| བོད་ཡིག |
42b5 dus phyis shAkya'i dge slong kun dga' rgyal mtshan dpal bzang po zhes bya bas dpal sa skya'i dgon par sbyar ba rdzogs so// @##/ /rgya gar skad du/ sarba dz+nyem hA shwa ra sto traM nA ma/ bod skad du/ thams cad mkhyen pa dbang phyug
42b6 chen po'i bstod pa zhes bya ba/dkon mchog gsum la phyag 'tshal lo/ /gang zhig lha las lhag pa'i lha/ /de gang lha yi bla ma ste/ /bla ma'i bla mar gyur pa de/ /de la bdag ni skyabs su mchi/ /chen po nyid dang dbang nyid dang / /gang zhig dbang phyug che nyid gyur/ /'jig rten
42b7 gsum las grol ba yi//dbang phyug tshe der bdag phyag 'tshal/ /ye shes me yi 'od kyis ni/ /'dod dang rmongs pa'i rang bzhin gyi/ /grong khyer sum brtsegs zad bsregs pa'i/ /grong khyer gsum bsregs pa der 'dud/ /byams pa'i thod pa rtag 'chang zhing / /snying rje'i
43a1 thal bas yang dag byugs//tshul khrims zla bas dbu brgyan pa'i/ /dbang phyug tshe der bdag phyag 'tshal/ /byams dang snying rje'i rwa mchog dang / /dga' dang btang snyoms mig ldan pa'i/ /theg chen khyu mchog bcibs pa yis/ /gang zhig gshegs
43a2 mdzad dbang phyug che//sbyin dang tshul khrims bzod brtson 'grus/ /bsam gtan la sogs btsun mo dang / /mchog bcas tshogs kyis gshegs mdzad pa'i/ /dbang phyug che der bdag phyag 'tshal/ /g.yo yi rwa yis kun du khyab/ /kun nas nyon mongs srid dbus zhig /phar
43a3 'gro'i srid bu mi bzad pa//lta ba 'bar ba rab bsregs can/ /dur khrod gang dgos thugs mnga' ba/ /rnam pa sna tshogs sprul pa'i gzugs/ /rtag tu tshogs bcas kyis 'khyud pa'i/ /dbang phyug che der bdag phyag 'tshal/ /'jig rten gsum gyi 'dod pa'i rgyus/ /don
43a4 gnyer 'joms pa gang zhig 'khor//bka' sgrub pa yis mi mchi ba'i/ /dbang phyug che der bdag phyag 'tshal/ /yan lag brgyad kyi tshul ldan zhing / /rdzu 'phrul rkang pa'i sgong skyes kyi/ /yongs bskor mi 'jigs chen po'i gling / /sgo nyid g.yo ba rab tu dag /snying rje'i chu ni rgyu
43a5 ba can//dam chos chu bo gang 'dzin pa/ /dbang phyug che der bdag phyag 'tshal/ /mi shes pa yi ma he yis/ /'jig rten thams cad 'jigs byed pa'i/ /bsnun mdzad ye shes rtse gsum gyis/ /rtse gsum can gang dbang phyug che/ /mchog dang tha ma bar dag dang / /zhi'am ma zhi go
43a6 'phang la//ma zhi thams cad rnam grol ba'i/ /dbang phyug che der bdag phyag 'tshal/ /skye ba'i sdug bsngal ma lus pa/ /thugs rje mchog gi khyad par gyis/ /gang zhig gsal bar 'phrog pa yi/ /'phrog pa de la bdag 'dud kyis/ /dbang phyug dam pa phun tshogs shing / /
43a7 'dod pa'i chu la sred spangs pa/ /de la phyag 'tshal lha chen po/ /sems can thams cad bde mdzad pa/ /gang zhig kun gyi rjes 'brangs pas/ /sems can thams cad sdud pa yi/ /bdud kyi bgegs kyis mi thub pa'i/ /'dod pa 'joms de la phyag 'tshal/ /dbang phyug
43b1 dam pa chen po nyid//rab nyes sbub pa skyes bu gang / /de la phyag 'tshal lha chen po/ /sems can thams cad phan bzhed pa/ /gnod pa'i kun du dgrar gyur gang / /byams pa yis kyang rnam zhen dang / /dkar po'i chos kyang yongs rdzogs pa'i/ /dbang phyug tshe der bdag
43b2 phyag 'tshal//gza' dang rims nad dbul ba dang / /las kyis gzir pa'i 'gro ba dang / /gsung tsam gyis myur zhi mdzad pa'i/ /zhi ba de la bdag 'dud do/ /'jig rten kun gyi dbang phyug la/ /bstod pas bdag gis dge bsags pas/ /des ni 'jig rten ma lus 'di/ /
43b3 ye shes dbang phyug che gyur cig /thams cad mkhyen pa dbang phyug chen po zhes bya ba'i bstod pa bram ze'i dge bsnyen mtho btsun grub rjes mdzad pa rdzogs so// //rgya gar gyi mkhan po dzA ran da na dang / zhu chen gyi lo tsA ba rin chen bzang pos bsgyur ba'o//
CLOSE WINDOW