237a5 rgya gar gyi mkhan po bi d+yA ka ra pra b+ha dang /zhu chen gyi lo tsA ba ban+de dpal brtsegs kyis bsgyur cing zhus te gtan la phab pa// @##/ /rgya gar skad du/ pany+tsa ta thA ga ta sta baH/ bod skad du/ de bzhin gshegs pa lnga la bstod pa/ /gsung gi mnga' bdag
237a6 la phyag 'tshal lo//'jig rten gsum mgon yon tan mtha' med pha rol phyin/ /'o ma'i mtsho ltar dkar yangs mdzes pa'i sku dang ldan/ /mnyam med de bzhin nyid dngos seng ge'i khri la bzhugs/ /thub mchog rnam par snang ba de la phyag 'tshal lo/ /mdangs ldan nor bu
237a7 mthon ka chen po ltar 'phro ba'i//'od kyis phyogs rnams ma lus snang bar mdzad pa po/ /'jig rten gsum na rmad byung glang po'i khri la bzhugs/ /bsnyengs bral sangs rgyas mi bskyod de la rtag phyag 'tshal/ /rin chen dbang bskur 'byor bas 'gro don mdzad la mkhas/ /
237b1 bsod nams tshogs mnga' ri rgyal mngon sum rgyu 'dra zhing / /gser gyi rgya mtsho lta bus rta yi gdan la bzhugs/ /thub pa rin chen 'byung ldan de la rtag phyag 'tshal/ /rma bya'i rigs gsal brgya yis mdzes byas snang ba yi/ /'od kyis phyogs kun khebs pas mngon dga'
237b2 pad+ma ni//rA ga'i ri bo ltar mdzes rma bya'i gdan bzhugs pa/ /thub pa dpag med 'od mnga' de la phyag 'tshal lo/ /dam chos 'od zer tshogs kyis mun pa sel mdzad pa'i/ /'od kyi snang bas nam mkha'i cha kun rnam par 'gengs/ /bai DUR+Ya yi mtsho ltar mkha' lding gdan la
237b3 bzhugs//sangs rgyas don yod grub pa de la phyag 'tshal lo/ /seng ge glang po rta dang rma bya mkha' lding gdan la rdo rje skyil krung bzhugs/ /sku mdog rim bzhin dkar dang sngo dang ser dang dri med dmar dang ljang gyur cing / /byang chub mchog dang sa reg mchog sbyin ting 'dzin mi
237b4 'jigs sbyin pa'i phyag rgyas mtshan//rang rigs rin chen cod pan ldan pa'i ye shes lnga yi bdag nyid de la 'dud/ /de bzhin gshegs pa lnga'i bstod pa rdzogs so// //rgya gar gyi mkhan po pad+ma kar warma dang / zhu chen gyi lo tsA ba dge slong rin chen bzang pos bsgyur
cing zhus te gtan la phab pa/

CLOSE WINDOW