/ rgyud 'di bsam pas grub pa yin/ rgya gar skad du/ shrI ma hA kA la tan+t+ra/ bod skad du/ dpal nag po chen po'i rgyud/ dbang gi rta mchog sku la phyag 'tshal lo/ / 'di skad bdag gis thos pa dus gcig na/ shar lho'i dur khrod chen po ha ha drag tu dgod pa'i gnas shing tsan dan gyi nags kyi tshal rab tu dga' ba'i ming zhes bya ba mi ma yin pho mo mang po 'dus pa'i pho brang du/ dpal nag po chen po zhes bya ba bi na ya ka la sogs te 'khor gdug pa can rnams kyi dbus na skye 'gro sems can rnams kyi srog dbugs la dbang byed pa'i nag po chen po zhes bya ba gcig yod de/ de'i tshe de'i dus na nub phyogs kyi 'jig rten gyi khams na mthar byed rta'i rgyal po zhes bya ba rgyal po chen po bzhi la sogs pa'i 'khor gyis bskor te/ dregs pa can 'dul ba'i ting nge 'dzin la snyoms par zhugs nas lcags kyu'i phyag rgya bcas nas/ oM badz+ra kro d+ha ha ya grI ba hUM hu lu hu lu hUM baM/ zhes brjod pas/ dur khrod ha ha drag tu dgod pa'i gnas nas nag po chen po rang dbang med par mthar byed rta'i rgyal po'i mngon du byung ste las ci bya zer zhing rang rtags srog gi snying po 'di mdongs gsol du phul kha/ oM badz+ra ma hA kA la k+Shi k+She tra big+h+nAM bin+d+rA ya ka hUM hUM phaT/ ces phul lo// dpal nag po chen po'i rgyud las/ gleng gzhi'i le'u ste dang po'o// / de nas rgyal po mig mi bzang gis/ / mthar byed rta'i rgyal po la 'di skad ces gsil to// oM ma pad+ma khros pa'i bdag/ nag po chen po drag shul can// gsang ba'i sgrub pa bshad du gsol// mgon po bsgrub par bya ba gang // gsad cing lus srog dbye ba dang / / ma grub shis bstan pa dang // mgon po'i rtags dang ser ba rnams// rta mchog chen pos bdag la gsol// zhes zhus pas/ de nas pad+ma khros pa yis// nag po'i sgrub thabs ched du brjod// dam tshig ldan pa'i sngags pa yis// sangs rgyas bstan pa bsrung slad du// gza' skar tshe sa grangs shis pa la// dur khrod la sogs shing gcig tu// bsod nams tshogs ni bsags byas la// nag po chen po bsgrub par bya/ / phung sa'am sa nag dag la ni// stegs bu gru bzhi byas nas ni// dri spos khrag gis chag chag bya// dbus su gru gsum zla gam ldan// phyi rol pad+ma 'dab brgyad bri// de dbus thod chen nang du ni// sha lnga snying snas brgyan pa yi/ / gtor ma bshos bu khru gang tshad// de la mda' gzugs dmar nag dar// gri snying tsaka li yang gzugs// de nyid mgon po'i rten du gzhag/ Da ma ru yi pags pa'i nang // mgon po'i srog sngags bri bar bye/ / sngo yi nang du ma rdos sril// spos dang rgyun gtor gtang bar bya// dkon mchog skyil mchod pa bsham// de nas pad+mar bdag bsgoms pa/ khrugs ka'i rna las bod 'bros pas// bla ma sangs rgyas la sogs pa/ rang gi mdun du bsam byas la// mchod pa rnam lnga dbul bar bya// rnam dag bdun gyi 'og tu ni// tshad med bzhi po bsgom par bya// btang snyoms la sogs pa raM tri// bad stengs yi ge hUM las ni// nag po zhal gcig phyag drug pa/ / gri gug 'phrang ba Da ma ru// thod pa mdung dang zhags pa rnams// g.yas g.yon rim pas bsnams pa'o// sbrul dang rin chen rgyan gyis brgyan// sku smad pa ti khra bo gsol// stag lpags zhing gi sham thams can/ / gtum po spyan gsum mche ba gtsigs// dpral bar dri yi thig les brgyan// spyi gtsug mi bskyod sprul sku bstan// de ltar bdag mdun gsal bsgoms nas// spyan drangs mchod dang bzlas pa bya/ / gtor ma pU dza la sogs pas// nag po che la sbyin par bya// mgon po'i thugs ka'i hUM las ni// srog gi yi ge g.yas nas bskor// khor yug dag gis bzla bar bya// oM badz+ra ma hA kA la k+Shi k+She tra big+h+nAM bi nA ya ka hUM hUM phaT/ de skad ces ni rab brjod pas// nag po grub pa'i rtags rnams 'byung // dpal nag po chen po'i rgyud las/ bsnyen cing sgrub pa'i le'u ste gnyis pa'o// / de nas yang dag bshad bya ba/ sangs rgyas bstan pa bshig pa dang // rnal 'byor bar chad byed pa rnams// nag po chen pos bsgral 'dod na// stegs bu gru bzhi byas nas kyang // drag po a yi nang du ni// pho mo rabs chad thod pa'i nang // gzugs ri spra tshil dag la bya/ / ming rus dag ni bkod nas kyang // gsad dang na ba skabs dang sbyar// mgon po'i sku dang dam rdzas rnams// kha dang kha la dgod par bya// phag thod nang du thun rdzas blugs// rtag gtor rgyun gtor gay+ra dang / gas rtags pa da lasags dpa thA/ oMms gas kI ThA rnas pa sa sak+Sha sa gas sa sa pa ts+tsha kyil mams ma r-i Ni pa di pra ti dz+r-i s+pha ra si tadra id/ d+yaSh+Ta kha ga bA hi khA hi/ mA ra mA ra/ gr-ih+Na g+hah+na/ ban+d+ha ban+d+ha/ han ha na/ da ha de ha/ ba tsa ba tsa/ di ni me ken dgra bo mA ra ya hUM hU~M phaT phaT/ hUM bi nA ya kaM bi la sa traM bi hri d+hU dza sa mi bu bin+da ya ka a mu ka bri srog hur thum dza mA ra ya rbe da/ drag sngags bzlas shing thun gyis brab// zhag bdun par du smra mi bya// de la rtags rnams rdzogs par 'gyur// dpal nag po chen po'i rgyud las/ lus srog dbye ba'i le'u ste gsum pa'o/ / / de nas yang dag par bshad bya// las mtha' sbyin sreg dag gis brtul// gru gsum dbus su gdug pa'i shing // dbus su nag po 'khor bcas bskyed// ling ka gtor ma dam rdzas rnams/ / nag po'i zhal du dbul bar bya// sngags 'di bzlas shing bsreg par bya// ag+ni dz+wa la raM las rdzogs// thal ba rlung dmar dag la bskur// a mu ka ni myur du rlag/ dpal nag po chen po'i rgyud las// mtha' brtul ba'i le'u ste bzhi pa'o// / de nas yang dag bshad bya ba// de ltar bsgrubs kyang ma grub na// gcig dang gnyis la nan tan bskyed// de ltar byas kyang ma grub na// sa gsum khrag gsum dug gsum la/ / khru gang ba yi gzugs kyi tshad// gru gsum dbus su nag po'i gzugs// spyi tshar dag tu lding du gzhug/ bris skud ma rdzas bla rdo rnams// rang gi gru gsum mal gyi 'og/ dug dang tsher mas steng nas dgab/ / thun rdzas brab cing sngags 'di bzlas// oM badz+ra kro d+ha ha la gri ba hUM hu lu hu lu hUM phaT/ phaT hUM hUM ka ya nA big+h+nAM bi trak+She k+ShaM la kA sA ma badz+ra oM/ de skad brjod cing thun gyis brab// de la rtags rnams rdzogs pa dang / / de nas gso ba'i cho ga bya// bris sku bla rdo dam rdzas rnams// spos chus bkru zhing sngags 'od bzlas// oM badz+ra ma hA kA la k+Shi k+She tra big+h+nAM bi nA ya ka hUM hUM phaT sos sos swA hA/ de skad byas la kan+da su ni/ mgon po'i gzugs kyang spos chus bkru// gru gsum dbus su blangs byas la// dgra bo'i ming rus snying khar gzhug/ zhag bdun bsgrubs la dgra la bskyal// a mu ka ni myur du rlag/ dpal mgon po nag po'i rgyud las/ ma grub na spogs pa'i cho ga dang gso ba'i le'u ste lnga pa'o// // de nas yang dag bshad bya ba// bya nag 'phur zhing lding ba dang // mon pa a tsa ra dang ni// dge ba shes ban d+he slob dpon dang / / 'od dang sgra dang khang pa 'tshe// mgon po'i sku dag dngos su mthong // dgra la dmag drangs sems can bsad// mi nag dag la snying stobs dang // mdze bo dang ni sprang po dang // bya nag thang la lhung ba 'byung / / dpal mgon po nag po'i rgyud las/ rtags kyi rim pa'i le'u ste drug pa'o// / de nas yang dag bshad bya ba// ser ba dbab pa'i las bya na// mon nam mdze can thod pa ru/ 'khor lo rtsibs bzhi bris nas kyang // rigs lnga klu yi sa bon dpod// rtsibs mtshan ser srun ming rus dang // yul du phob ces bya ba bri// de mthar 'khor lo rtsibs dgu la// dregs pa'i sngags ni bri bar bya// @rgyab tu gang yin yul ming dang // rlung gi snying po bri bar bya// bdag nyid pad+ma khros par bsgom// gsang sngags 'di yis gnad la bor// oM badz+ra ma hA kA la k+ShaM kA tra big+h+nAM bi na ya ka hUM hUM phaT/ nA ga snying gzer/ phu hur thum dza khro shar hri la b+h+yo/ de skad ces ni rab brjod la// nyungs kar nyungs nag ske tshe dang // khrag dang dug gis thod par brab// lo 'bras rlung khyer rtags byung na// dgra yi su la du dbab par bya// gal te 'jig rten phung ba'o// dpal mgon po nag po'i rgyud las/ ser ba dbab pa'i le'u ste bdun pa'o// / de nas yang dag nges gsungs pa// e ma 'khor 'dus ngo mtshar can// ma 'ongs dam can sgrub byed na/ / dam tshig la gnas sdom pa gzung // gtor ma dag la brtson par bya// dam rdzas bla rdo lus la bsrel// zhes gsungs pas/ rgyal po mig mi bzang la sogs pa'i 'khor rnams yi rangs nas/ nag po chen pos bstan pa srung bar khas blangs nas mi snang bar gyur to// dpal nag po chen po'i rgyud las le'u brgyad pa rdzogs so// rgya gar gyi mkhan po a mo g+ha badz+ra dang / bod kyi lo tsa ba pur bu 'od kyis bsgyur ba'o/

CLOSE WINDOW