skad gsar bcad kyis kyang bcos shing gtan la phab pa'o// rgya gar skad du/ Ar+ya ta thA ga ta bai DUR+Ya pra b+hA nA ma ba la d+ha na sa mA d+hi d+hA ra Ni/ bod skad du/ 'phags pa de bzhin gshegs pa'i ting nge 'dzin gyi stobs bskyed pa bai DUR+Ya'i 'od ces bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das sman gyi gnas na dge slong gi dge 'dun chen po dang / byung chub sems dpa'i dge 'dun chen po dang thabs cig tu bzhugs te/ de'i tshe bcom ldan 'das kyis sangs rgyas kyi zhing bskul ba zhes bya ba'i ting nge 'dzin la snyoms par zhugs so// / de ma thag tu stong gsum gyi stong chen po'i 'jig rten gyi khams thams cad rab tu g.yos so// lha'i tsan dan gyi phye ma dang me tog gi char dpag tu med pa bab bo// de bzhin gshegs pa bdun 'khor dang bcas pa'ang 'jig rten gyi khams 'dir gshegs te/ de bzhin gshegs pa'i sngon gyi dge ba'i rtsa ba las byung ba'i seng ge'i khri la bzhugs shing byang chub sems dpa' thams cad kyis ni bskor/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / rgyal po dang / blon po dang / bram ze dang / khyim bdag rnams kyis yongs su bskor bar 'gyur to// de nas sangs rgyas kyi mthus 'jam dpal gzhon nur gyur pa stan las langs te thal mo sbar nas 'di skad ces gsol to/ / de bzhin gshegs pa thams cad dgongs su gsol/ sems can thams cad kyi sdig pa thams cad srung ba dang / nad pam cad bsal ba dang / re ba thams cad bskang du gsol/ bcom ldan 'das de bzhin gshegs pa de dag gi mtshan dang / sngon gyi smon lam gyis byin gyis brlabs pa'i gzungs bshad du gsol/ de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal legs so legs so// legs par rab tu nyon la yid la zung zhig dang ngas bshad do/ / 'jam dpal gzhon nur gyur pas bcom ldan 'das la de de bzhin no zhes gsol nas/ bcom ldan 'das kyi ltar nyan pa dang / bcom ldan 'das kyis bka' stsal pa/ 'di lta ste/ de bzhin gshegs pa mtshan legs dpal yongs grags dpal gyi rgyal po la phyag 'tshal lo// de bzhin gshegs pa rin po che dang / zla ba dang / pad+mas rab tu brgyan pa mkhas pa gzi brjid sgra dbyangs kyi rgyal po la phyag 'tshal lo// de bzhin gshegs pa gser bzang dri med rin chen snang brtul zhugs grub pa'i rgyal po la phyag 'tshal lo/ / de bzhin gshegs pa mya ngan med mchog dpal gyi rgyal po la phyag 'tshal lo// de bzhin gshegs pa chos bsgrags rgya mtsho'i dbyangs kyi rgyal po la phyag 'tshal lo/ / de bzhin gshegs pa chos rgya mtsho mchog gi blos rnam par rol pa mngon par mkhyen pa'i rgyal po la phyag 'tshal lo// de bzhin gshegs pa sman gyi pra bai DU R+Ya 'od kyi rgyal po la phyag 'tshal lo/ / de bzhin gshegs pa dpal shAkya thub pa la phyag 'tshal lo// bcom ldan 'das ma shes rab kyi pha rol tu phyin ma la phyag 'tshal lo/ / byang chub sems dpa' sems dpa' chen po 'jam dpal gzhon nur pA la phyag 'tshal lo// byang chub sems dpa' sems dpa' chen po spyan ras gzigs dbang phyug la phyag 'tshal lo/ / byang chub sems dpa' sems dpa' chen po lag na rdo rje la phyag 'tshal lo// byang chub sems dpa' sems dpa' chen po nyi ma ltar rnam par snang byed la phyag 'tshal lo/ / byang chub sems dpa' sems dpa' chen po zla ba ltar rab tu bsil byed la phyag 'tshal lo// byang chub sems dpa' sems dpa' chen po blo gros chen po la phyag 'tshal lo/ / byang chub sems dpa' sems dpa' chen po byams pa la phyag 'tshal lo// byang chub sems dpa' sems dpa' chen po rdo rje la phyag 'tshal lo// byang chub sems dpa' sems dpa' chen po spobs pa brtsegs la phyag 'tshal lo// byang chub sems dpa' sems dpa' chen po rnam par gnon pa don yod la phyag 'tshal lo// byang chub sems dpa' sems dpa' chen po lhan mdzes la phyag 'tshal lo// byang chub sems dpa' sems dpa' chen po mun pa mun nag thams cad nges par 'joms pa'i blo gros la phyag 'tshal lo/ / byang chub sems dpa' sems dpa' chen po bsam pa legs par rnam par sems pa la phyag 'tshal lo// byang chub sems dpa' sems dpa' chen pa lhun po brtsegs la phyag 'tshal lo/ / byang chub sems dpa' sems dpa' chen po sang sang po'i dbyangs la phyag 'tshal lo// byang chub sems dpa' sems dpa' chen po lhun po'i rtse 'dzin rgyal po la phyag 'tshal lo/ / 'phags pa dgra bcom pa shA ri'i bu dang mo'u 'gal gyi bu chen po la phyag 'tshal lo// lha'i dge bsnyen chen po dpal tshangs pa dang brgya byin la phyag 'tshal lo/ / rgyal po chen po bzhi la phyag 'tshal lo// klu'i dge bsnyen chen po sangs rgyas bcom ldan 'das la phyag 'tshal lo// gnod sbyin gyi sde dpan chen po bcu gnyis la phyag 'tshal lo/ / de nas de bzhin gshegs pa de dag gi gsung dbyangs gcig gis gzungs kyi tshig 'di dag bka' stsal to// na mo rat+na tra yA ya/ na mo b+ha ga wa te/ a pra ti ha ta b+hi Sha dz+ye rA dzA ya/ tad+ya thA/ oM sarba ta thA ga ta hUM AHg+hu ma g+hu me/ i mi ni mi hiM/ ma ti ma ti/ sap+ta ta thA ga ta/ sa mA d+h+ya d+hiSh+Thi te/ a te ma te/ bA le bA baM sho d+ha ni/ sarba pA pa nA sha ya/ ma ma bud+d+ha but+totata me/ u me ku ma/ bud+d+ha k+She tra pa ri sho d+ha ni d+ha me ni d+ha me/ me ru me ru/ me ru shi kha re/ sarba a kA la mr-i t+yA ni wa ra Ni bud+d+he su bud+d+he/ bud+d+ha a d+hiSh+Thi te na rak+ShaM tu me/ sarba de bA sa me/ a sa me/ sa ma nA ha ran+tu me/ sarba bud+d+ha bo d+hi satwa/ sha me sha me/ pra sha man+t+ra me/ sarba i t+yu pa dra ba byA d+ha ya pU ra Ne su pU ra Ne/ pU ra ya me/ sarba a shis bai rUR+Ya pra ti b+ha se/ sarba pA paM k+Sha yaM ka ri swA hA/ oM b+hai Sha dz+ye b+he Sha dz+ye/ ma hA b+hai Sha dz+ye b+hai Sha dz+nye sa mung+ga te swAhA/ de bzhin gshegs pa'i mtshan dang gzungs 'di bka' stsal pa'i tshe snang ba chen po byung ste/ se chen po'ang g.yos nas rdzu 'phrul rnam par 'phrul pa dag snang ngo // 'khor ji ltar lhags pa de dag gis kyang spos dang bdug pa rnams kyis/ de bzhin gshegs pa de dag la mchod nas legs so zhes bya ba gsol te lan bdun bskor ba byas so// de nas de bzhin gshegs pa bdun po de dag mi snang bar gyur nas/ bcom ldan 'das dpal rgyal ba shAkya thub pas 'di skad ces bka' stsal to// rigs kyi bu 'am/ rigs kyi bu mo gang la la zhig de bzhin gshegs pa'i mtshan dang gzungs 'di 'dzin pa dang / 'chang ba dang / klog pa dang / mchod pa des gtsang mar byas la/ phyogs gtsang mar 'phags pa'i lam yan lag brgyad dang ldan par byas la/ sems can thams cad mchog tu snying rje bas sa ga la bab pa'i nya nas brtsams te/ de bzhin gshegs pa de dag gi sku gzugs byas la/ tshes brgyad dang / bcu bzhi dang / bco lnga la sbyang bar gnas pas gzungs 'di dag pa'i bcu rtsa dgu'am/ stong rtsa brgyad dam/ stong phrag bzhi bcu rtsa dgur 'don cing / me tog dang / bdug pa dang / spos dang / mar me dang / 'greng ba dang / rol mo'i sgra dang / gdugs dang / rgyal mtshan dang / ba dan rnams kyis nyin lan gsum mtshan lan gsum du mchod pa byed na/ de la de bzhin gshegs pa rnams kyis dgongs par 'gyur/ byang chub sems dpa' thams cad kyis sems par 'gyur/ tshangs pa dang / brgya byin dang / rgyal po chen po bzhi dang / klu'i dge bsnyen chen po dag gis kyang yongs su sbyong bar 'gyur/ gnod sbyin gyi sde dpon rdo rje 'dzin thams cad kyis yang dag par srung bar 'gyur/ mtshams med pa lnga la sogs pa'i las kyi sgrib pa thams cad kyang yongs su byang bar 'gyur/ nad thams cad kyis mi btab par 'gyur/ ring du 'tsho bar 'gyur/ dus ma yin par 'chi ba thams cad yongs su thar par 'gyur/ 'chi ba dang / dgra dang / dgon pa'i gnod pa dang / 'thab pa dang / brtsod pa dang / 'gyed pa thams cad rab tu zhi bar 'gyur/ dgra bo thams cad kyi dbang du mi 'gro bar 'gyur/ ci bsams pa'i bsam pa thams cad yongs su rdzogs par 'gyur ro// de nas 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'jam dpal de'i phyir chos kyi rnam grangs 'di de bzhin gshegs pa'i ting nge 'dzin gyi stobs bskyed pa bai DUR+Ya'i 'od kyi gzungs zhes bya bar yang zung zhig/ las kyi sgrib pa thams cad rnam par 'thag cing sbyor ba zhes bya bar yang zung zhig/ de bzhin gshegs pa bdun gyi rnam par 'phrul pa bstan pa zhes bya bar yang zung zhig/ bcom ldan 'das kyis de skad ces bka' stsal pa dang 'jam dpal gzhon nur gyur pa dang / thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do// 'phags pa de bzhin gshegs pa'i ting nge 'dzin stobs bskyed pa bai DUR+Ya'i 'od ces bya ba'i gzungs rdzogs so/ / / rgya gar gyi mkhan po dzi na mi tra dang / dA na shI la dang /

CLOSE WINDOW