rgya gar gyi mkhan po d+harma shrI mi tra dang / bod kyi lo tsa ba dge slong chos kyi bzang pos bsgyur cing zhus te gtan la phab pa'o// / rgya gar skad du Ar+ya badz+ra kro d+ha rA dzA kalpa la g+hu tan+t+ra nA ma/ bod skad du/ 'phags pa rdo rje khro bo'i rgyal po'i rtog pa bsdus pa'i rgyud ces bya ba/ dpal 'jam pa'i dbyangs la phyag 'tshal lo// 'di skad bdag gis thos pa dus gcig na/ bcom ldan 'das gzhan 'phrul dbang byed kyi nam mkha'i rlung gi dkyil 'khor rdo rje snying por byin gyis brlabs pa'i steng du rin po che sna bdun las grub pa/ lha'i gzhal med khang bye ba phrag brgyad cus bskor ba'i dbus su dpag tshad 'bum phrag khyab pa'i khang pa brtsegs ma shin tu mtho ba/ kun kyang rin po che du ma'i khri pad+ma dang seng ges mtho ba/ dbu rtsa rin po che zur mangs kyi mchod rten pad+ma/ 'khor lo dang gdugs mtho bar drangs pa la dar gyi spyangs lding ba/ de'i grib ma sa gzhi la bkod pa na byang chub sems dpa'i tshogs rnams lha'i bzhon pa las babs nas nang du gshegs pa/ sna tshogs dril bu dang / ba dan dang / rin po che'i me tog gi 'phreng ba dang / dra ba dang dra phyed pa dang / rdza yab dang / zla ba phyed pa dang / rdo rje phyed pa dang / chu 'phyang shar bu la sogs pa du mas mdzes pa/ sgo khyud khyams dang / sgo glegs dang / rin po che'i me long dang / gdugs la sogs pa du mas khyab pa/ rin po che'i pha gu brtsigs te mdzes par byas pa du ma de thams cad kyi dbus su 'khor gyi dkyil 'khor chen po dang ldan cig tu bzhugs so/ / dbang 'di lta ste/ byang chub sems dpa'i tshogs ni 'phags pa spyan ras gzigs kyi dbang phyug dang / 'jam dpal dang / kun tu bzang po dang / byams pa dang / sgrib pa thams cad rnam par sel ba dang / zhi ba'i blo gros dang / sna tshogs bkram pa dang / mkha' 'od me tog 'chad pa dang / nam mkha'i snying po dang / gzugs mdzes dag pa dang / sa'i snying po dang / phyag na rdo rje la sogs pa byang chub sems dpa' sems dpa' chen po bye ba phrag bdun dang / shA ri'i bu dang / mo'u 'gal dang / rta thul dang / 'od srungs la sogs pa bye ba phrag bzhi dang / brags chen snyan pa chen po brgya byin dang / tshangs pa dang / khyab 'jug dang / dbang phyug dang / lus ngan dang / gshin rje dang / dga' rab dbang phyug la sogs pa lha'i rigs sum brgya dang lhan cig tu chos kyi rnam grangs gsang sngags zhes bya ba la 'jug pa gang zhig byang chub sems dpa' dang / nyan thos dang / 'jig rten skyong ba la sogs pa rnam pa du ma dang ldan pa'i 'khor rnams la dgongs pa tha dad kyi bsam pa dang 'thun pa'i bkod pa chen po bskyed pa dang / cho 'phrul du ma bsgyur ba dang / 'od zer du ma 'gyed cing thabs cig tu bzhugs so// de nas bcom ldan 'das kyis 'dzum bzhin du 'khor la gzigs nas ljags kyi dbang po bkram ste/ byang chub sems dpa' sems dpa' chen po phyag na rdo rje la bka' stsal pa/ yi ge ming tshig dag gi sgos// sngags dbyibs chos su byin brlabs kyis// yi ge sgra tsam phyed dam gcig/ mngon sum rjes 'jug ring thung dang / dbyangs dang gsal byed mtshon mas mtshan// sa bcu pha rol phyin bcu ba dag/ dbang bcu don bcu rnam pa bcu// mi 'jigs bzhi dang ma 'dres chos// / byams dang thugs rje chen po dag/ dbyangs gcig gis ni sngags su gyis// sdug bsngal sna tshogs rab zhi dang // yid 'phrog dpal 'byor dbang phyug dang // mthu stobs dum bskyed pa dang // rtag gnas thob dang don nges thob/ / rdo rje bla na med sems bskyed// mdor na gang gis gang 'dod pa// bsam pas sems rnams rdzogs pa'i phyir// rdo rje bla na med pa gsor// chos su bla na med pa sgrogs// 'khor lo bla na med pa skor// ral gri bla na med pa zung // pad+ma bla na med pa chongs// rin chen bla med gsal bar gyis// dkyil 'khor tshul du spros nas kyang // mchod rten tshul du bsdu bar gyis// lha klu gnod sbyin dri ma dang // lha min mkha' lding mi 'am ci/ / srin po sha za brjed byed tshogs// 'jigs pa dag kyang 'jigs 'gyur ba'i// rnam 'phrul du ma 'di sgyur cig/ gsung mchog de skad thos ma thag/ lag na rdo rje mthu bo ches// dga' mgu thal mo rab sbar te/ / snyan pa'i tshig gis 'di gsol to// gser dang rin chen lnga po las// rab mchog ri bor gyur pa las// 'gro rnams kun gyi rten gnas dang // rtags su yang dag 'dzin pa ltar/ / rnam par shes dang phung po bzhi// 'byung ba rnam par dag bsgrubs pas// lha dang phyag rgya 'phrin las su// sngags shes rnams kyis bzung byas nas// btul ba'i ye shes byang chub rim/ / khyad par de la ldan par 'gyur// de nas bcom ldan thub pa che// kun mkhyen ye shes gtso bo ches// sku las sna tshogs mdangs 'od can// 'od zer du ma byung nas kyang // gzhi dang snying po me tog gis// brgyan pa'i zhing rnams khyab byas tshe// sa yang rnam pa drug tu g.yos// 'jig rten skyong dang bdud kyi tshogs// ma lus pa rnams brgyal bar gyur// nyan thos rang rgyal 'dar bar gyur/ / byang chub sems dpa' blo ldan gyi// tshogs rnams shin tu skrag par gyur// de tshe phyogs bcu'i zhing rnams nas// sangs rgyas kun gyi mdzod spu nas// khro bo chen po'i tshogs byung ba// 'od zer rtse mos drangs nas su// zhing dbus dkyil 'khor 'di ru lhags// 'od zer tshogs kyang rab 'dus nas// dpal be'u nyid du thim par gyur// de tshe 'od de'i byin rlabs las// mkha' la sgra 'di grags par gyur/ / shAkya'i mgon po rdzogs sangs rgyas// gang du gzi brjid che bzhugs slad// chos kyi dbyings las byung ba yi// rgyal ba'i sras po thams cad gshegs// dri ma med pa'i dam chos mchog/ gsang sngags spyod pa'i tshul dge ba/ / thos nas byang chub 'dus ma byas// 'jig rten mgon po brnyes par gyur// de nas lag na rdo rje tshogs// 'khor gyi dkyil 'khor thams cad kyang // snyim pa me tog bkang byas te// gtor nas phyag 'tshal bskor ba byas// dang zhing gus pa'i tshul gyis su// pus btsugs thal sbyar gsol ba 'debs// mi gnas ye shes che ba'i mchog/ yon tan rgya mtsho 'byung ba'i gtso// mtshan nyid thams cad rab brgyan pa/ / mtshan min spangs pa'i thub pa che// dri med dge ba ji ltar lags// gsang sngags tshul du spyod pa ci// 'dus ma byas pa'i byang chub gang // 'jig rten mgon po ji ltar 'gyur// bdag cag rnams la sman rab dang / / 'gro la thugs rje che mdzad phyir// mgon po bcom ldan thub pa che// yang dang yang du bshad du gsol// de nas yang dag rdzogs sangs rgyas// rkang gnyis gtso bos bka' stsal pa// gsang ba'i dbang phyug rdo rje 'dzin// shes rab chen po'i spyan ldan pas// bdag gzhan phan don la brtson phyir// legs par nyon la yid la zung // yang dag yang dag mtha' min tshul// de ni nga yis bshad par bya/ / srog gcod ma byin len brdzun 'khrig/ tshig rtsub dbyen dang ngag bkyil smra// brnab sems gnod sems log lta chang // dri ro ngan pa'i zas skom dang // srog can sha khrag log 'tshor bcas// slob dpon dge 'dun mchod rten sogs/ / khyad par yul can yo byad dang // dman zhing nyam thag phrog dgu pa// glegs bam 'tshong dang chos kyi zong // g.yang sa ral gri so dug sogs// me 'obs ltar mthong spangs nas kyang // rnam par dkar la sogs par bya// yi ge 'dri mchod sbyin rtsol dang // nyan dang 'dzin dang klog pa dang // mchod pa dang ni kha ton dang // de dag sems dang sgom pa ste// dkar bcu lam la yun rings dang // nub bcus rgyun mi 'chad du 'bad/ / gtan pa med pa'i byang chub sems// shel ltar dri ma med pa'o// mchog 'di spyad pas sdug bsngal tshogs// myur du gcod pas dge ba'o// chos bdag med dang mnyam nyid dang / / rang sems gdod nas dag pa gang // sgyu 'dra 'du byed med pa dang // zag bcas de dang bral ba las// byang chub phyogs mos ma lus pa// chos nyid bdag med spyod pa ni// chos dbyings ye shes mngon byas nas// ma 'dres chos rnams rdzogs gsal ba// 'dus ma byas kyi byang chub ste// chos rnams kun gyi gzhi lus so// 'dod pa'i khams sogs yon tan la// shin tu bde rol sprad pa spyod/ / sangs rgyas mu stegs can rnams kyi// lkog tu gyur pa gsang ba ste// bskal pa bsam yas dpag med du// brlabs dka' yangs zab rgya chen rnams// sngags dang phyag rgya ting 'dzin du// lus ngag yid la gang gnas pa// dbyer med tshul du skyobs pas na// sangs rgyas kun gyis sngags su brjod// mtshan dang dpe byad ldan pa'i sku// yon tan mtha' dag rdzogs pa ni// bden pa gnyis la gnas pa yi/ / byang chub sems dpa' rnams kyi mgon// la lar 'khor los sgyur ba'i gzugs// la lar dge sbyong chen po'i gzugs// la lar srin po srin mo'i gzugs// la lar 'gro ba bzang po'i gzugs/ / chos kyi 'khor lo skor ba dang // seng ge ltar gzigs mdzad la sogs// sna tshogs du ma mdzad pa ni// rkang gnyis lha min rnam gnyis sogs// 'gro ba'i mgon por gyur pa'o// rtag dang 'dra dang nges med pa'i// gtso bo bsam pas gyur pa rnams// 'jig rten phal pa'i mgon po ste// gzugs byad kha dog tha dadang // yul dus rnam pa'i bye brag gis// grangs ma byung ba mchod 'os so// thub pas gsungs pa'i de ma thag/ rdo rje can gyis bzhengs nas kyang // phyag 'tshal bskor ba byas nas ni// spyan sngar 'dug nas 'di skad gsol// 'dren pa gtso bo bcom ldan 'das// sngags zhes pa ni gang gang yin/ / phyag rgya zhes ni ji lta bu// ting 'dzin zhes ni ji ltar bshad// lus ngag yid la ji ltar gnas// dbyer med tshul du ji ltar skyob// bdag la phan pa'i don phyir dang // gzhan la brtse phyir bshad du gsol/ / de nas rgyal ba gtso mchog ni// ljags kyi dbang po bkram byas te// tshangs pa chen po'i gsung snyan gyis// rnam rtog zad phyir 'di gsungs so// snying po nye snying rtsa ba'i sngags/ las kyi sngags su gyur pa ste// snying po brjod dang sa bon no// nye snying ye shes gachog dang ni// gsang ba'i snying po zhes grags so// las kyi sngags ni gnyis yin te// bdag nyid brtan byed las sngags dang // sbyor tshogs grub par byed pa'o// phyag rgya lag pa'i 'du byed dang // rkang pa stabs kyi 'gyur ba'o// rtags su mtshon dang 'debs pa dang // 'gyur ba med par byed pas na// phyag rgya zhes su bshad pa'o// rang gi rtse gcig sems bsdus na// sems la lhag pa'i chos 'bebs pa// de ni ting nge 'dzin zhes bya// de ltar de dag la rten nas// snga ma'i gnas de yongs gyur nas// sgo nga bral ba'i 'dab bzang ltar// lus 'di mkha' la cher song nas// rgyal ba'i zhing khams thams cad du// rgyal ba dam chos mnyan nas kyang // rgyal sras kun la bshad pa dang // skad cig mkhyen pa'i shes pas kyang / / shes bya ma lus phyogs khyab pa// lus ngag yid la gnas pa'o// sems dang yid ni 'dres pa'i tshe// ye shes bde bar shar ba ni// dus gsum sangs rgyas thams cad kyis// dbyer med tshul du skyob ces gsungs/ / 'phags pa khro bo'i rgyal po'i rtogs pa bsdus pa'i rgyud las// lhag par gnas pa'i don yongs su bkod pa'i le'u ste dang po'o// // zhi bas btul dka' bgegs/ chen dang // log 'dren de rnams 'dul ba'i phyir// sems kyi bye brag thugs chud nas// de dang gzugs 'jal gzhom pa'i phyir// rtog med nam mkha'i lam gnas te// rdzogs sangs gdul dka' 'dul mdzad sku/ / rab 'phags khro bo stobs chen dpal// sangs rgyas kun gyi sras kyi sras// mi g.yo'i mtshan grags de la 'dir// rgyal dang rgyal sras rtag phyag 'tshal// tshangs sogs lha dang lus can kun/ de la rtag tu mchod par byed// rgyal bas byas gzo rgyal sras kyi// smon rdzogs bsam gyis mi khyab pa'i// ye shes rdzogs nas mi g.yo'i sa// thob pas mi g.yo ba zhes bya// phas kyi rgol 'joms dpa' bo ste/ tshar gcod pa ni khro bo yin// sngags kyi bden tshig mi slu bas// nyan thos bdud tshogs kyis mi g.yo// rtog med bdud rtsi khro bas rgyal// rdzu 'phrul bskyod med mi g.yo ba// de bzhin nyid kyi snying po mchog/ sto nyid las byang rgyal ba'i sku// chos dbyings bdag nyid la bzhugs nas// sprul 'dis srid pa'i khams sbyong mdzad// mkha' ltar dri med spros bral bas// dus gsum sangs rgyas thams cad 'byung // spros med nam mkha'i rang bzhin la/ / tha snyad tsam du gsang sngags zhes// brjod kyang ngag gi spyod yul 'das// skyob pas tha snyad rtogs phyir gsungs// sems med rang bzhin stong pa nyid// sku 'dra yid kyis sgom pa yin/ / dngos med mnyam mdzes 'dod don nams// gsang sngags mgon 'ongs brjod pas spol// mu stegs bdag dang srog gang zag/ gtso bo skyes bu khyab gnas pas// 'khor ba rtag rtog nga rgyal rmongs/ / log pa'i zhabs bcings sdug bsngal skyed// bdag med srog med sems can med// byed po med cing gtso bo med// khyab gnas med cing dngos po med// rdzas la sogs pa'i rang bzhin med/ / log rtog srid 'ching zhabs gcad phyir// dngos med sna tshogs gzugs bsgoms pas// dngos grol stong nyid go 'phang 'thob// phyi nang khyad par goms pa'o// lbu ba chu bur sgyu 'drar sgom// stong nyid las ldang ting 'dzin gyis// rnam rtog sdig bcing sa las grol nas// 'chi med ye shes go 'phang thob// phung po khams dang skye mched med// kun gzhi med de gang zag med// gzung 'dzin med de bcings med pa// rgyal ba rnams kyis rtag tu bshad// kun med kun bral kun spangs pa'i// stong nyid byang sems sgyu 'dra bar// bag yod pas ni rtag bsgoms na// byang chub sems kyi myu gu 'char// yid bzhin nor 'dra rdzu 'phrul che// mkha' ltar gos pa med pa'i sku// sngags spyod byang chub sems dpa' yi// byang chub sem kyi sgom pa 'thob/ / ngo mtshar gsungs te thos ma thag/ khro bo rnams kyis gtso la bstod// rtag tu dag cing dri med pa// rnam rtog rgyun 'gags kun rtog med// brtag rtog med la zhugs pa yi/ / dpa' bo chen po phyag 'tshal bstod// chos kun g.yo ba med pa khyod// spyod yul kun tu legs sbyar bas// kun mkhyen g.yo ba med pa rtog/ rang bzhin spros bral khyod phyag 'tshal// sems can sna tshogs phan don du/ / mdzad spyod sna tshogs gsungs pa'o// dag pa'i lam rnams yang dag 'byung // rnam dag sems la phyag 'tshal bstod// mun pa phra rab rdul spangs pa'i// sprin bral nam mkha' dag pa ltar/ / mgon po khyod sku shel sgong ltar// kun rtog spangs la phyag 'tshal bstod// spros med nam mkha' lta bu la// dngos po thams cad dang bral bas// phung khams skyed mched shin tu dag/ na 'am rjod// mibab la 'a tshogs sa/ gos sbyo dag pa'i mams can gags/ pa yo na thob das pan gas chen pa phyug mam bstod las byung byung / mi kyi pa 'i rjo la// sems cad sdug bsngams gshes/ mun 'jigs sepal gyun la stod// sngags rigs pa sa// rnam sram shes rab bskyed/ / bla med go 'phang myur 'gro gsungs// gtso bo khyod la phyag 'tshal bstod// dngos kun gyur dang bcas pa yi// las dang skye las rnam par grol// rgyal ba rgyu med bdag nyid 'khrungs// gtso mchog khyod la phyag 'tshal bstod/ / dngos med ye shes me lce yis// 'dus byas ri bo kun bsregs nas// chos dbyings rang bzhin gcig tu rgyal// bla med sku la phyag 'tshal bstod// bstod pa'i don de thugs chud nas/ 'gro la phan phyir cho ga gsungs// gsang sngags log par spyod pa dang // ser sna log par goms pa la// 'dod pas non pa'i sems rtog gis// sngags pa yi dgas gnas su skye// dang pos mar me me tog dang / / zhal zas gtor ma 'phreng ba sogs// mchod pa'i rdzas dang yo byad dang // mi yi lus dang kha zas la// 'tshe zhing sgrub pa'i bar du gcod// mi sdug nad skyed lo tog 'tshe// gnyis pa gnod sbyin 'dra gyur nas/ / sha khrag chang la snom zhing rgyug/ thos bsam sgrub pa'i bar gcod cing // nad skye tshe len log lta skyed// rig sngags 'chang gi gdon gzhom phyir// sgrub pos 'bad de sngags brjod bya/ / sngags mthu bskyed pa gtor ma dang // sbyin sreg phyag rgya sngags bcas dang // mnan pa'i las kyis nags me ltar// thogs pa med par 'joms par 'gyur// de dag rten byed lha yin te/ / de gsal byed pa ras ris yin// de kun rnam dag gsal byed pa// byang chub sems mchog zhi ba ni// log rtog 'khor ba'i zo chun la// ral gri rnon po'i sta re lta// 'phags pa khro bo'i rgyal po'i rtog pa bsdus pa'i rgyud las/ de bzhin nyid kyi le'u ste gnyis pa'o// / de nas sngags dang phyag rgya dag/ 'byung bar rab tu bshad par bya/ namaHsarba sa pa ri b+hA ra ke b+h+yaHsarba ta thA ka te b+h+yaHsarba dz+nyA hAM/ snying po dam pa'o// ma maHsarba sa pa ri pU ra ke b+h+yaHsarba ta thA ga te b+h+yaHsarba thA/ tsaN+Da ma hA ro Sha Na s+pho Ta ya ts+tsha/ Ta ta tsa ma~M/ snying po'o// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ hra ta a mo g+ha/ tsaN+Da ma hA ro Sha Na spre Ta ya hU~M/ tra sa ma ya hUM/ Ta Ta haM ma nye ba'i snying po'o// na maHsarba sa ri pU ra ke b+h+yaHsarba ta thA ga te b+h+yaHsarba thA/ a tsa lArka na/ nan+ma nan+da/ mon+tha mon+da/ sar+b+bA sar+b+ba/ tan+na tas+dza/ tiSh+ThA tiSh+ThA a be sha aHman+tha/ ma la ka/ d+ha Na d+ha/ ti Ni ti Ni/ khA da khA da/ big+h+nAMn/ mA ra mAM ra duSh+Ta na rak+Sha rak+Sha sa traM/ ku ru ku ru/ ki raM ki re/ ma hA bi dza ya badz+ra phaT/ hU hUMhAM/ tri bi la ta rag naHka/ natsa/ a tsa la/ te tsa phaT phaT/ ar+thA a sa man+ta ka/ Ta Ta/ ma hA ba la sa ta a ma na ya/ tr-i ma haM/ shu d+h+yA tu lo ka/ tuSh+yAn tu lo ka/ badz+rI na ma/ sA pra ti ha ta ba le b+h+yoHdza la ma tra ta/ a sa ta na maHswA hA gsang ba'i snying po'o/ / de nas phyag rgya stang stabs kyis sngags brjod pa 'dir gsungs so// na maHsarba sa pa ri pU re ka b+h+yaHsarba ta thA ga te b+h+yaHsarba thA/ oM ha na ha na mA ra ya mA ra ya/ dz+nyA na kha T+wAM ga hUM phaT/ dmatsha phyag tu sdugs so// nam mams pa d+hA ked+had+hasan thAka teb+h+yaHsa/ 9// zhwa da/ d+hAn+tu/ g+hAt+mA/ a.U te/ !t+te swAt+ma/ gags pa'i/ namaHsa zas pa ri pU ra ke b+h+yaHsa sa ta thAg te b+h+yaHsarba nA~M/ oM ra/ rat+te/ gan can/ gang+ya sar+d+ha/ mA ri la du zhwa bi na la ko hU~Mdza/ go cha'i'o// na moHsarbas pa ra bA ri ke b+h+yaHsarba ta thA ga teH sarba thA/ oM d+ha ra d+ha ra badz+rA nA li/ kha dz+nyA ga~M pA sha d+ha re sAny+dza/ gtsug tor gyi'o// na maHsa thes pa ri pU ra ke b+h+yaHsarba ta thA ga tib+h+yaHsarba thA/ oM b+hAn+d+ha ban d+ha darba pa tsa b+ha smr-i ku ru ku r+m+ma han rgan badz+ra gr-ih+Na gr-ih+Na phaT/ tho ba'i'o// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM Sh+Tan ta mU ti/ da ha da ha/ sA d+ha ya sA d+ha ya/ bi dza ya bi dza ya/ bi dza ya kIrti swAhA/ mgo tsa phyag rgya'o/ / na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM b+hu d+ha ra d+ha ra/ a tsin d+ye ba la bi kra ma NaM/ bu ra bu sa la ya/ rak+Sha rak+Sha sarba swA hA/ rdo ba'i phyag rgya'o// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM badz+ra hrid ya/ badz+ra ma taM gi swA hA/ snying kha'i phyag rgya'o// na maHsarba sa pa ri pU ra ke b+h+yaHsarba ta thA ga trai b+h+yaHsarba thA/ oM hU da ha da ha/ kiny+tsi ra ya si/ A na pa shI g+h+raM/ rak+Sha rak+Sha/ ban rna banad+ha/ duSh+Tan/ da ma da ma swAhA/ phyogs bcing ba'o// na maHsarbas pa ri pU ra ke b+h+yaHsarba ta thA ga te b+h+yaHsarba bA oM dun du na ma hA bA sha kha T+wAM ga d+ha ra/ pa ri pU ra ke b+h+yabaka' rtags kyi'o// na maHsarba sa pa ri pU ra ke b+h+yaHsarba ta bA ga te b+h+yaHsarba thA/ oM ga ga na gan d+hod b+ha ba/ ma hA sa ma ya/ pa ri pU ra ke swA hA/ dri'i phyag rgya'o// na maHsarba sa pa ri b+hu ra ke b+h+yaHsarba ta thA ga te b+h+yaHsarba thA/ oM bi shud d+ha dz+nyA na rA dzi so b+ha be ga ga nA nAn hAHswA hA/ ma mo'i phyag rgya'o// na maHsarba sa pa ri pU ra ke b+h+ya sa ma sa nag te rgya oM shud d+ha d+ham te/ shud+d+ha shud+d+he/ gr-ih+Na kr-ih+Na/ sarba sa pa ri pU ra ke b+h+yaHsAH/ gtor ma'i phyag rgya'o// na maHsarba sa pa ri pU ra ke b+h+yaHsarba ta thA u0f7f te b+h+yaHsarba thA/ oM shud d+ha ma hA dz+nyA na swa b+hA be/ tiSh+Tha tiSh+Tha ma sA na ye swAhA/ bdug pa'i be// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM ga ga na bi krAn ta kA mi ni ma s+t+ra shud d+ha na ye swAhA/ me tog gi'o// namaHsarbas pa ri pU re ke b+h+yaHsarba ta thA ga teb+h+yaHsarba thA/ oM han ha na/ pa ra ma bi shud d+he/ d+harma na ya pa ri pU ra ke b+h+yaHswAhA/ zhal zas kyi'o// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM a pra ti hi hau na d+ya ta da ma da ma/ sarba thA/ sa pa ri pU ra ke b+h+yaHswA hA/ dpa' bo spyan drang ba'i'o// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM bi shud d+ha bi shud d+ha/ sa kra sA hA be A na ya/ ma hA na ye swA hA/ byang chub sems dpa' spyan drang ba'o// nam sarnas pa keSh+Tha na g+hA/ ba rba d+h+ya AH/ natA/ dam sa/ mnyan mesaH/ kun thos spyan ba lo// nag+saHsa bas pa d+hu / oM d+hA/ shAb+da/ ba/ man pa wA re swA/ ponyal mo spyan drang ba'o// namaHsazlas pa ri b+ha ra ki b+h+yaH thAg te b+h+yaHsarbathA/ oMm pa ma the stan dA stan pa/ pra be sha ya b+hA be sha ya/ sarba ta thAka/ sa / tam tam/ mahAn pa/ ba ring+ga re swA/ 'jig rten rnams sbyin drang ba'o'o/ / nAHsams pa b+hUM kAT+Tasar+b+bam+b+ha/ oM saHsaH/ mahA swAH/ dmadas/ masbyangasa.A kaR+Sha ga swA kArnamargyas ma snun pa cwa nang mong snyan za ba'o/ / nas mchis pa b+h+ya/ sa wAg mdzas/ bang labi sa / sa sbyin drang ba'o/ / namaHsams pa ri b+h+ya kleb+h+yasarba twa r+dz+dzag teb+h+yas/ oM bits+tshaH/ ma thAmathA/ dmadam/ nam hAn le/ mar tharan/ ma mo rnams skyo nang 'o/ / nam mams pa'i phyi ko b+h+yaHsarba thAg sarba/ mi pa tshusarba rbaH/ ma hAs/ naH/ sarba g+h+nAn dam sa/ mdun oM hUM phaT swA hA/ rkang stabs tsham ngam gyi sngags so// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM aHnU/ A kA shA ga ga na s+pha ra Na khaM swAhA/ 'o thug 'khur ba 'bru sna tshogs/ / spos dang me tog la sogs pa// ci 'byor 'byor pa'i gtor ma ni// sngags des spro zhing spel bar bya// na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM swa b+hA ba sarba thA b+h+yo bAM swAhA/ na maHsarba sa pa ri pU ra ke b+h+yaHsarba thA/ oM lab+h+yAM sarba ga ga na lab+d+ha ya swAhA/ na maHsarba sa pa ri pU ra ke b+h+yaHsarba ta thA ga te b+h+yaHsarba thA/ oM sarba sid+d+hi/ dA d+ha mi haM swA hA/ byin rlabs bzhin du bsgyur ba dang / kun gyis thim par bya ba dang // 'dod pa'i las rnams gang dang gang // grub par bya ba'i sngags yin no// gza' chen brgyad dang rgyu skar yang // nyi shu rtsa brgyad rnams kyi sngags/ namaHsarnaMs pa pU ra ke b+h+yaHsarba twAthA ga tib+h+yaHsarbak+Sha A u0f7f oM kiraHsar+b+ba khIngasati/ shuH/ sha na shwa ra2ke u0f7f bat+tik+Sha/ r-itsinI/ mr-ig+sa shin+da/ an+d+ra s+thAn rba s+ya puSh+ya a shwe ShA/ ma g+hA purba pal+lA nI ut+ta ra pal+lA nI/ hAstA/ tsi twA sA sti/ bi shA khA a nu rA d+hA dz+yeSh+Ta mu lA/ pU drA ShAn+na/ ut+ta rA ShAr+thA shra ba Na a b+hi dzi ta/ sha ti b+hi ShA d+ha niSh+Ta pUrba b+ha dra pA dI ut+ta ra b+ha dr-i/ pra dA re ba tI/ a shInI/ b+ha ri/ oM dang swA hA ra bcas pa ni// rang rang snying po'i sngags yin te// gang 'dod las kyang sbyar bar bya// mchod pa'i rigs kyang tha dad bya/ / na maHsa man+ta kA ya bAk+tsit+ta badz+rA NA/ oM a tsa la tsaN+Da ma hA ro Sha Na s+pho Ta ya tra ka kha ha maM/ na maHsa man+ta kA ya bA kIt+ta badz+rA NA/ oM badz+ra ka pa tsa dru rba/ oM na maHsarba ta thA ga te b+h+yaHsarba b+ha ya bi ga te b+h+yaHbi shwa mu khe b+h+yaHsarba thA khaM rak+Sha/ ma hA ba li/ sarba ta thA ga te pu N+ya nirdza te/ hUM hUM tra thA/ a pra ti ha te swA hA/ khro bo spyan gcig drag shul can// srung dang bcas par mchod pa dang / / sngags bzlas dngos grub blangs pas 'grub// ci 'dod las la cho gas sbyar// lag g.yas gung mdzub gzhibs te brkyang // srin lag mthe'u chung mtheb mos mnan// shugs drangs tshul phyung mkha' la 'phyar// ral gri phyag rgyas bdud tshogs 'joms// g.yon pa khu tshur sdigs mdzub bsgreng // slar sgyur byed pa zhags pa'i rgya// gung mo mthe'u chung so sor sprad// mdzub mo ming med nang du dgug/ mthe thong gzhibs pa gung 'gram sbyar// snying kha bkod de go cha'i rgyan// sor 'khyud khu tshur nang du bsdam/ mtheb gnyis cung bsgyur mgo thod rgya// g.yon pa'i khu tshur mthe bong ni/ / g.yas pa'i khu tshur nang bcug nas// mthe bong g.yas bsgreng tho ba'i rgya// phyogs bcur brdung ba ltar bya'o// g.yas pa khu tshur gung mo bsgreng // spyi gtsug phyag rgya gtsug tu gzhag/ g.yon pa khu tshur gung mdzub bsgreng // bka' rtags phyag rgya rtag tu 'phyar// khu tshur gnyis gzhibs lho sbyar ba// rdo ba lta bu'i phyag rgya'o// g.yas pa khu tshur snying khar gzhag/ snying / rgyan pa'i phyag rgya'o// lag gnyis sor mo so sor brkyang // phyogs bcu bcing ba'i phyag rgya'o// lag sbyar gung gnyis nang bcug pa// dri yi phyag rgyar bshad pa'o// khu tshur rgyab sprad gung mthe bong / / mthe bong gung mdzub sprad dang 'khyud// gtor ma sbyin pa'i phyag rgya'o// thal mo khong stong shugs ltar gdon// bdug spos 'bul ba'i phyag rgya'o// lag gnyis so sor gung srin bkug mtheb mnan bzhag brkyang me tog rgya/ / thal sbyar gung srin 'dzub mo bkug/ mthe'u chung mtheb brkyang zhal zas rgya// skyil krung 'dug ste snyim pa zed// mthe bong gnyis ni nang du bkug/ so ra ga zhibs nas g.yab byed pa ni/ / dpa' bo gtso bo spyan drang rgya// thal sbyar mdzub bkug mthe bos mnan// byang chub sems tshogs 'gugs pa'i rgya// snyim bskyed mthe'u chung gshibs te brkyang // lhag ma brgyad po so sor dgug/ nyan thos rang rgyal rdzu 'phrul can// ma lus thams cad 'gugs pa'i rgya// khu tshur g.yas pa g.yon steng gzhag/ mdzub gnyis brkyang ste so sor dgug/ cung zad skyod par byed pa ni/ / pho nya pho mo 'gugs pa'i rgya// khu tshur rgyab sprang gung mdzub ni// so sor drang por gshibs te brkyang // mtheb gnyis cung zad sprad de dgug/ 'jig rten pa rnams 'gugs pa'i rgya/ g.yon min g.yas pas de ltar bya// brtul zhugs drang srong dgug pa'i rgya// g.yon pa khu tshur gung mo bsgreng // dngos grub srin mo 'gugs pa'i rgya// lag g.yas ba kan te brkyang nas kyang / mthe bos mdzub mnan gsum po g.yab// ma bdun la sogs ma mo rnams// las kyi dus su bgugs par 'gyur// res kyis bteg cing drang po yis// pus mo dag la rkang mthil sbyar// spyi bor me tog thal sbyar yang / / phyogs der g.yob cing 'bru tshugs blta// zlum pa'i stabs kyis 'di kun gyis// bgegs tshogs 'joms shing rnal 'byor srung // lag pa g.yas ni gyen du brkyad// g.yon pa snying khar sdigs mdzub ste// rkang gnyis sprad nas rting brdebs// hUM brjod drag skad mdun du lta// sa gsum g.yo byed zla gam stabs// rkang g.yon brkyang ba'i stabs dang ni// ha ha brjod cing zhabs rgya bcings/ / phan tshun bsnol nas bgegs la bsnun// 'khor lo phyag rgya phye mar bya// rkang g.yas brkyang ba'i stabs dang ni// rdo rje thal mo mkha' la bsnun// khro gnyer mig can ma mchu mnan/ / yan lag gnyis gnyis me ltar sprad// rkang pa mnyam stabs hUM sgra can// lag gnyis sdigs mdzub phyag rgya'o// rkang gnyis mnyam du bzhag pa las// g.yas kyis g.yon bskor lte ba yin/ / mdun du g.yas te rgyab tu g.yon// gya tshom gsum gsum mnan pa ni// rtse gsum yin te rtse gsum rgya// lag pa steng brkyang dbyig bsgreng ltar// bgegs la bsnun zhing 'bru tshugs blta/ / g.yas su tho ba hUM brjod brdeg/ g.yon pa snying kha'i sdigs mdzub ste// gnyis ka sprad pa 'khor lo bya// nub bltas rkang pa mnyam bzhag nas// mdun g.yas rgyab dang g.yon phyogs su/ / g.yon pas bgegs gsum mnan bya zhing // rim pas me dang ral gri dang // sdigs mdzub zhags pas phyogs bzhir bcing // ha hUM drag brjod brjid gnon rgya/ / rkang gnyis pus 'bur lag pa gnyis// gru mo bsgyur na thig gis mnan// bgegs bskrad phyir ni 'bru tshugs blta// rtse gcig rdo rje stabs su bcad// rkang pa g.yas g.yon res kyis bskor/ / lho byang g.yon te shar nub g.yas// brkyang zhing drag tu brdab par bya// rgyab nas drang dang tho ba dang // rdo rje dang ni zhags pa'i rgyu// phyogs bzhir bya ste 'khor lo'i stabs/ phyag rgya dang ni stang stabs kyis// phyogs skyong rnams kyang skrag byed na// 'byung po'i tshogs 'joms smos ci dgos// thams cad dbang du sdud par byed// de nas phyogs bcu bcing ba yi// rkang stabs khyad par bshad par bya// shar du rkang pa mnyam pa yis// rdo rje thal mo gyen du brdeg/ lhor ni rkang rting sprad de gdang // hUM sgrog thal mo mdun rgyab sbyar// nub tu rkang sprad lag pa gnyis/ / so sor sdigs mdzub gyen du brkang // byang du ral gri'i phyag rgya dang // rkang pa ya gcig sa la bsgreng // khu tshur mdzab sbyar dpral bar bzlog/ rkang gnyis mnyam byas res kyis phyar/ / mche gtsigs hUM sgrog khro gnyer lta// byang shar thig ler grags pa'i rgya// khu tshur mthe'u chung mtsho ba'i rgya// rkang pa ros bteg shar lhor phye// lho nub rkang gnyis res gyis brdab/ / zhags pas bdebs dang ral gris gcod// nub byang rkang gnyis brdab pa dang // lag gnyis mtheb spyad 'khor lo bskor// yang na mche gtsigs phyag rgyas gdag/ stang stabs thams cad tsan+du sgrog/ de nas rig sngags bzlog pa yi// phyag rgya cho ga bshad par bya// khu tshur gung mo brkyang rtse sprad// mdzub gnyis de yi 'gram du bcad// sngags dang phyag rgya thams cad kyis/ / lhaklu srin po gnod sbyin dang // mkha' 'gro 'byung po mi ma yin// gsod dang sprod de me ltar mdzad// 'phags pa khro bo'i rgyal po'i rtog pa bsdus pa'i rgyud las/ sngags dang phyag rgya'i le'u ste gsum pa'o// // bla na med pa'i ras ris sku// cho ga de nas bshad par bya// bris sku 'dod pas thams cad du// dge ba'i ras bzang btsal nas kyang / / bkrus te sngags kyis bsrung byas la// drar smrig tu ni bsgyur bar bya// rgyud bzang dal zhing dul bag yod// chos thos ri mo mkhan la sprin// srid chung yid gzhung khro med pas/ / sen rtsi shun kan tshul sbyar// spang dang mu bi kan tar ldang // ba p+la kra nI bla na ser// li khri skong mtshal lpags dmar// rams dang mthing shun bru nir sngo// spyig dang a nag po ste/ / she tha dag kyang dkar por 'gyur// sa snod so btang sags snyeg byug/ pir 'jam ral 'bring tha mabri// rgyal dngas rinam gru dang // sngon sbubs sprin drug lha mtshams shes de nas yang dag rab bshad pa/ / thub pa'i dge ba ras ris la// dbus su byang chub shing mchog drung // gser mdog 'khor lo sgyur ba'i chas// chos 'chad phyag rgya ngur smig bsnams/ / logs su 'dab bzang rgyal po gnyis// snyim pa me tog bkang ba'i gzugs// g.yas su 'jig rten dbang po dkar// ngur smrig gon pas thal mo sbyar// de yi zhabs su mi g.yo ba/ / spyan gsum khros pa klu yi brgyan// na ra'i stod g.yogs stag smad bkris// rin chen rgyan can do ker can// rdo ba dmar po'i khri stangs na// ral gri dang ni zhags pa dang / g.yon pa cung zad brkyang ste bzhengs// gtso bo'i g.yon gyi phyogs chal// rdo rje 'dzin sngo ngur smrig can// rdo rje dang ni zhags pa 'chang // de yi 'og tu sgrub po ni// pus btsugs spos kyi khang bu 'dzin/ / gtso bo zhabs su khro bo che// nag po khams gsum bstan pa yi// lag gnyis rin chen khri la bteg/ gtso bo sna tshogs pad+ma ste// 'jig rten dbang dang khro bo yi// rdo rje 'dzin dang sgrub pa'i sngo// yan lag lnga pa sdong po gcig/ klu yi bu mo mdzes ma gnyis// pang gis 'khyud de 'dzin par mdzad// zhi ba rgyas pa dbang gi phyir// de nas bris sku yang dag bshad/ / dbus su shAkya thub pa dang // g.yas su 'phags pa 'jam dpal te// g.yon du phyag na rdo rje'o// bsnyen pa'i don du ras ris ni// shin tu blta dka' gsus po che// zhal gcig phyag bzhi klu yi brgyan// kha nas khrag 'dzag lce 'dril ba// mche gtsigs kI sgra cher sgrog pa// spyan gsum nyi ma shar ka'i 'od// ngur smrig bsnams pa char sprin mdog sku la thod rlon 'phreng ba can/ / dbu la thod pa tshar bzhis brgyan// g.yon du rin chen zur bud 'phyang // bskal pa'i me 'od 'bar ba yis// phyogs kyi bgegs tshogs sreg par mdzad// g.yA kyi dang po rdo rje ste/ / gnyis pas ral gri 'od 'bar 'chang // g.yon gyi dang po rdo rje zhags// gnyis pa sdigs mdzub brkyang ste mdzad// rin chen rdo yi khri stengs su// bgegs kyi rgyal po mnan nas kyang / / g.yon brkyang ba yi gar gyis gnas// de yi mdun du zhi ba'i byad// spos khang bzung ba'i sgrub po bri// ci 'byor rgyun du mchod par bya// mngon spyod sgrub pa'i ras ris ni// de nas yang dag bshad par bya/ / dur khrod ras la mi g.yo ba// mdog nag spun gsum zur mig lta// ngur smrig gos gyon khro gnyer ldan// ral gri dang ni zhags pa 'chang // bris nas bdag gi khrag gis ni// spyan phye gsol ba btab par bya/ / ri mo 'dis ni rig 'dzin kyang // sgrub po mngon spyod smos ci dgos// yang na sna tshogs las kyi phyir// mthing kha na ra'i rgyan can ni// brkyang bskum rdo rje dril bu 'dzin// pad+ma zla ba la bzhugs bri// dmag dpung rengs pa'i ras ris ni// gser mdog khro bo mi g.yo ba// mi sdig mche ba gtsigs pa'i sku// 'bar 'phreng 'khrigs pa'i 'od ldan pa// zhal bzhi phyag kyang bzhi pa ste/ / ral gri zhags pa dang po 'dzin// ri bo che dang sdigs mdzub 'og/ zhabs bzhi bdud bzhi snying khar ro// de nas rig 'dzin dngos grub kyis// ras ris bri ba yang dag bshad/ / mi g.yo khro bo zhal gcig pa// mdangs bzang zar ma'i me tog mdog/ ral gri zhags pa sdigs mdzub can// pus mo g.yas bteg g.yon pa ni// sa la cung zad btsugs par mdzad/ / mkha' la lha yi bu gnyis kyis// dbugs 'byin mdzad pa nyams dga' gzugs// g.yas su rnam snang mdza bris te// g.yon du 'od dpag med pa'o// de mdun sgrub po nyid kyang bri/ / gang yang ris ma thams cad la// mchod de me tog gtog nas kyang // spyan phye na bza' gsol byas te// rten 'brel sngags kyis rab gnas bya// de rjes smon lam btab pa ni// oM ldan bdag gis bsags pa yi/ / bsod nams grangs med gzhal mi lang // des ni 'gro ba ma lus pa// bla med go 'phang thob par shog/ sems can dmyal ba dud 'gro dang // yi dgas gang dag grangs med rnams// bdag gi bsod nams mthu yis ni// thams cad bde dang ldan gyur cig/ gang yang lha mi dbul 'phongs dang // mi nang bu ge dgra tshom sogs// bdag gi bsod nams mthu yis ni// de dag thams cad bral gyur shog/ ji skad sems can thams cad rnams// de snyed sdug bsngal rgya mtsho kun// sna tshogs de dag kun zhi nas// 'ga' yang sdug bsngal med par shog/ sems can gang dag lus ngag yid/ / mi dge sbyod pa bral gyur nas// dge ba phun tshogs spyod gyur te// kun kyang bde ldan thob gyur shog/ de nas rgyal sras kun btud de// lag na dri dang me tog sogs// mchod pa'i yo byad kun thogs nas/ / bla 'og tha dad gsal bya'i phyir// bde gshegs bsdu don 'di skad brjod// oM bde gshegs pa'i bcom ldan 'das// skyob pa dngos su bzhugs pa rnams// bdag la slar yang brtse ba'i phyir/ / rgyal ba sras bcas la mi mnga'// bdag don grub par 'gro ba la// brtse phyir slar yang byon par mdzod// de nas gtor ma me tog dri// dkyil 'khor rgyan dang rdul tshon rnams/ dngos grub dam tshig gnod spangs phyir// lag pas reg par mi bya ste// gos kyi phur ma la sogs pa// ci bde bas ni phyags nas kyang // skye 'gag med pa'i sngags brjod nas// chu bo la ni dor bar bya// 'bras dang 'o ma sha ka dang // mar dang bcas pa bskol byas te// 'bras zan dang ni lhan cig tu// dga' skyed phyir na dge 'dun dang // bram ze la ni ston mo bya// de nas bris sku brtan par ni// gsang ba'i gnas su mchod par bya/ / khyad par tshes brgyad dus su mchod// bla ma la ni yon dbul zhing // rtag tu sngags 'dzin thams cad kyang // mnyes par bya zhing khros pa min// sems can ma mos spang bar bya// dkon mchog gsum la nges bskyed de// the tsom le lo spang bar bya// rang gi phung po bsnyen bkur phyir// khrus dang gtsang sbra ldan byas nas// gos bkra dri ma med pa bgo/ zas kyang 'bras sogs dri med la/ cung ngu bza' zhing btung bar bya// mangs pas gnyid dang le lo dang // dring ba ni skyed par 'gyur// thorarangs dang por langs nas ni// srod thal bar du brtson par/ nam gyi gung la gnyid pa'i tshe// 'grol phan bya'i sems kyis nyal// 'phags pa khro bo'i rgyal po'i rtog pa bsdus pa'i rgyud las/ bris glu'i le'u ste bzhi pa'o// / de nas pang dag bshad bya ste/ / lha sgom pa yi rim pa ni// rang gzugs stong par byas nas su// yi ge 'phreng ba'i 'khor lo las// sgra grags pa ni rig pa che// zla ba'i gzugs brnyan lta bur snang / der son pa ni rdo rje sogs// rang gi phyag rgya nyid yin no// de las gyur pa'i sku mchog ni// 'ja' tshon shar ba ji lta bar// mtshan dpe mdangs 'od yang dag ldan// brjid cing dgyes pa'i mdangs dang ldan/ / sgeg cing rol pa'i cha byad ni// byis pa gzhon nu'i lang tsho 'dra// rin chen rgyan dang na bza' ni// gzugs mdzes lha yi ji lta ba// khros pa'i srin po lta bu ste// skra dang kha spu la sogs pa/ spu sogs ser zhing rtsub la 'khril// sna tshogs dur khrod rgyan rnams ni// rtsub cing blo ldan rab tu khros// na bza' rlon pa khrag can ni// steng gi khyams su yod par mdzad// ha ha hUM hUM phaT phaT kyi// ngar skad 'brug sgra spags glu ni// ri rab 'bum snyil tshal chom ltar// lus rab ltos 'gros brgyan pa ni// gzi ldan 'khyud cing bu sgra 'don// 'phro 'du 'od kyi dkyil 'khor ni// nye 'bum dus me'i bskal pa 'dra/ / rab gdug mtshon cha du ma ni// lha min dus kyi 'khrug pa'i cha// khro bo khro mo'i tshogs 'byung ba// thams cad yi ge hUM sgra can// ma mo dang ni mkha' 'gro rnams// b+h+yo yig drag po'i bdag nyid can/ / thub pa yi ge muM las bskyed// rgyal sras rig ma nyan thos dang // 'jig rten skyong rnams sngags 'dis bskyed// na maHsarba ta thA ga te b+h+yaHsa pa ri pU ra ke b+h+yaHsarba thA/ oM sarba saM ska ra pa ri shud d+hed+hamA te ga ga na/ sa mud ga te sa ha pa ri shud d+he/ ma hA na ya ba ri wA re swA hA/ rang gi lus la sems bcug nas// sdig pa thams cad rab tu zhi// ngang tshul bzang por yang dag byung rig par gyur pa'i sems ldan nas/ / drang srong rdzu 'phrul can du 'gyur// gzhan yang sdug bsngal zhi nus na// rang gi bde thob smos ci dgos// rang rang rigs kyi lha rnams kyi// gzugs bsnyen phyag mtshan kha dog ni/ / dkyil 'khor ram ni ris ma las// gsung ba ji ltar bsgom par bya// de nas mi g.yo khro bo ches// rdo rje 'dzin pa phyag 'tshal nas// dag cing gsal la snyan pa yis// tshig gis yang ni 'di gsol to/ / rdo rje 'dzin pa bcom ldan 'das// gtum mo mtshan nyid ldan pa yi// nga yi mtshan nyid khyed shad nas// de tshe rdo rje 'dzin rgyal pos// gtum mo'i cha byad ldan byas nas// rang gzugs sngags dang bcas pa yis/ / gsang chen brda 'di bka' stsal to// dag pa'i sems nyid hUM rdo rje// mthing kha'i mdog las rdo rje 'dzin// mthing kha brkyang skum khro sems can// na ra'i @rgyan bcas 'jigs byed sku/ / gyen smra kha spu na ser dmar// pad+ma zla ba'i steng du ni// me yi nang bzhugs rdo dril 'chang // rnam snang 'dzin dang gnyis dang po// bzhi pa'i lnga pa de'i gsum pa/ / lnga pa'i lnga pa bdun pa'i bzhi// me yi sa bon dgug bas man na// bdun pa'i dang po gsum pa yin// gsum pas bteg go hUM phaT bcas// gsang sngags rgyal po bla med 'dis/ / dgos pa thams cad 'grub pa dang // khyad par du ni 'byung po sel// klu 'dul ba ni dkar po che// nam mkha' lding gi cha byad che// grub pa'i gter gyi don du ni// ser po 'od dang ldan pa yi// dmar po dang ni ljang nag dag/ drag po'i gdon rnams sel ba dang // tshe ring ba la shis pa'o// lhag pa bskyed pa'i sku mchog ni// 'byung por gyur pa'i de ma thag/ sa stengs thams cad mun nag 'khrigs// bdud rnams thams cad rab tu tshig/ ye shes me 'od chen po 'di// bzod par bla la gcig ma mchis// bgegs chen log par 'dren pa rnams// dog pa'i sems kyis thag rings 'bros// gsang sngags yi ge hUM sgra can// glog 'khrug pa yi 'od zer 'dra// klad par yi ge haM gi gzugs// gru gsum me yi gzugs brnyan can// 'od dmar tshal pa rab 'thor bas// bgegs tshogs sreg cing 'bros par byed/ / bong bu rnga mo khyi spre'u gzugs// ro langs ma lus thams cad kun// ha hUM brjod cing 'bros par byed// rlung gis g.yengs pa'i rdul dang mtshungs// gyen thur haM gi 'phro 'du dang / khro bcu sa bon yi ge hUM// me dang rlung gi tshul du 'bar// mngon sum rtswa la me bzhin du// snying gi hUM gis 'das nas kyang // klad pa'i hUM gis sreg par byed// 'dod dang phyag rgya lnga yi sku// bskrad dang bcing dang myos byed bsam/ / seng ge dang ni glang chen 'brug/ drag po'i sgra skad ci 'dra bar// rtsa ba'i gsang sngags zlog pa ni// bgegs dang log 'dren ma lus pa// sreg cing phye ma rdul du rlog snying nang snying po bstan pa ni/ / 'od 'bar 'od kyis sdig pa'i tshogs// du ma rnams kyang zad par mdzad// lus ngag yid brtan 'khor lo sngags// oM dang aHdang hUM phyor gyis// dpal 'phel dbang phyag skyed pa dang / / go cha chen po sgron par byed// na ma s+t+rai ya d+h+wi kA nA/ ta thA ga tA nA haM/ go cha chen po'i gsang sngags 'dis// rgyal sras rnams kyang 'dar gyur na// bgegs rnams sreg pa smos ci dgos/ / sa ma ya s+t+waM aM haM gis// ye shes lha dang 'brel bar bya// rgyal bas dbang bskur sbyor bas ni// ye shes dbu rgyan btags par bya// gtso la mi bskyod dbu rgyan can// 'khor kun mi g.yos rgyas gdab bya/ / bdag nyid yi ger byas nas su// me gzugs shin tu phra bas ni// mtshon mo dus su nyams par bya// sdang ba hUM gi sgra las so// 'phags pa rdo rje khro bo'i rgyal po'i rtog pa bsdus pa'i rgyud las/ lha 'byung ba'i le'u ste lnga pa'o// // de nas yang dag bshad bya ba// sngags sprod tshul gyi cho ga nyon// dad pa dang yang mi ldan zhing // byang chub sems las ma bskyed de// dbang bskur rjes gnang ma thob la// sdom tshul dam tshig bral ba'i mi// gsang sngags rang nyid len pa ni// byis pa lcags sreg mid pa 'dra// thog ma med sgrib bkru ba'i phyir/ rdo rje slob dpon 'di skad brjod// oM/ sngags mchog ting 'dzin rnam dag chu// bskal pa du mar bsags pa yi// sdig pa'i tshogs rnams dag gyur nas// rang bzhin dag pa'i sems su byed// oM sarba ta thA ga ta badz+ra a d+hiSh+ThA na kA ya b+hA ka tsit+ta bi sho d+ha na a b+hi Shiny+tsa hUM/ oM/ sangs rgyas kun gyis bsngags pa yi// rin chen sngags las byung ba yi// dbu rgyan lha rdzas cod pan 'dis// dbang bskur rin chen mchog tu 'gyur/ / oM badz+ra d+ha ra shrI badz+ra sa ma ya s+t+waM a haM/ rat+na mu ku Ta a b+hi Shiny+tsa hUM/ rdo rje chen po bla na med// bzung bas phyogs las rgyal gyur te// rdo rje lta bur brtan byed pas// khyod kyis kyang ni rtag tu zung / / oM sarba badz+ra a b+hi Shiny+tsa hUM/ dril bu dbyangs snyan bla na med// sku yi rdo rje rab tu bskyed// khyod kyis kyang ni rtag tu phung // khams gsum srid pa'i rgyal por 'gyur// oM sa ma pa g+haN+Ta badz+ra a b+hi Shiny+tsa hUM/ oM/ snying rje shes rab dbyer med rgya// gang gis thos pa nang gi su// de yi ming mtshan bdag por 'gyur// rtag pa'i dang gnas blang bar mdzod// oM badz+ra nA ma a b+hi She ka ta/ thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje snyems bdag bdag mdzod cig/ sangs rgyas kun gyi dril bu rgya// shes rab dbyang kyi rjes 'gror bshad/ / rtag tu khyod kyis bzung byas nas// byang chub mchog thob rgyal bas gsungs// oM/ shes rab ral gri bla na med// gang gis 'chang ba rgyal 'gyur te// bdud kyi dpung ni gshegs nas kyang / / mkha' la ye shes 'od 'bar 'gyur// oM sarba ta thA ga ta badz+ra dz+nyA na khaD+ga a b+hi Shiny+tsa hUM/ a/ rdo rje zhags thugs rdo rje can// nyon mongs srid pa'i sdong bu rnams/ thabs kyi zhags pas bcings nas kyang // srid pa'i 'ching ba las grol mdzad// oM sarba ta thA ga ta badz+ra pA she na a b+hi Shany+tsa hUM/ dbang dang rjes gnang ma thob cing // dam tshig sdom pa mi ldan la// bla ma mnyes par mi byed na/ / sgrub pa 'bras med ngan song 'gro// log lta can gang bla ma 'tshe// dmyal ba'i gnas su 'gro bar nges// 'dir nyams pas ni nad yams dang // dgra bo mu ges rtag tu 'tshe// dkyil 'khor sa bzhi nyams dga' ba/ / chu klung mtsho 'gram ri ljongs dang // 'bras bu me tog skyed mos tshal// kun dga' ra ba khang bzang mchog/ bzhi mdo ri sul shing gcig rdung // phyugs lhas khang brtsegs glang chen bres/ / gtsug lag khang dang dgon pa dang // chu gling mtshe'u 'gram ne'u gsing du// bsnyen dang dbang bskur byed pa dang // dur khrod sogs su las rnams sgrub// las kyi dkyil 'khor khru gang ste// dbang gi dkyil 'khor chen po la/ / thub pa'i dkyil 'khor khru bzhi pa// yang na drug gam brgyad kyang bya// gzhan ni khru gsum tshad du bya// yang na lnga 'am bdun du bya// gza' yi dkyil 'khor khru gnyis te/ yang na phyed dang gsum par bya// kun tu bzhi cha bo drang ste// khang pas tshad kyi phyed yin te// khang pa gnyis pa cha gsum pa// rta babs rdo rje pad+ma'o// lha snam bzhi cha dag tu 'gyur/ / thub pa'i sgo ni bzhi yin te// gzhan du sgo gcig pa nyid shis// 'jam pa'i dbyangs ni byang gi sgo// chos ni nub sgo rdo rje lho// gza' dang 'jig rten skyong sogs shar// dbang sgyur lha yi gnas rnams su/ / bum pa phyag rgyar bcas pa 'am// sku 'am rang rang phyag rgya gzhag/ thub pa'i dkyil 'khor dbus su ni// pad da ka ra steng du lhung bzed do// gtso bo'i sa ni sor drug ste// lhag ma rnams ni sor bzhi'o/ / rigs kyi mtshan mas yang yang bskor// byang du 'jig rten dbang sdud ni// pad dkar rdo rje gdengs por bcas// dbang ldan spyi blugs byams pa'i 'o// shar du 'jam dpal ut+pal+la sngo/ mer ni kun bzang yid bzhin no// lhor ni rdo rje rdo rje 'dzin// bden bral mkha' snying pad dkar te// nub tu pad ser rdo rje chos// nub byang sa snying pad+ma dmar// gtsug tor gnod mdzes steng 'og char// gtsug tor dang ni gtun shing ngo / / shar du rnam rgyal thod pa ste// mer ni 'dod rgyal rtse gsum mo// rdo rje rtse gcig gshin rje lhor// bden bral ral gri stobs po che// nub tu rta mgrin pad+ma ste// byang du bgegs dgra rdo rje rgya/ / nub tu dbyug pa sngon po ste// dbang ldan du ni mi g.yo ba// de yi rgyab tu nyan thos ni// shA ri'i bu dang rab 'byor dang // mo'u 'gal bu dang 'od srungs dang // rgyal mchog dang ni sa stengs skyong // rta thul dang ni ba glang bdag/ dra ga shul dbang chen tshangs bu can// b+ha ra d+h+wa dza lteng rgyas dang // dga' bo nye dga' sgra gcan no// de ltar bcu drug phyag rgya'o// pad+ma'i steng du lhung bzed do// de nas yang dag bshad bya ba// 'jam dpal dkyil 'khor bzang po yi// dbus su ral gri me 'od can// rin chen rdo brag stang du bri// byang du rdo rjes mtshan ma yi// bum pa bri ba byams pa'o// shar du kun tu bzang po yi// rdo rje dkar po bri par bya/ / lhor ni me 'od ldan pa yi// lag na rdo rje'i rdo rje bri// nub tu 'jig rten dbang po ste// pad dkar 'od dang ldan pa bri// yid bzhin nor 'dzin mdzes gzugs can// rin chen rdo steng dbang ldan bri// mer ni rab 'bar rdo rje yi/ / bgrang 'phreng pad+ma la gnas bri// bden bral du ni rab brjid pa'i// go cha 'bar ba bri bar bya// rlung du mdzes pa gzhon nu'i lha// rin chen sgron ni bri bar bya// steng du rtul phod ces khro ba'o// pad+ma'i steng du khro bo yi// 'og tu khro rgyal mnga' gzhug gi/ rdo rje brag stengs zhags pa bri// khro bo lhag ma sngon gyi ni// tshul gyis rgyal bar dgod par bya// brtan pa zhes pa'i pho nya mo'i// chu gri byang du bri bar bya// zla ba'i dkyil 'khor 'chang ba yi// mkha' sor ma ni shar du'o// nyi ma'i dkyil 'khor 'chang ba yi// rnam 'jigs ma ni lho ru'o// nub kyi phyogs su bri bar bya// mdzod spum zhes rin 'phreng 'dzin// rin chen rdo stengs shar lhor bri// shar lhor bgegs 'dzin ma zhes pa// 'khor lo me 'bar rdo rje bri// 'bar ba'i gtun shing bden bral du// 'joms pa'i tho ba rlung du bri// thal sbyar gung mo nang du bcug pad+ma mdzod kyi phyag rgya dang / / sngags 'dis dkyil 'khor byin gyis brlab// na maHsarba ta thA ga te b+h+yaHsarba mu khe b+h+yaHhUM hUM/ ba ba/ maM maM swA hA/ spyan drangs gshegs su gsol ba dang / srung ba mchog gi sngags yin no// na maHsarba ta thA ga te b+h+yaHsarba bi shA mu khe b+h+yaHhe he he A dz+nyA ba ra ma ra ga ga na/ A gats+tsha gats+tsha b+ha ga bAn shi g+h+r-i swA hA/ bsnyen pa 'bum la byin ba rlabs dang // lha sgrub pa dang mchod pa'o/ / de nas yang dag bshad bya ba// rdo rje chos kyi dkyil 'khor ni// dbus su 'jig rten dbang sdud nyid// pad+ma dmar po 'chang ba'o// shar du don yod zhags pa ni// bgrang 'phreng sngon po 'chang ba'o// lhor ni nam mkha' dri med de// rdo rje sngon po 'chang ba'o// nub tu gar gyi dbang pad+ma// byang du thugs rje shugs po che// rdo rje nag po 'dzin pa bri// sgrol ma khro gnyer ral gcig dang // yid bzang ma ni mtshams su bri/ / khro bo dang ni pho nya mo// 'jam pa'i dbyangs kyis rim pas dgod// de nas phyag na rdo rje yi// dkyil 'khor yang dag bshad par bya// dbus su phyag na rdo rje nyid// rdo rje dkar po 'chang ba'o// shar du sangs rgyas spyan ma yin/ / lhor ni pad 'dzin mA ma kI// nub tu gos 'chang na bza' dkar// byang du sgrol ma ut+pal 'chang // phyogs bzhir nam mkha' dri med dang // shugs po che dang rdo rje tog/ bsnyems tshul chen po zhes pa rnams/ / rigs kyi mtshan ma 'dzin pa'o// der yang sngon ltar khro bo rnams// rim pa bzhin du bri bar bya// de yi cha rgyab dkyil 'khor la// drag po lha rnams bkod pa ni// dpung bzang la sogs rdo rje can/ / brgyad po byang gi phyogs su bri// tshogs 'chang ba shes gnyen 'gro skyong dang // mthong dkar rigs byed bden bral med// ngan spong brgyad de drang srong shar// lhor ni rdo rje dgra sta ma/ rdo rje tho ba drag shul ma// rta rnam dang khro gnyer ma// ro langs ma dang lcags sgrog ma// mthong dka' ma ste brgyang po bri// dug sel rma bya 'od zer can// nor rgyun ral gcig dpung rgyan ma// dbyangs ldan dril sgrog brgyad nub phyogs/ / kun kyang rang rig phyag rgya can// sgo yi phyogs su dgod bya ba// thub pa'i 'jig rten skyong ba bzhi// brgya byin khyab 'jug dbang phyug che// tshangs pa 'jam dpal dkyil 'khor la'o/ / rgyal dang rnam rgyal mi thub pa// gzhan mi thub pa spyan ras gzigs// nag mo che dang uts+tshaSh+ma// gzhon nu 'phrog mo gter 'dzin gyi// khro bo mi g.yo sgo bzhi la// nag po che dang dga' byed dang / / ngan spod dang ni tshogs bdag go// mi g.yo dbang bskur dgyes pa yi// dbus su khro bo mi g.yo ba'i// ral gri me 'od 'bar ba'o// phyogs bzhir khro bo mdog bzhi'o// 'khor los sgyur ba'i cha byad can/ / rdo rje rin chen pad+ma dang // rgya gram g.yas pa'i phyag tu 'chang // g.yon pa sdigs mdzub zhags pa 'chang // rin chen zag la sku bzhugs nas// zhabs gnyis pad+ma'i steng du'o// mtshams su khro mo bzhi po yang / / gtso bo dang mtshungs sgeg pa'i nyams// de rgyab sngon ltar khro bo bcu// sku 'am phyag rgya'i 'phreng ba bri// dkyil 'khor cha yi rgyab tu ni// 'jig rten skyong bcu drag shul can// khros pas rang rigs 'khor bcas bri/ / bum pa tshad ldan ras kyis dkri// dri bzang chus bkang lha grangs sam// bcu gnyis sam ni drug kyang rung // kha rgyan dang bcas gzhag par bya/ bla re ba dan gdugs rgyal mtshan// yon chab bdug spos me tog dang // sgron me byug chab zhal zas dang // gling bu sil snyan na bza'i tshogs// gtor ma dri bzang sman dang bcas// yid 'ong dri zhim zas skom tshogs/ / dkyil 'khor sprad nas mchod par bya// sa la pus mo tshad brkos nas// 'bu srin shing rdo dum bu sogs// skyon mnga' bral nas sa yis dgang // ba yi rnam lngas byugs pa'i sa ra// me tog gcal bkram mchod sogs bkod// lha ni spyan drangs mchod nas kyang // dge dang mi dge'i rmi lam brtag/ rmi lam bzang na spro gyur nas// sa bdag mo la gsol ba gdab// khyad par du yang gtor mas mchod/ / bu tshur shog ces theg chen gyi// tshul chen khyod ni snod yin pas// gsang sngags spyod tshul cho ga rnams// khyod la yang dag bstan par bya// dus gsum sangs rgyas 'byung ba rnams/ / mi g.yo mgon por rab bsgoms pas// ye shes mtshungs pa med pa brnyes// skyob pa shAkya seng ges kyang // gsang sngags sbyor ba ma nyam med 'das// bdud sde shin tu mi bzad pa/ / dpung chen rnams kyang dpa' bos bcom// 'jig rten 'dul phyir chos rnams kyi// 'khor lo bskor nas mya ngan 'das// de 'dra kun mkhyen thob bya'i phyir// bu khyod blo gros 'di kyis shig/ u dum ba ra'i me tog ltar// brgya lam na ni res 'ga' zhig/ 'byung 'gyur yang ni mi 'byung ste// skyob pa 'jig rten mgon po che// rnyed dka' rnyed par gyur na yang // gsang sngags skyob pa'i tshul 'byung ba/ shin tu dka' ste rmad byung phyir// sdug bsngal shin tu mi bzad pa// 'khor ba'i rgya mtsho cher 'jigs las// myur du sgrol ba gsang sngags las// sa stengs gsang sngags nor bu 'dra// rga nad 'chi 'jigs spong ba dang / / nyes mdzad grogs gcugs mthun 'dod dang // mu ge dgra tshoms bral ba de dang // zas skom gos rgyan longs spyod pa rtag/ bde bskyed dpal 'byor thob pa dang // myur du sangs rgyas 'dod pa yis/ / gsang sngags thabs la myur brtson bsgrubs// ji ltar dus gsum mgon po rnams// byang chub tu ni nges mdzad pa'i// byang chub sems ni bla med pa// dam pa bdag gis bskyed par bya// sdom pa yi ni tshul khrims dang // dge ba'i chos ni sdud pa dang // sems can don byed tshul khrims gsum// deng nas mchog tu brtan par gzung // 'gro la lhag pa'i sems bskyed nas// bla ma la ni yon phul zhu/ / yid bzhin nor 'dra bla med sku// zhi ba sangs rgyas go 'phang thob// srog gcod chu brdzun mi tshangs spyod// myos byed 'thung dang glu gar rol// rgyan byug mal chen mtho ba dang // phyi drol zas spang ba ste/ / brgyad dang bcu gcig bco lnga dang // khyad par du ni gnam stong la// dal 'byor thob pa shin tu dkon// sangs rgyas bstan pa shin tu dkon// sdom pa blangs nas srog bzhin du// g.yengs med bsdams te bsrung bar bya// gsum la rtag tu skyabs 'gro bya// lha mi bde ldan lus thob nas// dmyal ba dud 'gro yi dgas gnas// thob gnas spang dka' de dag ni/ / nam yang thob par mi bya'o// bdag ni dpa' bo ral gri 'chang // gsang ba'i 'khor lo sbyor byed pas// bka' las 'das pa'i gdug can rnams// dum bu phye mar 'gas par 'gyur// slob ma gzung phyir thog mar ni// bsnyen pas sngags kyi mthu bskyed bya// longs spyod 'phel phyir gtor ma btang // bsod nams 'dod phyir mchod pa brtson// bla ma thos pasam sgom la gnas/ / gtong po dul zhing chos spyod mkhas// nad med bzod de snying rje che// sngags sgrub brtson dpal shes rab can// brtags nas slob ma lnga 'am bdun// dad brtson ni dul bla ma bkur/ / sdig 'jigs nad med dbang po tshang // dbyibs sdug snying rjer ldan pa gzung // ba phagos pa rdo rje khro bo'i rgyal po'i rtog pa bsdus pa'i rgyud las// skye bo gzung ba'i thabs kyi le'u ste drug pa'o// / de nas yang dag bshad bya ba// rig pa 'dzin pa'i dngos grub che// gzhan du med pa phul byung ba// rgyud 'dir bshad pa mnyan par byos// mi ni rin chen dang po ste// gang gang sgrub pa de dang de/ / 'grub par 'gyur gyi gzhan du min// ral gri lcags sam shing la bya// sor bzhi pa 'am sor rabargyad bya// yu bar rigs kyi rgya lnga bri// ba yi rnam lnga dri zhim chus// bkrus te dri dang me tog mchod/ / zla drug sngags bzlas khro bo sgom// ral gri dud 'thul 'od du 'bar// blangs pas mkha' spyod yul 'gro 'gyur// tshe ni bar gyi bskal pa ste// lha yi bzhon pa sna tshogs bcibs// sangs rgyas zhing rnams 'gro bar 'gyur// gser dngul zangs kyi zhags pa'am// shing gi zhags pa'ang de ltar 'grub// rgyal mtshan nor bu gi'u wang gdugs// lcags kyu rnams kyang de bzhin / sgrub// lha rnams sgrub na thang shing la// gang 'dod lha yi gzugs byas te// sngags bzlas tsam gyis mdun du 'ong // ci 'dod gsol 'debs 'dod pa smra// klu la nA ga ge sar shing // gnod sbyin la ni gser las gzugs/ / dri za la ni bo ma'i shing // mkha' lding 'jim pa'i gzugs kyis so// srin po la ni dur khrod shing // gang yang gzugs byas rkang pa ni// g.yon pas de yi ske ma nan te/ sum 'bum bzlas na mdun du 'ong // ci 'dod sgra tshe dgos pa blang // shar du ras ris kha sprad drung // dus gsum khrus byas gos rlon gyon// sum 'bum bzlas na mar ngo yi// brgyad la 'byung po gtor ma sbyin/ / maN+Dal steng du ro bzhag nas// rang nyid rin chen khri stang du// snying po khri brjod ro 'gul 'gyur// mi skrag kha yi nang du lce// pad+ma kha bye lte can mthong // bcad na ral gri rig 'dzin 'gyur// g+ha yi gzugs kyis tshangs pa yi/ / 'jig rten khams kyi gnas rnams rgyu// gi'u wang bdun bzlas thig les ni// skye bo kun gyis mi mthong ngo // mi g.yo pus mo btsugs pa 'am// 'jam dpal ris mchi @drung du ni/ / 'jam dpal sngags 'dis ya bzlas// nya la khyad par mchod pa byas// mtshan rangs bzlas pa'i tho rangs nas// dang po rtags sa g.yo bar 'gyur// gnyis pa nyi ma 'gyur ldog byed/ / phyogs bzhir mkha' la sgra chen po// ha ha 'brug skad grag par 'gyur// gsum par mkha' la rig 'dzin rnams// me tog char 'bebs chun 'phyar sbreng / de rjes rig 'dzin ma lus dang // 'jig rten skyong bas rab bskor nas// khro rgyal byon nas gsung snyan gyis// ci 'dod bu khyod gsung bar 'gyur// rig 'dzin rgyal po mi snang sogs// ci 'dod par ni smra bar bya/ / grub nas brgyad gnyis cha byad can// rgyan bzang lag na ral gri thogs// lha yi bzhon pa la bcibs nas// rig 'dzin tshogs mang lhan cig tu// sangs rgyas zhing mang phyin pa'i tshe/ / rgyal sras rnams kyis phyag byas nas// mchod pa chen po thob 'gyur te// bskal pa du mar tshi gnas 'gyur// ut+pal sngon po lig bu mig/ ru rta zangs snod ril bu gzhag/ zla ba gzas zin par bzlas nas/ / mig bskus 'dod pa'i khams gsal 'gyur// bdag ni sus kyang mi mthong ngo // ga na ma lcags rdo rje sor bcu drug/ ngos gnyis rtse gsum dbyibs can te// tsan dan dmar dang dri bzang phyug/ cho 'phrul tshes gnyis nya yi bar// mchod cing bzlas na tha mar ni// mar me brgya sogs kyis mchod de// ku sha khres kyi steng 'dug nas// rdo rje lag gnyis bzung ma thag/ dud 'thul 'od du 'bar nas kyang // 'khor bcas rig pa 'dzin pa yi// 'khor los sgyur ba thob par 'gyur// 'khor lo bdun brtsegs mtshon cha dang // gser dang mal lham tshangs skud sogs// dngos po thams cad de ltar sgrub// sngon gyi tshul du dngos grub 'byung // tshes gcig nyin par sku gzugs kyi// mthe bor dza ti sngags brjod brdeg/ stong phrag brgyad kyis mthe bong las// 'od zer phyung nas reg ma thag/ dbu skra lcang lo 'khyil gyur nas// 'khor bcas rig 'dzin rgyal po thob// sus kyang mi thub lus grub 'gyur// tshe ni bskal pa'i bar du gnas// sa la pad 'dab brgyad pa bri// bum pa skud pa nag pos dkri// tsan dan gyis byug dris kyang dgang // pad+ma'i steng gzhag pa stangs 'dug/ stong phrag brgyad bzlas sa gzhigs// pad+mar snang zhing sa gzhir snang // chu des gtor la khru gang brko// blangs pas bskal pa'i tshe tshad thob/ / grog mkhar sa la seng ge bya// ga'u wang gis byugs dkyil 'khor gzhag/ g.yo 'gul bar du mchod cing bzlas// seng ger gyur nas rgyab zhon nas// 'dod gzugs lha gnas kun tu 'gro// sangs rgyas zhing yang mthong bar 'gyur/ / tshe lo khri phrag gcig bskor nas// rig 'dzin chen po'i gnas su 'gro// 'dir gsungs pa 'am ma gsungs pa// sngags dang lha 'dis sgrub pa yis// rig 'dzin grub par grags pa rnams/ / ma lus thams cad 'grub par 'gyur// 'phags pa rdo rje khro bo'i rgyal po chen po'i rtog pa bsdus pa las/ rig 'dzin sgrub pa'i le'u ste bdun pa'o// / de nas yang dag bshad bya ba/ / phran tshegs las kyi sbyor ba gtso// gza' yi cho ga 'di yin te// gnod pa sel dang phan skyed mdzad// ba yi rnam lngas byug pa yi// dkyil 'khor dbus su pad+ma ni/ / kha dog sna tshogs nyis brtseg gi/ dbus su sangs rgyas de bzhin lhor// chos ni rdo rje chos dkar po// shar du dge 'dun ljang khu'o// nub tu 'jig rten dbang phyug dmar/ byang du phyag na rdo rje ste// byang sha ra du ni 'jam dpal ser// me ra ni ka shin rje gshed ngo gnas// dbyug 'chang ma he zhon pa'o// mi g.yo mgon po srin po phyogs// rta mgrin rlung gi phyogs su'o// dkon mchog gsum po chos 'chang rgya// sems dpa' khro bo rang rtags so// kun kyang rin chen khri la bzhugs// de rgyab cha la gza' rnams te// shar du nyi ma da ka ra ser ni// rta la zhon te pad+ma 'chang / / nub tu zla ba dkar po ni// ku mu da 'chang dang bzhon// lhor ni mig dmar kha dog dmar// ril ba'i steng bzhugs me sgron bsnams// lhag pa mdog ser ut+pal 'chang // byang du pad stengs bzhugs pa yi/ / phur bu mdog sngon glegs bam thogs// shar lho phyogs su klu la bcibs// pa wa sangs dkar shing thog 'chang // lho nub gser gyi khri la bzhugs// byang shar span pa mdog gnag ni/ / tshangs pa'i steng na dbyug pa thogs// nub byang sgra gcan dud ka ni// sbrul gyi steng na 'khor lo 'dzin// rnon po ljang khu ral gri 'chang // gtso bo drug du pad steng bzhugs// na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM b+ha ki naM swA hA/ nyi ma'i snying po'o// na maHsarba ta thA ga te b+h+ya u0f7fsarba sa pa ri pU ra ke b+h+yaHsarba thA/ oM sarba tra paM a swA hA/ zla ba'i 'o// na maHsarba ta thA ga te b+h+yaH sarba sa pa ri pU ra ke b+h+yaHsarba thA/ oM a bI rA ya swA hA/ rnon po'i'o// na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM su bi shud d+hA swAn+d+ha/ dmig dmar gyi'o// na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM bi suT pa kA ya swA hA/ gza' lhag gi'o// oM na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM b+hi ka myA d+hA ya sAhA/ pur bu'i 'o// na maHsarba ta thA ga te b+h+yaHsarba saM bi ri pU ra ke b+h+yaHsarba thA/ oM su d+harmA Na ra ho swA hA/ pa wa sangs kyi'o// na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM kr-iSh+Na bar+Na pha ka swA hA/ spen pa'i'o// na maHsarba ta thA ga te b+h+yaHsarba sa pa ri pU ra ke b+h+yaHsarba thA/ oM bi kri da la ku ru tsi swA hA/ sgra gcan gyi'o// sngags re brgyad stong brgyad brgya bzlas// ci 'byor mchod de gsol ba gdab// longs spyod spel cing 'jigs pa sel/ / nad med bgegs rims 'joms par 'gyur// rims sogs gzas zin nad la yang // sku yi drung du gsol btab sel// zhi rgyas dbang drag gang sbyar ba// de dag thams cad 'grub par 'gyur/ / mi dang bya rgod sbrul rus pa// skabs gtums nas dgra khyim snga// dgra bo nad skyed nor rnams brlag/ rtag tu 'thab mo 'byung bar nges// stag spu thod rus 'ug pa'i spu/ / dgra bo'i sgor sgras bskrad par byed// ne'u le nag po wa sbal rus// rang khrag rtsangs pa'i mgo bo rnams// gong bu ming bcas dgra sgor sba// dgra bo 'khor bcas shi bar 'gyur/ / mi tshil dur thal rgya skyegs ni// thod pa so can nad blugs nas// glang gi sgor gzhag khang pa 'jig/ ku sha'i gzugs bstan rkang pas mnan// dbang byar 'dod pa'i sngags bzlas na/ rgyal po che yang dbang 'gyur na// 'byung po gzhan lta smos ci dgos// bud med skyes phyugs la sogs la// rang ming ldan pa'i gzugs byas te// rkang pa g.yon mnan ming bcas bzla// gang dang gang yang nges par 'grub/ / sa la bgegs kyi gzugs bri te// sngags kyis brdungs na brlag par 'gyur// 'jim pas bgegs kyi gzugs byas te// gdab cing brdungs na sel bar byed// phur bus gangab dang mtshon chas brag/ / rdo rje ri rab lcog brgyad ldan// sa la byas pa'i thems bar du// gzugs brnyan bcugs ste rkang pas mnan// gzas zin nub mo pa'i maN+Dal// dri bzang me tog sil ma bkram// pha rol phyin pa'i glegs bam bzhugs// dngas ma'i snod du mar bzhag ste// seng ldeng mes ni bskol bar bya// dngos grub rnam gsum 'grub pa dang // gter mthong bar yang 'dis 'gyur ro// khros pas spyan gyi phyag rgya bya/ / sku mtha' gsang sngags drag tu brjod// dur khrod thal ba gang byin pa// gdon gyis 'dzin nam bran du 'gyur// de nas mi g.yo spyan gcig pa'i// sngags kyi cho ga bshad par / ris ma'i drung du 'bum phrag gsum// brjod pas 'di yi bsnyen pa rdzogs// dben par zan gyi chang bu sbyin// des ni rtag tu 'brel bar 'gyur// mdzub mo'i rtse la hUM bkod nas// brjod pas sprin rnams 'dral bar byed/ / dgra bo lhar bcas gzugs bsnyen la// rkang g.yon mnan bzlas lcags phur gdab// bka' nyan 'gyur rog tu bas na shing // skud pa ser po bcings na ngag/ spang le ba mnan na mnan par 'gyur/ / ra lpags brabs na bka' nyan 'gyur// srad bu yungs kar la bzlas te// 'chang na gang 'dod srung bar byed// na maHsarba ta thA ga te b+h+yaHsarba bi shwa mu khe b+h+yaHsarba thA/ oM tsaN+Da ma hA ro Sha Na hU traM b+hU ma hA tsaN+Da/ a tsa la ka na tsU hUM hUM a pra ti ha ta ta thA ga ta dz+nyA/ sma ra hUM hUM phaT swAhA/ rgya mtshor 'bab pa'i chu klung du// tsan dan sbags pa'i pad+ma ni// sngags bcas ci tsam bsgyur ba'i grangs/ / gser gyi dong tshe rnyed par 'gyur// bram ze'am ni dge 'dun ras// rgyal po'i ras sam gro ga la// pad+ma mu khyud gnyis ldan bri// lte bar oM hUM ming dang bcas// tsaN+Da ma hA ro Shak+Sha/ phaT dang bcas pa 'dab mar bkod// mu khyud dang por rtsa sngags te// gnyis pa 'jam dpal sngags nyid bri// dri dang me tog sogs mchod nas// skabs kyis dril nas lus la bcang // gdon dang nad dang mu ge sal/ / g.yul du phyin na rgyal bar 'gyur// yang na ral gri sor bzhir bri// 'od kyi ri mo nang chud pa// le d+harmA la sogs kyis bskor// dbus su ming dang bcas pa yi// snying po sngags ni khrigs su bri/ / 'dis kyang sngon gyi yon tan 'gyur// mtho lngas 'khor ba'i bar du ni// mtho gang 'phang du yod pa bya// nang du mtshal gyis 'jam dpal sngags mgo ni gyen du bltas pa bri/ / kha la nye bar rten 'brel sngags// spra tshil las byas dgra yi gzugs// dug dang gri khrag gis bris nas// ming yig gsad par bcas pa ni// ling ga'i snying khar bcug byas te/ / dkyil 'khor gru gsum nag po yi// dbus su mtho gang brus byas te// nang gzhag steng du spar bu sbub// ji srid mar gyi tshe sa gcig nas// zla ba mi snang zhag bar du// nyin mo rten 'brel sngags bzlas te/ / mtshan dus khro bo spyan gcig pa'i// sngags na drag tu brjod par bya// mtshams dang ji srid mtshams bar du// g.yon du bskor zhing rtsa ba'i sngags// drug cu rtsa bzhi'i grangs su brjod/ / 'jam dpal sngags kyis chos gos srung // bde gshegs yi ge brgya pas ni// mchod rten la ni gseg shang gsil// sangs rgyas bstan pa 'jig pa dang // sngags la 'phya zhing sems can 'tshe/ / log lta log par spyod byed cing // sems can la 'tshe byed pa ni// rgyal po khro bo che bcu dang // 'jig rten skyong dang rgyal chen bzhi// ma tshogs gza' dang rgyu skar tshogs// bstan dga' rnams kyis myur du sgrol// rgyud gzhan dag la grags pa yi// bden pa'i mthu yang du ma brjod// dur khrod sa la mchod rten ni// nag po gru gsum khru gang ba'i// srog shing nag po gsum pa la/ / bde gshegs yi ge brgya pas drakri// gur kum li khris bris pa'o// mya ngan med shing gru gsum la// rgya gram dbang chen rim par bca'// laM s+t+waM b+hA ya nan pa brgyad// phyogs brgyad / briba'i rwa dbus la// nye snying ming dang bcas pa bri// de yi lte bar snying po ni// gsang ba'i ming bcas bri ba'o// tshogs kyi bdag po gtor mas mchod// ma mo rnams dang legs ldan sras/ sha khrag me tog nag pos mchod// ji srid gsum dang bdun bar du// le lo med par byas gyur na// dge slong dge tshul bsnyen ldan gang // sdom brtson de ni ldan gyur te// sdig ldan myur du shi bar 'gyur/ / de nas yang dag bshad bya ba// gtum po rdo rje 'dzin pa yis// sna tshogs las rnams thun mong ste// khyad par sbyor ba cung zad bshad// yungs kar bsnun pas 'byung po 'bros// sar ba srung na 'khor lo 'am/ / rnga dang dung la bri bar bya// g.yul du 'jug na ral gri sogs// nad la 'khor la chu yungs kar// thod la kor gyis sa phor la// bris te sgor sbas spre'u srung // spra tshil gzugs bstan sor bzhi pa/ / dur khrod thal bzlas sgo stengs gzhag/ nad pa gdon las srung bar nges// snying khar ming sngags sprul bcug nas// tsher mkhar btsugs ngag rengs byed// snying le btsugs nas khros pa zhi/ / nan tan sems kyis gsod par nges// ling gas brtags kyi nus pa med// yang na rabs chad thod pa la// ming sngags bris te mi khrag bkang // rabs chang ngur sbas rigs rgyud 'chad/ / khyi nag thod par ming sngags bcas// dug bkang klu gnas sbas mdzes 'dzin// dgra yi sgor sbas 'byed par byed// zhing du sbas na lo nyes byed// phyugs gnas god 'byung zla dang 'byed/ / chu dong sbas na chu skems 'gyur// me dur sbas na rims kyis 'dzin// yang na dgra ming khrag gis bris// spra tshil gzugs kyi snying khar bcug/ mchod rten nag po mtho gang ba'i/ / nang bcug dong gzhag lhung bzed sbub// bram ze rigs bzhis sngags brjod cing // nag po tshes nas phyis skor zhing // bden ma'i mthu brjod gzugs brnyan sreg/ dgra bo shi 'gyur the/ tsom med// gri khrag bya rog 'ug pa'i khrag/ ka tra ta yi lte ma ma la// ka ro ki li dus su ni// gzugs la ming dang sngags bcas bri// rkang pas mnyes na rdul du 'gyur// rdo rje 'dzin pa'i bka' bzhin no// mtshon gyis bsad pa'i thod pa la// sngags dang yul lha'i ming spel bri// lha yi gnas bcug de steng du// sngags bzlas phur pa snying khar gdab// gdug pa'i tsher ma'i hom sbar te// mi rta ba glang khyim he/ / sna tshogs khrag bsres 'di skad brjod// lha khyod yul 'dir thog ser phog// med na bskal par khyod nyid sreg/ de rjes dkar dang mngar mchod do// 'phags pa rdo rje khro bo'i rgyal po chen po'i rtog pa bsdus pa'i rgyud las/ sbyor ba phran tshegs kyi le'u ste brgyad pa'o// / de nas sbyin sreg las rnams kun// myur 'grub thabs ni bshad par bya// mngar gsum dur ba bsregs pa yi/ / gnod rigs thams cad sel bar byed// ya ma shing 'bras bu gsum bsregs shing // gdon nad thams cad zhi bar byed// 'o ma can gyi yam shing la// 'o ma dur ba til dang 'bras/ / snying rje'i sems kyis brgya bsregs na// gnod pa thams cad zhi bar 'gyur// ga pur mngar gsum 'bru thams cad// dur ba dkar po pa yim shing rnams// 'o ma can gyi shing la sreg/ nad dang gdon rnams thams cad zhi// 'o ma sbyin sreg brgya rtsa brgyad// phyugs ngas chen po zhi bar 'gyur// dur ba mngar gsum ming bcas pas// bsregs pas rta phyugs nad zhi byed// shar lho nub byang phyogs kyi ni// dkar nAg dmar ser kha dog 'grub// khru gang khru gnyis tshad kyi thab// sor bzhir kha khyer rim pas gtang // sems dpa' pad+ma'i rdo rje dang // gcig pus zhi rgyas dbang drag 'grub/ / de nas rgyas pa'i sbyin sreg ni// ci 'dod thob pa bshad par bya// pad+ma'i chu ba 'bum phrag gcig/ rgyal po 'tho ba ste blon po ni// ku mu da la 'bum phrag gsum// zho dang mngar gsum dang bcas pa'o/ / a ba ma rga ba 'bras bu dang // mngar gsum 'bum gyis yul bdag 'thob// ri bzang 'bum phrag bdun gyis ni// yid la ci 'dod thob par 'gyur// du ra ba til dang 'bras sogs sreg/ bud med bu bzang thob par 'gyur// nor 'dod pas ni rkun po yi// lag pa g.yas pa mdzod bzhag nas// mchod cing gsol ba btab pas ni// nor rnams myur du thob par 'gyur// @/ yang na rgya yi pags pa la// gur k+Sham kibu ljang srung bas ni// byi ba che brji sar po za// shar na mdzod phrugs bltas par gzhu/ zas kyi ljag mas mchod bya rnying // gsol btab pas nor rnyed 'gyur/ / pad+ma'i ze ba ka lig/ pri yang ku ni nor rnyed do// 'bras bsregs pas kyang nor chen thob// ku mu da yi 'bras sogs sreg/ longs spyod che dang sa gzhi 'thob/ pad+ma zho dang sbrang rtsi mar// sbyin sreg 'bum gyis mchog stsol ba// gsum pa dag kyang mthong bar 'gyur// bil ba'i 'bras bu mngar gsum bcas// 'bum phrag gsum du bsregs pas ni// rang nyid rgyal po chen por 'gyur// mar dang nyungs kar dkar pos ni// nim pa'i shing la 'bum bsregs na// snying po snying pa rgyas par 'gyur// nas la sogs pa'i 'bru rigs rnams// gang bsregs gsol btab de rgyas 'gyur/ / gang 'dod gos kyi kha dog can// me tog bsregs na gos rnyed 'gyur// spos shing bsregs na 'khor g.yog 'phel// zho mar seng ldeng ma la stong // bsregs na nor rnams rnyed par 'gyur/ / de nas dbang gi sreg blugs bshad// til dang 'bras sogs phub ma bsregs// bud med dbang du byed pa'o// pri yang ku yi sbyin sreg gis// byis pa rnams ni dbang du 'gyur// 'o ma sbrang rtsi a ru ra'i// shing la bsregs na lha dbang byed// gsum po de dang ku gul sreg/ gnod sbyin rnams ni dbang du 'gyur// mya ngan med pa'i lam shing gis// gnod sbyin mo rnams dbang du 'gyur/ / rgyal po'i yungs kar yungs mar bcas// bsregs pas rgyal po dbang du 'gyur// de nas drag po'i las grub pa'i// sbyin sreg yang dag bshad par bya// ming bcas tshad dang nim pa bsregs// bstan sdang dgra bo myur du 'chi// dgra ming dug gis nim pa la// bris te dug dang lhan cig tu// sbrul shun thum po lnga byas nas// thod pa lnga yi nang bzhag ste// lnga po yungs mar gyis bkang nas/ gsum ni skyed bu gnyis brtsegs la// khros pas gcig tu skra grol bas// sngags brjod thal bar gyur bar du// nyin phyed bsregs na dgra 'chi nges// 'chi ltas 'dab ma rtsa ba shun// ra khrag nyungs mar tshwa rgya skyegs/ / tsha ba'i bud shing yam shing la// bdun phrag ming dang bcas pa sreg/ stong phrag gnyis kyis rta phyugs 'chi// bzhis ni bu dang chung ma 'chi// drug gis nye du gnyen 'dun rlag brgyad kyis dgra yi rang srog 'chad/ / gal te skyabs su 'ong 'gyur na// 'o ma stong bsregs rnal du sos// khrag dang dug phye nim pa'i 'bras// yungs mar la sbags brgya rtsa brgyad// myos byed la bsregs dgra bo 'chi/ / yang na rus phye nim pa'i lnga// rang gi khrag gam yungs mar skrag/ yang na ske tshe dug dang ni// nim pa'i 'bras bu gsad par bya// yang na gri khrag gis bsregs pas// byang ma myur du gsod par 'gyur/ / nim pa'i lnga dang ra khrag duka/ dri ma lnga bcas gzugs snying khar// ming yig bcug nas phur bus gdab// rig sngags byad ma nyid ldog 'gyur// rgya skyegs mi rus phye ma yis/ / mi lpags rlon la dgra gzugs bri// dug dang ske tshe cung zad byug/ nim pa'i me la khros pas bsro// bsregs pas tsha ba'i rims kyis 'chi// dUr ba'o mas sos par 'gyur/ / dug dang nim pa sgog skya dang // mi rus phye bsregs phyugs rnams rlag/ cha bsum lan tshwa du rang sbyar// yungs mar ro sla sbrul shun dang // nim pa'i lnga dang mi rus phyi// ske tshe dug skye sgog bcing dang / / sgog skya tsher ma'i mi la sreg/ dgra bo khrag tu sgrags te 'chi// rgya skyegs lan tshwa ba glang mkhris// bsregs na mchi nags nad kyis 'chi// sge'u gsher lan tshwa tsha ba gsum/ gzugs brnyan dur khrod mgal dum la/ mgo nas rkang pa'i bar du sreg/ thig nag gis ni gsod par 'gyur// 'o ma can gyi lam shing la// dkar gsum bsregs na sos par 'gyur/ dri chus spangs pa'i sa las ni// thab 'ang byas te dug gis byug/ nim pa'i 'dab mar dgu bo'i ming // ra khrag gis bris rgyas pas bkris// tshag sum shing gi mer bsregs pas// rgyal po rtswa du'achi bar nges/ / dug khrag lan tshwa tsha ba bsam// ming bcas gzugs bsnyan nim pa'i mer// bsregs na dgra bo dmu rdzing ngam// mdzend kyis ni gsod par 'gyur// tshagasum nim pa dug dur/ / khrag dang lan tsha'i gzugs brnyan ni// lan tshwa nim pa tsha ba'i mar// blugs nas arga'i shing la bsregs// mngon chen pos bzung nas 'chi// ra khrag tshag sum nyungs mar spos/ nim pa'i lo ma na le sham// nyungs mar dug bsregs tsha bas 'chi// ne'u sha 'am dug dang tsha// da ru ra lnga tsha ba gsum// sol ba la ni dgra gzugs bya// nyungs mar byugs te bsregs na 'chi// tshagasum pa yi 'bras bu yis// nim pa'i 'dab la dgra ming bri// thod par dug nyungs lhan cig gzhag/ da ru ra lnga bcos na 'ching // ris ma byang du bltas nas kyang // rang nyid lho phyogs blta bar bya/ tshangs pa la sogs lha tshogs dang // 'jig rten skyong ba rdzu 'phrul can// ma mo mkha' 'gro sha za sogs// sa bcu'i dbang phyug byang chub sems// rig 'dzin khro bo'i rgyal po dang / sangs rgyas dkyil 'khor lha rnams gson// sdig can nga rgyal gdug cing khro// chad lta sngags 'phyang dkon mchog bcom// bstan la snang zhing sems can 'tshe// mtshams med can 'di sprul du gsol/ / rlung gis 'dar zhing char gyis gsher// mes gdung rdul tshub skabs 'dir skye// seng ge mkha' lding stag khro bos// bcom zhing 'bu sbrang bung rgod kyis// khrag 'jib bya tshogs mkha' la khyer/ / mngon spyod las kyi bsam gtan no// de nas sna tshogs las bshad pa// mi rus phye ma tshe ske tshe// gnod sbyin 'khrig pa dug shing la// tha dad ming bcas bsregs pas ni// bskrad dang dbye dang smyo bar byed// dur ba 'o ma ra bcas pas sos// da du ra yan lag lnga 'bras bu// tsher ma'i mes bsregs smyo bar byed// tsha gsum lan tshwas tsha rims bskyed// yang na shing skam lta bur bskams/ / dzam pa'i ra dang rang sgyur bcas// dgra bo grang ba'i rims kyis 'debs// khA'i sgo e raN+Da'i mar khus// byugs pa da dur me la sreg/ lab stobs khA ta lta bur ni/ / dgra bo sa mtha' kun tu 'khyam// ske tshe mi rus lan tshwa dug/ nyungs mar nim pa'i me la sreg/ dgra bo rtag tu 'thab pa dang // nad rnams kun gyis 'debs par 'gyur// dur khrod thal ba sol bar bcas/ / dgra bo'i gzugs byas dum bur mnan// tsham rngam phur bus 'debs pa ni// phol mig nang ngan skyed par byed// bya rgod 'ug pa byi la sha// ne'u la'i bu rnams khyer ba'i mar/ / drug cu rtsa brgyang bsregs pa yis// mthun gnyis myur du 'byed par nges// khrag can ras la gzugs bris nas// rkang g.yon skar mnan tsham rngam bcas// 'dod bcas sngags ni drag po yis/ / brgyal dang rims nad mcher nad bskyed// dgra yi sgra dang rkang rjes sa// dgra gzugs dug dang ske tshes byug/ chos mes bsregs na rengs par 'gyur// dgra yi pha rus dug rab skyur/ / gzugs byad nim pa'i mer bsregs na// dgra bo gdon chen nad kyis 'debs// phag rtug sna ha arga'i shing // tsher mes bsregs na mgo 'khor 'gyur// ne'u le byi la byi tsher spu/ / bsregs na bud med bu rlab 'gyur// mi dang ne'u le khA rus pa// yungs mar nim pa'i me la sreg/ grong dang grong khyer bskrad par byed// stag spu thod rus 'ug pa'i spu// sahA me tog na la sham/ / nim pa'i lo ma dug bsregs byed// nim pa'i 'bras bu dug lan tshwa// da dur 'bru ba sregs nad skyed byed// dug khrag dur 'bras bu yis// nim pa'i shing la dgra ming dri/ tshe gsum lan tshwa khrag gis byug/ lcags snod yungs mur nang bzhag nas// nim pa'i shing gi ma yis btso// dgra bo lha dang 'byed par 'gyur// mi khyi bya rgod rus phye dug/ ske tshe yungs mar sbrul shun dang / / nim pa'i lnga dang skyugs lan cha// tsher mes bsregs na nad kyis 'debs// ske tshe dug sbrul tsha ba'i mar// gzugs byas tsha ba'i me la gdung // char ches pa dang thog 'bab 'gyur/ / 'phags pa rdo rje khro bo'i rgyal po'i rtog pa bsdus pa'i rgyud las/ sbyin sreg gi le'u ste dgu pa'o// / de nas tshangs pa khyab 'jug sogs// 'khor gyi dkyil 'khor thams cad kyis/ / bzhengs te thal mo sbyar nas kyang // snyan pas ched du 'di brjod do// e ma sangs rgyas thams cad la// thabs dang shes rab bsam du med// thugs rjes gyur pa'i thugs kyis ni// mtshungs med rgya che dam chos gsungs// dug gi 'jigs pas sa stangs 'khrigs// nyon mongs mun 'jigs med pa yi// bdud rtsi 'od bzang 'di gus na/ / ngan 'gro'i 'jigs pa stongs par 'gyur// de nas tshangs sogs 'jig rten skyong // rdzu 'phrul ldan rnams kun 'dus nas// ngam zhing ched du brjod pa 'di// snyan pa'i tshig gis rab tu gsol/ / e ma sangs rgyas che ba'i bdag/ sems can kun la sman par dgyes// skyob chen 'jig rten mgon po yis// mtshungs med bsam gyis mi khyab thabs/ gsungs pa 'di la gang gnas pa// 'khor ba'i sdug bsngal rgya mtsho sbyong // 'gro la sman mthong bsgrubs pas ni// lhag pa'i bde ba 'byung bar 'gyur// de nas rdo rje 'dzin pa sogs// byang chub sems dpa'i tshogs rnams kyis/ / ngo mtshar spyan ni gdangs nas su// ched du brjod pa 'di brjod do// e ma sangs rgyas bsam mi khyab// gdod nas thugs su 'gro don chud// rtog med rang bzhin las grol nas/ / bsam gyis mi khyab go 'phang gsungs// 'chang byed dang po ngan 'gro gcod// gnyis pa mthong chos dngos grub byed// de rjes 'jigs med nga yi med// dogs pa spangs na zad par gyis/ / sa la bzhugs nas sems can don// ma bsams thogs pa med par byed// gsang sngags rgyal po skyob kun la// sbyangs nas 'dod don kun grub ste// nam mkha' chu ser dag pa ltar/ / sgom pa bla med yid rgyas byed// de nas rig pa 'dzin pa'i tshogs// ma lus pa rnams 'dus nas kyang // gau tse la me tog gtor byas te// ched du brjod pa 'di brjod do// e ma sangs rgyas bsam mi khyab// dam pa'i chos kyang bsam mi khyab// 'gro la phan dang don byed pa'i// cho ga'i ming dang shes rab dang // snying rje'i dbye bas rgyas gyur nas// mnar med la sogs ngan 'gro yi/ / 'jigs rnams las brgal pad+ma ltar// rnal 'byor can de mdzes par spyod// de nas mthu stobs cher ldan pa'i// phyogs bcu'i khro bo kun 'dus nas// shin tu dam pas snyan tshig gis/ / ched du brjod pa 'di brjod do// e ma sangs rgyas chos chen dang // dge 'dun dkon mchog bsam mi khyab// 'khor ba'i mun pa chen por ni// bying bas blta dka' rtogs pa yis// sngags dang phyag rgya bsam mi khyab/ / mthong dang thos pa tsam gyis kyang // blta dka' 'byung po drag po rnams// lhag pa'i sems ni skyes par 'gyur// de nas rig pa'i lha mo che// spyan la sogs pa rgya chen rnams// ngo mtshar gyur nas spun gdangs te// snyan pas ched du 'di brjod do// e ma sangs rgyas rmad du byung // e ma sangs rgyas dpa' bo che// e ma sangs rgyas rab tu zab// chos rnams skye med 'gag pa med/ / sgyu 'phrul sna tshogs rol pa ltar// sgyu ma gdul bya tshim mdzad pa// spros pa dang bral spros pa ltar// sgyu ma rab tu 'phel bar mdzad// de nas phyogs bcu'i sangs rgyas rnams// stong gsum mi mdzad 'jig rten khams/ / gdul ba dag la rab gzigs nas// 'dul mdzad rdo rje 'chang ba la// ngo mtshar rmad kyi gsung gis ni// ched du brjod pa 'di bstod do// oM zhes dang po phyag 'tshal bkra shis ster byed pa/ / ser sna rnam par dag nas yo byad dbang thob dang // gnas dang gnas ma yin pa mkhyen pa'i stobs dang ni// rab dga' ye shes khro bo khams gsum rnam rgyal 'dud// tsaN yig dri bzang tsan dan blugs dang ngang tshul mtshungs// tshul khrims rnam par dag pas tshel dbang ba dang // las dang rnam par smin pa mkhyen pa'i stobs dang ni// dri med ye shes khro rgyal mi g.yo phyag 'tshal lo/ / Ta yi nyon mongs sgrib pa gtor ba'i zhi gnas dang // bzod pa dag pa skye ba la dbang thob pa dang // mos pa sna tshogs mkhyen pa zhes bya'i stobs dang ni/ 'od 'phro ye shes khro bo dbyug sngon phyag 'tshal lo// ma yi gi sgyu 'phrul chen po lhag mthong che ba'i bdag/ brtson 'grus dag pas sems la yang dag dbang thob dang // khams kyi rnam pa sna tshogs mkhyen pa'i stobs dang ni/ / 'od byed ye shes gshin rje bshed po phyag 'tshal lo// hA yig ma chags shes bya'i sgrib 'phrog sbyangs pa che// bsam gtan dag pas rdzu 'phrul la ni dbang thob dang thams cad dag tu 'gro ba'i lam dag stobs dang ni/ / sbrang dka' ye shes rta mgrin khro bo phyag 'tshal lo// ro yig 'khor 'das nad bral shes dag las dbang thob// bsam gtan rnam thar ting 'dzin dang ni snyoms zhugs pa'i/ / kun nas nyon mongs rnam byang lta ba kun mkhyen stobs// mngon gyur ye shes 'dod pa'i rgyal po phyag 'tshal lo// Sha yig mnyam nyid sdom chen dbang phyug chen po rgyal/ / stobs chen dag las mos pa la ni dbang thob dang // sngon gyi gnas rnams rjes su dran pa mkhyen pa'i stobs// ring du song ba'i ye shes bdud rtsi 'khyil la 'dud/ NA yig skyes bu chen po sgra chen klu mchog gtso// smon lam dag pas smon lam che la dbang thob dang // dbang po mchog dang mchog ma yin pa mkhyen pa'i stobs// mi g.yo ye shes khro bo stobs chen phyag 'tshal lo/ / hUM yig hu lu sprin gdengs 'brug sgra gad rgyangs can// thabs dag pas ni ye shes che la dbang thob dang // 'chi 'pho dang ni gang zhig skye ba mkhyen pa'i stobs/ legs pa'i blo gros ye shes khro bo hUM mdzad bdud// phaT sgras bag chags kun gtor dag pas shel dang mtshungs// ye shes dag pas chos la dbang ni thob pa dang // zag pa thams cad yang drag zad pas mkhyen pa'i stobs/ / chos kyi sprin gyi ye shes khro bo gnod mdzes 'dud// de nas chos rje thub pas ni// ljags kyi dbang po bkra ma byas nas// 'dzum pa mdzad pas rab gzigs te// 'khor gyi dkyil 'khor chen po'i dbus// lag na rdo rje mthu chen la// snyan pa'i gsung gis bka' stsal pa// mchog tu brtan par rab bsngags pa// rdo rje theg pa bla na med// mi gang bsod nams dman pa 'am/ / mtshams med la sogs byed pa yang // rgyud 'dir zhugs pa'i de ma thag/ gser 'gyur gyi ni rtsi bzhin du// log rtog ma lus dag nas kyang // rtog med bde ba'i skur byung ste/ / rmi lam bzang po'i sems bzhin du// rnam 'phrul sna tshogs cir yar snang // mu mtha' med pa 'khor ba'i mtsho// bskal pa'i gzings chen bla mer 'di/ chags gsang med pa'i tshul duni// khyod kyis rgyub tu gzung bar bya// lag ma rdo rje stobs po rjes// ston pa la ni 'dri ga sol to// chung 'di byung ma thag tu ni/ gdul/ dka' ba ni rab tu zhi// sa stengs nad dang gdon mug/ bar chad gnod pa kun dang bral// slar yang bstan pa 'phel ba'i phyir// brtan por bdag gis gzung bar bgyi// dpa' bo mkha' 'gro drag po rnams/ / yid kyis brtul zhugs phyung nas kyang // rgyang 'di 'dzin pa'i rjes su 'brang // lha dang 'jig rten pa dang ni// ma mo srin mo mkha' 'gro ma// sha sa gnod sbyin srin po rnams/ / rgyud 'di 'dzin pa skyong bar byed// rgyud 'dzin longs spyod spel bar byed// ston pas gsungs pa rdo rje 'dzin// legs so shin tu cher legs so// rgyud 'dzin rnal 'byor can chen de/ / rgyun du srung zhing blo 'phel mdzod// de skad kyi ni gsung thos nas// byang chub sems dpa' nyan thos dang // mkha' 'gro ma mo 'jig rten skyong // lha klu gnod sbyin dri zar bcas/ / thams cad ldan pa'i 'khor de rnams// dgyes te thal sbyar mngon par dga'i// mi g.yo thugs rje'i lcags kyu bzung bas 'khor ba'i btson ra nas// lha klu 'bum phrag 'tshe bral dkar po dge ba'i kun slong rnams/ / skyes nas byang chub rini chen nor thob mdzad pas rmang byung mtshar// rgyas pa'i tshul bsdus bstan pa'i chos 'di dman la shin tu gsang // 'phags pa rdo rje khro bo'i rgyal po'i rtog pa bsdus pa las/ / mngon par dga' ba'i le'u ste bcu pa'o// / 'phags pa rdo rje khro ba 'i rgyal po'i rtog pa bsdus pa rdzogs so//

CLOSE WINDOW