/ // rgya gar skad du/ Ar+ya sa d+hA sha a ya ony+dza/ bod skad du/ 'phags pa lcags mchu nag po/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa'i dus gcig na/ bcom ldan 'das 'dam bu'i khrod na gzings ma'i 'dug gnas na bzhugs te/ de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo 'dzam bu'i gling gi gnas der 'dong ngo // btsun pa de ltar bgyi'o zhes gsol nas/ tshe dang ldan pa kun dga' bos bcom ldan 'das kyi ltar mnyan no// de nas bcom ldan 'das 'dzam bu'i gling gi sems can rnams la thugs brtse ba'i phyir klu'i rgyal po ma dros pa dang / rgya mtsho dang / dga' bo dang / 'jog po dang / mtha' yas dang / dung skyong dang / gzi can dang / e la'i 'dab ma dang / mdongs bu dang / klu'i rgyal po glog 'byin dang / klu'i rgyal po chu lha dang / klu'i rgyal po sprin bskul dang / klu'i rgyal po mgo dgu pa dang / klu'i rgyal po mgo bdun pa dang / klu'i rgyal po mgo lnga pa dang / mgo drug pa dang / mgo gsum pa dang / mgo gnyis pa dang / mgo stong pa rnams la bcom ldan 'das kyis mnas bor zhig/ a nan ste/ bi nan ste/ bi shi kI shi a gu 'i gu re re/ hUMdz+dzany+tsa phaT phaT phaT/ stam+b+ha ya/ b+hany+dza ya/ pa sa sha rI rA Ni/ mi tra mi tra/ ma tra ma Ni sAhA/ sngags tshan dang po des klu rnams 'khrugs nas brgyal lo// bcom ldan 'das la me tog dang / 'bras bu dang / sman rnams dang / rtsi shing dang / myu gu dang / 'dab ma dang / me tog rnams bskams par rngo mi thogs lags so// char chu dus su 'bebs so// rtsi shing dang nags tshal skyed par bgyid lags so/ / 'dzam bu'i gling gi mi rnams kyi longs spyod la 'tshe bar rngo mi thogs lags so// sems can rnams la 'tshe bar mi bgyid lags so// gal te bcom ldan 'das kyi bka' las 'das na/ bdag cag klu rnams kyi lus 'khums par gyur cig/ gnas med par gyur cig/ lus rtsub par gyur cig/ mdze dang / shu ba dang / sha bkra 'byung bar gyur cig/ mgo 'gas pa dang snying 'drul bar gyur cig ces bre bor ro// bcom ldan 'das la mngon par dad pa'i 'byung po brgya stong dag kyang sems can thams cad kyi phyir 'ongs te/ de dag khyed la gnod pa chen po byed par 'gyur du 'ong gis/ nir kats+tsha ta/ nir gats+tsha ta/ nir gats+tsha ta/ myur du byer cig/ khyed cag la gang dag sdang ba'i sems dang ldan pa de dag ni phung bar gyur cig/ gang dag byams pa'i sems dang ldan zhing nyes par mi 'dod la/ srung bar 'dod pa de dag ni khyed cag gi lus la 'jug par gyis shig/ sangs rgyas 'jig rten la thugs brtse ba can gyis bka' stsal pa/ su mu su mu/ su mu su mu/ su mu ru/ su mu ru/ su mu ru/ su mu ru/ su mu ru/ su mu ru/ su su/ mu ru/ mu ru/ mu ru mu ru/ mu ru mu ru/ mi ri mi ri swA hA/ lha rnams dang / klu rnams dang / lha ma yin rnams dang / gnod sbyin po mo rnams kyis ji ltar 'dod pa'i char gyi rgyun myur du 'bebs so// klu'i gnas kun nas chab phul dgu blangs la/ chab so sor bzhag la yungs kar gyis bsngags shing chu ru stsal/ sngags rdzogs pa dang klu'i gnas su bskyal lo// char ji ltar 'dod pa bzhini 'bab par 'gyur ro/ / sangs rgyas 'jig rten la thugs brtse ba can gyis sems can rnams la phan par lhag par dgongs pa mnga' ba/ byams pa la gnas pa/ thugs rje dang ldan pa/ dga' pa la gnas pa/ btang snyoms la gnas pa gshegs shig/ k+Shi pran nar gats+tsha ta swA hA/ na ga yu yu swA hA/ sprin la blta zhing phyogs bzhir kha bltas la phyag bya zhing / lan lnga bcur bzlas na char nges par myur du 'bab bo/ / char 'bebs pa'i tshe klu mi bsrun pa'i gnas su song la lus spos chus bkrus la/ zas dkar gsum 'tshal la/ sha chang sgog bcod spang bar bya'o/ / byams pa'i sems dang ldan par bsams la/ kha shar phyogs su bltas nas 'phags pa rnams la gsol ba gdab bo// ri pu ri pu/ ba la ya tha/ hUM hUM phaT phaT swA hA/ badz+ra badz+ra dz+wa la ya swA hA/ sarba du shang na bi ra na sha ga swA hA/ ga ru Da~M hr-i ti swA hA/ ya stags la bla re sngon pos dbu ba/ rgyal mtshan sngon po gzugs/ rig sngags 'chang stan sngon po/ gos sngon po/ rkang pa'ang sngon por bgrad/ lha ba shos sngon po/ bum pa chus bkang ba bzhi dkyil 'khor gyi grwa bzhir gzhag/ dbus su klu'i rgyal po rgya mtsho'i gzugs dgod/ shar gyi pad+ma la klu'i rgyal po mgo gsum pa dgod/ lho phyogs kyi pad+ma la klu'i rgyal po mgo bdun pa dgod/ nub phyogs kyi pad+ma la klu'i rgyal po mgo dgu dgod/ byang phyogs kyi pad+ma la klu mgo lnga pa dgod/ 'phrin las kyi gzhung las 'byung ba'ang dgod/ oM hi hu la phaT phaT/ hUM bi dza ya phaT phaT/ nA ga li dz+wa la/ shad shad/ dzA bi kr-i ta/ badz+ra badz+ra la ma hA ba la bIr+ya pa ra kro d+ha/ dar tsi/ pra me ru/ phaT phaT du/ gzungs 'di brjod ma thag tu sa chen po rnams g.yo bar 'gyur ro// klu'i rgyal po chen po bye ba khrag khrig brgya stong phrag drag nu khas sbub tu 'gyel nas/ rab tu 'dang te brgyal nas 'dre ldog cing ngu'o// de nas klu'i rgyal po rnams kyis/ bcom ldan 'das la sme zhing sngags 'dis klu rnams shin tu tshig go/ / ma rungs lags so zhes gsol pa dang / bcom ldan 'das kyis bka' stsal pa/ klu'i rgyal po rnams kyis 'dzam bu'i glang gi sems can la phan pa dang / bde ba dang / lo legs pa dang / srung ba dang / skyab pa dang / zhing rnams kyi mig shin tu gang bar gyis shig/ lo tog phun sum tshogs pa sgrubs shig/ mi rnams dang ma ma yin pa rnams la rnam par 'tshe bar ma byed cig/ char gyi rgyun phob cig/ 'on kyang khyed kyis yun ring po'i bde ba dang / klu'i gnod pa kun dang bral bar 'gyur ro// rkang mangs khyed cag bde legs shog/ rkang bzhi khyed cag bde legs shog/ rkang gnyis khyed cag bde legs shog/ rkang med khyed cag bde legs shog/ khyed cag lam 'gro ba de legs shog/ phyir 'ong rnams kyang bde legs shog/ khyed cag sdig par ma gyur cig/ sangs rgyas lha rnams stong dag gis// yongs su bskor te gshegs mdzad kyis// sdang sems ldan pa rnams byer zhig/ snying rje'i bdag nyid can rnams 'khor/ / gling 'dir char pho ba don rnams kyis// sa dang bar snang gnas pa rnams// skye dgu rnams la byams byed shog/ char med than pa byung ba'i tshe// sngags tshan dang po brgya bzlas so/ / bar ma lnga bcu bzlas/ tha ma bdun bzlas par bya'o// sprin la blta zhing bar bar sus kyang ma tshor bar shib bur bzlas so// grangs thal na ser bar 'gyur bas sdig che'o// klu gnad la gtad pa yin pas sdig che'o/ / lan grangs yang yang mi gdab bo// zhag gcig gam/ zhag gnyis sam/ zhag lngar char gyi rgyun mi 'bab mi srid do// chos kyi rgyal po rga shi mi mnga' ba/ / kun gyi smon lam myur du 'grub 'gyur shog/ bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag rnams yi rangs te/ bcom ldan 'das kyis gsungs pa la mngon par bstod do// 'phags pa lcags mchu nag po'i gzungs rdzogs so// // rgya gar skad du/

CLOSE WINDOW