rgya gar skad du/ Ar+ya ba pu le pra be sha ma hA sU tra/ bod skad du/ 'phags pa yangs pa'i grong khyer du 'jug pa'i mdo chen po/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig @#/ na/ bcom ldan 'das 'dam bu'i khrod na/ gzings pa'i 'dug gnas na bzhugs te/ de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo yangs pa'i grong khyer ga la bar 'dong ngo / / btsun pa de ltar bgyi'o zhes gsol nas/ tshe dang ldan pa kun dga' bos bcom ldan 'das kyi ltar mnyan te/ de nas bcom ldan 'das yul bri dzir rgyu zhing gshegs te/ yangs pa'i grong khyer du byon nas/ yangs pa'i grong khyer gyi a mra srung ba'i tshal na bzhugs so/ de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo yangs pa'i grong khyer du song la phyi nas sgro'i them pa la rkang pa zhog ste/ gsang sngags kyi gzhi 'di dag dang / tshigs su bcad pa 'di dag smros shig/ bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to/ / sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa/ slob pa thams cad kyis bsams pa/ nyan thos thams cad kyis bsams pa/ bden pa'i tshig dang ldan pa thams cad kyis bsams pa/ chos kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsa la to/ / muny+tsa ta/ muny+tsa ta/ ma 'dug cig/ yams kyi nad rnam par zhi bar gyur cig/ nirgats+tsha ta/ nirgats+tsha ta/ nirgats+tsha ta/ nirgats+tsha ta/ sangs rgyas lha chen po/ lha'i yang lha/ lha'i bla ma gshegs shing / dbang po dang bcas pa'i lha rnams dang / tshangs pa dang bcas pa rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'ong / lha 'bum phrag du ma dag dang / lha ma yin gyi dbang po rnams dang / lha ma yin 'bum phrag du ma dag kyang 'ong / bcom ldan 'das la mngon par dad pa'i 'byung po 'bum phrag du ma dag kyang sems can thams cad kyi don gyi phyir 'ongs te/ de dag khyed rnams la gnod pa chen po byed par 'gyur du 'ong gis/ nirgats+tsha ta/ nirga ts+tsha ta/ ni rgats+tsha ta/ ni rgats+tsha ta/ myur du byer cig/ khyed cag las gang dag sdang ba'i sems dang ldan pa de dag ni phung bar gyur cig/ gang dag byams pa'i sems dang ldan zhing nyes par mi 'dod la/ srung bar 'jug par 'dod pa de dag ni 'khod cig/ lus la'ang 'jug par gyis shig/ sangs rgyas 'jig rten la thugs brtse ba can gyis bka' sprul pa/ su mu su mu su mu/ su mu ru su mu ru su mu ru/ su mu ru/ su mu ru/ su mu ru/ susu rU/ su mu ru/ su mu mu/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ mu ru/ ri mi/ ri mi/ ri mi/ ri mi/ r-i mi/ ri ma/ r-i mi/ ri mi/ ri mi/ mu nu ri mi/ mu ru ri mi/ mu ru ri mi mi/ su / sa/ ma mi / / ma/ / sa/ sra ti/ ma/ dzi // ma ba ma ma tshor/ / ma/ mArI ti/ mi ti/ sam+b+ha/ sam+ba/ kakar/ kAM kaR+Sha/ kr-ik+Shar/ ka ka ran+da/ kaMkAn+ta/ kr-ikan+tha/ kAn+ta/ n+dza/ kakan+tha/ kakaR+Sha/ kan+tha/ ka kaR+Sha/ kAkaH/ kaMkaR+Sha k+Shan+d+ha/ u0f7f// n+d+ha/ R+ShA/ 1/ #/ ti te / du du // / rnas / ri pu ri phu/ nA thA tha/ nirgats+tsha ta/ ri phu ri phu/ nirga ts+tsha te/ pA la ya ta/ ri pu ri phu/ ba la ya ta/ sangs rgyas 'jig rten la thugs brtse ba can/ sems can thams cad la phan par lhag par dgongs pa dang ldan pa/ byams pa la gnas pa/ thugs rje dang ldan pa/ dga' ba la gnas pa/ gtang snyoms la gnas par gshegs kyis/ k+Shi phran ni ra gats+tsha ta swA hA/ sangs kyis kyi ye shes kyi mchog dang chos nyid kyis/ lha thams cad dang 'byung po thams cad la bka' stsal pa'i gsang sngags kyi gzhi 'di dag ni grub pa'o/ / tshigs su bcad pa 'di dag ni grub pa'o// gang la ser sna rnam chags pa// rnam 'joms dri ma med mdzad cing // thugs ni gnod pa mi mnga' de/ / khyed la bde legs mdzad par 'gyur// 'dren pa gang zhig 'gro ba rnams// thar pa'i lam du 'dzud mdzad cing // chos rnams thams cad ston pa de// khyed la bde legs mdzad par 'gyur// ston pa rgyug pa rnams kyi rten/ / sems can kun gyi don gyi phyir// gang gis bde ba mnga' mdzad de// khyed la bde legs mdzad par 'gyur// skyob pa gang zhig byams pa yi// thugs kyis 'gro ba 'di dag kun// bu gcig bzhin du rtag bskyangs te/ / khyed la bde legs mdzad par 'gyur// gang zhig 'khor bar 'khor yi// sems can kun gyi rten gyur cing // gling dang dpung gnyen gyur pa de// khyed la bde legs mdzad par 'gyur/ / gang zhig chos kun mngon sum gyur// gtsang zhing slu ba mi mnga' la// gsung gtsang gtsang mar mdzad pa de// khyed la bde legs mdzad par 'gyur// dpa' bo chen po gang skyes pa// phun sum tshogs don 'byor gyur cing / / don grub tshogs kyang grub pa de// khyed la bde legs mdzad par 'gyur// gang zhig skyes pas sa rnams ni// nags tshal bcas par rab g.yos shing // sems can thams cad rab dag de/ / khyed la bde legs mdzad par 'gyur// byang chub snying por gshegs pa na// sa dgra rnam drug g.yos gyur cig/ bdud yid mi bder gyur pa de// khyed la bde legs mdzad par 'gyur// chos kyi 'khor lo bskor ba na/ / 'phags pa'i bden pa rnam gsung ba// thub pa'i snyan pa gang byung de// khyed la bde legs byed par 'gyur// yid 'phrog gang gis mu stegs byed// thams cad chos kyis pha ma mdzad cing // tshogs kun dbang du mdzad pa de/ / khyed la bde legs mdzad par 'gyur// sangs rgyas khyed la bde legs mdzad// brgya byin lhar bcas bde legs dang // 'byung po kun gyi bde legs ni// khyed la rtag tu sprin gyur cig/ sangs rgyas bsod nams mthu dag dang / / lha rnams kyis ni bsams pa yis// khyed rnams don 'dod gang yin pa// don de de ring grub gyur cig/ rkang gnyis khyed cag bde legs shog/ rkang bzhi khyed cag bde legs shog/ khyed cag lam 'gro ba de legs shog/ phyir 'ong dag kyang bde legs shog/ nyin mo bde legs mtshan bde legs// nyi ma'i gung la bde legs shing // khyed cag kun tu bde/ legs shog/ khyed cag sdig par ma gyur cig/ sangs rgyas lha rnams stong dag gis// yongs su bskor te gshegs mdzad kyis// sdang sems ldan pa rnams byer cig/ snying rje'i bdag nyid can rnams 'khod/ sangs rgyas rang sangs rgyas rnams dang // dgra bcom slob pa'i bden tshig gis// 'jig rten mi phan byed pa rnams// grong khyer 'di ni gtong gyur cig/ sems can kun dang srog chags kun// 'byung po kun dang khyed cag kun/ / bde ba 'ba' zhig ldan gyur cig/ thams cad nad rnams med par shog/ kun gyis bzang rnams mthong gyur cig/ gang yang sdig par ma gyur cig/ 'byung po gang dag 'dir ni lcags gyur te// sa dang bar snang dag na gnas pa rnams/ / skye dgu rnams la rtag tu byams byed shog/ nyin dang mtshan du chos kyang spyod gyur cig/ de skad ces bka' stsal nas// tshe dang ldan pa kun dga' bos btsun pa de bzhin bgyi'o zhes gsol to/ / bcom ldan 'das kyi ltar mnyan nas/ yangs pa'i grong khyer du song ste/ sgo'i them pa la rkang pa bzhag nas/ gsang sngags kyi gzhi 'di dag dang / tshigs su bcad pa 'di dag kyang smras so// bi sa rata/ bi sar ta/ bi sa ra ta/ bi sa rata/ sangs rgyas 'jig rten la thugs brtse ba can gyis bka' stsal to// sangs rgyas thams cad kyis dgongs pa/ rang sangs rgyas thams cad kyis bsams pa/ dgra bcom pa thams cad kyis bsams pa/ slob pa thams cad kyis bsams pa/ nyan thos thams cad kyis bsams pa/ bden pa'i tshig dang ldan pa thams cad kyis bsams/ pa/ chos kyis bsams pa/ tshangs pas bsams pa/ tshangs pa so sos bsams pa/ 'dod pa'i dbang phyug gis bsams pa/ dbang pos bsams pa/ lhas bsams pa/ lha ma yin gyi dbang pos bsams pa/ lha ma yin thams cad kyis bsams pa/ lha ma yin gyi mngag gzhug pas bsams pa/ 'byung po thams cad kyis bsams pa/ bi sa ra ta/ bi sa ra ta/ bi sa ra ta/ bi sa ra ta/ sangs rgyas 'jig rten la thugs brtse ba can gyis bka' stsal to// muny+tsa ta/ muny+tsa ta/ yams kyi nad thams cad zhi bar gyur cig/ nirgats+tsha ta/ nirgats+tsha ta/ nirgats+tsha ta/ nirgats+tsha ta/ sangs rgyas lha chen po/ lha'i yang lha/ lha'i bla ma gshegs shing / dbang po dang bcas pa'i lha rnams dang / tshangs pa dang bcas pa rnams dang / dbang bdag dang bcas pa rnams dang / skye dgu'i bdag po dang bcas pa rnams dang / 'jig rten skyong ba bzhi po dag kyang 'ong / lha stong phrag du ma dag dang / lha ma yin gyi dbang po rnams sam/ lha ma yin stong phrag du ma dag kyang 'ong bcom ldan 'das la mngon par dad pa'i 'byung po brgya stong mang po dag kyang sems can thams cad kyi don gyi phyir 'ongs te/ de dag khyed la gnod pa chen po byed par 'gyur gyis/ nirga ts+tsha ta/ ni nats+tsha ta/ ninats+tsha ta/ nin ts+tsha ta/ myur du byer cig/ khyed cag las gang dag snang ba'i sems dang ldan pa de dag ni phung bar gyur cig/ gang dag byams pa'i sems dang ldan zhing nyes par mi 'dod la/ srung bar 'jug par 'dod pa de dag ni 'khod cig/ lus la'ang 'jug par gyis shig/ sangs rgyas 'jig rten la thugs brtse ba can gyis bka' stsal pa/ su mu srema? su mu su mu suma? sA mraT/ sum+b+hanA/ swa rba / sa / suma?Hsra mu ru sramu ru/ nAR+Ya l+r-i/ muru/ mu ru/ wan+da/ mu ru/ mAT muru/ mur+ra/ mir/ ma ri/ mi ri/ mi ra/ ma/ mi ra/ mi ri/ mu ru 'i/ mu ru mi rI/ mu ru mi ri/ muru mr-i/ mu ru mir/ mu ru mi ri/ mu ru mi ri/ mra nu mi kaM ka ra/ kaM ka ra/ kaM ka tsa/ kaM gtsa/ kaM kaR+Sha/ kaM kaR+Sha/ kaM ka rA/ kaM kan+da/ kaM ka rA/ kaM ka rA/ kaM ka rA/ kaM kaR+Sha/ kaM ka rA/ kaM ka rA/ kaM kan+da/ kaM ka nA/ kaM ka nA/ kaM ka R+Sha / dzin/ #// # nin ts+tshata/ ri phu ri pu/ ninats+tsha ta/ ba la ya ta/ ri pu ri phu/ pa la ya ta/ sangs rgyas 'jig rten la thugs brtse ba can/ sems can thams cad la phan par lhag par dgongs pa dang ldan pa byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs kyis/ k+Shi phran nir gats+tsha ta swA hA/ sangs rgyas kyi ye shes kyi mchog dang chos nyid kyis lha thams cad dang 'byung po thams cad la bka' stsal pa'i gsang sngags kyi gzhi 'di dag ni grub pa'o/ / tshigs su bcad pa 'di dag ni grub pa'o// gang la ser sna rnam chags pa// rnam 'joms dri ma med mdzad cing / / thugs zhi gnod pa mi mnga' de// khyed la bde legs mdzad par 'gyur// 'dren pa gang zhig 'gro ba rnams// thar pa'i lam du 'dzud mdzad cing // chos rnams thams cad ston pa de/ / khyed la bde legs mdzad par 'gyur// ston pa rgyug pa rnams kyi rten// sems can kun gyi don gyi phyir// gang gis bde ba mnga' mdzad de// khyed la bde legs mdzad par 'gyur// skyob pa gang zhig byams pa yi// thugs kyis 'gro ba 'di dag kun// bu gcig bzhin du rtag bskyangs te// khyed la bde legs mdzad par 'gyur// gang zhig 'khor bar 'khor ba yi// sems can kun gyi rten gyur cing // gling dang dpung gnyen gyur pa de// khyed la bde legs mdzad par 'gyur// gang zhig chos kun mngon sum gyur// gtsang zhing slu ba mi mnga' la// gsung gtsang gtsang mar mdzad pa de/ / khyed la bde legs mdzad par 'gyur// dpa' bo chen po gang skyes pa// phun sum tshogs don 'byor gyur cing // don grub tshogs kyang grub pa de/ khyed la bde legs mdzad par 'gyur// gang zhig skyes pas sa rnams ni// nags tshal bcas par rab g.yos shing // sems can thams cad rab dga' de// khyed la bde legs mdzad par 'gyur/ / byang chub snying por gang zhig gi/ sa dag rnam drug g.yos gyur cing // bdud yid mi bder gyur pa de// khyed la bde legs mdzad par 'gyur// chos kyi 'khor lo bskor ba na// 'phags pa'i bden pa rnam gsung ba/ / thub pa'i snyan pa gang byung de// khyed la bde legs mdzad par 'gyur// yid 'phrog gang gis mu stegs byed// thams cad chos kyis pham mdzad cing // tshogs kun dbang du mdzad pa des/ / khyed la bde legs mdzad par 'gyur// sangs rgyas khyed la bde legs mdzad// brgya byin lhar bcas bde legs dang // 'byung po kun gyi bde legs ni// khyed la rtag tu sbyin gyur cig/ sangs rgyas bsod nams mthu dag dang // lha rnams kyis ni bsams pa yis// khyed kyi don 'dod gang yin pa// don de de ring grub gyur cig/ rkang gnyis khyed cag bde legs shog/ rkang bzhi khyed cag bde legs shog/ khyed cag lam 'gro ba de legs shog/ phyir ldog dag kyang bde legs shog/ nyin mo bde legs mtshan ba de legs// nyi ma'i gung la'ang bde lags shing // khyed cag rtag tu bde legs shog/ khyed cag sdig par ma gyur cig/ sangs rgyas lha rnams stong dag gis// yongs su bskor te gshegs mdzad kyis// sdang sems ldan pa rnams byer cig/ snying rje'i bdag nyid can rnams 'khod// sangs rgyas rang sangs rgyas rnams dang // dgra bcom slob pa'i bden tshig gis// 'jig rten mi phan byed pa rnams// grong khyer 'di ni gtong gyur cig/ sems can kun dang srog chags kun// 'byung po kun dang khyed cag kun// bde ba 'ba' zhig ldan gyur cig/ thams cad nad rnams med par shog/ kun gyis bzang rnams mthong gyur cig gang yang sdig par ma gyur cig/ 'byung po gang dag 'dir ni lcags gyur te// sa dang bar snang dag la gnas pa rnams// skye dgu rnams la rtag tu byams byed shog/ nyin dang mtshan du chos kyang spyod gyur cig/ 'phags pa yangs pa'i grong khyer du 'jug pa'i mdo rdzogs so// / rgya gar gyi mkhan po su ren+d+ra bo d+hi dang / zhu chen gyi lo tsa ba ban d+he ye shes sdes bsgyur cing zhus te gtan la phab pa/

CLOSE WINDOW