rgyud 'di bsgyur las cung zad ma rdzogs pa// dpal ldan blo gros brtan pas rdzogs par bsgyur/ rgya gar skad du/ shrI badz+ra maN+Da a lang kA ra nA ma ma hA tan+t+ra rA dza/ bod skad du/ dpal rdo rje snying po rgyan ces bya ba'i rgyud kyi rgyal po chen po/ bla ma dang 'jam pa'i dbyangs kyi zhabs kyi pad+ma la spyi bos gus par phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi rdo rje dang / nor bu dang / rin po che dang / pad+ma dang / las kyis byin gyis brlabs pa'i dam tshig gi ye shes rnam pa sna tshogs pa'i khyad par dang ldan pa/ de bzhin gshegs pa thams cad kyi rin po che'i cod pan khams gsum pa'i chos kyi rgyal por dbang bskur ba bsnyes pa/ de bzhin gshegs pa thams cad kyi rdo rje dam tshig gi ye shes rnal 'byor gyi dbang phyug chen po de bzhin gshegs pa thams cad kyi ye shes kyi phyag rgya brnyes pa/ de bzhin gshegs pa thams cad kyi phyag rgya thams cad mnyam pa nyid thugs su chud cing las sna tshogs mdzad pa/ ma lus shing lus pa med pa'i sems can gyi khams thams cad kyi re ba thams cad yongs su rdzogs pa'i rdo rje'i las mdzad pa/ thugs rje chen po rnam par snang mdzad chen po rtag pa dus gsum du gnas pa'i sku dang / gsung dang / thugs rdo rje de bzhin gshegs pa/ de bzhin gshegs pa thams cad kyis bsten cing bsngags pa'i nor bu rin po che chen po dang ldan pa/ kha dog rnam pa sna tshogs pa'i dril bu btags pa/ rlung gis bskyod pa'i dar gyi ba dan dang / memochog gi rgyan po dang / dra ba dang drab phyed pas klubs shing nye bar mdzes pa/ chos kyi dbyings thams cad legs par yongs su dag pa/ chos kyi dbyings kyi khang bzangs 'ong mtha' yas pa/ shes rab kyi pha rol tu phyin pa'i gtsug lag khang me tog gi 'khri shing mchog gi snying po'i rgyan gyis bkod pa/ 'jig can gyi khams kyi rgyud rgya mtsho rab tu bkram pa'i sprin nam mkha'i khams yongs su khyab pa/ de bzhin gshegs pas byin gyis brlabs pa/ mtha' las 'das pa'i sangs rgyas 'khrungs pa'i dbus/ rnam par snang mdzad kyi snying po 'od gsal ba'i gzhal med khang de bzhin gshegs pa'i gnas/ rdo rje snying po'i rgyan/ de bzhin gshegs pa thams cad kyi sku dang / gsung dang / thugs rdo rje/ de bzhin gshegs pa mi 'khrungs mi 'gog/ 'gog par mi 'gyur ba'i yan lag gi spyod yul/ yang dag pa'i mtha' gsal ba/ de bzhin gshegs pa thams cad kyi thams cad mkhyen pa'i ye shes kyi yul/ chos kyi dbyings kyi snying po'i khang bzangs/ de bzhin gshegs pa thams cad kyi ye shes sku/ de bzhin gshegs pa thams cad kyi byang chub kyi snying po sa chen po'i dam pa la bzhugs so// de la sangs rgyas kyi zhing tham cad kyi rdul phra rab kyi rdul dang mnyam pa'i byang chub sems dpa' sems dpa' chen po rnams dang / de bzhin gshegs pa rnams kyis yongs su bskor zhing mdun du bdar te chos ston par mdzad do/ / thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa yongs su dag pa/ yongs su dkar ba/ chos thams cad kyi tshul rnam par dag pa'i sgo ston par mdzad do// de nas bcom ldan 'das de bzhin gshegs pa thams cad kyi sku dang / gsung dang / thugs rdo rje gnyis su med pa mnyam pa nyid kyi ye shes sems dpa'/ de bzhin gshegs pa thams cad kyi ye shes kyi nyi ma/ rnam par rgyal ba'i dam tshig gi 'byung gnas rdo rje snying po/ chos thams cad kyi ngo bo nyid kyis rnam par dag pa'i ye shes mnyam pa nyid bsnyes pa/ rgya mtsho ltar zab pa/ las sna tshogs pa'i phyag rgya'i ye shes thob pa/ sku dang / gsung dang / thugs rdo rje nam mkha' lta bu/ sku chen po rdo rje'i sku/ mtha' las 'das pa'i sku/ sku rin po che chos kyi sku/ sprul pa'i sku/ las mnyam pa nyid kyi sku/ byang chub kyi sems don yod pa/ yongs su bsdus pa/ dge ba 'phel ba/ rgyal po chen po/ snang ba tog/ bzhad pa po/ chos dang ldan pa/ shes rab 'khor lo// skad thams cad pa/ sna tshogs pa can/ srung ba po/ gnod sbyin can/ mtshams sbyor ba/ gtsug tor du gyur pa/ mchog ldan/ rdo rje can/ 'khor lo can/ ye shes can/ khyab bdag chen po/ sku dang / gsung dang / thugs rdo rje nam mkha'i dbyings thams cad du legs par bzhugs pa/ de bzhin gshegs pa tha man yang dag par 'du bar byed pa/ rdo rje'i dbyings thams cad khong du chud pa'i ye shes sems dpa' nam mkha'i khams thams cad kyi rdul phra rab kyi rdul dang mnyam pa'i rdo rje'i byin rlabs kyi ye shes snying po/ de bzhin gshegs pa thams cad kyi bla na med pa'i rdo rje rin po che'i dbang bskur ba chen po'i dam tshig nam mkha'i khams thams cad du spros pas/ de bzhin gshegs pa'i mngon par shes pa mngon par byang chub par gyur pa/ de bzhin gshegs pa thams cad kyi bdag nyid kyi ngo bo rnam par dag pa/ de yis chos thams cad rang bzhin gyis dag pa/ nam mkha' thams cad la khyab pa po/ gzugs thams cad yongs su mthong ba/ ye shes kyis ma lus shing lus pa med pa'i sems can 'dul ba'i spyod pa mchog dang ldan pa/ de bzhin gshegs pa thams cad don yod pa'i bka' lung mdzad pas sems can thams cad mnyam pa nyid bla na med pa'i las sna tshogs pa tsacan/ rnam snang mi 'gyur mi bskyod pa// rin chen tog ste 'od byed pa// 'od dpag med pa rgyal ba'i mgon// don yod pa ni las kun byed// de bzhin gshegs pa thams cad kyi me long lta bu'i ye shes kyi dkyil 'khor/ de bzhin gshegs pa thams cad kyi mnyam pa nyid kyi ye shes rab la rab tu gnas pa/ de bzhin gshegs pa thams cad kyi so sor rtog pa'i ye shes gnyis su med pa brnyes pa/ de bzhin gshegs pa tha ma da kyi bya ba sgrub pa'i ye shes yang dag par rjes su thob pa/ de bzhin gshegs pa thams cad kyi chos kyi dbyings rnam par dag pa/ chos thams cad mnyam pa nyid kyi ye shes kyi spyod yul/ de bzhin gshegs pa thams cad kyi gnyis su med cing mnyam pa nyid dmigs pa'i ye shes yongs su dag pa mthar phyin pa/ stong pa nyid dang / de bzhin nyid dang / yang dag pa'i mtha' dang / mtshan ma med pa dang / smon pa med pa dang / tshangs pa'i gnas bzhi po dag gis sangs rgyas kyi ye shes kyi yul du gyur pa/ sangs rgyas kyi yul mnyam pa nyid la dmigs pa/ de bzhin gshegs pa thams cad rdo rje rnal 'byor gyi dbang phyug chen po nyid la byin gyis brlabs nas/ phyogs dang mtshams rnams su kun tu gnas so/ de nas yang bcom ldan 'ang rdo rje rnal 'byor gyi dbang phyug gis/ 'jam dpal gzhon nur gyur pa la bka' stsal pa/ 'jam dpal khyod kyis sangs rgyas thams cad dang rdo rje 'dzin pa rnam spyan drongs shig/ bcom ldan 'das kyis de skad ces bka' stsal pa dang / 'jam dpal gzhon nu 'khor lo sgyur ba chen po rab tu dgyes pa'i zhal ras kyis/ de bzhin gshegs pa thams tsad dang rdo rje 'dzin pa rnams spyan drang ba'i don du rdo rje sa gol brdabs te/ de bzhin gshegs pa thams cad bsdu ba'i snying po chen po 'di ched du brjod pa/ bud+d+ha sa mA dza AHhAHoM hUM badz+ra sa ma d zade nas de skad ces brjod pas de bzhin gshegs pa thams cad dang rdo rje 'dzin pa rnams kyis 'jig rten gyi khams me tog gi gzhi'i snying po'i rgyan bkod pa'i rgyud rab 'byams rgya mtsho'i sprin yang dag par mthong ngo / / de nas yang 'jam dpal gzhon nur gyur pas/ bcom ldan 'das rnam par snang mdzad la de bzhin gshegs pa rnams thams cad kyis lhan cig yang dag par sbyar nas/ de bzhin gshegs pa thams cad kyi rdo rje blo'i ye shes yongs su bskyed de gnas thams cad du rnam par gnas so// de nas bcom ldan 'das rnam par snang mdzad de bzhin gshegs pa thams cad kyi rdo rje rang bzhin rnal 'byor gyi dbang phyug gis/ de bzhin gshegs pa thams cad nyid du bdag nyid byin gyis brlabs te/ de bzhin gshegs pa de rnams dang rdo rje 'dzin pa rnams la bka' stsal pa/ kye de bzhin gshegs pa thams cad thams cad mkhyen pa'i ye shes 'khor los sgyur ba chen po'i snying po bdag la yod pa dang bshad par bya'o// de bzhin gshegs pa thams cad kyis byin gyis rlobs shig/ b+h+rUM/ de nas/ mi bskyod de bzhin gshegs pa dang // rin chen 'byung gnas de bzhin gshegs// de bzhin gshegs pa 'od dpag med// don yod grub pa de bzhin gshegs// gzhan yang de bzhin gshegs pa rnams dang lhan cig de bzhin gshegs pa thams cad kyi thugs dpal gyi be'u la rab tu zhugs so// zhugs pa tsam gyis de bzhin gshegs pa thams cad 'khor lo la bde ba thams cad yang dag par ston no/ / de nas bcom ldan 'das rnam par snang mdzad zhal bzhir gyur te/ zhal bzhi po rnams kyis chos kyi dbyings dang nam mkha'i khams mtha' med pa sangs rgyas thams cad kyi yul chos kyi tshul mngon par btags pa 'di nyid dbyangs kyis ched du brjod pa 'di lta ste/ rab tu dga' ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// lta ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / dga' ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// sred pa rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / 'dod chags rnam par dag pa'i gnas gang yin pa de ni/ 'di lta ste/ byang chub sems dpa'i gnas so// zhe sdang rnam par dag pa'i gnas gang yin pa de ni/ 'di lta ste/ byang chub sems dpa'i gnas so// gti mug rnam par dag pa'i gnas gang yin pa de ni/ 'di lta ste/ byang chub sems dpa'i gnas so// nga rgyal rnam par dag pa'i gnas gang yin pa de ni/ 'di lta ste/ byang chub sems dpa'i gnas so// mi khom pa rnam par dag pa'i gnas gang yin pa de ni/ 'di lta ste/ byang chub sems dpa'i gnas so// yid sim pa rnam par dag pa'i gnas gang yin pa de ni/ 'di lta ste/ byang chub sems dpa'i gnas so// snang ba rnam par dag pa'i gnas gang yin pa de ni/ 'di lta ste/ byang chub sems dpa'i gnas so// lus rnam par dag pa'i gnas gang yin pa de ni/ 'di lta ste/ byang chub sems dpa'i gnas so// ngag rnam par dag pa'i gnas gang yin pa de ni/ 'di lta ste/ byang chub sems dpa'i gnas so// yid rnam par dag pa'i gnas gang yin pa de ni/ 'di lta ste/ byang chub sems dpa'i gnas so// gzugs rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / sgra rnam par dag pa'i gnas gang yin pa de ni/ 'di lta ste/ byang chub sems dpa'i gnas so// dri rnam par dag pa'i gnas gang yin pa de ni/ 'di lta ste/ byang chub sem dpa'i gnas so/ / ro rnam par dag pa'i gnas gang yin pa de ni// 'di lta ste/ byang chub sems dpa'i gnas so// reg rnam par dag pa'i gnas gang yin pa de ni/ 'di lta ste/ byang chub sems dpa'i gnas so/ / dngos po thams cad rnam par dag pa'i gnas gang yin pa de ni/ 'di lta ste/ byang chub sems dpa'i gnas so// de rgyu ci'i phyir zhe na/ 'di ltar chos thams cad ni rang bzhin gyis rnam par dag pa ste/ chos thams cad rang bzhin gyis rnam par dag pas shes rab kyi pha rol tu phyin pa yongs su dag pa'o// bcom ldan 'das kyis de ska ces bka' stsal nas// gsang sngags thams cad kyi dbang phyug/ gsang sngags thams cad kyi 'dren pa po/ sngags thams cad kyi bla mar gyur pa/ thams cad gtsugatong 'khor lo sgyur ba/ bstan pa la brdzi ba med pa/ 'khor lo sgyur ba'i snying po bka' stsal pa/ b+h+rUM/ 'jam dpal gang la las chos thams cad bsdus pa shes rab kyi pha rol tu phyin pa'i snying po 'di lan cig tsam yang thos na/ de'i byang chub kyi snying po la thug po'i bar du sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po nye bar bsags kyang / nams kyang dmyal ba la sogs pa'i ngan song rnams su lhung bar mi 'gyur ro/ / sdig pa rnams byas pa tsam na'ang sdug bsngal med cing zad par 'gyur ro// gang gis 'dir 'chang ba dang / nyi ma re re 'don pa dang / klog pa dang / rgyun ma chad par tshul bzhin yid la byed pa de ni/ skye ba 'di nyid la chos thams cad mnyam pa nyid rdo rje'i ting nge 'dzin so sor thob nas chos thams cad kyi dbang phyug tu 'gyur ro// chos thams cad dga' zhing mgu la rab tu dga' ba myong bar 'gyur ro// byang chub sems dpa' chen po skye ba bcu drug na/ de bzhin gshegs pa nyid dam rdo rje 'dzin pa nyid thob par 'gyur ro// hUM/ de nas bcom ldan 'das de bzhin gshegs pa rnam par snang mdzad kyis slar yang shes rab kyi pha rol tu phyin pa'i tshul/ de bzhin gshegs pa thams cad kyi zhi ba'i chos nyid mngon par byang chub pa mngon par bsgrub pa 'di ston par mdzad do/ / rdo rje ston pa nyid kyis rdo rje mnyam pa nyid mngon par rdzogs par byang chub pa'i byang chub chen po dang / don gcig pa nyid kyis don mnyam pa nyid mngon par byang chub pa'i byang chub chen po dang / rang bzhin rnam par dag pas chos nyid mnyam pa nyid mngon par byang chub pa'i byang chub chen po dang / rnam pa rtog pa dang rnam par mi rtog pa nyid kyis las thams cad mnyam pa nyid mngon par byang chub pa'i byang chub chen po ste/ 'jam dpal gang la las chos kyi gnas bzhi po 'di nyan par byed pa dang / 'dzin pa dang / 'don pa dang / sgom par byed na ji srid byang/ chub snying po la gnas kyi bar du sdig pa thams cad la kun tu spyod pa thams cad kyang sdig pa thams cad las 'das par 'gyur zhing / myur du bla na med pa yang dag par rdzogs pa'i byang chub mngon par byang chub par 'gyur ro/ / AM/ de nas yang bcom ldan 'das gdug pa thams cad 'dul ba de bzhin gshegs pa shAkya thub pas/ chos thams cad mnyam pa nyid rnam par rgyal bas bsdus pa zhes bya ba shes rab kyi pha rol tu phyin pa mngon par sgrub pa bka' stsal pa/ 'dod chags kyi spros pa med pa'i phyir 'dod chags spros pa meng ba'o// zhe sdang gi spros pa med pa'i phyir zhe sdang spros pa med pa'o/ / gti mug gi spros pa med pa'i phyir gti mug spros pa med pa'o// chos thams cad spros pa med pa'i phyir chos thams cad spros pa med pa'o// shes rab kyi pha rol tu phyin pa spros pa med pa'i phyir shes rab kyi pha rol tu phyin pa spros pa med par rig par bya'o/ / 'jam dpal gang la la shes rab kyi pha rol tu phyin pa'i tshul 'di nyan pa dang / 'dzin cing 'don la klog par byed na/ de 'dul ba'i dbang nye bar bzung nas/ khams gsum du skyes pa'i sems can rnams bsad par gyur kyang ngan song du 'gro bar mi 'gyur zhing / myur du bla na med pa yang dag par rdzogs pa'i byang chub par 'gyur ro/ / hUM/ de nas bcom ldan 'das rang bzhin gyis rnam par dag pa'i chos nyid brnyes pa'i de bzhin gshegs pas slar yang chos thams cad spyan ras gzigs dbang phyug ye shes kyi phyag rgya zhes bya ba'i shes rab kyi pha rol tu phyin pa'i tshul 'di bka' stsal pa/ 'dod chags thams cad rnam par dag pa'i phyir 'jig rten na yul thams cad rnam par dag pa nyid du 'jug par 'gyur ro/ / zhe sdang thams cad rnam par dag pa'i phyir 'jig rten na sdig pa thams cad rnam par dag pa nyid du 'jug par 'gyur ro// chos thams cad rnam par dag pa'i phyir 'jig rten na chos thams cad rnam par dag pa nyid du 'jug par 'gyur ro/ / thams cad mkhyen pa'i ye shes rnam par dag pa'i phyir 'jig rten na thams cad mkhyen pa'i ye shes rnam par dag pa nyid du 'jug par 'gyur ro/ / shes rab kyi pha rol tu phyin pa rnam par dag pa'i phyir 'jig rten na shes rab kyi pha rol tu phyin pa rnam par dag pa nyid du 'jug par 'gyur ro/ / 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la sgom par byed na/ de 'dod pa thams cad kyi nang na gnas kyang pad+ma lta bur 'dod chags kyi skyon glo bur ba'i dri mas gos par mi 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro// hrIHde nas bcom l dan 'das khams gsum pa thams cad kyi bdag po de bzhin gshegs pas slar yang de bzhin gshegs pa thams cad dbang bskur ba'i 'byung gnas ye shes snying po zhes bya ba shes rab kyi pha rol tu phyin pa'i tshul bka' stsal pa/ dbang bskur byin pas khams gsum po thams cad kyi rgyal srid yongs su thob par 'gyur ro// don gyi sbyin pas thams cad kyi bsam pa yongs su rdzogs par 'gyur ro/ / chos kyi sbyin pas chos thams cad mnyam pa nyid thob par 'gyur ro// zang zing gi sbyin pas thams cad kyis lus dang / ngag dang / yid bde ba thob par 'gyur ro// tAM/ de nas bcom ldan 'das de bzhin gsheg pa thams cad kyi ye she kyi phyag rgya brnyes pa thams cad kyi khu tshur 'chang ba de bzhin gshegs pa rtags pas slar yang de bzhin gshegs pa thams cad kyi ye shes phyag rgya byin gyis brlabs pa rdo rje zhes bya ba'i shes rab kyi pha rol tu phyin pa'i tshul bka' stsal pa/ de bzhin gshegs pa thams cad kyi sku'i phyag rgya yongs su bzung bas de bzhin gshegs pa thams cad nyid du 'gyur ba dang / gsung gi phyag rgya yongs su bzung bas chos thams cad thob pa'i don du 'gyur ba dang / thugs kyi phyag rgya yongs su bzung bas ting nge 'dzin thams cad thob pa'i don du 'gyur pa dang / rdo rje'i phyag rgya yongs su bzung bas sku dang / gsung dang / thugs thams cad rdo rje mchog tu 'grub pa'i don du 'gyur te/ 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la 'chad cing sgom par byed na/ de dngos grub thams cad dang / phun sum tshogs pa thams cad dang / ye shes thams cad dang / las thams cad dang / sku dang / gsung dang / thugs rdo rje sems dpa' mchog gi dngos grub thams cad so sor thob par 'gyur zhing / myur du bla na med pa yang dag par rdzogs pa'i byang chub mngon par rdzogs par byang chub par 'gyur ro// AH/ de nas bcom ldan 'das chos thams cad spros pa med pa'i de bzhin gshegs bas slar yang rdo rje'i yi ge'i 'khor lo bskor ba zhes bya ba'i shes rab kyi pha rol tu phyin pa'i tshul bka' stsal pa/ rang bzhin med pa'i tshul gyis chos thams cad stong pa nyid dang / chos thams cad mtshan ma med pa nye bar gzung ba'i phyir chos thams cad mtshan mas dben pa dang / smon pa las nye bar grol ba'i phyir chos thams cad smon pa med pa dang / shes rab kyi pha rol tu phyin pa yongs su dag pa'i phyir chos thams cad rang bzhin gyis 'od gsal ba'o/ / aM de nas bcom ldan 'das de bzhin gshegs pa thams cad kyi 'khor lo'i nang du gnas pa'i de bzhin gshegs pas slar yang 'khor lo chen por 'jug pa zhes bya ba'i shes rab kyi pha rol tu phyin pa'i tshul bka' stsal pa/ rdo rje mnyam pa nyid la zhugs nas de bzhin gshegs pa thams cad kyi 'khor lor 'jug par 'gyur pa dang / don mnyam pa nyid la zhugs nas byang chub sems dpa' chen po'i 'khor lor 'jug par 'gyur ba dang / chos thams cad mnyam pa nyid la zhugs nas dam pa'i chos kyi 'khor lor 'jug par 'gyur pa dang / las mnyam pa nyid la zhugs nas 'khor lo thams cad du 'jug par 'gyur ro// hUM/ de nas bcom ldan 'das de b zhin gshegs pa thams cad kyi mchod pa'i cho ga rgyas pa'i snod de bzhin gshegs pas slar yang de bzhin gshegs pa thams cad kyi mchod pa dam pa zhes bya ba'i shes rab kyi pha rol tu phyin pa'i tshul bka' stsal pa/ byang chub kyi sems bskyed pas de bzhin gshegs pa thams cad kyi mchod pa'i cho ga rgyas pa dang / sems can gyi kham thams cad yongs su skyob pas de bzhin gshegs pa thams cad kyi mchod pa'i cho ga rgyas pa dang / chos thams cad yongs su bzung bas de bzhin gshegs pa thams cad kyi mchod pa'i cho ga rgyas pa dang / shes rab kyi pha rol tu phyin pa 'dri ba dang / 'drir 'jug pa dang / 'dzin pa dang / 'don pa dang / rjod pa dang / sgom pa sngon du 'gro ba'i las kyi de bzhin gshegs pa thams cad kyi mchod pa'i cho ga rgyas pa'o// oM/ de nas bcom ldan 'das gdug pa thams cad 'dul ba'i nus pa'i de bzhin gshegs pas slar yang sems can thams cad 'dul ba'i ye shes snying po zhes bya ba shes rab kyi pha rol tu phyin pa'i tshul 'di bka' stsal pa/ sems can thams cad mnyam pa nyid pas khro ba mnyam pa nyid dang / sems can thams cad 'dul ba nyid pas khro ba 'dul ba nyid dang / sems can thams cad chos nyid nyid pas khro ba chos nyid nyid dang / sems can thams cad rdo rje nyid pas khro ba rdo rje nyid de/ de rgyu ci'i phyir zhe na/ 'di ltar sems can thams cad 'dul ba'i byang chub ste/ haHde nas bcom ldan 'das thams cad mnyam pa nyid la rab tu gnas pa'i de bzhin gshegs pas slar yang chos thams cad mnyam pa nyid kyi mchog ces bya ba'i shes rab kyi pha rol tu phyin pa'i tshul 'di bka' stsal pa/ thams cad mnyam pa nyid pas shes rab kyi pha rol tu phyin pa mnyam pa nyid dang / thams cad kyi don nyid pas shes rab kyi pha rol tu phyin pa'i don nyid dang / chos thams cad mnyam pa nyid pas shes rab kyi pha rol tu phyin pa'i chos mnyam pa nyid dang / thams cad las nyid pas shes rab kyi pha rol tu phyin pa las nyid du rig par bya'o// hrIHde nas bcom ldan 'das de bzhin gshegs pa thams cad kyis slar yang de bzhin gshegs pa thams cad byin gyis rlob pa zhes bya ba shes rab kyi pha rol tu phyin pa'i tshul 'di bka' stsal pa/ byang chub sems dpa' chen po kun tu bzang po bdag nyid thams cad pas sems can thams cad de bzhin gshegs pa'i snying po dang / rdo rje'i snying pos dbang bskur bas sems can thams cad rdo rje'i snying po dang / rin po che thams cad kyis dbang bskur bas sems can thams cad rin po che'i snying po dang / ngag thams cad la rab tu 'jug pas sems can thams cad chos kyi snying po dang / las thams cad byed pa'i sbyor bas sems can thams cad las kyi snying pa'o// hrIH/ de nas bcom ldan 'das mtha' las 'das shing mu med pa'i mthar phyin pa'i de bzhin gshegs pas slar yang mu med cing mthar phyin pa'i chos dang / slar yang 'di rtog pa dang yongs su mthar thug pa byin gyis brlab pa'i don du chos thams cad mnyam pa nyid yongs su mthar thug pas byin gyis brlabs pa rdo rje zhes bya ba'i shes rab kyi pha rol tu phyin pa'i tshul 'di bka' stsal pa/ shes rab kyi pha rol tu phyin pa mtha' med pa'i phyir de bzhin gshegs pa thams cad mtha' med pa dang / shes rab kyi pha rol tu phyin pa mu med pa'i phyir de bzhin gshegs pa thams cad mu med pa dang / shes rab kyi pha rol tu phyin pa gcig pa nyid kyi phyir chos thams cad gcig pa nyid dang / shes rab kyi pha rol tu phyin pa yongs su mthar thug pa'i phyir chos thams cad yongs su mthar thug par 'gyur pa ste/ 'jam dpal gang la las shes rab kyi pha rol tu phyin pa'i tshul 'di nyan par byed/ 'dzin cing 'don la sgom par byed na/ de ni dag cing mthar phyin pa'i byang chub sems dpa'i spyod pa mthar phyin pa la gan pa nyid kyis sgrib pa thams cad las rnam par grol bas/ de bzhin gshegs pa nyid dam rdo rje 'dzin pa nyid myur du thob par 'gyur ro// b+h+yoHde nas bcom ldan 'das rnam par snang mdzad de bzhin gshegs pa de bzhin gshegs pa thams cad kyi gsang ba'i chos nyid bsnyes pa/ chos thams cad spros pa med pas slar yong bde ba chen po rdo rje don yod pa'i dam tshig ces bya ba rdo rje chos mnyam pa nyid shes rab kyi pha rol tu phyin pa'i sgo dam pa thog ma dang / tha ma dang / dbus las grol ba'i mchog 'di bka' stsal pa/ byang chub sems dpa' chen po rnams kyi 'dod chags chen po mchog tu grub pas bde ba chen po mchog tu grub par 'gyur ba dang / byang chub sems dpa' chen po rnams kyi bde ba chen po mchog tu grub pas de bzhin gshegs pa thams cad kyi byang chub chen po mchog tu grub par 'gyur ba dang / byang chub sems dpa' chen po rnams kyi de bzhin gshegs pa thams cad kyi byang chub mchog tu grub pas bdud sde chen po rab tu 'joms pa mchog tu grub par 'gyur ba dang / byang chub sems dpa' chen po rnams kyi bdud sde chen po rab tu 'joms pa mchog tu grub pas khams gsum po mtha' dag gi dbang phyug mchog tu grub par 'gyur ba dang / byang chu sems dpa' c hen po rnams kyi 'jig rten gsum po mtha' dag gi dbang phyug mchog tu grub pas ma lus shing lus pa med pa'i sems can gyi khams yongs su skyob pa'i sems can thams cad la phan pa dang bde ba'i mchog shin tu bde ba chen po mchog tu grub par 'gyur ro/ / saM/ de rgyu ci'i phyir zhe na/ ji srid 'khor ba'i gnas su ni// mkhas pa mchog rnams gnas gyur pa// de srid mnyam med sems can don/ / mya ngan mi 'da' byed par nus// shes rab pha rol phyin pa'i thabs// ye shes byin gyis brlabs kyis 'grub// las ni thams cad rnam dag pas// srid pa dag par 'gyur phyir ro/ / chags sogs kyis 'dul 'jig rten ni// kun nas srid par rtag sdig byed// de dag rnam par sbyang don du// srid pa'i bar du rang 'dul byed// ji ltar pad+ma legs dmar ba/ / tshon gyi skyon gyis ma gos ltar// bag chags skyon gyis srid pa ru// rtag tu 'gro phan gos mi 'gyur// 'dod chags chen po rnam dag pa// bde ba chen po nor chen po// khams gsum dbang phyug thob nas su// de dag don ni brtan par byed// haH'jam dpal gang la las shes rab kyi pha rol tu phyin pa'i tshul gyi sgo'i chos kyi rnam grangs 'di nyin re bzhin du nang par langs te/ gang 'don pa dang / nyan pa dang / 'dzin pa dang / rjod par byed pa des bde ba dang yid bde ba thams cad thob par 'gyur zhing / bde ba chen po rdo rje don yod ba'i dam tshig gi dngos grub mchog tu gyur pa skye ba 'di nyid la thob par 'gyur ro/ / hUM/ de nas yang bcom ldan 'das kyis/ 'jam dpal gzhon nur gyur pa la bka' stsal pa/ 'jam / dpal nyi shu rtsa lnga po 'di dag ni nges par shes rab kyi pha rol tu phyin pa'i tshul gyi sgo ste/ 'di ltar/ oM na maHsarba bud d+hA bo d+hi satwA nAM/ oM bo d+hi tsit+ta badz+ra/ oM sa man+ta b+ha dre tsar+ye bI/ oM tsan tA ma Ni/ oM a ni ro d+ha/ oM dzat+ti b+hi b+ha te/ oM dzA ti pa ri war te/ oM ma hA rA ga d+harma te/ oM bIr+ya ka ba tse/ oM sarba gA mo ni/ oM badz+ra dr-ir+tha ka bi tsa he hUM phaT/ oM sarba ta thA ga ta oM sa b+hA ba shud+d+he/ oM pradz+nyA pa ra mi tA dz+nyA na b+hi shud+d+ha/ oM karma bi sho d+ha nr-i hUM phaT/ oM ni sum+b+ha badz+ri NI hUM phaT/ oM karma rA ge/ oM badz+ra hUM badz+re/ oM sarba dA ma NI/ oM hrIHoM a kA ro mu / oM pradz+nyA pA ra mi ti/ oM haHpaM hUM/ oM aM/ oM sarba ta thA ga ta kA ya a gri/ oM sarba ta thA ga ta bA ka bi sho d+ha ne/ oM sarba ta thA ga ha tsit+ta badz+ri aH/ oM s+pho Ta ya sarba a pA ya ban+d+ha nA ni pra mo k+Sha ya/ sarba a pA ya ga ti b+h+yaHsarba sa ma ya badz+ra hUM phaT/ sdig pa dral ba'i phyag rgya dang sngags so// de brjod pa tsam gyis de bzhin gshegs pa thams cad kyi gsang ba mchog gi dngos grub rdo rje 'dzin pa chen po 'am/ / de de bzhin gshegs pa nyid du 'gyur ro// 'jam dpal 'di ni dge ba'i rtsa bam pa skrun pa'i sems can rnams kyi rna lam du grag par mi 'gyur zhing / dge ba'i rtsa ba ma bskrun pa'i sems can gyis bri ba dang / bklag pa dang / brjod pa dang / rim gror bya ba dang / bla mar bya ba dang / rjed par bya ba dang / mchod par bya bar yang nus pa ma yin no// gzhan du na gang gis shes rab kyi pha rol tu phyin pa'i tshul gyi sgo'i chos kyi rnam grangs 'di tha na yi ge gcig tsam yang thos nas/ sems can de sangs rgyas mang po la dge ba'i rtsa ba bskrun par rig par bya na/ slar yang mtha' dag ma lus pa rdzogs pa lta ci smos/ 'jam dpal sems can gang la la gang+gA'i klung gi bye ma brgyad cu snyed kyi sangs rgyas bye ba khrag khrig la phyag byas/ bla mar byas/ rjed par byas/ mchod par byas na/ des shes rab kyi pha rol tu phyin pa'i tshul 'di nyan par nus so// gang du na chos kyi rnam grangs 'di rab tu spyod par 'gyur ba'i sa phyogs de mchod rten du gyur par 'gyur te/ gang zag de'ang phyag bya ba'i 'os su 'gyur ro// gang chos kyi rnam grangs 'di yid la gzung ba 'am/ glegs bam du bris par gyur na/ de bskal pa bye ba khrag khrig brgya stong mang por skye ba dran par 'gyur ro/ / de la bdud sdig to can gyis bar du mi gcod do// rgyal po chen po bzhi po rnams dang / gzhan yang lha rnams kyis phyi bzhin rjes su 'brangs te/ de srung ba dang / skyob pa dang / sbed pa byed par 'gyur zhing / tshul ma yin pas dus byed par mi 'gyur la/ sangs rgyas dang byang chub sems dpa' thams cad kyis dgongs par 'gyur ro// mdor na sangs rgyas kyi zhing gang dang gang yid la 'dod pa de dang der skye bar 'gyur ro/ / 'jam dpal 'di lta bu'i phan yon mang po 'di ni shes rab kyi pha rol tu phyin pa'i tshul gyi sgo'i chos kyi rnam grangs so/ / de nas bcom ldan 'das rdo rje rnal 'byor gyi dbang phyug chen pos rdo rje'i snying po thams cad kyi rgyan theg pa chen po'i mngon par rtogs pa de bzhin gshegs pa thams cad kyi mchog tu gsang ba chen po/ mchog tu gsang ba'i dam tshig rdo rje dbyings kyi dbang phyug dam pa chen po/ 'khor los sgyur ba chen po bzhis yongs su bskor ba/ rdo rje snying po rgyan ces bya ba'i snying po 'di phyung ngo / / mtshan nyid gcig pa'i phyir chos thams cad gdod nas ma skyes pa'o// nam mkha' dang mnyam pa'i phyir chos thams cad stong pa nyid do// spros pa thams cad spangs pa'i phyir chos thams cad gdong ma nas yongs su dag pa'o/ / thams cad kyi sems gsal ba'i mtshan nyid kyi phyir chos thams cad chos kyi dbyings yongs su rgyas pa'o// aHb+h+rUM dzA hrIHhUM/ de bzhin gsheg pa thams cad kyi rdo rje yi ge'i tshig 'di brjod pa tsam gyis chos kyi dbyings kyi mtha' klas pa sangs rgyas kyi yul thams cad de snyed nyid du shin tu gsal ba rgya chen po snang bar gyur to/ / de nas bcom ldan 'das de bzhin gshegs pa thams cad kyis slar yang bsdu bas byon nas/ de bzhin gshegs pa thams cad kyi dkyil 'khor chen po'i bkod pa zhes bya ba'i ting nge 'dzin la snyoms par zhugs te/ 'jam dpal gzhon nur gyur pa la bka' stsal pa/ 'jam dpal de bzhin gshegs pa thams cad kyi rdo rje snying po rgyan ces bya ba'i dkyil 'khor chen po bshad par bya yis nyon cig/ de legs par nyon la rab tu yid la gyis shig dang bshad par bya'o// de nas bcom ldan 'das rnam par snang mdzad chen pos/ 'jam dpal gzhon nur gyur pa la bka' stsal pa/ 'jam dpal khyod kyang de bzhin gshegs pa thams cad kyi shes rab ye shes la zhugs la/ de bzhin gshegs pa thams cad kyi rdo rje'i snying po chen po la byin gyis brlab par byos shig/ de nas yang 'jam dpal gzhon nur gyur pas/ bcom ldan 'das rnam par snang mdzad kyis gsol ba btab pa'i tshig thos nas/ de bzhin gshegs pa thams cad kyi thugs kar zhugs te/ byin gyis brlabs nas de las 'thon te/ de bzhin gshegs pa thams cad kyi spyan sngar rnam par gnas so// de nas bcom ldan 'das kyis de bzhin gshegs pa thams cad kyi dam tshig 'byung gnas rdo rje snying po'i rgyan byin gyis rlob pa zhes bya ba'i ting nge 'dzin la snyoms par zhugs nas/ chos kyi dbyings kyi rdo rje chen po snying po'i rgyan de bzhin gshegs pa thams cad kyi gsang ba'i dkyil 'khor bkod pa chen po bkar stsal pa/ de nas yang dag bshad bya ba// dkyil 'khor chen po mchog gyur pa// rdo rje snying po gsang chen po/ / de bzhin gshegs pa kun ldan dge/ rdo rje snying po dang mtshungs pa// khams rnams thams cad rnam par sprul// sangs rgyas kun gyi bdud rtsi dang // gzhan yang bcud len dang mtshungs pa/ / de bzhin gshegs pa kun gyi gsang // rdo rje kun gyi rang bzhin grong // gru bzhi pa la sgo bzhi pa// rta babs bzhis ni rnam par mdzes// thig bzhi dang ni yang dag ldan/ / dur dang me tog chun pos sbas// grwa yi cha rnams thams cad dang // sgo khyud kyi ni mtshams rnams su// rdo rje rin chen rnams kyis spras// rdo rje'i thig rnams kyis spras pa'i/ phyi rol dkyil 'khor thig gdab bya// de'i yang phyi rol du bya ba// dkyil 'khor bdud rtsi yi ni 'od// khyad par ji lta ba bzhin du// sngags pas kun nas yongs bskor bya// de ltar rnam bzhi'i rnam pa dang // ji srid grong ni rnam pa bdun// sbyor ba bdun dang yang dag ldan// dar dang me tog 'phreng bas brgyan// sgo dang sgo khyud rin chen ni// yang dag mtho ba legs par gnas/ / de yi grong gi nang du ni// rab zhugs 'khor lo 'dra ba ru// rdo rje thig gis yongs su bskor// ka ba brgyad kyis nye bar mdzes// rdo rje ka mdun gnas rnams su// dkyil 'khor lnga yis brgyan pa'o// de ltar 'khor lo rnam pa gnyis// nang gi dkyil 'khor dang mtshungs pa// tshad mdzes pa yi snying po che// rdo rje 'khor los rnam par brgyan// gru bzhi pa dang zlum po nyid/ / gru gsum rnam par yang dag byung // zla phyed rnam pa dang mtshungs pa// dkyil 'khor rnam pa bzhi slar yang // slob dpon rdo rje yang dag 'byung // shes rab chen pos rab brtag bya/ / dbus kyi dkyil 'khor dbus su ni// pad+ma chen po 'angab brgyad pa// pad+ma rA ga'i 'od mtshungs la// sangs rgyas gzugs brnyan gzhag par bya// dkyil 'khor gyi ni dbus nyid du/ / sangs rgyas thams cad bsdus pa'o// sangs rgyas kyi ni ngos kun tu// shes rab can gyis gzhag bya ba// dam tshig mchog bzhi rnam bzhi ni// go rims bzhin du yang dag bri/ / rdo rje chen po seng ge'i khri// 'khor lo car gyi khyab bdag gzhag/ gdugs dkar rgyal ba'i gtsug tor dang // gzi brjid phung po skal ba che// rnam par 'phro byed rnam rgyal nyid/ / de bzhin gtsug tor lnga po ni// sangs rgyas skyob pa thams cad la// yongs su bskor nas snam bu la// dkyil 'khor kun tu bri bar bya/ rdo rje shugs kyis song nas ni/ / dkyil 'khor dag ni ba'i po ru/ mi bskyod la sogs rnam pa bzhi// rdo rje rnal 'byor dbang phyug bri// mi bskyod pa yi dkyil 'khor ni/ khwa 'od lta bu'i mdog tu bya// rdo rje sems dpa' sogs rgyal po/ / kun mchogs yi dbang phyug rnams// rdo rje slob dpon stobs po che// shes rab chen pos dgod par bya// rin chen 'byung gnas dkyil 'khor du/ rdo rje rin chen sogs kyis dgang // rdo rje chos sogs gsang ba yi// dkyil 'khor tshe dpag med pa'o// rdo rje las la sogs ldan pa// don yod grub pa'i dkyil 'khor ro// gnyis pa 'khor lo'i dkyil 'khor du/ / rdo rje shugs kyis song nas ni// rnam gzigs la sogs sangs rgyas rnams// dkyil 'khor kun tu der ni bri// rdo rje snying po rgyal po che// khyab bdag gsang ba'i chos dbang phyug/ 'dod pa'i don kun grub pa'i phyir// 'bad pa yis ni bri bar bya// blo gros rgya mtsho mi zad blo// byams pa bdag nyid chen po dang // nam mkha'i snying po grags chen po// kun tu bzang po nyid dag dang / / phyag na rdo rje bdag nyid che// kun nas 'bar bas 'khrugs pa'i 'od// 'jam pa'i dbyangs ni rigs kyi mchog/ sangs rgyas sras bzang dri ma med// sgrib pa thams cad nges par sel/ / de nas sa yi snying po mchog/ nam mkha'i mdzod ni mdzod dam pa// lag na rin cher bla na med// ngan song kun ni 'joms pa ni// dra ba can gyi 'od ces bya// dpa' bo 'di dag gsang ba che/ / dkyil 'khor 'di dag bri bar bya// 'khor lo de ni dor nas ni// blo gros ldan pas phyir song ste// shar du sangs rgyas thams cad kyi// phyag rgya go rims bzhin du dgod/ / 'khor lo mdzes pa'i dge legs can// rdo rje dpal be'u pad ces bya// gtsug tor rnam pa sna tshogs pa// rdo rje pad+mas rnam par brtan// lhung bzed dang ni 'khar gsil dang / / chos gos kyang ni khyad par du// shAkya seng ge ji srid par// sangs rgyas kun gyis rab tu gsungs// gang zhig dngos grub mchog 'dod pas// de rnams blo ldan brtan pas gri/ byang du 'jig rten dbang phyug gi/ phyag rgya'i tshogs mchog de bzhin te// pad+ma ut+pal nyid dang ni// spyi blugs pags pa'i g.yang gzhi dang // dbyug gu'i shing ni mkhas pa yis// ma myos pa ru bri bar bya// slar yang lho ru song nas ni// phyag na rdo rje bdag nyid che// slob dpon bdag nyid chen po yis// phyag rgya 'bad pas bri bar bya// rdo rje paT+Ti sha dang ni// dril bu rab tu mdzes pa dang / / dbyug gu dang ni tho ba dang // dbyug pa rdo rjes mtshon pa dang // lcags sgrog dang ni rtse gsum yang // 'di dag dpa' bo'i phyag rgya'o// dkyil 'khor nub tu song nas ni// 'jam pa'i dbyangs ni blo dang ldan// gsang ba'i chos ni dam pa'i mchog/ brtson 'grus chen po'i phyag rgya bri// ut+pal 'khor lo rdo rje dang // ral gri yang ni khyad par du// thod pa dang ni dgra sta nyid rma bya dang ni seng ge nyid/ / phyag rgya 'di ni brtson 'grus che// mkhas pa yis ni dgod par bya// 'khor lo'i grwa ni legs gnas par// rdo rje sgeg mo la sogs bri// phyi yi 'khor lo'i grwa ru ni rdo rje bdug pa zhes bya sogs/ / bdag nyid chen po 'bad pa yis// mchod pa 'di dag bri bar bya// phyi yi dkyil 'khor grwa rnams su// gzugs kyi rdzu la sogs ming / / gzugs smra de bzhin dri drang ni// khyad par du ni ro nyid dang // reg dang chos kyi dbyings dag ni/ ma bas pA yis ni dgod par bya// sgo yi rang ni thams cad du// sgo slong ba ni dgod par bya/ / de bzhin dkyil 'khor gnyis pa ru// rdo rje shugs kyis song nas ni// go rims bzhin du sangs rgyas kyi// sum rnams 'bad pas bri bar bya// nam mkha'i sbyin zhes bya ba ni/ / sangs rgyas spyan zhes bya ba dang // shes rab pha rol phyin ma yang // phyag rgya kun dang yang dag ldan// ji srid de bzhin gshegs rig ma// thams cad shar du dgod par bya// de nas blo gros ldan pa yis// byang gi phyogs su song nas ni// gos dkar mo dang sgrol ma che// khro gnyer can dang grags 'dzin ma// khyad par du ni dpal bdun dang // mnga' bdun dang na dbyangs can ma/ / de la sogs pa'i lha mo rnams// bran dang bran mor yang dag ldan// de bzhin po nyo bo nya mo// gsang ba'i phyag rgya lhan cig bri/ rdo rje shugs kyis song nas ni// lho yi phyogs su rab phyin la/ / mA ma kI dang lcags sgrog dang // khab rtse rdo rje'i mtshan ma mchog/ de ltar bris nas blo ldan gyis// nub kyi phyogs su song nas ni// der ni phyin nas shes ldan gyis// skra can stobs chen bri bar bya/ / de bzhin 'dam bu mda'i rgyu dang // lha mo zla mdzes 'od zer 'dra// dkyil 'khor kun gyi mtshams rnams su// de bzhin nye ba'i sgra can ma// 'bad pa yis ni bri bar bya/ / rab bkra nor gyi blo gros dang // 'gugs byed pho nya lnga dang ldan// grwa yi cha ru bri bar bya// rdo rje mdung rtse zhes bya sogs// sgo yi nang ni thams cad du// sgo skyong ba ni rnam par bri/ / gzhan gyis mi thub lha mo che// de bzhin ral pa gcig ma mchog/ rdo rje dregs mo lha mo che// rdo rje kum b+hi yang dag bri// de nas blo ldan dkyil 'khor ni// thams cad las ni 'thon ras su/ / shar gyi cha ni thams cad du// sngags pa mnyam par bzhag pa yis// khro chen gzhan gyis mi thub pa// de bzhin mi g.yo zhes bya dang // khams gsum/ rnam rgyal snying po ni// mnga' bdag brgya phrag lnga yis bskor// shar du bris ras sngags pa yis// de nas byang gi char song ste// rta mgrin khro bo chen po dang // skar ma'i spyan ni khyang par du'o/ / khro gnyer rim pa rnam bsgyings pa// khro bo blo ldan brtson 'grus che// pho nya bran rnams thams cad dang // ma mo stong gis yongs bskor bar// 'jig rten mgon gyis bka' stsal to/ / de nas blo gros ldan pa yis// lho yi phyogs su song nas su// der ri phyin te brtson chen po// khro bo chen po stobs po che// rdo rjes mtshan pas legs mtshan pa// shes rab chen pos dgod par bya/ / khro bo zla ba'i thig le dang // de bzhin khro chen rdo rje 'chang // khro bo gzegs ma stobs po che// khro bo bdud rtsi 'khyil ba dang // rdo rjes 'og sa 'og dang / / de bzhin 'jigs pa'i mig can dang // rkang pas bsnun pa rdo rje mchog/ gsang dang rab gsang rjes 'gro dang // bran dang po nya rjes 'gro ba// rjes 'gro can blong bopo ni/ stong phrag gsum dang phyed kyis bskor// de ltar bris nas blo ldan gyis// nub kyi phyogs su phyin nas ni// der ni song skye brtson chen po// gshin rje mthar byed ces bya ba// gdong drug pa la lag drug pa/ / khro bo yi ge bdun zhes bya// khro bo'i gtso bo stong phrag ni// bdun dag gis ni yongs bskor ba'o// dkyil 'khor can thams cad du// khro bo gtum po thams cad bri// de nas blo ldan 'ongs nas su// rang rgyal rgyal ba thams cad ni// dkyil 'khor kun tu bri bar bya// de nas sngags pa 'ongs nas ri// rgyal ba nyan thos bri bar bya// de nas thams cad bris nas su// de rnams tshangs sogs lha de dag/ dkyil 'khor kun tu rnam par bri// dbang phyug che dang khyab 'jug dang // zla ba nyi ma zhes bya dang // gza' brgyad dang ni 'jig rten skyong // rgyal chen ris ni bzhi po dang / / de bzhin sum cu rtsa gsum nyid// 'thab bral rnams dang dga' ldan rnams// 'phrul dga' gzhan 'phrul dbang byed rnams// tshangs pa mdun na 'don pa rnams// tshangs chen rnam dang 'od chung rnams dang / tshad meng 'od rnams dang / 'od gsal rnams dang / dge chung rnams dang / tshad med dge rnams dang / dge rgyas rnams dang / sprin med rnams dang / bsod nams skyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min rnams dang / dag pa'i gnas pa rnam dkyil 'khor thams cad kyi mtshams su dgod par bya'o/ / de nas dbang ldan du dbang ldan dang / dbang por dbang po dang / mer me lha dang / gshin rjer gshin rje dang / bden bral du bden bral dang / chur chu lha dang / rlung du rlung lha dang / lus ngan du lus ngan rnams dang / phyi rol tu khor drug tu chen po'i ri'i rgyal po bri bar bya'o// rab dag gi nang du rgya mtsho chen po bdun dgod par bya'o/ / phyi rol gyi shar phyogs su khro bo gzhan gyis mi thub pa zhes bya ba'i phyag rgya chen po dgod par bya'o// lhor rdo rje 'jigs byed kyi spyan gyi phyag rgya chen po dgod par bya'o// nub tu khro bo'i rgyal po chen po gshin rje gshed kyi phyag chen po dgod par bya'o/ / byang du rta mgrin gyi phyag rgya chen po rnam pa dgod par bya'o// de lta bu'i gru bzhi pa sgo bzhi pa'i dkyil 'khor chen po dar dang me tog gi chun po dang / sgo khyud dang / gdugs dang / rgyal mtshan dang / ba dan sgreng ba/ dra ba dang dra ba phyed pas klubs po/ de lta bu'i dkyil 'khor chen po bris la bsgom par bya'o// de'i phyi rol du 'gro balnga po gzhag par bya'o/ / de bzhin du dbus su ri'i rgyal po lhun po'i tshad dpag tshad brgya stong phrag du ma rnam par bsams nas/ de'i steng du rdo rje seng ge'i khri la bzhugs pa'i sangs rgyas bcom ldan 'das gzhag par bya'o/ / de ltar dkyil 'khor rim gyis bkod nas nye bar spyod pa thams cad kyi cho gas mchod nas/ nye bar zhugs te dgugs pa dang / gzhug pa dang / dam tshig gis bcings nas mnye bar byas te/ mchod pa dang / dbang bskur ba dang / byin gyis brlabs pa dang / spro ba dang / bsdu ba la sogs pa byas nas/ de bzhin gshegs pa thams cad kyi phyag rgya chen po bsgom par bya'o// de bzhin du sgom pa las blang ste/ de bzhin gshegs pa thams cad dang rdo rje sems dpa'i bdag nyid ni rnam par snang mdzad pa zhes bsgom par bya'o/ / de lta bu las langs nas de'i snyoms pa 'chang zhing snying rje dang / byams pa'i 'dren byed dang / mig gis phyogs bcu'i 'jig rten gyi khams mtha' las 'das pa rab 'byams rgya mtsho'i sprin thams cad du de bzhin gshegs pa thams cad kyi sku'i sprin gyis kun nas bkang ste/ de bzhin gshegs pa rab tu 'bab pas rdo rje sems dpa'i hUM mdzad kyis phyag rgya rang gi lus la zhugs nas phyogs thams cad hUM gi yi ge'i sgras rab tu bsgrag par bya'o/ / bsnun pa bzhis rol pa dang bcas pas phyag byas la bzlas pa bya ste/ dam tshig gi phyag rgya bcings la cho ga bzhin du rdo rje slob dpon gyis bkug nas bcug ste bcings la dam tshig la bzhag par byas nas/ / rdo rjes grol gyi sbyor ba dang / kun nas 'bebs pa'i phyag rgyas bdag nyid la dbab ste/ snying po 'di bzhis de bzhin gshegs pa thams cad dang bdag mtshungs so snyam du bsam par bya'o// de la 'di ni thams cad 'bebs pa'i snying po bzhi por 'gyur ro// a A aM aH bdag byin gyis rlob pa la sogs pa byas nas/ slob dpon gyis de bzhin gshegs pa thams cad dang bdag mtshungs pa yin no zhes nga rgyal bskyed par byas nas/ de bzhin gshegs pa thams cad kyi rdo rje lcags kyu'i se gol gtogs nas/ sangs rgyas thams cad spyan drang bar bya'o// de la snying po ni 'di yin te/ badz+ra sa mA dzaH/ A gats+tsha A gats+tshan+tu sarba ta thA ga ta/ sarba bo d+hi satwa pa ri bri tAHprat+ye kA ra ha teH/ sa ha/ zhes so// oM badz+ra sa mA dzAHA gats+tsha/ A gats+tsha/ sarba ta thA ga ta badz+ra yo gi shwa raHsatwa na yaiHsa ha a haHa haH/ de nas de bzhin gshegs pa thams cad dang / byang chub sems dpa' thams cad dang bcas pa/ dkyil 'khor thams cad yongs su rdzogs pa de bzhin gshegs pa thams cad kyi rigs dang / rgyud dang / gzungs rnams dang lhan cig dkyil 'khor du 'dus na byon par 'gyur ro/ / de nas de bzhin gshegs pa thams cad kyi phyag rgya chen po bdag nyid rnam par bsgoms nas/ ming brgya rtsa brgyad pa bton la cho ga ji lta ba bzhin du mchod pa byas nas/ de bzhin gshegs pa thams cad brtan par byas nas/ sgo bzhi po rnams su rdo rje lcags kyu la sogs pas las byas te/ las chen po dam pa'i phyag rgyas de bzhin gshegs pa thams cad gzhug par bya'o/ / oM sarba ta thA ga ta/ su ra ta badz+ra badz+ra satwa dzaHhUM baM hoHa d+hi tiSh+Tha tu/ sarba ta thA ga tA ma hA maN+Da laM/ zhes so// de nas gsang ba'i mchod babal sogs pa rnams kyis mchod pa byas nas/ de bzhin gshegs pa thams cad la gsol pa btab par bya ste/ sangs rgyas dang byang chub sems dpa' thams cad la bdag gsol ba 'debs lags kyis/ / sangs rgyas dang byang chub sems dpa' thams cad kyis bang gA la byin gyis brlab tu gsol/ sems can thams cad kyi don mdzad du gsol/ bdag la dngos grub thams cad stsal du gsol/ ji ltar bdag gis de bzhin gshegs pa thams cad kyi mchod pa rab 'byams rgya mtsho'i sprin rnams kyis chos kyi dbyings kyi mtha' klas pa'i sangs rgyas thams cad kyi yul kun nas bka' sti byin gyis brlab par bgyi'o/ / de bzhin gshegs pa thams cad kyi bka' yongs su rdzogs par bgyi'o// de nas 'dir rdo rje snying po'i rgyan chos kyi dbyings kyi dkyil 'khor du slob ma gzhug pa'i cho ga rgyas par 'gyur ba ni/ de nas gos dmar po phrag par gzar te/ de bzhin gshegs pa thams cad la phyag 'tshal ba'i thal mo sbyar nas sngags 'dis snyan gsan dbab par bya ste/ sa ma ya ho/ sa ma ya s+t+waM/ sa ma ya badz+ra d+hiSh+ThA naM/ ku ru mAM/ sarba ta thA ga ta sa ma ye Shu me a d+hi tiSh+ThAn+tu sarba bud+d+ha mAMHpra be sha yan+tu/ pra ti pA la yan+tu pU dzAny+tsa ma pra yats+tshan+tu/ pra bidz+dzi smai/ sarba ta thA ga ta badz+ra maN+Da a lang kA re/ ma hA badz+ri maN+Da le pra ta~M ba la yan+tu man+t+ra dzany+tsA ma pra yats+tsha yan+tu/ de nas slob dpon gyis de'i thal mor me tog dkar po'i 'phreng ba sngags 'dis btags nas/ nang du me tog bzhi dang sor mo'i rtse mor me tog re re bcug la/ de nas sngags 'di brjod cing gzhug par bya'o// tsU d+ha hri/ kruM shru dzu baHka pro khi shrI dz+dza hUMn a d+hi tiSh+Tha mAM/ sarba ta thA ga ta sa ma ya satwa pra bi shA mi/ de nas slob dpon gyis de'i gdong g.yogs bcings la/ de bzhin gshegs pa thams cad kyi mya ngan las 'das pa'i grong khyer chos kyi dbyings nam mkha'i khams rab tu khyab pa'i sbyor bas de bcug la/ sngags 'dis me tog gtor bar bya'o// sngags ni/ sa ma yo haM/ sa ma ya s+t+waM/ sa ma ya hUM/ gang la me tog rnams lhung ba de nyid de'i lhar byin par bya'o/ / de nas cho ga bzhin du sngags 'dis dbab par bya'o// na maHsarba ta thA ga te b+h+yaH/ ta Ta ta Ta/ d+ha ma d+ha ma/ badz+ra hUM/ bi kr-i ti bi d+h+ya/ dzI hwA dur darlang ma ka/ ha si ta laM bo d+ha ra/ ka ha ka ha/ tsu lu tsu lu/ muny+tsa muny+tsa/ an+d+ra ha sa dar bi dar/ badz+ra badz+rong+ga ta badz+ra ne tre/ badz+ra sho tra/ badz+ra g+hA Na/ badz+ra daMSh+Ta kiny+tsi rA yi sa pra bi sha badz+ra pA Ni da ya ma bi sha/ g+hur+Na b+har+dz+dza/ pUr+N+Na pUr+t+ta/ g+hAr+N+Na pa ya g+hur+N+Na pa ya/ b+h+ra ma yA b+h+ra ma yA/ pA ta ya mo Ta ya/ a be shA ya/ dzalpa dza wa/ dzam+bA ya dzalpA ya/ la b+hA la g+hu sarba ta thA ga ta dz+nyA ka ra/ pra ba ra/ d+harma lab+hU/ bi dza yo hi ha~M badz+ra kA ra hUM kr-ita swA hA/ dbab pa'i dam tshig go/ de ltar phab nas/ kye khyod kyis gang dge ba 'am mi dge ba mthong ngam zhes dri'o/ / de nas de de bzhin gshegs pa 'am/ rdo rje 'dzin pa 'am/ dge ba'am/ mi dge ba bdag gis 'di lta bu mthong ngo zhes smra bar 'gyur ro// de nas slob dpon gyis de thams cad de bzhin gshegs pa thams cad kyi rdo rje'i rang bzhin du yongs su bzhag la/ mig bcings pa bkrol la/ dbang bskur ba'i don du dkyil 'khor gru bzhi pa byas la/ de'i dbus su kha dog thams cad kyis pad+ma chen po 'dab ma brgyad pa yid du 'ong ba 'am/ seng ge'i khri rang nyid kyis bris te/ de nas de la dar gyi bgo ba dang / me tog bdug pa la sogs pa rnams kyis mchod la/ khyad par du gzugs dang / sgra dang / dri dang / ro dang / reg bya dang / gdugs dang / rgyal mtshan dang / ba dan la sogs pa nye bar mkho ba dang / dung dang / rdza rngu dang / rnga bo che dang / drung la sogs pa dang / gar dang / glu rnams kyis legs par mchod nas/ cod pan lnga'i dbang bskur te/ de bzhin gshegs pa thams cad kyi rdo rje slob dpon gyi go 'phang la sngags 'dis rab tu gzhag par bya'o/ / oM sarba ta thA ga tA badz+reSh+NI Sha a b+hi Shiny+tsa/ oM badz+ra satwa a b+hi Shiny+tsa/ oM badz+ra rat+na a b+hi Shiny+tsa/ oM badz+ra pad+ma a b+hi Shiny+tsa/ oM badz+ra badz+ra a b+hi Shiny+tsa/ spyi bo dang dpral ba dang / mgrin pa dang / snying kha dang / lte ba dang / rkeng pa nas/ rje ngar gyi bar du yi ge'i phyag rgya bkod la rang gi lha'i gzugs kyi sbyor bas blta bar bya'o// de de ltar dbang bskur nas rigs dang 'thun pa'i ming byas nas rdo rje'i tshig rnams bslab par bya'o/ / de la rdo rje'i gnas tshig rnams ni 'di dag ste/ rang bzhin gyis dbyer med pa'i phyir rang gi lus rdo rje sems dpa'i gnas te/ rdo rje'i gnas 'dis lta ba'i thibs po thams cad nges par 'joms par 'gyur ro// rig pa la 'jug pa'i phyir ma rig pa rdo rje'i gnas te/ rdo rje'i gnas 'dis dmigs pa'i dngos po yongs su shes pa la 'jug par 'gyur ro/ / hUM/ mngon par 'du byed pa'i phyir mtshams med pa'i mtha' rdo rje'i gnas te/ rdo rje'i gnas 'dis lta bar gyur pa thams cad du nges par rig par 'gyur ro/ / aM 'dod chags dang bral ba'i mtha' mnyam pa nyid kyi phyir 'dod chags kyi mtha' rdo rje'i gnas te/ rdo rje'i gnas 'dis 'dod chags 'dod chags dang bral ba'i ched du 'jug go// ha/ byams pa'i mtha' mnyam pa nyid kyi phyir zhe sdang gi mtha' rdo rje'i gnas te/ rdo rje'i gnas 'dis nyes pa thams cad gcod pa'i ched du 'jug go// me shes rab sgron ma mnyam pa nyid kyi phyir gti mug gi mtha' rdo rje'i gnas te/ rdo rje'i gnas 'dis mun pa bsal bar byed par 'gyur ro// ra sems can thams cad sems can gcig pa ste/ rdo rje'i gan/ 'dis sem can mnyam pa nyid la 'jug pa'i don dang / sems can gyi rang bzhin rtogs pa'i don du 'gyur ro// hrI/ sems can thams cad sems gcig pa ste/ rdo rje'i gnas 'dis sems nges pa la 'jug pa'i don dang / sems rang bzhin gyis 'od gsal ba mngon par rtogs pa'i don du 'gyur ro// a/ sangs rgyas thams cad sangs rgyas gcig pa ste/ rdo rje'i gnas 'dis de bzhin gshegs pa thams cad kyi rjes su 'jug pa'i don dang / mnyam pa nyid kyi ye shes rjes su rtogs pa'i don du 'gyur ro// aM/ chos thams cad sangs rgyas kyi chos te/ rdo rje'i gnas 'dis thams cad mkhyen pa'i ye shes rjes su rtogs par 'jug pa'i don dang / rdo rje lta bu'i ting nge 'dzin rjes su rtogs pa'i don du 'gyur ro// A.AMHbdud kyi las thams cad sangs rgyas kyi las te/ rdo rje'i gnas 'dis las thams cad rjes su rtogs pa la 'jug pa'i don dang / lus thams cad las yongs su 'das pa'i don du 'gyur ro// hUM/ ngag thams cad de bzhin gshegs pa'i gsung ste/ rdo rje'i gnas 'dis sgra ji bzhin pa thams cad rjes su rtogs pa la 'jug pa'i don dang / brjod pa las 'das pa'i chos rjes su rtogs pa'i don du 'gyur ro// d+haM/ chos tham cad ma skyes pa ste/ rdo rje'i gnas 'dis 'chi 'pho med pa la 'jug pa'i don dang / skye ba dang / rga ba dang / na ba dang / 'chi ba'i lam las 'da' ba'i don du 'gyur ro// maM chos thams cad ma byung ba ste/ rdo rje'i gnas 'dis 'gog pa med pa la 'jug pa'i don dang / chos thams cad 'gog pa med pa'i don du 'gyur ro// khaM/ 'di la rnam gnas rnal 'byor pa// bdag gi de nyid rab rtogs te/ / bdag gis de nyid rab brtags nas// sangs rgyas kun mtshungs mnyam med 'gyur// de la sogs pa'i dngos grub thams cad dang / phun sum tshogs pa thams cad dang / gter thams cad dang / 'khor lo thams cad dang / rdo rje thams cad dang / ral gri dang / yid bzhin gyi nor bu dang / dngul chu dang / bcud len rnams dang / gyen du 'gro ba dang rkang 'og dang / mi snang ba dang / rig pa 'dzin pa dang / 'khor los sgyur ba nyid dang / brgya byin dang / tshangs pa dang // khyab 'jug dang / dbang phyug chen po nyid dang / byang chub sems dpa'i sa rnams de myur du 'grub par 'gyur ro/ / hUM yid ni rtse gcig gyur pa yis// sangs rgyas rjes dran bsgoms nus ni// nyi ma'i dkyil 'khor dbus gnas par// sangs rgyas sku gzugs bsgom par bya/ / sbyor ba de yi bka' drin gyis// sangs rgyas kun mtshungs mnyam med 'gyur// zla ba'i dkyil 'khor dbus gnas par// 'od kyi dkyil 'khor rab gsal ba'i kun tu bzang po phyag rgya na/ / legs par mnyam par bzhag pas sgom/ yo ni byed kyi sbyor ba yis// kun tu bzang po 'dra bar 'gyur// rdo rje rin chen phyag rgya legs par mnyam par bzhag pas sgom/ / rgyal po'i dbang bskur nyid ngam ni// yang na dbang phyug thob par 'gyur// rdo rje chos kyi phyag rgya che// de ni rang gis brtan por bsgom// 'jig rten kun gyi dbang phyug kyang / / thob na dngos grub gzhan ci sngos// rdo rje las kyi phyag rgya gang // de bzhin nyid kyi 'od gsal pa// rdo rje'i sbyor bas de bsgoms pas// rdo rje'i rnal 'byor brtan por 'gyur/ / de lta bu'i byang chub kyi sems kyi mchog sgom pa phyag rgya chen po'i ye shes nyid yin no// 'khor lo sgyur ba'i phyag rgya che// legs par mnyam par bzhag pas bsgom// phyag rgyu kun gyi bdag nyid kyi/ / dam pa'i don nyid thob par 'gyur// gzi brjid phung po phyag rgya che// dam pa'i don du bsgom par bya// gsang ba'i rgyal sring thob 'gyur na// dngos grub gzhanas tsonig smos/ / gdugs dkar btsug tu rkun po ni// dam pa'i don du bsgom par bya// gtsug tor me shes thob 'gyur// dngos grub gzhan su ci nag smos/ rgyal ba'i gtsug tor phyag rgyade ni yang dang yang du bsgom/ / chos kyi rgyal srid rnam rgyal nyid/ mdor bsdus pas ni thob par 'gyur// nam rgyal gtsug tor phyag rgya yis// dam pa'i yi ge bsgom par bya/ legs par rab gnas 'od zer can// dngos grub ye shes thob par 'gyur// de la sogs pa mtha' yas mchog/ chos dbyings mnyam dang mi mnyam pa// gtsug tor rnams kyis legs bshad pa/ / phyag rgya de rnams bdag nyid mchog/ de ltar rnal 'byor pas bsgoms na// lhag pa'i lha ni gcig pu nyid// thog ma tha ma med zhi ba// rang byung mchog tu mi 'gyur ba/ sangs rgyas kun dang mnyam sbyor ba// rnal 'byor dbang phyug go 'phang mchog/ sangs rgyas ye shes dri ma med// bdag nyid chen po thob par 'gyur// de bzhin gshegs pa thams cad kyi gtsug tor gyi dam tshig ye shes kyi phyag rgya rnams so/ / da ni de bzhin gshegs pa thams cad kyi chos kyi yi ge'i rang bzhin gyi ye shes de la bslab par bya'o// zhes bya ba ni rnam par dpyod pa'i phyir chos thams cad kyi sgo s+ye/ rnam par 'byed pa'i don du shes par bya'o// oM baM/ a zhes bya ba ni chos thams cad ma skyes pa'i phyir chos thams cad kyi sgor bshad do// oM a A aM aHpa zhes bya ba ni chos thams cad kyi sgo ste/ don dam par chos thams cad kyi pha rol tu phyin pa thams cad yongs su rdzogs par blta bar bya'o// oM paM/ na zhes bya ba ni chos thams cad kyi ming dang / gzugs dang / shes rab dang / chos dang bcas pa la dbang sgyur ba'i phyir chos thams cad kyi sgor bshad do// oM naM/ nga zhes bya ba ni 'dul ba dang zhi pa'i pha rol tu phyin pa yongs su rdzogs par byed pa'i phyir chos thams cad kyi sgor bshad do/ / oM de/ sa zhes bya ba ni thogs pa med pa las yang dag par 'das shing / yongs su nyon mongs pa dang / rnam par spong ba dang / zag pa dang bcas pa dang / zag pa med pa'i sgo nas phung po dang / khams dang / skye mched la sogs pa don dam pa'i bden pa la nye bar len pa mi dmigs pa'i phyir chos thams cad kyi sgor rnam par gzhag go/ / oM sruM/ ta zhes bya ba ni de bzhin nyid kyi rjes su 'gro ba'i chos kyi dbyings la 'jug pa'i phyir chos thams cad kyi sgor rnam par blta'o// oM te/ ka zhes bya ba ni las kyi rnam par smin pa dang bral ba'i phyir chos thams cad kyi sgor gsal bar bya'o// oM kAM/ ma zhes bya ba ni sgyu ma lta bu nyid dang / dran pa med cing snying rje che ba dang / shes rab rno ba las byung ba'i phyir chos thams cad kyi sgor gsal bar bshad do/ / oM mAM/ ga zhes bya ba ni zab mo gting dpag dka' ba'i phyir chos thams cad kyi sgor blta bar bya'o// oM kaM/ zhes bya bar skye ba dang / rga ba dang / 'chi ba las yongs su rgal ba'i rang bzhin mi phyed pa'i phyir chos thams cad kyi sgor blta bar bya'o// oM dze d+ha zhes bya ba ni chos kyi dbyings yongs su mi phyed pa'i rdo rje jo po rdzogs pa'i phyir chos thams cad kyi sgor blta bar bya'o/ / oM d+haM/ sha zhes bya ba ni zhi gnas dang lhag mthong yongs su rdzogs pa'i phyir chos thams cad kyi sgor blta bar bya'o// oM / kha zhes bya ba ni gang zag dang chos kyi bdag med pa nam mkha' ltar gsal zhing chos thams cad rang bzhin gyis 'od gsal ba'i phyir chos thams cad kyi sgor rnam par gzhag go// oM khaM/ k+Sha zhes bya ba ni g.yo ba skye ba med pas mi zad pa'i ye shes so sor dmigs te chos thams cad yongs su dag pa'i phyir chos thams cad kyi sgor blta bar bya'o// oM k+ShaM/ nga zhes bya ba ni thams cad mkhyen pa'i ye shes thogs pa med pa'i phyir chos thams cad kyi sgor blta bar bya'o/ / oM daM/ tha zhes bya ba ni gnas dang gnas ma yin pa la mkhas pas sangs rgyas kyi zhing yongs su sbyong ba'i phyir chos thams cad kyi sgor blta bar bya'o/ / oM thaM/ D+ha zhes bya ba ni mthar phyin pa dang / mur thug pa med pa dang / sgrib pa thams cad rab tu spangs pas zad pa dang mi skye ba'i ye shes thob pa'i mchog tu byed pa'i phyir chos thams cad kyi sgor bshad do/ / oM D+haM/ dz+haiM zhes bya ba ni dri ma'i rnam par dmigs pa med pa'i phyir chos thams cad kyi sgor blta bar bya'o// oM dz+nyA/ lus rnam par byed pa ni 'dod chags dang bral ba'i mtha' nyon mongs pa thams cad spangs te rdo rje snying po'i lus so sor thob pa'i phyir chos thams cad kyi sgor blta bar bya'o// oM kaM/ sems rnam par 'byed pa ni nyes pa dang / rmongs pa dang / bag la nyal ba rab tu spangs nas byang chub kyi sems bskyed pa rang bzhin gyis 'od gsal ba'i phyir chos thams cad kyi sgor blta bar bya'o/ / oM aM/ ngag rnam par 'byed pa ni ngag gi spros pa chos kyi dbyings rnam par dag pa'i phyir chos thams cad kyi song blta bar bya'o// oM baM/ tsha zhes bya ba ni grib ma ma dmigs shing rang bzhin gyis dang ba'i phyir chos thams cad kyi sgor blta bar bya'o/ / oM tshe/ g+ha zhes bya ba ni gcig tu 'dres pa ma dmigs pa'i don dam par gnyis su med pa'i phyir chos thams cad kyi sgor blta bar bya'o/ / oM g+haM/ Ta zhes bya ba ni ca co dang bral ba dang rdo rje snyems pa 'dzin pa'i phyir chos kyi sgor bshad do// oM TaM/ pha zhes bya ba ni chos thams cad dbu ba rdos pa lta bu'i tshul gyis gsang ba'i ye shes gsal ba'i phyir chos thams cad kyi sgor bshad do/ / oM pheM/ Da zhes bya ba ni 'tshe ba las grol ba'i nam mkha' la 'gro ba grub pas so/ sor thob pa'i phyir chos thams cad kyi sgor blta bar bya'o// oM Da~M/ Sha zhes bya ba ni cha sgo mi dmigs pa'i phyir chos thams cad kyi sgor blta bar bya'o// oM ShaM/ chos thams cad nye bar zhi ba'i phyir nye bar zhi ba ni chos thams cad kyi sgor rnam par gzhag go/ / oM uM/ chos bzhin ni nges par 'byung ba'i don du 'phags pa'i lam yan lag brgyad pa 'jug pa'i phyir chos thams cad kyi sgor blta bar bya'o/ / oM yaM/ de kho na nyid ni spros pa thams cad rnam par spangs pa'i phyir chos thams cad kyi sgor rnam par gzhag go// oM taM/ ma skyes pa'i chos rnam par grol ba'i mtshan nyid kyi don yod pa'i phyir chos thams cad kyi sgor bshad do/ / oM hUM/ yongs su gzung ba med pa ni 'thab pa dang rtsod pa spang ba'i chos nyid yin pa'i phyir chos thams kyi sgor blta bar bya'o/ / oM hU~M/ kun nas nyon mongs pa med pa ni mtshan nyid rnam par dag pa'i phyir chos thams cad kyi sgor blta bar bya'o// oM ka kha ga g+hang / rang bzhin 'od gsal ba'i mtshan nyid gzung ba'i phyir chos thams cad kyi sgor gnas so/ / oM tsa tsha dza dz+nyA nya/ snang ba ni gsal zhing 'bar ba'i phyir chos thams cad kyi sgo'o// oM Ta Sha Da D+hA Na/ sgom pa ni chos thams cad kun tu sbyor ba dang bral ba yang dag par sdud pa'i phyir chos thams cad kyi sgo'o/ / oM ta tha da d+ha na/ gzhi med pa ni chos thams cad ma 'dres pa'i phyir chos thams cad kyi sgor rnam par gzhag go/ oM pa pha ba b+ha ma/ byang chub ni chos thams cad dri ma med pa'i phyir chos thams cad kyi sgor blta bar bya'o/ / oM a ra la wa/ mya ngan las 'das pa ni glo bur ba thams cad nges par dor ba'i mtshan nyid dang / chos kyi dbyings so sor thob cing mngon par shes pa lnga dang / ye shes mkhyen pas sangs rgyas kyi sa yongs su thob pa'i phyir chos thams cad kyi sgor blta bar bya'o// oM sha Sha sa ha/ rnam pa thams cad kyi mchog dang ldan pa thams cad mkhyen pa'i ye shes rnam par dag pa rnam par 'byed par byed pa'o zhes so/ / de bzhin gshegs pa thams cad kyi chos kyi sgo rnam par nges pa'o// // de nas rigs thams cad kyi gsang ba'i cho ga rgyas par gyur pa ni/ sngon bzhin nges par byas nas ni// phyogs kun mnyam pa nyid bsgoms nas/ ri rab chen po gru bzhi pa/ rin chen kun gyis rnam par brgyan/ / de yi steng du rdo rje che// de yi steng du pad+ma gzhag/ 'dab ma brgyad pa ches bkra ba// rnal 'byor gnas zhes rnam par bshad// dbang po gnyis ni snyoms 'jug pa/ / yongs su rdzogs par bdag nyid kyis// sangs rgyas thams cad nyid bsgoms na// de ni bskal pa'i mthar thug gnas// sangs rgyas ku gyi phyag rgya che// 'od zer gsal ba'i dkyil 'khor can/ / rnal 'byor thams cad bsgom par bya// mnyam med sangs rgyas kun dang mtshungs// b+ha ga chen po rnal 'byor che// rnal 'byor pa gnas mi bzad pa// sangs rgyas kun bdag bsgoms nas ni/ / sangs rgyas kun dang mtshungs par 'gyur// khams gsum pa yi rgyal srid che// sems can kun la thams cad du// gang tshe rnal 'byor pas bsgoms na// de dngos grub lag na gnas/ / rang bzhin gis ni 'od gsal chos// gdod nas dag cing ma 'dres pa// gang tshe ye shes mthong ba yi// de yi tshe na dag par 'gyur// sangs rgyas thams cad mdor bsdus pa/ / sna tshogs las kyi sbyor ba yis// gang tshe rnal 'byor pa bsgom na// sna tshogs las ni byed par 'gyur// de bzhin gshegs pa thams cad kyi// phyag rgya chen po'i ye she so// / 'khor lo sgyur ba rgyal po che// kun mchog sa yi dbang po ni// rdo rje sbyor bas bsgoms na ni// mnyam med 'khor lo sgyur ba mtshungs// gzi brjid phung po phyag rgya / legs par mnyam par bzhag pas bsgom// 'bar ba'i 'phreng bas 'khrugs shing mdzes// pad+ma rA ga mtshungs pa'i 'od// rdo rje sbyor bas bsgoms nas ni// rang nyid gzi brjid phung por 'gyur/ / gdugs dkar rgyal ba'i gtsug tor gyi// phyag rgya chen po bsgoms na ni// 'od zer gsal ba'i sbyor ba yis// sems can dag pa nyid du 'gyur// rnam par gsal ba'i gtsug tor rgya/ / ral gri 'bar ba'i 'od kyis 'khrugs// zag pa med pa'i sbyor ba yis// mnyam med gsal ba'i gtsug tor mtshungs// rgyal ba'i gtsug tor phyag rgya che// legs par mnyam par bzhag pas bsgom/ / rgyal ba'i gtsug tor sbyor ba yis// de yi rnam pa'i spyod yul 'gyur// rdo rje dam tshig ye shes che// legs par mnyam par bzhag pas bsgom// kun tu bzang por sogs gzugs kyis/ / mnyam med rdo rje sems dpa' mtshungs// zla ba'i dkyil 'khor dbus gnas par// rdo rje sems dpa' sems dpa' che// byang chub sems dang mtshungs pa'i 'od gtsug tor lnga ldan stobs po che/ / rdo rje'i sbyor bas bsgoms pa yis// rdo rje sems dpa' 'dra bar 'gyur// rdo rje rgyal po'i phyag rgya che// don dam par ni bsgoms na ni// 'gro pa thams cad 'gugs byed na/ / skye bo gzhan lta smos ci dgos// rdo rje chags pa'i phyag rgya che// legs par mnyam par bzhag pas bsgom/ skye dgu thams cad chags 'gyur na/ / bud med gzhan lta smos ci dgos// rdo rje legs pa'i phyag rgya che// dam pa'i don du bsgom par bya// legs so ba ni rab gsol bas// bud med thams cad tshim par byed// byang chub kyisems kyi phyag rgya'i ye shes so/ / rdo rje rin chen phyag rgya che// 'bar ba'i 'phreng bas 'khrugs pa'i 'od// dpral ba'i phyogs su gnas pa bsgom// de yis dang thod dbang bskur thob/ / rdo rje gzi brjid phyag rgya che// nyi ma'i dkyil 'khor mtshungs pa'i 'od// snying khar gnas pa bsgom par bya// kun mkhyen ye shes stor bar byed// rin chen tog gi phyag rgya che// legs par mnyam par bzhag pas bsgom/ / sbyin pa'i pha rol phyin pa mchog/ sgrub po dam pas rdzogs par byed// rdo rje bzhad pa phyag rgya che// legs par mnyam par bzhag pas bsgom// rdo rje bzhad pa ltar gyur te/ / de ni bskye dgu dga' byed 'gyur// da dang bskur ba'i phyag rgya'i ye shes so// / pad+ma pad chen pad+ma la// dag pa'i chos ni mnyam bzhag pas// dam pa'i don du bsgom par bya/ / mnyam mod rdo rje chos dang mtshungs// shes rab ye shes rdo rje no// bsgoms pas de ni rdo rje 'chang // shes rab pha rol phyin dag pa// stong nyid sbyor bas bsgoms na ni// dam pa'i don du bsgom byed/ / mnyam med 'jam dbyangs dang ni mtshungs// rdo rje rgyu yi phyag rgya che// legs par mnyam par bzhag bsgoms nas// chos kyi 'khor lo kun mchog rtse/ mdor bsdus nas yis bskor/ / rdo rje smra ba phyag rgya che// dam pa'i don du bsgoms nas ni// rdo rje bzlas pa'i nus pa yis// ldem po'i ngag ni de yis 'chang // chos kyi phyag rgya'i ye shes so// rje las kyi phyag rgya che// dam pa'i don du bsgoms na ni// kun nas kun nas rang nyid kyis// rdo rje las ni byed par 'gyur// rdo rje srung ba byams pa che// rdo rje chos zhes grags pa ste// chos kyi sbyor bas bsgoms na ni/ / rdo rje srung ba dang mtshungs 'gyur// rdo rje gnod sbyin brtson 'grus che// khro bo chen po stobs po che// dam pa'i don gyis bsgom par bya// rdo rje gnod sbyin dang mtshungs 'gyur// rdo rje khu tshur phyag rgya che// lus ngag yid kyis de bzhin du// rdo rje'i sbyor bas bsgoms nas ni// rdo rje khu tshur 'dzin par 'gyur// las kyi phyag rgya'i ye shes so// / sgeg mos mngon par dga' ba ste/ / 'phreng ba yi ni dbang bskur ba// glu mas mdzes pa'i sgra dbyangs byed// gar mas rdzu 'phrul thob par 'gyur// dri mas bzang po'i dri yin te/ me tog byang chub yan lag nyid sgron mas mtha' dag gsal ba'o/ / bdug pas bdug pa dag la brtson// lcags kyus dbang phyug 'gugs byed na// skye bo gzhan lta smos ci dgos// zhags pas dbang po 'ching 'gyur na gdug pa'i sems can smos ci dgos/ / lcags sgrog gis ni 'phrog byed dang // tshangs sogs dbang phyug chen po'ang 'ching // 'bebs pas thams cad 'bebs 'gyur na/ dman pa'i mi dag smos ci dgos// 'di nyid kyi ni sbyor ba yis// chos kyi yi ge mchog gi ni// phyag rgya'i ye shes rab sbyor bas// sbyar te myur du bsgrub par bya// 'di yi sbyor ba shes par bya// phyag rgya'i 'khor lo khyad par du// spyi gtsug snying kha rkang pa'i bar// yi ge yis ni yongs gang bar// gzugs brnyan gcig gi go 'phang gyur// sems rtse gcig gyur bsam gtan gyi// sa la rab gnas pad+ma ni// dbang chen gyi ni gnas zhes bshad// dbang po gnyis ni mtshungs sbyor bas// dbang phyug kyang ni bsgrub par bya// dbang chen dag ni gru bzhi pa// dbang chen gyi ni las su bshad/ / chu ni zlum por shes par bya// pad+ma'i mtshan mas rnam par mtshan// zhi bar byed pa'i las dang ldan// zhi ba'i don du de bshad do// me ni gru gsum shes par bya// sum mdo yi ni gnas su gnas/ / dbang du bya ba sgrub don du// pad+ma rA ga 'dra ba'i 'od// mngon spyod la ni brtson 'grus che// rlung gi dkyil 'khor brjod bya ste/ ral gri yi ni phyag rgya'i dbyibs/ dbyar gyi sprin dang mtshungs pa'i 'od// ser dang dkar dang de bzhin dmar// nag po yang ni khyad par du// dang po'i dkyil 'khor gyi nas ni// tha ma'i bar du rab tu brtag/ dang po rdo rje rab tu gzhag de yi rjes su rin chen te/ / pad+ma dang ni las rnal 'byor// grub pa'i go 'phang rim par bshad// phyag rgya thams cad kyi ye shes so// / de nas bcom ldan 'das rtag pas de bzhin gshegs pa thams cad kyi phyag rgya'i ye shes bka' stsal pa/ gnyis dang gnyis su med pas yongs su dag pas chos thams cad rnam par grol ba'i phyag rgyas rgyas btab pa'o// rtag pa dang chad pa yongs su dag pas chos thams cad zhi ba dang / mtha' dang / mtha' med pa'i phyag rgyas rgyas btab pa'o// zad pa'i sgo dang / zad pa'i mtha' dang / zad pa'i mur thug pa dang ldan pas chos thams cad zad pa dang 'dod chags dang bral ba'i phyag rgyas rgyas btab pa'o/ / mnyam pa nyid kyi mtha' rnam par dag pas chos thams cad la skur pa mi 'debs pa'i phyag rgyas rgyas btab pa'o// mig lnga las yang dag par 'das pas chos thams cad nam mkha'i phyag rgyas rgyas btab pa'o/ / sems can thams cad nam mkha'i dbyings nyid kyi phyir chos thams cad nam mkha'i rang bzhin gyis phyag rgyas rgyas btab pa'o/ / chos kyi dbyings su yang dag par 'du ba nyid kyi phyir chos thams cad dbyer mi phyed pa'i phyag rgyas rgyas btab pa'o// byang chub kyi sems dang tha mi dad pas chos thams cad byang chub kyi sems kyi/ phyag rgyas rgyas btab pa'o// chos kyi dbyings mi phyed pa'i mtshan nyid yin pas chos thams cad chos kyi dbyings kyi phyag rgyas rgyas btab pa'o// ngo bo nyid med pas chos thams cad stong pa nyid kyi phyag rgyas rgyas btab pa'o/ / 'tsho ba med pas chos thams cad bdag med pa'i phyag rgyas rgyas btab pa'o// skad cig ma nyid pas chos thams cad mi rtag pa'i phyag rgyas rgyas btab pa'o/ / skye ba dang / rga ba dang / 'chi ba'i mtha' dang ldan pas chos thams cad sdug bsngal gyi phyag rgyas rgyas btab pa'o// sngon gyi mtha' dang phyi ma'i mtha' de bzhin nyid pas chos thar cad de bzhin nyid kyi phyag rgyas rgyas btab pa'o/ / gdod ma nas yongs su dag pas chos thams cad yang dag pa'i mtha'i phyag rgyas rgyas btab pa'o// 'dus byas dang 'dus ma byas mnyam pa nyid pas chos thams cad chen po stong pa nyid kyi phyag rgyas rgyas btab pa'o/ / spros pa'i dmigs pa rnam par grol bas chos thams cad mtshan ma med pa'i phyag rgyas rgyas btab pa'o// re ba thams cad las rnam par grol bas chos thams cad smon pa med pa'i phyag rgyas rgyas btab pa'o/ / dngos po med pa'i ngo bo nyid kyi mtshan nyid kyis na chos thams cad mi rtag pa'i phyag rgyas rgyas btab pa'o// phung po lnga yongs su 'dus pa'i mtshan nyid kyis na chos thams cad sdug bsngal gyi phyag rgyas rgyas btab pa'o// rang bzhin gyis bdag med pas chos thams cad bdag med pa'i phyag rgyas rgyas btab pa'o/ / shin tu mi g.yo ba'i phyir chos thams cad zhi ba'i phyag rgyas rgyas btab pa'o// don dam pa'i bden pa yang dag par 'du ba'i phyir chos thams cad bden pa'i phyag rgyas rgyas btab pa'o/ / 'tsho ba rnam par mi gnas pa'i phyir chos thams cad dri ma med pa'i phyag rgyas rgyas btab pa'o// mchog tu mthar phyin pa'i chos thams cad 'khrugs pa med pa'i phyag rgyas rgyas btab pa'o/ / sngon gyi mtha' dang phyi ma'i mtha' bcad pa'i phyir chos thams cad ji lta ba bzhin gyi phyag rgyas rgyas btab pa'o// 'jal ba'i dbang du byed pa dang dbang du bya ba med pa'i phyir chos thams cad sgro 'dogs pa med pa'i phyag rgyas rgyas btab pa'o/ / byed pa pos byas pa'i phyir chos thams cad 'jig pa'i phyag rgyas rgyas btab pa'o// rang bzhin gyis ma byung ba'i phyir chos thams cad 'byung pa med pa'i phyag rgyas rgyas btab pa'o/ / rang bzhin gyis ma skyes pa'i phyir chos thams cad 'gog pa med pa'i phyag rgyas rgyas btab pa'o// 'gag pa med pa'i phyir chos thams cad gdong ma nas skye ba med pa'i phyag rgyas rgyas btab pa'o/ / rtog ge kun tu spyod pa thams cad dang bral ba'i phyir chos thams cad spros pa med pa'i phyag rgyas rgyas btab pa'o// gzugs rnam par lta ba med pa'i phyir chos thams cad mtshan nyid med pa'i phyag rgyas rgyas btab pa'o/ / gnas yongs su bcad ba'i phyir chos thams cad nye bar sbyor ba med pa'i phyag rgyas rgyas btab pa'o// mi mthun pa'i phyogs thams cad nye bar mi dmigs pa'i phyir chos thams cad la rjes su sbyor ba med pa'i phyag rgyas rgyas btab pa'o/ / mngon par 'du byed pa thams cad med pa'i phyir chos thams cad las kyi rnam par smin pa med pa'i phyag rgyas rgyas btab pa'o/ / skye ba dang gnas pa las rnam par grol ba'i phyir chos thams cad 'dus ma byas pa'i phyag rgyas rgyas btab pa'o// nam mkha' dang khyad par med pa'i phyir chos thams cad mnyam pa nyid kyi phyag rgyas rgyas btab pa'o/ / mtshan nyid gcig pa'i phyir chos thams cad gzugs dang / tshor ba dang / 'du shes dang / 'du byed dang / rnam par shes pa'i phyag rgyas rgyas btab pa'o/ / snying po med pa'i phyir chos thams cad phung po'i phyag rgyas rgyas btab pa'o// snying po dang bcas pa med pa'i phyir chos thams cad khams dang skye mched kyi phyag rgyas rgyas btab pa'o/ / sangs rgyas thams cad kyi sku dang mnyam pa nyid thob pas chos thams cad khams dang skye mched kyi phyag rgyas rgyas btab pa'o// mtha' gcig tu 'jig rten gyi lam rnam par dag pa'i phyir chos thams cad 'phags pa'i bden pa bzhi'i phyag rgyas rgyas btab pa'o/ / lha'i rjes su byed pa'i phyir chos thams cad phyag rgya chen po'i phyag rgyas rgyas btab pa'o// mtha' gcig tu chos la phan 'dogs pa'i phyir chos thams cad chos kyi phyag rgyas rgyas btab pa'o// thams cad kyi las sna tshogs byed pa'i phyir chos thams cad las kyi phyag rgyas rgyas btab pa'o// thams cad dam tshig thams cad rjes su sgrub pa'i phyir chos thams cad dam tshig gi phyag rgyas rgyas btab pa'o// sangs rgyas kyi chos thams cad rab tu mi gnas pa'i phyir chos thams cad sangs rgyas kyi phyag rgyas rgyas btab pa'o/ / chos thams cad 'jig rten las 'das pa'i lam gyi phyag rgyas rgyas btab pa'o// theg pa chen po'i phyag rgyas rgyas btab pa dang / gsang sngags kyi phyag rgyas rgyas btab pa dang / phyag rgya'i phyag rgyas rgyas btab pa dang / dkyil 'khor gyi phyag rgyas rgyas btab pa dang / mnyam pa nyid kyi phyag rgyas rgyas btab pa dang / rdo rje ye shes kyi phyag rgyas rgyas btab pa dang / ye shes thams cad kyi phyag rgyas rgyas btab pa dang / thams cad mkhyen pa'i ye shes kyi phyag rgyas rgyas btab pa dang / me long lta bu'i ye shes kyi phyag rgyas rgyas btab pa dang / mnyam pa nyid kyi ye shes kyi phyag rgyas rgyas btab pa dang / so sor tog pa'i ye shes kyi phyag rgyas rgyas btab pa dang / bya ba sgrub pa'i ye shes kyi phyag rgyas rgyas btab pa dang / chos thams cad chos kyi dbyings rnam par dag pa'i ye shes kyi phyag rgyas rgyas btab pa'o/ / de bzhin gshegs pa thams cad kyi ye shes kyi phyag rgya'o// muH/ 'jam dpal phyag rgya'i tshig 'di dag ni mi mnyam pa dang / mnyam pa'i ye shes kyi tshig/ de bzhin gshegs pa thams cad kyis byin gyis brlabs pa'i tshig/ thams cad mkhyen pa'i ye shes yongs su rdzogs par byed pa theg pa chen po'i tshig ste/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams dang / byang chub kyi phyag rgya nyid kyi phyag rgya'i tshig gang gis/ phyag rgya'i tshig 'di rnams kyis kyang chos kyi phung po brgyad khri bzhi stong skyed par byed do/ / sems can thams cad kyi sems kyi rgyud la phyag rgyas rgyas btab pa'o// a aM aHAM/ sngags pas phyag rgya 'di lha bus rgyas btab na/ de bzhin gshegs pa'i ye shA kya phyag rgya yang dag par 'du'o// hUM/ myur du ma skyes pa'i chos rnams la bzod pa thob par 'gyur ro// khaM/ de nas da ni de bzhin gshegs pa thams cad kyi sbyor ba thams cad kyi gsang ba chen po'i phyag rgya'i ye shes su gyur pa ni/ snying gi dbus su rtag bsgom bya// pad+ma chen po'angab brgyad pa// 'bar ba'i 'phreng bas 'khrigs pa'i 'od/ / zla ba'i dkyil 'khor dbus son par// de yi sbyang du rtag sgom pa// yi ge yi ni gtso bo mchog/ thog ma tha ma med zhi ba// kha ba pa mo'i 'od 'dra 'od// dpa' bo kun da zla ltar dkar/ / nyi ma'i dkyil 'khor ltar 'od gsal// zhi ba'i chos kyi rang bzhin sku// kun mkhyen ye shes kyis gang ba// de bzhin gshegs pa kun gyi gsang // ra sA ya na dang mtshungs mchog/ kha yig mkha' 'drar shes par bya// thig le nA dus rnam par spras// gsang ba chen po mchog tu mdzes// thog ma tha ma med pa'i bdag/ de yi steng du 'od zer che// 'bar ba'i 'phreng 'khrugs pa'i 'od/ / rdo rje rdo rje lta bur gnas// spyi bor rtse mo lnga dang ldan// de yi steng du rtag bsam pa/ yi ge mchog gi go 'phang ngo // man ngag mchog las shes bya ste// ga du na ni nga mi smra/ / sangs rgyas mkhas pa thams cad kyis// mdor bsdus nas ni 'di gsungs so// rnam par grol ba gsum thob nas/ thob 'gyur 'di ni gzhan du min// lce ni rkar la sbyar bar bya/ / sna yi rtse mor yi ge hUM// dbang po gnyis ni snyoms 'jug pas// phyag rgya'i go 'phang tshig gis ni// shes rab ldan pas rang sems sgrom// snang ba med cing spros med pa// shin tu mchog tu phrar shes bya// khyab bdag bsod nams ye shes dngos// bsam bya bsam gtan brtson byas te// mig dang sgron ma'i 'od bzhin du// ra yig 'bar ba dang ldan pa/ mgrin pa 'bad pas bcum nas ni// dkar po ser po sngon po'i 'od// dmar po yang ni bdag gis spro// 'bar ba 'di dag 'bad pa yis// 'di dag yang dag nyer mtshon bya// snying khar gsal bar byas nas su/ / de bzhin thams cad spyi bor song // gnas de las ni 'thor nas kyang // dbang po thams cad dgang bar bya// de las 'thon nas 'jig rten ni// mtshungs par kun nas thams cad du/ / slar yang de ru 'ongs nas ni// de ni 'jug par rab tu bsam// yid kyis de ltar bsgoms na ni// rang nyid 'khor los sgyur lta bur// dbang po gnyis ni rab sbyor bas/ legs par mnyam par bzhag pas bsgom// dbang po lngas ni dmigs nas yang // mi rnams lus ni dag par 'gyur// ji snyed bud med yon tan dang // ldan pa kun tu gnas pa'i// bkug nas bcug ste bcings nas su// dbang du bya ste bsgrub par bya// de rnams lhan cig yongs brten nas// sngags pa mchog gi dngos grub thob// gsang ba mchog tu dgyes pa na/ / shes rab pha rol phyin pa ste// zhi ba'i chos kyi rim pa mchog/ shin tu mnyam par bzhag pas bsgom// rdo rje sems dpa'i dngos grub gang // de 'grub gzhan lha smos ci dgos/ / mchog ni rtag par shes par bya// bar mas phun sum tshogs pa ste// stong pa nyid dang mtshan med mchog/ smon pa med pa zhes su grags// chos kun bdag med pa yi mchog/ kun khyen ye shes rdzogs par byed// sa bcu yi ni stobs dag gis// pha rol phyin pa thams cad thob// rdo rje sems dpa' mchog bsgoms na// rdo rje sems dpa' 'dra bar 'gyur// de nyid 'di ni bcud kyis len/ / gnyis su med pa'i ye shes mchog/ theg chen mchog tu yid 'ongs pa// stong nyid bsgom pa'i bdag nyid can// gnyis su med pa'i ye shes mchog/ gang gis rtag tu sgom byed na/ / de yang rdo rje 'dzir rgyal po// yon tan mchog las skyes par 'gyur// rgyan rnams kun gyis rnam par brgyan// bud med lus ngag yid sbyor bas// yongs reg a ling gtsum pas// mchog gi dngos grub thob par 'gyur// bud med kha dog ljang khu gang // rgyan rnams kun gyis rnam par brgyan// de tshe de ni sngags pas bsten// mnyam med gsang ba'i ye shes mtshungs// bud med/ gang zhig kha dog dkar// pad+ma'i 'dab ma 'dra ba'i 'od// de dang lhan cig sngags pas bsdad// dam pa'i dngos grub thob par 'gyur// bu mo gang zhig kha dog dmar// ut+pa la yi rgyan 'chang ma/ sngags pas de dang lhan cig gnas// shes rab pha rol phyin mtshungs 'gyur// bud med in+d+ra nI la mtshungs// gsang ba rdo rje rjes su sbyor// rig 'dzin rnams ni rgyal po ni// stobs chen grub par de 'gyur ro/ / gsang chen ma ra ta ka mtshungs// gang gis rtag tu bsten pa ni// de yang rdo rje 'dzin rgyal po// myur du gsang ba'i dam par 'gyur// bud med pad+ma rA ga dang // rgyan rnams kun gyis rnam par brgyan/ / dbang po gnyis ni snyoms 'jug pas// rdo rje 'dzin ma lta bur sgrub// sangs rgyas kun dang mnyam sbyor ba// gnyis su med pa'i ye shes mchog/ bsam pas rtag tu sgom pa ni/ / mnyam meng sangs rgyas kun dang mtshungs// dran pa nye bar gzhag pa bzhi// mchog gi gnas kyis bsgoms na ni// rnal 'byor mchog gis mi ring bar/ rdo rje 'dzin pa lta bur 'gyur// yang ngag spong ba rnam pa bzhi/ / legs par mnyam par bzhag pa sgom// dbang po gnyis ni snyoms 'jug pas// mnyam med 'jig rten dbang phyug mtshungs// so so yang dag rig pa bzhi// shin tu mnyam bzhag bsgoms na ni/ / rdo rje sangs rgyas ting 'dzin mchog mnyam med 'jam pa'i mchog dang 'dra// mi 'jigs pa ni rnam pa bzhi/ rdo rje'i sbyor bas bsgom par bya// dbang po gnyis ni snyoms 'jug pas/ / rdo rje 'dzin pa lta bu ste// rdzu 'phrul gyi ni rkang pa bzhi// shin tu mnyam bzhag bsgoms na ni// dbang po gnyis ni mnyam sbyor bas// rdzu 'phrul ldan pa'i mchog tu 'gyur/ / tshangs pa yi ni gnas bzhi po// tshad med pa yi sems kyis ni// rdo rje sbyar bar bdag bsgoms na// rdo rje 'dzin pa lta bur 'grub// sbyor ba'i bdag nyid dbang po lnga/ dam pa'i don gyis bsgoms na ni// dbang po gnyis ni snyoms 'jug pas// mnyam med rdo rje sangs rgyas mtshungs// yid kyi stobs ni rnam pa lnga// shin tu mnyam bzhag bsgoms na ni// 'khor lo sgyur ba brtson 'grus che// stobs 'dzin lta bu nyid du 'gyur// byang chub yan lag rin chen bdun// gsang sngags sgom pas bsgoms na ni// rtog pa'i ye shes sbyor ba yis// khyab bdag chos kun 'dzin par 'gyur// 'phags pa'i yan lag brgyad kyi lam// kun mkhyen ye shes rdzogs byed pa// de ni bsgoms pa tsam gyis ni// 'jig rten shes la rab tu 'da'// rjes su dran pa rnam pa drug/ bdag nyid rtse gcig gis bsgoms na// sngags pa rdo rje 'dzin pa ru// sngags pa dus mi ring bar 'gyur// stobs bcu po ni yang dag bsgoms// bsgoms pa'i rnal 'byor de nyid kyis/ / bsod nams ye shes yongs rdzogs te// rtag tu stobs bcu'i dam par 'gyur// pha rol phyin bcu yongs su rdzogs// stobs rnams dang ni dbang rnams dang // sa rnams kun gyis nges bskyed nas// myur du mtshan ma dag par 'gyur// rnam grol gos kyis bsgribs nas su// de yi nu ma shin tu bsnun// rdza ngar gyis kyang de bzhin du// mchu yis mchu ni yongs su bzung / / 'bad pas dam du a ling ga/ byang chub sems ni bsgom par bya// rdo rje ye shes brtson 'grus che// rdo rje dbyings su bdag brten pas// rnam pa sna tshogs ka ra na/ / rnal 'byor shes pa de bsten bya// bud med rnams kyi dam tshig 'grub// rdo rje sems dpa' mtshungs par 'gyur// bud med rnams kyi b+ha gas bsnun// ling gA myur du gang bar 'gyur/ / sbyor ba 'di ni mkhyen pa yis// stobs chen sangs rgyasku rab tu grub// gsang ba 'di ni dam pa ste// sangs rgyas kun gyi skyob pa'o// gsang ba 'di yi sbyor ba yis// yi ge dam pa 'grub par 'gyur// sangs rgyas rnams kyi ma 'dres pa'i// chos su grags pa gang yin pa// de rnams sgom byed gtso bo ni// dngos grub thams cad rab tshogs pa'o// ma 'dres pa yi chos bco brgyad// sangs rgyas chos su grags pa ste// de rnams bsgom pa dang ldan pas// sangs rgyas byang chub rab sbyar byed// bsam gtan bzhi po thob nas ni// gzugs med pa yi rtag par yang // 'gog pa'i snyoms par 'jug ldan pas// sangs rgyas byang chub sgrub pa po// byang chub phyogs ni sum cu bdun// chos ni mchog tu rmad byung ba// de rnams bsgoms pa dang ldan pas// byang chub sems dpa'i skyob pa'o// sngags rnams thams cad rab 'grub cing // sbyor ba thams cad thams cad du'o// des na 'bad pa thams cad kyis// sangs rgyas chos nyid bsgom par bya// 'jig rten 'jig rten 'das pa'i lam// ye shes rirab rnyed dka'// mchod dang dbang bskur byin brlabs pas/ / rnyed 'gyur gzhan du ma yin no// bshags dang gsol ba gdab pa dang // bdag nyid dbul ba de bzhin no// sangs rgyas sogs la yi rang zhing // de bzhin yongs su bsngo ba dang / / byang chub sems ni yang dag bskyed// khyad par du ni dus kun tu'o// thog ma bar dang phye ma red du// ji lta bzhin du rjes bsgoms pas// sangs rgyas thams cad bsgrub bya ste/ 'di la the tshom yod ma yin// 'gro ba sems kyis spro ba ni// brtan pa'i snying por legs par bshad// stong nyid de bzhin nyid las phyung // rdo rje sems dpar de bshad do// 'gro ba thams cad bkug nas su/ / sangs rgyas byang chub sbyar bar bya// don yod ye shes dag pa ste// rdo rje rgyal po mchog ces bshad// rdo rje chags pas chags gyur nas// rang bzhin gyis ni brtan par 'gyur/ / 'gro ba ma lus lus med pa// de yi sems ni chags par bshad// chos rnams kun gyi rang bzhin gyis// rnam par dben zhing gnyis su med// gang tshogs dag pa'i bdag nyid mthong / / de tshe rdo rje legs par bshad// rdo rje sems dpa' bzhi po yis// ming dang brda ni sbyar ba'o// sangs rgyas kun dang mnyam sbyor ba// sdom pa mchog tu dam pa'o// khams gsum pa yi rgyal srid che// tshogs gnyis rdzogs par byas pa ste// sa dang pha rol phyin mchog gtso// rdo rje dbang bskur las byung ba// de bzhin gshegs kun ye shes te// rnyog pa med cing yi ge med// 'od kyi dkyil 'khor gzi brjid mchog/ brtan pa rtag pa nyid du 'gyur// nam mkha'i mdzod ni mdzod chen po// chos rnams thams cad dbang sgyur ba// yid bzhin nor bu rdo rje che/ / rdo rje tog ni bla na med// ye shes snang ba rin chen che// rmad du byung ba nges par mthong // de bzhin gshegs kun gsang ba ni// rdo rje bzhad pa zhes su grags/ chos kyi bdag med las byung ba// gnyis su med pa'i ye shes mchog/ chos nyid dam pa bsam du med// rdo rje chos zhes bya bar dran// rdo rje blo gros snang ba che// shes rab ye shes dri yang mchog/ zag med shes rab chen po pa// de ni rdo rje rnon por bshad// sangs rgyas rnams kyi chos 'khor lo// gnyis su med las byung bar mtshon// yan lag bcu gnyis rten 'brel ming // rdo rje rgyu las nges par bshad// dgongs pa skad ni spros pa'i mchog/ yul rnams kyis ni bshad pa ste// sangs rgyas kun gyis bzlas pa che// de ni rdo rje smra bar bshad// sems can kun gyi don la sbyar/ / sangs rgyas kun gyi mchod pa che// gdod nas dag pa'i rnal 'byor che// de ni rdo rje las su bshad// bla na med pa'i byams pa che// bsrung ba'i bya ba gong na me pa// dag pa'i chos ni brtson chen po// rdo rje bsung ba zhes su grags// shes rab thabs kyi khro bo che// sangs rgyas kun dang rjes 'thun pa// nyon mongs thams cad za ba che// de ni rdo rje gnod sbyin brjod// lus ngag yid ni yang dag sbyor// sgrib pa med cing yi ge bral// de bzhin gshegs pa kun gyi gsang // de ni rdo rje mtshams sbyor bshad// rdo rje ye shes rnal 'byor che// sangs rgyas kun gyi stobs po che/ / thog ma tha ma med zhi ba// rig pa mchog ces bya bar bshad// de nas yang 'jam dpal gzhon nur gyur pas de bzhin gshegs pa thams cad kyi rdo rje'i glus de bzhin gshegs pa thams / cad legs par mchod nas glur blangs pa/ oM sarba bud+d+ha pa ra me shA ra pu d+h+ya shud+d+ha/ la li hoHsu b+ha gaHsu ra taHma hA ma hA A di ma hA bo d+hi shuD+ha shun+ta/ yo gI shwa ra tA b+ha bi tA da ma ka ta thA ga ta/ byang chub sems bskyed las 'khrungs pa/ / sangs rgyas kun la phyag 'tshal lo// mchog gi dbang phyug dam pa'i chos// gdod nas zhi ba la phyag 'tshal// byang chub sems dpa' skyob pa po// rdo rje can kun la phyag 'tshal/ / de bzhin gshegs pa rdo rje cha// sangs rgyas byang chub la phyag 'tshal// mi dmigs go 'phang la gnas pa// mtha' las 'das pa la phyag 'tshal// 'dren pa rnams kyi stobs po tshehUM gi yi ge ma lus pa/ / thams cad mkhyen pa mtha' dag dang // shin tu yongs su mya ngan 'das// 'jig rten dbang phyug mgon bzang po// rdo rje ye shes dri ma med// rnam par dag pa rdo rje mchog/ dngos grub thams cad rab gsol byed// rnal 'byor dbang phyug rnams kyi mgon// dus gsum bsam pa dbang sgyur ba// sems can rnam la phan don du// 'byung ba khyod la phyag 'tshal 'dud/ / rdo rje snying po rgyan las/ dkyil 'khor chen po yongs su rdzogs so// // de nas bcom ldan 'das de bzhin gshegs pa rnams slar yang 'dus par gyur nas// de bzhin gshegs pa thams cad kyi thugs kar zhugs te/ bcom ldan 'das rnal 'byor gyi dbang phyug chen po rdo rje snying po'i rgyan gyi dkyil 'khor chen po'i phyag rgya'i don ched du brjod pa/ de nas yang dag bshad bya ba/ / dkyil 'khor chen po dam pa ste// rdo rje snying po zhes grags pa// sangs rgyas kun gyi skyob pa'o// gru bzhi pa la sgo bzhi pa// rta babs bzhis ni rnam par mdzes// sgo khyud rdo rje'i gzugs brnyan dang / / phyag rgya dang ldan rab tu mdzes// dkyil 'khor de yi dbus su ni// 'khor lo gnyis ni rab tu gnas// rtsibs brgyad pa dang bcu drug rtsibs// rnam par dbye ba legs par btag/ dbus kyi dkyil 'khor nang gi ni// lte ba'i gnas su legs brtags pa// pad+ma chen po 'dab brgyad pa// ge sar gtams pas rab tu mdzes// de yi lte ba'i dbus su ri khyab bdag rnal 'byor dbang phyug che/ / rnam par snang mdzad brtson chen po// sems can kun la rjes brtse bas// de yi nye 'khor kun tu ni// de bzhin gshegs pa brgyad// rnams dgod// shar du dgod bya 'khor lo can// gtsug tor dkar po nub tu gnas// gzi brjid phung po lho ru'o// rnam par rgyal ba byang du gnas// dbang ldan rnam par gsal ba bri/ mar ni steng 'gro dgod par bya// steng 'gro chen po bden bral du// rlung du rgyal ba chen po gnas// sangs rgyas gzugs brnyan 'dzin pa'i mchog/ rnal 'byor ldan pas 'di dag bri/ / mi bskyod pa ni shar du dgod// lho ru rin chen 'byung ldan no// nub tu 'od dpag med par 'gyur// byang du don yod grub pa'i ming // zla ba'i dkyil 'khor lo brten pa'o// dbang ldan phyogs nas brtsams nas ni// rdo rje sems dpa' la sogs bri// thams cad zla ba'i dkyil 'khor gnas// 'khor rnam 'i dkyil 'khor ba'o// 'phreng ba rnam par dgod bya ba/ rang gi phyag rgya 'od zer 'bar// rdo rje sgeg mo la sogs pa'i// lha mo 'bad pas dgod par bya// rdo rje bdug pa la sogs rI// de bzhin gzugs kyi rdo rje sogs// rdo rje lcag kyu la sogs pa/ / sgo srungs 'bad pas bri bar bya// phyi yi dkyil 'khor la gnas par// kun tu bzang sogs rim bzhin bri// rang gi phyag rgya'i 'khor rnams dang // pho nya yi ni 'khor dag dang / khro bo rnams dang mngag pa dang // de bzhin pho nya pho nyam// rgya mtsho yi ni dkyil 'khor ni// 'od kyi dkyil 'khor gsal ba'o// phyi ru phyi rol rdo rje'i ming // dkyil 'khor la ni 'bad pas bri/ / dbang ldan phyogs nas brtsams nas su// 'jig rten skyong ba brgyad po bri// tshangs pa khyab 'jug dbang chen ming // dbang po la sogs lha thams cad// ma mo kun dang srin mo rnams/ / rgyal po chen po bzhi dang klu// de bzhin lha rnams thams cad dang // brtson 'grus chen po nam mkha' lding // 'bad pa yis ni bri bar bya// de lha'i dkyil 'khor bris nas su/ khyad par du ni mchod par bya// me tog bdug spos rol mo'i tshogs// de bzhin bza' dang ston mo sogs// 'phreng ba'i rgyan ni sna tshogs kyis// de bzhin gshegs rnams mchod par bya/ / dkyil 'khor kun gyi cho ga yis// mchod pa kun gyis thams cad nas// 'khor lo kun gyi cho ga yis// sangs rgyas thams cad mchod par bya// de nas slob ma thams cad gzhug/ yongs su dag pa khyad par du// byang chub sems ri bskyed nas su// byang chub bslab pa rjes spyod pa// cho ga shes pa'i sngags pas gzhug/ 'dren pa rnams la mchog tu gzhug/ rdo rje'i dbang bskur sbyor ba yis// dbang bskur ba ri de ras smin// seng ge'i khri yi steng du ni// ngar dang me tog chun pos sbas// dkar po'i gdugs dang rin chen che// bla re N+ya 'bar ba dang / / de yi g.yas kyi drung du ni// mkhas pa yis ni gzhag par bya// ba ngan rnam pa sna tshogs dang // sna tshogs ras kyis rab mchod pa// g.yon gyi drung du thams cad nas/ / 'bad pa yis ni gzhag par bya// rin chen sman kun gyis gang ba'i// bum pa legs par bzhag byas te// rdo rje'i ming gi dbang bskur gyis// de la rang gis dbang bskur bya// rdo rje ming gis dbang bskur ba// mkhas pa yis ni slar yang bya// kun gyi cod pan dbang bskur gyis// yang dang yang du dbang bskur bya// chos kyi cod pan dbang bskur dang // sangs rgyas kun gyi skyob pa ni/ / sna tshogs las kyi dbang bskur byin// chos kyi dbyings dang mnyam mtshungs pa'o// chos kyi sku yi dbang bskur ba// sangs rgyas kun gyi sgrol ma sbyir// de ltar slob ma dbang bsgyur ba/ khyad par du ni sngags pas bya// de la dam tshig cho ga yis// sngags dang phyag rgyas sbyar bar bya// slob dpon brnyas par mi bya zhing // sgrub po kun la smad mi bya/ sngags kyi spyod pa thams cad la// 'da' bar mi byasmra mi bya// 'jig rten pa yi lha rnams dang // grub mtha'i rigs pa thams cad la// smad par mi bya blang mi bya// de la mngon par dga' ba spangs/ / sdig pa thams cad rnam spangs shing // de bzhin bsod nams thams cad bsdu// bza' dang ston mo du ma la// bza' bar mi bya smang mi bya// 'dod pas bcom ldan sam dpa' ste/ / sangs rgyas kun gyi sras bdag skyes// thog ma tha ma med zhi ba// nam yang dor bar mi bya'o// sangs rgyas thamacad chags las 'khrungs// de bzhin zhe sdang rmongs las 'khrungs/ / mnyam dang mi mnyam chos kun dang // dbu ma'i gnas la gnas nas su// de nyid dam tshig shes nas su// sangs rgyas byang chub yong mi spong // lus can kun la 'tshe mi bya// khyod kyis ser sna mi bya ste// phrag dog bya bar mi bya'o// dam pa'i chos ni spang mi bya// byang chub sems ni mchog tu bde// chang gi btung ba spang bya ste// pha rol bud med rnam par spang // thams cad mkhyen pa yongs mi dor/ / rtag tu srog chags gsad mi bya// sems can kun la snying rje dang // byams pa yang ni rnam par bsgom// sems can rnams la phan pa ni// yang dang yang du yongs bsdu bya/ sangs rgyas kun gyi rjes skyob pa// dam tshig de nyid 'di dag ni// slob ma rnams la rjes brtse bas/ mkhas pa yis ni bstan par bya// de nas phyag rgya rjes bcing ba// go rims bzhin du bstan par bya/ / phyag rgya 'di dag khyad par gyi// mtshan nyid yang dag rab bshad bya// thal mo bstan par bsdam par bya// me tog zum pa'i tshul du mdzes// sangs rgyas dpa' bo thams cad kyis// pad+ma'i thal mo zhes su bsgrags/ rtse mo thams cad legs brkyang ba// pad+ma'i phyag rgya zhes su brjod// re re'i mtsham su ngas bcings pa// de ni rdo rje thal mor brtags// sor mo thams cad nges bsdams pa/ / rdo rje bsdams pas legs bcings pa// sor mo brkyang ste steng du bstan// sangs rgyas byang chub rab gsol byed// khu tshur nang du byas nas ni// gnyi ka sbyor bas yongs su brtag/ 'khor lo sgyur sogs phyag rgya'o// dam pa sbyin pa yin par bshad// sangs rgyas dpa' bo thams cad kyi// dam tshig phyag tu 'di yin no// ming med nang bcug khu tshur gyis/ / kun gyi rtse mor yongs su brtag/ rdo rje'i rnam pa legs par sbyar// rdo rje chen po zhes su bsgrags// mthe'u chung srin lag khu tshur las// gung mo legs par brkyang nas su// mdzub mos mthe bong yongs su sbyar// 'khor los sgyur ba nyid gsol byed// brkyang ba'i rtse mo sbyar ba ni// gdugs dkar zhes ni rab tu grags// srin lag dang ni mthe bong sbyar// gung mo gnyis ni brtag par bya/ / gzi brjid phung po'i phyag rgya che// gzi brjid phung po nyid gsol byed// de nyid ral gri lta bur sbyar// rnam par rgyal ba zhes su grags// de nyid rgyal ba zhes bya ba// rdo rje ldan pa de bzhin gshegs// khu tshur snying po ldan byas pas// gtsug tor rnam pa'i 'byung gnas te// thub dka' sangs rgyas thams cad kyis// steng du 'gro ba zhes su bshad// rdo rje bsdams pa yongs su sbyar/ / dam tshig kun gyi 'byung gnas te// gung mo'i rtse mo mchog tu sbyar// mthe'u chung dang ni mthe bong brkyang // lcags kyu mda' yi sbyor ba yis// legs so ba'i sbyar bar bya/ / gung mo rdo rje rin chen rtse// phye ba gzi brjid mchog gi mchog/ rgyal mtshan gnas su nges par sbyar// bzhad pa'i gnas su sbyar bar bya// rdo rje chos kyi phyag rgya che// dbu ma pad+ma lha bur bskum/ / ral gri 'dzin pa 'jam pa'i dbyangs// 'khor lo sgyur ba'i 'khor los sgyur// kha ru phye mo'i phyag rgya che// rdo rje smra ba nyid du 'gyur// las kyi rdo rje'i phyag rgya che// gar mtshungs rdo rje sna tshogs can// chos yongs sdud pa'i sbyor ba yis// rdo rje srung bar brtag par bya// mche ba gnyis ni rnam par gtsigs// rdo rje gnod sbyin zhes su bshad// khu tshur bcangs pa khu tshur gyi/ / rdo rje thal mo snying khar gzhag/ rdo rje sgeg mo zhes su grags// yongs su sbyar ba spyi bor gzhag/ rdo rje 'phreng ba zhes su brjod// thal mo sbyar ba gdong du dgrol// rdo rje glu mar rjes su bsgrags/ / 'gyed cing 'dud pa'i sbyor ba yis// de ri rdo rje gar mar bshad// pad+ma'i thal mo gdong du dbye// spyi bor yongs su sbyar la gzhag/ snying khar mthe bong mnyam pa dang // rab tu brkyang ba byug pa'o// lag pa steng du yongs brkyang ba// gzugs kyi phyag rgya nyid du 'gyur// lag gnyis rna ba'i lam du gnag/ sgra yi phyag rgya nyid du bshad// dri ni byug pa'i sbyor ba yis/ / dri yi phyag rgya zhes su brjod// gdong du snyim pa phye ba ni/ ro yi phyag rgya zhes su brjod// mkha' la myur ba'i sbyor ba yis// reg pa reg pa zhes su bshad// mthe'u chung gnyis ni yongs su sbyar/ / mdzub mo lcags kyu'i sbyor ba las// de nyid zhags pa'i dbyibs dang ni// lu gu rgyud kyi rnam par brtag/ bzhi pa rdo rje dril bu zhes// rdo rje 'bebs par rnam par bcag/ phyag rgya kun dang nye ba'i rgyu// blo gros ldan pa rang gis brtag/ thal mo yongs su sbyar la bsdum// mdzub mo gnyis po bskum nas ni// rin po che yi rnam par bcing / kun tu bzang po blo ldan gyis// de las rtse mo rtse mo bskum// sems kyis byams pa bsgoms nas so// mdzub mo sbyar la bcug nas ni// ral gri'i rnam par bcag pa ste// 'di ni nam mkha'i snying po yi/ / phyag rgyar sangs rgyas kun gyis bsngags// de nas ral gri'i mtshon cha yi// rnam par ru ni nyer gnas po// phyag rgya 'di ni rnam 'gog par// thams cad kyis ni yongs su brjod// gar ni sdud pa'i sbyor ba yis// rdo rje thal mo rab tu brkyang // pad+ma lta bur rnam par brtag/ pad+ma'i lag pa blo ldan gyis// de nyid me tog zum tshul dang // ut+pal rnam pa ltar mdzes pa// 'di ni pad+ma'i sgrol ba'i rgya/ / pad+ma'i mgon po zhus su grags// mche ba gtsigs pa dang ldan pa'i// kha dang 'dra bar legs par brtag/ 'di ni rtswa mgrin phyag rgya ste/ kha yi phyogs su rab tu brtag/ pad+ma'i thal mo dpral ba yi// khro gnyer du ni nye bar sbyar// rdo rje thal mo 'bebs pa che// dpal gyi snying po rin chen ldan// yid bzhin nor bu'i rnam pa bzung // thal mo legs par rab tu brkya mi zad blo gros phyag rgya che/ / sangs rgyas kun gyis rab tu brtags// gar ni sdud pa'i sbyor ba yis// rin chen rdo rje snying khar gzhag/ nam mkha' mdzod kyi phyag rgya ste// nam mkha'i mdzod nyid ster bar byed/ / rdo rje chen po legs par brkyang // mthe'u chung mthe bong nges par bcing // lag pa gnyis ni nges par brtag/ blo gros rgya mtsho'i phyag rgyar 'gyur// rdo rje thal mo steng du bsgreng / / mdzub mo gnyis po sbyar bar bya// 'di ni rdo rje snying po'i rgyu// rdo rje snying pos bka' stsal to// khu tshur nang du byas nas su// mdzub mo gnyis po rtse mo bya// 'di ni 'jam dpal phyag rgya ste/ / rdo rje ral gri zhes su brtag/ de nyid shag ti'i rnam pa ni// 'jam pa'i dbyangs ni blo ldan gyi'o// gshin rje mthar byed mdung rtser 'gyur// mdung rtse chen por rab tu brtag/ mdzub mo bskum par byas nas ni// gung mo'i steng du yongs su gzhag/ zhags pa'i rnam pa rab ldan pa'i// gshin rje yang ni 'jigs par byed// de nyid ral gri byas pa ni// sku can ma ru rab tu bshad/ / khu tshur thams cad nges bcings te/ mdzub mo gcig ni bskum par bya// 'di ni nye ba'i sku can ma yi rgyar// 'jam pa'i dbyangs kyis bka' stsal to// rdo rje bsdam pa steng bcings te/ / dbu ma gnyis ni rnam par spangs// mdzub mo rdo rje'i rnam par bya// mthe'u chung dang ni mthe bong brkyang // 'di ni rdo rje 'dzin chen po'i// phyag rgya don kun sgrub byed yin mdzub mo mthe bong bsnams pa ni/ / mA ma kIr ni yongs su bshad// mdzub mor lcags sgrog rnam pa las// gung mo'i dbu ma rdo rjer bya// 'di ni rdo rje lcags sgrog / rdo rje lta bur yongs su bshad// rdo rje chen po ce lnga pa// khro bo gzigs mar rnam par bshad// mchog gi rtse mo rtse gcig bya// rdo rje rtse mo nyid kyi bshad// lag na rin chen byug tu ni/ / lag gnyis legs par brkyang bar bya// sor mo pad+ma'i dbyibs su bya// skal byed lha mor yongs su bshad// thal mo yongs su sbar ba las// mdzub mo dang ni mthe bong dag/ mig gi tshul du sbyar bar bya/ / sangs rgyas spyan gyir rnam par bshad// bkra shis kyis ni skyil krung bca'// rnal 'byor rig pas lus bsrangs te// lag gnyis lhung bzed 'dzin 'dra ba// bsam gtan phyag rgyar rab tu bshad/ / 'di ni rnam par snang mdzad rgya// sangs rgyas kun gyi don mdzad pa'o// mi bskyod pa yi sa la reg/ rin chen tog gi mchog sbyin bshad// bsam gtan phyag rgya 'ongad dpag med/ / ngo bo nyid kyi don rtogs byed// don yod gzigs pa'i phyag rgya ni// mi 'jigs 'jigs pa med pa sbyin// blo ldan rnal 'byor skyil krung gnas// sangs rgyas kun gyi rang bzhin bdag mnyam par bzhag pa phyag rgya kun/ / 'ching ba 'am ni 'ching du gzhug/ 'jig rten pa yi phyag rgya la// lag pa gcig ni rab brkyang ste// dbang ldan gyi ni rtse gsum pa// mthe bos mthe'u chung mnan par bya/ / lha yi dbang po rdo rjer 'gyur// lag pa g.yas pas brtag par bya// me yi oM yig lag pa dag/ mthe bong gung mo nyid la gzhag/ gshin rje'i rdo rje dbyug pa ste// mdzub mo dang ni mthe bong sbyar/ / de nyid khyab 'jug 'khor lo ste// 'khor lo'i yi ge dgod par bya// lag pa gcig gis thod pa ni// ma mo rnams kyir yang dag bshad// sor mo gnyis bsgreng ral gri ni// srin po bdag nyid chen po'i'o// mdzub mo mthe bong sbyar ba ni// chu lha'i zhags pa nyid du bshad// mdzub mo dang ni gung mo dag/ rgyal mtshan lha bur legs par brkyang // rlung lha rgyal mtshan phyag rgya ni/ / lag pa gnyis kyis rab tu brtag/ dbu ma gcig pu legs brkyang ba// dbyug to'i phyag rgyar rab tu bshad// gnod sbyin kun gyi dbang phyug ni// lus ngan bdag nyid chen po 'o/ mchod phyir thogs kyi phyag rgya ni// tshangs pa yi ru legs par bshad// drag po'i gsal shing zhes bya ste// lha mo'i pa Ti sa ru brjod// tshogs bdag gi ni sA ru bshad// zla ba'i bdud rtsi'i dkyil 'khor ro/ / nyi ma'i 'od zer stong phrag ni// lag pa gnyis kyis bstan par bya// 'od kyi dkyil 'khor sbyor ba yis// dbang po'i rdo rje mtshon cha ltar// 'di ni lha rnams kun gyi rgya/ / dpa' bo kun gyis rab tu gnang // dri za rnams kyi phyag rgya ni// glu len lta bur rab tu bsgrags// dga' byed dbang phyug phyag rgya che// rdza dza'i sgra dbyangs rab tu 'bar// sangs rgyas thams cad rab mchod phyir/ / lha chen pos ni rab tu brtags// tIng ting cag 'dzin sbyor ba yis// mi 'am ci rnams kyir brjod bya// pi wang bsgreng ba'i sbyor ba yis// dbyangs can gyir ni rnam par bshad// rtag tu dun du b+hi sgrog pa// rig pa 'dzin pa rnams kyir brjod// lag gnyis gdengs ka'i tshul byas pa// klu rnams kyir ni legs par bshad// gar ni sdud pa'i sbyor ba yis/ / 'gyed dang 'du ba'i de bzhin no// lag pa zhags pa nges bcings pas// de ni phyag rgyar rab tu bshad// 'di rnams dam tshig phyag rgya ru// de bzhin gshegs rnams legs par gsungs/ / las kyi sbyor ba 'bad pa yi// 'di rnams kyang ni phyag rgyar bshad// phyag rgya dor nas sems kyis ni// rin chen yang dang yang du bsam// rnam par rtog med gdod nas zhi/ / chos dbyings mnyam zhing mi mnyam pa// stong pa mkha' 'drar shes nas su// mkhas pa yis ni bsgom par bya// 'di dag thams cad ma skyes shing // rmi lam lta bur rab tu gnas/ / dri za'i grong khyer lta bur snang // 'tsho ba'i 'jig rten yang dang yang // mig 'phrul lta bur shin tu ni// 'gro ba thams cad rab tu gsal// mi rtag sdug bsngal stong pa ru// srid pa thams cad mdor bsdus pa/ / bdag med pa zhes mthong nas ni// sangs rgyas kun dang dpa' bo yis// sgyu ma smig rgyu brag cha dang // lbu ba chu yi chu bur dang // gzugs brnyan lta bur 'jig rten ni/ / de ltar sangs rgyas rnams kyis dgongs// thams cad mgal me'i 'khor lo ltar// zo chun khyud mo ji bzhin du// gar gyi gnas kyi tshul 'dra ba// zla ba gnyis dang mtshungs par blta/ / rtag tu glog gi 'phreng ba 'dra// sbrang bu'i sgra dang mtshungs par gnas// 'khor ba shin tu bslang ba ste// rgod ma'i kha dang 'dra bar gnas// 'di ltar shes shing rtog nas ni/ / bsgoms pa'i stobs kyis rang nyid kyis// sems ni legs sgrub rnal 'byor pa// de la phyag rgya rab tu bshad// stong pa mtshan ma med pa dang // smon pa med pa'i rang bzhin las// lus dang ngag dang yid kyis ni// dam tshig gsum ni brtags pa'o// phyag rgya sngags dang lha nyid dang // de nyid gsum ni rab tu gnas// bdag nyid sbyor ba'i rnal 'byor gyis// mtshan nyid gcig tu rnam par gnas/ / de 'di dam pa'i phyag rgya ru// sangs rgyas rnams kyis bka' stsal to// phyag rgya yi ge bral ba ste// rnam pa med cing snang ba med// dngos po med pa'i chos rnams la/ / dngos po'i de nyid du ni bshad// dngos med dngos po'i rang bzhin yin// dngos med nyid kyang dngos po yin// dngos dang dngos medu rnam par grol// rnal 'byor ye shesna mchog tu bde/ rtog ge med cing snang ba med// 'khrul pa med cing yi ge med// stong pa nam mkha' mtshungs pa'i sems// gang tshe de ltar nyid gyur pa// de tshe phyag rgya rnams dang sngags// lha nyid du yang rab tu brtag/ sngags las phyag rgya ma mthong zhing // phyag rgya las kyang sngags min cing // rang nyid lha yi rnal 'byor ni// gnyis med sngags dang phyag rgyar brtags/ de bzhin gshegs pa thams cad kyi rdo rje snying po rgyan ces bya ba'i rgyud kyi rgyal po chen po las/ phyag rgya'i rim par phye ba'o// // de nas bcom ldan 'das de bzhin gshegs pa thams cad slar yang 'dus par gyur te/ de bzhin gshegs pa thams cad kyi 'khor lo sgyur ba chen po rdo rje rnal 'byor gyi dbang phyug chen po la gsol ba btab pa/ de bzhin gshegs pa thams cad kyi rigs bskyed par mdzad du gsol/ de nas bcom ldan 'das shAkya thub pa de dag gis gsol ba btab pa'i tshig nye bar gsan nas/ 'og min gyi gnas nas byon te dga' ldan gyi gnas su bzhugs nas/ dga' ldan gyi ris kyi lha'i bu rnams la chos bstan nas/ zas gtsang gi rigs la mngon par gzigs te/ mngon par byung bar mdzad nas byang chub kyi snying po dag la nye bar mnan nas 'khod de/ bdud bzhi las rnam par rgyal bar bstan nas byang chub kyi snying po la bzhugs par gyur te/ bzhugs nas kyang kun nas 'phro ba'i ting nge 'dzin sngon du 'gro ba'i ting nge 'dzin bye ba brgya stong phrag brgyad cu rtsa bzhi la snyoms par zhugs te/ snyoms par zhug nas kyang de bzhin gshegs pa thams cad kyi rdo rjes gol gyi sgras de bzhin gshegs pa thams cad spyan 'dren cing gsang sngags 'di gsungs so/ / oM sarba ta thA ga ta badz+ra sa mA dzaHA kaR+Sha ya sarba ta thA ga tan hUM/ de nas de bzhin gshegs pa thams cad 'khor dang bcas pa'i dkyil 'khor chen po rnams legs par byon te chos kyi dbyings su spros nas/ phyogs bcu mu med pa'i 'jig rten gyi khams thams cad rab 'byams rgya mtsho'i sprin rnams khyab ste/ nam mkha'i khams na gnas pa thams cad til gyi gang bu lhar 'dzam bu'i gling du 'khod par gyur to/ / de nas bcom ldan 'das rdo rje rnal 'byor gyi dbang phyug gis bkug cing bcug ste/ bcings nas dbang du mdzad de/ de nyid kyi thugs kar rab tu bzhag par gyur to// de nas bcom ldan 'das rdo rje rnal 'byor gyi dbang phyug chen pos gnyis su med pa'i sbyor bas byin gyis brlabs te/ sngags 'dis rang gi sems so sor rtogs par mdzad do/ / oM tsit+ti pra ti bA d+haM kA ro maM/ de'i rjes thogs nyid la sangs rgyas thams cad kyis bcom ldan 'das rnam par snang mdzad kyi thugs kar longs spyod rdzogs ba dang / sprul pa'i sku las chos kyi sku rang bzhin gyis 'od gsal ba sems rin po che nges par byung ste spros par mdzad do// de nyid sems 'od gsal ba/ thugs rje chen pos khyab pa/ de bzhin gshegs pa thams cad mnyam pa nyid kyi mtshan// gzung ba dang 'dzin pa'i rnyog pa spangs pa/ nam mkha' ltar gdong nas ni ba de las thugs rje chen po la mngon par phyogs par byas nas/ sems can gyi khams thams cad la rnam par gzigs te/ mi shes pas rga ba dang 'chi bas rnam par khyab pa'i 'jig rten la gzigs nas/ slar yang sngags 'dis byang chub// kyi sems bskyed pa nye bar bstan pa/ oM bo d+hi tsit+ta ut+pA da yA mi/ byang chub kyi sems bskyed pa'i rjes thogs nyid la de bzhin gshegs pa thams cad kyi thugs kar sems 'od gsal ba de yongs su rdzogs pa'i zla ba'i dkyil 'khor lhar byin gyis brlabs te/ de bzhin gshegs pa thams cad kyi thugs kar rnam par gzhag go// legs par rnam par dag pa'i nam mkha' ltar dri ma med pa/ spros pa thams cad spangs pa/ me long lta bur bstan par byas nas gnas te byang chub kyi sems chen po la sngags 'di brjod do// oM dz+nyA na rasmi bi sra dza hUM/ de ni rjes thogs nyid las 'od zer rnam pa sna tshogs pa zla ba'i dkyil 'khor las rnam par phyung ngo / / de phyung nas kyang chos kyi dbyings kyi pho brang du zhugs te shes bya'i dkyil 'khor thams cad gi sal bar byas sems can thams cad kyi sems kyi ri bo'i rtse bsnyil te rab tu rtogs par byas nas gcig tu 'dres te/ rdo rje'i sku chen po rnams bcom ldan 'das kyi thugs kar rjes su zhugs nas zla ba'i dkyil 'khor gyi dbus su rab tu gnas so/ / de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs so// oM tiSh+Tha badz+ra/ slar yang sngags 'dis spros pa/ oM s+pha ra badz+ra/ slar yang sngags 'dis bsdus so// oM saM ha ra badz+ra/ de nas de bzhin gshegs pa thams cad kyis ye shes rdo rje'i snying po 'di cheng du brjod pa/ oM dz+nyA na badz+ra de nas bcom ldan 'das rdo rje rnal 'byor gyi dbang phyug chen pos sngags 'dis byin gyis brlabs pa/ oM sarba ta thA ga ta dz+nyA na badz+ra hUM/ de nas de bzhin gshegs pa thams cad kyi sku dang gsung dang / thugs mnyam pa nyid brnyes pas sngags 'dis byin gyis brlabs pa/ oM badz+ra At+ma koH/ de nas de bzhin gshegs pa thams cad brtan pa nyid du nye bar gyur to// de nas bcom ldan 'das rnam par snang mdzad kyis de bzhin gshegs pa thams cad kyi sku dang / gsung dang / thugs gzigs nas sngags 'dis byin gyis brlab par mdzad do// oM ya thA sarba ta thA ga ta sta thA a ha ma pi/ de nas bcom ldan 'das de bzhin gshegs pa thams cad kyi sku sems can thams cad kyi don mdzad pa'i rgyu/ sangs rgyas thams cad kyi sku bdag nyid sems can gyi khams thams cad du nges par bstan to/ / de nas brgya byin dang / tshangs pa dang / 'jig rten skyong ba rnams kyis mthong nas/ lha dang mi rnams kyis mngon par byang chub pas bcom ldan 'das mngon par byang chub pa zhes smra ba sgrags so/ / de nas tshangs pas gsol ba btab ste/ chos kyi 'khor lo rab tu bskor nas/ de dang des 'dul ba'i skye bo btul te/ gang gis slar ldog pa med pa nyid du gyur to/ / 'di rnams ni sangs rgyas kyi byang chub sgom pa'i rim pa'o// / de nas bcom ldan 'das rnam par snang mdzad ting nge 'dzin/ de las bzhengs nas/ sangs rgyas kyi byang chub bstan te/ sems can thams cad kyi don mdzad pa nye bar bsgrubs nas de'i thugs ka las rdo rje phyung ste/ nyid kyi phyag tu bzhag par gyur te/ de nas 'od zer rnam par phyung ste/ 'jig rten gyi khams thams cad snang bar mdzad nas slar log ste/ bcom ldan 'das kyi thugs kar zhugs nas byang chub sems dpa' chen po kun tu bzang po'i skur byin gyis brlabs te/ mtshan nyid thams cad yongs su rdzogs par rgyan thams cad kyis brgyan pa/ dar dang 'phreng bas dbang bskur ba/ zla ba'i kha dog lta bu'i 'od zer can du byin gyis brlabs te rnam par gnas so/ / de nas thugs ka nas phyung ba'i zla ba'i dkyil 'khor la brten te/ de bzhin gshegs pa thams cad kyi spyan snga dang / rgyab dang / drung du rdo rje sems dpa' dang / rdo rje chos dang / rdo rje rim chen dang la sogs pa byang chub sems dpa' chen po'i 'phreng bar rnam par gnas so/ / de bzhin du sgeg mo la sogs pa rnams dang / bdug pa la sogs pa'i lha khyad par du nges par bskyed cing / gzugs la sogs pa rnams dang / lcags kyu la sogs pa'i lha rnams bskyed de/ 'di dag gi dkyil 'khor bka' stsal pa/ de nas yang dag bshang bya ba// dkyil 'khor chen po mchog gyur pa/ sangs rgyas dpa' bo thams cad kyis// rdo rje snying po zhes su gsungs// gru bzhi pa la sgo bzhi pa// dar dang me tog 'phreng bas brgyan// sgo khyung dang mi ba khyer dang // rba babs kyis ni so sor spras/ / de yi dbus su khri chen po// kun nas yongs su gru bzhi pa// de yi steng du pad chen po// ge sar ldan zhing rab mdzes pa// de yi lte ba'i dbus su ni// sangs rgyas sku gzugs dgod par bya/ / sangs rgyas kyi ni drung kun tu// sangs rgyas thams cad dgod par bya// sangs rgyas kun gyi nye 'khor du// 'khor lo sgyur ba la sogs bri// phyi yi gnas ni thams cad du// sangs rgyas sras po rnam par dgod/ kha dog ser po gzi brjid che// dbang chen dkyil 'khor rab 'bar ba// thams cad rnam pa sna tshogs rkyen// brgyan pa de dag dgod par bya// rdo rje snying po rgyan gyi rgyud chen po las dbang chen gyi dkyil 'khor gyi cho ga'o/ / / de nas bcom ldan 'das rnam par snang mdzad kyis slar yang chu'i lha'i dkyil 'khor chen po bka' stsal pa/ de nas yang dag bshad bya ba/ / dkyil 'khor chen po mchog gyur pa// chos kyi 'khor lo 'dra bas na// chos kyi 'khor lo zhes su brjod// de yi phyi rol gnyis pa la// zlum po ru ni rtogs par bya// rim mang po sna tshogs pa/ / sgo dang sgo khyud brtag par bya// rta babs rnam pa sna tshogs pa// dar dang me tog 'phreng bas brgyan// de yi dbus su pad chen po/ go sar ldan zhing rab mdzes pa/ 'dab ma brgyad kyi ka ba'i mdun// dkyil 'khor brgyad kyis brgyan pa'o// dkyil 'khor de yi dbus su ni// rgyal ba thams cad dkar por mchog/ kha ba ba zho ltar dkar gsal/ / shel dang zla ba lta bu'i 'od// kun da zla ba ltar dkar brtan// zla ba'i dkyil 'khor dbus son par// de yi nye 'khor thams cad du// sangs rgyas sras po rnam par dgod/ thams cad zla ba ltar dkar zhing // zla ba'i dkyil 'khor la gnas pa// mtshon cha sna tshogs zla ba 'dra// zla ba 'bar mtshungs mnyam med pa// chu yi ming zhes bya ba yi// dkyil 'khor dam pa nyid du 'dod/ / rdo rje snying po brgyan gyi rgyud chen po las/ chu lha'i dkyil 'khor gyi cho ga'o// / de nas bcom ldan 'das rdo rje rnal 'byor gyi dbang phyug chen pos me lha zhes bya ba'i dkyil 'khor chen po bka' stsal pa/ de nas yang dag bshad bya ba// dkyil 'khor chen po mchog gyur pa// rdo rje ye shes gzi brjid mtshungs// rdo rje gzi brjid ces su brjod// gru gsum rnam pa nyid du bya/ / sum mdo'i ris kyi rnam par mtshungs// 'bar ba'i 'phreng khrugs 'jigs pa'o// kha dog dmar po stobs po che// 'jig pa'i dus kyi me 'dra ba// rtag tu pad+ma rA ga mtshungs/ / de yi dbus su gzi brjid che// nyi ma'i kha dog stobs po che// rdo rje rtse gsum sna tshogs pa// sum mdo'i snying khar gzhag par bya// bal po se'u'i me tog mtshungs// ya ba'i me tog dag dang 'dra// pad+ma pad+ma rA ga mtshungs// sangs rgyas dpa' bo yang dga'abar// bzang po mtshal dang mtshungs 'dra ba// rgya skyegs bcung dang 'dra bar gnas// de yinye 'khor thams cad du/ / de bzhin sangs rgyas sangs rgyas sras// khro bo dang ni mngag pa dag/ mkhas pa yis ni dgod par bya// de dag thams cad kha dog dmar// gzi brjid khams la 'od ldan pa/ / 'od zer dmar po rab 'phro ba// nyi ma'i dkyil 'khor dbus son par// thams cad dmar po'i mtshon cha can// dmar po'i rgyan gyis rnam par brgyan// dmar po'i gos kyis bkab pa'i lus/ / 'phreng ba dmar po mchog 'dzin pa// 'di ni gzi brjid gter zhes bya// dkyil 'khor mchog tu 'bar ba'o// rdo rje snying po rgyan gyi rgyud chen po las/ me lha zhes bya ba'i dkyil 'khor chen po rdzogs so/ / de nas bcom ldan 'das rnam par snang mdzad kyis slar yang rlung lha'i dkyil 'khor bka' stsal pa/ de nas yang dag bshad bya ba/ dkyil 'khor chen po mchog gyur pa// rlung gi khams dang 'dra bas na// rlung gi dkyil 'khor zhes su bshad// zla ba phyeng pa'i rnam pa 'dra// dbyar gyi sprin gyi 'od dang mtshungs// Atra si yi me tog 'dra/ / in+d+ra ni la'i 'od dang mtshungs// de yi dbus su pad chen po// bai DUR+Ya yi 'od dang 'dra// shin tu gnag pa'i mig sman mtshungs// sngon dmar gyi ni rnam par gnas/ / de yi lte ba'i dbus su ni// sangs rgyas dpa' bo rab 'bar ba// rgyal po 'khyil pa 'bar ba'i gzi// mtshan mo nag mo lta bur gnas// ut+pal sngon po 'das ma'i tshul/ / stong pa nam mkha' lta bur gnas// de yi nye 'khor thams cad du// rgyal dang rgyal ba'i sras rnams bri// khro bo rnams dang mngag pa dang // de bzhin po nya pho nya mo// thams cad sna tshogs brgyan gyis brgyan/ / de bzhin nag po'i gos gyon pa// kha dog nag po thams cad du// ba dan rnam pa sna tshogs bsnams// gdugs ni rnam pa du ma'i dbyibs// kha dog sna tshogs legs 'bar ba/ / bla ra rgyas pa mnyam pa ni// kha dog nag po sna tshogs pa// dngos po kun gyi rang bzhin gyis// mdor bsdus nas ni bsgom par bya// dkyil 'khor chen po 'di lta bu/ sangs rgyas kun gyis rjes skyob pa// bris nas shes rab can gyis bsgoms// gal te dngos grub rang 'dod na// rdo rje snyi po rgyan gyi rgyud chen po las/ rlung lha'i dkyil 'khor gyi cho ga'o/ / // de nas bcom ldan 'das rnams de bzhin gshegs pa thams cad kyis slar yang bsdu bas byon pa'i ting nge 'dzin la snyoms par zhugs te/ bcom ldan 'das rdo rje rnal 'byor gyi dbang phyug chen po la gsol ba btab pa/ bcom ldan 'das de bzhin gshegs pa thams cad kyi de kho na nyid kyi sgrub pa'i thabs bskyed du gsol/ de nas bcom ldan 'das rdo rje rnam 'byor gyi dbang phyug chen de rnams kyis gsol ba btab pa'i tshig nye bar gsan nas/ sgrub pa'i thabs kyi cho ga mchog tu gsang ba chen po bka' stsal pa/ sgeg mo sogs pas mchod pa kun/ / yang dag mdor bsdus byas nas ni// sangs rgyas kun gyi sku chen por// bdag gis rtag tu bsgom par bya// sngags kyi yi ge yang dag ldan// 'dod pa sbyar ba'i sku ru bya/ sgra dang gzugs dang de bzhin sbyor// yi ge'i 'phreng ba de bzhin te// zla ba'i dkyil 'khor dbus gnas pa// sngags pas thams cad rnam par bsam// hUM/ sngags pas snying khar son pa bsgom/ / gsang sngags dge ba brjod nas su// de bzhin gshegs pa'i rigs dag pa// dung gi sgra ru rab tu brjod// dril bu'i sgra ni rab gsal ba// pad+mo rna la 'byor dbang phyug go/ dus min sprin gyi hUM gi sgra// tsa Ta tsa Ta'i sgra 'phro ba// rdo rje rin chen dbang phyug gi/ sgra ru de bzhin gshegs rnams gsungs// nor bu las kyi rigs kyi yang // rnga chen zla ru rab tu bshad/ / pi wang gling bu de bzhin gru// gar gyi rgyan gyi sgra dang ni// rdza rnga'i ngar sgra hU~M gi sgra// spyi yi nyid du rab tu bshad// rtog pa kun la rnam par sbyar// sgrub pa'i thabs kyi las rnams dang / / de nas gzugs kyi bzlas pa mchog/ go rims ji bzhin rab tu bshad// dgug dang gzhug dang bcing ba dang // lha rnams dbang du bya ba ste// de la rang gi tshul rab sbyar// sngags dang phyag rgya rab tu sbyar// de rjes rnam pa kun gyi mchog/ rtag tu lus chen bsam bya bsam/ lha yi sku gzugs bsgom par bya// lag pa'i phyag rgya rab nges pa'i/ phyag rgya'ang snying khar son zhes bya// rang gi rigs rims cho ga yis// de yi lus ni 'od gsal zhing // sgron ma'i 'od ltar gsal ba'i khyim// de ltar kun nas thams cad du// kun nas baspu'i rtse dag nas// 'od zer 'bar ba'i 'phreng dge bas// gzugs kyi bzlas pa zhes su bshad// de nas sbyor ba'i bzlas pa ni// gsang sngags sgrub pos brtsam par bya// mcho dang byin brlabs dbang bskur mchog/ spro la sogs rims thams cad du// sbyor ba'i bzlas pa gtso bo 'di// 'bad pa yis ni rab tu bshad// snying kha mgrin pa mchu lce min// rkan dang spyi bo nyid ma yin/ / nang min phyi dang gnyis par min// chos ni 'ba' zhig kho na la// bzlas pa'i sgra yang 'byung ma yin// 'di ni bcom ldan rnal 'byor che// shes rab pha rol phyin gsal ba/ / sgom pa'i sngags pa de nyid ni// rnal 'byor pa yi gnas su bshad// de nas steng du mdor bsdus te// snying pa'i dkyil 'khor rab zlum pa// zla ba gang ba ltar bsam bya// dri ma med cing legs par gnas/ / de la yi ge rnam par dgod// tshig gi 'phreng ba ma chad pa// mu tig 'phreng ba ltar brgyus pa// char sprin gyi ni me 'dra'i 'od// de tshe thams cad gsal bar byed// lha yi lus ni snang byed cing // dzi lta ji ltar yi ge'i 'phreng // mchog gi lus la rab 'jug pa// de lta de ltar sngags kyi lus// lha yi bdag nyid nyid du 'gyur// mthu stobs lha dbang / thams cad ni// tshungs pa khyab 'jug las cher lhag/ bzlas pa de nyid mchog 'di ni// sangs rgyas kun gyis bsngags pa'o// ji ltar sems ni bsgom pa yis// de ltar dngos grub mchog tu 'gyur/ / rdo rje snying po rgyan gyi rgyud chen po las/ bzlas pa'i de kho na nyid kyi le'u'o// // de nas bcom ldan 'das rdo rje rnal 'byor gyi dbang phyug chen pos de bzhi gshegs pa thams cad kyi bstod pa rin po che bka' stsal pa/ mnyam med mi g.yo mnyam med mchog gi chos nyid can// thugs rje'i bdag nyid 'gro ba'i sdug bsngal sel bar mdzad// yon tan mtha' yas dngos grub thams cad sbyin mdzad pa// dri med mi g.yo mnyam med dam pa'i mchog chos can// yon tan shin tu phra ba'i cha la'ang tshad med de// dpe ni nam mkha' dang yang bskrun du yod ma yin/ / dngos grub mtha' yas mnyam med dpe dang bral ba rnams// sems can khams la dngos grub mchog rnams nges par stsol// rtag tu dri ma med pa thugs rje'i shugs las byung / / smon lam grub pa 'gag pa med pa'i chos nyid can// 'gro ba'i don sgrub rab tu brtson pa mtha' yas pa// thugs rje chen po'i bdag nyid rtag tu rnam par snang // tshad med tshad dang bral ba shin tu rdzogs pa yi/ / bde bar gshegs pa'i gnas su gshegs kyang e ma chos nyid bzang // bde bar gshegs pa go 'phang dam pa brnyes gyur kyang / / khams gsum rnams la dngos grub mchog stsol mdzad pa yi// thugs rje'i spyod pa mi g.yo 'gag par yong mi 'gyur// e ma'o shin tu bzang po'i chos nyid mchog dang ldan/ mchog sbyin rnams kyi nang na go 'phang mchog brnyes pa// khams gsum kun la rtag tu dngos grub mchog stsol mdzad// mgon po dus gsum sgrib pa med pa rab mkhyen pas/ dam tshig mchog gsum dngos grub dam pa bdag la gsol// 'di de sangs rgyas thams cad kyi// yang dag yon tan rgyas pa ste// lan cig tsam zhig brjod pas kyang // gsang sngags thams cad 'grub par 'gyur/ / bstod pa'i rgyal po 'di yis ni// de bzhin gshegs de kun bstod na// rab yangs dngos grub stsol 'gyur te// bskal par gnas shing bskal par bskul/ / lus ni g.yo ba med pa ru// bdag nyid brtan par byas pa yis// mgon po chen po rnam snang mdzad// mi bskyod rin chen 'byung gnas dang // rgyal ba dag pa 'od dpag med// don grub rgyal po thams cad du// dngul chu bcud len de nyid dang // mchog kyang rab tu gsol bar byed// dngos grub yid 'ong ma lus pa// rgyas pa'i don dang phun sum tshogs// rab thams cad yongs rdzogs pa/ / yid la 'dod pa ster bar byed// ye shes tshe dang stobs dang shugs/ mchog tu dge ba gsol bar mdzad// de bzhin gshegs pa thams cad kyi bstod pa'i rgyal po zhes bya ba rdzogs so/ / // de nas bcom ldan 'das rdo rje rnal 'byor gyi dbang phyug chen pos de bzhin gshegs pa thams cad kyi dngos grub kyi cho ga rgyas pa bka' stsal pa/ tshes grangs med cing rgyu skar med// smyung bar gnas pa'i cho ga med// ji ltar bshad pa cho gas bslab pa'i gnas nye bar bzung ste/ gang yang rung ba'i yang dga' bar ji ltar rung ba'i dkyil 'khor byas te/ me tog sil ma bkram la/ bdug spos kyis bdugs te/ de bzhin gshegs pa thams cad la ji ltar nus pa'i me tog la sogs pa'i mchod pa rnams kyis mchod pa byas te/ sngags 'dis yid kyis kyang sdig pa bshags te/ oM sarba pA pU ta kA yi ka bA ka tsit+ta ma na song b+hU tA na rA ga/ dwe Sha mo ha ma da mA na biSh+Te Na yang kri taM tan traM kA li kaM hUM hUM hUM phaT phaT/ phaT/ sarba pA pa s+pho Ta yA mi swA hA/ oM sarba pAn pra ti de sha yA mi swA hA/ de'i rjes thogs la bdag nyid kyi dngos po dbul bar bya ste/ oM sarba ta thA ga ta nAn Ad ma b+hA ba ni ra yA ta yA mi/ sarba ta thA ga taHpra ti gr-ih+Nan tu mAM swA hA/ de bzhin gshegs pa thams cad kyi bsod nams la rjes su yi rang ba ni/ oM sarba ta thA ga ta puN+ya dz+nyA na saM b+ha rAn a nu mo di yA mi swA hA/ yang dang yang du byang chub kyi sems bskyed pa rang bzhin gyis grub pa'i sngags kyis bya ste/ oM sarba ta thA ga ta sa man+ta b+ha dra ma hA badz+ra sa ma ya ma hA bo d+hi tsit+ta uta pA da ya mi swA hA/ de nas byang chub/ kyi sems bskyed pa'i rjes thogs la zla ba'i kha dog can zla ba'i dkyil 'khor la bzhugs pa'i bsod nams dang ye shes kyi tshogs yongs su rdzogs pa/ sa bcu'i dbang phyug ner bu rin po che / chen po'i pad+ma'i snying po seng ge'i khri'i stang du bdag nyid bsam par bya'o// oM bud d+hohaM/ sngags 'dis bdag yongs su dag par byas te/ oM swa b+hA ba shud+d+haHsarba ta thA ga tAHswa b+hA ba shu d+hohaM/ sngags 'dis bdag nyid chos kyi dbyings yangs pa/ 'od gsal ba'i snang ba shin tu gnas par byas te/ oM d+harma d+hA tu swa b+hA ba At+ma kohaM/ de nas skyes bu chen po'i mtshan sum du rtsa gnyis kyis brgyan par bdag nyid byin gyis brlabs te/ 'jig rten thams cad las shin tu 'das pa'i de bzhin gshegs pa thams cad kyi chos kyi skur bdag nyid sngags 'dis gnas par bya ste/ oM pra b+hA swa rohaM/ de bzhin du rim pa 'dis chos kyi dbyings rgya chen por spros nas/ bdag nyid sangs rgyas nyid do zhes nga rgyal bskyed la/ bdag skye dgu ma lus pa'i dpung gnyen du byas la/ chos kyi dbyings yangs pa 'od gsal bar lhan cig gnas par bya ste/ nye bar rgyas par thun mtshams bzhir bzlas pa brtsam par bya ste/ thun mtshams gsum du dus ji lta bar yi ge la rjes su gzhol ba'i yid kyis 'bum phrag nyi shu bzlas par bya zhing / nyi ma re rer stong phrag brgyad dam stong phrag re bzlas te/ ji srid mtshan ma thob pa de srid du'o// tsan dan dang / ga bur dang / gur kum la sogs pa rnams kyis dkyil 'khor byas te/ nye bar mkho ba thams cad kyis mchod pa byas nas cho 'phrul gyi zla ba 'am/ sa ga'i nyagang ba la mar gyi mar me stong phrag brgyad sbar la/ rdo rje skyil krung gis gnas te/ sna ma'i me tog gam/ me tog pad+mas de bzhin gshegs pa thams cad dang mchod rten la mchod de/ ji srid 'brug gi sgra sgrog pa ma thos pa de srid du bzlas par bya'o/ / de nas de bzhin gshegs pa'i sku bdag la gsal bar 'gyur bar shes par bya'o// de nas sreg blugs 'bum phrag gcig dgang bar byas pas mtshan ma thams cad gsal bar 'gyur ro/ / bye ba phrag bzhi bzlas pas dbang phyug chen po la sogs pa'i sems can thams cad dbang pur gyur ro// de nas sgrubs pa chen po byed par 'dod pas/ de bzhin gshegs pa'i mtho gang ba'i tshad kyis de bzhin gshegs pa'i mchod rten byas la/ mchod rten re re'i mdun du stong phrag re re bzlas pa'am/ yang na dri'i mchod rten gyi drung du 'bum lhag pa'i bye ba phrag bdun bzlas so/ / bde bar gshegs pa'i mtho gang ba'i tshad kyi mchod rten nyi ma re re la rar ji srid bye ba phrag bdun bzlas pa rdzogs pa de srid du bya'o// tha ma'ang mchod rten 'bar ba'i 'od des sgrub pa'i lus la zhugs pas brgya byin dang / tshangs pa dang / 'jig rten skyong ba la sogs nas/ ji srid dag pa'i gnas kyi dbang phyug chen po la sogs pa lha rnams me tog gi char 'bebs par 'ong bar 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci la sogs pa 'ongs nas kyang bstod par byed cing / ji srid A bI tsi mnar med pa'i bar gyi sems can dmyal ba thams cad bsil bar 'gyur ro// yi dgas rnams kyang yi dgas kyi sdug bsngal las rnam par grol bar 'gyur ro/ / sdug bsngal ba rnams kyis sems can rnams la gdung bar mi 'gyur ro// de nas de bzhin gshegs pa thams cad kyis mngon par gzigs par 'gyur ro// de'i rjes la lus dang ba gser gyi mdog lta bu dang / lo brgyad gnyis kyi rnam pa can dang / ting nge 'dzin dang / ye shes thob pa dang / kha dog dang / tshe dang / stobs dang / shugs dang / dbang phyug la sogs pa'i yon tan dang ldan pa dang / 'jig rten gyi khams su rgyu ba dang / 'khor lo sgyur ba ltar che ba dang / sangs rgyas thams cad kyis mngon par bstod cing steng du 'gro ba dang / rig pa 'dzin pa'i rgyal por 'gyur ba dang / stong gsum gyi stong chen po'i 'jig rten gyi khams kyi rig pa 'dzin pa'i rgyal po rig pa 'dzin pa bye ba phrag brgya stong du mas yongs su bskor ba dang / lha'i bu mo bye ba phrag du mas yongs su bskor ba dang / phyogs bcu mtha' yas pa'i 'jig rten gyi khams su rdzu 'phrul gyis 'gro ba dang / de bzhin gshegs pa thams cad la mchod pa chen po'i sprin gyis legs par mchod cing grub pa thams cad 'od kyis lhung bar 'gyur ro/ / brgya byin dang / tshangs pa dang / 'jig rten skyong ba'i stan phyeng ster bar 'gyur ro// gzi brjid dang / gzugs dang / dpa bas rig pa 'dzin pa thams cad zil gyis gnon par 'gyur ro/ / byang chub sems dpa'i sa'ang so sor thob par 'gyur ro// sems can thams cad 'dul ba la mkhas par 'gyur ro// phyi ma'i mthar tshe byir gyis brlabs te/ sangs rgyas thams cad bskyed pa mthong bar 'gyur ro// byang chub sems dpa' thams cad kyi bya ba nges par ston par 'gyur ro// mchod pa'i sprin thams cad 'byung bar 'gyur ro/ / byang chub sems dpa chen po kun tu bzang po dang / byams pa dang / 'jam dpal dang mtshungs par 'gyur ro// de bzhin gshegs pa thams cad kyi sku'i sgrub pa'i thabs zhes bya ba ste dang po'o/ / sgrub pa'i thabs gnyis pa ni de bzhin gshegs pa thams cad mchod par bya ste/ gi'u wang dam ldong ros pad+ma'i snod du bzhag la/ ji srid dngos grub rnam pa gsum byung ba de srid du bzlas par bya'o/ / sems can thams cad dbang du 'gyur ba dang / mi snang ba dang / rig pa thams cad 'dzin pa nyid do// rig pa 'dzin par gyur nas nyi ma spong shar ba'i kha dog dang / lo brgyad gnyis kyi rnam par sgra li zhing 'khyil ba dang / gdu bu dang ldan zhing lha'i bu mo bye ba phrag du mas yongs su bskor cing / rig pa 'dzin pa'i grub pa thams cad kyis yongs su bskor ba dang / bskal pa chen po'i mthar gnas pa dang / rig pa 'dzin pa thams cad kyi dbang phyug tu 'gyur ro// rim pa 'dis rtse gsum bsgrubs nan dbang phyug chen por 'gyur ro/ / mchod phyir thogs bsgrubs na tshangs par 'gyur ro// 'khor los khyab 'jug tu 'gyur ro// grog mkhar gyi rtse mo'i sa bzung ste sa srungs kyi bu byas la/ de la zhon te bzlas na dbang por 'gyur ro/ / nyi ma'i dkyil 'khor byas te/ de'i steng du bstang na nyi ma dang mtshungs par 'gyur ro// zla ba'i dkyil 'khor gyi zla ba'i ste/ 'di nyid kyis lha'i bye brag kya gi mtshan ma bzung ste/ des de'i longs spyod la spyod par 'gyur ro// de bzhin du rim pa 'das dngul chu 'am bcud len gang bsgrubs pa de 'grub par 'gyur ro// gal te ma grub na de'i tshe sgrub pa lan bdun bya'o/ / bdun byas pas ci nas kyang 'grub par 'gyur ro zhes de bzhin gshegs pa thams cad kyi 'khor lo sgyur bas bka' stsal pa/ 'bum phrag gsum bzlas pas ri bo lhun po'i tshad tsam gyi ri bo'ang hUM zhes brjod pas ltung ba dang / rgya mtsho skems pa dang / ljon pa drung nas 'byin pa dang / bum pa nam mkha' la 'phen pa dang / glang po che rengs par byed pa dang / pha rol gyi sde mngon par 'jom par byed pa dang / bar snang na gnas pa thams cad ltung bar byed do// sems can thams cad 'bebs par byed do// sgrub pa po las gang dang gang sgrub par 'dod pa de dang de thams cad byed do/ / yang zla ba gcig tsam mi smra bar de bzhin gshegs pa thams cad kyi skur bdag nyid bsgoms na sangs rgyas thams cad mthong bar 'gyur ro// sgyu 'phrul dra ba thams cad ston par 'gyur ro/ / nam mkha' la gnas shing 'chag par byed do// me 'bar ba dang glog 'gyu ba la sogs pa ston par byed do// gcig tu gyur nas mang por 'gyur ro// 'jig rten gyi khams stong phrag kyang g.yo bar byed do/ / sgrub pa pos bye ba bdun bzlas nas 'di dag thams cad bsgrub par bya'o// rim pa 'dis lhung bzed dang / chos gos dang / snam sbyar dang 'khar gsil las gang yang rung ba bzung nas/ ji srid rig pa 'dzin par gyur pa de srid du bzlas par bya'o// sangs rgyas kyi zhing thams cad du 'gro ba dang / sprul pa du ma byed pa dang / 'dod na 'chi ba dang skad cig tsam gyis 'jig rten gyi khams thams cad du 'gro zhing / de bzhin gshegs pa thams cad kyi nye bar gnas par byed do// sangs rgyas kyi gzugs kyis sangs rgyas kyi bya ba thams cad kyang byed do/ / sgrub pa'i thabs gzhan yang bde bar gshegs pa'i mtho'i tshad kyis mchod rten 'bum phrag gcig byas te/ rma med pa'i ral gri blangs te cho 'phrul gyi zla ba byed la nye bar spyod pa thams cad kyis mchod de/ brgyad pa 'am/ bcu bzhi pa 'am/ nya gang ba la skyil krung bcas te ji srid du ral gri 'bar ba de srid du bzla bar bya'o// de'i rjes thogs nyid la rnga bo che rnams kyi sgra grag go/ / steng nas me tog gi char 'bab par 'gyur ro// ldan cig pa ji snyed pa dang bcas pa steng du 'gro'o// rig pa 'dzin pa thams cad kyis mchod par 'gyur ro// rig pa 'dzin pa'i rgyal po chen por 'gyur ro/ / ral gri'i rig pa 'dzin pa chen po'i 'khor lo sgyur ba rnam pa sna tshogs pa'i cha lugs dang rgyan 'chang ba 'dod dgur rgyu ba dang / skad cig tsam gyis 'jig cen kyi khams thams cad du rnam par dpyod pa dang / rga shi med pa dang / nyi ma re re zhing sangs rgyas kyi bdag nyid che ba mthong ba dang / mchod pa'i sprin thams cad kyis sangs rgyas kyi zhing thams cad du mchod pa'i char 'bebs pa dang / bskal pa chen po stong phrag tu 'tsho bar 'gyur ro// de nas sgrub pa'i thabs gzhan yang 'khor lo 'am pa Ti sa blangs te/ 'bum phrag nyi shu bzlas pa yongs su rdzogs pa dang dpal gyi sgor song ste/ nim pa'i lo mtsha ba'i mar khu la btags pa 'bum thag gcig sreg blugs bya'o// lha ma yin gyi 'khrul 'khor thams cad 'byed par 'gyur ro// ma yin gyi bu mo thams cad 'ong bar 'gyur ro// gal te ma grub na 'bum phrag gnyis sam gsum du sreg blugs bya'o// lha ma yin gyi bu mo thams cad bsregs bzhin du 'ong bar 'gyur ro// 'ongs nas kyang sgrub pa po la zhu bar byed de/ kye skyes bu dba' bo 'jug tu gsol zhes smra'o// de nas grogs dang bcas pas 'jug par bya'o// ral gri'am 'khor lo de bzung nas sgyu ma yin gyi rig pa 'dzin pa'i rgyal por 'gyur ro/ / sa 'og gi rdzas rnams kyi mnga' bdag lha ma yin gyi bu mo thams cad kyi bdag po gsang sngags grub pa gzhan thams cad dang / lha ma yin gyi rig pa 'dzin pa rnams kyi dbang phyug/ sa 'og thams cad kyi bdag po/ lha ma yin chen po'i sprul pa byed pa po bskal pa chen por gnas pa/ khyab 'jug gi 'khor lo hUM zhes bya ba brjod pa tsam gyis lhag par byed pa/ khyab 'jug kyang hUM zhes brjod pa tsam gyis rlag par byed na/ gzhan lha smos kyang ci dgos sgrub pa'i thabs gzhan yang bde bar gshegs pa'i mchod rten 'bum phrag sum cu byas te/ mchod rten re re'i mdun du stong phrag brgyad brgyad bzla bar bya'o// thams cad la nye bar spyod pa thams cad kyis mchod la/ tha mar me tog can gyi lcags las byung ba'i 'khor lo rtsibs drug pa mtho gang tsam pa bzung nas cho 'phrul gyi zla ba phyed pa skyil mo krung bcings te/ ji srid 'bar ba de srid du bzlas par bya'o// de blangs pas rig pa 'dzin pa'i 'kho lo rgyur bar 'gyur ro// rig pa'adzin pa'i rgyal po thams cad kyi mnga' bdag dbang phyug chen po la sogs pa'i lha thams cad 'dul bar byed pa/ bskal pa bye ba brgya stong phrag dgu bcu rtsa dgur 'tsho ba dang / 'jig rten gyi khams skyong rdzu 'phrul gyis 'dul ba dang / mchod pa'i sprin brgya stong phrag gis mchod par byed pa dang / sangs rgyas stong phrag mthong bar 'gyur ro// de rnam la nyi ma re re zhing mchod pa chen po'i sprin gyis mchod par byed do/ / sgrub pa'i thabs rgyas pa gzhan yang mchod rten 'bum phrag drug cu byas te/ sngon du bsnyen pa byas la bye ba bzlas pa'o// de ras mtshan nyid thams cad dang ldan pa'i rol khrus byas nas/ nye bar mkho ba thams cad kyis mchod de/ ji srid ma langs pa de ji srid du bzla bar bya'o// langs nas dngul chu dang / bcud len dang / mi snang ba la sogs pa thams cad de la ster bar byed do// gal te mi ster na ji srid kha las lce ma byung ba de srid du bzla bar bya'o// de nas mtshon rnon pos de gcad par bya'o// de bzung bas nyi ma stong gi gzi brjid can/ rig pa 'dzin pa thams cad kyi rgyal po/ rig pa 'dzin pa bye ba stong phrag drug cu'i 'khor can/ tshe bskal pa bye ba brgya stong phrag drug cu 'tsho ba/ sangs rgyas kyi zhing thams cad du rdzu 'phrul gyis 'gro ba dang / ri bo lhun po bye ba phrag stong sprul pa dang / gling stong phrag 'phen pa dang / rgya mtsho stong phrag skems pa dang / lha'i 'jig rten brgya stong phrag bsdigs pa dang tshangs pa dang / khyab 'jug dang / dbang phyug chen po la sogs pa rnams lhung ba dang / sgra li zhing 'khyil ba dang / lo brgyad gnyis pa'i rnam pa dang / rgyan thams cad kyis rnam par brgyan bsre/ sreg pa'i bskal pa na 'jig rten gyi khams gzhan du 'gro zhing / rga ba dang 'chi ba med par 'gyur zhes bcom ldan 'das rdo rje rnal 'byor gyi dbang phyug chen pos de skad ces dka' stsal to/ / de bzhin du yid bzhin gyi nor bu dang / dpag bsam gyi shing dang / bum pa bzang po dang / nor gyi char pa dang / nam mkha'i mdzod kyi ting nge 'dzin chen po dang / rin po che chen po'i lag pa dang / nor rgyun gyi rtog pa chen po dang / sems can gyi re ba thams cad rjes su 'gengs pa dang / 'khor lo sgyur ba'i rgyal srid dang / rin po che thams cad kyang bsgrub par bya'o// de la 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bsnyen bkur ba rin po che'o/ / de nas sgrub pa'i thabs gzhan yang tsan dan dkar po las pad+ma sor drug pa'i tshad byas la/ pad+ma de lag par bzung nas zla ba drug tu skyil krung bcings te/ nye bar spyod pa thams cad kyis mchod nas thun mtshams gsum mam bzhir grangs mi gzung bar bzlas par bya'o/ / zla ba drug yongs su rdzogs pa dang / pad+ma 'bum phrag bdun sreg blugs bya'o// zla ba nya nas sgrub pa brtsam par bya ste/ nye bar spyod pa thams cad kyis mchod la skyil krung bcas nas mtshan thog thag bzlas par bya'o// tho rangs kyi tshe rig pa 'dzin par 'gyur ro// ska li zhing 'khyil ba dang / lo brgyad gnyis kyi rnam par rgyan gyi tshogs thams cad kyis brgyan pa/ nyi ma stong phrag shar ba'i 'od dang mtshungs pa/ rig pa 'dzin pa bye ba phrag du ma'i 'khor car/ lha'i bu mo bye ba khrag khrig brgya stong du mas yongs su bskor ba/ tshangs pa la sogs pa'i lha rnams mngag gzhug par 'gyur ro// sangs rgyas kyi zhing thams cad du skad cig tsam gyis rnam par rgyu ba dang mchod pa'i sprin du mas de bzhin gshegs pa rnams rnam par mchod par 'gyur ro/ / de bzhin du ut+pa la'i sgrub pa dang / tsan dan dmar po'i pad+ma'i sgrub pa'ang ngo // sgrub pa gzhan yang 'byung ste/ shel dang / pad+ma rA ga 'am/ mu tig gi 'bras bu 'am/ rin po che yongs su rtog par byed pa pos yongs su brtags pa la/ bde bar gshegs pa'i mtho'i tshad tsam pa'i mchod rten 'bum tsam byas te/ gang yang rung bar grangs mi gzung bar ji srid bdag yongs su dag par mthong ba de srid du bzlas par bya'o// de'i rjes su mngar gsum gyis skrag pa'i pad+ma 'bum dang / sna ma'i me tog 'bum phrag gsum dang / a ka ru'i yam shing 'bum dang / tsan dan gyi yam shing 'bum phrag gsum dang / til dang 'bras 'bum phrag bzhi dang / zho zan 'bum dang / mar gyi sreg blugs stong phrag gsum dang / sman thams cad pa'i sreg blugs 'bum phrag gcig byas la sbyin sreg yongs su rdzogs pa dang / dkar po'i tshes bco lnga la bsgrub par bya'o// skyil mo krung bcas te nye bar spyod pa thams cad kyis mchodas ji srid nor bu rin po che 'bar ba de srid du bzlas par bya'o/ / 'bar nas kyang rig pa 'dzin pa gzhon nu gdong du 'gro bar 'gyur ro// skra li zhing 'khyil pa dang / lo brgyad gnyis kyi rnam pa rgyan thams cad kyis brgyan pa/ phyogs bcu mu med pa'i 'jig rten gyi khams rgyas par gsal bar byed pa/ rig pa 'dzin pa thams cad kyi slar 'khor lo sgyur ba chen por 'gyur ro// yid bzhin nor bu'i dngos grub byang chub sems dpa' chen po'i rig pa 'dzin pa zhes brjod do/ / sangs rgyas thams cad mchod cing bsnyen bkur bar byed do// skad cig tsam la 'jig rten gyi khams tham cad kyi sems can bskor na slar de nyid du 'ong bar 'gyur ro/ / gal te 'dod na byang chub sems dpa'i tshogs mngon par rdzogs par byas te/ lus de nyid kyis bla na med pa yang dag par rdzogs pa'i byang chub par mngon par rdzog par 'tshang rgya bar 'gyur ro/ / de bzhin du sgrub thabs kyi le'u la bris sku dang / shing lham dang / mu tig gi 'phreng ba'ang yid bzhin gyi nor bu'i cho gas bsgrub par bya'o// thams cad du 'grub par 'gyur ro// sgrub pa'i thabs gzhan yang mchod rten bye ba phrag stong byas te 'bum phrag bdun bzla bar bya'o// yongs su rdzogs pa dang / me tog can gyi ljags sam/ lcags lnga'i rang bzhin gyi rdo rje rtse lnga pa sor bcu'i tshang ngam/ bde bar gshegs pa'i mtho'i tshad tsam tsho 'phrul gyi zla ba phyed la mtshan thog thag lag pas rdo rje de bzung nas mdun du khwa'i steng du lag pa bkab la/ ji srid 'bar bar gyur pa de srid du bzlas par bya'o/ / de nas bzung nas rdo rje'i rig pa 'dzin pa 'khor lo sgyur ba chen po nyi ma bye ba brgya phrag dang rjes su 'tsham pa rdo rje 'chang ba ltar gzi brjid dang ldan zhing 'ong gsal bar 'jig rten gyi khams thams cad du rnam par rgyu zhing / dbang phyug chen po la sogs pa'i lha rnams la ci bsgo ba nyan par 'gyur/ lha ma yin rnams skrag pa dang / srin po rnams 'joms pa dang / sems can thams cad de'i ci bsgo ba byed par 'gyur bar bcom ldan 'das de bzhin gshegs pa thams cad kyi 'khor lo sgyur ba chen pos de skad ces bka' stsal to// rdo rje snying po rgyan gyi rgyud chen po las/ de bzhin gshegs pa thams cad kyi rdzas kyi bya ba bsgrub pa zhes bya ba'i sgrub thabs kyi le'u yongs su rdzogs so// // de nas bcom ldan 'das de bzhin gshegs pa rnams thams cad slar yang ting nge 'dzin la mnyam par bzhag ste/ bcom ldan 'das thog pa dang tha ma med pa rdo rje rnal 'byor gyi dbang phyug chen po la gsol ba btab pa bcom ldan 'das de bzhin gshegs pa thams cad kyi gsang ba chen po ka kA sbyar ba ste/ mtha' yas pa la sbyar bzhi bya ba bka' stsal du gsol/ de nas bcom ldan 'das kyis de bzhin gsheg pa thams cad kyi gsang ba chen po gsang sngags kyi ka k+Sha pu tra bka' stsal pa/ de nas yang dag bshad bya ba// sangs rgyas kun gyis rjes su skyob// gsang sngags ka k+Sha byar zhes bya// gsang chen mchog tu rmad du byung / / glu bzhi pa la tshad mdzes pa// kun nas yongs su bzang zhing dag/ re mig bzhi bcu zhe dgu pa// mdor bsdus nas ni sngags pas bya// dang po'i 'phreng bzang gnyis la ni/ a sogs blo gros ldan pas dgod// ka sogs lhag ma'i re mig la// sngags pas mdo ru bsdus te bri// sbyor ba ji bzhin yi ge kun// go rims bzhin du dgod par bya/ rerimig stong pa dag la ni// k+Sha yig dang ni rdo rje bri// rim pa 'di dag bkod nas ni// rang sde'i 'og tu 'bar ba mchog/ dang po dbyangs la de'i rjes su// yi ge phyag rgya mdor bsdus pa// ka tsa Ta ta pa ya shA// dag cing chu yi dkyil 'khor ldan// 'di rnams myur du 'grub par byed// pad+ma'i rigs kyi lha nyid do// don kun grub par yang dag ldan// me yi dkyil 'khor zhes su bshad/ / 'bar ba'i me dang mtshungs pa'i 'od// kha tsha' tha pa ra ShA// dbang chen gyi ni dkyil 'khor ldan// ga dza Da da ba la sA// dngos grub kur byed rlung gzugs ldan// dbyar gyi sprin lhur shin tu 'jigs/ / g+ha dz+ha D+ha d+ha b+ha wa ha// steng 'gros dngos grub byed por brjod// slar yang nga nya Na na ma// chos kun dbang du byed pa mchog/ thog mi'i dbyangs yig gang yin pa/ deni de bzhin gshegs stobs bcu// khyad par yan lag bcu gnyis bshad// de bzhin gshegs pa'i sa bcu gnyis// ma ning yi ge bzhi po spong // r-i r-I l-i l-I zhes bya ba// dbyangs dang sa bon de bzhin sngags/ / de dag yi ge ru yang bshad// dbang du byed pa'i sde tshan kun// thig le sgra gtsug zla phyed ces// rjes dbyangs kyi ni 'phreng zhes bshad// sangs rgyas de bzhin byang sems kyis// yi ger brjod pa de bzhin zhing // gsal byed ces kyis gsal ba'o// de bzhin ya ra la wa rlung // me dang dbang tshon chu dag ste// 'byung ba chen po khams rnams so/ / rlung me bdud rtsi'i bcud ces bshad// mnyam dang mi mnyam cha dbye bas// thams cad nyid kyi lam shes bya// phyag rgya dang ni dkyil 'khor sngags// ting 'dzin mdor bsdus bshad pa'o/ / mi rtag sdug bsngal stong bdag med// chos rnams kun gyi sdom du brjod// stong pa mtshan med smon med pa// rnam par thar pa gsum du bshad// phung po khams dang skye mched rnams/ / mkhas pa yis ni shes par bya// da ni sngags kyi ka kA'i sbyor ba la rab tu btus pa sbyar ba dang phral ba bshad par bya'o// yi ge rnams kyis byang chub spyod// sangs rgyas nyid kyang mya ngan 'das/ / lhan cig nyid du sbyar bar bya// dbyangs rnams yig rnams bsdus par bshad// mtshan nyid kyang ni rab bshad bya// dbyangs ni byang chub gzugs nyid de// gnan dang lhan cig sbyar bar bya/ / de la nges par sangs rgyas nyid// ster ba nyid du legs par bshad// thog mar sangs rgyas thams cad kyi// gsang sngags dri ma med pa 'byung // thog mar dbyangs nithig le ldan/ / rdo rje'i steng du yang dag gnas// 'bar ba'i 'phreng can rab zhi pa/ rnam par 'phro ba nyid du gnas// zla ba'i dbus su bsgom bya ba// kun gyi ye shes 'od chen po// kunaH 'gro ba rab tu thob/ / thams cad du yang rnyed par dka'// de nyid bral ba rtag pa ste// yi ge med cing dbyer med pa// byang chub sems zhes rab tu bshad// ngung dang kun da zla ltar dag/ gnyis pa'i sgra dang yang dag ldan/ / de ni shin tu ring por shes// sangs rgyas kun gyi spyod pa ste// sa dang pha rol phyin pa rnams// dro ba'i bzhi pa sbyar ba ni// mya ngan 'das pa zhes su bsgrags// dbyangs dang yi ge khyad par can// mtshan nyid rab tu sbyar bar bya// rang gi phyag rgya sogs ldan pa// sangs rgyas byang chub ba gsol byed// da ni sangs rgyas thams cad kyi// sngags kyi de nyid 'dir bshad bya/ / thog mar spyod pa byas nas ni// gnyis pa smra ba po ru bshad// bzhi pa'i dbyangs kyis kun nas mnan// gsum pa me yi ming cad ro// rgyu med pas te cung zad pa/ bzhi pa yis ni gsal bar byas// drug pa'i sgra dang tha dad med// de yi sbyang du thig le gnas// chos kun nam mkha' dang mtshungs par// yang dang yang du bshad pa yin// de ni lnga par shes par bya/ / yi ge lnga pa stobs po che// yi ge lnga yi stobs lnga'i bdag nyid las skyes gtso// mthu stobs chen po khyab bdag srid pa'i bdag nyid skyes// mthu stobs chen po srid gsum las rab grol byed pa/ / yi ge lnga ni 'gro ba drug las grol ba'i bdag/ mngon shes drug kyang rab tu ster byed dri ma med// de nyid bcom ldan spyod pa ste// mi bskyod pa zhes rab tu grags/ / byang sems rdo rje sems dpa' ste// brtan pa'i sems dpa' rang byung ba// chos kun gyis ni de bzhin nyid// gang bsgrags de nyid thams cad du// 'bar ba me yi sa bon ldan// spyod pa yi ni steng du gnas// de nyid bcom ldan rnal 'byor ni// rin chen 'byung ldan zhes su bshad// chos rnams kun gyi byed pa ni// med pa nyid du'ang bshad pa'o// me yi sa bon yang dag ldan// bzhi pa'i dbyangs kyi spyi bo ru// mnan pa rgyal ba 'od dpag med// de nyid bcom ldan rnal 'byor ni// sna tshogs de bzhin gshegs pa kun// drug pa'i dbyangs dang yang dag ldan// don yod pa yi snying por grags/ / sde lnga pa yi bzhi pa ni// dngos dang dngos med rab rtogs byed// 'bar ba me yi sa bon gyi// 'khor lo'i dbus su rab tu gnas// drug pa'i dbyangs dang yang dag ldan// thig le sgra yis rnam par spras// 'khor lo sgyur ba ye shes che// rnam par rgyas pa'i nor ster byed// gang zhig sde lnga pa yi mtha'// sgyu ma'i chos la rab tu gnas// de nyid bcom ldan rnal 'byor ni/ gdugs dkar zhes su bshad pa'o// brgyad pa'i dbyangs dang yang dag ldan// byams pa zhes ni grags pa ste// de nyid bcom ldan rnal 'byor ni// spyi bor thig le mnan pa'o// 'jams pa'i dbyangs dang ye shes che/ / mA ma kI ru de bsgrags so// lnga pa'i dbyangs dang yang dag ldan// 'jam pa'i dpal zhes rab tu grags// spyod pa'i gar mkhan rab rtogs ming // sdig pa thams cad rengs byed de/ / sdig kun rnam par sbyong byed pa// rnam par sel ba rnam shes bya// sde mtshan lnga pa'i gsum pa ni// phyag na rdo rje stobs chen dang / gshin rje mthar byed khro bo che// yi ge gsum ni stobs chen po/ / thog mar dgu pa yi ni dbyangs// de yi dbus spyod pa gzhag/ tha mar sna tshogs zhes bya sbyar// sku gsum du ni rnam par sgom// tha ma'i sde tshad gsum pa ni// gang yin kun tu bzang por bshad// sde tshan dang po'i gsum pa ni// sangs rgyas spyan zhes bya ba'o// de nyid bcom ldan mgon po ni// nam mkha'i mdzod ces rab tu grags// rdo rje khro bo stobs po che/ de nyid rab tu grags pa'o// 'di kun thams cad stong pa ste// rgyu ni rab tu spangs pa'o// dbyangs lnga dang ni yang dag ldan// rdo rje hUM mdzad hUM mdzad de// gang zhig bzhi pa'i sde dang po/ me yis rab tu gsal bar byas// bzhi pa'i dbyangs dang yang dag ldan// gzi brjid phung po stobs po che// de nyid gang dang ma sbyar ba// sgrol ma zhes su rab tu grags// bzhi pa yi ni gnyis pa gang / shes rab pha rol phyin par nges// thig le lhan cig yang dag ldan// sgra dang ldan pa'i mchog tu gyur// sde tshan gnyis pa'i gsum pa gang // me nyid dang ni yang dag ldan// bzhi pa'i dbyangs kyis yang dag mnan/ / khams gsum rnam par rgyal ba'i mchog/ de nyid bcom ldan zhes bya ba// spyod pa'i gar ma khan zhes bya'i mtshan// de mi rjes nyid la ni med// da dbyangs dang yang dag ldan/ / me dang dbang chen du brjod bya// gsum pa'i dbyangs kyis mnan pa yi// sde tshan dang po'i dang po'i yig/ de nyid bcom ldan mgon po ni// 'jig rten mgon po thub pa che/ / ye shes rgya che bsgrub par bya// sangs rgyas byang chub rab gsol byed// sde tshan lnga pa rin chen mchog/ bzhi pa'i sa bon dam pa de// 'og tu me yi yan laga' bar/ gnyer can zhes rab tu grags// dbang chen yi ge dag pa las// thig le sgra yis rnam par brgyan// sangs rgyas spyan zhes rnam grags pa// sdig pa thams cad 'phrog par byed// sde tshan dang po'i gsum pa ni/ / nam mkha'i spyan zhes brjod pa'o// sgyu ma'i chos la rab gnas nas// gsod pa'i don du rab gsol byed// mA ma kI zhes bya ba'i ming // rig pa mchog tu gsang ba ste/ rgyu mi dmigs pa'i chos rnams kyi// dri ma med po stsol bar byed// gnyis pa'i dbyangs dang yang dag ldan// 'phags pa mi g.yo ba zhes bya// dbang chen sa bon yang dag ldan/ 'gro ba'i rdo rje rangs byed na/ gdug sems gzhan kun lta ci smos/ rlung gi dkyil 'khor sbyar byas pa// rang gi sa bon gnas shing 'phro// 'gro ba thams cad spong byed na// gdugs sems can gzhan spos ci dgos/ / de nyid me dang ldan pas ni// dbang dang dgug pa'i las rnams dang // bgegs dang dgra rnams ni ba ni// khyad par mi g.yo ba yis byed// don dam bden pa'i byin gyis brlabs/ / nam snang mdzad bya gnas las byung // gzhan gyi dmag dpung 'jom pa ni// rgyu ni ma yis gsal byas pa// drug pa'i dbyangs dang yang dag ldan// thig sa sgra yis rnam par brgyan/ / 'gro ba thams cad 'gugs par byed// rlung gi dkyil 'khor gyis grangs pa'i// ti sa mnadar la sogs// de yis phye mar rnyog par nges// rdo rje la gnas 'khor lo so// dbus gnas 'gro kun rengs par byed// gnas nas skyod par byed pa yis// 'byung po rnams ni dbang du byed// rtag pa'i gzugs su gnas nas ni// mi g.yo ba yi snying khar son// chos kyi dbyings mtshungs thob nas ni/ / bdag gi bdag nyid bsgom par bya// rlung gis bon rin po che// spyod pa'i steng du yang dag ldan// me las byung ba me la gnas// 'gro ba thams cad 'bebs par byed/ / sde tshan dang po'i dang po gang // sa yi yi ge steng du gnas// sde tshan lnga pa'i tha ma ni// drug pa'i sgra yi steng du gnas// 'og sum yis bon ldan// nyi ma'i dkyil 'khor dbus su ste/ / sa gsum thams cad 'bar bar byed// me yi phyogs su gnas nas ni// phyag rgya'i bdag nyid thams cad sgom// rlung lha me lha yang dag sbyor// rgyu ni byed pa mtshungs pa'o// rnam bsgyu / 'byu pon bsgrub pad+d+haH/ dbang nam ra ba las/ mtsha sa byu ba'i go sa can ba nga/ sum tshugs pa'i don// rig pa'i dzin dang sangs rgyas nyid// rna'i 'byor sa shes can sum chogs/ rtse ba 'di la 'grub gyur te/ 'dil ma chom mi bya'o// dbyangs dang mi gi thams ca sa/ myong ba'i dbye bas rnam par dbye// tshig dang ngag gi tshad rnams dang / ting nge 'dzin dang sngags 'byung ba// slob dpon man ngag las shes bya// gnan du bya ba ma yin no// rdo rje snying po rgyan ces bya ba'i rgyung chen po las/ rdo rjeka kwa'i sbyor ba mdor bsdus te bstan pa ste rgyas par slob dpon gyis mngon par spyad par bya'o// de nas bcom ldan 'das rnams slar yang 'dus pa gyur bas/ bcom ldan 'das rdo rje rnal 'byor gyi dbang phyug chen po la gsung ngag gi dkyil 'khor gsol ba btab bo// de nas bcom ldan 'das rnam par snang mdzad kyis gsol pa btab pa'i tshig garjes nyid sa/ 'brug gi sgra mtha' yas pa legs par bsgrags pa nam mkha'i mdzod kun nas rdo rje rgya che ba tshangs pa chen po'i sgra yongs su rdzogs pa'i don dang / de bzhin gshegs pa thams cad kyi gsung gi 'khor lo'i dkyil 'khor so sor yongs su rtogs pa'i don du/ / de bzhin gshegs pa thams cad kyi gsung grub pa zhes bya ba'i dkyil 'khor chen po bka' stsal pa/ nas yang dag bshad bya ba// gsung gi 'khor lo'i dkyil 'khor che// zlum po kun nas bzang po ste// zla ba'i dkyil 'khor lta bur gnas// de yi steng du padad+ma chen po// 'dab ma brgyad la ge sar can/ / de yi lte ba'i dbus su ni// yi ge mchog gi go 'phang nyid// bdag gis dngos grub bsgom par bya// ngag gi dbang phyug 'od chen po// snying khar zla ba der pad+ma// de yi steng du dung brtag bya/ / dung gi dbus su lce yin te// rdo rje'i rang bzhin dge ba'o// de yi steng du rin chen pad// yang na sangs rgyas gzugs brnyan yang // 'bar zhing rkan gyi mthar khyab pa/ / bdud rtsi'i rgyun ni rab 'bab pa// pa yi yi ge spyi tshugs pa// sangs rgyas kyi ni steng du gnas// bdud rtsi'i thigs pa 'dzag pa na// go rims bzhin du bsam par bya/ zla ba phyed dang zla ba gsum// zla ba bzhi 'am zla ba nyid// zla ba brgyad du rab mchog bsgoms// dkyil 'khor bzang po bsgrub par bya// skyil krung gis ni nyer gnas te// dang po'i sbyor ba'i dbang phyug skyes/ / chos kyi dbyings ni mtha' dag tu// thams cad du ni yongs su gang // sangs rgyas gzugs brnyan bsgom par bya// chos dbyings mnyam dang mi mnyam pa/ sangs rgyas kun gyi rjes skyob pa'i// ji snyed rig pa thams cad ni// lus dang ngag dang yid rnams kyi// phyag rgya de rnams bdag nyid mchog/ de rnams thams cad bdag nyid kyi// lus kyi dkyil 'khor la 'jug bsam/ / dung gi sgra ni gsal ba bsam// pad+ma'i khams la yang dag brten// pad+ma'i ge sar thig le las// sgra yi rang bzhin rdul phran rnams/ mgrin par son nas sgra gyur te// sgra ni dbyangs nyid lhag pa'o// slar yang lce ru son pa dang // yi ge mchog tu dge ba'o// lce yi yi ge cher 'bar ba// gcig nas gcig tu rdo rje'i tshul// kun nas rab tu 'od gsal ba/ / rdo rje'i ngag ni dam pa'i don// sgra yis nam mkha' kun gang bar// sgrub pos mdo ru bsdus te bzla// de bzhin du ni snying khar sgra'am// lce la 'od zer nges 'phros nas/ mchu 'am so la rab bkra ba'i// gal te 'od zer mthong na ni// de tshe grub par rnam par shes// grub pa'i ngag ni dam pa'i don// yang na lha ni gzhan pa yi// ngag gi sgrub thabs chen po mchog/ rang lce rdo rje'i rang bzhin bsam// bdag nyid rdo rje sems dpa'ang // 'bar ba'i sgron ma dang mtshungs pa// rang gi snying gi dbus kyi cha// yi ge mchog tu phra ba yi// a mi yi ge mnga' bdag mchog/ rnam par bkra ba nyi ma bzhin// rang gi lte ba'i mthar thug mtshungs// yi ge yi ger yongs su gzhol// phra mo mnyam pa'i mthar thug ni// 'bar zhing thig le dang mtshungs shing / snying gi dkyil 'khor gsal byed pa// de yi 'bar ba rab phra ba// ji srid kan gyi bar du so// slar yang yi ge thams cad ni// yang dang yang dugasal byed cing // lce la rdo rje 'bar ba ni/ / rdul phran lta bur byed bzhin pa'i// rdo rje 'bar ba stong phrag dag/ yang dang yang du rnam par 'don// 'jig rten kun tu de song ste// chos dbyings mnyam dang mi mnyam pa// mi ge'i rang bzhin rnam bkra ba/ / rang gis 'gro ba snang byas te// slar yang 'ong nas rang gnas su// 'jug pa ru ni yongs su brtag/ ji srid phyogs kun song ba yi// yi ge kha ru rab tu 'jug lus la lus can gyi gzugs brnyan/ / sems kyis phyag rgya legs par bsam// de nas sgra dang yi ge ni// lte bar song ste yongs su gnas// lte ba ru ni pad+ma mchog/ pad+mar rdo rje dri med mdzes/ / de yi steng du dung chen po// rab tu 'phro ba nyid du gnas// de las 'bar ba'i rnam pa'i sgra// brang gi gnas nas yongs su byung // slar yang mgrin par son nas su// rdo rje lce la yang dag reg/ 'gram pa sbyar ba'i dbus su ni// sangs rgyas gzugs brnyan dri ma med// kha ba bzho ltar dkar 'od// bcud len bdud rtsi'i thigs pa 'dra// rdo rje'i lce ni mtha' dag rnams// yang dang yang du gsal bar byed// ting nge 'dzin gyi rtsar song ste// slar yang snying pa nyid du song // thig le las ni gug kyang gyur// gug kyang ri mo ring po can// cha shAs rnam bzhi 'dus pa las da ni yi ger rnam pa shes/ / yi ge las ni gla skye zhing // sgra las nad de las dbyangs// dbyangs las ngag tu rnam par 'gyur// yi ga las ni cha shas tshogs/ tshig rkang dang ni dag ga rgyas tshig rkang las ni tshigs bcad dang / / de bzhin du ni gA za dang // 'phreng 'dzin rgyan chags de bzhin te// 'di ltar sngags dang rig sngags dang // rang gi snying por rab 'jug 'gyur/ de nas bzlas pa'i rnal 'byor che// blo gros ldan pas brtan byas te// dgug dang gzhug dang bcing ba dang // dbang du byas te bsgrub par bya// bzlas pa 'di yi sbyor ba yis// thams cad du ni brtan par bya/ / yid bzhin gyi ni dag 'grub bo// rmad byung mchog tu rnyed dka' ba'i// yang na lha ni gzhan pa yi// ngag 'grub thams cad skyob rnams kyis// yi ge gcig pa gsang chen po/ ngag gi sgrub thabs mchog tu dge/ sangs rgyas kun gyi bdag nyid ni// legs par mnyam par bzhag pas bsgom// rang nyid zla bar rdo rje che// 'bar ba'i 'phreng ba 'khrugs pa'i 'od// de la bstan bcos thams cad ni// nges pa gdon pa nyid du bya// ngag grub pa yi ye shes 'dis// thams cad mkhyen pa thob par byed// bstan bcos thams cad rab 'don cing // de nyid kyang ni 'chang bar byed/ / sems can kun gyis thams cad du// dngos po cung zad gang bsam pa// de dag thams cad rnam shes te// skad cig tsam la smra bar byed// rdo rje snying po rgyan ces bya ba las/ ngag gi sgrub pa'i thabs rdzogs so/ / / de nas bcom ldan 'das de bzhin gshegs pa rnams thams cad slar yang 'dus nas/ bcom ldan 'das de bzhin gshegs pa tham cad kyi thams cad kyi thugs chen po mchog gi dbang phyug la gsol ba btab pa/ bcom ldan 'das de bzhin gshegs pa thams cad kyi gsang sngags kyi mdzod kyi cho ga rgyas pa'i sgrub pa'i thabs bka' stsal du gsol/ de nas bcom ldan 'das chos thams cad kyi dbang phyug gis gsol ba btab pa'i tshig nye bar gsan nas/ de de bzhin no zhes bka' stsal nas/ de nas bcom ldan 'das kun nas 'khor lo'i dbang phyug gi rgyal po chen pos/ de bzhin gshegs pa thams cad kyi gsang sngags kyi mdzod kyi sgrub pa'i thabs kyi rim par phye ba'i cho ga rgyas pa bka' stsal pa/ de nas yang dag bshad bya ba/ / 'khor lo sgyur ba'i sgrub pa'i thabs// 'khor lo rtsibs brgyad pa'am yang na// rtsibs bcu drug pa rnam par bri// lte bar de bzhin gshegs pa dgod// 'khor lo'i 'phreng bas rnam par brgyan/ / mtha' ru rin chen rnam pa bdun// mkhas pa yis ni spel bar bya// de yi lte bar bdag nyid ni// 'khor lo sgyur ba stobs po che// sangs rgyas kun gyi sku chen po chos kyi dbyings dang mtshungs pa'i mchog/ de yi phyag rgya bgrangs las 'das// skad cig ma ni nyid la 'thon// 'gro ba thams cad snang byas nas// sngags kyi dbang phyug nyid la gzhug/ 'khor lo'i dngos grub gzi brjid che// 'khor lo sgyur ba bdag nyid 'gyur// chung dang tshe dang dbang phyug dang // rang dbang 'dod dgur spyod pa dang // kun tu 'gro ba nyid dang ni/ kun gyi dbang phyug phun tshogs 'bras// rga dang 'chi ba med thob cing // nges par 'khor lo sgyur dang mtshungs// gser gyi 'khor lo rin po che// de bzhin dngul dang shul nyid dang / / me tog can gyi lcags kyang rung // rang gi lag gis bzung nas su// dbang chen dkyil 'khor dbus su ni// sangs rgyas thams cad bsgom par bya// 'khor lo sgyur ba gzi brjid cha mtshan rnams kyis ni rnam par brgyan/ / de ltar bdag nyid bsgoms nas ni// 'khor los sgyur ba nyid du 'gyur// de la de yi sngags kyi tshig tu gyur pa ni/ oM sarba ta thA ga toSh+NI Sha a ba lo ki ti/ mur+t+ti tsakra la Ni dz+wa la dz+wa la d+hu na bi d+hu nA trA sa ya mA ra ya/ uts+tshu Ta ya ha na b+hany+dza pro khi nI kAN+Ta li ni a ba rI dzi tA stA d+hA ri Ni hUM hUM phaT phaT swA hA/ rtsa ba'i sngags so// oM i a pa na dzid+hid+ha ka swA hA/ sIng po'o/ / na maHsar+b+ba bud+d+hA nA~M/ a pro ti ha ta shA sa nA nAM a pa rA dze tA d+ha ki swA hA/ cho ga'i sbyang pa'o// 'khor lo sgyur ba rang grub ste// sangs rgyas nyid kun thob nas ni// ye shes tshe dang stobs dang dang shugs/ / yang na dbang phyug dam pa kun// dpa' bo thams cad ster byed na// dngos grub gzhan lta smos ci dgos// 'khor lo sgyur ba'i sgrub pa'i thabs so// nyi ma'i dkyil 'khor bri bar bya/ / nam mkha' la ni yongs su sgom// gzi brjid phung po ye shes che// sangs rgyas thams cad thob par 'gyur// gnyis su med 'byung sems kyi mchog/ dkyil 'khor mog tu rmad byung ba/ / de ni me mir shes par bya// sangs rgyas byang chub rab sgrub byed// de yang 'khor lo 'dzin rgyal po// 'khor lo sgyur ba legs 'bar ba// de la de bzhin rin chen bdun 'khor lo'i 'phang bas rnam par brgyan/ / 'khor lo'i dkyil 'khor dbus gnas par// nyi ma re rang bkra shis sgom// gzi brjid phung po sku chen po// sum cu rtsa gnyis mtshan 'chang ba 'bar ba'i 'phre 'khrugs dpa' ba ni/ / sdang ba shar ba lta bur gnas// de yi phyag rgya rtag tu bsam// nam mkha'i rnam par legs par gnas// chos kyi dbyings kyi mtha' klas pa// 'od zer 'phreng bas rnam par khyab/ / de dang bdag nyid rdo rjer sgom// sangs rgyas byang chub rab sgrub byed// kun tu kun nas thams cad du// dngos po kun las 'byung bar 'gyur// ye shes tshe dang stobs dang shugs/ / kun tu 'gro ba nyid dang ni// sangs rgyas thams cad nyid dag dang // rdo rje can kun nyid dang ni// gzi brjid mchog kun thob gyur nas// gzi brjid phung po 'dra bar 'gyur/ / de la sngags kyi tshig tu gyur pa ni/ oM ta thA ga toSh+NI Sha a ba lo ki ta sun+d+ha tidz+re rA shi dz+wa lA dz+wa la/ d+ha ka d+hu ka/ dA ra dAr/ bin+d+ha ban+ti/ hUM hUM phaT phaT swA hA/ rtsa ba'i sngags so// oM ta~M dzi rA si swA hA/ snying po'o// oM dz+wa la te dzo ra si hUM phaT/ nye ba'i snying po'o// dag pa'i sngags tshig 'di rnams kyis// nyi ma'i ye shes rab tu gsal// kun tu 'gro ba bsgrub par bya/ rig pa 'dzin pa nyid thob 'gyur// gzi brjid daphung po'i gsang sngags kyi sgrub pa'i thabs so// kun nas snang ba zhes bya mchog/ yi ge gsum pa stobs bo che/ gser gyi kha dog legs 'bar zhing // gtsug tor steng son 'od gsal ba// sngags pa rang bdag gis bsgom bya// kun nas snang ba lta bur 'gyur// oM AHhUM/ gsang sngags rtse mo dam pa ni/ / bsgoms pa tsam gyis thams cad du// brtan pa dang ni g.yo ba yi// 'gro kun kun nas snang bar 'gyur// kun nas snang ba'i gtsug tor gyi sgrub pa'i thabs so/ / chos kyi 'khor lo phyag rgya che// legs par mnyam par bzhag pas bsgom// sangs rgyas kun nyid kun gyi mchog/ chos kyi 'khor lo rab skor byed// 'khor lo 'di ni rtsibs bcu gnyis/ / rtsibs bcu gnyis pa yongs su gnas// rnam gsum gsum ni yongs bskor ba// bya ba'i don du dag pa ste// sangs rgyas rang bzhin sku chen po// nam mkha'i khrugs na gnas pa ste/ / chos kyi dbyings ni khyab pa ni// legs par mnyam parabazhags pas bsgom// 'gro ba brtan dang g.yo ba ni// 'di kun can cing 'brel 'byung ba// 'di ni chos kyi phyag rgya che/ / sangs rgyas byang chub rab sgrub byed// de yi sngags su gyur pa ni/ oM d+hu na pa ta ya tsin+da tsakre Na badz+ri Ni hUM/ gsang sngags 'di ni dpal ldan mchog/ chos kyi 'khor lo gnyis med 'char/ / skad cig tsam gyis thams cad du// dam pa'i chos ni rab sbyor byed// chos kyi 'khor lo sgrub pa'i thabs so// pad+ma rA ga'i rnam pa 'dra// sangs rgyas sku gzugs leg 'bar ba/ / rnal 'byor sbyor ba'i mchog bsgrubs na// nyon mongs rdo rje 'dra bar 'gyur// snying nas rdo rje gzugs brnyan 'dra// 'bar ba'i 'phreng ba 'khrugs pa'i 'od// de yi snying la rdo rje ma/ dri ma med pa skyes par 'gyur// nyon mongs rtag tu yongs zad cing // dgra rnams kun las rgyal bar byed// bden pa bzhi ni rtogs pas na// bden pa'i ye shes thob par 'gyur// sngags ni/ oM k+She sha a sha ni hU~M phaT/ 'di ni nyon mongs rdo rje'i sngags// drag cing drag pos gzhan gnon pa'o// sangs rgyas nyid kyang sbyar byed na// dngos grub gzhan lta smos ci dgos// nyon mongs rdo rje sgrub pa'i thabs so/ / / dbang chen dkyil 'khor la gnas pa'i// sangs rgyas rang bzhin stobs po che// bdud bzhi las ni rnam rgyal ba// legs par mnyam par bzhag pas bsgom// bden pa bzhi yi khu tshur rje/ / sras dang ngag dang de bzhin yid// bu tshur sangs rgyas thams cad kyi// gnyis med skye ba'i mtshan nyid de// rdo rje'i dbus su bsgom par bya// rang nyid sangs rgyas yin no zhes/ brtan dang g.yo ba'i 'gro ba ni// 'di dag thams cad ma skyes pa// rdo rje khu tshur bsgoms na ni// rdo rje khu tshur 'dra bar 'gyur// de la sngags su gyur pa ni// oM bi dza ya haH/ de bzhin gshegs pa'i khu tshur che/ / shes rab pha rol phyin gsal ba// sngags pas rtag tu bsgoms na ni// shes rab pha rol phyin pa 'thob// de bzhin gshegs pa thams cad kyi khu tshur gyi sgrub pa'i thabs so/ / / dngos po thams cad gyen 'phags pa// gdod nas zhi zhing mtshan nyid med// sangs rgyas rang bzhin sku chen po// dkyil 'khor chen po'i dbus su'o// rdo rje rdo rje'i bdag nyid sgom// 'bar ba lta bu'i gzi brjid kyis// 'di yis 'jig rten thams cad kyi// 'khor los sgyur ba nyid du ni// 'jig rten kun gyis thams cad du// kun nas phun sum tshogs pa kun/ / bkug nas gus par sbyin par bya// sngags ni/ oM dz+wa la dz+wa la dI pyA di pyA ut+ma NoSh+NI / Sha d+hu na d+hu na hUM/ steng 'gro'i gtsug tor zhes bya ba// sangs rgyas dpa' bo kun gyis gsungs/ 'di ni bsgrubs pa tsam gyis ni// sangs rgyas nyid kyang rnyed dka' min// de bzhin gshegs pa thams cad kyi gtsug tor gyi sgrub pa'i thabs so// / sangs rgyas rang bzhin phyag rgya che/ legs par mnyam par bzhag pas bsgom// tshad skyob gdugs dkar chen po ni// chos dbyings mnyam dang mi mnyam pa// zla ba'i dkyil 'khor dbus gnas par// zla ba'i kha dog cher 'bar zhing / / chu yi dkyil 'khor rnam dag pa// dri med puN+Da ri kar gnas// ri mo bdun gyis yongs su gang // bcud kyis len gyi mchog lta bur// sangs rgyas kun bdag bsgom par bya// dngos grub 'di yi sbyor ba yis// sems can rnams la thams cad du// re ba thams cad yongs rdzogs pa// 'di ni gtsug tor gdugs dkar che// sngags ni/ oM ma ma ma ma hA ni/ ni bsgrubs pa tsam gyis ni// ye shes tshe dang stobs mgyogs 'gro// dpa' bo thams cad thob 'gyur zhing // sangs rgyas nyid kyang rnyed dka' min// gdugs dkar po'i sbubs pa'i thabs so// zla ba'i dkyil 'khor dbus su ni// 'bar ba'i 'phreng 'khrugs ral gri ni// sngags pas snying khar bsgom par bya// rang gi bdag nyid sangs rgyas zhes// sangs rgyas rang bzhin sprin chen pos/ / nam mkha'i mthongs rnams yongs gang ba// bdag nyid gnyis med ngo bo yis// rnal 'byor gcig tu bsgom par bya// sngags kyi yi ge 'khor lo che// 'bar ba'i 'phreng ba 'khrugs pa'i 'od/ / sngags pa snying khar bsgom par bya// rgyal ba dam pa nyid du 'gyur// sngags ni/ oM dz+wa la dz+wa loSh+NI Sha dz+wa la dz+wa la ban+d+ha ban+d+ha/ dam dam/ drum dru ma/ da ha da ha na hUM phaT/ rgyal ba'i gtsug tor ral gri che/ / shes rab ye shes dri ma med// sngags pas kun nas bsgoms nas ni// rgyal ba'i gtsug tor 'dra bar 'gyur// rgyal ba'i gtsug tor gyi sgrub pa'i thabs so// sangs rgyas kun gyi rang bzhin sku// 'bar ba'i 'phreng ba 'khrugs pa'i 'od// seng ge'i khri yi steng du bsam// yang na rdo rje'i gdan la gnas// kun tu gtsug tor tshe 'bar ba// snying khar yongs su bsgom par bya/ / sangs rgyas kun gyi bdag nyid ni// yi ge dam pa yi ni gnas/ thog ma tha ma med zhig// chos kyi sku ni mchog tu che// de ni bsgrubs pa tsam gyis ni/ kun tu gtsug tor stobs po che// skad cig de la 'grub 'gyur te// rdo rje sangs rgyas kun gyi bka' bzhin no// sngags ni/ oM badz+ra ban+d+ha hUMHgsang sngags 'di ni dam pa gtso// sangs rgyas thams cad dbang bskur byed/ / rtag tu rnal 'byor pas bsgoms na// de ni kun gyis dbang bskur ro// kun gyi gtsug tor gyi sgrub pa'i thabs so// rdo rje snying po rgyan ces bya ba'i rgyud chen po las/ de bzhin gshegs pa thams cad kyi gtsug tor gyi sgrub thabs kyi cho ga rgyas pa'i rim par phye ba yongs su rdzogs so// / de nas bcom ldan 'das de bzhin gshegs pa rnams thams cad slar yang 'dus par gyur te/ bcom ldan 'das rdo rje rnal 'byor gyi dbang phyug la gsol ba btab pa/ bcom ldan 'das byang chub sems dpa' rnams thams cad kyi gsang sngags kyi sgrub pa'i cho ga rgyas par bka' stsal du gsol/ de nas bcom ldan 'das rdo rje rnal 'byor gyi dbang phyug chun pos de dag gis gsol ba btab pa'i tshogags na nas/ de ma thag pa kho nar de bzhin gshegs pa thams cad du bdag nyid byin gyis brlabs nas/ byang chub sems dpa' thams cad kyi gsang sngags kyi rim par phye ba bka' stsal pa/ shes rab ye shes rdo rje che// snying khar yongs su bsgoms nas su/ ral gri sngon po phyag na bsnams// dbang chen dang ni me las 'khrungs// ye shes chen po gzi brjid che// 'khrul pa med ci yi ge bral// sangs rgyas kun bdag shes rab mchog/ nyon mongs thams cad zad par byed/ / rdo rje kun bdag bkod pa po// kun tu 'gro ba'i dam pa'i don// dbyer med mchog tu gsang ba po// rim pa mchog gi bdag nyid 'di// zhal drug pa la phyag drug mchog/ mngon shes drug ldan yi ge drug/ rjes dran drug gi sbyor ba yis// phyag drug dam pa stobs po che// gzi brjid yang na stobs kyis kyang // kun nas yongs su gsal ba bo// gzugs che lus kyang che ba ste/ / nam mkha'i khrugs na rnam par gnas// yang na phyag gnyis shes par bya// ting nge 'dzin gnas sdig pa bcom// dpa' bo pad+ma la gnas pa// zla ba'i mdog can 'od po che// rnam 'byor pa yI ye shes phra/ / shes rab pha rol phyin pa 'bar// gdod nas ma skyes pa zhes bsam// sangs rgyas byang chub rab gsol byed// sangs rgyas rnams kyi ye shes mchog/ 'jam pa'i dbyangs zhes rab tu grags// de'i sngags ni// oM bAkya daM na maH/ gsang sngags 'di ni mchog tu gsang // gsang chen gyi ni dam par bzhed// rnam thar gsum gyi sgol gnas/ / pha rol phyin drug btu gsal// rang nyid shes rab yin no zhes// sngags pas rtag tu bsgom par bya// dbang po drug ni rab bsgyur te// sangs rgyas nyid ni rnal 'byor las/ pad+ma rA ga lta bu'i mdog/ ston zla lta bur cher gsal ba// sems dpa' chen po gser gyi mdog/ stobs po che ni bsgom par bya// 'di ni bsgrubs pa tsam gyis ni/ shes rab dri ma med par 'gyur// bstan bcos thams cad rab smra zhing // dbang phyug thams cad mdun na gnas// kun gyi rgyal po sngags pa nyid// rang nyid kun gyi rgyal mo mtshungs// rig pa 'dzin pa thams cad dang // byang chub kun gyi pha rol son// dbang phyug kun dang bde ba che// chos rnams kun gyi yon tan mchog/ rdo rje 'dzin pa thams cad dang // yang na sangs rgyas thams cad kyi/ / kun tu 'gro ba thob 'gyur ba// dngos grub gzhan lta smos ci dgos// dngul chu bcud len de nyid dang // rkang pas spyod pa dri med mchog/ ril bu dang ni mi snang ba// thams cad du ni sbyar bar 'gyur/ / dpal ldan 'jam pa'i mchog 'di ni// chos kyi gsung gi mchog las 'khrungs// sangs rgyas rnams kyi tshangs pa'i dbyangs// 'jam pa'i dbyangs zhes rab tu grags// 'di ni bsgrubs pa tsam gyis ni/ / bsam pa'i phun sum tshogs kun gyi// sangs rgyas kun tu brtan 'gro na// gzhan pa'i lha lta smos ni dgos// 'jam pa'i dbyangs kyi sgrub pa'i thabs so// / snying khar pad+ma chen po la// zla ba'i dkyil 'khor yongs su gnas// 'jig rten dbang phyug dpa' bo che// thugs rje chen po'i thugs ldan pa// phyag bzhi pa la zhal bzhi pa/ drung dang kun da zla ltar dag/ chos kyi dbyings las yang dag byung // chu yi dkyil 'khor chen po la// bdag nyid 'jig rten dbang phyug ches// de la gnas pa dge bsgom// rang bzhin gyis ni 'di dag kun/ / gdod nas ma skyes ma byung ba// gsang sngags chen po 'di yis ni// snying khar yongs su bsgom par bya// 'jig rten dbang phyug 'khor lo tsha// kun tu rnam par 'phros pa yis/ / 'bar ba'i 'phreng bas 'khrigs shing zhi// ral pa'i thor tshugs 'dzin pa po// ral pa'i dbus su dpa' bo che// 'od dpag meng po ldan pa'i bdag/ ston ka'i zla ba ltar bur gsal/ / kun tu nam mkha' yongs gang ba// gsang sngags sbyor ba dag bsgom par bya// rang nyid 'jig rten gsum rnam rgyal// chos kyi dbyings kyi mtha' klas pa// pad+ma'i lus kyi yang dag gang / / kun tu pad+ma rnams la ni// zla ba'i dkyil 'khor yang dag gnas// khams gsum rnam par rgyal ba'i sku// khyad par du bdag dgang bar bya// 'gro ba brtan dang g.yo ba kun snang dang mi snang dngos po ni/ / yang dang yang du blta bar bya// gdul bya ma lus sems la ni// stobs po ches ni dgang bar bya// kha dog dbyibs ni 'di bzhin du// sna tshogs gzugs la cher 'bar ba/ / kun nas yongs su bsdus nas ni// sngags pa'i mdun du gzhag par bya// de nas sngags pas de ma thag/ slar yang rtse gcig sems kyis ni// dgug dang gzhug dang bcing ba las/ / dbang du bya ba bsgrub par bya// 'jig rten dbang phyug thub chen po// bcom ldan rnal 'byor can grub na// dpa' bo thams cad stsol 'gyur zhing / rang gi dngos grub mchog rnams dang // rnal 'byor thams cad 'dzin nyid dang // rnam par rgyas pa'i nor ster 'gyur// rig pa 'dzin dang 'khor lo can// sa dang pha rol phyin sogs dang / sangs rgyas rnams kyang stsol 'gyur na// dngos grub gzhan lha spos ci dgos// de'i sngags ni/ oM A ro li ka/ gsang sngags dpal ldan mchog 'di ni// rang nyid khams gsum rnam par rgyal longs spyod thams cad bkug nas ni/ / skad cig tsam gyis rnam par sbyar// pad+ma'i sgrub pa'i sbyor ba yis// bdag nyid 'jig rten dbang phyug sgrub// 'jig rten gsum gyi rgyal srid ni// sring par bkug nas rnam par ste/ / 'jig rten dbang phyug gi sgrub pa'i thabs so// / thams cad rdo rje'i rang bzhin gzugs// ma yi dkyil 'khor dge ba ste// de yi dbus su bya ba dkyil 'khor rlung dang rab mtshungs pa/ / de yi dbus su de 'dra bsam// nyi ma yi ni dkyil 'khor ro// de yi dbus su gzi brjid che// 'char ba lta bu'i gzi brjid can// rdo rje'i lag pa gzi brjid can/ / rgyan rnams kun gyis rnam par brgyan// tshangs pa'i yul sa thams cad du// kun nas yongs su gsal bar byed// hUM gi yi ge sgra zab mo// drabar gyi sprin dang mtshungs pa'i 'od/ / rgyal po 'khyil ba dang mtshungs pa// zar ma yi ni me tog 'dra// 'byur ba dmar pos 'khrigs shing 'jigs// bskal pa'i me dang 'dra bar gnas// zhal bzhi pa la mches bzhi/ 'jig pa'i dus kyi thal ba 'dra// sprin gyi sgra dang mtshungs pa yi// hUM gi yi ge bzhi dang ldan// rdo rje hUM mdzad ces bya ba// rnal 'byor pas ni rtag tu sgom// sngags kyi tshig ni/ oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ a na ya ho b+ha ga bAn bid+d+ha rA dza hUM phaT/ rdo rje 'dzin pa'i rgyal po 'di// kun mchog srid pa'i dbang phyug gis// 'jig rten gsum yang 'gugs byed na/ / bud med gzhan lta smos ci dgos// tshangs pa khyab 'jug dbang chen sogs// chung ma dang bcas phyag rgyar bcas// de dag thams cad 'gugs byed na sdug bsngal can gzhan smos ci dgos/ / nyi ma'i dkyil 'khor dbus gnas par// rdo rje'i gzugs brnyan snying khar son// dbang po gnyis ni mnyam sbyor bas// rdo rje can gyis sngon du sgrub/ bsam pa thams cad rdzogs byed pa// bcom ldan rdo rje can 'grub 'gyur// rgyal po thams cad sbyin gyur na// dngos grub gzhan lha smos ci dgos// sngags ni 'dir/ oM tsa/ hUM dzaHgsang sngags 'di yi sbyor ba yis// dam pa'i don du bsgrub par bya// longs spyod ji snyed thams cad rnams// de skad thams cad rnam par ste// rdo rje 'dzin pa sgrub pa'o// dbang chen dkyil 'khor la gnas pa'i// byams pa chen po'i bdag nyid sku// snying khar zla ba'i gzugs brnyan 'od// rdo rje 'bar ba'i 'phreng ba ldan// 'jig rten khams ni 'byam klas pa/ / rang bzhin gcig tu byas nas ni// rdo rje yis ni spro ba dang // dbang bskur ba yi rang bzhin dge/ gser gyi kha dog legs 'bar ba// ral pa'i thor tsugs 'dzin pa po// ral pa'i dbus su mchod rten che// dung dang kun da zla 'od bzang // bsgoms nas sems can thams cad la// brten pa'i don du dbang bskur bya// yang na sems can thams cad la// bu gcig/ lta bur rnam par spro// sgom pa'i sbyor bas bsgoms na ni// gnyis meng ma rgyal ba las rgyal// spro ba dang ni bsdu ba dang / thim sogs phyogs dbyes rnam par dbye// byams pa kun tu rnam par spro/ chos dbyings mnyam dang mi mnyam pa// thams cad bdag dang bdag gi bar// 'das shing shin tu dri ma med// ri rab lta bur brtan pa'i sems// 'khrul pa med cing yi ge bral// de ltar sems ni brtan byas nas/ mnyam med sems can kun dang mnyam// bdag nyid byams pa yin no zhes// dga' ldan gnas pa'i tshul 'dzin pa// cung zad li zhing 'khril pa'i sgra// pad+ma rA ga mtshungs pa'i 'od rin chen sems ni rnam dag pas/ / rang bdag nyi ni bsgom par bya// 'di'i gsang sngags rang bzhin gyis grub pa ni/ oM i dzi tany+dza sarba satwa sa ma ya ma nu ga ta swA hA/ gsang sngags bdag nyid rgyal po 'di/ / byams pa zhes ni grags pa ste// chos kyi dbyings dang mtshungs par khyab// byams pa'i thugs ni yid du 'ong // dang po'i sbyor ba'i rnal 'byor gyi// sgrub pa'i thabs mchog bsgom par bya/ / oM mai tre ya tI/ 'di ni bsgrubs pa tsam gyis kyang // dga' ldan du ni gan+da par 'gyur// sgrib pa kun dang bral ba'i bdag/ rang nyid lha yi bu dang mtshungs/ byams pa'i sbyor bas bsgoms na ni// 'di ni byams pa lte byar 'gyur// byams pa'i sangs rgyas zhing du ni// rang bzhin gyis ni skye bar 'gyur// de mdun chos ni legs mnyan nas// sa dang rol phyin pa dang / / dbang dang ting 'dzin thob nas ni// de ni byang chub sems dpar 'gyur// mthar yang sangs rgyas thams cad ni// byams pa'i yid kyis thob par 'gyur// byams pa'i sgrub pa'i thabs so/ / rang gi lus ni thams cad ni// nam mkha' mtshungs pa nyid du sgom// chos bdag med pa bskyed nas kyang // rang nyid nam mkha'i snying por 'gyur// gsang sngags 'di yi sbyor ba yis/ / mkha' mtshungs dpe las rnam par 'das// nam mkha'i 'od zer gyur pa yis// sems can rang gi sems las spro// thams cad sems las spros nas ni// slar yang rim kyis bsngo bar bya/ nam mkhar mnyam par 'gro ba blta// rang gi de nyid kyis sbyar bya// rin chen dkyil 'khor dbus gnas par// rin chem kha dog 'od chen po// rgyan rnams kun gyis lus brgyartan pa/ lag na rin chen stobs po che// rin chen sbyor ba bsgom pa yis// nam mkha'i dam pa 'grub pa yin// sngags ni/ oM A kA sha gan+d+ha ya swAhA/ nam mkha'i snying po stob po che/ bcom ldan rnal 'byor 'grub par 'gyur/ / rang gi dngos grub thams cad ni// ster bar 'gyur te dpyad mi dgos// dpa' bo sangs rgyas thams cad kyi// dngos grub ji snyed bka' stsal pa// nam mkha'i snying po bsgrubs pa yis/ / de dag thams cad myur du ster// nam mkha'i snying po sgrub pa'i thabs so// sangs rgyas kun gyi rang bzhin sku// rgyan rnams kun gyis brgyan pa yis// kun tu bzang po 'od bzang po/ / zla ba'i dkyil 'khor dbus su ni// sngags pas rtag tu bsgom par bya// dngos grub mchog ni thob par 'gyur// rang gi lus ni ji snyed pa'i// rang gi phra rab rdul rnam kyis/ de dag thams cad mtshungs par bya// sangs rgyas sku yi sku nyid du// yang na ba spu'i khung rnams su// rang gi 'khor los yongs bskor nas// sangs rgyas kun dang mtshungs byas te// bdag ni kun tu bzang po zhes// yi ge lnga pa zhes su bshad// 'di yi sngags chen bzlas par bya// yang na 'dir ni lha gzhan gyi// rtag tu sngags su gyur pa'o// oM swA hrIHkA ya swA hA/ gsang sngags rgyal po che gsang zhing // gdong nas dag cing rang byung ba// 'di ni bsgrubs pa tsam gyis ni// shes rab dri ma med par 'gyur// de yi ye shes dri med cing // gzugs mdzes pa ni de dang mtshungs/ / bstan bcos thams cad rab smra ba// kun bzang mchog tu bdag 'gyur ro// kun tu bzang po'i sgrub pa'i thabs so// / zla ba'i dkyil 'khor dbus gnas par/ / rgyan rnams kun gyis brgyan pa yi// sgrib pa thams cad rnam sel ba// dam pa'i don du bsgom par bya// gsang sngags 'di yi sbyor ba dang // bcud kyis len gyis bde blag tu/ / ring po nyid du mi thogs par// sgrib pa rnam sal mtshungs par 'gyur// sngags 'byung ba ni/ oM sarba ni war Na biSh+kam+b+hi swA hA/ oM ni sa rA ya swA hA/ gtso bo gsang sngags 'di 'dzin la/ / rnam par sel ba grags pa ste// thams cad sgom pa'i sbyor ba yis// phyag rgya kun gyis thams cad du// gdod nas skyi mang rang bzhin gyis// gdod nas dag cing 'gyur ba med// de ltar chos 'di shes nas ni// lha nyid dang ni mnyam byas nas// rnyog pa med cing zag med pa'i// rjes su rnal 'byor gyis bsgrub bya// ut+pal sngon po'i 'dab ma ltar// gsal ba'i rnam par gnas pa'o/ / dbang chen dkyil 'khor la bzhugs pa'i// me yis yongs su bskor ba yi// phyag na ral gri gzi brjid che// yang nas yang du sems byed cing // dngos grub 'di ni gzi brjid che// rnam sel mchog gi dbang phyug ni// mtha' las 'das pa'i dngos grub mchog/ thams cad nas ni stsol ba nyid// rnam par sel ba sgrub pa'i thabs so// / dbang chen dkyil 'khor steng du ni/ / rdo rje yi ni dbus na bzhugs// gser gyi mdog can sku chen po// 'bar ba lta bu'i gzi brjid can// snying khar rdo rje'i phyag rgya gnas// sa snying zhes byar bdag nyid sgom/ / rang gi lhag pa'i lha sbyor bas// rang gi gsang snga ga brjod par bya// sa snying zhes byar bdag bsgoms nas// sngags kyi yi ge mchog bde 'di// oM k+Shi haHrA dzaHswA hA/ bsam yas sngags mchog 'di yis ni// dngos grub thams cad rab gsol mdzad// sa yi snying po zhes grags pa// dam pa'i don du rnal 'byor pas// sa'i snying po'i sgrub pa'i thabs zad pa med cing 'khrul pa med/ / zag med mchog gi shes rab can// zla ba'i dkyil 'khor dbus su ni// shes rab rdo rje'i bdag nyid dge/ blo gros mi zad rnyed dka' ba/ 'bad pa yis ni bsgom par bya// ma yi dkyil 'khor dbus su ni// gser gyi mdog dang ldan pa'i gzugs// rgyal po chen po zla ba'i 'od// 'od kyi dkyil 'khor rab tu gsal// sngags ni// oM a k+Sha ya ma ti swA hUM/ sngags kyi yi ge gsang ba 'di// thams cad blo gros gsal bar byed// ye shes mi zad 'dod pa yis// 'bad pa yis ni bsgrub bya ste// dngos grub kun gyi mchog shes bya/ / shes rab ye shes dri me mdzes// sangs rgyas nyid kyang thob gyur na// dngos grub gzhan lta ci zhig smos// blo gros mi zad pa'i sgrub thabs so// / kun nas shes rab chen po can/ / zla ba'i dkyil 'khor la brten par// gser gyi kha dog gzi brjid che// rgyan rnams thams cad kyis brgyan pa'i// gzhon nu'i gzugs can rtag bsam bya// re ba thams cad rdzogs par mdzad/ / rang gi lhag pa'i lhar sbyor ba// nam mkha'i bdag po bdag yin no// lus ngag yid kyis thams cad du// thams cad rig pas brtan par bya// shin tu dri med byang chub sems// rang snying me long lta bur bsam/ / de nas yi ge'i tshig bkod de// mkha' mdzod bdag ces bdag nyid kyis// bsgoms nas rdo rje rdo rje'i bdag/ mkha' la rin chen 'byung gnas dang // yid bzhin nor/ bu dpag bsam shing // de bzhin bum pa bzang po sogs// 'jig rten kun gyi dbang phyug gis// nye bar mkho ba thams cad 'bab// 'jig rten kun gyi rdzas thams cad// ji snyed yod pa de dag kun/ / 'dir ni skad cig tsam nyid la// dngos grub dam pa stsol bar 'gyur// / oM ga gA na gany+dza gaM swA hA/ nam mkha' mdzod kyi dngos grub che// nor gyi rgyun gyi rab 'bebs pa// nam mkha'i mdzod ni stobs po che/ / skad cig tsam gyis byed par 'gyur// nam mkha' mdzod kyi sgrub pa'i thabs so// rin chen dkyil 'khor las byung ba/ rin chen phung po char rab 'bebs/ / rin chen gzi brjid mchog tu rol// lag na rin che dang bsgrub bya// lag na rin tshon phyag rgya che// zla ba'i dkyil 'khor dbus gnas par// rdorje sbyor bas bsgom par bya// bdag nyid rin chen zhes bya dang / / rin chen thams cad sgrol bar mdzad// thams cad rdo rje bzhin bdag nyid// pri yang ku mdog sngo bsangs 'od// dbang chen dang ni me las byung // phyag na rin chen cher gsal ba/ / rab tu 'bad de bsgom par bya// oM rat+na pA Ni ra mu swA hA/ gsang sngags 'di ni brtson 'grus che// rab tu 'bad de bsgrubs na ni// 'gro ba kun gyi lag tu ni/ rin chen thams cad rab stsol byed// lag na rin po che'i sgrub pa'i thabs so// / chos kyi dbyings dang mtshungs pa'i sems// bdud rtsi'i chu yis rab gang ba// stong gsum zhes ni bsam par bya/ / pad+ma gcig gi steng na gnas// de yi steng du gzi brjid che// chu lha yi ni gzugs kyi mchog/ de skang du yang gsang chen po// me yi dkyil 'khor dam pa ste// de yi steng du brtson 'grus che/ / rtse mo brgya pa'i rdo rje byung // de yi steng du pad chen po// 'dab ma brgya pa 'od gsal ba// de steng rtag tu bsam pa ni// byang chub sems dpa' stobs po che/ rgya mtsho'i blo gros zhes grags pa// 'bar ba'i 'phreng ba 'khrigs pa'i 'od// dung dang kun da zla ba'i mdog/ rgyan rnams kun gyis rnam par brgyan// de yi lag na phyag rgya che// rdo rje dung du rab tu grags/ / rang gi lhag pa'i lha sbyor bas// rang nyid rdo rje yin no zhes// rgya mtsho'i blo gros shes rab che// slar yang gsang sngags bzla bar bya// sngags ni/ oM sA ga ra ma ti sar swAhA/ sngags 'di mchog dang gtso bo ste// shes rab ye shes dri med mdzes// rdo rje'i sbyor bas myangs na ni// shes rab rgya mtsho'i blo gros mtshungs// rang nyid sangs rgyas 'jam pa'i / dbyings// thugs rje 'jig rten dbang phyug rgyal// dngos grub gzhan lta smos ci dgos// rgya mtsho'i blo gros kyi sgrub pa'i thabs so// dbang chen dkyil 'khor lnga gnas pa'i ut+pal sngon po 'dab 'dra'i 'od/ / rdo rje snying po brtson 'grus che// zla ba'i dkyil 'khor dbus su ni// ji snyedas stengs mtha' dag tu// khyab la sdug cing mtho ba yi// sra zhing snying po rnam dag pa'i// mchog gi yi ge 'gyur med pa// sa bcu'i dbang phyug mgon po ni// chos kyi sprin la spyod mdzad pa// bsam yas sA ni yang dag brnyes// in+d+ra nI la mtshungs pa'i 'od/ / de yi sngags gyur mdzes pa ni// yi ge mchog ni steng du 'baro// thugs kar rdo rje cher gsal ba// rang nyid rnam par 'phro ba bzhin// sngags ni/ oM badz+ra gar+b+ha hUM/ 'di ni sngags mchog gtso bo ste// sangs rgyas byang chub rab sgrub byed// ye shes yangs pa stsol mdzad cing // rnam pa kun tu phun tshogs kun// sangs rgyas nyid kun snol mdzad na/ dngos grub gzhan lta smos ci dgos// dgug dang gzhug dang bcing ba dang // dbang du bya ba sgrub par byed// bdag nyid rdo rje yin no zhes// nga rgyal rab tu bskyed nas ni// rdo rje snying po bzhin du gzhan/ / bdag gi rnal 'byor bsgom par bya// thugs kyi rdo rje nyid gyur nas// chos kyi dbyings dang mnyam pa thob// des na rnam pa thams cad kyi// rdo rje snying yang dag byung / / rdo rje snying po mkha' rdo rje// sbyin byed rtse mo drug pas bsgrub// rdo rje snying po sgrub pa'i thabs so// dbang chen med las yang dag byung // nor bu rin chen 'dra ba'i lus/ zla ba'i dkyil 'khor la gnas pa'i// nyi ma'i dkyil 'khor mtshungs pa'i 'od// rin chen 'byung ba sems chen po// 'gro ba snang bar byed de gnas// pad+ma mkha' 'dra'i rnam pa can// phyag rgya de yi snying khar gnas// rin chen sbyor bas bsgom par bya// rin chen char pa 'bab par 'gyur// sngags ni/ oM rat+na kaHhrI rat+na da da swA hA/ rin chen 'byung gnas rgyal po 'di/ mchog rnams kyi ni sa'i dbang phyug/ sbyor ba kun gyis bsgrub par bya// rgya che'i nor rnams stsol bar 'gyur// rin chen 'byung ba'i sgrub pa'i thabs so// de bzhin gshegs pa thams cad kyi snying po rdo rje'i rgyan gyi rgyud chen po las/ sangs rgyas dang byang chub sems dpa' thams cad kyi sgrub pa'i thabs so// // de nas bcom ldan 'das de bzhin gshegs pa thams cad slar yang 'dus te gshegs nas/ / bcom ldan 'das thog ma dang tha ma med pa'i dam pa'i chos kyi 'khor lo bskor ba chen po la gsol ba btab pa/ de bzhin gshegs pa thams cad kyis khro bo bcom ldan 'das skyed du gsol/ de nas bcom ldan 'das khro bo 'khor lo sgyur ba chen pos de skad ces gsol ba btab ma thag kho nar// rdo rje khro bo'i dkyil 'khor gsang ba las ches gsang ba bka' stsal pa/ de nas yang dag bshad bya ba// khro bo yi ni dkyil 'khor mchog/ rlung khams rab tu gsal ba la// me ni dbus nas dbus su'o// de yi dbus su rdo rje che/ 'od zer lnga yi 'phreng bas mdzes// de yi mdun du bya ba yang // mdung rtse 'bar ba chen po yi// de yi g.yas kyi cha ru ni// rdo rje chen po 'bar 'phreng can// g.yon nyid du ni btson che// rig pa'i 'phreng bas rnam par spras// rgyab tu ral gri'i phyag rgya ni// rin chen 'bar bas rnam par brgyan// phyi ngos rnams su rnam khros pa'i// khro bo thams cad dgod par bya// de yi sngags kyi yi ge gsang / / gsang chen mchog tu 'bar ba'o// gzhal du med cing grangs med mchog/ chos dbyings mnyam dang mi mnyam pa// yi ge gcig pa gsang chen po// rgyu yi don du rtogs par byed/ / dbyangs lnga dang ni yang dag ldan// thig le sgra yis rnam par brgyan// de nyid gsang ba'i mgon po ni// dbyangs bdun par ni bshad pa yin// he ru ka dpal rdo rje ma// 'jigs pa'i thal ba mchog tu 'bar// sems dpa' sngon po 'bar ba'i bdag/ 'bar ba'i me yi dkyil 'khor bzhin// 'jig pa chen po'i dus can gyi// char sprin dang ni 'dra ba'i 'od// pad+ma rA ga'i rnam pa 'dra// 'bar ba kun gyis rnam par brgyan// dur khrod me bzhin shin tu yang // gsal ba'i sgra ldan stobs po che// rno ba'i rdo rje cher 'bar ba/ thod pa'i cod pan steng du 'bar// 'jig pa chen po'i dus can gyi// rgod ma kha yi me ltar gnas// smin 'khyog rnam par 'khrug pa can// g.yon brkyang ba yi zhabs kyis bzhugs// khro bo la sogs nyams dang ldan/ / rnam pa sna tshogs 'khrugs pa'i gdong // gar dang sdud par yang dag ldan// 'jig rten snang ba gar mdzad pa// phyag ni brgya phrag stong dang ldan// gcig tu 'gyur zhing rnam pa mang / / rnam snang zhal ldan de dag gi/ sngo ser la sogs tha dad ldan// zhabs kyang rnam pa dum ldan// sna tshogs mdog ldan rnam par 'khrug/ de nyid bcom ldan rnal 'byor te/ / khro bo'i rgyal po stobs po che// shin tu gdug cing drag rnams la// sgyu 'phrul dra ba zhes byar gnas// phyag drug zhal drug snang ba can// zhabs drug pa ste gsus pa che// char hrIn mdog 'dra cher gnag pa/ / dus mtha'i ma dang 'dra bar gnas// mdog chen rgyal po 'khyil pa 'dra// zar ma yi ni me tog mtshungs// khro bo thod pa'i 'phreng ba 'chang // gla shin rje mthar byed stobs po che/ / de la sngags kyang / oM AHhUM phaT/ oM ya ma mtha na hUM phaT/ oM hrIHSh+ThAHbi kri tAn na hUM sarba sha trun na sha ya stAm+b+ha ya hU~M phaT/ sngags kyi rgyal po bdag nyid 'di// khyab bdag gdul dka' 'dul ba po/ / gshin rje mthar mdzad khro bo che// sangs rgyas kun gyi bdag nyid gtso// sangs rgyas thams cad spyan 'dren cing // dbang du yang ni mdzad par gnas// rtag tu gdul dka' 'dul mdzad cing / / rdo rje snang mdzad legs par 'dul// shin tu gdug pa drag rnams la// zhi ba nye bar mi sbyar te// shes rab thabs kyi bdag nyid kyis// de bzhin gshegs rnams khro bor mdzad/ / thugs rje khro bo'i ngang tshul can// 'jig rten gsum yang nges sreg mdzad// de bas 'bad pa thams cad kyis// shes rab thabs kyi bdag nyid sku// thugs rdzas khro bo ma lus mchog/ gdug pa 'dul ba mdzad pa bskyed// gshin rje mthar mdzad kyi sgrub pa'i thabs so// de nyid bcom ldan rnal 'byor te// khro bo gzegs ma zhes su grags/ / dmar po 'bar ba'i khro bo che// 'jig pa chen po'i dus dang 'dra// ut+pal sngon po'i 'dab ma bzhin// de yi kha dog rnam par bsam// drag po chen po zhal bzhi pa// 'bar ba'i 'phreng ba 'khrig pa'i 'od/ / spyan gsum pa la khro gnyer bsnyer// phyag drug pa la mchog tu 'bar// me yi khams dang 'dra ba'i mdog/ li khri'i mdog ltar shin tu 'bar// de yi khro gnyer bsnyer ba yis/ / gdug pa 'dul mdzad 'byin par byed// khro bo'i rgyal po gnyis pa ni// yang dang yang du bsam par bya// ma lus sa rnams thams cad du// son pa'i bdag nyid chen po des 'gugs pa dang ni dbang byed na/ / skye bo gzhan lta spros ci dgos// sngags ni/ oM ka Ni d+ha ni hUM phaT/ khro bo 'di yi sngags 'dzin pa// 'jig rten gsum mchog stobs po che/ / sa rnams thams cad sreg byed na// skye bo gzhan lnga smos ci dgos// khro bo gzegs ma sgrub pa'i thabs so// de nyid bcom ldan nal 'byor te// rdorje sems dpa' de bzhin gshegs/ / pad+ma gar gyi dbang phyug gyur// rta mgrin zhes su bshad pa yin// rtag tu 'char ka'i mdog 'dra ba// rgya skyegs mdog ltar dmar ba po// chu dang gzi brjid can rig pa/ / me yi dkyil 'khor dag dang ldan// 'dod ldan rnams la 'dod pa 'byung // gdug pa can rnams gdugs pa 'byung // zhi ba la yang zhi ba 'byung // stobs ldan rnams la stobs kyis sbyor/ / zhal bzhi pa la zhabs bzhi pa// bsam gtan bzhi dang mnyam por ldan// phyag bzhi pa la brtson 'grus che// seng ge ltar gnas mche ba bzhi// rta mgrin rgyal po chen po ni/ / ngom pa'i dbang phyug bsgrub par bya// skad cig nyid la bslangs nas ni// thams cad slong ba bsgrub par bya// sngags ni/ oM a mri tod+b+ha bod b+ha ba hUM phaT/ oM a mi tong b+ha ba hUM phaT/ g.yas dang g.yon gyi sbyor ba yis// g.yon brkyang ba ni rab tu smra// khro ba'i skyil mo krung byas nas// 'jig rten thams cad rab nyid bya// pad+ma'i dbang phyug rgyal dzakun mchogs yi dbang phyug ste/ / rta yi mgrin pa stobs po che// stobs kyi sbyor bas bsgrub par bya// dbang phyug chen po la sogasaH// tshogs kyi bdag po gzhan dag dang / mi dang gdugs pa'i bsam pa can// sa rnams thams cad dgug par bya// rta mgrin sgrub pa'i thabs so// de nyid bcom ldan rnal 'byor te// gcig pu nyid ni lhag pa'i lha/ shes rab thabs kyi bdag nyid gyur// khro bo mchog tu mi 'gyur ba// kun sbyor bdag gi rnal 'byor gyis// thugs rjes khro bo'i dbang du song // de nas sangs rgyas thams cad kyi// sna yi rtsa mor yid kyis ni/ / g.yo ba med par bsam par bya// slob dpon mi g.yo khro bo che// de bzhin gshegs pa thams cad brtan// ral gri zhags pa 'dzin pa gang // thog ma tha ma med pa'i mchog/ pri yang ku ltar ldang ba'i gzugs// 'khrigs shing byis pa lta bur gnas// ma lus pa yi sa rnams kun// chos dbyings mnyam dang mi mnyam pa// khro bo mngag pa bran dang ni/ po nyas kyang ni rnam par brgyan// skye bo kun gyis yongs su gang // sangs rgyas kun gyi spyan snga na// bka' lung yang ni yongs su sgrol// zad pa'i dus dang 'drar gnas so// sngags ni ramaHsa maN+Da badz+ra NA tsaN+Da ma hA ro/ dam mr-i Ta ya hU~M/ tra ka rbA ma~M/ khro ba'i gzi brjid chen po 'od// gzugs mang mnga' ba stobs po che// 'gro ba thams cad 'grags par byed// dbang duya ni mdzad par gnas/ / rlung dang me las yang dag byung // 'bar ba lta bu'i gzi brjid can// sngags dang phyag rgya sogs kun mchog/ lus dang ngag yid de bzhin no/ / dgug dang gzhug dang bcing ba dang // dbang du byas nas bsgrub par bya// de la sogs pa mtha' yas mchog/ nam mkha'i khams kyi mtha' klas mchog/ khro bo phyag rgya rang 'byung ba/ drag po thog ma tha ma med// rnam par 'phro ba bzhin du gnas// de bzhin gshegs pa thams cad kyi rdo rje snying po rgyan gyi rgyud las/ khro bo'i dkyil 'khor 'di yongs su rdzogs so// de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das la de bzhin gshegs pa thams cad kyi gzungs thams cad kyi dbang phyug gi rgyal po bcom ldan 'das la gsol ba btab pa/ bcom ldan 'das gzungs rnams thams cad kyi dkyil 'khor bskyed par mdzad du gsol// de nas bcom ldan 'das kyis gzungs kyi dkyil 'khor bka' stsal pa/ de nas yang dag bshad bya ba// gzungs rnams kyi ni dkyil 'khor dag/ gru bzhi pa la sgo bzhi pa// rta babs kyis ni rnam par mdzes// thig bzhi dang ni yang ngag ldan/ / dkyil 'khor dam pa rab tu bshad// de yi dbus su pad chen po// lo ma kun gyis shin tu mdzes// nyi shu rtsa lnga'i 'dab pa ldan// rdo rje rin chen legs par brgyan// de yi dbus su rtag bri ba/ / dpag med shes rab pha rol phyin// de yi nye 'khor thams cad du// sna tshogs las ni 'bar rnams la// nyi shu rtsa lnga'i dbye ba yis// shes rab pha rol phyin ma bri// shar gyi 'dab ma nas brtsams te// thog mtha' nyid kyang brtag par bya// phyag rgya'i yi ge ci rigs par// go rims bzhin du rnam par dgod// phyogs cha'i dbye ba tha dad kyis// kha dog dbye ba thams cad du/ / rnam dbye mchog tu sna tshogs pa// chos dbyings mnyam dang mi mnyam pa// de las 'od zer bsam mi khyab// sngo ser la sogs dbye ba yis// shes rab snang ba'i dkyil 'khor gyis/ / 'gro ba thams cad gsal bar bya// 'dus par gyur nas de dag kun// lha nyid kyi ni gzugs ji bzhin// shes rab chen po gzugs chen po// 'bar bcas mdzes pa'i gzi brjid can/ / de yi lte ba'i dkyil du ni// sngags kyi dkyil 'khor kun nas brten// sku ni gser gyi mdog dang 'dra// rgyan rnams kun gyis rnam par brgyan// rang gi ting 'dzin la zhugs/ / du ma'i gzugs kyi gzugs ldan pa// shes rab pha rol phyin ma ni// sems can khams ni rnam sbyong mdzad// kun nas sems can rnams kyi yum// sems can kun gyi thams cad du/ / thams cad lus la mnyam par khyab// sems kyi rgyun bzhin legs par zhugs// zag pa med cing bosam mi khyab// dri ma med cing ngang gis stong // nam mkha' dang ni mtshungs 'dra ba/ / dngos dang dngos med rnam par spangs// thog ma tha ma med cing zhi// chos rnams kun gyi dbang phyug sku// sdig pa kun las rnam par grol// bden pa gnyis la rnam par gnas/ / dam pa dang ni dam pa'i don// chos kyi sku ru de bshad do// dbang po kun kyang rnam par shes// sems can thams cad thams cad du// yid kyi rnam shes zhes su bshad/ / shes rab blo dang blo gros ldan// lhag mthong dang ni ye shes kun// kun nas nyon mongs rnam par byang// rtag dang chad pa'i mtha' dang ldan// mtha' gnyis po ni rnam par spangs/ / kun rdzob dang ni dam pa'i don// rnam pa gnyis su de rab brtags// ji ltar bud shing la brten nas// me yi sa bon gnas pa dang // til la til mar ji bzhin no// bur shing ro bzhin rab tu brtag/ me tog dri ni ji bzhin nam// zhol mar gsar ji bzhin du// rnal 'byor pa yis ye shes srub// bdud rtsi lta bu'i snying po 'byung // gtsub shing dang ni gtsub stan la/ / ji bzhin gtsub pas me 'byung ste// de bzhin ye shes rnal 'byor pas// bsrubs pas yongs su brtag par bya// shes bya'i dkyil 'khor thams cad la// yang nas yang du srub par byed/ / mun pa thams cad rnam sel ba'i// nyi ma'i 'od zer ji bzhin bdag/ nam mkha'i dri ma med brten nas// nyi ma zla ba bzhin du gnas// 'char ba yi ni gsal byed pa// 'bar ba stong phrag gi ni snod/ / mun pa kun 'joms skar ma la// kun nas kyang ni mdzes pa yin// rnal 'byor pas ni ji ltar sems// mkha' bzhin shin tu dri ma med// gzung 'dzin las/ ni nges par grol// mnyam dang mi mnyam dngos po kun// de nas rnal 'byor pa rnams kyis// ye shes nyi zla mtshungs pa'i 'od// shes rab pha rol phyin bsgoms te// gsang sngags 'dis ni bsam par bya/ / rang bzhin gyi ni dag pa'i dngos// rang bzhin med par rnam par gnas// rang bzhin gyis ni 'od gsal kun// gdod nas ma skyes rnyog pa med// yi ge de nyid de lta/ bu/ gnas dang mi gnas rnam par spangs// sde tshan bzhi pa'i gnyis pa la// thig le sgra yi rnam par brgyan// de nyid bcom ldan mgon po ste// shes rab pha rol phyin mar bshad// oM prany+dza swA hA/ oM shru tI smr-i ti bi dza ye swAhA/ sangs rgyas rnams kyi shes rab 'dis// bsam pa thams cad rdzogs par byed// oM yaM/ 'di ni sangs rgyas kun gyi yum// 'di ni 'khor lo rnam par sbyar/ / 'di ni dngos grub thams cad dang // grub pa 'di ni byed par gnas// bstan bcos rab tu 'chad byed dang // shes bya thams cad khyad par du// thams cad mkhyen pa'i chos rnams kun/ / dbang phyug dam pas shes par 'gyur// shes rab kyi pha rol tu phyin ma'i sgrub pa'i thabs so// / shes rab pha rol phyin gnyis pa// rdzu 'phrul chen po mkha' dang mnyam/ / gser gyi mdog can 'bar ba can// zla ba'i gdan la legs par bzhugs// brtson 'grus chen po bsam gtan bya// sngags kyi yi ge rnam par brgyan/ / mchog tu rnal 'byor ma rnams kyis// sangs rgyas spyan zhes btags pa yi// de yi gsang sngags rab bshad bya// nyon cig sa rnams 'dod pa rnams// sngags ni/ oM ru ru / sU ru dz+wa la tiSh+Tha sid+d+ha lo tsa ni sarba ar+tha sA d+ha ni swAhA/ 'di de mchog tu gsang ba ni// rnal 'byor ma la mchog tu bshad// dbang chen yi ge'i mthar thug pa// bsgoms pas dge ba rab tu ster// chos kyi phyag rgya 'di shin tu// sems can thams cad dbang du byed// dpung dang bcas pa myur bkug ste// bran du gyur nas nye bar gnas// phyag rgya gcig pa'i lha mo che// rol cing g.yo ba'i zhal mnga' ba/ / sgeg pa la sogs nyams dang ldan// rol cing snang ba'i gar mdzad pa// sangs rgyas spyan ni 'grub par 'gyur// mig gi phyag rgya rab tu sbyar// mig gi phyag rgya 'di shin tu/ / 'jig rten gsum yang gar byed do// sangs rgyas spyan gyi phyag rgya'i sgrub pa'i thabs so// // chu yi dkyil 'khor dgyes pa na// bcud kyis len dang mtshungs pa'i mchog/ mtha' yas rgyas shing yangs pa yi// dri ma med pa'i mkha' la gnas// dkyil 'khor de yi dbus su ni// lha mo mchog tu mdzes pa mo// 'dam bu mnga' rgyu'i mdog ltar dkar/ / grub ma ral pa'i cod pan 'chang // 'gro ba mtha' dag snang mdzad ma// rtag tu nam mkha' bzhin du gnas// sngags ni/ oM ka Te bi ka Te ka T+wA~M kaT+Te swAhA/ gos dkar mo yi phyag rgya ni/ / dung dang kun da zla ba 'dra// sngags kyi yi ge 'phreng ba che// pad+ma'i rgyal po rab tu gnas// 'gro ba mtha' dag sdang mdzad na// sgrub pa pos ni bsgrub par bya// dam pa'i lha mo 'grub par 'gyur// pad+ma'i dkyil 'khor sgrub pa'i thabs// zhi ba'i ro dang yang dag ldan// zhi ba'i yi ge mnyam par ldan/ zhi bar mdzad cing 'jig rten gyi// sa gsum sgrub par byed pa'i thabs/ gos dkar mo'i sgrub pa'i thabs so// sngo bsangs dkar mo sna tshogs gzugs// rnam pa sna tshogs rgyan gyis brgyan// zla ba'i dkyil 'khor dbus gnas pa// sgeg pa'i nyams kyis yongs gang ba/ / 'gro ba mtha' dag skyob mdzad ma// thugs rje'i thugs dang ldan pa can// rab tu 'bad de bsgrub par bya// rol pa yi ni yi ge mchod// sngags ni/ oM tA re tut+tA re tu re swA hA/ chos kyi phyag rgya mtha' yas mchog/ sgrol mas legs par rab tu gnas// gsang chen bzhin du thams cad la// bcud kyis len dang 'dra ba'i mchog/ kun tu kun tshe thams cad du/ / dngos grub thams cad stsol bar mdzad// sgrol ma'i sgrub pa'i thabs so// / dkyil 'khor chen po'i dbus su ni// rnal 'byor dbang phyug chen mo mchog phyag bzhi spyan ni gsum pa dang / / ral pa'i cod pan ngag gis gnas// 'dam bu mda' rgyu'i mdog ltar dkar// dpa' ba la sogs nyams kyis brgyan// brtson 'grus chen mo 'jigs sel ma/ / zla ba'i dkyil 'khor dbus gnas par// rab tu 'bar ba'i me bzhin du// shin tu gsal ba'i gzi brjid can// hUM gi yi ge zab mo'i sgra// sa gsum po ni 'khrug par mdzad/ / khro gnyer can zhes legs par grags// sngags kyi 'phreng bas rnam par brgyan// sngags ni/ oM b+ha ya nA sa ni trA sa ni trA se/ tra sa ya/ b+h+r-i ku Ti ta DI twe tA Di be ra shwa te sheH dzadziTi ni/ oM Tak+ki hUM dzaHswA hA/ gsang sngags 'di ni brtson 'grus che// gsang sngags kun gyi ba gnyid mchog/ 'gro ba kun kyang 'gugs byed na// gdug pa'i sems lta smos ci dgos// khro gnyer can gyi sgrub pa'i thabs so// nyi ma'i dkyil 'khor dbus gnas par// zla ba'i dkyil 'khor rdo rje ldan// rdo rje'i 'phreng bas yongs su bskor// gzi brjid dkyil 'khor kun nas dkris/ / der gnas rtag tu lha mo ni// stobs chen pri yang ku ltar ldang // phyag bzhi par de bsam par bya// rgyan rnams kun gyis rnam par brgyan// rnal 'byor ma rnams cher zhig/ dngos grub thams cad rab stsol ba// sngags kyi yi ge 'phreng ba che// rdo rje'i dbus song rab tu gnas// khro bo hUM mdzad gang ba'i mtha'// dpa' ba'i nyams la sogs par ldan// lha mo 'jig rten gsum rmongs byed/ / dngos grub chen po rab stsol ma// skad cig tsam gyis 'gro ba kun// nges par dbang du byed par 'gyur// rdo rje'i rlung gi 'phreng ba che// rdo rje'i 'khor lo rab tuganas/ / 'jig pa chen po'i me ltar drag/ snang ba chen mo stobs mo che// pad+ma rA ga'i rnam pa 'dra// rdo rje 'bar bas rnam par brgyan// mtshan ni mA ma kI zhes bya// lha mo 'jig rten gsum gyis mchod/ / sngags ni/ oM kA la d+hA tri ya na ma/ shaM ka rA/ shAn+tiM ka re/ g+hun+da g+hun+na g+hun+da ni/ g+hA ta ya g+hu Ti ni swAhA/ oM ku lan d+hA ri/ ban d+ha ban d+ha hU~M phaT/ gsang sngags 'di ni don gyi mchog/ sangs rgyas kun gyis gsungs pa yin// sa gsum po ni 'gugs byed cing // tshangs pa la sogs lha rnams kun// 'gro ba thams cad 'gugs byed la// rang gi dbang du gnas pa'ang yin/ mA ma kI'i sgrub pa'i thabs so// rlung gi dkyil 'khor drag po la// rdo rje lu gu rgyud kyis bskor// de yi dbus su snang ba che// zla ba'i gzugs kyis rnam par brgyan// des spros pa las bdag nyid ni// rdo rje lu gu rgyud kyi sku// phyag bzhi ma la lha mo de// rdo rje yi ni rgyun gyis brgyan// dmar po 'bar ba de yis ni// sa gsum po ni 'ching bar mdzad// tshangs pa khyab 'jug dbang phyug che/ / bkug nas dbang du mdzad par gnas// dngos grub thams cad 'dzin pa dang // de yi thugs kar rdo rje che// 'bar ba'i 'phreng ba 'khrigs pa'i 'od// 'bar ba lcags sgrog gi/ rnam pa rdo rje'i mtshan mas mtshan// nges par phyung nas de dag kun// chos dbyings mnyam dang mi mnyam pa'i// 'jig rten khams ni mtha' dag tu/ / kun nas rnam par bkang nas kyang // bsgom bya rdo rje thams cad du// khro bo dang ldan spro ba'i zhal// lto ba 'phyang zhing sku che ba// mche ba bzhi yis rnam par brgyan// 'bar ba / yi ni 'phreng ba gsal// gzugs mdzes drag po'i gzugs dang ldan// sngags ni/ oM badz+ra shri kha lA ya d+hi pa ta ye/ ma hA ba lA ya/ ma hA bi tA rA dzA ya tA pra dz+wa li tA/ ha s+thu ya na mo nI la kar+N+Na ya ki rA ta rU pa lam+bo da rA ya/ b+h+r-i ku TI mu khA ya/ mA dzA ra mu khA ya/ mA dzA ra mu khA ya/ tsa tu daMSh+Ti kA rA lA yA/ e t+ye he a s+ya sha rA ri/ ma nu pra ba sh+tsa/ shi r-i gr-ih+Na grI bA gr-ih+NA ha staM pa daM gr-ih+na bi Sha/ A be sha yA/ ka pa ya/ kaM pa ya/ b+h+ra ma ya b+hU ma ya/ maN+Da la ma d+h+ya/ bi rgurba bi rgurba/ tsur+t+ta tsUr+d+ha kuT+Ta kun+da/ s+pho Ta ya s+pho Ta ya/ maR+YArtA/ ni krim+b+haH hr-i da ya/ ts+tshin+da/ ba lA ba la/ kiny+tsa rA ya si/ de ba/ nA ga/ yAMk+Sha/ rAk+Sha sa pi shA tsAn sA d+ha ya/ sa ma ya ya ma nu smA rau/ dzA ti ma nu smai ra hA hA/ ni d+h+r-i nid+d+hi/ ni shi ni shi/ badz+ra shri ba la/ A dz+nyA pa ya ti swAhA/ oM badz+re re Ni hUM phaT/ oM badz+re Ni hU~M phaT/ oM badz+ra kA li hU~M phaT swA hA/ gsang sngags 'onga'i myor ba yis// bcud kyis len ni bde ba dang // 'gro ba thams cad 'bas pa dang / / gdug pa rnams ni 'ching ba dang // tshangs pa la sogs lha rnams dang // lha dang lha min lto 'phye che// 'jig rten skyong dang klu rnams kyang // rang gi gnas nas bskyod nas ni/ / grub pa kun gyi dngos grub ni// dngos grub 'gugs par 'dod pa yis// thams cad gus pas sbyin par byed// bud med gzugs kyis bsgrub par bya// rdo rjel gu rgyud mo'i sgrub pa'i thabs so/ / / zla ba'i dkyil 'khor dbus gnas par// pad+ma dmar po rab tu garas// phyag bzhi pa la du ma'i gzugs// dung dang kun zla ba 'dra/ thugs kyi rdo rje'i de nyid yin// rdo rje'i dkyil 'khor dbus su ni// zhi ba la sogs nyams dang ldan// chos rnams kun gyi bdag skyes mchog/ rnal 'byor pas ni rtag tu sgom// sangs rgyas bye ba yang dag 'byung / / dar bdag yang dag sgo ba ni// skul byed ma zhes yongs su grags// sngags kyi 'phreng ba'i yi ge ldan// kun nas rnam par 'phro byed pa// nam mkha'i khams ni yongs gang bya/ / ji srid de yi spyod yul yang // de srid de yi 'od zer bsgoms// rnal 'byor ye shes kyis rab sprul// sngags ni/ oM tsa le tsu le tsun+de swA hA/ 'di yi sngags kyi mchog gtso bo/ / sangs rgyas kun gyis mchod pa po// mtshungs pa med pa'i dngos grub ster// lnga dang lha min bcas pas mchod// 'di yis sdig kun 'dzad byed cing // phur sum tshogs kun rab stsol mdzad/ / pad+ma'i phyag rgya yang dag ldan// sangs rgyas nyid kyang ster byed pa'o// skul byed ma'i sgrub pa'i thabs so// / gsang ba mchog gi dgyes pa na/ / thams cad bdag nyid rtag tu bzhugs// sangs rgyas kun bdag dgyes pa ni// rdo rje sems dpa' bde ba'i mchog/ 'di ni rang byung bcom ldan 'das// gcig pu nyid ni lhag pa'i lha/ / sangs rgyas kun dang mnyam sbyor ba// mkha' gro ma yi dra ba'i sdom// 'dod chags med cing chags bral med// dbu mar dmigs par mi 'gyur ro// bud med kun gyi sgyu ma'i rgya/ / 'di ni gnyis med theg pa'i mchog/ sgyu ma dag ni thams cad las// bud med sgyu ma khyad par 'phags// nus pa yi ni rang bzhin gyis// rang bzhin nyid kyis de grub bo 'jig rten gsum gyi bud med 'dis/ / bskur bar bya ba 'os pa yis// ngan spyod rnams kyis kyang 'grub ste// rnyed pa kun dang bde dang spro// thams cad bud med sgyu mas 'grub// rang gi ngo bo yongs bsgyur ba// sna tshogs sgyu ma'i phyag rgya 'dis// shes rab pha rol phyin mar bshad// kun la sna tshogs phyag rgya ni// kun la sna tshogs sdom pa yis// sangs rgyas kun dang mnyam par sbyor/ / stong pa nyid kyi de nyid bskul// kun la kun nas thams cad du// rnam kun kun tshe rang nyid kyi// sangs rgyas thams cad brtan dang g.yo// thams cad dngos po rang nyid 'gyur/ / sems dang sems can ting 'dzin dang // byang chub spyod pa sna tshogs nyid// sa dang pha rol phyin spyod pa// dbang nyid du yang de bshad do// bdud dang bdud lhas rgyal ba nyid/ / sangs rgyas rdo rje de bzhin gshegs// thog mA tha ma med zhi ba// byang chub sangs rgyas bcom ldan de'o// rdo rje rdo rje 'dzin pa nyid// pad+ma de bzhin pad+ma 'dzin/ / nor bu nor bu 'dzin pa nyid// sna tshogs de bzhin sna tshogs 'dzin// ral gri ral gri 'dzin rgyal po// 'khor lo de bzhin 'khor lo 'dzin// 'jig rten gsum rgyal nyid dang ni/ 'di rnams kyi yang rigs nyid 'gyur// de nyid chags dang chags bral ba// 'dod dang thar pa ru yang 'gyur// dus gsum dang ni srid gsum mchog/ 'jig rten gsum dang khams gsum pa/ / brtan pa thams cad de nyid de// rnam pa sna tshogs nyid du 'gyur// g.yo ba kun nas sna tshogs pa// thams cad du ni de 'gyur ro// de la sogs pa mchog gi mchog chos dbyings mnyam dang mi mnyam pa/ / nam mkha'i khams kyi mtha' klas pa// dngos po kun tu de 'gyur ro// de nyid bcom ldan rnal 'byor te// gcig pu nyid ni lhag pa'i lha// nam mkha kun gyi skabs na dpal/ / rdo rje sems dpa' de bzhin gshegs// dpal ldan sgyu ma chen po 'chang // rnam snang rtag pa thams cad du// rnal 'byor dbang phyug gtso chen khyab// sangs rgyas 'khor lo can mi bskyod/ / tshe dang rin chen 'byung stobs che// tshe dpag med pa kun nas mchog/ don yod sna tshogs mdzad pa dang // rdo rje sems dpa' blta na sdug dgug pa mchog gi sbyor ba dang / / logs par mdzad pa de nyid yin// rin chen sgrol ma de bzhin tog/ rdo rje bzhad pa snang ba che// rdo rje chos dang rno ba che// sgyu dang smra mchog bdud rtsi dang / las dang go cha gnod sbyin che// khu tshur de bzhin gshegs pa kun// de nyid bcom ldan rnal 'byor 'di// rdo rje sems dpa' stobs po che// rdo rje hUM mdzad hU~M mdzad dang / rta mgrin zhes ni rnam par grags// he ru ka dpal rdo rje che// mchog gi dbang phyug gshin rje gshed// khro bo gzegs ma snang ba che// rdo rje ma ni 'od chen po// gzungs rnams kyi ni mchog gcig pu/ / ting nge 'dzin las dbang sgyur ma// shes rab pha rol phyin mchog gtso// sa dang pha rol phyin pa stobs// tshangs pa'i gnas pa chen po bzhi// dbang ni mchog tu 'bar ba dang / / dran pa nye bar gzhag pa bzhi// dbang po rnam dang stobs rnams dang // rjes dran drug por gyur pa gang // bsgom par bya bar rab tu gnas// de nyid bcom ldan gcig pu nyid// byang chub yan lag bdun btags pa// mtha' gcig yongs su rdzogs par 'gyur// sum cu rtsa gnyis mchog gi mtshan// 'jig rten 'das pa'i lam po che// 'phags lam yan lag brgyad btags pa/ / stobs bcu yi ni bcu pa nyid// sangs rgyas chos kyi bdag nyid gnas// byang chub phyogs kyi chos chen po// rnam par dbye ba sum cu bdun// mthar gyis gnas pa'i snyoms 'jug ni/ / dgu la gnas par gyur pa dang // bsdu ba'i dngos po chen po bzhis// sems can bsdu bas bsdus pa dang // so so yang dag rig pa bzhi// de bzhin srung ba mi mnga' ba/ / skal pa chen po'i mi 'jigs pa// mchog tu gyur pa nyid dang ni// bsam gtan gzugs med bzhi phrag gnyis// tshad med pa yang de bzhin no// byang chub sems kyi spyod pa dang / / bden pa bzhi ni ston pa po// kun nas nyon mongs rnam par byang // zag bcas zag pa med pa'i mchog/ de nyid bcom ldan rnal 'byor te// dbang phyug mchog gi dbang phyug dang / / skye dgu'i bdag po skye dgu'i mgon// mchog gi bdag nyid ces su brjod// kun rdzob brjod pa thams cad dang // sgra rnams kyi ni spyod yul 'gyur// brjod du med cing spros pa bral/ / stong pa mkha' mnyam mtshungs pa med// tshig mtha' sgra yis rnam dgod pa// 'jig rten tha snyad tshul du rtogs// de tshe lus sogs dbye ba yis// sa rnams kyis ni yongs su brtags/ / sku ni sprul pa nyid du 'gyur// longs spyod rdzogs pa yang dag brnyes// rdo rje'i sku dang de bzhin du// ye shes sku sogs yongs su brtags// mtha' yas sku dang chu chen po/ / rin chen su ni 'od byed pa// pad+ma'i sku ni snang ba che// thams cad spya ni las bzang byed// rtogs par bya ba las kyi sku// rnam pa gsum du'ang bar bya/ / de nyid bcom ldan rnal 'byor te// byang chub sems ni 'od gsal ba// kun tu 'od kyi sa chen po// nyi ma'i dkyil 'khor gzi brjid ldan// gnyis pa bdud rtsi'i 'od ces bya/ zla ba'i 'od ni 'od gsal ba// gsum pa nam mkha'i 'od ces bya// mkha' bzhir legs par rab tu gnas// rdo rje 'od mtha' gang zhigs// bzhi pa de ni yid 'ong ba/ bsam pa brtan pa'i sbyor ba yis// rdo rje zhes ni yongs su bsgrags// lnga pa rin chen 'od ces bya// dbang bskur bar ni rab tu gnas// drug pa pad+mo 'chang zhes bya// pad bzhin rab tu rnam par snang / / rang bzhin gyis ni chos nyid dag/ bdag po med cing yongs bzung med// bdun pa las kyi 'od ces bya// sangs rgyas 'phrin las mdzad pa che// brgyad pa dpe med pa zhes bya/ / dpe ni de la yod ma yin// dgu pa dpe dang bral zhes bya// dpe rnams thams cad rab 'jug pa// bcu pa shes rab 'od ces bya// sangs rgyas sa ni bla ma med// bcu gcig kun mkhyen nyid ces bya// sa chen po ni 'od gsal ba// bcu gnyis so sor bdag rig pa// rnal 'byor ye shes yongs rdzogs nyid// sa chen po ni 'di dag rnams/ sangs rgyas rnams kyis don dam du// sangs rgyas dang ni sangs rgyas chos// rnal 'byor ye shes gang brjod pa// thams cad nyid ni mtha' yas mchog/ chos dbyings mnyam dang / mi mnyam pa// de bzhin gshegs pa thams cad kyi rdo rje snying po rgyan gyi rgyud chen po las/ sngags kyi de kho na nyid do// / de nas bcom ldan 'das de bzhin gshegs pa thams cad kyis/ bcom ldan 'das thog ma dang tha ma med pa chos kyi 'khor lo chen po bskor ba rnal 'byor gyi dbang phyug chen po la gsol ba btab pa// de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig gi de ma thag nyid du/ de bzhin gshegs pa thams cad mnyam pa nyid du dmigs pa rdo rje zhes bya ba'i ting nge 'dzin la mnyam par bzhag nas/ / mnyam par bzhag pa'i de ma thag tu yang bcom ldan 'das de bzhin gshegs pa thams cad kyi thugs rdo rje la rjes su bcug nas/ bcom ldan 'das rnam par snang mdzad kyi lus dang / ngag dang / yid mnyam pa nyid du byin gyis brlabs nas rnam par bzhugs so// de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi skur bdag nyid rtogs nas ting nge 'dzin las bzhengs te/ 'jam dpal gzhon nur gyur pa la 'di skad ces bka' stsal to// 'jam dpal de bzhin gshegs pa thams cad kyi theg pa chen po mngon par rtogs pa zhes bya ba'i dkyil 'khor chen po yod do zhes gsungs nas cang mi gsung bar bzhugs par gyur to/ / de nas 'jam dpal gzhon nur gyur pa de bzhin gshegs pa thams cad kyi byin gyi rlabs kyis stan las langs te/ bla gos phrag pa gcig tu gzar nas/ bcom ldan 'das kyi spyan sngar pus mo g.yas pa'i lha nga sa la btsugs te/ thal mo sbyar nas btud de 'di skad ces gsol to// bcom ldan 'das bstan du gsol/ shes rab kyi pha rol tu phyin pa dang / thabs kyi theg pa chen po mngon par rtogs pa zhes bya ba'i dkyil 'khor chen po gang du zhugs pas/ sems can thams cad thabs chung ngus de bzhin gshegs pa thams cad kyi mchog gi dngos grub thob par 'gyur ba bka' stsal du gsol/ de nas bcom ldan 'das rdo rje rnal 'byor gyi dbang phyug chen pos/ 'jam dpal gzhon nur gyur pa la bka' stsal pa/ 'jam dpal legs so legs so// 'jam dpal khyod gang slar yang de bzhin gshegs pa thams cad kyi dam tshig la rjes su zhugs pa ni 'jam dpal khyod legs so legs so/ / de legs par rab tu nyon la yid la zung zhig dang theg pa chen po mngon par rtogs pa zhes bya ba'i dkyil 'khor chen po bshad par bya'o/ / de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad kyi rdo rjes byin kyis chu pa zhes b+hA ba ting nga 'dzin la snyoms pasgrugs nas/ dam tshig nan pod+harnam m+b+ha bya tshol theg pa chen po mngon par rtogs pa nas bya ba'i dkyi 'khor 'di bka' stsam pa/ denas dkyil 'khor chen po mchog/ yang dag rab tu bshad bya ba// dam tshig chen po rdo rje mchog/ snying po chen po'i rgyan ces bya// gru bzhi pa la sgro bzhi pa// rta babs bzhis ni mdzes par byas/ / thig bzhi dang ni mnyam par ldan// 'od zer 'bar bas 'khrigs pa'i 'od// rdo rje snying po yongs bskor ba// byang chub shing gis nye bar mdzes/ dkyil 'khor grwa rnams dang // sgo dang sgo khyud mtshams rnams su// rdo rje rir chen rnams kyis sbas// rdo rje pad+ma thams cad la// las kyi rdo rje thams cad du// 'bar ba'i 'phreng ba 'khrigs pa'i 'od/ / dril bcas sna tshogs mchog dang ldan// rgyal mtshar bsgreng ba rlung bskyod pa'i// gos dang me tog chun pos spras// zla ba phyed pas nye bar mdzes// ral gri rdo rje ut+pa la// lcags kyu la sogs sna tshogs brgyan// chu yis dkyil 'khor yongs bskor ba// khor yug bzhin du rnam par gnas// de la'ang sgo dang sgo khrung sogs mkhas pa yis ni spo bar bya/ / de yi nang du bri bar bya// 'khor lo chen po rab tu gnas// cha brgyad kyis ni yongs su bskor// dkyil 'khor legs par rnam par spras// rdo rje'i thig gis yongs su bskor// rdo rje'i 'khor lo cher 'ab ba// de yi dbus su snying po che/ rdo rje'i snying po zhes sra bshA // de yi steng du rdo dzaH/ rdo rje pad+ma rab tu gnas// pad+ma'i steng du rdo rje che// 'khor lo'i dkyil 'khor dag gis brgyan// dung dang kun da zla ba dkar// sangs rgyas kun gyi gdan du bshad// de yi sted du legs bzhugs bya/ / khyab bdag rnam par snang mdzad che// zla ba'i mdog ldan 'dzum bcas pa// ting 'dzin ldan gnas sdig pa bcom// rdo rje'i 'brang bas rnam par spras/ sna tshogs 'bar bas 'khrigs pa'i 'od// rin chen chen po'i 'phreng ba ches// smras pa rnam par dgod par bya// de sngags rtag tu shes bya ba// yi ge yi ni mchog gtso bo// sha sa'i sde pa gsal byed ni/ / mchog gi dbang phyug rgyu gcig pu// drug pa'i dbyangs kyis legs gsal ba// thig le nA das legs par brgyan// rten cing 'brel 'byung 'khor lo yi// don can rab tu bskyang bar bya/ / de nyid bcom ldan rnal 'byor can// gcig pu nyid ni lhag pa'i lha// chos kyi sku ni ye shes che// rdo rje rnal 'byor dbang phyug bshad// de nas yang de bzhin gshegs pa mi bskyod pa dang / ye shes kyi 'od zer dang // de bzhin gshegs pa spyan ras gzigs dbang phyug gi rgyal po dang / de bzhin gshegs pa rdo rje rnam par gnon pa dang debazhin gshegs pa thams cad kyi sku dang / gsung dang / thugs rdo rje nyid du rang gis bdag nyid byin gyis brlabs te/ bcom ldan 'das de bzhin gshegs pa shAkya thub pa'i phyogs thams cad mnyam pa nyid du dmigs nas phyogs bzhir 'khod do/ / dbang chen dkyil 'khor mi bskyod pa// me yi dkyil 'khor ye shes 'od// chu yi dkyil 'khor 'od dpag med/ / rdo rjes rnam gnon rlung dkyil 'khor// de nas bcom ldan 'das byang chub sems dpa' chen po kun tu bzang po'i dam tshig las 'byung ba sems dpa' byin gyis rlob pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi rdo rje'i snying po rgyan gyi snying po 'di nyid kyi thugs ka nas phyung ba'o/ / oM badz+ra satwa/ de nas 'di rnam par phyung ba tsam gyis de bzhin gshegs pa thams cad kyi thugs ka nas rdo rje'i 'od zer rnams phyung ste/ rdo rje'i 'od zer de rnams kyis 'jig rten gyi khams thams cad snang bar byas te gsal bar gyur nas/ de nas rdo rje'i 'od zer de rnams kyis 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi skus 'jig rten gyi khams rnams su gshegs nas/ 'jig rten gyi khams thams cad snang bar mdzad de/ sems can thams cad kyi don bya ba mngon par rdzogs nas/ slar yang gcig tu 'dus te byang chub sems dpa' chen po kun tu bzang po'i skur gyur nas/ bcom ldan 'das rdo rje rnal 'byor gyi dbang phyug chen po'i rdo rje snying po'i thugs kar gnas te ched du brjod pa 'dis ched du brjod pa/ e ma'o rdo rje snying po bdag/ sangs rgyas ye shes bla na med// snying po ye shes rnam dag pa/ / rdo rje sems dpa' nyid gyur nas// byang chub sems dpa' brtan bskyed de// sangs rgyas ye shes bla na med// gang zhig brtan phyir lus min yang // sangs rgyas sku nyid du 'gyur ro/ / de nas rdo rje'i sku byang chub sems dpa' chen po bcom ldan 'das kyi thugs ka nas 'thon te/ bcom ldan 'das mi bskyod pa'i nye 'khor thams cad rnam pa bzhis phye ste dkar po/ / ser po/ dmar po/ ljang khu'i mdog tu mngon par sprul nas rang gi sngags kyi yi ges zla ba'i dkyil 'khor la brten te gnas par gyur to// dgug pa'i ting nge 'dzir ri/ oM badz+ra rA dzaH/ rjes su chags pa'i ting nge 'dzin ni/ oM badz+ra rA ga/ de bzhin gshegs pa thams cad la legs par mdzad pa'i ting nge 'dzin ni/ oM badz+ra sa d+d+ha/ de bzhin du rin chen 'byung ldan gyi dkyil 'khor la dbang bskur ba'i ting nge 'dzin ni/ oM badz+ra rat+na/ nyi ma'i dkyil 'khor gyi ting nge 'dzin ni/ oM badz+ra te dza/ de bzhin gshegs pa thams cad kyi nam mkha' mdzad kyi ting nge 'dzin ni/ oM badz+ra ke tu/ de bzhin gshegs pa thams cad kyi bzhad pa chen po'i ting nge 'dzin ni// oM badz+ra hA sa/ de bzhin du 'od dpag med pa'i dkyil 'khor yang thugs rje'i nga nge 'dzin ni/ oM badz+ra d+harmA/ shes rab kyi pha rol tu phyin pa'i ting nge 'dzin ri// oM badz+ra trAk+Shi/ dam pa'i chos kyi 'khor lo'i ting nge 'dzin ni/ oM badz+ra ha tu/ de bzhin gshegs pa thams cad kyi sems dpa' smra ba'i tIng nge 'dzin ni/ oM badz+ra b+hA Sha/ de bzhin du rdo rje don yod pa'i dkyil 'khor la/ las sna tshogs pa'i ting nge 'dzin ni/ oM badz+ra karma/ brtson 'grus kyi pha rol tu phyin pa'i ting nge 'dzin ni/ oM badz+ra rak+Sha/ de bzhin gshegs pa thams cad kyi khro bo'i ting nge 'dzin ni// oM badz+ra yak+Sha/ de bzhin gshegs pa thams cad kyi sku dang gsung dang / thugs khu tshur bcings pa'i ting nge 'dzin ni/ oM badz+ra san+ni/ de ras bcom ldan 'das rnam par snang mdzad de bzhin gshegs pa thams cad kyi ye shes kyi phyag rgya'i dam rig rdo rje dbyings kyis byin gyis brlabs pa zhes pa'i ting nge 'dzin la snyoms par zhugs te/ nyid kyi thugs ka nas 'di phyung ngo // oM badz+ra d+hA tu hUM/ rang gi rig pa mchog ni/ oM badz+ra d+hU tI shwa ri hUM badz+riH/ de nas de bzhin gshegs pa mi bskyod pas de bzhin gshegs pa thams cad kyi rdo rje sems dpa'i dam tshig ye shes kyi phyag rgya'i dkyil 'khor byin gyis brlabs pa zhes ba'i ting nge 'dzin la snyoms par zhugs te/ nyid kyi thug kA nas rang gi rig pa mchog 'di phyung ba/ oM a ko b+h+yaHaM/ oM dz+nyA na muSh+Ti tsid+d+ha badz+re badz+ra Ni hUM/ de nas d e bzhin gshegs pa'i 'od zer gyis de bzhin gshegs pa thams cad kyi rdo rje rin po che'i dam tshig gi ye shes kyi phyag rgya'i dkyil 'khor gyis byin gyis brlabs pa zhes bya ba'i ting nge 'dzin la snyoms par zhugs nas/ nyid kyi thugs ka nas rang gi rig pa mchog 'di ba ka stsal pa/ oM rat+na saM b+hA ba tAM/ oM badz+ra dz+nyA na gar+b+ha ti hUM/ de nas de bzhin gshegs pa 'od dpag tu med pa de bzhin gshegs pa thams cad kyi rdo rje chos kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ nyid kyi thugs ka ras rang gi rig pa mchog 'di bka' stsal pa/ oM a mi tA b+h+ya hrIHoM badz+ra d+ha ri Ni hUM/ de nas de bzhin gshegs pa rnam par gnon pas de bzhin gshegs pa thams cad kyi rdo rje las kyi dam tshig gi ye shes kyi phyag rgya'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ / rang gi rig pa mchog 'di bka' stsal pa/ oM a mo g+ha sid+d+hi aM/ oM badz+ra ma hA ba le hUM/ de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi yul la rnam par gzigs shing / de bzhin gsheg pa thams cad mnyam pa nyid rnam par spros pa'i snying po 'di bka' stsal pa/ oM sarba ta thA ga ta sa ma twa dz+nyA na badz+ra hUM/ de nas de bzhin gshegs pa thams cad kyi snying po 'di dag bshad pa tsam gyis de bzhin gshegs pa thams cad kyi dkyil 'khor thams cad mthong bar gyur to/ / de nas phyag ni rdo rjes de bzhin gshegs pa thams cad kyi snying po'i bdag nyid rtog na rdo rje mnyam pa nyid spros pa'i snying po bka' stsal pa/ oM badz+ra sa ma tA dz+nyA na bud+d+ha hUM/ de nas 'di bshad pa tsam gyis de bzhin gshegs pa thams cad kyi snying po rnams phyag na rdo rjer mthong bar gyur to/ de nas phyag na rdo rje'i thugs ka nas chos thams cad mnyam pa nyid spros pa'i snying po 'di phyung ngo // oM sarba d+harma sa ma tA dz+nyA na badz+ra hUM/ de nas 'di rnam par phyung ba tsam gyis kyang slar yang phyag ni rdo rje'i thugs kar de bzhin gshegs pa thams cad kyis dkyil 'khor thams cad byin gyis brlabs pa mdzad nas/ dkyil 'khor thams cad du 'khod pa mthong ngo // de nas de bzhin gshegs pa de dag thams cad kyi thugs ka nas de bzhin gsheg pa thams cad mnyam pa nyid spros pa'i snying po 'di phyung ngo / / oM sarba satwa sa ma hA pra pany+tsa bud+d+ha hUM/ de nas 'di phyung ba tsam gyis de bzhin gshegs pa thams cad kyi thugs ka nas phyag na rdo rje rnam par byung ste/ slar yang de bzhin gshegs pa thams cad kyi spyan sngar gnas nas bka' nod cing 'khod do// @# ldan de bzhin gshegs pa kun/ / bdag gis ji ltar bsgrub par bgyi// de bzhin gshegs pa thams cad kyis bka' stsal pa/ de bzhin gshegs pa thams cad kyi dkyil 'khor rnams la byin gyis rlob par byos shig/ de de bzhin no zhes gsol nas/ bcom ldan 'das rdo rje sems dpa' de bzhin gshegs pa thams cad kyi thugs ka nas dkyil 'khor thams cad byin gyis brlabs te brtan par gyur nas/ rdo rje sgeg mo la sogs pa'i lha rnams phyung ste/ lha mo de rnams dkyil 'khor thams cad kyi grwa rnams su de bzhin du rnam par gnas so/ / sgo rnams su sgo skyong ma rnams dang / mtshams rnams su gzugs dang / sgra dang / dri dang / ro dang / reg bya rnams bshad do// de dag gi sngags su gyur pa ni/ au badz+ra me g+he TaM TaM/ 'khor lo'i mtshams su gzhag par bya'o// oM sne ha badz+ri Ni haM/ oM sha rang badz+ra aM aM/ oM badz+ri Ni kI li kI li hUM/ de bzhin gshegs pa thams cad dgyes pa chen po'i mchod pa/ phyi'i dkyil 'khor grwa dang mtshams rnams dri rdo rje la sogs pa'i lha mo rnams/ de bzhin gshegs pa'i nye bar gnas par dgod par bya'o// oM badz+ra gan+d+he hUM/ oM ma d+hu bidziH/ b+h+rUM g+h+raM/ oM ma rod b+ha ba badz+ri Ni hUM/ oM badz+ra sha~M shi ra ho ho/ de bzhin gshegs pa thams cad kyi rol pa chen po'i lha mo'i sgo'i mtshams rnams su gzugs la sogs pa'i oM badz+ra rU pa/ oM badz+ra ga/ oM byAd+d+hA rA s+yai/ oM badz+ra saR+YA/ nyes par byed pa'o// de bzhin gshegs pa thams cad kyi shin tu dga' ba rdo rje'i snying po na/ oM sam ho/ su ra ta s+t+waM/ dga' bde chen po'i rdo rje snying po 'dis de bzhin gshegs pa thams cad kun nas mnyes pas/ dkyil 'khor thams cad la brtan par gyur nas/ dngos grub thams cad stsol bar mdzod/ dgug dang legs par rab gnas dang // ji bzhin gnas su sbyar ba nyid// kun nas dgyes mdzad sangs rgyas kun// dngos grub thams cad rab sbyin dag/ sngags kyi tshig rnams kyang / oM e h+ye hi b+hA gA wAR+sha badz+ra aM ku sha dzaH/ oM pra be sha ya hUM/ sarba ta thA ga ta/ oM sa ma ya b+har+N+Na tiSh+Tha p+la ga wan/ oM tuSh+ya ho b+ha ga wAn badz+ra a bi sha aH'di dag ni dkyil 'khor thams cad kyi sgo'i 'phrin las so/ / de lta bu'i dkyil 'khor 'dri ba la byams pa dang / 'jam dpal dang / kun tu bzang po dang / spyan ras gzig dbang phyug la sogs pa'i byang chub sems dpa' chen po rnams dgod par bya'o/ / sngon du bshad pa'i dkyil 'khor gyi cho gas slob ma bcug ste/ dbang bskur ba la sogs pa byas nas/ slob pa dang bcas pas thabs cig tu de bzhin gshegs pa thams cad la nye bar mkho ba thams cad kyis mchod par bya'o/ / de la dang po kho nar re zhig dkyil 'khor thams cad kyi slob dpon ni dam tshig thams cad shes pa/ bcom ldan 'das rdo rje rnal 'byor gyi dbang phyug chen pos dngos grub thams cad kyis byin gyis brlabs pa/ dbang bskur ba thams cad thob pa/ rdo rje rnam 'byor gyi dbang phyug lta bu/ thams cad mkhyen pa'i ye shes kyis de bzhin gshegs pa thams cad kyi dam tshig gi phyag rgya la bslab par bya'o// de nas 'dir dam tshig gi phyag rgya bcings par 'gyur pa ri/ skyil krung bcings nas dri la sogs pa rnams kyis lag pa gnyis byugs nas phyag rgya bcings pa rab tu bsgrub par bya'o// lag pa gnyis rdo rje bsdams pa byas te/ sor mo phan tshun bcings nas skyil krung gi dbus su rdo rje bsdams par bzhag pa ni de bzhin gshegs pa thams cad kyi phyag rgya'o// rdo rje sems dpa' la sogs pa ni gar gyi tshogs kyi/ sbyor bas so// rdo rje bsdams pa de nyid rkeng pa'i phyogs su bzung ba ni rdo rje sems dpa'i phyag rgya'o// rdo rje bsnams pa las mdzub mo lcags kyu lhur bzung ba ni rdo rje rgyal po'i phyag rgya'o// denyid mnga' 'phen pa lta bu'i sbyor ba ni rdo rje mda'i phyag rgya'o// de nyid la legs so ba sbyin pas rgyab tu 'jog pa ni rdo rje legs pa'i'o// byang chub kyi sems kyi phyag rgya rnams so// rdo rje bsdams pa de nyid dpral bar 'jog pa ni rdo rje nin gyi phyag rgya'o/ / rdo rje bsdams pa la 'od kyi dkyil 'khor gyis sbyor ba ni rdo rje nyi ma'i 'od kyi dkyil 'khor gyi phyag rgya'o// rdo rje bsdams pa spyi bor sbyar ba ni tog gi phyag rgya'o/ / kha'i thad du bskor ba ni rdo rje bzhad pa'i phyag rgya'o// rdo rje bsdams pa de nyid khar byas pa ni rdo rje chos kyi phyag rgya'o// de nyid snying khar byas pa ni rdo rje ral gri'i phyag rgya'o/ / de nyid 'khor lo ltar yongs su bskor ba ni rdo rje rgyu'i phyag rgya'o// de nyid snying khar bsgreng ba ni rdo rje smra ba'i phyag rgya'o// chos kyi phyag rgya rnams so// rdo rje bsdams pa de nyid gar nyid du ston pa ni las sna tshogs pa'i phyag rgya'o/ / lag pa gnyis spyi bo dang / snying kha dang / mgrin par 'jog pa ni rdo rje srung ba'i phyag rgya'o// rdo rje bsdams pa las 'gram pa gnyis su 'jog pa ni rdo rje gnod sbyin gyi phyag rgya'o/ / rdo rje bsdams pa de nyid snying khar btsir ba ni rdo rje khu tshur gyi phyag rgya'o// de bzhin du sgeg mo dang bdug pa ma la sogs pa'i sbyor bas lha mo thams cad kyi phyag rgya thams cad la rab tu sbyar bar bya'o/ / rol cing rnams 'khor dgod pa dang // sgeg dang snying rje'i bdag nyid dang // dpa' dang khro sogs chos bdag nyid// rang nyid zhi ba'i nyid nyams/ / phyag rgya thams cad rab sogs pa// gal te dngos grub mchog 'dod na// rang nyid rdo rje'i gar byed dam// skyob pa sangs rgyas thams cad kyi// phyag rgya bcing ba rab tu sbyar/ thams cad grub par 'dod sogs kyis// skyil krung sangs rgyas thams cad kyi// de phyir gnyis med rdo rje can// sangs rgyas rnams kyi drang po'i sku// sgeg pa'i sbyor bas rdo can/ sangs rgyas rnams kyis zhi ba'i spyan// bsnyems bcas rdo rje nan gyis dgongs// sangs rgyas rnams dang rdo rje can// ting 'dzin dbye ba las shes bya// 'khrugs pa'i lha stangs khro rnams kyis// btsun mo rnams kyis rol pa nyid// 'jig rten pa yi lha rnams dang // sdig spyod rnams kyi lha stangs steng // chos rnams kun gyi rjes 'jug pa'i/ / shugs kyi lha stangs phyag rgya'o// tshogs dang pho nya pho nya mo'i// lta stangs rnam pa sna tshogs nyid// mchu yi phyag rgya yongs ldan pa// g.yo ba med cing mi 'gul ba/ / sangs rgyas rnams kyi phyag rgya mchog/ sangs rgyas byang chub rab sbyin byed// mtshams sbyor cung zad yang dag ldan// rnam 'gyur med cing mtshungs meng gnas// rol pa'i yi ge yang dag ldan// mchu yi phyag rgya rdo rje can// rnam 'gyur can dang 'khor ba can// khro bas so ni yongs su bsdam// 'di ni khro ba'i phyag rgyar bshad// mchu yi phyag rgya gzugs mdzes can/ / 'jig rten pa rnams mchu'i phyag rgya// rnam 'gyur 'jig cing gzugs dang bral// shin tu gnag dka'i 'dod chags dang // sdang dang rmongs las thams cad du// rol cing rnam 'khor dang ldan pa// g.yo bcas rab tu 'phro ba yang // mchu yi phyag rgyar shes par bya// lha mo po nyi'i tshogs kyi yang // de la sogs pa mtha' yas mchog/ lha stangs mchu la sogs pa'i ming / / phyag rgya thams cad mdor bsdus pa/ skyob pa rnams kyis kun shes bya// ji srid sku yi dbye ba dang // dbang po la sogs rab dbye dang // de dag phyag rgya mtha yas mchog/ sangs rgyas kun gyis brtags pa nyid// sna tshogs sku ni gzi brjid che// tshad meng yon tan 'byung ba'i gnas// sangs rgyas rnams kyi phyag rgya mchog/ sangs rgyas byang chub rab spyir byed/ / rdo rje snying po rgyan gyi rgyud chen po las/ dam tshig chen po'i de kho na nyid gsang ba zhes bya ba'i dkyil 'khor chen po yongs su rdzogs so// // de nas bcom ldan 'das rnam par snang mdzad kyis/ slar yang de bzhin gshegs pa thams cad mnyam pa nyid mngon par dbang bskur ba zhes bya ba'i dkyil 'khor chen po 'di bka' stsal pa/ de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas/ sna tshogs khams ni bsam yas mchog/ dar dang me tog rgan pos brgyan/ / rdo rje rin chen rnams kyis spras// sna tshogs pad+mo de bzhin gzhan// dkyil 'khor de yi dbus su ni// sangs rgyas sku gzugs yid 'ong ba// mgon po sum cu rtsa gnyis mtshan/ / 'bar ba mchog gis brgyan pa po// de sngags rtags su shes bya ba// dang po'i dbyangs dang gnyis pa'o// de yi nye 'khor thams cad du// 'khor lo can brgyad bri bar bya/ / dkyil 'khor de yi dbus su ni// 'khor lo kun tu 'bar ba gzhag/ 'khor lo'i lte ba'i dbus su ni// pad+ma'i rgyal po rab tu gnas/ sgeg sogs sangs rgyas thams cad ni/ / ji ltar sngon bzhin bri bar bya// nye bar mkho ba'i mchod kun gyis// de bzhin gshegs pa mchod par bya// dgug sogs cho ga'i sbyor ba ni// dkyil 'khor snga ma ji bzhin no/ / dkyil 'khor nye bar spyod pa kun// cho ga 'dir ni 'byung bar 'gyur// dkyil 'khor chen po'i rtog pa'o// // de nas dkyil 'khor chen po mchog yang dag rab tu bshad bya ba/ / 'jig rten gsum las rnam rgyal zhes// bya ba rdo rje hUM mdzad grags// gru bzhi pa la sgo bzhi pa// rta babs bzhis ni mdzes par byas// de yi nang du 'khor lo ni/ / dkyil 'khor brgyad pa lta bu'o// de yi dbus su khro bo che// 'jig rten gsum las rnam rgyal yang // khro gnyer ldan zhing smin ma 'khyog/ spyan gsal 'bar ba chen po pa/ / cung zad mche ba gtsigs pa'i zhal// rnam par dgod cing slar khro ba// g.yon brkyang ba yi zhabs kyis ni// dka' bzlog dbang phyug chen po gnon// sangs rgyas 'phreng ba sogs pas spras/ / in+d+ra ni la mtshungs pa'i 'od// phyag bzhi pa la spyan gsum pa// zhal bzhi pa la thub par dka'// be con dang ni zhags par brjod// dang po na ni rdo rje bshad/ / gnyis pa zhugs pa sdigs mdzu ba can// phyag gnyis khu tshur dam pa mchog/ khu tshur gnyis ni rab tu brtag/ mthe'u chung gnyis ni mnyam sbyor ba// lu gra rgyang / kyis rnam par spel// snying khar phyag rgya legs bzhag nas// sdigs mdzub gnyis kyis bsdigs par mdzad// 'jig rten gsum rgyal zhes bya ba'i// phyag rgya mchog tu thub pa dka'/ / sngags ni ming gi de nyid ldan// 'bar ba'i 'phreng ba mnyam par 'khrigs// dkyil 'khor de yi gnas rnams su// cha rnams kun tu thams cad nas// phyag rgya thams cad mnyam par bri/ / zla ba'i dkyil 'khor mnyam gnas par// ral gri 'khor lo gzhu dang mda'// de bzhin du ni dgra sta nyid// de la sogs pa'i mtha' yas mchog/ mdor bsdus nas ni phyag rgya dgod/ / de ltar khro bo'i dkyil 'khor thams cad rnam par bkod nas nye bar mkho ba'i mchod pa thams cad kyis mchod par bya'o// 'jig rten gsum las rnam par rgyal ba'i dkyil 'khor ro/ / / de nas dkyil 'khor chen po mchog/ yang dag rab tu bshad bya ba// sangs rgyas dpa' bo thams cad kyis// 'gro ba 'dul ba zhes su bshad// gru bzhi pa la sgo bzhi pa/ / dar dang me tog chun pos brgyan// de dbus kyil 'khor chen po ni// chu zhes bya ba'i ming car no// de yi dbus su pad chen po// 'dab ma brgyad pa yid 'ong ba/ de yi lte ba'i dbus su ni// 'gro ba 'dul ba zhes bya ba// zla ba'i 'od can zla ba'i mdog/ ral pa'i cod pan 'dzin pa can// phyag bzhi pa la zhal bzhi pa rgyun rnams kun gyis brgyan pa po/ / sangs rgyas 'phreng ba sogs pas spras// sku rnams thams cad kun nas sgo// mtha' yas rab 'byam rgya che ba'i// chos dbyings mnyam dang mnyam la/ / de yi sngags su yongs grags pa// shaSha 'i sde yi mthar dge ba// k+Sha yig don ldan sngon byung ba// rgyu yi don du rab sgrub byed// bzhi pa'i dbyangs kyis spyi bor mnan// me yis sa bon gsal bar byed// thig le sgra ni mchog tu sbyin// 'jig rten dbang phyug ces bya'i mtshan// de yi phyag rgya yang dag bshad// pad+mo'i thal mo rab tu brkyang // bris pa'i phyag rgyar yang dag bshad/ / dbyug gu ril ba spyi blugs bri// mdun du bgrang 'a phreng pad+ma yi// rgyal po zla ba'i dkyil 'khor gzhag/ de la sogs pa mtha' yas mchog phyag rgya mchog tu 'bar de dag/ 'gro ba 'dul ba'i dkyil 'khor du// ji lta rigs par dgod par bya// 'gro ba 'dul ba zhes bya ba'i dkyil 'khor gyi rgyal po'o// / / de nas dkyil 'khor chen po'i mchog/ gzhan ni rab tu bshad par bya// dpa' bo rin chen snying po yi// rdo rje rin chen zhes su bshad// gru bzhi pa la sgo bzhi pa// rta babs bzhis mdzes par bya/ / de yi dbus su rin chen ni// yan lag brgyad pa mchog tu 'bar// de dbus rin chen pad+ma ni// rin chen 'phreng bas rnam par mdzes// deng bus pad+ma rA ga 'am rin chen rdo rje cher 'bar ba/ / sangs rgyas lnga yi cod pan can// rin cher 'phreng bas rnam par mdzes// mdun gyi kun gyi dbang bskur gtso// rin chen de yi gtso bo mchog/ g.yas su pad+ma rA ga ste/ / rgyab tu in+d+ra nI la'o// yid bzhin nor bu rin cher g.yon// phyag rgya rnam pa sna tshogs mchog/ sna tshogs rin ched rnam par brgyan// dkyil 'khor kun gyi grwa ni gnas rnams su ni gzhag par bya/ / sangs rgyas dpa' bo thams cad kyi// de yi sngags su yongs grags pa// bzhi pa'i sde yi dang po gang // me yi sa bon gyis gsal byas/ dbyangs kyi gnyis pas kun nas mnan// dbang sgyur ba ni stang du gnas// de yi phyag rgya yang dag bshad// rin chen snyim pa rgyab bskums te// rin chen rnam pa legs byung ba/ / de ni rdo rje rin chen ro// rdo rje ring po che'i dkyil 'khor ro// de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa rta babs bzhis ni mdzes par byas/ / thig bzhi dang ni yang dag ldan// rdo rje 'phreng bas rnam par mdzes// de yi dbus su zhal bzhi pa// 'khor lo bzhin du yongs bskor ba'o// de yi dbus su pad chen po// kha dog sna tshogs yongs 'bar ba// de yi dbus su brtson chen po// rdo rje sna tshogs yongs su bri// rdo rje khu tshur 'dzin mdzes pa/ rgyan rnams kun gyis brgyan pa'o// kha dog sna tshogs gzi brjid che// sangs rgyas 'phreng bas rnam par mdzes// de yi sngags ni yang dag bshad// bcu gnyis pa yi dbyangs kyi mtha'/ / mya ngan 'das don legs gsal byas// sgeg sogs rig ma thams cad kyis// de bzhin rang gi phyag rgya yis// rdo rje'i thig le yongs su ldan// sna tshogs bkra ba mchog tu 'bar/ / de yi dbang bskur phyag rgya yis// mchod pa kur gyis thams cad nas// kun nas yongs su bskor ba yis// las kyi dkyil 'khor bri bar bya// las kyi dkyil 'khor ro/ / / de nas dkyil 'khor chen po mchog/ yang dag rab tu bshad bya ba// shes rab ye shes kyi 'khor lo// sngags kyi yi ges rnam par brgyan// de yi dbus su pang chen po/ / 'dab ma brgyad pa shin tu mdzes// de yi lte ba'i dkyil du ni// gzhon nu sna tshogs gzugs ldan pa// sku mdog dmar zhing 'dzum bcas pa// sna tshogs gzugs can ral gri can/ / phyag bzhi pa la zhal bzhi pa// ral gri'i 'phreng bas rnam par brgyan// gsang sngags chen po'i yi ge lnga// de yi drung du legs par gnas// dbyings kyi bcu gnyis gsang sngags ni/ / thugs kA ru ni yang dag gnas// phyi rol nyid ni gru bzhi mdzes// thig bzhi dang ni yang dag ldan// rtababs bzhi dang mnyam par sbyor// sgo bzhi yis ni shin tu mdzes/ / shes rab pha rol phyin pa nyid// de la dkyil 'khor dbus su ni// gal te dngos grub mchog 'dod na// 'bad pa yis ni bri bar bya// sngon du bshad pa'i cho ga yis// mchod sogs cho ga rgyas pa nyid// bzhugs pa'i cho ga de bzhin du// ji ltar dkyil 'khor 'dir mthong bzhin// shes rab ye shes kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// phyi yi dkyil 'khor bri bar bya/ de yi nang du bri bya ba// chos kyi 'khor lo bla na med// rten cing 'brel 'byung 'phreng ba ni// 'bad pa yis ni bri bar bya// 'khor lo'i dbus su brtson chen po// rdo rje'i rgyu ri stobs po che/ phyag bzhi pa la zhal bzhi pa// rgyan rnams kun gyis brgyan pa po// kha dog nag po gzi brjid che// chos kyi 'khor lo rab bskor mdzad// de yi sngags gyur mdzes pa ni// rgyu yi don du so sor bskyed// dbyangs drug dang ni yang dag ldan// thig le phyi mos rnam par brgyan// rang gi yi ge'i 'phreng ba che// 'khor lo gnyis kyi rnam par brgyar// de yi mthu du drung yin la/ / rgyab tu zhags par brjod par bya// rdo rje'i thal mo phyag rgya che// 'khor lo bzhin du rab tu gnas// mchod pa thams cad rab tu brtag/ staltar dkyil 'khor snga ma bzhin// de lha'i dkyil 'khor bris nas ni// chos kyi dkyil 'khor bla na med// thog mar chos kyi 'khor lo bskor// dngos grub thams cad yang dag 'bar/ / chos kyi 'khor lo'i dkyil 'khor ro// // de nas dkyil 'khor chen po mchog/ yang dag rab tu bshad bya ba// thog ma'i dkyil 'khor sbyor ba yis// dkyil 'khor kun gyi thig gdab bo/ / de yi dkyil du snang ba che// mkha' bzhin shin tu 'od gsal ba// sems dpa' chen po nam mkha'i mdzod// dam pa'i rgyal po rab tu bzhugs// zla ba'i mdog can gzi brjid che// sna tshogs mtshon cha 'dzin pa'i mchog/ gzhon nus rab tu brjid pa'i zhal// nam mkha'i mdzod ces rab tu grags// sangs rgyas 'phreng ba sogs pas spras/ / rdo rje dkyil 'khor brgyan par mdzad// 'di yi gsang sngags gzi brjid che// dbyangs dgu pa la thig le dang // nA da yis ni rnam par brgyan// sde tshan dang po'i gsum pa la/ thig le nA das rnam par brgyan// de yang gtso bo'i gsang sngags 'gyur// nam mkha'i mdzod ni rab bgor mdzad// de lta'i dkyil 'khor bris nas ni// sngags kyi 'phreng ba mchog ldan pa/ / ma lus pa yis rnams kun// thams cad nas ni nam mkha'i mtshungs// tog ni phyag rgya gyur pa de'i// de bzhin du ni nges par bcing // de lha'i dkyil 'khor bris nas ni/ / nam mkha' yi ni mdzod de la// gal te bdag ni grub 'dod na// mchod pa kun gyis rnam par mchod// nam mkha'i mdzod kyi dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis// dkyil 'khor thams cad thig gdab bo// dkyil 'khor de yi dbus su ni// khro bo'i dkyil 'khor gru bzhi pa/ / der yang rdo rje ma yi mchog/ dkyil 'khor gyi ni mchog tu 'dod// de yi dbus su gzi brjid che// rdo rje gnod sbyin bla na med// phyag bzhi pa la zhal bzhig pad+ma'i rgyal po la rab gnas/ / rgyan rnams kun gyis brgyan pa'i lus// bdud rnams thams rlab 'joms mdzad// de sngags yi ger gyur pa ni// sha Sha'i sde tshan mthar dge ba/ rgyu yi don du legs gsal bya// zo bo'i dkyil 'khor chen po bskor// sngags kyi yi ge 'phreng ba che// 'bad pa yis ni bri bar bya// de lha'i dkyil 'khor bris nas ni// rdo rje gnod sbyin de yis ni/ / gal te grub pa mchog 'dod na// sgyu ma thams cad gzhom par bya// rdo rje gnod sbyin gyi dkyil 'khor chen po'o// / de nas dkyil 'khor chen po mchog yang dag rab tu bshad bya ba/ / gru bzhi pa la sgo bzhi pa/ Na babs bzhis ni mdzes par byas// de yi dbus su 'khor mo che// lcags kyu mis ni rnam par mdzes/ dbus su bcom ldan rdo rje rgyal// lcags kyu la ni rab tu bzhugs// phyag bzhi pa la sbrul bzhi pa// rgyan rnams thams cad rab tu 'bar// rdo rje lcags kyu khu tshur che// 'bar 'phro bas rnam par brgyan/ / 'gro ba thams cad 'gugs par mdzad// sngags kyi yi ges legs par sbyar// sha Sha'i lnga yi drung gnas pa// bying ba'i rgyu ru legs par gnas/ dbyangs drug pa yis legs par bya// zla byed thig les legs par brgyan// lcags kyu'i phyag rgya legs par sbyar// 'gugs par byed la don yod pa'o// de ltar dkyil 'khor bris nas ni/ / rdo rje lcags kyu mchog tu dge/ dgug pa la sogs thams cad la// 'gro ba 'dul ba yongs su bsdu// don mong rgyal po'i dkyil 'khor ro// de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// dngos grub dkyil 'khor bri bar bya/ / dkyil 'khor de yi dbus su ni// dkyil 'khor lcags kyu'i rnam pa can// de yi dbus su gru gsum grags// lcags kyu mchog tu dge ba'o// de yi dbus su sems dpa' rdo rje rgyal po stobs po che/ / phyag bzhi pa la zhal bzhi pa// rgyan rnams kun gyis brgyan pa po// gzi brjid chen po dkar dang dmar// nags pa lcags kyu 'dzin dge ba/ yi gsang sngags yang dag bshad// don yod 'bras bu stsol ba po// sde tshan gnyis pa'i gsum pa ni// nyis 'gyur nyid du rnam par gnas// de yi thig le mya ngan 'das// sngags kyi 'phreng ba gzhan gyis bskor/ / sgeg mo la sogs mchod pa che// 'bad pa yis ni bri bar bya// sgo skyong ba dang mchod pa yang // sbyor ba ji bzhin rnam par dgod// de lha'i dkyil 'khor bris nas ni/ / mchod pa thams cad yongs su sgrub// rdo rje rgyal po'i dkyil 'khor ro// / de nas kyil 'khor chen po mchog/ yang dag rab tu bshad bya ba/ sangs rgyas dpa' bo thams cad kyis// rdo rje chags pa zhes su bshad// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// chags pa'i dkyil 'khor bri bar bya/ / thams cad dmar pos rab dregs pa// dbang du byed pa'i dam pa yin// de yi dbus su pad chen po// 'dab ma brgyad pa ge sar bcas// de yi lte ba'i dbus su ni/ / rdo rje chags pa bri bar bya// pad+ma rA ga mtshungs pa'i 'od// phyag bzhi pa la zhal bzhi pa// spyan gsum 'od kyi 'phreng ba can// de yi phyag rgya mchog tu ni// mdzes pa yi ni mda' gzhur 'gyur/ / rgyan rnams kun gyis mdzes pa'i lus// 'gro ba kun la ches mchog gyur// de yis gsang sngags mdzes gyur pa// rdorje rjes chags mchog gi bde/ / sha Sha'i sde yi mthar gyur pa// k+Sha yi yi ge'i sngon du gnas// dbyangs dgu pa dang yang dag ldan// sngags kyi 'phreng bas yang dag brgyan// me tog mnga' ni yongs su 'phen/ / re ba thams cad yongs rdzogs mdzad// de lha'i dkyil 'khor bris nas ni// sangs rgyas thams cad rab mchod byed// rdo rje chags pa'i dkyil 'khor ro/ / // de nas dkyil 'khor chen po mchog/ yang dag rab tu bshad bya ba// rdo rje legs pa zhes grags pa// gnyis su med pa'i dga' ba'ang 'phel// gru bzhi pa la sgo bzhi pa/ / rta babs bzhis ni mdzes par byas// de yi dbus su cher mdzes pa'i// dkyil 'khor dam pa gru bzhi pa// de yi dbus su pad chen po// ze 'bru yis ni nye bar mdzes/ / de yi lte ba'i dkyil du ni// zla ba'i gzugs brnyan yang dag 'bar// der gnas dpa' bo bsam par bya// rdo rje legs pa stobs po che// dung dang kun da zla ba dkar/ kha ba bzho'i 'od ltar mdzes// legs so stsol ba tshim par mdzad// ting nge 'dzin dbang mang po sgyur// rdo rje sgeg mo sogs mchod pa// de bzhin me togs dug pa sogs// sgo ni skyong ba nyid kyang ni/ / rab tu 'bad de bri bar bya// de yi sngags gyur mdzes pa ni// gsang ba chen po mchog tu 'bar// ha yi yi ge sngon gang de// sems can don ni rab sgrub byed// thig le gnyis dang yongs su ldan// legs stsol bas ni rnam par gnas// de lha'i dkyil 'khor bris nas ni// mchod pa thams cad rab tu bskor// bdag nyid dag pas bzhugs pa sogs/ / thams cad yongs su spyad par bya// rdo rje legs pa'i dkyil 'khor ro// / de nas dkyil 'khor chen po mchog/ yang dag rab tu bshad bya ba// rdo rje gzi brjid ces su grags/ / rdo rje nyi mas blo gros ldan// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// dkyil 'khor dam pa bri bar bya// de yi nang du bri bya ba/ / rdo rje nyi ma 'od chen po// rdo rje nyi ma'i steng du ni// gru gsum rnam pa las byung ba// de yi dbus su gzi brjid che// 'bar ba yi ni me lta bu// pad+ma chen po 'dab brgyad pa/ ze 'bru yis ni shin tu mdzes// de yi lte ba'i dkyil du ni// rdo rje gzi brjid stobs po che// bzang po'i mtshal dang mtshungs pa'i 'od// rgyu skyegs khu ba mtshungs pa'i mdog/ phyag bzhi pa la zhal bzhi pa/ / rgyan rnams kun gyis brgyan pa'o// de yi sngags su yongs grags pa// kun nas sangs rgyas mtshungs pa'o// dbyangs yig bcu gcig pa yi mtha'// nyi ma'i dkyil 'khor dbus su ni/ / sngags kyi 'phreng bas yongs su bskor// rang gi phyag rgya'i mtshan ma ldan// de ltar dkyil 'khor bris nas ni// sangs rgyas thams cad rab mchod bya/ rdo rje gzi brjid dkyil 'khor ro// de nas dkyil 'khor chen po mchog/ yang dag rab tu bshad bya ba// yid bzhin nor bu'i rgyal mtshan ming // bdag nyid chen po rdo rje'i tog/ gru bzhi pa la sgo bzhi pa// rta babs bzhis ni mdzes par byas// thig bzhi dang ni yang dag ldan// zla ba'i dkyil 'khor bri bar bya// dkyil 'khor de yi dbus su ni/ mchog tu 'bar ba yi ni rlung // zla ba phyed pa'i rnam pa 'dra// rin chen rgyal mtshan yongs bsgreng ba// de yi dbus su sems dpa' che// rgyan rnams kun gyis brgyan pa'o// zhal bzhi pa la gzi brjid che/ / in+d+ra nI la mtshungs pa'i 'od// rin chen char pa rab tu 'bebs// phyag bzhi pa la snang ba che// de yi gsang sngags gzi brjid che// sde tshan bzhi pa'i dang po la// me yis rab tu gsal byas pa// tog gi phyag rgyas yongs su bskor// sngags kyi 'phreng bas rnam par brgyan// de lha'i dkyil 'khor bris nas ni// sangs rgyas thams cad rab mchod bya// rdo rje tog gi dkyil 'khor ro// de nas dkyil 'khor chen po mchog/ yang dag rab tu bshad bya ba// rdo rje bzhad pa zhes grags pa// rdo rje bzhad pa mtshungs pa'i 'od/ / gru bani pa la sgo ba'ig/ rgyu babs banyis ni mdzes par byas// dag pa ni dang ni yang dag zan// dkyil chen po zla bAr bya// dkyil 'khor dang rgyas rnam pan/ i ni mtshungs pa'i 'od/ / de bzhin nu ni gzi brjid can// phyog rgya 'khor los rnam par mdzes// dkyil 'khor de mi dbus su ni// skyon ka'i zla ba 'dra ba'i 'od// 'gro ba mtha' dag snang mdzad pa/ / rgyan rnams kun gyis brgyan pa bo// phyag bzhi pa la zhal bzhi pa// dbang phyug thams cad yang dag ldan// de yi gsang sngags sngags chen po// rgyu yi don du grub par bya/ / stong pa mngon brjod bsam mi khyab// rang ming rtogs pas mtshan pa'o// de lha'i dkyil 'khor bris nas ni// sangs rgyas thams cad rab mchod bya// rdo rje bzhad pa'i dkyil 'khor ro/ / / de nas dkyil 'khor chen po mchog/ yang dag rab tu bshad bya ba// gru bzhi pa la sgo bzhi pa// rta babs bzhis ni mdzes par byas// thig bzhi dang ni yang ngag ldan/ / dngos grub dkyil 'khor yang dag bri// de yi steng du'ang pad+ma che// pad+ma mA las yang dag byung / glu gsum mchog tu mdzes pa po// um mdo'i ris kyis rnam par brgyan/ chos dbyings yi ge'i de khon// thams cad gzi brjid bdag nyid dge/ de yi bdag gi de nyid ni// 'gro ba'i mar ka ta'adra// phyag bzhi pa la zhal bzhi pa// rgyam/ kun gyis brgyan pa po// gnyis pa'i mdog tu gyur pa ni// bad+ma rA gA mtshungs pa'i 'od// ji srid ngag gi 'khor ma na// smra ba'i dbye bas rab tu gnas/ thams cad so sor gsal bar byed// sprin gyi dkyil 'khor mchog rmang byung // de lha'i dkyil 'khor bris nas ni// sangs rgyas thams cad rab mchod bya// rdo rje smra ba'i dkyil 'khor ro// / de nas dkyil 'khor chen po mchog/ yang dag rab tu bshad bya ba// dkyil 'khor snga ma'i sbyor ba yis// dkyil 'khor thams cad bri bar bya// de yi dbus su go cha che/ / rin chen kun gyis rnam par brgyan// de yi dbus su brtson chen po// rdo rje srung ba yang dag bri// phyag bzhi pa la zhal bzhi pa// rgyan rnams kun gyis brgyan pa po// kha dog sna tshogs gzi brjid che/ / thams cad srung ba mchog tu dge/ phyag rgya sngags dang yang dag ldan// gsang ba chen po'i go 'phang mchog/ de yi gsang sngags gzi brjid che// sha 'i sde yi mthar gnas mchog/ mgon po'i rgyur ni mngon par brjod// steng du nA das brgyan par bya// kun nas kha dog bu ma yis// yongs su bskor bar bsgom par bya// sngags kyi 'phreng ba yongs su ldan/ / glog gi 'phreng bas rnam par brgyan// de lha'i dkyil 'khor bris nas ni/ mchod pa thams cad rab bsgrub bya// rdo rje srung ba'i dkyil 'khor ro// dkyil 'khor chen po mcho/ yang dag rab tu bshang byug/ gru bzhi pa la sgo byini pa// rta babs bzhis ni mdzes par byas/ thig pa'i dang ni yang dag ldan/ kha tshur dkyil 'khor zhi ba bya/ dkyil 'khor de yi dbus su ri// rdo rje pad+ma yid 'ong ba// gzi brjid chen po gser gyi mdog/ 'dab ma brgyad pa yid 'ong ba// de yi steng du gzi brjid che// rdo rje khu tshur stobs po che/ phyag bzhi pa la zhal bzhi pa// sna tshogs rgyan gyis brtan pa po// kun dadung dang zla ba dkar// khu tshur de bzhin gshegs kun gyi// sku dang gsung dang thugs khu tshur// rdo rje nyid du mnyam nyid mchog/ gnyis su med pa mchog gsang ba// khu tshur gyis ni sdud par bshad// de sngags mchog tu dga' ba ni// brjod du med nyid stsol mdzad pa// sde tshan lnga pa'i gsum pa ni// 'bar ba'i 'od kyi dkyil 'khor can/ / sangs rgyas rnams kyi rdo rje'i sku// 'di yi sngags la rnam par gnas// de lha'i dkyil 'khor bris nas ni// rdo rje khu tshur mchod par bya// rdo rje khu tshur gyi dkyil 'khor so// de la sogs pa mtha' yas mchog/ dkyil 'khor mchog tu 'bar ba ni// chos kyi dbyings kyi mtha' klas pa'i// sangs rgyas byang chub stsol bar mdzad// de nas yang dag bshad bya ba/ / 'jig rten pa yi dkyil 'khor mchog/ de bzhin gru bzhi bris nas ni// sgo khyud la sogs rnam par spangs/ rtse gsum paT+Ti sa dang ni// dung dang pad+ma sogs pas brgyan/ / thog mar dbang phyug chen po dgod// rtse gsum pa yi phyag rgyar ldan// khyu mchog la zhon mig gsum pa// stag gi pags gyon phyag bzhi pa// thal bas byugs shing mgo bo la/ / ral pa'i tshogs ni rab 'phyang ba// chu yi dkyil 'khor dbus su ni// de bzhin gshegs pa thams cad la// phyag 'tshal ba ni 'di bri'o// de yi sngags ni/ oM tri sa suM hUM phaT/ gsang sngags 'di ni cher gsang ba// bdag nyid chen po dbang phyug che'i// dbang phyug chen po'i dkyil 'khor ro// / dkyil 'khor chen po de nyid la dbang phyug chen po'i gnas su nag po chen po gzhag par bya'o/ / lag pa stong gis gar byed pa dang ldan pa'i dga' byed dbang phyug dang lhan cig phyag bzhi pa/ spyan gsum pa'o// lag pa stong gis gnas ba'o/ / rang gi sngags ni/ oM ma hA kA la hUM b+h+yoH/ oM nan di ke shwa ra hUM b+h+yo/ 'di bzlas ra dngos grub thams cad byengo// dga' byed dbang phyug dang nag po chen po'i dkyil 'khor ro// de nyid kyi ni cho ga yis// dkyil 'khor gri bzhi thig gang ba bya/ dor ni pad+ma yang dag bri// pad+ma'i dbus su sbrang cir byed// la sogs ming po gsum bri'o// gzhu yi phyag rgya yongs su 'dzin/ / sbrang rtsir byed dang rgyal bar byed// de bzhin nyid du'ang sgrub byed do// me tog mda' dang yongs su ldan// rang gi ming gtogs mtshan ma can// sngags ni/ ma d+h+ya oM sA/ d+ha na swa/ gsang sngags 'di ni 'dod gzugs can// dbang du byed pa thams cad sgrub// sbrang rtsi rdo rje la sogs pa'i dkyil 'khor ro// dkyil 'khor gru bzhi pa bris nas dbus su thig bzhi gdab bo/ / dbus su tum pu ru'o// shar gyi 'dab mar rgyal ba'o// lho ru rnam par rgyal ba'o// nub tu mi thub pa'o// byang du gzhan gyis mi thub pa'o// de lha bu'i dkyil 'khor bris nas go rims ji lta ba bzhin du gsang sngags dgod par bya'o// oM tum bu ru hUM/ oM dza ya hUM/ oM bi dza ye hUM/ oM a dzi te hUM/ oM a pa rA dzi te hUM/ dga' ba 'di dag lag g.yon du// khu tshur g.yon pas rab grub stsol// 'di yi phyag rgya nyid gyur pa// sangs rgyas kun gyis rab tu brtags// lag par dgod pa rab bshad/ bya/ go rims ji lta ba bzhin du// tum bu ru ni mthe bor dgod// sdigs mdzub la ni rgyal ba gnas// rnam rgyal gung mo nyid la'o// mi thub de bzhin ming med la// gzhan gyis mi thub mthe'u chung la/ / lag pa'i dbus su yi ge oM// dgod bya de nyid lag pa'i rgyab// rdo rje 'brang ba'i mthar thug tu// dgod par bya ba mchog tu bshad// sbyor dang rnam par dbye ba yang / / phyag rgya kun spyod yongs su bsdu// so sor brtan par bya ba nyid// sor mo rnams la khyad par du// dbang dang dgug dang rmongs la sogs// rengs byed la sogs go rims bzhin/ / las rnams ngag ni thams cad du// sngags pas mnyam par bzhag ste bya// de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das rdo rje rnal 'byor gyi dbang phyug chen po la// de bzhin gshegs pa thams cad kyis gsang ba'i mtshan rnams kyis legs par bstod pa mdzad de/ bcom ldan 'das mnyes par mdzad pa/ byang chub sems ni rdo rje tshe// sangs rgyas de bzhin gshegs pa kun// dgra bcom 'dod chags bral ba dang // legs pa chos kyi 'byung gnas mchog blo gros dag pa ye shes che/ / thams cad mkhyen pa kun rig mchog/ mchog gi dbang phyug dpa' bo che// thog ma tha ma med khyab bdag/ ma 'dres ma 'dres pa yi don/ / shin tu phra ba mchog sbyin rgyal// rdo rje can chen rnal 'byor che// rdo rje rnal 'byor dbang phyug mchog/ mi bskyod pa dang mi zad mgon// chos dbyings gzhan dang gzhan min pa/ rin chen 'byung gnas rdo rje mchog/ dbang bskur kun gyi bla ma'i bla// theg chen che ba'i mchog gi mchog/ dpa' bo mchog tu dpa' ba'i mchog/ zab cing yangs la phra ba dang // thams cad thams cad de bzhin gshegs/ / 'khor los sgyur ba'i rgyal po che// tshad skyob dkar po stobs po che// gzi brjid phung po gzi brjid che// phul byung phul las phul du byung // rgyu med mchog gi mchog dpa' mchog/ gzi mchog gzi brjid byed mtshungs pa// rgyal ba rgyal ba mchog nyid dang // legs pa'i rgyal po bdag nyid che// rdo rje sems dpa' sems cher po// rdo rje rgyal po lcags kyu che// rdo rje chags pa mnga' chen po// rdo rje legs pa legs grub mdzad// rdo rje rin chen che mchog mchog/ rdo rje gzi brjid legs brjid mdzad// rgyal mtshan chen po rin chen tog/ rdo rje bzhad pa legs bzhad mdzad// 'jig rten dbang phyug pad+ma che// shes rab ye shes legs rno mdzad// chos kyi 'khor lo chos chen po// sems dpa' sla pa legs bzhad mdzad/ / sna tshogs las ni rgyal po che// rdo rje srung ba legs srung mdzad// khro bo chen po gnod sbyin che// rdo rje mtshams sbyor mtshams sbyor sel// phyag 'tshal sangs rgyas kun khyod la/ / dang po'i rnal 'byor dbang phyug mchog/ legs so rdor can rnal 'byor che// de bzhin gshegs pa thams cad dag/ snying po'i rgyan ces mtshan gsol ba// 'di dag thams cad legs par gsungs/ / sangs rgyas rnams kyi byang chub sems// ye shes snying po shin tu mdzes// gsang ba chen po mchog tu gsang // swa bya shin tu rnyed dka' ba// shes rab pha rol phyin pa'i mdo/ / brjod du med cing yi ge bral// rdo rje snying po rgyan gyi rgyud chen po las/ shes rab kyi pha rol tu phyin pa dkyil 'khor 'byung ba zhes bya ba'i rtog pa rgyas pa 'di yongs su rdzogs so/ / / de nas bcom ldan 'das de bzhin gshegs pa thams cad slar yang 'dus te gshegs nas/ bcom ldan 'das thog ma dang ma med pa'i rdo rje rnal 'byor gyi dbang phyug chen po la gsol ba btab bo/ / de nas bcom ldan 'das rdo rje rnal 'byor gyi dbang phyug chen pos de dag gis gsol ba btab pa'i tshig nye bar gsan nas/ sangs rgyas thams cad kyi yul 'jug pa ye shes rdo rje zhes bya ba'i ting nge 'dzin la snyoms par zhugs so// de ma thag tu bcom ldan 'das ma'ang snyoms par zhugs so// de nas bcom ldan 'das rdo rje rnal 'byor gyi dbang phyug chen po 'di skad cig nyid la 'jam dpal gzhon nur gyur pa de bzhin gshegs pa thams cad kyi shes rab kyi ye shes rdo rje la zhugs par gyur to/ / zhugs nas kyang de bzhin gshegs pa thams cad kyi snying po shes rab ye shes kyi ting nge 'dzin gsel bar mdzad cing brtan par gyur nas/ de bzhin gshegs pa thams cad kyi thugs de las 'thon te/ sangs rgyas thams cad kyi yul chos kyi dbyings kyi mthas klas pa ma lus shing lus pa med pa'i sems can gyi khams thams cad snang bar mdzad nas/ sems can gyi khams thams cad kyi'ang shes rab dang ye she rnam par sbyangs te/ byang chub kyi sems bskyed nas bkug cing rjes su mnyes par byas nas legs par mdzad nas rnam par gnas te/ rdo rje sems dpa'i ting nge 'dzin legs par yongs su rdzogs par mdzad nas/ mngon par dbang bskur te gzi brjid dang / tog dang / bzhad pa dang / de dag la nges par sbyar te mchog gi dbang phyug chen po las rdo rje sems dpa'i ting nge 'dzin gyis chos rtogs pa la'ang rab tu gnas nas/ rnon po dang / rgyu dang / smra ba'i sems dpa' rnams la'ang thugs brtan par mdzad de yongs su dag nas/ yang pad+ma'i sems dpa'i ting nge la rang bzhin gyis dag pa'i dbang phyug chos nyid gzhi med pa la sbyar nas sna tshogs pa'i las kyi bdag po dang / sems can yongs su smin par byed pa bsrung ba dang / khro bo dang / de bzhin gshegs pa thams cad kyi sku dang / gsung dang / thugs rdo rje mtshams sbyor ba rnam sems can gyi khams mtha' dag yongs su smin pa dang / byin gyis brlabs te slar log nas bcom ldan 'das kyi thugs kar rjes su zhugs te/ de bzhin gshegs pa thams cad kyi shes rab kyi ye shes la bzhugs nas ched du brjod pa 'di tshad du brjod do// e ma'o zag med shes rab bdag/ sangs rgyas skyob pa thams cad kyi/ / shes rab shin tu dri med sems// sems dpa'i lus su bdag gyur to// dri med sangs rgyas thams cad kyi// dngos dang dngos med rnams dpyad na// e ma'o chos ni bsam med nyid/ / bdag gi dbang du rnam par gnas// de nas byang chub sems dpa' sems dpa' chen po 'jam dpal bcom 'das kyi thugs ka nas 'thon nas/ byang chub sems dpa' bcu drug gi lus su mngon par sprul te/ bcom ldan 'das rnam par snang mdzad la yongs su bskor ba'i de bzhin gshegs pa thams cad kyi nye 'khor kun tu nyi ma'i dkyil 'khor dang / 'od kyi dkyil 'khor dang / byin gyis brlabs pa zla ba'i dkyil 'khor la 'khod par gyur nas/ bcom ldan 'das rdo rje rnal 'byor gyi dbang phyug chen po la 'di skad ces gsol to/ / bcom ldan 'das rdo rje snying po rgyan gyi rgyud las/ shes rab kyi pha rol tu phyin pa mdor bstan pa'i chos kyi tshig bka' stsal du gsol/ de nas bcom ldan 'das rnam par snang mdzad kyis/ 'jam dpal gzhon nur gyur pa la bka' stsal pa/ 'jam dpal khyod de bzhin gshegs pa la don de yongs su zhu bar sems pa ni legs so legs so// legs par rab tu nyon la yid la zung zhig dang ngas bshad do/ / de nas bcom ldan 'das rdo rje rnal 'byor gyi dbang phyug chen po de bzhin gshegs pa thams cad du bdag nyid byin gyis brlabs nas sngags kyi tshig 'di dag bka' stsal pa/ dran pa nye bar gzhag pa bzhi ni nang gi lus dang / phyi'i lus dang / phyi nang gi lus la lus kyi rjes su lta zhing brtson 'grus can shes bzhin dang ldan pa dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ / lus la kun 'byung ba'i rjes su lta zhing rnam par spyod do// lus la zad pa'i rjes su lta zhing rnam par spyod do/ / lus la mi gnas pa'i rnam par spyod cing 'jig rten du gang yang nye bar len pa med do// nang gi tshor ba dang / phyi'i tshor ba dang / phyi nang gi tshor ba dang / nang gi sems// / dang phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos la chos kyi rjes su lta zhing brtson 'grus can shes bzhir dang ldan pa/ dran pa dang ldan pas 'jig rten gyi chags sems dang yid mi bde ba rnam par bsal cing rnam par spyod do/ / chos la kun 'byung ba'i rjes su lta zhing rnam par spyod do// chos la zad pa'i rjes su lta zhing rnam par spyod do/ / chos la mi gnas pa'i rnam par spyod cing 'jig rten du'ang nye bar len pa med do// rtag tu shes rab kyi pha rol tu phyin pa lus dang / ngag dang / sems dang / chos mnyam pa nyid kyis gnas so/ / oM kAM/ oM tsa tA ri smi d+hu bas+tha nA nA hUM/ yang dag par spong ba bzhi ni sdig to mi dge ba'i chos ma skyes pa rnams mi bskyed pa'i phyir de mi dmigs pa'i tshul gyis 'dun pa skyed cing rtsol lo/ / brtson 'grus rtsom mo// sems kyis rab tu 'dzin to// smon lam yang dag par 'debs so// sdig to mi dge ba'i chos skyes pa rnams spangs pa'i phyir 'dun pa la sogs pa dang / dge ba'i chos ma skyes rnams bskyed pa'i phyir 'dun pa skyed do// 'bad do// brtson 'grus rtsom mo// sems kyis rab tu 'dzin to// smon lam yang dag par 'debs so// dge ba'i chos skyes pa rnams 'phel zhing shin tu rgyas par bya ba dang / yangs par bya ba'i phyir dang / skom pa yongs rdzogs par bya ba'i phyir 'dun pa skyed do// dbang po brtson 'grus rtsom mo/ / sems rab tu 'dzin to// sngon lam yang dag par 'debs so// chos rnams thams cad don dam par mi spong ba dang / mi spong ba ma yin pa'i ched du rtogs par bya'o zhes bcom ldan 'das rdo rje rnal 'byor gyi dbang phyug chen pos 'di bka' stsal to/ / oM samya ka pra hA Na sarba ta thA ga tA sa mA tA a d+hiSh+Tha aHra hUM/ yang dag par spong ba brjod pa zhes bya ba shes rab kyi pha rol tu phyin pa'i sgo'o/ / rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya'o// brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed de/ shes rab kyi pha rol tu phyin pa don dam pa dang / kun rdzob kyi sgo'i chos thams cad sgyu ma sgyu ma'i mtshan nyid du 'jug go/ / zhes bcom ldan 'das chos tham cad kyi 'khor lo sgyur bas bka' stsal to// oM rid+d+hi prA da pA ra mi ta la pA pa ra hUM hUM/ rdzu 'phrul gyi rkang pa'i pha rol tu phyin ba mnyam pa nyid kyi ye shes zhes bya ba shes rab kyi pha rol tu phyin pa'o/ / dbang po lnga ni dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o// bcom ldan 'das chos thams cad mnyam pa nyid la dbang bskur ba spros pa med pa'i dbang po 'di dag bka' stsal to// oM in+d+ri yA ba bod+d+ha prA dz+nye i She dz+nyA nA nA ma n+ta nA pa ga tA ya AHhUM/ dbang po mnyam pa nyid ces bya ba shes rab kyi pha rol tu phyin pa'o// stobs lnga ni dad pa'i stobs dang / brtson 'grus kyi stobs dang / dran pa'i stobs dang / nge 'dzin gyi stobs dang / shes rab kyi stobs so zhes bka' stsal to// bcom ldan 'das chos thams cad mnyam pa nyid la gnas pa/ stobs thams cad rtogs pa/ spros pa thams cad bral bgadod ma nas dag pas 'di bka' stsal pa/ oM sarba ta thA ga tA ba la aHhUM hUMHsa/ stobs 'phel ba zhes bya ba shes rab kyi pha rol tu phyin pa'o// tshangs pa'i gnas pa bzhi ni/ byams pa dang / snying rje dang / dga' ba dang / btang snyoms so// oM brah+ma bI hA ra d+hiSh+Tha nA kaM maM druk+ShaM hUM hUM/ chos thams cad mnyam pa nyid ces bya ba shes rab kyi pha rol tu phyin pa 'di bka' stsal to/ / tshangs pa'i gnas pa byin gyis rlob pa'o// so so yang dag par rig pa bzhi ni spobs pa so so yang dag par rig pa dang / nges pa'i tshig so so yang dag par rig pa dang dongon so so yang dag par rig pa dang / chos so so yang dag par rig pa'o zhes bcom ldan 'das chos thams cad sgyu ma'i mtshan nyid du so so yang dag par rig pa'i phyir shes rab kyi pha rol tu phyin pa'o/ zhes bka' stsal to// oM pra ti sam+bi daHsa n+tu/ shes rab kyi pha rol tu phyin pa mnyam pa nyid do// rjes su dran pa drug gang zhe na/ sangs rgyas rjes su dran pa dang chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa'o// chos thams cad gcig tu rjes su dran pa ni chos thams cad don dam pa stong pa nyid ces bya'o/ / mtshan nyid dang mtshan nyid med pa rnam par spyod pas mnyam pa nyid kyi sgo zhes bya ba 'di ting nge 'dzin la dbang sgyur bas bka' stsal to// oM sarba a nu smi ti bud+d+he saM pa dA di shi hUM hUM hUM/ rjes su dran pa drug gi shes rab bo// byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chu kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ byang chub kyi yan lag mnyam pa nyid skye ba med pa'i mtshan nyid ces bya ba shA rab kyi pha / rol tu phyin pa bka' stsal to// oM sarba tA bo d+h+yaM ga sa ma tA su pra tiSh+Tha te druM paM/ 'phags pa'i lam yan lag brgyad gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i stsol ba dang / yang dag pa'i dran pa dang / yang dag pa'i ting nge 'dzin to// lam zang mi shes pa'i byang chub kyi sems chen po la 'jug pa legs par so sor rig par thams cad mkhyen pa'i ye shes so/ / oM Ar+ya thAM ga mArga maT/ 'phags pa'i lam yan lag brgyad pa mnyam pa nyid ces bya ba shes rab kyi pha rol tu phyin pa'o/ / ting nge 'dzin gsum ni/ stong pa nyid dang / mtshan ma med pa dang / smon pa med pa'o// de la stong pa nyid kyi ting nge 'dzin gang zhe na/ stong pa'i rnam pa dang / gsog dang / gsob kyi rnam pa dang / rang bzhin med pa'i rnam pas chos thams cad mtshan nyid gcig tu rtogs pa sems rtse gcig pa ste/ 'di ni stong pa nyid kyi ting nge 'dzin ces brjod do/ / de la mtshan ma med pa'i ting nge 'dzin gang zhe na/ gang la mtshan mar mi byed pa dang / 'dod pa med pa dang / shes pa med pa dang / zhi ba'i rnam pa dang / rnam par bral ba'i rnam par sems rtse gcig pa ste/ 'di ni mtshan ma med pa'i ting nge 'dzin ces bya'o// de la smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pa sems rtse gcig pa ste/ de ni smon pa med pa'i ting nge 'dzin ces bya'o// chos thams cad rtogs nas smon par mi byed de/ lha 'am lha las gzhan gang yang rung ba don du mi gnyer zhing gsol ba 'debs par yang mi 'dod pa ste/ dngos po thams cad la ting nge 'dzin thams cad kyi sgo yis kyang ngo // shes rab kyi pha rol tu phyin pa 'di nyid kyis ting 'dzin gyi sgo gsum nye bar rtogs par bya'o/ / oM kha sa maHsarba d+hArma/ khaM/ de la stobs bcu ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang / mos pa sna tshogs mkhyen pa'i stobs dang / sdug bsngal 'gog pa so sor mkhyen pa'i stobs dang / kun nas nyon mongs pa dang rnam par byang ba mkhyen pa'i stobs dang / sngon gyi gnas rjes su dran pa mkhyen pa'i stobs dang / mngon par shes pa lnga mkhyen pa'i stobs so/ / zag pa zad pa mkhyen pa'i stobs so// de bzhin gshegs pa thams cad kyi mnyam pa nyid so sor rtogs pa'i phyir shes rab kyi pha rol tu phyin pa'o// oM da sha ba la sa ma te thaM/ stobs bcu mnyam pa nyid ces bya ba shes rab kyi pha rol tu phyin pa'o// rnam par thar pa brgyad gang zhe na/ gzugs can gyis gzugs rnam mthong ba de ni rnam par thar pa dang po'o/ / nang gzugs med pa'i 'du shes dang ldan pas phyi rol gyi gzugs rnams mthong ba 'di ni rnam par thar pa gnyis pa'o// bzang bar mos pa 'di ni rnam par thar pa gsum pa'o// gzugs kyi 'du shes las yang dag par 'das kyithogs pa'i 'du shes rnams nab par b+hU cing / sna tshogs kyi 'du shes rnams yid la mi byed pas rnam mkha' mtha' las so zhes te/ mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o// de rnam pa thams cad du nam mkha' mtha' yas skye mched las yang dag par 'das te rnam par shes pa mtha' yas so zhes rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ / de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas pa 'di ni rnam par thar pa drug pa'o// de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o// de rnam pa thams cad 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms par 'jug pa la nye bar bsgrubs te gnas pa 'di ni rnam par thar pa brgyad pa'o// chos thams cad spros pa med pa'i mtshan nyid kun nas nyon mongs pa med cing rnam par byang ba med pa/ bsam gtan med cing bsam gtan med pa ma yin pa/ snyoms par 'jug pa med cing snyoms par 'jug pa med pa ma yin pa 'di bka' stsal to/ / oM sa man+ta b+ha dre sarba b+ha ba bi shud d+he d+hA Sha kha~M/ gnas dang gnas ma yin pa dang bral ba zhes bya ba shes rab kyi pha rol tu phyin pa'o/ / mi 'jigs pa bzhi gang zhe na/ bdag gis yang dag par rdzogs par sangs rgyas so zhes dam bcas na/ chos 'di rnams mngon par rdzogs par sa ma rgyas so zhes bya bar bdag la dge sbyong ngam/ bram ze 'am/ lha 'am/ bdud dam/ tshangs pa'am/ skye dgu'i tshogs gzhan ci'ang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas de la bdag med pa thob pa dang / ngag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca' 'o/ / 'khor gyi nang du seng ge'i sgra bsgrag go// tshangs pa'i 'khor lo 'jig rten dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste// chos dang ldan pa bskor bar mi nus pa bdag gis rab tu bskor bar bya'o// bdag zag pa zad do zhes dam bcas nas/ de la zag pa 'di rnams yongs su zad par ma gyur to zhes bya bar bdag la dge sbyong ngam/ bram me 'am/ lha 'am/ bdud dam/ tshangs pa 'am/ skye dgu'i tshogs gzhan su'ang rung ste/ 'jig rten na chos dang 'thun par zhes bya ba'i bar du'o// gang yang bdag gis bar chad kyi chos su bstan pa de dag la bstan na bar chad kyi chos su mi 'gyur ro zhes bya ba rgyas par sbyar ro// gang yang bdag gis lam 'phags pa'i nges par 'byung ba'i lam du bshad pa de yis nges par 'byung bar mi 'gyur te/ yang dag par sdug bsngal zad pa dang / yang dag par sdug bsngal mthar bya bar ga la 'gyur zhes dge sbyong ngam/ bram ze'am/ lha 'am/ bdud dam/ tshangs pa 'am/ skye dgu'i tshogs su'ang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ba la sogs pa ji ltar gyur pa thams cad yongs su spros te brjod par bya'o/ / mi 'jigs pa ni chos thams cad mnyam pa nyid sgyu ma'i mtshan nyid de ngar 'dzin pa dang / nga yir 'dzin pa dang bral ba'i phyir ro// / oM bai shA ra d+ya sa ma tA thA pa twA a AH/ aM AH/ mthar gyis gnas pa'i mnyam pa nyid kyi snyoms par 'jug pa dgu gang zhe na/ 'dod pas dben pa/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so// de rnam par rtog pa dang rnam par dpyod pa nye bar zhi nas nang yongs su dngas te sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ / de dga' ba'i 'dod chags dang bral bas btang snyoms su gnas te/ dran pa dang ldan zhing shes bzhin can lus kyis bde ba myong la 'phags pa rnams kyis de la dran pa ldan pa'i bde ba la rnam par dpyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so// de bde ba'ang spangs/ sdug bsngal ba'ang spangs shing / yid bde ba dang / yid mi bde ba snga nas kyang nub pas/ bde ba'ang med/ sdug bsngal ba'ang med/ btang snyoms pa dang dran pa yongs su dag pa/ bsam gtan bzhi pa la nye bar bsgrubs te gnas so// de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so// de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yos skye mched la nye bar bsgrubs te gnas so// de rnam pa thams cad du rnam shes mtha' sos skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so// de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so// de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i snyoms par 'jug po la nye bar bsgrubs te gnas so// rnam par thar pa brgyad po dang mnyam pa nyid rjes su thob nas dngos por rtog par mi byed/ dngos po med par rtog par mi byed/ chos thams cad gnyis su med par rtogs so// 'di ni mthar gyis gnas pa'i snyoms par 'jug pa dgu mnyam pa nyid do// oM a nan+ta/ bi mo k+Sha mu khe shum/ dngos po thams cad mthar gyis gnas pa'i rnam par thar pa mnyam pa nyid ces bya ba shes rab kyi pha rol tu phyin pa'o// de la pha rol tu phyin pa bcu gang zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang shes rab kyi pha rol tu phyin pa dang / smon lam gyi pha rol tu phyin pa dang / ye shes kyi pha rol tu phyin pa dang / stobs kyi pha rol tu phyin pa dang / thabs kyi pha rol tu phyin pa dang / thams cad kyi pha rol tu phyin pa dang / mi mnyam pa dang mnyam pa'i pha rol tu phyin pa dang / spros pa med pa'i pha rol tu phyin pa dang / yang dag pa'i don gyi pha rol tu phyin pa dang / chos thams cad kyi de kho na nyid kyi don gyi pha rol tu phyin pa dang / rdo rje'i pha rol tu phyin pa dang / rin po che'i pha rol tu phyin pa dang / pad+ma'i pha rol tu phyin pa dang / las kyi pha rol tu phyin pa dang / chos thams cad mnyam pa nyid kyi pha rol tu phyin pa ste/ brtan pa'i rjes su rtogs pa'i sbyor bas so// oM sarba pA ra mi tA ar+tha pa ri pU ra Ni/ oM praM hUM taM/ thams cad kyi pha rol tu phyin pa zhes bya ba shes rab kyi pha rol tu phyin pa'o/ / de la sa bcu po gang zhe na/ rab tu dga' ba zhes bya ba'i sa dang / dri ma med pa zhes bya ba dang / 'od byed pa zhes bya ba dang / bong 'phro ba zhes bya ba dang / sbyang dka' ba zhes bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba dang / sa thams cad don gcig ste/ 'di ltar ye shes kyi don to// ye shes kyang ci'ang med pa/ nyon mongs pa med pa yi ge med pa/ don yod pa/ gdod ma nus dag pa/ dri ma med pa/ 'od gsal ba/ brjod pa dang bral ba zhes bya ba'i don to// oM b+hu ma bi sho d+ha ni sarbA nA pa ri pU ra Ni baM bruM/ sa yod su sbyong ba zhes bya ba shes rab kyi pha rol tu phyin pa'o/ / byang chub sems dpa'i gnas pa bcu gang zhe na/ byang chub sems dpa' sems dang po bskyed pa dang / gzhon nur gyur pa dang / las dang po pa dang / rnal 'byor spyod pa dang / skye ba nas skye bar sbyor ba dang ldan pa dang / bsam pa dang ldan pa dang / phyir mi ldog pa dang / dbang bskur ba thob pa dang / skye ba gcig gis thogs pa dang / byang chub sems dpa' rnams kyi rnam par gnas pa dang mi gnas pa dor ba ste/ don dam par gnas pa gcig yin pa'i phyir te/ 'di ltar gnas pa med pa'o// oM sarba bya ba swa na bi ga te hUM/ rnam par gnas pa med pa zhes bya ba'i shes rab kyi pha rol tu phyin pa'o// byang chub chub sems dpa' rnams kyi dbang bcu gang zhe na/ tshe la dbang ba dang / las la dbang ba dang yo byad la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / ye shes la dbang ba dang / chos la dbang ba dang / sems la dbang ba'o// dbang ba dang mi dbang ba rang bzhin gyis rnam par grol ba thams cad la dbang ba/ dbang phyug thams cad la dbang rjesu thob pa/ chos thams cad legs par so sor rtogs pa nyid kyi phyir ro/ / oM sarba ba shi te trA trAM hUM/ thams cad la dbang ba zhes bya ba shes rab kyi pha rol tu phyin pa'o// de la sangs rgyas kyi chos ma 'dres pa bco brgyad gang zhe na/ de bzhin gshegs pa la 'khrul pa mi mnga' 'o// ca co ma mnga' 'o// dgongs pa nyams pa mi mnga' 'o// thugs mnyam par ma gzhag pa mi mnga' 'o// 'du shes sna tshogs mi mnga' 'o// sa brtags pa'i btang snyoms mi mnga' 'o// 'dun pa yongs su nyams pa mi mnga' 'o// brtson 'grus yongs su nyams parmi mnga' 'o/ / dran pa yongs su nyams pa mi mnga'a'o// ting nge 'dzin yongs su nyams pa mi mnga' 'o// shes rab yongs su nyams pa mi mnga'a'o// rnam par grol ba yongs su nyams pa mi mnga'a'o/ / rnam par grol ba'i ye shes gzigs pa yongs su nyams pa mI mnga' 'o// 'das pa'i dus la ma chags ma thogs pa'i ye shes gzigs pa 'jug go/ ma 'ongs dus la ma chags ma thogs pa'i ye shes gzigs pa 'jug go/ / da ltar byung ba'i dus la ma chags ma thogs pa'i ye shes gzigs pa 'jug go// sku'i 'phrin las thams cad ye shes sngon du 'gro ba ste ye shes kyi rjes su 'brang ngo / / gsung gyi 'phrin las thams cad ye shes sngon du 'gro ba ste ye shes kyi rjes su 'brang ngo // thugs kyi 'phrin las thams cad ye shes sngon du 'gro ba ste ye shes kyi rje su 'brang ngo / / 'di chos rjes smra ba'i bsgyur 'phro lags// rgya dpal gtugs shing slob dpon rab bzhi bshes gnyen gyi 'grel pa dang yang bstun nas zhus dag byas shing / mi bcos su mi rung bai re re tsam 'grel pa dang bstun nas bcos shing / zhu thug g.yar khral du blangs nas/ bu sngon gyis bgyis pa'o// dpal rdo rje sems dpa' la phyag 'tshal lo// de la sa bcu rnams ci zhe na/ rab tu dga' ba zhes bya ba'i sa dang / dri ma med pa zhes bya ba dang / 'od 'phro ba zhes bya ba dang / thub par dka' ba zhi bya ba dang / mngon du gyur pa zhes bya ba dang / ring du song ba zhes bya ba dang / mi g.yo ba zhes bya ba dang / legs pa'i blo gros zhes bya ba dang / chos kyi sprin zhes bya ba'o// sa rnams thams cad don gcig pa ste/ 'di lta ste/ ye shes kyi don no// ye shes kyang don dam par ci'ang med pa/ nyon mongs pa med pa/ 'gyur ba med pa/ don yod pa/ gdod ma nas dag pa/ dri ma med pa/ 'od gsal ba/ brjod du med pa'o zhes pa'i don gang yin pa'o// oM b+hU mi bi sho d+ha ni sarbAr+tha pa ri pU ra Ni bi b+h+yAM/ sa yongs su sbyong ba zhes bya ba'i shes rab kyi pha rol tu phyin pa'o// byang chub sems dpa' rnams kyi rnam par gzhag pa bcu rnams ci zhe na/ byang chub sems dpa' sems dang po bskyed pa dang / byis par gyur pa dang / las dang po pa dang / rnal 'byor spyod pa dang / skye ba bskyed pa dang / sbyor ba phun su tshogs pa dang / bsam pa phun sum tshogs pa dang / phyir mi ldog pa dang / dbang bskur ba thob pa dang / skye ba gcig gis thogs pa ste/ byang chub sems dpa' rnams kyi rnam par gzhag pa ni don dam pa thunas par gnas pa dang thAs / rnam pa gags pa ga nyid kyi phyir ma / tshul gzhag pa ma bag/ mosas pa bstan pag gzhag pa med pa zhes bya ba'i shes rab kyi pha rol tu phyin pa'o/ / byang chub sems dpa' rnams kyi dbang bcu rnams ci zhe na/ tshal dbang ba dang / las la dbang ba dang / yo byad la dpa bdang / mos pa la dbang ba dang / smon lam la dbang ba dang / rdzu 'phrul la dbang ba dang / skye ba la dbang ba dang / stobs la dbang ba dang / chos la dbang ba dang / sems la dbang ba'o/ / dbang rnams thams cad kyang don dam par dbang med pa/ rang bzhin rnam par dben pa/ kun rdzob tu dbang phyug thams cad la dbang rjes su thob pa ste/ chos legs par so sor rtogs pa nyid kyi phyir ro/ / oM sarba ba shi he d+b+ha b+h+rUM hUM/ dbang thams cad ces bya ba'i shes rab kyi pha rol tu phyin pa'o// de la sangs rgyas kyi chos ma 'dres ba bco brgyad rnams ci zhe na/ de bzhin gshegs pa la 'khrul pa med pa dang / ca co med pa dang / dkod pa nyams pa med pa dang / thugs mnyam par ma gzhag pa med pa dang / tha dad pa nyid kyi 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med cing rnam par grol ba'i ye shes gzigs pa nyams pa med pa dang 'das pa'i dus la ma chags ma thogs pa'i ye shes gzigs pa 'jug pa dang / ma 'ongs pa'i dus la ma chags ma thogs pa'i ye shes gzigs pa 'jug pa dang / da ltar gyi dus la ma chags ma thogs pa'i ye shes gzigs pa 'jug pa dang / sku'i 'phrin las thams cad ye shes sdod du 'gro zhing ye shes kyi rjes su 'brang ba dang / gsung gi 'phrin las thams cad ye shes sngon du 'gro zhing ye shes kyi rjes su 'brang ba'o/ / thugs kyi 'phrin las thams cad ye shes sngon du 'gro zhing ye shes kyi rjes su 'brang ba'o// de bzhin gshegs pa thams cad ni yul thams cad du dus thams cad kyi tshe thams cad mnyam pa nyid la legs par rab tu gnas pa ste/ stong pa nyid la yang dag par rjes su rtogs pa nyid kyi phyir na shes rab yongs su dag pa'o/ / oM A ma Ni ka bud+d+ha d+harma sa ma tre aHbI ra hUM khaM/ ma 'dzes pa mnyam pa nyid ces bya ba'i shes rab kyi pha rol tu phyin pa'o// / de la skyes bu chen po'i mtshan sum cu rtsa gnyis rnams ci zhe na/ phyag dang zhabs kyi mthil 'khor los mtshan pa nyid de/ 'di'i phyag dang zhabs kyi mthil dag la 'khor lo rtsibs stong can lte ba dang bcas pa mu khyud dang bcas pa rnam pa thams cad yongs su rdzogs pa'o/ / phyag dang zhabs kyi mthil legs par gnas pa ste/ zhabs kyi mthil thams cad kyis sa gzhi la reg cing / de'ang 'di'i mtho ba ni dma' ba dang / dma' ba ni mtho ba'o// phyag dang zhabs kyi sor mo dang pa'i rgyal po lta bur dra bas 'bral ba ste/ de bzhin gshegs pa rnams kyi phyag dag dang / zhabs de dag gser gyi mdog can gyi ri bo'i 'phreng ba rnams kyis rkang pa brgyad pa bzhin du mdzes pa'o/ / phyag dang zhabs 'jam zhing gzhon sha chags pa nyid de/ bcom ldan 'das 'di'i phyag dang zhabs dag ras bal 'jam po bzhin dang / skyes nas zla ba lon pa'i byis pa bzhi/ du gzhon shA can dang / kA tsa lin dA ltar 'jam pa/ reg na bde ba'o// bdun mtho bar gyur to// phyag gnyis dag dang / zhabs gnyis dag dang / phrag gong dag dang / mgrin pa'i phyogs gcig dag gis so// sor mo ring ba ste/ 'di'i zhabs kyi sor mo rnams rim gyis ring ba nyid do// cing pa yangs pa ste/ 'di'i rting pa che zhing zhabs kyi rjes su 'tshams par yangs par 'gyur ro// sku che zhing drang ba nyid de/ 'phye bo ma yin zhing zhom pa ma yin/ ma tshang ba ma yin/ 'thas pa ma yin/ legs par skyes pa rnam pa thams cad pa bdun dang ldan pa'i sku ste/ mtho ba 'di'i srid dang rjes su 'tsham pa'i zheng du 'gyur ro// zhabs 'bur mi mngon pa nyid de/ 'di'i pus mo dang long bu mtho ba 'gyur ro/ / ba spu'i rtse mo gyen du phyogs pa ste/ 'di'i baspu rnams rtse mo gyen du phyogs par 'gyur zhing / ba spu rnams g.yas phyog su 'khyil la 'khor ba mig sman gyi mdog can rnams te// de rnams kyi gser gyi mdog can gyi sku mdog gsal bar byed do// byin pa ri dgas a n+ya ya'i lta bu ste/ bcom ldan 'das kyi byin pa dag zlum pa ri dgas e n+ya ya rnams lta bu'o// phyag ring bzhin mdzes pa ste/ rgyas shing ma btung ba nyid du phyag mthil dag gis rang gi pus mo'i lha nga la rag pa'o// mdoms kyi sba ba sbubs su nub ste/ sbubs kyis rab tu g.yogs pa glang po che'i gsang gnas lta bur 'gyur ro/ / sku mdog gser 'dra ba ste/ 'di'i kha dog gser lta bur 'gyur ro// pags pa srab pa ste/ shin tu 'jam pa gser shog ltar 'jam pa'i pags pa can du 'gyur zhing / rdul med pa'i na bza' 'dzin pa'o// s+phu re re nas skyes pa ste/ 'di'i ba spre'i khung bur spu rnams re rer 'gyur ro// smin ma'i dbus na mdzod spu can te/ 'dig smin ma dag gi dbus na ras skud legs pa lta bu dung bcag pa'i kha dog can g.yas phyogs su 'khyil bar 'gyur te/ mdzod spu nyid kyis zhal gser gyi kha dog lta bu shin tu gsal bar byed do// sku stong se ga lta bu ste/ 'di'i sku steng du yangs pa seng ge lta bur 'gyur ro// dpung mgo zlum pa ste/ yongs su zlum pa'i mgrin pa can du 'gyur ro// thal gong rgyas pa ste/ 'di'i che bar rgyas par 'gyur zhing gser shog bzhin du rnam par gsal ba'i mgrin pa can no/ / yan lag so so rnams su ro rnams myong bar byed do zhes pas na/ ro bro ba'i mchog dang ldan pa nyid de/ rtsa rnams yin pa de rnams kyi mchog tu rlung dang / mkhris pa dang / bad dkan la sogs pa rnams kyis ma dkrugs pa nyid kyi phyir yang dag par gsal ba'o// shing n+ya gro d+ha ltar chu zheng gab pa ste/ skyes bu chen po'i chu dang zheng dag mnyam pa'o/ / dbu gtsug tor dang ldan pa ste/ dbu zlum par 'gyur zhing gtsug tor gdugs lta bus yas bkab pa gtsug tor yang shin tu mtho ba'o// ljags ring ba ste/ snyan gyi mtha'i bar du ljags kyi rtse mos reg par byed cing dbu skra'i mthar thug par yang / dpral ba'i mthar ljags kyis khebs pa'o// tshangs pa'i dbyangs te/ 'khor stong phrag du mar dbyangs nang du ji lta ba de ltar phyi rol du'ang thos shing / bya ka la bing ka'i bzhin du snyan pa nyid du 'gyur ro// 'gram pa seng ge'i lta bu ste/ 'gram pa dag seng ge'i bzhin du zlum par 'gyur ro// tshems dkar ba ste/ dung dang / kun dadang / zla ba'i kha dog can gyi tshems rnams so// tshems mnyam pa ste/ ha cang dma' ba ma yin/ mtho ba ma yin/ mi mnyam pa ma yin pa'i rtse mo can gyi tshems rnams su 'gyur ro// tshems thags bzang ba ste/ choms rnams par med pa'o// tshems bzhi bcu mnga' ba ste/ tshems 'og tu nyi shu dang / steng du tshems nyi shu'o// spyan mthon mthing ste/ spyan dag gi sngon po gang yin pa de shin tu rnam par dag par 'gyur te/ ri mo dmar po rnams sa dang ma 'dres pa nyid du phyir la/ gang dkar po yin pa de dkar po kho na shin tu rnam par dag par 'gyur ro// rdzi ma pa'i lta bu ste/ spyan gyi rdzi ma rnams khyu mchog gi bzhin du 'og ma yin pa de rnams 'og kho na dang / gang steng ma yin pa de rnams steng kho nar gnas pa/ ma 'dzings pa/ legs par gzhol ba'o// sems can 'ga' zhig rnams kyis de bzhin gshegs pa gser gyi mdog can du mthong ba/ 'ga' zhig rnams kyis shel gyi mdog can du mthong ba/ 'ga' zhig rnams kyis pad+ma rA ga'i mdog dang / 'ga' zhig rnams kyis in+d+ra nI la'i kha dog dang 'ga' zhig rnams kyis mu tig dmar po'i kha dog can dang / 'ga' zhig rnams kyis dung dang / kun da dang / zla ba ltar dkar ba dang / 'ga' zhig gis kha dog sna tshogs pa dang / 'ga' zhig gis nam mkha'i kha dog dang / 'ga' zhig gis khru phyed dang bcu gsum pa'i tshad dang / ji srid du dpag tshad 'bum gyi tshad dam dpag tshad bya ba'i tshad dang / ji srid du 'jig rten gyi khams rab 'byam rgya mtsho'i sprin mtha' yas pa rnams su sdang bar mdzad pa'i 'od kyi dkyil 'khor can dang / stong gsum gyi stong chen po'i 'jig rten gyi khams snang bas yongs su rgyas par mdzad pa dang / ji srid du me tog gi gzhi'i snying po'i rgyan bkod pa'i rgya mtsho rnam par snang bar byed cing / chos kyi dbyings kyi mthar thug pa'i bar du ste/ sangs rgyas thams cad kyi yul gdul bya'i dbang las thams cad snang bar byed cing / 'jig rten gyi khams thams cad dbyangs kyis rnam par rig par mdzad pa dang / stong gnyis dang / gsum dang / ji srid nam mapa'i mthar thug pa'i bar thams cad kyi 'od dang dbyangs kyis snang bar byas nas/ rnam par rig par mdzad pa da cos dang thang ci rang / don 'thun pa dang / don bya ba'i bsdu ba'i dngos po bzhi rnams kyis sems can rnams la phan 'dogs shing / phan btags nas byang chub chen po la rab tu dgod par mdzad do// skyes bu chen po'i mtshan sum cu rtsa gnyis mnyam pa nyid kyis chos rnams thams cad mnyam zhing mnyam pa ste/ de bzhin gshegs pa rnams kyi mtshan mngon par 'grub par blta bar bya'i// mtshan ma yin pa mngon par 'grub pa ni ma yin no// byang chub mtshan nyid med pa nyid kyi phyir chos rnams thams cad mtshan nyid meng pa ste/ 'di lta ste/ stong pa nyid kyi mtshan nyid can no// de bzhin gshegs pa thams cad kyang stong pa nyid du mnyam pa'o// de bzhin gshegs pa thams cad dang / byang chub dang / chos rnams thams cad kyang mtshan nyid gcig pa ste/ 'di lta ste/ nam mkha'i mtshan nyid can/ stong nyid kyi mtshan nyid can/ zhi ba'i mtshan nyid can rnams so zhes pa'o// oM sarba ta thA ga ta par lak+Sha Na sa ma ta d+harma te oM/ mtshan thams cad mnyam pa nyid ces bya ba'i shes rab kyi pha rol tu phyin pa'o// dpe byad brgyad cu rnams ci zhe na/ sangs rgyas bcom ldan 'das rnams kyi sen mo zangs kyi mdog lta bur 'gyur te/ sen mo snum pa dang / sen mo mtho ba dang / sen mo rnams zlum par gyur pa dang / sor mo rnams rim gyis phra ba dang / sor mo rnams rgyas pa dag rtsa mi mngon pa dang / rtsa rnams mdud pa med pa dang long bu mi mngon pa dang / zhabs mi mnyam pa med par mtshungs pa dang / glang po che'i stabs su gshegs pa dang / seng ge'i stabs su gshegs pa dang / g.yas phyogs su ldog cing gshegs pa das drang po gshegs pa dang / mdzes par gshegs pa dang / rim gyis gsheg pa dang / che zhing yangs la yongs su gyur pa'i pus mo'i lha nga can dang / mtshan yongs su rdzogs pa dang / gom pa snyoms pa dang / sku rnam par dag pa dang / skra 'jam pa dang / skra rnam par dngas pa dang / skra zhum pa med pa dang / ska dgu pa med pa dang / kun tu spyod pa gtsang ba dang / khyu mchog ltar kun nas rab tu dang ba can dang / gzigs pa yongs su dag cing mngon par 'dod pa la mnyam pa'i 'od can dang / dku zlum pa dang / dku skabs phyin pa dang / dku ma rnyongs pa dang / sku rkang gzhu'i lag bcangs lta bu dang / lte ba zab pa dang / lte ba mi g.yo ba dang / lte ba g.yas phyogs su 'khyil ba dang / lte ba thogs pa med pa dang / yan lag dang nying lag shin tu rnam par dbyes pa dang / pag pa skyon dang bral ba dang / gnag bag dang sme ba med pa dang / sku brtan pa dang / phyag shing bal lta bu dang / phyag yangs pa dang / phyag gi ri mo snum pa dang / phyag gi ri mo mi yo ba dang / mchu bim pa lta bu dang / zhal ha cang mi ring ba dang / mnyen zhing srab la dmar ba'i ljags dang / glang po che'i nga ro can dang / snyan cing mnyen pa'i dbyangs dang / sgra phun sum tshogs pa dang / dbyangs 'jam pa dang / shangs mtho ba dang / mche ba zlum pa dang / mche ba dkar ba dang / mche ba byin gyis phra ba dang / spyan gtsang ba dang / spyan yang pa dang / spyan mthon mthing dang / rdzi ma gnag pa dang / smin ma stug pa dang / srin ma 'jam pa dang / spyan dkar nag 'byes shing pad+ma'i 'dub ma lta bu dang / smin tshugs ring ba dang smin ma'i sgra nag pa dang / smin ma'i sgra phra ba dang / smin ma rjes su 'thun pa dang / kha dog ma nyams pa dang / snyan mi mnyam pa med pa dang / snyar skyon dang bral ba dang / dbang po thams cad ma nyams shing skyon dang bral ba dang / sku yongs su rdzogs shing mtho la mchog tu gnas pa'i zhal gdong dang dpral ba can dang / dbu shin tu rgyas pa dang / dbu skra gnag pa dang / dbu skra skyug pa dang / dbu skra 'jam pa dang / dbu skra dri zhim pa dang / dbu skra mnyam pa dang / dbu skra snum pa dang / dbu ska ma 'khums pa dang / dbu skra ma 'khrugs pa dang / dpal be'u dang / bkra shis dang / g.yung drung 'khyil bas brgyan pa dang / rgyal mtshan yang dag par gnas pa dang / dpral ba dung lta bu dang / dbu mchog tu mtho ba dang / gtsug tor yar 'phags pa dang / dbu gdugs kyi rnam pa can dang / kun nas mdzes pa ste/ de bzhin gshegs pa rnams ni tshad med pa'i dpe byad can/ mnyam pa nyid la legs par rab tu gnas pa/ gsal byed dang gsal byed ma yin pa mnyam pa nyid la legs par rab tu gnas pa/ chos thams cad gsal byed med par mnyam pa nyid la legs par rab tu gnas pa/ mtshan dang dpe byad thams cad sgyu ma'i chos dang ldan pa la legs par rab tu gnas pa/ dus gsum gyi dpe byad mnyam pa nyid rdo rje lta bu mnyam pa nyid thob pa/ stong pa nyid kyi chos thams cad dang dpe byud mnyam pa nyid thob pa/ gnyis su med pa'i/ don la gnas par yang dag par zhugs pa rnams so zhes pa'o// oM a nu bany+dza na sa ma tA su pra tiSh+Thi ta badz+ra dz+nyA na hUM dz+dza a~M/ dpe byang mnyam pa nyid ces bya ba'i shes rab kyi pha rol tu phyin pa'o// de nas bcom ldan 'das de bzhin gshegs pa thams cad 'dus par gyur nas/ bcom ldan 'das rdo rje rnal 'byor gyi dbang phyug chen po can la legs so zhes bya ba rnams kyis mnyes par mdzad do/ / oM byang chub sems chen khyod legs so// sangs rgyas kun gyi bdag nyid mchog/ sangs rgyas chen po khyod legs so// ting 'dzin dbang du 'jug pa yi// rdorje ye shes khyod legs so/ / rdo rje sems dpa' khyod legs so// tshad med ched du khyod legs so// shes rab dam pa'i cheng du yang // mdo sde 'di ni legs par bshad// sangs rgyas snga mas ma gsungs pa'o/ / de nas bcom ldan 'das rdo rje rnal 'byor can gyi dbang phyug chen pos/ de bzhin gshegs pa rnams thams cad la phyag 'tshal ba bzhi'i mngon par dgos par mdzad do/ / sangs rgyas khyod la phyag 'tshal lo// chos kyi sku yi mchog gi mchog/ gdod ma'i sngags kyi don nyid la// rdo rje ye shes stobs chen la// shin tu sgrib med zhi ba la/ / rdo rje chos rnams legs gnas pa// theg pa chen po'i go 'phang thog/ thugs rje'i bdag nyid can gyi lha// gdod nas dag bya dpa' bo na/ / dbang phyug dam pa mchog gi mchog/ dan+d+ha sa mchog tu 'gyur ba med// bde gshegs de rnams la phyag 'tshal// zhes pa'o// lo sku ste aM maM hUM hUM na mo stu staM swA hA/ 'di ni brjod pa tsam zhig gis// sangs rgyas thams cad rab mchod pa'o// zhes pa'o// de nas bcom ldan 'das rnam par snang mdzad chen pos/ / de bzhin gshegs pa thams cad bos nas 'di skad ces gsungs so// bcom ldan 'das de bzhin gshegs pa rnams thams cad dngos grub thams cad kyi dkyil 'khor bskyed par mdzad du gsol/ de nas bcom ldan 'das de bzhin gshegs pa rnams tham cad slar yang 'dus pa mdzad nas/ bcom ldan 'das rdo rje rnal 'byor can gyi dbang phyug chen po la gsol ba btab pa/ bcom ldan 'das khyod nyid kyis rigs thams cad 'khor lor bskyed par mdzad du gsol/ dan bcom ldan 'das rdo rje rnal 'byor gyi dbang phyug chen pos gsol ba btab pa'i gsung gi de ma thag kho nar/ 'jam dpal gzhon nur gyur pa la bos te bka' stsal pa/ 'jam dpal de bzhin gsheg pa rnams thams cad kyi byang chub kyi snying po nyod cig ces te/ de nas 'di las yang dag bshad// byang chub dkyil 'khor bla na med// rdo rje ye shes gsang ba mchog/ sangs rgyas skyob pa thams cad kyi'o// dben pa'i sa gzhi nyams dga' ba/ me tog 'phreng bas rnam brgyan pa/ kun tu sna tshogs cha bzang ba/ kun tu sna tshogs sdom pa ni/ / kun nas sna tshogs bya ba rnams// dam pa'i don du bsgrub par bya// ri yi mchog gam grong khyer ni/ me tog 'bras bus rnam brgyan rer gnas sngags pas dngos grub mchog/ gal te 'dod na yang dag bri// gtsug lag khang dang dgon pa'i gnas// ri stangs rnams su kun nas sangs rgyas kun gyi bya ba rnams/ / dam pa'i don du bsgrub par bya/ ma mo gnas dang zhi ba'i gnas/ dur khrod lha yi gnas su ni/ rdo 'dzin dpal bya ba rnams/ don dam par ni bsgrub par bya// pad+ma'i skyang mos tshal kun dang / chu bo 'dus pa rnams su yang / phyag na pad+ma dpal dam pa'i doran du bsgrub par bya/ / rgyal po'i pho brang nyams dga' dang // rgyal po'i skyed tshal rnams su ni/ rdo rje ri cher de yis ni/ rin chen bya ba rnams bsgrub bya/ / rtags gcig pa dang ba lang lhas// chu klung 'dus pa rnams su yang // sna tshogs bya ba thams cad rnams// dam pa'i don du bsgrub par bya/ / dpal ldan rdo rje sems dpa' dang // lha rnams gnas mchog kun tu'o// nam mkha' 'am ni phyogs gzhan du// gang du mnyam par bzhag pa der/ rtag par bsod nams mchog gyur pa// bya ba thams cad bsgrub par bya// phyogs kun mnyam nyid gnas dkyil 'khor// shes rab can gyis thig gdab bya// shar lho rub dang byang rnams kyi/ / phyogs su dkyil 'khor thig brgyad po// de yi phyi ru 'khor lo ri// kha dog lnga pa cher 'bar ba'o// gru bzhi pa la sgo bzhi pa// u0f7fbabs bzhi yis mdzes pa ste/ sna tshog gos dang me tog 'phreng // rnga yab sogs kyis rnam brgyan pa// dkyil 'khor kun la gnas pa yi// sgo dang sgo khyud mtshams rnams su// rdo rje rin chen rnams kyis spras// dkyil 'khor thams cad bri bar bya/ / dkyil 'khor de yi dbus ni// gal te dngos gru mchog 'dod na// zla ba'i dkyil 'khor la gnas pa// sangs rgyas gzugs brnyar bri bar bya// shar du bcom ldan 'khor lo can/ / rdo rje sems dpa' yang dag ldan// 'khor lo sgyur ba thams cad ni// sgeg par bcas pa kun bri bya// lho ru gtsug tor dkar po ni// rin chen 'bar ba yang dag lnga/ gtsug tor dkar po'i dbus su ri// rdo rje gzi brjid la sogs bri// byang du brtson 'grus chen po ni// gzi brjid phung po stobs po che// sna chog rdo rje sogs bcas pa// rim pa kun nas bri bar bya/ / rdo rje rnal 'byor can gyi ni// dbang phyug mgon po'i nub phyogs su// gtsug tor rgyal ba brtson 'grus che// rdo rje chos sogs dam bcas pa// thams cad sngags pas bri bar bya/ gal te dngos grub mchog 'dod na// dpal ldan phyogs su 'phags pa gnas// me mtshams su ni mer 'phags so// bden bral du ni rnam rgyal nyid// rlung du de bzhin rnam 'phro ba'o// rdo rje sems dpa' sems dpa' che/ / sems dpa' kun gyi mdun du ni// zla ba'i dkyil 'khor dbus gnas pa// gsal zhing 'bar 'khrigs 'od zer can// mkhas pas dkyil 'khor rnams su ni// mchod pa rnams ni bzhag byas te/ / sgeg mo la sogs mchod pa che// de bzhin gzugs sgra la sogs dang // bdug pa la sogs gsang chen no// sgo skyong ba ni bzhi yin no// phyi yi dkyil 'khor gnas rnams// kun tu bzang po la sogs bri// de ltar dkyil 'khor bri bya ste// mchod pa byas nas snga ma bzhin// de bzhin 'jug pa sogs byas la// sgrub pa'i thabs ni brtsam par bya// rdo rje rnal 'byor dbang byug sogs/ / dkyil 'khor mngon sum mthong ba las// snga pa rtag pa ji bzhin du// phyi nas de bzhin bri bar bya// bsod nams ldan pas dkyil 'khor rnams// thams cad tshon gyis rab brtag pa/ rang gi lhag pa'i lha ngo bos// dkyil 'khor thams cad bri byar 'gyur// rang lha'i bdag nyid rnal 'byor gyis// dkyil 'khor thams cad rab tu grub// cho ga dman dang lhag pas kyang / / 'grub par 'gyur te sgron ma yin// kun tu sna tshogs skal bzang ba// kun nas sna tshogs 'khor lo can// 'khor lo sgyur ba bdag nyid che// rin chen bdun gyis ma rod pa che// yongs su rdzogs pa'i zla ba ltar/ / dkyil 'khor bdud rtsi 'byung zhes bya// sangs rgyas rdo rje 'dzin sogs kyis// dkyil 'khor 'di ni bshad byas pa'o// phyag na pad+ma bdag nyid tshe'i// pad+ma'i rnam par shes par bya// rin po che yi rin chen rnams/ / dkyil 'khor sna tshogs rnam pa'o// dkyil 'khor dman zhing dam tshig rnams// dor ba byas pa de nyid ni// gsang ba shes pa ma yin na// sgrub pa'i thabs ni 'grub mi 'gyur// de phyir 'bad pa thams cad kyis/ / dkyil 'khor thams cad lta ba ni// gal te dngos grub mchog 'dod na// gdon mi za bar rtag tu bya// bla ma la ni yon phul nas// rjes su rim pas bsgrub par bya// brtan pa 'am ni g.yo ba yi/ / rdzas rnams ji snyed thams cad de// rtsa ba me tog 'bras bu sogs// bu mo legs par brgyan byas dang // 'dod pa'i chung ma phul byas nas// slar yang rin gyis bsla bar bya/ / grong dang de bzhin gtsug lag khang // kun dga' ra sogs rgyal srid mchog/ gang la sbyin bya cung zad yod// 'tsho ba de ni sbyin par bya// bdag gi dngango po yongs gtong pa// sangs rgyas thams cad rab mchod pa'o/ / tha ma la ni yon phul nas// gsang ba dam pa rmad byung ba/ mngon par dbang bskur de nas bya// 'dab ma brgyad pa yid 'ong la// slob ma bzhag nas yan lag kum phyag rgya kun nas bcings byas nas khams kun rang bzhin rtsa ba dang / / sa bon 'bras bu dud pa yi// bum pa rnams kyis dbang bskur te// sangs rgyas 'phreng ba'i dbang bskur las// spyi bo dang ni dpral ba dang / / gzhogs dang de bzhin rgyab tu yang // sangs rgyas rin chen chen po kun// cod pan mchog tu mi 'gyur ro// dpal ldan sangs rgyas gtsug nor bu// gdugs dkar steng na gnas pa'o// rgyal srid kun gyi dbang bskur gyis/ / yang dang yang du dbang bskur bya// dpal kun gyis ni mngon mtho ba// zhes bya'i dbang bskur bshad pa'o// khams kun rang bzhin glang po dang // rta ni mchog tu 'bar ba 'am// seng ge'i gdan gnas dbang bskur ba/ / dpal gyi sngags ni rjod byed cing // dpal gyis mngon mtho zhes bya 'am// dam pa'i don gyis dbang bskur ba// bkra shis sam ni dpal be'u// gang yang bris nas dbang bskur bya/ / sangs rgyas dpa' bo thams cad kyis// rnam rgyal dbang bskur zhes bshad do// tsan dan nu dang bung ba che// gzhan gyis mi thub sman blugs la// kun nas dbang bskur ched du ni// rtag tu shes rab can gyis btab/ / gzhan gyis mi thub dbang bskur mchog/ dkyil 'khor gang gang bris byas nas// phyag rgya gang dang gang bkod pa// der ni de dang de brtag bya// de rnams phyag rgyangam par bsha/ dang / @##/ bskur ched du sangs rgyas rnams// lha de rnams ni yid du 'ong // sman gyi dam pa mchog gyur pa// sangs rgyas kun gyis rab bshad/ tsan dan dang ni rgya spos dang / ga pur de bzhin gur kum dang / sa ka ru dang lha yi shing / / tsan dan dmar po nyid dang ni// saM ha byA g+h+ri de bzhin mchog/ kun nas hAs de ba dang // gi ri kaN+Tha tshangs mchod sbyin// sman gyi dam pa rnams su bshad// lha gnas kun gyi sbyor ba yis// sangs rgyas mchod pa rab 'jug cing / / dang po rdo rje dbang bskur ba// shes rab thams cad rab 'jug byed// rin chen dam pa'i dam pa ni// gser la sogs kyis thams cad nas// sman kun dang ni sa bon kun// 'bru rnams thams cad bzang po ni/ / sangs rgyas byin brlabs rnal 'byor las// dbang bskur don du rab bcag bya// sangs rgyas kun gyi rnal 'byor che// dbang bskur dam pa 'od 'bar ba'o// sangs rgyas kun nas sangs rgyas 'gyu zhes pa'o/ / dpal rdo rje snying po rgyan gyi rgyud du ji ltar rnyed pa yongs su rdzogs so// / rigs gzugs skal bzang mang thos blo 'byor sogs// phun tshogs ldan pa dpal ldan chos rje yis/

CLOSE WINDOW