102a3 / @##/ /rgya gar skad du/ e kot+ta ri ga sta ba/ bod skad du/ gcig las 'phros pa'i bstod pa/ /'phags pa 'jam dpal la phyag 'tshal lo/ /chos gcig la ni mngon dgyes shing / /nags su gcig
102a4 pur bzhugs pa dang //'jig rten rnams kyi mig gcig gyur/ /'jig rten mig gcig phyag 'tshal lo/ /rkang gnyis rnams kyi mchog gyur pa/ /bden pa gnyis ni rnam par bsgoms/ /grogs gnyis pa ni mi mnga' ba/ /gnyis med gsung la phyag 'tshal lo/ /ting
102a5 'dzin gsum dang ldan pa dang //dkon mchog gsum po cha mnyam zhing / /sdug bsngal gsum gyi chu las rgal/ /'jig rten gsum 'tsho phyag 'tshal lo/ /bstan pa rnam pa bzhi po dang / /bsam gtan bzhi yi rnam pa can/ /sbyor ba bzhi dang rnam bral ba/ /bden
102a6 bzhi mkhyen la phyag 'tshal lo//phung po lnga yi chags bral zhing / /dbang po lnga ni rnam par bsgoms/ /yan lag lnga dang rnam bral ba/ /'gro lnga gcod la phyag 'tshal lo/ /dbang drug chu bo la gnas shing / /rgyun drug la ni rnam par gnas/ /pha rol phyin drug yongs su
102a7 rdzogs//mngon shes drug la phyag 'tshal lo/ /byang chub yan lag rin chen bdun/ /'phags pa'i nor bdun stsol ba po/ /yan lag bdun dang rnam bral ba/ /srid bdun gtso la phyag 'tshal lo/ /yan lag brgyad las byung ba yi/ /gang zag brgyad ni ston mdzad cing / /
102b1 'jig rten chos brgyad spangs pa po/ /mi khom brgyad 'joms phyag 'tshal lo/ /gnas dgu'i chags las rnam grol zhing / /khong khro dgu ni rnam par spangs/ /shin tu sbyangs pa dgu brnyes pa/ /sa dgu mkhyen la phyag 'tshal lo/ /'phags pa'i dge 'dun bcu chos
102b2 can//sgrib pa bcu ni gcod par mdzad/ /'phags pa'i gnas bcu la dgyes pa/ /stobs bcu ldan la phyag 'tshal lo/ /de ltar 'phags pa stobs bcu ldan la tshig gis mchod pa'i phyir/ /bstod pas der ni bdag gis dge ba'i rtsa ba gang thob pa/ /des 'dir dmyal
dang yi dags dud 'gro'i sdug bsngal gyis khyab pa'i/

CLOSE WINDOW