/ rgya gar skad du/ badz+ra pA Ni nI lAM ba ra tan+t+ra/ bod skad du/ lag na rdo rje gos sngon po can gyi rgyud/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ gnod sbyin thams cad yongs su rgyu ba/ shin tu dben pa/ shin tu yongs su dag pa na/ gnod sbyin gyi sde dpon chen po lag na rdo rje gos sngon po can zhes bya ba/ dus gsum gyi de bzhin gshegs pa thams cad kyis las kyi khro bor dbang bskur ba/ mche ba gtsigs pa/ yid khros pa lta bu/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs pa/ klu dga' bo dang nye dga' bos snyan brgyan pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dpral bar bsdus pa/ ya sos ma mchu mnan pa/ gshin rje cha byang can/ lce grog ltar 'gyub/ sbrul za ba/ sum pa che ba/ lag pa brdabs po'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes sgrog par byed pa rgya mtsho'i thabs su dpag tshad brgyad khri bzhi stong yod pas rkang pa'i pus mor phyin pa/ dbang po dang nyi ma phrag pa la rab tu khur ba/ klu thams cad rlag par byed pa'i ga rgyangs chen po dgod pas kun tu 'khrug par byed pa/ klu thams cad 'ching bar byed pa/ 'byung po thams cad 'gugs shing 'ching bar mdzad pa/ sbyor ba thams cad gcod par mdzad pa/ sbyor ba thams cad zlog par mdzad pa/ sbyor pab thams cad gnon par mdzad pa/ yon tan thams cad ma lus pa'i bdag nyid de/ gnod sbyin gyi sde dpon chen po nyi shu rtsa brgyad dang / gnod sbyin mthu bo che thams cad dang / gnod sbyin drag po thams cad dang / lha thams cad dang / klu thams cad dang / dri za thams cad dang / lha ma yin thams cad dang / nam mkha' lding thams cad dang / mi 'am ci thams cad dang / lto 'phye chen po thams cad dang / 'byung po dang / yi dgas dang / brjod byed la sogs pa dang thabs gcig tu bzhugs te/ 'di ltar nyi ma dang / zla ba dang / skar ma'i tshogs lta bur bzhugs so// de'i tshe sa'ang cher g.yos so/ / 'brug gi sgra'ang byung / nyi ma dang skar ma'ang mi snang bar gyur to// de nas 'phags pa lag na rdo rje gos sngon po can la 'khor thams cad kyis gsol pa/ gos sngon po can khyod ci/ bde gshegs kun gyi sprul pa 'am// gal te bsdus pa'i sku yin nam// las kyi khro bor dbang bskur ram// bdag cag 'khor dang bcas pa rnams// ji lta bu yi dus gsum bka' nyan te/ las dang bya ba thams cad bka' stsal mdzod// drag po'i ting 'dzin bstan du gsol// zhes gsol to// gleng gzhi'i le'u ste dang po'o// / de nas lag na rdo rje drag po zhes bya ba'i ting nge 'dzin du zhugs te 'di skad ces gsungs so/ / phyag rgya gsang sngags mthu sbyor las// khro bo'i rgyal po bsam par bya// khro bo rdo rje'i ting 'dzin gyis/ byin rlabs ya mtshan sna tshogs ldan// ting 'dzin de la dbang thob nas// las rnams sgrub la thogs pa med// zhi rgyas dbang dang drag po dang // gsad rmongs sna tshogs nges par 'grub// de nyid grub par gdon mi za/ / rang gzhan 'phags dang bla ma dang // shin tu bla ma dam pa yang / mchod gnas dngos grub myur du 'byung // gal te gzhan la phan 'dogs na// sku de sna tshogs sku ru snang / snang ba'i sgyu ma'i sku yin yang // gdug par 'dul phyir rags par snang // sna tshogs de nyid bsam bral ba'i// dngos gzhi yang dag thar pa gcig/ le'u gnyis pa'o// / gzhan yang gsang sngags sbyor ba ni// da ha sreg sogs gsang sngags kyis// thogs med las rnams grub pa yin// gnyis kyi 'og mas gsum pa brgyan// ri yi mtha' ni gsum pa'i mtha'// / de la gnyis kyi gong ldan pa// zung dang bar zung ming dang ldan// yang ming skal ldan bsam gtan ni// lcags kyu'i sbyor ba rab tu bya// oM badz+ra pA Ni ma hA yak+Sha nI lAM ba ra hUM phaT/ mjug rdzogs gong dang gsum pa'i mtha'/ / lan gnyis gong bzhin brdegs sngags shes// gsum pa'i dang po gnyis pa dang // drug pa'i dang po yi ge ni// lan gnyis gong bzhin gtogs byed sngags// gnyis kyi dang po g+ha dang pos/ / drug po dga' ba'i sa bon ldan// lan gnyis ldan gyur las grub pa// gong ma bzhin du mchod byed do// le'u gsum pa'o// de nas 'phags pa lag na rdo rje gos sngon po can sna tshogs mngon par 'grub pa'i ting nge 'dzin la snyoms par zhugs te 'di skad ces gsungs so/ / oM badz+ra pA Ni ma hA lak+Sha nI mAM bar da ha ni badz+ra rU paT+Ta/ gang zhig ting 'dzin rnal 'byor de/ nyes pa kun las rab tu thar// legs pa'i yon tan thams cad 'thob// 'bras bu yang dag mngon par 'grub// sngags ni gang yin ming yin te// gdul bya'i mtha' dang ldan pa la// mtha' ma las sngags mtha' dang ldan/ / le'u bzhi pa'o// / de nas gos sngon po can 'khor lo mngon par 'grub pa'i ting nge 'dzin la snyoms par zhugs te 'di skad ces gsungs so// 'byung bzhi'i sangs rgyas rab bsgoms nas// so sor las kyis sgom pa ni// me brgyad rlung gnyis ldan par bsam// chu brgyad dngos po nyid yin te// de bzhin sa brgyad hUM 'bras ldan// rlung brgyad me gnyis ldan pa ste/ / 'bras bu rim gyis gnod sbyin gtso// sgrub pa sngags bzhin mngon par 'grub// i dang so so'i mtha' dang ldan// me la gong mas mngon par 'grub// rgyun du rtsa ba'i gsang sngags bzlas/ / le'u lnga pa'o// / de nas 'phags pa gos sngon gyis// las bcu mngon par 'grub par ni// ting nge 'dzin la snyoms zhugs nas// las bcu'i sbyin sreg 'di gsungs so// zhi la shan+tiM ku ru ste// rgyas pa puSh+TiM ku ru'o// dbang la ba shaM ku ru'o// drag po mA ra gsum par ldan// thab khung dbyibs ni las bzhi ste// shing ni rigs dang sbyar bar bya/ zhi la dkar po'i shing rnams te// rgyas la gser shing la sogs pa'o// dbang la seng ldeng shing bsregs te// drag po tsher ma can gyi shing // gzhan ni tsan dan shing las byas// thab khung 'dab brgyad dbyibs yin te/ / bi d+h+waM sa ya/ uts+tsha ta ni/ mo ha ya mo ha ya/ s+yAm+b+ha ya stam+b+ha ya/ udA ma na/ ud ma na/ A kaR+Sha ya A kaR+Sha ya/ kha shi ka ra kha shi kA ra/ rak+Sha ya rak+Sha ya/ mo ha b+hA ya/ sarba karma ku ru hUM phaT/ le'u drug pa'o// / de nas dpal ldan rdo rje 'dzin// gdul dka' ba ni gdul ba'i mchog/ gsang ba'i bdag po gos sngon can// drag po chen po rab 'bar ba'i// ting nge 'dzin la snyoms zhugs nas/ / 'khor gyi klu tshogs dbang bsdus te// nyen rnams zlog pa'i cho gar gsungs// gnas khang rim pa gsum dag la// phyi rol smra ba sregs dpral bar bya// bar du phyi nang khrus byas te/ / mnyes pa'i las kyang ci nus bya// nang du bum pa'i dbang bskur bas// nyen rnams zlog la the tshom med// kye ho nyen rnams gdul ba'i mchog/ e me gsang chen drag po che// e ma ma rungs 'jigs pa can/ / e ma gsang sngags rnal 'byor che// phyag na rdo rje khyod phyag 'tshal// phyogs bral khro bo khyod phyag 'tshal// le'u bdun pa'o// / de skad ces gsungs nas 'khor thams cad dga' ba'i rjes la 'di skad ces bka' stsal to/ / thams cad ldan pa'i gtor ma la// raM gyis sbyangs nas yaM gis bus// khaM gis bkrus te dag pa la// baM las bdud rtsi chu rgyun bskyed// yaM raM dbab pa'i sbyor bar bya// dza yis bkug ste gtor mar bstim// bsam gtan lha mos mchod pa 'bul// de nas 'khor la 'di skad bsgos// nga ni khro bo gos sngon can// sangs rgyas thams cad 'dus pa'i sku/ / sangs rgyas kun gyis byin gyis brlabs// dbang bskur mchog thob nga yis sku// ci ste nga yis dam 'das na// gtor ma dug gi rang bzhin gyis// khyed rnams thal ba rdul du rlog/ gal te / dam tshig ma 'das na// gtor ma ye shes bdud rtsi yis// khyed kyi sgo gsum sgrib pa sbyangs// nges par legs pa'i yon tan thob// oM A kA ro mu khaM sarba d+harmA NAM/ Ar+ya nu ta pan na tAta A hUM swA hA/ le'u brgyad pa'o// / de nas dpal ldan gos sngon can// gdul dka' 'dul ba'i bdag po des// bsam gtan 'khor lo med pa la// sngags kyi nges par bshad par bya// ted+ya thA/ / b+ho b+ho pan nA ga a d+hi pa ta ye/ i daM nI lAM ba ra d+ha ra sha rI raM/ badz+ra pA NI hr-i da yaM/ yaHsa mA ti kra ma tha/ uta sA da naM/ b+ha bi Sh+ya ti/ las thams cad pa'i sngags so// las so so ba la klu 'dul ba'i sngag/ tad+ya thA/ bud+d+ha bud+d+ha/ bi bud+d+ha bi bud+d+ha/ ma hI prAp+ta/ ha ra ha ra nA gA nA na/ pra ha ra pra ha ra nA gA nAn/ ts+tshin+da ts+tshin+da nA ga hr-i da yA ni/ b+hin+da b+hin+da nA ga marma Ni/ bi ShI r+yan tu nA ga sha rI rA Ni/ bi s+pho Ta ya/ nA ga na ya naM tAd+ya thA/ hUM phaT/ nA ga bi dA ra NA ya hUM phaT/ nA ga uta sA da nA ya hUM phaT/ yi dgas thams cad bzlog pa ni// ni lAM ba sa nA ya hUM phaT/ a pra ti ha ta ba la pa rAkra ma ya phaT/ kr-i tAn+tA ya phaT/ kr-i tAn+ta rU pA ya phaT/ ro Sha NA ya phaT/ trA sa nA ya phaT/ ku b+ha Do ta sA da nA ya phaT/ gshin rje bzlog pa'o// pre ta pi shA tsi bi nA shaM ka rA ya phaT/ yi dgas thams cad bzlog pa'o/ / yak+Sha a pa smai ra bi nA sha ka rA ya phaT/ gnod sbyin la sogs pa bzlog pa'o// ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+nA nA shaM ka rA ya phaT/ bgegs thams cad bzlog pa'o/ / sarba sha trUM saM g+hA bi nA sha ka rA ya phaT/ dge 'dun gyi dgra 'dul ba'o// nI lAM ba ra d+ha ra badz+ra pa NI rA dz+nyA pa ya ti swA hA/ rdo rje be con drag po che// rdo rje 'jigs pa sngags kyi bdag/ rdo rje khro bo bgegs kyi gshed/ / rdo rje mi thub 'jigs pa che// rdo rje las kun grub pa che// rdo rje las rnams kun mdzad pa// sngags kyi bdag po khyod phyag 'tshal// sngags kyi ngo bo khyod phyag 'tshal// le'u dgu pa'o// / de nas klu dgug pa'i sngags bstan te// rdo rje lcags kyu rlung gi sbyor bas 'grub par 'gyur// de bzhin me yis kyang ni 'dul bar nus pa yin// de ltar nus phyir dgug pa'i sngag ni bshad par bya/ / oM badz+ra pA Ni ma hA yak+Sha nI lAM ba ra nA ga hriHgr-ih+Na gr-ih+Na hUM phaT/ A kaR+Sha ya A kaR+Sha ya hUM phaT/ bsam gtan drag pos bzlas pa bya// bzlas pa 'di la rab 'bad bya// klu rigs du ma thams cad kun/ / 'gugs 'gyur 'di las gzhan du min// ji srid 'gugs pa'i ting 'dzin gyis// khugs par gyur pa'i klu rnams kun// zangs gzhong nang du spyan drangs te// khro bo'i che ba brjod nas ni// dam tshig bsre zhing dug rnams gzhom/ / sman gyi mchog gis gsos nas ni// gang gnod phyogs su gshegs su gsol// le'u bcu pa'o// / de nas gzhan yang bshad bya ste// zhi ba'i las kyi / mi 'dul ba'i// klu gzir drag sngags bstan par bya// oM badz+ra pA Ni ma hA yak+Sha nI lAM ba ra nA ga ha na ha na hUM phaT/ nA ga da ha da ha hUM phaT/ nA ga s+pho Ta s+pho Ta hUM phaT/ nA ga bi s+pho Ta ya bi s+pho Ta ya hUM phaT/ nA ga gardza gadz+ra hUM phaT/ nA ga b+hin+da b+hin+da hUM phaT/ bsam gtan rdo rje thogs pa yis// gdul ba'i steng na gdab par bya// 'og tu me yi 'khor lo bsam// me phung chen po'i ting 'dzin gyis// me 'bar grog chen dkyil dugazir/ / yungs kar yungs nag ske tshe yis// brdeg cing khro bo'i sprul pa spro// khra spyang la sogs rtsa lnga'i gsob// gcan gzan sna tshogs mche sder dang // mchu sder dbab cing sprus pasgo/ myur du thar pa gdon mi za// le'u bcu gcig pa'o// / de nas 'phags pa gos sngon can gyis nyid la nyid kyis mchod pa phul ba/ hUM rdo rje bdug pa ma// bdag nyid dri yis rgyas mdzad ma/ / badz+ra d+hU pe pU dza me hUM/ hUM rdo rje me tog ma// bdag nyid yongs su bkra mdzad ma// badz+ra puSh+pe pU dze me hUM/ hUM rdo rje dri chab ma// bdag nyid dngos po dag mdzad ma// badz+ra gan+d+he pU dza me hUM/ hUM rdo rje mar me ma/ / bdag nyid dkyil 'khor gsal mdzad ma// badz+ra A lo ke pU dza me hUM/ ji srid thams cad mchod pa che// ji srid mchod pa bde ba che// ji srid mchod pa bla na med// ji srid mchod pa yang dag che/ / e ma ho/ le'u bcu gnyis pa'o// // de nas gzhan yang bshad bya ba// bcom ldan gsang ba gos sngon can// bsdu ba thabs kyi ting 'dzin gyis// 'khor gyi klu rnams sdud mdzad nas// me yi 'khor lo snyoms zhugs tshe// gsang ba me yi sngags bzlas pas// klu rnams ma lus tshig par mdzad// bral nas dpag tshad gnas su bros// slar bsdus bdud rtsi sman gyis gsos/ / las bcol so so'i gnas su 'khod// de nas khams gsum rnam par rgyal// thal mo sbyar nas 'di skad gsol// me brgyad 'khor lo'i bdag nyid che// rtag tu me yi ting 'dzin laya snyoms zhugs khyod ni rgyal gyur cig/ bde ba'i rol mo me glong du// sreg mdzad ma brgyad khyod phyag 'tshal// rang bzhin rnam dag khyod phyag 'tshal// chu yi ngang la gnas 'dod na// chu brgyad ting 'dzin la gnas te/ / de tshe 'khor gyis 'di skad bstod// chu brgyad 'khor lo'i bdag nyid che// rtag pa chu yi dkyil 'khor can// 'byung ba'i gtso bo'i chu yi bdag/ chu brgyad mnga' bdag khyod phyag 'tshal// rlung brgyad ting 'dzin la gnas na// 'thor zhing 'bud pa'i bdag nyid che// rlung chen drag po rtsal shugs ldan// rlung lha gos sngon khyod phyag 'tshal// sa yi ting 'dzin la gnas nas// mi g.yo brtan pa'i las mdzad pa/ / gser ldan rol mo sna tshogs ldan// sa brgyad 'khor lo khyod phyag 'tshal// le'u bcu gsum pa'o// / de nus dpal ldan gos sngon can phra mo'i ting 'dzin la gnas nas/ 'khor gyi gnod sbyin mang po kun// shin tu yid dga' dang pa zhus// phra mo'i thig le chen po yis// cir snang dngos po gcig tu 'dus// de nyid mtha' 'das rang bzhin med/ / de nas dpal ldan gos sngon can// 'dod chags ting 'dzin la gnas pas// 'khor gyi gnod sbyin mang po kun// sngangs dang dus dang brgyal ba las// bsrang ste tha med don bstan pas/ / thams cad 'dod chags mngon sangs rgyas// 'khor gyis sku la mngon par bstod// kye ho gsang bdag gos sngon can// bla med rdzogs pa'i glong dkyil na// 'dod chags dag pa'i blo ldan pas/ / mngon par sangs rgyas khyod phyag 'tshal// le'u bcu bzhi pa'o// / de nas 'dus pa'i 'khor rnams kyis// 'khor gyi gtso la mngon par bstod// lcang lo can gyi pho brang nas/ / gsang ba'i bdag po gos sngon can// yon tan thams cad sku la rdzogs// dngos med dag pa khyod phyag 'tshal// 'khor gyi klu tshogs 'dul ba'i phyir// klu brgyad sku la rab btsun nas/ klu tshogs zhal du gsol mdzad pa// klu 'dul byams pa khyod phyag 'tshal// sna tshogs dag pa'i sku mnga' zhing // rigs drug sde brgyad 'dul bar mdzad// skyon gyis ma gos rang sangs rgyas// thogs med kun 'dul phyag 'tshal bstod/ / ji ltar bsam pa'i dngos po kun// khyod las 'byung bas mi zad gter// sna tshogs yid bzhin 'phrul po che// yid bzhin nor bu khyod phyag 'tshal/ / nad dang rims kyi gshed po mdzad// nor dang zas kyi bdag po mdzad// 'jigs pa kun las skyob par mdzad// bla med skyob mdzad khyod phyag 'tshal// zhes bstod nas rjes su yi rang ngo // lha dang / klu dang / gnod sbyin dang / lha ma yin la sogs pa'ang yid dga' ba'i mchod pas khyab par gyur to// mi la sogs pa'i 'jigs pa'i nyen dang ldan pa thams cad bde ba la bkod do// le'u bco lnga pa'o/ / // 'phags pa lag na rdo rje gos sngon po can gyi cho ga rdo rje be con gyi rgyud rdzogs so// / de nas gsang ba'i bdag pos 'khor de dag la rnam par gzigs nas rang nyid mkha' dbyings rnam par dag pa zhes bya ba'i ting nge 'dzin la snyoms par zhugs so/

CLOSE WINDOW