zhu chen gyi lo tsa ba ban d+he ye shes sdes bsgyur cing zhus te/ skad gsar pad kyis kyang bcos nas gtan la phab pa// / rgya gar skad du Ar+ya sarba d+ham swa b+ha ba sa ma tA/ bi pan tsi ta sa mA d+hi rA dza nA ma ma hA yA na sU tra/ bod skad du/ 'phags pa chos thams cad kyi rang bzhin mnyam pa nyid rnam par spros pa ting nge 'dzin gyi rgyal po zhes bya ba theg pa chen po'i mdo/ / bam po dang po/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das rgyal po'i khab na/ bya rgod kyi phung po'i ri la/ dge slong 'bum du tshang ba'i dge slong gi dge 'dun chen po dang thabs cig tu bzhugs so// byang chub sems dpa' bye ba khrag khrig phrag brgyad cu dang yang thabs cig ste/ thams cad kyang skye ba gcig gis thogs pa/ mngon par shes pa/ phyogs bcu'i 'jig rten gyi khams dag nas 'dus pa/ gzung dang mdo sde rtogs par khong du chud pa/ sems can thams cad la chos kyi sbyin pas tshim par byed pa mngon par shes pa chen po'i ye shes brjod pa la mkhas pa pha rol tu phyin pa thams cad kyi dam pa'i pha rol tu son pa/ / byang chub sems dpa'i ting nge 'dzin dang / snyoms par 'jug pa thams cad rnam par gzhag pa shes pa la mkhas pa/ sangs rgyas thams cad kyis bstod cing bsngags te/ rab tu bkur ba/ sangs rgyas kyi zhing thams cad rdzu 'phrul gyis 'gro ba la mkhas pa/ bdud thams cad bsgag par bya ba'i shes pa la mkhas pa/ chos thams cad ji lta ba bzhin du shes pa la mkhas pa/ sems can thams cad kyi dbang po mchog dang mchog ma yin pa shes pa la mkhas pa// sangs rgyas thams cad la mchod pa'i las yang dag par sgrub pa shes pa la mkhas pa/ 'jig rten pa'i chos thams cad kyis mi gos pa/ lus dang ngag dang sems yang dag par brgyan pa/ byams pa chen po dang / snying rje chen po'i go cha bgos pa/ bskal pa grangs med par yid mi skyo bar brtson 'grus che ba sang gA'i sgra chen po sgrog pa/ phas kyi rgol ba thams cad kyis zil gyis mi non pa/ phyir mi ldog pa'i phyag rgyas btab pa/ sangs rgyas thams cad kyi chos kyi dbang bskur ba thob pa/ sha stag la 'di lta ste/ byang chub sems dpa' sems dpa' chen po lhun po dang / rab tu lhun po dang / ldan po'i rtse mo 'dzin pa dang / lhun po'i mar me'i rgyal po dang / lhun po'i brtsegs pa dang / lhun po'i rgyal mtshan dang / lhun po'i rgyal po dang / lhun po'i rtse mo kun g.yo bar byed pa'i rgyal po dang / lhun po'i dbyangs dang / sprin gyi rgyal po dang / rnga dbyangs dang / rin po che'i 'byung gnas dang / rin po che'i tog dang / rin po che'i rtse mo dang / rin po che'i 'byung ba dang / rin po che'i snang ba dang / rin po che'i khar ba dang / lag na phyag rgya rin po che dang / rin po che'i bkod pa dang / rin po che'i dra ba dang / rin po che'i 'od dang / rin po che'i gling dang / dga' bar byed pa dang / chos bkod pa dang / bkod pa'i rgyal po dang / mtshan gyis kun tu brgyan pa dang / dbyangs bkod pa dang / dbyangs rnam par dag pa'i 'od dang / rin po che ban+deg pa dang / nyi ma me'i 'od 'phro can dang / skar ma la dga' ba dang / zla ba'i 'od zer dang / sems bskyed ma thag tu chos kyi 'khor lo bkor ba dang / gsar bzang po rnam par dag pa'i 'od dang / byang chub sems dpa' sems dpa' chen po rtag tu mi 'jigs sbyin zhes bya ba dang / byang chub sems dpa' mi 'pham pa la sogs pa bskal pa bzang po'i byang chub sems dpa' sems dpa' chen po thams cad dang / 'jam dpal la sogs pa sems dpa' dpe med pa drug cu dang / bzang skyong la sogs pa skyes bu dam pa bcu drug dang / rgyal po chen po bzhi la sogs pa rgyal chen bzhi'i ris kyi lha'i bu rnams dang / tshangs pa la sogs pa tshangs ris kyi lha'i bu rnams kyi bar du de bzhin du sbyar to/ de ma yin pa gzhan yang dbang che ba dang / dbang che bar grags pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rgya che zhing rlabs che ba dag dang thabs cig go/ bcom ldan 'das la bkur stir byas/ bla mar byas// ri mor byas// mchod par byas/ brjed par byas// gsol bar byas te/ 'khor bzhi dang // lhar bcas pa'i 'jig rten gyis kyang phyag bya ba/ / mchod par bya ba/ bkur stir bya ba/ bla mar bya ba/ ri mor bya ba/ brjed par bya ba/ gsol bar bya bar gyur to// de nas bcom ldan pa das 'khor brgya stong du mas yongs su bskor cing mdun gyis bltas nas chos ston te/ tshangs par spyod pa/ thog mar dge ba// bar du dge ba/ tha mar dge ba/ / don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa// yongs su byang ba/ yang dag par rab tu ston to// de'i tshe 'khor tshogs pa da / nyid du zla 'od gzhon nur gyur pa zhes bya ba/ sngon gyi rgyal ba la bya ba byas pa/ dge ba'i rtsa ba bskyed pa/ skye ba dran pa/ spobs pa thob pa/ theg pa chen po la yang dag par zhugs pa snying rje chen po la brtson pa zhig 'dus te/ 'dug par gyur to// de nas zla 'od gzhon nur gyur pa stan las langs te/ bla gos phrag pa gcig la bzar nas pus mo g.yA pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o// de skad ces gsol pa dang / bcom ldan 'das kyis zla 'od gzhon nur gyur pa la 'di skad ces bka' stsal to// de bzhin gshegs pa dgra bcom pa yang dag par rdzogs pa'i sangs rgyas lagazhon nu khyod ci dang ci 'dod pa dris shig dang / dri ba dris pa de dang de nyid lung bstan pas// ngas khyod kyi sems rangs par bya'o// gzhon nu nga ni thams cad mkhyen pa/ thams cad gzigs pa/ chos thams cad la stobs dang / mi 'jigs pas khyu mchog tu gyur pa rjes su thob pa/ sgrub pa med pa'i rnam par thar pa'i ye shes dang ldan pa ste/ gzhon nu 'jig rten gyi khams mtha' yas mu med pa na/ / de bzhin gshegs pa la mi mkhyen pa 'am/ mi gzigs pa 'am/ mi gsan pa 'am/ thugs su ma chud pa 'am/ mngon sum du ma mdzad pa 'am/ mngon par rdzogs par sangs rgyas pa ci'ang med de/ gzhon nu de bzhin gshegs pa la dri ba dang / yongs su dri ba'i phyir khyod la rtag tu skabs phyes/ dri ba dris pa de dang de lung bstan pas// ngas khyod kyi sems rangs par bya'o// de nas bcom ldan 'das kyis skabs phye ba dang / zla 'od gzhon nur gyur pas/ bcom ldan 'das la tshigs su bcad de gsol pa// 'jig rten mgon po rdzogs sangs rgyas/ / 'od mdzad ji ltar spyad pa yis// bsam gyis mi khyab ye shes 'thob// phan mdzad lung yang bstan du gsol// mi yi khyu mchog mi dang lhas mchod pa / mi dbang bden gsung ji ltar spyad pa yis// theg mchog dam pa gzhal med thob par 'gyur// mgon po gsung mchog zhus pa lung bstan gsol// bdag la/ g.yo ni ma mchis te// lhag pa'i bsam pas zhu ba lags// skyes bu dam pa ma gtog par// bdag gi dbang ni gzhan ma mchis// bdun dang smon lam rgya che bdag la mchis// bdag gi spyod pa shAkya seng ges mkhyen// bdag ni tshig la gtsor 'dzin ma lags kyis// mi dbang bsgrub pa bdag la myur du gsungs// sangs rgyas theg par ces spras bgyid// yohA/ su sdud pa'i chos rnams gang // chos rnams kun gyis mthar phyin pa// dpa' bo chen po lung bstan gsol// ci nas mis bstan shes rab rnor 'gyur zhing // mi bzad 'jigs dang bral te ma skrag pas/ / tshul khrims phung po gtong bar mi bgyid cing // rgyags dang zhe sdang gti mug chags bral te// nyes pa kun zhi spyad pa spyod pa yi// phan par bgyid pa'i chos rnams bdag la gsungs/ / ji ltar tshul khrims mi gtong zhing // ji ltar bsam gtan 'dor mi 'gyur// dgon pa la ni ji ltar bstan// shes rab dag gis ji ltar 'phel// ji ltar stobs bcu'i bstan pa rgya che la/ / tshul khrims bsrung zhing mngon dga' rnyed par 'gyur// ji ltar tshul khrims phung po skyon med 'gyur// ji ltar 'dus byas rang bzhin 'jal bar 'gyur/ / ji ltar lus dang ngag gis kyang // mkhas pa rnam par dag par 'gyur// kun nas nyon mongs med sems kyis// sangs rgyas ye shes tshol bar 'gyur// lus kyi las ni ji ltar rnam dag 'gyur/ / tshig gi skyon ni ji ltar spangs par 'gyur// ji ltar sems la nyon mongs med par 'gyur// skyes mchog zhus pa bdag la lung bstan gsol// de skad ces gsol pa dang / / bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu byang chub sems dpa' sems dpa' chen po chos gcig dang ldan na/ yon tan 'di dag thob par 'gyur zhing // myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// chos gcig po gang zhe na/ gzhon nu 'di la byang chub sems dpa' sems dpa' chen po sems can thams cad la sems snyoms pa yin/ phan pa'i sems dang / khong khro ba med pa'i sems dang / mi mnyam pa med pa'i sems yin te/ gzhon nu byang chub sems dpa' sems dpa' chen po chos gcig po 'di dang ldan na// yon tan 'di dag thob par 'gyur zhing // myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / de nas bcom ldan 'das kyis de'i tshe zla 'od gzhon nur gyur pa la tshigs su bcad de gsungs pa/ / chos gcig yang dag blangs nas ni// byang chub sems dpa' gang gnas pa// yon tan 'di dag des 'thob ste// myur du byang chub 'tshang yang rgya de yi sems ni gang la'ang zhe mi sdang / / zhe sdang med sems byang chub sems dpa' gang // tha ba mi skyed zhe sdang med pa dag/ khyad par ji skad brjod pa thob par 'gyur// mnya pa'i sems la bstan pa yis/ / rnam par smin pa mnyam par bstan// rkang pa'i mthil yang mnyam pa dang // cho ga spyod yul mnyam par 'gyur// mi mnyam ma yin// sems bsgoms nas// tha ba'i skyon bral nem nur rab spangs na// de yi rkang lag mthil yang mnyam 'gyur te/ mchog tu 'od gsal dag cing blta na sdug/ byang chub sems dpa' phyogs bcur lhang nger snang / / sangs rgyas zhing du dpal dang 'od kyis khyab// nam des zhi ba'i sa ni thos pa'i tshe// sangs rgyas mkhyen la sems can mang po 'god// gzhon nu de la byang chub sems dpa' sems can thams cad la sems snyoms pa dang / phan par sems pa dang / sems khong khro ba med pa dang / sems mi mnyam pa med pa ni chos thams cad kyi rang bzhin mnyam pa nyid rnam par spros pa zhes bya ba'i ting nge 'dzin thob par 'gyur ro/ / gzhon nu chos thams cad kyi rang bzhin mnyam pa nyid rnam par spros pa zhes bya ba'i ting nge 'dzin gang zhe na/ 'di lta ste/ lus kyi sdom pa dang / ngag gi sdom pa dang / yid kyi sdom pa dang / las yongs su dag pa dang / dmigs pa las yang dag par 'da' ba dang phung po yongs su shes pa dang / khams mnyam pa nyid dang / skye mched sel ba dang / sred pa spong ba dang / mi skye ba mngon sum du byed pa la 'jug pa dang / rgyu gsal bar byed pa dang / las kyi 'bras bu chud mi gson pa dang / chos mthong ba dang / lam sgom pa dang / de bzhin gshegs pa la ston pa dang / shes rab rno ba dang / bden pa'i rjes su 'jug pa dang / chos shes pa dang / so so yang dag par rig pa la 'jug pa shes pa dang / yi ge dang tshig rab tu dbye ba shes pa dang / dngos po rnams las yang dag par 'da' ba dang / sgra yongs su shes pa dang / dga' ba rab tu thob pa dang / chos kyi dga' ba rjes su myong ba dang / drang ba dang / gnyen pa dang / shugs drang ba dang / gya gyu med pa dang / khro gnyer dang bral ba dang // des pa dang / ngang tshul dge ba dang / byams par 'dzin pa dang / 'jam pa dang / bzhin 'dzum pa dang / gsong por smra ba dang / legs par 'ong so tshur shog ces smras pa dang / le lo med pa dang / bla ma la gus pa dang / bla ma la sri zhu che ba dang / skye bas chog shes pa dang // chos dkar pos mi ngom pa dang / 'tsho ba rnam par dag pa dang / dgon pa la gnas pa mi gtong ba dang / sa rnam par gzhag pa shes pa dang / dran pa chud mi gson pa dang / phung po la mkhas pa dang / khams la mkhas pa dang / skye mched la/ mkhas pa dang / mngon par shes pa mngon sum du bya ba la 'jug pa dang / nyon mongs pa sel ba dang / bag chags kyi mtshams sbyor ba yang dag par 'jom pa dang / khyad par du 'gro ba dang bsgom pa'i rgyu mthun pa dang / nyes pa las dbyung ba la mkhas pa dang / kun nas ldang ba gnon pa dang / bag la nyal spong ba dang / srid pa las yang dag par 'da' ba dang / skye ba dran pa dang / las kyi rnam par smin pa la nem nur med pa dang / chos sems dpa' dang / thos pa tshol ba dang / ye shes la sdud pa dang / cang shes kyi sa dang / sems ri lta bu dang / mi sgur ba dang / mi g.yo ba dang / phyir mi ldog pa'i sa rnam par gzhag pa shes pa dang / dge ba'i chos kyi rgyu mthun pa dang / sdig pa'i chos la smod pa dang / nyon mongs pa rnams kyi rgyu ba med pa dang bslab pa yongs su mi gtong ba dang / ting nge 'dzin rnam par 'jog pa dang / sems can rnams kyi bsam pa shes pa dang / skye ba'i khyad par shes pa dang / mnyam pa nyid shes pa dang / tshig gi mtshams sbyar ba shes pa dang / khyim na gnas par yongs su gtong ba dang / khams gsum la mngon par mi dga' ba dang / sems zhum pa med pa dang / chos la mngon par zhen pa med pa dang / dam pa'i chos yongs su 'dzin pa dang / chos bsrung ba dang / las kyi rnam par smin pa la yid ches pa dang / 'dul ba la mkhas pa dang / rtsod pa'i gzhi zhi bar byed pa dang / 'gyed pa med pa dang / rtsod pa med pa dang / bzod pa'i sa dang / bzod pa yang dag par 'dzin pa dang / 'gro ba mnyam pa dang / chos rab tu dbye ba la mkhas pa dang / chos gtan la dbab pa la mkhas pa dang / chos kyi tshig rab tu dbye ba shes pa dang / sngon gyi mthar shes pa dang / phyi ma'i mtha' shes pa dang / da ltar byung ba shes pa dang / dus gsum mnyam pa nyid shes pa dang / 'khor gsum yongs su dag pa shes pa dang / lus gnas pa shes pa dang / sems gnas pa shes pa dang / spyod lam srung ba dang / spyod lam mi 'khrug pa dang / spyod lam mi 'chos pa dang / spyod lam mdzes pa dang / don dang don ma yin pa la mkhas shing shes pa dang / rigs par smra ba dang / 'jig rten shes pa dang / lhug par gtong ba dang / lag brkyang ba dang / sems kyis 'dzin pa med pa dang / ngo tsha shes pa dang / khrel yod pa dang / mi dge ba'i sems la smod pa dang / sbyangs pa'i yon tan mi gtong ba dang / cho ga yang dag par 'dzin pa dang / dga' bar spyod pa dang / bla ma la ldang zhing stan 'ding ba dang / nga rgyal tshar gcod pa dang / sems yang dag par rab tu 'dzin pa dang / sems skye ba shes pa dang / don rtog par shes pa dang / ye shes rjes su rtog pa dang / mi shes pa med par gyur pa dang / sems la 'jug pa shes pa dang / sems kyi rang bzhin rjes su rtog par shes pa dang / sgrub pa dang / nges par sgrub pa la mkhas pa'i shes pa dang / sgra skad thams cad shes pa dang / nges pa'i tshig rnam par gzhag pa shes pa dang / don gtan la dbab par shes pa dang / gnod pa rnam par spangs pa dang / skyes bu dam pa dang 'grogs pa dang / skyes bu ngan pa rnam par spong ba dang / bsam gtan rnams sgrub cing de la ro myang bar mi byed pa dang mngon par shes pas rnam par 'phrul pa dang / ming dang brda dang / gdags pa'i ngo bo nyid la 'jug pa shes pa dang / gtags pa yang dag par 'dzem pa dang / 'du byed rnams la skyo ba dang / bkur sti mi 'dod pa dang / bkur sti med pa la btang snyoms su byed pa dang / rnyed pa la don tu mi gnyer ba dang / rnyed pa med pa la zhum pa med pa dang / snyan pa mi 'dod pa dang / mi snyan pa la khong khro ba med pa dang / bstod pa la dga' ba med pa dang / smad pa la mi dga' ba med pa dang / bde ba la mngon par ma chags pa dang / sdug bsngal la yid mi 'byung bar mi byed pa dang / 'du byed rnams len par mi byed pa dang / bsngags pa yang dag pa la ma chags pa dang / bsngags pa yang dag pa ma yin pa la mi mjed pa dang / khyim pa dang / rab tu byung ba dag dang mi sten pa dang / spyod yul ma yin pa rnam par spong ba dang / spyod yul du rgyu ba dang / spyod pa phun sum tshogs pa dang / spyod pa ma yin pa rnam par spong ba dang / rigs sun par mi byed pa dang / bstan pa bsrung ba dang / smra ba nyung zhing mnyen pa dang / del gyis smra ba dang / tshig gi lan glan pa la mkhas pa dang / phyir rgol ba tshar gcod pa dus su 'gro bar byed pa dang so so'i skye bo la yid mi rton pa dang / sdug bsngal ba rnams khyad du gsod par mi byed cing / de dag la nor sbyin pa dang / dbul po rnams la brnyas par mi byed pa dang / tshul khrims 'chal pa la snying rje ba dang / phan pa'i dngos po dang / snying brtse ba'i blo dang / chos kyis phan 'dogs pa dang / zang zing yongs su gtong ba dang / mi sogs par gnas pa dang / tshul khrims la bstod cing / 'chal pa'i tshul khrims la smod pa dang / tshul khrims dang ldan pa la g.yo med par bsten pa dang / bdog pa thams cad yongs su gtong ba dang / lhag pa'i bsam pas gnyer ba dang / ji skad smras pa bzhin byed pa dang / rgyun mi 'chad par sbyor ba dang / gus par byas te dga' ba myong bar byed pa dang / dpe shes pa dang / sngon byung ba mkhas pa dang / dge ba'i rtsa ba sngon du 'gro ba dang / thabs la mkhas pa dang / mtshan ma spong ba dang / 'du shes zlog pa dang / dngos po rnams yongs su shes pa dang / mdo sde mngon bar bsgrub pa dang / 'dul ba la mkhas pa dang / bden pa gtan lha 'bebs pa dang / rnam par grol ba mngon sum du bya ba la 'jug pa dang / tshig mgo/ gcig tu smra ba dang / ji lta ba bzhin du shes shing mthong ba mi stong pa dang / nem nur med pa'i tshig dang / stong pa nyid la sten pa dang / mtshan ma med pa la sten pa dang / smon pa med pa'i ngo bo nyid rtog par byed pa dang / mi 'jig pa thob pa dang / ye shes kyis snang bar byed pa dang / tshul khrims dam pa dang / snyoms par 'jug pa la gzhol ba dang / gcig pur dga' ba dang / bdag shes pa dang / shes kyi kha nyung ngus chog shes pa dang / sems la rnyog pa med pa dang / lta bar gyur pa rnam par spong ba dang / gzungs thob pa dang / ye shes la 'jug pa dang / gnas dang gnas ma yin pa dang / 'jug pa dang / bsgrub pa shes pa dang / gtan tshig dang / rigs pa dang / tshul dang / sgo dang / rgyu dang / lam dang / nan tan dang / bsgrub pa dang / phrin las dang / gdams pa dang / bstan pa la spyod pa dang / rjes su mthun pa'i bzod pa dang / bzod pa'i sa dang / mi bzod pa dang bral ba dang / ye shes kyi sa dang / mi shes pa spong ba dang / shes pa la gnas pa dang / rnal 'byor spyod pa'i sa dang / byang chub sems dpa'i spyod yul dang / skyes bu dam pa la bsten pa dang / skyes bu dam pa ma yin pa spong ba dang / chos thams cad kyi ngo bo nyid rtogs shing khong du chud par shes pa dang / de bzhin gshegs pas gsungs pa'i sangs rgyas kyi sa dang / mkhas pa rnams kyis rjes su yi rang ba dang / / byis pa rnams kyis spangs pa dang / nyan thos rnams kyis shes par dka' ba dang / rang sangs rgyas rnams kyis mi shes pa dang / mu stegs can gyi sa ma yin pa dang / byang chub sems dpa' rnams kyis yongs su bzung ba dang / stobs bcu dag gis rjes su rtogs pa dang / lha rnams kyis mchod par bya ba dang / tshangs pas phyag bya ba dang / brgya byin rnams kyis mngon du 'gro bar bya ba dang / klu rnams kyis phyag bya ba dang / gnod sbyin rnams kyis rjes su yi rang bar bya ba dang / mi 'am ci rnams kyis bstod par bya ba dang // lto 'phye chen po rnams kyis bsngags par bya ba dang / byang chub sems dpa' rnams kyis bsgom par bya ba dang / mkhas pa rnams kyis kun chub par bya ba dang / bla na med pa'i nor du gyur pa dang / zang zing med pa'i sbyin pa dang / nad pa rnams kyis sman du gyur pa dang / ye shes kyi mdzod du gyur pa dang / spobs pa mi zad pa dang // mdo sde rnams kyi tshul du gyur pa dang / dpa' bo dag gi yul du gyur pa dang / khams gsum yongs su shes pa dang / pha rol tu 'gro ba dag la gzings lta bu dang / chu bo'i nang du zhug pa dag la gru lta bu dang / grags pa 'dod pa dag gis grags pa dang / sangs rgyas rnams kyis bstod pa dang / de bzhin gshegs pa rnams kyis bsngags pa dang / stobs bcu rnams kyis bstod pa/ dang / byang chub sems dpa' dag gi yon tan dang / snying rje can dag gi btang snyoms dang / nyes pa zhi bar 'dod pa dag gi byams pa dang / theg pa chen po pa dag gi dbugs 'byin pa dang seng gi sgra sgrogs pa rnams kyi nan tan dang / sangs rgyas kyi ye shes kyi lam dang / chos thams cad kyis phyag rgya dang / thams cad mkhyen pa'i ye shes yongs su sgrub pa dang / byang chub sems dpa' rnams kyi skyed mos tshal du gyur pa dang / bdud kyi sde rnams skrag par byed pa dang / bde bar 'gro ba rnams kyi rim pa dang / don grub pa rnams kyis don dang / dgra'i nang du song ba dag gi skyabs dang / phyir rgol ba rnams chos dang mthun pas tshar gcod pa dang / mi 'jigs pa rnams kyi bden pa'i rnam pa dang / stobs rnams yang dag par tshol ba dang / sangs rgyas kyi chos ma 'dres pa bco brgyad kyi snga ltas su gyur pa dang / chos kyi sku'i rgyan dang / spyod pa rnams kyi rgyu mthun pa dang / sangs rgyas kyi sras rnams kyi rgyan dang / thar pa 'dod pa rnams kyi dga' pa dang / sras thu bo rnams kyi dga' ba dang / sangs rgyas kyi ye shes yongs su rdzogs pa dang / nyan thos dang / rang sangs rgyas thams cad kyis ma yin pa dang / sems rnam par dag pa dang / lus yongs su dag pa dang / rnam par thar pa'i sgo rnams yongs su rdzogs pa dang / sangs rgyas kyi ye shes kun nas nyon mongs pa med pa dang / 'dod chags 'byung ba med pa dang / zhe sdang dang bral ba dang / gti mug gi sa ma yin pa dang / ye shes 'byung ba dang / rig pa skye ba dang / ma rig pa spong ba dang / rnam par grol ba snying por byed pa rnams kyi tshim pa dang / ting nge 'dzin snying por byed pa rnams kyi dga' ba dang / lta 'dod pa rnams kyi mig tu gyur pa dang / rnam par 'phrul par 'dod pa rnams kyi mngon par shes pa dang / mngon par bsgrub par 'dod pa rnams kyis rdzu 'phrul dang / thos pa don tu gnyer ba rnams kyi gzungs dang / dran pa mi brjed pa dang / sangs rgyas rnams kyi byin gyis brlabs dang / 'dren pa rnams kyi thabs mkhas pa dang / mi brtson pa rnams kyis phra ba dang / shes par dka' ba dang / ma grol ba dag gis mi shes pa dang / yi ge rnams ldog pa dang / sgras shes par dka' pab dang rtogs pa rnams kyis kun shes pa dang / / nges pa rnams kyis shes pa dang / 'dod pa chung ba rnams kyis rab tu rtogs pa dang / brtson 'grus brtsams pa rnams kyis gzung ba dang // dran pa dang ldan pa rnams kyis bcang ba dang / sdug bsngal zad pa dang / chos thams cad skye ba med pa dang / srid pa'i 'gro ba dang / skye ba'i gnas thams cad gcig tu nges par bstan pa ste/ gzhon nu 'di ni chos thams cad kyi rang bzhin mnyam pa nyid rnam par spros pa'i ting nge 'dzin ces bya'o// chos thams cad kyi rang bzhin mnyam pa nyid rnam par spros pa zhes bya ba'i ting nge 'dzin bstan pa 'di bcom ldan 'das kyis bshad pa na/ / lha dang mi'i skye dgu sngon yongs su sbyang ba byas pa/ khrag khrig phrag brgyad cus mi skye ba'i chos la bzod pa thob par gyur to/ / khrag khrig phrag dgu bcu rtsa drug gis rjes su mthun pa'i bzod pa thob par gyur to// khrag khrig phrag dgu bcu rtsa gsum gyis sgra'i rjes su 'brang ba'i bzod pa thob par gyur to/ / dge slong stong tshang ba len pa med par zag pa las sems rnam par grol lo// lha dang mi'i skye dgu las srog chags stong phrag drug cus chos rnams la chos kyi mig rdul med cing dri ma dang bral ba rnam par dag go/ dge slong ma brgyad khri len pa med par zag pa las sems rnam par grol lo// dge bsnyen lnga brgyas phyir mi 'ong ba'i 'bras bu thob par gyur to/ / dge bsnyen ma drug stong gis lan cig phyir 'ong ba'i 'bras bu thob par gyur to// stong gsum gyi stong chen po'i 'jig rten gyi khams 'di yang rnam pa drug tu g.yo/ rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs/ chem chem rab tu chem chem/ kun tu rab tu chem chem/ bur 'ur rab tu 'ur 'ur/ kun tu rab tu 'ur bur/ shar phyogs dma' na nub phyogs mtho/ nub phyogs dma' na shwar phyogs mtho byang phyogs dma' nA lho phyogs mtho/ / lho phyogs dma' na byang phyogs mtho// mtha' dma' na dbus mtho// dbus dma' na mtha' mtho ste/ tshad med pa'i snang ba 'jig rten du byung nas/ 'jig rten gyi bar mun nag smag tu gyur pa gang yin pa de dag kyang snang ba des gsal bar gyur to// sems can gang dag der skyes pa de dag gcig gis gcig shes par gyur te/ 'di skad du kye sems can gzhan dag kyang 'dir skyes par gyur to zhes zer te/ mnar med pa'i sems can dmyal ba chen po'i bar du yang de bzhin no// gleng bzhi'i le'u ste dang po'o// / / de'i tshe bcom ldan 'das kyis zla 'od gzhon nur gyur pa la bka' stsal pa/ gzhon nu ngas dran pa sngon byang chub sems dpa'i spyad pa spyod pa na/ 'khor los sgyur ba'i rgyal por gyur te/ ting nge 'dzin 'di 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ bya rgod kyi phung po'i ri 'di n yid la bskal pa bye ba khrag khrig brgya stong du mar de bzhin gshegs pa dgra bcom pa yang dag par rdzogs pa'i sangs rgyas grangs med dpag tu med pa rnams la ngas rin po che thams cad dang / me tog dang / spos dang / dri dang / phreng ba dang / byug pa dang / phye ma dang / gdugs dang / rgyal mtshan dang / ba dan dang / sil spyan dang / pheka/ rdob pa dang // rnam par rgyal ba'i ba dan dang / rin po che'i gtsug lag khang rnam pa sna tshogs rnam par bkra ba bye ba khrag khrig phrag brgya stong du ma'i bkod pa thams cad kyis bkur stir byas/ / bla mar byas ri mor byas mchod par byas brjed par byas// gsol bar byas/ gsol bar byas te/ gzhon nu ngas de bzhin gshegs pa de dag thams cad las chos thams cad kyi rang bzhin mnyam pa nyid rnam par spros pa'i ting nge 'dzin 'di rgyas par thos te/ bzung ngo // dris so// bcangs so// bklags so// rab tu bton to// nyon mongs pa med pa'i sgom pas bsgoms so/ / mang du byas shing gzhan la yang rgya cher yang dag par rab tu bstan to// gzhon nu de bzhin gshegs pa de dag thams cad kyi tha ma ni// de bzhin gshegs pa dgra bcom pa yang dag par rdzogs pa'i sangs rgyas sa la'i dbang po'i rgyal po zhes bya ba zhig byung ste/ gzhon nu de bzhin gshegs pa sA la'i dbang po'i rgyal po de'i nyan thos dang / byang chub sems dpa' khrag khrig brgya stong gi dge 'dun byung ste/ / de dag gi tshe'i tshad ni lo 'bum phrag bdun cu rtsa drug tu gyur to// gzhon nu de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po de la ngas lo bye ba stong phrag bco brgyad du mchod pa dang / rim gro byas te/ lha'i tsan dan dang / rin po che'i gtsug lag khang bye ba byas so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po de'i tshe'i tshad ni lo bye ba stong phrag bdun cu rtsa drug tu gyur te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po de'i drung du nga rab tu byung nas/ lo bye ba stong phrag bcu bzhir chos thams cad kyi rang bzhin mnyam pa nyid rnam par spros pa'i ting nge 'dzin 'di mnyan cing bzung ste dris so/ / bcangs so// bklags so// rab tu bton to// nyon mongs pa med pa'i sgom pas bsgoms so// mang du byas shing gzhan la yang rgya cher yang dag par rab tu bstan to// de nas yang bcom ldan 'das kyis zla 'od gzhon nur gyur pa la bka' stsal pa// gzhon nu de lta bas na// ting nge 'dzin 'di 'dod cing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod na// khyod kyis kyang nga bzhin du de bzhin gshegs pa thams cad la mchod pa dang / rim gro dang / g.yog bya ba la brtson par bya'o// gzhon nu de ci'i phyir zhe na/ byang chub sems dpa' sems dpa' chen po dag gis/ de bzhin gshegs pa thams cad la mchod pa dang / rim gro dang / g.yog byas pa'i rgyu mthun pas bla na med pa yang dag par rdzogs pa'i byang chub kyang rnyed par dka' ba ma yin na// ting nge/ 'dzin 'di lta ci smos/ gzhon nu de lta bas na khyod kyis de bzhin gshegs pa thams cad la mchod pa dang // rim gro dang / g.yog byas pa la rtag tu yid yongs su mi skyo bar bya'o// nas bcom ldan 'das kyis de'i tshe na/ zla 'od gzhon nur gyur pa la sngon byung ba'i le'u 'di nyid rgyas par tshigs su bcud pa'i dbyangs kyis rgya cher yang dag par rab tu bstan to// dran pa stobs bcu bya ba drug cu dag/ sngon tshe bya rgod phung po'i ril bzhugs// nga sngon byang chub spyad pa spyod pa'i tshe// ting 'dzin zhi ba'i mchog 'di bshad byas te// de dag gi yang tha ma ni/ / 'jig rten mgon po 'od byed pa// sA la'i dbang rgyal zhes bya ste// de la nga yi yongs su dris// nga yang rgyal rig nyid gyur te// rgyal po sa bdag gtso bo yin// nga yi bu yang lnga brgya ste/ / de dag las ni mi nyung byung // sangs rgyas de yi gtsug lag khang // tsan dan khyad par can rnams dang // kha cig rin chen brtsegs pa yi// bye ba snyed ni ngas byas te/ / skye bo mang po dga' zhing yid 'ong ba// 'jigs pa'i bla ma zhes bya rgyal por gyur// sangs rgyas la ni mchod pa dam pa dag/ lo stong bye ba bco brgyad bar du byas// rnam pAr 'dren pa sa la'i dbang po rgyal/ / rkang gnyis gtso bo rgyal ba ma smad pa// de yi dus na de yi tshe tshad ni// lo bye sbyong phyag bdun cu drug tu gyur// nyan thos mtshungs pa khrag/ khrig brgyad cu ste// gsum rig mngon shes drug ldan dbang po thul// zag pa zad cing tha ma'i lus 'dzin pa// de tshe mi mchog gis ni dge 'dun byung // lhar bcas 'jig rten dag la phan pa'i phyir/ / de tshe ting 'dzin 'di ni bdag 'dod pas// rgyal ba rkang gnyis gtso bo de dag la// mchod pa rnam pa mang po ngas byas te// rgyal ba sA la'i dbang rgyal drung du yang / / nga ni btsun mo sras bcas rab tu byung // lo yang bye ba stong phrag bcu bzhir ni// ting nge 'dzin 'di ngas kyang yongs dris te// tshigs bcad khrag khrig stong phrag brgyad cu dang / / gzhan yang dkrigs phrag bya ba rgya rnams ni// ting 'dzin 'di nyid kyi ni le'u gcig pa'o// ngas ni bde bar gshegs pa de las blangs// ting 'dzin dam pa 'di ni 'dod pa'i phyir/ / mgo dang lag pa chung ma de bzhin du// rin chen mang po de bzhin bza' bca' rnams// sngan chad ngas ni ma btang cung zad med// sangs rgyasapani bye ba phrag stong dang / / de las lhag par gan+d+ha'i bye ma snyed// gang dag bya rgod phung po 'dir bzhugs nas// ting 'dzin zhi mchog 'di ston ngas dran te// de kun mtshan kyang shAkya khyu mchog yin// kun gyi sras kyang smug can zin ces bya// zham rnying pa yi ming yang kun dga' bo// ser skya'i grong nAsna thams snad rab tu byung // thugs mchog shA ri'i bu dang / pad+ma nas skyes// skyob pa kun kyang mtshan ni mthun par gyur// de tshe 'jig rten khams kyang ming 'dra ste// thams cad kyang mi sdigs ma'i dus su byung // byang chub spyad pa 'di ni spyod pa'i tshe/ / mi dbang de kun nga yis bkur bstir byas// ting 'dzin 'di ni yongs su tshol ba'i tshe// rgyal la mchod pa ma byas ci yang med// nan tan gyis ni ting 'dzin 'di rnyed de// na tan dag kyang rnam pa mang du gsungs// yon tan kun la rab tu gnas pa dag/ de la ting 'dzin 'di ni rnyed mi dka'// bro ba dag la ma zhen mi brkam zhing // khyim rnams la yang ma chags phrag dog med/ / byams lA gnas shing khro ba med pa dag/ de lA ting 'dzin 'di ni rnyed mi dka'// rnyed dang bkur bsti dag kyang mi 'dod cing // 'tsho ba gtsang la ci yang mi 'chang ba/ / tshul khrims rnam par dag cing 'jigs med pa// de la ting 'dzin 'di ni rnyed mi dka'// g.yal ba med cing brtson 'grus brtsams pa dang // dgon par gnas shing sbyangs la gnas gyur dang / / bdag med bzod pa la yang rab gnas pa// de la ting 'dzin 'di ni rnyed mi dka'// rgod pa med cing shin tu dul ba'i sems// spyod dang spyod lam dag la rab tu gnas/ / gtong la mos shing ser sna med pa dag/ de la ting 'dzin 'di ni rnyed mi dka'// ting 'dzin zhi ba 'di ni gang 'dzin pa// de la dpe byad bzang dang mtshan// rnams dang // 'dren pa sangs rgyas chos ni bco brgyad dang // stobs dang mi 'jigs gang brjod rnyed mi dka'// sangs rgyas spyan gyis gzigs pa'i sems can gang // de dag dus gcig sangs rgyas nyid gyur la/ / de rnams re re'i tshe yi tshad kyang ni// bskal pa bye ba stong phrag bsam mi khyab// de dag re re la yang mgo bo ni// rgya mtsho kun gyis bye ma de snyed yod/ / mgo bo ji snyed yod pa thams cad la// de snyed lce yang mgo bo kun la yod// de dag kun gyis ting 'dzin 'di las gang // tshogs bcad 'di yi phan yon brjod kyang ni/ / cung zad yongs su brjod par mi 'gyur na// gang gis bslabs shing gzung ba ci zhig smos// ting 'dzin blta dka' zhi ba gang 'dzin pa// sbyangs pa'i yon tan blangs shing spyod pa dag/ de la lha dang lha min gnod sbyin smon// rgyal po dag kyang phyi bzhin 'brang bar byed// ting 'dzin zhi ba rnyed dka' gang 'dzin pa// rgyal ba dag gis yongs su bzung bar 'gyur/ / lha dang klu rnams rtag tu rjes su 'brang // phas kyi rgol bas de yi gzi mi bzod// ting 'dzin zhi ba 'di ni gang 'dzin pa// de yi spobs pa dag ni mtha' yas 'gyur/ / mdo sde dag ni stong rnams rab ston kyang // de la nam yang rgyun ni 'chad mi 'gyur// gang rnams mi bzad chen po'i phyi dus na// ting nge 'dzin pa di thos nas 'dzin pa rnams// sangs rgyas 'dren pa snang ba dpag med dang // bde ldan 'jig rten khams kyang mthong bar 'gyur// phan yon 'di dag rab tu bstan mdzad nas/ / yongs su mya ngan nga 'das phyi ma'i tshe// ting 'dzin rnam par dag pa 'di bzung zhes// rang byung ston pa bdag nyid gsol ba 'debs// yongs su mya ngan gang 'das sangs rgyas dang / / gang rnams ma byon da ltar byung ba yi// rgyal ba thams cad ting 'dzin 'di bslabs nas// byang chub rdul bral 'dus ma byas pa rtogs// sA la'i dbang po'i rgyal po'i le'u ste gnyis pa'o/ / // de nas yang bcom ldan 'das kyis// zla 'od gzhon nur gyur pa la bka' stsal pa/ gzhon nu de lta bas na/ byang c hub sems dpa' sems dpa' chen pos de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi yon tan brjod pa yang dag par bstan pa dang don dang 'bru yongs su mi zad par bya ba dang / bdag gi tshig thams cad sangs rgyas yongs su bzung zhing 'byung bar 'dod na// gzhon nu byang chub sems dpa' sems dpa' che bo des sems can thams cad kyi don tu ting nge 'dzin 'di gzung bar bya/ kun chub par bya// bcang bar bya// bklags par bya// rab tu gdon par bya/ lung mnod par bya// kha ton du bya/ nyon mongs pa med pa'i sgom pas/ bsgom par bya/ mang du bya// gzhan la yang rgya cher rab tu bstan par bya'o// gzhon nu de bzhin gshegs pa'i sangs rgyas kyi yon tan yang dag pa gang yin zhe na/ gzhon nu 'di la byang chub sems dpa pa sems dpa' chen po dgon pa na 'dug kyang rung // shing drung na 'dug kyang rung // bla gab med pa na 'dug kyang rung // khyim stong ba na 'dug kyang rung / / 'di la yang dag par slob ste/ 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba// bla na med pa// lha dang mi rnams kyi ston pa/ sangs rgyas bcom ldan 'das de bzhin gshegs pa de bsod nams dag gi rgyun mthun pa/ dge ba'i rtsa ba rnams chud mi za ba// bzod pas brgyan pa// bsod nams kyi gter rnams kyi gzhi/ dpe byad bzang po rnams kyi smras pa/ mtshan gyi me tog rgyas pa/ spyod yul ran par mthun pa/ mthong na mi mthun pa med pa/ dad pas mos pa rnams mngon par dga' ba/ shes rab zil gyis mi non pa/ stos rnams la rdzi ba med pa/ sems can thams cad kyi ston pa/ byang chub sems dpa' rnams kyi yab/ 'phags pa'i gang zag rnams kyi rgyal po// las dang po pa rnams kyi ded dpon/ ye shes dpag tu med pa/ spobs pa bsam gyis mi khyab pa/ gsung rnam par dag pa/ dbyangs snyan pa/ sku byed lta bas chog mi shes pa/ sku mtshungs pa med pa/ 'dod pa dag gis mgos pa/ gzugs dag gis nye bar ma gos pa// gzugs med pa dag dang ma 'dres pa// phung po dag las rab tu rnam par grol ba/ khams rnams dang mi ldan pa/ skye mched rnams pa sdams pa/ mdud pa rnams shin tu bcad pa/ yongs su gdung ba dag las rnam par grol ba/ sred pa las yongs su grol ba chu bo las rgal ba/ ye shes yongs su rdzogs pa/ 'das pa dang / ma byon pa dang / da ltar gyi sangs rgyas bcom ldan 'das rnams kyi ye shes la gnas pa// mya ngan las 'das pa la mi gnas pa/ / yang dag pa nyid kyi mtha' la gnas pa/ sems can thams cad la gzigs pa'i sa la bzhugs pa ste/ gzhon nu 'di dag ni// de bzhin gshegs pa'i sangs rgyas kyi yon tan yang dag pa ste/ byang chub sems dpa' sems dpa' chen pos/ sangs rgyas kyi yon tan dang // bsngags pa 'di dag dang ldan zhing // ting nge 'dzin 'di la brten nas/ spobs pa rgyun mi 'chad pas// de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi yon tan dang / bsngags pa yang dag par bstan na/ / don dang 'bru yongs su zad par mi 'gyur te/ de'i tshig thams cad kyang sangs rgyas kyis yongs su bzung bar 'byung ngo // de nas de'i tshe bcom ldan 'das kyis don de nyid gsal bar bya ba'i phyir/ zla 'od gzhon nur gyur pa la rgyas par tshogs su bcad pa'i dbyangs kyis rgya cher yang dag par rab tu bshad do// bskal pa stong phrag mang por rab bshad kyang / / rgyal ba'i bsngags pa thams cad brjod mi smra// ting 'dzin zhi mchog 'di ni tshol ba'i phyir// rgyal bas de lta'i yon tan yang dag bsgrubs/ / ngas ni ting 'dzin zhi mchog 'di tshol bas// sngon tshe zhum pa med pa'i yid kyis su// bu mo gzugs bzang shin tu blta na sdug/ legs par lus brgyan yid du 'ong ba byin/ / ngas ni ting 'dzin zhi mchog 'di tshol bas// sngon tshe zhum pa med pa'i yid kyis su// de bzhin bran pho bran mo nor dang 'bru// de bzhin nor bu mu tig gsar dngul byin/ / ngas ni ting 'dzin zhi mchog 'di tshol bas// nor bu rin chen sna tshogs mu tig 'phreng // gos dang gdu bu gser skud mdzes pa dag/ sngon tshe 'dren pa rnams la ngas btang byas/ / bskal pa bye ba mtha' yas dpag med par// dri mchog dri ldan dbyar gyi me tog dag/ rab tu bla na med pa'i sems bskyed nas// rgyal bzhi mchod rten dag la nga yis phul/ / 'khor gyi nang du ri mo bskyed nas kyang // de bzhin chos kyi sbyin pa ngas byin te// chos kyis sbyin pa byin pas nga grags mnyam// nga la nam yang de 'dra'i sems ma skyes/ / skrag pa'i mchog sbyin bdag nyid spyad par ni// de snyam chags pa nga la yong ma byung // sbyin pa'i chos ni mang du ngas byin te// rtag tu sangs rgyas ye shes ngas thob snyam/ / sbyangs pa'i yon tan dag kyang ngas sngon bsgrubs// nags mchog sgra nyung rtag tu gnas byas te// thams cad dus su snying rje mang bar gyur// rtag tu sangs rgyas ye shes ngas 'thob snyam/ / byams shing 'jam la 'gyed pa'i ngang tshul can// thos pa 'dzin cing bzhin 'dzum tshig kyang 'jam// shin tu tshig snyan mang po kun kyang dga'// nga la skye bo kun lha rmongs mi 'gyur/ / ser sna can du skad cig ma gyur te// srid pa mang por nam yang ser sna med// rtag tu bsod snyoms dag la nga dga' skye// mgron du bos pa thams cad ma lus spangs/ / 'di las rtsa bzhi tshogs bcad gcig bzung na// mang du thos shing thos pa 'dzin par 'gyur// des ni nga la bla na med pa yis// dad pas mchog bskyed rtag tu bkur bsti byas/ / ngas ni ting 'dzin zhi mchog 'di tshol phyir// rnam par 'dren la mchod pa mang po byas// sbyin pa rnam pa mang po mtha' yas byin/ bzhin tshul khrims dag kyang yun rings bsrungs// 'jig rten khams yang sna tshogs mtha' yas pa// nor bu rin chen bkang ste sbyin byin pas// ting 'dzin 'di las tshigs bcad gcig bzung na/ / de bas bsod nams 'di ni rgya cher 'phags// bskal pa mtha' yas dpag med mang po yang // me tog mang po ji snyed yod pa dang // de bzhin spos rnams yid 'ong rgya che bas/ / bsod nams 'dod phyir rgyal la mchod pa dang // bskal pa mtha' yas dpag med mang por ni// sil sman mang po ji skad yod pa dang // de bzhin snang gsal zhal zas na bza' yis// bsod nams 'dod phyir rgyal ba mchod pas mnyes// rang byung rgyal ba chos rjer bdag gyur ces// mi gang byang chub tu ni sems bskyed nas/ / mnyam par gzhag pas tshigs bcad gcig bzung na// de bas bsod nams 'di ni rgya char 'phags// gang+gA'i bye ma mang po ji snyed pa// bskal pa de skad dur phan yon rnams/ / brjod kyang yongs su zad par mi nus te// ting 'dzin 'di bzung bsod nams shin tu che// de phyir sangs rgyas phan yon dag/ shin tu bzang po 'di thos nas// sangs rgyas bsngags pa'i ting 'dzin 'di// myur du lung srung mnod par gyis// sangs rgyas bye ba bdun cu gsum// sngon gyis skye bar bkur sti byas// sangs rgyas de dag thams cad kyi// mdo sde 'di ni rab tu bshad// mdo sde 'di yi ming yang ni// snying rje chen por 'jug ces bya// 'di la mang du thos bslabs na// sad+ma rgyas chos ni rnyed mi dka'/ / 'jig rten 'dren pa mya ngan 'das// phyi ma'i dus la dge slong ni// sdom pa med pa mang po dag/ mang du thos pa mi 'dod 'byung // tshul khrims bsngags pa brjod byed la/ / tshul khrims don tu gnyer ba med// ting 'dzin bsngags pa brjod byed la// ting 'dzin don tu gnyer ba med// shes rab bsngags pa brjod byed la/ / shes rab don du gany+dzar ba med// rnam grol ba sngags pa brjod byed la// rnam grol don du gnyer ba med// ji ltar skyes bu la la dag/ tsan dan dag ni 'di 'dra ste/ spos kyi rnam pa yid 'ong zhes// tsan dan dag gis yon tan brjod// de nas mi gzhan la la yis// de ltar bsngags pa brjod pa yis// tsan dan cung zad srel tam zhes/ / skyes bu la las de dris na// skyes bu de la slar smras pa// gang gis 'tsho bar byed pa yi// spos kyi bsngags pang brjod pa// spos deng la med ces smra// bzhin rnal 'byor mi brtson pa// tshul khrims bsngags pas 'tshe ba dag/ phyi ma'i dus la 'byung 'gyur te// de dag la ni tshul khrims med// de bzhin rnal 'byor mi brtson pa// ting 'dzin bsngags pas 'tsho ba dag/ phyi ma'i dus la 'byung 'gyur te// de dag la ni ting 'dzin med// de bzhin rnal 'byor mi brtson pa// shes rab bsngags pas 'tsho ba dag/ phyi ma'i dus la 'byung 'gyur te// de dag la ni shes rab med// de bzhin rnal 'byor mi brtson pa// rnam grol bsngags pas 'tsho ba dag/ phyi ma'i dus la 'byung 'gyur te/ / de dag la ni rnam grol med// ji ltar skyes bu dbul po la la zhig/ skye bo mang pos yongs su brnyas gyur la// de yis phyis gdong nor gyi gter rnyed nas nor yod rig pas skye bo ri mor byed/ / de bzhin ting 'dzin 'di ni ma thob na// byang chub sems dpa' de'ang lha mi dang // grul bum srin po mang pos mi bkur te// ji ltar skyes bu dbul po nor me de bzhin/ / mkhas pas gzhal du med pa'i chos kyi gter// sa 'dri nam zhig rab tu thob gyur na// lha dang mi dag de la re ba skyed// des kyang skye dgu bla med nor rnams sbyin/ / de phyir rgyal ba dag gis brjod pa yin// phan yon dam pa bzang po 'di thos nas// shes kyi khe dang bde rnyed kun spangs te// ting 'dzin zhi mchog 'di ni lung mnod kyis/ / sangs rgyas su dag phyogs su mya ngan 'das// gang dag da ltar byung dang ma 'ongs pa// de dag thams cad ting 'dzin 'di bslabs nas/ byang chub bsam yas mtshungs med nams sangs rgyas// zla 'od gzhon nur gyur pa sems dga' nas// sangs rgyas spyan sngar 'dug ste tshig smras pa// skyes bu dam pa mya ngan yongs 'das nas/ / ma rungs dus na bdag gis mdo 'di gzung // bdag gis lus dang srog kyang yongs btang ste// 'jig rten skyid pa ci mchis kun btang la// bdag gis 'jig pa chen po'i dus der yang / / ting 'dzin zhi mchog pa di ni gzung bar bgyi// sems can mang la snying rje cher bskyed de// sems can sdug bsngal mgon med mthong nas kyang / / de dag la ni byams pa nyer sbyar zhing // ting 'dzin zhi mchog 'di ni gzung bar bgyi// de yi tshe na ting 'dzin 'dzin pa dag/ lnga brgya las ni mi nyung der byung ste/ mdo sde mchog 'di rgya cher bzung ba la// de dag sngon du 'dren pa gzhon nu yin// sangs rgyas kyi yon tan yang dag par bsngags pa'i le'u ste gsum pa'o// 'phags pa ting nge 'dzin gyi rgyal po bam po gnyis pa// de nas zla 'od gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// kalA te zhwas/ nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / de skad ces gsol pa dang / bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu khyod la de bzhin gshegs pas rtag tu skabs phyis/ de bzhin gshegs pa dgra bcom pa yang dag par rdzogs pa'i sangs rgyas la khyod ci dang ci 'dod pa dris shig/ de skad ces bka' stsal te/ bcom ldan 'das kyi skabs phye ba dang / bcom ldan 'das la zla 'od gzhon nur gyur pas 'di skad ces gsol to// bcom ldan 'das ting nge 'dzin ting nge 'dzin ces bgyi ba de chos gang gi rig bla dgras lags/ de skad ces gsol pa dang / bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu ting nge 'dzin ting nge ces bya ba ni/ 'di lta ste/ sems nges par rtogs pa dang / skye ba med pa dang / mtshams sbyor ba med pa dang / mtshams sbyor ba shes pa dang / khur bor ba dang / de bzhin ga pa'i ye shes dang / sangs rgyas kyi khyu mchog su gyur pa dang / 'dod chags bsal ba dang // zhe sdang khar zhi ba dang / gti mug bsam pa dang / rigs par rnal 'byor du byed pa dang / mi rigs pa rnam par spong ba dang / dge ba'i chos la 'dun pa dang / 'khor ba las thar par 'dod pa dang / lhag pa'i bsam pas sgrub pa dang / mi nyal ba la ston pa dang / spong ba mi gtong ba dang / chos dkar po rnams yongs su srung ba dang / skye bo rnams la yid mi rton pa dang / las rnams la mngon par 'du mi byed pa dang / nang gi skye mched rnams yid la mi byed pa dang / phyi'i skye mched rnams la kun tu mi spyod pa dang / bdag la mi bstod pa dang / gzhan la mi smod pa dang // khyim la chags pa med pa dang / so so'i skye bo la yid mi rton pa dang / tshul khrims kyi rgyu mthun pa dang / bsnyen par dka' ba dang / gzi chen po dang / bdag shes pa dang / mi rgod pa dang / spyod lam phun sum tshogs par gnas pa dang / gnod sems med pa dang / mi rtsub pa dang // gzhan la mi gnod pa dang / bshes gnyen rnams la rjes su srung ba dang / gas bo'i sngags kun tu srung ba dang / tshul khrims dang ldan pa la rnam par mi 'tshe zhing / gnod pa med pa dang / 'jam por smra ba dang / khams gsum thams cad la mi gnas pa dang / chos thams cad la stong pa nyid kyi rjes su mthun pa'i bzod pa dang / thams cad mkhyen pa'i ye shes la shin tu 'dun pa ni/ gzhon nu ting nge 'dzin ces bya ste// gzhon nu gang de lta bu'i chos de dag la sgrub par byed kyi/ / log par sgrub par mi byed pa 'di ni ting nge 'dzin ces bya'o// de nas bcom ldan 'das chos thams cad kyi rang bzhin mnyam pa nyid rnam par spros pa'i ting nge 'dzin 'di nyid ston cing / / de yi tshe zla 'od gzhon nur gyur pa la rgyas par tshigs su bcad pa'i dbyangs kyis rgya cher yang dag par rab tu bstan to/ / ngas ni bdud rtsi'i sgo yang rab tu phye// chos kyi rang bzhin ci 'dra de bzhin bshad// skye ba dag kyang ci 'dra ngas bstan te// mya ngan 'das pa phan yon bcas pa bshad/ / sdig pa'i grogs po rtag tu rnam par spangs// dge ba'i bshes gnyen la yang bsten par bya// 'du ba spangs te nags khrod gnas bca' zhing // byams pa'i sems ni rtag tu bsgom par bya/ / tshul khrims dag pa rtag tu bsrung byas te// sbyangs la dga' ba'ang rtag tu thob par bya// gtong ba dang ni shes rab bsnyen byas nas// ting 'dzin 'di ni rnyed par dka' mi 'gyur// nyan thos mang po yi ni sa min pa// zhi ba'i sa 'di dag kyang thos nas ni// bde bar gshegs pa'i chos la mngon sum gyur// sangs rgyas yon tan bsam yas thob par 'gyur// skyes bu blo ldan snod 'gyur mthong nas kyang // de dag byang chub sems la yang dag tshud// bla med ye shes la ni rab bkod na/ / ting 'dzin rgyal po 'di ni rnyed mi dka'// yongs su tshol dang kun tu longs spyod dang // kha zas rgyu mthun dag ni gang gi phyir// phrag dog skyes pa de la rab tu rtogs/ / ting 'dzin 'di ni rnyed par yong mi dka'// ting 'dzin rgyal po stong pa 'di bsgom pa// tshul khrims dag pa'i mgo la de 'dug ste// chos rnams rang bzhin rtag tu mnyam gzhag na/ / byis pa mi rigs brtson pas mi shes so// su dag ting 'dzin zhi ba 'di 'dod pa// de la nam yang 'jig pa'i blo mi 'byung // rab tu zhi ba'i sa 'di bsten nas ni/ / mi mchog rnams kyang rtag tu mthong bar 'gyur// de bzhin gshegs pa'i sku byad gang dran pa// de ni yid zhi dbang po zhi bar 'gyur// sam la 'khrul med rtag tu mnyam par gzhag/ thos dang shes pa dag ni rgya mtsho bzhin// ting 'dzin 'di la rab tu gnas nas ni// byang chub sems dpa' 'chag sar su 'chag pa/ des ni sangs rgyas bye ba phrag stong dang // de bas lhag par gang+gA'i bye snyed mthong // su dag sangs rgyas chos la tshad 'dzin pa// mi de'i sems ni shin tu myos par 'gyur// tshad las 'das pa la ni tshad gzung med// 'dren pa yon tan thams cad bsam mi khyab// phyog sa bcu dag na sems can su yang nI// 'jig rten mgon dang mnyam med su zhig lhag/ thams cad mkhyen pa'i yon tan kun ldan pa// sangs rgyas ye shes 'dod cing thob par gyis// sku lus dag ni gser gyi mchog 'dra bas// 'jig rten mgon po kun nas rab tu mdzes/ / dmigs pa 'di la gang gi sems 'jug pa// byang chub sems dpa' de ni mnyam gzhag yin// mkhas pas 'dus byas 'dus ma byas rig ste// mtshan ma'i 'du shes de ni rnams bshig nas// mtshan ma med pa la ni de gnas na// chos rnams thams cad stong par rab tu shes// gang dag chos kyi sku la gnas gyur pa// de ni/ dngos po thams cad dngos med shes// de yis dngos po'i 'du shes rnam bshig nas// rgyal ba'i dbang po gzugs kyi skur mi lta// khyod la bsgo zhing khong du chud par bya// ji ltar mi dge mang du rtogs byed pa/ / de la gnas pa'i rtog pa de dag gis// de bzhin du ni de la sems gzhol 'gyur// de bzhin rgyal ba yi ni sku byang dang // ye shes dpag tu med par thub dbang dran/ / rtag par rjes su dran pa bsgom byas na// de la sems gzhol rab tu 'bab par 'gyur// de ni 'chag 'dug 'greng zhing gnas pa'i tshe// skyes bu dam pa'i ye shes rab tu 'dod/ / 'jig rten rgyal bla tha med bdag 'byung bar// 'dod pas byang chub tu yang smon lam 'debs// des ni sangs rgyas shes shing sangs rgyas mthong / / sangs rgyas chos nyid la yang so sor rtog/ ting 'dzin 'di la rab tu gnas byas nas// mthu chen sangs rgyas la ni phyag kyang 'tshal// lus dang ngag dang yid rab dang ba yis/ / rtag tu sangs rgyas dag gi bsngags pa brjod// de ltar des ni sems kyi rgyud bsgom pas// nyin mtshan du yang 'jig rten mgon po mthong // nam zhig de ni na zhing mi bde nas// shi la thug pa'i sdug bsngal tshor byung na// sangs rgyas la ni dran pa mi nyams te// sdug bsngal tshor bas 'phrogs par yong mi 'gyur// de ltar de dag ye shes rnam brtag pas/ / 'ongs dang mi 'ongs chos rnams stong par shes// de 'dra'i chos kyi tshul la de gnas pas// spyod pa yongs su spyod pas sems mi skyo// de phyir phan yon 'di dag thos nas ni// mtshungs med byang chub la yang mos pa skyed// bde gshegs dam pa mthong ba rnyed dka' yis// phyi ma'i dus na 'gyod pa skyes sA re// ngas ni rab tu bzung ba'i chos bshad kyang // khyed kyis thos nas yang dag ma spyad na// nad pa sman gyi rgyal po thogs pa dag/ bdag gi nad ni gso bar mi nus bzhin// de phyir mkhas pa shin tu rtogs pa dang/ rtag tu ting 'dzin 'di ni 'dod pa yis// tshul khrims thos pa gtong ba rnyed byas na// ting 'dzin 'di ni ru par song mi dka'// ting 'dzin gyi le'u ste bzhi pa'o/ / / de nas yang bcom ldan 'das kyis/ d+hU 'od gzhon nur gyur pa la bka' stsal pa/ gzhon nu de lta bas na/ byang chub sem dpa' sems dpa' chen pos/ / ting nge 'dzin 'di 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ mgo dang gos la me 'bar ba lta bu'i sems kyis/ pha dang ma dang / bu dang bu mo dang / nye du dang / snag gi gnyen mtshams dang / gnyen dang / rtsa lag dang / chung ma la sogs pa me bzhin du spangs la/ / rgyal srid kyi bde ba thams cad mchil ma'i thal ba bzhin du bor te/ dgon pa la mngon du phyogs shing / khyim gyi gnas nas mngon par 'byung bar bya'o// de ci'i phyir zhe na/ gzhon nu dgon pa la mngon du phyogs shing khyim gyi gnas nas mngon par 'byung ba'i byang chub sems dpa' sems dpa' chen pos// bla na med pa yang dag par rdzogs pa'i byang chub kyang rnyed par dka' ba ma yin na/ / ting nge 'dzin 'di lta ci smos te/ gzhon nu de lta bas na/ bu dang / mdza' bo dang / nye du dang / snag gi gnyen mtshams dang / / rlung ma sa sa / shA 'du sna d+ma/ swA/ na / nga gyis kyi na nas mngon par 'byung bar ba/ kon nu yang kyis gyu sa tu bsgru ba 'o// kau d+hu sgru baban nas byung bas pa kyis 'di ltar rig par bya ste gzhon nu sngon byung ba 'das pa'i dus na bskal ba grangs med pa pas kyang ches grangs med pa/ rgya che ba dpag tu med pa/ bsam gyis mi khyab pa// gan du med par gyur/ / de 'i tshe de'i dus na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyungs byin ces bya ba rig pa dang / zhangs su ldan pa/ bde bar gshegs pa/ 'jig rten mkhyen pa// skyes bu 'dul ba'i kha lo sgyur ba// bla na med pa// wa dang mi rnams kyi ston pa/ sangs rgyas ba com ldan 'das 'jig rten du byung ngo / / gzhon nu de'i tshe de yi dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin de yi nyan thos 'dus pa dang po ni/ thams cad kyang dgra bcom pa sha stag bye ba phrag brgyad cu byung ngo // nyan thos 'dus pa gnyis pa ni/ dgra bcom pa bye ba phrag bdun cu byung ngo // 'dus pa gsum pa ni dgra bcom pa bye ba phrag drug cu byung ngo / / byang chub sems dpa' sems dpa' chen po dam pa'i chos yongs su 'dzin pa yang dpag tu med pa dag byung ngo // gzhon nu de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin de'i tshe'i tshad ni// lo bzhi khrir gyur to// 'dzam bu'i gling 'di yang 'byor pa/ / rgyas pa/ bde ba/ lo legs pa/ dbyangs dga' ba/ skye bo dang mi mang pos gang bar gyur to// 'dzam bu'i gling 'di na rgyal po stobs brtan dang / stobs chen zhes bya ba gnyis yod de/ de la gcig ni 'dzam bu'i gling / 'byor pa rgyas pa bde ba/ lo legs pa/ dbyangs dga'// skye bo dang // mi mang pos bang ba'i phyed la dbang ngo / / gcig shos kyang de yi phyed la dbang ngo // gzhon nu de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin de/ rgyal po stobs chen gyi rnam par rgyal ba'i sar byung ste/ gzhon nu de ltar rgyal po stobs chen gyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin de'ibyang chub sems dpa'i dge 'dun dang / dge slong gi dge 'dun dang bcas pa la/ na bza' dang // bsod snyoms dang / snyun / gsos kyi ban+d+ha dang / oM byad brtag stsa / sa spyad par rung / an ma tho ba med pa/ lo brgya stong mang ba spyan drangs so// gakon nu de'i de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin byang chub sems dpa'i dge 'dun dang bcas pa/ nyan thong dge 'dun dang bcas pa/ rnyed pa dang / bkur sti dang / glags pa che bar gyur to// bram ze dang / khyim bdag dad pa dag gis kyang // bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin/ byang chub sems dpa'i dge 'dun dang bcas nyan thos kyis dge 'dun dang bcas pa la// rnyed pa dang / bkur ba sti cher byas so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin la/ bram ze dang / khyim bdag de dag gis kyang 'di lta ste/ rgyal po stobs chen gyi rjes su slob cing / 'jig rten gyi zang zing gi mchod pas rnyed pa dang / bkur bsti bya ba'i phyir brtson par gyur to// gzhon nu de lta bas na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin 'di snyam du gyur te/ kye ma'o sems can 'di dag ni/ tshul khrims dang gso sbyong yang dag par blang ba dang / de bzhin gshegs pa rnams kyi drung du nye bar 'gro ba dang / de bzhin gshegs pa la bsnyen bkur byu ba dang / tshangs par spyod pa la gnas pa dang / rab tu byung zhing bsnyen par rdzogs par dge slong gi dngos por 'gyur ba las yongs su nyams par 'gyur te/ sems can 'di dag ni de yi 'og tu bde ba la lhur byed par 'gyur ro/ / de ci'i phyir zhe na/ de ni 'di ltar de'i 'og tu bde ba ni 'di lta ste/ 'jig rten gyi zang zing gi mchod pa 'di yin te/ sems can 'di dag ni 'di lta ste/ mtho ris kyi 'jig rten la dmigs shing tshe 'di gyur byed do/ / tshe phyi ma lhur mi byed pa ste/ dge ba'i rtsa ba shin tu mthar gtug pa'i phyir ni ma yin no// gzhon nu de la dge ba'i rtsa ba shin tu mthar gtug pa gang zhe na/ 'di lta ste/ shin tu rnam par dag pa dang / tshangs par spyod pa la shin tu gnas pa dang / shin tu mthar phyin pa dang / shin tu mthar gtugs pa'o// ngas sems can de dag la ci nas kyang bla na med pa'i chos kyi mchod pa dang // chos kyi nan tan gyis de bzhin gshegs pa la mchod par 'gyur ba/ de lta de ltar chos bshad par byas snyam mo/ / gzhon nu de nas de bzhin gshegs pa dgra bcom pa yang dag par rdzogs pa'i sangs rgyas dbyangs byin gyis/ de yi tshe rgyal po stobs chen dang / bram ze dang / khyim bangs/ de dag skyo bar bya bar dgongs nas/ tshigs su bcad pa 'di dag gsungs so// sbyin pa rab byin gcig la gcig bsten pa// de dag phan dz+nyAn ri mo byed mi 'gyur/ / mkhas pa bag chags rab tu spangs pa yi// sangs rgyas dag gis bstan pa de mi bsngags// gang dag srog chags pan phyir chos ston bya// de 'dra'i mi dris sprin tu bstan pa sbyin/ / de dag gcig lA gcig kyang mi byung mnga'// hUM ba snyed kyi bdud kyis dbye me nag/ 'jig can dang zing dag gos bsnyen ma// de dag tshe 'dzin don tu kun 'gyur gyi/ / gang ring med pa'i chos sgyu ba ni// mi dag gi yang ra don can 'gyur// zang zing med pa'i sems ni ga ga n+d+he// khang ming med pa'i chos rnams rab bshad pa/ / gang dag zang zing med pa'i dgub ldan pa// de 'dra dag gyur du sbyang saM rgyas 'gyur// 'dod pa dag lta rab tu sbyin byu cing // tha dang rlung sa babyud na/ / kyi du dulan da// tham chu chu ma 'gyu// ra rba baSh+T+rI nu 'dod da// tha dang chu mi la da zu 'i khyo ni ma sa khyimagyi thal 'dres pams/ pa mchog 'di thob pa ni/ / de 'dra'i sangs rgyas gang yang sngon ma byung // ma byon pa dang da ltar bzhugs pa'ang med// rgyal srid mchil ma bzhin du rab spong la/ dben pa 'dod pas dgon par gnas par gyis// nyon mongs rab spangs bdud kyang rnam bcom nu// byang chub rdul med 'dus ma byas pa rtogs// sangs rgyas dpa' bo gang+gA'i bye ma snyed/ / bskal pa bye mang rim gro sras byas pas// gang zhig yongs su skyo ba'i yid kyis ni// khyim nas mngon par byung na 'di mchog 'gyur// ji ltar rab tu byung nas chos spyod pa/ / de ltar zas dang sgom dang chos gos dang // me tog dang ni spos dang byug pa yis// mi mchog rgyal ba rim gro byas ma yin// su dag byang chub don tu 'dod mos shing / / sems can don phyir 'dus byas yongs skyo nas// dgon pa ltas te gom pa bdun por na// de bas 'di ni bsod nams khyad par 'phags// de nas gzhon nu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin gyis mngon par 'byung ba dang ldan pa'i gtam brjod pa de lta bu rgyal po stobs chen gyis thos so/ / thos nas ji ltar bdag gis bcom ldan 'das kyis bshad pa'i don shes pa ltar na/ bcom ldan 'das ni sbyin pa'i pha rol tu byin pa'i bsngags pa mi brjod kyi/ bcom ldan 'das ni tshul khrims kyi pha rol tu phyin pa shin tu mthar gtugs pa'i bsngags pa brjod de/ badz+ra ldan 'das kyis ni shin tu rnam par dag pa dang / tshangs par spyod pa la shin tu gnas pa dang / shin tu yongs su mya ngan smras 'das pa bsdug sngogs byas na nas/ de 'di snyam du khyim na gnas pas bla na med pa'i chos kyi nan tan bsgrubs pa 'am/ don rjes su thob par 'gyur ba 'di ni smra ba ma yin te/ bla na med pa'i chos kyi nan tan las bdag yongs su nyams par 'gyur gyis/ / bdag ni sgra dang khwa spu bregs te/ gos ngur smrig bgos nas/ khyim nas khyim med par rab tu 'byung ngo snyam mo// gzhon nu de nas rgyal po stobs chen bram ze dang / khyim bdag brgyad khris bskor cing mdun du bdar te/ de dag dang lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbyangs byin ga la ba dar song ste phyin pa dang / bcom ldan 'das kyi zhabs la mgo bos phyag 'tshal nas/ bcom ldan 'das pa lan gsum bskor babyas te/ phyogs gcig tu 'dug go// de nas gzhon nu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des rgyal po stobs chen gyi lkug pa'i bsam pa mkhyen nas/ chos thams cad kyi rang bzhin mnyam pa nyid rnam par spros pa'i ting nge 'dzin 'di bshad do// de nas gzhon nu rgyal po stobs chen/ ting nge 'dzin 'di thos nas/ dga' ba dang / mgu ba dang / rangs pa dang / rab tu mos pa dang / yid bde bskyes nas/ skra dang kha spu bregs te/ gos ngur smrig bgos nas yang dag par dad pas khyim nas khyim med par rab tu byung bar gyur to/ / de de ltar rab tu byung nas/ ting nge 'dzin 'di bzung ste/ bzung zhing kun chub par byas/ bcangs shing bklags nas sgom pa'i rnal 'byor la rjes su brtson par gnas par gyur to/ / de dge ba'i rtsa ba de nyid kyis bskal pa bye ba phrag bcu'i bar du nam yang ngan 'gro log par ltung bar ma song ste/ sangs rgyas bye ba phrag nyi shu la bsnyen bkur byas shing / de bzhin gshegs pa de dag thams cad las kyang ting nge 'dzin 'di thos so// sangs rgyas de dag las thos nas de bzung ste/ kun chub par byas/ bcangs shing bklags nas bsgom pa'i rnal 'byor la rjes su brtson par gnas so// de de'i 'og tu dge ba'i rtsa ba de nyid kyis bskal pa bye ba phrag bcu 'das pa dang / bskal pa 'bum tshang nas/ bla na med pa yang dag par rdzogs pa'i byang chub mngon par rdzogs par sangs rgyas par gyur te de bzhin gshegs pa dgra bcom pa yang dag par rdzogs pa'i sangs rgyas ye shes dpa' 'azhes bya bar gyur nas/ / des sems can dpag tu med pa rnams kyi don dus te/ byis pa rgyas kyi mya ngan las 'da' bas yongs su mya ngan las 'das par gyur to/ / gzhon nu de nas srog rmugs rgya stong phrag brgyad cu rgyal po stobs chen dang lhan cig tu bcom ldan 'das de bzhin gshegs pa dbyangs byin gyi drung du 'ongs pa de dag thams cad kyis kyang ting nge 'dzin 'di thos nas/ dga' mgu yi rangs shing rab tu dga' ste/ dga' ba dang yid bde ba skyes nas/ sgra dang kha spu bregs te/ gos ngur smrig bgos nas/ yang dag par dad pas khyim nas khyim med par rab tu byung bar gyur to// de ltar de dag kyang rab tu byung nas ting nge 'dzin 'di bzung ste/ kun chub par byas// bcangs shing bklags nas/ bsgom pa'i rnal 'byor la rjes su brtson par gnas so// dge ba'i rtsa ba de nyid kyis/ de dag bskal pa bye ba phrag nyi shu'i bar du/ nam yang ngan 'gro log par ltung bar ma song ste/ bskal pa thams cad la yang sangs rgyas bya ba rnams mnyes par byas nas/ de bzhin gshegs pa de dag thams cad las ting nge 'dzin 'di thos nas/ ting nge 'dzin 'di bzung ste/ kun chub par byas/ bcangs shing bklags nas/ bsgom pa'i rnal 'byor la rjes su brtson par gnas te/ sngon gyi dge ba'i rtsa ba de nyid kyis/ bskal pa bye ba phrag nyi shu bdas pa de'i 'og tu bskal pa 'bum tshangs nas/ bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang drag par rdzogs pa'i sangs rgyas mtshan dpa' brtan zhes bya ba sha stag 'jig rten du byung ste/ de dag gis kyang sems can dpag tu med pa yongs su smin par byas shing // de dag gi don byas nas/ de'i 'og tu sangs rgyas kyi mya ngan las 'da' bas yongs su mya ngan las 'das par gyur to/ / gzhon nu khyod de lta bas na/ rnam grangs 'di nyid kyis 'di ltar ting nge 'dzin 'di ni/ byang chub sems dpa' sems dpa' chen po rnams kyis gces spras byed pa yin te/ thams cad mkhyen pa'i ye shes/ bla na med pa sdud pa yin par rig par bya'o// de nas de'i tshe bcom ldan 'das kyis/ zla 'od gzhon nur gyur pa la sngon byung ba'i le'u 'di nyid rgyas par tshigs su bcad pa'i dbyings kyis bya cher yang dag par rab tu bstan to// ngas dran pasam gyis mi khyab bskal pa na/ / 'das pa'i dus ni mi yi gtso bo ni// drang srong chen po 'jig rten don mdzad byung // de yi mtshan ni dbyangs kyis byin zhes bya// bye phrag brgyad cur yongs su tshang ba yi/ / de yi nyan thos 'khor mang dang po byung // gnyis pa bye ba bdun cur tshang ba byung // gsum pa dgra bcom bye ba drug cu yod// kun kyang zag pa zad cing nyon mongs med// thams cad rdzu 'phrul stobs kyi pha rol phyin// tshe tshad lo ni stong phrag bzhi bcu ste// zhing yang yongs su dag cing mdzes par gyur/ / skyo ba de'i byang chub sems dpa' gang byung ba// dpag med de dag gzhan phan dbang bskur thob// dbang drang sA la rab tu gnas pa ste// shing mchog drung du byang chub 'tshang rgyar to/ / 'dzam bu'i gling 'dir rgyal po byung ba ni// stobs brtan dang ni stobs chen zhes bya ba// gcig ni de yi phyed dbang rgyal po byed// gcig shos byed la dbang ba'i rgyal por gyur/ / rgyal po stobs chen rnam par rgyal ba'i sar// lha dang mis mchod sangs rgyas byung bar gyur// bde bar gshegs lnga rgyal po dang rnyed nas/ so blangs stong du rang bar bstan bgur byas// sems can gzhan yang de mi rjes sgrub pasdu// de bzhin gshegs pa yang bsgyur sti byed// 'jig rten nang zing gis chos kyi samin/ / can thos bcas parnyed pa mang bar gyur// skyes bu dam pa'i sems ni 'di snyam ste// ci nas 'di kun 'dod pa rab spangs nas// nga yi bstan pa la rab 'byung bar/ / chos 'dod 'di dag la ni chos bstan snyam// bde bar gshegs pa'i bsnyungs chos bsgrub pa dang // khyim gnas nyes pa sdug bsngal mtha' yas dang / chos la sgrub pa chos kyis mchod yin zhes// mi mchog des ni tshigs su bcad pa gsung // sa bdag rgyal pos tshigs bcad de thos nas// mi dbang gcig tu dben song bsam pa ni/ / khyim na gnas bzhin du yang thams cad kyis// chos kyi mchod mchog bya bar mi nus snyam// mchil ma bzhin du rgyal srid des btang ste// srog chags stong phrag brgyad cur bcas pa dag/ rgyal ba de yi drung du nyer 'ongs te// zhabs la phyag 'tshal nas ni spyan sngar 'dug/ rgyal bas de dag gi yang bsam mkhyen nas// ting 'dzin zhi ba blta dka' 'di bshad de// de dag dga' zhing rab mos bde bas tshim// mgu zhing rangs pas de tshe rab tu byung // de dag rab byung ting 'dzin 'di bzung ste/ bcangs shing bklags te yongs su chub byas nas// bskal pa bye ba nyi shu tshang bar ni// nam yang ngan 'gro log ltung song ma gyur// de dag thams cad dge ba'i rtsa ba des/ sangs rgyas bye ba phrag stong legs par mthong // rgyal ba de dag kun gyi bstan pa la// de dag rab byung ting 'dzin 'di la bsgom// de dag phyi ma'i dus la sangs rgyas gyur// mtha' yas brtson pa ming ni drapab brtan yin// skyog chags sa 'don rdzas te// hU~M ma'i dus ma bzhin mya ngan 'das// sngon rmArgyal po nga chen byung ba ni/ / sangs rgyas ye shes dpa' ba 'jig rten byung // de tshe sgrog chags byi stong mang po rnams// byang chub bkod nas phyi dus mya ngan 'das// de phyir sangs rgyas dag gis brjod pa yi/ / mdo 'di phyi dus thos nas gzung bar gyis// 'di lta bu yi chos mdzod 'di bzung na// mi yi gtso bor myur du 'grub par 'gyur// dbyangs byin rgya le'u ste lnga pa'o/ / / de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ byang chub sems dpa' sems dpa' chen po ting nge 'dzin 'dod cing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas ting nge 'dzin pa de yongs su sbyang bar bya'o/ / gzhon nu de la ting nge 'dzin yongs su sbyangs pa gang zhe na/ gzhon nu 'di la byang chub sems dpa' sems dpa' chen pos snying rje chen po la zhugs pa'i sems kyis de bzhin gshegs pa gzhugs pa 'am/ yongs su mya ngan las 'das pa rnams la 'di lta ste/ chos gos dang / bsod snyoms dang / mal cha dang / na ba'i gsos sman dang / byad rnams dang / me tog dang / bdug pa dang / spos dang / phreng ba dang / byug pa dang / bye ma dang / na bza' dang / gdugs dang / rgyal mtshan dang / rnam par rgyal ba'i ba dan rnams dang / rol mo dang / sil snyan rnams kyis mchod par bya ba la brtson pa yinate/ dge ba'i rtsa ba de yang ting nge 'dzin thob par yongs su bsngo'o// de chos ba la yang re ba'i phyir/ de bzhin gshegs pa la mchod pa mi byed de/ 'dod pa la re ba ma yin/ longs spyod la re ba ma yin// mtho ris la re ba ma yin/ 'khor ba la re ba ma yin gyi/ de ni chos la sems pa ma yin no/ / de 'dod na de bzhin gshegs pa chos kyi skur yang mi dmigs na/ de gzugs kyi skur ltag la zhig dmigs par 'gyur/ gzhon nu de lta bas na/ de bzhin gshegs pa rnams la mchod pa byas pade ni 'di yin te/ 'di lta ste/ de bzhin gshegs pa mi mthong ba dang / bdag nyid mi dmigs pa dang // las kyi rnam par smin pa la mi re ba'o/ / gzhon nu 'khor gsum yongs su dag pa'i mchod pa 'dis de bzhin gshes pa la mchod na/ ting nge 'dzin 'di rab tu 'thob cing / bla nA med pa yang dag par rdzogs ba'i byang chub kyang myur du mngon par rdzogs par 'tshang rgya'o/ / de nas de'i tshe bcom ldan 'das kyis zla 'od gzhon nur gyur pa la ting nge 'dzin yongs su sbyang ba bstan pa 'di/ rgyas par tshigs su bcad pa'i dbyangs kyis rgya cher yang dag par rab tu bstan to// ye shes mtha' yas pa la spos phul bas skyes bu rnams kyi dri'ang mtha' yas 'gyur/ / bskal pa bye bar ngan 'gror de mi 'gro// de dag dri ba sbyang nga bar yong mi 'gyur// de dag bskal pa bye bar spyad spyod cing // sangs rgyas bye ba stong la mchod byas nas/ / de dag ye shes spros kyis mngon 'phags te// sangs rgyas tshul khrims dri mchog ldan par 'gyur// gal te sems can gang dag spos byin dang / de bzhin gang la sbyin par bya ba dang // sems 'dis sbyin pa byed pa med shes na// de ni de yi mthun bzod chung ngu yin// bzod pa chen po bsten pa de la ni// bskal pa bye ba gang+gA'i bye snyed du/ / mi yis kham tshad tsam du bcad gtubs kyang // de yi sems ni ldog par yongs mi 'gyur// ci yi phyir na bzod pa'i ming du gdags// ji ltar rjes su mthun pa zhes kyang bya/ / gang gi rgyus na phyir mi ldog ces bya// ji ltar byang chub sems dpa' zhes kyang brjod// rang bzhin bdag med chos la de bzod de// badrug mad 'du shes pa la nyon mongs med/ / chos rnams thams cad namakha'i ji bzhin shes// de phyir de la bzod pa'i ming du btags// rgyal ba kun gyi rjes su mthun slob cing mkhas na chos min mi spyod de/ / sangs rgyas chos la the tsam mi spyad pa// de ni rjes sgyu mthun pa'i 'arjod pa sbyin// de ltar spyod pa dag la 'jigasanan// d+hi ska brgya sa/ sangs rgyas gzugs bsgyur nus// byang chub rnyed dwags nyan thos kyis shig ces// tshig tu smra yang mi 'dzin ldog mi 'gyur// sems can mi mthun lha las rtog byed cing // mi 'chi 'thob pa'i lam ni 'di'o zhes// log pa'i lam spangs lam la 'jog par byed// de phyir byang chub sems dpa' zhes kyang bya// rjes su mthun pa bzod lam la gnas pa/ / bdag med shes pas zad par byed pa la// rmi lam na yang mi dang gang zag dang // srog dang sems can yod par yong mi 'dzin// bdud rnams bye ba gang+gA'i bye ma snyed/ / sangs rgyas gzugs bsgyur de dag drung 'ongs te// lus kyi nang na srog med gyur na ni// khyed cag sangs rgyas 'grub pa min zhes smra// ye shes kyis ni phung po stong par shes/ / shes nas tron mongs rnams dang du mi 'grogs// tha snyad tsam gyis rnam par spyod byed cing // 'jig rten 'di na mya ngan 'das par gnas// ji ltar skyes bu dag gi bu skyes nas/ / 'di yi ming ni 'di zhes ming btags pa// phyogs rnams su'ang de yi ming mi rnyed// ming de gang nas kyang ni 'ong ba med// de bzhin byang chub sems dpar ming btags te/ / byang chub sems dpa' 'di zhes ming btags pa// phyogs rnams su'ang de mi ming mi snad// de ltar gang shes byang chub sems dpa' yin/ / rgya mtsho'i dbus gnas ji snya ma 'bar yang // byang chub sems dpa' 'jig tshogs lta ba med// 'di ltar byang chub sems bskyed tshun chad ni/ / de la srog tu lta bar 'gyur ba med// 'di la gang yang skyes shing shi med de// mi dang shed skyes sems can byung ba med// chos rnams rang bzhin stong pa sgyu ma bzhin/ / mu stegs can gyis rnam par rig mi nus// kha zas dag la shin tu brkam pa dang // lhung bzed gos la chags shing zhen pa dang // 'byar ba rnams dang khengs pa dag gis kyang / / sangs rgyas byang chub 'di ni shes mi nus// gnyid dang rmugs pa sa non pa le lo can// nga rgyal can dang khrel med 'gying ba dang // su dag sangs rgyas la ni/ dang med pa// de dag byang chub dam pa shes mi nus// tshul nyams pa yi so so'i skye bo dang // gang dag chos la dad pa med pa dang // tshangs pa mtshungs spyod dag la ri mo med// de dag byang chub 'di ni rtogs mi nus// tshul ma nyams shing khrel yod ngo tsha shes// chos dang sangs rgyas dag la gang dga' zhing // tshangs pa mtshungs spyod dag la rab tu gus / de dag byung chub dam pa ma chog 'thob 'asgyur// gang dag spyod sbrul dran pa rtse bar gzhag/ bde zhing dga' ba'i mal du zhugs pa dang // zas sra bsas gtan stomA du Sh+Ti de dag gis kyang byang chub mchog rab 'thob/ / bdag med pa yi 'du shes nyan par gnas// 'chag sar stong pa dang nI rjes su dran// byang chub yan lagam tog yid 'ong gsung / brtson pa de dag byang chub dam pa 'thob// byang chub sems dpa' mkhas pa'i spyod pa dag/ skye bo gzhan rnams dang ni nyan thos dang // rang sangs rgyas kyi sa yang ma yin na// de la rtogs par su zhig bdun mi skyed/ / gal te bskal bye gang+gA'i bye ma snyed// de srid du ni tshe y-i tshad gyur nas// ngas ni sangs rgyas kyi ni ye shes kyis// spu gcig bsngags pa brjod kyang mthar mi phyin/ / de phyir zil gyis mi non rgyal ba yis// bshad pa'i phan yon 'di dag thos nas ni// ting 'dzin 'di ni myur du lung mnod kyis// byang chub mchog ni rnyed par dka' mi 'gyur/ / ting nge 'dzin yongs su sbyangs pa bya ba'i le'u ste drug pa'o// / de nas yang bcom ldan 'das kyis/ zla 'od gzhon nu gyur pa la bka' stsal pa/ gzhon nu de lta bas na/ byang chub sems dpa' sems dpa' chen po ting nge 'dzin 'di 'dod cing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ bzod pa gsum gyi ye shes la mkhas par bya'o// des bzod pa dang po rab tu shes par bya// bzod pa gnyis pa rab tu shes par bya/ / bzod pa gsum pa rab tu shes par bya ste/ bzod pa gsum gyi khyad par la mkhas par bya'o// bzod pa gsum gyi ye shes kyi khyad par la mkhas par bya'o/ / de ci'i phyir zhe na/ gzhon nu 'di ltar nam byang chub sems dpa' sems dpa' chen po bzod pa gsum gyi khyad par la mkhas par gyur cing / bzod pa gsum gyi ye shes kyi khyad par la mkhas par gyur pa de'i tshe/ gzhon nu byang chub sems dpa' sems dpa' chen po de myur du ting nge 'dzin 'di 'thob cing // myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / gzhon nu de lta bas na// byang chub sems dpa' sems dpa' chen po bla na med par dag par rdzogs pa'i byang chub mngon par rdzogs par 'tshang rgya bar 'dod pas/ bzod pa gsum la 'jug pa'i chos kyi rnam grangs 'di bzung bar bya'o// bzung nas kyang gzhan la rgya cher yang dag par rab tu bstan par bya ste/ / de ni skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang / bde bar 'gyur ro// de nas bcom ldan 'das kyis/ b+hU 'od gzhon nur gyur pa la bzod pa gsum la 'jug pa'i chos kyi rnam grangs 'di tshigs su bcad pa'i dbyangs/ kyis yang dag par rab tu bstan to// su dag dang yang rtsod par mi byed cing // don med ldan pa'i tshig rnams mi smra ste// don dang chos la rtag par rab tu gnas// 'di dag bzod pa dang por bshad pa yin/ / chos rnams thams cad sgyu ma 'drar shes te// de ni mtshan ma'i spyod yul ldan ma yin// ye shes 'phel ba'i sa las mi nyams te// 'di dag bzod pa dang po'i khyad par ro// mdo sde'i tshul kun la yang de mkhas shing // legs par smras la mkhas pa shin tu mos// bder gshegs mkhyen la mtha' yas ye shes can/ / 'di dag bzod pa dang po'i khyad par ro// legs par bshad pa'i chos ni gang thos kyang // sangs rgyas dag gi bshad par the tsom med// rgyal ba kun gyi chos la de mos te/ / 'di dag bzod pa dang po'i khyad par ro// ston pa bde bar gshegs pas bshad pa ltar// nges don mdo sde dag gi bye brag shes// gang las sems can gang zag skyes bu bstan/ / chos de thams cad drang ba'i don tu shes// 'jig rten 'di na mu stegs mang yod pa// de dag la yang de ni yid mi khro// de dag la ni snying rje bar 'jog/ 'di dag bzod pa dang po'i khyad par ro// de la gzungs rnams yongs su snang bar 'gyur// snang ba de la nam yang the tsom med// pa'i rjes su 'brang ba'i tshig smras te// 'di dag bzod pa dang po'i khyad par ro// rlung dang chu dang me dang sa rnams kyi// khams bzhi po'i ni rnam pa gzhan 'gyur yang // sangs rgyas byang chub las ni de mi ldog/ 'di dag bzod pa dang po'i khyad par ro// 'jig rten bzo gnas mang po ci yod pa// thams cad byang chub sems dpa' des bslabs te// bdag las lhag pa su yang mi mthong ba// 'di dag bzod pa dang po'i khyad par ro// zhi gnas stobs kyis bskyod pa med gyur cing // lhag mthong gis ni ri bo lta bur gyur sems can kun gyis 'khrugs par mi nus te/ / de ni bzod pa gnyis pa'i bshad pa yin// mnyam par gzhag bzhin du ni ldang zhing smra// mnyam par gzhag pas 'dug cing 'chag pa byed/ / mkhas pa ting nge 'dzin gyi pha rol phyin// 'di dag bzod pa gnyis pa'i khyad par ro// mnyam par gzhag pas mngon shes lnga 'thob ste// chos rnam ston cing zhing ni brgyar yang 'gro/ / de ni rdzu 'phrul stobs las mi nyams te// 'di dag bzod pa gnyis pa'i khyad par ro// de ni de 'dra'i ting 'dzin zhi ba sten// mnyam par bzhag pa de yi sems kyi tshod/ / 'dzin nus pa yi sems can gang yang med// 'di dag bzod pa gnyis pa'i khyad par ro// 'jig rten 'di na gang yod sems can kun/ de dag sangs rgyas mkhyen pas chos ston kyang // bshad pa thams cad de dag 'dzin nus te// 'di dag bzod pa gnyis pa'i khyad par ro// shar dang lho dang nub dang byang phyogs dang / / steng dang 'og dang de bzhin phyogs mtshams ni// thams cad na yang 'jig rten mgon po mthong // de ni bzod pa gsum par bstan pa yin/ gser gyi kha dog lta bu skra lus su// 'phrul pa bsam gyis mi khyab sprul nas ni// srog chags bye ba mngal chos ston te// 'di dag bzod pa gsum pa'i khyad par ro// sangs rgyas zhing 'di'i 'dzam bu'i gling kun na// byang chub sems dpa' de ni snang bar 'gyur// 'jig rten lha dang lha min bcas par grags// 'di dag bzod pa gsum pa'i khyad par ro/ / sangs rgyas spyod yul de bzhin cho ga dang // bde bar gshegs pa'i spyod yul ci 'dra ba// kun la byang chub sems dpa' des bsgrub te/ / 'di dag bzod pa gsum pa'i khyad par ro// 'jig rten khams 'di sems can ci yod pas// byang chub sems dpa'i bsngags pa brjod gyur la// de la yid ni rjes su dgar byed na/ / sangs rgyas ye shes la ni bslabs ma yin// 'jig rten khams 'di'i sems can su yod pas// byang chub sems dpa' la ni mi snyan brjod/ / de dag la ni yid kyis khro byed na// da dung sangs rgyas ye shes des ma bslabs// nor rnyed pas ni yid bder mi 'gyur te// nor rnams ma rnyed na yang mi dga' med/ / ri dang 'dra ba'i sems la rtag tu gnas// 'di dag bzod pa gsum pa'i khyad par ro// sgra yi rjes 'gro bzod pa 'dri bstan te// bsam pa sgom pa rjes su mthun pa dang / / thos pa las byung de ni skye ba med// 'di la gang bslab de ni byang chub lam// bzod pa bla na med pa gsum po 'dri// byang chub sems dpa' nam zhig thob gyur na/ / mi mchog bde bar gshegs pa des mthong ste// rdul med byang chub tu yang de lung ston// de nas lung bstan pa ni de thos nas// sa yang rnam pa drug tu rab tu g.yos/ / zhing rnams 'od kyis shin tu gsal bar 'gyur// lha rnams bye ba me tog char pa 'bebs// de la lung bstan de yang zlos nas ni// sems can bye ba khrag khrig bsam yas kyang // bdag cag mchod rten rgyal bar 'gyur snyam ste// byang chub dam pa mchog la sems skyed 'gyur// nam zhig bla med bzod pa gsum po 'di/ / byang chub sems dpas thob par gyur pa na// de ni mi skye 'chi bar mi 'gyur te// de la 'chi 'pho med cing skye ba'ang med// nam zhig bla med bzod pa/ gsum po 'di// 'gas par bshad pa'i chos ni gsum po 'di/ rdzogs pa'i byang chub sems dpas thob gyur na// skye ba dang ni 'chi ba'ang mi mthong ste// chos rnams thams cad chos nyid gnas par mthong // 'di ltar mi bden par ni des rig ste/ / chos rnams sgyu ma lta bur rang bzhin stong // stong pa dag kyang mi mthong 'chi ba'ang med// chos 'di thams cad ngo bo nyid kyis stong/ nam zhig la las de la gus byas shing // rim gro bkur bsti mchod pa byas na yang // de la yid ni dga' bar mi byed de// chos rnams rang bzhin skyong bar de yis shes// sems can dag gis spros bsdigs brdegs na yang // de dag la ni nga rgyal khro mi srid// de dag sems can thar par bya ba'i phyir// de dag la ni byams pa brtan par bskyed/ / rdo dang dbyug pa dag gis brdegs btsog kyang // mkhas pa de la khro bar mi byed de// bdag med bzod la rab tu gnas pa la// nga rgyal dang ni khro ba'i tha ba med 'di ltar des ni mi bden nyid du shes/ / sgyu ma lta bur chos rnams rang bzhin stong // chos tshul de 'dra ba la de gnas na// lhar bcas 'jig rten dag na shin tu bkur/ nam zhig sems can dag ni mtshon thogs nas// de yi lus dang yan lag mang btubs kyang // de dag la ni yid kyis khro ba med// snying rje byam/ pa las kyang nyams mi 'gyur// de dag lus dang yan lag gcod pa'i tshe// de dag la ni 'di ltar sems bskyed de// 'di dag byang chub mchog lam bkod par// de srid zhi bar mya ngan nga mi 'da'/ / de 'dra'i bzod stobs bla na med pA la// bdag med bzod pa mnyam nyid gnas pa yi// byang chub sems dpa' grag bachen po yis// bskul pa bye bar rtag tu shin tu bsgoms/ / de las lhag par gang+gA'i bye sprad du// ji tsam sangs rgyas mkhyen pas don mi byed// dri srid byang chub reg pa ma yin nA// de bzhin gshegs pa'i ye shes ci zhig smos/ / grags pa chen po brjod pa mtha' yas pa// bdag med bzod la rab tu gnas pa yi// bskal pa bsam gyis mi khyab brgyar brjod kyang / / de yi bsngags pa zad par sla ba min// de phyir byang chub mchog rab tha na med// ye shes phung po 'tshang rgyar su 'dod pa// de ni rgyal bas bsngag smra pa'i bzod pa bsgoms/ / byang chub dam pa rnyed par dka' mi 'gyur// bzod pa la 'jug pa'i le'u ste bdun pa'o// // de nas yang bcom ldan 'das kyis/ zla 'od gzhon nur pa la bka' stsal pa/ gzhon nu de lta bas na/ byang chub sems dpa' sems dpa' chen po ting nge 'dzin 'di 'dod cing // myur du bla na med pa yang drag par rdzogs pa'i byang chub mngon par rdzogs par 'tshang rgya bar 'dod pas/ chos thams cad kyi dngos po med pa'i ngo bo nyid kyi ye shes la mkhas par bya'o// gzhon nu dza ltar na byang chub sems dpa' sems dpa' chen po/ chos thams cad kyi dngos po med pa'i ngo bo nyid kyis ye shes la mkhas pa yin zhe na/ gzhon nu 'di la byang chub sem dpa' sems dpa' chen pos/ / chos thams cad dngos po med pa/ ngo bo nyid med pa/ mtshan ma med pa/ mtshan nyid med pa/ ma skyes pa// ma 'gags pa// yi ge med pa/ stong pa/ gzod ma nas zhi ba// rang bzhin gyis rnam par dag pa yin par rab tu shes par bya'o// gzhon nu byang chub sems dpa' sems dpa' chen pos// nam chos thams cad dngos po med pa/ ngo bo nyid med pa/ mtshan ma med pa/ mtshan nyid med pa/ ma skyes pa// ma 'gags pa/ yi ge med pa/ stong pa/ gzod ma nas zhi ba rang bzhin gyis rnam par dag pa yin par rab tu shes par gyur pa de'i tshe/ / gzhon nu byang chub sems dpa' sems dpa' chen po yang dag pa ji lta ba bzhin du/ chos thams cad kyi dngos po med pa'i ngo bo nyid kyi ye shes la mkhas pa zhes bya'o/ / gzhon nu byang chub sems dpa' sems dpa' chen po// chos thams cad kyi dngos po med pa'i ngo bo nyid kyi ye shes la mkhas pa de ni gzugs dang / sgra dang / dri dang ro dang / reg bya dang / chos thams cad la 'dod chags par mi byed// zhe sdang bar mi byed/ gti mug par mi byed do// de ci'i phyir zhe na/ 'di ltar des chos de yang dag par rjes su mi mthong zhing / chos de mi dmigs te/ gang 'dod chags dang // gang la 'dod chags pa dang / gang gis 'dod chags pa dang / gang zhe sdang ba dang // gang la zhe snang ba dang / gang gis zhe sdang ba dang / gang gAti mug pa dang / gang la gti mug pa dang / / gang gis gti mug par 'gyur ba'i chos de des yang dag par rjes su mi mthong zhing mi dmigs so// chos de yang dag par rjes su mi mthong zhing mi dmigs na// khams gsum thams cad la ma chags par 'gyur te/ / myur du ting nge 'dzin 'di 'thob bo// myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ / de la 'di skad ces bya ste/ chos rnams thams cad dngos po med pa ste// thams cad mtshan ma med cing mtshan nyid med// skyes pa med cing 'gags pa med par yang // de ltar chos rnams shin tu rig par gyis// thams cad dngos po med cing yi ge med// stong pa zhi pa bzod nas dri ma med// de ltar chos rnams gang gis shes pa ni// gzhon nu de ni sangs rgyas zhes kyang brjod/ / de phyir rang bzhin mnyam nyid rnam par spros// ngo bo nyid kyis chos kun rang bzhin med// bde bar gshegs pa'i yum 'di su 'dod pa// rgyal ba rnams kyi yum 'di thob par 'gyur// gzhon nu de lta bas na// rnam grangs 'dis kyang 'di ltar rig par bya ste/ gzhon nu sngon byung ba 'das pa'i dus na// bskal pa grangs med pa bas kyang ches grangs med pa/ rgya che ba/ gzhal du med pa/ bsam gyis mi khyab pa// tshad med par gyur pa de'i tshe de'i dus na// de bzhin gshegs pa dgra bcom pa yang dag par rdzogs pa'i sangs rgyas reg pa dang zhab su ldan pa/ bde bar gshegs pa/ 'jig rten mkhyen pa// skyes bu 'dul ba'i kha lo sgyur ba/ bla na med pa// lha dang mi rnams kyi ston pa/ sangs rgyas bcom ldan 'das dngos po med pa las byung ba zhes bya bar 'jig rten du byung ngo // gzhon nu 'di ji snyam du sems/ / ci'i phyir de bzhin gshegs pa de dngos po med pa las byung ba zhes bya zhe na/ gzhon nu de bzhin gshegs pa de skyes ma thag tu steng gi nam mkha' la ta la / bdun cas du 'phags nas/ gos pa bdun rdzom// d+h+r-ig 'di skad ka snang // chos rnams pad+ma dngos bskyed pa las byung ba'o// chos thams cad dngos po med pa las byung ba'o zhes gsungs te/ gzhon nu sgra de'i dbyangs kyis stong gsum gyi stong chen po'i 'jig rten gyi khams ko bAr byas so// de nas pa wA nas bzung ste/ / tshangs pa'i 'jig rten gyi bar du rgyu bsgrags shing dbyangs kyis rjes su go bar byas te/ e ma de bzhin gshegs pa 'di skyes ma thag tu steng gi nam mkha' la ta la bdun srid du 'phags nas/ gom pa bdun bor te/ dngos po med pa'i sgra 'byin pa las na/ dngos po med pa las 'byung ba zhes bya bar 'gyur ro zhes mtshan dngos po med pa las byung ba/ / dngos po med pa las byung ba'o zhes btags so// bcom ldan 'das de byang chub thob pa na// shing thams cad kyi lo ma dang / rtswa dang shing gal ba dang / nags tshal thams cad dang / ri'i rtse mo thams cad las kyang dngos po med pa las byung ba zhes sgra byung ngo // 'jig rten gyi khams de na sgrar btags pa ji snyed yod pa thams cad las dngos po med pa las byung ba zhes rnam par rig par byed pa'i sgra byung ngo / / gzhon nu de'i tshe de'i dus na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dngos po med pa las byung ba de'i gsung rab la/ / rgyal bu gzhon nu snying rje chen po sems zhes bya ba/ gzugs bzang zhing mdzes la/ blta na sdug pa zhig byung ngo / / gzhon nu de nas rgyal bu gzhon nu snying rje chen po sems de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dngos po med pa las byung ba ga la ba dar song ste phyin nas/ bcom ldan 'das kyi zhab sa la mgo bos phyag 'tshal te/ bcom ldan 'das la lan gsum bskor ba byas nas/ phyogs cig tu 'dug go// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dngos po med pa las byung bas rgyal bu gzhon nu snying rje chen po sems kyi lhag pa'i bsam pa mkhyen nas ting nge 'dzin 'di bshad do/ / ting nge 'dzin 'di thos nas rab tu dad de/ sems rab tu dad pas skra dang kha spu bregs te/ gos ngur smrig gyon nas/ dad pas khyim nas khyim med par rab tu byung ngo // de rab tu byung nas ting nge 'dzin 'di gzung ste/ bzung zhing bcangs bklags kun chub par byas nas/ bsgom pa'i rnal 'byor la rjes su brtson par gnas te/ de dge ba'i rtsa ba des bskal pa bye ba phrag nyi shu nam yang ngan 'gro log par ltung bar ma song ngo // sangs rgyas bye ba phrag nyi shu mnyes par byas te/ de bzhin gshegs pa de dag thams cad las kyang ting nge 'dzin 'di mnyan to// sangs rgyas de dag la mnyan nas/ kyang bzung ngo // kun chub par byas so// bcangs so// klags so// bton to// nyon mongs pa med par bsgoms shing mang du byas te/ bsgom pa'i rnal 'byor la rjes su brtson par gnas so/ / de dag pa'i rtsa ba des bskal pa nyi shu 'das nas// de bzhin gshegs pa dgra bcom pa yang dag par rdzogs pa'i sangs rgyas don legs par bsam pa zhes bya ba 'jig rten du byung ste/ des sems can grangs med dpag tu med pa yongs su smin par byas/ sems can tshad med pa'i don byas nas/ de'i 'og tu shing zad pa'i me ltar yongs su mya ngan las 'das so/ / gzhon nu de lta bas na// rnam grangs des kyang / 'di ltar ting nge 'dzin 'di byang chub sems dpa' sems dpa' chen po rnams kyi gces smras byed pa ste/ sangs rgyas kyi ye shes bla na med pa yongs su rdzogs par byed pa yin par rig par bya'o// de nas yang bcom ldan 'das kyis de'i tshe zla 'od gzhon nur gyur pa la sngon byung ba'i le'u 'di nyid rgyas par tshigs su bcad pa'i dbyangs kyis rgya cher yang dag par rab tu bstan to/ / sngon 'das dus kyi bskal pa bsam yas na/ / mi yi gtso bo byung ba ngas dran te// drang srong chen po gzings kyis don mdzad pa// de ming dngos po med las byung zhes bya// skyes ma thag tu mkha'// la rab 'dug nas// chos rnams thams cad dngos po med+ma par bstan// de tshe de dang mthun par mtshan btags te// sgra ni 'jig rten kun la grags par byas// lha rnam thams cad rab tu sgra 'byin pa/ / dngos po med ces bya ba'i rgyal bar 'gyur// skyes ma thag tu grom pa bdun bor te// rgyal bas chos rnams dngos po med par bshad/ thub pa chos rnams thams cad ston pa yi// sangs rgyas chos kyi rgyal por nam 'gyur tshe// rtsi shing gal ba ri dang brag rnams las// chos rnams dngos po med ces sgra yang byung / / 'jig rten de na ji snyed sgra yod pa// thams cad dngos med ci yang med pa zhes// de lta bur ni 'jig rten 'dren pa yi// sgra dbyangs rnam pa shin tu byung bar gyur// de'i dus na rgyal po'i bu skyes pa// ming ni rtag tu snying rje sems zhes bya// shin tu gzugs bzang ba na sdug pa zhig/ rgyal ba de yi drung du nyer 'ongs te// thub pa khyu mchog zhabs la phyag 'tshal nas/ / ri mo bcas pas bskor ba byas nas ni// rdul bral bla na med pa'i chos mnyan phyir// rab tu dang ba'i sems kyis der 'dug go// rgyal ba dpa' bo des ni bsam mkhyen nas// ting 'dzin 'di ni rab tu bshad pa mdzad// des ni rdul bral ting 'dzin 'di thos nas// rgyal mchog/ bstan la myur bar rab tu byung // rab tu de byung ting 'dzin 'di yang ni// bzung zhing bklags te yongs su chub byas pas// bskal pa bye ba nyi shu tshang bar ni// log par ltung ba'i sar yang yong ma song / / de ni dge bar bya ba'i las de yis// sangs rgyas bye phrag nyi shu mnyes par byas// rgyal ba de dag kun gyi drung du yang // ting 'dzin zhi mchog 'di ni goms par byas/ / de phyis 'jig rten du yang sangs rgyas gyur// ming ni don legs bsams shes rtag tu brjod// sems can bye ba mang po'i don byas nas/ / phyi ma'i dus la me bzhin mya ngan 'das// dngos po med pa las byung ba'i le'u ste brgyad pa'o// // 'phags pa ting nge 'dzin gyi rgyal po'i mdo/ / bam po gsum pa// // de nas yang bcom ldan 'das kyis/ b+hU 'od gzhon nur gyur pa la bka' stsal pa// gzhon nu de lta bas na/ byang chub sems dpa' sems dpa' chen po gang ji ltar na/ bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya zhing / sems can thams cad srid pa'i rgyamatsha las bsgral bar 'dod pa'i byang chub sems dpa' sems dpa' chen pos sangs rgyas thams cad kyis bsngags pa/ / de bzhin gshegs pa thams cad kyi yum// chos thams/ cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di mnyan par bya// gzung bar bya// bcang bar bya// kun chub par bya// klag par bya// rab tu bton par bya/ / lung mnod cing kha ton du bya// nyon mongs pa med par sgom pas bsgom par bya// mang du bya/ gzhan la yang rgya cher rab tu bstan par bya'o// de ci'i phyir zhe na// gzhon n u chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di ni de bzhin gshegs pa dgra bcom pa yang dag par rdzogs pa'i sangs rgyas rnams skyed pa ste/ 'di las de bzhin gshegs pa dang / nyan thos dang / rang sangs rgyas thams cad byung ngo // gzhon nu de lta bas na// khyod kyis kyang sangs rgyas thams cad kyis bsngags pa/ de bzhin gshegs pa thams cad bskyed pa/ chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po gzung bar bya'o// de la 'di skad ces bya ste/ / de'i phyir byang chub tu ni 'tshang rgya zhing // srid pa'i mtsho las sems can sgrol 'dod pas// sangs rgyas bsngags pa'i mdo sde 'di zung shig/ byang chub dam pa rnyed par dka' mi 'gyur/ / de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ byang chub sems/ dpa' sems dpa' chen po ting nge 'dzin 'di 'dod cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas chos zab mo bzod pa la mkhas par bya'o/ / gzhon nu ji ltar na/ byang chub sems dpa' sems dpa' chen po chos zab mo bzod pa la mkhas pa yin zhe na/ gzhon nu 'di la byang chub sems dpa' sems dpa' chen pos chos thams cad sgyu ma lta bur rab tu shes par bya'o/ / chos thams cad rmi lam lta bu dang / smig rgyu lta bu dang / brag cha lta bu dang / mig yor lta bu dang / chu zla lta bu dang / sprul pa lta bu dang // gzugs brnyan lta bu dang / na mkha' lta bur rab tu shes par bya'o// gzhon nu byang chub sems dpa' sems dpa' chen pos nam chos thams cad sgyu ma lta bur yongs su shes shing / chos thams cad rmi lam lta bu dang / smig rgyu lta bu dang / brag cha lta bu dang / mig yor lta bu dang / chu zla lta bu dang / sprul pa lta bu dang / gzugs brnyan lta bu dang / nam mkha' lta bur yang dag par ji lta ba bzhin du yongs su shes pa de'i tshe/ gzhon nu byang chub sems dpa' sems dpa' chen po 'di chos zab mo bzod pa la mkhas pa zhes bya'o/ / chos zab mo bzod pa dang ldan pa de/ 'dod chags par 'gyur ba'i chos la mi chags// zhe sdang bar 'gyur ba'i chos la mi sdang / gti mug par 'gyur ba'i chos la mi rmong ngo // de ci'i phyir zhe na/ 'di ltar des chos de yang dag par rjes su mi mthong / chos de mi dmigs te/ gang 'dod chags pa dang / / gang la 'dod chags pa dang / gang gis 'dod chags pa dang / gang zhe sdang ba dang / gang la zhe sdang ba dang / gang gis zhe sdang ba dang / gang gti mug pa dang / gang la gti mug pa dang / gang gis gti mug par 'gyur ba'i chos de des yang dag par rjes su mi mthong zhing chos de mi dmigs so// chos de yang dag par rjes su mi mthong zhing mi dmigs pas/ / 'dod chags pa med pa/ zhe sdang ba med pa/ gti mug pa med pa/ sems phyin ci ma log pa/ mnyam par gzhag pa zhes bya'o// spros pa med pa zhes bya'o/ / rgal ba pha rol tu phyin pa zhes bya'o// skam la phyin pa zhes bya'o// bde bar son pa zhes bya'o// mi 'jigs pa thob pa zhes bya'o// tshul khrims can zhes bya'o/ / ye shes can zhes bya'o// shes rab can zhes bya'o// bsod nams can zhes bya'o// rdzu 'phrul can zhes bya'o// dran pa can zhes bya'o// blo gros rgyu/ u/ ga pa g+sa/ myu / / sa pa na da sas pa dang rgyun pa gas / na / sa / byung hU~Mnas // da ldan pa / na sa sa par smra nang ba can to/ / rgya sa / da pa / / masu n+d+ha/ smye byu ban stsas / sang na rnam par tshul pa/ / shes ra shin turnam byu sa / sems kyi dbang byams cad kyi dam pa ni ro tu phyin pa'i dag sung zhes zlar// rnam pazhes m+b+hal/ pa nas // pha rol kya ma bzhes gyur// rig par byed pazlas pa'o// gtsang ska ba na zhes r+b+bab+h+yo// sangs rgyas nims skyes pa'o// bya'o/ / tshor ma dkrugs pa zhes bya'o// khrims ma bral ba zhes bya'o// 'obs las rgal gnas bya'o// zag du byung bshes bya'o// rang me pazhim chen dge slong zhes bya'o/ / kun nas dkris pa med pa zhes bya'o// skyes bu zhes bya'o// skyes bu dam pa zhes bya'o// skyes bu mchog ces bya'o// skyes bu chen po zhes bya'o/ / skyes bu seng ge zhes bya'o// skyes bu glang po che zhes bya'o// skyes bu cang shes pa zhes bya'o// skyes bu lcid khyer ba zhes bya'o// skyes bu dpa' bo zhes bya'o// skyes bu rtsal po che zhes bya'o// skyes bu me tog ces bya'o// skyes bu pad+ma zhes bya'o// skyes bu pad+ma dkar po zhes bya'o// skyes bu 'dul ba zhes bya'o// skyes bu zla ba zhes bya'o/ / skyes bu phal pa ma yin pa zhes bya'o// mi gos pa zhes bya'o// de nas bcom ldan 'das kyis chos zab mo'i bzod pa la 'jug pa'i chos kyi rnams grangs 'di bstan pa'i phyir/ tshigs su bcad pa 'di dag gsungs so// nam zhig 'jig rten khams 'di 'byung ba dang // 'jig rten thams cad nam mkhar gyur pa'i tshe/ / ji ltar sngon bzhin phyis kyang de bzhin te// chos rnams thams cad de bzhin shes par gyis// 'jig rten 'di na ji snyed ci yod pa// chu yi phung po 'di ni 'og tu 'gro/ / 'og tu ci 'drar steng du'ang de bzhin no// chos rnams thams cad de bzhin shes par gyis// ji ltar bar snang cung zad sprin med las// skad cig tu ni sprin gyi dkyil 'khor snang / / thog mag las byung bar shes parak+Sha// de bzhin chos rnams thams cad shes par gyis// de bzhin gshegs pa rgya hA 'das pa dag/ ji ltar yid la byas bzhin gzugs brnyan snang // sngon mtha' ji bzhin phyis kyang de bzhin te// chos rnams thams cad de bzhin shes par gyis// ji ltar dbu ba mang po rdos pa dag/ chu bos khyer ba skyes bus des mthong ste// de la brtags na snying po yong mi snang // chos rnams thams cad de bzhin shes par gyis// ji ltar char pa thigs chen bab pa na// chu yi chu bur dgra ni tha dad 'byung // byung nas zhig skye chu yi chu bur med// chos rnams thams cad de bzhin shes par gyis// ji ltar spring yig grong gzhan skur ba las/ / dge dang mi dge'i bya ba so sor 'byung // sgra las spring yig tu yang 'phos pa med// chos rnams thams cad de bzhin shes par gyis/ rjeltar mi dag rlung gis myos nas ni// sa 'di kun tu 'khor snam byed mod kyi// sa 'di 'grel zhing g.yos pa'ang med bsgyur// chos rnams thams cad de bzhin shes par gyis/ / me long ngos dang 'bru mar snod rnams la// bud med kha bzhin brgyan pas bltas pa na// byis pa de ni de la chags bskyed nas// 'dod pa tshol ba'i phyir yang shin tu rgyug/ bzhin ni der yang 'phos pa ma yin te// gzugs brnyan la ni nam yang gzhan mi rnyed// rmongs par dag 'dod chags skyes pa ltar// chos rnams thams cad bzhin shes par gyis/ / ji ltar smig rgyu dri za'i grong khyer dang // sgyu ma ji bzhin rmi lam ji lta bur// mtshan ma sgom pa ngo bo nyid kyis stong // chos rnams thams cad de bzhin shes par gyis/ / ji ltar na mkha' dang bar zla shar ba// de yi gzugs brnyan dang ba'i 'tshor snang ste// zla ba chu yi nang du 'phos pa med// chos kun mtshan nyid de 'drar shes par gyis/ / ji ltar mi dag nags ri'i khrod 'dug nas// glu len smra dang dgod dang ngu ba las// brag cha thos kyang snang ba med pa ltar// chos rnams thams cad de bzhin shes par gyis/ / glu dang rol mo de bzhin du ba yang // de la brten nas brag cha 'byung mod kyi// sgra la'ang dbyangs de nam yang yod ma yin// chos rnams thams cad de bzhin shes par gyis/ / ji ltar rmi lam na yang 'dod bsten pa// skyes bu sad par gyur nas mi mthong ste// byis pa shin tu 'dod la chags shing zhe na// chos rnams thams cad de bzhin shes par gyis/ / sgyu ma bye ba dag gis gzugs sprul te// rta dang glang po shing rta sna tshogs byas// de la ji ltar snang ba gang yang med// chos rnams thams cad de bzhin shes par gyis/ / ji ltar bu mo gzhon nu'i mi lam na// pra bo byung zhing shi ba des mthong na// byung na dka' zhing shi na mi dga' lhur// chos rnam thams cad de bzhin shes par gyis/ / ji ltar mtshan mo chu yi zla ba dag/ dang zhing rnyog pa med pa'i chu nang snang // chu zla stong pa gsog ste gzung du med// chos rnams thams cad de bzhin shes par gyis/ / ji ltar sos ka'i nyi ma phyed dus na// skyes bu skom pas gdungs shing 'gro ba yis// smig rgyu dag la chu yi phung por mthong // chos rnams thams cad de bzhin shes par gyis/ / smig rgyu la yang chu ni yongs med na// sems can rmongs pa de la 'thung 'dod de// mi bden chu ni 'thung bar yong mi nus// chos rnams thams cad de bzhin shes par gyis/ / ji ltar chu shing rlon pa'i sdong po la// snying po 'dod phyir skyes bus de gshegs kyang // nang dang phyi rol kun na snying po med// chos rnams thams cad de bzhin shes par gyis// mig dang rna ba sgra yang tshad ma min// lce dang lus dang sems kyang tshad ma min// dbang po 'di dag gal te tshad yin na// 'phags pa'i lam gyis su la ci zhig bya// 'di ltar dbang po 'di dag tshad min zhing // ngo bo nyid kyis bems po lung ma bstan// de phyir mya ngan 'da' ba'i lam 'dod pa// des ni 'phags pa'i lam gyis bya ba byos// lus la sngon gyi mtha' ma rang brtags na// de la lus med lus su 'du shes med// gang la lus med lus su shes med pa// de ni 'dus ma byas kyi rigs zhes bya// mya ngan 'das pa'i chos la chos med de// gang phyir 'di med nam yang yod mi 'gyur// rtog can+da dag gi yod dang med ces bya// de ltar spyod pa sdug bsngal zhi mi 'gyur// yod dang med ces bya ba gnyi ga mtha'// gtsang dang mi gtsang 'di yang mtha' yin te// de phyir gnyi ga'i mtha' ni rnam spangs nas/ / mkhas pa dbus la'ang gnas par yong mi byed// yod dang med ces bya ba brtsod pa ste// gtsang dang mi gtsang 'di yang rtsod pa yin// rtsod par gyur pa sdug bsngal zhi mi 'gyur/ / rtsod pa med par gyur pa sdug bsngal 'gag/ dran pa nye bar gzhag pa'i gtam byas te// byis pa bdag nyid lus la mngon sum snyems// lus la mngon sum gyur pa rlom sems med/ / de ni rlom sems mang po thams cad spangs// bsam gtan bzhi dag gi yang gtam byas nas// byis pa bdag nyid bsam gtan spyod yul smra/ / bsam gtan nyon mongs med cing rlom sems med// shes pas rtogs nas dregs pa rab tu spong // bden pa bzhi yi gtam rnams byas nas kyang // / kyims bdag bdun pa mdzang zhes ra// bdun la rlomasasas d+hA na// don sems med pa bdun par rgya la grus ngas/ tshul khrims bskrang zhing de yis bskams mi thu// rjes rnams san cing des ni mi bsams te// gang gis shes rab chung du de sems pa// rtsa ba da las de'i drug 'phel/ / 'jig tan 'dren pa thams cad mkhyen pa yis// dregs pa sdug bsngal rtsa ba yin par bstan// d+hag swa pas d+heg pa sdug bsngal bcu 'bre'o// rlom ses med pa sdug bsngal 'gag par 'gyur/ / dzaM skad chos yang songs sunu'i byas nas// thos pas rgyags shing tshul khrims ni srung ni// tshul khrims 'ardul pas ngan de 'gro mo/ / thos pa mang pos de la skyob mi nus// gam te tshul khroms dregs pas dra rgyags kyang // mang dri thos la brtson par ni byed na// tshul khrims 'grus tham lus ldad nas ni/ / phyir yang sdug bsngol rab tu myong bar 'gyur// 'jig rten dag na ting 'dzin skom byed kyang // de ni bdag tu 'du shes pashig mi byed// de mi nyon mongs phyir yang rab tu ldang / / ldog spyod kyi ni ting 'dzin 'dir bsgoms bzhin// gal te bdag med chos la rab rtog cing // de dag brtags nas gal te sgom byed na/ 'bras bu mya ngan 'das thob rgyu de yin// rgyu gzhan de dag zhi bar 'gyur mi srid// mi zhig chom rkun mang pos rab gtses nas// 'tsho bar 'dod pas bros shing 'gror rtsal na// / de yi rkang pa 'gro zhing rgyug ma nus// chom rkun dag gis de bzung bcom pa ltar// de bzhin tshul khrims nyams pa rmongs pa'i mi// 'dus byas dag las 'bros par 'dod/ mod kyis// tshul khrims nyams pas de yang 'bros mi nus// na rga 'chi ba dag gis shin tu gzhom// ji ltar mi rgod stong phrag mang po dag/ rnam pa du ma'i sgo nas sdig byed pa/ / de bzhin nyon mongs sgo rnams du ma nas// mi rgod bzhin du dge ba'i phyogs rnams 'joms// gang gis phung po bdag med rab btags te// spyos shing brgyas kyang zhum par mi 'gyur ba/ / nyon mongs bdud kyi dbang du de mi 'gro/ stong pa shes pa de la 'khrug pa med// 'gro mang phung po stong par ston mod kyi// ji ltar bdag med de dag mi shes te/ / mi shes de dag gzhan gyis rgal na yang // khro ba'i zil gyis non cing tshig rtsub smra// mi dag na zhing lus ni sdug bsngal te// lo grangs mang por res 'ga' mthar pa/ / de ni yun ring nad kyis nyon mongs pas// nad rnams gso ba'i phyir yang sman pa btsal// yang dang yang ni de yis btsal ba dang // sman pa mkhas shing rig / pa des rnyed de// des kyang snying rjenye bar gzhag nas ni// sman 'di btang bar gyis shes sbyin pa dang // sman mang bzang khring phangs pa des blangs nas/ na ba 'tsho bar 'gyur ba'i sman mi 'thung // sman pas ma lan sman gyis mnyes te// nad pa de nyid kyis ni nyes pa yin// de bzhin bstan pa 'di la rab byung ste// stobs dang bsam gtan dbang po kun rig nas/ / bsgom pa la ni mngon par brtsan mi byed// rig par mi brtson ga la mya ngan 'da'// rtag tu chos kun rang bzhin stong pa ste// rgyal ba'i sras rnams dngos po rnam par 'jig/ srid pa thams cad yong ye stong pa ste// nyi tshe'i stong pa mu stegs can dag gis// mkhas pa byis pa dag dang rtsod mi byed/ byis pa dag ni ri mor byas nas spong // zhe sdang sems kyis bdag gi drung 'ong zhes// byis pa'i chos la rten par yong mi byed// byis pa dag gi rang bzhin rgyud rig nas mkhas pa byis pa dag dang mi 'grogs te/ / ji srid du ni byis pa legs bsten kyang // de dag phyir yang dgra dang 'dra bar 'gyur// mkhas pa byis pa dag la yid mi rton// mkhas dang byis pa'i rang bzhin chos nyid ni// byis pa'i rang bzhin ngang tshul tha dad de// so so'i skye bo la ni mdza' ba med// chos dang ldan pa'i tshig tu smras na yang // yid mi ches dang zhe sdang khro ba dang // mngon par ston pa 'di ni byis pa'i chos// don 'di rnam par rig pas yid mi ston// byis pa dang ni byis par mthun 'byor pa// ji ltar mi gtsang ba dang mi gtsang bzhin// mkhas pa dag ni mkhas pa'i skye bo dang // mthun zhing 'byor pa mar dang snying ku bzhin// 'khor ba'i nyes la so sor ma brtags te/ las kyi rnam par smin la mi 'jug cing // sangs rgyas rnams kyi tshig la ma dad pas// byis pa de dag bcad cing btub par 'gyur// mi mthong rab tu rnyed dka' thob nas ni/ / bzo yi gnas dag la ni mkhas ma gyur// dbul por gyur cing nor yang yong med de// de nas 'tsho ba med pas rab tu byung // sangs rgyas bstan 'dir de dag rab byung nas/ / lhung bzed chos gos dag la chags par 'gyur// de dag sdig pa'i grogs pos yongs zin pas// bde bar gshegs pa'i bslab pa mi spyod de// de dag bdag gi tshul khrims ma mthong bas/ / byis pA dag ni sem sa gnas mi rnyed cing // nyin mtshan rnal 'byor la yang mi brtson pas// de dag sdig pa'i lam la spong mi byed/ lus dang sems ni shin tu mi sdom pa// de ni tshig tu mi smra ci yang med// su yis nyes pa ci byas brgal lo zhes// rtag tu gzhan gyis nyes pa tshol zhing rtog/ byis pa dag ni zas la chags gyur nas/ / zas la rgod rig par ni mi byed de// sangs rgyas bsod nams kyis ni zas rnyed kyang // de la byis pa byas pa gzo ma 'gyur/ / de dag kha zas ro zhim gsod pa dag/ rnyed nas rnal 'byor mi brtson za zhing 'thung // de dag la ni zas de gdug par 'gyur// ba glang phrug gus rtsa ba ma dkrugs bzhin/ / mkhas shing rtogs pa blo gros ldan pa ni// kha zas bzang po gtsang ma za mod kyi// de dag la ni chags par mi 'gyur te// ma chags bzhin du za zhing rnal 'byor brtson/ / mkhas shing rtogs pa blo gros ldan pa dag/ byis pa gang nas legs par 'ongs shes smras// de bzhin snyan pa'i tshig gis nyar bsdus nas// de dag la ni snying rje nye bar 'jog/ byis pa la ni gang phan spring brtse ba// de la gnod pa byung na byis pa dga'// de lta'i nyes phyir byis pa rnams spangs te// ri dgas bzhin du gcig bu dgon par gnas/ / mkhas pas 'di 'dra'i nyes pa rig nas ni// shes rab dman bsten bdag ni mtho ris nyams// byang chub thob par ga la 'gyur snyam ste// byis pa rnams dang nam yang yong mi ste// byams pa la ni mkhas pa gnas par 'gyur// snying rje dag la gnas shing dga' bar spyod// srid pa kun la rtag tu btang snyoms pa/ / ting nge 'dzin bsgoms byang chub reg par 'gyur// mya ngan med zhing byang chub des rtogs shing // sems can na rgas gzir bar rig nas ni// de la snying rje rab tu nyer gzhag ste/ / don dam ldan pa'i gtam rnams ston par byed// rgyal ba'i chos nyid brjod du med pa dang // bde bar gshegs pa'i bden pa sus shes pa// de dag 'di lta bu yi chos thos nas/ / 'phags pa zang zing med pa'i bzod pa thob// chos zab mo la bzod pa'i le'u ste dgu pa'o// // de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ nan tan snying por bya'o zhes gzhon nu khyod kyis de ltar bslab par bya'o// de ci'i phyir zha na// gzhon nu byang chub sems dpa' sems dpa' chen po nan tan snying por byed pa la bla na med pa yang dag par rdzogs pa'i byang chub kyang rnyed par dka' ba ma yin na/ / ting nge 'dzin 'di lta cismos/ de nas zla 'od gzhon nur gyur pa stan las langs te/ bla gos phrag pa cig tu gzar nas/ pus mo g.yas pa'i lba nga sa la btsugs te/ bcom ldan 'das gal bde logs su thal mo sbyar nas/ bcom ldan 'das la 'di skad ces gsol to// bcom ldan 'das 'di ltar bcom ldan 'das kyis/ byang chub sems dpa' sems dpa' chen po rnams la gdams pa dang / / rjes su bstan pa 'di legs par bstan cing legs par bkod pa dang / byang chub sems dpa'i bslab pa thams// cad bstan te// legs par bshad pa dang / legs par bkod pa bcom ldan 'das ngo mtshar to// bcom ldan 'das 'di ni de bzhin gshegs pa'i spyod yul te/ nyan thos dang / rang sangs rgyas thams cad kyi sa'ang ma lags na// mu stegs can gzhan gyi lta ci smos/ bcom ldan 'das bdag kyang nan tan snying por bgyis te// lus dang srog la yang mi lta bar bgyis la/ de bzhin gshegs pa'i rjes su slob bo// de ci'i slad du zhe na/ bcom ldan 'das bdag ni de bzhin gshegs pa'i rjes su bslab par 'tshal lo/ / bcom ldan 'das bdag ni bla na med pa yang dag par rdzogs pa'i byang chub mngon par rdzogs par 'tshang rgya bar 'tshal lo// bcom ldan 'das bdag ni bdud sdig cacan shin tu gzhig par 'tshal lo/ / bcom ldan 'das bdag ni sems can thams cad 'jigs pa thams cad dang / sdug bsngal thams cad las bsgral bar 'tshal lo// bcom ldan 'das kyis phyag g.yas pa bdag gi spyi bo la bzhag par gsol/ / de la 'di skad ces bya ste// nam mkha' 'dra zhing rdul bral gzugs bzang 'chang // shes rab sras po lus dang mtshan mi mnga'/ / yon tan rgya mtsho bza thugs rje can+da// mtshungs me dpyag ni bdag gi spyi bor zhog/ de skad ces gsol pa dang / bcom ldan 'das kyis phyag g.yas pa dge ba'i rtsa ba du ma las byung ba/ mtshan sna tshogs kyis shin tu brgyan pa/ lha'i gser gyi kha dog lta bu/ zla 'od gzhon nur gyur pa'i spyi bor bzhag go/ bcom ldan 'das kyis zla 'od gzhon nur gyur pa'i spyi bor phyag g.yas pa bzhag ma thag tu/ de skad cig de nyid la zla 'od gzhon nur gyur pa la dpa' bar 'gro ba dang // nam mkha' mdzod dang / rdo rje lta bu dang // yid kyi mgyogs pa dang / gzugs thams cad ston pa dang // sgrib pa med pa'i mtha' dang // de bzhin gshegs pa thams cad ston pa dang // stong pa nyid thams cad kyi dbang bskur ba thob pa la sogs pa/ shes rab kyi pha rol tu phyin pa las byung ba'i ting nge 'dzin gyi sgo bye ba khrag khrig brgya stong du ma brjod du med pa'i yang brjod du med pa dag mngon du gyur te/ gzungs dang rnam par thar pa'i sgro du ma mngon du gyur to// dga' ba dang bde bar gang de 'phags pas brjod pa lnga yul ba// rgyu che zhing dpe med pa sangs rgyas dang byang chub sems dpa' thams cad kyi spyod yul du rig pa rab tu thob bo/ / de la 'di skad ces bya ste// dra bas mdzes 'brel bum pa lcags kyu'i mtshan mnga' zhing / dpal be'u 'khor mo rgyal mtshan pa danas ris mnga'// bskal pa bye mang rin chen gtong la zhugs pa'i phyag/ bcom ldan 'das kyis zla 'od gzhon nu'i spyi bor bzhag/ de nas lha yul ba rgya che zhing dpe med pa/ sangs rgyas dang byang chub sems dpa' thams cad kyi spyod yul du rig pa'i dga' ba dang / bde ba dang ldan par gyur nas/ stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshul dang mthun pa'i tshigs su bcad pa dag gis mngon par bstod do// bla med mi 'jigs sbyin pa khyod la phyag 'tshal lo// gzhan phan sems can gnyen rtsa khyod la phyag 'tshal lo/ / stobs bcu bden pa'i rtsal mnga' khyod la phyag 'tshal lo// bdar gshegs mi mnyam mnyam pa khyod la phyag 'tshal lo// mgon po shin tu thugs rje can la phyag 'tshal lo/ / dpa' bo dgra bzhi rnam par btul la phyag 'tshal lo// btsun pa dam pa'i don rnams mkhyen la phyag 'tshal lo// chos kyi sku mchog mnga' ba'i lha la phyag 'tshal lo/ / snying rje byams 'od rgyal 'od nyi ma mun sel ba// shes rab shin tu yang pa'i nam mkha'i dkyil du shar// don dam shin tu zab pa'i chos rnams ston mdzad pa/ / lha khyod la ni rtag tu bdag kyang skyabs su mchi// de nas zla 'od gzhon nur gyur pas// bcom ldan 'das la tshul dang 'dra ba'i tshigs su bcad pa dag gis mngon par bstod nas/ bcom ldan 'das la 'di skad ces gsol to// bcom ldan 'das bdag la thugs brtse ba'i slad du// byang chub sems dpa'i dge 'dun dang / dge slong gi dge 'dun dang bcas pa/ sang bdag gi sdum par bshos gsol bar thugs la gnang bar mdzad du gsol// de la 'di skad ces bya ste// bdag gi sdum par gtsang ba'i bshos gsol bar/ / mi dbang sras dang bcas la gsol ba 'debs// thub pa'i dbang po bdag la thugs brtse'i phyir// mgon po lha yi gtso bos gnang bar mdzod/ / de nas bcom ldan 'das kyis thugs brtse ba'i phyir/ byang chub sems dpa'i dge 'dun dang // nyan thos kyis dge 'dun dang thabs cig tuzla 'od gzhon nur gyur pa'i khyim du ngas bshos gsol bar cang mi gsung bar gyur pas gnang ngo / / de nas zla 'od gzhon nur gyur pas// bcom ldan 'das cang mi gsung bar gyur pas gnang bar rig nas/ / stan las langs te/ bla gos phrag pa gcig tu gzar nas/ bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi drung nas song ngo // de nas zla 'od gzhon nur gyur pas bya rgod kyi phung po'i ri las babs nas/ de'i tshe rgyal po'i khab kyi grong khyer chen po nas/ ri'i rgyal po bya rgod kyi phung po'i bar du de'i bar gyis lam thams cad legs par brgyan te/ 'di ltar bcom ldan 'das la mchod pa bya ba'i phyir/ lam yangs shing che la/ rtswa dang sdong dum dang // tsher ma dang / rdo dang / gyo mo dang / gseg ma med par gsal te/ bye ma gtsang mas bdal nas/ / ka tsa lin+di ka ltar 'jam zhing reg na bde ba/ dbyangs dga' bar byas te/ lha'i me tog ut+pal dang / pad+ma dang / ku mu da dang / pad+ma dkar po dang / dri mchog dang / a ti mug ta dang / mal li ka dang / tsam pa ka dang / skya snar dang / kun da dang / ti la ka dang / ge sar dang / mya ngan 'tshang la sogs pa/ dus thams cad kyi me tog bzang pos ni kun tu khebs par byas/ / gdugs dang // rgyal mtshan dang / ba dan dang / rnam par rgyal ba'i ba dan dang / rin po che'i rta babs dang bla re ni bres rin po che'i bdug spos kyi snod sna tshogs ni ngos la dpyas/ / rin po che'i bdug spos kyi snod de dag thams cad nas ni a ka ru nag pos gang ba'i du ba 'phrul/ phyogs phyogs su ni bro mkhan dang / gar mkhan lha'i glu gar dang / rol mo shin tu 'byor cing legs par bslabs pa rnams bkod/ skyes pa dang / bud med dang / khye'u dang / bu mo shin tu brgyan pa dang / khar rnga dang / pi wang rgyud gcig pa dang / pi wang dang / gling bu dang / rdza rnga dang / rnga mu kun da dang / rdza rnga chen po thogs pa rnams bkod// lan gyi ngos gnyis su shing tal mthon po lha'i rin po che sna tshogs dang / 'dzam bu'i chu bo gser las byas pa'i dril bu g.yer ka'i dra ba bres shing sgra 'khrol bas brgyan pa rnams dang / rin po che sna tshogs kyi mkha' rten bye ba khrag khrig brgya stong du ma dang / rin po che sna bdun gyi shing sna tshogs khrun dang sboms su ldan pa sna tshogs dus thams cad kyi lo ma dang / me tog dang / 'bras bu phun sum tshogs pa dag btsugs so/ / de la 'di skad ces bya ste// lam ni sna tshogs shin tu legs par brgyan// bla re dang ni gdugs dang ba dan bsgreng // sil snyan dag gi sgra dag rab tu 'byin/ / glu sgra yid du 'ong ba'ang de bzhin te// bud med mang po bro rdung gar byed dang // gos bzang khrag khrig rnam mang sna tshogs dang // me tog 'phreng ba bzang zhing mdzes pa yis/ / lam mchog yangs pa de ni rab tu brgyan// grong mchog gtsang ma 'di ni thugs rje can// sangs rgyas thub pa'i zla 'od gshegs so zhes// zla 'od gzhon nus dad pa rab bskyed nas/ / rgya che sangs pa'i lam ni shin tu brgyan// s+yA rdzas kyi ni bye ma gtsang ma bdal// rab tu yid 'ong me tog mchog rnams bkram/ / rin chen rta babs dag kyang legs par btsugs// lam ni sgra yi grong khyer bzhin du mdzes// zla 'od gzhon nu shin tu yid dga' bas// de ltar lam rnams sna tshogs legs brgyan te/ / lha dang lha min klu yis de mthong nas// ngo mtshar gyur cing a la la zhes smra// lam gyi g.yas g.yos 'dzam bu'i chu gser gyi// ta la mtho zhing bzang la zlum pa dag/ rin chen dril bu'i dra bas g.yogs shing dkrigs// sgra 'khrol rnam pa dum mang po btsugs// de bzhin rin chen stong po khrag khrig ni// dus kun kyigyiyang me tog rgyas pa btsugs/ / de yi yangs pa'i lam brgyan mdzes gyur pa// mtho ris na ni dga' ba'i tshal bu bzhin// rin po che las byas pa'i mkha' rten ni// dra ba'i chun po 'od 'bar shin tu mdzes/ / dpe med mtho zhing che la rgyas pa dag/ lam gyi g.yas g.yos 'gram du btsugs shing bkod// sangs rgyas 'jig rten gsum dbang gang nas ni/ / rgyal po'i khab kyi grong du gshegs pa yi// lam chen de ni de dag rab rgyan pas// rnam pa thams cad du yang mdzes par gyur// g.yas g.yon du ni rin chen pog bor dbyangs/ / de dag a ga ru yang nag pos bkang // pog por kun nas du ba sprin bzhin 'khrigs// lha yi dri zhim rnam pa sna tshogs 'byung // ji srid grong khyer chu dron sgo bar dang ri rgyal bya rgod phung po ji srid par/ / zla 'od gzhon nur gyur pas rgyal ba'i phyir// lha rdzas dpe med yangs pa brgyan par byas// de nas zla 'od gzhon nur gyur pas lam de rin po che bkod pa rnam pa sna tshogs du mas brgyan pa byas nas/ zla 'od gzhon nur gyur pa bya rgod kyi phung po'i ri las babs te/ rgyal po'i khab kyi grong khyer chen po gang na ba dang / rang gi lha'i khyim mtho zhing cha la yangs pa gang na yod pa der song ste phyin nas/ rang gi khyim du zhugs so// zhugs nas bza' ba dang / bca' ba dang / myang ba mang zhing bzang ba g.yor bcug ste/ zhal zas ro sna brgya pa sbyar nas/ de'i mtshan mo 'das pa dang / rgyal po'i khab kyi grong khyer chen po chag chag legs par btab/ byi dor legs par byas nas me tog sil ma ni bkram/ bdug spos kyis ni 'dugs// bla res ni bres// dar gyi lda ldi dang chun po ni dpyangs/ gdugs dang // rgyal mtshan dang / ba dan ni bsgreng ste/ de ltar rgyal po'i khab kyi grong khyer chen po'i lam srang dang / grong bar du bcas pa rdo dang / gyo mo dang / gseg ma med par byas// me tog sna tshogs ni bkram/ tsan dan gyi phye mas ni gtor/ skar khrung dang / rta babs dang / sgo gang dang / ba ga ma dang / skar khung dra ba riswA dang / zla ba khams pa lta bus ni brgyan cing / tsan dan gyis byug pa byas te/ de ltar rgyal po'i khab kyi grong khyer chen po dpag tu med pa'i bkod pas rab tu brgyan nas// rang gi khyim yang rgyan sna tshogs rnam pa du mas brgyan te/ rin po che'i 'phreng ba rnam pa du ma ni rab tu dbyangs/ dga' ldan gyi ris kyi lha'i gos kyis ni brgyan cing nyen 'khor yang mdzes par byas// phreng ba dang ny+dza ldi rnam pa tha dad pa du mas ni brgyan pa byed du bcug/ rin po che'i stan bye ba khrag khrig brgya stong du ma ni 'ding du bcug ste/ bcom ldan 'das la mchod pa bya ba'i phyir/ de'i dbus su bcom ldan 'das kyi lha rdzas kyi seng ge'i khri lnga'i dang mi'i las 'das pa bshams so/ / rin po che sna tshogs kyi pog por ni phyogs bzhir dbyangs te/ de dag nas a ka ru 'ba' shig gis dung 'thul bar byas so/ / zla 'od gzhon nur gyur pas khyim mchog de yang 'di lta ste// bcom ldan 'das kyis yongs su longs spyad pa'i phyir/ sgra'i klu gang dang / sil spyan ni bsgrag gdugs dang / rgyal mtshan dang / ba dan ni bsgreng // lba dang / klu dang / gnod sbyin dang / dri za dang // lha ma yin dang / nam mkha' lding dang / mi 'am ci dang / lto 'phye chem drang / mi dang mi ma yin pa brgya stong gis ni gang zhing rnam par bltas/ rin po che'i me tog sna tshogs rnam pa du mas ni grang bar byas so// de la 'di skad ces bya ste// zla 'od kyis ni khyim mchog yangs pa yang / / rgya cher thams cad shin tu brgyan par byas// gang la 'jig rten sgron ma bzhug pa yi// lha rdzas seng ge'i khri ni dbus su btsugs// 'jig rten smon mdzad rgyal ba'i gtso bo yi/ / dge 'dun dag ni gang la 'dug 'gyur ba// rin chen shin tu rnam par bkra ba'i stan// bye ba stong phrag mtha' yas legs par bting // rim chen sna tshogs kun gyi bdug spos snod/ / a ka ru yis shin tu gang byas te// phyogs rnams thams cad du yang rnam par dpyangs// de dag nas ni yid 'ong dri rnams 'thul// zla'o// kyis ni stobs bcu gshegs pa'i phyir// rin chen me tog mdzes pa sna tshogs dang // me tog dri mchog bzang po rnam mang gis// khyim gyi sa gzhi bzang po kun tu bkram// gar byed glu len sil spyan sgra dag gis/ / khyim mchog thams cad kun tu sgra yis gang // gdugs dang ba dan dag kyang shin tu bsgreng // khyim kun lam mer mdzes pa lha yi bzhin// zla 'od gzhon nu'i khyim mchog chen po yang // skyes bu na chung tshogs kyis rgyas gyur cing // klu dang gnod sbyin lha min mang pos gang // brgya phrag mang po'i lha yis rnam par bltas// de nas zla 'od gzhon nur gyur pas// rgyal po'i khab kyi grong khyer chen po yang brgyan// bdag gi khyim yang legs par brgyan nas/ de'i mtshan mo 'das pa dang / nang par snga rab kyi dus kyi tshe/ sil snyan sna tshogs brgya dag ni rab tu dkrol/ gdugs dang / rgyal mtshan dang / ba dan bye ba du ma ni bsgreng ste/ byang chub sems dpa' bye ba khrag khrig brgya stong phrag brgyad cu thams cad kyang / / lha'i me tog man+da ras snyim pa bkang ste/ de dag la la ni skye ba gcig gis thogs pa'i byang chub sems dpa' sems dpa' chen po 'di lta ste/ spyan ras gzigs dbang phyug dang / mthu chen thob dang // spos kyi glang po che dang / rin po che'i tog dang / mngon par 'byung dka' dang / 'jam dpal gzhon nur gyur pa dang / dpa' bo'i sde dang / lags bzang dang / rin chen me tog dang / mthong ba don yod pa dang / byams pa la sogs pa byang chub sems dpa'i tshogs chen pos yongs su bskor cing mdun du ba dar te/ rta dang ba lang du ma shin tu brgyan cing / ma zhon par khrid pa mang po dang 'dres pas gzhan yang yul gyi mi dpag tu med pa'i tshogs dang / bdag nyid kyang lha'i me tog man+da ras snyim pa bkang ste/ byang chub sems dpa'i mthu chen po dang / byang chub sems dpa'i rdzu 'phrul chen po dang / byang chub sems dpa'i cho 'phrul chen po dang / byang chub sems dpa'i a la la zhes lha'i gzha'i sgra yid du 'thad cing / yid du 'ong ba yid 'phrog pa dag sgrog cing / rgyal po'i khab kyi grong khyer chen po'i chu dron gyi sgo nas phyir byung ste/ ri'i rgyal po bya rgod kyi phung po ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ lha'i me tog man+da ras snyim pa gang bas bcom ldan 'das la mngon par gtor te/ phyogs gcig tu 'khod do// byams pa la sogs pa byang chub sems dpa' sems dpa' chen po de dag kyang / bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ so sol snyim pa dang me tog man+da ra yod pas des/ bcom ldan 'das la mngon par gtor nas phyogs gcig tu 'khod do// zla 'od gzhon nur gyur pa phyogs gcig tu 'dug bstan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas gdugs tshod phab pa/ bcom ldan 'das bshos gtsang sbyar lags te/ da de'i dus la bab par bcom ldan 'das kyis mkhyen na// byang chub sems dpa'i dge 'dun dang / dge l+r-ing gi dge 'dun du bcas pa dang / / rang chug/ dbang rje bar byugs pa/ rgya che zhing rnabs che ba'i wa dang / k+Sh+ma dang / mnod sbyin dang / dri za dang / ska ma yin dang // drang srong dang/ nam ma pa' lding dang / mi 'am ni dang / sgro 'phye chen po dang / grul bus dang / yi dgas dang / srul po dang / mi dang mi ma yin pa dag dang yang thabs gcig tu rgyal po'i khab kyi grong khyer rjen por gshegs shing bdag gi sdum par yang gdugs tshed gsol ba'i dus la dba'o/ / bde bar gshegs pa gdugs rgod la / / de la 'di skad ces bya ste// bdag gi grong khyer mchog kun legs par brgya nAM/ mgon po bdag gi sdum pa'ang de bzhin te// lha yi zhal zas ro brgya bshams shing sgyur gdugs chod pabagyis 'ad+mog shegs pazhengs su gsol/ / drang srong mchog kyis phyag sakyis stobs bcu yin tan 'chang // rgyas kyi tshogs kyis yongs su bad+mor cing nga gshegs/ / snang byed kyi mthun pa'i rtogs sal bzhengs su gsol// bcom ldan bdag gi sdum par bshos gsol gdugs chod pab// sgras dang thabs cig bdun zhum pa gshegs phra gsom/ / 'gro 'a mang po'i tshogs kyi don kyang bgyis par 'gyur// ji ster ma ma mdzad kyis khyod la lung bstan pa// de bzhin bdag kyang 'jig rten mngon sum lung ston cig/ bdag 'dir lung bstan 'jig rten thos nas ni// sems kyang mchog tu rgya che bar bskyed de// 'gro ba 'di dag thams cad sangs rgyas 'gyur/ 'di na snod min sems can gang yang med// bzhengs shig bzhengs shig stobs bcu mnga' ba'i lha// bdag la rjes su phan mdzod sdum par gshegs// ji ltar bdag gi snum par khyod gshegs pa/ / de bzhin byang chub shing dbang drung bdag 'chi// byang chub shing dbang de drung bdag mchis nas// mi g.yo mi 'gul bar ni gnas bcas te// byams pas sngar bcas bdud rnams pham bgyis nas// khyod kyis brnyas bzhin byang chub thob par bgyi// de nas bcom ldan 'das kyis// zla 'od gzhon nur gyur pas gsol pa mkhyen nas/ / zla 'od gzhon nur gyur pa la tshigs su bcad pas slar bka' stsal pa/ longs shig zla 'od rgyal ba'i sras// longs shig sbyin dga' sems can mchog longs shig snying rje tshul khrims brtan/ / zan la de ni khyim du 'dong // de nas bcom ldan 'das kyis tshigs su bcad pa 'di gsungs nas// sngar gdan las bzhengs te/ sham thabs gsol/ chos gos dang / lhung zad bsdams nas/ dge slong 'bum du tshang ba'i dge slong gi dge 'dun chen po dang thabs cig tu byang chub sems dpa' sems dpa' chen po shin tu mang pos bskor cing mdun du bdar te/ lha dang klu dang / gnod sbyin dang / dri za dang / lha ma yin dang / drang srong dang / nam mkha' lding dang // mi 'am ci dang // lto 'phye chen po dang / grul bum dang / yi dgas dang / srul po dang / mi dang mi ma yin pa brgya stong du mas mchod cing mngon par bstod nas/ / sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi spyod lam gyis/ 'od zer bapa khrag khrig brgya stong ni rab tu gtong / sil snyan bye ba khrag khrig brgya stong ni rab tu dkrol/ gdugs dang / rgyal mtshan dang / ba dan bye ba khrag khrig brgya stong du ma ni mngon par bsgreng / gzugs dang kha dog rags pa du ma rnam pa sna tshogs kyi ngang pa dang / khrung khrung dang / ngur pa dang // gzhad dang / tsa ko ra dang / rma bya dang / tsa sha dang / ri skags dang / khu byug dang / ka la bing+ga dang / ku na la la sogs pa bya'i khyumang po dum sgra snyan cing 'jam la yid du 'ong ba rnam pa du ma 'byin pas ni/ bar snang la lha bzhin du so so'i nga ros rol mo'i sgra dbyangs 'byin/ lha'i rin po che sna tshogs kyi bdug spos kyi snod yangs shing che ba bye ba khrag khrig brgya stong du ma thams cad kyang / bai DUR+Ya dang / in+d+ra ni la dang / shel dang / spug ki yu ba can dag gnod sbyin gyi dbang po gzugs bzang dang / dbang po'i tog dang // rad rod can dang / ba ku la dang / lnga rtsen dang // shAkya 'phel la sogs pa bye ba khrag khrig brgya stong du ma dag gi lag pa gnyis na gtun 'dzin pa bzhin du thogs te/ spos sbrul gyi snying po dang / gor shir sha dang / rmi na la dang / ha ri dang ma la ya dang / tsan dan dmar po dang / a ga ru la sogs pas bkang ba'i du ba ni 'thul// phyogs so so nas lhags pa'i rgyal po dbang che ba// dbang che bar grags pa rnams rta dang ba lang rgyan gyis shin tu brgyan cing ma zhon par khrid pa'i tshogs du ma dang / / shing rta dang / dpung bu chung gis yongs su bskor cing // 'phreng ba dang lda ldi mang po dang // rin po che'i 'phreng ba lag na thogs shing sngon logs nas rkang gis 'gro'o/ / rta dang glang po che legs par brgyan pa ma zhon pa khrid pa dag kyang // rang gi stabs kyis mngon par 'gro zhing skad yid du 'ong la sman pa 'byin to/ / tshangs pa yang bcom ldan 'das kyis g.yas phyogs nas rtsod pa dang / rim gro ba snyan bkur byed cing 'gro'o// g.yon phyogs nas ni lha'i dbang po brgya byin lha'i bu dbang che ba/ / dbang che bar grags pa/ rgya che zhing rlabs che ba/ bgrang ba las 'das pa rnams lha'i cod pan bzang po dang / gdu bu rgyan can dang / / na rmyad/ kAs sa dang / me kokan rgyan dang / rin ma che'i cong cong dang // me chog gi 'byung ba stsu lus brgyan cing gzugs mngon par snang bas/ me tog man+da ra wa dang / mdog mdzes dang / ko bi dA ra dang / sA la ka dang / kur pa ka dang / tsam pa ka dang / dong ka'i me tog dang / mya ngan 'tshang dang / s+yA sbyar dang / ma mug ta dang / ut+pa la dang / ba ku la dang / mal li ka dang / kun da dang / ga sar dang / pad+ma dang / ku mu da dang / pad+ma dkar po dang / dri mchog dang / rin po che'i 'phreng ba dang / rin po che'i a ga ru dang / shing rin po che'i 'bras bu can dag lag na thogs shing sil snyan sna tshogs brgya stong ni shin tu dkrol/ gos bya ba ni g.yob cing a la la zhes ga zha'i sgra dag ni 'byin/ / me tog gi char chen po ni rab tu 'bebs shing // bcom ldan 'das la mchod pa bya ba'i phyir/ nam mkha'i ngos thams cad par mtshams med par gang bar 'khod deme tog dang / spos dang / 'phred pa dang / byug pa dang / phye ma dang / rin po che'i char rab tu 'bebs shing // bcom ldan 'das chu dron yod pa'i sgo nas// rgyal po'i khab kyi grong khyer chen por gdugs tshod la gshegs so/ / de'i chos nyid 'di yin te// de la 'di skad ces bya'o// sangs rgyas de bzhin gshegs pas dus mkhyen nas// dpa' dro yon tan kun gyis rab brgyan pa/ / zhing rnams bsam gyis mi khyab snang mdzad cing // bcom ldan mi yi seng ge gshegs par gyur// spyan ras gzigs dang mthu chen don yod dang / / spos kyi ba glang rin chen lag bzangs dang // rin chen tog dang 'byung dka' dpa' bo dang // de dang gzhan dag rgyal ba'i zham ring byed// g.yas phyogs na ni mi 'pham 'dug gyur te/ / de ming byams pa yon tan mtha' yas phyug/ bar du mchod sangs rgyas 'gyur ba ste// bsod nams ye shes tshogs kyang rab tu rdzogs// byams dang btang snyoms dga' ba sa lus bsgoms zhing // chos kyi bdag nyid chen po snying rje bskyed// yon tan mtha' yas thub dbang yon tan sems// bde gshegs thugs rje can gyi zham ring byed/ / de yi rjes la bskal pa bzang po yis// blo gros chen po ldan pa ji snyed pa'i// sangs rgyas stong du bzhis ma tshang ba dag/ de dag gis kyang byams pa mdun du brdar/ / gang sngon rgyal po'i khab kyi grong khyer 'dir// bskal pa dag la rgyal ba mtha' yas mchod// zla ba mdzes pa'i 'od 'dra wA yi lus// zla 'od dpa' bo yang ni mdun na 'dug/ snying rje mchog gi g.yon phyogs 'dug pa ni// 'jam dpal bye ba brgya phrag mang po dang // dpa' bo rdzu 'phrul stobs kyis mngon 'phags pa// brgya phrag mtha' yas zhing du 'gro ba'o// de yi 'og tu nyan thos dge 'dun te// shA ri'i bu 'og mo'u 'gal nag po dang // 'od srung rab 'byor dga' bo ka pi na/ / bzang ldan rgyal po de bzhin ko'u di na// kun dga' de bzhin gnas brtan sgra gcan zin// legs 'ongs gron ci gang po 'char ba po// nam gru gsus chen nyer 'khor ma 'gags pa/ / ral pa can ni stong du tshang ba dag/ nyan thos dge 'dun 'og tu thams cad kyang // dka' thub drag mchog rig byed chog shes// dmod pa 'dod// dang phan 'dogs nus pa yi// drang srong dul ba thal sbyar 'dug par byed// zhi ba'i yid dang dul ba'i yid rnams kyis// sangs rgyas 'jig rten sgron ma mdun pa dar te// thugs rjer ldan pa'i mi yi seng ge gshegs// sems can stong rnams rab tu thar bar mdzad// ston zla tha chungs zla ba nya ba ltar// skar tshogs dbang po yongs su dag pa bzhin/ / tshangs pa stong phrag dag ni brgya mang gis// mtshungs pa med pa'i ston pa yongs su bskor// grong khyer gyis ni sgo steng zhabs bzhag tshe// nags tshal skrag bor bcas pa'i sa yang g.yos/ / lha dang lha min lto 'phye'i tshogs rnams kyang // me tog bzang po dri mchog 'thor bar byed// de nas bcom ldan 'das kyis zhabs g.yas pa 'khor lo rin po ches brgyan pa/ dge ba'i rtsa ba dpag tu med pa bsags pa/ sgo'i tham pa la bzhag ma thag tu stong gsum gyi stong chen po'i 'jig rten gyi khams 'di rnam pa drug tu g.yos/ / rab tu g.yos/ kun tu rab tu g.yos// 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs// chem chem/ rab tu chem chem/ kun tu rab tu chem chem/ 'ur 'ur// rab tu 'ur 'ur/ kun tu rab tu 'ur 'ur/ shar phyogs dma' na nub phyogs mtho/ / nub phyogs dma' na shar phyogs mtho// byang phyogs dma' na lho phyogs mtho// lho phyogs dma' na byang phyogs mtho// mtha' dma' na dbus mtho// dbus dma' na mtha' mtho bar gyur nas/ 'jig rten du snang ba chen po yang byung ngo // ngo mtshar dang rmad du byung ba'i cho 'phrul grangs me// dpag tu med pa gzhan dag kyang snang ngo // / 'phags pa ting nge 'dzin gyi rgyal po'i mdo// bam po bzhi pa// / de'i chos nyid ni 'di yin te/ de la 'di skad ces bya'o/ / grong khyer mchog der 'dren pa gshegs pa na// sgo tham la ni zhabs mchog bzhag pa'i tshe// de yi dpal gyis sa 'di rab tu g.yos// grong khyer mchog 'di'i sems can rab tu dga'/ / mi dag bkres shing skom par gyur pa dag/ de tshe de dag bkres pa med par 'gyur// rgyal bas sgo yi them steng zhabs bzhag tshe/ / bkres shing skom pa dag kyang bral bar gyur// rgyal bas sgo yi them steng zhabs bzhag che// dmus long gyur pa'i mi gAng ji yod dang // rna ba mi thos mgon med bsod nams chung / / de dag thams cad mig dang rna ba thob// rgyal bas sgo yi them steng zhabs bzhag tshe// gshin rje'i yul gyi yi dgas kyang yod pa// shin tu sdug bsngal ngar snabs mchil ma za/ / thams cad 'od kyis reg pas bde bar gyur// rgyal bas sgo yi them steng zhabs bzhag tshe// brag gi rtse dang ri yi rtse mo dang // shi mchog sA la dang ni dong ka rnams/ / thams cad sangs rgyas bzhugs pa'i phyogs su 'dud// rgyal bas sgo yi them steng zhabs bzhag tshe// rgya mtsho mthar thug grong dang krong khyer rnams/ / sa kun rnam pa drug tu rab tu g.yos// 'dir ni gang la'ang gnod par gyur pa med// lha dang mi dang grul bum srin po dang // skyes bu gnas pa dga' mgu sems rangs te/ / byang chub dam pa mchog la dang skyed nas// 'jig rten rnam par 'dren pa'i gdugs kyang 'dzin// rgyal bas sgo yi them stong zhabs bzhag tshe/ sil sman stong dag ma brdungs sgra 'byin te// shin tu yid 'ong rol mo'i dbyangs thos pas// de tshe sems can thams cad rab tu dga'// sdong po stong phrag bcu dag 'dud par 'gyur/ / de tshe me tog kun kyang rab tu rgyas// bar snang las ni lha rnams brgya stong dag/ rgyal ba lnga yang mi min mchod pa byed// rgyal bas sgo yi tham steng zhabs bzhag tshe/ / glang po brgya dag sems dga' sgra 'byin te// rta dang ba lang rgyal po lus kyang bstod// ri dgas rgyal po seng ge sgra 'byin byed// sa dbang rgyal po gang su ji snyed cig/ phyogs dang phyogs mtshams dag nas lhags pa rnams// rgyal ba'i dpal gzi de 'dra mthong nas ni// rab tu sems dga' sa la 'dug cing 'dud// kha cig 'jig rten mgon la mngon par bstod// kha cig rgyal la me tog char 'bebs shing // kha cig sor bcu thal mo sbyar nas su// a ma rgyal ba thugs rje can zhes smra// kha cig mu tig do shal bzang po dang // sna tshogs brgyan mang dgra' skyed 'thor bar byed// byang chub sems mchog dpe med bskyed nas su// kha cig na bza' rin chen 'thor bar byed/ / kha cig gser gyi dra ba bzang po 'thor// kha cig sprin tog rgyan bzang 'thor bar byed// la la gser gyi rgyan ni dam pa 'thor// kha cig de bzhin gdu bu 'thor bar byed/ / la la gdu bu bzang po de 'thor te// kha cig rin chen spras pa'i dpung rgyan 'thor// kha cig bdag cag sangs rgyas gyur cig ces/ / sems bskyed gos phran bzang po 'thor bar byed// 'jig rten mgon po sgon bzhugs pa'i tshe// mi dag kha cig gser gyi cong tsong 'thor// sems da gtsug gi nor bu mchog kyang 'thor/ / la la rin chen dra ba 'thor bar byed// sems can shin tu mi bzad sdug bsngal zhing // gtse ba rnam mang zug rngus zug pa yang / 'dran pa skyes bu gtso bo dpal gyis ni// thams cad bde dang yang ldan par gyur// khu byug dang ni ri skegs rma bya dang // de bzhin khrung khrung dang ni mtsho bya dang / bya mang kun ni nam mkha' 'dug nas su// shin tu yid 'ong mchog gi sgra yang 'byin// de tsha bya tshogs mang po rab dga' bas// 'jam zhing yid du 'ong ba'i sgra byung ste/ / gang gis sman pa'i sgra skad de thos pa// de dag 'dod chags zhe sdang gti mug zhi// sems can bye bas dga' ba'i sgra thos nas// thams cad rjes su mthun pa'i bzod thob ste/ / ma 'ongs dus na rgyal bar khyed 'gyur zhes// de dag kun la bder gshegs lung yang skon// de yi dus na nyon mongs mi 'byung chos kyi rgyal la thams cad ri mor bcas/ / de tshe 'dren pa'i sku byed mthong nas ni// sangs rgyas ye shes mchog la mos bskyed de// bdag cag nam zhig 'di 'dra'i// mkhyen thob snyam// bsam pa mkhyen nas rgyal ba lung ston te// bde bar gshegs pa'i ba spu'i khung re nas// 'od zer dag ni stong phrag brgya yang byung // de las lhags par gang+gA'i bye snyed de/ / de dag gi yang mtshan ma gzung mi nus// de tshe nyi ma'i 'od kyang mi snang ste// me dang nor bu lha kun 'od kyang med// rgyal ba grong gshegs sangs rgyas rnams mdzes pa/ / de tshe 'od rnams thams cad yong mi mngon// tshogs chen dang ni bder gshegs lam bzhud de// gang du stobs bcu yi nI zha bas 'jog par/ sa las pad+ma dag ni stong phrag brgya// mdab ma bye ba stong lhun gtsang ma byung // 'dren pa grong khyer mchog tu gshegs pa'i tshe// de na nyal nyil mi gtsang med par gyur/ / grong khyer thams cad dri mchog bdug pa yi// spos dang yid du 'ong ba kun nas ldang // grong dang srang rnams yongs su dag gyur te// rdo dang gseg ma med cing spos chus btab/ / stobs bcu ldan pa'i bsod nams de 'dra ste// rnam pa sna tshogs me tog sil ma bkram// gnod sbyin brgya stong gtum por sems pa dag sangs rgyas mi dbang gser 'dra mthong nas ni/ / 'dren la dga' brgya na rab bskyed nas// sangs rgyas chos dang dge 'dun skyabs su 'gro lha rnams bye ba dang ni brgya phrag stong / / mi dbang lta bar 'ongs pa de dag kun// bde bar gshegs la me tog char phab ste// me tog gtor nas nam mkha'i dkyil na 'dug/ rgyal la mi yis me tog gang gtor ba// nam mkha'i ngos la me tog gdugs su gyur// lha rnams kyis ni me tog gtor ba yang // sa stang lha yi me tog bkram par gyur/ / lha dang mi dang grul bum srin po rnams// de mthong nas ni nam yang ngoms mi myong // mgon po stobs bcu ldan pa mthong nas kyang // rab tu dga' zhing sems pa de rangs par gyur/ / nam tshe skyes bu mchog gi sku mthong nas// sems can thams cad dga' mgu rangs gyur pas// lha yi me tog la yang yid mi sems// de dag la ni ngo mtshar 'dzin pa med// stobs bcu'i g.yas phyogs na ni tshangs pa ste// de bzhin g.yon na brgya byin lha yi rgyal// nam mkha'i dkyil na lha mangs bye 'khod de/ / skyes bu mchog la shin tu gus pa bskyed// lha dang lha min dag gis rgyal bar bskor// lha dang mi yi dpal gzi kun phrogs nas// zhabs mthil sa la ri mo 'byin bzhin du/ / grong khyer du ni bcom ldan spyan drangs gshegs// sku lus dpe byad bzang pos rgyas pa ni// nam mkha' skar ma dag gis gang ba bzhin// nam mkha' la ni zla ba nyab ltar/ / rgyal po'i lam na sangs rgyas lam me bzhugs// nor bu rin chen rnam dag bzang po ni// nyes pa'i skyon bral rab tu snang bar byed// phyogs dang phyogs mtshams su'ang 'od gtsang 'byung / / de bzhin rgyal ba 'jig rten kun snang mdzad// lba dang lha min dag gis rgyal ba bskor// mi yi gtso bo rgyal po'i khab tu gsheg zhabs mthil sa la ri mo 'byin bzhin du/ / zla 'od gzhon nu'i khyim du sangs rgyas gshegs// grong khyer mchog ni kun tu legs brgyan te// rgyal mtshan bye ba phrag stong rab tu bsgreng / / de yi sa kun spos bzang rnam par byugs// yid 'od de bzhin dbyar gyi me tog gtor// gang tshe bder gshegs gtam rnams ston pa na// mgon po srang bzhud mi la thugs brtse'i phyir/ / rgyal bas der ni 'phrul pa rnam sprul te// de dag la yang sangs rgyas chos bzang ston// srog chags brgya stong dag gis de thos nas// sangs rgyas ye shes mchog la smon lam 'debs// nam bdag 'di 'dra'i ye shes thob snyam ste// bsam pa mkhyen nas rgyal ba lung yang ston// gang gi rgyal ba mi dbang spyan drangs pa/ / sbyin pa de ni mu mtha' med 'gyur te// rnyed mchog bsam gyis mi khya des rnyed ces// lal dag ni de la mos pa bskyed// 'khor/ bdag na shin tu mthong dka' ba// skye dgu dag la phan mdzad thugs kyang brtse// thugs rje can de bdag gis sang la yang // spyan drang snyam du la la sems kyang bskyed/ pha la ba ga ma chog gi steng 'dug cing // lus ni shin tu sdug cing mdzes par gyur// byang chub sems mchog dam pa bskyed nas nI// stobs bcwa ldan la wA mi mochog 'thor/ / mA sa rmA pa de sems mchog rab bsgyud nas// metog cas pa mdzes pa'i phreng ba dang // a ti drag tu de bzhin byar gyi spos// dar sde wA sI drAg kyang la la cig gas kyis shin tu lus btsunato/ / me klog bzang po dag kyang phyogs shing sbe// me tog pa tshogs dar gyis mi thogs// rgyal ba thub rjen de mi phyogs sums sul pad+hA nga ni kurba de/ / sran la gsar gyi ma rtog pa'ang ba 'byor// lal chen chen ma tog nas 'khod// / lam can ngan rgya ma 'thor ba byed// 'dzin pa khyer mchog tu gshegs pa'i tshe/ / ngo mtshar dpag tu med pa rnams kyang 'thung // mtshungs med de dag brjod par mi nus te// sangs rgyas ye shes skye bo kyi mangs bkod/ mi che mi gdungs pa den pa mthong ba dang // gzhan yang gya nom snang dang shin tu mthong // de bzhin 'og min 'dod chags bral ba rnams// thams cad mi dbang lta phyir nye bar lhags/ / de bzhin gshegs pa'i lha rnams dpag med dang // dge chung lha gzhan dag kyang sems dga' zhing // dge rgyas khrag khrig dpag tu med pa rnams// 'dren pa drang srong chen po lta phyir lhags/ / tshad med 'od kyang de bzhin dpag med dang // 'od chung gi ni lha rnams ji yod dang // 'od gsal ba yang khrag khrig mang po der// 'jig rten mgon po lta phyir de dag lhags/ / tshangs 'khor ba dag brgya stong mang po dang // tshangs pa'i mdun 'dod dang pa de bzhin te// tshangs ris kyang ni brgya phrag mang po rnams// thams cad 'dren pa lta phyir nye bar lhags// de bzhin gzhan 'phrul gyi yang lha rnams dang // gzhan yang 'phrul dga'i sems can dag pa dang // dga' ldan 'thab bral lha rnams rab dga' zhing / / thams cad sangs rgyas phyag 'tshal nye bar lpags// brgya byin lha rgyal sum cu rtsa gsum pa// lha yi bu mo bye ba brgya dang lhags// 'dir ni me tog char kyang rab 'bebs shing / / sangs rgyas thub dbang lta phyir nye bar lhags// phyogs bzhi'i 'jig rten skyong ba bzhi po yang // rnam thos bu dang klu dbang mig mi bzang / / yul 'khor srung dang 'phags skyes sems dga' ste// de kun mi dbang bstod cing nye bar lhags// gnod sbyin rgyal po mthu ldan ir 'bir yang / / dga' ba skyes shing gnod sbyin brgyas bskor te// nam mkha'i dkyil na 'dug cing sems dga' nas// me tog sna tshogs du ma'i char yang 'bebs// rtag tu myos dang 'phreng 'dzin lha rnams kyang // spos dang 'phreng ba rnam pa sna tshogs thogs// 'khor dang bcas pa thams cad sems dga' zhing // de na skyes bu mchog la mchod pa byed/ / gnod sbyin lag na gzhong thogs mang po yang // gnod sbyin bu mo de dag rab brgyan te// gnod sbyin rol mo rab tu snyan pa dang // shin tu yid 'ong brgyas ni sangs rgyas mchod/ / glu dbyangs sil snyan 'jam zhing snyan pa la// mkhas pa'i mi 'am ci yi bu mo stong // mi 'am ci yi rgyal po ljon pa dang // rgyal mchog mchod par spos ngad ldang las lpags/ / bde mchog stobs ldan sgra gcan thags bzangs ris// lha min bu mo skyong gi 'khor bcas dang // lha min rdzu 'phrul chen po gzhan mang yang / / rin po che yi char pha ba nye bar lhags// srin po khrag khrig brgya phrag mtha' yas kyang // srin po bye ba brgya yis bsnyen bkur zhing // me tog sil ma sna tshogs mang po yang / / skyes bu mchog la gus par rab tu 'thor// klu yi rgyal po ri bo legs pa yang // 'khor mang de bzhin gshegs pa'i drung du lpags// ri chen me tog rnam mang mchog thogs te/ / bde gshegs zhabs gnyis la ni rab tu 'dud// klu dbang pad+ma dang ni pad+ma che// de bzhin nor rgyas mtha' yas gdengs ka can// de dag khyu mchog drung du nyer lhags te// bde bar gshegs la gus par rab tu 'dud// klu yi rgyal po nor bu yid dga' zhing // khyu mchog zhabs kyi drung du nye bar 'ongs// klu yi me tog dri zhim mchog thogs te// ha cang mi ring bde gshegs spun sngar 'dug/ de bzhin ma dros klu yi rgyal po yang // klu yi bu mo shin tu bslabs pa'i mchog/ rnga dang sil snyan stong phrag brgya bdung zhing // 'jig rten mgon po mchod phyir nye bar lhags// ma dros pa yi bu pho lnga brgya dag/ ye shes yangs pa bla med tshol ba'i phyir/ / gnyen 'dab dag gis bskor cing dgar gyur nas// rang gis rang byung mchod phyir nye bar lhags// de bzhin klu yi rgyal po sogs med kyang // skyes bu mchog la thal sbyar rab btud nas/ / klu yi mu tig mdzes shing bzang po thogs// mkha' la 'dug nas thub rgyal mchod pa byed// de bzhin klu yi rgyal po btang zung yang // rab tu yid bde dga' mgu skyes nas ni// rin rten mu tig sna tshogs thogs nas su// der 'ongs 'dren pa la yang mngon par 'thor// de bzhin klu yi rgyal po dus can yang / / de bzhin gshegs pa'i drung du nyer 'ongs te// dga' zhing rin chen 'phreng ba mdzes mchog thogs// skyes bu dam pa la yang mchod rab byas// de yang bde gshegs yon tan rjes dran zhing // gus pa chen po shin tu bskyed nas ni// gnyen 'dab klu mang dag gis de bskor cing // 'dren pa'i sngags pa rnam pa mang po brjod de bzhin klu dbang dga' bo nya dga' dang / / de bzhin 'jog po 'go'u tam nag po yang // rgyal ba lta zhing der ni nye bar 'ongs// bde bar gshegs pa'i zhabs la 'dud pa byed/ / klu yi rgyal po e la'i mdab ma yang // thub mchog rgyal ba 'od srung dran pa dang // bdag nyid mi khom skyes pa mthong nas ni// klu brgyas yongs su bskor te ngu zhing 'ongs kye ma bdag sngon the tsom byung gyur te/ / bdag gis e la'i 'dab sdong sngon bcad pas// des ni mi khom par yang bdag skyes te// rgyal ba'i chos ni rig par sla ba min// shin tu smad pa'i skye bo'i lus 'di dang // klu yi skye gnas bdag gis rab spangs la// chos gang byang chub snying por skyes mchog gis// rtogs pa bsil ba bdag gis rtogs par byas/ / klu yi rgyal po rgya mtsho 'khor lo sgyur// bye ba gsum sbed klu yi 'khor gyis bskor// chu lga gzi can rin chen dro shal thog sa// bcom ldan 'das la mchod phyir nye bar 'ongs/ / rgyal ba la ni rdo 'phangs des bzung ste// de tshe nam mkha' la yang 'dug gyur pa// rgyal po'i khab kyi gnod sbyin ci zhig 'dzin// bde bar gshegs pa'i spyan sngar gus par 'dug/ lcang lo can gyi rgyal po'i gnas kun kyang // stong par gyur cing gnod sbyin gang yang med// thams cad kyis kyang phan tshun dam bcas te/ / 'jig rten mgon po lta bar thams cad lpags// de bzhin bong rna dang ni khab spu dang // gnod sbyin 'brog nas 'jig byed de bzhin te// gangs gnas rir 'du gnod sbyin bung bu dag/ rgyal ba rang byung drung du nye bar lhags// dbang po'i rtog dang gzugs bzang rang rod can// ba ku la dang dus 'phel lnga po dang // gnod sbyin dbang po gzhan yang stobs rnams ni/ / bdug spos snod rnams thog shing nye bar lhags// lug dbyibs ma legs mi sdug mang po rnams// gzugs kyi rnam pa mang zhing rgyan bor ba// de yi mdun na brgya stong mang po dag/ gnod sbyin gyi ni me tog thogs te lpags// go'u tam ri byi phur bu rgyal byed dam// ko'u shi ka dang 'od srung mar kan da// thams cad bshes dang bar sha kar ga dag/ thams cad sangs rgyas phyag 'tshal nye bar lhags// mi sbyin yang ni de bzhin dga' mgu ste// drang srong rgyas pa kung tsa ang gi ra// shed can ngan spong bad tsa gnas mchog rnams/ / de dag sangs rgyas phyag 'tshal nye bar lhags// 'dza' man pa man pa'i shal ba ya dang // 'dza' mag ni dang grog mkhar drang mchog dang // dka' bar gnas dang mi'u thung spen pa rnams// 'dren pa lta zhing grong khyer mchog tu lhags// drang srong mthong nas de tshe drang srong dga'// thub dga' zhabs mchog la ni phyag 'tshal zhing / / 'jig rten sgron la phyag byas mngon bstod de// thal mo sbyar nas dpa' bo'i spyan sngar 'greng // 'jig rten ci yod drang srong mang po kun// de dag mi dbang lta bar nyer lhags te/ / mthong nas mchod pa rgya cher byas nas kyang // sangs rgyas spyan sngar thal mo rab sbyar 'dug/ rgya mtsho dag na gnas pa'i nam mkha' lding // bram ze cha byad du'ang sprul byas nas/ / cod pan sna tshogs blta na sdug pa thogs// bde bar gshegs la phyag 'tshal nam khar 'khod// grong brgya dang ni 'dzam gling nags tshal na// gnas shing rten pa'i lha rnams gang yod dang / grong gi lha mo ma lus thams cad kyang // nye bar lpags shing gtso bo mchod pa byed// nags tshal gyi yang lha rnams mtha' yas dang // ri yi sa rnams thams cad nye bar 'ongs/ / 'bab chu'i lha kun mtha' dag de bzhin du// 'dren pa mchod pa byed cing nye bar lpags// mya ngan dgon pa'i lha mo brgya rnams dang // ri'i rtse'i lha mo ji snyed ma lus dang / / mtsho dang rgyu mig rdzing gi lha rnams dang // rgya mtsho'i lha yang sangs rgyas drung du lpags// lha dang lha min klu dang gnod sbyin tshogs// mi 'am ci dang grul bum nam mkha' lding / / de bzhin yi dgas srul po mang po dag/ skyes bu mchog la ri mor bya ba byed// 'dren pa grong khyer mchog der gshegs pa na// rgyal ba mchog la de dag mchod pa byed/ / lha dang lha min klu dang gnod sbyin rgyal// lta bas rtag tu chog par yong mi 'gyur// sngon gyi srid par 'jig rten mgon po yis// sngon gyi rgyal ba dag la mchod mchog byas/ / bsod nams 'bras bu smin pa de 'dra ste// skyes bu mi dbang lta bas ngoms mi myong // rgyal bas sangs rgyas zhing du 'od btang ste// lhun po de bzhin rab lhun khor yug ri/ / kha ba can gyi ri dang spos ngad ldan// de dag rgyal ba'i 'od la sgrib pa med// sangs rgyas zhing 'di'i rgya mtsho ji yod pa// de dag de chos dang 'dra bar gyur// sangs rgyas zhing 'di thams cad kun tu yang // me tog dag gis gtor cing mnyam par gyur// 'od zer brgya stong dpag tu med pa dag/ chos kyi rgyal po'i zhabs kyi mthil nas byung / #sems can dmyal ba thams cad bsil bar gyur// sdug bsngal med par byas nas bde bsod // der ni stobs bcu ldan pas chos bshad pas// lha dang mi yi mig kyang rnam par dag/ srog chags brgya stong dpag tu med pa rnams// thams cad sangs rgyas ye shes nges par gyur// 'dran pa zong khyer mchog tu gshegs pa na// bder gshegs cho 'phrul mang po bdag gis ni/ / bskal pa bye bar brjod du mi sla ste// rgyal ba ba der gshegs 'gro ba thams cad dga'// bder gshegs yon tan de dag dang klu ma de/ / mi mchog yon tan rab kyi pha rol phyin// yon tan khyad par kun gyi pha rol son// sangs rgyas bsod nams zhing la mgos phyag 'tshal// grong khyer du gshegs pa'i u0f7fbcwapa/ danas com ldan 'das na ko cu gyu pa ma snang byu// / rnam gzhon tu gyur pa'i ma thag masas/ gshegs nas gang na pa gams pa la bzhugs so// byang chub sems dpa'i dge 'dun drung // dge slong gi dge 'dun kyangs sor kar thos pa'i stan la lam ro// de nas zla 'od sa nung gyur pas/ / bcom ldan 'das byang chub sems dpa'i dge 'dun dang / dge slong gi dge 'dun bzhugs par rig nas// mchod yon chen po rims kyis gsol te/ zhal ro brgya dang ldan pa bzang zhing mang ba'i bza' ba dang / bca' ba dang / ldag pa dang / bzhib pa dang / btung ba rnams bdag nyid kyis gsol cing bdang te/ bcom ldan 'das bshos gsol nas/ lhung bzed bzhag ste/ phyag bcabs par rig nas// ras bcos bu phrugs bye ba stong phrag brgya rib/ bcom ldan 'das kyi sgra la gsol to// byang chub sems dpa' de dag dang / dge slong gi dge 'dun la yang so sor chos gos sum phrugs su phul nas/ stan las langs te bla gos phrag pa gcig tu bzar nas// bcom ldan 'das la lha'i me tog man+da ras gtor te/ mchod cing mngon par bstod nas// bcom ldan 'das ga la ba de logs su thal mo sbyar ba btud nas/ bcom ldan 'das la tshul dang 'dra ba'i tshigs su bcad pas mngon par bstod do/ / skyes pa med cing 'gag med pa// sku lus mi mnga' bsam mi khyab// gzugs dang mtshan ni phun sum tshogs// yon tan rgya mtsho phyag 'tshal lo/ / dpa' bo shes rab mchog gis bskyed// thabs dang stobs kyi rtsal kyang mnga'// sangs rgyas nam mkha' 'dra ba ste// bzod mthar phyin la phyag 'tshal lo/ / dran pa nye bar gzhag pa bzhugs pa'i spyod yul te// de bzhin gshegs pa'i gzim mal rab tu dga' dang bde// btung bar ting nge 'dzin te bshos su bsam gtan mchog/ stong nyid dgon par gnas pa khyod la phyag 'tshal lo// rgyal bas thugs rje bsnyen pas na// gzugs kyi sku yang ston par mdzad/ sems can dag la thugs brtse'i phyir// btung dang bshos kyang gsol bar gda'// e ma sangs rgyas bsam mi khyab// 'jig rten kun gyi 'dren pa ste// 'jig rten 'di ni khyod mchod nas/ / mya ngan 'das pa mchog tu mchi// mi mnyam mnyam pa'i mgon gcig pa la de skad bstod// gzhon nu yid kyang rab tu dga' gyur tshig smras pa// sangs rgyas mtshungs med bsam yas sku mnga' bshos gsol bas/ / lha yi lha khyod bzhin du bdag cag sangs rgyas kyur// de ltar zla 'od gzhon nur gyur pas// bcom ldan 'das la lha'i zhal zas ro brgya pa ni bzhes par gsol/ / lha'i na bza' rin gtang med pa phrugs kyis ni sku la gsol// lha'i me tog man+da ras ni bcom ldan 'das la mchod/ tshul dang 'dra ba'i tshigs su bcad pas ni mngon par bstod nas/ / bcom ldan 'das ga la ba de logs su thal mo sbyar te/ bcom ldan 'das la yid kyis tshigs su bcad pas zhu ba zhus pa byang chub sems dpa' mkhas pas ci spyad na/ / rtag tu chos rnams rang bzhin rab tu 'tshal// mkhas pa bgyi ba dag la ji ltar 'jug/ bgyi bar 'jug pa 'dren pas bstan du gsol/ / 'dren pa skye ba dran pa ji ltar 'gyur// ji ltar mngal dag tu yang yong mi skye// ji lta bur na 'khor rnams mi phyed 'gyur// de la ji ltar spobs pa mtha' yas 'gyung// sems can kun gyi spyod pa rab tu mkhyen// chos rnams kun la mngon par mkhyen pa 'jug/ rkang gnyis gtso bo zil gyis mi non pa// zhu ba zhu yi bdag la lung ston cig/ chos kyi rang bzhin dngos me rab mkhyen la/ / brjod du med pa tshig tu brjod pa mdzad// seng ges wa rnams ji ltar 'pham bgyis pa// mu stegs can la'ang sangs rgyas de bzhin te// sems can kun gyi spyod pa rab mkhyen cing // chos rnams kun la'ang ye shes rjes su 'jug/ ye shes chags med spyod yul yongs su dag/ chos kyi mnga' bdag bdag la de lung ston// 'das pa mkhyen cing ma 'ongs de bzhin te// da ltar 'di na ci mchis pa yang mkhyen// dus gsum la ni ye shes thogs med 'jug/ de phyir bdag zhu shAkya seng ge la// dus gsum ldan pa'i rgyal ba'i tshad nyid na/ / chos kyi rgyal pos chos nyid rab tu mkhyen// rang byung chos kyi ngo bo nyid la mkhas// de phyir bdag zhu ye shes rgya mtsho la// khyod la 'khrul pa'i chos ni ci yang med/ / de bas khyod kyi sems pa ma lus spangs// bdud spangs thab gti mug rab tu bcad// mi dbang bdag la byang chub spyod pa ston// chos kyi mtshan nyid ci 'drar rgyal pas mkhyen/ / chos kyi mtshan nyid de 'dra ba dag la ston// bdag gis mtshan nyid de 'dra'i chos rtogs nas// mtshan nyid de 'dra'i byang chub spyod pa spyad// sems can spyod pa mi mthun mtha' yas pa// ji ltar spyod pa spyad pa 'jug pa lags// gang thos sems can spyod pa 'tshal 'gyur pa// spyod la 'jug pa bdag la bshad du gsol mtshan nyid mi mthun chos kyi rang bzhin mtshan/ / ngo bo nyid stong rang bzhin rnam dag pa// byang chub sems dpas ji ltar mngon sum 'gyur// chos kyi tshul rnams bdag la bstan du gsol/ / 'di la chos rnams kun gyi pha rol phyin// bstan pa'i tshig kun la yang shin tu mkhas// the tsom mi mnga' nem nur the tsom chod// bdag la sangs rgyas byang chub bstan du gsol/ de nas bcom ldan 'das kyis zla 'od gzhon nur gyur pa'i sems kyi rtog pa sems kyis mkhyen nas/ zla 'od gzhon nur gyur pa la bka' stsal pa// gzhon nu byang chub sems dpa' sems dpa' chen po chos gcig dang ldan na/ / yon tan 'di dag rab tu 'thob ste// myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ / chos gcig po gang zhe na/ gzhon nu 'di la byang chub sems dpa' sems dpa' chen po chos thams cad kyi ngo bo nyid shes pa yin no// gzhon nu ji ltar na byang chub sems dpa' sems dpa' chen po chos thams cad kyi ngo bo nyid shes she na/ gzhon nu bdi la byang chub sems dpa' sems dpa' chen pos thams cad ming med cing ming dang bral bar rab tu shes so/ / chos thams cad sgra med pa// tshig gi lam dang bral ba// yi ge dang bral ba / skye ba dang bral ba// 'gog pa dang bral ba/ rgyu dang mtshan nyid mi mthun pa// rkyen dang mtshan nyid mi mthun pa/ / dben pa'i mtshan nyid 'di lta ste/ mtshan nyid med par mtshan nyid gcig pa// mtshan nyid dang bral ba// bsam gyis mi khyab pa// bsam pa dang bral ba// yid dang bral bar rab tu shes so/ / de nas de'i tshe bcom ldan 'das kyis tshigs su bcad pa 'di dag gsungs so// chos rnams bstan pa gcig po ni// chos rnams thams cad mtshan nyid med/ / yang dag ji bzhin rab mkhyen pa// shes rab mchog gis bshad pa yin// de lta bur ni chos bstan rnams// byang chub sems dpa' sus shes pa// mdo snga bye ba rab ston kyang / / de la byang chub rgyun 'chad med// 'dren pas byin gyis brlabs pas na// yang dag nyid kyi tha' yang shes// yang dag mtha' de rang shes na// de la ci'ang bshad pa med// gcig gis kyang ni thams cad shes// gcig gis kyang ni thams cad mthong // ji skad mang por bshad na yang // de la dregs pa skye ba med// chos rnams thams cad bdag med par// de ltar sems kyis des brtags shing // ming du bstan pa bslabs pa na// yang dag nyid du tshig kyang smra// sgra dbyangs gang dag ci thos pa// de yi sngon gyi mtha' shes te// sgra yi sngon gyi mtha' shes nas// sgra dag gis ni de mi 'phrogs// sgra yi sngon mtha' ji 'dra bar// chos rnam mtshan nyid de bzhin te/ / chos rnams de ltar rab shes na// mngal du skye bar mi 'gyur ro// chos rnams thams cad mi skye zhing // 'byung ba med par rab tu shes// bstan pa 'di ni rab shes na/ / rtag tu skye ba dran par 'gyur// nam zhig skye ba dran gyur na// de tshe bya ba dag la 'jug/ bya ba dag la zhugs pa yi// 'khor rnams shin tu mi phyed 'gyur// de ltar chos rnams stong par ni// byang chub sems dpa' sus shes pa// des ni gang yang mi shes med// 'di ni ci'ang med pa'i mtha'// ci yang med pa'i mtha' la yang byis pa dag gis ci dag brtags/ / bskal pa bye bar de dag de// yang dang yang du 'khor bar gyur// ji ltar 'dren pas mkhyen pa bzhin// gal te de dag rtog rag na// de las sdug bsngal mi skye ste/ / ngan 'gro rnams su'ang de mi 'gro// so so'i skye bo thams cad kyis// de ltar tshul 'di ma shes pas// gang du chos rnams 'gag pa yi// 'di 'dra'i chos rnams spong bar byed/ / chos kun rnyed pa med par ni// chos kyi 'du shes gang byung ba// de lta bu yi 'du shes de// 'du shes de ltar rig par gyis// rnam par shes dang 'du shes su/ / byis pa dag gis 'di brtags te// brtags pa yi ni chos rnams la// mkhas pa 'di ni rmongs mi 'gyur// stong pa rnyog pa med pa'i chos// 'di ni mkhas pa'i sa yin te/ / 'di la byis pa'i spyod sprul med// sangs rgyas sras kyi spyod yul lo// zhi ba stong pa rab bstan pa// 'di ni byang chub sems dpa'i sa// 'di ni sangs rgyas sras spyod pa/ / sangs rgyas chos kyi rgyan yin no// 'di ltar byang chub sems dpa' dag/ bag chags rab tu spangs gyur pa// de dag gzugs kyis mi 'phrogs te// sangs rgyas rigs la de dag gnas// chos rnams thams cad gnas med de// de dag la ni gnas yod min// gang gis de ltar gnas shes pa// de la byang chub rnyed mi dka' sbyin dang tshul khrims thos dang bzod/ / bshes gzhan bzang po bsten byas nas// bya ba 'di dag rnam rig na// byang chub myur du de 'tshang rgya// de la wa klu rtag tu bkur sti byed gnod sbyin lha min lto 'phye dri za dang / / nam mkha' lding gi rgyal po thams cad dang // mi 'am ci dang srin pos mchod pa byed// sangs rgyas bye ba de yi snyan pa brjod// bskal pa bye ba mang por mi chad par/ / chos bshad pa yi bsngags pa brjod na yang // de yi mu mtha' zad par nus mi 'gyur// byang chub sems dpa' gang gis stong shes pa/ / de ni srog chags bye ba'i don mang byed// shin tu nges pa 'khor la chos ston te// thos nas dka' zhing ri mor bya ba skyed// de dag gis ni ye shes yangs pa 'byung / de phyir rgyal ba mi mchog mthong bar 'gyur// zhing rnams na yang bkod pa bzang po mthong // 'jig rten mgon po de la chos rnams ston// chos kun sgyu ma lta bur shes par gyis// ji ltar bar snang rang bzhin stong pa ltar/ / de dag gi yang rang bzhin de 'drar shes// de ltar spyod pa ci la'ang chags mi 'gyur// ye shes chags pa med cing don byed cing // 'jig/ rten na yang byang chub spyad mchog spyod// shes pas chos kun la'ang rab brtags te// de dag zhing rnams gzhan du sprul pa 'gyid// sprul pa de dag sangs rgyas don byas nas// ji ltar chos nyid bzhin du rang bzhin 'gyur// byang chub sems la mi gang gnas pa rnams// bsam pa ji bzhin don rnams rnyed par 'gyur// sangs rgyas rigs ni gnas par gang brtson pa/ de ni rtag tu sangs rgyas byas pa gzo// rnam par 'bar ba'i lus dang rab ldan zhing // mtshan bzangs sum cu rtsa gnyis de la 'byung // phan yon gzhan yang mang po mtha' yas pa// ting 'dzin mchog la spyod pas thob par 'gyur// rtag tu mi sgul stobs kyang che bar 'gyur// de yi gzi brjid rgyal pos mi bzod de// mkhas pa su dag sangs rgyas chos spyod pa// byang bzhin bzang zhing shin tu mdzes par 'gyur/ / bsod nams gzi brjid dpal gyis mngon 'phags te// lhas kyang de yi gzi brjid bzod mi 'gyur// su dag byang chub sems la brtan gnas pa/ / de ni rtag tu srog chags kun gyi bshes// sangs rgyas byang chub 'di ni rab ston pa// de la nam yang mun pa med par 'gyur// sgra dang tshig gi lam bral brjod du med// nam mkha' ci bzhin chos kyi rang bzhin te// 'di lta bu yi tshul mchog rnam rig na// de yi spobs pa dag kyang mi zad 'gyur// mdo sde dag ni brgya stong rab bshad kyang // sngon gyi mtha' ma phra zhib rab tu shes/ / chos kyi rang bzhin shin tu phra shes pas// mkhas pa'i tshig ni rtag tu thogs pa med// rtag par tshul brgya dag la mkhas gyur cing // sgra dang nges tshig rnam pa mngal mkhas/ / las dang 'bras bu rnam smin nges pa ste// khyad par 'phags pa'i bye brag de 'drar 'gyur// mkhas pa bdag nyid chen po stobs bcu'i sras// ma tshang mad pa'i stobs kyi shugs 'chang zhing / / shin tu phra ba'i rang bzhin chos shes pas// de yi dran pa rtag par yongasu dag/ shin tu phra ba'i rang bzhin chos shes pas// yid du mi 'ong sa ni thos mi @/ 'gyur// rtag tu spyan cing yid 'ong sgra yang thos// de yi tshig ni rtag tu yid 'ong 'gyur// shin tu phra ba'i rang bzhin chos shes pas// dran dang bro gros shes rab rtogs dang ldan/ / de bzhin sems kyang rnyog med dang par 'gyur// mdo sde brgya phrag du ma rab tu 'chad// yon tan 'di 'dra'i rang bzhin chos shes pas// yi ge dang ni tshig rnams 'byed la mkhas// tha dad pa yi sgra mang du ma shes// don dang tshig 'bru la yang mkhas par 'gyur// shin tu phra ba'i rang bzhin chos shes pas/ / lha dang mi dang klu 'brug srin po dang // lha min lto 'phye mi 'am ci la yang // rtag tu sdug cing yid du 'ong bar 'gyur// shin tu phra ba'i rang bzhin chos shes pas// 'byung po yi dgas srin po'i tshogs rnams ni/ / sha la za ba shin tu mi bzad pa// de dag nam yang de la 'jigs mi skyed// mkhas pa de dag yangs pa'i gtam thos nas// shin tu dga' zhing ba spu zing zhes byed/ / sangs rgyas la yang dga' ba rgya cher skyed// de dag bsam gyis mi khyab dron chen 'thob// bde bar gshegs pa'i chos mdzod 'di bzung ba'i// bskal pabapastong mang de yi bsod nams stobs/ / rab tu brjod kyang rdzogs par mi nus te// dpag tu med cing mtha' yas tshad med do// ting 'dzin zhi ba'i mchog 'di bzung ba yis// 'das pa'i rgyal ba dpag med thams cad dang // sangs rgyas ma byon pa dang phyogs bcu na// sangs rgyas gang bzhugs de dag de yis mchod// skyes bu la la bsod nams 'dod pas 'dir/ / stobs bcu ldan pa'i thugs rje can dag la// dga' ba dpag tu med pa bskyed nas ni// bskal pa mtha' yas dpag med rim gro byas// skyes bu gnyis pa bsod nams 'dod pa yis/ / don dam tshul 'di las ni tshigs bcad gcig/ phyi ma'i dus su gyur tshe 'dzin pa ni// de la snga ma'i bsod nams char mi phod// 'di ni sangs rgyas mchod pa rab mchog ste/ / phyi ma mi bzad dus su gyur pa'i tshe// 'di las tshigs bzhi'i tshigs bcad gcig thos nas// 'dzin pa de ni sangs rgyas thams cad mchod// de dag rtag tu rnyed mchog legs par rnyed/ / de dag grong gi zas mchog legs pa zos// stobs bcu'i sras kyi thu bo dam pa ste// de yis rgyal ba mang po yun ring mchod// bya rgod phung bo'i ri 'dir nga yang mthong / / de dag sangs rgyas mkhyen la ngas lung bstan// mya ngan nga 'das nas ni byams pa yang // de tshe de la lung yang ston par 'gyur// de bzhin sangs rgyas tshe dpag med pa yang / / nga yi bde bcan du kun 'dod zhes// phan yon rnam pa du ma de la 'chad// mngon dga' der song sangs rgyas mi 'khrugs mthong // bskal pa brgya stong dpag tu med pa yang / / log par ltung ba'i 'jigs pa yong mi 'byung // byang chub spyad pa mchog 'di spyod pa ni// rtag tu yid rab bde bar myong bar 'gyur// de phyir bye brag 'di 'phags de 'dra ste// 'di ni rab tu bshad pa phan yon mchog/ so so'i tshig la nga yi rjes slobs la// phyi ma'i dus la mdo sde 'di zung shig/ mdo sde 'dzin ba'i le'u ste bcu gcig pa'o/ / // gzhon nu de la byang chub sems dpa' sems dpa' chen po gang chos thams cad kyi ngo bo nyid shes pa de'i yon tan dang phan yon de lta bur 'gyur ro/ / de bzhin gshegs pa'i yon tan dang bsngags pa yang dag par smra'o// de bzhin gshegs pa la yang dag pa ma yin pa dang / med pas mi skur to// de ci'i phyir zhen/ / chos gang gis de bzhin gshegs par rab tu dbye ba'i chos nyid de yang dag pa ji lta ba bzhin du rab tu shes shing / sangs rgyas kyi yon tan mtha' yas pa rab tu shes so// de ci'i phyir zhe na// gzhon nu sangs rgyas kyi yon tan ni mtha' yas te/ bsam gyis mi khyab cing bsam pa dang bral bas na// de dag bsam pa'am dpag par mi nus so// de ci'i phyir zhe na/ gzhon nu sems kyi ngo bo nyid ni gzugs med pa bstan du med pa ste// gzhon nu de ltar sems kyi ngo bo nyid gang yin pa sangs rgyas kyi yon tan gyi ngo bo nyid kyang de yin no// spangs rgyas kyi yon tan gyi ngo bo nyid gang yin pa de bzhin gshegs pa'i ngo ba nyid kyang de yin no// de bzhin gshegs pa'i ngo bo nyid gang yin pa// chos thams cad kyi ngo bo nyid kyang du yin te/ gzhon nu byang chub sems dpa' sems dpa' chen po gang de ltar yon tan thams cad kyi ngo bo nyid don cig tu bstan pa// yang dag pa ji lta ba bzhin du rab tu shes pa de ni gzhon nu byang chub sems dpa' sems dpa' chen po yid kyis nges par brtag pa zhes bya ste/ / 'byung ba la mkhas shing khams gsum las byung ba yang dag pa ji lta ba bzhin du rab tu shes so/ / ji lta ba bzhin du lta zhing log par mi smra// rnam pa gzhan du mi smra// ji skad smra pa de bzhin byed/ khams gsum la yang ma chags shing khams gsum las yang dag par 'das te/ / 'dod pa'i sa dang // gzugs kyi sa dang // gzugs med pa'i sa dang / nyon mongs pa'i sa dang / ming gi sa dang // sgra yi sa las 'das shing yi klu dang chos kyi tshul la mkhas pa ye shes mi zad par bsgoms pas/ / brjod du med pa'i chos rtog pa// yi ge la mkhas pa// yi ge dang tshig rab tu dbye ba shes pa la mkhas pa// yig dang tshig rab tu dbye ba rgyas pa shes pa la mkhas pa/ chos thams cad rab tu dbye ba shes pa la mkhas pa// chos thams cad rnam par dgod pa la mkhas pa yin te/ gtan la dab pa'i blo/ chos thams cad rab tu dbye ba rgyas pa shes pa la mkhas pa/ dang ldan zhing // bdud sdig can dang bad+mad kyi ris kyi sa rnams kyis zil gyis mi non t+to// chos kyi nam grangs 'di bshad pa'i / sku dang ci'i sgra dgu sngon yongs su byang ba byas pa/ khrag khrig phrag dgu bcu rtsa brgyad kyi bye ba brgya stong 'khyil pa'i gzungs dang / sgrib pa med pa dang / chos rnam par mthong ba'i bzod pa so sor thob nas/ bcom ldan 'das kyis de dag thams cad la// bskal pa grangs med pa brgya stong phrag bzhi bcu rtsa brkyang na// bla na med pa yang dag par rdzogs pa'i byang chub mngon par rdzogs par 'tshang rgya ste/ / thams cad kyang ming ni tha dad// tshe'i tshad ni gcig par sangs rgyas kyi zhing so sor bla na med pa yang dag par rdzogs pa'i byang chub mngon par rdzogs par 'tshang rgya'o zhes lung bstan to/ / de la 'di skad ces bya ste// byang chub sems dpa' blo dang ldan pa gang // bla na med pa'i byang chub rang tshol zhing // chos dang de bzhin don la mkhas pa de/ chos kyi ngo bo nyid la spyod pa yin// yang drag ma yin pa yi tshig mi smra// sangs rgyas yon tan bye brag ci 'dra ba// rgyal ba rnams kyi chos ni de yin te// dpa' bo the tsom bral bas shin tu rig/ chos kun don gcig par ni rab shes te// mgo gcig tu ni stong pa nyid yin pas// de dag la ni tha dad gyur pa med// don gcig la ni shin tu bslabs pa yin/ / rtag pa med cing rnam rtog med pa dang // dmigs pa med pas blo gros ldan par shes// zad pa dang ni mi zad 'du shes kyang // ma lus par ni thams cad rab tu spangs/ / de ni chos sku mi yi seng ge la// stobs bcu ldan pa gzugs su mi lta zhing // de ni phyin ci log kun rab spangs pas// mtshan rnams su'ang lta bar yong mi 'gyur chos rnams 'di dag bsam mi khyab/ / bsam dang bral zhing rang bzhin zhi// de lta bu ni rab shes nas// rkang gnyis gtso bo sangs rgyas mthong // ji ltar bdag gi 'du shes rig/ de bzhin kun tu blo yang gtong // chos kun de yi rang bzhin te// rnam par dag pa nam mkha' bzhin// yid la bsams kyang 'byung ba med// chos rnams thams cad shes pas na/ / khams gsum las na rnam par grol// de la smon lam 'debs pa med// yang dag ji bzhin du ni mthong gyur cing // ma log tshig smra rnam pa gzhan mi smra// de yi tshig dang brjod pa thams cad kyang // rgyal ba dag gi mthu yis 'byung bar 'gyur// 'dod pa'i sa dang nyon mongs sa rnams dang // gzugs dang gzugs med las kyang shin tu 'da'/ / chos rnams la ni yid kyang ma chags shing // rab tu dga' bas 'gro la phan par spyod// ming gis las 'das shing sgra yang shes// ngo bo nyid kyis gsog/ tu gyur pa ste// ji srid tsam du yun ring brjod na yang // de la gnas par byed pa yod ma yin// 'du shes rab tu rgyu ba med// lta ba log pa kun nas zad/ blo yang shin tu gtan la bab// brtan pa nam mkha' 'dra bar spyod// gal te bdud bye khrag khrig rnams// de yi sems dkrugs phyir 'ongs kyang // bdud rnams thams cad zil mnan te/ / de yi dbang du 'gro mi 'gyur// bdud kyi rgya mo rnam spangs te// tshul khrims yongs dag gdung ba med// bsam gtan dag ni bde la mos// 'jig rten stong par rab tu shes/ / 'jig rten phung por smras pa yang // de dag stong par rab tu rig/ skye ba med cing 'gag med pas// chos rnams thams cad nam mkha' bzhin// de dag bdag nyid gtong byed kyi// stobs bcu'i tshul khrims thos mi gtong // da ni tshul khrims pha rol phyin// gar smon par yang skye bar 'gyur// sangs rgyas zhing du rnam par 'gro/ / sangs rgyas khrag khrig mang po mthong // mtho ris dag ni mi 'dod de// sngon lam rnams ni yong mi gtong // chos nyid dag ni de spyod tshe// skad cig brtson 'grus nyams mi byed/ / phyogs bcu yi ni sangs rgyas kyis// de ni shin tu bstod pa yin// da phyir gzhon nu ting 'dzin las// chos 'di dag ni rab thob nas// shes kyi khe ni rnam spong la// skye bo mngal chos rab ston// sangs rgyas yon tan mang ldan pa// rang 'byung 'gyur bar gang 'dod pa// dge pa 'dri la rab bslabs nas// stobs bcu 'chang ba sangs rgyas 'gyur/ / ting nge 'dzin rjes su slob pa'i le'u ste bcu gnyis pa'o// // de nas bcom ldan 'das kyis zla 'od gzhon nur gyur pa la bka' stsal pa// de lta bas na// gzhon nu byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ ting nge 'dzin nges par bstan pa la mkhas par bya'o/ / gzhon nu de la ting nge 'dzin nges par bstan pa gang zhe na/ gang chos thams cad kyi ji lta ba bzhin nyid dang // mnyam pa nyid mi mnyam pa med pa dang / mi rtog pa rnam par mi rtog pa/ / rnam par ma bsgrubs pa/ kun nas slong ba med pa// skye ba med pa// 'gog pa med pa// rtog pa dang rnam par rtog pa dang / kun tu rtog pa yongs su chad pa sems kyi dmigs pa med pa/ / yid la byed pa med pa// rnam par rig pa yongs su chad pa// 'dod chags dang // zhe sdang dang / gti mug yongs su chad pa// mtha' med pa/ mthar yid la byed pa dang bral ba/ / yid la byed pa yongs su chad pa// phung po dang khams dang // skye mched kyi ngo bo nyid shes pa// dran pa dang / blo gros dang / rtogs pa dang // khrel yod pa dang / brtan pa dang // cho ga dang / spyod yul dang / nan tan gyi gnas su gyur pa// nyon mongs pa med pa'i sa/ zhi ba'i sa// spros pa thams cad yongs su chad pa/ byang chub sems dpa' thams cad kyi bslab pa/ de bzhin gshegs pa thams cad kyi spyod yul/ yon tan thams cad yongs su rdzogs pa 'di ni/ gzhon nu ting nge mdzo nges par bstan pa zhes bya ste/ byang chub sems dpa' sems dpa' chen po ting nge 'dzin nges par bstan pa 'di la gnas pa ni// ting nge 'dzin dang ma bral ba yin// sam+ba ni 'khrul pa med pa yin// snying rje chen po dang ldan zhing // sems can dpag tu med pa'i don byed pa yin no// de nas de'i tshe bcom ldan 'das kyis tshigs su bcad pa 'di dag gsungs so// ting 'dzin mnyam pa med pa'i sa/ / shin tu mthong dka' phra zhing zhi// 'du shes thams cad bcom pa ste// de phyir ting nge 'dzin ces bya// rtog pa med cing rnam rtog med// gzung ba med cing bstan du med/ / sems kyang dmigs pa med pa ste// de phyir ting nge 'dzin ces bya// nam zhig mnyam par gzhag gyur te// chos kun la ni rlom sems med// rlom sems med pa ji bzhin pa/ / de ni ting nge 'dzin ces bsgrags// chos ni rdul tsam yong med de// rdul ces bya ba'ang yong ma yin// chos rnams dmigs su med pa ste// de phyir ting nge 'dzin ces bya/ / sems kyi dmigs pa med pa yang // de ni rnam par rtog ces bya// chos de rnam par ma brtags pa// de ltar ting 'dzin shes par gyis// sgra yis// don rnams rab bstan te// snad de nyid kyang dngos po med// sgra ni blag cha lta bu ste// bar snang dag gis nam mkha' bzhin// chos 'di rnams ni mi gnas te// 'di dag la ni gnas mi dmigs/ / mi gnas pa ni gnas kyi sgrar// ngo bo nyid kyis mi rnyed do// 'gro zhing 'chi 'phor brjod pa yi// da lta bu yi 'gro ba med// 'gro ba med pa 'gro ba'i sgrasmras/ / ting nge 'dzin du de phyir gsungs// mnyam gzhag ma yin de ni rlom sems brjod// mnyam gzhag 'di yang rlom sems gnyis pa ste// rlom sems med par byang chub rig par spyod/ / dran pa rlom sems med pa byang chub mchog/ mnyam dang mi mnyam zhi ba sangs rgyas so// zhi gnas lhag mthong mtshan med 'di yin te// zhi ba sangs rgyas sa 'di bsten byas nas/ / ting 'dzin zhi ba 'di la de brtson yin// don gyi rnam pa rig pa 'jug pa la// yi ge dag gis 'jug par mi nus te// sgra dbyangs thams cad rnam par spangs nas ni/ / mnyam par gzhag 'gyur de la rlom sems med// byang chub sems dpa' gang dag ting 'dzin 'di// ji ltar bshad bzhin gnas shing brtson byed na// / kal te zhing 'di bskal pas tshig gyur kyang // ri mchog dbus su zhugs pas mas mi rlig/ bskal pa brgya phrag mang por rab bsregs kyang // nam mkha sngan chad nam yang mi tshig bzhin/ / chos rnams nam mkha' mtshungs par rnam rig pas// de ni me yi nang du yong mi 'tshig/ gal te sangs rgyas zhing rnams 'bar gyur la// 'bar pa 'di dag ma lus zhi shig ces/ / ting 'dzin gnas nas smon lam 'di btab na// sa rnams zhig kyang de la 'gyur ba med// de ni rdzu 'phrul stobs kyang mtha' yas 'gyur// nam mkha' la yang thogs pa med par 'gro/ rjes su bstan bzhin ting 'dzin gnas pa ni// byang chub sems dpa' yon tan 'di dag myong // skye zhing 'chi 'phor de 'gyur yang skye ba med cing 'chi nga po med/ / gang gis de ltar rnam rig pa// de la ting 'dzin rnyed mi dka'// 'chi 'pho skye ba med par ni// 'jig rten mgon pos rab tu bshad// de ltar 'jig rten mgon rig nas/ / de phyir ting nge 'dzin kyang rig/ 'jig rten gyis ni mgos shing // 'jig rten chos la mi chags te// lus ni thogs pa med par yang // sangs rgyas zhing du 'gro bar byed/ / zhing dag na ni 'jig rten 'dren// rdzogs pa'i sangs rgyas rtag tu mthong // sangs rgyas dag gis zhing bshad pa// chos rnams de dag der yang nyan// de la mi shes yong med de// chos kyi dbyings kyang rab tu 'chad// chos kyi rnam par rtag tu rig/ de ni chos kyi dbyings kyi tshul// bskal pa bye bar 'chad ston kyang // de yi spobs bzad mi 'gyur/ / byang chub sems dpa' gzhan mang ngo // mkhas pa dag kyang sprul par byed// byang chub sems dpas sprul pa ni// pad+ma 'dab ma stong pa la// dkyil mo krung bcas 'dug pa dag/ zhing nas zhing du 'gro bar byed// ting 'dzin zhi ba bsgoms nas ni// gzugs dang mdo sde bzang po dang // mdo sde gzhan yang bye ba dang // sangs rgyas byang chub rab tu ston/ / sems can mang po bsam mi khyab// phyir mi ldog pa 'god par byed// sangs rgyas byang chub rab ston kyang // spobs pa dag ni zad mi 'gyur// rin chen rnam par brgyan pa yi/ / khang pa brtsegs zhugs dri 'gro ste// dri dang ldan pa'i me tog gis// 'dren pa la yang mngon par 'thor// dri dang ldan pa'i phye mas kyang // 'dren pa la ni rab tu 'thor// de dag thams cad byang chub phyir// rgya che ba yi mchod pa byed// byang chub sems dpa' skyob pa yi// yon tan dpag med de dag ni// nam zhig nyon mongs med gyur pa/ / de tshe rdzu 'phrul de dag 'thob// nyon mongs dag ni mi skye zhing // dag pa dang ba 'od gsal ba// mi 'khrugs 'dus ma byas pa ni// byang chub sems mas/ / rdzu sa rgyu na smra sgyur sgrub cing rgyun med pa/ / rlos yang ga 'i mapa// sang sargyas gyi spyod yul lo// 'ong da gro da pa dang/ sa na spyan gyis zu pa s+t+wa~M/ kyis rang bzhin ni/ / sangs rgyas kun gyi 'asla pa // rdzogs pa'i sangs rgyas 'di sapas nas// yon dan dag gi paros sbyi// tshur ma dang ni par mamang / ma rnam par ma brtags te/ / de phyir sangs rgyas de dag kun// son nyan dag gi pha rom sbyin// 'ong dang 'gro ba mad pa dang // spos mad ldan gyis brngub pa 'i// chos kyi bzhin ma/ na nas ni// de dag de las pha rol phyin// ting nge 'dzin nges par bstan pa'i ladu bcu gsum pa'o// 'phags pating nge 'dzin gyi rgyal po'i mdo/ / bam po lnga pa// de nas bla 'od gzhon nur gyur pa stan las yongs // tha gos phrag pa gcig tu gzar nas/ thus mo gams pa'i spang ba sa gtsugs te/ bcom ldan 'das ka la ba de logs su thal mo sbyar ba btud nas/ bcom ldan 'das lnga 'di skad ces gsol to// bcom ldan 'das 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi chos thams cad kyi rang bzhin mnyam pa nyid/ byang chub sems dpa' thams cad kyi bslab pa'i ting nge 'dzin bstan pa legs par bshad pa ni ngo mtshar to/ / 'di ltar bcom ldan 'das kyis yun ring por bslab pa 'di la bslabs nas/ bla na med pa yang dag par rdzogs pa'i byang chub yang dag par bsgrubs pa ni/ bcom ldan 'das bdag spobs so// bde bar gshegs pa bdag spobs so// bcom ldan 'das kyis bka' stsal pa/ gzhon nu de'i dus la dbab par shes na khyod spobs par gyis shig/ de nas bcom ldan 'das kyis zla 'od gzhon nur gyur pa la skabs phye nas// bcom ldan 'das la mngon sum du tshul dang 'dra ba'i tshigs su bcad pa 'di dag gis bstod do/ / 'dod dang khro bas rtag tu zil non cing // sdug bsngal gtses pa'i sems can gzigs nas ni// skye dgu thar byed sangs rgyas gyur cig ces// byang chub phyir ni khyod kyis sems kyang bskyed// dpa' bos bskal pa bye ba mang spyad de// sbyin dang dul dang legs sdom rtag tu gnas// bzod dang tshul khrims de bzhin brtson 'grus ngas sbyin pa dag kyang mtha' yas rgya cher byin/ / rkang lag dang ni srog kyang rab gtong zhing // khyod kyi yid la nam yang skyon med de// gser dngul de bzhin bu dang chung ma dang / / chags med gyur nas rgyal po'i srid kyang gtong // khyod kyi tshul khrims dri med rnam dag ste// bdag nyid gtong zhing tshul khrims yong mi 'dral// lus dang ngag dang yid kyang rab tu bsdams/ / bder gshegs sems dul khyod la phyag 'tshal lo// bzod la dgyes shing bzod pa'i lam la gnas// lus ni dum bur byas kyang 'khrugs med de/ byams pa bsgoms pas de las 'o ma zags/ / bder gshegs ngo mtshar khyod la phyag 'tshal lo// stobs bcu dag gi stobs dang ldan gyur cing // chags med ye shes gnas pas chos kun rtogs/ / thugs rjes 'jig rten pan mdzad chos kyi rje// skye dgu 'di yi don bzhed thugs brtsa ba// stong par mkhyen cing 'di na sems can med// de bzhin 'jig rten lam stor gzigs nas ni/ / de dag rang bzhin bdag med chos rtogs bgyis// rnam grol skyes kyang gang na'ang rnam grol med// so sor rtogs te bag med thams cad spangs// bdud sde mtha' yas stobs dang ldan pa bcom/ / ye shes mtha' yas byang chub rgya cher mkhyen// mchog tu rnam par zhi ba'i chos kyang ston// zla ba skar mar bcas pa'i gnam lhung zhing // ri dang grong du bcas pa'i sa gzhigs la// nam mkha'i khams ni rnam par gzhan gyur kyang // khyod ni mi bden pa yi tshigs mi gsung // skye dgu dmigs pa dag la dga' ba dang // sems can sdug bsngal khyod kyis gzigs nas ni/ / stong pa nyid dang zab cing zhi ba yi// dmigs pa med pa dag ni ston par mdzad// bskal pa bye ba bsam yas su// mi dmigs pa yi bslab pa la/ / dpa' bo chen pos bslabs pas na// khyod la 'khrul pa yod mi mnga'// ji lta bu yi chos bslabs pa// de lta bu yi chos ston te// mu stegs gzhan dag ji snyed dang / / byis pa dag gi sa 'di min// bdag tu 'du shes gang gnas pa// mi mkhas de dag 'khrul par 'gyur// chos rnams bdag med rig pas na// khyod la 'khrul pab yong mi mnga'/ / dpa' bo chen po yang dag gsungs// yang dag chos la rab tu gnas// mgon po yang dag bden gnas te// yang dag tshig ni rab tu gsung // khyod kyis smon lam btab pa bzhin/ / khyod kyi yang dag spyod pa byung // yang dag de yi rgyu 'dra bas// yang dag tshig ni rab tu gsung // yang dag spyod pa phun sum tshogs// yang dag mtha' la shin tu bslabs/ / yang dag bsam pa yang dag spyod// yang dag mkhyen la phyag 'tshal lo// khyod kyi shes rab mnyam pa med// ye shes gsung ba 'od mdzad pa// ye shes khyad par rab brnyes shing // ye shes gsung la phyag 'tshal lo// khyod kyis byams pa rab bsgoms te// sems can kun gyi bshes gnyen khyod// ri rab bzhin du mi skul te/ / mi g.yo rab tu gnas pa po// ston pa'i 'khor tshogs rgya che yang // tshogs mangs dag kyang sdud pa mdzad// shes rab zab mo bde bar gshegs// 'khor gyi nang gshegs sgra yang sgrog/ sangs rgyas seng ge'i sgra sgrogs shing // sang ge'i stabs su rnam par gshegs// khyod kyis mu stegs kun btul ba// seng ge yis ni wa rnams bzhin/ / dpa' bo ma dul dul mdzad pa// ma dul ba dag khyod kyis btul// de dag mdza' sdug brtan gyur te// dbyer mi phyed cing legs par gnas// lta ba sna tshog gnas pa yi/ / sems can sdug bsngal gzigs nas ni// sdug dang mi sdug med pa yi// bdag med chos ni khyod ston te// ma bslabs pa yi byis pa dag/ log pa'i lam la spyod pa rnams/ / 'dren pa gang nas gshegs pa yi// lam yang khyod kyis rab tu bstan// bdag tu 'dzin la su gnas pa// de dag sdug bsngal nyid la gnas// gang la sdug bsngal med pa yi/ / bdag med de dag mi shes so// 'khrul pa med pa'i chos tshig khyod ston te// khyod la 'khrul pa mi rnyeng 'jig rten mgon// khyod ni ma log pa yi tshig gsung ste/ sdug bsngal mang bar mdzad la phyag 'tshal lo// lha klu gnod sbyin bye ba khrag khrig phrag/ brgya stong mang po mkha' la 'khod pa rnams// bcom ldan 'das kyi don ldan gsung thos nas khams cad 'dun la rab tu dka' bsgo/ / tshig ni rab tu skanacing bzang la 'thang // mtshan zhing 'jam la yid 'ong dus dang 'byor// gsung gi yan+da lag dpag tu med dang ldan/ phan byed skye bo mang po thar byed pa// sel sman brgya stong dpag tu med pa dang // lha yi dbyangs sgra dga' bar 'gyur ba'i mchog/ shin tu snyan pa dus cig 'byor gyur kyang // bde gshegs gsung cig gis ni zil gyis non/ / khu byug bya mang 'jam pa'i sgra 'byin dang // ku na la shin tu yid 'thang dbyangs sman dag/ bya tshogs mang po thams cad sgra 'byin pa/ sangs rgyas gsung gi char yang des mi phod// lha yi bu mo sgra dbyangs snyan pa dag/ sil spyan rol mo glu dbyangs 'jam pa dang // pi wang rdza rnga rnga chen dung gi sgra// de dag sangs rgyas gsung gi char mi phod/ / khu byug ne tse ri skegs sgra rnams dang // khrung khrung rma bya mi 'am ci yi sgra// sgra dbyangs yid 'ong snyan pa ci yod pa// de dag sangs rgyas gsung gi char mi phod/ / sman cing mnyan la yid 'ong dga' ba dang // shin tu mnyen la rab bsngags zhi ba'i tshig/ dbyangs rnams thams cad dus gcig bsgrags pa bas// de bzhin gshes pa'i gsung mchog dkar gyur yin/ / ska mi mi dbang lha ma yin rnams dang // srid gsum sems can mtha' dag ci yod pa// 'od byed rnams kyi 'od dang / de dag ni// bde gshegs 'od zer gcig gis zil gyis gnon// bde gshegs sku ni me tog rgyas pa bzhin// mtshan rnams kun gyis sna tshogs spras shing brgyan// bsod nams rgyas 'grub dag cing rnam par dang / / rgyal ba'i sku ni 'jig rten kun tu lhan// dung gi sgra dang 'khar rnga sgra snyan dang // rnga'i sgra de bzhin kim pa la yi sgra// rab tu 'jam zhing bathad pa'i sgra de kun/ / sangs rgyas dbyangs kyi brgya yi char mi phod// sil snyan bye ba khrag khrig stong gi sgra// sgra skad gsal zhing mnyen pa lha yi 'dra// lha dang lha mo'i sgra dbyangs dgar 'gyur ba/ / sangs rgyas dbyangs kyi brgya yi char mi phod// khrung khrung rma bya ngur pa khu byug dang // ngang pa kun la rnam mang bya yi tshogs// de dag sgra gnyen dus gcig tshogs pas kyang / / sangs rgyas dbyangs kyi brgya yi char mi 'od// klu dang gnod sbyin lha min lto 'phye dang // lha dbang tshangs pa lnga yi bdag po'i sgra// srid gsum yid 'ong 'thad pa ci yod pa/ de dag sangs rgyas dbyangs kyi char mi phod// tshangs pa'i 'od dang lha yi dbang po dang // nyi ma dang ni nor bu rin chen 'od// kun gyi 'od ni rnam pa du ma dag/ 'od kun rgyal por 'od kyis zil gyi non/ / lus dang ngag dang yid kyang shin tu rnam par dag/ ye shes dag pa srid pa gsum na gos pa med// mi dbang yon tan dbyig tshogs yon tan rin chen mnga'// rang 'byung yon tan thams cad kyis ni mnyam med mnyam// de ltar stobs bcu bden pa gsung la bstod nas ni// gzhon nu yid kyang rab tu dga' bas tshig smras pa// sangs rgyas gzhal med dpag yas la ni mchod pa yis/ / shAkya thub bzhin bdag kyang sangs rgyas gyur cig smra// bde bar gshegs pa de yi spyod pa mchog mkhyen nas// mi dbang chags med ye shes mnga' ba 'dzum pa mdzad/ / stobs bcu sras kyi thu bo byams pas da zhus te// 'dren pas gang gi slad du 'di ltar 'dzum pa mdzad// sa 'di dag kyang rnam pa drug tu yongs su g.yos/ / lha dang klu rnams mkha' la 'dug cing rab dga' ste// shin tu sems rang mgu bas sangs rgyas lta zhing mchis// bde gshegs zil gyis mnon de dag lung bstan gsol// skyes bu mchog gi ye shes gang la zhugs pa ni// bcom ldan 'das kyi nyan thos dag gis ma lags / rgyal ba khyod kyis gang gi slad du 'dzum mdzad pa// ye shes rnam dag dang med ye shes ma lus gsungs/ / shAkya'i seng ge stobs bcu mnga' zhing rnam 'dren pa// rkang gnyis gtso bo ye shes kyi'ang pha rol phyin// 'dod chags dang ni zhe sdang tha ba gti mug sel/ / rab tu 'od snang mdzad pa khyod la zhu ba lags// byang chub dam pa mchog 'di rab tu tshol ba'i phyir// 'dren pas bskal pa kang+gA yi ni bye stang dang // de las/ lhag par yang ni spyad pa rab tu spyad// gang gi don du 'dzum pa 'di mdzad bstan du gsol// ye shes dam pa mchog 'di rab tu tshol ba'i phyir// ston pas phyag dang zhabs kyang yongs su gtang ba mdzad/ / sras dang btsu na mo ga nyan bshes rtsa lag phangs pa btang // thub pa 'dzum pa bstan pa 'di yi rgyu gang lags// rta dang ba glang dang ni shing rta rkang thang dang // bran dang nor bu dngul dang mu tig khyod kyis btang // spyod pa mchog spyod tshe ni khyod kyis ma btang ba// rin po che dang nor rdzas dag ni gang yang med// srid pa gsum na ye shes dag ni mchog tu gyur/ / sems can thams cad kyi ni spyod pa rab tu mkhyen// sems dang khams dang mos pa dag la'ang mkhas shing rig/ gang gi don du 'dzum pa 'di dag bstan pa mdzad// mi yi gtso bo la ni gang gis mchod// gang gi don du rgya che yangs par 'gyur// spyod pa 'di yang su dag rab tu 'dzin// thub pa gang gi don du 'dzum 'di bstan// sa yang rnam pa drug tu rab tu g.yos/ / pad+ma bya ba 'dab ma bye bar ldan// gser gyi pad+ma shin tu 'od bsal ba// mdzes shing yid du 'thad pa sa las byung // byang chub sems dpa' rdzu 'phrul rab che ba/ / rgyal ba'i thugs kyi sras po de la mchis// chos smra ba yang mang po 'dir mchis te// 'dren pa la ni de yi slad du zhu// rnga dang dung dang khang rluzla chen dang // sil/ sman bye ba khrag khrig brdungs pa yi// de dag sgra ni nam mkha' 'di las gda'// bde bar gshegs pa'i dbyangs ni bsam mi khyab// khrung khrung ngang pa ka la bing+ga dang // khu byung/ bya tshogs mang po 'dus pa yi// sgra dbyangs rab tu snyan pa byung ba yang // de dag sangs rgyas dbyangs kyi char mi phod// gang gis sbyin dang rdul dang legs sdom rnams// sngon gyi bskal pa mang por bstan pa bgyis/ / gang gis mi yi gtso bo rab mchod na// su yi slad du 'dzum pa 'di dag bstan// ri mo gus pa mchog kyang bskyed nas ni// sangs rgyas byang chub ji ltar tho ba 'gyur zhes/ / gang gis rkang gnyis gtso la sngon chad zhus// su yi slad du 'dzum pa 'di dag bstan// stobs bcu ldan pa ji skad 'das pa dang // da ltar byung dang ma byon bde gshegs dang // mi yi gtso bo thams cad rab tu mkhyen// de phyir skye dgu'i don du zhu ba lags// srog chags kun gyi spyod yul mtha' yas dang mi rnams gang gi bsam pa ci 'dra dang / / skye dgu'i sems kyi rgyud kyang rab tu mkhyen// de phyir mi yi gtso bo zhu ba lags// rgyu dang rigs pa 'dul la mkhas pa dag/ sangs rgyas ye shes ji ltar thob snyam pa/ / spyod pa mchog la su dag spyod pa rnams// de phyir bdag ni rkang gnyis gtso bo zhu// gang gis phra zhing shin tu blta dka'i chos// stong pa zhi ba mtshungs med bsam mi khyab// stobs bcu ldan pa'i spyod yul bsgom pa rnams// de dag slad du 'dren pa bdag zhu'o// srog chags 'gro ba bsam yas kun gyi phyir/ gang gis byams sa ma snying rje rab bsgom shing // gang la sems can 'du shas med pa dag/ de phyir rkang gnyis gtso la bdag zhu'o// gang dag ye shes mtshungs med bsam mi khyab/ / de dag la ni gzung ba yang med de// sems dang spyod yul dag gi pha rol phyin// de phyir mgon po la ni bdag zhu'o// tshul khrims ye shes yon tan pha rol phyin// dus gsum la ni ye shes mtshungs med 'jug/ khyod la 'khrul pa dag ni mi mnga' na// su yi slad du 'dzum pa 'di dag bstan// shA ri'i bu dang ma 'gags mo'u 'gal bu// bde gshegs nyan thos gzhan dag su mchis pa// 'di la de dag ye shes mi 'jug ste// 'di ni sangs rgyas spyod yul bla na med// chos rnams kun la dbang ba'i pha rol phyin// bslab pa'i spyod pa kun gyis mngon par 'phags// 'dren pa thugs rje dag kyang rab bskyed la// don dam mkhyen pa gsung sgra dbyung bar gsol// sngon gang bskal pa bye ba mang por yang / / skyabs dang dpung gnyen mchog tu gyur snyam ste// de 'dra'i sems kyis rkang gnyis gtso dris pa// 'dren pas de yi 'bras bu dang gsung shig/ gang zag chen pos// lung bstan mnyan pa'i phyir// gnod sbyin srin po grul bum gsang ba po// rkang gnyis gtso bo la ni rab rtog cing // thams cad thal mo sbyar te gus par 'khor// sangs rgyas zhing ni bye ba mang po nas/ / byang chub sems dpa' 'phrul ldan mang po mchis// bde gshegs sras kyi gtso bo thugs las skyes// thams cad thal mo sbyar cing gus par 'khod// / shAkya seng ge mi mchog dri ba'i phyir// mi 'khrugs zhing phyogs 'jig rten rnam grags pa// shar phyogs nas ni spos kyi glang po yang // byang chub sems dpa' khrag khrig mdun ba dang mchis/ / shAkya sang ga mi mchog dri ba'i phyir// bde ba can gyi 'jig rten khams mchog nas// mthu chen thob dang spyan ras gzigs dbang yang // byang chub sems dpa' khrag khrig lhan cig mchis/ / gang dag sngan chad bskal pa bye mang spyad// ye shes dam pa mchog 'di tshol ba'i phyir// rgya mtsho kun gyi bye ma mnyam pa yi// bde gshegs dpag tu med pa bstan bkur bgyis/ / sangs rgyas kun gyis bstod cing rab bsngags pa// chos rnams kun gyi yon tan pha rol phyir// 'jig rten phyogs rnams kun tu rab grags pa/ / 'jam dbyangs legs par thal mo sbyar te mchis// sangs rgyas zhing du khrag khrig spyad bgyis kyang // 'di 'dra rnams ni mthong ba rnyed dka' ste// legs bslabs sangs rgyas sras po yon tan can// thams cad thal mo rab sbyar gus par 'khod// ston pa kun gyi chos kyi mdzod 'dzin pa// mkhas pa 'dir mchis ci 'dra de lta bu/ snod du gyur pa 'di na gzhan ma mchis// 'dren pa 'jam pa'i dbyangs su brjod pa gsungs// rgyal ba rnam 'dren glang gzhi ma mchis par// gang zag dam pa 'dzum pa mi ston na/ / gang gi slad du 'dzum pa 'di bstan pa// rnga mchog sgra ldan gsung dbyangs 'byung du gsol// ngang pa khu byug rma bya sa ra sa// 'brug gi sgra skad khyu mchog sgra 'byin bzhin// lha yi rol mo snyan pa'i sgra 'byin pa// sems can grol mdzad gsung gis lung ston cig/ byams pa bskyed cing dga' ba 'phel bar bgyid// ye shes ston cing ma rig sal ba ste// don la rtog cing shes rab 'phel bgyid cing // bskal pa khrag khrig bye bar rnam sbyong ba// rtogs pas nges bgyis dngos po rnam par bshig/ sdug bsngal 'gog pa'i tshig don nges par ston/ / mu stegs kun gyi smra ba rnam par 'jom// stong pa srog med sems can med pa sgom// bsod nams stong phrag brgya yis legs par brgyan// sangs rgyas stong phrag brgya yis 'dir spyad de/ / lha rnams stong phrag brgya yis rab tu bstod// tshangs pa stong phrag brgya yis phyag kyang bgyis// gnod sbyin srin po grul bum da bgyid de/ / klu dang lto 'phya 'a dang bzangs grol bar bgyid// rtag tu ma chags shin tu ldan pa ste// las dga'i 'bras bus 'phags pa gsung phyung shig/ rgyal ba ji snyed mya ngan 'das pa dang / / gang dag ma byor pa dag bzhugs pa rnams// thams cad khyod kyis mkhyen cing thogs mi mnga'// 'dren pa yon tan kun gyis shin tu 'phags// 'byung po 'dzin pa ri dang rgya mtshor bcas/ / sa 'di thams cad rnam pa drug tu g.yos// lha yi tshogs rnams mkha' las me tog 'thor// lha yi spos ngang yid du 'ong ba ldang // 'dod chags zhe sdang rab rib ma lus bsal// tshul khrims yongs dag yid kyang yongs su dag/ mtshan med rab tu zhi ba'i stong la dgyes// sang ka'i sgra skad sgrogs shig thugs rje can/ spobs dang ldan zhing shin tu sman pa yangs// rgyal ba'i shes rab rdzogs shing ye shes rdzogs// thugs rje ldan pa khyod 'dra 'jig rten med// gang gi don du 'dzum pa 'di bstan gsungs/ / ma bya khu byug ka la bing+ka'i sgra// shang shang te'u yi sna yang yid 'ong ba// dbar 'gyur skad kun dus gcig tshogs pas kyang // bde gshegs gsung gi char ni des mi phod/ / rnga dang rdza rnga khar rnga de bzhin te// dung dang gling bu de bzhin pi wang dang // sil sman stong gi sgra rnams gcig tu 'dus// de dag pade gshegs sgra yi char mi phod/ / lha'i sil snyan dam pa stong gi sgra// lha yi bu mo glu dbyangs snyan pa dang // rol mo'i sgra rnams dga' ba skyed bgyid pa// de dag bde gshegs gsung gi char mi phod/ / 'jig rten phan pa khyod kyi gsung gcig las// mos pa tha dad bzhin du sgra 'byung ste// rgyal ba bdag la ston snyam so so sems// gang gi slad du khyod kyis 'dzum mdzad ston/ / lha yi sgra dang de bzhin klu yi skad// mi 'am ci yi sgra snyan ci mchis pa// de dag nam yang nyon mongs zhi mi bgyid// sangs rgyas gsung ni rtag tu nyon mongs sel// dga' ba skyed cing 'dod chags dga' ma lags// byams pa skyed cing zhe sdang blo ma lags// shes rab skyed cing gti mug blo ma lags// sangs rgyas gsung gis dri ma thams cad sel/ 'khor las slad rol tu ni sgra mi 'byung // thams cad kyi yang ne mo nur brgya mang gcod// mtho ba ma lags dma' ba ma lags pa// thub pa'i gsung ni snyoms shing bde ba skon// ri dang nags bcas sa 'digs gyur cing / / rgya mtsho'i chu dag de bzhin gas gyur la// zla ba nyi ma sa la lhung gyur kyang // rgyal bas bshad pa rnam pa gzhan mi 'gyur// tshig gi yan kha ga thams cad dag pa'i gsung / / seng ge'i sgra skad 'jam zhing mnyen pa'i dbyangs// tshangs pa'i dbyangs mnga' bde gshegs thugs rje can// gang gi slad du 'dzum mdzad bstan du gsol/ / 'das dang ma 'ongs pa dang da ltar gyi// 'jig rten sems can ji skad kun gyi yang // sems dang spyod pa kun la rab tu mkhas// gang gi slad du 'dzum bstan bshad du gsol/ / rgyal ba ji snyed su dag thugs rje can// dbang dang ye shes kun gyi pha rol phyin// dri med zla zhal rgyal ba de dag ni// rtag tu rgyu med 'dzum pa mi mdzad do// bskal pa bye bar brjod kyang mtshungs med pa/ / gang+gA'i bye snyed yon tan brjod bgyis kyang // yon tan dag gi tshad brjod mi nus pa// gang gi slad du 'dzum bstan bshad du gsol// 'dzum pa bstan pa'i le'u ste bcu bzhi pa'o/ / // de nas de'i tshe bcom ldan 'das kyis/ byang chub sems dpa' byams pa la mthun pa'i tshigs su bcad pa 'di dag gis slar bka' stsal pa/ zla 'od gzhon nur gyur pa 'di nyid kyis// mtshungs pa med pa'i dga' bas sangs rgyas bstod// sangs rgyas yon tan bye brag 'phags brjod pas// rtag tu khor mor shin tu bsngag pabar 'gyur/ / sngon yang rgyal po'i khab kyi grong khyer 'dir// sangs rgyas dag kyang bye ba phrag stong mthong // rgyal ba de dag kun gyi drung du 'dis// ting 'dzin zhi mchog 'di yang rab tu dris/ byang chub spyod pa mchog 'di spyod pa na// 'di ni kun tu nga yi bur gyur te// thams cad du yang spobs dang ldan par gyur// kun tu rtag par tshangs par spyod pa spyad/ / de ni phyi dus 'jigs pa chen po la// 'di lam lam ldong nyid nga mi dbang // rtag tu tshangs spyod gtsad la gnas nas ni// ting nge 'dzin shin tu rgyal byed 'gyur// ting 'dzin dam pa 'di ni rab tshol zhing / / lam 'dir zhugs pas byang chub des thob 'gyur// sangs rgyas bye ba mang pos yongs bzung ste// 'dren pa rnams la mchod pa mchog byed 'gyur// nga ni ye shes la yang rab gnas te// zla 'od spyod pa khyad zhugs lung bstan cing // 'di yi srog dang tshangs par spyod pa dag/ phyi ma'i dus la bar chad med par bya// lag mthil sgyu ru 'bru lnga bkod pa bzhin/ / ma 'ongs pa na gang la mchod 'gyur ba// sangs rgyas bye ba dag ni phrag stong dang // de las lhag par gang+gA'i bye skad shes// lha dang klu rnams bye ba brgyad cu dang / / gnod sbyin bye ba stong phrag bdun cu dang // phyi ma'i dus la brtson pa byed par 'gyur// rkang gnyis gtso bo la yang mchod pa byed// rkang gnyis gtso la mchod pa mchog byas te/ / me shes bla mang 'di ni rab bsgrubs nas// byi rus lus la de ni 'jig rten mgon// rgyal ba dri mang 'od ces bya bar 'gyur// zla 'od gzhon nur gyur pas bdag nyid kyi/ lung bstan 'di thos dga' bas rgyas gyur te// ta la bdun srid du ni mngon 'phags nas// mkha' la 'dug ste ched du brjod pa brjod// e ma rgyal ba chos mchog ston mdzad pa// rnam grol ye shes padag po stobs la gnas// shin tu nges pa'i ye shes mchog gnas pa// pha rol rgol ba dag gis zil mi non// chags pa spangs shing rnam par grol la reg dngos po rnam pashig srid par chags mi mdzad/ / khyod la spros pa mtha' dag kun mi mnga'// srid pa gsum la chags med ye shes 'jug/ spros pa thams cad kyis kyang mi gos shing // lta ba spros pa mtha' dag rab tu spangs// lam yang shin tu bsgoms shing gnas med pa// zil gyis ma non su dang mi 'phrod med// khyod ni khams gsum dag la gnas med de// chu bo dang ni mdud pa thams cad spangs/ / sred pa'i khri shing 'ching ba mtha' dag bcad// srid pa spangs shing srid par mtshams sbyor med// chos kyi rang bzhin dngos med rab mkhyen cing // brjod du med pa'i tshogs kyang thugs su chud// mu stegs phyin ci log la gnas pa dag/ mi mkhas de kun seng ges wa bzhin bshig/ bde bar gshegs pas bstan pa'i chos kyi gter/ / gter mchog dam pa bdag gis dang 'thob ste// ngan 'gro log par ltung ba thams cad spangs// 'dren par mi 'gyur snyam du the tsom med// gser gyi kha dog mdzes shing 'od gsal ba/ / phyag kyang de yi mgro la rab bzhag nas// lhar bcas 'jig rten dag kyang dbang bkod de// mi yi khyu mchog byang chub dbang bskur mdzad// 'dzum pa bstan pa'i le'u ste bco lnga pa'o// de nas yang bcom ldan 'das kyis zla bod gzhon nur gyur pa la bka' stsal pa/ gzhon nu de lta bas na// byang chub sems dpa' sems dpa' chen pos/ / sems can thams cad srid pa'i sdug bsngal thams cad las thar par bya bar 'dod pa dang / ting nge 'dzin gyi dga' zhing bde ba bla na med pa 'phags pa 'di la sems can rnams rab tu dgod par 'dod pas/ / chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di mnyan par bya// gzung bar bya/ / kun chub par bya// bcang bar bya/ bklags par bya// rab tu gdon par bya// lung mnod par bya// kha ton bya// nyon mongs pa med pa'i bsgom pas bsgom par bya// mang du bya gzhan la yang rgya cher yang dag par rab tu bstan par bya'o/ / de ci'i phyir zhe na/ gzhon nu chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di ni ngan song thams cad las 'da' bar byed pa/ nad thams cad las rab tu thar par byed pa yin te// gzhon nu nam byang chub sems dpa' sems dpa' chen pos// chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di zos shing bzung ste/ bsgoms par gyur pa de'i tshe// gzhon nu byang chub sems dpa' sems dpa' chen po de sems can/ thams cad srid pa'i sdug bsngal thams cad las thar par byas shing ting nge 'dzin gyi dga' ba'i bde ba bla na med pa 'phags pa la sems can rnams rab tu 'god de/ ting nge 'dzin 'di yang myur du 'thob bo/ / bla na med pa yang dag par rdzogs pa'i byang chub kyang myur du mngon par rdzogs par 'tshang rgya'o// de nas de'i tshe bcom ldan 'das kyis zla 'od gzhon nur gyur pa la don 'di nyid bstan pa'i phyir/ tshigs su bcad pa'i dbyangs kyis sngon byung ba'i gtam bstan pa 'di yang dag par rab tu bshad do// sngon chad spyod pa spyad pa dran pa ni// bde gshegs seng ga rgyal mtshan bstan pa la/ / dge slong mkhas pa chos smra byung ba yang // de yi ming ni tshangs pas byin zhes bya// nga ni blo gros zhes bya rgyal po'i bu// na bar gyur te mi bzad sdug bsngal tshor/ / de tshe tshangs pas byin pa chos smra ba// nga yi slob dpon du ni gyur pa yin// nga yi sman pa lnga brgya mi nyung ba// brtson pa'i yid kyis nad dpyad gso ba byed/ / nga yi nad ni gso bar ma nus nas// nga yi gnyen bshes kun kyang sdug bsnga gyur// nga yang na bar dge slong des thos nas// nad 'dri bar ni nga yi drung du 'ongs// tshangs byin nga la rtse ba rab bskyed nas/ / ting 'dzin mchog 'dir tshe bshad par gyur// nga ni ting 'dzin dam pa 'di thos nas// 'phags pa'i dga' bzang zing med pa skyes/ / chos kyi ngo bo nyid kyang rab shes pas// nga yang de yi dus na nad las sos// mar me mdzad ni spyad pa spyod pa na// dge slong chos smra mkhas par gyur pa yin// nga ni blo gros rgyal po'i bur gyur te// ting 'dzin ye shes kyis ni nad las thar// de bas gzhon nu khyod kyis phyi dus na// yongs su nyams pa 'di dag rjes dran zhing // byis pas nyes par brjod pa'i tshig bzod kyis/ / ting 'dzin 'di yang zung la legs par lhogs// phyi ma'i dus la dge slong mang po dag/ brkam zhing gtum la ma bsdams 'byung bar 'gyur// sdig la dga' zhing lhung bzed chos gos chags// ting 'dzin 'di ni rab tu spong bar 'gyur// rgod cing dbang po g.yengs pa phrag dog can// grong la chags shing rnyed pa 'dod pa dag sbyor ba byed pa'i skabs la rtag tu gnas/ / ting 'dzin 'di ni rab tu spong bar 'gyur// lag pa dang ni kang pa rnam par rdob// rtse 'jo dgod la rtag par rab tu zhugs// gcig la gcig ni mgul 'byung lag kyang spel/ / grong du spyod lam gzhan du sbyar bar byed// mi rigs sbyor ba'i mtshan nyid 'di dag sde// gzhan gyi bu mo la yang rtag tu chags// gzugs kyis rgyags shing bdud pa bor ba yin/ / grong dang grong khyer yul 'khor kun tu rgyu// de dag bza' dang btung la rab tu zhugs// klu dang gro gar de bzhin rol mo dang // ho 'tshong lpag pabapar byed cing rtag tu brtson/ / btung ba dag la chags shing ngo tsha bor// mi rigs brtson pa spring yig skur bar byed// tshul khrims de bzhin spyod lam btang nas ni// khyim pa dag dang bsten cing khrims dral nas/ / de dag tshul zhig log par shin tu gnas// las gang sangs rgyas kyis ni rtag smad pa// srang dang tshad la g.yo sgyu byed par zhugs// de 'dra'i sdig pa nyon mongs las byas pas/ / las ngan byed pa de dag ngan song 'gro// dang dang gser dang nor bu nor mang dang // khyim dang gnyen bshes rnam spangs rab byung ste// sangs rgyas bstan pa 'di la rab byung nas/ / sdig pa'i las rnams shin tu spyod par byed// nor dang 'bru la snying por 'du shes shing // bzhon dang ba lang shing rta rnams la chags// gang la bslabs pa'i nan tan med pa rnams/ / de dag gis kyang ci phyir mgo bo bregs// ngas ni sngon tshe spyod pa spyad pa na// bskal pa stong du shin tu dka' spyad de// nga yis ting 'dzin zhi ba 'di btsal na/ / de dag de tshe 'di thos gad mos 'debs// de dag yun ring brdzun smra tshangs mi spyod// rtag tu rnyed la dga' zhing ngan song gzhol// tshangs par spyod pa'i rgyal mtshan thogs nas ni/ / tshul khrims 'chal ba de ni chos mi smra// de dag phan tshun dbye ba'i phyir 'jug ste// rigs pa ma yin pas ni rnyed pa rgol// gcig la gcig ni mi snyan rab brjod de/ / shi 'phos nas ni ngan song sar yang 'gro// de dag brgya dang stong gi nang na yang // de tshe bzod pa'i stobs ldan shin tu dkon// de phyir 'thab la brtson pa mang po 'byung / / bzod pa spangs nas rab tu spros pa byed// byang chub sems dpa' ngeng yin tshig tu smra// de yi sgra yang phyogs dang phyogs su 'gro// mi bden sgra yi dregs pas de nags te/ / tshul khrims nyams la byang chub ga la yod// gang lnga bsam pa rnam par dag med cing // chos 'di la yang bzod pa med pa dang // chos rnams spong byed byang chub 'di thob pa/ / ngas ni ma thos nam yang yod ma mthong // de dag 'jigs shing skrag nas khyim spangs te// rab tu byung nas shin tu dam du 'dzin// skyes bu dam pa'i theg pa spangs byas nas/ / bye brag lhag par 'dod par brlag par 'gyur// shes rab dman zhing yon tan rnam spangs pa// thob pa mchog gi nyes pa rtag tu brjod// gang gi skyabasu de dag rab zhugs pa/ / de nyid la'ang nyes pa brgya dag brjod// 'tsho ba med pa mang po rab byung ste// sangs rgyas byang chub rnam pa kun mi 'dod// byis pa de dag bdag tu lta la gnas stong pa nyid ni thos nas skrag par 'gyur/ / phan tshun du'ang rtsod pa byas nas ni// gnod sems khong khro tha ba rab tu skyed// phan tshun du'ang bskur ba mngon 'debs shing // sdig pa byas nas shin tu dga' ba rnyed/ / gang dag tshul khrims gnas shing yon tan ldan// byams la gnas shing rtag tu bzod rtogs pa// gnyen zhing des la shin tu bsdams pa rnams/ de dag de tshe yongs su brnyas par 'gyur// gang yang shin tu gtum sems ldan 'byung dang // mi bzad ma rungs ngan pa'i las byed pa// chos ma yin pa spyod cing 'thab la dga'// de dag de yi dus na mchod par 'gyur/ / bsgo bar bya zhing rab tu go bar bya// gzhon nu ngal dad pa'i phyir 'drang na// bde bar gshegs pas bstan pa 'di dran nas// de dag la ni nam yang yid mi ston/ / de dag 'dod chags che zhing zhe sdang che// gti mug che zhing nga rgyal dregs pas rgyags// lus kyang ma dul dag kyang ma dul zhing // sems kyang ma dul ngan song gzhol ba yin/ / nga ni yon tan dag gi bsngags brjod na// dge slong yon tan dag la mi spyod de// tshig tsam gyis ni byang chub thob mi 'gyur// nan tan lhur byed byang chub rnyed mi dka' sngor byung ba'i le'u ste bcu drug pa'o/ / de nas gtam 'di mthar phyin par gyur pa dang / de'i tshe byang chub sems dpa' sems dpa' chen po byams pa di ltar 'dun bzhin du/ / bcom ldan 'das la yid kyi tshigs su bcad pas zhus pa/ ri'i rgyal po bya rgod phung po ste// rtag tu sangs rgyas gnas par bde gshegs bzhud/ 'jig rten sgron ma der yang gshegs nas ni// khyod la bsam gyis mi khyab mchod par bgyi// de nas bcom ldan 'das kyis byang chub sems dpa' sems dpa' chen po byams pa'i semA kyi rtog pa thugs kyis mkhyen nas/ / byang chub sems dpa' sems dpa' chen po byams pa la yid kyis tshigs su bcad pas btang ba// ri yi rgyal po rgyal bar mngon gnas pa// ma pham bdud rnams pha ma byas khyod song shig/ der ni 'gro ba kun gyi don chen yang // bla na med pa myur du grub par 'gyur// de nas byang chub sems dpa' sems dpa' chen po byams pa bcom ldan 'das kyis yid kyis tshigs su bcad pas btang ba dang / / bcom ldan 'das la yid kyis phyag 'tshal// bcom ldan 'das la yid kyis lan gsum bskor ba byas nas 'khor de nas byung ste/ sangs rgyas mu med pa rgya mtsho'i bye ma snyed kyi gnas ri'i rgyal po bya rgod kyi phung po mchod rten chen po gang na yod pa der song ste phyin nas 'di lta ste/ bcom ldan 'das kyis yongs su longs spyad pa'i phyir de'i mod la/ ri'i rgyal po bya rgod kyi phung po mnyam zhing yang pa rgya che ba/ sdong dum dang / tsher ma dang / rdo dang / gseg ma dang / gyo mo dag med cing khor / khor yug kun rin po che sna bdun du byin gyis brlabs te/ sa gzhi rin po che in+d+ra nI la 'bar ba bsam gyis mi khyab la dpe med pa'i lha'i rgyan thams cad dang / rin po ches rgyan pa/ rin po che rnam pa sna tshogs grangs med pa du ma'i bkod pas rab tu spras pa/ / dga' ldan ris kyi lha'i na bzas khyim gyi nyen 'khor brgyan cing spud de/ bdug spos kyi snod sna tshogs nas ni bdug pa 'thul bar byas/ / phreng ba dang // lnga ldi sa ni brgyan// me tog sna tshogs ni bkram// lha'i rol mo'i sgra dbyangs ni bsgrags// rgyal mtshan dang / ba dan dang // lhab lhub bsgreng pas ni gang / khyams kyi dkyil 'khor du ni bla re bres// 'khor gyi khyams kyi dbus su ni rin po che sna bdun las byas pa'i lha'i seng ge'i khri mngon par sprul te/ rgyu spun las ma byas pa'i gos ni bting / ka lin+da ltar 'jam zhing reg na bde ba dga' ldan gyi ris kyi lha'i na bzas ni g.yogs/ steng du snying po bag tsher ni bting // snam rten mtha' gnyis dmar po ni bshams// chu zhangs dang 'phang du dpag tshad tsam yod pa btsugs te/ zhabs rten ni lha dang mi las 'das pa// 'dzam bu'i chu bo'i gser las byas pa/ mu tig gi dra bas g.yogs pa// ras rin po che bcos bus g.yogs pa/ seng ge'i khri la btags pa'i lha'i rin po che'i dril bu las ni snga 'jam zhing yid du 'ong ba gsal ba 'byung // phyogs kun tu ni nor bu rin po che chen po snang bar gyur/ rin po che'i gdugs chen po rtsa ba ni bai DUr+yaR+Ya dri ma med pa'i rin po che chen po las byas par mngon par sprul to// de nas byang chub sems dpa' sems dpa' chen po byams pas ri'i rgyal po bya rgod kyi phung po khor yug dang bcas pa thams cad rin po che sna tshogs du ma'i bkod pa rgyan bsam gyis mi khyab pas brgyan pa mngon par sprul nas/ skad cig de nyid la zla 'od gzhon nur gyur pa'i khyim du zhugs par gyur to/ / zhugs nas bcom ldan 'das la yid kyis phyag byas te/ bcom ldan 'das la yid kyi sa lan gsum bskor ba byas nas stan la 'dug go/ / de la 'di skad ces bya ste// ri yang lha rdzas yang shing rgya che ba// rin chen rdo stangs bzangs zhing dga' ba dang // bsam gyis mi khyab lha rdzas yid kyi khyams// dbus su rin chen seng ge'i khri yang btsugs// lha rdzas gdugs las yid 'ong sgra 'byung zhing // phyogs su nor bu rin chen 'od cher 'byung // rtsa ba yid du 'thad pa'i bai DUR+Ya// ma pham rgyal ba'i sras pos de ltar sprul/ / ri yang rin chen sna tshogs rnam par bkra// rin chen gdan mchog rgyang grags tshad tsam du// byams pa dpa' bos de dag rab sprul nas// skad cig de nyid la ni khyim du zhugs/ / de nas bcom ldan 'das 'khor chen po rgya mtsho lta bu la chos kyi gtam yang dag par bstan te/ yang dag par gzeng bstod// yang dag par rab tu dga' bar byas/ / yang dag par btsud de/ gdan las bzhengs nas gshegs so// de lta bu'i sangs rgyas kyi rdzu 'phrul gyis rgyal po'i khab kyis grong khyer chen po'i chu dron gyi sgor byung nas/ ri'i rgyal po bya rgod kyi phung po gang na yod pa der gshegs te byon pa dang / byabs pas sprul pa'i khyams gang na yod pa der gshegs te/ byon nas byams pas mngon bar sprul pa'i seng ge'i khri chen po la bzhugs te/ dge slong gi dge 'dun gyis ni yongs su bskor cing / byang chub sems dpa'i dge 'dun gyis ni mdun gyis bltas// lha dang / klu dang / gnod sbyin dang / dri za dang / lA ma yin dang / drang srob dang // nam mkha' lding dang // mi 'am ci dang / lto 'phye chen po dang / mi dang mi ma yin pas ni phyag byas te/ 'khor rgya mtsho lta bu'i nang na chos ston to/ / de nas zla 'od gzhon nur gyur pa srog chags bye ba khrag khrig brgya stong thams cad lhags par gyur ba rnams dang // 'jig rten gyi khams gzhan nas lpags pa'i byang chub sems dpa' sems dpa' chen po khrag khrig mang po dang lhan cig tu me tog dang / bdug spos dang // 'phreng ba dang / byug pa dang / rol mo ni byed// pheg ni rdo ba/ gdugs dang / rgyal mtshan dang / lha'i ba dan ni bsgreng / phreng ba chen po dbul ba ni thogs nas// bcom ldan 'das la mchod pa bya ba'i phyir/ rgyal po'i khab kyi grong khyer chen po zhi ba'i sgo nas byung ste/ bya rgod kyi phung po'i rig na yod pa dang / bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ / me tog dang / bdug pa dang / spos dang / phreng ba dang / byug pa dang // phye ma dang / na bza' dang / gdugs dang / rgyal mtshan dang / ba dan dang sil snyan dang / pheg rdob pas mchod pa chen po byas te/ phyogs gcig tu 'khod do// gus pa dang ldan// ri mo dang ldan par chos dri ba'i phyir phyogs gcig tu 'dug pa dang / zla 'o/ gzhon nur gyur pa pus mo g.yas pa'i lba nga sa la btsugs te/ bcom ldan 'das gal ba de logs su thal mo sbyar ba btud nas/ bcom ldan 'das la 'di skad ces gsol to// gal te zhwa nas zhu ba lung bstan pa'i slad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bdag la skabs phye na/ bdag phyogs 'ga' zhig zhu'o/ / de skad ces gsol pa dang / bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu de bzhin gshegs pas rtag tu khyod la skas phyis/ / de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig/ de skad ces bka' stsal te/ go skabs phye nas/ bcom ldan 'das la zla 'od gzhon nur gyur pas 'di skad ces gsol to/ / bcom ldan 'das byang chub sems dpa' sems dpa' chen po chos du dang ldan na// chos thams cad kyi rang bzhin mnyam pa nyid rnam par spros pa'i ting nge 'dzin 'di thob par 'gyur/ de skad ces gsol pa dang / bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu chos bzhi dang ldan na/ byang chub sems dpa' sems dpa' chen pos chos thams cad kyi rang bzhin mnyam pa nyid rnam par spros pa'i ting nge 'dzin 'di 'thob par 'gyur ro// bzhi gang zhe na/ gzhon nu 'di la byang chub sems dpa' sems dpa' chen po nges shing 'grogs na bde ba yin// dul zhing dul ba'i sa thob pa yin te/ de la pha rol gyis gshe sa sam// spros pa'i tshig nyes par smra zhing / / nyes par brjod pa'i tshig gi lam bzod cing mi mnye 'i ma bzhin can yin// las la lta zhing nga rgyal bcom pa dang chos 'dod pa yin te/ gzhon nu chos dang po 'di dang ldan na/ / byang chub sems dpa' sems dpa' chen pos ting nge 'dzin 'di thob par 'gyur ro// gzhan yang gzhon nu byang chub sems dpa' sems dpa' chen po tshul khrims dang ldan pa yin/ / tshul khrims yongs su dag cing tshul khrims ma zhig pa dang / tshul khrims la skyon med pa dang // tshul khrims 'dren ma ma yin pa dang / tshul khrims sra srer ma gyur pa dang / tshul khrims ma nyams pa dang / tshul khrims mi gnas pa dang / tshul khrims ma 'bags pa dang / tshul khrims mi dmigs pa dang / 'phags pas bstod pa'i tshul khrims dang / mkhas pas bstod pa'i tshul khrims pa yin te/ gzhon nu chos gnyis po 'di dang ldan na// byang chub sems dpa' sems dpa' chen pos ting nge 'dzin 'di thob par 'gyur ro/ / gzhan yang gzhon nu byang chub sems dpa' sems dpa' chen po khams gsum la sems skrag pa dang / sems dpas pa dang / sems spro ba dang / don tu mi gnyer cing mngon par mi dga' ba dang / / ma chags ma zhen pa dang / khams gsum la yid skyo bas khams gsum las gzhan du sems can sdug bsngal ba rnams thar bar bya'o zhes brtson zhing bla na med pa yang dag par rdzogs pa'i byang chub tu yang dag par sgrub pa yin te/ gzhon nu chos gsum po 'di dag dang ldan na// byang chub sems dpa' sems dpa' chen pos ting 'dzin 'di thob par 'gyur ro/ / gzhan yang gzhon nu byang chub sems dpa' sems dpa' chen po dad cing chos yongs su tshol bas mi ngoms pa yin// mang du thos shing 'jigs pa med pa yin/ / chos 'dod cing chos lhur byed pa yin te// rnyed pa dang bkur bsti lhung byed pa ma yin/ shes kyi 'alhur byed pa ma yin// phan pa'i dngos po sngon du 'gro ba'i sems kyis chos ji skad du thos pa dang / ji ltar khong du chud pa gzhan la rgya cher 'chad cing rab tu ston pa yin te/ shes kyi khe 'dod pas ni ma yin gyi/ ci nas sems can 'di rnams chos 'di dag thos nas bla na med pa yang dag par rdzogs pa'i byang chub las phyir mi ldog par 'gyur snyam ste/ / gzhon nu chos bzhi po 'di dag dang ldan na/ byang chub sems dpa' sems dpa' chen pos ting nge 'dzin 'di 'thob par 'gyur ro/ / gzhon nu chos bzhi po 'di dag dang ldan na// byang chub sems dpa' sems dpa' chen pos chos thams cad kyi rang bzhin mnyam pa nyid rnam par spros pa'i ting nge 'dzin 'thob par 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya'o// gzhon nu rnam grangs 'dis ting nge 'dzin 'di 'di ltar sangs rgyas mang pos bshad pa/ sangs rgyas mang pos bsngags pa/ sangs rgyas mang pos yang dag par rab tu bstan pa/ sangs rgyas mang pos rab tu bstan pa yin te/ gzhon nu sangs rgyas bcom ldan 'das mang po'i drung du nga rab tu byung nas/ chos thams cad kyi rang bzhin mnyam pa nyid rnam par spros pa'i ting nge 'dzin 'di rgya cher mnyan te bzung ngo // dris shing bcad so// bklags so/ / bton to// nyon mongs pa med pa'i sgom pas bsgoms shing mang du byas so// gzhan la rgya cher yang dag par rab tu bstan to// de nas bcom ldan 'das kyis sangs rgyas mang po nges par brjod pa'i ting nge 'dzin gyi sgo sngon byung ba'i gtam bstan pa 'di de'i tshe/ zla 'od gzhon nur gyur pa la tshigs su bcad pa'i dbyangs kyis rgya cher yang dag par rab tu bstan pa/ / dran pa bskal pa gzhal med dpag yas na// rgyal ba dbyangs kyi yan lag sgra byung ste// bde gshegs dbyangs kyi yan lag sgra de yi// tshe tshang lo yang brgya phrag drug cur gyur/ / de yi pha rol sangs rgyas gzhan byung ba// mi mchog mtshan ni ye shes dbang phyug ste// rkang gnyis gtso bo ye shes dbang phyug gi/ tshe tshad lo grangs stong phrag bcu gnyis so/ / ye shes dbang phyug pha rol sangs rgyas ni// gzi brjid dbang phyug ces bya rgyal ba byung // rkang gnyis gtso bo gzi brjid dbang phyug gi/ tshe tshad lo ni stong phrag drug cu bdun/ / gzi brjid dbang phyug pha rol sangs rgyas ni// blo gros dbang phyug ces bya rgyal ba byung // rkang gnyis gtso bo blo gros dbang phyug gi/ tshe yi tshad ni lo grangs rgya bar yang / / blo gros dbang phyug pha rol sangs rgyas ni// tshangs pa'i dbang phyug ces bya rgyal babyung // rkang gnyis gtso bo tshangs pa'i dbang phyug gi/ tshe yi tshad ni lo khri bzhi stong gyur/ / tshangs pa'i dbang phyug pha rol sangs rgyas ni// me yi dbang phyug ces bya rgyal ba zung // rkang gnyis gtso bo me yi dbang phyug gi/ tshe char lo grangs bdun khri drug stong gyur// ma yi dbang phyug pha rol sangs rgyas ni// tshangs pa'i zhal zhes bya ba rgyal ba byung // rkang gnyis gtso bo tshangs pa'i zhal de yi// tshe yi tshad ni nyin zhag bdun du gyur// tshangs pa'i zhal gyi pha rol sangs rgyas ni/ / tshogs kyi dbang phyug ces bya rgyal ba byung // rkang gnyis gtso bo tshogs kyi dbang phyug gi/ tshe yi tshad ni lo grangs bye bar tshangs// tshogs kyi dbang phyug pa rol sangs rgyas na/ / dbyangs kyi dbang phyag ces bya rgyal ba byung // rkang gnyis gtso po dbyangs kyi dbang phyag gi/ tshe tshad lo grangs bya ba phrag dgur tshangs// dbyangs kyi dbang phyag pha rol sangs rgyas ni/ / dbyangs kyi zhal zhes bya ba rgyal ba byung // rkang gnyis gtso bo dbyangs kyi zhal gyi yang // tshe tshad lo grangs bye ba phrag bcur tshangs// dbyangs kyi zhal gyi pha rol sangs rgyas ni/ / zla ba'i zhal zhes bya ba rgyal ba byung // rkang gnyis gtso bo zla ba'i zhal gyis ni// tshe yi tshad kyang nyin zhag gcig tu 'gyur// zla ba'i zhal gyis pha rol sangs rgyas ni nyi ma'i zhal zhes bya ba rgyal ba byung / / rkang gnyis gtso bo nyi ma'i zhal gyi yang // tshe tshad lo ni stong phrag bco brgyad do// nyi ma'i zhal gyi pha rol sangs rgyas ni// tshangs pa'i zhal zhes bya ba'i rgyal ba byung / / rkang gnyis gtso bo tshangs pa'i zhal gyi yang // tshe tshad lo ni stong phrag nyi shu'o// tshangs pa'i zhal gyi pha rol sangs rgyas ni// tshangs pa'i snyan pa zhes bya rgyal ba @byung / / rkang gnyis gtso pa tshangs pa'i snyan pa yi// tshe tshad mo grangs stong phrag bco brgyad gyur// bskal pa gcig la sangs rgyas 'di dag dang // 'jig rten rnam par 'dren pa nyis brgya byung / / zil gyi ma non de bzhin gshegs pa yi// mtshan rnams 'dir yang brjod kyis mnyan par gyis// mtha' yas dbyangs dang rnam par grags pa'i dbyangs/ / rnam par bsgrags pa'i gzi brjid rnam grags smra// sgra skad rnam grag sgra dbyangs mchod pa dang // dbyangs kyi yan lag dpa' dang dbyangs dag dang // ye shes stobs dang ye shes bye brag 'gro/ / zil gyis ma non ye shes yang dag 'phags// ye shes 'od 'phro ye shes mngon par 'phags// ye shes rnam grangs de bzhin ye shes dpa'// tshangs pa'i stobs dang tshangs nor tshangs pa'i mchog/ tshangs pa'i lhar bcas de bzhin tshangs pa'i dbyangs// tshangs pa'i dbang phyug tshangs pa'i mi dbang spyan// tshangs pa'i sgra dbyangs yan lag tshangs pas byin/ gzi brjid stobs dang gzi ldan gzi brjid mchog/ gzi brjid dbang phyug gzi brjid mngon par 'phags// gzi brjid khyab dang gzi brjid shin tu nges// gzi brjid smra dbang shin tu rnam grangs gzi/ / 'jigs brtsan stobs dang 'jigs brtsan blo gros dang // shin tu 'jigs brtsan 'jigs zhal 'jigs brtsan 'phags// 'jigs bcan 'od 'phro 'jigs mchog 'jigs pa'i dbyangs/ / 'jig rten rnam 'dren rgyal ba 'di dag byung // sgra dbyangs zab mo dang ni dpal 'dzin dang // rnam dag sgra yi dbang phyug gtsang ma'i dbyangs// mtha' yas dbyangs dang shin tu rnam grol dbyangs/ / bdud kyi stobs dang bdud rnams skrag byed dang // spyan bzangs dang ni zhal gtsang spun dgra dang // rnam par dag pa'i spyan dang mtha' yas spyan// kun nas spyan dang rnam par grags pa'i spyan// spyan gyis zil gyis gnon dang ma smad spyan// dul mchog dul dang shin tu dul ba'i sems// dul rab zhi pa'i dbang po zhi ba'i yid// zhi ba'i bla ma zhi dpal rab tu zhi// zhi ba'i pha rol phyin dang zhi bar dpa'// bla mar gnas pa zhi ba dul bar sems// shin tu dul dang zhi dbang zhi ba'i yid// zhi ba'i tha ma zhi ba'i dpal 'bar ba/ / zhi ba rab zhi dbang phyug zhi bar dpa'// tshogs dbang tshogs gtso tshogs kyi dbang phyug dang // tshogs rnams zil gnon tshogs bzang ye shes gtsang // tshogs kyi dbang chen tshogs dbang dpa' bo dang / / gzhan yang tshogs bzang rab tu rnam par 'byad// chos kyi rgyal mtshan de bzhin chos kyi tog/ chos kyi bla ma chos kyi rang bzhin 'phags// chos kyi stobs ldan chos dbang dpa' bo dang // rang bzhin chos kyi bla ma nges pa byung // rang bzhin chos kyi bla ma nges par ni// mtshan gcig pa yang bye phrag brgyad cu ste// bskal pa gnyis la 'dren pa 'di dag byung / / byang chub phyir ni 'di dag ngas mchod de// rang bzhin chos kyi bla ma nges pa yi// rgyal ba'i mtshan rnams gang dag can byed cing / thos rnas rnam par grags pa'i mtshan 'dzin na// de dag myur du ting 'dzin 'di thob 'gyur// / 'phags pa ting nge 'dzin gyi rgyal po'i mdze/ bam po drug pa// / de nas bcom ldan 'das kyis sangs rgyas mang po'i ting nge 'dzin gyi sgo sngon byung ba'i le'u 'di zla 'od gzhon nur gyur pa la rgya cher rgyas par rab tu bstan to// sangs rgyas 'di dag gi yang pha rol na// bskal pa bsam yas dpag tu med pa'i tshe// lha mis mchod pa sangs rgyas gzhan zhig byung // de yi mtshan ni mi dbang dbyangs zhes bya/ / de bzhin gshegs pa mi dbang dbyangs kyis ni// tshe tshad lo grangs bdun khri drug stong ste// nyan thos dag ni bye ba brgya phrag gsum// dwe yI 'dus pa dang por gyur pa yin// mngon shes drug ldan gsum rig dbang po thul/ / mthu yang che zhing rdzu 'phrul chen po ste// zag pa zad pa tha ma'i lus 'dzin pa// 'od mdzad kyi ni dge 'dun de tshe byung // bye ba khrag khrig stong phrag brgyang cu si/ / byang chub sems dpa' rnams kyi tshogs byung ngo // the gros zab cing grags pa shin gyi che// mthu yang che zhing rdzu 'phrul che bar byung / mngon par shes pa thob cang spobs par ldan/ / stong pa thams cad rtogs par khong du chud// zhing ni bye bar de las lhag pa yangadra// gang+gA'i bye ma snyed du 'phrul gyis 'gro// gang gnyis gcol dri ba dris nas/ ni/ phyir yang rgyal ba de yi drung du 'ong // mdo sde sgrub pa nges pa'i tshig la mkhas// snang bar gyur pa sa yi steng na rgyu// sems can don phyir spyad pa rnam spyod de// bde bar gshegs pa'i sras po mthu chen ni/ / 'dod pa'i rkyen gyis sdig pa mi byed de// de dag la ni lha yang smon pa skyed// srid pa'i 'gro bar mi gnas don mi gnyer/ mnyam gzhag bsam gtan gnas pa'i spyod yul can/ / rnam par nges pa'i don ldan 'jigs med pa// dri ma med par rtag tu tshangs par spyod// tshig kyang rgyun mi 'chad cing spobs par ldan// nges tshig bstan pa'i tshig gi don la mkhas/ / sangs rgyas sras po kun tu yang dag ston// dge ba'i las rnams kyis kyang yongs su bzung // bskal pa mtha' yas par ni spyod pas 'phags// 'dren pa dag gis rtag tu bstod cing bsngags/ / rnam par thar dang don tshigs yang dag ston// tshul khrims shin tu dag cing nyon mongs med// chu yi pad+ma bzhin du mi chags te// khams gsum las ni rnam grol bag yod pa/ / 'jig rten chos brgyad dag gis mi gos shing // lus kyang rnam dag las kyang yongs su dag/ 'dod pa nyung zhing chos shes mthu yang che// chags pa med cing sangs rgyas yon tan gnas/ / sems can kun gyi rten dang dpung gnyen te// tshig tsam ma yin nan tan snying por byed// gang la gnas pa de nyid gzhan la ston// sangs rgyas thams cad kyis kyang yongs su bzung / / rgyal ba rnams kyi mdzod 'dzin thugs brtan pa// khams gsum thams cad la yang skrag pa'i yid// rab tu sems zhi rtag tu dgon par spyad// 'jig rten 'dren pa rnams kyis byin rlabs pas// mdo sde bye ba phrag stong 'chad par byed// 'chad pa de yang sangs rgyas rnams kyis bsngags// 'jig rten dag gi tshig kun rnam spangs te// stong pa nyid la mos shing don ram ston// bsngags pa mtha' yas yon tan rgya mtsho bzhin// mang du thos shing mkhas pa shes rab ldan// gzhon nu bskal pa bye ba mang por ni// rgyun chad med par sngags pa rab brjod kyang / / de ni cung zad tsam zhig brjod par 'gyur// rgya mtsho las ni chu thigs gcig po bzhin// de tshe mi yi dbang po'i dbyangs de ni// ting 'dzin zhi ba mthong dga' 'di ston te/ / stong gsum chen po'i 'jig rten khams 'di yang // lha dang klu rnams kyis ni gang bar gyur// de yis ting 'dzin zhi ba 'di bshad tshe// sa yang rnam pa drug tu gso// g+ha rang mi rnams gang+gA'i bye ma snyed// sangs rgyas ye shes la ni mi ldog gnas// der yang mi dbang rgyal po byung ba ni// dpal gyi stobs zhes bya ba mthu che ba// de la bu yang brgya phrag lnga yod de/ / byad bzhin bzang zhing mdzes la blta na stug/ rgyal po de yi btsun mo'i 'khor kyang ni// bud med bye ba brgya phrag brgyad cu yod// sa bdag rgyal po de yi bu mo yang / / bya ba stong phrag bcu bzhir tshang bar byung // de yang ston zla ba chung nya ba la// yan lag brgyad ldan gso sbyong bzung nas ni// bye ba khrag khrig brgyad cu lhan cig tu// 'jig rten gtso bo'i drung du nye bar 'ongs/ / rkang gnyis gtso bo'i zhabs la phyag 'tshal te// rgyal ba de yi spyan sngar rgyal po 'dug/ rgyal po de yi lhag pa'i bsam mkhyen nas// ting 'dzin 'di ni rkang gnyis dbang pos bshad/ / ting 'dzin 'di ni rgyal po des thos nas// rgyal srid mchil ma bzhin du kun spangs te// gnyen dang rtsa lag sdug pa yongs btang nas// rgyal ba de yi drung du rab tu byung // bu yang brgya phrag lnga dag rab byung ste// de bzhin btsun mo'i 'khor dang sras mo dang // gnyen bshes rtsa lag mang po gzhan dag kyang // bye ba khrag khrig bdun cu rtsa drug byung / / bu dang chung mar bcas pa rab byung nas// kha zas bsgrub pa'i sa yang bor nas ni// rgyun mi chad par lo brgyad bar du bcags// 'chag cing 'greng bzhin 'chi ba'i dus kyang byas/ / rgyal po'i glang po ting 'dzin sems dpa' de// rtag par rab tu mnyam gzhag dus byas pas// de yang rgyal po'i pho brang der skyes te// mngal gyi dri mas ma kos rdzus te byung / / de yi pha ni brtan pa'i stobs zhes bya// blo gro che zhes bya ba mar gyur te// gzhon nu btsas ma thag tu tshig smra ba// 'jig rten mgon po de nyid bzhugs sam ge/ 'jig rten mgon pos bdag gis sems mkhyen nas// de phyir bdag la zhi ba'i ting 'dzin bshad// rkyen rnams med cing rkyen dang bral ba yang // srid pa'i 'gro ba rnams ni gcig tu bstan/ / chos rnams kun gyi rang bzhin phyag rgya gang // mdo sde bye ba khrag khrig byung ba gang // byang chub sems dpa'i nor ni bla med pa// ting 'dzin 'di ni rgyal bas bshad mdzad dam/ / lus kyang gtsang zhing de bzhin ngag gtsang ba// sems gtsang de bzhin lta ba gtsang ma dang // dmigs pa rnams las yang dag 'da' ba yi// ting 'dzin de ni rgyal bas bshad mdzad dam/ / chud mi za ba'i 'bras bu chos bstan pa// lam mchog yan lag brgyad ldan bsgom pa ste// de bzhin gshegs dang phrad cing shes rab no// bden la 'jug dang rtag tu chos shes pa/ / phung po yongs shes khams rnams mnyam pa nyid// skye mched rnam pa kun tu bsal ba ste// skye ba med pa mngon gsum 'jug pa dag/ ting 'dzin de ni rgyal ba'i bshad mdzad dam/ / so so yang dag rig pa bzhi la 'jug/ yi ge thams cad dbye ba'i ye shes dang / dngos por 'jug pa las ni 'da' ba yi// ting 'dzin de ni rgyal bas bshad mdzad dam/ / dbyangs rnams yongs su shes shing dga' ba thob// bde gshegs bsngags pa la'ang dgar gyur cing // 'phags pa dag gi tshul 'jam drang po yi// ting 'dzin de ni rgyal bas bshad mdzad dam/ / nges pa nam yang khro gnyer mi byed cing // mnyen zhing 'jam la bzhin yang 'dzum pa ste// sems can mthong na sngon du smra ba yi// ting 'dzin de ni rgyal bas bshad mdzad dam/ / le lo med cing bla ma'i ri mo byed// sri zhu che bas phyag 'tshal sdug par lta// skye ba dag gis chos shes dkar ba yi// ting 'dzin de ni rgyal bas bshad mdzad dam// 'tsho ba dag cing de bzhin dgon gnas dang / / sbyangs pa dag la gnas shing dran mi nyams// phung po dang ni khams la mkhas pa yi// ting 'dzin de ni rgyal bas bshad mdzad dam// skye mched mkhas shing mngon shes ye shes dang / / nyon mongs bsal ba dul ba'i sa rnams dang // gsang sngags mang po thams cad 'chad pa yi// ting 'dzin de ni rgyal bas bshad mdzad dam// srid pa'i 'gro ba kun las 'da' ba dang / / skye ba dran zhing chos la nem nur med// chos la sems shing thos pa tshol ba yi// ting 'dzin de ni rgyal bas bshad mdzad dam// khyad par 'gro shing rtag tu sgom la 'jug/ ltung ba dag la mkhas shing 'byung bar gnas// de la gnas pas bag la nyal bsal// ting 'dzin de ni rgyal bas bshad mdzad dam// gang la ye shes rno ba'i mchog 'byung ba/ / mi ga yo ri bo bzhin du mi sprul pa// phyir mi ldog pa'i mtshan dang gzungs kyi sgo// ting 'dzin de ni rgyal bas bshad mdzad dam// rtag tu dkar po'i chos rnams yongs chol zhing / / thig pa'i chos rnams khar mor rnam par thong // rtag kyi nyon mongs phyogs rnams rgyu ba med// ting 'dzin de ni rgyal bas bshad mdzad dam// bslab pa kun la rtogs par khong du chud/ mkhas pa ting 'dzin gnas pa rtogs par rig/ sems can dag gi bsam pa mkhyen pas bskul// sangs rgyas byang chub mchog tu chos kyang ston// khyad par shes pa skye ba shes pa dang // mtha' yas shes pa shin tu rdzogs par shes// 'gro ba kun tu mtshams sbyor shes pa yis// ting 'dzin de ni rgyal bas bshad mdzad dam// khyim gyi gnas spangs rab tu 'byung ba'i sems// khams gsum la yang mi dga' mi 'dzin cing // sems rnams rab tu 'dzin cing dga' byed pa// chos rnams rkang gnyis gtso bo ston pa mdzad// skyob pa chos rnams la yang ma chags shing // rtag tu chos kyi mchog kyang yongs su 'dzin// las kyi rnam par smin la brtan mos pa// chos rnams rkang gnyis gtso bo ston pa mdzad// 'dul ba la yang mkhas shing rnam smin shes// de bzhin 'thab cing rtsod pa nye bar zhi/ / 'thab pa med cing rtsod pa med pa yis// chos rnams gang gnyis gtso bo ston pa mdzad// bzod pa yang dag 'dzin cing khro med gnas// chos la rnam par nges shing rtag tu mkhas/ / tshig rnams rab tu 'byed la ye shes mthong // thugs rje bskyed nas chos rnams ston pa mdzad// sngon gyi mtha' shes phyi ma'i mtha' shes te// bde gshegs bstar/ la dus gsum mnyam pa nyid// 'khor gsum dag ni yongs su chad par gsungs// rgyal ba chos kyi bdag po de skad ston// sems kyang rab tu gnas shing rtse gcig dang // lus kyang rnam par gnas dang 'phags pa'i sa/ / spyod lam dag kyang rtag tu bsrung ba yi// chos ni skyes bu khyu mchog thub pa ston// khrel yod ngo tsha shes shing mdzes pa dang // 'jig rten shes pa rigs pa'i tshig rnams gsung / / chos rnams 'byung ba srog chags rang bzhin dang // byang chub dam pa mchog gi chos kyang ston// rjes su phan gdags pa dang khrel yod dang // mi dge ba yi sems la smad pa dang / / sbyangs pa rjes su mi gtong bsod snyoms spyod// chos rnams rkang gnyis gtso bo ston pa mdzad// khrel yod ngo tsha shes pa rtag tu spyod// bla ma la yang gus smra ldang pa dang / / thog ma nyid nas nga rgyal tshar bcad par// chos rnams rgyal ba chos rje de ltar ston// sems ni ldang ba nas kyang sems dge ste/ ye shes khong du chud cing rtogs par byed// mi shes phyogs rnams rtag tu rnam par spong / / byang chub mchog gi chos rnams ston pa mdzad// sems la 'jug pa dang ni sgra shes pa// nges pa'i tshig la 'jug cing don rtogs dang // gnod pa thams cad rtag tu rnam par spangs/ / sprul pa chos kyi bdag po de ltar ston// skyes bu dam pa rtag tu yang dag bsten// skyes bu ngan pa dag ni rnam par spangs// rgyal bal yang rtag tu dad cing dga'/ / chos mchog rgyal ba de ltar ston par mdzad// brtags pa dang ni brda dang thA snyad dang // 'khor ba'i sdug bsngal rnams ni rnam par spangs// rlung dang ma rnyed pa la zhum pa med/ / chos kyi dam pa rgyal bas de ltar bstan// bkur sti rnyed kyang mtshar du mi bzung zhing // bkur sti ma byas na yang btang snyoms bzhag/ yang dag bsngags pas nam yang rlom sems med/ / 'jig rten phan pa'i bstan pa 'di 'dra'o// gshe zhing smod pa thams cad bzod par bya// khyim pa kun dang lhan cig mi bsten cing // rab tu byung ba dang yang 'grogs mi bya// rgyal ba chos kyi bdag po de skad ston// spyod yul ma yin thams cad rnams spangs nas// sangs rgyas spyod yul la ni rab tu gnas// spyod pa phun sum tshogs shing dul ba'i sems/ / chos kyi tshul 'di bde bar gshegs pas bshad// byis pa'i chos rnams rtag tu rnam par spangs// rigs sun pa yang thams cad spang bar bya// sangs rgyas bstan pa rtag par yongs su srung // chos kyi bdag po rgyal ba de skad ston// smra banyung shing rab tu 'brel la sman// gzhan dag la yang tshig 'jam dge bar smra// phas kyi rgol ba chos dang ldan pas 'dul/ / rgyal ba'i rjes su bstan pa 'di 'dra'o// dus su 'gro ste dus la ma bab min// so so'i skye bo kun la yid mi bstan// sdug bsngal reg kyang yi mug med par bya// rgyal ba'i rjes su bstan pa 'di 'dra'o// dbul po mthong na nor dang ldan par bya// tshul khrims 'chal pa mthong na brtse ba bskyed// phan pa'i dngos la rtag tu gdams par bya// rgyal ba'i rjes su bstan pa 'di 'dra'o/ / chos kyis sems can rnams la phan gdags shing // 'jig rten zang zing rtag tu gtang bar bya// bsags par mi bya spung bar mi bya ste// rgyal ba'i rjes su bstan pa 'di 'dra'o/ / tshul khrims bsngags shing tshul khrims 'chal pa smad// g.yo sgyu med cing tshul khrims ldan la ste// nor la mi gnas bdog pa thams cad gtong // rgyal ba'i rdzas su bstan pa 'di 'dra'o/ / lhag pa'i bsam pas bla ma gnyer ba dang // ji skad smras pa de bzhin thams cad bya// chos smra ba yang mi 'chang bsnyen par bya// rgyal ba'i rjes su bstan pa 'di 'dra'o/ / ri mor bcas shing rtag tu yid dga' bya// zhi ba'i lta bas khor mor gnas par bya// sngon spud rnams la rtag par shin tu nges// rgyal ba'i rjes su bstan pa 'di 'dra'o/ / dge ba'i spyod par rtag tu sngon du 'gro// 'du shes bzlog dang dngos po'i mtshan nyid dang // mtshan ma spang ba la yang thabs mkhas pa// rgyal ba'i rjes su bstan pa 'di 'dra'o/ / mdo sde bsgrub pa'i tshig la mkhas pa dang // bden pa bstan pa'i tshig la gdon mi za// rnam par grol ba'i ye shes mngon du byed// rgya ba'i rjes su bstan pa 'di 'dra'o/ / mgo gcig tu ni tshig rnams brjod pa bya// ji lta bzhin du mthong zhing rtogs par mkhas// rtag tu tshig la the tsom med par bya// rgyal ba'i rjes su bstan pa 'di 'dra'o/ / stong pa nyid kyi chos kyang rtag tu bsten// 'jigs pa med cing tshul khrims stobs la gnas// ting 'dzin gnas kyis mnyam par 'jug par bya// rgyal ba'i rjes su bstan pa 'di 'dra'o// shes kyi khe 'dod phyir ni yong mi bstan// sems kyang gya gyu can du mi bya ste// lta bar byas pa thams cad rnam par spangs// rgyal ba'i rjes su bstan pa 'dri 'dra'o/ / spobs pa mchog dang gzungs kyang dam pa ste// ye shes snang ba pha rol mtha' ma med// gsang sngags byin rlabs rig par spobs pa ni// rgyal ba'i rjes su bstan pa 'di 'dra'o/ / lam 'di bsgom pa dag ni tshul gyi sgo// bstan pa 'di la spyad nas nan tan dang // tshul dang gdams pa rjes su bstan pa bzang / rgyal ba'i rjes su bstan pa 'di 'dra'o/ / rjes su mthun pa'i bzod pa sangs rgyas bsngags// bzod la gnas pas nyes pa rnam par spangs// ye shes las yang gnas nas mi shes spangs// rgyal ba'i rjes su bstan pa 'di 'dra'o// ye shes rten yin de bzhin rnal 'byor sa// byang chub zhugs pa'i rnal 'byor dbang phyug ste// skyes bu dam pa rtag par bstan pa ni// rgyal ba'i rjes su bstan pa 'di 'dra'o/ / mi rigs brtson par khor mor rnam par spangs// sangs rgyas sa ni de bzhin gshegs pas bshad// mkhas pa kun gyis rjes su yi rang ba/ rgyal ba'i rjes su bstan pa 'di 'dra'o// byis pa mi shes pas ni spangs pa ste// 'di ni nyan thos mang po'i sa ma yin// byang chub sems dpa' dag gis rtag tu bzung // rgyal ba'i rjes su bstan pa 'di 'dra'o/ / 'di ni de bzhin gshegs pa'i rjes su 'brang // lha rnams kyis kyang mchod cing ri mor byas// tshangs pa bye ba phrag stong yi rang ba// ting 'dzin da ni rgyal ba ston mdzad dam/ / nam mkha' lding dang gnod sbyin mi 'am ci// klu yang stong gis rtag tu phyag byas pa// byang chub dam pa rgyal bas gsungs pa yi// ting 'dzin de ni rgyal bas bshad mdzad dam/ / shin tu mkhas pas rtag tu yongs thob ste// nor mchog dam pa yang ni legs par rnyed// zang zing med pa'i ye shes gso ba mchog/ ting 'dzin de ni rgyal bas bshad mdzad dam/ / ye shes mdzod yin spobs pa mi zad pa// 'di ni mdo sde bye bar 'jug pa ste// khams gsum yongs shes yang dag shes pa yi// ting 'dzin de ni rgyal bas bshad mdzad dam/ / klung la tid la nI zhib 'di bshad pa// 'di ni pha rol 'gro ba'i gzings su bstan// 'di ni chu bo rgal ba'i gru yin te// 'di ni grags bsngags 'phreng 'phel bar byed/ / gang gis ting 'dzin zhi ba 'di bshad pa// de bzhin gshegs pa rnams la bstod pa yin// skyes bu khyu mchog la yang bsngags pa ste// byang chub sems dpa' mi zad yon tan tshul/ / gang dag la ni ting 'dzin 'di bshad pa// 'di ni zhe sdang zhi bar byams pa bstan// 'di ni snying rje can gyi btang snyoms sa// 'di ni grags pa chen po'i dbugs 'byin pa/ / seng ge'i sgra sgrogs rnams kyis nan tan te// 'di las sangs rgyas ye shes mchog kyang 'byung // chos rnams kun gyi rang bzhin phyag rgya ste// ting 'dzin 'di ni 'dren pa dag gis bshad/ / ting 'dzin zhi ba rgyal bas bshad pa 'di// thams cad mkhyen pa'i ye shes thob par byed// 'di ni byang chub rab zhugs spyod pa ste// bdud kyi sde rnams shin tu skrag par byed/ / rgyal bas ting 'dzin zhi ba 'di bshad pa// skyob pa chos la gnas pa'i rig sngags 'di// dgra yi nang du srung ba dam pa ste// phas kyi rgol ba chos kyi tshar gcod pa/ / ting 'dzin zhi ba 'di la brten byas na// 'di ni spobs pa'i sar yang rab tu bstan// stobs dang rnam thar de bzhin dbang po dang // sangs rgyas chos rnams bco brgyad bye brag 'phags/ / stobs bcu rnams kyang yongs su tshol ba ste// sangs rgyas ye shes kyi yang snga ltas so// skyes mchog 'jig rten phan zhing thugs brtse bas// sangs rgyas chos rnams rab tu bstan pa'ang yin/ / sangs rgyas dag gi sras kyis 'di bzung ste// 'di ni rnam thar 'dod pa'i lam du bstan// ting 'dzin zhi ba mthong dka' 'di thos nas/ de la bde gshegs sras po dga' bar 'gyur// sangs rgyas ye shes yongs su rdzogs pa dang // byang chub sems dpa' mkhas pa tshol ba 'di// rnam dag sems gtsang nyon mongs med pa yis/ / ting 'dzin zhi ba 'di la bstan par gyis// rgyal ba bzhin du de yi lus ngag ste// rnam par thar dang ye shes rnam grol mthong // 'dod chags 'ching bas rtag tu nyon mi mongs/ / ting 'dzin bzang po 'di la brten par gyis// zhe sdangs min gti mug bral ba ste// bde ba 'dod pa'i ye shes 'byung ba yin// rig pa skye zhi ma rig 'jig pa ste// ting 'dzin zhi ba 'di la brten par gyis/ / rnam grol snying por byed pa ngoms par bshad// bsam gtan pa la ting 'dzin zhi 'di bstan// sangs rgyas ma smad pa yi spyan yin te// ting 'dzin zhi ba 'di la bsten par gyis/ / 'di ni zhing mang ston pa'i mngon par shes// sangs rgyas mtha' yas ston pa'i rdzu 'phrul te// ting 'dzin 'di nyid sgom par byed pa la// gzungs de rnams kyang rnyed par dka' mi 'gyur/ / byang chub phyir ni dbang po zhi ba'i gnas// 'di ni byin rlabs mtha' yas ston pa ste// ting 'dzin 'di ni bsten par byed pa yi/ / ye shes phra zhing yangs pa rnam par dag/ gang gis ting 'dzin zhi ba 'di ma thos// mi rigs brtson pas 'di ni rtogs mi 'gyur// yi ge thams cad rnam par bzlog pa ste/ dbyangs kyis rnam par go bar nus ma yin// byang chub sems dpa' rig pas 'di shes te// chos kyi bdag pos ji ltar gang bshad pa// ting 'dzin 'di la bsten par byed pa yi// zhi ba dag dang sman pa med pas rtogs// brtson 'grus brtsams pas rab tu 'di bzung ste// bsnyen bkur byas shing rtag tu legs par bcangs// ting 'dzin 'di la bsnyen par byed pa ni/ / sdug bsngal zad cing skye ba 'gog pa shes// chos rnams kun gyi skye ba med par bstan// de ltar srid pa'i 'gro ba thams cad na// sangs rgyas grags chen dag gi ye shes mchog/ ting 'dzin de ni rgyal bas bshad mdzad dam// gzhon nu de yis tshigs bcad 'di thos nas// khrag khrig stong phrag brgyad cu rtsa brgyad rnams// dbyangs kyi rjes 'gro bzod pa der thob ste/ / sangs rgyas ye shes las ni mi ldog gnas// brtan pa'i stobs kyis gzhon nu de la smras// da dung 'jig rten mgon po de bzhugs so// khye'u khyod la ni don 'di 'dri bar bya/ / ting 'dzin 'di ni khyod kyis su las thos// gzhon nus smras pa rgyal po gsam du gsol// bdag gis bskal pa gcig la sangs rgyas ni/ bye ba khrag khrig mthong ste ri mor bgyis/ / ting 'dzin zhi ba 'di yang bdag gis dris// gzhan yang bskal pa dgu bcu rtsa dgu dang // bskal pa bye ba khrag khrig phrag stong du// de dang der bdag skye ba dran par gyur/ / nam yang mngal du skyes par ma gyur to// de nas bdag gis ting 'dzin 'di bsgoms te// rgyal ba de dag 'chad pa dag par thos// thos nas bshad pa la yong mos skyed de/ / nam nur med pas byang chub reg par bgyi// dge slong su dag bdag la kun 'dri zhing // ting 'dzin 'di la yongs su chub bgyid pa// de la bdag ni gus par ri mor bgyid/ / 'jig rten don mdzad dag la bgyi ba bzhin// su las bdag gi tshigs bcad gcig tsam yang // lung mnos rjes mthun spyad pa spyod pa'i tshe// de dag la yang bdag ni ston pa snyam/ / sangs rgyas bzhin du gus par ri mo bgyid// ting 'dzin yongs su chub par bgyid pa 'di// su dag la la bdag la 'dri ba yang // 'jig rten 'dren pa rgyal bar mi 'gyur bar/ / rmi lam na yang bdag la the tsom med// dge slong rgan rabs bar ma gzhon nu la// bdag ni ri mo gus dang ldan par bgyid// ri mor ldan pas bdag gi snyan pa dang / de bzhin bsod nams grags pa yon tan 'phel// 'thab cing rtsod pa dag la brtson mi bgyid// de tshe bdag ni brtson pa chung bar 'gyur// sdig pa bgyis pas 'gro ba gzhan du 'gyur/ / dge ba bgyis pas 'gro ba gzhan du 'gyur// mi rigs brtson par sbyor zhing ma bsdams pa// de dag gi ni mi snyan tshig thos nas// de tshe bdag gir bgyi ba las su 'dzin/ / las rnams bgyis pa rnam par chud mi za// de la khro ba'i dbang du mi 'gyur te// sangs rgyas bsngags pa'i bzod pa'i stobs 'dzin te// 'dren pa dag gis rtag tu bzod pa bsngags// bzod pa bsgoms na byang chub rnyed mi dka'// bdag kyang rtag tu tshul khrims ldan par 'gyur// tshul khrims la yang gzhan dag rab tu 'god/ / tshul khrims bsngags pa rtag tu bdag brjod de// de na bdag gi tshig kyang btsun par gyur// dgon pa'i bsngags pa dag kyang rtag tu brjod// tshul khrims pa ni rtag par rab gnas te/ / rtag tu gso sbyong dag kyang 'dzin du stsal// de dag byang chub la yang yang dag btsud// de dag tshangs pa'i spyod la yang dag bstabs// chos dang don rnams la yang rab tu gnas/ / gang la mtha' dang chags pa 'di med pa// byang chub lam la de dag sad par bgyis// bdag dran paskal pa 'das pa'i dus shig na/ rgyal ba sgra yi yan lag dbyangs byung ste// de yi spyan sngar bdag gis dam bcas pa// bdag ni rtag tu bzod pa'i stobs ldan bgyi// yi dam bcas pa de la gnas nas ni// lo grangs bye ba brgyad cu phrag bzhir yang / / padag la bdud kyis shin tu smad cing spyos// 'on kyang bdag gi sems ni yong ma 'khrugs// der ni bdud kyis bgams shing sad na yang / bdag gi byams bzod brtan par 'tshol nas ni// sems dang bdag gi rkang la phyag 'tshal te// lnga brgya byang chub mchog la rab tu zhugs// bdag ni rtag tu ser sna med par gyur// gtong ba'i bsngags pa dag kyang khor mor 'chad// phyug cing nor ldan bdag nyid chen por gyur// mu ge'i tshe yang bdag nyid sbyin pa dag gyur// dge slong su dag ting 'dzin 'di 'dzin cing su dag klog cing su dag lung nod dang / / de dag la ni bdag kyang bsnyen bkur bgyid// de dag thams cad mi yi mchog tu 'gyur// bdag ni bla na med pa'i las de yis// sangs rgyas 'jig rten mgon po mang po mthong / / rgyal ba'i bstan pa la yang rab byung ste// rtag tu chos smra ba ni mkhas par gyur// sbyangs pa la yang rtag tu bdag brtson te// bas mtha' dgon pa la yang khor mor gnas/ / kha zas phyir ni tshul 'chos mi bgyid de// ngan ngon tsam dag gis kyang chog shes gyur// bdag ni rtag tu phrag dog ma mchis te/ bdag ni khyim la'ang chags par mi 'gyur ro/ / khyim la chags pa dag ni phrag dog skye// phrag dog ma mchis nags dgon dga' bar bgyid// bdag ni rtag tu byams la gnas par gyur/ / gshe zhing sdigs kyang khro ba mi skyed de// byams pa la yang gnas pa nges pa yi// snyan pa'i phreng ba phyogs bzhir rab tu mched// rtag tu chog shes 'dod pa nyung bar gyur// dgon par gnas shing sbyangs pa'i yon tan brtson// bsod snyoms len pa dag kyang mi gtong ste// sbyangs pa la yang yi dam brtan par gyur// rtag tu dang par bcas shing dang par gyur khor mor sangs rgyas bstan la dad pa mang / / dad pa mang pa'i phan yon 'di lags te// byad bzhin bzang zhing dbang po ma nyams gyur// gang dag 'chad pa de la bdag gnas te/ bdag ni rtag tu nan tan snying por bgyid// nan tan snying por bgyid la lba klu yang // rab tu dang ba'i sems kyis ri mor bgyid// yon tan ji skad brjod pa 'di dag dang // gzhan yang rnam pa du ma mang po yod/ / sangs rgyas byang chub rtogs par su 'dod pa// mkhas pa 'di dag rtag tu bslab par bgyi// 'di bas ches mang dka' ba spyad pa ni// sngon gyi bskal pa du mar mang spyad dran/ / da ltar de dag brjod par mi nus kyis// bde bar gshegs pa'i drung du na mchi'o// byang chub sems dpa' shes rab rno mkhas des// de yi mod la mngon shes lnga thos nas/ / de yang srog chags bye ba brgyad cu dang // rdzu 'phrul gyis ni rgyal ba'i drung du song // brtan pa'i stobs kyang mchog tu dga' rangs nas// de tshe bye ba brgya phrag drug cu dang / de bzhin gshegs pa'i drung du nyer lhags te// zhabs la phyag 'tshal nas ni spyan sngar 'dug/ rgyal po de yi lhag pa'i bsam mkhyen nas// rkang gnyis dbang pos ting 'dzin 'di bshad de/ / rgyal po des kyang ting 'dzin 'di thos nas// rgyal srid btang ste ma chags rab tu byung // rab tu byung nas ting 'dzin 'di la sgom// klog cing 'chad de rab tu ston par byed bskal pa drug cu 'das pa'i 'og tu de/ / pad+ma bla ma zhes bya rgyal bar gyur// rgyal po lhan cig rgyal ba'i drung 'ongs pa// bye ba brgya phrag drug cu mi nyung ba// de dag kyang ni ting 'dzin 'di thos nas/ / de tshe dga' zhing mgu bas rab tu byung // de dag rab tu byung nas ting 'dzin 'di// bzung zhing bklags te rab tu ston par byed// bskal pa khrag khrig drug cu 'das nas ni// bskal pa gcig la byang chub mchog reg ste// mtshan ni ye shes bla ma mtha' yas pa// lha mis mchod pa sangs rgyas rnams su gyur// de la rkang gnyis gtso bo ra ras kyang // sems can gang+gA'i bye snyed grol bar byas/ / byang chub spyod pa mchog 'di spyod pa na// nga ni rgyal po dpal gyi stobs su gyur// nga yi bu dag lnga brgya yod pa yang // rjes su chos rnams skyong ba 'di dag yin/ / de tshe gang su nga yi mar gyur pa// de ni lha mo sgyu 'phrul nyid yin te// bye ba stong phrag bcu bzhir tshang ba yi// nga yi bu mo de kun mya ngan 'das// stobs brtan zhes bya rgyal po gang byung ba// rab tu mdzod mang 'khor los sgyur ba'i mchog/ de tshe rgyal po zas gtsang du yin te// de dang der yang nga yi yab tu gyur// de ltar ngas ni bskal pa bye stong du/ / le lo med cing brtson 'grus brtsams pa yis// byang chub mchog 'di yang dag sgrub pa na// ting 'dzin yongs su tshol ba rnam par dag/ gzhon nu de phyir byang chub sems dpa' gang / / ting 'dzin 'di la sgom par 'dod pa dag/ brtson 'grus brtsams shing srog la mi lta bar// gzhon nu rtag par nga yi rjes su slobs// sangs rgyas mang po'i ting 'dzin gyi sgo'i le'u zhes bya ste/ bcu bdun pa'o// / de nas yang bcom ldan 'das kyis zla 'od gzhon nur gyur pa la bka' stsal pa// gzhon nu de lta bas na// byang chub sems dpa' sems dpa' chen po gang ting nge 'dzin 'di 'dzin pa dang / kun chub par byed pa dang // 'chang ba dang / klog pa dang / rab tu 'don pa dang / lung nod pa dang / kha ton byed pa dang / / gzhan la yang rgya cher rab tu ston pa de la// yon tan gyi phan yon bzhir rig par bya ste// bzhi gang zhe na// 'di lta ste/ bsod nams zil gyi mi non par 'gyur// pas kyi rgol ba rnams kyis mi rdzi bar 'gyur/ ye shes dpag tu med par 'gyur// spobs pa mtha' yas par 'gyur te// gzhon nu byang chub sems dpa' sems dpa' chen po gang la la ting nge 'dzin 'di 'dzin pa dang / kun chub par byed pa dang // 'chang ba dang // klog pa dang // rab tu 'don pa dang / lung nod pa dang / kha ton byed pa dang // gzhan la yang rgya cher rab tu ston pa de la/ yon tan gyi phan yon 'di bzhi yod par rig par bya'o// de nas bcom ldan 'das kyis de'i tshe tshigs su bcad pa 'di dag gsungs so// sangs rgyas kun gyi spyod yul ba/ ting 'dzin zhi ba 'di bzung na// rtag pa'i dus su bsod nams kyang // shin tu zil gyis ma non 'gyur// byang chub spyod pa bye brag 'phags// mchog tu dag pa spyod pa na/ / dpa' bo rtag pa'i dus su yang // bsod nams dag gis bsrung bar 'gyur// de la phas kyi rgol ba dag/ su yang 'tshe bar yong mi byed// rtag pa'i dus su sangs rgyas kyis/ / yongs su bzung bar 'gyur ba yin// rtag pa'i dus su ye shes kyang // dpag tu med par 'gyur ba yin// zhi ba'i rten 'di 'dzin pa ni/ spobs pa dag kyang mtha' yas 'gyur/ / ting 'dzin zhi ba mchog 'di rab bzung nas// rtag tu bsod nams phung po zil mi non// byang chub spyad pa dam pa spyod pa na// phas kyi rgol ba med cing mi tshugs 'gyur// de yi ye shes yangs shing rno bar 'gyur// de bzhin spobs pa dag kyang mtha' yas 'gyur// mig kyang dag 'gyur rtag tu mkhas pa de// dran pa'i stobs dang gzungs/ kyi stobs kyang 'byung // don gyi tshig rnams rab tu ston byed na// mkhas pa dag gis shin tu yid 'ong 'gyur// ting 'dzin zhi mchog 'di ni rab bshad na// shes rab ldan pa skye bo mang pos rig/ ting 'dzin zhi ba mchog 'di rab bzung na// chos gos dam pa mchog dang mal cha dang // mgron du gnyer dang bza' zhing bca' ba'ang rnyed// shin tu gzhon zhing blta na sdug par 'gyur/ / ting 'dzin zhi ba mchog 'di rab tshol na// sangs rgyas 'jig rten mgon po mang po mthong // 'dren pa dag la mtshungs med mchod pa byed// de la bar chad dag kyang 'byung mi 'gyur/ / ting 'dzin zhi ba mchog 'di rab bzung na// sems dga' tshigs bcad snyan pa brgya dag gis// 'jig rten mgon po'i spyan sngar bstod 'gyur te// da ni nyams par nam yang yong mi 'gyur/ / ting 'dzin zhi ba mchog 'di rab bzung na// de yi mdun du 'jig rten mgon po ni// mtshan dang dpe byad mdzes pa'i sku bzhugs te// de yi ye shes nyams par yong mi 'gyur/ / ting 'dzin zhi ba mchog 'di rab bzung na// nam yang zhum pa'i sems su mi 'gyur te// rtag tu phyug cing dbul po ma yin 'gyur// sems kyang 'dzin cing chags par yong mi 'gyur/ / ting 'dzin zhi ba mchog 'di rab bzung na// mi khom par yang gnas par mi 'gyur te// sa bdag 'khor lo sgyur ba'i rgyal por 'gyur// de yi rgyal srid rtag tu ba bar 'ong / / bskal pa brgyar ni bshad kyang mi zad de// ye shes yangs pa de la the tsom med// ting 'dzin zhi ba'i sa 'di thos nas ni// brtan pa ji ltar bstan pa de bzhin gnas// bskal pa bya ba mtha' yas dpag mar du/ / stobs bcu de yi phan yon brjod na yang // cha tsam du ni yongs su brjod mi 'gyur// rgya mtsho las ni chu thigs blangs pa bzhin// de tshe gzhon nu de yang rab dga' bas/ / langs nas rab tu thal sbyar phyag 'tshal te// mgu rang stobs bcu yi ni mngon sum 'dug/ tshig rab mchog gis ched du rjod pa brjod// 'jig rten mgon po 'od mdzad pa/ mi btsos 'di dag ji tsam du// phan yon legs par rab bshad pa// dpa' bo chen po bsam mi khyab// phyi ma'i dus na su dag ni// mdo sde 'di la nyan par 'gyur// phan par dgongs shing thugs brtse ba/ / dpa' bo chen po bdag la gsungs// ka la bide'i sgra dbyangs kyis// ston pas de la bshad mdzad de// bcom ldan chags med ye shes can// tshig kyang 'di skad rab tu gsung / / su dag chos kyi rjes slob cing // mdo sde 'di ni nyan 'gyur ba// nan tan bla na med pa yang // gzhon nu bshad kyis mnyan par gyis// sangs rgyas ye shes rab tshol bas/ mi dbang dag la mchod byed cing // byams pa'i sems la bsnyen byed pa// mdo sde 'di ni nyan par 'gyur// sbyangs pa'i yon tan yo byad bsgyangs// yon tan mchog la bstan byas shing / / nan tan la yang gnas nas su// mdo sde 'di ni nyan par 'gyur// 'jig rten mgon po'i bstan pa la/ gang gis tshul khrims bshig pa dang // sdig pa byed pa'i lag nas ni/ / mdo sde 'di yang thos mi 'gyur// dpa' bo tshangs par spyod pa dang // gang gi sems kyang mi brkam zhing // sangs rgyas dag gis byin rlabs pa// de dag lag nas thos par 'gyur/ / gang gi sngon gyi sangs rgyas dag/ 'jig rten mgon po ri mor byas// de dag la gnas mdo sde 'di// phyi ma'i dus na thos par 'gyur// gang dag tshe rab snga ma la/ mu stegs gzhan du gyur pa ni// de dag mdo sde 'di thos na// yid ni dga' zhing bder mi 'gyur// nga yi bstan pa 'di la ni// 'tsho ba 'dod phyir rab byung nas/ rnyed dang bkur stis zil kyis non/ / gcig la gcig kyang gnod par byed// dge slong mang po ma bsdams pa// gzhan gyi bud med rab snyegs shing // tshul khrims 'chal pa rnyed pa 'dod// mdo sde 'di la dad mi byed/ / sangs rgyas brnyes pa'i bsod nams dang // bsam gtan thob pa mi 'dod cing // bdag tu 'du shes gnas pa dag/ mdo sde 'di la dang mi byed// phyi ma'i dus na 'byung ba ni/ 'jig rten bsam gtan 'bras bu 'dzin// dgra bcom bsod snyoms zos nas kyang // sangs rgyas byang chub smod par byed// 'dzam bu yi ni gling 'di ni// mchod rten ci yod kun bshig pas/ / gang gis mdo sde 'di spangs na// sdig pa 'di ni khyad par che// gang gis gang+gA'i bye snyed kyi// dgra bcom dag ni bsad pa bas// gang gis mdo sde 'di spangs na// sdig pa 'di ni khyad par che/ / mi bzad pa yi phyi dus la// dam pa'i chos ni 'jig pa'i tshe// mdo sde 'di ni rab bshad par// khyed la su dag spro ba yod// de tshe gzhon nu langs nas ni// du zhing rgyal la 'di skad gsol/ / sangs rgyas thugs kyi sras po yis// 'di skad seng ge'i sgra yang bsgrags// rdzogs pa'i sangs rgyas mya ngan 'das// mi zad pa yi phyi dus la// lus dang srog kyang rab btang ste/ / bdag gis mdo sde rgyas par bgyi// byis pa rnams kyi mi bden pa// brgyad cing spros pa bzod par bgyi// gshe ba dang ni bsdigs pa yang // 'dren pa dang du blang bar bgyi/ / byang chub sems dpa' gzhan dgal// ngan sems bdag ni bskyed pa 'am// gang sngon bdag gis sdig pa yi// las rnams bgyis pa byang bar bgyi// spyi bo la ni phyag bzhag ste/ / sangs rgyas gser gyi mdog 'dra ba// de bzhin gshegs pa 'jam pa'i dbyangs// zla 'od la ni ston pa gsung // gzhon nu phyi ma'i dus dag la// khyod kyi tshangs par spyod pa dang / / srog gi bar chad mi 'byung bar// khyod la byin gyis brlabs par bya// chos smra ba ni gzhan dag kyang // brgyad brgya po dag langs nas su// phyi ma'i dus la bdag cag kyang / / mdo sde 'di ni 'dzin pa lags// lha dang klu dang gnod sbyin yang // bye ba brgya bcu nyer lhags te// gzhan yang khrag khrig drug cu rnams/ 'jig rten mgon la 'di skad smra/ / dge slong dag ni 'di rnams las// de ring su dag langs pa rnams// phyi dus de tshe bdag cag gis// 'dren pa rab tu bsrung bar bgyi// mdo sa 'di ni bshad pa'i tshe/ / ston pa yi ni byin rlabs kyis// gang+gA'i bye ma mnyam pa yi// sangs rgyas zhing rnams rab tu g.yos// zhing rnams ji snyed rab g.yos pa// kun tu sangs rgyas sprul pa dang / / 'jig rten mgon pos rab bkye ste// de dag gis kyang chos rab bstan// zhing de so so re rar yang // sems can bye ba bsam mi khyab// de tshe de'i 'dra'i chos thos nas/ / sangs rgyas kyi ni ye shes bkod// sangs rgyas kyi yang zhing 'di nas// sems can bye ba dgu bcu rnams// byang chub kyi ni sems bskyed de// sangs rgyas la'ang me tog 'thor/ bskal pa bye ba brgyad cu na// bskal pa gcig la thams cad kyang / rnam par 'dren pa nyid 'gyur zhes// de dag mi gtsos lung bstan to// dge slong dang ni dge slong ma// dge bsnyen pa dang dge bsnyen ma// srog chags bye ba bdun cu drug/ gang dag mdo sde 'di thos pa// de dag mi gtsos lung bstan te// byang chub spyod pa rab spyod cing / / gang+gA'i bye ma mnyam pa yi// 'jig tan 'dren pa mthong bar 'gyur// sangs rgyas ye shes rab tshol bas// thams cad la yang mchod pa byed// mdo sde bla na med pa 'di/ / de dang der yang thos par 'gyur// byams pa yi ni sangs rgyas la// bla na med pa'i mchod byas te// dam pa'i chos mchog gzung nas ni// bde ba can du 'gro bar 'gyur/ / gang na sangs rgyas rdul bral ba// tshe dpag med pa de bzhin gshegs// de la byang chub mchog gi phyir// mchod pa dag kyang byed par 'gyur// mdo sde dam pa 'di thos na// ma 'ongs pa yi bskal par ni// grangs med bdun cu rtsa gsum du// ngan 'gro rnams su yongs mi 'gro// phyi ma'i dus la su dag ni// mdo sde dam pa nyan 'gyur zhing // mchi ma klog par byed pa yang / / de dag kun gyis nga la mchod// ji skad mdun na 'dug pa rnams// thams cad la yang bsgo bya ste// ngas ni dka' bas thob pa yin// byang chub 'di yang yongs su gtad/ / ting nge 'dzin rjes su gtad pa'i le'u ste bco brgyad do// / de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bsan byang chub sems dpa' sems dpa' chen po chos thams cad kyi rang bzhin mnyam pa nyid rnam par spros pa'i ting nge 'dzin las yon tan gyi phan yon bsam gyis mi khyab cing / dpag tu med pa thos nas/ mi skrag par 'dod pa dang // mi dngang bar 'dod pa dang / dngang bar mi 'gyur bar 'dod pas// sangs rgyas kyi chos bsam gyis mi khyab pa bstan pa la mkhas par bya'o/ / sangs rgyas kyi chos bsam gyis mi khyab pa la mos par bya'o// sangs rgyas kyi chos bsam gyis mi khyab pa yongs su dri ba la mkhas par bya'o// sangs rgyas kyi chos bsam kyis mi khyab pa yongs su btsal ba la mkhas par bya'o/ / sangs rgyas kyi chos bsam gyis mi khyab pa thos nas/ mi skrag mi dngang / dngang bar mi 'gyur bar bya'o// de skad ces bka' stsal pa dang / zla 'od gzhon nur gyur pas bcom ldan 'das ka la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das 'di ltar ji lta bur na/ byang chub sems dpa' sems dpa' chen po sangs rgyas kyi chos bsam gyis mi khyab pa bstan pa la mkhas pa lags/ sangs rgyas kyi chos bsam gyis mi khyab pa la mos pa dang / sangs rgyas kyi chos bsam gyis mi khyab pa yongs su 'dri ba la mkhas pa dang / sangs rgyas kyi chos pasam gyis mi khyab pa thos na// mi skrag mi dang dang bar mi 'gyur lags/ / de skad ces gsol pa dang // bcom ldan 'das kyis zla 'od gzhon nur gyur pa la 'di skad ces bka' stsal to// gzhon nu byang chub sems dpa' sems dpa' chen po gang chos// thams cad kyi rang bzhin mnyam pa nyid rnam par spros pa'i ting nge 'dzin 'di nyan cing thos nas kyang 'dzin pa dang // kun chub par byed pa dang / 'chang ba dang / klog pa dang / rab tu 'don pa dang / nyon mongs pa med par sgoms pas sgom par byed pa dang / mang du byed pa dang / gzhan la yang rgya cher yang dag par rab tu ston na// gzhon nu byang chub sems dpa' sems dpa' chen po de// sangs rgyas kyi chos bsam gyis mi khyab pa bstan pa la mkhas par 'gyur ro/ / sangs rgyas kyi chos bsam gyis mi khyab pa la mos pa dang / sangs rgyas kyi chos bsam gyis mi khyab pa yongs su 'dri ba la mkhas pa dang / / sangs rgyas kyi chos bsam gyis mi khyab pa thos pa// mi skrag mi dngang dngang par mi 'gyur ro// yang chos thams cad kyi rang bzhin mnyam pa nyid rnam par spros pa'i ting nge 'dzin yas yon tan gyi phan yon pa sgrub pa'i tshig 'di/ bcom ldan 'das kyis zla 'od gzhon nur gyur pa la nges par bstan pa na/ zla 'od gzhon nur gyur pas chos thams cad kyi rang bzhin mnyam pa nyid rnam par spros pa'i ting nge 'dzin las yon tan gyi phan yon bsgrub pa'i tshig dpag tu med pa bsam gyis mi khyab pa/ / bcom ldan 'das las thos nas/ de'i tshe zla 'od gzhon nur gyur pas/ chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di rab tu thob bo// byang chub sems dpa' sems dpa' chen po grangs med dpag tu med pa yang mngon par shes pa thob par gyur to/ / sems can dpag tu med pa yang snying rje chen por 'jug pa la mngon du phyogs pa'i sems skyes so// stong gsum gyi stong chen po'i 'jig rten gyi khams 'di yang rnam pa drug tu g.yos/ / rab tu g.yos// kun tu rab tu g.yos// 'gul rab tu 'gul/ kun tu rab tu 'gul// sdig rab tu ldeg/ kun tu rab tu ldeg/ 'khrugs rab tu 'khrugs// kun tu rab tu 'khrugs// chem chem/ rab tu chem chem/ kun tu rab tu chem chem/ bur 'ur/ rab tu bur 'ur/ kun tu rab tu bur bu ra/ shar phyogs dma' na nub phyogs mtho/ nub phyogs dma' na shar phyogs mtho/ byang phyogs dma' na lho phyogs mtho/ lho phyogs dma' na byang phyogs mtho/ mtha' dma' na dbus mtho/ dbus dma' na mtha' mtho zhing snang ba dpag tu med pa yang 'jig rten du byung / / lha'i spos kyi char chen po yang mngon par bab bo// lha dang lha'i bu ji snyed chos mnyan pa'i phyir 'dus te/ lhags pa de dag na mkha' la mngon par 'phags nas/ / chos thams cad kyi rang bzhin mnyam pa nyid rnam par spros pa'i ting nge 'dzin las yon tan gyi phan yon gyi tshigs dpag tu med pa 'di dag thos nas lnga dang lha'i bu de dag thams cad dga' mgu yid rangs te/ rab tu dga' ba dang // tshim pa dang / yid bde ba skyes nas/ a la la zhes gzha sgrogs pa'i sgra byed do// lha'i mchog rnam pa sna tshogs kyi me tog gi char chen po 'beb so/ / lha'i sil snyan bye ba khrag khrig brgya stong du ma yang rab tu brdung ngo // brjod pa gcig pa'i dbyangs kyis tshig 'di skad ces 'dzer to/ / a la la bdag cag gis ni rnyed pa legs par rnyed de// 'di ltar bdag cag gis bcom ldan 'das las yon tan gyi phan yon bsgrub pa'i tshig dpag tu med pa 'di dag thos na/ bcom ldan 'das bdag cag thams cad kyang cig char mthun par/ byang chub sems dpa' sems dpa' chen po zla 'od gzhon nur gyur pas ji ltar chos thams cad kyi rang bzhin mnyam pa nyid rnam par spros pa'i ting nge 'dzin 'di thob pa de bzhin du/ / bcom ldan 'das bdag cag thams cad kyang chos thams cad kyi rang bzhin mnyam pa nyid rnam par spros pa'i ting nge 'dzin 'di thob par bgyi'o/ / de nas de'i tshe bya rgod kyi phung po'i ri la bcom ldan 'das 'khor rgya mtsho'i nang na chos ston pa la dri za'i bu gtsug phud lnga can zhes bya ba rim gro dang / bsnyen bkur bya ba'i phyir/ sil snyan lnga brgya dang bcas te/ nam mkha' las babs nas/ bcom ldan 'das kyi spyan sngar 'dug go// de nas dri za'i bu gtsug pud lnga can 'di snyam / du sems te/ bdag gis sum cu rtsa gsum pa'i lha rnams dang / lha'i dbang po brgya byin gyi lha'i bdun sa chos bzang na// ji lta ba bzhin du rim gro dang / bsnyen bkur bya'o/ / glu dbyangs dag ji ltar len pa de bzhin du// deng lha'i lha de bzhin gshegs pa dgra bcom pa yang dag par rdzogs pa'i sangs rgyas la yang mchod pa'i phyir glu dbyangs rab tu sbyor ro/ / de nas dri za'i bu gtsug pud lnga can sil snyan thogs pa lnga brgya po de dag dang / sgra gcig tu sbyar te/ pi wang gi khog pa bai DUR+Ya las byas pa dag kyang thogs nas/ bcom ldan 'das kyi spyan sngar blangs so// de nas bcom ldan 'das 'di snyam du dgongs te/ rdzu 'phrul mngon par 'du bya ba ji lta bu mngon par 'du byed pas// zla 'od gzhon nur gyur pas/ / sangs rgyas kyi chos bsam gyis mi khyab pa nges par rtogs pa la mkhas pa 'thob pa dang // chos thams cad kyi rang bzhin mnyam pa nyid rnam par spros pa'i ting nge 'dzin las mi g.yo ba dang / dri za'i bu gtsug pud lnga can la yang rgyud kyi sgra dang // glu'i sgra la mkhas pa bstan par 'gyur ba de lta bu'i rdzu 'phrul mngon par 'du bya ba ngas bya'o snyam mo// de nas bcom ldan 'das kyis de lta bu'i rdzu 'phrul mngon par 'du bya ba mngon par 'du mdzad de/ sangs rgyas kyi mthus sil snyan lnga brgya po shin tu legs par sbyar ba/ legs par blangs pa de dag las bsam gyis mi khyab pa'i don dang ldan pa chos nyid dang ldan pa'i sgra byung ngo // sangs rgyas kyi chos bsam gyis mi khyab pa nges par rtogs pa'i tshogs su bcad pa 'di rag kyang byung ngo / / skra cig khyon la sangs rgyas mang po ni// gang+gA'i klung gi bye mji yod spyod// rgyal ba de dag zhing yang de snyed de// de dag mtshan nyid mi 'dra skal mi mnyam/ yi khyon la 'gro ba lnga rnams te// sems can dmyal dang dud 'gror 'gro ba dang // gshin rje'i 'jig rten lha dang mi rnams zhugs// 'dres pa med cing gnod par 'gyur ba'ang med// de yi gnas su mtsho dang rgya mtshor bcas// chu klung de bzhin 'tshe'u lteng ka rnams// 'dres pa med cing gnod par mi 'gyur te// de ltar rgyal ba'i chos ni bsam mi khyab// de yi gnas su ri bo du ma ste/ / kho ra yug dang lhun po rab lhun dang // btang bzung dang ni btang bzung chen po dang // 'bigs byed bya rgod phung po gangs kyi ri// gnas der sems can dmyal ba mi bzad pa/ / tsha dang rab tu tsha ba nyams mi dga'// de na sems can dmyal skyes tshor ba yi// sdug bsngal de dag rjes su myong bar byed// de yi gnas na lha yi gzhal med khang // de dag dpag tshad bcu gnyis dbyangs dga' ba// lha rnams stong phrag mang po de dag kyang // lha yi dga' ba shin tu bde ba myong // de yi gnas su sangs rgyas rnams skye zhing // 'jig rten rig pa'i bstan pa 'bar ba snang / / gang gis rnam dag spyod pa ma sbyangs pa// ye shes bral ba dag gis de mi mthong // de yi gnas nyid na yang chos nub cing 'dren pa mya ngan 'das pa'i sgra yang thos/ / de yi gnas nyid na yang la la yis// 'dren pa bzhugs te chos kyang ston ces thos// de yi gnas nyid na yang la la dag/ tshe tshad lo ni bsam yas bzhugs snyam 'dzin/ / de yi gnas na'ang 'chi ba'i dus byed cing // ring du mi 'tsho zhes ni sgra yang thos// gnas der la la 'di snyam 'du shes te// yid kyi 'du shes dang ni 'dzin pa yis/ / bde gshegs mthong mchod sangs rgyas mnyes byas snyam// skyes pa med cing mchod pa byas pa'ang med// mi dag bdag gis khyim na mi lam bzhin// 'dod pa'i yon tan dag la dga' myong nas/ / phyir sad nas kyang de yis gdod ma mthong // de ni rmi lam yin par de yis shes// de bzhin mthong thos rig dang bye brag phyed// 'di dag thams cad mi bden rmi lam bzhin/ / gang gis ting 'dzin 'di yang thob myur pa// des ni chos kyi rang bzhin 'di dag shes// su la'ang sdug dang mi sdug med pa ni// mi de 'jig rten na yang bde skyid rtag/ su dag nags khrod mngon par dga' ba yi// dge sbyong de ni shin tu bde ba myong // su dag ji la'ang bdag gir bya ba med// yongs su 'dzin pa rnam pa kun tu spangs/ bse ru bzhin du 'jig rten 'di ni gnas// nam mkha' la ni rlung dag rgyu ba bzhin// lam rnams bsgom shing ye shes rab tu zhugs// chos rnams thams cad stong pa bdag med par// chos rnams 'di dag gang gis rab bsgoms pa// de yi spobs pa dag ni mtha' yas 'gyur// su dag 'jig rten na ni yid chags med// de dag sems ni rtag tu rlung dang 'dra// sdug dang mi sdug la yang chags pa med/ / 'jig rten na ni mi de shin tu skyid// mi sdug pa dang 'grogs pa sdug bsngal te// sdug pa dang yang bral ba sdug bsngal yin// mthar byas 'di gnyis rab tu spangs nas ni/ / mi gang chos la dga' ba de dag sgyid// gang zhig chos 'di thos nas chags byed cing // chos ma yin pa thos nas khong khro byed// nga rgyal rgyags pas bcom pa log pa de/ / nga rgyal dbang gis sdug bsngal rjes su myong // su dag mnyam pa nyid la rab gnas te// rtag tu khengs pa med cing 'dud pa med// sdug dang mi sdug pa las rab grol ba/ de dag rtag tu grol yid legs par gnas// tshul khrims yongs su dag par rab gnas te// bsam gtan bsam mi khyab la rtag gnas shing // su dag nags khrod zhi bar dga' ba ni// de dag rnam yang yid gnyis yod mi 'gyur// mi bden pa la su dag rab zhugs shing // byis pa 'dod pa'i yon tan rtag tu dga'// bya rgod dag ni ro la mos pa bzhin// de dag rtag par bdud kyi dbang du 'gro/ / yang pi lang gi sma las tshigs su bcad pa mngon par sgrub pa 'di byung nas/ zla 'od gzhon nur gyur pas// sangs rgyas kyi chos bsam gyis mi khyab pa la zab mo nges par rtog pa mkhas pa rjes su thob bo/ / dri za'i bu gtsug pud lnga can yang / sgra yi rjes su 'gro ba'i bzod pa thob par gyur to// lha dang mi'i sku dgu sems can dpag tu med pa/ / bla na med pa yang dag par rdzogs pa'i byang chub tu sems skyes so// sems can dpag tu med pa rnams kyi yang don byas par gyur to// sangs rgyas kyi chos bsam gyis mi khyab pa nges par bstan pa'i le'u ste bcu dgu pa'o/ / / de nas yang bcom ldan 'das kyis// zla 'od gzhon nur gyur pa la bka' stsal pa gzhon nu ded lta bas na/ / byang chub sems dpa' sems dpa' chen po snying rje chen po la 'jug pa'i chos kyi rnam grangs 'di 'dod pa dang // myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ dge ba'i rtsa ba dang / bslab pa dang / yon tan gyi chos thams cad gdon mi za zhing tshul khrims shin tu yongs su dag par bya'o/ / 'du 'dzin med pa mang zhing sdig pa'i grogs po yongs su spangs pa dang / dge ba'i bshes gnyen la bsten pa dang / yongs su 'dri ba'i rang bzhin can dang // chos tshol ba la brtson pa dang / / chos la don tu gnyer ba dang / chos 'dod pa dang / chos la dga' ba dang / chos yongs su 'dzin pa dang // chos kyi rjes su mthun pa'i chos la zhugs pa'i byang// chub sems dpa' sems dpa' chen pos gzhon nu sems can thams cad la snying rje chen po bskyed de// bla na med pa yang dag par rdzogs pa'i byang chub tu sems bskyed par bya'o// gzhan yang gzhon nu byang chub sems dpa' sems dpa' chen po snying rje chen po la 'jug pa'i chos kyi rnam grangs 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ brtson 'grus brtsams shing lus dang srog la mi blta bar bya ste/ gang snying rje chen po la 'jug pa'i chos kyi rnam grangs 'di ston pa'i dge ba'i bshes gnyen de dag rgyun mi chad par yongs su btsal bar bya/ / g.yo med pas bsnyen par bya// bstan par bya// rim gror bya ste// gzhon nu byang chub sems dpa' sems dpa' chen pos dge ba'i bshes gnyen dag lhag pa'i bsam pas yongs su btsal nas kyang / / de dag la snying rje chen po la 'jug pa'i chos kyi rnam grangs 'di mnyan par bya/ bzung bar bya// kun chub par bya/ bcang bar bya/ bklags par bya// rab tu gdon par bya/ lung mnod cing kha ton du bya// nyon mongs pa med par sgom pas bsgom par bya mang du gzhan dag la yang rgya cher rab tu bstan par bya'o/ / gang las snying rje chen po la 'jug pa'i chos kyi rnam grangs 'di thos pa/ de la dga' ba dang / gus pas ston par 'du shes bskyed par bya'o/ / gzhon nu nam byang chub sems dpa' sems dpa' chen po dge ba'i bshes gnyen yongs su tshol ba dang // sri zhu bya ba dang / g.yog bya ba la yid mi skyo bar gyur pa de'i tshe/ gzhon nu byang chub sems dpa' sems dpa' chen po de/ bde bar bla na med pa yang dag par rdzogs pa'i byang chub mngon par rdzogs par 'tshang rgya'o// bde bar snying rje chen po la 'jug pa'i chos kyi rnam grangs 'di thob bo// gzhon nu de lta bas na// mgo dang go sa la me 'bar ba bzhin du byas te/ rtag par dge ba'i bshes gnyen yongs su btsal bar bya/ g.yo med pas bsten par bya// bsnyen par bya// rim gror bya'o// de ci'i phyir zhe na/ gzhon nu byang chub sems dpa' sems dpa' chen po rnams kyi bla na med pa yang dag par rdzogs pa'i byang chub kyang dge ba'i bshes gnyen gyi khar las na/ snying rje chen po la 'jug pa'i chos kyi rnam grangs 'di lta ci smos/ gzhon nu de lta bas na khyod kyis dge ba'i bshes gnyen yongs su btsal ba dang / sri zhu bya ba dang g.yog bya ba la yid yongs su mi skyo bar bya'o zhes// gzhon nu khyod kyi rtag tu de ltar bslab par bya'o// de nas de'i tshe bcom ldan 'das kyis snying rje chen po la 'jug pa'i chos kyi rnam grangs 'di nyid shin tu brjod pa'i phyir/ zla 'od gzhon nur gyur pa la sngon byung ba bstan pa tshigs su bca/ pa'i dbyangs kyis rgya cher yang dag par rab tu bstan to// 'das pa'i bskal pa bye ba mang po ste// dpag tu med cing gzhal med bsam mi khyab// de tshe dbang rtog rgyal mtshan rgyal po zhes/ / 'dren pa rkang gnyis gtso bo byung bar gyur// des ni ting 'dzin zhi ba 'di bshad de// di la mi dang srog dang gang zag dang // sgyu mchu bur smig rgyu klog 'dra zhing // chos rnams thams cad chu yi zla ba bzhin/ / shi nas 'jig rten pha rol 'gro ba yi// sems can shes las skyes pa mi dmigs kyang // las rnams byas pa med par mi 'gyur te// dkar gnag ji bzhin 'bras bu sbyin par byed// rigs pa'i tshul gyi sgo 'di bzang po ste// phra zhing mthong dka' rgyal ba'i spyod yul yin// gang la yi ge'i tshig kyang mi dmigs pa// sangs rgyas byang chub nyid ni bcom ldan mkhyen// yang ba'i gzungs dang ye shes bsags pa ste// mdo sde bye ba khrag khrig rnams kyang 'byung // sangs rgyas bye ba khrag khrig spyod yul te/ / ting 'dzin 'di ni bcom ldan rab tu 'chad// 'di ni na ba nad las thar byed pa// byang chub sems dpas sgrub pa'i nor yin te// sangs rgyas kun gyis bstod cing rab tu bsngags / bye ba khrag khrig sgra yis rab tu mchod/ skye bo byis pa kun la yang dag ston// mu stegs can gyis rtag par yongs su spangs// tshul khrims nor ni mchog sangs rgyas gsungs/ / nam mkha' la ni glog bzhin chags mi 'gyur// gang gis rgyal ba bye ba rab mchod cing // sbyin dang tshul khrims spyad pa mkhas pa dang // sngan chad sdig pa'i grogs po spangs pa dang / / de dag gi ni bla na med pa'i nor// de na dge slong chos smra 'dug pa dag/ tshangs par spyod pa bde gshegs thugs kyi sras// rjes su mthun pa'i chos 'di thos nas ni/ / 'jig rten 'dren par sems kyang bskyed par 'gyur// 'dren pa dbang tog rgyal mtshan rgyal po yis// chos smra de la yang ni tshig gsungs pa// dge slong dngos po mchog tu bya dka' yis/ / byang chub dam pa mchog la sems skyed cig/ nor bu rin chen 'dra bar tshul khrims srungs// rjes su mthun pa'i grogs la rtag par tan/ sdig pa'i grogs la nam yang ma bsten dang // sangs rgyas ye shes ring po mi thogs 'thob// dbang po tog gi rgyal mtshan rgyal po'i rlung // gang gis byang chub sems mchog bskyed pa ni/ / de dag thams cad chos smrar rab gyur te// tshangs par spyod pa bde gshegs thugs kyi sras// dbang po tog gi rgyal mtshan gyi rgyal po'i le'u ste nyi shu pa'o// / 'phags pa ting nge 'dzin gyi rgyal po'i mdo// bam po bdun pa// / de nas yang bcom ldan 'das kyis// zla 'od gzhon nur gyur pa la bka' stsal pa/ gzhon nu de lta bas na// byang chub sems dpa' sems dpa' chen pos dge ba'i rtsa ba dang / bslab pa dang / yon tan gyis chos thams cad la gdon mi za bar bya'o// 'du 'dzi mang ba ma yin par bya'o/ / sdig pa'i grogs po yongs su spangs shing dge ba'i bshes gnyen la bsten pa dang // yongs su 'dri ba'i rang bzhin can dang / chos yongs su tshol ba la brtson pa dang chos la don tu gnyer ba dang / chos 'dod pa dang / chos la dga' ba dang / chos yongs su 'dzin pa dang // chos dang chos kyi rjes su mthun pa la zhugs par bya'o// des sangs rgyas dang byang chub sems dpa' thams cad la ston par 'du shes bskyed par bya'o/ / gang la chos kyi rnam grangs 'di thos pa de la yang / des dga' ba dang / gus pas ston par 'du shes bskyed par bya'o// gzhon nu byang chub sems dpa' sems dpa' chen po gang // dag pa'i rtsa ba dang / bslab pa dang / yon tan gyi chos thams cad gdon mi za ba'i chos kyi rnam grangs 'di yang dag par blangs te gnas na/ / de myur du spobs pa rgyun mi 'chad pa las nges par 'byung bar 'gyur ro// sangs rgyas kyi chos bsam gyis mi khyab pa la mos par 'gyur ro// sangs rgyas kyi chos zab mos nges par rtogs par 'gyur ro/ / lhar bcas pa'i 'jig rten gyi nem nur dang / yid gnyis dang / the tsom gyi mun pa sel ba'i phyir snang ba lta bur 'gyur ro// de nas bcom ldan 'das kyis de'i tshe dge ba'i rtsa ba dang / bslab pa dang / yon tan gyi chos thams cad nges par bstan pa'i chos kyi rnam grangs brjod pa'i phyir/ zla 'od gzhon nur gyur pa la sngon byung ba'i gtam gyi rgyud tshigs su bcad pa'i dbyangs kyis yang dag par rab tu bstan pa/ / sngon byung 'dzam bu'i gling zhes bya ba 'dir// g.yel ba med pa'i khye'u mchog gnyis byung ste/ bde bar gshegs pa'i bstan la rab byung nas// bse ru bzhin du nags khrod stug por gnas// rdzu 'phrul ldan zhing bsam gtan bzhi rnams thob// snyan dngags bstan bcos mtha shing rtogs pa ste/ / bar snang gi ni rjes dang sa yang rig/ de dag nam mkha' la yang thogs med 'gro// de dag nags khrod stug po bsil ba dang // me tog sna tshogs yid du 'ong bas gang // bya yang sna tshogs mang pos bsnyan pa dar/ / phan tshun du ni gtam dag rab tu smra// rgyal po ri dgas 'tshol zhing song song na// sgra grags nas ni nags tshal der 'ongs te// rgyal pos chos smra de gnyis mthong nas ni/ / de la mchog tu dga' ba nye bar bzhag/ de dang rjes su mthun pa'i gtam byas na// de dag rgyal po'i mdun du 'dug pa dang // rgyal po de yi dmag dpung mtha' yas pa// bye ba khrag khrig drug cu nye bar lhags/ / de nas chos smra de dag so so nas// rgyal po de la smras pa rgyal rigs nyon// sangs rgyas 'byung ba mchog tu rnyed pa dka'// sa yi bdag po rtag tu bag yod kyis/ tshe ni rtag tu 'gro zhing mi gnas te/ / ri yi chu bo bzhin du myur du 'gro// nad dang mya ngan rga bas gzir ba la// khyod la dge ba'i las 'dra skyabs gzhan med// rgyal po'i glang po chos rnams bskyang bar gyis// stobs bcu ldan pa'i bstan pa 'di yang srungs/ / zad pa'i dus la shin tu 'jigs pa'i tshe// rgyal po'i glang po chos kyi phyogs nas kyis// de ltar de tshe mkhas pa de dag gis// rnam pa du ma mi dbang gdams pa byas/ / rgyal po khrag khrig drug cur bcas pa yis// de tshe byang chub tu ni sems bskyed do// de tshe rgyal po glang po chos thos nas// des shing dge ba'i chos rnams smra ba la// rangs shing yid par dga' ba rab skyes nas/ / rkang pa la yang phyag 'tshal de nas song // rgyal po de yi dge slong mang po dag/ rnyed pa 'dod cing de yi khyim du 'jug/ de dag mi 'dra ba yi spyod mthong nas// de la rgyal po de ltar ri mo med/ / bstan pa de yang ston pa 'das pa yi// de tshe lo yi tha mar gyur pa ste// 'dzam bu'i gling na snod gyur rab tu nyung // ma bsdams pa dag shin tu mang po byung // de nas dge slong mang po brkam zhing chags/ / rnyed pa 'dod cing dmigs pa'i lta ba can// bde gshegs bstan pa rab tu zhig pa'i tshe// rgyal po de yang bsgyur cing byed du bcug/ chos smra gnyis po 'di ni bsad par gyis// 'di dag mu stegs chad par smra ba ste// yun ring spyod par yang dag 'dzur byed kyang // de dag gang du'ang mya ngan 'da' mi ston// lus kyang 'jig cing rnam par smin par 'jig/ tshul chos 'di dag phung po med ces smra// rgyal po 'di dag yul nas spangs na ni// 'dir yang chos ni yun ring gnas par 'gyur// de dag gi ni tshig thos de yi tshe// rgyal po'i glang po the tsom byung bar gyur/ / chos smra gnyis po 'di ni bsad par bya// btang snyoms bzhag na gnod par 'gyur srid snyam// rgyal po de phyir 'brang ba lha mo zhig/ tshe rabs snga mar lhan cig spyod pa spyad// yun ring dus nas phan 'dod mkhas pa ste/ / de yis rgyal po de la 'di skad smras// rgyal rigs sdig pa'i grogs po'i tshig dag gis// 'di lta bu yi sems ni ma sked cig/ dge slong chos smra mkhas pa gnyis po 'dis/ / sdig pa'i grogs po'i tshig gis ma sdang shig/ de dag gis ni nags khrod ci bshad pa// shin tu 'jigs pa zad pa'i dus kyi tshe// rgyal po'i glang po chos kyi phyogs gnas kyis/ mi yi bdag po cung zad mi dran nam/ / rgyal po yang dag tshig gis bskul ba yis// de ni rgyal ba'i bstan pa mi gtong gyur// de tshe rgyal po'i nu bo ma rungs pa// nyen dkor rgyal po byed pa des spang de// rgyal po khyod kyi gcen ni sdig pa can/ / bdag gi srog kyang nam du 'dod mi byed// dge slong gnyis po rig sngags drag ldan pa// de dag nam mkha' la yang sngags kyis 'gro// de thos nas ni khyod kyi drung du 'ongs/ / thams cad 'dus te gsol ba 'debs pa ni// rig sngags drag ldan 'di gnyis myur du sod// phyis gdod 'gyod par gyur na ma legs so// de tshe rgyal po'i glang po go bgos nas// sdig pa'i grogs kyi tshig gis der chas de/ / rgyal po dmag sde kun gyis yongs bskor nas// nags gnas dge slong gang na yod par lhags// rgyal po mi bzad drag shul sems rig nas// klu dang gnod sbyin nags der gnas pa yis/ / rdo dang so phag char phab phyir bskrad de// des ni rgyal po sde dang bcas pa btags// ltos shig sdig pa'i grogs kyi tshig gis ni// de tshe ma rung rgyal po 'chi dus byas// chos smra dag la khro ba byas pas na// der ni tshe rabs drug cur mnar med song // rgyal rig rgyal po gang gis spang pa yi// dge slong dmigs lha mang po de dag kyang // tshe rabs bye ba brgya phrag bsam yas su/ / sems can dmyal ba'i sdug bsngal myong bar gyur// lha mo gang gis rgyal po bskul bstan cing // gang gis chos smra de dag bsrungs pa ni// sangs rgyas gang+gA'i bye ma mnyam pa mthong / / spyad pa spyod cing de dag mchod pa byas// bye ba khrag khrig drug cu mtha' yas pas// rgyal po dang ni lhan cig chos thos shing // byang chub tu ni sems mchog bskyed pa dag/ 'jig rten khams mang du yang sangs rgyas gyur/ / de dag tshe tshad bskal pa bye ba mang // de dag ye shes gzhal med bsam mi khyab// de rag kun gyis ting 'dzin bzang po 'di// bshad nas rkang gnyis gtso bo mya ngan 'das/ / tshul khrims tshangs pa yon tan ye shes bsags// bla na med pa'i tshig 'di thos nas ni// g.ye ba med par bag yod spyod cig dang // sangs rgyas ye shes ring por mi thogs 'thob/ / phyogs bcu dag gi de bzhin gshegs pa rnams// sems zhi snying rje byams pa'i spyan mnga' ba// 'jig rten kun gyi skyabs dang dpung gnyen mthong // 'jig rten kun tu chos kyi char 'bebs 'gyur/ / gzhon nu khye'u mchog gnyis po byung ba yang // gzhan yin snyam na de ltar mi blta ste// mar me mdzad ni de na gcig tu gyur// de tshe chos smra gnyis pa nga yin no// gang gis rjes su mthun pa'i chos thos pa/ / rgyal po der yang byams pa de tshe gyur// lha mo phan 'dod mkhas pa gang byung ba// gzhon nu khyod ni de tshe der gyur to// rgyal po ra yi nu bo gang byung ba// dge slong chos smra 'di gnyis sod cig ces/ / dge slong rnyed pa 'dod pas spad pa ni// lha sbyin de yi tshe na der gyur to// sngon byung ba'i le'u zhes bya ste nyi shu gcig pa'o// de nas yang bcom ldan 'das kyis 'od gzhon nur gyur pa la bka' stsal pa/ / gzhon nu de lta bas na/ byang chub sems dpa' sems dpa' chen po ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ lus dang srog la ma chags par bya'o// de ci'i phyir zhe na/ gzhon nu lus dang srog la chags pa'i phyir/ sems can rnams mi dge ba'i las mngon par 'du byed par 'gyur ro/ / gzhon nu byang chub sems dpa' sems dpa' chen po lus dang srog la ma chags pa rnams la ni// bla na med pa yang dag par rdzogs pa'i byang chub kyang rnyed par mi dka' na/ ting nge 'dzin 'di lta ci smos/ gzhon nu de lta bas na/ lus dang srog la yang ma chags par bya'o zhes de ltar khyod kyis bslab par bya'o// de la 'di skad ces bya ste/ rtag tu khor mor rnag gi lus 'di la/ byis pa rnams ni rab tu chags byed do// srog la 'ju zhing bde ba 'dod pa'i phyir// mi mkhas pa dag rtag tu sdig pa byed// su dag snying po med pa'i lus srog la/ / lhag par chags pa yod pa ma yin pa// de dag gis ni bdud kyi sde bcom ste// byang chub shing drung byang chub rab tu rtogs// su dag bdag med stong pa'i lus rnams dang // srog kyang rmi lam g.yo ba zil ba 'dra/ / 'di gnyis la ni chags par byed gyur pa// de dag shi 'phos sems can dmyal bar 'gro// lus nges par bstan pa'i le'u ste nyi shu gnyis pa'o// de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na// byang chub sems dpa' sems dpa' chen po ting nge 'dzin 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ de bzhin gshegs pa gzugs kyi skur mi blta'o// de ci'i phyir zhe na/ sangs rgyas bcom ldan 'das rnams ni/ chos kyi skus rab tu phye ba yin te/ gzugs kyi skus rab tu phye ba ma yin te/ gzhon nu de la byang chub sems dpa' sems dpa' chen po de bzhin gshegs pa'i sku la smon par 'dod pa dang de bzhin gshegs pa'i sku shes par 'dod pas/ / ting nge 'dzin 'di gzung bar bya/ kun chub par bya/ bcang bar bya// bklags par bya/ rab tu gdon par bya// lung mnod cing kha ton du bya// bsgom par bya/ bsgom pa'i sbyor ba la rjes su brtson par bya// gzhan la yang rgya cher rab tu bstan par bya'o// gzhon nu de bzhin gshegs pa'i sku ni/ bsod nam sa brgya pa las skyes pa'i blo dang don gcig tu bstan pa yin te/ chos las skyes pa// mtshan ma med pa/ mtshan ma thams cad dang bral ba/ zab pa// tshad ma med pa tshad med pa'i chos/ mtshan ma med pa'i ngo bo nyid// mtshan ma thams cad rnam par bshig pa/ mi g.yo ba dang / mi gnas pa// shin tu na mkha'i ngo bo nyid// mi snang ba/ mig gi lam las yang dag par 'das pa ni chos kyi skur rab tu shes par bya ste/ bsam gyis mi khyab pa/ bsam pa'i sa dang bral ba/ bde ba dang sdug bsngal gyis mi bskyod pa/ spros pa thams cad la yang dag par 'das pa/ gnas med pa/ sangs rgyas kyi ye shes la smon par 'dod pa rnams kyi sgra las shin tu 'das pa'i snying po ste/ 'dod chags las yang dag par 'das pa dbyer mi byed pa ste/ / zhe sdang las yang dag par 'das pa/ brten pa ste/ gti mug las yang dag par 'das pa/ stong pa nyid du bstan pas// nges par bstan pa// ma skyes pa skye ba las yang dag par 'das pa/ / tha snyad du brtags pa// mya ngan las 'das pa bye brag med pa/ sgras mya ngan las 'das pa/ dbyangs kyis zhi ba/ brdas mtshungs par gyur pa// don dam pas brdar gyur pa/ yang dag pa ji lta ba'i tshig gis don dam pa yongs su gdung ba med pas bsil ba// gnas med pa// gzhal du med pa/ kha dog bstan pas mu med pa/ mngon par shes pa chen po yongs su sbyang ba las byung ba ste/ gzhon nu de ni de bzhin gshegs pa'i sku zhes bya'o// de nas bcom ldan 'das kyis de'i tshe tshigs su bcad pa 'di dag gsungs so// 'di 'dra 'jig rten mgon po'i sku// su dag shes par 'dod pa ni// ting nge 'dzin 'di sgom gyi sa dang // sangs rgyas sku ni shes par 'gyur// sangs rgyas sku ni dag pa ste// bsod nams brgyas skyes 'od kyang gsal/ / de ni bar snang mtshungs pa ste// de la tha dad bya ba med// sangs rgyas byang chub ci 'dra ba/ mtshan rnams kyang ni de 'dra ste// de yi mtshan rnams ci 'dra ba// de yi sku yang de 'dra'o// klu ni byang chub mtshan nyid de// sangs rgyas zhing yang de 'dra zhing // stobs dang rnam thar bsam gtan yang // de dag thams cad mtshan nyid gcig/ de dag sangs rgyas 'byung 'gyur te// 'jig rten mgon po'i de 'dra bas/ / sus kyang sha yi mig gis ni// nam yang mthong bar mi nus so// mang po dag kyang 'di skad smra// ngas ni 'jig rten 'dren pa mthong / sku yang gser gyi kha dog la/ / 'jig rten thams cad snang bar mdzad// sangs rgyas dag gi byin rlabs dang // mthu dang rnam par sprul pa yis// de ltar mtshan gyis spras pa yi// sku dag shin tu snang ba yin/ phongs tshod khrun dang sboms su yang // sangs rgyas sku ni bshad mod kyi// sku yi tshad ni ma rnyed de// de phyir bsam gyis mi khyab bo// sangs rgyas sku ni 'di tsam zhes// gal te tshad kyang rnyed gyur na lha dag dang ni mi rnams dang / / ston pa bye brag med par 'gyur// mnyam par gzhag pa'i sems kyis ni// rnam par smin pa'ang de yi mtshan// ming dang gzugs kyang de 'dra mtshan// rnam par dag cing 'od gsal 'gyur/ / ji ltar 'jig rten mgon po yis// bskal pa bye bar bsnyen pa ltar// sus kyang ting 'dzin zhi ba 'di// nam yang goms par ma byas so// dkar po'i chos ni mang po yis/ / ting 'dzin 'di ni bskyed pa ste// ting 'dzin 'di ni rgya che bas// nga yi lus kyang mi snang ngo // gang gi sems ni ci 'dra ba/ ming dang gzugs kyang de 'dra ste/ rang bzhin med pa'i sems kyi ni// mi dang gzugs kyang mtshan 'di 'dra// ming dang gzugs la gang gis ni// 'du shes rabs pa 'jug pa yang // bskal pa mi mnyam 'du shes kyis/ rags pa'i sems kyang skye bar 'gyur// ming dang gzugs la su dag gi/ 'du shes phra mo 'jug pa ni// ming dang gzugs la ma chags pas// sems ni rab tu 'od gsal 'gyur// ngas dran sngon gyi tshe rabs ni/ / grangs med pa dag bdun du yang // sdig pa'i 'du shes gsum po dag/ nam yang skyes par ma gyur to// nga yi sems ni zag med de// bskal pa bye ba bsam yas su sems can rnams kyi don byed kyang / / nga yi lus ni mi snang ngo // ji ltar gang gi dngos po las// yid kyang rnam par grol gyur pa// de dag de yi dngos po dang // phyir yang phrad par mi 'gyur ro// dngos po kun las rnam pa kun// nga yi rnam shes rnam grol te// sems kyi rang bzhin shes pas na// phyir yang ye shes 'byung bar 'gyur// zhing rnams bye ba phrag stong du// nga yi sprul pa dag kyang 'gro sems can rnams ni don kyang byed/ / de la lus kyang rnyed mi 'gyur// mtshan nyid med cing mtshan ma med// ji ltar nam mkha' de bzhin du// nga yi skra yang brjod med cing // shes par dka' bar rab tu bstan/ / dpa' bo chen po chos kyi sku// sku ni chos las skyes pa ste// gzugs ni sku ni nam du yang // rgyal ba gdags par yor mi nus// ji ltar bshad pa 'di dag kyang // thos nas dga' bar 'gyur ba ni/ / de la sdig can bdud kyis kyang // klan ka sked par mi 'gyur ro// zab mo yi ni chos thos nas// de la skrag pa mi 'gyur te// de ni srog gi phyir du yang // sangs rgyas byang chub spong mi byed/ / mdo sde bye ba phrag stong gi/ yang dag bstan pa shes par 'gyur// gang dang gang du song bar yang // 'jig rten dga' la snang bar 'gyur// gzhon/ nu de la de bzhin gshegs pa'i sku ni mtshan ma dang las kyis kyang shes par sla ba ma yin te/ sngon po 'am/ kha dog sngon po 'am/ sngon po lta bur ston pa 'am/ 'od sngon po 'byung ba 'am/ ser po 'am kha dog ser po 'am/ ser po lta bur ston pa 'am/ 'od ser po 'byung ba 'am/ dmar po 'am/ kha dog dmar po 'am/ dmar po lta bur ston pa 'am/ 'od dmar po 'byung ba 'am/ dkar po 'am kha dog dkar po 'am/ dkar po lta bur ston pa 'am/ 'or kar po 'byung ba 'am/ leb rgan nam/ kha dog leb rgan nam/ leb rgan lta bur ston pa 'am/ 'od leb rgan 'byung ba 'am/ shel lam/ shel gyi kha dog gam/ shel lta bur ston pa 'am/ shel gyi 'od 'byung ba 'am/ me 'am/ me'i kha dog gam/ me lta bur ston pa 'am/ me'i 'od 'byung ba 'am// ma gyi snying po 'am/ mar gyi kha dog gAm/ mar lta bur ston pa 'am/ mar gyi 'od 'byung ba 'am/ gser ram/ gser gyi kha dog gam/ gser lta bur ston pa 'am/ gser gyi 'od 'byung ba 'am/ be DUR+Ya 'am/ bai DUR+Ya'i kha dog gam/ bai DUR+Ya lta bur ston pa'am/ be DUR+Ya'i 'od 'byung ba 'am/ glog gam/ glog gi kha dog gam/ glog lnga bur ston pa'am/ glog gi 'od 'byung ba 'am/ tshangs pa 'am/ tshangs pa'i kha dog gam/ tshangs pa lta bur ston pa 'am/ tshangs pa'i 'od 'byung ba'am/ lha 'am/ lha'i kha dog gam/ lha lta bur ston pa 'am/ lha'i 'ong 'byung ba'o zhes shes par sla ba ma yin no/ / gzhon nu de ltar de bzhin gshegs pa'i sku ni dag pa ste/ mtshan ma dag gis bsam par bya ba ma yin pa/ bsam gyis mi khyab par bstan pa mtshan ma thams cad kyis kyang bsam par bya ba ma yin pa/ bsam gyis mi khyab par bstan pa ste/ rnam pa thams cad bsam gyis mi khyab cing dpag tu med pa zhes bya ba ma gtogs par/ lha dang bcas pa'i 'jig rten gyis kyang gzugs kyi sku yongs su rdzogs pas sku'i tshad gzung bar sla ba ma yin no// de nas bcom ldan 'das kyis de'i tshe tshigs su bcad pa 'di dag gsungs so/ / 'jig rten khams kyi rdul phran dang / rdul du ming yang ston pa dang // 'tshe'u dang rdzing dang lteng ka dang // rgya mtsho na ya ji snyed nu// 'di snyed rdul phran yod do zhes// de dag la ni mtha' mi rnyed// rgya mtsho la ni skra rtse yis// chu thigs gzhal bar nus kyang ni// 'jig rten mgon po'i dpe nyid du// yang dag bstan par mi rung ngo / / chu yi thigs pa dpag med cing // de bzhin rab tu phra ba'i rdul// de bas sems can gcig gi yang // shin tu mang du ngas mthong ste// mos pa dang ni sem bskyed pa/ / dra ma dag kyang shes mi smra// ngas ni sku yi yon tan dag/ yang dag pa ni gang bstan pa// sems can kun gyi mos pa yang // de dag dpe ru bzod mi 'gyur// mtshan ma dang ni las rnams dang // kha dog snang ba 'di 'dra zhes// sangs rgyas kyis ni shes mi nus// nga yi bye brag de 'dra'o// sangs rgyas mtshan ma bral ba ste// chos kyi sku yis rab tu phye/ / zab cing dpag tu med pa ste// de phyir sangs rgyas bsam mi khyab// sangs rgyas bsam du med pa yi// sangs rgyas sku yang bsam du med// sku de bsam du med pa yi// chos kyi sku yis rab tu phye/ / sangs rgyas sku ni sems kyis kyang // bsam par bzod pa ma yin te// de ltar de yi sku la yang // tshad kyang nye bar mi dmigs so// chos rnams de dag dpag tu med// bskal ba bye bar bsnyen pas na// de phyir nga yi lus kyang ni// 'od gsal bsam du med pa grub// sems can kun gyis gzung du med// tshad kyis gzung bya ma yin te// de ltar sangs rgyas sku drag ni/ / tshad med bsam gyis mi khyab pa// tshad med pa yi chos dag gis// de la tshad ni brtag tu med// ma brtags pa yi chos dag gis// de ltar sangs rgyas ma brtags so// rtog pa dag/ ni tshang du bstan// rtog pa med pa tshad med yin// mi rtog rtog dang bral bas na// de phyir sangs rgyas bsam du med// ji ltar nam mkha' tshad med pa// sus kyang gzhal du mi nus pa// de bzhin/ sangs rgyas sku dag kyang // nam mkha' nyid dang 'dra zhing mtshungs// sangs rgyas sku ni de lta bur// gang gis rig pa rgyal ba'i sras// de dag bsam gyis mi khyab pa// sangs rgyas 'jig rten mtshan por 'gyur/ / de bzhin gshegs pa'i sku nges par bstan pa'i le'u ste nyi shu gsum pa'o// // de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ byang chub sems dpa' sems dpa' chen po gang ci nas bdag gis so sor yang dag par rig pa bzhi mngon sum bya bar 'dod do// bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa 'di bzhi mngon sum du bya ba'o snyam na/ gzhon nu byang chub sems dpa' sems dpa' chen po des/ ting nge 'dzin gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha don tu bya/ nyon mongs pa med par sgoms pas bsgom par bya/ gzhan la yang rgya cher rab tu bstan par bya/ bsgom pa'i rnal 'byor la rjes su brtson par bya'o// gzhon nu de la chos so so yang dag par rig pa gang zhe na/ gzhon nu gzugs su brjod pa ji snyed yod pa/ gzhon nu de bzhin gshegs pa'i bsngags pa brjod pa yang de snyed do// de bzhin du tshor ba dang / 'du shes dang / 'du byed rnams ji snyed pa dang / gzhon nu rnam par shes pa'i brjod pa ji snyed pa de bzhin gshegs pa'i bsngags pa brjod pa yang de snyed de/ gzhon nu de ltar gzugs su brjod pa mtha' yas mu med bsam gyis mi khyab pa de bzhin du de bzhin gshegs pa'i bsngags pa brjod pa yang bsam gyis mi khyab ste/ de bzhin du tshor ba dang / 'du shes dang / 'du byed rnams dang / gzhon nu 'di ltar rnam par shes pa'i brjod pa mtha' yas mu med de/ bsam gyis mi khyab pa de bzhin du/ de bzhin gshegs pa'i bsngags pa brjod pa yang bsam gyis mi khyab bo// gzhon nu de bzhin 'dus byas la'ang nyes pa grangs med/ mya ngan las 'das pa la yang phan yon grangs med de/ de bzhin gshegs pa'i bsngags pa grangs med do// gzhon nu 'di ltar mya ngan las 'das pa'i ming ji snyed yod pa de bzhin gshegs pa'i bsngags pa yang de snyed de/ / gzhon nu 'di ltar mya ngan las 'das pa'i ming grangs med de/ de bzhin gshegs pa'i bsngags pa yang grangs med do// gzhon nu 'di bzhi ni de bzhin gshegs pa'i bsngags pa brjod pa bsam gyis mi khyab par brjod pa ste/ / de dag mthar phyin pa'i gnas su bstan par sla ba ni ma yin no// bzhi gang zhe na/ 'di lta ste/ 'du byed brjod pa bsam gyis mi khyab pa dang / dbyangs brjod pa bsam gyis mi khyab pa dang / kun nas nyon mongs pa brjod pa bsam gyis mi khyab pa dang / rnam par byang ba brjod pa bsam gyis mi khyab pa ste gzhon nu de dag ni de bzhin gshegs pa'i bsngags pa brjod pa bsam gyis mi khyab pa bsam gyis mi khyab pa brjod pa bzhi'o/ / gzhon nu 'di bzhi ni de bzhin gshegs pa'i brjod pa bsam gyis mi khyab pa/ bsam gyis mi khyab par bstan te/ de dag ni mthar phyin pa'i gnas su bstan par sla ba ma yin no// bzhi gang zhe na/ bzhi po de dag nyid de/ de bzhin du rgyas par bstan par bya'o// gzhon nu 'di dag ni byang chub sems dpa' rnams kyis tshul bzhi ste/ bzhi gang zhe na/ 'du byed kyi tshul bsam gyis mi khyab pa dang / 'du byed yongs su bshad pa'i tshul bsam gyis mi khyab pa dang / kun nas nyon mongs pa'i tshul bsam gyis mi khyab pa dang / rnam par byang ba'i tshul bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi rigs pa bzhi ste/ bzhi gang zhe na/ 'du byed kyi rig pa bsam gyis mi khyab pa dang / 'du byed yongs su bshad pa'i rig pa bsam gyis mi khyab pa dang / kun nas nyon mongs pa'i rig pa bsam gyis mi khyab pa dang / rnam par byang ba'i rig pa bsam gyis mi khyab pa dang / 'di bzhi'o// gzhon nu 'di dag ni byang chub sems dpa' rnams kyi sgo bzhi ste/ bzhi gang zhe na/ 'du byed kyi sgo bsam gyis mi khyab pa dang / 'du byed yongs su bshad pa'i sgo bsam gyis mi khyab pa dang / kun nas nyon mongs pa'i sgo bsam gyis mi khyab pa dang / rnam par byang ba'i sgo bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi nges par bstan pa bzhi ste/ bzhi gang zhe na/ 'du byed nges par bstan pa bsam gyis mi khyab pa dang / 'du byed yongs su bshad pa nges par bstan pa bsam gyis mi khyab pa dang / kun nas nyon mongs pa nges par bstan pa bsam gyis mi khyab pa dang / rnam par byang ba nges par bstan pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi sgra bzhi ste/ bzhi gang zhe na/ 'du byed kyi sgra bsam gyis mi khyab pa dang / 'du byed yongs su bshad pa'i sgra bsam gyis mi khyab pa dang / kun nas nyon mongs pa'i sgra bsam gyis mi khyab pa dang / rnam par byang ba'i sgra bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi tshig bzhi ste/ bzhi gang zhe na/ 'du byed kyi tshig bsam gyis mi khyab pa dang / 'du byed yongs su bshad pa'i tshig bsam gyis mi khyab pa dang / kun nas nyon mongs pa'i tshigs bsam gyis mi khyab pa dang / rnam par byang ba'i tshig bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyis tshig gi lam bzhi ste/ bzhi gang zhe na/ 'du byed kyi tshig gi lam bsam gyis mi khyab pa dang / 'du byed yongs su bshad pa'i tshig gi lam bsam gyis mi khyab pa dang / kun nas nyon mongs pa'i tshig gi lam bsam gyis mi khyab pa dang / rnam par byang ba'i tshig gi lam bsam gyis mi khyab pa dang / 'di bzhi'o// gzhon nu 'di dag ni byang chub sems dpa' rnams kyi dgongs te bshad pa bzhi ste/ bzhi gang zhe na/ 'du byed kyi dgongs te bshad pa bsam gyis mi khyab pa dang / 'du byed yongs su bshad pa'i dgongs te bshad pa bsam gyis mi khyab pa dang / kun nas nyon mongs pa'i dgongs te bshad pa bsam gyis mi khyab pa dang / rnam par byang ba'i dgongs te bshad pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi lha la nges par rtog pa bzhi ste/ bzhi gang zhe na/ 'du byed lhal rtog pa bsam gyis mi khyab pa dang / 'du byed yongs su bshad pa lha la rtog pa bsam gyis mi khyab pa dang / kun nas nyon mongs pa lnga la rtog pa bsam gyis mi khyab pa dang / rnam par byang ba lha la rtog pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi mi la rtog pa bzhi ste/ bzhi gang zhe na/ 'du byed mi la rtog pa bsam gyis mi khyab pa dang / 'du byed yongs su bshad pa mi la rtog pa bsam gyis mi khyab pa dang / kun nas nyon mongs pa mi la rtog pa bsam gyis mi khyab pa dang / rnam par byang ba mi la rtog pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi ming la rtog pa bzhi ste/ bzhi gang zhe na/ 'du byed kyi ming la rtog pa bsam gyis mi khyab pa dang / 'du byed yongs su bshad pa'i ming la rtog pa bsam gyis mi khyab pa dang / kun nas nyon mongs pa'i ming la rtog pa bsam gyis mi khyab pa dang / rnam par byang ba'i ming la rtog pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi 'jug pa bzhi ste/ bzhi gang zhe na/ 'du byed la 'jug pa la bsam gyis mi khyab pa dang / 'du byed yongs su bshad pa la 'jug pa bsam gyis mi khyab pa dang / kun nas nyon mongs pa la 'jug pa bsam gyis mi khyab pa dang / rnam par byang ba la 'jug pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi sgrol ba bzhi ste/ bzhi gang zhe na/ 'du byed kyi sgrol ba bsam gyis mi khyab pa dang / 'du byed kyi yongs su bshad pa'i sgrol ba bsam gyis mi khyab pa dang / kun nas nyon mongs pa'i sgrol ba bsam gyis mi khyab pa dang / rnam par byang ba'i sgrol ba bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi rdo rje'i tshig bzhi ste/ bzhi gang zhe na/ 'du byed kyi rdo rje'i tshig bsam gyis mi khyab pa dang / 'du byed yongs su bshad pa'i rdo rje'i tshig bsam gyis mi khyab pa dang / kun nas nyon mongs pa'i rdo rje'i tshig bsam gyis mi khyab pa dang / rnam par byang ba'i rdo rje'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi gsang sngags kyi tshig bzhi ste/ bzhi gang zhe na/ 'du byed gsang sngags kyi tshig bsam gyis mi khyab pa dang / 'du byed yongs su bshad pa gsang sngags kyi tshig bsam gyis mi khyab pa dang kun nas nyon mongs pa'i gsang sngags kyi tshig bsam gyis mi khyab pa dang / rnam par byang ba'i gsang sngags kyi tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa'i rnams kyi bsgrub pa bzhi ste/ bzhi gang zhe na/ 'du byed bsgrub pa bsam gyis mi khyab pa dang / 'du byed yongs su bshad pa bsgrub pa bsam gyis mi khyab pa dang / kun nas nyon mongs pa bsgrub pa bsam gyis mi khyab pa dang / rnam par byang ba bsgrub pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi mdo sde'i tshig bzhi ste bzhi gang zhe na/ 'du byed mdo sde'i tshig bsam gyis mi khyab pa dang / 'du byed yongs su bshad pa mdo sde'i tshig bsam gyis mi khyab pa dang / kun nas nyon mongs pa mdo sde'i tshig bsam gyis mi khyab pa dang / rnam par byang ba mdo sde'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi btags pa'i tshig bzhi ste/ bzhi gang zhe na/ 'du byed btags pa'i tshig bsam gyis mi khyab pa dang / 'du byed yongs su bshad pa btags pa'i tshig bsam gyis mi khyab pa dang / kun nas nyon mongs pa btags pa'i tshig bsam gyis mi khyab pa dang / rnam par byung ba btags pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi snang ba'i tshig pa ni ste/ bzhi gang zhe na/ 'du byed snang ba'i tshig bsam gyis mi khyab pa dang / 'du byed yongs su bshad pa snang ba'i tshig bsam gyis mi khyab pa dang / kun nas nyon mongs pa snang ba'i tshig bsam gyis mi khyab pa dang / rnam par byang ba snang ba'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi gsal ba'i tshig bzhi ste/ bzhi gang zhe na/ 'du byed gas ba'i tshig bsam gyis mi khyab pa dang / 'du byed yongs su bshad pa gsal ba'i tshig bsam gyis mi khyab pa dang / kun nas nyon mongs pa gsal ba'i tshig bsam gyis mi khyab pa dang / rnam par byang ba gsal ba'i tshig bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi spyod pa'i tshig bzhi ste/ bzhi gang zhe na/ 'du byed kyi spyod pa'i tshig bsam gyis mi khyab pa dang / 'du byed yongs su bshad pa spyod pa'i tshig bsam gyis mi khyab pa dang / kun nas nyon mongs pa spyod pa'i chog bsam gyis mi khyab pa dang / rnam par byang ba spyod pa'i tshig bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi spyad pa'i tshig bzhi ste/ bzhi gang zhe na/ 'du byed kyi spyad pa'i tshig bsam gyis mi khyab pa dang / 'du byed yongs su bshad pa spyad pa'i tshig bsam gyis mi khyab pa dang / kun nas nyon mongs pa spyad pa'i tshig bsam gyis mi khyab pa dang / rnam par byang ba spyad pa'i tshig bsam gyis mi khyab pa dang 'di bzhi'o/ / gzhon nu 'di dag ni byang chub sems dpa'i rnams kyis bsam gyis mi khyab pa'i tshig bzhi ste/ bzhi gang zhe na/ 'du byed bsam gyis mi khyab pa'i tshig bsam gyis mi khyab pa dang / 'du byed yongs su bshad pa bsam gyis mi khyab pa'i tshig bsam gyis mi khyab pa dang / kun nas nyon mongs pa bsam gyis mi khyab pa'i tshig bsam gyis mi khyab pa dang / rnam par byang ba bsam gyis mi khyab pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi mtha' yas pa'i tshig bzhi ste/ bzhi gang zhe na/ 'du byed mtha' yas pa'i tshig bsam gyis mi khyab pa dang / 'du byed yongs su bshad pa mtha' yas pa'i tshig bsam gyis mi khyab pa dang / kun nas nyon mongs pa mtha' yas pa'i tshig bsam gyis mi khyab pa dang / rnam par byang ba mtha' yas pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi rgyu ba med pa'i tshig bzhi ste/ bzhi gang zhe na/ 'du byed rgyu ba med pa'i tshig bsam gyis mi khyab pa dang / 'du byed yongs su bshad pa rgyu ba med pa'i tshig bsam gyis mi khyab pa dang / kun nas nyon mongs pa rgyu ba med pa'i tshig bsam gyis mi khyab pa dang / rnam par byang ba rgyu ba med pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi mu med pa'i tshig bzhi ste/ bzhi gang zhe na/ 'du byed mu med pa'i tshig bsam gyis mi khyab pa dang / 'du byed yongs su bshad pa mu med pa'i tshig bsam gyis mi khyab pa dang / kun nas nyon mongs pa mu med pa'i tshig bsam gyis mi khyab pa dang / rnam par byang ba mu med pa'i tshig bsam gyis mi khyab pa dang 'di ba'i'o// gzhon nu 'di dag ni byang chub sems dpa' rnams kyi gzhal du med pa'i tshig bzhi ste/ gzhi gang zhe na/ 'du byed gzhal du med pa'i tshig bsam gyis mi khyab pa dang / 'du byed yod/ su bshad pa gzhal du med pa'i tshig bsam gyis mi khyab pa dang / kun nas nyon mongs pa gzhal du med pa'i tshig bsam gyis mi khyab pa dang / rnam par byang ba gzhal du med pa'i tshig bsam gyis mi khyab pa dang 'dri bzhi'o/ / gzhon nu 'di dag ni byang chub sems dpa' rnams kyi grangs med pa'i tshig bzhi ste/ ba ni gang zhe na/ 'du byed grangs med pa'i tshig bsam gyis mi khyab pa dang / 'du byed yongs su bshad pa grangs med pa'i tshig bsam gyis mi khyab pa dang / kun nas nyon mongs pa grangs med pa'i tshig bsam gyis mi khyab pa dang / rnam par byang ba grangs med pa'i tshig bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi dngag tu med pa'i tshig bzhi ste/ bzhi gang zhe na/ 'dra/ byed dpag tu med pa'i tshig bsam gyis mi khyab pa dang / 'du byed yongs su bshad pa dpag tu med pa'i tshig bsam gyis mi khyab pa dang / kun nas nyon mongs pa dpag tu med pa'i tshig pas/ gyis mi khyab pa dang / rnam par byang ba dpag tu med pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi tshad med pa'i tshig bzhi ste bzhi gang zhe na/ 'du byed tshad med pa'i tshig bsam gyis mi khyab pa dang / 'du byed yongs su bshad pa tshad med pa'i tshig bsam gyis mi khyab pa dang / kun nas nyon mongs pa tshad med pa'i tshig bsam gyis mi khyab pa dang / rnam par byang ba tshad med pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi shes pa'i tshig bzhi ste/ gzhi gang zhe na/ 'du byed shes pa'i tshig bsan gyis mi khyab pa dang / 'du byed yongs su bshad pa shes pa'i tshig bsam gyis mi khyab pa dang / kun nas nyon mongs pa shes pa'i tshig bsam gyis mi khyab pa dang / rnam par byang ba shes pa'i tshig bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi shes pa bsags pa pan steng bzhi gang zhe na/ 'du byed kyi shes pa bsags pa bsam gyis mi khyab pa dang / 'du byed yongs su bshad pa shes pa bsags pa bsam gyis mi khyab pa dang kun nas nyon mongs pa'i shes pa bsags pa bsam gyis mi khyab pa dang / rnam par byang ba'i shes pa bsags pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi shes pa'i rigs bzhi ste/ bzhi gang zhe na/ 'du byed kyi shes pa'i rigs bsam gyis mi khyab pa dang / 'du byed yongs su bshad pa shes pa'i rigs bsam gyis mi khyab pa dang / kun nas nyon mongs pa shes pa'i rigs bsam gyis mi khyab pa dang / rnam par byang ba shes pa'i rigs bsam gyis mi khyab pa dang 'di bzhi'o// gzhon nu 'di dag ni bya chub sems dpa' rnams kyi spobs pa bsags pa bzhi ste/ bzhi gang zhe na/ 'du byed kyi spobs pa bsags pa bsam gyis mi khyab pa dang / 'du byed yongs su bshad pa'i spobs pa bsags pa bsam gyis mi khyab pa dang / kun nas nyon mongs pa'i spobs pa bsags pa bsam gyis mi khyab pa dang / rnam par byang ba'i spobs pa bsags pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi mdo sde bzhi ste/ bzhi gang zhe na/ 'du byed kyi mdo sde bsam gyis mi khyab pa dang 'du byed yongs su bshad pa'i mdo sde bsam gyis mi khyab pa dang / kun nas nyon mongs pa'i mdo sde bsam gyis mi khyab pa dang / rnam par byang ba'i mdo sde bsam gyis mi khyab pa dang // 'di bzhi'o// gzhon nu 'di dag ni byang chub sems dpa' rnams kyi mdo sde bsags pa bzhi ste/ bzhi gang zhe na/ 'du byed kyi mdo sde bsags pa bsam gyis mi khyab pa dang / 'du byed yongs su bshad pa'i mdo sde bsags pa bsam gyis mi khyab pa dang / kun nas nyon mongs pa'i mdo sde bsags pa bsam gyis mi khyab pa dang / rnam par byang ba'i mdo sde bsags pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa'i rnams kyis mang du thos pa bzhi ste/ bzhi gang zhe na/ 'du byed mang du thos pa bsam gyis mi/ khyab pa dang / 'du byed yongs su bshad pa'i mang du thos pa bsam gyis mi khyab pa dang / kun nas nyon mongs pa mang du thos pa bsam gyi mi khyab pa dang / rnam par byang ba mang du thos pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi nor bzhi ste/ bzhi gang zhe na/ 'du byed kyi nor bsam gyis mi khyab pa dang / 'du byed yongs su bshad pa'i nor bsam gyis mi khyab pa dang / kun nas nyon mongs pa'i nor bsam gyis mi khyab pa dang / rnam par byang ba'i nor bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi bslab pa bzhi ste/ bzhi gang zhe na/ 'du byed kyi bslab pa bsam gyis mi khyab pa dang / 'du byed yongs su bshad pa'i bslab pa bsam gyis mi khyab pa dang / kun nas nyon mongs pa'i bslab pa bsam gyis mi khyab pa dang / rnam par byang ba'i bslab pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi spyod yul bzhi ste/ bzhi gang zhe na/ 'du byed kyi spyod yul bsam gyis mi khyab pa dang / 'du byed yongs su bshad pa'i spyod yul bsam gyis mi khyab pa dang / kun nas nyon mongs pa'i spyod yul bsam gyis mi khyab pa dang / rnam par byang ba'i spyod yul bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi las bzhi ste/ bzhi gang zhe na/ 'du byed kyi las bsam gyis mi khyab pa dang / 'du byed yongs su bshad pa'i las bsam gyis mi khyab pa dang / kun nas nyon mongs pa'i las bsam gyis mi khyab pa dang / rnam par byang ba'i las bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi spobs pa bzhi ste/ bzhi gang zhe na/ 'du byed kyi spobs pa bsam gyis mi khyab pa dang / 'du byed yongs su bshad pa'i spobs pa bsam gyis mi khyab pa dang / kun nas nyon mongs pa'i slob pa bsam gyis mi khyab pa dang / rnam par byang ba'i spobs pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi lam bsgom pa bzhi ste/ bzhi gang zhe na/ 'du byed kyi lam bsgom pa bsam gyis mi khyab pa dang / 'du byed yongs su bshad pa'i lam bsgom pa bsam gyis mi khyab pa dang / kun nas nyon mongs pa'i lam bsgom pa bsam gyis mi khyab pa dang / rnam par byang ba'i lam bsgom pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi kun nas nyon mongs pa shes pa bzhi ste/ bzhi gang zhe na 'du byed shes pa bsam gyis mi khyab pa dang / 'du byed yongs su bshad pa shes pa bsam gyis mi khyab pa dang / kun nas nyon mongs pa'i shes pa bsam gyis mi khyab pa dang rnam par byang ba'i shes pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi 'bras bu yod pa'i shes pa bzhi ste/ bzhi gang zhe na/ 'du byed kyi 'bras bu yod pa'i shes pa bsam gyis mi khyab pa dang / 'du byed yongs su bshad pa'i 'bras bu yod pa'i shes pa bsam gyis mi khyab pa dang / kun nas nyon mongs pa'i 'bras bu yod pa'i shes pa bsam gyis mi khyab pa dang / rnam par byang ba'i 'bras bu yod pa'i shes pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi ma rig pa shes pa bzhi ste/ bzhi gang zhe na/ 'du byed kyi ma rig pa shes pa bsam gyis mi khyab pa dang / 'du byed yongs su bshad pa'i ma rig pa shes pa bsam gyis mi khyab pa dang / kun nas nyon mongs pa'i ma rig pa'i shes pa bsam gyis mi khyab pa dang / rnam par byang ba'i ma rig pa'i shes pa bsam gyis mi khyad pa dang 'di bzhi'o// gzhon nu 'di dag ni byang chub sems dpa' rnams kyi sdug bsngal shes pa bzhi ste/ bzhi gang zhe na/ 'du byed kyi sdug bsngal shes pa bsam gyis mi khyab pa dang / 'du byed yongs su bshad pa'i sdu bsngal shes pa bsam gyis mi khyab pa dang / kun nas nyon mongs pa'i sdug bsngal shes pa bsam gyis mi khyab pa dang / rnam par byang ba'i sdug bsngal shes pa bsam gyis mi khyab pa dang/ 'di bzhi'o// gzhon nu 'di dag ni byang chub sems dpa' rnams kyi yid mi bde ba shes pa bzhi ste/ bzhi gang zhe na/ 'du byed kyi yid mi bde ba shes pa bsam gyis mi khyab pa dang 'du byed yongs su bshad pa'i yid mi bde ba shes pa bsam gyis mi khyab pa dang / kun nas nyon mongs pa'i yid mi bde ba shes pa bsam gyis mi khyab pa dang / rnam par byang ba'i yid mi bde bshos pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi dbul po shes pa bzhi ste/ bzhi gang zhe na/ 'du byed kyi dbul po shes pa bsam gyis mi khyab pa dang / 'du byed yongs su bshad pa'i dbul po shes pa bsam gyis mi khyab pa dang / kun nas nyon mongs pa'i dbul po shes pa bsam gyis mi khyab pa dang / rnam par byang ba'i dbul po shes pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi skye ba shes pa bzhi ste/ bzhi gang zhe na/ 'du byed kyi skye ba she pa bsam gyis mi khyab pa dang / 'du byed yongs su bshad pa'i skye ba shes pa bsam gyis mi khyab pa dang / kun nas nyon mongs pa'i skye ba shes pa bsam gyis mi khyab pa dang / rnam par byang ba'i skye ba shes pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi nang shes pa bzhi ste/ bzhi gang zhe na/ 'du byed kyi nang shes pa bsam gyis mi khyab pa dang / 'du byed yongs su bshad pa'i nang shes pa bsam gyis mi khyab pa dang / kun nas nyon mongs pa'i nang shes pa bsam gyis mi khyab pa dang / rnam par byang ba'i nang shes pa bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi phyi rol shes pa bzhi ste/ bzhi gang zhe na/ 'du byed kyi phyi rol shes pa bsam gyis mi khyab pa dang / 'du byed yongs su bshad pa'i phyi rol shes pa bsam gyis mi khyab pa dang / kun nas nyon mongs pa'i phyi rol shes pa bsam gyis mi khyab pa dang / rnam par byang ba'i phyi rol shes bsam gyis mi khyab pa dang 'di bzhi'o/ / gzhon nu 'di dag ni byang chub sems dpa' rnams kyi ngo tsha shes pa'i ye shes bzhi ste/ bzhi gang zhe na/ 'du byed kyi ngo tsha shes/ nga'i ye shes bsam gyis mi khyab pa dang / 'du byed yongs su bshad pa'i ngo tsha shes pa'i ye shes bsam gyis mi khyab pa dang / kun nas nyon mongs pa'i ngo tsha shes pa'i ye shes bsam gyis mi khyab pa dang / rnam par byang ba'i ngo tsha shes pa'i ye shes bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi bden pa shes pa bzhi ste/ bzhi gang zhe na/ 'du byed kyi bden pa shes pa bsam gyis mi khyab pa dang / 'du byed yongs su bshad pa'i bden pa shes pa bsam gyis mi khyab pa dang / kun nas nyon mongs pa'i bden pa shes pa bsam gyis mi khyab pa dang / rnam par byang ba'i bden pa shes pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi srid pa shes pa bzhi stebazhi gang zhe na/ 'du byed kyi srid pa shes pa bsam gyis mi khyab pa dang / 'du byed yongs su bshad pa'i srid pa shes pa bsam gyis mi khyab pa dang / kun nas nyon mongs pa'i srid shes pa bsam gyis mi khyab pa dang / rnam par byang ba'i srid pa shes pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi dngos po shes pa bzhi ste/ bzhi gang zhe na/ 'du byed kyi dngos po shes pa bsam gyis mi khyab pa dang / 'du byed yongs su bshad pa'i dngos po shes pa bsam gyis mi khyab pa dang / kun nas nyon mongs pa'i dngos po shes pa bsam gyis mi khyab pa dang / rnam par byang ba'i dngos po shes pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi gang zag shes pa bzhi ste/ bzhi gang zhe na/ 'du byed kyi gang zag shes pa bsam gyis mi khyab pa dang / 'du byed yongs su bshad pa'i gang zag shes pa bsam gyis mi khyab pa dang / kun nas nyon mongs pa'i gang zag shes pa bsam gyis mi khyab pa dang / rnam par byang ba'i gang zag shes pa bsam gyis mi khyab pa dang 'di bzhi'o// gzhon nu 'di dag ni byang chub sems dpa' rnams kyi dmigs pa shes pa bsam gyis mi khyab pa bsam gyis mi khyab par bstan pa bzhi ste/ mthar phyin pa'i gnas su bstan par sla ba ma yin no// bzhi gang zhe na/ 'du byed kyi dmigs pa shes pa bsam gyis mi khyab pa dang / 'du byed yongs su bshad pa'i dmigs pa shes pa bsam gyis mi khyab pa dang / kun nas nyon mongs pa'i dmigs pa shes pa bsam gyis khyab pa dang / rnam par byang ba'i dmigs pa shes pa bsam gyis mi khyab pa dang / 'di dag ni byang chub sems dpa' rnams kyi dmigs pa shes pa bsam gyis mi khyab ba dang bsam gyis mi khyab pa bstan pa bzhi ste/ de dag ni mthar phyin pa'i gnas su bstan par slab ma yin no// gzungs bzhi ste/ bzhi gang zhe na/ 'di lta ste/ 'du byed thams cad mtha' ya par bshad pa/ brjod pa de la gang shes pa 'di ni gzungs dang po'o// dbyangs mtha' yas par bshad pa brjod pa de la gang shes pa 'di ni gzungs gnyis pa'o// kun nas nyon mong/ pab mtha' yas par bshad pa brjod pa de la gang shes pa 'di ni gzungs gsum pa'o// rnam par byang ba'i yon tan gyi phan yon mtha' yas par bshad pa brjod pa de la gang shes pa 'di ni/ gzungs bzhi pa ste/ gzungs bzhi po ni 'di dag go// gzhon nu 'di ltar gzungs gang yin pa de ni shes pa'o// de ni chos so// 'di ltar chos shes pas chos so so yang dag par rig pa'o/ / chos shes pa la don gang yin pa de ni don so so yang dag par rig pa zhes bya'o// chos shes pa las 'dun pa gang yin pa de ni nges pa'i tshig so so yang dag par rig pa zhes bya'o/ / chos shes pa la tha skad du ston pa dang 'chad pa dang / 'dogs pa dang / rab tu ston pa dang / rab tu 'god pa dang / 'byed pa dang / rnam par 'byed pa dang / gas bar byed pa dang / tshig thogs pa med pa dang / tshig mi dor zhing ma lkugs mi rig pa dang / tshig zhum pa med pa 'di ni/ gzhon nu spobs pa so so yang dag par rig pa zhes bya'o// de nas bcom ldan 'das kyis de'i tshe tshigs su bcad pa 'di dag gsungs so// sangs rgyas ye shes ji snyed pa// gzugs su btags pa'ang de snyed do// gzugs su btags pa ji snyed pa/ / gzugs su brjod pa'ang de rnyed do// gzugs su brjod pa ji snyed pa// tshul khrims ming yang de rnyed de// tshul khrims ming yang ji snyed pa// sangs rgyas ming yang de snyed do/ / sangs rgyas ming ni ji snyed pa// sems can ming yang de rnyed do// sems can gcig gi ming yang ni// de snyed du ni ngas bshad do// ming dang brjod pa mtha' yA/ pa/ gang dag ngas ni sngar bshad rnams// tshul khrims ming dang sangs rgyas ming // sems can ming dang de dag mtshungs// 'dus byas nyes pa ji snyed pa// mya ngan 'das bsngags de snyed de/ sangs rgyas kyi ni bsngags pa dang // dpe yang de snyed ngas bshad do// ji snyed sems can thams cad kyi// sems rnams skye ba nges bstan pa// 'jig rten mgon po spu gcig nas/ / 'od zer dag kyang de snyed 'byung // sems can kun gyis mos pa dang // ming rnams ji snyed yod pa bas// de bas mi yi dbang po yi// dbyangs kyi yan lag bsngags pa mang / / sems can kun gyi ming yod pa// de dag sems can gcig la bstan// sems can gcig ming ji snyed pa// sems can kun gyi ming du bstan// so so yang dag rig 'jug pa// 'di ni sangs rgyas bstan pa ste// byang chub sems dpa'i phyir yang ni// ming rnams mtha' yas nges par bstan// mdo bye ba bsam yas rnams/ / ji ltar bshad snyam gang sems pa// mdo sde 'di ni rab brjod la// zhum pa med par bshad par gyis// 'khor gyi nang du thogs med par// mdo sde bya/ ba rab tu 'chad// ji ltar nam mkha' mtha' med pa// de bzhin de'ang chos rnams ston// de ltar byang chub sems dpa' dag/ sems can dag pa skyob pa rnams// mdo sde 'di dag gzung nas ni/ / ye shes phun sum tshogs par 'gyur// dad pas ji lta ji lta bur// tshul 'di rab tu ston byed pa// de bzhin de yi ye shes 'phel// sangs ri la ni sdong po bzhin/ de bzhin gshegs pa bsam gyis mi khyab pa'i le'u ste nyi shu bzhi pa'o// // 'phags pa ting nge 'dzin gyi rgyal po'i mdo// bam po brgyad pa// gzhon nu de la byang chub sems dpa' sems dpa' chen po ji ltar chos so so yang dag par rig pa la spyod na/ chos la chos kyi rjes su lta zhing / bla na med pa yang dag par rdzogs pa'i bya nub yang dag par sgrub par 'gyur zhe na/ gzhon nu 'di la byang chub sems dpa' sems dpa' chen po chos rnams la chos kyi rjes su lta bas/ gzugs las gzhan du byang chub yang dag par rjes su mi mthong / gzugs las gzhan du yang byang chub la mi spyod/ gzugs las gzhan du yang byang chub yongs su mi tshol/ gzugs las gzhan du yang byang chub yang dag pa/ mi sgrub/ gzugs las gzhan du yang sems can rnams byang chub la yang dag par mi 'dzud/ gzugs las gzhan du'ang de bzhin gshegs pa mi mthong ste/ gzugs kyi mi 'jigs pa ngo bo nyid de bzhin gshegs pa'o zhes de bzhin gshegs par blta'o/ / gzugs kyang gzhan gzugs kyi ngo bo nyid kyang gzhan no zhes de ltar mi blta'o// gzugs kyi ngo bo nyid kyang gzhan de bzhin gshegs pa yang gzhan no zhes de ltar mi blta'o/ / gzugs kyi ngo bo nyid gang yin pa dang / de bzhin gshegs pa gang yin pa de ni gnyis su med pa'i chos nyid de/ byang chub sems dpa' sems dpa' chen pos de ltar lta na/ chos so so yang dag par rig pa la spyod do// de bzhin du tshor ba las gzhan du ma yin/ 'du shes las gzhan du ma yin 'du byed rnams las gzhan du ma yin te/ rnam par shes pa las gzhan du byang chub mi mthong / rnam par shes pa las gzhan du yang byang chub la mi spyod/ rnam par shes pa las gzhan du yang byang chub yongs su mi tshol/ rnam par shes pa las gzhan du yang byang chub yang dag par mi sgrub/ rnam par shes pa las gzhan du yang sems can rnams byang chub la yang dag par mi 'dzud/ rnam par shes pa la gzhan du yang de bzhin gshegs pa mi mthong ste/ rnam par shes pa'i mi 'jigs pa'i ngo bo nyid de bzhin gshegs pa'o zhes de bzhin gshegs par blta'o/ / rnam par shes pa yang gzhan/ rnam par shes pa'i ngo bo nyid kyang gzhan no zhes de ltar mi blta'o// rnam par shes pa'i ngo bo kyang gzhan/ de bzhin gshegs pa yang gzhan no zhes da ltar yang mi blta'o// rnam par shes pa'i ngo bo nyid gang yin pa dang / de bzhin gshegs pa gang yin pa de gnyis su med pa'i chos nyid de/ byang chub sems dpa' sems dpa' chen po de ltar lta na/ chos so so yang dag par rig pa la spyod do// de nas bcom ldan 'das kyis de'i tshe tshigs su bcad pa 'di dag gsungs so/ / gzugs kyis kyang ni byang chub bstan// byang chub kyis kyang gzugs bstan te// mi mtshungs pa yi sgra rnams kyis// chos kyi bla ma rab tu bstan// sgra yis gzugs kyi bla ma ste// ngo bo nyid kyis zab pa dag/ gzugs dang byang chub mnyam pa ste// tha dad bya ba de mi rnyed// mya ngan 'das pa zab par yang // sgra yis rab tu bstan pa ltar/ / mya ngan 'das pa mi rnyed de// de yi sgra yang mi rnyed do// sgra dang mya ngan 'das pa ni// gnyi ga rnyed par mi 'gyur te// de bzhin stong pa'i chos rnams la// mya ngan 'das par rab tu bstan/ / mya ngan 'das dang 'da' bar ni// mya ngan 'das pa mi rnyed de// 'di ni chos rnams 'jug med pa// phyis ni ci 'dra de bzhin ston// chos rnams thams cad rab bzhin gyis/ / mya ngan 'das dang mtshungs mnyam par// sangs rgyas bstan la brtson pa yi// 'byung ba lhur byed rnams kyis rig/ sangs rgyas kyi ni sku mthong nas// 'dren pa mthong zhes smra mod kyi/ / nga ni gzugs kyi sku lus su// sus kyang blta bar mi nus so// gzugs kyi mtshan nyid ci 'dra bar// gzugs kyi ngo bo nyid shes te// gzugs kyi ngo bo nyid/ shes na// nga yi sku yang nges par bstan// de bzhin phung po lnga rnams kyi// chos kyi mtshan nyid ngas shes te// chos kyi rang bzhin shes nas ni// chos kyi sku la rab tu gnas// / chos kyi sku la rab gnas nas// sems can rnams la chos ston to// chos kyi sku la mi rten par// sems can rnams la chos ston to// sangs rgyas dag gis chos rnams ni// tshig gis bshad par mi nus te// 'di 'dra'i tshul rnams mi shes pas// sangs rgyas kyi ni sgra thos nas// tshig tsam gyis ni 'di skad smra// ngas ni 'dren pa mthong zhes te// du shes thams cad spangs pa la/ / srid par 'du shes med par 'gyur// sgrar ni 'du shes 'dzin pa la// nams kyang ston pa mthong ba med// 'di lta bu yi gzugs kyi mtshan// stong pa nyid ni sus shes pa// gzugs kyi rang bzhin gzhan yin la// stong nyid gzhan du ma gsungs te// gang gis gzugs rnams rab shes pa// des ni stong nyid rab tu shes/ / gzugs kyi mtshar nyid 'di 'dra bar// stong pa gang gis rab shes pa// des ni bdud rnams bye ba snyed// zil gyis mnan te ngam byed nas// gang gis/ gzugs rnams rab shes pa// des ni stong pa nyid kyang shes// gang gis stong nyid rab shes pa// des ni mya ngan 'das pa shes// rnam pa 'di ni mi shes pas// dmigs pa can rnams rab tu brlag/ dngos po med la dngos 'dzin cing // dngos med la yang dngos su 'dzin// shes kyi khe yis bslus pa dag/ nga yi bstan las shin tu 'khyams// 'bras bu/ 'du shes gnas pa la// dge sbyong nor ni gsog tu gyur// brtson 'grus nyams pa le lo can// tshul khrims phung por mi gnas pa// kun las langs pas smra ba ni// 'di ni sangs rgya bshad ma yin/ / la la dag ni 'di skad du// bdag cag byang chub zhugs zhes zer// ma dul zhing ni ma byang ba// gcig la gcig kyang ri mo med// chos dag la'ang mi gnas shing sgra 'dod pa dag 'byung bar 'gyur/ / de lta bur ni de mos te// shes kyi khe ni tshol ba'i phyir// 'dus pa dag la sems byed cing // rnyed pa 'dod pa 'byung bar 'gyur// rgyags dang bag med zil non pas/ / rnyed dang bkur sti don tu gnyer// bkur sti rnyedang la brten nas ni// shes kyi khe rnams tshol ba dag/ gtsug lag khang dang mchod rten byed// khyim mi mo la 6 shing myos/ / dmigs pa dag la rten byed cing // 'dod pa'i sred la shin tu gnas// bdud kyi yul du gnas nas ni// khyim pa dag gi las byed 'gyur// 'dod pa me lce 'dra ba ni/ khyim pa dag la ston par 'gyur// de dag gi yang khyim zhugs nas// de yi rigs kyang sun byed 'gyur// de dag la ni khyim pa rnams// ston pa nyid du 'du shes 'gyur// rab tu gnas bcas de dag gi/ bu dang chung ma sun par byed// su dag de la zas skom gyis// lan 'dogs pa ni byed par 'gyur// de yi bu dang bud med la// chung ma nyid du 'du shes 'gyur// da dag 'dir ni rab byung nas/ / ji ltar gzhan gyi bud med chags// khyim pa bdag gi chung ma la// de ltar myos shing chags mi 'gyur// khyim pa skya bo'i gos gyon la// ngas ni bslab pa gang bshad pa/ / de tshe dge slong de dag la// bslab pa de yang med par 'gyur// de dag rnga dung rdza rnga yis// nga la mchod pa byedar 'gyur to// mchod pa'i dam pa gang yin pa nan tan 'di ni med par 'gyur/ / de dag bdag nyid tshul khrims 'chal// tshul khrims gnas pa mthong nas ni// phan tshun du yang 'di skad du// 'di dag nged dang 'dra zhes smra// sdig pa'i spyod yul tshul khrims 'tshal// de dag tshul khrims bsngags thos nas// kun nas langs pa 'di skad du// sangs rgyas mkhyen pa 'di min smra// de rag lani ngo tsha med/ / dge slong gi ni nor stor te// mi bden tshig gis brtson byed cing // sangs rgyas byang chub rab tu spong // ngan sems ldan pa de dag ni// sangs rgyas bsku pa 'di bor te/ / chos rnams rab tu spangs nas ni// mnar med par yang gnas par 'gyur// gang dag spyod pa de 'dra ba// ngas ni ma thos ma mthong ste// byis pa'i chos la gnas pa sangs rgyas ye shes thob mi 'gyur/ / de dag gi yang tshul 'chos dang // de la g.yo yang ci yod pa// thams cad de bzhin ngas shes te// de la nga yi ye shes 'jug/ de yi 'khrul pa mang po ni/ / gal te bskal par rab bshad kyang // byang chub sems dpa' khas 'che yi// cung zad tsam zhig brjod par 'gyur// gzhon nur gyur pa de dag ni// sdig pa mi byed yongs med de// phyi ma'i dus la de dag dang // khyod ni sten par ma byed cig/ smra ba dang ni gtam gyis la// de dag la ni ri mor gyis// byang chub dam pa'i don gyis phyir// zhum pa med par bkur sti bgyis lo grangs du lon kun dris la/ / de dag rgan par gyur na yang // de la ri mo legs gyis la// rkang pa la yang mgos phyag tshol// byang chub snying po rnams mthong na// de dag 'khrul pa mi blta'o/ / de la khong khro mi bskyed cing // rtag tu byams pa'i sems su bya// gang+gA'i 'khrul pa ci mthong yang // de dag gi ni nyes mi brjod// ci 'dra ba yi las byas pa// 'bras/ bu de 'dra thob par 'gyur// bzhin gyi zla ba 'dzum bzhin du// rgan rabs dang ni gsar bu la// rtag tu gsong por smra ba dang // nges shing nga rgyal bcom par bya// chos gos dang ni bsod snyoms kyis/ / de dag la ni phan gdags shing // 'di dag thams cad 'dren 'gyur zhes// de ltar khyod kyi sems zhog shig/ gal te chos kyi sbyin pa'i phyir// de dag khyod la gsol 'debs na/ / dang por tshig ni 'di skad smos// kho bos mtshungs med ma bslabs so// 'di skad du ni tshig brjod de// tshe dang ldan pa mkhas shing rig/ bdag nyid chen po'i mdu du ni/ / bdag gis ga la bshad nus smros// gya tsom du ni mi smra bar// de dag gi ni snod rtogs la// snod du rung bar rig na ni// ma gsol bar yang bshad par gyis// tshul khrims 'chal pa 'khor nang na/ / mang du gnas par mthong na khyod// yo byad bsnyungs pa ma chad par// sbyin pa yi ni bsngags pa brjod// tshul khrims gtsang la rab gnas shing // cing ste 'dod pa nyung yod na/ / byams pa'i sems ni bskyed na su// yo byad bsnyungs pa'i gtam gyis shig/ gal te sdig pa 'dod nyung zhing // tshul khrims ldan pa mang yod na// de tshe phyogs rnyed gyur pa'i phyir/ / tshul khrims kyi yang bsngags pa brjod// thog mar 'khor rnams shes bya ste// gal te gtsang yod de yi tshe// dge ba'i chos rnams ci snyed pa thams cad der ni rab tu bstan/ / sbyin dang tshul khrims bzod pa dang // brtson 'grus bsam gtan thos pa dang // de bzhin 'dod nyung yo byad bsnyungs// rtag tu bsngags shig brjod par bya/ / dgon gnas bsam gtan bsten pa dang // 'du 'dzir gnas pa spang ba ni// de dag gzungs kyi sgo yin te// 'di yi bsngags pa brjod par bya// dgon par gnas pa mi spong zhing / / tshul khrims la yang lhur mi gzur// nang du 'jog la bsten bya zhing // sbyin pa la ni lhur mi bya// tshul khrims phung por gnas nas ni// mang du thos pa bsgrub par bya/ ting 'dzin 'di ni yong btsal zhing // ston pa'i ring bsrel mchod par bya// ting 'dzin zhi ba btsal ba'i phyir// gdugs dang rgyal mtshan ba ngan dang // spos dang 'phreng ba byug pa yis/ / sangs rgyas la ni mchod pa bya// dga' bar 'gyur ba'i sil snyan dang // glu dbyangs sbyar cing blangs nas su// zhum pa med cing mi g.yel bar// sangs rgyas kyi ni ring bsrel mchod/ / byang chub mchog gi don gyi phyir// spos dang phreng ba bdug pa dang // gos dang phye ma ji snyed pa// de dag kun gyis mgon mchod kyis// ting 'dzin zhi ba 'di tshol phyir// mchod par ji snyed ci yod pa/ / dpag med bsam gyis mi khyab pas// sangs rgyas kun la mchod par gyis// bla med sangs rgyas ye shes te// chags med ye shes rab tshol bas// sems can kun la skal ba'i shas// mi gnas par ni mnyam par sbyin// mi gnas par ni gyur nas su// ting 'dzin zhi ba tshol ba'i phyir// sangs rgyas rnams la ngas kyang sdon// mchod pa bsam gyis mi khyab byas// sangs rgyas skye ba rnyed par dka' mi byu rnyed pa dkal/ bstan pa la yang dad pa dang // rab byung bsnyen rdzogs rnyed par dka'// gang gis byang chub sems bsngo pa de dag ston pa mnyes par byas/ / dam bcas pa las ma g.yo bar// khyod ni nan tan gnas par gyis// zad pa'i dus su nyer gnas tshe// gang gis mdo sde 'di bzung ste// rab tu brjod pa gzung byas na// myur du spobs pa thob par 'gyur// tshigs bcad gcig tsam bzung ba yang // bsod nams phung po bsam yas na// nyan par 'dod pas mdo sde yang thams cad bzung bas ci zhig smos/ / sems can thams cad byang chub thob// de dag mi g.yel mchod byas te// bskal pa sems can snyed du yang // rtag tu gus pas mchod pa bas/ / ting nge 'dzin pa 'di las ni// gang gis tshigs bcad gcig bzung ba// bsod nams snga ma thams cad ni// bcu drug char yang mi phod do// ting 'dzin 'di ni thos na su// @su dag nem nur mi byed pa// phan yon bsam gyis mi khyab ste// sangs rgyas kyi ni mkhyen pas rig/ so so yang dag par rig pa la 'jug pa'i le'u ste nyi shu lnga pa'o// / de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na/ byang chub sems dpa' sems dpa' chen po ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas thabs mkhas par bya'o// gzhon nu ji ltar na byang chub sems dpa' sems dpa' chen po thabs mkhas pa yin zhe na/ / gzhon nu 'di la byang chub sems dpa' sems dpa' chen pos/ sems can thams cad la nye du'i sems nye ba bzhag ste/ sems can thams cad kyi dge ba'i rtsa ba dang / bsod nams kyi phung po ci yod pa de la/ byang chub sems dpa' sems dpa' chen po dos/ rjes su yi rang bar byas te/ nyin lan gsum mtshan lan gsum sems can thams cad kyi dge ba'i rtsa ba dang / bsod nams kyi phung po la rjes su yi rang nas/ thams cad mkhyen pa nyid la dmigs pa'i sems bskyed pas/ dge ba'i rtsa ba dang / bsod nams kyi phung po de sems can thams cad la gtang bar bya'o// gzhon nu byang chub sems dpa' sems dpa' chen po de thabs mkhas pa las byung ba'i bsod nams kyi phung po dang ldan pas/ myur du ting nge 'dzin 'di 'thob cing / myur du bla na med pa yang dag par rdzogs pa'i byang chub mngon par rdzogs par rgyurgya'o/ / de nas bcom ldan 'das kyis de'i tshe tshigs su bcad pa 'di dag gsungs so// sems can 'di dag thams cad bdag gi gnyen// 'di yi bsod nams mang po ci yod pa/ / nyin yang lan gsum mtshan yang lan gsum du// byang chub sems bskyed rjes su yi rang ngo // su dag srog gi phyir yang sdig mi byed// tshul khrims rnam par dag la yi rang ngo / / byang chub sems dpa' mos pa phun sum tshogs// de dag bsod nams ci yod yi ring ngo // gang dag sangs rgyas dad cing de bzhin du// chos dang dge 'dun dang la yi rang ngo // byang chub nyid ni rab tu 'dod pa'i phyir/ / bde gshegs mchod pa byed la yi rang ngo // rdzogs pa'i byang chub gdung ni gnas bya'i phyir// sems can don du blo gros chen po yis// bla med byang chub dam pa mchog tu ni/ / gang gis sems bskyed de la yi rang ngo // byang chub sems dpa' snying rje non pa yis// nor dang 'bru dang rin chen btsun mo dang // sras dang sras mo rgyal srid rgyas pa dang // bdag gi sha yang gtong la yi rang ngo // shes rab yongs su bsgom pas lus dul zhing // thabs la mkhas pa'i bslab pa rab bslabs pa// sems can don du rab tu dga' sems kyi/ / bdag gi lus kyang gtong la yi rang ngo // gcig pu gnyis med par nags gnas shing // rtag tu bse ru ltar gyur 'tsho ba gtsang // khor mor bya ba nyung zhing su dag ni// 9 phyir tshul 'chos med la yi rang ngo / / su dge sten par mi byed phrag dog med// khyim la sred par mi byed rtag par yang // khams gsum dag la rab tu 'jig skrag ste// 'jig rten ma chags spyod la yi rang ngo / / srid par skye ba kun la rab skyo zhing // su dag spros pa med la yi rang ngo // rtsod pa med cing nye bar zhi ba'i sems// de la ting 'dzin 'di ni rnyed mi dka'// gang gis 'du 'dzi nyes pa mthong nas ni/ / rtsod pa thams cad yongs spangs dgon par gnas// shing drung gnas shing rnam grol lhur byed pa// bde gshegs sras la rjes su yi rang ngo // bdag la mi stong gzhan la mi smod cing / / dgon par gnas pa dag la yi rang ngo // su dag bstan pa 'di la bag yod cing // bag med spangs pa de la yi rang ngo // byang chub phyogs kyi chos rnams ji snyed pa// kun gyi rtsa ba bag yod 'di yin te/ / sangs rgyas sras gang rtag tu bag yod pa// de dag ting 'dzin 'di ni rnyed mi dka'// bde bar gshegs pa'i bstan pa gter rnyed yin// rab tu byung ba gter ni gnyis pa ste// da pa rnyed pa gter ni gsum pa yin// ting 'dzin 'di ni gter rnyed bzhi pa'o// sangs rgyas spyod yul stong pa 'di thos nas// 'di la mi spong ba yang gtar rnyed yin// spobs pa mtha' yas pa yang / gter rnyed pa// gzungs rnams gang yin de dag gter gyi mchog/ dge ba'i chos rnams ji snyed brjod pa dag/ tshul khrims thos gtong bzod pa de bzhin te// thams cad kyi yang rtsa ba bag yod 'di/ / gter rnyed yin par bde bar gshegs pas gsungs// sangs rgyas bstan pa 'di la bag yod cing / u dag la ni yang dag smon lam yod// de dag ting 'dzin 'di ni rnyed mi dka' sangs rgyas bstan pa 'di la nye bar gyur/ / rjes su yi rang ba'i le'u ste nyi shu drug pa'o// // de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na/ bag yod par bya'o zhes gzhon nu khyod kyis de ltar bslabs par bya'o// de ci'i phyir zhe na/ gzhon nu bag yod pa'i byang chub sems dpa' sems dpa' chen po la/ bla na med pa yang dag par rdzogs pa'i byang chub kyang rnyed par mi dka' na/ ting nge 'dzin 'di lta ci smos/ gzhon nu ji ltar na byang chub sems dpa' sems dpa' chen po bag yod pa yin zhe na/ gzhon nu 'di// la byang chub sems dpa' sems dpa' chen po tshul khrims yongs su dag pa yin no// gzhon nu ji ltar na byang chub sems dpa' sems dpa' chen po tshul khrims yongs su dag pa yin zhe na/ gzhon nu 'di la byang chub sems dpa' sems dpa' chen po tshul khrims yongs su dag pa ni thams cad mkhyen pa'i sems dang ma bral bas pha rol tu phyin pa drug la spyod pa yin te/ de'i phan yon 'di dag nyon cig dang ngas khyod la bshad do/ / gzhon nu byang chub sems dpa' sems dpa' chen po sbyin pa la mos pa'i phan yon ni bcu ste/ bcu gang zhe na/ 'di lta ste/ de'i sa/ sna'i nyon mongs tshar bcad pa yin/ de'i sems rtag tu gtong ba'i rjes su spel ba yin/ skye bo mang po dang thun mongs pa'i longs spyod las snying po len pa yin/ longs spyod chen po'i rigs su skye zhing skyes ma thag tu de gtong ba'i sems mngon du 'gyur ba yin/ 'khor bzhi rnams la phangs shing sdug pa yin/ 'jigs pa med cing zhum pa med par 'khor gyi nang du 'gro/ phyogs dang phyogs mtshams su de'i rgya cher brjod pa'i sgra tshigs su bcad pa mngon par 'byung / rkang lag 'jam zhing gzhon pa yin/ rkang mthil mnyam zhing rab tu gnas pa yin// byang chub kyi snying po la 'dug pa'i bar du/ / dge ba'i bshes gnyen dang mi 'bral ba yin te/ gzhon nu byang chub sems dpa' sems dpa' chen po la mos pa'i legs pa ni 'di bcu'o// de la 'di skad ces bya ste/ des ni ser sna tshar bcad cing // gtong ba'i sems kyang rnam par spel// snying po dag ni blang bar 'gyur// shin tu 'byor pa'i rigs su ste// skyes ma thag tu de yi sems// gtong ba dag la shin tu 'jug/ rab tu byung dang khyim pa yi// sems can rnams la 'phangs par 'gyur// 'jigs pa med cing 'khor du yang / ma zhum par ni nye bar 'gro/ grong dang grong khyer rnams su yang / / de yi sgra ni rgya cher 'gyur// rkang lag dag ni 'jam pa yang // rnyed dka' bar ni yong mi 'gyur// sangs rgyas dang ni nyan thos dang // dge ba'i bshes gnyen thob par 'gyur// ser sna'i sems ni nam yang mi byung ste// de yi sems ni rtag tu gtong la dga'// sems can bye ba mngal phangs par 'gyur// ser sna med pa'i phan yon 'di dag yin// 'di ni nor mang rig su skye bar 'gyur/ / skyes nas de yi yid ni gtong la dga'// snying po blangs nas 'chi ba'i dus byed 'gyur// ser sna med pa'i phan yon 'di dag yin// 'jigs pa mod par 'khor gyi nang du 'gro/ phyogs su rgya cher de yi sgra yang grags/ / de yi rkang lag rtag tu 'jam par 'gyur// ser sna med pa'i phan yon 'di dag yin// dge ba'i bshes gnyen rnyed par mi dka' ste// des ni sangs rgyas rnam dang nyan thos mthong / / mthong nas de dag dad pas mchod pa byed// ser sna med pa'i phan yon 'di dag yin// sbyin pa'i lan yon gyi le'u ste nyi shu bdun pa'o// gnon nu byang chu sems dpa' sems dpa' chen po tshul khrims yongs su dag pa'i phan yon ni 'di bcu ste/ bcu gang zhe na/ 'di lta ste/ ye shes kyis rjes su bskor cing yongs su rdzogs par byed pa dang / sangs rgyu rnams kyi rjesu slob pa dang / mkhas pa rnams kyis ma smad pa dang / dam bcas pa las mi g.yo ba dang / nan tan la gnas pa dang / 'khor ba las 'byol ba dang / mya ngan las 'das pa thob par byed pa dang / / kun nas ldang ba med par gnas pa dang / ting nge 'dzin rab tu 'thob pa dang / mi dbul bar 'gyur te/ gzhon nu bcu po 'di dag ni/ byang chub sems dpa' sems dpa' chen po tshul khrims yongs su dag pa'i phan yon no/ / de la 'di skad ces bya ste// ye shes yongs su rdzogs byed cing // sangs rgyas dag gi rjes su slob// mkhas pa dag gis ma spad pa/ / rtag tu 'jigs pa med par 'gyur// dam bcas pa las mi g.yo zhing // nan tan la yang rab tu gnas// mya ngan 'das pa thob byed cing // 'khor ba las kyang shin tu 'byol// kun nas ldang ba med gnas shing // ting nge 'dzin rnams myur du 'thob// dbul por yang ni mi 'gyur te// tshul khrims phung po rab tu gnas// de yi ye shes yongs su rdzogs par 'gyur/ de bzhin gshegs pa rnams kyi rjes su slob// de ltar de yi tshul khrims yongs dag cing // de la mkhas pa dag ni smod mi byed// dam bcas pa las mkhas pa mi g.yo zhing // de ltar dpa' bo nan tan gnas par byed/ / 'khor ba'i nyes pa mang po mthong nas ni// 'byol zhing mya ngan 'da' bar de yis 'gro// de ltar tshul khrims stobs la gnas pas na// de yi sems ni kur nas ldang mi 'gyur/ / nyon mongs med pa'i ting 'dzin myur du 'thob// tshul khrims dag pa'i phan yon 'di dag yin// tshul khrims nges par bstan pa'i le'u ste nyi shu brgyad ba'o// / gzhon nu byang chub sems dpa' sems dpa' chen po bzod pa la gnas shing byams pa la spyod pa'i phan yon ni 'di bcu ste/ bcu gang zhe na/ 'di lta ste/ mes mchig/ mtshon gyis mi gsod/ dug gis mi tshugs/ chus mi 'chi/ lha rnams de la srung bar byed/ lus mtshan gyi sa brgyan pa thob par 'gyur/ de'i ngan 'gro'i sgo thams cad bcad par 'gyur de tshangs pa'i 'jig rten du skye ba rnyed pa mi dka' bar 'gyur/ / de bde bar nyin mtshan 'da' bar 'gyur/ de'i lus la dga' ba dang / bde ba mi 'dor bar 'gyur te/ gzhon nu byang chub sems dpa' sems dpa' chen po bzod pa la gnas pa byams pa la spyod pa'i phan yon ni 'di bcu'o/ / de la 'di skad ces bya ste// de ni mes kyang mi tshig ste// mtshon gyis kyang ni gsod mi 'gyur// lus la dug gis mi tshugs te// chus kyang 'chi bar mi 'gyur ro// de la lha rnams srung byed de// sum cu rtsa gnyis mtshan kyang 'byung // de yi ngan 'gro kun bkag ste// bzod la gnas pa'i phan yon 'di/ / tshangs pa dang ni brgya byin yang // de la rnyed par dka' mi 'gyur// rtag tu bde bar gnas byed cing // dga' ba dag kyang bsam yas 'gyur// de ni me dang mtshon gyis yod mi gsod/ / bye brag tu ni chu nang mi 'chi ste// lha dang de bzhin klu dang gnod sbyin srung // byams la gnas pa'i phan yon 'di dag go// de yi lus la sum cu gnyis mtshan 'byung // de ni phyir yang log ltung 'gro mi 'gyur/ / shi 'phos nas ni tshangs pa'i gnas su skye// bzod la gnas pa'i phan yon 'di dag go// de ni nying mtshan dag kyang bde bar 'da'// lus ni dga' bas rtag tu khyab par 'gyur/ / bzod cing nges pa'i stobs la de gnas pas// mkhas pas rtag tu dang ba'i sems su 'gyur// gzhon nu byang chub sems dpa' sems dpa' chen po brtson 'grus brtsams pa'i phan yon ni 'di bcu ste/ bcu gang zhe na/ 'di lta ste/ bsnyen dka' bar 'gyur ba dang / sangs rgyas kyis yongs su bzung ba 'thob pa dang / lhas yongs su gzung bar 'gyur ba dang / des thos pa'i chos yongs su mi nyams pa dang / sngon ma thos pa'i chos rnams 'thob pa dang / ting nge 'dzin gyi rigs 'thob pa dang / nang nyung bar 'gyur ba dang / de'i zas rnams kyang yang dag pa bde bar 'ju bar 'gyur ba dang / pad+ma lta bur 'gyur zhing mnga' ste'u kha ma ltar mi 'gyur ba ste/ gzhon nu bcu po 'di dag ni/ byang chub sems dpa' sems dpa' chen po'i brtson 'grub brtsams pa'i phan yon no/ / de la 'di skad ces bya ste// bsnyen dka' bar yang rtag tu 'gyur// de la le lo yod min te// lha rnams kyang ni srung bar byed// sangs rgyas dag ni myur du mthong smon lam yongs su rdzogs byed de/ / ting 'dzin rigs ni rnyed par 'gyur// de la nad kyang mi 'byung ste// brtson 'grus ldan pa'i yon tan 'di// de yi zas dang skom dag kyang // bar 'ju ste thab med// chu yi nang na ut+pal dag/ rim gyis skye bar 'gyur ba ltar// de bzhin byang chub sems dpa' yang // dkar po'i chos kyis rnam par 'phel// de yi nyin dang mtshan mo yang / / 'bras bu yod par 'da' bar 'gyur// brtson 'grus brtsams pa de bzhin gshegs// bskal pa du mar bsgrubs pa yis// byang chub sems dpa' brtson 'grus ldan de yi phan yon 'di dag bshad/ / nges pa brtson 'grus brtsams 'gyur te// rgyal ba dag gis yongs su bzung // lha yang de la smon pa skyed// sangs rgyas byang chub myur 'tshang rgya// de yi thos pa yong mi 'dri/ / chos gzhan mang po smra bar byed// de yi spobs pa rgya cher 'phel// brtson 'grus brtsams pa'i phan yon 'di// ting 'dzin rigs kyang myur du 'thob// de la nam yang nad mi 'byung / / des ni kha zas ci zos pa// bde bar yongs su 'ju bar 'gyur// mi g.yel brtson 'grus brtsams pa yi// dkar po'i phyogs ni nyin mtshan 'phel// de ltar brtson 'grus stobs ldan pas/ / ring por mi thogs byang chub 'gyur// gzhon nu byang chub sems dpa' sems dpa' chen po bsam gtan la mos pa'i phan yon ni 'di bcu ste/ bcu gang zhe na/ 'di lta ste/ sprod pa la gan pa dang / spyod yul la spyod pa dang / yongs su gdung ba med par gnas pa dang / dbang po sbas par 'gyur ba dang / dga' ba myong ba dang / 'dod pa las dben pa dang / bsam gtan gso so ma yin pa dang / bdud kyi yul las thar pa dang / sangs rgyas yul la rab tu gnas pa dang / rnam par grol ba rab tu smin par byed pa ste/ gzhon nu bcu po 'di dag ni byang chub sems dpa' dpa' chen po bsam gtan la mos pa'i lan yon no/ / de la 'di skad ces bya ste// spyod pa dag la de gnas pas// de ni spyod pa med mi 'gyur// rnal 'byor pa ni spyod yul spyod// spyod yul ma rnam par spong / / gdung ba med par de gnas te// dbang po bsdams shing sbas pa yin// de ni dga' ba myong byed de// bsam gtan sgom pa'i spyod yul lo// 'dod pa'i srid la 'dod chags bral/ @# gtan bde la sten byed de/ / bdud kyi yul las de thar cing // sangs rgyas yul la de gnas so// rnal 'byor bye brag 'di yid te// gcig pu nags khrod mos byed cing // rnam par grol ba yongs su song de ni bcu pa'i gnas yin no/ / byang chub sems dpa' de ni spyod la gnas// spyod pa ma yin thams cad rnam par spong // spyod yul ma yin spangs nas spyod yul gnas// ting 'dzin brtson pa'i phan yon 'di dag go/ / de la gdung ba nam yang gdung mi 'gyur// 'bogs pa'i bde bar gnas pa re gnas su// lus dang sems rnams kyang ni bde bar 'gyur// bsam gtan brtson pa'i phan yon 'di dag go// dgon pa'i gnas dag tu yang bsrungs shing gnas// de la g.yeng ba nam yang 'byung mi 'gyur// de ltar lus ni dben par gyur pas na// zang zing med pa'i dga' ba der 'thob bo// 'dod pa dag gis mi gos nyon mongs med/ / de ltar bdud kyi yul las thar pas na// de bzhin gshegs pa'i yul la rab gnas te// de ni rnam grol yongs su smin par 'gyur// gzhon nu byang chub sems dpa' sems dpa' chen po shes rab spyod pa'i phan yon ni 'di bcu ste/ bcu gang zhe na/ 'di lta ste/ bdog pa thams cad yongs su gtong la/ sbyin pas dag par rlom sems mi byed pa yin/ tshul khrims ma ral cing tshul khrims la mi gnas pa yin/ bzod pa'i stobs la gnas la sems can du 'du shes la mi gnas pa yin/ brtson 'grus brtsams la lus dang sems dben pa yin bsam gtan la bsam gtan du byed cing mi gnas pa'i bsam gtan pa yin/ bdud rnams kyis thub par dka' ba yin/ pha rol rgol ba thams cad kyis rab tu mi sgul ba yin/ 'du byed/ 'jug pa thams cad la snang ba thob pa yin/ sems can thams cad la snying rje chen po rgya cher 'jug ste/ nyan thos dang rang sangs rgyas kyi sa la re ba med pa yin/ sangs rgyas kyi bsam gtan dang / ting nge 'dzin dang / snyoms par 'jug pa la rab tu 'jug pa yin te/ gzhon nu bcu po 'di dag ni byang chub sems dpa' sems dpa' chen po shes rab spyod pa'i phan yon no// de la 'di skad ces bya ste/ dpa' bo bdog pa thams cad gtong // des ni dag par rlom sems med// tshul khrims ma ral srung mod kyi// de la gnas par byed pa med// shes rab can de bzod sgom yang // sems can 'du shes rnam par bzlog/ brtson 'grus brtsams pa yin mod kyi// lus dang sems ni rnam par dben// bsam gtan la yang sgrom mod kyi// gnas pa med cing rten pa med/ / bdud kyis thub par dka' bar 'gyur// shes rab ldan pa'i yon tan 'di// pha rol rgol ba thams cad kyis// de ni bskyod par mi nus 'gyur// 'khor ba na yang snang ba 'thob// shes rab yon tan 'di 'dra'o/ / sems can dag ni thams cad la// de ni snying rje che bar 'gyur// nyan thos rang rgyal ye shes la// nom yang re bskyed mi 'gyur// bdog pa thams cad gtong yang rlom sems med/ tshul khrims ma ral tshul khrims mi gnas te// bzod pa sgom yang sems can 'du shes med// shes rab mos pa'i phan yon 'di dag go/ brtson 'grus brtsams kyang rnam par dben pa yin// mi gnas bsam gtan byed cing rten pa med// mkhas pa de ni bdud kyis thub par dka'// shes rab mos pa'i phan yon 'di dag go// pha rol rgol bas bskyod par mi 'gyur zhing // des ni 'dus byas 'di yi gting rnyed pas/ / sems can dag la snying rje rgya cher bskyed// shes rab mos pa'i phan yon 'di dag go/ de ltar sangs rgyas yon tan de gnas pa// rang rgyal rnams dang nyan thos rnams la ni/ / de dag nam yang spong ba mi skyed de// shes rab mos pa'i phan yon 'di dag go// gzhon nu byang chub sems dpa' sems dpa' chen po mang du thos pa'i phan yon ni 'di bcu ste// bcu gang zhe na/ 'di lta ste/ kun nas nyon mongs par mi byed pa dang / gnod sems mi skyed pa dang / the tsom rnam par 'byed pa dang / lta ba drang por byed pa dang / lam log pa spong ba dang / lam la gnas pa dang / mi 'chi ba'i sgor gnas pa dang / byang chub tu bsnyen pa dang / sems can thams cad la snang bar gyur pa dang / ngan 'gro thams cad kyis mi 'jigs pa ste/ gzhon nu bcu po 'di dag ni byang chub sems dpa' sems dpa' chen po mang du thos pa'i phan yon no/ / de la 'di skad ces bya ste// yang dag ji bzhin mkhyen pa yi// sangs rgyas de bzhin gshegs pa yis// mang du thos pa'i phan yon ni// bcu po 'di dag rab tu bshad// nyon mongs rnam par byang ba yi// phyogs gnyis po ni des shes te// kun nas nyon mongs yongs spangs nas// rnam par byang ba'i lam la sten/ / nem nur rnam 'byed ye shes ldan// lta ba drang por rab slong zhing // log pa'i lam yang rnam spangs te// drang po'i lam la gnas par byed// mi 'chi sgo la de gnas shing // byang chub tu yang nye bar 'gyur/ / sems can la yang snang gyur te// ngan song dag la 'jigs pa med// kun nas nyon mong sachos mang rab shes shing // rnam par byang ba'i phyogs kyang de bzhin shes// kun nas nyon mongs yod su spangs nas ni/ / rnam par byang ba'i chos kyi mchog la slob// srog chags kun gyi nem nur rnam 'byed cing // de yi lta ba rtag tu drang por 'gyur// de ni log pa'i lam yang rnam spangs te// zhi bar drang po @lam la rtag tu gnas/ / mi 'chi lam 'khor mor gnas 'gyur zhing // dri med byang chub la yang nye bar 'gyur// srog chags mang po kun la'ang snang ba yin// de ni ngan 'gro dag lar/ 'jigs pa med// gzhon nu byang chub sems dpa' sems dpa' chen po chos kyi sbyin pa lhur byed pa/ gzhan la chos kyi sbyin pa sbyin par byed pa'i phan yon ni 'di bcu ste/ bcu gang zhe na/ 'di lta snga bya ba ma yin pa rnam par spong ba dang / bya ba la 'jug pa dang / skyes bu dam pa'i chos la gnas pa dang / sangs rgyas kyi zhing yongs su spong ba dang / byang chub kyi snying po thob par byed pa dang ngos po yongs su gtong ba dang / nyon mongs pa tshar gcod pa dang / sems can thams cad la skal pa'i shas sbyin pa dang / de la dmigs pa'i byams pa sgom pa dang / tshe 'di la bde ba 'thob pa ste/ gnos nu bcu po 'di dag ni byang chub sems dpa' sems dpa' chen po sbyin pa lhur byed pa/ chos kyi sbyin pa sbyin par byed pa'i phan yon yin no// de la 'di skad ces bya ste// su dag ser sna med pa ni/ / chos kyi sbyin pa mchog sbyin byed// de yi legs pa rnam bcur ni// 'jig rten mgon pos rab tu bshad// bya ba ma yin thams cad spong // mkhas pa bya ba rnams la 'jug/ skyes bu dam pa'i chos la dad / / gtong ba'i sems la sten par byed// sangs rgyas zhing yang rnam sbyong ste// de yi zhing ni bsam mi khyab// byang chub snying por rtag 'dug pa// chos kyi sbyin pa'i 'bras bu 'di/ dngos po thams cad gtong byed cing // chos kyi rgyal po'i rjes su slob// nyon mongs pa yang tshar bcad pa// de la byang chub rnyed mi dka'// sems can kun la skal ba'i shas// byams pa'i sem kyis rab tu sbyin/ / de ni phrag dog med 'gyur te// mi ma yin pa'i skyid pa 'thob// mkhas pas bya ba ma yin rnams spangs te// rtogs pa bya ba dag la gnas par byed// mkhas pa su dag chos kyi sbyin pa gtong / / bdag nyid chen po'i chos la rtag tu gnas// de yi zhing yang rnam par dag par 'gyur// byang chub phyogs kyi chos rnams rnam par 'phel// byang chub snying por rtag tu nye bar 'gyur// chos rnams byin pa'i phan yon 'di dag go/ nyon mongs med cing dngos po yongs su btang // dngos po'i rang gi mtshan nyid rab tu shes// yongs su 'dzin pa kun las rnam par grol// de la chags pa rnam yang yo/ mi 'gyur// mkhas pa'i sems ni shin tu nyer bzhag pa// sems can thams cad bde bar gyur cig ces// de nas byams sems 'gyur zhing drag dog med// tshe 'di dag blang bde ba mi nyung 'gyur// gzhon nu byang chub sems dpa' sems dpa' chen po stong pa nyid la gnas pa'i phan yon ni 'di bcu ste/ bcu gang zhe na/ 'di lta ste/ sangs rgyas kyi spyod pa la gnas pa dang mi gnas par bsam gtan byed pa dang / skye ba la mi smon pa dang / tshul khrims la mchog tu mi 'dzin pa dang / 'phags pa la mi skur ba dang / mi 'gal bar gnas pa dang / dngos po mi dmigs pa dang / dben par 'gyur ba dang / sangs rgyas la skur pa mi 'debs pa dang / dam pa'i chos 'dzin pa ste/ gzhon nu bcu po 'di dag ni byang chub sems dpa' sems dpa' chen po stong pa nyid la gnas pa'i phan yon no/ / de la 'di skad ces bya ste// mi dbang gnas pa gang yin pa// sangs rgyas kun gyi spyod yul te// de ni rnal 'byor gnas par byed// deb srog rnams dmigs pa med/ 'jig rten kun la mi gnas shing // 'phags pa'i bsam gtan mi stong ste// chos kyi rang bzhin mthong nas ni// skye ba la yang smon mi byed// tshul khrims mchog tu mi 'dzin cing // tshul khrims la yang gnas mi byed// zag pa med pa'i lam gzhan la// cung zad skur ba de mi byed// 'gal ba med par de gnas shing // rtsod pa dag kyang yod med de// rnal 'byor dngos po mi dmigs shing / / rtag tu dben par gnas par byed// de ni srog gi don phyir yang // sangs rgyas skur pa mi 'debs ste// stong pa nyid la nges gyur cing // lus kyi mngon sum 'jigs pa med/ 'jig rten mgon po thams cad kyi// sangs rgyas byang chub bsam mi khyab// gus par byas nas chos 'dzin te// sangs rgyas chos la nem nur med// gang dag mu stegs mang po'i sa ma yin/ / skyes bu khyu mchog gi ni gnas pa de// gang la srog med gang zag sems can med// de la byang chub sems dpa' gnas par byed// de la gnas pa nam yang yod ma yin// mi gnas par ni bsam gtan bde ba sten// chos la sems can bdag med rnam rig nas// skye bar yang ni 'du shes yong mi 'byung // chos rnams kyi ni rang bzhin rnam par rig/ tshul khri/ la yang cung zad gnas pa med// tshul khrims kyi ni dag par yong mi sems// sangs rgyas dag la rtag tu dad par byed// thams cad rang bzhin stong par rnams bsgoms pas// de la 'gal ba nam yang 'byung mi 'gyur/ / de bzhin gshegs pa'i dam chos bzung nas ni// 'dren pa dag la nam yang mi skur to// gzhon nu byang chub sems dpa' sems dpa' chen po/ nang du yang dag 'jog la mngon par brtson pa'i phan yon ni 'di bcu ste/ bcu gang zhe na/ 'di lta ste/ sems rnyog pa med pa dang / bag yod par gnas pa dang / sangs rgyas rjes su dran pa dang / spyod pa la dad pa dang / ye she la nem nur med pa dang / sangs rgyas la byas pa gzo ba dang / chos mi spong ba dang / shin tu bsdams par gnas pa dang / dul ba'i sa rjes su thob pa dang / so so yang dag par rig pa bzhi mngon sum du byed pa ste/ gzhon nu bcu po 'di dag ni byang chub sems dpa' sems dpa' chen po nang du yang dag 'jog la mngon par brtson pa'i phan yon no// de la 'di skad ces bya ste/ de yi sems ni rnyog pa med// bag med thams cad rnams spangs te// bag yod la yang gnas byed cing // yang dag 'jog la spyod yul ba// 'jig rten mgon gyi spyod thos nas// sangs rgyas la ni dad par byed/ / sangs rgyas ye shes bsam mi khyab// ye shes rnal 'byor the tso med// sangs rgyas rnams la byas pa gzo// sangs rgyas chos la the tsom med// shin tu bsdams shing gnas byed de/ / dul ba'i sa la rab tu gnas// yang dag rig pa des 'thob ste// rnyed dang bkur sti spangs nas su// gcig pu nags khrod mos par byed// yang dag 'jog la spyod yul ba/ / de yi sems ni rnyog pa med par 'gyur// bag med par yang thams cad yongs spangs te// bdag nyid chen po rtag tu bag yod 'gyur// ting 'dzin brtson pa'i phan yon 'di dag go/ rkang gnyis gtso bo sangs rgyas dran nas ni// de yi spyod pa bla na med la dad// de bzhin gshegs pa'i mkhyen la the tsom med// bsam gtan brtson pa'i phan yon 'di dag go// sangs rgyas dag la rtag tu byas pa gzo/ / de ni srog gi phyir yang chos mi spong // thams cad dus su shin tu bsdams par gnas// ting 'dzin brtson pa'i phan yon 'di dag go// shin tu dul ba'i sa ni rjes thob cing yang dag rig pa myur du mngon sum byed/ / tshig gi rgyun mi 'chad cing spobs par ldan// mdo sde bye ba khrag khrig ston par byed// sangs rgyas byang chub myur du de 'dzin de// 'dren pa dag gi bstan pa yod su srung / / des ni pha rol rgol ba kun bcom ste// sangs rgyas kyi yang byang chub rgyas par byed// byang chub sems dpa' de ni shi 'phos nas// bde ba can gyi 'jig rten khams su 'gro// tshor dpag med// las chos bzang mchog thos nas// skye ba med pa'i chos la bzod pa 'thob// 'phags pa ting nge 'dzin gyi rgyal po'i mdo// bam po dgu pa// gzhon nu byang chub sems dpa' sems dpa' chen po dgon par gnas pa lhur byed pa dag gi phan yon ni 'di bcu ste/ bcu gang zhe na/ 'di lta ste/ bya ba nyung bar gnas pa dang / 'du 'dzi ring ba nas kyang ring du spong ba dang / de la rtsod pa med par 'gyur ba dang / gnod pa med par gnas pa dang / zag pa 'phel bar mi byed pa dang / rtsod pa'i gzhir mi byed pa dang / shin tu zhi bar spyod pa shin tu bsdams par gnas pa dang / thar pa mthun pa'i sems kyi rgyud du 'gyur ba dang / myur du rnam par grol ba mngon sum du byed pa ste/ gzhon nu bcu po 'di dag ni byang chub sems dpa' sem dpa' chen po dgon par gnas pa lhur byed pa'i phan yon no/ / de la 'di skad ces bya ste// rtag tu bya ba nyung bar 'gyur// 'du 'dzi dag kyang ring du spong // nags khrod gcig pu gnas pa ni// rtsod pa dag kyang de la med// gnod pa med pa'i sems kyis ni// zag pa rnam par 'phel mi byed// de la rtsod gzhi mi 'byung ste// dgon par gnas pa'i yon tan 'di// lus dang ngag yid rab bsdams te/ / de ni nye bar zhi bar spyod// thar pa dang ni mthun gyur cing // rnam par grol ba myur du reg/ rnal 'byor pa ni rtag tu bya ba nyung // 'du 'dzi mang po'i nyes pa kun spangs te/ rnal 'byor pa dag nam yang rtsod mi byed// dgon par gnas pa'i phan yon 'di dag go/ nam zhig de ni 'dus byas skyo gyur cing // 'jig rten du ni gang la'ang gnod pa byed zag pa dag kyang 'phel bar mi byed pa/ / nags khrod gnas pa de yi phan yon yin// de la rtsod gzhi nam yang mi 'byung ste// rtag tu zhi la dga' zhing dben par spros// lus dang ngag dang yid kyang bsdams pa ste/ / dgon par gnas pa de la yon tan mang // de ni thar pa dang yang mthun gyur te// nags khrod gnas shing rnam grol de sten pas// rnam grol zhi ba myur du des rtogs 'gyur// 'di kun dgon par gnas pa'i yon tan yin// gzhon nu byang chub sems dpa' sems dpa' chen po bsod snyoms spyod pa sbyangs pa'i yon tan yo byad bsnyungs pa la gnas pa'i phan yon ni 'di bcu ste/ bcu gang zhe na/ 'di lta ste/ de shes kyi khe 'dod pa ma yin pa dang / de snyan pa 'dod pa ma yin pa dang / de rnyed pa dang bkur sti 'dod pa ma yin pa dang / de 'phags pa'i rigs bzhi la gnas pa dang / / de tshul 'chos pa dang / kha gsags med par 'gyur ba dang / de bdag la mi bstod gzhan la mi smod pa dang / de rjes su chags pa dang / de khong khro ba spangs pas gzhan gyi khyim du spyod pa dang / zang zing med par chos kyi sbyin pa sbyin par byed pa dang / de spungs pa'i yon tan yo byad bsnyungs pa la gnas shing chos bstan pa bzung bar 'gyur ba yin te/ gzhon nu bcu po 'di dag ni byang chub sems dpa' sems dpa' chen po bsod snyoms spyod pa sbyangs pa'i yon tan yo byad bsnyungs pa la gnas pa'i phan yon no/ / de la 'di skad ces bya ste// sbyangs pa dag la gang gnas pa// shes kyi khe yang mi 'dod cing // snyan pa la yang mi smon to// rnyed dang ma rnyed mtshungs pa'i yid// sbyangs pa dag la gang gnas pa// 'phags pa'i rigs ni mi gtong zhing // tshul 'chos pa dang kha gsag rnams/ / thams cad ring du rnam par spong // bdag nyid la ni mi bstod cing // gzhan dag la yang smod mi byed// khong khro rjes su chags med cing // zang zing med par chos ston te// / de yi tshig kyang gzung bar 'gyur// bsod snyoms yon tan 'di dag go// shes kyi khe dang snyan dang rnyed mi tshol// 'phags pa'i rigs bzhi la ni gnas 'gyur te// mkhas pa tshul 'chos kha gsag/ med pa yin// spangs la brtson pa'i yon tan 'di 'dra'o// bdag la mi stod gzhan la mi smod cing // rtsub por smras kyang 'khrug par yong mi 'gyur// bsngags pa bros kyang dga' ba mi skyed de/ / de ni bsod snyoms dag gis mgu bar 'gyur// chos kyi sbyin pa zang zing med par sbyin// de ni rnyed dang bkur sti mi tshol te// de yis bshad pa dag kyang gzung bar 'gyur// sbyangs par brtson pa'i phan yon 'di dag yin// gzhon nu de lta bu'i chos kyi yon tan la gnas pa'i byang chub sems dpa' sems dpa' chen po dgon pa la gnas pa ni sangs rgyas kyi gter rnyed par 'gyur chos kyi gter rnyed par 'gyur/ ye shes kyi gter rnyed par 'gyur/ sngon gyi mtha' dang / phyi ma'i mtha' dang / da ltar byung ba shes pa'i gter rnyed par 'gyur ro// gzhon nu ji ltar/ na byang chub sems dpa' sems dpa' chen po sangs rgyas kyi gter rnyed par 'gyur zhe na/ gzhon nu 'di la byang chub sems dpa' sems dpa' chen po dben pa na spyod cing / dgon par gnas nas/ mngon par shes pa lnga 'thob ste/ lnga gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa dang / rdzu 'phrul gyi yul te/ gzhon nu mngon par shes pa 'di lnga thob par 'gyur ro// de mi'i las 'das pa'i lha'i mig gis shar phyogs kyi sangs rgyas bcom ldan 'das grangs med dpag tu med pa rnams mthong ngo // de bzhi/ du lho dang / nub dang / byang phyogs kyi sangs rgyas bcom ldan 'das grangs med dpag tu med pa rnams mthong ste/ de sangs rgyas mthong ba dang mi 'bral bar 'gyur ro// gzhon nu de ltar na/ byang chub sems dpa' sems dpa' chen po sangs rgyas kyi gter rnyed pa yin no/ / gzhon nu ji ltar na byang chub sems dpa' sems dpa' chen po chos kyi gter rnyed pa yin zhe na/ sangs rgyas bcom ldan 'dra/ de dag phyogs bcu na chos ci ston pa de yang / byang chub sems dpa' sems dpa' chen pos lha'i rna ba'i khams kyis thos te de chos nyan pa dang mi 'bral bar 'gyur ro// gzhon nu de ltar na byang chub sems dpa' sems dpa' chen po chos kyi gter rnyed pa yin no/ / gzhon nu ji ltar na byang chub sems dpa' sems dpa' chen po ye shes kyi gter rnyed pa yin zhe na/ gzhon nu byang chub sems dpa' sems dpa' chen po ye shes de dang ldan pas/ chos thams cad 'dzin te/ kun bzung nas mi brjed cing sems can rnams la chos ston te/ gang gi don gang yin pa de yang rab tu shes so// gzhon nu de ltar na byang chub sems dpa' sems dpa' chen po ye shes kyi gter rnyed pa yin no/ / gzhon nu ji ltar na byang chub sems dpa' sems dpa' chen po sngon gyi mtha' dang / phyi ma'i mtha' dang / da ltar byung ba shes pa'i gter rnyed pa yin zhe na/ de mngon par shes pas 'das pa dang / ma 'ongs pa dang / da ltar byung ba'i sems can thams cad kyi sems dang spyod pa shes pa la 'jug ste/ gzhon nu de ltar na byang chub sems dpa' sems dpa' chen po sngon gyi mtha' dang / phyi ma'i mtha' dang / da ltar byung ba shes pa'i gter rnyed pa yin no// gzhon nu mngon byang chub sems dpa' sems dpa' chen po de lta bu'i chos la gnas pa ni/ sangs rgyas kyi chos thams cad thob par 'gyur te/ de nyan thos dang rang sangs rgyas thams cad kyis yang ma yin na/ pha rol rgol ba thams cad lta ci smos/ de la 'di skad ces bya ste/ mkhas pa rtag tu dgon gnas te// sangs rgyas gter dang chos kyi gter// ye shes gter dang sngon mtha' gter// mngon shes lnga yang myur du 'thob// phan yon bcu'i le'u ste nyi shu dgu pa'o/ / / de nas bcom ldan 'das kyis zla 'od gnon nur gyur pa la bka' stsal pa/ gzhon nu de lta bas na/ lha'i 'khor los sgyur ba'i rgyal srid kyi bde ba yang spangs te/ rab tu byung ngo zhes gzhon nu khyod kyis da ltar bslab par bya'o// gzhon nu rab tu byung nas kyang sbyangs pa'i yon tan yo byad bsnyungs pa la gnas shing dben par gnas pa dang / bzod pa dang nges pa phun sum tshogs par bya'o// gzhon nu mgo dang gos la me 'bar ba bzhin du brtson 'grus brtsams te/ chos thams cad kyi rang bzhin mnyam pa nyid rnam par spros pa'i ting nge 'dzin 'di mnyam par bya/ gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha ton du/ nyon mongs pa med pa'i sgom pas bsgom par bya/ mang du bya/ gzhan la yang rgya cher yang dag par rab tu bstan par bya'o// gzhon nu bse ru lta bur gyur pas gnyis su med par dgon par nags 'dab tu rtag tu gnas par bya'o// gzhon nu bdag nyid yongs su gtong bas kyang sems can de dag gi don bya'o/ / de nas bcom ldan 'das kyis de'i tshe don de nyid brjod pa'i phyir tha 'od gzhon nur gyur pa la sngon byung ba'i le'u ba'i tshigs su ma'i dbyangs kyis yang dag par rab tu bstan to/ / 'das pa'i bskam pa ba mang rab dran te// grags pa mtha' yas 'dren pa gang byung ba// lha mi gru yi tshogs kyis mchong la ste// mtshan nig rdzo brjid chogs rgyal rgyal ba yin/ / dge slong bye ba phrag bcu drug mngon par shes/ yang dag rig dang dbang gi pha rol phyin// sbyangs tshul yo byad bsrungs bzhi pa'i yid// de yi dus na de yi tshogs rnams byung // grong khyer bye ba brgya phrag bdun cu drug/ dpag tshad lnga yi tshad dang mnyam pa ste// rin chen sna bdun bye brag 'phags pa'i mchog/ de tshe 'dzam bu'i gling 'dir byung bar gyur// de tshe grong mchog dam pa de kun kyang / / bskyed mos tshal brgya mang pos rab tu brgyan// bskyed mos tshal kun stug pa'i sprin bzhin du// me tog 'bras bus brgyan cing shing rnams rgyas// bza' shing rigs kyang sna chos mdzes pa dag/ la ku a mra dzam bu ba nas dkrigs// kar ni tsam pa pun na brgya yis kyang // bskyed mos tshal mchog de dag rab tu brgyan// n+ya gro da las bya mang sgra 'byin te// khu byug ka la bing+ga / rma bya brgya// shang shang ti'u dang kun la sgra 'byin pa// bya tshogs mang po de tshe snyan par sgrog/ ngang pa'i rgyal po dang sgyu 'dra ba dang // bung ba ku na la sgra dbyangs mchog sgrog ste// yan lag bkra zhing tshon tshe kha dog 'bar/ / shin tu yid 'ong sgra 'jam dga' ba 'byin// de'i dus bya mang de dag 'dus gyur te// ka la bIng+ga rma bya ne tse dang // khu byug ri skegs bya rnams sna tshogs pa// bya mang de dag sna tshog sgra yang 'byin/ / skyed mos tshal brgya dag na de dag gnas// gtang zung mya ngan 'tshang dang bar sha ka/ a ti mug ta me tog 'dab ma dang // pad+ma ut+pal ku mud pad+ma dkar// pad+ma 'das stong brgya yis rab tu brgyan/ / me tog de dag rdzing bu mdzes par byed// dri zhim spos mchog dam pas so sor brgyan// rdzing bu sdug cing shin tu mdzes par gyur// de na/ 'dzam bu gling 'dir rgyal po ni// mi dbang brtan pas byin zhes bya ba byung // de yi bu yang brgya phrag lnga yod de// byad bzhin bzang zhing shin tu blta na sdug/ de tshe rgyal srid zhi zhing bde bar 'gyur/ gtse ba med cing dbyangs dga' rnal du bab// 'dzam bu'i gling yang me tog mang po sa brgyan// lha yi gnas dang mtshungs shing bye brag med// de tshe sdig mer stobs bcu ldan pa yi// rgyal ba de ni ting 'dzin mchog 'di 'chad/ / srid pa'i 'gro ba rmi lam lta bu ste// 'di la su yang mi skye 'chi ba med// sems can ming dang srog kyang mi sked de// chos 'di rnams ni rmi lam chu shing 'dra// sgyu ma lta bu nam mkha'i glog 'dra ste// chu yi zla ba 'dra zhing smig rgyu bzhin// mi dag 'jig rten 'dir yang shi nas ni// 'jig rten gzhan du 'pho zhing 'gro med kyang // las byas rnams ni nam yang maud mi 'gyur/ / 'khor ba na yang dkar gnag 'bras bu smin// rtag pa ma yin chad par mi 'gyur te// las bsags med cing gnas pa dag kyang med// de yang byas nas reg par mi 'gyur min// gzhan gyis byas pa tshor bar 'gyur ba'ang med// 'pho ba med cing phyir yang 'ong ba med// thams cad yod pa'ang ma yin med pa min// 'di na lta gnas 'jug pa dag pa min// sems can spyod pa rab tu 'ju pa med/ / bde gshegs spyod yul rgyal ba'i yon tan ni// skye med zhi ba mtshan ma med pa'i gnas// stobs dang gzungs rnams dang ni stobs bcu'i stobs// 'di ni sangs rgyas khyu mchog gyur pa'i mchog/ dkar po'i chos mchog yon tan bsags pa ste// yon tan ye shes gzungs dang stobs rnams dang // rdzu 'phrul rnam par 'phrul pa bya ba'i mchog/ mngon shes mchog lnga 'thob pa dam pa tshul phra 'dir ni rang zhin gang na'ang shes pa med/ / 'gro dang 'jug med mkhas pa'i chos kyis 'gros// chos kyi dbyings ni gar yang mi 'gro ste// de 'dra'i 'gro ba 'gro med chos kyi 'gros// dbyangs kyi tshogs med ngo bo nyid kyi 'gros/ / 'gro ba'i rang bzhin gang du'ang mi gnas te// mi gnas mi rten rang bzhin 'jug pa ni// rgyal ba'i spyod yul rdul bral zhi ba'i gnas// zhi ba rab zhi nye bar zhi ba'i 'gros// 'gro ba de ni gar yang mi gnas te// rtag tu dngos po'i rang bzhin rjes su song // mkhas shing mi g.yo mthong dka' shin tu gnas// de ni mi g.yo bdag nyid gnas pa ste// mi gnas ma 'ongs rang bzhin gnas pa yin/ / rang bzhin gnas pa bshad par mi nus te// de ni stong pa mi g.yo chos kyi gnas// dbyangs kyis bshad kyang dbyangs kyi 'jug pa med// dbyangs kyi rang bzhin 'jug pa chos kyi 'gros/ / dbyangs kyi tshogs gnas gang na'ang yod ma yin// de ltar rang bzhin 'jug pa chos kyi 'gros// 'gros kyi sgrar gsungs sems can 'gro ba med// chos kyi rang bzhin mkhas don 'gro ba ste/ / dbyangs kyang brjod de sems can 'gro ba med// dbyangs rnams mi rnyed sems can 'gro ba med// mtha' dang mtha' med ma yin dbus 'gro med// yod med ma/ yin phyogs su 'gro ba med// rang bzhin 'gro ba ci 'dra shes pa ni// rgyal ba mchog gi bstan pa 'di dag mnyam// rdul bral rnam par dag pa don dam gnas// zhi zhing rab zhi rdul med rdul bral ba// rtog dang rlom sems med pa rab zhi gnas// rgyal ba thugs rje'i mchog ldan ston par mdzad// 'di la yi ge spyod pa yod ma yin// 'gro ba yangs shing yang sa dog 'gro ba ste// sangs rgyas dag gis bsnyen cing rgyal bas bstod/ / snang ba'i chos kyi tshul ni 'jug pa phra// de la gnas nas bde gshegs mtshungs med pa// chos kyi gter ni rdul bral yang ba dang // rin chen chos rnams rdul bral don dam stong / / zhi ba'i don la 'jug pa ston par mdzad// rkang gnyis gtso bos ting 'dzin 'di bshad pa// rgyal po brtan byin gyis ni de tshe thos// de ni bye ba khrag khrig brgyad cu dang // rgyal ba snying rje can drung rtag tu 'ong / / rgyal ba stobs ldan gus pa rab skyed de// zhabs la mi yi bdag po phyag 'tshal nas// de tshe stobs bcu ldan pa'i spyan sngar 'dug/ rab tu dga' zhing sor bcu thal mo sbyar/ de yi spyod pa yongs su dag rig nas// dbang po dag la dbang gi pha rol phyin// mi mchog rgyal ba mos pa mkhyen pa yis// de la ting 'dzin dom pa 'di bshad do// rgyal po de ni don dam 'di thos tshe// 'di 'dra'i dga' ba mtshungs med skyes nas su// gling bzhi dag kyang thams cad rnam spangs te// 'dod pa bor nas khyim nas mngon par byung // rgyal bar 'gyur zhes byang chub don tu yang // nam tshe/ rgyal pos sa bor rab byung tshe// 'dzam bu'i rgyal mtshan 'di yi mi kun gyis// 'dod pa'i yon tan rnam spangs rab tu byung // de tshe stobs bcu'i yon tan rgya che ste// brtson yid dge slong ma dang dge slong mang / / de tshe ma rmos ma btab ci 'khrungs te// lha rnams kyang ni g.yog dang bsnyen bkur byed// dur smig chos gos gsum dag byung bar gyur// dra ba mnyam zhing grub legs dpa mad la// dri ma med cing rdul bral gser brgyan pa// sangs rgyas yon tan bsod nams stobs las byung // gzhon nu ltos shig rgyal mchog de yang ni// sa rnams thams cad rnam spangs rab byung na// zad pa'i dus na sems can mang po dag/ shin tu longs spyod chung yang khyim mi gtong // shing sgrog dang ni bcing ba chad pa mang // gshe zhing spyo 'i sdug bsngal mi dga' dang // bla ma'i chad pa mang po bzod par byed/ / longs spyod chud rab khyim na bza' ba med// shin tu tshe yang thung la nor yang med// rab tu bag chung bsod nams stobs kyang med// mi mkhas bzo yi gnas kyang mi shes te// dbul por gyur cing khyim na nor yang med// dri ma ma dag gzhan gyis bud med chags// phrag dog byed cing shin tu btsam pa med// nyon mongs chos ldan tshul la mi gnas kyang // nged ni sangs rgyas nyid du 'gyur zhes smra/ / gsug gis su zhing bab chol byed pa dag/ nga ni phyug po 'jig rten chos nor sbyin// gnod pa byed cing tshul 'chos sgyu ma dag/ nged ni sangs rgyas nyid/ du 'gyur zhes smra// gzhan dag bsad cing bcing dang gtse la dga'// tshul khrims 'chal pa ma rung zhe sdang yid// byas pa mi gzo dbyen byed 'tshe bar gnas// btsun pa byang chub spyod pa ston ces smra// gang las des ni byang chub spyod thos pa// de nyid la ni khong khro rab bskyed nas// mkhas pas 'khrul pa'i tshig dga' thos nas yang // de la mi snyan brgya dag sgrog par byed// gzhon nu nga yi tshig ni thos nas ni/ / de dag dang ni sten par ma byed cig/ byang chub dam pa reg par 'dod na ni// rmi lam du yang de la yid ma rton// sbyangs tshul bsnyungs pa yon tan du ma brjod// yon tan bskal pa mang po brgyar bshad kyang / / de yi sa yon tan dag la mi gnas na// byang chub zhi ba mchog ni rtogs mi 'gyur// khor mor yang ni dge zhing 'jam par gyis// tshul khrims dag cing rtag tu dad pa'i yid// khor mor tshul khrims yongs su dag par gyis// ring por mi thogs ting 'dzin mchog thob 'gyur// nga rgyal ma byed thab ma skyed par// rtag tu yid ni yongs su dag par gyis// nga rgyal rgyags dang 'chab pa mun spongs la/ / ting 'dzin mchog 'di rab tu thob par gyis// rtag tu yon tan las ni rgyal ba dran// gser mchog mdog 'dra shin tu 'od mdzad pa/ mtshan mo gnam la skar mas gang bltar// thub pa'i sku ni mtshan gyis yongs su rgyas// 'chag cing 'dug dang 'greng zhing nyal ba na// mi gang thub pa'i zla ba dran byed pa// de yi mdun na rtag tu ston pa bzhugs// de ni rgya cher mya ngan 'das par 'gyur/ / gdugs dang rgyal mtshan bla re ba dan mchog/ phye ma byug pa mang po kun thogs la// rtag tu bde bar gshegs la mchod pa gyis// ring por mi thogs ting 'dzin mchog 'di thog/ spos mchog phreng ba me tog sdug pa dang / / rol mo sil snyan mang po rab thogs la// rgyal ba'i mchod rten dag la mchod pa gyis// ring por mi thogs ting 'dzin mchog 'di thog/ glu gar bzang po sna tshogs mang po dang / / yid btsang bzhad gad rol mo bzang po dang // rtag par mar me'i 'phreng sdug bzang po yis// mtshungs pa med la mchod bzang rab tu gyis// 'khar rnga dang ni sgra snyan rdza rnga brgya// rnga dang gling bu'i sgra mchog sna tshogs dang / / sgra snyan rol mo'i yon tan sna tshogs kyis// dang ba'i yid ldan 'dren pa mchod par gyis// sangs rgyas sku gzugs shin tu mdzes pa dag/ rin chen byi dor legs par byas pa yang // blta na sdug cing shin tu bzang po gyis// ring por mi thogs ting 'dzin mchog 'di thob// de bzhin gser dag dang ni dngul dag dang // tsan dan gyi ni sku gzugs bzang po dag/ mdzes shing shin tu bsta na sdug pagyis/ / ring por mi thogs ting 'dzin mchog 'di thob// 'jim pa dang ni de bzhin rdo ba dang // shing dang ri mo bris pa'i sku gzugs dang // mdzes shing shin tu blta na sdug pa gyis/ ring por mi thogs ting 'dzin mchog 'di thog/ rtag tu nags khrod dben par bsten par gyis// grong dang khyer dga' ba rnams spongs la// bse ru lta bur gnyis su med par gyis// ring por mi thogs ting 'dzin mchog 'di 'thob// nga ni chos rje khyod ni nga yi bu// nga yi ting 'dzin spyod pa rjes su slobs// nga ni de tshe phyogs su grags pa yi// mi dbang bstan pas byin zhes bya bar gyur// ting 'dzin zhi ba mchog 'di tshol ba'i phyir// ngas sngon sangs rgyas mtha' yang mchod pa byas// rtag par ngas ni tshul khrims rnam dag bsrungs// nga yis stobs bcu dag la ri mor byas// ting 'dzin zhi pab mchog 'di tshol ba'i phyir/ / ngas sngon bu dang chung ma yongs btang ste// mgo dang rkang lag mig mchog bzang po byin// zhum pa'i sems su nam yang yong ma byas// ting 'dzin zhi ba mchog 'di tshol ba'i phyir/ / nor 'bru bran pho bran mo brgya mang dang // rin chen mang po ngas ni yongs btang ste// slong ba mang po shin tu tshim par byas// ting 'dzin zhi ba mchog 'di tshol ba'i phyir// ngas sngon gser dang mu tig shel mang dang / / dung dang man shel dang ni bai DUR+Ya// nor bu gzugs gtsang byi ru 'bru rnams btang // ting 'dzin zhi ba mchog 'di tshol ba'i phyir// ngas ni rnam pa sna tshogs rgyan rnams dang / / mu tig phreng mchog de bzhin sang ge can// rin chen dra ba bzang zhing mang po btang // ting 'dzin zhi ba'i mchog 'di tshol ba'i phyir// ngas sngon gos mchog phra mo bye ba dag/ yongs su gtsang ba ka shig du gul mchog/ gser gyis spras pa mang po yongs su btang // ting 'dzin zhi ba mchog 'di tshol ba'i phyir// rta dang ba lang shing rta sna tshogs dang // bu dang chung ma rab sdug ngas btang ste/ / yid mi bde ba nam yang ma byung ngo // ting 'dzin zhi ba mchog 'di tshol ba'i phyir// tshol bas sdug bsngal nyon mongs gyur pa yi// shin tu dbul ba'i mi dag ngas mthong nas// de dag ngas ni dbul ba med par byas// ting 'dzin zhi ba mchog 'di tshol ba'i phyir// rta dang ba lang shing rta khrag khrig dag/ nor bu rin chen brgyan pa'i dra bas g.yogs// ngas sngon slong ba dag la sbyin par bya/ / ting 'dzin zhi ba mchog 'di tshol ba'i phyir// ngas sngon bskyed mo'i tshal ni mang po dag/ bye ba khrag khrig legs par brgyan byas te// yid kyang dga' zhing snying rje bskyed nas byin// ting 'dzin zhi ba mchog 'di tshol ba'i phyir// grong dang grong khyer yul 'khor grong 'dab kyang // ngas sngon legs par brgyan nas yongs su btang // byin nas rtag tu dga' ba myong bar byas// ting 'dzin zhi ba mchog 'di tshol ba'i phyir// rin chen phung po ri rab mnyam pa dang // de bzhin gos dang rgyan rnams mang po yang // ngas sngon slong ba dag la sbyin pa byas// ting 'dzin zhi ba mchog 'di tshol ba'i phyir/ / shin tu dbul ba ngas ni phyug por byas// rab tu nyon mongs gyur pa ngas bskyabs te// sdug bsngal gtses pa mang po bde bar byas// ngas ni sa steng dbang phyug gyur pa'i tshe/ / skye bo'i tshogs rnams sdug bsngal mthong nas ni// snying rje bskyed nas bde bar gyur cig ces// de dag la ni nga yis rgyal srid btang // gzhon nu ngas ni/ ngo mtshar byas pa dang // bskal pa brgya mang dka' ba ci spyad pa// ngas ni bskal pa bye ba khrag khrig tu// de dag bshad kyang zad par mi nus so// ting 'dzin zhi ba mchog 'di tshol ba'i phyir// ngas ni ngo / mtshar dka' ba spyad pa ni// bde bar gshegs pa'i spyod la ma dad pa// mi rnams sems ni mos shing bslad par 'gyur// gzhon nu khyod la shin tu bsgo bar bya// dad par gyis shig nga la mi bden med/ / bde gshegs rdzun gyi tshig ni mi gsung ste// thugs rje rgyal ba rtag tu bden par gsung // ji ltar ting 'dzin mchog kyang 'thob 'gyur zhing // sems can khrag khrig sdug bsngal/ zar bya zhes// bskal pa mang por spyod pa 'di dag dang // gzhan yang ngas ni rnam pa mang po spungs// skad cig gang la ting 'dzin 'di yang ni// nga yis rab tu thob par gyur pa'i tshe// ting 'dzin dam pa ye shes chen po'i lam/ / ngos thob sangs rgyas khrag khrig mang po mthong // rdzu 'phrul dag kyang mtha' yas ngas thob ste// zhing brgya dag tu rnam par sprul pas 'gro// song nas ngas ni snying rje ldan pa la/ / dri ba bye ba khrag khrig mang po dris// bde gshegs dag gis nga la ci bstan pa// de tshe dri ba bye ba khrag khrig bzung // nga yis ma lus thams cad bzung byas te// tshig gcig tsam yang ngal nyams pa med/ / dri ba bye ba khrag khrig mang po yi// yang dag pa yi tshul de ngas thos nas// rdul bral zhi ba'i gnas de ngas bshad de// sems can mang po ye shes lam la bkod/ / ngas ni ting 'dzin 'di la gnas nas su// bskal pa brgyar yang yang dag tshul bslabs te// ngas sngon sems can bye ba khrag khrig rnams// rdul dang bral ba'i lam mchog dam par bkod/ / gang gis sngon gyi bde bar gshegs pa dag/ rdul dang bral ba'i tshul 'di ston pa rnams// ma mthong bas ni don dam stong pa yi// ting 'dzin mchog la dad par mi nus so// mi gang da cing mkhas la cho ga shes/ / yang dag tshul zab tshul rnams thob pa ni// de dag mi skrag dngang bar mi 'gyur te// thos nas rtag tu yid kyang rangs par 'gyur// de dang de dag byang chub 'di 'dri te/ de dag rjes su skyes pa nga yi bu// de dag u dum wA ra'i me tog 'dra// de phyir bskal pa brgyar yang ngas spyad do// ting 'dzin mchog 'di mi gang 'dzin pa ni// de dag log par ltung ba'i 'jigs pa med/ / rtag tu mi khom brgyad dang de bral te// sangs rgyas khrag khrig shin tu mang po mthong // gang gi lag na ting 'dzin mchog yod pa// rgyal ba byams pa grags pa mtha' yas bzhin// sems can rnams kyi don mang byer 'gyur zhes// blo gros mtha' yas des ni nga lung bstan// ting 'dzin mchog 'di mi gang 'dzin pa ni// de dag dran dang ldan zhing blo gros ldan// rtogs ldan ye shes 'phags pa thos pa 'dzin/ / de yi spobs pa dag kyang rgya cher 'gyur// mi gang ting 'dzin mchog 'di 'dzin pa ni// lha rnams kyis kyang mchod par bya ba yin/ / mis kyang rtag tu phyag byar 'os pa ste// khor mor 'byung ba'i tshogs kyis mngon par bsrung // mi gang ting 'dzin mchog 'di 'dzin pa ni// de dag me dang chur yang mi 'chi zhing // de la dug dang mtshon gyis mi tshugs te/ / dgra dag gis kyang brgal bar mi nus 'gyur// mi gang ting 'dzin mchog 'di 'dzin pa ni// de dag nags khrod gshong gnas rtag par yang // lha dag khor mor bsnyen bkur byed par 'gyur/ / gnod sbyin mang po de yi g.yog kyang byed// mi gang ting 'dzin mchog 'di 'dzin pa ni// ye shes dag kyang rgya mtsho 'dra bar 'gyur// thub pa'i yon tan brjod la thogs pab med/ / sangs rgyas yon tan yang dag brjod par byed// mi gang ting 'dzin mchog 'di 'dzin pa ni// de yi thos pa mtha' yas mu med de// tshad snyed mi 'gyur ji ltar nam mkha' bzhin// ye shes sgron ma 'dzin cing rab rib sel/ / mi gang ting 'dzin mchog 'di 'dzin pa ni// rtag par 'jam zhing rigs pa'i tshig smra ste// 'khor gyi nang du dga' bar 'gyur ba ston// seng ge bzhin du de ni sgra rnams sgrog/ mi gang ting 'dzin mchog 'di 'dzin pa ni// de dag sman pa dpyad mkhan 'dra bar yang // mang po'i rten dang dpung gnyen skyabs su 'gyur// 'jig rten dag na snang bar gyur cing spyod// mi gang ting 'dzin mchog 'di 'dzin pa ni// 'khrig pa dag la yid kyang dga' mi byed// zhi gnas dga' zhing bsam gtan bde ba reg/ rab tu zhi ba'i dbyangs su zhi bar smra// mi gang ting 'dzin/ mchog 'di 'dzin pa ni// de yid mtshan ma dag la mi dga' ste// mtshan ma mang po thams cad rnam par bshig/ mkhas pa rtag tu mnyam par bzhag cing spyod// mi gang ting 'dzin mchog 'di 'dzin pa 'di/ / de'i mig kyang tha mal ma yin 'thob// des ni rgyal ba mtha' yas mthong bar 'gyur// mtha' yas mig ldan de ni khyu mchog 'gyur// mi gang ting 'dzin mchog 'di 'dzin pa ni// khrung khrung sgra dbyangs 'jam zhing mnyen dang ldan// ka la bing+ga rnga yi dbyangs su 'gyur// glu dbyangs ldan zhing sgra skad 'jam par 'gyur// mi gang ting 'dzin mchog 'di 'dzin pa ni// sprin gyi 'brug sgrags pa yi skad rnams dang / / ngang ba'i sgra dbyangs bzhin du 'jam par sgrog/ dbyangs kyi yan lag lnga brgyar ldan pa'i sgra// mi gang ting 'dzin mchog 'di 'dzin pa ni// bskal pa bye ba mang po khrag khrig tu/ / dbyangs kyi yan lag sna tshogs ldan pa yi// sgra dbyangs snyan pa bsam gyis mi khyab 'byung // mi gang ting 'dzin mchog 'di 'dzin pa ni// zas la yid kyang chags par mi 'gyur te// lhung bzed chos gos dag la dga' ma yin// 'dod pa nyung zhing chog shes yo byad bsnyungs// mi gang ting 'dzin mchog 'di 'dzin pa ni// bdag nyid la yang stong par mi 'gyur zhing // gar yang gzhan la mi snyan mi brjod de/ / rtag tu bsam gtan dga' zhing phra ba'i sems// mi gang ting 'dzin mchog 'di 'dzin pa ni// rtag tu bdag nyid la yang rtogs 'gyur te/ gzhan gyi 'khrul pa dag ni de mi tshol// 'jig rten kun dang de ni mi 'phrod med// mi gang ting 'dzin mchog 'di 'dzin pa ni// spyod pa yongs dag sems la nyon mongs med// rtag tu g.yo yang med cing 'drid pa med/ / khor mor 'jam zhing rnam par thar la dga'// mi gang ting 'dzin mchog 'di 'dzin pa ni// rtag tu gtong la shin tu mos par 'gyur// de ni ser sna'i sems la dga' mi byed// khor mor tshul khrims dang yang ldan par 'gyur// mi gang ting 'dzin mchog 'di 'dzin pa ni// byad bzhin bzang zhing blta sdug mdzes pa ste// mdog kyang gser mdog 'dra bar snang bar byed// sum cu rtsa gnyis mtshan rnams 'chang bar 'gyur// mi gang tib 'dzin mchog 'di 'dzin pa ni// de dag rtag par rab tu mdzes par 'gyur// khor mor rtog cing skye bo mang po la// phangs shing sdug ste/ lta bas mi ngoms 'gyur// mi gang ting 'dzin mchog 'di 'dzin pa ni// lha dang klu dang de bzhin gnod sbyin rnams// rtag tu yid rangs dga' zhing mgu nas ni// grong du zhugs nas de yi bsngags ba smra/ / mi gang ting 'dzin mchog 'di 'dzin pa ni// tshangs pa brgya byin dbang sgyur mang po dag/ rtag par de la rim gro rab tu byed// de yi yid kyang khengs par yong mi 'gyur// mi gang ting 'dzin mchog 'di 'dzin pa ni/ / de la ngan 'gro'i 'jigs pa mi 'byung ste// mi khom med cing log ltung 'jigs pa med// log ltung 'jigs pa kun las yongs su grol// mi gang ting 'dzin mchog 'di 'dzin pa ni/ / sangs rgyas chos mchog zhib mo thos nas kyang // de la nem nur yid gnyis mi 'byung ste// ye shes zab mo'i rjes su song ba yin// mi gang ting 'dzin mchog 'di 'dzin pa ni// phra ba'i chos rnams gang dag ci thos kyang / / thams cad la ni dbang gi pha rol song // gtan tshigs zhib cing stobs dang ldan par 'gyur// mi gang ting 'dzin mchog 'di 'dzin pa ni// rgyal bas gsungs ni de skad rab bshad de/ / rtag par dag ni de ltar bya snyam na// gzungs ni bye brag 'phags pa mchog thob 'gyur// mi gang ting 'dzin mchog 'di 'dzin pa ni// nam tshe de yang 'chi ba'i dus byed pa// 'od dpag med pa thugs rjer ldan pa ni/ / dge slong tshogs bcas de yi mdun na bzhugs// mi gang ting 'dzin mchog 'di 'dzin pa ni// de dag gzungs rnams rab tu thob par 'gyur// chos kyi gter la dbang ba'i pha rol phyin/ / spobs dang ldan zhing tshig kyang rgyun mi 'chad// mi gang ting 'dzin mchog 'di 'dzin pa ni// chos 'dzin de dag gang du song ba yang // 'gro ba dag la kun tu snang bar 'gyur// shin tu spyod pa zhi zhing yid rabazhi/ / rab tu dga' dang dri med 'od byed dang // 'od 'phro shin tu sbyang dka' mngon gyur dang // ring du song dang mi g.yo legs pa'i blo// chos sprin sa bcu po yang thob par 'gyur// tshe dang las dang yo byad mos pa dang / / smon lam rdzu 'phrul skye ba'i stobs rnams dang // chos dang sems dang de bzhin ye shes che// dbyung bcu 'di dag dpa' bos thob par 'gyur// mig cing 'dzin mchog 'di 'dzin pa ni/ / mkhas pa chos kyi mdzod mchog rnam 'byed cing // chos kyi skul dbang ba'i pha rol phyin// de ni 'gro ba kun gyi the tsom gcod// sems can thams cad bcom ldan snying rje can/ / srid pa'i mthar phyin bde gshegs gyur pa la// bskal pa mang po brgya'am gang+gA yi// bye ma snyed dam lhag par mchod byas pas// zad pa'i dus na mi gang la la yi// 'dir yang ting 'dzin 'di thos nas su/ / yi rang zhes ni tshig gcig smras na yang // snga ma'i bsod nams phung pos char mi phod// gzhon nu su dag zhi ba'i spyod pa 'di// don dam stong pa ting nge 'dzin gyi mchog/ rab tu 'don dang de bzhin glegs bam byas/ / chos smra blo gros dam pa gnas pa yin// gzi brjid tshogs kyi rgyal po'i le'u ste sum cu pa'o// // de nas yang bcom ldan 'das kyis// zla 'od gzhon nur gyur pa la bka' stsal pa/ gzhon nu de lta bas na/ byang chub sems dpa' sems dpa' chen po gang ci nas bdag sems can thams cad kyi sgra dang skad shes pa rtogs shing dbang po mchog dang mchog ma yin pa rnam par rig nas chos bstan to snyam pa'i byang chub sems dpa' sems dpa' chen po des/ gzhon nu chos thams cad kyi rang bzhin mnyam pa nyid rnam par spros pa'i ting nge 'dzin 'di mnyan par bya/ gzung bar bya/ kun chub par bya/ bcang bya/ bklags par bya/ rab tu gdon par bya/ lung nod cing kha ton du bya/ nyon mongs pa med pa'i sgom pas bsgom par bya/ / mang du bya/ gzhan la yang rgya cher rab tu bstan par bya'o// de nas de'i tshe bcom ldan 'das kyis tshigs su bcad pa 'di dag gsungs so// thar par 'dod pa'i ting 'dzin rdul bral 'di 'dzin na/ / des ni 'das pa'i 'dren pa tshad med rnams kyang mthong // sngon gyi srid par brtson byas 'jig rten mgon po'i dris// byang chub sems dpa' dge ba'i rtsa ba mchog la gnas// thar pa 'dod pa'i ting 'dzin rdul bral 'di 'dzin na// lha dang mi yi bde ba gya nom rnyed par 'gyur// lha dang mi yi mchod pa dam pa des 'thob ste// bsam gtan bde dang 'phags pa'i bde ba mchog kyang 'thob/ / thar pa 'dod pa ting 'dzin rdul bral 'di 'dzin na// bsngags pa rgya cher thos kyang de ni dga' mi 'gyur// mi snyan pa dag thos kyang zhum par mi 'gyur te// 'jig rten chos brgyad dag gis mi skul ri bo bzhin/ / thar pa 'dod pa'i ting 'dzin rdul bral 'di 'dzin na// dge zhing mnyen par smra la 'jam pa'i tshig dang ldan// khro gnyer med cing rtag tu gsong por smra bar 'gyur// bzhin yang 'dzum zhing 'dren pa dag gi rjes su slob// thar pa 'dod pa'i ting 'dzin rdul bral 'di 'dzin na// des shing 'grogs na bde la mdza' ba'i sems su 'gyur// rtag par rab tu dul zhing dul ba'i sa la gnas/ / 'jam zhing dga' ba'i tshig smra shin tu bde bar zer// thar pa 'dod pa ting 'dzin rdul bral 'di 'dzin na// de ni gtam byed 'gyur yang rtsod cing 'thab pa med/ / zhe sdang tha ba de dag ma lus rnam spangs te// rtag par rab tu dga' zhing des la mnyen pa yin// thar pa 'dod pa'i ting 'dzin rdul bral 'di 'dzin na// mkhas pa rtag tu gtong la mos par rab 'gyur te/ / shin tu sdug bsngal skye bo mthong nas kha zas sbyin// gtong la shin tu dga' zhing bdag nyid spyod mi dga'// thar pa 'dod pa ting 'dzin rdul bral 'di 'dzin na// lha yang brgya stong de la smon pa shin tu skye/ / klu dang lha min gnod sbyin rtag tu g.yog byed de// nags dang nags 'dab gnas pa de la bsrung bar byed// tshig ni thogs pa med cing tshangs pa'i sgra dbyangs te// dang po'i sgra skad mi 'am ci yi glu yi dbyangs/ / dbyangs kyi yan lag lnga brgya dga' ba'i sgra skad de// sgra sgrags shin tu grags pa'i sgra yi mchog tu 'gyur// ji snyed zhing rnams de dag skyes bu la la yis// phra ba'i rdul du byas pa shes par nus kyang na/ / ting 'dzin rdul bral mchog 'di mi gang 'dzin pa dag/ de yi dbyangs sgra de bas shin tu mang bar 'gyur// ting 'dzin rdul bral 'di yang mi gang 'dzin pa na/ dbang bcu 'thob cings yang brgyad dang gnyis 'thob ste// mkhas pas sangs rgyas chos rnams bsam yas thob par 'gyur// bdud rnams thams cad btul nas byang chub dam pa reg/ phan yon gyi le'u ste sum cu rtsa gcig pa'o/ / // de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na byang chub sems dpa' sems dpa' chen po/ gang ji ltar chos thams cad kyi rang bzhin shes par bya snyam pa'i byang chub sems dpa' sems dpa' chen pos des chos thams cad kyi rang bzhin mnyam pa nyid rnam par spros ba'i ting nge 'dzin 'di mnyan par bya/ gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha ton tu bya/ nyon mongs pa med pa'i sgom pas bsgom par bya/ mang du bya/ gzhan la yang yang dag par rab tu bstan par bya'o// de nas bcom ldan 'das kyis de'i tshe tshigs su bcad pa 'di dag gsungs so// chos kyi rang bzhin shin tu zhi ba gang shes pa/ / de la 'dod chags ldang ba med cing zhe sdang med// khyu mchog la ni nam yang gti mug ldang ba med// des ni nyon mongs ma lus thams cad spangs pa yin// chos kyi rang bzhin shin tu zhi ba gang shes pa/ / de ni bde gshegs thugs sras bslab pa yang mi 'dor// dpa' bo bud med dbang du nam yang mi 'gro ste// de dang der ni bde gshegs bstan pa'i dga' ba myong / / chos kyi rang bzhin tshul khrims rigs pa gang shes pa// de ni mkhas pa blo ldan ye shes cho ga shes// de dang de ni sangs rgyas mtha' yas mu med mthong // de ni gzugs dang ye shes mtha' las rab tu shes/ / chos kyi rang bzhin shin tu zhi ba gang shes pa// de ni ring po mi thogs rkang gnyis gtso bor 'gyur// de ni sman pa dpyad shes bde ba sbyin par 'gyur/ deni sdug bsngal zug rngu thams cad 'byin par byed// chos kyi rang bzhin shin tu zhi ba gang shes pa// de ni sems can 'di dag sdug bsngal na rig nas// de ni rtag tu bdud rtsi dag gi rnga dag brdung / / de dang de ni ring po mi thogs 'dren par 'gyur// de ni sman gyi tshul la mkhas pa sman pa'i mchog/ thams cad nad kyi gzhi dang gang gis 'thar pa shes// de ni yang dag tshul la bslabs pa blo gros ldan/ / bslabs nas shin tu 'khyams pa'i sems can mang po 'grol// chos kyi rang bzhin shin tu zhi ba gang shes pa// de ni stong pa nyid kyi tshul mkhas blo gros dpa'// de ni 'jig rten rtag tu ma chags bsod snyoms za/ / de ni sems can mang po byang chub mchog la 'god// chos kyi rang bzhin shin tu zhi ba gang shes pa// de ni mi yi zla ba bzod pa stobs kyis 'phags// de ni rdo dang dbyig pas brdegs kyang mi khro ste// de ni lus dang yan lag ga cad kyang 'khrug pa med// chos kyi rang bzhin shin tu zhi ba gang shes pa// de ni bzod pa'i stobs la gnas pa stobs ldan yin// de ni rab tu zhi ba'i bzod pa'i dngos mi mthong // de ni blo dpa' bzod pa'i stobs la rlom sems med// chos kyi rang bzhin shin tu zhi ba gang shes pa// de ni bdag cag snyam du rnams kyang sems mi 'gyur// de yis srid pa thams cad rnam pashig rtag tu stong // de yi 'du shes thams cad ma lus rab tu spangs// de dang de dag chos kyi rang bzhin dam pa ston// de dag ring por mi thogs bla med byang chub reg gang dag chos kyi rang bzhin spyod yul nges rtogs pa/ / de dag gis ni sbyin pa mtha' yas mu med byin// chos kyi rang bzhin shin tu zhi ba gang shes pa// de ni mdo sde bye ba mtha' yas 'chad par byed/ / de las lhag par gang+gA'i klung gi bye ma snyed// bshad kyang de yi spobs pa'i rgyun ni 'chad pa med// chos kyi rang bzhin shin tu zhi ba gang shes pa// de ni bskal pa bye ba khrag khrig stong du yang // ye shes dag ni rtag tu 'phags par rab bzhin// chos rnams ston pa dag ni zad par yong mi 'gyur// chos kyi rang bzhin shin tu zhi ba gang shes pa// spobs pa yangs shing rgya cher bsam gyis mi khyab 'gyur/ / byang chub dam pa rtag tu khor mor tshol ba na// mdo sde dag kyang bye ba mtha' yas rab tu 'chad// chos 'di thams cad dngos po med par gang shes pa// rkang gnyis gtso bos chos gang bshad cing bstan pa yang / / de dag thams cad thos nas yongs su rdzogs par 'dzin// de ni tshig gcig la yang the tsom 'byung mi 'gyur// chos kyi rang bzhin rtag tu stong par gang shes pa// de ni rtag tu bye brag 'phags shing gtong ldan 'gyur/ / sdug bsngal dag la bde ba sbyin pa'i sbyin bdag yin// sems can sdug bsngal mthong nas rin chen tshim par byed// chos kyi rang bzhin rtag tu stong par gang shes pa/ de ni rtag tu 'dzam bu rgyal mtshan rgyal por 'gyur// dus kun tu yang srog chags rnams la byams ldan te// rtag tu mtha' yas pa yi bde ba byed par 'gyur// chos kyi rang bzhin rtag tu stong par gang shes pa// dpa' bo bu dang bu mo bran dag gtong bar byed// mgo dang lag pa de bzhin rgyal srid yongs su gtong // khyu mchog de yi yid ni zhum par yong mi 'gyur/ chos kyi rang bzhin rtag tu stong par gang shes pa// de yi lus dang yan lag gal te bcad gyur kyang // rmi lam na yang de yi yid la khong khro med// des ni 'dren pa rkang gnyis gtso bo mchod pa yin// chos kyi rang bzhin rtag tu stong par gang shes pa// des ni 'das pa'i 'dren pa thams cad mchod pa yin// de bzhin ma byon pa yi rkang gnyis gtso bo mchod// des ni 'dren pa bzhugs pa thams cad ri mor byas/ / gang dag mdo sde 'di thos zad pa'i dus la 'dzin// de ni mkhas pa bde bar gshegs pa'i mdzod 'chang yin// de ni gzungs mchog dag la rab tu gnas pa ste// de ni ring por mi thogs 'jig rten 'dren par gyur/ / gang gis mdo sde 'di dag rab bshad mi brjed pa// mkhas pa de ni long bar nas kyang mi 'gyur te// bskal pa mang por yan lag ma tshang yong mi 'gyur// de ni mi khom brgyad po dag kyang rtag tu spangs// de ni ngan 'gror nam yang 'gro bar mi 'gyur te// rtag tu mtshan rnams 'chang zhing byad bzhin bzang por 'gyur// mngon shes lnga po de dag rtag par des bsgoms te// dpa' bo de ni rtag tu bde gshegs spyan sngar gnas/ / ye shes can de 'phrul pa mang po sprul byas nas// zhing rnams bye ba mang por 'dul ba'i don phyir gtong // sangs rgyas sprul pa mang po gang gis mthong 'gyur ba// de yis sems can mang po byang chub mchog tu btsud/ / gang dag mdo sde 'di thos zad pa'i dus la 'dzin// de ni dran ldan blo gros ldan zhing shes rab can// de ni rtag tu mthu dang brtson 'grus stobs kyis brtan// gzi brjid chen po chos kyi pha rol phyin par 'gyur/ / zad pa'i dus la ting 'dzin zhi ba 'dzin pa ni// dpa' bo de ni tshangs pa'i gnas la shin tu gnas// des ni myur dus yang brgyad dang gnyis dag thob// de ni myur zhing mgyogs par bdud rnams shin tu 'dul/ / gang gis mdo sde zhi ba 'di ni rtag bsgoms pa// dbang dang ldan zhing mngon par 'phags pa stobs dang ldan// de ni sems can dam pa sems can don phyir brtson/ / de ni byang chub shing drung byang chub mchog rtogs 'gyur// gang gis chos 'di rnams ni stong par goms byas pa// de dag 'od zer bye ba stong rnams rtag tu 'gyed// nyi ma'i dkyil 'khor dag kyang thams cad gzi med byas/ / dpa' bo de dag mi ring 'jig rten 'dren par 'gyur// ngas sngon spyod yul zhi ba 'di ni rab tu bsgoms// bskal pa mang po bye ba khrag khrig stong du yang // lam 'dir ngas ni nam yang brtson 'grus rgyun ma bcad// de tshe mar me mdzad kyis rgyal bar lung yang bstan// mdo sde 'di la khyed kyang nga yi rjes su slobs// tshul 'di zab cing dam pa'i don rnams bstan pa ste/ / 'di la mu stegs log pa mang po 'di dag 'khyams// byang chub la ni smad byas ngan song 'jigs par lhung // bskal pa mang po bye ba khrag khrig stong du yang // de dag sdug bsngal mi bzad tsha ba de myong nas// bskul pa khrag khrig mang po dag ni 'das nas yang // de ni de dag mi 'chi 'thob pa'i rgyur 'gyur ro// gang dag phyi dus 'jigs la bde bar gshegs pa yi/ / mdo sde rab tu zhi ba 'di ni srung byed pa// de dag byang chub mchog rab 'di ni rnyed mi dka'// de dang de dag phyi dus chos 'dzin lung bstan yin// chos thams cad kyi rang bzhin nges par bstan pa'i le'u ste sum cu rtsa gnyis pa'o/ / // 'phags pa ting nge 'dzin gyi rgyal po'i mdo// bam po bcu pa// / de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na byang chub sems dpa' sems dpa' chen po/ chos thams cad la mngon par shes pa chen po'i byi dor bya ba yongs su sbyang bar 'dod pas/ chos thams cad kyi rang bzhin mnyam pa nyid rnam par spros pa'i ting nge 'dzin 'di mnyan par bya/ gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha ton du bya/ nyon mongs pa med pa'i bsgom pas bsgom par bya mdudag/ gzhan la yang rgya cher yang dag par rab tu bstan par bya'o// gzhon nu chos thams cad la mngon par shes pa chen po'i byi dor bya ba gang zhe na/ 'di lta ste/ chos thams cad la yongs su 'dzin pa med cing tshul khrims kyi phung po mchog tu mi 'dzin pa/ ting nge 'dzin gyi phung po rlom sems med pa/ shes rab kyi phung po rgyu ba med pa/ rnam par grol ba'i phung po dben par mthong ba rnam par grol ba'i ye shes mthong ba'i phung po yang dag pa ji lta ba bzhin du mthong ba ste/ byang chub sems dpa' sems dpa' chen po mngon par shes pa de dang ldan pas/ ting nge 'dzin gyi rnam par sprul pa thams cad kyis rnam par 'phrul zhing sems can rnams la chos ston pa 'di ni/ gzhon nu chos thams cad la mngon par shes pa chen po'i byi dor bya ba yin no/ / de nas de'i tshe bcom ldan 'das kyis chos thams cad la mngon par shes pa chen po'i byi dor bya ba bstan pa chos kyi rnam grangs 'di zla 'od gzhon nur gyur pa la tshigs su bcad pa'i dbyangs kyis rgya cher yang dag par rab tu bstan to/ / mngon shes chen po yongs sbyangs pa// rtsod pa med par bstan pa ste// brtsod pa dag la gang spyod cing // 'dzin par byed pa de mi mthar// mngon shes de yi shes rab ste/ / sangs rgyas ye shes bsam mi khyab// 'dzin pa la ni gang gnas pa// de la ye shes yod mi 'gyur// gang dag sgra yis bstan pa yi// chos rnams mang po bsam mi khyab// sgra de la yang gang chags pa/ / dgongs pa'i bshad pa mi shes so// cing la dgongs te bshad pa yi// dgongs pa dag ni mi shes pa// chos nyid la ni ma bslabs pas// chos ma yin pa chos su 'chad// 'jig rten khams ni stong dag tu/ / ngas ni mdo sde gang bshad pa// tshig 'bru tha dad don cig ste// thams cad brjod par nus ma yin// tshig gcig rnam par bsgoms na ni// de dag thams cad bsgoms par 'gyur/ / sangs rgyas ji snyed thams cad kyis// chos rnams mang por rab bshad pa// chos rnams thams cad stong pa nyid// mi gang don la mkhas pa dag/ tshig 'di bslabs par gyur pab la/ / sangs rgyas chos rnams dkon ma yin// chos kun sangs rgyas chos yin te// chos nyid la yang gang bslabs pa// chos nyid rab tu shes pa ni// chos nyid dang yang 'gal mi byed// tshig kun kyang ni sangs rgyas tshig/ sgra kun dngos po med pa ste// phyogs bcu dag tu btsal na yang // sangs rgyas tshig ni mi rnyed do// tshig 'di sangs rgyas tshig yin te// phyogs bcu dag tu rab btsal kyang // bla med 'di ni mi rnyed do/ / ma rnyed snyed par mi 'gyur ro// sangs rgyas tshig ni bla na med// lhag na med pa sangs rgyas tshig/ de la rdul tsam mi rnyed pas// de tshe bla na med ces brjod// chos ni rdul tsam mi skye ste/ rdul tsam slar ni bshad pa yin// rdul tsam rnyed par ma gyur kyang // 'jig rten du ni sgra yis bshad// chos rnams rnyed med rnyed pa ste// rnyed pa la yang rnyed pa med// de ltar chos rnams gang shes pa// byang chub dam pa rtogs par 'gyur// byang chub bla med des rtogs nas// chos kyi 'khor lo rab tu bskor// chos rnams 'khor lo rab bskor nas// sangs rgyas chos rnams ston par byed// sangs rgyas bla na med pa ni/ / byang chub sems dpa' rtogs par byed// sangs rgyas ye shes rtogs byed pas// sangs rgyas shes kyang de phyir brjod// dngos med smon pa med pa dang // mtshan ma med dang stong pa nyid/ / rnam thar sgo ni 'di dag gis// sgo dag sangs rgyas rab tu ston// mig dang rna ba sna dag dang // lce dang lus dang de bzhin yid// de dag rang bzhin stong pa ni// sangs rgyas dag gis rab tu bshad// de lta bu yi chos rnams kyi// rang bzhin dag ni sus shes pa// chos kyi mtshan nyid shes pas na// de ni brtsod par mi byed do// 'di ni byang chub sems dpa' dag/ dpa' bo skyob pa'i spyod yul te// chos rnams stong par shes pa ni// de dag nam yang nem nur med// chos kyi rang bzhin shes pas na// de phyir sangs rgyas zhes bya ste// sems can bsam gyis mi khyab cing // dpag tu med par byang chub 'dul/ / sangs rgyas sgras ni gang byas pa// tshul khrims sgras kyang de byas te// sangs rgyas sgra dang tshul khrims sgra// de dag gnyi ga'i mtshan nyid gcig/ ji snyed sgra dag parjod pa ni// rab dang 'bring dang tha ma rnams/ / mnyam par gzhag pa'i sgra gcig la// sangs rgyas sgras ni bstan pa yin// sangs rgyas sgra ni yul mi gnas// phyogs la'ang gnas pa ma yin brjod// skyes dang 'gags pa ma yin te/ / de bzhin gcig dang tha dad min// de dag gsar ram rnying ma yin// de dag la ni rlom sems med// ser po ma yin sngon po min// dkar po ma yin dmar po min// brjod du med cing bzung med par/ / de ltar dbyangs kyis bstan mod kyi// de ni dbyangs kyis sa ma yin// thub pa dag gi cho 'phrul 'di// sangs rgyas mya ngan 'das pa yin// sangs rgyas sku gzugs snang 'gyur te/ / de gnas yid la byas pa ni// cho 'phrul rnams kyang de yis mthong // gang gis mya ngan 'das pa reg/ sems can de ni mi rnyed de// de bzhin chos rnams rab bstan cing // sems can mang po grol bar byas// ji ltar nyi ma zla ba dag/ khar pa'i snod du snang ba yang // rang gi gzugs ni mi 'pho ltar// chos kyi mtshan nyid de 'dra'o// chos rnams mig yor lta bur yang // gang gis ngo bo nyid shes pa/ / de dag gzugs kyi lus su ni// sangs rgyas sku la mi lta'o// chos 'di lus gzugs med pa ste// 'di la lus gzugs gang yang med// chos gang lus gzugs med pa ni// de ni sangs rgyas sku lus su// su dag chos kyi skur lta ba// de dag gis ni 'dren pa mthong // rdzogs pa'i sangs rgyas chos kyi sku// de ni rdzogs pa'i sangs rgyas mthong // brten cing so sor bstan pa ste// so som yin so sor bshad/ / dge sbyong nyid ni su 'dod pa// 'jug pa 'di ni rigs par gyis// gang dag bdag gis thob snyam pa// de phyir ma thob pa zhes bya// gang gis dge sbyong nyid ma thob// de phyir dge sbyong zhes kyang bya/ / su dag bslabs par ma gyur pa// zab mo'i chos 'di ga la smra// de dag zab mo'i ming du yang // yongs su brjod par mi nus so// phung po lnga ni dngos med de// med pa las ni 'di dag byung / su yi phung po byung ba yang // de la slong bar byed pa med// phung pa'i mtshan nyid gang yin pa// chos kun de yi mtshan nyid yin// de yi mtshan nyid yod bshad de// mtshan nyid kyang ni yod ma yin/ / ji ltar bar snang nam mkha' bzhin// chos kyi mtshan nyid de 'bra ra// sngon gyi mtha' dang phyi ma'i mtha'// da ltar byung ba'ang mthong bar 'gyur// nam mkha' gzung bar med par bshad// de la gzung ba mi rnyed de/ / chos kyi rang bzhin 'di nyid yin// gzung ba med pa nam mkha' 'dra// de lta bur ni chos bstan te// de la gang yang mthong ba med/ u dag chos 'di mi mthong ba// de yi chos rnams bsam mi khyab/ / chos 'di rnams ni rang bzhin med// 'di dag rang bzhin ma nyan de// sangs rgyas byang chub su brtson pa// rnal 'byor pa yi spyod yul 'di// de lta bur ni sus shes pa// de ni chos la mi chags te// chos rnams la yang mi chags pas// chos kyi 'du shes rab tu rtogs// byang chub sems dpa' skyob pa yi// chos rnams thams cad rnam par shig/ chos kyi 'du shes rnam bshig nas// sangs rgyas chos la rlom sems med/ / mtha' de rlom sems ma byas pa// brtags nas mthar ni bshad pa ste// de ltar mtho ni sus shes pa// bskal pa byed par rlom sems med// byis pas sngon gyi mtha' brtags pas// 'khor ba rnams su 'khor 'gyur te// phyogs bcu dag tu btsal na yang // de yi gnas ni mi rnyed do// 'khor ba stong par rig nas ni// rgyal ba thugs sras chags mi 'gyur// byang chub don phyir spyod mos kyi// de dag spyod pa mi rgyud to// mams pa' rjes bzhin// de dag rnyed par mi 'gyur te// de 'dra'i rang bzhin bya gyu // byung chub sems dpas rtogs pa gyur/ ma byed pa rabaslabs pa// sgyu ma dag ni ston pa ltar// rnam pa sna tshogs gzugs rnams kyang // gzugs ni dmigs par mi 'gyur ro// rnyed dang mi rnyed rlom sems med// rnyed pa la yang ming rnyed de// ye shes de ni sgyu ma 'dra// sgyu ma de la gnas pa min// de bzhin chos rnams stong pa la// byis pa'i blo yis rnam brtags pas// rnam par rtog la spyod pa dag/ 'gro ba drug tu gzhol bar 'gyur// phung po skye dga' nyer 'gro ste// de dag skye ba zadang mi 'gyur// skye zhing 'chi ba'i phung po rnams// de dag sdug bsngal mtha' yas so// skye zhing 'khor ba sdug bsngal te// byis pa'i blo yis brtags pas na/ / de dag rtog pa mi zad de// de dag bskal pa bye bar 'khor// mi sbyor ba dang rab sbyor dang // las kyi sbyor la gang gnas dang // las rnams len pa gang dga' ba// de dag las las mi 'thar ro// las kyi chu bos khyer ba de/ / las ni rtag tu zad mi 'gyur// bdud kyi phyogs la gang gnas pa// yang dang yang ni 'chi bar 'gyur// bdud kyi zil gnon shes rab 'tshal// nyon mongs pa yi las rnams kyis/ / skye ba de dang de dag tu// skye zhing 'chi ba myong bar 'gyur// so so'i skye bo long ba yi// byis pa de dag 'chi bar 'gyur// de dag rtag cing rnam par zhom// de dag 'gro ba mi bzad m ed pa'i chos rnams brtams pas 'gyur/ / byis pa'i blo can mtshon cha yi// gcig la gcig ni gsod par byed// de lta bus ni sbyor ba dag/ de dag sbyor ba rab tu 'phel// nga yi bu yi nor snyam du// byis pa'i blo yis rab brtags te// 'khor ba dag ni phyir zhing 'phel// 'khor ba dag ni 'phel byed cing // so so'i skye bo de dag 'khor// so so tha dad 'gro bas na// so so'i skye bor brjod pa yin// sangs rgyas bstan thob nas ni/ / chos rnams mang po rab tu 'chad// bdud kyi dbang du song bas na// de dag thar pa rnyed mi 'gyur// 'dod pa'i phyir ni byis pa rnams// bud med rul la sten byed de// 'gro ba rul par 'gro 'gyur zhing / / des ni ngan 'gror ltung bar 'gyur// 'jigs pa chen po'i zhags pa ni/ bud med zhags pa mi bzad pas// sangs rgyas rnams kyis 'dod pa dang // bud med bsten pa'ang ma bsngags so/ / lam 'di byang chub mi 'gyur bas// bud med rnams la ma rten par// sbrul gdug shin tu khro bo ltar// mkhas pas de ni rnam par spong // sangs rgyas kun gyis bstan pa yi// byang chub lam la sgom par byed// lam de goms par bsgoms byas na// bla med sangs rgyas grub par 'gyur// de dag bla na med 'gyur te// 'jig rten gyi ni mchod rten 'gyur// bla na med pa'i ye shes kyis/ / sangs rgyas bla na med par 'gyur// gso sbyong dag la bsnyen byed cing // tshul khrims phung por yang dag 'dzud// sems can bye ba bsam mi khyab// byang chub tu yang yang dag 'dzud/ / de dag sems can rnams kyis ni// bsam yas dpag med don byed de// dpab bo shes rab chen po de// bdud rtsi yi ni rnga yang brdung // bdud kyi gnas rnams g.yo byed cing / / bdud kyi ris kyang g.yo bar byas// bdud rnams bye ba bsam mi khyab// byang chub lam ni yang dag 'dzud// pha rol rgol ba tshar gcod cing // mu stegs can ni pham par byed// ri dang rgya mtshor bcas pa yi/ / sa yang rab tu g.yo bar byed// khyu mchog gyur pa du ma yis// lus kyi rnam par 'phrul byed cing // shes rab chen po de dag ni// cho 'phrul bsam gyis mi khyab ston// zhing rnams bye ba g.yo byed de/ / gang+gA yi ni bye ma snyed// de dag bdud rnams pham byas nas// sangs rgyas grags pa chen por 'gyur// de dag zhing rnams sprul byed de// rin po che yis rnam par rgyan// me tog 'bras bu phun sum tshogs/ / dri dang ldan zhing yid du 'ongs// khang pa dang ni gzhal med khang // khang pa brtsegs pa pu shur bcas// dpa' bo de dag sprul pa byed// rdzing bu yid du bong ba dag yan lag brgyad ldan chu yis gang / / dang zhing bsil la rnyog pa med// de las chu ni su 'thungs pa// sred pa gsum yang spong bar 'gyur// bla na med pa'i chu bathung nas// de dag phyir yang mi ldog 'gyur/ / bla na med pa'i ye shes kyis// sangs rgyas bla na med par 'gyur// bla med zhi ba'i 'jug par ni// 'gro ba shin tu rig par gyis// 'jug pa 'di ni mi shes pas// dmigs pa can dag shin tu brlag/ su dag de la rten gyur cing // de dag sbrul mnyam sems can de// mnar med par ni de 'gro ste// mi bzad pa ni chen por lhung // de yi sdug bsngal drag po ni// brjod par nus pa ma yin te// byang chub sems dpa' skyob pa dang // ngas ni de dag rab tu shes// 'di 'dra'i zab mo mthong dka' yi// chos la su dag nem nur byed// su dag dmigs la gnas pa yi// byis pa dag gi sa ma bstan/ / bla med sangs rgyas zhing du ni// gang gis de dag 'gro 'gyur ba// gzugs ston pa ni du ma yi// bkod pa dag ni sprul par byed// sangs rgyas zhing ni ji snyed kyi// gzugs 'grub phun sum tshogs yod pa/ / de dag thams cad 'dir yang ni// byang chub sems dpa' 'phrul che ston// chos chen gyi ni go bgos te// dpa' chen stobs kyang che ba dag/ stong pa'i don chen rdo rje yis// gdabs pa dag kyang de dag 'debs/ / 'od zer bye ba phrag stong dag/ gang+gA yi ni bye ma snyed// de yi lus las 'byung bar 'gyur// des ni 'jig rten rab tu snang // de dag bud med mi chags te// de dag yid 'byung mi byed la/ / bud med 'du shes rang bzhin gyis// 'du shes de dag rnam par bshig/ dpa' bo de dag gar gnas pa// sangs rgyas zhing de mi stong ste// de dag la ni sdig can bdud// / bar chad byed par ga la 'gyur// lta ba dag la de gnas pas// sangs rgyas mang po mnyes ma byas// gnod sems kyis ni nye brtan cing // 'dod dang chags la rab tu gnas// lha la gnas pa de dag kun/ / bdud yin par ni rig par bya// de la sdig can bdud rnams kyang // bar chad byed par mi 'jug go/ sangs rgyas ye shes bsam mi khyab// ye shes de ltar sus shes pa/ / 'du shes thams cad rnam bshig nas// 'du shes dag ni mi ldog gnas// sngon gyi mtha' dang phyi ma'i mtha'// da ltar mtha' yang mthong bar 'gyur// de ltar chos rnams bstan mod kyi/ / de la cung zad bstan pa med// ye shes kyis kyang shes pa med// mi shes pas kyang zhum mi 'gyur// ye shes mi shes rnam brtags nas// sangs rgyas ye shes brjod pa yin/ / rnam rig tshig dang brda rnams ni// byang chub sems dpa' rab tu shes// de ni sems can don rnams kyang // dpag med bsam yas byed par 'gyur// 'du shes kun tu shes pa'i/ phyir/ 'dzin par yang ni de bstan te// 'du shes de ni mi 'dzin pa// dben pa'i don tu rab tu bstan// dben pa gang yin 'du shes te// 'du shes gang yin bstan pa de// 'du shes rang bzhin ye shes te/ / de ltar 'du shes med par 'gyur// 'du shes 'di ni spangs snyam du// gang gi 'du shes 'byung ba ni// 'du shes spos la spyod pa ste// 'du shes las ni de mi mthar// su yi 'du shes de dag byung // su yis 'du shes 'di bskyed byas// su ni 'du shes reg par byas// sus ni 'du shes bkag par gyur// gang gi 'du shes 'byung ba ni// sangs rgyas kyis kyang chom ma bsnyes/ / 'dir ni don de bsam par gyis// de nas 'du shes med par 'gyur// nam tshe 'du shes skyes pa na// su yi 'du shes yin zhes brjod// sems kyi rgyud kyis rnam thar yang // de la ji ltar rung bar 'gyur/ / gang tshe rnamathar reg pa na// bsam pa thams cad bsam pa med// gang tshe bsam pa bsam med pa// de tshe bsam du med par 'gyur// bsam pa'i sa la gnas nas ni// mthar gyis rnam par bsam byas te// bsam pa thams cad rnam spangs nas// de nas bsam du med par 'gyur// 'di ni dkar chos rnam smin te// 'du byed med pas mthong bar 'gyur// sems can kun gyis rnam bsam pa/ / skad cig gcig la rab du shes// sems can ci 'dra de bzhin bsam// bsam bzhin rgyal ba de 'dra ste// sangs rgyas bsam du med pa yis// bsams pa 'di ni rab tu bstan// gcig pu dben song gang sems pa// nam zhig sems pa med par 'gyur// bsam pa dag ni mi sems na// bsam pa thams cad med par 'gyur// shi 'pho 'du byas shi ba'i tshe// gang gi bsam pa rab 'jug pa/ / bsam pa'i rjes su rnam shes 'brang // bsam las de ni mi mthar to// su dag bud med 'du shes gnas// de dag 'dod chags rab tu 'phel// 'du shes dag ni rnam bshig na// 'dod chags kyis ni gos mi 'gyur// bsam pa 'di ni bsam pa che// chos kyi bsam pa bla na med// chos kyi bsam pa 'di yis ni// yang dag bsam pa rab tu 'byung // tshul ma yin pa rnams bsam pas/ / bsam pa bsam yas mang po drag/ yun ring dus su rnams bsam kyang // bsam pa dag ni zad ma gyur// gang dag ming la sems pa yang // 9 pa la ni ye shes med/ / sa zhes pa la zad pa med// zad pa'i chos nyid de yin no// sgra dang rnam rig tshig gi lam// zad pa'i sgra ni bstan pa ste// chos de rnams ni bye brag med// shes bzhin zad pa de bzhin te/ / ma skyes shing ni ma 'gags pa// mtshan ma med cing mtshan nyid med// bskal pa bye bar bshad kyang ni// mtshan ma med par bstan pa yin// dngos po thams cad rnam bshig/ nas// dngos po med la rab gnas pa// dngos po gzhan du ma bstan te// dngos med pa'ang gzhan mi bstan// dngos med sgrar ni rig byas te// dngos po med pa rab tu bstan// sangs rgyas dag ni kun gyis kyang / / dngos po med par bltar mi nus// dngos po kun gyi dngos po ni// dngos po med pa de bstan te// de ltar dngos po rnam rig na// dngos po med par 'gyur zhes bstan// dngos po med pa de yang ni/ / sus kyang nam du reg mi nus// dngos po med par reg pa yis// kun rdzob du ni de bstan to// 'jig rten sangs rgyas bdag 'gyur snyam// de ltar gang gi blo 'gyur ba// srid pa'i sred pas yong mi gzir/ / mkhas pa byang chub rtogs par 'gyur// byang chub sems dpa' mnyam bzhag pa// chos ni gang la'ang smon mi byed// ci yang med cing dmigs pa med// de ni byang chub brjod pa yin/ / byang chub tu ni ded zhugs shes// mang du de skad smra mod kyi// 'jug pa 'di ni mi shes pas// de dag sangs rgyas byang chub ring // 'du byed thams cad stong par ni// sgra yis chos rnams rab du bshad/ / sgra yi rang bzhin gang yin pa// zab cing phra ste mthong ba dka'// mngon shes che la mdo sde 'di// nges par bstan ces bya ba yin// byang chub sems dpa'i don phyir ni// sangs rgyas rnams kyis bstan mdzad do/ / kun nas nyon mongs ji snyed pa// nyon mongs thams cad de yis bcom// mngon par shes la rab gnas shing // de dag rdzu 'phrul shin tu bgoms// bsam nas shes la de gnas te// shes pa de yang rnam par bshig/ bsam gyis mi khyab dpag med kyi// ye shes thob pas ngoms pa med// ting nge 'dzin dang rdzu 'phrul phyir// de dag mngon par 'du byed med/ / dpa' bo'i rnam smin de yin te// dus kun du yang mnyam par bzhag/ rnam smin skyes pa'i rdzu 'phrul gyis// zhing ni bye bar de 'gro ste// 'jig rten sgron ma mthong na ni/ / gang+gA dag gi bye ma ste// de dag 'chi 'pho skye ba yang // sems bzhin du ni sgyur bar byed// sems la dbang yang thob pas na// de dag lus ni bod gsal lo// sangs rgyas dag gi nyan thos gang / / bsgoms pa'i rdzu 'phrul gnas pa ni// 'du byed med pa'i rdzu 'phrul la// de dag bcu drug char mi phod// lha rnams kyis kyang de dag gi/ bsam pa shes par mi nus so// 'jig rten gyi ni mgon po dang // de dag mtshungs gnas ma gtogs so// de dag spyi cer mi 'gyur te// mgo la skra dkar mi 'byung zhing // rags pa'i rga ba mi 'byung / ste// de bzhin sdug bsngal 'chi ba med// the tsom yid gnyis mi 'byung ste// de dag la ni nem nur med// mdo sde bye ba rgya rnams ni// nyin mtshan du yang de dag tshol// ji snyed kun nas nyin mongs kyi/ / bag la nyal ni rab tu spangs// de dag sems can thams cad la// rtag tu mnyam pa'i sems su 'gyur// ting 'dzin bye ba khrag khrig rnams// phyogs bcu dag tu nges par ston// dris pa bye ba stong rnams kyang // mi gnas par ni lung bstan to// pho dang mor ni 'du shes dang // 'du shes thams cad rnam par bshig/ dngos med pa du shes gnas nas ni// yang dag nges par ston par byed/ / yongs su dag pa'i ye shes kyis// ji bzhin du ni chos ston te// chos rnams yang dag bstan la brtson// ting 'dzin ye shes spyod yul ldan// de yi ting 'dzin spyod pa yang / / dngos po dag la mi gnas te// de yi tshig kyang don med min// chos bstan pa yang 'bras bu yod// mdo sde 'di la su dga' ba// des ni mir 'gyur legs pa thob// mi khom thams cad rab/ tu spangs// sangs rgyas kun la byas pa gzo// gang gis rin chen mdo 'di las// tshig bzhi tshogs cad bzung ba yang // des ni 'khor ba gang bor ba// bskal pa bsam gyis mi khyab po/ mdo sde 'di la su dga' ba/ / de dag sangs rgyas kun gyis gzigs// des ni sangs rgyas ri mor byas// myur du byang chub thob par 'gyur// mdo 'di la su dga' ba// de dag chos rnams thams cad la/ / the tsom dang ni nem nur med// de dag mya ngan 'das dang nye// bya rgod phung por de bzhin gshegs// dpa' bo chen po de yis mthong // thams cad sangs rgyas lung bstan te// rgyal ba byams pa mthong bar 'gyur/ / sangs rgyas byams pa mthong nas ni// bzod pa bzang po thob par 'gyur// gang su zad pa'i dus la yang // mdo sde 'di la rab gnas pa// de dag yang dag mtha' la gnas/ / yang dag mtha' ni bsam mi khyab// bsam gyis mi khyab mtha' la ni// de dag nem nur yod ma yin// rdul phran tsam yang rnam pa kun// de dag la yang the tsom med// rdul tsam rab tu spangs pa ni/ / de dag byang chub rnyed mi dka'// zad dus shin tu 'jigs pa la// dka' ba dag ni spyad byas te// mdo sde rin chen 'di bslabs na// spobs pa dag kyang mi zad 'gyur// mdo sde 'di ni rab ston na/ / sangs rgyas rnams kyi mdzod bsrung ste// 'di ni sangs rgyas kun mchod pa// chos kyi mchod pa bsam mi khyab// ma rungs zad pa'i dus la ni// mdo sde 'di dag gang 'dzin pa// de dag ye shes rnyed mi dka'/ / sangs rgyas ye shes bsam mi khyab// gang gis sngon gyi sangs rgyas la// mdo sde 'di dag bzung ba ni// de dag lus la 'chang gyur te// zad pa'i dus la rab tu 'don// sangs rgyas zhing ni bye bar yang // 'jig rten mgon po'i spyan sngar yang // shAkya seng ge'i spyod pa rnams// de dag sgra yang klog par 'gyur// de dag sangs rgyas spyan sngar ni/ rtag tu seng ge sgra sgrogs te// mtha' yas pa yi spobs pa yis// sangs rgyas byang chub pa de yang smra// zad dus 'jigs pa chen po'i tshe// byang chub 'di ni gang srung ba// bu ram shing gi rigs skyes rnams/ / sangs rgyas rnams kyis lung bstan yin// de dag gzugs ni phun sum tshogs// mtshan rnams kyis kyang rnam par brgyan// sangs rgyas bye la phyag 'tshal du// rnam par 'phrul pas 'gro bar 'gyur/ / sgyu ma yi ni me tog dag/ gser gyi mdog 'drar snang ba dang // bai DUR+Ya dang shel dag dang // dngul gyi yang ni me tog rnams// rin chen rigs rnams thams cad kyang / / de yi lag nas 'byung bar 'gyur// byang chub lam rnams tshol ba'i phyir// de dag sangs rgyas rnams la 'thor// mchod pa rnam pa sna tshogs dang // rol mo bsgrub pa phun sum tshogs gang+gA yi ni bye ma snyed/ / ba spu'i khung nas 'byung bar 'gyur// sems can bye ba bsam mi khyab// gang dag sgra bdi thos pa ni// sangs rgyas ye shes bla med las// de dag phyir yang mi ldog 'gyur// sangs rgyas bye ba de dag gi/ bsngags pa bsam gyis mi khyab brjod// bsam gyis mi khyab zhing rnams su// de dag sgra yang thos par 'gyur// gang gis sgra de thos pa ni// de dag 'du shes 'gag par 'gyur/ / 'du shes dag ni bag gnas su// sangs rgyas mtha' yang mthong bar 'gyur// de 'dra ba yi ye shes kyis// byang chub spyad baspyad nas ni// sems can kun gyis don byas nas// don bye pa yi rgyal bar 'gyur/ / gang gis ting 'dzin bzung ba yi// mkhas pas 'di ni gang 'thob pa// yon tan phan yon 'di dag ste// gzhan yang dpag tu med par 'gyur// bud med kyis kyang mdo sde 'di// thos nas tshigs bcad gcig bzung na// bud med dngos po rnams sgyur nas// chos smra bar yang de 'gyur ro// de ni phyis kyang bud med kyi// dngos po 'dzin par mi 'gyur te// mtshan rnams kyis ni legs brgyan cing / / rtag tu byad bzhin bzang por 'gyur// mdo sde mchog rab 'di yin ni// yon tan dag kyang mchog bshad pa// de la de dag thams cad 'byung // byang chub nyid kyang myur du 'thob// sangs rgyas kun gyi spyod yul te/ / mdo sde 'di ni bzung nas su// de dag skye ba thams cad du// rtag tu 'jigs pa med par 'gyur// ting 'dzin zhi ba bshad pa ni// byang chub sems dpa' skyed pa ste// byang chub rtogs par su 'dod pa// mdo sde 'di ni brjod par gyis// de dag thub dbang bsnyen pa ste// sangs rgyas byang chub nye bar gyur// de dag ring por mi thogs par// mnyam bzhag zhi ba'i sa 'di 'thob/ / byang chub sems dpa' dpa' bo dag/ byang chub de la rtag gnas nas// sangs rgyas dag ni bye ba rnams// gang+gA'i bye snyed mthong bar 'gyur// ting 'dzin rdul bral zhi ba 'di ni des thob nas/ sa bdag 'khor los sgyur ba'i rgyal por de 'gyur te// sangs rgyas rdul bral shin tu sems zhi rnams mthong nas// 'jig rten mgon po de dag tshigs bcad brgyas bstod 'gyur// shin tu grags pa chen po lha dang mi yi mchog/ 'dren pa dag la mchod pa mtshungs med des byas te// des ni rgyal srid mchil ma bzhin du yongs spangs nas// gtsang zhing rnam par dag pas tshangs par spyad pa spyod// de ni thub pa mchog gi bstan la rab byung nas/ / ting 'dzin rdul bral zhi ba 'di yang rab thob ste// de yang tshig dge ngag kyang shin tu 'jam gyur nas// blo ldan byin gyis brlabs kyis mdo sde bye ba 'chad// stong pa mtshan med mchog tu gya nom zhi ba'i mchog/ rab tu zhi chos spyad pa zhib cing thogs pa med// shin tu zhi ba rtag tu rdul bral rang bzhin ste// ting 'dzin 'di thob skye bo mang la rab tu ston// blo ni rtag tu zab cing blo yang mtha' yas te/ / blo yang rgya che dpag tu med pa'i don ldan blo// zab cing zhi ba'i ting nge 'dzin 'di thob nas ni// 'jig rten thams cad du'ang snang ba thob par 'gyur// rdul dang bral ba'i ting 'dzin zhi ba 'di rnyed na// de ni tshangs par spyod pa rtag tu gtsang bar 'gyur// dri nga med cing rtag tu kun nas nyon mongs med// sems can bye ba gzhan yang de la 'god par 'gyur// rdul dang bral ba'i ting 'dzin zhi ba 'di bzung na/ / shes rab shin tu rno zhing shes rab mchog tu 'gyur// de thos rgya mtshor 'gyur zhing rtag tu blo mtha' yas// ngag dge blo gros mkhas shing cho ga shes par 'gyur// rdul dang bral ba'i ting 'dzin zhi ba 'di bzung na/ / las kyi gnas dang de bzhin bzo yi gnas rnams dang // sman gyi gnas rnams dang ni de bzhin rtsi yi gnas// brtan pa de ni thams cad kyi yang pha rol phyin// rdul dang bral ba'i ting 'dzin zhi ba 'di bzung na/ / snyan dngags bstan bcos bzhad gang glu dung rol mo dang // glu dang gar la shin tu mkhas shing pha rol phyin// 'jig rten na yang rtag tu slob dpon 'gyur ba yin// rdul da// bral ba'i ting 'dzin zhi ba 'di bzung na// byang chub spyod pa zhi ba dam pa mchog spyod cing // de ni rtag par g.yog dang rab tu ldan par 'gyur// phyogs kyang rtag tu mi phyed mthun zhing 'tsham par 'gyur/ rdul dang bral ba'i ting 'dzin zhi ba 'di bzung na// mkhas pas de la mya ngan dag gi zug rngu dang // mkhas pa'i sems la nam yang gnod pa mi 'byung ste// thams cad dus su rtag par nad kyang med par 'gyur/ / rdul dang bral ba'i ting 'dzin zhi ba 'di bzung na// lus kyi nad dang de bzhin sems kyi nad rnams dang // so yi nang dang de bzhin mgo yi nad rnams kyang // 'tsho ba'i 'jig rten dag na de la nad mi 'byung / / rdul dang bral ba'i ting 'dzin zhi ba 'di bzung na// mi yi 'jig rten nad rnams mang po ci yod pa// lus kyi nad dang de bzhin sems kyi nad rnams dang // de la nad kyang de dag rtag tu yong mi 'byung / / rdul dang bral ba'i ting 'dzin zhi ba 'di bzung na// sems la kun nas nyon mongs pa ni gang yod dang // lus la yang ni nad kyi rnam pa gang yod pa/ kun nas nyon mongs mang po de dag de la med// rdul dang bral ba'i ting 'dzin zhi ba 'di bzung na// bar snang nam mkha' dag la gos pa med pa ltar// rnam par dag rgya cher rab tu 'od gsal te/ / de bzhin de yi sems kyang rnam par dag par 'gyur// rdul dang bral ba'i ting 'dzin zhi ba 'di bzung na// zla ba'i 'od dang de bzhin nyi ma'i 'od rnams ni// ngag ni bzung du med la rab tu 'od gsal ba/ / de bzhin de yi sems kyang shin tu 'od gsal 'gyur// ji ltar tshon rtsi thogs nas bar snang nam mkha' la// rnam pa mang po du ma'i gzugs rnams dka'/ / de bzhin rdul bral zhi ba'i ting 'dzin 'di bsgoms na// de yi sems la ri mor bri ba sla ma yin// rang ni ji ltar phyogs bzhi dag nas langs pa dang // thogs ma med par phyogs rnams kun du 'gro bar 'gyur/ / de yi sems kyi rgyud kyang rlung dang 'drar 'gyur te// de ni 'jig rten dag na thogs med ma chags 'gro// rlung langs pa ni rgya mos gzung du rung yang srid// rlung ni zhags pa/ dag gis bcings par nus gyur kyang // rdul dang bral ba zhi ba'i ting 'dzin 'di bsgoms na// de yi sems ni rab tu shes par sla ma yin// gzugs brnyan dag ni chu yi nang du gzung bar rung / 2 mar gang ba'i snod dang chu yi nad du 'byung / / de bzhin rdul bral zhi ba'i ting 'dzin 'di bsgoms na// de yi sems ni rab tu shes par sla ma yin// sprin las 'brug zer glog gi 'khri shing mi dag gi ni lag pas gzung bar nus gyur kyang / / rdul dang bral ba zhi ba'i ting 'dzin pa di sgom na// de yi sems kyi tshang nas par smra ma yin// phyogs bcu'i sangs rgyas zhing na sems can ce yod pa/ / sems can de dag gi ni sgra skad bzung nus kyang // byang chub sems dpa' nam zhig ting 'dzin 'di thob na// de yi sems kyi mtha' ni shes par sla ma yin// des ni rdul bral zhi ba'i ting/ 'dzin 'di thob nas// kun nas nyon mongs med cing gos pa med par 'gyur// nam zhig des ni ting 'dzin zhi ba thob pa'i tshe// phyir yang srid pa gsum la nam yang chags mi byed// nam zhig rdul dang bral ba'i ting 'dzin 'di thob na/ / 'dod pa dag la mi sred gzugs la mi srid de// bud med dag la mi sred sems kyang 'khrul pa med// zhi zhing rab tu zhi ba gos pa med par 'gyur// nam zhig rdul dang bral ba'i ting 'dzin 'di thob na// bu la mi sred bu mo dag la'ang sred mi 'gyur// chung ma dag la'ang mi sred g.yog la'ang sred pa med// rab tu zhi bar spyod cing gos pa med par 'gyur/ / gser la mi sred nor rnams la'ang sred med de// mtho ris mi sred rin chen rdzas la chags mi 'gyur// sems kyang shin du rnam par dag cing mi rtog pa// 'di ni ting nge 'dzin rnams thob pa'i bye brag yin/ / rgyal srid 'dod phyir tshangs par spyod pa de mi spyod// mkhas pa mtho ris sred pas rtag tu sbyin mi byed// byang chub sems dpa' byang chub 'dod pas sbyin byed de// 'di ni ting nge 'dzin dag thob pa'i bye brag go/ rgyal po'i srid phyir dka' thub brtul zhugs mi spyod de// srid pa gsum du dbang phyug 'dod pa'i phyir ma yin// skye bo mngal phan phyir byang chub sred pa yis/ / de ni rdul dang bral ba'i ting 'dzin 'di grub bo// glu la mi sred gar la'ang sred pa ma yin te// spos la mi sred btung ba dag la'ang sred ma yin// zas la'ang mi sred gos la yang ni sred mi 'gyur/ / 'di ni ting nge 'dzin dag thob pa'i bye brag yin// mig la mi sred rna ba la yang sred ma yin// sna la mi sred lce la sred pa ma yin zhing // lus la mi sred sems la yang ni sred mi 'gyur/ / 'di ni ting nge 'dzin dag thob pa'i bye brag yin// khyim la mi sred dgon par sred pa ma yin te// gtsug lag khang la mi sred grong la'ang mi sred 'gyur// yul 'khor mi sred grong khyer la yang mi sred de/ / 'di ni ting nge 'dzin dag thob pa'i bye brag yin// sbyin la mi sred tshul khrims dag la sred mi 'gyur// bzod la mi sred brtson 'grus la yang sred ma yin// bsam gtan mi sred shes rab la yang mi sred de/ / 'di ni ting nge 'dzin dag thob pa'i bye brag yin// sems can la yang mi sred srog la mi sred cing // sangs rgyas dag la mi sred chos la sred mi byed/ dge 'dun mi sred byang chub la yang sred mi 'gyur// 'di ni ting nge 'dzin dag thob pa'i bye brag yin// yod la mi sred med pa la yang sred ma yin// dbus la mi sred mtha' la'ang sred par mi 'gyur zhing / / kun la mi sred sred pa'ang ma yin te// 'di ni ting nge 'dzin dag thob pa'i bye brag yin// rdul dang bral ba'i ting 'dzin zhi ba 'di thob na// de la 'dod chags nam yang gnod pa mi skyed de// su dag bud med sred pa de ni sems 'khrul 'gyur// 'di ltar de ni 'dod chags rang bzhin yongs su shes// rdul dang bral ba'i zhi ba ting 'dzin 'di thob na// de la nam yang zhe sdang gnod pa mi skyed de/ mkhas pas 'di ltar gnod sems rab du bshig pa'i phyir// byams par byed cing zhe sdang thams cad shin du bcom// de la nam yang gti mug gnod pa mi skyed de// shes rab kyis ni gti mug ma rig nges par bsal/ / ye shes rab rib med pa dpag tu med pa thob// ting 'dzin thob pa'i yon tan 'di dag dpag tu med// mi gtsang bas ni 'dod chags rtag tu tshar bcad de// byams pa yid kyang zhe sdang khor mor ma lus bcom// shes rab kyis ni gti mug nyon mongs dra ba gsal// ting 'dzin thob pa 'jig rten kun na rab tu mdzes// de la nam yang gnyid ni gnod pa mi skyed de/ / des ni nye ba'i nyon mongs rnam mang rnam par bshig/ de ni gos pa med cing shin tu bral bar 'gyur// ting 'dzin thob pa'i yon tan 'di dag dpag tu med// byang chub sems dpa' gang dag ding 'dzin 'di 'dzin pa/ / de la nam yang chags pa gnod par mi 'gyur te// 'di ltar de ni dus kun tu yang gtong la dga'// bdog pa thams cad gtong zhing bde ba sbyin par 'gyur// byang chub sems dpa' gang dag ting 'dzin 'di 'dzin pa/ / de ni dpe med pa yi mthu dang ldan par 'gyur// de ni rtag pa'i stobs dang rjes su ldan gyur te// 'jig rten na ni de dang mnyam pa su yang med/ / nam tshe 'jig rten du yang 'khor los sgyur ba yi// mi yi rgyal por de 'gyur 'dzam bu'i gling du 'ongs// de tshe skye bo mang pos shin tu mchod par 'gyur// khyad par thob pas rab rib med cing shes rab mchog/ su dang gtso bor gyur cing rigs che rin chen mchog/ longs spyod che zhing g.yog bran mngal dbang yang che// gang la rta dang ba glung shing rta bzhon mchog yod/ / gser dang nor bu rin chen mgron bu rab tu mang // sangs rgyas ye shes dam pa 'di la su dad pa// de dag 'a dzam gling rin chen rigs zhes bya ba yin// de ni rin chen rigs mchog da ru skyes nas kyang / / gnyen bshes shin tu mang po'i tshogs kyi don kyang byed// 'dzam bu'i gling 'di dag na ma dang gang yod pa// de dag bag yod pas ni dad pa skyed par byed// sems can cho rnams byang chub sems dpa' gang bkod pa/ / de dag sangs rgyas rab byung rgyal ba mchog tu 'gyur// de dag mtshungs pa med pa'i byang chub mchog thob nas// sangs rgyas zhing du tshungs med 'khor rab tu bskor/ / de tshe chos kyi 'khor lo 'di ni sus shes pa// de dag ma lus mi skye'i chos la gnas par 'gyur// byang chub sems dpa' de dag shin tu mang byed de// de dag rtag tu sems can rnams kyis mchod par 'gyur/ / de dag dus kun tu yang mtshungs med don byed de// de dag sems can mig ni rab rib med par byed// byang chub sems dpa' gang dag rab dga' byams pa'i sems// gos pa med pa de dag de tshe sangs rgyas 'gyur// de tshe byang chub sems dpa' de dag gar gnas pa// sems can dag gi don kyang tshad med byed par 'gyur// tshangs spyod mtshungs med tshul khrims rnam dag rang du srung / / bskal pa mtha' yas mang por ting 'dzin sgom par byed// rtag tu bsam gtan rnam par thar la shin tu nges// de tshe byang chub sems dpa' de dag sangs rgyas sras// de dag rdzu 'phrul rkang pa rtag tu bsnyen byed cing / / zhing rnams mtha' yas rnam pa mang por de song nas// bde bar gshegs pas rab tu bshad pa'i chos nyan te// gzungs la rab tu gnas pas thams cad 'dzin par byed/ / byang chub sems dpa' gang dag gzungs la gnas pa ni// mdo sde dpag tu med pa mtha' yas rab tu ston// byang chub sems dpa' gang dag gzugs la gnas pa ni/ sems can dag gi don kyang dpag tu med pa byed// sems can 'chi 'pho skye ba dang // 'gro ba dang ni 'ong ba shes// des ni ci 'dra'i las byas pa// rnam par smin pa de 'drar 'gyur// las rnams 'pho bar 'gyur ba yang / / rdul tsam yang ni mi rnyed de// byang chub sems dpa' grags chen ni// de dag gi yang de shes so// stong pa bdag nyid chen po yi// gnas pa dag gi dam pa yin/ sems can bye ba bsam yas kyang // theg pa che la rab tu 'god// de la ston par byed pa na// sems can 'du shes mi 'jug ste// chos rnams 'jug pa med par na/ byang chub sems dpa' rab tu ston// chos rnams rab tu ston pa na// dmigs pa dag ni mi 'byung ste// ye shes brtan la rab gnas shing // stong pa nyid la gnas par 'gyur// ston pa kun gyi gnas pa yi/ / ting 'dzin pa di ni bstan byas na// bud med 'du shes rang bzhin gyis// de la 'du shes mi 'byung ngo // bud med 'du shes rnam bshig nas// byang chub snying por 'dug par 'gyur// byang chub snying por 'dug nas ni// bdud kyi 'du shes rnam par ldog/ mkhas pa des ni bdud rnams dang // bdud kyi sde yang mi mthong ste// bdud kyi bu mo gsum po yang // des ni mthong bar mi 'gyur ro// byang chub snying por 'dug nas ni// 'du shes thams cad rab tu spong // 'du shes thams cad rab spangs nas// sa 'di thams cad g.yos par 'gyur// ri rab rgya mtshor bcas pa dag/ phyogs bcu na yang ci yod g.yos/ / phyogs bcu dag na sems can rnams// kun gyi de ni mi shes so// sa dag rab tu g.yos pa 'di// byang chub sems dpa'i rdzu 'phrul yin// byang chub dam pa 'tshang rgya ga de tshe sa yang lan drug g.yos/ / 'dus byas chos ni ji snyed dang // chos gang 'dus ma byas pa yang // chos de thams cad rab rtogs te// chos kyi sgrar ni bstan pa yin// 'di la rtog byed gang yang med/ / seng ge'i sgra ni 'byung mod kyi// 'byung ba dag kyang rnam rig nas// 'od byed sangs rgyas nyid du 'gyur// rten cing chos rnams 'byung bar 'gyur// rten cing chos rnams rab du ste/ chos rnams kyi ni rten pa yang // mkhas pa de dag thams cad shes// chos kun gyi ni cho ga shes// stong nyid rtogs par khong du chud // de dag 'gro b.rab shes te// chos kun rtogs par khong du chud/ / de yi 'gro ba btsal na yang // byang chub sems dpas mi rnyed de// 'di ltar sangs rgyas thams cad kyi// 'gro ba bsam yas de yis rig/ 'gro ba thams cad shes pa gang // de ni/ 'gro ba der 'gro ste// dam chos mtshan nyid rig pas na// ngan song thams cad chad pa yin// dam chos mtshan nyid rig nas ni// zhing rnams thams cad rnam par lta// zhing kun la yang rnam bltas nas/ / byang chub snying por 'dug par 'gyur// byang chub snying por 'dug nas su// seng ge yi ni sgra sgrogs te// de bzhin zhing rnams bye ba snyed// bsam yas dpag med grags par byed// zhing de rnams kyang g.yo byed cing // sangs rgyas dpa' bo grags chen dag/ sems can ji ltar 'dul ba bzhin// sems can kha lo sgyur zhing 'dul// byang chub dam pa reg nas ni// byang chub snying po de las langs/ / dpag med bsam gyis mi khyab pa// sems can gdul ba'ang rnam par 'dul// de nas rdzogs pa'i sangs rgyas ni// sangs rgyas sprul pa mthas yas 'phrul// zhing rnams bye ba stong du yang / / sangs rgyas sprul pa 'gro bar 'gyur// sems can bye ba bsams yas rnams// byang chub mchog la rab tu 'god// srog chags kun la phan pa'i chos kyi mchog kyang ston par byed/ / ye shes chen po de 'dra ste// sangs rgyas ye shes bsam mi khyab// de phyir 'dun pa rab skyed cig/ byang chub 'dun pa bla na med// sangs rgyas dang na chos rnams dang / / 'dus pa'i dam pa dge 'dun la// byang chub sems dpa' dpa' bo rnams// byang chub mchog tshol gus pa skyed// zhum pa med pa'i sems kyis kyang // g.yel ba med par ri mo gyis/ / de nas 'od byed sangs rgyas su// ring por mi thogs thob par 'gyur// byang chub sems dpa' gang dag kyang // zhing rnams stong nas lhags pa rnams// 'jig sgron ma rab mthong ste/ / chos kyi mchog kyang 'chad par mdzad// dpa' bo chen po 'dren pa la// rin chen chen pos 'thor bar byed// man+dA ra ba'i me tog dag/ byang chub phyir mi 'thor bar byed// bla na med pa'i sangs rgyas zhing // zhing 'di rab tu brgyan par byed// phyogs dang phyogs ni kun tu yang // rin po che yi dra bas g.yogs// ba dan dag kyang gdags byas shing // rgyal mtshan bye ba mngon par bsgreng / / du ma yi ni brgyan rnams kyis// zhing 'di shin tu legs par brgyan// khang pa brtsegs pa byed par 'gyur// rin chen kun gyis rnam par spras// khang pa pu shu stegs bu dag/ yid du 'ong ba grangs med rnams// zhal med khang dang zla gam dang // skar khung de bzhin bya rgya bres// rin chen sna tshogs brgyan pa yi// bdug pa'i snod du bdug pas bdug/ bdug pa dag ni bdugs pa yis// sangs rgyas zhing 'di rab tu gang // de yi dri ni yid 'ong ba// zhing yang bye ba stong du ldang // de dag kun tu khyab byas nas// spos kyi char yang rab tu 'bebs// gang gis dri de bsnams pa yang // de dag sangs rgyas 'dren par 'gyur// de dag 'dod chags zug rngu spangs// zhe sdang sred pa yong med de// rgya mo chen po rnam par dral// mun pa kun kyang med par 'gyur// der ni rdzu 'phrul thob gyur te// dbang stobs byang chub yan lag dang // bsam gtan thar pa rnam par reg/ de dag sbyin par 'os par 'gyur/ / stan yang yid du 'ong ba rnams// bye ba phrag lnga rab bshams te// rin chen dra bas brgyan pa yi// gos rnams bye ba rab tu bting // de la dpa' bo grags pa che/ / byang chub sems dpa' de dag 'dug/ mtshan dang de bzhin dpe byad kyis// de dag shin tu rnam par 'bar// sangs rgyas zhing 'di thams cad kyang // rin chen shing gis legs brgyan te// yan// lag brgyad ldan nas gang ba// rdzing bu dag ni rnam par sprul// rdzing bu'i 'gram na gnas pa rnams// de dag de las chu 'thungs nas// thams cad sred pa bsal nas ni// 'jig rten gyi yang mchod rten 'gyur/ / tha dad pa yi zhing nas kyang // byang chub sems dpa' lhag pa rnams// shAkya seng ge'i skyob pa yi// sangs rgyas bsngags pa brjod par byed/ / sgra de su dag thos pa ni// de dag 'jig rten 'dren par 'gyur// phan yon bsam gyis mi khyab pa// mdo sde 'di ni nges rab bshad// pad+ma bye ba bsam mi khyab// 'dab ma dag ni gser las byas/ / snying po sbrul gyi snying po ste// der ni de dag rab tu sprul// yal ga dag kyang bai DUR+Ya// khog pa dag ni shel yin te// ze ba dpal gyi snying po can// der ni mdzes pa rnams kyang sprul/ / de dag dri yang bsam mi khyab// rgyun mi 'chad par 'byung ba yis// zhing rnams bye ba kun tu gang // pad+ma'i dri ni bsam mi khyab// yid du 'ong bar 'byung ba yi// dri de/ su yis bsnams pa yang // de dag rab tu sems dga' zhing // nad rnams thams cad zhi bar 'gyur// 'dod chags zhe sdang gti mug rnams// ma lus par ni zad 'gyur te// de dag nyes pa gsum zad nas/ / sangs rgyas bde ba sbyin par 'gyur// de dag las ni sgra 'byung ste// sangs rgyas sgra ni bsam mi khyab// dam pa'i chos dang dge 'dun sgra// rnam pa kun ni 'byung bar 'gyur// stong pa nyid dang mtshan med dang // ston pa med pa'i sgra 'byung ste// de thos sems can bye ba mang // phyir mi ldog par rab tu 'gyur// sgra de dag ni 'byung ba yang // zhing rnams bye bar 'greb 'gyur/ / sems can bye ba bsam yas rnams// sangs rgyas ye shes 'god par byed// rma bya ka la bing+ka dang // shang shang di'u dang bya rnams kyang // de dag rab du sgra 'byin pa/ ngas rgyas sgra ni bla na med// ku lan ri skegs khrung khrung dang // khu byug dang ni bya rnams te// de dag sgra ni 'byin pa yang // bsam gyis mi khyab chos sgra 'byin// ne tso ngang pa kA ran 'da'/ ngur pa dang ni sa ra sa// de dag sgra rnams 'byin pa ni// bla med dge 'dun sgra yang 'byin// lha dag gi dang mi yi ni// bya rnams ji snyed gang yod pa// dkon mchog gsum gyi bsngags pa rnams/ / de dag kun du sgra yang 'byin// rin po che yi shing rnams ni// bye brag 'phags shing blta na sdug/ yid 'ong nor bu'i shing rnams kyang // zhing 'di nyid du rnam par sprul// shing 'di kun la rgyan rnams kyi/ / chun po thams cad rab du 'phyang // sangs rgyas dag gi mthu yis ni// zhing 'di nyid du mngon par sprul// zhing 'di nyid ni mi snang ba// de lta bu yi bkod pa ni// zhing kun na yang yod med de/ / de tshe shin du bye brag 'phags// gong ma bzhin du 'di dag rnam// shAkya seng ge skyob pas bshad// byang chub sem dpa' grag chen rnam// ye shes de la nem nur med// gang gis mtha' b.ri rtogs pa ni/ / de dag 'jug pa bsams yas te// ye shes kyis ni rnam par 'phel// 'bab chu dag gis rgya mtsho bzhin// de dag la yang mtha' mi rnyed// rgya mtsho dag ni 'thung ba bzhin// byang chub sems dpa' rnams kyi tshul// bsam gyis mi khyab 'di dag bshad// dpa' bo mtha' 'dir gnas pa yi// byang chub sems dpa' grags ldan rnams// dbyangs// kyi yan lag rnams 'byin pa// gang+gA yi ni bye ma snyed// de bas dpyad kyang bsam yas te// byang chub sems dpa' rlom sems med// rlom sems rab tu spangs pa na// byang chub tu yang nye bar 'gyur/ / de dag srog gi phyir yang ni// tshul khrims 'bral bar mi byed de// byang chub sems dpa' dka' thub brtan// de ni mi 'bral spyod par byed// 'dod pa yi ni 'du shes kyi// de kun phyir yang mi 'bral te// 'du shes thams cad spangs pa la// ting 'dzin dag ni dpag tu med// mnyam par bzhag pas de spyod de// ting 'dzin la yang chags pa med// chags pa med cing bag yod pas/ / de ni 'jig rten chags mi byed// 'jig rten khams ni 'das nas kyang // bde ba can du de 'gro ste// der song nas ni de yis kyang // sangs rgyas 'od dpag med pa mthong / / byang chub sems dpa' dpa' bo gang // mtshan rnams kyis ni legs par brgyan// mngon shes lnga ldan shes rab che// gzungs rnams spyod yul gyur pa dag/ zhing rnams bye bar rab 'gro zhing / / sangs rgyas zhabs la phyag kyang 'tshal// sangs rgyas zhing ni bas ma yas su// snang bar byed cing 'gro bar 'gyur// skyon rnams thams cad rab spangs shing // nyon mongs thams cad rnam par sbyangs/ / nyon mongs thams cad rgyun bcad de// rgyal bar skye ba gcig gis gnas// zhing de nas ni mi rnams kyang // ngan song du yang mi 'gro sde// zhing der ngan song thams cad kyang / / ma lus par ni chad par 'gyur// skyob pa 'od ni dpag med pa// 'jig rten mgon pos bshad pa ste// de la nem nur ma byed cig/ bde ba can du 'gro bar 'gyur/ / mdo sde rin chen 'di yis bsngags pa rnams// bud med gang thos sems kyang dad 'gyur ba// skyes bu mkhas pa mchod du myur 'gyur te// rdzu 'phrul gyis ni zhing stong bye bar 'gro/ / mchod pa tshad med rnams mang ji snyed pa// zhing ni bye ba khrag khrig gtams snyed du// skyes bu mchog la mchod pa de byas pa// byams pa'i sems la grangs dang char mi phong // tshul khrims ting 'dzin rtag du bsnyen byas te/ / bsam gtan rnam thar de bzhin tshad med dang // stong pa mtshan med rtag tu bsnyen byas na// ring por mi thogs 'jig rten bde gshegs 'gyur// byang chub sems dpa' tshul khrims tshogs gnas pa// des ni nga la mchod pa rab mchog byas// zad dus tha mar byang chub sems gnas pa// de ni sangs rgyas thams cad rtag tu mchod// zad dus mi bzad pa la byang chub sems dpa' gang // bde bar gshegs pas bstan pa'i chos mchog 'di bsrung ba// de dag nga yis sras te phyi dus chos skyong ba// de dag sangs rgyas bye ba stong gis yongs su gtad/ / mdo sde 'dzin pa'i phan yon gyi le'u ste sum cu gsum mo// / pa phags pa ting nge 'dzin gyi rgyal po'i mdo/ bam po bcu gcig pa// // de nas yang bcom ldan 'das kyis zla bod gzhon nur gyur pa la bka' stsal pa// gzhon nu de lta bas na/ byang chub sems dpa' sems dpa' chen po ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas mtshan ma med pa la gnas te/ de bzhin gshegs pa bzhugs pa'am/ yongs su mya ngan las 'das pa de dag gi de bzhin gshegs pa'i mchod rten rnams la mchod pa rgya cher bya ba la mngon par brtson par bya'o// gzhon nu byang chub sems dpa' sems dpa' chen po des/ sems can thams cad la dmigs pa'i sems bskyed pas/ ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par 'tshang rgya bar 'dod pas/ mtshan ma med pa la gnas shing / las kyi rnam smin la mi reg pas/ rang gi lus dang srog gis kyang de bzhin gshegs pa bzhugs pa'am/ yongs su mya ngan las 'das pa dag gi mchod rten la mchod pa mngon par 'du bya ba rgya chen bya'o/ / chos thams cad kyi rang bzhin mnyam pa nyid rnam par spros pa'i ting nge 'dzin 'di yang / skad gsang mtho zhing yid du 'ong ba dang bye brag tu 'phags pa'i tshig dang yi ge rgyun chags pas snying rje chen po la dmigs pa'i sems dang yid la byed pas/ gzhan la rgya cher rab tu bstan par bya'o// rab tu gdon par bya'o// bsha par bya'o/ / de ci'i phyir zhe na/ gzhon nu chos thams cad kyi rtsa ba dang bzhi ni chos thams cad kyi rang bzhin mnyam pa nyid rnam par spros pa'i ting nge 'dzin gyi rgyal po 'di yin no// gzhon nu gang gi tshe byang chub sems dpa' sems dpa' chen po snying rje chen po dang thabs kyis bstan pa'i brtson 'grus dang ldan pas/ de bzhin gshegs pa bzhugs pa 'am/ yongs su mya ngan las 'das pa dag gi de bzhin gshegs pa'i mchod rten rnams la mchod pa rgya cher bya ba la brtson par gyur cing / chos rnams kyi rang bzhin mnyam pa nyid rnam par spros pa'i ting nge 'dzin gyi rgyal po 'di gzhan dag la rgya cher rab tu ston pa de'i tshe/ gzhon nu byang chub sems dpa' sems dpa' chen po de stong pa nyid dang / mtshan ma med pa dang / smon pa med pa'i rnam par thar pa'i sgo la gnas par 'gyur te/ de chos gang la yang mi dmigs so// byang chub sems dpa' sems dpa' chen po mi dmigs pa'i ting nge 'dzin gyi rnal 'byor la gnas pa ni/ smon lam thams cad la gnas par 'gyur ro/ / gzhon nu byang chub sems dpa' sems dpa' chen po smon lam thams cad la gnas pa ni/ bdag dang sems can kun gyi smon lam thams cad yongs su rdzogs par byed de/ ting nge 'dzin 'di yang myur du 'thob cing / myur du bla na med pa yang dag par rdzogs pa'i byang chub mngon par 'tshang rgya'o// gzhon nu rnam grangs 'dis kyang / de ltar rig par bya ste/ gzhon nu sngon byung ba 'das pa'i dus na/ bskal pa grangs med pa bas kyang ches grangs med pa/ yangs pa/ tshad med pa/ bsam gyis mi khyab pa/ dpag tu med par gyur pa de'i tshe de dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dpyang byin zhes bya ba 'jig rten du byung ngo // gzhon nu de bzhin gshegs pa dgra bcom pa yang dag par rdzogs pa'i sangs rgyas dpyad byin des sems can grangs med dpag tu med pa/ zag pa zad pa dgra bcom pa nyid la bkod de/ rab tu bkod cing yongs su mya ngan las 'das nas kyang / sems can grangs med dpag tu med pa bla na med pa yang dag par rdzogs pa'i byang chub las phyir mi ldog par yang rab tu bkod nas/ yongs su mya ngan las 'das par gyur to// gzhon nu de'i tshe de'i dus na// 'dzam bu'i gling na rgyal po dpal dbyangs zhes bya bas/ de bzhin gshegs pa yongs su mya ngan las 'das pa la mchod pa bya ba'i phyir/ mchod rten de bzhin gshegs pa'i ring srel gyi snying po can bye ba khrag khrig brgya stong phrag brgyad khri bzhi stong byas te/ mchod rten re re la yang mar me'i yon bye ba khrag khrig brgya stong phrag brgyad khri bzhi stong btsugs so// de bzhin du mchod rten re re la yang rol mo dang / sil snyan dang / me tog dang / bdug pa dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan bye ba khrag khrig brgya stong phrag brgyad khri bzhi stong phul lo/ / gzhon nu 'di ltar rgyal po dpal dpyad kyis mchod rten de bzhin gshegs pa'i ring srel gyi snying po can la mchod pa byas nas/ byang chub sems dpa' bye ba khrag khrig brgya stong phrag brgyad cu'i byang chub sems dpa' mang po bsags nas/ byang chub sems dpa' sems dpa' chen po de dag thams cad la bde ba'i yo byad thams cad kyis mchod pa la brtson par gyur to/ / byang chub sems dpa' sems dpa' chen po de dag thams cad kyang chos smra ba yin te/ spobs pa rgyun mi 'chad pa ting nge 'dzin rab tu thob pa/ chags pa med pa'i gzungs rab tu thob pa/ yang dag pa'i yon tan gyi chos ston pa/ yongs su dag pa'i chos ston pa/ byang chub sems dpa'i dbang dam pa'i pha rol phyin pa sha stag go// gzhon nu de'i tshe de'i dus na/ 'khor de na byang chub sems dpa' sems dpa' chen po bde bas byin zhes bya ba yod de/ byis pa gzhon nu skra gnas pa/ dang po'i lang tshe dang ldan pa/ na chod dar la bab pa/ 'dod pa la rnam par ma brtses shing / gzhon nur tshangs par spyod pa/ bsnyen par rdzogs nas lo gcig lon pa zhig yod do// gzhon nu de'i tshe de'i dus na/ rgyal po dpal dbyangs kyis byang chub sems dpa'i tshogs chen po de dag la gsol ba btab pa/ 'di lta ste/ pha rol tu phyin pa drug dang ldan pa yang dag par sdud pa/ byang chub sems dpa'i sde snod gzungs chen po dang thabs la mkhas pa dang / dbang dang dul ba chags pa med pa mngon par bsgrub pa'i phyir/ byang chub sems dpa' sems dpa' chen po de dag la gsol ba btab nas nub mo mchod rten de bzhin gshegs pa'i ring srel gyi snying po can rnams kyis mdun du mar me'i yon bye ba khrag khrig brgya stong dag rab tu 'bar bar byas te/ 'khor gyi khyams kyang phyag dar byas nas chag chag btab ste/ rab tu byug pa byas/ me tog mngon par bkram zhing / mal stan sna tshogs bting ste/ rgyal po dpal dbyangs de btsun mo'i 'khor dang bcas/ grong dang yul mi 'khor dang bcas grong mir bcas pa khyim gyi nang nas byung ste/ rol mo dang / sil snyan dang / pheg rdob pa dang / me tog dang / bdug pa dang / spos dang / 'phreng ba dang / byug pa dang / ma dang / na bza' dang / gdugs dang / rgyal mtshan dang / ba dan rnams thogs nas/ mchod rten de bzhin gshegs pa'i ring srel gyi snying po can rnams la mchod pa byas nas/ chos mnyan pa'i phyir btsun mo'i 'khor dang bcas te khang thog du dong ngo / / lha dang mi'i 'khor kyang chos nyan pa'i phyir mang du tshogs te/ byang chub sems dpa' bde bas byin gyis de dag mthong ba dang / mar me yon du phul ba bye ba khrag khrig brgya stong mang po dag sa du 'bar bar byas pas de'i 'od kyis gcig du khyab ste/ lha dang mi'i skye bo mang po rnams chos nyan par tshogs par rig nas/ de 'di snyam du sems te/ bdag ni theg pa chen po la zhugs pa yin na/ / de bdag ting nge 'dzin 'di 'dod pa'i phyir/ de bzhin gshegs pa la mchod pa zhig bya ste/ de bzhin gshegs pa la mchod pa ji lta bus lha dang mi dang lha ma yin du bcas pa'i 'jig rten ngo / mtshar du 'gyur ba dang / yid rangs pa dang / dga' ba dang / mgu ba dang / yid bde ba skye bar 'gyur zhing / chos kyi snang ba thob pa dang / rgyal po dpal dbyangs kyis de bzhin gshegs pa la mchod pa byas pa thams cad dang ldan pa 'di yang zil gyis mnan te/ rgyal po dpal dbyangs btsun mo'i 'khor dang zham ring bar bcas pa yang ngo mtshar du gyur cing yid rangs pa dang / rab tu dga' ba dang / mgub dang yid bde ba skye bar 'gyur bar mchod par bya'o snyam mo/ / de nas byang chub sems dpa' sems chen po bde bas byin de ltar sems dga' zhing yid bde ba skyes te/ chos nyan pa'i skye bo'i tshogs chen po 'dus par rig nas/ de'i nub mo de bzhin gshegs pa'i mchod rten gyi mdun du 'dug nas/ lag pa g.yas pa ras kyis dkris te/ 'bru mar gyi nang du bcug go// 'bru mar gyi nang du bcug nas 'bar bar byas so/ / de nas byang chub sems dpa' sems dpa' chen po bde bas byin lhag pa'i bsam pa la zhugs pa/ lhag pa'i bsam pas bla na med pa yang dag par rdzogs pa'i byang chub tu zhugs shing byang chub yongs su tshol ba'i lag pa g.yas pa de ltar 'a bar yang sems dang bzhin gyi mdog gyur pa med do/ / gzhon nu de nas byang chub sems dpa' sems dpa' chen po bde bas byin gyi lag pa g.yas pa bsregs nas rab tu 'bar zhing mer gyur te/ me lce gcig tu 'bar bar gyur ma thag tu de'i tshe sa chen po 'di yang rab tu g.yos par gyur to/ / de'i lag pa 'a bar bar byas pa'i 'od des/ mar me yon du phul ba bye ba khrag khrig brgya stong phrag du ma rnams mog mog por byas par gyur te/ phyogs thams cad du yang snang ba chen po byung ngo // 'od de phyogs thams cad snang bar gyur te/ kun tu khyab par gyur pa dang / de dga' zhing yid bde ba skyes nas/ chos thams cad kyi rang bzhin mnyam pa nyid rnam par spros pa'i ting nge 'dzin 'di yang skad 'jam zhing yid du 'ong ba dang / tshig bye brag tu 'phags pa dang // tshig gi yi ge rgyun chags pas 'khor de dag thams cad la rgya cher go bar byed cing yang dag par rab tu bstan to/ / der sum cu rtsa gsum ris kyi lha khri nyis stong chos nyan par 'dus pa de dag dga' zhing yid bde ba skyes nas/ lha'i mchod pa sna tshogs byed par gyur to// lha'i bu mo rnams kyang lha'i rol mo dag kyang byed do// rgyal po dpal dbyangs khang pa'i sdeng na 'dug pa/ bdag gi mi mang pos bskor cing mdun du bdar te/ btsun mo'i 'khor gyi nang na 'dug pa/ gso sbyong yan lag brgyad dang / ldan pa yang dag par bzung bas/ byang chub sems dpa' sems dpa' chen po bde bas byin gyi lag pa 'bar bar byas te/ 'od de dag thams cad zil gyis mnan cing lha'i 'od mi'i las 'das pas snang bar byas pa mthong nas/ de 'di snyam du sems so// 'di ni byang chub sems dpa' sems dpa' chen po mngon par shes pa chen po thob pa yin no zhes byang chub sems dpa' sems chen po bde bas byin la shin tu dga' ba dang / dad pa dang / gus pa'i bar bzhag ste/ ri mor bcas shing dge ba'i rtsa ba dang / bsod nams kyi phung po chen pos brtan pas/ btsun mo'i 'khor brgyad cu dang lhan cig khang pa'i steng de nas bdag nyid mchongs te/ byang chub sems dpa' sems dpa' chen po bde bas byin blta ba dang / rab tu dga' bar bya ba'i phyir mchongs te dong ngo // de gus pa las byung ba'i dge ba'i rtsa bas tshe de nyid la 'khor dang bcas pa'i lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis yongs su bzung ba thob bo// de lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto ba bye chen po dag gis yongs su bzung bas/ rgyal po dpal dbyangs kyang 'khor dang bcas pa khru stong phrag brgyar tshang ba'i khang pa'i steng nas mchongs na/ de'i lus la gnod pa 'am/ sems la gnod pa'am/ sems zhum par gyur pa med do// de nas rgyal po dpal dbyangs lag pa gnyis bsgreng ste/ skye bo'i tshogs chen po dang lhan cig 'di ltar byang chub sems dpa' sems dpa' chen po bde bas byin gyi lag pa bsregs shing rab du 'bar mthong nas/ skad chen po phyung ste/ chos nges btab bo// de nas rgyal po de skye bo'i tshogs chen po dang lhan cig ngu zhing mchi ma byung nas byang chub sems dpa' sems dpa' chen po bde bas byin gyi mdun du 'dug go/ / gzhon nu byang chub sems dpa' sems dpa' chen po bde bas byin gyis rgyal po dpal dbyangs mthong ste/ mthong nas de la spras pa/ ci'i slad du rgyal po chen po khyod skye bo'i tshogs chen po 'di dag dang bdag gi mdun na bzhugs shing skad chen po phyung ste cho nges btab nas bshums shing mchi ma 'a byin par mdzad/ de skad ces smras pa dang / rgyal po dpal dbyangs kyis/ byang chub sems dpa' sems dpa' chen po bde bas byin la tshigs su bcad pa'i dbyangs kyis smras pa/ shes rab chen po bde bas byin// chos spras pa ni mkhas pa yi// yan lag ma tshang rig nas ni/ / skye bo 'di dag de phyir du// gzi brjid phung pos 'phags pa yi// 'di lta bu yi gzugs pade yang // lag pa nyams par shes nas ni// bdag kyang shin tu sdug bsngal lo/ / khyod kyi lag pa 'bar byas pa// de yi 'od ni phyogs bcur btang // khyod las byung ba'i lha rdzas kyis// mar me 'di dag mi gsal byas// sa 'di rab tu g.yos grur te/ / khyod kyi sems ni zhum pa med// de nas bdag gi sems skyes pa// mkhas pa tha mal ma yin snyam// bdag ni btsun mo'i 'khor bcas pa// khru ni stong phrag brgya pa yi// khang pa'i steng nas mchongs gyur na// bdag gi lus la gnod pa med// legs so ye shes ngo mtshar khyod// legs so sems kyang bla na med// brtson 'grus rab brtsams legs pa ste/ / bsam pa che ba legs pa yin// gang gi lag pa 'bar byas kyang // khyod la nam yang g.yo ba med// dga' zhing rangs pa skyes nas su// phyir yang chos ni rab tu bachad/ / ji ltar zla ba nya ba dang // nam mkha'i dkyil na nyi ma bzhin// ri rab ri yi rgyal po ltar// grogs po de ltar shin tu mdzes// bdag kyang de bzhin mkhas pa yi// smon lam yongs su rdzogs par bgyi/ / lus la phangs parab spangs te// bdag gis srog chags don rnams bgyi// chos kyi dga' bas rangs gyur te// bdag gi dga' ba bsam mi khyab// 'di ltar yan/ lag ma tshang ba// des ni rab tu sdug bsngal lo// lha dang klu yis mchod pa yi// bde bas byin gyis rgyal po la// mtha' yas pa yi spobs pa yis// tshigs su bcad pa 'di dag smras/ / gang la lag pa med pa yang // de ni yan lag ma tshang yin// su la tshul khrims med pa dang // de ni yan lag ma tshang yin// rul pa yi ni lus 'di yis// bsam gyis mi khyab sbyin pa'i gnas// 'jig rten kun gyi mchod pa'i rten// de bzhin gshegs pa bdag gis mchod// stong gsum dag ni mtha' yas pa// rin po che yis yongs bkang ste/ / sangs rgyas ye shes tshol ba'i phyir// 'jig rten mgon la rab tu byin// 'jig rten pa yi mchod yod kyang // su dag chos rnams stong rig nas// lus dang srog kyang gtong ba ni/ / mchod pa de dag bsam mi khyab// bden pa'i tshig ni brjod par bgyi// rgyal po chen po bdag la gson// skye bo'i tshogs 'di thams cad kyang // tshigs bcang 'di yi don rig gis/ bden pa gang gis sangs rgyas su// 'jig rten mchod rten bdag 'gyur na// bden pa de yis sa 'di yang // rnam pa drug tu g.yos gyur cig/ tshig 'di dag ni smras dang // sa yang rab tu g.yos par gyur/ / ngo mtshar gyur cing rmad byung ste// lha rnams bye ba rab tu dga'// lha dang mi dag dga' nas ni// byang chub tu yang sems bskyed de// dpag med bsam gyis mi khyab pa/ / theg pa mchog la gnas par gyur// dge slong bde bas byin pa yis// ji snyed kyi ni don byas pa// de ni mi zad bsam mi khyab// sangs rgyas dag gi ye shes 'jug bden pa gang gi chos de ni/ / lag la zhes kyang bya bden na// bden pa de yis sngon ltar bdag/ lag pa myur du byung bar shog/ bden pa gang gis chos de ni// bde bas byin pa yod ma yin// phyogs rnamasu la btsal nas yang / / stong pa yin pas mi dmigs so// sgra grag 'byung bar gyur pa yang // de ni stong par rig par gyis// sgra ni brag cha lta bu ste// chos rnams de ltar shes par bgyi/ / nam zhig 'jigs pa med 'gyur zhing // stong pa rtogs pa khong du chud// bden pa yi ni tshig de yis// 'jig rten thams cad tshig mi 'gyur// srid gsum sems can ji snyed pa// lha rnams dang ni mi rnams kyang // thams cad mkhyen pa'i gzi brjid kyis// thams cad mnyam par gzhag par shog/ ji snyed lha dang mi dag gi/ 'tshe bar gyur cing ci yod pa// phyir mi ldog pa'i gzi brjid kyis/ / de dag thams cad zhi bar shog/ tshigs bcad 'di dag bshad pa dang // lag pa yang ni slar skyes te// bde bas byin pa de yi lus// mtshan rnams kyis ni rnam par brgyan/ / lha yang bye ba phrag stong rnams// bar snang la ni 'dug nas su// de tshe me tog man+da ras// dge slong de la 'thor bar byed// mi ma yin pa'i me tog gis// 'jam bu'i gling 'di gang bar gyur/ / lha mo bye ba khrag khrig rnams// glu dbyangs rol mo rab tu byed// de tshe bde bas byin pa yis// sgra 'di dag ni phyung ba na// rnam 'drul 'di ni sangs rgyas dag/ bye ba stong gis gzigs par 'gyur// rang rang gi ni zhing dag tu// dge slong pha dang dge slong ma// dge bsnyen ma dang dge bsnyen la// grags pa chen po ga bar mdzad/ / dge slong bde bas byin pa de// mkhas shing stobs kyang che ba ste// sangs rgyas kyi ni ye shes phyir// des ni lag pa 'bar bar byas// de yis zhing rnams stong dag dang // gang+gA yi ni bye ma snyed// mar me des ni snang byas te// sreg pa'i bskal pa byung ba bzhin// me tog dang ni phye ma yis// zhing rnams thams cad gang bar gyur// sa gzhi dag nas yan chad du/ / pus nub tsam du gang bar gyur// rin chen me tog thams cad kyis// sangs rgyas zhing 'di gang bar gyur// bde bas byin la mchod pa'i phyir// klu rnams mu tig char pa 'bebs// rin chen bkod pa thams cad kyis/ / zhing 'di rab tu brgyan par gyur// bde bas byin la mchod pa'i phyir// mu tig rin chen shin tu bkram// lha dang klu dang gnod sbyin dang // mi 'am ci dang lto 'phyer bcas/ / gang+gA yi ni bye ma snyed// byang chub mchog la zhugs par gyur// bya rgod bungs po'i ri la yang // sangs rgyas shAkya seng ge ni// dge slong dag gi dge 'dun mdun// rgyal ba seng sgra sgrogs pa/ / bskal pa stong gi bar du ni// byang chub spyad pa spyod pa na// nga ni bde bas byin par gyur// ma pham pa ni dpal dbyangs yin// dge slong bde bas byin pa ni// mthong ma thag tu/ de'i tshe// bud med dag kyang mtha' yas pa// bud med dngos po rnam par log/ mi dbang gis ni lung bstan te// de dag phyir yang ldog pa med// 'jig rten kun gyi 'dren pa ste// rab tu/ 'gyur zhes lung yang bstan// sbyangs pa'i yon tan bstan pa yi// mkhas pas mdo sde 'di thos nas// lus la phangs pa med byed par// chos 'di rjes su bslab par bgyis// bde bas byin gyi le'u skye su cu cu bzhir/ / de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na byang chub sems dpa' sems dpa' chen po ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ dge ba'i rtsa ba rnams la nye bar gnas na/ chos kyi sbyin pa 'am/ zang zing gi sbyin pa la brtson par bya'o// byang chub sems dpa' sems dpa' chen po des/ sbyin pa de yang sngo ba bzhis yongs su bsngo bar bya'o// bzhi gang zhen 'di lta ste/ thas la mkhas pa gang gis sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas pa'i thabs mkhas pa de dag thob par 'gyur bar sbyin pa 'di yi dge ba'i rtsa ba bskyed par bya'o zhes bya ba 'di ni bsngo ba dang po'o/ / dge ba'i bshes gnyen gang dag la thabs mkhas pa thos zhing 'dzin par 'gyur ba dang / kun chub par bya ba dang / 'chang ba dang / klog par 'gyur ba dang / gang gis bla na med pa yang dag par rdzogs pa'i byang chub mngon par rdzogs par 'tshang rgya ba'i dge ba'i bshes gnyen de dag dang bdag rtag tu 'grogs par gyur cig ces de ltar sbyin pa'i dge ba'i rtsa ba bskyed par bya'o zhes bya ba 'di ni bsngo ba gnyis pa'o/ / longs spyod thob pa gang 'jig rten thams cad 'tsho bar 'gyur ba'i longs spyod thob pa de dag dang bdag phrad par gyur cig ces de ltar sbyin pa'i dge ba'i rtsa ba de bskyed par bya'o zhes bya ba 'di ni bsngo ba gsum pa'o/ / bdag gi lus grub pas sems can rnams la chos kyis phan bdags pa dang / zang zing gis phan gdags pa dang // phan gdags pa gnyis kyis phan 'dogs par 'gyur pa'i bdag gi lus grub par gyur cig ces sbyin pa'i dge ba'i rtsa ba bskyed par bya'o zhes bya ba 'di ni bsngo ba bzhi pa ste/ gzhon nu byang chub sems dpa' sems dpa' chen pos bsngo ba 'di bzhis dge ba'i rtsa ba rnams bsngo bar bya'o// gzhan yang gzhon nu byang chub sems dpa' sems dpa' chen po rab tu byung ba yang rung / khyim pa yang rung ste/ ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ byang chub sems dpa' sems dpa' chen po dag la g.yo med pas bsten par bya/ bsnyen par bya/ rim thor bya'o// de la ga ma med pa de ni ting nge 'dzin 'di 'dzin pa'i dge slong byang chub sems dpa' sems dpa' chen po gang na bar gyur cing / nad mi bzad pas btab pa las/ rang gi sha dang khrag gis kyang dge slong de na ba de/ las bslang bar spro bar bya'o// gzhon nu byang chub sems dpa' sems dpa' chen po lhag pa'i bsam pa phun sum tshogs pa ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ g.yo med cing 'jigs pa med pas rang gi sha dang khrag kyang yongs su btang ste/ dge slong chos smra bar na ba las bslang bar bya'o/ / gzhon nu rnam grangs des 'di ltar rig par bya ste/ gzhon nu sngon byung ba 'das pa'i dus na/ bskal pa grangs med pa bas kyang ches grangs med pa/ yangs pa/ tshad med pa bsam gyis mi khyab pa/ dpag tu med pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das smon lam bsam gyis mi khyab pa khyad par du 'phags pa'i rgyal po zhes bya ba 'jig rten du byung ste/ gzhon nu smon lam bsam gyis mi khyab pa khyad du 'phags pa'i rgyal po de bzhin gshegs pa dgra bcom pa yang / dag par rdzogs pa'i sangs rgyas de gang gi nyin par bla na med pa yang dag par rdzogs pa'i byang chub mngon par rdzogs par sangs rgyas pa de'i nyi ma ma 'das pas sangs rgyas kyi 'phrul pa grangs med dpag tu med pa mngon par sprul nas/ sems can tshad med pa 'dul ba byas te/ zag pa zad pa dgra bcom pa nyid la bkod/ sems can tshad med pa yang bla na med pa yang dag par rdzogs pa'i byang chub las phyir mi ldog pa la bkod nas/ nyi ma de ma 'das par yongs su mya ngan las 'das so// bcom ldan pa das yongs su mya ngan las 'das pa de'i dam pa'i chos lo bye ba khrag khrig brgya stong du gnas par gyur to/ / gzhon nu bcom ldan 'das smon lam bsam gyis mi khyab pa khyad par du 'phags pa'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi bstan pa nub pa'i dus kyi tshe/ lnga brgya tha mar gyur pa na/ dge slong dmigs pa'i lta ba can mang po byung ste/ de dag 'di lta bu'i mdo sde la mi sred mi mos shing phyir zlog par byed/ spong bar byed de/ mdo sde 'di lta bu 'dzin pa'i dge slong dag la yang gnod par byed cing srog kyang gcod par byed de/ snyed pa dang bkur sti la chags pa de dag gis/ mdo sde 'dzi lta bu 'dzin pa'i dge slong srog bcad par gyur to/ / gzhon nu de'i tshe de'i dus na/ rgyal po ye shes kyi stobs zhes bya ba 'dzam bu'i gling la dbang ba/ dam pa'i chos yongs su 'dzin pa sngon gyi smon lam phun sum tshogs pa zhig byung ste/ gzhon nu yang de'i tshe de'i dus na/ 'dzam bu'i gling 'dir dge slong yang dag blo gros zhes bya ba ting nge 'dzin 'di 'dzin pa dang / chos smrab rgyal po de'i pho brang du 'gro zhing / dge ba'i bshes gnyen byed pa/ phan par 'dod pa/ snying brtse ba don tu 'dod pa zhig byung ste/ rgyal po de yang de la rgyun mi chad par blta bas mi ngom ste rtag tu 'dod par gyur to/ / de yang bstan pa dang / chos kyi gtam bya ba dang / nye bar 'gro ba dang / bsnyen bkur bya ba dang / yongs su dri ba dang / gzung ba dang / tshig gis go bar byed nus shing dge slong chos smra ba de/ sems can drag gi g.yo ba dang / spyod lam dang / mos pa dang / khams dang / bag chags la mkhas te/ sems can rnams kyi dbang po dang / stobs dang / brtson 'grus kyi rim pa shes shing / khams dang / bag chags la yang mkhas/ bden pa dang mtshams sbyar ba la yang mkhas/ mtshams dpral ba dang / tshig gi lan gtan la dbab pa la yang mkhas/ spobs pa zab sems can thams cad 'dul ba'i cho ga la yang mkhas/ gsong por smra zhing bzhin la khro gnyer med pa/ sems chen por gyur pa la gnas pa/ snying rje chen po la brtson pa/ pha rol rgol ba thams cad kyis zil gyis mnon pa yin no// gzhon nu de'i tshe de'i dus na/ rgyal po ye shes kyi stobs kyi bu mo skyes nas lo bcu drug lon pa/ byad bzhin bzang zhing mdzes la/ blta na sdug pa/ kha dog bzang zhing rgyas pa'i mchog dang ldan pa ye shes ldan zhes bya ba zhig byung ste/ de'i slob dpon ni dge slong yang dag blo gros zhes bya ba yin te/ dge ba'i chos rnams la yang dag par ston pa/ yang dag par gzeng bstod pa/ yang dag par rab tu dga' bar byed pa/ yang dag par 'dzin du 'jug pa yin no// gzhon nu de'i tshe de'i dus na/ dge slong chos smra ba de'i brla gnyis la/ 'brum bu me dpal nag po chen po gso dka' zhing sman dkon pa zhig byung ste/ na ba de sman pa dag gis spangs par gyur to// de nas rgyal po ye shes kyi stobs btsun mo'i 'khor dang bcas pa/ sras dang sras mo dang / zham ring bar bcas pa/ dge slong den par rig nas rab tu ngu zhing mchi ma byung ngo // bud med brgyad khrir bcas pa dang / grong dang grong khyer gyi mi rnams su bcas pa dang / yul 'khor dang / grong 'dab pa dang yul gyi mi dang / rtsis pa dang / blon po dang / blon po chen po dang / spo ba dang / 'khor rnams su bcas pa de dag thams cad kyang dge slong den par thos nas/ rab tu ngu zhing mchi ma 'byin te/ dge slong 'di 'chi ba'i dus byed par gyur ta re zhes de skad 'dzer te/ gzhon nu de'i tshe de'i dus na/ rgyal po ye shes stobs la lha mo sngon gnag gi gnyen mtshams su gyur pa zhig yod de/ de rdul po'i phyi bzhin 'brang bas rmi lam du bstan pa/ rgyal po chen po gal te dge slong de la mi'i sha dang khrag gsar pa ma rul bas 'brum bu me dpal nag po 'di la byugs te/ mi'i sha gsar pa ma rul ba las ro sna tshogs su g.yos byas te byin na/ dge slong 'di nad 'di las 'tsho bar 'gyur ro zhes zer ro// de nas rgyal po ye shes kyi stobs mtshan mo de 'das pa dang / gnyid kyis log pa las sad de/ btsun mo'i 'khor gyi nang du 'ongs nas/ rmi lam gyi rnam pa de dag btsun mo'i 'khor rnams la bzlas te/ nga'i rmi lam 'di lta bu zhig mthong ngo / zhes bzlas nas go bar byas na/ gzhon nu de ltar bud med kyi khyim de dang / rgyal po'i pho brang de nas dge slong de la rtsi de sbyin par su yang spro ba med do// rgyal po'i bu mo ye shes ldan yang rmi lam de lta bu zhig rmis nas sad pa dang btsun mo'i 'khor gyi nang du song ste/ rmi lam gyi rnam pa de dag/ ma dpa 'am ring mo rnams la gtam byas kyang dge slong de la rtsi de sbyin par su yang spro ba med de nas rgyal po'i bu mo ye shes ldan de dga' zhing mgu la yid rangs shing rab tu dga' ba dang / mos pa dang / yid bde ba skyes nas 'di lta bur brtson par byas te/ 'di ltar bdag gis rtsi 'di dag bdag gi lus las bcad de/ ji skad bstan pa bzhin du khrag gsar pa dang / sha gsar pa sbyin par bya'o// rgyal po'i pho brang na bdag ni thams cad kyi nang na gzhon zhing chung ste/ lus dang ngag dang yid kyi las kyang kun nas nyon mongs pa ma yin la/ kun nas nyon mongs pa med pa'i ye shes btsal bar chos smra ba kun nas nyon mongs pa med pa la/ bdag gi lus kyi sha dang khrag phul te/ dge slong 'di ci nas kyang nang 'di las sos par bya'o snyam mo// de nas rgyal po'i bu mo ye shes ldan de rang gi gnas su song nas/ mtshon rnon po thogs te/ chos la zhugs pa'i yid kyis/ bdag gi brla lA sha bcad nas ro sna tshogs dang ldan pa gya nom par g.yos byas nas khrag kyang thogs te/ 'phags pa de'i drung du song nas/ rgyal po ye shes stobs kyi mdun du 'dug ste/ khrag gis 'brum bu me dpal nag po de la byugs nas/ g.yos legs par byas pa'i zas de dge slong de zar bcug ste/ 'grangs par byed cing legs par bstabs so// de nas dge slong de mi shes ma rig mi dogs pas/ zas de zas so// zas de zos ma thag tu dge slong de'i nad thams cad med par gyur te/ nad de thams cad kyang sos so// de yongs su gdung ba dang bral zhing bde ba dang ldan pas/ de lta de lta bur chos bstan te/ btsun mo'i 'khor de dang / grong pa dang / yul mi dang / yul 'khor ba 'dus pa de dag las srog chags khri nyis stong bla na med pa yang dag par rdzogs pa'i bya chub tu sems skyes so/ / de na rgyal po ye shes stobs kyis/ bdag gi bu mo la tshigs su bcad pa 'di dag smras so// bu mo khyod kyis khrag 'di ga las rnyed// mi yi sha 'di dag kyang gang nas blangs/ / bu mo khyod kyis kha zas 'di byas pas// chos smra 'di yang 'di ltar bde bar gyur// sna tshogs blo dang ldan pa'i g.yos byas pa// bsad pa yin nam de ste shi ba rnyed/ / bu mo khyod kyis khrag 'di ga las rnyed// des ni sdig pa'i nad las 'di thar byas// bu mo des ni pha yi tshig thos nas// bu mo ye shes ldan gyis 'di skad smras// zhum sems me par tshig kyang rab smras te/ / bdag ni ci mchi yab khyod gsan du gsol// lha yi bstan pa'i rmi lam dag/ bdag gi mthong bar gyur to yab// sa yi bdag po bdag la gson// yang dag don ni mkhyen par mdzod/ / lha des bdag la 'di skad ston// mi yi shwa dang khrag rnams ni// dge slong 'di la sus byin na// sdig pa'i nad las thar bar 'gyur// bdag ni mal nas langs nas su/ / btsun mo'i 'khor du mchis nas ni// bdag gi de tshe rmi lam rnams// ma yi gco la bzlas shing smas// bran mo rnams la bdag gis bsgo// 'di lta bu dag su byed nus/ / mi yi khrag dang sha rnams ni// khu bar bcos pa g.yos byas te// zas su rab tu sbyin bya zhing // khrag dag gis kyang byug nas su// me dpal nag po 'dri las kyang / / dge slong ji ltar thar par bya// cho ga myur du ma byas na// rtsi sman dag ni ma byas pas// dge slong ba di ni nang 'di yis// myur du bachi ba'i dus byed 'gyur/ / rang gi sha dang khrag stong pa// srid pa gsum na sems can gang // mkhas pa su zhig 'di mthong nas// lus la yang ni gnas par byed// btsun mo'i 'khor du bdag gis go bar bgyis/ / bud med gcig kyang sbyin zhes mi mchi nas// bdag la dge slong de phangs kyang // byang chub phyir ni bdag gi sha khrag btang // byang chub zhi ba mya ngan med tshol ba/ / de dag lus la mos shing rten pa min// bdag nyid la yang rdul tsam phangs pa med// bdag nyid btang yang yid ni mi dga' med// btsun mo'i 'khor rnams de thos na/ thams cad rmugs pa bzhin du gyur// bya ba de dag sbyar ba ni// su yang spro bar ma gyur to// de nas bdag gis sems skyes pa// dge slong 'di la zas byin te// bdag gi sha yang bcad nas ni/ / khrag rnams kyis kyang bsku bar bya// bdag gis brla las sha bcang de// sha rnams dang ni khrag blangs nas// sha yi snag gu bdag gis bsgral// dro ba sna tshogs g.yos legs bgyis/ / dge slong na ba de la ni// mi sha yi ni kha zas dang // khrag rnams kyis kyang byug pa dag/ bdag gis yab kyi spyan sngar stsal// mi yi bdag po bdag gi tshig la gson/ / sa bdag mi sha dag ni ma rnyed nas// bdag gi brla las sha dag bcad nas su// de bsgrubs chos smra 'di la stsol ba lags// bdag gi bla med byang chub don phyir du// rang gi lus kyis don chen 'di dag bgyis/ / dge slong 'di yang thar bgyis mi bde med// bdag gi bsod nams dag ni tshad med bgyis// bu mo de la rgyal pos 'di skad smras// bu mo khyod kyi rtsir ni bya ba'i phyir/ / ji ltar lus las rang gi sha bcad na// khyod kyi lus lan tshar ma gyur tam// rgyal po'i bu mo blo ldan 'jigs med pas// de tshe smras pa rgyal po bdag la gson// / las kyi rnam smin bsam yang de 'dra ba// de dag gsan nas tshul bzhin mkhyen par mdzod// yab gcig sdig pa'i las rnams bgyis pa yis// sems can sems dmyal mi bzad ltung 'gyur te/ / sha med gyur nas phyir yang sha dag skye// las kyi 'bras bu bsam gyis mi khyab gzigs// sdig pa'i las kyis sha khrag med gyur cing // skad cig tu yang sha khrag 'byung 'gyur na/ / dge ba'i las dang mos pa de dag las// sha dang khrag rnams skye ba smos ci 'tshal// sha bcad bdag lan tsha ma mchis te// khrag byung bdag la g.yo ba yong ma mchis/ / bdag gi sha rnams thams cad bcad na yang // chos kyi lus la rma dang skyon ma mchis// bdag gis chos la dga' ba mchog bskyed nas/ rang gi brla las sha bcad rab tu stsal// rma dang sdug bsngal bdag la ma mchis te// bdag gi lus kyang sngon gyi bzhin du gyur// 'di 'dra ba yi chos smra 'di lta bu// brgya lam na yang 'dzam bu'i gling du ba byung / / yab cig u dum wA ra'i me tog bzhin// bskal pa bye ba mang la res 'ga' gda'// ji ltar 'dzam bu'i chu bo gser 'bar ba// sem can lta bas ngoms par mi 'gyur te/ / de bzhin du ni chos smra de 'dra ba// lha dang mi dag mthong bas chog mi shes// skye bo skom pa dang ba'i chu 'thungs nas// skom pas gdungs pa skom pa med par 'gyur/ / de bzhin chos smra mkhas pa 'di dag kyang // chos kyi bdud rtsis srog chags sred pa sel// dge slong mi bzad na ba 'di la yang // sha dang khrag ni bdag gis rab tu btang / / chos smra ba ni me dpal rab zhi ste// bdag gis sangs rgyas bsngags pa'i rim gro bgyis// mang du thos shing spyod dang ldan pa ste// ting 'dzin dam pa 'di ni 'dzin pa la/ 'di ltar bdag gis rang gi sha btang bas// chos 'di rnams kyang bdag gis thob par shog/ ji ltar spos rab dri zhim yid 'ong ba// dus 'brang dang ni tsan dan dmar po yis// dri dag phyogs bcu rnams su ldang ba ltar/ / chos spu de yi dri yang de bzhin no// ji ltar ri rab phyogs su rab snang shing // kun nas mdzes pa mthong na dga' bar 'gyur// phyogs su rab tu snang zhing gsal bar bgyid/ / de bzhin chos spu 'di yang ri rab 'dra// ji ltar mchod rten la la zhig pa ni// skyes bu mkhas pas bcos shing slar bslang ste// mchod rten de la dad par bgyid pa ni/ / de ltar bslang ba de yang de yi rgyu// de bzhin chos kyi mchod rten na ba yang // chos la gus pas rang gI sha dang ni// khrag gis byug pa dag gis thar par bgyis/ / ba dzam bu'i gling du bdag gis mar me bltam// dge slong 'di ni 'chi ba'i dus bgyis na// 'dzam bu'i gling du ting 'dzin sgra yang ni// sems can rnams la rtag tu nub par 'gyur/ / 'di gsos pas ni ting 'dzin rnams kyang thob// dge slong 'di ni 'jig rten kun gyi skyabs// 'jig rten mdongs pa dag la mig sbyin pa// 'dod chags dang ni zhe sdang gti mug la/ / sman pa'i rgyal po chen po gso bar bgyid// chen por gyur par rtag tu sems gnas te// de yi spyod pa dag ni tshad mi rnyed// nges pa'i don dang tshig la shin tu bslabs/ / pha rol rgol ba kun gyis zil mi non// chos smra ba la rim gro mchog bgyis pas// bskal pa bye ba phrag ni stong du yang // bdag la phyir yang log lhung 'jigs ma mchis/ / bud med dngos po bdag ni phyis mi 'gyur// de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na shin tu dka' ba spyod pa ngo mtshar rmad du byung ba'i byang chub sems dpa'i chos 'di thos nas// chos smra ba na ba la sman shin tu dkon pas rim gro bya ba la rtson zhing / bdag gi sha dang khrag gis kyang rim gror bya ste// tha na sor mo gcig tsam sbyin pas kyang // 'gro ba'i chos kyi mchod rten la rim gro bya'o// de nas de'i tshe bcom ldan 'das kyis zla 'od gzhon nur gyur pa 'cho kyi sngon byung ba'i gtam nges par bstan pa 'di/ / rgya cher tshotshigs su bcad pa'i dbyangs kyis yang dag par rab tu bstan to// gang gis gang+gA'i bye snyed sangs rgyas zhing / / rin chen bkang ste 'dren pa phul ba bas// gang gis rkang pa'i sor mo gcig byin na// de bas bsod nams mchog 'di bye brag 'phags// bu mo de ni de nas shi ba phos nas/ / sangs rgyas bye ba stong dag mthong bar gyur// kun gyi bstan pa la yang rab byung nas// ting 'dzin zhi ba'i mchog 'di rab tu bzung // rkang gnyis gtso bo de dag thams cad ni/ / yongs su mya ngan 'das pa phyi dus na// de ni rtag par rab tu byung gyur te// bde gshegs sras mo kun nas nyon mongs med// mar me mdzad pa de bzhin gshegs pa yi// bstan pa la yang tshangs par spyod pa spyad// der yang bud med dngos po bsgyur nas su// de tshe de ni dge slong chos smrar gyur// rtag tu dam pa'i chos ni yongs 'dzin pa// mi dbang ye shes stobs ni byams pa yin/ / mar mo mdzad ni chos smra der gyur te// de tshe nga ni rgyal po'i bu mor gyur// lha mo sngon gyis snag gi gnyen gyur pa// mi dbang ye shes stobs kyi phyir 'brang zhing / rgyal po'i rmi lam du yang ston pa ni// mi 'khrugs spyad pa spyod tshe der gyur to// ting 'dzin 'di ni rab tu 'dod pa'i phyir// g.yo sgyu thams cad yongs su spangs nas su// bdag gi sha dag dang ni khrag gis kyang / / chos smra ba la ngas kyang rim gro byas// dge slong na ban tshas gzir ba de// gang dag mthong nas de tshe ngus pa yang // phyir mi ldog par de dag rab gyur te/ log par ltung ba'i sar ni yod ma song // de dag rtag tu mig kyang na ba med// klad pa'i nad med rna ba'i nad med de// sna yi nad med lce yi nad kyang med// so yang na bar nams kyang ma gyur to/ / dge slong na ba de tshe su bsnyen pa// de dag rtag tu kun nas mdzes par gyur// sum cu rtsa gnyis bsod nams brgya pa'i mtshan// dpal dang gzi brjid dag gis lus kyang 'bar/ / de dag nga yi bstan la rab byung nas// rab tu 'jigs dus byang chub dam pa 'di// de bzhin gshegs pa'i mdzod kyang bzung nas ni// sangs rgyas bye ba stong dag mthong bar 'gyur/ / byang chub mchog pa di legs par bzung nas su// rtag tu ri mor byas shing bcang byas na// de dag skye dgu'i don chen byas nas ni// mi yi gtso bo ma 'khrugs mthong bar 'gyur/ / de dag spyod pa bla med 'di thos nas// dga' ba zang zing med pa 'phags pa 'thob// de dag bdag gi sngon spyad thos nas ni// sangs rgyas dag la mchod pa rgya cher byed/ / dge slong mkhas pa tshul khrims ldan mthong nas// g.yo med par ni rtag tu bsnyen par bya// zhe sdang tha ba dag kyang rnam spangs te// dge slong chos spu rtag tu bsnyen par gyis/ / gnod sems khro ba dag kyang rnam spong ba// nga yi sras po chos skyong mchod pa gyis// bskal pa bye ba mang por long ba dang // log par ldang zhing sdug bsngal gyur ta re/ / gcig la cig kyang gnod sems byas nas ni// de la tshul khrims thos pa skyob mi nus// bsam gtan mi skyob dgon gnas skyo ba mi nus// sbyin pa mi skyob sangs rgyas mchod pa min/ / ye shes ldan gyi le'u ste sum cu rtsa lnga pa'o// / de nas yang tshe dang ldan pa kun dga' bo stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs byen/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// de'i phyir kun dga' bo bdag gis stan la 'dug la/ de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de lung bstan pas/ ngas khyod kyis sems rangs par bya'o/ / de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to// zhus pa lung bstan pa'i slad du/ bcom ldan 'das bdag la skabs phye'o/ / bde bar gshegs pa bdag la skabs phye'o// de nas tshe dang ldan pa kun dga' bos/ bcom ldan 'das kyis gnang ba dang / bcom ldan 'das kyis spyan sngar stan las 'dug nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po byang chub sems dpa'i spyad pa mtha' yas pa spyod pa dag/ lag pa bcad pa dang / rkang pa bcad pa dang / rna ba bcad pa dang / sna bcad pa dang / mig dbyung ba dang / mgo bcad pa dang / lus bcad pa dang yan lag bcad par 'gyur/ sdug bsngal rnam pa sna tshogs gzhan dag kyang myong bar 'gyur zhing / bla na med pa yang dag par rdzogs pa'i byang chub las kyang nyams par mi 'gyur pa'i rgyu gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' sprul to/ / kun dga' bo bla na med pa yang dag par rdzogs pa'i byang chub 'di yang dag par sgrub pa na ngas sdug bsngal ji snyed myong bar gyur pa khyod kyis shes shing de dag dran na/ ci'i phyir de bzhin gshegs pa la 'di yongs su dri bar sems/ kun dga' bo 'di lta ste/ dper na 'di la skyes bu la la zhig rkang pa nas spyi bo'i bar du 'bar bar gyur te/ rab tu 'bar zhing me lce gcig tu gyur pa de la/ skyes bu la la zhig der nye bar 'ongs te/ 'di skad du kye skyes bu tshur shog/ lus la me 'bar ba ma zhi bar/ 'dod pa'i yon tan lnga dang phrad cing ldan par rtses shig/ dga' bar gyis shig/ yongs su spyod cig ces zer na/ kun dga' bo 'di ji snyam du sems/ skyes bu de lus la me 'bar ba ma zhi bar 'dod pa'i yon tan lnga dang phrad cing ldan par gyur te/ rtse ba dang / dga' ba dang / yongs su spyod par byed dam/ kun dga' bos gsol pa/ bcom ldan pa das de lta ma lags so/ / bcom ldan 'das kyis bka' stsal pa/ kun dga' bo yongs su brtag pa bzung ste/ skyes bu de lus la me 'bar ba mA zhi bar 'dod pa'i yon tan lnga dang phrad cing ldan par gyur te/ rtse ba dang / dga' ba dang / yongs su spyod pa byed du zin kyang / de bzhin gshegs pa sngon byang chub sems dpa'i spyad pa spyod pa na/ sems can rnams ngan song gsum gyis sdug bsngal bar gyur cing dbul ba dag mthong nas yid bde ba 'am/ sems dga' ba ma byung ngo // kun dga' bo byang chub sems dpa' sems dpa' chen po gang dag sngon byang chub sems dpa'i spyad pa spyod pa na/ tshul khrims ma nyams pa dang / tshul khrims ma zhig pa dang / tshul khrims 'dres ma ma yin pa dang / tshul khrims sra srer ma gyur pa dang / tshul khrims ma ba bogs pa dang / tshul khrims ma g.yos pa dang / tshul khrims ma slongs pa dang / tshul khrims ma 'khrugs pa dang / tshul khrims mi yeng pa dang / tshul khrims gzhan la ston pa ma yin pa dang / tshul khrims mi slu ba dang / tshul khrims drang ba dang / tshul khrims dam bcas pa bzhin du byed pa dang / tshul khrims sems can rnams la phan pa dog pa yin te/ de lta bu'i tshul khrims dang ldan par 'gyur ro// kun dga' bo byang chub sems dpa' sems dpa' chen po spyad pa mtha' yas pa spyod pa de dag ni lag pa bcad pas yongs su nyams par mi 'gyur/ rkang pa bcad pas yongs su nyams par mi 'gyur/ rna ba bcad pa dang / sna bcad pas yongs su nyams par mi 'gyur/ mig phyung ba dang mgo bcad pas yongs su nyams par mi 'gyur lus dang yan lag bcad pas yongs su nyams par mi 'gyur te/ sdug bsngal sna tshogs kyang mi myong la/ bla na med pa yang dag par rdzogs pa'i byang chub kyang myur du mngon par rdzogs par 'tshang rgya'o// // 'phags pa ting nge 'dzin kyigyi rgyal po'i mdo/ / bam po bcu gnyis pa// / kun dga' bo rnam grangs 'dis kyang 'di ltar rig par bya ste/ kun dga' bo sngon byung ba 'das pa'i dus na/ bskal pa grangs med pa bas kyang ches grangs med pa tshad med pa/ bsam gyis mi khyab pa/ gzhal du med pa/ mtshungs pa med par gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rin po che'i pad+ma'i zla ba rnam par dag pa/ mngon par 'phags pa'i rgyal po zhes bya ba 'jig rten du byung ngo // yang de'i tshe de'i dus na/ rin po che'i pad+ma'i zla ba rnam par dag pa mngon par 'phags pa'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi tshe'i tshad ni/ bskal pa bye ba khrag khrig phrag dgu bcu rtsa dgur gyur to/ / nyi ma thams cad la nyin re zhing yang / sems can bye ba khrag khrig brgyad stong phrag dgu bcu rtsa dgu/ sangs rgyas kyi chos las phyir mi ldog pa la bkod do/ / rab tu bkod cing yongs su mya ngan las 'das nas/ sems can grangs med dpag tu med pa rnams zag pa zad pa dgra bcom pa nyid la bkod do// rab tu bkod cing yongs su mya ngan las 'das nas/ sems can grangs med dpag tu med pa dag/ bla na med pa yang dag par rdzogs pa'i byang chub las phyir mi ldog pa la bkod de// yongs su mya ngan las 'das par gyur to/ / kun dga' bo de'i tshe bcom ldan 'das rin po che'i pad+ma'i zla ba rnam par dag pa mngon par 'phags pa'i rgyal po de bzhin gshegs pa dgra bcom pa yang dag rdzogs pa'i sangs rgyas de dag yongs su mya ngan las 'das nas/ / snga rgya ba tha ma la dam pa'i chos nub par 'gyur ba'i dus kyi tshe/ dam pa'i chos rab tu 'jigs par 'gyur ba na/ kun dga' bo rgyal po dpa' bas byin zhes bya ba zhig byung ste/ rgyal po dba' bas byin de la btsun mo'i 'khor ni bud med brgyad khri bzhi stong yod do// bu ni stong yod do// bu mo ni lnga brgya yod do// de'i tshe de'i dus na/ rgyal po dpa' ba byin gyi rgyal po'i pho brang 'khor rin chen ldan zhes bya ba yangs shing rgya che la sgo bzhi yod pa/ ste gra bu dang / sgo khang dang / rta babs dang / skar khung dang / pucu dang khang pa dang / khang pa brtsegs pa dang / skyed mos tshal gyis brgyan cing / rnam par bkra ba/ blta na sdug pa lha'i gnas bzhin du snang ba/ sems can grangs med/ dpag tu med pa'i gnas su gyur pa zhig yod do/ / kun dga' bo de'i tshe de'i dus na/ mdo sde pa di lta bu dag ni skye bo mang pos smad cing / skye bo mang pos spangs te/ skye bo mang po dang mi 'phrod cing skye bo mang pos bor bar gyur te/ 'jigs pa chen po mi bzad pa'i dus su gyur pa/ gtse ba mang zhing char ches pa'i dus kyi tshe/ char mi 'bab pa'i dus kyi tshe/ dus ma yin par char 'bab pa'i dus kyi tshe/ sbrul byung ba'i dus kyi tshe/ lce 'bab pa'i dus kyi tshe/ mu ga 'byung ba'i dus kyi tshe/ log par lta ba'i dus kyi tshe/ yang dag pa ma yin par lta ba'i dus kyi tshe/ mu stegs can gyi gsang sngags yongs su tshol ba'i dus kyi tshe/ sangs rgyas kyi byang chub rab tu 'jig par 'gyur ba'i dus kyi tshe/ byang chub sems dpa' bdun stong grong dang / grong khyer dang / grong rdal dang / yul 'khor dang / rgyal po'i pho brang 'khor dang / ljongs nas sprad nas/ de dag chos smra ba me tog zla mdzes dang lhan cig kun tu bzang po zhes bya ba'i nags khrod der rten cing gnas te/ dge slong de dag la gzungs kyi chos kyi rnam grangs 'di ston to// kun dga' bo nags khrod de yang dus thams cad du snang ba'i me tog sna tshogs dang snye ma dang / 'khri shing dang / 'bras bu dag dang ldan pa/ dpag bsam gyi shing dang 'dra ba/ shing sna tshogs kyis gang zhing sa'i gzhi yang gzugs dang kha dog du ma dang / sa bon dang myu gu thams cad kyis brgyan pa/ brag dang rdo ba sna tshogs mdzes shing dri ma med pa/ yang shing mtho ba dang / gser gyi ri dgas kyis mdzes par byas shing sdug pa/ grub pa'i rig sngags 'chang dang / dri za dang / skyes bu 'am/ drang srong dang / mi 'am ci dag gnas pa byad gzugs dang / kha dog che zhing rnam pa sna tshogs mang po gnas pa/ sangs rgyas du ma bzhugs pa/ dga' tshal dang 'dra bar kun tu bzang zhing rnal 'byor dang mthun pa'i nags tshal dam pa/ kun tu bzang po de na/ byang chub sems dpa' de dag rnal 'byor la rjes su brtson zhing gnas par gyur to/ / yang kun dga' bo chos smra ba me tog zla mdzes de gcig pu dben par song nas/ nang du yang dag 'jog la zhugs te/ lha'i mig rnam par dag pa mi'i las 'das pas bltas na/ byang chub sems dpa' khrag khrig mang po dge ba'i rtsa ba bskyed pa/ sangs rgyas kyi zhing sna tshogs nas/ 'dir skyes te/ de dag gzungs kyi chos kyi rnam grangs 'di mnyan pa rnyed na ni/ bla na med pa yang dag par rdzogs byang chub las phyir mi ldog par 'gyur/ gal te gzungs kyi chos kyi rnam grangs 'di ma pa ma rnyed na/ bla na med pa yang dag par rdzogs pa'i byang chub las phyir mi ldog par dag mthong ngo // de nas chos smra ba me tog zla mdzes dran zhing shes bzhin du ting nge 'dzin las langs nas/ byang chub sems dpa'i tshogs chen po ga la yod pa der song ste phyin nas/ byang chub sems dpa'i tshogs chen po de la 'di skad ces smras so// rigs kyi bu dag kho bo ni 'gro'o/ / grong dang / grong khyer dang / grong 'dab dang / ljongs dang / yul 'khor dang / rgyal po'i pho brang 'khor du song la sems can rnams la chos bstan par bya'o// de nas byang chub sems dpa'i tshogs chen po de dag gis chos sprang me tog zla mdzes lnga 'di skad ces smras so// khyod nags khrod 'di nas grong dang / grong khyer dang / grong 'dab dang / ljongs dang yul 'khor dang / rgyal po'i pho brang 'khor du 'gro ba ni/ kho bo cag 'dod pa ma yin no// de ci'i phyir zhe na/ dge slong dang / dge sbyong ma dang / dge bsnyen dang / dge bsnyen ma lhag pa'i rgyal can mang po dam pa'i chos spong ba dag byung ba'i dus la bab kyis/ de dag tshe dang ldan pa'i srog gcod par gyur na ma legs so// tshe dang ldan pa ni shin tu mdzes shing byang bzhin bzang la bltan/ sdug te/ dang po'i lang tshe dang ldan zhing / na chod dar la bab ste/ mdog ni gser bcom bzang po 'dra/ bral ba ni dung dang / zla ba dang / me tog kun da'i kha dog lta bu'i mdzod spus brgyan/ skra dang gtsug tor ni mthon mthing la lcang lor 'khyil ba yin pas/ rgyal po 'am/ rgyal po'i blon po 'am// de dang 'dra ba gzhan dag kyang phrag dog dang / 'jungs pas non pa'i sems kyis/ khyod kyi srog bcad na ma legs so// de nas chos smra ba me tog zla mdzes kyis/ byang chub sems dpa'i tshogs chen po de la 'di skad du gal te kho bos bdag nyid bsrung ba byas na/ kho bos 'das pa dang ma byon pa dang / da ltar byung ba'i sangs rgyas bcom ldan 'das rnams kyis bstan pa bsrung bar mi 'gyur zhes zer nas/ de'i tshe tshigs su bcad pa 'di dag smras so// bdag du 'dus shes 'di la gnas nas su/ / bstan pa 'di la bsrung bar yod mi nus// mi zad phyi dus bde bar gshegs pa yi/ byang chub bstan pa bkod pa chen po yi// gang gis bdag tu 'du shes kun spangs shing / sems can 'di dag gang zag spu rnams dang // gzugs dang sgra dang dri dang ro rnams dang // reg bya spong ba de ni bstan pa srung // bskal pa bye ba gang+gA'i bye snyed du// dang ba'i sems kyis zas dang skom rnams dang / / gdugs dang ba dan mar me'i 'phreng ba yis// sangs rgyas bye ba khrag khrig rim gro byas// gang gis dam chos rab tu 'jigs pa dang // bde gshegs bstan pa 'gag par 'gyur ba'i tshe/ / nyin mtshan du ni bslab pa gcig spyod pa// bsod nams 'di ni de bas bye brag 'phags// skyes bu khyu mchog gi ni dam pa'i chos/ / 'jig par 'gyur tshe gang dag btang snyoms skom// de yis rgyal ba bkur sti byas ma yin// 'dren pa dag la ri mor des ma byas// khyed bde rang gi don gyis la// bdag nyid rab tu bsrung bar gyis/ / khyed ni rtag tu byams gnas shing // 'dul ba 'di la bag yod gyis// ma 'dres dag gtsang dri med pa// tshul khrims drang por bsrung bar gyis// gis tshul khrims dri ma med// sangs rgyas bsngags pa bsrungs pa ni// de yis ji snyed sngon byung ba// bde gshegs thams cad ri mor byas// de yis thams cad bslabs pa yin/ / skye bo'i tshogs rnams byang chub bkod// sngon gyi sangs rgyas dag gis bstod pa yi// tshul khrims dri ma med pa sus bsrung ba// de dag gis ni sems can ma po yang / / sems can dmyal ba dang ni sdig las drangs// chos mchog rin chen sbyin pa sbyin par gyis// bzod pa dag kyang rtag du bsrung gyis la// dgon par gnas shing ting 'dzin mkhas pa dang / / 'jam zhing mnyen pa dag kyang bsgom par gyis// rnam pa kun tu rtsod pa ma byed pa// spyad pa zhi mchog 'di la rnam par spyod// bdag ni sems can rnams kyang bsgrub pa'i phyir/ / grong dang rgyal po'i pho brang 'gro bar bya// blo gros che 'chung sems can dam pa'i mchog/ drung srong de ni 'gro bar byas pa dang // kha cig rkang / pa la yang 'ju bar byed// snying rje bar yang ngu zhing mchi ma zag/ mkhas pa blo gros chen po ma bzhud par// sgra 'jam yid du 'ong zhing mdzes pa yi// shing 'di rnams la gzigs shing rtog pa mdzod/ / bdag nyid bsrung ba mdzod la ma bzhud cig/ sngon gyi stobs bcu 'dren pa de dag kyang // dbang po zhi zhing shin tu nges pa rnams// nags tshal brag dang ri yi rtser gshegs nas/ / byang chub dam pa dag ni thugs su chud// byang chub rgyu yang spyod pa dam pa spyod// de dag bsod nams ye shes mchog dang ldan// de dag rjes slobs nags khrod gnas par mdzod/ / brtul zhugs bzang po 'di nas ma bzhud cig/ lus ni shin tu mdzes pa'i mtshan gyis rgyan// khyod kyi skra yang mthon ting kha dog ste/ / gser gyi mdog dang 'dra ba 'od byed pa// sa 'di kun kyang rab tu snang bar gyur// khyod kyi mdzod spu bzhin gyi smin mtshams na// shin tu mdzes pa dung dang 'dra ba'i 'od/ rgyal po dag kyang de bzhin srid kyi phyir// phrag dog bskyed nas khyod kyis lus bshig 'gyur// de nas chos spu me tog zla mdzes kyis/ byang chub sems dpa'i tshogs chen po de la tshigs su bcad pas smras pa/ / ji snyed sngon gyi bde gshegs byung ba ni// thams cad mkhyen cing zag pa zad pa rnams// de dag thams cad 'jig rten rngon mdzad de/ / srid pa gsum du byang chub dam pa rtogs// spyad pa'i dam pa byang chub rgyu spyad de// de dag bsod nams ye shes mchog dang ldan// de yi rjes bslabs byang chub sems dpa' yang / / sems can khrag khrig rnams kyi skyabs byed 'dod// drang srong ma bas la kun gyis bskor byas te// rkang pa la yang phyag 'tshal shugs phyung nas// mi zad snying rje bar ni sgra 'byin cing / / nyam thag mi bde cho nges bdebs par byed// kha cig rab tu 'gyel cing brgyal nas su// sa la ltung ba sa la bcad 'gyed bzhin// 'on kyang drang slong sems can don 'dod pa/ / bsod nams bsags pas de las phyir ma log/ drang srong chos gos lhung bzed thogs nas chas// ji ltar seng ge ral pa can dag bzhin/ ni chos kyi rang bzhin gnas pas na// de la yon tan nyes par bye ba med// 'jig rten 'dir ni nags khrod bdag gnas pas// sems can ngan song song na ma legs shes/ ni sems can bslabs pa'i don gyi phyir// grong khyer po brang mchog du song bar gyur/ de nas chos slab me tog bla mdzes/ grong dang / grong khyer dang / grong rdal dang ljongs dang / yul 'khor dang / rgyal po'i pho brang du 'ongs nas sems can rnams la chos bstan te/ de snga dro der 'ongs nas srog chags khrag khrig phrag dgu bcu rtsa dgu thu na med pa yang dag par rdzogs pa'i byang chub las phyir mi ldog pa la bkod do/ / da dung rgyal po'i pho brang der ma phyin nas de mthar gyis rgyal po'i pho brang 'khor rin chen ldan pa der phyin pa dang / rgyal po'i pho brang 'khor rin chen ldan pa der nye bar song ste/ shing p+lag sha dang / sa la'i drung du 'dug go/ de de'i nub mo 'das pa dang / rgyal po'i pho brang rin chen ldan du zhugs par gyur te/ zhugs nas srog chags bye ba phrag sum cu rtsa drug sangs rgyas kyis chos la phyir mi ldog par bkod kyang / da dung zas kyi bya ba ma byas so// de zas bcad pa bcad nas rgyal ba'i 'khor rin chen ldan nas byung ste/ bcom ldan 'das kyis sen mo'i mchod rten gang na yod pa der song ste/ 'greng bzhin du nyin mtshan 'das par byas so// de de'i nub mo 'das nas/ de'i snga dro gnyis pa la/ rgyal po'i pho brang 'khor rin chen ldan du zhugs nas/ srog chags bye ba phrag nyi shu gsum sangs rgyas kyi chos lus phyir mi ldog par bkod de/ da dung zas kyi bya ba ma byas so// de zas gnyis pa bcad pa bcad nas/ rgyal po'i pho brang 'khor rin chen ldan nas byung ste/ bcom ldan 'das kyis sen mo'i mchod rten gang na yod pa der song ste/ 'greng bzhin du nyin mtshan 'das par byas so// de de'i nub mo 'das nas/ de snga dro gsum pa la rgyal po'i pho brang 'khor rin chen ldan du zhugs nas// srog chags bye ba brgya stong phrag dgu bcu rtsa dgu sangs rgyas kyi chos las phyir mi ldog par bkod de/ da dung zas kyi bya ba ma byas so// de zas gsum pa bcad pa bcad nas/ rgyal po'i pho brang 'khor rin chen ldan nas byung ste/ bcom ldan 'das kyis sen mo'i mchod rten gang na yod pa der song nas/ 'greng bzhin du nyin mtshan 'das par byas so// de de'i nub mo 'das nas de snga dro bzhi pa la/ rgyal po'i pho brang 'khor rin chen ldan du zhugs nas/ srog chags bye ba khrag khrig brgya stong phrag dgu bcu rtsa dgu/ bla na med pa yang dag par rdzogs pa'i byang chub las phyir mi ldog par bkod de/ da dung zas kyi bya ba ma byas so// de zas bzhi pa bcad pa bcad nas/ rgyal po'i pho brang 'khor rin chen ldan nas byung ste/ bcom ldan 'das kyi sen mo'i mchod rten gang na yod pa der song nas/ 'greng bzhin du nyin mtshan 'das par byas so// de de'i nub mo 'das nas/ de snga dro lnga pa la btsun mo'i 'khor gyi nang du song nas/ bud med brgyad khri bla na med pa yang dag par rdzogs pa'i byang chub las phyir mi ldog par bkod do// grong khyer de nas kyang sems can grangs med dpag tu med pa dag bla na med pa yang dag par rdzogs pa'i byang chub las phyir mi ldog par bkod de/ da dung zas kyi bya ba ma byas so// de nyi ma lnga zas bcad pa bcad nas/ rgyal po'i pho brang 'khor rin chen ldan nas byung ste bcom ldan 'das kyi sen mo'i mchod rten gang na yod pa der song nas/ 'greng bzhin du nyin mtshan 'das par byas so// de de'i nub mo 'das nas/ de snga dro drug pa la rgyal po'i pho brang 'khor rin chen ldan du zhugs nas/ rgyal po'i bu stong bla na med pa yang dag par rdzogs pa'i byang chub las phyir mi ldog par bkod de/ da dung zas kyi bya ba ma byas so// de nyi ma drug zas bcad pa bcad nas/ rgyal po'i pho brang 'khor rin chen ldan nas byung ste/ bcom ldan 'das kyi sen mo'i mchod rten gang na yod pa der song nas/ 'greng bzhin du nyin mtshan 'das par byas so// de'i nub mo 'das nas/ de snga dro bdun pa la rgyal po'i pho brang 'khor rin chen ldan du zhugs nas/ rgyal po dpa' bas byin bskyed mos tshal du 'gro ba mthong ste/ gser gyi shing rta la ngos ni dngul/ mnga' ni sbrul gyi snying po'i tsan dan/ 'khor lo ni bai DUR+Ya/ gdugs dang / rgyal mtshan dang / ba dAn bsgreng ba dang / rin po che'i shing sna tshogs kyi rgyan pa shing rta'i mda' la dar gyis dkris shing ras bcos bu phrugs kyis g.yogs pa de/ bu mo gzhon nu brgyad brgyas rin po che'i tha gus gtags shing 'dren ste/ de dag byad bzhin bzang zhing mdzes pa/ blta na sdug pa/ kha dog bzang po rgyas pa'i mchog dang ldan pa/ byis pa rnams dga' bar byed cing tshim par byed pa ste/ mkhas pa rnams la ni ma yin no/ / rgyal rigs shing sA la chen po lta bu brgyad khri bzhi stong yang zham ring mtho dman du 'gro'o// bram ze shing sA la chen po lta bu brgyad khri bzhi stong yang zham ring mtho dman du 'gro'o/ / khyim bdag shing sA la chen po lta bu brgyad khri bzhi stong yang zham ring mtho dman du 'gro'o// rgyal po'i bu mo lnga brgya yang rin po che'i khyogs kyi nang du zhugs nas mdun thog thag tu 'gro sde/ de dag gis dge slong de mthong ma thag tu bla na med pa yang dag par rdzogs pa'i byang chub las phyir mi ldog par gyur to// btsun mo'i 'khor brgya stong phrag drug cu rtsa brgyad kyang dge slong de mthong ma thag tu/ bla na med pa yang dag par rdzogs pa'i byang chub las phyir mi ldog par gyur to// skye bo'i tshogs chen po de dag kyang nor bu dang / gdu bu rnams bkrol te/ lham rnams bzhag nas/ bla gos phrag pa gcig tu bzar te/ pus mo g.yas pa'i lha nga sa la btsugs nas/ dge slong dag la bde logs su thal mo sbyar te/ phyag 'tshal zhing 'khod do/ / de nas bu mo gzhon nu de dag kyang sngon gyi dge ba'i rtsa ba dag gis bskul bas/ khyogs de dag las babs nas/ nor bu dang / gdu bu dag bkrol te/ lham rnams bzhag nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ dge slong de ga la ba de logs su thal mo sbyar te tshigs su bcad pa 'di dag smras so// dge slong 'di ni byon pa'i tshe// nyi ma lta bur thams cad du// 'di dag rab tu snang bar bgyis// skye bo'i tshogs kyang 'dun par 'gyur// 'dod chags zhe sdang rgyun bcad cing // gti mug dag kyang sel bar gyur/ / de tshe zhe sdang khro ba dang // phrag dog thams cad bcad par gyur// rgyal po dpa' bas byin pa yin// zham ring sras la sogs pa yang // su yang rgyal po mi lta ste/ / su yang zham ring mi bgyid do// ji ltar zla ba nya ba ni// skar ma dag gis bskor ba bzhin// rgyal po'i bu yis mdun bdar bas// dge slong 'di yang mdzes par gyur// ji ltar gser gzugs ri mo dag/ mkhas pas ri mor bris pa dang // sa la'i rgyal po rgyas pa ltar// de bzhin dge slong mdzes par gyur// mthu chen brgya byin lha yi dbang po ni// grong khyer 'jig pa bdag po mig stong ldan// ri rab spyi la sum cu rtsa gsum dbang // de bzhin dge slong byon pa 'di yang mdzes// tshangs pa'i 'jig rten tshangs pa gnas pa 'dra// 'phrul lha yi bu ni lha dbang bzhin// 'dod khams 'thab bral mchog gi lha bzhin du// dge slong byon pa 'di yang rab tu mdzes// nyi ma bzhin du bar snang lhan ner bgyis// 'od stong ldan mun nags rab tu sel/ / phyogs rnams kun tu snang ba bgyid pa lhur// de bzhin dge slong byon pa mdzes par gyur// bskal pa mthu' yas rgya che sbyin pa byin/ / tshul khrims ma 'dres rtag tu bsrung ba bgyis// bzod pa mtshungs med 'jig rten kun tu bsgoms// de ni mtshan gyis brgyan cing 'di ltar mdzes// 'angag pa'i skye bos rab bstod brtson 'grus bskyed/ / bsam gtan bzhi yang zhum med sems kyis bsnyen// nyon mongs dra ba bsal cing shes rab skyed// de phyir dge slong 'jig rten kun tu gda'/ / sangs rgyas bstan pa mtshungs med sems can snying po ste// dpa' bo 'das pas chos mchog dag kyang rab tu bshad// ma 'ongs dus dang de bzhin da ltar byung ba yis// chos kyi rgyal po dbang bsnyes rnams kyi sras de lags// dge slong khyod ni mi rtag nam yang ma gyur cig/ gzugs ni 'di ltar 'jig rten kun na rab tu lhan// gzi brjid che zhing dbyangs sgra shin tu snyan par gdab/ / rgyal po gzi brjid shin tu lham me snang mi bgyid// chos 'di ji ltar khyod bdag nyid kyis rab rtogs shing // sangs rgyas dag gis bka' stsal 'jig rten kun du rgyu/ / de bzhin bdag cag bud med dngos po kun spangs te// bdag cag thams cad dge slong 'di bzhin 'gyur bar bgyi// de dag thams cad sor bcu thal mo sbyar byas nas/ tshigs bcad 'di dag smras te gos rnams 'thor bar byed// gser gyi 'phreng ba dang ni rin chen do shal dang // rna ba'i rgyan dang mgul gyi rgyan dag rnam mang 'thor// ji ltar 'khor los sbyar ba'i rgyal po dag/ stobs ldan sa 'di kun la rnam par lta// sras su 'du shes dag ni nye bar 'jog/ gling rnams bzhi po 'di dag kun tu 'gro// rgyal rigs dang ni tshong dpon bram zo dang / / khyim bdag mkhar gyi rgyal po bdag gi mi// de dag gcig la lhag par sdug pa med// thams cad la yang byams pa mnyam par skyed// de bzhin dge slong nges pa 'di yang ni// gzungs dang dbang rnams la ni shin tu bslabs// byang chub yan lag stobs dang dbang po dang // yan lag brgyad ldan lam yang rnam par 'byed// mtshan mo zla ba skar tshogs dbus na yang // ji ltar rab tu mdzes par snang ba bzhin// ji ltar nyi ma'i dkyil 'khor 'char ba'i tshe// gzi brjid ldan zhing rnam par snang bgyid bzhin// dbang po zhi zhing stobs bcu ldan pa yi// sangs rgyas nges pa kun la phyag 'tshal lo/ / de dag gi ni bsngags pa bskal pa rgyas// zad par byed nus skyes bu su yang med// bskal pa bye ba stong phrag mang por ni// yon tan brjod kyang zad pa yod med de/ / 'jig rten rab mchog gi ni spu gcig kyang // bsngags pa dag ni zad par mi 'gyur ro// des ni mtshungs med 'khor lo rab tu bskor// ye shes dag gi gnas kyang shin tu bstan/ / zhib cing rdul bral chos rnams pashad pa mdzad// de ni gang na 'ang snang bur 'gyur bu me// dge sbyong dang ni zlum ze lnga dang klu// mA min+d+ra bdudan/ tshangs par bcas la sogs// sangs rgyas thams cad mkhyen pa'i yon tan gyis// rgya mtsho dag ni zad par yod mi nus// gong gis thugs sras bdi 'i dra mnga' ba yi// rgyal mtshungs med rgyal la phyag 'tshal lo// tshigs bcad 'di dag smras nas de yi tshe// rgyal po'i bu mo gzhon nu thams cad dga'// gser dang gser phye dag kyang 'thor bar byed// gos rnams kyang ni rab tu 'ding bar byed// gtsug gi nor bu do shal mdzes pa dag/ ring thang bye ba phrag ni brgya ri bas// dge slong de la mngon par g.yogs nas ni// dga' nas byang chub phyir/ yang rab tu zhugs// de nas rgyal po dpa' bas byin 'di snyam du sems te/ kye ma btsun mo'i 'khor 'di dag ni log par zhugs te/ skye bo'i tshogs kyang log go snyam mo// skye bo de dag kyang nor bu dang gdu bu bkrol lham bzhag nas/ bla gos phrag pa gcig tu bgos te/ pus mo g.yas pa'i lha nga sa la btsugs nas/ dge slong de gal ba de logs su thal mo sbyar nas phyag 'tshal lo/ / dge slong de byad gzugs bzang ba tsam du rgyal po dpa' bas byin byad bzhin mi bzang / de tsam du blta na sdug pa ma yin/ de tsam du mdzes pa ma yin te/ de rgyal po'i srid kyi phyir shin tu spangs par gyur to// dge slong de'i gzugs kyi lus yongs su rdzogs pa mthong nas shin du khros so// dge slong de rgyal po'i lam na 'dug pa'i mig tu rdul song ba dang / de 'di snyam du sems te/ dge slong 'dis chags pa'i sems kyis nga'i btsun mo'i 'khor la bltas te/ 'dis mig gis brda byas so// de 'di snyam du sems te/ de dge/ slong 'di la srog gcod par byed pa su yod snyam mo// de nas rgyal po dpa' bas byin gyi zham ring du bu stong 'brang ba de dag bos nas/ gzhon nu dag dge slong 'di srog dang phrol cig ces byas na/ gzhon nu de dag rgyal po dpa' bos byin la slar zlog go// dge slong de'i phyir de 'di snyam du sems te/ bdag gi bu dag kyang bka' mi nyan te/ bdag gcig pu gnyis su med par bzhag na/ de dge slong// 'di srog dang bral bar byed pa su yod snyam mo// de nas rgyal po dpa' bos byin la bsad pa'i gshed ma dga' byed ces bya ba gtum po btsam pa med pa/ ma rungs pa zhig yod pa de rgyal po'i lam na/ rgyal po dpa' bos byin dang ha cang yang mi ring ba zhig na 'dug go// rgyal po dpa' bos byin gyis de mthong nas dga' mgu yid rangs te/ rab tu dga' ba dang mos pa dang yid bde ba skyes nas/ de sems 'di snyam du sems te/ dga' byed pa dis dge slong 'di srog dang dpral bar byed snyam mo// de nas gsod pa'i gshed ma dga' byed rgyal po dpa' bos byin gang na 'dug pa der 'ongs pa dang / dga' byed la 'di skad ces smras so// khyod bya dga' cher sbyin na// dga' byed khyod dge slong 'di srog dang dpral bar byed nus sam/ dga' byed kyis smras pa/ lha shin du rngo thog go// bka' bzhin 'tshal/ dge slong 'di srog dang dpral bar 'tshal lo// rgyal pos smras pa/ dga' byed de'i phyir de'i dus la dbab par shes na/ mtshan rnon po thogs la dge slong 'di'i lag pa dang rkang pa chod cig/ rna ba dang sna yang chod cig/ 'dis chags pa'i sems kyis nga'i btsun mo'i 'khor la bstas kyis// de'i phyir 'di'i mig kyang rkam pas phyung shig ces byas so// de nas gsod pa'i gshed ma dga' byed kyis/ de'i tshe ral gri rnon po thogs nas dge slong de'i lag pa dang rkang pa bcad do// rna ba dang sna yang bcad do// mig gnyis kyang phyung ngo // de nas dge slong de'i mgo dang / rna ba dang / rkang lag bcad pa las/ 'od zer bye ba khrag khrig brgya stong du ma yang byung / 'o ma'i// rgyun du ma yang byung ste/ phyogs bcur bskor nas/ slar yang dge slong de'i lus kyi nang du nub bo// bcad cing btubs pa'i 'phro nas/ dpal be'u dang / bkra shis dang / 'khor lo la sogs pa nang nas byung ste/ skyes bu chen po'i mtshan sum cu rtsa gnyis kun du snang ngo // de nas rgyal po de skye bo'i tshogs chen po dang dong nas/ skye bo'i tshogs chen po des dge slong de laman bcad gdubs shing 'dug pa mthong nas/ de dag sdug bsngal zhing yid mi bde ste/ ngo mtshar du gyur nas ngu zhing cho nges btab ste/ smre sngags bton nas/ phyir/ yang rgyal po'i pho brang 'khor rin chen ldan par song ngo // de nas rgyal po dpa' bos byin zhug bdun 'das pa dang / bskyed mos tshal mchog na 'dug pa mi dga' mi rtse/ yongs su mi spyod de/ skyed mos tshal nas de log nas zhag bdun 'das pa dang / rgyal po'i pho brang 'khor rin chen ldan du zhugs pa dang / des dge slong de rgyal po'i lam du byor ba shi nas zhag bdun lon yang / lus kyi mdog ma gyur pa mthong nas/ de 'di snyam du sems te/ dge slong 'di'i lus kyi mdog ma gyur pa las bltas na/ dge slong 'di ni gdon mi za bar bla na med pa yang dag par rdzogs pa'i byang chub las phyir ldog pa yin te/ bdag gis sems can dmyal ba chen por skye bar 'gyur ba'i sdig pa'i las byas kyis// bdag ni myur du sems can dmyal ba chen por lhung bar 'gyur ro zhes de de ltar sems pa na/ steng gi bar snang las lha'i bu brgyad khris sgra skad dbyangs gcig tu smras pa/ rgyal po chen po 'di ni de bzhin te/ khyod ji skad zer ba ltar/ dge slong 'di ni bla na med pa yang dag par rdzogs pa'i byang chub las phyir mi ldog pa yin no zhes zer ro// bar snang las lha dag gi sgra thos nas/ de shin tu 'jigs shing skrag nas/ bag tsha zhing spu zing zhes byed de/ 'gyod par gyur to// de nas rgyal po dpa' bos byin sdug bsngal zhing yid mi bde ste/ 'gyod par gyur pas/ de'i tshe cho nges cher btab nas/ tshig 'di skad zer ro// rgyal po'i srid dang rgyal po'i pho brang dang // nor bu rin chen mu tig gser dbyig spangs/ / bdag nyid mtshon thogs bdag nyid 'chi bar bya// bdag ni byis pa'i blo can las ngan ldan// dge slong me tog zla mdzes 'dir byung ba// sum cu rtsa gnyis mtshan gyi go bgos te/ / snang bar byed cing rgyal po'i pho brang pongs// zla ba nya tshe skar ma'i rgyal po bzhin// 'dod pa'i longs spyod ngan pas bdag dkrugs te// rab tu dga' bar bud med tshogs rnams dang / / shing rta'i nang du zhugs te de nas song // rgyal rigs rnams kyis yongs su 'khor bar bskor// dge slong dri mchog mig bzang 'di nyid ni// 'dir byon dge slong de nas mthong nas su/ / bud med tshogs rnams rab tu dga' gyur cing // mos pa skyes nas gser gyi phreng ba gtor// thams cad sor bcu'i thal mo sbyar byas nas// tshogs bcad dbyangs kyis dge slong de la bstod/ / rgyal po yi ni klu yi dbyangs sgra rnams// de dag thams cad rab tu zhi bar gyur// de yang shing rta'i nang du zhugs nas ni// rgyal rigs rnams kyis yongs/ su bskor bar gyur// bde bar gshegs pa'i sras mchog mthu che ba// dge slong dri mchog mig bzang 'dir byon na// bdag gi sems ni rab tu ngan gyur te// dge slong rgyal po'i pho brang 'jug pa'i tshe/ / bud med tshogs chen dga' ba lta mthong nas// rmongs pas de la phrag dog khro ba skyed// phyogs pani kun du snang bar bgyis pa ni// za ba sgra gcan zin thar mdzes pa bzhin/ / dge slong rgyal po'i pho brang 'jug mthong nas// bud med tshogs rnams dga' zhing sgra yang 'byin// bdag gis der ni gtums pa'i tshig smras te// bu stong dag la de nyid khyed song la/ / dge slong 'di ni dum bu dum bur gyis// 'di ni nga yi dgra mchog ma rungs pa// gzhon nu thams cad mnyes zhing tshul ldan te// bdag la phan sems dge slong de la 'dud/ / rgyal po 'di 'dra'i bka' bzhin bgyir mi rung // de tshe bdag ni mya ngan non par gyur// dge slong shin tu tshul khrims mchog ldan pa// byams ldan pa bzhin zhugs pa mthong nas ni/ / shin tu gdum pa'i sems kyis gsod du btang // phyi dus bdag ni lhung nas mnar med sreg/ dga' byed de ni rgyal po'i lam 'dir gnas// ma ruH las bgyi mi la sdug bsngal bskyed/ / bdag gi bka' bzhin de 'drar de bgyis te// me tog 'phreng brgyus 'dra ba'i dge slong gdums// nags mchog kun tu bzang po dga' ba na// byA yis gang zhing me tog dri zhim rgyus// de na dge sbyong tshogs gzhan rab mang ba// bu gcig pa ni ma dang bral ba bzhin// dge slong bzhengs la nags su gnas par mdzod/ / mi yi don kyang shin tu rgya cher bgyis// rgyal po'i pho brang 'khor 'dir byon pa'i tshe// dge slong shin tu snying rjer ngu zhing tshol// lag pa g.yas pas me tog rgyal mtshan thogs/ / g.yon pa yis kyang blta sdug mdzes pa gzhan// lam yang sbyangs shing gos kyis khebs par g.yogs// dge slong bzhengs las chos mchog bshad pa mdzod/ / rgyal po'i khab 'dir khyod zhugs ring lon yang // dge slong rab tu snying rjer ngu zhing tshol// rgyal ba mchog gi bstan pa 'jig pa'i tshe// khyod kyi srog gi bar chad 'gyur du dogs/ / ji ltar skyes bu mthu chen la la dag/ phyogs dang phyogs mtshams rtag tu sgra grags pa// srid gsum 'di kun thams cad zil mnan nas// g.yang sa chen por mchongs te sar lhung ltar// de bzhin dge slong mtshan mchog rab brgyan pa// byad bzhin bzang po sa 'dir 'gyel par gyur// me tog zla mdzes zhe sdang gtum med pa// bdag gis sdig pa'i sems kyis dum bur blags// me tog zla mdzes bkrongs nas sar lhung ba// chos smra 'di ni mthong nas myur ba yang // dge slong thams cad sdug bsngal gzir gyur te/ / mi dga' skyes 'gyur de bzhin sems mi bde// me tog zla mdzes ri yi rgyal po ltar// sum cu rtsa gnyis mtshan gyi go bgos te// 'phreng ba brgyus pa bud med thogs pa 'dra// 'dir ni dum bu dum bur rnam par bcad// bdag gis dngos sdig shin du mi bzad bgyis// mgon med mnar med gshin rje'i yul du mchi// 'dir yang dge slong dum bur blags pa yis/ / bdag ni sangs rgyas rnams dang ring bas ring // bdag gis shin tu las ngan bgyis pas na// bu dang gnyen bshes tshogs rnams skyabs mi 'gyur// blon po dang ni zham ring bkram pa yang / / de dag dmyal bar bdag song skyabs mi 'gyur// sangs rgyas 'das dang de bzhin ma byon dang // phyogs bcu dag na gang su bzhugs pa yi// ded dpon stobs bcu nyon mongs med pa rnams/ / rdo rje sdug sra sku mnga'i skyabs su mchi// der ni dge slong dum bur byas mthong nas// lha rnams rab tu snying rje cho nges bde bas// de dag der song dge 'dun go bar byas/ / me tog zla mdzes rgyal po'i khab 'dir bsad// chos smra ba ni mkhas shing rtogs pa de// mthu chen phyogs dang phyogs mtshams rab tu grags// byang chub sems dpa' gzugs la gnas pa de/ / me tog rma mdzes rgyal po'i khab 'dir bsad// bskal pa mtha' yas sbyin pa sna tshogs byin// tshul khrims mi g.yo bskyod med gang srung zhing // 'jig rten kun du mtshungs med bzod sgoms pa/ / me tog zla mdzes rgyal po'i khab 'dir bsad// bskal pa mtha' yas rtag tu brtson ldan zhing // zhum med sems kyis bsam gtan bzhi la sgom/ / nyon mongs pajoms pa'i shes rab gang bsten pa// me tog zla mdzes rgyal po'i khab 'dir bsad// lus la phangs pa thams cad rab spangs shing // de bzhin srog la ma chags gyur nas ni/ / kun tu bzang po'i nags nas babs nas su// me tog zla mdzes rgyal po'i khab 'dir bsad// lha'i cho de'i snying rje thos nas ni// dge slong de kun/ shin tu sdug bsngal nas// me tog zla mdzes nyes med bsad pa la// lta ba'i phyir yang thams cad grong du lhags// des pa de dag rgyal po'i khab 'ongs nas// dge slong dum bu dum bur byas mthong ste/ / nyam thag skad kyis mi bzang cho nges 'debs// de dag thams cad brgyal nas sa la 'gyel// dge slong dge 'dun rgyal po de la smras// tshul khrims skyon med shin tu babasdams pa yi/ / dge slong 'dis ni nyes pa ci zhig byas// 'di ni sngon gyi skye ba bsam yas dran// 'di ni ye shes gzungs dbang pha rol phyin// 'di ni 'dus byas 'di dag stong par shes/ 'di ni 'gro ba dag la mtshan med ston// 'di ni smon lam 'du shes thams cad spangs// 'di ni yid 'ong snyan pa'i sgra dbyangs 'byin// 'di ni nges shing dbang po rab du ni// 'di ni sngon gyi gnas kyi pha rol phyin// 'jig rten thams cad las kyang mngon par 'phags// 'di ni sangs rgyas rab byung ye shes kyis// khyu mchog gyur cing 'jig rten ri mo byas/ dag cing rab rib med pa'i mig gis blta// byams pa dang ni snying rje shin tu che// 'dod pa ngan cing brtsog la sdug bsngal bskyed// mtho ris rnam par ma rung byed pa ste// 'dod pa bsnyen na rna ba med par 'gyur/ / mi dag shes rab dang yang bral bar 'gyur// mi rnams 'dod pa dag ni bsnyen byas na// long par 'gyur zhing pha dang ma yang gsod// 'dod pa bsnyen byas tshul khrims ldan pa gsod/ / de bas mi yis 'dod pa rnam par spangs// rgyal pos 'dod pa dag ni bsnyen byas na// sa bdag dam pa 'byor pa 'di bor nas// mi bzang sdug bsngal rtsub byed sems dmyal nas/ / sems can dmyal ba 'jigs pa chen por 'gro// 'di 'dra'i dge slong mkhas pa gsod byed de// sdig pa'i las rnams rtag tu byed par 'gyur/ / de phyir byang chub zhi ba su 'dod pa// sdig pa rnam pa sna tshogs spangs par bya// lus ni sgyu ma gsog dang 'dra ba dang // de bzhin rna mig sna lce rig nas ni// gzug dang sgra dang de bzhin dri mchog dang / / reg bya chos rnams zhum med sems kyis gtong // sbyin pa bslabs shing tshul khrims mnyam pa med// bzod pa dang ni brtson 'grus de bzhin te/ / bsam gtan sten cing shes rab pha rol song // sems can dag gris don kyang rab tu byed// 'jig rten lha dang mir bcas thams cad kyang // byams pas rgyal ba la ni rab tu blta// de phyir mig ni mun nag gtibs gyur kyang // byang chub zhi ba nyid ni 'tshang rgya 'gyur// rta dang ba glang yang thog khri rnams dang // khyogs dang sngas rnams kyang ni de bzhin de/ / glang po dag dang bzhon dang dgal ba dang // grong dang yul 'khor dga' bas gtong bar byed// grong khyer dang ni rgyal srid yong gtong zhing // gser dang dngul dang shel dang byi ru dang / / de bzhin gnas dang bu dang bu mo dang // rang gi mgo yang gtong zhing byang chub zhugs// me tog dang ni spos dang bdug pa dang // gdugs dang rgyal mtshan lha'i ba dan dang / / rol mo'i cha spyad sna tshogs thogs nas ni// dga' nas mchod pa mtshungs pa med pa byed// srid pa dag ni stong par shes nas kyang // srid pa'i 'gro ba dag la dga' mi byed/ / de phyir stobs bcu mtshan gyis rnam brgyan cing // phyogs bcu thams cad du yang snang bar byed// byang chub sems dpa' gzungs la gang gnas pa// 'dod pa'i khams rnams dang ni gzugs kyi khams/ / gzugs med khams la de dag mi chags te// khams gsum dag la snga nas chags pa med// byang chub sems dpa' gzungs la gang gnas pa bdag tu 'du shes sems can 'du shes med/ / srog tu 'du shes gang zag 'du shes med// tshangs par spyod pa ma 'dres rtag tu spyad// byang chub sems dpa' gzungs la gang gnas pa/ / dngos por 'du shes dngos med 'du shes med// bde bar 'du shes mi bder 'du shes med// grangs su 'du shes grangs med 'du shes med// byang chub sems dpa' gzungs la gang gnas pa/ / yod par 'du shes med par 'du shes med// bud med 'du shes skyes par 'du shes med// grong gi 'du shes grong khyer 'du shes med// byang chub sems dpa' gzungs la gang gnas pa// yul 'khor 'du shes grong 'a dab 'du shes med// 'dod chags 'du shes 'dod bral 'du shes med// zhe sdang 'du shes sdang bral 'du shes med/ / gti mug 'du shes mongs bral 'du shes med// byang chub sems dpa' gzungs la gang gnas pa// nga rgyal nga rgyal bral ba'i 'du shes med// ma rig ma rig ma yin 'du shes med/ / lha dang lta ba ma yin du shes med// byang chub sems dpa' gzungs la gang gnas pa// de dag dbang po stobs la mi chags te// byang chub yan lag bsam gtan chags pa med/ / khams gsum nyes pa thams cad rab tu spong // 'dod chags chags med zhe sdang gtum pa med// gti mug rmongs med rtag tu g.yo med 'gyur/ / sangs rgyas stobs bcu mthong nas bkur sti byed// blo gros ldan pa mtho ris smon mi byed// su dag gzhan las chos mchog thos nas ni// de la nam yang nem nur mi byed pa/ / 'bru mar gang ba'i snod bzhin dang zhing dag/ bcad dang ma bcad gzhan gyi blo yang shes// 'dza' ba byas na rjes su chags pa skye// de yang nyon mongs pa ni chen po yin/ / zhe sdang byas na khong khro skye bar 'gyur// dgra dang 'jigs pa sdig pa rnams kyang 'byung // 'di gnyis rab tu rnam par spangs byas te// blo gros ldan pa dag ni byang chub zhugs/ / de dag mi yi khyu mchog stobs bcur ni// 'jig rten du yang mngon par 'byung bar 'gyur// nang dang phyi rol dag kyang rnam spangs te// chos kyi ngo bo nyid la rab gnas shing / / tshul khrims phung po dag kyang rnam par sbyangs// ral pa med cing ma 'dren skyon yang med// nam yang de dag gi ni tshul khrims dag/ 'phags shing 'dres pa dag tu mi 'gyur te/ / mtha' 'di dag ni gnyis po yongs spangs nas// blo gros 'chang pa byang chub zhi rtogs 'gyur// de nas rgyal po dpa' bos byin/ dge slong gi dge 'dun las chos smra ba me tog bla mdzes kyi yon tan gyi bye brag chen po yangs shing rgya che ba thos nas sdug bsngal zhing yid mi dga' nas/ de'i tshe byang chub sems dpa'i tshogs chen po la tshigs su bcad pas slar smras pa/ / nags khrod stug po kun du bzang po ni// sdong po chen pos gang zhing 'bras bu mdzes// dus kun skye ba me tog sdug pas brgyan// sna tshogs tha dad bya rnams sgra yang 'byin// gser gyi ri yang mdzes shing mtho bas brgyan// mi 'am ci yi glu dbyangs snyan pa dang // rol mo shin tu thabs ldan yid 'ong grag/ grub pa'i bu mo rtag tu gar yang byed// nags de lha yi dga' ba'i tshul bzhin te// gzugs bzang gzugs pa bar ba yi shing gis dkrigs// me tog rnam pa sna / tshogs tha dad bkram// ut+pal pad+mos pargyun cing chu yang 'bab// 'di 'dra ba yi nags mchog nyams dga' ba// drang srong rtag tu gnas par mthun pa dag/ bor nas sems can don dang phan bzhed pas/ / sdig pa'i phung po bdag drung grong du byon// de ltar chos smra yon tan 'chang ba 'di// me tog zla mdzes grong khyer 'dir byon te// byon nas drag pa bgyid pa bdag gis dkrongs/ / 'di dkrongs pas ni bdag kyang dmyal bar ltung // byang chub sems dpa'i thugs rje'i stobs ldan gang // dpa' bo sems can phan phyir 'jig rten spyod/ / de dag sdig bgyid bdag gi skyabs mdzod cig/ byang chub sems dpa' de skyabs bdag mchi'o// gang yang rang rgyal dag ni gnyis pa ni// gang gzhan nyan thos rdzu 'phrul ldan pa ste/ / zag pa zad cing tha ma'i lus 'dzin pa// bdag ni sdug bsngal mnar med 'chi ba skyobs/ de nas yang bcom ldan 'das kyis/ tshe dang ldan pa kun dga' bo la bka' stsal pa// de lta bas na kun dga' bo byang chub sems dpa' sems dpa' chen pos lus dang srog la ma chags par bya'o/ / de ci'i phyir zhe na/ kun dga' bo lus dang srog la chags pa'i sems can rnams mi dge ba'i las mngon par 'du byed par 'gyur ro// de la 'di skad ces bya ste/ rtag tu rul nga'i lus 'di dang / / srog kyang g.yo zhing dbang med de// rmi lam thum 'dra ba la// sems can gang dag chags pa ni// shin tu ma rlung las byas nas// gti mug dbang song de dag ni/ sems can dmyal ba mi zad par// mi mkhas bdud kyi gzhol bas song // dbu ba rdos 'dra'i lus dang ni// chu yi ru bur 'dra srog la// mi gang chags par mi byed pa// de dag/ 'gro ba mchog tu 'gro// de nas yang bcom ldan pa das kyis tshe dang ldan pa kun dga' bo la bka' stsal pa// kun dga' bo de lta bas na byang chub sems dpa' sems dpa' chen po ting nge 'dzin 'di 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ lus dang srog la mi blta bar bya ste/ mgo dang gos la meb bar ba lta bus brtson 'grus brtsams pas/ sems can thams cad la snying rje chen po bskyed de/ dper na dben pa na bde bar gnas pa dang / dgon pa dang / nags khrod spang te/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / ri khrod rnams su zhugs te/ ci nas sems can de dag nyan thos kyi byang chub dang / rang sangs rgyas kyi byang chub las phyir mi ldog pa dang / bla na med pa yang dag par rdzogs pa'i byang chub las phyir mi ldog par 'gyur ba de lta bur sems can rnams la chos bstan par bya'o/ / de nas yang bcom ldan 'das kyis/ de'i tshe tshe dang ldan pa kun dga' bo la sngon byung ba'i gtam bstan pa 'di nyid rgya cher tshigs su bcad pa'i dbyangs kyis rgyas par rab tu bstan to/ / ngas sngon spyad pa dag ni spyod pa na// de tshe rgyal po dpa' bas byin par gyur// rgyal po'i pho brang rin chen ldan zhes bya/ / bskyed mos tshal gyi sar ni byung bar gyur// shing rtar zhugs pas de tshe dge slong mthong // kun nus mdzes shing blta na sdug pa ste// sum cu rtsa gnyis mtshan gyi go/ bgos pa// phyogs rnams thams cad du yang snang bar byed// me tog zla mdzes phyogs su grags pa ste// snying rje gnas pa rab phan snying brtse ba// dpal dang gzi brjid dag gris mdzes pa ni/ / sems can rnams la brtse phyir grong du 'ongs// nga ni gzugs kyang de tsam mi phod pas// de ya nga yang 'jungs pa ma rungs skyes// 'dod la chags shing srid la bcings pas ni// 'di ni bdag gi srid las skyod snyam ste// dra yi bu rnams sbyong du tshang ba yang // shing rtar zhugs shing zham ring mthon dman 'gro/ cod pan dang ni sna tshogs rgyan gyi sa brgyan// sum cu dbang phyir lha yi bu 'brang bzhin// de na nga yi bu mo lnga brgya dag/ nor bu thogs shing lham gyon blta na sdug/ mgo brgyan dang ni lhab lhub brgyan gyis spud// de dag gser gyi dra bas shing rta 'dren// nga yi bud med dag ni brgyad khri yang // gzugs mdzes shin tu blta na sdug pa dag shing rtar zhugs pas dge slong de mthong ste/ / ri rab bzhin du gzugs bzang dpal 'bar ba// mthong nas de dag phar yang 'du shes bskyed// byang chub dam pa mchog tu sems bskyed te/ / de tshe tshangs pa'i spyod par yang dag btsud// yid du 'ong ba'i rgyan rnams de la gtor// de tshe nga ni phrag dog skyes par gyur// gnod sems zhe sdang tha ba mi bzad do/ / dbang phyug rgyags pas bu la 'di skad byas// mdun na 'dug pa'i dge slong bsad par gyis// gzhon nu de dag nga yi tshig thos nas// shin du sdug bsngal yid kyang mi dgar gyur/ / yab cig de skad kyi ni tshig ma gsung // dge slong 'di 'dra bdag cag mi 'gums so// bskal pa bye ba gang+gA'i bye snyed du// bdag cag lus dang yan lag bcad btubs kyang / / dge slong 'di ni 'gums par mi bgyid de// 'di ltar bdag cag byang chub sems skyes so// rgyal po de tshe bu yi tshig thos nas/ khros te gsod pa'i gshed ma 'bangs la smras/ / nga yi btsun mo'i mdun na 'dug pa yi// dge slong 'di ni myur du gsod de phul// de nas gsod pa'i gshed ma phyi bzhin 'ongs// shin tu gtum sems dga' byed snying rje med/ / 'bru mar ngar btags ral gri thogs nas su// de yis dge slong dum bu brgyad du byas// de yi lus dang yan lag bcad pa las// khrag kyang mi zag 'od zer stong byung ste/ / bcad pa'i 'phro nas dpal be'u 'khor lo dag/ mtshan rnams de yi lus kyi nang du yod// shin tu ma rungs las ni byas nas su// bskyed mos tshal du de yi mod la byung / / dge slong me tog zla mdzes dran nas ni// dge slong de yi rtsed mo dga' bar ma gyur to// rings pa'i gzugs su myur zhing 'gyogs par ni// de nas bdag gi rgyal po'i pho brang song / / gang du dge slong dum bu brgyad byas pa// sa phyogs der ni shing rtar zhugs nas phyin// lha rnams khrag khrig mang po bar snang la// tshe nges bdengs/ ba'i sgra dag de thos te// rgyal po khyod kyis mi dge sdig mang bgyis// shrI phos nas ni mnar med mi bder 'gro// rgyal po des ni lha yi sgra thos nas// shin du sdug bsngal mi dga' sems skrag gyur/ / bdag gis me tog zla mdzes dkrongs pa ni// bdag gis sdig pa mi bzad mang po bgyis// de bzhin gshegs pa ye shes mtha' yas ldan// sangs rgyas mi yi khyu mchog sras po gang // dbang po bsrung shing nges pa zhi ba'i yid// de ni 'dod pa'i don phyir bdag gis dkrongs// de bzhin gshegs pa'i chos rnams gang 'dzin cing / / zad pa'i dus la dam pa'i chos kyi mdzod// 'jig rten kun tu chos kyi sgron ma mdzad// de ni 'dod pa'i don phyir bdag gis dkrongs// 'jig rten kun na sman pa'i rgyal po gang / / sems can na ba rtag tu gso byed cing // bdud rtsi dag gis bkru sman gtong ba yi// dge slong bdag gis 'dod pa'i don phyir dkrongs// zhi cing zab la zhi ba lta dka' yi// chos rnams skye dgu dag la gang 'chad cing // byang chub snying po mchog kyang gang ston pa// de ni 'dod pa'i don phyir bdag gis dkrongs// 'dren pa rnams kyi chos kyi mdzod padzin cing // bajig rten mdongs pa'i sgron mar gyur pa ste// gzungs dang mdo sde'i rgyal po gang 'dzin pa// de ni ci slad bdag gis 'dod phyir dkrongs// nyon mongs med cing rnam dag ye shes can/ zhi ba bzhi rtag tu mnyam bzhag pa// 'dod pas mdongs pa dag gis deng dkrongs te// des ni shin tu ma rungs dmyal bar lhung // sangs rgyas gang dag 'das dang bzhin ma byon dang / / mi yi dam pa rgyal ba gang yang bzhugs pa ni// bsngags pa mtha' yas yon tan rgya mtsho ldan pa rnams// de dag kun la thal mo sbyar te skyabs su mchi// / 'phags pa ting nge 'dzin gyi rgyal po'i mdo// bam po bcu gsum pa// // de nas rgyal po dpa' bas byin gyis chos smra ba me tog zla mdzes bsad de// shi ba'i lus kyi mdog ma gyur par sa la 'gyel cing 'drug pa mthong nas// sdug bsngal zhing yid mi bde ste// 'gyod cing mos par gyur nas/ de'i tshe cho nges rab tu cher btab bo// chos smra ba me tog zla mdzes de la yang 'di lta bur yang dag pa'i yon tan gyis bstod pa dang / snying rje dang ldan pa'i tshigs su bcad pa pa de dag smras so// kun tu bzang po pa phags pa'i dge 'dun gyis khyod la rnam pa mang po bsgo ba bgyis/ / khyod kyi srog gi bar chad byung nga re// rin chen ldan par rgyal po'i khab ma bzhud// khyod kyi dge slong dge 'dun tshig ma bzung // mgon po grong khyer du ni ci slad byon// khyod ni gang gi don du byon pa yi// don de sgron ma mdzad pa mdzad du gsol// lha rdzas mig gu sna tshogs brgyan pa yis// gzugs bzang gzugs 'bar shing ljon mang pos dkrigs/ / grub pa'i rig 'dzin gnod sbyin mchog gis bsrungs// lha rnams zhugs shing bya rgyal sgra yang sgrog/ kun tu bzang po sangs rgyas rtag zhugs pa/ / nags tshal dam pa dga' ba bor nas ni// bgyi ba gang phyir khyod ni 'dir byon pa// des pa bgyi ba de deng bdag la bsrungs// khyod kyis tshig thos nas ni bka' bzhin bgyi/ / sangs rgyas sras po bzhengs la bka' stsol cig/ kye ma da ni ci bgyi lha yi lha// bdag ni mgon med khyod kyi skyabs su mchi// gcig pu seng ge ri dgas rgyal po ltar/ / dge slong dge 'dun mchog gi khyu bor nas// sems can mtha' yas pa la thugs brtse'i phyir// rang gi srog kyang btang ste 'dir byon na// 'dod chags zil non shin tu 'jungs pa yis/ / bdag gis dpa' bo dum bu dum bur bcad// 'dir ni dge slong dge 'dun mtha' dag kyang // khyod la lta bar pho brang ma lhags par// bdag ni 'jigs skrag khyod la cig gsol pa/ / bde bar gsol bar gcig ni mdzad par 'os// me tog zla mdzes mi 'jigs bdag stsol la// nya dus zla ba nya 'drar bzhengs su gsol// sems can gtso bo bdag la gnang bar mdzod/ / chos smra khyod ni zhe sdang rnam par grol// di ring bdag la sna cig snang bar mdzod// nyi ma bzhin du snang mdzad bzhengs su gsol// chos smra mchog ni bdag gis dkrongs bgyis te/ / sdig pa ma legs bdag gis der bgyis pas// 'di nas 'chi 'bos mi bzang dmyal bar skye// bdag la de yi sbubs su 'gyur ba mad// nyon mongs byed pa sdig sems ci ru rung / / rgyags pas khengs pa'i rgyal srid ci ru rung // thams cad spangs te gcig pu 'gro bar 'gyur// 'di nas bdag gis snying po ci ma blangs// 'dod chags zhe sdang bcom pa rnams dag chos/ / snyan par gsung ba bdag thul thugs rje can// 'gro ba'i gnyen gcig sun 'byin mi mdzad pa// me tog zla mdzes bdag gis ci phyir dkros/ kye ma bzod dang dka' thub nor phyugs brtul zhugs bzang // kye ma gzugs dang des pa dag gi yon tan ldan// kye ma g.yo med dpal sdug spros pa mi mnga' ba// bdag cag bor nas khyod ni gang du bzhud par mdzad/ / 'phags pa khyod kyi lus dang yan lag bcad pa na// 'o ma rab tu zag cing 'od zer stong dag byung // 'jig rten 'di dag thams cad shin tu ngo mtshar gyur/ / ngo mtshar che ba'i rang bzhin 'dren pa bzhengs su gsol// kye ma me tog zla ba dul ba thugs rje can// kye ma byams dang snying rje'i phung po ri bo chung // kye mchos rnams zab mo shin tu ston pa'i mchog/ lha khyod bzhengs shig bdag la thugs rjer mdzad du gsol// kye ma zla ba nya zhal tshur spyon cig/ kye ma sa bcu legs gnas tshur spyon cig/ kye ma dpa' bo stobs bcus mngon 'phags pa// tshe la khyod dbang bdag po gang du bzhud// kye ma dpa' bo nur smyon bdag la gsungs// khyod yun ring bzod pa bsgoms pa dang / / brtson 'grus thugs rje de dag gang du mchis// byams pa chen po bzhengs las gsungs phyung cig/ kye ma shin tu mchod pos lha yi lha// chos sma cang mi gsungs par ci smad bzhugs/ / mkhas pa bzhengs la bdag gi khyim du bzhud// bud med tshogs la khyod kyis chos ston cig/ lha khyod lus ni bcad par mi nus te// lha dang lha min gnod sbyin srin pos kyang // khyod kyi lha yi lus 'di mi shigs kyis// mkhas pa khyod deng sgyu dag ma mdzad cing // lha khyod sgyu mdzad bzhugs pa ga la mang/ byang chub sems dpa' sgyu ma ma mdzes so// sgyu ma thams cad spong la bzhengs su gsol// rin chen ldan pa'i grong du chos shod cig/ kye ma 'phags pa me tog zla mdzes tshur/ kye ma khams gsum 'dod chags bral ba tshur// kye ma pha ma lta bu 'dren pa tshur// bdag gi sems dmyal sgo ni bcad du gsol// ngan song skyes pa rnams kyis rten dang / dpung // srog chags mnar med chen por lhung ba yi// skyabs mdzad me tog zla mdzes tshur spyon cig/ bdag gi bde 'gro'i sgo yang dbye bar gsol// mgon po khyod ni dgung bdun bshos ma gsol/ / re shig deng bzhengs bdag gi bshos gsol cig/ bdag gi bshos gsol rin chen ldan pa 'dir// sems can du ma chos la dgod pa mdzod// kye ma chos mchog rtogs pa bdag gi yab// kye ma sems can rnams la khon med sems// kye ma tshur spyon bdag mdun chos ston cig/ kye ma tshur spyon khyod smon myur grub shog dge slong dge 'dun de ni mgon med gyur/ / kye ma mdongs shing mi dran mya ngan bgyid// sems can snying po khyod ni myur bzhengs la// dge slong dge 'dun dbugs kyang 'byung ba mdzod// kye ma 'jig rten gsum na sbron gyur pa// kye mtshur spyon kun tu bzang por bzhud// kun tu bzang po'i nags khrod bzhud nas ni// dge slong dag la phan phyir khyod ston cig/ kye kye chos 'dzin yon tan rmad byung che/ / a shwad me tog bzhin du rnyed par dka'// shes rab thugs rje'i spyan ni dri med pa// kye kye dge slong dge 'dun gzigs su gsol// tshig gi lam dang bral ba'i gzungs de yang / / kye kye dge slong dag la bstan du gsol// kye kye zla ba shar ba bzhin du 'dir// me tog zla ba de ring bzhengs su gsol// kye kye rgyal sras bdag la thugs brtse ba/ / 'gro ba'i dbugs 'byin mdzad pa bla na med// kye kye mtshon dang dbyugs pas btab pa bzod// bzod pa'i stobs dang ldan zhing rab tu des// kye kye me tog zla mdzes thugs brtse can/ / rab sbyin 'dren pa khyod ni bzhengs su gsol// kye kye khyod ni bzhengs la bdag la yang // mthong bar dga' ba'i gzungs rnams/ bshad du gsol// kye kye 'jig rten kun tu snang mdzad pa// shes rab kyi ni sgron ma dam pa'i mchog/ kye kye sems can dag gi phan don la// brtson mdzad 'dren pa thugs rje stobs bcu ldan/ / kye kye me tog zla mdzes bzhengs su gsol// dpa' po sems can dag gi don mdzad pa// kye kye sems can dag ni bye ba dang // khrag khrig rnams kyang zhi ba'i/ grong du khod// kye kye tshul khrims nor ldan blo gros che// mkhas pa bslab pa'i nor gyis shin tu phyug/ kye kye tshul khrims brtul zhugs rab gnas shing // chos kyi shing gi myu gu mngon par dga'/ / kye kye chos gos ngur smig kha bsgyur 'chang // rtag tu mngon par byung la dga' bar mdzad// kye kye me tog zla ba brtul zhugs bzang // rab sbyin dka' thub bzang po khyod bzhengs shig/ kye kye dul ba sems can ma dul 'dul// rtag par dul ba'i gnas dang rjes su ldan// kye kye dul ba rab dul rjes su bzhud// zhi ba dbang po rab zhi khong nas des/ / kye kye sems can nyal zhing gnyid log pa// chos kyi sgra yis rtag tu sad par mdzod// kye kye sems can bye ba khrag khrig dag/ sad par bgyis nas theg pa mchog la khod/ / kye kye sbyin pa yi ni spang leb la// brtson 'grus tha gus sbrel ba'i gru sbyor te// kye kye sems can rgya mtsho chen por ni// rab tu ltung zhing sred par dad pa rnams/ / kye kye stobs bcu ldan pa me tog mchog/ gnyan pa gdongs padzin mkhas pa bzhengs su gsol// kye kye shin tu sra ba'i grur yang ni// zhugs nas bdag dang de dag bsgral bar mdzod/ / kyo kye sman pa'i dam pa brtul zhugs la// shin du spyad cing rig mdzad sman pa'i mchog/ kye kye ye shes rnam grol pha rol phyin// dam pa'i chos kyi rtsi dag sbyin mdzad pa/ / kye kye 'di ni rnam pa sna tshogs kyis// btab pa'i sems can na ba rnams gzigs nas// kye kye myur du bzhengs la de dag la// chos kyi sman rnams shin tu stsal bar mdzod/ / kye kye ye shes sman pa'i rgyal po mchog/ mtshungs med ye shes 'phags shing pha rol phyin// kye kye nad rnams shin tu gso mdzad cing // thugs rje sems can dag gi don kyang mdzad/ / kye kye na par gyur pa'i sems can khams// 'dod chags nad kyis ma lus bcom pa'i rnams// des ni sems can thams cad bde ba dang / nad rnams med cing mya ngan 'das par 'gyur// kye kye mkhas pa ye shes rgya cher bslabs// chos kyi rnga dag shin du brdung bar mdzod// kye kye 'jig rten gyi ni the tsom gyi/ 'khri shing thams cad ye shes rgya mchos chod// kye kye legs thos chos rnams 'dzin mdzad pa// rdul bral mdo sde bye ba brgya dag kyang // 'khor gyi nang du gdun la rab zhugs la/ / mi mchog mkhas pa brjod pas mdzad du gsol// me tog zla ba mtshan mchog brgyan pa kye// dpe byas bzang po brgyad cu tshangs pa kye// dpe byad bzang po brgyad cus lus brgyan kye/ / srid pa'i mtsho rgal spos med tshur skyon kye// srid pa'i btson rar chud khrol bzhengs shig kye// ye shes mchog rig tshangs pa 'dra ba kye// me tog zla ba thugs rje chen po kye/ / byams dang snying rje skyed la bzhengs shig kye// me tog zla ba khyod la gsol ba 'debs// dge slong dge 'dun khyod kyis ma dor bar// tshur gshegs dge 'dun yongs su bsdu ba mdzod/ / bzhengs lanags khrod der yang gshegs sam kye// me tog zla ba bsam gtan dgyes pa mchog/ mdza' dang mi mdza' mtshungs par byams shing phan/ / gzungs la rab tu gnas pa tshur spyon kye// ye shes sdong po mtshungs med khyod bzhengs shig/ ri rab bzhin du mi g.yo brtan pa kye// sangs rgyas sangs rgyas sems can mnyam yid kye/ / me tog zla ba brtul zhugs rdzogs pa kye// bzhengs la shing gi drung du 'tshang rgya mdzod// lha yi rna ba chos kyi mchog 'chang kye// lha yi mig ma khas/ ye shes rtogs pa kye// bzhengs te bdag la gzigs shig zugs rje can// grags pa mtha' yas bdag gi tshig gson ste// 'jig rten kun la phan dang don mdzad kyi// me tog zla ba shAn+da du sbyin dgyes kye/ / bzhengs la myur du bdag gi re rdzogs mdzod// khyod 'dir dum bu dum bur ma bzhugs shig/ grong 'di skyes pa bud med tshogs rnams kyang // khyod mthong thams cad shi bzhin sa la 'gyel/ / snying rkams 'gyur ba'i mya ngan rnams kyang bgyid// thugs rje mchog gi spyan gyis de la gzigs// gang gis slad du byams pa bsgoms pa dang // ye shes shes rab thabs kyi stobs rnams dang / / khyod kyi thugs rje btang snyoms dga' ba yangs// de dag rdzogs mdzod bzhengs shig me tog mdzes// lha klu lha min rdzu 'phrul chen po dang / gnod sbyin srin po mi dang mi 'am ci// snyim pa me tog bdugs pas bkang nas ni// thams cad mthong bar dga' nas lhags shing 'khod// drang srong chen po'i tshig ni deng rtogs te// skye dgu'i 'dod pa gnod byed gsod pa yin// yid kyi nang du 'gyur ba ngan 'gro'i rgyu// de phyir 'dod pa'i spro ba spang bar bya// dge slong bdag gis bsad pa'i sdig gi las// shin tu ma legs mi bde byas pas na/ / bdag ni mi bzad dmyal ba mnar med 'gro// bdag la de yi mgon skyabs byed pa med// bdag ni rgyal po'i srid btang tshangs spyod gzhol// spos dang me tog byug pa rnams kyis ni/ / mchod pa dam pa rnams kyang rab tu bya// shin tu mdzes par mchod rten bdag gis bya// bu dang bu mo bud med khyim bdag dang / / blon po dang ni tshong dpon de dag dang // grong ba dang ni rgyal rigs mang po rnams// de dag thams cad la ni ngas sgo ba// a ga ru dang tsan dan shugs pa dang / shin tu zhim pa'i spo sa mchog ci yod pas// myur du sgron gyi nang du khyogs chos la// dge slong 'di ni bsregs pa'i cho ga gyis// grong khyer mi kun rgyal po'i tshig thos nas/ spos mchog dag kyang thogs nas khyogs bcas te// spos rab bzang po yid du bongs las byas// der ni dge slong de yang bcug nas su// a ga ru dang tsan dan tsam pa ka/ rgyu spos spri ka de bzhin pa tA la// me tog dang ni phreng ba byug pa dag/ shin tu bzang dang 'bru mar dag gis bsregs// de yi rus pa sgrom ni byas par gyur// dge slong dag gis de yang der bsregs te/ / rgyal pos de yi mchod rten byas nas su// 'di la ngas ni mchod pa byas zhes zer// me tog dang ni phreng ba byug pa dag/ gdugs dang ba dAn rgyal mtshan thogs nas su/ / rgyal pos der ni sil snyan stong dag dang // bye ba khrag khrig rnams kyang len du btsud// nyi ma gcig la rgyal po dus gsum du// dge slong de yi mchod rten de drung du/ / sdig pa sngan chad cung zad ci byas pa// de tshe dus gsum du yang shin du 'chags// lo stong bye ba phrag ni dgu bcu lngar// nyes pa byas pa dag kyang rab bshags te/ phyis kyang tshul khrims dam pa ma ral srung // rnam par dag cing gtsang la dri ma med// lo sbyong bye ba phrag ni dgu bcur yang // gso sbyong dag kyang de tshe rab gsos te// de ni// de tshe bdag gi lus shig nas// mnar med mi bzad par ni der lhung gyur// 'dod phyir snying rje med pa'i las byas pas// sdug bsngal mang po dag kyang myong bar gyur// sangs rgyas bye ba stong phrag dgu bcu lnga// de tshe de dag bdag gis ma mnyes byas// lo stong bye ba phrag ni dgu bcu lngar// de yi tshe na nga ni long bar gyur// bskal pa bye ba khrag khrig drug cu gnyis/ / sngon chad nga yi mig kyang bcar bar gyur// bskal pa bye ba khrag khrig phrag stong dang // shin tu mang bar nga yi mig phyung phrogs// mgo dang rna ba dang ni rkang lag kyang / / bskal pa mtha' yas khrag khrig bcad par gyur// bskal pa dag ni bye ba khrag khrig du// mir gyur pa dang skye ba gzhan du'ang // 'khor ba'i sdug bsngal dag gis rab ces shing / / sdug bsngal tshol ba yun ring myong bar gyur// sdig pa'i las rnams byas pa 'khor ba na// yun ring shin tu sdug bsngal myong bar 'gyur// de phyir byang chub zhi ba su 'dod pa/ / srid pa gsum du sdig pa mi bya'o// rgyal po'i mchog gis sngon gyi las bshags kyang // snga ma'i nyes byas rnams las de mthar// mi zad gzugs kyi las rnams sngar byas pas/ / de shi dmyal ba mi bzad mnar med song // nga yi rna ba de bzhin rkang lag bcad// bskal pa mtha' yas mang por sna yang bcad// spyod pa spyod tshe mtshon cha dbyig thogs nas// 'debs byed nan gyis nga yis mig kyang phyung // byang chub phyir ni mgo lag lus bcad dang // bu dang chung ma mig dang rang gi sha/ rkang lag dga' ba'i sems kyis yongs btang yang / / sngon gyi sdig pa'i las ni zad ma gyur// kun dga' de ltar bskal pa mtha' yas spyod// sangs rgyas dpa' sdug dpag tu med pa mthong/ byang chub spyod mchog 'di ni spyod pa na// de tshe sdug bsngal 'di dag sngon myong gyur// byang chub sems dpa' gzungs la gang gnas shing // byams spyod rtag tu mi g.yo mi 'gul pa// sangs rgyas rdul sbyangs lha yi lha mchod nas// de dag nam yang ngan song sar mi 'gro// sum cu rtsa gnyis mtshan gyi go bgos pa// chos rje sangs rgyas bdag 'gyur su 'dod pa// tshul khrims ma 'dres g.yo ba med par srungs/ / gzungs la rab gnas chos kyang bstan par gyis// nga ni de tshe rgyal po dpa' byin yin// nga yi bu rnams phyi dus chos skyong ba// me tog bla mdzes pad+ma bla ma yin/ / dga' byed de ni zhi ba'i rgyal bar gyur// 'jig rten gsum pa 'gro ba'i gnyen cig pa// de bzhin gshegs pa rkang gnyis gtso bor gyur// skye dgu da gi don chen mdzad nas ni/ / mar me bzhin du 'dren pa mya ngan 'das// bud med tshogs dang rgyal rigs mang po dang // khyim bdag dang ni blon po stobs chen dang // tshong dpon de bzhin grong pa'i mkhar gyi rgyal/ / thams cad stobs bcu nyon mongs med par gyur// me tog zla mdzes kyi le'u ste sumacu rtsa drug pa'o// / de nas yang bcom ldan 'das kyis/ zla 'od gzhon nur gyur pa la bka' stsal pa// gzhon nu de lta bas na// byang chub sems dpa' sems dpa' chen po ci nas bdag bla na med pa yang dag par rdzogs pa'i byang chub bde bar mngon par rdzogs par 'tshang rgya bar 'dod na/ gzhon nu byang chub sems dpa' sems dpa' chen po des/ chos thams cad kyi rang bzhin mnyam pa nyid rnam par spros pa'i ting nge 'dzin 'di nyan par bya/ gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha ton du bya/ nyon mongs pa med pa'i snyoms pas mang du bsgom par bya/ / gzhan la yang rgya cher yang dag par rab tu bstan par bya'o// tshul khrims kyi phung po la yang rab tu gnas par bya'o// de nas bcom ldan 'das kyis de'i tshe tshigs su bcad pa 'di dag gsungs so/ / byang chub sems dpa' tshul khrims tshogs gnas shing // bdag la phan sems spyad pa gang spyod pa/ mngon dga'i sangs rgyas zhing du myur song nas// bzod pa de thob chos kyi rgyal por 'gyur// de phyir gnod sems med cing kun mthun gyis// thams cad rtag tu yid du 'ong bar bgyis// / dpag sdug sangs rgyas dpag med mthong nas ni// byang chub reg nas chos kyi bdag por 'gyur// de phyir phan yon mchog 'di thos nas ni// dge slong tshul khrims mchog dang ldan mthong nas/ mkhas pas g.yo med rtag tu bsten par bya// ring por mi thogs ting 'dzin 'di thob 'gyur// gal te gter rnams dpag med tshad kyang med// rin chen sna bdun nor bus gang gyur pa/ / de bzhin zhing rnams gang+gA'i bye ma snyed// nor bu rin po che yis gang ba rnams// byang chub sems dpa' sbyin la mos pa yis// nyin mtshan re rer sbyin pa 'di dag byin// de bzhin bskal pa gang+gA'i bye ma snyed// rgyun mi 'chad par sbyin pa byin pa bas// byang chub sems dpa' gang gis ting 'dzin 'di// thos nas bde gshegs mdzod mchog 'dzin byed pa// bsod nams phung po des ni gang bzung ba// sbyin pa de kun de yi char mi phod// mi gang rjes su 'thun la dad pa dag/ ting 'dzin rdul bral mchog 'di 'dzin pa ni// bsod nams phung po dpe med mchog 'di yin/ / ye shes mdzod de dpag med 'byung gnas so// ting 'dzin rdul bral zhi ba 'di bzung na// byang chub sems dpa' de ni nor chen 'gyur// rgya mtsho chen po bzhin du thos pa'i gter/ / de la bsod nams tshad yod yong mi 'gyur// chos kyi mchog rnams bsam gyis mi khyab pas// shin tu rgyas byas byang chub sems dpa' brjod/ / ting 'dzin 'di ni su dag ston byed pa// de ni nam yang byang chub the tsom med// bsod nams phung po mchog dang gang ldan zhing // gang la tshad med bsam gyis mi khyab pa// 'jig rten slob dpon sangs rgyas rnam par 'dren// rang byung thugs rje chen po ma gtogs par// de yi 'og tu sems can su dag kyang // stong chen 'di na bsod nams phung po dang / mtshungs med bsam gyis mi khyab ye shes kyis// mnyam par gyur pa nam yang yong med do// ting 'dzin 'di ni thos nas 'dzin pa dang // klog cing yongs su chub par byed pa dang / mtshungs med sangs rgyas byang chub tshol ma gtogs// de yi ye shes mtshungs pa med par 'gyur// ting 'dzin 'di ni gzung zhing klags pa yis// bsod nams phung po ji snyed bsags pa yang / / gzhon nu ji ste chos de gzugs yod na// 'jig rten khams mang 'dir yang shong mi 'gyur// gzhon nu de phyir byang chub sems dpa' gang // 'das dang byung ba'i de bzhin gshegs pa dang / / sangs rgyas thams cad mchod par 'dod pa yis// ting 'dzin 'di ni bzung zhing bklags par gyis// de bzhin gshegs pa'i byang chub 'di yin te/ / gzhon nu nga yi tshig la dad par gyis// de bzhin gshegs pa brdzun gyi tshig mi gsung // 'di 'dra'i sems can rdzun du smra ba med// sngon gyi bskal pa brgya phrag bsam yas su/ / byang chub spyad pa mchog 'di rab spyod cing // ting 'dzin 'di ni yongs su tshol ba'i phyir// ngas ni bdag tu lta ba 'dir sbyangs so// de phyir chos kyi mdzod 'di mnyan par gyis// 'di las mdo sde bye ba khrag khrig 'byung // 'di ni bsod nams phung po mtha' yas yang // 'dis ni sangs rgyas ye shes myur du 'thob// mkhas pa 'jigs med de dag gang ston pa// 'di ni mdo sde kun gyi dam pa'i mdo// dge ba bsam gyis mi khyab 'byung gnas te// chos de rnams la mthar thug rnyed mi 'gyur// stong chen dag ni bcad cing bshig nas su// rdul gyi tshogs rnams bgrang bar nus na yang / / mdo sde brgya phrag bsam yas tshad med pa// rgyun mi chad par de stong bgrang mi nus// sangs rgyas zhing gi sems can thams cad kyi// phyi nang rgyu ba'i dbugs ni bgrang nus kyang / / ting 'dzin 'di la gnas nas gang ston pa// mdo sde de dag mthar thug nus mi 'gyur// sangs rgyas zhing ni gang+gA'i bye ma snyed// 'gro ba der yang sems can gang skyed pa/ / de dag sems ni bgrang bar nus kyang srid// rtag ston mdo sde de dag bgrang mi nus// rgya mtsho chen po'i bye ma ci yod dang // klung dang mtshe'u dang gshong gi bye ma dag/ bskal pa bye ba dag gis bgrang nus kyang // de dag 'chad pa'i mdo sde mtha' yas so// sangs rgyas zhing ni bye ba mang po na// chu yi phung po rtag 'dug ci yod pa// brgya tshal skra yi rtse mos bgrang nus kyang / / de yi dbyangs kyi yan lag kun mi bgrang // gang mngon 'dir ni sems can ci byung ba// rang gi lus la snying por 'dogs pa rnams// bskal pa bye ba mang pos bgrang nus kyang / / de dag mdo sde sgrub pa shes mi nus// phyogs bcu dag na sems can ci yod pa// srog chags kun gyi sgra skad bgrang nus kyang // de dag rtag tu mi chad ston pa yi// mdo sde de dag bgrang bar yong mi nus// chos rnams thams cad bstan par rab shes shing // nges pa'i tshig dang bstan pa'i tshig don mkhas// gtan la bab pa'i yang dag tshul la bslabs/ / blo gros yangs shing rtag dga' shes rab can// yangs pa'i don sems rab tu phye ba'i blo// bsam dang mi bsam pa yang rtag du shes// dbyangs kyi rang bzhin rgya chen thams cad rig/ sgra dbyangs de dag ston kyang chags mi 'gyur// thogs med de ni chos smrar brjod pa ste// 'gro ba kun la ston kyang chags mi 'gyur// dri ba nges par bstan pa rgyal mkhas// de ltar de yis don dam rab tu rtogs/ / mdo sde gcig gi phyogs kyang bye ma snyed// bsam gyis mi khyab nges ston chags pa med// chags med ston pa tshig gi don la mkhas/ 'khor gyis nang du de 'chad chags mi 'gyur// ting badzin 'di la legs par gang gnas pa// byang chub sems dpa' de ni g.yo ba med// chos la stobs skyed bye brag thob pas ni// srog chags bye ba mang po'i don de byed// ji ltar ri rab mi g.yo mi 'gul te// rlung rnams kun gyis 'gul bar mi nus pa// de bzhin dge slong chos smra mkhas pa yang // pha rol rgol pa kun gyis bskyed mi nus/ / stong chen gyis ni 'jig rten khams 'di ni// mi gang mi g.yo bar ni brjod pa rnams// de dag rlung gi rab tu bskyod nus kyang // su drag stong pa nyid la rtag brtson pa/ / sangs rgyas gnas su nges pa de yin te// gtan la bab pa stong pa'i chos rab shes// de ni rgol ba kun gyis dkrug mi nus// phas kyi rgol ba dag gis mi bskyod cing // smra ba thams cad kyis kyang zil mi gnon// ting 'dzin zhi ba 'di ni bstan byas pa// zil gyis mnon smad pa med par 'gyur// ting 'dzin zhi ba 'di ni bshad byas na// de yis stong nyid rtogs par khong du chud/ / de ni chos rnams kun la nem nur med// ye shes mtha' yas dag la 'khor mor gnas// ting 'dzin 'di ni bzung zhing bklags pa na// stobs dang byang chub yan lag rnyed mi dka'/ / yang dag rig dang rdzu 'phrul bsam mi khyab// de la mngon par shes pa rnyed myi dka'// mtha' yas ye shes rgyal ba mthong ba yang / srid par grub pa dag ni rnyed mi dka'// sangs rgyas bye ba khrag khrig bsam mi khyab// ting 'dzin 'di 'chang de yis mthong bar 'gyur// de ni rgyal ba de dag thams cad las// ting 'dzin zhi ba 'di yang thos 'gyur te/ / yang dag rig dang dbang gi pha rol phyin// sangs rgyas ye shes mchog dang ldan par 'gyur// stong chen gyi ni 'jig rten khams 'di dag/ lha rdzas nor bu rin chen bzang mchog gis/ / 'og nas bzung ste srid pa'i rtse mo'i bar// nor bu rin chen dag gis gang gyur dang // zhing yang mtha' yas rnams mang ji snyed pa// 'dzam bu'i chu bo'i gser bkram gang ba kun/ / sa yi 'og nas srid pa'i rtse mo'i bar// thams cad rgyal ba'i mchog la sbyin pa byin// sems can rnam pa mang po ji snyed pa// bskal pa mtha' las mang por sbyin pa byin/ / sangs rgyas rnams la 'khor mor mi chad byin// byang chub 'dod phyir byin pa'i sbyin tshogs la// dge slong gang dag stong nyid mngon dga' zhing // stobs bcu la ni thal sbyar phyag 'tshal na/ / byang chub sems dpa' stong nyid mngon dga' la// sbyin pa'i phung po lnga mas char mi phod// bsod nams ldan pa'i mi des de rnyed nas// sangs rgyus byung chub mtshungs med tshol ba'i phyir/ / dang ba rgya cher bskyed nas sbyin byin pa// de yi dper 'di skyes bu dam pas bstan// su dag ting 'dzin dam paca/ mchog 'di las// tshig bzhi'i tshigs bcad sems dga' 'dzin pa yang // de yi bsod nams phung po bsags pa la// sbyin pa de kun brgya yi char mi phod// ting 'dzin rdul bral zhi ba ma thos par/ / phan byed byang chub sems dpa'i sbyin byin kyang // thos pas sangs rgyas ye shes myur thob ltar// de tsam sangs rgyas ye shes myur mi thob// gang gi zhi mchog sa 'di thob nas su/ / rdul bral ting 'dzin stong pa'i rig 'dzin no// byang chub sems dpa' dpa' dga' rtogs byed pa// des ni sangs rgyas ye shes myur du 'thob// gang gis 'di lta bu yi gter rnyed pa/ / zhing rnams mthab ya sa gang+gA'i bye ma snyed// de dag lha dang de bzhin mi rnams kyis// nor bu rin po che yi gang bar gyur// byang chub sems dpa' ting badzin 'di 'thob ste/ / rtag tu chub par byed cing mi ngoms pa// thul bar dga' zhing mdzod rnams shin tu mang // nor yang mang zhing rin chen nor dang ldan// ji ltar ting 'dzin rdul bral bdi thob nas/ / byang chub sems dpa' dga' zhing rangs pa ltar// rgyal srid shin tu 'byor cing rgyas thob kyang // mkhas pa de dag nam yang dgar mi 'gyur// de dang de dag sangs chos kyi tshul mchog rnga cher 'dzin par 'gyur/ / rgyas kun mkhyen gyi// chos rnams rtag tu 'dzin par byed pa yin// zad pa'i mthar thug dus su gyur pa'i tshe// chos kyi mdzod 'chang blo gros chen po yang // thams cad mkhyen pa'i mdzod kyang 'chang ba yin/ / de dang de dag sems can byed stong dang // khrag khrig chos kyi dbyings kyi mgu bar byed// de dag tshul khrims nor ldan blo gros can// skyes bu de dag bslab pa'i nor gyi phyug/ de dang de dag tshul khrims brtul zhugs gnas// mngon dga' chos kyi sdong po'i mi gu yi// de dag chos gos ngur smrig rin chen 'chang // khyim nas 'byung la rtag du dga' bar byed/ / de dag sems can phan phyin mnyam pa med// thams cad mkhyen pa nyid la rab tu zhugs// de dag dul ba sems can ma dul 'dul// rtag par dul ba'i gnas dang rjes su ldan/ / de dag dul zhing rab tul rjes su song // zhi ba dbang po rab tu zhi ba yin// de dag sems can nyal ba gnyid logs pa// rtag tu chos kyi skad kyis sad par byed// sems can dag ni sad par byas nas su// rin chen chos bzang mchog la 'god par byed// de dang de dag sbyin pa'i bdag po yin// khor mor rtag tu gtong la brkyang ba ste// mkha pa de dag 'jungs dang 'grogs mi byed/ / gtong ba chen po dag la rtag tu dga'// de dag sems can dbul zhing sdug bsngal rnams// mthong nas longs spyod kyis kyang tshim par byed/ / de dag sems can bde zhing phan pa'i phyir// thams cad mkhyen pa nyid la rtag par zhugs// de dag ye shes rtag tu bslabs pa ste/ chos kyi rnga yang rgya cher shin tu brdung // skye bo kun gyi the tsom 'khri zhing gcod// rtag par ye shes la yang rab tu zhugs// de dag legs thos chos 'dzin rdul bral ba// 'khor gyi nang du stan la 'dug nas su/ / mkhas pa blo gros 'chang ba de dag ni// mdo sde bye ba brgya dag rab tu ston// de dang de dag mang du thos pa yin// thos pa 'dzin pa sangs rgyas chos rnams 'dzin/ / chos kyi mdzod rnams shin tu 'dzin byed de// thub pa'i chos kyi gter la dga' ba yin// da dang de dag shes rab yangs pa yin// dga' ba dag kyang rgya cher rtag tu skyed// zag cing 'byung bar 'gyur ba lta dka' ba/ / zhi ba'i chos mchog rnams kyang rab tu ston// de dag chos dang chos min shes pa ste// des shing blo gros ldan pa chos la gnas// chos kyi rgyal srid/ rab tu ston byed cing // mtshungs med chos kyi mchog la rtag tu spyod// de dag chos kyi mchog la lhur byed de// bla ma la yang ri mo byed par gnas// chos kyi grong khyer mchog la gnas pa ste/ blo gros rgyas pa chos kyi rgyal mtshan bsgreng // de dag dregs shing rgyags pa'i sems can rnams// rtag tu bag med pa la gnas pa mthong // rab tu ma rungs logs pa'i lam song zhing / / 'khor ba'i lam la gnas pa mthong nas ni// de la byams dang snying rje rgya cher bskyed// dga' dang btang snyoms dag la'ang rab gnas te// de dag la ni yan lag brgyad ldan pa/ / lam mchog zhi ba blta dka' rab tu ston// de dang de dag legs byas chos kyi gru// bshams nas 'khor ba'i rgyun du song ba dag/ rgya mtsho chen por lhung zhing khyer ba yi/ / sems can mang po dag ni sgrol bar byed// byang chub yan lag stobs dang dbang po yis// go bgos dam pa'i chos kyi grur zhugs nas// pha rol 'gram bde rtag tu 'jigs med par/ / khor mor sems can rnams kyang 'god par byed// de dag sman pa'i gtso bo dka' thub la// shin tu spyad pa rig byed sman pa'i mchog/ rig pa ye shes rnam grol pha rol phyin/ / dam pa'i chos kyi rtsi yang sbyin par byed// nad ni rnam pa mang pos btab pa yi// sems can na ba dag kyang mthong nas su// de dag la ni chos kyi bkru sman gtong // chos rnams kyis ni de dag gso bar byed// de dag smra ba pha rol rgol ba 'jom// 'jig rten dbang po tshig gi dbang phyug ldan// shes bya kun la 'od byed blo gros 'chang // ye shes dam pa'i sa la rab tu gnas/ / dpa' bo ye shes stobs ldan stobs 'jom pa// ye shes ldan pa dag gis yang dag bsngags// sems can bye ba khrag khrig mang po dag/ chos la gnas nas shes pas mgu bar byed// de dang de dag bdag po ded dpon te// gsal ba sems can rnams kyi skyabs 'dod pa// sems can rin chen lam/ la rmongs gyur cing // rtag tu bdud kyi snying zhugs mthong nas ni// de dag la yang lam mchog zha zhing bde// rtag par mya ngan 'das pa rab tu ston// mkhas pa dag ni ye shes lam de yis/ / sems can mang po bye brgya 'dren par byed// de dang de dag gnas dang rten du 'gyur// skyabs dang mig dang sgron ma byed pa yin// 'jigs pa rnams la mi 'jigs rab tu sbyin// / skrag pa rnams kyang rtag tu dbugs 'byin byed// de dag sems can shin tu sdug bsngal dang // dmus long gyur pa 'di dag rig nas ni// yang dag tshul bslabs rin chen chos rnams kyis/ / chos kyis snang ba dag kyang byed par 'gyur// 'jig rten na ni bzo mchog ci yod pa// bzo bo byed pas sems can phan 'gyur zhing // gang gis sems can rtag tu bder 'gyur ba/ / bzo yi rnam pa de dag shin tu bslabs// su dag byang chub tu ni mngon zhugs te// blo gros ldan zhing 'jig rten mig sbyin pa// bslabs pa rnams la mchog gi pha rol phyin/ / mkhas rab 'jig rten na yang ngo mtshar thob// sangs rgyas dag gi chos mchog thos pa yis// mtshungs pa med par ngoms par yong mi 'gyur// tshul khrims bzod dang ting 'dzin pha rol phyin/ / zab mo yi ni chos rnams shin tu thos// de dag zhi ba rin chen chos rnams ni// gzhan la ston pas ngoms par mi 'gyur te// thar pa'i thabs kyi char yang rab 'babs shing / chos kyi skyes bu dag ni tshim par byed// de yi drung du sems can mang po ni// chos 'dod mkhas pa ji snyed lhags nas su// chos mchog bzang po dam pa rin po che drangs zhing gsal ba'i lam rnams mnyan snyan pa/ / de dag blo gros 'chang pas the tsom bcad// chos kyis de dag shin tu mgu bar byed// tshul khrims bzod dang ting 'dzin pa rol phyin/ / sems can rnams kyis bsam pa rab tu shes// ye shes ldan zhing ye shes mchog rab kyi// pha rol phyin pa sems can bsam la mkhas// sems can pha rol sems dang spyod pa dang / / gang dag gtam ni ci 'dra'i chos brjod pa// ye shes gtam ni brjod la gang dag gis// sems can khrag khrig chos mchog mig thob 'gyur// de dag ye shes bye brag pha rol phyin/ / lam rnams kyang ni nye bar ston par byed// mkhas pa de dag gi ni sems rnams kyang // bdud rnams bye ba stong gis yong mi shes// ji ltar nam mkha' la ni bya song ba// de yi rjes ni gang du'ang shes mi nus/ / ye shes stobs ldan dul zhing rab tu zhi// zhi ba 'phags pa'i ye shes dag lag gnas// dpa' bo khyung mchog bdud rnams thams cad bcom// byang chub zhi ba mngon par 'tshang yang rgyu/ / rtag tu rdzu 'phrul dag gis pha rol phyin// zhing yang brgya phrag mang por 'gro bar byed// sangs rgyas mang po bye ba khrag khrig mthong / / ji bzhin gang+gA'i klung gi bye ma snyed// de yi mig kyang thogs par mi 'gyur te// phyogs bcu dag gis gzugs mang mthong bar 'gyur// ji snyed phyogs bcu yi ni srid pa na// sems can yod dgu de dag 'dren par 'gyur// bskal pa bye ba brgya phrag mang por ni// de dag de yi phan yon kun brjod cing // spobs pa yis ni rab tu bshad mdzad kyang // sngon gyi/ spyod pa'i bsngags pa zad mi nus// ting 'dzin mtshungs med rdul dang bral ba 'di// skyes bu su gang 'dzin par byed pa ni// sangs rgyas dag gis nor rnams mi zad de// shin du rgya che yi/ shes rgya mtsho bzhin// tshul khrims kyi phung po nges par bstan pa'i le'u ste sum cu rtsa bdun pa'o// // de nas bcom ldan 'das kyis/ zla 'od gzhon nur gyur pa la bka' stsal pa/ / gzhon nu de lta bas na/ byang chub sems dpa' sems dpa' chen por mtsha dang rmad du byung ba'i byang chub sems dpa'i chos 'di dag dang / gzhan yang tshad med pa 'dod pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ chos thams cad kyi rang bzhin mnyam pa nyid rnam par spros pa'i ting nge 'dzin 'di mnyan par bya/ gzung bar bya/ kun chub par bya/ bcang bar bya/ bklags par bya/ rab tu gdon par bya/ lung mnod cing kha don du bya/ nyon mongs pa med/ par sgom pas bsgoms par bya// gzhan la yang rgya cher rab tu bstan par bya/ des bzod pa'i stobs bsgom par bya/ bzod pa bsten par bya/ mang du bya/ chos la don tu gnyer ba dang / chos 'dod pa dang chos yongs su 'dzin pa dang / chos dang rjes su mthun pa'i chos la zhugs par bya'o// sangs rgyas mchod pa la mngon par brtson par bya'o// des gnas gsum la brtson par bya ste/ gsum gang zhe na/ 'di lta ste/ nyon mongs pa zad pa dang bsod nams kyi zhing du gyur pa dang / sangs rgyas kyi ye shes 'dod pas dge ba'i rtsa ba rnams bskyed par bya ba'i 'jig rten gyi bde ba rig par 'dod pa'i phyir ni ma yin te/ gnas gsum po de dag la mngon par brtson par bya'o// de nas bcom ldan 'das kyis de'i tshe zla 'od gzhon nur gyur pa la don 'di nyid bstan pa'i phyir/ sngon byung ba'i gtam bstan pa 'di dag tshigs su bcad pa'i dbyangs kyis yang dag par rab tu bstan to// bskal pa stong du ji ltar ngas spyad pa/ / gzhon nur gyur pa nga las mnyam par gyis// ting 'dzin bzang po dam pa 'di chol phyir// sangs rgyas dag ni stong phrag brgya yang mchod// de ltar bskal pa 'das pa bsam yas su/ / zhing brgya yi ni bye ma ci yod pa// dper bstan de snyed 'das par gyur pa na// chos kyi dbang phyug ces bya rgyab po byung / ba stong phrag drug cu mi nyung ba// rgyal ba de yi tshogs ni byung gyur te// thams cad zag pa med cing nyon mongs zad// rnam thar brgyad la gnas pa'i bsam gtan pa// de yi dus na/ sa 'di thams cad kyang // bde zhing lo legs 'khrugs pa med par 'gyur// mi rnams thams cad skyid cing bde dang ldan// mi yi bde ba dag gis brgyas par gyur// thams cad bsod nams stobs dang ldan pa ste/ / blta na sdug cing de bzhin dga' bar 'gyur// thams cad phyug cing nor mang 'byor pa ste// lus ni lha yi bde dang ldan par gyur// des shing brtul zhugs bzang la nyon mongs chung / / bzod pa'i stobs la dpa' zhing byad gzugs bzang // lha yi gnas na lha yi sras po bzhin// tshul khrims yon tan 'chang zhing blo gros ldan/ / de yi dus na sa bdag byung ba ni// rgyal po me tog mchog ces bya ba yin// de yi bu yang lnga brgyar tshang ba byung // dran dang ldan zhing rtogs dang ldan par gyur// rgyal po'i bu de yis kyang rgyal ba yi/ / skyed mos tshal brgya stong phrag drug cu dag/ thams cad me tog 'bras bus brgyan pa yang // thugs rje ldan pa de la rab tu phul// skyed mos tshal ni brgya stong sna tshogs dag/ 'chags mal stan bzhugs gnas stong rnams dang // chos gos kyang ni bye ba brgya stong gis// 'chags bzhugs gnas rnams su 'ding ba byas// de ltar rnam pa du ma stong dag dang // dge sbyong dag gi longs spyod ci snyed pa// rgyal po'i bu ni shin tu yid dang bas// bder gshegs de la thams cad nye bar phul// rgyal po de yang dge ba'i las bcu yi/ / lam la rab tu gnas par gyur nas su// skye bo srog chags khrag khrig brgya stong gis// mdun du bdar te 'dren pa lta bar song // me tog dag dang byug pa bdug pa dang / / gdugs dang rgyal mtshan sil snyan thogs nas su// rgyal ba de la de yis mchod byas te// thal mo sbyar nas spyan sngar 'dug par gyur// lha dang mi dang lha min gnod sbyin dang // dge slong stong yang de tshe dga' bar gyur// rgyal ba mchod pa 'di ni lung ston tam// mi yi dbang po legs par chos gsung ngam// rgyal po'i bu de yi ni bsam pa dang // bla med sems kyang rab byung mkhyen nas ni/ / mos pa'i gnas la pha rol phyin pa yis// de la ting 'dzin zhi ba 'di bshad do// gang tshe bde bar gshegs pas gsung phyung ba// de tshe nags tshal bcas pa'i sa yang g.yos/ / nam mkha' las ni me tog char yang bab// sa las pad+ma brgya dag byung bar gyur// ston pa don gyi tshig la rab bslabs pas// bsam pa mkhyen nas 'dren pas lung bstan te/ / mi yi dbang pos ting 'dzin zhi ba bshad// de yi don tshig rnams kyang mnyan par gyis// srid pa thams cad srid pa med pa ste// kun brtags gsog/ dang smig rgyu 'dra ba yin// sgyu ma ji bzhin grogs dang sprin 'dra ste// stong g.yo bdag dang sems can srog kun med// gabod ma nas ni stong zhing ma po ngas chos// song ba med cing gnas med gnas kyis dben/ / sgyu ma'i rang bzhin rtag tu snying po med// thams cad dag cing rnam dag nam mkha' bzhin// mi sngo mi ser dkar po ma yin te// ming ni gsog gyur sgra yi rang bzhin yin/ / sems ni dben zhing sems med rang bzhin te// skad cig yin pas thams cad sgra dang bral// bshad pa na yang yi ge 'pho ba med// ma bshad na yang yi ge 'drer mi 'gyur/ / yi ge dag ni phyogs su'ang mi 'gro ste// yi ge gang nas kyang ni 'ongs ma yin// yi ge mi zad zad cing 'gags pa ste// bshad par byas bsam bshad par ma byas kyang / / yi ge 'di dag rtag par mi zad brjod// gang gis yongs shes de'ang zad mi 'gyur// chos ni stong phrag brgya dag rab brjod nas// sangs rgyas brgya stong dang ni// gang 'das pa// chos kyang ma zad yi ge zad ma gyur// skye ba'ang med de de phyir mi zad pa// gang gis mi zad chos rnams rab shes pa// rtag tu mi zad pa yi chos shes pas/ mdo sde brgya stong dag ni bshad byas kyang // chos rnams thams cad yi ge med par shes// rgyal ba'i chos ni gang dag rab ston pa// de yang mi zad pas na mi mthong ste/ chos 'di snga nas bdag med sems can med// de dag rab tu ston kyang zad mi 'gyur// mkhas pa de ni tshig kun smra byed kyang // tshig gis sems ni 'phrogs par mi 'gyur te// tshig rnams thams cad ri yi brag cha bzhin/ / de phyir nam yang tshig la chags mi 'gyur// de ni sgyu ma'i tshig gis chos ston to// tshig de thams cad de yi mod la 'gags// cho ga de yi ni mtshan nyid ci 'dra ba/ / chos rnams kun kyang mtshan nyid de 'drar gyur// chos kun mtshan gzhi med cing mtshan gzhi bral// thams cad mtshan med mtshan nyid rnam par dag/ rtag tu dben zhing gtsang ba nam mkha' bzhin/ / mdor na de dag bgrang bar nyer mi 'gyur// 'dus byas 'dus ma byas kun dben pa ste// drang srong de dag la ni rnam rtog med// 'gro ba kun tu 'dus ma byas thob pas/ / lta ba dgra las khor mor rnam par dben// gang dag 'di 'dra'i chos rnams shes pa ni// rtag tu ma chags mi gtum ma rmongs te// de yis sems ni rang bzhin// mnyam par gzhag/ de ni ting 'dzin stobs can stobs dang ldan// brag phug ri dang gcong rong krung rnams su// rkyen gyis ji ltar brag cha 'byung ba ltar// de bzhin 'dus byas 'di kun rig par gyis/ / 'jig rten thams cad sgyu ma smig rgyu bzhin// gang du ting 'dzin zhi ba 'di bshad pa// yon tan chos su gyur pa shes rab stobs/ drang srong ye shes stobs kyis mngon par shes// tshig ni thabs mkhas pa yi nges pa'i tshig/ brtags pa tsam du brtags nas brjod pa yin// 'khor ba na ni mtha' ma mi rnyed de/ gang dag sngon byung mtha' ni mtshan nyid med// ma po ngas dus kyang shes par bya ba'i phyir// las dang bya bas de ltar zhugs gyur te// rab dang tha ma dag tu'ang 'byung bar 'gyur// chos rnams rtag tu dben zhing rang bzhin stong / / thams cad bdag med par yang shes par gyis// kun rdzob tu ni rgyal bas chos bshad de// 'dus byas 'dus byas ma yin de ltar stos// yang dag nyid du bdag dang ming med de/ / 'gro ba kun gyi mtshan nyid de 'dra'o// dge dang nag po'i las rnams mi 'jig ste// bdag gis byas pa dag ni myong bar 'gyur// las kyi 'bras bu 'pho bar mi 'gyur te/ / rgyu med par yang myong bar mi 'gyur ro// srid pa thams cad sgyu ma dbang med pa// gsog dang gsob tu gyur pa dbu pa bzhin// sgyu ma smig rgyu lta bur rtag tu stong / sgra yis de bshad de dag dben pa yin// de ltar rnam par rig pa rlom sems med// tshul khrims la yang chags pa med pa'i sems// bzod pa'i stobs kyis cung zad mi rtog ste/ / de ltar spyod pa mnyam par gzhag par 'gyur// rgyal po des ni ci tsam chos rig pa// de tsam du ni rgyal ba des bshad de// rgyal pos rgyal ba'i chos 'di thos nas ni// 'khor dang bcas pas bslab pa yang dag bzung // rgyal po'i bu des ting 'dzin 'di mnyan nas// dga' zhing yid rangs tshig kyang 'di skad smra// shin tu legs par ting 'dzin 'di bshad de/ khyod kyi zhabs la bdag ni phyag 'tshal lo// der yang srog chags stong phrag brgyad cu yang // yang dag don dam nges par bstan pa 'di// chos kyi rang bzhin bzang po 'di thos nas/ de dag mi skye ba yi bzod pa thob// skyes bu la ni skye dang 'gags pa med// de bzhin chos 'di rtag tu snga nas dben// de ltar rab shes yongs su mi 'bri ste// rgyal po'i mi skye bzod pa thob par gyur/ / de tshe rgyal po rgyal srid rnams spangs te// rgyal ba de yi bstan la rab tu byung // rgyal po'i sras kyang lnga brgya mi nyung ba// de dag kun kyang rjes su rab tu byung // rgyal po sras dang bcas pa rab byung nas// de tshe srog chags mang po stong gzhan yang // bde bar gshegs pa'i drung du rab tu byung // rgyal ba de la chos rnams tshol bar byed// lo ni brgya phrag nyi shur yongs tshang bar/ / rgyal ba des ni chos rnams rab tu bshad// rgyal po bur bcas skye bor bcas pa yis// lo yang brgya phrag nyi shur chos rnams spyad// de nas dus kyang gzhan du gyur pa'i tshe/ / rgyal ba de yang yongs su mya ngan 'das// rgyal ba'i nyan thos rnams kyang 'das par gyur// de yi chos rnams kyang ni nyung bar gyur// de tshe rgya po de yi bu yod pa/ / bsod nams blo gros dad cing dang ba ste// de yi khyim du nyer 'gro dge slong yod// des ni ting 'dzin zhi ba 'di yang bshad// de ni 'jam zhing mnyen par gyur pa ste/ srog chags brgya stong dag gis bkur sti byas// lha yang bye ba brgya dag phyir 'brang zhing // grong du 'ongs nas bsngags pa brjod par byed// de ni dran dang ldan zhing rtogs par ldan/ / brtul zhugs 'chang zhing des pa tshul khrims dga'// dbyangs kyang snyan cing mi rtsu ba 'jam pa ste// khams rnams shes pa'i dbang mchog rab tu thob/ dge slong de ni snyan pa'i 'od ces bya/ / chos gos bye ba brgya yang rab du rnyed// de yi bsod nams stobs ni mi bzod pas// de tshe dge slong dag ni phrag dog skyes// bsod nams stobs ldan gzugs kyi stobs rnams dang / / ye shes stobs dang rdzub phrub stobs rnams dang // tshul khrims stobs dang ting 'dzin stobs rnams dang // chos kyi stobs kyis dge slong yang dag 'phags// skye bo'i yid du 'ong zhing phangs pa ste/ / dge slong dge bsnyen dang ni dge slong ma// rgyal ba'i bstan la sems can gang dad pa// de dag gis ni mchod cing bkur ba yin// rgyal po'i bu ni der yang gang byung ba/ / bsod nams blo gros rtag tu dad mos te// dge slong mang po yid 'khrug rig nas ni// slob dpon de la srung ba byed du btsud// srog chags dag ni stong phrag lnga brgya rnams/ / go bgos mtshon cha ral gri dbyig thogs pa// de dag gis ni dge slong rtag tu bskor// yang dag spyod pa mu med 'chad cing smra// de ni 'khor la chos rnams rab ston te// chos 'di bdag med stong pa srog med 'chad/ / dmigs par lta ba bdag la chags pa rnams// de dag dge slong ci spra mos mi byed// su dag stong pa zhi ba mi 'dod pas// dge slong 'di ni chos min rab ston gyis/ / 'di bsad na ni bsod nams 'gyur zhes nas// dge slong dag ni lag na mtshon thogs phongs// mthong nas dge slong mtshon gyis mi 'jigs te// 'di la sems can skyes bu gsod pa med/ / chos 'di rnams ni gsog ste rtsig pa 'dra// stong pa nyid kyi chos rnams rjes su dran// dge slong de ni spyi bor thal sbyar te// tshig smras rgyal ba rnams la phyag 'tshal lo// bden pa gang gis chos 'di bstan pa na// mtshon cha 'di rnams me tog man+dar gyur// thub pa tshul khrims brtul zhugs ldan pa yis// gzhan du mi 'gyur tshig 'di smras ma thag/ nags tshal bcas pa'i sa yang rab tu g.yos/ / mtshon cha de dag me tog man+dar gyur// dmigs pa can dag mtshon cha thogs pa yi// dge slong de tshe lus ni zhum gyur nas// tshur yang de dang nye bar 'ong ma nus/ / skrag cing shin du ngo mtshar chen por gyur// su dgra thub dbang la ni dad mos shing // gang dag stong pa zhi ba 'dod pa rnams/ de dag a la la stong brjod nas su// ras bcos brgya yis dge slong mngon par g.yogs// dge slong de ni de la byams bskyed nas// sems can su dag nga la sdang byed pa// de dag phyir ni byang chub bdag spyod ces// skye bo thams cad kyi yang mdun du smra// des ni lo yang brgyad cu mi nyung bar// stong pa rgyal ba rnams kyi mdzod bshad de// phyir rgol ba yang dge slong stong dag byung / / de dag rgyal po'i bu yis phyir bzlog byas// de yang de tshe yongs su brnyas gyur te// de yi dge slong dag kyang nyung bar 'gyur// de tshe mi snyan pa yi// tshig thos kyang // bzod pa'i stobs las nam yang nyams ma gyur// de ni gzhan gyi dus su gyur pa'i tshe// srog chags brgya dag gi yang don chen byas// bsam gyis mi khyab chos kyang rjes su dran/ / bsod nams blo gros dga' ba chen po skyes// der yang ri mo rgya cher byas nas ni// dge slong de la bsod nams blo gros smra// bdag gi slob dpon la ni su yis kyang sems la mi 'thang ci zhig ma bgyis sam/ / des spras rgyal sras gzhon nu gsan du gsol// bzod pa'i stobs kyis sangs rgyas yang dag 'byung // su yis bdag la mi snyan tshig smras pa/ / de la bdag ni byams pa rgya che yang // gang gis bskal pa stong phrag brgya dag tu// sngon gyi srid pa la ni bzod bsgoms pa// dge slong snyan 'od de ni nga yin zhes// bcom/ ldan shAkya thub pas tshig brjod do// gang gis dge slong snyan 'od bsrung ba yi// bsod nams blo gros rgyal po'i bu de ni// tshe rabs stong du nga yi grogs gyur te// sangs rgyas byams par ngas ni lung bstan to/ / gang gis ston pa tshogs kyi dbang phyug mchod// gang gis gnas khang bzang po mchog byas pa// gang sngon me tog bzang zhes bya ba de// rkang gnyis gtso bo mi yi dbang por gyur/ / de ltar bskal pa mang po mtha' yas par// rgyal ba dag gi dam chos ngas bzung ste// ngas sngon bzod pa'i stobs kyang yang dag pa sgrubs// gzhon nu thos nas nga yi rjes su slobs/ / nga ni mya ngan 'das gyur phyi ma'i tshe// dam pa'i chos ni rnam par 'jig pa na// dge slong mu stegs blo la brtson pa dag/ de dag nga yi zhi ba'i chos la spong / khengs shing rgod la gdum zhing spyi rtol che// sdig pa'i grogs po'i zas la tshugs pa dag/ chos gos lhung bzed dag la chags shing brkam// rnyed la gnas shing de dag chos la spong / / de dag yid gtum zhe sdang byas mi gzo// dma' ba'i rigs dang dbul ba'i rigs las ni// nga yi bstan pa 'di la rab byung nas// de dag zhi ba'i chos 'di spong bar byed// bdud kyi blo yis sems can mun gtibs shing // 'dod chags dbang du song bas mngon par chags// gti mug dbang gis byis pa rmongs pas na// de dag stong/ pa zhi ba'i chos mi 'dod// dge slong dge slong ma dang khyim pa rnams// sdig pa'i blo yis 'dzin bcug rmongs byas te// de dag dbang du rtag par song gyur pas// phyi ma'i dus la byang chub spong bar byed/ / nga yi tshig 'di gzhon nu thos nas su// dge slong dgon pa pa dag rtag tu stan// su dag stong pa zhi la dga' ba ni// de dag rgyal ba'i chos 'di bzung ba yin// su dag ting 'dzin 'di ni 'dzin gyur pa/ / de dag nga yi bstan la rab byung zhing // dge slong bsnyen rdzogs gso sbyong las rnams byas// zas la mi chags mi brkam za ba yin// lus dang srog la lta ba rab spong la/ / stong pa shin tu zhi ba sgom par gyis// brtson zhing rab tu brtson pa'i yid kyis kyang // ri dgas bzhin du dgon par gnas par gyis// rgyal ba dag la rtag tu mchod pa gyis/ / gdugs dang rgyal mtshan bsgreng ba gnas khang gis// bde bar gshegs pa'i mchod rten mchod par gyis// ting 'dzin 'di ni myur du thob par 'gyur/ / byang chub phyir ni sems kyang bskyed kyis la// bde bar gshegs pa rnams kyi mchod rten dag/ gser gyis brgyan cing dngul gyis bslus pa dang // rin chen sna tshogs gzugs legs byed du chug/ byang chub phyir ni yi dam bca' bkyil// 'jig rten mchod pa bzang po ji snyed pa// lha dang mi yi dga' bar 'gyur ba rnams// thams cad tshol la sangs rgyas mchod pa gyis/ / chos nyid du yang mi dbang thams cad ltos// phyogs bcu'i 'jig rten dag na gang bzhugs dang // rgyal ba mya ngan 'das pa kun snang ste// chos nyid kyis ni sangs rgyas mngon sum bzhugs// gtong pa kun la shin tu mos par gyis// tshul khrims dag par gyur cing bstan pa'i sems// bzod la dga' zhing rtag tu byams la dga'/ / chos rnams thams cad stong par shes par gyis// ma zhum ma gong brtson 'grus rab bskyed la// bsam gtan dga' zhing rab du dben la mos// shes rab rnam dag shes rab rab shes kyis/ / ring por mi thogs snying rje ldan par 'gyur// mi gtsang bas ni 'dod chags rtag zhi gyis// bzod pa'i stobs kyis zhe sdang tshar chod cig shes rab stobs kyis gti mug gsal bar gyis/ / rgyal bas bsngags pa'i byang chub thob par 'gyur// lus ni snying po med cing dbu ba 'dra// sdug bsngal rul pa dri nga bsgom par gyis/ / phung po thams cad gasrog tu shes par gyis// ye shes bla med myur du thob par 'gyur// bdag dang skyes bu dang ni srog rnams su// sdig pa'i lta ba nam yang mi 'dzin cing / / chos rnams thams cad stong par shes par gyis// bla med byang chub myur du reg par 'gyur// rnyed la nags par nam yang ma byed cig/ zas/ rnams ma rnyed na yang gdung ma byed// bstod dang smad pa dag gis ma g.yo bar// ri rab bzhin du rab tu mi 'gul gyis// gus pa skyed la chos rnams btsal bar gyis// thos nas de tshe de yang myong bar gyis// rgyal ba kun gyi spyod yul gnas kyis dang // bde ba can gyi zhing du myur du 'gro// 'gro ba kun la sems kyang mnyam gyis la// sdug dang mi sdug pa yi sems ma byed/ / rnyed dang snyan pa dag ni ma tshol cig/ myur du sangs rgyas thub pa'i dbang por 'gyur// yon tan gang thos sems can dad 'gyur zhing // sangs rgyas yon tan dag la mos skyed pa/ / yang dgra yon tan nges pa'i tshig rnams kyis// sangs rgyas yon tan rtag du bshad par gyis// rtag tu slob dpon dang ni pha dang ma// de bzhin 'gro ba kun la gus par gyis/ / nga rgyal dag gi dbang du ma 'gro shig/ sum cu rtsa gnyis mtshan rnams thob par 'gyur// 'du 'dzi dag ni ma lus rnam spangs nas// rtag tu dben pa la yang dga' bar gyis/ / des shing brtul shugs bzang la rtag tu zhi// bdag la phan zhing sems can gzhan la phan// byams pa dang ni snying rje sgom par gyis// dga' dang btang snyoms la yang rtag mos gyis/ / rtag tu rgyal ba'i bstan pa rjes su ltos// 'jig rten du yang myur du phan byed 'gyur// sdig pa'i grog po nam yang ma sten par// grogs po gang dag rgya che sten par gyis/ / su dag ston pa zhi ba 'di 'dod pa// de dag byang chub mchog la zhugs pa yin// nyan thos sngar ni nam yang ma slob cig/ de yi spyod la'ang dga' bar ma byed cig/ sangs rgyas yon tan dag la sems ma btang // myur du sangs rgyas rgyal ba'i dbang por 'gyur// bden tshig dam pa rtag tu smra bar gyis// brdzun rnams dang ni rtsub mo'i tshig ma smra/ / rtag tu 'jam zhing dga' ba smra bar gyis// 'jig rten slob dpon dag gi gsung thob 'gyur// lus dang srog la chags par ma byed cig/ gzhan la smad cing bdag la bstod ma byed/ / bdag gi yon tan yang dag sgrub kyis la// gzhan gyi spyod pa dag la btang snyoms kyis// rnam thar stong la rtag tu dga' bar gyis// 'gro ba rnams su spon par ma byed cig/ mtshan ma thams cad ma lus rnam par spong // rtag tu mtshan ma med la gnas par gyis// dus kun tu ni mtha' yang rnam par spong // rtag dang chad la gnas par ma gyur cig/ thams cad rkyen las gyur par rtag rig gyis// de ltar byas na ston pa ji bzhin 'gyur// 'dod pa'i dga' ba rnams la dga' ba spangs// zhe sdang tha ba dri ma rnam spangs shing / gti mug mun pa thams cad rnam bsal na// zhi bar dga' ba'i mi yi seng ger 'gyur// rtag par mi rtag par yang rtag tu ltos// srid pa kun gyi sdug bsngal/ bde 'grol zhing // bdag dang gtsang la mi gtsang bdag med par// bsgom par byas na mi yi dbang por 'gyur// 'jig rten sgron mdzad rgyal ba rnams kyis ni// gang la tshul bzhin chos rnams rab bstan pa/ / de yis bdud kyi stobs rnams bcom nas su// bla na med pa'i byang chub yangs pa 'thob// yon tan ji snyed ngas bshad thob byas te// nyes pa brgya dag ngas ni gang bstan pa/ / rnam par spangs na slob par byed pa ni// gzhon nu de tshe 'dir yang sangs rgyas 'gyur// snyan pa'i 'od kyi le'u ste sum cu brgyad pa'o// / / bam po bcu bzhi pa// / de nas yang bcom ldan 'das kyis/ zla 'od gzhon nur gyur pa la bka' stsal pa/ de lta bas na gzhon nu lus kyi sdom pas bsdam par bya'o/ / zhes gzhon nu de ltar bslab par bya'o// gzhon nu de la lus kyi sdom pa gang zhe na/ lus kyi sdom pa gang dang ldan pas/ byang chub sems dpa' sems dpa' chen po chos thams cad la chags pa med par 'gyur ba de ni lus kyi sdom pa zhes bya'o/ / gzhon nu lus kyi sdom pa gang dang ldan pas byang chub sems dpa' sems dpa' chen po skyes bu chen po'i mtshan sum cu rtsa gnyis thob par 'gyur ba de ni lus kyi sdom pa zhes bya'o/ / lus kyi sdom pa gang dang ldan pas byang chub sems dpa' sems dpa' chen po dpe byad bzang po brgyad cu thob par 'gyur ba/ de ni lus kyi sdom pa zhes bya'o// lus kyi sdom pa gang dang ldan pas byang chub sems dpa' sems dpa' chen po stobs bcu thob pa dang / mi 'jig pa bzhi dang / sangs rgyas kyi chos ma 'dres pa bco brgyad thob par 'gyur ba 'di ni lus kyi sdom pa zhes bya'o/ / lus kyi sdom pa gang dang ldan pas byang chub sems dpa' sems dpa' chen po'i rnam par thar pa'i sgo gsum pa thob ste/ gsum gang zhe na/ 'di lta ste/ stong pa nyid dang / mtshan ma med pa dang / smon pa med pa dang / rnam par thar pa'i sgo 'di gsum 'thob par 'gyur pa 'dri ni ga/ nu lus kyi sdom pa zhes bya'o// lus kyi sdom pa gang dang ldan pas byang chub sems dpa' sems dpa' chen po tshangs pa'i gnas pa chen po bzhi 'thob ste/ bzhi gang zhe na/ 'di lta ste/ byams pa chen po dang / snying rje chen po dang / dga' ba chen po dang / btang snyoms chen po dang / tshangs pa'i gnas pa chen po 'di bzhi 'thob par 'gyur pa 'di ni gzhon nu lus kyi sdom pa zhes bya'o/ / lus kyi sdom pa gang dang ldan pas byang chub sems dpa' sems dpa' chen po so so yang dag par rig pa bzhi 'thob ste/ bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa dang / so so yang dag par rig pa 'di bzhi 'thob par 'gyur pa 'di ni gzhon nu lus kyi sdom pa zhes bya'o// lus kyi sdom pa gang dang ldan pas byang chub sems dpa' sems dpa' chen po byang chub kyi phyogs kyi chos sum cu rtsa bdun 'thob ste/ sum cu rtsa bdun gang zhe na/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzub phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / ba phags pa'i lam yan lag brgyad pa dang / byang chub kyi phyogs kyi chos sum cu rtsa bdun po 'di dag thob par 'gyur pa de ni lus kyi sdom pa zhes bya'o/ / lus kyi sdom pa gang dang ldan pas byang chub sems dpa' sems dpa' chen po snying rje chen po la gnas pa 'thob pa dang / btang snyoms chen po la gnas pa 'thob pa dang / bden pa'i rnam par rtog pa 'thob pa dang / rab tu dben pa'i chos rnams 'thob par 'gyur ba de ni gzhon nu lus kyi sdom pa zhes bya'o/ / gzhan yang gzhon nu lus kyi sdom pa gang dang ldan pas byang chub sems dpa' sems dpa' chen po srog gcod pa spong bar 'gyur ba dang / ma byin par len pa dang / mi tshangs par spyod pa dang / rdzun du smra ba dang / phra ma'i tshig dang / tshig rtsub mo dang / khyal pa smra ba dang / brnab sems dang / gnod sems dang / log par lta ba dang / srag la g.yo byed pa dang / tshad la g.yo byed pa dang / nor la g.yo byed pa dang / bzung ba dang / bcing ba dang / bca' ba dang / brdeg pa dang / bsdigs pa dang / bcad pa dang / dbug pa dang / zhe la gnon pa dang / chags pa dang / ser na ma spangs par 'gyur ba dang / lag pa rgod pa dang / rkang pa rgod pa dang / rkang lag ma bsnams pa dang / de'i lus dang / ngag dang / yid kyi gnas ngan len spangs shing ta la'i mgo bcad pa bzhin du ma 'ongs pa'i dus na mi skye ba'i chos can du 'gyur pa de ni gzhon nu de'i lus kyi sdom pa zhes bya'o/ / gzhon nu de lta bas na/ rnam grangs 'dis kyang 'di ltar rig par bya ste/ gzhon nu sngon byung ba 'das pa'i dus na/ bskal pa grangs med pa bas kyang ches grangs pa/ yangs pa/ tshad med pa/ bsam gyis mi khyab pa de'i tshe de'i dus na/ ye shes snang ba zhes bya ba/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste/ gzhon nu de'i tshe de'i dus na/ bcom ldan 'das ye shes snang ba de bzhin gshegs pa dgra bcom pa yang dag par rdzogs pa'i sangs rgyas de'i tshe'i tshad ni lo bye ba phrag drug cu/ gyur to// dgra bcom pa bye ba phrag drug cu'i nyan thos kyi dge 'dun byung ngo // byang chub sems dpa' sems dpa' chen po dam pa'i chos yongs su 'dzin pa yang dpag tu med pa byung ngo // gzhon nu de'i tshe de'i dus na rgyal po khyad par sems zhes bya ba zhig byung ste/ rgyal po khyad par sems de srog chags bye ba phrag brgyad cu dang lhan cig tu de bzhin gshegs pa'i drung du 'ongs so/ / 'ongs nas de bzhin gshegs pa'i zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs cig tu 'khod do// rgyal po khyad par sems phyogs gcig tu 'dug nas/ de bzhin gshegs pa la bsnyen bkur byed do// de nas ye shes snang ba de bzhin gshegs pa dgra bcom pa yang dag par rdzogs pa'i sangs rgyas kyis/ rgyal po khyad par sems 'khor dang bcas pa'i lhag pa'i bsam pa mkhyen nas/ chos kyi rnam grangs 'di las lus kyi sdom pa'i ting nge 'dzin gyi sgor 'jug pa'i tshigs su bcad pa'i dbyangs kyis yang dag par rab tu bstan to/ / ji ltar bar snang nam mkha' rnam dag ste// shin tu dag cing rang bzhin 'od gsal ba// de bzhin lus kyi sdom pa dag pa yang / / dbyangs kyis bstan pas nam yang nus mi 'gyur// lus kyi sdom pa 'dri ni dben zhing stong // 'di 'dra gnyis po lus kyi mtshan nyid de// de dag mtshan nyid med par bar snang bzhin/ / lus kyi sdom pa de yi mtshan nyid bshad// sdom pa'i mtshan nyid de 'drar sus shes pa// de la sdom pa nam yang med mi 'gyur// mi 'jug de yi spyod yul ga la yin/ / zag pa med pa la ni skye ba med// gzugs dang longs spyod la ni srid bskyed nas// 'dod pa dag la ston pas mi nus te// srid pa dag gis nyes pa mi shes pas/ / lus kyi sdom 'di ni shes mi nus// zag med stong pa dag gis rab shes pa// de la skye ba nam yang yod mi 'gyur// dgra bcom pa yi chos ni de 'dra ste/ mu stegs can gyis shes par smra ma yin// gang dag khams gsum kun la yid skrag cing // 'dod pa'i longs spyod la yang 'dod mi bskyed// rgyal po'i srid dang longs spyod/ yong mi 'dod// de dag lus kyi sdom pa 'di 'dra shes// lus kyi sdom pa 'di ni don ces bya// don ni sgra yis bstan par mi nus te// 'di 'dra'i chos kyi tshul ni gang shes pa// de ni sdom pa 'di la gnas pa yin/ / don la zhugs la ngas ni don bstan to// mkhas pa su dag don gyi tshul la mos// don med rnam spangs don la gnas pa rnams// de dag sdom la rtag tu gnas pa yis/ / rgyal ba'i bstun la don du gang brjod dang // ji lta bur ni don yin rnam rig ste// don tshul rang bzhin gang gis shes pa ni/ lus kyi sdom pa la yang gnas shes bya// gang gis bdag med gsog dang stong nyid dang // mtshan ma med pa rnam par rig gyur pa// de la nam yang sdom pa med mi 'gyur// ba di ltar des ni yang dag nges la bslabs// dngos po dag ni dngos med gang rig pa// de ni dngos po dag la yong mi chags// dngos po kun la nam yang mi chags pa// de ni mtshan med ting 'dzin reg par 'gyur// ngo bo nyid stong rang bzhin po gsal ba// bdag med chos rnams de yis rnam rig na// de la nam yang sdom pa med mi 'gyur// 'di ltar des ni yang dag nges par rtogs// gang gis phu po lnga rnams stong par shes// rang bzhin stong zhing bdag med rig na ni// lus kyi las gang yang dag spyod byed pa// de la nam yang sdom pa med mi 'gyur/ / mtshan ma dag la 'dzin cing ma bsdams te// khor mor bdag tu 'du shes rab gnas pa// gzugs la chags par gyur pa'i skye bo dag/ ma bsdams pa yi 'dod chags rab tu ldang / / gang rnams yang dag mtha' la bslabs gyur cing // stong pa rtogs par rig pa nges pa dag/ sdom med gang gis ngan 'gror 'gro ba yi// 'dod chags de la nam yang sdang ba med/ / ji ltar ri rab dag ni chen po la// grog ma kun gyis g.yos shing 'gul mi nus// de bzhin mkhas pa yang dag tshul bslabs pa// lha yi gzugs kyis kyang ni de mi g.yos/ / nam mkha' la ni ri mor bri nus shing // lag pas nam mkha' gzung du rung gyur kyang // 'dod chags zhe sdang bdud rnams bye ba yis/ de la rnam par bskyod par yong mi nus// la las brag cha dag ni bzung nus shing // chu yi steng na rdo yang 'phyol gyur kyang // lus kyi sdom pa 'di 'dra sus bslabs pas// de yi bsam pa dag kyang bltar mi nus/ / 'jig rten kun na sgra mang ji snyed pa// bzung ste bsgom du bzhugs par nus gyur kyang // lus kyi sdom pa'i gnas dang mi gnas pa// sus kyang rnam par rig par byed mi nus/ / sprin las sgra bsgrags glog rnams rgyu ba dang // nyi ma'i 'khor los 'od zer bzung nus kyang // lus kyi sdom pa 'di la sus bslabs pa// de yi rang bzhin shes par nus mi 'gyur/ / rlung gi dkyil 'khor phyogs bzhir ldang ba ni// rgya dang spyi yis bzung bar nus gyur kyang // lus kyi sdom pa 'di la gang gnas pa// de yi lus ni nams kyang shes mi nus/ / srog chags kun gyi spyod yul de ma yin// sems sdom gang la mkhas pa de gnas shing // spyod yul gang gnas lus kyi sdom pa ni// 'jig rten chos kyis mi gos nam mkha' bzhin/ / phyogs bzhir nam mkha' la ni rgyu ba yi// srog chags kun rjes so sor ltar nus kyang // de yi lus dang sems kyi spyod yul la/ / tshad gzung bar ni su'ang nus pa med// lus kyi sdom pa 'di la gnas pa yi// nyon mongs rnam mang thams cad med par 'gyur// de yi nyon mongs nye ba rab tu spang // 'di ltar des ni lus kyi sdom pa bslabs// de la mtshon na dang ni mes mi tshugs// de ltar de'i lus ni gzung du med// de ni zhi ba rab zhi ting 'dzin gnas// 'di ltar des ni lus kyi sdom pa bslabs/ / de ltar gnas pa 'jigs med skrag pa med// de la 'khrug sems mi skye phrag dog med// lus kyi sdom pa 'di ba dra sus bslabs pa// de ni gtse ba kun las thar pa yin/ / drug dang mtshon gyis rnams kyang mi 'jigs shing // me dang chu yi nang na'ang 'jigs pa med// lus kyi sdom pa 'di 'dra sus bslabs pa// de ni gtse ba kun las thar pa yin/ / chom rkun g.yon can sdig pa byed pa dang // sbrul gdugs nang du song yang 'jigs pa med// 'di ltar de ni bdag tu 'du shes med// 'du shes rnam par grol la 'jigs mi 'gyur/ / 'jigs las rnam par grol ba skrag mi skye// skrag pa med la g.yo ba mi 'byung ste// mi g.yo ba la skrag pa ga la yod// de ni bdud rnams bye bas bskyod mi nus/ / chos rnams sems pa rnams la phan pa'i phyir// sdom pa gang spyod bshad cing rab bstan pa// 'di 'dra'i lus kyi sdom pa sus bslabs pa// de ni/ bdud rnams bye bas bskyod mi nus// chos rnams kun la ye shes thogs pa med// dpe byad bzang po brgyad cu yongs su tshang // sum cu rtsa gnyis mtshan gyi ri mo dag/ sngon par gnas la rnyed par dka' mi 'gyur/ / sangs rgyas chos rnams bsam gyis mi khyab cing // tshad kyang med par rtogs par su 'dod pa// 'di 'dra'i lus kyi sdom pa des slobs shig/ 'jig rten thams cad kyi yang mchod rten 'gyur// sangs rgyas stobs ni stobs bcu bsam mi khyab/ drang srong chen po'i chos 'di gang 'dod pa// des ni lus kyi sdom pa 'di 'dra slobs/ / gang slob de la stobs rnams rnyed mi dka'// 'di 'dra'i lus kyi sdom la gang slob pa// sangs rgyas chos ni ma 'dres bco brgyad do// rgyal ba gang la rab tu gnas pa yang / / de dag de la rnyed par dka' mi 'gyur// 'di 'dra'i lus kyi sdom pa gang slob pa// drang srong chen po'i byang chub yan lag bdun// so so yang dag rig dang 'phrul dang / / de la de dag rnyed par dka' mi 'gyur// tshangs pa'i gnas bzhi dang ni bsam gtan dang // rnam par thar pa'i sgo rnams gang bshad pa// bde ba'i rnam / rab tu dben pa yang // sdom par gnas pa la ni rnyed mi dka'// lus kyi sdom pa la ni gang gnas pa// snying rje'i gnas dang btang snyoms thob par 'gyur// de bayin spyod pa 'jug pa byams pa'i mchog/ 'gro ba kun la'ang phan pa'i sems su 'gyur// dran pa nyer gzhag yang dag spong ba dang // drang srong chen po'i dbang lnga stobs lnga dang / 'phags pa'i lam mchog yan lag brgyad po yang // lus kyi sdom par gnas la rnyed mi dkag// gzhan yang dam pa sangs rgyas chos rnams ni// bsam gyis mi khyab gang la tshad med pa/ / lus kyi sdom pa 'di 'dra sus bslabs pa// de la thams cad rnyed par dka' mi 'gyur// 'di 'dra'i lus kyi sdom pa thos nas ni// rgyal po glang mchog khyad par thob gyur/ te/ dga' ba mtshungs med rangs shing mgu ba skyes// rgyal ba de yi bstan la rab tu byung // rab tu de byung lo yang bye phrag bcur// tshangs par spyod mchog gtsang ma spyad par gyur// lha dang bcas pa'i 'jig rten phan pa'i phyir// tshangs pa'i gnas bzhi la yang bsgom pa byas// tshangs pa'i gnas la shin tu bsgom byas pas// sangs rgyas bye ba brgyad cu mthong bar gyur/ de las lhag par gang+gA'i bye ma snyed// de ni tshangs spyod mchog 'di rab tu spyad// thams cad kyi yang bstan par rab byung ste// tshangs par spyod pa bzang zhing dag par spyad mang du thos shing spobs par ldan pa yi/ / dge slong chos smra ba yang mchog tu gyur// lus kyi sdom pa 'di ni rab shes na// tshul khrims ma ral tshul khrims skyon med 'gyur// tshul khrims rnam dag tshul khrims 'dres pa med/ / 'phags pa'i tshul khrims zag pa med la gnas// de tshe rgyal po glang mchog khyad par sems// gzhon nu gzhan zhig yin par sems gyur na/ / de ni gzhan zhig yin par mi blta ste// nga ni spyad pa spyod tshe der gyur to// de phyir gzhon nu nga yi rjes slobs la// lus kyi sdom pa 'di la gnas par gyi// srog chags bya ba gzhan la'ang rab ston pa// ring por mi thogs ji bzhin nga 'drar 'gyur// de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ lus kyi spyod pa yongs su dag par bya'o zhes gzhon nu de ltar khyod kyis bslabs par bya'o// de ci'i phyir zhe na/ gzhon nu lus kyi spyod pa yongs su dag pa'i byang chub sems dpa' sems dpa' chen po ni sems can dmyal ba dag la mi 'jigs/ dud 'gro'i skye gnas dang / gshin rje'i 'jig rten dang / ngan song dag gis 'jigs par mi 'gyur ro/ / chus mi 'jigs/ mes mi 'jigs/ dug dang / mtshon dang / seng ge dang / stag dang / dred dang / bal glang dang / glang khru ba dang / mi dang mi ma yin/ pa dag gis 'jigs par mi 'gyur ro// gzhon nu lus kyi spyod pa yongs su dag pa'i byang chub sems dpa' sems dpa' chen po ni/ stong gsum gyi stong chen po'i 'jig rten gyi khams 'di lag mthil du bzhag ste/ ta la gcig tsam mam/ ta la gnyis tsam mam/ ta la gsum tsam ma ma/ ta la bzhi tsam mam/ ta la lnga tsam mam/ ta la drug tsam mam/ ta la bdun tsam du steng du 'phen to// ji tsam du 'dod pa de tsam du 'ang 'phen to// gzhan yang gzhon nu lus kyi spyod pa yongs su dag pa'i byang chub sems dpa' sems dpa' chen po ni rdzu 'phrul gyi cho 'phrul mchog gi pha rol tu phyin pa yin te/ de rdzu 'phrul gyi rkang pa'i rnam par smin pa rnam par dag pa'i bsod nams yongs su bzung zhing dben pas dben par gyur te/ thams cad du rjes su song zhing de lta bu'i ting nge 'dzin thob pas zag pa med pa'i bsod nams yongs su rdzogs pa/ 'jig rten gyi khams thams cad la thogs pa med pa'i mig tu gyur pa yin pas de lta bu'i rdzu 'phrul gyi cho 'phrul dang ldan par 'gyur ro/ / de la rdzu 'phrul gang zhe na/ gang 'grub pa dang / smon pa dang / 'byor pa dang / yongs su rdzogs pa 'di ni rdzu 'phrul zhes bya'o/ / de la rdzu 'phrul gyi cho 'phrul gang zhe na/ rdzu 'phrul gang dang ldan pas byang chub sems dpa' sems dpa' chen po rdzu 'phrul gyi yul rnam pa mang po myong bar byed pa yin te/ gcig du gyur nas mang por 'gyur// mang por gyur nas gcig du 'gyur// snang bar gyur cing mi snang bar yang 'gyur// rtsig pa la yang thad kar 'gro/ ra ba la yang thad kar 'gro/ ri la yang mi thogs par 'gro/ nam mkha' la yang 'gro ste/ dper na 'drab chags bya bzhin no// sa la yang steng du 'byung ba dang / byi'u zul byed de/ dper na chu la bya ba bzhin no// chu la yang mi nub par 'gro ste/ dper na sa'i phung po chen po la bya ba bzhin no// du ba 'thul bar yang byed/ ba bar bar yang byed de/ dper na me'i phung po chen po bzhin no// bdag/ gi lus las chu'i rgyun chen po khrag khrig brgya stong du ma 'byin te/ dper na sprin chen po bzhin no// chu'i rgyun de dag gis stong gsum gyi stong chen po'i 'jig rten gyi khams 'di bsregs shing rab tu tshig ste/ mes rab tu 'bar zhing 'bar pa gcig tu gyur pa zhi bar byed do// zla ba dang nyi ma gnyis 'di ltar rdzu 'phrul che ba/ 'di ltar mthu che ba/ 'di ltar gzi brjid che ba yang lag par 'dzin cing kun tu nyug par byed do/ / tshangs pa'i 'jig rten gyi bar du sems can rnams la lus kyis dbang bsgyur ro// de nas yang bcom ldan 'das kyis de'i tshe tshigs su bcad pa 'di dag gsung so/ / sa la byi'u zul byed cing steng byung byed// chu dag la yang thogs pa med par 'gro// bya bzhin nam mkha'i ngos la 'gro bar byed// rdzu 'phrul gyis ni dung 'phrul 'bar bar byed// ji ltar bar snang la ni rlung mi thogs// sprin gyi phung po mang po 'gro ba ltar// de bzhin rnal 'byor pa yang nam mkha' la/ / rlung dang sprin bzhin du ni thogs med 'gro// shing rnams me yis tshig cing 'bar ba dag/ byang chub sems dpa' mkhas pa de mthong nas// des ni rang gi lus las chu byung ste/ / bye ba snyed kyi zhing de zhi bar byed// byang chub sems dpa' mkhas pa 'dug bzhin du// nyi zla la ni lag pas yongs su 'dzin// des ni tshangs pa'i 'jig rten nyer rig nas/ / tshangs pa bye ba dag la chos ston byed// gang tshe de ni chos ston 'dod gyur na// stong gsum chen po des ni go bar byed// 'dod na de ni zhing mang bye ba yang / / srog chags bye ba mang po chos rnams ston// de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta ba sa na/ lus kyi spyod pa yongs su dag par bya'o zhes gzhon nu khyod kyis de ltar bslabs par bya'o/ / de ci'i phyir zhe na/ gzhon nu lus kyi spyod pa yongs su dag pa'i byang chub sems dpa' sems dpa' chen po ni lha'i rna ba'i khams kyi sgra rnams lha dang mi'i dang / sems can dmyal ba pa rnams kyi dang / dud 'gro'i skye gnas su song ba rnams kyi dang / gshin rje'i 'jig rten pa rnams kyi sgra nye ba'am rgyang ring po yang thos so/ / gzhan yang gzhon nu lus kyi spyod pa yongs su dag par bya'o zhes gzhon nu khyod kyis de ltar bslabs par bya'o// de ci'i phyir zhe na/ gzhon n u lus kyi spyod pa yongs su dag pa'i byang chub sems dpa' sems dpa' chen po ni stan la 'dug bzhin du lha'i sna'i sna'i dbang pos stong gsum gyi stong chen po'i 'jig rten kyi khams na lha'i yid du 'ongs pa'i chos kyi dri ji snyed yod pa nye ba'ang rung rgyang ring po'ang rung ste/ de dag thams cad tshor ro// de nas yang bcom ldan 'das kyis zla 'od gzhon/ nur gyur pa la bka' stsal pa/ gzhon nu de lta bas na/ lus kyi spyod pa yongs su dag par bya'o// zhes gzhon nu khyod kyis de ltar bslabs par bya'o// de ci'i phyir zhe na gzhon nu lus kyi spyod pa yongs su dag pa'i byang chub sems dpa' sems dpa' bo ni sems can pha rol dang gang zag pha rol gyi sems kyi rnam par rtog pa dang / spyod pa sems kyis yang dag pa ji lta ba bzhin du rab tu shes te/ 'dod chags dang bcas pa'i sems kyang / 'dod chags dang bcas pa'i sems su yang dag pa ji lta ba bzhin du rab tu shes 'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab tu shes so/ / gong ma bzhin du sbyar te/ zhe sdang dang bcas pa dang / zhe sdang dang bral ba dang / gti mug dang bral ba dang / sred par bcas pa dang / sred pa dang bral ba dang / len par bcas pa dang / len pa dang bral ba dang / bsdus pa dang / g.yengs pa dang / log pa dang / ma log pa dang / chen por gyur pa dang / chen por gyur pa ma yin pa dang / bo da gsal ba dang / 'od gsal ba ma yin pa dang / tshad dang bcas pa dang / tshad med pa dang / bla na yod pa dang / bla na med pa dang / mnyam par gzhag pa dang / mnyam par bzhag pa ma yin pa dang / rnam par grol ba dang / rnam par grol ba ma yin pa dang / nyon mongs pa dang bcas pa'i sems kyang / nyon mongs pa dang bcas pa'i sems su yang dag pa ji lta ba bzhin du rab tu shes so// nyon mongs pa med pa'i sems kyang nyon mongs pa med pa'i sems su yang dag pa ji lta ba bzhin du rab tu shes so/ / gzhon nu lus kyi spyod pa yongs su dag pa'i byang chub sems dpa' sems dpa' chen po ni sngon gyi gnas rnam pa du ma dran te/ skye ba gcig kyang rjes su dran/ gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang / skye ba brgya yang rjes su dran no// skye ba stong dang / skye ba brgya stong dang / skye ba bye ba khrag khrig brgya stong du ma'i bar du yang rjes su dran na// sdud pa'i bskal pa dang / 'byung ba'i bskal pa yang rjes su dran no// sdud pa dang 'byung ba'i bskal la du ma'i bar du yang rjes su dran no// bskal pa yang rjes su dran no// bskal pa brgya dang / bskal ba stong dang / bskal pa brgya stong dang / bskal pa bye ba khrag khrig brgya stong du ma'i bar du yang rjes su dran no// sngon gyi mtha' bye ba'i bar cu yang rjes su dran no// bdag sngon che ge mo zhig tu skyes te/ ming ni 'di zhes bya/ rus ni 'di zhes bya/ rigs ni 'di zhes bya/ kha drog ni 'dri 'dra/ zas ni 'di lta bu zhig za/ 'tsho ba ni 'di 'dra/ tshe ni 'di tsam zhig thub/ yu na ni 'di srid cig tu gnas bde ba dang sdug bsngal ni 'di lta bu zhig myong / de nas shi 'phos nas che ge mo zhig tu skyes te/ de nas yang shi 'phos nA kyang 'dir skyes so zhes rnam pa dang bcas pa dang / yul phyogs dang bcas pa dang / gzhi ci las gyur pa dang bcas par sngon gyi gnas rnam pa du ma yang dag par rjes su dran no// gzhon nu lus kyi spyod pa yongs su dag pa'i byang chub sems dpa' sems dpa' chen po ni lha'i mig rnam par dag pa mi'i las 'das pas sems can rnams 'chi 'pho ba dang / skye ba dang / kha dog bzang ba dang / kha dog ngan pa dang / bad 'gror song ba dang / ngan 'gror song ba dang / ngan pa dang / bzang po dang / bzang 'gror 'gro ba dang / ngan 'gror 'gro ba'i sems can rnams las bzhin du nye bar 'gro ba dag kyang yang dag par ji lta ba bzhin du rab tu shes so/ / sems can 'di rnams ni lus kyis nyes par spyod pa dang ldan/ ngag gis nyes par spyod pa dang ldan/ yid kyis nyes par spyod pa dang ldan te/ 'phags pa rnams la skur pa log par lta ba dag log par lta ba yang dag par 'dzin pa'i rgyus/ lus zhig nas shi ba'i 'og tu ngan song ngan 'gror sems can dmyal ba rnams su skyes so/ / sems can 'di rnams ni lus kyis legs par spyod pa dang ldan/ ngag gis legs par spyod pa dang ldan/ yid kyis legs par spyod pa dang ldan te/ 'phags pa rnams la mi bskur ba yang dag par lta ba dag yang dag par bzung ba'i rgyus lus zhig nas shi ba'i 'og tu bde 'gror mtho ris kyi 'jig rten du lha'i 'jig rten du lha'i nang du skyes so/ / des na de ltar lha'i mig rnam par dag pa mi'i las 'das pas/ sems can rnams 'chi 'pho ba dang / skye ba dang / kha dog bzang ba dang / kha dog ngan pa dang / bde 'gro song ba dang / ngan 'gror song ba dang / ngan pa dang / bzang po dang / bzang 'gror 'gro ba dang / ngan 'gror 'gro ba'i sems can las bzhin du nye bar 'gro ba dag kyang yang dag pa ji lta ba bzhin du rab tu shes so/ / gzhon nu lus kyi spyod pa yongs su dag pa'i byang chub sems dpa' sems dpa' chen po ni skad cig gcig dang ldan pa'i shes rab kyis gang cung zad shes par bya ba dang / blta bar bya ba dang / mnyan par bya ba dang / mngon par rdzogs par 'tshang rgya bar bya ba dang / rnam par 'phrul par bya ba de thams cad yang dag pa ji lta ba bzhin du rab du shes so/ / thos so// mthong ngo // rtogs so// de nas bcom ldan 'das kyis de'i tshe tshigs su bcad pa 'di dag gsungs so// byang chub sems dpa'i skyob pa yi/ / mngon par shes pa'i rim pa bstan// ting nge 'dzin la gnas pas na// byang chub sems dpa' zhes kyang bya// de dag rna ba rnam sbyang ste// lha yi/ rna ba bsam mi khyab// sangs rgyas kun gyis bshad pa yi// chos rnams de yi thos par 'gyur// stong gsum chen po'i 'jig rten khams dag na// lha yi dri rnams ji snyed yod pa kun/ / lha yi sna yis ji ltar 'dug bzhin du// byang chub sems dpa' mkhas pa de snom byed// 'dod chags bcas dang 'dod chags med pa dang // zhe sdang bcas dang zhe sdang bral ba dang / / gti mug bcas dang gti mug bral ba yi// sems rnams sgrog chags kun gyis rab tu shes// bskul pa bye ba stong du ni// gang du de dag sngon gnas pa/ / sngon gyi gnas rnams rab tu shes// de dag la ni thogs pa med// de dag mig kyang rnam sbyong ste// bla na med pa lha yi mig/ des ni sems can skye ba dang / 'chi ba pho de dag rab tu mthong // skad cig gcig dang ldan pa yi// shes rab kyi ni tshe rabs kun// chos rnams la ni shes bya ba// ci yod pa'ang yang dag shes/ / de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ ngag gi sdom pas bsdam par bya'o/ zhes khyod kyis de ltar bslab par bya'o// gzhon nu de la ngag gi sdom pa gang zhe na/ ngag gi sdom pa gang dang ldan pas/ byang chub sems dpa' sems dpa' chen po rnam pa drug cu dang ldan pa'i sangs rgyas kyi gsungs dbyangs thogs pa med pa bsam gyis mi khyab pa thob par 'gyur ba de ni gzhon nu ngag gi sdom pa zhes bya'o/ / ngag gi sdom pa gang dang ldan pas byang chub sems dpa' sems dpa' chen po tshig btsun pa thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas/ byang chub sems dpa' sems dpa' chen po'i skyes bu chen po'i mtshan sum cu rtsa gnyis 'thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas/ byang chub sems dpa' sems dpa' chen po dpe byad bzang po brgyad cu thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas byang chub sems dpa' sems dpa' chen po de bzhin gshegs pa'i stobs bcu 'thob pa dang / mi 'jigs pa bzhi dang / sangs rgyas kyi chos ma 'dres pa bco brgyud 'a thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas/ byang chub sems dpa' sems dpa' chen po rnam par thar pa'i sgo gsum 'thob ste/ gsum gang zhe na 'di lta ste/ stong pa nyid dang / mtshan ma med pa dang / smon pa med pa dang / rnam par thar pa'i sgo 'di gsum 'thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas/ byang chub sems dpa' sems dpa' chen po// tshangs pa'i gnas pa chen po bzhi 'thob ste/ bzhi gang zhe na/ 'di lta ste/ byams pa chen po dang / snying rje chen po dang / dga' ba chen po dang / btang snyoms chen po dang / tshangs pa'i gnas pa chen po 'di bzhi 'thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas/ byang chub sems dpa' sems dpa' chen po so so yang dag par rig pa bzhi 'thob ste/ bzhi gang zhe na/ 'di lta ste/ don so so yang dag par rig ba dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa dang / so so yang dag par rig pa 'di bzhi 'thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas byang chub sems dpa' sems dpa' chen po byang chub kyi phyogs kyi chos sum cu rtsa bdun 'thob ste/ sum cu rtsa bdun gang zhe na/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / byang chub kyi phyogs kyi chos sum cu rtsa bdun po 'di dag 'thob par 'gyur ba de ni/ gzhon nu ngag gi sdom pa zhes bya'o// ngag gi sdom pa gang dang ldan pas byang chub sems dpa' sems dpa' chen po snying rje chen po la gnas pa 'thob pa dang / gtang snyoms chen po la gnas pa 'thob pa dang / bde ba'i rnam par rtogs pa 'thob pa dang / rab tu dben pa'i chos rnams thob par 'gyur ba de ni/ gzhon nu ngag gi sdom pa zhes bya'o/ / gzhan yang gzhon nu ngag gi sdom pa gang dang ldan pas byang chub sems dpa' sems dpa' chen po srog gcod pa spong bar 'gyur ba dang / ma byin par len pa dang / mi tshangs par spyod pa dang / brdzun du smra ba dang / phra ma'i tshig dang / tshig rtsub po dang / khyal par smra ba spangs par 'gyur ba dang / pha ma dang slob dpon dag la mi bden pa'i tshig mi 'byin pa dang / sangs rgyas dang chos dang dge 'dun la mi smod pa dang / tshig gzhan la'ang gang nges pa dang ldan pa'i tshig de dag byang chub sems dpas spangs pa yin te/ tshig de dag kyang drag cha lta bur shes so/ / sprul pa lta bu dang / smig rgyu lta bu dang / mig yor lta bu dang / sgyu ma lta bur 'jug par byed do// de lta bur gyur pas tshig de la mi dmigs mi rtog rlom sems su mi byed mi lta/ mngon par chags par mi byed do// gzhon nu de ni ngag gi sdom pa zhes bya'o// de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na/ ngag gi spyod pa yongs su dag par bya'o zhes gzhon nu de ltar khyod kyis bslab par bya'o// gzhon nu ngag gi spyod pa yongs su dag pa'i byang chub sems dpa' sems dpa' chen po ngan song thams cad kyis mi 'jigs shing / sangs rgyas kyi chos thams cad 'thob par 'gyur ro// sangs rgyas kyi rdzu 'phrul thams cad dang / mngon par shes pa thams cad 'thob par 'gyur te/ gzhon nu de ni ngag gi sdom pa zhes bya'o// de la 'di skad ces bya ste// ngag gi sdom pa gang dang ldan pa yis// byang chub sems dpa' de bang chos kun la/ / thogs pa med par gdon mi za bar 'gyur// de ni ngag gi sdom pa de zhes bya// ngag gi sdom pa gang gis blo ldan rnams// de ni yan lag drug chu mtshungs ldan pa/ / thogs med bsam yas sangs rgyas dbyangs thob pa// de ni ngag gi sdom pa de zhes bya// ngag gi sdom pa gang gis blo ldan rnams/ stobs bcu dang ni ma 'dres sangs rgyas chos// sum cu rtsa gnyis mtshan rnams thob 'gyur ba// / de ni ngag gi sdom pa de zhes bya// ngag gi sdom pa gang gi blo ldan rnams// gang sngar 'di las ngas ni brjod pa yi/ / sangs rgyas chos kyang thams cad thob 'gyur pa// de ni ngag gi sdom pa de zhes bya// ngag gi sdom pa gang gis blo ldan rnams// gnas pa dang ni so so yang dag rig/ shin tu rmad byung chos ni bsam yas 'thob// de ni ngag gi sdom pa de zhes bya// ngag gi sdom pa gang gis blo ldan rnams// dran pa nyer gzhag yang dag spong ba dang / / de bzhin rdzu 'phrul rkang dang dbang stobs 'thob// de ni ngag gi sdom pa de zhes bya// ngag gi sdom pa gang gis blo ldan rnams// btang snyoms chen po 'jigs pa med pa dang / / snying rje chen po dag pa'i gnas pa 'thob// de ni ngag gi sdom pa de zhes bya// ngag gi sdom pa gang gis blo ldan rnams// bde ba'i rnam rtog rnam par dag pa dang // de bzhin rnam rtog rab dben zhi ba 'thob/ / de ni ngag gi sdom pa de zhes bya// ngag gi sdom pa gang gis blo ldan rnams// brdzun dag dang ni 'phra ma'i tshig mi smra// khyal pa'i tshig dang tshig rtsub mi smra ba/ / de ni ngag gi sdom pa de zhes bya// ngag gi sdom pa gang gis blo ldan rnams// nam yang dam pa'i chos la spong mi byed// sangs rgyas dge 'dun dag kyang mi spong / ba/ de ni ngag gi sdom pa de zhes bya// ngag gi sdom pa gang gis blo ldan rnams// pha dang ma dang slob dpon dag gi yang // mdun du mi bden tshig rnams mi smra ba// de ni ngag gis sdom pa de zhes bya/ / ngag gi sdom pa gang gis blo ldan rnams// tshig gzhan gang dag skyon dang ldan pa rnams// de dag ma lus par yang spong bar 'gyur// de ni ngag gi sdom pa de zhes bya ngag gi sdom pa gang gis blo ldan rnams/ / tshig rnams kyang ni brag cha 'dra ba dang // rmi lam lta bur 'jigs pa med par 'jug/ de ni ngag gi sdom pa de zhes bya// ngag gi sdom pa gang gis blo ldan rnams/ / na med me pa 'i na/ rkye pas rgyas pa mi la gru ba bzhin// tshig la byang chu sems dpa' gang 'jug pa// de ni ngag gi sdom pa de zhes bya// 'gog pa rtag tu rmi lam dze/ bzhin te// mya ngan 'das pa'ang rmi lam rang bzhin du// tshog la byang chub sems dpa' gang 'jug pa// de ni ngag gi sdom pa de zhes bya// tshig ni gang yang rnyed par mi 'gyur te/ rtog par mi byed rlom sems de mi byed// nam yang mi lta chags par mi byed de// de ni ngag gi sdom pade zhes bya/ de nas yang bcom ldan 'das kyis/ zla 'od gzhon nur gyur pa la bka' stsal pa/ gzhon nu de lta bas na/ yid kyi sdom pas bsdams par bya'o zhes khyod kyis de ltar bslab par bya'o// yid kyi sdom pa gang dang ldan pas/ byang chub sems dpa' sems dpa' chen po sangs rgyas kyi chos 'jigs pa med pa rnams dang / mi 'khrugs pa'i sems rnam par grol ba 'thob par 'gyur pa de ni/ gnod du cid kyi sdom pa zhes bya'o// yid kyi sdom pa gang dang ldan pas byang chub sems dpa' sems dpa' chen po rdo rje lta bu'i ting nge 'dzin 'thob par 'gyur pa de ni/ gzhon nu yid kyi sdom pa zhes bya'o/ / yid kyi sdom pa gang dang ldan pas/ byang chub sems dpa' sems dpa' chen po 'bar ba'i bye brag dang 'dra ba zhes bya ba'i 'od zer 'thob par 'gyur ba de ni/ gzhon nu yid kyi sdom pa zhes bya'o/ / yid kyi sdom pa gang dang ldan pas/ byang chub sems dpa' sems dpa' chen po yan lag drug cu dang ldan pa'i sangs rgyas kyi gsung dbyangs phun sum tshogs pa 'thob par 'gyur ba de ni/ / gzhon nu yid kyi sdom pa zhes bya'o// yid kyi sdom pa gang dang ldan pas byang chub sems dpa' sems dpa' chen po tshig btsun pa 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po skyes bu chen po'i mtshan sum cu rtsa gnyis 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas// byang chub sems dpa' sems dpa' chen po dpe byad bzang po brgyad cu thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po de bzhin gshegs pa'i stobs bcu 'thob pa dang / mi 'jigs pa bzhi dang / sangs rgyas kyi chos ma 'dres pa bco brgyad 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po rnam par thar pa'i sgo gsum 'thob ste/ gsum gang zhe na/ 'di lta ste/ stong pa nyid dang / mtshan ma med pa dang / smon pa med pa dang / rnam par mthar pa'i sgo 'di gsum 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas byang chub sems dpa' sems dpa' chen po tshangs pa'i gnas pa chen po bzhi 'thob ste/ bzhi gang zhe nu/ 'di lta ste/ byams pa chen po dang / snying rje chen po dang / dga' ba chen po dang / btang snyoms chen po dang / tshangs pa'i gnas sems bzhi 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po so so yang dag par rig pa bzhi 'thob ste/ bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa dang / so so yang dag par rig pa 'di bzhi 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po dran pa nye bar gzhag pa bzhi 'thob pa dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas byang chub sems dpa' sems dpa' chen po snying rje chen po la gnas pa 'thob pa dang / btang snyoms chen po la gnas pa 'thob pa dang / bde ba'i rnam par rtog pa 'thob pa dang / rab tu dben pa'i chos rnams 'thob par 'gyur ba de ni/ gzhon nu yid kyi sdom pa zhes bya'o// yid kyi sdom pa gang dang ldan pas/ byang chub sems dpa' sems dpa' chen po phan par 'dod pa dang / spyod pa dang / 'jug pa 'thob par 'gyur ba de ni/ gzhon nu yid kyi sdom pa zhes bya'o// gzhan yang gzhon nu yid kyi sdom pa zhes bya ba de ni/ yid kyi sdom pa gang dang ldan pas/ byang chub sems dpa' sems dpa' chen po log par lta ba spangs pa'i phyir/ log par lta ba dang 'grogs par mi byed// brnab sems spangs pa'i phyir brnab sems dang 'grogs par mi byed/ gnod sems spangs pa'i phyir gnod sems dang 'grogs par mi byed/ le lo spangs pa'i phyir le lo'i sems dang 'grogs par mi byed/ bla ma rnas pa ma dang slob dpon dag la g.yo'i sems mi skyed/ 'dod chags dang zhe sdang dang gti mug gi sems mi skyed cing de dag dang 'grogs par mi byed/ byang chub sems kyang mi gtong / lhag pa'i sems kyang 'khrugs par mi byed cing / gzhan yang nyes pa dang ldan pa'i yid kyi rtog pa de dag thams cad byang chub sems dpa' rab tu spong zhing de dag dang mi 'grogs te/ de ni gzhon nu yid kyi sdom pa zhes bya'o/ / yid de'ang sgyu ma lta bu'o zhes bya ba la 'jug go/ rmi lam lta bu'o zhes bya ba dang / smig rgyu lta bu'o zhes bya ba dang / sprul pa lta bu'o zhes bya ba dang / mig yor lta bu'o zhes bya ba la 'jug ste/ gang nas kyang ma 'ongs pa dang gang du'ang mi 'gro bar 'jug go// bde ba la rmi lam lta bur 'jug go// rmi lam lta bur mi rtag par 'jug go/ / rmi lam lta bur bdag med par 'jug go// rmi lam lta bur srog med par 'jug go// rmi lam lta bur stong par 'jug ste/ yid de yang mi dmigs mi rtog/ rlom sems su mi byed mi lta/ mngon par mi chags te/ gzhon nu de ni yid kyi sdom pa zhes bya'o// de nas yang bcom ldan 'das kyis zla 'od gzhon nur gyur pa la bka' stsal pa/ gzhon nu de lta bas na yid kyi spyod pa yongs su dag par bya'o zhes/ gzhon nu de ltar khyod kyis bslab par bya'o// de ci'i phyir zhe na/ gzhon nu yid kyi spyod pa yongs su dag pa'i byang chub sems dpa' sems dpa' chen po ni mi khom pa thams cad rnam par spong zhing / sangs rgyas kyi chos bsam gyis mi khyab pa'ang 'thob par 'gyur ro/ / sangs rgyas thams cad las kyang sangs rgyas kyi mngon par shes pa thams cad dang / mi 'khrugs pa'i sems rnam par grol ba 'thob par 'gyur ba de ni/ gzhon nu yid kyi sdom pa zhes bya'o/ / de nas bcom ldan 'das kyis de'i tshe tshigs su bcad pa 'di dag gsungs so// yid kyi sdom pa dag ni ngas bshad kyis// g.yeng ba med pa'i yid kyis thams cad nyon/ / ji ste myur du 'tshang rgya 'dod na yang // nga las thos nas de la nan tan byos// yid kyi sdom pa gang gis mkhas pa dang // mchog tu rab zhi rgya che mi g.yo ba/ / rgyal chos bsam yas rmad du byung ba 'thob// 'di ni yid kyi sdom pa dag par brjod// yid kyi sdom pa gang gis mkhas pa dag/ sems kyang rnam grol rtag tu mi g.yo 'thob/ / de bzhin rdo rje lta bu'i ting 'dzin mchog/ 'di ni yid kyi sdom pa dag par brjod// mkhas pa gang gis nye bar spyod pa yi// 'od zer don chen byed pa sgrub/ par byed// gang gis yan lag drug cu'i dbyangs thob pa// de ni yid kyi sdom pa rnam dag brjod// yid kyi sdom pa gang gis mkhas pa dag/ sum cu rtsa gnyis mtshan rnams myur thob 'gyur/ / stobs bcu sangs rgyas yon tan ma lus thob// de ni yid kyi sdom pa mchog tu brjod// yid kyi sdom pa gang gis mkhas pa dag/ so so yang dag rig dang mi 'jigs dang / / yon tan mchog tu rmad byung bsam yas 'thob// de ni yid kyi sdom pa mchog tu brjod// yid kyi sdom pa gang gis mkhas pa dag/ dran pa nye bar gzhag dang rdzu 'phrul rkang / yang dag spong dang dbang stobs lnga 'thob pa// de ni yid kyi sdom pa mchog tu brjod// yid kyi sdom pa gang gis mkhas pa dag/ tshangs pa'i gnas bzhi ma lus de bzhin te/ stong nyid mtshan med smon med spro ba thob pa// de ni yid kyi sdom pa'i mchog tu brjod// yid kyi sdom pa dag dang gang ldan pa// snying rje'i gnas dang btang snyoms chen po dang / spyod 'jug byams pa chen po zhi ba 'thob// srid pa kun la de ni phan sems 'gyur// yid kyi sdom pa gang gis mkhas pa dag/ byang chub yan lag bdun yang myur 'thob cing lam mchog yan lag brgyad pa de bzhin te/ / de ni yid kyi sdom pa mchog tu brjod// yid kyi sdom pa gang gis mkhas pa dag/ btang snyoms che la gnas pa dam pa dang / / snying rje gnas mchog dri ma med pa 'thob// de ni yid kyi sdom pa mchog tu brjod// yid kyi sdom pa gang gis mkhas pa dag/ bde ba'i rnam rtog zhi ba dag pa'i yid// yon tan phyug pas rab tu dben thob pa// de ni yid kyi sdom pa mchog tu brjod// yid kyi sdom pa gang ldan mkhas pa dag/ log pa'i lta ba ngan dang mi 'grogs shing // gnod sems brnab sems skyed par mi byed pa/ / de ni yid kyi sdom pa mchog tu brjod// yid kyi sdom pa gang ldan mkhas pa dag/ skad cig tsam yang tshul 'chos mi byed cing // bla ma la yang g.yo rgyu mi skyed de/ / de ni yid kyi sdom pa mchog tu brjod// yid kyi sdom pa gang ldan mkhas pa dag/ 'dod chags zhe sdang yid ni skye mi byed// de bzhin gang du'ang gti mug mi skyed de/ / de nas yid kyi sdom pa'i mchog tu brjod// yid kyi sdom pa gang ldan mkhas pa dag/ byang chub las ni sems kyang mi gtong zhing // lhag pa'i bsam pa dag kyang 'khrugs mi byed/ / de ni yid kyi sdom pa mchog tu brjod// yid kyi sdom pa gang ldan mkhas pa dag/ yid kyi nyes pa mang po ji snyed gzhan// kun dang lhan cig/ gnas par mi byed pa// de ni yid kyi sdom pa mchog tu brjod// yid la sgyu ma lta bur 'jug byed de// rmi lam 'dra zhing de bzhin smig sgyu 'dra// rtag tu mig yor gyi ni mtshan nyid de de ni yid kyi sdom pa mchog tu brjod/ / bde ba'i rmi lam lta bur 'jug byed de// de bzhin mi rtag stong par ther zug min// yid la de ltar mkhas pa 'jug par byed// de ni yid kyi sdom pa mchog tu brjod/ / yid la srog dang sems can med par 'jug/ rkyen las byung ba 'gal me bskor ba bzhin// ga las ma 'ongs gang du mi 'gro ste// de ni yid kyi sdom pa mchog tu brjod// yid de gang na'ang nye bar mi dmig shing // rtog pa med par rlom sems mi byed de// de yang mi lta mngon par zhen mi byed// de ni yid kyi sdom pa mchog tu brjod/ / don dam bde ba rmi lam 'dra ba dang // mya ngan 'das pa rmi lam mtshungs par 'jug/ gang gis mkhas pa de ltar 'jug pa yang // de ni yid kyi sdom pa mchog tu brjod/ / / 'phags pa ting nge 'dzin gyi rgyal po'i mdo// bam po bco lnga pa ste tha ma'o// // gzhon nu de la las yongs su dag pa ni 'di lta ste/ srid pa gsum rmi lam lta bur mthong nas/ de la 'dod chags dang bral ba skyed de// gzhon nu 'di ni las yongs su dag pa zhes bya'o// gzhon nu de la dmigs pa las yang dag par 'da' ba gang zhe na/ 'di lta ste/ phung po dang / khams dang / skye mched rnams sgyu ma lta bur rig nas// de dag/ 'dor ba ste/ 'di ni yang dag par 'dab pa zhes bya'o// de la phung po yongs su shes pa gang zhe na/ 'di lta ste/ phung po rnams la smig rgyu lta bur 'jug pa'o// de la khams mnyam pa nyid gang zhe na/ 'di lta ste/ khams rnams sprul pa lta bur nges par spong ba'o// de la skye mched sel ba gang zhe na/ 'di lta ste/ skye mched mig yor lta bur nges par spong ba'o/ / de la skyed pa spong ba gang zhe na/ 'di lta ste/ chos thams cad la mi lta ba'o// de la skye ba med pa mngon sum du byed pa gang zhe na/ 'di lta ste/ chos thams cad mi dmigs pa'o/ / de la bya ba la 'jug pa gang zhe na/ 'di lta ste/ brtson 'grus las byung ba'i sdug bsngal chung mi za ba'o// de la rgyu bstan pa gang zhe na/ 'di lta ste/ phung po brag cha lta bur mngon par grub pa'o// de la 'bras bu chud mi za ba gang zhe na/ 'di lta ste/ las kyi 'bras bu rmi lam lta bur chud mi za ba'o// de la chos mthong ba gang zhe na/ 'di lta ste/ chos thams cad mi mthong ba'o// de la lam sgom pa gang zhe na/ 'di lta ste/ chos thams cad mi dmigs par bsgom pa'o// de la de bzhin gshegs pa dang phrad pa gang zhe na/ 'di lta ste/ sangs rgyas thams cad kyi bslab pa sgrub pa'o// de la shes rab rno ba gang zhe na/ 'di lta ste/ chos thams cad skye ba med par bzod pa'o/ / de la sems can gyi rjes su 'jug pa shes pa gang zhe na/ 'di lta ste/ dbang po mchog dang mchog ma yin pa shes pa'i ye shes so// de la chos shes pa gang zhe na/ 'di lta ste/ chos thams cad mi dmigs pa'o// de la so so yang dag par rig pa la 'jug pa shes pa gang zhe na/ 'di lta ste/ chos kyi tshul yang dag pa ji lta ba bzhin du rtogs pa'o/ / de la yi ge rab tu dbye ba shes pa gang zhe na/ 'di lta ste/ gsang sngags gsum sbyor bar shes pa dang / rnam pa dang rnam pa ma yin pa zhes bya'o// de la dngos po las yang dag par 'da' ba gang zhe na/ 'di lta ste/ dngos po med par rtogs pa'o// de la dbyangs shes pa gang zhe na/ 'di lta ste/ brag cha lta bur shes pa'o// de la mchog tu dga' ba 'thob pa gang zhe na/ 'di lta ste/ chos thams cad mi dmigs shing 'gyur ba dang sdug bsngal spang ba dang / khur bor ba'o// de la chos kyi dga' ba myong ba gang zhe na/ 'di lta ste/ gdams par bya ba dang / mgu bar bya ba mi gtong ba dang / rang gi theg pa'i legs pa mthong ba'o// de la gnas pa gang zhe na/ 'di lta ste/ 'phags pa'i bden pa rtogs pa'o// de la drang po gang zhe na/ 'di lta ste/ spyod lam bcos pa med pa'o// de la bzhin khro gnyer med pa gang zhe na/ 'di lta ste/ zhe sdang med pa'o// de la dge ba gang zhe na/ 'di lta ste/ 'grogs na bde ba'o// de la mnyan pa gang zhe na/ 'di lta ste/ pha rol la phan pa'i dngos po'o// de la gsong por smra ba gang zhe na/ 'di lta ste/ tshur shog legs par 'ongs so/ zhes byas pa dang myur du ldang ba'o// de la bla ma la gus pa gang zhe na/ 'di lta ste/ bla ma la 'jigs shing dge ba'i bshes gnyen du 'du shes pa'o// de la bla ma la srid zhu byed/ pa gang zhe na/ 'di lta ste/ bla ma la rim gro dang g.yog bya ba'o// de la skye bas chog shes pa gang zhe na/ 'di lta ste/ skye ba thams cad la chags pa med pa'o// de la dkar po'i chos kyis mi ngoms pa gang zhe na/ 'di lta ste/ dkar po'i chos thams cad yongs su tshol zhing dge ba gang yin zhes tshol ba'o// de la 'tsho ba yongs su dag pa gang zhe na/ 'di lta ste/ ngan song gis chog shes pa dang / tshul 'chos pa med pa dang / kha gsag med pa dang / thob kyis 'jal ba med pa dang / rnyed pas rnyed pa la 'dod pa med pa'o// de la dgon par gnas pa mi gtong ba gang zhe na/ 'di lta ste/ dge ba'i chos rnams la brtson pa mi 'dor zhing bas mtha'i gnas mal la mngon par dga' ba dang / nags stug po dang / gcong rong dang / phug dang / sman shong du mngon par dga' ba dang / chos kyi dga' ba myong bar byed pa dang / khyim pa dang rab tu byung ba rnams dang mi 'dre ba dang / rnyed pa dang / bkur sti dang / tshigs su bcad pa la ma chags pa dang / sred pa spong ba dang / bsam gtan gyi dga' ba myong ba ste/ 'di ni dgon pa la gnas pa mi gtong ba zhes bya'o// de la sa la gnas pa shes pa gang zhe na/ 'di lta ste/ nyan thos kyi 'bras bu rnam par bzhag pa shes pa dang / rang sangs rgyas kyi sa rnam par gzhag pa shes pa dang / byang chub sems dpa'i sa rnam par bzhag pa shes pa'o// de la dran pa mi nyams pa gang zhe na/ 'di lta ste/ mi rtag pa dang / sdug bsngal ba dang / stong pa dang / bdag med pa yid la byed pa'o// de la phung po la mkhas pa'i shes pa gang zhe na/ 'di lta ste/ phung po dang / khams dang / skye mched rab tu dbye ba yang shes shing de la mi dmigs pa'o// de la mngon par shes pa mngon sum du byed pa gang zhe na/ 'di lta ste/ rdzu 'phrul gyi rkang pa bzhi 'thob pa dang / rdzu 'phrul rnam par 'phrul pa'o// de la nyon mongs pa sel ba gang zhe na/ 'di lta ste/ 'dod chags dang / zhe sdang dang / gti mug spong ba'o// de la bag chags kyi mtshams sbyor ba legs par 'jom pa shes pa gang zhe na/ 'di lta ste/ sngon gyi byis pa'i spyod pa la smad pa dang / nyan thos dang / rang sangs rgyas kyis mi 'dod pa'o// de la khyad par du 'gro ba gang zhe na/ 'di lta ste/ sangs rgyas kyi stobs dang / mi 'jigs pa dang / so so yang dag par rig pa bsgrub pa'o// de la sgom pa'i rgyu mthun pa gang zhe na/ 'di lta ste/ rjes su chags pa dang / khong khro ba spangs pa'o// de la ltung ba las 'byin pa la mkhas pa gang zhe na/ 'di lta ste/ so sor thar pa dang / 'dul ba sdom pa'o// de la yongs su dkris pa gnon pa gang zhe na/ 'di lta ste/ nyes pa bshags pa dang / phyis sdom pa'i las dge ba'o// de la rjes su chags pa spong ba gang zhe na/ 'di lta ste/ khams gsum gyi srid pa'i 'khri zhing thams cad yang dag par 'jom pa dang / dge ba'i chos ma skyes pa rnams bskyed pa dang / dge ba'i chos skyes pa rnams chung mi za bar bya'o// de la sred pa las yang dag par 'da' ba gang zhe na/ 'di lta ste/ khams la mi dmigs shing / yid la mi byed pa'o// de la skye ba dran pa gang zhe na/ 'di lta ste/ sngon gyi gnas shes pa'o// de la las kyi rnam par smin pa la nem nur med pa gang zhe na/ 'di lta ste/ chad pa dang / rtag pa rnam par spong ba'o// de la chos sems pa gang zhe na/ 'di lta ste/ yang dag pa ji lta ba bzhin du sems pa'o// de la thos pa yongs su tshol ba gang zhe na/ 'di lta ste/ nyan thos kyi sde snod dang / rang sangs rgyas kyi sde snod dang / byang chub sems dpa'i sde snod kun 'dzin cing sgom pa'o// de la ye shes rno ba gang zhe na/ 'di lta ste/ rmi lam lta bur ma skyes pa shes pa'o// de la ye shes la sred pa gang zhe na/ 'di lta ste/ ye shes yongs su 'tshol ba'o// de la ye shes khong du chud pa gang zhe na/ 'diSh+Ta/ ste/ bla na med pa yang dag par rdzogs pa'i byang chub mngon par sgrub pa'o// de la cang shes kyi sa gang zhe na/ 'di lta ste/ byang chub sems dpa'i bslab pa'i gnas so// de la 'di lta bu'i sems gang zhe na/ 'di lta ste/ byang chub kyi sems mi gtong ba'o// de la mi g.yo ba gang zhe na/ 'di lta ste/ nyon mongs pa dag gis mi 'phrogs pa'o// de la mi skul ba gang zhe na/ 'di lta ste/ mtshan ma thams cad yid la mi byed pa'o// de la phyir mi ldog pa gang zhe na/ 'di lta ste/ pha rol tu phyin pa drug mi 'jigs pa dang / 'jig rten gyi khams gzhan na bzhugs pa'i sangs rgyas rnams rgyun mi 'chad par mthong ba'o/ / de la dge ba'i chos phun sum tshogs pa gang zhe na/ 'di lta ste/ bla na med pa yang dag par rdzogs pa'i byang chub tu nye bar gyur pa'o// de la sdig pa'i las la smod pa gang zhe na/ 'di lta ste/ sdom pa dang sdig pa rnams gzod ma nas ma skyes pa'o// de la nyon mongs pa mi 'byung ba gang zhe na/ ba di lta ste/ ma rig pa dang / srid pa'i sred pa dang khro ba mi skyed pa'o/ / de la bslabs pa yongs su mi gtong ba gang zhe na/ 'di lta ste/ las kyi rnam par smin pa la yid ches pa dang / sangs rgyas la ri mor byed pa'o// de la ting nge 'dzin rnam par gzhag pa gang zhe na/ 'di lta ste/ sems dang sems las byung ba'i chos rnams skye ba dang 'jig pa med pa la mkhas pa dang / sems rtse gcig pa'o// de sa/ sems can gyis bsam pa shes pa gang zhe na/ 'di lta ste/ dbang po mchog dang mchog ma yin pa shes pa'i ye shes so// de la skye ba'i khyad par shes pa gang zhe na/ 'di lta ste/ 'gro ba lnga rnam par gzhag pa shes pa'o/ / de la ye shes mtha' yas pa gang zhe na/ 'di lta ste/ 'jig rten gyi dang 'jig rten las 'das pa'i bzo lhun gyi grub pa shes pa'o// de la tshig gi mtshams sbyar ba shes pa gang zhe na/ 'di lta ste/ de bzhin gshegs pa'i ldem po ngag shes pa'o// de la khyim gyi gnas yongs su spangs pa gang zhe na/ 'di lta ste/ lus dang sems dben zhing mngon par byung pa'o/ / de la khams gsum la mngon par mi dga' ba gang zhe na/ 'di lta ste/ khams gsum yang dag pa ji lta ba bzhin du mthong ba'o// de la sems ma gong ba gang zhe na/ 'di lta ste/ sems yongs su mi gtong ba dang / mnyam par bzhag pa yongs su mi gtong ba'o// de la chos rnams la mngon par mi chags pa gang zhe na/ 'di lta ste/ sdug pa thams cad spong ba'o// de la dam pa'i chos yongs su 'dzin pa gang zhe na/ 'di lta ste/ sangs rgyas kyi byang chub yongs su srung ba dang / mdo sde 'di lta bu 'dzin pa'o// de la chos srung ba gang zhe na/ 'di lta/ ste/ sangs rgyas kyi chos la spyod pa rnams chos dang mthun pas tshar gcod pa'o// de la las kyi rnam par smin pa la yid ches pa gang zhe na/ 'di lta ste/ khrel yod pas sdig pa'i las rnams spong ba dang / dge ba'i chos rnams yongs su btsal ba la mngon par brtson pa'o// de la 'dul ba la mkhas pa gang zhe na/ 'di lta ste/ rang bzhin gyi ltung ba dang / lbu ba ma yin pa shes pa dang / bcas pa'i ltung ba dang / ltung ba ma yin pa shes pa'o// de la rtsod pa rnam par zhi ba gang zhe na/ 'di lta ste/ 'dus pa rnam par spangs pa'o// de la 'thab pa med pa dang / rtsod pa med pa gang zhe na/ 'di lta ste/ 'jig rten pa'i gtam mi 'dod pa'o// de la bzod pa'i sa gang zhe na/ 'di lta ste/ lus dang sems la gnod pa bzod par byed pa'o/ / de la bzod pa yang dag par 'dzin pa gang zhe na/ 'di lta ste/ pha rol gyis ngan du smras pa dang / ngan du brjod pa'i tshig gi lam rnams btang snyoms su 'jog cing bzod pa mi 'bral ba'o/ / de la chos rab tu 'byed pa gang zhe na/ 'di lta ste/ phung po dang / khams dang / skye mched rnams rab tu dbye ba dang / kun nas nyon mongs pa dang / rnam par byang ba'i phyogs rab tu dbye ba dang / de dag mi dmigs pa'o// de la rnam par gtan la dbab pa la mkhas pa gang zhe na/ 'di lta ste/ chos thams cad brjod du med pa'o// de la rab tu dbye ba shes pa gang zhe na/ 'di lta ste/ chos thams cad rnam par gzhag pa la nges par rtog pa'o// de la chos kyi tshig bsgrub pa la mkhas pa'i shes pa gang zhe na/ 'di lta ste/ chos rnams yang dag pa ji lta ba bzhin du ston pa'o// de la don dang don ma yin pa 'dres pa bsgrub pa la mkhas pa'i shes pa gang zhe na/ 'di lta ste/ chos rnams rang bzhin gyis blang ba dang gzhag pa med pa'o/ / de la sngon gyi mtha' shes pa gang zhe na/ 'di lta ste/ rgyu shes pa'o// de la phyi ma'i mtha' shes pa gang zhe na/ 'di lta ste/ rkyen shes pa'o// de la dus gsum mnyam pa nyid shes pa gang zhen 'di lta ste/ chos thams cad tha dad du bya ba med pa'i dngos po'i lugs kyi chos nyid do// de la 'khor gsum yong su dag pa'i shes pa gang zhe na/ 'di lta ste 'das pa dang / ma 'ongs pa dang / da ltar byung ba'i chos rnams mi dmigs shing yid la mi byed pa'o// de la sems gnas pa gang zhe na/ 'di lta ste/ sems mi dmigs pa'o// de la lus rnam par gzhag pa gang zhe na/ 'di lta ste/ lus la zhugs pa'i rjes su dran pa'o// de la spyod lam srung ba gang zhe na/ ba di lta ste/ gang 'di bslad pa med pa'o// de la spyod lam mi 'khrugs pab gang zhe na/ 'di lta ste/ dge ba mi spyoms pa'o// de la spyod lam rnam par mi rtogs pa gang zhe na/ 'di lta ste/ sdig pa 'dod pa dang bral ba'o// de la dbang po dang ba gang zhe na/ 'di lta ste/ chos la zhugs pa'i yid la byed pa dang / rigs par smra ba dang / dus shes pa dang / yang dag pa ji lta ba'i chos rnams yang dag par rab tu ston pa'o// de la 'jig rten shes pa gang zhe na/ 'di lta ste/ phar 'gro ba dang phyir 'ong ba rab tu shes pa'o// de la lhug par gtong ba gang zhe na/ 'di lta ste/ dngos po rnams mi sbed pa dang / ser sna med pa'o// de la lag brkyang ba gang zhe na/ 'di lta ste/ bged pa'i ngang tshul can no// de la sems 'dzin pa glang zhe na/ 'di lta ste/ dad pa rnyog pa med pa'o// de la khrel yod pa gang zhe na/ 'di lta ste/ mu chor mi smra ba'o// de la ngo tsha shes pa gang zhe na/ 'di lta ste/ mngon du gyur pa'o// de la mi dge pa'i sems smad pa gang zhe na/ 'di lta ste/ byis pa'i chos rtogs pa dang de dag dang mi 'grogs pa'o// de la sbyangs pa mi gtong ba gang zhe na/ 'di lta ste/ yi dam la brtan pa'o// de la spyod pa yang dag par 'dzin pa gang zhe na/ 'di lta ste/ spyod pa la rtul ba bskyed pa'o// de la dga' ba yang dag par spyod pa gang zhe na// 'di lta ste/ dge ba'i las kyi phan yon la sems pa'o// de la bla ma dag gi stan 'ding zhing ldang ba gang zhe na/ 'di lta ste/ nga rgyal bcom zhing snyoms las med pa'o// de la nga rgyal tshar gcod pa gang zhe na/ 'di lta ste/ bdag nyid rjes su mi dmigs shing rtsom pa med pa'o// de la sems rab tu bzung ba gang zhe na/ 'di lta ste/ dkar po'i chos chud mi za bar shes pa'o// de la sems spo bar bya ba gang zhe na/ 'di lta ste/ brtson 'grus chud mi za bar shes pa'o// de la don so so yang dag par rig pa'i shes pa gang zhe na/ 'di lta ste/ bden pa yang dag pa ji lta ba bzhin du rtogs pa'i ye shes so/ / de la ye shes khong du chud pa gang zhe na/ 'di lta ste/ 'jig rten dang 'jig rten las 'das pa'i chos rnams khong du chud pa'o// de la mi shes pa dang bral ba gang zhe na/ 'di lta ste/ chos yang dag pa ji lta ba bzhin la sgro 'dogs pa dang bral ba'o// de la sems kyi 'jug pa shes pa gang zhe na/ 'di lta ste/ skye ba dang 'jig pa med pa shes pa'o// de la zas sgrub pa la mkhas pa gang zhe na/ 'di lta ste/ shes rab rno ba'o// de la sgra brjod pa shes pa gang zhe na/ 'di lta ste/ chos yang dag pa ji lta ba bzhin du rab tu bstan pa'o// de la rnam par gzhag pa shes pa gang zhe na/ 'di lta ste/ yang dag pa ji lta ba bzhin du 'jug pa shes pa'o// de la don rnam par gtan la dbab pa gang zhe na/ 'di lta ste/ 'du byed kyi phung po chad pa'o// de la gnod pa rnam par spong ba gang zhe na/ 'di lta ste/ srid pa las yang dag par 'da' ba dang / gzhan dag kyang srid pa las yang dag par 'da' ba la 'dzud pa'o// de la skyes bu dam pa la bsten pa gang zhe na/ 'di lta ste/ sangs rgyas dang mi 'bral ba'o// de la skyes bu dam pa dang 'grogs pa gang zhe na/ 'di lta ste/ sangs rgyas dang / byang chub sems dpa' dang / rang sangs rgyas dang / nyan thos la bsten pa'o/ / de la skyes bu dam pa ma yin pa rnam par spong ba gang zhe na/ 'di lta ste/ dmigs pa can dang / le lo can rnam par spong ba'o// de la bsam gtan mi 'dor ba gang zhe na/ 'di lta ste/ 'dod pa'i tsher ma rnam par spong ba dang / bsam gtan mi gtong zhing dga' ba mi 'dor ba'o// de la bsam gtan la ma chags pa gang zhe na/ 'di lta ste/ khams gsum las yang dag par 'da' bar mos pa dang / sems can yongs su smin par bya ba la mos pa dang / gong du shes rab kyi snang ba la mos pa'o// de la mngon par shes pas rnam par 'phrul pa gang zhe na/ 'di lta ste/ mngon par shes pa lnga la gnas nas/ sangs rgyas kyi chos shes par dka' ba rnams gzhan la yang dag par rab tu ston pa'o// de la ming gi brda gang zhe na/ 'di lta ste/ yongs su ma grub pa rnams ming gis khong du chud pa'o/ / de la btags pa'i tha snyad gang zhe na/ 'di lta ste/ 'jig rten gyi tha snyad do// de la btags pa 'joms pa gang zhe na/ 'di lta ste/ brjod par shes pa'o// / de la 'khor ba las ldog pa gang zhe na/ ba di lta ste/ 'khor ba'i nyes pa la so sor rtog pa'o// de la rnyed pa mi 'dod pa gang zhe na/ 'di lta ste/ yang dag par 'dod pa nyung ba'o// de la rnyed pa dang bkur sti mi len pa gang zhe na/ bdi lta ste/ gdung ba med pa dang / sdig pa 'dod pa dang bral ba'o// de la bsngags pa ma yin pas zhum par mi 'gyur pa gang zhe na/ 'di lta ste/ phung po dang khams la yongs su rtogs pa shes pa'o/ / de la yang dag par bsngags pa mi len pa gang zhe na/ 'di lta ste/ dge ba mi spyoms pa dang / rnyed pa dang / bkur sti la bar chad du rig pa'o/ / de la bkur sti la btang snyoms su byed pa gang zhe na/ 'di lta ste/ las kyi rnam par smin pa rtogs pa'o// de la bsti stang med pa la zhum par mi 'gyur ba gang zhe na/ 'di lta ste/ rnal 'byor mi gtong ba'o// de la smad pas mi 'khrugs pa gang zhe na/ 'di lta ste/ 'jig rten gyi chos la so sor rtog pa'o// de la bstod pa la btang snyoms su byed pa gang zhe na/ ba di lta ste/ dge ba'i chos tshol zhing 'byung ba'o// de la rnyed pa med kyang sems 'gong ba med pa gang zhe na/ 'di lta ste/ bdag gis byas pa'i chos rnams la so sor rtog pa'o// de la khyim pa dang / mi sten pa gang zhe na/ 'di lta ste/ zang zing ci yang rnam par spong ba'o// de la rab tu byung ba dang mi sten pa gang zhe na/ 'di lta ste/ mi rigs pa yongs su spong ba dang / rigs pa yongs su tshol ba'o// de la spyod yul ma yin pa rnam par spong ba gang zhe na/ 'di lta ste/ sgrib pa lnga rnam par spong ba'o// de la spyod yul la rab tu spyod pa gang zhe na/ 'di lta ste/ dran pa nye bar gzhag pa bzhi sgom pa'o// de la cho ga phun sum tshogs pa gang zhe na/ 'di lta ste/ pha rol rjes su bsrung ba'o// de la cho ga ma yin pa rnam par spong ba gang zhe na/ 'di lta ste/ bdag gi dge ba'i chos rjes su srung ba'o// de la rigs sun par mi byed pa gang zhe na/ 'di lta ste/ shes kyi khe rnam par spong ba'o// de la bstan pa bsrung ba gang zhe na/ 'di lta ste/ chos yongs su btsal ba bsgrub pa dang / chos kyi rjes su mthun pa'i chos kyi nan tan no/ / de la smra ba nyung ba gang zhe na/ 'di lta ste/ zhi gnas thob pa'o// de la mnyen pa gang zhe na/ 'di lta ste/ lhag mthong thob pa'o// de la tshig gi lan la mkhas pa gang zhe na/ 'di lta ste/ lan dang / yang lan shes pa'o// de la phas kyi rgol ba tshar gcod pa gang zhe na/ 'di lta ste/ chos rnams yang dag pa ji lta ba bzhin du ston pa dang / rnam par gzhag par byed pa dang / klan ka tshol ba tshar gcod pa'o// de la dus su 'gro ba gang zhe na/ 'di lta ste/ dus shes pa'o// de la so so'i skye bo la yid mi rton pa gang zhe na/ 'di lta ste/ byis pa'i chos la skyon du lta ba'o/ / de la sdug bsngal ba rnams la brnyas pa med pa gang zhe na/ 'di lta ste/ sems can thams cad la sems mnyam pa'o// de la sdug bsngal ba rnams la nor rab tu sbyin pa gang zhe na/ 'di lta ste/ 'jig rten gyi zang zing gi sbyin pa'o// de la dbul po rnams la mi smad pa gang zhe na/ 'di lta ste/ pha rol la snying brtse ba'i blo'o// de la tshul khrims 'chal pa rnams la snying brtse ba gang zhe na/ 'di lta ste/ pha rol lhung ba las dbyung zhing tshul khrims la rab tu 'god pa'o// de la phan pa'i dngos po gang zhe na/ 'di lta ste/ gzhan la phan pa byed pa'o// de la snying rje ba'i glo gang zhe na/ 'di lta ste/ sems can gyis ma 'ongs pa'i sdug bsngal la lnga'o// de la chos kyis phan gdags pa gang zhe na/ 'di lta ste/ gzhan dag yang dag pa ji lta ba bzhin du chos la gzung ba'o/ / de la zang zing yongs su gtong ba gang zhe na/ 'di lta ste/ phung po yongs su gtong ba dang / gzhan la zang zing gis phan 'dogs pa'o// de la/ sogs pa'i gnas med pa gang zhe na/ 'di lta ste/ zang zing la smod pa dang / srung ba'i nyes pa mthong ba'o// de la tshul khrims bsngags pa gang zhe na/ 'di lta ste/ tshul khrims yongs su rigs pa'o/ / de la 'chal pa'i tshul khrims la smad pa gang zhe na/ 'di lta ste/ 'chal pa'i tshul khrims kyi nyes pa khong du chud pa'o// de la tshul khrims phun sum tshogs pa dag la g.yo med par sten pa gang zhe na/ 'di lta ste/ tshul khrims dang ldan pa la rnyed par dka' ba'i 'du shes su shes so// de la yod pa thams cad gtong ba gang zhe na/ 'di lta ste/ bsam pa dge ba'o// / de la lhag pa'i bsam pas mgron du gnyer ba gang zhe na/ 'di lta ste/ pha rol la bde ba 'dod pa'o// de la smras pa bzhin byed pa gang zhe na/ 'di lta ste/ bsam pa dge ba phun sum tshogs pa'o// / de la rgyun mi chad par brnyen bkur byed pa gang zhe na/ 'di lta ste/ dge ba gang yin zhes tshol zhing 'dri ba'o// de la dga' ba myong ba gang zhe na/ 'di lta ste/ khong du chud pa'i shes pa dang lung gi shes pa'o/ / de la dpe shes pa gang zhe na/ 'di lta ste/ 'dra ba shes pa dang / gdams pa shes pa'o// de la ston byung ba la mkhas pa gang zhe na/ 'di lta ste/ skye ba dran pa dang / thos pa mang ba'o// de la dge ba'i rtsa ba sngon du 'gro ba gang zhe na/ 'di lta ste/ byang chub la shin tu 'dun pa dang / gzhan dag kyang spro bar byed pa'o// de la thabs mkhas pa gang zhe na/ 'di lta ste/ so sor 'chags pa dang // rjes su yi rang ba dang / gsol ba 'debs pa dang / dge ba'i rtsa ba yongs su bsngo ba la mkhas pa'o// de la mtshan ma spong ba gang zhe na/ 'di lta ste/ chos rnams rmi lam lta bur rtogs nas/ dngos de rnam par 'jig pa'o/ / de la 'du shes zlog pa gang zhe na/ 'di lta ste/ phyin ci log 'dor ba'o// de la dngos po'i mtshan nyid gang zhe na/ 'di lta ste/ mtshan nyid med par shes pa'o// de la mdo sde mngon par bsgrub pa la mkhas pa gang zhe na/ 'di lta ste/ dge ba dang / mi dge ba'i chos yang dag pa ji lta ba rnams dpa dang rtogs pa brjod pas yang dag par rab tu ston pa'o// de la bden// pa rnam par gtan la dbab pa gang zhe na/ 'di lta ste/ rnam par shes pa 'gog pa dang / ming dang gzugs mi skye ba'o// de la rnam par grol ba mngon sum du byed pa gang zhe na/ 'di lta ste/ rdo rje lta bu'i ting nge 'dzin las mi g.yo ba dang / mi 'khrug pa'o// de la gcig tu brjod pa gang zhe na/ 'di lta ste/ mu stegs can gyi gnas smad pa dang / mi skye bar shes pa'o// de la mi 'jigs pa/ thob pa gang zhe na/ 'di lta ste/ sangs rgyas chos rnams rtogs shing stobs bskyed pa'o// de la tshul khrims kyi gnas gang zhe na/ 'di lta ste/ lus kyi sdom pa dang / so sor thar pa'i sdom pa'o/ / de la snyoms par 'jug pa la 'jug pa gang zhe na/ 'di lta ste/ khams gsum la 'dod chags dang bral ba'o// de la shes rab thob pa gang zhe na/ 'di lta ste/ nus pa shes pa dang mi dmigs pa'o/ / de la gcig pur dga' ba gang zhe na/ 'di lta ste/ 'du 'dzi'i nyes pa rnam par spong ba dang / chos dkar po mi gtong ba'o// de la shes kyi khe chung ngus chog shes pa gang zhe na/ 'di lta ste/ ngan ngon gyis mgu ba'o// de la sems la rnyog pa med pa gang zhe na/ 'di lta ste/ sgrib pa rnams rnam par gnon pa'o// de la lta bar byas pa rnam par spong ba gang zhe na/ 'di lta ste/ dmigs pa'i lta ba rnam par spong ba'o// de la gzungs thob pa gang zhe na/ 'di lta ste/ chos ji ltar mthong ba'i rnams yang dag pa ji lta ba bzhin du chags pa med par rab tu / pa'o// de la ye shes snang ba gang zhe na/ 'di lta ste/ rang bzhin la 'jug pa'o// de la gnas pa gang zhe na/ 'di lta ste/ tshul khrims kyi gnas so// de la gzhi gang zhe na/ 'di lta ste/ sems kyi gzhi'o/ / de la rten gang zhe na/ 'di lta ste/ dad pa la rten pa'o// de la nan tan gang zhe na/ 'di lta ste/ lam gyi nan tan no// de la rgyu gang zhe na/ 'di lta ste/ ma rig pa 'khor ba'i rgyu'o// de la rig pa gang zhe na/ 'di lta ste/ rigs pa ni thar pa'i rigs pa'o// de la tshul gang zhe na/ 'di lta ste/ sred pa rab tu spangs pa'o// de la sgo gang zhe na/ 'a di lta ste/ nyes pa spangs pa'o// de la/ lam gang zhe na/ 'di lta ste/ mi rtag pa dang / sdug bsngal ba dang / stong pa dang bdag med pa shes pa'o// de la sa gang zhe na/ 'di lta ste/ smon pa med pa'i sa bcu'o// de la skyes pa dang bral ba gang zhe na/ 'di lta ste/ skye ba bcad pa'o// de la ye shes kyis gang zhe na/ 'di lta ste// rmongs pa med pa'o// de la mi shes pa spangs pa gang zhe na// 'di lta ste/ gti mug spangs pa'o// de la ye shes gnas pa gang zhe na/ 'di lta ste/ mi gnas pa'o// de la rnal 'byor spyod pa'i sa gang zhe na/ 'di lta ste/ byang chub kyi phyogs kyi chos sum cu rtsa bdun gyi chos rnams sgom pa'o/ / de la byang chub sems dpa'i spyod yul gang zhe na/ 'di lta ste/ pha rol tu phyin pa drug go/ de la skyes bu dam pa sten pa gang zhe na/ 'di lta ste/ sangs rgyas la bsten pa'o// de la skyes bu dam pa ma yin pa spangs pa gang zhe na/ 'di lta ste/ mu stegs can dmigs par lta ba rnams rnam par spong ba'o// de la de bzhin gshegs pas gsungs pa gang zhe na/ 'di lta ste/ sangs rgyas kyi stod la gnas pa nas rang bzhin shes pas thar pa'o/ / de la sangs rgyas kyi sa gang zhe na/ 'di lta ste/ dge ba'i chos thams cad thob pa'o// de la mkhas pas rjes su yi rang ba gang zhe na/ 'di lta ste/ 'das pa dang / ma byon pa dang / da ltar byung ba'i sangs rgyas bcom ldan 'das dang / nyan thos dag gis rjes su yi rang ba'o// de la byis pa dag gis spangs pa gang zhe na/ 'di lta ste/ byis pa thams cad kyis rig par dka' ba'o// de la nyan thos dang / rang sangs rgyas kyis shes par dka' ba gang zhe na/ 'di lta ste/ sangs rgyas kyis chos bsam gyis mi khyab pa'o// de la mu stegs can gyis yin pa gang zhe na/ 'di lta ste/ rnal 'byor pa dag gis log pa'i nga rgyal lo// de la byang chub sems dpa' dag gis yongs su gzung ba gang zhe na/ 'di lta ste/ rnyed par dka' bapa dang rtsi chen por gyur pa'o/ / de la stobs bcu dag gis khong du chud pa gang zhe na/ 'di lta ste/ dka' ba'i tshul gyis so// de la lha rnams kyis mchod par bya ba gang zhe na/ 'di lta ste/ bde ba thams cad thob par byed pa'i phyir ro/ / de la tshangs pa dag gis phyag bya ba gang zhe na/ 'di lta ste/ thar pa thams cad thob par byed pa'i tshul gyis so// de la klu rnams kyis phyag bya ba gang zhe na/ 'di lta ste/ bag chags thams cad gcod pa'i phyir ro// de la gnod sbyin dag gis rjes su yi rang bar bya ba gang zhe na/ 'di lta ste/ ngan 'gro thams cad kyi lam gcod pa'i phyir ro// de la mi 'am ci dag gis phyag bya ba gang zhe na/ 'di lta ste/ thar pa'i rab tu bde ba thams cad thob par bya ba'i phyir ro// de la lto 'phye chen po dag gis rab tu bsngags pa gang zhe na/ 'di lta ste/ 'khor ba gcod pa'i phyir ro// de la byang chub sems dpa' dag gis bsgom par bya ba gang zhe na/ 'di lta ste/ thams cad mkhyen pa'i ye shes thob par byed pa'i phyir ro// de la mkhas pa dag gis kun chub par bya ba gang ni nA/ 'di lta ste/ phyir mi ldog pa'i sa thob par bya ba'i phyir ro// de la nor bla na med pa gang zhe na/ 'di lta ste/ lha dang mi'i skye dgu phun sum tshogs pa thob par byed pa dang / thar pa thob par byed pa'i phyir ro/ / de la sbyin pa zang zing med pa gang zhe na/ 'di lta ste/ nyon mongs pa thams cad gcod pa'i phyir ro// de la rna ba rnams kyi rtse gang zhe na/ 'di lta ste/ 'dod chags dang zhe sdang dang / gti mug rab tu zhi bar byed pa'i phyir/ / de la mdzod shes pa gang zhe na/ 'di lta ste/ bsgom pa'i phyir ro// de la spobs pa mi zad pa gang zhe na/ 'di lta ste/ yang dag pa ji lta ba bzhin du shes pa dang mthong ba'i phyir ro// de ya mya ngan dang bral ba gang zhe na/ 'di lta ste/ gnod pa dang / sdug bsngal don med par rtogs shing 'byung ba dang / sdug bsngal bdag med par shes pa'i phyir ro// de la khams gsum yongs su shes pa gang zhe na/ 'di lta ste/ sgyu ma dang rmi lam lta bur rtogs pa'o// de la pha rol tu 'gro ba dag gi gzings gang zhe na/ 'di lta ste/ lhag pa'i bsam pas yongs su mya ngan las 'da' bar 'dod pa dag mi rtag pa dang / sdug bsngal ba dang / stong pa nyid du bsgom pa'i phyir ro// de la chu bo'i nang du song bdag gi gru gang zhe na/ 'di lta ste/ mya ngan las 'da' ba thob par bya ba'i phyir ro// de la snyan pa 'dod pa dag gi grags pa gang zhe na/ 'di lta ste/ chos rgya chen po thob par byed par bya ba'i phyir ro// de la sangs rgyas rnams kyis bsngags pa gang zhe na/ 'di lta ste/ yon tan mtha' yas pa'i rtsi'i sbyin bdag tu gyur pa'i phyir ro/ / de la de bzhin gshegs pa rnams kyis snyan pa gang zhe na/ 'di lta ste/ yon tan dang bde ba thams cad dang thar pa'i sbyin bdag tu gyur pa'i phyir ro// de la stobs bcu dag gis bstod pa gang zhe na/ 'di lta ste/ chos rin po che rnyed par dka' ba'i sbyin bdag tu gyur pa'i phyir ro// de la byang chub sems dpa' rnams kyi yon tan gang zhe na/ 'di lta ste/ chos 'di la bslabs pa'i phyir ro/ / de la snying rje can dag gi btang snyoms gang zhe na/ 'di lta ste/ sangs rgyas kyi bya ba byas pa'i phyir ro// de la byams pas zhe sdang zhi ba gang zhe na/ 'di lta ste/ gnyen por gyur pa'i phyir ro/ / de la theg pa chen po pa rnams dbugs 'byin pa gang zhe na/ 'di lta ste/ sangs rgyas kyi chos la bsam pa thams cad yongs su rdzogs pa'i phyir ro// de la seng ge'i sgra sgrogs pa dag gi nan tan gang zhe na/ 'di lta ste/ chos kyi mchog dang chos kyi dam pa thob par bya ba'i phyir ro// de la sangs rgyas kyi ye shes kyi lam gang zhe na/ 'di lta ste/ dge ba'i chos thams cad thob par byed pa'i phyir ro/ / de la chos thams cad kyi phyag rgya gang zhe na/ 'di lta ste/ pha rol nas tshu rol rtogs pa'i phyir ro// de la thams cad mkhyen pa'i ye shes mi 'phrogs pa gang zhe na/ 'di lta ste/ mi dge ba'i chos thams cad spong bar 'gyur ba dang / dge ba'i chos thams cad sgrub pa dang / thar pa thams cad sgrub par 'gyur ba'o// de la byang chub sems dpa' rnams kyi bskyed mos tshal gang zhe na/ 'di lta ste/ bdag gi bde ba dang dga' ba dang / mgu ba thams cad kyis sems can thams cad kyi bde ba sgrub pa'i phyir ro// de la bdud kyi sde rnams 'jig par byed pa gang zhe na/ 'di lta ste/ stobs thams cad yongs su sgrub pa dang / nyon mongs pa thams cad zhi bar byed pa'i phyir ro// de la bde bar 'gro ba'i rig pa gang zhe na/ 'di lta ste/ gtse ba thams cad zad par 'gyur ro// de la don grub pa rnams kyi don gang zhe na/ 'di lta ste/ phun sum tshogs pa thams cad yongs su grub pa'i phyir ro// de la dgra'i nang du song ba'i skyabs gang zhe na/ 'di lta ste/ dmigs pa can thams cad dang / log par lta ba rnams la pham par byed par 'gyur ba'o// de la chos dang ldan pas mu stegs can rnams tshar gcod pa gang zhe na/ 'di lta ste/ chos dang ldan pas mu stegs can tshar gcod pa'o/ / de la mi 'jigs pa'i bden pa'i rnam pa gang zhe na/ 'di lta ste/ chos thams cad yongs su brtag pa dang / phyir brtag pa gnon pa'i phyir ro// de la stobs rnams yang dag btsal ba gang zhe na/ 'di lta ste/ ma log pa'i tshul gyis so// de la sangs rgyas kyi chos ma 'dres pa bco brgyad kyi snga ltas gang zhe na/ 'di lta ste/ dkar po'i chos thams cad thob par byed pa'i phyir ro// de la brgyan gang zhe na/ 'di lta ste/ skyes bu chen po'i mtshan sum cu rtsa gnyis thob par byed pa'i phyir ro// de la thar pa 'dod pa dag gi dga' ba gang zhe na/ 'di lta ste/ thog ma dang dbus dang tha mar dge ba'i phyir ro/ / de la bu'i thu'i dag gi dga' ba gang zhe na/ 'di lta ste/ pha'i nor/ sangs rgyas kyi nor myong ba thob par byed pa'i phyir ro// de la sangs rgyas kyi ye shes rdzogs pa gang zhe na/ 'di lta ste/ dkar po'i chos thams cad rjes su srung ba dang / dkar po'i chos thams cad gzhan ma yin par gso ba thob par bye ba'i phyir ro// de la nyan thos dang / rang sangs rgyas thams cad kyis ma yin pa gang zhe na/ 'di lta ste/ sangs rgyas kyi chos dpag tu med pa rgya chen po yongs su sgrub pa'i phyir ro// de la sems rnam par dag pa gang zhe na/ 'di lta ste/ dri ma thams cad mos/ spong bar 'gyur ba'o// de la lus yongs su dag pa gang zhe na/ 'di lta ste/ nad thams cad rab tu zhi ba'i phyir ro// de la rnam par thar pa 'dod pa rnams kyi yongs su rdzogs pa gang zhe na/ 'di lta stemi rtag pa dang sdug bsngal ba dang stong pa dang / bdag med pa dang zhi bar so sor rtog pa yongs su sgrub pa'i phyir ro// de la 'dod chags kyis kun nas nyon mongs pa med pa gang zhe na/ 'di lta ste/ mi 'chi ba'i gnas yongs su grub pa'i phyir ro/ / de la zhe sdang dang bral ba gang zhe na/ 'di lta ste/ byams pa chen po yongs su sgrub pa'i phyir ro// de la gti mug gis ma yin pa gang zhe na/ 'di lta ste/ chos yang dag pa nyid yongs su grub pa'i phyir ro/ / de la ye shes 'byung ba gang zhe na/ 'di lta ste/ 'jig rten pa dang 'jig rten las 'das pa'i dgongs pa shes pa thams cad skye ba'i phyir ro// la rig pa skye ba gang zhe na/ 'di lta ste/ tshul bzhin yid la byed pa thams cad yongs su grub pa'i phyir ro// de la ma rig pa spong ba gang zhe na/ 'di lta ste/ tshul bzhin ma yin pa yid la byed pa dang bral bar 'gyur ba'o/ / de la rnam par grol ba'i snying pos ngoms pa gang zhe na/ 'di lta ste/ 'phags pa'i che ba nyid yongs su sgrub pa'i phyir ro// de la ting nge 'dzin gyi snying por byed pa dag gi mgu ba gang zhe na/ 'di lta ste/ bde ba dang dga' ba'i bde ba thams cad dang / sems rtse gcig yongs su 'grub pa'i phyir ro// de la mthong ba 'dod pa rnams kyi mig gang zhe na/ 'di lta ste/ bdag nyid lta ba'i phyir ro// de la rnam par 'phrul par 'dod pa rnams kyi mngon par shes pa gang zhe na/ 'di lta ste/ sgrib pa med pa dang 'dod par 'gyur ba'i chos nyid kyi phyir ro// de la mngon par bsgrubs par 'dod pa rnams kyi rdzu 'phrul gang zhen/ 'di lta ste/ chos thams cad la mi rtog pa'i shes pa sgrib pa med pa'i phyir ro// de la thos par 'dod pa rnams kyi gzungs gang zhe na/ 'di lta ste/ chos thams cad mya ngan las 'das pa dang mnyam pa'i phyir ro/ / de la dran pa mi nyams pa gang zhe na/ 'di lta ste/ mya ngan las 'das par dmigs pa rang bzhin gyis rnam par zhi ba'i phyir ro// de la sangs rgyas rnams kyi byin gyis brlabra pa gang zhe na/ 'di lta ste/ mtha' yas pa yongs su sgrub pa'i phyir ro// de la mgon po rnams kyis thabs mkhas pa gang zhe na/ 'di lta ste/ thams cad bde ba dang legs par 'gro ba'i phyir ro// de la phra mo gang zhe na/ 'di lta ste/ mya ngan las 'das pa la dmigs pa rnam par zhi ba'i phyir ro// de la shes par dka' ba gang zhe na/ 'di lta ste/ so sor rig par dka' ba'i phyir ro// de la mi brtson pa rnams kyis rig par dka' ba gang zhe na/ 'di lta ste/ sngon ma thob pa'i phyir ro// de la yi ge rnams ldog pa gang zhe na/ 'di lta ste/ tshig gi lam thams cad mi dmigs pa'i phyir ro// de la sgra shes par dka' ba gang zhe na/ 'di lta ste/ chos thams cad bsam gyis mi khyab pa'i phyir ro// de la mkhas pa dag gi yongs su shes pa gang zhe na/ 'di lta ste/ rin po che don che ba'i phyir ro// de la nges pa dag gis shes pa gang zhe na/ 'di lta ste/ bkur sti kun shes pa'i phyir ro// de la 'dod pa nyung bas rtogs pa gang zhe na/ 'di lta ste/ bkur stis mi skyed pa'i phyir ro// de la brtson 'grus brtsams pa rnams kyis gzung ba gang zhe na/ 'di lta ste/ brtson pa mi 'dor ba'i phyir ro// de la dran pa can gyis bcangs pa gang zhe na/ 'di lta ste/ byas pa chud mi za ba'i phyir ro// de la bsdug bsngal zad pa gang zhe na/ 'di lta ste/ 'dod chags dang zhe sdang dang gti mug spong bar 'gyur ba'i phyir ro// de la chos mi skye ba gang zhe na/ 'di lta ste/ rnam par shes pa thams cad 'gogs par 'gyur ba'i phyir ro// / de la brtan pa gcig gang zhe na/ 'di lta ste/ srid pa'i 'gro ba dang 'chi 'pho dang skye ba'i gnas thams cad rmi lam lta bu'o zhes chos thams cad mi skyed pa'i phyir ro// 'di na tshig sum brgya po 'di rnams rgyas par bstan pa rig par bya ste/ gzhon nu 'di ni chos thams cad kyi rang bzhin mnyam pa nyid rnam par spros pa'i ting nge 'dzin ces bya'o// de nas bcom ldan 'das kyis de'i tshe tshigs su bcad pa 'di dag gsungs so/ / sangs rgyas chos ni rgya che ste// tshul yang rgya cher bstan pa yin// chos rnams rgya cher bstan pas na// yon tan rgya chen thob par 'gyur/ / ji ltar nam mkha' rgya che bas// chos kyi mtshan nyid de bzhin te// rin chen 'od zer rgya cher gang // de phyir shin tu rgyas shes bya// sems can spyod pa rgya che ste// de dag bstan pa'ang rgya che'o// lung gi don yang rgya che bas/ / de phyir shin du rgyas shes bya// chos thams cad kyi rang bzhin mnyam pa nyid rnam par spros pa'i ting nge 'dzin nges par bstan pa'i chos kyi rnam grangs 'di bcom ldan 'das kyis bshad pa na/ sems can dpag tu med pa dag gis/ bla na med pa yang dag par rdzogs pa'i byang chub tu sems bskyed do// sems can dpag tu med pa dag kyang bla na med pa yang dag par rdzogs pa'i byang chub phyir mi ldog par gyur to// sem can dpag tu med pa dag rang byang chub tu sems skyes so/ / sems can dpag tu med pa dag dgra bcom pa'i 'bras bu mngon du bya ba la sems skyes so// stong gsum gyi stong chen po'i 'jig rten gyi khams 'di yang rnam pa drug tu g.yos/ rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs/ chem chem rab tu chem chem/ kun tu rab tu chem chem/ 'ur bur rab tu bur bur/ kun tu rab tu 'ur bur/ shar phyogs dma' na nub phyogs mtho// nub phyogs dma' na shar phyogs mtho/ / byang phyogs dma' na lho phyogs mtho// lho phyogs dma' na byang phyogs mtho// mtha' dma' na dbus mtho// dbus dma' na mtha' mtho ste// 'jig rten du snang ba dpag tu med pa dag byung bar gyur to/ / lha'i spos kyi char chen po yang mngon par bab bo// lha dag kyang me tog gi char chen po gtong ngo // lha'i sil snyan brgya stong dag kyang steng gi bar snang la brdung ngo // lha'i na bza' dag kyang steng gi nam mkha' la g.yob cing tshig 'di skad ces zer ro/ / gang gis snying rje chen po la 'jug pa'i chos kyi rnam grangs 'di thos par 'gyur ba'i sems can de dag ni rnyed pa legs par rnyed pa yin te/ sems can de dag sangs rgyas mang po la bsnyen bkur byas par 'gyur ro// gang gi chos thams cad kyi rang bzhin mnyam pa nyid rnam par spros pa'i ting nge 'dzin 'di thos par 'gyur zhing / thos nas kyang yi ger 'dri ba dang / 'dzin pa dang // klog pa dang / kun chub par byed pa dang / nyon mongs pa med par sgom pas bsgom pa dang / mang du byed pa dang / gzhan la yang rgya cher yang dag par rab tu ston pa de dag ni/ sems can thams cad kyi sbyin gnas su 'gyur ro// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di khyod kyis zung shig/ lhogs shig/ kun nub par gyis shig/ gzhan la yang rgya nga dag par ra stan rtsa/ de nas bcom ldan 'das la tshed/ ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ ji ltar gzung bar bgyi/ bcom ldan 'das kyis bka' stsal pa/ kun dga' bopo mdo sde 'di snying rjes chen po la 'jug pa zhes bya bar zung shig/ chos thams cad kyi rang bzhin mnyam pa nyid rnam par spros pa'i ting nge 'dzin ces bya bar zung shig/ kun dga' bos gsol pa/ bcom ldan 'das chos kyi rnam grangs 'di bdag gis bzung lags so// bcom ldan 'das kyis de skad ces bka' sprul pa dang / zla 'od gzhon nur gyur pa dang / tshe dang ldan pa kun dga' bo dang / 'khor bzhi po dge slong dang / dge slong ma dang / dge bsnyen dang dge bsnyen ma de dag dang / gnas gtsang ma'i ris kyi lha'i bu du ma dag dang / lha dang mi dang / lA ma yin dang / dri zar bcas ba'i 'jig rten yi rangs te/

CLOSE WINDOW