i ye shes so/ /dbang zhes pa ni shin tu rnam par dag pa'i chos kyi dbyings kyi rang bzhin no/ /'dod ces pa ni ye shes kyi rnam pa'o/ /yang na rdo rje dril bu'i sgra ni rdo rje dang pad+ma snyoms par zhugs pa'i rim pas dga' ba bzhi la sogs par rtogs pa'i rnam par dag pas so//slob dpon gyi ni dbang du 'dod/ /ces pa ni/ bstan zin pa'i don nyid do/ /'dis ni slob dpon gyi dbang gi ming gzhan yin no/ /gsang ba'i dbang gsungs pa/ shin tu bzhin bzangs mig yangs ma//gzugs dang lang tshos rnam par brgyan/ /mthe bo srin lag dag gis ni/ /slob ma'i kha ru dbab par bya/ /ston pas shes rab rab tu mchod/ /mchod par byas nas gtad par bya/ /ston pa zhes pa ni bla ma'o/ /shes rab ni btsun mo'o/ /mchod pa ni bsten pa'o/ / ci khyad 'phags she na/ shin tu bzhin bzangs la sogs pa'i yon tan gyis khyad 'phags pa'o/ /mchod nas zhes pa ni bsten nas so/ /slob ma'i kha ru zhes pa ni slob ma'i khar ro/ /dbang bar bya zhes pa ni byang chub kyi sems so/ /gsang ba'i don gdams ngag las go bar bya'o//gang dag gis she na/ mthe bo srin lag gis te sor mo gnyis kyis so/ /yang na mthe bo dang srin lag gnyis kyis rdo rje nas bzung nas slob ma'i khar byang chub kyi sems dbab par bya'o/ /'di ni gdams ngag las go ba yin no/ /de'i rjes thogs su yang shes rab ste/ /gtad par bya zhes pa ni slob ma la'o//yang na shin tu bzhin bzangs zhes pa ni/ gsung rdo rje'i rang bzhin no/ /mig yangs ma zhes pa ni sems gtso bo'i lus so/ /gzugs dang lang tshos rnam par brgyan/ /zhes pa ni phyag dang zhal gyi rnam pa la sogs pa'i rang bzhin no/ /de lta bur gyur pa sku gsum gyi rang bzhin no//shes rab ni bdag med ma'o/ /ston pa ni rdo rje 'dzin pa'o/ /mchod pa ni yang dag par rtogs pa'o/ /ji ltar zhe na/ gang gi phyir mthe bo srin lag gis ni gtad par bya ste mthe bo ni rdo rje 'dzin pa'o/ /srin lag ni bdag med ma'o/ /de dag gis ni zhes pa ni mnyam par dbyer med pas so//gtad par bya ni rnam par gzhag pa'o/ /de lta bur gyur pa'i gnyis su med pa'i ye shes so/ /slob ma'i khar ni yul dang dbang por ro/ /btud ba ni bsdu ba'o/ /dbang po dang yul dbyer med pa nyid sku gsum gyi rang bzhin thabs dang shes rab kyi bdag nyid yang dag pa'i ye shes yin pa'i don to//'dis ni/ slob dpon gyi ni dbang du 'dod/ /ces pa'i bar gyis slob dpon gyi dbang ngo / /mthe bo srin lag dag gis ni/ /slob ma'i kha ru dbab par bya/ /shes rab rab tu mchod ces pa 'dis gsang ba'i dbang bstan to/ /mchod pa byas nas gtang bar bya//zhes pa 'dis ni shes rab ye shes kyi dbang ngo / /dbang bskur bstan pa'i rim pa 'dod nas de nyid gsungs pa/ ston pas smras pa sems dpa' che/ /phyag rgya bde ba ldan pa khyer/ /'di ni gtad par mngon par brjod pa'o/ /phrag dog khro ba rnam spangs pa'i/ / slob ma cher 'gyur shes nas ni/ /ston pas de la gnang ba sbyin/ /kun du ru gyis rdo rje 'dzin/ /cher 'gyur zhes pa ni chu la sogs pa'i dbang gi dbang bskur thob pa'o/ /phrag dog khro ba rnam spangs pa/ /zhes pa ni nyon mongs pa spangs pa'o/ /kun du ru zhes pa ni rdo rje dang pad+ma mnyam par sbyor ba'o//gyis zhes pa ni bskyed pa'o/ /ston pas de la gnang ba sbyin ni ston pa ni bla ma'o/ /de'i tshe gnang ba thob pa'i slob mas kyang bya ba gang yin pa de gsungs pa/ ji ltar dbang bskur gsol btab pa'i/ /slob ma'i bya ba bshad par bya/ /bcom ldan zhi ba chen po kye/ /rdo rje rnal 'byor gcig tu brtson//rdo rje'i rnal 'byor las byung ba/ /mi phyed phyag rgyar rab grub pa/ /kye bcom ldan zhes pa ni dbang phyug la sogs pa'i yon tan dang ldan pa'o/ /zhi ba chen po ni nyon mongs pa'i bag chags kyi bud shing bsregs pa'i phyir ro/ /rdo rje'i rnal 'byor gcig tu brtson/ /zhes pa ni bden pa gnyis dbyer med pa'i phyir ro//phyag rgya rab grub pa ni phyag rgya'i dngos grub grub pa'i phyir ro/ /mi phyed ces pa ni rigs mtha' yas pa gcig gi ngo bo yin pa'i phyir ro/ /rdo rje rnal 'byor las byung ba ni/ rim pa gnyis phyin ci ma log pa'i chos kyi lugs bstan pa'i phyir ro//yang na kye bcom ldan zhes pa ni rnam par snang mdzad kyi bdag nyid do/ /zhi ba che zhes pa ni mi bskyod pa'i sku'o/ /rdo rje'i rnal 'byor gcig tu brtson/ /zhes pa ni mi bskyod pa'i sbyor ba yin pas na rin chen 'byung ldan no/ /phyag rgya rab grub pa zhes pa ni 'od dpag med kyi rang bzhin no//mi phyed ces pa ni don yod grub pa'o/ /rdo rje'i rnal 'byor las byung ba ni rdo rje sems dpa' rdzogs pa'i rang bzhin no/ /ye shes lnga dang sku gsum dang thabs dang shes rab la sogs pa rnam pa thams cad kyi mchog dang ldan pa'i stong pa nyid kyi rang bzhin bla ma rdo rje yin pa'i don to//ji ltar khyod ni bdag nyid che/ /mnga' bdag bdag kyang de ltar mdzod/ /'khor ba'i 'dam gyi tshogs nang du/ /bying ba skyabs med bdag la skyobs/ /bdag nyid che zhes pa ni sngar bstan pa'i bstod pa'i rim pas so/ /ji ltar khyod de bzhin du bdag kyang gyis shig pa'o/ / 'khor ba'i 'dam gyi tshogs su bying ba bdag ni kho bo'o/ /skyobs ni skyabs med bdag la skyobs so/ /ston pa spangs nas gzhan 'khor ba las 'don nus pa gang yang med pa'o/ /de ltar gsol ba btab pa'i rjes su mchod pa gsungs pa/ zhim pa'i bza' ba btung ba dang / /chang ni stobs ni chen po dang //bdug pa lha bshos phreng ba dang / /dril bu rgyal mtshan byug pa yis/ /'di rnams mchod pa rnams kyis ni/ /slob mas rdo rje 'dzin pa mchod/ /stobs chen ni rgyal po'i sA lu'o/ /de ltar bstod pa dang gsol ba btab pa dang mchod pa'i chog bla ma'i gdams ngag las/ /rdo rje pad+ma mnyam sbyor ba la sogs pa'i rim pas dga' ba la sogs pa rtogs pa dag ston pa'i gnang ba bstan pa'o//dbang bskur bzhi pa bstan pa'i phyir/ /mchog tu dga' ba yang dag rnyed/ /sna tshogs spangs pa'i skad cig la/ /ston pas smras pa sems dpa' che/ / bde ba chen po yang dag zung / /ston pas smras pa zhes pa ni/ bka' stsal ba'o/ /de gang zhe na/ kye sems dpa' che/ /da ni/ ye shes chen po'i ros gang ba/ /zhes bod pa'o/ /khyed kyi zung ni gang bstan par bya ba'o/ /de ci zhe na bde ba chen po ste/ yang dag pa'i ye shes so/ /gang la yod ce na mchog tu dga' ba la'o//skad cig la ni skad cig bzhi la'o/ /yang dag thob ni/ brgyud pa legs par thob pa'o/ /cis khyad 'phags she na sna tshogs spangs pa ste bye brag dang bral ba'i khams gsum dbyer med par ro gcig pa'i rang bzhin no/ /'dis ni slob dpon dang gsang ba dang shes rab dang bzhi pa yang de bzhin no zhes dbang bzhi bstan pa yin no//yang na bde ba chen po ni/ yang dag pa'i ye shes so/ /mchog ni khyad 'phags pa'o/ /dga' ba ni dga' ba bzhi'o/ /shi ni khu ba'o/ /yang dag ni bde ba'o/ /de la thob pa ni bskyod pas dga' ba bzhi yis khyab pa'o//de nyid kyi phyir sna tshogs spangs pa'i skad cig la'o/ /ston pas smras pa sems dpa' che/ /zung zhes pa'o/ /da ni dbang bskur nas rjes su gnang ba sbyin pa/ ji srid byang chub snying po'i bar/ /sems can don gyis rdo rje 'dzin/ /rdo rje can gyis slob ma mthong / /bya ba'i tshogs ni 'di skad smra//byang chub kyi sgras ni yang dag par rdzogs pa'i byang chub bo/ /de nyid snying po ni snying po ste byang chub kyi snying po nyid do/ /bar ni thug par ste ji srid byang chub snying po'i bar de srid do/ /sems can don ni 'gro ba'i don to/ /gyis ni bskyed pa'o/ /kye rdo rje 'dzin ni rdo rje 'dzin pa'i ye shes can no//rdo rje can gyis slob ma mthong ni rdo rje ni bla ma'o/ /slob ma la ci bya ba zhe na/ mthong nas bya ba'i tshogs ni tshul sogs pa'i tshogs brjod pa'o/ /yang na/ 'chad par 'gyur ba'i bya ba'i tshogs bka' stsal pa'o/ /slob ma mthong nas 'di skad ni chu la sogs pa'i cho ga bzhi pa bstan pa la thug par brjod par bya'o//da ni dbang bskur dang gnang ba thob pas rnam par mi rtog pa'i ting nge 'dzin la rnam par gzhag par bstan pa'i phyir gsungs pa/ de nyid ye shes chen po ste/ de nyid ye shes chen po ste/ /thams cad lus la rnam par gnas/ /gnyis dang gnyis su med pa'i tshul//dngos dang dngos med bdag nyid gtso/ /brtan dang g.yo ba khyab nas gnas/ /sgyu ma'i gzugs [(]cen [,]can [)]lta bur snang / /rim par phye ba dang por/ lus la ye shes chen po gnas/ /zhes mdor bstan pa de'i rgyas par bshad pa 'di yin no/ /thams cad lus la'i sgra ni phung po dang skye mched la sogs pa thams cad la'o//rnam par ni sna tshogs pa'i tshul lo/ /a bdag med ma dbyer med pa'i byang chub sems so/ /gnas zhes pa ni mi g.yo ba'i rang bzhin no/ /de nyid kyi phyir/ gnyis dang gnyis su med pa'i tshul/ / dngos dang dngos med bdag nyid ni skye ba dang 'jig pa ni dbyer med pa'i ye shes so/ /gtso zhes pa ni/ de bzhin gshegs pa thams cad dang mkha' 'gro ma rnams kyi bdag po ma ning ngo / /thams cad lus la rnam par gnas pa'i don nyid gsungs pa brtan dang g.yo ba zhes bya ba'o/ / gnas ni mi g.yo ba'i rang bzhin 'di skye ba'o/ /sgyu ma'i gzugs can lta bur snang ni 'od gsal gyi rang bzhin du 'gro ba'i rang bzhin yin no/ /'di 'dra ba'i ye shes dam pa de ji ltar mngon du gyur nas rtogs pa gsungs pa/ dkyil 'khor 'khor lo'i sogs thabs kyis/ /rtag tu nges par 'gro bar 'gyur//dkyil 'khor ni dkyil 'khor gyi gtso bo rdo rje 'dzin pa'o/ /'khor lo ni mi shes pa gcod par byed pa yin pa'i phyir bdag med ma'o/ /dkyil 'khor yang yin pas dkyil 'khor 'khor lo ste bdag med ma dang dbyer med pa'i rdo rje 'dzin pa'i ye shes so//de nyid sogs ni rgyu'o/ /thabs ni dang po'i rgyu'o/ /rgyu de'i phyir na de rtag tu'o/ /nges pa ni the tshom med pa'o/ /'gro bar 'gyur ni rnam par mi rtog pa'i ye shes mngon du 'gyur ba'o/ /de nas rdo rje snying pos sring mo rnal 'byor ma thams cad la bzod pa gsol nas/ bcom ldan 'das la 'di skad ces gsol to//de nas zhes pa ni rjes thogs su'o/ /de yang rdo rje snying pos bcom ldan 'das la 'di skad ces gsol to/ /ci byas nas she na rnal 'byor ma thams cad la bzod par gsol nas te/ rnal 'byor ma kun la bzod par gsol nas so/ /cis khyad 'phags she na/sring mo zhes pa ste/ rang gi dam tshig gi brda la gnas pa rnams so/ /yang na b+ha ga ni ye shes te de 'di la yod pas sring mo'o/ /de rnams ni/ dkyil 'khor 'khor lo sogs thabs kyis/ /rtag tu nges par 'gro bar 'gyur/ /zhes bcom ldan 'das kyis gsungs so//de nyid/ dkyil 'khor 'khor lo ci zhes brjod/ /sangs rgyas kun bdag grong khyer la/ /bcom ldan bdag ni 'khrul gyur pas/ /ci rigs par ni bshad du gsol/ /zhes gus pa'i tshig gis na mang po'i tshig go/ /dkyil 'khor 'khor lo gang de ci zhes brjod/de yang grong khyer ni lus so/ /cis khyad 'phags she na/ sangs rgyas kun gyi bdag nyid do/ /thams cad ces pa ni yul rnams so/ /sangs rgyas ni de bzhin gshegs pa ste dbang po rnams so/ /bdag nyid ni sems so/ /yul dang dbang po dang rnam par shes pa'o//sangs rgyas kun bdag ste/ yul dang dbang po dang rnam par shes pa'i rang bzhin gyi rdo rje gsum gyi rang gi ngo bo yin pa'i tha tshig go/ /de lta bu'i rnam pa'i grong khyer dkyil 'khor gyi 'khor lo de nyid ci zhes brjod ces rdo rje snying pos zhus pa slar bsdus pa/ ci rigs par zhes pa ni bskyed pa'i rim pa dang rdzogs pa'i rim pa gnyis mi 'gal bar ji lta bur gyur pa de lta bur ro//de ltar zhus pa bcom ldan 'das kyis bka' stsal pa/ dkyil ni snying po zhes brjod de/ /byang chub sems ni bde chen po/ /dkyil 'khor gyi sgras ni snying po mchog bshad do//de yang ma ning ngo / /de ci zhe na byang chub sems te/ stong pa nyid dang snying rje dbyer med pa'i ye shes so/ /de nyid bde ba chen po ste/ chags pa med pa'i ye shes gang de bde ba chen po'i ye shes so/ /de ci byed ce na/ de ni len par byed pas na/ /'dus pa dkyil 'khor nyid du brjod//snying po de len pa ni 'dzin pa'i tshul lo/ /byed pas ni gang dkyil 'khor skyed par byed pas so/ /dkyil 'khor de 'dus pa ni de bzhin gshegs pa thams cad 'dus pa'o/ /'dod ni yang dag pa'i ye shes so/ /de zhig dkyil 'khor gyi sgra'i don to/ /'khor lo'i sgra'i don bshad par bya ste/'khor lo zhes tshogs nam mkha'i khams/ /yul la sogs pa rnam par sbyong / /tshogs zhes pa ni yul gyi shes pa'o/ /nam mkha'i sgras ni dbang po'i shes pa'o/ /khams kyi sgras ni 'byung ba chen po'i ye shes so/ /nam mkha' yang yin la khams kyang yin pas nam mkha'i khams so//'di dag gi zhes pa ni mngon par brjed pa ste de gang la yod pa ni 'khor lo'o/ /de nyid kyi phyir/ yul la sogs pa rnams kyi rnam par sbyong ba ni dri ma med par byed pa'o/ /'dis ni de bzhin gshegs pa thams cad 'dus pa'i dkyil 'khor yul la sogs pa'i rnam par dag pa'i 'khor lo'o//'di gnyi ga gang de ni de'i bde ba shes par 'gyur te rtogs par 'gyur ba'o/ /rgyu gang gis yin pa gsungs pa/ bo la kak+ko la sbyor bas te bo la ni rdo rje'i dkyil 'khor ro/ /kak+ko la ni pad+ma'i 'khor lo'o//de gnyi ga dbyer med pa ni sbyor ba'o/ /dkyil 'khor gyi 'khor lo de nyid kyis de bzhin gshegs pa thams cad 'dus pa yul la sogs rnam par dag pa'i rang bzhin zung du 'jug pa thob pa'i rim pa ni dkyil 'khor gyi 'khor lo zhes mngon par brjod pa'i don to/ /de 'di ni gnyi ga dbyer med pa la gnas pa med pa'i rnal 'byor du dmigs par bya'o//rdo rje'i snying pos gsol pa/ sdom pa zhes bya gang gis sdom/ /dam tshig gang gis gnas par bgyi/ /gal te dam tshig ni de bzhin gshegs pa thams cad 'dus pa yin la dam tshig de'i dam tshig gi rgyus gnas pa yin na gnas pa dmigs par 'gyur ro//gal te sdom pa ni bsdu ba bdag med mas zin pas yul la sogs pa rnam par dag pa yin na/ de bzhin du yang sdom pa de'i sdom pa'i rgyus kyang gnas pa yin na gnas pa dmigs par 'gyur ro/ /de cis gnas pa med pa'i rnal 'byor la gnas pa yin zhes pa'o//yang na dam tshig gang gis ji 'dra ba'i lha'i rnal 'byor gyis so/ /sdom pa gang gis zhes pa ni/ ji 'dra bar lha spro ba dang bsdu ba'o/ /gnas par bgyi ni zhus pa'o/ /bcom ldan 'das kyis bka' stsal pa/ khyod kyis srog chags gsad pa dang //brdzun gyi tshig kyang smra bar bya/ /zhes pa 'di dam tshig ste/ rgyun ma chad par bya ba la rab tu 'jug pa'o/ /khyod kyis ma byin par yang long / /gzhan gyi bud med bsten par gyis/ /zhes pa 'di ni sdom pa ste bslab pa'o/ /yang na saM ni yang dag pa'o/ / par ni gtso bo ste/ 'di nyid gal te sgra ji bzhin pa de'i tshe bkag pa'i mi dge ba'i nyes pa la spyod par 'gyur ro/ /de'i phyir srog gcod pa la sogs pa'i phyir dge ba nyid ye shes kyi rnam par gsal bar mdzad pa/ bcom ldan 'das kyis bka' stsal pa/ sems gcig srog chags gsod pa nyid//gang phyir srog ni sems su brjod/ /'jig rten bsgral ba zhes brjod pa/ /brdzun gyi tshig tu rab tu bsgrags/ /btsun mo'i khu ba ma byin pa/ /gzhan gyi bud med rang 'dod mdzes/ /sems gcig ces pa ni zla med pa'i sems gzung ba dang 'dzin pa las rnam par grol ba'o//de ni srog bcad pa ste ji ltar zhe na/ gang phyir srog ni sems su 'dod/ /gang rgyu de'i phyir ro/ /srog sems zhes pa ni brda'o/ /ji skad du bcom ldan 'das kyis 'phags pa brgyad stong pa las/ /bdag gis sems can thams cad phung po lhag ma med par mya ngan las 'das par yongs su mya ngan las bzla bar bgyi ba'i gang dang gang yongs su mya ngan las bzla bar bya ba de yang yod pa ma yin te/gal te de bzhin gshegs pa dgra bcom pa yang dag par rdzogs pa'i sangs rgyas rnams kyi sgra dbyangs mtha' yas pas gang+gA'i klung gi bye ma snyed dang mtshungs pa'i bskal par yang sems can zhes tshig tu brjod kyang /de la gang cung zad skyes pa'am skye bar 'gyur ba'am/ /skye ba'am 'gags pa'am/ 'gag par 'gyur ba'am/ 'gag pa ni sems can gyi khams rnams gzod ma nas ma skyes pa'i phyir ro//de na yang gang skye ba dang 'gag pa mi dmigs pa de bsgral bar bgyi'o zhes pa'o/ /'di ni brdzun du smra ba'o/ /tshig ni brdzun gyi ched du ste/ 'di lta bu 'di ni yang dag pa bden pa'i brdzun du smra ba'o/ /yang na smra ba ni sgra ste brdzun ni mi bden pa'o/ /gang gi phyir smra ba 'di ni byang chub kyi sems so//a bdag med ma'o/ /de ltar gnyi ga'o/ /de yang byin nas gtong bas na smra ba ste/ stong pa nyid dang snying rje dbyer med pa'i byang chub kyi sems kyi rang bzhin gang sgra nA da'i phreng gnyis so/ /de dbyer med par rtogs pa yongs su spangs pa yang brdzun te dbang po las 'das pa'i don yin pa'i phyir ro//gang gsungs pa/ rab 'byor gal te mya ngan las 'das pa las cung zad ches khyad par du 'phags pa'i chos gcig yod na yang bdag sgyu ma lta bu rmi lam lta bu'o zhes gsungs pa de ni brdzun du smra ba'i tshig go/ /btsun mo'i khu ba ma byin pa ni gzhan gyi nor 'phrog pa ma byin par len pa yin no//yang na btsun mo ni bdag med ma'o/ /khu ba ni rdo rje 'dzin pa'o/ /btsun mo yang yin la khu ba yang yin pas btsun mo'i khu ba'o/ /de ma byin pa ni ma btang ba ste rtag tu 'byung ba'i rang bzhin nyid kyi phyir ro/ / gzhan gyi bud med ces pa ni mchog gi shes rab ma'o/ /de rang 'od mdzes ni rang gis smras ni rdo rje 'dzin pa'o/ /de'i rang ni de'i rang bzhin gyi shes rab ma'o/ /mdzes pa ni kun las mchog yin pa'i phyir ro/ /rdo rje snying pos rnal 'byor ma thams cad la bzod pa gsol nas dkyil 'khor gyi 'khor lo la sogs pa'i don zhus pa la zhus pa'i lan bcom ldan 'das kyis bka' stsal pa yin no//da ni bdag med ma la sogs pa'i rnal 'byor ma cha med pa'i rang bzhin rnams dkyil 'khor gyi 'khor lo la sogs pa'i thabs de rnams la the tshom du gyur te/ dkyil 'khor gyi 'khor lo la sogs pa yang kun rdzob kyi bden pa yang dbyer med pa'i don dam pa'i bden par bcom ldan 'das kyis brda gsungs pa la rnal 'byor ma rnams the tshom du gyur te/bcom ldan 'das la zhus pa/ de nas rnal 'byor ma thams cad kyis bcom ldan 'das la 'di skad ces gsol to//de nas zhes pa ni kha sbyor ro/ /rnal 'byor ma thams cad ces pa ni ma lus pa'i rnal 'byor dang ldan pa rnams so/ /'di skad ces gsol to zhes pa ni 'di lta bu'i rnam pa'i rang bzhin nyid kyis dus gsum du khyab pa'o/ /zhus pa nyid gsungs pa/ yul de rnams kyang ci lags/dbang po rnams ni gang lags/ skye mched rnams ni ci lags/ /phung po rnams ni gang lags/ khams rnams de yang ci lags/ de ltar lnga'i bdag nyid kun rdzob kyi bden pa 'di rnams kyi rang bzhin shes pa don dam pa'i bden pa yin par rnal 'byor ma rnams bgros nas zhus pa de la/bcom ldan 'das kyis bka' stsal pa/ yul drug ni/ gzugs sgra de bzhin dri dang ni/ /ro dang de bzhin reg bya nyid/ /chos kyi khams kyi rang bzhin nyid/ /'di rnams yul ni drug tu brjod/ /dbang po rnams ni yul drug ste/ /mig dang rna ba sna dang ni/ /lce dang lus dang de bzhin yid//'di rnams dbang po drug po ni/ /gti mug rdo rje la sogs ldan/ /yul dang yul can dag gis ni/ /skye mched bcu gnyis dag tu 'gyur/ /phung po lnga ni gzugs la sogs/ /mthar ni rnam shes snying rje che/ /dbang po dang ni yul nyid dang / /dbang po'i rnam par shes pa nyid//rnal 'byor ma rnams go bya'i phyir/ /khams ni bco brgyad rnams su bshad/ /rang bzhin gdod nas ma skyes pa/ /bden min brdzun min de bzhin du/ /thams cad chu yi zla ba ltar/ /'dod pa rnal 'byor mas shes kyis/ /'di lta ste gtsub shing dang gtsub stan dang skyes bu'i lag pa'i rtsol ba las glo bur du me skye bar 'gyur ro//me 'di ni gtsub shing la yang mi gnas gtsub stan la yang ma yin skyes bu'i lag pa la yang ma yin te/ rnam pa thams cad du yongs su btsal na gcig na yang yod pa ma yin pas/ me de yang bden pa yang ma yin zhing brdzun pa yang ma yin no//de ltar chos thams cad rnal 'byor mas yid la gyis shig ces pa ni rdo rje snying po thabs kyi rang bzhin nyid kyi kun rdzob kyi bden pa'i rang bzhin don dam pa'i bden pas bstan pa yin no/ /thams cad chu yi zla ba ltar/ /'dod pas rnal 'byor mas shes kyis//'di lta ste/ gtsub shing dang / gtsub stan dang / skyes bu'i lag pa'i rtsol ba las glo bur du me skye bar 'gyur ro/ /me de yang gtsub shing la yang mi gnas/ /gtsub bstan la yang ma yin skyes bu'i lag pa dag la yang ma yin te/ rnal 'byor ma rnams ni shes rab kyi rang bzhin gyi don dam pa'i bden pa'i rang bzhin kun rdzob kyi bden par bcom ldan 'das kyis gsungs pa ni tshigs su bcad pa rnams kyi bsdus pa'i don to//tshigs su bcad pa 'di rnams rgyud kyi gleng gzhir gyur pa'i don dgyes pa'i rdo rje'i rgyud kyi rdo rje rigs kyi rim par phye ba'i bdag nyid nas rdzogs pa la thug pa'i phyir ro//rdo rje snying pos dkyil 'khor 'khor lo ci zhes bcom ldan 'das la zhus pa'i lan bcom ldan 'das kyis btab pa/ dkyil ni snying po zhes brjod de/ /byang chub sems ni bde chen po/ /'khor lo zhes tshogs nam mkha'i khams//yul la sogs pa rnam par sbyong / /zhes bya ba la sogs pas bstan to/ /de yang rdo rje snying pos ni thabs kyi rang bzhin yin pa'i phyir ro/ /'khor lo zhes tshogs nam mkha'i khams/ /yul la sogs pa rnam par sbyong / /zhes pa ni/ bskyed pa'i rim pas bskyed pa'i rim pa rtogs par bzhed pa yin no/ /dkyil ni snying po zhes brjod do/ /byang chub sems ni bde chen po/ /zhes pas ni/ rdzogs pa'i rim pa dang bskyed pa'i rim pa phyin ci ma log pa bcom ldan 'das kyis dang po nyid du rdo rje snying pos zhus pa'i lan btab pa'o//da ni rnal 'byor ma rnams kyang cha shas med pa'i rang bzhin yin pa'i phyir rang bzhin med pa des na/ byang chub sems ni bde chen po/ /zhes pa bzhed pa nyid do/ /'khor lo zhes tshogs nam mkha'i khams/ /yul la sogs pa rnam par spyod/ /zhes pa la the tshom du gyur pa nyid sems la bzhag nas yul de rnams kyang ci lags zhes bya ba la sogs pa dbu 'dri la ba sngon du 'gro bas zhus pa'i lan btab pa ni/de la bcom ldan 'das kyis bka' stsal pa/ yul drug ni gzugs la sogs pa'o/ /de yang cis khyad 'phags she na/gti mug rdo rje la sogs ldan te drug go/ /gti mug ni rnam par snang mdzad rdo rje ma ning gi rim par gnas pa'i mkha' 'gro ma'o/ /gti mug kyang yin la rdo rje ma yang yin pas gti mug rdo rje ma ning ngo / /mig gi dbang po la gti mug rdo rje la sogs pa ni gti mug rdo rje la sogs pa'o//des ldan pa ni/ 'dus nas mi phyed pa'i rang bzhin no/ /de nyid kyi phyir lnga po drug pa'i khongs su gtogs shing dbyer med pa'i chos kyi dbyings kyi rang bzhin gyi yid ces pa ni brda'o/ /yul 'ba' zhig ni ma yin te/ dbang po rnams kyang gti mug rdo rje la sogs pa dang ldan pa'o//yang na gti mug rdo rje la sogs ni de bzhin gshegs pa lnga rnams dang rdo rje mkha' 'gro ma bzhi ste/ gti mug rdo rje la sogs ldan ni rdo rje ma la sogs pa'i mkha' 'gro ma bzhi 'byung ba chen po lnga'i rang bzhin gti mug la sogs pa'i de bzhin gshegs pa lnga gzugs la sogs pa'i phung po lnga dang dbyer med pa'o//de nyid kyi phyir gsungs pa/ phung po lnga ni gzugs la sogs/ /mthar ni rnam shes snying rje che/ /zhes rdo rje snying po la bos pa ste/ de ni the tshom za ba'i phyir ro/ /sa la sogs pa 'byung ba chen po lnga dang phung po lngas byin gyis brlabs pas nyi shu'i dbye ba dbyer med pa'o//de yang gzugs la sogs pa'i phung po lnga re re zhing yang rnam par snang mdzad la sogs pa'i de bzhin gshegs pa lngas byin gyis brlabs pas rnam pa brgyar dbyer med pa yin no/ /rnam par snang mdzad la sogs pa'i de bzhin gshegs pa lnga po re re zhing yang rnam pa lngar phye bas na de thug pa med pa'o//yul dang yul can dag gis ni/ /skye mched bcu gnyis dag tu 'gyur/ gzugs la sogs pa'i yul drug dang mig la sogs pa'i dbang po drug dang gnyis po dag ni skye mched bcu gnyis su 'gyur ro//yang na yul ni 'byung ba chen po bzhi'o/ /yul can ni de bzhin gshegs pa lnga rnams te/ yul yang yin la yul can yang yin pas yul dang yul can te ma ning ngo / /de len cing 'dzin par byed pa'i nges pa'i tshig bstan pa na yi ge na dang yi ge la ste/ yul dang yul can de ston cing brjod pa yin pas yul dang yul can no/ /de dag las thabs dang shes rab kyi rang bzhin las so/ /gang rang bzhin ni khams rnams te gzod ma nas ma skyes pa'o/ /rang gi dngos po ni rang bzhin no/ /khams ni bco brgyad dag tu bshad/ /khams rnams ni sa la sogs pa'i 'byung ba bzhi dang phung po lnga byin gyis brlabs pa dgu po nyis 'gyur te bco brgyad do//rnal 'byor ma rnams ni bdag med ma la sogs pa'o/ /go bya'i phyir ni yang dag par rdzogs pa'i byang chub thob par bya ba'i phyir ro/ /rdo rje gsum dbyer med par zhugs pas skye mched bcu gnyis su 'gyur ro//du zhe na phung po ni gzugs la sogs dang sa la sogs pa'o/ /'du byed kyi mtha' zhes pa 'dis 'byung ba chen po bzhi yang bstan pa yin no/ /'dis ni dbang po lnga dang yul bzhi dang dgu'o/ /dbang po'i rnam pa shes pa nyid//ces pa ni/ dbang po dang yul la rag las pa'i phyir yul dang dbang po dgu'o/ /'dis ni dgu po gnyis po gang dang gang gi rang bzhin de ni ma ning ngo / /gang las she na/ gang 'di nyid gdod ma nas ma skyes pas so/ /gdod ma ni thog ma'o/ /de nyid ma skyes pa ste gdod ma nas ma skyes pa'i rang bzhin gyi phyir thog ma med pa'o//de nyid kyi phyir bden min te bden pa bkag pa'o/ /bden pa bkag pas pha rol dang tshu rol gyi rig pas brdzun pa bkag pa yin te brdzun min no/ /dpes cung zad phye nas byin gyis brlabs pas bstan par byas pa/ thams cad chu yi zla ba ltar/ /'dod pas rnal 'byor mas shes gyis/ /de lta bur gyur ba'i yongs su shes pa yang chags pa nyid yin pas chags pa thams cad las kyang bzlog pas ni don dam pa'i bden pa yang bstan pa nyid yin no/ /'dod pas zhes pa ni yongs su shes pa'o/ / 'dod pa ji ltar yin pa gsungs pa/ gtsub shing zhes pa ni gtsub pa'i shing ngo / /gtsub stan ni gtsub ba'i 'og gzhi'o/ /skyes bu'i lag pa'i rtsol ba las zhes pa ni lag pa'i bya ba'o/ /'di'i 'du 'phrod kyi bya ba las me skye bar 'gyur ro/ /glo bur du zhes pa ni gang gi phyir rnam pa thams cad du yongs su btsal na me 'di mi dmigs so/me de yang gtsub shing la yang mig nas gtsub stan la yang ma yin skyes bu'i lag pa dag la yang ma yin te/ /rnam pa thams cad du yongs su btsal na gcig pa yang yod pa ma yin no zhes pa ni de nyid kyi phyir glo bur du skye ste/ma skyes pa nyid skyes par yongs su brtag go/ /me de yang bden pa yang ma yin brdzun pa yang ma yin pa ji lta ba de bzhin du chos rnams thams cad do/ /lag pa'i bya ba yang bkod pa yod pa ma yin te/ bya ba rnams med pa'i phyir ro/ /me yang me'i khams nyid kyi cha shas med par bstan pa'i phyir yang cha shas dang bral ba las kyang khyad par cung zad byin gyis brlabs pa nges par bstan pa nye bar bstan to//dbang po las 'das pa bden pa gnyis dbyer med par zung 'jug tu 'byung ba'i rim pa yin pas sangs rgyas kyi spyod yul te bla ma'i zhabs kyi bka' drin las khong du chud par bya ba'o//de ltar ni e waM gyi yi ges rgyas btab pas so/ /chos thams cad ni yul la sogs pa rnams so/ /kye rnal 'byor mas ni bden pa gnyis kyi bdag nyid kyis so/ /yid la gyis shig ni chos kyi dbyings su zhugs pa'o/ / de nas rnal 'byor ma bdag med ma la sogs pa rdo rje mkha' 'gro ma thams cad bdud rtsi lnga dang dam tshig gi rdzas thogs nas/ bcom ldan 'das rdo rje dpa' la mchod de rdo rje sems dpa' zhes pa ni rdo rje gsum dbyer med pa'i chos kyi sku'i rang bzhin no/ /bcom ldan 'das ni dbang phyug la sogs pa'i yon tan dang ldan pa'o//mchod pa ni de mngon par dang pa'i thugs kyis de mnyam pa nyid du bdag nyid kyi thugs la rnam par gzhag pa yin no/ /ci byas nas she na thogs nas so/ /bdud rtsi lnga ni rnam par snang mdzad la sogs pa'o/ /dam tshig gi rdzas ni go ku da ha na la sogs pa'o//'di 'dra ba nyid ni nges pa kho nar yang dag par rdzogs pa'i byang chub kyi lam yin par sems brtan par bskyed nas bdud rtsi lnga ni de bzhin gshegs pa lnga la dam tshig gi rdzas ni de bzhin gshegs pa thams cad 'dus pa'o/ /'dis byang chub kyi sems brtan par byas pas mchod pa yin par gsungs pa'i don nyid do//bcom ldan 'das kun du ru'i sbyor bas rjes su chags par byed ces sbyar ro/ /yang na gnyis su med par rtogs pas byang chub kyi sems rnam par gzhag go/ /rdo rje bdud rtsi'i ro yang 'thud du 'jug par byed do ni bcom ldan 'das so//yang na bdud rtsi ni byang chub sems so/ /de'i ro ni nyams su myong ba'i mtshan nyid bstar ba'o/ /yang na bsdu ba rang byin gyis brlab par byas pa'i tha tshig go/ /de nas bcom ldan 'das dgyes nas rang byin gyis brlab pa bstan pa/'dis ni rdo rje rnal 'byor ma rnams kyi kun du ru'i sbyor bas rjes su chags pa'i bar bdud rtsi bcud kyis len gyis kyang bcom ldan 'das mnyes te bcom ldan 'das ma yang mnyes pas bcom ldan 'das kyis rang byin gyis brlab pa bstan pa'o//kye kye rdo rje mkha' 'gro ma/ /sangs rgyas kun gyis phyag mdzad pa'i/ /de nyid bdag gis gsang byas pas/ /rdo rje mchod pa'i byin rlabs kyis/ /bshad kyis dad pas rab tu nyon/ /gsang byas pa ni gang nyan thos la sogs pa'i spyod yul ma yin pa'i de kho na nyid de bshad par bya yis/ /dad pas nyon zhes pa ni nyan pa'i dbang pos zung shig pa ste//brjod du med pa nyid tshig gis bstan pa'o/ /byin rlabs kyi ni bcom ldan 'das kyis byin rlabs 'di'o/ /yang na byin rlabs bstan pa ni sprul pa'i skus chos kyi sku dang longs spyod rdzogs pa'i sku dbyer med par rdzogs par gyur pa'o/ /yang na kun du ru'i sbyor ba ni rdo rje dang pad+ma mnyam par sbyor bas so//rjes su zhes pa ni rim pas chags par gyur pa ste chags pa dang / chags pa bar ma dang / chags pa chen po rnam par dga' ba la thug par de thob pa'o/ /de nas rdo rje bdud rtsi'i ro yang 'thung ngu 'jug par byed do zhes pa la bdud rtsi ni khu ba'o//ro ni bden pa chen po yin pas bdud rtsi'i ro'o/ /de rdo rje ni dbyer mi phyed pa'o/ /de 'thung du 'jug par byed pa ni de rtogs pas tshim pa'i rang bzhin nyid kyis bzhi pa rdzogs pa'o/ /de nas rgyu de gnyis kyi phyir bzhi pa nyid rgyu'o/ /gang phyi nas tha mar gyur pa ni gang gi phyir bzhi pa nyid la thug pa de nyid bcom ldan 'das yin par brjod do//dgyes nas ni chags pa thams cad mnyam snyoms su gnas pa'i rang bzhin gyis bcom ldan 'das so/ /byin gyis brlabs pa bstan pa ni/ thams cad du khyab pa'i phyir dus thams cad las te/ /rnam pa thams cad sdom pa gcig pa'i phyir yang ngo //de nyid kyi phyir bstan pa ni sprul pa'i sku sna tshogs kyi rang bzhin dbang po'i gzhu dang mtshungs pa'i sprul pa'i sku 'byung ngo / /de nas sprul pa'i sku las longs spyod rdzogs pa'i sku'o/ /kye kye rdo rje mkha' 'gro ma/ /bshad kyis rab tu nyon zhes pa ni gnyi ga yang bod pa ste/dbyer med pa ni nam mkha' la spyod pa'i sgra'o/ /de yang de dang dbyer med pa nyid chos kyi sku'o/ /gsang mdzad pa'i ni chos kyi sku 'di dbang po las 'das pa'o/ /ji ltar zhe na/ rdo rje mchod pa'i byin rlabs kyis/ /zhes pa ste/ mchod pa zhes pa ni mchod pa'i bya ba ste/rdo rje gsum dbyer med pa'i ye shes so/ /de nyid rdo rje ste rdo rje 'dzin pa'o/ /de nyid byin brlabs ni shin tu rnam par dag pa chos kyi rang bzhin kun rdzob kyi bden pa'o/ /de dang dbyer med pa'i rang bzhin nyid kyis yin par dgongs so/ /bdag gis zhes pa ni bdag nyid do/ / sangs rgyas kun gyis ni me long lta bu la sogs pa'i ye shes lngas so/ /phyag mdzad pa ni rdo rje gsum dbyer med pa nyid kyis nges pa'o/ /de nas lha mo thams cad rangs par gyur te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud nas/ bcom ldan 'das nyid kyi gsung nyan no zhes pa ni sku gsum dang ye shes lnga'i bdag nyid yang dag pa'i ye shes rtogs pa'i ni lha mo thams cad ni ma lus pa'i rol ba dang ldan pa rnams so/ /de nyid kyi phyir rangs par gyur ni spro ba dang bsdu ba'i bdag nyid kyi ye shes so/ /de nas zhes pa ni bden pa gnyis dbyer med par rtogs pa'o//btud nas ni sku gsung thugs dbyer med pas so/ /'dug par gyur nas pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar nas zhes pa ni lhag pa'i cho 'phrul te/ bcom ldan 'das kyi gsung nyan par gyur to//da ni bcom ldan 'das kyis bka' stsal pa/ bza' btung ji ltar rnyed pa dang / /bgrod dang bgrod min mi spang zhing / /ma lus pa'i yul la sogs pa rnams ni gdod ma nas ma skyes pa'i rang bzhin nyid kyi dbyings kyi rang bzhin bas bza' ba dang btung ba la sogs pa'i rnam par rtog pa de la yod pa ma yin par dgongs te/'jig rten gyi chos brgyad las rnam par grol bas spros pa med pa'i spyod pas 'khyam pa yin par dgongs so/ /yang na bza' btung ji ltar rnyed pa dang / mi spang zhing zhes pa ni kun nas snang ba dang brjod pa dag rnam par dag pa'o/ /bgrod dang bgrod min mi spang shing //zhes pa ni/ rig pa rnam par dag pa'o/ /'dis ni rdo rje gsum rnam par dag pa nyid de ye shes yin no/ /khrus dang gtsang sbra mi bya ste/ /grong pa'i chos ni spang mi bya/ /khrus ni 'khru ba'o/ /gtsang sbra ni ma dag pa sbyong bar byed pa ste de kho na nyid kyi rnal 'byor pas mi bya'o//grong pa'i chos ni spang mi bya ni grong pa'i chos spyod pa yang bya ba nyid yin no/ /yang na khrus ni dbang bskur nges so/ /gtsang sbra ni dri ma med par byas shing sgrib pa thams cad rnam par dag pa'o/ /de mi bya ste zhes pa ni gnyen po bsgoms pas rnam par dag pa ma yin no//gang gi phyir/ de nas dngos po thams cad kyi/ /dag pa de bzhin nyid du brjod/ /ces pa'i tshig gis so/ /de nyid kyi phyir/ grong pa'i chos ni spang mi bya ni de nyid la bzhi pa'i phyag rgyas de bzhin nyid du rtogs pa yin par dgongs so/ /gzhan yang / blo ldan gsang sngags mi bzla zhing //bsam gtan nyid ni dmigs mi bya/ gnyid ni spang bar mi bya ste/ /dbang po rnams ni mi dgag go/ /zhes pa ni phyi rol gyi sngags la gzhol nas rdo rje bzlas pa mngon par mi shes pas 'grub par mi 'gyur te/ sngags kyi bzlas pa bkag pa'o/ /de nyid kyi phyir/ blo ldan bsam gtan nyid ni dmigs mi bya/ /zhes pa ni/ phyag dang zhal gyi rnam pa la sogs pa sprul pa'i sku'i lha bsgom pa rdo rje bzlas pa'i nang nyid du 'dus pa yin pas lha lhag par dmigs pa dgag pa'o/ /gnyid ni spang bar mi bya ste/ /zhes pa ni/ skye ba dang 'chi ba'i kun du rtog pa yongs su spangs pa yin par dgongs so//dbang po rnams ni mi dgag go/ /zhes pa ni/ kun rdzob kyi bden pa dang dbyer med pa nyid kyi don dam pa'i bden pa'i ye shes the tshom med par rnyed pa yin no/ /yang na/ blo ldan gsang sngags mi bzla zhing / /zhes pa ni/ longs spyod rdzogs pa'i sku'i rang bzhin bstan to//bsam gtan nyid ni dmigs mi bya/ /zhes pa ni/ chos kyi sku'i rang bzhin bstan pa'o/ /gnyid ni spang bar mi bya ste/ /zhes pa ni/ gti mug bral bar bkag pas 'dis ni sprul pa'i sku bstan pa yin no/ /'dir yang longs spyod rdzogs pa'i sku rnal 'byor ma rnams la bstan pas dang po nyid du 'byung ba nyid de/rjes thogs su chos kyi sku dang sprul pa'i sku nye bar bstan pa yin no/ /da ni sku gsum dbyer med pa nyid mngon par gsal bar byas pa/ ba la thams cad bza' bar bya/ /rigs lnga dag dang mnyam par spyad/ /dogs pa med pa'i sems kyis ni//btsun mo thams cad dga' bar bya/ /chos thams cad ni chos kyi dbyings las byung ba'i phyir yongs su bcad pa cung zad kyang med par 'byung ngo / /'di'i phyir na ba la thams cad bza' bar bya'o/ /rgyu'i sbyor ba dang bral bas kyang chos thams cad ni mtshan ma med pa'i rang bzhin gyis ni rigs lnga mtshungs pa nyid du spyad par bya'o//ma lus pa'i rtog pa yongs su spang ba'i phyir reg tu rung ba dang mi rung ba'i kun du rtog pa med par btsun mo thams cad dga' bar bya'o/ /'di ji ltar yin pa de gsungs pa/ dogs pa med pa'i sems kyis ni/ /rnam par mi rtog pa'i sems kyi rgyus yin no//'dis ni stong pa nyid dang mtshan ma med pa dang smon pa med pa rnam par thar pa'i sgo gsum bstan to zhes pa'o/ /dogs pa med pa'i sems kyis ni/ /zhes pa rdo rje gsum mi phyed pa rnam par dag pa'o/ /gzhan yang gsungs pa/ bshes la sdug par mi bya zhing //de bzhin gdug la sdang mi bya/ /rdo shing 'jim pa'i bdag nyid kyi/ /lha 'di rnams la phyag mi bya/ /zhes pa bshes ma yin pa'i kun du rtog pa thams cad spangs pa nyid kyi phyir bshes la sdug par zhes pa la sogs pa phyed snga ma'o/ /nang gi lha'i rang bzhin las sems g.yo ba med pas/phyi rol gyi lha'i rnam par rtog pa yid dga' ba med pa'i phyir/ rdo shing 'jim pa'i rang bzhin gyi/ /lha 'di rnams mdun du byung ba na phyag mi bya zhes pa'o/ /yang na bshes kyi sgras dbang ba rnams so/ /sdug pa ni chags pas te de mi bya'o/ /sdug pa zhes pa ma ning ste/ byams pa bsgom pas mnyam pa nyid kyi ma ning nyid kyi phyir ro//gdug la sdang zhes pa gdug pa'i sems la zhe sdang gnyis 'dod par mi bya ste/ sdang zhes pa ma ning gnyis su med pas so/ /lha ni rol par byed pa ste 'di rnams la rol pa de yod pa'i phyir lha yul rnams so/ /lha de rnams la phyag mi bya ste de'i mngon par zhen pa med par bya'o//khyad par ci zhe na/ rdo shing 'jim pa'i rang bzhin rnams te bems po'i rnam par rtog pas rnam par gnas pa zhes dgongs pa'o/ /rigs lnga la ni mnyam par spyad/ ces mdor bstan pa'i don sangs rgyas par bshad pas/g.yung mo gdol pa ko lpags mkhan/ /phyag dar mkhan sogs reg ring dang / /bram ze rgyal rigs rje dmangs rnams/ /bdag gi lus ltar reg par bya/ /zhes pa don rab tu gsal ba kho na'o/ /yang na g.yung mo la sogs pa lnga dang / bram ze rgyal rig la sogs pa lnga dang gnyis ni phyi dang nang gi bdag nyid gnyis bstan pa'o//bdag gi lus ltar zhes pa sems kyi lus nyid kyi phyir rang gi lus lta bur chos thams cad las reg par bya'o/ /sems de yang chos kyi dbyings kyi rang bzhin nyid du rtogs par bya'o zhes pa'o/ /bdud rtsi lnga dang bu ram chad/ /dug dang nim pa bu btsas skyes//skyur dang mngar dang bska ba sogs/ /kha ba lan tshwa tsha ba dang / /dri nga dri zhim chung dang khrag /byang chub sems bsres rab tu bza'/ /zhes pa byang chub sems kyi sgras gnyis su med par rtogs pa ste the tshom dang bral ba nyid kyis kun du spyad par bya'o zhes pa ste don go sla ba nyid do//de nyid kyi phyir gsungs pa/ gnyis med ye shes sems kyis ni/ /mi bza' cung zad yod ma yin/ /rang byung me tog rnyed nas ni/ /pad+ma'i snod du gzhag bya zhing / /lud pa dang ni snabs dag gis/ /gcig tu byas nas btung bar bya'o/ /zhes pa ni/ 'di'i don to/ / yang na/ lud pa dang ni snabs dag gis/ /zhes pa kha dad sna'i bu ga dag bsres te/ nA da'i phreng ba gnyis kha dang sna'i bu ga las 'og tu drangs te khu ba'i gzugs kyis pad+ma'i snod du ste lha mo'i pad+ma'i nang du gzhag par bya'o/ /de nas rang byung me tog khu ba dang bde ba'i rnam pa dbyer med pas byang chub kyi sems btung zhing bsdu bar bya'o//rnyed pa ni yang dag pa'i ye shes 'di nyid ces pa nges pa'i don to/ /bdud rtsi lnga la sogs pa bza' ba cung zad yod ma yin zhes pa'i bar gyis rdo rje mngon par zhen pa yongs su spong ba'o/ /rang byung me tog rnyed nas ni/ /btung bar bya zhes pa'i bar gyis thugs rdo rje'i mngon par zhen pa yongs su spong ba'o//lud pa dang ni snabs dag ni/ /pad+ma'i snod du gzhag bya zhing / /zhes pa'i bar gyis gsung rdo rje'i mngon par zhen pa yongs su spong ba'o/ /da ni rdo rje gsum gyi mngon par zhen pa yongs su spang pa gsungs pa/ smad g.yogs kha dog sna tshogs dang /ro bsregs thal bas de bzhin brgyan/ /me tog yi dags gnas rnyed pas/ /mgo skyes mchog ni bcing bar bya/ /sku chos 'byung nam mkha'i khams la g.yogs rdo rje gsum dbyer med pa sku rdo rje'o/ /sna tshogs kyi skras rdo rje gsum dbyer med pa thugs rdo rje'o/ / ci ltar zhe na/ /ro bsregs thal bas ni chos kyi dbyings kyi bdag nyid mchog tu gyur pa'i rgyus so/ /'di ni rdo rje gsum dbyer med pa ste/ rdo rje gsum brgyan pa mchog ste bla ma dgu'i bdag nyid can gyi dkyil 'khor gyi ngo bo nyid kyi phyir ro/ /de yang mgo skyes te/ spyi bor rang gi dbang por 'gyur ro zhes pa'i gsung las so//de ci ltar dgu'i bdag nyid can yin zhes gsungs pa me tog bdag med ma/ rnyed pa ni yi dags gnas/ rdo rje 'chang gi gnas su byang chub kyi sems kyi rang bzhin gyis bcing bar bya'o/ /gnyis dbyer med par gnas par bya'o/ /de'i phyir dgu bdag nyid can ces brjod do//kun rdzob don ni smad g.yogs zhes pa ni yongs su bgos pa'o/ /kha dog sna tshogs zhes pa ni stag gi pags pa'o/ /yang na kha dog sna tshogs nyid ni phyag dar khrod kyi ras so/ /ro bsregs thal bas ni thal ba rnams kyis so/ /des rnal 'byor pa brgyan pa ni rgyan du byas pa'o//yi dags gnas kyi me tog ni dur khrod kyi sa nas rnyed pa'o/ /rnyed pas mgo skyes legs par bcing ni dam por ro/ /gza' btung ji ltar rnyed pa dang / /zhes bya ba la sogs pa nas rnyed nas mgo skyes legs par bcing zhes pa la thug pas yal ma lus par rnam par dag pa yin pa ches gsal ba nyid du snang ba'o//bza' btung ji ltar rnyed pa dang / /zhes bya ba la sogs pa'i bya ba yang dbang po rnam par dag pa med na mi 'grub par dogs pa bsu nas/ de nas rdo rje snying pos gsol pa/ thams cad yul gyi rnam dag pa/ /bcom ldan 'das kyis sngar gsungs na/nges par dbang po drug gi grangs/ /rnam par dag pa mdzad pa ni/ /yul gyi rnam par dag pa sngar/ /bcom ldan 'das kyis gsungs na/ dbang po drug gi rnam par dag pa yang ma gsungs so zhes rdo rje snying pos zhus pa'o/ /zhus pa de la bcom ldan 'das kyis bka' stsal pa/mig la gti mug rdo rje ma/ /rna ba zhe sdang rdo rje ma/ /sna la ser sna rdo rje ma/ /lus la phrag dog rdo rje ma/ /kha la 'dod chags rdo rje ma/ /yid la bdag med rnal 'byor ma/ /mig la gti mug rdo rje ma/ /zhes pa ni/ gti mug ni rnam par snang mdzad do/ /rdo rje ma ni de rnam par dag pa'i mkha' 'gro ma'o//'dis ni gnyi ga dbyer med par rnam par dag pa mig gi dbang po'o/ /rna ba zhe sdang rdo rje ma/ /zhes pa ni/ zhe sdang rdo rje dang dbyer med pa'i rnam par dag pa rna ba'i dbang po'o/ /sna la ser sna rdo rje ma/ /zhes pa ni/ phra ma rdo rje dang dbyer med par rnam par dag pa sna'i dbang po'o//kha la 'dod chags rdo rje ma/ /zhes pa ni/ 'od dpag med rdo rje dang dbyer med par rnam par dag pa lce'i dbang po'o/ /lus la phrag dog rdo rje ma/ /zhes pa ni/ phrag dog ni don yod grub pa'o/ /de rnam par dag pa ni mkha' 'gro ma'o/ /de gnyi ga dbyer med par rnam par dag pa lus kyi dbang po'o//yid la bdag med rnal 'byor ma/ /zhes pa ni/ rdo rje sems dpa' dang dbyer med pa'i mkha' 'gro ma rnam par dag pa yid kyi dbang po'o/ /dbang po rnams ni dag pa'i phyir/ /'dis ni go cha sems dpa' che/ /'dis ni zhes pa ni gti mug la sogs pa rnams kyis so//go cha zhes pa ni brtan par bsgribs pa'o/ /gang rnams she na dbang po rnams te/ mig la sogs pa rnams so/ /ci'i don du yin pa de gsungs pa rnam dag phyir ro/ /shin tu rnam par dag pa'i chos kyi dbyings kyi rgyus so/ /de nyid kyi phyir sems dpa' che zhes pa ni rdo rje snying po la bos pa ste/sems dpa' chen po ni longs spyod rdzogs pa'i sku yin pa las gang gi phyir longs spyod rdzogs pa'i sku yis 'gro ba'i don byed pa la 'jug pa'i phyir ro/ /de nyid kyi phyir rdo rje snying po yang sdud pa po yin par brjod do/ /'dis ci bstan na/ skye bo mi bzad pa yi las/ / gang dang gang gis 'ching 'gyur ba/ /thabs dang bcas na de nyid kyis/ /srid pa'i 'ching las grol bar 'gyur/ /zhes pa dang / gzhan yang gsungs pa/ srid pa nyid kyis srid pa dag /ces bya ba la sogs pa'o/ /da ni dbang po'i rnam par dag pa zhus pa/ rnam pa ma dag par dag pa lta bu'i dag pa yin par shes nas//dam tshig gi brda tha snyad du mtshon dka' ba yin par blo la bzhag nas/ /rdo rje snying pos gsol pa/ gsang ba'i skad ni ci zhes bgyi/ /rnal 'byor ma yi dam tshig che/ /nyan thos la sogs mi shes pa/ dgod dang lta ba dag gis dang / /'khyud dang de bzhin gnyis gnyis kyis//rgyud kyang rnam pa bzhi rnams kyi/ /dgongs pa'i skad ni ma bsgrags pa/ /zhes pa ni/ 'dus pa'i skad dam dgongs pa'i skad do/ /bsnos pa ni 'dus pa ste/ nA da gnyis dbyer med pa'i nA da'o/ /de yang rnal 'byor ma'i ni bdag med ma la sogs pa'i'o/ / dam tshig ni 'byung ba la de yang ma ning gi skad kyi dam tshig kyang ngo / /de yang nyan thos la sogs pas mi phyed pa'o/ /dgongs pa'i skad ces pa'i phyogs ltar na/ nyin mo dang mtshan mo gnyis dbyer med pa'i skad cig ni thun mtshams so/ /snang ba dang snang ba mched pa dang snang ba thob pa gang de bsgrub par bya ba'o//de lta bur gyur pa'i skad kyi rgyu mtshan ni ma ning ngo / /de nyid rnal 'byor ma rnams kyi dam tshig yin par gsungs pa'i don nyid do/ /yang na 'dus pa'i skad ces pa ni skyes pa dang bud med dang ma ning gi rang bzhin 'dus pas rdo rje gsum dbyer med pa nyid kyi skad gang gzhom du med pa'i rang bzhin 'od gsal gyi ye shes so//de nyid rnal 'byor ma'i dam tshig ni 'di la yod pas rnal 'byor ma ste phul du byung ba'i don 'di las rtag pa nyid du rnal 'byor dang ldan zhing stong pa nyid dang snying rje dbyer med pa'i rang bzhin nyid do/ /de la dam tshig ni de dang shin tu dbyer med pa'i de bzhin gshegs pa thams cad 'dus pa'o//de yang ma ning gi dam tshig go/ /de yang nyan thos la sogs mi shes pa ni mtshan mar 'dzin pa la sogs pa rnams kyis mtshon par mi nus pa'o/ /gang bcom ldan 'das kyis 'phags pa brgyad stong pa las gsungs pa/ bdag spyod pa zhes spyod na mtshan ma la spyod pa'o//bdag byang chub sems dpa' zhes spyod na mtshan ma la spyod pa ste/ 'dis thabs la mi mkhas pa'i byang chub sems dpa' sems dpa' chen po yin par rig par bya'o zhes gsungs so/ /'di ji ltar yin pa de gsungs pa/ gang gi phyir 'dus pa'i skad dam thun mtshams kyi skad kyang rung ste ma bsgrags pa ni ma bstan pa'o//gang gis she na rgyud kyis te bye brag tu bshad pas so/ /gang rnams kyi zhen rnam pa bzhi rnams kyi'o/ /bzhi po nyid gang gi yin pa gsungs pa/ dgod dang lta ba dag gis kyang / /kyang gi sgra ni gang gi phyir gyi don to//'khyud dang de bzhin gnyis gnyis kyis/ /zhes pa ni ji ltar 'khyud pa dang gnyis gnyis de bzhin du yin pa nyid kyi don to/ /'dis ci bstan na/ bya ba dang spyod pa dang rnal 'byor bla na med pa'i rgyud kyis kyang dgongs pa'i skad ma gsungs pa nyid nyan thos pa la sogs pa'i yang spyod yul ma yin pa 'di dgongs pa'i skad 'di ma ning yin no//yang na 'dus pa'i skad dam dgongs pa'i skad kyang rung ste/ dgongs pa'i skad ni ma grags pa/ /zhes pa ni/ bzhi pa sgra'i yul ma yin pa ste mtshan ma las shin tu 'das nas cha med pa'i phyir ro/ /gang rnams kyi zhe na/ rnam pa bzhi rnams kyis zhes pa ni dga' ba la sogs pa lhan cig skyes pa'i dga' ba'i mtha' rnams kyi'o//gang gis she na rgyud kyis te bye brag tu bshad pas so/ /gang dag gis she na/ dgod dang lta ba dag gis kyang ste rnam pa sna tshogs dang rnam par sbyin pa dag gis so/ /'khyud dang de bzhin gnyis gnyis kyi//zhes pa ni/ rnam par nyed pa dang mtshan nyid dang bral bas kyang ngo / /mang po'i tshig ni bsdu ba'o/ /de bzhin zhes pa ni/ ji ltar de bzhin bzhi pa yang / /zhes pa'i tshig gis so/ /mtshan ma las shin tu 'das pas brjod du med pa'i phyir/ brjod du med pa'i bdag nyid de yang brjod du med pa'i phyir ro//rang rig pa'i rang bzhin yang med cing rdo rje gsum dbyer med pa nyid gzhom du med pa'i dgongs pa'i skad 'od gsal ba gzod ma nas ma skyes pa'i chos kyi dbyings shin tu rnam par dag pa'i rang bzhin yin te/ sgyu ma la sogs pa'i dpe bcu gnyis kyis sbyar ba sku gsum gyi rang bzhin du khyab pa 'gro ba'i don bya ba la 'jug pa'i rgyu yin no//skabs 'dir rdo rje sems dpas bka' stsal pa/ 'di nyid kyi yul yin pa'i phyir zhes dgongs so/ /de ci'i na ngas bshad kyis/ khyod ni rtse gcig sems kyis nyon/ /ngas zhes pa ni nA da gnyis kyi bdag nyid tshig gis brjod pa'o//de yang nyan pa'i spyod yul longs spyod rdzogs pa'i sku'o/ /khyod ni zhes pa ni sprul pa'i sku'o/ /rtse gcig sems zhes pa ni chos kyi sku dang dbyer med pas sku gsum dbyer med pa'o/ /de nyid gsungs pa/ dgongs pa'i skad dam 'dus pa'i skad kyang rung ste skad chen po'o//dam tshig brda ni rgyas pa ru/ /'dus pa'i skad ces pa ni bshad zin to/ /de nyid kyi phyir/ skad chen po ni nyan thos la sogs pa'i spyod yul ma yin pa'i phyir ro/ /dam tshig brda ni rgyas pa ru/ /zhes pa ni/ gang+gA'i klung gi bye ma snyed kyi lha rnams 'byung ba'i sa bon nyid kyis brda rgyas pa ste/sgra ji bzhin pa la sogs pa chos kyi phung po brgyad khri bzhi stong gi tshogs yin pa'i phyir ro/ /dgongs pa'i skad gsungs pa/ ma da na chang ba la sha/ /'du ba ma la ya dzaM brjod/ /'gro ba khe Ta ro shrA ba/ /rus pa'i rgyan ni raM shu/ 'ong ba phreM kha naM du brjod//cang te'u kri pi tu ru brjod/ /skal med duM du raM du brjod/ /skal ldan ka liM dza rar 'dod/ /reg med DiN+D-I ma zhes brjod/ /thod pa pad+ma b+hA dza na/ /bza' ba tri pi Ta zhes bya/ /tshod ma mA la twind naM/ /bshang ba tsa tu sa mar brjod/ /gci pa kastu ri zhes brjod/ /rang 'byung si h+lar shes par bya//khu ba ka rbUr zhes brjod/ /sha chen sA li dza zhes brjod/ /dbang po gnyis sbyor kun du ru/ /rdo rje bo la zhes brjod de/ /pad+ma kak+ko la zhes zer/ /yi ge'i dbye bas phye ba las/ /rigs ni rnam pa lnga ru bshad/ /'di ni gsang ba'i skad yin no/ /sangs rgyas lnga ni mthar thug pa//g.yung mo rdo rje'i rigs su bshad/ /gar ma de bzhin pad+ma'i rigs/ /rams 'tshed ma ni rin chen rigs/ /skye gnyis de bzhin gshegs par brjod/ /tshos ma las kyi rigs nyid de/ /phyag rgya 'di rnams dngos grub ster/ /ma da na chang zhes pa ni thugs kyi rdo rje'i ting nge 'dzin to//ba la sha zhes pa ni sku rdo rje'i ting nge 'dzin to/ /'du ba ma la ya dza zhes pa ni gsung rdo rje'i ting nge 'dzin te/ chos kyi sku gsum bstan pa yin no/ /'gro ba khe Ta zhes pa ni gsung rdo rje'i ting nge 'dzin to/ /ro shrA ba zhes pa ni sku rdo rje'i ting nge 'dzin to/ / rus pa'i rgyan ni ni raM shu zhes pa ni thugs rdo rje'i ting nge 'dzin te 'di rnams ni longs spyod rdzogs pa'i sku gtso bor byas pa'i sku gsum bstan te/ /'ong ba phreM kha naM zhes pa ni thugs rdo rje'i ting nge 'dzin to/ /shes rab can zhes pa ni bod pa ste/ rnal 'byor ma'i 'khor lo'i rnam dag bstan to//cang te'u kri pi ta zhes pa ni gsung rdo rje'i ting nge 'dzin to/ /'di ni sprul pa'i skur dmigs pa'i sku gsum bstan pa yin no/ /lugs las bzlog pas rigs ni rnam pa lngar bshad pa ni 'di re re'i rigs rnam pa lnga po de yang ni mkha' 'gro ma bco lnga'i rang bzhin la re re zhing yang dkyil 'khor yin no//bcom ldan 'das kyis gsungs pa/ /srid gsum yongs gyur thams cad ni/ /gzung dang 'dzin pa rnam par spangs/ /zhes gsungs so/ /'di gang zhe na/ de ni rigs kyi dbye bas phye ba las te/ yi ge'i dbye bas ni yi ge a la sogs pa aM gi bar du dbyangs bco lnga rnams so//de rnams kyi dbye bas ni sna tshogs pa nyid du phye bas/ de las byung ba'i mkha' 'gro ma nyid ni rtsa'i gzugs sam sngags kyi gzugs su nyams su myong ba 'khor lo bzhir son pa'o/ /de nyid rdo rje gsum dbyer med pa'i rdo rje gsum gyi ngo bo mkha' 'gro ma bco lnga'i rang bzhin byang chub sems kyi ngo bo yi ge a la sogs pa yongs su gyur pa las 'byung ba'o//pad+ma ni ye shes so/ /kak+ko la zhes pa ni chos 'byung bdag med ma'o/ /can zhes pa ni rdo rje 'dzin pa'o/ /'dod ces pa ni gnyis su med pa'i ye shes nyid yin pa'i don to/ /skal ldan ka liM dza rar 'dod//ces pa ni gsung rdo rje'i ting nge 'dzin to/ /rigs med DiN+DI ma ru brjod/ /ces pa ni/ thugs rdo rje'i ting nge 'dzin to/ /thod pa pad+ma'i snod yin te/ /zhes pa ni/ sku rdo rje'i ting nge 'dzin to/ /'dis ni longs spyod rdzogs pa'i skur dmigs pa'i sku gsum bstan to/ /bza' ba tri pi Ta zhes pa ni sku rdo rje'i ting nge 'dzin to//tshod ma mA la twiM da na/ /zhes pa ni/ gsung rdo rje'i ting nge 'dzin to/ /bshang ba tsa tu sa mar brjod/ /ces pa ni/ thugs rdo rje'i ting nge 'dzin te 'dis ni sprul pa'i skur dmigs pa'i sku gsum nye bar bstan to/ /gci ba kastu ri zhes pa ni thugs rdo rje'i ting nge 'dzin to//rang byung si h+lar shes par bya/ /zhes pa ni/ gsung rdo rje'i ting nge 'dzin to/ /khu ba kar+pU ra zhes brjod/ /ces pa ni/ sku rdo rje'i ting nge 'dzin to/ /'dis ni chos kyi skur dmigs pa'i sku gsum bstan pa yin no/ /'dis ni rdo rje gsum dbyer med pa re re zhing yang sku gsum lugs su 'byung ba dang lugs las bzlog pas rdo rje gsum byin gyis brlabs pa'i phyir dgu'i bdag nyid kyi rdo rje 'dzin pa'i dkyil 'khor ro//rigs 'di nyid re re zhing de bzhin gshegs pa lngas byin gyis brlabs pa'o/ /lugs su 'byung ba dang lugs las bzlog pas de yang ji ltar zhe na/ de ni yi ge'i dbye bas phye ba las te/yi ge ka la sogs pa sde tshan lnga'i yi ge re re zhing yang de bzhin gshegs pa lngas byin gyis brlabs pas gang+gA'i klung gi bye ma snyed dang mnyam pa sgyu ma la sogs pa'i dpes bstan pa sku gsum gyi rang bzhin 'gro ba'i don bya ba la 'jug pa'i rgyu de bzhin gshegs pa thams cad kyi sku mkha' 'gro ma bdag med ma dang yang dag par sbyor ba'o//pad+ma kak+ko la zhes zer/ /zhes pa ni/ bstan zin pa nyid kyi don to/ /rdo rje gsum bsdu ba gsungs pa/ sha chen sA li dza zhes brjod/ /ces pa ni/ rang byung gi ye shes so/ /dbang po gnyis sbyor kun du ru/ /zhes pa ni//de nyid thabs dang shes rab dbyer med pa'o/ /rdo rje bo la zhes brjod do/ /zhes pa ni/ de nyid sku gsung thugs kyi rang bzhin yin pa'i don to/ /bsdu ba gsungs pa/ 'di ni gsang ba'i skad yin te/ /sangs rgyas lha yi mthar thug pa/ /zhes pa ni/ sangs rgyas lnga'i grangs kyi rim pas so//yin ni 'gyur ba'o/ /gang du zhe na/ dgongs pa'i skad nyid nA da re re zhing yang rdo rje gsum dbyer med pa nyid ye shes lngas byin gyis brlabs pa'i phyir de nyid las gzhan ma yin par dgongs so/ /yang na mthar thug lnga ni grangs mtha' yas pa nyid yin te/ g.yung mo rdo rje'i rigs su bshad//ces bya ba la sogs pa'o/ /tshos ma las kyi rigs nyid de/ /phyag rgya 'di rnams dngos grub ster/ /zhes pa 'dis ni rdo rje rigs kyi rnam par dag pa g.yung mo'o/ /mi bskyod pa rnam par dag pa yin pa'i don to/ /gar ma de bzhin pad+ma'i rigs/ /zhes pa ni 'od dpag med rnam par dag pa'i don to//rams 'tshed ma ni rin chen rigs/ /zhes pa ni/ rin chen rnam par dag pa rams 'tshed ma yin pa'i don to/ /gnyis skyes de bzhin gshegs pa'i rigs/ /zhes pa ni/ rnam par snang mdzad rnam par dag pa yin pa'i don to/ /tshos ma las kyi rigs nyid de//zhes ba ni/ don yod grub pa'i rnam par dag pa tshos ma yin pa'i don to/ /phyag rgya 'di rnams dngos grub ster/ /zhes pa ni/ mdzes pa'i dngos grub ni dngos grub bzang po ste phyag rgya chen po'i dngos grub ster ba yin pa'i don to/ /'dis ci bstan na mkha' 'gro ma bco lnga po 'di rnams me long lta bu la sogs pa'i ye shes lnga rnam par dag pa 'di rnams kyang rigs mtha' yas par bstan pas dkyil 'khor gnyis dbyer med pa nyid dgongs pa'i skad yin no//'di rnams khu ba rdo rjer 'gyur/ /brtul zhugs can gyis mchod nas btung / /don ni gsal ba nyid do/ / yang na 'di ni spangs pa nyon mongs pa'i bag chags bag la nyal thug par spangs pa 'di rnams bdag med ma dang rdo rje 'dzin pa gnyi ga yang mchod nas so/ /gang khu bar 'gyur ni byang chub kyi sems so/ /btung ba ni brtul bar rnam par gzhag pa'o/ /gang zhe na brtul zhugs can te yang dag pa'i ye shes nges pa yin pa'i don to//bcom ldan 'das kyis bsdus te gsungs pa/ rdo rje snying po sems dpa' che/ /nga yis khyod la gang bshad pa/ /gsang ba'i skad ni mtshar che ba/ /de ni thams cad gus par zung / /don ni gsal ba nyid do/ /yang na dgongs pa'i skad dam 'dus pa'i skad kyang rung ste/'od gsal gzhom du med pa gang de'o/ /mtshar che ba ni/ gang mtshan ma nyid mtshan ma med pa de'o/ /ci zhe na thams cad ni ma lus pa bzhi pa yang dag pa'i ye shes so/ /zung ni bstan par bya ba'o/ /gus pas zhes pa ni rgyun mi 'chad par ro/ / de nyid gsungs pa/ khyod la zhes pa ni sprul pa'i sku'i rang bzhin nyid do/ /rdo rje snying po zhes pa ni chos kyi sku'i bdag nyid do/ /sems dpa' che zhes pa ni longs spyod rdzogs pa'i sku'i rang bzhin no/ /nga yis zhes pa ni sku gsum gyi rang bzhin gyis so/ /bshad ces pa ni ngag gi sgo nas bshad pa'o//gang zhes pa ni rang rig pa nyid yin pas gzhan gyi spyod yul ma yin pa'i phyir ro/ /de nyid dgongs pa'i skad ni yang dag pa'i ye shes so/ /brjed ngas pa med pa'i rtag tu ba'i rnal 'byor gyis 'di yin par gsungs pa/ kye rdo rje 'dir dbang bskur gang / /dgongs pa'i skad kyis mi smra ba//de yid ma tshig nyams par ni/ /'gyur bar 'di la the tshom med/ /'tshe ba dang ni rkun ma dang / /gdon dang rims dang dug gis kyang / /gal te sangs rgyas gsang ba'i skad/ /mi smra na yang 'grongs par 'gyur/ /rang gi dam tshig can rnyed nas/ /gal te tshig 'di mi smra na/ / gnas bzhi las skyes rnal 'byor ma/ /de yi tshe na rab tu 'khrug /dgyes pa'i rdo rje'i rgyud 'dir dbang bskur ba gang de gal te gsang ba'i skad kyis mi smra na nges par dam tshig nyams par 'gyur ro/ /gang gi tshe dam tshig nyams par gyur pa de'i tshe 'gal tshabs su 'gyur bar 'dir the tshom med pa nyid do//de gsungs pa/ 'tshe ba ni thog 'bab pa la sogs pa'o/ /rkun ma ni gnod pa byed pa'o/ /gdon dang rims dang dug des kyang ni rab tu grags pa nyid do/ /gdon la sogs pa 'di rnams kyis sems can spyir gsod pa re zhig zhog gi sangs rgyas kyang ngo / /ji ltar zhe na/ gal te dgongs pa'i skad kyis mi smra na'o//skyon 'di 'ba' zhig ma yin par gzhan yang de las 'byung ba yin par gsungs pa/ rang gi dam tshig rig ni rang gi dam tshig shes pa can rnyed pa'o/ /gal te tshig 'di mi smra na ni de'i tshe rnal 'byor ma rnams kyis 'khrug par 'gyur ro/ /cis khyad 'phags she na/gnas bzhi las skyes te grub pa'i rnal 'byor ma yin pa'i don to/ /des 'khrugs pa las yang dag par ngan 'gror 'gyur ba yin par dgongs so/ /yang na dgyes pa'i rdo rje ni gnyis su med pa'i ye shes yod pa'o/ /dbang bskur gang ni sgrib pa spang ba de thob pa'o/ /de gal te mi smra na ni gzhom du med pa'i rang bzhin gyis 'od gsal der yang mi gnas par gyur par ro//de nyid kyi phyir/ dam tshig nyams par ni rnam pa thams cad mkhyen par mngon par rdzogs par sangs rgyas so/ /de'i nyams pa ni de shes pa las nyams par 'byung zhing de g.yo bar 'di la the tshom med do//de ltar 'tshe ba la sogs pa rnams kyis ye shes nyams nas sangs rgyas kyang ni 'grongs par 'gyur te/ /yang dag pa'i ye shes thob par gyur pas kyang gal te dgongs pa'i skad gzhom du med pa'i rang bzhin 'od gsal ba'i ye shes so/ /mi smra na ni rgyu mtshan med pa yin pa'i don to//rang gi sgra ni sems so/ /de'i dam tshig ni 'dus pa'o/ /de nas rig pa ni shes pa ste/ gang de rnams ni rang gi dam tshig rig pa me long lta bu'i ye shes la sogs pa ye shes lnga'i rang bzhin gyi rnam par snang mdzad la sogs pa'i de bzhin gshegs pa lnga rnams so/ /de rnams kyi tshig ni de rnams kyi dgongs pa'i skad dang 'brel ba'o//de rnams ni A li kA li'i nA da'i phreng ba las grub pa'i phyir A li kA li'i nA da rnams re re zhing yang rdo rje gsum dang dbyer med pa nyid kyis gzhom du med pa'i rang bzhin pas 'od gsal ba'i phyir dgongs pa'i skad kyi tshig yin no/ /gal te 'di mi smra na ni/yang dag par sbyor ba mi skyed pa'o/ /de'i tshe rnal 'byor ma 'khrug par byed ni/ yi ge a la sogs pa'i dbyangs yongs su gyur pa las sngags kyi skur mi 'du'o/ /de bas na dgongs pa'i skad nyid med par 'gyur ro/ /de yang cis khyad 'phags pa yin par gsungs pa/ gnas bzhi las skyes ni/ 'khor lo bzhir son pa'ang 'byung ba chen po bzhi'i bdag nyid la ba ra ya'i nA da las yongs su grub pa'i lha mo spyan ma la sogs pa ye shes lnga dang sku gsum dang thabs dang shes rab kyi rang bzhin rnams rjes su 'gro ba dang ldog pa'i sgo nas bsdu ba gsungs pa/rnyed nas ni dgongs pa'i skad de slar dgongs pa'i skad du yang dag par 'byung ste/gzhom du med pa'i 'od gsal gyi ye shes mngon du gyur ba'o/ /rang gi dam tshig rig ces pa ni de bzhin gshegs pa de rnams kyi yang mkha' 'gro ma'i rang bzhin yin pas A li kA li nA da phreng gnyis kyi dgongs pa'i skad 'byung ngo / / rnal 'byor ma rnams kyi yang rang bzhin de bzhin gshegs pa yin pa des na nA da phreng gnyis dgongs pa'i skad du 'byung ba nyid do/ /'on kyang nA da phreng ba gnyis sngags dang lha thams cad la sogs pa'i de kho na nyid 'byung ba yin no/ /rtog pa gnyis pa las gsang ba'i skad ces bya ba'i rim par phye ba ste gsum pa'o//dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel pa las rtog pa gnyis pa'i le'u gsum pa'o// //de nas rdo rje snying po la sogs pa rdo rje mkha' 'gro ma thams cad the tshom du gyur nas bcom ldan 'das rdo rje sems dpa' la 'di skad ces gsol to//da ni rgyud thams cad kyi gleng gzhi dang gsang ba'i skad ces bya ba'i rim par phye ba thos nas the tshom du gyur nas rdo rje snying po la sogs pa'i rdo rje mkha' 'gro mas 'di skad ces gsol to zhes 'chad par 'gyur ba brjod do/ /bcom ldan the tshom bsal du gsol//spyod pa'i le'u las gang bshad pa/ /glu dang gar ni dngos grub ster/ /de la bdag ni the tshom mchis/ /glu ni ci lags gar yang ci/ /lha yi le'u las gang gsungs pa/ /zhe sdang la sogs phyag rgya rnams/ /de la bdag ni the tshom mchis/ /gang gi phyag rgya phyag rgya ci/ / sngags kyi le'u las gang gsungs pa/ /bdag med pa la sogs sa bon nyid/ /de la bdag ni 'khrul par gyur/ /gang gi sa bon sa bon gang / /rigs kyi le'u las gang gsungs pa/ /bcu drug gnyis kyi bdag nyid rtsa/ /bcom ldan bdag ni 'khrul gyur pas/ /de rnams rnam dag bshad du gsol//bcom ldan 'das kyis bka' stsal pa/ /zhes pa de la dang por re zhig glu nyid bcom ldan 'das kyis bka' stsal pa/ kol+la i ret+thi A bo lA/ mum+mu Ni re kak+ko lA/ g+ha Ni kri bi Ta ho bAdz+dza i/ ka ru Ne ki A i na ro lA/ ta hi ba ru khAdz+dza i/ gA D+heM ma a NA pi dzA e/ ha le kA liny+dza ra pA Ni a i/dun+du ra bAdz+dzi a i/ tsa mu sa ma kas+thu ri si h+lA/ karbu ra lA i a i/ mA la in+d+ha NaM sA liny+dza/ ta hiM b+ha ru khA i a i/ phreM kha Na khe Ta ka ran+ta/ sud+d+hA shud+d+ha na mu Ni a i/ ni dzAMshu aM ge tsa DA bi/ ta hiny+dza sa ra ba pA Ni a i/ ma la yA dzeM kun+du ru pa Ta i/ DiN+Di ma ta hin+na bA dz+dzi a i/kol+la i ret+thi a bo la zhes bya ba la sogs pa'i sgra ji bzhin pa'i don ni shin tu grags par zad do/ /slar gsang ba'i don du brjod par bya ste/ kol+la i ret+thi a bo la zhes pa la/ bo la ni rdo rje ste yi ge haM ngo / /de kol+la i ret+thi yang spyi bo bde ba chen po'i 'khor lor thi yang gnas pa'o//mum+mu Ni re kak+ko la ni pad+ma ste yi ge aM ngo / /de mum+mu Ni re ste lte ba sprul pa'i 'khor lor gnas pa'o/ /g+ha Na kri bi Ta ho bAdz+dza i zhes bya ba ni yi ge aM dang haM de dag gi nA da 'dus pas so/ /g+ha Na rgyun ma chad par ro/ /kri bi Ta ho bAdz+dza i ni/ cang te'u kri pi Ta ru 'dod ces pa'i tshig gis so//cang te'u yang nA da'i rang bzhin yin pas so/ /bAdz+dza i ni sgra yin te/ aM haM gi nA da gnyis dbyer med pa'i nA da gnyis lte ba'i nang nas langs nas de smin mtshams su song ste nA da gnyis dbyer med pa sprul pa dang longs spyod rdzogs pa'i sku tha mi dad pa de'o//ka ru Ne ki a i/ na ro lA zhes pa la ka ru Ne zhes pa ni byang chub kyi sems khu ba'i rnam pa chos kyi sku'o/ /des ro lA ni 'gal ba'o/ /ki a i na ni mi bya ba ste/ sku gnyis dbyer med pa las chos kyi sku 'byung ngo / /yang na ka ru Ne ki a i na ro lA zhes pa la/ ka ru Ne zhes pa ni ka bde ba la ru 'dzin par byed pas na ka ru Na byang chub kyi sems bdud rtsi khu ba'o//des na ro la ni mi mthun pa mi bya ba'o/ /'di skad bstan te sprul pa'i 'khor lo'i pad+ma'i nang du son pa'i yi ge aM gi thig le'i 'od zer gyis bde ba chen po'i 'khor lo na bzhugs pa'i yi ge haM gi thig ler shar ba las gang bdud rtsi 'dzag pa nyid skra'i rtse mo brgya stong gi cha'i tshad tsam lus thams cad du bsim par gyur pa yin no//'di lta bu'i rnal 'byor bskyed nas cir 'gyur ba de gsungs pa/ ta hiM ba la khAdz+dza i zhes pa ta hiM ni de la yod pa'o/ /ba la ni bza' ba ste lus kyi mngon par zhes pa mi skye ba'o//lus kyi mngon par zhen pa mi skye ba 'ba' zhig tu ma zad kyi sems kyi mngon par zhen pa yang mi skyed pa yin par gsungs pa/ gaD+heM ma a NA pi dzA i zhes pa la/ gaD+heM zhes pa ni shin tu brtan zhing nges par phul du byung ba nyid kyis chang sems kyis 'thungs pas sems med pa nyid brnyes so//sems kyi mngon par zhen pa mi skye ba 'ba' zhig tu ma zad kyi ngag gi mngon par zhen pa yang de la mi 'byung ba yin par gsungs pa/ ha le kA liM dza ra pa Ni a i zhes pa ni yi ge haM gzhom du med pa'i rang bzhin no/ /de la smos pas yi ge aM yin par blta bar bya ste/ yi ge aM dang yi ge haM dag 'dres par de'o/ /ka liny+dzar pa Ni a i ka'i sgra ni ka la sogs pa'o/ /a'i sgra ni a la sogs pa'o/ /gnyi ga yang li ste gnyi ga yang nA da phreng gnyis te shes par mi gnas pa'o/ /ka liny+dza ra ni de skal pa dang ldan pa'o/ /pA Ni a i ni de'i bdag nyid kyis de la de dag thim par gyur pa'o//de'i rim pa 'dis ni sku gsung thugs kyi mngon par zhen pa nub par gyur nas stong pa nyid 'ba' zhig pa'i mngon par zhen pa brgyal 'gyur bar dogs pa bsu nas gsungs pa/ dun+du ra bA dz+dzi a i zhes pa 'di skal med duM dur zhes bshad ces pas stong pa nyid 'ba' zhig gis rtogs pa nyid skal ba dang mi ldan pa yin pa'i don to//nA da gnyis kyi rnal 'byor nyid ji ltar gyur pa de gsungs pa/ tsa u sa ma kas+thu di si h+la kar+pu ra lA i a i zhes pa la/ tsa u sa ma'i sgras ni de bzhin gshegs pa rnam par snang mdzad do/ / kas+thu'i sgras ni de bzhin gshegs pa mi bskyod pa'o/ /si h+la la ni de bzhin gshegs pa rin chen gtso bo'o/ /kar+pu ra'i sgras ni de bzhin gshegs pa 'od dpag tu med pa'o/ /'di yang de la de'i bdag nyid kyis thim par 'gyur ro/ /don yod grub pa yang nA da gnyis dbyer med pa nyid de rlung gi khams yin pa'i phyir de 'dir bye brag du ma gsungs so//yang na tsa u sa ma'i sgra ni bzhi mnyam pa ste/ ya ra la ba rnams rlung dang me dang sa dang chu rnams skyed pa'i rgyu'o/ /rim pas lha mo sgrol ma dang gos dkar mo dang / spyan ma dang / mA ma kI bdag nyid do/ /'di yang chos kyi 'khor lo dang longs spyod kyi 'khor lo'i pad+ma'i 'dab ma rnams la dbang ldan la sogs pa'i rim pas 'dab ma bzhi la sbyar bar bya'o//kas+thu ri ni yi ge hUM ngo / /de yang chos kyi 'khor lo'i lte bar sbyar bar bya'o/ /si h+la ni yi ge oM mo/ /de yang longs spyod kyi 'khor lo'i lte bar dgod do/ /kar+pur ni dbyangs yig bcu drug rnams te bde ba chen po'i 'khor lo'i 'dab ma rnams la sbyar bar bya'o//mA la i zhes pa ni/ a ka tsa Ta ta pa ya sha rnams te sprul pa'i 'khor lo'i 'dab ma rnams la shar la sogs pa'i rim pas dgod par bya'o/ /d+ha Ni zhes pa ni a A i I u U e ai rnams te de nas chos kyi 'khor lo'i brgya byin la sogs pa'i 'dab ma bzhi la dbyangs thung du bzhi'o//longs spyod kyi 'khor lo'i dbang po la sogs pa'i 'dab ma bzhi la dbyangs ring po bzhi dgod do/ /sA liny+dza ta'i ta ru khA i a i zhes pa la/ sA liM ta'i sgra ni phung po dang khams la sogs pa'o//ta hiM ni der ro/ /b+ha ru ni bza' ba nges par gang ba ste nye bar longs spyod pa'i don to/ /'dis phung po la sogs pa rnam par dag pa bstan pas phung po la sogs pa shin tu rnam par dag pa'i chos kyi dbyings kyi rang bzhin du yod pa'i bde ba bskyed pa yin no/ /de'i dus su gzhan yang skye ba yin par gsungs pa/phreM kha Na khe Ta ka ran+te shud+d+hA shud d+ha na ma ni a i zhes pa la/ phreM kha Na zhes pa ni lte ba sprul pa'i 'khor lor gnas pa'i dbyangs yig dang po'i thig le'i 'od zer steng du song ba'o/ /khe Ta zhes pa ni 'od zer des bde ba chen po'i 'khor lo ni yi ge haM kha thur du bltas nas gnas pa bzhus pa las byung ba'i bdud rtsi'i thig le 'og tu 'ong ba'o//de lta bur gyur ba'i shud d+hA shud d+ha mi bskyed de lhan cig skyes pa'i rang bzhin des rnam par mi rtog pa yin par dgongs so/ /gzhan yang gsungs pa/ ni rAM shu a zhes pa ni ma lus par dag pa'i cha'i gzi brjid gang de ni ni rAM shu ste zla phyed do//yang na cha shas rnams nges par song ba'i cha gang la yod pa de ni ni rAM shu ste zla ba phyed pa'o/ /de'i aM gi ni 'khor lo bzhi po kun la sgyur ba'o/ /tsa Ta bi a ni byin nas so/ /ta hiM ni der ro/ /dza'i sgras ni tshig gi rgyan no/ /sa rA ba pA Ni a i zhes pa ni/ /sa rA ba ni ro ste chos kyi dbyings byang chub sems kyi thig le'o//de yang pA Ni a i ni gzi brjid 'jug pa'i tha tshig go/ /'dis ni thig le'i rnal 'byor bstan to/ /phra mo'i rnal 'byor gsungs pa/ ma la A dze kun+du ru ba Ta i zhes pa ni lte ba'i steng du sor bzhis bar chod pa 'og gi 'od zer steng gi bdud rtsi'i rnal 'byor ro//ma la yA dzeM ni der g.yos pa tsam gyis sems gzung ngo / /kun+du ru'i sgra ni zur chag pa'i skad de des kun+du ru bi tir 'gyur ro/ /phyi pa 'di mtha' dag la sbyor ba'o/ /gang du skye ba yin pa de gsungs pa/ DiN+Di ma ta hi n+na bA dz+dzi a i re zhes pa la DiN+Di ma ni a wa d+hU tI ste/ de der spang bar mi bya bar de nyid la de'i rang bzhin gyis thams cad ni yang dag par sbyor ba yin par dgongs so//re'i sgra ni bod pa ste 'di ni kun la sbyar tshig yin no/ /da ni bsdus pa'i don bstan pa/ lte bar pad+ma 'dab ma drug cu rtsa bzhi kha dog ser po lte ba la zla ba phyed pa'i thig le dang ldan pa dbyangs yig dang po'o//shar la sogs pa'i pad+ma brgyad rnams la rim pa ji lta bzhin du/ /a ka tsa Ta ta pa ya sha rnams zla ba phyed pa'i thig le dang ldan pa'o/ /snying gar pad+ma 'dab ma brgyad pa kha dog dkar po'i lte ba la yi ge hUM kha thur du bltas pa shar la sogs pa'i 'dab ma bzhi la a i u e'i dbyangs kyi yi ge bzhi zla ba phyed pa dang thig les rnam par brgyan pa'o//dbang ldan la sogs pa'i 'dab ma bzhi la rim pa ji lta ba bzhin du ya ra la wa rnams te zla ba phyed pa dang thig le dang ldan pa'o/ /mgrin par longs spyod kyi 'khor lo pad+ma 'dab ma bcu drug pa kha dog dmar po/lte ba la yi ge oM kha thur du bltas pa'o/ /phyogs kyi 'dab ma bzhi la rim pa ji lta ba bzhin du A I U ai'i dbyangs ring po bzhi zla ba phyed pa dang thig les brgyan pa/ dbang ldan la sogs pa'i 'dab ma bzhi la de bzhin du yar la wa rnams so/ /smin mtshams su pad+ma 'dab ma sum cu rtsa gnyis pa sna tshogs pa'i mdog can/lte ba la yi ge haM kha thur du bltas pa'o/ /shar la sogs pa'i 'dab ma la 'dab ma re res bar chod par dbyangs bcu drug rnams zla ba phyed thig le dang ldan pa'o/ /lte ba sprul pa'i 'khor lo kha dog ser po dbus kyi lte ba la dbyangs dang po zla ba phyed pa dang thig les brgyan pa'o//shar la sogs pa'i phyogs kyi 'dab ma rnams la/ /a ka tsa Ta ta pa ya sha rnams so/ /dbang ldan la sogs pa mtshams kyi 'dab ma rnams la yi ge a la sogs pa dbyangs bcu drug rnams dang yi ge ka la sogs pa gsal byed sum cu rtsa bzhi rnams dang /cung zad nga ro zhan pa Da d+ha da d+ha ya rnams so/ /de ltar 'dab ma drug cu rtsa bzhi rnams la sbyar ro/ /gang zhing gtum mo zhes bya ba dbyangs yig dang po de nyid rtsa lag phra mor steng du gshegs te longs spyod la thug par bskyod pa'i 'od zer gyis hUM dang oM chos dang longs spyod du song ba'i thig le gnyis bzhu nas/bde ba chen po'i 'khor lor gshegs te yi ge haM gi thig le bzhu'o/ /de nas yi ge haM thig le bzhu nas kyang skra'i rtse mo brgya stong gi cha'i 'od zer las kyang 'das nas gtum mo'i thig le la thim mo/ /de yang gtum mo'i thig le de yang sngar gyi 'phro'i bya ba byed de pha mo'i rnal 'byor gyi rim pa'o//de bzhin gshegs pa thams cad dang lha mo'i sku'i thig le'i rnal 'byor yang / lte ba'i steng du sor bzhi'i cha dor bar de'i 'od zer gyis yi ge hUM thig le'i rang bzhin thig le yang chos kyi 'khor lo las 'og tu'o//de ltar gnyi ga rten dang brten pa'i rang bzhin gyis til 'bru tsam gyi bar la lha thams cad shar ba ni thig le'i rim pa'i phra mo'i rnal 'byor ro/ /rnal 'byor 'di dag dbang po rab dang rab kyi rab dbyer med pa nyid dga' ba la sogs par lhag par mos par bya'o/ /rnal 'byor 'di ni dkyil 'khor rgyal mchog go//rjes thogs su ni las rgyal mchog tu brjod do/ /de la 'dod chags dang bcas pa dang 'dod chags dang bral ba'i mngon par rdzogs par byang chub pa 'di sbyar ro/ /rnal 'byor 'dis ni tha mal pa'i nga rgyal gyi gzugs bsregs nas phung po dang khams dang skye mched la sogs pa rnam par sbyong bar byed do//de yang / lte bar gtum mo sbar ba yis/ /de bzhin gshegs pa lnga bsregs shing / /spyan la sogs pa yang bsregs pas/ /bsregs pas ri bong can haM 'dzag /ces rdo rje rigs su gsungs pa'i tshigs su bcad pa rnams kyi nges don yin no//de nyid kyi phyir bcom ldan 'das kyis gsungs pa/ mdor na phung po lnga rnams ni/ /sangs rgyas lngar ni rab tu grags/ /rdo rje skye mched gzhan ma nyid/ /byang chub sems dpa'i mchog dkyil 'khor/ /zhes pa'o/ /gzugs la sogs pa'i phung po lnga shin tu rnam par dag pa'i chos kyi dbyings kyi rang bzhin rnams so//rnal 'byor 'dis rnam par sbyangs na mngon par sangs rgyas lngar gyur pa yin no/ /rdo rje skye mched gzhan ma nyid/ /ces pa ni 'byung ba chen po bzhi'i rang bzhin yin pa'i phyir spyan ma la sogs pa'i lha mo bzhi ste sa la sogs pa'i phung po lngas bsdus pa'o//skye mched rnams kyang phung po lnga nyid kyis bsdus pa yin no/ /phung po dang khams dang skye mched kun nyid shin tu rnam pa'i chos kyi dbyings kyi rang bzhin rnams rim pa 'dis ni dang po'i sbyor ba yang bstan to/ /ting nge 'dzin gsum las dang po'i rnal 'byor ni/ phung po la sogs pa'i rnam par dag pas kun nas snang bar rnam par dag pa'o//dkyil 'khor rgyal mchog ni 'khor lo bzhin sgyur ba'i nA da'i bdag nyid kyi sa bon lha'i sku'i rang bzhin no/ /las rgyal mchog kyang bden pa gnyis kyi bdag nyid thabs dang shes rab kyi rang bzhin zla ba dang nyi ma'i bdag nyid do//yang na/ kol+la i re tI A bo la ni/ bol ni rdo rje ste rdo rje 'dzin pa'o/ /mum+mu Ni re kak+ko la zhes pa la kak+ko la pad+ma chos 'byung bdag med ma'o/ /g+ha Ne kri pi Ta ho bAdz+dza i ni rtag pa nyid du gnyi ga dbyer med pa yin no/ /ka ru Ne ki A na ro lA/ 'dis ni rdo rje gsum dbyer med pa 'di'o//ka ru Ni ki ni bde ba lhan cig skyes pa'i ye shes de 'dzin par byed pas na snying rje byang chub kyi sems so/ /des na ro lA ni 'gal bar mi byed pa ste/ kun rdzob dang don dam pa dbyer med pa nyid bzhi pa lhan cig skyes pa'o/ /ta hiM pa ru khAdz+dza i gA D+heM zhes pa ni de la de yod pa'i lhan cig skyes pa yod pas lus kyi mngon par zhen pa med pa'o//ma a NA pidzA i zhes pa ni sems kyi mngon par zhen pa med pa'o/ /ha le kAny+dza ra pA Ni a i zhes pa ni ngag gi mngon par zhen pa yang med pa'o/ /du nU ru bAdz+dza a i zhes pa ni stong pa nyid kyi mngon par zhen pa yang med pa'o/ /'di ji ltar yin pa de gsungs pa/gang gi phyir tsa u sa ma ni 'byung ba chen po bzhi gcig gi rang bzhin no/ /kasnu ri si h+la karbu ra lA i a zhes pa ni sku gsum dbyer med pa de yang ngo / /mA la in+d+ha Ni zhes pa ni me long la sogs pa ye shes lnga'i rang bzhin de yang ngo / /sA liny+dza ta hiM b+ha ru khA i a i zhes pa ni 'di kun no//sA liny+dza ni de'o/ /ta hiM ni der ro/ /b+ha ru khA i a zhes pa ni ma lus pa'i tshul gyis zos pas shin tu rnam par dag pa'i chos kyi dbyings nyid 'byung ngo / /de nyid ji ltar yin pa de gsungs pa/ phri kha Na khe Ta ka ran+te zhes pa la phreM kha Na ni 'od ba ste don dam pa'i bden pa bsdu ba'o//khe Ta ni 'gro ba kun rdzob kyi bden pa spro ba ste don dam pa'i bden pa nyid kun rdzob kyi bden pa de dang dbyer med pa'o/ /gang yin pa de gsungs pa/ shud+d+hA shud+d+hA na mu Ni a i/ shud+d+ha zhes pa ni don dam ba'i bden pa'o/ /a shud+d+ha zhes pa ni kun rdzob kyi bden pa'o//gnyi ga dbyer med pa las gnyi ga yang ma yin no/ /gzhan yang gang yin pa gsungs pa/ ni rAM shu aM ge tsa DA bi ta hiny+dza sa ra ba pA Ni a i zhes pa la ni rAM shu ni 'od gsal lo/ /aM ge tsa DA bi a ni 'di'i rang bzhin nyid de sku gsum du bya'o/ /dza sa rA ba pA Ni a i dza ni don yod rlung gi nA da'i tha tshig go//sa rA ba ni shi ba'i ro chos kyi dbyings kyi thig le yin pas nA dar thig le 'jug pa'o/ /'di ji ltar yin zhe na/ ma laM yA dzeM gnyis dbyer med par 'dus pa'o/ kun+du ru ba Ta i ni rdo rje 'dzin pa dang bdag med ma dbyer med par 'byung ba'o/ /DiN+Di ma ta hin+na bA dz+dzi a i re zhes pa la/DiN+Di ma zhes pa ni a wa d+hU tI bdag med ma'o/ /de yang der bA dz+dzi a i ni mi gtong zhing mi spong ba ste gtang ba'i tshul du mi nus pa'o/ /'dis ci bstan na sgyu ma lta bu la sogs pa'i dpe bcu gnyis kyis nye bar mtshon pa'i rnam pa thams cad mngon par mkhyen pa'i byang chub pa'i lam zung du 'jug pa'i rim pa 'di 'byung ba yin pa ni glu'i don to//sgra ji bzhin pa'i don gyis ni sbyor ba dang po'o/ gsang ba'i don ni dkyil 'khor rgyal mchog go/ /shin tu gsang ba'i don gyis ni las rgyal mchog ste dkyil 'khor gsum bshad do/ /gar gsungs pa/ he ru ka yi gzugs kyis gar//brjed ngas med dran rnal 'byor las/ /bsgyur bas na gar te rkang stabs brgyad do/ /gang gi gzugs kyis she na/ he ru ka'i gzugs kyis te/ he ru ka'i rang bzhin gyis so/ /he ru ka'i gzugs nyid ji ltar yin pa gsungs pa/ brjed nges med pa'i dran pa yis te phyag gnyis pa la sogs pa'i he ru ka'i rjes su dran pas so//'di nyid ji ltar yin pa gsungs pa/ bsgom la chags pa'i sems kyis te bsgom pa la rjes su chags pa'i sems kyis so/ /de nyid ji ltar yin zhe na/ rtag tu goms pa'i sems kyis so zhes pa ni rtag tu rgyun mi chad par gus par yun ring por goms pa las yin pa'i don to//'dis ni rtag tu bsgom pa la rjes su chags pa med par he ru ka'i gzugs med pa de'i rim pas gang gar byed pa de nyid mchog gi gar du gzhan yod pa ma yin pa'i don to/ /yang na gar ni gar byed pa thug pa med pa ste kun la khyab pa yin pas mi g.yo ba'o//ji ltar mi g.yo zhe na/ he ru ka yi gzugs kyis te stong pa dang mtshan ma med pa dang smon pa med pa'i rang bzhin gyis so/ /'di nyid ji ltar yin pa gsungs pa/ bsgom la chags pa'i sems kyis so/ /bsgom zhes pa ni snyoms par 'jug pa'o/ / de'i bde ba 'dod mar brjod/ /ces pas chags pa'o/ /'dod ma ni bdag med ma'o/ /sems kyis zhes pa ni bdag med ma'i ye shes kyis so/ 'di gnyis ni glu dang gar ro/ /rdo rje gsum gyi rnal 'byor gyis yin par bsdu ba gsungs pa/ /rdo rje chos dang sangs rgyas dang / rnal 'byor ma dang ma mo yis//rdo rje chos zhes pa ni chos kyi sku'i rang bzhin gyi sku gsum yin pas mang po'i tshig go/ /sangs rgyas zhes pa ni sprul pa'i sku'i rang bzhin gyi sku gsum gyis so/ /rnal 'byor ma dang ma mo yis/ /zhes pa ni longs spyod rdzogs pa'i sku'i rang bzhin gyi sku gsum gyis so/ /sku gsum nyid re re zhing yang mang po'i tshig gis bstan pa'o//gang mchog gi glu dang gar de yang mchog gi glu dang gar 'di dag nyid las tha mal pa la sogs pa'i glu dang gar gzhan dag ma yin no/ /ko l+la i ret+thi a bo la zhes bya ba la sogs pa'i glu'i don nyid kyis glu'i mchog blang ngo / /he ru ka'i gzugs kyis gar zhes bya ba la sogs pa bshad zin pa'i don nyid gar gyi mchog yin no//glu dang gar ni 'di dag gis/ /mchog gi glu blang gar yang bya/ /zhes legs par gnas so/ /glu dang gar gyi mchog nyid gsungs pa/ 'di nyid kyis ni tshogs kyang bsrung / /de bzhin bdag kyang bsrung ba nyid//'dis ni 'jig rten dbang du byed/ /'dis ni sngags kyi bzlas pa nyid/ /tshogs ni phung po dang khams dang skye mched la sogs pa'o/ /de rnams kyi kyang gi sgra ni khyad par gyi don to/ /'di nyid kyi zhes pa ni thun mtshams bzhi po 'dis yin gyi gzhan ni ma yin pa'i don to//bdag kyang bsrung zhes pa ni sems bsrung ba'o/ /de bzhin zhes pa ni sems bsrung ba nyid tshogs bsrung ba yin par dgongs so/ /'dis ni gar dang 'brel par brjod pas yin gyi gzhan gyis ma yin pa'i don to/ /tshogs bsrung ba ni gsung rdo rje longs spyod rdzogs pa'i sku gsum dbyer med pa nyid kyis so//bdag kyang bsrung ba ni sku dang gsung dang thugs rdo rjes sku gsum dbyer med pa yin gyis ma yin pa'i don to/ /'dis ci bstan na/ ji snyed yan lag bsgyur ba dang / /tshig rnams rab 'byams brjod pa nyid/ /de snyed sngags dang phyag rgya ste//he ru ka yi go 'phang gnas/ /zhes pa'i tshigs su bcad pa 'di nges par gnas pa yin te spyod pa'i rim par phye ba dang de'i rim par phye ba yang gnyis su med par legs par nges pa'o/ /slar yang bcom ldan 'das kyis gsungs pa/ bsrung zhes pa ni bstan par bya'o/ /dbang du byed ni dbang du 'gyur ba'o//de sems yin par gsungs pa/ 'dis ni dbang du byed ces pa 'dis so/ /gar gsungs pa/ khams gsum thams cad de'i rang bzhin te 'jig rten ma yin pa'i mtshan ma phung po lnga'i phyir ro/ /yang na 'jig rten ni phung po lnga yod pa'o/ /dbang du byed ni dbang du gyur pa'o//mnyam pa nyid gcig gi mtshan nyid du dmigs pa'i tshul gar ro/ /'dis ni sngags kyi bzlas pa nyid/ /ces pa ni gar bstan pa ste mtshan ma thams cad yongs su spangs pa yin par dgongs so/ /glu dang gar dag gam gar dang glu dag 'di dgongs pa'i skad kyis dbye ba med pa bstan to//'di nyid kyis ni tshogs kyang bsrung / /zhes bya ba la sogs pa'i don slar rab tu gsal ba nyid du ma byas so/ /glu dang gar gyi byin rlabs gsungs pa/ gal te glu dang gar 'di nyid mchog yin pa de nyid brjod par bya ste/ gang du gus pas glu len dang / / gang du gus pas gar byed pa/ /tshogs kyi bdag po'i mdun bdar nas/ /de la dri ni mtshon par bya/ /don ni rab du gsal ba nyid do/ /gsang ba'i don du ni bshad pa/ gus pas zhes pa ni 'bad pa dang bcas pa'o/ /len zhes pa ni bstan pa'i glu'i don gyi 'jug pa'o/ /gang du zhes pa ni bzhi pa'i skad cig gang la'o//gang du gus par gar byed par/ /zhes pa ni gar gyi don gyi de bzhin du 'jug pa'o/ /de la dri ni mtshon par bya/ /zhes pa ni dri nyid mtshon par bya ba dang mtshon par byed pa pa'o/ /sna zhes pa ni nA da phreng gnyis kyi rang bzhin can gyi nA da'i phreng gnyis ni sna ste/de mtshon pa ni mtshon pas rnam par gzhag pa'o/ /nA da phreng gnyis dbyer med sku gsum las gzhan ci yang med pa yin par dgongs so/ /gar dang glu dag bcom ldan 'das kyis sku gsum gyi rang bzhin du rgyas btab pas ni g.yo bar byas so/ /sgog skya'i dri ni dang po nyid//de nas yang ni bya rgod dri/ /ga pur mA la ya byung dri/ 'di ni gar gyi byin gyi rlabs yin par grags so/ /yang na sgog skya zhes pa ni rol pa ste nges pa'i tshig gi dang po'o/ /dri zhes pa ni dga' ba'i ye shes so/ /bya rgod dri zhes pa mngon par 'dod pa la gr-iD+ha ste/ gr-iD+ha 'dod pa dang mngon par 'dod pa'o//des na de'i bar khyad par mchog dga'i ye shes so/ /yang ga pur dri dga' bral gyi dga' ba'i ye shes so/ /mA la ya bzhi pa lhan cig skyes dga'i ye shes so/ /ga pur mA la ya skyes zhes pa ni bde ba spangs nas de ma yin zhes bsdu bas lhan cig skyes pa'o//gar gyi byin rlabs kyi mtshan ma bstan pa'o/ /de'i rjes su glu'i byin rlabs kyi mtshan ma ni/ ngang pa dang ni bung ba'i sgra/ /glu yi mtha' mar thos par 'gyur/ /ce spyang gi ni sgra yang ni/ /phyi rol tshal du mtshon par bya/ /go sla ba'i don to/ /gsang ba'i don bstan par bya ste/sgra zhes pa ni nA da'o/ /de yang ngang pa ni haM gi rang bzhin gyi thugs rdo rje'o/ /bung ba zhes pa ni rkang pa drug ste drug pa'i rang bzhin rdo rje 'dzin pa'i ye shes so/ /glu'i mtha' mar zhes pa ni cha med par ro/ /thos par 'gyur zhes pa ni thos pa'i sgo nas rtogs pa'o/ A li kA li'i nA da dbyer med pa las 'dzag pa byang chub sems zla ba zhu nas shar ba'o//de nyid thugs rdo rje sems dpa'i rang bzhin no/ /go'i sgras ni dbang po rnams so/ /de rnams kyi ma ni gzung ba dang 'dzin pa yongs su gcod pas ce spyang ngo / /dbang po dang yul dang shes pa de yang sgra'o//de'i don yang rtogs pa'o/ /phyi rol tshal du zhes pa ni phyi rol ni dbang po dang yul rnams las byung nas 'gro ba'o/ /tshal ni yang dag pa'i ye shes te/ phyi rol nyid tshal yin pas phyi rol tshal lo/ /de la yod pa mtshon par bya ni ye shes kyi spyan gyis thams cad nyid dbyer med pa thob pa yin no//'di ni glu byin rlabs so/ /gar gyi byin rlabs kyis sku gnyis so/ /glu'i byin rlabs kyis longs spyod rdzogs pa'i sku'o/ /de ltar gnyi ga'i byin rlabs kyis bcom ldan 'das kyi sku bstan to/ /gang yang lha dbang bskur ba las/ /zhe sdang la sogs rgyas gdab gsungs//de la bdag ni the tshom mchis/ /gang gi phyag rgya phyag rgya ci/ /zhes zhus pa'i lan gsungs pa/ phyag rgya rtags dang mtshan ma ste/ /mtshan mas rigs ni mtshon par bya/ /rigs 'tshol bsgom pa'i sbyor ba las/ /dngos grub med cing sgrub po'ang med/ /dbang po gang gis yul 'dzin pa//de ni de yi yul yin te/ /mig gis gzugs ni gzung bar bya/ /sgra ni rna bas thos par gyur/ /sna yis dri ni zhes bya ba la sogs pa mig gi dbang po la sogs pa'i yul nges pa'o/ /'di nyid kyang rnam par snang mdzad la sogs pa rigs brgya'i rab tu dbye bas rigs zhes brjod do//'chol ba ni yod pa'o/ /bsgom pa ni snyoms par 'jug pa'o/ /sbyor med ni 'du ba med pa'o/ /dngos grub med ni yang dag pa'i ye shes rdzogs pa ma yin no/ /sgrub po med ces pa ni yang dag pa'i ye shes bskyed pa'i rgyu yang med pa yin no/ /rigs ma 'chol ba'i rnal 'byor 'di nyid gsungs pa//zhe sdang phyag rgyas bdag med ma/ /gti mug phyag rgyas rdo rje ma/ /ser sna'i phyag rgyas dkar mo nyid/ /chags pas chu ma phyag rgyas gdab/ /phrag dog phyag rgyas mkha' 'gro ma/ /zhe sdang phyag rgyas puk+ka sI/ /gti mug phyag rgyas ri khrod ma//ser sna'i phyag rgyas gdol ba mo/ /'dod chags phyag rgyas g.yung mo nyid/ /yang ni dkar mo zhe sdang las/ /gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+ha sma rI/ /gti mug phyag rgyas sa spyod ma/ /'dod chags phyag rgyas mkha' spyod ma//'dod pas phyag rgya shes par bya/ /zhes pa'i 'di'i don ni 'di yin te/ nang gi rim par gnas pa lnga ni bdag med ma la sogs pa'i mkha' 'gro ma lnga/ mi bskyod pa la sogs pa de bzhin gshegs pa lngas rgyas btab pas de'i bdag nyid du shes par bya'o/ /zhe sdang ni mi bskyod pa rnam par shes pa'i phung po bdag med ma dang gnyis su med cing gnyis su byar med la so so ma yin zhing gcad du med pa'o//gti mug ni rnam par snang mdzad gzugs kyi phung po/ gzugs kyi phung po rdo rje ma dang 'di gnyis su med cing gnyis su byar med do/ /phra ma ni rin chen gtso bo tshor ba'i phung po gau rI ma dang 'di dbyer med pa'o//'dod chags ni 'od dpag tu med pa 'du shes kyi phung po/ 'du shes kyi phung po yang chu'i rnal 'byor ma dang 'di gnyis su med pa'o/ /phrag dog ces pa ni don yod grub pa 'du byed kyi phung po/ 'du byed kyi phung po yang rdo rje mkha' 'gro ma dang 'di gnyis su med pa'o//'dis ni phung po lnga'i rang bzhin rnams dang de bzhin nyid rnam par dag pa 'di gnyis su med cing gnyis su byar med la so so ma yin zhing gcad du med pa'o/ /zhe sdang phyag rgyas puk+ka sI/ /zhes pa ni/ zhe sdang mi bskyod pa rnam par shes pa'i phung po de yang puk+ka sI dang 'di gnyis su med pa'o//gti mug phyag rgyas ri khrod ma/ /zhes pa'i gti mug rnam par snang mdzad gzugs kyi phung po'o/ /de yang ri khrod ma dang 'di gnyis su med pa'o/ /ser sna'i phyag rgyas gdol pa mo/ /zhes pa ni phra ma ni rin chen dbang po gtso bo tshor ba'i phung po de yang gdol pa mo dang 'di gnyis su med pa'o//'dod chags phyag rgyas g.yung mo nyid/ /ces pa ni 'dod chags 'od dpag tu med pa/ 'du shes kyi phung po de yang g.yung mo dang 'di gnyis su med pa'o/ /yang ni dkar mo zhe sdang las/ /zhes pa ni/ zhe sdang ni mi bskyod pa rnams par shes pa'i phung po de yang 'di dkar mo dang gnyis su med pa'o//gti mug phyag rgyas chom rkun ma/ /zhes pa ni/ gti mug rnam par snang mdzad gzugs kyi phung po de yang chom rkun ma dang 'di gnyis su med pa'o/ /ser sna'i phyag rgyas ro langs ma/ /zhes pa ni/ phra ma rin chen gtso bo tshor ba'i phung po de yang ro langs ma dang 'di gnyis su med pa'o//'dod chags phyag rgya g+hasma rI/ /zhes pa ni 'dod chags ni 'od dpag tu med pa 'du shes kyi phung po de yang g+hasma rI 'di gnyis su med pa'o/ /gti mug phyag rgyas sa spyod ma/ /zhes pa ni/ gti mug rnam par snang mdzad gzugs kyi phung po de yang spyod ma dang 'di gnyis su med pa'o//'dod chags phyag rgyas mkha' spyod ma/ /zhes pa ni/ 'dod chags 'od dpag tu med pa 'du shes kyi phung po de yang mkha' spyod ma dang 'di gnyis su byar med de so so ma yin zhing gcad du med do/ /rdo rje gsum dbyer med pa nyid mkha' 'gro ma rnams kyi ye shes gsum gyi byin rlabs bstan pa yin pas chos sku nyid sku gsum yin no//zhe sdang phyag rgyas bdag med ma/ /zhe sdang phyag rgyas puk+ka sI/ /yang ni dkar mo zhe sdang las/ /zhes pa ni/ rnam par shes pa dang dbang po dang yul rnam par shes pa nyid yin no//de nyid kyi phyir bcom ldan 'das kyis gsungs pa/ dbang po gang dang gang lam nyid/ /de yi rang bzhin nyid du gyur/ /mnyam par ma bzhag rnal 'byor gyis/ /rtag tu nyid du mnyam par gzhag /ces pa'o/ /gzugs phung rdo rje ma yin te/ /tshor ba'i phung po dkar mo'o//'du shes chu yi rnal 'byor ma/ /zhes pa sku gsum gyi rang bzhin gyi mkha' 'gro ma gsum mo/ /'du byed kyi phung po'i rang bzhin rdo rje mkha' 'gro ma zhes pa ni don yod grub pas byin gyis brlabs pa las A li kA li'i nA da'i phreng ba gnyis dbyer med pa'i kha sbyor ba nyid de dgyes pa'i rdo rje'o//gti mug phyag rgyas ri khrod ma/ /phra ma'i phyag rgyas gdol pa mo/ /'dod chags phyag rgyas g.yung mo nyid/ /ces pa ni/ sku gsum gyi rang bzhin gyi mkha' 'gro ma gsum mo/ /gti mug phyag rgyas ri khrod ma/ /phra ma'i phyag rgyas gdol pa mo/ /'dod chags phyag rgyas g.yung mo nyid//ces pa ni/ sku gsum gyi rang bzhin gyi mkha' 'gro ma gsum mo/ /gti mug phyag rgyas chom rkun ma/ /ser sna'i phyag rgyas ro langs ma/ /'dod chags phyag rgyas g+ha sma rI/ /zhes pa mkha' 'gro ma gsum po 'di yang sku gsum gyi rang bzhin no/ / bdag med spos mo dkar mo dang / /rnam shes mkha' 'gro ma gsum ni/ /thabs dang shes rab yang dag ldan/ /rdo rje mkha' 'gro ma zhes nges/ /ri khrod gdol pa g.yung mo ni/ /sku gsung thugs kyi phyag rgyas gdab/ /de bzhin gau rI la sogs gsum/ /sku gsung thugs kyi phyag rgyas gdab//gnyis dang gnyis su med pa'i tshul/ /gsum po rigs drug tu brjod de/ /thabs dang shes rab rang bzhin phyir/ /gsum po rigs ni drug tu 'gyur/ /gnyis [(]gyi [,]kyi [)]tshul gyis gsum po nyid/ /gnyis med gcig pa'i rang bzhin can/ /de yang rnam pa lnga zhes brjod/ / nges par mdor bsdus pa las/ gnyis dang gnyis su med tshul te/ /dbye ba las ni gsum du 'gyur/ /bzhi pa bsgrub par bya ba'i tshul/ /de ni brjod par mi nus so/ /gang phyir zhe sdang rgyas gdab pas/ /mkha' 'gro 'khor lo bla na med/ /'di phyir rigs ni 'chol ba las/ /dngos grub med cing sgrub pa med//ces bya ba la sogs pa ni rigs 'chol ba'i rnal 'byor bsgom pa nyid de rigs 'chol ba'i rnal 'byor bsgom pa yin par dgongs so/ khyad par 'chol bas rigs de rnams gang la snyoms par zhugs pa'i rnal 'byor de ni rigs 'chol ba bsgom pa'i rnal 'byor ro//de'i phyir dngos grub med ni 'bras bu med pa'o/ /sgrub po med pa ni rgyu med pa'o/ /rgyu dang 'bras bu dag gi rang bzhin dngos po med pa dbyer med pa las so/ /yang na rnam pa sna tshogs pa'i tshul gyis dor nas btang ba ni rnam par snang mdzad la sogs pa'i rigs rnams de bzhin gshegs pa mngon par gang la bsgom pa'i rnal 'byor yod pa de ni rigs 'chol ba'i bsgom pa'i rnal 'byor ro//de'i phyir/ dngos grub med cing sgrub po med/ /ces pa ni rigs ma 'chol ba'i bsgom pa'i rnal 'byor gang zung du 'jug pa 'byung ba'i rim pa sangs rgyas kyi spyod yul lo//de nyid kyi phyir/ /'dod pas rnal 'byor mas shes bya/ /'dod pas zhes pa ni lhun gyis grub pas so/ /rnal 'byor ma zhes pa ni rang bzhin gyis lhun gyis grub pa'i rnal 'byor dang ldan pa'i don to/ /glu dang gar dang rgyas btab pa'i the tshom bsal ba yin no/ / da ni sngags kyi rim par phye bar gsungs pa'i sngags btub gsungs pa/ A li dang po bdag med ma/ /A li gnyis pa rdo rje ma/ /A li gsum pa dkar mo nyid/ /bzhi pa chu yi rnal 'byor ma/ /a A i I de zla phyed thig les brgyan pa/ aM aM iM iM ste mkha' 'gro ma bzhi'i sa bon no//yang na A li dang po bdag med ma ni thugs rdo rje'o/ /A li gnyis pa rdo rje ma ni sku rdo rje'o/ /A li gsum pa dkar mo nyid/ /ces pa ni/ gsung rdo rje'o/ /bzhi pa chu yi rnal 'byor ma/ /zhes pa ni/ rdo rje gsum dbyer med pa'i lhan cig skyes pa'o/ /yang na dga' ba dang mchog dga' dang rnam par dga' ba'i rang bzhin gyi mkha' 'gro ma gsum mo//bzhi pa chu'i ni byang chub kyi sems so/ /de'i rnal 'byor 'di la yod pas chu'i rnal 'byor ma ste bde ba spangs nas de ma yin zhes bya ba'i tshig gis bzhi pa lhan cig skyes pa'o/ /lnga pa rdo rje mkha' 'gro ma/ /drug pa puk+ka sI zhes brjod//bdun pa nyid ni ri khrod ma/ /brgyad pa sme sha can du brjod/ /dgu pa yang ni g.yung mo nyid/ /yang na lnga gnyis dkar mo nyid/ /u U r-i r-I la l-I de rnams rim pas so/ /sa bon drug po rnams zla ba phyed pa dang thig les brgyan par gyur pa/ uM UM r-iM r-I l-iM l-IM mkha' 'gro ma drug gi sa bon no//yang na/ lnga pa rdo rje mkha' 'gro ma/ /zhes pa ni/ de nyid bzhi pa ni lnga pa ste/ me long lta bu la sogs pa ye shes lnga'i rang bzhin gyi rdo rje mkha' 'gro ma zhes brjod do/ /de nyid drug pa ste/ drug pa rdo rje 'dzin pa'i ye shes so/ /puk+ka sI zhes pa ni/ /zhe sdang phyag rgyas puk+ka sI//zhes pa'i tshig gis so/ /de nyid bdun pa ni thabs dang shes rab gnyis su med pa'i rang bzhin no/ /lnga pa ni ye shes lnga spro ba dang bsdu ba'i rang bzhin gyis thabs so/ /drug pa ni drug pa rdo rje 'dzin pa'i ye shes kyi shes rab de gnyi ga dbyer med pa'o/ /bdun pa nyid ni ri khrod ma//zhes pa ni/ byang chub kyi sems so/ /brgyad pa zhes pa ni de nyid thabs dang shes rab dbyer med pa'i rdo rje gsum gyi rang bzhin sme sha can zhes brjod do/ /A li kA li snyoms par zhugs pa bdag med mas byin gyis brlabs pa'i rang bzhin gyi phyi gtum mo rnams ni brgyad pa sme sha can du brjod do//dgu pa yang ni g.yung mo nyid/ /yang ni slar yang bzhi pa ste/ /g.yung mo nyid ni reg tu mi rung ba d+hU tI bdag med ma rdo rje mkha' 'gro ma'o/ /de nyid yang zhes pa ni/ bzhi pa yang bsdu ba'i rang bzhin gyi bzhi par dang por gsungs so/ /da ni/ lnga pa rdo rje mkha' 'gro ma//zhes bya ba la sogs pas spro ba'i rang bzhin gyi bzhi pa bstan nas spro ba dang bsdu ba'i rang bzhin nyid bzhi pa yin pa de gsungs pa/ lnga gnyis dkar mo nyid ces pa ni rnam pa gnyi ga yang lnga tshan gnyis te ye shes lnga lnga'i rang bzhin nyid yin pa'i don to/ /bcu gcig chom rkun ma ru bshad//bcu gnyis ro langs ma zhes brjod/ /bcu gsum pa ni g+ha sma rI/ /bcu bzhi pa ni sa spyod ma/ /bco lnga pa ni mkha' spyod ma/ /rnal 'byor ma yi sa bon nyid/ /e ai o au aM/ de zla phyed thig les brgyan pa ni/ eM aiM oM auM aM/ yang aM ngo / /yang na lnga po de nyid kun rdzob dang don dam pa dbyer med pas bcu'o//de nyid bcu gcig ste gnyis su med pa'o/ /bshad pa ni grags pa ste/ 'od gsal ba yang dag par rdzogs pa'i byang chub pa yin pa'i tha tshig go/ /bcu gnyis zhes pa ni de nyid thabs dang shes rab kyi bdag nyid du 'dod pa'i yang dag pa'i ye shes so//bcu gsum zhes pa ni sku gsum gyi bdag nyid do/ /aM ni yang dag pa'i ye shes so/ /bcu bzhi zhes pa ni de nyid rdo rje gsum dbyer med pa'i ye shes lnga po nyid do/ /sa spyod ma zhes pa ni sa spyod kyi sgras ni sa brtan pa'i ye shes so/ /spyod ma ni spros pa'i ye shes te spro ba dang bsdu ba'i ye shes nyid bzhi pa yin par dgongs so//bco lnga pa zhes pa ni lnga nyid bcu ni bco lnga pa ste/ mkha' spyod ma zhes pa ni chos kyi dbyings kyi rang bzhin rnams te chos kyi dbyings nyid bzhi pa'o/ /de nyid lnga yang yin la bcu yang yin pas bco lnga'o/ / 'dis ci bstan na/ bzhi pa chu yi rnal 'byor ma/ /zhes pas/ A li dang po bdag med ma/ /zhes bya ba la sogs pas bsdu ba'o/ /lnga pa rdo rje mkha' 'gro ma/ /zhes bya ba la sogs pas ni spro ba'o/ /bcu gcig chom rkun ma ru bshad/ /ces bya ba la sogs pas spro ba dang bsdu ba dbyer med pa'i yang dag pa'i ye shes su nges pa yin no//mkha' 'gro bzhi ni 'byung ba chen po bzhi rnams so/ /lngas ni ye shes lnga'o/ /drug pas ni skye mched drug go/ /khams gsum po 'di thams cad nyid re re zhing yang lnga'i bdag nyid do mkha' 'gro ma bco lnga'i rang bzhin no//rnal 'byor ma'i sa bon nyid ni rnal 'byor ma'i sgras thabs dang shes rab dbyer med pa'i ye shes kyi sku rdo rje sprul pa'i sku'o/ /sa bon gyi sgra ni gsung rdo rje longs spyod rdzogs pa'i sku'o/ /nyid ni thugs rdo rje chos kyi sku'o/ /rnal 'byor ma rnams kyi sa bon yin te/ sku gsum dang dbyer med pa'i A li kA li'i nA da'i rang bzhin kun rdzob dang don dam pa gnyis dbyer med pa zung du 'jug pa'i rgyas btab pa bla ma dam pa'i zhabs kyi bka' drin las rtogs pa rnam pa thams cad mkhyen pa mngon par byang chub pa'i lam yin no//sngags kyi rim par phye ba bstan nas rigs kyi rim par phye ba gsungs pa//rigs kyi le'u las rtsa rnams gang / /bcu drug gnyis kyi bdag nyid gsungs/ /rtsa ni gnyis gnyis rnal 'byor ma/ /re rer rim pa bzhin du sbyar/ /rigs kyi le'u zhes pa ni/ /rdo rje rigs kyi rim par phye ba'o/ /rtsa rnams gang ni sum cu rtsa gnyis nas byang chub kyi sems 'bab pa zhes bstan to//rtsa de rnams gnyis gnyis kyis rnal 'byor ma re rer bstan to/ /rim pa bzhin ni brgyad pa'o/ /mi phyed ma dang tshan ma zhes pa gnyis ni rdo rje ma'o/ /phra gzugs ma dang nag mo dang / /zhes pa gnyis ni gsang ba'i dkar mo'o/ / mdzes ma dang spyi ma zhes pa gnyis ni chu ma'o/ /g.yon pa ma dang rgyu sbyin ma/ /zhes pa gnyis ni rdo rje mkha' 'gro ma'o/ /g.yon pa ma dang sbyor bral ma/ /zhes pa gnyis ni puk+ka sI'o/ /rus sbal skyes ma sdu gu ma/ /zhes pa gnyis ni ri khrod ma'o/ /bsgom pa ma dang grub ma zhes pa gnyis ni gtum mo'o//dbang ma dang 'tshed ma zhes pa gnyis ni g.yung mo'o/ /skyon ma dang yid bzangs ma zhes pa gnyis ni dkar mo'o/ /'jug ma dang sum skor ma zhes pa gnyis ni chom rkun ma'o/ /ma mo dang 'dod ma zhes pa gnyis ni ro langs ma'o/ /mtshan mo dang khyim ma zhes pa gnyis ni za phod ma'o//bsil sbyin ma dang gtum mo zhes pa gnyis ni sa spyod ma'o/ /tsha ba ma dang bdud 'dral ma zhes pa gnyis ni mkha' spyod ma'o/ /'dis ni thabs dang shes rab rnam par dag pa mkha' 'gro ma bcu bzhi'o/ /brkyang ma dang ro ma dang kun 'dar ma zhes pa gsum ni bdag med ma'o//de nyid kyi phyir gsungs pa/ /brkyang ma ro ma kun 'dar ma/ /bdag med rnal 'byor ma ru bzhed/ /ces pa'o/ /gang phyir bcu drug cha med pas/ /'bad pas kun gyi lhag ma spang / /kun gyi lhag ma zhes pa ni dA ri ka'o/ /spang ba ni spangs pa'o/ /tsheg drag yin pa'i phyir zhes dgongs pa'o//'di ji ltar zhe na/ gang phyir bcu drug cha med pas/ /nub pa dang 'char bdag gi tshes grangs bco lnga rnams la cha'i rim pas tshes gcig la sogs pa la nub pa dang 'char bas gnam stong la nub par 'gyur ro/ /de nyid tshes gcig la sogs pa 'char bar yang dmigs pas 'char bar yang 'gyur ro//de'i phyir bco lnga'i cha'i bdag nyid can nyid zla ba ste/ de'i bcu drug pa'i cha ni med pa nyid do/ /ci'i slad du zhe na/ don gyi bya ba mi byed phyir/ /zhes pa ni/ cha med pa'i phyir don gyi bya ba yang med par dgongs so/ /de nyid kyi phyir bcom ldan 'das kyis gsungs pa/bco lnga'i cha yi bdag nyid can/ /zla ba byang chub sems su 'gyur/ /bde ba chen po A li'i gzugs/ /rnal 'byor ma rnams de yi cha/ /zla ba ni bde ba skyed par gyur pa'o/ /gang zhe na byang chub kyi sems te bdud rtsi'i khu ba'o/ /de yang bco lnga'i bdag nyid can ni nA da bco lnga'i sku'o//de nyid kyi phyir A li'i gzugs so/ /de nyid bde ba che ni bde ba chen po'i ye shes rnam par dga' ba'o/ /de nyid rnal 'byor ma'i cha ni yan lag tu gyur pa'o/ /de'i zhes pa ni bdud rtsi'i khu ba byang chub sems kyi'o/ /'dis ni cha rnams rdul phra rab kyi rang bzhin pas cha med pa'i phyir rang bzhin gyis dbyer med pa'i rnal 'byor dang ldan pa nyid rnal 'byor ma'i cha'o//de'i zhes pa ni bde ba chen po dang dbyer med pa'i bdud rtsi'i khu ba'o/ /phyi rol gyi zla ba yang dbyu gu gnyis kyi bdag nyid bco lnga'i cha'i bdag nyid can no/ /de nyid kyi phyir/bcu drug pa shin tu gzugs can ma cha med pa ste nA da'i rang bzhin ma yin no/ /de nyid kyi phyir/ kun gyi lhag ma ni bzhi pa lhan cig skyes pa'i ye shes kyi rang bzhin no/ /de nyid kyi phyir/ 'bad pas ni rab tu 'bad pas so/ /spang ba ni spangs pa ste tsheg drag nyid du rnam par gzhag par bya'o//ci'i slad du zhe na/ don gyi bya ba mi byed phyir/ /nye bar dmigs pa thams cad dang bral ba yin pa'i don to/ /byang chub kyi sems ni yang don byed de bde ba chen po'i rang bzhin skyed par byed do/ /bco lnga'i cha'i bdag nyid can/ /zhes pa ni/ /shes pas so/ /rdo rje snying pos gsol pa//rnal 'byor ma kun las byung ba/ /lhan cig skyes dga'i rang bzhin yang / /'grib med btung mchog nam mkha' nyid/ /ga pur nges par spang ngam ci/ /nges par ni nges pa'i don to/ /ga pur ni bdud rtsi khu ba'o/ /de yang spang ngam ci ste mi spang ba'o/ /nges par ni gang gi phyir ro//de yang rnal 'byor ma las byung ni gang mkha' 'gro ma kun las byung ba'am/ /de las mkha' 'gro ma kun rnams ni 'byung ba gang gi phyir ro/ /'dis ni rnal 'byor ma thams cad las yang dag par byung ba'i rang bzhin gyi byang chub kyi sems de'am byang chub kyi sems las rnal 'byor ma thams cad byung ba'o//yang gi sgras ni tshig gi phrang de tshig gi phrang rnams ni don du ma yin pa'i phyir yang gi don to/ /lhan cig skyes pa'i rang bzhin yang ngo / /'grib pa'i tshul can spang ba'i rang bzhin gyis te ye shes can de nyid 'grib pa med de 'jig pa'i rang bzhin nyid kyi phyir 'jig pa med pas mi zad pa yin pa'i don to//'grib med btung mchog nam mkha' nyid/ /ces pa ni don brjod par bya ste/ /gzugs med pas 'grib pa bdag med ma'i rang bzhin pas rang bzhin med pa'o/ /btung mchog ces pa ni chen po ste/ / kun rdzob kyi bden pa nyid kyis rdo rje 'dzin pa'i rang bzhin no/ /nam mkha' zhes pa ni gnyi ga dbyer med pa'o/ /kha ni rin chen gtso nyi ma dang / ga 'od dpag tu med pa zla ba dang / /gnyi ga dbyer med pa yin pa'i don to/ /yang na mkha' zhes pa ni kha chos 'byung ngo / /der 'gro zhing shes la de dang dbyer med pa'i rang bzhin yin pas nam mkha'o/bcom ldan 'das kyis bka' stsal pa ji skad smras pa 'di bzhin no/ /ji skad du smras pa ni kho bo'i yang bzhed pa'o/ /yang na 'di ni de lta bu'i rang bzhin te/ 'grib med 'grib pa'i rang bzhin can nam 'grib med btung mchog nam mkha' gang yin pa'o//rdo rje snying pos gsol pa/ thabs gang gis byang chub kyi sems bskyed pa lags/ byang chub kyi sems zhes pa ni zla ba mi spang ba lhan cig skyes pa'i rang bzhin mi 'grib pa 'grib pa'i tshul ni spang ba'o/ de gnyi ga yang thabs gang gis bskyed/ chags zhes pa ni skye ba'i rang bzhin gyis spang ba'o//kun rdzob bo/ /de nyid mya ngan las 'das pa'i tshul gyis don dam pa'i bden pa'o/ /bskyed pa ni yang dag par shes par bya ba'o/ /bcom ldan 'das kyis bka' stsal pa/ dkyil 'khor 'khor lo'i thabs dang ni/ rang byin brlab pa'i rim pas kyang / kun rdzob don dam gzugs can gyi//byang chub sems ni rab tu bskyed/ /dkyil 'khor zhes pa ni lha rnams 'byung ba'o/ /'khor lo zhes pa ni rnal 'byor ma rnams kyi skye ba dang gnas pa'i dkyil 'khor dang dbyer med pa'i 'khor lo/ 'khor lo dang dbyer med pa'i dkyil 'khor ni dkyil 'khor gyi 'khor lo'o//gang gi phyir dkyil 'khor lo ste de nyid dkyil 'khor gyi 'khor lo'o/ /de bzhin gshegs pa nyid mkha' 'gro ma la mkha' 'gro ma nyid de bzhin gshegs pa'o/ /'di nyid dang po ni gtso bo'o/ /thabs ni rgyu'o/ /des na rgyu dang 'bras bu gnyis kyis so/ /rang gi byin gyis brlab pa ni rang byin gyis brlab pa ste/des rim par rtogs pas na rang byin gyis brlab pa'i rim pa'o/ /des rang gi bdag nyid la byed pa 'gal ba'i phyir thams cad mi dmigs pa yin par dgongs so/ /'di ni/ dkyil 'khor 'khor lo dang po'i thabs/ /zhes bya ba la sogs pas rdo rje dang pad+ma mnyam par sbyar bas lte ba'i nang du son pa mi spang pa'o//rang byin brlab pa'i rim pas kyang ni spang ba ste/ khyab par bya ba'i tshul ye shes kyi rang bzhin gyi lhan cig skyes pa yin pa'i don to/ /de nyid kyi phyir kun rdzob don dam gzugs can gyi ni sgrib pa dang bral bas mya ngan las 'das pa ste don dam pa'i bden pa'o//de nyid kun rdzob ste sgrib pa dang ldan pas kun rdzob ste kun rdzob kyi bden pa'o/ /de lta bu'i gzugs can gyi rang bzhin gyi ye shes bden pa gnyis dbyer med pa 'di 'grib pa'i tshul nyid mi 'grib pa yang dag pa'i ye shes bzhi pa lhan cig skyes pa yin pa'i don to//gnyi ga'i tshul nyid gsungs pa/ kun rdzob kun+da lta bu ste/ /don dam bden pa'i gzugs can no/ /bud med kak+ko la bde can/ /e waM rnam pa'i rang bzhin du/ /kun+da lta bu ste zhes pa ni bdud rtsi khu ba'i rang bzhin mi spang ba kun rdzob kyi bden pa'o/ /bde ba'i gzugs can zhes pa ni/lhan cig skyes pa'i rang bzhin spang ba mya ngan las 'das pa'o/ /'di yang bud med kak+ko la zhes pa ni bud med kyi tshul gyi kak+ko la ste bud med kyi gzugs kyis kak+ko la chos 'byung ngo / /de la bud med gzugs kyi kak+ko la de nyid ji lta bu yin pa gsungs pa/ e waM rnam pa'i rang bzhin can//de nyid gang 'di chos 'byung der thabs dang shes rab kyi rang bzhin dbyer med pa yin pa de nyid e wam rnam pa'i rang bzhin can bde ba can no/ /bde ba can ni de'i gzhir gyur pa'o/ /'di ji ltar yin pa gsungs pa/ bde ba bsrung ba nyid kyi phyir/ /bde ba can zhes rab tu bsgrags//su ni khu ba rdo rje 'dzin pa'o/ /kha ni chos 'byung bdag med ma ste rdo rje 'dzin pa dang dbyer med pa'i bdag med pa'i ye shes kyi bde ba'o/ /de yi bsrung ba nyid kyi phyir ni mi g.yo ba'i rang bzhin gyi rgyu nyid kyi phyir ro/ /bde ba can zhes rab tu bsgrags/ /zhes pa ni sgra'i yul du byas pa'i cha dang bcas pa nyid cha med pa yin pa'i don to//sangs rgyas byang chub sems dpa' dang / /rdo rje 'dzin pa rnams kyi gnas/ /sangs rgyas rnams kyi ni thams cad shes pa la gnas pa rnams kyi'o/ /byang chub sems dpa' rnams kyi zhes pa ni lam shes pa la gnas pa rnams kyi'o//rdo rje 'dzin pa rnams kyi ni rnam pa thams cad mkhyen pa mngon par byang chub pa la gnas pa rnams kyi'o/ /gnyis su med pa'i phyir gcig gi tshig go /'di rnams kyi gnas ni gzhi'o/ /de nyid kyi phyir/ 'di nyid 'khor bzhes bya ste/ /'di nyid mya ngan 'das pa nyid//'khor ba spangs nas gzhan du ni/ /mya ngan 'das pa rtogs mi 'gyur/ /yi ge e waM gyi rang bzhin gyi thabs dang shes rab dbyer med pa'i ye shes nyid 'khor ba kun rdzob kyi bden pa ma ning ngo / /de bzhin du mya ngan las 'das pa yang don dam pa'i bden pa'o//de nyid kyi phyir gnyi ga dbyer med pas na/ 'khor ba las tha dad pa'i mya ngan las 'das pa mi rtogs te/ 'khor ba nyid mya ngan las 'das pa la mya ngan las 'das pa nyid 'khor ba'o/ /'khor ba nyid gsungs pa/ 'khor ba gzugs dang sgra la sogs/ /'khor ba tshor ba la sogs pa//'khor ba dbang po rnams nyid de/ /'khor ba zhe sdang la sogs pa/ /gzugs dang sgra la sogs zhes pa ni skye mched rnams so/ /tshor ba la sogs pa ni phung po lnga'o/ /dbang po rnams nyid do zhes pa ni mig la sogs pa'i skye mched nyid do/ /zhe sdang la sogs pa zhes pa ni nyon mongs pa de rnams nyid 'khor ba'o//'di rnams ni nyon mongs pa rnams kyang mya ngan las 'das pa'o/ /de nyid kyi phyir gzugs la sogs pa'i chos rnams ni mya ngan las 'das pa'i tshul dang dbyer med pa yin gyi kun rdzob kyi bden pa dang don dam pa'i bden pa ni ma yin no//'dis ni 'khor ba nyid bden pa gnyis kyi bdag nyid mya ngan las 'das pa yang ngo / /de nyid kyi phyir chos rnams so/ /rmongs phyir 'khor ba'i gzugs can nyid/ /rmongs phyir zhes pa ni rang rig pa'i rtog pa med pa'i phyir gzung ba dang 'dzin pa'i mngon par zhen pas so/ / 'khor ba'i gzugs can ni skye ba dang 'jig pa'i chos can no/ rmongs med 'khor ba dag pas ni/ 'khor ba mya ngan las 'das par 'gyur/ /de nyid 'khor ba dag pas ni yang rmongs pa med pa'i rang bzhin mya ngan las 'das par 'gyur ro/ /de nyid kyi phyir na/ byang chub sems ni mya ngan 'das//kun rdzob don dam tshul can no/ /mya ngan las 'das zhes pa ni don dam pa'i bden pa'o/ /byang chub sems zhes pa ni kun rdzob kyi bden pa dang dbyer med pa ste/ stong nyid snying rje dbyer med pa/ /byang chub sems zhes rab tu bshad/ / ces pa'i tshig gis so/ /byang chub kyi sems nyid kun rdzob kyi bden pa ste/ bden pa gnyis dbyer med pa nyid kun rdzob kyi bden pa ste/ khu ba dang bde ba dag dbyer med pa'i phyir ro/ /kun rdzob byang chub kyi sems kyi rim pa nyid gsungs pa/ shin tu bzhin bzangs mig yangs ma//gzugs dang lang tshos rnam par brgyan/ /sngo bsangs sos dal rigs bzangs ma/ /si h+la ga bur 'byung ba'i gnas/ /rang gi dbang bskur dgyes rdo rjes/ /skra bzang sgrub pa po la dga'/ /de ni chang yang 'thung bar byed/ /de nas rang yang btung ba nyid/ /rang gzhan don ni rab bsgrub phyir//phyi nas phyag rgya rjes chags bya/ /ba la kak+ko lar bcug nas/ /kun du ru byed brtul zhugs can/ /shin tu bzhin bzangs zhes pa ni zhal mdzes pa'o/ /mig yangs ma zhes pa ni mig legs pa'o/ /gzugs dang lang tshos legs par brgyan pa ni gzugs legs bzhin pa'i cha byad lo bcu drug lon pa'i tha tshig go//sngo bsangs ma zhes pa ni mdog dmar ser ro/ /sos dal ma ni mi rtog pa'o/ /rigs bzang ma zhes pa ni de bzhin gshegs pa'i rigs rnam par dag pa'o/ /si h+la ga bur yang dag 'byung / /zhes pa ni khu ba dang khrag bsags pa'o//rang gis dbang bskur zhes pa ni rang gis dbang bskur ba'o/ /dgyes rdo rjes zhes pa ni dgyes pa'i rdo rje'i rgyud nas gsungs pa'i cho gas so/ /skra bzang zhes pa ni dus ma yin pa'i skra dkar dang bral ba'o/ /sgrub pa po la dga' zhes pa ni sgrub pa po la rjes su chags par mkhas pa'o//lta ba ngan pa btang ste bor nas 'dis gang de dang de lta bur gyur pa de rnyed nas ci bya zhe na/ de la chang yang drang bar bya'o/ /rang yang ni bdag nyid kyang chang btung ba'o/ /brtul zhugs can zhes pa ni byang chub kyi lam la brten pa'o/ /phyis nas ni rjes thogs su'o/ /phyag rgya rjes chags bya ba ni mnyam po 'dod chags par 'jug par bya'o//ci'i don du zhe na/ rang gzhan don ni rab bsgrub phyir/ /gnyi ga'i yang 'grub par bya ba'i phyir ro/ /rjes su chags pa nyid gsungs pa/ /bo la rdo rje'o/ /kak+ko la pad+ma'o/ /bcug pa ni sbyar ba'o/ /kun du ru ni mnyam par sbyar ba'o//byed brtul zhugs can zhes pa ni bla ma'i gdams ngag las rtogs pa'i rim pa mkhas pa'o/ /yang na kun du ru ni kha sbyor ba'o/ /byed pa ni gnyis su med par rdzogs par byed pa'o/ /brtul zhugs can zhes pa ni/ gang zung du 'jug pa'o/ /zung 'jug nyid ji ltar yin pa gsungs pa/bo la kak+ko lar bcug pas ni chos 'byung gi rang bzhin du rdo rje bskyed nas bdag med ma dang dbyer med pa'i rdo rje 'dzin pa'i rang bzhin du yod pa'i tha tshig go/ /ci'i phyir zhe na/ rang gzhan don ni rab bsgrub phyir/ /su ni khu ba'o/ /a bdag med pa'o//bde ba yin pas rang ngo / /de nas gzhan ni gnyi ga dbyer med pa'i phyir gnyi ga las shin tu 'das pa de nyid kyi don to/ /gzhan gyi don yod pa de la mchog khyad 'phags pa phyag rgya chen po'i dngos grub de 'di'i phyir te/ phyag rgya chen po'i dngos grub kyi rgyur ro/ /btab nas mtshon pa 'dis na phyag rgya'o//chags pa ni chags pa 'od dpag tu med pa ste 'od dpag med dang dbyer med pa'i phyag rgya chen po'o/ /phyi nas zhes pa ni lhag ma ste bzhi pa yin pa'i don to/ /phyag rgya cis khyad par 'phags she na/ shin tu bzhin bzangs zhes pa ni longs spyod rdzogs pa'i sku'i rang bzhin no//mig yangs ma zhes pa ni chos kyi sku'i rang bzhin no/ /gzugs dang lang tshos rnam par brgyan/ /ces pa ni/ sprul pa'i sku'i bdag nyid do/ /sngo bsangs ma zhes pa ni thabs dang shes rab dbyer med pa'o/ /sos dal zhes pa ni mi g.yo ba'i rang bzhin nyid kyis gnyis su med pa'o//rigs bzang ma zhes pa rigs lnga'i rigs can ma'o/ /si h+la ga bur yang dag 'byung / /zhes pa ni si h+la nyi ma'o/ /ga bur zla ba'o/ /gnyi ga las yang dag par 'byung ba ni rdo rje 'dzin pa'i dam tshig gi dkyil 'khor ro/ /aM bdag med ma'i dkyil 'khor nyid kyis ye shes kyi dkyil 'khor ro//dkyil 'khor gnyi ga dbyer med pa ye shes kyi rang bzhin no/ /de nyid kyi phyir rang gis dbang bskur ni rang bzhin nyid kyis dri ma med par gyur pa'o/ /gang la yod ce na dgyes rdo rjes te/ gnyis su med par rtogs shing khong du chud pa'i lhan cig skyes par mngon par gsal ba'o//de nyid kyi phyir skra bzang ni mdzes pa'i ye shes rgyal po ldan pa'o/ /sgrub pa po la dga' ni rdo rje 'dzin pa'i rang bzhin dag go/ /chang ni byang chub kyi sems te/ 'di la nyon mongs pa'i bag chags rnams spangs pa'o/ drang bar bya ni bsrung bar bya ba'o/ /rang yang ni bdag nyid kyang ngo //de nyid kyi phyir btung ba ni bsdu ba'o/ /de nyid kyi phyir brtul zhugs can ni spro ba dang bsdu ba'i rang bzhin gyi ye shes dang ldan pa yin pa'i don to/ /'dis ni sos dal zhes pa ni gnyis su med pas gcig pa'i rang bzhin yin pa'i phyir ro/ /sngo bsangs ma zhes pa ni gnyis su med pa'i phyir ro//bzhin bzangs ma/ gzugs dang lang tshos rnam par brgyan/ /zhes pa ni/ sku gsum gyi rang bzhin pas rnam pa gsum mo/ /rang gis dbang bskur dgyes rdo rjes/ /zhes pa ni/ bzhi pa'i rang bzhin gyi phyir ro/ /rigs bzang ma zhes pa ni rigs lnga'i rigs can yin pas ye shes lnga'i rang bzhin yin pa'i phyir ro//skra bzang ma zhes pa ni ye shes kyi rgyal po 'dod pa kun gyi rang bzhin rnams so/ /sgrub pa po la dga' zhes pa ni drug pa rdo rje 'dzin pa las 'das pa'i gnyi ga'i ye shes dang ldan pa'o/ /si h+la ga bur yang dag 'byung ni dkyil 'khor gnyi ga dbyer med pas spro ba dang bsdu ba'i rang bzhin dag go//de nyid kyi phyir chang yang drang bar bya ba nyid ni de la'o/ /brtul zhugs can gyis rang yang btung / /zhes pa ni bsdu ba'i don to/ /kun du ru'i sbyor ba yod pa gang gsungs pa/ der ni sbyor ba las byung ba/ ga bur mkhas pas mi spang ste//de las lag tu mi blang zhing / /nya phyis dung chos nyid du min/ /nges par blo dang stobs 'phel phyir/ /mi 'chi lce yis blang ba nyid/ /ga pur nyid ni bdag med ma/ /bde ba bdag med tshul can nyid/ /sbyor ba de las gang byung ba'i byang chub kyi sems de spang bar mi bya'o//de nas ni de'i phyir ro/ /lag tu mi blang zhing nya phyis dang dung chos kyi snod du yang ma yin par bdud rtsi de slar yang lce yis blang bar bya'o/ /stobs 'phel phyir ni stobs 'phel bar bya ba'i phyir ro/ /nges par ni nges par ro/ /'di ji ltar yin pa gsungs pa/ ga pur nyid ni bdag med ma/ / bde ba bdag med tshul can no/ /gang de yin pa'i don to/ /yang na der ni sbyor ba zhes pa ni gnyi ga dbyer med du yod pa las yang dag par 'byung ba'o/ /ga pur ni de las byung ba yang dag pa'i rang bzhin gyi byang chub kyi sems so/ mi spang ste ni spang ba'i tshul du rtog par mi bya ba'o/ /mkhas pa ni shes pa can no//de las lag tu mi blang zhing ni rdo rje 'dzin dang dbyer med pa'i bdag med ma'i ye shes kyis gzung ba'i tshul du bskyed par mi bya'o/ /gang du zhe na nya phyis min ni chos 'byung du ma yin pa'o/ /dung chos nyid du min ni rdo rje ma yin pa'o/ /gnyi ga dbyer med pa'i ye shes nyid kyi phyir/spang bar bya ba gzung ba dag kyang dngos po med pa'i phyir ro/ /de nyid kyi phyir bdud rtsi ste de lces ni blos blang ba'o/ /bden pa gnyis dbyer med pa'i byang chub kyi nges pa'o/ /ci'i phyir zhe na/ blo dang stobs 'phel phyir/ stobs ni stobs bcu dang mi 'jigs pa la sogs pa'o//stobs zhes pa ni nye bar mtshon pa tsam mo/ /'di ji ltar yin pa gsungs pa/ ga pur nyid ni bdag med ma ni rdo rje 'dzin pa nyid bdag med ma ste bdag med ma'i rang bzhin can gyi ye shes so/ /bde ba ni yang dag pa'i ye shes so/ /de'i bde ba phyag rgya che/ /lte ba'i dkyil 'khor nyid du gnas//dbyangs yig dang po'i rang bzhin te/ /blo zhes sangs rgyas rnams kyis brtags/ /de'i bde ba zhes pa de'i yang dag pa'i ye shes yongs su shes pa'o/ /ji ltar yin pa gsungs pa/ phyag rgya che ste/ 'di phyag rgya yang yin la chen po yang yin pas phyag rgya chen po ste/rnam pa thams cad mkhyen pa nyid kyis byang chub pa'o/ /de yang gnas ni yang dag par mi g.yo ba'i rang bzhin no/ /gang du zhe na/ lte ba'i dkyil 'khor nyid du ste chu'i khams byang chub kyi sems la'o/ /dbyangs yig dang po'i rang bzhin te de yang dbyangs dang po'i rang bzhin can no//'on kyang ci 'dra ba yin pa de gsungs pa/ blo zhes sangs rgyas kyis rab brtags/ /rtogs pa'i rang bzhin gyis sangs rgyas te me long la sogs pa'i ye shes lngas so/ /rab tu brtags ni gsal bar rab tu yongs su dpyad pa'o/ /de nyid gang yin pa gsungs pa//de nyid bcom ldan shes rab ma/ ji ltar zhe na/ rdzogs pa'i rim pa'i rnal 'byor las/ /rnal 'byor zhes pa ni dbyer med pa'i phyir ro/ /rdzogs pa zhes pa ni rdzogs pa nyid do/ /de yang cis khyad 'phags pa yin pa gsungs pa/ de nyid ring min thung ba min/ /gru bzhi ma yin zlum po min//dri dang ro myang ba las 'das/ /lhan cig skyes dga' byed pa can/ /de ni ring min thung ba min/ /gru bzhi ma yin zlum po min ni de nyid do/ /gang bzhi pa yang de dang dbyer med pa yin par gsungs pa/ dri dang ro myang ba las 'das/ /zhes pa ni/ rdo rje gsum dang dbyer med pa yang de nyid do//de nyid kyi phyir/ lhan cig skyes dga' byed pa can/ /ka ni kA li'o/ /a ni A li'o/ /gnyi ga yang spangs nas 'dor bas na byed pa'o/ /de 'di la yod pas na lhan cig skyes dga' byed pa can no/ /de nyid ni sku gsum yin pa gsungs pa/ /de la skyes pa'i rnal 'byor pa/ / de yi bde ba za ba nyid/ /phyag rgya chen po bde ster ma/ /de dang lhan cig dngos grub 'thob/ /'di la rnal 'byor yod pas rnal 'byor pa ste bdag med ma dang dbyer med pa'i rdo rje 'dzin pa'o/ /de la ni bdag med ma'i tshul gyis gzhi la'o/ /skye ba ni bsrabs pa'i ye shes skye ba'o/ /de nyid kyi phyir rnal 'byor pa'o//de'i ni bdag med ma'o/ /bde ba ni ye shes so/ /za ba nyid ni der yang gzhag tu med pa'o/ /de longs spyod pa nyid kyi don to/ /de dang lhan cig dngos grub 'thob ni de'i mtshan nyid dang bral ba rnams la dngos grub med pa yin pa'i don to/ /skye ba ni sprul pa'i sku'o//za ba nyid ni longs spyod rdzogs pa'o/ /de dang lhan cig dngos grub ni chos kyi sku'o/ /sku gsum gyi bdag nyid kyi bcom ldan 'das so/ /phyag rgya chen po bde ster ma/ /zhes pa ni/ bsdu ba'i don to/ /de nyid kyi phyir/ /gzugs sgra de bzhin dri dang ni/ /ro dang de bzhin reg bya nyid//chos kyi dbyings kyi rang bzhin yang / /shes rab nyid kyis spyad par bya/ /de bzhin du ni me long lta bu la sogs pa'i ye shes lnga po thams cad nyid yang dag pa'i ye shes kyi rang bzhin no/ /gang gi phyir shes rab nyid ni rab tu gsal ba nyid kyi ye shes so/ /de nyid la spyad pa ni//ji ltar mngon par shes pas rnam par gzhag par bya'o/ /'di ji ltar yin pa de gsungs pa/ de nyid lhan cig skyes pa'i gzugs/ /bde chen bzang mo'i rnal 'byor ma/ /de nyid dkyil 'khor 'khor lo dang / /ye shes lnga yi rang bzhin can/ /lhan cig skyes pa'i gzugs zhes pa 'dis ni/thabs dang shes rab dbyer med pa nyid yin no/ /bde chen zhes pa ni yang dag pa'i ye shes nyid bstan pa yin no/ /bzang mo'i rnal 'byor ma zhes pa 'dis ni spro ba dang bsdu ba'i rang bzhin nyid nye bar bstan to/ /'dis ni gnyis po gnyis su med pa'i ye shes lnga'i rang bzhin gyi mngon par shes pa lnga'i yon tan 'byung ba'i mtshan nyid gsungs pa/de ni me long ye shes gzugs/ /mnyam nyid ye shes dngos po can/ /yang dag gyur pas so sor rtog /de nyid bya ba nan tan te/ /chos dbyings shin tu rnam dag ma/ /de nyid dkyil 'khor bdag po nga //de nyid bdag med rnal 'byor ma'o/ /chos kyi dbyings kyi rang bzhin can/ /me long ye shes gzugs kyis ni sprul pa'i sku nyid do/ /mnyam nyid ye shes dngos po can/ /zhes pa 'dis ni longs spyod rdzogs pa'i sku nyid do/ /yang dag gyur pas so sor rtog /ces pa ni/ chos kyi sku nyid do//de nyid bya ba nan tan zhes pa 'dis ni sku gsum dbyer med pa nyid lhan cig skyes pa'i ye shes so/ /de nyid kyi phyir/ chos dbyings shin tu rnam dag ma/ /de bzhin nyid kyi rnam par dag pa ste lhan cig skyes pa'i ye shes so/ /de nyid dkyil 'khor bdag po de/ /zhes pa 'dis ni yi ge a dang haM gi nA da gnyis dbyer med pa nyid rdo rje 'dzin pa'i ye shes so//de nyid bdag med rnal 'byor ma'o/ /chos kyi dbyings kyi rang bzhin can/ /zhes pa 'dis ni rnal 'byor ma bdag med ma'i rang bzhin nyid rdo rje 'dzin pa'i ye shes so/ /rdo rje snying pos gsol pa//'khor lo bsgom pa'i lam dang ni/ /lha rnams ji ltar 'byung ba nyid/ /bcom ldan 'das kyis sngar gsungs na/ /sdom pa'ang bdag la bshad du gsol/ /'khor lo zhes pa ni bdag med ma'i dkyil 'khor ro/ /bsgom pa'i lam dang ni zhes pa ni de nyid zung du 'jug pa'o//lha rnams ji ltar 'byung ba nyid/ /ces pa ni/ yang dag pa'i tshul gyi ting nge 'dzin gyi ye shes so/ /bcom ldan 'das kyis sngar gsungs na'o/ /yang na 'khor lo zhes pa ni rdo rje rigs kyi rim par phye ba las gsungs pa'i rtsa'i 'khor lo'i rim pas sprul pa'i sku'o/ /bsgom pa'i lam dang ni zhes pa ni sngags kyi rim par phye ba las gsungs pa'i A li kA li'i nA da phreng gnyis dbyer med pa'i longs spyod rdzogs pa'i sku'o//lha rnams ji ltar 'byung ba'o/ /zhes pa ni/ lha'i rim par phye bar gsungs pa'i phyag dang zhal dang mdog dang dbyibs rnams dbyer med pa'i chos kyi sku'o//'dis ni sku gsum bstan to/ /'di'i yang sdom pa ni bsdu ba'o/ /bdag la bshad du gsol ni zhus pa'o/ /de la bcom ldan 'das kyis bka' stsal ba/ /rnal 'byor ma lus dbus nas su/ /a yi rnam pa'i sdom pa gang / /phyi rol ji ltar de bzhin nang / /sdom pa de nyid rab tu bshad//yi ge aM yang dag pa'i mchog dam pa'o/ /de yang gnas pa ni de bzhin nyid du mi g.yo ba'i tshul gyi phyir ro/ /de yang rnal 'byor ma ni rnal 'byor 'du ba 'di la yod pas rnal 'byor ma ste/ rang bzhin gyis rnal 'byor dang ldan pa'i yin pa'i don to/ /rgyu de'i phyir na chos 'byung de'i dbus gnas de nyid zur gsum pa yin pa'i don to//de nyid kyi phyir phyi rol ji ltar ni sku gsung thugs so/ /de bzhin du nang du yang ngo / /de rab tu bshad ni gsal ba nyid yin pa'i don to/ /de nyid gsungs pa/ bo la'i bde ba phyag rgya che/ /rdo rje skye mched thabs nyid kyis//'dis ni gsang ba'i snyoms 'jug pas/ phyi rol gnyis gnyis nges par bstan/ /bo la'i bde ba zhes pa ni gang mi phyed pa'i ye shes de ni phyag rgya'o/ /rdo rje skye mched ces pa ni rdo rje nyid skye mched de ye shes 'byung ba'i rgyur gyur pa'o/ /de nyid thabs te thabs kyi ye shes so//'dis ni gsang ba'i snyoms 'jug pa/ /zhes pa rdo rje dang pad+ma dbyer med pa nyid rdo rje'o/ /pad+ma dang rdo rje dbyer med pa nyid pad+ma'o/ /de ltar gsang ba'i snyoms par 'jug pas yang dag par sbyor ba'i rgyu des ni phyi rol gnyis gnyis ni zung du bstan pa'o/ /de nyid kyi phyir phyi rol ji ltar de bzhin nang ngo //nang nyid gsungs pa/ sku gsum lus kyi nang du ni/ /'khor lo'i gzugs kyis brjod par bya/ /zhes pa ni nang ste lus kyi nang nyid du sku gsum 'khor lo'i gzugs kyis brjod do/ /sku gsum yongs su shes pa ni/ /bde ba chen po'i 'khor lor brjod//sprul pa dang chos dang longs spyod dang sku gsum gang yongs su shes pa'i 'khor lo de nyid bde ba chen po yang dag pa'i ye shes so/ /'dod ces pa ni rtog pa'i rang bzhin no/ /sku nyid 'khor lo yin pas sku'i 'khor lo la de nyid bde ba chen po yin te/ /sku gsum gyi bdag nyid kyi sku yin no//sku gsum gyi bdag nyid can gyi 'khor lo gsungs pa/ chos dang longs spyod sprul pa dang / /de bzhin du yang bde chen nyid/ /skye gnas snying mgrin mgo bor yang / /sku gsum gyis ni rnam par gnas/ /sprul pa'i sku gsungs pa/ ma lus pa rnams sems can gyi//skye ba gang la brjod bya ba/ /gang phyir sprul pa gnas brtan phyir/ /de la sprul pa'i sku nyid yin/ /ma lus pa rnams kyi zhes pa ni 'gro ba sna tshogs su gyur pa rnams kyi'o/ /sems can gyi zhes pa ni srid gsum du gyur pa rnams kyi'o/ /gang las skye ba der de la sprul pa'i sku yin no//ji ltar yin pa gsungs pa/ gang phyir te gang gi phyir sprul par gnas brtan phyir ni gnas pa'i ngang tshul lo/ /de nyid kyi phyir skye bar brtags pa'o/ /skye ba'i don nyid gsungs pa/ skye dang sprul par byed pa 'dis/ /sku ni sprul pa can zhes 'dod/ /ces pa 'dis ni zhes pa ni skye gnas kyis so//sprul pa can zhes pa ni phyag dang zhal gyi rnam pa la sogs pa'i rang bzhin no/ /chos kyi sku gsungs pa/ sems ni chos kyi rang bzhin te/ /chos kyi sku yang snying gar 'gyur/ /longs spyod rdzogs pa'i sku gsungs pa/ drug po nyid kyi rang bzhin can//bza' ba nges par longs spyod rdzogs/ /drug ces pa ni kha la sogs pa'i gzugs yongs su gyur pa rnams kyi rdo rje sems dpa' dang mnyam pa nyid de bzhin gshegs pa lnga rnams kyi'o/ /bza' ba longs spyod ni A li kA li'i nA da tshar gnyis kyi bdag nyid kyi nA da yongs su gyur pas nA da'i phreng gnyis so//mgrin pa zhes pa ni longs spyod rdzogs pa'i sku'o/ /spyi bor bde ba chen po gnas/ /zhes pa ni/ sku gsum yongs su shes pa gang de nyid/ /de ni bde ba chen po'i 'khor lor 'dod/ /ces gsungs pa'o/ /de yang spyi bor gnas zhes pa ni brtan pa dang g.yo ba'i rang bzhin no//'dis ni sku gsum dbyer med pa nyid bde ba chen po'i ye shes te/ sku gsum gyi bdag nyid kyi 'khor lo gsum skye gnas dang snying ga dang mgrin pa'i rang bzhin nyid ni bde ba chen po'i 'khor lo yin pas spyi bor bde ba chen po gnas so/ / sku ni bsags pa'i mtshan nyid kyi sprul pa can no/ /ka dang a las kA yin pas A li kA li'i nA da phreng gnyis po 'di gnyis kyi bdag nyid can 'di'i ye shes ni longs spyod rdzogs pa'i sku'o/ /ka bde ba'i ye shes can gyi sku 'di yang bde ba yang dag par rig pas chos kyi sku'o/ /e waM rnam pa rgyu mthun nyid//rnam smin chos kyi 'khor lo la/ /longs spyod skyes bu byed pa nyid/ /bde ba'i 'khor lor dri med nyid/ /rgyu mthun la sogs rab phye bas/ /'bras bu rnam pa bzhi zhes brjod/ /sku gsum yongs su shes pa de ni chos thams cad yongs su shes pa'o/ /de yang sprul pa la sogs pa 'khor lo bzhi'i rang bzhin la/de yang rnam pa sna tshogs la sogs pa bzhi dang dbyer med pa'i dga' ba bzhi la de'i 'bras bu yang rgyu mthun pa la sogs pa bzhi'o/ /e waM rnam pas rgyu mthun nyid/ /ces pa ni/ thabs dang shes rab dbyer med pa nyid rnam pa sna tshogs pa'i skad cig ma'i rang bzhin dga' ba dang po'o//rgyu mthun zhes pa ni chos thams cad ro gcig pa'i rang bzhin gyi sprul pa'i 'khor lo'o/ /rnam smin chos kyi 'khor lo las/ /zhes pa ni/ khyad par du 'phags par smin pas rnam par smin pa ste/ de'i phyis kyi gnas skabs ni mchog tu dga' ba'o//longs spyod skyes bu byed pa nyid yang dag par longs spyod yang dag par nyams su myong ba bde ba la chags par ro/ /gcig pa nyid ni longs spyod do/ de la skyes bu byed pa nyid/ /ces pa ni/ skyes bu rdzogs pa ste/ yul dang dbang po dag dang bral nas zhi bar ro gcig pa'i sku'i rang bzhin sems tsam rnam par nyed pa'i skad cig ma dang dbyer med pa'i rnam par dag pa de ni longs spyod kyi 'khor lo ste nA da tshar gnyis dang dbyer med pa'i phyir ro//bde ba'i 'khor lor dri med nyid/ /ces pa ni/ dri ma ni 'dod chags la sogs pa'o/ /de dang gang la bral ba de ni dri ma med pa'o//de'i dngos po ni dri ma med pa sgrib pa thams cad rnam par spangs pa sku gsum dbyer med pa'i mtshan nyid lhan cig skyes pa'i ye shes so/ /de bde ba'i 'khor lor ni bde ba'i chags pa dang bral ba'i ye shes bde ba chen po'i 'khor lo yin pa'i don to//rgyu mthun pa la sogs pa'i don gsungs pa/ /las kyi rlung gis bskul ba yi/ /las spyod bcom ldan shes rab ma/ /ji ltar byas pa de bzhin spyod/ /rgyu mthun zhes ni rab tu bsgrags/ /las chung 'bras bu che ba'i phyir/ /rnam par smin pa de las bzlog/ /rnal 'byor dag pa dri med nyid//skyes pa skyes bu byed pa nyid/ /shes rab kyis ni nyer longs spyod/ /ces mdor bstan pa 'di'i rgyas par bshad pa yin no/ /gang 'di bcom ldan 'das ma shes rab ma de las spyod pa ni las za ba'o/ /'di ji ltar yin pa de gsungs pa/ las kyi rlung gis bskul ba ni bskul ba'o//longs spyod nyid ci 'dra ba yin par gsungs pa/ ji ltar byas pa de bzhin spyod/ /las nyid longs spyod pa yin te/ /de nyid rgyu mthun zhes ni bsgrags/ /rnam pa sna tshogs la sogs pa'i rgyu dang 'bras bu'i rang bzhin rgyu mthun pa yin te sprul pa can gyi sku'o/ /rnam par smin pa de las bzlog /ces pa ni/ las chung la yang bar yod la gang 'bras bu che ba sna tshogs kyi mtshan nyid nub pa zhes bya ba las chung ba nyid do/ /de nyid 'bras bu che ba yin pa ni chos kyi sku'o/ /rnal 'byor dag pa dri med 'bras/ /zhes pa ni/ rnal 'byor ni 'dus pa ste/ A li kA li'i nA da phreng gnyis dbyer med pa'o/ /de nyid khyad par du 'phags par dag pa ni rnal 'byor ma dag pa'o/ /de nyid 'bras bu'o/ /gang zhe na/ dri med ste dri ma med pa longs spyod rdzogs pa'i sku'o/ /sku gsum po 'di sku gsum dbyer med pa nyid du mngon par gsal bar byas pa/skyes pa skyes bu byed pa nyid ni skyes bu'i bya ba ni skyes bu la/ de bskyed pa ni rang gi rgyu nyid las thams cad grub pa'o/ /rang rig pa nyid sku gsum dbyer med pa'i sku gsum po 'di nyid rang rig pa ste gnyi ga yang dbyer med pa'i phyir ro/ /de nyid bcom ldan 'das ma rnam pa thams cad kyi mchog dang ldan pa'i stong pa nyid kyi rang bzhin zhes bya ba yang dag par rdzogs pa'i byang chub kyi lam du bsten pa ngo bo nyid kyi sku'o//sku'i sgra'i don gsungs pa/ /gang phyir sprul par gnas brtan phyir/ /sprul pa'i 'khor lor gnas brtan nyid/ /chos ni smra ba las byung ba//chos kyi 'khor lor thams cad yod/ /gang phyir mgrin par kun bkur nyid/ /longs spyod 'khor lor kun bkur te/ /gang phyir bde chen mgor gnas pa/ /bde ba'i 'khor lor dge 'dun che/ /sde pa zhes bya sku ru brjod/ /bde ba bzhi po 'di nyid ma ning ngo / / sde pa ni sde pa zhes bstan pa'o/ /sprul ba'i 'khor lor gnas brtan nyid/ /ces pa ni/ sprul pa'i 'khor lor yod pa sprul ba'i 'khor lo nyid yin no/ /'di ji ltar yin pa gsungs pa/ gang phyir ni gang gi phyir sprul pa gnas brtan phyir te/ chos brtan dang g.yo ba'i rang bzhin gti mug rdo rje'i rang gi ngo bo kun du snang ba las so sor snang ba'o//thams cad yod par smra ba ni sde pa'o/ /chos kyi 'khor lor yod pa chos kyi 'khor lo nyid yin no/ /ji ltar yin pa gsungs pa/ gang phyir chos ni smra ba las byung ba ni brjod pa'i yul zhe sdang rdo rje'o/ /kun bkur ni sde ba'o//longs spyod 'khor lor ni longs spyod 'khor lor yod pa longs spyod 'khor lo nyid yin no/ /'di ji ltar yin pa gsungs pa/ mgrin par kun bkur phyir kun myong ba'i rang bzhin gsung rdo rje'o/ /dge 'dun che ni sde pa'o/ /bde ba 'khor lo ni bde ba chen po'i 'khor lo nyid yin no//ji ltar yin pa gsungs pa/ gang phyir bde chen 'khor lo spyi bor gnas pa mi g.yo ba'i rang bzhin la/ dge 'dun yang 'dus pa'o/ /phal chen yang 'di yin la dge 'dun yang 'di yin pas dge 'dun phal chen te/ cher 'dus shing 'tshogs pas phung po dang khams dang skye mched la sogs pa bsdu ba'o//de 'di la yod par byas pas de yang bde ba chen po nyid yin te ngo bo nyid kyi sku'o/ /sku gsum yongs su rdzogs pa yang dag par rdzogs pa'i byang chub kyi ye shes ma lus par bsags pa'i rang bzhin gyi sku ma ning du sngar bstan pa'i don to/ /sde pa bzhi'i gnas gsungs pa//lto ba gnas su brjod par bya/ /zhes pa ni/ lto ba ni mngal chos 'byung gi mtha' na yod pa'o/ /de gnas su ni gnas par brjod do/ /sde pa bzhi nyid gsungs pa/ /skye gnas 'dod chags bral bar 'gyur/ /b+ha ga chos 'byung du'o/ /'dod chags bral ba ni chags pa dang bral ba'i rang bzhin lhan cig skyes pa'o//'dod chags dang bral ba rnams kyi chos gos gsungs pa/ mngal gyi khru ma chos gos nyid ni khru mas gtums pa ste/ gang du khru ma zhes rab tu grags pa'o/ /des gtums nas gnas pas so/ /de'i khru ma chos gos zhes pa ni bsgribs kyang gsal la sgrib pa med pa nyid sgrib pa yin pa'i don to//mkhan po gsungs pa/ de bzhin ma ni mkhan po nyid/ /ma ni skyed ma ste de nyid mkhan po'o/ /gang gi phyir de'i bde ba'i ye shes nyid de shes pa'o/ /mgo bor thal mo sbyar ba phyag/ /gang gi phyir lhums na zhugs pa'i gnas skabs na lag pa gnyis spyi bor thal mo sbyar nas gnas pas lnga po gnyi ga dbyer med pa nyid kha sbyor du spyi bor bde ba chen po'i 'khor lor ro//phyag ni khams la mngon par 'dud pa'o/ /bslab pa'i gzhi gsungs pa/ /'gro ba'i bya ba khrims kyi gnas//zhes pa ni mtshan ma ma lus pa 'dzin pa ni bslab pa'o/ /yang na bslab pa'i gzhi zhes pa ni rig pa nye bar len pa'i shes pa'o/ /'gro ba'i bya ba zhes pa ni rdo rje gsum dbyer med pa'i ye shes so/ /sngags kyi bzlas pa gsungs pa/ sngags kyi bzlas pa a dang haM yid skyob par gyur pa'i phyir na sngags te/A li kA li'i nA da phreng gnyis so/ /de nyid bzlas pa ste de tshig gi mtshan ma'o/ /a dang haM ni a haM gyi yi ge'o/ /yang na yi ge a dang haM gyi rang bzhin yin te/ de bzhin zhes pa ni ji ltar 'gro ba'i bya ba de bzhin du a haM ngo //ji ltar a haM de bzhin du 'gro ba'i bya ba'o/ /skye gnas 'khor lo'i rnam pa a/ /bde chen gyi yang rnam pa haM/ /gang skye gnas kyi 'khor lo'i yi ge aM ma ning la/ de bde ba chen po'i yi ge haM ngo / /gang bde ba chen po'i yi ge haM de ni skye gnas kyi 'khor lo'i yi ge aM ngo / /'dis ni gnyis ka sbyor ba las a haM ngo //sngags kyi bzlas pa sgra'i rang bzhin sgra yang cha med pa'i cha'o/ /gcer bu skra dang kha spu bregs/ /sngags 'don skyes ba dge slong nyid/ /ces bya ba ni sla ba'i don to/ /yang na skyes pa zhes pa ni rdzogs pa ste skye ba dang bral ba gzod ma nas ma skyes pa yin pa'i don to//dge slong nyid ni sangs rgyas te sprul pa'i sku'i rang bzhin no/ /sngags 'don zhes pa ni longs spyod rdzogs pa'i rang bzhin no/ /gcer bu zhes pa 'dis ni sgrib pa med pa'i mtha' chos kyi sku'i rang bzhin de yang bcom ldan 'das so/ /skra dang kha spu bregs zhes pa ni de nyid stobs kyi rang bzhin lhun gyis grub pas sangs rgyas kyi mdzad pa yin par dgongs so//'di rnams rkyen gyis sems can rnams/ /sangs rgyas nyid du the tshom med/ /don ni gsal ba nyid do/ /yang na/ 'di dag rkyen gyis sems can rnams sku gsung thugs rnams so/ / sangs rgyas nyid du the tshom med do/ /zla ba bcu ni sa rnams nyid/ /sems can sa bcu'i dbang phyug go/ /sems can rnams ni sa bcu pa gnas bcu rnams lnga po gnyis so/ /yang zla ba rtsis las 'das pas rigs mtha' yas pa yin par dgongs so/ /de nyid kyi phyir sa bcu'i dbang phyug ste/gnas bcu'i bdag po rnams sku gsum nyid ye shes lnga'i rang bzhin yin pa'i don to/ /de nas rnal 'byor ma bdag med ma la sogs pa'i lha mo thams cad la 'di lta ste/ spyan ma dang / mA ma kI dang / gos dkar mo dang / sgrol ma dang / khro gnyer ma dang / sku la byed ma dang //ri khrod lo ma can dang / e ma'o bde ba la sogs pa ri rab kyi rdul phra rab dang mnyam pa'i rnal 'byor ma rnams tshig 'di rnams thos nas/ mchog tu ngo mtshar du gyur cing / brgyal ba dang / skrag pa dang / sa la 'gyel ba dang 'dar bar gyur to/ /de nas zhes pa ni rjes thogs su'o//thams cad ni bdag med ma la sogs pa'o/ /e ma bde ba ni thog ma dang tha ma med pa'i rnal 'byor ma 'di la sogs pa ri rab kyi rdul phra rab dang mnyam pa'i rnal 'byor ma rnams tshig 'di rnams rna bas thos nas 'dar bar gyur cing skrag pa dang / 'gyel ba dang / sa la 'gyel ba rnams te 'dis ni byin rlabs bstan to//dkyil 'khor ba rnams kyang rnal 'byor ma rnams dang gnyis su med pa las khu bar gyur par bstan to/ /yang rdo rje can gyis lha mo de thams cad gzigs nas brlab pa'i phyir yang dag par bstod pa/ /rdo rje can ni rdo rje 'dzin pa'o/ /mi phyed pa'i ye shes can no//yang dag par bstod pa ni sgras bskul ma 'debs te yang bslang ba'i phyir ni spro ba'i phyir ro/ /lha mo de thams cad ces pa ni thabs kyi rang bzhin nyid de rnams shes rab yin pas skyes bus bstan to/ /bstod pa nyid gsungs pa/ /sa dang chu rlung byin za yi/ /lha mo snod can khyod nyid la//gang zhig sus kyang mi shes pa/ /de nyid nga yis spro yis nyon/ /nyon ni mtshan ma med par 'dzin pa las grol bar nyon cig pa'o/ /ci yin pa'i dogs pa bsu ba/ de nyid spro yis ni spro ba'i de nyid kyang ngo / /gang zhig ni gang yang ngo / /sus kyang mi shes pa ni spros pa gang yang ngo //mi shes pa ni mi shes pa ste rten dang brten pa nyid kyi rnam par gzhag pa yin par dgongs so/ /bcom ldan 'das kyi gsung rmi lam lta bu nye bar thos nas/ de dag thams cad srog rnyed par gyur to/ /bcom ldan 'das kyi gsung zhes pa ni sku gsum gcig pa'i sku'i gsung thos nas so//des cir 'gyur zhe na/ rmi lam lta bur bden pa yang ma yin brdzun pa yang ma yin par ro/ /de rnams thams cad srog rnyed par gyur to ni srog rnyed pa ste mtshan ma med pa nyid mtshan ma'i rang bzhin snyam du bsam pa chos kyi sku nyid longs spyod pa'i sku yin pas sku gnyis dbyer med par gyur to//sku gnyis po de yang sprul pa'i sku dang dbyer med par bstan par bya ba'i phyir/ bcom ldan 'das kyis bka' stsal pa/ sems can rnams ni sangs rgyas nyid/ /'on kyang glo bur dri mas bsgribs/ /de nyid bsal nas sangs rgyas nyid//sems can rnams zhes pa ni srid gsum du gyur pa sprul pa'i sku dang dbyer med pa gnyis kyi sku can no/ /sangs rgyas nyid do/ /de ji ltar sangs rgyas kyi yon tan 'di rnams med pa yin pa gsungs pa/ 'on kyang glo bur dri mas bsgribs ni glo bur gyi sgras ni 'brel med pa can no//de lta bur gyur pa dri ma ste dri ma lta bur gzung ba'i mngon par zhen pa phung po lnga rnams so/ /des bsgribs pa ni bsgribs par byas pa'o/ /de yang sems can rnams rang bzhin gyis dag pa'o/ /de skad du 'phags pa'i zhal snga nas/ ji ltar nyi zla dri med kyang / /sgra gcan kha sprin khug rna dang //rdul tshub dud sogs dri ma ni/ /dri ma lnga po rnams kyis bsgribs/ /de nyid bsal nas zhes pa ni/ /gzung ba'i mngon par zhen pa yongs su spangs pa'o/ /sangs rgyas zhes pa ni bstan pa'i mkha' 'gro mar 'dod par brjod do/ /de ltar bcom ldan 'das 'di bden pa yang ma mchis brdzun pa yang ma mchis te/gang bcom ldan 'das kyis gsungs pa 'di bden pa yang ma yin brdzun pa yang ma yin pa'o/ /bcom ldan 'das kyis bka' stsal pa/ de dpes dben par sems can rnams sangs rgyas nyid yin par gsungs pa/ gang zhig mi shes 'jig rten pa/btsan dug zos pas brgyal bar 'gyur/ /rmongs spangs de nyid yid kyis ni/ /de yi de nyid yongs su gcod/ /de bzhin zhi bzhi thabs shes shing / /kye yi rdo rje nga la gson/ /ma rig sogs pas mi 'dzin cing / /gti mug la sogs lci bas min/ /brgyal bar 'gyur ni brgyal ba'o//ji ltar zhe na/ btsan dug zos pas so/ /de gang zhe na/ 'jig rten pa ste 'jig rten pa'o/ /cis khyad 'phags she na/ gang mi shes pa ste gang sems med pa dug gi de kho na nyid mi shes pa gang ngo / /gang yang de nyid yid kyis ni dug gi de kho na nyid kyi yid kyis so//de rmongs ni gti mug spangs par gyur pa'o/ /de nyid kyi phyir/ de'i de nyid ni de'i mchog go/ /yongs su gcod ni chad pa'o/ /de'i ni brgyal ba de'i'o/ /dpe bstan nas don gsungs pa/ de bzhin zhi ba'i thabs shes shing ni de bzhin du mya ngan las 'das pa'i thabs rig pa gang de mi 'dzin te/gang gis she na/ ma rig pa la sogs pas so/ /ma rig pa'i 'ching bas de 'ching ste/ gang yang des dgyes pa'i rdo rje'i rgyud rnams thos na'o/ /gti mug la sogs bcing bas min/ /zhes pa ni/ 'dzin pa yang min te mi 'dzin pa nyid yin pa'i don to/ / yang na de bzhin zhi ba'i thabs shes shing ngo / /ji ltar zhe na/ gang gi phyir dgyes pa'i rdo rje rnams thos pa byas pa ni spro ba'i rang bzhin gyi phyir mang po'i tshig go/ /spro ba yang de kho na nyid yin pa mi 'dzin te/ gang gis she na/ gti mug la sogs pas bcings te ma rig pa la sogs pas so//cir gyur pas she na ma rig pa la sogs pas so/ /ma rig pa nyid gang dag gis dang po thog ma yin pa des te/ ma rig pa'i rkyen gyis 'du byed kun no zhes bya ba'i tshig gis so/ /sems can rnams ni sangs rgyas nyid/ /ces pa yid ces par gsungs pa/ rang dang rang gi rtog pa las//sangs rgyas ma yin sems can ni/ /gcig kyang yod pa ma yin no/ /dmyal ba yi dags byol song dang / /lha dang lha min mi rnams dang / /bshad pa'i srin bu la sogs pa/ /lha dang lha ma yin gyi yang / /bde ba gang phyir mi shes pa/ /rtag tu rang bzhin bde ba can//'jig rten khams ni gang du yang / /sangs rgyas gzhan du rnyed mi 'gyur/ /sangs rgyas ma yin pa'i sems can gcig kyang yod pa ma yin te/ thams cad nyid rtogs na'o/ /ji ltar zhe na rtogs pa las so/ /gang gi zhe na/ rang dang rang gi ste/ bdag nyid dang bdag nyid kyi dmyal ba la sogs sems can gyi 'gro ba yang ngo //rtag tu ni rgyun ma chad par ro/ /rang bzhin bde ba can ni rang bzhin las te/ rang gi bde ba las yin par dgongs so/ /ji ltar yin pa gsungs pa/ gang gi phyir dmyal ba la sogs pa'i sems can gyis lha dang lha ma yin la sogs pa rnams kyi bde ba mi shes te/de ni rang bde bar rtogs pa'i phyir thams cad nyid sangs rgyas so/ /de nyid kyi phyir/ 'jig rten khams ni gang du ni srog chags rnams la'o/ /gang du yang ni gang yang ngo / /sangs rgyas rnyed mi 'gyur ni mi 'thob pa'o//'o na ci zhe na/ sems ni gang gi phyir sangs rgyas nyid do/ /sems las sangs rgyas gzhan du bstan du med de/ /sems kyi lus yin pa'i phyir ro/ /chos rnams thams cad kyi dmyal ba la sogs pa thams cad nyid kyang rang gi sems lus te 'di'i phyir sangs rgyas nyid//sems nyid rdzogs pa'i sangs rgyas so/ /ji ltar shes par bya ba yin pa gsungs pa/ /gdol pa smyig ma mkhan la sogs/ /gsod don don du sems pa rnams/ /de yang dgyes rdo rje shes nas/ /'grub 'gyur 'di la the tshom med/ /gdol pa ni gsod pa'i las can no/ / smyig ma mkhan ni mda' mkhan no/ /de cis khyad 'phags she na/ gsod don gyis ni don gyi don te don ni dgos pa'o/ /sems par byed pas na de sems pa rnams te/ rtag tu srog chags gsod pa la dga' ba'i phyir/ 'di rnams kyi sangs rgyas nyid ni shin tu rgyang ring ba nyid de des kyang 'grub par 'gyur bar the tshom med do//ji ltar zhe na/ dgyes rdo rje shes nas te/ sems gcig pa'i lus su chos thams cad rtogs pa'o/ /'on kyang glo bur dri mas bsgribs/ /zhes mdor bstan pa'i don gsungs pa/ /byis pa mi shes pas bsgribs pas/ /'di yis 'gro ba mi shes pa//'gro ba drug gi srid pa'i mthar/ /rmongs pa de yang 'khor bar 'gyur/ /mi shes pas bsgribs pa ni chos rnams thams cad sems tsam nyid du gang gis mi shes pa de nyid sgrib pa'o/ /de nyid kyi phyir byis pa ni mi shes pa'o/ /'di nyid ji ltar zhe na/ sems nyid rdzogs pa'i sangs rgyas nyid/ces pa gang gis mi shes pa'o/ /de 'khor bar gyur ni yang dang yang du skye zhing 'gag pa'o/ /de nyid kyi phyir rmongs pa ste/ ma rig pas bsgribs pa rnams so/ /gang du zhe na srid pa'i mthar te skye ba'i rgyur ro/ /skye ba nyid 'ching ba'i rgyu yin pa'i phyir ro//cis khyad 'phags she na/ 'gro ba drug ste lha la sogs pa 'gro ba drug gi rang bzhin la'o/ /de nyid bsal na sangs rgyas nyid/ /ces mdor bstan pa'i don gsungs pa/ /rdo rje snying po snying rje che/ /kye yi rdo rje'i thabs rnyed nas/ /gang zhig yul rnams rnam sbyong ba// // des ni bla med rnyed par 'gyur/ /gang dgyes pa'i rdo rje'i rang bzhin gyi thabs rnyed nas yul rnams sbyong ba de bla na med pa rnyed de/ bla na med pa yang dag par rdzogs pa'i byang chub mngon du byed par 'gyur ro/ /de nyid kyi phyir yul rnams sbyang ba nyid de glo bur ba'i dri ma bsal ba nyid de'i yang thabs dgyes pa'i rdo rje nyid yin gyi gzhan ni ma yin no//dgyes pa'i rdo rje'i thabs kyis yul rnam par sbyong ba nyid dgyes pa rdo rje'i rang bzhin yul rnam par dag par bstan to/ /sems 'ba' zhig khams gsum dang dbyer med pa'i dgyes pa'i rdo rje ste/ de nyid sangs rgyas so//de nyid kyi phyir sems can rnams ni sangs rgyas nyid du the tshom med do/ /sa ni puk+ka sIr bshad pa/ /ji ltar mi bskyod phyag rgya lags/ /gang phyir gti mug sra ba nyid/ /sku ni rnam snang nyid gsungs pa/ /zhes pa ni/ sngar rdo rje snying po'i bsngags pa gsungs pa/ / de nas rdo rje snying pos dgyes pa'i rdo rje nyid yul la sogs pa rnam par dag pa yin par sems la bzhag nas the tshom za bar gyur te/ /ji ltar mi bskyod phyag rgya lags/ /zhes pa ni/ rgyu 'dis na zhus pa'i lan yang 'debs te/ sku rdo rje ji ltar na thugs rdo rjer 'gyur zhes pa'o/ / bcom ldan 'das kyis bka' stsal pa/ /lus spangs nas ni sems kyis ni/ /mdzes pa gzhan du mi 'gyur ro/ /de phyir rnam par snang mdzad sems/ /sku la thugs kyi phyag rgyas gdab/ /de yi phyir lus nyid sems so/ /chu khams ri khrod mar bshad pa/ /mi bskyod khu ba'i gzugs can nyid//gtso bo mi bskyod phyag rgyas ni/ /ri khrod ma la phyag rgya rigs/ /ri khrod ma chu'i khams de la thugs kyis rgyas gdab par rigs te/ /'dis ni gsung rdo rje nyid thugs rdo rje la/ /thugs rdo rje nyid gsung rdo rje ste/ /thugs kyi rdo rje yang sku rdo rje nyid yin no/ /bcom ldan 'das kyis bka' stsal pa/sems spangs nas ni lus kyi ni/ /gnas pa gzhan du mthong mi 'gyur/ /de'i phyir sems ni gti mug 'gyur/ /thugs la gti mug phyag rgyas gdab/ /de'i phyir sems las tha dad pa'i lus ni mi dmigs te de bas na thugs nyid sku'o/ / de lta bas na sku gsung thugs nyid thugs so/ /sa'i rang bzhin gyi mkha' 'gro ma gnyis bstan nas me'i rang bzhin gyi gdol ba mo'i dbang du byas te gsungs pa/ me ni gdol pa mor bshad pa/ 'dod chags phyag rgyas gdol ba mo/ /rigs te phyag rgya gzhan min na/ /ji ltar rin chen phyag rgya lags//gdol pa ma gsung rdo rjes rgyas gdab par rigs na ji ltar rin chen gtso bo'i rgyas gdab ces zhus pa'o/ /de la bcom ldan 'das kyis bka' stsal pa/ gang phyir 'dod chags khrag bshad pa/ /khrag ni rin chen 'byung ldan nyid/ /drod ni khrag gi rang bzhin phyir//'dod chags ser sna'i phyag rgyas gdab/ /gang gi phyir 'dod chags ni khrag tu bshad pa'i khrag ni rin chen gtso bo'o/ /de yang drod ni/ drod kyang khrag gi rang bzhin la/ /khrag kyang phra ma'i rang bzhin te/ /phra ma nga rgyal rdo rje yin/ /zhes pa'i tshig gis na thugs nyid kyis rgyas gdab pa yin par dgongs so//rlung gi khams kyi rang bzhin gyi g.yung mo'i dbang du byas te gsungs pa/ gang phyir g.yung mo rlung nyid de/ /don yod rlung gi gzugs can nyid/ /don yod phyag rgyas g.yung mo la/ /gtso bo phyag rgya rigs par 'gyur/ /don yod grub pa'i phyag rgyas g.yung mo la rigs zhes zhus pa'o//bcom ldan 'das kyis bka' stsal/ 'dod chags ma gtogs phrag dog ni/ /gzhan du yod pa ma yin te/ /de phyir 'dod chags phyag rgya yis/ /mkhas pas g.yung mo phyag rgyas gdab/ /'dis ci bstan na/ 'dod chags 'od dpag tu med pa gsung rdo rje de yang thugs rdo rje'i phyag rgya nyid rlung gi khams kyi rang bzhin gyi g.yung mo yang thugs yin par dgongs so//'dis ci bstan na/ phung po lnga'i rang bzhin gyi bdag med ma la sogs pa mkha' 'gro ma dang / sa la sogs pa 'byung ba chen po bzhi'i rang bzhin gyi puk+ka sI la sogs pa'i mkha' 'gro ma bzhi po thams cad nyid thugs kyi phyag rgyas gdab pa'o//mkha' 'gro ma gzhan bzhi po nyid thugs kyi rgyas gdab pa nyid yin pa gsungs pa/ gang phyir gzugs ni sra ba nyid/ /dkar mo snang mdzad gsungs pa nyid/ /sngar gsungs nyid kyi rigs pa yis/ / sems kyi bdag pos phyag rgyas gdab/ /gzugs ni gti mug gi rang bzhin yin pa'i phyir sra ba nyid de/ de yang dkar mo snang mdzad gsungs pa nyid ni rnam par snang mdzad sku'i rang bzhin yin pa'i phyir ro/ /sngar gsungs nyid kyi zhes pa ni sku la thugs kyis rgyas gdab pa'o/ /de nyid rigs pas chom rkun ma//zhes pas ni/ sgra'i rang bzhin yin pa'i phyir rin chen gtso bo'i rnam par dag pa 'od dpag tu med pa la 'od dpag med kyang mi bskyod pa'i rnam par dag pa'o/ /de bzhin ro langs ma nyid dang / /zhes pa ni/ /dri'i rang bzhin 'od dpag tu med pa rnam par dag pa nyid mi bskyod pa'o//de yi rigs pas g+ha sma rI/ /zhes pa ni ro'i rang bzhin don yod grub pa'i rnam par dag pa nyid mi bskyod pa'o/ /de las ma log rgyas gdab bo/ /zhes pa ni/ phyin ci ma log par bdag med ma la sogs pa'i rim pa nyid kyis yin par dgongs so/ /sa spyod ma dang mkha' spyod ma'i mkha' 'gro ma gnyis ni phyis gsal bar brjod par bya'o//sku gsung thugs rnams ni thugs kyi rang bzhin yin pas khongs su 'dus pa'i phyir mkha' 'gro ma gnyis logs shig tu ma smras pa'o/ /da ni sems tsam du gcig par rnam par rtog pa'i phyir sangs rgyas nyid yin te//glo bur gyi dri mas bsgribs pa'i sems can rnams ji ltar gtor ma chen po dang mchod pa chen po bya ba yin zhing dbang po thams cad tshim pa ji ltar yin pa blo la bzhag nas gsungs pa/ dgyes pa'i rdo rje rdo rje 'dzin/ /snyoms 'jug gnas pa'i lha nyid la/ /sems can don phyir gtor ma che//de la bdag med mas zhus pa/ /snyoms 'jug ces pa ni gnyis su med par rtogs pa'i kun rdzob kyi bdag nyid do/ /dgyes pa'i rdo rje ni bsdu ba'i bdag nyid do/ /rdo rje 'dzin zhes pa ni bden pa gnyis dbyer med pa'o/ de la ni rnam par gzhag pa de la bdag med mas zhus pa//gtor ma che ni yang dag pa'i mchod pa'o/ /sems can don phyir ni srid gsum du gyur pa rnams kyi phyir ro/ /e waM rnam par bzhugs nas ni/ /bgegs dang log par 'dren pa las/ /sems can rnams kyi srog bsrung phyir/ /rdo rje sems dpas gtor ma bstan//e waM rnam par zhes pa ni kha sbyor gyi rnal 'byor ro/ /de nyid kyi phyir bzhugs nas ni ste dam tshig gi tshul las ma 'das pa'o/ /de nyid kyi phyir rdo rje sems dpa'o/ /gtor ma ni mchod pa sbyar ba'o/ /bstan pa ni sbyin pa'o/ /sems can rnams kyi ni sku gsum gyi rang bzhin rnams kyi'o//srog bsrung phyir ni rnam par shes pa tsam du rtogs par bya ba'i phyir ro/ /ci'i phyir zhe na bgegs dang ste dbang po rnams las so/ /log par 'dren pa las ni sems las so/ /oM in+da dza ma/ dza la/ dza k+kha/ b+hU ta/ bah+ni/ bA u ra k+kha/ tsand/ tsan+da su dz+dza mA da/pA p+pa/ ta la pA tA le/ aSh+Ta sap+pa swA hA/ i daM ba liM/ b+huny+dza/ dzi g+ha/ phu l+la/ d+hU p+pa/ mAM sa/ piM g+ha/ aM b+ha/ sap+pa/ kadz+dza/ khan+ti/ khu Ni/ pheT/ gA nga / oM a kA ro mu khaM sarba d+harmA NAM A d+ya nud+pa n+na twA ta/ oM A hUM phaT swA hA/ oM shU n+ya tA dz+nyAn badzra swa b+hA wa At+ma kou0f85haM zhes pas stong pa nyid rnam p ar bsgoms nas/de'i nang du yi ge a dmar po bsgoms la de yongs su gyur pa las thod pa 'dab ma brgyad pa rnam par bsgoms la de'i nang du b+h+rUM dzrAM khaM hUM yongs su gyur pa las rnam par snang mdzad dang / rin chen gtso bo dang / 'od dpag tu med pa dang / don yod grub pa dang /mi bskyod pa rnams te/ bi ra shu ma mu'i yi ge lnga yongs su gyur pa las sam/ gro ku da ha na la sogs pa yang ngo / /de'i 'og tu du ba lta bu'i yi ge yaM dang / khrag lta bu'i yi ge raM bsgoms pa las rlung dang me gnyis 'bar bar bsgoms shing me des bsgo la bas gcig tu gyur nas khu bar zhu bar blta'o//de'i steng du yi ge hUM nag po de yongs su gyur pa las rdo rjer bltas la/ de'i nang du de bzhin gshegs pa lnga rnams dang / lha mo rnams dmigs la rdo rje dang lhan cig tu zhu bar bltas nas/ thod pa de'i steng du yi ge aM dkar po de yongs su gyur pa las zla ba'i dkyil 'khor bltas la/de yang der khu bar zhu bar gyur par bltas te/ oM AH hUM zhes pa'i yi ge gsum gyis gtor ma bdud rtsi'i rang bzhin rdzogs par bya'o/ /de'i rjes su rang gi snying gar snying gar yi ge hUM yongs su gyur pa las pad+ma 'dab ma brgyad pa mngon par bltas te/dbang po la sogs pa'i phyogs kyi 'dab ma sogs pa rnams la dbang po la sogs pa dgod par bya'o/ /de la shar du dbang po mig stong pa mdog ser po rin po che'i cod pan can phyag na rdo rje bsnams pa glang po che la zhon pa'o/ /lho'i 'dab ma la gshin rje dbyug pa bsnams pa mdog nag po rin po che'i cod pan can ma he la zhon pa'o//dza la zhes pa ni nub tu chu bdag dkar po lag na zhags pa thogs pa rin che'i cod pan can chu srin la zhon pa'o/ /byang du gnod sbyin ser po rin po che'i cod pan can lag na rtse gsum pa thogs pa stag gi pags pa'i sham thabs can/lus la thal bas byugs pa sprul gyi rgyan gyis brgyan pa/ zla ba'i 'od dang ldan pa khyu mchog la zhon pa'o/ /me ni shin tu ser ba gsus pa 'phyang ba/ mi'u thung gi rnam pa can ra skyes la zhon pa/ bgrang 'phreng dang ril ba spyi blugs bsnams pa/ /ral ba'i cod pan can nyi ma'i gdan dang nyi ma'i 'od dang ldan pa'o//rlung ni ras bsnams pa phyag na rlung gi rgyal mtshan thogs pa nag po rin po che'i cod pan can ri dgas la zhon pa zla ba'i gdan can zla ba'i 'od dang ldan pa rgyan thams cad kyis brgyan pa bgrang phreng dang ril ba spyi blugs bsnams pa'o//srin po dbu skra ser po gyen du 'khyil pa gri gug dang thod pa bsnams pa khro ba smin ma khro gnyer can gnag pa'o/ /de'i rjes su longs spyod kyi 'khor lor oM dkar po yongs su gyur pa las pad+ma dkar po 'dab ma bzhi pa de'i g.yon pa'i 'dab ma la zla ba dkar po rta dkar po la zhon pa/rin po che'i cod pan can lag na ku mud thogs pa rgyan thams cad kyis brgyan pa zla ba'i gdan dang rgyab yol can no/ /lho'i 'dab ma la/ nyi ma dmar po phyag bzhi pa pad+ma bsnams pa rta sngon po la bcibs pa/ rin po che'i cod pan can rgyan thams cad kyis brgyan pa nyi ma'i gdan dang 'od can no//mA da zhes pa ni ma sa'i lha ser po mdzes pa'i rgyan gyis brgyan pa/ lag na bum pa thogs pa zla ba'i gdan dang 'od can no/ /nub kyi 'dab ma la pa p+pa zhes pa ni pha tshangs pa de yang ser po bgrang phreng dang spyi blugs bsnams pa/ ral pa'i cod pan can dang ba la zhon pa gsus khyim che ba zla ba'i gdan dang 'od can no//de yang ta la pA tA le/ aT+Ta sap+pa zhes pa ni shar la sogs pa'i 'dab ma la rigs ldan dang / dung skyong dang / 'jog po rnams ser po'o/ /nor rgyas kyi bu dmar po/ pad+ma dang pad+ma chen po ni dkar po/ stobs kyi rgyu dang mtha' yas dag ni ser po dang sngon po 'di rnams ni rin po che'i cod pan can/mi'i gdong pa can rgyan thams cad kyis brgyan pa lus po sprul gyi lus 'di rnams sprul pa'i 'khor lo la yi ge a yongs su gyur pa las pad+ma mdog dmar po 'dab ma brgyad pa bltas la shar la sogs pa'i 'dab ma rnams la rim par gnas par gzhag par bya'o//oM in+da/ dza ma/ dza la/ dzak+kha/ b+hU ta/ bah+ni/ bA u/ rak+kha/ tsand/ sudz+dza/ mA da/ pap+pa/ ta la/ pA tA le/ aT+Ta/ sap+pa/ swA hA/ zhes pas snyan mnan nas dril bu dkrol ba sngon du 'gro bas/ mchod yon dang zhabs bsil phul nas/ yi ge hUM gis mi bskyod pa lta bur rdzogs pa las dbang po la sogs pa brgyad pa lta'o//yi ge oM las rnam par snang mdzad lta bu rdzogs pa zla ba la sogs pa rnams blta'o/ /yi ge AH las 'od dpag tu med pa lta bur rdzogs pa rigs ldan la sogs pa rnams bltas nas lha rnams dang rnal 'byor ba'i lce la hUM nag po las rdo rje'i lce'i 'od zer gyi sbu gus drangs pa'i bdud rtsi gtor ma'i yo byad gsol bar changs pa la sogs pa rnams bsams nas dgongs pa yid la byas te/de nas i daM ba liM/ b+huny+dza/ dzi g+ha/ phul+la/ d+hUp+pa/ mAM sa/ piM g+ha/ a m+b+ha/ sap+pa/ kadz+dza/ sA da/khan+ti/ khya Ni/ phe Da/ gA da/ zhes pa dal bar brjod cing dril bu gsil bar bya'o/ /de nas rang dang gzhan gyi mngon par 'dod pa'i don gsol ba btab la 'thor 'thung la sogs pa phul nas gshegs su gsol bar bya'o/ /oM a kA ro mu khaM sarba d+harmA NAM A d+ya nu d+ban+na twA ta oM AHhUM phaT swA hA/muHzhes pas dril bu gsil zhing gshegs su gsol bar bya'o/ /de ltar gtor ma byin pa'i dgos pa ci yin par gsungs pa/ gal te gtor ma 'dis 'byung po thams cad mchod par byed na rnal 'byor pa rnams legs par 'gyur ro/ /de'i tshe de rnams la bde ba dri ma med pa nyid du 'gyur ba dang lha rnams mnyes pa dang 'gro ba rab tu 'byor par 'gyur ro//gal te 'dir 'byung po'i tshogs kyi phyir rtag tu gtor ma byin na dbang dang mngon spyod dang dgra'i sde 'jig pa dang / bskrad pa dang / gsad pa dang / dgug pa dang zhi ba dang rgyas par yang 'gyur ro//gtor ma 'dis zhes pa ni rdo rje gsum dbyer med pa 'dis bdud rtsi lnga ye shes lnga'i rang bzhin du mchod pas so/ /gal te 'byung po thams cad mchod par byed na legs par 'gyur ro/ /gang zhe na rnal 'byor pa ste/ de kho na nyid dang ldan pa rnams so//de'i tshe de rnams la ni 'byung po thams cad la'o/ /bde ba ni phul du byung ba gzhan med pa'i bde ba'o/ /'gyur ni skye ba'o/ /lha ni dbang po la sogs pa'o/ /yang na mdzes pas na lha rnams te me long lta bu la sogs pa'i ye shes lnga rnams so/ /de mnyes pas ni mnyes par gyur pa'o//de nyid kyi phyir 'gro ba rnams ni de rnams la'o/ /'byor par 'gyur ro ni dbang phyug la sogs pa'i yon tan ma lus pa skye ba'o/ /dbang dang mngon spyod la sogs pa yang mthong ba'i chos las 'byung bar 'gyur ro/ /gal te 'byung po'i tshogs kyi phyir rtag tu ni rgyun du'o//'dir gtor ma sbyin par bya'o/ /yang na dbang du bya ba ni bsdu ba'o/ /mngon spyod ni spro ba'o/ /dgra'i sde ni gti mug la sogs pa'i mi shes pa'i yon tan rnams so/ /de rnams kyi 'jigs pa dang bskrad pa ni spro ba dang bsdu ba'o/ /dgug pa zhes pa ni gnyi ga yang bsres par byas pa spro ba dang bsdu ba dbyer med par rnam par gzhag pa'o//zhi ba zhes pa ni yongs su mya ngan las 'das pa chen po'i go 'phang ngo / /bag chags la thug pa'i nyes pa rtsad nas bton pa'o/ /bde ba zhes pa ni 'di nyid yang dag par rdzogs pa'i byang chub kyi ye shes so//de nyid ci 'dra ba cig yin zhe na/ rgyas par te rnam pa bcu gnyis su chos kyi 'khor lo bskor bar nus pa'o/ /'di ji ltar yin zhe na gsungs pa/ gal te gtor ma sbyin na ste/ oM AH hUM zhes pa'i yi ge las byung ba'i rdo rje gsum ste gal te byin na ste//de tsam gyis rtog pa yang mi skye ba'o/ /de ci'i phyir yin pa gsungs/ 'byung po'i tshogs kyi phyir te/ brtsis pas ni tshogs rnams te phung po lnga rnams so/ /'byung po ni yang dag pa ji lta ba bzhin te shin tu rnam par dag pa chos kyi dbyings kyi rang bzhin te/ 'byung po yang de yin la tshogs kyang de yin pas 'byung po'i tshogs so//de'i phyir ni de'i don du'o/ /de yang rtag tu ni rgyun ma chad par rtag tu yin pa'i don to/ /rdo rje gsum nyid mngon par gsal bar bya ba'i phyir/ rdo rje snying pos gsol ba/ phyag rgya gang gis mkha' spyod ma/ /phyag rgya gang gis sa spyod ma//gtso bo bdag gis sngar ma 'tshal/ /bcom ldan ji ltar phyag rgya bgyi/ /de skad du zhus pa la/ bcom ldan 'das kyis bka' stsal pa/ sku gsum 'khor lo'i dbus su ni/ /sku gsung thugs su phye ba las/ /steng dang 'og dang dbus gnas kyi/ /'khor lo'i dbus su rnam par gnas//sku gsum zhes pa ni 'di gsum kun rdzob kyi bden pa'o/ /de yang 'khor lo'i dbus su ni 'khor lo'i dbus rnams la ste/ sprul pa dang longs spyod rdzogs pa dang chos kyi sku rnams kyi nang du oM AH hUM zhes pa'i yi ge gsum mo/ /gsang ba gsum ji ltar zhe na/'og dang steng dang dbus gnas kyi/ /'khor lo'i dbus su rnam par gnas/ /de nyid kyi phyir/ sa spyod sku yi phyag rgya can/ /'og zhal sku yi rdo rje ma/ /mkha' spyod 'dod chags phyag rgya can/ /steng zhal gsung gi rdo rje ma/ sku rdo rje'i rang bzhin sa spyod ma'o/ /gsung rdo rje'i rang bzhin mkha' spyod ma'o//thugs rdo rje can yang bdag med ma ste/ sems bdag med ma'i tshul can rang bzhin med pa'i rang bzhin gyis ye shes so/ /de nyid kyi phyir/ sems ni dbus kyi gnas su ste/ des na bdag med ma dbus skyes/ dbus su gnas pa'o/ / 'on kyang gnyis su med pa'i rang bzhin gsang ba gsum gyi rang bzhin nyid rdo rje gsum ste gzugs kyi phung po la sogs pa rnam par dag pa rdo rje ma la sogs pa'o/ /de gsungs pa/ rgyas par rab tu phye ba las/ /rigs ni rnam pa drug tu brjod/ /rnam gsum rnam pa lnga nyid kyang //bshad kyis rnal 'byor ma rnams nyon/ /mi bskyod rnam snang rin chen 'byung / /dpag med phrag dog rdo rje sems/ /zhe sdang gti mug ser sna dang / /'dod chags phrag dog bde ba dag /rim pa 'dis ni bsgom pa nyid/ /'dis ci bstan na/ bdag med ma dang rdo rje ma dang chu ma dang /rdo rje mkha' 'gro ma dang mi bskyod pa'i de bzhin gshegs pa lnga rnams so/ /sku gsung thugs dbyer med pa'i rdo rje sems dpa'o/ /mkha' 'gro ma bdun ni/ de ltar rigs drug rnams te de bzhin du phyi rol du drug ste/ rim pa la gnas pa'i mkha' 'gro ma brgyad ye shes lnga'i rang bzhin rnam lnga'o//rdo rje gsum dbyer med pa gsum mo/ /'dis ni zhe sdang la sogs pa drug ni rang bzhin rnams de ltar gnyi ga drug ste/ mi bskyod pa la sogs pa zhe sdang la sogs pa rnam par dag pa rnams/ de ltar gnyi ga dbyer med pas ye shes drug rnams so//bco brgyad kyi rang bzhin rnams rdo rje gsum dbyer med pa'i rigs drug tu 'gyur ro/ /rgyas par rab tu phye ba las ni bstan pas so/ /'dis ni dag pas so/ /rim pas bsgom ni snyoms par 'jug pa'i rang bzhin rnams so/ /rigs drug po de rnams nyid rigs lnga rnam pa lnga yin par gsungs pa/rdo rje sems dpa' spangs nas ni/ /zhes pa ni/ sa spyod ma dang mkha' spyod ma gnyis dbyer med pa de bdag med rnal 'byor ma'i rang bzhin te 'di'i phyir rdo rje sems dpa' zhes bya ba srid pa gsum gcig par gyur pa rnal 'byor ma bdag med ma'i rang bzhin no//rdo rje sems dpa' spangs nas so/ /phyi nas ni rjes thogs su'o/ /rnam pa lnga ni de bzhin du phyi rol gyi rim par gnas pa'i rnal 'byor ma gsum rdo rje gsum dbyer med pas mkha' 'gro ma lnga'i khongs su 'dus te gnyi ga lnga'o//gnyi ga'i ye shes las skyes pa ye shes lnga yin te bco lnga'o/ /de nyid rdo rje gsum dbyer med par bden pa'i rnam pa'i rigs yin no/ /de rjes rnam pa gsum du 'gyur/ /'dod chags zhe sdang gti mug gis/ /mkha' 'gro ma lnga po de yang de bzhin gshegs pa lnga'i rang bzhin rnams kyi rigs gsum ste/rin chen gtso dang / don yod grub pa dang rnam par snang mdzad dang / 'od dpag tu med pa sku dang gsung gi rang bzhin dag gti mug dang 'dod chags kyi bdag nyid dag gi nang du zhugs pas so/ / de ltar phyi rol gyi rim par gnas pa yang gsum po gnyi ga dbyer med pas bskyed pa'i ye shes gsum yin pas dgu'o/ /rdo rje dbyer med pas rigs gsum ste/ 'dod chags zhe sdang gti mug gi rdo rje gsum gyi ye shes kyi zhes pa'i don to/ /rnal 'byor ma nyon zhes snyan mnan nas de thams cad nyid rnal 'byor ma yin pa'i don te/rang bzhin gyis grub pa'i rnal 'byor dang ldan pa nyid bdag med ma ste snyan mnan pa de gsal bar byas pa/ mi bskyod zhe sdang gzugs can gyi/ /thugs kyi bdag po rigs gcig nyid/ /sku dang gsung thabs dang shes rab kyi rang bzhin gyis gnyi ga sbyor ba gcig pa nyid rigs te/de thugs kyi bdag po ni thugs kyi rang bzhin no/ /gtso bo ni skyes pa dang ma ning nyid de de nyid mi bskyod pa ni mi g.yo ba'i rang bzhin de bzhin nyid kyi rnam pa'o/ /de nyid kyi phyir mi bskyod gzugs can te/ rtog pa thams cad dang rnam par rtog pa las 'das pa'i phyir yang dag pa'i ye shes so/ /'di zhe sdang rdo rje'i mthu stobs yin par gsungs pa/ zhe sdang rdo rje byin rlabs 'di/ /rigs ni drug dang lnga ru 'dod/ /khyad par 'phags pa'i dngos po ni mthu stobs te/ 'di zhe sdang yang yin la rdo rje yang yin pas zhe sdang rdo rje'o//de nyid byin rlabs ni thugs kyi bdag nyid mi bskyod pa'i gzugs so/ /zhe sdang gi gsum la/ gnyis su med pas gnyis so/ /gcig nyid kyi phyir gcig go/ /gcig kyang yod pa ma yin pa ni bzhi pa'o/ /'di nyid rnam pa gnyis dang rnam pa gsum dang 'di nyid bzhi pa ste/gcig dang du ma'i don gyis gnyis su med pa'i rang bzhin de dang gsum gyis so/ /drug ces pa ni rigs drug go/ /lnga zhes pa ni yang dag pa'i ye shes so/ /'dis ni gcig nyid drug gi rang bzhin la drug nyid gcig gi rang bzhin yin pas gnyis su med cing gnyis su byar med so so ma yin zhing bcad du med pa'o//rdo rje sbos mo dkar mo dang / /sa ni rnam snang bdag nyid kyi/ /dkar mo chom rkun gdol ba mo/ /me ni rin chen phyag rgyas gdab/ /ri khrod chu ma ro langs ma/ /chu khams 'od dpag med dbang phyug /rdo rje mkha' 'gro ma g.yung mo/ /g+ha sma rI yang de bzhin 'dod/ /de bzhin sa spyod mkha' spyod ma/ /rlung gi khams ni rta ru bshad/ /mkha' 'gro bdag med ma nyid kyang / /nam mkha'i khams su zhe sdang brjod/ /dbang po dang ni 'byung ba che/ /yul zhes bya ba de ru 'dod//rnam par shes pa gsum nyid gcig /sbyor ba las ni gnyis kyang ngo / /phung po lnga po re re zhing / /phung po lnga yi rang bzhin can/ /'byung ba chen po sa la sogs/ /re re'ang 'byung ba lnga yi bdag /gzugs la sogs pa'i yul rnams lnga/ /re re'ang lnga yi rang bzhin can/ / 'di'i phyir gzugs la sogs phung po/ /gang yang 'byung ba chen po rnams/ /gang yang gzugs la sogs pa'i yul/ /ye shes lnga yi rang bzhin nyid/ /zhe sdang rdo rje'i rang bzhin rnams/ /ye shes lnga las gzhan ma yin/ /zhe sdang rdo rje'i byin rlabs 'di/ /rigs ni drug dang lnga ru 'dod//ces pa'o/ /rgyud thams cad kyi phyag rgya bsdus pa'i don zhes bya ba'i rim par phye ba ste bzhi pa'o/ /rgyud thams cad kyi sgras ni ma lus par bye brag tu bshad pa'i rnam pa thams cad mkhyen pa'o/ /de'i phyag rgya ni mtshan ma'o/ /rgyud thams cad kyi phyag rgya de yang phyag rgya bsdus pa'i tshul gyis spro ba'i ngo bo'i don to zhes bya ba ni brda'o//rim par phye ba bzhi pa'o ni rim par phye ba bcu gcig dang lhan cig pa'i mkha' 'gro ma bco lnga bsdu ba'i rim par phye ba bzhi pa'o/ /dgyes pa'i rdo rje'i rnam par bshad pa rab tu gsal ba'i kha sbyor gyi rgya cher 'grel ba las le'u bzhi pa'o// //zhe sdang rdo rje'i byin rlabs 'di zhe sdang rdo rje nyid gang ci 'dra ba cig ces bdag med mas zhus pa'i sgo nas/ zhe sdang rdo rje'i rang bzhin gsungs pa/ phyag ni bcu drug zhal brgyad pa/ /zhabs bzhi pa dang 'jigs pa po/ / dpa' bo thod pa'i phreng ba can/ /bdag med mas ni sku la 'khyud/ /phyag rgya lnga ni 'dzin lha la/ /bdag med ma ni nyid kyis zhus/ /bco lngas yongs su bskor ba yi/ /bdag gi 'khor lo khyed bshad na/ /khyod kyi 'khor lo ji ltar lags/ /bcom ldan bdag gis sngar ma 'tshal/ /zhabs bzhi pa dang 'jigs pa po//zhes pa ni/ bdud bzhi btul ba nyid kyis so/ /thod pa'i phreng ba can zhes pa ni ye shes lnga dang sku gsum gyi rang bzhin des na ye shes mtha' yas pa'i rang bzhin yin pa'i phyir ro/ /dpa' bo zhes pa ni phas kyi rgol bas mi tshugs pa'i phyir ro/ /bdag med ma la 'o mdzad nas//rdo rje thod par stsal nas ni/ /lha yi nu ma mnye mdzad de/ /dkyil 'khor yang dag rab tu dbye/ /bdag med ma la 'o mdzad nas ni dga' ba'o/ /rdo rje thod par stsal nas ni mchog tu dga' ba'o/ /nu ma mnye mdzad de ni rnam par dga' ba'o/ /mdzes pas na lha ste lhan cig skyes pa'i dga' ba'o//de lta bu'i dga' ba bzhi'i rang bzhin gyi dkyil 'khor yang dag par rab tu dbye ni des 'od gsal bar rnam par gzhag go/ /'khor lo ji ltar sngar gsungs pa/ dra ba dra ba phyed pas brgyan/ mtshams bzhi pa la sgo bzhi pa/ /rdo rje srang bus yang dag brgyan//'dod chags chen pos rjes chags pas/ /lhan cig skyes dga'i rang bzhin las/ /khyod dang lhan cig bzhin bzangs ma/ /de la dbus su da yod de/ /'khor lo ji ltar sngar gsungs pa/ /zhes pa ni rim par phye ba gsum par gsungs pa'i/ dang por byams pa bsgom par bya//zhes bya ba la sogs pa tshangs pa'i gnas bzhi bsgom pa'o/ /de'i rjes su/ dang por stod pa'i byang chub ste/ /zhes bya ba la sogs pa/ bzhi pa la ni yig 'bru dgod/ /ces pa'i bar gyis gsungs pa dang / raM las nyi ma sngon bsgoms nas/ /zhes bya ba la sogs pa dang / /ra ba dang gur bcing pa yang rnam par bsgom pa nyid ces pa'i bar gyis gang gsungs pa dang /de thams cad sems la bzhag nas de'i rjes su rim par phye ba brgyad pa las gang gsungs pa/ nam mkha'i khams su b+ha ga bsam/ /zhes bya ba la sogs pa nas/ ji ltar 'byung ba sgom pa po/ / zhes pa'i bar gyis gang gsungs pa dang / de thams cad kyi/ de yi dbus su bsam bya ro/ /zhes pa ni/ pad+ma 'dab ma brgyad pa rim pa gcig par bltas la/ A li kA li yongs su gyur pa las zla ba dang nyi ma de'i nang du sa bon no/ /de gcig tu gyur pas bya ba nan tan gyi ye shes te sku rdzogs pa'i bar gyis shin tu rnam par dag pa chos kyi dbyings kyi ye shes te thams cad bstan to//de la dbus su phyag rgya nga / /zhes pa ni/ nga nyid phyag rgya ste phyag rgya ni phyag rgya chen po'o/ /khyod dang lhan cig ces pa ni kha sbyor gyi rnal 'byor gyi rang bzhin gyis zhes dgongs pa'o/ / de nyid gsungs pa/ 'dod chags chen po rjes chags pas/ /zhes pa ni/ rnam par dga' ba'i rang bzhin gyi rgyus so/ /lhan cig skyes dga'i rang bzhin las/ /zhes pa ni/ bya ba nan tan gyi ye shes kyi phyir sku rdzogs pa'i rang bzhin no/ /zhal brgyad pa la zhabs bzhi pa/ /phyag ni bcu drug dag gis brgyan//bdud bzhi mnyam par mnan pa nyid/ /'jigs pa yang ni 'jigs par mdzad/ /mgo bo'i phreng ba'i do shal mdzad/ /nyi mar bzhugs shing rol mor bcas/ /kha dog nag po 'jigs pa po/ /sna tshogs rdo rjes spyi bor mtshan/ /ye shes kyi dkyil 'khor dang dam tshig gi dkyil 'khor gcig pa nyid gsungs pa/sngar/ phyag ni bcu drug zhal brgyad pa/ /zhes bya ba la sogs pa gsungs pa/ de ni ye shes kyi dkyil 'khor gyi rang bzhin zhe sdang rdo rje zhes bya ba'i sku'o/ /da ni yang zhal brgyad pa zhes bya ba la sogs pas dam tshig gi dkyil 'khor dang dbyer med pa nyid dkyil 'khor gnyi ga'i rang bzhin rdo rje 'dzin pa nyid yin par bstan to//zhal brgyad ces pa ni bzhi po gnyis kyis so/ /zhabs bzhi pa zhes pa ni re res so/ /phyag ni bcu drug dag gis brgyan ni bzhi po re re zhing yang bzhi'i rang bzhin yin pa'i phyir ro/ / bdud bzhi mnyam par mnan pa nyid du gcig pas so/ /'jigs pa yang ni 'jigs par mdzad/ /ces pa 'dis ni nye bar dmigs pa thams cad spangs pa'i phyir ro/ /mgo bo'i phreng ba'i do shal mdzad/ /ces pa 'dis ni A li kA li'i nA da phreng gnyis dbyer med pa nyid de yin no//nyi mar bzhugs shing rol mor bcas/ /zhes pa 'dis ni spro ba dang bsdu ba'i rang bzhin nyid ye shes so/ /sna tshogs rdo rje spyi bor mtshan/ /zhes pa ni/ spro ba dang bsdu ba'i rang bzhin de yin no/ /kha dog nag po zhes pa ni bsdu ba'i rang bzhin nyid yin no/ /'jigs pa po ni gnyi ga dbyer med pa'i gnyis kyi bdag nyid yin par dgongs so//'dis ni dam tshig gi dkyil 'khor dang ye shes kyi dkyil 'khor dag dbyer med pa'i phyir zhe sdang rdo rje'i rang bzhin nyid zhal brgyad par bstan to/ /de nyid gsal bar byas pa nyid kyi zhal nas hUM spro zhing / / thal bas lus la byugs pa nyid/ /bdag med lhan cig mnyam sbyor zhing / /dga' ba gnyis gnyis snyoms 'jug pas/ /rlabs med pa yi bde ba thob/ /rlom sems med pa'i rang bzhin can/ /zhes pa ni/ de'i phyir zhal brgyad pa'i rang bzhin gyi bcom ldan 'das kyi zhal las yi ge hUM spro bar bya ba'o//cis khyad 'phags she na/ thal bas lus la byugs pa nyid/ /thal ba ni rdul phra rab bo/ /de dang 'dra ba'i rdul gyis lus rnams te gang lus rnams de'o/ /de nyid yi ge rgyu til gyi gang bu lta bu nam mkha'i khams yang spros pas mi shong ba'o/ /slar yang ci zhe na/dga' ba gnyis gnyis snyoms 'jug pas/ /dga' ba zhes pa ni lhag par phul du byung ba'i bde ba gzhan med pa'o/ /de'i gnyis gnyis ni gnyi ga'i ye shes so/ /des snyoms par 'jug pa ni ldan pa'o/ /de nyid kyi phyir bdag med ma dang lhan cig kha sbyor ba ni lhan cig dag tu yang dag par sbyor ba gnyis su med pa'i rang bzhin nyid yin par dgongs so//de nyid bdag med ma ni bdag med ma de nyid kha sbyor ba yin no/ /dba' rlabs med pa'i bde ba thob/ /ces pa ni dba' rlabs dang 'dra bas dba' rlabs te spro ba'i rang bzhin kun rdzob kyi bden pa'o/ /de las byung zhing skyes pa gang gi phyir de ni dba' rlabs kun rdzob kyi bden pa'i bdag nyid dang don dam pa'i bden pa'i bdag nyid do//de lta bur gyur pa'i ye shes bde ba de nyid thob pa de'i rang bzhin nyid yin par dgongs so/ /ye shes de yang rlom sems med pa'i rang bzhin can no/ /de lta bur gyur pa'i yi ge hUM rlom sems med pa'i rang bzhin no//zhal brgyad kyi kha dog gsungs pa/ rtsa ba'i zhal ni nag po che/ /g.yas pa la ni sku dang mtshungs/ /g.yon pa dmar zhing cher 'jigs pa/ /spyi bo'i zhal ni gtsigs pa can/ /lhag ma'i zhal ni bung ba mtshungs/ /sgra ji bzhin pa'i don ni gsal ba nyid do//don gzhan bshad par bya ste/ dang po'i zhal ni de nyid rtsa ba'i zhal lo/ /de yang nag po che ni 'od gsal ba'i rang bzhin thugs zhes bya ba'o/ /g.yas pa la ni sku dang mtshungs/ /zhes pa ni kA li'i rang bzhin thabs kyi ngo bo sku zhes bya ba'o/ /g.yon pa dmar ni A li'i rang bzhin shes rab kyi ngo bo gsung zhes bya'o//spyi bo'i zhal zhes pa ni steng gi rdo rje gsum dbyer med pa'o/ /cher 'jigs pa ni bzhi pa'o/ /gtsigs pa can zhes pa ni me long lta bu la sogs pa ye shes lnga'i rang bzhin yin pa'i phyir ro/ /spyan ni nyi shu rtsa bzhis che ni zhal re re zhing spyan gsum gsum yin pa'i phyir/zhal brgyad la spyan nyi shu rtsa bzhi rnams so/ /'chad par 'gyur ba yang / rdo rje gsum gyis dag pa'i spyan/ /zhes pa'o/ /rdo rje gsum gyi skabs nyid du rigs pa yin no/ /zhal gzhan po bzhi yang mngon par brjod par spyan rnams bstan te/gnas dang nye ba'i gnas la sogs pa'i gnas nyi shu rtsa bzhi'i rnam par dag pa rnams so/ /lhag ma'i zhal gzhan bzhi ni nag po nyid yin no/ /'dis ni 'di skad bstan par 'gyur te/ rdo rje gsum gyi rang bzhin dga' ba gsum dang de dang dbyer med pa'i bzhi pa lhan cig skyes pa'o//bzhi po de yang dbyer med pa nyid yin no/ /bud ba mtshungs ni zhal bzhi po 'di'o/ /'dis ni zhal lnga rnams nag pos ye shes lnga dbyer med pa nyid do/ /dmar ba dang dkar ba dag thabs dang shes rab kyi rang bzhin dag go/ /gtsigs pa ni sku gsum dang ye shes lnga nyid yin no//zhal brgyad nyid kyis zhe sdang rdo rje bstan to/ /grong khyer nyams dgar khyod dang nga / /dga' bas shin tu gang bas rol/ /dkar mo dbang po'i phyogs phyung nas/ /shar gyi sgo ru yang dag gnas/ /gnyi ga snyoms par zhugs pas spro ba'i sgo nas 'byin pa'i dkyil 'khor bstan te/gnyi ga dbyer med par rol pa nyid shin tu phul du byung ba'i bde ba gzhan la med pa yin pas dga' ba'i ye shes bstan to/ /dkar mo zhes pa ni sa'i khams gti mug rnam par dag par rdzogs pa dga' ba nyid ye shes gsum gyi bdag nyid do//srub dang bsrub pa'i sbyor ba las/ /chom rkun ma yang phyung nas ni/ /yang zhes pa ni mchog dga' ye shes bstan to/ /chom rkun ma ni me'i khams phra ma rnam par rdzogs pa mchog tu dga' ba nyid ye shes gsum dang dbyer med pa yin no/ / phyung nas lho yi sgo ru ni/ /chom rkun ma ni sgo srung ma/ /lho'i sgo zhes pa ni nyi ma'i rang bzhin nyid du bstan pa'o/ /bo la kak+ko la sbyor bas/ /ro langs ma yang phyung nas ni/ /zhes pa ni/ rnam par dga' ba'i ye shes bstan pa yin no/ /ro langs ma zhes pa ni chu'i khams 'dod chags rnam par dag pa rdzogs pa rnam par dga' ba nyid ye shes gsum gyi bdag nyid yin no//phyung nas nub kyi sgo ru ni/ /bdud 'joms ma ni rnam par gnas/ /nub kyi sgo ru zhes pa ni zla ba'i rang bzhin du bstan pa'o/ /bdud 'joms ma ni nyon mongs pa dang kun nas nyon mongs pa rnams zhi ba'i phyir ro//dga' ba chen po'i snyoms 'jug pas/ /g+ha sma ra'i yang phyung nas ni/ /dga' ba chen po'i snyoms 'jug pas/ /zhes pa ni/ lhan cig skyes pa'i dga' ba'i ye shes bstan to/ /g+hasma rI zhes pa ni rlung gi khams phrag dog rnam par dag par rdzogs pa'o/ /phyung nas byang gi sgo la ni//'jigs pa'i gzugs can ma nyid gnas/ /byang gi sgo zhes pa ni nyi ma dang zla ba dag dbyer med pa'i phyir lhan cig skyes pa'i dga' ba'i rang bzhin gyi rdo rje gsum dbyer med pa 'byung ba chen po bzhi'i rang bzhin gyi mkha' 'gro ma bzhi dga' ba bzhi'i ye shes me long la sogs pa'i ye shes lnga rnam par dag pa'o//thar pa chen po'i grong du 'jug pa'i sgo bzhi la srung ba bzhi po 'di'o/ /gnyis gnyis bskyod pa'i sbyor ba las/ /puk+ka sI yang phyung nas ni/ /phyung nas dbang ldan mtshams su yang / /drag po'i gzugs can ma nyid gnas/ / gnyis gnyis bskyod pa'i sbyor ba las/ /zhes pas sngar bstan pa 'dis ni mkha' 'gro ma bzhi thabs kyi rang bzhin rdo rje 'dzin pa dga' ba la sogs pa dga' ba bzhi'i rang bzhin no/ /da ni gnyis gnyis bskyod pa'i sbyor ba las/ /zhes pa 'dis ni thabs dang shes rab kyi rang bzhin gyi bdag med ma dga' ba la sogs pa dga' ba bzhi'i rang bzhin/puk+ka sI la sogs pa'i mkha' 'gro ma bzhi/ sa la sogs pa 'byung ba chen po bzhi'i bdag nyid bstan te/ dbang ldan mtshams su zhes pa ni 'byung po'i gnas su'o/ /drag po'i gzugs can ma zhes pa 'dis ni bdag med ma'i cha dga' ba dang po bstan to//yang ni bsrub pa'i sbyor ba las/ /'tshed ma'i mtshams su ri khrod ma/ /bsrub pa'i sbyor ba las zhes pa ni mchog tu dga' ba ste/ bdud rtsi bsrubs pa nyid las chu'i khams rnam par dag pa ri khrod ma'o/ /srin po'i mtshams su gdol pa mo//zhes pa ni/ rnam par dag pa'i rang bzhin me'i khams rnam par dga' ba'i gdol pa mo'o/ /srin po'i mtshams zhes pa ni yul dang dbang po 'khrigs pas zla ba dang nyi ma'i rang bzhin nyid yin no/ /rlung gi mtshams su g.yung mo nyid/ /ces pa ni/ g.yung mo zhes pa lhan cig skyes pa'i dga' ba'i rang bzhin gyi [(]g.yud [,]g.yung [)]mo rlung gi khams so//de nyid kyi phyir rlung gi mtshams su'o/ /de nas rdo rje chags chen pos/ /rig mar bcas pa zhu bar gyur/ /'dis ni gnyi gar dga' ba la sogs pa bzhi'i rang bzhin gyi mkha' 'gro ma brgyad rdzogs pa dag par bar ma do dang mtshungs par zhugs pa las mi dmigs pa'i rang bzhin gyis so//de rdo rje ni mi phyed pa'i sku'o/ /rig mar bcas pa ni shes rab dang lhan cig par ro/ /'di nyid ji ltar yin pa gsungs pa/ zhu bar gyur ni zhu ba'o/ /de nyid gyur ni yang dag pa ma ning ngo //ji ltar zhe na chags chen las so/ /gnyi ga'i lhan cig pa'i dga' ba yongs su gcod pa'i don to/ /sna tshogs glu yi mchod pa las/ /de nas lha mo rnams kyis bskul/ /de nas zhes ni zhu bar gyur pa'i rjes thogs la'o/ /lha mo zhes pa ni spro ba'i tshul gyis dri za'i sems can 'jug pa rnam par gnas pa'o//bskul ni rtog pa'o/ /sna tshogs glu yi mchod pa las ni mtshan ma sna tshogs 'phrul pa las mtshan ma'i rang bzhin nyid mtshan ma med pa yin par bstan pa yin no/ /glu'i mchod pa nyid gsungs pa/ rje btsun snying rje'i yid bzhengs shig /puk+ka sI ni bdag la skyobs/ /stong pa'i rang bzhin nyid spongs la/ /bdag la bde chen sbyor bzhed mdzod/ /bzhengs ni bzhengs shig pa'o/ /rje btsun ni bcom ldan 'das so/ /snying rje'i yid can ni thugs rje'i thugs can no/ /puk+ka sI ni bdag la skyobs ni bdag puk+ka sI la skyobs shig pa ste bdag ni nga'o//khyod kyis yongs su bskyab pa nyid ji ltar yin pa'i dogs pa bsu ba'i lan gsungs/ bde chen sbyor ba ste/ /bde ba chen po'i sbyor ba lhan cig skyes pa'i rang bzhin gyi don to/ /bdag bzhengs mdzod ni bdag gi 'dod pa brnag pa'o//spongs ni spongs la'o/ /stong pa'i ting nge 'dzin ni stong pa'i ting nge 'dzin no/ /khyod med na ni bdag 'gum pas/ /kye yi rdo rje khyod bzhengs shig /stong pa'i rang bzhin nyid spongs la/ /ri khrod ma 'bras grub par mdzod/ /khyod med na ni khyod med na'o/ /bdag 'gum pa ni bdag 'gum pa'o//kye'i rdo rje khyod bzhengs shig ni dgyes pa'i rdo rje bzhengs shig pa'o/ /spongs la ni spongs shig pa'o/ /stong pa'i rang bzhin ni stong pa nyid kyi rang bzhin no/ /ri khrod ma 'bras grub par mdzod ni dgos pa sgrubs shig pa'o/ /gtso bo 'jig rten mgron gnyer ba//stong pa nyid la bzhugs sam ci/ /khyod med phyogs ni mi 'tshal bas/ /gdol pa mo bdag zhu ba bgyid/ /bde gtso 'jig rten mgron gnyer ni kye dga' ba'i gtso bo'o/ /stong pa nyid la zhugs sam ci ni stong pa nyid la zhugs sam ci'o/ /gdol pa mo bdag ni gdol pa mo'o//zhu ba bgyid ni gsol ba 'debs pa'o/ /khyod med na ni khyod mi bzhugs na'o/ /phyogs ni mi 'tshal ba ni phyogs mi shes pa'o/ /bdag gis khyod kyi thugs 'tshal gyis/ /mig 'phrul mnga' ba khyod bzhengs shig /g.yung mo bdag yid dran nyams pas/ /snying rje rgyun chad ma mdzad cig /mig 'phrul mnga' ba ni mig 'phrul can no/ /bzhengs shig ni bzhengs shig pa'o/ /khyod kyi ni khyod kyi'o/ /bdag gis ni nga yis so/ /'tshal gyis ni shes pa'o/ /khyod kyi thugs ni khyod kyi sems kyi tshul lo/ /bdag ni kho bo ste bud med du gyur ba'i nga rgyal gyis mang po'i tshig go//yid dran nyams pa ni dran pa nyams pa'o/ /snying rje rgyun chad ni thugs rje rgyun chad ma mdzad pa'o/ /'dis ni sa dang chu dang me dang rlung gi rang bzhin gyi mkha' 'gro ma bzhi po bdag med ma'i char gyur pa'i dga' ba bzhi'i rang bzhin cha med pa nyid mya ngan las 'das pa dang dbyer med pa'i kun rdzob kyi bden pa'i ngo bo'o//bcom ldan 'das bskul bas ye shes gsum gyi bdag nyid gnyis ka dbyer med pa'i ye shes kyi rang bzhin gang de nyid chos kyi sku'o/ /de nyid bdag med ma can sgyu ma lta bu dang dbang po'i gzhu dang mtshungs pa ste/puk+ka sI sa glus bskul nas snying rje'i yid can stong pa'i ting nge 'dzin nyid spongs la zhes pa dang / de ltar ri khrod mas kyang / /stong pa'i rang bzhin nyid spongs la/ /kye yi rdo rje khyod bzhengs shig /ces gsungs pa dang / de ltar gdol ba mos kyang / stong pa nyid la bzhugs sam ci//khyod med phyogs ni mi 'tshal bas/ /zhes gsungs pa dang / de ltar g.yung mos kyang / bdag gis khyod kyi thugs 'tshal gyis/ /snying rje rgyun chad ma mdzad cig /ces gsungs pa'o/ /yang na snying rje'i yid can zhes pa 'dis ni kun du snang ba'i mtshan nyid sku rdo rje'i rang bzhin sprul pa'i sku can no//kye'i rdo rje khyod bzhengs pa 'dis ni brjod pa'i mtshan nyid gsung rdo rje'i rang bzhin longs spyod rdzogs pa'i sku can no/ /bde gtso bzhugs sam ci zhes pa 'dis ni mtshan nyid dang bral ba thugs rdo rje'i rang bzhin chos kyi sku'o/ / bdag gis khyod kyi thugs 'tshal gyis/ /mig 'phrul mnga' ba khyod bzhengs shig /ces pa 'dis ni kun du snang ba mngon par brjod pa'i yang dag pa'i rnam pa'i mtshan nyid sku gsung thugs kyi rang bzhin sprul pa dang longs spyod rdzogs pa dang chos kyi sku dang dbyer med pa'i sku yin par gsungs so//zhu bar gyur nas rig ma dang bcas pa rdo rje can 'di yin pa'i don to/ /dkar mo la sogs pa'i mkha' 'gro ma bzhi yang rdo rje 'dzin pa'i yan lag tu gyur pa nyid dga' ba bzhi des dgyes pa'i rdo rje'i rang bzhin dang 'dra bas de la bskul bas snyoms par 'jug par bstan pa mi rigs pa yin zhes de rnams kyis bskul ba ma bstan to//de la rdo rje 'dzin pa dang snyoms par zhugs pa'i phyir yin par dgongs so/ /'dis ni rdo rje 'dzin pa nyid thabs su gyur pas kun rdzob kyi bden pa'i bdag nyid kyi don dam pa'i bden pa'i rang bzhin dkar mo la sogs pa mkha' 'gro ma bzhi'i bdag nyid yin par bstan to//bdag med ma nyid shes rab kyi rang bzhin don dam pa'i bdag nyid kyi kun rdzob kyi bden pa'i rang bzhin pas puk+ka sI la sogs pa'i mkha' 'gro ma bzhi'i bdag nyid yin par bstan to/ /gnyi ga yang gnyi ga dbyer med par te byang chub kyi sems tha dad pa ma yin no zhes bstan to//glang po rta bong glang rnga mo/ /mi dang sha ra b+ha byi la/ /g.yas pa'i thod pa brgyad rnams la/ /gnyis 'thung la sogs rim shes bya/ /sa dang chu dang rlung dang ni/ /me dang zla ba nyi ma nyid/ /mthar byed dang ni nor sbyin nyid//g.yon pa'i thod pa brgyad na'o/ /sgeg cing dpa' ba mi sdug pa/ /rgod dang drag shul 'jigs rung ba/ /snying rje rngam dang zhi ba yis/ /gar dgu'i ro dang ldan pa nyid/ /oM dang hUM gis rdo rje che/ /khu ba'i gzugs las bzhengs nas ni bskul ba'i rjes thogs su bzhengs pa'o/ / rdo rje che ni yang dag par kha sbyor ba'i rang bzhin no/ /gang dag ce na/ a dang hUM dag ste thabs dang shes rab dag go/ /de nyid ji ltar zhe na/ khu ba'i gzugs las te/ rang bzhin med pa'i rang bzhin no/ /gnyis 'thung la sogs ni bcom ldan 'das de'i phyag g.yas na gnas pa'i thod pa brgyad rnams na'o//rigs ni go rims kyis so/ /shes bya ni shes par bya ba ste/ /dbang po la sogs pa'i 'jig rten skyong ba brgyad rnam par dag pa'o/ /sa la sogs pa gza' brgyad rnam par dag pas g.yon pa'i thod pa brgyad rnams su shes par bya'o/ /sgeg pa la sogs nyams dang ldan//zhes pa 'dis ni/ nyi mar bzhugs shing rol mor bcas/ /zhes pa gang de bstan to/ /sgeg pa la sogs pa lnga rnams kyis ye shes lnga rnams so/ /'jigs su rung la sogs pa gsum gyis sku gsum mo/ /zhi ba'i rang bzhin des thabs dang shes rab dbyer med pa'i rang bzhin nyid do//de nyid kyi nyams su myong ba'i ye shes so/ /des ldan pa ni ldan par 'dus la sbyor ba yin pa'i don to/ /gar dgu'i ro dang ldan pa nyid de dgu po nyid dbyer med pa yin pa'i don to/ /zhabs rnams sa la rdeb pa dang / /lha dang lha min sdigs par mdzad//gaM tsaM baM g+haM baM shaM laM DaM/ 'di yi sa bon phyung ba dang / /bdag po'i sa bon dag gis ni/ /aM hUM sngon po 'bar 'jigs pas/ /zhabs rnams zhes pa ni zhabs bzhi rnams so/ /sa la rdeb pa ni sa la brdabs pas lha dang lha min sdigs par mdzad do/ /yang na 'dis spyod par byed pas na zhabs rnams te dga' ba bzhi rnams so//de rnams rdeb pa ni spro ba'o/ /sa ni chos 'byung lha mo'i pad+ma'i nang du'o/ /'di ji ltar yin pa gsungs pa/ 'ang gi sgra ni gang gi phyir gyi don te/ gang gi phyir hUM dang aM gi sa bon dag las gdon par bya'o/ /sdigs pa ni mtshan gzhi'i rang bzhin gyi rnam par gzhag pa'o//gang rnams she na/ lha dang lha min rnams te ye shes lnga dang sku rnams so/ /de nyid kyi phyir/ gaM tsaM baM g+haM paM shaM laM DaM gi sa bon dang lhan cig pas so/ /'dis ni dkar mo la sogs pa khu bar gyur pa'i sa bon n-i laM eM aiM oM auM r-iM r-IM l-iM zhes pa blta bar bya'o//de nyid kyi phyir gsungs pa/ yi ge'i dbye ba so so gzhan/ /ces pas so/ /'dis dkar mo la sogs pa'i sa bon gnyis rdzogs pa yin par bstan to/ /cis khyad 'phags dag ce na/ bdag po'i sa bon dag gis ni hUM aM dag go/ /bdag po ni rdo rje 'dzin pa'o//dga' ba ni bdag med ma'o/ /de dag ni sa bon dag go/ /slar cis khyad 'phags she na/ sngon po 'bar 'jigs pas te/ 'bar 'jigs pa nyid kyis spro ba'i tshul lo/ /sngon po nyid kyis bsdu ba'i tshul lo/ /sngar/ aM dang hUM dag gis rdo rje che zhes shes rab kyi cha nyid thabs kyi nang du 'dus par bstan to//da ni hUM aM dag ces pa 'dis ni thabs kyi cha nyid shes rab kyi char 'dus pa yin pa'i don to/ /yi ge ho dmar po gnyis kyis spel ba'i A li kA li'i nA da phreng gnyis kha'i nang du zhugs nas rdo rje'i lam nas phyung ste lha mo'i pad+ma'i nang du spros pas 'byin pa'i dkyil 'khor bstan to//ma mo'i 'khor lo'i grong nyams dga'/ /kha dog nag po 'jigs chen po/ /bdag med bde ba sbyin pa po/ /gtso bo 'di ltar bsgom pa nyid/ /mdog nag po la sogs pa'i yon tan dang ldan pa sngar bstan pa'i phyag bcu drug pa la sogs pa'i rang bzhin no//gtso bo 'di ltar zhes pa ni rang nyid 'phrog pa po la rang nyid byed pa po'o/ /grod ni chos 'byung gi gzhal yas khang ngo / /bsgom pa nyid ni snyoms par 'jug par bya ba'o/ /grong de cis khyad 'phags she na/ ma mo'i 'khor lo ni lha mo dkar mo la sogs pa 'du ba'i grong khyer ro//de nyid kyi phyir nyams dga' ba'o/ /yang na kha dog nag po zhes pa ni A li kA lI'i nA da tshar gnyis kyis bsrabs pas cha med pa'o/ /de nyid kyi phyir 'jigs chen po ni gting dpag dka' ba'o/ /bdag med bde ba ni bdag med ma'i ye shes so//de sbyin pa ni gtong ba yin pas bdag med ma bde ba sbyin pa'o/ /dkar mo la sogs pa'i mtshan ma gsungs pa/ dkar mo g.yas ni gri gug ste/ /de bzhin g.yon na ro hi ta/ /chom rkun ma g.yas rnge'u chung ste/ /g.yon pa'i phyag na phag pa nyid//ro langs ma g.yas rus sbal te/ /g.yon pa yis ni pad+ma'i snod/ /g+ha sma rI yi g.yas na sbrul/ /g.yon pas rnal 'byor lhung bzed nyid/ /puk+ka sI g.yas seng ge ste/ /g.yon pas dgra sta de bzhin no/ /ri khrod ma g.yas dge slong ste/ /g.yon na gsil byed de bzhin no//gdol pa mo g.yas 'khor lo ste/ /g.yon pas thod pa de bzhin no/ /g.yung mo g.yas na rdo rje nyid/ /g.yon na sdigs mdzub de bzhin no/ /gri gug dang rnge'u chung dang pad+ma'i snod dang rnal 'byor lhung bzed dang / dgra sta dang / gsil byed dang / 'khor lo dang / rdo rje rnams ni shes rab rnam par dag pa'i phyag mtshan no//ro hi ta la sogs pa brgyad ni thabs kyi rnam par dag pa'o/ /skyil krung phyed pa'i gar gyis gnas/ /dkar mo la sogs pa phyag gnyis brjod/ /spyan gsum skra ni gyen du ste/ /phyag rgya lnga yis rnam par brgyan/ /skyil krung phyed pa'i gar gyis gnas//zhes pa ni/ skyil krung phyed par gang du bzhugs pa mi g.yo ba'i rang bzhin no/ /phyag gnyis ni thabs dang shes rab kyi rang bzhin no/ /spyan gsum rdo rje gsum gyi rang bzhin rnams so/ /skra ni gyen du ste zhes pa ni ka ye shes so/ /gyen ni shin tu gsal ba'o//steng du de cung zad gyen du yin pa de nyid gtso bo'i mnga' bdag ste/ thams cad kyi bdag po'i rnal 'byor gyi phyir yin pas skra gyen du phyogs pa ste 'di rnam pa la yod pa yin pa dbu skra gyen du 'khyil ba'o/ /bzhi pa'i rang bzhin gyi don to/ /phyag rgya lnga yis rnam par brgyan/ / zhes pa ni/ mngon par byang chub ba rnam pa lnga'i rang bzhin nyid yin pa'i don to/ /'dis ni skyil krung phyed pa'i gar gyis gnas pas gnyis su med pa'i rang bzhin no/ /phyag gnyis pa nyid kyis ni gnyis su med pa'i rang bzhin nyid gnyis kyi rang bzhin nyid do/ /spyan gsum pa nyid kyis ni gnyis kyi rang bzhin med pa nyid do//skra ni gyen du ste nyid kyis ni gsum gyi rang bzhin nyid bzhi pa'i rang bzhin nyid do/ /phyag rgya lnga yis rnam par brgyan pa nyid kyis ni bzhi pa'i rang bzhin nyid lnga'i rang bzhin yin pas mkha' 'gro ma bco lnga'i dngos po'i dkyil 'khor gyi rang bzhin nyid kyis mkha' 'gro ma rnams bstan to//kha dog dbye ba so so yin/ /zhes gsungs pa'i don nyid gsungs pa/ /gau rI kha dog nag por 'gyur/ /chom rkun ma ni btsod dang mtshungs/ /ro langs ma ni gser bsregs bzhin/ /g+ha sma rI ni ma rgad mtshungs//puk+ka sI ni dbang sngon mtshungs/ /ri khrod ma ni zla nor 'od/ /gtum mo nam mkha'i sngo bsangs ma/ /g.yung mo sna tshogs pa zhes brjod/ /sbyor ba yan lag drug rnam par dag pas dkar mo la sogs pa mkha' 'gro ma drug gi kha dog tha dad par sngar bstan pa'i don gsungs pa/dang po nag po rab tu bsgom/ /gnyis pa dmar por rnam par bsgom/ /gsum pa la ni ser po bsgom/ /bzhi par ljang gu de bzhin no/ /lnga par kha dog sngon po dang / /drug par dkar po'i lus can te/ /yan lag drug bsgom rnal 'byor pa//rnam dga' mthar yang de bzhin no/ /zhes pa ni/ rnam dga' mtha' ni lhan cig skyes pa'o/ /gtum mo nam mkha'i sngo bsangs ma/ /zhes pa ni/ yang de bzhin no/ /g.yung mo sna tshogs pa zhes brjod/ /zhes pa ni/ dga' ba la sogs pa yang lhan cig skyes pa'i rang bzhin nyid ni sna tshogs pa nyid kyi g.yung mo'o//dkar mo la sogs pa'i gdan gyi rnam par dag pas gsungs pa/ tshangs dang dbang po nye dbang dag /gshin rje dang ni nor bdag dang / /bden bral dang ni thags bzangs ris/ /gau rI la sogs pa yi gdan/ /zhes pa'o/ dkyil 'khor rdzogs nas lha'i de kho na nyid rtogs par bya ba'i phyir/bdag med mas zhus pa/ bo la gzhib par mdzad nas ni/ /dam du 'khyud cing 'o mdzad nas/ /bcom ldan gus pas mchod nas ni/ /bdag med ma yi sngags zhus so/ /bo la gzhib par mdzad nas ni/ /zhes pa ni/ rdo rje dang pad+ma mnyam par sbyor bar byas nas so/ /bcom ldan mchod ces pa ni rim pa 'di gnyis kyis mchod nas so/ /gus pas ni 'dod chags chen pos so/ /dam du 'khyud cing 'o mdzad nas/ /zhes pa ni/ kha sbyor gyi rnal 'byor yin pa'i don to/ /bud med rnams kyi dbang byed sngags//de bzhin gdug pa bsdigs pa dang / klu rnams sdigs par byed pa nyid/ /lha dang lha min rnam nyed pa/ /de ni nga yis bshad kyis nyon/ /lha mo bde ba sbyin pa nyon/ /sangs rgyas byang chub sems dpa' la/ /bdag gis gzhan du ma bstan to/ /'di yi sngags kyis gang 'byung zhing //rdo rje sems dpas gang mdzad pa/ /lha mo shin tu 'jigs pa ste/ /ngo mi chogs pas khyod la bshad/ /'bar ba'i phreng ba 'khrugs pa yi/ /dkyil 'khor rab tu bzhengs nas ni/ /rdo rje snying po dbang sbyin phyir/ /thig le mchog ma dgug pa nyid/ /bzlas pa khri ni gsal po ru//nga ro ring par mdzes pa yis/ /sgra ji bzhin pa ni go sla ba nyid do/ /don gzhan bstan par bya ste/ /bzlas pa khri yis zhes pa ni a bdag med ma'o/ /'di khri yang yin la bzlas pa'i sngags kyang yin pas bzlas pa khri'o/ /des gsal ba ru zhes pa ni 'od gsal bas so//nga ro ring pa ni mtha' ring ba nA da nga ro'i bdag nyid kyis so/ /mdzes pa yis zhes pa ni yid phrog pas so/ /de nyid kyi phyir/ dgyes pa rdo rje'i sbyor ldan pas/ /btsun mo thams cad dgug pa bya/ /thabs dang shes rab dbyer med pa'i ye shes kyis so/ / dgug pa ni dgug pa de'i bdag nyid kyis rnam par gzhag pa'o/ /btsun mo thams cad ni lha mo spyan ma la sogs pa'o/ /bzlas pa 'bum gyis rnal 'byor bdag /kye yi rdo rje rnal 'byor gyis/ /dogs pa med pa'i sems kyis ni/ /'di yi las rnams thams cad byed/ / bzlas pa 'bum gyis zhes pa ni mtshan nyid mtshan gzhi'i mtshon pa yang 'di yin la bzlas pa'i sngags kyang yin pas des na bzlas pa 'bum mo/ /'di ji ltar yin pa gsungs pa/ rnal 'byor bdag te rnal 'byor dang ldan pa'o/ /'di'i las rnams ni gdug pa sdigs pa la sogs pa byed pa'o//rnal 'byor bdag nyid ji ltar yin pa gsungs pa/ /kye'i rdo rje'i rnal 'byor gyis ni thabs dang shes rab dbyer med pas so/ /'di nyid ji ltar yin pa gsungs/ /dogs pa med pa'i sems kyis ni/ /rnam par mi rtog pa'i ye shes kyis yin pa'i don to//sngags nyid gsungs pa/ /rig byed rnams kyi dang po sbyin/ /zla phyed thig les rnam par brgyan/ /yi ge oM yin pa'i don to/ /phyis nas aSh+TA na nA ya/ /piM ga lo dz+h+wa ke sha bar+t+ma ne/ tsa tu rbiM sha ti ne trA ya/ de'i rjes su Sho Da sha b+hu dzA la/ kr-iSh+Na dzI mU ta wa bu She ka pA la mA lA ne kA d+hA ri Ne/A d+h+mA mA ta krA ra rtsi t+tA ya/ ar+d+ha n+du daM Sh+TI Ne/ /mA ra ya mA ra ya/ kA ra ya kA ra ya/ gar+dz+dza ya gar+dz+dza ya/ /tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na/ ban+d+ha ban+d+ha/ nA gA Sh+Ta kAM/ gr-ihaN gr-ihaN/ sha trUM hA hi hI hu hU he hai ho hau haM haHphaT swA hA/ yang na/ rig byed rnams kyi dang po sbyin/ /zhes pa ni/ me long lta bu la sogs pa'i ye shes lnga'i nye bar len par gyur pa/ de nyid zla phyed ni rlung gi rang bzhin yin pa'i don to/ /zla ba ni zla phyed kun du rdzogs pa'i thig le yin pa'i don to/ /nA da dang thig le'i rang bzhin de yin pa'i don to/ / phyi nas zhes pa ni lhag ma'o/ /aSh+TA na nA ya/ aSh+TA na nA ni brjod pa ste A li'i nA da phreng gnyis so/ /aSh+TA ni khyab pa'o/ /de aSh+TA na nA yin pas a shu na na ste/ nA da'i rang bzhin cha dang bcas pa nyid nA da med cing cha med pa'i tha tshig go/ /de lta bur gyur pa'i rang bzhin gyi ye shes 'di gang de ni//aSh+TA na nA ya ste de ni bod pa'i tshig gis/ aSh+TA na nA ya'o/ /de nyid kyi phyir piM ga lo r+d+h+waM ke sha bar+t+ma ne dag go/ /piM ga lor+d+h+wa ni nyi ma'o/ /ke sha zhes pa ni ke sha zla ba'o/ /piM ga lor+d+h+wa ke sha bar+t+ma ne lam gang la yod pa de la de skad ces bya'o/ /de'i phyir yang bka' stsal pa//tsa tu rbiM shi ti ne trA ya ni ye shes lnga dang sku gsum gyi rang bzhin gyi mkha' 'gro ma brgyad do/ /de rnams kyang re re zhing yang ye shes gsum gyi rang bzhin gyis spyan nyi shu rtsa bzhi'i rang bzhin rnams te/ de nyid gang la yod pa'i ye shes de 'di yin no//de ni bod pa'i tshig go/ /de'i rjes su/ sho Da sha b+hu dzA ya ni thabs dang shes rab kyi rang bzhin gyi mkha' 'gro ma brgyad rnams ni bcu drug tu 'gyur ba nyid stong pa nyid bcu drug gi rnam par dag pas phyag bcu drug rnams so/ /de nyid kyi phyir ye shes 'di gang de ni bod pa'o/ / kr-i Sh+Na dzI mU ta wa pu She zhes pa ni 'od gsal gyi rang bzhin gyi chos kyi sku'i bdag nyid do/ /ka pA la mA lA d+hA ri Ne zhes pa ni ye shes mtha' yas pa'i rang bzhin nyid kyis rnam pa thams cad mngon par byang chub pa bstan pa yin no/ /a d+h+mA ta krU ra tsi t+tA ya zhes pa la a d+h+mA zhes pa 'dis ni kun rdzob kyi bden pa'i bdag nyid do//krU ra nyid kyis ni don dam pa'i bden pa'i lus can no/ /bden pa gnyis kyi bdag nyid gang de sems yin pas/ /a d+h+nA ta krU ra tsi t+tA la'o/ /de lta bur gyur pa'i a yang gang de yin pa de ni bod pa'o/ /a r+d+he n+du daM Sh+T+rI Ne zhes pa ni a r+d+han+du ni thabs kyi cha nyid kyi kA li'i nA da'i phreng ba'o//cung zad nga ro zhan pa Da D+ha da d+ha ya la dang lhan cig las nA da bzhi bcu'o/ /de nyid daMSh+T+rI gang la yod pa de ni/ ar+d+hen+du daMSh+T+rI ca na no/ /de'i phyir ar+d+hen+du daM Sh+T+rI NA+e'o/ /tshems bzhi bcu nyid bstan pa yin no/ /mA ra ya mA ra ya/kA ra ya kA ra ya/ gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na/ /ban+d+ha ban+d+ha nA gASh+ta kAM griMh+na griMh+na sha trUM ha hA hi hI hu hU he hai ho hau haM haH zhes pa ni bcom ldan 'das thabs dang shes rab dbyer med pa nyid sngags kyi rang bzhin yang yin par bstan to//r-i r-I l-i l-I sbyor ba bzhi ni ma bstan te/ kha sbyor bas mi gsal bas ma ning yin pa'i phyir ro/ /'bar ba'i phreng bas 'khrigs pa yi/ /dkyil 'khor rab tu bzhengs par bya/ /zhes gsungs pa/ de'i dkyil 'khor gyi don nyid lha mos zhus pa'i sgo nas gsungs pa/de nas lha mo de dgyes nas/ /srub dang bsrub pa'i sbyor ba las/ /dam du 'khyud dang 'o byed pas/ /dkyil 'khor yid du 'ong ba zhus/ /de nas ston pa ye shes che/ /nyid kyis dkyil 'khor bri bar mdzad/ /ston pa zhes pa ni 'gro ba'i bla ma'o/ /de la zhes pa ni dbang bskur len pa'i tshe'o//ye shes che zhes pa ni thams cad mkhyen pa'o/ /de ni ma gzigs pa dang / ma gsan pa dang / mi gsung ba ci yang med pa'i don to/ /nyid kyis dkyil 'khor ni rdul tshon gyi rang bzhin bri ba'o/ /rdo rje pad+ma mnyam sbyor las/ /dgyes pa'i thugs kyis mnyam gzhag pas//'phar ma gcig dang sgo bzhi pa/ /sna tshogs 'od kyis yang dag 'khrigs/ /rta babs bzhi dang yang dag ldan/ /rdo rje srad bus yang dag brgyan/ /re khA lnga dang yang dag ldan/ /de nas bum pa brgyad po bri/ /rin chen sna lnga'i phye ma'am//yang na 'bras la sogs pa'i sa/ /dur khrod kyi ni so phag gam/ /de bzhin dur khrod sol ba'i sa/ /de dbus pad+ma 'dab ma ni/ /brgyad pa ze bar bcas pa bri/ /snying por skyes pa'i thod pa nyid/ /mdog dkar cha ni gsum pa bri/ / dbang ldan du ni shar b+ha/ /me yi mtshams su dge slong bri/ /bden bral du ni 'khor lo bri/ /rlung du rigs kyi bdag po bri/ /shar sgor de bzhin gri gug nyid/ /lhor ni cang te'u bri ba nyid/ /nub tu rus sbal bri bya zhing / /lto 'phye byang du de bzhin no/ /lha mo'i kha dog dbye ba yis//phyag mtshan brgyad du rab tu grags/ /dbus su thod pa dkar po yang / /sna tshogs rdo rjes mtshan pa bri/ /de nas rnam rgyal bum pa nyid/ /yal ga'i rtse mo gos bzang can/ /lto ba rin chen lnga bzang po/ /sA lu skyes pas yongs bkang gzhag /mang du brjod pas ci zhig bya//ji ltar de nyid bsdus pa yi/ /dkyil 'khor cho ga de bzhin bya/ /sgra ji bzhin pa ni go sla ba nyid do/ /yang na 'phar ma gcig ces pa gcig ni gnyis su med pa'o/ /rim pa ni yang dag par sbyor ba'o/ /sgo bzhi pa zhes bya ba ni dga' ba bzhi'i rang bzhin no//sna tshogs 'od kyis yang dag 'khrugs/ /zhes pa ni/ mngon par shes pa drug gi yon tan dang ldan pa'o/ /rta babs bzhi dang yang dag ldan/ /zhes pa ni/ dga' ba gzhan bzhi'i rang bzhin no/ /rdo rje srad bus yang dag brgyan/ /zhes pa ni/ rdo rje ni rdo rje'o/ /srad bu ni a wa d+hU tI'o//bzhi po gnyis kyi rang bzhin yin pa'i phyir gnyi ga mang po'i tshig go/ /rdo rje srad bus yang dag brgyan ni brgyan pa'o/ /re khA lnga dang yang dag ldan ni me long lta bu la sogs pa ye shes lnga'i rang bzhin no/ /de nas bum pa brgyad po bri/ /zhes pa ni/ de nyid kyi phyir ye shes lnga'i rang bzhin yin pas na sku gsum dang lhan cig pas gleng gzhi brgyad phyed pa'i chos nyid kyi rang bzhin no//rin chen lnga yi phye ma'am/ /zhes bya ba la sogs pa ni sngar bstan pa'i don nyid do/ /de yi dbus su pad+ma bri/ /zhes pa ni/ de'i dbus su zhes pa ni dkyil 'khor gyi dbus su pad+ma zhes pa ni ye shes so//'dab ma brgyad pa zhes pa ni ye shes mtha' yas par khyab pa'o/ ke sha ni zla ba'o/ /ra ni nyi ma'o/ /gdangs pas ze bar bcas par gyur pa yin pas ze bar bcas so/ /snying por skyes pa'i thod pa nyid/ /snying po'i sgras ni ze ba'i dkyil du'o//'dis ni zla ba dang nyi ma'i nang du'o/ /skyes pa'i thod pa ni rdo rje 'dzin pa'i ye shes so/ /mdog dkar zhes pa ni 'od gsal gyi rang bzhin te/ /zla ba dang nyi ma dang sa bon dang gsum du ldan pa'o/ /lha mo'i kha dog dbye ba yis/ /phyag mtshan brgyad du rab tu grags//zhes pa ni/ zla ba dang nyi ma dang sa bon la sogs pa'i rim pas me long lta bu la sogs pa ye shes lnga'i rang bzhin des na gsung thugs dang lhan cig pas mtshan ma brgyad do/ /dbus su thod pa dkar po yang / /zhes pa ni/ brgyad po rnams kyi nang nas chos 'byung ngo //sna tshogs rdo rjes mtshan pa bri ni sna tshogs rdo rje'i mtshan ma rdo rje 'dzin pa dang bdag med ma yang dag par sbyor ba yin pa'i don to/ /rnam rgyal bum pa nyid ces pa ni nyon mongs pa'i bag chags ma lus pa'i dgra las rgyal bas na rnam rgyal lo/ /de ltar bur gyur pa'i bum pa ni ye shes so//lto ba rin chen lngas zhes pa ni mi bskyod pa la sogs pa de bzhin gshegs pa lnga'i sku'o/ /de nyid kyi phyir/ bzang ni lha'i bdag nyid do/ /sA lu skyes pas yongs bkang gzhag /ces pa la sA lu skyes pa'i sgras ni yul shin tu rnam par dag pa rnams te des yongs su bkang ba'o//mang du brjod pas ci zhig bya brjod pa mang pos chog go/ /ji ltar de nyid bsdus pa yi/ /dkyil 'khor cho ga de bzhin bya/ /de nyid bsdus pa zhes pa ni de nyid ni yang dag pa'i ye shes kyi'o/ /bsdus pa ni rtogs pa'o/ / de de la yod pas dkyil 'khor cho ga ni ji lta ba bzhin bya ba'o/ /'dis ni/ rkang pa'i rjes na dkyil 'khor yin/ /zhes pa'i don ni legs par 'thad do/ /bcu gnyis brgyad gnyis lon pa yi/ /rig ma bde chen brgyad po ni/ /do shal rkang gdub kyis brgyan nas/ / dkyil 'khor du ni rab tu gzhug /ma dang sring mo nyid dang yang / /bu mo sring mo'i bu mo dang / /de bzhin zhang po'i chung ma dang / me yi spun dang sgyug mo dang / /de bzhin pha yi sring mo nyid/ /rig ma brgyad du rab tu grags/ /sgra ji bzhin pa'i don ni gsal ba nyid do//rig ma brgyad ces pa ni gnyis po bzhis dga' ba la sogs pa rnams so/ /de nyid kyi phyir bde chen no/ /dkyil 'khor du ni yang dag pa'i ye shes su'o/ /rab tu gzhug ni de'i bdag nyid kyis rnam par gzhag par bya'o/ /bcu gnyis sam zhes pa ni ma ning gi rang bzhin bzhi spangs nas so//brgyad gnyis lon pa zhes pa ni bzhi po de nyid khongs su bsdus pa'o/ /'dis ni dkyil 'khor gnyis kha sbyor ba nyid bstan to/ /dam du 'khyud dang 'o byed pas/ /'di rnams rnal 'byor pa yis mchod/ /de las ga bur btung ba nyid//des ni dkyil 'khor bsang gtor bya/ /de rnams rnal 'byor pas btung bya/ /dngos grub myur du thob par 'gyur/ /'di rnams mchod ces bya ba la sogs pas ni kha sbyor gyi rnal 'byor bstan to/ /de las ni dam tshig de las so/ /ga bur ni byang chub kyi sems so//btung ba nyid ni rdo rje'i lces zhes pa ni man ngag go/ /des ni dkyil 'khor bsang gtor bya/ /zhes pa ni/ des 'dus pa rnam par dag pa yin pa'i don to/ /de rnams btung bya zhes pa ni rdo rje'i lces zhes pa ni man ngag go/ /de nyid kyi phyir rnal 'byor pa'o//myur du ni de'i mod la myur ba ru'o/ /dngos grub thob par 'gyur ni dngos grub thob par 'gyur ba'i don to/ /chang yang btung ba dang zhes pa ni de la sems kyi mngon par zhen pa nub pa'o/ /sha dang sA lu skyes pa bza'/ /zhes pa ni/ de la lus kyi mngon par zhen par gyur pa yang med pa'i don to//gnyi ga'i mngon par zhen pa nub pas mtshan ma'i mngon par zhen pa yang nub pa yin pas logs shig tu ma smos so/ /de yang gos dang phral byas nas/ /b+ha gar 'o ni yang yang byed/ /de yang gos dang phral nas zhes pa ni sgrib pa med pa'i rang bzhin bdag med mar byas pa'o//b+ha ga ni ye shes so/ /'o ni yang yang byed ces pa ni dus kun du rgyun ma chad par bsten pa'o/ /yang na 'o ni byed ces pa 'dis ni ngag gi mngon par zhen pa yang de la med par gsal ba nyid du gsungs so/ /de yis bo la gzhib par bya//gar bya glu yang blang bar bya/ /de yis bo la ni rdo rje'i ye shes so/ /gzhib par bya ni ye shes kyi mngon par zhen pa bcom pa'o/ /gar bya glu yang blang bar bya ni glu dang gar gyi don dag bstan zin pa nyid do/ /bo la kak+ko la sbyar nas/ /de la rtsed mo rtse bar bya/ /kha sbyor gyi sbyor ba nyid kyis thams cad bskyed par bya ba yin pa'i don to//de nas thun tshod gnyis pa la/ /gos kyis mig ni bkab nas su/ /der ni slob ma gzhug pa nyid/ /phyi nas dkyil 'khor rab tu bstan/ /gos kyis zhes pa ni ras ser pos so/ /mtshan mo skye bo med khyim du/ / slob dpon la sogs rab phye nas/ /dbang ni ji ltar gsungs pa nyid/ /de la dbang bskur sbyin par bya/ /slob ma'i sgras ni dbang po la sogs pa'o/ /de ni gzhug par bya ba'o/ /de nas dkyil 'khor rab tu bstan ni 'dus pa'i ye shes gsal bar bstan to/ /de nyid dbang dri ma med pa'i ye shes so//de nyid kyi phyir skye bo med khyim du ni/ /dben pa'i lus kyi mngon par zhen pas so/ /ji ltar mchod dang bstod bshad pa/ /slob ma bzang pos sngar shes bya/ /de nyid de la bstan par bya/ /rnam dga' dang po mchog mtha' can/ /rgyud rnams kun du sbas pa ste//mtha' yi mtha' mar rab tu bstan/ /'di rnam par dga' ba yang yin la dang po yang yin pas rnam par dga' ba dang po'o/ /'di mchog kyang yin la mtha' ma yang yin pas mchog mtha' can no/ /de lta bur gyur pa'i rnam dga' dang po mchog mtha' can no/ /yang na gang la rnam par dga' ba dang por yod pa de ni rnam dga' dang po'o//de lta bur gyur pa'i mchog ni khyad 'phags pa'o/ /mtha' ni mtha' ste srid pa'i mtha'o/ /'di lta bu can ni ye shes so/ /yang na rnam dga' yang 'di yin la dang po mchog kyang yin pas rnam dga' dang po mchog go//de mthar byed pas rnam dga' dang po mchog mtha' can no/ /rgyud rnams kun du sbas pa ste/ /zhes pa ni/ rgod pa la sogs pa rnams su'o/ /yang na bye brag tu bshad pa kun du sbas pa'o/ de cis khyad 'phags she na/ mtha' ste de las gzhan ci yang med pa'o//de nyid mtha' mur thug pa ste yang dag pa'i mtha' de bzhin du yin pa'i tha tshig go/ /de rab tu bstan ni 'od gsal ba'i rang bzhin no/ /rdo rje mchod pa rab sbyar nas/ /de la lha mo des zhus pa/ /lha de'i skad cig ci zhig lags/ /gtso bo chen pos bshad du gsol//bcom ldan 'das kyis bka' stsal pa/ /der ni thog ma dbus mtha' med/ /srid med mya ngan 'das pa med/ /'di ni mchog tu bde chen yin/ /bdag med gzhan yang med pa nyid/ /thog ma med ni dang po skye ba med pa'o/ /de med pa'i phyir mtha' ma 'jig pa yang med do//skye ba dang 'jig pa med pa'i phyir dbus ma dbus su gnas pa yang med pa'o/ /de ni skad cig re re'o/ /de nyid gsal bar byas pa srid med 'khor med pa'o/ /gdod nas ma skyes pa'i phyir kun rdzob yod pa ma yin no/ /de med pa'i phyir mya ngan las 'das pa med pa ste/mya ngan las 'das pa ni 'jig pa gzod ma nas ma skyes pa med pa yin pa'i phyir yin par dgongs so/ /yang na/ srid dang mya ngan 'das med ces pa ni kun rdzob kyi bden pa dang don dam pa'i bden pa ste bden pa gnyis med pa'o/ /de skad du 'phags pa'i zhal snga nas//gang zhig dngos nyid ma skyes pa/ /ji ltar gzhan gyis skyes pa yin/ /mo gsham gyi ni bu yang ni/ /de ni skye bar 'gyur ram ci/ /zhes pa'o/ /'di ni mchog tu bde chen yin/ /zhes pa ni/ 'di nyid mchog tu bde ba chen po phul du byung ba med pa'i bde ba yang dag pa'i ye shes bde bar nyams su myong ba yang gang du yod pa ma yin te nyon mongs pa'i bag chags yongs su spangs pa'i rang bzhin yin pa'i phyir ro//de nyid kyi phyir/ bdag med gzhan yod ma yin ni bdag dang gzhan rtog pa yang de la yod pa ma yin te/dbyer med rang bzhin yin par dgongs so/ /'di nyid kyi skad cig ji ltar rtogs pa yin par gsungs pa/ longs spyod kyi ni rlabs gnyis la/ /rang gi g.yas dang lag gzhan gyi/ /mthe bo dang ni srin lag gang / /de ni rnal 'byor pa yis btsir/ /zhes pa ni/ g.yas dang g.yon no/ /g.yon ni rang gi g.yas dang cig shos ni rang gi g.yas dang gzhan te/ rang gi g.yas dang g.yon yang yin la lag pa yin pas rang gi g.yas dang lag gzhan gyi'o/ /de'i mthe bo dang ni srin lag gis ni de dag gis so/ /longs spyod ni longs spyod kyi 'khor lo ste/rlabs gnyis bcir bar bya'o/ /rnal 'byor pa yis zhes pa ni rnal 'byor shes pa ste/ 'dir bla ma'i gdams ngag yod pa yin no/ /yang na rang ni sems te g.yas ni g.yon gyi zla ba yin pa'i don to/ /gzhan ni nyi ma'o/ 'dis ni zla ba dang nyi ma dang sa bon gcig pa nyid kyis bya ba nan tan gyi ye shes kyi phyir ro//lag ces pa ni shin tu rnam par dag pa chos kyi ye shes dang lhan cig skyes pa'i ye shes lnga rnams so/ /de ni ye shes lnga gcig pa'i rang bzhin yin pas mthe bo snying rje'i rang bzhin thabs kyi ye shes kun rdzob kyi bden pa'o//srin lag gang zhes pa ni stong pa nyid kyi rang bzhin shes rab kyi ye shes don dam pa'i bden pa'o/ /de dag gis rlabs gnyis ni shugs gnyis kyis gzung ba la sogs pa'i mngon par zhen pa'o/ de bcir bar bya ba ni gcig tu bya ba'o/ /rnal 'byor pa zhes pa ni zung 'jug shes pa'o//zung 'jug shes pa'i skad cig nyid gsungs pa/ longs spyod kyi ste/ yang dag par longs spyod pa ni longs spyod de lhan cig skyes pa'i skad cig yin pa'i don te dus der yin pa'i don to/ /'dis ni stong pa nyid dang snying rje dbyer med pa de'o/ /gang byang chub kyi sems de nyid ye shes lnga dang sku gsum gyi rang bzhin nyid yin par bstan zin pa'i don to//yang na/ rang gi g.yas dang lag gzhan gyi/ /zhes pa ni/ g.yon pa dang g.yas pa'i lag pa mthe bo dang srin lag gang de dag gis so/ /longs spyod du ni rdo rje nor bu'i nang du son pa'i byang chub kyi sems kyi skad cig la'o//rlabs gnyis ni rnal 'byor pas lte 'og btsir bar bya'o/ /de nas brtan par gyur nas lhan cig skyes pa 'char ba gsal bar 'gyur ba yin par dgongs so/ /de byas pas cir 'gyur ba yin par gsungs pa/ de nas ye shes skye bar 'gyur//gzhon nu'i dga' ba ji lta bu'o/ /phyi nas ni rjes thogs su'o/ /skye bar 'gyur ni rab tu gsal bar rtogs pa'o/ /ye shes ni lhan cig skyes pa'i ye shes so/ /dpe gsungs pa/ gzhon nu'i dga' ba ji lta bu'o/ /sngar nyams su ma myong ba'i don spyod yul ma yin pa'o//dga' ba ni mdzes par dga' bas phul du byung ba'i bde ba gzhan med pa'i gzhon nu ma des de nyams su myong ba lta bur ye shes de yin pas gzhon nu dga' ba nyid ji lta ba'o/ /dpe'i dpe gsungs pa/ gzhon nu ma'i bde ba de yang de la ci zhig skye zhe na/lkugs pa'i rmi lam ji lta bu'o/ /de la zhes pa ni gzhon nu de la'o/ /ci zhig ces pa ni ma ning ste/ 'di de zhes yongs su bcad par mi nus so/ /gang de skye ba ni gsal po nyid du rtogs pa'o/ /de yang lkugs pa'i rmi lam ji lta bu'o/ /ji ltar mngon par mi shes pa'i rmi lam brjod par mi nus pa ltar de yang brjod par mi nus shing /bdag nyid gcig pus shes pa'o/ /'di nyid kyis ni gang la dpe nyid tshig gis brjod par mi nus pa de la don gyi chos ni brjod pas chog go/ /rang rig pa'i rdo rje gsum dbyer med pa lhan cig skyes pa'i ye shes yin no//lhan cig skyes pa'i rang bzhin nyid gsungs pa/ mchog mtha' rnam dag dbus su ni/ /stong dang mi stong he ru ka/ /zhes pa la/ mchog ni khyad 'phags pa'o/ /mtha' ni mtha'i srid pa'o/ /gang gi mtha' zhe na rnam dag dbus kyi'o/ /rnam dag dbus zhes pa ni rnam par dga' ba'i yang mthar chags pa dang bral ba'i tshul gyis gnas par de'i mtha' nyid yin par brgya la the tshom zab bsal bar bya ba'i phyir/rnam dga' dbus zhes pa ste 'di dbus kyang yin la rnam pa dga' ba yang yin pas rnam dga' dbus te/ dga' ba dang mchog dga' dag dang lhan cig skyes pa dang rnam par dga' ba de dag gi dbus ni rnam par dga' ba ste de'i mtha'o/ /de cis khyad par 'phags pa yin pa gsungs pa/ stong dang stong nyid de stong dang ni rang bzhin dang bral ba'o/ /de nyid stong pa ste rang bzhin rnal ma yin pa'i don to//de ci zhe na he ru ka ste/ he zhes pa ni rgyu la sogs pa dang bral ba'o/ /ru zhes pa ni yi ge ru tshogs dang bral ba'o/ /ka zhes bya ba ni gang du'ang mi gnas pa'o/ /de ltar rdo rje gsum dbyer med pa rnam par thar pa'i sgo gsum gyi rang bzhin ma ning yin no/ / gang yang rnam par dga' ba'i sgra ni dga' ba zhugs pa de bzhin du yang thams cad nyid la chags pa dang bral bar nyams su myong ba the tshom za bar 'gyur ro/ /gzhan du na skad cig ma bzhi khyad par med par 'gyur te/ dga' ba gcig nyid kyi rang bzhin phra ba yin par dgongs so//yang na mchog mtha' zhes pa ni de mchog kyang yin la mtha' yang yin pas mchog mtha' ste gang gi mtha' zhe na/ rnam dga' dbus su ste dbus ni mchog dga'o/ /rnam dga' ni mtha' yin pas mtha' dang dbus dag la dang po ltos pa yin pas dga' ba yang de yod pa ste/dga' ba gsum po gang de nyid mchog mtha' lhan cig skyes pa'o/ /de yang sku gsung thugs rnams kyi longs spyod ma yin pa'i phyir gtan la dbab par mi nus te/ gzhon nu ma'i dga' ba la sogs pa'i dpes khyad par cung zad byin gyis brlabs nas bstan pa yin no//stong dang stong min he ru ka / zhes pa ni/ rten yin pa nyid kyi don to/ /'di ni dgyes pa'i rdo rje'i mngon par 'byung ba zhes bya ba'i rim par phye ba ste lnga pa'o/ /dgyes pa'i rdo rje zhes bya ba ni thabs dang shes rab dbyer med pa'i ye shes so/ /de'i mngon par 'byung ba ni rnam pa thams cad kyi mchog dang ldan pa'i stong pa nyid kyi rang bzhin du yongs su bskyed pa'i dgyes pa'i rdo rje'i go 'phang yang dag par rdzogs pa'i byang chub bo//de lta bur gyur pa zhes bya ba ni brda'o/ /rim par phye ba lnga pa ni lnga po rnams rdzogs pa'o/ / rab tu gsal ba'i kha sbyor gyi rgya cher 'grel pa las he ru ka mngon par 'byung ba'i le'u lnga pa'o// //dgyes pa'i rdo rje mngon par 'byung ba'i ye shes lnga dang sku gsum gyi rang bzhin gyi ye shes lnga phyag rgya lnga'i rang bzhin nyid du bstan pa'i phyir gsungs pa//lha mo la ni dam 'khyud cing / /bo la thod par bcug nas ni/ /dam du nu ma bzung mdzad nas/ /skyes pa'i sna ni gzhibs nas kyang / /tshems kyis ma mchu btsir nas ni/ /mchan khung sen mos rma mdzad de/ /mnyam sbyar bde ba myang mdzad nas/ /phyag rgya lnga ni rab phye ba//don ni gsal ba nyid do/ /yang na/ lha mo la ni dam 'khyud cing / /zhes pa ni/ dga' ba'i ye shes so/ /bo la thod par bcug nas ni mchog dga'i ye shes so/ /dam du nu ma bzung mdzad nas/ /zhes pa ni/ rnam par dga' ba'i ye shes so/ /skyes pa'i sna ni gzhibs nas kyang //zhes pa ni/ lhan cig skyes pa'i ye shes so/ /de lta bur yod pa'i mnyam sbyar bde ba ni gnyis su med pa'i ye shes so/ /myang mdzad nas/ mchan khung sen mos rma mdzad de/ /phyag rgya lnga ni rab phye ba/ /zhes pa ni/ mchan khung sen mos btab pa ste sngar rjes su chags pa dang /de'i rjes su dam du 'khyud pa la sogs pa'o/ /phyag rgya lnga nyid gsungs pa/ /bla ma slob dpon 'dod lha la/ /phyag 'tshal don du 'khor lo 'dzin/ /spyi bor 'khor lo rnam par 'chang ba nyid/ rgyun mi 'chad par bla ma la sogs pa la 'dud pa yin te/ 'khor lo'i phyag rgya rnam par dag pa mi bskyod pa yin par dgongs so//bla ma rdo rje 'dzin pa la smod tshig mi nyan pa'i phyir/ rna ba dag tu rna cha 'dzin/ /rna cha'i phyag rgya ni 'od dpag med kyi rnam par dag pa ste/ de yang 'du shes kyi phung po yin pas mngon par brjod pa rnam par dag pa/ smod tshig mi nyan pa yin pas rna cha'i phyag rgya 'dzin pa'o//sngags kyi bzlas pa mgul rgyan nyid/ /ces pa ni/ mgrin pa nyid sgra yin la sgra'i lus ni sngags yin pas sngags kyi bzlas pa rnam par dag pa mgrin pa'i phyag rgya'o/ /de rnam par dag pa ni tshor ba'i phung po'i bdag nyid rin chen gtso bo yin no//gdu bu srog chags gsod pa spangs/ /zhes pa ni/ lag pas srog chags gsod par byed pa yang lag gdub kyi phyag rgya btab pas srog gcod pa spangs pa'i rnam par dag pas gdu bu'i phyag rgya gzugs kyi phung po'i bdag nyid rnam par snang mdzad kyi rnam par dag pa yin no//phyag rgya bsten pa ska rags nyid/ /ces pa ni/ sked pa'i phyag rgya phyi rol gyi phyag rgya bsten pa spangs pa rnam par dag pa 'di yang nang gi phyag rgya bsten pa nyid rgyun mi 'chad par phyag rgya bsten pa'i rnam par dag pa ska rags te/ /'du byed kyi phung po'i bdag nyid don yod grub pa rnam par dag par bstan pa'o//bsdu ba gsungs pa/ sangs rgyas lnga yi phyag rgya yis/ /lus ni rtag tu rgyas gdab po/ /lus zhes pa ni dgyes pa'i rdo rje'i rang bzhin no/ /rgyas gdab ces pa ni mtshan pa'o/ /rtag tu zhes pa ni rtag tu rgyun ma chad pa nyid kyis so/ / gang gis she na phyag rgyas te mtshan mas so/ /gang gis she na sangs rgyas lngas te/ me long lta bu la sogs pa ye shes lnga'i rang bzhin gyi yin no/ /'dis ni he ru ka mngon par 'byung bar chos kyi gleng gzhi brgyad byed pa'i chos nyid chos yan lag dgu bstan pa yin no/ /sku gsum dang ye shes lnga'i rang bzhin gyis na brten pa'i dkyil 'khor dang bris pa'i dkyil 'khor gyi phyir bdag med mas zhus pa'i sgo nas zhus pa'i lan gdab pa/de nas rab tu bzhad mdzad nas/ /tshems kyis ma mchu btsir nas ni/ /kye'i rdo rje lhan skyes rang bzhin can/ de la lha mo des zhus pa/ / rab tu bzhad ces pa ni ha ha ha ha ha ha zhes pa rnal 'byor ma rnams kyi gad rgyangs chen po'i sngags te/ de bzhin gshegs pa lnga rnams kyi skur byas pa'o/ /tshems kyis ma mchu btsir nas ni/ /zhes pa ni/ bcom ldan 'das sngar rjes su chags par mdzad nas phyis rab tu bzhad pa yin par dgongs so//lha mo des zhes pa ni spro ba'i rang bzhin no/ /kye rdo rje zhes pa ni gnyi ga dbyer med pa'i sku'o/ /de nyid kyi phyir lhan skyes rang bzhin can ni yang dag pa'i ye shes kyi rang bzhin no/ /de ci yin pa gsungs pa/ gtso bo cho ga gang gis dang / /de bzhin bya ba gang gis ni/ / kye rdo rje yi bris sku yi/ /byed pa bde ba chen pos gsungs/ /bcom ldan 'das kyis bka' stsal ba/ 'dir ni 'dri mkhan dam tshig can/ /sgrub po'ang dam tshig can gyis ni/ /bris sku 'jigs pa bri ba nyid/ /skyes pa'i thod gnas tshon sna lnga/ /ro yi skra yi pir nyid kyis//bris sku bla ma bri ba nyid/ /skyes pa'i thod par ni thod par gnas pa'o/ /tshon sna lnga ni bdud rtsi lnga dang bsres pa'i tshon sna lngas so/ /ro'i skra zhes pa ni spangs pa'i skra'i pir gyis so/ /dgyes pa'i rdo rje'i bri sku bri ba ni bdag med ma'i thang ka dang phya gnyis pa la sogs pa'i he ru ka'i ras ris dgyes pa'i rdo rje nyid dang kha sbyor ba'i phyir ro//he ru ka phyag gnyis pa'i yang dkyil 'khor pa'i mkha' 'gro ma ni phyag bcu drug pa'i dkyil 'khor pa bzhin no/ /yang na bris sku bla ma zhes pa ni kun rdzob kyi bdag nyid kyi dgyes pa'i rdo rje'o/ /bris sku 'jigs pa zhes pa ni don dam pa'i bden pa'i bdag nyid kyi dgyes pa'i rdo rje'o//bden pa gnyis dbyer med pa nyid bden pa gnyis yin par bstan to/ /de bri ba nyid ni bya ba'o/ /gang gis she na/ tshon sna lngas te me long lta bu la sogs pa'i ye shes so/ /cir gyur pa zhe na skyes pa'i thod gnas te yi ge na dang dbyer med par sbyar ba'o//de lta bur gyur pa'i ye shes der gnas pas de'i bdag nyid kyis de la thim pa'o/ /ro'i skra zhes pa ni chos kyi dbyings kyi ye shes kyi'o/ /pir nyid kyis zhes pa ni thams cad nyid gcig pa'i rang bzhin yin pa'i don to//gang gang skud pa 'khal ba dang / /gang gang ras yug 'thag pa yang / /de yang dam tshig can nges pas/ /dam tshig byin brlabs rnal 'byor pas/ /de yang dam tshig can zhes pa ni dam tshig ni lha 'byung ba'o/ /de dang ldan pas te bdag med ma des so/ /'di ji ltar zhe na/dam tshig byin brlabs rnal 'byor pas/ /zhes pa ni/ lha thams cad kyis byin gyis brlabs pa nyid do/ /rnal 'byor pas ni de'i phyir kha sbyor ba yin pa'i don to/ /zla ba zla ba mar ngo yi/ /bcu bzhi pa la khyim dben par/ /nyin phyed ma rungs sems kyis ni/ /chang gi btung ba cung zad las//lus la ni raM shu bsams nas/ /de bzhin gcer bur gyur pa yang / /'bags pa dang ni ma dag pas/ /de nas dam tshig rab tu bza'/ /zla ba zla ba zhes bya ba la sogs pa de nas dam tshig rab tu bza' zhes pa'i mthar gsum po rnams kyi yang bya ba 'di yin te/ri mo mkhan dang sgrub pa po dang skud pa 'khal nas ras 'thag pa don gsal ba nyid do/ /yang na zla ba zla ba zhes pa ni bgrang ba las 'das pa'o/ /'di nyid ji ltar yin zhe na/ mar ngo zhes pa ni bdag med ma bden pa'o/ /bcu bzhi zhes pa ni mkha' 'gro ma bcu bzhi dang ldan pa las so//khyim dben par ni chos kyi dbyings kyi rang bzhin chos 'byung gi gzhal yas khang ngo / /cis khyad 'phags she na/ nyin phyed ni gnyis su med pa'i tshul gyis dgyes pa'i rdo rje'i bdag nyid do/ /'di ji ltar yin pa gsungs pa/ cung zad sems pa yin pas sems so//de cis khyad 'phags she na/ cung zad ste cung zad ces pa ni spyod yul gyi rang bzhin ma yin pa'i phyir ro/ /de nyid ji ltar yin zhe na chang gi btung ba las te/ sems kyi mngon par zhen pa log pa'o/ /aM shu ni mkha' spyod tshun chad kyi byang chub bo//ni raM shu ni zla ba'o/ /can ni bde ba'o/ /bsams nas ni bltas te/ 'di tshun chad sems kyi spyod yul nyid yin no/ /de bzhin gcer bur gyur pa yang / /zhes pa ni sgrib pa med pa'i rang bzhin nyid du gyur pa bden pa'o/ /de bzhin yang zhes pa ni bzhi pa de yang de bzhin no zhes bstan pa yin no//'bags pa dang ni ma dag pa/ /zhes pa ni/ gtsang ba dang mi gtsang ba la sogs pa'i rnam par rtog pa dang bral ba'i rgyus so/ /dam tshig ni lha thams cad 'byung ba'i rang bzhin no/ /rab tu bza' ni rang bzhin med pa nyid kyi rang bzhin skyed pa yin pa'i don to//bzhin bzangs snying dang ldan pa dang / /gzugs dang lang tsho skal bzang ma/ /me tog bcas shing sgrub por dga'/ /gnyug ma'i phyag rgya g.yon du gzhag/ /ri mo mkhan gyi bri ba'i dam tshig ji ltar byas pa de bzhin du don 'di yang bstan to/ /yang na gnyug ma'i phyag rgya ni lhan cig skyes pa'i ye shes so//gzhag pa ni g.yo ba med pa nges pa'o/ /gang zhig ce na/ g.yon pas te zla bas so/ /cir gyur pa zhe na bzhin bzangs te/ gnyi ga'i nA da phreng gnyis dbyer med pa aM dkyil 'khor gnyi ga dbyer med pa'i ye shes kyi rang bzhin no//snying rje ldan pa dang zhes pa ni 'gro ba'i don byed par nus pa 'du shes kyi phung po'i rang bzhin 'od dpag tu med pa'i ye shes kyi ngo bo'o/ /gzugs dang lang tsho skal bzang ma/ /zhes pa ni/ sku gsum gyi rang bzhin aM sngar bstan pa'i don gyi don to/ /me tog bzang po zhes pa ni bzang po khu ba'o//me tog ni khrag go/ /zla ba dang nyi ma dbyer med pa'i aM de bzhin nyid kyi don to/ /de nyid kyi phyir sgrub por dga' ni rdo rje 'dzin pa dbyer med pa nyid kyi kha sbyor gyi rang bzhin nyid yin pa'i don to/ /dgyes pa'i rdo rje rnal 'byor ma'i dra ba las ras ris kyi cho ga'i rim par phye ba ste drug pa'o//rab tu gsal ba'i kha sbyor gyi rgya cher 'grel pa las dgyes pa'i rdo rje'i ras ris kyi cho ga'i rim par phye ba le'u drug pa'o// //de nas de la lha mos zhus/ /bo la kak+ko la sbyar nas/ /tshems kyis ma mchu btsir nas ni/ /glegs bam yang ni ji ltar 'gyur//da ni dkyil 'khor gsum gyi rang bzhin rtogs par byas nas brten pa'i dkyil 'khor yang rdul tshon gyi dkyil 'khor dang bris pa'i dkyil 'khor ras ris kyi cho ga sngon du 'gro ba rtogs par byas te rdo rje rigs kyi rim par phye bar gsungs pa'i sku rdo rje'i rang bzhin sprul pa'i sku'i ngo bo nyid rtogs par bya ba dang /sngags kyi rim par phye bar bstan pa'i gsung rdo rje'i rang bzhin longs spyod rdzogs pa'i sku/ sprul pa'i sku dang dbyer med pa'i/ /glegs bam yang ni ji ltar 'gyur/ /zhes zhus pa'i sgo nas gsungs pa/ de nyid bstan pa//rdo rje pad+ma mnyam sbyar nas/ /dgyes pas lha yis rab phye ba/ /kha sbyor gyi rang bzhin nyid kyi phyir spro ba'i bdag nyid 'od gsal ba nyid kyis rnam par gzhag pa'o/ /glegs bam nga yis bshad bya yis/ /lha mo skal ba chen mo nyon/ /sbrang chen snag tsha byas nas ni/ /mi yi rus pa'i smyu gus ni//glegs bam sor ni bcu gnyis pa/ /gro gar dam tshig can gyis bri/ /sbrang chen gyi sgras ni rin chen gtso bo'o/ /yang na bdud rtsi lnga nyid yin par kha cig 'dod do/ /glegs bam dang ni bris sku nyid/ /gal te skal med mthong na ni/ /skye ba 'dir ni dngos grub med//'jig rten pha rol spyod yul med/ /yang dag rab sbyin ldan pa la/ /res 'ga' tsam zhig bstan pa nyid/ /glegs bam lam gyi spyod yul du/ /skra dang mtshan khung nyid du sba/ /sgra ji bzhin pa'i don ni gsal ba nyid do/ /yang na/ glegs bam dang ni bris sku nyid/ /ces pa ni/bcom ldan 'das kyi sku gnyis so/ /gal te skal med mthong na ni/ /zhes pa ni/ rnam par ma dag pa'i yul dang dbang po gang bdag nyid kyi ye shes de spyod yul ma yin pa nyid do/ /de nyid kyi phyir skye ba 'dir ni 'khor bar dngos grub med par 'gyur ba'o/ /'jig rten pha rol spyod yul med//ces pa ni/ mya ngan 'das las 'das par yang rtogs par gyur pa'i dngos grub med pa yin par dgongs so/ /yang gang gis mthong ba yin par gsungs pa/ yang dag rab sbyor ldan pa la/ /zhes pa ni/ khyad par du 'phags pa'i rnal 'byor dang ldan pas yang dag par rab tu ster ba ni yang dag rab sbyin te/gang gi phyir sbyin pa'i rnal 'byor yin pa'i phyir yang dag rab sbyin zhes kyang bshad do/ /bden pa gnyis kyi bdag nyid kyis nyon mongs pa'i bag chags spangs pa'o/ /bstan pa ni rtogs pa'o/ /res 'ga' tsam zhig ni de'i yang bag chags spangs pa nyid yin par dgongs so//b+ha gar ling+ga rab bzhag nas/ /yang dang yang du 'o mdzad nas/ /bde chen mnyam pa myang mdzad nas/ /rdo rje can gyis bza' ba bstan/ /bza' zhes pa ni longs spyod rdzogs pa'i sku'i rang bzhin no/ / de bstan pa ni bstan pa yin pa'i don to/ /tshogs kyi dkyil 'khor bza' ba ni/ /nyon cig lha mo mig yangs ma/ /gang du zos pas 'dod don kun/ /sgrub pa can gyis dngos grub 'gyur/ /'dod don kun sgrub pa can zhes pa ni rnam pa thams cad mkhyen pa'i mngon par byang chub pa bstan to//dur khrod ri yi bya skyibs dang / /de bzhin mi med grong khyer dang / /yang na dben pa'am rgya mtsho'i mthar/ /bza' ba 'di ni rab tu spyad/ /sgra ji bzhin pa'i don ni gsal ba nyid do/ /yang na dur khrod ces pa ni chos kyi 'khor lo'o/ /ri'i bya skyibs zhes pa ni bde ba chen po'i 'khor lo'o//mi med grong khyer zhes pa ni sprul pa'i 'khor lo'o/ /dben pa zhes pa ni longs spyod kyi 'khor lo'o/ /bza' ba 'di ni rab tu spyad/ /ces pa ni/ bya ba la rab tu 'jug pa'o/ /de yang ji ltar yin pa gsungs pa/ rgya mtsho'i 'gram ni phyag rgya dang lhan cig par 'jug pa yin pas rgya mtsho ste 'khor lo bzhi la 'jug pa'o//de rnams kyi mtha' ni mtha'o/ /yang na de'i mtha' ni de'i rang bzhin spro ba dang bsdu ba'i rang bzhin nyid yin par dgongs so/ /de la gdan du brtag pa ni/ /ro yi gzugs can dgu dang ni//de la zhes pa ni dur khrod la sogs par ro/ /gdan zhes pa ni gnas su brtag pa'o/ /de brtag pa ni de'i mngon par zhen pa yongs su spangs pa'o/ /cir 'gyur zhe na/ dgu dang ni bdag med ma dang dbyer med pa'i rdo rje 'dzin pa dbus su byas pa'i mkha' 'gro ma brgyad po de dang lhan cig tu dgu'o//ro'i gzugs can zhes pa ni chos kyi dbyings kyi rang bzhin no/ /yang na stag gi pags pa dang / /dur khrod ras ni de bzhin no/ /dbus su dgyes pa'i rdo rje'i gzugs/ /de nas rnal 'byor ma rnams dgod/ /dgu mdor bstan pa'i rgyas par bshad pa'o//ji ltar sngar bzhin gnas shes nas/ /phyogs dang phyogs bral dag tu yang / /mkha' 'gro ma rnams ni phyogs dang mtshams rnams kyi dbye bas gnas shes pa yin pa'i don to/ /ji ltar sngar bzhin shes pa ni gzod ma nas ma skyes pa'i rang bzhin yin pa'i phyir phyogs dang mtshams kyi khyad par brtag par mi bya ba'i don to//dam tshig mA la tIM d+ha naM/ /stag gi pags pa'i steng du bza'/ /dam tshig ces pa ni go ku da ha na la sogs pa rnams so/ /'bad nas rgyal po'i sA lu yi/ /bza' ba der ni bza' ba nyid//rgyal po'i sA lu'i sgras ni mi'i sgron ma bza' ba dang dam tshig gzhan bza' ba'o/ /der ni zos shing zos nas kyang / /der ni ma mo mchod bya ba/ /sA lu la sogs pa de zos nas ni rnal 'byor pa'o/ /der zos nas ni der ma mo mkha' 'gro mas zos pa'o/ /yang na der ni zos nas zos na yang ma mo bza' bar bya'o//sring mo'i bu mo sgyug mo dang / /gal te ma sring yin na yang / /de rnams rtag tu legs mchod na/ /tshogs kyi dkyil 'khor 'grub par 'gyur/ /de rnams mchod ces pa ni snyoms par zhugs pas so/ /rtag tu zhes pa ni rtag tu'o/ tshogs kyi dkyil 'khor zhes pa ni rnam pa thams cad kyis so/ /skyes pa'i thod chen cha gcig par/ /chang ni bzang pos yongs bkang ste/ /bla ma la dbul skal chen mas/ /phyag 'tshal nas ni rang yang btung / /pad+ma'i lag pas blang ba dang / /de nyid kyis ni lag pas dbul//yang nas yang du rab ldud pa/ /der ni sgrub pa po yis bya/ /cha gcig pa zhes pa ni gnyis su med pa'i tshul lo/ /skyes pa'i thod chen zhes pa ni yang dag par rdzogs pa'i sangs rgyas kyi ye shes so/ /de nyid kyi phyir/ chang ni bzang pos yongs bkang ni rdo rje gsum dbyer med pa'i rang bzhin no//de bla ma la dbul ba ni de nyid la dgod pa yin pa'i don to/ /rtag tu bla ma la phyag 'tshal ba nyid kyis gang de rang yang btung ba ni de nyid rang rig pa yin pa'i don to/ /pad+ma'i lag pas blang ba dang / /zhes pa ni/ ye shes lnga po gnyis dbyer med pa nyid kun rdzob kyi bden pa'i bdag nyid kyi ye shes yin pa'i don to//de nyid kyi lag pas dbul zhes pa ni ye shes lnga po gnyis dbyer med pa nyid don dam pa'i bden pa'i bdag nyid kyi ye shes yin pa'i don to/ /yang nas yang du rab ldud pa/ /der ni sgrub pa po yis bya/ /zhes pa ni/ gus pa dang bcas pas rtag tu dus ring por goms par byas pa de nyid kyi sgrub pa po rnams kyis yin no/ /bza' ba'i rim par phye ba ste bdun pa'o// //glegs bam gyi cho ga bstan pas sngags kyi de kho na nyid kyi bdag nyid longs spyod rdzogs pa'i sku'o/ /de yang gos 'gebs pa'o/ / de len cing 'dzin par byed pas ni rim par phye ba'o/ /de nyid kyi phyir bza' ba ni yi ger brjod pa'o/ /rab tu gsal ba'i kha sbyor gyi rgya cher 'grel pa las/ dgyes pa'i rdo rje'i bza' ba'i rim par phye ba le'u bdun pa'o// //da ni bris sku dang glegs bam gyi cho gas sku gnyis kyi rang bzhin bden pa gnyis bstan nas/bden pa gnyi ga'i bdag nyid chos kyi sku bstan par bya ba'i phyir rnal 'byor mas zhus pa'i sgo nas 'jug pa/ de nas rnal 'byor mas zhus pa/ /phyag rgya chen po ji lta bu/ /kun rdzob rnam pa'i gzugs kyis ni//bde ba sbyin pa bshad du gsol/ /phyag rgya chen po kun rdzob rnam pa'i gzugs kyis ji lta bu yin par bde ba ster bas bdag la bshad du gsol ba'o/ /rnal 'byor ma ni bdag med ma la sogs pas zhus pa'o/ /bcom ldan 'das kyis bka' stsal pa/shin tu ring min thung ba min/ /gnag pa ma yin dkar ba min/ /pad+ma'i 'dab ma'i rnam pa 'dra/ /de yi dbugs ni dri zhim ldang / /pad+ma'i 'dab ma'i rnam pa 'dra ni mchog tu 'dod pa gang sgrol ma'i rang bzhin te bzhi pa'i rnal 'byor ma bstan to/ /de nyid kyi phyir de'i dbugs ni nA da phreng gnyis dang dbyer med pa'o//dri zhim ldang ni mdzes pa'i ye shes dang ldan pa'i ye shes gnyi ga dbyer med pa nyid yin par dgongs so/ /rngul yang dri zhim ldan gyur te/ /ri dgas lte ba'i dri dang mtshungs/ /de rnams kyi rngul ni gla rtsi'i dri dang mtshungs so//'dis ni rin chen gtso rnam par dag pa 'di rnams bstan to/ /pad+ma la yang ut+pal dri/ /skad cig pad+ma lta bur 'byung / /pad+ma zhes pa ni chos 'byung ngo / /de yang ut+pal ni ut+pal dang 'dra ba ste/ shin tu gzhon pa yin par bstan to/ /dri zhes pa ni pad+ma de nyid kyi dri yang pad+ma dang 'dra bar pad+ma'i dri'o//de 'byung ba ni shes pa las so/ /ji ltar zhe na/ skad cig gi ye shes las te mnyam par sbyor ba'i skad cig las yin pa'i don to/ /'dis ni 'di rnams 'od dpag tu med pa'i rnam par dag pa bstan to/ /de yi ga bur si h+la dag /mkhas pas dri bzang mtshon par bya//ut+pal yi drir 'gyur zhing / /a ga ru ni nag po mtshungs/ /ut+pala'i dri dang ga bur dang si h+la dang a ga ru nag po dang mtshungs pa'o/ /shin tu ring min thung ba min/ /gnag pa ma yin dkar ba min/ /zhes pa 'dis ni kun du snang ba'i mtshan nyid sprul pa'i sku bstan to//pad+ma'i 'dab ma'i rnam pa 'dra/ /de yi dbugs ni dri zhim ldang / /zhes pa 'dis ni mngon par brjod pa'i mtshan nyid longs spyod rdzogs pa'i sku'o/ /rdul yang dri zhim ldan 'gyur te/ /ri dgas lte ba'i dri dang mtshungs/ /zhes pa 'di ni rig pa'i mtshan nyid kyi rang bzhin chos kyi sku bstan to//pad+ma la yang ut+pal dri/ /skad cig pad+ma lta bur 'byung / /zhes pa 'dis ni ngo bo nyid kyi sku rdo rje gsum dbyer med pa'i rang bzhin gyi bzhi pa bstan to/ /de yi ga bur si h+la dag /mkhas pas dri bzang mtshon par bya/ /sku bzhi po 'di nyid dga' ba bzhi'i rang bzhin kha sbyar ba nyid yin no//ga bur dang si h+la dag ni rdo rje 'dzin pa dang bdag med ma dag go/ /dri bzang ni mdzes pa'i ye shes so/ /mtshon par bya ni shes pa'o/ /mkhas pa ni yang dag par rdzogs pa'i sangs rgyas kyi ye shes yin pa'i don to/ /dal zhing mi g.yo ma nyid dang //snyan par smra zhing yid 'ong ma/ /skra bzang dbus su gnyer ma gsum/ /phal pas pad+ma can du brjod/ /dal ba zhes pa ni mkhas pa'o/ /mi g.yo ma zhes pa ni khyo ga gzhan la mi 'gro ba'o/ /snyan par smra ba zhes pa ni brtse ba med pa'i tshig khros kyang mi smra ba'o/ /yid 'ong ma zhes pa ni yid bde ba la sogs pa'o//skra bzang shes pa ni 'jam zhing mnyen pa dri zhim po dang mtshungs par dbus su 'ong ba'i skra dang ldan pa'o/ /dbus su gnyer ma gsum ni lang tsho gzhon nu ma dang ldan pa'o/ /de nyid phal pas ni sems can gyis te 'dod pa'i chags pa dbang du byed pa rnams kyis so//pad+ma can ni mchog gi gtso mo yin par bstan to/ /yang na sngar bstan pa'i ga pur dang si h+la dag gi dri zhim po des kha sbyar bas so/ /dal zhing ni stobs bcu dang mi 'jigs pa la sogs pa'i yon tan gyi rang bzhin no/ /de nyid kyi phyir mi g.yo ma ni g.yo ba med pa'i rang bzhin sprul pa'i sku dang ldan pa'o//snyan par smra zhing ni longs spyod rdzogs pa'i sku'i rang bzhin no/ /yid 'ong ma zhes pa ni chos kyi sku'i rang bzhin bdag nyid do/ /skra bzang ni sku gsum dbyer med pa'i sku'i rang bzhin no/ /de nyid kyi phyir dbus su gnyer ma gsum zhes pa ni sku thams cad kyi rang bzhin dbyer med pa'o//de phal pas ni de kho na nyid dang ldan pas so/ /pad+ma can zhes pa ni yang dag par rdzogs pa'i byang chub kyi ye shes can no/ /brjod ni nges pa'o/ /lhan cig skyes pa'i gzugs can ma//de rnyed nas ni dngos grub 'gyur/ /zhes pa la dngos grub ni phyag rgya chen po'i dngos grub thob pa'o/ /de ni pad+ma can no/ /rnyed nas ni shes nas so/ /'di ji ltar yin zhe na gang gi phyir de lhan cig skyes pa'i gzugs can ma'o/ /yang na dngos grub ji lta bu zhe na/ lhan cig skyes pa'i ye shes nyid dngos grub yin pa'i don to//de nas rnal 'byor ma bdag med mas gsol ba/ /bcom ldan 'das/ ji ltar smon lam gdab par bgyi/ /'di'i don ni 'di yin te 'di 'dra ba'i phyag rgya chen po kun rdzob kyi rnam pa'i gzugs can ma de yang thun mong ma yin pa 'di lta bu'i mtshan nyid rnams kyang smon lam gyi stobs las yang dag par 'byung ba der smon lam ji lta bu btab pas 'di lta bu'i phyag rgya chen po'i rang bzhin yin par dgongs zhes de nyid la zhus pa'o//bcom ldan 'das kyis bka' stsal pa/ rigs su skye dang dam tshig can//smyo med kye yi rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pa rdo rje dril bu 'khrol/ /zab mo'i chos ni klog pa dang / /btsun mo'i khu ba mnyam zas can/ /skye ba skye bar 'gyur bar shog /rigs zhes pa ni mchog de bzhin gshegs pa la sogs pa'o//skye ba ni skye ba'o/ /smyo med ces pa ni bag yod pa'o/ /rigs su skye ba ni thams cad yongs su spangs pa'o/ /dam tshig can zhes pa ni bza' bar bya ba dang btung bar bya ba dang yang dag par ldan pa'o/ /kye'i rdo rje ston zhes pa ni bden pa gnyis kyi tshul la gnas pa'o//de nyid kyi phyir/ bla ma la gus snying rjer ldan/ /skye zhing skye bar 'gyur bar shog /ces pa ni/ /srid pa gzhan dang gzhan du'o/ /lag pa rdo rje dril bu 'khrol/ /zhes pa ni/ 'di ni nye bar mtshon pa tsam ste/ de kho na nyid shes par gyur cig pa'o//zab mo'i chos ni klog pa dang / /zhes pa ni/ theg pa chen po gsang sngags ston pa la mngon par dga' ba'o/ /btsun mo'i khu ba mnyam zas can/ /zhes pa ni/ rtog pa thams cad yongs su spangs pa'i lus yin pa'i don to/ lag pas rdo rje dril bu 'khrol ba nyid kyi rigs su skye ba dang dam tshig can no//zab mo'i chos ni 'don pa dang nyid kyis ni smyo med kye'o rdo rje ston to/ /btsun mo'i khu ba mnyam zas can nyid kyis ni/ bla ma la gus snying rjer ldan/ /skye zhing skye bar 'gyur bar shog /ces pa smon lam gdab pa'o/ / de'i stobs la sogs pa 'di 'dra ba de phyag rgya chen po zhes brjod do/ /de nas lha mo de dgyes nas/ /tshig ni 'di nyid yang zhus pa/ /skal med sems can gdul dka' ba/ /gang gis 'dul bar 'gyur ba lags/ /gdul dka' zhes pa ni mi dge ba la mngon par dga' ba'o//skal med ces pa ni de nyid kyi phyir skal ba med pa'o/ /'dul ba ni bslab pa'i sdom pa la gnas pa'o/ /gang gis ji ltar zhe na/ 'gyur ba lags ni 'thob par 'gyur ba'o/ /ni'i sgra ni rnam par rtog pa ste/ gang gi phyir smon lam gyi stobs kyis phyag rgya chen po'i rang bzhin nyid de smon lam yang 'dul ba 'dzin pa sngon du 'gro bas so//gdul dka' ba skal ba med pa rnams kyi gdul bya nyid ni snod ma yin na de rnams kyi yang mngon par 'dod pa'i dngos grub nyid de ji ltar yin zhes rtog cing zhus pa'i lan gdab pa 'di'o/ /de la bcom ldan 'das kyis bka' stsal pa/dang por gso sbyong sbyin par bya/ /de rjes bslab pa'i gnas bcu sbyin/ /de la bye brag smra ba bstan/ /mdo sde pa yang de bzhin no/ /de nas rnal 'byor spyod pa nyid/ /de yi rjes su dbu ma bstan/ /sngags kyi rim pa kun shes nas//de rjes kye yi rdo rje brtsam/ /dang por gso sbyong sbyin par bya/ /de rjes bslab pa'i gnas bcu sbyin/ /zhes pa ni srog gcod pa la sogs pa spong ba dang / myos par 'gyur ba'i btung ba dang / dri dang phreng ba dang spos dang byug pa la sogs pa spang ba ste gso sbyong dang bslab pa'i gnas bcu'o//de la bye brag smra ba bstan/ /zhes pa ni/ nyan thos dang sangs rgyas kyi tshul te/ nyan thos ni nyon mongs pa'i sgrib pa spang ba'i tshul rtogs pa'o/ /rang rgyal rnams kyi ni shes bya'i sgrib pa phyogs gcig spang ba'i tshul lo/ /mdo sde pa zhes pa ni mdo sde klog pa'o//rnal 'byor spyod pa zhes pa ni rnam par shes pa tsam bden pa yin pa rnal 'byor spyod pa'i bzhed pa'o/ /dbu ma zhes pa ni kun rdzob thams cad mtha' bzhi las rnam par grol ba ni dbu ma par 'dod do/ /rgyud kun gyi ni tshul shes nas/ /de rjes kye yi rdo rje brtsam//'dis ni gso sbyong ba la sogs pa byin te/ rgyud thams cad kyi lugs shes nas dgyes pa'i rdo rje brtsam par bya'o/ /yang na rgyud kun gyi tshul gyi sgras ni ma lus par bye brag tu bshad pa yongs su shes par rig nas so/ /dgyes rdo rje zhes pa ni bden pa gnyi ga'i bdag nyid rnam pa thams cad mkhyen pa'i mngon par byang chub pa'i mtshan nyid do//brtsam ni thob par gyur pa'i don to/ /slob mas gus par blangs nas ni/ /'grub 'gyur 'di la the tshom med/ /bya ba 'di thams cad slob mas gal te gus pas len par byed na de'i tshe 'dir the tshom med par 'grub par 'gyur ba nyid du dgongs so//gdul bya'i le'u brgyad pa ste gdul bya nyid gtso bor rim par phye ba gang la yod pa de la de skad ces bya bar bstan to/ /rim par phye ba brgyad pa'o// //rab tu gsal ba'i kha sbyor gyi rgya cher 'grel pa las gdul ba'i rim par phye ba zhes bya ba le'u brgyad pa'o// //de nas kha sbyor 'byed pa yi/ /mtshan nyid yang dag rab tu bshad/ /gang gis rnam par shes tsam gyis/ /sgrub pos dngos grub thob 'gyur ba/ /skal pa med pa dang gdul ba'i sems can rnams la gso sbyong la sogs pa byin nas gdul bar bya bar bstan pa dang /tshar bcad pas kyang gdul bar bya ba yin pas kha sbyor 'byed pa'i mtshan nyid gsungs pa'o/ /yang na ras ris dang glegs bam gyi cho ga sbyor bas phyag rgya chen po bstan pas mi phyed pa'i mtshan nyid kyi phyir de 'byed pa'i mtshan nyid spro ba dang bsdu ba'i rang bzhin de'i mtshan nyid ji ltar yin pa gsungs pa/de nas kha sbyor 'byed pa yi/ /mtshan nyid yang dag rab tu bshad/ /gang gis rnam par shes tsam gyis/ /sgrub pos dngos grub thob 'gyur ba/ /gang gis kha sbyor 'byed pa'i mtshan nyid rnam par shes pa tsam gyis sgrub pos dngos grub thob par 'gyur ba yin no//yang na sgrub pa pos kha sbyor 'byed pa'i mtshan nyid shes na kha sbyor 'byed pa'i dngos grub thob par 'gyur ba yin no/ /de nas tshar bcad pas kyang gdul dka' ba'i sems 'dul ba yin no//bsgrub bya'i lte ba'i rtsa ba la/ /brtul zhugs can gyis lag pas gdon/ /he ru ka mnyam rnal 'byor gyis/ /gang gi ma rungs sems kyis ni/ /bsgrub bya'i zhes pa ni rjes su gzung ba dang tshar bcad pa'i lte ba'i rtsa ba'o/ /lag pas ni lag pas so//gdon pa ni gdon pa'o/ /brtul zhugs can zhes pa ni bya ba nges pa'o/ /he ru ka mnyam rnal 'byor gyis/ /zhes pa ni/ rang nyid he ru ka'i skur gyur pas so/ /gang gis ma rungs sems kyis ni/ /zhes pa ni/ khro ba'i nga rgyal gyi yid can gyi gzugs kyis yin pa'i don to//yang na/ bsgrub bya'i lte ba'i rtsa bar yang / /zhes pa ni/ tshig de'i don 'di yin te/ bsgrub bya'i lte ba'i rtsa bar brtul zhugs can gyi lag pas kha sbyor dbye bar bya'o/ /he ru ka mnyam rnal 'byor gyis/ /zhes pa ni/ bdag nyid kyang he ru ka'i gzugs la de bzhin du bsgrub bya yang he ru ka'i gzugs can te mi bskyod pa'i skur de'i shes pa 'pho ba'o//de nas gdul dka' ba yang 'dul bar 'gyur ro/ /yang na bsgrub bya ni rdo rje 'dzin pa'o/ /gdon pa ni spro ba'o/ /rdo rje 'dzin pa spro ba'i tshul gyis rnam par gzhag pa'o/ /gang la yod na lte ba'i rtsa bar te/lte ba nyid rtsa ba la byang chub kyi sems nyid rtsa ba'o/ /de la yod pa la brtul zhugs can ni kha sbyor du gzhug pa'o/ /lag pa zhes pa ni ye shes lnga po nyid kyis so/ /cis khyad 'phags she na/ he ru ka mnyam rnal 'byor gyis ni gnyi ga'i ye shes lnga he ru ka'i skur bskyed pa'o//de nyid kyi phyir/ gang gi ma rungs sems kyis so/ /de nyid kyi phyir/ 'di ni bsgoms pa tsam gyis ni/ /sangs rgyas kyang ni nges par 'jig/ /snyoms par zhugs pa'i kha sbyor gyis so/ /sangs rgyas kyang zhes pa ni rnam par reg pa tsam mo//'jig ni yang dag pa'i lta ba'i lam du mi 'gro ba'o/ /bla ma thub pa la zhus nas/ /snying rjes gsad par bya ba nyid/ /bstan la gnod pa byed pa dang / /de bzhin bla ma sangs rgyas 'jig /ji ltar bsgrub bya'i gzugs mthong nas/ /khrag ni skyugs pa nyid dang yang //'dar zhing mgo skyes grol ba dang / /kha ni 'og tu rnam par bsgom/ /de yi lam du khab ni me'i/ /gzugs can 'jug par bsam pa ste/ /snying gar byin za'i sa bon nyid/ /dmigs nas skad cig gsod par byed/ /snying rjes gsod par byed pa nyid sems can la phan pa nyid kyi phyir sems can gsod pa'i gnod pa byed pa'i nyes pa med pa yin pa'i don to//bla ma thub pa la zhus nas/ /zhes pa ni/ sangs rgyas dang byang chub sems dpa' rnams la yang ngo / /dmyal bar ltung ba'i sems can 'di gdon pa yin par gsungs pa/bstan la gnod pa byed pa dang / /zhes pa ni/ de bzhin gshegs pa'i bka' las gzhan du 'das pa'o/ /de nyid kyi phyir bla ma sangs rgyas pa'o/ /gang de lta bur gyur pa de bltas nas/ /snying rjes/ he ru ka mnyam rnal 'byor gyis/ /zhes pa ni mi bskyod pa'i rigs su rnam par shes pa de 'pho bar bya ba'i phyir gsod pa gzugs ji lta ba bzhin du bsgom par bya ste gang dang 'dra ba de'i gzugs de bzhin du bsgom par bya'o//kha ni 'og tu zhes pa ni khrag tu skyug cing 'dar la mgo skyes grol ba'o/ /de'i zhes pa ni de lta bur gyur pa'o//lam zhes pa ni snying ga'i me'i gzugs can gyi khab rdo rje'i lam nas zhugs par blta'o/ /'di nyid ji ltar yin pa gsungs pa/ snying ga ni bsgrub bya'i snying gar ro/ /byin za ni me'o/ /sa bon zhes pa ni yi ge raM kha dog dmar po de bltas pa de nyid khab tu bsam pa yin par 'brel to//des skad cig gsod par byed ces pa'o/ /yang na/ snying rjes gsad par bya ba nyid/ /ces pa ni/ rnam par rig pa'i kun du rtog pa spangs pa'i kun rdzob kyi bden pa nyid shin tu rnam par dag pa'i srid par des byed de 'gro ba'i don bya ba la rab tu 'jug pa yin no//'di nyid ji ltar yin zhe na/ rnam par shes pa'i kun du rtog pa yongs su spangs pa'i ye shes nyid yin no/ /snying gar byin za'i sa bon nyid/ /dmigs nas ni zhu nas so/ /skad cig de la gsod par byed pa ni skad cig gi ye shes las so/ / 'dis ni/ lte bar gtum mo sbar ba yis/ /zhes bya ba la sogs pa'i tshigs su bcad pa'i gdams ngag bstan to/ /rim pa 'dis kha sbyor 'byed pa'i mtshan nyid gnyis su med pa'i rang bzhin nyid kyi spro ba dang bsdu ba'i rang bzhin ni rtog pa thams cad kyi rnam par rtog pa yongs su spangs pa'i bcom ldan 'das 'di nyid ni 'dus byas kyi khams su mi gnas 'dus ma byas kyi khams su yang mi gnas de rnam par ldang ba yang ma yin te rnam pa thams cad mngon par byang chub pa'i yang dag par sbyor ba kha sbyor 'byed pa'i kha sbyor de gnyi ga'i mtshan nyid yin no//rgyud 'di la ni sreg blugs med/ /phyag rgya bcing dang bya ba'ang med/ /sngags chen bklags pas 'grub pa nyid/ /bsam gtan tsam gyis 'grub par 'gyur/ /dgyes pa'i rdo rje'i rgyud 'di sbyin sreg bya ba med do/ /phyag rgya bcing dang bya ba yang med do//bklags pas 'grub pa nyid ni sngags bzlas pas 'grub pa yin no/ /de nyid kyi phyir/ sngags chen ni yang dag par bye brag tu bshad pa'i ye shes so/ /bsam gtan tsam gyis ni sems bskyed pa 'ba' zhig nyid las las 'grub par 'gyur ro/ /rtog med dngos grub sbyin pa po//srid pa sbyong ba nyams dga' ba/ /gsang ba mchog ni bshad bya yis/ /nyon cig lha mo bzhin bzangs ma/ /gang gi lha mo rin chen che/ /'bar ba'i phreng bas 'khrugs pa'i sku/ /ma phugs pas ni nor mi rung / /phugs pas dga' ba skyed par byed//de ltar 'khor ba 'dod pa yi/ /yon tan lnga ldan rin chen nyid/ /ma dag pas ni dug tu 'gro/ /dag pas bdud rtsi lta bur 'gyur/ /'khor ba'i rnam pas he ru ka / 'khor ba sgrol ba'i gtso bo nyid/ /gang gi gzugs kyis 'gyur ba nyid/ / de ni nga yis smra yi nyon/ /'dis ci bstan na re zhig gnyen po'i phyogs bsgoms na nyan thos la sogs pa'i mngon par byang chub pa mngon du byed do/ /slar yang dgyes pa rdo rje'i rgyud 'di ni yang dag par rdzogs pa'i byang chub kyi ye shes che ba'i bdag nyid kha sbyor 'byed pas kyang mi mthun pa'i phyogs bsgoms pa nyid kyis rnam pa thams cad mkhyen pa'i mngon par byang chub pa'i ye shes thams cad byed par brjod do//de nyid gsal bar byas pa/ /gsang ba mchog ni bshad bya yis/ /nyon cig lha mo bzhin bzangs ma/ /srid pa zhes pa ni 'khor ba'o//sbyong ba nyams dga' ba zhes pa ni thams cad du thogs pa med pa'o/ /de nyid kyi phyir/ rtog med dngos grub sbyin pa po/ /zhes pa ni/ phyag rgya chen po'i dngos grub kyi rang bzhin no/ /de nyid kyi phyir lha mo ni bdag med ma'o/ /gang gi rin chen che ni yang dag pa'i ye shes dang yang dag pa'i lta ba'i yul yang dag par bskyed pa'o//cis khyad 'phags she na/ 'bar ba'i phreng ba 'khrugs pa ni mi kun gyi mig gi spyod yul ma yin pa'o/ /de ci 'gyur ba zhe na/ sku ste sku gsum gyi bdag nyid do/ /rin chen chen po de nyid nor mi rung 'gyur zhes pa ni mi rung ba ni bdag med ma'o//nor rdo rje 'dzin pa'o/ /de lta bur gyur par 'gyur ro/ /ma phugs pas ni bdag med mas ma zin na'o/ /phugs na ni rdo rje 'dzin pa de dga' ba bskyed par byed pa kun rdzob kyi bden pa yang dag pa ji lta ba bzhin gyi don rtogs pa'o//yang na nor mi rung 'gyur ni de nyid rin chen chen po ma ning ngo / /zung du 'jug pa ni skyes bu thabs 'khor bar 'gyur ro/ /ji ltar zhe na ma phugs pas te/ bden pa gnyis dbyer med pa'i ye shes khongs su chud pa'i phyir ro/ /dga' ba skyed par byed pa ni phul du byung ba'i bde ba'i ye shes kyi rnam par rtog pa yang de la med par dgongs so//kun rdzob kyi bden pa tsam gyi dpe slar yang bshad pa ni/ gang gi lha mo rin chen che/ /'bar ba'i phreng ba 'khrugs pa'i sku/ /rin chen de ni nor mi rung du 'gyur ro ni dgos pa med par 'gyur ro//de/ ma phugs pas ni sbyor bral 'gyur/ /yang phugs pas dga' ba skyed par byed de/ sems can rnams ni brgyan pa'i phyir dga' bar 'gyur ro/ /don gsungs pa/ de ltar ni de bzhin du'o/ /'khor ba ni 'khor ba'i ye shes so/ /rin chen ni dga' ba rgyas par byed pas na rin chen no//ji ltar zhe na/ 'dod pa'i yon tan lnga ldan pas so/ /de yang 'khor ba ma dag pas dug tu 'gyur bar 'byung ngo / /dag na bdud rtsi dang 'dra bar bdud rtsi bzhin du 'gyur ro/ /yang na 'khor ba ni 'khor ba'i ye shes so/ /rin chen ni lhan cig skyes pa'i rang bzhin no//'dod pa'i yon tan lnga ni me long lta bu la sogs pa'i ye shes lnga dang ldan pa'o/ /'khor ba de nyid ma dag na de bzhin nyid ma yin par rtog pa'i bdag nyid du brtag go/ /de bzhin nyid kyi rang bzhin gyis rnam par dag na bdud rtsi lta bur byang chub kyi sems dang ldan par 'gyur ro//de nyid kyi phyir/ 'khor ba'i rnam pa ni ma ning ngo / /he ru ka 'gro ba sgrol ba ni sku gsum dang ye shes lnga'i rang bzhin no/ /gtso bo zhes pa ni bdag nyid byed par gyur pa la sogs pa'i dbang du gyur pa'i phyir ro/ /gang gi gzugs kyis ni gang gi rang bzhin gyis so//gyur pa nyid ni yid dag pa'i de bzhin no/ /de ni nga yis te yi ge a dang haM gi rang bzhin no/ /smra yis ni smra ba'o/ /nyon ni thabs dang shes rab kyi bdag nyid de bzhin nyid de kha sbyor 'byed pa'i rang bzhin no/ /snying rje'i spyan ni dmar po la/ /byams pa'i thugs la yan lag gnag /bsdu ba'i dngos po bzhi yis ni/ /zhabs ni rnam pa bzhi zhes brjod/ /zhal brgyad rnam par thar pa brgyad/ /phyag ni stong pa bcu drug nyid/ /gug skyed kyis ni sangs rgyas lnga/ /gdug pa gdul phyir khro bo nyid/ /snying rje'i ni 'gro ba gdon par 'dod pas so//spyan ni bden pa gnyis kyi rang bzhin gzigs pa can no/ /dmar po ni rjes su chags pa'o/ /byams pa'i thugs la yan lag gnag ni mnyam pa nyid kyi thugs kyis dmigs su med pa'i rang bzhin yin pa'i phyir ro/ /bsdu ba'i dngos po bzhi yis ni//zhes pa ni/ sbyin pa dang snyan par smra ba dang / don spyod pa dang don mthun pa'o/ /'dis ni zhabs ni rnam pa bzhi zhes brjod do/ /zhal brgyad rnam par thar pa brgyad/ /ces pa ni/ gzugs can gyi gzugs rnams stong pa nyid du mthong ngo / /nang gi gzugs rnams stong pa nyid du mthong ba ni mtshan ma med pa'o//phyi rol gyi gzugs rnams stong par mthong ba ni smon pa med pa'o/ /skye mched dang skye mched ma yin pa rnams stong par mthong ba ni skye ba med pa'o/ /nam mkha' mtha' yas skye mched stong par mthong ba ni dngos po'o/ / rnam shes mtha' yas skye mched stong par mthong ba ni chags pa dang bral ba'o/ /'du shes med 'du shes med min skye mched stong par mthong ba ni 'gog pa'o/ /ci yang med pa'i skye mched stong par mthong ba ni mya ngan las 'das pa ste rnam par thar pa'i sgo brgyad rnam par dag pas zhal brgyad do//phyag ni stong pa bcu drug nyid/ /ces pa ni/ bshad zin pa'i stong pa bcu drug nyid do/ /gug skyed kyis ni sangs rgyas lnga/ /zhes pa ni/ 'khor lo dang / rna cha dang / mgul gdub dang / phyag gdub dang / ske rags rnams mi bskyod pa la sogs pa'i de bzhin gshegs pa lnga rnams so//gdug pa 'dul phyir khro bo nyid/ /ces pa ni/ gdug pa'i sems can gdul bar bya ba'i phyir khro bo'i bdag nyid do/ /de skad du yang / sems nyid bdud ni chen po ste/ /sems nyid de bzhin gshegs pa'o/ /rang gi sems ni gdul ba'i phyir//bdag nyid bdud du nye bar 'gyur/ /zhes pa'o/ /yang na snying rje'i spyan ni dmar po la/ /zhes pa ni/ chags pa'i rang bzhin nyid bden pa gnyis thabs dang shes rab dbyer med par spro ba dang bsdu ba'i rang bzhin gyi spyan gnyis kyis gzigs pa gnyis so//yan lag gnag ces pa ni yan lag drug bsgoms pa las 'das pa'o/ /ji ltar zhe na/ byams pa'i thugs las te mnyam pa nyid gcig pa'i ye shes kyi phyir ro/ /bsdu ba'i dngos po'i sgra ni yang dag par 'dzin pa ni bsdu ba ste de'i rang bzhin rnams so/ / dngos po ni don dam par snang ba'o/ /de rnams kyi bzhi ni bzhi pa'i ye shes te des na zhabs bzhi dga' ba la sogs pa'i ye shes bzhi'o/ /zhal brgyad ces pa ni chos brgyad byed pa nyid yang dag par rdzogs pa'i byang chub kyi gleng gzhi'o/ /phyag ni bcu drug stong pa nyid//ces pa ni/ dbang po drug dang yul rnams dang rnam par shes pa drug rnams ni khams bco brgyad rnams so/ /thams cad stong pa nyid yin gyis nyan thos la sogs pa'i nyi tshe ba'i stong pa nyid ni ma yin te thabs dang shes rab dbyer med pa'i rang bzhin nyid kyis stong pa nyid gnyis su med par khongs su bsdu ba yin no//gug skyed ces pa ni/ nges par gzung ba nyid kyis sangs rgyas lnga'o/ /'dis ci bstan na sangs rgyas lnga'i bdag nyid de bzhin gshegs pa thams cad kyi sku yin no/ /gdug pa gdul phyir khro bo nyid/ / ces pa ni/ khro bo'i bdag nyid ni mi bskyod pa'i sku'o/ /gdug pa 'dul phyir ni nyon mongs pa'i bag chags bsal ba yin pa'i don to/ /gzhan yang gsungs pa/ sha ni puk+ka sI ru bya/ /sha'i rang bzhin gti mug rdo rje puk+ka sI de'i rang bzhin nyid sha yin no/ / de bzhin khrag ni ri khrod ma/ /khu ba yin pa'i phyir dang rjes su chags pa'i rang bzhin nyid yin pa'i phyir ri khrod ma khrag yin te khrag kyang ri khrod ma'i rang bzhin nyid yin no/ /gdol pa mo ni khu bar brjod/ /gdol pa mo ni me'i rang bzhin te de nyid kyi phyir chags pa dang rjes su chags pa'o//khu ba zhes brjod ces pa ni khu ba dang gdol pa mo dag gnyis su med pa yin no/ /g.yung mo rkang dang tshil bu dag /rkang dang tshil bu dag rlung gi khams kyi rang bzhin yin zhing rkang dang tshil bu dag g.yung mor bstan to//'dis ni sa'i khams sha la chu'i khams khrag /me'i khams khu ba/ rlung gi khams rkang dang tshil bu dag go/ /ye shes lnga'i bdag nyid 'byung ba bzhi yin no/ /pags pa byang chub yan lag bdun/ /zhes pa ni/ dran pa yang dag byang chub kyi yan lag dang /chos rnam par 'byed pa yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/byang chub kyi yan lag bdun rnam par dag pa pags pa la/ pags pa nyid byang chub kyi yan lag bdun no/ /rus pa bden pa bzhi po nyid/ /ces pa ni/ sdug bsngal dang / kun 'byung ba dang / 'gog pa dang / lam mo/ /sdug bsngal ni shes par bya//kun 'byung ni spang bar bya/ lam ni bsgom par bya/ 'gog pa ni mngon du bya ba'o/ /sha dang khrag dang khu ba dang / rkang mar dang tshil bu dang pags pa dang rus pa rnams khams bdun gyis mkha' 'gro ma bdun gyi sku 'di ni thabs dang shes rab kyi rang bzhin gyi dgyes pa'i rdo rje'o//rdo rje ma la sogs pa mkha' 'gro ma lnga dang mkha' spyod ma dang sa spyod ma gnyis dang / rdo rje 'dzin pa dang bdag med ma dbyer med pa yin pas gleng gzhi brgyad bya ba nyid kyi phyi rol gyi mkha' 'gro ma brgyad do/ /brgyad po gnyis las stong pa nyid bcu drug gi rang bzhin phyag rnams yin par legs par gtan la phab pa nyid do//'dis ni rdo rje rigs kyi rim par phye ba las gsungs pa'i/ dngos po med pa yongs shes pas/ /dngos po bsgom 'gyur shes rab can/ /de ltar he ru ka bsgom bya/ /zhes mdor bstan pa'i rgyas par bshad pa gtan la phab pa sprul pa'i sku'i bcom ldan 'das bstan to//sngags kyi rim par phye bar gsungs pa'i sngags btu ba zhus pas longs spyod rdzogs pa'i sku mngon par gsal bar byed de/ sngags btu ba ni ji ltar 'gyur/ /gang gi sngags kyis skye bo yi//las kyi dngos grub 'gyur ba nyid/ /bde ba chen po bshad du gsol/ /gang gi sngags kyis zhes pa ni A li kA li'i rang bzhin gyi nA das so/ /sngags ni yid skyob par byed pas na'o/ /skye bo zhes pa ni lus can skye bo gcig gi'o/ /las kyi ni lus rnams so//skye ba dang las kyi lus nyid mtshan ma ste/ de rnams kyi dngos grub nyid ni phyag rgya chen po'i dngos grub kyi rang bzhin no/ /'gyur ba nyid ni thob pa'o/ /de'i btu ba ni brtan par ro/ /ji lta bu yin par bdag la bshad du gsol lo/ /bde ba chen po ni rdo rje 'dzin pa'o zhes zhus pa la/bcom ldan 'das rdo rje snying po gzi brjid chen pos bka' stsal pa/ sngags ni khyod la ngas bshad kyis/ /lha mo shes rab chen mo nyon/ /rdo rje chen po zhes pa ni bden pa gnyis kyi bdag nyid do/ /rdo rje nyid kyi snying po'i lus gang la yod pa la yang de skad ces bya'o//de nyid kyi phyir chen po ni/ kun gyis mchod par bya ba'o/ /de bka' stsal pa ni gsungs pa'o/ /thams cad nyid du chos kyi 'khor lo rab tu bskor ba'i mchog sems can rnams kyis mchog tu byas pa dang bzang por byas pa dag ma rtogs ma mthong bas nyon cig /lha mo nyon zhes pa ni kun rdzob kyi bden pa'i rang bzhin no/ /shes rab chen mo nyon zhes pa ni don dam pa'i bden pa'i bdag nyid do/ /sngags ni khyod la bshad bya yi/ /sngags de yang yi ge aM dang yi ge haM gi rang bzhin nyid yin no//dang por rnam par snang mdzad sbyin/ /uSh+ma rnams kyi bzhi pa la/ /puk+ka sI sa brgyan stong pas mnan/ /mdog dkar mthar ni swA hA sbyar/ /'dis ni bzlas pa 'bum gyis ni/ /'gro ba rtag tu rengs par byed/ /dang por rnam par snang mdzad ces pa ni yi ge oM mo//de'i rjes su/ uSh+ma rnams kyi bzhi pa la/ /zhes pa ni yi ge ha'o/ /puk+ka sIs brgyan zhes pa ni yi ge u dang ldan pa'o/ /stong pas mnan zhes pa ni stong pa ni thig le ste des mnan pa'o/ /mdog dkar zhes pa ni kha dog dkar po'o//mthar swA hA sbyar zhes pa ni g.yo ba'i dngos por nges par blta bar bya ba'o/ /sngar bsnyen pa 'bum bzlas na des 'gro ba rtag tu rengs par byed de rgyun ma chad pas yin par dgongs so/ /oM hUM swA hA zhes pa ni sngags so/ /sngags 'dis rengs pa ni g.yo ba med par byed pa'o//dang po yi ge'i bdag po gzhag /de rjes mkha' spyod pa de nas/ /mthar ni swA hA sbyar byas nas/ /sangs rgyas rnams kyang dbang du byed/ /yi ge'i bdag po ni yi ge oM mo/ /de dang por sbyin par bya'o/ /de nas mkha' spyod ma ni yi ge aM ngo //kha dog dmar po'i me tog la sbyar bar bya'o/ /cis khyad 'phags she na/ mthar ni swA hA'o/ /sangs rgyas rnams kyang ni me long lta bu la sogs pa'i ye shes lnga rnams so/ /dbang du byed ni dbang du byas par 'gyur ro/ /oM aM swA hA/rig byed rnams kyi dang po sbyin/ /dang po yi ni gnyis pa la/ /stong bcas mthar ni swA hA sbyar/ /sangs rgyas kyang skrod shes rab can/ /rig byed rnams kyi dang po zhes pa ni yi ge oM de byin nas so/ /phyi nas dang po'i ni gnyis pa'o/ /cis khyad 'phags she na/stong bcas te yi ge khaM du ba'i mdor lta bu'o/ /gang bskrad par bya ba de la'am de'i phyogs su'o/ /mthar ni swA hA sbyar bar bya ba'o/ /'dis ni sangs rgyas rnams kyang skrod pa ni me long lta bu la sogs pa'i ye shes lnga yang skrod par 'gyur ro//oM khaM swA hA/ /bskrad pa ni bskrad pa'o/ /dang por rnam par snang mdzad sbyin/ /gnyis pa yi ni gsum pa la/ /ra dang ldan zhing chu mas brgyan/ /stong bcas swA hA yang dag ldan/ /mi rnams thams cad sdang bar byed/ /dang por rnam par snang mdzad ces pa ni yi ge oM mo//gnyis pa yi ni gsum pa ni yi ge dza'o/ /cis khyad 'phags she na/ ra dang ldan zhing ngo / /chu mas brgyan ni yi ge I dang ldan pa'o/ /stong bcas zhes pa ni thig le dang ldan pa'o/ /swA hA yang dag ldan no/ /kha dog nag po sdang ba de la'am de'i phyogs su sbyar bar bya'o//de nas mi rnams thams cad sdang bar byed ni de bzhin gshegs pa thams cad la zhe sdang ba nyid kyis mi bskyod pa nyid du rnam par 'jog pa'o/ /oM dzr-IM swA hA/ dang po yi ge'i dbang phyug gzhag / lnga pa nyid kyi gsum pa la/ /stong pa mkha' 'gro ma dang ldan/ /mthar ni swA hA mngon spyod do/ /yi ge'i dbang phyug ni yi ge oM mo/ /dang por ni thog mar byin nas so/ /lnga pa nyid kyi gsum pa la ni yi ge ba'o/ /mkha' 'gro ma dang ldan ni yi ge u dang bcas pa'o//thig le dang bcas pa mthar swA hA ni mngon spyod la'o/ /oM b+h+rUM swA hA yi ge b+h+rUM nag po gang du mngon spyod byed pa de la'am de'i phyogs su sbyar bar bya'o/ /'dis ni mngon spyod do/ /rnam pa thams cad mkhyen pa 'grub pa thams cad nyid du sngar gyi bsnyen pa 'bum bya'o//oM hUM swA hA zhes pas rengs pa ste mi bskyod pa'i sa bon gyis so/ /oM AM swA hA zhes pa ni rin chen 'byung ldan gyi sa bon gyis dbang du bya ba'o/ /oM khaM swA hA zhes pa ni skrod pa la don yod grub pa'i sa bon gyis so/ / oM dzr-IM swA hA zhes pa ni dbye ba la 'od dpag tu med pa'i sa bon gyis so/ /oM b+h+rUM swA hA zhes pa ni mngon spyod la rnam par snang mdzad kyi sa bon gyis so/ /de ltar de bzhin gshegs pa lnga'i sa bon gyis rengs pa dang dbang du bya ba dang skrod pa dang dbye ba dang mngon spyod rnams so//rengs pa ni dga' ba'o/ /dbang du bya ba ni mchog dga'o/ /bskrad pa ni rnam par dga' ba'o/ /dbye ba ni lhan cig skyes pa'i dga' ba'o/ /de ltar dga' ba bzhi mngon spyod de/ rnam pa thams cad mkhyen pa mngon par byang chub pa'o//kun la oM dang swA hA sbyar bar bya'o/ /yi ge oM ni rdo rje gsum mo/ /swA hA'i yi ges ye shes lnga yin pas mkha' 'gro ma brgyad kyi rang bzhin sku gsum dang ye shes lnga dang ldan pa kha sbyor 'byed pa'i mtshan nyid du bstan pa/ sngags btu bas dgu'i bdag nyid kyi dkyil 'khor ro//slar yang rdo rje gsum dbyer med pa nyid kyi sngags btu ba gsungs pa/ yang ni yi ge'i thu bo sbyin/ hUM ni khrag dang 'dra ba'o/ /mthar ni swA hA thig le mchog /dga' bzang ma sogs rtag tu 'gug /oM hUM swA hA zhes pa ni 'gugs pa'o//'dir yang bzlas pa 'bum bya'o/ /hUM kha dog dmar po bsgoms pas so/ /gti mug rigs ni dang por sbyin/ /g+hu ni yang dag rab tu sbyar/ /mthar ni swA hA yang sbyar nas/ /lha dang mi rnams gsod par byed/ /gti mug rigs ni oM rnam par snang mdzad dang por sbyin nas so//phyi nas g+hu zhes pa ni 'od dpag tu med pa rdo rje mkha' 'gro ma dang ldan pa tsheg drag gi mtha' can no/ /yang dag pa ni yang dag pa'o/ /sbyar na sa ni mchog gi rnal 'byor du bya ba'o/ /de yang mthar ni swA hA ni ye shes lnga'i rang bzhin no//de nas lha dang mi rnams gsod par byed pa ni/ /sems dang sems las byung ba gsad par bya ba'i don to/ /rab tu grags pa'i don ni gsal ba nyid do/ /'dir yang 'bum phrag bzlas so/ /yi ge g+hu kha dog nag po bsgoms pas so/ /dang por rnam par snang mdzad gzhag ni oM dang por ro//dang po nyid kyi dang po la ni yi ge ka'o/ /cis khyad 'phags she na/ rdo rje mkha' 'gro ma dang ldan ni yi ge u dang bcas pa'o/ /mthar gnas pa yi gnyis pa la ni yi ge ra'o/ /rdo rje mkha' 'gro ma dang ldan ni yi ge u dang bcas pa'o//yang ni dang po'i dang po la zhes pa ni yi ge ka'o/ /rdo rje mkha' 'gro ma dang ldan zhes pa ni yi ge u dang ldan pa'o/ /mthar gnas pa yi gsum pa la/ /zhes pa ni yi ge la'o/ /yang ni de nyid yang dag ldan/ /zhes pa ni yi ge la yang dag par ldan pa'o/ /steng du chom rkun ma yis brgyan//zhes pa ni/ yi ge e dang ldan pa'o/ /de rjes hriH yi rnam pa sbyar/ /zhes pa ni bsgom pa gsungs pa/ hriH las byung ba'i lha mo ni/ kha dog dmar zhing phyag bzhi ma/ /mda' dang gzhu yi lag pa ma/ /ut+pal dang lcags kyu 'dzin/ /'di ni bsgoms pa tsam gyis ni//'jig rten gsum po dbang du byed/ /mthar yang swA hA spyod pa nyid/ /ces pas bzlas pa gsungs pa/ khri la sogs pa'i bzlas pa'i grangs kyis 'di dag dbang du 'gyur ro/ /gang zhe na bstan zin nyid do/ /oM ku ru kul+le hriHswA hA/ ku ru ku l+le'i sngags so//'gugs pa ni dgug pa'o/ /gsad pa ni bsdu ba'o/ /dbang du byed pa ni zhi gnas dang lhag mthong ste rdo rje gsum dbyer med pa'i sngags btu ba bstan pa yin no/ /slar yang he ru ka bzhi'i sngags btu ba bstan pa ni/ de ltar thams cad bzhi bzhi'o//zhes pa'i dga' ba bzhi'i rang bzhin gsungs pa/ oM ni dang po bzhi pa'i gsum pa zhes pa ni yi ge da'o/ /chom rkun ma yis brgyan ni yi ge e dang ldan pa'o/ /mthar gnas pa yi bzhi pa la/ /zhes pa ni yi ge ba'o/ /pi tsu badzra sbyar ba dang / /zhes pa ni sbyar bar bstan to//uSh+ma rnams kyi bzhi pa la/ /zhes pa ni yi ge ha'o/ /puk+ka sIs ni rnam par brgyan/ /zhes pa ni/ yi ge u dang lhan cig pa'o/ /stong pas mnan cing ni thig le dang ldan pa'o/ /sum 'gyur nyid ces pa ni sum 'gyur nyid yi ge hUM hUM hUM gsum mo//lnga pa yi ni gsum pa dang / /zhes pa ni yi ge phaT do/ /mthar swA hA'o/ /oM de ba pi tsu badzra hUM hUM hUM phaT swA hA zhes pa ni dgyes pa rdo rje'i snying po ni zhal brgyad pa'i sngags so/ /'dis ni 'bras bu'i rdo rje 'chang gi snying po'o/ /phyag bcu drug pa'i snying po bshad nas/phyag bzhi pa'i snying po gsungs pa/ bzhi rnams nyid bzhi'i rang bzhin yin pa'i phyir ro/ /dang por rnam par snang mdzad ces pa ni yi ge oM dang por ro/ /dz+wa la dz+wa la gnyis sbyar nas/ /zhes pa ni sbyar bar bstan to/ /lnga pa'i bzhi pa la zhes pa ni yi ge b+ha'o mthar gnas rnams kyi dang pos brgyan ni yi ge ya sbyar ba'o//g+ha sma rIs ni rnam par brgyan/ /zhes pa ni yi ge oM dang ldan pa'o/ /uSh+ma rnams kyi bzhi pa la/ /zhes pa ni yi ge ha'o/ /rdo rje mkha' 'gro mas brgyan ni u thung ngo / /des ldan pa'o/ /stong pas mnan cing sum 'gyur nyid//ces pa ni/ thig le dang lhan cig par hUM sum 'gyur du bya ba'o/ /lnga pa yi ni gnyis pa dang / /zhes pa ni yi ge pha'o/ /gsum pa yi ni dang po ni yi ge Ta'o/ /mthar swA hA'o/ /phyag bzhi pa'i sngags so/ /dz+wa la dz+wa la b+h+yo hUM hUM hUM phaT swA hA zhes pa ni snying po'o//bzhi pa nyid drug pa'i rang bzhin yin pas phyag drug pa'i sngags btu ba gsungs pa/ dang por rnam snang zhes pa ni dang por yi ge oM mo/ /dang po'i dang po zhes pa ni yi ge ka'o/ /nang gi dkar mos brgyan zhes pa ni yi ge i dang ldan pa'o/ / gsum pa nyid kyi dang po la/ /zhes pa ni yi ge Ta'o/ /nang gi dkar mos rnam par brgyan/ /zhes pa ni yi ge i dang ldan pa'o/ /nyis 'gyur zhes pa ni ki Ti ki Ti'o/ /lnga pa'i gsum pa dang zhes pa ni yi ge ba'o/ /gnyis pa'i gsum pa ni yi ge dza'o/ /me yis brgyan zhes pa ni ra dang ldan pa'o//hUM ni rnam pa gsum sbyar nas/ /zhes pa ni sbyar bar bstan to/ /lnga pa yi ni gnyis pa dang / /zhes pa ni yi ge pha'o/ /gsum pa'i dang po ni yi ge Ta'o/ /mthar swA hA phyag drug pa'i sngags btu ba'o/ /oM ki Ti ki Ti badzra hUM hUM hUM phaT swA hA zhes pa ni phyag drug pa'i sngags so//thabs dang shes rab kyi bdag nyid thams cad yin te/ kha sbyor 'byed pa'i mtshan nyid bstan pa'i phyir gnyis pa'i sngags btu ba'i sgo nas bsdu ba gsungs pa/ dang por rnam snang ni yi ge oM dang po'o/ /bzhi pa'i dang po ni yi ge ta'o//byin na za yang dag ldan zhes pa ni ra dang ldan pa'o/ /ro longs ma yis rnam par brgyan pa ni yi ge e dang ldan pa'o/ /mthar gnas pa yi gsum pa la/ /zhes pa ni yi ge la'o/ /g+ha sma rI yis rnam par brgyan/ /zhes pa ni yi ge o dang ldan pa'o/ /dang po yi ni dang po la//zhes pa ni yi ge ka'o/ /mthar gnas pa yi dang po dang / /zhes pa ni yi ge ya dang ldan pa'o/ /rdo rje ma yis rnam par brgyan/ /zhes pa ni yi ge a dang ldan pa'o/ /k+Sha ni chom rkun ma yis brgyan/ /zhes pa ni yi ge i dang ldan pa'o/ /lnga pa gnyis kyi dang po dang / /zhes pa ni yi ge pa'o//uSh+ma rnams kyi bzhi pa la/ /zhes pa ni yi ge ha'o/ /rdo rje mkha' 'gro ma yis brgyan/ /zhes pa ni yi ge u thung ngu des brgyan pa'o/ /stong pas mnan cing sum 'gyur te/ /zhes pa ni phaT dang mthar swA hA ni phyag gnyis pa'i snying po'o/ /oM trai lo kya k+She pa ya hUM hUM hUM phaT swA hA/'dis ni kha sbyor 'byed pa'i mtshan nyid bstan nas sngags btu ba mtha' dag gi mjug bsdu ba gsungs pa/ grong khyer bskyod pa'i sngags kyi bzlas pa 'bum gsungs pa/ bdag med ma ni yi ge a'o/ /dang po yi ni dang po dang / /zhes pa yi ge ka'o/ /gnyis pa nyid kyi dang po dang //zhes pa yi ge tsa'o/ /gsum pa nyid kyi dang po dang ni yi ge ta'o/ /mthar gnas rnams kyi dang po dang / /zhes pa yi ge ya'o/ /uSh+ma rnams kyi dang po dang / /zhes pa ni yi ge sha'o/ /dang por rnam par snang mdzad dang mthar swA hA'o/ /oM a ka tsa Ta ta pa ya sha swA hA/ bdag med ma zhes pa ni chos 'byung ngo / /de nyid dang po'i dang po ni dga' ba dang po'o/ /gnyis pa nyid kyi dang po dang ni mchog dga'o/ /gsum pa nyid kyi dang po dang / /zhes pa rnam par dga' ba'o/ /bzhi pa yi ni dang po dang / /zhes pa ni lhan cig skyes pa'i dga' ba'o/ /'dis ni/ lnga pa yi ni dang po dang / /zhes pa ni thugs rdo rje'o/ /mthar gnas rnams kyi dang po dang / /zhes pa ni gsung rdo rje'o/ /uSh+ma rnams kyi dang po nyid ni sku rdo rje'o/ /de ltar rdo rje gsum dbyer med pa dang por rnam par snang mdzad oM mo/ /mthar swA hA ni ye shes lnga rnams te brgyad byed pa nyid mtha'i rang bzhin yin no//da ni chos 'byung rnams kyi rang bzhin rnam par dag pa'i dang por sngags btu ba gsungs pa/ mthar gnas rnams kyi gnyis pa dang / /zhes pa ni yi ge ra'o/ /k+Sha'i rkang pa nyis 'gyur nyid/ /ces pa ni k+Sha k+Sha'o/ /hUM gi rnam pa gsum ni hUM hUM hUM ngo / /dang por rnam snang phaT nyid kyi yi ge nang bcug mthar swA hA 'o//sa sbyang pa'i sngags so ni rim par phye bar bstan pa'i ma ning ste shin tu rnam par dag pa'i chos kyi dbyings kyi rang bzhin nyid dgu'i bdag nyid do/ /mkha' 'gro ma bco lnga'i rang bzhin du rtag tu byin gyis brlab pa gsungs pa/ dang po rnam snang ni dang por yi ge oM mo//de rjes rdo rje ma ni yi ge a'o/ /a dang a sbyar bas a'o/ /mtha' ru hUM ngo / /oM AH hUM/ de ltar rdo rje gsum gyi yi ge'i yi ge'o/ /bza' ba dang btung ba byin gyis brlabs pa'o ni bza' bar bya ba dang btung bar bya ba nyid las rdo rje gsum byin gyis brlabs pa shin tu rnam par dag pa'i chos kyi dbyings kyi rang bzhin no//de nyid kyi phyir 'byung po thams cad kyi gtor ma'i sngags btu ba gsungs pa/ dang por rnam par snang mdzad nyid/ /de rjes a kA ro mu khaM/ uSh+ma rnams kyi gsum pa dang ni yi ge sa'o/ /mthar gnas pa yi bzhi pa ni yi ge ba'o//steng du me yis rnam par brgyan ni steng du ras brgyan pa'o/ /d+ha rmA NAM de rjes rdo rje ma byin la ni yi ge a sbyar ba'o/ /d+ya nu d+pan+na t+bA ta/ oM AHhUM phaT swA hA/ oM a kA ro mu khaM sarba d+harmA nAM A d+ya nud+pa n+na twA ta oM AHhUM phaT swA hA/ 'byung po thams cad kyi sngags btu ba'o//sngags kyi don ni sngags kyi rim par phye ba nyid du bstan pas slar 'dir ma bstan to/ /'dis ni kha sbyor 'byed pa'i mtshan nyid sngags btu ba'i rim par phye ba ste dgu pa'o/ /rab tu gsal ba'i kha sbyor gyi rgya cher 'grel pa las/ kha sbyor 'byed pa'i mtshan nyid kyi sngags btu ba'i rim par phye ba le'u dgu pa'o// //da ni kha sbyor 'byed pa'i mtshan nyid kyi sngags btu ba bstan nas/ sngags kyi bzlas pa'i yul gsungs pa/ de nas chos kun sdom gcig pa'i/ /rdo rje sems dpa' zhes byas gsungs/ /'di'i don ni 'di yin te rdo rje sems dpa' zhes bya ba ni rdo rje 'dzin pa ste/thams cad du chos ston pas rnam par gnas pa'o/ /da ni sngar yang gsung rdo rje'i skabs su longs spyod rdzogs pa'i sku nyid kyi sku rab tu gsal bas rnam par gnas pa 'di lta ste/ gsungs pa rdo rje sems dpa' zhes dgongs so/ /de nyid kyi phyir chos kun sdom gcig pa'i ni chos thams cad dang dbyer med pa'i sku'o//bdag med ma la 'o mdzad nas/ /zhes pa ni bdag med ma la 'o mdzad pas so/ /gsung rdo rje gsal ba nyid du gsungs pa/ bzlas pa'i yul ni rab tu dbye ni sngags kyi kha sbyor 'byed par bstan to/ /shel gyis rengs pa'i bzlas pa nyid/ / shel gyi bgrang phreng gi rengs par byed pa'i yul la bzlas par bya ste/ shel gyis rengs pa'i bzlas pa nyid ni 'od gsal ba nyid mchog tu mi g.yo ba'o/ /dbang la tsan+dan dmar po nyid/ /ces pa ni dbang gis dbang du byed na tsan+dan dmar po'i bgrang phreng gis bzlas par bya ste/ dbang ni dbang du 'du ba de la'o//dmar po ni chags pa'o/ /tsan+dan ni bde ba skye bar byed pa'o/ /lung tang gis ni mngon spyod nyid/ /ces pa ni mngon spyod kyi yul la lung tang gi bgrang phreng bzla bar bya ste/ lung tang zhes pa ni yang dag par rdzogs par rtogs pa'i phyir ro/ /mngon spyod ces pa ni rnam pa thams cad mkhyen pa'o//nges pa ni gdon mi za ba nyid do/ /ni raM shus ni sdang ba la ni ne raM shu ni mi'i rus pa'i bgrang phreng sdang ba'i yul bzlas par bya'o/ /yang na sdang ba ni rdo rje 'dzin pa nyid do/ /ni raM shu ni ni raM shu ye shes kyis te stong pa nyid bcu drug gi rang bzhin gyis yin pa'i don to/ /rta'i rus pas skrod pa'i yul la rta'i rus pa'i phreng bas bzlas par bya'o//skrod pa zhes pa ni gnas las 'pho ba'o/ /rta ni don yod rlung rdo rje'o/ /de'i rus pa ni de'i ni raM shus yin pa'i don to/ /bram ze'i rus pas dgug pa nyid/ /bram ze'i rus pa zhes pa ni de bzhin gshegs pa'i rus pa'i bgrang phreng gis dgug pa'i yul la bzlas par bya'o//yang na dgug pa ni bsdu ba ni bram ze'i rus pas yongs su mya ngan las 'das pa rtogs pas so/ /glang po'i rus pas char dbab la/ /zhes pa ni char pa dbab pa'i yul la glang po che'i rus pa'i bgrang phreng gis bzla bar bya'o/ /yang na char dbab pa zhes pa ni byang chub tu sems bskyed pa'o//glang po'i rus pa ni 'od dpag med dang dbyer med pa'i don yod grub pa'i ye shes kyis yin pa'i don to/ /ma he'i rus pas gsad pa la/ /zhes pa ni gsad pa'i yul la ma he'i rus pa'i bgrang phreng gis bzlas par bya'o//yang na gsad pa zhes pa ni dbang po thams cad dang yul dang rnam par shes pa rnam par dag pa'i rang bzhin no/ /ma he'i rus pas gsad pa la/ /zhes pa ni chos kyi dbyings kyi rang bzhin gyi ye shes nyid kyi rang bzhin no/ /rengs par 'o ma'i btung ba nyid ni rengs par byed pa'i tshe 'o ma'i btung ba bya'o//dbang gi rang gi 'dun pas spyad/ /ces pa ni dbang du bya ba la'o/ /rang gi 'dun pas zhes pa ni ji ltar 'dod pa'o/ /spyod ces pa ni ji ltar 'dod pa yang spyad pa'o/ /gsad pa la ni si h+la nyid ni si h+la nyid la bya'o/ /dgug pa la ni bzhi mnyam nyid//sdang la sA lu skyes pa brjod/ /bskrad la de bzhin gla rtsi'o/ /yang na/ thog mtha'i shwa dang po'i na/ /de bzhin ga ha dang po nyid/ /bstan zin pa'i na dang go dang / glang po dang sAM li nyid yin pa'i don to/ /yang na rengs pa dang / dbang du bya ba dang / gsad pa dang / dgug pa dang / dbye ba dang / bskrad pa dang las drug po'i de rnams la de bzhin gshegs pa lnga'i sa bon bsgom par bya'o/ /rdo rje sems dpa'i sa bon ni/ /de la 'o ma'i btung ba nyid/ /ces pa ni byang chub kyi sems so/ /rang gi 'dun pa zhes pa ni de shar ba'i lhan cig skyes pa'i dga' ba'i rang bzhin no/ /si h+la dang bzhi mnyam dang / /sA lu skyes pa dang gla rtsi rnams ni bstan zin pa nyid de/nang gi mig la sogs pa rnam par dag pa'o/ /phyi rol du yang gzugs la sogs pa rnam par dag pa'o/ /thog mtha' sogs pa ni gnyi ga dbyer med pa'i shin tu rnam par dag pa'i chos kyi dbyings kyi rang bzhin longs spyod rdzogs pa'i rnam par dag pa kha sbyor 'byed pa'i mtshan nyid du bstan pa yin no//bzlas pa'i rim par phye ba ste bcu pa'o/ /rab tu gsal ba'i kha sbyor gyi rgya cher 'grel pa las sku'i bzlas pa'i rim par phye ba le'u bcu pa'o// //'dis ni shin tu rnam par dag pa chos kyi dbyings kyi rang bzhin gyi sku gnyis bstan nas/ da ni chos kyi sku dang dbyer med pa nyid dang ye shes lnga dang sku gsum gyi rang bzhin lus can rnams kyi mtshan nyid bstan pas rtogs par bya ba'i phyir gsungs pa/kye'i rdo rje la dam 'khyud cing / tshems kyis ma mchu btsir nas ni/ /lus can rnams kyi rigs kyi gzugs/ /de la bdag med mas zhus pa/ dam 'khyud cing zhes pa ni dgyes pa'i rdo rje nyid do//tshems kyis ma mchu btsir nas ni/ /zhes pa ni rdo rje gsum dbyer med pa'i rgyu nyid kyi dgyes pa'i rdo rje nyid do/ /de'i skabs su bdag med mas zhus pa ci yin pa gsungs pa/ lus can rnams kyi zhes pa ni bsags pa'i rang bzhin rnams kyi'o//rigs kyi gzugs ni de lta bur gyur pa can gyi ye shes so/ /b+ha gar ling+ga bzhag nas ni/ /'khor lo'i gtso bos 'di skad gsungs/ /zhes pa ni rdo rje 'dzin pa dang bdag med ma dbyer med par yod pa'i 'khor lo'i gtso bos 'di skad ces gsungs te de yin pa gsungs pa/lus can rang gi rigs bshad kyi/ /shes rab pha rol phyin ma nyon/ /kye shes rab kyi pha rol tu phyin ma nyon cig pa'o/ /lus can ni bsags pa'i rang bzhin can rnams kyi'o/ /gang rigs ni gang dang gang gi gang rigs yin pa de'o/ /bshad pa ni bshad par bya ba'o//de nyid gsungs pa/ bud med dam ni skyes pa yi/ /gang gi srin lag rtsa ba la/ /rdo rje rtse dgu par gyur pa/ /mi bskyod pa yi rigs mchog nyid/ /skyes pa'i lag pa g.yas pa'i srin lag la'o/ /bud med kyi lag pa g.yon pa'i srin lag la'o/ /de la rdo rje rtse dgu bas gal te mtshan par gyur na de'i tshe mi bskyod pa'i rigs can gyi skyes pa dang mi bskyod pa'i rigs can gyi bud med do//yang na srin lag ni bdag med ma'o/ /rtsa ba la ni rdo rje 'dzin pa'o/ /gnyi ga'i ye shes yod pa gang ni ma ning ste/ bud med dam bdag med ma/skyes pa'am rdo rje 'dzin pa'o/ /rtse dgu pa ni dgu'i bdag nyid can mi phyed pa'i ye shes bdag med ma'i dkyil 'khor dang rdo rje 'dzin pa'i ye shes so/ /de yang gnyi ga dbyer med pa'i dkyil 'khor gnas dang gnas rnams su bstan zin pa nyid do//mi bskyod rigs mchog nyid ni 'di nyid gtso bo'o/ /rnam snang mdzad kyi 'khor lor 'gyur/ /zhes pa ni 'khor lo ni rnam par snang mdzad kyi rigs can du 'gyur ro/ /'od dpag med kyi 'dam skyes nyid/ /'od dpag tu med pa'i rigs can kyi mtshan ma pad+mar 'gyur ro//rin chen 'byung gi rin chen nyid/ /rin chen rigs can gyi mtshan ma rin po cher 'gyur ro/ /las kyi rigs kyi ral gri nyid/ /don yod grub pa'i rigs can gyi mtshan ma ral grir 'gyur ro/ /'khor lo ni kun du snang ba'i rnam par dag pa'o//pad+ma ni brjod pa'i rnam par dag pa'o/ /rin chen ni rang rig pa'i rang bzhin no/ /ral gri yang mi shes pa thams cad gcod par byed pa nyid kyi rdo rje gsum dbyer med pa lhan cig skyes pa'i rang bzhin 'bras bur gyur pa rdo rje rtse dgu pa'i rang bzhin mi bskyod pa'i rigs mchog gnyi ga mnyam pa nyid kyi rigs ma 'khrugs pas phyag rgya chen po'i dngos grub lhun gyis grub pa nyid du mngon du 'gyur ro//rang 'dod lha'i rigs kyis ni spyod pa byed pa zhes pa gang mdor bstan pa de shin tu gtan la phab pa yin no//'dis ni mtshan ma'i rnam par dag pa de bzhin gshegs pa'i rang bzhin du bstan pa yin no/ /gzhan yang kha dog gi mtshan ma gsungs pa/ rnal 'byor pa gang nag po che/ /de yi lha ni mi bskyod pa/ /'di ni nye bar mtshon pa tsam nyid gnyi ga'i yang mtshan ma yin no//rnal 'byor pa gang dkar po nyid/ /de yi lha ni rnam snang che/ /rnal 'byor pa gang sngo bsangs che/ /de yi lha ni don yod yin/ /rnal 'byor pa gang ser po che/ /rin chen bdag po rigs kyi lha/ /rnal 'byor pa gang dkar dmar nyid//'od dpag med pa rigs kyi lha/ /rnal 'byor pa gang dkar dang ser/ /de ni sems dpa'i rigs su 'gyur/ /'dis ni nag po ni mi bskyod pa thugs rdo rje'o/ /dkar po ni rnam par snang mdzad sku rdo rje'o/ /sngo bsangs che ni don yod grub pa gsung rdo rje'o//gang slar yang ser po che ni rin chen gtso bo rdo rje gsum dbyer med pa'i rdo rje 'dzin pa'o/ /rnal 'byor pa gang dkar dmar nyid/ /ces pa ni dmar po rin chen 'byung ldan no/ /dkar po 'od dpag tu med pa ste/ de dag gi rnal 'byor gang la yod pa de ni 'od dpag med pa'i rigs kyi lha'o//dkar dang ser zhes pa ni 'od gsal ba'o/ /'od gsal nyid kyis ni rdo rje sems dpa'i rigs zhes pa ni rdo rje sems dpa'i rigs te de nyid rdo rje sems dpa' yin pa'i don to/ /'dis ni thugs rdo rje dang sku rdo rje dang gsung rdo rje mi bskyod pa la sogs pa'o//gang gsum ni rin chen gtso bo dang / rdo rje 'dzin pa dang 'od dpag tu med de'i thabs su gyur pa'o/ /slar yang rdo rje sems dpa'i rnam pa thams cad mkhyen pa mngon par rdzogs par sangs rgyas pa ste/ kha dog dang mtshan mas bstan pa yin no/ / skye bo rnal 'byor mthar phyin pas/ /nga rgyal mi bcag mtho mi btsams/ /skye bo zhes pa ni lus can no/ /nga rgyal mi bcag ni brnyas par mi bya ba'o/ /mtho mi btsams ni rnam par 'tshe bar mi bya ba'o/ /rnal 'byor ni rnal 'byor ro/ /mthar phyin pas ni gnyis su med pa'i rang bzhin rtogs pas so//ji ltar yin pa gsungs pa/ de rnams bder gshegs rigs su 'gyur/ /de rnams ni lus can no/ /bde gshegs rigs ni de bzhin gshegs pa'i tshogs kyi nang du zhugs te de bzhin gshegs pa'i rang bzhin nyid yin no/ /ji ltar zhe na//kun rdzob gzugs su gnas nas ni/ /kun rdzob gzugs ni rang bzhin no/ /gnas pa ni thob pa yin par dgongs so/ /rnal 'byor pa gang zhes pa ni skyes pa nyid kyi mtshan ma'i mchog ni nye bar mtshon pa gzhan yin pas/ bud med kyi yang blta bar bya/ /zhes pa gang bstan pa de yang bde bar bya ste/bud med rnams kyi mtshan nyid 'di/ /ji ltar skyes pa'i de bzhin no/ /kun rdzob tha snyad tshul las ni/ /de yi rigs su 'ang de 'gyur ro/ /de ni de bzhin gshegs pa rnams so/ /de'i rigs su 'ang ni rdo rje'i rnal 'byor ma g.yung mo la sogs pa rnams kyi rigs su 'gyur ro//ji ltar zhe na/ kun rdzob tha snyad tshul las ni/ /kun rdzob kyi rang bzhin gyi spyod pa'i ngo bo nyid las yin pa'i don to/ /gnyi ga dbyer med pa nyid kun rdzob kyi bden pa'i bdag nyid don dam pa'i bden pa yin zhing bden pa gnyis kyi tshul la gnas pa'i zung 'jug 'byung ba'i lam sangs rgyas kyi spyod yul lo//de la rdo rje 'chang mnyes nas/ /b+ha gar ling+ga 'o mdzad nas/ /rdo rje che ni rdo rje 'dzin pa'o/ /de la zhes pa ni de ltar rnam par gnas par yod pa'o/ /de mnyes nas ni lhan cig skyes pa'i dga' ba'i rang bzhin no//ji ltar zhe na/ /b+ha gar ling+ga 'o mdzad nas/ /te phan tshun du kha sbyor ba yin par dgongs so/ /bdag med ma yis rtogs mdzad pa/ /lha mo rab tu mchod pa nyon/ /bdag med ma go ba'i rang bzhin du yang mdzad pa'o//de gsungs pa/ lha mo rab tu mchod pa nyon/ /'di lta bu'i mtshan ma bstan pa'i rang gi rigs kyi rigs mi mthun pa med pa nyid dang / mnyam par sbyar las khyad par du 'phags pa'i mchod par 'gyur ro/ /khyad par du 'phags pa'i mchod pa'i rim pa nyid gsungs pa//tshal dang skye bo med gnas dang / /bdag gi khyim gyi nang du yang / gcer bus phyag rgya cher byas nas/ /rnal 'byor rig pas rtag tu mchod/ /rtag tu zhes pa ni rgyun mi 'chad pa nyid kyis so/ /skyed mos tshal zhes pa ni bde ba chen po'i 'khor lo'o/ /skye bo med gnas dang zhes pa ni longs spyod kyi 'khor lo'o//bdag gi khyim zhes pa ni chos kyi 'khor lo'o/ /nad zhes pa ni sprul pa'i 'khor lo'o/ /thams cad nyid du gcer bu phyag rgya cher byas nas ni sgrib pa med pa'i rang bzhin gyi rnam par gzhag pa'o/ /rnal 'byor rig pas rtag tu mchod ni bshad zin pa'i don to//ci byas nas she na gsungs pa/ 'o dang 'khyud pa byas nas ni/ /de bzhin b+ha gar reg pa nyid/ /skyes pa'i sna ni gzhib pa nyid/ /ma mchu'i sbrang rtsi btung ba nyid/ /'o dang 'khyud pa byas nas ni/ /zhes pa ni gsung gi rnal 'byor dang sku'i rnal 'byor byas nas so//b+ha gar reg pa nyid ces pa ni thugs kyi rnal 'byor bstan to/ /skyes pa'i sna ni gzhib pa nyid/ /ces pa gnyi ga'i rdo rje bu ga'i nang nas gnyi ga'i byang chub kyi sems bab pa las ma mchu'i sbrang rtsi btung ba nyid de rim pa 'dis ma mchu'i btung ba yin pa ni man ngag go//rtag tu myos pa'i mtshan ma las/ /myos pa'i mtshan ma lag pa yis/ /rdo rje ldan pa las rtag bya/ /myos pa'i mtshan ma lag pa yis/ /zhes pa ni sor mo lnga bcug pa las so/ /rdo rje ldan pas ji lta ba bzhin du las bya ste/ de bzhin du shes rab ma rnams mchod par byas pa yin no/ /yang na myos pa'i mtshan ma lag pa yis/ /zhes pa ni myos pa'i mtshan ma'i mtshan ma de byed pa yin pas myos pa'i mtshan ma'i lag pa ste/ myos pa'i mtshan ma'i lag pas mkhun 'byin cing gcod skad sgrogs pa'o//rdo rje ldan pas las byed pa ni snyoms par 'jug pa'i sbyar ba bya ba'o/ /rtag tu zhes pa ni rgyun ma chad pa nyid kyis so/ /rim pa'i khyad par gsungs pa/ khyogs dang gru mo zhes bya dang / /de bzhin shin tu brkyang pa yis/ /khyogs dang zhes pa ni skyes pa'i 'dod pa skyed pa'i bud med kyi mdoms su gnas/rked pa'i phyogs kyi mdun dang rgyab tu lding bar bya ba'o/ /khyogs zhes pa'i khyogs dang 'dra bas khyogs so/ /de skad du bud med mdoms kyi steng du zhon/ /mdun dang rgyab tu rim pas ni/ /rked par lding bar 'gyur ba ni//de ni khyogs su rab tu grags/ /zhes gsungs so/ /bla ma'i gdams ngag las kyang sems dpa'i skyil mo krung bcas te/ de'i steng du bzhag la rdo rje'i lcags sgrog snyoms par zhugs nas/ rdo rje pad+ma snyoms 'jug pa'i rnal 'byor bstan pa ni khyogs yin pas khyogs kyi rim pa'o//khyogs kyi rim pas gru mo zhes pa ni/ langs nas sked pa la 'khyud nas bud med kyi pus mo g.yas pa'i 'og tu bdag nyid kyi gru mo g.yon pa bcug la lag pa g.yas pas de'i rgyab nas 'khyud pa ni gru mo zhes bya ba'i sbyor thabs so//de skad du yang langs nas khra sprad du 'jug ste/ /bud med pus mo g.yas pa ni/ /bteg nas gru mo 'og tu gzhug /sbyor ba langs pa'i sbyar thabs so/ /langs zhes pa ni khyogs dang bud med dag gal te yang kha sprad pa de nyid langs pa'i sbyor thabs kyi sbyor ba'o//yang na rkang pa g.yas pa mgor bteg nas/ /skyes pa dang bud med rdo rje dang pad+ma snyoms par zhugs pas mgrin pa nas 'khyud cing mchan 'og gnyis kyi 'og nas lag pa gnyis rgyab tu sbrel nas snyoms par 'jug par bya'o//de bzhin shin tu brkyang pa yis/ /zhes pa ni bud med gan rkyal du nyal ba'i rkang pa'i mthil gnyis kyi sor mo lag pa'i sor mos sbrel ba sngon du 'gro bas 'jug cing lag pa gnyis brkyang nas ngang pa'i gshog pa lta bur bya ba'o//'di ni shin tu brkyang pa'o/ /de skad du/ shin tu brkyang pa gnyis dag la/ /rkang gnyis shin tu brkyang ba la/ /ngang pa'i gshog pa'i rnam pa ltar/ /brkyang ba ru ni rab tu grags/ /zhes gsungs so/ /de lta bu'i rim pas yang dang yang brtul zhugs can gyis 'dod pa bya'o//steng dang 'og tu blta ba nyid/ /steng dang 'og tu blta zhes pa ni bzhin dang pad+ma la 'o bya'o/ /yang na yang yang zhes pa ni rgyun ma chad pa nyid kyis so/ /rdo rje ni mi phyed pa'i sku'o/ /'dod pa bya ni lhan cig skyes pa sngon du bya ba'o/ /yang na steng dang 'og tu blta ba nyid ni/steng dang 'og tu blta zhing nyams su myong ba mngon du bya ba'o/ /de nas 'bras bu cir 'gyur ba gsungs pa/ dngos grub rgyas pa thob pa ste/ sangs rgyas kun dang mnyam par 'gyur ni phyag rgya chen po'i dngos grub thob pa'o/ /de nyid kyi phyir sangs rgyas kun ni me long lta bu la sogs pa rnams kyis so//mnyam pa nyid ni gnyis su med par rtog pa skyed pa'o/ /skad cig de la ci 'dra bar 'gyur ba yin pa gsungs pa/ de la ga pur btung bar bya/ de la ga pur rgyu yi phyir/ /sha ni bza' ba nyid du bya//khyad par du yang chang nyid do/ /ga pur btung bar bya zhes pa ni A li nA da'i phreng ba yang dag par mthong ba'o/ /khyad par du yang chad nyid do/ /zhes pa ni A li'i nA da'i btung ba nyid dang kA li'i btung ba'o/ /de nyid kyi phyir chang ni thugs rdo rje btung ba'o//de la zhes pa ni skad cig de la'o/ /sha ni bza' ba nyid du bya/ /zhes pa ni sku'i mngon par zhen pa yang med pa nyid do/ /'di thams cad nyid ji ltar bya ba yin pa'i rim pa gsungs pa/ ga pur rgyu'i phyir te byang chub kyi sems bskyed pa'i rgyu'i phyir thams cad yin par dgongs so//lhan cig skyes pa'i sbyor ba'i don gyi rim par phye ba bcu gcig pa'o// //lhan cig skyes pa'i sbyor ba'i don ni lhan cig skyes pa nyid kyi don te don dam pa'o/ /de yang sbyor ba ni shes rab mchod pa'i mtshan nyid do/ /de nyid gtso bo yin pa'i phyir rim par phye ba gang de la lhan cig skye ba'i sbyor ba'i don gyi rim par phye ba'o//bcu gcig ni gcig ni zla med pa'o/ /bcu ma yin par kha sbyor ba nyid kyi dgu'i bdag nyid yin pa'i don to/ /rab tu gsal ba'i kha sbyor gyi rgya cher 'grel pa las/ brtag pa gnyis pa'i lhan cig skyes pa sbyor ba'i don gyi rim par phye ba le'u bcu gcig pa'o// //da ni lhan cig skyes pa'i sbyor ba'i don gyi rim par phye ba bcu gcig pa gsal bar byas nas/ de nas rdo rje can gyis dbang / /bzhi pa'i tshigs bcad bka' stsal pa//zhes pa ni dbang bzhi'i tshigs su bcad pa bka' stsal pa ste/ slob dpon gsang ba shes rab dang / /bzhi pa de yang de bzhin no/ /zhes bya bas dbang bzhi gsang ba las kyang ches gsang ba ste/ de rnams kyi tshigs su bcad pa bka' stsal pa'o/ / rdo rje rab gnas rdo rje nyid/ /che dang dril bu chen po zung / /de ring rdo rje slob dpon gyur/ /slob ma bsdu ba nyid du gyis/ /rdo rje nyid che dang zhes pa ni kha sbyor ba'i rang bzhin zung du 'jug pa'o/ /dril bu chen po zhes pa ni 'di yang don 'di nyid do/ /rdo rje zung ni mi phyed pa'i sku'o//de nyid kyi phyir/ rab gnas te re re zhing thams cad nyid du rnam par gnas so/ /de nyid kyi phyir slob dpon gyur/ slob ma ni me long lta bu la sogs pa ye shes lnga'i bdag nyid kyi ye shes so/ /bsdu ba ni yang dag par bsdu ba'i tshul lo//gyis ni rdzogs pa'o/ /rdo rje zung zhes pa ni slob dpon gyi dbang ngo / /dril bu che zhes pa ni gsang ba'i dbang ngo / /ji ltar 'das pa'i sangs rgyas kyis/ /byang chub sras rnams dbang bskur ba/ /bdag gis gsang ba'i dbang gis ni//sems kyi rgyun gyis dbang bskur ro/ /'dis ni shes rab kyi dbang bstan to/ /lha mo dga' ster gnas ster ma/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa dag tu gyis/ /dga' sbyin zhes pa ni phul du byung ba lhag pa med pa'i bde ba'i rang bzhin no//gnas sbyin ma zhes pa ni gnas pa med pa'i tshul gyis legs par gnas pa'o/ /lha mo zhes pa ni ye shes lnga dang sku gsum gyi rang bzhin no/ /de nyid kyi phyir sna tshogs gzugs can no/ /de nyid kyi phyir yid 'ong ma yang ngo //khyer cig khyer cig ni shin tu brtan par gyis shig pa'o/ /de ltar kye sems dpa' chen po khyod ye shes chen po'i ros yongs su gang ba'i sku'o/ /khyer la ni shin tu brtan par gyis shig pa'o/ /mchod pa dag tu gyis ni gnyi ga dbyer med pa'i rang bzhin zung du 'jug par skyed pa'o//da ni dbang bskur bzhi pa ni/ /ye shes 'di ni ches phra zhing / /rdo rje nam mkha'i dkyil lta bur/ /rdul bral thar sbyin zhi ba nyid/ /khyod rang yang ni de yi pha/ /gang 'di ni bzhi pa'i dbang bskur ba'i sa'o/ /de nyid kyi phyir yang dag pa'i ye shes so//de yang ci 'dra ba zhig ce na/ /ches phra zhing ni dbang po las 'das pa'i phyir ro/ /de nyid kyi phyir rdo rje snying po ni mi phyed pa'i rang bzhin gyi snying po'o/ /de nyid kyi phyir mkha' lta bur te de nyid kyi phyir rdul bral ba'o/ /de nyid kyi phyir thar ster ni thar pa ni rtog pa yongs su spangs pa'i rang bzhin no//zhi ba nyid zhes pa ni yongs su mya ngan las 'das pa chen po'i rang bzhin spyan thams cad kyis snang bar ma gyur pa'o/ /de nyid khyod kyi pha ni sngar khyod kyi skyed par byed pa'o/ /de yang skyed par byed pa khyod nyid do//de nyid ji ltar zhe na/ gang bdag nyid gzhan ci yang ma yin te/ bskyed par bya ba dang skyed par byed pa'i rang bzhin no/ /de ltar de bzhin bzhi pa yang / /zhes pa don 'dis gsal ba nyid do/ /ches phra zhing zhes pa ni dga' ba dang po'o/ /rdo rje snying po zhes pa ni dga' ba gnyis pa'o//nam mkha' lta bur zhes pa ni gsum pa rnam par dag pa'o/ rdul bral zhes pa ni bzhi pa lhan cig skyes pa'i dga' ba'o/ de nyid thar pa kun du rtog pa yongs su spangs pas thabs yin te/ ye shes de ni zhi ba yin par bstan pa'i don to/ /lhan cig skyes pa'i ye shes 'di nyid rdo rje dang pad+ma byin gyis brlab pa med na rgyun mi 'chad par mi 'gyur bas ni//rdo rje dang pad+ma byin gyis brlab pa gsungs pa/ rdo rje dang pad+ma byin gyis brlab pa'i sngags de nyid gsungs pa/ oM pad+ma su khA d+hA ra ma hA rA ga su khaM da/ tsa tu rA nan+da b+hA ga pi shwa hUM hUM kA ku ru Sh+wa me/oM zhes bya ba ni rdo rje gsum dbyer med pa nyid du bstan to/ /pad+ma zhes bya ba ni pad+ma'o/ /su khA d+hA ra zhes pa ni yang dag pa'i ye shes kyi rten du gyur pa'o/ /de nyid phyir/ ma hA rA ga su khaM da da ste/ ma hA rA ga ni ye shes so/ /da da ni byin pas thob pa'o//ma hA rA ga su khaM da da ni kun du rtog pa thams cad yongs su spangs pa yin par dgongs so/ /de nyid kyi phyir/ ca tu rA nan+da sa rtag ni/ dga' ba bzhi gcig pa'i rang bzhin gyi phyir ro/ /de nyid kyi phyir/ bi shwa ni rdo rje 'dzin pa'o/ /hUM hUM ni 'di nyid do/ kA R+YaM ni rdzogs pa'o//de bdag la me ku ru skyed cig pa'o/ /lhan cig skyes pa dag las gang byung ba'i lhan cig skyes pa de'i don ni 'di yin te/ yi ge hUM gnyis kyis bstan to/ /oM badzra ma hA dwe Sha tsa tu rA nan+da dA yA gaH/ kha ga mu khai ka ra so nA tha hUM hUM kA R+YaM ka ru Sha me/ oM zhes pa ni bshad zin pa'i don to//de nyid kyi phyir/ badzra ma hA dwo Sha tsa tu rA nan+da ya kaH zhes pa la/ tsa tu rA nan+da dA ni kun du rtog pa spangs pa'o/ /kha ga mu khai ka ra so ni nam mkha' la 'gro bas na kha ga ste thugs so/ /de nyid kyi mu kha ni dang po'o/ /de nyid e ka ra so ni zla med par nyams su myong ba'i mtshan nyid do//nA tha zhes pa ni 'gro ba'i bla ma'o/ /de ni bod pa'i tshig yin pas kye nA tha'o/ /hUM hUM kA R+YaM ku ru Sh+wa me zhes pa ni bshad zin pa'i don to/ /rdo rje dang pad+ma byin gyis brlab pa'i sngags dmigs pa'i tshe mgo bo ni oM zhes pa ni bde ba chen po'i 'khor lo re smin mtshams su zla ba'i gdan la yi ge oM kha dog dkar po'o//snying gar ni hUM ngo zhes pa ni snying ga chos kyi 'khor lor nyi mar gnas pa'i yi ge hUM sngon po'o/ /ze'u 'bru la ni yi ge a'o/ /zhes pa ni sprul pa'i 'khor lo'i lte ba la yi ge a dmar po'o//rked pa'i mtshams su yi ge swA'o/ /brla gnyis la yi ge hA zhes bya ba dgod par bya'o/ /oM AHhUM swA hA zhes pas byin gyis brlabs nas/ rdo rje dang pad+ma snyoms par 'jug pa rdzogs pa yin no/ /oM AHhUM zhes pa ni sku gsungs thugs kyi sku gsum mo/ / swA hA zhes pa ni ye shes lnga rnams so/ /ye shes lnga dang sku gsum gyi rang bzhin nyid dgu'i bdag nyid kyi yi ge gsum gyi bdag nyid do/ /dgyes pa'i rdo rje ni theg pa chen po'i gsang sngags te kha sbyor 'byed pa'i mtshan nyid sngags btu bas ni sprul pa'i sku'i rang bzhin no//sngags kyi bzlas pas ni longs spyod rdzogs pa'i sku'i bdag nyid do/ /lhan cig skyes pa'i don gyi rnal 'byor gyis chos kyi sku'i lus so/ /bzhi pa'i dbang bskur ba'i rang bzhin nyid kyis ngo bo nyid kyi sku'i rang bzhin no/ /brtag pa sum cu rtsa gnyis las phyung ba/brtag pa gnyis kyi bdag nyid can dgyes pa'i rdo rje'i rgyud chen po rdzogs so// //brtag pa sum cu rtsa gnyis las phyung ba'i brtag pa gnyis pa ni sku'o/ /rgyud chen po ni rnam pa thams cad mkhyen par mngon par rdzogs par byang chub pa'i rang bzhin no//dgyes pa'i rdo rje rdzogs so ni kha sbyor ba'i rang bzhin nyid kyis mtha' dag nyid du khyab pa'o/ /rab tu gsal ba'i kha sbyor gyi rgya cher 'grel pa las/ dgyes pa'i rdo rje'i rgyud chen po rdzogs so// //

CLOSE WINDOW