/ rgya gar skad du/ Ar+ya tsin tu pra b+ha sa nir shonA ma d+harma bar+ya ya/ bod skad du/ 'phags pa sna ba bsam gyi mi khyab pa bstan pa zhes bya ba'i chos kyi rnam grangs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis rgya lnga bcu'i dge slong gi dge 'dun chen po dang / byang chub sems dpa' lnga brgya tsam dang thabs cig tu bzhugs so/ / de nas bcom ldan 'das mnyan yod kyi grong khyer chen por gnas nas bzhugs te/ rgyal po chen po dang / blon po chen po dang / bram ze dang / khyim bdag dang / grong rdal gyi mi dang / nang mi rnams kyis bsti stang du byas/ btsun par byas/ ri mo byas/ mchod pa byas te/ bcom ldan 'das kyis bza' ba dang / bca' ba dang / byog pa dang / myang ba bzang po mang po brnyes so// 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das de rigs phun sum tshogs pa/ gdung phun sum tshogs pa/ tshecho rigs phun sum tshogs pa/ tshul khrims phun sum tshogs pa/ ting nge 'dzin phun sum tshogs pa/ shes rab phun sum tshogs pa/ rnam par grol ba phun sum tshogs pa/ rnam par gro ba'i ye shes gzigs pa phun sum tshogs pa'o zhes bcom ldan 'das kyi grags pa'i sgra dang / snyan pa 'jig rten du rgya cher mngon tu byung bar gyur to// bde bar gshegs pa/ 'jig rten mkhyen pa/ skyes bu 'dul ba kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das chos kyang ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang ba yang dag par rab tu ston to// sman lnga dang yang ldan te/ sha'i spyan dang / lha'i spyan dang / chos kyi spyan dang / shes rab kyi spyan dang / sangs rgyas kyi spyan dang ldan no// bcom ldan 'das kyis gzhan mu stegs can spod pa pa dang / kun tu rgyu dang / gcer bu gnyen gyi bu rnams ni tshar bcad do// bcom ldan 'das kyi bstan pa ni lha dang mi rnams kyis yang dag par bzung zhing 'bar ro// de nas bcom ldan 'das snga dro'i dus kyi tshe/ chos gos dang / sham thabs mnabs te/ lhung bzed bsnams nas/ dge slong gi tshogs dge slong gi dge 'dun dang / byang chub sems dpa' sems dpa' chen po rnams kyis yongs su bskor cing / bdun du bdur te/ mdun du gzigs pa dang / g.yas g.yon du gzigs pa mdzes pa dang / bskum ba dang / brkyang ba mdzes pa dang / chos gos snam sbyar dang / bsil zan dang / na bza'i tshogs dang / lhung bzed bsnams pa mdzes pa dang / sku mdog gser gyi kha dog lta bu dang / 'od 'dom gang bas mtshan mo mun pa mun nag gi nang na me'i phung po lta bu dang / tshes bco lnga'i zla ba nya ba lta bu dang / nyi ma shar ba lta bur phyogs su snang zhing / skyes bu chen po'i tshan sum cu rtsa gnyis dang ldan te/ grong khyer chen po mnyan du yod par bsod snyoms kyi phyir gshegs nas/ bcom ldan 'das kyi sgo'i them pa la zhabs bzhigs ma thag tu/ de nas mnyan yod kyi grong khyer chen por grong khyer du gshegs pa na/ cho 'phrul ngo mtshar rmad du byung ba'i chos rnam pa 'di lta bu dag byung ste/ skyes bu dam pa 'dren pa de gshegs pa de'i tshe/ der cho 'phrul rmad du byung ba chen po gang dag byung ba de dag brjod par byas/ shin tu dang ba'i sems kyis nyon cig/ long pa rnams kyis ni mthong ngo // 'on pa rnams kyis ni mthos so// gcer bu rnams kyis ni gos rnyed do/ / smon pa rnams kyi ni dran pa thob bo// grong khyer gyi skye bo thams cad thal mo sbyar te bde bar gshegs pa la phyag 'tshal lo// rnga bo che dang / rdza rnga dang / 'khar rnga dang rnga smra brnyanA dag ni ma brdungs par sgra byung ngo / / ngang pa dang / ngur pa dang / khrung khrung dang / rma bya dang / ne tso dang / khu byug dag kyang yid du 'ong ba'i sgra 'byin to// gang dag gter/ stor ba de dag gis ni gter rnams brnyed par 'gyur ro ga ser dang dngul las byas pa'i snod rnams kyang ma bkrol bar yang sgra byung ngo // sa yang rnam pa drug tu g.yos shing 'gul te/ sems can rnams skyabs med par yang ma gyur cing / yid dang ba rab tu thob bo// smra ba'i mchog dam pa sangs rgyas kyis gang dang gang du zhabs kyis gom pa bor ba de dang der pad+ma dri ma med cing legs par gnas pa rnams byung ngo / / dud gro'i skye gnas su song ba'i sems can gang dag gis mthong ba de dag thams cad kyang bde ba brnyed nas/ mtho ris su skye bar 'gyur ro// bud med/ gang dag sbrum pa de dag kyang mi bde med pa nyid du gzugs bzang zhing blta na sdug pa dag kyang btsas so// sems can rnams la yang 'dod chags dang // zhe sdang dang / gti mug rnams kyi gnod/ par gyur pa med do// rab tu sdang ba'i sems med par phan tshun 'dus te/ dper na pha 'am ma zhig bu gcig pa la smra ba bzhin no// srang gi g.yas g.yon rnams kyang legs brgyan par gyur to/ / nam mkha' la gnas pa'i lha tshogs thams cad kyis kyang / me tog sil ma dag mngon par gtor te/ sems can sdug bsngal bar gyur pa gang yang med do// sems can gang dag na bar gyur pa de dag kyang nad med par gyur te/ bde bar gshegs pa gshegs pa na sems can so so nas de bzhin gshegs pa ci bdag kho na la gzigs so snyam du sems so// so so nas bdag nyid bsod snyoms 'bul zhing ma'i 'dren pa la brten nas bdag kho na bsod snyoms kyi 'bras bu la sbyor ro snyam du sems te/ de'i gshegs pa tsam yang gzhal ba slab ma yin no/ / de nas bcom ldan 'das grong khyer chen po mnyan yod du mthar chags su bsod snyoms bzhes shing gshegs nas/ bcom ldan 'das glong bar gyi dbus zhig tu gshegs pa dang / de'i tshe khang stong zhag na khye'u gzugs bzang ba/ mdzes pa/ blta na sdug pa zhag bor bar gyur te/ lag pa ga yas pa'i mdzub mo khar gtsug nas 'jig cing 'dug la/ khyi'am ce spang gang dag khang stong der lhags pa de dag kyang khye'u de la lce'i dbang pos bldags shing 'dong ste/ 'di ltar sngon byas pa'i dge ba'i rtsa ba// khye'u de la 'tshe ba mi byed do// khang stong der skye bo phal po che dag kyang 'jug cing 'byung ngo / / bcom ldan 'das kyis skye bo phal po che 'jug cing 'byung ba gzigs nas/ mkhyen bzhin du tshe dang ldan pa kun dga' bo la bka' stsal pa/ kun dga' bo gang du skye bo phal po che 'di dag 'jug cing 'byung ba'i khang stong de na ci yod ltos/ de skad ces bka' stsal nas/ tshe dang ldan pa kun dga' bos/ bcom ldan 'das kyi ltar mnyan pa dang / khang stong/ stsal bder song nas byin pa dang / khre thu gdugs bzang ba/ mdzes pa/ bltan stug pa lag pa g.yas pa'i 'dzub po khar 'jug ste/ 'dzi cing 'dug la mig gnyis mi 'dums par bye bopo'i tshogs thams cad la lta ba mthong ngo / / mthong nas kyang tshe dang ldan pa kun dga' bo// bcom ldan 'das ga la ba der song ste phyin nas/ bcom ldan 'das la skabs de gsol pa/ bcom ldan 'das khang pa stong pa de na/ khye'u bor ba gzug bzang ba/ mdzes pa blta na sdug pa/ rin po che'i gzugs ltar mchis pa mig gnyis mi 'dzums par skye bo'i tshogs thams cad la lta ba zhig mchis so/ / de nas bcom ldan 'das kyis kye mkhye'u 'di ni sngon gyi sbyor ba phun sum tshogs pa ste/ nga'i legs par bshad pa'i don shes par nus shing skal ba can no snyam nas khye'u la thugs brtse ba dang / skye bo phal po che dge ba la gzung pa'i phyir/ khang stong ga la ba der gshegs so// de nas bcom ldan 'das der gshegs nas phyogs cig tu bzhugs te/ phyogs cig tu bzhug nas/ khye'u de la tshigs su bcad de bka' stsal pa/ sbrul dang gnod sbyin rgyu ba yi// dur khrod 'jig pa che 'di na// byis pa ji ltar mi 'jigs shing // khyod dag cig pu 'di na 'dug/ de nas khye'u des/ sangs rgyas kyi mthu dang rang gi sngon gyi dge ba'i rtsa bas/ bcom ldan 'das la slar tshigs su bcad de gsol ba// bdag ma mchis pa'i tshogs rnams la/ thub pa'i dbang phyugs su zhig 'jigs// thams cad mkhyen pa smra ba'i mchog/ ji ltar 'di mchis las gang lags// bdag cig bdag gi gang ma mchis// bdag kyang gang gi'ang ma lags te/ / bdag ni su lags de ma mthong // bdag gi su lags de ma mthong // bcom ldan 'das kyis bka' stsal pa/ sngon chad sdig pa byas pa'i las// de yi rnam smin 'di 'dra ste/ / khang pa stong pa 'dir bor nas// sdug bsngal tshor ba myong ba yin// khye'us gsol ba/ go'u ta ma khang stong snyam pa yi// 'du shes da dung mnga' ba lta// byang chub snying por khyod bzhugs nas/ / 'du shes yongs su ma mkhyen tam// bcom ldan 'das kyis bka' stsal pa// ngas ni 'dra shes yongs shes te// nga la 'du shes yod ma yin// khyod nyid la ni snying brtse bas/ khang pa stong pa 'dir 'ongs so// khye'us gsol pa/ sems can bdag ni bar 'ga' yang // gang tshe shin tu mi dmigs pa// de tshe thugs rjes gang du 'byung // khyod ni su la thugs brtse/ mdzad// bcom ldan 'das kyis bka' stsal pa/ bdag med zhi ba stong pa nyid// sems can 'di dag mi shes te// de dag nyid la snying rje'i phyir// bsod snyoms spyad pa spyod pa yin// / khye'us gsol pa/ stong pa zhi par thugs chud nas// zhi ba stong pa nyid mkhyen na// de bzhin gshegs pa da dung du// phyin ci log kyang ma spangs sam// bcom ldan 'das kyis bka' stsal pa/ zhi ba stong pa nyid rtogs nas// sems can yongs su smin bya'i phyir// 'dren pa chos ston mdzad pa 'di// sangs rgyas rnams kyi thugs rjes yan// khye'us gsol pa bzhin gshegs pa da dung du/ / khyod kyis phyin ci log ma spangs// sems can 'du shes ma mchis na// thugs rje gang du skye bar 'gyur// bcom ldan 'das kyis bka' stsal pa byang chub sems ni rab bzung nas/ / yod min sems can rnams la yang // mi mchog rnams ni go gyon pa// rang byung rnams kyis byin brlabs so// khye'us gsol pa/ dngos po gang na'ang mi dmigs pas/ / go cha thams cad brdzun pa lags// dngos po ma mchis chos rnams la// go cha dmigs pa ma mchis so// bcom ldan 'das kyis bka' stsal pa/ chos rnams dngos po yod min yang // srog chags rnams la chos ston 'di// 'jig rten mgon po skyob rnams kyi// thugs rjes rnam par rol pa yin// khye'us gsol pa/ chos ni yi// ger ma mchis na// bshad pa gud na ga la mchis// 'jig rten rnams la slu mdzad dam// chos ma lags pa chos bshad dam// bcom ldan 'das kyis bka' stsal ba/ nga ni 'jig rten sku ma yin/ / chos ma yin pa'ang nga mi smra// phyin ci ldog gyur sems can gyi// nyon mongs sel bar nga byed do// khye'us gsol pa/ nyon mongs rtsa ba ma mchis te// nang ngam phyi rol rnams na yang / / de dag rnams kyi gnas ma mchis// nyon mongs ji ltar rnam par byang // bcom ldan 'das kyis bka' stsal pa/ phyin ci log las byung ba rnams/ / yongs su brtag las skyes pa ste// stog pa thams cad spangs pa'i phyir// srog chags rnams la chos ston to// khye'us gsol pa/ rnam brtag mang po ci 'tshal te// sems ni rang bzhin 'od gsal zhing / / de la nyon mongs mi 'byung ste// nams kyang nyon mongs de mi 'gyur// bcom ldan 'das kyis bka' stsal pa/ ji skad smras pa de bzhin te// sems ni// rtag tu 'od gsal kyang // blo bur nye ba'i nyon mongs kyis// so so'i skye bo nyon mongs 'gyur// khye'us gsol pa/ nyon mongs dmigs su ma mchis te// de dag phyogs na mi gnas na/ blo bur du ni ji ltar 'gyur// de zhus bdag la bshad du gsol// bcom ldan 'das kyis bka' stsal pa/ dper na sprin rnams par snang lnga// snang yang de dag de bzhin min// nyon mongs 'byung ba'ang de 'dra te// snang yang de dag de bzhin min// khye'us gsol pa/ ma nor de bzhin gang lags pa// chos gnas nyid de chos nyid do// ma nor de bzhin nyid chos la// nor ba'i de bzhin nyid mi dmigs// bcom ldan 'das kyis bka' stsal pa// byis pa 'du shes ldan rnams kyis// log par rnam par gang brtags pa// blo de rtogs par bya ba'i phyir// / de bzhin gshegs rnams 'byung ba yin// khye'us gsol pa/ skye ma mchis pas rab phye ba// rdzogs pa'i sangs rgyas gang zhig 'byung // skye ba ma mchis chos rnams la// sangs rgya 'byung ba 'thad ma lags/ / bcom ldan 'das kyis bka' stsal pa/ skye ba med par skye ba ni// sangs rgyas 'byung bar rab tu bstan// kun rdzob tha snyad btags pa ste// dam pa'i don du yod ma yin/ / khye'us gsol pa/ de dung khyod la don dam dang // kun rdzob 'du shes gnyis mnga' ste// theg pa gcig lam 'gal 'gyur ba// go'u tam khyod kyis bka' stsal to// bcom ldan 'das kyis bka' stsal pa/ nga ni lam dang 'gal mi byed// 'gal ba med parang gnas te// mi mthun sems can sdums kyang byed// khye'u khyod de ltar shes par gyis// khye'us gsol pa/ sems can de ni mi dmigs na// go'u tam khyod ni ci sdums mdzad// chos rnams sngon gyi mtha' la gzigs// gang gi kun nas nyon mongs skye// bcom ldan 'das kyis bka' stsal pa/ sngon gyi mtha' dang phyi mtha' dang // de bzhin da ltar byung ba dang // byang chub dam pa rtogs gyur nas// srog chags rnams la chos ston ste// khye'us gsol pa/ rdzogs sangs rgyas shes sgrogs mdzad cing // nyid kyi mkhyen pa sgrogs mdzad de// 'di lta bdag tu sgro 'dogs pas// khyod ni lhag pa'i nga rgyal che// bcom ldan 'das kyis bka' stsalnga pa/ nga ni bdag la mi bstod de// de bzhin gzhan la brnyad mi byed// de bzhin nyin ni rab tu ston// de na de bzhin gshegs shes bya// khye'us gsol pa/ brjod du ma mchis de bzhin nyid// de na de nyid ma mchis na// sgra skad ma mchis sgras bshad pa// mkhyen bzhin log par bka' ma stsal// bcom ldan 'das kyis bka' stsal pa/ / chos de thams cad log pa ste// de bzhin nyid las byung ba yin// de bzhin nyid ni rtogs pa na// nga la skyon med yon tan med// khye'us gsol pa/ de bzhin gshegs pa'i mthu yin na/ / bdag gi spobs pa 'di skyes te// 'di 'dra'i lan dag gang gsol pa// rdzogs sangs rgyas la bzod par gsol// de nas bcom ldan 'das kyis phyag g.yas pa gser gyi kha dog can chos gos kyi nang nas phyung ste/ khye'u de logs su brkyangs pa dang / de nas khye'u des bcom ldan 'das kyi phyag gi sor mo la bzung ste langs so// de nas bcom ldan 'das kyi khye'u de khang stong nas bsnams te/ srang du bzhag pa dang / de na skye bo phal po che dag 'di ltar khye'u 'di/ 'di kho na ltar/ nyon mongs par gyur kyang / bdag nyid chen po'i chos 'di lta bu'i lan 'debs pa ni sangs rgyas bcom ldan 'das rnams ngo mtshar to snyam nas/ ngo mtshar du gyur te/ bcom ldan 'das la rab tu phyag 'tshal lo// de nas bcom ldan 'dra kyis khye'u de la 'di skad ces bka' stsal to/ / khye'u khyod kyi las kyi sgrib pa zad kyis/ sngon gyi dge ba'i rtsa ba dran par gyis la/ skye bo'i tshogs chen po la yang shes par gyis te/ rdzu 'phrul gyi/ cho 'phrul chen po ston cig/ de nas khye'u nges las mi bdun srid tsam bu 'phags nas/ lus las 'od phyung ste/ 'od de mnyan yod thams cad dang / 'dzam bu gling thams cad snang chen pos rgyas par gyur to/ / 'od des brgya byin dang / tshangs pa dang / 'jig rten skyong ba dang / de ma yin pa lha brgyad stong mang po gzhan dag la yang / yang dag par bskul bar gyur nas/ skad cig thang cig yud tsam de la/ bcom ldan 'das ga la ba der song ste/ lhags nas/ bcom ldan 'das kyi zhabs la mgo bos phyag 'tshal te/ lha'i me tog dag gis bcom ldan 'das la tor nas/ bcom ldan 'das kye ma byang chub sems dpa' 'di ni snang ba bsam gyis mi khyab pa ste/ 'di ltar sangs rgyas kyi zhing 'di 'od kyis snang bar bgyis nas/ sems can dpag tu ma mchis pa dag gi don bgyis so zhes ched du rjod pa de skad ched du brjod de/ de ltar khye'u de'i ming snang ba bsam gyi mi khyab pa/ snang ba bsam gyis mi khyab pa zhes bya bar brtag so/ / bcom ldan 'das kyis kyang / khye'u 'di snang ba bsam gyi mi khyab pa/ zhes bya bar gyur cig ces/ khye'u de'i ming la rjes su yid rang brjed do// de nas khye'u snang ba bsam gyi mi khyab pa/ bar snang de las babs te/ sa la 'dug pa dang / de sangs rgyas kyis mthu dang / rang gi sngon gyi dge ba'i rtsa bas 'di lta ste dper na/ rogs po lo brgyad lon pa'i lus gzugs yongs su grub par gyur pa de 'dra bar 'dug go/ de nas lha'i dbang po brgya byin gyis/ khye'u de la lha'i ras bac+doMs bu zung cig byin te/ kye khye'u nga la snying rtse ba'i phyir/ ras bcos bu'i zung 'di gyon la gcer bur ma 'dug shig/ de nas khye'u snang ba bsam gyis mi khyab pas/ lha'i dbang po rgya byin la 'di skad ces smras so// ko'u shi ka byang chub sems dpa' rnams ni gos kyi rgyan bgos pas mdzes pa ma yin gyis/ byang chub sems dpa' rnams ni chos kyi rgyan thogs nas mdzes so// ko'u shi ka de lta mod kyi 'on kyang / byang chub sems dpa' sems dpa' chen po rnams kyi gos kyi rgyan gang dag yin pa de dag nyon cig/ byang chub sems ni byang chub sems dpa' rnams kyi gos kyi rgyan te/ byang chub snying por rgyan par 'gyur ro// ngo tsha she pa dang khrel yod pa'i rgyan ni byang chub sems dpa' rnams kyis gos kyi rgyan te/ sems can thams cad don du 'dzin par 'gyur ro// dam bcas pa bstan pa byang chub sems dpa' rnams kyi gos kyi rgyan te/ shes rab yongs su rdzogs par 'gyur ro// bsam pa ni byang chub sems dpa' rnams kyi gos kyi rgyan te/ sgyu dang g.yo sel bar 'gyur ro// sbyor ba ni byang chub sems dpa' rnams kyi gos kyi rgyan te/ dge ba'i chos thams cad yongs su rdzogs par 'gyur ro// lhag pa'i bsam pa ni byang chub sems dpa' rnams kyi gos kyi rgyan te/ thams cad las khyang pabar du 'gro bar 'gyur ro/ / nga rgyal med pa ni byang chub sems dpa' rnams kyi gos kyi rgyan te/ ye shes yongs su rdzogs par 'gyur ro// chos don du gnyer ba dang / chos 'dod pa ni byang chub sems dpa' rnams kyi gos kyi rgyan te/ shes rab yongs su rdzogs par 'gyur ro// slob dpon gyi dpe mkhyud med pa ni byang chub sems dpa' rnams kyi gos kyi rgyan te/ chags pa med pa'i ye shes yongs su rdzogs par 'gyur ro/ / nor thams cad yongs su gtong ba ni byang chub sems dpa' rnams kyi gos kyi rgyan te/ mtshan dang dpe byad bzang po yongs su rdzogs par 'gyur ro/ / tshul khrims yongs su dag pa ni byang chub sems dpa' rnams kyi gos kyis rgyan te/ smon lam yongs su rdzogs par 'gyur ro// bzod pa dang nges pa ni byang chub sems dpa' rnams kyi gos kyi rgyan te/ tshangs pa'i dbyangs kyi nga ro dang / sgra skad lta bu'i tshig tu 'gyur ro// dam bcas pa brtan zhing sems mi zhum pa ni byang chub sems dpa' rnam kyi gos kyi rgyan te/ bya ba thams cad yongs su rdzogs par 'gyur ro// bsam gtan dang / rnam par thar pa dang / ting nge 'dzin dang / snyoms par 'jug pa thob pa ni/ byang chub sems dpa' rnams kyi gos kyi rgyan te/ mngon par shes pa chen po'i ye shes yongs su rdzogs par 'gyur ro// tshigs su rab tu dbye ba shes pa'i shes rab ni byang chub sems dpa' rnams kyi gos kyi rgyan te/ bag la nyal ba dang / lta bar smra ba dang / kun nas ldang ba dang thams cad rnam par sems par 'gyur ro// snying rje chen po ni byang chub sems dpa' rnams kyi gos kyi rgyan te/ 'khor ba na yongs su mi skyo bar 'gyur ro// sems can thams cad la zhes 'gras pa med pa'i sems ni byang chubud dpa' rnams kyi gos kyi rgyan te// bdag bzhan gyi don la skyo ba med par 'gyur ro// zang zing med par chos ston pa ni/ byang chub sems dpa' rnams kyi gos kyi rgyan te/ shes rab kyi bdag dang gzhan sgrol bar 'gyur ro// / chos sgrub pa ni byang chub sems dpa' rnams kyi gos kyi rgyan te/ nyon mongs pa thams cad spong bar 'gyur ro// ko'u shi ka rnam grangs des 'di ltar byang chub sems dpa' gang chos kyi rgyan 'di lta bu dag dang ldan pa de nam yang gcer bu ma yin par rig par bya'o/ / de nas lha'i dbang po brgya byin gyis/ khye'u de la shin tu dga' ba dang / dad pa bskyed nas/ bcom ldan 'das la 'di skad ces gsol to/ / bdag la thugs brtse ba'i slad du/ bcom ldan 'das kyi ras bcos bu'i zung 'di len tu brtsal bar gsol/ de nas bcom ldan 'das kyis khye'u snang ba bas gyi ma khyab pa la 'di skad ces bka' stsal to/ / khye'us ras bcos bu'i zung 'di long la gyon cig/ de nas khye'u snang ba bsam gyi mi khyab pa/ bcom ldan 'das ga la ba der song ste/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbar ba btud de/ bcom ldan 'das kyi spyan sngar ras bcos bu'i zung blang nas bgos so// de nas bcom ldan 'das grong khyer chen po mnyan yod du bsod snyoms la gshegs so// de na skyes pa dang / bud med dang / khye'u dang / bu mo dang / tshong dpon dang / bram ze dang / khyim dag dang / rgyal po dang / blon po chen po dag ngo mtshar du gyur te/ khye'u snang ba bsam gyi mi khyab pa la blta ba dang / bcom ldan 'das la yang blta ba dang / phyag bya ba dang / mchod pa'i phyir 'dus par gyur to/ / de nas bcom ldan 'das mthar gyis bsod snyoms shes ste/ khye'u snang ba bsam gyis mi khyab pa'i ma'i khyim ga la ba der gshegs so// gshegs nas kyang cang mi gsung bar phyogs gcig tu bzhugs so/ / de nas khye'u snang ba bsam gyis mi khyab pa'i ma ngo tsha nas bcom ldan 'das la blta ba'i phyir sgor ma byung ngo // de nas khye'u snang ba bsam gyis mi khyab pa rang gi khyim du song nas/ ma la tshigs su bcad de smras pa/ bdag gis sngon gyi nongs pa yin// khyod kyi mngal na bdag mchis te/ yum gyis nongs pa ma lags kyis// / 'o ltar stongs pa ma mdzad cig/ thugs bco ldan te bskyed pas na// bdag gi sbyin pa khyod lags so// zhal tsham mdzad ma 'dzem par// de bzhin gshegs kyi drung du bzhud/ / de ltar khyod mang la bdag mchis pa// khyod kyis brnyes pa leg par brnyas// lus kyi dge ba'i las rnams kyang // rnam par 'dren la zhu ba mdzod// de nas khye'u snang ba bsam gyis mi khyab pas/ / lha'i dbang po brgya byin la 'di skad ces smras so// ko'u shi ka lha'i me tog man d+ha ra ba dag dang / lha'i spos dag dang / lha'i gos dag bdag la stso la cig/ de dag bdag gis bskyed pa'i ma 'di la stsal to// 'dis de dag gis bcom ldan 'das la mchod pa bgyis nas/ bla na med pa yang dag par rdzogs pa'i byang chub tu sems bskyed par 'gyur ro/ / de nas lha'i dbang po brgya byin gyis/ khye'u de la lha'i me tog man d+ha ra ba dag dang // lha'i spos dag dang / lha'i gos dag byin no// de nas khye'u snang ba bsam gyis mi khyab pas/ ma la tshigs su bcad de smras pa/ yum cig lha yi me tog man d+ha ra// blta sdug mdzes shing yid du 'ong ba dang // spos dang na bza' 'di dag blang mdzod la// mi mchog sangs rgyas de la dbul ba mdzod/ / 'jig rten dag na pha ma zas skom dang // nor dang gos kyis mchod pa mchod ma lags// gzhan du gang dag chos la sbyor bgyid pa// des na de dag chod pa bgyid par 'gyur/ / rkang gnyis dam pa de la mchod mdzod la// byang chub mchog tu smon lam bstan par mdzod// bdag ni dus dus khyod kyi drung mchis te// yun ring dus na bsku ba bgyid pa lags/ / gnong zhing zhum pa'i sems su ma mdzad par// rangs pa'i sems dang dga' 'thob mdzod la// rang byung rgyal ba bzhugs pa der bzhud de// skyes bu mchog gi zhabs la phyag 'tshal mdzod/ / mgon po de la me tog spos rnams dang // de bzhin na bza' rnams kyang gtor nas su// rgyal ba de las dge ba'i rtsa bskyed de// byang chub mchog tu sems kyang bskyed pa mdzod/ / byang chub mchog tu sems ni brtan gyur nas// gang dag dad pas rgyal la gus bgyid pas// de dag rnam smin 'jig mgon bka' stsol bces// rang byung rgyal ba de la zhu ba mdzod// de nas bud med des/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la mchod pa byas nas/ zhu ba rnga ska bstan pa bzhin du gul dang bcas par yongs su zhus so/ / zhu ba zhus pa dang / bcom ldan 'das kyis bka' stsal pa/ dge ba'i rtsa ba bsgrubs pa 'dis/ ngan 'gro 'am mi khom gro mi 'gyur/ / sangs rgyas bye mang mnyes byas nas// mi yi dam pa sangs rgyas 'gyur// de nas bcom ldan 'das kyis grong khyer chen po mnyan yod du bsod snyoms gzhes nas/ khye'u snang ba bsam gyis mi khyab pa dang / skye bo phal po che gzhan dag dang yang thabs gcig tu grong khyer nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba der gshegs so/ / de nas bcom ldan 'das kyi zas kyi bya ba mdzad de/ nang du yang dag 'jog las bzhengs nas/ chos nyan du gzhugs pa'i phyir bzhugs so// de nas yul ko/ sa la'i rgyal po gsal rgyal dpung gi tshogs yan lag bzhi pa dang lhan cig tu rgyal bu rgyal byed kyi 'tshal ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas/ yul ko sa la'i rgyal po gsal rgyal gyis/ bcom ldan 'das la 'di skad ces gsol to/ / bcom ldan 'das gang ngo mtshar rmad du byung ba'i chos rnam pa de lta bu dag dang ldan pa'i khye'u snang ba bsam gyis mi khyab pa de ga la mchis/ de nas bcom ldan 'das kyis khye'u snang ba bsam gyis mi khyab pa bstan nas mthong ste/ rgyal po bsal rgyal gyis/ khye'u de'i lus gzugs yongs su grub pa/ lha las 'das pa'i mdog dang // mi 'jig pa dang / tshul khrims dang ting nge 'dzin dang / shes rab kyis rgyan pa mthong nas/ 'di snyam du sems te/ sngon las byas shing bsags pa ji lta bu zhig gis 'di ltar lus yongs su dag par gyur snyam mo// de nas/ khye'u snang ba bsam gyis mi khyab pas/ sangs rgyas kyi mthu dang / rang gi sngon gyi dge ba'i rtsa bas/ rgyal po gsal rgyal gyi sems kyi yongs su rtog pa sems kyis shes nas/ tshags su bcad de smras pa/ gang dag rtag tu byams sems dag sems ldan// gang dag mi rlang mnyen zhing dran ldan pa// legs par bsdams shing drang la tshangs spyod pa// de dag lus ni rnam par dag par 'gyur/ / gang dag sdig pa spong zhing mi spyod la// rtag tu dge ba mi chung rnam spel zhing // gnod par sems dang khro ba rnam spong ba// de dag lus ni rnam par dag par 'gyur// gang dag sangs rgyas chos dang tshogs mchog la/ / gus dang bcos par rtag tu mchod byed cing // gzhan la rdeg 'dod sdigs mo mi byed pa// de dag lus ni rnam par dag par 'gyur// gang dag gzhan la phrag dog ser sna dang / / de bzhin nga rgyal dag kyang mi byed la// gzhan gyi nyes pa byung ba mi brjod pa// de dag lus ni rnam par dag par 'gyur// gzhan la co bri ba dang smod pa dang // gshung pa dag ni nam yang mi byed cing / / gzhan la 'khrul pa'i glags lta mi byed pa// de dag lus ni rnam par dag par 'gyur// de nas bcom ldan 'das la rgyal po gsal rgyal gyis 'di skad ces gsol to// bcom ldan 'das khye'u snang ba bsam gyis khyab pa 'di chos chen po dang ldan pa lags na/ bcom ldan 'das las kyi sgrib pa gang zhig gis/ khye'u 'di bud med khyib thab ma mchis pa'i mngal du skyes la der yang khang stong du bor bar gyur/ bcom ldan 'das kyis bka' stsal pa/ rgyal po chen po sngon byung ba 'das pa'i dus na/ 'di nas bskal pa dgu bcu rtsa gcig 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba 'jig rten du byung ngo // rgyal po chen po de'i tshe de'i dus na// bcom ldan 'das de bzhin gshegs pa rnam par gzigs de'i gsungs rab la byang chub sems dpa' gnyis shig byung ste/ lha bzang zhes bya ba dang / sa zhes bya ba'o// de la byang chub sems dpa' lha bzang zhes bya bar gyur pa gang yin pa de ni phyir mi ldog par gyur cing / don nyung ba/ bya ba nyung ba/ dben pa la dga' ba/ bsam gtan dang / mngon par shes pas rnam par brtse bar gyur to/ / de la byang chub sems dpa' sa zhes bya bar gyur pa gang yin pa de ni/ chos rgya chen po dang ldan par ma gyur te/ lha bzang gi g.yog byed do// dwe ha cang grong dang grong rdal dang yul 'khor dang / pho brang dag tu 'jug te/ zhugs nas kyang bya ba mang zhing / byed pa mang bar gyur nas/ byang chub sems dpa' lha bzang des/ de la khyod ci'i phyir rnal 'byor dang spong ba la brtson par mi byed par/ ha cang bya ba mang zhing / ha cang byed pa mang zhes bsgo zhing bston to// des de la yang dang yang du bskul bas/ khros shing 'khrugs te/ yid ma rangs nas/ gnod sems su gyur pa/ des lus dang sems ma rung bar byas te/ ngan du bsam nas tshig rtsub po smras pa/ nal gyi bu sbyar ma'i bu/ skyes pa gzhan las grub pa/ khyod kyi pha ma yang med na/ khyod la shes rab 'am/ tshul khrims lta ga la yod ces de sa ngan du bsams te/ tshig rtsub po smras nas/ mi 'thol mi 'chags/ mi 'dor gyi/ zhe la 'dzin te/ de byang chub sems dpa' lha bzang de la rtag tu ngan sems dang ldan zhing / byams pa'i sems med par gyur to// byang chub sems dpa' lha bzang gis kyang de smod ma yin no snyam nas/ bkyed pa dang / de de bas kyang byang chub sems dpa' lha bzang la ngan du sems shing bsngags pa ma yin pa brjod de/ snyan pa ma yin pa dang / grags pa ma yin pa dang / tshigs su bcad pa ma yin pa brjod do// / de las gsags shing tshogs su byas pa des/ lus zhig ste shi ba'i 'og tu bud med khyim thab med pa'i mngal du skyes la/ byang chub kyi sems bsrungs pas/ nges nas sems can dmyal bar ni ma skyes so/ / de btsas ma thag tu bud med des lam srang chen por bor te/ der khyi dang spyang gi dang ce spyang rnams kyis zos so// rgyal po chen po tshul 'di 'dra bar 'di bskal pa dgu bcur sdug bsngal 'di lta bu dang nyam thag pa 'di lta bus 'chi ba'i dus byas shing ka btsas pa btsas pa na yang bor bar gyur te/ yang skye bo phal po che 'di skad du/ nal gyi bu sbyar ma'i bu 'di la khyi dang spang gri dang / ce spyang rnams za'o zhes 'dzer to// rgyal po chen po de'i tshe de'i dus na/ byang chub sems dpa' sa zhes bya bar gyur pa de gzhan gzhig yin pa snyam du khyod som nyid 'am/ yid nyid za bar gyur na/ rgyal po chen po khyod kyis de de ltar mi blta'o// de ci'i phyir zhe na/ khye'u snang ba bsam gyis mi khyab pa 'di/ de'i tshe de'i dus na/ byang chub sems dpa' sa zhes bya bar gyur to// rgyal po chen po 'di'i las kyi sgrib pa ni zad/ kun nas nyon mongs pa'i sems ni rnam par sbyangs/ de bzhin gshegs pa ni mnyes par byasangan 'gro thams cad ni bcad nas/ khye'u snang ba bsam gyis mi khyab pa 'dis/ sangs rgyas bye ba phrag drug cu rtsa bzhi mnyes par byas shing bsti stang du byas/ ri mor byas/ mchod par byas nas/ sangs rgyas bcom ldan 'das de dag gi drung du tshangs par spyod pa spyad do// chos yongs su btsal ba yang brtson par gyur to// rgyal po chen po de sngon gyi dge ba 'di bdag nyid chen po 'di thob po/ / rgyal po chen po de ltar na las nag po dang / dkar po dag chud do za bar 'gyur ba med do// rgyal po chen po de lta bas na mkhas pas lus kyi las dang / ngag gi las dang / yid kyi las bsdams par bya ste/ srog gi phyir yang sdig pa'i las mi bya'o// de nas bcom ldan 'das la yul ko sa la'i rgyal po gsal rgyal gyis 'di skad ces gsol to// bcom ldan 'das byang chub sems dpa' lha bzang zhes bgyid par gyur pa des/ bla na med pa yang dag par rdzogs pa'i byang chub thob lags sam/ 'on te dra dung yang byang chub sems pa'i spyad pa spyod par bgyid/ bcom ldan 'das kyis bka' stsal pa/ rgyal po chen po byang chub sems dpa' sems dpa' chen po lha bzang de ni/ de bzhin gshegs pa mi 'khrugs pa'i sangs rgyas kyi zhing na/ tshangs par spyad pa spyod de/ byang chub sems dpa' sems dpa' chen po dpal 'byung ba zhes bya'o// de nas bcom ldan 'das la rgyal po chen po gsal rgyal gyis 'di skad ces gsol to/ / bcom ldan 'das rigs kyi bu'am/ rigs kyi bu mos gus par gyis te dge ba'i bshes gnyen rnams la bsnyen par bya'o// bstan par bgyi'o// bsnyen bskur bgyi'o// de ci'i slad du zhe na/ bcom ldan 'das dge ba'i bshes gnyen la bsnyen cing bsten te/ bsnyen bkur bgyis na/ dge ba'i chos thob par 'gyur ro// dge ba'i chos thob pas bsam pa dge bar 'gyur ro/ / bsam pa dge bas sbyor ba dge bar 'gyur ro// sbyor ba dge bas dge ba'i las bgyid par 'gyur ro// las dge bas 'gro ba dge bar mche ba 'gyur ro/ / 'gro ba dge bas dge ba'i grogs po mgu bar bgyid do// grogs po dge bas sngags pa'i las mi bgyid do// bgyi bar ma 'gyur ro// sdig pa ma bgyis shing dge ba'i las bgyis pas/ bdag la gdung par mi 'gyur/ gzhan la gdung bar mi 'gyur ro// bdag dang gzhan rjes su gzungs pas/ byang chub kyi lam yongs su rdzogs par 'gyuraro// / byang chub lam la gnas pas/ lam ngan par zhugs pa'i sems can rnams kyi don bgyid nus pa dang / skal pa mchis pa dang / mthu dang ldan par 'gyur ro// bcom ldan 'das kyis bka' stsal pa/ rgyal po chen po legs so legs so// khyod kyis tshig 'di legs par smras so// rgyal po chen po dge ba'i bshes bsnyen la bsten te/ byang chub sems dpa' sems dpa' chen pos yon tan gyi chos nyid thams cad yongs su rdzogs par bya'o/ / de nas bcom ldan 'das la khye'u snang ba bsam gyis mi khyab pas 'di skad ces gsol to// bcom ldan 'das byang chub sems dpa' chos du dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur/ bcom ldan 'das kyis bka' stsal pa/ khye'u byang chub sems dpa' chos bzhi dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par gyur te/ bzhi gang zhe na/ rten cing 'brel par 'byung ba shes pa la 'jugs pa dang / chad pa dang rtag pa rnam par spong ba dang / sems can med pa dang / srog med pa dang / gang zag med par 'jug pa dang / stong pa nyid la mos shing / stong pa nyid la spyod yul ba ste/ byang chub sems dpa' chos bzhi po de dag dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur ro// khye'u gzhan yang byang chublud pa'i chos bzhi dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bzhi gang zhe na/ sngon gyi mtha' dben pa dang / phyi ma'i mtha' mi 'pho ba dang / da ltar byung ba 'jig par shes pa dang / dus gsum mnyam pa nyid de/ bzhi po de dag go/ gzhan yang bzhi ste/ bzhi gang zhe na/ lus dben pa dang / sems dben pa dang / chos dben pa dang / las dben pa ste/ bzhi po de drag go/ gzhan yang bzhi ste/ bzhi gang zhe na/ sangs rgyas la chos nyid du mthong gi/ gzugs ma yin pa dang / chos la 'dod chags dang bral bar mthong gi yi ge dang nges pa'i tshig tu ma yin pa dang / dge 'dun la 'dus ma byas su mthong gi/ tshogs su ma yin pa dang / shes rab kyi mig yongs su dag par 'gyur ba ste/ bzhi po de dag go// gzhan yang bzhi ste/ bzhi gang zhe na/ bsdu ba'i dngos po mi gtong bas/ pha rol tu phyin pa yongs su rdzogs par byed pa dang / thabs dang shes rab la mkhas pa dang / sems can med par rnam par dpyod pa dang / snying rje chen po ste/ khye'u byang chub sems dpa' chos bzhi po de dag dang ldan na/ myur du bla na med pa yang dag par rdzogs pa'i byang chub mngon par rdzogs par 'tshang rgya ba dang / zab mo'i chos rnams la yang bzod pa thob par 'gyur ro// bcom ldan 'das kyis bzhi pa bsgrub pa bstan pa 'di bshad pa mkhye'u snang ba bsam gyi mi khyab pa mi skye ba'i chos la bzod pa thob par gyur te/ de dga' ba dang / mchog tu dga' ba de nyid kyis/ ta la bdun srid tsam du steng gi bar snang la mngon par 'phags par gyur to// de nas bcom ldan 'das kyis de'i tshe 'dzum pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas bcom ldan 'das kyis zhal gyi sgo nas/ 'od 'phro 'a kha dog sna tshogs kha dog du ba byung ba 'di lta ste/ sngon po dang / ser po dang / dmar po dang / dkar po dang / ldeb rgan dang / dngul gyi kha dog lta bu ste/ kha dog du ma de dag gis/ 'jig rten gyi khams mtha' yas mu med pa snang bar byas te/ tshangs pa'i 'jig rten gyi bar du mngon par byung nas/ zla ba dang nyi ma rnams kyi 'od mog mog por byas te/ slar log nas bcom ldan 'das kyi dbu'i gtsug tu nub bo// de nas tshe dang ldan pa kun dga' bo stan las langs te/ bla gos phrag pa cig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa'i dbyangs kyis don de zhus pa/ bltar sdug bltar 'os gzugs dang mtshan rnams la// dpe byad bzang po rnams kyis rab mdzes shing / 'od kyi dkyil 'khor 'od kyis 'od mdzes pa/ / 'dzum pa mdzad de bdag la bstan du gsol// tshul khrims 'phags shing spyad pa legs spad pa// ting 'dzin shes rab bsags pa'i ye shes 'od/ / rnam grol snying po stobs ldan yang dag gzigs// 'dzum pa mdzad de bdag la bstan du gsol// bzod pa stobs ljon stobs bcu'i shugs mnga' ba// brtson 'grus mngon par 'phags te mi skyod pa/ / mig du sdug cing bden pa bzhi gzigs pa// 'dzum pa mdzad de bdag la bstan du gsol// rdo rje'i sku mnga' sra brtan mi shigs pa/ sred med bu mthu sred med bu bas mchog/ tshangs dbyangs sgra snyan 'jam pa'i dbyangs ldan pa// 'dzum pa mdzad de bdag la bstan du gsol// bzhugs kyang tshangs dang de bzhin lha tshogs kyis// de bzhin gshegs pa'i spyi gtsug mi mthong la// gus dang bcas pa kun nas lta bgyid pa// 'dzum pa mdzad de bdag la bstan du gsol// khyod kyis chos kyi 'khor lo dam pa bskor// mi rtag slas ni lha dang lha min dang // de bzhin klu dang gnod sbyin rab spyod pa// 'dzum pa mdzad de bdag la stan du gsol// snang ba bsnyes shing mun pa rnam bral ba// kun nas sman mnga' mnyam pa nyid bzhugs pa// yon tan mchog mnga' yon tan snying po bstan// 'dzum pa mdzad de bdag la bstan du gsol// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khri'u snang ba bsam gyi mi khyab pa shing ta la bdun srid kyi steng gi bar la 'dug pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo byang chub sems dpa' sems dpa' chen po snang ba bsam gyi mi khyab pa 'di bskal pa grangs med pa brgya'i 'og tu bskal pa kun tu snang med ces bya ba la/ 'jig rten gyi khams rnam par spyod pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das snang ba bsam gyi mi khyab pa zhes bya ba nyid du 'jig rten du 'byung bar 'gyur ro/ / kun dga' bo 'jig rten gyi khams rnam par sbyong ba de ni/ 'di ltar yongs su dag par 'gyur te/ dper na gzhan 'phrul dbang byed kyi lha rnams kyi longs spyod dang / yongs su spyod pa lta bur 'gyur ro// de bzhin gshegs pa de ni bar gyi bskal pa nyi shur gnas/ par 'gyur ro// de la nyan thos brgyad khri'i dge 'dun yod par 'gyur ro// byang chub sems dpa' sumo khri nyis stong gi dge 'dun yod par 'gyur ro// kun dga' bo ci'i phyir 'jig rten gyi khams de rnam par spyod pa zhes bya zhing / / bskal pa yang kun tu snang med ces bya bar 'gyur zhe na/ kun dga' bo bar gyi bskal pa brgya stong mang por sangs rgyas kyi zhing der sngon nam yang de bzhin gshegs pa ma byung ste/ der de bzhin gshegs pa snang ba bsam gyi khyab pa de 'byung bar 'gyur ba de na/ gnas gtsang ma'i ris kyi lha rnams 'di skad du bskal pa 'di ni kun tu snang ba med pa/ kun tu snang ba med pa ste/ de la de bzhin gshegs pa byung ngo zhes ched du brjod par 'gyur ba'i phyir ro// byang chub sems dpa' snang ba bsam gyi mi khyab pa lung bstan pa brjod pa 'di bshad pa dang / chos kyi rnam grangs 'di bshad pa na/ lha dang mi'i srog chags sum khri nyis stong ni/ bla na med pa yang dag par rdzogs pa'i byang chub tu sems bskyed do/ / byang chub sems dpa' drug cu ni mi skye ba'i chos la bzod pa thob par gyur to// nyan thos lnga brgya ni len pa med par zag pa rnams las sems rnam par grol lo// de nas bcom ldan 'das kyi tshe dang ldan pa kun dga' bo la bka' stsal pa/ kun dga' bo khyod kyis nga'i dam pa'i chos yongs su gzung ba dang / dra ltar dang ma 'ong pa'i byang chub sems dpa' rnams la phan gadrags pa'i phyir/ chos kyi rnam grangs 'di zung shig/ kun dga' bos gsol pa/ bcom ldan 'das bdag gis chos kyi rnam grangs 'di gzung lags na/ chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ 'di las kyi sgrib pa rnam par spyod pa zhes bya ba dang / sangs rgyas rnam par rol pa zhes bya ba dang / snang ba bsam gyis mi khyab pa bstan zhes bya bar lung shig/ kun dga' bo gang la la zhig gis ji srid 'tsho'i bar de bzhin gshegs po bzhugs pa la bsti/ stang byed/ tha mar byed/ ri mor byed/ mchod par byed cing me tog gi pur ma ri rab tsam gtor ba dang / spos dang / bye ma dang / byug pa dang / gos dang / gdugs dang / rgyal mtshan dang / bdun dang / lU dang / mi'i bachod pa rnam pa mang po gzhan dag gis mchod pa bas/ rigs kyi bu'am/ rigs kyi bu mo gang zhig snang ba bsam gyis mi khyab pa bstan pa'i chos kyi rnam grangs 'di 'dzin cing klog la/ kun chub par byed cing / gzhan dag la yang rgya cher yang dag par ston la/ de bzhin nyid du nan tan byed ni/ 'di ni bsod nams kyi phung po de bas ches mang du bskyed do/ / kun dga' bo de bas na/ de bzhin gshegs pa la chos kyi mchod pas mchod par 'dod pa dang / shes rab kyi snang ba chen po byed par 'dod pas/ chos kyi rnam grangs 'dri bzung bar bya/ klog pa dang / nan tan gyis sgrub par bya/ gzhan dag la yang rgya cher yang dag par rab tu bstan par bya'o// bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po snang ba bsam gyi mi khyab pa dang / yul kau sa la'i rgyal po gsal rgyal 'khor dang bcas pa dang / lha'i dbang po brgya byin dang / mi brjed kyi bdag po tshangs pa dang / 'jig rten skyong ba bzhi dang / thams cad dang ldan pa'i 'khor de dang lha dang mi dang / lha ma yin dang / dri zar bcas pa'i 'jig rten ya rangs ste/ bcom ldan 'das kyis gsungs pa la mngon par bstod do// // 'phags pa snang ba bsam gyi mi khyab pa bstan pa zhes bya ba'i chos kyi rnam grangs rdzogs s+ho// /

CLOSE WINDOW