249a6 @##/ /rgya gar skad du/ ma hA paN+Di ta kIrti dza sto traM/ bod skad du/ mkhas pa chen po grags pa rgyal mtshan la bstod pa/ 'jam pa'i dbyangs la phyag 'tshal lo/ /blo gros rgya mtshor tshig gi me tog snyan tshig ze'u 'brus rnam par spud pa bstod dbyangs kyi/ /phreng ba spel legs
249a7 dag gis rab brgyus dri med chun pos gang gi mgul la brgyan gyur pa'i//blo gsal stong gis khyed kyi rang bzhin bsngags par gyur mod de lta na yang bdag rmongs pa/ /dad pa'i stobs kyis ji ltar nus bzhin cung zad bstod la mkhas pa rnams kyis bzod par gsol/ /sgyu ma'i phreng ba'i las
249b1 kyi tshul gyis rmongs gang srid pa'i chu gter du//bsod nams gru chag blo gros lus bying ba shes gnyen dam pas dor ba yi/ /lus can rnams la byang chub yan lag drug phrag gsum gyi gzhung lugs kyi/ /rlung drag gtsubs pa'i dba' rlabs 'thor bas dam pa'i go 'phang pha rol
249b2 son//grub pa dri med dge slong dge 'dun rig pa 'dzin pa'i sdom brtson dang / /brtul zhugs grub la blo gros gsal ldan rtog ge'i dbang po'i tshogs rnams kyis/ /khyed kyi zhabs rdul rnyog pa med la rnam pa kun tu gtugs slad du/ /gangs can 'di na 'gran zlas dben par mngon du gyur
249b3 bzhin kho bos 'tshal//dam pa khyod kyi legs bshad bsod nams sprin/ /dge ba'i lo tog 'phel ba'i char rgyun can/ /snyan pa'i 'brug sgra zab mo snyong sgrogs pas/ /skal ldan blo gros gnyid log rnam par bskul/ /khyod kyis chos sgrub gzhung mang 'chad pa dang / /legs
249b4 bshad rtsom dang kha don rgya chen dang //ting 'dzin dri med 'khor lo mchod pa'i tshul/ /rnam dag lta ba spyod lam dag pa dang / /gsang sngags rgya mtsho'i tshul la nyer bsten pa/ /khyod kyi kun spyod de dag thams cad la/ /rgol ba gzhan gyis kun nas mi rdzi bas/ /gsang sngags 'dzin
249b5 pa gzhan la sngon ma mthong //rnam pa sna tshogs rin chen rang bzhin dkon mchog gzhal med dpal ldan gtsug lag khang chen dang / /dga' ston dam pa sa gsum la grags chags bral khyod ni dpal dang 'byor bas rab dge zhing / /thub pa'i sku gzugs gsung rab dag pa rin chen
249b6 las bsgrubs kun nas mdzad pa rgya che ba//khyod mtshungs ma mchis de slad bdag blo spro ba'i chu klung dbyar gyi mtsho bzhin rnam par 'phel/ /bsod nams dri med zla zer zil gnon byams pa'i 'od zer rab 'phros pas/ /nam mkha'i zla ba rnyog can des ni khyod kyi dpal rab ma bzod de/ /
249b7 gzugs brnyan tshul gyis rgya mtsho'i klong du 'jug pa 'dod pa nyid snyam du/ /bdag gi blo gros de ltar sems pas mchog tu ngo mtshar skyes par gyur/ /gdung rgyud dri med yon tan rgya che ni/ /blo gros mtshungs med mkhas pas nyer bsten zhing / /gzhan la phan dgongs phongs pa'i bsti gnas
250a1 sa//mdzad pa rgya chen nye bar zhi ba can/ /khyod mtshungs ma mchis de slad dpe bral ba/ /khyed la rnam kun bstod par nus ma lags/ /'on kyang cung zad bstod pa'i spro ba dang / /dge slong mkhas pa byang chub 'od zer gyis/ /rjes su gnang ba thob nas gang snang
250a2 ba /de bzhin 'di ni bdag gis gsal bar sbyar/ /mchog tu rmad byung grags pa rgyal mtshan la/ /mkhas pa bde bar gshegs pa'i dpal bdag gis/ /legs par bstod la bsod nams gang yod pa/ /des ni 'gro kun bla ma la gus shog /bdag nyid chen po grags pa rgyal mtshan
la bstod pa rgya gar gyi mkhan po su ga ta shrI sa sbyar ba rdzogs so/

CLOSE WINDOW