CLOSE WINDOW

D1189
བོད་ཡིག

@#/ /rgya gar skad du/ shrIte badzra pany+tsi kA nA ma muk+ti ka a ba li/ bod skad du/ dpal dgyes pa'i rdo rje'i dka' 'grel mu tig phreng ba zhes bya ba/ dpal rdo rje mkha' 'gro la phyag 'tshal lo/ /zhabs rnams bzhag pas sa bzhi grum mdzad shin tu bzhad pas sa 'dzin pa skyel mdzad pa//spyan gyi zer dang rgyal mtshan dril bu'i sgra yis 'gro rnams bcom nas slar gso mdzad/ dregs pas rlom pa rab tu zhi byed cho ga 'jigs par ston pa'i thabs 'chang ba/ /rgyal ba gsang gsum snying po'i snying po he ru ka yi gar gyis khyad srungs shig/ /tshad mthun rjes 'jug mdo ston pa//gsal zhing rab tu mdzes pas na/ /mu tig phreng ltar yid 'ong ba/ /dgyes pa rdo rje'i dka' 'grel bya/ /dad pa med pa gtso bo'i sgra/ /lha dang gcig tu gol ba'i gnas/ /gang phyir kun mkhyen tshad mas yin/ /gus pas kun mkhyen 'gyur ba min/ rgyal bas mdzad kyang ma mdzad dang //des ma gsung la des gsung pa smra/ /'gro mchog mi slu bde gshegs la/ gnyis ga gzhogs 'phyas byed par mtshungs/ /rgyal bas phan pa du ma gsung / skye bo bsam pa ji bzhin len/ de ltar 'grel 'dir don bshad la'ang / /'dod pas 'jug par byed pa yin//rtogs pa med na thos pa min/ /thos pa med na bsam du med/ gnyis ka nyams pas rnal 'byor med/ /rnal 'byor med na 'grub mi 'gyur/ /'di ltar rgyud 'dir yun ring nas/ /'dod pa yis ni rab gdungs pa'i/ /snying la mu tig phreng bar ni/ /brgyus pa 'di yis phrogs shig go/ /'di skad bdag gis thos pa zhes bya ba la sogs pa gleng gzhi'i tshig ni kha cig na re gang gi phyir mdor bsdus pa rgyud gzhan nyid yin no zhes zer ro//gzhan dag na re rgyud chen po las rtog pa gnyis pa 'di btus te/ /der ji lta ba bzhin du bsdus te bzhag pa nyid 'dir gleng gzhi'i tshig dang bcas te bsdus pa'o zher zer ro//gzhan ni 'di gsang chen gi don gzhan yin no/ /zhes zer ro/ de ni yang dag pa yin te/ de dang por brjod pa mi rigs pa dang / 'og nas 'chad par 'gyur ba nyid dang yi ge yin pa la brten pa nyid de/ des na 'chad par 'gyur ba don gzhan la don gzhan gyis sbyor bar byed pa ni rmongs pa rnams ngo mtshar bskyed pa'i don to/de bas na dang po'i gleng gzhi'i tshig 'di yang bcom ldan 'das kyis gsungs pa nyid de/ dge slong dag nga'i chos rnams ni 'di skad bdag gis thos pa zhes bsdu bar bya'o zhes gsungs so/ /de bas na sdud par byed pas smras pa/ 'di skad bdag gis thos pa zhes so//rang gi thos par rtogs nas chos ston par byed la/ ston pa po las thos nas sdud par byed de/ de bas na thos pa zhes bya ba 'dis sdud pa por bstan to/ /mngon gsum du ma thos pa dang / rnam pa gzhan du thos na sdud pa po tshad ma ma yin pa dang / slu bar 'gyur bas de gnyis gsal ba'i phyir pa 'di skad bdag gis zhes tshig gnyis smos so//de la bdag gis zhes pa ni bdag gis ston pa po nyid las thos pa yin gyi thos pa gzhan dang gzhan las 'ongs pa ma yin pa'o/ /'di skad ches pa ni ji lta ba bzhin du sdud par byed pa ste/ 'di kho na skad bdag gis thos kyi gzhan du ma yin no zhes bya ba'i don to//rjes su mthun pa'i gnas su res 'ga' ston pa po bzhugs pa dang / rjes su mthun pa'i 'khor 'dus pa ston pas de'i gleng gzhi gsungs pa dus gcig na zhes bya ba la sogs pa'o/ /dus gcig ni dus 'ga' zhig na'o/ / bcom ldan 'das zhes pa ni dgyes pa'i rdo rje'i sku can gyi rdo rje 'dzin pa'o/ /dbang phyug la sogs pa drug dang ldan pas bcom pa ste/ ji skad du/ dbang phyug dang ni gzugs bzang dang / dpal dang grags dang ye shes dang / brtson 'grus phun sum tshogs ldan dang / /drug po 'di la bcom zhes bya//zhes gsungs pa lta bu'o/ /bcom ldan de 'di la yod pas bcom ldan 'das so/ /bzhugs zhes pa ni sangs rgyas rnams kyis gnas pa bzhugs pa'o/ /sangs rgyas rnams kyis gnas pa yang bzhi ste/ spyod lam gyis bzhugs pa dang chos ston pas bzhugs pa dang /snyoms par 'jug pas bzhugs pa dang nang du yang dag 'jog pas bzhugs pa'o/ /kun tu mnyam par gzhag pa'i rgyu ni bzhugs pa ste/ sangs rgyas bcom ldan 'das rnams ni rtag tu mnyam par gzhag pa'o/ /de'i phyir cung zad sangs rgyas bcom ldan 'das rnams kyi sku'i phrin las de dang de rnams ni spyod lam gyis bzhugs pa'o//gang cung zad de rnams kyi gsung gi phrin las de ni chos ston pas bzhugs pa'o/ /gang de rnams kyi ting nge 'dzin la snyoms par 'jug pa'am tha mal pa'i mnyam par gzhag pa'i thugs kyi phrin las ni snyoms par 'jug pas bzhugs pa'o//gang sangs rgyas rnams kyi mthong ba'i chos la bde bar gnas pa dang / lha la sogs pa nye bar bsdu pa'i phyir thugs kyi phrin las de dang de rnams ni nang du yang dag 'jog pa la bzhugs pa'o/ /gang du bzhugs she na/ de bzhin gshegs pa thams cad kyi sku dang gsung dang thugs rdo rje la'o//de bzhin gshegs pa thams cad kyi sku dang gsung dang thugs ni gsang ba gsum bsdus pa ste/ 'di sku yang yin la gsung dang thugs kyang yin pas de skad ces bya la/ de yang bcom ldan 'das rdo rje 'dzin pa'i rang bzhin chos kyi 'byung gnas so//de nyid de bzhin gshegs pa'i gsang ba rnams kyi shin tu dag pa de bzhin nyid kyi bdag nyid do/ /gang gi phyir gsang ba gsum bsdus pa de'i phyir gru gsum mo/ shin tu rnam par dag pa'i de bzhin nyid kyis ston gyi zla ba ltar dkar la nang stong pa'o/ /gang gi phyir gong nas gong du yangs pa ni rab tu dga' ba la sogs pa'i rim pas rnam par dag pa de'i phyir gong nas gong du yangs pa'o//de nyid rdo rje btsun mo spyan la sogs pa'i b+ha ga ste/ de rnams kyi b+ha ga ni zag pa med pa mtha' yas pa'i chos rnams kyi lus yin pa'i phyir ro/ /de nyid kyis de bzhin gshegs pa thams cad kyi sku gsung thugs kyang de yin la/rdo rje btsun mo'i b+ha ga yang de yin pas de skad ces bya ste khyab par bsdu ba'o/ /nga rnams la zhes pa ni gzhal yang khang der zhes pa'i don to/ /dper na grong khyer na khyim bdag gnas so zhes byas na grong khyer gyi khang bzangs su gnas zhes bya ba'i don to//gsang zhing chos gsang ba'i gnas der bcom ldan 'das bzhugs pa mthong nas nges par der bcom ldan 'das gsang zhing mchog tu gsang ba'i chos ston par 'gyur bas rjes su mthun pa'i 'khor 'dus pa na shugs kyis gsungs pa yin te/de yang 'khor byang chub sems dpa' rdo rje snying po la sogs pa dang / spyan la sogs pa dang / gau ri la sogs pa rdo rje rnal 'byor ma rnams so/ /der zhes pa ni der bzhugs na'o/ bka' stsal pa zhes pa su'i don du bka' stsal zhe na/ skye ba nyan 'dod pas gdungs pa rnams kyi don du'o//ci bka' stsal zhe na/ de bzhin gshegs pa thams cad kyi zhes bya ba la sogs pa'o/ /de bzhin gshegs pa ni ji srid bgrod par bya ba de srid du gshegs pa ste/ bag chags dang bcas pa'i sgrib pa thams cad spangs pa'o/ /yang na gshegs pa'i sgra ni mkhyen pa'i don te/ chos nyid ji lta ba de bzhin nyid du mkhyen pas 'di rnams de bzhin gshegs pa ste/ rnam pa thams cad kyi thams cad du shes bya thams cad yang dag par mkhyen pa'o/ /yang na yi ge da ltar bskur ba ste/ ji lta ba bzhin du bstan par bya ba de bzhin du gsung pas de bzhin gshegs pa ste/bsam pa dang rigs dang gdul bya ji lta dang dus ji lta ba bzhin du yang dag pa'i chos ston par mdzad de thams cad kyang de yin la de bzhin gshegs pa yang de yin te/ de rnams kyi sku gsung thugs de nyid rdo rje 'dzin pa'o/ /de'i snying po ni dam pa'o/ /rje btsun zhes bya ba ni mchog gi lha ste/spros pa med pa'i ye shes kyi bdag nyid sngags kyi lha rnams kyi sku dang gsung dang thugs thams cad kyi snying po ni mchog tu dad par dka' ba nyid do/ /de rnams kyi shin tu gsang ba ni gsang ba las shin tu gsang ba nyid de/ gang drag po dang yang dag par ldan pas dgyes pa'i rdo rje zhes bya ba sku gsung thugs kyi mchog drag po dang shin tu chags pa dang ldan pas de'i phyir gsang ba las shin tu gsang ba ste/'di la dad pa yang shin tu rnyed par dka' zhes bya bar dgongs so/ /'di zhes pa ni 'di ltar zhes bya ba'i don to/ /nyan pa ba 'dod pas gdungs pa'i 'khor rnams la rtog pa gsum 'char te/gal te gsang ba las shin tu gsang ba 'di nam zhig skyes bu ji lta bu 'dir skal ba dang ldan pa yin pa de brjod dgos so zhes bya ba ni rtog pa dang po'o/ /rdo rje 'dzin pa las mchog gzhan yod pa ma yin te/ zhes bya ba ni grub pa'i mtha' yin nan ci/ de nyid kyi snying po 'di'am 'on te de las mchog tu gyur pa sku gsum thugs zhes bya ba gzhan zhig gi'am zhes bya ba ni gnyis pa'o//ci rjes btsun 'di'i mtshan ji skad ces bya can yin zhes pa na gsum pa'o/ /rtog pa 'di rnams gsal bar bya ba'i phyir gsungs pa/ e ma'o zhes bya ba la sogs pa'o//tshig 'di'i mthar yang snga ma'i tshig las 'di zhes bya ba'i sgra blangs sbyar zhing rang gi don yang rtogs par bya ste/ 'di yang zhes pa ni 'di lta bu yang zhes pa'i don to/ /'di zhes bya ba'i sgra dang kha cig la med na med kyang de don gyis der shes par bya'o/ /e ma'o rdo rje snying po zhes bya ba ni byang chub sems dpa' thams cad ni de bzhin gshegs pa'i snying po dang /de bzhin gshegs pa'i rigs zhes bya ba'i don to/ /gti mug dang zhe sdang dang nga rgyal dang 'dod chags dang phrag dog dag ni de bzhin gshegs pa'i rigs lnga'o/ /de la gang zhe sdang gang gis yin pas ni rdo rje snying po ste/byang chub sems dpa' 'di'i ming don dang mthun pa ste/ 'di lta bu'i byang chub sems dpa'i rigs rnyed par dka'o/ /de nyid kyis ngo mtshar skyes nas bos pa ni e ma'o/ /zhes pa'o/ de snying po byang chub sems dpa' sems dpa' chen po legs so legs so zhes bya ba ni mchog tu drag po la sogs pa'i thang sa kyis gzhan gyi don byed pa'i bsam pa nyid ni snying rje chen po'o//de nyid kyis yang dus nges pa med par sna tshogs pa'i don sgrub pa dang ldan pa'i byang chub ni byang chub chen po'o/ /de la yang dag par sems pa 'di ni byang chub sems dpa' chen po ste/gang 'di lta bu gzhan la phan pa'i bsam pa dang / rang la phan pa'i bsam pa de skyes ba'i mchog go/ /de nyid kyis legs so zhes bya ba las lan gnyis so/ /nyon cig ces bya ba ni nyan pa la sbyor ba'o/ /'dis ni de lta bu'i rigs dang de lta bu'i bsam pa can skyes bu dam pa 'dir skal ba dang ldan pa zhes bstan no//rigs 'di ji ltar shes par bya zhe na/ de'i yon tan rnams la dad pa dang 'dod pa'i khyad par gyi rtags kyis te/ 'phags pa lang kar gshegs pa las/ du ba la ni mer shes te/ /chu skyar la ni chur shes so//blo ldan byang chub sems dpa' yi/ /rigs ni mtshan ma rnams las shes/ /zhes gsungs so/ /'dis rtog pa dang po bsal to/ /rtog pa gnyis pa bsal ba'i phyir gsung pa/ rdo rje sems dpa' dang / sems dpa' chen po dang / dam tshig sems dpa' chen po snying po zhes pa'o//rdo rje 'dzin pa las mchog gzhan med pa zhes bden te/ 'on kyang snying rje chen po gtsor byas pa nyid kyis rdo rje'i rigs dgyes pa'i rdo rje/ rdo rje 'dzin pa'i tshul gyi mchog go/ de'i phyir 'di de'i yang snying por brjod de mchog gi don ni snying po'i don to zhes dgongs so/ / 'dis ni rtog pa gnyis pa bsal to/ /dgyes pa'i rdo rje zhes bya ba 'dis ni rtog pa gsum pa bsal to/ /rdo rje snying pos gsol pa zhes pa ci gsol zhe na/ tshig gsum zhus pa'o/ /ci'i don du zhugs du zhus she na/ tshig gsum gyis rdo rje 'dzin pa bdag nyid chen po bstan pa dgrol ba'i don du'o/ / bka' stsal pa zhes pa ci bka' stsal zhe na/ dris tshig gsum ji lta ba bzhin du lan gsum mo/ /mi phyed pas ni dbye bar mi nus pas so/ /rdo rje zhes pa ni rdo rje dang chos mthun pas so/ /srid gsum zhes pa sangs rgyas rnams kyi chos thams cad ni yod cing 'byung bas srid pa'o/ /gang gi phyir 'dir sangs rgyas kyi chos rnams kho na'i srid pa yin zhes na gtso bo yin pas so//ci'i phyir thams cad yin zhe na/ khyab pa'i rigs pas so/ /gsum ji lta bu yin zhe na sku dang gsung dang thugs kyi dbye bas so/ /de la srid pa gsum nyid srid pa gsum mo/ /de'i gcig pa ni mnyam pa nyid de sems dpa'o//gcig pa nyid ji lta bu zhe na zag pa dang bcas pa'i chos thams cad kyis kho na zad pas lus dang gnas dang longs spyod du snang ba'i rnam par shes pa 'gags gcig tu dri ma med pa mtha' yas pa nam mkha'i dkyil lta bu/ sems kyi rgyun kun gzhi'i rnam par shes pa'i mtshan nyid dang bral ba zag pa med pa'i dbyings kyi mtshan nyid thos pa sangs rgyas kyi chos thams cad kyi nus pa'i mtshan nyid sa bon gyi gzhi snang ba med cing gsal ba'i rang bzhin bde ba chen po'i ngo bo srid pa gsum nam mkha' ji srid du gnas pa ni srid pa gsum pa gcig pa nyid do//de'i ci'i phyir sems dpa' zhes brjod ce na/ de nyid shin tu rnam par dag pa nyid yin pas so/ /'dir sems dpa' zhes pa ni bstod pa'i tshig ste/ sems dpa'i sgras rab kyi mthar thug pa ste shin tu rnam par dag ces bya bar sbyar te chos kyi sku zhes bya ba'i don to//rnam par dag pa ni skyes bu chen po'i sku rnam par grol ba'i sku yin la shin tu rnam par dag ni chos kyi sku ste/ sangs rgyas kyi chos kyi rnams kyi gnas dang rten dang sa bon gyi gzhi nyid kyis chos kyi sku zhes bya'o/ chos kyi sku'i yang gtso bo'i yus ni thog ma dang tha ma med pa'i chos kyi dbyings te/rang bzhin gyis 'od gsal ba dus thams cad nyid du de bzhin nyid pas de bzhin nyid ces bya'o/ /de nyid kyis nam yang dbyer med cing mi phyed pas rdo rje ste/ rang bzhin gyis brtan pas rtag ces bya ba'i don to/ /glo bur gyi dri ma rnam par dag pa de ni mi phyed pa ste/sngon dngos po med pa la rab tu dga' ba la sogs pa'i sa'i rim pas 'phel te/ sangs rgyas kyis sa'i bar du nam mkha' ji snyed par ma tshang ba med pa'i rang bzhin no/ /shes rab rigs pa 'di yis ni/ /zhes pa ni dngos po rnam par phye nas shes pa ni shes rab bo//rigs pa zhes pa ni sbyor ba ste de dag nyid ye shes la gzhi mthun par bya ba'o/ /'di rdo rje yang yin la sems dpa' yang yin pas rdo rje sems dpa'o/ /brjod ces pa ni gsungs pa ste/ sde ba sbyor ba snod pa ni lung gi tshig la de ltar thams cad du nam yang sdeb sbyor med pa ma yin pas so//ye shes chen po'i ro zhes bya ba la sogs pa la ye shes chen po la ni theg pa chen po'i rang bzhin dkar po'i chos so/ /de rnams kyi ro ni myong ba ste longs spyod rdzogs pa'o/ /de yang mchog tu 'bar ba'i rin po che sna bdun gyi rang bzhin 'jig rten gyi khams mtha' yas pa'i nang du 'od zer mchog tu spro bar byed cing yongs su dag pa'i sangs rgyas kyi zhing yon tan gyi bkod pas brgyad pa rnams su rnam pa sna tshogs pas mtshungs pa med pa'i mtshan dang dpe byad kyis spras pa'i skus 'phags pa byang chub sems dpa' rnams dang lhan cig tu myong zhing dngos spyod pa'o//des gang ba ni de nyid kyis byang chub sems dpa' rnams dang lhan cig skad cig so so la tshim pa ste/ gang las de nam yang 'jig pa ma yin pas rgyun du 'byung zhing 'khor mor te rtag par 'byung zhes bya ba'i don to/ /mi 'jig pa ni rgyun mi 'chad pa ste rtag tu 'byung ba'o/ / de ltar na yongs su dag pa'i sangs rgyas kyi zhing rnams su chos po'i ro dga' ba dang bde bas nye bar brtan pa ste/ sems can rnams kham gyi zas la sogs pas 'tsho ba lta bu ni ma yin no/ /ye shes chen po'i ros tshim pa de yang ci zhig ce na sangs rgyas rnams kyi longs spyod rdzogs pa'i sku'o//sku de sems dpa' chen po zhes brjod de zhes bya ba ni sems dpa' chen po zhes bya ba'o/ /ji ltar zhe na sdod cing gnas pa ste 'jig pa med pas bzhugs pa ni sems dpa'o/ /sems dpa' yang yin la chen po yang yin pas sems dpa' chen po ste shin tu 'jig pa med ces bya ba'i don to//rtag tu zhes bya ba la sogs pa la/ 'dir dam tshig ces bya ba'i sgras dam tshig chen por blta ste/ tshig gis phyogs gcig bstan pa yin te 'jigs byed smos na 'jigs byed kyi sde shes pa bzhin no/ /spro bar byed pa'i sbyor bas kun tu 'gro bar byed pas dam tshig ste gdul bya'i bsam pa ji lta ba bzhin du thabs rnam pa sna tshogs pas 'gro ba ni dam tshig chen po'o//dam tshig chen pos sems dpa' ni dam tshig sems dpa' chen po'o/ /sems dpa' ni rtag tu 'jug pa nyid kyis te/ sa ta ta'i sa ta dang pra berta'i ba bcus te/ lhag ma phyis pas nges pa'i tshig gis so//de nyid kyis gsung pa/ rtag tu 'jug pa nyid ces pa ste/ gang sangs rgyas rnams kyi sprul ba'i sku mtha' yas pa'i dbye bas rgyun gyi rtag pa nges na rtag pa ste de dam tshig chen po'i sgra brjod ces bya ba'i don to/ /dper na 'brog chen por me 'bar ba'i dus na la la ni mched la la 'bar la la ni 'chi'o de bzhin du sangs rgyas rnams kyi sprul ba'i sku sangs rgyas kyi zhing gzhan du skye bar ston/gzhan du skyes nas gnas gzhan du ni yongs su mya ngan las 'dar bar ston te/ 'jig rten kyi khams thams cad du des nam yang stong pa ma yin te/ rgyud gyi rtag ces bya ba'i don te/ /de bzhin du sangs rgyas re re'i sku gsum pa 'di dag gi dbye ba mtha' yas te/ sangs rgyas de dag thams cad rdo rje sems dpa' gcig pu'o/ /de ltar na de rnams de la brten pa dang de'i rang bzhin no/ /de bas na bcom ldan 'das rdo rje 'dzin pa 'di chos kyi skus rdo rje sems dpa'o//longs spyod rdzogs pa'i skus sems dpa' chen po'o/ /sprul pa'i skus dam tshig chen po'i sems dpa' zhes bya'o/ /'dis kyang rdo rje 'dzin pa'i bdag nyid chen po bshad pas/ dgyes pa'i rdo rje'i yang bdag nyid chen po don gyis bshad de de'i snying po nyid de yin pa'i phyir ro//rdo rje snying pos gsol pa zhes pa ni ci gsol zhe na/ dri tshig gzhan gsum mo ci'i don du zhus she na/ dgyes pa'i rdo rje rdo rje 'dzin pa'i snying po nyid kyi phyir gang mtshan gsungs pa'i rgyu ste de dgrol ba'i don du'o/ /na zhes bya ba'i sgras ni 'di'i zhes bya ba'i don to//dgyes pa'i rdo rje zhes bya ba ni ming 'di lta bu'o/ /bsdus pa zhes pa ni ma lus pa'o/ /gang gis zhes pa ni gang gis tshig rnam par sbyar zhes pa'o/ /rdo rje zhes pa ni rdo rje'i sgras so/ /dgyes pa'i zhes pa ni dgyes pa'i sgras snying rje chen po brjod ces bya bar sbyar te/ma hA'i ma phyi ba dang ka ru Na er byas pas zhes bya bar dgongs so/ /shin tu drag cing gdug pa rnams 'dul ba'i phyir mchog tu drag pa'i sku dang gsung gi phrin las ston par mdzad pa ni thugs rje ste thugs rje chen po'o/ /shes rab kyang rdo rjer brjod de rdo rje'i sgras brjod ces bya ba'i don to//phul du byung ba'i ye shes ni shes rab ste/ gnyis su med pa'i ye shes zhes bya ba'i don to/ /'dir ni stong pa nyid la shes rab tu brjod de shes rab kyi dmigs pa yin pa'i phyir ro/ /de ltar yang gsungs pa dpal gsang ba 'dus pa las/ dngos po med gang shes rab ste//thabs ni dngos po'i mtshan nyid do/ /zhes so/ /de ji ltar rdo rjer brjod ce na/ /sra zhing brtan la khong stong min/ /mi chod pa dang mi phyed mtshan/ /mi 'tshig pa dang mi 'jigs pas/ /stong nyid rdo rje zhes byar brjod/ /ces dpal rdo rje rtse mo las gsungs so/ / thabs dang shes rab bdag nyid ces pa ni shes rab stong pa nyid dang thabs snying rje chen po ni thabs dang shes rab po/ /de gnyis kyi bdag nyid kyi ngo bo nyid ni shes rab dang thabs kyi bdag nyid do/ /'di ni dgyes pa yang yin la rdo rje yang yin pas zhes tshig rnam par sbyar ba gsungs te/ chos thams cad stong pa nyid la dmigs pa snying rje chen po dgyes pa'i rdo rje zhes bya ba'i don to//rgyud ces pa rgyud ni rgyun no/ /de yang rnam pa gsum ste/ rgyu'i rgyud dang / 'bras bu'i rgyud dang / thabs kyi rgyud do/ /de nyid kyis dgyes pa'i rdo rje yang rnam pa gsum ste/ rgyud gyes pa'i rdo rje dang / thabs dgyes pa'i rdo rje dang /'bras bu dgyes pa'i rdo rje'o/ /rgyu ni rigs dang rus zhes bya ba'i rnam grangs so/ /'dir ni rdo rje'i rigs nyid snying rje chen po dang / shes rab nyid gtso bor gyur pa'i dgo ba'i snod pa'i rdo rje ste rgyu'i rgyud ces bya'o/ /de ji ltar dgyes pa'i rdo rje zhe na/ dgyes pa'i rdo rje rgyu nyid yin pas so/ /ji ltar rgyu yin zhe na/ rdo rje'i rigs dang ldan pa'i sems can mchog tu mang ba nyid yin pas so/ /rgyu dgyes pa'i rdo rje'i stobs kyis thabs dgyes pa'i rdo rje yun ring du brlabs pas thob pa'i rdo rje 'chang chen po'i go 'phang ni 'bras bu dgyes pa'i rdo rje'i//'bras bu'i rgyud kyang bshad par bya ste/ ji ltar dgyes pa'i rdo rje yin zhe na/ dgyes pa'i rdo rje'i 'bras bu nyid yin pas so/ /ji ltar rgyun yin zhe na/ sangs rgyas kyi chos mtha' yas pa'i rang bzhin nyid yin pas so/ /snying rje chen po dang shes rab gtso bo'i dge ba'i rgyun ni dngos kyi rgyud de thabs dang dgyes pa'i rdo rje'i rgyud do//de la rgyu dang 'bras bu'i rgyud ni gong du bstan la thabs kyi rgyud ni mi shes te/ de bas de'i dbang du byas te gsungs pa lta stangs zhes bya ba la sogs pa'o/ nus pa zhes bya ba ni mthu'o/ /rnam mang zhes bya ba ni char 'babs dang sprin dral ba la sogs pa'o//bskyed pa ni rgyu ste rnam pa dang mtshan ma la sogs pa'o/ /gnas ni gzhi'i dkyil 'khor ro/ /rgyu ni zla ba dang nyi ma la sogs pa'o/ /nus pa ni bzlas pa dang bsgoms pa las byung pa'i mthu'o/ /ye shes ni skar ma'i rtsis la sogs pa'o//rnam shes ni slob dpon gyi las thams cad la mkhas pa'o/ /lha rnams zhes bya ba ni dpal he ru ka 'khor dang bcas pa'am bdag med ma'o/ /ji ltar 'byung ba zhes pa ni ji ltar rigs par bskyed pa'o/ /cig shos zhes pa ni ji skad gsungs pa'i lta stangs dang dgug pa la sogs pa'o//he ru ka'i 'bras bu dgyes pa'i rdo rje'o/ /bskyed pa ni de'i go 'phang 'thob pa'o/ /de'i rgyu ni thabs kyi rgyud ces bya ba'i don to/ gang gis na 'di dang por yin zhe na/ lha la sogs pa rnam pa'i bskyed pa'i rim pa'i thabs mang po nyid kyis 'di ches phul du byung bas so//'o na theg pa chen po 'di la chos thams cad rnam par rig pa tsam gyis lus su ston te/ 'phags pa sa bcu pa las 'di lta ste/ khams gsum pa 'di ni sems tsam mo zhes gsungs so/ /rnam par rig pa de'i rang bzhin ni gsal ba yin te 'di yi rang bzhin ma yin ni gsal bar mi 'gyur te 'gal bas so//gang gi phyir sngon po dang ser po la sogs pa gsal bar snang bas rnam par shes pa las phyi rol gyi don du med do/ /de'i tshe ji lta bu yin zhe na/ rnam par shes pa'i bdag nyid du gyur ba'i rnam pa dang snang ba dang myong ba ste rigs mthun pa'i rnam par rtog pas bzhag pa'i sems nyid sna tshogs pa'i rnam par skye ste rmi lam bzhin no//'phags pa lang kar gshegs pa las/ ji ltar byis pas rnam brtags pa'i/ /phyi rol don du yod ma yin/ /bag chags kyis ni dkrugs pa'i sems/ /don du snang bar rab tu 'byung / / zhes gsungs so dkrugs pa zhes pa ni nye bar bcom pa'o/ /yang sngon po la sogs pa phyi rol gyi don ni yod pa ma yin te/ /gcig dang du ma'i ngo bo dang bral bas de gcig ma yin te/ cha'i dbye bas so sor snang bas so/ /rdul phra mo du ma yang ma yin te/ rdul phra rab rnams mi rigs pas so/ 'di ltar gal te cha dang bcas so zhe na/ de ji ltar rdul phra rab tu 'gyur/ 'on te cha med na de'i tshe rdul phra rab rnams thams cad kyi bdag nyid kyis yang dag par sbyor bas phan tshun dbyer med pas go gcig ste/ glang po dang ri dang rgya mtsho dang sa'i gong bu thams cad rdul phra rab tsam du 'gyur ro//'phags pa lang kar gshegs pa las kyang / ji ltar me long gzugs brnyan 'di/ /mthong yang don yod ma yin te/ /gcig dang gzhan pa rnams spangs pa/ /de bzhin dngos kun rang bzhin no/ /zhes gsungs so/ /de'i phyir rnam par shes pa las phyi rol na gdung ba'i don yod pa ma yin no//de med pas de la ltos pa'i rnam par shes pa'i 'dzin pa yang yod pa ma yin te/ rnam pa thams cad du gzung ba dang 'dzin pa gnyis ni med la gnyis su snang ba'i 'khrul pa ni yod de/ de nyid 'khrul pa yang dag pa ma yin pa'i kun du rtog pa'o/ /yang dag pa ma yin pa'i kun du rtog pa gnyis dang bral bas stong pa nyid rnam par rig pa tsam gyis rtag tu yod do//de nyid gnyis su brtags pa'i rang bzhin mtshan nyid med pas te ji lta ba bzhin du med pas so/ /yang dag pa ma yin pa'i kun du rtog pa ni gzhan gyi dbang gi ngo bo nyid de rgyu dang rkyen gzhan gyis bskyed pas na gzhan gyi dbang zhes bya'o//gnyis kyi stong pa nyid ni yongs su grub pa'i ngo bo nyid de/ rtag tu de nyid kyi rang bzhin pas so/ /'phags pa byams pas/ brtags pa dang ni gzhan dbang dang / /yongs su grub pa nyid kyang ngo / /don gyi yang dag mi rtogs phyir/ /gnyis po med pa'i phyir bshad do//zhes gsungs so/ /de la byang chub sems dpa' ting nge 'dzin gsum bsgom par bya ste/ phung po dang khams dang skye mched kyi dngos po thams cad kun du brtags pa ste/ mtshan nyid kyis yod pa ma yin pa ni stong pa nyid kyi ting nge 'dzin te phung po la sogs pa'i kun du brtags pa yod pa ma yin pa nyid du dmigs pas so//sdug bsngal rgyu dang bcas pa'i khams gsum pa gzhan gyi dbang gi ngo bo yod pa ni yang dag pa ma yin pa'i kun du rtog pa nyid gnyis kyi tshul gyis snang ba ni gnyis su med pas smon pa med pa'i ting nge 'dzin to/ yang srid pa la smon pa dang 'gal ba nyid do//chos thams cad kyi rang bzhin glo bur ma yin pa gnyis kyis stong pa nyid ni rtag tu de bzhin pas de bzhin nyid kyi rang bzhin no/ /de nyid yang dag pa'i mtha' yin te de bzhin nyid rnams kyi mchog nyid yin pas so/ /de nyid ni mtshan ma med pa ste 'khrul pa'i mtshan ma rnam par spangs pa na de snang ba nyid yin pas so//de nyid don dam pa ste dam pa 'jig rten las 'das pa'i ye shes kyi spyod yul nyid yin pas so/ /'phags pa rnams kyi stobs dang mi 'jig pa la sogs pa'i rgyu nyid yin pas chos kyi dbyings kyang yin te/ de la dmigs nas 'phags pa'i chos sna tshogs pa skyes pas so//de yang gnyis kyis stong pa nyid kyi dngos po dang dngos po med pa yang ma yin te/ ci'i phyir dngos po ma yin zhe na/ gnyis kyis dngos po'i mtshan nyid med pas so/ /ci'i phyir dngos po med pa ma yin zhe na/ chos rnams kyi rang bzhin nyid yin pas so//'di ni mtshan ma med pa'i ting nge 'dzin te mtshan ma med pa la dmigs pa nyid yin pas so/ /ting nge 'dzin gsum po 'di ni gtso bo ma yin pa'i shes rab kyi pha rol tu phyin pa ste de la sbyor ba nyid kyis so/ /gang sngon po dang ser po la sogs pa'i rnam par snang ba 'di ni phyi rol lam/ nang gi dngos por yod pa ma yin te gcig dang du ma'i rang bzhin dang bral bas snga ma bzhin no/ /gcig tu thog ma med pa'i ma rig pa'i bag chags kyis bsgos pa'i stobs kyis dkrugs pa byis pa rnams kyi blo la yod pa ma yin pa'i rnam par snang ba nyid dang / snang ba de nyid la 'jig rten pas mtshan ma'i rnam par dmigs nas gnyis su brtags shing gnyis su bzung bas sdug bsngal thams cad kyi rgyur gyur pa ji srid gang gis rnam par snang ba 'jug pa de srid du don dam pa'i bden pa ma yin te/rab rib can gyis skra shad dang sha sbrang la sogs pa mthong ba na/ skra shad la sogs pas stong pa mi mthong ba bzhin no//ji ste de'i chos thams cad la dmigs pas ming dang rgyu mtshan thams cad spangs te/ brjod pa dang snang ba med pa'i ting nge 'dzin gnas pa ni sngon gyi rab tu sbyor ba'i bag chags kyi stobs kyis lhun gyis grub pa dang mngon par 'du byed pa med par spros pa'i mtshan ma thams cad du nub nas rnam par mi rtog pa dang snang ba med par chos thams cad stong par mthong ste/gcig tu dri ma med pa mtha' yas shing nam mkha' lta bu 'jig rten las 'das pa'i ye shes don dam pa'i byang chub kyi sems gtso bo'i shes rab kyis pha rol tu phyin pa sgrib pa thams cad kyi gnyen po'i lam skye bar 'gyur te/gnyen po des kun gzhi'i rnam par shes pa la bsags pa'i nyon mongs pa dang bcas pa'i chos rnams kyi bag la nyal yongs su zad nas/ gnas dang lus dang longs spyod du snang ba'i rnam par shes pa rnams 'gags nas de kun gzhi'i rnam par shes pa'i mtshan nyid dor nas zag pa med pa'i dbyings kyi mtshan nyid yongs su 'dzin to//de nyid zag pa med pa'i dbyings sangs rgyas rnams kyi sku'o/ /de thob pa na de ltar brten nas longs spyod rdzogs pa dang sprul pa'i sku 'thob po zhes bya ba grub pa'i mtha'o/ /grub pa'i mtha' 'dis ni shes rab kyi pha rol tu phyin pa nyid sangs rgyas nyid kyi phyir bsgom par bya ste/de yang don rnam pa gnyis kyi dbye bas yang dag par dngos po med pa'i ye shes te gnyis po med par nges pas so/ /gnyis kyis rnam par brdzun pa rnams nub cing mtha' yas pa gsal ba tsam du snang ba'o//de ltar nas gang dag he ru ka dang rnal 'byor ma rnams kyi rnam pa dang bcas pa'i sngags dang mtshan ma dang gdan dang gzhal khang la sogs pa bsgom pa ni spros pa dang bcas shing phyin ci log yin pas te nyon mongs pa'i 'khor ba 'byung ba ste/ thar pa 'byung ba ma yin no zhes gal te sems na/de gsal bar bya ba'i phyir gsungs pa/ dngos po nyid kyis rnam par grol te zhes bya ba la dngos po ni shin tu gnas par byed pa dang / sangs rgyas kyi chos thams cad rab tu 'thob par byed ces bya bar dgongs so/ /snying rje chen po dang ldan pa ni pha rol tu phyin pa drug po nyid kyis grol te/ de nyid kyis snying rje chen po zhes pos pa'o/ /shes rab kyi pha rol tu phyin pa gcig pus grol ba ni myur ba nyid du nyon mongs pa rnams sdangs te dgra bcom pa nyid du byed do/ de bas na nyan thos kyi byang chub tu lhag par 'gro ste/ sangs rgyas kyi byang chub tu ni ma yin no/ /snying rje chen po dang ldan pa'i byang chub sems dpa' ni sems can kyi don mchog tu sgrub cing bla na med pa'i byang chub tu 'dun par byed kyi dman pa la ma yin no//de yang pha rol tu phyin pa drug nyid gyis grol te gcig gis ma yin no/ /gal te drug nyid kyis grol na de'i tshe lngas ni cir 'gyur la drug pas ci zhig byed snyam pa la/de nyid kyis gsungs pa/ dngos po'i 'ching pa zhes bya ba la sogs pa'o/ /'dir dngos po'i sgras pha rol tu phyin pa lnga gsungs te/ gnas par byed pa dang 'thob par byed pa la de rnams nyid gtso bo yin pas so/ /dngos po nyid 'ching ba ni gnas par byed pa nyid do//des bcings te grol ba rnams kyang de dang de rnams kyi stobs kyis 'gro ba thams cad kyi don gyi rgyud sku gsum gyi nam mkha'i mthar thug gi bar du gnas so/ /de'i dngos po yongs su shes pa ni don dam pa shes pa ste/ de yang shes rab kyi pha rol tu phyin pa nyid do//des grol te de nyid kyis bag chags kyi sgrib pa thams cad spong ba ni sa bon dang bcas pa'i kun nas nyon mongs pa'i chos thams cad yongs su zad par byed pa'o/ /de lta bu 'di ni mya ngan las 'das pa ste/ mi gnas pa'i mya ngan las 'das par gsungs te/ 'khor ba dang mya ngan las 'das pa gnyis la mi gnas pas so//nye bar bsdu ba gsungs pa dngos po zhes bya ba la sogs pa'o/ /dngos po zhes pa ni pha rol tu phyin pa lnga las byung ba'i dge ba'o/ /bsgom par bya zhes pa ni rang gi sems kyi rgyud la nan tan gyis bskyed par bya zhing bsgoms pa'i stobs kyis bdag nyid dang ldan par bya'o//dngos po med pa yongs shes pas/ /zhes pa ni gzung ba dang 'dzin pa'i rang bzhin dngos po med pa yongs su shes pa'i shes rab kyi pha rol tu phyin pas so/ /gang yang dngos por ma byas na de grol bas na nyan thos kyi byang chub tu ltung shing gang yongs su ma shes na'ang 'khor ba nyid du gnas te/gnyis ka yang rmongs pa yin no/ shes rab dang ldan pa'i byang chub sems dpa' ni gnyig byed de/ de nyid kyis na shes rab can zhes bos pa'o/ 'dis ni theg pa chen pos gang byung de bsdus te de dag rnam par gzhag pa'o/ /theg pa chen po yang sngags kyi tshul nyid kyis bsdus pa'i phyir de nyid dgyes pa'i rdo rje yang lhag par ston pas gsungs pa/de ltar zhes bya ba la sogs pa'o/ he ru ka zhes pa gtso bo smos pas de'i mtshan ma dang / gdan dang gzhal yas khang la sogs pa 'khor rnams kyang gzung ste/ dper na rgyal po gshegs bya bar bzhin no/'di'i don theg pa chen po la bsgom par bya ba'i dge ba'i chos ji snyed pa de rdzogs pa'i byang chub tu ro gcig pa ni dkyil 'khor gyi bdag po yin la/ rdzogs pa'i byang chub kyi bye brag ni dkyil 'khor pa'o/ /de nyid 'gro ba'i don mdzad pas dkyil 'khor spro ba'o/ /sku gsum kyi bde ba myur du thob par bya ba'i phyir gsum po de dag 'dir bsgom par bya'o//'dir dge ba lhag ma rnams ni sgom pa 'di nyid bde ba myur du rdzogs par bya ba'i phyir te/ thams cad kyang sems dang sems las byung ba tsam dang / ji ltar snang ba ltar yod pa ma yin par yongs su shes par bya'o/ /de ltar bskyed pa'i rim pa la brten te thabs kyi rgyud sgrub pa dang po bstan zin to//da ni rdzogs pa'i rim pa la brten te thabs kyi rgyud gnyis pa ston pa gsungs pa lus pa gnas zhes bya ba la sogs pa'o/ /chen po yang de yin te/ sangs rgyas kyi chos rnams kyis sa bon gyi gzhi nyid do/ / ye shes kyang yin te rang bzhin gyis gsal ba nyid kyis so/ /ye shes chen po lus gnas te/ /zhes pa ni lus lhag par gnas par byed pa'o/ /de'i las kyi 'bras bur gyur pa'i tshor ba lus dang tha dad pa ma yin la/ tshor ba'i gnas dbang po rnams kyang lus dang tha dad pa ma yin par 'jug pas ye shes de lus 'di la gnas pa yin no//de ltar na ye shes chen po yin te/ 'di ltar chos nyid dang / de bzhin nyid sangs rgyas rnams kyi rigs so/ /gang yang sangs rgyas kyi rigs de sangs rgyas kyi chos thams cad kyi rigs so/ /des na chos nyid kyis lus kyi ye shes de rang bzhin gyis dri ma med pa'o//de bas na rtog pa thams cad spangs pa'o/ /gnas pa dang lus dang longs spyod la sogs par snang ba rnam par rtog pa'i dri ma rnams de'i rang bzhin ma yin te 'di la glo bur ba nyid de/ nam mkha' la sprin dang khug sna la sogs pa lta bu'o//de nyid chos kyi sku'i rang bzhin gyis brtan pas rtag ces bya'o/ /ji ltar sangs rgyas kyi chos kyi dbyings thog ma dang tha ma med pa bzhin du sems de'i dag pa dang sangs rgyas kyi yon tan gyi sa bon gyi gzhi nyid rang bzhin de/ dgyes pa'i rdo rje zhes bya ba'i skabs kyis sbyar te/ ye shes chen po de nyid dgyes pa'i rdo rje'o//dngos po kun la khyab pa ste/ /zhes pa ni bdag gi ye shes dngos po thams cad du snang ba'o/ /lus la gnas kyang lus skyes min/ /zhes pa la/ gang gi phyir lus las ma skyes she na/ ye shes las lus phyi rol na med pas so//ye shes kyi rnam pa lus ni brdzun pa nyid kyis yod pa ma yin pas skyed par byed pa nyid du mi rigs te/ khyab par byed pa yin yang dngos po thams cad las skyes pa ma yin no zhes don gyis bstan par 'gyur ro/ /gnyis kyis bsdus pa'i dngos po rnams med pas de'i snang ba rnams brdzun pa nyid do//lus la sogs pa snang ba ye shes nyid lus la sogs pa'i dngos po yin te/ rgyu dang 'bras bu'i dngos po 'jig rten dang dang bstan bcos rnams las rab tu grags pa ni ye shes 'di nyid do/ /lang kar gshegs pa las/ rgyu rkyen dag ni logs pa dang / /byed pa'i rnam par bkag pa na/ /sems tsam du ni rnam par gnas//nga ni skye ba med par sgra/ /zhes gsungs so/ /slob dpon klu grub kyi zhal snga nas kyang / chos rnams gang yang skye ba med/ /gang yang 'gag pa yod ma yin/ /skye ba dang ni 'gag pa dag/ /ye shes kho na 'ba' zhig go/ /zhes gsungs so/ /sems tsam ni rnam par rig pa tsam mo//chos ni rnam par shes pa las phyi rol gyi don to/ /ye shes nyid ces pa ni don byed pa'i rnam par shes pa nyid do/ /slob dpon klu sgrub kyi gzhung gis kyang ye shes kyi rnam par bden pa nyid du rnam par shes par bzhed pa yin zhe na/ ma yin te/ de gsungs pa/ 'byung ba che la sogs bshad pa//rnam par shes su yang dag 'du/ /de shes pas ni ldog 'gyur na/ /log par rnam brtags ma yin nam/ zhes so/ 'di'i don 'byung ba dang 'byung ba las gyur pa gang bstan bcos las gsungs pa de mi 'jig rten pa'i rnam par shes pas bsdus pa ste/ yang dag 'du shes pa ni des bsdus par gyur pa'o//rnam par shes pa tsam nyid 'byung ba dang 'byung ba las gyur pa'i rnam par snang ngo / /'byung ba chen po la sogs pa'i shes pa de 'jig rten las 'das pa'i ye shes la ldog par 'gyur zhes pa ni nub par 'gyur ba'o/ log par rnam pa rtags ma yin nam/zhes pa ni gang gi phyir brdzun pa nyid de/ 'byung ba chen po la sogs pa de 'khrul ba'i rnam par shes pas rnam par brtags pa ste/ de dang de'i rang gi ngo bo yod pa ma yin no/ /de'i phyir ma 'khrul ba'i ye shes la nub par 'gyur ro/ /de nyid kyis thams cad gnyis kyi tshul gyis yod pa ma yin la/thams cad gnyis su med pa gsal ba tsam gyi tshul gyis med pa ma yin no zhes bya ba 'di dbu ma pa dang rnal 'byor spyod pa ba rnams grub pa'i mtha' mtshungs na legs so/ /gzhan du ma gsum dang rnal 'byor spyod pa'i phyogs rnam pa bzhi ni tshad ma dang lung dang bstan bcos la mkhas pa rnams kyis sun phyung zin to//de yang ye shes chen po 'di lta bu ji ltar dgyes pa'i rdo rje yin zhe na/ shes rab chen po dang snying rje chen po'i rang bzhin yin no/ /de nyid gang las she na/ rnam pa thams cad du 'gro ba rnams la dus ji srid par phan pa sgrub pa dang / sangs rgyas kyi chos rnams dang /byang chub sems dpa'i chos rnams bsgoms pas thob par bya ba'i rang bzhin du gyur pa ste/ de'i snod nyid kyi rang bzhin yin pa'i phyir ro/ /gal te de ltar na rgyu'i rgyud nyid de yin na/ de ji ltar na thabs kyi rgyud yin bya zhe na/ 'di bden te/ gang de lus byin gyis rlob par byed nyid dang /khyab par byed pa nyid gsal ba tsam nyid dang / snang bar byed pa nyid dang / bde ba chen po nyid dang / sangs rgyas rnams kyi yon tan gyi snod nyid dang / theg pa chen po kun bsdus pa nyid dang rgyun du yid la byas na de bzhin gshegs pa thams cad kyis byin gyis rlob ste/ de nyid 'dir gtsor thabs kyi rgyud de yid la byed pa dang yid la bya ba dag gcig tu dbyer med par snang ba de nyid thabs kyi yin pas so//ye shes chen po 'di bsgom pa'i don du de'i phyag rgyas thams cad kyi byin gyis brlabs pa 'di lta ste/ phra mo ma lus pa'i hUM dang dbyangs dang zla ba dang thig le med pa dang / thig le yungs kar gyi 'bru tsam gyi phra mo dang / mchog tu phra ba'am/ 'khor lo bzhi'i dbyings yi ge bzhi [(]dgong [,]dgod [)]pa'o/ /phyag rgya'i phyogs 'di ni bskyed pa'i rim par 'gyur gyi rdzogs pa'i rim pa ni ma yin no zhe na/ de ma yin te/ bskyed pa'i rim pa'i sgras 'dir 'jig rten pa la grags pas ma yin gyi yongs su bshad pas bskyed pa yin no//de yang sngags dang phyag mtshan la sogs pa gyur pa las byung ba'i lha'i sku la bskyed par gsungs kyi sngags tsam ni ma yin no/ /de nyid rdzogs pa'i rim pa'i phyogs la ji skad du gsungs pa'i ye shes chen po nyid dgyes pa'i rdo rje ste/de byin gyis brlabs pas rang gi lus nyid rnal 'byor pa'i rdo rje'i lus so de nyid de'i rten gyi dkyil 'khor ro/ /brten pa'i dkyil 'khor ni rnal 'byor ma bco lnga'i rang bzhin gyi rtsa 'di dag tu shes par bya'o/ ci rtsa bco lnga nyid dam/ 'on te sum cu rtsatsa gnyis zhes mi shes pas dris pa/kye bcom ldan 'das zhes bya ba la sogs pa'o/ /rtsa sum cu rtsa gnyis zhes pas bco lnga nyid ma yin pa'o/ /gang las snyam pa la gsungs pa byang chub kyi sems sum cu rtsa gnyis 'bab pa zhes pa ste/ de'i phyir sum cu rtsa gnyis po 'di dag kyang rdo rje rnal 'byor ma'o/ bde ba chen po'i gnas ni mgo'i dbus las te lnga pa'i don la bdun pa'o/ /de las 'dzag pa ni 'bab pa ste/ dper na ri bo las chu 'bab pa bzhin no/ /de ltar mgo bo'i dbus las byang chub kyi sems 'dzag po/ /gal te rtsa sum cu rtsa gnyis yin na de rnams ji ltar rnal 'byor ma bco lngas bsdus she na gsungs pa/mdzes ma sdig pa spyod ngo bcud ma/ /gsum ni bdag med rnal 'byor ma'o/ /mi phyed ma dang phra thugs sam/ /gnyis ni rdo rje mar gsungs so/ /bzang mo g.yon pa ma gnyis gang / /gau rI'i ru ni gsungs pa'o/ /mi 'u 'thung ma dang rus sbal skyes/ /chu yi rnal 'byor mar gsungs so//sgom pa mo dang dbang bskur ma/ /rdo rje mkha' 'gro mar gsungs so/ /skyon ldan ma dang cher 'jugs ma/ /gnyis ni puk+ka sIr gsungs so/ /ma mo dang ni sa ba ri/ /ri khrod ma ru grags pa'o/ /bsil byin mdang drod byeng ma'o/ /de gnyis dag ni gtum mo'o//'bab ma dang ni tshim pa'i gdong / /gnyis ka g.yung mor 'dod pa'o/ /gzugs bzang ma dang thun mong ma/ /gnyis ni gau rI sgo srung ma'o/ /rgyu sbyin spyod bral ma gnyis ni/ /thub pas rkun mor gsungs pa'o/ /mdza' mo dang ni grub ma gnyis/ ro langs mar ni mngon par brjod//me ma dang ni yid bzang ma/ /gnyis po g+ha sma rIr shes so/ /gsum 'jug ma dang 'dod ldan ma/ /gnyis pos spyod mar 'gyur ro/ /khyim ma gtum mo bdud 'joms ma/ /gsum po mkha' spyod ma yin no/ /de bas na rnal 'byor ma bco lnga rnams kyis rtsa thams cad bsdus pa'o//de ltar yang sngags dang phyag rgya thams cad bsdus pa'i don gyi le'u las 'chad par 'gyur te rigs kyi le'u las rtsa rnams gang / bcu drug gnyis kyi bdag nyid gsungs/ /rnal 'byor ma ni re re zhing / /rtsa ni gnyis gnyis rim bzhin 'dod/ /la la nA dang ra sa nA/ a pa d+hU twi bdag med ma/ /zhes pa dang / byang chub sems ni zla bar gyur/ /bco lnga cha yi bdag nyid can/ /A li'i gzugs can bde ba che/ /rnal 'byor ma rnams de yi cha/ zhes so/ 'dir ni ji ltar dang po'i bdag med rnal 'byor ma rtsa gsum yin pa de bzhin du tha ma'i rnal 'byor ma mkha' spyod ma yang rtsa gsum yin no//zhes don gyis gsungs par 'gyur te/ gzhan du na rtsa gnyis shing rnal 'byor ma rnams kyis bsdus bar 'dod pa mi 'grub la/ byang chub kyi sems kyang sum cu rtsa gnyis 'bab pa zhes gsungs pas so/ /rnal 'byor ma'i rgyud las byang chub kyi sems sum cu rtsa gnyis su phye bas de rnams bde ba chen po'i 'khor lo nyid la gnas so//de yang so sor rtsa sum cu rtsa gnyis las byang chub kyi sems bde ba chen po'i 'khor lo yang 'bab bo/ /de bas na de rnams kyi gnas gang dang gang na gtsor gnas pa dang 'bab pa bshad par bya'o/ /rnal 'byor ma'i rang bzhin de rnams kyi dbye ba ni rgyud kyi dbye bas dbye bar bya ste rgyu thams cad mthun pa ma yin no//rtsa bran kun du rgyu zhing phan tshun rjes su 'gro ba yang gnas dang las ji ltar bstan pa las rig par bya'o/ /kha sbyor las/ skye gnas dbus su rtsa gnyis ni/ g.yon dang de bzhin g.yas pa las/g.yon nas khu ba shes par bya/ /g.yas pa las ni khrag nyid do/ /zhes gsungs so/ /yar kha sbyor dang rdo rje mkha' 'gro las gsungs pa/ rkan nas brtsams te g.yon pa nas/ /rtsa ni longs spyod sku dang ldan/ /lte ba'i dbus su ngal so ba/ /'og tu bltas to myong ba rgyud /lte ba las ni gyen tu rgyu/ /steng du khrag ni rgyu ba ste/ /mgrin pa'i dbus su ngal so ba/ /khrag rgyu bar ni rab tu grags/ /myos pa ces bya zla bar gsungs/ /khrag ces bya ba nyi mar bshad/ /zla ba dang ne nyi ma gnyis/ /rtsa gnyis su ni rab tu bshad//ces so/ yang kha sbyor las gsungs pa/ snying ga'i dbus gnas pad+ma ni/ /'dab ma brgyad pa lte bar ldan/ /de yi dbus na gnas pa'i rtsa/ /gsal ba mar me dag dang mtshungs/ kha ni 'og tu bltas nas 'phyang / /chung shing me tog lta bu ste/ /de yi dbus gnas dpa' bo ni//yungs kar gyi ni 'bru tshod tsam/ /gzhom du med pa'i yi ge hUM/ sa bon ba mo lta bu 'dzag/ /'gro dang 'ong bar byed pa 'di/ /thams cad lus la rnam par bcas/ /thung ngur yongs su grags pa yi/ /lte bar a yig gzugs kyis gnas/ /gug skyed gnyis dang ldan pa yi//hUM ni ring po gnyis kar gnas/ /gug skyed gsum dang ldan pa yi/ /mgrin par oM gyi rang bzhin gyis/ /sgra dang thig ler bcas pa yi/ dpral bar gzhom du med pa haM/ /rdo rje sems dpal gyi gzugs/ /ji ltar bde bar rnam par rol/ /phyogs bzhir rnam par gnas pa yi/'dab ma bzhi po rnams la yang / /mar me 'bar ba'i rang bzhin gyis/ /'byung ba chen po bzhi yi rtsa/ /zhes so/ de la rgyud 'di gsum gyis rtsa bstan pa la ji ltar gcig tu gsungs she na/ gal te 'dir ma gsungs pa de gzhan las grub pas de bas 'dir de la dgongs zhes bya ba'i don te la la nA dang /ras nA gnyis mgrin pa nas brtsams nas ji srid lte ba'i nang gi mthar thug pa ste/ g.yon pa dang g.yas pa'i phyogs kyi rtsa ni zla ba dang nyi ma zhes bya'o/ /lte ba'i 'og gi skye gnas kyi rtsa gnyis ni la la nA dang ras nA zhes bya ba de nyid do/ /snying ga'i rtsa lnga ni gsungs 'jug ma dang /'dod ldan ma dang khyim ma dang / gtum byed ma dang / bdud 'joms ma'o/ /gang yang kha sbyor las brgya nyi shu gsungs so zhe na/ 'khor lo bzhi'i dbye ba'o/ /'dir ni byang chub kyi sems kyi rang bzhin gyi rtsa'i mchog sum cu rtsa gnyis so/ /des na cung zad kyang mi 'gal lo/ /der ni grangs tsam ste/pad+ma'i 'dab ma la brten pa'i grangs kyi bshad pa ma yin te/ 'dab ma la brtan pa'i grangs kyi zhes bshad pa med pa dang / snying ga'i pad+ma'i dbus kyi rtsa zhes kyang gsungs pas so/ /de la mi bskyod pa rgyu ba ni la la nA nyid do/ /ras nA nyid nas gtsor khrag rgyu'o/ /de nyid kyi gsungs pa//de rnams kyi nang nas zhes bya ba la sogs pa'o/ /shes rab rang bzhin gyi zhes pa ni gtsor zla ba rgyu ba nyid do/ /thabs kyi zhes pa ni thabs kyi ngo bo ste khrag rgyu ba nyid do/ /a bad+hU tI gzung ba dang 'dzin pa spangs pa zhes bya ba ni rnam par rtog pa btang pa nyid kyis a bad+hU tI ste gnyis su med pa'i byang chub kyi sems tsam 'bab pas na gzung ba dang 'dzin pa spangs pa'o//dbus phyogs su zhes pa ni yang dag gnas zhes bya bar sbyar ro/ /dbus phyogs gang na zhe na mgo bo dang lkog ma dang snying ga dar lte ba dang / gsang ga cas kyi dbus su'o/ /'dir rtsa'i gtso bor gsum ni bdag med rnal 'byor ma'o//mtha' ma'i khyim ma la sogs pa gsum ni mkha' spyod ma'o/ /lhag ma rtsa zung bcu gsum ma ni gau rI la sogs pa'i rnal 'byor ma rnams so/ /de la rtsa gang las gang skye zhing rgyas pa'am/ 'gro ba ji ltar rigs par de dang de las rgyu ba ste/ mi byed ma ni mgo bo la gnas te/ /sen mo dang so 'byung ba'o//phra gzugs ma ni spyi gtsug na gnas te skra dang spu 'byung ba'o/ /bzang mo ni rna ba g.yas na gnas te pags pa dang dri ma 'byung ngo / /g.yon pa ma ni rgyab na gnas te sha 'byung ba'o/ /mi'u thung ma ni rna ba g.yon la ste rtsa rgyus 'byung ba'o/ /rus sbal skyes ni smin mtshams na gnas te skal tshigs 'byung ba'o//sgom pa mo ni mig gnyis la ste mkhal ma 'byung ba'o/ /dbang bskur ma ni dpung mgo la ste snying 'byung ba'o/ /skyon ldan ma ni mchan khung gnyis na ste mig gnyis 'byung ba'o/ /rnam par gnas ma ni nu ma gnyis la ste mkhris pa 'byung ba'o/ /ma mo ni lte ba la ste glo pa 'byung ba'o//ri khrod ma ni sna'i rtse mo la ste rgyu ma'i phreng pa 'byung ba'o/ /bsil sbyin ma ni khal ste rtsib ma'i shun pa 'byung ba'o/ /dro ba ma ni ske la ste lto ba 'byung ba'o/ /la la nA dang a bad+hU tI dang ras nA 'di gsum sngar bshad do/ /rab kyi chal ma ni snying ga la ste bshad pa 'byung ba'o//dga' ma ni mtshan ma dang mtshog/ ma'i srubs 'byung ba'o/ /gzugs bzang mo ni chu so na ste bad kan 'byung ba'o/ /thung mo ma ni bshad ba'i lam na ste rnag 'byung ba'o/ /sgyu sbyin ma ni brlab ste khrag 'byung ba'o/ /sbyor bral ma ni rje ngar gnyis la ste rdul 'byung ba'o//mdzad mo ni rkang pa'i sor mo rnams la ste tshil 'byung ba'o/ /grub ma ni rkang pa'i bol la ste mchi ma 'byung ba'o/ /me ma ni rkang pa'i mthe bol ste lud pa 'byung ba'o/ /yid bzangs ma ni pus mo gnyis la ste kha chu dang snabs 'byung ba'o/ /snying ga'i pad+ma'i ge sar dang phyogs kyi 'dab ma rnams la gsum 'jug ma dang /'dod ldan ma dang / khyim ma dang / gtum byed ma dang / bdud 'joms ma rnams ni go rims ji lta bar shes par bya'o/ /rtsa sum cu rtsa gnyis po 'di dag gi rang bzhin ji lta bu lags zhes pa ni zhus pa'o/ /gang zhu ba'i bsam pa ni gal te rtsa 'jig rten la grub pa'i tshul gyis bsgom par bya na ni de'i cha de bsgoms pas dge ba tsam yang ma yin na byang chub kyi lam du 'gyur ba lta ci smos/yang na gnyis su med pa gsal ba'i rang bzhin gyis bsgoms na de'i cha yang longs spyod rdzogs pa'i sku'i mtshan nyid rnal 'byor ma'i dkyil 'khor du 'gyur pa ma yin no snyam pa la/srid gsum yongs su gyur pa zhes pa ste/ sangs rgyas thams cad kyi chos rnams ro gcig pa'i rang bzhin chos kyi sku srid pa gsum mo/ /der yongs su gyur pa ni der song ba'o/ /thams cad ces pa rtsa thams cad do/ /gang gi phyir gzung ba dang 'dzin pa spangs pa zhes pa ni gnyis su med pa gsal ba'i rang bzhin zhes bya ba'i don to//yang na zhes bya ba'i sgra ni yang gi don te de ltar yang yin na zhes bya ba'i don to/ /dngos po'i mtshan nyid 'jig rten la grub pa'i rtsa rnams de bzhin gshegs pa thams cad kyis rgyas btab cing brtags pa des so//de kho na nyid ces she na/ thabs thams cad kyis te 'gro ba'i don gyi rgyus longs spyod rdzogs pa'i sku sangs rgyas kyi chos rnams rab tu spros pa'i thabs te de kho na nyid nges so/ /gang de ltar na de nyid rnal 'byor ma rnams ni rtsa de rnams nyid do/ des na 'dir rtsa'i 'khor lo nyid rnal 'byor ma'i dkyil zhes rab tu bsgrubs so//de ltar rang gi lus la gnas pa'i ye shes chen po nyid ni dgyes pa'i rdo rje'i/ /rang gi lus kyi rtsa'i 'khor lo nyid ni de'i rnal 'byor ma'i dkyil 'khor ro/ /mchog tu zab pa'i rdzogs pa'i rim pa gsungs nas/da ni mchog tu zab pa ma yin pa'i rdzogs pa'i rim pa rnam pa mang du bstan par bya ba'i phyir gsungs pa/ sdom pa'i dbye ba zhes bya ba la sogs pa'o/ /phyi rol gyi chos rnams tshul gzhan gyi nang du chud par gang rnal 'byor pas blta ba'am nges par bya ba gang yin pa de ni phyi rol de rnams kyi sdom pa ste/skus yang dag par bsdus pa nyid dam mchog mdor bsdus pa yin pas so/ /de'i dbye ba ni rnam par du ma ste/ A li dang / kA li dang zla ba dang nyi ma dang / shes rab dang thabs so/ /A li ni dbyangs yig bco lnga'o/ /kA li ni gsal byed sum cu rtsa bzhi'o/ / 'dir de rnams bsdus pa ni lte ba' a dang snying ga'i hUM nor bu'i rtse mor song ba ste/ go rim ji lta bas A li dang / kA li'i de nyid zla ba nyi ma dang shes rab dang thabs dang bdag med ma dang he ru ka'i rang bzhin no/ /de nyid rdo rje'i rtse mor phyin pa ni dgyes pa'i rdo rje'i rnal 'byor pa'i dam tshig dang phyag rgya chen po ste/phul du byung ba yin gyi sku gnyis ni ma yin no zhes bya ba'i don to/ /chos dang longs spyod rdzogs pa dang / sprul pa zhes pa ni chos kyi 'khor lo dang / longs spyod rdzogs pa'i 'khor lo dang sprul pa'i 'khor lo ste/ sku dang gsung dang thugs zhes bya ba ni de gsum nyid 'khor lo rnams dang go rims bzhin sangs rgyas thams cad kyi sku dang gsung dang thugs kyi gsang ba zhes bya ba'i don to//de gsum nyid de bzhin gshegs pa'i gsang ba rnams bla na med pa'i bde ba ro gcig pa nyid kyis yongs su shes pa ni bde ba chen po'i 'khor lo bzhi pa'o/ /de ltar na 'di rnams kyi gnas gang du shes par bya zhe na/go rims ji lta bar lte ba dang snying ga dang lkog ma dang skye gnas dang mgo rnams su'o/ /de ltar yang 'chad par 'gyur te/ sngags dang phyag rgya thams cad bsdus pa'i le'u las/ lus kyi dbus su rnal 'byor ma/ a zhes bya ba'i sdom pa gnas/ /ji ltar phyi rol de ltar nang //sdom pa yang dag gsal bar byas/ /rdo rje bde ba phyag rgya che/ /rdo rje skye mched thabs nyid do/ /gsang bar 'di gnyis snyoms 'jug pas/ /phyi rol gnyis gnyis nges bstan to/ /sku gsum lus kyi dbus su ni/ /'khor lo'i gzugs kyis bshad par bya//sku gsum yongs su shes pa ni/ /bde ba chen po'i 'khor lor 'dod/ /chos dang longs spyod sprul pa dang / /de bzhin bde ba chen po nyid/ /skye gnas snying mgrin mgo bo la/ /sku gsum po ni rnam par gnas/ /zhes so/ 'dir yang sku gsum gyi rjes la de dag yongs su shes pa dang bcas pa zhes shugs kyis shes par bya'o yang 'khor lo 'di rnams kyi rang bzhin ci zhe na gsungs pa/e baM mA ya zhes pa'o/ /sprul pa dang chos dang longs spyod rdzogs pa dang / bde ba chen po'i 'khor lo rnams go rims bzhin e baM mA ya'i rang bzhin te/spyan la sogs pa'i lha mo bzhin zhes bya ba'i don to/ /de gnyis kyi gsungs pa/ e zhes bya ba la sogs pa'o/ /'di dag rnam pa ji lta bu zhe na/ sprul pa zhe bya ba la sogs pa'o/ /dang po'i de nas la bdun pa ste/ pad+ma 'dab ma drug cu rtsa bzhi ni sprul ba'i 'khor lo'o zhes bya ba'i don to//de ltar lhag ma gsum la yang brgyad ces pa ni 'dab ma brgyad do/ /bcu drug ces bya ba ni 'dab ma bcu drug go/ /sum cu rtsa gnyis zhes pa ni de 'dab ma cu bcu rtsa gnyis so/ /de ltar na pad+ma 'di rnams kyi dbus su lha gang zhig blta bar bya zhe na/ a dang hUM dang oM dang haM go rims bzhin no//de la bde ba chen po'i pad+ma kha thur du bltas pa la/ yi ge haM yang de'i dbus su thur du bltas pa las bdud rtsi'i khu pa 'dzag pa'o/ /'khor lo zhes bya ba la sogs pa la grangs kyi rim pas snyi 'khor lo'i grangs kyi rim pas skad cig ma la sogs pa rnam par gzhag go/ / ci grangs kyi rim pas gzhag gam/ nges par rim pa gzhan gyis she na/ 'og nas 'chad par 'gyur pa'i grangs kyis so/ /de la rnam pa sna tshogs pa la sogs pa'i skad cig gi mtshan nyid ni brtags pa gnyis pa'i le'u gsum las shes par bya'o/ /'phags pa'i bden pa bzhi zhes pa ni/'phags pa'i bden pa'i yul la rnal 'byor pa'i sdug bsngal shes par bya zhes pa la sogs pa las so/ /de gsungs pa/ sdug bsngal zhes bya ba la sogs pa la/ sdug bsngal yongs su shes par bya/ kun 'byung spang bar bya/ 'gog pa mngon gsum du bya ba dang / lam bsgom par bya zhes bya ba'i don to//bdag nyid de kho na ste rnam par rig pa tsam nyid do/ /lha'i de kho na nyid de dgyes pa'i rdo rje la sogs pa'o/ /sngags kyi de kho na ste a la sogs pa'o/ /ye shes nyid de kho na ste spros pa med pa bla na med pa'i ye shes so/ /dga' ba bzhi'i mtshan nyid ni le'u brgyad pa dang bcu pa las ston to/sde pa ni dge slong gi dge 'dun ste brtags pa gnyis pa'i le'u bzhi pa las 'chad de/ gnas brtan sprul pa'i 'khor lo la/ /sprul pa gang phyir gnas brtan yin/ /thams cad yod pa chos 'khor lo/ /chos kyi smra ba yang dag 'byung / /mang pos bkur pa longs spyod la//gang phyir gsung gi yang dag rigs/ /dge 'dun phel chen mgo bo la/ /bde chen 'khor lor yang dag gnas/ /zhes so/ /de ltar thams cad bzhi bzhi'o/ /zhes bya ba ni gang 'os gnas 'chad par 'gyur ba ni rim pa gzhan du bsgyur bas dge 'dun phal chen zhes pa'i rjes la blta bar bya'o//de ltar bzhi po thams cad 'khor lo bzhir lhag par mos par bya'o zhes bya ba ni nye bar bsdu ba'o/ /de ni gzugs med pa nyid dang / gsal ba tsam dang / sngags ma lus par skyed par byed pa yin pa'i phyir lus kyi rlung de nyid rdo rje 'dzin pa'i sku dang dgyes pa'i rdo rjer lhag par mos par bya ba de'i nye bar mtshon par byed pa'i rnal 'byor gyi dbang du byas te gsungs pa/zla ba dang nyi ma zhes bya ba la sogs pa'o/ /zla ba dang nyi ma dang A li dang kA li zhes pa ni mgrin pa nas brtsams te lta ba'i mthar thug par g.yon phyogs kyi rtsa 'og tu bltas pa gang yin pa'i rtsa de ni zla ba dang A li ste byang chub kyi sems rgyu ba nyid do//gang lte ba'i steng du kha gyen du bltas pa lkog ma'i mthar thug pa g.yas phyogs kyi rtsa de ni nyi ma kA li ste khrag rgyu ba nyid do/ /de la g.yon pa'i rtsa de ni 'jug pa'i lam byed do/ /g.yas pa'i rtsa de ni 'byung ba'i lam ste sna'i bu ga gnyis ka sgo'o//'pho ba bcu drug ces pa ni sna'i bu ga de gnyis nyid nas thun phyed phyed rgyu'o/ /nyin mtshan gyi 'pho ba bcu drug rgyu 'gyur ro/ /dbyu gu drug cu rtsa bzhi zhes pa ni nyin mtshan gyis so/ /dbyu gu gnyis ni chu tshod ngo / /chu tshod sum cu rtsa gnyis su nyid mtshan nyid kyi so//thun gyi bzhi cha ni chu tshod ngo / /thun gzhi zhes pa ni nyin mo'am mtshan gcig la ste nyin zhag gcig bzhi brgya do/ /de la tshigs su bcad pa ni/ mtshan mo thun bzhi nyin mo ste/ /thun gcig bzhi cha chu tshod do/ /dbyu gu gnyis pa chu tshod gcig /sna bug gnyis nas 'gro 'ong rlung //dbugs drug gis ni srog gcig ste/ srog de lnga bcu thams pa dang / dbugs ni gsum dang bzhi cha gsum/ /byang dang lho ru 'gro ba yis/ /nyin mtshan dang po dag la'o/ des na nyin mtshan 'phel 'gyur pa/ /ji srid 'gro gzhan dang po'i bar//de bzhin nyin dang mtshan du gang / /nyin re bri ba dbyu gu'o/ /drag po bzhi char bcas pa'i dbyugs/ /'pho ba so so'i 'phel 'grib la/ /sum cha bzhi cha drug cha'i dbugs/ /nyin dang mtshan du byed pa yin/ /de ltar 'dir rtsa gnyis su rlung 'gro ba nye bar mtshon pas dkyil 'khor 'pho ste/ji skad du kha sbyor las/ /mi nyid dang ni rlung dang ni/ /dbang chen dang ni chu nyid kyis/ /dkyil 'khor de la kun tu rgyu/ /steng dang brtsegs dang thad ka 'og /dbang chen gyi ni rgyal por 'gyur/ /chu yis don rnams yang dag 'byung / /mi yis 'chi bar 'gyur pa ste//rlung gis nor rnams zad par byed/ ces so/ /de la sogs pa'i brjod par bya ba shin tu mang mod kyi tshig mangs su dogs pas gzhag go/ /dbugs 'byung ba dang rngub pa dran pa rnam pa drug bshad par bya ste/ sems brtan par bya ba'i phyir rlung las rnam par rgyal bar bya'o//ji skad du chos mngon pa las/ bgrang dang rjes su 'jug dang gzhag /mtshan nyid de nas rnam ldog dang / /yongs su dag dang de bzhin drug /'jug dang 'byung ba dran par 'dod/ /ces bya ba la 'jug pa ni dbugs rngub pa ste 'jug pa'i rlung ngo / /'byung ba ni 'byung ba'i rlung ngo //de la dmigs pa'i shes rab ni 'jug pa dang 'byung ba dran pa ste/ dran pa'i rgyu nyid la dran pa zhes brjod do/ /de la bgrang pa zhes bya ba ni lus dang sems rnams las sems bkug ste/ sems dbugs rngub pa dang 'byung ba tsam du gtad de bgrang bar byed pas gcig dang gnyis dang ji srid du bcu'i bar du ste de ltar yang nas yang du bya'o//'di la skyon gsum ste/ grangs ma tshang ba ni gal te gnyis la gcig tu 'dzin pa'o/ /lhag par bgrang pa ni gal te gcig la gnyis su 'dzin pa'o/ /'dren mar bgrang ba ni gal te dbugs rngub pa la 'byung bar 'dzin pa dang 'byung ba la rngub bar 'dzin pa'o//de las gzhan pa ni yang dag par bgrang pa ste/ rnam par g.yeng pas bar du chod na yang dang po nas bgrang bar bya ste/ ji srid ting nge 'dzin thob kyi bar du'o/ /rjes su 'jug pa zhes bya ba bsgrim pa med par rlung 'jug pa ste lkog ma dang snying ga dang / lte ba dang rked smad dang /brla dang rje ngar gyi ram gyis 'jug ste/ ji srid rkang pa'i bar du 'jug go/ /'byung ba ni mtho gang do dang ji srid 'dom gyi bar du'o/ /gzhan pa zhes pa ni sna'i rtse mo nas ji srid rkang pa'i mthe bong gi bar du gzhag pa ste/ nor bu'i phreng ba bzhin mthong ba'o/ /'dir phan 'dogs pa dang nye bar 'joms pa dang grang ba dang dro ba ji lta bu yin pa mthong ba'o//mtshan nyid ces pa ni 'dir rlung 'ba' zhig la ma yin te/ 'byung ba chen po bzhi dang / 'byung ba las gyur pa dang / sems dang sems las byung ba dang / phung po lnga nye bar brtag pa'o/ /rnam ldog ces pa ni rlung la dmigs pa'i blo bzlog ste gong nas gong du dge ba'i rtsa ba rnams la yang dag par sbyor ba ste/ji srid chos kyi mchog dang sbyor ba dang po'i bar du'o/ /yongs su dag pa ni mthong ba'i lam la sogs pa dang / dkyil 'khor rgyal po mchog la sogs pa la yang dag par sbyor ba'o/ / da ni byang chub kyi sems nyid dgyes pa'i rdo rjer lhag par mos par bya ba'i phyir de'i rgyu la sogs pa'i gnas skabs nye bar mtshon par byed pas nang gi rnal 'byor brtan pa dang lte bar gnas pa'i gtum mo la snying ga nas phab pa'i dgyes pa'i rdo rje'i sa bon dang thig le la sogs pa'i tshul gyis yang dag par sbyar te byang chub kyi sems kyi sreg rdzas kyi nang gi bdag nyid kyi sbyin sreg bshad pa'i phyir gsungs pa/gtum mo zhes bya ba la sogs pa'o/ /dang po'i yi ge a lte ba'i gnas na rtag tu gnas pa ni bcom ldan 'das bdag med pa gtum pa nyid kyis gtum mo'o//'bar ba zhes pa ni 'dod chags kyi me'i rang bzhin nyid do/ /sreg zhes pa ni sreg par byed pa'o/ /lnga zhes pa ni rnam par snang mdzad dang mi bskyod pa dang / rin po che dang tshe dpag med dang don yod grub pa'o/ /spyan la sogs pa zhes pa ni spyan dang / mA ma kI dang / gos dkar mo dang sgrol ma'o//'di dag ji ltar sreg ce na/ phyogs bcu nas 'di rnams rang gi snying ga'i sa bon gyi 'od zer gyis bkug ste bde ba chen po'i 'khor lor bsdus nas tsaN+DalI langs te 'bar ba'i 'od kyis de rnams bsregs pa'o/ /kha sbyor las gsungs pa/ rnal 'byor pa'i chos dang longs spyod rdzogs pa dang bde ba chen po'i 'khor lo dang phyogs bcu'i de bzhin gshegs pa rnams kyi bde ba chen po'i 'khor lo bsreg go zhes gsungs kyang rgyud 'di la ma gsungs te/de bzhin gshegs pa lnga la sogs pa bsreg go zhes gsungs kyi/ chos kyi 'khor lo la sogs bde bsreg bar ma gsungs pa nyid do//bsregs bas nyaM las zla ba 'dzag/ ces pa de ltar bsregs nas dgyes pa'i rdo rje dang bcas pa ste/ rang gi gnas su 'ongs nas tsaN+DalIs bgros pas zhu ba des tshim bar bya ba'i bde ba chen po'i 'khor lo der gnas pa'i haM las ye shes kyi chu 'dzag ces bya ba'i don to//rdo rje'i rigs zhes pa lhan cig skyes pa'i ye shes chen po'i rang bzhin dgyes pa'i rdo rje nyid do/ /de'i rigs ni khyim ste rnal 'byor pa rnams kyi rang gi lus so/ /de bzhin du gang sgom bar byed pa de 'dir rdo rje rigs la dmigs bar byed ba de nyid rdo rje'i rigs zhes bya'o/ /de gsal bar byed pa'i le'u la rdo rje'i rigs kyi le'u zhes gtso bo'i sgo nas bstan te//dgyes pa'i rdo rje'i dka' 'grel mu tig phreng ba las le'u dang po'i bshad pa'o// //nus pa rnam pa mang shes dang / /rengs dang skrod par byed pa dang / /sde rengs byed dang mngon spyod dang / /zhes gsungs pa de'i dbang du byas te le'u gnyis pa gsungs pa sngags kyi le'u zhes pa'o//de kho na nyid kyi don shes par byed pa dang / 'gro ba skyes par byed pas sngags te/ ting nge 'dzin las skyes pa'i byang chub sems zhes bya ba'i don to/ /sngags kyi rgyu mthun pas sngags te oM la sogs pa'o/ /de gsal bar byed pa'i le'u la yang de skad ces bya'o//bshad pa zhes pa ni bshad par bya'o/ /dbang po la sogs pa de dag 'khor dang bcas pa ni 'byung bo thams cad de lha de dag gi 'di yin pas 'byung po thams cad pa'o/ /gtor ma ni mchod pa'i yo byed do/ /de'i don gyi sngags ni/ sarba d+har+m+ma NAM zhes pa ni mchod par bya ba dang /mchod par byed pa dang / mchod pa la sogs pa 'dus byas rnams zhes bya ba'i don to/ a kA ro mu khaM zhes pa ni a ni don rnams kyi de kho na nyid kyi ye shes kyi dang po zhes bya ba'i don to/ /gang las she na gsungs pa Ad+ya nu twa na na twA ta/ ces pa ni de rnams ni gzod ma nyid nas skye ba med pa ste/gzung ba dang 'dzin pa'i rang bzhin gyis rtag nyid du skye ba med pa yin la/ rtag tu skye ba med pa ni 'di rnams kyi de kho na'i ye shes te de'i dang po zhes bya ba'i don to/ /de nyid kyis yang oM AHhUM zhes pa ni mchod par bya ba dang / mchod par byed pa dang 'brel ba'i lus ngag yid gsum dang de bzhin gshegs pa'i sku gsung thugs thams cad mnyam pa nyid kyi ye shes zhes bya ba'i don to//de la 'di thams cad don gyi stong pa'i yid 'di nyid ni oM mo/ /de'i yang sems tsam snang bas stong pa nyid kyi rang bzhin du zhen pa dang tha snyad yang dag par mtshon pa nyid dang bcas pa ni AH'o//don dam pa rnam par dpyad pas zhen pa de las 'das te don dam pas mthong na ni hUM ngo / /de ltar na der sems tsam gzus ba dang 'dzin pa'i rtog pa med pa de'i snang ba thams cad nub pa gnyis kyis stong pa nyid nges par spyad pa'i brjod pa dang bral ba yin yang mchog tu gsal zhing sku dang gsung dang thugs thams cad ro gcig tu snang ngo //de bas na 'di sku yang yin la gsung yang yin zhing thugs kyang yin pas hUM ngo / /sna tshogs pa'i rtog pa rnams bsal ba'i don ni phaT do/ /de bzhin gshegs pa rnams kyi zhes pa ni rnam par snang mdzad dang /rin chen dbang dang snang ba mtha' yas dang don yod grub pa dang mi bskyod pa rnams kyi rim bzhin no/ /blo tsam du dmigs pa'i yid ni b+h+rUM mo/ bdag nyid dang sangs rgyas thams cad mnyam pa yid ni AM ngo / 'gro ba rnams dag par dmigs pa'i dbang phyug gi yid ni dzrIM ngo //spros pa rnams kyis nam mkha' khyab par byed pa'i yid ni khaM ngo / /'di sku yang yin zhing gsung dang thugs kyang yin pas hUM ngo / /de ltar yang gsungs pa/ hUM ni sku dang gsungs dang thugs/ /rdo rje mi phyed gsum 'byung ngo / /zhes so/ /thams cad dbang du bsdus nas mngon par rol bar byed cing bzang bas ni de pa'o//pi tsu ni phul du byung ba'i 'dab pa la te thabs rjes su 'dzin par byed pa nyid kyis 'di 'dab pa la dang mthun pas pi tsu'o/ /gdug pa rnams tshar gcod par byed pa nyid kyis 'di rdo rje dang chos mthun pas pi tsu badzra'o/ /sngags kyi tshigs thams cad la zhes bya ba ni dgyes pa'i rdo rje'i zhes bya ba dang sbyar ro//nges pa 'di ni dgyes pa'i rdo rje'i sngags rnams kyi yin pas du ma dang rmongs pa bsal bar bya ba'i don du'o/ gzhan du ni ji ltar rigs par sbyar ro/ dang po oM dang tha mar swA hA dang zhes pa ni dang por oM yang yin la mtha' mar swA hA yang yin zhing hUM phaT dang smel ba yang yin te/hUM ni gsum mo/ /gzhan phaT gcig ni hUM phaT do/ /des smel te swA hA sgra'i gong du gzhug go/ /de la sngags rnams kyi thog mar oM mo/ /yid tsam du mthong ba las byung ba nyid kyis de nyid la bstod pa'o/ /mtha' mar swA hA sgras de nyid la mchod pa'i don to//hUM ni gdug pa can rnams tshar gcod par byed pa'i don to/ /phaT ni gdug pa can rnams gsod pa'i don to/ /a ka tsaT ta pa la ya sha zhes pa ni sde tshan brgyad kyi yi ge dang po rnams so/ /rnal 'byor ma rnams kyi zhes pa ni bdag med ma dang / rdo rje mA dang / nang gi gau rI dang /chu'i rnal 'byor ma dang / rdo rje mkha' 'gro ma dang / puk+ka yI dang / gtum mo dang / ri khrod ma dang / g.yung mo dang / phyi'i gau rI ma dang / rkun mo dang / ro langs ma dang / g+ha sma rI dang / sa spyod ma dang / mkha' spyod ma rnams go rims bzhin no/ /phyag gnyis bar zhes pa ni/ dgyes pa'i rdo rje zhes bya ba dang 'brel to/ /tshangs pa dang dbang po dang / khyab 'jug dang / drag po la sogs pa 'jig rten kyi gtso bo rnams ni tri lo kyA'o/ /de la kle pa zhes pa ni tshar gcod par byed pa'o/ /dzA la zhes pa 'bar ba'o/ /gdug pa can rnams sreg par byed pa'i phyir skyo ro/ /kiTi kiTi zhes skad kyi byings las 'gro ba'i don to//de dang der 'gro zhing 'gro bar byed pas kiTi ste sems cad thams cad do/ /de'i kiTi zhes pa ni skyabs so/ /kiTi kiTi zhes bya ba 'di yang sems cad rjes su 'dzin par byed pa nyid do/ /rdo rje zhes pa yang gdug pa chad pas gcod par byed pa nyid do//des na kiTi kiTi badzra zhes bya'o/ /sa sbyong bar byed pa ni dkyil 'khor bris pa la sogs pa'o/ /rengs par byed pa ni rengs par byed pa'i don gyi sngags so/ /de bzhin du gsod par byed pa'i par ni gsod par byed pa'i don du'o/ /ku ru ku l+le zhes pa ni lha mo sgrol ma sku gzhan du 'byung ba'o//de'i sngags de yang khyad par du dbang byed pa'o/ rengs par byed pa la sogs pa 'di dag nyid bzlas pa dang / sbyin sreg dang / 'khrul 'khor la sogs pa'i sbyor ba rnams kyi ji ltar rigs par bya'o/ /rab tu sbyor ba de rnams kyang dpal gsang ba 'dus pa dang dpal rdo rje mkha' 'gro la sogs par blta'o//rgyud 'dir ni rnal 'byor gtso cher byed pa yin pas las kyi tshogs rgyas par med do/ /rgyud gzhan yas rnyed sla ba nyid kyis bdag gis kyang 'dir ma bshad do/ /a bu zhes bya ba ni yi ge 'di gnyis yid kyis dmigs la de yongs su gyur pa las mtha' yas pa sgom zhes bya ba'i don to//mtha' yas kyi gzugs brnyan bya zhes pa ni sa de nyid las klu'i rgyal po mtha' yas kyi gzugs brnyan bya zhes bya ba'i don to/ /dgang bar bya zhes pa ni mtha' yas so/ /dkri bar bya zhes pa kham bor kha sbyor ro/ rdzing bu bya zhes pa ni brkos te chus dgang bar bya'o/ / gzhag par bya zhes pa ni gang du zhe na chu de nyid kyi dbus su'o/ /mtha' yas mnan pa ni zhes pa ni gang gis mtha' yas mnan pa de la de skad ces bya'o/ /dregs shing zhes pa ni nga rgyal dang bcas pa'o/ /khros pa ni khro pa dang ldan pas so/ /sems ni bsam pa'o/ /de dag kyang oM zhes bya ba la sogs pa ste/rgyud 'dir g+hu ru la sogs pa drug la na gnyis gnyis su brjod do/ /a nan+ta klo b+he karA ya nA gA ti pa ta le zhes pa ni bod pa'i bzhi pa'o/ /he zhes bya ba ni smyan drang pa'o/ /he zhes bya ba ni spyan drang pa'o/ /he ru ka zhes pa ming ngo / /'dir he ru ka'i sgra yod pa ma yin te/ he dang ru gnyis lan gnyis su bya'o zhes gzhan re ther ro//phuHni lan brgya brjod par bya'o/ /hUM ni lan gsum mo/ /sngags 'di bzlog ste bzlas so zhes pa ni swA hA phaT hUM hUM hUM/ g+hu Tu g+hu Tu/ g+hu ru g+hu ru/ oM zhes bya ba'i bar du'o/ /a ra dza ga zhes bya ba ni pa na sa'o/ /des zhes pa ni rdo rgyus so//bsgrub par bya zhes pa ni bsgrub par bya'o/ /bskor bar bya zhes pa ni rdo rgyus [(]gyi [,]kyi [)]ri mos so/ /de'i tshe 'di dpung thams cad la zhes pa'i ni ske la snang bar 'gyur ro/ /gcad par byas na zhes pa ni bum pa'i ske'o/ /tshangs ma ni shing pA la sha'o/ /rgyal la bsgrub ces pa ni h+yal la blangs pa'o//'dus byas pa ni mngon par 'du bya ba'o/ /skyug par 'dod na zhes pa ni skyug par byed 'dod pa'o/ /blta zhes pa ni bsgom par bya ba'i don to/ /bud med dbang du bya bar 'dod na zhes pa ni dang po'i don la bzhi pa'o/ /thig le bya ste zhes pa ni dpral bar byas na zhes bya ba'i don to//yang dag par gnas zhes pa ni mi g.yo pa'o/ /ji ltar mi g.yo bzhin/ rengs par byed pa'i cho ga ste brgya rtsa brgyad bzlas pa'am stong rtsa brgyad bzlas pas so/ /mtshan mo'i dus la zhes pa ni de la bcu gsum ma ma bdun pa'i nyi ma nub nas bya'o/ /rengs pa la sogs pa'i cho ga la gtso bor gyur pas lha mo bdun gyi rnal 'byor gsungs pa//rdo rje ma zhes bya ba la sogs pa la drug pa mi mngon par byas pa'o/ /bdag med ma zhes pa ni bdag med mas bya'o/ /sngags gsal bar byed pa'i le'u ni sngags kyi le'u'o/ /dgyes pa'i rdo rje'i dka' 'grel mu tig phreng ba las le'u gnyis pa'i bshad pa'o// //lha'i le'u zhes bya ba ni dgyes pa'i rdo rje dang rdo rje rnal 'byor ma rnams te lha de rnams kyi le'u'o/ /ji ltar de rnams kyi yin zhe na/ /ji lta bzhin du dgyes pa'i rdo rje bskyed pa'i rnal 'byor gong nas gong du rgya cher 'di las dngos su bstan pa de nyid kyis lha mo'i sbyor ba rnams kyang yang dag par ston pas so//de la dang po dgyes pa'i rdo rje'i rnal 'byor gyi dbang du byas te gsungs pa/ dang por zhes bya ba la sogs pa'o/ /dang por zhes bya ba ni snying rje la sogs pa la ltos pas dang po nyid do/ /kun gyi thog mar gnas dang bdag nyid bsrung bar byas nas bsam gtan gyi khang par zhugs te stan bde ba la 'dug la bris sku la sogs pa'i bcom ldan 'das kyi sku mdun du byas la de la mchod pa byas nas ar+g+haM la bzlas pa byas te/skyil mo krung bcas te dran pa mngon du bzhag nas sdig pa bshags pa dang / bsod nams kyi rjes su yi rang ba dang skyabs su gsol ba dang /byang chub du sems bskyed la/ de nas byams pa bsgom par bya ste/ sems can thams cad la bde ba dam pa thob pa ba 'dun pa ni byams pa ste skad cig dang po la bsgom par bya'o/ /skad cig gnyis pa la snying rje bsgom par bya ba ni de rnams nyid la sdug bsngal thams cad dang bral bar bsgom mo//gsum pa la dga' ba na de rnams nyid la bde ba thob pa rnams 'khor ba ji srid bar du mi 'bral bar bsgom par bya'o/ /kun kyi mthar ni btang snyoms te/ de rnams nyid la nyon mongs pa la sogs pa'i mi dge ba'i phyogs thams cad zad par bya ba'i phyir 'jig rten dang 'jig rten las 'das pa'i dge ba'i phyogs ma lus pa nye bar gtong bar byed pa bsgom par bya'o//de ltar tshad med pa bzhi po 'di rnams bsgom par bya'o/ /ci'i phyir zhe na/ /byang chub kyi sems la sogs pa'i dge ba'i rtsa ba thams cad brtan par bya ba'i don dang //gnod sems dang rnam par 'tshe ba la sogs pa'i skabs mi dbye ba'i phyir dang / ngan 'gro'i sdug bsngal dang bdud dang theg pa dman pa las bdag nyid bsrung pa'i don du 'di dag ni rnal 'byor pa rnams kyi dang po'i yan lag te rnal 'byor pa thams cad kyi thun mong ngo / /rnal 'byor dang po'i lus ni rdo rje bzhi ste//de gsungs pa de nas zhes pa la sogs pa'o/ /de nas yang zhes pa ni de nas yang phyir bsgom par bya ba zhes bya bar sbyor ro/ /ci bsgom par bya snyam pa la gsungs pa/ stong pa'i byang chub ces pa la sogs pa'o/ /rnam par rig tsam phyi mtshan nyid dang bzhin sna tshogs pa de nyid gzung ba dang 'dzin pa gnyis med pa nyid stong pa nyid do//de'i byang chub ni ma 'khrul pa snang ba ste/ /stong pa'i byang chub de bsgom par bya'o/ /ji ltar bsgom par bya zhe na/ /'di la gzung bar 'dzin par dpyad pa zod pa cung zad tsam yang yod pa ma yin te//gcig tu yod pa ma yin pa gnyis su mod pa las gnyis su snang ba nyid kyis rang gi sems 'khrul ba 'di nyid kyis sna tshogs par snang bskyed de/ /rmi lam la sogs pa bzhin du rnam par bsam mo/ /rang gi sems sna tshogs pa snang ba de nyid kyis 'khrul pa'i mtshan ma gnyis su snang ba bsal la//shel dag pa lta bur gsal ba tsam mtha' yas shing gnyis su med par blta'o/ /gnyis pa la ni sa bon bsdu/ /zhes pa ni rang gi sems mtha' yas pa de nyid gnyis su med par snying gar bsdus nas nyi ma shar ba'i dkyil 'khor lta bu gyur par blta'o/ /de'i steng du hUM 'od zer 'bar ba'i phreng ba can gyi sa bon bsams te//sa bon de las rdo rje ma dang / gau rI la sogs pa mtha' yas par spro bar byas nas de rnams sa bon de nyid la bsdus pa ni sa bon bsdus pa ste de bsgom mo/ /gsum pa ni gzugs brnyan rdzogs/ zhes pa ni sa bon de nyid kyis dgyes pa'i rdo rje'i sku rang gi lus pad+ma chen po'i lte ba la bzhugs pa ro'i snying gar nyi ma'i 'od kyi dkyil 'khor dang ldan pas sku rdzogs pa de bsgom ma zhes pa'i don to//bzhi pa la ni yig 'bru dgod/ /ces pa de nas rang gi snying gar nyi ma'i dkyil 'khor dmigs te/ de'i steng du sa bon gyi yi ge bkod la/ snying ga'i nyi ma la gnas pa'i sa bon gyi yi ge las rang gi lha'i rnam pa'i sems kyi rang bzhin gyis rdzogs pa rang gi sems bsgom par bya zhes pa'i don to//'dir yang gnyis pa la zhes bya ba la sogs pa'i bya bas khyad par du byed pa'o/ /rnal 'byor gnyis pa'i dbang du byas te gsungs pa/ /ra las zhes bya ba la sogs pa'o//'dir stong pa nyid kyi byang chub kyi mthar thug pa'i yan lag rdzogs par bya ba ni snga ma bzhin no/ /lhag par ra las zhes bya ba la sogs pa'i tshigs su bcad pa gnyis kyis gsungs pa de la byams pa la sogs pa bsgom pa ni bsrung ba dang po'o/ /stong pa nyid kyi byang chub ni gnyis pa'o//bsrung ba gsum par las zhes bya ba la sogs pa tshigs su bcad pa gsungs pa 'di'i don ni mdun du me'i mdog dang ldan pa'i ra las nyi ma'i dkyil 'khor bsam mo/ /de'i dbus su sna tshogs rdo rje rnam par bsam la de'i 'og las rdo rje phra mo spros pa rnams kyis phyogs bzhir song pa rnams las shin tu 'khrigs pa'i ra ba bsgom par bya'o//steng du song ba rnams kyis ra ba'i thog tu dra ba'o/ /de dag las yang spros pa rnams kyis mtshams bcing ngo / /yang gi don ni 'og tu song ba rnams kyis rdo rje'i rang bzhin gyis 'og gi mthar thug pa'o/ /nyi ma dang sna tshogs rdo rje dag 'og tu gyur nas kun tu khyab pas de thams cad brtan par bya ba yin no//de nas ci zhig bya snyams pa las gsungs pa/ dang por zhes pa ni rnal 'byor gyi lus kyi sngon du zhes bya ba'i don to/ /ro bsgom zhes pa ni rang bzhi'i dbus su rdo rje'i rang bzhin gyi sa'i steng du pad+ma 'dab ma brgyad pa gyen du 'phags shing shin tu rgya che ba'i lta ba la ro bsgom par bya'o zhes bya ba'i don to//gang gi phyir 'dir bcom ldan 'das kyi gdan du bya snyams pa la gsungs pa/ chos kyi dbyings kyi bdag nyid can/ /zhes pa ste ro ni bdag med pa ste/ /ro ni bdag med pa yang chos kyi dbyings yin la chos kyi dbyings kyang byang chub kyi sems kyi dmigs pa yin no//byang chub kyi sems kyi rang bzhin bcom ldan 'das te/ de bas na 'dir bcom ldan 'das kyi gdan no zhes dgongs so/ /steng du gnas zhes pa ni bdag nyid gnas par lhag par mos pa skyed de/ byang chub chen po'i sems kyi rang bzhin nyid du lhag par mos par bya'o//'di ni rnal 'byor yan lag go/ /'di ni rnal 'byor gyi lus ni nyi ma dang rdo rje la sogs pa'i rim pa ste/ /de nyid kyi gnas skabs ni he ru ka nyid ces bya ba la sogs pa'o/ /he ru ka'i bdag nyid de ji ltar bsgom par bya snyam pa la/ rang nyid ces bya ba la sogs pa gsungs so//hUM zhes bya ba ni hUM ngo / /thabs dang shes rab rang bzhin can/ /zhes pa ni stong pa nyid dang snying rje dbyer med pa'i byang chub kyi sems kyi rang bzhin do/ /rdo rje byung zhes bya ba ni hUM las rdo rje bskyed pa'o/ /lte ba ni dbus so/ /de nyid ni hUM ngo / /hUM der gyur pa las zhes pa ni gyur pa'o//rdo rje las skyes zhes pa ni dgyes pa'i rdo rje'o/ /bltas zhes pa ni bsgom par bya ste/ sems skad cig ma dang pos bltas la phyi nas kyi skad cig gis rim gyis bsgom pa'o/ /zhe sdang bdag nyid ces pa ni gdug pa can gyi skyon gyi skyon rnams gzhom pa'i phyir khro ba'i zhal du bcos pa'o//de nyid kyis nag po chen po ni shin tu gnag pa'o/ /'dam skyes ni ut+pa la'o/ /sngon dmar snang zhes pa ni sngon dmar gyi mdog go/ /thugs rje chen po chags pas yang dag par ston pa'i don to/ dad pa zhes pa 'dod pas so/ /gal the sngon por 'dod na sngon po nyid du bsgom la/sngon dmar du 'dod na de'i tshe de nyid do/ /rnal 'byor gsum pa'i dbang du byas te/ gsungs pa nam mkha' zhes bya ba la sogs pa'o/ /ji ltar gnyis pa'i yan lag de bzhin du gsum la'o/ /lhag par bya ba 'di dag ste/ /nam mkha' zhes bya ba la sogs pa de yang sh+lo ka phyed dang bzhis gsungs so//bsam gtan gyi khang par 'dug la bcom ldan 'das la mchod pa byas nas sam/ ma byas na yang skyil mo krung bcas te mnyam par gzhag pa'i yid kyis bcom ldan 'das rnams nam mkha' la dmigs te lha mo brgyad kyis mchod par bya'o/ /ri dgas mtshan ma ni zla ba'o//nyi ma ni khrag go/ /rdo rje ni rnam par snang mdzad do/ /ro ni chang ngo / /g.yung mo zhes bya ba la ji ltar mchod ce na/ mgul nas 'khyud pa'o/ /de ltar bcom ldan 'das mchod pa byas nas sdig pa bshags pa la sogs pa nas bdag nyid ro'i gdan la 'dug par mos pa'i mthar thug par rnal 'byor gyi yan lag thams cad rnal 'byor gnyis pa bzhin bya'o//rnal 'byor gyi lus ni mngon par byang chub pa rnam pa lnga yin pas de gsungs pa/ A li zla ba zhes bya ba la sogs pa la/ a la sogs pa ni A li ste A li'i ste phreng ba'o/ /ka la sogs pa ni kA li ste kA li'i phreng ba'o//ro'i snying gar nyi ma'i dbus su a la sogs pa dbyangs yig bco lnga'i phreng ba 'od dang bcas pa'i dkyil 'khor du dmigs te/ de yongs su gyur pa las ston ka'i zla ba nya ba'i gzugs su bsgom mo/ /de zla bar gyur ba ni A lis zla ba ste/ me long lta bu'i ye shes so//de'i steng du ka la sogs pa gsal byed sum cu rtsa bzhi'i phreng ba de bzhin du bltas te nyi ma'i dkyil 'khor du gyur par bsgom mo/ /'di ni kA li yongs su gyur pa las nyi mar gyur pa 'di ni kA lis nyi ma ste/ mnyam pa nyid kyi ye shes so/ /sa bon dbus su gnas gyur pa/ /zhes pa ni nyi ma'i dbus su gnas pa nyid de/nyi ma'i dbus kyi steng du sa bon las skyes pa rdo rje sngon po der gnas pa ste/ de'i/ lte ba'i dbus su sa bon gnas/ /zhes bya ba'i don to/ /sa bon 'di lta bu hUM gi rnam par sems gyur pa de nyid sems dpa' zhes brjod de zhes bya ba ni sa bon du skyes pa de nyid rdo rje sems dpa' zhes gsungs pa'o//ji lta bu zhe na/ mchog tu dga' ba'i rang bzhin can te thabs dang shes rab kyi rang bzhin no/ /A li zla ba dang kA li nyi ma'i sbyor ba las byung ba bde ba chen po'i rang bzhin gyi dbye ba rnam pa gsum ste/ sbyor ba dang dngos dang mjug go/ /'di ni so sor rtog pa'i ye shes so//rnam par spro ba zhes pa ni rang gi sa bon de nyid las so/ /ci spro zhes pa ni rang gi sku 'dra zhes pa ste dgyes pa'i rdo rje'i sku lta bu ste/ sngags kyi lha thams cad mdor bsdus pa mdog sngon po khro bo'i nyams dang ldan pa'i rnal 'byor ma bco lnga'i gzugs kyi sku 'gro ba thams cad 'dus pa'i thabs su gyur ba nam mkha'i dkyil 'khor brgyan cing khebs pa'o//snying gar bsdu bar bya zhes pa ni lha'i sku de dag thams cad sa bon de nyid la bsdu zhing gzhug par bya'o/ /'di dag thams cad rang gi sngags kyi sa bon la gcig tu gyur pa ni bya ba grub pa'i ye shes so/ /de nas/ rnal 'byor zhe sdang bdag nyid gyur//zhes pa ni zla ba dang / nyi ma dang rdo rje dang / sa bon yongs su gyur nas dgyes pa'i rdo rje'i sku 'chad par 'gyur ba'i kha dog dang cha byad dang nyams dang mtshan ma la sogs pa ldan pa 'di dag ni shin tu rnam par dag pa'i chos kyi dbyings kyi ye shes te/ rten gnas gyur pa khyad par can gyi ngo bor byang chub chen po rnyed pa'o//de ltar me long lta bu la sogs pa ye shes lngas mngon par byang chub pa ni rnam pa lngas mngon par byang chub pa'o/ /de ltar le'u brgyad pa las 'chad par 'gyur te/ zla ba me long ye shes ldan/ /rta bdun pa ni mnyam pa nyid/ rang lha'i sa bon phyag mtshan ni//so sor rtog pa yin zhes bshad/ /thams cad gcig gyur bya nan tan/ /rdzogs pa chos dbyings dag pa nyid/ /mkhas pas rnam pa lnga bo ni/ /bsgom par bya ba gsungs pa'o/ /zhes so/ /zhe sdang bdag nyid 'gyur zhes gsungs pa la zhe sdang ni dgyes pa'i rdo rje'o//ji lta bu zhe na/ /sngo zhing dmar bar snang ba'i mdog /nag po chen po'am zhes pa tshig lhag ma'o/ /ban+du dmar po zhes pa ni spyan dmar ba ste/ de ban+du dmar bo'i spyan can no/ /dbu skra'i tshogs dmar ser gyen du brdzes pa ni skra dmar ser gyen du brdzes pa de la de skad ces bya'o//phyag rgya lngas zhes pa ni phyag rgya'i rgyan rnams kyis so/ /rdo rjes mtshan pa'i thod pa ni rdo rje'i thod pa'o/ /'dzin par byed ces pa ni tshig gi lhag ma'o/ /brjod pa'i bdag nyid can zhes pa ni brjod pa'i tshul lo/ /'di gsum gyis ni dpa' bo gcig pu'i sbyor ba bstan to/ / rnal 'byor bzhi pa'i dbang du byas te gsungs pa/ dur khrod ces bya ba la sogs pa la rnal 'byor gyi gnas skabs lnga ste/ zhi gnas dang lhag mthong gnyi ga goms pa dang / /gnyi ga la mngon par dga' ba ni lta ba ste mngon par dga' ba 'di'i phyag rgya ni rnam par g.yeng bar mi 'gyur bar rol ba'o/ /de bas na gsungs pa rol pa zhes pa'o//brgyad ni gau rI la sogs pa'o/ /ji ltar rnal 'byor gsum pa'i yan lag de bzhin du bzhi pa la yang ngo / /rnal 'byor gyi lus ni rab bzhi'i nang dur khrod brgyad la sogs pa phyogs dang phyogs mtshams su bsams nas/ de rnams kyi dbus su 'chad par 'gyur ba'i gnas kyi dkyil 'khor gnyis rim pa sgom par byas la de'i dbus su dpal he ru ka phyag bcu drug pa'i ting nge 'dzin gsum 'chad par 'gyur pa ji ltar ba de bzhin du phyag gnyis pa bsgom par bya'o//de 'dir rnal 'byor ma brgyad kyis bskor ba bcom ldan 'das kyi sbyor ba bzhi pa yin gyi dpa' bo gcig pu ba ni ma yin no//de yang ci'i phyir du dur khrod tu rol zhe na/ gsungs pa dur khrod ces bya ba la sogs pa la/ /tshig gcig bstan pas tshig gzhan la 'jug pa ste/ dper na 'jigs byed ces bya bas 'jigs byed kyi sde dang / med smos na 'chi med/ u smos na u mi bdag po zhes pa de bzhin du de ltar 'dir yangs ni shwa ba ste ro'o//sa ti ni pas ti ste gnas so/ /des na shwas ti ste ro'i gnas so/ /de ltar don sbyar bas dur khrod du brjod do/ /dur khrod sme sha ni zhes pa ste/ 'dir shwas ti'i tshig gi don rnam par sbyar bas so/ /de la tshig rnam par sbyar ba ni pa san+ta smin zhes pa ni gnas par byed pa ste gnas zhes bya ba'i don to//de yang shwa ba naM ba sa na zhes bya ba la/ tshig gong ma la 'og gi ba mar bsgyur te btags na sma'o/ /tshig phyi ma la ba ar bsgyur te sa 'og ma la btags tes ring por byas pas sa ba ba sa na sma sa nar 'gyur te/ /yi ge rnams rnam par bsgyur ba'i nges pa'i tshig gis de rnams kyi gnas su bya ba ste/'chag pa dang langs pa dang nyal bar byed pa dang / 'dug pa ste/ /mgo bcad pa dang / 'gegs te mchod pa dang / 'gyel ba dang / gsal shing bskyon pa la sogs pa go rims bzhin no/ /yang gal te ro'i gnas gnas zhes bya ba'i rigs pa 'dis dur khrod lta yin mod//de ltar na ci'i phyir der rol zhe na/ 'di'i dgongs pa ni ji ltar dur khrod kyi bdag med pa'i sems can no/ /de bzhin du thams cad du zhes pa bdag med pa'i sems can thams cad gnas pa'i phyag rgya dur khrod de/ sems can sems can gyi rang bzhin gyis stong la sems can gyi gnas kyang rang bzhin gyis stong pa ni dur khrod ces bya ba'i don to/ /de bas de nyid du dmigs pa med pas dmigs pa'i snying rje chen po dang shes rab chen po'i bdag nyid byang chub kyi sems chen po'i phyag rgya chen po ni srid par bcom ldan 'das rol zhes bya bar sbyar ro//de ltar ro zhig phyag gnyis pa'i dgyes pa'i rdo rje'i rnal 'byor bzhi gsungs nas/ phyag gnyis pa'i ji lta ba de bzhin du phyag bzhi pa dang phyag drug pa dang / phyag bcu drug pa dang / bdag med pa'i yang ngo / lhag ma rnal 'byor ma bcu bzhi ni so sor sbyor ba gsum gsum gyis te bzhi pa med do//thams cad gcig du bsdus na sbyor ba drug cu rtsa gnyis so/ /phyag bzhi dgyes pa'i rdo rje'i khyad par ston pa gsungs pa/ phyag bzhi ni zhes bya ba la sogs pa'o/ /'di dag la sogs pa gang yin pa de bsgom par bya'o/ de'i zhes pa ni de la gang ji ltar rigs par shugs kyis shes par byed do//bdud bzhi las nges par rgyal ba las zhes pa ni nges par rgyal bas so/ /de'i rnam par dag pa'i de kho na nyid des rnam par dag pa de nyid kyis phyag bzhi'o/ /'di sngon du gsungs pa'i gzugs dang / kha dog can yang yin la/ hUM las byung ba yin no//phyag drug pa'i khyad par gsungs pa/ phyag drug pa zhes bya ba la sogs pa'o/ /pha rol tu phyin pa rnam par dag pa zhes pa ni pha rol tu phyin pa drug gi de kho na nyid ces bya ba'i don to/ /dril bu zhes pa ni rdo rje'i dril bu'o/ /snyoms par 'jug pa zhes pa ni des gnas pa zhes bya ba'i tshig gi lhag ma'o//g.yas pa dang g.yon pa na gri gug dang thod pa zhes pa ni dgyes pa'i rdo rje la 'khyud pa'i shes rab ma'o/ /kha cig na re phyag rgya gnyis ma'i shes rab ma ne g.yung mo yin pas des 'khyud pas so/ /zhes sngar bstan pa nyid do zhes par ro/ /yang dag ni rgyud 'di la mchod pa'i lha mo g.yung mo ste phyag gnyis pa'i yang btsun mo ni bdag med ma'o//dkyil 'khor gdon pa'i le'u las phyag bcu drug pa'i de nyid bstan te/ phyag gnyis pa la yang de'i dmigs kyis dbye ba ma gsungs pas so/ /khams gsum bdag med pa'i phyag rgya ni ro'o/ /ro de mnan pa ni bcom ldan 'das kyis khams gsum ro mnan pa'o//dgyes pa'i rdo rje dka' 'grel mu tig phreng ba las le'u gsum pa'i bshad pa'o// //lha dbang skur ba'i le'u zhes pa la lha ni dgyes pa'i rdo rje la sogs pa sngar gsungs pa las gang yang rung ba rim gyis bskyed pa'o/ /de'i dbang bskur ba ni ye shes kyi chus bag chags dang bcas pa'i sgrib pa thams cad 'khru ba'o//de gsal bar byed pa'i le'u dang / rang gi snying gar sa bon zhes pa ni lha'i gzugs sku bskyed pa de'i bdag nyid kyi sa bon gang nyi ma la gnas pa'am nyi ma'i rdo rje la gnas pa dang / zla ba la gnas pa'am zla ba'i mtshan ma la gnas pa ji ltar rigs pa'o//nag po 'bar ba zhes pa ni dgyes pa'i rdo rje'i phyogs la'o/ /lha mo rnams la ni ci rigs par ro/ /ma mo brgyad kyis zhes pa ni go rI la sogs pa rnams kyis so/ /yang dag par mchod par bya zhes pa ni nam mkha' la gnas pa'i sangs rgyas rnams la mchod par bya'o//bslang zhes pa ni de rnams pa gsol ba gdab par bya'o/ /de nyid gsungs ba a b+hi Shiny+tsa tu maM zhes bya ba la sogs pa'o/ /he ru ka'i gzugs kyis zhes pa ni he ru ka'i gzugs dang ldan pa'o/ /dbang bskur bas zhes pa ni bdun pa'i don la dang po'o/ / spyi bor rang gi rigs kyi bdag por 'gyur/ /zhes pa ni spyi bor mi bskyod pa bskyed par bya'o/ /rdzogs pa ni dbang bskur bas mthar phyen pa'o/ /des na gsungs pa/ 'di yin zhes bya ba la sogs pa'o/ /thun gsum du zhes pa ni mtshams gsum la'o/ /byin gyis brlabs par bsgom zhes pa ni nang par gyi thun mtshams la rim gyis bskyed do//nyi ma'i gung dang srod kyi mtshams su dgyes pa'i rdo rje'i bdag nyid du skad cig gis bskyed la/ /lhag par dmigs nas dbang bskur bar bsgom pa ni byin gyis brlabs par bsgom pa ste/ /de bya'o/ /langs te zhes pa ni langs su'o//ci bya snyam pa la/ lha'i zhes bya ba la sogs pa gsungs so/ /lha ni rang gi lha ste/ de nyid kyi gzugs su'o/ /skad cig so so la yang de'i lhag par mos par bya'o/ /dgyes pa'i rdo rje'i dka' 'grel mu tig phreng ba las lha dbang bskur ba'i le'u ste bzhi pa'i bshad pa'o// //de ltar thun mtshams rnams su mnyam par gzhag pa dang / thun mtshams kyi bar rnams su mnyam par ma gzhag pa'i lha'i rnal 'byor gnyis bstan nas/ de kho na nyid kyi rnal 'byor brjod par bya ste/ gang gi phyir gsum po med na shin tu myur bar byang chub pa med do//de bas na de kho na nyid ces bya ba la sogs pa'o/ /de kho na nyid gsal bar byed pa'i le'u ni de kho na nyid kyi le'u'o/ /gzugs ni sngon po dang ser po la sogs pa'o/ /de med pa ni yod pa ma yin pa'o/ /ji ltar med ce na rang bzhin gyis te/ gang de'i rang bzhin byis bas brtags zhing mthong bas gzung ba'i dngos por gyur pa de med de/gcig dang du ma'i rang bzhin dang bral bas so/ /byis pa rnams kyi blo 'khrul ba 'ba' zhig ste/ yod pa ma yin par de dang de'i rnam par snang ba ni rmi lam la sogs pa ni gzugs med kyang gzugs 'ba' zhig tu snang ba bzhin no//blta ba yang yod pa ma yin no/ /de bas na gsungs pa/ blta ba med pa zhes pa ste mig la sogs pa'i blta ba dang / blta ba po skyes bu gnyi ga yang rang bzhin gyis med de/ gang 'dis dngos po'i rang bzhin 'dzin par byed pa byis pa rnams kyis brtags pa de med do//de ltar rig pa yang med pa dang / reg pa po yang med de 'dis ni skye mched bcu po gzugs dang mig la sogs pa dang / blta ba po la sogs pa'i gang zag kyang med par gsungs so/ /sems med ces pa ni rnam par shes pa'i mtshan nyid kyi sems te/ rnam par shes par byed pas na rnam par shes pa ni rnam par shes pa'i tshogs drug ste/mig gi rnam par shes pa'i khams nas ji srid yid kyi rnam par shes pa'i bar du'o/ /'di rnams nyid 'das ma thag pa ni yid kyi khams so/ bdun po 'di dag ni rnam par shes pa'i khams te yid kyi skye mched do/ / gang yang rnam par shes pa drug po rnams kyis rnam par shes par byed pa'i rnam par shes pa'o/ /de bas na de yang sems kyi sgrar gsungs so/ /'dzin par byed pa'i mtshan nyid de gnyis ka yod pa ma yin te/ gzung ba'i rang bzhin med pas 'dzin par byed pa med de/ ci'i phyir zhe na/ / gzung ba gcig dang du ma'i rang bzhin dang 'bral ba med pas so/ /skye mched bcu cha shas dang bcas pa rnams dang / cha shas me dan yang rdul phra rab tsam yang du 'gyur ba'i phyir te/ rags par snang ba ni mi rigs pas gtan tshigs de ni grub tu chug na chos kyi skyed mched kyi rdzas gang yin pa go cha shas dang bral bas de rnams la so sor snang ba'i rang bzhin du grub pa la gtan tshigs de ma grub ste/de'i phyir chos kyi skye mched med pa ma yin no snyam na/ de'i phyir gsungs pa/ sems las byung ba med ces pa ni sems kyi yul sems las byung ba'i chos kyi skye mched de/ de yang med de/skad gcig ma ma yin pa rnams ni gzhan dag tu bzlog zin la/ skad cig ma rnams kyang gzung bar bya ba mi rigs te/ 'das pa dang ma 'ongs rnams med pas so/ da ltar byung ba rnams la byed pa med de/ yul gyi mtshan nyid ni byed pa yin pa'i phyir ro/ /gal te de'i tshe gnyis kyi tshul gyis skye mched bcu gnyis dang gang zag kyang yod pa ma yin na gang gi tshul gyis yod ce na/gnyis su snang ba dang ldan pa 'khrul pa'i tshul gyis rdzas su yod de/ des na rten cing 'brel bar 'byung ba nyid de/ de yang 'dir gnyis kyi tshul gyis stong pa nyid gsal ba tsam dang rnam par rig pa tsam nyid kyis thams cad du ro gcig pa'o//des na 'di rnams don dam pa nyid du yod pa ste/ gang gi phyir dam pa ni 'jig rten las 'das pa'i ye shes yin la don ni de'i yul yin pa'i phyir ro/ des na gnyis kyis yang dag par bsdus pa'i tshul gyis yod pa ma yin no zhes yongs su shes par bya sta/ de dag yod pa nyid du mngon par zhen pa ni nyes pa thams cad kyi rtsa ba nyid yin pas so//gnyis su snang ba dang ldan pa 'khrul pa'i rang bzhin rab tu spang bar bya ste/ sdug bsngal thams cad kyi rtsa ba ni 'khrul ba'i bar du dbye ba nyid yin pas so/ /gnyis pos stong pa'i rang bzhin 'di ni mngon sum du bya ste/ de mngon sum du byas pa ni yang dag pa'i ye shes 'khrul pa thams cad kyi gnyen po nyid yin pas rim gyis bde ba chen po'i thar pa chen pos sangs rgyas yon tan ma lus pa dbang du byed pa nyid sgrub par byed pa nyid kyi phyir ro/ /thar pa chen po de yang don dam pa ste 'bras bu dam pa nyid yin pa'i phyir dang /yang dag pa'i ye shes 'di don du gnyer bar bya ba'i don gyi dam pa yin pas so/ /'dis de bzhin nyid kyi de kho na nyid gsungs nas/ rigs kyi de kho na nyid kyi skabs gsungs pa'o/ ma zhes bya ba la sogs pa'o/ /ma zhes pa ni phan par 'dod pa can no/ /sring mo zhes bya ba ni byams pa brtan pa'o//de gnyis ni rdo rje sems dpa'i rigs la phan par byed pa'o/ /gar mkhan ma zhes pa ni shes rab gsal ba'o/ /khrus mkhan ma zhes pa ni dkar po'i chos la dga' ba'o/ /rdo rje ma zhes pa ni bsag gtan la dga' ba'o/ /gtum mo zhes pa ni nga rgyal bcom pa dang ngang tshul zhi ba'o//bram ze mo zhes pa ni kha na ma tho bas 'jigs pa'o/ /shes rab ni bdag med ma la sogs pa gang yang rung ba'o/ /thabs ni dgyes pa'i rdo rje'o/ /'di gnyis nyid kyi gzugs su chogs bskyed de/ sku gnyis po blta ba dang yongs su 'khyud pa dang so sor 'bigs pa dang spyod pa ni cho ga ste/thabs dang shes rab cho ga'o/ /des de nyid 'dod pas mchod par bya zhes pa ni de kho na nyid yang dag par rig par bya ba'i phyir ro/ /'bad pas zhes pa ni nan tan gyis gsang ba'o/ /'bad pa de nyid gsungs pa/ ji ltar rig par mi 'gyur bar zhes pa'o//rig pa ni rang las gzhan pa rig pa'i stobs can rnams kyis dpyod par rig pa dang / rang ngam gsang gtad pa dregs pa dang / ngom pa dang khros pas de'am g.yog gis gzhan la gsang ba smras bas gsang gtam las nyams pa'o/ ma gsang na dmyal bar ltung ba la sogs pa ma mthong ba'i skyon ni rab tu grags pa nyid do//mthong ba'i skyon yang gsungs pa/ ma gsang zhes bya ba la sogs pa'o/ /sbrul la sogs pa zhes pa ni sdug bsngal byed ces bya bar sbyar te/ sbrul dang stag la sogs pas so/ /sa la rgyu ni chad pas gcod par byed pa mi dang sha za la sogs pa'o//phyag rgya zhes pa ni gang gis rdo rje dang pad+ma la sogs pa 'di dag gi rigs su mtshon par byed pa'o/ /de bzhin nyid du gshegs zhes pa la/ shin tu rnam par dag pa'i de bzhin du ro gcig par bzhud pa ste chos kyi sku la bzhugs pa'o/ /dpal ldan shes pa ni sangs rgyas thams cad kyi chos kyi dbang phyug yin phyi/nyan thos la sogs pa ni ma yin no/ /byon pa zhes pa ni de bzhin nyid de nyid las de/ de las byon pa ni de'i rgyu mthun pa'i longs spyod rdzogs pa dang / sprul pa'i skus 'gro ba'i don mdzad pa'i phyir ro/ /de ltar de bzhin gshegs pa'i sgras ni gcig lus par byas pa yin te/ta thA ga ta'i ta par ba mi mngon pas yi ge phyis pa'i nges tshig las so/ /de ltar re zhig de bzhin gshegs pa thams cad ni me long lta bu la sogs pa'i ye shes de rnams kyi rigs lnga'o/ /'o na sangs rgyas thams cad ye shes lnga dang ldan na de ji ltar rigs kyi dbye bas dbye zhe na/ rigs dbye ba me long lta bu la sogs pa re re cha 'dra ba dang du ma'i cha 'dra ba sems dpa'i rigs dang drug ste/thog ma med pa nas grub pas byang chub sems dpa' rnams kyi rigs so/ /de nyid kyis gsungs pa/ rigs ni rnam pa drug du bshad/ /ces so/ /mdor bsdus pas ni rnam pa lnga/ /zhes pa ni du ma'i cha 'dra ba drug pa lhag par stobs dang ldan pa yin pas bsdus pas so//rnam pa gsum zhes pa ni/ /rnam pa gsum du byas te sku gsung thugs kyi dbye ba zhes gsungs pas rang gi lus dang ngag yid rnams la de bzhin gshegs pa thams cad kyi sku dang gsung dang thugs su lhag par mos shing de kho na nyid du sbyor ba ste go sla ba nyid de//de dag regs lnga'i dbang du byas te gsungs pa rigs zhes bya ba la sogs pa'o/ /lnga zhes pa ni rang gi lus 'byung ba lnga ste/ /gang las de rigs lngar blta bar bya zhing 'byung ba lnga la rigs lngar lhag par mos par bya'o/ /phung po lnga yi rang bzhin can/ / zhes pa ni bdag nyid kyi phung po lnga la yang rigs lngar lhag par mos par bya'o/ /bsngos shing bgrangs ba zhes pa ni grangs med pa'i sangs rgyas dang byang chub sems dpa' rnams re rer bsdus te rigs lngar bgrangs pa des na zhes bya ba'i don to/ /bden pa gnyis kyi dbang du byas te gsungs pa//lha med ces bya ba la sogs pa'o/ /sgom pa po med sgom pa med/ /ces pa la/ sgom par byed pas bsgom pa ste sgom par byed pa po'o/ /'di dag gnyis ka so sor blta bar mi bya'o/ /sngags dang lha dag bdag las tha dad pa ma yin te/ sgom par byed pa na 'di dag gsal ba'i rang bzhin las tha dad pa ma yin te de kho na nyid du mos par bya'o//zhes bya ba'i don to/ /de kho na nyid dang bden pa dang yang dag pa zhes bya ba ni rnam grangs so/ /de bas na de kho na nyid kyi le'u las bden pa brjod par bya ba 'dir kun rdzob kyi bden pa ni mchog tu rgya che ba sgrub pa'i dbang du byas te gsungs pa yin la/don dam pa ni mchog tu zab pa sgrub par byed pa'i dbang du byas te gsungs pa yin te/ sngags dang zhes pa la sogs pa la/ de yang sngags dang lha dag don dam par med de/ de ci'i phyir zhe na/ ji ltar snang ba ltar yod pa ma yin no zhes bya bar dgongs so/ /de'i tshe don dam pa de yang ji lta bu snyam pa la//yang dag gnas zhes bya ba la sogs pa'o/ /spros pa dang phyin ci log dang / 'dir 'khrul ba zhes bya ba ni don gcig go/ /de la 'khrul ba thams cad kyi spyod yul ma yin pas chos kyi dbyings spros pa med pa'o/ /de la dmigs pa'i yang dag pa'i ye shes bde ba chen po'i rang bzhin ni 'khrul ba'i mtshan ma thams cad nub pas spros pa med pa'o//yang dag pa'i ye shes 'di nyid kyi sa bon dang bcas pa'i nyon mongs pa zad de/ gnas dang lus dang longs spyod du snang ba'i rnam par rtog pa rnams spangs pa zag pa med pa'i dbyings kyang spros pa med pa ste//gsum po 'di rnam par dag pa nam mkha' lta bu mtha' yas pa spros pa med pa'i chos kyi sku zhes bya ba'i don to/ /de'i rang bzhin du de'i ngo bo nyid du don dam de yo de/ de bas de nyid kyi rang bzhin mngon sum du bya bar dgongs so/ /de ltar na de nyid rnam par snang mdzad de gsal ba tsam du snang ba des so//de nyid mi bskyod pa ste snang ba med pa nyid kyis so/ /de nyid don yod pa ste don sna tshogs pa byed pas so/ /de nyid rin po che ste/ sangs rgyas kyi chos thams cad 'thob pas so/ /de nyid A ro l-i ka ste/ /de rnams kyi bdag nyid yang dag par spyod pas so//de ltar ye shes lnga'i rang bzhin de nyid snying stobs te/ rdo rje sems dpa' zhes bya ba'i don to/ /tshangs pa zhes bya ba la sogs pa la/ de nyid tshangs pa la sogs par gsungs te ji ltar snyam pa la gsungs pa/ tshangs pa zhes bya ba la sogs pa'o/ /gang de nyid shin tu rnam par dag pa rtogs pa'i rang bzhin te/de nyid kyis ni 'di sangs rgyas yin pas mchog tu tshangs pa ste de bas na tshangs pa mya ngan las 'das pa zhes pa ste thar pa'i rang bzhin nyid do/ /mya ngan las 'das pa dang / thar pa dang / zhi ba dang tshangs pa zhes bya ba ni rnam grangs so/ /'jug pa zhes pa ni de'i bdag nyid du 'jug pas so//gang du zhe na/ mchog tu zab pa chos kyi skur ro/ /rtag tu shin tu dge bas zhes bya ba ni rtag tu dge ba'i phyir dang / mchog tu dge ba'i phyir ro/ /thams cad ces bya ba la sogs pa la/ gang gi phyir 'di nyid thams cad kyi bdag nyid du chos kyi dbyings rig par byed pa des gnas pas de'i phyir thams cad do//mchog gi bde ba zhes pa ni zag pa med pa'i mchog gi bde ba bstan pa nyid kyis so/ /bde ba rtogs pas rnam par bsad/ /ces pa ni de nyid bla na med pa'i bde ba rtogs pa ste/ gang gis de mi shes pa de gnyidalog pa'o/ tshangs pa zhes bya ba la sogs pa bstan pa gang yi pa 'di dag gis bshad nas gzhan yang gsungs pa/lus zhes bya ba la sogs pa la/ de nyid lha ste lus las byung ba de nyid ces bya ba'i don to/ /de ha saM b+ha ba zhes bya ba ni lus las byung ste/ tshig snga ma la ha mi mngon par bya zhing phyi ma'i saM b+ha mi mngon pa byas pa yin te lus las byung ba nyid kyi lha'o//'di rnyed sla ba nyid du ston par byed pas na lus las 'byung bas na rnyed sla ba nyid do/ /sangs rgyas de la zhes bya ba ni sangs rgyas nyid la zhes bya ba'i don to/ /dbang phyug la sogs pa'i yon tan ma lus pa zhes pa ni tshangs pa'o/ /de skad du gang gsungs pa//dbang phyug dang ni gzugs bzang dang / /dpal dang grags dang ye shes dang / /brtson 'grus phun sum tshogs ldan dang / /drug po 'di la bcom zhes bshad/ ces gsungs so/ /phyogs 'di la bcom pa yod pas zhes tshig rnam par sbyar ba'o/ /don dam pa'i bden pa gsungs nas/yang kun rdzob kyi bden pas shin tu myur bar tshogs rdzogs par bya ba'i phyir gsungs pa/ ma zhes bya ba la sogs pa'o/ /ma zhes bya ba la sogs pa'i sgras shes rab tsam gsungs kyi nges par phyi rol gyi khyad par ni ma yin no/ /zhes bsdus pa'i don to/ /'gro ba bskyed ces pa ni 'phags pa'i 'jig rten no//gzhan ni ma yin te rtogs pa'i sems med pas so/ /rnam par phye zhes pa ni shes bya sna tshogs pa rnams so/ /khrus mkhan mo zhes bya ba la sogs pa rnams ni bstan pa'o/ /'khru bas zhes bya ba la sogs pas ni bshad pa'o/ /sems can gyi zhes pa ni rnam par shes pa'o//yon tan zhes pa ni mchog tu bde ba'o/ /g.yo ba'i zhes pa ni shes bya la myur du 'jug pas so/ /rjod par byed pa bzlas pa yin/ /zhes pa ni dgyes pa'i rdo rje'i nga rgyal las byung ba'i brjod pa rnams ni snying po dang sngags bzlas pa'o/ /zhes shin tu mngon par bsdus pa'o//rkang pas bris pa zhes pa ni rdul dang 'dam dang chu la sogs pa la rkang rjes kyi ri mo ni dkyil 'khor zhes pa shin tu mngon pa sdus pa'o/ /brdzis pa zhes pa ni dgyes pa'i rdo rjes mnan pa sems dgyes pa'i rdo rje'i rten yin pa ste/ mal zhes pa'i skad kyi byings la a na dbye ba bar du [(]gcug [,]bcug [)]nas a na rkyen du sbyar na dkyil 'khor du 'gyur ro zhes bya bar dgongs so//lag pa phye ba dang bsdus pa de gnyis ga phyag rgya ste dgyes pa'i rdo rjes byas pa nyid do zhes shin tu bsdus pa'i don to/ /gang bsams zhes bya ba la sogs pa ni dgyes pa rdo rje nga rgyal gyis gang cung zad bsams pa de bsam gtan zhes bya ba'i don to//gang phyir zhes bya ba la bsam pa ni bsam gtan no zhes skad kyi dbyings las grub bo zhes dgongs so/ /thar pa chen po bde ba'i mtshan nyid don dam par gang gsungs pa de mngon sum du byed pa'o/ /de mngon sum du byed pa'i rgyu ni sgom pa yin la/bsgoms pas yongs su rdzogs par 'gyur ba'i gtso bo ni bsam gtan to/ /brjod par bya ba'i bsam gtan ni gang de'i sgom pa ni ji lta bu snyam pa la/ de bas ni gsungs pa/ pha zhes bya ba la sogs pa'o/ /pha ni rdo rje 'dzin pa bla ma ste lnga pa'i don la bdun pa'o/des na ba las ji lta bu thob pa'i 'jig rten pa'i dpe'i bde ba pas gang bstan pa thar pa chen po'i bde ba zhes bya ba'i don to/ /ma bstan par lha dang mi la sogs pa rnams gyis ni thos par yang dkar na nyams su myong bar lta ci smos zhes bya bar dgongs so/ /de'i bde ba rang gis spyod pa ni snang ba med pa mtha' yas shing bla na med pa thag pa med pa dang 'jig pa med pa thar pa chen po'i bde ba de nyid spyod do//rang gis zhes pa mngon sum lta bur ro/ /gang las she na/ nyams su myong ba'i 'jig rten pa'i bde ba la de nyid du mtshan nyid ji lta ba bzhin du mos te/ de ltar mos pa'i sgo nas dmigs pa dang ldan par byas te/dmigs pa gzhan la'ang kun tu rgyu ba dang rgyas pa bkag pas sems phra zhing g.yo ba med par bya ste/ de bzhin du rgyun mi 'chad par sgrubs pas 'bad pa dang bcas pa dang lhun gyis grub pa yang 'byung ngo / /'di ni de'i sgom pa'o/ /bsam gtan ston pas gsungs pa/ /'chi ba zhes bya ba la sogs pa'o//de ltar yun ring du bsgom pa'i bde ba chen po 'dis gang gis zhes pa ni gnas skabs gang gis 'dir 'chi bar 'gyur ro/ /de zhes pa ni de'i gnas skabs bde ba chen po la bsam gtan du gsungs te/ sgom pa yongs su rdzogs pa na'o/ /'dir 'chi ba zhes bya ba'i don ji lta bu zhe na/'dir ni bde ba chen po de las gzhan du phyi dang nang gi dmigs pa so sor myong ba med pas 'chi ba ste/ thun cig dang gnyis dang mang po dang nyi ma dang zla ba dang lor sgrang bu mchu rengs dang / sha sgrang la sogs pas zos pa dang thal lcag dang / khu tshur gyis brgyab pa dang //rnga dang dung dang / rnga bo che dang / 'brug gi sgra chen pos kyang dus de srid du thos par mi 'gyur ro/ /yang na lhan cig skyes pa bsgom par bya ba rigs pa ma yin te/ dpe'i lhan cig skyes pa ni mngon sum du gyur ba'i phyir la/ don gyi lhan cig skyes pa ma myong ba'i phyir mi rigs so zhe na gsung pa/pa zhes bya ba la sogs pa'o/ /pa las thob pa ni dpe'i lhan cig skyes pa'o/ /rang gis myong zhes bya ba ni mngon sum du myong ba'o/ /'chi ba zhes pa ni thar pa'o/ /nang gi ni bde ba ste don gyi lhan cig skye pa'o/ /'dir de'i bde ba zhes pa ni dpe'i bde ba de'i bdag nyid kyi sgom par byed pa ni don gyi bde ba sgom pa bsam gtan du gsungs te/rjes su myong ba dang cig shos dag ni chos mthun pa'i bde bas ro gcig pa'i rang bzhin du 'gyur zhes dgongs so/ /dgyes pa'i rdo rje'i dka' 'grel mu tig phreng ba las de kho na nyid kyi le'u ste lnga pa'i bshad pa'o// //de kho na nyid gnyis la sbyor ba yin yang dam tshig med na chas myung bar byang chub par mi 'gyur bas de bas na spyod pa'i le'u gsungs pa/ de nas gzhan zhes bya ba las sogs pa'o/ /sangs rgyas thams cad kyi bkas brtul zhugs dang dka' thub la spyod pas spyod pa ste/de bshad par bya'o/ /pha rol son zhes pa 'jig rten las 'das pa'o/ /mchog ces pa gtso bo ste phyir mi ldog pa yin pa'i phyir ro/ /gang gis 'gro zhes pa ni rtags gang gis shes par byed pa'o/ /grub pa'i mtha' zhes pa rnal 'byor pa rnams kyis 'da' bar dka' bar dam bca' ba'o//ci'i phyir dam bca' zhe na/ dgyes pa'i rdo rje'i dngos grub kyi rgyu ste/ dgyes pa'i rdo rje' rgyud las gsungs pa'i dngos grub kyi phyir zhes bya ba'i don to/ /bzang zhes pa ni rus pa'i phreng ba'i rang bzhin nyid do/ /bdud rtsi bcu phyed ces pa ni bdud rtsi lnga'o//rigs lnga zhes pa ni mchog tu dman pa lnga pa'o/ /rigs gcig nyid ni sna tshogs rigs gcig ste/ rigs lnga dang ldan pa ni byis pa rnams kyis brtags pa'o/ /ci'i phyir snyam pa la gsungs pa/ gang phyir rigs ni gcig pa nyid/ / du ma ro ni mtshon du med/ /ces pa ni rigs ni mi mthun pa ni dad pa'i srog chags ni rang rang gi dbyings tha dad pas dbye ste/ dper na ba lang dang rta dang phag lta bu'o/ /rigs mthun pa yang cha byad 'dra ba ste/ dper na ba lang dang ba lang du 'dra bar ltar ba lang la sogs pa dbyibs tha dad pa las ni rigs tha dad kyi mi'i rigs rnams ni phan tshun rigs tha dad du dbye ba med de cha byad mtshungs pa'i phyir ro//de nyid shin tu gsal bar 'jig rten kun rdzob tu rab tu grub pa nyid yin na rnal 'byor pa'i kun rdzob tu lta ci smos te/ 'di thams cad shin tu thog ma med pa'i 'khor bar rigs thams cad blangs pa nyid kyi phyir ro//don dam par lta smos kyang ci dgos/ /de ltar na 'di thams cad don dam par rang bzhin yongs su dag par mnyam pa nyid kyi de kho na nyid du lhag par mos pa ste/ rigs lnga kun tu spyad do/ /spyod pa'i rjes su mthun pa'i gnas gsungs pa/shing gcig ces bya ba la sogs pa ste/ gtsor rnal 'byor rgyun mi 'chad par spyod pa'i dben pa'i gnas nyid du bya'o/ /'di nus pa cung zad thob pas bya'am 'on te ma yin pas zhe na bstan pa'i phyir gsungs pa/ cung zad ces bya ba la sogs pa ste/ drod cung zad thob pa'i rnal 'byor gyis mthu cung zad yang dag par thob ste/rnal 'byor la gus shing bag yod pa dang / sbrul dang mi dang mi ma yin pa la sogs pa rnams kyis gnod mi nus shing mi 'jigs pa dang / grang ba dang tsha ba bkres pa dang skom pa la sogs pa skyo ba med pa dang / sred pa dang rmongs pa dang 'jigs pa rnams kyis bsgyur bar mi nus pa de'i tshe spyod pa bya'i gzhan du min zhes bya bar sbyar ro//gal te spyod pa byed 'dod pas zhes pa ni gal te dga' ba yod na de'i tshe spyad do/ /gzhan du ni phyir gdungs ba yin na rnal 'byor nyams par 'gyur ro/ /dngos grub thob 'dod pa zhes pa ni rnal 'byor dang spyod pa dag lhod pa med pas tshe 'di nyid la dgyes pa'i rdo rje 'thob pa ste/gal te 'di lta bu'i brtson 'grus yod na zhes pa'i don te dga' ba yod na 'tshang rgya'o zhes bya bar sbyar ro/ /rdo rje bu mo ni de'i rigs rnams kyi nang nas phul du byung ba nyid de gzhan gyis mi spyod pa'i phyir zhes bya bar dgongs so//rang 'dod lha zhes bya ba ni bsgrub par bya'o/ /gzhan gyi rigs byung zhes bya ba ni rang gi yi dam gyi lha las gzhan de'i rigs las byung ba'o/ /sbyangs zhes pa ni yang dag par dbang bskur ba ste/ de gzung la spyad pa bya ba nyid ces bya bar sbyar ro//dga' bas zhes pa ni rnal 'byor las byung ba'i dga' ba'o/ /rdo rje ldan pa zhes bya ba ni rdo rje ni bdun pa gnyis dbyer med pa nyid de/ de gsung bar byed pa'i rdo rje'i glu zhes pa'i don to/ /rdo rje rkang pas zhes pa ni de kho na nyid gsal bar byed pa'i lag pa dang rkang pa dang /gdong pa'i lta stangs dang / phyag rgya gzhan rnams kyis kyang ngo / /'khor lo'i gzugs kyis zhes pa ni 'khor lo'i gzugs kyis so/ /lag par zhes pa ni lag ngar gyi gdu bu'o/ zhe sdang rnam dag ces pa ni dgyes pa'i rdo rje'i gzugs kyis so/ / sngags kyi dag pa zhes pa ni sngags su mos pa'i glu ste glur blangs pa'o/ /gar zhes bya ba ni gar byed pa'o/ /bsgom pa'i rang bzhin gyis zhes pa ni bsgom pa nyid du mos pa'o/ /rtag tu glu blang gar yang bya/ /zhes bya bar sbyar te/ rtag par zhes pa ni rtag tu'o/ /shi ba zhes pa ni 'chi ba yang ngo //srung bar 'gyur zhes pa ni srung pa thob pa'o/ /hUM byung ni mi bskyod pa'o/ /mi bskyod pa la sogs pa'i rang bzhin gyi thod pa ni sangs rgyas thod pa'o/ /sku'i ska rags ni skra'i ska rags so/ /thal ba ni thal bas byugs pas so/ /skra'i ngag byed ni skra'i mchod phyir thogs so//sreng dang gti mug ces bya ba la sogs pa ni rnal 'byor ba'o gegs te spang bar bya'o/ /ngo tsha ba ni ngo tsha ba'o/ /gnyid ni rnal 'byor gyi gegs chen po yin la/ lus 'tsho ba la ltos pa yang rnal 'byor pa'i bgegs rnams kyi rtse ba'o/ /des na gsungs pa/gnyid ces bya ba la sogs pa'o/ /bdag nyid ces bya ba ni lus 'tsho ba la ltos pa'o/ /the tshom med ces pa ni 'dir the tshom mi bya'o/ /lus kyis sbyin pa sbyin zhes pa ni dang po nyid du sangs rgyas thams cad dang sems can thams cad kyi phyir ro/ /de ltar na de'i phyir/cha dang cha min rnam dpyad nas/ /sbyin par mi bya ba ni ltos pa med par sbyin pa'o/ /mngon phyag 'tshal zhes pa ni phyag bya ba'o/ /phyag ma 'tshal shi nas mnar med par 'gro'o/ /de nyid gsungs pa/ mnar med spong ba'i rgyu yi phyir/ /zhes pa ni bzlog pa'i don du'o//dus su bza' ba la sogs pa ni bslab pa'o/ /skra bregs pa la sogs pa ni cho ga'o/ /dngos po kun gyi rang bzhin gyis/ /zhes pa ni gnas skabs thams cad du dgyes pa'i rdo rjer mos pas so/ /sbyin sreg ces bya ba la sogs pa ste/ dgyes pa'i rdo rje nyid du lhag par mos pa brtan par sbyor na phyi'i sbyin sreg la sogs pa spang ngo //gang las she na/ gang las bdag nyid dgyes pa'i rdo rjes zos pa nyid sbyin sreg go/ /rkang pa'i ri mo nyid dkyil 'khor ro/ /lus kyi bya ba thams cad dka' thub bo/ /ngag dang yid kyi las thams cad sngags dang bsam gtan no//cang te'i'u sgra dang thod dbyug 'dzin pa yang sngags dang bsam gtan no/ /rdo rje glu dang rdo rje gar yang sngags dang bsam gtan no/ /de ltar gar byed pa de nyid dam tshig dang / gang mi byed pa de ni sdom pa'o/ /dgyes pa'i rdo rje'i bden pa gnyis ni snying rje'o/ /de 'thung ba ni dga' ba dang bcas pas de'i rnal 'byor gyis so/sbyor ba gnyis las yang dag par byung ba'i dga' ba nyid sbyor ba'i btung pa ste/ de 'thung ba na chang la sogs pa gzhan 'thung pas bzi bar mi 'gyur ro/ /dgyes pa'i rdo rje'i dka' 'grel mu tig phreng ba las spyod pa'i le'u ste drug pa'i bshad pa'o// //brda ni kla klo'i skad de rnal 'byor ma rnams kyi brda'o/ /de yang dam tshig gi yan lag nyid kyis na shes par bya'o/ /de bas gsungs pa/ de nas brda zhes bya ba la sogs pa'o/ /brda gsal bar byed pa'i le'u la de skad ces bya'o/ /sngags dang phyag rgya dang ting nge 'dzin dang /sngags dang phyag rgya'i don dang / lha'i de kho na nyid dang / dkyil 'khor gyi de kho na nyid 'di ltar yang dam tshig med pa rnams la smra na sngags ba mi 'grub cing 'tshe ba dang dmyal bar ltung ba la sogs pas sdug bsngal bar 'gyur ro/ /de bas brda dang de'i don yang dam tshig dang mi ldan pa rnams la bstan par mi bya'o//spun ni rnal 'byor pha'o/ /sring mo zhes pa ni rnal 'byor ma'o/ /sor mo gcig ces pa ni legs par 'ongs sam zhes pa'i don to/ /gang zhig ces pa ni ma nges pa'i rtags te gang yang rung ba zhes bya bar blta'o/ /gnyis zhes pa ni sor mo'o//mdzub mo zhes pa ni sdigs mdzub bo/ /thod bstan par bya zhes pa ni mthe'u chung dang srin lag gnyis mthe bong mnan nas sor mo lhag ma rnams kyis thod lta bur ston pa'o/ /rtse gsum zhes pa ni mthe'u chung mthe bos mnan nas lhag ma rtse gsum lta bur ston pa'o/ / mtshams zhes ni dpral ba'i dbus kyi steng gi mtshams kyi mtha'o/ /kha bstan pa zhes pa ni kha cung zad gdangs pa'o/ /blta ba ni mig go/ /dga' ba ni rnal 'byor pa'i 'o/ /dga' ba des 'dir rtse ba ltar ston pa'o/ /phyag rgya zhes pa ni sor mo gcig la sogs pa ston pa'o/ phyag rgya zhes pa ni sor mo gcig la sogs pa ston pa'o/ / phyag rgya'i lan zhes pa ni sor mo gnyis la sogs pa ston pa'o/ /dbye bar bya ba zhes pa ni gsal bar bya ba'o/ /dam tshig gis ni zhes pa ni brdas so/ /de la zhes pa ni phyag rgya dbye ba byed pa la'o/ /skra gseb nas phreng ba 'dren par byed pa ni phreng ba'i lag pa'o/ /de la mngon du phyogs te 'dor bar byed pa ni phreng ba mngon du 'bor ba'o//gnyi gas 'dis dngos su'am mngon par ston pa'o/ /'di dag thams cad lag pa g.yon pas bstan par bya'o/ /phreng ba mngon par 'thor ba'i don ston pa ni dam tshig ces bya ba la sogs pa'o/ /'di dag sa ni bcug gnyis zhes pa gnas la sogs pa'o//'gyur zhes pas nas ste gang 'gyur zhe na sangs rgyas dang byang chub sems dpa' rnams so/ /so so'i skye bo'i byang chub sems dpa'i sa gcig dang sangs rgyas kyi sa gcig gzhag pa'i sa bcu'i dbang phyug ni byang chub sems dpa' rnams su brjod do/ / mgon po zhes pa sangs rgyas kyang zhes bya ba'i don te sangs rgyas kyang sa bcu gcig pa'i dbang phyug ste brjod ces bya bar sbyar ro/ /sa 'di rnams kyis ji ltar snyam pa la/ 'di rnams kyis zhes pa gnas la sogs pa'i sa rnams kyis zhes bya ba'i don to/ /mos pa spyod pa'i sa dang rab tu dga' ba dang /dri ma med pa la sogs pa kun tu 'od kyi mthar thug pa dang bcas pa ye shes kyis rnams nyid kyi phyag rgya ni ji ltar rigs par gnas la sos pa yin no/ /zhes bya bar dgongs so/ /gzhan brjod du med ces pa ni gnas la sogs pa ma gtogs pas ma yin te/phyag rgya de dang phyag rgyas btab pa dag dbyer med ces bya bar dgongs so/ /grong khyer ni pa ta li pu tra'o/ /ha ri ke la'i khyad par ni lan tshwa rgya mtsho zhes bya ba la sogs pa'o/ /gser dang ldan pa ni gser gling ngo / /nye 'khor ni de dang nye bas nye 'khor ro/ /rdzing bu ni nar por gnas pa'o//yi dags zla phyed ces pa ni zla smad do/ /rgyal mtshan ni sgeg pa'o/ /snying rje bskyed ces pa ni de nyid kyi sdug bsngal la rnam par bsam pa'o/ /rig pas zhes pa ni mkhas pas so/ /gdug pa ni sngags kyi theg pa la sdang ba'o/ /de rnams gzhug phyir zhes pa ni sngags kyi theg pa la'o//de'i rgyus cho ga thams cad ces pa ni thams cad bya ba'o/ /gtsor zhes pa ni gtsor gzhug pas so/ /snying rje gsungs nas shes rab kyang gsungs pa/ de la zhes bya ba la sogs pa'o/ /blta bar bya zhes pa ni bsam par bya ba'o/ /dus gnyis po de dag dgyes pa'i rdo rje dang de'i shes rab bo//de bas na des bsdus pa'i las thams cad dge ba'o/ /thams gzhan gsungs pa mi bya med ces bya ba la sogs pa'o/ /'di la zhes pa ni dgyes pa'i rdo rje'i nga rgyal lo/ /ji ltar bdag nyid lhag par mos pa de bzhin du sems can la yang yin pas de bzhin zhes yang dag par bsdu ba'i phyir bdag nyid kyang zhes bya ba'i don to//bdag nyid dam pa zhes pa ni bdag nyid bcom ldan 'das 'di yin te/ dgyes pa'i rdo rje zhes bya ba'i don to/ /go 'phang gnas zhes pa ni nga rgyal brtan pa'i phyir ro/ /gnyis su med pa'i phyir ye shes ni snang ba med pa ste/de nyid dpal bde mchog tu snang zhes bya ba'i don to/ /rgyu dang ngo bo ni rgyu la sogs pa'o/ /de stong pa nyid de med pa nyid do/ /de 'dir he zhes bya ba'i sgra'i don te stong pa nyid dang mtshan med pa nyid ces bya ba'i don to/ /tshogs dang bral zhes bya ba ni rnam par rtog dang bral te/ru zhes bya ba ni ru'i sgra'i don to/ /ra dang u gnyis las ha lhag ma phyi pa'i nges pa'i tshig gis do thung ngu nyid do/ /stong pa nyid dang mtshan ma med pa dang / brjod du med pa nyid de gnyis su med pa'i ye shes stong pa nyid la sogs par dmigs par byed nyid de/yi ge dbu ma gnyis kyi don to/ /gal te stong pa nyid la sogs par dmigs par byed na yi shes de dmigs par bya ba dang dmigs par byed pa'i dngos pos ji ltar gnyis su med par 'gyur zhe na/ de bas na yi ge bzhi pa ka zhes pa ste/ gang du yang mi gnas zhes pa ni gang du yang mi gnas pa nyid kyi ka dang a las yi ge lhag ma phyis pa gang yin pa'o//chos thams cad stong pa nyid dang / de nyid mtshan ma med pa dang brjod du med pa nyid do/ /de yang rang gi sems chos thams cad du snang ba gnyis su 'khrul ba yongs su zad pa/snang ba med pa gsal ba'i rang bzhin te/ de'i phyir dbyer med pa 'di ni rang rig pa tsam dmigs par bya ba dang dmigs par byed pa dbyer med pa'i rang bzhin zhes bya bar dgongs so/ /de'i tshe ji ltar stong pa nyid la sogs par brjod ce na/ de yang dag par rig par byed pas so//'dis ni dpal he ru ka'i mchog gi de kho na nyid gsungs te/ de yang bar bar du yid la bya'o zhes gsungs pa'i don to/ /gang rnams kyis zhes pa la sogs pa'i phan yon gsungs pa/ dbang du byed ces bya ba ste/ skye ba gzhan la 'dul bar 'gyur ro zhes bya ba'i don to//dgyes pa'i rdo rje'i dka' 'grel mu tig phreng ba las brda dang gnas gtan la dbang ba'i le'u ste bdun pa'i bshad pa'o// //'khor lo dang dkyil 'khor dang thar pa chen po'i grong khyer dang dam pa dang po'i gnas zhes bya ba ni don gcig go/ /de yang rten dang brten pa'i dbye bas rnam par gnyis te/de ma rtogs par ting nge 'dzin gsum dbyer med pa'i phyir ro/ /de yang sbyor ba gang lha'i le'u las ma gsungs pa nyid 'dir bshad par bya'o/ /de bas na gsungs pa/ de nas zhes bya ba la sogs pa'o/ /rnal 'byor ma bdag med ma des gtso bo byas pa'i 'khor lo ni rnal 'byor ma'i 'khor lo'o//mkha' dbyings zhes pa ni stong pa nyid kyi byang chub bsgoms pas sna tshogs par snang bar rang gi sems snang ba med par byas te/ mtha' yas par rang snang bzhin pa'i nam mkha'i dbyings so/ nam mkha'i dbyings der b+ha ga bsam pa ni gru gsum nyid kyi b+ha ga dang chos mthun pa'am//sgrib pa thams cad 'joms par byed pa nyid kyis so/ /ston gyi zla ba ltar dkar ba chos kyi 'byung gnas chen po'i phyag rgya b+ha ga ste de rnam par bsam zhes bya ba'i don to/ /dbus su bsgom par bya ba ni zhes pa chos kyi 'byung gnas de'i dbus su rten gyi 'khor lo bsgom par bya'o//ji ltar zhe na/ gsungs pa/ sngon du 'khor lo zhes bya ba la sogs pa'o/ 'di ni bstan pa'o/ /'di'i bshad pa 'khor los te/ /zhes bya ba la sogs pa ste/ chos kyi brdas 'khor lo la sogs pa'i sgras dbang chen dang chu dang me dang rlung gi dkyil 'khor brjod de/ji ltar 'byung ba'i sgra ni sgom pa po'o/ /yang na 'khor lo ni dkyil 'khor ro/ /'di ni dbang chen gyi dkyil 'khor nyid 'khor lo'i sgrar brjod de gtso bo yin pas so/ /de yang sa nyid do/ /de bas na gsungs pa/'khor los zhes pa ni gser gyi dkyil 'khor las sngon du chu'i dkyil 'khor ro/ /des na gsungs pa/ sngon du chu zhes pa'o/ /rigs pa zhes pa ni yang dag pa'i shes pa ste 'di ltar gsal ba'i rang gi ngo bo de bzhin du me yang ngo / /de bas na rigs pa dang chos mthun pas ji ltar rigs pa ste me'o//des na gsungs pa/ ji ltar rigs par byin za dang / /zhes so/ lha rnams kyi ma dang pha dag las rlung 'byung gi khu ba ni ma yin te/ de las de dag skye bar 'gyur ro/ /de'i phyir lha rnams yongs su gyur bas na lha zhes bya'o/ /des na gsungs pa/lha rnams kyi ni rlung chen po/ /zhes so/ /ji ltar lha rnams kyi 'byung ba bsgoms pa de ltar sgom pa po nyid 'grub par 'gyur ro/ /des na gsungs pa/ ji ltar 'byung ba sgom pa'o/ /zhes so/ de las cir 'gyur snyam pa las gsungs pa/ chos 'byung zhes bya ba la sogs pa'o/ / chos kyi 'byung gnas gru gsum gyi phyag rgya der 'byung pa dbang chen la sogs pa 'khor lo bzhi yongs su gyur pa las 'dis 'byung ba de la 'di skad ces bya'o/ /ci'i phyir zhe na/ 'byung ba chen po las gyur pa yin pa'i phyir ro/ /de ci'i phyir zhe na/ rten gyi dkyil 'khor gru bzhi pa la sogs pa'i yon tan dang ldan pa'o//de skad kyang 'chad par 'gyur ba las/ bdag gi 'khor lo khyed kyis gsungs/ /dra ba dra ba phyed pas mdzes/ /zur bzhi ba la sgo bzhi pa/ /rdo rje skud pas brgyan pa'o/ /zhes so/ /nyis rim zhes pa ni rim pa gnyis so/ /dag pa ni rin po che sna lnga'i rang bzhin mchog tu 'bar ba'o//dri ma med ces pa ni skyon med pa ste thar pa chen po'i grong khyor nyid do/ /lte ba yi ni zhes pa lte bas nye bar mtshon pa'i 'dab ma brgyad do/ /gru gsum gyis zhes pa chos kyi 'byung gnas kyi yongs su 'byes pa pad+ma'i phyi rol gzhal yas khang gi gnas so/ /de yang rim pa gnyis su sgom pa po'i sems stang ste/shes dag pa lta bur khyab pa'o/ /de'i dbus zhes pa 'khor lo nyis rim gyi dbus su ro'i zhes pa la ro rnams so/ /bco lnga'i bdag nyid can zhes pa lha mo bco lnga'i gdan du gyur pa ste/ de rnams so so'i gnas rnams su'o/ /de'i zhes pa ni lte ba la gnas pa'i ro'i'o//zla ba zhes pa ni zla ba nya gang ba'o/ /sa bon zhes pa ni sa bon gyi yi ge'o/ /sa bon ji lta ba zhe na/ phyis ni nyi mas mnan pa'o/ /zla ba bsgoms pa'i steng du phyis bsgoms pa'i nyi mas de'i steng du mnan pa ni de la brten pa'o/ /gnyis 'dus pa las bde chen po//zhes pa ni zla ba dang nyi ma de gnyis 'dus pa ni 'dus pa dang ldan pa'o/ /de la ro gcig pa'i tshul gzhan gyis bde ba chen po ste/ de bzhin gshegs pa thams cad kyi thar ba bde ba chen po zhes bya ba'i don to/ /de yang bde ba rnams pa bzhi ste/ nyi ma'i steng gi sa bon gang yin pa de ni sbyor ba'i bde ba'o//de las byung ba'i mtshan ma ni dngos gzhi'i bde ba'o/ /mtshan ma'i nang gi sa bon ni yongs su gcod pa'i bde ba'o/ /de las mtha' yas ba'i rnal 'byor ma'i dkyil 'khor spro ba dang sdud pa ni gzhan gyi don gyi bde ba'o/ /de ltar na 'dir zla ba dang nyi ma dag ji ltar bskyed snyam pa la/A li zhes pa la sogs pa gsungs so/ /shel dag pa lta bu rim pa gnyis la khyab pa'i sgom pa'i sems dbyangs yig bco lnga'i rnam pa rnal 'byor ma thams cad kyi rang bzhin bsdus pa de A li'o/ /de yang zla ba'i gzugs kyis gnas pa ste/ / de yongs su gyur pa zla ba zhes bya ba'i don to/ /zla ba de nyid kyi steng du gsal byed sum cu rtsa bzhi'i phreng ba sangs rgyas thams cad kyi rang bzhin ni kA li'o/ /de yang nyi ma'i gzugs kyis gnas pa ste/ de yongs su gyur pa nyi ma zhes bya ba'i don to/ /zla ba dang nyi ma gnyis 'dus pa zhes gang gsungs pa ni de yongs su gyur pa las so//gau rI la sogs pa zhes pa ni rnal 'byor ma bco lnga po 'di rnams zhes bya ba'i don to/ /'dis ni rnal 'byor ma bde ba chen po las byung ba nyid kyis rdo rje 'dzin pa'i rang bzhin nyid du bstan to/ /da ni ye shes lnga'i rang bzhin nyid kyis de bzhin gshegs pa lnga'i rang bzhin nyid du ston par byed pas gsungs pa zla ba me long zhes bya ba sogs pa'o//mdor bsdus pas ye shes lnga ni sangs rgyas lnga ste/ me long lta bu dang mnyam pa nyid dang so sor rtog pa'i ye shes dang / bya ba grub pa'i ye shes dang / shin tu rnam par dag pa'i chos kyi dbyings kyi ye shes so//de la me long lta bu'i ye shes kyi rang bzhin gyis de dang ldan pa ni zla ba'o/ /'jig rten las nyi ma la rta bdun par grags pa la/ de ni mnyam pa nyid dang ldan pa ste/ mnyam pa nyid kyi ye shes kyi rang bzhin dang ldan pa zhes bya ba'i don to//sa bon dang sa bon las skyes pa dang bcas pa ni rang gi lha'i sa bon phyag mtshan te/ so sor rtog pa'i ye shes kyi rang bzhin zhes bya ba'i don to/ /thams cad ces pa ni mtshan ma'i nang du song ba'i sa bon las rnal 'byor ma'i tshogs spros te/ thams cad du khyab bas na gcig ces pa de nyid du bsdus te sa bon dang gcig tu gyur pa nyid nan tan te/bya ba nan tan gyi ye shes zhes bya ba'i don to/ /rdzogs pa zhes pa ni zla ba dang nyi ma dang phyag mtshan dang sa bon gyi rim pas rang gi lha'i rnam pa rdzogs pa ni de dag chos kyi dbyings kyi ye shes zhes bya ba'i don to/ /rnam pa lnga po zhes pa ni me long lta bu la sogs pa'o//mkhas pas zhes bya ba ni shes rab dang ldan pas so/ /A li kA li mnyam sbyor zhes pa ni zla ba dang nyi ma'i gzugs su'o/ /gdan ni gdan no/ /gang gi gdan zhe na rdo rje sems dpa'i zhes pa'i don to/ /rdo rje sems dpa' de gang zhe na yi ge las byung ba'i gong bu ste/gong bu dang 'brel ba'i yi ge las byung ba ni mtshan ma'i dbus su sa bon du skyes pa zhes bya ba'i don to/ /'dir ni rdo rje'i gong bu ni mtshan ma'i don to/ /sems dpa'i sgra ni sa bon gyi don to/ /hUM zhes bya ba la sogs pa'o/ /hUM dang phaT kyang zhes ba la/ yang gis ni a dang oM dang thabs dang shes rab kyi lus zhu ba la sogs pas bdag med ma'i dkyil 'khor gyi gtso mo bskyes par mi 'dod do//gal te ye shes zhu ba las 'di mi bskyed na de'i tshe gang las snyam pa la gsungs pa/ sems dpa'i gzugs zhes bya ba la sogs pa la gzugs ni mtshan ma'o/ /mtshan ma'i dbus kyi yig 'bru ni sems dpa' ste/sems dpa'i nang du gyur pa'i gzugs ni sems dpa'i gzugs te/ de las yang dag par byung ba'i dkyil 'khor gyi gtso mo ni dkyil 'khor gyi bdag mo ste bdag med ma zhes bya ba'i don to/ /sngon bzhin zhes pa ni chos kyi brdas/ /ji ltar 'chad par 'gyur ba bzhin//zhes pa'i don do/ /zhal dang phyag mtshan la sogs pa zhes pa la zhal ni gdong pa'o/ /phyag mtshan ni gri gug dang thod pa dang kha T+wAM ga zhes pa'i don to/ /sogs pa'i sgras ni na bza' dang rgyan la sogs pa gzung ngo / /zla ba chu shel ni zla ba nya gang ba nyid de/ de'i 'od gang la yod pa de la de skad ces bya ba'o//'dir nye bar mtshon par byed pa ste/ zla ba'i gdan dang zla ba'i 'od/ /ces bya ba'i don to/ /de bzhin zhes pa dkyil 'khor gyi bdag mo bzhin te/ /dkyil 'khor gyi bdag mo zla ba zhu ba la sogs pas ni ma yin no/ /kun shes pa gau rI la sogs pa'o/ /ji ltar zhe na/ shes rab thabs kyi rang bzhin las//zhes gsungs te/ shes rab A li zhes bya ba la sogs pa'o/ /las zhes pa ni rgyu'i don to/ /A li shes rab dang kA li thabs gang las zhes bya ba'i don to/ /A li dang kA li gang la yang ji lta bu zhe na/ gsungs pa/ zla ba nyi ma zhes bya ba la sogs pa ste/A li kA li'i ngo bo zla ba dang / nyi ma de dag rab tu dbye ba ni rnam pa mang por phye ba ste/ bdag med ma'i snying ga'i zla ba'i mtshan ma la gnas pa sa bon gyi gzugs rdo rje'i sems dpa' las spros pa'i zla ba bcu bzhi dang nyi ma bcu bzhi lha mo bcu bzhi'i gdan ro'i pad+ma la dgod ces bya ba'i don to//'di las zhes pa ni rang rang gi gdan la gnas pa'i zla ba dang nyi ma las so/ /gau rI la sogs pa'i zhes pa ni rdo rje ma dang gau rI la sogs pa'o/ /ji ltar de rnams kyi zla ba la sogs pa bzhin du sa bon yang mthun nam ci snyam pa la gsungs pa/ ma yin te/sa bon zhes bya ba la sogs pa'o/ /brjod pa ni sa bon te/ de'i dbye bas dbye ba ste/ sa bon gzhan dang gzhan zhes bya ba'i don to/ /so sor zhes bya ba ni gzhan dang gzhan gyi zhes bya ba'i don to/ /de la bdag med ma'i sa bon dbyangs yig dang po'o/ /rdo rje ma dang gau rI ma dang chu'i rnal 'byor ma dang /rdo rje mkha' 'gro ma rnams kyi go rims ji ltar dbyangs yig gnyis pa nas brtsams te lnga ba'i bar du'o/ /puk+ka sI dang ri khrod ma dang gtum mo dang g.yung mo rnams kyi drug pa nas brtsams te dgu ba'i bar du'o/ /gau rI dang rkun mo dang / ro langs ma dang g+hasma rI dang sa spyod ma dang /mkha' spyod ma rnams kyi bcu pa nas brtsams te bco lnga'i bar du'o/ /sa bon las byung ba gri gug gi dbus su sa bon no/ /des ni de la spro ba dang bsdu ba dang de nas zla ba dang nyi ma dang sa bon las byung ba lha mo thams cad do/ /de rnams kyi gnas kyi dbye ba gsungs pa/ nang zhes bya ba la sogs pa'o//nang gi go rims zhes pa ni nang ngo / /phung po lnga yi rnal 'byor ma/ /zhes pa bsgom par bya zhes bya bar sbyar ro/ /dbang po zhes bya ba ni dbang po'i phyogs so/ /gshin rje zhes bya ba ni gshin rje'i phyogs so/ /phyi ri ma la gau rI la sogs pa bzhi shar la sogs pa'i sgo rnams su'o//spos mo la sogs pa dbang ldan la sogs pa'i mtshan ma rnams su'o/ /'og ldan ma zhes bya ba la sogs pa la 'og bsrung bas 'og ldan ma ste sa spyod ma'o/ /de nyid kyis de srid pa'i rang bzhin gyis kha 'og tu bltas pa'o/ /mkha' spyod ma mya ngan las 'das pa'i rang bzhin gyi gnas te de nyid kyis de kha steng du bltas pa'o//gri gug thod pa bsnams zhes bya ba ni phyag na thogs pa'o/ /rnam par dag pas zhes bya ba ni rnam par dag pas so/ /dag bas zhes bya ba ni dag par bya'o/ /phyag rgya zhes pa ni phyag rgya rnams kyis so/ /rnam pa de ltar zhes pa ni de bzhin zhes pa'i don to//ji ltar snyam pa la gsungs pa/ thod pa zhes bya ba la sogs pa'o/ /'bar zhing gsal ba zhes 'bar ba ni lus kyis so/ /gsal pa ni sems kyis so/ /nga rgyal la sogs pa 'di dag gis ni gri gug gi de kho na nyid ston te/ mgo zhes pa de kho na nyid kyis zhes pa'i tshig gi lhag ma'o//khrag ni pad+ma la gnas pa'o/ /myur du ni mgyogs par ro/ /yan lag drug bsgom zhes pa ni kha dog drug gis te snyems pa dang ldan pa'i 'khor los sgyur ba drug dang mnyam pa nyid thob par ston to/ /de ltar yan lag drug thob nas yang zhes pa phyis so//khyad par gyi dga' ba'i mthar gyur pa de lhan cig skyes pa tsam zhes bya ba'i don to/ /le'u brgyad pa 'dir bcos ldan 'das bdag med ma'i sbyor ba sku gsum gyi ngo bo'i rang bzhin gyis gang la ting nge 'dzin gsum du gyur pa yin te/ 'dir bsgom pa'i dbang du byas pa'i sngags pas nang par rang gi snying gar zla ba'i dkyil 'khor la bdag med ma'i sa bon 'od zer gyi phreng ba dang bcas pa dmigs te/gdong pa bkru ba la sogs pa byas la sogs pa byas la bdag nyid dang gnas dang rnal 'byor bsrungs nas bsam gtan gyi gnas su zhugs te stan bde ba la 'dug nas rang gi sngags kyis ar+g+haM la yongs su bsngags pa/sngags pas de bzhin gshegs pa thams cad sdud par byed pa bdag med ma'i dkyil 'khor bdun gyi nam mkha' la dmigs te/ rang gi snying ga'i sa bon las byung ba'i mchod ba'i lha mo brgyad kyis mchod par bya'o/ /gau rI ri dgas mtshan ma 'dzin/ / rkun ma'i phyag na nyi ma'i snod/ /ro langs ma yi lag na chu/ g+hasma rI yi lag na sman/ /buk+ka sI lag rdo rje 'dzin/ /ri khrod ma yi lag na ro/ /gtum mo cang te'u rdung bar byed/ /g.yung mos mgul nas 'khyud pa yin/ /de'i mdun du sdig pa bshags pa la sogs pa bya ste/bdag gis sdig pa thams cad so sor bshags par bgyi'o/ /'phags pa dang so so'i skye bo rnams kyi dge ba thams cad la rjes su yi rang ngo / /byang chub kyi snying po la thug gi bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o//sems can thams cad la phan pa dang bde bar bya ba'i phyir skal ba ji lta bar de rnams byang chub rnam pa gsum thob par bya ba'i phyir bla na med pa yang dag par rdzogs pa'i byang chung tu sems bskyed par bgyi'o/ /de nas sems can thams cad la mchog tu bde ba thob par 'dod pa'i byams pa bsgom par bya'o//de nas de rnams la snying rjes sdug bsngal thams cad bsal bar bya'o/ /de nas de rnams dga' ba dang bde ba dang mi 'bral bar bya'o/ /de nas de rnams la 'jig rten dang 'jig rten las 'das pa'i dge ba nye bar gtod pa'i btang snyoms so/ /de nas chos thams cad sems snang ba las byung ba ste/'di dag thams cad bden pa ma yin yang sems nyid gzung ba dang 'dzin pa'i don du 'khrul nas snang ba byung ste rmi lam lta bu'o/ /zhes nges par 'khrul ba dang bral bar bya ba'i phyir sngon po dang ser po la sogs pa'i don du snang ba rnams bsal nas de sna tshogs su snang ba'i bdag nyid dang bral ba'i bdag nyid kyi sems ston ka'i nyi ma'i gung la rdul med pa'i nam mkha' ltar mtha' yas shing gsal ba snang ba med par bsgom mo//'di ni don dam pa'i byang chub kyi sems dang gtso bo shes rab kyi pha rol tu phyin pa dang 'di nyid mchog tu stong pa nyid kyi ye shes so//'di sgom pa'i sngags byin gyis brlab pa/ oM shUn+ya tA dz+nyAn badzra swa b+hA ba At+ma kou0f85haM zhes brjod do/ /de'i rjes la raM las nyi ma mdun du bsgom par bya/ /nyi ma der ni hUM byung sna tshogs rdo rje ste/ /rdo rje de nyid kyis ni rnam par bsgom par bya/ /ra ba dang ni dra ba b cing bar bya//de nas ston gyi zla ba ltar dkar zhing gru gsum gyen du gnas pa nang stong pa chos kyi 'byung gnas chen po'i phyag rgya bsgom par bya'o/ /de'i dbus su dbang chen gyi dkyil 'khor gru bzhi ser po'o/ /de'i steng du chu'i dkyil 'khor dkar zhing zlum po'o/ /de'i steng du me dmar zhing zung gsum pa'o//de'i steng du rlung gnag cing gzhu lta bu'o/ /de rnams yongs su gyur ba las sna tshogs pad+ma rgya che zhing sna tshogs rdo rje'i lte ba la brten pa'i gzhal yas khang mchog tu 'bar zhing rin po che sna lnga las byung ba/ /zur bzhi pa la sgo bzhi pa/ /rta babs bzhi yis brgyan pa ste//kha khyer bzhi yis bskor ba la/ /brgyad gnyis lha mos mchod par byed/ /dra ba dra ba phyed pas spras/ /rdo rje'i thig gis brgyan pa ste/ /rlung gis bskyod pa'i ba dan ni/ /sna tshogs rtse mo'i dril sgra sgrogs/ /de'i nang gi rim pa la pad+ma 'dab ma brgyad pa bsgom par bya'o/ / de'i lte ba dang phyogs kyi 'dab ma rnams la ro'i gdan lnga bsam par bya'o/ /phyi rol gyi rim pa'i mtshams bzhi dang sgo bzhi rnams dang / 'og tu gcig dang steng du gcig go/ /de'i ro'i gdan dbus ma'i snying gar sngon du bsgoms pa'i sgom pa po'i sems mtha' yas shing shel ltar gsal bar dbyangs yig bco lnga'i phreng ba'i gzugs su bsdus te/de yongs su gyur pa las zla ba gang bar bsgom bar bya'o/ /de'i steng du gsal byed sum cu rtsa bzhi'i phreng ba las nyi ma'i dkyil 'khor du gyur to/ /de'i steng du a las gri gug go/ /de'i dbus su a'o/ /a de las de bzhin gshegs pa thams cad rnal 'byor ma bco lnga'i gzugs su spros la de dag de nyid du bsdus nas zla ba dang nyi ma dang gri gug dang sa bon du gyur pa las bcom ldan 'das bdag med ma bsgom par bya'o//kha dog nag mo drag chen mo/ /phyag rgya lnga yis rnam par brgyan/ /'khor lo snyan cha nor bu dang //phyag gdub dang ni ske rags dang / /stag lpags smad g.yogs 'od 'bar ba/ /dbu skra dmar ser gyen du brdzes/ /phyag gnyis pa la zhal gcig ldan/ /khro gnyer bsdus shing spyan mig dmar/ /g.yon na thod pa kha T+wAM ga/ /phyag g.yas na ni gri gug bsnams/ phyed skyil byas pa'i gar gyis bzhugs//zla ba'i gdan dang zla ba'i 'od/ /'khor lo bzhi yis pad+ma la/ /yi ge bzhi yis mdzes par byas/ /nu par zla ba'i gri gug la/ /sa bon 'od zer ldan par gnas/ /dbang po'i rnal 'byor zhes bya ba dang po'i ting nge 'dzin te ngo bo nyid kyi sku'o//de'i 'og tu snying ga'i mtshan ma la gnas pa'i sa bon las zla ba'i dkyil 'khor bcu bzhi bton te ro so so'i snying gar dgod do/ /sa bon de nyid las nyi ma'i dkyil 'khor bcu bzhi spros la zla ba de rnams kyi steng du dgod do/ /zla ba dang nyi ma sbyar ba'i nyi ma'i thog tu sa bon rnams dgod do//de la nang gi rim pa'i shar la sogs ba'i nyi ma rnams la go rims bzhin du A i I u'o/ phyi'i rim pa'i grwa mtshams rnams su nyi ma rnams la rim pa bzhin du U r-i r-I l-i'o/ /shar la sogs pa'i sgo'i nyi ma rnams la l-I e e o'o/ / 'og dang steng gi nyi ma la au dang aM ngo / /so so'i sa bon las byung ba'i gri gug /de'i dbus su sa bon de nyid do/ /de nas spros shing bsdus nas zla ba dang nyi ma dang gri gug dang sa bon gyur pa de las lha mo bcu bzhi ste thams cad bdag med rnal 'byor ma ji lta ba bzhin du'o/ /phyogs kyi 'dab ma rnams la rdo rje ma dang /gau rI ma dang / chu'i rnal 'byor ma dang / rdo rje mkha' 'gro ma'o/ /mtshams rnams su puk+ka sI dang / ri khrod ma dang / gtum mo dang / g.yung mo'o/ /sgo rnams su gau rI dang / chom rkun ma dang / ro langs ma dang / g+ha sa ma rI'o/ /lha mo bcu gnyis po 'di dag ni bdag med ma la bltas pa'o//'og tu ni sa spyod ma ste kha 'og tu bltas pa'o/ /steng du mkha' spyod ma ste steng du bltas pa'o/ /'di thams cad kyi snying ga'i zla ba la gri gug gi dbus su rang gi sa bon rnams so/ /de'i 'og tu snying ga'i sngags kyi 'od zer gyi ye shes kyi dkyil 'khor bkug nas yi ge hUM gis bgegs bskrad par bya'o//nam mkha'i dkyil na bzhugs pa de la sngon yongs su bzlas pa'i mchod yon dang zhabs bsil rang gi sngags kyis dbul lo/ /de nas dzaHhUM baM hoH zhes bya ba 'dis dam tshig gi dkyil 'khor la ye shes kyi dkyil 'khor dgug pa dang /gzhug pa dang / bcing pa dang / dbang du byas te chu dang 'o ma ltar ro gcig tu gyur bar bsam par bya'o/ /de nas bdag nyid kyi gzugs kyi phung po la rdo rje ma dang / tshor ba'i phung po la gau rI ma dang / 'du shes kyi phung po la chu'i rnal 'byor ma dang / 'du byed kyi phung bo la rdo rje mkha' 'gro ma dang /rnam par shes pa'i phung po la bdag med ma dang / sa'i khams la puk+ka swi dang / chu'i khams la ri khrod ma dang / me'i khams la gtum mo dang / rlung gi khams la g.yung mo dang / gzugs kyi skye mched la gau rI ma dang / sgra'i skye mched la chom rkun ma dang /dri'i skye mched la ro langs ma dang / ro'i skye mched la za phod ma dang / reg bya'i skye mched la sa spyod ma dang / chos kyi skye mched la mkha' spyod ma dang / mig gi skye mched la rdo rje ma dang / rna ba'i skye mched la bdag med ma dang / sna'i skye mched la gau rI ma dang / lce'i skye mched la chu'i rnal 'byor ma dang /lus kyi skye mched la rdo rje mkha' 'gro ma dang / yid kyi skye mched la bdag med ma dang / zhe sdang la bdag med ma dang / gti mug la rdo rje ma dang / 'dod chags la chu'i rnal 'byor ma dang / nga rgyal la gau rI ma dang / phrag dog la rdo rje mkha' 'gro ma'i bdag nyid kyis gnas par blta'o//thams cad kyi mgor oM dang mgrin par AH snying gar hUM ste sku dang gsung dang thugs su byin gyis brlab pa'o/ /de ltar gzhan rnams la yang phung bo dang khams dang skye mched dang nyon mongs pa dang nye ba'i nyon mongs pa rnam par dag par mos par bya'o//de nas rang gi snying ga'i sa bon gyi 'od zer gyis de bzhin gshegs pa thams cad bkug ste nam mkha' la bzhugs su gsol la/ rang gi snying ga'i sa bon las ma mo brgyad spros pas yang dag par mchod la dbang bskur bar gsol ba gdab po/ /de nas de dag gis ye shes lnga'i rang bzhin gyis gang ba'i rin po che'i bum pa rnams kyis dkyil 'khor gyi bdag po dang dkyil 'khor pa rnams la dbang bskur bar bsam par bya'o//dbang bskur ba'i chu las rigs kyi bdag po lnga'i phyag rgyar gyur te/ sems dang rtag pa rin chen dbang 'jig rten dbang po don yod kyis//thugs dang rtag pa rin chen dbang / /'jig rten dbang pos mtshams gnas la/ /sgo srung rnams la de bzhin no/ /gti mug chags pa 'og dang steng / /de nas rang gi snying ga'i sa bon las mchod pa'i lha mo brgyad phyung la spros te mchod pa byas nas bsdu'o//de la dang po drug gi phyag na thod par mchod pa'i rdzas rnams bstabs pas rang gi mthus de rnams su 'gro ste/ de yongs su longs spyod pas mchod do/ /brgyad pa sme ma ni dkyil 'khor gyi bdag mo'i mgul nas 'khyud do/ /de las gzhan rnal 'byor ma bdun spros pa'i tshul gyis 'jug par bya'o//de yang rang gi pad+ma las byung ba'i rdo rje dang sbyor bas bcom ldan 'das mas thams cad la yongs su spyod do/ /nag po dmar po de nas ser/ /ljang sngon dkar po'i rim pa yis/ /lhan cig skyes dga' tsam du ni/ / 'khor lo'i gtso bo de bsam bya/ /dkyil 'khor rgyal por chog ces bya ba'i ting nge 'dzin gnyis pa longs spyod rdzogs pa'i sku'o/ /de'i 'og tu 'khor lo'i bdag pos bskul bas lha mo thams cad rim pa bzhin du rang rang gi sku las sprin lta bur spros pas rjes su mthun par 'gro ba'i don bsgrubs nas sku sprin lta bu rnams rtsa ba'i sku la bsdu bar bya'o//de la sgo srung rnams dang sa spyod mas ni go rims bzhin du dad pa dang brtson 'grus dang dran pa dang ting nge 'dzin dang shes rab kyi dbang po rnams la sems can thams cad 'jog par byed do/ /mkha' spyod mas ni dad pa dang brtson 'grus dang dran pa dang ting nge 'dzin dang shes rab kyi stobs rnams la'o//puk+ka sI sa ni rab tu dga' ba dang dri ma med pa dang 'od byed pa rnams la'o/ /ri khrod mas ni 'od 'phro ba dang sbyang dka' ba dang mngon du gyur pa rnams la'o/ /gtum mos ni ring du song ba dang mi g.yo ba dag la'o//g.yung mos ni legs pa'i blo gros dang chos kyi sprin dag la'o/ /lhag ma phung po lnga po rnams kyis ni sangs rgyas kyi sa la ste/ de yang phyogs kyi lha mo bzhis ni me long lta bu la sogs pa'i ye shes bzhi la'o/ /bcom ldan 'das yum bdag med ma nyid kyis ni shin tu rnam par dag pa chos kyi dbyings kyi ye shes la'o//las kyi rgyal po mchog ces bya ba ting nge 'dzin gsum pa sprul pa'i sku'o/ /skyo ba yin na ngal cung zad bsol 'bar ba'i sngags kyi yi ge rnams snying ga'i zla ba la yi ge'i phreng bar yid kyis bkod pa rnams rim gyis gdon cing ji srid skyo bar ma gyur gyi bar du bzla bar bya'o//sngags ni dbyangs yig bco lnga'i mthar swA hA dang ldan pa'o/ /de nas tshigs su bcad pa gnyis kyis bsod nams yongs su bsngo bar bya ste/ kun tu sangs rgyas thams cad kyi/ /rdo rje 'chang chen go 'phang ldan/ /bdag gis dge pa 'di thob ste//'gro kun gyis kyang thob par shog/ /rdzogs pa'i byang chub spyod gang dang / /rdzogs sangs rgyas nas gang spyod pa/ /byang chub rdo rjes sngags pa yi/ /spyod pa de nyid bdag spyod shog/ /de nas rang gi snying ga'i sa bon gyi gzugs la dkyil 'khor gyi lha rnams bcug ste/langs la ji ltar bde bar rang gi lha'i nga rgyal gyis rgyu bar bya'o/ /thun mtshams gzhan la bsgom pa'i gnas su zhugs la stan bde ba la 'dug nas bdag nyid bdag med ma'i rang bzhin du byas la/ rang gi snying ga'i sngags las gnas ji lta ba bzhin du lha mo bcu bzhi spros te bzhugs par dmigs la/bdag nyid dang de rnams mnyam par phung po la sogs pa rnam par dag pa dang / yi ge gsum gyi byin gyis brlab bar mos par bya ba dang / sngon bzhin du dbang bskur ba la sogs pa yongs su bsngo pa'i mthar thug pa'i bar du bya'o/ /de bzhin du dkyil 'khor las langs nas lha'i nga rgyal dang bcas pas thams cad bya'o//sngags 'dis gtor ma yang sbyin te/ oM a kA ro mu khaM sarba ng+harmA NAM A d+ya nu t+pan na twA ta oM AHhUM phaT swA hA/ zhes pas so/ /thun mtshams su mchod yon phul la ye shes kyi dkyil 'khor gshegs su gsol to//oM khyed kyis sems can don kun mdzad/ /grub pa'i tshul bzhin stsal lags kyi/ sangs rgyas yul du gshegs su gsol/ /slar yang 'gro ba'i don du gshegs/ oM muHzhes brjod de/ /de nas dam tshig gi dkyil 'khor nang du bcug ste gnas dang rnal 'byor dang bdag nyid bsrung bar bya'o//nyal ba'i dus su lhan cig skyes ba tsam lhag par mos par byas la gnyid log go/ /de ltar nyi ma re re bya'o/ /de ltar rim pa gnyis las gcig bstan nas/ gnyis pa'i gnas skabs gsungs pa/ rim pa zhes bya ba la sogs pa'o//rim pa dang rnam pa dang cha dang phyogs zhes pa ni rnam grangs so/ /ci'i rim pa zhe na/ rnal 'byor gyi ste sngags dang mtshan la sogs pa'i rim gyis lha'i rnam par bskyed pa ni rnal 'byor ba'i bskyed pa ste/ de gang la yod pa ni bskyed pa'i rim pa'o/ /rdzogs pa ni lhan cig skyes pa ste sgrub pa po la sogs pa'i rang bzhin lhan cig skyes pa'o//de nyid lha la sogs pa de kho na nyid kyi rang bzhin du mos te/ gang du rnal 'byor pas bsgom par bya ba de rdzogs pa'i rim pa'o/ /rim pa gnyis la brten nas ni/ /rdo rje can gyis chos ston to/ /zhes bya ba la/rdo rje can ni sangs rgyas rnams so/ /chos ston zhes pa ni rnal 'byor ston to/ /de la mkha' dbyings zhes pa'i tshigs su bcad pa 'dis bskyed pa'i cha dang bskyed pa'i phyogs gsungs nas rdzogs pa'i rim pa ston to zhes don gyis shes par bya ste/ de gsungs pa/ mkha' dbyings zhes bya ba la sogs pa la//pad+mo ste zhes pa ni chos kyi dbyings kyi ngo bo pad+ma'o/ /ye shes zhes bya ba ni sbyor ba'i lam gyi rang bzhin rdo rje'o/ /bsgom pa zhes pa ni bzhugs par bya'o/ /'di gsum ni dang po'o/ /lhan cig skyes pa gnyis ni mtha'o/ /'di gnyis kyi dbus su bsgom par bya ba ni mnyam par gzhag pas 'bad de bsgrub par bya zhing bskyod par bya ba ni snyoms par 'jug pa ste de bsgom pa'o//bsgoms pa'i 'bras bu lhan cig skyes pa'i dga' ba gnyis po de tshigs su bcad pa phyed phyi mas gsungs so/ /de la 'di'i don ni tshul ji bzhin zhes par gang bde ba phul du byung ba nyid dang ma 'khrul ba yin no//sngon du zhes pa ni rgyu'o/ /de'i 'khor lo ni rnal 'byor ma'i 'khor lo'i ngo bo zhes bya ba'i don to/ /gang yang ji ltar 'byung ba ni rgyu'i stobs las skyes pa'i byang chub kyi sems te lha'o/ /nam zhes pa'i sgras ni thams cad la smon par byed pa'i tshig ste/thams cad las phul du byung ba'i lha zhes bya ba'i don to/ /bcom ldan 'das rdo rje 'dzin pa zhes bya ba'i bar ro/ /'di nyid kyi bshad pa de'i zhes bya ba la sogs pa'o/ /de bsgoms pas skyes pa'i bde ba de ni de'i bde ba'o/ /'khor lor brjod ces pa ni rnal 'byor ma'i 'khor lor bshad pa'o//shes rab mchog gi rang bzhin des de dang de rnams bsdus so/ /bde ba de ji lta bu zhe na/ gsungs pa tshul ji bzhin zhes pa ste/ ma 'khrul ba phul du byung ba zhes pa'i don to/ /de nyid bshad pa ni rang rig ces pa'o/ /'dir rig ces bya ba'i sgras ni bsgrub bya'i bde ba mngon du gyur par gsungs te/yang dag pa mngon du ma gyur pa ni rig par mi rung bas so/ /yang dag pa'i sgras ni yang dag pa'i don nyid dang phul du byung ba zhes bya ba'i don to/ /rang zhes bya ba'i sgras ma 'khrul ba de nyid de'i rang bzhin gyis rig pa ste/ 'khrul bas sgro btags pa ni ma yin pa'o zhes bya bar gnas so/ /lha rnams zhes pa ni de'i rjes su bstan pa ste/ lha zhes pa ni de la ston pa'i don du gsungs pa'o/ /byang chub sems zhes pa ni de nyid rang yang dag par rig pa chos sku'i ngo bo ni byang chub ste/ byang chub kyi rgyu mthun pa'i sems ni byang chub sems te longs spyod rdzogs pa'i sku'i ngo bo shin tu phra ba'i rnam par sbyor ba rdo rje 'dzin pa'i sku zhes bya ba'i don to//de ci zhe na gsungs pa/ ji ltar 'byung ba zhes pa ste/ don ji lta bar 'byung ba ni rnam pa dang bcas pa nyid yin yang don du mngon par zhen pa med pa nyid do//de yang gang zhe na/ gsungs pa/ khu ba zhes pa ste/ cir 'gyur zhe na/ de las te rgyu de las lhan cig skyes pa rnam pa gnyis te/ lhan cig skyes pa'i dga' gnyis so/ /gal te lhan cig skyes pa gang yin pa de'i tshe bud med dang skyes pa la ji ltar 'gyur zhe na/ gsungs pa/btsun mo zhes bya ba la sogs pa'o/ /'di dag ces pa ni bdun pa'o/ /dga' ba rnam pa gnyis ji ltar snyam pa la/ gsungs pa/ don dam kun rdzob dbye ba las/ /zhes pa'o/ /rang gis yang dag par rig pa don dam pa ste snang ba med pa nyid dang sgrib pa med pa nyid do/ / kun rdzob ni ji ltar 'byung ba ste/ rnam pa'i cha dang cung zad sgrib pa can nyid do/ /de nyid kyi zhes pa gnyis la rnam pa gnyis gnyis so/ /bzhi zhes pa rnam pa bzhi'o/ /rab tu dbye ba zhes pa ni lhan cig skyes pa'i dga' ba spyir rab tu dbye ba'o/ /'o na rnam pa gzhan du yang dga' ba bzhi brjod do/dga' ba dang mchog tu dga' ba dang / khyad par gyi dga' ba dang / lhan cig skyes pa'i dga' ba zhes bya ba 'di dang / rnam pa gzhan du brjod pa de ji ltar na mi 'gal snyam pa la gsungs pa/ lhan cig skyes pa zhes pa la sogs pa'o/ /dga' ba dang /mchog tu dga' ba la sogs pa bzhi ni bskyed pa'i rim pa'i phyogs la bsgom par bya ste/ rdzogs pa'i rim pa la ni lhan cig skyes pa gcig nyid rnam pa bzhir bsgom par bya zhes pa'o don to/ /de ltar lhan cig skyes pa rnam pa gnyis rnam pa bzhir yang bstan to/ /spyir rnam pa gsum du yang gsungs te/dga' ba dang po dpa' bo sgrub pa po ste/ rang dang gzhan gyi don phun sum tshogs pa dag la mchog tu gzhol ba'i don du brtson 'grus brtsams pa nyid kyis so/ /de nyid dga' ba ste/ dga' ba las bde ba la spyod par byed pa po gud na med pa'i phyir ro/ /mchog tu dga' ba rnal 'byor ma//zhes bya ba ni/ shin tu dga' ba don du gnyer bas so/ /shin tu dga' ba zhes pa ni gsum po ste/ thun mong ba nyid kyis gcig tu bgrangs pa'o/ /ma lus nyid ces pa ni gsum po thams cad nyid du zhes pa'i don to/ /de nyid gsungs pa/ de zhes pa la sogs pa'o//bsgoms pa las skyes pa'i bde ba de bde ba'o/ /thabs ni bsgom pa'o/ /thams cad rig pa ni lha'o/ /bskyed pa'i rim pa la dga' ba bzhi bsgom par bya ba ni dga' ba'i rang bzhin de dag rim gyis bskyed par bya'o zhes bya ba ni rigs pa'o/ /rdzogs pa'i rim pa la lhan cig skyes pa'i dga' ba gcig nyid bsgom par bya'o zhes pa la/'dir rigs pa gsum tshigs su bcad pa gsum gyis gsungs pa/ dga' ba zhes pa la sogs pa'o/ /'di'i bsdus pa'i don ni 'dir rang gi rigs pa nyid bde ba nam mkha' dang mnyam pa de ni bsgrub par bya'o//de yang gang zhe na/ gang ji lta ba'i don dang / phul du byung ba dang / mngon du gyur ba ste/ rang gi sgra dang yang dag pa'i sgra dang / rigs pa'i sgras rim pa bzhin don gsum du gsungs so/ /'di gsum yang lhan cig skyes pa'i nyid la yod pa yin te/ de nyid rtag tu bsgom par bya'o//gzhan ni bsgom par bya ba ma yin te/ bsgrub par bya ba'i mtshan nyid dang bral ba'i phyir ro/ /de la dga' ba gsum tshigs su bcad pa gsum gyis go rims bzhin du phul du byung ba ma yin pa nyid dang 'khrul pa dang / 'dod pa mngon du byed pa ma yin par gsungs pa/cung zad ces pa ni chung ba dang dman pa dang phul du byung ba ma yin zhes bya ba'i don to/ /lhag pa nyid ni dga' ba de las mchog tu dga' ba lhag pa ste/ bar ma nyid kyis phul du byung ba ma yin pa zhes bya ba'i don to/ /chags bral ni rgyab kyis phyogs pa ste/ des na khyad par kyi dga' ba dman pa nyid de//bde ba dang sdug bsngal pa 'dren pa nyid ces bya ba'i don to/ /lhag ma zhes bya ba kun gyi lhag ma'o/ /lhan cig skyes dga' zhes pa ni lhan cig skyes dga' nyid de bsgom par bya zhes pa gzhan dang sbyar ro/ /'dod pa zhes pa ni 'dun pa dang smon pa zhes rnam grangs so//de yang rnam par rtog pa nyid kyi phyir 'khrul pa'o/ /de bas na dang po de dag 'dod pa dang bcas pas 'khrul pa'o/ /rig pa ni pad+ma la'o/ /'dod pa zhes pa ni ldan pas zhes pa tshig gi lhag ma'o/ /tshigs su bcad pa dang po las bstan pa'i rim gyis khyad par gyi dga' ba gsum pa yin la/bzhi pa ni lhan cig skyes pa'i dga' ba yin gyi skye ba'i rim pas ni ma yin no/ /'dod chags kyi sgras phul du byung ba'i bde ba tsam gsungs te chags pa'i gnas yin pa'i phyir ro/ /de 'jig pa ni med pa ste/ de'i dngos po ni de nyid do/ /de las byung bas na des mtshon par byed pa ste des mtshon par byed ces bya ba'i don to//gang gi phyir khyad par gyi dga' ba ni bde ba dam pa mi 'jig pa'i mtshan nyid bde ba dam pa bdag gis myong ngo zhes de las 'das pa'i bde ba dran par byed pa rnam par rtog pa'i rang bzhin nyid kyis 'khrul zhes bya ba'i don to//srid pa ni 'byung bar 'gyur bas na srid pa ste/ /nus pa thogs pa med pa'i rgyu zhes bya ba'i don to/ /mya ngan las 'das pa zhes bya ba ni 'jig pa'o/ /dbu ma zhes pa ni dbus te bar chad do/ /de 'di la yod pas na dbu ma ste/ dbus ni bar dang bcas pa dang /chod par byed pa nyid ces bya ba'i don to/ /'di'i don mchog tu dga' ba'i dus la yang phul du byung ba'i bde ba mngon du byed pa ma yin te/ de de'i rgyu nyid kyi phyir ro/ /khyad par gyi dga' ba'i dus la yang de mngon du byed pa ma yin te zhig pa nyid do/ /dga' ba'i dus la shin tu yang lhag par mngon du 'gyur ba ma yin te rgyu'i rgyu nyid do//'di rnams kyis zhes pa gsum gyi mngon du 'gyur pa ma yin ste/ phul du byung ba'i bde ba'i rang bzhin du skyes bas so/ /gal te de lta na bskyed pa'i rum pa la yang gzhi gang gi phyir bsgom par bya zhe na/ gang dang gang dga' ba mngon du 'gyur ba ste de dang des nye bar mtshon par byed pas so//de gang gi phyir rdzogs pa'i rim pa gcig pu zhe na/ 'di rtag tu lhag par mos pa'i gtso bo nyid de/ lhan cig skyes pa nyid mngon du byed pa'i rgyu'i phyir ro/ /de ltar na lhan cig skyes pa'i nye bar bstan pa tsam gyis bdag gi bya ba byas pa ste bsgom par bya ba don med do snyam du kha cig sems na/de bas na de'i lan gsungs pa/ gzhan gyis brjod min zhes bya ba la sogs pa'o/ /gzhan gyis brjod min zhes pa ni sangs rgyas rdo rje 'dzin pa la sogs pas kyang ngo / /gang gis kyang ni yongs mi rnyed//ces pa ni sa bcu'i dbang phyug gis kyang ngo / so so rang gis rig par bya ba dang / de dag gi rnam par rtog pa'i yul las 'das pa nyid ces bya bar dgongs so/ /de'i tshe de ston pa dang nyan pa ji ltar snyam pa la/ de ni brjod pa'i kun rdzob yin gyi rang gi ngo bos ni ma yin te/lha dang dmyal ba'i bde ba dang sdug bsngal bstan pa na thos pa bzhin no/ /gang gi tshe de mngon sum du gyur pa de'i tshe rang bzhin gyis rig ste de'i tshe/ yang bdag nyid kyis rig ste/ gzhan gyi tshig gis ma yin no/ /de nyid gsungs la/ rang nyid kyis ni shes par 'gyur//zhes so/ /de bas na bsgoms pa don med pa ma yin te/ sgom pa yongs su rdzogs pa med na de mngon sum du bya bar mi nus ba nyid kyi phyir ro/ /de skad du yang gsungs pa/ srid pa'i zug rngu 'byin pa yi/ /lam ni nga yis khyed la bstan/ /de bzhin gshegs pa ston mdzad yin//khyed rnams rang gis nan tan gyis/ /zhes so/ /'o na 'jig rten las 'das pa'i lam de la ni 'di rigs na lhan cig skyes pa'i dga' ba ni 'dod pa spyod pa rnams kyis mngon sum nyid de/ de la man ngag kyang don med na bsgom pa lta ci smos/ mngon sum gyi don la gzhan gyi man ngag gis ci zhig bya zhe na des na gsungs pa/bsod nams zhes bya ba la sogs pa'o/ /'di ltar dgongs te/ 'dir 'jig rten pa'i lhan cig skyes pa'i dga' ba nyid bsgrub par bya ba ma yin pa nyid de grub pa'i phyir dang / gong nas gong du lha'i 'jig rten la sogs pa'i bde ba las dman pa nyid dang /zag pa dang bcas pas dri ma nyid kyi phyir de 'khor ba pa rnams kyi skyon gyi rtsa ba nyid do/ /'o na ji lta bu zhe na/ de bzhin gshegs pa rnams kyi so so yang dag par rig pa gang chos kyi sku lhan cig skyes pa nam mkha' lta bu dang / de'i rgyu mthun par gyur pa longs spyod rdzogs pa'i sku 'byung ba lhan cig skyes pa mchog tu phul du byung ba shin tu rnam par dag pa nges par bde ba'i mtshan nyid lhan cig skyes pa de 'dir bsgrub par bya'o//de yang thabs gzhan gyis rtogs pa ma yin pas 'jig rten pa'i lhan cig skyes pa'i dga' ba nyid la man ngag ji lta bar lhag par mos pas bsgom pa yongs su rdzogs pa ni mngon du gyur pas bdag nyid kyis shes so//de nas dang po nas ma yin te/ /de bas na 'dir thos pa dang / bsam pa dang sgom pa don med pa ma yin no zhes pa'i don to/ /thabs ni lam mo/ /de bsten pa ni yang dag sgom pa'o//de'i mang po brgyud pa ni rnam pa mang po zhes bya ba'i don to/ /bla ma las rnyed pa ni bla ma'i dus tshigs te/ brgyud la gang sngon du rung ba'i slob ma la bla mas chog bzhin sbyin par bya ste/ gdams ngag 'bog ces bya ba'i don to/ /rtogs par bya ba'i phyir smra ba ni gdams ngag 'bog pa ste man ngag go//bla ma brgyud pa'i thabs bsten pa ni bla ma brgyud pa'i thabs bsten pa'o/ /des zhes te bsod nams las so/ /'dis ni mthun pa'i yul du skyes pa dang / skyes bu dam pa la brten pa dang / sems kyis smon lam yang dag par btab pa dang /sngon bsod nams byas pa ste/ bzhi po 'di rtogs par byed pa'i rgyur gsungs so/ /de la bla ma brgyud pa'i smos bas skyes bu dam pa la brten pa gsungs so/ /thabs brten pa zhes smos pas sems kyis yang dag par smon lam btab pa dngos su gsungs la/mthun pa'i yul du skyes pa'i don gyis gsungs te/ de med na me 'byung bas so/ /bsod nams smos pas bsod nams bya ba gsungs so/ /'dir ni bsod nams zhes gsungs pas sngon byas pas bsod nams la bya ba ma yin te/ ci la bya zhe na/ 'di la bsags pa'i bsod nams kyis rtogs par bya ste/sngags kyi lugs la 'dod pa nyid yin pa'i phyir ro/ /de gang zhe na thabs kyi khyad par gyis so/ /gang yang 'di'i dam tshig ji lta ba dang mngon par rtogs pa ji lta ba dang / gang nyid re bzhin rten pa dang brten pa'i 'khor lo bsgom pa la sogs pas bdag dang sems can dang snod kyi 'jig rten rnams rgyun du yongs su sbyong par byed pas thabs de 'dir 'di dag gi khyad par ro//'o na thabs kyi khyad par 'di ni bskyed pa'i rim pa la yod kyi rdzogs pa'i rim pa la ni med de/ de la lhan cig skyes pa'i dga' ba tsam bsgoms pas so zhe na/de bas na gsungs pa/ dman pa bar ma zhes bya ba la sogs pa'o/ /'di nyid kyi bshad pa dman pa zhes bya ba la sogs pa'o/ /phra ba'i dngos po zhes pa ni bdag nyid kyi sems dang sems las byung ba'o/ dngos po zhes pa ni rang gi lus so/ /gnyis po spangs zhes pa ni rang gi lus kyi yan lag go//dbang po drug ces pa ni rang gi lus lhag par gnas pa mig la sogs pa'o/ /brtan dang g.yo zhes pa ni phyi rol te/ sems yod pa dang sems med pa'o/ /bdag nyid min zhes pa bdag de kho na ma yin pa'o/ /mtshungs pa ni rang bzhin zhes pa ni dbyer med pa'i sems pa nyid do//ji ltar snyam pa la gsungs pa/ de nyid bsgom par bya zhes pa'o/ /'di'i bshad pa ni ro mnyam zhes pa ste ro gcig par bsgoms pas zhes pa'i don to/ /'di'i yang bshad pa/ mnyam zhes bya ba la sogs pa ste/ 'dir mtshungs zhes bya ba ni 'dra ba'i don to//'dis ni tshig snga ma'i don gsungs so/ /de'i zhes bya ba ni dman pa dang 'bring la sogs pa'o/ /ro ni ro dang mnyam snying po dang de kho na nyid dang ngo bo zhes bya bas so/ /ro de gang zhe na 'khor lo ste/ rang rig pa'i bde ba'i mtshan nyid rnal 'byor ma'i 'khor lo zhes bya ba'i don to//'dis ni tshig phyi ma'i don gsungs so/ /spyi'i don gsungs pa/ ro mnyam gcig pa'i ngo bo zhes pa la/ 'di la mnyam pa'i ro yod pas na mnyam pa'i ro yin la/ ngo bo gcig tu gyur pas na gcig gi ngo bo'o/ /don 'di yis zhes pa ni ji skad gsungs pa'i cha shas kyi don gyis so//ro gcig pa nyid de yang ji lta bur sgom snyam pa la/ gsungs pa/ nga las zhes bya ba la sogs pa'o/ /'gro ba thams cad ces bya ba ni g.yo pa'o/ /thams cad nga las byung zhes ba ni nga las byung ba nyid de/ sems las gzhan bdag ces bya ba cung zad kyang med de/'di thams cad sems las byung ste nga las byung ba nyid do/ /sa gsum zhes pa ni brtan pa thams cad de/ de yang nga las byung ste snga ma bzhin no/ /'di dag ces bya ba ni brtan pa dang g.yo pa'o/ /nga yis khyab ces pa ni sems kyi ngo bo nyid do/ /nga las gzhan pa'i 'gro ma mthong //zhes pa ni sems ma yin pa'i rang bzhin med pa'o/ /sna tshogs pa'i rang bzhin ni sems yin mod ci'i phyir bde ba chen po'i rang bzhin yin zhe na/ gang gi phyir rang bzhin yang dag par rig pa'i sems te/ gnyis kyis stong ba nyid ni sems kyi rang bzhin nyid do/ / sems thams cad ni ye shes nam mkha' dang mnyam pa bde ba chen po'i bdag nyid kyi rjes su song ba'o/ /gnyis kyis stong pa nyid dag par rig pa ni thun mong yin no/ /'dis ni lhag par mos pa'i rnal 'byor gsungs so/ /de'i phan yon gsungs pa/ de ltar zhes bya ba la sogs pa'o//bsod nams chung ba'i mi yis kyang / /zhes pa ni skye ba snga mar bsod nams ma byas pas kyang ngo / /'grub par the tshom med ces pa ni rnal 'byor 'dis bsod nams bsags pas so/ /za zhes pa ni za bar byed pa na'o/ /nyal yang zhes pa ni rtag tu bslabs pas de bzhin du rmi lam na yang mthong ngo //rgyun du zhugs pa ni rnal 'byor 'di nyid kyis ro lhun gyis grub par 'byung ba'o/ /rgyun tu bya ba 'dis ci bya zhe na gsungs pa/ phyag rgya chen po zhes bya ba la sogs pa ste phyag rgya chen po'i dngos grub kyi don du zhes bya bar dgongs so//'di lta bu'i rnal 'byor du lhag par mos pa'i gzhung gis ni bsod nams byas par bshad do/ /sems kyis smon lam btab pa bshad pa'i phyir gsungs pa/ 'di ltar zhes bya ba la sogs pa'o/ /'gro ba thams cad ces pa ni sems can dang snod kyi 'jig rten no/ / de dag thams cad gcig tu bsgom par bya ba nyid do/ /nges par gzung ba gang gi phyir snyam pa la gsungs pa yid kyis zhes bya ba la sogs pa'o/ /yid ni rnam par rtog par byed pa'i shes pa ste/ de nyid kyis brtag par mi bya ste/ de nyid kyis ni nges par gzung ngo / /zhes bya ba'i don to/ / gal te rnam par brtag par bya ba ma yin na de'i tshe bsgom par mi bya'am snyam pa la/ de bas na gsungs pa/ chos ni thams cad ces bya ba la sogs pa'o/ /chos rnams yongs su shes pa nyid bsgom pa ste rtog pa de ltar ma yin no zhes bya ba'i don to/ /rtog pa rnams rang bzhin gyis 'khrul ba zhes bya bar dgongs so//de'i tshe yongs su shes pa de ji lta bu snyam pa la gsungs pa/ brtag pa dang zhes bya ba la sogs pa'o/ sogs pa'i sgras shing dang ri dang rgya mtsho la sogs pa dang srog chags rnams so/ /de dag thams cad mchog gi de kho na nyid du bsgom par bya ba'o/ mos pa'i de kho na nyid du sna tshogs par brjod pa dang /rnam pa sna tshogs pa'i rtog pa ni ma yin no/ /yang de'i mchog gi de kho na nyid ji ltar yin zhe na/ de bas na gsungs pa/ bdag gis zhes bya ba la sogs pa'o/ /bdag ni rang gi sems so/ /de'i dngos po ni de nyid de de'i rang bzhin nyid las de skad ces gsungs so//de rnams gcig ces pa dang / de nyid ces pa snga ma dang sbyar ro/ /gzhan yod min zhes pa ni da kho na nyid gnyis pa med do/ /gcig pa de yang ji ltar zhe na/ gsungs pa/ rang rig ces pa la sogs pa'o/ /'o na stong pa nyid ni mchog gi de kho na nyid yin la/ 'di ltar de ni yang dag pa'i mthar gsungs te/yang dag pa ni de kho na nyid do/ /de rnams kyi mtha' ni gtso bo ste/ de las gzhan pa'i de kho na nyid kyi don yod pa ma yin pas 'dir rang rig nga la mchog gi de kho na nyid du gsungs pa 'gal lo zhe na/ stong pa nyid ces bya ba cung zad kyang gzhan ma yin no//chos las chos nyid gang tha dad pa'i rang bzhin med de/ 'on kyang de nyid yang dag par rig pa'i chos rnams kyi dngos po'i de kho na nyid gang gnyis su med pa'i rnam par rig pa tsam nyid de/ de yang 'dir mchog gi de kho na nyid do/ /de nyid mchog gi de kho na nyid yin pas na rang rig pa nyid mchog gi de kho na nyid du gsungs pa yin pas de bas na ci ste 'gal/gzhan yang dmigs par bya ba'i de kho na nyid kyi nang nas ni stong pa nyid mchog yin gyi dmigs par byed pa po la sogs pa'i mchog gi de kho na nyid ni ma yin no/ /yang rang rig pa nyid ni chos thams cad kyi mchog gi de kho na nyid kyi bdag nyid de/'di ltar rang yang dag par rig pa ni dmigs par bya ba'i de kho na nyid rnams kyi mchog stong pa nyid mthong bas rang bzhin yang mthong ba yin pa'i phyir dmigs par byed pa'i rang rig pa nyid mchog gi de kho na nyid yin gyi/ stong pa nyid ni ma yin te bems po nyid yin pas so//gang yang gzhan rnams las mchog gi de kho na nyid rnam pa bdun po 'bras bu'i de kho na nyid dang / rgyu'i de kho na nyid dang / las kyi de kho na nyid dang / lam gyi de kho na nyid dang / byed pa po'i de kho na nyid dang / dbang phyug gi de kho na nyid dang / khyab bdag gi de kho na nyid dang /de rnams ni rang rig pa de nyid do zhes bstan pa'i phyir gsungs pa/ rang rig ces bya ba la sogs pa'o/ /dpe med pa shin tu rnam par dag pa rtag tu bde ba'i mtshan nyid ni bde ba chen po ste/ 'bras bu mchog gi de kho na nyid do/ /de'i bshad pa ni bde ba chen po zhes pa yin te/rang rig pa zhes pa dang sbyar ro/ /rang rig pa de'i dngos po ni de nyid de/ de'i mtshan nyid ces bya ba'i don to/ /dngos grub ni byang chub ste de ni rang rig pa nyid las byung ngo / /de nyid rgyu'i mchog gi de kho na nyid de/ dngos grub nyid skyed par byed pa po zhes bya ba'i don to//ni zhes bya ba'i sgras ni nges par gzung pa'o/ /rang rig nyid bsgom pa ste/ de nyid kyis na de lam gyi mchog gi de kho na nyid ces bya ba'i don to/ /rang rig pa'i rang bzhin las zhes pa ni rang rig pa'i bdag nyid de nyid las kyi mchog gi de kho na nyid ces bya ba'i don to/ /de ji ltar na las yin zhe na/gnod pa las ni zhes bya ba la sogs pa'o/ /de la las ni rnam pa gnyis te ye shes dang rab tu spangs pa'o/ /nyon mongs pa dang shes bya'i sgrib pa zad pa ni spangs pa'o/ /ye shes ni chos thams cad rtogs pa'i rang bzhin no/ /de las gnod pa zhes bya ba la sogs pa 'dis ni spangs pa mngon sum du gsungs la ye shes ni don gyis so//gzhung kha cig las ni rtogs pa las zhes 'byung ste/ der ni ye shes dngos grub gsungs la spangs pa ni don gyis so/ /las skyes zhes pa ni las su 'gyur ba ste rang rig pa nyid do/ /lam las lam gyi byed pa gung na med de lam ni byed pa'o//byang chub sems dpa' ni byed pa po ste gang gi phyir sgrib pa de dag 'joms pa dang ye shes byed pa'i phyir ro/ /de nyid kyis na byed pa po'i de kho na nyid ni byang chub sems dpa' mchog tu mthar phyin par 'gyur ba ste/ de yang rang gi rig pa nyid du gsungs te/ rang gis sdud cing rang gis byed/ces pa ni de las ma gtogs pa'i byed pa po med do zhes bya bar dgongs so/ /ye shes dang spangs pa phun sum tshogs par gyur ba gang yin pa de ni 'jig rten thams cad kyi mchog nyid yin pas 'jig rten dbang phyug gi mchog ste de yang de nyid yin no zhes bstan pa'i phyir/ rang nyid rgyal po zhes pas gsungs so/ /gang de rang gi don phun sum tshogs pas rnam pa thams cad kyi thams cad du sems can gzhan gyi don phun sum tshogs par nus pas de nyid khyab bdag gi mchog ste de yang de nyid yin par gsungs pa/ rang gtso bo zhes pa'o/ /ci yang 'di de bzhin gshegs pa lnga rnams las gzhan nam zhe na/ma yin te gsungs pa/ 'dod chags zhes bya ba la sogs pa'o/ /'dod chags ni snang pa mtha' yas so/ /zhe sdang ni mi bskyod pa'o/ /phrag dog ni don yod grub pa'o/ /gti mug ni rnam par snang mdzad do/ /nga rgyal ni rin chen 'byung ldan no//de gnas zhes pa drug pa'i don la bdun pa'o/ /rang rig pa 'di nyid gnas te/ bde ba chen po'i go 'phang rdo rje 'dzin pa'i gnas zhes bya ba'i don to/ /bcu drug char yang mi phod do/ /zhes pa bcu drug gi char yang mi nus so zhes pa'i don to/ /de bzhin gshegs pa thams cad kyi phun sum tshogs pa de'i nang du 'dus pa nyid du dgongs so//'dir 'di ltar yid kyis ma bsgoms na zhes bya ba la sogs pa tshigs su bcad pas bsgom pa'i rang bzhin gsungs te/ 'khrul ba'i sgom pa yongs su gsal ba'i don to/ /brtan dang g.yo ba'i zhes pa tshigs su bcad pa byed kyis ni de'i dmigs par bya ba gsungs te/nyi tshe ba dgag pa'i phyir ro/ /bdag gi dngos po zhes bya ba la sogs pas de'i rnam pa gsungs te/ rnam pas gzhan yongs su bsal ba'i don du'o/ /de rnams gcig ces pa la sogs pa tshigs su bcad pa gsum gyis rnam pa de'i bdag nyid chen po gsungs te kus pa bskyed pa'i don to//gus pa ni sri zhu dang mos pa'o/ /mos pas gus par sgom par 'gyur la/ mos pa'i stobs kyis rtag tu bsgoms par yang 'gyur te/ de gnyis kyis rtogs par 'gyur ro/ /de nyid bsgom pa'i thabs yang dag par gsungs pa ste/de gang yin pa de sems kyis yang dag par smon lam btab pa'o/ /da ni bla ma brgyud tshul bshad de/ gang gi don du skyes bu dam pa la yang dag par brten pa'o/ /skyes bu dam pa ni dge ba'i bshes gnyen te yang dag pa'i gdams ngag ster bar nas ba'i bla ma zhes bya ba'i don to//de bas na bla ma brgyud pa'i tshigs su bcad pa gnyis gsungs pa chos 'byung zhes bya ba la sogs pa'o/ /chos ni 'phags pa'i chos te/ de rnams 'byung pa ni 'dir chos 'byung ste/ chos kyi dbyings zhes bya ba'i don to/ /de'i phyag rgya yang chos 'byung ste/'dir de dang chos mthun pas pad+ma la de skad ces gsungs te/ pad+ma de la rnal 'byor pas der mos pa bskyed pa'i phyir ro/ /de las byung ba yod pas na/ chos 'byung las skyes ye shes so/ /ji lta bu zhe na mkha' dang mnyam pa'o/ /ci'i phyir zhe na/ mkha' dang mnyam nyid snang ba med pa gnyis kyis stong pa nyid mthar phyin pa nyid to//snang ba med pa de ci'i phyir zhe na/ gsal zhing dga' ba der rig pa 'jug pas rjes su myong na rig pa gzhan rnams su rgyu ba med pas so/ /gal te yid kyis der bskyed pa de lta na ni mkha' dang mnyam par mi 'gyur ro zhe na/ de ni ma yin no//de'i tshe rang byung ba nyid kyis/ des yid kyis byed pa 'das pa na de ltar skye bas so/ /de nyid kyis de lhan cig skyes par gsungs so/ /yang ji lta bu zhe na/ thun mong thams cad pa zhes pa ste/ thun mong 'di ni de las cung zad bye brag yod de/ thabs kyang gzhan gyi don sgrub pa nyid kyis thabs dang ldan pa'o//thun mong de de las byung zhing de dang chos mthun pa ste/ de'i rjes las thob pa dag pa 'jig rten pa'i ye shes zhes bya ba'i don to/ /de yang lhan cig skyes pa ste rang byung pa nyid kyis so/ /des na ldan pa ni bcas pa'o/ /gal te des ci dgos she na/ bsgom par bya zhes pa ni tshig lhag ma'o/ / 'o na ye shes gnyis gnyis skye bar zad kyi nam yang lha rnams skye pa ma yin na sngags kyi lugs la lha bsgom par bya ba yin gyi ye shes tsam ni ma yin no zhe na/ de'i phyir gsungs pa 'jig rten gsum zhes bya ba la sogs pa'o/ /phyogs bcu dus gsum na bzhugs pa'i sku gsung thugs kyi gsang ba so so mtha' yas pa ni 'jig rten gsum mo//'jig rten gsum bsdus pa ni 'jig rten gsum ste rdo rje 'chang chen po'o/ /de gang gi phyir de las skyes pa de'i phyir ye shes de bsgom par bya'o/ /gang gi tshul gyis skyes zhe na/ thabs dang shes rab rang bzhin gyis te/ thabs dang shes rab kyi tshul gyis zhes bya ba'i don ni phul du byung ba'i ye shes ni she rab ste/chos kyi sku zhes bya ba'i don to/ /de las byung ba longs spyod rdzogs pa dang sbrul ba dag dbyer med pa'i rang bzhin rgyun mi 'chad par 'gro ba thams cad kyi don du thun mong bsgrub par byed pa'i thabs te/ de'i tshul gyis skye bo zhes bya ba'i don to//de dag kyang 'dir ji ltar de las skyes snyam pa la/ khu ba'i zhes bya ba la sogs pa'o/ /bcom ldan 'das zhes pa ni sku gnyis sdud par byed pa'i thabs so/ /khu ba'i rnam pa zhes pa des ni lhan cig skyes pa gnyis pa gang yin pa gsungs te/ nam mkha' dang mnyam pa'i ye shes kyi rgyu mthun pa nyid kyi phyir ro//rnam pa de nyid 'di'i yin pas de'i rnam pa'o/ /de nyid bcom ldan 'das te/ de'i rnam pa de las skyes pa zhes bya ba'i don to/ /de ci'i phyir zhe na/ mkha' dang mnyam pa'i ye shes kyi rgyu mthun pa nyid kyis de dag dbyer med do/ /de'i bde ba zhes bas ni mkha' dang mnyam pa'i ye shes gang yin pa de gsungs pa'o//'dod mar brjod ces pa ni shes rab ces pa'i don to/ /nam mkha' dang mnyam pa'i ye shes su de dag ci dbyer med pa'o/ /gal te shes rab ni rung ba yin gyi thabs ma yin te/ rnam pa dang bcas pa nyid kyis rnam par rtog pa nyid do zhe na gsungs pa/gcig dang zhes bya ba la sogs pa'o/ /thabs 'di gcig dang du ma'i sbyor ba dang bral ba'i dmigs pa nyid kyis gcig dang du ma dang bral lo/ /de ci'i phyir snyam pa la/ skad cig gcig la zhes pa ste/ nam mkha' dang mnyam pa'i ye shes de nyid kyis ni skad cig ste dga' ston nyid do//gang gi phyir bde pa'i skad cig de nyid las byung gi ma rig pa'i stobs las skye ba ma yin pas de'i phyir gcig dang du ma'i sbyor ba dang bral bar dmigs par byed do bar dgongs so/ /gcig dang du ma'i rang bzhin dang bral bas dngos po'i rnam pa bden pa ma yin no//de bas na chos thams cad rnam par shes pa'i lus yin pas rnam pa rnams ji ltar yang yod pa ma yin te gnyis kyis stong pa nyid do/ /de yang nam mkha' dang mnyam pa'i ye shes mchog tu gsal bar rgyu bas mngon sum du mthong ngo / /de nas de bsgoms pa'i stobs las byung ba'i rnam pa dang bcas pa'i ye shes kyis de yongs su gcod pa ste/rnam pa dang bcas pa yang rnam pa ji lta bar yod pa ma yin pas sgyu ma la sogs pa ltar snang ste/ byis pa don du mngon par zhen pa rnams la sngon po la sogs pa'i don gsal bar snang pa bzhin no/ /ji skad du rnam par mi rtog par 'jug par byed pa'i gzugs las/rnam par mi rtog pa'i ye shes kyis ni nam mkha'i dkyil ltar chos thams cad dbyer med par mthong ngo / /de'i rjes la thob pas ni sgyu ma dang / smig rgyu dang rmi lam dang / mir yor dang / sgra brnyan dang / gzugs brnyan dang / chu zla dang / sbrul ba dang / dri za'i grong khyer lta bur chos thams cad mthong ngo zhes gsungs so/ /de bas na nam mkha' dang mnyam pa'i ye shes bzhin du thabs kyis kyang don dam par mthong ba nyid de bde ba chen po'i rang bzhin no/ /de nyid gsungs pa dga' ba gzhan zhes pa ste/ shes rab gnyis pa'o/ /de yang shes pa yang yin la/phul du byung ba'i bde ba chen po nyid kyang yin no zhes pa'i don to/ /gzhan yang sangs rgyas kyi chos thams cad rnam pa thams cad du gzigs pa mtshan dang dpe byad la sogs pa'i sangs rgyas kyi chos thams cad la rdzogs par longs spyod pa rnam pa thams cad du 'gro ba'i don mdzad pa'i sangs rgyas rnams kyang thabs med par ga la yod/rang gis rig pa zhes bya ba sogs pa'i tshigs su bcad pa ni nye bar sdud pa ste/ bla ma brgyud thabs zhes bya ba la sogs pa gsungs pa de thams cad kyi nye bar sdud pa ni rang gis rig pa'i ye shes 'di zhes pa'o/ /gzhan gyis brjod min lhan cig skyes/gang nas kyang ni yang mi rnyed/ /ces gang gsungs pa de'i nye bar bsdu pa ni/ ngag gi spyod yul lam las 'das/ /zhes pa ni tshig lhag pa ste tshig nyid 'jug pa'i lam mo/ /de las 'das pas spyod yul ma yin pa ste/ de'i yul las 'das zhes bya ba'i don to//rdzogs pa'i rim pa nye bar bsdu ba ni/ byin gyis brlab pa'i rim pa 'di zhes pa ni de bzhin gshegs pa thams cad kyi sku dang gsung dang thugs sdud par byed pa shes rab dang thabs kyi rang bzhin gyis te/ bcom ldan 'das rdo rje 'chang gi bdag nyid gang yin pa de sems can dang snod kyi 'jig rten de'i bdag nyid du byin gyis brlabs te gnas pa nyid do//de la dmigs par byed pa sgom pa'i bye brag ni byin gyis brlab pa'i rim pa'o/ /'di nyid gsungs pa/ kun mkhyen ye shes de rang bzhin/ /zhes pa ste/ thams cad mkhyen pa ni de bzhin gshegs pa thams cad kyi bdag nyid do//de'i bdag nyid kyis yang dag par rig pa ni thams cad mkhyen pa'i ye shes te/ de ni yang rdo rje 'dzin pa nyid do/ /de'i rang bzhin nyid de/ rgyu ba dang mi rgyu ba sna tshogs de'i rang bzhin no/ /kun mkhyen ye shes kyang yin la de'i rang bzhin yang yin pas zhes bzlas dbye ba'i bsdu pa'o//sa dang zhes bya ba la sogs pa tshigs su bcad pa gnyis kyis ni mthong ba'i chos dang ldan pa'i phan yon gsungs so/ /ji ltar na sa la sogs pa rnams kyis mi gnod ce na/ gang gi phyir de 'dod nas la thur du 'dzul pa dang gyen du 'byung bar byed pa dang / rtsig pa la thad kar 'gro ba dang /ri la mi rdugs par 'gro ba dang / dug dang mtshon la sogs pas mi gnod pa dang / chu'i steng du 'dug pa dang / 'og tu mi bying bar nyal ba dang / 'chag pa dang / char la sogs pas gnod pa med pa dang / de ltar me dang rlung dang nam mkha' rnams la ji ltar rigs par sbyar ro//rang gzhan rig cing tshor bar byed/ /ces pa ni rang dang gzhan gyi sems 'das pa dang ma 'ongs pa dang da ltar byung ba rnams zhes so/ /mtho ris zhes bya ba la sogs pa'i tshigs su bcad pa'i don ni go bar zad do/ /lugs gzhan las khyad par du byed ba ni rgyud 'dir tshigs su bcad pa gnyis gsungs/thams cad ces bya ba la sogs pa'o/ /rig byed ni phyi rol gyi bstan bcos rnams so/ /grub mtha' ni nyan thos kyi sde snod kyi mdo sde rnams te/ yang srid pa'i mtha' 'dis grub bas na grub mtha'o/ /de bzhin las rgyas zhes pa ni zhi ba la sogs pa sngags kyi gzhung lugs las bstan pa'o//'di rnams kyi dngos grub ni yang dag par rdzogs pa'i byang chub tu mi 'gyur ro zhes pa'i don to/ /'o na pha rol tu phyin pa'i gzhung lugs la mi 'gyur ram snyam pa la/ 'gyur zhes bya ba la sogs pa'o/ /nyon mongs pa dang shes bya'i sgrib pa zad par 'di dag tu 'gyur ba ni yang dag pa'o//pha rol tu phyin pa drug gi mtshan nyid gyi lam des byang chub tu 'byung ba nyid do/ /'on kyang yang ni skye bar 'gyur ba ste zhes pa yang skye ba ni skye ba'i rgyun no/ /de nyid srid pa ste 'khor ba na 'khor ba ltar dus ring por bskal pa grangs med pa gsum gyis skye bar brgyud nas zhes pa'i don to//des na gzhan dang gzhan gyi sgo nas byung pa yin zhes bya ba'i don to/ /rnal 'byor gyi rgyud du yang skye ba 'dis byang chub par gsungs na de rnams las 'di khyad par ci yod do zhe na gsungs pa/ de med par ni 'grub mi 'gyur/ / zhes bya ba la sogs pa ste/ skye pa 'di dang skye ba gzhan du nye bar gang dag byang chub mchog tu rgyud gzhan la gnas pas kyang 'gyur ba yin te/ des na lhan cig skyes pa'i dga' ba med na ma yin no/ /de'i tshe de rnams las 'di khyad par ci yod snyam pa la gsungs pa/ gang gis dgyes rdor zhes bya ba la sogs pa'o//rgyud gzhan las gsungs pa de yang dag par shes par bya ba'i don du dgyes pa'i rdo rje nyid la sgrub po zhes shes par bya ba'i don te/ 'di de rnams kyi rgyud bla ma'i'o zhes dgongs so/ /thob par dka' ba'i byang chub de gal te ji ltar skye ba gcig tu lhan cig skyes pa'i dga' ba bsgoms pas kyang 'grub par 'gyur zhe na/gsungs pa/ chu bo'i zhes bya ba la sogs pa'o/ /rgyun ni bar ma chad cing rgyun chags pa'o/ /'bab pa ni rgyun no/ /mar me'i 'od zer zhes pa ni mar me'i rtse mo ste de'i rgyun no/ /de bzhin du rgyun mi 'chad par te bar med par ro//de nyid sbyor ba ni lhan cig skyes pa'i dga' ba'i sbyor ba'o/ /der gnas par byas na nges par skye ba 'di la byang chub pa yin te 'grub par 'gyur zhes bya ba'i don to/ /rnal 'byor ma chen mo ni bdag med ma la sogs pa'o/ /de rnams 'du ba ni gzhal yas khang du 'du ba'am/lhan cig skyes pa'i dga' ba la'o/ /de gsal bar byed pa'i le'u ni de nyid kyi rnal 'byor ma'i 'khor lo zhes bya ba'i sgra 'dis bshad ces bya ba'i don to/ /dgyes pa'i rdo rje'i dka' 'grel mu tig phreng ba zhes bya ba las le'u brgyad pa'i bshad pa'o// // rnam par dag pa'i le'u zhes bya ba la/ 'dis rnam par dag par byed pas na rnam par dag pa ste/ gang gis rang bzhin yongs su shes pas dngos po dag cing skyon med par 'gyur ba de yongs su shes na sgrub pa po la dngos grub ster ba'o/ /rnam par dag pa de dang de rnams gsal bar byed pa'i le'u rnam par dag pa'i le'u 'o//de la khyab par byed pa'i rnam par dag pa ni de bzhin nyid do/ /nyi tshe ba'i rdo rje ma dang / gau rI ma la sogs pa'o/ /de dag gsungs pa/ dngos po zhes bya ba sogs pa'o/ /lha rnams zhes bya ba ni che mtho'i lha rnams zhes pa'i don to/ / 'o na ci zhig rnam par dag pa dang / ji ltar rnam par dag snyam pa la 'dir gsungs pa/ dbang po drug ces bya ba la sogs pa'o/ ngo bo nyid kyis zhes pa ni rang bzhin gyis so/ /gal te thams cad rang bzhin gyis dag na de'i tshe dag par byed pa don med do zhe na/ de la gsungs pa/ nyon mongs zhes bya ba la sogs pa'o//nyon mongs pa can ma yin pa'i mi shes pa ni rang bzhin gyis so/ /shes bya'i sgrib pa dang nyon mongs pa 'dod chags la sogs la ni nyon mongs pa'i sgrib pa'o/ /de rnams kyi bsgribs pa ni dri ma can du byas pa'o/ /rnam par sbyong pa ni glo bur ba'i dri ma de rnams nyid sel bar byed pa'i phyir ro//dri ma de bsal ba'i don du 'bad kyi sngon med pa'i ngo bo bskyed pa'i don du ma yin no zhes pa'i don to/ /de ltar na gang de bzhin nyid kyi bdag nyid dang / lha'i bdag nyid du dngos po rnams gsungs pa ji lta bu snyam pa la/ gsungs pa/ rang rig ces bya ba la sogs pa'o//rang rig pa ni le'u brgyad pa las bshad zin te/ de'i rang bzhin nyid kyis bdag ces bya ba'i don to/ /de ci'i phyir snyam pa la dag pa gzhan gyis zhes bya ba la sogs pa'o/ /gang gi phyir rang rig pa las dag pa gzhan gyis khyad par can du mi 'gyur bar gsungs te/ bag chags dang bcas ba'i sgrib pa rnam par dag par mi 'gyur ro zhes bya ba'i don to//'o na de dag ni 'bras bur gyur pas dus ring por bsgom pa'i lam gyis thor par bya ba yin pas 'di sngon nas ni ma yin na/ /ji ltar rang bzhin nyid kyis thams cad dag ce na/ de bas na gsungs pa yul rnams zhes bya ba la sogs pa la/yul ni dbang po la sogs pa ste/ rang rang gi shes pas dmigs par bya ba nyid yin pas so/ /de rnams rang rig pa mchog tu bde ba don dam pa zhes bya ba'i don to/ /gang las snyam pa las gsungs pa/ dag pa'i ngo bo nyid ces pa la dag pa yang yin te/gnyis kyis stong ba'i rang bzhin yang dag par rig pa nyid yin pa'i sgo nas byed pas stong pa nyid nyams su myong pa'i rang bzhin yin pas so/ /sems skyes pa'i rang bzhin nyid kyi ngo bo yang yin pas dag pa'i ngo bo'o/ /de'i dngos po ni de nyid de de'i phyir ro//de la shes bya thams cad dbyer med pa'o stong pa nyid du nyams su myong ba ni thun mong yin la/ rang gi rig pa'i bde ba ni 'bras bur gyur pa zhes bya bar dgongs so/ /de nyid kyi stong pa nyid kyi chas khyab pa de bzhin te de kho na nyid kyi rang bzhin no/ /stong pa nyid nyams su myong ba'i chas rnal 'byor ma'i 'khor lo'o//dmigs par bya ba'i dbye ba las nyams su myong ba'i bye brag ni rnal 'byor ma'i dbye ba ste/ dmigs par bya ba so so rnams kyi de kho na nyid do/ /'o na sngon po dang ser po la sogs pa gang dag gi rnam pa rnams kyis rnal 'byor pa rnams la rang bzhin so sor snang ba de dag ji ltar rnam par dag snyam pa la/de bas na gsungs pa/ gzugs zhes bya ba la sogs pa'o/ /gzugs sogs yul zhes bya ba ni gzugs la sogs pa'i yul lo/ /gzhan zhes pa de bzhin nyid de/ de ni yang dag par rig pa las mtshan nyid dman pa zhes bya ba'i don to//dag pa'i rang bzhin zhes pa ni rnam par dag pa'i ngo bo nyid do/ /gang gi phyir zhe na/ gang phyir 'gro ba sangs rgyas dngos/ /zhes pa ste de ltar na de bzhin gshegs pa thams cad kyi sku dang gsung dang thugs gsang ba rnams kyi go rims bzhin du gzugs dang sgra dang sems kyi g.yo ba thams cad la khyab par rjes su 'gro'o zhes de bzhin gshegs pa thams cad kyi gsang ba bstan pa'i mdo las de skad ces gsungs so//gal te yang de dag thams cad gsang ba'i rjes su 'gro bas dag na de'i tshe ma dag pa cung zad kyang med do snyam nas zhus pa/kye bcom ldan 'das zhes bya ba la sogs pa'o/ /ci'i slad du zhe na zhes bya ba ni rnam pa gang gis so/ /dri ni sna yis zhes pa ni tshor ba zhes pa dang 'brel to/ /myong ba ni ro'o/ /dngos po zhes pa ni yul brjod pa'i tshig ste lhag mar gyur pa'i don gyis reg par byed ces sbyar ro/'thob ces pa ni 'dzin par ro/ /gal te ma dag na de'i tshe bsten par mi bya'o snyam pa la/ de bas na gsungs pa/ bsten bya zhes bya ba la sogs pa'o/ /bsten bya zhes pa ni bsten par 'os pa ste/ gang dag rung zhing gnang ba zhes pa'i don to/ /de las gzhan lha mo'i dbye ba so so'i rnam par dag pa gsungs pa/gzugs phung zhes bya ba la sogs pa'o/ /rnam par dag pas zhes pa la yongs su shes par bya ba zhes pa ni tshig lhag ma'o/ /de nyid kyis gsungs pa/ de nyid rnal 'byor des 'grub bo/ /zhes pa'o/ /dbang ldan zhes pa la sogs pa ni phyi'i rim pa ston pa'o//'o na nang gi rim pa la gau rI brjod pas de nyid phyi'i rim pa la yang ji ltar bstan zhe na de'i phyir gsungs pa/ phyi rim zhes bya ba la sogs pa'o/ /gzhan te ming mthun pa nyid yin te rang bzhin ni 'di gnyis tha dad ces bya bar dgongs so/ / lha mo 'di gnyis zhes bya ba ni lha mo gnyis su zhes bya ba'i don to/ gnyis kyi dbye bas lha mor yongs su shes par bya ba'i don to/ /yang gzugs la sogs pa'i rnam par dag pa ma gsungs pas de gsungs pa/ gzugs zhes bya ba la sogs pa'o/ /drug po de ni yul drug gi rnam par dag go//phyag rnams zhes bya ba la sogs pas phyag bcu drug pa dgyes pa'i rdo rje'i phyag la sogs pa'i rnam par dag pa gsungs te/ phyag bcu drug gi rnam par dag pa'i de kho na nyid stong pa bcu drug go/ /zhabs bzhi ni bdung bzhin bcom pa zhes bya ba'i don to/ /zhal ni zhal rnams so//rdo rje gsum ni sku dang gsung dang thugs rdo rje'i dbye ba'o/ /sa la sogs pa'i rnam par dag pa ni puk+ka sI la sogs pa'o/ /zhe sdang zhes bya ba la sogs pa la 'khor lo can zhes bya ba ni 'khor lo'i bdag mo'o/ /zhe sdang la sogs pa nyon mongs pa dang nye ba'i nyon mongs pa rnam par dag pa ni bdag med ma la sogs pa lnga zhes bya ba'i don to//de nyid kyis gsungs pa/ zhe sdang la sogs rnam sbyong byed/ /ces bya ba ni bdag med ma la sogs pa lnga po 'dis so/ /phung po zhes pa ni lhag ma gzugs kyi phung po lnga dang / mig la sogs pa lnga zhes bya ba'i don to//yid kyi dbang po'i rnam par dag pa yang bdag med ma'o/ /de ltar bskyed pa'i rim pa'i phyogs la rnam par dag pa sna tshogs gsungs nas rdzogs pa'i rim pa la de ro gcig par gsungs pa/ gang dang zhes bya ba la sogs pa ste/ gang dang gang gis te gzugs la sogs pas 'jig rten bcings pa de dang de nyid kyis bcings pa las grol gyi lha la sogs pas ni ma yin no zhes bya bar dgongs so//'jig rten pa de dag ji ltar bcings zhe na gsungs pa/ 'jig rten zhes bya ba la sogs pa'o/ /de nyid mi shes pa ni yang dag pa ma yin pa gnyis su rtog par byed pa'o//mi shes pa ni de kho na nyid mi shes pa ste/ yang dag pa gnyis su med pa mi shes pa'o/ /de nyid spangs pa ni don dam pa bsgom pa med pa'o/ /grub pa ni grol ba ste mi 'thob pa'o/ /de tshe khyod ji ltar grol snyam pa la gsungs pa/ de'i phyir zhes bya ba la sogs pa'o//gang gi phyir dag pa'i rang bzhin yin pa de'i phyir gnyis su med pa gsal ba tsam du 'gro ba rnam shes shing mthong bar 'gyur bas so/ /ji ltar zhe na gzugs la sogs pa yul drug po mi sems shing mi dmigs pa na'o/ /sems kyang zhes pa la sems ni rnam par shes pa 'dzin par byed pa drug ste/de yang mi dmigs pa'o/ /de'i tshe khyod la ji ltar gsal zhe na/ rnam par dag pa rang rig pa bde ba mtha' yas pa snang ba med pa zhes bya ba'i don to/ /gal te de nyid kyi rnam par dag pa ma yin te/ dbang po rnams ni 'khrul bar 'byung bas so zhe na/ thams cad rnam par dag ces pa ni dbang po drug kyang ngas mi dmigs zhes bya ba'i don to/ /de lta mod kyi 'gro ba rnams ni blta bar bya ba dang khyod ni lta bar byed pa gnyis su snang bas ji ltar rnam par dag pa snyam pa la gsungs pa/ 'gro ba zhes pa'o/ /'gro ba rnams dag pa'i bdag nyid du yang dag par mthong zhes pa'i don to//mtha' yas shing snang ba med pa gsal ba'i rang bzhin gyis 'gro ba kun gyi bdag nyid du nga nyid snang ba'o zhes bya bar dgongs so/ /de ltar de kho na nyid bsgoms pas bcings pa las grol bar 'gyur ro zhes ba ni tshig lhag ma'o/ /rnam par dag ba gsal bar byed pa'i le'u ni rnam par dag pa'i le'u'o//dgyes pa'i rdo rje'i dka' 'grel mu tig phreng ba zhes bya ba las le'u dgu pa'i bshad pa'o// //slob ma la dbang bskur ba 'dir bshad par bya ste/ de yang ri mo'i dkyil 'khor du sbyin par bya ste/ de nyid gsungs pa/de nas zhes bya ba la sogs pa'o/ /ji bzhin zhes pa phyin ci ma log par ro/ /rim pa zhes pa ni cho ga gang gis slob ma dbang bskur bar bya ba ste/ cho ga de yang bshad par bya'o zhes bya bar sbyor ro/ /lha'i bdag nyid ces pa ni rang gi rnal 'byor du gnas pa'o/ /hUM las rdo rjer bya zhes pa ni lha'i le'u las gsungs pa'i rim pas so//byang chub sems dpa' ni dgyes ba'i rdo rje la sogs pa'o/ /khyim ni khang pa'o/ /bri zhes pa ni 'dis bri bar bya ste rdul tshon yang yin la bri ba yang 'di yin pas rdul tshon bri ba'o/ /de yang bzang po ni phul du byung ba'i rin po che'o/ / 'bring po ni dman pa'o/ /'bras la sogs pa zhes pa 'bras sA lu dang rdo rgyus la sogs pa'o/ /khru gsum zhes bya ba la sogs pa la/ sor mo gsum gyis lhag pa ni sor gsum gyis lhag pa'o/ /'di ni dkyil 'khor mdor bstan pa'o/ /'di'i nye bar bshad pa ni 'og nas 'byung ngo / / dbang bskur pa'i gnas skabs gsungs pa/ rig pa zhes bya ba la sogs pa'o/ /gzhug par bya zhes pa ni gzung bar bya'o/ /bzang mo zhes pa ni mchog go/ /gal te ma rnyed na de'i tshe ji ltar rnyed pa gzhan yang gzhug par bya'o/ /bcu drug lon pa zhes pa ni lang tsho gtso bo nyid do/ /de bzhin yang zhes pa ni ma 'byor na dbang bskur pa la lo nyi shu lon pa la sogs pa yang ngo //gnyis ka'i gdong dkri ba ni mi bsten pa'i don to/ /slob ma'i spyod yul zhes pa ni slob mas yang dag par rig par bya'o gal te des cir 'gyur zhe na/ gsungs pa rang rig ces pa ste/ ro mnyam pa de nyid bsgoms pas byang chub chen po'i sgras brjod par bya ba'i ye shes kyi 'bras bur gyur pa ste/de nye bar ma mtshon par phyis bsgom pa mi 'thad pas dngos grub dang ldan par mi 'gyur ro/ /zhes bya bar dgongs so/ /ye shes kyi 'bras bur gyur pa de nyid rang bzhin zhes bya ba la sogs bas khyad par du byed de/rang dang gzhan du yang dag par rig pa mi dmigs pa ste/ de spangs pa'o/ /mkha' mnyam zhes pa ni nam mkha' lta bur snang ba med par gsal ba'i tshul gyis bdag dang gzhan ro mnyam par snang ba'o/ /rdul bral zhes pa ni nyon mongs pa spang pa'o/ / stong pa nyid ni gzung bar snang pa nub pa'o/ /dngos dang zhes pa ni rnal 'byor ba'i lus so/ /dngos med ni de'i tshor ba la sogs pa 'dzin par byed pa'i rang bzhin no/ /de dag gi bdag nyid 'di la yod pas de skad ces gsungs so/ /de bdag gis rang bzhin gyi dbye ba yang gsal ba'i bdag nyid de nyid du snang ba nang gi bdag nyid la nub pa nyid do//mchog ces pa ni 'ba' zhig ste de tsam du snang bas so/ /yang na mchog ces pa ni don dam pa ste/ spros pa ni mchog ma yin pas so/ /thabs ni snying rje ste sems can thams cad la bdag dang mnyam par nyams su myong ba'o/ /shes rab ni chos thams cad la gnyis kyis stong par blta ba'o//de dag 'dres pa ni sems can dang sems can ma yin pa rnams bdag dang gsal ba'i bdag nyid du ro gcig tu snang pa'o/ /chags dang chags med rnam par 'dres pa ni de gnyis kyang de nyid du snang pa'o/ /de la chags pa ni gnyis su med pa'i ye shes lhan cig skyes pa'i bde ba chen po'o//chags med ni de bzhin nyid do/ /srog ces pa ni 'tsho ba ste/ de dang bral ba ni mi 'tsho ba nyid kyis so/ /mi 'gyur dam pa ni thog ma dang tha ma med pa nyid do/ /khyad par ni chos thams cad rnam par rig pa tsam nyid do/ /lus kun la ni rnam par gnas//zhes pa ni rnam par shes pas byin gyis brlabs na lus 'tsho ba nyid do/ /de nyid kyis na de'i bdag nyid kyis las dang nyon mongs ba las byung bas na sna tshogs de la skyes par gsungs te/ dngos po zhes bya ba la sogs pa'o/ /dngos po ni lus so/ /dngos med ni tshor ba la sogs pa'o//gzhan rnams ni dbang po drug go/ /gang rnams de rnams ni phyi'i dngos po brtan pa dang g.yo ba rnams te/ /de thams cad rnam par shes pa'i rang bzhin zhes bya ba'i don to/ /mu stegs can rnams kyis kyang de nyid la bdag la sogs par btags so zhes de nyid gsungs pa/ thams cad ces bya ba la sogs pa la/rig byed kyi mtha' ban re ni thams cad rnam par shes pa'o zhes zer ro/ /grangs can na re sems la skyes bu zhes zer ro/ /gang zag tu smra ba rnams na re yang nas yang du 'gro zhing thim pas bas gang zag ces zer ro/ /dbang phyug tu smra ba rnams na re bdag rtag pa shes pa rtag pa dang ldan pa ni dbang phyug go zhes zer ro//bdag tu smra ba rnams na re bdag nyid skye ba dang / 'tsho bar byed pa dang / 'chi bar byed pa dang / 'ching bar byed pa dang / grol bar byed pa'o zhes zer ro/ /de bzhin du gcer bu pa rnams na re 'tsho ba zhes zer ro/ /de bzhin du sems can du smra ba rnams na re sems can zhes zer ro//dus su smra ba rnams na re skye dgu 'di dag dus kyis bsdus so zhes zer ro/ /gang zag tu smra ba kha cig na re las kyis gang zhing de rnams 'gro bar zag par byed pa nyid kyi gang zag ces zer ro/ /dngos po kun zhes pa ni 'jig rten la grags pa dang lung las grub pa'o//de'i rang bzhin ni rang bzhin gyis yang dag par gnas te kun rdzob tu gnas pa ste/ rtog pa'i dbye bas de ltar snang ba'o/ /sgyu ma'i tshul du rnam pa sna tshogs pa'i gzugs su sprul ba nyid kyi phyir ro/ /ro mnyam pa de yang ji ltar slob ma'i spyod yul du bya snyam pa la/gsungs pa dang po zhes bya ba la sogs pa'o/ /dga' ba tsam zhes pa ni khyad par med pa'i dga' ba'o/ /gnyis pa'i grangs ni grangs gnyis pa'o/ /khyad par dga' ba zhes pa ni khyad par du gyur ba'i dga' ba'o/ /de ltar slob ma'i spyod yul du 'gyur ba'i lhan cig skyes pa'i dga' ba de nyid ro mnyam pa la sogs pa'o//sgras skad cig ma'i mtshan nyid kyi dbye bas des bas bstan pa de la 'khor rnams des ji ltar 'gyur ba de gsungs pa/ rdo rje snying po zhes bya ba la sogs pa'o/ /ngo mtshar ni the tshom mo/ /'gyel ba ni 'gyel bar gyur pa'o/ /de ji ltar skyes snyam pa la gsungs pa/dang po zhes bya ba la sogs pa'o/ /'gro ba'i gzugs ni 'gro bas rig pa'o/ /mchog tu dga' ba nyid ces bya bar sbyar te/ nyid ces bya ba ni nges par gzung ba'i don to/ dga' ba rnam pa gsum nyid de rim gyis 'gro bas rig pa ste/ de las gong mar gyur pa dga' ba yang med la/gsum la lhan cig skyes pa med ces pa ni gsum po de dag yang lhan cig skyes pa med pa ste/ yang dag par rig pa nyid kyang med de/ mtshan nyid mi mthun pa'i phyir zhes bya ba'i don to/ /snyam mo zhes pa ni sdud par byed pa'i tshig ste/ de ltar the tshom med zhes bya ba'i don to//bcom ldan 'das zhes bya ba la sogs pa'i tshigs su bcad pa yang sdud par byed pa'i tshig go/ /sangs rgyas kun gyi sku gcig pa ni lhan cig skyes pa'i sku gcig ste dbyer med pa'i rang bzhin no/ /'dis gcod par byed pas na bsal ba'o/ /bzang po zhes pa ni phul du byung ba'o//rtogs bya'i phyir zhes bya ba ni gtan la dbab pa'i phyir ro/ /de gang zhe na/ 'dod chags med cing zhes bya ba la sogs pa'o/ /'dod chags ni mchog tu dga' ba ste 'bras bu skyid par 'dod pa nyid do/ /de yang rdzogs pa'i byang chub kyi rang bzhin nyid la dmigs su med do/ /chags bral ni khyad par gyi dga' ba ste 'bras bu zhig pa nyid do//de bas na de yang byang chub kyi rang bzhin la 'di dmigs su med do/ /dbu ma ni bde ba gnas skabs dang po'i dga' ba ste/ dbu ma dga' ba tsam nyid do zhes brgyad pa las gsungs pas so/ /'di ji ltar dbus zhe na dman pa nyid kyi phyir te/'jig rten na gang du dman pa ni 'bring zhes brjod pa yod de/ dper na gtan 'bring dang lus 'bring zhes zer ba bzhin no/ /dga' ba de yang rdzogs pa'i byang chub kyi rang bzhin de la dmigs su med do/ /de ltar na 'dod chags dang 'dod chags dang bral ba ni byang chub tsam yin te/'bras bu la dmigs par byed pa nyid do/ /'on kyang rdzogs pa'i byang chub ni ma yin no/ /dbu ma ni byang chub tsam yang ma yin te reg par dmigs pa'i phyir ro/ /de ltar yang le'u bcu drug pa las/ thog ma tha ma dbus med do/ /zhes bya bas 'chad par 'gyur te/thog ma dang tha ma dang dbus med ces bya ba'i don te/ skad cig ma gsum po de dag spangs pa nyid ni de dag las gzhan pa lhan cig skyes pa'i dga' bas yongs su shes par bya ba yin no/ /de nyid 'bras bu'i rang bzhin du gyur pa dang / lhan cig skyes pa'i byang chub tu brjod de/ / rang nyid shes par bya ba yin pas ye shes de nyid la 'bras bu zhes kyang bya/ yang dag pa bde ba'i 'bras bu'i byang chub mngon du phyogs par 'gyur bas byang chub ces bya'o/ /'di nyid ji ltar yongs su shes par 'gyur zhe na/ gang gi phyir mchog tu dga' ba ni 'bras bu skyed par 'dod pa yin la/'bras bu zhig pa'i mtshan nyid ni khyad par dga' ba'o/ /de dag gi bar du gnas pa ni mchog gi ye shes 'di yin la/ mtshan nyid ni lhan cig skyes pa la sogs pa'i sgra nyid kyis legs par gsungs so/ /yang gsum po spangs zhes gsungs pa 'di mi rigs te thog ma dang tha ma med pa'i chos kyi sku rdzogs pa'i byang chub nyid lhan cig skyes pa yin na ji ltar dga' ba gsum la de med snyam pa la de bas na gsungs pa/yang na zhes bya ba la sogs pa'o/ /yang na zhes pa dang gang yang zhes pa ni rnam grangs so/ /de nyid kun bdag nyid ces pa ni lhan cig skyes pa de thams cad kyi bdag nyid yin pas dga' ba gsum gyi rjes su 'gro ba nyid de/thun mong gi bde bas gnyis pos stong pa nyid gang yin pa de thun mong ma yin pa zhes bya ba'i don to/ /yang na zhes pa ni rnam grangs gzhan gyis thams cad kyis spangs pa ni dga' ba gsum dang bral ba ste/ rang rig ba'i khyad par gyi mtshan nyid de rnams kyi rjes su 'gro ba med pa yin no//'di dag nyid khyad par gyi mtshan nyid dang bral ba la brten nas/ 'di yis gsum po rnam par spangs/ /zhes so/ /de bas na 'di mi rigs par gsungs pa ma yin no/ /'dis legs par bshad mod kyi/ lhan cig skyes pa'i dga' ba gsal bar bya ba'i phyir gsungs pa/khyad par zhes bya ba la sogs pa'o/ /dang po ni khyad par gyi sngon no/ /ci de mchog tu dga' ba nyid dam zhe na ma yin par gsungs pa/ dga' ba gsum po rnam par spangs/ /zhes so/ /'dis ni mchog tu dga' ba'i phyi ma'o/ /zhes bstan par 'gyur ro//de ltar le'u bcu drug pa las/ mchog mtha' khyad par dang po dbus/ /zhes pas 'chad par 'gyur te/ mchog tu dga' ba'i mtha' dang khyad par gyi dga' ba la ltos pas dbus zhes bya ba'i don to/ /le'u bcu gsum pa las gsal bar ston to/ /lhan cig skyes dga'i rang bzhin no//mchog mtha' khyad par gyi ni sngon/ /zhes so/ de thams cad kyis 'di skad bstan par 'gyur te/ mchog tu dga' ba'i mtha' ni rab tu sbyor ba'i mtha' 'o/ /khyad par gyi dga' ba ni de'i rjes las skyes pa ste/ de rnam par rtog pas 'dren pa'o/ /de gnyis kyi bar du dngos gzhi'i ye shes dmigs su med pa spros pa med pa'i bde ba lhan cig skyes pa'i dga' ba'o zhes so//de ltar yang dag pa nye bar mtshon pa'i lhan cig skyes pa'i dga' ba de nyid la bsgoms pas rim gyis sprin lta bu dang / sgyu ma lta bu dang / rmi lam lta bu dang / gnyid log pa dang /sad pa lta bur snang ba'i ting nge 'dzin rnam pa bzhi yin no/ /de nyid tshigs su bcad pa gsungs pa/ dang po zhes bya ba la sogs pa'o/ /ji srid bsgom par bya ba dang bcas pa yang dag pa'i sbyor bas bsgoms pas na lhan cig skyes pa mngon du byed par mi 'gyur ba de srid du 'di sprin lta bur snang ba ste/de ni sprin srab mos g.yogs ba'i zla ba ltar snang zhes pa'i don to/ /gang gi tshe mngon du gyur ba de'i tshe na 'grub ste/ grub pa yin na sgyu ma lta bur snang ste/ yid kyis sprul pa rig pa'i stobs kyis mngon du byed par 'gyur ro/ /de'i 'og tu de ma thag pa'i rmi lam lta bur snang ste/mnyam par sbyor bas bsgom pa btang ste de nyid 'ba' zhig la man ngag ji lta ba bzhin bsgoms pas rnal 'byor gyi gnyid du gyur na rnal 'byor pa rnams kyis 'phral du de mngon sum du byed par 'gyur ro/ /de'i rjes la rmi lam dang sad pa dbyer med par snang bas na rmi lam dang sad pa dag dbyer med ces bya ba'i don to//ji ltar sad pa dang dbyer med ce na/ lus gnyis po de'i rang bzhin yongs su rtsom pa dang so sor 'bigs pa la sogs pa 'byung bas na'o/ /ji ltar rmi lam dang khyad par med ce na/ yod pa de rnams kyang mi dmigs pa 'ba' zhig lhan cig skyes pa bsgoms pas de mngon du 'gyur ro//de ltar ting nge 'dzin bzhi yongs su rdzogs pas ji ltar rnal 'byor bas grub par 'gyur snyam na gsungs pa/ dbyer med ces bya ba la sogs pa'o/ /dbyer med pa ni rmi lam dang sad pa dag khyad par med pa na de'i mtshan nyid lhan cig skyes pa bsgom pa des 'grub ste/lhan cig skyes pa mngon sum du bya'o/ /de la gnas na rnal 'byor pa phyag rgya chen po'i dngos grub 'grub bar 'gyur ro/ /ji lta bu zhe na/ phyag rgya'i rnal 'byor pa ste/ rung bar byas pa'i phyir rig pa dang ldan pa'i phyag rgya chen po'i dngos grub 'grub ste mtshan nyid 'grub pa ni gtso bo'i rgyu nyid yin la/phyag rgya'i sbyor ba ni de'i lhan cig byed pa'i rkyen yin te/ de yang 'dir dam tshig yin pa'i phyir ro/ /rig pa dang skyes bu'i dngos grub dang / phyag rgya chen po'i dngos grub ni rigs pa'i skyes bu'i dngos grub ste/ 'dir rigs kyi rig pa ma gtogs rtogs par mi srid bas so//dang po'i ting nge 'dzin gsum gyi dus su de mi dgongs te/ de'i tshe rnam par g.yeng bar byed pa nyid do/ /'di ltar zhes pa ni 'di ltar dbang bskur ba sbyin par bya ba dang / 'di ltar yang phyag rgyas rnal 'byor pa 'grub par bya ba'i phyir zhes bya ba'i dgos pa 'dis te/ slob ma dbang bskur ba dang / dngos grub bsgrub par bya ba'i don du dkyil 'khor gsungs zhes pa ni dam tshig gi dkyil 'khor dang sgrub pa'i dkyil 'khor te/ de bstan zhes pa'i don to/ /dkyil 'khor gyi khyad par zung bzhi zhes bya ba la sogs pa thams cad ni go sla'o/ /shar du gzhag ces pa ni dgod pa'o//dkyil 'khor bdag po'i zhes bya ba la sogs pas sngon du bsnyen pa gsungs so/ /dkyil 'khor ba'i zhes pa ni dkyil 'khor ba so so'i'o/ /gang du brjod pa'i zhes pa ni oM badzrarak+Sharak+Sha hUM phaT swA hA/ zhes pa 'dis so/ /sngon du zhes pa ni sa sbyong ba'i sngon du'o//a la sogs sngags zhes pa ni oM a kA ro mu khaM sarbang+harmA NAM/ Ad+ya nut+manan tA ta oMAHhUM phaT swA hA/ zhes bya ba'i sngags 'dis zhes bya ba'i don to/ /srung ba zhes pa ni ra ba dang dra ba la sogs pa'o/ /'dis zhes pa ni bri ba na yang bla ma la mchod pa dang gsol ba gdab par bya'o//'dir zhes pa ni rten gyi dkyil 'khor bris par ro/ /rdo rje sems dpa' ni sems brtan pa ste des bsnyems pa'o/ /g.yas brkyang zhes ba ni g.yas brkyang pa'o/ /rkang pa zhes pa ni rje ngar ro/ /dkyil 'khor zhes pa ni dkyil 'khor du'o/ /phyi nas de kho na zhes pa ni bskyed pa'i rim pa'i rnal 'byor pas ni kha dog las 'das pa'i ting nge 'dzin la bya'o//rdzogs pa'i rim pa'i rnal 'byor ba rnams kyis ni rnal 'byor gyi lus nyid do/ /gzhan ni dam tshig tsam mo/ /rnam dag ni mtshan ma'i dri ma rnams nub pa'o/ /ye shes rang bzhin can ni sna tshogs pa gnyis su med pa'i ye shes kyi rang bzhin no//'khor ba rnam par byang ba dag /ces pa ni kun nas nyon mongs pa dang / rnam par byang ba dag dbyer med pa ste/ ye shes gang la zhes bya ba ni tshig lhag ma ste/ so sor snang ba'i dbye ba sna tshogs pa nub par 'gyur ba zhes bya ba la dgongs so//de nyid gsal bar byed pa ni tshigs su bcad pa gnyis kyis gsungs pa/ mchog ces bya ba la sogs pa'o/ /mchog dga' ni shes rab mchog ste spros pa med pa'i ye shes so/ /de'i bsgom bya ni gnyis su med pa rnam par rig pa tsam ste/ sgom pa po'i sems snang ba las gzhan na med pa'o//sgom pa po yang bsgom par bya ba'i sems snang ba las gzhan med de gnyis dbyer med du snang ba'o/ /lus kyang med ces pa ni rnal 'byor ba'i rang gi lus kyang snang ba med do/ /gzung ba'ang med ces pa ni gzhan gyi lus dang dbang po dang brtan pa rnams so//'dzin pa med ces pa ni rang gi dbang po rnams te 'di rnams su snang ba med de/ mchog tu sha la sogs par snang ba med do/ /de la mi gtsang ba yang med ces bya ba ni bshad pa la sogs pa'i yul lo/ /rmongs med ni sha la sogs pa'i yul la bdag gi la sogs par mi 'dzin pa'o//gtsang sbra med ces pa ni chus bkru ba la sogs pa dang / chu la sogs pa snang ba yang mi brtag go/ /chags med ces bya ba la sogs pa ni de rnams kyi gnas dang dmigs pa dang yang dag pa ma yin pa'i tshul bzhin yid la byed pa mi dmigs pa'o/ / de ltar nyon mongs pa'i sgrib pa'i gnyen po gsungs nas/ shes bya'i sgrib pa'i gnyen po gsungs pa/ mthong bya med ces bya ba la sogs pa'o/ /mthong bya ni shes bya ste/ de ni mi snang bas so/ /sgom dang sgom pa po zhes pa ni rnam par rtog pa dang / rtog pa'i rgyu'i sgrar snang ba med pa'o/ / bshes med dgra med ces pa ni dge ba'i bshes gnyen bla ma dang sangs rgyas la sogs pa dang / sdig pa'i grogs po mu stegs par snang ba yang med do/ /ji lta bu zhe na gsungs pa/ khrem gnyer zhes bya ba la sogs pa'o/ /khrem gnyer ni rnam par rtog pa g.yo ba nyid do/ da zad pas/ khrem gnyer med ni lhan cig skyes/ /zhes bya ba ste/ dngos po thams cad kyi rang bzhin lhan cig skyes pa'o/ /'dir lhan cig skyes pa dmigs pa med pa nyid lhan cig pa mtha' yas shing snang ba med pa'i ye shes so/ /sna tshogs pa ni rnam pa sna tshigs pa'i ming dang mtshan mar snang pa'o/ / de'i nub pa ni sna tshogs bral ba ste ro gcig tu 'dres pa'o/ /'di skad ces bya zhes bya ba ni de ltar snang ba med cing gsal ba tsam nyid kyi de kho na nyid bcom ldan 'das kyis gsungs nas mchog gi de kho na nyid las gzhan pa'i de kho na nyid bshad par 'dod na/ rdo rje snying pos gsol ba zhes bya ba'o//ci gsol zhe na/ dang po nyid nas zhes bya ba la sogs pa'o/ /'byung ba'i bdag nyid kyis lus gsungs ma thag pa'i tshul gyis gzod ma nyid nas rang bzhin yod pa ma yin te brdzun pa'o/ /de ci'i phyir rang bzhin gyis dag par gzhan du gsungs ba zhes pa zhus pa'i don to/ /de las zhes pa ni zhus pa las bcom ldan 'das kyis lan gsungs pa'o//ci gsungs she na/ khrem gnyer med ces pa la sogs pa ste/ khrem gnyer med pa ni gsal ba rang bzhin gyis lus dag pa yin gyi/ byis pa rnams kyis gzung ba'i tshul gyis ni ma yin no/ /zhes bya ba ni lan gyi don to//lus rang bzhin gyi mchog gi de kho na nyid dga' ba bzhis bsdus pa 'byung ba chen po lnga'i rang bzhin nyid do snyam pa de bsal ba'i phyir yang zhus pa/ kye bcom ldan 'das zhes bya ba la sogs pa'o/ /lus ni phung po ste de rnam pa gang gis 'byung las gyur zhe na/ dga' ba bzhi'i rang bzhin nyid kyis so snyam du bsam pa'o//bcom ldan 'das kyis bka' stsal ba/ zhes bya ba ni bcom ldan 'das rdo rje can gyis de'i bsam pa rig nas so/ /reg pa zhes pa ni 'khyud pa la sogs pa'o/ /reg pa las ni sra ba nyid chos te rang bzhin dang mtshan nyid des de las zhes pa ni dga' ba'i skad cig go//chu'i khams ni zhes pa lhan cig skyes pa'i dga' ba'i skad cig la'o/ /drung ba ni mchog tu dga' ba'i skad cig la'o/ /'gro ba zhes pa ni khyad par gyi skad cig la'o/ /bde ba zhes pa ni dga' ba bzhi ka la yang ngo / /ji ltar bde ba nam mkha'i khams she na/gzugs med pa nyid kyis so lnga po de rnams kyis yongs su bskor zhes pa ni yongs su bsgrubs pa'i phung po'o/ /de bas na 'byung ba chen po las gyur pa'o zhes lan btab pa'o/ /de skad ces bka' stsal pa na gzhan dag 'di snyam du bdag cag gi bsam pa bzhin du bcom ldan 'das kyis gsungs te/chen po'i sgra sbyar bas 'byung ba chen po ni 'byung ba rnams chen po ste/ mchog gi de kho na nyid do snyam du sems na/ de bas na bsal ba'i phyir bcom ldan 'das kyis gsungs pa/ de ci'i phyir zhes bya ba la sogs pa'o/ /de nyid min zhes pa ni de kho na nyid gtso bo ma yin pa'o//'di skad bstan par 'gyur te/ dga' ba rnams kyang de kho na nyid ma yin na de dang lhan cig skyes pa sa la sogs pa lta ci smos/ ci'i phyir snyam pa la gsungs pa/ 'byung pa chen po ci'i phyir bde/ /zhes so 'di'i dgongs ba ni 'dir 'byung ba'i sgras de kho na nyid ma yin pa'i don to//de'i tshe ji lta bu snyam pa las/ 'byung ba'i sgras ni 'dus byas te/ de'i phyir rgyu med pa las skye ba yang ma yin la/ rgyu gcig las kyang ma yin te rgyu dang rkyen 'dus pa las byung bas 'dus byas so/ /gang byas pa de yang mi rtag pa'o/ /chen po'i sgras ni phul du byung ba'i don yin te/de bas na shin tu mang pos 'bad de bsgrubs pas shin tu mi rtag pa de 'di ni 'byung ba chen po'i sgra'i don to/ /gang gi phyir de ltar bde ba gang yin pa de ni 'byung ba chen po de nyid kyis na de kho na nyid min no zhes pa'i don to/ /lhan cig skyes pa'i dga' ba de yang des smad dam zhe na bden te smad do//de'i tshe ci'i phyir sngar pa na mang du bsngags she na/ mchog gi lhan cig skyes pa'i rang bzhin dang de'i dpe nyid kyis lhan cig skyes pa thun mong du sngar bsngags pa'o/ /lhan cig skyes pa ni rnam pa gnyis te/ lan 'ga' ba dang rtag pa'o/ /tag pa gang yin pa de na mchog yin te/de nyid mchog gi de kho na nyid zad pa med pa dang 'jig pa med pa nyid do/ /'di nyid bshad pa gsungs pa/ lhan cig skyes pa gang zhes bya ba la sogs pa'o/ /lhan cig skyes pa dag ni thabs dang shes rab dag ste phyi'i ni ma yin no/ /gang zhes pa ni bde ba gang ngo /do zhes pa ni lhan cig skyes pa'o/ /bde zhes pa ni lhan cig skyes pa mchog go/ /ci'i phyir snyam pa la gsungs pa/ rang bzhin zhes bya ba la sogs pa'o/ /rang nyid kyi rang bzhin sems kyi skad cig nye bar len pa las gzhan la mi ltos par skyes pa ni rang bzhin te/ lhan cig skyes pa ni sems kyi skad cig gzhan dang bcas pa nyid kyis ji srid nam mkha' dang mnyam par 'byung ba gang yin pa da ltar byas nas so/ /ji lta bu snyam pa la gsungs pa/ rnam pa thams cad ces bya ba la sogs pa ste/ chos thams cad kyi rnam pa ni so sor snang ba tsam ste so sor snang ba de 'di la yod pas rnam pa thams cad do//gcig ni ro gcig pa ste gnyis kyis bsdus pa'i so sor snang ba rnams nub pa'o/ /bde ba'i mchog ni bde ba'i mchog ste mchog ni gtso bo'o/ /ji skad gsungs pa/ rab tu zhi zhing g.yo med gtso/ /dbang bsgyur mi mnyam pa dang mnyam//rnal 'byor mi rtog bde ba yin/ /zhes so/ /de bde ba yang yin zhing mchog kyang yin pa dang / gcig kyang yin pas na de sdom pa'o/ /de rnam pa thams cad kyang yin zhing sdom pa gcig kyang yin pas rnam pa thams cad sdom pa gcig ste/ lhan cig skyes pa zhes bya'o//yang lhan cig skyes pa thabs dang shes rab dag ces bya ba gang zhe na/ gsungs pa/ snying rje zhes bya ba la sogs pa'o/ /sems can thams cad la bdag dang mnyam pa nyid so sor rtog pa ni snying rje ste de thabs so/ /de yang rnal 'byor ba ste rnal 'byor ba'i chos yin pas so//phyag rgya ni shes rab ste/ de yang rnal 'byor pa ste snga ma bzhin no/ /chos thams cad gsal ba tsam nyid du so sor rtog pa ni shes rab po/ /da ji lta bu zhe na rgyu dang bral pa nyid ces pa ni rgyu ni mtshan ma rnams te gnyis kyis bsdus pa'i snang ba'o/ /de rnams kyis sbyor ba dang bral ba ni/nub pas snang ba med par byas/ /zhes bya ba'i don to/ /thabs dang shes rab de dag bsgoms pa'i stobs kyis rdzogs par gyur pa na lhan cig skyes pa dag yin te/ slar yang 'bad pa la ltos pa med pa nyid yin pa'i phyir to/ /de dag las skyes pa de rnam pa thams cad gcig tu bsdus pa'i lhan cig skyes pa'o//de nyid dmigs pa med pa'i byang chub kyi sems su gsal bar byed pas gsungs pa/ stong pa zhes bya ba la sogs pa'o/ /chos thams cad la gnyis kyi stong pa myong zhing snang ba med pa ste/ gang stong pa nyid kyis sems can thams cad bdas dang mnyam pa nyid du rtogs pas lhan cig skyes pa'i bde ba la yang dag par sbyor bar byed pa ni snying rje ste/de dag bsres te mtshungs par ldan pa'i sems ni byang chub kyi sems so/ /de kho na nyid 'di ni mchog go/ /de kho na nyid rnam par dag pa'i ye shes kyi rang bzhin rdo rje 'dzin pa chen po'i rang bzhin du dpes bstan pa'i don to//de bzhin du dpe nyid la yang dad par bya ste/ de 'grub pa'i thabs nyid dang dam tshig nyid yin pa'i phyir ro/ /de ltar na rdzogs pa'i rim pa de 'ba' zhig rnal 'byor pas bsgom par bya na sngags kyi bzlas pa la sogs pa bya ba mngon te ma yin snyam pa la/gsungs ba sngags kyi bzlas med ces pa la sogs pa'o/ /sngags na oM la sogs pa'o/ /de'i bzlas pa ni brjod pa'o/ /dka' thub ni kha na ma tho ba spong ba dang gos gsum brje pa la sogs pa'o/ /mar la sogs pa mer sreg pa ni sbyin sreg go//dgyes pa'i rdo rje dang rdo rje ma dang / gau rI la sogs pa'i lha'i sku ni dkyil 'khor pa'o/ /dkyil 'khor ni gzhal yas khang ngo / /gal te sngags bzlas pa la sogs pa'i 'bras bu rnal 'byor pa de la yod pa ma yin no snyam pa la gsungs pa/ de nyid zhes bya ba la sogs pas de nyid ni byang chub kyi sems de nyid do//'di ltar de kho na nyid kyi don shes par byed pa dang / 'gro ba skyob par byed pas sngags so/ /rgyun mi 'chad pa nyid kyis bzlas pa'o/ /bsam gtan gyi sdom pa dang / zag pa med pa'i sdom pa dang / snying rje'i sbyor bas kha na ma tho ba spong ba de nyid gos gsum brje ba'o//de la nyon mongs pa dang / rnam par rtog pa dang mtshan ma'i dri ma sel bar byed pa nyid kyis lan gsum khrus byed pa'o/ /spros pa med pa'i ye shes kyi me'i rang bzhin gyis nyon mongs pa'i rnam par rtog pa bsreg pa de nyid sbyin sreg go / byang chub kyi sems de nyid dgyes pa'i rdo rje dang de nyid shes rab kyi bdag nyid kyis rnal 'byor ma'i 'khor lo ste/ de bas na dkyil 'khor pa'o/ /de rnams kyi rten ni ting nge 'dzin gnas pa'i rgyu nyid do/ de yang sems kyi chos yin pas de bas na de dkyil 'khor ro/ /mdor na zhes bya ba la sogs pa tshig cig gis de bzhin du sngar gsungs pa'i tshigs su bcad pa'i don nye bar sdud par byed de/mdor na zhes pa ni gsungs pa'i rigs pas sngags bzlas pa la sogs pa nyams su blang par bya ba rnams nye bar bsdus te gnas pas sems 'dus pa'i rang bzhin can du 'gyur ro zhes pa ni tshig lhag ma'o//sems ni ji skad gsungs pa'i byang chub kyi sems so/ /de nyid 'dus ba ste chos rnams ro gcig par 'dus pa'o/ /de'i rang bzhin yin pa ni rnal 'byor pa ste de'i rang bzhin ma gtogs par bdag nyid mi dmigs pas so/ /'di ni dbang bskur ba'i mchog ste nyon mongs pa dang /rnam par rtog pa'i dri ma rnams mngon sum du 'dis 'khru bar byed pas so/ /dbang bskur bar gsal bar byed pa'i le'u ni dbang bskur ba'i le'u'o/ /dgyes pa'i rdo rje'i dka' 'grel mu tig phreng ba las le'u bcu ba'i bshad pa'o// //bstan pa la sems can rnams gzhug pa'i phyir lta stangs bzhi bya ste/ltung bar byed dang dbang du bya ba dang / dgug pa dang rengs par byed pa'o/ /'di rnams kyi mtshan nyid tshigs su bcad pa phyed pa bzhis go rims bzhin du ston to/ /de la gang gdong drang por khros pa'i nyams dang ldan pas blta zhing 'bras bu gnyis kyang dbral bar bstan pa ste ltung bar byed pa'o//gang g.yon du brten te g.yon du lta bar byed pa de dbang du bya'o/ /gang steng du brten te g.yas su lta bar byed pa da dgug par byed pa'o/ /gang sna'i rtse mo la brten te drang por lta bar byed pa de rengs par byed pa'o/ / sna'i dbugs phyir 'gro ba ni 'byung ba'o/ /'jug pa ni gang ba'o/ /nang du bcug pa ni bum pa can no/ /bcug nas me g.yo bar gyur ba ni zhi ba'o/ /'di rnams la goms par bya ba'i phyir mtshon bya bzhi po shing rlon pa dang / me tog dang rdo rje'i shing dang / g.yo ba dang bcas pa'i rtsa rnams la go rims bzhin brtag go//'khrul ba ni the tshom mo/ /sangs rgyas rdzu 'phrul ni sangs rgyas kyis byin gyis brlabs so/ /skye ba bdun du bar med par mir skye ba ni lan bdun pa'o/ /khyad par dga' ba sun 'byin pa zhes pa ni gnod par byed pa'o/ /skad snyan pa zhes bya ba la sogs pa ni mtshan nyid lnga'o//dbang du bya ba'i las ni ku ru kul+les khyad par du gyur pa ste/ de yang bcom ldan 'das ma sgrol ma nyid do/ /ji ltar bsgrub par bya zhe na mdor bsdus pa'o/ /gang sngar gsal bar gsungs pa'o/ /gang gsungs she na/ dgyes pa'i rdo rje'i rgyud brtag pa bcu gnyis pa las rgya cher gsungs so//u shi ni mda' 'o/ /ar mu ka ni gzhu'o/ /kha dog thams cad dmar po'o/ /lta stangs kyi le'u ste bcu gcig pa'i bshad pa'o/ /rdo rje ni rdo rje 'dzin pa'o/ /de'i snying po ni dgyes pa'i rdo rje yin la/ mngon par byang chub pa ni de gsal bar byed pas rtog pa'i rgyal po'o//dgyes pa'i rdo rje'i dka' 'grel mu tig phreng ba las le'u bcu gcig pa'i bshad pa'o/ /rdo rje snying po mngon par byang chub pa zhes bya ba rtog pa'i rgyal po rdzogs so// //sku gzugs rnams la lha rnams bzhugs su gsol pa ni rab gnas te/'dir rab tu gnas pa'i don du cho ga ni rab gnas so/ /de'i mtshan nyid ni rang bzhin no/ /rdo rje ni sangs rgyas thams cad kyi gsang ba gsum mo/ /de rnams kyi snying po ni de'i bdag nyid gang yin pa de la de skad ces gsungs so/ /sbyin sreg ni bgegs bsal pa'i don to//phyi dro zhes bya ba ni mtshan mo la brtsam mo/ /sta gon la sogs byas nas zhes pa ni sta gon la sogs pa'i cho ga zhes bya ba'i don to/ /oM zhes bya ba la sogs pas ni mchod pa'i sngags gsungs so/ /sna tshogs zhes pa ni rnam pa sna tshogs so//sngar gyi rgyud las zhes pas 'di rgyud bla ma nyid do/ /sbyin sreg gi skabs la bab pas sbyin sreg gsungs pa/ zhi bar zhes pa la sogs pa'o/ /'dir zhes pa ni thab gsum po 'dir gzhan yang ci rigs par sbyar ro/ /rgyang khru gang ba dang thabs su khru phyed pa'o/ /kha dog dkar po zhes pa ni thams cad dkar po'o//nye 'byed la sogs pa zhes pa ni nye 'byed dang bskrad pa la sogs pa'i drag po'i cho ga'o/ /sreg rdzas gsungs pa til zhes bya ba la sogs pa'o/ /lha mo khyod ces bya ba la/ sa'i lha mo spyan drang ba'i sngags te/ sngags kyi gnas skabs su gsungs pa'o//mthar mchod yon la sogs pa'i sngags gsungs pa ni me'i'o/ /dgyes pa'i rdo rje'i dka' 'grel mu tig phreng ba rtog pa gnyis pa las rab gnas kyi le'u dang po'i bshad pa'o// //rdo rje snying pos gsol ba zhes pa ni nus pa'o/ /nam mkha' lta bu zhes bya ba la sogs pa ni ji ltar nam mkha' la thog ma med pa de bzhin du sems can thams cad kyi mi dge ba dang lung du ma bstan pa'i chos sgrib pas bsdus pa yang de bzhin no//de rnams kyi gnyen por rang gi lha sgom par bya ba ste/ de bas na mi mthun pa'i phyogs rgya mtsho lta bu la gnyen po ko ba lta bus sems can rnams ci de las bsgral zhing pha rol gyi mthar phyin par mi nus na ji ltar de dang de bsgoms pas 'grub bar 'gyur zhes zhus pa'i don to//'dir lan bcom ldan 'das kyis gsungs pa/ bdag med ces bya ba la sogs pa ste/ dper na ri phug gi mun pa dus yun ring du bsags pa'i phung po mar me lhan cig btang bas skad cig gis zad par byed pa ltar zag pa med pa'i lam 'di skyes pas thog ma med pa'i dus nas bsags pa'i mi mthun pa'i phyogs kyi phung po skad cig gis sel bar byed ces bya bar dgongs so//gal te 'jig rten las 'das pa'i lam bla na med pa ji ltar na myur du skye snyam pa la sbyor ba'i khyad par las te/de la rnal 'byor la dmigs pa'i khyad par bdag med rnal 'byor ma'i khyad par ram/ dgyes pa'i rdo rje bsgom pa'i khyad par skad cig ma rgyun mi 'chad par ro/ /gal te de dang por ji ltar skad cig ma rgyun mi 'chad ces na gsungs pa/dang po zhes bya ba la sogs pa'o/ /mtshan mo'i dus la zhes pa ni skye bo rnams nyal ba'i dus su'o/ /bdag nyid sgrub ces pa ni mos pa'i khyad par ro/ /rnal 'byor ma zhes pa ni bdag med ma'o/ /de ltar nyal ba'i dus na mnyam par gzhag pa'i rnal 'byor gsungs nas/skye bo rnams sad pa'i dus la rtag tu mnyam par gzhag pa'i rnal 'byor gsungs pa/ rkang pa zhes bya ba la sogs pa'o/ /kha bshal zhes bya ba ni kha bkru ba'o/ /bsten zhes pa ni mnyes par bya'o/ /ji ltar zhe na/ gsungs pa/ rnal 'byor ma zhes bya ba la sogs pa'o//skad cig kyang zhes bya ba la sogs pa ni de'i don bdag med ma'i mtshan nyid dang bral bas/ bdag nyid kyi gzugs kyi skad cig kyang blta bar mi bya'o/ /de'i nga rgyal med par rang gi sems skad cig kyang bya ba ma yin no/ /rdo rje snying po zhes bya ba la sogs pa ni nye bar sdud pa'o//sdig pa ni mi mthun pa'i phyogs kyi phung po'o/ /rnal 'byor gyi mthu brtan pa bskyed pa'i don du gsungs pa/ brtse phyir zhes bya ba la sogs pa'o/ /zla ba phyed ces pa ni mnyam par gzhag pa dang ma gzhag pa'i rnal 'byor dag gis so/ /nyi ma gcig ces bya ba ni mnyam par gzhag pa'i rnal 'byor nyid kyis so//bsam pa thams cad yongs su spangs te/ zhes pa nyid ni bar ma chad par zhes pas gsungs te/ lhan cig ces pa ni zla ba phyed dam nyi ma gcig ste snga ma bzhin no/ /'jigs zhes bya ba la sogs pa'i tshigs su bcad pas yid ches par ston par byed do//smyo zhes bya ba ni ma dul ba'o/ /rnal 'byor la spro ba bskyed pa gsungs pa/ de ltar zhes bya ba la sogs pa'o/ /nges par shes pa ni rtogs pa'o/ phan pa 'byung ba ni rnal 'byor 'di las so/ mi phan pa 'byung ba ni 'jig rten pa'i spyod pa las so/ /ngu 'bod ces pa ni 'jig rten pa'i spyod pa ste rtsub pas so//gal te 'dir sdig ba can rnams kyis skabs yod dam snyam pa la/ gsungs pa/ mtshams med ces bya ba la sogs pa'o/ /bsams na 'grub ces pa ni bdag med ma bsgoms pas so/ /de'i tshe chos dang ldan pa 'grub par mi 'gyur ro snyam pa la gsungs pa/dge ba bcu zhes bya ba la sogs pa'o/ /gal te sems brtan par gyur nas de las gong na bya ba yod dam zhe na/ gsungs pa/ rtag tu zhes bya ba la sogs pa'o/ /dngos grub ni sems brtan pa ste/ bdag nyid lha'i rnam par snang ba dang rgyal du gzhag pa rgyun tu ngang gis 'byung ba 'thob pa'o//gsang ba zhes pa ni gsang ba'i mchod pa'o/ /dgyes pa'i rdo rje dang bdag med ma'i rnam pa sbyang bas lung bstan pa thob par bya ba'i ched du'o/ /byang chub sems kyis zhes pa na skyabs su 'gro ba la sogs pa sngon du byas pas so/ /lha'i gzugs zhes bya ba ni lha'i rnal 'byor bsam pa'o//sems kyang gcig pa zhes pa ni ting nge 'dzin yongs su byung ba'am bsam pa gcig pa'o/ /skal ldan zhes pa ni dngos grub [(]gyi [,]kyi [)]snod do/ /nus pa zhes pa ni ting nge 'dzin las skyes pa'i mthus so/ /bkug ces pa ni dgug par bya'o/ /de yang zhes pa ni mchog rnyed pa'am bkug pa'o//brtan pa zhes pa ni sems brtan par rtogs par bya'o/ /ji ltar snyam pa la/ longs spyod phyir min zhes bya ba la sogs pa'o/ /longs spyod ni longs spyod kyi phyir ro/ /'jigs pa'i tshul gyis zhes pa ni mchog tu dka' ba byed pa nyid kyis so/ /phyag rgya zhes pa ni phyi'i shes rab bo//ci'i phyir gnyer zhes bya ba ni gang gi don du gnyer pa'o/ /phyag rgya'i dngos grub ces bya ba ni phyag rgya rnams kyi dngos grub tu'o/ /bud med ni bdag med ma'o/ /bcom ldan 'das ni dgyes ba'i rdo rje'o/ /nu ma zhes pa ni brang gi nu ma'o/ /rdo rjer ji ltar 'gyur snyam pa la/gsungs pa/ 'gram zhes bya ba la sogs pa'o/ /'gram ni ngos te dril bur ro/ ze'u 'bru ni lte ba ste sna'o/ /dga' ba chen po zhes bya ba ni dga' ba chen po'i rang bzhin gyi he ru ka'i rnal 'byor pa'o/ /de'i tshe skyes bu ji lta bur 'gyur snyam pa la/ gsungs pa he ru ka zhes bya ba la sogs pa'o//phyag rgya'i dngos grub ces pa ni phyag rgya chen po'i dngos grub bo/ /nus pa ni mthu'o/ /'o na phyag rgya chen po'i dngos grub lha'i sku yin pas na ji ltar tshangs pa la sogs pa'o lus skye ba dang 'chi 'phos shing 'byung ba ltar phyag rgya chen po'i dngos grub kyang lha'i sku yin pas skye ba dang 'chi par 'gyur bas/de bas na bskyed pa'i rim pa la grol pa'i lam med do snyam du gal te sems na de bas na de bsal bar bya ba'i phyir gsungs pa/ skye dang zhes bya ba la sogs pa'o/ /thabs dang shes rab ces pa ni rang gis rig pa'i lus dang rang gi lus so//mi 'chi ba zhes pa ni mi gos pa'o/ /ci'i phyir snyam pa la gsungs pa/ thabs zhes bya ba la sogs pa'o/ /rgyun tu 'byung ba ni 'byung ba'o/ /tshogs gnyis kyis mthus 'gro ba'i don du thugs rjes sku la sogs pa snang ba'i sems rtag tu rgyun mi 'chad pas nam mkha'i khams dang mnyam par 'byung ba ni thabs te/de bas na thabs kyis bsgom pa'i 'bras bu yongs su rdzogs pa ni ci'i phyir 'jig /zhig pa ni mi dmigs pa ste/ so sor snang ba brdzun pas lus su snang ba ston gyi chu'i zla ba dang / skar ma lta bu'o/ /de nyid zhig pa ste shes rab bo/ /de bas na 'di ni srid mtha' ste/don du mngon par zhen pa'i rtsa ba can gyi srid pa mthar byed pa ste de mthar 'byin pa'o/ /gang gi phyir rgyu des na 'di la 'jig pa yong pa ma yin pa la skye ba yang med de/ 'jig pa med pa'i phyir ro/ /gzhan yang de kho na nyid du 'jig pa med pas skye ba med de/ gang gi phyir phyag rgya chen po'i lus 'di rang nyid kyis brdzun pa la brdzun par snang bar shes pas de dag kyang de kho na nyid du snang bas skye ba nyid med do/ /'o na 'jig rten pa nyid kyang 'khor ba'o snyam pa la gsungs pa/ zhig pa zhes bya ba la sogs pa'o/ /'di'i don phyag rgya chen po'i dngos grub grub pa'i nang nas gang zhig par 'gyur ba rang gi lus su mngon bar zhen pa su yang med na/su zhig zad de zhig pa med pa'i phyir ro/ /zag pa med de de ltar shes par bya'o/ /yang tshangs pa la sogs pa ni lus la dngos po med kyang dngos por mngon par zhen pa yod pas 'byung ba yod pa dang 'byung pa las 'jig pa yod do//phyag rgya chen po'i dngos grub ni de lta bu ma yin te/ dngos por mngon par zhen pa med pas so/ /de de ltar 'khor ba dang mya ngan las 'das pa brgal bar gyur pas mi gnas pa'i mya ngan las 'das pa'i rang bzhin gyis phyag rgya chen po'i dngos grub gnas so//de yang bsgoms pas rnyed par byed pa nyid do/ /bsgom pa yang ji lta bu snyam pa la/ de bas na gsungs pa/ bskyed pa'i zhes bya ba la sogs pa'o/ /spros ba zhes pa ni rnam pa sna tshogs pa rgya chen po nyid do/ /rmi lam ltar byas zhes pa ni rmi lam lta bur bsgom par bya'o//dper na rmi lam na sems nyid 'khrul nas yang dag pa ma yin pa'i don gyis rnam par snang bar byed do/ /de bzhin du rnam pa 'di dag ro gcig pa nyid du rtogs pa'i sgo nas brjod pas rnam par dpyad la/ spros pa zhes pa ni brjod pa sna tshogs pa de yang spros pa med do//zhes rnam par rtog par mi byed pa'o/ /de ltar bslabs pas cir 'gyur snyam pa la gsungs pa/ ji ltar zhes bya ba la sogs pa'o/ /de bzhin du zhes pa ni de bzhin du bya'o/ /snang ba ni byis pa rnams la dngos po snang ba bzhin du rtog pa dang med par nges pa nyid du ngang gis 'jug pa'o//de ltar stong pa nyid du snang pa gsungs nas bde ba chen por snang bar bstan pa gsungs pa/ phyag rgya chen por zhes bya ba la sogs pa'o/ /phyag rgya ni shes rab bo/ /phyag rgya'i dbang bskur ba ni shes rab ye shes so/ /phyag rgya chen por dbang bskur ba ni dbang bzhi pa'o/ / gsal bas na mang po'i tshig go/ /ji ltar shes pa'i zhes pa ni gang bla ma'i man ngag las shes pa'o/ bde ba chen po zhes pa ni bsgrub bya'i bde ba chen po spros pa med pa'o/ /de nyid las 'byung zhes pa dang dkyil 'khor zhes bya bar sbyar ro/ /'byung ba ni 'gro la phan pa'i thabs phyag rgya chen po'o/ / dkyil 'khor ni rnal 'byor ma'i 'khor lo gtso bo dang bcas pa'o/ /gzhan la 'byung ba med ces pa ni gzhan gyi rang bzhin ma yin pa'o/ /yang de nyid rgyas par gsungs pa/ bde ba zhes bya ba la sogs pa'o/ /sngon po ni nam mkha' ltar sngo ba ste/ kha dog la sogs pa'i dbye bas tha dad kyang dkyil 'khor ba de'i rang bzhin gyis khyab ces pa'i don to//g.yo ba ni lha rnams kyi sku'o/ /mi g.yo ba ni na bza' dang rgyan la sogs pa'o/ ji ltar bde ba ma yin pa'i rgyu las bde ba'i rang bzhin gyi dkyil 'khor pa bskyed ce na gsungs pa/ bde ba shes rab ces bya ba la sogs pa'o//thabs dang shes rab ni bde ba ste/ dga' ba rnams kyi 'byung gnas yin pas so/ /bde ba de bzhin snyoms 'jug skyes/ /zhes pa ni de dag rang nyid kyis snyoms par 'jug pa las byung ba'i bde ba ni de bzhin du dngos kyi bde ba nyid ces bya ba'i don to//dngos po zhes bya ba ni sangs rgyas lnga'i bdag nyid kyi phyag rgya dang rdo rje 'dzin pa'i rnam pa ste/ mchog gi bde ba'i rang bzhin nyid kyi phyir ro/ /dngos med ni de nyid zhu bar gyur ba ste/ de yang bde ba smos pa med pa'i bdag nyid do/ /de'i phyir dkyil 'khor gyi rgyu yang bde ba'i bdag nyid do//dpal he ru ka'i dkyil 'khor kyi rgyu bde ba'i bdag nyid yin na bdag med ma'i dkyil 'khor gyi rgyu ji ltar snyam pa la gsungs pa/ rdo rje sems dpa' bde bar brjod/ /ces pa ste thabs dang shes rab kyi rang bzhin zla ba dang nyi ma sbyor ba las byung ba'i lha'i phyag mtshan rdo rje'o//de'i lte ba las byung ba'i sa bon ni sems dpa'o/ /rdo rje dang bcas pa'i sems dpa' ni rdo rje sems dpa'o/ /de yang bde par brjod ces pa ni bde ba chen po'i rang bzhin du sangs rgyas rnams kyis gsungs so/ /de las byung ba'i bdag med ma'i dkyil 'khor yang ngo //de bas na de yang bde ba'i bdag nyid do/ /rdo rje snying pos gsol ba zhes pa ci'i don du zhus she na/ bskyed pa'i rim pa la yang bcom ldan 'das nyid kyis rab tu bsngags pa'i don du'o/ /dam pa'i bde ba ni bde ba'i mchog dang bde ba chen po ste/ de nyid dngos po thams cad ro gcig pa'o//de las cir 'gyur snyam pa la gsungs pa rdzogs pa zhes bya ba la sogs pa'o/ /bsgom pa ni lha'i sku yid kyis skyed par byed pa'o/ /de ni dman pas sbang pa'o/ /ci zhes pa ni cung zad tsam mo/ /dad pa ni rdzogs pa'i rim pa la gus pa'o/ /a be ga ni skyo ba'o/ /des nyams pa ni/bskyed pa'i rim pa dman pas spangs pa'o/ /lus zhes bya ba sogs pas ni bskyed pa'i rim pa la bstod pa'o/ /brjod ces pa ni bstan pa tsam gyis sku la sogs pa thams cad stong pa nyid kyis sgrub pa po'i rgyud la bskyed par mi nus pa nyid do/ /ci'i phyir snyam pa la/gsungs pa/ khyab bya zhes bya ba la sogs pa'o/ /gang gi phyir bde bas 'gro ba la khyab par gang gsungs pa de khyab par byed pa'i rang bzhin 'ba' zhig ni ma yin gyi/ 'on kyang khyab bya'i rang bzhin yang yin te/ ji ltar bde ba ma rtogs par lus med pa de ltar bde ba yang lus la sogs pa med na med ces bya ba'i don to//ji ltar zhes bya ba la sogs pas ni dpe gsungs pa/ 'o na chos kyi skus bsdus pa'i bde ba chen po tsam bsgrub bya yin la/ chos kyis sku yang lus dang longs spyod dang gnas kyi rnam par snang pa'i rnam par shes pa rnams yongs su zad pa yin na ci'i phyir lus la sogs pa yin/de bas na der sgrub pa la sku bsgom pa mi rigs so zhe na de bas na gsungs pa/ dngos dang dngos min nyid kyang ngo / /zhes bya ba la gzugs la sogs pa dang ldan pa ste/ longs spyod rdzogs pa dang sprul ba'i sku lus la sogs par snang ba nyid do/ /chos kyi sku ni gzugs dang mi ldan te/der snang ba med pa nyid kyi don to/ /gal te longs spyod rdzogs pa dang sprul ba'i sku lus la sogs par snang bas de'i tshe dngos po yang dag par snang ba nyid de 'khrul pa de las sangs rgyas kyang sangs rgyas ma yin no snyam pa la/ de bas na gsungs pa/ dngos po rtogs phyir sangs rgyas pa//zhes so/ /'di'i don chos thams cad kyi dngos po rnams rtogs pas rnam pa thams cad mkhyen pa'i ye shes te/ des na sangs rgyas yin no/ /snang ba med pa'i ye shes la ni chos rnams kyi spyi'i mtshan nyid ces bya ba snang gi tha dad kyi mtshan nyid mtha' yas pa ni ma yin no//de rnams so sor snang ba ni me long lta bu'i ye shes la/ nga yongs su gcod par byed pa'i so sor rtog pa'i ye shes kyis gcod de/ ye shes de gnyis ni longs spyod rdzogs pa'i sku'o/ /de'i phyir sku gsum gyis sangs rgyas te gcig gis ma yin no/ /longs spyod rdzogs pa dang sprul ba'i sku dag med na rang dang gzhan gyi don phun sum tshogs pa yongs su rdzogs pa med do//de dag kyang shin tu 'khrul ba ma yin gyi ji ltar snang bas yod pa ma yin te/ sgyu ma lta bur grub par snang ngo / /de nyid kyis dag pa 'jig rten pa'i snang ba longs spyod rdzogs pa'i sku ste/ chos kyi sku'i rgyu mthun pa'o zhes gsungs so//de bas na nga zab po zhes bstan pa'i phyir gsungs pa/ nga zhes bya ba la sogs pa'o/ /rmongs zhes pa ni thos pa las byung ba'i shes rab med pa'o/ /le los bcom pa zhes pa ni bsams pa las byung ba dang bsgoms pa las byung ba'i shes rab med pa'o//zab mo de nyid gyi rnam par dbye ba gsungs pa/ bde ba can na nga gnas te/ /zhes bya ba la sogs pa'o/ /de bzhin gshegs pa snang pa mtha' yas kyi zhing yongs su dag pa ni bde ba can te/ zhol bya rog srungs shig ces pa'i tshul gyis yongs su dag pa'i sangs rgyas kyi zhing thams cad ni bde ba can zhes gsungs so//de rang gnas pa ni sangs rgyas kyi longs spyod rdzogs pa'i sku mchog tu rmad du byung ba sangs rgyas kyi phun sum tshogs pa'o/ /ni'i sgra ni dang gi don te tha dad pa'i rim pa'i'o/ /bdag med rnal 'byor ma la sogs pa ni rdo rje'i btsun mo'i mchog go/ /de'i b+ha ga la bzhugs pa ni gnas pa'o//chos rnams kyi de nyid gcig tu mnyam pa ste de bzhin nyid do zhes gsungs pa'i don gyi e'i cha byad de gzugs la'o/ /sangs rgyas nyid rin po che'o/ /de rnams kyi za ma tog de nyid du de rnams ro gcig pa bde ba chen po'i skus yang dag par rig pa'i phyir ro/ / de lta bur gyur pa'i bdag nyid chen po gsal bar bya ba'i don du gsungs pa/ 'chad pa po nga zhes bya ba la sogs pa gsungs pa'o/ /gang dgyes pa'i rdo rje'i rgyud la sogs pa 'di lta bu'i chos gsal bar byed pa pa'o/ /gang yang nyan pa'i yon tan dang ldan pa'i slob ma yang nga'o/ /gsum po 'di dag kyang nga nyid de/des na de dag la mchod par bya'o zhes bya'i don to/ /'o na gtso bo gang zhe na/ snyam pa la bsgrub bya gang zhes gsungs te/ gang gi phyir chos kyi sku bde ba chen po ni bsgrub par bya ba'i gtso bo ste nga'o/ /'gro ba'i ston pa zhes bya ba ni longs spyod rdzogs pa dang sprul ba'i sku'o//rigs pa de dag gis kyang sku bsgom par bya'o zhes bsgrubs so/ /gzhan yang 'jig rten pa nga 'jig rten pa'o/ /rab tu dga' ba las byung ba'i sems can rnams ni 'jig rten no/ /gang de'i bar mdo'i srid pa'i lus ni 'jig rten pa'o/ /'di la 'jig rten dgongs par yod pas 'jig rten pa ste de yang nga'o//ji ltar chos kyi sku bde ba chen po'i rgyu mthun pa nyid longs spyod rdzogs pa'i sku nga yin pas de ltar pha dang ma dang bar ma do'i sems can rnams kyi bde ba chen po'i rgyu mthun par gyur pa'i 'jig rten yang nga yin te/ bde ba chen pos brgyal ba'i dri za'i sems can yang nga'o//'jig rten pa'i bde ba chen po gang yin pa de ji ltar gtso bo'i bsgom bya yin zhe na/ gsungs pa/ lhan cig skyes dga' zhes bya ba la sogs pa'o/ /'o na bsgrub par bya ba bde ba chen po'i gtso bo ni khyod yin la/ 'khor ba'i lhan cig skyes pa'i bde ba ni bsgrub bya ma yin na ci'i phyir khyod gtso bo'i bsgrub bya yin zhe na/gsungs pa de ltar yin na nga zhes bya ba la sogs pa'o/ /yang gi sgra ni rgyu'i don te/ gang gi phyir de nyid de bzhin du gtso bo yid ches par byed pas so/ /mthun pa'i dpes rtogs pa sgrub pa de bas na de nyid la gtso bo nga zhes btags pa'o//mun pa la ni sgron me bzhin/ /zhes pa ni dper na mun khung gi bum pa la sogs pa gsal bar rtogs pa mar mes sgrub par byed pa de ltar dpa'i lhan cig skyes pa'i dga' ba nyid bsgrub bya'i bde ba gsal bar byed pa'o/ /bde ba can drung ni 'dug/ /ces bya ba la sogs pa'i tshig gsungs pa de nyid gsal bar byed pa'i phyir gsungs pa/ston pa sum cu zhes bya ba la sogs pa'o/ mtshan dang dpe byad 'bar ba'i sku der skyes pa'i byang chub sems dpa' rnams dang chos kyi longs spyod rdzogs pa ni gtso bo ste/ 'di lta bur gyur pa'i bdag bde ba can na bzhugs so zhes pa'o//btsun mo ni rdo rje btsun mo dang / dpe'i btsun mo'o/ /de dag gi b+ha ga la khu ba zhes bya bas nga gnas so/ /khu ba ni ye shes kyi sa bon dang / phyi rol gyi dpe'i sa bon no/ /de zhes pa ni khu ba zhes bya'o/ /de bas na sa bon dang lus ngag yang dag par sbyor ba la ltos pa dang bcas pa ni bde ba chen po'o//de med na de rgyu gzhan las 'byung ba med pas lha'i sbyor ba'i lus las bde ba bskyed par bya'o/ /de bas na bsgrub bya'i bde ba don du gnyer bas lha'i rnal 'byor nges par bsgom par bya'o/ /zhes dgongs pa'i don te/ /da ltar yang gang gi phyir lam dngos po dang dngos po med pa ma yin pa de bas na 'bras bu sangs rgyas kyang dngos po ma yin te/de ni nyon mongs pa ma lus pa zad pa'i mtshan nyid do/ /de nyid ces pa ni sangs rgyas so/ /dngos med tshul yang min zhes pa ni shin tu rnam par dag pa ro gcig pa'i ye shes kyi rang bzhin chos kyi sku nyid do//zhal phyag rnam pa zhes pa ni longs spyod rdzogs pa dang sprul ba'i sku dag go/ /gzugs med pa yang gang las she na/ dam pa'i bde ba zhes pa ste/ chos kyi sku chos kyi bde ba la longs spyod pas kyang zhes bya ba'i don to/ /de nyid kyis na 'bras bu dngos po dang dngos po med pa ma yin pas/de'i phyir na 'gro ba thams cad ni lhan cig skyes pa'i dga' ba ste/ lhan cig skyes pa da ni sangs rgyas nyid kyi lhan cig skyes pa dang 'brel ba'o/ /'gro kun zhes pa ni sems can thams cad do/ sangs rgyas nyid kyis lhan cig skyes pa zhes pa ci'i phyir snyam pa la gsungs pa/lhan cig skyes zhes bya ba la sogs pa la/ rang bzhin zhes pa dang ngo bo ni lhan cig skyes pa'i sgra'i rnam grangs so/ /sangs rgyas nyid gtso bo chos kyi sku'o/ /de'i dbar du byas te zhes gsungs pa rnam dag ces bya ba la sogs pa'o/ /rnam dag ni dri ma med pa'i rang bzhin 'od gsal ba nyid do//sems ni de'i rnam pa can no/ /de'i rang bzhin ni de'i ngo bo yin pas de skad ces gsungs so/ /de'i rang bzhin nyid mya ngan las 'das pa ste/ rnam par dag pa'i rang bzhin yang de yin la sems kyang de yin na/ /gang gi phyir don dam par dag cing mya ngan las 'das pa de'i dngos po med do//gang gi phyir sems nyid rnam par dag pa'i rang bzhin yin pa de'i phyir dngos po med pa yang ma yin no zhes dgos so/ /'dis ni sems rang bzhin gyis 'od gsal ba nyid kyis sangs rgyas kyi sa bon thog ma med pa nas 'grub ces gsungs par 'gyur ro//'o na de'i tshe longs spyod rdzogs pa'i sku sa bon med par 'gyur te/ tha mal nga'i lus ni lus de nyid kyi yin gyi/ de dang rigs mi mthun pa nyid de zhe na/ de bas na gsungs pa/ lha'i zhes bya ba la sogs pa'o/ /'dir yang lha'i gzugs kyi sgras de'i sa bon nyid gsungs so/ / der yang lus can rnams skyes pa tsam gyis gnas so/ /ci'i phyir zhe na/ zhal phyag ces bya ba la sogs pa ste/ spyir lus su mthun zhes bya ba'i don to/ /ji ltar sems rang bzhin gyis dag pa glo bur gyi dri ma dang bral ba'i sa bon yin pa de bzhin du tha ma'i lus nyid kyang lha'i lus kyi sa bon zhes dgongs so//de lta na lha'i sku la sogs pa bsgom pa don med do zhe na/ gsungs pa/ 'on kyang zhes pa ba la sogs pa ste/ rang bzhin tha mal gyi lus kyi rgyu zhes bya ba ni tshig lhag ma'o/ /de bas na de spang ba'i phyir dang rang gi sa bon gso ba'i phyir lha'i sku bsgom pa don med pa ma yin par dgongs so//sku bsgoms pa nyid kyis tha mal pa'i lus spangs pa 'di ni bzod par dka'o zhe na/ de bas na 'di dpe mang pos bsgrub par bya ba'i phyir gsungs pa/ de nyid ces bya ba la sogs pa'o/ /ji ltar zhe na ji ltar rlung zhes bya ba la sogs pa'o/ /ji ltar ma shes dri chu dang bshad pa dang rlung rnams sel bar byed pa'o//bzlog pa sman du brtag go zhes pa ni rigs mthun pa nyid de/ de'i brtag pa ni cho ga'o/ /srid pa ni 'khor ba'o/ /de dag par ni zad par gyur pa'o/ /srid pa nyid kyis zhes pa na 'jig rten pa'i lam gyis so/ /ji ltar na dran pa nye bar gzhag pa bzhi dang yang dag par spang ba bzhi dang /rdzu 'phrul gyi rkang pa bzhi dang / dbang bo lnga dang / stobs lnga ste/ chos nyi shu rtsa gnyis ni 'jig rten pa'i lam mo/ /de ma rtogs par 'jig rten las 'das pa'i lam skye ba med do/ /de yang byang chub kyi yan lag bdun dang / 'phags pa'i lam yan lag brgyad de chos bco lnga po de dag med na srid pa zad pa yod pa ma yin te/ de bas na gcig nas gcig tu brgyud de srid pa nyid kyis srid pa zad par 'gyur ro/ /rnam rtog ces pa ni tha mal pa'i rnam par rtog pa ste/ dag par 'gyur pa ni gcig nas gcig tu'o//de ltar na yang dag par so sor rnam par rtog pa nyid kyang de kho na nyid bsgoms pa'i stobs kyis brgyud pas rnam par mi rtog pa'i ye shes skyed par byed bas na des kyang rnam par rtog pa zad par byed pa'o/ /zhugs pa zhes pa ni der zhugs pa'o/ /'byin pa ni nges par 'byin pa'o//dngos po'i rnam rtog ni phung po lnga la sogs pa'i rnam par rtog pa'o/ /rnam pas zhes pa ni rtog pa dang / rin chen dbang la sogs pa'i lha rnams kyi rnam pas so/ /sbyang ba ni zad par byed pa'o/ /'dod chags te nyon mongs pa'i 'dod chags de ni me'o/ / des bsregs pa ni gdungs pa ste/ ngan 'gro la sogs pa'i sdug bsngal skyed par byed pa'o/ /chags pa zhes pa ni de kho na nyid kyi chags pa'o/ /de nyid me ste/ nyon mongs pa'i bud shing sreg par byed pa'o/ /de la 'grub bar 'gyur te/ yongs su smin par byed pa'o/ /mi bzad pa'i las ni zhe sdang las skyes pa'i srog gcod pa la sogs pa'o//thabs ni snying rjes sangs rgyas kyi bstan pa skyong ba la sogs pa'o/ /'dod chags kyis zhes pa ni nyon mongs pa'i 'dod chags kyis so/ /'dod chags nyid kyis zhes pa ni de kho na nyid kyi 'dod chags kyis so/ /bzlog pa zhes pa ni phyogs mi mthun pas so//phyogs mi mthun pa ni 'dra bar snang ba ste/ don dam pa de ni gnyen por gyur pa nyid do/ /sangs rgyas pa'i mu stegs ni sangs rgyas mu stegs so/ /ji ltar de dag sangs rgyas pa yin zhe na/ sangs rgyas nyid kyi bstan pa la zhugs pa'i phyir ro/ /ji ltar mu stegs pa yin zhe na/sangs rgyas kyi bstan pa'i snying po rdo rje theg pa la sdang pas so/ /'di thams cad kyis kyang rdo rje lha mo nges par longs spyod pa bsgom par bya ba nyid rab tu bsgrubs so/ /de dang de nyid kyi rigs mtha' yas pa'i rgyus yang rab tu bsgrub par bya ba'i phyir gsungs pa/kun tu ru zhes bya ba la sogs pa'o/ /kun tu ru ni rab tu dga' ba ste/ gang rdo rje lha mo'i pad+ma las byung ba rnams so/ /'byung ba ni 'byung ba rnams so/ /lnga ni reg pa lnga ste/ 'byung ba lnga'i rang bzhin no zhes pa ni sa dang chu dang me dang rlung dang nam mkha'i khams kyi rang bzhin gyis so//'byung ba de rnams kyang ci yin zhe na/ gsungs pa/ gcig nyid ces bya ba la sogs pa'o/ /dga' ba chen po ni rab tu dga' ba rdo rje 'dzin pa'o/ /lnga nyid ces pa ni rigs lnga'i rang bzhin no/ /dbye bas zhes pa ni 'byung ba'i dbye bas so/ /'byung ba ni de kho na nyid do/ / de nyid gti mug la sogs pa ste/ rnam par snang mdzad la sogs pa yang yin no zhes bya bar dgongs so/ /tshigs su bcad pa 'dis ni bstan pa'o/ /'di'i bshad pa'i tshigs su bcad pa gsungs pa/ rdo rje zhes bya ba la sogs pa'o/ /sra bar gnas zhes bya ba ni sra bar rtogs pa'o//sra ba sa'i khams gti mug gi chos nyid ni gti mug gi ngo bo nyid de sra ba nyid kyi phyir ro/ /chu'i khams zhes bya ba ni chu'i khams yin te sbyor zhes bya ba dang sbyar ro/ /me ni dro ba ste 'dod chags kyi me'o/ /bum pa la sogs pa bsregs pas dmar bar 'gyur ba lta bu'o//kak+ko la zhes pa ni pad+ma ste der bsgyur ba ni g.yo ba'i rang bzhin te/ 'gro zhing g.yo ba nyid do/ /de nyid kyi phrag dog ste/ skad kyi byings las 'gro bar bshad do/ /bde ba ni rab tu dga' ba'o/ /de nyid 'dod chags te/ kun tu chags pa'i gnas nyid do/ /de nyid chags pa ste/de la chags pa'i sems zhen pa de las gzhan du ma yin pa nyid do/ /bde ba nam mkha'i mtshan nyid de/ zhes pa ni gang bde ba de'i bdag nyid kyi sems chags pa dang ldan pa'i sems pa ni rang gi ngo bo tsam dus ring po nas rig ces bya ba'i don to/ /de ni nam mkha'i mtshan nyid do//chos thams cad mi dmigs pa'i mtshan nyid bde ba chen po'i rang bzhin nyid do/ /de nyid nam mkha' dang chos mthun pas nam mkha'o/ /de nyid ser sna rdo rje ni rin chen 'byung ldan te/ don dam par rab tu gsal bar byed pas na ser sna rdo rje'o/ /sems chen po ni dga' ba chen po'i rang bzhin rdo rje 'dzin pa'o//lnga'i gzugs kyis zhes pa ni rigs lnga'i rang bzhin du ji skad gsungs pas so/ /de nyid las zhes pa ni rdo rje btsun mo'i sbyor ba las so/ /stong phrag du ma zhes pa ni rigs kyi dbye ba'o/ /gcig gi ngo bo zhes pa ni rigs su mtha' yas pa rnams kyi thun mong gi dbye bas so//ji ltar phye bas zhe na/ 'dod chags dang zhe sdang dang / phrag dog la sogs pa'i sems lngar phye bas so/ /'dis bde ba chen po'i dbye bas rigs lnga'o zhes rab tu bsgrubs so/ /de rnams la yang rigs grangs med par dbye'o zhes rab tu sgrub par byed pa'i tshigs su bcad pa gnyis gsungs pa/gang+gA'i klung bcu zhes bya ba la sogs pa'o/ /bye snyed ces pa ni bye ma dang mnyam pa'i grangs so/ /rigs gcig las zhes pa ni rigs re re las so/ /de bzhin gshegs pa'i tshogs zhes pa ni de bzhin gshegs pa ji snyed pa'i tshogs de snyed dang ldan pa'i rigs so//don de lan so sor byas so/ /de bas na rigs grangs med pa'i tshogs ni rigs kyi tshogs te/ gang+gA'i klung gi bye ma lnga bcu snyed do/ /rigs kyi tshogs de rnams la yang so sor phye na mtha' yas so/ /rigs kyi tshogs kyi dang por so sor phye na so sor zhing grangs brgya'i rigs su 'gyur ro//rigs chen zhes pa ni yang so sor phye na rigs so sor gcig las 'bum du 'gyur ro/ /rigs 'bum las phye na re re las so sor bye ba'o/ /rigs bye ba las kyang phye na re re yang rigs grangs med do/ /rigs bye ba de la yang so so grangs med do/ / gang des so sor bye ma snyed kyi rigs de thams cad mchog tu dga' ba'i rigs las byung ba'o/ /mchog tu dga' pa'i rigs nyid rigs so sor phye ba thams cad kyi rtsa ba ste/ de'i rigs gcig las rigs thams cad phye bas so/ /mkha' 'gro ma rnams kyi dra ba ni 'khor lo'o/ / de'i sdom pa ni bde ba'i mchog go/ /de las dngos grub yin la/ de'i gtan la phab pa'o/ /dgyes pa'i rdo rje'i dka' 'grel mu tig phreng ba las rtog pa gnyis pa las le'u gnyis pa'i bshad pa'o// //de nas zhes bya ba la sogs pa la/ rdo rje can ni rdo rje 'dzin pa'o/ /rgyud thams cad ni dgyes pa'i rdo rje'i rgyud ma lus pa'o//de'i gleng gzhi ni rtsa ba'i rgyud de/ de'i chen du rgyud bshad pas so/ /zhes bya ba ni ming 'di nyid de rab tu grags par zad do/ /thabs ni byang chub sgrub pa'o/ /de'i mdor bstan pa'i tshigs su bcad pa ni sdom pa zhes bya ba la sogs pa'o//de la sdom pa ni bde ba'i mchog go/ /dbang bskur ba ni dbang bskur ba bzhi'o/ /dgongs pa ni dgongs pa ste ma grags pa'i brdas bshad pa'o/ /dga' ba ni dga' ba bzhi'o/ /skad cig dbye ba ni skad cig bzhi'o/ /sdom pa dang bde ba chen po zhes pa dang po dang tha ma'i tshig dag 'brel to//gang gi bde ba chen po zhe na/ sangs rgyas thams cad kyi ste/ yang dag ces bya ba ni spros pa med pa'i ye shes kyi bdag nyid do/ /de ci'i phyir zhe na/ gang gi phyir gcig gi rnam pa ste sangs rgyas thams cad zhu bas gcig tu gyur pas so/ /gang du gnas zhe na/e baM la ni rab tu gnas so/ /dbang bskur ba ni spros pa'i mtshan ma'i dri ma thams cad 'khru bar byed pas so/ /shes zhes bya ba ni yang dag par rig par gyur pa ste/ shes rab dang thabs kyis sangs rgyas thams cad zhu ba'o/ /mkha' 'gro ma zhes pa la de ni nam mkhar 'gro ma zhes pa ni nam mkha' la 'gro ba ste/rdzu 'phrul gyi mngon par shes pa des khyad par 'gro ba'i ngang tshul 'di la yod pas mkha' 'gro ma'o/ /'gro ba yang cig car kun tu phyin par 'gro ba ste/ rdzu 'phrul gyis dus gcig tu cig car phyogs bcur 'gro ba'i ngang tshul can rnams su grub pa'i rnal 'byor ma rnams ni mkha' 'gro ma'o zhes pa'i don to//de rnams kyi sdom pa ni sdom pa'i gzhi ste/ de bzhin gshegs pa thams cad kyi gsang ba rnams gcig tu mnyam par bstan pa'i don du/ e'i cha byad bzang po gang / /zhes pa'o/ /ji ltar bzang po'i gnas yin snyam pa la gsungs pa/dga' ba zhes bya ba la sogs pa'o/ /skad cig ni dga' ba rnams kyi dus su'o/ /bde ba'i ye shes ni dga' ba la sogs pa'i ye shes so/ /skad cig rnams kyi ming dang grangs dang mtshan nyid dang / dga' ba'i rnam par dbye ba rnams ni rnam pa sna tshogs pas zhes bya ba la sogs pa tshigs su bcad pa bzhis gsungs te/shes te zhes pa ni ci shes she na dga' ba bzhi'o/ /bde ba de ni bde ba chen po de nyid kyis so/ /ye shes kyang yang dag pa'i ye shes nyid kyis so/ /bde ba'i ye shes ni lhan cig skyes pa'i dga' pa'o//de'i spyod pa ni skye bar 'gyur ba yang dag par mtshon pa'o/ /de las bzlog ces pa ni de las phyin ci log nyid dmigs pa dang bcas pa nyid do/ /bde ba zhes pa ni bde ba chen po'o/ /nges par 'dzin pa zhes pa ni zhig ma thag tu dran par byed pa'o/ /chags pa ni bde ba byung ba la 'dod pa dang bcas pa ste/dga' ba dang mchog tu dga' ba'o/ /chags bral ni dga' ba zhig cing tshim nas te/ 'dod pa med pa'i khyad par gyi dga' ba'o/ /de dag spangs pa ni dus ring po nas 'dod pa de dang de nyid kyis de'i tshe yang dag par rig pa na'o/ / dang por dga' ba zhes pa ni dga' ba tsam mo/ /'dis ni sdom pa de'i zhar la skad cig gi dbye ba yang bstan nas dbang bskur ba yang gsungs pa slob dpon zhes bya ba la sogs pa'o/ /slob dpon dang gsang ba dang / shes rab kyi dbang bskur ba rnams ni go rims bzhin du slob dpon gsang ba shes rab po//de nas de bzhin yang bzhi pa zhes pa la/ /de nas zhes pa ni gang bsgrub par bya ba'i bde ba'o/ /de bzhin zhes pa ni dpe'i bde ba las yang dag par shes par bya'o/ /yang zhes pa ni phyis smra bar bya'o/ /de bzhin zhes pa ni dpe'i bde ba dang chos mthun pas man ngag ji lta bas so//'di rnams kyi gsum pa ni shes rab ces bya'o/ /de dag gi dbye ba yang dbang bzhi'i rim gyis rnam pa gnyis yod de/ de dag tshigs su bcad pa phyed dang gnyis gsungs pa/ dga' ba zhes bya ba la sogs pa'o/ /grangs ni tha snyad de/ dga' ba bzhi dang go rims bzhin du dbang bzhi ste/ brtsams shing spyad pa dang / ring du 'gro ba dang rab tu 'jigs pa'i ye shes dang / don dam pa'i ye shes kyi phyir te/ tshigs su bcad pa phyed kyi don to/ /dgod pa dag pa zhes pa ni gnyis ka'i mig bzhis dga' ba 'dod pa'o//des slob dpon te rtsom zhing spyod pa'o/ /blta ba ni mtshan ma yang dag par sbyor ba'o/ /lag bcangs ni shes rab kyis kun tu 'khyud pa ste/ thams cad rig pas na phul du byung ba'i ye shes nyid kyi phyir ro/ /gnyis gnyis 'khyud ces pa ni sbyor ba'i dbang gis 'dus pa'i dga' ba zhes bya ba'i don to//dbang gi sgra'i don bstan par bya bas gsungs pa/ bkru ba zhes bya ba la sogs pa'o/ /bkru par bya zhes pa ni rab tu dri ma med pas dag par bya zhes bya ba'i don to/ /rdo rje dril bu mnyam sbyor bas/ /zhes pa ni lag pa dag tu'o/ / dbang zhes pa ni man ngag ji lta bar ro/ /slob dpon gyi dbang gi lhag ma ni gsang ba'i dbang ngo / ston pa zhes pa ni bla ma'o/ /ci smras she na/ sems dpa' che zhes bya ba la sogs pa'o/ /ci byas la smra zhes she na/ slob ma shes byas nas te shes par gyur nas so/ /bdag nyid chen po ni bsam pa chen po zhes bya ba'i don to//sbyor ba zhes pa ni rab tu dga' ba'o/ /rdo rje 'dzin zhes pa ni kye'i rdo rje 'dzin pa zhes bskul ba'o/ /rjes su gnang zhes pa ni zhus pa'o/ /lha dang gnyis su med par sbyor ba la gnas pa nyid kyis zhi ba chen po'o/ /rdo rje rnal 'byor ni rab tu sbyor ba'o//der gcig tu gus pa zhes pa ni shin tu gus pa'o/ /rab sgrub pa zhes pa ni rigs pa rnams shin tu mnyes par byed pa'o/ /rdo rje ni sangs rgyas thams cad do/ /de rnams kyi rnal 'byor ni bde ba chen po mnyam pa nyid de yang dag par 'byung ba dbyer med pa dang rgyun mi 'chad pa 'di la yod pa de la de skad ces gsungs so//ci bzhin zhes pa ni gang gis bde ba chen po dang ldan pa'o/ /mnga' bdag ni gtso bo'o/ /'khor ba ni 'dam ste 'dam gyi phung po'o/ /skyobs zhes pa ni skyobs shig pa ste bdag la zhes pa ni tshig gi lhag ma'o/ / zhim pa ni ro zhim pa la sogs pa'o/ /sha ni sha chen po dang sbrang rtsi chen po'o/ /byug pa ni kun tu byug pa'o/ /mchod pa 'di dag gis zhes pa ni ji skad gsungs pa rnams kyis slob mas mchod par bya zhes bya bar sbyar ro/ /rdo rje 'dzin pa zhes pa ni bla ma'o/ /mchog tu dga' bas yang dag sbyor ne de'i stobs las thob pa'i lhan cig skyes pa'i dga' ba'i skad cig go//sna tshogs spangs zhes pa ni de tsam la sems gnas pa'o/ /zung zhes pa ni 'di nyid la sems brtan par bya ba'o/ /des ci bya snyam pa la gsungs pa ji srid ces bya ba la sogs pa'o/ /gyis shig ces bya ba ni tshig lhag ma'o//'dis zhes pa ni de ltar cho ga bzhin du dbang bskur ba gsum gyis slob ma la dbang bskur ba 'dis so/ /rdo rje can ni bla ma te slob ma la smras so/ /bya ba'i tshogs ni slob mas smra bar 'os pa rnams smra bar bya'o/ /'di skad ces pa ni 'di skad ces 'chad par 'gyur bas dbang bskur ba bzhi pa brjod par bya ba'o//'di nyid ces pa ni lhan cig skyes pa'i bde ba chen po'o/ /ye shes chen po zhes pa ni gang le'u dang po las/ ye shes chen po lus la gnas/ /zhes bya ba la sogs pas bstan pa ste/ de yang nges par gnyis kyis stong pa nyid kyi rang bzhin myong ba nyid ye shes chen po'o//'di tsam nyid kyis bde ba chen po'i rang bzhin dang stong pa nyid dbyer med par rtogs pa ste/ de yang bde ba chen po'o/ /sems can thams cad kyi lus ni lus kun no/ /gnyis med ni de gzung ba dang 'dzin pa dang 'dzin pa gnyis shin tu med pa'o/ / de lta na yang gnyis su snang ba'i rang bzhin gyis gnyis so/ /dngos po ni rnam par rig pa tsam mo/ /dngos med ni gnyis med pa'o/ /de dag gi bdag nyid ni dngos dang dngos med bdag nyid do/ /gtso bo ni rdo rje 'dzin pa ste byang chub kyi sems kyi rang bzhin yin pas so/ /gnyis su med pa gsal ba tsam gyi mtshan nyid kyis chos thams cad la khyab ste gnas pa'o//de ltar na yang gnyis su snang ba nyid kyis sgyu ma'i tshul du snang ngo / /gal te gnyis kyis stong pa nyid thog ma nyid nas nyams su myong na sems can rnams de'i tshe thog ma nyid nas byang chub pa yin par 'gyur ro zhe na ma yin te/nyams su myong ba yod du zin kyang mi shes pa nyid yin pa'i phyir ro/ /de'i tshe ci'i phyir byang chub ce na/ de nyid rgyun tu mtshon pa las so/ /de lta na ni 'di rtag tu thabs gang gis snyam pa la dkyil 'khor 'khor lo zhes bya ba la sogs pa'o/ /sogs pa'i sgras ni dpa' bo gcig tu mos pa'i sbyor ba yang bsdu'o//gsol te zhes pa ni bzod par gsol pa'o/ /ci'i phyir zhe na/ de rnams kyi bdag nyid chen po gsal bar bya ba'i steng du'o/ /sangs rgyas kun gyis gang bas na grong khyer ro/ /ci zhes pa ni gang gi phyir zhes bya ba'i don to/ /'khrul pa ni the tshom mo/ byang chub sems ni bde ba chen po zhes pa la/ bdag med ma'i dkyil 'khor la zla ba dang nyi ma yang dag par sbyor ba las byung ba'i sa bon dang / de las byung ba'i lha mo'i mtshan ma'i dbus su sa bon ni byang chub kyi sems so/ /dpa' he ru ka'i dkyil 'khor la ni ye shes lnga zhu ba'i byang chub kyi sems te/de gnyis ka bde ba chen po'o/ /de nyid snying po ste/ dkyil lo/ /la ni len cing 'dzin par byed pa ste/ de'i rang bzhin gyis sku bskyed pa ni snying po len pas dkyil 'khor zhes bya bar dgongs so/ /'dus pa ni lha rnams so/ /gzhal yas khang yang dkyil 'khor de nyid kyi dkyil 'khor ro//'khor lo zhes pa ni mtshon bya ste/ tshogs zhes bya ba'i rnam grangs te thams cad gcig tu gyur ba zhes bya ba'i don to/ /nam mkha'i khams zhes bya ba la sogs pas mtshan nyid gsungs pa yin te/ nam mkha' dang chos ma thun bas nam mkha'i khams ni de bzhin nyid do//de nam mkha' yang yin la rnal 'byor ba rnams rgyas par byed pa yin la khams kyang yin pas nam mkha'i khams te/ yul la sogs pa so sor stong pa nyid gang yin pa de rnal 'byor ma'i 'khor lo zhes bya ba'i don to/ /de nyid kyi phyir/ yul la sogs pa rnam par sbyong //zhes gsungs te/ yul dang dbang po la sogs pa so sor rnam par dag pa'i rang bzhin zhes bya ba'i don to/ /'o na rnam par dag pa la dmigs bar byed pas longs spyod kyis rgyas par 'gyur ba yin na de'i longs spyod gang snyam pa dang / gsungs pa/ rdo rje zhes bya ba la sogs pa ste/rnal 'byor ma'i 'khor lo de'i bde ba rtogs par byed pas longs spyod pa'o/ /gzhal yas khang ni 'khor lo de'i rten nyid kyis 'khor lo'o/ /gsol ba zhes pa ci'i phyir gsol zhe na/ gzhan yang sdom pa zhes bya ba la sogs pa bstan pa'i don du'o/ /sems gcig ces pa ni ma 'dres pa'i sems te/sems tsam gyi ye shes zhes bya ba'i don to/ /de 'dir srog gcod pa'o/ /gang las she na/ sems las gzhan sems can gyi bdag nyid kyi lus mi dmigs par 'dod ces bya ba'i bar du'o/ /brdzun gyi zhes pa ni sems can gyi 'jig rten mi dmigs zhes bya bar dgongs so//ma byin pa ni gzhan las len pa nyid do/ /rang snang mdzes zhes pa ni bdag med ma la sogs pa'o/ /de gang las gzhan gyi bud med yin zhe na/ mchog nyid do/ /de rnams kyi rang bzhin ci lta bu zhes pa la/ de rnams ni yul la sogs pa'o//rang bzhin ji lta bu ni de kho na nyid de/ ye shes gang gis rnam par dag par 'gyur zhes par dgongs pa'o/ /chos kyi dbyings kyi rang bzhin zhes pa ni chos kyi khams kyi bdag nyid do/ /gti mug rdo rje la sogs ldan/ /zhes pa ni sngar ji skad gsungs pa'o//drug po 'di rnams zhes pa ni mig la sogs pa'o/ /yul can zhes pa ni yul can mig la sogs pa'o/ /'du byed mtha' yas pa ni rnam par shes pa'i phung po dbus su bya ba nyid de/ gzugs kyi phung po dang rnam par shes pa'i phung po dang / tshor ba dang 'du shes dang 'du byed kyi phung po zhes so//de skad du yang gsungs pa/ gcig ni rkyen gyi rnam par shes/ /gnyis pa nye bar spyod pa can/ /nye bar spyod dang yongs gcod dang / /de yi 'jug byed sems las byung / /zhes so/ /rang bzhin gdod nas skye ba med/ /ces pa ni yul la sogs pa'i rang bzhin gdod nas skye ba med pa nyid do//de ltar na yul la sogs par snang ba'i rnam par shes pa nyid yul la sogs pa ste/ de yang ji ltar snang ba ltar yod pa ma yin te/ yod pa ma yin pas gdod ma nyid nas skye ba dang bral nas skye ba med do/ /bden min zhes pa ni ji ltar snang ba de lta ba ma yin pas so//brdzun min ni rnam par rig pa tsam du yod pas so/ /chu zla lta bu zhes pa ni rnam pa gzhan du yod pa la rnam pa gzhan du snang bas so/ /shes pa ni yongs su shes pa'o/ /'dod na zhes pa ni khyod 'dod na de ltar shes par 'gyur ro zhes dgongs so/ /gtsub shing ni steng gi shing bu'o//gtsub stan ni gzhi'i shing bu'o/ /brten nas zhes pa ni cho ga lhag ma ste phrad nas zhes bya ba'i don to/ /glo bur du zhes bya ba ni byed pa po dang las med par ro/ /med do zhes pa ni mi dmigs pa zhes bya ba'i don to/ /bden min zhes pa ni ji ltar snang ba ltar gcig dang du ma'i rang bzhin dang bral bas so//brdzun min zhes pa ni de'i rnam pa rnam par rig pa tsam du yod pas so/ /gyis shig ces pa ni yid la gzhag par bya'o zhes bya'o/ /rjes su chags par bya ba nas zhes pa ni yongs su mnyes par byas nas so/ /dgyes zhes ba ni 'gyes bar gyur pa'o//gang nyams su blangs na rdo rje sems dpar byin gyis rlob pa ni byin gyis brlab ba'o/ /de bstan pa ni gsal bar mdzad pa'o/ /mchod pa nyid ni rdo rje ste/ bstan pa nyid kyi phyir te de'i mthus so/ /'dod bas zhes bya ba na gus pas so/ /byang chub sems dpa' zhes bya ba ni sgyu ma lta bu la sogs par snang ba'am/so sor snang ba med pa'i sems kyis so/ /de nyid gsungs pa/ gnyis med ye shes sems kyis zhes pa la/ gnyis su med pa'i ye shes ni snang pa med pa'o/ /sems ni rnam par rtog bas so/ /ma dag pa zhes pa ni lha'i rnam bas ma sbyangs pas so//grangs ni drug tu nges par mdzad pa gang yin pa de dag la 'di skad ces bya'o/ /des na 'di dag gi dag pa gsungs shig ces bya bar dgongs so/ /gal te dbang po rnams nyid gang las dag par blta snyam pa la gsungs ba/ yul kun gyi ni rnam dag pa//zhes bya ba la sogs pa ste/ yul thams cad ces pa ni shes bya'i yul thams cad lhar dag pa gong nyid du gsungs pas so/ /de bas 'dir bshad par bya ba ma yin no zhes bya bar dgongs pa'o don to/ /mig la sogs pa dag pa'i rang bzhin brten pa'i ngo bo gti mug rdo rje la sogs pa'o//des na 'di rnams kyis rnam par bsgyur ba ni gsum du dbye ba ste/ dang po dang drug pa dang bdun pa'o/ /dgongs pa na mngon par dgongs pa'o/ /zur tsam gyis smra ba ni gsungs te/ dgongs pa gtso bor gsungs kyi yi ge gtso bo ma yin no zhes bya ba'i don to/ / dam tshig che zhes bya ba ni gsang ba'i brda'o/ /mi 'phrigs pa zhes pa ni mtshon mi nus pa'o/ /'dis ni gsang ba gsungs so/ /shin tu gsang ba nyid du gsungs pa/ dgod dang zhes bya ba la sogs pa'o/ bzhis zhes pa ni bya ba dang spyod pa dang / rnal 'byor dang rnal 'byor bla ma'i rgyud rnams kyis gang dgod pa dang /blta ba dang 'khyud pa dang gnyis sbyor ba yang mtshon te/ de ltar na bya ba'i rgyud la sogs pa gang du thabs dang shes rab kyi lha rnams rjes su chags pa ston pa'i 'dzum pa dang kha cig tu de'i rjes la blta ba dang / kha cig tu 'khyud pa dang kha cig tu gnyis kyis gnyis so//de lta bur gyur pa'i bya ba la sogs pa'i rgyud du yang brda 'di ma grags so/ /rnal 'byor ma'i rgyud bla na med pa 'ba' zhig las brda 'di ston to/ /de bas na mchog tu gsad par dgongs so/ /rtse gcig sems ni sems gcig tu dmigs par byed pa nyid do//rigs lnga zhes pa ni brda brjod pa'o/ /rigs kyi dbye ba zhes pa ni rigs ming lnga bar byas nas so/ /'dir sa bon gyi don ni rigs kyi don to/ /sangs rgyas kyi rigs dang ldan pa ste/ dgongs pa'i gsung nyid kyis rigs las byung ba nyid kyi phyir ro/ /rigs nyid rigs ldan ma ste/rdo rje la sogs pa'o rigs dang ldan pa'o/ /ci'i phyir 'di dag rigs yin zhe na/ rigs ni gang gi phyir mchog gi dngos grub ster bas so/ /ci ltar zhe na gsungs pa/ 'di rnams zhes bya ba la sogs pa'o/ /rdo rje zhes pa ni byang chub kyi sems rnam pa lnga'o/ /mchod nas zhes pa ni de lta bu rnams la'o//de bstan par bya ba'i phyir gsungs pa/ rdo rje snying po zhes bya ba la sogs pa'o/ /'tshe ba zhes pa ni nyams par byed pa'o/ /gal te sangs rgyas kyang ngo / /rgyud thams cad kyi gleng gzhi dang dgongs pa'i skad de gsal bar byed pa'i le'u la de skad ces bya'o/ / dgyes pa'i rdo rje'i dka' 'grel mu tig phreng ba las rtog pa gnyis pa'i le'u gsum pa'i bshad pa'o// //de nas rdo rje snying po la sogs pa ni de thog mar 'gro ba'o/ /the tshom zhes pa ni tha mal ba'i glu dang gar dag mi dge ba nyid kyis the tshom skyes pa'o/ /lha dbang bskur pa zhes pa ni gang lha dbang bskur ba'i le'u las dbang bskur bas spyi bor rigs kyi bdag por gyur te zhes gsungs so//phyag rgya zhes pa ni phyag rgya rnams so/ gang gsungs pa zhes pa bya ba ni a nas aM gi mthar thul pa'o/ /kol+la i ri ni gnas kyi khyad par ro/ /mu mu Ni ni zhing gi khyad par ro//'dis ni ring po na gnas pa yang de'i skad cig la 'du bar byed par gsungs so/ /rtag tu zhes pa ni rgyun tu byed pa'o/ /cang te'u zhes pa ni cang te'u nyid de the'u chung ngo / /kye ni bod pa'o/ /snying rje ni snying rjes so/ /rol ba ni ku co ste ca co'o/ /mi bya'o zhes bya ba ma yin no zhes bya ba'i don to//chang ni chang nyid do/ /sa li dza ni sa yi las skyes pa'o/ /bkang ba ni mang po'o/ /yan lag ces pa ni yan lag rnams su'o/ /brgyan pa ni gdags pa'o/ /der zhes pa ni der yang ngo / /shra ba zhes pa ni mo'o/ /pa ni a i zhes pa ni bzhugs par bya'o/ /'dir tshig rkang bzhi pa'i tshigs su bcad pa bzhi las tshig rkang gnyis gnyis zhing dum dum khrigs su sbyar ro//tshigs bcad bzhi car gyi mthar tshig rkang tha ma la ma la yang dzaM zhes bya ba la sogs pa gsungs pa'i 'du ba sbyar bar bya'o/ /gang zhes bya ba la sogs pa la he ru ka'i gzugs kyis zhes bya ba ni bdag nyid gang dran pa brtan zhing ma brjed pa de'i sbyor bas de dang ldan par bya'o//dran pa rgyun tu 'jug pa de nyid ni bsgom pa'o/ /de la chags pa'i sems ni rgyun du sbyor ba ste/ mngon par dga' bas bar med bar bsgom pa ni rgyun du sbyor ba'o/ /rdo rje chos zhes pa ni pad+ma gar gyi dbang phyug gi gzugs kyis so//sangs rgyas zhes pa ni rnam par snang mdzad kyi gzugs te de gsum nyid kyis so/ /ma mo rnams kyi zhes pa ni bcom ldan 'das ma bdag med ma la sogs pa gzugs kyis kyang zhes pa'i don to/ /nges par zhes bya ba ni shin tu zhes pa'i don to/ /yang na 'di dag nyid kho na ste/tha mal ba'i glu dang gar ma yin pa'o/ /dbang du byed ces pa ni dbang du bya'o/ /'dis zhes pa ni 'di nyid kyis so/ /bsnam pa zhes pa ni dri'o/ /ma la ya dzaM ni tsan+dan no/ /glu'i byin rlabs ni rnal 'byor pa la rnal 'byor ma rnams kyis so/ /de'i mtshan ma ni rtags so//rtags gzhan yang gsungs pa/ ngang pa'i sgra zhes bya ba la sogs pa'o/ /phyi rol tshal du yang zhes pa ni yang gi sgras nam mkha' la yang ngo / /'di dag ni dang po'i zhus pa dang zhus pa'i lan no/ /zhus tshig gnyis pa'i lan gsungs pa/ phyag rgya zhes bya ba la sogs pa'o/ / phyag rgya dang rtags dang mtshon par byed ces pa ni rnam grangs so/ /gang gi rtags she na/ gsungs pa/ rtags ni rigs kyi mtshan ma'o/ /rigs 'chol ba ni rigs gzhan gyi phyag rgyas btab pa'o/ /rnal 'byor pa de sgom na dngos grub med cing lhag par sgrub pa po yang ma yin te sbyor ba 'khrul pas na'o//de bas na phyag rgya nges pa la 'bad par bya zhes bya bar dgongs so/ /bdag med ma zhes bya ba la sogs pa'o/ /'dir zhe sdang dang gti mug dang ser sna dang / 'dod chags dang / phrag dog rnams ni go rims bzhin du mi bskyod pa dang /rnam par snang mdzad dang / rin chen 'byung ldan dang 'od dpag med dang don yod grub pa rnams so/ /'dod pas zhes pa ni dad pas sam 'dod pa tsam gyis te/ gsal bar bstan pa'i phyir ro/ /dri tshig gsum pa'i lan gsungs pa A li zhes bya ba la sogs pa'o//A li dang po ni a'o/ /bdag med ma zhes pa ni bdag med ma'i sa bon no/ /lnga gnyis na bcu'o/ /dri tshig bzhi pa'i lan gsungs pa/ rigs kyi le'u zhes bya ba la sogs pa la/ bcu drug pa gnyis zhes pa ni sum cu rtsa gnyis so/ /rtsa ni gnyis gnyis zhes pa ni rtsa gnyis gnyis la'o//re re zhes pa ni rnal 'byor ma'o go rims ji lta bar ro/ /la la nA zhes bya ba la sogs pa rtsa gsum ni bdag med rnal 'byor ma gcig la'o/ /'o na rtsa sum cu rtsa gnyis po de'i phyed kyi cha bcu drug pa A li yin na de ci'i phyir cha bcu drug pa la yang snyam pa la/ de bas na gsungs pa/ thams cad ces bya ba la sogs pa'o/ /thams cad kyi lhag ma ni thams cad kyi tha ma ste/ aHzhes bya ba'i don to/ /ci'i phyir snyam pa la gsungs pa bcu drug ces bya ba la sogs pa'o/ /mi byed ces pa ni bya ba mi byed pa'o/ /de ltar tshes grangs kyi rim pas zla stod kyi bco lnga'i cha la zla ba shar bas 'jig rten snang bar byed do//de las cir 'gyur snyam pa la/ gsungs pa/ byang chub sems zhes bya ba la sogs pa'o/ /cha rnams ni cha'o/ /'dir ji ltar dang po'i rnal 'byor ma rtsa gsum yin pa de ltar tha ma'i yang zhes shugs kyis bstan par 'gyur ro//rnam pa gzhan du ni rnal 'byor ma rnams kyis rtsa gnyis gnyis ma bsdus par 'gyur ro/ /ga pur zhes bya ba la sogs pa ni 'di sngar ma zhus pa'o/ /ci zhes bya ba'i sgras ni 'di sngar ma zhus pa'o/ /mi zad pa ni rtag pa'o/ /rgya chen ni khyab pa'o/ / mkha' 'gro zhes pa ni stong pa nyid du ro gcig pa'o/ /ji skad smras pa zhes pa ni mi spang zhes bya ba'i don to/ /dkyil 'khor 'khor sogs zhes bya ba la sogs pa'i sgras ni dpa' bo gcig pa'i sbyor ba yang ngo / /bdag byin gyis brlab pa'i rim pa ni rdzogs pa'i rim pa ste/ le'u brgyad pa las gsungs pa'o//gang du bskyed par bya snyam pa la gsungs pa/ bud med ces bya ba la sogs pa'o/ /de ltar de bde ba can yin snyam pa la/ gsungs pa/ bde ba zhes bya ba la sogs pa'o/ /su khu ba ti ni bde ba can te/ e paM ni srung ba dang / 'gro ba dang dga' ba dang tshim pa dang rtogs pa la sogs pa'o//ji ltar rdo rje 'dzin pa'i gnas she na/ bde ba chen po nyid kyis ni rdo rje 'dzin pa'i'o/ /ji ltar sangs rgyas dang byang chub sems dpa' rnams kyi zhe na/ des de rnams bsdus bas so/ /de'i bde ba nyid 'khor ba nyid yin pas bdag cag mya ngan las 'das pa don du gnyer ba rnams la dgos pa med do zhe na/gsungs pa/ 'di nyid ces bya ba la sogs pa'o/ /'dir 'khor ba dang de'i lam ni 'khor ba zhes gsungs la/ mya ngan las 'das pa dang de'i lam du ni mya ngan 'das par gsungs so/ /rtogs par bya zhes pa ni shes par bya'o/ /gtan tshigs gsungs pa/'khor ba zhes bya ba la sogs pas so/ /'di rnams zhes pa ni gzugs dang tshor ba dang mig dang / zhe sdang la sogs pa'o/ /mya ngan 'das zhes pa ni don dam nyid de/ chos thams cad gnyis su med pa gsal ba tsam nyid kyi phyir ro/ /gnyis su snang ba 'khrul zhing glo bur ba nyid kyis de'i snang ba rnams rang bzhin med pa nyid do//de'i tshe de nyid ji ltar 'khor snyam pa la gsungs pa/ gti mug ces bya ba la sogs pa'o/ /gti mug ni mi shes pa ste/ gnyis su 'khrul zhes bya ba'i don to/ /gti mug med pa zhes pa ni ma 'khrul pa'o//'khor ba zhes pa ni 'khor ba las so/ /mya ngan las 'das pa ni mya ngan las 'das pa dang 'dra bar 'gyur ro/ /ji ltar snyam pa la gsungs pa/ mya ngan las 'das pa'i byang chub sems te/ don dam kun rdzob rang bzhin can/ /zhes so/ /gang gi phyir rtog pa med pa ste/mya ngan las 'das pa ni chos kyi sku lta bu'o/ /kun rdzob ni longs spyod rdzogs pa'i sku lta bu ste/ 'di dag gis ni ga pur mi spang zhes bya ba bstan zin to/ /de'i mi spang ba su'i ji lta bu zhe na/ gsungs pa/ bzhin mdzes zhes bya ba la sogs pa'o/ /phyag rgya zhes pa ni tha mal pa nyid do//spel zhes pa ni bskyod pa'o/ /bdag med pa'i gzugs zhes pa ni bdag med ma'i rang bzhin no/ /de'i zhes pa ni bdag med ma'o/ /bde ba zhes pa ni rdo rje'i bde ba ste/ he ru ka'i rang bzhin hU~M gi rnam pa'o/ /a ni lte ba'i dkyil 'khor du ste bdag med ma'o//blo ni shes rab ste shes rab kyi phul du byung pa'i shes pa'o/ /sbyor ba nyid ces pa ni sbyor bas so/ /de ni ring min zhes bya ba la sogs pa ni 'di snang ba med pa'i ye shes kyi rang bzhin nyid kyi phyir te/ a de yang skye pa med pa'i don du dgongs so/ /de dang zhes pa ni gang gi phyir de nyid thams cad rig pa'o//phyag rgya chen po zhes pa ni de lta bu nyid do/ /shes rab de nyid kyis zhes pa ni de nyid kyis so/ /de nyid dkyil 'khor 'khor lo ste/ de nyid bde ba chen po'i rang bzhin nyid do/ /ye shes lnga yi rang bzhin can/ /zhes bya ba ni 'dir bstan pa'o//de nyid kyi bshad pa me long zhes bya ba la sogs pa'o/ /nga zhes bya ba ni dpal he ru ka'o/ /rnal 'byor ma zhes pa ni rnal 'byor ma rnams so/ /'di'i de kho na nyid gang yin snyam pa la/ gsungs pa/ chos kyi dbyings zhes bya ba la sogs pa ste/'di ni dri tshig lnga pa'i lan no/ /rdo rje snying po zhes bya ba la sogs pa la ci gsol zhe na/ dri tshig drug pa/ 'khor lo zhes bya ba la sogs pa'o/ /'di'i don bskyed pa'i rim pa ste/ 'khor lo ni rten dang brten pa'i dkyil 'khor ro/ /bsgom pa'i lam ni bskyed pa'i rim pa'i go rims so//lha rnams bde ba 'byung ba zhes bya ba ni ci ltar de la lha rnams kyi bde ba bskyed pa'o/ 'di'i don rdzogs pa'i rim pa la 'khor lo ni spros pa med pa'i bde ba'o/ /bsgom pa ni bskyed pa'o/ /lam ni rdo rje dang pad+ma sbyor ba'o/ /lha rnams bde ba 'byung ba ni zla ba zhu ba ste/'di thams cad le'u brgyad pa las rgyas par gsungs so/ /sngar ma gsungs pa/ sdom pa zhes pa ji ltar lags/ /zhes pa tshig lhag ma'o/ /'dis ni dri ba'i/ /bshad du gsol zhes pa ni gsol ba btab pa'o/ /bka' stsal pa zhes pa ci bka' stsal zhe na/ rnal 'byor ma zhes bya ba la sogs pa ste lan no/ /lus dbus zhes pa ni lte ba'o/ /a ni dbyangs yig dang po'o/ /gnas pa ni rtag tu gnas pa'o/ /rnal 'byor ma zhes pa ni bdag med ma ste sdom pa zhes par sbyor ro/ /sdom pa'i sgra'i don gsungs pa/ ji ltar zhes bya ba la sogs pa ste/ji ltar phyi rol de bzhin du nang du yang blta bar bya ste/ de las dman pa ma yin no zhes bya ba'i don to/ /lus kyi yang dag par bsdams pa'i phyir dang / mchog yang dag par bsdus pa nyid kyis sdom pa zhes bya bar dgongs so/ /des ni 'dir ji ltar bdag med ma'i sku de bzhin du lte ba na a gnas pa yin no zhes bstan par 'gyur ro//rdo rje bde ba zhes pa ni lte ba'i a rdo rje'i rtse mor song ba ste/ de yang snying ga nas hU~M a'i steng du song ba'i rim gyis hU~M ni rdo rje'i bde ba'o/ /de ni phyag rgya chen po ste/ rnal 'byor ma dang he ru ka'i sku bsdus pa zhes bya ba'i don to//de nyid rdo rje skye mched de byang chub kyi sems so/ /de nyid thabs so/ /gsang ba ni a dang hU~M dag gis snyoms par 'jug pa'o/ /phyi rol gnyis spros pa ni bdag med ma dang he ru ka'i bus de dag gi ste/ rab tu dga' pa'o/ /nges par ston cing zhes pa ni nges par bcug ste bstan zhes bya ba'i don to//sku gsum zhes bya ba la sogs pa la sangs rgyas rnams kyi so sor sprul pa'i sku mtha' yas pa dang chos kyi sku mtha' yas ba dang longs spyod rdzogs pa'i sku mtha' yas bas sku gsum mo/ /de lus kyi nang du bshad cing bstan to/ / sdom pa de ci ltar zhen 'khor lo'i gzugs kyis te/ sprul pa la sogs pa'i 'khor lo gsum gyi gzugs kyi 'dab ma drug cu rtsa bzhi dang / 'dab ma brgyad dang / 'dab ma bcu drug gi rnam pas so/ /sku gsum po de nyid yongs su shes pa'i mnyam pa nyid kyi ye shes dga' ba bzhi pa de nyid mtha' yas pa ni sangs rgyas rnams kyi ngo bo nyid kyi sku bde ba chen po'i 'khor lo bde ba chen po'i rang bzhin gyis sdom pas pad+ma 'dab ma sum cu rtsa gnyis kyi rnam pas bstan zhes bya ba'i don to//'khor lo rnams kyi ming gsungs pa/ chos zhes bya ba la sogs pa'o/ /gnas gsungs pa/ skye gnas zhes bya ba la sogs pa'o/ /skye gnas ni skye gnas te bud med dang skyes bdag gi lte ba'i 'og go/ /sa gsum zhes pa ni bzhi pa dang bcas pa zhes pa tshig lhag ma'o/ /gnas la 'brel ba'i rigs pa bstan pa'i phyir gsungs pa/ma lus pa zhes bya ba la sogs pa'o/ /gang du zhes pa ni skye gnas su'o/ /rab brjod ces pa ni grags par zad do/ /de ru yin zhes pa ni sprul pa sgrub bas nye bar gyur pa'o/ /gzhan yang gang gi phyir sprul pa bstan par gnas zhes pa ni sangs rgyas rdo rje 'dzin pa nyid ni sku la sogs pa'i sprul pa sems can gyi don ji srid mdzad par 'os pa de srid brtan par gnas pa des na brtan pa'o//'dis kyang skye gnas nyid brtan pas de dang 'dra bas gnas so/ /skye gnas ji ltar brtan par gnas pa yin zhe na/ zur gsum pa nyid kyis dang chos mthun pas so//'o ma gal te sprul ba'i sku bskyed pa'i byed pa po dang / skye gnas ni gnas yin pas de dag mthun pa ma yin te/ 'di dag bskyed pa'i chos mthun pa med do zhe na gsungs pa skyed cig ces bya ba la sogs pa'o/ /sprul ba zhes bya ba ni sprul par byed pa'o//'di'i don skyed par byed pa ste/ las nyid byed pa por sbyor bas so/ /sprul pa'i skus sangs rgyas su bskyed do/ /sems can ni skye gnas kyis bskyed do/ /gang yang gnas ni byed pa yang yin te/ dper na snod du btsos pa ni snod kyis zhes bya ba bzhin no//'di dag ni skyed par byed pa mtshungs par 'gyur ro/ /chos zhes pa ni sems te chos thams cad du yang dag par yongs su gcod pa'o/ /sems kyi rang bzhin zhes pa ni sems las tha mi dad bas so/ /chos kyi sku zhes pa ni chos kyi sku'i gnas te sems kyi gnas yin pa'i phyir ro//ro rnam drug ces pa ni ro rnams kyi'o/ /mgrin pa'i sgras snga ma dang sbyar par bya zhing / longs spyod pa'i 'khor lo zhes pa yang mgrin pa zhes pa dang 'brel to/ /yang ci'i phyir longs spyod rdzogs pa'i sku yin zhe na/ gsang ba'i chos brjod pa'i phyir ro/ bde chen zhes pa sku bzhi pa'o//mgo bor gnas zhes pa ni mgo bo de nyid de/ zla ba'i gnas yin pa nyid dang yan lag gi mchog nyid kyis zhes bya bar dgongs so/ /'khor lo bzhis sku rnams ji ltar snom pa de ltar 'bras bu rnams dang / sde ba rnams so zhes bstan pa'i phyir gsungs pa/ e baM zhes bya ba la sogs pa'o//e baM zhes pa ni skye gnas su sprul ba'i 'khor lo'o/ /'di ci yin snyam pa la gsungs pa/ 'bras bu zhes bya ba la sogs pa'o/ /rab dbye bas zhes pa ni rgyu mthun pa'i 'bras bu dang rnam par smin pa'i 'bras bu dang / skyes bu byed pa'i 'bras su dang / dri ma med pa'i 'bras bu'i khyad par gyis zhes pa'i don to/ /de ltar na 'bras bu 'di rnams su zhig gis spyod/ su zhig gis ster snyam pa la gsungs pa las kyis spyod ces bya ba la sogs pa'o/ /rgyu mthun pa la sogs pa'i las kyi 'bras bu rnams kyi longs spyod pa po shes rab nyid yin gyi bdag ni ma yin no//las de nyid ster pa po yin gyi dbang phyug ni ma yin no/ /kun gzhi la rgyu mthun pa la sogs pa'i mtshan nyid du ji ltar shes par bya snyam pa la gsungs pa/ ji ltar zhes bya ba la sogs pa'o/ /rgyu mthun pa ni rgyu dang 'dra pa'i mtshan nyid do/ / de yang sprul pa'i sku la yod pa de yang / ji ltar rgyu'i dus su zhu ba la sogs pa'i las byas pas de bzhin du 'bras bu'i tshe skur sbrul bas spyod de/ gnyis ga yang rnam par mi rtog pa nyid do/ /rnam par smin pa nga las bzlog/ /ces pa ni 'dra ba las bzlog pa ste lhag ces bya ba'i ton to//mtshan nyid 'di yang chos kyi sku la yod do/ brjod pa dang bcas pa nyid kyi phyir ro/ /skyes bu byed pa nye bar bskyed/ /ces pa ni dge ba rnams nye bar skye ba'o/ /de yang chos bstan pa la brten pa'o/ /de'i phyir longs spyod rdzogs pa'i sku skyes bu byed pa'i 'bras bu'o/ / 'bras bu bzhi ba dri ma med pa ni rnal 'byor dag pa ste/ rnal 'byor las skyes pa'i ye shes ni sbyor ba ste/ des dag pa ni shin tu rnam par dag pa'i bde ba chen po'o/ /de bas na dri ma med pa'i bde ba chen po'i 'khor lo'o/ /sku ni sde par gsungs pa'o zhes par 'gyur pa de bas sprul ba la sogs pa'i sku bzhi ni sde pa rnams yin no//gnas brtan ni gnas brtan pa dang ldan pa'o/ /thams cad yod ces smra bas thams cad yod par smra pa'o/ /chos ni tshig yang dag par 'byung pa'i rgyu yin pas so/ /yang dag par rig par yod pas na mang bos bskur pa'o//lhag par mkhregs pa nyid kyis dge 'dun phal chen no/ /de yod pas na mgo ni phal chen no/ /de nyid kyis gsungs pa mgo bor gnas zhes so/ /gnas brtan zhes bya ba la sogs pa dang / gnas brtan pa zhes bya ba ni rnam grangs so/ /de la gsang ba'i snyoms par 'jug pas phyag rgya chen po'i dngos grub gsungs nas/'khor lo bzhis ni sku gsum mam bzhi'i phun sum tshogs pas sku gsum mam bzhi thob pa dang / dge ba thams cad kyi 'bras bu phun sum tshogs pas 'phags pa nyan thos kyi tshogs dang / byang chub sems dpa'i phun sum tshogs pa bsdus nas/da ni byang chub sems dpa'i dge 'dun phun sum tshogs pa nyid rgyas par gsungs pa/ lho ba zhes bya ba la sogs pa'o/ /lto ba ni ma'i lto ba'o/ /chags bral dgra bcom pa ni skyes pa'i dus na ste/ btsir ba ni yang chags pa med bas so//mngal zhes pa sha ma'o/ /'bar ba zhes pa ni gsar pa'o/ /a dang haM zhes pa ni dbus so/ /de bzhin zhes pa ni a hi ji lta bar ro/ /de bzhin sngags zlos pa ni yi ge a dang haM ngo / /sgra bsgrags pa ni de'i gsung nyid do/ /gcer bu zhes pa ni mdoms ma dkris pa'o//sa bcu'i dbang phyug ces pa nyid ni de'i 'og tu brtan pa dang g.yo ba rnams rtogs pas byang chub ba zhes dgongs so/ /lto ba la sogs pas phyi'i gtsug lag khang dang gnas la sogs pa bsdus par sems can gzhan rnams la der blta bar bya ste/ de rnams sa bcu la rab tu bzhugs pas so//de skad gsungs pa zhes pa ni tshogs pa 'dis sems can sangs rgyas nyid do zhes gsungs pa'o/ /sa dang chu dang rlung dang me rnams ni srin mo lha mo khyed rnams so/ /nga'i de nyid ces pa la sogs pa ni nga'i de kho na nyid gang gis kyang mi shes pa dag pa'i nam mkha'o/ de kho na nyid ngas spro par bya'o zhes bya ba'i don to/ /'dir 'byung ba bzhi ni byang chub kyi lam mo/ /'byung ba lnga bo ni byang chub bo/ /de gnyis sems can gzhan 'gas kyang mi shes so/ /de bas na sems can thams cad sangs ma rgyas pa nyid do/ /zhes bsdus pa'i don to/ /de la chos kyi dbyings la dmigs par byed pa na sra bar shes pa sa'i khams so//gsher bar shes pa chu'i khams so/ /bsgoms pas yongs su smin pa me'i khams so/ /zhu ba'i ye shes kun du 'gro ba ni rlung gi khams so/ /de dang de rnams ni sring mo khyod rnams kyi rang bzhin bzhi po ci rigs pa gang yang rung ba'i rang bzhin khyed rnams kyi'o//snang ba med pa bde ba chen po don dam pa'i nam mkha' dri ma med pa nam mkha' lta bu nyid de/ de nyid rdo rje 'dzin pa nga ni de'i de kho na nyid do/ /spro bar bya zhes pa ni kun rdzob kyi bden pa'i tha snyad kyis bstan pa'o/ /de ci'i phyir zhe na/ gang gi phyir de kho na nyid de sems can gang gis kyang ma shes pa'i phyir te/ so so rang gis rig pa de'i de kho na nyid mngon sum du ma byas pa nyid do/ /de bas na sems can sangs rgyas pa nyid du thos nas srog thob bo/ /de'i tshe gang gi phyir sngar sems can sangs rgyas pa nyid du gsungs she na/de bas na gsungs pa/ bcom ldan 'das kyis zhes bya ba la sogs pa'o/ /sems can rnams ni sangs rgyas nyid/ /ces pa ni de ltar de bzhin nyid shin tu rnam par dag pas sangs rgyas nyid de/ de yang rang bzhin nyid kyis shin tu rnam par dag pa'o/ / gang gi phyir de lta bu sngar ma rtogs she na gsungs pa/ mi shes zhes bya ba la sogs pa'o/ /de de bzhin te bya ba sogs pa ni lha mo rnams kyi tshig go/ /de bzhin du zhes pa bstan pa'o/ /med de zhes pa ni bshad pa'o/ /gal te dri ma'i sgrib bas bsgribs pa nyid yin na ci'i phyir 'di dag byang chub ce na/gsungs pa mi shes zhes bya ba la sogs pa'o/ /brgyal pa ni dug zos pas myos pa'o/ /mi shes pa ni dug med par byed pa'i phyir yid la byed pa ni 'dir sems te de med pa'o/ /gti mug rnams spangs pa ni dug gi de nyid shes pa'o//dug 'phrog pa'i de kho na nyid kyi yid yod pas na de nyid yid de gang zhig ces pa dang 'brel to/ /de yi mya ngan yongs su gcod/ /ces pa ni dug zos bas sdug bsngal gyis nyen pa'i mya ngan rnams gcod pa ste 'di ni dpe'o/ /don la sbyor ba'i phyir gsungs pa/ de bzhin zhes bya ba la sogs pa'o//thar pa ni mya ngan las 'das pa'o/ /ngal byas zhes pa ni shin tu ngal bar byas pa'o/ /nyon mongs pa can ma yin pa'i phyir mi shes pa ni ma rig pa'o/ /sogs pa'i sgras ser sna dang / khro ba dang le lo la sogs pa'o/ /gti mug ni nyon mongs pa'i gti mug go/ / sogs pa'i sgras nyon mongs pa 'dod chags la sogs pa ste de nyid 'ching pa'o/ /sems can sangs rgyas pa nyid do zhes bya ba'i rigs pa gzhan gsungs pa/ sangs rgyas ma yin zhes bya ba la sogs pa'o/ /sems can gcig ces pa ni sems can gcig kyang ngo / /rdzogs pa'i byang chub ces pa ni yang dag par rig pa'o//rang gi zhes bya ba ni sems kyi ste byed pa po'i drug pa'o/ /rigs kyis na gcig gi tshig tu smos te sems can thams cad kyi zhes bya ba'i don to/ /de rnams kyi yang dag pa gang rig pa yin zhe na/ gzung ba rang nyid ces pa'o/ /nyid ni nges par gzung ba ste rang bzhin nyid ces bya ba'i don to//rang bzhin yang chos thams cad gnyis kyis stong pa nyid do/ /de mthong ba ni stong par mthong ba nyid do/ /de nyid byang chub ste sems can thams cad sangs rgyas nyid do stong pa nyid mthong ba tsam ni byang chub ma yin te/ de'i tshe ji lta bu yin snyam pa la/bde ba chen po gang yin pa de/ dmyal ba la sogs pa la bde ba med pas so snyam pa la gsungs pa/ dmyal ba zhes bya ba la sogs pa'o/ /rang bzhin zhes pa ni rang bzhin mnyam pa nyid kyis zhes bya ba'i don te/ stong pa nyid du mthong ba tsam dbyer med nyes bya ba'i bar du'o//'o na gang lha dang lha ma yin la sogs pa'i ci lta ba'i bde ba de lta bu dmyal ba la sogs pa la med do zhe na/ med mod gang yang lha dang lha ma yin gyi yang 'di ltar bde bar mi shes pa ste/ nges par 'phags pa rnams kyis lha dang lha ma yin bde bar mi gzigs te/mi rtag pa nyid kyis bral bas sdug bsngal ba nyid dang / zag pa dang bcas pa nyid kyis sdug bsngal gzhan gyi rgyu nyid do/ /de'i phyir bde ba chen po nyid kyi bde ba gang yin pa de dmyal ba la sogs pa dang / lha rnams la de bzhin du yod par rnam par gzhag pa nyid de/rnam par mi rtog par mtshungs pa'i phyir ro/ /rigs pa gzhan gsungs pa/ gzhan du zhes bya ba la sogs pa'o/ /gzhan du zhes pa ni rang gi sems las gzhan du'o/ /de'i phyir mthar phyin pa ni yang sems nyid byang chub yin pas sngar yang de rnams byang chub yin te sems mnyam pa nyid kyis so//gdol pa zhes bya ba la sogs pas rgyud kyi che ba gsungs pa/ dgyes pa'i rdo rje zhes pa'o/ /dgyes pa ni snying rje ste/ bde ba chen po zhes bya ba'i don to/ /rdo rje ni shes rab ste/ stong pa nyid rtogs pa zhes bya ba'i don to/ /rtogs na zhes pa ni dgyes pa'i rdo rje 'di gang du bshad pa'i gtan tshigs kyis rtogs shing khong du chud par byas na'o//bgrod pa ni zhes pa ni lus 'di'o/ /yul rnams gang gis rnam sbyong ba/ /zhes pa ni chos thams cad byang chub tu sgrub par byed pa'o/ /'di tsam gyis ni sdom pa zhus pa'i lan no//phyag rgya zhus pa'i lan phyag rgya dang / mtshan ma dang / rtogs zhes bya ba la sogs pas btab nas/ de la zhus tshig brgyad la lan brgyad du 'gyur pas de rnams gsungs pa/ sa ni zhes bya ba la sogs pa'o/ /'dir zhus tshig rnams ni rdo rje snying po'i'o/ /sra ba nyid ni sa'o//de yang gti mug dang sku'o/ /de dag gnyis ga rnam par snang mdzad do/ /de bas na de nyid kyi phyag rgyas gdab par rigs te/ mi bskyod pas ma yin zhes pa ni zhu pa'i don to/ /gzhan du ma yin zhes pa ni rten no/ /rol ba ni rnam par rol pa'o/ /rnam par snang mdzad ces pa ni rnam par snang mdzad du gnas pa ste/de bas na sku zhes pa ni sku'i rang bzhin te/ puk+ka sI la thugs kyis te mi bskyod bas so/ /ri khrod ma zhes pa ni ri khrod ma la'o/ /gnas pa zhes pa ni rten dang gnas dang dbang du byas pa'o/ /sems zhes pa ni sems kyis gnas so//gti mug ces pa ni sku'o/ /de bas na yang sems zhes pa ni ri khrod ma'o/ /gti mug ces pa ni rnam par snang mdzad kyis so/ /gzhan min zhes pa ni phyag rgya ste phyag rgya gzhan gyis ma yin pa'o/ /khrag ces pa ni bud med kyi me tog go/ /de bas na gzi brjid kyi rang bzhin te kha dog gis so//'dod chags zhes pa gtum mo'o/ /ser sna'i rang bzhin zhes pa ni rin chen 'byung ldan gyis so/ /'dod chags phyag rgya zhes pa ni snang ba mtha' yas kyi phyag rgya chen pos so/ /'dod pa zhes pa ni tshang mas grub pa ste dbang bskur ba zhes ba'i don to//de ni zhu tshig go/ /sngon du gsungs pa zhes pa ni puk+ka sI la gsungs bas so/ /'di ni lan no/ /rkun mo zhes bya ba la sogs pa la/ g+hasma rI'i bar ni rigs pa 'di nyid kyi de bzhin zhes pa ni ri khrod ma dang gtum mo dang g.yung mo'i zhus tshig rnams la ji skad gsungs pa'i rim pas so//'dis ni dris tshig gsum mo/ /rigs pa des zhes pa ni ri khrod ma la sogs pa de bzhin du gsungs pa ni lan gsum mo/ /rdo rje 'dzin zhes pa ni rdo rje 'dzin pa'o/ /e waM zhes bya ba la sogs pa dgyes pa'i rdo rje'i gsung ngo / e waM yang dag bzhugs pa'i zhes pa ni bdag med ma dang ldan pa'o//rdo rje sems dpa' zhes pa ni dgyes pa'i rdo rje'i rnal 'byor pa'o/ /bstan zhes pa ni sbyin pa'o/ /oM bshad zin to/ /in+da dza ma dza la dz+kha zhes pa ni phyogs kyi bdag po rnams spyan drang pa'o/ /b+hU ta bah+ni pA yu rAk+kha zhes pa ni mtshams kyi bdag po rnams so//tsan+d+ra ni zla ba'o/ /sUdz+dza ni nyi ma'o/ /gnyis po 'di dag gnyis kyi khyad par gyi go rims bzhin du mA da bapra ste/ pha dang ma zhes bya ba'i don to/ /yang na mA da zhes pa ni sa'i lha mo'o/ /bA pa zhes pa tshangs pa'o/ /aT+Ta sa ba pa zhes pa ni klu brgyad do/ / swA hA zhes pa ni swA hA'i sgra ste zhi bar byed pa'i don to/ /i daM ni 'di'o/ /ba lib+huMny+dza zhes pa ni gtor ma zo shig pa'o/ dzig+ha zhes pa ni snoms shig pa'o/ /ci snyam pa la gsungs pa/ phu l+lad+hU pa me tog dang sbo zhes bya ba'i don to/ /des cir 'gyur snyam pa la/ mAM sa b+hiM g+ha zhes pa la/mAM sa ni bdag gi'o/ /b+hiM lha ni rgyas par gyis shig pa'o/ /de ltar rang gi don byas nas aM b+ha sab kadz+dza sAng+ha zhes pa ni nga'i dgos pa thams cad sgrubs shig pa'o/ /de yang ci'i zhe na/ khag+ti khu Ni phaT gA ta ni bdag gi lus la rma dod pa dang snod yar sol cig pa'o/ /gal te gtor ma byin nas phan yon tshigs su bcad pa gnyis kyis gsungs pa/'dis zhes bya ba la sogs pa'o/ /'byung po zhes pa ni 'byung po rnams so/ /de rnams zhes pa ni de rnams nyid do/ /bde ba rnyog med ces pa ni dri ma med pa'i dga' ba'o/ /lha zhes pa ni lha rnams so//'gro ba rab tu 'byor pa zhes pa ni 'gro ba rab tu phun sum tshogs pa'i phyir rigs lnga'i sngags kyis lha rnams phun sum tshogs bar byed ces bya ba'i don to/ /dbang dang mngon skyod ces pa ni dbang dang mngon spyod do/ /'jigs pa ni 'joms pa'o/ /gsod pa dang 'gugs pa ni gsod pa dang 'gugs pa'o//zhi ba ni zhi bar byed pa'o/ /rgyas pa zhes pa ni rgyas par byed pa'o/ /'gyur zhes pa ni de la zhes pa lhag ma ste/ gang gi tshe 'dir gtor ma byin no zhes bya ba dang 'brel to/ /'dir zhes pa ni dgyes pa'i rdo rjer ro/ /'byung bo zhes pa ni dbang bo la sogs pa'o//rtag tu zhes pa ni rgyun tu'o/ /rdo rje snying pos gsol ba zhes pa mi nus pa'o/ /ci'i phyir gong nyid du ma zhus she na/ rigs pa'i dbye ba las so/ /mkha' spyod ces pa ni mkha' spyod ma nyid do/ /sa spyod ma ni sa spyod ma'o/ /gang gi phyag rgya zhes pa ni gang gi phyag rgyas so//bdag gis sngon ma 'tshal zhes pa ni sngar bdag gis shes par ma byas so/ /gsang ba gsum ji lta bu zhe na/ sku gsung thugs kyi dbye bas so/ /de ji ltar 'khor lo'i dbus su zhe na/ gsungs pa/ steng dang 'og ces bya ba la sogs pas steng 'og go rims bzhin du sbyor ro//gang gi phyir sku rdo rje ma ni sku rdo rje'i rang bzhin yin pas des na sku'i phyag rgyas gdab po/ /dbus kyi gnas su zhes pa ni dbus kyi gnas su bskyed pa'o/ /rigs ni rnam pa drug ces pa ni rnam pa drug ste/ mi bskyod pa dang / rnam par snang mdzad dang / rin chen 'byung ldan gsum dang /snang ba mtha' yas dang / phrag dog ste gnyis dang de nas rdo rje sems dpa' ste gcig go/ /'di dag gcig par bsgom par bya snyam pa la/ gsungs pa/ zhe sdang gti mug ser sna dang / 'dod chags phrag dog bde ba'o/ /zhes pa ste/ zlas dbye ba'i tshig bsdu pa'o//'di yi dag pa zhes pa ni zhe sdang la sogs pa rnams so/ /rim pa bzhin zhes pa ni go rims ji ltar bar ro/ /de ltar rigs drug go/ /ji ltar 'dir lnga dang gsum dang gcig par 'gyur zhe na/ de tshigs su bcad pa gnyis kyis gsungs pa/ rdo rje sems dpa' zhes bya ba la sogs pa'o//drug dang lnga zhes pa ni drug po rnams dang / yang lnga bo rnams so/ /rgyud thams cad ces bya ba ni dgyes pa'i rdo rje'i rgyud ma lus pa de dag nyid do/ /rgyud thams cad kyi phyag rgya yang yin mod kyi/ phyag rgya bye brag tu gzung ba ni gtsor bstan pa'i phyir ro/ / de'i bsdus pa'i don ni mdor bsdus pa'i don to/ /de gsal bar byed pa'i le'u la yang de skad ces gsungs so/ /dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u bzhi pa'i bshad pa'o// //phyag ni bcu drug ces pa la sogs pa ni he ru ka'i bzhengs pa'i le'u 'chad de zhal zhes pa ni zhal gdong ngo //brla dang byin pa dang rkang pa'i bol rnams bsdus pa ni zhabs so/ /mgul pa ni mgrin pa'o/ /bdag gi 'khor lo zhes pa ni bdag gi dkyil 'khor ro/ /rnal 'byor ma bco lnga rnams ni nang gi rim pa la bzhugs pa lnga dang /phyi'i rim pa la bzhugs pa'i bcu po rnams kyis so/ /yongs su bskor ba ni yongs su bskor ba gang yin pa de la de skad du gsungs so/ /sngon ma 'tshal zhes pa ni lha'i le'ur ma gsungs pa'i phyir ro/ /thod pa pad+ma ste/ bde ba skyong ba'i phyir ro/ /yang dag rab tu bshad ces pa ni yang dag par rab tu bshad ces bya'o zhes so//'khor lo zhes pa ni nga'i 'jig rten gyi dkyil 'khor ro/ /ji ltar sngon gsungs pa zhes pa ni ji ltar khyod kyi de bzhin no zhes pa'i don to/ /bzhes pa ni nga ste/ mngon par byang chub pa rnam pa lnga'i rim pas 'og nas 'byung ba dpal he ru ka'i sku mngon par gsal bar gyur pa'i bcom ldan 'das rdo rje sems dpar ro zhes pa'i don to//bsams te zhes pa ni bsgom par bya zhes pa'o/ /khyod dang lhan cig ces pa ni mA ma kI bdag med ma'i sku ru mngon du gyur ba dang lhan cig ldan par byas pa'o//rnam par dpyod par mthar thug pa'i sngon rol du spro ba'i dga' ba zhes pa ni 'dod chags chen po'o/ /rjes su zhes pa ni de'i rjes su ste/ de nas zhes so/ /chags pa chen po ni rjes su chags pa ste/ rnam par dpyod pa'i mthar thug pa'i mchog tu dga' ba'o zhes bya ba'i don to//de gnyis ni 'dod chags chen po dang rjes su chags pa ste/ des nye bar mtshon pa'o/ /de'i rjes su lhan cig skyes dga'i rang bzhin no/ /zhes pa ni lhan cig skyes pa'i dga' ba'i rang bzhin de'i ngo bo ste/ de rig pa'i dus na rang bzhin gzhan dag mi rig pas na'o/ /des na de tsam ngo bos mtshon to zhes pa'i don to//'di nas bzung ba rnams phal cher rim pa tha dad pa ste/ /'dir 'brel ba'i rim pas bshad par bya ba yin gyi tshig gi rim pas ni ma yin no/ /des na/ lhan cig skyes dga' rang bzhin can/ /zhes pa ni 'di'i rjes de la de nas rdo rje zhes bya ba la sogs pa'i tshigs su bcad pa lnga rnams blta bar bya'o//de nas zhes pa ni de'i de ma thag par ro/ /rdo rje zhes pa ni de nyid rdo rje sems dpa'o/ /chags chen las zhes pa ni 'dod chags chen po las skyes pa lhan cig skyes pa'i dga' ba'i rgyus so/ /zhu bar gyur zhes pa ni zhu ba'i ye shes kyi gzugs su gyur pa'o//rig mar bcas pa zhu bar 'gyur/ /zhes pa ni lhan cig pa'i sbyor bas zhu bas na gsum pa'o/ /bsam par bya'o zhes pa ni de'i de ma thag par ro/ /rdo rje zhes pa ni de nyid rdo rje sems dpa'o/ /chags chen po dag rnam par zhu bar bsam mo zhes pa'i don to//de nas zhes pa ni rnam par zhu ba'i de ma thag par ro/ /lha mo zhes pa ni sbos byed ma dang / ri khrod ma dang gtum mo dang / g.yung mo rnams rang rang gi phyogs rnams nas byon pas rang rang gi gnas rnams la 'dug pa rnams so/ /bskul zhes pa ni zhu ba'i ting nge 'dzin las bskul te slong pa'o//sna tshogs glu zhes pa ni re re zhing tshigs su bcad pa re res so/ /de'i nye bar mchod pa ni 'bul ba yin pa de bas na'o/ /de thog mar spros byed mas bskul ba/ rje btsun bzhengs zhes pa ni rje btsun bzhengs shig zhes pa'o/ /thugs rjer ldan yid ces pa ni yid thugs rje chen du mdzad nas so//bdag ces pa ni bdag la'o/ /yongs su skyobs zhes pa ni bdag la yongs su skyobs shig ces pa'o/ /cis she na/ bde chen zhes pa ste/ bde ba chen po ni thar ba chen po'i bde ba'o/ /de'i don du sbyor ba ste/ zhu ba las byung ba'i dgyes pa'i rdo rje khyod bzhengs shig ces pa'o//stong pa'i rang bzhin thong mdzod la/ /zhes pa ni stong pa'i rang bzhin te ngo bo spongs shig ces pa ste/ /zhu ba'i gzugs thong mdzod ces pa'i don to/ /ri khrod ma'i dgos ba sgrubs shig/ /ces pa ni ri khrod ma'i bya ba sgrub tu gsol zhes pa'o/ /de nas gtum mo'i ste/'jig rten nyan mnan zhes pa ni 'jig rten ba kun gyi don bya bar snyan gsan pa ba pa'o/ /khyab bdag bde ba zhes pa ni kye khyab bdag bde zhes bod pa'o/ /stong ba nyid kyis ci'i phyir bzhugs/ /zhes pa ni stong pa nyid de zhu ba'i gzugs kyi bzhugs pa ci'i phyir zhes so/ /gtum mo bdag ni gsol ba 'debs pa na gtum mo bdag ni shin tu gsol ba 'debs so zhes bya ba'i don to//ci ste gsol ba 'debs she na/ khyod ma gtogs par phyogs mi khums zhes pa ste/ khyod dang bral na ni phyogs su mi mthong ba ste/ 'thoms na mun pa'o dngos po tsam zhig mthong bar 'gyur ro//zhes pa'i don to/ /de nas g.yung mo'i ste/ mig 'phrul mnga' ba khyod bzhengs shig/ /ces pa ni kye mig 'phrul mkhan khyod bzhengs mdzod ces pa ste/ mig 'phrul mkhan lta bu'o zhes pa'o don to/ /da ni mig 'phrul lta bu ma yin no zhes gal te gsung ngo zhe na/ 'dir gsungs pa bdag ni khyed kyi thugs 'tshal pa ste/bdag ni khyed kyi thugs rgyu dang bcas par 'tshal ba yin no zhes so/ /g.yung mo bdag ni yul chen mo/ /zhes pa ni g.yung mo bdag ni grong khyer chen po ba yin pas bsgrangs pa ste/ bdag cag la khyed kyis slu ba'i mthu med do zhes par dgongs so//des na don med pa ma mdzad ces te ma mdzad cig ces pa'o/ /thugs rje rgyun 'chad ces pa ste/ thugs rje'i rgyun bar chad cing chad pa ste zhu ba des so/ /yang na thugs rje rnam par spangs te zhu ba'i gzugs ngas bzlog par ma mdzad cig ces pa'o/ /tshigs su bcad pa lnga po 'di'i de ma thag par yang aM hUM dag gis zhes bya ba la sogs pa'i tshigs su bcad pa gcig po 'di blta bar bya'o//rdo rje can chen po zhes bya ba ni dgyes pa'i rdo rje'o/ /zhu pa las skur bzhengs pa zhes pa ni bskul ba'i glu bzhi po'i ngo ru byas pas de zhu ba'i gnas skabs spangs te bzhengs pa'o/ /aM hUM dag gis zhes pa ni zhu ba bsdus pa las skyes pa'i yi ge aM dang bcas pa'i yi ge hUM gis bskyes pa'o//brdebs pa ni kun tu brdebs pa'o/ /bsdigs pa zhes pa ni dang po'i don la gnyis pa'o/ /de lta bur zhal brgyad ces pa'ang gnyis bar blta'o/ /tshigs su bcad pa 'di'i rjes thogs su zhal brgyad zhabs ni bzhi bzhes pa la sogs pa'i tshigs su bcad pa lnga po dang 'brel pa'o//zhal ni zhal lo/ /zhabs ni brla dang byin pa dang rkang par bcas pa'o/ /'di yis bdud bzhi mnyam par mnan pas na de skad ces gsungs so 'jigs zhes pa ni 'jigs su rung ba'o/ /mgo bo'i phreng bas do shal byas//zhes pa ni mgo bo'i phreng ba la 'di'i do shal byas pas de skad ces bya'o/ /gar dang zhes pa ni shin tu drag po'i gar gyis so/ /'jigs par mdzad ces pa ni ji ltar 'jigs par 'gyur ba de lta bu'i kha dog sngon por ro/ /sku zhes pa ni sku lus so spro zhes ba ni 'gro ba'o/ /dga' ba zhes pa ni mchog tu dga' ba'o//de gnyis ni sprod do/ rnam par rtog pa dang bcas pa'i phyir ro/ /de snyoms par 'jug pa ni de mngon sum du bya'o/ /de kho na nyid 'di'i phyag rgya gang dang ldan par zhe na/ 'dir gsungs pa/ bdag med ma dang lhan cig sbyor/ /zhes pa ste bdag med ma zhes pa na bdag med mas so//khro gnyer med pa zhes pa ni spros pa med pa'i bde ba ste rang bzhin dga' ba'o/ /de rnyed pa ni thob pa dang ldan pa'o/ /de kho na nyid 'di'i phyag rgyas gdab bya gang yin na/ 'dir gsungs pa/ khro gnyer med pa'i rang bzhin du'o zhes pa ste/ spros pa thams can kyi gnyen po'i phyogs nyid kyi phyir khro gnyer med pa'i rang bzhin gang yin pa de dgyes ba'i rdo rje'i sku ste/de 'di la yod pas na de skad ces bya'o/ /de lta bu'i de kho na nyid 'di ni dgyes pa'i rdo rje'i 'khor lo'o/ /de las bzlog pa ni bdag med ma'i 'khor lor shes par bya ste/ gtso bo'i dbye bas ni zhal brgyad po rnams kyi nang nas gang dag ji ltar pa lta zhe na/'dir gsungs pa/ rtsa ba'i zhal ni zhes bya ba la sogs pa ste/ nag po chen po ni shin tu gnag pa ste sku bzhin no/ /rnam par gtsigs par mdzad ces pa ni mche ba rnam par gtsigs pa'o/ /nyi shu rtsa bzhi spyan gyis phyug /ces pa de ji lta bu zhe na/ zhal brgyad po'i so so re re la spyan gsum gsum dang ldan pa'i phyir ro/ /tshigs su bcad pa lnga po 'di'i rjes thogs su sgeg po zhes bya ba'i tshigs su bcad pa gcig pa 'di sbyar te/ zhal thams cad ni spyir sgeg por ro/ /dkar po ni zhi bar ro//mi dkar ba ni drag por ro/ /lha mo rnams la ni ci rigs par sbyar ro/ /de'i rjes thogs su ni glang po rta bong zhes pa la sogs pa tshigs su bcad pa gnyis po'o/ /bong ni bong bu'o/ /glang ni ba lang ngo / /byi la ni byi la nyid do/ /gnyis 'thung la sogs pa ni g.yas pa'i phyag brgyad po rnams su mtshan ma de rnams so//sa la sogs pa rnams ni phyag g.yon pa rnams su thod pa brgyad du mtshan ma de rnams gang yin pa'o/ /'di dag thams cad kyis ni dang po'i rnal 'byor zhes bya'i ting nge 'dzin bstan to/ /'di'i mthar ni grong khyer zhes pa la sogs pa'i tshigs su bcad pa drug po'o//grong khyer yid 'ong der zhes pa ni dkyil 'khor nyams dga' ba der ro/ /khyod ni bdag med ma ste de dang bcas pas so/ /nga zhes pa ni dgyes pa rdo rje dang rol bar ro/ /rol ba ni rol bzhin pas so/ /ci yis rol zhe na dga' bas zhes pa ste/ dga' ba ni sgyu ma'i bde ba ste/ de shin tu rgyun mi 'chad pas so zhes pa ni gtsub shing gtsubs pa'i me'i tshul kyis nges par brton pa'i dkar mo'o/ shar sgo ru ni yang dag gnas/ /zhes pa ni yang dag par zhugs pa'o/ /dbang por phyogs zhes pa ni brgyad char yang dag par sbyar te/dbang po ni rang gi bdag po la'o/ /phyogs pa ni 'di las lta ba'o/ /'di dag ni dbang por blta ba ste/ yi ge ra'i yi ge er bsgyur ba'i sgras so/ /gtsub shing shes pa ni 'dis gtsubs pas so/ /yang zhes pa ni phyis so/ /chen po gnyis ni zhes pa ni dga' ba chen po'i lhag ma ni go sla'o//tshigs su bcad pa drug po 'di'i de ma thag par ni gtso zhes pa la sogs pa'i tshigs su bcad pa gcig por sbyar te/ 'di rnams zhes pa ni rnal 'byor ma brgyad po de rnams rim pa ji lta ba bzhin du gdon par bya'o/ /gang nas she na 'dir gsungs pa/ bdag po zhes bya ba la sogs pa ste/de la bdag po ni dkyil 'khor gyi dbang phyug go/ /dga' ma ni bdag med ma'o/ /de dag gi sa bon dag gis pad+ma'i nang na byang sems zhu ba'i tshul gyis so/ /aM hUM dag gis zhes pa ni yi ge hUM dang yi ge aM dag gis so/ /'bar gtsigs zhes pa ni 'bar ba rnams kyis kun nas gtsigs par 'phro ba ste/de yang yin la sdong bo yang yin pas de skad ces bya'o/ /tshigs su bcad pa gcig po 'di'i mthar ni dkar mo zhes bya ba la sogs pa'i tshigs su bcad pa brgyad po'i 'di sbyor ro/ /ro hi ta zhes pa ni nya'i khyad par ro/ /rde'u chung ni cang te'u'o//phag pa ni phag rgod do/ /zla ba ni nor bu zhes pa ni nor bu chu shela'o/ /nye dbang ni khyab 'jug go/ /nyi ma'i bu ni gshis rje'o/ /lus ngan ni nor sbyin no/ /stan ni gdan te rim pa ji lta ba bzhin no/ /tshigs su bcad pa brgyad pa 'di'i mthar ni ma mo'i 'khor lo zhes bya ba la sogs pa'i tshigs su bcad pa gcig po sbyar te/'khor lo ni tshogs so/ /'di thams cad kyi 'khor lo'i rgyal bo'i mchog ces bya ba'i ting nge 'dzin gnyis pa bstan to/ /gsum po ni las rgyal po'i mchog gi ting nge 'dzin te de ni rnal 'byor gyi cha dbye ba dang ldan pa'i rgyud kyi rjes su 'brangs nas rgyud dag tu blta bar bya'o//de lta bu'i ting nge 'dzin gsum po 'di dang ldan pas sngags kyi bzlas pa dang bcas pas sngon du bsnyen pa la sogs pa bya'o/ /de bas na de'i skabs la bab pas bcom ldan 'das la yum gyi zhus nas bcom ldan 'das kyis bka' stsal pa'o//de gnyis ka'i skabs dbye ba'i phyir gsungs pa/ rdo rje zhes pa la sogs pa'o/ /ji lta bu zhe na/ sngags de 'dir gsungs pa/ bud med rnams kyi zhes pa la sogs pa ste go sla'o/ /de ni nga yis zhes pa la sogs pa la/ de ni zhes pa ni ji lta bu 'dod pa'i sngags de bcom ldan 'das kyi gsungs pa'o//gang zhes pa ni las gang yin pa rnams so/ /bkug pa zhes pa ni sngags 'di yis bkug pa'o/ /rnal 'byor bdag nyid ces pa ni rnal 'byor ba ste lhag ma ni go sla'o/ /sngags gsungs pa/ rig byed ces pa la sogs pa ste thog ma'i yi ge ni oM mo//rgyan ces pa ni rang bzhin nyid kyis so/ /sngags mthar ni yi ge ha dbyangs yig bcu gnyis dang ldan pa rnams so/ /phaT swA hA ni mthar thug pa'o/ /dkyil 'khor mchog tu zhus pa zhes pa ni ri mo'i dkyil 'khor ro/ / de la zhes pa ni de nyid la'o/ /ston pas zhes pa ni bka' stsal to/ /zhes pa lhag ma'o/ /ye shes cher ldan zhes pa ni slob dpon no/ /dkyil 'khor rang gis bri bar bya/ /zhes pa ni bris sku mkhan la sogs pas mi bri ba'o/ /bum pa rnams la bri zhes pa ni bum pa la tshon bri ba'o//brgyad ces pa ni lha mo brgyad rnams kyi ste/ don gyis na rnam par rgyal bar rgyal ba'i bum pa dang las thams cad pa'i bum pa yang ngo / /rdul tshon gang gis dkyil 'khor bri bar bya zhe na/ 'dir gsungs pa/ rin chen lnga rnams phye ma yis/ /zhes pa la sogs pa'o/ /de'i dbus su zhes pa ni phyi'i rim pa'i dbus su ste/snying po'i rim pa'i pad+ma la dgongs so/ /ze'u 'bru zhes pa ni ge sar ro shar b+ha zhes pa ni seng ge'i rgyal po'o/ /lha mo rnams kyi zhes pa la sogs pa ni ji ltar lha mo rnams kyi kha dog de bzhin du mtshan ma rnams so zhes pa'i don to/ /dbus su thod pa dkar po gang yin de la ni sna tshogs rdo rjes mtshan pa bri bar bya'o//rnam rgyal bum pa der gzhag par bya zhes bya ba'i don gyis de nas ji lta ba'i gnas rnams su dbang bskur ba'i bum pa rnams gzhag par bya'o/ /zhes shes par bya'o/ /gzhug par bya zhes pa ni gzhug pa'i bya ba rnams bya'o zhes pa'i don to//brgyad gnyis lon pa zhes pa na lo bcu drug lon pa'o/ /rig ma brgyad ces gsungs pa 'di dag gang zhe na/ 'dir gsungs pa skyed ma zhes pa la sogs pa ste/ de rnams ni ming la sogs pa rnams kyis de rnams gzung bar bya ba yin gyi rang gi ngo bo de dag nyid ni ma yin no//sgyug mo ni sgyug mor grags pa ste/ chung ma'i skyed byed ma'o/ /'di rnams kyis zhes pa'i drug pa ni 'di rnams la zhes gnyis par sbyar ro/ /ji ltar bshad pa zhes pa ni dbang bskur ba'i le'u ru'o/ /mchog cing bstod pa dang / mchod pa ni bstod cing mchod pa'o//khyad par zhe pa ni khyad par dga' ba las ni sngon ma'o/ /mchog dga'i mthar zhes pa ni mchog tu dga' ba las gzhan pa ste phyi ma'o/ /de yang gang yin zhe na/ 'dir gsungs pa/ mtha' zhes pa ste shes rab dang ye shes so zhes pa'i don to/ /de nyid ni rgyud rnams kun tu sbas pa zhes pa ste/gsal bor ma mdzad do zhes so/ /mthar thug rab gsal pa'o/ /zhes pa ni rgyud thams cad kyi mthar thug pa 'dir ni rab tu gsal bar gsungs pa'o/ /de rnams kyi ni rgyud 'di rgyud thams cad kyi bla mar gsungs so/ /de yi skad cig ji ltar blta/ /zhes pa ni/ de shin tu yang gsal bar bya ba'i phyir zhus pa'o/ /thog ma zhes pa la sogs pa ni lnga bo 'di rnams ni med pa'i don to/ /thog ma dang tha ma ni rim pa ji lta bar mchog dang khyad par dag go/ /srid pa dang mya ngan las 'das pa yang de dag nyid do/ /'dod chags dang 'dod chags dang bral ba de dag nyid kyang 'di nyid la'o//de la lhan cig skyes pa la ltos nas snga ma nyid yin pas thog ma'o/ /phyi ma nyid yin pas tha ma'o/ /de nyid 'di las srid pa'o zhes bya ba dang de 'gags pa nyid yin pa'i phyir mya ngan las 'das pa zhes bya bar 'gyur zhing / lhan cig skyes pa'i dga' ba skyes pa la dmigs pa'i phyir na chags pa yin la 'gags ma thag pa'i lhan cig skyes pa'i dga' ba mi dmigs pa'i phyir na chags pa dang bral ba'o//de dag las kyang dman pa'i phyir na dga' ba dang po nyid ni dbu ma ste/ snang ba ni 'bring po zhes gsungs te de yang dper na lus 'bring po zhes bya ba dang /tshe na lo na 'bring po zhes bya ba lta bu'o/ gang zhig ni de rnams gsum char du yang 'gyur ba ma yin no/ khyad par gyi dang po mchog dga'i mtha' zhes pa ni 'das ma thag pa rab tu gsal bar byas pa'o/ /'di ni mchog tu bde ba chen po zhes pa ni 'di ni bde ba chen po'i mchog nyid de lhan cig skyes pa'i dga' ba zhes pa'i don to//de lta bu de nyid kyis skad cig ma'i nges pa bshad pa'i phyir gsungs pa/ bdag med gzhan yang med pa'o/ /zhes pa ste gang de ltar bu de nyid la gzung ba po gzhan du snang ba dang / 'dzin pa po bdag tu snang ba de dag med bde ba dam pa tsam gnyis med cing dmigs su med pa'i mtha' yas pas rab tu gsal ba de nyid ni rang bzhin dga' ba'o zhes pa'i don to/de skad du 'du ba'i le'u las gsungs pa/ dga' ba cung zad bde ba ste/ /mchog tu dga' ba de bas 'phel/ /khyad par dga' ba chags bral 'gyur/ /lhag ma lhan cig skyes dga' ba/ /dang po reg par 'dod pa ste/ gnyis pa bde ba 'dod pa'o/ gsum pa bde ba zhig pa ste//de phyir bzhi pa bsgom bya yin/ /mchog tu dga' ba sred par gsungs/ /mya ngan 'das pa dga' bral yin/ /dbu ma dga' ba tsam nyid de/ /lhan cig skyes pas de rnams spangs/ /zhes so/ /slob ma la dbang bskur ba'i le'u las gsungs pa/ chags med chags dang bral ba'ang med/ /dbu mar yang ni mi dmigs pa/ / gsum pa rnams ni bral phyir nyid/ /rang bzhin yang dag byang chub gsungs/ /zhes pa dang / yang na thams cad bdag nyid do/ yang na thams cad rnam par spangs/ /khyad par dang po mchog bya ba/ /dga' ba gsum po spangs pa'o/ /zhes so/ /gang de ltar bsgom par bya ba yang bzhi pa yin la/ /slob ma la dbang bskur ba'i le'u las kyang / dang po dga' ba tsam nyid de/mchog tu dga' ba grangs gnyis pa/ gsum pa khyad par dga' bar bshad/ bzhi pa lhan cig skyes zhes brjod/ /ces pas ni khyad par dga' ba gsum par bstan la/ rang bzhin bzhi pa zhes bshad pa ji lta bu zhe na/ /spang bya'i dga' ba gsum pa bgrangs nas/ de nas ni blang bar bya ba'i lhan cig skyes pa'i dga' ba'i bgrang ba de bshad pa yin gyi/der 'dir skye ba'i rim pas ma yin pas na 'dir skyon de med do/ /gal te yang / bdag med gzhan yang med pa'o/ /zhes pa 'dis ni de kho na nyid kyi rang gi ngo bo de gsungs pas skye bar 'os na gang gi tshe rang gi ngo bo bstan pa de'i tshe yang de lta bu nyid med do zhe na/ de'i phyir gsungs pa rang gi lag pa g.yas dang gzhan//zhes pa la sogs pa ste longs spyod ces bya ba ni rnam par spyod pa yongs su smin pa na'o/ /btsir bar bya zhes pa ni sna'i rtse mo ste brla gnyis ji lta ba bzhin du myur du btsir bas lan gnyis su dor ro zhes pa'i don to/ /yang na rim pa gnyis dag ste/ gcig ni phyi'i rig mas so/ / gnyis pa ni bsams pas so/ /de la dang po ni rab tu grags pa nyid do/ /gnyis pa gsungs pa/ rang gi lag pa g.yas dang gzhan/ /zhes bya ba la sogs pa ste/ gnyis kyis mnan zhes pa ni de dag gis pad+ma'i sgor byas pa'o/ /lhag ma ni snga ma bzhin no/ /de las skyes pa'i ye shes ni lhan cig skyes pa zhes bya'o/ /de yang dang por man ngag tsam gyis ni mngon du gyur pa ma yin te/gzhon nu ma'i bde ba bzhin/ /zhes so/ dper na gzhon nu ma'i bde ba mdzad mos nye bar bstan du zin kyang de nyid skyed pa ni ma yin no/ /ji ltar zhe na/ de las longs spyod pa'i dus na gdod skye ba lta bu'o/ gang zhig gis lhan cig skyes pa mngon du byas pa des kyang mngon du smra bar mi nus pa'o//'di bshad par 'dod nas gsungs pa/ cung zad yang zhes pa la sogs pa ste/ de la zhes pa ni dus der ro/ lkugs pa'i rmi lam ji bzhin no/ /zhes pa ni dper na lkugs pa'i rmi lam gsal por mthong yang mngon du smra bar mi nus so/ /bla mas kyang lhan cig skyes pa de bzhin no/ /de yang gang zhe na/ mchog gi mtha' dang dbus khyad par/zhes pa ste mchog tu dga' ba'i mtha' ni mchog dga'i mtha' ste phyi ma'o/ /dbus khyad par zhes pa ni khyad par dbus zhes bya bar sbyar te/ gung nyi ma zhes pa lta bu'o/ /gnyis po dag gi dbus ni de yin zhes byar rung gi bral ba 'ba' zhig gi ni ma yin no/ /zhes zer na gang gnyis po dag dang 'brel ba de gcig gis kyang smra bar mi rung ste/dper na gau rA'i bu gzhon nu smin drug ces zer ba dang dbang phyug chen po'i bu gzhon nu smin drug ces zer ba de lta bur 'di yang mchog dang khyad par dag gis dbus ni khyad gyi dbus so zhes gsungs so/ /stong las stong ni zhes pa ni gzung ba dang 'dzin pa rnam par spangs pa'i rnam par shes pa tsam gnyis med pa ni stong pa nyid de/de las kyang stong pa nyid snang ba med pa rnam par shes pa tsam po de nyid stong pa nyid de de nyid he ru ka ste/ gnyis su 'dzin pa dang gnyis su snang ba de nyid kyis zos pas na'o/ /ni zhes pa'i sgra ni khyad par du bya ba'i don to/ /'di ni de'i rang gi ngo bo gsungs pa yin gyi yang bstan pas mngon du gyur pa ni med do zhes bya ba'i don to//de ltar ji srid dpe'i lhan cig skyes pa yang shin tu rtogs par dka' na don gyi lhan cig skyes pa lta ci zhig kyang smos te/ rnal 'byor ma rnams 'du ba'i le'u las gsungs pa/ rang bzhin gzhan gyis bstan mi nus/ /gang nas kyang ni rnyed mi 'gyur/ /bla ma brgyud thabs bstan pa las//bsod nams las ni rang gis rtogs/ /zhes so/ /'di ni le'u 'di'i bsdus pa'i don to/ /rgya cher ni bdag gis byas pa'i dkyil 'khor gyi sgrub thabs dgyes pa'i rdo rje 'byung bar blta bar bya'o/ /dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u lnga pa'i bshad pa'o// // lha mo zhes bya ba la sogs pa la mchan khung dag tu zhes pa ni mchan khung gnyis dag tu'o/ phyag rgya lnga zhes pa ni phyag rgya lnga bzung ba'i phyir ro/ /cho ga zhes pa ni thabs so/ /bya ba ni spyod pa'o/ /dam tshig mtshungs pa la gnas pas so/ /pir gyis zhes pa ni pir nyid kyis so/ /dam tshig byin brlabs sbyor zhes pa ni lha mo'i gzugs su bsgom pa'i phyir ro bza' bar bya zhes pa ni zos nas te/bri bar bya zhes pa snga ma dang 'brel to/ /gzugs dang na so dag gis skal pa bzang po gang yin pa de la de skad ces bya'o/ /dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u drug pa'i bshad pa'o// // de nas zhes pa la sogs pa la/ ji lta zhes pa ni ji ltar bgyi zhes pa'o/ /mar nag gi gnas su tshil chen po byas pa'i dud pas snag tshar byas pa de snag tsha'o/ 'grub mi 'gyur zhes pa na sgrub pa pos so/ /'jig rten gzhan du'ang min zhes pa ni 'jig rten gzhan te skye ba phyi ma rnams su'o/ yang dag rab sbyin ldan pa'i zhes pa ni yang dag par sbyin par rab tu zhugs pa'o//res 'ga' ni brgya la ma 'ga' zhig na'o/ /lam gyi spyod yul zhes pa ni lam du 'gro ba na'o/ /bstan bya yin zhes pa ni ston pa po'o/ /gang du zhes pa ni tshogs kyi dkyil 'khor du'o/ /grong zhes pa ni khyim mo/ /dgu zhes pa ni grangs dgu'o/ /dam tshig ces pa ni sA lu las skyes pa la sogs pa'o//skal chen zhes pa ni bdag nyid chen po'o/ /dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u ste bdun pa'i bshad pa'o// //de nas zhes bya ba la sogs pa la/ sdom pa ni zung thub pa la sogs pa'o/ /sbyong ba ni dga' bar smra ba la sogs pa'o/ /gzugs ni mdog dang /rnam pa dang / dri la sogs pa'o/ /ri dgas lte ba ni gla rtsi'o/ /de dang mtshungs pa'i snod ces te 'dra bar snang ba'o/ /utA la mi ut+pal la nyid de de lta bu zhes pa'i sgras ni 'dir yang sbyor ro/ /rgyu zhes pa ni 'byung ba ste dri zhes bya bar 'brel to/ dri zhim par zhes pa ni dri yid du 'ong ba'o/ /khwa'i mchu zhes pa ni a ga ru nag po'o/ /skye zhing skye bar zhes pa ni skye zhing skye ba rnams su'o//'gyur bar shog ces pa ni thob par shog ces pa'o/ /'dur ba zhes pa ni 'dul bar bya ba'o/ bsnyen gnas zhes pa ni zla ba nya ba la sogs pa rnams su skya rengs shar ba nas skya rengs shar ba'i bar du bslab pa'i gzhi brgyad po la gnas pa'o/ bslab pa'i gzhi bcu zhes pa ni ji srid 'tsho ba'i bar du lus dang ngag gis log par spyod pa bdun po dag las ldog par las blangs pa dang /yid kyis log par spyod pa rnams pa gsum po mi byed pa'o/ 'dod chags dang bral bar smra ba ni bye brag smra ba ste/ de lta bu de nyid ni bye brag tu smra ba'o/ /de nyid kyi nyan thos kyi theg pa ste gdams ngag brgyab dang sgo lam gsum pa'i phreng ba la sogs pa'i lung ngo //mdo sde zhes pa ni theg pa chen po'i mdo sde shin tu zab pa ma yin pa rnams te de yang tshigs su bcad pa gcig pa zhes bya ba dang / tshigs su bcad pa bzhi pa zhes pa dang / tshigs su bcad pa gnyis pa'i gzungs zhes bya ba dang / /sgo drug pa zhes bya ba dang / bzang po spyod pa dang chos bzhi pa dang rgya cher rol pa dang /sa bcu'i mdo la sogs pa rnams so/ /rnal 'byor sbyong ba zhes pa ni sna tshogs pa 'di dag ni sems tsam ste/ don du snang ba rnams ni bden pa ma yin zhing sems nyid bag chags kyi stobs las de lta bur skye bar rmi lam ji lta ba bzhin no zhes so/ /dbu ma zhes pa la dbu ma ni lam ste/ de yang sems gnyis kyi rang bzhin gyis yod pa ma yin zhing gnyis pos stong pa'i rang bzhin gyis med pa ma yin no zhes pa'i don to//bstan zhes pa ni rim gyis de ltar bstan par bya'o/ /rgyud kun gyis zhes pa la sogs pa ni de'i rjes su 'di zhes bya bar sbyar ro/ /kum zhes pa ni rnam par lnga ste/ bya ba dang spyod pa dang / rnal 'byor dang rnal 'byor pa ma dang rnal 'byor bla na med pa ste/de dag dang bye brag tu smra ba la sogs pa kun gyi rnam pa'i bye brag tsam shes par bya'i rdzas ma lus pa shes par byas nas ni ma yin te/ mtha' yas pa'i phyir ro zhes pa ni bya'o zhes pa'i don to/ /gus par zhes pa ni rgyud 'di la gus par bya ba'i tsheg tu'o/ dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u brgyad pa'i bshad pa'o// //de nas gzhan yang zhes pa la sogs pa la/ dral ba ni dbye ba'o/ /byung ba ni ting nge 'dzin gyis so/ /rab sbyar bas zhes pa ni de lta bu'i skur sbyar bas so/ /shin tu bsnyems bcas zhes pa ni lhag par drags pa'o/ /bakhrugs pa ni khro ba mi bzad pa'o//bsgom pa zhes pa ni 'das ma thag par gsungs pa der ro/ /de nyid 'ba' zhig byed pa de ni tsam zhes bya'o/ /gnod byed ces pa dang 'jigs byed ces pa 'di gnyis ka gang yin pa 'di dag la'o zhes gzhan dang 'bral to/ /de ni zhes pa ni 'das ma thag pa'i gang zhes pa'i sgra dang 'brel bar bstan to/ /bltas zhes pa ni dran par bya'o//ji lta bu'i gzugs zhes pa ni gdug pa can rang gi gzus kyis so/ skyug pa zhes pa ni skyug cing slon pa'o/ /kha ba ces pa ni rdo rje'i khab po/ /byin za zhes pa ni de bzhin du 'bar ba'o/ /ltos zhes pa ni bsams pa'o/ /rnam rtog med ces pa ni the tshom med pa'o/ /rin chen chen po zhes pa ni yid bzhin gyi nor bu'o//bu gces pa ni nor bu de nyid do/ /'dod pa zhes pa ni mngon par dga' ba'i ron to/ /bdud rtsi ni 'chi med do/ /gtso bo ni nus pa'o/ /gzugs kyis zhes pa ni de kho na nyid kyis so/ /nyon zhes pa na gang gis thos par bya ba de rnams so/ /bzhud pa zhes pa ni zhabs so/ rnam par thar pa brgyad ces pa ni rnam par thar ba rtsams kyis so//gug skyed ces pa ni gug skyed rnams kyis so/ /sngags btung zhes pa ni lha mo'i zhu ba'i tshigs su bcad pa'o/ /bcom ldan 'das zhes pa la sogs pa ni sdud pa po'i mtshams sbyor ba'i tshig go/ /rnam par snang mdzad ces pa ni yi ge oM mo/ /ji ltar blta zhes pa ni bzhi pa ha la spos byed mas brgyan par bya ste/ spos byed ma ni dbyangs kyi drug pa U ste der sbyor ro zhes pa ni don to//stong pa zhes pa ni thig le'o/ /ji ltar blta zhe na/ /swA hA mtha' zhes pa ste nges par do ru sbyar ba'o/ /yi ge'i bdag po zhes pa ni oM mo/ /mkha' spyor ma zhes pa ni dbyangs yig bco lnga pa ste/ yi ge aM ngo / /dang po yi ni gnyis pa la/ /zhes pa ni kha'o/ /gnyis pa yi ni gsum pa la zhes pa ni dza'o/ chu ma zhes pa ni dbyangs kyi bzhi pa ste a'o/ / lnga pa yi ni gsum pa la/ /zhes pa ni yi ge pa'o/ /mkha' 'gro ma zhes pa ni dbyangs yig lnga pa ste u'o/ /yi ge'i thu bo zhes pa ni yi ge oM mo/ /rim pa dang ni thig le mchog /ces pa ni lha'i bu mo rnams so/ /gti mug rigs zhes pa ni yi ge aM ngo / /yi ge g+huHzhes pa ni dang po'i bzhi pa la rdo rje mkha' 'gro ma sbyar zhed glo ru tsheg drag gnyis gzhag pa'o/ /dang po yi ni dang po zhes pa ni ka'o//rdo rje mkha' 'gro ma ni u'o/ /mthar gnas pa yi gnyis pa la/ /zhes pa ni ra'o/ /rdo rje mkha' 'gro ma ni u'o/ /dang po yi ni dang po zhes pa ka'o/ /mthar gnas pa yi gsum pa ni la'o/ /de nyid kyis zhes pa ri la de nyid blangs pas na'o/ /rkun pho ni dbyangs yig bcu gcig pa ste e'o/ /bzhi pa'i gsum pa ni de'o/ mthar gnas pa yi bzhi pa ni wa'o/dro ba'i ri bzhi pa ni ha'o/ /lnga pa'i gnyis pa ni pha'o/ /gsum pa'i dang po ni Ta'o/ /lnga pa'i bzhi pa ni b+ha'o/ /mthar gnas pa yi dang po ni ya'o/ /za phod ma ni dbyangs kyi bcu gsum pa ste o'o/ /nang gi ser mo ni dbyangs yig gsum pa ste o'o/ /gnyis 'gyur zhes pa de ji lta bu zhe na kiTi zhes pa 'di nyid kyi mthar kiTi zhes gsungs pa'i tshig go//bzhi pa'i dang po ni ta'o/ /ro langs ma ni e'o/ /rdo rje ma ni A'o/ /lnga pa'i dang po ni pa'o/ /mthar gnas pa yi gnyis pa ni ra'o/ /yi ge kA ni gnyis pa zhes pa ni sel ba'i yi ge de gnyis 'gyur du bklag pa bya'o zhes pa'i don to/ /de rjes rdo rje zhes pa ni yi ge a ste/ 'dir de nyid drag ring bu'o/ /dro ba'i gsum pa ni so'o/ /mthar gnas pa yi bzhi pa ni wa'o//dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u dgu pa'i bshad pa'o// //de nas zhes bya ba la sogs pa la/ /de nas zhes pa ni de ma thag pa'o/ /gsungs zhes pa ni nges par gzung ba ste/ de ma thag pa nyid du'o zhes pa'i don to/ /gcig tu bsdams pa zhes pa ni gnyis med par bsdus pa'o//bzlas pa ni sngags bzla ba'o/ /de'i yul ni de dang 'brel ba'i gzhi ste bzlas pa'i phreng ba'o/ /lhag ma rnams go sla'o/ /dgyes pa'i rdo rje'i dka' bral mu tig phreng ba zhes bya ba las rtog pa gnyis pa'i le'u bcu pa'i bshad pa'o// //dgyes pa'i rdo rjer dam 'khyud de/ /zhes pa la sogs pa la/ /'di gsungs zhes pa ni 'di skad du gsungs pa'o//mi bskyod pa zhes pa ni mi bskyod pa'i rigs can no zhes pa'i don to/ /snang mdzad kyi zhes pa ni rnam par snang mdzad kyi rigs dang ldan pa rnams te/ /rigs dang rigs can dag dbyer mi phyed pas nye bar brtags pa'o/ /'byung ni 'byung ba'o/ /sems dpa' zhes pa ni rdo rje sems dpa' 'o/ /rigs zhes pa ni rigs dang ldan pa rnams dang rigs rgyud kyang ngo //kun rdzob ces pa ni 'jig rten pa yin pas so/ /go mdzad ces pa ni ston par mdzad pa'o/ /'dod pa zhes pa ni yi shes 'char ba'o/ /de'i don du mtshan ma ste/ /sen mo brad pa la sogs pa ste de rnams su bya ba ni 'dod pa'i mtshan mar bya ba'o/ / las zhes pa ni dga' ba'i phyir ro/ rdo rjes zhes par rdo rje 'grel pa'o/ /rang bzhin gyi don sbyor ba ni lhan cig skyes pa'i don la sbyor ba ste sbyor ba de gsal bar byed pa'i le'u'o/ /dgyes pa'i rdo rje'i dka' 'grel mu tig phreng ba zhes bya ba las rtog pa gnyis pa'i le'u bcu gcig pa'i bshad po// //de nas rdo rje can gyis zhes pa la sogs pa la/de nas zhes pa ni de ma thag pa nyid du'o/ rdo rje rab gnas zhes pa ni rdo rje 'dzin pa nyid du rab du gnas pa'o/ /byang chub ni shes rab ste de'i sras po byang chub sems dpa' 'o/ /dga' ba zhes pa ni yid bde ba'o/ /gnas pa ni byang chub kyi sems kyi'o/ /lha mo ni shes rab ma'o/ /sna tshogs ni ma mo la sogs pa rnams so/ /ches phra ba zhes pa ni brjod par mi nus pa'i phyir ro//rdo rje ni de bzhin gshegs pa rnams so/ /de rnams kyi dkyil ni snying po'o/ /mkha' 'dra ba zhes pa ni snang ba med pa'i phyir ro/ /rdul bral ni nyon mongs pa zad pa'o/ /thar pa ni srid pa zad pas so/ /zhi ba ni gnod pa rnams med pas so/ /pha ni sa bon gyi phyir ro/ /khyod kyang ni khyod rang ngo / /zhes pa ni de'i ngo bo'i lus thob pa'o//kha ga mu kha e ka rAs zhes pa ni byang chub kyi sems te/ de bzhin nyid du dmigs pa'i phyir ro/ /snang ba med pa'i phyir dang / de'i ngo bo'i phyir na kha ga mu kha e ka rAs ste rdo rje'o/ /sna rtse ni pad+ma'i 'o/ /dgyes pa'i rdo rje'i dka' 'grel mu tig phreng ba zhes bya la las rtog pa gnyis pa'i le'u bcu gnyis pa'i bshan pa'o// //mtshungs med rgya chen rgyud rnams don ston mdzod gyur dgyes pa'i rdo rje yi/ /dka' 'grel yid 'ong bdag gis 'bad de byas las bsod nams bsags gyur pa/ /de ni ma lus bdag med dpal ldan rdo rje can gyi gnas 'dzig cing / /skye bo ma lus theg pa gsum gyis nges par mkhor ba las byung shog//dpal dgyes pa'i rdo rje'i dka' 'grel mu tig phreng ba zhes bya ba/ /slob dpon chen po shrI rat+nA ka ra shAn+tis mdzad pa rdzogs so/ /paN+Di ta chen po shAn+ti b+ha dra dang / bod kyi lo tsA ba dgos lhas btsas kyis bsgyur cing zhus te gtan la phab pa'o// //

CLOSE WINDOW