| བོད་ཡིག |
250b3 @##/ /rgya gar skad du/ si ha nA da lo ke shra ra b+han+TA ra kas+ya stu ti/ bod skad du/ rje btsun 'jig rten dbang phyug seng ge sgra la bstod pa/ 'phags pa 'jig rten dbang phyug la phyag 'tshal lo/ /srid pa'i gnas ni grangs bral bgrang 'dod 'dir khyod la/ /'od ldan snyan ngag
250b4 mkhan po ches cher dga' ba'i gtam//yon tan tshogs brjod de ltar bdag ni blo ngan yang / /'gro ba gnyis su mngon bstod sar pa'i tshig dag 'god/ /rgya chen srid pa'i pha rol byang chub ston mdzad pa/ /dus ring thang gcig bzhin du byas te brtse bas sku bzung nas/ /sems can
250b5 gnas pa ma lus kun mkhyen de nyid la 'god mdzad//'gro ba'i mgon po brtse ldan seng ge'i sgra de rgyal gyur cig /gang tshe ri bong mtshan ma mkha' la 'od dang 'gro ba mtshon/ /gang gang chos mkhas sgrub byed bi shwa karma bzhin/ /ma lus dkar ba'i snying po nyams dga'i dngos mdzad pa/ /de
250b6 yang seng ge'i sgra ste 'od zer 'phro zhing rgyal gyur cig /dbu la rin chen 'bar ba 'bad pas gnas par mdzad pas ci/ /legs byas rang bzhin sgron me 'di ni nyer 'dzin mdzad pa lags/ /de ltar gang zhig lag 'gro lta bu'i the tsom bdud ni 'joms/ /pha rol rgol las rnam rgyal seng
250b7 ge'i sgra des khyed la srungs//'gro ba gsum gyi sa la mkhas shing bdud kyi phyogs ni 'joms/ /lag 'gro'i bdag por gnas pa'i nad ni 'joms shing bzhugs/ /gang gi rtse gsum dmyal bar 'gro ba'i rtsa ba 'joms pa ste/ /mchog ldan re Nu'i sras po seng ge sgra la phyag
251a1 'tshal lo//phul byung dkar ba'i rab lta bu yi shel gyi bgrang phreng yang / /dge ba mdzad pa'i phyag tu thogs pas gshin rje yang dag gnon/ /rab tu mdzes pa nor bu'i rol pa brtse dang tshul khrims ldan/ /dges pa'i spyan ldan seng ge'i sgra des khyed la srung
251a2 gyur cig /snying la 'bab pa'i gang gi ral pa mdzes pa'i zer 'di ni/ /'bar zhing g.yo ba sa 'dzin lag 'gro lhag ma la ni nyal/ /'od gsal mkhar rol 'o ma'i rgya mtshor in+d+ra nI la bzhin/ /seng ge'i sgra des khyed la shis pa mtha' dag ston gyur cig /'gro ba rnam par phongs pa'i
251a3 thabs su gyur pa'i rkyen gang yin//bdud bcu po rnams ral gri'i so yis zhi mdzad pa/ /srid pa gsum gyis zhabs la btud pa seng ge'i sgra de yis/ /de ni 'gro ba'i nad dang nyer 'tshe 'joms shing sel gyur cig /ri [(]dgas [,]dwags [)]bdag po yang ni dpal ldan lha rigs skyabs 'os te/ /bde
251a4 gshegs theg pa rig mngon pa yi nga rgyal kun las grol//bde gshegs phrin las rnam rgyas gang gi sku la 'dzin mdzad pa/ /seng ge'i sgra des khyed kyi mngon par 'dod don sgrub gyur cig /de ltar bdag gis khyod kyi yon tan tshogs ni yongs su brjod pa las/ /zhi ba'i rang bzhin dge
251a5 ba'i 'bras bu bsags pa'i tshogs rnams kyis//ma lus 'gro ba 'di dag dga' ba'i bdag po'i lag tu ma lhung zhing / /rgyal ba rgya mtsho'i tshogs la kun nas rab tu 'jug gyur cig /mgon po 'di yi gzugs kyi rang bzhin sku ni kun nas thob gyur te/ /ma lus 'gro ba ji snyed 'di ni
251a6 rnam par 'dren pa nyid gyur cig /kun nas gtsang mar byas pa skye bo'i bzhin gyi me long 'di/ /dpal thob ldan pa snyan ngag mkhan gyi bdag po gnyis skyes srung bas byas/ rje btsun 'jig rten dbang phyug seng ge'i sgra la bstod pa rdzogs so// //dpal ldan bla ma dam pa rgyal
ba spyan snga rin po che'i bka' bzhin zha lu lo tsA ba dge slongad+har+m+ma pA la b+ha dras bsgyur ba'o/
CLOSE WINDOW