82b3 / @##/ /rgya gar skad du/ dwI da sha kA ra nA ma na ya sto traM/ bod skad du/ mdzad pa bcu gnyis kyi tshul la bstod pa / sangs rgyas shAkya thub pa la phyag 'tshal lo/ /gang gis dang por byang chub thugs bskyed nas/ /bsod nams ye shes tshogs
82b4 gnyis rdzogs mdzad cing //dus 'dir mdzad pa rgya chen 'gro ba yi/ /mgon gyur khyod la bdag gis bstod par bgyi/ /lha rnams 'dul mdzad 'dul ba'i dus mkhyen nas/ /lha las babs nas glang chen ltar gshegs te/ /rigs la gzigs nas lha mo sgyu 'phrul gyi/ /lhums
82b5 su zhugs par mdzad la phyag 'tshal lo//zla ba bcu rdzogs shAkya'i sras po ni/ /bkra shis lum+bi'i tshal du bltams pa'i tshe/ /tshangs dang brgya byin gyis btud mtshan mchog ni/ /byang chub rigs su nges la phyag 'tshal lo/ /gzhon nu stobs ldan mi yi seng ge des/ /aM ga ma ga d+hA ra ni
82b6 sgyu rtsal bstan//skye bo dregs pa can rnams tshar bcad nas/ /'gran zla med par mdzad la phyag 'tshal lo/ /'jig rten chos dang mthun par bya ba dang / /kha na ma tho spang phyir btsun mo yi/ /'khor dang ldan mdzad thabs la mkhas pa yis/ /rgyal srid skyong bar mdzad la phyag 'tshal lo/ /
82b7 'khor ba'i bya ba snying po med gzigs nas/ /khyim nas byung ste mkha' la gshegs nas kyang / /mchod rten rnam dag drung du nyid la nyid/ /rab tu byung bar mdzad la phyag 'tshal lo/ /brtson pas byang chub 'grub par dgongs nas ni/ /nai rany+dza na'i 'gram du lo drug tu/ /dka' ba
83a1 spyad mdzad brtson 'grus mthar phyin nas//bsam gtan mchog brnyes mdzad la phyag 'tshal lo/ /thog ma med nas 'bad pa don yod phyir/ /ma ga d+h+wa yi byang chub shing drung du/ /skyil krung mi g.yo mngon par sangs rgyas nas/ /byang chub rdzogs par mdzad la phyag
83a2 'tshal lo//thugs rjes 'gro la myur du gzigs nas ni/ /bA rA Na sI la sogs gnas mchog tu/ /chos kyi 'khor lo bskor nas gdul bya rnams/ /theg pa gsum la 'god mdzad phyag 'tshal lo/ /gzhan gyi rgol ba ngan pa tshar bcad nas/ /mu stegs ston pa drug dang lhas byin
83a3 sogs//'khor mo 'jig gi yul du bdud rnams btul / /thub pa g.yul las rgyal mdzad phyag 'tshal lo/ /srid pa gsum na dpe med yon tan gyis/ /mnyan du yod par cho 'phrul chen po bstan/ /lha mi 'gro ba kun gyis rab mchod pa/ /bstan pa rgyas par mdzad la phyag 'tshal lo/ /
83a4 le lo can rnams myur du bskul bya'i phyir/ /rtswa mchog grong gi sa gzhi gtsang ma ru/ /'chi med rdo rje lta bu'i sku bshig nas/ /mya ngan 'da' bar mdzad la phyag 'tshal lo/ /yang dag nyid du 'jig pa med phyir dang / /ma 'ongs sems can bsod nams thob bya'i phyir/ /de nyid du
83a5 ni ring bsrel mang sprul nas//cha brgyad sku gdung mdzad la phyag 'tshal lo/ /de ltar bstan pa'i bdag po bcom ldan gyi/ /mdzad pa'i tshul la mdo tsam bstod pa yis / /dge bas 'gro ba kun gyi spyod pa yang / /bde gshegs nyid kyi spyod dang mtshungs par shog /mdzad pa
bcu gnyis kyi tshul la bstod pa zhes bya ba slob dpon chen po 'phags pa klu sgrub kyis mdzad pa rdzogs so/

CLOSE WINDOW