lo ts+tsha ba dge slong shAkya ye shes kyis bsgyur ba'o// / rgya gar skad du/ shrI dz+nyA na gu h+ya tan+d+ha rA dza/ bod skad du/ dpal ye shes gsang ba'i rgyud kyi rgyal po/ dpal bde ba chen po la phyag 'tshal lo// byang chub che phyogs sum cu rtsa bdun gyi// rang lus rtsa 'khor bzhi yi gartsem mo// snying po de la yang dag phyag 'tshal lo// dbang bzhi'i de nyid bdag la gsungs/ / nyon cig rdo rje snying po'i bdag/ bskyed pa'i rim pa'i lha rnams kyi// de nyid dang por bshad bya ste// drug cu rtsa bani dpe byad yin// sum cu rtsa bdun byang chub phyogs// lha ni ye shes lnga yin te/ / dpa' bo gcig pa chos kyi dbyings// phyag mtshan sku mdog gzhan nas gsungs// gu h+ya'i rdo rje dril bu'i tshad// nas dang sor tshigs yin par 'dod// de nyid thabs dang shes rab yin/ don dam nyid la dbyer med de// bsgom bya med de skom pa med// bsgoms pas thob pa ci yang med// rgyu dang rkyen gyis bskyed du med// sems kyi gzhi la sku lnga dang // ston pa med cing bstan pa med// 'jig dang rnam rtog kun dang bral/ / de nyid bzhi pa'i de nyid do// dang po rlung gi de nyid do// srog rtsol gnyis ni a dang haM// a ni chos rnams thog ma nas// ma skyes pa yi don yin no// haM ni gzung 'dzin gnyis kyis stong / / ldang 'jug gsum ni sku gsung thugs// semA gyi gzhi dang sku lnga dang // rnam par thar dang stong pa dang // de bzhin mtshan dang dpe byad sogs// de dag rlung gi de nyid de// de nas thig le'i de nyid kyang / / nyi zla thabs dang shes rab ste// sngags kyi 'phreng ba mtshan dpe yin// thig le ye shes lnga rang bzhin// gnyis su med pa'i de nyid yin// phra mo la sogs gzhan nas shes// de nas 'og / gi sgo dag ni// de nyid yang dag bshad bya ste// rtsa gsum sku gsung thugs ngo bo// rtsa lnga ye shes lnga yin no// tsaN+Da lI ni nyi shu bzhi// de nyid ye shes nyi shu bzhi// chos sku'i 'phrin las nyi shu bzhi// kha sbyar thabs dang shes rab ste/ / 'dzag dang 'bar ba gnyis med yin// 'khor lo bzhi ni sku bzhi ste// drug ni de nyid drug yin te// sgrol ma rlung gi de nyid de// me ni gos dkar ngo bo nyid// bcu drug stong pa bcu drug yin/ / bzhi ni yang shes bzhi yin no// rnam par thar dang stong pa dang // de bzhin mtshan dang dpe byad dang // rig sngags snyoms 'jug phra ba dgu// ya shes lnga bcu la sogs pa// rtsa 'dab de nyid yin par nges/ / rtsa de gnas pa'i rim pa yang // 'khor lo ba thag khug pa las// g.yas g.yon sbrul ltar 'khril ba ste// phyi yi g.yas g.yon gzhu lta bu// gsum pa'i dbang gi de nyid kyang // sih+la shes rab chos dbyings te/ / ga pur thabs kyi ye shes bzhi// rtsa ni 'og min gnas yin te// dga' ba mchog dga' byang chub phyogs// rang bzhin dga' ba chos sku ste// bral ba'i dga' ba gzugs sku gnyis// bcu drug stong pa bcu drug go/ rgyud kyi tshul du sgyu ma tsam// gang zhig rang rig 'dod pas kyang // dang por ngo bor shes bya ste// de nas de nyid shes par bya// gal te de nyid mi shes par// zab mo'i lam nyid sgom byed na// 'bras bu med cing rlag par nges// lha yi de nyid ma shes na// dur khrod gnas pa'i srin po 'dra// de bzhin dur khrod srin mo 'dra// spyod pa'i de nyid ma shes na// grong khyer gnas pa'i smyon pa 'dra// khyi phag srin po rak+Sha 'dra/ / phyag mtshan de nyid ma shes na// brgya byin lag na mtshon thogs 'dra// phyag rgya'i de nyid ma shes na// rgyal po phang gi btsun mo 'dra// rlung gi de nyid ma shes na// brgya byin spyi bo'i dud pa 'dra/ yi de nyid ma shes na// tsan dan shing gi sbrul sogs 'dra// lus kyi gnyer ma dag dang 'dra// lus kyi dri ma chu dang 'dra// thig le'i de nyid ma shes na// tsan dan shing gi 'dzer pa 'dra// 'khor lo'i de nyid ma shes na/ / brgya byin lag na 'khor lo 'dra// de bzhin srid pa'i 'khor lo 'dra// pad+ma'i de nyid ma shes na// 'dam bu tshal gyi pad+ma 'dra// stug po'i de nyid ma shes na// mchod rten gyi ni 'khor lo 'dra// kha sbyor de nyid ma shes na/ / thal mo g.yas g.yon sbyar ba 'dra// gnas kyi de nyid ma shes na// 'khor lo sgyur rgyal pho brang 'dra// byang sems de nyid ma shes na// mi gtsang sgo yi lud pa 'dra// sih+la'i de nyid ma shes na/ / mtshon sogs las byung khrag dang 'dra// dga' ba'i de nyid ma shes na// smad 'tshong ma yi 'dod chags 'dra// spang bya'i de nyid ma shes na// grong khyer med pa'i rgyal po 'dra/ gnyen po'i de nyid ma shes na// rgyal po med pa'i grong khyer 'dra// rang rig de nyid ma shes na// 'dus byas nam mkha' stong pa 'dra// gzhan yang de nyid bco brgyad ni// bla ma'i zhal nas shes par bya thams cad sgyu ma'i tshul dang ni/ / rmi lam glog dang sprin lta bu// de nyid shes na grol bar 'gyur// kye ho mgon po thugs rje che// rang rig ye shes 'chol ba la// rang dang gzhan gyi sde pa la// 'di la khyad par med dam ci/ / bcom ldan 'das kyis bka' stsal pa// khyad par chen po de nyid de// gzhan ni khyad par dbang bzhi dang // de yi lam gyi de nyid brtags// chad pa bdag dang dbang phyug dang // phya dang byed pa po nyid las/ / rgyu sogs rgyud las khyad par 'phags// gang zag bdag dang bral ba'i phyir// nyan thos rang rgyal theg chen dang // rlung sogs chos kyi bdag gis bcings// dman po rnams kyi snang bas khyab tu theg chen rang bzhin lha yis khyab/ / rnal 'byor rnal 'byor chen po sogs// de nyid kyi ni khyad par che// legs par basman gyis legs par zung // de nas 'khor thams cad dga' zhing yi rangs par gyur to/ / dpal rdo rje sems dpa' ye shes gsang ba'i de kho na nyid kyi rgyud kyi rgyal po rdzogs so// rnal 'byor ma tsan+d+ra mA le dang / lo ts+tsha ba dge slong shAkya ye shes kyis bsgyur ba'o//

CLOSE WINDOW