rgya gar skad du/ ma hA shi ta ba nI ka su tra/ bod skad du/ bsil ba'i tshal chen po'i mdo// dkon mchog gsum la phyag 'tshal lo// 'jig rten mkhas pa rdzogs sangs rgyas// ga gis thog mar rig sngags rnams/ / 'dzam bu'i gling du gsungs pa yi// sangs rgyas dpal la phyag 'tshal lo// da ltar byung dang 'das pa dang // ma byon sangs rgyas gang lags pa// thams cad la yang bdag phyag 'tshal/ / de dag kun la skyabs su mchi// 'khor lo bskor ba bla med pa// mar me mdzad la phyag 'tshal lo// chos kyi rgyal po 'od mdzad pa// thams cad gnon la phyag 'tshal lo/ / thams cad mkhyen pa grags ldan pa// pad+ma'i bla la phyag 'tshal lo// spyan dang ldan pa skyob mdzad pa// rab 'thor gshegs la phyag 'tshal lo// ded dpon bla na med pa'o// grags pa'i bla ma phyag 'tshal lo/ / nyi zla lta bur 'od mdzad pa// bde mdzad de la phyag 'tshal lo// chos kyi ma long ston pa po// don gzigs la yang phyag 'tshal lo// dul ba'i tshul khrims 'jigs med pa// rgyal zhes byal phyag 'tshal lo/ / mtshan mchog sum cu rtsa gnyis ldan// skar rgyal la yang phyag 'tshal lo// rdzogs pa'i sangs rgyas dpal ldan pa// rnam par gzigs la phyag 'tshal lo// 'od can gzi brjid ldan pa po/ / gtsug tor can la phyag 'tshal lo// legs par mchod pa grags ldan pa// thams cad skyob la phyag 'tshal lo// bdud dpung rab tu 'joms pa po// log dang sel la phyag 'tshal lo/ / bram ze dpal dang ldan pa po// gser thub de la phyag 'tshal lo// sems can kun la thugs brtse ba// 'od srungs de la phyag 'tshal lo// shAkya seng ge 'od mdzad pa// gser mdog can la phyag 'tshal lo/ / ser sna med pa thugs rje can// byams pa la yang phyag 'tshal lo// sangs rgyas kun la phyag 'tshal te// de dag la ni bdag skyabs mchi// gang dag gis ni chos bstan pa/ / sangs rgyas kun la phyag 'tshal lo// gang la sangs rgyas gus mdzad pa'i// chos la bdag ni phyag 'tshal lo// gang la phul na don che ba'i// dge 'dun la yang phyag 'tshal lo// nyan thos shes rab mchog gyur pa/ / shA ri'i bu la phyag 'tshal lo// rdzu 'phrul can gyi mchog gyur pa// mo'u 'gal bu la phyag 'tshal lo// chos kyi gtam la 'jigs med pa// ka t+ya'i bu la phyag 'tshal lo// nyan thos sbyangs pa'i mchog gyur pa// 'od srungs la yang phyag 'tshal lo// skyob pa yi ni dbang gyur pa// ko'u di rgyal phyag 'tshal lo// mang du thos pa rig sngags 'chang // kun dga' bo la phyag 'tshal lo lus ngan dang ni yul 'khor srung / / mig mi bzang dang 'phags skyes po// phyogs bzhi kho ra khor yug gi/ rgyal chen rnams la phyag 'tshal lo// gnod sbyin gyi ni sde dpon mchog/ nyi shu brgyad la phyag 'tshal lo/ / pha ma mkhan po slob dpon dang // lha rnams la yang phyag 'tshal lo// de dag la ni phyag 'tshal nas// rig sngags 'di ni grub gyur cig/ gang gi don du bya ba yi// don de bdag la grub gyur cig/ sdang bar sems shing gnod byed pa'i// mi ma yin rnams gung du dang // gnod par 'dod dang glags lha rnams// ston pa'i bstan pa mnyan par gyis// byams par sems shing pan 'dod pa'i/ / mi ma yin pa gang yin rnams// thams cad 'dus shing mthun gyur nas// 'jig rten skyong ba rnams kyis tshig/ ston pas rjes su yi rang ba// dga' ba'i sems kyis bdag la nyon/ rabasil ba'i tshal gyi mdo chen po 'di ni rgyal po chen po bzhi'i srung ba chen po ste/ 'khor bzhi po rnams la yongs su khyab pa'o// gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bum dang / yi dgas dang / srul po dang / sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du rgyu dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma yin pa spang bar sems pa dang / glags lta ba dang / mi phan par 'dod pa dang / gnod par byed pa dang / sangs rgyas bcom ldan 'das kyi bstan pa la mi dga' ba dang / gnod par 'dod pa dang / phan par mi 'dod pa dang / bde bar mi 'dod pa dang / grub pa dang bde bar mi 'dod pa dang / 'khor bzhi po rnams la mi dga' ba dang / gnod par 'dod pa dang / phan par mi 'dod pa dang / bde bar mi 'dod pa dang / grub pa dang bde bar mi 'dod pa dang / ming 'di zhes bya ba la mi dga' ba dang / gnod pabar 'dod pa dang / phan par mi 'dod pa dang / bde bar mi 'dod pa dang / grub pa dang bde bar mi 'dod pa gang yin pa de dag ni bsil ba'i tshal gyi mdo chen po 'di thos nas dengs shig/ skrag par gyur cig dngang bar gyur cig/ kun tu dngang bar gyur cig/ 'di na ma 'khod cig/ ngan sems dang gnod sems kyi mgo bo tshal pa bdun du 'gas sa re/ gnod sbyin dang / srin po dang / dri za dang / klu dang nam mkha' lding dang / gsang ba pa dang / 'byung po dang / grul bum dang / yi dgas dang / srul po dang / sha za dang / lha ma yin dang / rlung lha dang / skem byed dang 'tshe rgyu dang / smyo byed dang / mi 'am ci dang / gyen du rgyu ba dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma yin pa sdang bar sems pa ma yin pa rnams dang / glags mi lta ba dang / phan par 'dod pa dang / gnod pabar mi 'dod pa dag/ sangs rgyas bcom ldan 'das kyi bstan pa la dga' ba dang / don du 'gyur bar 'dod pa dang / phan par 'dod pa dang / bde bar 'dod pa dang / grub pa dang bde bar 'dod pa dadang ming 'di zhes bya ba la dga' ba dang / don du 'gyur bar 'dod pa dang / phan par 'dod pa dang / bde bar 'dod pa dang / grub pa dang bde bar 'dod pa gang yin pa de dag ni bsil ba'i tshal gyi mdo chen po 'di thos nas 'dir 'khod cig/ ma sma gcig/ mdang zhig/ kun tu ngang bar ma gyur cig/ mi 'jigs pa kho nar gyur cig/ ming 'di zhes bya ba'i don dang / ban pa dang / 'di pa dang / bde bar gnas par bya ba'i phyir/ bsil ba'i tshal gyi mdo chen po 'di bdag gis bstan cing bshad par bya'o// de la bsil ba'i tshal gyi mdo chen po bdag la srung ba na'adi yinate/ byud 'thod na/ kha Ta/ s+yA si/ bal ka Te/ rog tung zag d+hA/ d+ha mai hi li/ dus ti/ kriH ti/ A/ kar+Na rI/ ma sbya ra ka la be/ sa ma tur di sha/ yo dza na sha ta at+ma rak+Sha/ a ni ti/ gamany+dzi/ sarba bi hi tha ke b+h+yaHna mo b+ha ga ba ti/ bur+d+ha s+ya/ sid+d+han+tu man+t+ra pa dA/ ta ra tu bid+d+ha/ brah+ma No/ man+ya t+ya swahA/ 'di skad bdag gis thos pa dus gcig na/ bcom ldan 'das rgyal po'i khab na/ dur khrod chen po bsil ba'i tshal 'jigs su rung ba skyi bung zhes byed pa na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs so/ / de nas rgyal po chen po bzhi po lus ngan dang / yul 'khor srung dang / mig mi bzang dang / 'phags skyes po bu dang bcas/ blon po dang bcas// 'khor dang bcas/ mngag gzhug pa dang bcas po nya dang bcas g.yog dang 'khor dang bcas pa kha dog 'phags pa dag nam phyed na lhags nas gros mthun par dur khrod chen po bsil ba'i tshal du dong ste/ rang bzhin gyi kha dog dang mthus 'od chen pos snang bar byas nas/ bcom ldan 'das gal ba der song ste phyin nas/ bcom ldan 'das kyi zhabs gnyis la mgo bos phyag 'tshal nas lan gsum bskor ba byas nas thal mo sbyar te/ bcom ldan 'das 'ba' zhig la phyag 'tshal zhing phyogs gcig tu 'khod do// phyogs gcig tu 'khor nas rgyal po chen po bzhis bcom ldan 'das la tshigs su bcad pas bstod pa/ 'jig rten mkhas pa rdzogs sangs rgyas// dpa' chen khyod la phyag 'tshal lo// go'u ta ma khyod kyis gang mkhyen pa// de ni lha rnams ma 'tshal to/ / lan gnyis lan gsum du'ang rgyal po chen po bzhis/ bcom ldan 'das la tshigs su bcad nas bstod pa/ 'jig rten mkhas pa rdzogs sangs rgyas// dpa' chen khyod la phyag 'tshal lo/ / go'u ta ma khyod kyis gang mkhyen bu// de ni lha rnams ma 'tshal to// de nas bcom ldan 'das la// rgyal po chen po bzhis 'di skad ces gsol to// btsun pa bcom ldan 'das yul dang 'phrod lags sam/ 'tshe ba dang ldan lags sam/ btsun pa bcom ldan 'das sku bde ba lags sam/ bskrun mi mnga' lags sam/ nyamang ba ma mchis sam/ bcom ldan 'das kyi sku la gnod pa mi mnga' lags sam/ bcom ldan 'das la gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bum dang / yi dgas dang / srul po dang / sha za dang / lha ma yin dang / rlung lha dang / skam byed dang 'tshe rgyu dang / spyo byed dang / mi 'am ci dang / gyen du rgyu dang / rgyu ba dang / 'dun pa dang / ngan bgyid dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma lags pa sdang bar sems pa dang glags lta ba dang / phan par mi 'dod pa dang / gnod par bgyid bdag las/ gnod par bgyid par sems blta ma mchis lags sam/ de skad ces gsol pa dang / bcom 'das kyis/ rgyal po chen po bzhi la 'di skad ces bka' stsal to// kye rgyal po chen po dgang la ni thams cad yod de/ yul dang yang 'phroda'atsho ba dang yang ldan/ lus kyang bde nad kyang med/ nyam nga ba'ang med do// kye rgyal po chen po dag nga'i lus la ni gnod pa'ang med do// kye rgyal po chen po dag ngas ni 'jig rten lha dang bcas pa/ bdud dang bcas pa tshangs pa dang bcas pa/ dge sbyong dang bram zer bcas pa'i skye dgu dang / lha dang mir bcas pa'i nang na gang de bzhin gshegs pa dgra bcom pa yang dag par rdzogs pa'i sangs rgyas la gnod pa byed par sems pa yang dag par ma mthong ngo / / kye rgyal po chen po dag de lta mod kyi/ khyed kyi 'khor rnams nga'i 'khor la gnod pa byed par sems so// de skad ces bka' stsal ba dang / bcom ldan 'das la/ rgyal po chen po bzhis 'di skad ces gsol to// btsun pa bcom ldan 'das bdag cag gsol ba mchis te/ de'i slad du bcom ldan 'das la blta ba dang / phyag bgyi ba dang / bsnyen bkur bgyi ba dang / bcom ldan 'das nyid la zhu ba'i slad du bdag cag bcom ldan 'das kyi spyan sngar mchis lags so// da ci'i slad du zhe na/ btsun pa bcom ldan 'das dgon pa dang / bas mtha'i gnas mal 'di dag ni shin tu sdang ba'i gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang grul bum dang / yi dgas dang / srul po dang / sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du rgyu ba dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang / rims drag po dang / rims zhog gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma lags pa sdang bar sems pa dang / glags lta ba dang / phan par mi sems pa dang / gnod par bgyid pa dag mchis so/ / btsun pa bcom ldan 'das kyi nyan thos de dag kyang de na gnas te/ bcom ldan 'das kyi nyan thos de dag ni srod dang tho rangs la mi nyal bar sbyor ba la brtson par gnas lags so/ / btsun pa bcom ldan 'das gnod sbyin nam srin po nas/ gnod par bgyid pa'i bar gang dag bcom ldan 'das kyi bstan pa 'di la dad pa'i sems dang ldan pa ni nyung zad cig mchis pa lags so/ / gang dag bcom ldan 'das kyi bstan pa 'di la ma dad pa'i sems dang ldan pa ni ches mang lags te/ de dag ni btsun pa bcom ldan 'das kyi nyan thos srong dang blo rangs la mi nyal zhing sbyor ba la brtson par gnas pa rnams la gnod par bgyid par sems lags te/ de dag dgag pa'i slad du gnod sbyin ma rungs pa ma dad pa rnams dad par bgyi ba dang / dang pa rnams slar zhing dad par bgyi ba dang / 'khor bzhi po rnams bde legs dang / bde bar gnas par bgyi ba dang / ma lus par shin tu nyam par gnog par 'gyur ba'i slad du bsil ba'i tshal gyi mdo chen po 'di bshad par 'tshal lo/ / mi ma yin pa sdang sems can// rgyal ba'i bstan la ma dad pa// de dag bdag gis bzlog par bya// rgyal chen rnams ni bdag la nyon// mdo chen 'di ni thos nas kyang / / mi rnams la ni gnod ma byed// gnod sbyin srin po klu rnams dang // nam mkha' lding dang gsang ba pa// phan par mi 'dod gang yang rung // de dag thams cad bzlog par bya// dang lha min rlung lha dang // lha mo'i tshogs kyis gang ba yi// gzhal med khang mdzes de dag ni// me dang 'dra bar 'od gsal zhing // nyi ma zla ba'i tshul 'dra ba// rin chen las byas shin tu snang / bsod nams byas pa dag gis gang // rab sdang gdon rnams rnam par spangs// mi la gnod byed gang yin pa'i// 'byung po grul dum srin po dang // yi dgas srul po de dag gis// rmad byung de dag mi mthong ste/ / gzi byin ldan pa'i lha rnams kyi// grong khyer du yang de mi 'gro// 'byung po chen po 'du ba na// der yang de dag 'dur mi dbang // stan nam yang na chu yang rung // zas dang skom yang mi dbang ngo / / lus ngan gyi ni pho brang du// nam yang de dag 'gro mi 'gyur// rgyal po chen po rnams kyi tshig/ 'byung po gang zhig mi nyan pa// de yi kha nas khrag dron dag/ myur du rab tu 'bab par 'gyur de yi brlab g.yas rol nas/ / pol mig dag kyang 'byung 'gyur te// de ni nad kyis 'chi 'gyur zhing // gnod sbyin gzugs kyang ston par 'gyur// 'jig rten skyong gis bshad pa yi// mdo las gang zhig 'gal byed pa/ / 'jigs pa thams cad de la 'ong // mgo bo tshal pa bdun du 'gas// rgyal po chen po rnams kyi tshig/ gnod sbyin gang dag mi nyan pa// 'byung po srin po gang yin pa// ngan 'phreng lhag pa'i ngan 'phreng rnams// lcags las byas pa'i 'khor lo yi// mtshon cha spu gri'i so 'dra bas// gnod sbyin de dag brlag par bya// rgyal po chen po dpal dang ldan// go cha sra zhing mtshon rnol/ / stan rnams la ni 'khod pa dag/ shar phyogs na ni yul 'khor srung // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po/ / de dag de na 'khod pa yi// nye 'khor gnod sbyin 'di rnams gnas// seng ge'i gzugs dang stag gi gzugs// mi sdug pa dag 'gro zhing rgyu// glang chan gzugs dang rna yi gzugs/ / kha cig ma de'i gzugs can la// dred mo dang ni wa yi gzugs// lug dang spyang ki phag rgod rnams// rna ba 'phyang dang rna bo che// rna ba gcig pa tha dad pa// sgra cher 'byin cing 'jigs byed pa/ / sa gzhi rab tu g.yo bar byed// bong bu dang ni rnga mo khyi// cha lugs gzhan yang nye 'khor 'khod// rgyal po chen po stobs po che// de dag phan tshun 'du ba na// lha yi shing rta bcas pa yis// nam mkha' las ni 'gro bar byed// gnod sbyin dag ni bdag po yang // mi rnams la ni bde legs byed// s+ya ya the dan/ pa ka hu mu le/ pa kA hu mu le/ ha shi na/ ha shi na/ ban mu pha le/ sa mu ha le/ u du ha le/ sa mu ha le/ pra sha ma mi/ rA kA sa/ a ma nu/ Shu ba rI ma/ yakrA ni/ ba rI mi/ pre ta ma bi hi/ tha du ma nuSh+Ta mA sa ba ta dA/ mUr+d+han spa tiSh+Tu ti/ rgyal po chen po rnam thos bu// mi la non pa sder bcas pas// 'di smras nas ni tshub ma langs// de bzhin ri yang g.yos par gyur// rgyal po chen po rnam thos bu'i// rin chen shing rta bcas pa na/ lha dang mi yi sgra skad grags// rgyal po chen po mchi ba ni// dbang po rnams kyang 'bar bar 'gyur// srin po 'dod dgur bsgyur ba'i gzugs// de yi mdun na rgyug par bgyid// mi ma yin pa'i gzugs rnams kyis/ / 'jigs shing skrag pa skyed par bgyid// che zhing gtum la mi bzad pa// drag cing mthong na mi sdug la// spu yang ring zhing sen mo ring // lag na ral gri tho ba thogs// so ni zangs can 'jigs par bgyid/ / sna chen rnga mo stag gi 'dra// drag cing lag pa khrag dmar ba// yan lag ma tshang byed tsam lus// mog ser lus kyang shin tu ser// dri ma can la lus skam pa// sgra brdzes lcags kyi mchu can la/ / mtshon cha tshabs cher 'debs par bgyid// rna ba gzhu 'dra gsus po che// sbrul gyi gzugs can be'u gzugs// phag gi gzugs can lto bo che// mgo bo tsha la lag ring ba// rna 'phyang ba la nu ma 'phyang // de 'dra'i gnod sbyin mang po yi// g.yog 'khor dag gis yongs su bskor// gnod sbyin bye ba phrag stong rnams// de dag ma ni lam log can// g.yog 'khor de dag lhan cig tu// bdag ni phyag 'tshal slad du mchi// ge'u ta ma dpa' bo khyod la ni// chos bzhin mthun par lta zhing mchis// zag cing rgod la gtum pa dang // mgo bo che la sgra ring ba// mi rnams dang ni ri dgas dang // bya rnams gzi byin 'phrog par bgyid// me 'bar za dang mang du za// mig gcig pa dang mig sar dang // sna dang rna ba bcad pa dang // chad pa mang pos bcad pa dang // mgo ma mchis dang mgo bcad dang radamus kyang skur la gnyer ma gdong / / mig la me 'bar rkang med pa// mi rnams 'jigs par bgyid pa ste// bel ka che la rgod bag can// de bzhin 'gro zhing rgyu bar bgyid// de 'dra'i gnod @sbyin mang po yi/ / g.yog 'khor dag gis yongs su bskor// gnod sbyin bye ba phrag stong rnams// de dag ma ni rkun ma lags// g.yog 'khor de dag lhan cig tu// bdag ni phyag 'tshal slad du mchis/ / go'u tam dpa' bo khyod la ni// chos bzhin mthun par lta zhing mchis// bdag cag gi ni gnas rnams na// shing rta zhes bgyi srin mo mchis// de la bu po stobs ldan pa rnga stong phrag bcu yi grangs snyed mchis/ / de dag bdag gi g.yog lags te// de dag phyag 'tshal slad du mchis// go'u ta ma dpa' bo khyod la ni// chos bzhin mthun par lta zhing mchis// bdag cag gi ni gnas rnams na/ / mgrin rings zhes bgyi srin mo mchis// srin mo shin tu gnag pa dang // srin mo nag mo zhes bgyi dang // srin mo rab gnag rnams mchis te// de dag go'u ta ma mthun par blta/ ra sa yi gnod sbyin bdag nyid che// de dgas steng gnas pa ste// g.yog 'khor de dag rnams kyis ni// yongs su bskor te 'dir mchis lags// de dag kun dang lhan cig tu// bdag ni phyag 'tshal slad du mchis/ / go'u ta ma dpa' bo khyod la ni// chos bzhin mthun par lta zhing mchis// bdag gi mdun na rgyug pa yi// yi dgas gnod sbyin srin po rnams// lus chen shugs kyang drag po sternga so yang che la lnga po che/ / rna 'phyang 'jigs pa chen po ste// slom rna la rab tu 'phyang // yan lag drug pa so brtan pa// gur kum mdog can tho ba 'dra// so yang rtsub cing rno ba dang / mdung thung gsal shing 'jigs par bgyid/ / glang chen mgo dang bum rna can// mgo bo stag dang seng ge 'dra// lcags kyi so can lcags kyi sgra// gdon rnams rnam par skrag bgyid pa// lag na lcags kyi gtan bu thogs/ / lag na lcags kyi tho ba thogs// so rnon lag pa ring ba ste// 'jigs pa'i gzugs can lcags kyi chu// mgo bo che la smra g.yengs pa// gnag cing mig ser sna zhom pa// bum pa'i mgrin dang mig dmar dang / / mig gcig pa dang lto bo che// mchu 'phyangs pa dang lag gcig pa// rkang gcig pa dang rkang gnyis pa// kha med kha gnyis drag po ste// mi rnams rab tu 'jigs par bgyid// lag na 'khar ba dbyug pa thogs// mdung rtse gsum pa skrag cing 'jigs// skrag cing 'jigs par byed pa ste// gdon rnams rnam par skrag bgyid pa// skrag par bgyid cing smra bar bgyid// sems kyang 'khrul par bgyid pa ste/ / spro bar bgyid cing rmongs par bgyid// de nas gzi byin 'phrog par bgyid// de dag 'jig rten 'jigs pa ste// stobs po che la sten par dka'// stong phrag drug cu rtsa bzhi po/ / rgyal po chen po'i mdun na rgyug/ de 'dra'i gnod sbyin mang po yi// g.yog 'khor dag gis yongs su bskor// gnod sbyin bye ba phrag stong rnams// de dag phyag 'tshal slad du mchis// go'u tam dpa' bo khyod la ni// chos bzhin mthun par lta zhing mchis// sa ga lngas rtsen zla ba dang // seng ge sde dang rab gnon dang // mal sbyin brtson drag po dang // gang po dang ni nor 'dzin dang // tsan dan dang ni 'dod mchog dang // sna tshogs sde dang gtor ma le// yid bzhin rab 'byor bzhin bzang dang // 'dam bu can dang shin tu rgyal// 'dod pa thams cad 'byor pa dang / / dbang po rgyal ba khyu mchog dang // nor bu bzang sras rdzogs bzang dang // 'dam bus mchog 'dam bus dga'// khab kyi spu can ring bzang dang // lag mchog skye dgu'i bdag po dang // 'dam bu'i rgyud dang mdung ring dang / / dig pa stobs can nor bu dang // 'jog po nag po chen po dang // la ba can dang dre'u dang gnyis// klu yi rgyal po sa srung bu// yan lag chen po rdzu 'phrul che// nam mkha' lding ni shugs chen ldan/ / 'dab chags kun gyi mchog gyur pa// bya yi gzugs kyis mchi bgyid cing // rgya mtsho kun tu 'khrug par bgyid// lha dang lha min dri za rnams// 'jigs par bgyid dang dge ba'ang rung rngam dad pa dang dad pa rnams/ / de dag thams cad 'dir mchis te// go'u ta ma dpa' bo khyod la ni// chos bzhin mthun par lta zhing mchis// 'phrog ma zhes bgyi gnod sbyin mo// 'jigs par bgyid pa stobs chen mo/ / de yi bu ni lnga brgya rnams// 'jigs bgyid gnod sbyin mthu rtsal can// bdag nyid kyi ni g.yog lags te// de dag phyag 'tshal slad du mchis// go'u tam dpa' bo khyod la ni// chos bzhin mthun par lta zhing mchis/ / mag d+ha na thams cad mthong // ka shi ni ni pad+ma 'chang // yangs pa can na rgyal mchog gnas// gyad yul na ni grags 'dzin gnas// rgyal po'ikhab na ku bi ra// ser skya'i gnas na drag po ste/ / ta ma lan 'byor pa gnas// mi ti lan kun tu rgyal// ma mo chen mo 'di brgyad ni// gnod sbyin rnams kyi sde dpon mchog/ rdzu 'phrul chen po skal ba che// stobs chen de dag thams cad ni/ / yid dge dad pa'i sems dang ldan// rdzogs sangs rgyas la skyabs mchis pas// de dag dang ni 'dus nas kyang // rgyal po chen po stobs chen gyis// yang dag rdzogs sangs rgyas bstan la/ / mi rnams la ni snying brtse'i slad// gnod sbyin 'byung po yi dgas dang // sdang ba'i gdan rnams bzlog pa dang // mi ma yin rnams bzlog pa yi// srung ba 'di ni legs par bgyis// de nas rgyal po rnam thos bu/ / thal sbyar 'dug ste smras pa ni// khon dang 'jigs pa kun 'das pa// rnam grol zag pa mi mnga' ba// go'u ta ma dpa' bo khyod la ni// chos bzhin mthun par lta zhing mchis// khyod la lha dang grub pa dang / / bram ze thams cad phyag 'tshal te// gnod sbyin bye ba drug khri dang // bzhi stong dag kyang lhags nas ni// kho ra khor yug yongs bskor nas// thal mo sbyar te 'khod gyur lags// bdag ni rgyal po rnam thos bu/ / byang phyogs skyong bar bgyid pa ste// 'jig rten mgon po'i nye 'khor du// gnod sbyin rgyu skar smyo byed dang // brjed byed dang ni mi 'am ci// skem byed dang ni rim drag dang // de bzhin rims nad zhag bzhi pa/ / de dag bdag gis bzlog par bgyi// s+yad mthe dan/ u ha ham/ u ha hom/ ma hA hom/ ma hA u ha ham/ u ha ma hA ham/ sa la mu dzi/ i li mi li/ @ki le mi le/ tsi ri ti/ tA b+hi/ utu b+hI/ di ti li ye/ ma tra ma li/ ma nin+da ye swA hA/ rgyal po chen po rnam thos kyi bu lus ngan lcang lo can gyi bdag po phyogs skyong bar gyur cig gnod sbyin dang / rgyu skar dang / smyo byed dang / brjed byed dang / mi 'am ci dang / gyen du rgyu dang / rgyu ba dang / 'dun pa dang / ngan byed dang / gzi byin 'phrog pa rnams bzlog par gyur cig/ lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo// de'ang bcom ldan 'das nyid la phyag 'tshal te/ rdzogs pa'i sangs rgyas dpa' bo ste// kun mkhyen kun gzigs khyod la 'dud// yang dag dpa' bo khyod la 'dud/ / chos bzhin mthun par lta zhing mchis// de nas rgyal po yul 'khor srung // thal sbyar 'dug ste smras pa ni// chos kyi rgyal po 'od mdzad pa// sangs rgyas dpal la bdag phyag 'tshal// go'u ta ma dpa' bopo khyod la ni/ / chos bzhin mthun par lta zhing mchis// go'u ta ma khyod kyis gang mkhyen pa// de ni lha rnams ma 'tshal to// srin po mthong na rab 'jigs pa// stong phrag drug cu rtsa bzhi rnams// khor khor yug yongs bskor nas/ / thal mo sbyar te 'khod gyur lags// bdag ni rgyal po yul 'khor srung // shar phyogs skyong bar bgyid pa ste// 'jig rten mgon po'i nye 'khor du// srin po rnams dang sha za dang // dri za dang ni rlung lha rnams/ / de dag bdag gis bzlog par bgyi// s+yAd ya thedan/ i Ti min+ti/ khur Te/ pu ra Te/ ma ti/ ba mi ti/ um ti/ ar+the/ ma/ nan+te/ a t+ya mi/ bkru mi/ ma b+hi/ i ri ti/ bi riti swAhA/ rgyal po chen po yul 'khor srung phyogs skyong bar gyur cig/ srin po dang / yi dgas dang / dri ba dang / rlung lha dang / mi 'am ci dang / gzi byin 'phrog pa rnams bzlog par gyur cig/ lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo// de'ang bcom ldan 'das nyid la phyag 'tshal te/ rdzogs pa'i sangs rgyas dpa' bo ste// kun mkhyen kun gzigs khyod la 'dud/ / yang dag dpa' bo khyod la 'dud// chos bzhin mthun par lta zhing mchis// de nas rgyal po 'phags skyes po// thal sbyar 'dug ste smras pa ni// 'jig rten mgon po skyabs mdzad pa/ / 'jig rten kun la phan pa mdzad// go'u ta ma dpa' bo khyod la ni// chos bzhin mthun par lta zhing mchis// grul bum yi dgas srul po rnams// stong phrag drug cu rtsa bzhi rnams/ / kho ra khor yug yongs bskor nas// thal mo sbyar te 'khod gyur lags// bdag ni rgyal po 'phags skyes po// lho phyogs skyong bar bgyid pa ste// 'jig rten mgon po'i nye 'khor du// 'byung po rgyu ba gzi byin 'phrog/ thul bum yi dgas srul po rnams// de dag bdag gis bzlog par bgyi// s+yAd ya the dan/ a le a li le/ ki le ki li le/ gu pa ku bas/ si le sau la lI sau li li li li li li li li/ hai ti si li ma ti/ su ma ti/ su sum ti/ su su/ su su su suM/ ma ti/ hi li sha li sha swAhA/ rgyal po chen po 'phags skyes po phyogs skyong bar gyur cig/ grul bum dang / yi dgas dang / srul po dang / 'byung po dang / rgyu ba dang / gzi byin 'phrog pa rnams bzlog par gyur cig/ lha'i nang nas lha'i rgyal po nor lha'i bu zhes bgyi ba mchis te/ de la bdag phyag 'tshal lo// de'ang bcom ldan 'das nyid la phyag 'tshal te/ rdzogs pa'i sangs rgyas dpa' bo ste// kun mkhyen kun gzigs khyod la 'dud/ yang dag dpa' bo khyod la 'dud// chos bzhin mthun par lta zhing mchis// de nas rgyal po mig mi bzang // thal sbyar 'dug ste smras pa ni// mun par gyur pa'i 'jig rten la// bcom ldan lam rnams ston mdzad pa/ / go'u ta ma dpa' bo khyod la ni// chos bzhin mthun par lta zhing mchis// 'jig rten dag na nyi zla 'dra// rin chen snying gi stobs po che// klu dang mkha' lding gsang ba pa// stong phrag drug cu rtsa bzhi rnams/ / khor khor yug yongs bskor nas// thal mo sbyar te 'khod gyur lags// bdag ni rgyal po mig mi bzang // nub phyogs skyong bar bgyid pa ste// 'jig rten mgon po'i nye 'khor du/ klu dang mkha' lding gsang ba pa// lha min dbang po stobs po che// de dag bdag gis bzlog par bgyi// s+yAd ya the dan/ dAg da ga/ su ba ti ye/ pa ta/ a Ta ka/ mad twe/ bi ma bi da ma/ bi dad ma hA/ bi dad ma ni/ a b+hi na ma/ gats+tsha D+ha te/ da la pi yAM/ ba ra su re/ ratra rkyen/ tsi li l-i li li li li swAhA/ rgyal po chen po mig mi bzang phyogs skyong bar gyur cig klu dang / nam mkha' lding dang / gsang ba pa dang / lha ma yin dang / gzi byin 'phrog pa rnams bzlog par gyur cig/ lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ / de'ang bcom ldan 'das nyid la phyag 'tshal te/ rdzogs pa'i sangs rgyas dpa' bo ste// kun mkhyen kun gzigs khyod la 'dud// yang dag dpa' bo khyed la 'dud// chos bzhin mthun par lta zhing mchis// de nas rgyal po chen po bzhis bla gos phrag pa gcig tu gzar nas/ pus mo g.yas pa'i lhang sa la btsugs te thal mo sbyar nas/ bcom ldan 'das 'ba' zhig la phyag 'tshal zhing gros mthun pa dang / tshig mthun pa dang / skad mthun par bcom ldan 'das la 'di skad ces gsol to// btsun pa bcom ldan 'das bsil ba'i tshal gyi mdo chen po 'di ni rgyal po chen po bzhi'i srung ba ste/ 'khor bzhi po rnams la yongs su khyab pa lags so// gnod sbyin dang srin po nas/ gnod pa bgyid pa'i bar du bzlog par bgyi ba dang / 'khor bzhi po rnams la srung ba dang / skyob pa dang / sbed pa dang / bde legs su 'gyur ba dang / bde bar gnas par bgyid pa lags so// de skad ces gsol ba dang / bcom ldan 'das kyis/ rgyal po chen po bzhi la 'di skad ces bka' stsal to// kye rgyal po chen po dag rig sngags kyi rgyal po chen po bzung zin no// bsil ba'i tshal gyi mdo chen bongs yongs su bzung zin no/ / kye rgyal po chen po dag gzhan yang ngas kyang bsil ba'i tshal gyi mdo chen po la rjes su yi rang ba'i rig sngags kyi rgyal po chen po brjod kyis/ de legs par rab tu nyon la yid la zung zhig dang ngas bshad do/ / bcom ldan 'das de ltar 'tshal lo zhes rgyal po chen po bzhis bcom ldan 'das kyis bka' stsal pa ltar mnyan to// de nas bcom ldan 'das kyis phyag rin po che g.yas pas na bza' chos gos phye nas/ 'byung po'i tshogs de dag la 'di skad ces bka' stsal to// ngas 'di bstan par bya'o// rgyal po chen po rnam thos kyi bu la dbye bar bya'o// thams cad la go bar / bya'o// dzade nas bcom ldan 'das yang dag par rdzogs pa'i sangs rgyas kyis rig sngags 'di bka' stsal to// s+yA da ya the dan/ hi lA hi lI/ b+hi si ni/ ba ke/ oM ha ra ye/ ta ma ni/ til / lab ta k+She/ da ri tin/ da d+hi da na/ suH/ phuphu Ta/ gu gu r+b+ha/ hi tsi kAn nu/ na ma ken ti/ swA hA/ bcom ldan 'das kyis rig sngags kyi rgyal po chen po 'di bka' stsal pa nas 'di kun tu g.yos/ 'byung po thams cad ni rab tu 'dar nas/ kye ma kyi hud/ kye ma sdug bsngal lo zhes sgra chen po byung ngo // srin po rnams kyis kyang 'di skad ces smras te/ 'di ltar yang dag rdzogs sangs rgyas/ / sems can kun la thugs brtsen// 'byung po kun 'jigs nyen pa yi// rig sngags 'di 'dra gsung bar mdzad// de nas kun mkhyen ston pa po// sems can kun la thugs brtse bas/ gnod sbyin srin po dri za dang // klu dang mkha' lding gsang ba pa// 'byung po rgyu ba gzi byin 'phrog/ grul bum yi dgas srul po dang // lha min gshed byed ro langs dang // brjed byed dang ni mi 'am ci/ / skem byed dang ni rims drag dang // de bzhin bram ze srin po dang // smyo byed rims nang zhag gsum pa// de bzhin zhag ni bzhi pa rnams// skrag cing rab tu 'dar gyur te// phyogs bcur rgyug pa gzigs nas kyang / / de dag la ni thugs brtse'i phyir// rig sngags 'di ni brjod par mdzad// s+yAd ya the dan/ ha rim/ kha tri/ da kha kha/ kat+ta ma ti/ sid+d+ha ma ha ta ra/ u Da ta ni/ Da Ta/ da Ta li/ d+ya mad d+ye/ d+ya ma tha/ d+hu d+hA ri/ da da ri/ da ma ma ri/ ka ri ki ye/ ka tha ba ra ni/ su su ma li swA hA/ gsang sngags chen po rig sngags chen po 'di las 'gal bar ma byed cig/ bcom ldan 'das kyi gsung gi chos la yang dag par so sor rtogs shig/ khyed kun lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye zhing 'khor bar 'gro bar/ de nas rgyal po chen po bzhis/ bcom ldan 'das kyis rig sngags kyi rgyal po chen po sngon ma thos pa 'di thos nas skrag cing darangs te mi dga' la spyi bung zhes byed nas thal mo sbyar te/ bcom ldan 'das la phyag 'tshal zhing gros mthun pa dang / tshig mthun pa dang / skad mthun par bcom ldan 'das la 'di skad ces gsol to// sdang ba'i 'byung po zad bgyid pa// rig sngags 'di ni legs par gsungs// mi yi 'jig rten bde bgyid pa'i/ / rig sngags bdag cag brjod par 'tshal// de la rig sngags 'di lags te// 'jig rten mgon po bdag la gson// s+yAd ya the na/ u hu ha la/ ku li dzi ba a b+h+ya @ya ma sur bi la/ ad d+ya bang h+ye/ nad d+ya bang h+ye/ ad d+ya ba ti/ ma rung bya/ ma rung d+ya ba ti/ ma rang d+ya ba la swA hA/ bcom ldan 'das 'byung po thams cad bzlog pa 'di gzung bar gsol/ s+yAd ya thed na/ i li i li/ mi li mi li/ ki li ki li/ pa na ra ni la ba ya/ b+hu b+h+ra b+hu ra/ bi ro'u/ bu phu phur/ ga Sha li ro'u/ kha da ya/ ma la/ khu li lu li pa ya swA hA/ rig sngags kyi rgyal mo 'di ni lo gcig gi bar du mtshams gcod pa dang / 'byung po thams cad bzlog pa dang / don thams cad grub pa lags so// de nas gnod sprin dang / srin po dang / dri za nas/ gnod par bgyid pa'i bar rnams kyis/ bcom ldan 'das kyi rig sngags kyi rgyal mo chen mo sngon ma thos pa 'di'ang thos/ rgyal po chen po bzhi'i srung ba sngon ma thos pa 'di'ang thos nas skrag cing dngangs la mi dga' ste/ skyi bud zhes byas nas sa la 'dzul/ kun tu 'dzul/ kun tu rab tu 'dzul bar byed do// de nas bcom ldan 'das kyis sa gzhi rdo rjer sprul nas/ de dag phyogs bzhir rgyug go// de na rgyal po chen po bzhis phyogs bzhir me lce'i phung po chen po sprul to/ / de nas de dag nam mkha' la rgyug go// de nas bcom ldan 'das kyis nam mkha' gser du sprul to// de nas 'jig rten skyong ba rgyal po chen po rnam thos kyi bu lha dang dri zas bskor cing mdun du bdar te/ steng gi nam mkha' bar snang la 'phags nas gnod sbyin dang srin po nas/ gnod par byed pa'i bar rnams gzhom pa dang / sems can thams cad la snying brtse ba dang / 'byung po thams cad bzlog pa dang / 'khor bzhi po rnams bsrung ba dang / bskyab pa dang / sbab dang / bde legs su 'gyur ba dang / bde bar gnas par bya ba'i phyir rig sngags 'di brjod do/ / s+yAd ya tha dan/ gi mi gi mi/ gi mi gi mi/ gi ni gi ni/ gi ni gau ni/ na khi na khi/ niSha ni Sha ni Sha/ ud+d+ha a dA/ di sha di sha/ bi di sha sarba di sha a di pa te/ gi ra bi sa dza ni/ b+hu mi ba ti[:]i li le/ ki li li/ ki li ki li li/ ki li ki li li/ ki li ki li li/ ki li ki li li/ ki li ki li li/ ki li li li li li li/ ki li li li li li li li li/ ad byi/ nad byi/ ku nad d+hi/ ma ha ku nad byi/ ku lad d+hi khu khu/ lad byi/ ma ha lu/ lad byi/ hu lu hu lu lu/ hu lu lu lu/ hu lu lu lu lu/ hu lu lu lu lu/ lu lu lu lu lu lu lu lu lu/ ha la/ ha ha la/ hi li/ hi hi li/ ha ha la/ hu le/ i ha/ hu hu le/ u lad d+yi/ hi le/ u ha hi li le/ hi la hi le/ hu li hi/ hu lu hu lu/ hu lu/ hu ru hu le/ ha ha ha ha ha ha ha swAh+mA/ rgyal po chen rnam thos kyi bu phyogs skyong bar gyur cig/ lha rnams kyi nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo// de'ang bcom ldan 'das nyid la phyag 'tshal te/ rdzogs pa'i sangs rgyas dpa' bo ste// kun mkhyen kun gzigs khyod la 'dud/ / rdzogs pa'i sangs rgyas rkang gnyis mchog/ shes rab chen po khyod la 'dud// go'u ta ma khyod kyis gang mkhyen pa// de ni lha rnams ma 'tshal to// yang dag dpa' bo khyod la 'dud/ / chos bzhin mthun par lta zhing mchis// gnod sbyin dang / srin po dang / dri za nas/ gnod par bgyid pa'i bar rnams ming 'di zhes bya ba'i lus la babs pa las gung du dengs shig/ gal te ming 'di zhes bya ba'i lus las myur du gud du ma dong na/ de dag la myur du 'jigs pa chen po dang / nad drag pos 'debs par 'gyur la/ de'i rkyen gyis mgo bo dang snying chal pa brgyar 'gas par 'gyur te/ de'i mod la sdug bsngal du ma 'byung ba dang / drag pa dang / mtha' med par 'gyur ro// 'brum bu'i gdon gang yin pa dang / skya rengs 'char ka'i gdon gang yin pa dang / grib gdon gyi gdon gang yin pa de dag thams cad kyang bsil ba'i tshal gyi mdo chen po 'di thos nas ming 'di zhes bya ba'i lus las myur du gud du dengs shig/ gal te myur du gud du ma dong na de dag la myur du 'jigs ba chen po dang / nad drag pos 'debs par 'gyur la/ de'i rkyen gyis mgo bo dang snying tshal pa brgyar 'gas par 'gyur te/ de'i mod la sdug bsngal du ma 'byung ba dang / rlag pa dang / mtha' med par 'gyur ro// gzi byin dang ni khrag zab/ / nyin mtshan rgyu ba gang yin pa// de dag gis kyang legs gsungs pa'i// mdo bshad thos nas btang bar gyis// shaM ba lus 'phags skem byed dang // 'byung po 'jigs byed srul po rnams// de dag gis kyang legs gsungs pa'i// mdo 'di bshad pa thos nas thong // lha dang lha min rlung lha dang // dri za dang ni gdon gyi bla// 'byung po dang ni sha za dang // de bzhin gnod sbyin srin po rnams// kun tu 'khrugs shing kun tu g.yos/ / skrag cing kun tu rab tu 'gul// gdon sdang gnod pa byed pa rnams// ltung zhing rab tu pham par 'gyur// sa ga ni dag kyang rab tu g.yos// sgra bo che dag sgrogs par byed// yi dgas dang ni grul bum rnams/ / sdang ba'i gdon ni zlog byed pa'i// mdo 'di dag ni thos gyur nas// 'jigs pa drag pos 'debs par 'gyur// sangs rgyas chos dang dge 'dun la// dad pa'i gnod sbyin gang yin// pa de dag mgu zhing yid dga' nas// legs par rjes su yi rang ngo // de nas rgyal po chen po bzhi bar snang las babs nas// bcom ldan 'das ga la ba der song ste lhags nas// bcom ldan 'das kyi zhabs la mgo bos phyag 'tshal te thal mo sbyar nas/ bcom ldan 'das la phyag 'tshal zhing gros mthun pa dang / tshig mthun pa dang / skad mthun par bcom ldan 'das la 'di skad ces gsol to// btsun pa bcom ldan 'das bsil ba'i tshal gyi mdo chen po 'di ni rgyal po chen po bzhis zhabs la phyag bgyi ba dang / 'khor bzhi po rnams srung ba dang / yongs su skyob pa dang / gnod sbyin dang / srin po nas/ gnod par bgyid pa'i bar rnams 'joms pa lags so// btsun pa bcom ldan 'das dge slong dang / dge slong ma dang / dge bsnyen dang / dge bstan ma de dag gis kyang bsil ba'i tshal gyi mdo chen po 'di gzung bar bgyi/ bcang bar bgyi/ brjod par bgyi/ kun chub par bgyi'o// btsun pa bcom ldan 'das dge slong ngam/ dge slong ma 'am/ dge bsnyen nam/ dge bsnyen ma gang la la bdag bsrung ba dang bdag sba ba dang / gzhan bsrung ba dang / gzhan sba ba'i slad du bsil ba'i tshal gyi mdo chen po 'di 'dzin pa dang / 'chang ba dang / rjod pa dang / kun chub par bgyid pa de la ni gnod sbyin dang srin po nas/ gnod par bgyid pa'i bar rnams nye 'khor du'ang gnas par mi 'gyur na/ gnod par bgyid pa lta ga la sems lags// de gang du mtshan gcig tsam gnas pa der yang gnod sbyin dang srin po nas/ gnod pa bgyid pa'i bar rnams ca 'khor du'ang gnas par mi 'gyur na/ de gang du rtag tu gnas pa der lta smos kyang ci 'tshal lags/ btsun pa bcom ldan 'das gang la mi ma lags pa'i gnod pas thebs pa de'i mdun du bsil ba'i tshal gyi mdo chen po 'di brjod na/ de myur ba kho nar bde legs dang / nad ma mchis pa dang / bde bar 'gyur zhing thar par 'gyur la/ mi ma lags pa rnams de la log pa mi bgyid cing myur du gud du mchi bar 'gyur lags te/ btsun pa bcom ldan 'das bsil ba'i tshal gyi mdo chen po 'di ni de ltar don che ba lags so// btsun pa bcom ldan 'das dge slong ngam/ dge slong ma 'am/ dge bsnyen nam dge bsnyen ma gang la la bsil ba'i tshal gyi mdo chen po 'di 'dzin pa dang / 'chang ba dang / brjod pa dang / kun chub par bgyid pa dang / sbyor bar bgyid pa de la ni dad pa can gyi gnod sbyin dge bsnyen rnams rgyal po chen po bzhi'i gnas su mchis nas ming smos par bgyid de/ kye rgyal po chen po dag dge slong ngam/ dge slong ma 'am/ dge bsnyen nam/ dge bsnyen mcheg mo zhig bdag bsrung ba dang / bdag sba ba dang / gzhan bsrung ba dang / gzhan sdu ba'i phyir bsil ba'i tshal gyi mdo chen po 'di 'dzin par byed/ 'chang bar byed/ rjod par byed/ kun chub par byed/ sbyor bar byed do zhes sgrog par bgyid lags so// btsun ba bcom ldan 'das dad pa can gyi gnod sbyin dge bsnyen rnams rgyal po'i pho brang lcang lo can du mchis nas/ rgyal po chen po rnam thos kyi bu'i mdun du gnod sbyin rnams 'dus shing 'byung po thams cad tshetshogs pa'i nang du'ang bsgrags nas/ der de dag mngon par dga' bar 'gyur te/ btsun pa bcom ldan 'das bsil ba'i tshal gyi mdo chen po 'di ni de ltar den che ba lags so// btsun pa bcom ldan 'das dge slong ngam/ dge slong ma 'am/ dag bsten nam/ dge bstan ma gang la la bdag bsrung ba dang / bdag sbab dang / gzhan bsrung ba dang / gzhan sba ba'i slad du bsil ba'i tshal gyi mdo chen po bdi 'dzin pa dang / 'chang ba dang / rjod pa dang / kun chub par bgyid pa dang / sbyor bar bgyid pa de ni tshangs par spyad par bgyi'o// chang mi btung ba dang / dran pa dang / shes bzhin can du mchis pa dang / zas rnam pa lnga la 'di lta ste/ bu ram dang / sbrang rtsi dang / til dang / sha dang / nya sha rnams yongs su spang bar bgyi'o// de ci'i slad du zhe na/ btsun pa bcom ldan 'das gnod sbyin dang srin po nas/ gnod par bgyid pa'i bar rnams bsil ba'i tshal gyi mdo chen po 'di 'dzin pa dang / 'chang ba dang / rjod pa dang / kun chub par bgyid pa dang / sbyor ba de la de'i skabs kho nar rlag pa dang / mtha' ma mchis par bgyid pa dag mchis te/ de dag gzhom pa'i slad du yi dam 'di bgyi 'tshal lags so// btsun pa bcom ldan 'das dge slong ngam/ dge slong ma 'am/ dge bsnyen nam/ dge bsnyen ma gang la la bsil ba'i tshal gyi mdo chen po 'di 'dzin pa dang / 'chang ba dang / rjod pa dang / kun chub par byed pa dang / sbyor bar bgyid pa de la ni dad pa can gyi gnod sbyin dge bsnyen rnams gos dang / zas dang / mal cha dang / stan dang / bro gsos sman dang / yo byad rnams kyis spro ba skyed par bgyid de/ btsun pa bcom ldan 'das bsil ba'i tshal gyi mdo chen po 'di ni de ltar don che ba lags so/ / btsun pa bcom ldan 'das gzhan yang mu stegs can bcom ldan 'das kyi gsung rab la ma dad pa dang / mngon par mi dga' ba dang / gnod par 'tshal ba dang / sman par mi 'tshal ba dang / grub pa dang bde bar mi 'tshal ba gang la la bsil ba'i tshal gyi mdo chen po 'di 'dzin pa dang / 'chang ba dang / rjod pa dang / kun chub par bgyid pa dang / sbyor bar bgyid pa de la ni don de 'grub par mi bgyid de// mi ma lags pa rnams kyis bar ma dor 'gum pa dang / sdug bsngal du ma 'byung ba dang / rlag pa dang / mtha' ma mchis par bgyid pa lags so// de ci'i slad du zhe na/ da ni de dag la gnod par 'tshal ba dang / sman par mi 'tshal ba dang / grub pa dang bde bar mi 'tshal ba lags pa'i slad du ste/ de dag la ni log par lta ba gang lags pa de rlag par bgyid pa lags so// btsun pa bcom ldan 'das 'jig rten na sems can rnams bsrung ba dang / bskyab pa dang / sba ba'i slad du rgyal po chen po bzhis bsrung ba bgyis pa gang ci'ang rung ba'i bsrung ba de dag gi nang na ni 'di mchog dang / gtso bo dang / rab mchog lags so// nas bcom ldan 'das la/ rgyal po chen po bzhis tshigs su bcad pa 'di dag gsol to// mi mchog gang zhig mdo 'di dag/ yongs su rdzogs pas srung ba dang // bde legs bgyid pa de la ni// srin po rnams kyang 'tsho mi bgyid/ / su yang rung ste mdo 'di dag/ mi mchog gis ni gsungs pa bzhin// yongs su rdzogs shing ma chad par// shin tu tshang bar 'chang bgyid na// de la gnod sbyin yi dgas dang // 'byung po grul bum srin po dang // smyo byed rgyu ba klu rnams dang // de lta bu dag 'tshe mi bgyid// de la mi ma lags dang gdon// myur du gud du mchi bar 'gyur// de la cis kyang mi tshugs te// de la 'tshe bar yong mi nus/ / rgyal po chen po bzhi po yis// bcom ldan phyag 'tshal zhes brjod de// sangs rgyas zhabs la phyag 'tshal nas// de nyid du ni mi snang gyur// de nas bcom ldan 'das kyis de'i mtshan mo 'das te nam langs nas dge slong gi dge 'dun gyi gung la bzhugs te/ dge slong rnams la bka' stsal pa/ dge slong dag ma dang sum rgyal po chen po bzhi bu dang bcas/ blon po dang bcas/ 'khor dang bcas/ mngag gzhug pa dang bcas/ po nya dang bcas/ g.yog 'khor dang bcas pa kha dog 'phags bdag nam sros nas lhags nas gros mthun par dur khrod chen po bsil ba'i tshal du 'ongs te/ @#rang gi 'od kyis snang bar byas nas lus ngan dang / yul 'khor srung dang / mig mi bzang dang / 'phags skyes po rnams dag la ba der 'ongs te lhags nas/ nga'i rkang pa la mgo bos phyag 'tshal te phyogs gcig tu 'khod do/ / phyogs gcig tu 'khod nas/ rgyal po chen po bzhis nga'i thad du bsil ba'i tshal gyi mdo chen po 'di brjod nas dong ngo // khyed kyis de legs par rab tu nyon la yid la zung zhig dang ngas bshad do/ / btsun pa de ltar 'tshal lo zhes gsol te/ dge slong rnams kyis bcom ldan 'das kyis bka' stsal pa mnyan nas/ bcom ldan 'das kyis dge slong dang / dge slong ma dang / dge bsnyen dang / dge bsnyen ma rnams la bsil ba'i tshal gyi mdo chen po 'di rgyas par bshad do// bcom ldan 'das kyis de skad ces bka' stsal nas/ dge slong dang / dge slong ma dang / dge bsnyen dang dge bsnyen ma de dag yi rangs te/ bcom ldan 'das kyis gsungs pa la mngon par bstod do// 'di'i cho ga ni zas dkar gsum za ba dang / legs par khrus byas pa dang / smyung ba byas pa dang tshul khrims dang ldan pa dang / bsam pa rgya chen po dang ldan pas rgyal po chen po bzhi'i gzugs ldong ros sam btsag gis bris la/ spos thams cad dang ldan pa'i dkyil 'khor gru bzhi pa byas nas sangs rgyas kyi spyan sngar dus gsum du brjod par bya'o/ / bsil ba'i tshal gyi mdo chen po rdzogs so// sngags rnams yul dbus kyi rgyu dpe gnyis dang bstan nas/ bu ston lo ts+tsha ba chen pos dag par bcos so/

CLOSE WINDOW