rgya gar skad du/ Ar+ya pradz+nyA pA ra mi tA nA ma aSh+Ta sha ta kan/ bod skad du/ 'phags pa shes rab kyi pha rol tu phyin pa'i mtshan brgya rtsa brgyad pa/ bcom ldan 'das ma shes rab kyi pha rol tu phyin ma la phyag 'tshal lo/ / 'das dang ma byon da ltar gyi// rgyal ba @#/ gang lags de kun gyi// yum ni dge ma khyod lags te// khyod ni lha mo rgyal ba'i sras/ / rang bzhin med pa'i rang bzhin can// sangs rgyas yum gyur de yi mtshan// dge ma bdag gis brjod par bya/ / 'byor par 'dod pas mnyan par gyis// shes rab kyi pha rol tu phyin pa dang / thams cad mkhyen pa nyid dang / lam gyi rnam pa thams cad mkhyen pa nyid dang / rnam pa thams cad mkhyen pa nyid dang / yang dag pa'i mtha' dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / bden pa dang / de kho na dang / yang dag pa dang / phyin ci ma log pa nyid dang / stong pa nyid dang / mtshan ma med pa nyid dang / smon pa med pa nyid dang / dngos po med pa nyid dang / ngo bo nyid med pa nyid dang / dngos po med pa'i ngo bo nyid dang / chos nyid dang / chos kyi dbyings dang / chos gnas pa nyid dang / chos mi 'gyur ba nyid dang / chos skyon med pa nyid dang / chos kyi mtshan nyid dang / chos bdag med pa nyid dang / ngo bo nyid med pa nyid dang / sems can med pa nyid dang / srog med pa nyid dang / gso ba med pa nyid dang / gang zag med pa nyid dang / brjod du med pa nyid dang / brjod par bya ba ma yin pa dang / sems dang / yid dang / rnam par shes pa dang bral ba dang / mnyam pa med pa dang / mi mnyam pa dang / mnyam pa dang / bdag gi med pa dang / rgyags pa med pa dang / spros pa med pa dang / spros pa dang bral ba dang / spros pa thams cad las shin tu 'das pa dang / sangs rgyas thams cad kyi yum dang / byang chub sems dpa' thams cad bskyed pa dang / nyan thos thams cad 'dzin pa dang / rang sangs rgyas thams cad bskrun pa dang / 'jig rten thams cad 'dzin pa dang / bsod nams kyi tshogs zad mi shes pa bsags pa dang / ye shes 'bab pa dang / rdzu 'phrul mdzad pa dang / lha'i mig rnam par sbyong bar mdzad pa dang / lha'i rna ba rab tu dang bar mdzad pa dang / pha rol gyi sems shes par mdzad pa dang / sngon gyi gnas rjes su dran par mdzad pa dang / 'chi 'pho ba dang skye ba shes par mdzad pa dang / nyon mongs pa thams cad zad pa mdzad pa dang / 'phags pa dang / gtsang ba dang / bsangs pa dang / dran pa nye bar gzhag pa la gnas pa dang / yang dag par spong ba'i shugs dang ldan pa dang / rdzu 'phrul gyi rkang pa bzhi'i zhabs dang ldan pa dang / dbang po sbyong bar mdzad pa dang / stobs mdzad pa dang / kha na ma tho ba med pa dang / byang chub kyi yan lag bdun gyi rin po ches mdzes par byas pa dang / nor bdun sbyin par mdzad pa dang / 'phags pa'i lamo yan lag brgyad pa ston pa dang / mthar gyis gnas pa'i snyoms par 'jug pa dgu ston par mdzad pa dang / dbang bcu sgrub pa dang / sa bcu gnas par mdzad pa dang / stobs bcu yongs su rdzogs par mdzad pa dang / zad par gyi skye mched bcus mdzes par byas pa dang / shes pa bcu 'bab pa dang / bag la nyal bcu'i dgra 'jig par mdzad pa dang / bsam gtan rnams sgrub par mdzad pa dang / gzugs med pa'i khams las yang dag par 'da' bar mdzad pa dang / yang dag par rdzogs pa'i sangs rgyas thams cad kyis bstod pa dang shes pa thams cad mdzad pa dang / nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo ba nyid stong pa nyid dang / dngos po med pa'i ngo bo nyid stong pa nyid dang / ma byung ba dang / ma skyes pa dang / ma 'gags pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / rten cing 'grel bar 'byung ba rnam par sgom pa dang / rab tu brtag par bya ba ma yin pa dang / rnam par shes par bya ba ma yin pa dang / gzhi med pa dang / mtshan nyid med pa dang / brtag par bya ba ma yin pa dang / rig par bya ba ma yin pa dang / thog ma dang tha ma 'jig pa med par mdzad pa dang / g.yo ba med pa dang / gnyis med pa dang / gnyis med pa ma yin pa dang / zhi ba dang blo 'jug pa rnam par spangs pa dang / gnyen po me pa dang / ma gos pa dang / nam mkha'i lam dang 'dra ba dang / yod pa dang med par brjod pa ma yin pa dang / zhi ba dang rmi lam gyi ngo bo nyid dang / sgyu ma lta bu'i chos nyid dang / mgal me bskor ba dang 'dra bar chos thams cad ro gcig pa nyid do// su zhig shes rab kyi pha rol tu phyin pa'i mtshan brgya rtsa brgyad pa 'don pa de ngan song thams cad las rab tu thar par 'gyur ro/ / sangs rgyas thams cad kyis dgongs par 'gyur ro// byang chub sems dpa' thams cad kyis kyang rtag par rgyun du srung ba dang / skyob pa dang / sbed pa byed par 'gyur ro// de'i gsang sngags kyi tshig 'di dag kyang rtag tu rgyun mi 'chad par dran par bya'o/ / bcom ldan 'das ma 'phags ma shes rab kyi pha rol tu phyin pa mos pa la byams ma yon tan dpag tu med pa dang ldan pa/ de bzhin gshegs pa thams cad kyi ye shes kyis rnam pa thams cad mkhyen pa nyid sangs rgyas dang byang chub sems dpa' thams cad kyis phyag bzhes pa la phyag 'tshal lo/ / 'di lta ste/ oM pradz+nye pradz+nye/ ma hA badz+nye/ pradz+nyA a wa b+hA se pradz+nyA A ba lo ka ka ri/ A dz+nyA na ba do ma ni/ sid d+hi su sid d+hi/ si ta man b+ha ga ba ti/ sarba ga sun dA ri/ b+ha ga ba ti/ ba ta sa li/ pra sa ri ha ta se/ sa ma sha sa ka ri/ tid+b+ha tiSh+ThA/ kam+ba kam+ma/ tsa la tsa la ra ba ra ba gardza gardza/ A gats+tsha A gats+tsha/ b+ha ga ba ti/ ma na mA bi lam+ba swA hA/ shes rab kyi pha rol tu phyin pa 'di 'dzin na/ shes rab kyi pha rol tu phyin pa 'bum bzung bar 'gyur ro// rtag tu bzlas brjod byas na de'i las kyi sgrib pa thams cad 'byang bar 'gyur ro/ / de nas shi 'phos nas kyang skye ba dran pa dang / yid gzhungs shing shes rab mtshungs pa med par 'gyur ro// dus gsum gyi de bzhin gshegs pa thams cad kyi chos ma lus par bzung bar 'gyur ro/ / gsang sngags dang rig sngags thams cad kyang yongs su bzung bar 'gyur ro// 'di nas shi 'phos nas kyang skye ba dran pa dang / yid gzhung shing shes rab chen por 'gyur ro/ / 'phags pa shes rab kyi pha rol tu phyin pa'i mtshan brgya rtsa brgyad pa rdzogs so// // rgya gar skad du Ar+ya ko'u shi ka madz+nyA pA ra mi tA/

CLOSE WINDOW