/ rgya gar skad du.Ar+ya ma hA pa ri ni rbaN nA ma swA tra bod skad du/ 'phags payongs su mya ngan las 'das pa chen po zhes bya ba'i mdo/ / / bam po thog ma'o// sangs / rgyus dang byang chub sems dpa'athams cad la phyag 'tshal/ 'di skad bdag gis thos pa des gcig na/ bcom ldan 'das rtswa mchog gi grong khyer skyes bu stobs po che 'byung ba'i gnas/ klung ha ri la ba tI'i 'gram/ shing sku la drung gnyis kyi bar na/ dge slong chen po'i da ge 'dun brgya stong phrag brgyad du snyed/ kyis yongs su bskor nas/ mdun du bdar te thabs cig tu bzhugs so// de'i tshe bcom ldan 'das dpyid zla 'dring po'i tshes bco lnga'i nyin par yongs su mya ngan las 'da' bar gshegs su nye ba na/ bcom ldan 'das kyis byin gyi rlabs kyi gsung chen pos/ / srid pa'i rtse mo'i bar du kun tu khyab par sems can thams cad la so so'i skad du/ gsung 'di skad ces grags par gyur to/ / dang de bzhin gshegs pa yang dag par rdzogs pa'i sangs rgyas skye bo rnams la thugs brtsa ba/ sems can gyi skabs dang mgon du gyur pa/ sems can thams cad la sas sgra gcan 'dzin dang 'dra bar mnyam par gzigs pa/ sems can gyi @##skyabs dang / dpung gnyen dang / rten dang / gnas su gyur pa dang yongs su mya ngan las 'da' 'o// so so'i skye bo dag the tshom dang som tir gyur pa yod na/ do zhu zhing dri ba'i dus nang gi tha ma 'dir zhu zhing gsol cig/ ces pa'i gsung gis yongs su grags par gyur to// de'i tshe bcom ldan 'das snga dro'i dus kyi tsha/ zhal gyi sgo nas 'od rnam pa sna tshogs bkye ba ni/ 'di lta ste/ sngon po dang / ser po dang / dmar po dang / dkar po dang / shal bus stong gsum gyi stong chen po'i 'jig rten gyi khams 'di dang / phyogs bcu'i 'jig rten gyi khams kyi bar du yongs su snang bar byas nas/ de dag na gnas pa'i lam rgyud drug gi sems can dag/ 'od zer des reg ma thag tu kha na ma tho ba'i nyon mongs pa thams cad byang bar gyur to// de'i tshe so so'i skye bo dag de lta bu'i ltas mthong zhing thos nas mya ngan chen pos yid gdungs te/ dus gcig tu cho 'debs shing ngus nas 'di skad du/ e ma'o shin tu byams pa'i pha mar gyur pa/ kyi hud kyi hud mya ngan las 'das sam zhes smras nas/ thal mos mgo dang brang la rdebs te che de rdung ngo // kha cig ni lus kyang rab tu 'dar zhing ba spu kun langs nas/ skad kyis brnangs pa tsam du dus so/ / de'i tshe na sa chen po dang / ri dang / rgya mtsho yang rab tu g.yos shing 'khrugs so// de nas sems can de dag gcig la gcig spro bsring zhing mya ngan bsang ba'i phyir 'di skad du/ kye grogs po dag mya ngan ma byed par myur du rtsa mchog gi grong khyer skyes bu stobs po che 'byung ba'i gnas/ de bzhin gshegs pa ga la ba der 'dong ngo // de bzhin gshegs pa'i zhabs la mgo bos phyag 'tshal te/ de bzhin gshegs pa yongs su mya ngan las mi 'da' bar 'jig rten na bskal pa gcig gam/ bskal pa gcig 'grib kyi bar du bzhugs par gsol du 'deng ngo zhes smras so/ / la la ni gcig gi lag pa la gcig gis 'jus nas 'di skad du/ 'jig rten stongs te sems can gyi bsod nams zad pas/ mi dge ba'i las 'jig rten du 'byung bar gyur gyis/ grogs po dag de bzhin gshegs pa ni ring por mi thogs par yongs su mya ngan las 'da' bar gshegs nges kyis/ bdag cag myur du 'deng ngo zhes smra'o// la la ni 'di skad du 'jig rten stongs so// 'jig rten stongs so// bdag cag la deng slan chad ni mgon dang skyabs med de dbul 'phongs par gyur to// deng kho nar bla na med pa'i bcom ldan 'dus dang yongs su bral bas/ da slan chad the tsom dang som nyi za ba su la zhu zhes smra'o// de'i tshe na tshad med pa'i nye gnas chen po tshe dang ldan pa ka t+ya ya na chen po dang / tshe dang ldan pa ba ku la dang / tshe dang ldan pa bsnyen dga' bo la sogs pa dge slong chen po de dag kyang / sangs rgyas kyi 'od kyis reg pas lus kun 'dar zhing mi bzod pa tsam du rab tu g.yos te/ sems kyang myos nas cho nges 'debs shing / de lta bu'i sdug bsngal rnam pa sna tshogs kyis non par gyur to// de'i tshe gzhan yang dge slong brgya stong phrag brgyad cu snyed thams cad kyang dgra bcom pa/ sems kyi dbang du gyur pa/ bya ba byas pa/ nyon mongs pa yongs su spangs pa/ dbang po thams cad rab tu dul ba/ klu'i rgyal po chen po ltar mthu che ba/ stong pa'i shes rab dang ldan pa/ phyir bdag gi don rab tu rnyed pa tsan dan gyi tshal ltar tsan dan gyis yongs su bskor ba/ seng ge'i rgyal po ltar seng ges yongs su bskor ba/ de lta bu'i tshad med pa'i yon tan dang ldan pa thams cad kyang sangs rgyas kyi sras yang dag pa sha stag gode dag kyang snga dro nya ma shar ma thag tu gnas nas byung ste/ so shing 'cha' ba na sangs rgyas kyi 'od kyis reg nas/ gcig la gcig 'di skad du/ grogs po dag myur du lag khrus shig ces smras so/ / de skad ces smras ma thag tu lus kyi ba spu kun langs nas lus la khyab par khrag gis rgyas pa ni me tog pa la sha lta bur gyur te/ mig mchi mas gang nas sdug bsngal chen po myong bar gyur to// de dag thams cad kyang sems can thams cad la phan pa dang bde ba'i don gyi phyir/ theg pa chen po don dam pa stong pa nyid la rnal 'byor du bsgrub pa'i phyir/ de bzhin gshegs pas thabs su dgongs te gsungs pa dag bstan pa'i phyir/ rnam pa sna tshogs su chos ston pa rgyun mi gcad pa'i phyir/ sems can thams cad yongs su gdul ba'i phyir/ bcom ldan 'das gang na ba der myur du dong nas/ spyi bos sangs rgyas kyi zhabs la phyag 'tshal te/ lan brgya stong du bskor nas/ thal mo sbyar te phyogs gcig tu 'khod do// de'i tshe gzhan yang ku ta la'i bu mo dge slong ma dpal bzangs dang / dge slong ma bsten dga' ma dang / dge slong ma rgya mtsho'i blo gros la sogs te/ dge slong ma khri phrag drug cu snyed thams cad kyang dgra bcom pa/ zag pa zad pa/ sems kyi dbang du gyur pa/ bya ba byas pa/ nyon mongs pa yongs su spangs pa/ dbang po rab tu dul ba/ klu chen po ltar gzi brjid rab tu che ba/ stong pa nyid kyi shes rab dang ldan pa sha stag ste/ de dag kyang snga dro'i dus kyi tshe nyi ma thog ma shar ba na lus kyi ba spu kun skyi bung zhes byed nas/ lus la khyab par khrag gis rgyas pa ni me tog pa la sha lta bur gyur te/ mig mchi mas yongs su gang nas sdug bsngal chen po myong bar gyur to/ / de dag kyang sems can thams cad la phan pa dang bde ba'i phyir/ theg pa chen po'i don dam pa'i stong pa nyid la rnal 'byor du bsgrub pa'i phyir/ de bzhin gshegs pas thabs su dgongs te gsungs pa dag bstan pa'i phyir/ rnam pa sna tshogs su chos ston pa rgyan mi gcad pa'i phyir/ sems can thams cad yongs su gdul ba'i phyir/ bcom ldan 'das gang na ba der myur du dong nas/ sangs rgyas kyi zhabs la spyi bos phyag 'tshal nas/ lan brgya stong du bskor nas/ thal mo sbyar te phyogs gcig tu 'khod do// dge slong ma de dag gi nang na dge slong ma kha cig ni byang chub sems dpa' ste/ mi'i nang na klu lta bu sa bcu rab tu non pa/ mi g.yo ba la gnas pa/ sems can gdul ba'i phyir bud med kyi lus ston kyang rtag tu tshad med pa bzhi la nan tan byed pa/ sems kyi dbang du gyur pas sangs rgyas kyi skur yang sprul pa sha stag go// de'i tshe gzhan yang krung gang+gA gcig gi bye ma snyed kyi byang chub sems dpa' sems dpa' chen po'i mi'i nang na klu lta bu sa bcu rab tu non pa/ mi g.yo ba la rab tu gnas pa/ thabs kyis lus ston pa sha stag la 'di lta ste/ byang chub sems dpa' rgya mtsho dpal dang / byang chub sems dpa' blo gros mi zad pa la sogs te/ byang chub sems dpa' sems dpa' chen po de dag gis thog mar drangs nas thams cad kyang theg pa chen po la bkur sti byed pa/ theg pa chen po la rab tu gnas pa/ theg pa chen po la shin tu mkhas pa/ theg pa chen po la shin tu mos pa/ theg pa chen po la shin tu srung ba/ 'jig rten du bcas pa thams cad kyi sems dang spor ba/ ma 'ongs pa'i dus su ma grol ba grel bar yi dam 'cha' ba/ 'das pa'i dus na bskal pa grangs med pa'i bar du tshul khrims yongs su bsrungs pa/ spyod pa yongs su 'dzin pa/ ma grol ba grol bar byed pa/ dkon mchog gsum gyi gdung rgyun mi 'chad par 'tshob pa/ ma 'ongs pa'i dus su chos kyi 'khor lo skor bar 'gyur pa/ rgyan chen pos shin tu brgyan pa/ de lta bu'i yon tan tshad med pa dang ldan pa/ sems can thams cad la bu gcig pa dang 'dra bar lta ba sha stag go/ / de dag kyang snga dro'i dus nyi ma shar ma thag tu sangs rgyas kyi 'od kyis reg ma thag tu lus kyi ba spu kun langs te/ lus la khyab par khrag gis rgyas pa ni ji ltar me tog pa la sha lta bur gyur to/ / mig mchi mas yongs su gang nas sdug bsngal myong bar gyur to// de dag kyang sems can thams cad la phan pa dang bde ba'i phyir/ theg pa chen bo don dam pa stong pa nyid la nas 'thor du bsgrub pa'i / de bzhin gshegs pa sa su dgongs te gzum na pa 'ang/ rnam pa sna chags chos ston pa rgyun mi gcad pa'i phyir/ sems can thams cad yongs su gdul pa'i phyir/ bcom ldan 'das gang ra ba der gyur du dang ras phyin pa dang sangs rgyas kyi dbas spyi bas byag 'tshal nas lan brgya stong du bzho / bal mo gyur nas N+DI steng dang brngas pa la phyogs gcig tu mthode'i tshig nan yang krung kung+gA gnyis bye ma nyid kyi dge bsnyen pa khrims lnga yongs su bsrung ba la/ 'di lta/ dge bsnyed gzi brjid drim med par grags pa'i rgyal po dang / dge bsnyen legs pa'i yon tan sogs pas thog mar drangs te/ thams cad kyang gnyen por gyur pa'i chos la shin tu mos pa ni/ 'di lta ste/ sdug bsngal dang / bde ba dang / rtag pa dang / mi rtag pa dang / yongs su dag pa dang / ma dag pa dang / bdag dang / bdag med pa dang / nges pa dang / ma nges pa dang / skyabs su 'gro ba dang / skyangs su mi 'ang ba dang / sems can dang / sems can ma yin pa dang / ther zug dang / zer zug ma yin pa dang / bde ba dang / bde ba ma yin pa dang // 'dus byas dang 'dus ma byas dang / / chad pa dang / chad pa ma yin pa dang / mya ngan las 'da' ba dang / mya ngan las 'da' ba ma yin pa dang / lhag ma dang / lhag ma ma yin pa la sogs te/ gnyen por 'gyur paba'i chos 'di dag la rtog par shin tu mos pa sha stag go/ gzhan yang bla na med pa'i theg pa chen po la thos par mos pa ji ltar thos pa bzhin du gzhan la yang ston nus pa/ tshul khrims yongs su srung ba/ theg pa chen po la skom pas gdungs pa ltar mos pa/ bdag kyang shin tu ngoms la/ skom pas gdungs pa gzhan yang ngom par byed pa/ bla na med pa'i ye shes la shin tu 'jug pa/ theg pa chen po la mos pa/ theg pa chen po la shin tu srung ba/ 'jig rten pa thams cad kyi sems dang shin tu sbyor ba/ ma brgal ba sgrol ba/ ma grol ba 'grol pa/ dkon mchog gsum gyi gdung rgyun mi 'chad par 'tsho ba pa/ ma 'ongs pa'i dus su chos kyi 'khor lo shin tu bskor ba/ rgyan chen pos rnam par brgyan pa/ sems shin tu zab mo'i ro la mos pa/ tshul khrims yongs su dag pa thams cad kyang de lta bu'i yon tan dang ldan pa/ sems can thams cad la snying rje chen po'i sems bskyed cing / bu gcig pa dang 'dra bar gnyis su med par snyoms pa sha stag go// de dag kyang snga dro'i dus nyi ma shar ma thag tu 'od zer gyis reg nas/ de bzhin gshegs pa'i dpur zhugs la bzhen pa'i phyir/ thams cad kyis so so nas spos kyi shing khri phrag du ma bshams pa la/ 'di lta ste/ spos kyi shing tsan dan dang / a ka ru dang / 'go shir sha tsan dan dang / lha'i shing bsung can la sogs pa'o// shing de dag kyang mdzes pa'i ri mo dang ldan zhing / rin po che bdun gyis rnam par brgyan pa/ 'od shin tu 'tsher zhing gsal ba ni/ dper na ri mo mkhan gyis tshon sna tshogs bkye ba dang 'dra ste/ sangs rgyas kyi byin gyi rlabs kyis kha dog sngon po dang / ser po dang / dmar po dang / dkar por ldan te/ 'gro ba mang po mthong na dga' bar 'gyur ba sha stag go/ shing rnam pa mang po de dag la gzhan yang rnam pa sna tshogs kyi spos kyi lde gu dang / gur kum dang / a ka ru dang pog la sogs pas yongs su bskus la/ me tog rnam pa sna tshogs kyis gtor cing brgyan pa ni/ 'di lta ste/ me tog ut+pa la dang / me tog ku mu da dang / me tog pad+mo dang / me tog puSha Da ri ka la sogs pa'o/ / shing de dag la gzhan yang tshon rnam pa lnga dang ldan pa'i ba dan shin tu 'jam zhing mdzes pas yongs su sbyangs pa ni/ dper na lha'i na bza' ke'u sha ya 'am shu ma lta bu'o// spos kyi shing de dag kyang rin po che'i shing rtas bskyas te/ rin po che'i shing rta de dag las kyang 'od rnam pa sna tshogs 'byung ba ni/ 'di lta ste/ sngon po dang / ser po dang / dmar po dang / dkar po'o// shing rta gca' shing dang / bar rdang la sogs pa dang / rin po che sna 'dun gyis rnam par spras ti/ shing rta de re re yang rta bzhi bzhis drangs so// ta de dag kyang mgyogs khyang chung dang 'dra'o// shing rta de tshe mdun na rin po che sna bdun gyi rgyal mtshan lnga bcu snyed mngar te/ gser gyi dra bas bla rer bres so// shing rta de re re'i steng yang rin po che'i gdugs lnga bcu snyed bres so// shing rta re re re la yang me tog gi 'phreng ba sbyangs pa ni/ 'di lta ste/ me tog ut+pa la dang / me tog ku mu da dang / me tog pad+mo dang / pun da ri ka rnams te/ 'dab ma ni gser/ ge sar ni rdo rje la byas te/ me tog gi ge sar de dag gi nang na yang bung ba nag po lding zhing rtse'o/ / gzhan yang sgra skad shin tu snyan pa dang / de ma yin pa mi rtag pa dang / sdug bsngal ba dang / stong pa nyid dang / bdag med pa'i sgra yang 'byin to// de dag las gzhan yang byang chub sems dpa'i sngon spyad pa spyod pa'i sgra dang / gzhan yang rol mo rnam pa sna tshogs kyi sgra grags pa ni/ 'di lta ste/ glu dang / gar dang / gling bu dang / dgu po rgyud mangs dang / se'u dang / shir dang / rnga'i sgra rnams so// rol mo'i sgra de las gzhan yang 'di skad du/ kyi hud kyi hud 'jig rten stongs so zhes zer ba'i sgra yang byung ngo // shing rta de re re'i mdun na dge bsnyen rin po che sna bzhi'i khri'u thogs pa re re yod de/ khri'u de'i steng na rnam pa sna tshogs kyi me tog spungs pa ni/ 'di lta ste/ me tog ut+pa la dang / ku mu da dang / pad+mo dang / pun da ri ka dang / gur kum dang / byug spos dang / bdug spos la sogs pa mchog tu gyur/ phul du gyur pa rnams bshams so// dge bsnyen rnams kyis sangs rgyas dang dge 'dun la bsod snyoms rnam pa sna tshogs bshams pa yang / thams cad tsang dan dang / a ka ru'i shing bsung can bsregs te/ yon tan brgyad dang ldan pa'i chu las g.yos su byas so// zhal zas de dag kyang ro rnam pa drug dang ldan no/ / 'di lta ste/ kha ba dang / sgyur ba dang / dngar ba dang / tsha ba dang / lan tshwa bro ba dang / bsngal ba'i ro dang ldan no// gzhan yang yon tan rnam pa gsum dang ldan te/ mnyen zhing mjam pa dang / gtsang ba dang / chos bzhin byas pa'o// de lta bu la sogs pa'i mchod pa rnam pa sna tshogs bshams nas/ stobs po che 'byung ba'i gnas sA la'i shing drung du lhags so/ / gzhan yang gser gyi bye mas sa gzhir bdal te/ lha'i na bza' ka tsa lin da dang / kham pa la dang / dar gyis de'i steng du bting ba ni kho ra khor yug dpag tshad bcu gnyis tshun chad yogs par byas so/ / sangs rgyas dang dge 'dun bzhugs pa'i rin po che sna bdun gyi seng ge'i khri bshams te/ khri de dag kyang 'phang du mtho khyad ri rab lhun po dang mnyam mo// khri de dag gi steng na rin po che'i gur phub nas/ do shal rnam pa mang po spungs so// sA la'i shing de dag la yang rnam pa sna tshogs kyi ba dan sbyaspangs te/ gdugs bres nas rnam pa sna tshogs kyi spos bsung can gyi lde gus shing de dag la bskus so/ / shing gi bar yang me tog rnam pa sna tshogs kyis chal par bkang ngo // dge bsnyen de rnams so so nas yid la 'di snyams du sems so// so so'i skye bo dag gal te bza' bas brel na bza' ba sbyin no// btung bas zel ba la btung ba/ mgo 'dod pa rnams la mgo/ mig 'dod pa rnams la mig/ de ltar so so'i skye bo dag ci 'dod pa bzhin du thams cad sbyin pa byin te/ sbyin pa de yang 'dod chags dang / zhe sdang dang / gti mug dang / rnyog pa'i sems med do// de las gzhan pa 'jig rten gyi longs spyod kyi phyir bsam pa'i sems med kyi/ bla na med pa yongs su dag pa'i byang chub 'ba' zhig gi phyir ro// dge bsnyen de dag bla na med pa'i byang chub la bde bar gnas nas yang 'di snyam du sems so// de bzhin gshegs pa ni bdag cag gi mchod pa 'di bzhes nas yongs su mya ngan las 'da' 'o snyam bsams nas/ de dag gi lus kyi ba spu kun langs te/ lus khrag gis rgyas pa ni me tog pa la sha lta bur gyur/ mchi mas ni mig gang / sdug bsngal chen po sa ni gdungs par gyur te/ so so nas mchod pa'i yo byad bshams pa spos kyi shing dang / rgyal mtshan dang / ba dan dang gdugs dang / zhal zas kyi rnams rin po che'i shing rtas bskyas nas/ sangs rgyas gang na ba der song ste phyin pa dang / sangs rgyas kyi zhabs la spyi bos phyag 'tshal nas/ mchod pa'i yo byad bshams pa de bzhin gshegs pa la mchod de/ lan brgya stong du bskor nas skad byung ste ngus so// ngu ba'i sgras gnam sa yang g.yos so// brang rdung zhing cho nge 'debs te mchi ma char bzhin du zag nas gcig la gcig 'di skad du/ kyi hud kyi hud grogs po dag 'jig rten stongs so 'jig rten stongs so zhes smras nas/ de bzhin gshegs ba'i spyan sngar lus brdabs te/ bcom ldan 'das la 'di skad ces gsol to// de bzhin gshegs pas thugs brtse ba'i slad du/ bdag cag gi mchod pa bshams pa nang gi tha ma 'di bzhes shig ces gsol to/ / bcom ldan 'das dus mkhyen pas cang mi gsung ste ma bzhes nas/ de bzhin du lan gsum gyi bar du gsol kyang bzhes su ma gnang ngo // dge bsnyen de dag bsams pa bzhin du ma gyur nas/ mya ngan gyis yid gdungs te cang mi smra bar 'khod pa ni/ dper na pha ma shin tu byams pa'i bu gcig pa glo bur du nad kyis btab ste/ tshe 'phos nas dur du bskyal te shin tu mya ngan gyis yid gdungs pa dang 'dra bar/ dge bsnyen de dag mya ngan gyis yid gdungs pa yang de dang 'dra ste/ mchod pa'i yo byad rnams gnas gcig tu bzhag nas/ phyogs gcig tu cang mi smra bar 'khod do// de'i tshe gzhan yang klung gang+gA gsum gyi bye ma rnyed kyi dge bsnyen ma khrims lnga yongs su srung ba/ spyod pa las dang ldan pa la/ 'di lta ste/ dge bsnyen ma 'tsho ba'i yon tan dang / dge bsnyen ma dpal gyi 'phreng ba dang / dge bsnyen ma phyi ba'i zer sha ka la sogs pas thog mar drangs nas/ dge bsnyen ma brgyad khri bzhi stong snyed thams cad kyang dam pa'i chos yongs su 'dzin pa/ sems can tshad med pa brgya stong gdul ba'i phyir bud med kyi lus su ston cing / khyim gyi chos yongs su spong pa/ bdag gi lus la sbrul gdug pa bzhi dang 'dra bar rtogs pa/ lus la rtag tu srin bu grangs med pa za ba dang / lus 'di la shin tu btsog pa dang / 'dod pas yongs su bcings par rtogs pa/ lus 'di la khyi ro dang 'dra bar 'jigs su rung ba dang / lus 'di ni mi gtsang ba ste/ bu ga dgu nas rtag tu zag par rtogs pa/ lus 'di ni mkhar dang 'dra ste/ sha dang / pags pa dang / rtsa dang / rgyus pas rnam par dkris pa/ lag pa dang rkang pa ni mkhar gyi nyen lta bur gyur pa/ mig ni skar khung lta bur gyur pa/ mgo bo ni khang pa lta bur gyur te/ sems rgyal po dang 'dra ba de'i nang na gnas par rtogs pa/ lus mkhar dang 'dra ba 'di ni sangs rgyas bcom ldan 'das rnams kyis yongs su spangs te/ bus pa so so'i skye bo dag ni de la chags par byed do// 'dod chags dang / zhe sdang dang / gti mug gi srin po gnas par rtogs pa/ lus 'di ni snying po med pa ste/ 'dam bu'i myu gu 'am/ e ran 'da' 'am/ chu'i chu bur ram/ chu shing bur rtogs pas/ lus 'di ni mi rtag pa ste/ skad cig skad cig tu 'pho zhing / dper na rmog gi 'od dam/ gzar po'i chu'am/ sgyu ma 'am/ smig rgyu'am/ chu la ri mor bris pa lta bur rtogs pa/ lus 'di ni 'gyur zhing 'pho ba ste/ dper na chu 'gram g.yang sa'i sdong po lta bur rtogs pa/ lus 'di ni ring por mi thogs pa ste/ spyang ki dang / 'phar ba dang / srin bya dang / 'ug pa dang / bya rgod dang / khA dang / spya ka dang / khyi ltogs pa'i zan du gyur te/ 'di la mkhas pa shes can su zhig mos shing chags par byed snyam du rtogs pa/ barmi gi nang du rgya mtsho chen po'i chu thugs kyang bzod kyi/ lus 'di mi rtag pa dang / mi gtsang ba dang / btsog pa ni brjod sla ba ma yin par rtogs pa/ sa chen po 'di rgya shug tsam du dril te/ chung du na yungs kar gyi 'bru 'am/ rdul phra mor gse ba ni sla'i/ lus 'di'i nyes pa'i skyon brjod pa ni sla ba ma yin par rtogs pa/ de bas na mchil ma dang 'dra bar yongs su spangs nas/ de'i rgyu de'i rkyen gyis dge bsnyen ma rnams stong pa nyid dang / mtshan ma med pa dang / smon pa med pa'i chos la rtag tu nan tan byed pa/ theg pa chen po'i mdo sde nyan cing 'dzin pa la mos pa/ thos nas kyang gzhan la rgya cher ston nus pa/ sngon gyi smon lam yongs su 'dzin pa/ bud med kyi lus la shin tu smod pa/ shin tu skyon che bar shes pa/ snying po med par rtogs pa/ sems rtag tu rnal 'byor du spyod pa/ de bzhin du yang dag par rtogs shing mtha' med par 'khor ba'i rgyan yongs su gcod pa/ theg pa chen po la skom pas gdungs pa ltar mos pa/ bdag shin tu ngoms pas gzhan yang shin tu ngoms par byed pa/ theg pa chen po la rab tu mos pa/ theg pa chen po shin tu srung ba/ bud med kyi lus su ston kyang yang dag par byang chub sems dpa' sha stag ste/ thams cad kyang 'jig rten gyi bsam pa dang shin tu sbyor ba/ ma brgal ba sgrol ba/ ma grol ba 'grol ba/ dkon mchog gsum gyi gdung rgyun mi 'chad par 'tshob pa/ ma 'ongs pa'i dus su chos kyi 'khor lo skor bar 'gyur ba/ rgyan chen pos yongs su brgyan pa/ tshul khrims yongs su srung ba/ de lta bu'i yon tan tshad med pa dang ldan pa/ sems can thams cad la snying rje'i sems bskyed cing / bu gcig dang 'dra bar gnyis su med par mnyam pa sha stag go/ de dag kyang snga dro'i dus nyi ma thog ma shar ba na/ 'od kyis reg nas gcig la gcig 'di skad du/ deng ni shing stsa la drung gnyis kyi drung du 'deng ngo zhes smras so/ / dge bsnyen ma rnams kyis mchod pa'i yo byad bshams pa snga ma pas phyed kyis bzang bar sbyar te/ sangs rgyas gang na bar lhags nas/ bcom ldan 'das kyi zhabs la spyi bos phyag 'tshal te/ lan brgya stong skor nas/ bcom ldan 'das la 'di skad ces gsol to// bcom ldan 'das bdag cag gis sangs rgyas dang dge 'dun du bcas pa la mchod pa'i yo byad bshams pa 'di/ de bzhin gshegs pas thugs brtse ba'i slad du bzhes shig ces gsol to// de la bcom ldan 'das cang mi gsang bar bzhes sa ma gnang ngo / / dge bsnyen ma rnams bsams pa bzhin ma gyur pas/ mya ngan gyis yid gdungs te phyogs gcig tu 'khod do// de'i tshe gzhan yang klung gang+gA bzhi'i bye ma snyed kyi li tsa byi'i bu/ grong khyer yangs pa can na gnas pa'i skyes pa dang / bud med dang / khye'u dang / bu mo dang / chung ma dang / 'khor rnams dang / gzhan yang 'dzam bu'i gleng gi rgyal rigs su gtogs pa/ rgyal po'i 'khor dang bcas te thams cad kyang chos 'dod pa'i phyir/ tshul khrims yongs su srang ba/ spyod lam dang ldan pa/ slob pa gzhan la zhugs shing dam pa'i chos la sun 'byin pa/ shin tu tshar gcod pa sha stag gcig la gcig 'di skad ces dam 'cha' 'o// bdag cag gser dang / dngul dang / rin po che'i gter mdzod lta bur yang dag pa'i chos shin tu zab mo bdud rtsi lta bu zad mi shes pa/ yun du 'jig rten na gnas par byas te/ bdag cag kyang de dag la rtag tu nan tan spyod par gyur cig/ gal te zhal nas gsungs pa'i dam pa'i chos la dbang za zhing skur ba zhig yod na/ bdag cag gis de'i lce gcad do zhes dam bcas shing / gzhan yang khyim nas khyim ma yin par rab tu byung ba dag tshul khrims las nyams par gyur nabadag cag gis khyim par phab ste/ las byed du gzhug go zhes pa dang / gal te dam pa'i chos la nan tan du byed na/ bdag cag gis pha ma dang 'dra bar rim gro dang bkur sti bya'o zhes pa dang / gal te dge 'dun las dam pa'i chos la nan tan du spyod pa zhig yod na/ bdag cag gis rjes su yi rang zhing de la mthu yang sbyin par bya'o zhes dam bcas pa/ rtag tu theg pa chen po'i mdo sde thos par mos shing / zos nas kyang gzhan la rgyas par ston pa de lta bu'i yon tan dang ldan pa sha stag la/ 'di lta ste/ li tsa bya'i bu rnam dag dri ma med pa'i snying po dang / li tsa byi'i bu bag yod pa rnam par dag pa dang / li tsa byi'i bu rtag tu dri med rnam dag yon tan la sogs te/ de dag gcig la gcig 'di skad du/ kye grogs po dag myur bar de bzhin gshegs pa gang na ba der song ste/ mchod pa phun sum tshogs pa rnam pa sna tshogs kyis mchod du 'deng ngo // de nas li tsa byi de dag re res kyang bal glang brgyad khri bzhi stong dang / rin po che'i shing rta rta bzhi la bcas pa brgyad khri bzhi stong dang / yid bzhin gyi nor bu rin po che brgyad khri bzhi stong dang / gzhan yang shing tsan dan dang / a ka ru sbams pa brgyad khri bzhi stong snyed bshams te/ bal glang de re re'i mdun na rin po che'i rgyal mtshan dang / ba dan dang / gdugs kyang bshams so// gdugs nang gi chung ngu yang kho ra khor yug tu dpag tshad gcig khebs so// ba dan nang gi chung ngu yang ring khyad dpag tshad sum cu rtsa gnyis so/ / rin po che'i rgyal mtshan nang gi chung ngu yang mtho khyad dpag tshad brgya pa ste/ de lta bu'i mchod pa'i yo byad bshams nas/ sangs rgyas gang na bar lhags te phyin pa dang / sangs rgyas kyi zhabs la spyi bos phyag 'tshal nas lan brgya stong du bskor te/ bcom ldan 'das la 'di skad ces gsol to// bcom ldan 'das bdag cag gis sangs rgyas dang dge slong gi dge 'dun rnams la mchod pa'i yo byad 'di dag dbul na/ de bzhin gshegs pas bdag cag la thugs brtse ba'i slad du/ mchod pa 'di dag bzhes shig ces gsol to/ / de la de bzhin gshegs pa cang mi gsung nas bzhes su ma gnang ngo // li tsa byi'i bu rnams bsams pa bzhin du ma gyur nas shin tu mya ngan gyis non te/ bcom ldan 'das kyi byin gyi rlabs kyis/ sa las shing ta la bdun srid tsam du 'phags nas/ steng gi nam mkha' la cang mi smra bar 'khod do// de'i tshe gzhan yang klung gang+gA lnga'i bye ma snyed kyi blon po chen po dang / khyim bdag dang / tshong dpon theg pa chen po la shin tu mos pas/ slob pa gzhan la zhugs pa gang zhig yang dag pa'i chos la smon pa zhig yod na/ de ngag gi mthus thul ba ni/ ji ltar rtsa ba dang shing la ser ba bab pa lta bu sha stag la/ 'di lta ste/ tshong dpon nyi ma'i 'od dang / tshong dpon 'jig rten skyong dang / tshong dpon chos skyong la sogs pas thog mar drangs te/ de dag gis so so nas mchod pa'i yo byad bshams pa ni snga ma pas lnga 'gyur tsam bshams te/ shing sA la drung gnyis kyi bar gang na ba der song ste phyin pa dang / bcom ldan 'das kyi zhabs la spyi bos phyag 'tshal nas/ lan brgya stong du bskor te/ bcom ldan 'das la 'di skad ces gsol to// bcom ldan 'das bdag cag gis sangs rgyas dang dge slong gi dge 'dun rnams la mchod pa'i yo byad 'di dag 'bul na bzhes shig ces gsol to/ / de la de bzhin gshegs pas cang mi gsung nas bzhes su ma gnang ngo // tshong dpon de dag bsams pa bzhin du ma gyur nas shin tu mya ngan gyis yid gdungs par gyur te/ bcom ldan 'das kyi byin gyi rlabs kyis/ sa las shing ta la bdun srid du 'phags nas/ steng gi nam mkha' la cang mi smra bar 'khod de'i tshe gzhan yang yul yangs pa can gyi rgyal po btsun mo dang sras su bcas/ gzhan yang 'dzam bu gling na rgyal po ma skyes dgra ma gtogs par/ rgyal phran de ma yin pa thams cad dang / grong khyer dang / ljongs dang / grong 'dab thams cad kyi mi thams cad dang bcas pa la/ 'di lta ste/ rgyal po zla 'od dri med rgyal po la sogs pas thog mar drangs nas so so nas dmag rnam bzhi dang bcas te/ sangs rgyas gang na bar lhags so// rgyal po de dag re re yang 'khor khri phrag brgyad cu dang bcas so// dmag gi tshogs kyang bal glang dang rta pa ste/ bal kyang de dag kyang mche ba drug dang ldan la/ rta rnams kyang mgyogs kyang rlung bzhin te/ mchod pa'i yo byad bshams pa yang snga ma pas drug 'gyur gyis lhag go// rin po che'i gdugs cang gi chung ngu yang chu zheng kho ra khor yug tu dpag tshad brgyad khebs so/ / ba dan nang gi chung ngu yang ring khyad dpag tshad bcu drug snyed do// rin po che'i rgyal mtshan nang gi chung ngu yang mtho khyad dpag tshad sum cu rtsa drug go/ rgyal po de dag thams cad kyang yang dag pa'i chos la gnas pas log pa'i chos kun la shin tu smod pa/ theg pa chen po la bkur sti byed pa/ theg pa chen po la shin tu mos pa/ sems can thams cad la bu gcig dang 'dra bar byams pa/ zhal zas bshams pa'i dri yang dpag tshad bzhi'i bar du bro ba bshams nas snga dro'i dus kyi tshe mchod pa'i yo byad rnam pa sna tshogs thogs te/ shing sA la drung gnyis kyi bar de bzhin gshegs pa gang na bzhugs pa der song nas phyin pa dang / bcom ldan 'das la 'di skad ces gsol to/ / bcom ldan 'das bdag cag gis sangs rgyas dang dge slong gi dge 'dun rnams la mchod pa 'di dag 'bul na/ de bzhin gshegs pas thugs brtse ba'i slad du/ bdag cag gi mchod pa tha ma 'di bzhes shig ces gsol to/ / de bzhin gshegs pa dus mkhyen pas bzhes su ma gnang ngo // rgyal po de dag kyang bsams pa bzhin du ma gyur pas/ shin tu mya ngan gyis yid gdungs par gyur te phyogs gcig tu 'khod do/ / de'i tshe gzhan yang klung gang+gA 'dun gyi bye ma snyed kyi rgyal po'i btsun mo rnams tshogs te/ de la gcig ma gtogs pa ni ma skyes dpa' btsun mo 'ba' zhig go/ / sems can gdul ba'i phyir bud med kyi lus su ston te/ rtag tu lus kyis nan tan du spyod cing / stong pa nyid dang / mtshan ma med pa dang / smon pa med pa'i chos la sem pa jis shing goms par byed pa de la sogs te/ btsun mo khams gsum bzang po dang / btsun mo 'dod pa'i yon tan la sogs pas thog mar drangs so// thams cad kyang dam pa'i chos la gnas shing tshul khrims yongs su srung ba/ spyod lam dang ldan pa/ sems can thams cad la bu gcig pa dang 'dra bar byams pa sha stag go/ de dag kyang gcig la gcig 'di skad du/ bdag cag kyang myur bar sangs rgyas gang na bzhugs par 'dong ngo zhes smras so/ / rgyal po'i btsun mo rnams kyis mchod pa'i yo byad bshams pa ni snga ma bas bdun 'gyur gyis lhag ste/ me tog dang / spos dang / rin po che'i rgyal mtshan dang / dar gyi ba dan dang / gdugs dang / zhal zas mchog rnams so// rin po che'i gdugs nang gi chung ngu yang chu zheng kho ra khor yug tu dpag tshad bcu drug khebs so// ba dan nang gi chung ngu'i tshad kyang dpag tshad sum cu rtsa drug snyed do/ / rin po che'i rgyal mtshan nang gi dma' ba'i tshad kyang dpag tshad drug cu rtsa brgyad snyed do// zhal zas kyi dri bsung gis kyang dpag tshad brgyad kyi bar du bro ba mchod pa'i yo byad de lta bu dag bshams nas/ de bzhin gshegs pa ga la ba der song ste phyin pa dang / bcom ldan 'das kyi zhabs la spyi 'os phyag 'tshal nas/ lan brgya stong du ma bskor te/ bcom ldan 'das la 'di skad ces gsol to// bcom ldan 'das bdag cag gis sangs rgyas dang dge slong gi dge 'dun rnams la mchod pa'i yo byad bshams te 'bul ba 'di/ de bzhin gshegs pas bdag cag la thugs brtse ba'i slad du/ mchod pa nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung nas bzhes su ma gnang ngo / / de'i tshe rgyal po'i btsun mo rnams bsams pa bzhin du ma gyur nas/ shin tu mya ngan gyis yid gdungs te skra 'bal zhing / brang la thal mos rdebs te/ cho nges rdung ba ni ji ltar bu'i nang na sdug pa shi ba dang 'dra bar gyur nas/ phyogs gcig tu cang mi smra bar 'khod do// de'i tshe klung gang+gA brgyad kyi bye ma snyed kyi lha'i bu mo rnams la/ 'di lta ste lha'i bu mo yangs pa'i mig ces bya bas thog mar drangs te 'di skad ces smras so/ / kye grogs mo dag mthong ngam ltos shig/ 'khor gyi dkyil 'khor mang pos mchod pa'i yo byad rnam pa snga tshogs bshams nas/ de bzhin gshegs pa dang dge slong gi dge 'dun la 'bul ba mthong ngam/ bdag cag kyang mchod pa'i yo byad bshams te/ de bzhin gshegs pa la mchod nas/ de bzhin gshegs pas bzhes pa'i 'og tu mya ngan las mi 'da' bar bzhugs su gsol bar bya'o// kye grogs mo dag sangs rgyas bcom ldan 'das 'jig rten du gshegs pa yang shin tu dka'/ mchod pa nang gi tha ma bshams te 'bul ba yang shin tu dka'o// gal te bcom ldan 'das mya ngan las 'das na 'jig rten stongs par 'gyur ro zhes smras so// lha'i bu mo de rnams kyang thes pa chen po 'dod pa/ theg pa chen po thos par mos pa/ thos nas kyang gzhan la rgya cher ston nus pa/ theg pa chen po la skom pas gdungs pa ltar gyur cing / bdag shin tu ngoms par byed pa skosgom pas gdungs pa gzhan dag kyang ngoms par byed pa/ theg pa chen po la skyob pa/ slob pa gzhan la zhugs pa dag theg pa chen po la sun 'byin cing phrag dog byed pa yod na/ ji ltar rtswa la ser ba bab pa bzhin du shin tu thul ba/ tshul khrims yongs su srung ba/ spyod lam dang ldan pa/ 'jig rten thams cad kyi yid dang sbyor ba la shin tu mkhas pa/ ma dul ba rnams 'dul ba/ ma grol ba rnams grol bar byed pa/ phyi ma ma 'ongs pa'i dus su chos kyi 'khor lo bskor zhing / dkon mchog gsum gyi gdung rgyun mi 'chad par 'tshob pa/ theg pa chen po la nan tan byed cing / rgyan chen pos shin tu brgyan pa/ de lta bu'i yon tan tshad med pa dang ldan pa/ sems can thams cad la yang bu gcig pa dang 'dra bar byams pa sha stag ste/ de dag kyang snga dro'i dus nyi ma thog ma shar ba na/ so so nas rnam pa sna tshogs kyi lha'i shing bsung can bshams pa ni/ mi'i shing bsrung can las khyad par du gyur pa shing gi bzung des/ mi'i 'jig rten na mnam zhing dri mi zhim pa thams cad zhi bar byed pa/ shing rta dkar po la gdugs dkar po'i bris te/ rta dkar po bzhis drangs pa/ shing rta de re re'i steng yang gur dkar po phub pa la/ gur gyi mtha' ma yang gser gyi dril bu sbyangs pa rnam pa sna tshogs kyi spos dang / me tog dang / rin po che'i rgyal mtshan dang / ba dan dang / gdugs dang // zhal zas mchog das pa dang / rol mo rnam pa sna tshog pa sham+ba te/ seng ge'i gdan bting ngo // seng ge'i gdan gyi rkang pa bzhi yang bai DUrma mthon mthing las byas pa/ de'i rgyab ni rin po che sna bdun gyi snam rten dang bcas pa la/ mdun lung gser las byas pa'i rdzas re re yod pa/ rin po che sna bdun gyi sgron ma'i sdong po la nor bu rin po che rnam pa sna tshogs kyi sgron ma snang ba/ sa gzhi thams cad lha'i me tog gis chal par dkod pa de lta bu dag lha'i bu mo de dag gis bshams nas/ yid gdungs shing mchi ma zag ste sdug bsngal chen po skyes kyang / sems can thams cad la phan pa dang bde ba'i phyir/ theg pa chen po don dam pa stong pa nyid dang ldan par bya ba dang / de bzhin gshegs pas dgongs te gsungs pa mngon du bstan pa dang / chos rnam pa sna tshogs smra ba rgyun mi gcad ba'i phyir/ bcom ldan 'das gang na bar lhags nas/ bcom ldan 'das kyi zhabs la spyi bos phyag 'tshal te/ lan brgya stong du ma bskor nas/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa bshams pa'i nang gi za ma 'di bzhes shig ces gsol to// bcom ldan 'das dus mkhyen pas cang mi gsung nas bzhes su ma gnang ngo // lha'i bu mo rnams bsams pa bzhin du ma gyur nas/ mya ngan gyis yid gdungs te cang mi smra bar phyogs gcig tu 'khod do// de'i cha gzhan yang klung kang+gA dgu'i bye ma snyed kyi klu'i rgyal po phyogs bzhi nas lhags pa la/ 'di lta ste/ klu'i rgyal po 'jog po dang / klu'i rgyal po dga' bo dang / klu'i rgyal po bsnyen dga' bo la sogs pas thog mar drangs nas/ klu'i rgyal po rnams kyang snga dro'i dus nyi ma thog mar shar ba na/ lha dang mi las lhag pa'i mchod pa'i yo byad bshams nas/ bcom ldan 'das gang na bar lhags te/ bcom ldan 'das kyi zhabs la spyi bos phyag 'tshal nas/ lan brgya stong du ma bskor te/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa'i nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung nas bzhes su ma gnang ngo / / de nas klu'i rgyal po rnams kyang bsams pa bzhin du ma gyur pas/ mya ngan gyis yid gdungs te phyogs gcig tu 'khod do// de'i tshe gzhan yang klung gang+gA bcu'i bye ma snyed kyi gnod sbyin gyi rgyal po ngal bso po la sogs pas thog mar zangs nas/ gcig la gcig 'di skad du/ kye skyes bu dag myur bar sangs rgyas gang na ba der 'dong ngo zhes smras nas/ mchod pa'i yo byad gru bas lhag par bshams te/ bcom ldan 'das gang na bar lhags nas/ sangs rgyas kyi zhabs la spyi bos phyag 'tshal te/ lan brgya stong du ma bskor nas/ bcom ldan 'das la 'di skad ces gsol to/ / bcom ldan 'das bdag cag la thugs brtse ba'i srad du/ mchod pa bshams pa'i nang gi ra ma 'di bzhes shig ces gsol to// de la bcom ldan 'das cang mi gsung bas bzhes su ma gnang ngo / / gnod sbyin gyi rgyal po rnams bsams pa bzhin du ma gyur pas/ mya ngan gyis yid gdungs te phyogs gcig tu 'khod do// de'i tshe gzhan yang klung gang+gA nyi shu'i bye ma snyed kyi nam mkha' lding gi rgyal po phas rgol ba bcom pa zhes bya bas thog mar drangs so/ / gzhan yang krung gang+gA sum cu'i bye ma snyed kyi dri za'i rgyal po mthu bo ches thog mar drangs so// gzhan yang klung gang+gA bzhi bcu'i bye ma snyed kyi mi 'am ci'i rgyal po shin tu mthong ba zhes bya bas thog mar drangs so/ / gzhan yang klung gang+gA lnga bcu'i bye ma snyed kyi lto 'phye chen po'i rgyal po shin tu mthong ba chen po zhes bya bas thog mar drangs so/ / gzhan yang klung gang+gA drug cu'i bye ma snyed kyi lha ma yin gyi rgyal po kham bi lis thog mar drangs so// gzhan yang krung gang+gA bdun cu'i bye ma snyed kyi tan pa'i rgyal po dri med 'bab chu dang / ba tid ta la sogs pas thog mar drangs so// gzhan yang klung gang+gA brgyad cu'i bye ma snyed kyi srin po'i rgyal po 'jigs su rung ba zhes bya bas thog mar drangs so// de dag kyang sdig pa mi dge ba'i sems yongs su spangs nas mi la mi za ba dang / dgra dang khon du gyur pa la byams shing snying rje'i sems skye ba dang / gzugs mi sdug pa yang sangs rgyas kyi byin gyi rlabs kyis thams cad bzang zhing sdug par gyur to/ / gzhan yang krung gang+gA dgu bcu'i bye ma snyed kyi nags tshal la dbang ba'i lha dri bsung la dga' ba zhes bya bas thog mar drangs so// gzhan yang klung kar+d+ha stong gi bye ma snyed kyi rig 'dzin gyi rgyal po rdzu 'phrul chen po zhes bya bas thog mar drangs so/ / gzhan yang klung gang+gA 'bum gyi bye ma snyed kyi mdangs za ba'i rgyal po shin tu mthong zhes bya bas thog ma zadrazangs so/ / gzhan yang klung gang+gA khri phrag brgya'i bye ma snyed kyi lha'i bu mo 'dod chags can lam pa dang / ur pa shi dang / me to te lo tsam dang / phyir sha ka la sogs pas thog mar drangs so// gzhan yang klung gang+gA khri phrag stong gi bye ma snyed kyi sa la gnas pa'i yi dgas kyi rgyal po gzhog dkar zhes bya bas thog mar drangs so// gzhan yang klung gang+gA 'bum phrag bcu'i bye ma snyed kyi lha'i sras po rnams dang / lha'i rgyal po la phyogs bzhi'i mgon pos thog mar drangs so// gzhan yang klang gang+gA 'bum phrag bcu'i bye ma snyed kyi rlung gi lhas ni phyogs bzhi nas sa las skyes pa'i ma tog dus dang dus ma yin pa rnams sA la'i shing drung du chal bar bkang ngo / / gzhan yang klung gang+gA 'bum phrag bcu'i bye ma snyed kyi rlung dang char la dbang ba'i lha rnams ni 'di snyam du/ bdag ca gis de bzhin gshegs pa mya ngan las 'das nas zhugs la bzhin pa na char rab tu phab ste dus su me shi bar bya ba dang / 'khor gyi dkyil 'khor las tsha bas gdungs pa rnams kyang shin tu bsil bar bya'o snyam du sems so/ / gzhan yang klung gang+gA nyi shu'i bye ba snyed kyi spos kyi bal glang chen po bal glang gi rgyal po la hu dang / bal glang gi rgyal po gser can dang / bal glang gi rgyal po dang ra ba'i ro dang / bal glang gi rgyal po mthon mthing mig dang / bal glang gi rgyal po bsung can la sogs pas thog mar drangs te/ de dag thams cad kyang theg pa chen po la bsti stang byed pa/ theg pa chen po la mos pa sha stag ste/ de dag gis kyang sangs rgyas bcom ldan 'das ring por mi thogs par mya ngan las 'da' bar shes pas/ so so nas pad+mo bzang po tshad med pa dpag tu med pa phyung ste/ sangs rgyas bcom ldan 'das gang na bar lhags nas/ gdong gis phyag 'tshal te phyogs gcig tu sdod do// gzhan yang klung kang+gA nyi shu'i bye ma snyed kyiri dgas kyi rgyal po seng ge seng ge sgra zhes bya bas thog mar drangs te/ sems can thams cad la mi 'jigs pa byin nas/ so so nas me tog dang 'bras bu thogs te/ sangs rgyas gang na bar lhags nas/ sangs rgyas kyi zhabs la phyag 'tshal te/ phyogs gcig tu sdod do// gzhan yang klung gang+gA nyi shu'i bye ma snyed kyi bya'i rgyal po dang pa dang / ngur ba dang / rma bya dang / 'gen da ba dang / ka lan ta dang / gu yog dang / ne tso dang / ko shi la dang / ba hi ka dang / ka la bing ka dang / 'tsho byed 'tsho byed la sogs pa/ bya'i rgyal po rnams kyang so so nas me tog dang 'bras bu thobs sangs rgyas gang na par lhags nas/ bcom ldan 'das kyi zhabs la phyag 'tshal te/ phyogs gcig tu sdod do// gzhan yang klung kan+da nyi shu'i bye ma snyed kyi chu mang dang dang lug la sogs pa/ sangs rgyas gang na bar lhags nas/ grong khyer rtswa mchog gi 'obs dang shang shong thams cad kyang dri bsung dang ldan pa/ kha dog dang ro bro bar ldan pa'i 'o mas kun tu ga pabar byas nas phyogs gcig tu sdod do/ / gzhan yang klung gang+gA nyi shu'i bye ma snyed kyi gling bzhi la gnas pa'i drang srong bzod pa can zhes bya ba la sogs pas thog mar drangs te/ so nas me tog dang / spos dang / 'bras bu dngar ba la sogs pa thogs te/ sangs rgyas gang na bar lhags nas/ bcom ldan 'das kyi zhabs la spyi bos phyag 'tshal te/ lan gsum bskor nas/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung nas bzhes su ma gnang nas/ drang srong gi rnams bsams pa bzhin du ma gyur nas/ mya ngan gyis yid gdungs te phyogs gcig tu 'khod do// 'dzam bu gling gi bung ba'i rgyal po sgra snyan ces bya bas thog mar drangs nas/ bung ba thams cad kyang me tog rnam pa sna tshogs thogs te/ sangs rgyas gang na bar lhags nas/ bcom ldan 'das kyi zhabs la phyag 'tshal te/ lan cig bskor nas phyogs gcig tu sdod do// de'i tshe 'dzam bu'i gling na gnas pa'i dge slong dang dge slong ma thams cad 'dus te/ de la gnyis ma gtogs pa ni 'od srungs chen po dang dga' bo'o// gzhan yang 'jig rten gyi khams tshad med grangs med pa klung gang+gA'i bye ma snyed dang / 'dzam bu'i gling gi ri la sogs pa'i rab ri'i rgyal pos thog mar drangs te/ ri de dag thams cad kyang shin tu brgyan pa ni nags tshal rgyas pa dang / shing rnams kyi lo ma dang / yal ga yang ran par nyi ma'i 'od chod pa dang / me tog rnam pa sna tshogs rgyas pa dang / khor khor yug tu 'bab chu dang / chu mig yongs su dag cing bsung dang ldan pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am Ni dang / lto 'phye chen po dang / rig 'dzin dang / drang srong la sogs pas rol mo rnam pa sna tshogs byed pas yongs su gang bar gyur to// lnga dang drang srong de dag kyang / bcom ldan 'das gang na bar lhags te/ sangs rgyas kyi zhabs la spyi bos phyag 'tshal nas/ phyogs gcig tu 'khod do// gzhan yang zangs med pa'i klung gang+gA'i bye ma snyed kyi rgya mtsho bzhi'i lha dang / 'bab chu kun gyi lha gzi brjid chen po dang ldan pa/ rdzu 'phrul dang ldan pa rnams kyang / snga ma bas lhag par mchod pa'i yo byad bshams te/ lha rnams kyi lus kyi 'od dang / rol mo'i cha byad dang / me mar gyis nyi zla'i 'od kyang mi snang bar byas nas/ me tog tsam pa kas klung ha ril ba ti logs su gtor te/ sangs rgyas gang na bar lhags nas/ sangs rgyas kyi zhabs la phyag 'tshal te/ phyogs gcig tu 'khod do// de'i tshe grong khyer rtswa mchog gi shi sA la'i tshal thams cad kyang skya bor gyur te/ steng gi nam mkha' la rin po che sna bdun gyi gzhal med khang 'bur dang ri mor ldan pa/ rgyan gyis mdzes pa/ kho ra khor yug tu rin po che sna tshogs kyis spras pa/ gzhal med khang gi drung na chu mig dang / rdzing bu dang / mtshe'u las me tog pad+mo skyes pa ni/ byang gi sgra mi snyan nas/ sum cu rtsa gsum gnam gyi skyed mos tshal shin tu dga' ba zhes bya ba dang 'dra bar rang byung par gyur to/ / de'i tshe na shing sA la'i tshal kun tu rnam pa sna tshogs kyis brgyan cing shin tu yid du 'ong bar gyur to// de'i tshe lha dang / mi dang / lha ma yin la sogs pa thams cad kyis/ de bzhin gshegs pa yongs su mya ngan las 'da' ba'i ltas yin par rig nas/ thams cad mya ngan gyis yid gdungs te mi dga' bar gyur to// de'i tshe rgyal chen bzhi'i rgyal po dang / brgya byin lha'i dbang phyug dag gcig gcig 'di skad du/ kye skyes bu dag 'jig rten du bcas pa lha dang / mi dang / lha ma yin la sogs pa mchod pa bshams te/ de bzhin gshegs pa la mchod pa byed pa la ltos/ bdag cag kyang de bzhin du/ mchod pa bya'o// gal te bdag cag gis nang gi ba mar mchod na/ sbyin pa'i pha rol tu phyin pa yongs su rdzogs par 'gyur du nges so zhes smras so// de nas rgyal chen ris bzhi'i lha rnams kyis mchod pa snga ma sa shin ga par bshams pa la/ 'dis/ metog san dung bdud/ man rab chen po dang / sa tog gsol ka dang // sis ka chen po dang / ga panal man 'jusha ka chen po dang / me tog san ta ni ka dang / san ta ni ka chen po dang / me tog yid du 'ong ba dang / yid du 'ong ba chen po dang / me tog kun tu bzang po dang / kun tu bzang po chen po dang / can dang / dus can chen po dang / me tog bsrung gi grong khyer dang / bsung gi grong khyer chen po dang / me tog rab tu dga' ba dang / rab tu dga' ba chen po dang / me tog 'dod ldar dang / 'dod ldan chen po dang / me tog gzung mos dang / bsung mos chen po dang / me tog kun tu bsung dang / kun tu bsung chen po dang / me tog lha'i gser 'dab dang / me tog glu zhes bya ba dang / shing pa ridi tra'i ma tog dang / shing ko bi da ra'i me tog dang / gzhan yang rnam pa sna tshogs kyi zhal zas ro bro ba dang ldan pa thogs te/ sangs rgyas gang na bar lhags nas/ bcom ldan 'das kyi zhabs la spyi bos phyag 'tshal te/ lha rnams kyi 'od kyis nyi zla'i 'od kyang zil gyis gnon to// mchod pa'i yo byad de dag gis de bzhin gshegs pa la mchod pa bshams na/ de bzhin gshegs pa dus mkhyen pas cang mi gsung bar bzhes su ma gnang ngo / / de'i tshe lha rnams kyang bsams pa bzhin du ma gyur pas/ mya ngan gyis yid gdungs te phyogs gcig tu 'khod do// de'i tshe brgya byin lha'i dbang phyug dang / sum cu rtsa gsum gnam gyi lha rnams kyis snga ma bas shin tu lhag pa'i mchod pa'i yo byad bshams nas/ me tog thogs pa'ang snga ma dang 'dra ste/ dri bsung gis shin tu mdzad pa ni yid du 'ong ste/ gzhal med khang rgyal bar 'gyur pa zhes bya ba dang / gzhal med khang chung ngu rnams bshams te/ sangs rgyas gang na bar lhags nas/ bcom ldan 'das kyi zhabs la sdi// bos phyag 'tshal te/ bcom ldan 'das la 'di skad ces gsol to// bcom ldan 'das bdag cag ni theg pa chen po la shin tu dad cing mos na/ de bzhin gshegs pa bdag cag la thugs brtse ba'i slad du/ mchod pa 'di dag bzhes shig ces gsol to// bcom ldan 'das dus mkhyen pas cang mi gsung bar bzhes su ma gnang ngo // de nas brgya byin dang / lha'i 'khor rnams bsams pa bzhin du ma gyur nas/ mya ngan gyis yid gdungs te phyogs gcig tu 'khod do// 'dod pa'i khams kyi gnam rim pa drug gi bar du mchod pa'i yo byad bshams pa ni/ rin po che'i rgyal mtshan dang / ba dan dang / gdugs gcig pas kyang gcig bzang ba'o// rin po che'i gdugs nang gi zung ngu gling bzhi khebs so// ba dan nang gi chung ngu yang rgya mtsho bzhi 'khor to// rgyal mtshan nang gi dma' ba yang gzhan 'phrul dbang byed gnam la reg ste/ rlung gis bskyod na sgra skad snyan pa 'byin pa dang / zhal zas phul du byung ba rnam pa sna tshogs bshams nas/ bcom ldan 'das gang na bar lhags te/ bcom ldan 'das kyi zhabs la spyi bos phyag 'tshal te/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung bar bzhes su ma gnang ngo // de nas lha rnams kyang bsams pa bzhin du ma gyur pas/ mya ngan gyis yid gdungs te phyogs gcig tu 'khod do// de la gcig ma gtogs pa ni srid pa'i rtse mo ste/ tshangs pa'i ris kyi lha rnams kyang 'dus par gyur to// de'i tshe tshangs pa'i rgyal po dang / tshangs ris kyi lha rnams kyi 'od kyis gling bzhi kun snang bar byas nas/ 'dod pa'i khams na lha dang / mi dang / nyi zla'i 'od kyang mi snang bar byas so// de dag kyang so so nas rin po che'i rgyal mtshan dang / ba dan dang / gdugs thogs pa ni/ ba dan nang gi thung ngu yang tshangs pa'i gnam nas shing sA la'i tshal la thug pa thogs nas/ sangs rgyas ga na bar lhags te/ bcom ldan 'das kyi zhabs la spyi bos phyag 'tshal nas/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ bdag cag gi mchod pa nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung bas bzhes su ma gnang ngo // tshangs pa'i lha rnams bsams pa bzhin du ma gyur nas/ mya ngan gyis yid gdungs te phyogs gcig tu 'khod do// de'i tshe lha ma yin gyi rgyal po zag bzangs rigs kyang lha ma yin gyi 'khor dpag tu med pa dang bcas te/ lhags so// de rnams kyi lus kyi 'od kyang tshangs pa'i lta bas lhag par gyur te/ rin po che'i rgyal mtshan dang / ba dan dang / gdugs rnams thogs te/ gdugs nang gi chung ngu yang stong chung ngu'i 'jig rten gyi khams khebs pa dang / phul du byung ba'i zhal zas mchog rnams thogs nas/ sangs rgyas gang na bar lhags te/ bcom ldan 'das kyi zhabs la spyi bos phyag 'tshal nas/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa nang gi tha ma 'di bzhes shig ces gsol to// de bzhin gshegs pa dus mkhyen pas cang mi gsung bar bzhes su ma gnang nas/ lha ma yin gyi rgyal po rnams kyang bsams pa bzhin du ma gyur pas// mya ngan gyis yid gdungs te phyogs gcig tu 'khod do/ / de'i tshe 'dod pa khams kyi bdud kyi rgyal po bdud sdig to can yang 'khor lha'i bu mo grangs med dpag tu med pa dang bcas te/ sems can dmyal ba'i sgo phye nas yongs su bsil zhing dag pa'i chu phab ste/ de dag la 'di skad ces bsgo'o// khyed la sogs pa gzhan ci yang mi nus kyis/ sems rtse gcig tu de @/ bzhin gshegs pa la dag par rdzogs pa'i sangs rgyas dran par gyis la/ mchod pa byed pa ladzes su yi rang bar gyis shig dang / khyed yun ring po rab tu bde bar 'gyur ro/ / de nas bdud sdig can sems can dmyal ba'i mtshon cha dang / sdug bsngal du 'gyur ba me rab tu 'bar ba yang bsil ba'i char gyis zhi bar byas nas/ sangs rgyas kyi byin gyi rlabs kyis/ bdud kyi 'khor rnams kyang 'di snyam du sems bskyed par gyur to// thams cad kyis ral gri dang / mda' gzhu dang / go cha dang / mtshon shag ti dang lcags kyu dang / lcags zo dang / dgra sta dang / 'khor lo dang / zhags pa la sogs te/ mtshon cha thams cad spangs nas/ mchod pa'i yo byad lha dang mi las khyad par du sa sa so/ / gdu la nang gi chung ngu yang stong 'bring ba'i 'di/ na gyi khams khebs pa thogs nas/ sangs rgyas gang na par zhug/ bcom ldan 'das kyi bos phyag 'tshal nas/ bcom ldan 'das la 'di skad ces gsol to// bcom ldan 'das bdag cag kyang theg pa chen po la rab tu dad cing mos te/ theg pa chen po bsrung bar 'tshal lo/ / bcom ldan 'das rigs kyi bu 'am/ rigs kyi bu mo gang zhig khe dang grags pa'i phyir ram/ gzhan yang skrag par bya ba'i phyir ram/ gzhan la brdzun bya ba'i phyir ram nor dang zang zing gi phyir ram/ gzhan gyi yid dang sbyor ba tsam gyi phyir theg pa chen po 'di 'dzin par byed na/ bden yang rung / brdzun yang rung / bdag cag gis de'i tshe gang zag de'i 'jigs pa bsal ba'i phyir gsang sngags 'di 'bul lo/ / tsog kye ta ta la tsog kye/ lo ha le/ ma hA lo ha le/ a la tsa la ta la swAh+ma/ sngags 'dis ni sems stor ba rnams dang / 'jigs skrag pa dang / chos smra ba dang / yang dag pa'i chos kyi bar du mi gcod pa dang / mu stegs can gdul ba dang / bdag gi lus bsrung ba dang / yang dag pa'i chos bsrung ba dang / theg pa chen po bsrung ba'i slad du gsang sngags 'di 'bul lo// gang gis gsang sngags 'di yid la bgyis na/ bal glang rmig pas 'jigs pa dang bral bar 'gyur/ gal te 'brog dgon pa 'am/ yul sa stong pa bag tsha ba'i gnas su mchis na yang 'jigs par mi 'gyur/ chu dang / me dang / seng ge dang / stag dang / spang ki dang // dgras 'jigs pa dang / rgyal po'i chad pas 'jigs pa las kyang thar par 'gyur ro// bcom ldan 'das gang gis gsang sngags 'di yid la bgyid na/ 'jigs pa de dag la sogs pa thams cad dang bral bar 'gyur ro/ / bcom ldan 'das gsang sngags 'di 'dzin pa la/ bdag cag gis skyabs cing sba ba ni/ ji ltar rus sbal yan lag drug sbed pa bzhin no// bcom ldan 'das bdag cag ni g.yo dang sgyus 'di skang du smrab ma lags kyi/ gang gzungs sngags 'di 'dzin pa la/ bdag cag gis mthu stobs btang ngo // bcom lda 'das bdag cag la thugs brtse ba'i slad du/ mchod pa tha ma 'di bzhes su gsol/ de nas bcom ldan 'das kyis/ bdud sdig to can la 'di skad ces bka' stsal to// khyed kyis mchod pa zhal zas su phul ba rnams ni mi bzhes so/ / 'gro ba thams cad dang / 'khor rnam bzhi la phan pa dang bde ba'i phyir gsang sngags 'di bzhes so zhes bka' stsal nas/ cang mi gsung bar gzhan ni bzhes su ma gnang ngo // de ltar lan gsum gyi bar du gsol kyang bzhes su ma gnang nas/ bdud sdig to can bsam pa bzhin ma gyur nas/ mya ngan gyis yid gdungs te phyogs gcig tu 'khod do/ / de'i tshe lha dbang sgyur chen po'ang 'khor lha grang med dpag tu med pa dang bcas te/ mchod pa'i yo byad bshams pa'ang / tshangs pa dang / brgya byin dang / 'jig rten gyi mgon po bzhi dang / lha dang / mi dang / lha ma yin sde brgyad dang / mi ma yin pa la sogs pas mchod pa'i yo byad rnams zil gyis non pa ni/ ji ltar sol ba'i drung na shel bzhag pa dang 'dra ste/ thams cad mi snang bar gyur to// rin po che'i gdugs nang gi chung ngu'ang stong gsum gyi stong chen po 'jig rten gyi khams yongs su khebs pa'i mchod pa'i yo byad la sogs pa thogs te/ sangs rgyas gang na bar lpags nas/ bcom ldan 'das kyi zhabs la spyi bos phyag 'tshal te lan grangs med par bskor nas bcom ldan 'das la 'di skad ces gsol to/ / bcom ldan 'das bdag cag gis mchod pa'i yo byad nang gi tha ma 'di 'bul ba ni/ ji ltar bdag cag la sbrang bus mchod pa 'bul ba 'am chu snyim pa gang rgya mtsho chen por blugs pa 'am/ me mar chung ngu ma gcig gi 'od kyis nyi ma brgya stong la btang ba 'am/ dbyar me tog shin tu rgyas pa'i dus su me tog gcig btogs te/ me tog mang po'i khrod du bzhag pa'am/ yungs kar 'brum bu gcig tsam ri rab ri'i rgyal po la btang na/ rgya mtsho dang / nyi ma dang / me tog mang po dang / ri rab la mi sman pa dang 'dra bar/ bcom ldan 'das bdag cag gi mchod pa'ang de dang 'dra'o// gal te stong gsum gyi stong chen po'i 'jig rten gyi khams spos dang / me tog dang / rol mo dang / ba danra dang / gdugs dang / rgyal mtshan gyis yongs su bkang ste mchod kyang smos pa'i rin du mi 'tshal lo// de ci'i slad du zhe na/ de bzhin gshegs pa ni 'gro ba mang po'i slad du/ sems can dmyal ba dang / yi dgas dang / byol long gi skye gnas su sdug bsngal mang po len to// de bas na bcom ldan 'das bdag cag la thugs brtse ba'i slad du/ / mchod pa 'di dag bzhes shig ces gsol to// de'i tshe 'di nas shar phyogs su 'jig rten gyi khams krung gang+gA'i bye ma grangs med dpag tu med pa 'das pa'i pha rol sangs rgyas kyi zhing yid du 'ong ba'i sgra snyan zhes bya ba na/ sangs rgyas nam mkha' dang mnyam pa zhes bya ba/ de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo gyur pa/ lha dang mi rnams kyi ston pa sangs rgyas bcom ldan 'das bzhugs te/ de'i tshe na sangs rgyas des/ nye gnas chen po la 'di skad ces bka' stsal to// rigs kyi bu khyod song la 'di nas nub phyogs su 'jig rten gyi khams mi mjed ces bya ba na/ sangs rgyas shAkya thub pa zhes bya ba/ de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das de ring por mi thogs par yongs su mya ngan las 'dar nye'o// rigs kyi bu khyod 'jig rten gyi khams 'di'i zhal zas bsub can dri shin tu zhim/ yid du 'ong zhing bde bar 'gyur ba 'di thogs te/ sangs rgyas bcom ldan 'das de la phul cig/ bcom ldan 'das de gsol nas yongs su mya ngan las 'da' bar gshegs so/ / rigs kyi bu khyod de la phyag 'tshal zhing the tsom du gyur pa'ang zhu ba'i dus la bab bo// de nas byang chub sems dpa' sems dpa' chen po lus dpag tu med pa zhes bya ba 'dug pa las langs nas/ sangs rgyas kyi zhabs la spyi bos phyag 'tshal te lan gsum bskor nas/ byang chub sems dpa' grangs med dpag tu med pa dang thabs cig tu sangs rgyas kyi zhing de nas/ mi mjed kyi 'jig rten gyi khams gang na bar dong ngo // de'i tshe na stong gsum gyi stong chen po'i 'jig rten gyi khams rnam pa drug tu g.yos nas/ 'khor gyi nang na tshangs pa dang / brgya byin dang / phyogs bzhi'i mgon po dang / bdud sdig to can dang / dbang phyug chen po la sogs pa de dag gis sa g.yos pa mthong nas/ lus spyi bung zhes byed de/ lce'ang bskams pa tsam du sngangs skrag par gyur te/ so sor 'gro bar chas nas/ lus kyi 'od dang gzi brjid kyang mi snang ba gyur to/ / de nas 'jam dpal gzhon nur gyur pa 'dug pa las langs te/ 'khor gyi dkyil 'khor rnams la 'di skad ces smras so// rigs kyi bu dag khyed 'jigs par ma byed cig/ khyed ma 'jigs shig/ de ci'i phyir zhe na/ 'di nas shar phyogs na 'jig rten gyi khams klung gang+gA bye ma grangs med dpag tu med pa 'das pa'i pha rol na/ 'jig rten gyi khams yid du 'ong ba'i sgra snyan zhes bya ba na/ sangs rgyas nam mkha' dang mnyam pa zhes bya'o/ de bzhin gshegs pa yang dag par rdzogs pa'i sangs rgyas mtshan bcu dang ldan pa bzhugs te/ de nas byang chub sems dpa' lus dpag tu med pa zhes bya ba/ 'khor byang chub sems dpa' zangs med pa dang bcas 'jig rten gyi khams 'dir de bzhin gshegs pa la mchod du 'ong bas/ byang chub sems dpa' de'i gzi brjid dang byin gyis khyed kyi lus kyi 'od kyang mi snang bar gyur to// de bas na khyed ma 'jigs par shin tu dga' ba skyed cig/ de'i tshe na 'khor gyi dkyil 'khor de dag thams cad kyis rgyang ma nas sangs rgyas de dang 'khor mang po'i rnams mthong ba ni/ ji ltar me long gsal ba'i nang na bdag gis gzugs bstan mthong ba bzhin no/ / de nas yang 'jam dpal gyis/ 'khor mang po rnams la 'di skad ces smras so// khyed kyis sangs rgyas de mthong ba ni/ ji ltar sangs rgyas 'di mthong ba dang 'dra bar/ sangs rgyas kyi byin gyi rlabs kyis/ gzhan yang sangs rgyas phyogs dgu na bzhugs pa dpag tu med pa snyed kyang mthong bar gyur to// de'i tshe 'khor gyi dkyil 'khor mang pos gcig la gcig 'di skad du/ kyi hud kyi hud 'jig rten stongs so// 'jig rten stongs so// de bzhin gshegs pa ring por mi thogs par yongs su mya ngan las 'dal 'o zhes smras so/ / de'i tshe 'khor gyi dkyil 'khor mang po thams cad kyis/ byang chub sems dpa' lus dpag tu med pa 'khor dang bcas pa mthong ba ni/ 'di sa ste/ byang chub sems dpa' de'i ba spu'i khung bu re re nas me tog pad+mo chen po re re byung la/ bad+mo de re re'i steng yang grong khyer 'dun khri brgyad stong snyed yod do// grong khyer de dang chu zheng gab par grong khyer yangs pa can dang mnyam ste/ ra ba dang 'obs kyang rin po che sna bdun gyis spras la/ rin po che'i shing ta la rim pa bdun dang rab/ de na gnas pa'i mi thams cad kyang rab tu bde zhing skyid pa grong khyer de'i chog par yang 'dzam bu chu klung gi gser las byas pa/ chog par de re re'i bar na rin po che sna bdun gyi shing rnam pa sna tshogs yod do// me tog dang 'bras bu shin tu rgyas pa/ rlung gi mi drag pas skyod pa na sgra skad shin tu snyan pa ni/ ji ltar lha'i rol mo zer ba lta bu de na gnas pa'i mi dag gis thos na/ phul du byung ba'i rab tu bde ba myong bar 'gyur ro// 'obs kyi nang na'ang yongs su dag pa'i chu bsung can bai DUrma dang 'dra bas yongs su gang ngo // chu de dag la rin po che sna bdun gyi gru yod do// gru de'i steng na mi dag rtse zhing khrus byed de gcig la gcig dga' zhing rab tu bde ba myong ngo / / gzhan yang kha dog rnam pa sna tshogs kyi pad+mo skye ba ni ut+pa la dang / ku mu da dang / pad+mo dang / bun da ri ka la sogs pa shing rta 'khor lo tsam skye'o/ / 'obs kyi g.yas g.yon ma skyed mos tshal mang du yod de/ skyed mos tshal de re re'i nang du'ang tshwa mig dang bcas pa'i rdzing bu lnga lnga yod do/ / rdzing bu de dag gi nang na'ang me tog ut+pa la dang / ku mu da dang / pad+ma dang / pun da ri ka che khyad shing rta'i 'khor lo tsam skye ste/ dri bsung shin tu dngad pa/ rab tu yid du 'ong ba chu shin tu gsal zhing 'jam pa/ ngang pa dang ngur pa nyal zhing rtse ba/ skyed mos tshal de na gzhan yang rin po che'i gzhal med khang yod de/ gzhal med khang de re re'ang chu zheng gab par dpag tshad bzhi yid do/ / gzhab medang de'i rab 'ang che sna bzhi las byas so// 'di lta ste/ gser dang / dngul dang / bai DUR+Ya dang / te/ kha bad kyang gser las byas sa bzhi ni mu sa la bar ba las blangs te/ gser gyi bye ma bdal ba/ gzhal med khang de'i drung na rin po che sna bdun gyi 'bab chu dang / rdzing bu yod de/ rdzing bu re re la'ang gser gyi zang ma skas bco brgyad yod do/ / chu shing yang 'dzam bu chu klung gi gser las byas te/ sum cu rtsa gsum gnam gyi skyed mos tshal rab tu bde ba can dang 'dra'o// grong khyer de re re'i nang na'ang rgyal po brgyad khri bzhi stong snang yod do/ / rgyal po de re re la'ang btsun mo dang pho brang gi slas grangs med par yod do// de dag da lhar cig rtse zhing dga' 'o// de na gnas pa'i mi thams cad kyang so so'i gnas na rtse zhing dag 'a'o/ / de na gnas pa'i sems can rnams ni rna bar gzhan mi grag gi/ bla na med pa'i theg pa chen po'i sgra 'ba' zhig phrag go// me tog de re re'i nang na'ang seng ge'i khri re re yod de/ khri de'i rkang pa bzhi'ang bai DUrma mthon mthing las byas pa/ khams gsum las 'das pa'i na bza' shin tu 'jam pa dkar pos bting ngo // khri de re re'i steng na rgyal po de re re 'dug ste/ theg pa chen po'i chos kyis sems can rnams 'dul te/ de la'ang sems can la la ni theg pa chen po'i mdo sde glegs bam du 'dri ba dang / 'chang ba dang / 'dzin pa dang / klog pa dang / 'don pa dang / ji ltar smras pa bzhin du nan tan du byed pa dang / shin tu rgyas pa'i bar du byed do// de'i tshe na byang chub sems dpa' lus dpag tu med pa des/ bdag gi lus la sems can tshad med pa snyed bkod pa'ang 'jig rten gyi bde ba btang nas thams cad 'di skad du// kyi hud kyi hud 'jig rten stongs so// de bzhin gshegs pa ni ring po ma lon par yongs su mya ngan las 'dal 'o zhes smras so/ / de'i tshe byang chub sems dpa' lus dpag tu med pa byang chub sems dpa'i 'khor tshad med pa snyed kyis bskor te/ de lta bu'i rdza 'phrul mngon par bstan nas/ mchod pa'i yo byad tshad med pa rnam pa sna tshogs dang / zhal zas bsung can thogs te/ gang zhig la zhal zas de'i bsung gis reg na kun nas nyon mongs pa'i dri ma thams cad zhi bar 'gyur ro/ / byang chub sems dpa' de'i byin gyi rlabs kyis/ 'khor gyi dkyil 'khor thams cad rdzu 'phrul de dag mthong bar gyur to// bya chub sems dpa' lus dpag tu med pa ni/ lus chen po dpag tu med pa de nam mkha' dang mnyam pas/ sangs rgyas bcom ldan 'das ma gtogs par/ gzhan gang yang byang chub sems dpa' de'i lus kyi mtha' shes par nus pa med do/ / de'i tshe byang chub sems dpa' lus dpag tu med pa 'khor dang bcas pas mchod pa'i yo byad snga ma bas lhag par bshams te/ sangs rgyas gang na bar lhags nas/ bcom ldan 'das kyi zhabs la spyi bos phyag 'tshal te/ thal mo sbyar te bsti stang dang bcas nas/ bcom ldan 'das la 'di skad ces gsol to// bcom ldan 'das bdag cag la thugs brtse ba'i slad du/ mchod pa 'di dag bzhes shig ces gsol to// de bzhin gshegs pa dus mkhyen pas cang mi gsung bar bzhes su ma gnang nas byang chub sems dpa' lus dpag tu med pa 'khor dang bcas te phyogs gcig tu 'khod do/ / de bzhin du lho dang / nub dang / byang phyogs kyi sangs rgyas kyi zhing kun nas/ byang chub sems dpa' lus dpag tu med pa grangs med pa snyed kyang / mchod pa'i yo byad snga ma bas lhag par bshams nas/ sangs rgyas gang na bar lpags pa nas/ phyogs gcig tu 'khod pa'i bar du rgyas par rig par bya'o/ / de'i tshe shing sA la drung gnyis kyi bar bsod nams kyi sa gzhi bkra shis kyi gnas der/ kho ra khor yug tu dpag tshad sum cu rtsa gnyis kyi bar 'khor gyi dkyil 'khor gyis sa stong cung zad kyang med par yongs su gang ngo / / de'i tshe phyogs bzhi nas 'dus pa'i byang chub sems dpa' 'khor dang bcas te 'dug pa'i gnas ni rlung gi rtse mo 'am/ khab kyi rtse mo tsam mam/ rdul phra mo tsam mo// phyogs bcu'i 'jig rten gyi khams rdul phra rab snyed kyi sangs rgyas kyi zhing nas byang chub sems dpa' thams cad kyang 'dus par gyur/ 'dzam bu'i gling na gnas pa'i 'khor thams cad kyang 'dus par gyur te/ de la gnyis ma gtogs pa ni/ 'od srungs chen po dang dga' bo'o// rgyal po ma skyes dgra 'khor dang bcas pa dang / sprul gdug pa ltas pa tsam gyis 'chi bar byed pa dang / sbur pa dang / sdig pa'i bar du sdig pa can gyi las spyod pa rnam pa bcu drug po ma togs pa gzhan thams cad 'dus par gyur to/ / srin po dan pa dang / lha ma yin la sogs pa thams cad kyang sdig pa'i bsam pa btang nas/ gcig la gcig byams shing sdug pa'i sems bskyed pa ni pa'am/ ma 'am/ phu nu lta bur gyur to// stong gsum gyi stong chen po'i 'jig rten gyi khams na gnas pa'i sems can thams cad kyang gcig la gcig byams pa'i sems skyed de/ gcig ma gtogs pa ni log phreng can no// de'i tshe stong gsum gyi stong chen po'i 'jig rten gyi khams kyang sangs rgyas kyi byin gyi rlabs kyis sa bzhi thams cad kyang 'jam par gyur te/ ngam grog dang / bye ma dang / gseg ma dang rdo ba dang / shing tshar ma can dang / rtsa gdug pa'ang med par gyur te/ rim po che rnam pa sna tshogs kyis shin tu brgyan pa ni/ nub phyogs kyi sangs rgyas tshe dpag tu med pa'i 'jig rten gyi khams bde ba can dang 'dra bar gyur to// de'i tshe 'khor gyi dkyil 'khor mang po thams cad kyis/ phyogs bcu 'jig rten gyi khams rdul phra mo snyed shin tu snang ba ni/ ji ltar me long gsal ba'i nang na bdag gi gzugs brnyan snang ba bzhin no// de ras de bzhin gshegs pa'i zhal gyi sgo nas 'od rnam pa lnga byung sde/ 'khor gyi dkyil 'khor mang po snang bar byas nas/ de dag gi lus kyi 'od zer mi mngon par zil gyis mnar te tu byas nas phyir zhal gyi sgor zhugs so// de'i tshe lha dang / mi dang / lha ma yin la sogs pa'i 'khor rnams kyis/ sangs rgyas kyi 'od zer phyir yang zhal gyi sgor zhugs pa mthong ras thams cad 'jigs skrag ste/ lus kyi ba spu kun kyang langs nas gtsigs gcig 'di skad du/ de bzhin gshegs pa 'od zer bkye nas slar zhugs pa 'di ni rgyu med pa 'am/ rkyen med pa ma yin te/ phyogs bcur mdzad pa kun mdzad nas/ pha ma yongs su mya ngan las 'da' ba'i lhas yin du nges so// kyi hud kyi hung de bzhin gshegs pas tshad med pa bzhi'i thugs btung nas/ lha dang mi rnams kyis mchod pa'ang bzhes su ma gnang ngo / / deng ldan chad ni ye shes kyi nyi ma'ang nub par gyur/ bla ma med pa'i chos kyi bu'ang bying bar gyur to// kyi hung re thug 'jig rten sdug pasngal chen pos 'dul par gyur to zhes smras nas/ brang la khu tshur gyis rdeg cing cho nge 'don pas lus kyis mi bzod pa tsam du shin tu 'dar te/ ba spu'i khung kun nas khrag kyang zag par gyur to// / bam po gnyis pa// // de'i tshe 'khor gyi dkyil 'khor de na/ zong khyer rtsa mchog gi shing mkhan gyi bu dge bsnyen btsun da zhes bya ba/ ris mthun pa'i 'khor lnga bcu dang lhan cig tu 'dus so/ / des 'jig rten du bcas pa dag dge ba'i 'bras bu thob par bya ba'i phyir sngon gyi tshul btang nas 'dug pa las langs te/ bla gos phyogs gcig tu byas/ pus mo g.yas pa'i lha nga sa la btsugs nas/ bcom ldan 'das ga na ba logs su thal mo sbyar/ mchi ma blags te/ sangs rgyas kyi zhabs la spyi bos phyag 'tshal nas/ bcom ldan 'das la 'di skad ces gsol to// bcom ldan 'das dge slong gi dge 'dun dang bcas pas/ bdag cag gi mchod pa tha ma 'di bzhes su gsol de'ang sems can dpag tu ma mchis pa dag bsngal ba'i slad du'o/ / bcom ldan 'das bdag cag ni deng slan chang mgon ma mchis/ skabs ma mchis/ dbu gnyen ma mchis/ rten ma mchis/ gnas ma mchis te/ shin tu dbul 'phongs pas/ de bzhin gshegs pa las spang ma mchis pa'i dus kyi tshogs tsam zhig gsol lo// bcom ldan 'das thugs brtse ba'i slad du/ bdag cag gi mchod pa tha ma 'di bzhes nas/ gdod yongs su mya ngan las 'da' bar gshegs su gsol/ bcom ldan 'das dper na rgyal rigs sam/ bram ze'am/ gdol pa'ang rung / dbul 'phongs pas yul gzhan du mchis te/ zhing gi las la zhugs nas rmon pa dul ba dang / zhing yang gshin las gzhi mnyam pa dang / gseg ma dang / zhing gi ngo yur ma mchis na/ dgung char 'ba' zhig la re'o// bcom ldan 'das rmon pa dul ba zhes bgyi ba ni/ lus dang ngag gi las bdun po'i dpe'o/ / zhing gshin la sa gzhi mnyam pa zhes bgyi ba ni/ shes rab kyi dpe'o// gseg ma dang zhing gi ngo yur ma mchis zhes bgyi ba ni/ nyon mongs pa'i dpe'o// bcom ldan 'das bdag la'ang rmod pa dul ba dang / zhing gshin pa'ang mchis la/ zhing gi ngo yur ma bsal na/ de bzhin gshegs pa'i bdud rtsi'i chos kyi char 'ba' zhig la ra'o/ / rigs dbul po bzhi ni bdag lags te/ bdag ni tha na med pa'i chos kyi rin po ches dbul te 'phongs na/ thugs brtse ba'i slad du bdag cag gi dbul 'phongs pa'i sdug brgyas bsal zhing / sdug bsngal gyis yongasu gdungs pa'i sems can tshad ma mchis pa bsgral du gsol/ bdag cag gi mchod pa 'di shin tu chung mod kyi/ 'on kyang de bzhin gshegs pa'o 'khor mang po kun gyi bsod snyoms su 'tshal na/ bcom ldan 'das bdag cag la mgon ma mchis/ skyabs ma mchis/ dpung gnyen ma mchis na/ sgra gcan 'dzin lta bur thugs brtse bar dgongs su gsol/ / de nas bcom ldan 'das thams cad mkhyen pa/ bla na med pa/ skyes bu 'dul zhing kha lo sgyur bas/ tsun da la 'di skad ces bka' stsal to// legs so legs so/ / ngas khyod kyi dbul 'phongs pa med pa dang / bla na med pa'i chos kyi char khyod kyi lus la dbab cing / chos kyi myu gu skye bar bya'o// khyod ni da ltar tshe dang / mdog dang stobs dang / bang ba dang / thogs pa med pa'i so sor yang dag par shes pa thob par 'dod de/ ngas khyod la tshe dang / mdog dang / stobs dang / bde ba dang / thog pa med pa'i so sor yang dag par shes pa rtag tu sbyin no/ / de ci'i phyir zhe na/ tsun da zas kyi sbyin pa byin pas/ khyad par med pa'i 'bras bu rnam pa gnyis thob par 'gyur ro// gnyis gang zhe na/ bzhes nas bla na med pa yang dag par rdzogs pa'i byang chub thob pa dang / bzhes nas yongs su mya ngan las 'da' bar 'gyur ba'o// ngas kyang khyod kyi mchod pa nang gi tha ma bzhes pas/ khyod kyi sbyin pa'i pha rol tu phyin pa yongs su rdzogs par gyur to// de nas tsun das/ bcom ldan 'das la 'di skad ces gsol to// bcom ldan 'das kyis gsungs pa ltar sbyin pa byin pa 'bras bu rnam pa gnyis khyad par ma mchis so/ / zhes bgyi ba de ma lags so// de ci'i slad du zhe na/ sngar sbyin pa bzhes pa ni nyon mongs pa'ang mang bas/ thams cad mkhyen pa'i ye shes kyang rdzogs par ma gyur/ sems can gyi sbyin pa'i pha rol tu phyin pa rdzogs par bgyid pa'ang ma lags so// sbyin pa byin pa slad kyis bzhes pa ni nyon mongs pa'ang bas par gyur la/ thams cad mkhyen pa'i ye shes kyang yongs su rdzogs shing / sems can gyi sbyin pa'i pha rol tu phyin pa'ang yongs su rdzogs par bgyid pa lags so// sbyin pa sngar blangs pa ni sems can no// sbyin pa phyis bzhes pa ni lha'i lha'o// sbyin pa sngar blangs pa ni zas dang 'dres pa'i lus nyon mongs pa dang bcas pa'i lus/ thams cad kyi lus mi rtag pa'i lus so/ / sbyin pa phyis bzhes pa ni nyon mongs pa ma mchis pa'i sku/ rdo rje lta bu'i chos kyi sku/ rtag pa'i sku/ mtha' yas pa'i sku lags na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs/ sngar sbyin pa blangs pa ni sbyin pa'i pha rol tu phyin pa yongs su rdzogs par mi 'gyur ba nas/ shes rab kyi pha rol tu phyin pa'i bar du rdzogs par mi 'gyur te/ sha'i mig 'ba' zhig thob kyi/ sangs rgyas kyi spyan ma thob pa nas/ shes rab kyi spyan gyi bar du thob pa ma lags so// sbyin pa phyis bzhes pa ni sbyin pa'i pha rol tu phyin pa yongs su rdzogs pa nas/ shes rab kyi pha rol tu phyin pa'i bar du yongs su rdzogs la/ sangs rgyas kyi spyan dang ldan pas na/ shes rab kyi spyan gyi bar du ldan pa lags na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs/ bcom ldan 'das sbyin pa sngar blangs pa ni blangs ma thag tu 'tshal nas/ de ma thag tu zhu bas tshe dang / mdog dang / stobs dang / bde ba dang / so sor yang dag par shes pa thob pa lags so// sbyin pa phyis bzhes pa ni gsol ba dang zhu ba'ang ma mchis la/ 'bras bu rnam pa lnga po'ang ma mchis na/ ci'i slad du sbyin pa rnam pa gnyis kyi 'bras bu khyad par ma mchis zhes gsungs// bcom ldan 'das kyis bka' stsal pa/ rigs kyi bu de bzhin gshegs pa ni bskal pa tshad med mtha' yas grangs med pa'i bar du/ zas sam nyon mongs pa dang bcas pa'i sku ma yin/ nang gi tha ma'i sku ma yin te/ rtag pa'i sku/ chos kyis/ rdo rje'i grwa'o// rigs kyi bu sangs rgyas kyi rang bzhim sa mthong ba ni tsan mongs pa'i lus mas dang sa so// chub sems dpa' de'i tshe bamed skams bzhes nas/ rdo rje lta bu'i ting nge 'dzin la snyoms par zhugs te/ bsod snyoms zhum bag tu sangs rgyas kyi dpa' nas yong nas tha ma med pa yang dag par rdzogs pa'i byang chub tu mngon par rdzogs par sangs rgyas te/ de bas na sbyin pa gnyis kyi 'bras bu khyad par med do zhes ngas gsungs so// byang chub sems dpa' thog pa'ang bdud bzhi bcom la da mya ngan las 'da' khar yang bdud rnam bzhi bcom pas/ de bas ra sbyin pa rnam pa gnyis kyi 'bras bu khyad par med do zhes ngas gsungs so// byang chub sems dpa' de'i tshe na mdo sde bcu gnyis rgyas par ma gsungs mod kyi/ thams cad sngar thugs su chud la/ mya ngan las 'das kar sems can rnams la rgyas par phye zhing bstan pas/ de bas na sbyin pa rnam pa gnyis la khyad par med do/ / rigs kyi bu de bzhin gshegs pa'i sku ni bskal pa tshad med grangs med pa'i bar du bsod snyoms mi gsol mod kyi/ 'di skad ces gsungs te sngon de bzhin gshegs pas gnag rdzi me ran ta dang / nan ta pa la gnyis kyis 'o ma'i 'jam phul ba bzhes nas/ gdod tha ma med pa yang dag par rdzogs pa'i byang chub tu mngon par rdzogs pa sangs rgyas so/ / nga ni yang dag par bshos mi gsol te/ 'khor gyi dkyil 'khor mang po 'di dag gi phyir/ khyod kyi mchod pa tha ma 'di bzhes mod kyi/ yang dag par na gsol ba med do/ / de'i tshe na 'khor gyi dkyil 'khor de rnams bcom ldan 'das kyis/ tsun da'i mchod pa bzhes pa mthong nas thams cad dga' mgu rangs te/ skad mthun pas tsun da la legs so/ / shin tu legs so zhes smras so// khyod kyi ming btags pa thog tu bab bo// tsun da zhes bya ba ni don dam pa la mkhas pa ste/ khyod kyis kyang deng 'dir dor chen po brtsams pas/ de bas na don las ming tsun da zhes btags te/ khyod kyis ni tshe 'di nyid la grags pa dang phan pa'i don chen po 'thob cing / smon pa'ang yongs su rdzogs par gyur te mtshar che'o/ / tsun da mi'i nang du skyes kyang bla na med pa'i bde ba shin tu rnyed dka' ba thob bo// legs so// tsun da me tog u dum wa ra ltar 'jig rten na shin tu dkon pa ste/ sangs rgyas 'jig rten du gshegs pa yang shin tu rnyed dka' la/ sangs rgyas dang phrad nas dad pa skyed pa yang shin tu dka'/ chos thos pa yang shin tu dka'/ sangs rgyas yongs su mya ngan las 'das kar mchod pa bshams te phul ba shin tu dka'o/ / tsun da la phyag 'tshal lo// khyod ni sbyin pa'i pha rol tu phyin pa yongs su rdzogs te/ ston gyi chos bco lnga'i zla ba ltar rgyas shing yongs su dag la sprin nam na bun gyis mchod na/ thams cad kyis blta ba dang 'dra bar/ khyod kyang de dang 'dra bar bdag cag la sogs pas shin tu lta bar gyur to/ / khyod kyi mchod pa nang gi tha ma bzhes pas/ khyod kyi sbyin pa'i pha rol tu phyin pa yongs su rdzogs par gyur te/ tsun da khyod la phyag 'tshal lo// de bas na khyod ni zla ba yongs su rgyas pa dang 'dra ste/ sems can thams cad gang yang mi lta ba med do// tsun da khyod la phyag 'tshal lo// mi'i lus thob kyang sems ni sangs rgyas kyi thugs dang 'dra bas/ tsun da khyod ni sangs rgyas kyi sras yang dag pa ste/ sgra gcan 'dzin dang tha mi dad do// de nas 'khor gyi dkyil 'khor de rnams kyis tshigs su bcad de smras pa/ mi yi nang du khyod skyes pa// drug po lha las shin tu 'phags// bdag cag 'khor rnams thams cad kyis// khyod la phyag 'tshal gsol ba 'debs// mi yi skyes bu khyu mchog ni/ / yongs su mya ngan 'da' zhes gsungs// bdag cag rnams la snying rje phyir// sangs rgyas bzhugs par gsol ba thob// yun du 'jig rten 'dir bzhugs shing / / tshad med 'khor la phan pa'i phyir// mkhas pa rnams kyis bsngags pa yi// tha med chos mchog bshad du gsol// khyod kyis gsol ba ma btab na// bdag cag rnams ni mi 'tsho'o/ / de bas khyod kyis gsol ba thob// kha lo sgyur ba'i ston pa la// de'i tshe tsun da shin tu dga' mgu rangs pa ni/ dper na mi zhig pa ma shi ba las phyi sa sos pa tsam du tsun da'ang shin tu dga' bar gyur nas/ sangs rgyas kyi zhabs la spyi bos phyag 'tshal te/ tshigs su bcad pa 'di skad ces gsol to// legs so bde ba'i don du gyur/ / mi yi lus kyang legs par thob// 'dod chags zhe sdang gti mug bsal// ngan song gsum yang yongs su spangs// legs so bde ba'i don gyur te// rin chen gser gyi ri mthong nas/ / ston pa kha lo sgyur dang mjal// byol song khams su skye mi dogs// sangs rgyas u dum war ltar// phrad pa'i dus kyang shin tu dka'// phrad nas dge ba'i rtsa ba'ang bskyed/ / yi dgas sdug bsngal yongs su bcom// gzhan yang yongs su bcom pa ni// lha ma yin gyi ris rnams te// khab rtses yungs kar bzed pa bas/ sangs rgyas 'byung ba de bas dka'// bdag ni sbyin pa yongs rdzogs te// lha dang mi yi rgyud las thar// 'jig rten chos kyis ma gos pa// pad+mo'i chus mi chags bzhin te// srid pa'i bar du legs par spangs// 'khor ba'i rgyun las yongs su grol// mi yi lus thob shin tu dka'// sangs rgyas 'byung dang phrad par dka'// ji ltar rgya mtsho chen po'i nang / / rus sbal long ba 'byung ba de// shing gi bu gar mgo chung bzhin// sangs rgyas 'byung ba de bas dka'// bdag gis mchod pa gsol ba 'di/ / bla med 'bras bu thob par smon// kun nas nyon mongs thams cad ni// snying po med pas thams cad bcom// bdag ni da ltar 'di nyid na// lha dang mi yi lus mi re/ / ci ste thob par gyur na yang // de la dga' ba mos pa med// bcom ldan bdag gi mchod pazhes pas// shin tu dga' ba dpag ma mchis// e ran da yi me tog la// tsan dan bzang po'i dri 'byung bzhin// bdag ni e ran 'dra ba ste// bcom ldan bdag gi mchod bzhes pas// tsan dan bzang po bsung mngade bzhin// de bas bdag ni shin tu dga'/ / bdag ni 'bras bu mngon du thob// bla med mchog gi gnas phyin te// tshangs pa brgya byin lha rnams kyang // lhags nas bdag la mchod pa bgyid// 'jig rten bcas pa thams cad ni/ / sdug bsngal chen po'i mya ngan skyes// sangs rgyas bcom ldan 'das bzhugs pa// yongs su mya ngan 'da' zhes rtogs// thams cad mthun par skad chen pos/ / 'jig rten kha lo sgyur ba med// sems can thams cad mi spang zhing // sras dang 'dra bar gzigs su gsol// bcom ldan dge 'dun 'khor rnams la// bla na med pa'i chos ston pa// ji ltar rgya mtsho che yi dbum// rin chen ri rab snang ba bzhin// bcom ldan ye shes yongs gcod pa// ma rig pa yi mun pa ste// dzi nam mkha' bar snang la/ / sprin chod yongs su bsil ba bzhin// bcom ldan yongs su sel ba ni// kun nas nyon mongs thams cad de// ji ltar nyi ma shar nas su// sprin med kun tu snang ba bzhin// da ltar sems can 'di dag ni// shin tu ngu bas mig kyang skrangs// thams cad 'khor bar 'khor ba yi// sdug bsngal 'bab klung g.yengs par gyur/ / de bas sangs rgyas bcom ldan 'das// 'gro ba'i dad pa skyed pa dang // 'khor ba'i sdug bsngal gcad pa'i phyir// 'jig rten yun du bzhugs par gsol// bcom ldan 'das kyis/ tsun da la bka' stsal pa/ de de bzhin no// de de bzhin te/ khyod kyis smras pa bzhin te/ sangs rgyas bcom ldan 'das 'jig rten du gshegs pa shin tu dka' ba ni/ me tog u dum wa ra dang 'dra ba'o// sangs rgyas dang phrad nas dad pa skye ba'ang de bas shin tu dkala'o// sangs rgyas yongs su mya ngan las 'das kar mchod pa phul ba bzhes te/ sbyin pa'i pha rol tu phyin pa yongs su rdzogs par gyur pa'ang de bas shin tu dka' ste/ tsun da khyod mya ngan ma byed par shin tu dga' bas bdag spro ba skyed cig/ de bzhin gshegs pas mchod pa nang gi tha ma bzhes te/ sbyin pa'i pha rol tu phyin pa yongs su rdzogs par gyur pas chog gis/ bcom ldan 'das pa 'jig rten na yun du bzhugs par gsol ba ma 'debs shig/ khyod kyis sangs rgyas rnams kyi spyod yul thams cad mi rtag la/ 'du byed rnams kyi mtshan nyid kyang de'i tshul du rig par gyis shig/ de nas tsun da la tshogs su bcad de bka' stsal pa/ 'jig rten bcas pa thams cad ni// skye ba yod na 'chi ba yod// tshe lo grangs med thub pa yang / tha ma zad par rig par bya// dar ba yod na rgud pa yod// 'du ba yod na 'bral bar 'gyur// lang tsho de yang mi rtag ste// dar ba'i mdog kyang nad kyis 'phrog/ 'tsho ba'i tshe yang 'chi bas 'phrog/ rtag pa'i chos ni gang yang med// dbang du gyur pa'i rgyal po dag/ byin dang mthu stobs zla med kyang // thams cad 'gyur zhing 'pho bas na// 'tsho ba'i srog kyang de bzhin no/ / sdug bsngal 'khor lo mtha' med do// 'khor bar 'khor ba rgyun mi 'chad// khams gsum thams cad rtag pa med// srid pa thams cad bde ma yin// srid pa'i mtshan nyid dngos po ni// thams cad stong pa med pa ste// 'jig pa'i chos can 'gyur zhing 'pho// mya ngan skyon dang rtag tu bcas// skyon mang 'jig pa'i chos can te// rga dang na 'chis rtag tu gtses// srid pa'i chos ni mtha' yas pas// 'gyur zhing 'pho ba'i dgra dang bcas// nyon mongs kun tu grags pa ni// ji ltar dar gyi srin bu bzhin// de la mkhas pa shes rab can/ / su zhig dga' zhing mos par byed// lus 'di sdug bsngal phung po ste// thams cad mi gtsang btsog pa'o// skyon gyis bcings shing rma dang ldan// phan pa'i don ni ye nas med/ / yar na lha yi lus bar du// thams cad de dang 'dra bas na// 'dod pa thams cad mi rtag pas// da ni de la chags mi byed// 'dod spangs legs par yid byas nas/ / yang dag bden pa rig par 'gyur// srid pa yongs su gcod pa ni// deng 'dir yongs su mya ngan 'da'// nga ni srid pa'i pha rol phyin// sdug bsngal kun las shin tu 'das/ / de bas da ltar thob pa ni// bla med bde ba 'ba' zhig go// de yi rgyu dang rkyen gyis na// spros pa med pa'i mtha' rig ste// bcing ba thams cad yongs bcad nas// deng 'dir yongs su mya ngan 'da'/ / nga la rga shi na pa med// sku tshe'i tshad kyang zad mi shes// deng du mya ngan 'das pa ni// ji ltar me chen shi ba bzhin// tsun du khyod ni ma rtog cig de bzhin gshegs pa'i don rnams la/ / de bzhin gshegs pa'i snying po 'di// ri rab bzhin du brtag par bya// nga ni mya ngan 'das zhugs te// mchog gi bde ba myong bar 'gyur// sangs rgyas rnams kyi chos nyid yin// de bas ngu bar mi bya'o// de nas tsun das/ bcom ldan 'das la 'di skad ces gsol to// de de bzhin no// de bzhin te/ bcom ldan 'das kyis gsungs pa bzhin te/ bdag 'tshal ba'i shes rab shin tu chung ba ni/ dper na sbrang bu dang 'dra bas// bdag gis de bzhin gshegs pa yongs su mya ngan las 'da' bar gshegs pa'i don zab mo ga la rig/ bcom ldan 'das bdag ni klu chen po dang 'dra ba'i byang chub sems dpa' sems dpa' chen po kun nas nyon mongs pa dang zag pa thams cad bas pa/ 'jam dpal gzhon nur gyur pa la sogs pa dang mnyam par gyur to// bcom ldan 'das dper na gsar du rab tu byung ba bsnyen par ma rdzogs mod kyi/ dge 'dun gyi grangs su mchi ba dang 'dra bar/ bdag kyang sangs rgyas dang byang chub sems dpa' rnams kyi byin gyi rlabs kyis/ de ltar byang chub sems dpa' chen po de dag gi grangs su gtogs par gyur te/ de bas na bdag ni de bzhin gshegs pa yun du 'jig rten na bzhugs shing mya ngan las mi 'da' bar gsol lo// bcom ldan 'das dper na mi bkres pa de ni rmar smon mi ganga' ste/ bcom ldan 'das bdag kyang de dang 'dran mya ngan las mi 'da' bar 'jig rten na yun du bzhugs par gsol lo// de nas 'jam dpal gzhon nur gyur pas/ tsun pa la 'di skad ces smras so/ / tsun da khyod 'di skad du de bzhin gshegs pa 'jig rten na yun du bzhugs shing yongs su mya ngan las mi 'da' bar gsol ba/ ji ltar mi shin tu bkres pa de skyug bro mi srid do zhes de skad ma zer bar/ khyod 'du byed rnams kyi mtshan nyid la shin tu rtogs shig/ de ltar 'du byed la brtags na stong pa nyid kyi ting nge 'dzin dang ldan par gyur gyis/ yang dag pa'i chos 'dod pa dag de lta bu'i tshul du bslab par bya'o/ / tsun das/ 'jam dpal la smras pa/ de bzhin gshegs pa zhes bya ba ni lha dang mi'i nang na mchog tu gyur/ phul du gyur na/ ci de bzhin gshegs pa 'du byed lags sam/ ci ste 'du byed lags na/ skye zhing 'gag pa'i chos can du 'gyur te/ dper na chu'i chu bur ltar/ de ma thag tu 'byung la/ de ma thag tu 'jig ste/ 'khor bar khor ba ni shing rta'i 'khor lo dang mtshungs te/ 'du byed thams cad kyang de dang mtshungs so// bdag gi sngon thos pa ltar na lha rnams kyi tshe'i tshad kyang shin tu ring ngo zhes 'byung na/ ci'i slad du bcom ldan 'das lha'i lha sku tshe rab tu thung ste/ lo brgya'ang mi bzhugs par gyur/ dper na dbang du gyur pa'i grong rdal gyi gtso bo'ang dbang dang mthu yod pas phas rgol ba thul te/ nam bsod nams zad de dbul 'phongs par gyur na/ kun gyis brnyas shing mtho btsam ste bkol bar 'gyur ro// de ci'i slad du zhe na/ byin dang mthu nyams pa'i phyir ro/ / 'o na bcom ldan 'das kyang 'du byed rnams dang mthun par 'gyur ro// ci ste 'du byed rnams dang mthun par gyur na/ lha'i lha zhes kyang gdags su mi rung ngo / / de ci'i slad du zhe na/ 'du byed rnams ni skye shi'i chos so// de bas na 'jam dpal de bzhin gshegs pa la 'du byed dang mthun par mi blta'o// 'jam dpal mkhyen bzhin du gsung ngam/ 'on te mi mkhyen pas de bzhin gshegs pa 'du byed rnams dang mthun no zhes gsungs/ ci ste de bzhin gshegs pa 'du byed rnams dang mthun na lta/ de bzhin gshegs pa ni 'jig rten gsum na lha'i lha ste/ dbang du gyur pa'i chos kyi rgyal po zhes gdags su mi rung ngo // dper na rgyal po zhig la gyad stobs po che gcig gis phas rgol ba stong thub ste gang gis kyang mi thul na/ de ni mi stong thub pa'i gyad ces bya ste/ gyad de la ni rgyal pos kyang gnang la/ bya dga' yang gzhan pas lhag par stsal to// gyang des mi stong thub ces bya ba'ang gyang nges stobs 'ba' zhig gis stong thub pa ma yin gyi/ rtsal rnam pa sna tshogs kyis mi stong las phul du gyur pas na/ stong thub pa'i gyad ces btags so// bzhin gshegs pa'ang de 'dra ste/ nyon mongs pa'i bdud dang / phung po'i bdud dang / lha'i bdud dang / 'chi bdag gi bdud yongs su bcom pas/ de bas na de bzhin gshegs pa ni khams gsum na phul du gyur pa'o zhes gsungs te/ ji ltar gyad gcig gis mi stong thub pa bzhin no// de bas na de bzhin gshegs pa'ang rnam pa sna tshogs kyi yon tan tshad med pa dang ldan pas na/ de bzhin gshegs pa yang dag par rdzogs pa'i sangs rgyas zhes btags so// 'jam dpal rnam par rtog pas de bzhin gshegs pa la 'du byed rnams dang mthun no/ / zhes rnam par rtog pa'i mi rigs so// dper na khyim bdag phyug po zhig bu khye'u zhig btsas nas/ mtshan mkhan gyis bltas te tshe thung ngo zhes spyad na/ pha mas de skad ces thos ma thag tu rigs 'tshob par mi 'gyur bar shes pas/ de la sdug par mi 'gyur bas/ de la sdug par mi byed de/ rtsa tsam gyi tshod du 'dzin to// gang tshe zung ba de la ni dge sbyong ngam/ bram ze la sogs pa'i khye'u dang / bu mo che chung gi bar du btsun par mi byed do// ci ste de bzhin gshegs pa 'du byed rnams dang mthun nA lta/ 'jig rten du bcas pa spu dang / mi dang / sems can thams cad kyis kyang btsun par mi byed // de bzhin gshegs pas gsungs pa'i yang dag pa'i chos mi 'gyur mi 'pho ba'ang 'dzin pa med par 'gyur ro/ / de bas na 'jam dpal de bzhin gshegs pa la 'du byed rnams dang mthun no// zhes gsung ba'i mi rigs so// 'jam dpal dper na bud med dbul mo gnas med pa/ rten med pa/ skyabs med pa zhig nad kyis kyang gzir la/ zas dang skom gyis kyang 'phongs te/ 'khyam zhing 'gro ba gcig gi khyim du phyin nas bu btsas na khyim bdag des 'dug tu mi ster te skrod do/ / bud med de bu btsas nas ring po ma lon kyang bu phang du thogs te yul gzhan du 'gro ba las/ lam du rlung dang / char pa dang / lhags pas nyon mongs la/ sbrang bu dang / sha sbrang dang / sbrul gdug pa dang phrad dam/ lam gyi bar du chu klung gang+gAs chod kyang / chu klung shin tu zab cing drag pa de las bu'ang phang du thogs te/ 'bog go// de nas ma smad gnyis ka chu'i nang du nub bo// de ltar bud med bu la byams shing sdug par bsams pa'i bsod nams kyis shi ma thag tu tshangs pa'i lhar skyes so/ / 'jam dpal rigs kyi bu dag dam pa'i chos bsrung ba'i phyir/ de bzhin gshegs pa la 'du byed rnams dang mthun zhe 'am/ 'du byed rnams dang mi mthun no zhes brjod par mi bya'i/ bdag ni gti mug gis mdongs pas shes rab kyi mig med de/ de bzhin gshegs pa'i dam pa'i chos ni bsam gyis mi khyab pas mi rtogs te/ de bas na de bzhin gshegs pa ni nges par 'dus byas she 'am/ nges par 'dus ma byas pa zhes brjod par mi bya'o// gang yang dag par blta bas ni de bzhin gshegs pa la nges par 'dus ma byas pa'o zhes brjod par mi bya'o/ / de ci'i phyir zhe na/ sems can thams cad kyi dge bar 'gyur ba'i chos skyed cing / 'gro ba mang po la thugs brtse ba'i phyir ro// ji ltar bud med dbul mo de klung gang+gA la brgal ba na/ bu sdug par bsams te lus dang srog kyang yal bar gyur pa dang 'dra bar/ rigs kyi bu chos srung ba'i byang chub sems dpa' yang de bzhin du/ lus dang srog la bag kyi bar du/ de bzhin gshegs pa la 'dus byas dang mthun zhe'am/ de bzhin gshegs pa la 'dus ma byas dang mthun zhes brjod par mi bya'o/ / de ltar de bzhin gshegs pa 'dus ma byas pa dang mthun no// zhes brjod pas bla na med pa yang dag par rdzogs pa'i byang chub tu 'gyur ba ni/ ji ltar bud med dbul po tshangs pa'i lhar skyes pa bzhin no/ / de ci'i phyir zhe na/ chos srung ba'i phyir ro// de la chos srung ba gang zhe na/ de bzhin gshegs pa ni 'dus ma byas zhes smras pa ste/ rigs kyi bu/ gang zag de ni rnam par grol ba la mi mod kyi/ rnam par grol ba rang thob ste/ ji ltar bud med dbul mo de tshangs pa'i lhar mi re mod kyi/ tshangs pa'i sngar rang skyes so// 'jam dpa 'di lta'o/ dperan mi zhig la sa ring por 'gron du song ba las lam du ngal chad de/ gzhan gyi khyim du nyal nyal ba las/ de'i khyim mes par terang tu 'jigs smras mas/ de 'dzi du bdag ni gdon mi za bar 'chi'o snyam bsams nas/ khrel zhing ngo tsha ba dang ldan pa'i phyir gos kyis lus dkris so// de'i tshe 'phos nas sum cu rtsa gsum gnam gyi lhar skyes so/ / de nas yang lan brgyad cu'i bar du tshangs pa chen po'i rgyal por skyes so// de nas yang lo brgya stong tshang bar mi'i nang du 'khor los sgyur ba'i rgyal por skyes te gang zag de nam du'ang ngan song gsum du ma skyes kyi/ gong nas gong du rab tu bde ba'i gnas su skyes so// de bas na 'jam dpal rigs kyi bu dag khrel zhing ngo tsha ba dang ldan pa rnams ni sangs rgyas bcom ldan 'das la 'dus byas rnams dang mthun par mi blta'o/ / 'jam dpal mu stegs can ngan par lta ba ni/ de bzhin gshegs pa la 'dus byas dang mthun no zhes smra'i tshul khrims srung ba'i dge slong dag ni/ de ltar de bzhin gshegs pa la 'dus byas pa yin par mi blta'o// ci ste de bzhin gshegs pa la 'dus byas yin no zhes brjod na/ de ni brdzun du smra ba yin te/ gang zag de ni shi ma thag tu sems can dmyal bar skye bar rig par bya ba ni/ ji ltar gang zag bdag gi khyim na gnas pa bzhin no// 'jam dpal de bzhin gshegs pa ni yang dag par 'dus ma byas pa'i chos can yin pas/ 'dus byas zhes brjod par mi bya'o// 'jam dpal dang slan chad 'khor bar 'khor ba na shes pa med pa spangs te/ yang dag pa'i ye shes btsal bar bya'o/ / de bzhin gshegs pa ni 'dus ma byas pa ste/ gang zhig de bzhin gshegs pa la de lta bu'i tshul du lta na/ mtshan sum cu rtsa gnyis dang ldan zhing / myur du bla na med pa yang dag par rdzogs pa'i byang chub tu 'tshang rgya'o/ / de nas 'jam dpal gzhon nur gyur pas/ tsun da la smras pa/ legs so legs so// rigs kyi bu khyod ni shin tu tshe ring bar 'gyur ba'i rgyu mngon sum du gyur te/ de bzhin gshegs pa rtag pa'i chos can/ mi 'gyur mi 'pho ba'i chos can/ 'dus ma byas pa'i chos su rtogs pa legs so/ / khyod kyis de bzhin gshegs pa la 'dus byas kyi mtshan nyid du ma brjod pa legs so// ji ltar mes tshig pa'i gang zag de khrel zhing ngo tsha ba dang ldan pas gos kyis lus g.yogs pa dang / bsam pa de dge bas sum cu rtsa gsum gnam gyi lhar skyes/ tshangs pa'i rgyal po dang / 'khor los gyur pa'i rgyal por gyur te/ rtag tu gnas bde bar skyes kyi/ ngan song du ma skyes so/ / de bzhin du khyod kyang de bzhin gshegs pa 'dus byas kyi mtshan nyid ma brjod pas/ phyi ma ma 'ongs pa'i dus su gdon mi za bar mtshan sum cu rtsa gnyis dang / dpe byad bzang po brgyad cu dang / ma 'dres pa'i chos bco brgyad dang / tshe tshad med pa dang / 'khor bar mi gnas pa dang / rab tu bde ba dang / ring po mi thogs par yang dag par rdzogs pa'i byang chub thob par 'gyur ro/ / tsun da de ni de bzhin gshegs pas rgyas par gsungs par 'gyur gyis/ bdag cag gnyis kas de bzhin gshegs pa'i 'dus byas kyi mtshan nyid mi brjod par bya'o/ / 'dus byas dang / 'dus ma byas pa 'di re zhig zhog la/ bsod snyoms ci 'byor pa myur du phul cig/ sbyin pa 'di ni sbyin pa byin pa'i nang na phul du 'gyur ro/ / dge slong dang / dge slong ma dang / dge bsnyen dang / dge bsnyen ma lam ring po nas 'ongs pa nga la chad pa dag la yongs su dag pa'i sems kyis ci 'dod pa myur du phul cig dang / khyod kyi sbyin pa'i pha rol tu phyin pa yongs su rdzogs pa'i sa bon du 'gyur ro// tsun da gang gis nang gi tha mar sangs rgyas dang / dge 'dun la mang yang rung / nyung yang rung chog kyang rung / mi chog kyang rung / de bzhin gshegs pa yongs su mya ngan las 'das kar phul cig/ tsun das/ 'jam dpal la smras pa/ ci'i phyir bsod snyoms la chags te/ mang ba dang / nyung ba dang / chog pa dang / mchog pa dang / dus su phul cig ces gsung / 'jam dpal de bzhin gshegs pa sngon lo drug gi bar du dka' ba spyod kyang bzod na/ deng 'dir skad cig zang cig tsam thogs pa lta ci smos/ 'jam dpal de bzhin gshegs pa yang dag par rdzogs pa'i sangs rgyas kyis bsod snyoms 'di yang dag par bzhes so snyam sems sam/ bdag ni de bzhin gshegs pa'i sku 'di nges par chos kyi sku yin gyis/ zas kyi sku ma yin par shes so// de nas bcom ldan 'das kyis/ 'jam dpal la 'di skad ces bka' stsal to/ / de de bzhin no// de de bzhin te/ tsun das smras pa bzhin no// tsun da shin tu legs so// khyod ni mchog gi ye shes chen po dang ldan te/ theg pa chen po'i mdo sde shin tu zab mo'ang legs par rtogs so/ / 'jam dpal gyis/ tsun da la smras pa/ khyod kyis de bzhin gshegs pa la 'dus ma byas pa rtogs pa ni/ de bzhin gshegs pa'i sku tshe tshad ni shin tu ring ba/ de lta bu'i tshul du shes na/ de bzhin gshegs pas kyang khyod la spro ba gnang bar gyur to// tsun das smras pa/ bdag 'ba' zhig la spro ba gnang ba ma yin gyi sems can thams cad la'ang spro ba gnang ba yin no/ / 'jam dpal gyis smras pa/ de bzhin gshegs pas khyod dang / bdag dang / sems can thams cad la'ang spro ba gnang ba yin no/ / tsun das smras pa/ 'jam dpal de bzhin gshegs pas spro ba gnang ngo zhes ma zer cig/ spro ba zhes bya ba ni phyin ci log tu 'du shes pa'o// gang phyin ci log tu 'du shes pa ni 'khor ba'o/ / gang 'khor ba de ni 'dus byas kyi chos can no// de bas na 'jam dpal de bzhin gshegs pa la 'dus byas su mi blta'o// ci ste de bzhin gshegs pa la 'dus byas yin par smras na/ skyes gu khyod dang bdag kyang phyin ci rog tu spyod par gyur to// 'jam dpal de bzhin gshegs pa la ni sdug par dgongs pa med do// thA par sems pa de ni/ dper na ba be'u la sdug par sems te/ ltogs sam/ skom yang 'gro bzhin du rtswa dang chu tshol te/ chog kyang rung / mchog kyang rung / de ma thag tu be'u tshol zhing 'ong ngo / / sangs rgyas bcom ldan 'das la ni de lta bu'i dgongs pa mi mnga'i/ thams cad la'ang sgra gcan 'dzin dang 'dra bar gzigs so// gang de ltar dgongs pa de ni sangs rgyas rnams kyi ye shes kyi spyod yul lo/ / 'jam dpal 'di lta ste/ dper na rgyal po chen po'i rta shin tu dul ba las bcas pa'i shing rta la/ bong bu'i shing rtas slebs su re ba ni gnas med do/ / skyes bu khyod dang bdag kyang de dang 'dra ste/ de bzhin gshegs pa'i dgongs pa zab mo'i mtha' chub par rtogs su re ba'ang gnas med do// 'jam dpal 'dis ste/ dper na bya nam mkha' lding gi rgyal po steng gi nam mkha' la dpag tshad grangs med pa zhig las 'phags te/ 'og tu rgya mtsho la bltas na chu'i nang na gnas pa nya dang / rus sbal dang / kho gor bab bsha' dang / chu srin dang / klu la sogs pa chu'i ris su gtogs pa thams cad gsal bar mthong ba ni/ ji ltar me long gsal ba'i nang na gzugs bstan snang bdang 'dra ste/ bus pa shes pa chung ba dag gis ni dpag nus pa ma yin no// de ltar des mi mthong ba bzhin du skyes bu khyod dang bdag kyang de dang 'dra ste/ de bzhin gshegs pa'i ye shes la dpag nus pa ma yin no/ / 'jam dpal gyis/ tsun da la smras pa/ de de bzhin no// de de bzhin te/ khyod kyis smras pa bzhin te/ ngas don 'di dag ma rtogs pa ni ma yin gyi/ khyod dang byang chub sems dpa'i rnams bstan par zad do// de'i tshe bcom ldan 'das kyi zhal gyi sgo nas 'od zer rnam pa sna tshogs bkye nas/ 'od des 'jam dpal gyi lus la yongs su snang ba byas so/ / 'jam dpal la 'od des reg ma thag tu dngos po ji lta bu nyid mod la rtogs nas/ tsun da la 'di skad ces smras so// de bzhin gshegs pas ltas 'di bstan nas ring por mi thogs par yongs su mya ngan las 'das par gshegs nges kyis/ khyod kyi mchod pa nang gi tha mar bshams pa bcom ldan 'das dang / dge 'dun chen po rnams la dbul ba'i dus la bab bo// tsun da de bzhin gshegs pa 'od zer rnam pa sna tshogs bkye ba 'di ni/ rgyu med rkyen med pa ma yin par rig par gyis shig/ tsun das de skad ces smras pa thos nas cang mi smra bar 'dug go// bcom ldan 'das kyis/ tsun da la bka' stsal pa/ khyod kyis mchod pa bshams pa sangs rgyas dang dge 'dun rnams la dbul ba'i dus la bab bo/ / de bzhin gshegs pa ni yongs su mya ngan las 'da' 'o zhes/ lan gnyis lan gsum gyi bar du de bzhin du bka' stsal to/ / de'i tshe tsun das/ bcom ldan 'das kyis de skad ces bka' stsal pa thos ma thag tu skad chen po phyung ste ngus nas 'di skad du/ kyi hud kyi hud 'jig rten stongs so zhes cho de rdung ngo / / yang 'khor gyi dkyil 'khor rnams la 'di skad du/ bdag cag gis lus smad lnga sa la gtugs te thams cad kyi skad mthun par/ bcom ldan 'das mya ngan las mi 'da' bar gsol ba gdab par bya'o/ / bcom ldan 'das kyis/ tsun da la bka' stsal pa/ sems can yongs su gdungs shing rab tu ma du bar/ bdag gi lus la chu shing lta bur ram/ smig rgyu ba 'am/ chu'i chu bur ram/ sgyu ma 'am/ dri za'i grong khyer ram/ rdza so ma btang ba 'am/ glog gi 'od dam/ chu la ri mo bris pa 'am/ gsod du khrid pa'i btson lta bu 'am/ shing thog smin pa lta bu 'am/ sha rul pa 'am/ thabs kyi rgyu zad pa 'am/ gtun lta bur blta'o// 'du byed rnams la drug dang 'dres pa'i zas lta bur blta'o/ / 'dus byas kyi chos chos rnams la nyes pa'i skyon rnam pa mang bar blta'o// de nas tsun ngas/ bcom ldan 'das la 'ja skad ces gsol to/ / de bzhin gshegs pa 'jig rten na yun du bzhugs par mi dgyes na/ bdag mi ngu ba'i gtogs ga la mchis/ kyi hud kyi hud 'jig rten stongs so// bcom ldan 'das bdag cag dang sems can thams cad la thugs brtse ba'i slad du/ 'jig rten na yun du bzhugs shing mya ngan las mi 'da' bar gsol lo// bcom ldan 'das kyis/ tsun da la bka' stsal pa/ bdag cag la thugs brtse ba'i phyir 'jig rten na yun du bzhugs par gsol zhes ma zer cig/ ngas khyod la sogs pa 'gro ba thams cad la thugs brtse ba'i phyir yongs su mya ngan las 'da' bar gshegs so/ / de ci'i phyir zhe na/ sangs rgyas rnams kyi chos nyid kyang de yin la/ 'dus byas kyang de dang 'dra'o// de nas bcom ldan 'das kyis tshigs su bcad pa 'di skad ces gsungs so// 'dus byas pa yi chos thams cad// rang bzhin nyid kyis mi rtag ste// skyes nas mi gnas pa yin pas/ / rab tu zhi ba de bde ba'o// tsun da khyod 'dus byas thams cad 'dres pa dang / chos thams cad la bdag med pa dang / mi rtag pa dang / ring du mi gnas te/ lus 'di ni shin tu skyon mang bas chu bur lta bur ltos la de bas na ma du zhig/ de nas tsun das/ bcom ldan 'das la gsol pa/ de de bzhin te/ de de bzhin no/ / bcom ldan 'das kyis gsungs pa bzhin/ de bzhin gshegs pas yongs su mya ngan las 'da' ba'ang thabs su bstan par 'tshal mod kyi/ bdag gi mya ngan mi bgyid kyang mi bzod do// yang shin tu bsams na dga' zhing spro ba'ang skye'o// bcom ldan 'das kyis/ tsun da la bka' stsal pa/ legs so// shin tu legs so/ / de bzhin gshegs pas sems can dang mthun pa'i tshul du mya ngan las 'da' bar bstan pa shes pa legs so// tsun da khyod legs par nyon cig/ 'di lta ste/ dper na byas la sa zhes bya ba dbyar tsha ba'i dus su thams cad mtsho ma dros pa zhes bya bar 'du'o// bcom ldan 'das kyang de dang 'dra ste gnas de nyid du gshegs so// tsun da/ khyod de bzhin gshegs pa'i sku tshe tshad ring zhe 'am/ thung zhes ma rtog par chos thams cad sgyu ma dang 'dra ste/ de bzhin gshegs pas thabs kyis ci la'ang chags par mi mdzad do/ / de ci'i phyir zhe na/ sangs rgyas kyi chos nyid kyis de'o// tsun da khyod kyi mchod pa nang gi tha ma bshams pa 'di bzhes pa ni/ khyod 'khor ba'i klung las sbal ba'i phyir ro/ / de la lha 'am/ mi 'am/ 'jig rten du bcas pa gang yang rung / nang gi tha mar mchod pa bshams teng la phul na mi g.yo ba'i 'bras bu thob cing / rtag tu bde ba myong bar 'gyur ro// de ci'i phyir zhe na/ nga ni sems can thams cad kyi bsod nams kyi zhing yin pa'i phyir ro// khyod kyang sems can rnams kyi zhing du 'gyur bar 'dod na/ mchod pa bshams pa ma thogs par myur du phul cig/ de nas tsun das sems can thams cad rnam par grol bar bya ba'i phyir/ mgo smad de mchi ma blags bzhin du/ bcom ldan 'das la 'di skad ces gsol to// shin tu legs so// bcom ldan 'das bdag bsod nams kyi zhing du gyur yang dag na lta/ de bzhin gshegs pa mya ngan las 'da' ba dang / mya ngan las 'da' ba ma lags pa rtogs par 'gyur ba zhig na/ bdag cag nyan thos dang rang sangs rgyas kyi ye shes ni sbrang bu dang 'dra bas/ de bzhin gshegs pa yongs su mya ngan las 'da' ba dang / mya ngan las mi 'da' ba dpog mi nus so// de nas tsun da 'khor dang bcas pas mchi ma blags te/ ngu bzhin du de bzhin gshegs pa la bskor ba byas/ bdug spos dang me tog gis gtor te mchod pa byas nas/ 'jam dpal dang bcas su 'dug pa las langs te/ mchod pa gshoms du dong ngo / / de ltar song ma thag tu de'i tshe sa'ang tshangs pa'i 'jig rten la thug gi bar du rnam pa drug tu g.yos so// sa g.yo ba la rnam pa gnyis te/ sa g.yos pa dang / sa rab tu g.yos pa'o// cung zad g.yos pa ni sa g.yos pa zhes bya'o// cher g.yos pa ni rab tu g.yos pa zhes bya'o// skad chung ba ni sa g.yos pa zhes bya'o// skad che ba ni rab tu g.yos pa zhes bya'o// sa 'ba' zhig g.yos pa ni sa g.yos pa zhes bya'o// ri dang / chu dang / shing dang rgya mtsho la sogs te/ thams cad g.yos pa ni rab tu g.yos pa zhes bya'o/ / phyogs gcig tu g.yos pa ni sa g.yos pa zhes bya'o// kun tu 'khor zhing g.yos pa ni rab tu g.yos pa zhes bya'o// 'gul ba ni sa g.yos pa zhes bya'o// 'gul ba na sems can thams cad kyi sems kyang g.yos pa ni rab tu g.yos pa zhes bya'o/ / byang chub sems dpa' thog ma nas bden gnam nas babs te/ 'dzam bu'i gling du gshegs pa na g.yos pa zhes bya'o/ / thog ma btsas pa dang / rab tu byung ba dang / bla na med pa yang dag par rdzogs pa sangs rgyas pa dang / chos kyi 'khor lo bskor ba dang / yongs su mya ngan las 'da' bar gshegs pa ni rab tu g.yos pa zhes bya'o/ / deng de bzhin gshegs pa'ang yongs su mya ngan las 'da' bar gshegs pa lta ste/ de bas na sa 'di'ang rab tu g.yos so/ / de nas lha dang / klu dang / dri za dang / lha ma yin dang / nam mkha' lding dang / mi 'am ci dang / sto 'phye chen po dang / mi dang / mi ma yin pa la sogs pa de skad thos ma thag tu lus kyi ba spu kun langs nas thams cad du ngu ste/ skad mthun par tshigs su bcad pas 'di skad ces gsol to// phyag 'tshal kha lo sgyur ba la// bdag cag rnams ni gsol ba 'debs/ / drang srong chen pos bor bas ni// mgon skyabs rten ma mchis par gyur// bcom ldan mya ngan 'das gshegs pas// bdag cag sdug bsngal rgya mtshor nub/ / yi blong mya ngan gdung ba ni// ji ltar be'u dag ma stor bzhin// dbul 'phongs mgon dang skyabs ma mchis// ji ltar shin tu na ba de// sman pa mkhas pa ma mchis pas/ / yid bzhin bza' ba ci yang 'tshal// sems can nyon mongs nad kyis gzir// lta ba rnams kyis rtag tu 'tshe// chos kyi sman pa mkhas dang bral// ngan par lta ba'i gdug pa 'tshal/ / de bas sangs rgyas bcom ldan 'das// bdag cag spang ba mi mdzad gsol// dper na rgyal po mi bzhugs na// yul mi thams cad rtogs par 'gyur// bad cag rnams kyang de 'dra ste/ / chos kyi ro dang skyabs kyang stor// sangs rgyas mya ngan 'da' thos pas// bdag cag sems ni myos par gyur// ji ltar sa chen rab g.yos na// phyogs rnams shin tu bslad pa bzhin/ / drang srong mya ngan 'das gshegs pas// sangs rgyas nyi mas la ltung // chos kyi chu yang bskam par gyur// bdag cag gdon mi za bar 'chi/ bcom ldan mya ngan 'das gshegs na// 'gro ba sdug bsngal gdung ba ni// dper na tshong pa zhig gi bu// gsar du pha ma shi ba bzhin// bcom ldan rtsa ngan 'das gshegs te/ / ci ste mi bzhugs par gyur na// bdag dang sems can thams cad ni// mgon dang skyabs ma mchis par 'gyur// bcom ldan mya ngan 'das gshegs na// byol song skye gnas bar du yang // thams cad sdug bsngal yi blong zhing // gdungs par gyur te smre sngags 'don// deng 'dir bdag cag rnams kyis ni// mya ngan mi bgyid gtol ma mchis/ / de bzhin gshegs pas bor ba yang // ji ltar mchil ma ngar snabs bzhin// dper na nyi ma shar ba na// 'od zer kun tu lham mer snang // kun tu snang bar byas pas ni/ / mun pa thams cad med par 'gyur// de bzhin gshegs pa'i rdzu 'phrul 'od// bdag cag rnams kyi nyon mongs bsal// 'khor gyi nang du bzhugs pa yang ri rab ri yi rgyal po bzhin/ bcom ldan 'das dper na rgyal po zhig sras bu byad gzugs bzang ba/ blta na sdug pa/ shin tu mdzes pa dag mchis na/ shin tu mdzes pas sngar rtsal sna tshogs bslabs te/ khong du chud pa'i 'og tu gshed ma la sod cig ces gtad do// bcom ldan 'das bdag cag kyang chos kyi sras su gyur te/ bcom ldan 'das kyis bstan cing bcos na/ yang dag par lta ba dang ldan par 'gyur gyis/ bdag cag rnams mi spang du gsol/ ci ste bdag cag yongs su spangs par gyur na/ rgyal po'i sras dang 'dra bar mi 'gyur ram/ mya ngan las mi 'da' bar 'jig rten na yun du bzhugs su gsol/ bcom ldan 'das dper na skyes bu zhig gtsug lag gi rnams legs par lobs nas/ gtsug lag gis skrag par gyur to// bcom ldan 'das kyang de dang mtshungs te/ chos thams cad thugs su chud nas/ chos kyis bsnyengs par gyur to// gal te de bzhin gshegs pa 'jig rten na yun du bzhugs shing / bdud rtsi lta bu'i chos bstan te thams cad ngoms par mdzad na/ sems can thams cad kyang sems can dmyal bar ltung gis mi dogs so/ / bcom ldan 'das dper na skyes bu zhig las byed pa'i 'phro las bzung ste btson rar bcug nas/ de la mi zhig gis 'di skad du khyod 'di na ci byed ces dris na/ bdag ni shin tu sdug bsngal chen po myong zhing 'dug ste/ 'di las thar na rab tu bde bar 'gyur ro zhes mchi'o// bcom ldan 'das kyang de dang 'dra ste/ bdag cag gi slad du spyod pa dka' ba mdzad mdzad de/ bdag cag 'khor ba'i nyon mongs pa las ma thar na/ de bzhin gshegs pa bde bar ga la 'gyur/ bcom ldan 'das dper na sman pa shin tu mkhas pa ni sman dpyad gsang ba dag bu la ston gyi/ slob ma gzhan la mi ston no// bcom ldan 'das kyang de dang 'dra ste/ dgongs te gsungs pa'i snying po shin tu zab mo'ang 'jam dpal 'ba' zhig la bstan gyi/ bdag cag rnams la bstan par ma gyur to// de bzhin gshegs pa'ang sman pa ltar bu 'ba' zhig/ la bstan gyi/ slob ma gzhan la mi ston pa ltar/ de bzhin gshegs pa ni chos thams cad la phrag dog tu ma gyur pa lags so// sman pa des kun la 'dra bar ma bstan pa ni/ byams sdang gi sems dang bcas pas gsang ste ston par gyur na/ de bzhin gshegs pa'i thugs ni byams sdang mi mnga' na/ ci'i slad du bdag cag la bstan par ma gyur/ bcom ldan 'das yun du bzhugs shing / mya ngan las mi 'da' bar gsol lo// bcom ldan 'das dper na rgan po 'am/ gzhon nu'ang rung / nad kyis sdug bsngal bar gyur la lam bzang po spangs nas/ lam nyam nga ba g.yang sa dang bcas pa lam ngan par zhugs na shin tu sdug bsngal ba myong bar 'gyur ro// de la mi zhig gis mthong nas snying brtse bas nyam nga ba med pa bzang po bstan to/ / bcom ldan 'das bdag cag kyang de dang 'dra ste/ de la gzhon nu zhes bgyi ba ni chos can gyi lus ma bskyed pa'i dpe'o// rgan po zhes bgyi ba ninyon mongs po chen po'i dpe'o/ / na ba ni 'khor ba las ma thar pa'i dpe'o// lam ga yangs sa dang ldan pa ni srid pa nyi shu lnga po'i dpe'o// bcom ldan 'das bdag cag la 'dud rtsi'i lam yang dag par bstan cing / mya ngan las mi 'da' bar 'jig rten na yul du bzhugs par gsol lo// de nas bcom ldan 'das kyis/ dge slong gi dge 'dun rnams la bka' stsal pa/ khyed dge slong dag byis pa ma rabs sam/ lha dang mi lta bur mya ngan dang du ba ma byed par/ yang dag par dran pa nye bar gzhag pa la brtson 'grus su gyis shig/ de'i tshe lha dang / mi dang / lha ma yin la sogs pas/ bcom ldan 'das kyis ma du zhig ces bka' stsal pa thos nas/ dper na mi zhig pu shi nas bu'i shing gtang ma thag tu maru zhig ces bsgo ba dang mtshungs so/ / de nas bcom ldan 'das kyis/ 'khor mang po de dag la tshigs su bcad de bka' stsal pa/ khyed rnams so sor sgo skyed la/ mya ngan chen po ma byed cig/ sangs rgyas rnams kyi chos nyid yin// de bas cang mi gsung bar bzhugs// bag yod spyod la mos par bya// yang dag dran pas sems kyang bsrung / / chos ma yin pa rab spangs te// spro ba skyed la dga' bar gyis// gzhan yang dge slong dag the tsom dang som nyir gyur pa yod na thams cad zhu zhing dris shig/ stong pa dang stong pa ma yin pa dang / rtag pa dang / mi rtag pa dang / sdug bsngal dang / sdug bsngal ma yin pa dang / gnas dang / gnas ma yin pa dang / song ba dang / ma song ba dang / 'ongs pa dang / 'ongs pa ma yin pa dang / ther zug dang / zer zug ma yin pa dang / chad pa dang / rtag pa dang / sems can dang / sems can ma yin pa dang / yod pa dang / med pa dang / bden pa dang / mi bden pa dang / yang dag pa dang / yang dag pa ma yin pa dang / 'gog pa dang / 'gog pa ma yin pa dang / gsang ba dang / mi gsang ba dang / gnyis dang / mi gnyis pa la sogs pa'i chos la the tsom du gyur pa yod na zhu ba'i skabs la bab kyis dris shig dang / ci dang ci dris pa de dang de'i the tsom gcad do// khyed la sngar bdud rtsi lta bu'i chos bstan te/ gdod yongs su mya ngan las bzla bar bya'o// dge slong dag sangs rgyas 'jig rten du gshegs pa'ang shin tu dka'/ mi'i lus thob pa'ang shin tu dka'/ sangs rgyas dang phrad cing dang pa bskyed pa'ang shin tu dka'/ bzod dka' ba bzod ba'ang shin tu dka' ba tshul khrims rdzogs shing ma gong ma nyams te/ dgra bcom pa'i 'bras bu thob pa'ang shin tu dka' ste/ sa le sbram mam/ me tog u dum wa ra tshol ba bzhin no/ / dge slong dag mi khom pa brgyad dang bral te/ mi'i lus thob pa dka' ba thob nas/ nga dang phrad par gyur na don med par chung mi gzan to// nga sngon dka' ba rnam pa sna tshogs spyad pas/ da ltar 'di lta bu'i bla na med pa'i thabs mkhas pa dang ldan par gyur to// khyed la sogs pa'i phyir bskal pa tshad med pa'i bar du lus kyi yan lag/ lag pa dang / rkang pa dang / mgo dang / mig dang / rkang dang / klad pa'ang yongs su btang ngo // de bas na khyed rnams bag med par mi bya'o// dge slong dag ji ltar na yang dag pa'i chos kyi rin po che'i mkhar brgyan cing / yon tan rin po che rnam pa sna tshogs dang ldan zhing / tshul khrims dang / ting nge 'dzin dang / shes rab kyis ra ba dang / 'obs dang / nyen lta bur 'gyur bar bya ba soms shig/ khyed sangs rgyas kyi chos rin po che'i mkhar lta bu dang phrad pa'i 'og tu yang dag pa ma yin pa sgyu dang bcas pa len pa'i mi rigs so// dper na tshong dpon dag rin po che yang dag pa'i gling du phyin na/ gyo mo dang rdo ba blangs te phyir khyim du 'ongs pa dang 'dra bar khyed kyang de dang 'dra ste/ rin po che'i gling du phyin nas rdzas sgyu ma dag len to/ / dge slong dag zhum pa'i bsam pas chog pa'i sems ma skyed cig/ khyed rnams rab tu byung mod kyi/ theg pa chen po la mos par mi byed do// dge slong dag kha dog bsgyur ba'i gos ngur smrig gyon mod kyi/ sems ni theg pa chen po yongs su dag pa'i chos la zhen par ma gyur to// dge slong dag bsod snyoms la zhugs te kun tu rgyu mod kyi/ theg pa chen po'i chos kyi zas ma myong ngo // dge slong dag sgra dang kha spu bregs mod kyi/ yang dag pa'i chos kyis kun nas nyon mongs pa med par ma byas so/ / dge slong dag dang thams cad tshogs pa 'dir yang dag pa'i gsung gis khyed la ston to// de bzhin gshegs pa'i chos rnams kyi mtshan nyid ni yang dag pa ste/ phyin ci ma log pa'o// de bas na khyed rnam dpa' zhing brtul phod pa'i sems kyis kun nas nyon mongs pa gzhom pa la brtson par gyis shig/ stobs bcu dang ldan pa'i ye shes kyi nyi ma nub par gyur na/ khyed rnams kyang ma rig pas khebs par 'gyur ro// dge slong dag dper na sa chen po dang ri las skyes pa'i rtsi shing ni sems can rnams kyi dgos par 'gyur ro// nga'i chos kyang de dang 'dra ste/ shin tu dge ba'i bdud rtsi lta bu'i chos kyi ro'ang skye la/ sems can gyi nyon mongs pa'i nang rnam pa sna tshogs kyi sman du'ang 'gyur ro// ngas deng 'di sems can thams cad dang / nga'i sras su gyur pa 'khor rnam pa bzhi'ang dgongs te gsungs pa'i snying po la bde bar 'god cing / nga la bde bar gnas nas yongs su mya ngan las 'ad 'o/ / de la dgongs te gsungs pa'i snying po zhes bya ba gang zhe na/ dper na yi ge i lA bu thig le gsum zad kar bzhag gas/ dang ran ir mi 'gyur gyur/ dbang sgyur chen po'i mig lta bur po gsum du bzhag na ir 'gyur te/ thig le gsum so sor phral ba las kyang ma yin no// nga'ang de dang 'dra ste/ rnam par grol ba'i chos kyang mya ngan las 'das ba ma yin/ de bzhin gshegs pa'i sku'ang mya ngan las 'da' ba ma yin// shes rab kyi pha rol tu phyin pa'ang mya ngan las 'da' ba ma yin/ chos gsum po so sor bral ba'ang mya ngan las 'da' ba'ang ba yin te/ nga ni chos gsum po 'di la gnas nas sems can gyi phyir mya ngan las 'da' ba zhes bya ste/ ji ltar 'jig rten na yi ge i zhes grags pa bzhin no/ / de'i tshe na dge slong rnams sangs rgyas bcom ldan 'das nges par yongs su mya ngan las 'da'a'o zhes gsungs pa thos nas shin tu mi dga' ste/ lus kyi ba spu thams cad langs nas/ mig mchi mas gang bzhin du/ sangs rgyas kyi zhabs la spyi bos phyag 'tshal nas lan grangs med par bskor te/ bcom ldan 'das la 'di skad ces gsol to/ / bcom ldan 'das mi rtag pa dang / sdug bsngal ba dang / stong pa nyid dang / bdag med pa legs par gsungs so// bcom ldan 'das dper na 'gro ba thams cad kyi rjes kyi nang nabal glang gi rjes mchog go/ / mi rtag pa'i 'du shes kyang de dang 'jaste/ 'du shes thams cad kyi rang na mchog go/ / gang zhig de la brtson 'grus su nan tan bgyid na/ 'dod pa'i khams kyi 'dod pa thams cad dang / gzugs dang / gzugs med pa'i 'dod pa dang / ma'i bdang nga rgyal dang / mi rtag pa'i 'du shes thams cad gang ma mchis par bgyid do// bcom ldan 'das gal te de bzhin gshegs pa mi rtag pa'i 'du shes dang bral na dang yongs su mya ngan las 'da' bar gshegs pa'i mi rigs so/ / ci ste ma bral na ci'i slad du mi rtag pa la nan tan bgyis nas/ khams gsum gyi 'dod pa dang / ma rig pa dang / nga rgyal dang / mi rtag pa'i 'du shes dang bral bar 'gyur zhes gsungs/ bcom ldan 'das dper na zhing pa dag ni ston gyi dus su zhing gi ngo yur ma yongs su sel to// mi rtag pa'i 'du shes kyang de dang 'dra ste/ 'dod pa'i khams kyi 'dod pa dang / gzugs dang / gzugs ma mchis pa'i 'dod pa dang / ma rig pa dang / nga rgyal dang mi rtag pa'i 'du shes kyi bar du sel to/ / bcom ldan 'das dper na zhing rmo ba'i nang na ston log btab pa bzang ngo // rjes thams cad kyi nang na bal glang gi rjes mchog go/ 'du shes thams cad kyi nang na'ang mi rtag pa mchog go// bcom ldan 'das dper na rgyal po chen po ni 'gum pa'i dus bgyid pa na/ sngar mtha' bzhir sho btang nas/ brtson thams cad thar pa'i 'og tu tshe'i bya ba bgyid do/ / de bzhin gshegs pa'ang de dang 'dra bar/ sems can thams cad shes pa med pa'i ma rig pas yongs su khebs pa las bsgral te/ thar par mdzad nas/ gdod mya ngan las 'da' bar gshegs pa'i rigs kyi/ bdag cag ma bsgral bar ci'i slad du/ de bzhin gshegs pas bdag cag yongs su btang ste/ yongs su mya ngan las 'da' bar gshegs/ bcom ldan 'das dper na mi zhig yi dgas kyis brlams te/ sngags mkhan dang phrad na sngags kyi mthus de las thar par 'gyur ro// de bzhin gshegs pa'ang de dang 'dra ste/ nyan thos rnams kyi ma rig pa'i yi dgas pasal cing / shes rab kyi pha rol tu phyin pa dang / rnam par grol ba la sogs pa'i chos la bde bar dgod pa ni/ ji ltar 'jig rten na yi ge i zhes grags pa bzhin no// bcom ldan 'das dper na spos kyi mang po che ni mis bcings na 'dul mkhas pa'i mkhan po mchis kyang mi thul te/ bcings pa'i theg pa gcad nas yid bzhin du mchi'o// de ltar bdag cag ni nyon mongs pa lnga bcu rtsa bdun gyis bcings pa las yongs su ma grol na ci'i slad du de bzhin gshegs pas yongs su gtong mya ngan las 'da' bar gshegs/ bcom ldan 'das dper na tsha ba'i nad kyis btab pa ni sman pa mkhas pa dang phrad na de ma thag tu 'tsho'o/ / bdag cag kyang de dang 'dra ste log par 'chi ba'i tsha ba'i nad mang pos sdug bsngal bar gyur te/ de bzhin gshegs pa dang mjal kyang nad ma byang ste/ bla na med pa'i bde ba rtag pa'ang ma thob na// ci'i slad du de bzhin gshegs pas yongs su spangs te mya ngan las 'da' bar gshegs/ bcom ldan 'das dper na ma ri ro ba ni mi dran pas na nye ring mi shes te/ ma dang / bu mo dang / sring mo la ma 'os mi rigs pa byed cing bag ma mchis par smra ste/ mi gtsang ba'i steng na nyal lo// de la sman pa mkhas pas sman gtang ste chang 'thungs pa slar skyugs na/ de ma thag tu slar dran te 'dzem pa dang ngo tsha ba'i sems skyes nas/ chang ni sdig pa mi dge ba thams cad kyi rtsa ba yin te/ gang gis yongs su spangs na sdig pa thams cad kyang spong bar 'gyur ro zhes 'gyod pa skye'o// bcom ldan 'das bdag cag kyang de 'dra ste/ thog ma ma mchis pa'i dus nas 'khor bar 'khor te 'dod pas myos nas/ 'dod pa lnga la chags pas ma ma lags pa la mar 'du shes/ sring mo ma lags pa la sring mor 'du shes / bu mo ma lags pa la bu mor 'du shes/ sems can ma lags pa la sems can du 'du shes bskyed pas 'khor bar 'khor te/ sdug bsngal myong ba ni ji ltar mi ra rol ngan skyugs kyi steng na nyal ba bzhin no// de bzhin gshegs pas kyang bdag cag la chos kyi sman gtang nas/ nyon mongs pa'i chang slar skyug mod kyi/ legs par ma sangs par ci'i slad du/ de bzhin gshegs pas yongs su spangs te/ mya ngan las 'da' bar gshegs/ bcom ldan 'das dper na gang zag gcig shing chu shing la sra zhing snying po yod do zhes bstod na/ de ni gnas ma lags so/ / bcom ldan 'das so so'i skye bo dag kyang de dang 'dra ste/ bdag dang / gang zag dang / sems can dang / 'tsho ba dang / shed can dang / shed bdag dang shes pa dang / mthong ba dang / bya ba dang / byed pa po la yang dag pa bden pa'o zhes ston na/ de'ang gnas ma lags so// bdag cag kyang de ltar bdag ma mchis pa la na tan bgyid do/ / bcom ldan 'das dper na sbrang ma ni dzir kyang mi dgos te/ lus kyang de dang 'dra bar bdag ma mchis/ bdag po ma mchis so// bcom ldan 'das me tog 'dab ma bdun pa la dri bsu ma mchis pa dang 'dra bar/ lus 'di la'ang bdag ma mchis/ bdag po ma mchis te/ bdag cag kyang de lta bu'i sems kyis bdag ma mchis pa'i 'du shes la nan tan bgyid do/ / bcom ldan 'das kyis gsungs pa ltar chos thams cad la bdag dang / bdag gi ba ma mchis te/ dge slong dag de lta bu'i tshul du nan tan gyis shig de lta bur nan tan byas na nga rgyal yongs su spongs par 'gyur ro zhes gsungs pa ltar/ bdag cag gis nga rgyal spangs nas mya ngan las 'da' bar gshegs su gsol lo/ / bcom ldan 'das dper na nam mkha' la 'phur ba'i bya'i rjes ni mngon du snang ba'i gnas ma mchis so// gang bdag ma mchis so// gang bdag ma mchis pa la nan tan gyid pa ni lta ba rnams mchis shes bgyi ba'i gnas ma mchis so/ / de nas bcom ldan 'das kyis/ dge slong rnams la bka' stsal pa/ legs so// shin tu legs so// khyed rnams bdag med pa'i 'du shes legs par bsgoms so// de nas dge slong rnams kyis bcom ldan 'das la 'di skad ces gsol to/ / bcom ldan 'das bdag cag ni bdag ma mchis pa'i 'du shes la nan tan bgyid par ma bas kyi/ de ma lags pa gzhan yang sdug bsngal bar 'du shes pa dang / stong pa dang / mi rtag pa dang / bdag ma mchis par 'du shes pa la'ang nan tan bgyid do// bcom ldan 'das dper na mi ra ro ba ni sems myos par gyur pas ri dang / chu dang / brag dang shing dang / khang khyim dang / nyi zla dang / skar ma'i bar du 'khor ba snyam bgyid do// bcom ldan 'das gang sdug bsngal ba dang / mi rtag pa dang / bdag ma mchis pa'i 'du shes la sogs pa la nan tan mi bgyid na/ gang zag de ni 'phags pa zhes mi bgyi ste/ bag ma mchis pas 'khor bar yongs su 'khor ro// bcom ldan 'das de bas na bdag cag ni 'du shes de dag la shin tu nan tan bgyid do/ / de'i tshe bcom ldan 'das kyis/ dge slong rnams la bka' stsal pa/ legs par nyon la shin tu yid la zung zhig/ khyed kyis mi ra ro ba la dpe blangs pa ni tshig dang 'bru tsam shes par zad kyi/ don ni ma rtogs so// de la don zhes bya ba gang zhe na/ dper na mi ra ro bas nyi zla la sogs pa mi 'khor bar 'khor bar 'du shes pa dang 'dra bar so so'i skye bo'ang de dang 'dra ste/ kun nas nyon mongs pa'i ma rig pas yongs su khebs pas na phyin ci log gi sems bskyed de/ bdag la bdag med par 'du shes/ rtag pa la mi rtag par 'du shes/ yongs su dag pa la yongs su ma dag par 'du shes/ bde ba la sdug bsngal bar 'du shes te/ kun nas nyon mongs pas yongs su khebs pas de dang 'dra bar 'du shes mod kyi/ don khong du ma chud pas mi ra ro ba de 'khor ba'i gnas ma yin pa la 'khor bar 'du shes bskyed pa bzhin no/ / bdag ces bya ba ni sangs rgyas zhes bya ba'i don no// rtag pa ni chos kyi sku zhes pa'i don no// bde ba zhes bya ba ni mya nga las 'das pa zhes bya ba'i don no/ / yongs su dag pa ni chos shes bya ba'i don yin na/ ci'i phyir dge slong khyod bdag tu 'du shes pa ni nga rgyal can yin te/ 'khor ba na 'khor ro zhes smras/ khyed smra ba ltar na bdag cag kyang mi rtag pa dang / sdug bsngal ba dang / bdag med pa'i 'du shes la nan tan byed do// zhes bya ba ni yang dag par don med do/ / nan tan byed pa gsum po de la yang dag pa'i don med pas/ de ma yin pa'i nan tan byed pa'i chos gsum po las lhag pa ngas bshad par bya'o// sdug bsngal la bde bar 'dzin pa dang / bde ba la sdug bsngal du 'dzin pa ni phyin ci log gi chos so// mi rtag pa la rtag par 'dzin pa dang / rtag pa la mi rtag par 'dzin pa ni phyin ci log gi chos so/ / bdag med pa la bdag tu 'dzin pa dang / bdag la bdag med par 'dzin pa ni phyin ci log gi chos so// yongs su ma dag pa la dag par 'dzin pa dang yongs su dag pa la yongs su ma dag par 'dzin pa ni phyin ci log gi chos so/ / phyin ci log gi chos rnam pa bzhi po 'di ni/ yang dag pa ji lta bur nan tan bya ba gang zag gis mi shes so/ / dge slong dag sdug bsngal gyi chos la bde bar 'du shes skyed cig/ mi rtag pa la rtag par 'du shes skyed cig/ bdag med pa la bdag tu 'du shes skyed cig/ yongs su ma dag pa la yongs su dag par 'du shes skyed cig/ 'jig rten na'ang rtag pa dang / bde ba dang / bdag dang / yongs su dag pa yod do// 'jig rten las 'das pa la'ang rtag pa dang / bde ba dang / bdag dang / yongs su dag pa yod do// 'jig rten gyi chos ni brjod du yod la don med pa'o// 'jig rten las 'das pa ni brjod du'ang yod la don yang yod do/ / de ci'i phyir zhe na/ 'jig rten gyi chos ni byin ci log bzhi dang bcas pas don mi rtogs so// de ji lta zhe na/ 'du shes phyin ci log dang / sems phyin ci lon dang lta ba phyin ci log dang / / phyin ci log gsum gyis 'jig rten pa ni bde ba la sdug bsngal du lta ba/ rtag pa la mi rtag par lta/ bdag la bdag med par lta/ yongs su dag pa la yongs su ma dag par lta ste phyin ci log ces bya'o/ / phyin ci log par na 'jig rten pas ni tshig tu smra ba shes kyi/ don mi shes so// de la don zhes bya ba gang zhe na/ bdag med pa ni 'khor ba zhes bya'o// bdag ces bya ba ni de bzhin gshegs pa'o// mi rtag pa ni nyan thos dang rang sangs rgyas so// rtag pa ni de bzhin gshegs pa'i chos kyi bu'o// sdug bsngal ba ni mu stegs can thams cad do// bde ba ni yongs su mya ngan las 'das pa'o// yongs su ma dag pa ni 'du byas pa'i chos so// yongs su dag pa ni sangs rgyas dang byang chub sems dpa' rnams kyi yang dag pa'i chos yin te/ de bas na phyin ci ma log pa zhes bya'o// de ltar phyin ci ma log pas tshig tu brjod pa'ang shes la don yang shes so/ / gang zhig phyin ci log bzhi po yongs su spong bar 'dod na/ de lta bu'i tshul du rtag pa dang / bde ba dang / bdag dang / yongs su dag par rig bar bya'o/ / de nas dge slong rnams kyis/ bcom ldan 'das la 'di skad ces gsol to// bcom ldan 'das kyis gsungs pa ltar phyin ci log bzhi rtogs pas rtag pa dang / bde ba dang / bdag dang / yongs su dag pa khong du chud ces gsungs/ de bzhin gshegs pa ni phyin ci log bzhi mi mnga' ste/ rtag pa dang / bde ba dang / bdag dang / yongs su dag pa thugs su chud do// de ltar rtag pa dang / bde ba dang / bdag dang / yongs su dag pa thugs su chud na/ ci'i slad du bskal pab gcig gam/ bskal pa phyed kyi bar du bzhugs shing / bdag cag gi phyin ci log bzhi yongs su spong bar 'gyur ba mi ston par bdag cag spangs te yongs su mya ngan las 'da' bar gshegs/ de bzhin gshegs pas bdag cag la thugs brtse ba'i slad du/ bdag cag gi ston par 'gyur na/ bdag cag kyang rtse gcig pa'i sems kyis spyi bos len cing nan tan bgyid do/ / gal te de bzhin gshegs pa mya ngan las 'da' na/ bdag cag kyang ji ltar gdug pa can gyi lus dang lhan cig tu gnas te tshangs par spyad pa spyod/ bdag tsaka kyang bcom ldan 'das kyi zhabs 'bring du mya ngan las 'da' 'o/ / de'i tshe bcom ldan 'das kyis/ dge slong rnams la yang 'di skad ces bkal stsal to// khyod de skad ma zer cig/ ngas ni bla na med pa'i yang dag pa'i chos thams cad kyang 'od srungs chen po la gtad do// 'od srungs chen po ni khyed kyi gnas dang rten du 'gyur te ltar de bzhin gshegs pa sems can thams cad kyi gnas dang rten du 'gyur ba bzhin/ 'od srungs chen po 'di'ang khyed la sogs pa thams cad kyi gnas dang rten du 'gyur ro// dper na rgyal po chen po dbang dang ldan pas yang bsang du 'gro ba na/ yul gyi srid thams cad kyang blon po chen po la gtad do// de bzhin gshegs pa'ang de dang 'dra bar dam pa'i chos thams cad 'od srungs chen po la gtad do/ / khyed rnams mi rtag pa dang sdug bsngal ba'i 'du shes la nan tan byed pa'ang yang dag pa ma yin no// dper na dbyar gyi dus su rdzing chen po'i nang gzings kyi steng na rtse ba las/ rin po che bai DUR+Ya chur lhung na de'i tshe mi mkhas pa thams cad chu'i nang du zhugs nas/ gyo mo dang / rdo dang / rtsa dang shing dang / gseg ma dag so so nas phyung ste/ rin po che bai DUR+Ya rnyed snyam nas dga' bzhin phyir phyung nas/ gdod yang dag pa ma yin par shes so// de'i tshe rin po che chu'i nang na yod pas/ rin po che'i mthus chu yongs su dang bas na/ thams cad kyis nor bu rin po che chu'i gting na yod pas shes te/ ji ltar steng gi nam mkha' la zla ba lta ba bzhin no// de'i tshe na 'khor de dag gi nang na mkhas pa thabs dang ldan pas ni/ dal gyis chu'i nang du zhugs nas rin po che len to// dge slong khyed mi rtag pa dang / sdug bsngal ba dang / bdag med pa dang / yongs su ma dag pa'i 'du shes la nan tan byed pa ni/ ji ltar mi mang po dag so so nas gyo mo dang / rdo dang / rtsa dang / shing dang / bsog ma dag phyung nas nor bu rin po che rnyed do snyam sems pa dang 'dra'o/ / khyed rnams kyang thabs la shin tu mkhas par gang nas gang du gnas kyang / bdag tu 'du shes pa dang / rtag pa dang / bde ba dang / yongs su dag par 'du shes pa la mkhas par gyis shig/ khyed kyis sngar chos rnam pa bzhi po'i mtshan ma tsam la nan tan byas pa ni thams cad kyang phyin ci log tu gyur to/ / 'du shes rnams la yang dag pa ji lta ba bzhin du nan tan du bsgoms pa na/ ji ltar mkhas pa thabs dang ldan pa des nor bu rin po che phyung ba dang 'dra bar bdag tu 'du shes pa dang / rtag pa dang / bde ba dang / yongs su dag par 'du shes pa la nan tan bya'o// de nas yang dge slong rnams kyis/ bcom ldan 'das la 'di skad ces gsol to/ / bcom ldan 'das kyis sngar gsungs pa ltar na chos thams cad la bdag med kyis/ khyed de lta bu'i tshul du nan tan gyis shig/ de ltar nan tan byas na bdag tu 'du shes pa spong bar 'gyur ro/ / bdag tu 'du shes pa spangs na nga rgyal dang bral bar 'gyur ro// nga rgyal dang bral na mya ngan las 'da' 'o// zhes gsungs pa'i don ji lta bu lags// de nas bcom ldan 'das kyis bka' stsal pa// legs so// shin tu legs so// bdag cag gi the tsom gcad pa'i phyir don 'di legs par dris so/ / 'di lta ste/ dper na rgyal po mi mkhas pa shes pa chung ba la/ sman pa'ang mi mkhas pa glen pa zhig yod na/ rgyal pos ma rtogs pas sman pa de la bya dka' cher stsal to/ / sman pa chen pa des ni nad thams cad la sman du lo ma gtong ste/ nang thog ma ci las gyur pa'ang mi shes la/ sman du lo ma gtong ba la'ang mi mkhas pas/ rlung nad dang / bad kan dang / mkhris pa'i nad thams cad la'ang sman du 'o ma gtong ste/ rgyal pos ni sman pa nyid kyang ma rtogs la/ 'o ma bzang ngam ngan pa'i bye brag kyang mi phyed do// de la sman pa mkhas pa rig pa brgyad dang ldan pa/ nad thams cad gso ba la shin tu mkhas pa dpyad thams cad khong du chud pa zhig yul gzhan nas 'ongs na/ de'i tshe sman pa mi mkhas pa de mkhas pa de la 'dri ba'am slob par mi byed kyi/ phyir nga rgyal gyi sems skyed do/ / de'i tshe sman pa mkhas pa de mi mkhas pa de la brten nas slob dpon du gzung ste/ sman dpyad gsang ba dag bslab pa'i phyir/ sman pa glen pa de la bdag ni khyod la slob dpon du gsol gyis/ dpyad rnams bstan cing bshad du gsol zhes gsol ba btab na/ sman pa glen pa de mkhas pa de la 'di skad ces dam 'cha'o// khyod ci ste lo bzhi bcu rtsa brgyad kyi bar du kho bo'i g.yog bya na/ dpyad rnams kyang bstan no zhes bsgo'o// de nas sman pa mkhra ba des mi mkhas pa'i lung bzhin du bdag gis de bzhin du bgyi'o// bdag gis rngo ci thogs kyis khyod kyi g.yog bgyi'o zhes smras so// de nas sman pa glen pa de sman pa gsar pa khrid nas rgyal po'i pho brang du chas so// rgyal po dang phrad nas de'i tshe sman pa gsar pa des rgyal po de la dpyad rnam pa sna tshogs dang / gzhan yang sgyu rtsal mang po'i gtam dang / yul gyi srid bzung ba dang / nad pa gso ba'i thabs 'di'o// rgyal po chen po thugs su chud par gyis shig ces gtam byas so/ / de'i tshe rgyal po des de skad ces smras pa thos pa dang / sman pa rnying pa de mi mkhas par shes nas yul de nas bskrad do// de nas kyang sman pa gsar pa de la lhag par rim gro dang bkur sti bskyed do// de'i tshe sman pa gsar pa de 'di snyam du/ rgyal po 'di la bstan pa'i dus la bab snyam bsams nas rgyal po la 'di skad ces gsol to/ / rgyal po chen po bdag la dgongs mad na/ bdag gis gsol ba zhig gnang bar mdzod cig/ rgyal pos smras pa/ kho bo'i lag pa ga yas pa nas/ lus kyi yan lag thams cad kyi bar du yid bzhin du slong zhig dang thams cad sbyin par bya'o// sman pa des gsol pa/ 'di ltar rgyal pos lus kyi yan lag thams cad kyang bdag stsal bar gnang mod kyi/ bdag thugs mi thub la mang po'ang mi gsol na/ deng slan chad yul mi thams cad kyis sman pa rnying gis dpyad sman du 'o ma gtong ba shos gcad par bkar gdags su gsol/ de ci'i slad du zhe na/ sman de ni gdug pa dang bcas pas mang du 'chi ba'i phyir ro// gal te sman de gtong ba yod na yan lag mgo gcad do zhes bkar btag sas/ ldan lo ma las gtong bachod pas/ dus ma ra par 'chi ba med de/ thams cad 'di zhing byung par 'gyur gyis/ bdag gis gsol ba 'di gnang bar mdzod cig/ de nas rgyal pos smras pa/ khyod gsol ba 'di shin tu phan par 'gyur ba yin te/ deng phyin chad yul mi las na ba zhig yod na/ sman 'o ma gtong du mi gnang ngo // gal te 'o ma gtong ba zhig yod na/ yan lag gi dam pa mgo gcad do zhes bkar btags so// de'i tshe na sman pa mkhas pa de tshang dang / kha ba dang / gyur pa dang / dngar ba dang / bsngal ba la sogs te/ ro rnam pa sna tshogs kyis sman sbyar te nad gsos na gang yang ma sos pa med do// de nas phyis ring por ma lon par rgyal po de nad kyis btab nas sman pa bkug ste/ 'di ltar nga ni nad kyis shin tu sdug bsngal bar gyur na/ ji ltar gso zhes smras pa dang / sman pa des rgyal po'i nad bltas na sman du 'o ma dgos pa 'dra nas/ rgyal po la gsol pa/ rgyal po nad thabs dang sbyar na sman du 'o ma gtang 'tshal te/ bdag gis sngar sman du 'o ma gtang du mi rung zhes gsol pa brdzun du gyur te/ sman du 'o ma las bzang ba ma mchis la/ rgyal po'i nad kyang tsha ba las gyur pas/ sman du 'o ma gtang na bzang ngo // rgyal pos smras pa/ sman pa khyod 'on te smyos sam/ tsha ba'i nad kyis btab na/ nad 'di la 'o ma phan no zhes smra/ khyod kyis sngar 'o ma la dug yod do zhes smras na/ da ji ltar btung / khyod kyis nga la bag ma mam/ sman pa snga mas bsngags pa las dug yod do zhes byas pas/ sman pa gcig bskrad pa'i 'og tu/ nga yang na ba la sman du 'o ma bzang ngo zhes khyod smra ba dang sbyar na/ nga'i sman pa rnying pa ni khyod pas mkhas nges so/ / de nas sman pas yang / rgyal po la 'di skad ces gsol to// rgyal po de skad ma gsungs shig/ dper na srin bu shing zan gyi rjes las yi ger rung ba'ang yod do/ / srin bus ni yi ge yin nam ma yin pa mi shes kyi/ de la mkhas pa shes rab kyis mthong na/ srin bu yi ge shes so zhes ngo mtshar du mi 'dzin to// rgyal po chen po sman pa snga ma'ang de dang 'dra ste/ nad rnams mi rtogs pas thams cad la sman 'o ma gtong ba ni/ ji ltar srin bu'i rjes las yi ger 'gyur pa bzhin te/ sman pa snga mas ni 'o ma bzang ngan dang rung mi rung yang mi shes so/ / rgyal pos smras pa/ sman pa snga mas ji lta ji lta bur mi shes/ sman pas smras pa/ sman 'o ma zhes bgyi ba ni gdug pa'ang lags la/ bdud rtsi'ang lags so/ / de la ji ltar na 'o ma de gdug pa'ang yin la/ bdud rtsi'ang yin zhe na/ gal te ba nyid spang ma dang / rtsa sbyin pa dang / phub ma ma zos la/ be'u 'ang shin tu dul zhing / 'tsho ba'i sa'ang ri mthon po'i steng ma yin/ nags khrod ma yin pa na 'tsho zhing / chu'ang 'bab chu dngas ma las blud de drag tu mi bda' khyu mchog dang / khyu mchog gcig tu mi btsa' bar bag yangs su za zhing 'thung la/ 'gro ba dang sdod pa'ang bag yangs su gyur pa'i ba'i 'o ma ni nad rnams la phan pas bdud rtsi zhes bya'o/ / 'o ma de ma yin pa ni thams cad kyang gdug pa dang bcas pa zhes bya'o// de'i tshe rgyal po chen pos de skad ces smras pa thos nas/ sman pa legs so// shin tu legs par smras so/ / da slan chad lo ma bzang ngan dang rung mi rung yang shes so// de nas sman du 'o ma gtang nas nad kyang byang bar gyur te/ yul mi thams cad la da phyin chad sman du 'o ma bong zhig ces bkar btags so/ / yul mi rnams kyis de skad ces thos nas/ thams cad gshe rgya ste/ rgyal po chen po 'di ni yi dgas kyis brlams sam/ smos sam/ ci nyes na bdag cag bslus te sman du 'o mthong zhig ces gsung / yul mi thams cad khros bzhin du rgyal po'i spyan sngar lhags so// de la rgyal pos bka' stsal pa/ khyed nga la ma ga zhig/ sman du 'o ma gtang du rung ngam mi rung ba ni sman pa 'di'i dpyad yin gyi/ ngas mnyes so// de'i tshe rgyal po chen po dang / yul mi thams cad kyang shin tu dga' zhing mgu bar gyur nas/ ldan pa de la lhag par rim gro dang bkur sti bskyed de/ nad pa thams cad la sman 'o ma btang bas nad kyang byang bar gyur to// dge slong khyed kyang de lta bu tshul du/ de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das la de ltar rig par bya ste/ sman pa chen po lta bu 'jig rten du gshegs nas/ mu stegs can ngan par lta ba'i sman pa thams cad btul nas/ rgyal po thams cad la pa ni sman pa'o zhes brjod de/ mu stegs can gdul ba'i phyir 'di skad du bdag med do// gang zag med sems can med/ 'tsho ba med/ shed can med/ shed bdag med/ shes pa dang / mthong ba dang / bya ba dang / byed pa po med do zhes brjod pa gsungs so// dge slong dag mu stegs can gyis bdag ces brjod pa ni/ srin bu'i rjes la yi ger 'gyur ba dang 'dra ste/ de bas na de bzhin gshegs pas ni sangs rgyas kyi chos la bdag med do/ zhes gsungs te/ de ni sems can gdul ba'i phyir/ dus mkhyen pa'i phyir/ de ltar bdag med ces gsungs pa'ang / rgyu yod rkyen yod pas na/ bdag yod ces gsungs pa ni/ ji ltar sman pa mkhas pas 'o ma la sman du rung ba dang mi rung ba shes pa dang 'dra ste/ byis pa ma rabs kyis bdag tu 'dzin pa lta bu ni ma yin no/ / byis pa ma rabs kyis bdag tu 'dzin pa ni mthe bong tsam zhe 'am/ yungs kar tsam zhe 'am/ rdul phra mo tsam du 'dzin to// de bzhin gshegs pas bdag ces brjod pa ni de lta bu ma yin pas/ chos thams cad la bdag med do zhes gsungs kyang yang dag par na bdag med pa ma yin te/ bdag ces bya ba ni chos gang bden pa/ yang dag par rtag/ pa gnas pa/ bdag por gyur pa/ mi 'gyur mi 'pho ba de ni bdag ces bya ste/ ji ltar sman pa chen po de sman 'o ma la mkhas pa bzhin no// de bzhin gshegs pa'ang de dang 'dra ste/ so so'i skye bo'i phyir chos thams cad la yang dag par bdag yod do zhes gsungs kyis/ khyed la sogs pa 'khor rnam bzhi'ang de lta bu'i tshul du chos thams cad la nan tan gyis shig/ / bam po gsum pa// / bcom ldan 'das kyis/ gzhan yang dge slong rnams la 'di skad ces bka' stsal to// dge slong dag khyed 'dul ba la ji tsam the tshom du gyur pa de dag ci dga' bar dris shig dang / ngas bstan cing bshad de khyed kyi sems rangs par bya'o// ngas ni chos thams cad ngo bo nyid kyis stong pa nyid du mngon par rtogs te/ dge slong dag de bzhin gshegs pa ni chos thams cad rang bzhin gyis stong pa nyid du rtogs par zad do snyam du mi bsams so// dge slong dag 'dul ba la ji snyam du the tsom du gyur pa de dag de zhu ba'i dus la bab bo/ / de nas dge slong rnams kyis bcom ldan 'das la 'di skad ces gsol to// bcom ldan 'das bdag cag ni shes rab dang mi ldan pas/ de bzhin gshegs pa dgra bcom pa yang dag par rdzogs pa'i sangs rgyas la zhu zhing gsol ba'i mthu ma mchis so// de ci'i slad du zhe na/ de bzhin gshegs pa'i spyod yul bsam gyis mi khyab pas/ ting nge 'dzin yang bsam gyis mi khyab la/ ston pas bstan pa'ang bsam gyis mi khyab pas/ bdag cag ni shes rab zhan te/ de bzhin gshegs pa la zhu zhing gsol ba'i mthu ma mchis so// bcom ldan 'das dper bgyi na rgan po lo brgya nyi shu lon pa/ rgas 'khogs pa/ rtag tu na ba/ rtsol ba'i mthu ma mchis pa/ nyam chung ba/ tshe'i dbang du ma gyur pa gcig la/ mi phyug po don gnyer ba'i phyir yul gzhan du mchi ba zhig/ gser srang brgya stong du ma rgan po la gtams nas 'di skad du/ bdag gi nor rin po che 'di khyod la gdams kyis/ lo bcu'am/ gal te lo nyi shu na phyir 'khor gyis/ slar byin cig ces smras so/ / rgan po des rin po che de blangs nas ring por ma lon par nad kyis shi ste/ rabs kyang chad pas/ rin po che de ci gtams pa'i rnams kyang thams cad 'khyams par gyur to/ / nor bdag phyir log nas slar blang ba'i gnas ma mchis par gyur to// de ltar glen pa de gdams pa'i rigs sam/ mi rigs pa'i gnas mi 'tshal bas/ yul gzhan nas slar 'khor yang rin po che kun 'khyams te slar blang ba'i gnas ma mchis so// bcom ldan 'das bdag cag nyan thos kyi rnams kyang de dang 'dra ste/ de bzhin gshegs pas yang dang yang nan tan du 'dul ba bstan pa ni thos nas/ gzungs su 'dzin cing chos yun du gnas par bgyid mi nus pa ni/ ji ltar rgan po des pha rol pos gdams pa blangs pa dang mtshungs te/ bdag cag la shes rab ma mchis pas/ 'dul ba rnams la gang zhu zhing 'dri ba'i cha'ang ma mchis so// bcom ldan 'das kyis dge slong dag la bka' stsal pa/ khyed deng nga la zhus na sems can thams cad la phan pa dang bde ba'i don du 'gyur gyis/ de bas na khyed ci dang ci 'dod pa dris shig de nas dge slong rnams kyis/ bcom ldan 'das la 'di skad ces gsol to// bcom ldan 'das dper na skyes bu tshad la bab pa/ lo nyi shu lnga lon pa/ shin tu lang tsho ba/ byang gzugs dang ldan pa/ nor rin po che gser dang / dngul dang / bai DUrma rab tu mang ba/ pa dang / ma dang / chung ma dang / bu dang / 'khor du bcas pa zhig la/ gal te mi zhig gis nor rin po che dag gtams te/ de la 'di skad du bdag ni don gnyer zhing yul gyi gzhan du mchis/ nor rin po che 'di dag khyod la gdams kyis/ nam 'khor ba na slar stsol cig ces smras so// de nas skyes bu des bdag gi nor dang 'dra bar shin tu bsrungs so// skyes bu de phyis nad kyis btab nas drung gi 'khor kun bsdus te/ 'di skad du rin po che 'di dag ni che ge mo zhig gis gtams kyis/ nam len du 'ongs pa na slar byin cig ces bsgo'o// mkhas pa shes rab can ni de ltar gdams pa dang mi gdams pa'i gnas 'tshal bas/ slar 'khor ma thag tu rin po che kun thob bo// bcom ldan 'das de bzhin du chos kyi dkon mchog 'di'ang gal te dga' bo'am/ dge slong dag la gtams na yun ring por mi gnas so// de ci'i slad du zhe na/ 'od srungs chen po dang / nyan thos thams cad ni mi rtag pa ste/ rdza ltar rgan po des gzhan gyis gtams pa'i nor len pa dang mtshungs so/ / de bas na bla na ma mchis pa'i chos kyi dkon mchog 'di byang chub sems dpa' rnams la gtams na chub sems dpa' rnams ni 'dri ba dang / lan blan pa la mkhas pas/ chos rin po che 'di yun du gnas shing / bskal pa tshad med pa'i bar du shin tu rgyas par 'gyur la/ sems can la phan pa'i don du 'gyur te/ ji ltar skyes bu lang tsho la nor rin po che gtams pa dang mtshungs so// de lta bas na byang chub sems dpa' chen bos ni zhu zhing gsol pa'i mthu mchis kyi/ bdag cag sbrang bu dang 'dra ba'i shes rab kyis ni/ de bzhin gshegs pa'i chos shin tu zab mo la zhu ba'i mthu ma mchis so zhes gsol nas cang mi smra bar 'khod do/ / de nas bcom ldan 'das kyis shin tu legs so// shin tu legs so zhes bstod nas/ dge slong dag khyed kyis zag pa med pa'i sems dang dgra bcom pa'i sems legs par thob bo/ / nga'ang de snyam du dgongs te rkyen rnam pa de gnyis kyis/ theg pa chen po 'di byang chub sems dpa' la gtams na dam pa'i chos yun du gnas par 'gyur ro/ / de nas bcom ldan 'das kyis/ 'khor gyi dkyil 'khor na 'dus pa'i rigs kyi bu dang / rigs kyi bu mo rnams la bka' stsal pa nga'i sku tshe ni dpag tu med de/ so sor yang dag par shes pa'ang zad mi shes mod kyi/ khyed 'dul ba dang chos mngon pa las ci dang ci 'dod pa yid bzhin du dris shig ces lan gnyis lan gsum gyis bar du bka' stsal to/ / de'i tshe 'khor gyi dkyil 'khor de na byang chub sems dpa' sems dpa' chen po grong khyer ta la zhes bya ba na gnas pa/ bram ze'i rigs 'od srungs chen po zhes bya ba rab tu gzhon pa zhig/ sangs rgyas kyi byin gyi rlabs kyis 'dug pa las langs nas bla gos phyogs gcig tu byas te/ lan brgya stong du mar bskor nas pus mo g.yas pa'i lha nga sa la btsugs te thal mo sbyar nas/ bcom ldan 'das la 'di skad ces gsol to// gal te bdag gis zhus nas zhu ba'i lung bstan par/ bcom ldan 'das kyis skabs dbye bar gnang na/ bdag gis de bzhin gshegs pa la phyogs gcig cig zhu'o// bcom ldan 'das kyis/ 'od srungs la bka' stsal pa/ khyod kyis de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dris pa de dang de'i lung bstan nas/ khyod kyi sems rangs shing the tshom med par bya'o/ / de nas byang chub sems dpa' sems dpa' chen po 'od srungs kyis/ bcom ldan 'das la 'di skad ces gsol to// bcom ldan 'das kyis thugs brtse ba'i thang du bdag zhu bar gnang na/ bdag gi shes rab ni sbrang bu lta bur gyur la/ de bzhin gshegs pa'i yon tan ni shin tu mtho bas tsan ngan dang seng ge lta bu rnam par mi shigs pa'i 'khor gyis yongs su bskor te/ de bzhin gshegs pa'i sku'ang rdo rje lta bu la/ mdog bai DUR+Ya 'dra ste mi shigs pa lags la/ shes dang shes rab rgya mtsho lta bus yongs su bskor cing / 'khor gyi dkyil 'khor na gnas pa'i byang chub sems dpa' sems dpa' chen po la sogs pa'ang tshad med mtha' yas pa'i yon tan mchog dang ldan te/ spos kyi glang po che lta bu'i 'khor gyi dkyil 'khor 'di'i nang na 'dri bar ga la spobs mod kyi/ 'od gyis kyang sangs rgyas kyi byin gyi rlabs dang / 'khor mang po'i dge ba'i rtsa ba'i shugs kyis cung zad cig zhu bar 'tshal lo zhes bcom ldan 'das la tshigs su bcad de gsol ba/ tshe'i ring bar ni cis 'gyur zhing // mi 'jigs rdo rje'i lus cis 'thob/ / ci yi rgyu dang rkyen gang gis// shin tu brtan pa'i stobs kyang 'thob// ji ltar mdo sde 'di nyid kyis// mthar thug pha rol phyin par 'gyur// bcom ldan 'das kyis dgongs pa gang // sems can dag la bshad du gsol// ji ltar che ba nyid 'thob cing // kun gyi rten dang gnas su 'gyur// dgra bcom pa nyid ma yin par/ / dgra bcom pa dang mnyam pa lags// ji ltar lha yi bdud rnams kyis// bar chad bgyid pa 'tshal bar bgyi// bcom ldan gsung dang bdud kyi tshig ji ltar rtogs shing 'tshal bar bgyi/ / ji ltar kha lo sgyur ba dag/ dgyes bzhin don dam bden pa gsungs// yang dag dge dang ldan bzhin du// phyin ci log bzhi ston pa lags// ji ltar dge ba'i las bgyid pa// drang srong chen pos bshad du gsol// ji ltar byang chub sems dpa' rnams// blta dka' nyid kyang mthong bar 'gyur// ji ltar rdzogs pa'i don chud cing / / don gyi phyed tsam rtogs pa lags// ji ltar 'phags dang mthun spyod cing // sa la sa zhes bya lta bu// ka ling te dang nyi zla dang // phod dang skar chen lta bu lags/ / ji ltar sems ni ma skyes par// byang chub sems dpa' zhes su gdags// ji ltar 'khor gyi dkyil 'khor du// mi 'jigs pa yi sems 'thob cing // 'jam bu chu klung gser lta bur/ / skyon dang rnam par bral ba lags// ji ltar 'jig rten rnyog ma 'dir// pad+mo bzhin du mi chags 'gyur// ji ltar kun nas nyon mongs kyang // kun nas nyon mongs mi chags 'gyur// sman pa mkhas pas nad gsos pa// nad mi 'go ba lta bu lags// 'khor ba'i rgya mtsho chen por ni// ji ltar ded dpon lta bur 'gyur/ / ji ltar 'khor ba yongs spangs pa// sbrul lpags brje ba lta bu lags// ji ltar dkon mchog gsum po la// yid bzhin lha yi shing lta bu// theg pa gsum gyi rigs med na/ / ci yi slad du gsungs par gyur// dper na bde ba ma skyes par// ji ltar bde ba myong zhis bgyi// ji ltar byang chub sems dpa' rnams/ / mi shigs pa yi 'khor yang thob// ji ltar mdongs shing 'jom pa yi// 'dren pa yi ni mig tu 'gyur// ji ltar mgo mang ston pa yang // drang srong chen pos bshad du gsol/ / ji ltar chos rnams smra ba dag/ zla ba tshes pa bzhin du skye// ji lta bur na mthar phyin pa'i// mya ngan 'da' ba ston pa lags// ji ltar dpa' zhing brtson pa la/ / mi dang lha dang bdud lam ston// ji ltar chos kyi mtshan nyid shes// chos kyi bde ba myong ba lags// ji ltar byang chub sems dpa' rnams// thams cad nad dang bral ba lags// ji ltar so so'i skye bo'i phyir// dgongs te gsungs pa ston pa lags// mthar phyin pa yi don ni gang // ji ltar mthar ma phyin pa lags// thetsom gcod pa'i phyir gsungs na// gcig tu nges par cis mi gsungs// ji ltar gya nom bla med pa'i// byang chub la ni bsnyen par 'gyur// byang chub sems dpa' rnams kyi phyir/ de bzhin gshegs la bdag zhu'o// spyod pa shin tu zab mo yi// dam pa dag ni bshad du gsol// rnam pa thams cad chos kyi nang // bde ba'i rang bzhin kun mchis na// drang srong chen po mchog gis su/ / rnam par phye ste bstam du gsol// skye bo'i rten dang gnas 'gyur ba// rkang gnyis mchog ste span lta bu// phung po rnams las nu brtsams kyang // 'tshal paba'i shes rab ma mchis so/ / de ltar shin tu zab mo yi// sangs rgyas rnams kyi spyod yul ni// byang chub sems dpa' brtson pa yang // shes par nus pa ma lags so// de'i tshe bcom ldan 'das kyis/ byang chub sems dpa' 'od srungs la shin tu legs so// shin tu legs so zhes bya ba byin nas/ rigs kyi bu khyod kyis rnam pa thams cad mkhyen ba'i ye shes ma thob mod kyis/ khyod kyis shin tu zab mo'i snying po zhu zhing gsol ba 'di thams cad mkhyen pa'i ye shes kyis 'dri ba dang tha mi dad do// rigs kyi bu sngon byang chub kyi shing drung du snying por byang chub ste mngon par sangs rgyas pa na/ de'i tshe'ang sangs rgyas kyi zhing tshad med grangs med pa klung gang+gA'i bye ma snyed nas byang chub sems dpa' rnams lhags te/ nga la shin tu zab mo'i don dris pa'i tshig gi rnam grangs dang / don dang / yon tan yang 'di dang 'dra ste tha mi dad do// gang gis 'di skad du 'dri ba ni sems can tshad med pa snyed la phan pa dang bde ba'i don du spyod pa yin no/ / de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das bdag la shes rab ma mchis pas/ 'di lta bu'i shin tu zab mo'i don 'bri ba'i mthu ma mchis so// bcom ldan 'das dper na sbrang bu dag ni rgya mtsho'i pha rol tu 'phur nus pa'i mthu 2/ nam mkha'i dbyings kun tu phyin pa'i mthu ma mchis so// bdag kyang de dang 'dra bar de bzhin gshegs pa'i ye shes kyi rgya ma tsho mchos nyid nam mkha' sna bu shin tu rab mo 'dzin 'dri ba'i mthum mchis so/ / bcom ldan 'das dper na rgyal po'i bcug phung la 'dogs pa'i nor bu rin po che bar mdzod srung ba'i sngon po la gnas na/ rnor po des spyi bos len te srung ba'i dam bzhag cher bgyid do/ / bdag kyang de bzhin du de bzhin gshegs pas gsungs pa shin tu rgyas pa'i don zab mo 'di spyi bos len te srung ba'i nan tan cher bgyid do// de ci'i slad du zhe na bdag gis shes rab shin tu zab mo bsgrub pa'i slad du'o/ / de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu shin tu legs par nyon cig dang / de bzhin gshegs pa'i sku tshe'i ring ba'i las khyod la bshad do// byang chub sems dpas las de'i rgyu dang rkyen thos pas tshe ring bar 'gyur gyis/ de bas na shin tu legs par nyon cig/ ji tsam du las gang gis byang chub kyi rgyur 'gyur ba de la ni shin tu legs par gzung zhing mnyan par bya'o// thos nas kyang gzhan la rgya cher bstan par bya'o/ / rigs kyi bu ngas kyang sngon las de dag bsgrub pa'i nan tan shin tu byas pas/ myur du bla na med pa yang dag par rdzogs pa'i byang chub tu mngon par sangs rgyas te/ de yang khyod la rgyas par bshad par bya'o// rigs kyi bu 'di sa te/ dper na rgyal bu rgyal cheb cig nyes pa byas te btsam na/ rgyal po debyams shing dran pa'i phyir/ gang nas gang du btsas pa'i gnas de dang de dag tu ltar 'gro'o// byang chub sems dpa' yang tshe ring bar 'dod na/ de bzhin du sems can thams cad la bu dang 'dra bar bsrung zhing / byams pa dang / snying rje dang / dga' ba dang / btang snyoms chen po bskyed de/ thog mi gcad pa'i khrims gzung bar bya'o// dge ba'i chos la gzud cing / sems can thams cad khrims lnga dang / dge ba bcu'i las kyi lam la dgod do// gzhan yang sems can dmyal ba dang / yi dgas dang byol song dang lha ma yin gyi gnas dang rgyud thams cad du sdug bsngal ba'i sems can thams cad bsngal ba ni ma sgrol ba rnams thol bar bya ba dang / pha rol tu ma byin pa rnams pha rol tu phyin par bya ba dang / mya ngan las ma 'das pa'i rnams mya ngan las 'das par bya ba dang / 'jigs sgrags pa'i rnams bde bar spro bar sring ngo // de lta bu'i las kyi rgyu dang rkyen gyis byang chub sems dpa' tshe ching bar 'gyur zhing / shes rab kyi dbang thob pa dang / gang nas gang du 'phos kyang mtho ris kyi lhar skye bar 'gyur de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen pos sems can thams cad la bu gcig pa dang 'dra bar 'du shes bskyed do/ / zhes bgyi ba don shin tu zab pas bdag gis mi rig go// bcom ldan 'das byang chub sems dpa' sems can thams cad la sems mnyam par bu gcig pa dang 'dra bar 'du shes bskyed do zhes/ de bzhin gshegs pas gsung ba'i mi rigs so// de ci'i slad du zhe na/ de bzhin gshegs pas bstan pa la zhugs pa dag kha cig ni tshul khrims nyams pa'ang mchis/ kha cig ni kha na ma tho ba'i chos bgyid/ kha cig ni dam pa'i chos nyams par bgyid pa dag kyang mchis na/ ji lta bur de dag la bu gcig pa dang 'dra bar 'du shes bskyed par bgyi/ bcom ldan 'das kyis/ 'od srungs la bka' stsal pa/ de de bzhin no/ de bzhin te/ nga ni sems can thams cad la sgra gcan 'dzin dang 'dra bar bur 'du shes so// bcom ldan 'das la/ 'od srungs kyis 'di skad ces gsol to// stom zla ba nya ba bco lnga'i nyin par dge 'dun yongs su dag pa dag gso sbyin bgyid pa na/ khye'u gzhon nu lus dang / ngag dang / yid ma byang ba zhig dbyen pa'i gnas nas dge 'dun gso sbyor bgyid pa mnyan pas/ lag na rdo rje sangs rgyas kyi byin gyis rdo rje'i gtun gyis rdul bzhin du bgyis na/ bcom ldan 'das lag na rdo rje de shin tu khro bas khye'u de srog dang phral na/ ci'i slad du de bzhin gshegs pa sems can thams cad la sras sgra gcan 'dzin dngapa' dra'o zhes gsungs bcom ldan 'das kyis/ 'od srungs la bka' stsal pa/ khyod de skad ma zer cig/ khye'u gzhon nu de'ang sprul pa tsam du zad kyi/ yang dag par na mi ma yin te/ de ni tshul khrims nyams pa dag dge 'dun yongs su dag pa'i nang nas dbyung ba'i phyir ro/ / lag na rdo rje'ang sprul pa tsam du zad do// 'od srungs dam pa'i chos ma rung bar byas pa dang / log sred can dang / srog gcod ba dang / ngan par lta ba dang / tshul khrims nyams pa dag la'ang ni thugs rje chen po bskyed de/ sras sba gcan 'dzin dang 'dra bar blta'o// rigs kyi bu dper na rgyal po ni blon po dag nyes byung ste/ khrims las 'gal ni mi gtong ste/ khrims ci la bab pa dang sbyor ro// de bzhin gshegs pa ni de lta ma yin te/ bstan pa las nyams pa yod na bskrad pa'i las bya ba dang / spyo ba'i las bya ba dang / gzhag pa'i las bya ba dang / nyes pa gleng ba'i las bya ba dang / mi snang bar bya ba'i las bya ba dang / zhi bar bya ba'i las bya ba dang / ngan par lta ba spong ba'i las byed do// rigs kyi bu de bzhin gshegs pas ni chos la skur pa dag la yongs su gdul ba'i las byed de/ ngan par spyod pa dag rnam par smin pa'i 'bras bu ston par byed do// rigs kyi bu 'di ltar rig par bya ste/ de bzhin gshegs pa ni sems can ngan pa dag la mi 'jigs pa sbyin pa yin no/ / gal te 'od zer gcig gam/ gnyis sam/ lnga bkye bas kyang la reg pa'i sems can ded ni sdig pa yongs su spong bar 'gyur ro/ / de bas na de bzhin gshegs pa ni de lta bu ni mthu tshad med pa dang ldan no// rigs kyi bu gang ma mthong ba'i chos rnams khyod kyis mthong bar 'dod na/ khyod la de'i phyogs tsam zhig bstan par bya'o// nga yongs su mya ngan las 'das pa'i 'og tu phyogs gang na/ dge slong tshul khrims dang ldan zhing spyod lam ma nyams pa dam pa'i chos yongs su srung ba dag gis/ chos ma rungs par byed pa'i rnams mthong nas skrod cing / chad pas kyang gcod pa'i skyes bu de ni/ bsod nams tshad med dpag tu med pa thob par rig par bya'o/ / rigs kyi bu 'di lta ste/ dper na rgyal po chos ngan pa 'ba' zhig spyod pa zhig nad kyis btab pa las/ yul de dang nye ba'i rgyal po zhig de ltar na bar gyur pa thos nas/ rgyal po ngan pade med par bya ba'i phyir dmag drangs so// rgyal po nad pa de mthung nga dpung chung pas 'jigs skrag ste/ mi dge ba btang nas dge ba la brtson par gyur na phas rgol ba'i rgyal po des bsod nams tshad med pa thob par 'gyur ro/ / de bzhin du chos 'dzin pa'i dge slong dag kyang de dang 'dra bar/ chos ma rungs par byed pa'i gang zag dag spyod pa dang chad pas gcod pa'i las bya ste/ dge ba'i chos la btsud na bsod nams tshad med pa 'thobs par 'gyur ro// rigs kyi bu 'di lta ste/ dper na khyim bdag gcig gi khyim phyir dug gi sdong po skyes na/ khyim bdag des dug yin par shes ma thag tu rtsa nas med par byed do// gzhan yang skyes bu lang tsho ba'i mgo la skra dkar zhig byung na/ de ngo tsha ste de ma thag tu rtsa nas bton te/ phyis mi skyes pa'i chos su med par byed do// chos 'dzin pa'i dge slong yang de dang 'dra ste/ dge slong tshul khrims nyams pa dam pa'i chos ma rung bar byed pa mthong na/ gnas nas skrod cing chad pas gcad par bya'o// dge slong dge bas bslab tshig nyams pa dag mthong ste/ gnas nas ma bskad dam/ chad pas ma gcad na/ de ni sangs rgyas kyi bstan pa'i chos kyi dgra yin par rig par bya'o// gang gis gnas nas slong dam/ chad pas gcod na/ de ni nga nyeganas nyan thos yang dag pa yin no/ / yang bcom ldan 'das la/ byang chub sems dpa' 'od srungs kyis 'di skad ces gsol to// ji ltar bcom ldan 'das kyis gsungs pa ltar na/ sems can thams cad la sras sgra gcan 'dzin dang 'dra bar gzigs so zhes bgyi ba mi rung ngo // bcom ldan 'das gal te gang zag gcig gis mtshon thogs te/ sangs rgyas la 'debs pa dang / gang zag gcig gis tsan dan gyi lde gus sangs rgyas kyi sku la byugs pa gnyis la/ bcom ldan 'das kyis thugs mnyam par gzigs nas/ ci'i slad du bslab tshig nyams pa dag chad pas gcad do zhes gsungs/ ci ste bslab tshig nyams pa dag chad pas gcad na gsungs pa dang 'gal lo// bcom ldan 'das kyis byang chub sems dpa' 'od srungs la bka' stsal pa/ rigs kyi bu 'di lta ste/ dper na rgyal po 'am/ blon po chen po zhig la bu gzugs byang dang ldan pa shes rab rno ba gnyis sam/ gsum mam/ bzhi yod de/ slob dpon ston mkhas pa la gnas bcas nas 'di skad du/ bdag gi bu 'di dag tshul dang gtsug lag dang rtsal dang / yi ge dang / bzang ba dang / rtsis longs pa zhig tu bslab par gsol lo// bdag gi bu bzhi po 'di khyod la bcol gyis bu gsum lcag 'og tu shi yang za'i bu gcig bslab pa lobs par bya ba'i phyir nan tur skyed cig/ bu gsum po shi yang bdag ni khon du mi 'dzin to// 'od srungs de la snyam du sems/ bu de'i ba dang slob pa'i slob dpon de gsod pa'i nyes pa thob pam/ gsol pa/ bcom ldan 'das pa lags so// de ci'i slad du zhe na/ rtsu par bsams te bslab pa lobs par bgyi ba lags kyis/ mi sdug par bsams te bslab pa ma lags pas/ bsod nams tshad med pa thob par 'gyur ro// rigs kyi bu de bzhin gshegs pa'ang de dang 'dra ste/ bslab tshig nyams pa dag la'ang bu gcig dang 'dra bar gzigs so// de bzhin gshegs pas bla na med pa'i dam pa'i chos ni rgyal po dang blon po chen po dang / dge slong dang / dge slong ma dang / dge bsnyen dang / dge bsnyen ma la gtams shing gtad pas/ rgyal po dang / 'khor rnam bzhis gang bslab pa la zhugs pa dag lhag pa'i tshul khrims dang / ting nge 'dzin dang / shes rab thob par skul cig/ gang slob pa gsum po 'di la mi slob cing / le lo byed pa dang / tshul khrims nyams pad chos ma rung bar byedan rgyal po dang / blon po chen po dang / 'khor rnam bzhis chad pas chod cig/ rigs kyi bu rgyal po de dang / 'khor rnam bzhi po de kha na ma zo ba'i sdig 'thob par 'gyur ram/ ma lags so// bcom ldan 'das rigs kyi bu de ltar rgyal po de dang / 'khor rnam bzhi po de'ang sdig par mi 'gyur na/ de bzhin gshegs pa lta smos kyang ci dgos/ rigs kyi bu de bzhin gshegs pa ni de ltar mnyam pa'i thugs kyis sems can thams cad la bu gcig pa dang 'dra bar dgongs so/ / gang de ltar sems pa de ni/ byang chub sems dpa' mnyam pa'i sems kyis sems can thams cad la bu gcig pa dang 'dra bar 'du shes pa zhes bya'o/ / rigs kyi bu byang chub sems dpa' gang de ltar las de la nan tan byed pa ni tshe ring bar 'gyur zhing / sngon gyi gnas kyang shes par 'gyur ro/ / byang chub sems dpa' 'od srungs kyis/ yang bcom ldan 'das la 'di skad ces gsol to// sangs rgyas kyis gsungs pa ltar byang chub sems dpa' gang mnyam pa'i sems la nan tan bya ste/ sems can thams cad la bu gcig pa dang 'dra bar 'du shes pas tshe ring bar 'gyur ro// zhes de bzhin gshegs pas de skad gsungs pa'i mi rigs so/ / de ci'i slad du zhe na/ 'di lta ste/ shes pa dang ldan pa sri zhur bgyi ba'i chos rnam pa sna tshogs kyang ston mkhas pa zhig khyim du mchis nas/ pha ma la rdo dbyug gis 'tshog go/ pha ma ni bsod nams kyi zhing lags te/ phan pa dang bde ba'i 'ba' zhig bgyid cing / shin tu phrad dka' bas de ni mchod par 'os na/ de la gnod pas rnam par gtses na/ chos 'tshal ba de smra ba dang bgyid par mi mthun te 'gal lo// de bzhin gshegs pa'ang de dang 'dra ste/ de ltar byang chub sems dpa' sems mnyam pa la nan tan bgyid cing / sems can thams cad la bu gcig pa dang 'dra bar 'du shes pas tshe ring zhing / sngon gyi gnas shes par 'gyur ba la mi 'pho ste/ rtag tu 'jig rten na gnas pa zhig lags na/ ci'i slad du bcom ldan 'das mi 'dra bar sku tshe rab tu zung bar gyur/ de bzhin gshegs pas sems can thams cad la dgra lta bur dgongs pa mnga' 'am/ bcom ldan 'das sngon sdig pa ci zhig mdzad cing / ji snyed kyi srog gi dbang po dang phral na/ 'di ltar sku tshe lo brgya'ang ma thub par rab tu thung bar gyur bcom ldan 'das kyis/ 'od srungs la bka' stsal pa/ rigs kyi bu khyod ci'i phyir de bzhin gshegs pa'i spyan sngar ma gtsigs pa'i tshig 'di lta bu smras/ de bzhin gshegs pa'i sa tshon tshe nang nam / yul d+hA u0f7f / pa tshus kyi nang na 'a co/ gyu/ hrus thul// @ sems dpa' 'od srungs kyis/ yang bcom ldan 'das la gsol pa/ de bzhin gshegs pa'i sku tshe ring zhes bgyi ba ji lta bu lags/ bcom ldan 'das kyis 'od srungs la bka' stsal pa/ rigs kyi bu chu klung chen po brgyad yod de/ kang+gA zhes bya ba dang / yam pa la dang / sa la dang / a li la bar ta dang / ma ha dang sin d+hA dang / bag k+Shu dang / si ta zhes bya ba chu grung chen po brgyad dang / de ma yin pa'i chu bran thams cad kyang rgya mtsho chen por 'bab bo// 'od srungs de bzhin du lha dang bcas pa dang / sa dang nam mkha' la gnas pa thams cad kyi tshe srog gi chu klung thams cad de bzhin gshegs pa'i sku tshe'i rgya mtshor bab bo// de bas na de bzhin gshegs pa'i sku tshe ni tshad med do/ / 'od srungs gzhan yang 'di lta ste/ mtsho ma dros shes bya ba las chu klung chen po bzhi 'bab bo// de bzhin gshegs pa'ang de dang 'dra bar tshe thams cad kyi 'byung gnas yin no/ / 'od srungs 'di lta ste/ rtag pa'i chos thams cad kyi nang na nam mkha' ni mchog go// de bzhin gshegs pa'ang de bzhin du rtag pa'i nang na mchog tu gyur/ phul du gyur to// 'od srungs 'di lta ste/ sman gyi nang na mar gyi snying po ni mchog go// de bzhin du de bzhin gshegs pa'ang sems can thams cad kyi nang na sku tshe'i mchog tu gyur to/ / byang chub sems dpa' 'od srungs kyis/ yang bcom ldan 'das la gsol pa// de bzhin gshegs pa'i sku tshe de ltar gyur na// bskal pa gcig gam bskal pa gcig 'gribs kyi bar du bzhugs te/ dam pa'i chos kyi char rtag tu dbab pa'i rigs so// bcom ldan 'das kyis bka' stsal pa/ 'od srungs khyod kyis de bzhin gshegs pa la 'gog pa 'am/ zad pa'i 'du shes ma skyed cig/ 'od srungs ci ste dge slong ngam/ dge slong ma 'am/ dge bsnyen nam/ dge bsnyen ma'am/ mu stegs can gyi bar du mngon par shes pa lnga dang ldan pa dbang du gyur pa dag kyang / bskal pa gcig gam/ bskal pa gcig 'gribs kyi bar du nam mkha' stong pa la 'gro ba dang / sdod pa dang / 'dug pa dang / nyal ba'i dbang thob nas/ rtsib logs g.yon nas ni me 'bar/ rtsib logs g.yas nas ni chu 'byin/ lus kyi stod nas ni dud pa 'thul te/ me'i phung po lta bur yang sgyur la/ gal te tshe'i bar du gnas par 'dod na'ang yid bzhin du gnas te/ tshe ring thung gi dbang thob nas ltar mngon par shes pa lnga thob pa tsam gyis yid bzhin gyi mthu dang ldan na/ de bzhin gshegs pa chos thams cad la dbang sgyur ba'i mthu brnyes pa lta ci smos te/ sku tshe bskal pa phyed dam/ bskal pa gcig gam/ bskal pa brgya'am/ bskal pa brgya stong ngam/ bskal pa tshan med pa'i bar du gnas pa lta ci smos te/ don de lta bas na de bzhin gshegs pa ni rtag tu gnas pa'i chos can/ mi 'gyur ba'i chos can du rig par bya'o// de bzhin gshegs pa'i sku ni sprul pa'i sku ste/ zas rnams kyi sku ma yin gyi/ sems can bsgral ba'i phyir du gi sdong po dang 'dra bar bstan te/ de bas na yongs su mya ngan las 'da' ba bstan par rig par bya'o// 'od srungs de bas na de bzhin gshegs pa ni rtag pa'i chos can/ mi 'gyur ba'i chos can du rig par bya ste/ khyed la sogs pas don dam pa la brtson 'grus shin tu nan tan bya'o// shin tu nan tan byas nas kyang gzhan dag la rgya cher bshad do/ / de nas byang chub sems dpa' 'od srungs kyis/ yang bcom ldan 'das la 'di skad ces gsol to// 'jig rten las 'das pa'i chos dang / 'jig rten gyi chos la bye brag dang khyad pa ci mchis/ sangs rgyas kyi gsungs pa ltar sangs rgyas kyang chos can/ mi 'gyur ba'i chos can lags 'jig rten pa tshangs pa'i zhwa'ang rtag la/ dbang sgyur gyi lha'ang rtag ste/ mi 'gyur ba'i chos can/ bdag ces bya ba'ang rtag la/ rang bzhin yang dzA// rdul phra mo'ang rtag ces mchis na/ ci ste de bzhin gshegs pa'ang rtag pa'i chos can lags na/ de bzhin gshegs pas ci'i slad du rtag pa mngon par mi ston/ ci ste rtag pa mngon par mi ston na bye brag dang khyad par yang ci zhig mchis/ tshangs pa'i lha nas rdul phra mo dang / rang bzhin rtag ces mchi ba'ang mngon par ni ma mchis so// bcom ldan 'das kyis/ 'od srungs la bka' stsal pa/ 'di lta ste/ dper na khyim bdag gcig la ba rnam pa mang po bdog pa'i spu mi mthun yang khyu rdzi'u la gtad de/ rtsa dang chug la yod par snyegs shing 'tsho'i/ de'ang zho dang lo ma tsam gyi phyir ma yin gyi/ mar gyi snying po 'dod pa'i phyir ro// khyim bdag de phyis shi nas pa rnams kyang rkun pos dad do// rkun po de dag la bud med pas pa bzhos nas so sor 'thung ngo // phyis rkun po de dag gcig la gcig 'di skad du/ sngon khyim bdag chen po de ba 'di snyed gso ba'ang zho dang 'o ma tsam gyi phyir ma yin gyis/ mar gyi snying po 'ba' zhig 'dod par zad na/ da bdag cag gis kyang thabs ci zhig byas na mar gyi snying po thob par 'gyur zhes bgros so// mar gyi snying po zhes bya ba ni 'jig rten na ro bro ba thams cad kyi nang na mchog yin te/ ci ste 'o ma yod du zin gyis kyang thugs pa'i snod med ces smras so// yang 'di skad du bdag cag la rkyal pa yod pas/ rgyal bar blugs shes bgros te/ blugs pa'i gnas yod du zin gyis kyang / zho dang bsrub pa'i thabs mi shes pas/ de dag gis dar ba tsam yang thob par mi nus na/ mar tha mal pa lta ci smos te/ de'i tshe rkun po ma rungs pa de dag mar gyi snying po 'dod pa'i phyir yang dang yang chus bsnan pas/ 'o ma dang / zho dang / mar gyi snying po'i bar du bcas te nyams par gyur to// skye bo glen pa'ang de dang 'dra ste/ dge ba'i bag cung zad yod pa'ang de bzhin gshegs pa'i dam pa'i chos las byung ngongo/ / de ci'i phyir zhe na/ sangs rgyas bcom ldan 'das yongs su mya ngan las 'das nas/ de bzhin gshegs pa'i dge ba'i chos tshul khrims dang / ting nge 'dzin dang / shes rab kyi cha las brkus pa ni/ ji ltar rkun po rnams kyis ba brkus pa bzhin no// skye bo chen pa dag kyang tshul khrims dang / ting nge 'dzin dang / shes rab kyi cha tsam thob mod kyis/ / sbyor ba'i thabs med pas rnam par dgrol zhing ston mi nus so// don de lta bus na rtag pa'i tshul khrims sam/ rtag pa'i ting nge 'dzin nam/ rtag pa'i shes rab bam rnam par grol ba'i bar du thob par mi nus pa ni/ rkun po de dag thabs mi shes te/ mar gyi snying po mi thob pa dang mtshungs so// rkun po de dag mar gyi snying po 'dod pa'i phyir chus bsnan pa ltar skye bo ma rabs kyang de dang 'dra ste/ rnam par thar pa 'dod pa'i phyir bdag dang / sems can dang / srog dang / skyes bu dang / tshangs pa dang / dbang sgyur gyi lha dang / rdul phra mo dang / 'jig rten gyi rang bzhin dang / tshul khrims dang / ting nge 'dzin dang / shes rab dang / rnam par grol ba dang / 'du shes med 'du shes med min gyi bar du mu ngan las 'das pa'o zhes smras te/ de ni yang dag par rnam par grol ba 'am/ mya ngan las 'da' ba mi thob pa ni/ ji ltar rkun po de dag mar gyi snying po mi thob pa bzhin no// skye bo ma rabs dag tshangs par spyod pa cung zad tsam dang / pha ma la sri zhu byas pa tsam gyi rgyu dang rkyen gyis mtho ris kyi lhar skyes te/ bde ba'i longs spyod cung zad myong ba ni/ ji ltar rkun po de dag 'o ma la chus bsnan pa bzhin no/ / skye bo ma rabs dag ni tshangs par spyod pa cung zad tsam dang / pha ma la sri zhu byas pa tsam gyi rgyus mtho ris kyi lhar skye bar mi shes so// gzhan yang tshul khrims dang / ting nge 'dzin dang / shes rab dang / dkon mchog gsum la skyabs su 'gro bar mi shes so// de ltar mi shes pas rtag pa dang / bde ba dang / bdag dang / yongs su dag pa su mod kyi/ de'ang mi shes so// de bas na de bzhin gshegs pa 'jig rten du gshegs nas rtag pa dang / bde ba dang / bdag dang / yongs su dag pa bstan cing bshad do// ji ltar 'khor los sgyur ba'i rgyal po 'jig rten du byung na/ de'i bsod nams kyi shugs kyis rkun bo ma rungs pa dag so sor 'byer zhing 'bros so/ / ba rnams ma shi bas 'khor los sgyur ba'i rgyal pos rdzi'u tha'as dang ldan pa la gtad de/ rdzi wu thabs dang ldan pas mar gyi snying po' yod par gyur to/ / par gyi snying po yod pas sems can thams cad kyang nad kyi sdug 'phrul ba dang bral lo// chos kyi 'khor los sgyur ba'i rgyal po 'jig rten du gshegs nA/ rabs dag tshul khribs dang / ting de yizhin dang / shes rab ston mi nus te/ so sor 'byer zhing 'jom sa/ de'i tshe bcom ldan 'das kyis/ 'jig rten gyi dang 'jig rten mas 'das pa'i chos sems can gyi don du byang chub sems dpa' rnams la bstun cing bshad nas/ byang chub sems dpa' sems dpa' chen po'ang mar gyi stong bu mo par gyur/ gzhan yang sems can mthal las dpag tu me pa dag/ bla ni med pa'i chos bdud rtsi lta bu thob par bya ba ni/ 'di lta ste/ de bzhin gshegs pa'i rtag pa dang bde ba dang / bdag dang / yongs su dag pa'i chos rnams so// don de lta bus na rigs kyi bu de bzhin gshegs pa ni rtag pa mi 'gyur ba'i chos can yin te/ 'jig rten pa skye bo ma rabs dag gis tshangs pa'i lha la sogs pa la rtag pa'i chos yin no zhes smras pa dang mi 'dra ste/ rtag pa'i chos su grags pa 'di ni mdor na de bzhin gshegs pa la bya'i/ chos gzhan dag/ ni ma yin no// 'od srungs de lta bas na de bzhin gshegs pa'i skur rig par bya'o// 'od srungs gang rigs kyi bu 'am/ rigs kyi bu mo dag ni rtag tu rtse gcig pa'i sems kyis/ sangs rgyas rtag pa dang gnas pa'o zhes pa'i tshig 'di gnyis la nan tan bya'o// 'od srungs gang rigs kyi bu 'am/ rigs kyi bu mo dag tshig 'di gnyis la nan tan byed na/ gang zag de ni nga'i rjes su spyod cing / ngas phyin pa'i gnas su phyin par rig par bya'o// rigs kyi bu gang gis tshig 'di gnyis la nan tan byed de mtshan ma spangs na/ de ni de bzhin gshegs pas yongs su mya ngan las 'da' bar dgongs par rig par bya'o/ / rigs kyi bu mya ngan las 'da' ba'i don ni sangs rgyas kyi chos nyid do// de nas bcom ldan 'das la/ byang chub sems dpa' 'od srungs kyis 'di skad ces gsol to/ / bcom ldan 'das chos nyid ces bgyi ba'i don ji lta bu lags/ bcom ldan 'das bdag ni chos nyid kyi don ji lta bu lags pa mi 'tshal na/ de bzhin gshegs pas thugs brtse ba'i slad du rgyas par bstan du gsol/ chos nyid ces bgyi ba ni lus dang rnam par bral/ lus dang bral ba/ ni ci'ang ma mchis pa ste/ ci'ang ma mchis na lus zhes bgyi ba'ang ji ltar rnam par gzhag/ lus rnam par gzhag tu mchis na ni/ lus la chos nyid kyang mchis par 'gyur ro// lus la chos nyid mchis par gyur na ji lta bur rnam par gzhag/ bdag gis don de dag ji lta bur rig par bgyi zhes gsol nas/ bcom ldan 'das kyis/ byang chub sems dpa' 'od srungs la 'di skad ces bka' stsal to/ / rigs kyi bu khyod kyis 'di ltar chos nyid dgag par mi bya'o// chos nyid ces bya ba la ni 'gog pa med do// rigs kyi bu dper na 'du shes med pa'i lha dag gzugs kyi phung po dang ldan mod kyi/ gzugs kyi 'du shes med pas lha de la ni ji ltar gnas/ bde ba la ji ltar longs spyod/ ji ltar 'du shes la spyod/ ji ltar thos shing mthong zhes 'dri ba mi rigs so// rigs kyi bu de bzhin gshegs pa'i spyod yul/ nyan thos dang rang sangs rgyas kyis shes pa ma yin no// rigs kyi bu de bzhin gshegs pa'i sku la ni 'gog pa'i chos so zhes smra bar mi bya'o/ / rigs kyi bu 'gog pa'i chos ni sangs rgyas kyi spyod yul yin gyi/ nyan thos dang rang sangs rgyas kyi shes pa ma yin no/ / rigs kyi bu khyod kyis de bzhin gshegs pa gang du gshegs/ gang du gnas/ gang du spyod/ gang du gzigs/ ci la longs spyod pa rtog cing dpag par mi bya'o// rigs kyi bu don de dag ni khyed la sogs pas shes shing rtogs pa ma yin te/ sangs rgyas kyi chos kyi sku dang / rnam pa sna tshogs kyi thabs ni bsam gyis mi khyab bo// rigs kyi bu gzhan yang sangs rgyas dang / chos dang / dge 'dun la rtag tu dran zhing nan tan bya'o// chos rnam pa gsum po 'di ni tha dad pa ma yin pa'i mtshan nyid/ mi rtag pa ma yin pa'i mtshan nyid/ / mi 'pho ba'i mtshan nyid do// gang zhig chos rnam pa gsum po 'di la dad par 'du shes na skye bo de ni skyabs su 'gro ba gsum la mi gnas pa// tshul khrims dang mi ldan pa zhes bya ste/ nyan thos dang rang sangs rgyas kyi byang chub kyang thob par mi nus so// gang gis bsam gyis mi khyab pa de la rtag pa'i 'du shes kyis nan tan byed na/ de ni skyabs su 'gro ba'i gnas yin no/ / rigs kyi bu dper na shing yod pa'i rkyen gyis grib ma yod do// de bzhin gshegs pa'ang de dang 'dra ste/ rtag pa'i chos yod pa'i skyabs su 'gro ba'i gnas yod kyi/ mi rtag pa ni ma yin no// gang zhig de bzhin gshegs pa la mi rtag pa'o zhes smra na/ de bzhin gshegs pa'ang lha dang 'jig rten du bcas pa'i skyabs su 'gro ba'i gnas ma yin no/ / de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das dper na gan ma rmus na skye shing mchis kyang grib ma ni ma mchis so// bka' stsal pa/ 'od srungs shing yod la grib ma med ces mi bya'o// de ni sha'i mig gis mi mthong ba'i phyir ro/ / rigs kyi bu de bzhin gshegs pa'ang de dang 'dra ste/ rang bzhin nyid kyis rtag tu gnas la mi 'gyur mi 'pho mod kyi/ shes rab kyi mig med pas ni mthong bar mi nus te/ ji ltar gnam rmus pa'i tshe shing gi grib ma mi mthong ba bzhin no// skye bo ma rabs kyang sangs rgyas mya ngan las 'das nas gang gis de bzhin gshegs pa ni mi rtag pa'i chos can no zhes smras pa'ang de dang 'dra ste/ gang gis de bzhin gshegs pa ni chos dang dge 'dun dang tha dad do zhes smra na/ de ni skyabs su 'gro ba'i gnas gsum por mi 'gyur ro// dben na khyod kyi pha ma ni so so tha dad pa'i phyir mi rtag ces byar rung ngo / / de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das bdag ni gdod sangs rgyas dang / chos dang / dge 'dun rtag pa dang / rabs bdun gyi pha ma'i bar du dran par gyur pa ni ngo mtshar che'o// bcom ldan 'das bdag gis de bzhin gshegs pa dang chos dang / dge 'dun bsam gyis mi khyab pa la goms par bgyid de/ bdag de la goms nas gzhan dag la'ang don de rgya cher bstan par bgyi'o// gang zhig 'di la yid mi ches pa de ni yun ring po nas mi rtag pa sgom pa ste/ bdag gis de la ba mo'am/ ser ba lta bur bgyi'o// de nas bcom ldan 'das kyis/ byang chub sems dpa' 'od srungs la legs so legs so zhes bka' stsal nas/ khyod ni dam pa'i chos shin tu srung zhing yongs su 'dzin pa ste/ de ltar chos srung zhing sems can la mi bkru ba'i dge ba'i las de nyid kyi rkyen gyis tshe ring ba dang / sngon gyi gnas shes par 'gyur ro// 'phags pa yongs su mya ngan las 'das pa chen po'i mdo las/ sku tshe'i le'u zhes bya ba ste gcig go// / de nas bcom ldan 'das kyis/ 'od srungs la 'di skad ces bka' stsal to// rigs kyi bu de bzhin gshegs pa'i sku zhe bya ba ni rtag tu gnas pa'i sku/ mi 'jig pa'i sku/ rdo rje'i sku/ zas rnams kyi sku ma yin gyi/ chos kyi sku'o// de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis gsungs pa ltar sku de dag ni bdag gis ma mthong gi/ mi rtag pa dang / 'jig pa dang / rdul dang / zas rnams kyi skur mthong ngo // de ci'i slad du zhe na/ de bzhin gshegs pa yongs su mya ngan las 'da' bar gshegs pa'i slad du'o/ / bcom ldan 'das kyis/ 'od srungs la bka' stsal pa/ khyod kyis de bzhin gshegs pa'i sku la snying po med pa'am/ 'jig pa can skye bo ma rabs kyi lus dang 'dra bar mi blta'o// rigs kyi bu khyod kyis 'di ltar rig par bya ste/ de bzhin gshegs pa'i sku ni bskal ba tshad med pa'i bar du brtan pa/ snying po can/ mi 'jig pa/ lha dang mi'i lus lta bu ma yin pa/ 'jig pa'i sku ma yin pa/ zas rnams kyi sku ma yin pa'o// de bzhin gshegs pa ni sku ma yin pa'i sku/ mi skye mi 'gog pa/ ma bsdus pa/ ma byas pa/ tshad med pa/ mtha' yas pa/ rjes med pa/ shes pa med pa/ gzugs med pa/ mthar rnam par dag pa/ mi g.yo ba/ tshor ba med pa/ 'du byed med pa/ mi gnas pa/ ma byas pa/ bro ba med pa/ ma 'dres pa/ 'dus byas ma yin las ma yin/ 'bras bu ma yin/ spyod pa ma yin/ 'gog pa ma yin/ sems ma yin/ bgrang ba ma yin/ bsam gyis mi khyab pa/ dpag tu med pa rnam par mi shes pa/ sems dang bral ba/ sems dang bral ba'ang ma yin pa/ sems mnyam pa med pa/ med pa'ang ma yin pa/ song ba dang 'ong ba med pa/ song ba dang 'ong ba med pa'ang ma yin pa/ mi 'jig pa/ ma nyams pa/ mi chad pa/ ma chad pa/ ma byung ba/ mi 'gog pa/ bdag po med pa'ang ma yin pa/ yod pa'ang ma yin med pa'ang ma yin/ tshor ba ma yin/ rtog pa ma yin/ yi ge ma yin/ yi ge med pa'ang ma yin/ ting nge 'dzin ma yin/ ting nge 'dzin med pa ma yin/ bltar med pa/ mngon par snang ba/ gnas med pa/ gnas med pa ma yin pa/ rten med pa// rten med pa'ang ma yin pa/ mun pa ma yin/ snang ba ma yin/ zhi ba ma yin// ma zhi ba ma yin/ ci 'ang med pa/ mi len pa/ mi gtong ba// rnam par dag pa// dri ma med pa// rtsod pa med pa// rtsod pa chad pa/ gnas med par gnas pa/ mi len pa/ mi ltung ba/ chos ma yin pa/ chos ma yin pa'ang ma yin pa/ bsod nams kyi zhing ma yin/ bsod nams kyi zhing ma yin pa'ang ma yin pa/ mi zad pa/ zad pa med pa/ zad pa thams cad dang bral ba/ stong pa nyid/ stong pa dang bral ba/ rtag tu gnas pa ma yin/ skad cig ma'i rgyun gyis 'gog pa ma yin/ rnyog pa'i dri ma med pa/ yi ge med pa/ yi ge dang bral ba/ sgra ma yin/ bshad pa ma yin/ goms par bsgoms pa ma yin/ brjod pa ma yin/ dpog pa ma yin/ gcig ma yin/ thadad pa ma yin/ gzugs ma yin/ mtshan ma ma yin/ rnam pas brgyan pa/ dpa' ba ma yin/ skrag pa ma yin/ zhi ba med pa/ che zhi ba/ ma gdungs pa/ mi gdung ba/ bltar med pa mtshan ma med pa/ de bzhin gshegs pa ni sems can thams cad kyi don byas kyang sems can gyi don byas pa med pa/ sems can rnam par gakrol yang rnam par bkrol ba med pa/ sems can mngon par 'tshang rgya bar mdzad kyang mngon par 'tshang rgya ba med pa/ gnyis su med par yang dag pa ji lta ba bzhin du chos ston pa/ dpag tu med pa/ mi mnyam pa dang mnyam pa/ nam mkha' ltar mnyam pa/ gzugs med pa/ ma skyes pa nyid dang mthun pa/ mi chad pa/ mi rtag pa/ rtag tu theg pa gcig la spyod kyang sems can gyis gsum du mthong ba/ mi 'gyur pa mi ldog pa/ kun nas nyon mongs pa thams cad bcad pa/ mi rtsod pa/ mi gcig pa/ mtshan nyid ma yin pa/ mtshan nyid la gnas pa/ 'dus pa ma yin/ gyes pa ma yin/ ring ba ma yin/ zung ba ma yin/ zlum po ma yin/ gru bzhi ma yin/ phung po dang / skye mched dang / khams ma yin// phung po dang / mched dang / khams ma yin pa'ang ma yin/ 'phel ba ma yin/ 'bri ba ma yin/ bzang po ma yin/ ngan pa ma yin no// de bzhin gshegs pa'i sku ni de ltar yon tan tshad med pa dang ldan te/ shes pa med cing mi shes pa'ang med/ mthong ba med cing mi mthong ba'ang med/ 'dus byas ma yin/ 'du ma byas pa ma yin/ 'jig rten ma yin/ 'jig rten ma yin pa'ang ma yin/ byas pa ma yin/ ma byas pa'ang ma yin/ gnas ma yin/ mi gnas pa ma yin/ chen po bzhi ma yin/ chen po bzhi ma yin pa'ang ma yin/ ma yin/ rgyu med pa ma yin/ sems can ma yin/ sems can med pa ma yin/ dge sbyong ma yin/ bram ze ma yin// seng ge lta bu/ seng ge chen po// sku ma yin pa/ ma yin pa'ang ma yin pa/ brjod du med pa/ chos gcig tsam gyi mtshan nyid dang yang bral ba/ brtsi ba'am bgrang bar mi rung ba/ mya ngan las 'da' ba na mya ngan las mi 'da' ba ste// de bzhin gshegs pa'i chos kyi sku ni de lta bu'i yon tan tshad med pa dam pa dang ldan no// 'od srungs de ni de bzhin gshegs pa nyag gcig gis mkhyen gyis/ nyan thos dang rang sangs rgyas kyis shes pa ma yin no/ / 'od srungs de ltar de bzhin gshegs pa'i sku ni yon tan tshad med pa dang ldan gyis/ zas rnams kyis bskyed cing gso ba'i sku ni ma yin no// 'od srungs de bzhin gshegs pa'i sku yang dag pa'i yon tan ni 'di lta bu yin na/ de la na ba 'am/ sdug bsngal ba 'am/ snying po med pa 'am/ mi brtan pa rdza so ma btang ba bu ga la zhig yod/ 'od srungs de bzhin gshegs pas na ba dang / sdug bsngal ba bstan pa ni sems can gdul ba'i phyir ro// rigs kyi bu khyod kyis 'di ltar rig par bya ste/ de bzhin gshegs pa'i sku ni rdo rje'i sku yin te/ deng phyin chad khyod kyis don 'di rtse gcig pa'i sems kyis yid la bya'o// zas rnams kyi skur ni mi bsam mo/ / gzhan la'ang de bzhin gshegs pa'i sku ni chos kyi sku yin par ston cig/ de nas bcom ldan 'das la/ byang chub sems dpa' 'od srungs kyis 'di skad ces gsol to/ / bcom ldan 'das de ltar de bzhin gshegs pa de lta bu'i yon tan dang ldan na srung ba dang / mi rtag pa dang / 'jig pa lta ga la zhig mchis te/ bdag ni deng sman chad de bzhin gshegs pa'i sku ni rtag pa chos kyi sku/ rab tu bde ba'i skur yid la bgyid de/ gzhan dag la'ang de bzhin du bstan par 'tshal lo// bcom ldan 'das de bzhin gshegs pa'i chos kyi sku ni rdo rje lta bur mi 'jig pa lags na/ ci'i rgyu las gyur pa ni bdag gis mi 'tshal to// bcom ldan 'das kyis/ 'od srungs la bka' stsal pa dam pa'i chos srung zhing 'dzin pa de'i rgyu dang de'i rkyen gyis rdo rje'i sku dang ldan par gyur to/ / 'od srungs ngas sngon chos yongs su bsrungs pa'i rgyu dang rkyen gyis rdo rje'i sku dang ldan te/ rtag tu gnas pa dang mi 'jig par gyur to// rigs kyi bu dam pa'i chos srung zhing srung ba ni khrims lnga'ang mi 'dzin te/ spyod lam yang mi srung bar mtshon cha ral gri dang / mda' gzhu dang / mdung la sogs pa thogs te/ dge slong tshul khrims yongs su dag pa dag srung ba'o// de nas bcom ldan 'das la/ byang chub sems dpa' 'od srungs kyis 'di skad ces gsol to/ / yang bcom ldan 'das dge slong gang srung ba gtang ste/ dben pa'i gnas dur khrod dam/ shing drung na gnas pa ni dge slong yang dag pa lags gang srung ba'i rjes su spyod pa ni khyim bdag mgo reg go zhes 'byung ngo / / bcom ldan 'das kyis/ 'od srungs la bka' stsal pa/ khyim bdag mgo reg ces ma zer cig/ dge slong gang du gnas kyang lus kyi yo byad tsam chog par len cing / mdo sde klog pa dang / 'don pa dang / bsam gtan yid la byed pa dang / chos 'dri pab yod na/ de la sbyin pa dang / tshul khrims dang / bsod nams kyi tshogs dang / 'dod pa nyung ba dang / chog shes pa la sogs pa chos rnam pa sna tshogs kyis ston kyang / de ni seng ge'i sgra sgrogs pa zhes mi bya/ seng ges yongs su bskor ba zhes kyang mi bya/ chos ngan pa spyod pa gdul nus pa ma yin/ dge slong de ni bdag gi don kyang byed mi nus la/ gzhan gyi don byed pa'ang ma yin te/ de ni bag med pa le lo can yin te/ tshul khrims srung zhing tshangs pa spyod kyang / de ni ci'ang mi nus par rig par bya'o/ / dge slong gang 'tsho ba'i yo byad kyang mang du yod la/ tshul khrims kyang yongs su srung zhing seng ge'i sgra sgrogs ste/ dam pa'i chos mdo'i sde dang dbyangs kyis bsnyad pa dang / lung bstan pa dang / tshigs su bcad pa dang // ched du brjod pa dang / skyes pa'i rabs dang / da ltar dang / 'das pa dang // glen gzhi dang / rmad du byung ba dang / rtogs pa brjod pa dang / shin tu rgyas pa dang / gtan la bab par bstan pa la sogs pa mdo sde dgu po dag 'don cing / gzhan dag la'ang rgya cher ston la/ sems can la phan pa dang bde ba'i phyir 'di skad du mya ngan las 'da' ba'i mdo las/ dge slong gi rnams bran khol dang / ba lang dang / lug la sogs pa chos ma yin pa'i dngos po 'chang du mi gnang ngo zhes byung ste/ dge slong ma brtags pa'i dngos po de dag 'chang na chad pas chod cig ces smra la/ de bzhin gshegs pa sngon mdo sde gzhan dag las kyang / dge slong ma brtags pa'i dngos po de dag bcangs pas/ rgyal po che ge mo zhig gis chad pas bcad de khyim par phab bo zhes/ dge slong gang 'di skad du seng ge'i sgra sgrogs pa ni/ tshul khrims ngan pa can dag de skad thos na zhe sdang skyes te chos smra ba de gsod do// chos smra ba de ci ste tshe 'phos na'ang tshul khrims 'dzin cing / bdag dang gzhan gyis don byed pa zhes bya ste/ de lta bas na ngas ni rgyal po dang / blon po chen po dang / dge bsnyen rnams kyis chos smra ba dag bsrung bar gnang ngo // gang dam pa'i chos bsrung bar 'dod pa ni de ltar bslab par bya'o/ / 'od srungs de ltar tshul khrims nyams shing chos mi srung ba ni/ khyim bdag mgo reg ces bya'i/ tshul khrims srung ba la ni ma yin no/ / rigs kyi bu sngon gyi bskal pa tshad med mtha' yas grangs med pa 'das pa'i pha rol grong khyer rtswa mchog 'di nyid du/ sangs rgyas bcom ldan 'das rab tu dga' ba skyed pa zhes bya ba/ de bzhin gshegs pa dgra bcom pa yang dag par rdzogs pa// mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das mngon par byung ngo // de'i tshe de'i dus na 'jig rten gyi khams 'di'ang shin tu yangs shing yongs su dag la/ mi rab tu mang zhing bde skyid pa dang / zas dang skom gyis mi brel ba ni/ ji ltar rab tu bde ba can gyi 'jig rten gyi khams kyi byang chub sems dpa' bzhin no/ / sangs rgyas bcom ldan 'das de 'jig rten na tshad med pa'i bar du bzhugs nas sems can gyi don mdzad de/ shing sA la drung gnyis kyi bar du yongs su mya ngan las 'das so/ / sangs rgyas de mya ngan las 'das nas dam pa'i chos lo khri phrag tshad med pa bzhi bcu lhag gi bar gnas par gyur to// de'i tshe na dge mong tshul khrims shin tu srung ba yon tan blo gros shes bya ba zhig la 'khor shin tu mang zhing / 'khor rnams la seng ge'i sgra sgrogs te/ mdo sde dgu'ang rgyas par ston pa la shin tu mkhas pas/ dge slong gi rnams bran po dang / bran mo dang / ba lang dang / lug la sogs pa chos ma yin pa'i dngos po rnams gsor mi gnang ngo zhes bsgo'o// de'i tshe na dge slong tshul khrims nyams pa shin tu mang bas/ de dag gis 'di skad ces bsgo ba thos nas/ thams cad zhe sdang gi sems skyes te/ mtshon cha thogs nas chos smra ba de la bsnyen to/ / de'i tshe de'i dus na yul de'i rgyal po yon tan zhes bya ste/ de lta bur gyur ba thos nas chos srung ba'i phyir/ de ma thag tu chos smra ba ga la ba'i drung du song ste/ dge slong tshul khrims nyams pa ma rungs pa dag dang g.yul bshams te 'thab nas/ chos smra ba'i dge slong de bgegs de las thar par byas so// de'i tshe rgyal po de'i lus la ral gri dang mda' dang / mtshon shag ti la sogs pa mtshon cha'i smras yungs kar tsam yang gson pa med do// de'i tshe dge slong yon tan blo gros kyis rgyal po de la shin tu legs so// shin tu legs so/ / rgyal po khyod ni yang dag par dam pa'i chos shin tu srung ba ste/ ma 'ongs pa'i dus su tshad med pa'i chos kyi snod du 'gyur ro zhes smras so// rgyal po des de'i tshe na chos thos pas sems rab tu dga' bar gyur nas de ma thag tu tshe 'phos te/ mi g.yos pa de bzhin gshegs pa'i sangs rgyas kyi zhing du skyes nas/ sangs rgyas de'i nye gnas mchog tu gyur to// rgyal po de'i 'khor g.yul du zhugs te brgal ba dang / dga' ste rjes su yi rang ba dag kyang thams cad byang chub kyi sems las phyir mi ldog par gyur te/ tshe 'phos nas thams cad mi g.yos pa'i sangs rgyas kyi zhing du skyes so/ / dge slong yon tan blo gros kyang phyis tshe 'phos nas de bzhin du mi g.yos pa de bzhin gshegs pa'i zhing du skyes te/ sangs rgyas bcom ldan 'das de'i nyan thos kyi dge 'dun gyi nang na rab 'og tu gyur to/ / de bas na dam pa'i chos nub cing zad du nye ba na/ de ltar bsrung zhing bskyab par bya'o// 'od srungs de'i tshe de'i dus na rgyal po de ni nga yin no/ / chos smra ba dge slong de ni sangs rgyas 'od srungs zhes bya ba yin no// 'od srungs dam pa'i chos bsrungs pas de lta bu la sogs pa tshad med pa'i 'bras bu'ang thob la/ de'i rgyu de'i rkyen gyis 'di ltar nga ni rnam pa sna tshogs kyi mtshan dang / dpe byad bzang po rnam pa sna tshogs kyis yongs su brgyan pa'i chos kyi sku dang / mi shigs pa'i sku lhun gyis grub par gyur to// de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das de bzhin gshegs pa'i sku rtag pa ni rdo la ri mo bris pa dang 'dra'o/ / bcom ldan 'das kyis/ byang chub sems dpa' 'od srungs la 'di skad ces bka' stsal to// rigs kyi bu de lta bas na dge slong dang / dge slong ma dang / dge bsnyen dang / dge bsnyen ma dag shin tu brtson 'grus skyed de dam pa'i chos bsrung bar bya'o// dam pa'i chos bsrungs pa'i 'bras bu ni rgya che ste tshad med do/ / rigs kyi bu de bas na chos srung ba'i dge bsnyen dag lag na mtshon cha thogs te/ chos srung ba'i dge slong la bsrung zhing bskyabs bya'o// gang tshul khrims lnga bsrung ba tsam gyis theg pa chen po'i gang zag ces mi bya'o/ / tshul khrims snga ma bsrungs kyang dam pa'i chos srung na theg pa chen po zhes bya'o// dam pa'i chos srung na yag na mtshon cha thogs te chos smrab la bsrung bar bya'o/ / bcom ldan 'das la/ 'od srungs kyis yang 'di skad ces gsol to// bcom ldan 'das dge slong gang de ltar dge bsnyen mtshon cha thogs pa dang lhan cig 'grogs bsten na/ de la ston pa zhes bgyi'am/ ston pa zhes mi bgyi/ de tshul khrims bsrung ba lags sam/ tshul khrims nyams pa lags/ bcom ldan 'das kyis/ 'od srungs la bka' stsal pa/ de dag la tshul khrims nyams pa'o snyam du ma sems shig/ rigs kyi bu nga yongs su mya ngan las 'das na rnyog pa can gyi 'jig rten nayul 'khrugs te gcig la gcig 'phrog pas mu ges nyen par 'gyur ro/ / de'i tshe na mang du 'tsho bas 'phongs pa'i phyir rab tu 'byung bar rtsol te/ de dag ni mgo reg ces bya'o// gang zag mgo reg de dag gang dge slong tshul khrims 'dzin cing spyod lam dang ldan pa yongs su dag pa dam pa'i chos srung ba yod na/ skrod do// gsod do// gnod pa byed do// yang bcom ldan 'das la/ byang chub sems dpa' 'od srungs kyis 'di skad ces gsol to// dge slong tshul khrims srung zhing dam pa'i chos yongs su 'dzin pa dag ji ltar grong khyer dang / ljongs su sems can gdul ba'i phyir rgyu zhing mchi bar bgyi/ bcom ldan 'das kyis bka' stsal pa/ rigs kyi bu de bas na gang tshul khrims 'dzin pa dag khyim pa mtshon cha thogs pa la rten cing 'grogs shig ces ngas gnang ba yin no/ / gal te rgyal po 'am/ blon po 'am/ khyim bdag gam/ dge bsnyen la sogs pa chos srung ba'i phyir mtshon cha thogs kyang de ni tshul khrims srung ba zhes bya ste/ mtshon cha thogs mod kyi srog mi gcod pas/ de ni tshul khrims srung ba'i mchog ces bya'o// 'od zungs kyis yang gsol pa/ bcom ldan 'das chos srung ba ni yang dag par lta ba dang ldan te/ theg pa chen po'i mdo sde rgyas par ston pa ni rgyal po'i rin po che'i gdugs dang / mar snod dang / khre 'bras dang / shing thog rnam pa sna tshogs la nam du'ang dbang mi bgyid de/ rnyed pa dang bkur sti tsam gyi slad du/ rgyal po dang / blon po dang / khyim bdag la mi rten yon bdag la g.yo dang sgyus 'tsho ba'i sems kyang ma mchis so/ / spyod lam dang ldan pas tshul khrims nyams pa'i gang zag ma rungs pa dag btul kyang / de ni tshul khrims 'dzin cing chos srung ba'i ston pa zhes bgyi'o/ / sems can mang po'i dge ba'i bshes gnyen yang dag pa yin pas rgya mtsho ltar sems rgya che zhing yangs so// 'od srungs dge zogrong gang rnyed pa dang bkur sti'i phyir gzhan la chos ston na/ / gang zag de'i 'khor du gtogs pa thams cad kyang / rnyed pa dang bkur sti'i phyir chos ston te/ gang zag des bdag gi dge 'dun gyi 'khor yang ma rung bar byed do/ / 'od srungs dge 'dun la rnam pa gsum ste/ tshul khrims nyams pa go 'dun gyi dge 'dun dang glen zhing gti mug pa'i dge 'dun dang / yongs su dag pa'i dge 'dun no// tshul khrims nyams shing ko 'dun gyi dge 'dun ni 'jig kyang klu'i tshul khrims 'dzin cing yongs su dag pa'i dge 'dun ni rnyed pa dang bkur sti'i rkyen gyis 'jig nus pa ma yin no/ / de la ji ltar na tshul khrims nyams shing go 'dun gyi dge 'dun gang zhe na/ dge slong gang tshul khrims srung yang rnyed pa dang bkur sti'i phyir tshul khrims nyams pa la brten te lhan cig 'dug gam/ 'gro ba 'am/ sdod dam/ 'grogs sam/ gcig la gcig bshes par byed cing las mthun par byed na/ de ni tshul khrims nyams pa zhes kyang bya/ go 'dun gyi dge 'dun zhes kyang bya'o// de la ji ltar na then zhing gti mug pa'i dge 'dun gang zhe na/ dge slong gang bas mthar gnas shing dbang po mi rnol rtul ba/ glen pa/ 'dod pa nyung zhing bsod snyoms byed la/ gso sbyin gyi nyi ma dang tshul nas 'byung ba'i dus su nye gnas su gyur pa'i rnams ni yongs su dag par 'chags shing 'thol du 'dzud kyi/ nye gnas ma yin pa tshul khrims nyams pa dag mthong na/ yongs su dag par 'chags shing 'thol du mi gzhug par lhan cig tu gso sbyong dang tshul nas 'byung ba'i las byed pa ni glen pa gti mug pa'i dge 'dun zhes bya'o/ / de la ji lta na yongs su dag pa'i dge 'dun gang zhe na/ dge slong gi dge 'dun gang bdud khri phrag brgya stong gis kyang mi phyed mi shigs na/ de ni byang chub sems dpa'i dge 'dun rang bzhin gyis rnam par dag pa ste dge 'dun gong du smos pa rnam pa gnyis po'ang btul te/ yongs su dag pa'i dge 'dun gyi nang du bcud na/ de ni chos srung ba'i bla na med pa'i slob dpon chen po zhes bya'o// 'du pa la mkhas pa ni sems can la phan pa dang gdul ba'i phyir/ tshul khrims kyi mtshan nyid lci ba dang yang ba la shin tu mkhas te/ gang tshul khrims ma yin pa ni shes par mi rtsol lo/ / gang tshul khrims kyi phyogs la ni rtogs shing shes par byed do// de la ji ltar na sems can gdul ba'i phyir/ byang chub sems dpa' dag rtag tu dus med par grong khyer du 'jug cing / yugs sa mo dang smad 'tshong ma'i gnas su'ang 'jug cing lhan cig tu'ang gnas la/ lo mang por thogs pa ni nyan thos dag gis de ltar mi bya ste/ de ni sems can la phan pa dang bde ba'i phyir gdul ba zhes bya'o/ / ji ltar na lci ba shes par bya ba zhe na/ de bzhin gshegs pas dngos po gcig las tshul khrims bcas te/ khyed deng phyin chad 'di las nyams par ma byed cig ces bya ba rtsa bzhi lta bu ste/ rab tu byung ba dag byed du mi gnang ngo zhes bcas pa las ched du byas na de ni dge sbyong ma yin// shAkya'i sras ma yin te/ de dag ni lci ba zhes bya'o// de la ji ltar na yang ba zhe na/ yang ba'i dngos po la lan gsum gyi bar du bskul te gtang na ni yang ba zhes bya'o// tshul khrims las mi 'byung ba ni gang yongs su ma dag pa'i dngos po spyod pa'i cha ma yin par gsungs pa dang lhan cig tu mi spyod pa'o/ / 'dul ba las byung ba ni tshul khrims shin tu slob cing / tshul khrims nyams pa la mi rten pa dang / gang tshul khrims kyi rjes su gzhol zhing spyod pa mthong na rab tu dga' ba'i sems skye ba dang / de ltar sangs rgyas kyi chos su bya ba kun shes shing shin tu ston mkhas pa ni tshul khrims kyi slob dpon zhes bya ste/ yi ge 'bru gcig tsam la shin tu mkhas pa 'am/ mdo sde shin tu 'dzin pa'ang de dang 'dra'o// de ltar na rigs kyi bu sangs rgyas kyi chos tshad med de bsam gyis mi khyab la/ de bzhin gshegs pa'ang ba sam gyis mi khyab bo// de nas bcom ldan 'das la/ byang chub sems dpa' 'od srungs kyis gsol pa/ de de bzhin no// de de bzhin te// bcom ldan 'das kyis bka' stsal pa bzhin te/ sangs rgyas kyi chos bsam gyis mi khyab la/ de bzhin gshegs pa'ang bsam gyis mi khyab pas/ de bas na de bzhin gshegs pa ni rtag pa dang / mi 'jig pa/ mi 'gyur ba ste/ bdag kyang de la shin tu nan tan bgyid/ gzhan dag la'ang don de dag rgyas par bstan par 'tshal lo// de nas bcom ldan 'das kyis/ byang chub sems dpa' 'od srungs la legs so shin tu legs so zhes bya ba byin nas/ 'di skad ces bka' stsal to// de bzhin gshegs pa'i sku ni rdo rje'i rgyu/ / mi 'jig pa'i sgra ste/ byang chub sems dpa' dag de ltar shin tu bslab cing mthong ba dang shes par bya'o// gang gis de ltar mngon par shes shing mthong ba na de bzhin gshegs pa'i rdo rje'i sku dang / mi shigs pa'i sku mthong ba zhes bya ste/ ji ltar me long gi nang na gzugs brnyan mthong ba bzhin no// 'phags pa yongs su mya ngan las 'das pa chen po'i mdo las/ rdo rje'i sku zhes bya ba'i le'u ste gnyis pa'o// / bam po bzhi pa// de nas bcom ldan 'das kyis/ 'od srungs la yang 'di skad ces bka' stsal to// rigs kyi bu khyod kyis mdo sde 'di'i ming dang / tshig dang / yon tan gyi rnam pa legs par zung zhig/ rigs kyi bu 'am/ rigs kyi bu mo gang zhig mdo sde 'di'i ming thos pa tsam gyis kyang lam rgyud lnga'i skye ba'i gnas med do// de ci'i phyir zhe na/ mdo sde 'di ni sangs rgyas bcom ldan 'das tshad med dpag tu med pas bsgrubs pa'i yon tan du gyur pa ngas brjod pa yin no/ / byang chub sems dpa' 'od srungs kyis gsol pa/ bcom ldan 'das mdo sde 'di'i mtshan ci zhes bgyi/ byang chub sems dpa' sems dpa' chen pos ji ltar yongs su bzung bar bgyi/ bcom ldan 'das kyis/ 'od srung la bka' stsal pa/ mdo sde 'di'i ming ni yongs su mya ngan las 'das pa chen po thog mar yang dge/ bar du'ang dge/ tha mar yang dge/ don bzang ba// tshig bzang ba/ ma 'dres pa/ rnam par dkar ba/ tshangs par spyod pa 'ba' zhig rdo rje lta bu'i rin po che'i mdzod ma nyams pa zhes bya ste/ khyod shin tu legs par nyon cig dang / ngas khyod la bstan par bya'o// rigs kyi bu de la chen po zhes bya pab ni rtag ces pa'i don te/ dper na chu klung chen po brgyad ni thams cad rgya mtshor 'bab pa bzhin du/ mdo sde 'di'ang kun nas nyon mongs pa thams cad dang bdud kyi ris rnams btul nas/ mthar yongs su mya ngan las 'das pa chen po lus dang srog gtong bar 'gyur bas/ yongs su mya ngan las 'das pa chen po zhes bya'o// rigs kyi bu dper na sman pa mkhas pa'i sman dpyad bzang po la sman gyi dpyad thams cad 'dus pa bzhin du/ rigs kyi bu de bzhin gshegs pas gsungs pa'i chos shin tu zab mo rnam pa thams cad yongs su mya ngan las 'das pa chen por 'dus pas/ yongs su mya ngan 'das pa chen po zhes bya'o// rigs kyi bu 'di lta ste/ dper na zhing ba dag ni dbyar zhing la sa bon btab na rtag tu re ba'i sems yod de/ 'bras bu lag tu thob nas re ba thams cad zhi'o// rigs kyi bu sems can thams cad kyang de dang 'dra ste/ mdo sde gzhan la sgom pa ni rtag tu chos kyi ro 'di la re'o/ / ci ste yongs su mya ngan las 'das pa chen po 'di thos nas/ mdo sde gzhan gyi chos kyi ro la re ba thams cad zhi ba ni yongs su mya ngan las 'das pa chen po 'dis sems can thams cad srid pa las grol ba'i phyir ro/ / rigs kyi bu 'di lta ste/ dper na rjes thams cad kyi nang na bal glang gi rjes mchog go// de bzhin du mdo sde 'dirang mdo sde gzhan thams cad kyi ting nge 'dzin pas mchog go/ rigs kyi bu 'di lta ste/ zhing rmos pa'i nang na ston log btab pa ni zhing gi nang na mchog go// de bzhin du mdo sde 'di'ang mdo sde kun gyi mchog go/ / rigs kyi bu 'di lta ste/ sman gyi nang na mar gyi snying po mchog go// de bzhin du yongs su mya ngan las 'das pa chen po 'di'ang sems can thams cad kyi nyon mongs pas gdungs pa'i sems zhi bar byed pas mchog go/ / rigs kyi bu dper na mar dang ra ru ni ro rnam pa brgyad dang ldan no// de bzhin du mya ngan las 'das pa chen po 'di'ang ro brgyad dang ldan no/ / brgyad gang zhe na/ rtag pa dang / ther zug dang / bde ba dang / bsil ba dang / mi rga ba dang / mi 'chi ba dang / dri ma med pa dang rab tu skyid pa ste/ ro brgyad ces bya'o// ro brgyad dang ldan pas yongs su mya ngan las 'das pa chen po zhes bya'o// byang chub sems dpa' sems dpa' chen po gang 'di rab tu gnas shing bar bar gnas de nyid kyi mya ngan las 'da' ba ston pa de ni/ yongs su mya ngan las 'das pa chen po zhes bya'o// 'od srungs rigs kyi bu 'am/ rigs kyi bu mo gang zhig yongs su mya ngan las 'das pa chen pos mya ngan las 'da' bar 'dod na 'di bzhin du bslab par bya'o/ / de bzhin gshegs pa ni rtag pa gnas pa'i chos can te/ chos dang dge 'dun yang de bzhin du rig par bya'o/ / de nas bcom ldan 'das la/ byang chub sems dpa' 'od srungs kyis 'di skad ces gsol to// ngo mtshar che'o// bcom ldan 'das de bzhin gshegs pa'i yon tan yang bsam gyis mi khyab/ chos dang dge 'dun yang bsam gyis mi khyab ste/ yongs su mya ngan las 'das pa chen po'ang bsam gyis mi khyab bo/ / gang zhig mdo sde 'di slob pa ni yang dag pa'i chos kyi sgo thob cing sman pa mkhas pa zhes bgyi la/ gang mi slob pa de dag ni mdongs pa shes rab kyi mig ma mchis pa ma rig pas yongs su khebs pa lags par 'tshal lo/ / 'phags pa yongs su mya ngan 'das pa chen po'i mdo las/ mtshan gyi yon tan brjod pa zhes bya'i le'u ste gsum pa'o/ / / de nas bcom ldan 'das kyis/ 'od srungs la 'di skad ces bka' stsal to// rigs kyi bu byang chub sems dpa' sems dpa' chen pos yongs su mya ngan las 'da' ba chen po 'byed cing ston pa dag/ mtshan nyid rnam pa 'di bzhi la mkhas par bya'o// bzhi gang zhe na/ bdag tshul bzhin du bya ba dang / gzhan tshul bzhin du 'chos pa dang / ji skad dris pa de bzhin du lan 'debs pa dang / rten cing 'brel te byung ba la mkhas pa'o// de la bdag tshul bzhin du byed pa gang zhe na sangs rgyas bcom ldan 'das kyis rten cing 'brel te byung ba la gzigs te gsungs pa/ dper na dge slong zhig me'i phung po chen po mthong na/ de 'di skad du bdag ni me'i phung po chen por zhugs te tshig kyang bla'i de bzhin gshegs pas gsungs pa'i mdo sde bcu gnyis dang / dgongs te gsungs pa'i snying po la 'di ni bdud sdig to can gyis bshad pa yin no zhes skur pa mi 'debs so/ / ji tsam du sangs rgyas dang / chos dang / dge 'dun la mi rtag go zhes smra ba de ni bdag kyang bzlas la/ pha rol po gzhan la'ang 'akrus pa yin te/ gal te ral gri rnon pos kye gcad kyang zhwa'i sangs rgyas dang / chos dang / dge 'dun la mi rtag go zhes mi hA'o// gzhan de rkang hA ba la'ang yid mi ches te/ de skad du smra ba de la snying rje'i sems bskyed do// sangs rgyas dang / chos dang / dge 'dun la bsam gyis mi khyab par gzung ste/ bdag gi lus la me'i phung po ltar rtogs pa ni/ bdag tshul bzhin du byed pa zhes bya'o// de la ji ltar na gzhan tshul bzhin du 'chos pa zhe na/ bcom ldan 'das chos ston pa'i tshe/ bud med gcig cig pubu nu zho bsnun pa thogs te/ bcom ldan 'das gang na bar 'ongs nas/ sangs rgyas kyi zhabs la phyag 'tshal te/ sangs rgyas la zhu bar bsams pa yid la byas bzhin du phyogs gcig tu 'dug go/ / de'i tshe bcom ldan 'das kyis mkhyen bzhin du/ bud med la 'di skad ces bka' stsal to// khyod bu sdug par bsams nas mar mang du bstod de zhu 'am ma zhu rtog pa'i phyir 'ongs sam/ de nas bud med des/ bcom ldan 'das la gsol pa/ ngo mtshar che'o// bcom ldan 'das bdag gis yid la bsams pa shin tu mkhyen to/ / bdag gis mar stsal pa mang sam nyung ba/ bcom ldan 'das kyis bstan du gsol/ bcom ldan 'das bdag gis deng bu 'di mar zhig stsal te ma zhu bas tshe'i bar chad du 'gyur gyis dogs na/ de bzhin gshegs pas bdag la bstan du gsol/ de la bcom ldan 'das kyis bka' stsal pa/ khyod bus zos pa'i mar ni de ma thag tu zhu ste/ tshe dang lus kyi mchog tu gyur to// bud med des de skad ces bka' stsal ba thos nas rab tu dga' rangs te/ yang 'di skad ces gsol to/ / bcom ldan 'das kyis yang dag par gsungs pas bdag rab tu dga' bar gyur to// bcom ldan 'das kyis 'di ltar sems can gdul ba'i thad du zhu ba dang / ma gu ba rnam par phye ste gsungs pa dang / gzhan yang chos thams cad bdag med pa dang / mi rtag par gsungs pa shin tu legs so// gal te bcom ldan 'das kyis rtag pa sngar bshad na/ 'dul ba'i 'khor 'di dag 'di skad du/ chos 'di ni mu stegs can dang mthun no zhes mchi ste spong bar 'gyur ro// bcom ldan 'das kyis/ bud med de la bka' stsal pa/ khyod kyi bu de skyes te rgyug nus tsam na kha zas 'ju dka' ba'ang zhu ste/ sngar byin pa'i mar tsam gyis ni chog pa ma yin no// nga'i nyan thos kyi nye gnas kyang khyod kyi bu chung ngu de dang 'dra ste rtag pa'i chos 'di 'ju mi nus so/ / de bas na ngas sngar sdug bsngal ba dang / mi rtag pa la sogs pa bshad pa yin no// nga'i nyan thos kyi nye gnas yon tan dang ldan ba/ theg pa chen po'i mdo la nan tan du spyod pa bzod pa dag la ni ngas mdo sde 'di nyid kyi ro rnam pa drug bstan to// ro rnam pa drug gang zhe na/ sdug bsngal ni sbyar pa'i ro lta bu'o// mi rtag pa ni lan tshwa'i ro lta bu'o// bdag med pa ni kha ba'i ro lta bu'o// bde ba ni dngar ba'i ro lta bu'o// bdag ni tsha ba'i ro lta bu'o// rtag pa ni bsngal ba'i ro lta bu'o// 'jig rten na ro rnam pa gsum ste/ mi rtag pa dang / bdag med pa dang / bde ba med pa ste/ nyon mongs pa ni shing lta bu'o// shes rab ni me lta bu ste/ de'i rgyu dang de'i rkyen gyis mya ngan las 'da' ba'i zas su gyur pa ni rtag pa dang / bde ba dang / bdag dang / yongs su dag pa ste/ nye gnas su gyur pa'i rnams ro de la dgod do// yang bud med de la bka' stsal pa/ khyod don gnyer cing gzhan du 'gro na/ khyod kyi bu ma rungs pa khyim nas phyung la/ rin po che'i gter rnams bu mdzangs pa la gtod cig/ bud med kyis gsol pa/ bcom ldan 'das 'phags pa'i bka' bzhin te/ rin po che'i gter rnams bu mdzangs pa la ston gyi/ bu ngan pa la ni ma lags so// bcom ldan 'das kyis bka' stsal pa/ nga'ang de dang 'dra ste/ yongs su mya ngan las 'da' ba na/ de bzhin gshegs pas dgongs te gsungs pa'i bla na med pa'i chos kyi gter nyan thos kyi nye gnas rnams la mi ston pa'ang / khyod kyis rin po che'i gter bu ngan pa la mi ston pa bzhin no// byang chub sems dpa' rnams la gdams shing gtad ba ni/ ji ltar khyod kyi rin po che'i gter rnams bu mdzangs pa la gtad pa bzhin no// de ci'i phyir zhe na/ nyan thos kyi nye gnas dag ni skye ba dang 'pho ba'i 'du shes dang bcas pas sangs rgyas bcom ldan 'das ni yang dag par mya ngan las 'das so snyam ste/ nga ni yang dag par mya ngan las 'da' ba ma yin no// dper na khyod lam ring por song ba las phyir ma 'khor gyi bar du/ khyod kyi bu ma rungs pas khyod ma shi bar shi zhes zer ba dang 'dra'o// byang chub sems dpa' dag ni de bzhin gshegs pa rtag pa/ mi 'pho ba/ mi 'gyur ba'o zhes zer te/ ji ltar khyod kyi bu mdzangs pa khyod ma shi'o zhes zer ba dang 'dra'o// don de lta bas ngas bla na med pa dgongs te gsungs pa'i chos kyi gter byang chub sems dpa' rnams la gtad do/ / rigs kyi bu sems can gang zhig sangs rgyas rtag pa/ gnas pa/ mi 'pho mi 'gyur par 'dzin na/ gnas de nyid na sangs rgyas bzhugs par rig par bya ste/ de dag ni tshul bzhin du gzhan 'chos pa zhes bya'o// de la ji ltar na dris pa bzhin du lan 'debs pa zhe na/ gal te gang zag gcig gis sangs rgyas bcom ldan 'das la 'di skad du/ bdag gis nor dang zang zing ci rang ma gtang bar sbyin bdag chen po ming du grags par 'gyur zhes smra na/ bcom ldan 'das kyis de la 'di skad ces bka' stsal to/ / dge sbyong dang bram ze la sogs pa 'dod pa nyung zhing chog shes pa/ ma brtags pa'i yo byad mi 'chang mi sogs pa la/ bran pho bran mo dang / las byed pa'i mi byin pa dang / tshangs par spyod pa la bud med byin pa dang / sha chang bcad pa la sha chang byin pa dang / phyi dri phan chad mi za ba la kha zas byin pa dang / 'jo ba'i me tog dang / spos mi thogs pa la me tog dang spos byin pa dag sbyin pa'i ming ni kun tu grags par yang 'gyur la/ nor dang zang zing ni cung zad tsam yang mi nyams te/ 'di dag ni dris pa bzhin du lan btab pa zhes bya'o/ / de nas bcom ldan 'das la/ byang chub sems dpa' 'od srungs kyi sa 'di skad ces gsol to// bcom ldan 'das sha mi 'tshal ba la sha stsal ba mi rigs mod/ de ci'i rmad du zhe na/ bdag ni shA mi 'tshal ba bdag la yon tan chen po dang ldan par mthong ngo // bcom ldan 'das kyis/ 'od srungs la bka' stsal pa/ shin tu legs so// khyod kyis nga yi dgongs pa shes pa shin tu legs so// chos srung ba'i byang chub sems dpal dag ni 'di ltar rig par bya'o// rigs kyi bu dang phan chad nyan thos kyi nye gnas dag sha zar mi gnang ngo / / gal te yon bdag dad pas byin na'ang / de la bu sha lta ngur 'du shes bskyed de// byang chub sems dpa' 'od srungs kyis gsol pa/ bcom ldan 'das ci'i slad du/ de bzhin gshegs pas sha 'tshal du mi gnang / bka' stsal pa/ rigs kyi bu sha za ba ni snying rje chen po'i rigs gcod pa yin no/ / 'od srungs kyis gsol pa/ sngon bcom ldan 'das kyis sha brtags pa rnam pa gsum sha 'tshal du gnang ba ma lags sapa/ bka' stsal pa/ 'od srungs sha brtags rnam pa gsum zar gnang ba ni bags kyis gcad pa'i thabs su gsungs so/ / byang chub sems dpa' 'od srungs kyis gsol pa/ ci'i slad du ma brtags pa rnam pa bcu dang / brtags pa rnam pa dgu'i bar du 'tshal du mi gnang / bcom ldan 'das kyis/ 'od srungs la bkal stsal pa/ de 'ang 'gas kyis bcad pa'i don du gsungs mdor na sha gcad pa'i don du bstan pa yin no/ / byang chub sems dpa' 'od srungs kyis gsol pa/ bcom ldan 'das ci'i slang du/ de bzhin gshegs pas nya'i sha la bsod pa'i zas so zhes gsungs/ bka' stsal pa/ rigs kyi bu ngas ni nya sha la sogs pa la bsod pa'i zas so zhes ma gsungs kyi/ bu ram gyi shing dang / 'bras dang / kha ra dang / khre dang / nas la sogs pa dang / ha se dang / 'o ma dang / zho dang / mar dang / 'bru mar la sogs pa la bsod pa'i zas so zhes gsungs te/ gos rnam pab mang po'ang 'chang du gnang bar ngas gsungs mod kyi/ 'chang du gnang ba de'ang kha dog bsgyur ba la bya na/ nya'i sha la chags pa lta smos kyang ci dgos/ 'od srungs kyis gsol pa/ de bzhin gshegs pas sha 'tshal du mi gnang na/ ro rnam pa lnga po 'o ma dang / zho dang / dar ba dang / mar kar dang / zhun mar dang / til mar la sogs pa dang / gos ke'u sha ya dang / do shal dang / ko lAm dang / gser dngul gyi snod la sogs pa'ang 'chang du mi gnang ba'i rigs so// bka' stsal pa/ rigs kyi bu gcer bu pas lta ba dang mthun pa ma yin gyi/ de bzhin gshegs pas tshul khrims bcas pa'i rnams ni so sor dgongs te gsungs pa yin pas/ dgongs pa tha dad pa'i phyir/ sha brtags pa'i rnam pa gsum zar gnang ba yin no/ / 'du shes tha dad pa'i phyir sha rnam pa bcu bcad pa yin no// 'du shes tha dad pas rang shi ba la sogs pa sha thams cad zar mi gnang ba yin no// 'od srungs ngas ni deng phan chad nye gnas su gyur pa rnams kyis sha thams cad zar mi rung ngo zhes gsungs so// 'od srungs sha za' dag ni 'gro 'am/ sdod dam/ 'dug gam/ 1la kyang sems can gang la dris phog pa thams cad 'jigs smug go/ / 'di lta ste/ dper na mi zhig seng ge'i dri tho bapa des thams cad 'jigs shing sAb go/ rigs kyi bu dper na mi zhig sgog pa zos na mnam pas thams cad kyis mi 'dod de 'byol na/ de la nye bar bsnyen pa lta ci smos/ sha za ba rnams kyang de dang 'dra ste/ sems can rnams la sha'i dris phog na skrag ste shi bas 'jigs pa'i 'du shes 'byung ngo / / tshu la gnas pa dang / thang la gnas pa dang / nam mkha' la 'gro ba'i srog chags thams cad 'byol zhing bros te/ 'di ni bdag cag gi dgra yin no zhes zer ro// de bas na byang chub sems dpa' dag sha za bar mi rtsol lo// sems can sgrol ba'i phyir sha za ba ston te/ za ba ltar byed kyang yang dag par na mi za'o/ / rigs kyi bu 'di ltar byang chub sems dpa' ni yongs su dag pa'i zas kyang mi za na/ sha za ba lta smos kyang ci dgos/ rigs kyi bu nga yongs su mya ngan las 'das nas/ lo tshad med pa brgyan 'phags pa'i lam bzhis byung ba 'a'ags pa kun kyang mya ngan las 'das nas dam pa'i chos ni nub/ gzugs brnyan la chos su byed pa na/ dge slong dag 'dul ba 'dzin pa dang 'dra bar 'chos shing mdo sde klog pa dang 'don pa ni nyung gi/ lus gso ba'i phyir kha zas la ni chags/ lus la ni gos ngan pa rtsub po gyon la mdog kyang nag por gyur/ gzi brjid kyang med la/ ba lang dang lug kyang 'tsho// shing dang rtswa 'ang khur du khyer te/ skra dang sen mo ni ring du bskyed pa dag kyang 'byung ste/ ngur smrig gyon mod kyi/ rngon pa dang 'dra ste/ mig phab la gom pa dal yang byi la byi ba la 'jab pa dang mtshungs te/ bdag ni dgra bcom pa yin no zhes rtag tu brjod kyang nad dang / sdug bsngal dang / nyid dang / mi gtsang bas gzir te/ phyi rol gyi tshul 'chos kyang nang gi sems ni phrag dog dang 'dod pas zil gyis non pas/ chos log pa can gyi bram ze la sogs pa dang mtshungs so/ / dge sbyong ma yin par dge sbyong gi gzugs su ston cing ngan par lta ba bskyed nas/ yang dag pa'i chos la'ang skur pa 'debs so// / gang zag de dag gis de bzhin gshegs pas bcas pa'i tshul khrims dang / 'dul ba dang / spyod lam dang / rnam par grol ba'i 'bras bu bstan pa dang / ma brtags pa'i chos spang ba bstan pa'ang ma rungs par byas/ dgongs te gsungs pa shin tu zab mo'ang ma rungs par byas nas/ so so 'i ring bzos mdo sde dang 'dul ba bshad de/ 'di skad du de bzhin gshegs pas bdag cag sha za bar gnang ngo zhes zer te/ yi ger bris nas sangs rgyas kyis gsungs so zhes phan tshun du rtsod cing / so so nas bdag ni dge sbyong shAkya'i sras so zhes sgrogs so/ / rigs kyi bu de'i tshe na gzhan yang dge sbyong dag 'bru mang du bsogs shing nya'i sha la lag dar te spyod do// mar gyi snod dang / rin po che'i gdugs dang / ko lham dag 'chang zhing / rgyal po dang / blon po dang / khyim bdag la brten nas/ mtshan blta ba dang / skar ma blta ba dang / mo dang sman dpyad dag slob cing / bran po dang / bran mo dang / gser dang / dngul dang / mu sa la gal ba dang / spug dang / shel dang / mu tig dang / byi ru dang / sUr long dang / shel gyi snam bu dang / do shal la sogs pa dang / shing thog rnam pa sna tshogs la spyod de/ gzhan yang stsal dang / ri mo dang / 'ji ba las spyod pa dang yi ge slob pa'i slob dpon dang / zhing rmo ba dang / zhing brda ba dang / byad stems dang / sngags dang / sman sbyor ba dang / klu gar dang / rol mo dang / spos dang me tog gis 'jo ba dang / ug shud dang / mig mangs dang / bzo rnam pa sna tshogs slob cing byed pa dag 'byung ngo // dge slong gang zhig mi dge ba'i dngos po de dag spangs gang zag de ni nga'i nye gnas yang dag pa yin par rig par bya'o/ / de nas 'od srungs kyis/ yang bcom ldan 'das la 'di skad ces gsol to// bcom ldan 'das dge slong dang / dge slong ba dang / dge bsnyen ma yon bdag la bltos te/ 'tsho ba dag bsod snyoms byed pa'i tshe/ sha dang 'dres pa'i zas shig stsal na/ ji ltar 'tshal bar bgyi/ cis rtogs par 'gyur/ bcom ldan 'das kyis/ 'od srungs la bka' stsal pa/ sha dang zas so sor phye la chus bkrus te bza' bar bya'o// gal te lhung bzed sha dang 'bags kyang bro ba'i ro med na spyod kyang nyes med do// gal te bsod nams kyi nang na sha mang du 'ongs na'ang blang bar mi bya'o// gal te zas kyi nang na sha snang na ma za zhig/ zos na nyes pa dang bcas pa ste/ ngas sha zar mi gnang ba bcas pa 'di rgyas par bstan na zad pa'i mtha' med de/ mya ngan las 'da' ba'i dus la bab pas phyogs tsam zhig bshad do/ / 'di dag ni dris pa'i lan btab pa zhes bya'o// 'od srungs de la ji ltar na rten cing 'brel te byung ba'i don la mkhas pa zhe na/ 'di lta ste/ 'khor rnam bzhi nga'i drung du lhags te/ bcom ldan 'das don 'di dag de bzhin gshegs pa thog ma mngon par byang chub nas/ rgyal po rab tu sde 'bam byed la chos kyi gzhung shin tu zab mo 'di ci'i slad du ma gsungs/ bar bar ni shin tu zab par yang gsungs/ bar bar ni mi zab par yang gsungs/ bar bar ni nyams pa zhes kyang bgyi/ bar bar ni mnyams pa zhes kyang bgyin/ de la ji ltar na ltung ba zhes bgyi/ 'dul ba ni gang / so sor bar pa zhes bgyi ba ni gang lags/ bcom ldan 'das kyis bka' stsal pa/ so sor thar pa zhes bya ba ni chog shes pa/ spyod lam dang ldan pa/ ci'ang mi sogs pa/ 'tshe ba yongs su dag pa'o/ / ltung ba ni rgyud bzhir ltung ba'o// gzhan yang ltung ba ni sems can dmyal ba dang / mtshams med pa'i bar du ltung ba ste/ mgyogs bul ni char pa drag po'i gtol med do/ / de thos pa tsam gyis kyang 'jigs skrag ste/ tshul khrims srung ba dang / spyod lam sdom pa dang / chog shes pa la nan tan byed pa dang / ma brtags pa'i zang zing thams cad mi len par 'gyur ro/ / gzhan yang ltung ba zhes bya ba ni sems can dmyal ba dang / byol song dang / yi dgas kyi khams bskyed pa ste/ don de lta bus na ltung ba zhes bya'o// gzhan yang so sor thar pa zhes bya ba lus dang / ngag dang / yad kyi mi dge ba'i las ngan pa yongs su spong ba'o// 'dul ba zhes bya ba ni tshul khrims dang / mdo sde'i don shin tu zab mo la 'jug cing / ma brtags pa'i zang zing thams cad dang / ma brtags pa'i rgyu dang rkyen len du mi gnang ba'o// gzhan yang phas pham pa bzhi dang / dge 'dun gyi lhag ma bcu gsum dang / ma nges pa'i chos gnyis dang / spang ba ltung ba'i chos sum cu dang / ltung ba dgu bcu rtsa gcig dang so sor bshags pa'i chos bzhi dang / bslab pa mang po dang / bdun shin tu zhi ba la sogs pa nyams su mi gnang ba'o// gang zag la la ni tshul khrims thams cad nyams pa'ang yod do/ / thams cad ces bya ba ni phas pham pa bzhi nas bdun shin tu zhi ba'i bar la bya'o// gang zag la la ni yang dag pa'i chos shin tu zab mo la skur te log sred du gyur nas mtshan nyid thams cad dang / rgyu dang rkyen med par rdzogs par 'dzin te/ gang zag de dag bdag ni dbang po rno zhing shes rab dang ldan pa'o zhes khas 'che ste/ kha na mtho balci ba dang yang ba thams cad 'chab cing sba ba ni/ ji ltar rus sbal yan lag drug sbed pa bzhin no// de ltar kha na ma tho ba rnams yun ring po nas mi 'gyod de/ de ltar mi 'gyod pas nyin mtshan du skye zhing 'phel bar 'gyur ro/ / dge slong de dag nyes pa byung ba'i rnams nam du'ang mi 'gyod de bas na nyes pas kun tu grags nas de'i phyir de bzhin gshegs pas dngos po de dag mkhyen te/ bags kyis bcas kyi/ cig car ni ma yin no// de'i tshe na rigs kyi bu'am/ rigs kyi bu mo dag gis/ bcom ldan 'das la 'di skang ces gsol to/ / de bzhin gshegs pas de ltar mkhyen bzhin ci'i slad du sngar ma bcas/ bcom ldan 'das kyis sems can dag mtshams med pa'i sems can dmyal bar btang ba ma lags sam/ dper na mi mang po yul gzhan du 'gro ba las/ 'brog slad nas lam dang bral te/ lam ma yin par zhugs kyang mi de de dag 'brog smad par mi 'tshal te/ lam mo snyam nas gzhan la lam ma yin nam ma yin pa dri ba'i gnas kyang med do// de bzhin du sems can dag sangs rgyas kyi chos kyis smad pa de/ yang dag pa gang lags pa mi mthong na// de bzhin gshegs pas sngar yang dag pa'i lam bstan te/ dge slong dag 'di ni tshul khrims nyams pa'o// 'di ni tshul khrims srung ba'o zhes bka' stsal te/ tshul khrims bcal ba'i rigs na/ ci'i slad du de bzhin gshegs pa yang dag par rdzogs pa/ yang dag pa'i lam mkhyen cing gzigs pa/ lha'i nang na lha lta bu/ dge ba bcu'i yon tan dang don ston pa la shin tu mkhas pa/ ci'i slad du tshul khrims 'di sngar ma bcas/ bcom ldan 'das kyis bka' stsal pa/ rigs kyi bu de bzhin gshegs pas sems can la dge ba bcu'i yon tan ston pa'ang bden te/ de bzhin gshegs pa ni sems can thams cad la sras sgra gcan 'dzin dang 'dra bar gzigs na/ ci'i phyir khyod kyis 'di skad du/ bcom ldan 'das kyis sems can dag dmyal bar btang ba ma yin nam zhes smra/ ngas gang zag 'ga' zhig mtshams med pa'i sems can dmyal bar ltung ba'i rgyu dang ldan par gzigs na'ang / gang zag de'i phyir bskal pa gcig gam/ bskal pa gcig 'grib kyi bar du'ang 'jig rten na bzhugs so/ / da ni sems can thams cad la thugs rje chen po dang ldan pa yin na/ ci'i phyir sras lta bur 'du shes pa dag sems can dmyal bar gtong rigs kyi bu 'di lta bu ste/ dper na rgyal po'i khams 'di na tshem bu gyon pa dag gos la bug rdol yod na/ gdod lhan pas glon no// de bzhin gshegs pa'ang de dang 'dra ste/ sems can gang mtshams med pa'i sems can dmyal bar ltung bar gyur pa'i rgyu'am rkyen cig gzigs na/ dge ba'i tshul khrims kyis de srung bar byed do// rigs kyi bu 'di lta ste/ dper na 'khor los sgyur ba'i rgyal po'ang sngar sems can la dge ba bcu'i chos kyis 'dul lo// phyis mi dge ba'i spyod pa yod na/ de la ci rigs kyis bags kyis chad pas gcod do/ / nyes pa'i chad pas bcad nas/ gdod 'phrul gyi rgyal po'i chos spyod do// rigs kyi bu nga'ang de dang 'dra ste/ bstan pa yod kyang sngar ma bcas pa ni dge slong dag chos ma yin pa spyod du byed na/ gdod ci rigs su bags kyis bcas pas na/ gang chos la mos pa'i skye bo dag ni ston pa'i rjes su spyod par 'gyur ro// bas na 'khor de dag gis de bzhin gshegs pa'i chos kyi sku mthong bar gyur to// 'di lta ste/ 'khor los sgyur ba'i rgyal po'i 'khor lo rin po che ni bsam gyis mi khya po// de bzhin gshegs pa'ang de bzhin du bsam gyis mi khyab ste/ chos dang dge 'dun yang bsam gyis mi khyab la/ chos ston pa dang / chos mnyan pa'ang bsam gyis mi khyab pa/ 'di ni rten cing 'brel te 'byung ba la mkhas pa zhes bya'o// byang chub sems dpas de ltar mtshan nyid rnam pa 'di bzhi'i don rnam par 'byed pa la mkhas pa ni/ theg pa chen po yongs su mya ngan las 'das pa'i nang na rten cing 'brel te byung ba'i don la mkhas pa zhes bya'o// de la gzhan yang bdag tshul bzhin du byed pa zhes bya ba ni yongs su mya ngan las 'das pa chen po thob pa'o/ / gzhan tshul bzhin du 'chos pa ni ngas dge slong dag la de bzhin gshegs pa ni rtag pa mi 'pho ba'o zhes bstan pa'o/ / dris pa'i lan btab pa ni 'od srungs khyod kyis dris pa'i phyir/ byang chub sems dpa' sems dpa' chen po dang / dge slong dang / dge slong ma dang / dge bsnyen dang / dge bsnyen ma la shin tu zab mo'i don rgyas par bstan pa'o// rten cing 'brel te byung ba'i don ni/ nyan thos dang rang sangs rgyas dag shin tu zab mo'i don 'di lta bu mi shes shing / yi ge'i 'bru i lta bu'i thig le gsum gyis smra ba dang / rnam par grol ba mya ngan las 'da' ba'i shes rab chen por dgongs te gsungs pa'i snying po ma thos pa'i rnams/ ngas deng 'dir nyan thos pa dag la rnam par phye ste bstan pas shwe rab kyi mig bskyed do// gal te gang zag la la zhig 'di skad du/ dngos po rnam pa bzhi po 'di gcig go zhes smra na/ brdzun du ma gyur tam zhes zer na/ de la 'di skad du ram mkha' ni ci'ang med pa ste/ mi g.yo mi 'khrugs pa yin na/ dngos po bzhi po de la tha dad pa ci yod na/ de la brdzun zhes byar rung ngam/ gsol ba/ ma lags so// bcom ldan 'das tshig mang po de dag ni don gcig go// 'di lta ste/ stong pa nyid kyi don to// bdag dang bzhan tshul bzhin du byed pa dang / dris pa'i lan 'debs pa dang / rten cing 'brel te byung ba'i don yang de dang 'dra ste/ mya ngan las 'das pa chen po dang mnyam par ba mi dad do// bcom ldan 'das kyis/ 'od srungs la bka' stsal ba/ rigs kyi bri 'am/ rigs kyi bu mo gang zhig 'di skad du/ de bzhin gshegs pa ni mi rtag go// ji lta bur mi rtag cen/ bcom ldan 'das kyis gsungs pa ltar/ nyon mongs pa thams cad bkags pas mya ngan las 'da' ba zhes bya ste/ dper na me shin ci'ang med pa bzhin du nyon mongs pa thams cad bgag pa'ang de dang 'dra ste/ de la mya ngan las 'das pa zhes bya ste/ de la ci'i phyir de bzhin gshegs pa rtag tu gnas pa'i chos can mi 'gyur mi 'pho pa zhes smra 'am/ yang bcom ldan 'das kyis gsungs pa ltar/ brid pa dang bral bas mya ngan las 'das pa zhes bya ste/ mya ngan las 'das pa de la ni srid pa gang yang med na/ de la ji ltar na de bzhin gshegs pa ni rtag tu gnas pa'i chos can mi 'gyur mi 'pho ba zhes bya/ dper na gos zad de zhig na/ dngos po ci'ang med pa bzhin du mya ngan las 'das pa'ang de dang 'dra ste/ nyon mongs pa thams cad bgags pas dngos po zhes bya ba ci'ang med na/ de la ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba zhes smra'am/ yang bcom ldan 'das kyis gsungs pa ltar na 'dod pa dang bral te/ rab tu zhi ba ni mya ngar las 'das pa zhes bya ste/ dper na mi zhig mgo gcad na/ mgo bo med pa zhes bya ba dang 'dra bar 'dod pa dang bral ba rab tu zhi ba'ang de dang 'dra ste/ stong pa ci'ang med pas mya ngan las 'das pa zhes bya na de la yang ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba zhes smra'am/ gzhan yang bcom ldan 'das kyis tshigs su bcad nas 'di skad ces bka' stsal to/ / dper na rab tu tsha ba'i lcags// tho bas brdungs na tsha ba 'byung // gyes nas de ma thag tu med// de yi gnas kyang shes mi nus// yang dag rnam par grol ba yang / / mtshan nyid de dang 'dra ba ste// 'dod pa thams cad yongs spangs nas// srid pa'i 'dam las rab rgal te// mi g.yo ba yi gnas thob na// byin pa'i gnas ni shes mi nus// zhes de skad bka' stsal pa de la yang / ci'i phyir de bzhin gshegs pa ni rtag tu gnas pa'i chos can mi 'gyur mi 'pho ba'i chos can zhes smra na/ 'od srungs de skad du smra ba'i gang zag de ni log par smra ba yin no// 'od srungs khyod kyang de bzhin gshegs pa nyid la 'gog pa dang zad pa'i 'du shes ma skyed cig/ 'od srungs nyon mongs pa bgags pa ni dngos po zhes mi gdags so// de ci'i phyir zhe na/ mthar phyin pa'i phyir rtag pa zhes bya'o// tshig 'di ni rab tu zhi ba ste bla na med pa'o// mtshan ma thams cad lhag ma ma lus par zad pa'o// tshig 'di ni rnam par dkar ba/ rtag pa/ gnas pa/ phyir mi ldog pa ste/ de'i phyir na mya ngan las 'das pa la rtag pa gnas pa zhes bya'o/ / de bzhin gshegs pa'ang de dang 'dra ste/ rtag pa gnas pa mi 'gyur ba'o// mi rtag ces bya ba ni nyon mongs pa'o// so sor gyes nas med par gyur te gnas kyang mi rnyed do zhes bya ba ni/ de bzhin gshegs pas nyon mongs pa thams cad bgags nas rgyu ldan mi gnas pa'o// de bas na de bzhin gshegs pa ni rtag pa gnas pa'i chos can mi 'gyur mi 'pho ba'o/ / gzhan yang 'od srungs sangs rgyas rnams kyis ston pa ni chos so// de bas na de bzhin gshegs pa'ang bkur sti dang mchod pa mdzad do/ / chos rtag pa'i phyir sangs rgyas rnams kyang rtag go// de nas yang bcom ldan 'das la/ byang chub sems dpa' 'od srungs kyis 'di skad ces gsol to/ / gal te nyon mongs pa'i me bgags pas/ de bzhin gshegs pa'ang bag gas na/ de bzhin gshegs pa ni rtag tu gnas pa ma lags te/ dper na lcags bsregs pa kha dog dmar po zhi ste mi rnyed pa bzhin du de bzhin gshegs pa'i nyon mongs pa'ang de dang 'dra ste/ zhi ba'i gnas kyang mi rnyed do/ / gzhan yang dper na lcags de la tsha ba dang dmar bzhi nas ma mchis par 'gyur ba bzhin du/ de bzhin gshegs pa de'ang de dang 'dra ste/ zhi nas rtag pa med pas nyon mongs pa'i me bgags nas/ yongs su mya ngan las 'das par zhugs pas de bzhin gshegs pa ni mi rtag pa'o// bka' stsal pa/ rigs kyi bu lcags shes bya ba ni bus pa ma rabs la bya ste/ bus pa ma rabs ni nyon mongs pa bgags kyang bgags ma thag tu phyir skye bas mi rtag pa zhes bya'o// de bzhin gshegs pa de lta ma yin te/ bgags nas phyir mi skye ba'i phyir rtag pa zhes bya'o// 'od srungs kyis gsol pa/ dper na lcags ni kha dog dmar po zhi ba'i 'og tu phyir mer stsal na mar yang kha dog dmar por 'gyur ro/ / de bzhin gshegs pa'ang de dang 'dra na lta nyon mongs pa slar yang skye ste/ nyon mongs pa slar yang skye bas na mi rtag pa lags so// bcom ldan 'das kyis/ 'od srungs la bka' stsal pa/ khyod 'di skad du de bzhin gshegs pa la mi rtag go zhes ma zer cig/ de ci'i phyir zhe na/ de bzhin gshegs pa ni rtag pa'o/ / rigs kyi bu dper na shing tshig kyang thal ba yod do// nyon mongs pa 'gags na mya ngan las 'das pa yod do// gos zhig pa 'am mgo bcad pa 'am/ snod chag pa la sogs pa'i dpe dang 'dra ste/ dngos po de dag kyang so so na gos zhig pa dang / mgo bcad pa dang / snod chag pa zhes bya ba'i ming yod pa dang 'dra'o/ / 'od sbyangs lcags cha bzangs kyang phyis tsha bar 'gyur gyis/ de bzhin gshegs pa ni de lta ma yin te/ nyon mongs pa brgyad nas thar yongs su bsal bas/ nyon mongs pa'i ma byis mi skye'o// 'od srungs sems can tshad med pa rnams ni lcags de dang 'dra ste/ ngas zag pa med pa 'i shes rab kyi mes sems can de dag gi kun nas nyon mongs pa bsregs par rig par bya'o/ / yang 'od srungs kyis gsol pa/ shin tu legs so// shin tu legs so// bdag gis ni deng de bzhin gshegs pa rtag pa legs par legs par thos so/ / bcom ldan 'das kyis/ 'od srungs la bkal stsal/ 'di lta ste/ dper na 'khor los sgyur ba'i rgyal po 'chag pa'i phyir pho brang gi phyi rar song ste/ slas mang po'i 'khor na med kyang / 'khor los sgyur ba'i rgyal po de shi'o zhes byar mi rung ngo // rigs kyi bu de bzhin gshegs pa'ang de dang 'dra ste/ 'dzam bu gling gi khams 'di na mi snang ste/ mya ngan las 'da' bar zhugs kyang mi rtag go zhes mi bya'o// de bzhin gshegs pa ni nyon mongs pa tshad me pa las byung ste/ mya ngan las 'das par zhugs nas rab tu bde ba'i gnas byang chub kyi yan lag gi me tog la rgyu zhing rab tu bde bas 'tsho'o// yang 'od srungs kyis gsol pa/ bcom ldan 'das kyis gsungs pa ltar na/ nga ni yun ring po nas nyon mongs pa'i rgya mtsho las brgal to zhes gsungs na/ gal te bcom ldan 'das nyon mongs pa'i rgya mtsho las brgal lags na/ ci'i slad du grags 'dzin las sras sgra gcan 'dzin lta bu bltams par gyur/ de bas na de bzhin gshegs pa ni nyon mongs pa dang kun nas nyon mongs pa'i rgya mtsho las ma grol ba 'dra na/ bcom ldan 'das de'i rgyu dang de'i rkyen bdag la bshad du gsol/ bcom ldan 'das kyis/ 'od srungs la bka' stsal pa/ khyod de bzhin gshegs pa la yun ring po nas nyon mongs pa'i rgya mtsho las brgal na/ ci'i phyir grags 'dzin las sras sgra gcan 'dzin bltams par gyur/ de bas na de bzhin gshegs pa ni nyon mongs pa dang / kun nas nyon mongs pa'i rgya mtsho chen po las ma rgal ba 'dra'o zhes de skad ma smra zhig/ rigs kyi bu yongs su mya ngan las 'das pa chen po ni don chen po rnam par gzhag pa yin gyis/ khyed rnams shin tu brtag par nyon te gzhan la'ang rgya cher ston la/ the tshom dang 'jigs pa ma skyed cig/ byang chub sems dpa' sems dpa' chen po gang zhig mya ngan las 'das pa chen po la gnas na/ ri rab ri'i rgyal po ltar mtho zhing che ba/ yungs kar gyi 'brum bu gcig gi nang du bcug kyang ri rab spyan bo la gnas pa'i sems can de dag gcig la gcig dog pa 'am/ phan chung du bskyod par mi shes so// gang 'dul ba'i rigs pa de dag ni byang chub sems dpas ri rab lhun po de yungs kar gyi nang du bcug la phyir gnas su gzhag par yang mthong ngo / / rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas na/ stong gsum gyi stong chen po'i 'jig rten gyi khams 'di yungs kar gcig gi nang du bcug kyang / de na gnas pa'i sems can dag gcig la gcig dog pa 'am/ gnas nas phan tshun du bskyod par mi shes so// gang 'dul ba'i rig pa 'ba' zhig gis ni/ byang chub sems dpas stong gsum gyi stong chen bopo'o 'jig rten gyi khams 'di yungs kar gyi nang du bcug pa dang phyir gzhag par yang shes so/ / rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas pa ni/ stong gsum gyi stong chen po'i 'jig rten gyi khams 'di ba spu'i bu ga gcig tu bcug pa nas/ phyir gnas su gzhag pa'i bar du rgyas par ro// rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas pa ni/ stong gsum gyi stong chen po'i 'jig rten gyi khams 'di blangs te khab kyi rtse la gzhag kam/ sangs rgyas kyi zhing gzhan du 'phangs kyang / de na gnas pa'i sems can thams cad gang nas 'ongs pa dang / gang du song ba mi shes so// gang 'dul ba'i rigs pa 'ba' zhig gis ni mthong ba nas/ phyir gnas su gzhag pa'i bar du shes so// rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas pa ni/ phyogs bcu'i stong gsum gyi stong chen po'i 'jig rten gyi khams kun lag pa g.yas pas blangs nas/ rdza mkhan gyi 'khor lo ltar bskor te/ 'jig rten gyi khams rdul phra rab snyed kyi pha rol tu 'phangs kyang / sems can de dag la gcig tsam yang song ba 'am/ 'ongs par yang mi tshor te/ gang 'dul ba'i rigs pa 'ba' zhig gis ni mthong ba nas/ phyir gnas su 'ongs pa'i bar du shes so// rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas pa ni/ phyogs gcu'i sangs rgyas kyi zhing tshad med pa thams cad dag gi khong par bcug kyang / de na gnas pa'i sems can dag gcig la gcig gzer cing dog pa 'am/ song ba 'am/ 'ongs pa 'am/ gnas par mi shes te/ gang 'dul ba'i rigs pa 'ba' zhig gis ni mthong ba nas/ phyir gnas su 'ongs pa'i bar du shes so/ / rigs kyi bu gzhan yang byang chub sems dpa' sems dpa' chen po mya ngan las 'das pa chen po la gnas pa ni/ phyogs bcu'i 'jig rten gyi khams rdul phra mo gcig gi nang du bcug kyang / de na gnas pa'i sems can gcig la gcig gzer cing dog pa 'am/ song ba dang 'ongs pa mi shes te/ gang 'dul ba'i rigs pa 'ba' zhig gis ni mthong ba nas/ gnas su phyin pa'i bar du shes so// rigs kyi bu de ltar byang chub sems dpa' sems dpa' chen po mya ngan las 'das pa chen po la gnas pas de lta bu'i mngon par shes pa'i cho 'phrul tshad med pa snyed ston te/ de bas na mya ngan las 'das pa chen po zhes bya'o// de ltar byang chub sems dpa' sems dpa' chen pos mngon par shes pa'i cho 'phrul tshad med pa bstan pa de la ni// sems can thams cad kyis dpag pa 'am// rig par mi nus na/ khyod kyis de bzhin gshegs 'dod chags kyi phyogs la nye bas sras sgra gcan 'dzin bltams par shes par ga la rung // rigs kyi bu ring po nas mya ngan las 'das ba chen po 'di la gnas nas/ mngon par shes pa'i cho 'phrul rnam pa sna tshogs ston te/ stong gsum gyi stong chen po'i 'jig rten gyi khams na/ nyi zla phrag brgya dang 'dzam bu gling phrag brgya la rnam pa sna tshogs su ston pa ni/ dpa' bar 'gro ba'i ting nge 'dzin gyi mdo las rgyas par bstan pa bzhin no// ngas stong gsum gyi stong chen po 'jig rten gyi khams 'dzam bu gling 'dir yongs su mya ngan las 'da' bar bstan kyang / mthar yongs su mya ngan las 'das pa ma yin no// 'dzam bu zing 'dir yum lhums su bstam pa bstan pa'ang yab dang yum nga la sras su 'du shes gzhag par bya ba'i phyir yin gyi/ nga'i sku ni mthar 'dod chags 'dus pa las skyes pa ma yin no// nga nibaskal pa yun ring po tshad med pa'i bar du 'dod pa yongs su spangs pas/ nga'i sku 'di ni chos kyi sku ste/ 'jig rten pa'i rjes su mngal du zhugs pa bstan pa yin no// rigs kyi bu 'dzam bu gling 'dir lum bi'i tshal du yum lha mdzes kyi lhums nas bltams te/ bltams ma thag tu shar phyogs su gom pa bdun bor nas/ 'di skad du nga ni lha dang mi dang / lha ma yin du bcas pa'i nang na mchog tu gyur/ bul du gyur/ gtso bor gyur to zhes smras te/ yab dang / yum dang / 'jig rten du bcas pa'i lha dang mis mthong ba thams cad dga' nas ngo mtshar rmad kyi sems skyes so/ / mi thams cad kyis ni nga la bus pa chung ngur 'dzin te/ nga'i sku 'di ni bskal pa tshad med pa nas nyon mongs pa'i chos de lta bu dang bral lo/ / de bzhin gshegs pa'i sku ni chos kyi sku ste/ sha dang / khrag dang / rgyus pa dang / rtsa dang / rus pa dang / rkang las bsgrubs pa'i lus ma yin mod kyis/ 'jig rten pa'i rjes su bus pa chung ngu'i lus bstan to// lho phyogs su gom pa bdun bor nas/ sems can tshad med pa la bla na med pa'i bsod nams kyi zhing mngon par bstan to/ / nub phyogs su gom pa bdun bor ba ni skye ba zad pa dang / rga ba dang 'chi ba med pa'i sku tha ma bstan pa'i phyir ro// byang phyogs su kogo ma pa bdun bor ba ni srid pa'i 'khor ba thams cad las grol bar bstan to/ / shar phyogs su gom pa bdun bor ba ni sems can gyi ston pa yin par mngon par bstan pa yin no// phyogs mtshams bzhir gom pa bdun bdun bor ba ni nyon mongs pa rnam pa sna tshogs dang / bdud rnam bzhi yongs su bcom ste/ de bzhin gshegs pa yang dag par rdzogs par mngon par sangs rgyas pa bstan pa'o/ / bla ma phyogs su gom pa bdun bor ba ni gang mi gtsang ba'i dngos po thams cad kyis mi gos te/ nam mkha' lta bur gyur pa bstan pa'o// 'og ma'i phyogs su gom pa bdun bor ba ni chos kyi char gyis sems can dmyal ba'i me gsad de/ sems can de dag rab tu bde ba myong ba dang / tshul khrims ngan pa can la mo dang ser ba lta bur bstan pa'o/ / 'jam bu thing du skyes nas zhag bdun lon pa dang sra breg pa bstan te/ mi thams cad kyis ning la brus par 'dzin to// thog sa 'dreg pa na 'jig rten du bcas pa lha dang / mi dang / bdud dang / tshangs pa dang / bram ze la sogs pa gang gis kyang / nga'i spyi gtsug gi mtshan yang mthong bar mi nus na/ gri thogs te dra'i sgra 'dreg pa lta ci smos/ gri thogs te nga'i spyi gtsug 'dreg pa ni gnas med do// nga yun ring po nas bskal pa tshad med pa'i bar du sgra dang kha spu bregs te/ da yang 'jig rten pa'i rjes su sgra breg pa bstan pa yin no// nga thog ma bltams nas yab dang yum gyis nga lha la bstan pa'i phyir/ lha'i rten gyi nang du khrid nas lha dbang sgyur chen po la bstan pa na/ lha dbang sgyur chen pos pa mthong ba'i tshe thal mo sbyar te/ bsti stang dang bcas pas phyog sa gcig tu 'greng ngo // nga ni yun ri bo nas bka/ li ba tshad med pa'i bar du rgya'i rten gyi nang du'i'apho ba spangs mod kyi/ 'jig rten pa mi rjes su mthun par bya ba'i phyir de'ang bstan to// nga ni langam bu thong dun pa zhug pa'ang bstar te/ sems can thams cad kyis yang dag par ngayin pa 'bug nus pa med de/ 'jig rten pa'i rjes su mthun par bya ba'i phyir de'ang mngon pa brgyan to// rin po che las rna cha seng ge can byas te/ nga'i rna ba la btags mod kyi/ nga ni bskal pa chen med pa'i bar du brgyan pa'i rgyun yongs su spangs te/ 'jig rten pa'i rjes su mthun par bya ba'i phyir de'ang ston to// yi ge'i grwar yig rtsis kyang bslabs te/ nga ni bskal pa tshad med pa'i bar du phun sum tshogs pa dang ldan pas khams gsum du brtags na/ sems can gang yang ba'i slob dpon du 'gyur pa med mod kyi/ 'jig rten pa'i rjes su mthun par bya ba'i phyir bslab pa'i grwar zhugs pa'ang bstan to/ / de bas na de bzhin gshegs pa yang dag par rdzogs pa'i sangs rgyas zhes bya'o// glang po che'i rgya bslab pa dang / rta 'dul ba dang / stobs rgol ba dang / nyam rtsal rnam pa sna tshogs sbyang ba'i bar du bstan to// 'dzam bu'i gling du rgyal tshab kyang bstan te/ sems can dag pa la rgyal tshab tu gzung nas 'dod pa lnga la rab tu longs spyod par yang mthong ngo / / nga ni bskal pa tshad med pa'i bar du 'dod pa lnga'i bde ba yongs su spangs mod kyi/ 'jig rten pa'i rjes su de'ang bstan to// mtshan mkhan gyis nga'i mtshan bltas pa na/ gal te rab tu ma byung na 'khor los sgyur ba'i rgyal por 'gyur te/ 'dzam bu gling la dbang sgyur ro zhes sems can thams cad yid ches so// nga ni bskal pa tshad med pa'i bar du 'khor los sgyur ba'i rgyal po'i thabs btang ste/ chos kyi 'khor los sgyur ba'i rgyal por zhugs so// 'jam bu ming na bud med mang po dang 'dod pa lnga spangs te/ rga ba dang / na ba dang / 'chi ba dang / dge sbyong mthong nas rab tu byung ba bstan pas/ sems can thams cad kyis rgyal tshab bzang sbyin gdod rab tu byung ngo zhes zer ro/ / nga ni bskal pa tshad med pa'i bar du rab tu byung ste lam bsgoms kyang 'jig rten pa'i rjes su mthun par bya ba'i phyir de'ang mngon par bstan to// ngas 'dzam bu'i gling du khyim nas khyim ma yin par rab tu phyung nas bsnyen par rdzogs te/ lam la shin tu nan tan byas pas rgyun tu zhugs pa'i 'bras bu dang / lan cig phyir ldog pa'i 'bras bu dang phyir mi ldog pa'i 'bras bu dang / dgra bcom pa'i 'bras bu'i bar du thob pa bstan te/ so so'i skye bo dag ni dgra bcom pa'i 'bras bu thob par mi dka' ste/ sla ba zhig go/ snyam du sems so// nga ni bskal pa grangs med pa'i sngon rol du dgra bcom pa'i 'bras bu thob kyang / sems can gdul ba'i phyir de'ang bstan to// snying po byang chub kyi shing drung durtswa bting ba la 'dug nas bdud kyi ris rnams btul te/ so so'i skye bo dag ni ngas gdod snying po byang chub kyi shing drung du bdud kyi ris rnams btul snyam sems te/ ngas ni bskal pa grangs med pa'i sngon rol du bdud thams cad btul yin mod kyi/ sems can ma 'dul ba dag 'dul ba'i phyir/ bdud btul ba de'ang mngon par bstan to// ngas ni bshang gci che chung dang / dbugs phyi nang du rgyu ba'ang bstan pas/ so so'i skye bo dag ni nga la bshang gci che chung dang / dbugs phyi nang du rgyu ba yod snyam sems te/ nga'i sku 'di bsod nams kyi 'bras bu yin pas/ de lta bu'i bshang gci che chung dang / dbugs phyi nang du rgyu ba'i bag med kyang / 'jig rten pa'i rjes su mthun par bya ba'i phyir de'ang mngon par bstan to/ / ngas ni pha rol pos sbyin pa byin pa blang ba'ang bstan te/ nga'i sku 'di la ni bkres pa 'am/ skom pa'i bag med de/ 'on kyang 'jig rten pa'i rjes su mthun par bya ba'i phyir de'ang mngon par bstan to/ / gzhan yang so so'i skye bo dang mthun par nyal ba dang / gnyid log pa'ang bstan te/ nga ni bskal pa grangs med pa'i bar du shin tu zab mo'i shes rab dang ldan te/ srid pa gsum dang yongs su bral yang 'gro ba dang / sdod pa dang / spyod lam dang / klad pa na ba dang / ljon pa dang / rgyab na ba dang 'brum bu dang / bkrus pa dang / rkang pa 'khru ba dang / lag pa 'khru ba dang / gdong 'khru ba dang / kha 'khru ba dang / so shing 'cha' ba'i bar du bstan te/ so sa ma skye bo dag ning la de dag kun yod do snyam du sems te/ nga'i sku la ni de dag gang yang med do// / nga'i zhabs kyi pad+mo ltar yongs su dag cing zhal gyi dri me tog ut+pal bro'ang so so'i skye bo dag ni nga la gang zag snyam du sems te/ yang dag par nang ni gang zag ma yin no// nga yang tshem bu gyon cing 'khru ba dang / 'tshed pa dang / 'chag pa bstan to/ / nga ni sngon yun ring po nas gos mi dgos par gyur to// so so'i skye bo dag ni sgra gcan 'dzin la nga'i bu snyam/ rgyal po zas gtsang ma ni nga'i yab snyam/ lha mdzes ni nga'i yum snyam/ 'jig rten gyi bde ba la'ang longs spyod nas/ dngos po de dag thams cad gtang ste rab tu byung nas/ lam la nan tan du byed do snyam sems so// gzhan yang kha cig ni rgyal po chen po'i rgyal tshab thu bo go'u ta ma'i rigs chen po la gtogs pa 'jig rten bde ba thams cad spangs nas/ 'jig rten las 'da' ba'i chos tshol lo snyam ste/ da ni yun ring po nas 'jig rten gyi 'dod pa'i dngos po thams cad yongs su spangs te/ de dag thams cad ni bstan pa tsam du zad do// rigs kyi bu nga ni 'dzam bu gling 'dir yang dang yang mya ngan las 'das pa bstan kyang / mthar yongs su mya ngan las 'das pa ma yin te/ so so'i skye bo dag ni de bzhin gshegs pa yang dag par 'gog pa zad do snyam ste/ de bzhin gshegs pa ni mthar zad pa ma yin pas rtag tu gnas pa'i chos can/ mi 'gyur mi 'pho ba'i chos can du rig par bya'o/ / rigs kyi bu mya ngan las 'das pa chen po zhes bya ba ni/ sangs rgyas bcom ldan 'das rnams kyi chos kyi dbyings so// gzhan yang ngas 'dzam bu'i gling 'dir 'jig rten du mngon par 'byung ba bstan te/ so so'i skye bo dag ni nga gdong mngon par sangs rgyas so snyam sems te/ nga ni bskal pa grangs med pa'i bar du bya ba thams cad byas kyang // 'jig rten pa'i rjes su 'dzam bu gling 'dir gdod mngon par sangs rgyas pa bstan to// nga yang 'dzam bu gling 'dir tshul khrims ma bsdams te/ rtsa ba bzhi'ang nyams pa bstan pas// so so'i skye bo dag ni yang dag par ngas tshul khrims nyams so snyam du sems kyang / nga ni bskal pa tshad med pa'i bar du tshul khrims bsrungs pa la nyams pa med do// nga yang 'dzam bu gling 'dir log sred can du bstan te/ so so'i skye bo dag ni thams cad kyis nga la log sred can yin par sems kyang / nga ni yang dag par log sred can ma yin no// gal te log sred can yin na/ ji ltar bla na med pa yang dag par rdzogs pa'i byang chub mngon par sangs rgyas par gyur/ nga yang 'dzam bu gling 'dir dge 'dun 'dum pa'i dbyen byas par bstan te/ so so'i skye bo dag ni nga la dge 'dun 'dum pa'i dbyen byas so snyam du sems kyang / ngas rnam par bltas na 'jig rten du bcas pa/ lha dang mi'i nang na dge 'dun 'dum pa'i dbyen byed nus pa ma mthong ngo / / nga yang 'dzam bu gling 'dir dam pa'i chos yongs su bsrung ba bstan te/ so so'i skye bo dag ni nga la chos srung ba yin no snyam nas thams cad ngo mtshar du gyur te/ sangs rgyas rnams kyi chos nyid de yin pas/ de la ni ngo mtshar du mi bya'o// nga yang 'dzam bu gling 'dir bdud sdig to can gyi lus su bstan te/ so so'i skye bo dag ni yang dag par nga la bdud sdig to can yin no snyam sems kyang / nga ni bskal pa tshad med pa'i bar du bdud kyi las dang yongs su bral te/ pad+mo ltar yongs su dag pa la 'go ba med do// nga yang 'dzam bu gling 'dir bud med kyi lus kyis sangs rgyas pa bstan te/ so so'i skye bo dag ni 'di ltar ngo mtshar che ste/ bud med kyis bla na med pa yang dag par rdzogs pa'i byang chub tu mngon par sangs rgyas so snyam du sems te/ de bzhin gshegs pa ni nam du bud med kyi lus mi len kyang / sems can tshad med pa snyed btul ba'i phyir bud med kyi gzugs su skyed bstan to/ / sems can thams cad lazugs 'dre ba'i phyir/ gzugs kyad rnam pa sna tshogs bstan pa yin no// nga yang 'dzam bu ming 'dir las rgyang bzhin gyi ba bkun gyi nga ni yun po nas lam gyi rgyud du 'gyur ba'i rgyu bcad do/ / las kyi rgyus lam rgyud bzhir lhung nas sems can de dag gdul ba'i phyir de dag tu skye ba'ang mngon par bstan to/ / nga yang 'dzam bu gling 'dir tshangs pa'i lha'i rgyal po bya ste/ gang tshangs pa'i lha la rjed pa dag yang dag pa'i chos la dgod pa'i phyir gyi/ yang dag par tshangs pa ni ma yin yang / so so'i skye bo dag ni nga la yang dag par tshangs pa'i lha'i rgyal po snyam sems te/ lha'i gzugs su lha gzhan dag tu bstan pa'ang de bzhin no// nga yang 'dzam bu gling 'dir bud med sprul 'tshong ma'i gnas su 'gro ba bstan te/ nga la ni yang dag par 'dod chags pa'i 'du shes med la/ pad+mo ltar yongs su dag cing cis kyang mi 'go'ang / sems can gang 'dod chags kyis zil gyis non pa dag/ lam srang bzhi mdor dam pa'i chos bstan pa'i phyir gyi/ nga la yang dag par 'dod chags kyi sems med kyang / so so'i skye bo dag ni nga la bud med kyi dbang byed do snyam sems so// nga yang 'dzam bu gling 'dir gos sngon po gyon pa'i rigs su 'gro ba bstan te/ de'ang bran mor gyur pa yang dag pa'i chos la dgod pa'i phyir gyi/ nga la ni yang dag par gos sngon po gyon pa'i gnas su ltung ba'i las med par rig par bya'o// nga yang 'dzam bu gling 'dir slob dpon lta bu bstan te/ bus pa gzhon nu shed ma bye ba yang dag pa'i chos la dgod pa'i phyir ro// nga yang 'dzam bu gling 'dir chang 'thung ba dang rgyan po'i gnas dang / pham rgyal gyi phyir 'thab mo byas pa'ang bstan te/ de'ang sems can de dag gdul zhing bsgral ba'i phyir gyi/ nga la ni de lta bu'i las ngan pa med kyang so so'i skye bo dag ni nga la de lta bu'i las kyang byed do snyam sems so/ / nga yang yun ring por dur khrod na bya rgod kyi lus su bstan te/ de'ang bya thams cad bsgral ba'i phyir gyi/ so so'i skye bo dag ni nga la yang dag par bya rgod kyi lus su sems te/ nga ni yun ring po nas las de lta bu dang bral yang bya rnams bsgral ba'i phyir de'ang mngon par bstan to/ / nga yang 'dzam bu gling 'dir sems can tshad med pa gdul zhing dam pa'i chos la dgod pa'i phyir/ khyim bdag gi lus kyang bstan to// gzhan yang rgyal po dang / blon po dang / rgyal bu dang / blon po chen por gyur te/ de dag kun tu'ang gtso bo dang phul du gyur cing / dam pa'i chos la nan tan bya ba'i phyir/ rgyal po'i thabs su'ang zhugs so// nga yang 'dzam bu gling 'dir nad kyi bskal pa byung nas/ sems can mang po nad kyis rnam par gzir ba la sngar sman gyis gsos te/ de'i 'og tu dam pa'i chos bstan nas bla na med pa'i byang chub la bkod de/ so so'i skye bo dag ni nud kyi bskal pa byung rnam sems so/ / gzhan yang 'dzam bu gling 'dir mu ge'i bskal pa byung ba na/ de dag ci 'dod pa bzhin bza' ba dang btung ba byin nas/ gdod dam pa'i chos bstan te bla na med pa'i byang chub la bkod do/ / gzhan yang 'dzam bu gling 'dir mtshon gyi bskal pa byung ba na/ de la dam pa'i chos bstan te/ dgrar khon du 'dzin pa spangs nas bla na med pa'i byang chub la bkod do/ / gzhan yang rtag par 'dzin pa dag la mi rtag pa'i 'du shes bstan pa dang / bde bar 'du shes pa la sdug bsngal ba'i 'du shes bstan pa dang / bdag tu 'du shes pa dag la bdag med par bstan pa dang / yongs su dag par 'du shes pa la yongs su ma dag par bstan pa'i phyir ro// sems can gang zhig khams gsum la chags na/ de la dam pa'i chos bstan te gnas de spong bar byed do// sems can gdul zhing bsgral ba'i phyir bla na med pa dam pa sman lta bu ston to// kun nas nyon mongs pa'i shing thams cad gcad pa'i phyir bla na med pa'i chos kyi sman gyi shing bskyed do/ / mu stegs can gyi rnams gdul zhing bsgral ba'i phyir yang dag pa'i chos ston to// sems can thams cad kyi ston pa mngon par ston kyang / thog ma nas sems can gyi ston pa'o snyam du mi dgongs so// bus pa ma rabs bsgral ba'i phyir de dag tu 'gro ba'ang mngon par ston te chos bstan pa'i phyir gyi/ las ngan pas de'i lus len pa ni ma yin no// de bzhin gshegs pa yang dag par rdzogs pa'i sangs rgyas ni de ltar yongs su mya ngan las 'das pa chen po la bde bar gnas te/ de bas na rtag tu gnas pa mi 'gyur ba'i chos can zhes bya'o// ji ltar 'dzam bu gling sbyar shar gyi lus 'phags thing dang / nub bkrung spyod dang / byang gi b+hU mi stan yang de bzhin du rgyas par ro// ming bzhin ji lta ba bzhin du stong gsum gyi stong chen po'i 'jig rten gyi khams kyang de bzhin te/ srid pa nyi shu rdza bo na ji ltar dpa' bar 'gro ba'i mdo las rgyas par bstan pa bzhin no/ / don de lta bas na yongs su mya ngan las 'das pa chen po zhes bya'o// byang chub sems dpa' sems dpa chen po gang zhig yongs su mya ngan las 'das pa chen po la bde bar gan na/ mngon par shes pa'i rdzu 'phrul 'di sa bu son pa la 'jigs pa med do// 'od grangs rkyen de/ bsan/ khyod kyis blo gcan 'dzin la yangs rgyas kyi mam yin ni zhes mazer mi// detsam byar nos/ nga rjon pags pa cang med pa'i bar thong ba'i 'do pa de bas na de bzhin gshegs pa ni rtag tu gnas pa'i chos can mi 'gyur mi 'pho ba zhes bya'o/ / 'od srungs kyis yang gsol pa slad du de bzhin gshegs pa la rtag tu gnas pa'i chos can zhes bgyi bcom ldan 'das kyis gsungs pa ltar na/ me mar gus nas gnas dang phyogs kyang ma mchis pa bzhin du/ de bzhin gshegs pa'ang de dang 'dre/ mya ngan las 'das nas gnas dang phyogs ma mchis pa'ang de bzhin no zhes ma gsungs sam/ bcom ldan 'das kyis/ 'od srungs la bka' stsal pa/ rigs kyi bu khyod 'di skad du/ ji ltar me mar shi na gnas dang phyogs med pa bzhin du/ de bzhin gshegs pa'ang de dang 'dra ste/ mya ngan las 'das nas gnas dang phyogs kyang med do zhes ma zer cig/ rigs kyi bu 'di lta ste/ dper na skyes pa 'am/ bud med gcig me mar 'dzugs na/ mar gyi snod che chung las mar gyis bkang ste 'dzugs so// ji srid mar me yod kyi bar du ni snang ba'ang yod do// ci ste mar zad na snang ba'ang med par 'gyur ro/ / snang ba med par gyur na ni nyon mongs pa zad pa lta bu'o// snang ba zad de med par song yang me mar gyi snod med par gyur pa ma yin te/ de bzhin gshegs pa'ang de dang 'dra ste/ nyon mongs pa zad de med kyang chos kyi sku ni rtag tu yod do// rigs kyi bu de khyod kyi yid la ji snyam snang ba dang / me mar gyi snod cig car med par 'gyur ram/ 'od srungs kyis gsol pa/ ma lags so// bcom ldan 'das cig car ma mchis pa ma lags kyang mi rtag par 'dra'o// ci ste chos kyi sku mar gyi snod dang 'dra na/ mar me'i snod kyang mi rtag pas/ chos kyi sku'ang de dang 'dra bar mi rtag par 'gyur ro// rigs kyi bu khyod de skad ces ma smra zhig/ 'jig rten na snod ces bya bar grags pa dang / sangs rgyas bcom ldan 'das kyi bla na med pa'i chos kyi snod ces bya ba/ snod ni mi rtag pa yin yang de bzhin gshegs pa ni ma yin no/ / chos thams cad la mya ngan las 'da' ba ni rtag pa ste/ de bzhin gshegs pa'i ngo bo nyid yin pas rtag pa zhes bya'o// gzhan yang rigs kyi bu me mar zad ces bya ba ni dgra bcom pa'i mya ngan las 'da' ba la bya'o/ / 'dod pa'i nyon mongs pa thams cad med par byas na me mar zad pa lta bu'o// lan cig phyir mi ldog pa ni 'dod pa dang bcas pa ste/ 'dod pa dang bcas pas me mar zad pa lta bu zhes byar mi rung ngo // de bas nangs sngon mtshan ma dgag pa'i phyir me mar zad ba lta bu zhes bshad kyis/ yongs su mya ngan las 'das pa chen po ni me mar zad pa lta bu ma yin no// lan cig phyir mi ldog ces bya ba ni yang dang yang ldog pa ma yin/ srid pa nyi shu lnga por phyir mi ldog cing / lus mnam po dang / lus srin can dang / lus gdug pa can mi len pas na phyir mi ldog pa zhes bya'o// lus yang len pa ni phyir ldog ces bya'ang / lus mi len pa ni phyir mi ldog pa zhes bya'o// song ba dang ldog pa yod pas phyir ldog pa zhes bya/ song ba dang ldog pa med pas phyir mi ldog pa zhes bya'o/ / // 'phags pa yongs su mya ngan las 'das pa chen po'i mdo bam po lnga pa// / de nas bcom ldan 'das la byang chub sems dpa' 'od srungs kyis 'di skad ces gsol to/ / bcom ldan 'das sangs rgyas bcom ldan 'das kyis gsungs pa ltar dgongs te gsungs pa'i snying po mchis so zhes bgyi ba don de lta ma lags so/ / de ci'i slad du zhe na/ sangs rgyas bcom ldan 'das la dgongs te gsungs pa'i don brjod pa mnga'i/ dgongs te gsungs pa'i snying po zhes bgyi ba ma mchis so/ / dper na sgyu ma mkhan zhig shing gi 'khrul 'khor gyi mi zhig bgyis na/ shing gi mi de ni kun gyis mthong bar rung gi/ brkyang ba dang / bskum pa dang / dgye ba dang / dgu pa ni nang nas bsgyur bar ma 'tshal to// sangs rgyas kyi chos de lta bu ma lags te/ sems can thams cad kyis mthong zhing shes par bgyi ba lags naci'i slad du/ sangs rgyas bcom ldan 'das kyis dgongs te gsungs pa'i snying po mchis shes gsungs/ bcom ldan 'das kyis/ 'od srungs la bka' stsal pa shin tu legs so shin tu legs so/ / rigs kyi bu khyod kyis smras pa bzhin te/ de bzhin gshegs pa la yang dag par na dgongs te gsungs pa'i snying po med do// de ci'i phyir zhe na/ 'di lta ste/ ston gyi zla ba nye ba ni steng gi nam mkha' la shin tu gsal bar snang bas/ sgrib pa med pa'i phyir skye bo thams cad kyis mthong ngo // de bzhin gshegs pa'i bka' yang de dang 'dra bar gsal zhing rnam par dag kyang byis pa ma rabs kyis mi shes pa'i phyir na/ dgongs te gsungs pa'i snying po zhes bya'i// mkhas pa shes pa can dag gis khong du chud pas gsang zhes mi bya'o/ / rigs kyi bu 'di lta ste/ dper na mi zhig gser dngul mang du bsags te/ srang grangs med par byin kyang ser sna byed de/ dbul 'phongs pa la sbyin pa mi byed pa ni sogs pas gsang ba'i mdzod ces bya'i// de bzhin gshegs pa ni de lta bu ma yin te/ bskal pa tshad med ba'i bar du dam pa'i chos rin po che tshad med pa bsags pa/ ser sna med par sems can thams cad la rtag tu sbyin pa byed na/ ci'i phyir de bzhin gshegs pa la dgongs te gsungs pa'i snying po yod ces bya/ rigs kyi bu 'di lta ste/ dper na mi zhig dbang po ma tshang ba/ mig ya gcig gam/ lag pa ya gcig gam/ rkang pa ya gcig ma tshang na ngo tsha ba'i phyir/ gzhan gyis mi mthong bar byed pas gsang ba zhes bya'o// de bzhin gshegs pa ni de lta bu ma yin te/ dam pa'i chos thams cad phun sum tshogs te/ nyams pa med pas skye bo kun mthong bar byed na/ ci'i phyir de bzhin gshegs pa la dgongs te gsungs pa'i snying po yod ces bya// rigs kyi bu 'di lta ste/ dper na mi dbul po zhig la bu lon mang po chags na/ bu lon ded pas 'jigs te mi mthong bar bya ba'i phyir na gsang ba zhes bya'o// de bzhin gshes pa ni de lta bu ma yin te/ sems can thams cad la 'jig rten gyi chos kyang ma chags la/ sems can la 'jig rten las 'da' ba'i chos chags kyang mi gsang ngo // de ci'i phyir zhe na/ sems can thams cad la bu gcig pa dang 'dra bar dgongs te/ bla na med pa'i chos 'byed cing ston to// rigs kyi bu 'di lta ste/ dper na khyim bdag phyug po zhig la bu gcig las med de shin tu sdug cing byams na/ rin po che ci bdog pa thams cad ston to// de bzhin gshegs pa'ang de dang 'dra ste/ sems can thams cad la bu gcig pa dang 'dra bar gzigs so/ / rigs kyi bu 'di lta ste/ 'jig rten na mi dag pho mo'i mtshan mi sdug pa'i phyir gos kyis 'gebs pas na gsang zhes bya'o// de bzhin gshegs pa ni de lta bu ma yin te/ dbang po las ring du gyur te/ dbang po'i pha rol tu gyur pas gsang zhing sba ba med do// rigs kyi bu 'di lta ste/ bram ze dag na tshig tu smra ba'i gtsug lag thams cad/ rgyal rigs dang gdol rigs kyis thos par mi 'dod do// de ci'i phyir zhe na/ smra ba'i gtsug lag la nyes pa'i skyon yod pa'i phyir ro/ / de bzhin gshegs pa'i dam pa'i chos ni de lta bu ma yin te/ thog ma dang / tha ma dang / bar du'ang dge bas gsang ba zhes byar mi rung ngo // rigs kyi bu dper na khyim bdag gcig la bu gcig las med de/ shin tu sdug cing byams pa'i phyir slob dpon gyi gan du khrid nas bslab pa slob tu bcug na myur du mi lobs su dogs pas sdug pa'i phyir khyim du khrid nas nyin mtshan du brtson 'grus bskyed de/ yi ge phyed slob cing ston gyi/ gtsug lag chen po mi ston to// de ci'i phyir zhe na/ na gzhon la shed ma rdzogs pas ldob pa'i mthu med pa'i phyir ro/ / rigs kyi bu khyim bdag des yi ge phyed bslabs na/ bu des de'i tshe gtsug lag chen po shes shing rtogs par 'gyur ram/ gsol pa/ ma lags so// bcom ldan 'das kyis bka' stsal pa/ khyim bdag des bu de la gsang ba yin nam/ gsol pa ma lag so/ / bcom ldan 'das de ci'i slad du zhe na/ bun so gzhon te mi ldob pa'i slad du ma bstan gyi/ ser sna byas te gsang ba'i slad du ma bstan pa ni ma lags so// de ci'i slad du zhe na/ ser sna'i sems dang bcas pa ni gsang ba zhes bgyi na/ de bzhin gshegs pa ni de lta bu ma lags te/ dgongs te gsungs pa'i snying po mchis zhes bgyir mi rung ngo / / bcom ldan 'das kyis bka' stsal pa/ shin tu legs so shin tu legs so// rigs kyi bu khyod kyis smras pa bzhin te/ zhe sdang gi sems dang / phrag dog dang / ser sna'i sems dang bcas pa ni gsang ba zhes bya'i/ de bzhin gshegs pa la zhe sdang dang / phrag dog dang / ser sna'i thugs mi mnga' bas na/ gsang ba yod do zhes byar mi rung ngo / / rigs kyi bu khyim bdag ces bya ba ni de bzhin gshegs pa lta bu'o// bu gcig pa zhes bya ba ni sems can thams cad la bya ste/ de bzhin gshegs pa ni sems can thams cad la bu gcig pa dang 'dra byar gzigs so/ / bu thob pa ni n+dan thos kyi te gnas smra ba'o// yi ge byed ces b+hA ba ni li ke rje dgu po lta bu'o// kar+b+hag lag chen po zhes bya ba ni shin tu rgyas pa theg pa chen po'i mdo sde lta bu'o/ / nyan thos kyi rnams la shes rab kyi mthu med pas/ de bzhin gshegs pas yi ge phyed lta bu mdo sde dgu po bshad kyi/ gtsug lag chen po lta bu shin tu rgyas pa theg pa chen po'i mdo sde ma bshad do// rigs kyi bu khyim bdag gi bu shed rdzogs te ldob pa'i mthu yod bzhin du gtsug lag chen po ma bslabs na gsang ba zhes bya'o/ / nyan thos kyang gal te theg pa chen po'i gtsug lag ldob pa'i mthu yod par 'gyur la/ de bzhin gshegs pas ser sna mdzad de ma bstan na/ de bzhin gshegs pa la dgongs te gsungs pa'i snying po yod ces byar rung ngo // de bzhin gshegs pa ni de lta bu ma yin te/ de bas na de bzhin gshegs pa la dgongs te gsungs pa'i snying po med do/ / ji ltar khyim bdag des sngar bu de la yi ge phyed po bstan nas/ de'i 'og tu gtsug lag chen po ston pa bzhin du/ de bzhin gshegs pa'ang de dang 'dra ste/ nye gnas rnams la sngar yi ge phyed lta bu mdo sde dgu po bstan nas/ de'i 'og tu gtsug lag chen po ston ba ni/ 'di lta ste/ de bzhin gshegs pa ni rtag tu gnas pa'i chos can mi 'gyur mi 'pho ba zhes bya'o// rigs kyi bu gzhan yang 'di lta ste/ dper na dbyar gyi dus su char sprin chen po langs te/ char pa chen po bab na zhing pa zhing las byed pa sa bon mang du btab pa rnams kyis ni lo tog mang du thob par 'gyur ro// gang sa bon nyung du btab pa rnams kyis ni lo tog nyung ngu thob ste/ / de ni klu'i rgyal pos nyes pa ma yin la// klu'i rgyal pos gsang ba'ang ma yin la// de bzhin gshegs pa'ang de dang 'dra ste/ chos chen po'i char yongs su mya ngan las 'das pa chen po phab pas/ sems can gang dge ba'i 'bras bu bskyed pa dag ni shes rab kyi myu gu dang 'bras bu thob par gyur/ dge ba'i sa bon med pa ni ci'ang ma thob ste/ ci'ang ma thob pa de ni de bzhin gshegs pas nyes pa ma yin la/ de bzhin gshegs pa la yang dag par na gsang ba'ang med do/ / 'od srungs kyis yang gsol pa/ bdag gis ni sangs rgyas bcom ldan 'das la dgongs te gsungs pa'i gsang ba'i snying po ma mchis par rtogs na bcom ldan 'das kyis gsungs paltar/ gtsug lag chen po ni de bzhin gshegs pa rtag tu gnas pa'i chos can mi 'gyur mi 'pho ba lta bu zhes bgyi ba de mi rung ngo // de kyi slad du zhe na/ sngon bcom ldan 'das kyis tshigs su bcad pa 'di skad ces gsungs so// de bzhin gshegs dang rang rgyal dang // nyan thos pa li nye gnas kyang // mi rtag pa yi lus 'dor na/ / bus pa ma rabs smos ci dgos// zhes gsungs la da 'dir rtag tu gnas par mi 'gyur mi 'pho ba zhes gsungs pa'i don ji lta bu lags/ bcom ldan 'das kyis bka' stsal pa/ ngas ni nyan thos pa'i nye gnas thams cad la yi ge phyed po bstan pa'i phyir tshigs su bcad pa de skad ces gsungs pa yin no// rigs kyi bu gzhan yang rgyal po rab tu sde 'pham byed kyi ma shi ba na/ rgyal po mya ngan gyis non te rab tu ngu zhing yid la gcags bzhin du/ nga gang na bar 'ongs nas/ ngas rgyal po la mkhyen bzhin du/ rgyal po chen po ci'i phyir rab tu sdug bsngal zhing yi mug par gyur ces dris na/ rgyal pos gsol pa/ btsun mo chen mo deng tshe'i bya ba byas te/ gal te su zhig gis bdag gi ma'i tshe slar bzlog na/ bdag gis rgyal thabs dang / bal glang dang / rta dang / rin po che sna bdun dang / lus dang srog kyang dbul lo zhes smras so// ngas rgyal po de la 'di skad du rgyal po chen po mya ngan gyis gdung bar ma byed cig/ sems can thams cad la tshe zad de shi zhes bya ba yod do// sangs rgyas dang / rang sangs rgyas dang / nyan thos kyi sa rnams kyang lus 'dor na/ bus pa ma rabs lta ci smos te/ rigs kyi bu ngas rgyal po de'i mya ngan gsang ba'i phyir yi ge phyed po'i tshigs su bcad pa de dag gsungs pa yin no/ / ngas da nyan thos kyi nye gnas rnams la gtsug lag chen po bstan te/ de bzhin gshegs pa ni rtag tu gnas pa mi 'gyur mi 'pho ba'o zhes gsungs pa la/ de la gang zag la la zhig gis de bzhin gshegs pa mi rtag ces zer na/ de'i lce ci ste chad par ma gyur/ 'od srungs kyis yang gsol pa/ bcom ldan 'das kyis yang tshigs su bcad pa las 'di skad ces ma gsungs sam/ ci yang sogs pa med cing / zas kyi tshod kyang shes pa/ mkha' la bya 'phur bzhin te/ rjes ni sus kyang mi chod/ ces bgyi ba'i don ji lta bu lags/ bcom ldan 'das kyis dkyil 'khor 'di'i nang na ci'ang mi sogs shes bgyi ba ni gang lags zas kyi tshod 'dzin pa ni gang lags/ / nam mkha' la bya 'phur ba ltar rjes mi rnyed pa lta bu ni su song ba de'ang phyogs gang du phyin par gyur/ bcom ldan 'das kyis/ 'od srungs la bka' stsal pa/ sogs pa zhes bya ba ni nor dang rin po che'o// rigs kyi bu sogs pa la rnam pa gnyis te/ 'dus byas dang / 'dus ma byas pa'o// 'dus byas kyi sogs pa ni nyan thos kyi spyod pa la bya'o/ / 'dus ma byas kyi sogs pa ni de bzhin gshegs pa'i spyod pa'o// rigs kyi bu dge 'dun la'ang rnam pa gnyis te/ 'dus byas kyi dge 'dun zhes bya ba nyan thos so/ / nyan thos kyi dge 'dun zhes bya ba ni sogs pa med pa'o// ci ste mi sogs she na/ bran po dang / bran mo dang / chos ma yin pa'i dngos po bang mdzod dang / khre 'bras dang / til dang / zar ma dang / sran ma che chung la sogs pa mi sogs so// de la gang zhig gis 'di skad du/ de bzhin gshegs pas bran pho dang / bran mo dang / las byed pa'i mi la sogs pa 'chang du gnang ngo zhes zer na/ de'i lce lkugs par 'gyur ba'i rigs so// nga ni nyan zothos kyi nye gnas dag ni mi sogs pa zhes kyang bya/ zas kyi tshod shes pa zhes kyang bya ste/ gang zas la chags pa ni cho ga mi shes pa zhes bya/ gang zas la ma chags pa ni chog shes pa zhes bya'o/ / rjes mi chod ces bya ba ni bla na med pa'i byang chub la bsnyen pa ste/ gang zag de ni ngas gsungs pa ltar song mod kyi/ phyin pa'i gnas med do// 'od srungs kyis yang gsol pa/ 'dus byas kyi dge 'dun la'ang mi sogs pa zhes bgyi na/ 'dus ma byas pa'i dge 'dun lta ci smos te/ de ni de bzhin gshegs pa la bgyin/ de bzhin gshegs pa la sogs pa ga la zhig mchis/ sogs pa zhes bgyi ba ni gsang ba 'am/ skyed pa la bgyin/ de bzhin gshegs pa ni gsung ba la ser sna mi mnga' bas gsang ba zhes bgyir mi rung ngo / / rjes mi chod ces bgyi ba ni/ 'di lta ste/ mya ngan las 'das pa'o// mya ngan las 'das pa la nyi zla dang / skar ma dang / gza' skar dang / grang ba dang / tsha ba dang / rlung dang / char pa dang / skye ba dang / rga ba dang / na ba dang / 'chi ba dang srid pa nyi shu lnga po'ang ma mchis la/ mya ngan dang / sdug bsngal dang / nyon mongs pa dang bral lo// de ltar mya ngan las 'das pa ni de bzhin gshegs pa'i gnas rtag pa mi 'gyur mi 'pho ba ste/ rgyu dang rkyen de lta bas na de bzhin gsheg pa ni shing sA la'i drung du yongs su mya ngan las 'da' ba chen pos yongs su mya ngan las 'das so// bcom ldan 'das kyis bka' stsal pa/ 'od srungs chen po zhes bya ba ni rang bzhin nyid yangs shing rgya che ba'o// dper na gang zag gcig tshe lo grangs med par thub pas na skyes bu chen po zhes bya'o/ / gal te dam pa'i chos la bde bar gnas na mi'i nang du phul du gyur pa zhes bya'o// ngas skyes bu chen po brgyad ces gsungs pa/ gang zag gcig 'ba' zhig gis thob bam/ kun gyis thob par rung / gal te mi gcig gis brgyad char dang ldan na/ de ni mchog dang phul du gyur pa zhes bya'o// mya ngan las 'da' ba zhes bya ba ni nyes pa'i skyon med pa ste/ rigs kyi bu dper na mi zhig dug mdas phog na na ba'i sdug bsngal chen po myong ngo // de gal te sman pa mkhas pa dang phrad na/ sman pas sman bzang pos bskus pas na ba'i sdug bsngal dang bral te rab tu bde bar gyur la/ sman pa de'ang grong dang / grong khyer dang / grong 'dab tu rgyu zhing / gang na rma byung ba'i sdug bsngal thams cad gso zhing sdug bsngal dang bral bar byed do/ / rigs kyi bu de bzhin gshegs pa'ang de dang 'dra ste/ mngon par sangs rgyas nas sman pa'i rgyal por gyur te/ 'dzam bu gling na bskal pa tshad med pa'i bar du sdug bsngal gyis rnam par gzir ba'i sems can 'dod chags dang / zhe sdang dang / gti mug gi nyon mongs pa'i zug rngus gzir te/ sdug bsngal chen po myong ba dag la theg pa chen po'i mdo sde bdud rtsi lta bu'i chos kyi sman gyis de dag gsos nas/ phyogs dang gnas gzhan dag na nyon mongs pa'i zug rngus gzir ba'ang mngon par sangs rgyas pa bstan te/ de'ang 'tsho bar mdzad de/ de lta bas na yongs su mya ngan las 'das pa chen po zhes bya'o// yongs su mya ngan las 'das pa chen po zhes bya ba ni rnam par grol ba'i gnas te/ sems can gang 'dul ba'i gnas der de bzhin gshegs pa sku mngon par ston pas/ shin tu zab mo'i don yang dag pa 'di'i phyir yang yongs su mya ngan las 'das pa chen po zhes bya'o/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das 'jig rten gyi sman pas sems can gyi nad thams cad gso nus sam/ rigs kyi bu 'jig rten na ba la rnam pa gnyis te/ gsor rung ba dang / gsor mi rung ba'o/ / gang gsor rung ba ni sman pas gsos kyang mi 'tsho'o// 'od srungs kyis gsol pa/ bcom ldan 'das kyis gsungs pa ltar na/ de bzhin gshegs pa'ang 'dzam bu gling na sems can gsos so zhes bka' stsal te/ gal te gsos na sems can gyi nang na ci'i slad du mya ngan las ma 'das pa'ang mang / gal te thams cad kyis ma thob na/ ci'i slad du de bzhin gshegs pas thams cad gsos nas phyogs gzhan du'ang gshegs shes bka' stsal pa/ bcom ldan 'das kyis bka' stsal pa/ rigs kyi bu 'dzam bu gling na sems can la rnam pa gnyis so/ / dad pa dang bcas pa dang / dad pa med pa'o// gang dang ba dang bcas pa ni gsor rung ngo // de ci'i phyir zhe na/ nges par mya ngan las 'da' ste skyon med pa'i phyir/ ngas 'dzam bu gling gi sems can kun gsos so zhes gsungs so// gang dad pa med pa ni log phred can zhes bya ste/ log sred can zhes bya ba ni gsor mi rung ba'o/ / log sred can la ma gtogs pa thams cad gsos pas na mya ngan las 'da' ba la skyon med do// gsol pa/ bcom ldan 'das mya ngan las 'da' ba zhes bgyi ba gang lags/ rigs kyi bu mya ngan las 'da' ba zhes bya ba ni rnam par grol ba'o// 'od srungs kyis yang gsol pa/ rnam par grol ba zhes bgyi ba gzugs lags sam/ 'on te gzugs ma lags/ bcom ldan 'das kyis bka' stsal pa/ rigs kyi bu la la ni gzugs kyang yin/ la la ni gzugs ma yin no/ / gzugs ma yin pa ni nyan thos dang rang sangs rgyas kyi rnam par grol ba'o// gzugs zhes bya ba ni sangs rgyas bcom ldan 'das kyi rnam par grol ba'o// rigs kyi bu de lta bas na rnam par grol ba ni gzugs kyang yin la/ gzugs kyang ma yin no// de bzhin gshegs pas nyan thos kyi nye gnas la ni gzugs ma yin zhes gsung so/ / gsol pa/ bcom ldan 'das nyan thos dang rang sangs rgyas la/ gal te gzugs ma mchis na ci la gnas/ rigs kyi bu dper na 'du shes med 'du med min gyi lha dang 'dra ste/ gzugs kyang yin la/ gzugs kyang ma yin pas/ ngas gzugs ma yin zhes gsungs so// gal te kha cig gis 'di skad du 'du shes med 'du shes med min gyi lha dag gal te gzugs ma yin na ci la gnas te 'gro ba dang / song ba dang / 'ong bar 'gyur zhes rgol na/ de la don de dag ni sangs rgyas bcom ldan 'das kyi spyod yul yin pas/ nyan thos dang rang sangs rgyas kyis shes pa ma yin te/ rnam par grol ba'ang de dang 'dra ste/ gzugs kyang yin la/ gzugs kyang ma yin pas/ gzugs ma yin no zhes gsungs so// 'du shes kyang yin la/ 'du shes kyang ma yin pas/ 'du shes ma yin/ zhes gsungs te/ don de dag ni sangs rgyas rnams kyi spyod yul yin gyi/ nyan thos dang rang sangs rgyas rnams kyis shes pa ma yin no// de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das bdag cag la thugs brtse ba'i slad du/ yongs su mya ngan las 'das ba chen po rnam par grol ba'i don yang rgyas par bshad du gsol/ bcom ldan 'das kyis/ 'od srungs la bka' stsal pa/ shin tu legs so shin tu legs so// rigs kyi bu yang dag par rnam par grol ba zhes bya ba ni/ gang rnam par 'ching ba'i bcings pa thams cad dang yongs su bral ba'o// de ltar yang dag par rnam par grol ba bcings pa thams cad dang yongs su bral bas/ skye ba'ang med la/ 'dus pa'ang med do// 'di lta ste/ dper na pha ma 'dus shing phrad pa las bu byung ngo // yang dag par rnam par grol ba ni de lta bu ma yin pas/ rnam par grol ba de ni ma skyes pa zhes bya'o// 'od srungs dper na mar gyi snying po ni rang bzhin gyis rnam par dag go// de bzhin gshegs pa'ang de dang 'dra ste/ pha ma 'dus shing phrad pa'i rkyen gyis byung ba ma yin te/ rang bzhin gyis yongs su dag kyang so so'i skye bo dag gdul ba'i phyir ba la mngon par bstan to// yang dag par rnam par grol ba zhes bya ba ni de bzhin gshegs pa ste/ de bzhin gshegs pa'i rnam par grol ba la ni gnyis su med de dbyer med do// dper na dbyar gyi dus su sa bon btab na drod ga sher gyis brlan pas de ma thag tu skye zhing 'byung ngo / / yang dag par rnam par grol ba ni de lta bu ma yin no// gzhan yang rnam par grol ba zhes bya ba ni stong zhing med pa'o// stong zhing med pa ni rnam par grol ba'o// rnam par grol ba ni de bzhin gshegs pa'o// de bzhin gshegs pa ni stong pa med pa/ byas pa ma yin/ byed pa ma yin no// byas pa zhes bya ba ni mkhar dang / grong dang / khang khyim dang / nyen dang / chog par ro// yang dag par rnam par grol ba ni de lta ma yin te/ de bas na rnam par grol ba ni de bzhin gshegs pa'o// gzhan yang rnam par grol ba zhes bya ba ni 'dus ma byas pa'i chos so// 'dus byas ni dper na rdza ma dang 'dra ste/ 'jig pa'i chos can no/ / rnam par grol ba ni de lta ma yin te/ yang dag par rnam par grol ba ni ma skyes pa mi 'gog pa'o// de bas na rnam par grol ba ni de bzhin gshegs pa'ang de dang 'dra bar mi skye/ mi 'gog/ mi za/ mi 'chi/ mi 'jig/ mi 'chag ste/ 'dus byas kyi chos ma yin no// don de lta bas na de bzhin gshegs pa yongs su mya ngan las 'da' ste/ mirga mi 'chi ba zhes bya'o// de'ang gang zhe na/ rgas shes bya ba ni 'pho zhing 'gyur ba/ skra dkar ba/ gdong la gnyer ma byung ba'o// shi zhes bya ba ni lus zhig ste tshe 'phos pa'o/ / dngos po 'di dag ni rnam par grol ba med de/ de med pas na rnam par grol ba zhes bya'o// de bzhin gshegs pa la skra dkar ba gdong la gnyer mar 'gyur ba 'dus byas pa'i chos med do/ / de bas na de bzhin gshegs pa la rga ba med do// rga ba med pas na 'chi ba'ang med do// gzhan yang rnam par grol ba ni na ba med pa'o/ / na ba zhes bya ba ni nad bzhi brgya rtsa bzhi dang / de ma yin pa rkyen gzhan gyis lus la gnod par 'gyur ba'o// de dag gang yang med pas na rnam par grol ba zhes bya'o/ / gang nad med pa ni yang dag par rnam par grol ba zhes bya'o// yang dag par rnam par grol ba ni de bzhin gshegs pa'o// de bzhin gshegs pa la na ba med pas na chos kyi sku la'ang na ba med do/ / de ltar na ba med pas de bzhin gshegs pa zhes bya'o// shi ba zhes bya ba ni lus zhig ste tshe 'phos pa'o// de la shi ba med pas zil mngar lta bu'o// zil dang ra ni yang dag par rnam par grol ba'o// yang dag par rnam par grol ba ni de bzhin gshegs pa'o// de ltar de bzhin gshegs pa ni de lta bu'i yon tan phun sum tshogs pa dang ldan na/ ci'i phyir de bzhin gshegs pa la mi rtag ces bya// gal te de bzhin gshegs pa la mi rtag ces smra na/ ni gnas ma yin no// de ni rdo rje lta bu'i sku yin na ci'i phyir mi rtag/ de bas na de bzhin gshegs pa la ni tshe zad pa zhes mi bya'o// de bzhin gshegs pa ni yongs su dag pa dri ma med pa'o/ / de bzhin gshegs pa'i sku ni mngal gyis ma gos pa ste/ me tog pun da ri ka ltar rang bzhin gyis rnam par dag pa'o// de bzhin gshegs pa'i rnam par grol pa'ang de dang 'dra'o/ / rnam par grol ba de nyid de bzhin gshegs pa'o// de bas na de bzhin gshegs pa yongs su dag cing dri ma med pa'o// gzhan yang rnam par grol ba zhes bya ba ni zag pa'i rma thams cad lhag ma ma lus par zad pa'o/ / de bzhin gshegs pa'ang de dang 'dra ste/ zag pa'i rma thams cad med do// gzhan yang rnam par grol ba zhes bya ba ni rtsod pa med pa ste/ dper na mi ltogs pa zhig kha zas mthong ba na shin tu chags par 'gyur ro// rnam par grol ba ni de lta ma yin no// gzhan yang rnam par grol ba zhes bya ba ni bde ba zhi ba'o/ / bus pa ma rabs dag ni dbang sgyur rgyal po la bde zhing zhi ba zhes zer ba tshig de ni brdzun te/ bden pa ma yin no// yang dag par ba de zhing zhi ba ni mthar rnam par grol ba'o/ / mthar rnam par grol ba ni de bzhin gshegs pa'o// gzhan yang rnam par grol ba ni rab tu bde ba'o// dper na dgra mang ba'i gnas ni bde ba ma yin no/ / dgra med pa'i gnas ni rab tu bde ba zhes bya'o// rnam par grol ba'ang 'jigs pa med pas na rab tu bde ba zhes bya'o// de bas na rab tu bde ba ni yang dag par rnam par grol ba'o/ / yang dag par rnam par grol ba ni de bzhin gshegs pa'o// de bzhin gshegs pa zhes bya ba ni chos so// gzhan yang rnam par grol ba zhes bya ba ni mnyam pa'i bla med pa'o/ / mnyam pa'i bla med pa zhes bya ba ni/ dper na rgyal po dag ni yul sa mnyam pa'i tha yod pas mamanyam mo// rnam par grol ba ni de lta bu med do// mnyam pa'i/ zla med pa ni/ dper na 'khor los sgyur ba'i rgyal po la ni mnyam pa'i zla med do// rnam par grol ba la'ang de dang 'dra ste/ mnyam pa'i zla med do// mnyam pa'i zla med pa ni yang dag par rnam par grol ba'o/ / yang dag par rnam par grol ba ni de bzhin gshegs pa'i chos kyi 'khor los sgyur ba'i rgyal po'o// de bas na de bzhin gshegs pa la mnyam pa'i zla med demanyam pa'i zla yod ces bya ba'i gnas med do/ / gzhan yang rnam par grol ba zhes bya ba ni mya ngan med pa'o// mya ngan yod ces bya ba ni/ dper na rgyal po dag pas rgol ba'i dgras 'jigs pas mya ngan byed do/ / rnam par grol ba la ni de lta bu'i dngos po med do// dper na dgra kun bcom na/ de la ni mya ngan nam/ dogs pa med do// rnam par grol ba'ang de dang 'dra ste/ mya ngan nam 'jigs pa med do// mya ngan dang 'jigs pa med pa med pa ni de bzhin gshegs pa'o// gzhan yang rnam par grol ba zhes bya ba ni mya ngan dang dga' ba med pa'o/ / dper na bud med gcig pu gcig pa yul gzhan du song ba las shi'o zhes gtam ngan pa thos na mya ngan gyis sdug bsngal bar 'gyur ro// phyis ma shi'o zhes thos na de ma thag tu dga' ba skye'o/ / rnam par grol ba la ni dngos po de dag med de/ mya ngan dang dga' ba med pa ni yang dag par rnam par grol ba'o// yang dag par rnam par grol ba ni de bzhin gshegs pa'o/ / gzhan yang rnam par grol ba zhes bya ba ni rdul dang dri ma med pa'o// dper na dpyid kyi dus na nyi ma nub na rlung dang rdul ldang ngo // rnam par grol ba la ni dngos po de dag gang yang med do/ / rdul med pa ni yang dag par rnam par grol ba'i dpe'o// yang dag par rnam par grol ba ni de bzhin gshegs pa'o// 'di lta ste/ dper na 'khor los sgyur ba'i rgyal po'i gtsug phud la 'dogs pa'i nor bu rin po che ni dri ma med do// rnam par grol ba'ang de dang 'dra ste/ dri ma dag med do// dri ma med pa ni rnam par grol ba'o/ / yang dag par rnam par grol ba ni de bzhin gshegs pa'o// dper na gser btso ma ni bye ma dang ma 'dres pas rin po che yang dag pa zhes bya ste/ gang zag gis rnyed na de la nor gyi dbyig tu 'du shes so/ / rnam par grol ba nyid kyang rin po che yang dag pa dang 'dra ste/ rin po che yang dag pa ni yang dag par rnam par grol ba'i dpe'o// yang dag par rnam par grol ba ni de bzhin gshegs pa'o// dper na rdza ma bcag pa ni sgra mi snyan no// rin po che rdo rje'i bum pa ni de lta bu ma yin te/ yang dag par rnam par grol ba'ang sgra mi snyan pa med do/ / rin po che rdo rje'i bum pa ni yang dag par rnam par grol ba'o// yang dag par rnam par grol ba ni de bzhin gshegs pa'o// de bab na de bzhin gshegs pa'i sku ni mi 'jig pa'o/ / sgra mi snyan pa zhes bya ba 'di lta ste/ e ra na da'i 'bras bu dbyar nyi ma tsha ba la bskam na nyi mas gdungs pas sgra 'byung ngo // rnam par grol ba'i dngos po de dag med de/ rin po che rdo rje'i bum pa ltar mi snyan pa chag pa'i sgra med do// gal te mi mang po brgya stong grangs med pa thams cad kyis cig car mda' 'phangs kyang / 'jigs par mi 'gyur la// mi snyan pa chag pa'i sgra med do// mi snyan pa chag pa'i sgra med pa ni yang dag par rnam par grol ba'o// yang dag par rnam par grol ba ni de bzhin gshegs pa'o/ / 'di lta ste/ mi dbul po zhig la gzhan gyi bu lon chags na/ gzung ste lcags dang / khong sgril dang / ltong 'dogs te sdug bsngal bar byed do/ / rnam par grol ba la ni de lta bu'i dngos po med de/ bu lon chags pa'ang med do// 'di lta ste/ tshong dpon phyug po ni nor rin po che grangs med pa zhig bdog la mthu dang dbang du ldan na bu lon chags pa'ang med do/ / rnam par grol ba'ang de dang 'dra ste/ chos kyi nor rin po che mang po dang ldan la/ mthu dang dbang yod pas bu lon chags pa'ang med do/ / bu lon chags pa med pa ni yang dag par rnam par grol ba'i dpe'o// yang dag par rnam par grol ba ni de bzhim gshegs pa'o// gzhan yang rnam par grol ba zhes bya ba ni yongs su gdung ba med pa'o// 'di lta ste/ dpyid nyi ma tsha ba la 'gro ba dang / dbyar dang po za ba dang / dgun grang bas reg pa'o/ / yang dag par rnam par grol ba la ni de 'dra ba'i yid du mi 'ong ba'i dngos po gang yang med do// yongs su gdung ba med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// yongs su gdung ba ni/ 'di lta ste/ mi zhig nya shas 'grangs par zos pa'i 'og tu 'o ma mthungs na mi de ni shi ba las ring ba ma yin no/ / yang dag par rnam par grol ba la ni de lta bu'i dngos po med do// mi des gal te sman bdud rtsi lta bu zhig rnyed na ni nad de'ang 'tsho bar 'gyur ro/ / yang dag par rnam par grol ba'ang de dang 'dra'o// sman bdud rtsi zhes bya ba ni yang dag par rnam par grol ba'o// yang dag par rnam par grol ba de ni de bzhin gshegs pa yin na/ de la gdung ba dang mi gdung ba zhes ji skad bya/ 'di lta ste/ byis pa ma rabs nga rgyal gyi dbang du gyur pa dag ni 'di snyam du sems so// sems can thams cad kyi nang na bdag la gsod nus pa med do zhes nas/ rtag dang / sbrul dang / zin gdug pa dag 'dzin te/ ma rabs de ni tshe zad pa'i mtha' las mi ring ste/ glo bur du 'chi bar rig par bya'o/ / yang dag par rnam par grol ba la ni de lta bu'i dngos po med do// yongs su mi gdung ba ni/ 'di lta ste/ 'khor los sgyur ba'i rgyal po'i nor bu rin po che lta bu spur ba la sogs pa srin gdug pa rnams dgu bcu rtsa drug snyed 'dul nus te/ gang nor bu rin po che de'i dri bro ba tsam gyis gdug pa thams cad med par 'gyur ro// yang dag par rnam par grol ba'ang de dang 'dra ste/ srid pa nyi shu rtsa lnga po las ring du gyur to// gdug pa med pa zhes bya ba ni yang dag par rnam par grol ba'i dpe'o// yang dag par rnam par grol ba ni de bzhin gshegs pa'o/ / gzhan yang gdug pa med pa ni nam mkha' lta bu'o// rnam par grol ba'ang de dang 'dra ste/ nam mkha' zhes bya ba ni yang dag par rnam par grol ba'o/ / yang dag par rnam par grol ba ni de bzhin gshegs pa'o// rnam par gdung ba zhes bya ba ni rtswa skam po'i drung du me bus na tshig par 'gyur ro// yang dag par rnam par grol ba la ni de lta bu'i dngos po med do// gzhan yang yongs su gdungs pa med pa ni/ 'di lta ste/ nyi zla ni sems can dag la yongs su gdung bar mi 'gyur ro/ / rnam par grol ba'ang de dang 'dra ste/ sems can thams cad la yongs su gdung bar mi 'gyur ro// gdung ba med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni mi g.yo ba'i chos can te/ dper byams pa dang ldang ba med pa lta bu'o// yang dag par rnam par grol ba la ni de lta bu'i dngos po med do/ / mi g.yo ba zhes bya ba ni 'khor los sgyur ba'i rgyal po lta bu ste/ de la ni rgyal po de dang 'dra ba thogs su 'gyur ba med do// de la de 'dra ba'i grogs su 'gyur ba yod ces bya ba'i gnas med do// rnam par grol ba'ang de dang 'dra ste/ gzhan grogs su 'gyur ba med de/ grogs su 'gyur ba yod ces bya ba'i gnas med do/ / rgyal po de la grogs su 'gyur ba med ces bya ba ni yang dag par rnam par grol ba'o// yang dag par rnam par grol ba de ni de bzhin gshegs pa'o// de bzhin gshegs pa zhes bya ba ni chos yin no/ / gzhan yang mi g.yo ba zhes bya ba ni/ 'di lta ste/ dper na gos dkar po ni kha dog bsgyur ba'o// rnam par grol ba ni de lta ma yin no/ / dper na me tog pa sha ka zhes bya ba la marnam pa 'am/ kha dog sngon po 'dug ces bya ba'i gnas med de// rnam par grol ba'ang de dang 'dra ste/ de la mnam pa 'am/ mdog gzhan du 'dug ces bya ba'i gnas med do// de bas na rnam par grol ba nyid de bzhin gshegs pa'o// gzhan yang rnam par grol ba zhes bya ba ni rmad du byung ba'o/ / 'di lta ste/ chu'i nang nas pad+mo skyes pa ni ngo mtshar du mi bya'o// me'i nang nas skyes na rmad du ngo mtshar du bya ste/ de mthong na thams cad dgal bar 'gyur ro/ / yang dag par rnam par grol ba'ang de dang 'dra ste/ gang mthong ba thams cad sems rab tu dga' bar 'gyur ro// rmad du byung ba zhes bya ba ni yang dag par rnam par grol ba ste/ yang dag par rnam par grol ba ni de bzhin gshegs pa'o// de bzhin gshegs pa zhes bya ba ni chos kyi sku'o// gzhan yang rmad du byung ba zhes bya ba ni/ dper na bu btsas ma thag pa la so med kyi/ bags kyis cher skyes nas gdod so'ang skye bar 'gyur ro// rnam par grol ba ni de lta bu ma yin te/ skye ba dang mi skye ba zhes bya ba med do/ / gzhan yang rnam par grol ba zhes bya ba ni stong pa zhi ba ma nges pa med pa'o// ma nges pa ni log sred can la bya ste/ mthar rtsa ba nyams pa las mi 'gyur zhing 'tshang rgya ba'i gnas med do/ / de ci'i phyir zhe na/ gal te gang zag des sangs rgyas kyi dam pa'i chos la dad pa'i yongs su dag pa skyed na/ de ni log sred med par byas pa yin te/ gal te dge basbyin par gyur na'ang log sred med par byas pa yin no// rtsa ba nyams pa 'angakha na mtho ba'i sdig de med par byas na mngon par 'tshang rgya bar 'gyur ro/ / de bas na mthar mi 'gyur zhing mngon par 'tshang mi rgya'o zhes bya ba'i gnas med do// yang dag par rnam par grol ba la ni de lta bu'i 'gog pa'am/ med par bya ba'i dngos po med do// gzhan yang stong pa zhi ba zhes bya ba ni chos kyi dbyings yin te/ chos kyi dbyings ji lta ba nyid yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang log sred can ces bya ba bgags te zad par byas na/ de la log sred can zhes mi bya'o// de la log sred can zhes bya ba gang zhe na/ log sred can zhes bya ba ni dge ba'i rtsa ba thams cad bcad de/ dge ba'i chos thams cad la mi gnas shing / dge ba'i sems skad cig tsam yang mi 'byung ba'o/ / yang dag par rnam par grol ba la ni dngos po de dag gang yang med de/ dngos po de dag gang yang med pas na/ yang dag par rnam par grol ba'o// / yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni dpag tu med pa'o// 'di lta ste/ dper na khre 'bras kyi phung po la tshad dpag cing shes par rung ngo / / yang dag par rnam par grol ba ni de lta bu ma yin no// 'di lta ste/ rgya mtsho chen po ni tshad dpag cing gzhal du med do// rnam par grol ba'ang de dang 'dra ste/ tshad dpag cing gzhal du med do// dpag tu med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni tshad med pa'o/ / ji ltar sems can thams cad la las kyi rnam par smin pa mang ba bzhin du/ rnam par grol ba'ang de dang 'dra ste/ smin pa tshad med do// smin pa tshad med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni yangs shing rgya che ba'o// 'di lta ste/ rgya mtsho chen po ni mnyam pa'i zla med do// rnam par grol ba'ang de dang 'dra ste/ mnyam pa'i zla med do// mnyam pa'i zla med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni bla na med pa'i mchog go// 'di lta ste/ dper na nam mkha' ni mchog tu mtho ste zla med do/ / rnam par grol ba'ang de dang 'dra ste/ zla med par mchog tu mtho ba'o// mdo ste zla med pa ni yang dag par rnam par grol ba'o// yang dag par rnam par grol ba ni de bzhin gshegs pa'o/ / gzhan yang rnam par grol ba zhes bya ba ni gnas med pa'o// 'di lta ste/ ri dgas kyi rgyal po seng ge 'dug pa'i gnas su/ rari dgas gzhan thams cad ma gnas so// rnam par grol ba 'ang de dang ra dra ste/ gnas pa med do// gnas pa med pa na yang dag par rnam par grol pa'o// yang dag par rnam par grol ba ni de bzhin gshegs pa'o/ / gzhan yang rnam par grol ba zhes bya ba ni bla na med pa'o// dper na byang phyogs ni phyogs thams cad kyi bla ma'o// rnam par grol ba'ang de dang 'dra ste/ bla na med pa'o// bla na med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni bla na med pa'i yang bla na med pa'o/ / dper na byang phyogs ni shar phyogs kyi bla na med pa'i yang bla na med pa'o// rnam par grol ba'ang de dang 'dra ste/ bla na med pa'i yang bla na med pa'o/ / bla na med pa'i yang bla na med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni rtag pa'i chos can no/ / dper na lha dang mi ni lus zhig ste/ tshe 'pho ba'i chos la rtag ste rtag pa ma yin no// rnam par grol ba ni de dang mi 'dra ste/ mi rtag pa ma yin no// mi rtag pa ma yin pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni sra ba'i snying po can no// 'di lta ste/ seng ldeng dang / tsan dan dang / a ka ru rang bzhin gyis sra ba'o// rnam par grol ba'ang de dang 'dra ste/ rang bzhin gyis sra ba brtan pa'o// rang bzhin gyis sra ba bstan pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni gsob ma yin pa zhes bya'o// dper na 'dam bu dang smyig ma ni khong stong pas gsob bo// rnam par grol ba ni de lta ma yin te/ de bas na rnam par grol ba nyid de bzhin gshegs pa yin par rig par bya'o// gzhan yang rnam par grol ba zhes bya ba ni cis kyang mi gos pa'o// dper na rtsig pa byin bdar ma byas na/ srin bu dang sbrang bu dag de la gnas shing rgyu'o// gal te 'ji bas bskus la ri mo bris na/ srin bu dag tshon rtsi'i dri tshor nas mi gnas so// de ltar mi gnas pa ni rnam par grol ba ste/ yang dag par rnam par grol ba ni de bzhin gshegs pa'o/ / gzhan yang rnam par grol ba zhes bya ba ni mtha' med pa'o// dper na grong khyer ni mtha' yod do// rnam par grol ba ni de lta ma yin no// dper na nam mkha' mtha' med do/ / rnam par grol ba'ang de dang 'dra ste/ mtha' med do// de bas nu rnam par grol ba ni de bzhin gshegs pa'o// gzhan yang rnam par grol ba zhes bya ba ni bltar med pa'o/ / 'di lta ste/ nam mkha' stong pa la bya'i rjes ni shin tu blta bar dka'a'o// shin tu blta bar dka' ba ni yang dag par rnam par grol ba'i dpe'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni shin tu zab pa zhes bya'o// de ci'i phyir zhe na/ nyan thos dang rang sangs rgyas thams cad kyis 'jug mi nus pa'i phyir ro/ / 'jug mi nus pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang shin tu zab pa zhes bya ba ni sangs rgyas dang byang chub sems dpa' rnams kyis bsti stang byed pa'o/ / dper na bu sri zhu che ba dag ni pa ma shin tu bsti stang dang bkur sti byed de bsod nams shin tu zab bo/ / bsod nams shin tu zab pa de ni yang dag par rnam par grol ba'i dpe'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni bltar mi mthong ba'o/ / dper na mi dag bdag gi spyi bo mi mthong ba bzhin rnam par grol ba'ang de dang 'dra ste/ nyan thos dang rang sangs rgyas thams cad kyis bltar mi mthong ba ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni gnas dang rten med pa'o// dper na nam mkha' ni gnas dang rten med de/ rnam par grol ba'ang de dang 'dra'o// gnas dang rten zhes bya ba ni srid pa nyi shu rtsa lnga po'i dpe'o// gnas dang rten med pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni blang du med pa'o// dper na shing thog a ma 'bra'i 'bras bu ni blang zhing gzung du yod do/ / rnam par grol ba ni de lta ma yin te/ blang zhing gzung du med do// blang zhing gzung du med pa ni yang dag par rnam par grol ba'o// yang dag par rnam par grol ba ni de bzhin gshegs pa'o/ / gzhan yang rnam par grol ba zhes bya ba ni gzung du med pa'o// dper na sgyu ma ni gzung du med de/ rnam par grol ba'ang de dang 'dra ste/ gzung du med do// gzung du med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni lus kyi dngos po med pa'o/ / dper na mi la lus yod pas shu ba dang / mdze dang / skem pa dang / spro ba la sogs pa yod do// yang dag par rnam par grol ba la de 'dra ba'i nad rnams med do// gang nad de dag med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni ro gcig pa'o/ / ji ltar 'o ma ro gcig pa bzhin du rnam par grol ba'ang de dang 'dra ste/ ro gcig go// ro gcig pa ni rnam par grol ba'o// yang dag par rnam par grol ba ni de bzhin gshegs pa'o/ / gzhan yang rnam par grol ba ni yongs su dag pa'o// dper na chu ma rnyogs pa ni shin tu dag cing dang ba'o// rnam par grol ba'ang de dang 'dra ste/ yongs su dag cing dang ba'o/ / yongs su dag cing dang ba ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni ro gcig pa'o/ / dper na nam mkha ra las 'bab pa'i char pa ni rnam par dag cing ro gcig go// rnam par grol ba'ang de dang 'dra ste// rnam par dag pa la ro gcig go/ / rnam par dag cing ro gcig pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni yongs su gsal ba'o/ / dper na zla ba rgyas pa la sprin nam/ na bun gyis mchod pa dang 'dra bar/ rnam par grol ba'ang de dang 'dra ste/ sprin dang na bun med do// sprin dang na bun med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni rab tu zhi ba'o/ / dper na mi zhig rims nad tsha bas btab pa la sos na zhi ba'o// rnam par grol ba'ang de dang 'dra ste/ rab tu zhi ba'o// rab tu zhi ba ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni mnyam pa'o// dper na 'brog dgon pa na sbrul gdug pa dang / spyang kau la sogs pa ni 'dra bar gsod sems yod do// rnam par grol ba ni de lta ma yin te// gsod sems med do/ / gsod sems med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang mnyam pa zhes bya ba ni/ / dper na pha ma ni bu la sems mnyam mo// rnam par grol ba'ang de dang 'dra ste/ sems mnyam mo// sems mnyam pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni gzhan pa'i gnas med pa'o// dper na mi zhig gnas shin tu bzang po yongs su dag pa zhig na gnas na/ de las gzhan pa'i gnas med do// rnam par grol ba'ang de dang 'ja/ gzhan pa'i gan med do/ / gzhan pa'i gnas med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni chog shes pa'o/ / dper na mi zhig ltogs te kha zas zhim po dang phrad na chog mi shes par za'o// rnam par grol ba ni de lta ma yin te/ dper na 'o thug 'thungs na gzhan ci'ang mi 'dod do// gzhan mi 'dod pa ni yang dag par rnam par grol ba'i dpe'o// yang dag par rnam par grol ba ni de bzhin gshegs pa'o// gzhan yang rnam par mol ba ni yongs su gcod pa'o// dper na mi zhig bcings pa'i zag pa gcad na bcings pa las grol bar 'gyur ro// rnam par grol ba'ang de dang 'dra ste/ the tshom gyi bcings pa thams cad gcod do// de ltar the tshom gcod pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni pha rol tu phyin pa'o// dper na chu klung la ni tshu rol dang pha rol gyi 'gram yod do/ / rnam par grol ba ni de lta ma yin te/ tshu rol ces bya ba med kyang / pha rol ces bya ba yod do// pha rol ces bya ba ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni cang mi smra'o// dper na rgya mtsho ni chu cher skyes na sgra skad mang po 'byung ngo / / rnam par grol ba ni de dang mi 'dra ste/ de ltar na rnam par grol ba ni de bzhin gshegs pa'o// gzhan yang rnam par grol ba ni zhim pa dang dang ra ba'o// dper nasman sbyar ba'i nang du a rur bcug na ro kha bar 'gyur ro/ / rnam par grol ba ni de lta ma yin te/ zil dngar gyi ro can no// zil dngar gyi ro can ni yang dag par rnam par grol ba'i dpe'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni nyon mongs pa kun sel ba'o// dper na sman pa mkhas pas sman hA tshogs sbyar te/ nad pa rnams gso ba la mkhas pa dang 'dra bar/ rnam par grol ba'ang de bzhin du nyon mongs pa thams cad sel to// nyon mongs pa kun sel ba ni yang dag par rnam par grol ba'i dpe'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni dog pa med pa'o// dper na khang khyim chung duni dog pa ste mang po mi shong ngo / / rnam par grol ba ni de lta bu ma yin te mang du shong ba'o// mang du shong ba ni yang dag par rnam par grol ba ste/ yang dag par rnam bar grol ba ni de bzhin gshegs pa'o/ / gzhan yang rnam par grol ba ni 'dod pa zhi pa 'dod chags dang ma 'dres pa'o// dper na bud med ni 'dod chags mang ba'o// rnam par grol ba ni de lta ma yin te/ de ltar rnam par grol ba ni de bzhin gshegs pa'o// de ltar na de bzhin gshegs pa ni 'dod chags dang / zhe sdang dang / gti mug dang / nga rgyal la sogs pa'i kun nas nyon mongs pa thams cad med pa'o// gzhan yang rnam par grol ba ni 'dod pa med pa'o// 'dod pa la rnam pa gnyis te/ yi dgas kyi 'dod pa dang / chos kyi 'dod pa'o// yang dag par rnam par grol ba ni yi dgas kyi 'dod pa med kyi/ sems can la thugs brtse ba'i phyir chos kyi 'dod pa yod do// de ltar chos kyi 'dod pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni bdag dang bdag gi ba dang bral ba ste/ de ltar rnam par grol ba ni de bzhin gshegs pa'o// de bzhin gshegs pa ni chos so// gzhan yang rnam par grol ba ni 'gog pa zad pa// srid pa'i chags pa thams cad las ring du gyur pa'o/ / de ltar rnam par grol ba ni de bzhin gshegs pa'o// de bzhin gshegs pa ni chos so// gzhan yang rnam par grol ba ni mgon dang skyabs te/ 'jigs pa thams cad las skyob pa'o/ / de ltar rnam par grol ba ni de bzhin gshegs pa'o// de bzhin gshegs pa ni chos so// rnam par grol ba ni gnas lta bu'o// gang zhig 'di la gnas na/ gnas gzhan ni mi tshol lo// dper na mi zhig rgyal po la rten na gnas gzhan mi tshol lo// rgyal po la gnas pa ni 'gyur ba yod kyi/ rnam par grol ba la gnas na 'gyur ba med do/ / 'gyur ba med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// de bzhin gshegs pa ni chos so// gzhan yang rnam par grol ba ni gnas dang rten lta bu'o// dper na mi zhig 'brog dgon par song na 'jigs pa 'am/ bag tsha ba yod do// rnam par grol ba ni de lta ma yin te/ 'jigs pa'am/ bag tsha ba med do// 'jigs pa 'am/ bag tsha ba med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni 'jigs pa med pa'o// dper na seng ge'i rgyal po ni ri dgas thams cad kyis mi 'jigs so// rnam par grol ba'ang de dang 'dra ste/ bdud kyi ris thams cad kyis mi 'jigs so// 'jigs pa med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni mo dog pa'o/ / dper na lam dog par mi gnyis matam du 'gror med do// rnam par grol ba ni de dang mi 'dra ste/ rnam par grol ba ni de bzhin gshegs pa'o/ / gzhan yang dog pa ni/ dper na mi zhig stag gis 'jigs te khron par mchongs pa lta bu'o// rnam par grol ba ni de lta ma yin te/ de ltar rnam bar grol ba ni de bzhin gshegs pa'o/ / gzhan yang mi dogs pa ni gru zhig pa chung ngu spangs nas/ gru bzang por zhugs te rgya mtsho la bde bar rgal nas bde ba'i gnas su phyin pa'o// rnam par grol ba'ang de dang 'dra ste/ sems rab tu bde ba'o// sems rab tu bde ba ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba zhes bya ba ni rgyu dang rkyen las 'byin pa'o// 'di lta ste/ 'o ma'i rkyen gyis zho'o// zho'i rkyen gyis mar ro// mar gyi rkyen gyis mar gyi snying po'o// yang dag par rnam par grol ba la ni rgyu gang yang med do// rgyu med pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni nga rgyal 'dul ba'o/ / dper na rgyal po chen po ni rgyal phran rnams la nga rgyal byed do// rnam par grol ba ni de lta bu ma yin te/ de ltar rnam par grol ba ni de bzhin gshegs pa'o/ / de bzhin gshegs pa ni chos so// gzhan yang rnam par grol ba ni bag med pa 'dul ba'o// bag med pa ni 'dod pa mang po'o// rnam par grol ba la ni de dag med do/ / de dag med pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni ma rig pa sel ba'o// dper na tshigs ma dang bral ba ni smran dam pa ste/ mar gyi snying po'o// rnam par grol ba'ang de dang 'dra ste/ ma rig pa'i tshigs ma bsal te yang dag pa'i rig pa dang ldan no// yang dag pa'i rig pa dang ldan pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni rab tu zhi ba gcig pu ste/ mi gnyis pa 'bron dgon pa'i bal glang rgod ltar gcig pu grogs med pa'o// rnam par grol ba'ang de dang 'dra ste/ gcig pu gnyis su med pa'o// gcig pu gnyis su med pa yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni sra ba'i snying po can no// smyig ma dang 'das bu dang / ga sol ma ni thams cad khong sto mod kyi/ 'bras bu ni sra ba'o// sangs rgyas bcom ldan 'das ma gtogs par/ 'jog rten du bcas pa dang mi thams cad ni mo sra mi brtan pa'o/ / yang dag par rnam par grol ba ni srid pa'i rgyun thams cad las ring du gyur pa'o// de ltar rnam par grol ba ni de bzhin gshegs pa'o/ / gzhan yang rnam par grol ba ni mngon par rig pa dag bskyed pa'o// yang dag par rnam par grol ba'ang de dang 'dra ste/ de ltar rnam par grol ba de ni de bzhin gshegs pa'o/ / gzhan yang rnam par grol ba ni srid pa thams cad spangs pa'o// dper na mi zhig 'grangs par zos nas skyugs pa lta bu ste/ rnam par grol bang de dang 'dra bar srid pa thams cad spangs pa'o/ / srid pa thams cad spangs pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni gdon mi za ba'o// dper na me tog pa shi ka'i drin 'dab ma bdun pa la med do// rnam par grol ba'ang de dang 'dra ste/ de ltar rnam par grol ba ni de bzhin gshegs pa'o/ / gzhan yang rnam par grol ba ni chu'i khams dang 'dra'o// 'di lta ste/ chu'i khams ni chen po bzhi'i nang na mchog ste/ rtsi shing dang 'bras bu thams cad rlan cing snum par byed do/ / rnam par grol ba'ang de dang 'dra ste/ skye ba thams cad rlan par byed do// de ltar rnam par grol ba ni de bzhin gshegs pa'o// gzhan yang rnam par grol ba ni 'jug pa zhes bya'o// dper na sgo yod na 'jug pa yod pa dang / gser gyi 'byung khungs na gser yod pa dang 'dra bar rnam par grol ba'ang de dang 'dra ste/ bdag med pa sgom pa'i gnas 'jug par byed do// de ltar rnam par grol ba ni de bzhin gshegs pa'o// gzhan yang rnam par grol ba ni dge ba'o// dper na slob ma zhige slob dpon gyi rjes su 'brang zhong bsgo ba mnyam na dge ba zhes bya'o/ / rnam par grol ba'ang de dang 'dra ste/ de ltar rnam par grol ba ni de bzhin gshegs pa'o// gzhan yang rnam par grol ba ni 'jig rten las 'das pa'i chos te/ chos thams cad kyi phul du gyur pa'o// dper na ro bro ba thams cad kyi nang na mar dang 'o ma ni mchog go// rnam par grol ba'ang de dang 'dra ste/ de ltar rnam par grol ba ni de bzhin gshegs pa'o// gzhan yang rnam par grol ba ni mi g.yo ba zhes bya'o// dper na sgo'i them pa ni rlung gis bskyod mi nus so/ / yang dag par rnam par grol ba'ang de dang 'dra ste/ de ltar rnam par grol ba ni de bzhin gshegs pa'o// gzhan yang rnam par grol ba ni dba' rlabs med pa'o/ / dper na rgya mtsho'i chu ni dba' rlabs rgod pa'o// rnam par grol ba ni de lta ma yin te/ de ltar rnam par grol ba ni de bzhin gshegs pa'o// gzhan yang rnam par grol ba ni rgyal po'i pho brang lta bu'o/ / rnam par grol ba'ang de dang 'dra ste/ de ltar rnam par grol ba de ni de bzhin gshegs pa'o// gzhan yang rnam par grol ba ni tsar yang dgos te/ dper na 'dzam bu chu klung gi ge ser ni tsaur yang dgos te/ de la nyes pa'i skyon gdags su med do// rnam par grol ba'ang de dang 'dra ste/ nyes pa'i skyon med de/ nyes pa'i skyon med pa ni yang dag par rnam par grol ba ste/ yang dag par rnam par grol ba de ni de bzhin gshegs pa'o// gzhan yang rnam par grol ba zhes bya ba ni bus pa shed ma bye ba'i spangs pa'o/ / dper na skyes bu chen po ni bus pa'i byed pa mi byed do// rnam par grol ba'ang de dang 'dra ste// phung po lnga yongs su spangs pa'o/ / phung po lnga yongs su spangs pa ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam pabapar grol ba ni mthar phyin pa'o/ / dper na btson dong du bcug pa de las thar na sngar rab tu khrus byas te/ gdod khyim du 'gro'o// rnam par grol ba'ang de dang 'dra ste/ mthar yongs su dag pa'o/ / mthar yongs su dag pa ni yang dag par rnam par grol ba'o// yang dag par grol ba ni de bzhin gshegs pa'o// gzhan yang rnam par grol ba ni ma byas par bde ba'o/ / ma byas par bde ba ni 'dod chags dang / zhe sdang dang / gti mug la sogs pa thams cad spyugs pa'i phyir ro// dper na mi zhig mtshor bar sbrul gdugs pas zin na/ gdug pa med par bya ba'i phyir skyugs sman gtong ngo // skyugs na dug med par 'gyur te lus bde'o// rnam par grol ba'ang de dang 'dra ste/ kun nas nyon mongs pas gdug pa thams cad skyugs pas lus bde bar 'gyur te ma byas par bde ba zhes bya'o/ / ma byas par bde ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ / gzhan yang rnam par grol ba ni nyon mongs pa rnam pa bzhi'i sbrul gdug pa bcad pa zhes bya'o// nyon mongs pa bcad pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni srid pa thams cad spangs te/ sdug bsngal thams cad bgags pa/ bde ba thams cad thob pa/ 'dod chags dang / zhe sdang dang / gti mug thams cad yongs su bcad de/ kun nas nyon mongs pa'i rtsa ba thams cad 'byin pa'o// nyon mongs pa'i rtsa ba 'byin pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gzhan yang rnam par grol ba ni 'dus byas pa'i chos thams cad yongs su bcad nas/ zag pa med pa'i chos thams cad bskyed pa/ rgyud thams cad bcad pa 'di lta ste/ bdag dang bdag med pa dang bdag ma yin pa bdag med pa ma yin pa'o/ / chags shing 'dzin pa 'ba' zhig gcod kyi/ bdag tu lta ba bcad pa ma yin no// bdag tu lta ba ni sangs rgyas kyi rang bzhin no// sangs rgyas kyi rang bzhin ni yang dag par rnam par grol ba ste/ yang dag par rnam par grol ba ni de bzhin gshegs pa'o// gzhan yang rnam par grol ba ni mi stong pa'i stong pa'o// stong pa'i stong pa zhes bya ba ni tsa'ang med pa'o// ci'ang med pa ni mu stegs cad gcer bu pa la sogs pa'i rnam par grol ba lta bu'o// gcer bu pa la ni yang dag par rnam par grol ba med pas stong pa'i stong pa zhes bya'o/ / yang dag par rnam par grol ba ni de lta bu ma yin pas mi stong pa'i stong pa'o// mi stong pa'i stong pa ni yang dag par rnam par grol ba'o// yang dag par rnam par grol ba ni de bzhin gshegs pa'o// gzhan yang rnam par grol ba ni mo stong pa'o// dper na chu dang / mar dang / zho dang / chang dang / sbrang rtsi'i snod rje'u lta bu chu dang / mar dang / zho dang / chang dang / sbrang rtsi med kyang / de la chu la sogs pa'i rdziT zhes 'dogs te/ rje'u de la ni stong zhes 'am/ mi stong zhes gdags su med do/ / de la stong zhes bya bar gzugs dang / dri dang / tho ba dang / reg bya zhes gdags su mi rung ngo // mi stong zhes bya bar ni chu la sogs pa gang yang med do/ / rnam par grol ba'ang de dang 'dra ste/ gzugs she 'am/ gzugs ma yin zhe 'am/ stong zhe 'am/ mi stong zhes gdags su med do// gal te stong zhes byar ni rtag pa dang / bde ba dang / bdag dang / dag pa zhes bya bar mi rung ngo // mi stong zhes byar ni rtag pa dang / bde ba dang / bdag dang / dag pa su sa myong ste/ don de lta bas na stong zhe 'am/ mi stong zhes gdags su med do// 'di lta ste/ srid pa nyi shu lnga po dang / kun nas nyon mongs pa dang / sdug bsngal thams cad dang / mtshan ma thams cad dang / 'dus byas kyi 'du byed thams cad med pa'i phyir rdze'u na zho med pa dang 'dra ste/ stong pa zhes bya'o// mi stong pa zhes bya ba ni yang dag pa'i gzugs rtag pa/ bde ba/ bdag dang / dag pa zhes bya ba mi g.yo ba/ mi 'pho ba/ dper na rdze'u'i gzugs dang / dri dang / bro ba dang / reg bya yod pas mi stong zhes bya ste/ de bas na rnam par grol ba ni rdze'u de dang 'dra'o// rdze'u de ni rkyen dang phrad na chag par 'gyur gyi/ rnam par grol ba ni de lta bu ma yin te gzhig tu med do/ / gzhig tu med pa ni yang dag par rnam par grol ba'o// yang dag par rnam par gro ba de ni de bzhin gshegs pa'o// gzhan yang rnam par grol ba ni 'dod pa dang bral ba'o/ / dper na gang zag ni 'dod pa'i sems dang ldan pas brgya byin lha'i dbang phyug dang / tshangs pa'i rgyal po dang / dbang sgyur rgyal po la'ang re'o// rnam par grol ba ni de lta bu ma yin te/ gal te bla na med pa yang dag par rdzogs pa'i byang chub tu mngon par sangs rgyas na/ 'dod pa med de the tshom med do// 'dod pa med la the tshom med pa ni yang dag par rnam par grol ba'o/ / yang dag par rnam par grol ba ni de bzhin gshegs pa'o// gal te rnam par grol ba 'dod pa dang the tshom yod ces zer na de ni gnas ma yin no/ / gzhan yang rnam par grol ba ni srid pa'i 'dod pa dang / mtshan ma thams cad dang / rnam par 'tshang ba thams cad dang / kun nas nyon mongs pa thams cad dang / 'khor ba thams cad dang / rgyu dang rkyen thams cad dang / rnam par smin pa'i 'bras bu thams cad yongs su bcad pa'o// de ltar rnam par grol ba ni de bzhin gshegs pa'o/ / de bzhin gshegs pa ni mya ngan las 'das pa'o// sems can thams cad ni 'khor ba'i nyon mongs pas 'jigs pa'i phyir skyabs su 'gro ba gsum la gzhol lo// dper ni ri dgas ni rngon pas 'jigs te/ ci ste bgegs las thar na mchongs pa gcig byed de/ de ni skyabs su 'gro ba gcig go// de ltar mchongs pa gsum byed pa ni skyabs su 'gro ba gsum gyi dpe'o/ / mchongs pa gsum byas pas bde bar 'gyur ro// so so'i skye bo'ang de dang 'dra ste/ bdud rnam bzhi'o rngon gyis 'jigs pas skyabs su 'gro ba gsum la gzhol bar byed do/ / skyabs su 'gro ba gsum la phyogs pas bde bar 'gyur ro// gang bde bar 'gyur ba ni yang dag par rnam par grol ba ste/ yang dag par rnam par grol ba ni de bzhin gshegs pa'o/ / de bzhin gshegs pa ni mya ngan las 'das pa'o// mya ngan las 'das pa ni zad mi shes pa'o// zad mi shes pa ni sangs rgyas kyi rang bzhin no// sangs rgyas kyi rang bzhin ni gdon mi za ba'o/ / gdon mi za ba ni bla na med pa yang dag par rdzogs pa'i sangs rgyas so// de nas bcom ldan 'das la/ byang chub sems dpa' 'ong srungs kyis 'di skad ces gsol to/ / bcom ldan 'das gal te mya ngan las 'da' ba dang / sangs rgyas kyi rang bzhin dang / gdon mi za ba dang / de bzhin gshegs pa don gcig pa lags na/ ci'i slad du skyabs su mchi ba gsum du gsungs/ bcom ldan 'das kyi/ 'od srungs la bka' stsal pa/ rigs kyi bu sems can dag ni 'khor bas skrag nas skyabs su 'gro ba gsum la phyogs so/ / skyabs su 'gro ba gsum gyis na sangs rgyas kyi rang bzhin dang / gdon mi za ba dang / mya ngan las 'da' ba yin par rig par bya'o/ / rigs kyi bu chos kha cig ni ming gcig la don tha dad do// chos kha cig ni mong dang don gnyis ka tha dad do// ming gcig la don tha dad pa ni sangs rgyas rtag ces bya ba dang / chos rtag pa dang / dge slong gi dge 'dun rtag pa dang / mya ngan las 'da' ba dang / nam mkha' rtag ces bya ba ni ming gcig la don tha dad pa zhes bya'o// ming dang don gnyis ka tha dad pa ni sangs rgyas ni ming tshor ba'o// chos ni ma tshor ba/ dge 'dun gyi ni 'dum pa/ mya ngan las 'da' ba ni rnam par grol ba/ nam mkha' ni dge ba ma yin pa/ thogs pa med pa zhes kyang bya ste/ de ni ming dang don gnyis ka tha dad pa zhes bya'o// rigs kyi bu skyabs su 'gro ba gsum yang de dang 'dra ste/ ming dang don gnyis ka tha dad do/ / de la don gcig ces bya ba gang zhe na/ de bas na ngas skye dgu'i bdag mo go'u ta ma la bka' stsal pa/ go'u ta ma ngal ma mchod par dge 'dun la mchod cig dge 'dun la mchod na dkon mchog gsum la mchod pa zhes bya ba'o/ / de nas skye dgu'i bdag mos 'di skad ces gsol to// dge 'dun gyi nang na sangs rgyas dang chos kyang med na/ ci'i phyir dge 'dun la mchod pas dkon mchog gsum la mchod par 'gyur/ de la ngas 'di skad ces bka' stsal to// khyod kyis ngas bstan pa bzhin byed pa ni sangs rgyas la mchod pa'o/ / rnam par grol bar 'dod pas chos la mchod pa'o// dge 'dun pa zhes pas na dge 'dun la mchod pa'o// de bas na rigs kyi bu dkon mchog gsum gcig ces byar mi rung ngo / / rigs kyi bu bcom ldan 'das ni skabs kha cig tu gcig la gsum du gsung ngo // skabs kha cig tu ni gsum yang gcig tu gsungs te/ de bas na sangs rgyas rnams kyi spyod yul ni nyen thos dang rang sangs rgyas kyis shes par nus pa ma yin no/ / 'od srungs kyis yang gsol pa/ bcom ldan 'das bcom ldan 'das kyis gsungs pa ltar mthar bde ba ni mya ngan las 'das pa'o zhes gsungs pa'i don ji lta bu lags/ mya ngan las 'das pa zhes bgyi ba ni lus la btang snyoms/ ye shes la btang snyen/ pa lags te/ lus dang ye shes la btang snyoms na bde ba sus myong bar 'gyur/ bcom ldan 'das kyis bka' stsal pa/ rigs kyi bu dper na mi zhig 'grangs par zos pa'i 'og tu/ khong pa mi bde ba las phyi rol tu song ste spyugs nas phyir 'ongs na/ grogs po dag de la khyod mi bde ba ji ltar sos sam zhes 'dri'o// des smras pa/ sos te mi bde ba med ces zer ro/ / de bzhin gshegs pa'ang de dang 'dra ste/ mthar srid pa nyi shu lnga po dang bral nas yongs su mya ngan las 'das te/ rab tu bde ba'i gnas su byin pas bstod du mdu/ zad pa dang 'gog pa zhes thub med de/ tshor ba thams cad bcad pas bde bar tshor ba med pa zhes bya'o// de ster tshor bathong ba med pan rtag pa bde bzhes bya'o// gang zhig de bzhin gshegs pa la bde bar tshor ba yod ces bya ba de ni gnas med do// de bas na mthar bde ba ni mya ngan las 'das pa'o// mya ngan las 'das pa de ni yang dag par rnam par grol ba'o/ / yang dag par rnam par grol ba ni de bzhin gshegs pa'o// 'od srungs kyis yang gsol pa/ mi skye ma 'gog pa rnam par grol ba lags sam/ de de bzhin no// de de bzhin te/ rigs kyi bu mi skye mi 'gog pa ni rnam par grol ba'o// de ltar rnam par grol ba ni de bzhin gshegs pa'o// 'od srungs kyis yang gsol pa/ gal te mi skye ma 'gog pab de rnam par grol ba lags na/ nam mkha'i mtshan nyid kyang mi skye mi 'gog na/ de'ang de bzhin gshegs pa lags sam/ de bzhin gshegs pa ni rnam par grol ba ma lags sam/ bcom ldan 'das kyis/ 'od srungs la bka' stsal pa/ rigs kyi bu de lta ma yin no// de ci'i phyir de lta ma yin zhe na/ rigs kyi bu dper na bya ka lan ta ka dang / 'tsho ba 'tsho byed na shin tu la sha du Sh+TAn pa yin na/ 2gas kyi spya dang 'dru/ sna lags so// bcom ldan 'das la shegs na shAn+d+ha d+ha shA ts+tsha wAn te/ 'tsho ba 'ad+mo byed dang du ma mchis te/ stong gi char yang bskrun du ma mchis so// 'od srungs kyis yang gsol pa/ bya ka lan ta ka la sogs pa ni skad kyang shin tu snyan la lus kyang mi 'dran ci'i slad du de bzhin gshegs pas khyigs kyi dper gsung/ ri rab kyi dpe yungs kar la len pa dang mtshungs te/ bcom ldan 'das dang nam mkha' yang de bzhin no// bya ka lan ta ka'i skad ni sangs rgyas bcom ldan 'das kyi gsung gi dper rung gi/ khwa skegs kyi skad kyi dper mi rung ngo // de nas bcom ldan 'das kyis/ byang chub sems dpa' 'od srungs la 'di skad ces bka' stsal to/ / shin tu legs so// shin tu legs so// khyod ni shin tu zab mo'i don la shin tu mkhas te/ bzhin gshegs pa ni skabs kha cig tu rgyu dang rkyen la gzigs nas/ nam mkha' yang rnam par grol ba'i dper gsungs so// de ltar rnam par grol ba ni de bzhin gshegs pa'o// / yang dag par rnam par grol ba ni 'jig rten du bcas pa lha dang mi thams cad kyis bskrun du med de/ nam mkha' 'di ni yang dag par dper mi rung mod kyi/ sems can gdul ba'i phyir na mkha' lta bur dper mi rung yang dper gsungs te/ de bas na rnam par grol ba nyid de bzhin gshegs par rig par bya'o// de bzhin gshegs pa nyid ni rnam par grol ba'o/ / rnam par grol ba dang de bzhin gshegs pa ni gnyis su med la dbyer med do// rigs kyi bu dper mi rung zhes bya ba ni bskrun du med pa'i dngos po dag ni dper drang du mi rung yang / rgyu dang rkyen kha cig gi skabs su dper drang du'ang yod do// mdo sde dag las kyang gsungs te/ zhal ni zla ba gang ba dang 'dra ba zhes bya ba dang / bal gyi glang po che shin tu dkar ba ni gengs kyi ro dang 'dra'o zhes bya ba zla ba gang ba zhal yin zhes byar mi rung la/ gangs kyi ri'i nga bal gyi glang po che yin zhes byar mi rung ste/ rigs kyi bu dpes rnam par grol ba la dpe byar mi rung mod kyi/ sems can gdul ba'i phyir na dpe bstan pa yin no// dpe mang pos chos rnams kyi chos nyid rig par 'gyur ba'ang de bzhin no// 'od srungs kyis yang gsol pa/ ci'i slad du na de bzhin gshegs pas rnam pa gnyis su gsungs/ bcom ldan 'das kyis bka' stsal pa/ rigs kyi bu dper na mi zhig ral gri thogs tezhe sdang gi sems kyis/ de bzhin gshegs pa la gsod du 'ongs na/ de la de bzhin gshegs pas mi khro zhing mdangs dang chas na/ mi des de bzhin gshegs pa la gsod pa'i mtshams med pa'i las su 'gyur ram/ ma lags so// bcom ldan 'das can s+yAd duts+tshin/ de bzhin gshegs pa'i sun gnag mo nus par gyur ro// de'ang dza k+ta zhe nA/ thA snru bo ni ma mchis kyi/ chos nyid 'ba' zhig dang ldan te/ chos rnams kyi chos nyid ni gzhig tu mi rung ba lags na/ gang zag des sangs rgyas kyi sku gzhig ka la nus modakyi/ pa'i sems dang bcas pas mtshams ma mchis pa'i las su ni 'gyur ro// de'i slad du dper na/ chos rnams kyi chos nyid rig par 'gyur ro// de nas bcom ldan 'das kyis/ byang chub sems dpa' 'od srungs la 'di skad ces bka' stsal to// shin tu legs so// shin tu legs so// rigs kyi bu ngas gsungs pa las khyod kyis sngar gsol ba legs so/ / rigs kyi bu dper na mi sdig can zhig ma gsad par bsams nas/ zhing gi las byed par ma zan skyel du 'ongs pa las/ de la gsad par bsams nas/ ral zi brdar nas chas pa las/ mas tshor nas khre 'bras spungs pa'i phung por zhugs te/ mi des ral gri thogs te khre 'bras kyi phung po la bskor cing ral gros btab na/ deni sod do snyam nas dga' ba'i sems skyes so// phyis de'i mkhre 'bras kyi phung po'i nang nas byung ste/ phyir khyim du 'ongs na de khyod kyi yid la dza~M snyam/ mi de mtshams med pa'i sdig byas pa yin nam/ gsol pa/ bcom ldan 'das gcig tu nges pa ma lags so// de ci'i slad du zhe na/ de la sdig pa mchis shes bgyir ni ma'i lus zhig par gyur pa ma lags/ lus zhig par ma gyur na sdig pa mchis shes bgyir ga la rung / sdig pa ma mchis shes bgyir ni sod do snyam bsams nas dga' ba'i sems kyang bskyed na/ ma mchis shes bgyir yang ga la rung ste/ mi des mtshams med pa rdzogs pa ma lags pa ni ma lags mod kyi/ 'on kyang mtshams ma mchis pa'i las bgyis so// rgyu dang rkyen de lta bas na chos rnams kyi chos nyid rig par 'gyur ro/ / bcom ldan 'das kyis bka' stsal pa/ shin tu legs so// shin tu legs so// rigs kyi bu rgyu dang rkyen de lta bas na/ ngas rnam pa sna tshogs kyi thabs dang dpes/ rnam par grol ba'i dper gsungs pa yin no// dpe rnam pa grangs med tshad med pa snyed kyis dper bstan kyang / yang dag bapar na dper bskrun du med de/ rgyu dang rkyen kha cig gi skabs su dpes bstan du rung ngo // rgyu dang rkyen kha cig gi skabs su ni dper bstan du mi rung ste/ de bas na rnam par grol ba ni de lta bu yon tan tshad med pa dang ldan te mya ngan las 'das pa la zhugs so/ / mya ngan las 'da' ba dang / de bzhin gshegs pa la'ang de lta bu'i yon tan tshad med pa dang ldan no// de lta bu'i yon tan tshad med pa dang ldan te/ phun sum tshogs pa'i phyir na yongs su mya ngan las 'das pa chen po zhes bya'o// byang chub sems dpa' 'od srungs kyis/ bcom ldan 'das la gsol pa/ bcom ldan 'das bdag gis ni de bzhin gshegs pa byon pa'i gnas gdod 'tshal te/ bas mi 'tshal ba'i gnas so// de ltar bas mi 'tshal bas na/ sku tshe'i tshad kyang bas mi 'tshal ba'i rig par bgyi'o/ / bcom ldan 'das kyis bka' stsal pa/ legs so legs so// rigs kyi bu khyod ni yang dag pa'i chos shin tu 'dzin cing bsrungs pa'o/ / rigs kyi bu 'am/ rigs kyi bu mo gang kun nas nyon mongs pas rnam par bcings pa gcod 'dod pa dag ni de ltar dam pa'i chos gzung zhing bsrung bar bya'o// / / 'phags pa yongs su mya ngan las 'das pa chen po'i mdo bam po drug pa// rigs kyi bu yongs su mya ngan las 'das pa'i mdo shin tu zab mo 'ja las gang zag rnam pa bzhis yang dag pa'i chos srung zhing / yang dag pa'i chos rnam par 'jog pa dang / yang dag pa'i chos yid la byed nus shing / 'jig rten du bcas pa la snying brtse bab dang / 'jig rten du bcas pa'i rten dang gnas su 'gyur zhing / lha dang mi mang po la phan pa dang bde ba'i don byed par 'gyur ro// gang zag bzhi po gang zhe na/ gang zag gang 'jig / rten las 'dasate/ nyon mongs pa'i mtshan nyid dang ldan pa ni rgyun tu zhugs pa zhes bya ste gcig go/ gang zag lan cig phyir ldog pa ni gnyis so// lan cig phyir mi ldog pa ni gsum mo/ / dgra bcom pa ni bzhi'o// gang zag rnam pa bzhi po 'di dag 'jig rten du byung na/ 'jig rten du bcas pa la snying brtse zhing / 'jig rten du/ bcas pa'i rten dang gnas su 'gyur te/ lha dang mi mang po la phan pa dang bde ba'i don byed par 'gyur ro// de la nyon mongs pa'i mtshan nyid dang ldan pa gang zhe na/ de la gang zag zhig tshul khrims yongs su sdom zhing spyod lam mi nyams pas/ yang dag pa'i chos rnam par gzhag nas/ sangs rgyas las ji skad du thos pa bzhin du yi ge don la mkhas te// gzhan la'ang rgyas par 'chad cing ston pa ni/ 'di lta ste/ 'dod pa nyung ba dang / 'dod pa mang ba dang / byang chub yin pa la sogs pa skyes bu chen po ya brgyad kyi chos rgyas par ston pa'o/ / gang nyes byung ba'i rnams kyang 'thol zhing 'gyod tshangs byed du bcug nas nyes pa byang bar byed pa dang / byang chub sems dpa' rnams kyis thabs dang / spyod pa dang / dgongs te gsungs pa'i chos la shin tu mkhas pa ni byis pa so so'i skye bo zhes bya'i/ skyes bu ya brgyad po ma yin no// skyes bu ya brgyad po ni byis pa so so'i skye bo zhes mi bya ste/ byang chub sems dpa' zhes bya'i/ sangs rgyas zhes bya ba ni ma yin no// skyes bu gnyis po ni rgyun du zhugs pa zhes bya'o// lan cig phyir log pa ni yang dag pa'i chos rnyed dam/ yang dag pa'i chos 'dzin tam/ sangs rgyas las chos thos na/ ji ltar thos pa bzhin du glegs bam du 'dri zhing / 'chang ba dang / klog pa dang / 'don pa dang / gzhan la'ang rgyas par ston cing 'chad do/ / de chos thos nas mi 'dri ba dang 'chang ba 'am/ 'dzin par mi byed pa dang / gzhan la'ang mi 'chad de/ bran po dang / bran mo la sogs pa ma brtags pa'i dngos po dag sangs rgyas kyis 'chang du gnang ngo zhes smra ba'i gnas med de/ de ni gang zag gnyis pa zhes bya ste/ gang zag de ni gnyis po dang / gsum po'i sa thob pa'ang ma yin la/ byang chub sems dpa' lung bstan pa zhes kyang mi bya'o/ / gang zag gsum po ni lan cig phyir mi ldog pa zhes bya ste/ lan cig phyir mi ldog pa ni yang dag pa'i chos la skur pa 'am/ zan po dang / bran mo dang / las byed pa'i mi la sogs pa ma brtags pa'i dngos po dag 'chang du gnang zhe'am/ mu stegs can gyi gtsug lag dang yi ge la slob cing 'dzin ce 'am/ kun nas nyon mongs pas sgrib par 'gyur zhe 'am/ bag la nyal ba'i nyon mongs pas sgrib cing g.yog par 'gyur zhe 'am/ de bzhin gshegs pa'i sku gdung yang dag pa sbed cing 'chab ce 'am phyi rol gyi nad rnam pa mang pos 'tshe zhing gnod par 'gyur zhe'am/ sbrul gdug pa rnam pa bzhis zin par 'gyur zhe 'am/ bdag tu smra ba la sogs pa'i gnas med kyi/ bdag nyid par smra ba'i gnas ni yod do// 'jig rten gyi chos la chags par smra ba'i gnas ni med kyi/ theg pa chen po bar chad kyi rgyun med par ston pa'i gnas ni yod do// gang lus len pa de la srin bu brgyad khros bza' ba'i gnas ni med kyi/ 'dod chags yongs su spangs nas chung ngu na rmi lam na'ang mi gtsang ba mi 'byung ba'i gnas ni yod pa dang / mthar tshe'i bya ba byed pa na 'jigs skrag par 'gyur ba'i gnas kyang yod do/ / lan cig phyir mi ldog pa zhes bya ba ci'i don zhe na/ gang zag de ni nyes pa'i skyon gong du smos pa'i nang du phyir mi 'khor te// des gos par yang mi 'gyur la/ phyir 'khor zhing skye'ang de ni byang chub sems dpa' zhes bya ste/ lung bstan pa'ang thos pas/ ring por mi thogs par bla na med pa yang dag par rdzogs pa'i byang chub tu mngon par 'tshang rgya bar yang 'gyur te/ de ni gang zag gsum pa zhes bya'o// gang zag bzhi pa ni dgra bcom pa zhes bya ste/ dgra bcom pa ni nyon mongs pa thams cad bcad pa/ khur bor ba/ bya ba byas pa/ phyis bdag gi don rab tu rnyed pa/ sa bcu la rab tu gnas pa/ ye shes la dbang sgyur ba/ so so'i skye bo ci la mos pa bzhin du rnam pa sna tshogs kyi gzugs dang / cha lugs kyang de bzhin du ston pa/ mngon par 'tshang rgya bar 'dod na'ang mngon par sangs rgyas pa ston pa ste/ de lta bu'i yon tan tshad med pa dang ldan pas na dgra bcom pa zhes bya'o// de bas na skyes bu chen po bzhi 'jig rten du byung na/ 'jig rten du bcas pa la snying brtse bas 'jig rten du bcas pa'i gnas dang rten du 'gyur zhing / lha dang mang po la phan pa dang bde ba'i don byed pa dang / lha dang mi'i ning na mchog tu 'gyur/ gtso bor 'gyur/ phul du 'gyur te/ ji ltar de bzhin gshegs pa thams cad kyi skyabs su 'gro ba'i gnas mi'o mchog tu gyur pa bzhin no// byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das bdag ni skyes bu bzhi po la mi gnas mi rten to// den rdo slad du zhe na/ bcom ldan 'das kyis sngon mdo sde gu shi las dris pa las 'di skad ces gsungs te/ gu shi la lha dang / bdud dang / tshangs pa la sogs pa khyod gzhig cing mi rung bar bya ba'i phyir sangs rgyas kyi gzugs lta bur bsgyur nas/ mtshan sum cu rtsa gnyis dang / dpe byad bzang po brgyad cu dang / 'od kyi dkyil 'khor 'dom gang ba dang / zhal zla ba rgyas pa lta bu dang smin mtshams kyi mdzod spu'i mtshan dkar khyad grangs sam/ dung lta bu yongs su brgyan te 'ongs na/ khyod yang dag pa yin nam ma yin pa rtogs shig/ rtogs shong shes nas gdul bar/ bya'o zhes gsungs te/ bcom ldan 'das bdud la sogs pas sangs rgyas kyi sku'ang ston cing sprul nus na/ dgra bcom pa la sogs pa skyes bu bzhi'i lus su ston cing / nam mkha' la 'gro ba dang / nyal ba dang / 'dug pa dang / rtsib logs g.yon nas chu 'byung ba dang / rtsi bo logs g.yas nas me 'byung ba dang / lus la dud pa 'azul zhing me'i phung po ltar ston pa lta smos kyang ci 'tshal te/ rgyu dang rkyen de lta bas na bdag ni de la dad pa'ang mi skyel/ ston pa zhig yod na'ang tshul bzhin du mi bgyid/ bkur sti dang / rten dang gnas lta bur yang mi sems so/ / bcom ldan 'das kyis bka' stsal pa/ rigs kyi bu ngas bstan pa la the tshom yod na'ang gzung bar mi bya na/ de dag gis bstan pa lta ci smos te/ de bas na dge 'am/ mi dge 'am/ bya 'am/ mi bya ba shin tu brtags te khong du chud par bya'o// de ltar byas na yun ring por bde ba myong bar 'gyur ro// rigs kyi bu 'di lta ste/ dper na khyi rkun zhig khyim du 'ongs te/ bran mo'i khyim srun gyis tshor na de la spyo ste myur du phyir song zhig/ ma zos na gsad do zhes smra ste/ khyis de skad thos na bros te phyir mi ldog go khyed kyang de bzhin du bdud sdig to can gdul ba na/ de la 'di skad du bdud sdig to can khyod 'di 'dra ba'i gzugs su ma ston cig/ ci ste ston na 'ching ba rnam pa lngas bcing ngo zhes kyis / bdud kyi na thos na thos te sbyon ba rdzog pa'ang/ dzasbyar tsa rkun de byar ma ldog pa bzhin no// 'od srungs tsas yang gsol pa/ bcom ldan 'das kyis can g+sa shil 'di skad ces gsungs te/ gang zhig de ltar bdud thul na yongs su mya ngan las 'das pa chen po la nye ba zhes bgyi na/ ci'i slad du bcom ldan 'das kyis gang zag bzhi po la gnas dang rten lta bur gsungs/ gang zag bzhi pos ston pa la nges par yod ches su rung ngam/ bcom ldan 'das kyis/ 'od srungs la bka' stsal pa/ rigs kyi bu ngas gsungs pa'ang de dang 'dra ste/ de lta bu yin no// rigs kyi bu ngas ni nyan thos sha'i mig can dag la bdud 'dul bar bstan gyi/ theg pa chen po la nan tan byed pa'i gang zag la bshad pa ma yin no/ / nyan thos kyi gang zag ni 'phrul gyi mig can du gyur kyang sha'i mig ces bya'o// theg pa chen po slob pa ni sha'i mig can yang sangs rgyas kyi spyan zhes bya'o// de ci phyir zhe na/ theg pa chen po'i mdo sden sangs rgyas kyi theg pa zhes bya ste/ sangs rgyas kyi theg pa ni mchog tu gyur phul du gyur pa'o// rigs kyi bu 'di ltar// dper na skyes bu dpa' zhing sgyu rtsal che ba la ni gang sngar ma zhan pa dag tu 'khor zhing rten to/ / skyes bu dpa' bo des sngar ma de la khyod gzhu 'di ltar zung zhig/ mnga' 'di ltar 'phongs shig/ shag ti slob cing kyo btang dang zhags pa 'di ltar thob cig ces ston to/ / gzhan yang 'di skad du dgra dang 'thab pa ni mtshon gyi khar song ba dang 'dra mod kyi/ 'jigs skrag pa'i 'du shes ma skyed par/ pha rol po lha dang mi la shin tu brnyas pa'i 'du shes skyed cig/ bdag ni shin tu dpa' zhing rtsal che bar 'du shes skyed cig/ bar bar gyi dus su mi sngar ma zhen pa dag cig dpa' ba ltar bcos te mda' gzhu dang / ral gri dang / mtshon cha sna tshogs thogs te g.yul ngor lhags nas skad chen pos bos na/ khyod de la 'jigs pa 'am skrag pa ltar ma byed cig dang / sngar ma des khyod mi skrag par shes na/ khyi rkun dang 'dra bar de ma thag tu 'gyes shing 'bros so// rigs kyi bu de bzhin gshegs pa'ang de dang 'dra ste/ nyan thos rnams la khyed bdud sdig to can gyis ma skrag cig/ gal te bdud sdig to can sangs rgyas kyi skur sprul te/ khyed kyi drung du 'ongs na'ang khyed shin tu brtan pa'i brtson 'grus kyis bdud kyi sde rnams thul cig/ de'i tshe na bdud kyang mya ngan gyis non te mi dga' nas phyir 'gro'o// rigs kyi bu dper na skyes bu dpa' bo gzhan la slob mi dgos pa ltar theg pa chen po la nan tan byed pa'ang de dang 'dra ste/ shin tu zab mo'i mdo sde rnam pa sna tshogs thos kyang sems rab tu dga' zhing rangs par 'gyur gyi/ 'jigs pa 'am skrag pa mi skye'o// de ci'i phyir zhe na/ 'di ltar theg pa chen po la slob pa'i gang zag ni sngon 'das pa'i sangs rgyas grangs med pa brgya stong la phyag dang / bsnyen bkur dang / mchod pa byas pas/ gal te bdud kyi 'khor grangs med pa brgya stong snyed kyis gnod pa 'am/ rnam par gtses kyang de la nam du'ang 'jigs skrag pa mi 'byung ngo / / rigs kyi bu 'di lta ste/ dper na mi zhig sman a gas rnyed na sbrul gdug pa la sogs pa thams cad kyis mi 'jigs so// sman de'i mthus gdug pa thams cad gzhil nus pa'i phyir ro/ / theg pa chen po'i mdo sde'ang de dang 'dra ste/ bdud gdug pa thams cad kyis mi 'jigs la/ phyis mi ldang bar yang gdul nus so/ / rigs kyi bu gzhan yang 'di lta ste/ dper na klu gdug pa ni pha rol la gsod pa'i tshe/ bar 'ga' ni mog gis bltas pa tsam ma ma/ bar 'ga' ni dbugs kyis brngubs pa tsam gyis 'chi ste/ de bas na seng ge dang / rtag dang / 'phar spyang dang / khyi la sogs pa thams cad de la 'jigs so// gcan gzan de dag la sogs pas de'i skad thos sam/ de'i lus kyis reg pa tsam gyis mi 'tsho ba med de/ gang sngags la shin tu mkhas pa ni sngags kyi mthus na/ klu gdug pa dang / nam mkha' lding dang / bal gyi glang po che'i rmis pa dang / seng ge dang b+hag dang / 'bar spyang la sogs pa thams cad thul te kha lo sbyar zhing zhon kyang nus so// gcan gzan de dag gis sngags la mkhas pa de mthong ba tsam gyis de rang 'dul lo// nyan thos dang rang sangs rgyas kyang de dang 'dra ste/ bdud sdig to can mthong na thams cad 'jigs skrag go// bdud sdig to can ni de dag la 'jigs pa'am skrag pa'i sems med de/ bdud kyi las kyang byed do// theg pa chen po la slob pa'ang de dang 'dra ste/ de ltar nyan thos dag bdud kyis skrag ste/ theg pa chen po la mi mos mi dad pa mthong nas/ sngar thabs kyis bdud kyi ris rnams btul te thams cad btul bar byas nas/ de'i 'og tu dam pa'i chos rnam pa sna tshogs ston cing 'chad do// nyan thos dang rang sangs rgyas de dag de ltar bdud rnams btul ba mthong nas gdod skrag pa skye ste/ theg pa chen po dam pa'i chos bla na med pa la mos pa dang dad pa bskyed de/ 'di skad du bdag cag ni de phyin chad dam pa'i chos 'di'i bar chad dang bgegs mimo bya'o zhes smra'o/ / gzhan yang rigs kyi bu nyan thos dang rang sangs rgyas ni nyon mongs pa rnams la 'jigs pa dang skrag pa skye'o// theg pa chen po la slob pa dag ni 'jigs pa 'am bag tsha ba med do/ / theg pa chen po la nan tan byed pa ni de lta bu'i mthu dang ldan te/ rgyu dang rkyen de lta bas na sbyar bstan cing bshad pa ni nyan thos dang rang sangs rgyas dag gi bdud 'dul ba'i phyir gyi theg pa chen po'i byor ni ma yin no/ / theg pa chen po mya ngan las 'das pa'i mdo shin tu zab mo 'di ni ngo mtshar che zhing rmad du gyur pa ste/ gdul nus pa med do// gang zhig mnyan te thos sa dang cing 'dzin tam/ de bzhin gshegs pa la rtag pa'i chos can du yid ches na/ gang zag de ni me tog u du ma war ltar shin tu dkon pa'o// nga mya ngan las 'das nas gang gis theg pa chen po'i mdo sde shin tu zab mo 'di thos nas dad pa'i sems skyes na/ de ni ma 'ongs pa'i dus su bskal pa brgya stong gi bar du ngan song du mi ltung bar rig par bya'o// nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu nga mya ngan las 'das nas/ yongs su mya ngan las 'da' ba'i mdo sde dam pa 'di la sems can grangs med pa brgya stong snyed kyis skur cing yid mi ches par 'gyur ro/ / byang chub sems dpa' 'od srungs kyis yang gsol pa/ bcom ldan 'das sems can de dag sangs rgyas mu ngan las 'das pa'i 'og tu yun ring du mdo sde 'di la bsnyen nas skur bar 'gyur na/ de la skye bo shin tu dge ba dang ldan pa ji lta bus chos la rnam par skur ba de sgrol bar 'gyur/ bcom ldan 'das kyis/ 'od srungs la bka' stsal pa/ rigs kyi bu nga mya ngan las 'das nas lo bzhi bcu'i bar du ni/ 'dzam bu gling 'dir rgyas par 'gyur te/ de nas sa'i 'og tu nub par 'gyur ro/ / rigs kyi bu dper na bu ram gyi shing dang / 'bras dang / sha khar dang / 'o ma dang / mar dang / mar gyi snying po yod pa'i gnas na 'khod pa'i sems can dag ni ro bro ba de la ro'i nang na mchog dam par 'dzin to/ / de la mi kha cig ni khri dang yug po'i sa bon 'ba' zhig za na/ de dag kyang 'di skad du bdag cag gi zas 'di las bad ba med ces zer ro/ / de ni sems can bsod nams chung ba'i las kyi rnam par smin pa yon te/ bsod nams can skal ba dang ldan pa dgra ni khri dang yug po'i sa bon rnams mi thogs te/ zas su 'bras dang / bu ra ma dang / sha kha ra dang / mar gyi snying po 'ba' zhig za'o// mya ngan las 'da' ba'i mdo sde dam pa 'di'ang de dang 'dra ste/ dbang po rtul po bsod nams chung zhing skal ba med pa dag thos par mi 'dod do/ / ji ltar bsod nams chung ba dag 'bras dang / sha kha ra la sogs pa mo 'dod pa ltar theg pa chung ngu gnyis kyang de dang 'dra ste/ mya ngan las 'das pa chen po mdo sde dam pa 'di mi 'dod do/ / de la so so'i skye bo gang mdo sde 'di thos par mos shing / thos nas kyang rab tu dga' ste skur pa mi byed pa ni sems can bsod nams can 'bras la sogs pa za ba dang mtshungs so/ / rigs kyi bu dper na rgyal po zhig ri'i gseb shin tu nyam nga ba'i gnas na 'dug na/ bu ram gyi shing dang / 'bras dang / sha kha ra cig yod kyang dkon pas na zad kyis dogs te/ zas pa'i thugs mi thub kyi sogs so// khre dang yug po'i sa bon 'ba' zhig za'o// rgyal po gzhan zhig gis thos nas de snying brtse ba'i phyir 'bras dang sha kha ra la sogs pa shing rtas bskyas te byin na/ rgyal po des kun la bgos te byin nas gdod za'o// zos nas thams cad dga' ste/ 'di skad du rgyal po de'i phyir bdag cag kyang sngon ma myong ba'i zas zos par gyur to zhes zer ro/ / rigs kyi bu skyes bu gang zag bzhi po'ang de dang 'dra ste/ bla na med pa'i chos chen po'i ded dpon no// gang zag rnam pa de bzhi las gang zag gcig gis phyogs gzhan zhig na/ byang chub sems dpa' tshad med pa rnams theg pa chen po'i mdo sde 'dra slob bam/ glegs bam du 'dri'am/ gzhan dag glegs bam du 'drir bcug gam/ rnyed pa dang / bkur sti dang / grags pa'i phyir ram/ chos mngon pa'i phyir ram/ rten dang gnas kyi phyir ram/ mdo sde gzhan dag tu bskur zhing brje ba tsam gyi phyir gyi/ gzhan dag la rgyas par ston cing 'chad mi nus pa mthong na/ de dag gi phyir mdo sde dam pa 'di phyogs der bskyal te/ byang chub sems dpa' de dag la byin nas/ bla na med pa'i byang chub tu sems bskyed du bcug ste byang chub la bkod nas/ byang chub sems dpa' de dag kyang mdo sde 'di thos nas/ gzhan dag la rgyas par ston cing bshad de/ sems can tshad med pa rnams kyang theg pa chen po'i mdo sde 'di'i chos kyi ro myong bar byas na/ de ni byang chub sems dpa' de gcig gi mthus sngon ma thos pa'i mdo sdeng thos par 'gyur te/ ji ltar rgyal po gcig gi mthus thams cad kyis sngon ma myong ba'i zas myong bar 'gyur ba bzhin no// rigs kyi bu gzhan yang mya ngan las 'das pa chen po'i mdo gang na yod pa'i gnas de ni rdo rje lta bu yin la/ de na gnas pa'i mi'ang rdo rje dang 'dra bar rig par bya'o// gang zhig mdo sde 'di mnyan na de ni bla na med pa yang dag par rdzogs pa'i byang chub las phyir mi ldog pa ste/ ji ltar smon pa bzhin du'ang 'grub par 'gyur ro// ngas 'dir ji skad du gsung ba bzhin/ dge slong khyed shin tu gzungs su zung zhig sems can gang zhig mdo sde 'di mnyan mi nus na/ gang zag de ni shin tu thugs brtse ba'i gnas su rig par bya'o// de ci'i phyir zhe na/ gang zag des theg pa chen po'i mdo sde shin tu za ba mo'i don 'di gzung mi nus pa'i phyir ro/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das de bzhin gshegs pa mya ngan las 'das nas lo bzhi bcu'i bar du/ yongs su mya ngan las 'das pa theg pa chen po'i mdo 'di 'dzam bu gling du rgyas par 'gyur ro// de nas sa'i 'og tu nub nas byis yun ring mo zhig na phyir yang byung ngo / / bcom ldan 'das kyis bka' stsal pa/ rigs kyi bu nga'i dam pa'i chos 'di lo brgyad cu la ma gtogs pa sngar lo bzhi bcu'i bar du 'dzam bu gling 'dir chos kyi char chen po 'bab par 'gyur ro/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das mdo sde 'di dam pa'i chos 'jig pa'i tshe/ yang dag pa'i tshul khrims nyams pa'i tshe/ chos ma lags pa 'phel zhing skye ba'i tshe/ tshul bzhin byed pa'i sems can dag ma mchis pa'i tshe/ su dag gis 'chang ba dang / 'dzin pa dang / klog pa dang / 'don pa dang / khong du chud par bgyid pa dang / mchod pa dang / rim gro dang / bkur sti bgyid cing glegs bam du 'dri ba dang / rnam par 'grel cing ston par 'gyur ba/ de bzhin gshegs pas so so'i skye bo dag la thugs brtse ba'i slad du rgyas par phye ste bstan du gsol byang chub sems dpa' rnams thos nas 'dzin par 'gyur ro/ / gzungs su bzung bas na bla na med pa yang dag par rdzogs pa'i byang chub las phyir mi ldog par 'gyur ro// de nas bcom ldan 'das kyis/ byang chub sems dpa' 'od srungs la legs so// shin tu legs so zhes bka' stsal nas/ rigs kyi bu khyod kyis don 'di dag dris pa legs so/ / rigs kyi bu sems can gang zhig chu klung gang+gA'i bye ma snyed kyi sangs rgyas las byang chub tu sems bskyed na/ des ni dus ngan pa'i tshe mdo sde 'di 'chang ba dang 'dzin par 'gyur te/ skur ba mi 'debs so// rigs kyi bu sems can gang zhig chu klung ga d+hA gcig gi bye ma snyed kyi sangs rgyas las byang chub tu sems bskyed na/ des ni dus ngan pa'i tshe chos 'di la mi skur cing mdo sde 'di la mos par 'gyur te/ gzhan la rnam par 'byed cing ston ni mi nus so// rigs kyi bu sems can gang zhig chu klung gang+gA gnyis kyi bye ma snyed kyi sangs rgyas las byang chub tu sems bskyed na/ des ni dus ngan pa'i tshe chos 'di la mi skur te/ dad cing mos pa dang / 'chang zhing 'dzin pa dang / klog pa dang / 'don par 'gyur te/ gzhan la rgyas par ston ni mi nus so// sems can gang zhig chu klung gang+gA gsum gyi bye ma snyed kyi sangs rgyas las byang chub tu sems bskyed na/ des ni dus ngan pa'i tshe chos 'di la mi skur te/ 'chang ba dang / 'dzin pa dang / klog pa dang / 'don pa dang / glegs bam du 'dri bar 'gyur te/ gzhan la ston mod kyi/ don zab mo ni mi shes so// sems can gang zhig chu klung gang+gA bzhi'i bye ma snyed kyi sangs rgyas las byang chub tu sems bsdud na/ des ni dus ngan pa'i tshen chos 'di la mi skur te/ 'chang ba dang / 'dzin pa dang klog pa dang / 'don pa dang / glegs bam du 'dri bar 'gyur te/ des ni gzhan dag la don zab mo bcu drug gi cha gcig tsam ston par 'gyur ro// ston cing 'chad mod kyi/ de'ang rdzogs par shes pa ni ma yin no/ / sems can gang zhig klu gad+hA lnga'i bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mi skur te/ 'chang ba dang / 'dzin pa dang / klog pa dang / 'don pa dang / glegs bam du 'dra ba dang / gzhan la'ang don zab mo bcu drug gi cha'i cha brgyad ston nus par 'gyur ro// sems can gang zhig krung gad+hA drug gi bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mi skur te/ 'chang ba dang / 'dzin pa dang / klog pa dang / 'don pa dang // glegs bam du 'dri ba dang / gzhan la'ang bcu drug cha'i cha bcu gnyis ston nus par 'gyur ro// sems can gang zhig klung ga ng+gA bdun gyi bye ma snyed kyi sangs rgyas las byang chub tu sems bskyed na/ des ni dus ngan pa'i tshen chos 'di la mi kur te/ 'chang ba dang / 'dzin pa dang / 'don pa dang / klog pa dang / glegs bam du 'dri ba dang / gzhan la'ang bcu drug chu'i chabacu bzhi ston nus par 'gyur ro/ / sems can gang zhig klung gang+gA brgyad kyi bye ma snyed kyi sangs rgyas las byang chub tu sems bskyed na/ des ni dus ngan pa'i tshe na chos 'di la mo skur te/ 2 ba dang / 'dzin pa dang / klog pa dang / 'don pa dang / gzhan la'ang glegs bam du 'dror bskul ba dang / bdag kyang nyan cing 'dzin la/ gzhan dag kyang nyan pa dang / 'dzin pa klog pa dang / 'don pa dang / khong du chud par byed par bskul ba dang / 'jig rten la snying brtse ba'i phyir shin tu srung zhing / mdo sde la mchod par byed pa dang gzhan dag kyang mchod pa dang / rim gro dang / bkur sti dang / phyag bya ba dang / klog pa dang / 'don pa'i bar du bskul ba'ang de bzhin no// des don zab mo'ang rdzogs par khong du chud pa ni/ 'di lta ste/ de bzhin gshegs pa ni rtag tu gnas pa'i chos can mi 'gyur ba mthar bde ba dang / sems can la sangs rgyas kyi rang bzhin yod par rgyas par 'chad pa dang de bzhin gshegs pa'i chos kyi gter la shin tu mkhas pa dang / sangs rgyas de dag la mchod pa byas na/ bla na med pa yang dag pa'i chos 'di dag 'chang ba dang / 'dzin pa dang / skyob pa dang / rnam par gzhag pa rtogs par 'gyur ro// gang zhig bla na med pa yang dag par rdzogs pa'i byang chub tu sems bskyed na/ gang zag de ni ma 'ongs pa'i dus su yang dag pa'i chos 'di 'chang ba dang / 'dzin pa dang / skyob par 'gyur zhing nges par yang dag pa'i chos rnam par gzhag par rig par bya'o// de bas na khyod kyis ma 'ongs pa'i des ngan pa'i tshe dam pa'i chos srung bar 'gyur ba dag shes par bya'o/ / de ci'i phyir zhe na/ sems bskyed pa de dag ni ma 'ongs pa'i dus su gdon mi za bar bla na med pa yang dag pa'i chos dag srungs zhing 'dzin nus pa'i phyir ro/ / rigs kyi bu dge slong ngan pa dag ning mya ngan las 'das pa thos na mya ngan mi byed de/ deng de bzhin gshegs pa mya ngan su 'dra bas tshim mo// de bzhin gshegs pa 'arjin rten na bzhugs na/ bdag cag gi snyed pa'i bgegs su 'gyur te/ da mya ngan las 'das na bdag cag gi snyed pa la bgegs byed cing 'phrog pa med do// bgegs byed cing 'phrog pa med pas rnyed pa'ang mang du thob par 'gyur ro/ / de bzhin gshegs pa 'jig rten na bzhugs na tshul khrims shin tu dam ste/ da mya ngan las 'das na thams cad lhod par 'gyur te/ lus la chos gos 'di'ang chos kyi tshul 'chos pa tsam du zad de/ da ni zhig cing ral par gyur kyang shing gi kha na ba dAn dang 'dra'o// zhes smra ba'i gang zag de ni mdo sde 'di la skur cing dbang za'o// rigs kyi bu khyod kyis de ltar yid la zung zhig/ sems can gang zhig tshad med pa'i yon tan phun sum tshogs pa dang ldan na/ des ni theg pa chen po'i mdo sde 'di la dad cing yid ches so// dad nas kyang 'chang zhing 'dzin te/ sems can gzhan dag thos par mos pa la rgyas par bstan cing bshad na/ gang zag des thos pa tsam gyis sngon 'das pa'i bskal pa grangs med tshad med pa'i mi dge ba'i las thams cad zhu zhing byang bar 'gyur ro/ / gang zhig mdo sde 'di la ma dad dam/ yid mi ches na tshe 'di nyid la'ang nad rnam pa tshad med pas gzir te sdug bsngal bar 'gyur ba dang / mi mang pos gshe zhing spyo ba dang / tshe 'phos nas kyang kun gyis brnyas shing smod pa dang / byad bzhin mi sdug pa dang / 'tsho ba'i yo byad kyis brel 'phongs pa dang / cung zad cig rnyed na'ang ngan la rtsub pa dang / gang nas gang du skyes kyang rtag tu dbul phongs shing ma rabs ngan par skye ba dang / dam pa'i chos la skur pa ngan par blta ba'i rigs su skye ba dang / mthar dus byed pa na yul 'khrugs pa 'am mtshon cha dang phrad pa dang / rgyal po chos bzhin mi byed pa dang / dgra sdang ba dang phrad pa dang / bshes gnyen grogs po yod kyang mi phrad pa dang / 'tsho ba'i yo byad ci'ang mi rnyed pa dang / cung zad cig rnyed kyang rtag tu bkres pas yongs su gdung ba dang / ma rabs ngan pa dang bshes shing bstan pa dang / rgyal po dang blon pos kyang mi 'dod pa dang / ci ste ston cing 'chad pa don las ma 'gal yang su'ang yid mi ches te mi 'dzin par 'gyur ro// gang zag de ni dge ba'i gnas bzang por mi skye ste/ bya 'dab ma chag pa 'phur mo nus pa ltar gang zag de'ang de dang 'dra ste/ ma 'ongs pa'i dus su lha dang mi'i gnas bzang por ni mi skye'o// de la gang zag su zhig theg pa chen po'i mdo sde 'di la yid ches shing dang na mngon par thob pa'i lus ngan la mi sdug kyang / mdo sde 'di'i yon tan gyis byad gzugs bzang ba dang / gzi brjid dang mthu dang ldan pa dang / mdangs kyang 'phel zhing skye ste/ 'jig rten du bcas pa lha dang mi thams cad kyi yid du 'ong zhing lta 'dod pa dang / rim gro dang / bkur sti dang / mchod pa byed cing / gtong mi phod par 'gyur ro// rgyal po dang / blon po dang / gnyen dang / 'khor rnams kyis smra zhing bsgo ba la dad cing yid ches par 'gyur ro// gal te nga'i nyan thos kyi nye gnas gang zhig gis mchog gis phul du gyur pa'i don spyod par 'dod na/ 'jig rten du bcas pa la theg pa chen po'i mdo sde 'di rgyas par 'grel cing bstan par bya'o// rigs kyi bu dper na zil pa ni ring du gnas par 'dod kyang nyi ma shar ba las mi 'da' ste/ nyi ma shar ma thag tu lhag ma'ang mi lus par med par 'gyur ro// rigs kyi bu sems can de dag gi mi dge ba'i las ji snyed yod pa'ang de dang 'dra ste/ ring du gnas par 'dod kyang mya ngan las 'das pa chen po'i nyi ma shar ba mthong ba las mi 'da' 'o// nyi ma de shar ma thag tu de dag gi mi dge ba'i las thams cad zhu zhing byang bar 'gyur ro/ / rigs kyi bu gzhan yang 'di lta ste/ dper na gang zag rab tu byung ba skra dang kha spu bregs te/ chos gos byon na dge tshul gyis khrims bcu ma mnos kyang / khyim bdag gcig gis dge 'dun kun pos te/ khrims ma mnos pa'ang dge 'dun mthon du thos pa'i nang du gtogs na/ khrims ma mnos mod kyi/ dge 'dun gyi grangs su 'gro'o/ / rigs kyi bu sems can gang zhig theg pa chen po'i mdo yongs su mya ngan las 'das pa 'di bslab par sems bskyed de/ glegs bam du 'dri'am 'chang ngam/ 'dzin tam/ klog gam/ 'don pa'ang de dang 'dra ste/ phun sum tshogs pa ma yin yang sa bcur phyin pa ste/ sa bcu pa'i grangs su bgrang ngo // gal te sems can gang sangs rgyas kyi nye gnas su gyur kyang rung / ma gyur kyang rung ste/ 'dod chags kyis skrag gam/ khe dang rnyed pa'i phyir mdo sde 'di'i tshigs su bcad pa gcig tsam mnyan te de thos nas mi skur na/ gang zag de ni bla na med pa yang dag par rdzogs pa'i byang chub la nye bar bsnyen pa yin par rig par bya'o// rigs kyi bu rgyu dang rkyen de lta bus na skyes bu chen po bzhi sangs rgyas kyis gsungs pa bzhin du/ sangs rgyas kyis gsungs pa ma yin zhes zer na de ni gnas ma yin no// de bas na skyes bu chen po bzhi ni 'jig rten gyi rten dang gnas lta bur ngas gsungs so// rigs kyi bu de bas na khyod kyis skyes bu chen po bzhi po la mchod pa bya'o// bcom ldan 'das bdag cag gis skyes bu chen po de ji lta bur 'tshal cing mchod par bgyi/ bcom ldan 'das kyis 'od srungs la bka' stsal pa/ gang na dam pa'i chos srung zhing rnam par gzhag pa'i gang zag de la ni gsol ba gdab cing / lus dang srog kyang btang ste mchod par bya'o zhes ngas theg pa chen po'i mdo sde gzhan las kyang 'di skad gsungs so/ / dam pa'i chos dag shes na/ nan nam gzhon yang rung ste/ pha ma'am bram ze lta bur/ mchod cing bsti stang phyag bya/ dam pa'i chos dag shes na/ rgan nam gzhon yang rung ste/ lha dag dbang phyug mchod ltar/ mchod cing bkur sti phyag bya// de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis gsungs pa bzhin te/ bla ma dang slob dpon la mchod pa bgyi ba ni de lags na yang rgyas par bshad du gsol/ gal te bla ma tshul khrims dang ldan pa zhig gzhon nu las sngon ma thos pa dag 'dri na/ gang zag de la phyag bgyi'am/ ci ste de la phyag bgyis na tshul khrims srung ba zhes bgyir yang mi rung / de la gzhon nu tshul khrims dang ldan pa zhig bla ma rgan po tshul khrims nyams pa zhig las sngon ma thos pa dag 'dri na/ de la'ang phyag bgyi 'am/ gal te rab tu byung ba zhig khyim pa las sngon ma thos pa 'drin/ de la'ang phyag bgyi ba lags sam/ rab tu byung bas khyim pa la phyag mi bya'o zhes kyang gsungs la/ sangs rgyas kyi chos kyis chung du gzhon nu dag gos bla ma rgan po la bkur sti dang phyag bya'o/ / ci'i phyir zhe na/ bla ma rgan po dag sngar bsnyen par rdzogs pa'i phyir rim gro dang phyag bya'o zhes kyang gsungs yang bcom ldan 'das kyis gsungs pa ltar nu/ tshul khrims nyams pa ni sangs rgyas kyi nang du mi chud de/ dper na zhing gshin pa'i nang na yug po'am rtswa lta bu zhes kyang gsungs gzhan du na bcom ldan 'das kyis dam pa'i chos shes na rgan nam gzhon yang rung / de la ni ji ltar lha rnams kyis dbang phyug rgyal po la phyag byed cing rim gro byed pa ltar mdod do zhes gsungs na/ don rnam pa gnyis po 'di ji lta bu lags/ de bzhin gshegs pas gsungs pa 'di la 'gal ba ma mchis sam/ bcom ldan 'das kyis gsungs pa ltar rnam pa gzhan du na/ dge slong tshul khrims srung ba'ang nyes pa ma mchis shes/ bcom ldan 'das kyis ci'i slad du de skad ces gsungs/ bcom ldan 'das kyis mdo sde gzhan dag las tshul khrims nyams pa dag chad pas bcad do zhes gsungs pa'ang don nges pa ma lags so/ / bcom ldan 'das kyis/ 'od srungs la bka' stsal pa/ rigs kyi bu ngas ma 'ongs pa'i dus na byang chub sems dpa' theg pa chen po la rtsol ba dag gi phyir tshigs su bcad pa de skad ces gsungs kyi/ nyan thos kyi nye gnas kyi phyir gsungs pa ni ma yin no/ / rigs kyi bu ngas sngon gsungs pa ltar na/ dam pa'i chos rnam par 'jig cing tshul khrims ngan par spyod pa na/ tshul khrims ngan pa dag 'byung zhing chos ma yin pa spyod ba na 'phags pa thams cad mngon par mi 'byung ba na/ bran po dang / bran mo dang / ma brtags pa'i dngos po dag 'chang zhing spyod pa'i dus na/ skyes bu rnam pa bzhi po las gcig tsam zhig mngon par byung ste/ sgra dang kha spu bregs nas rab tu byung ste lam la nan tan byed do// des dge slong dag so so nas bran po dang / bran mo dang / las byed pa'i mi ma brtags pa'i dngos po ma brtags pa 'chang ste/ brtags sam ma brtags pa'ang mi shes/ 'dul ba dang 'dul ba ma yin pa'ang mi shes pa de dag mthong nas/ skyes bu des dge slong de dag gdul ba'i phyir tshul khrims 'dra bar byed kyang spyod pa mi mthun te/ bdag gi spyod pa'i gnas dang / sangs rgyas kyi spyod yul yang shin tu rtogs shing shes la/ pha rol po phas pham pa'i nyes pa byung bar mthong yang cang mi smra ste mi gleng ngo / / de ci'i phyir zhe na/ bdag 'jig rten du 'byung ba ni dam pa'i chos bsrung zhing rnam par gzhag pa'i phyir te// de bas na cang mi smra ste mi gleng ngo / / rigs kyi bu de ltar skyes bu des chos bsrung ba'i phyir nyes pa yod kyang tshul khrims zhig pa zhes mi bya'o// rigs kyi bya dper na rgyal po zhig nad kyis btab ste shi la/ rgyal tshab nin gzhon te srid kyi las mi nus pa'i skabs su/ res 'ga' ni gdol pa nor rin po che shin tu mang zhing rab tu phyug po longs spyod dang ldan pa/ 'khor rab tu mang pa zhig mthu bsnyams te rgyal po'i srid 'phrog ste/ rgyal por zhugs na yul de na gnas pa'i khyim bdag dang bram ze la sogs pa phal cher yul gzhan du 'byer zhing 'bros so/ / ci ste de na gnas na'ang rgyal po de la lta'ang mi 'dod do// gal te khyim bdag dang / tshong dpon dang / bram ze la sogs pa yul gtong mi phod pa'ang / dper na skye shing gar skyes pa'i gnas de nyid du shi bar 'gyur ba dang mtshungs so/ / rgyal po gdol pa des yul mi dag byer bros mang bar rtogs nas/ gzhan yang gdol pa dag lam dang srang kun bsrungs te zhag bdun gyi bar du rnga brdungs nas 'di skad du/ kye bram ze dag khyed la gang zhig gis bdag gi spyi bo nas dbang bskur na/ yul gyi phyed sbyin no zhes bos kyang / bram ze gcig gis kyang ma btub ste/ so so nas gcig la gcig 'di skad du/ bram ze'i rigs las 'di lta bu'i las byed pa mi srid do zhe'o// rgyal po gdol pas yang 'di skad du bram zer khyed las gcig tsam yang bdag gi ston par 'gyur ba med na/ bram ze khyed kyang rigs ngan gdol pa dang lhan cig tu gzhag cing bskal la las kyang 'dra bar byed du gzhug go// gal te bdag gi spyi bo nas dbang bskur na yul gyi byed kyang sbyin no// tshig 'di mi brdzun par dam tshig kyang gzung ngo // sum cu rtsa gsum gnam gyi bdud rtsi mo 'chi ba'ang bgos te skyon no zhes smras so/ / de'i tshe na bram ze'i bu shin tu nas gzhon pa/ shin tu tshangs par spyod pa/ thor tsugs kyi mtshan dang ldan pa/ sngags dang rlog la shin tu mkhas pa zhig rgyal po ga na ba der song nas/ rgyal po de la rgyal po chen pos bka' stsal pa bdag gis bgyi'o zhes gsol to// de nas rgyal po de shin tu dga' nas/ bram ze gzhon nu de spyi bo nas dbang bskur ba'i ston par bcug go/ / bram ze gzhan dag de thos nas/ thams cad gzhon nu de la gshe ste/ khyod bram ze'i yin na/ ci'i phyir rigs ngan gdol pa de'i slob dpon byed ces smos so/ / de'i tshe rgyal po des yul de'i phyed gzhon nu de la byin nas/ yul gyi srid lan cig tu 'dzin to// phyis ring zhig lon pa dang / gzhon nu des rgyal po la 'di skad ces gsol to/ / bdag gi khyim bor te rgyal po'i ston par mchis nas/ rgyal po la sngags dang sgyu rtsal la sogs pa bstan cing bslabs kyang rgyal pos ni bdag la nye bar mi sems so// rgyal pos smras pa/ bdag gis khyod la ji ltar nye bar mi sems/ gzhon nus gsol pa/ sngon gyi rgyal po'i mi mi 'chi ba'i sman da dung ma 'tshal to// rgyal pos smras pa/ legs so legs so/ / ston pa chen po bdag gis de ltar ma 'tshal gyis ston pa bzhed na thams cad bzhes shig/ de nas gzhon nu des rgyal pos gnang ba'i sman blangs nas khyim du 'ongs te/ thon po chen po rnams dang lhan cig 'thungs so// blon po rnams kyis 'thungs nas shin tu bye bur gyur to// smyon pa la sa nam ma 'chib bdud rtsi k+ta bu sod donas rgyal po la gsol to/ / rgyal pos de skad ces thos nas/ ston pa la 'di skad ces smras so// ston pa chen po blon po rnams 'tshal ba'i sman bdud rtsi dag kyang shas mi stsal tam de nas gzhon nu des dug dang bsring te rgyal po la byin no/ / rgyal pos de zos ma thag tu dug langs nas tsa'ang mi tshor te/ shi ba bzhin tu sa la 'gyel to// de nas bram ze gzhon nu des rgyal tshab rgyal por dbang bskur nas/ 'di skad du seng ge'i khri la chos nyid kyis gdol pa la sogs pa 'dug pa ma lags kyis bdag gis ni gna' nas kyang rigs ngan gdol pas rgyal po bgyid ces ma thos so/ / rigs ngan gdol pas rgyal po bgyid cing 'bangs kyi srid gzung ba'i chos ma mchis kyis khyod kyis rgyal po mdzad do drang po'i chos rgyal po'i srid zung zhig de'i tshe gzhon nu des las kun byas pa'i 'og tu/ phyir yang gso ba'i sman rigs ngan gdol pa la byin nas phyir dran par byas so// phyir dran par byas nas yul de nas bskrad do// de'i tsheche gzhon nu des las kun byas mod kyi/ 'on kyang bram ze'i chos las ma nyams so// khyim bdag dang bram ze la sogs pa de lta bur gyur pa mthong nas/ ngo mtshar rmad de legs so/ legs so// skyes bu khyod kyis rigs ngan gdol pa bskrad pa legs par bskrad do// zhes kun gyis bsngags shing bstod par 'gyur to// rigs kyi bu nga yongs su mya ngan las 'das pa'i 'og tu/ dam pa'i chos srung zhing 'dzin pa'i byang chub sems dpa' la sogs pa'ang de dang 'draste/ sbyor ba'i thabs kyis tshul khrims nyams pa ming tsam gyi dge slong ma ba pa'i rdzas thams cad 'chang ba dang las mthun par spyod do/ / de'i tshe na byang chub sems dpa' dag gis gang zag la la tshul khrims mang du nyams kyang / tshul khrims log pa can gyi dge slong sdig can dag la chad pas gcod na/ de'i gan du song ste bsnyen bkur dang phyag kyang byed/ yo byad rnam pa bzhi'ang 'bul/ de ma yin pa mdo sde dang / 'tsho ba'i yo byad kun 'phrul lo/ / ci ste bdag la mi bdog na'ang thabs rnam pa sna tshogs kyis sbyin bdag las kyang spong ste 'bul lo// de bas na ma brtags pa'i dngos po rnam pa brgyad kyang 'chang zhing spyod do// de ci'i phyir zhe na/ gang zag des dge slong sdig can 'dul ba ni/ ji ltar bram ze gzhon nus rigs ngan gdol pa 'dul ba bzhin no// de ltar na byang chub sems dpas gang zag de la bsnyen/ bkur ram/ phyag byed dam/ ma brtags pa'i dngos po brgyad po 'chang yang sdig pa med do// de ci'i phyir zhe na/ byang chub sems dpa' des dge slong sdig can rnams bskrad de/ yongs su dag pa'i dge 'dun rnams rab tu bde bar bya ba'i phyir/ shin tu rgyas pa'i theg pa chen po'i mdo sde rgyas shing 'jig rten du bcas pa/ lha dang mi thams cad la pan pa dang bde bar bya ba'i don gyi phyir ro/ / rigs kyi bu de'i rgyu de'i rkyen gyis na/ mdo sde dag las ngas tshigs su bcad pa gnyis po gsungs te/ byang chub sems dpa' dag kyang dam pa'i chos srung ba'i gang zag la bsngags shing bstod pa ni/ ji ltar khyim bdag dang bram ze la sogs pas/ bram ze gzhon nu la legs so legs so zhes bsngags pa bzhin no// gang chos srung ba'i byang chub sems dpa' ni de lta bu'i tshul du bya'o// de la gang zhig chos srung ba'i gang zag dag tshul khrims log pa can dang las lhan cig tu byed pa mthong bas nyes pa yod par 'dzin na/ gang zag de ni bdag la gnod par rig par bya ste/ chos srung ba de la ni nyes pa med do// rigs kyi bu dge slong gang zhig tshul khrims nyams nas nga rgyal gyi dbang du gyur te 'chab cing mi 'gyod na/ gang zag de ni yang dag pa'i tshul khrims nyams pa zhes bya'o// byang chub sems dpa' sems dpa' chen po ni chos srung ba'i phyir nyams pa yod kyang tshul khrims nyams pa zhes mi bya'o/ / de ci'i phyir zhe na/ nga rgyal gyi dbang du ma gyur te 'thol zhing bshags pa'i phyir ro// rigs kyi bu de bas na ngas mdo sde las phyogs gcig pa tshigs su bcad pa 'di dag gsungs so/ / dam pa chos dag shes na/ nan nas gzhon pang chung/ snyen bkur baN+Di 66/ bram semam ldan da// dza lta sa bzhin/ sum cu rtsa gsum sgyu dag/ dbang phyug mchod pa ltar ro// rgyu dang rkyen de lta bas na ngas nyan thos po theg pa can lam gsungs kyi/ byang chub sem dpa can non go phyir chags su bcad pa 'di dag gsungs so/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// de ltar byang chub sems dpa' sems dpa' chen po dag ni tshul khrims la rab tu lhod pa 'dra na/ thog ma mnos pa'i tshul khrims mchis zhes bgyir rung dam/ bcom ldan 'das kyis bka' stsal ba/ rigs kyi bu khyod de skad ma zer cig/ de ci'i phyir zhe na/ thog ma mnos pa'i tshul khroms ji ltar mnos pa bzhin du mi nyams so// ci ste nyams na'ang de ma thag tu 'gyod cing mthong te/ 'thol bas na yongs su dag go// rigs kyi bu 'di lta ste/ dper na chu bsgyur ba'i ska mgo lta bu bug rdol du gyur na chu zag go// de ci'i phyir zhe na/ 'chos pa med pa'i phyir ro/ / ci ste de la bcos pa'ang yod na chu phyi rol du mi zag go// byang chub sems dpa' yang de dang 'dra ste/ tshul khrims nyams pa dang lhan cig tu gso sbyin dang / tshul nas 'byung ba'i las dang / dge 'dun gyi las byed kyang / tshul khrims mi nyams te/ chu skra bug rdol can lta bu ma yin no// de ci'i phyir zhe na/ kal te tshul khrims yongs su dag pa'i gang zag med na dge 'dun 'grib par 'gyur te/ nga rgyal dang le lo'ang byi phyir skye'o// gal te tshul khrims yongs su dag pa yod na/ thog mar bsnyen par rdzogs pa'i tshul khrims kyang mi nyams so// rigs kyi bu theg pa la glod pa ni glod pa zhes bya'i/ tshul khrims la glod pa ni glod pa zhes mi bya'o// byang chub sems dpa' sems dpa' chen po dag theg pa chen po 'di la nga rgyal dang le lo'i sems med na/ tshul khrims nyid ces bya ste/ dam pa'i chos bsrung ba'i phyir theg pa chen po'i chus khrus byed do/ / de bas na byang chub sems dpa' tshul khrims nyams par ston kyang glod pa zhes mi bya'o// de nas yang bcom ldan 'das la byang chub sems dpa' 'od srungs kyis 'di skad ces gsol to/ / bcom ldan 'das dge 'dun gyi nang na skyes bu rnam pa bzhi mchos kyang / shing thog a 'dra'i 'bras bu ltar smon nam ma smon pa brtag dka' na/ tshul khrims nyams pa dang / tshul khrims ma nyams pa ji ltar rtogs par bgyi/ bcom ldan sa sa/ 5/ rags tsas yongs sa mya ngan las 'das ldan nan stan shes para'o// n+naHd+han las 'dus byas da 'dus shes pa ts+tshin/ 'di lta/ dpernyan zhing padag zhing la 'bras dang zhe dag rmos te/ khro rgod la sogs bya bas la nas/ sha'i myog gis brtags na zhing ga shin pa zhes bya ste/ b+hihrIn nas rtswa dang khre so sor 'bye'o// de bzhin du yo byad rnam pa brgyad kyis dge 'dun skye bar 'gyur ro// de dag bsal na sha'i mig gis brtags kyang yongs su dag par rig go tshul khrims nyams pa dang / tshul khrims srung ba dag nyes pa mi byed pa'i tshen/ sha'i mog gis brtags pas rtogs par dka' ste/ nyes pa mngon du byung na shes par sla ba na ltar khre rgod dag shes shing rtogs par smra ba bzhin no/ / dge 'dun yang de dang 'dra ste/ ma brtags pa'i dngos po brgyad sbrul gdug pa dang 'dra bar yongs su spangs na/ de ni yongs su dag pa'i 'phags pa'i dge 'dun bsod nams kyi zhing zhes bya ste/ lha dang mis mchod par 'os pa'i gnas yongs su dag pa'i 'bras bu smin par 'gyur ba ste/ sha'i mig can dag gis / rtogs pa ma yin no// rigs kyi bu gzhan yang shing kA la ka'i tshol na/ shing kA la ka ni rab tu mang ste/ shing tsin ta ka ni drung gcig las med do// shing kA la ka dang tsin ta ka'i 'bras bu 'dra ste/ bye brag mo phyed pas 'bras bu smin pa na/ bud med gcig gis kun btogs so// tshal den tsin ta ka'i 'bras bu ni bcu rtsa gcig tsam/ kA la ka'i 'bras bu ni bcu chabs mang ste/ bud med des mi shes pas btus nas tshong dus su btsongs so// byis pa chung ngu glen pa dag ngo ma shes nas/ kA la kar 'bras bu nyos te zos so/ / zos ma thag tu shi bar gyur to// mkhas pa shes rab can dag de ltar gyur pa thos nas// bud med de la 'di skad du che zhe shong thog 'dig las 'ongs zhes dris na/ bud med des phyogs dang gnas 'di nas 'ongs zhes smra'o// de la kun gyis gnas dang phyogs de na shing kA la ka mang rab ste/ tsin ta ka ni drung gcig las med do zhes bgad nas 'gro'o/ / rigs kyi bu dge 'dun gyi nang na ma brtags pa'i rnam pa brgyad la spyod pa'ang de dang 'dra ste/ dge 'dun gyi nang na ma brtags pa'i chos rnam pa brgyad la spyod pa ni ma rab kyi/ tshul khrims yongs su srung zhing ma brtags pa'i chos brgyad la mi spyod pa ni gcig tsam mo// de ltar ma brtags pa'i chos ma yin pa 'chang zhing spyod par shes kyang / de dang las lhan cig tu byed do/ / mi 'bral ba ni ji ltar kA la ka'i tshal na tsan ta ka drung gcig skyes pa bzhin no// dge bsnyen gcig gis de ltar gang zag de dag chos ma yin pa mang du spyod cing / mchod pa dang / rim gro byed pa med pa mthong bas/ gang zag de la mchod pa byed par sems na/ sngar de la 'di skad du btsun pa ma rtags pa'i dngos po brgyad spyod dam/ sangs rgyas kyis gnang ngam zhes dris shig/ gal te sangs rgyas kyis gnang zhes zer na/ gang zag de dang lhan cig gso sbyin dang / gsol ba dang / zhu ba'i las dang / tshul nas 'byung ba'i las byar rung ngam mi rung zhes dris shig/ dge bsnyen gyis de skad ces dris te/ dge 'dun dag 'di skad du 'di ltar ma brtags pa'i dngos po brgyad po ni/ bcom ldan 'das kyis thugs brtse ba'i slad du/ bdag cag 'chang zhing spyod du gnang ngo zhes zer na/ dge bsnyen gyis 'di skad du gtsug lag khang mtshams gcig gi dge slong las kha cig ni/ gser dang dngul la sogs pa sangs rgyas kyis spyod du gnang ngo zhes zer kha cig ni mi gnang ngo zhes zer te/ gnang ngo zhes smra ba dang mi gnang ngo zhes smra ba lhan cig tu gnas par yang mi bya/ gso sbyin dang tshul nas 'byung ba'i las kyang mi bya/ chung ngu ni chu mig gcig tu chu'ang mo btung zhing / 'tsho ba'i yo byad thun mong du mi spyod do zhes gsungs na/ ci'i byor khyed kyis sangs rgyas kyis gnang ba skad du smra/ bcom ldan 'das lha'i nang na lU ci spyod cing 'chang du gnang na'ang khyed dge 'dun gyis spyod par ma 'os so/ / ci ste spyod par gyur na gso sbyin dang / tshul nas 'byung ba dang / gsol ba dang / zhu ba dang / dge 'dun gyis bya ba'i las kyi bar du byed par ma 'os so/ / ci ste gso sbyin dang / tshul nas 'byung ba dang / gsol ba dang / zhu ba dang / dge 'dun gyi las lhan cig tu byas na/ tshe 'phos ma thag tu sems can dmyal bar lhung ste/ ji ltar byis pa dag shing thog kA la ka zos nas shi ba bzhin no// rigs kyi bu gzhan yang 'di lta ste/ dper na grong ngamatshong dus na sman 'tshong ba/ gangs las skye ba'i sman bzang po zhig 'tshong na nyo ba'ang mang ngo // sman de dang 'dra ba gzhan zhig btsongs kyang / kun gyis mi shes pas thams cad sman nyo ba'i phyir/ sman 'tshong ba'i gan du 'ongs nas/ khyod la gangs las skye ba'i sman yod dam zhes 'dri na/ sman 'tshong ba des de dang 'dra ba'i sman zhog 'di gangs las skye ba'i sman yin no zhes brdzun byas te btsongs kyang / sha'i mig gos mi rtogs pas/ bdag ni gangs las skye ba'i sman bzang po nyos te rnyed do snyam sems so// 'od srungs nyan thos kyi dge 'dun gyi nang na ming tsam gyi dge 'dun dang / yang dag pa'i dge 'dun dang / 'dum pa'i dge 'dun zhes bya ba'i dge 'dun yod kyis/ tshul khrims srung ngam/ tshul khrims nyams kyang rung / dge 'dun de la ni mchod pa dang / bkur sti dang / phyag bya ba la sogs pa 'dra bar bya'o// dge bsnyen gyis mi rtogs pa ni gang zag gis gangs la skye ba'i sman bzang po mi rtogs pa bzhin no/ / tshul khrims srung bani gang / tshul khrims nyams pa ni kang / kang ni yang dag pa'i dge 'dun/ ming tsam gyi dge 'dun ni gang yin pa lta'i mig can gyis ni shes shing rtogs so/ / 'od srungs gal te dge bsnyen gyis/ dge slong tshul khrims nyams par shes yang dag na de la ni bsnyen bkur dang / phyag dang / mchod pa la sogs pa mi bya'o/ / gal te gang zag des ma brtags pa'i chos brgyad po spyod par shes yang dag na/ yang de la bsnyen bkur dang / mchod pa'i yo byad sbyar ba dang / phyag dang / mchod ba la sogs pa mi bya'o/ / gal te dge 'dun gyi nang na tshul khrims nyams pa yod na/ gos ngur smrig gyon pa tsam gyis de la phyag dang mchod pa la sogs pa mi bya'o// de nas yang bcom ldan 'das la/ byang chub sems dpa' 'od srungs kyis 'di skad ces gsol to// legs so legs so// bcom ldan 'das de bzhin gshegs pas bka' yang dag pa gsungs te/ bdag gzungs su 'dzin par 'tshal lo// dper na rdo rje rin po che gzhan dang tha dad de/ bcom ldan 'das kyis gsungs pa ltar na/ dge slong rnams ni chos rnam pa bzhi po la gnas par bgyi'o/ / bzhi gang zhe na/ chos la gnas kyi gang zag la mi gnas pa dang / don la gnas kyi tshig la mi gnas pa dang / ye shes la gan+da kyi rnam par shes pa la mi gnas pa dang / nges pa'i don la gnas kyi bkri ba'i don la mi gnas pa ste/ chos rnam pa bzhi po 'di ni rtogs par bgyi ba lags kyi/ skyes bu rnam pa bzhi po ni ma lags so// bcom ldan 'das kyis bka' stsal pa/ rigs kyi bu chos la gnas shes bya ba ni/ de bzhin gshegs pa yongs su mya ngan las 'da' ba chen po'o/ / sangs rgyas rnams kyi chos ni chos rnams kyi chos nyid do// chos nyid ces bya ba ni de bzhin gshegs pa'o// de bas na de bzhin gshegs pa ni rtag pa mi 'gyur ba'o/ / de la gang zhig de bzhin gshegs pa mi rtag ces smra na/ gang zag de ni chos nyid mi mthong mi shes pa'o// gal te chos nyid mi mthong mi shes na// de la mi ga nas mi rten to// gong du gsungs pa'i skyes bu bzhi po 'jig rten du byung ba dam pa'i chos srung zhing 'dzin na shes shing rig par bya ste/ de la gnas shing brten par bya'o// de ci'i phyir zhe na/ gang zag de ni de bzhin gshegs pas dgongs te gsungs pa'i don zab mo la shin tu mkhas pas/ de bzhin gshegs pa ni rtog pa mi 'gyur bar shes pa'i phyir ro// gal te de bzhin gshegs pa la mi rtag ce'am/ 'gyur ba 'pho ba'i chos can no zhes bya ba'i gnas med de/ skyes bu rnam pa bzhi po ni de bzhin gshegs pa zhes bya'o// de ci'i phyir zhe na/ gang zag de ni de bzhin gshegs pas dgongs te gsungs pa shes la ston kyang nus pa'i phyir ro// skyes bu gang zhig de bzhin gshegs pas dgongs te gsungs pa'i don zab mo'ang shes la/ de bzhin gshegs pa ni rtag pa mi 'gyur ba'i chos can du shes na/ skyes bu de ni rnyed pa tsam gyi phyir/ de bzhin gshegs ni mo rtag go zhes smra ba'i gnas med do/ / skyes bu de la'ang gnas shing brtan par bya na/ skyes bu bzhi po la gnas shing brten pa lta ci smos chos la gnas shes bya ba ni chos nyid la bya'o// gang zag la mi gnas shes bya ba ni nyan thos la bya'o// chos nyid ces bya ba ni de bzhin gshegs pa'o// nyan thos shes bya ba ni 'dus byas so// de bzhin gshegs pa ni rtag pa'o/ / 'dus byas ni mi rtag pa'o// rigs kyi bu gang zag tshul khrims nyams pa rnyed pa 'am/ grags pa'i phyir de bzhin gshegs pa ni mi rtag par 'gyur zhing 'pho ba'o zhes spya na/ gang zag de la ni gnas par mi bya ste/ rigs kyi bu de ni nges pa'i don zhes bya'o// don la gnas kyi tshig la mi gnas zhes bya ba gang zhe na/ don ni don mngon par rtogs ba'o/ / mngon par rtogs pa'i don zhes bya ba ni ma zhum pa'o// mi zhum pa ni phun sum tshogs pa'o// phun sum tshogs pa'i don ni de bzhin gshegs pa rtag tu gnas pa mi 'gyur mi 'pho pa'o/ / de bzhin gshegs pa rtag tu gnas pa mi 'gyur mi 'pho ba'i don ni chos rtag pa'o// chos rtag pa'i don ni dge 'dun rtag pa ste/ 'di ni don la gnas pa ste tshig la mi gnas pa zhes bya'o/ / de la mi gnas pa'i tshig gang zhe na/ 'di lta ste/ rnam par spros pa'i 'jig rten gyi gtsug lag dang / bcom ldan 'das kyis gsungs pa ltar mdo sde tshad med pa/ 'dod pa mang zhing cho ga mi shes pa/ sgyus 'tsho zhing g.yo byed pa/ spyod lam 'chos pa/ rnyed pa dang grags pa'i phyir khyim pa la brten pa dang / gzhan yang 'di skad du sangs rgyas bcom ldan 'das kyis dge slong rnams 'chang zhing spyod du gnang ba ni/ 'di lta ste/ bran po dang / bran mo dang / yongs su ma brtags pa'i dngos po gse ra dang / dngul dang / rin po che dang / nas dang / 'bras dang / bang mdzod dang / ba lang dang / lug dang bal gyi glang po che dang / rta la sogs pa spyod cing / tshong spogs byed du ka nang ba dang / mu ge'i dus byung ba na sras rnams la thugs brtse ba'i phyir dge sbyong dag yo byad lhag pa sogs shing 'chang du gnang ngo zhes gsungs pa dang / bdag gis lag dar te/ kha zas kyi g.yos byas nas/ byin len ma byas par zos kyang rung ngo zhes mdo sde las gsungs kyang tshig de la gnas par ma bya'o/ / ye shes la gnas kyi rnam par shes pa la mo gnas shes bya ba gang zhe na/ ye shes ni de bzhin gshegs pa'o// nyan thos gang zhig de bzhin gshegs pa'i yon tan la shin tu mi gnas zer ba de ni rnam par shes pa zhes bya ste/ gnas par mi bya'o// gang zhig de bzhin gshegs pa nyid chos kyi skur shes na de ni yang dag pa'i ye shes yin te/ de la ni gnas par bya'o// gang gis de bzhin gshegs pas thams cad du ston pa'i sku la 'di ni phung po dang / khams dang / skye mched las 'dus pa ste/ zhal zas kyis gso ba yin par shes na/ de ni rnam par shes pa ste gnas par mi bya'o// gang zhig de skad du ston tam/ yi ge dang gtsug las 'byung yang gnas par mi bya'o/ / nges pa'i don gyi mdo sde la gnas kyi bkri ba'i don gyi mdo sde la mi gnas so zhes bya ba gang zhe na/ bkri ba'i don gyi mdo sde ni/ 'di lta ste/ nyan thos kyi theg pa can dag/ bcom ldan 'das kyi don shin tu zab mo thos na/ the tshom skye zhing ngo mtshar du gyur te/ don zab mo'i snying po las ye shes kyi rgya mtsho chen po 'byung bar mi shes so/ / dper na byis pa chung ngu ci'ang mi shes shing bye brag mi phyed pa lta bu ni bkri ba'i don ces bya'o// nges pa'i don ces bya ba ni byang chub sems dpa'i yang dag pa'i ye shes kyis ji ltar bsams pa bzhin du thogs pa med pa'i ye shes 'jug ste/ dper na skyes bu chen po ci'ang mi shes pa med pa ni nges pa'i don ces bya'o// gzhan yang nyan thos kyi theg pa ni bkri ba'i don ces bya'o// bla na med pa'i theg pa chen po ni nges pa'i don ces bya'o// gang zhig de bzhin gshegs pa ni mi rtag go/ 'gyur zhing 'pho ba'o zhes smra ba ni bkri ba'i don to/ / gang zhig de bzhin gshegs pa ni rtag pa'o// mi 'gyur mi 'pho ba'o zhes smra ba ni nges pa'i don ces bya'o// gang nyan thos kyi bstan pas chud cing rtogs pa ni bkri ba'i don to/ / byang chub sems dpa'i bstan pas chud cing rig pa ni nges pa'i don ces bya'o// gang zhig de bzhin gshegs pa la zhal zas kyis gso dgos shes smra ba ni bkri ba'i don to/ / gang zhig rtag pa gnas pa mi 'gyur mi 'pho ba'o zhes smra ba ni nges pa'i don ces bya'o// gang zhig de bzhin gshegs pa mya ngan las 'das pa ni ji ltar shing zad na me shi ba bzhin no zhes smra ba ni bkri ba'i don to/ / gang zhig de bzhin gshegs pa ni chos kyi dbyings nyid la zhugs so zhes smra ba ni nges pa'i don ces bya ste/ mdor na nyan thos kyi theg pa'i chos la ni gnas par mi bya'o// de ci'i phyir zhe na/ de bzhin gshegs pas so so'i skye bo bsgral ba'i phyir nyan thos kyi theg pa ni sbyor ba'i thabs su gsungs so/ / 'di lta ste/ dper na khyim bdag gis bu chung ngu la yi ge phyed bstan pa bzhin no// rigs kyi bu nyan thos kyi theg pa ni/ dper na zhing thog ma rmos ma thag dang mtshungs te/ 'bras bu med pas gnas par mi bya'o// de bas na nyan thos kyi theg pa ni bkri ba'i don ces bya'o// theg pa chen po'i chos la ni gnas par bya'o// de ci'i phyir zhe na/ de bzhin gshegs pas so so'i skye bo dag bsgral ba'i phyir sbyor ba'i thabs su theg pa chen po gsungs te/ de bas na nges pa'i don ces bya ste gnas par bya'o// de ltar de lta bu'i tshul du gnas pa rnam pa bzhi khong du chud cing shes par bya'o/ / gzhan yang don la gnas shes bya ba don ni yang dag pa'o// yang dag pa ni 'od gsal ba'o// 'od gsal ba ni ma zhum pa'o/ / ma zhum pa ni de bzhin gshegs pa'o// gzhan yang 'od gsal ba ni ye shes so// yang dag pa ni rtag tu gnas pa'o// de bzhin gshegs brtag pa ni chos la gnas pa'o/ / chos shes bya ba ni rtag pa/ mtha' yas pa/ bsam gyis mi khyab pa/ gzung du med bcing du med pa ste bltar rung ba'o// gang zhig mthong bar mi rung zhes smran/ gang zag de la gnas par mi bya ste/ de bas na chos la gnas kyi gang zag la mi gnas so// gang zhig shin tu tshig bzang pos mi rtag ces sman/ tshig de la ni gnas par mi bya ste/ de bas na don la gnas kyi tshig la mig nas shes bya'o// ye shes la gnas pa'i dge 'dun ni rtag pa/ / 'dus ma byas pa/ mi 'pho ba/ mi brtags pa'i dngos po brgyad mi 'chang ba ste/ de bas na ye shes la gnas kyi rnam par shes pa la mi gnas so// kha cig 'di skad du rnam par shes pas byas/ rnam par shes pas myong ste/ 'dum pa'i dge 'dun med ces smra ba'ang yod do// de ci'i phyir zhe na/ 'dum pa zhes bya ba ni ci'ang med pa'o/ / ci'ang med na rtag ces ci la bya/ de bas na rnam par shes pa mi gnas so// nges pa'i don la gnas pa gang zhe na/ nges pa'i don zhes bya ba ni chog shes pa ste nam du'ang sgyus mi 'tsho/ / spyod lam mi 'chos/ nga rgyal mi byed/ rnyed pa dang grags pa la mi chags/ de bzhin gshegs pas sbyor ba'i thabs su gsung ba'i chos la chags par mi byed pa ste/ de ni nges pa'i don ces bya'o// gang zhig de la gnas na gang zag de ni don dam pa la gnas pa zhes bya ste/ de bas na nges pa'i don la gnas so// bkri ba'i don la mi gnas pa gang zhe na/ bkri ba'i don ni mdo sde dag las thams cad gdung ba can/ thams cad mi rtag pa/ thams cad sdug bsngal ba/ thams cad bdag med pa'o zhes gsungs pa ni bkri ba'i don ces bya'o/ / de ci'i phyir zhe na/ don de dag mi shes pas 'gro ba mang po mtshams med pa'i sems can dmyal bar ltung bar byed pa'i phyir ro// de ji lta zhe na/ chags shing zhen pas don mngon par mi rtogs so// thams cad gdung ba can ni mya ngan las 'da' ba'ang gdung ba dang / thams cad mi rtag na ni mya ngan las 'da' ba'ang mi rtag go zhes de bzhin gshegs pas gsungs par 'dzin te/ sdug bsngal ba dang / stong pa dang / bdag med pa'i bar du rgyas par rig par bya ste/ de bas na bkri ba'i don gyi mdo sde la gnas par mi bya'o/ / de la gang zhig 'di skad de bzhin gshegs pa ni sems can thams cad la thugs brtse ba'i phyir dus dang tshod la shin tu mkhas so// dus la mkhas pas yang ba dag kyang lci bar gsungs/ lci ba'ang yang bar gsungs te/ de bzhin gshegs pas mkhyen cing rtogs pas/ nye gnas gang la sbyin bdag dad pas bsgos pa'i yo byad ci'adod pa sbyor zhing / sbyin pa'i gang zag de la ni/ bcom ldan 'das kyis bran po dang / zan mo dang / gser dang / dngul dang / rin po che la spyod cing / tshong spogs byed pa la sogs pa ma brtags pa'i dngos po thams cad 'chang zhing spyod du ma gnang ngo / / nye gnas gang la 'tsho ba'i yo byad sbyin pa'i yon bdag med la/ mu ge byung ste bsod snyoms mi rnyed pa'i dus na/ yang dag pa'i chos rnam par gzhag cing bsrung ba'i phyir/ nga'i nye gnas dag zan po dang / bran mo dang / gser dang / dngul dang / bzhon pa'i theg pa dang / khang khyim dang / nas 'bras dang / tshong spogs la sogs pa 'chang zhing spyod du gnang ste/ de ltar 'chang zhing spyod du gnang mod kyi/ sbyin bdag dad pa chen po dang ldan pa med du mi rung ngo / / de ltar na chos rnam pa bzhi po 'di la ni gnas par bya'o// gzhan yang chos 'dul ba dang / chos mngon pa dang / mdo sde las rnam pa bzhi po 'di dang mi 'gal na gnas par bya'o/ / de la gang zhig dus dang dus ma yin pa 'am/ chos srung ba 'am/ chos mi srung ba dang sbyor ba'ang med de/ de bzhin gshegs pas ma brtags pa'i dngos po 'di dag dge slong thams cad spyod du gnang ngo zhes de skad smra na/ tshig de la ni gnas par mi bya'o// 'dul ba 'am/ chos mngon pa 'am/ mdo sde dag las 'di skad du 'di dang mthun par gsungs na/ sde snod gsum po la'ang gnas par mi bya'o// ngas skye bo sha'i mig can la gnas pa bzhi po 'di gsungs kyi/ shes rab kyi mig can gyi phyir ma yin no/ / de bas na ngas gnas pa bzhi po 'di gsungs so// chos shes bya ba ni chos rnams kyi chos nyid do// don ces bya ba ni de bzhin gshegs pa rtag pa mi 'gyur ba'o/ / ye shes zhes bya ba ni sems can thams cad la sangs rgyas kyi rang bzhin yod par shes pa'o// nges pa'i don ces bya ba ni theg pa chen po'i mdo sde thams da rtogs pa'o/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis sngar gsungs pa'i skyes bu rnam pa bzhi po la gnas par bgyi'am/ bcom ldan 'das kyis bka' stsal pa/ de de bzhin no// de de bzhin no// rigs kyi bu bcom ldan 'das kyis gsungs pa ltar na de la gnas par bya'o/ / de ci'i phyir zhe na/ bdud rnam pa bzhi yod pa'i phyir ro// bzhi gang zhe na/ bdud kyis bstan pa'i mdo sde dang 'dul ba 'dzin pa'o/ / de nas yang bcom ldan 'das la/ byang chub sems dpa' 'od srungs kyis gsol pa/ bcom ldan 'das kyis bdude rnam pa bzhi'ang mchis par gsungs na/ de la bdud kyis bstan pa dang / sangs rgyas kyis gsungs pa bdag cag gis bye brag cis dbye/ so so'i skye bo dag bdud kyi rjes su spyod pa'ang mchis/ sangs rgyas kyis bstan pa'i rjes su 'jug pa'ang mchis na/ de dag ji lta bur 'tshal bar bgyi/ bcom ldan 'das kyis/ 'od srungs la bka' stsal pa/ nga yongs su mya ngan las 'das nas/ lo bdun brgya lon pa'i 'og tu bdud sdig to can gyis dam pa'i chos bags kyis 'jig cing ma rung bar byed do// dper na rngon pa dur smrig gi tshul du gyon pa ltar/ bdud sdig to can yang de bzhin du/ dge slong gi gzugs dang / dge slong ma'i gzugs dang / dge bsnyen gyi gzugs dang / dge bsnyen ma'i gzugs su'ang ston te/ de ma yin pa gzhan yang rgyun du zhugs pa nas/ dgra bcom pa'i lus kyi bar du'ang sprul cing / sangs rgyas kyi gzugs su'ang sprul cing ston to/ / bdud kyi rgyal po zag pa dang bcas pa'i lus kyis zag pa med pa'i lus su sprul te/ nga'i dam pa'i chos 'jig cing ma rung bar byed do// pa dud sdig to can de dam pa'i chos ma rung bar byed pa na 'di skad ces zer ro/ / byang chub sems dpa' sngon dga' ldan gnas nas mi snang bar gyur te/ grong khyer ser skya'i rgyal po zas gtsang ma'i pho brang du pha ma gnyis 'dus pa'i 'dod pa las lus 'di skyes so zhes smra'o/ / gang zag ni me'i rgyud du skyes te/ 'jig rten du bcas pa lha dang mi'i 'khor thams cad kyis mchod cing ba sti steng byed par 'gyur ba ni gnas med do/ / gzhan yang 'di skad du sngon dka' ba rnam pa mang po spyod cing / mgo dang / mig dang / rus pa dang / rkang dang / yul dang / grod dang / chung ma dang / bu po la sogs pa sbyin pa byas pas mngon par sangs rgyas te/ de'i rgyu de'i rkyen gyis 'jig rten du bcas pa/ lha dang / mi dang / dri za dang / lha ma yin dang / nam mkha' lding dang / mau 'am ci dang / lho 'phye chen po la sogs pas mchod cing bsti stang byed par gyur to// zhes gal te mdo sde dang 'dul ba las 'di skad ces 'byung na'ang / de ni bdud kyis bstan pa yin par rig par bya'o// rigs kyi bu mdo sde'am/ 'dul ba las gang 'di skad du de bzhin gshegs pa ni mngon par sangs rgyas nas yun ring ste/ mngon par sangs rgyas pa bstan pa ni sems can rnams sgrol ba'i phyir te/ 'jig rten pa'i rjes su pha ma 'dus pa las skyes par bston to// zhes mdo sde dang 'dul ba las 'di skad du 'byung na/ de ni yang dag par de bzhin gshegs pa yin par rig par bya'o// de la gang bdud kyis bstan pa'i rjes su 'jug pa ni bdud kyi ris su gtogs so/ / de la gang sangs rgyas kyis bstan pa'i mdo sde dang / 'dul ba'i rjes su 'jug pa ni byang chub sems dpa' yin par rig par bya'o// de la gang zhig de bzhin gshegs pa thog ma bltams nas/ phyogs bcur gom pa bdun bdun gshegs par yid mi ches na/ de ni bdud kyis bstan pa la zhugs pa'o// de la gang ngo bzhin gshegs pa 'jig rten du byung nas/ phyogs bcur gom pa bdun bdun gshegs te/ de ni de bzhin gshegs pas thabs su bstan pa yin no/ zhes smra na/ de ni de bzhin gshegs pas bstan pa'i mdo sde dang 'dul ba yin no// de la gang bdud kyis bstan pa'i rjes su 'jug pa ni bdud kyi ris su gtogs pa zhes bya'o// sangs rgyas kyis bstan pa'i rjes su 'jug pa ni byang chub sems dpa' zhes bya'o// de la gang zhig byang chub sems dpa' thog ma btsas nas/ rgyal po yab kyis lha'i rten la phyag 'tshal du khrid pa na/ phyir lha rnams kyis mthong ma thag tu phyag byas te/ de bas na sangs rgyas zhes bya'o// de la gang zhig 'di skad du lha zhes bya ba lngar byung ste/ sangs rgyas ni 'phyin/ ci'i phyir lha rnams kyis sangs rgyas la bsti steng dang phyag byed ces de skad du rgol na/ de ni bdud sdig to can gyis bstan pa yin par rig par bya'o// de la gang zhig 'di skad du sangs rgyas bcom ldan 'das lha'i rten du gshegs pa na/ dbang sgyur chen po dang / tshangs pa chen po dang / brgya byin lha'i dbang phyug la sogs pa lha thams cad kyis thal mo sbyar te/ bsti stang dang bcas pas zhabs la phyag byas so zhes/ mdo sde dang 'dul ba las 'byung na/ de ni sangs rgyas kyis bstan pa'o// de la gang bdud kyis bstan pa'i rjes su 'jug na/ de ni bdud kyi ris su gtogs pa zhes bya'o// de la gang sangs rgyas kyis bstan pa'i rjes su 'jug pa ni byang chub sems dpa' zhes bya'o/ / mdo sde dang 'dul ba gang las byang chub sems dpa' rgyal tshab mdzad pa na/ 'dod pa'i sems kyis phyogs bzhi nas btsun mo btsal te/ pho zang gi ning du 'dod pa rnam pa lnga la bde bar spyod do zhes mdo sde dang 'dul ba las 'byung na/ de ni bdud kyis bstan pa yin no// de la gang zhig byang chub sems dpa' yun ring po nas 'dod pa'i sems dang / btsun mo'i 'khor gyi 'dod pa yongs su spangs te/ sum cu rtsa gsum ga nam gyi lha'i 'dod pa lnga'ang mchil ma bzhin du bor na/ mi'i 'dod pa lta ci smos te/ skra dang kha spu bregs nas khyim nas khyim ma yin par rab tu byung ste/ byang chub la nan tan byed do zhes mdo sde dang 'dul ba las de skad ces 'byung na/ de ni sangs rgyas kyis bstan pa yin no/ / de la gang bdud kyis bstan pa'i mdo sde dang 'dul ba'i rjes su 'jug pa ni bdud kyi rigs su gtogs pa zhes bya'o// de la gang sangs rgyas kyis bstan pa'i mdo sde dang / 'dul ba'i rjes su 'jug pa ni byang chub sems dpa' zhes bya'o// gzhan yang 'di skad du sngon sangs rgyas bcom ldan 'das rgyal bu 'dze ta'i tshal na bzhugs pa'i tshe/ dge slong rnams kyis zan po dang / zan mo dang / las byed pa'i mi dang / ba lang dang / lug dang / bal gyi glang po che dang / rta dang / bong bu dang / dre'u dang / bya dang / khyi dang / phag la sogs pa gso zhing 'chang ba dang / gser dang / dngul dang / bai DUR+Ya dang / mu tog dang / shel dang / a sa sma ga ra ba dang / mus sa la gar la ba dang / shel gyi snam bu dang / lcags dang / zangs dang / zangs gzhong che chung la sogs pa ma brtags pa'i dngos po rnams 'chang zhing spyod pa dang / zhing rmo ba dang / tshong spogs dang / khre 'bras la sogs pa 'jog cing spyod du gnang bar/ bcom ldan 'das thugs rje chen pos sems can la thugs brtse ba'i slad du/ 'chang zhing spyod du gnang ngo zhes mdo sde dang 'dul ba las 'byung na/ de ni bdud kyis bstan pa yin no// de la gang zhig sngon sangs rgyas rgyal bu 'dze ta'i tshal yi dgas 'da' lo lo zhes bya ba gnas pa na/ de'i tshe bcom ldan 'das bram ze'i yon tan zhes bya ba dang / rgyal po sgra rab tu 'pham byed kyi phyir 'di skad du gsungs te/ dge slong ni gser dang / dngul dang / bai DUR+Ya dang / shel dang / mu tig dang / mu sa la gar ba dang / byi ru dang as sma gar ba dang / shel gyi snam bu dang / bran po dang / bran mo dang / las byed pa'i mi dang / khye'u dang / bu mo dang / ba lang dang / lug dang / bal rgya glang po che dang / rta dang / bong bu dang / dre'u dang / bya dang / khyi dang / phag dang / lcags dang / zangs dang / zangs gzhong che phra la sogs pa ma brtags pa'i dngos po khri stan dang / mal cha dang / 'tsho ba'i yo byad rnam pa mang po dang / khang khyim dang / zhing rmo ba dang / zhing spogs dang / lag dar te kha zas kyi g.yos byed pa dang / lag dar te phye 'thag pa dang / 'bras dru ba dang / lus gso ba'i sngags dang / khra 'dul ba'i cho ga dang / skar ma blta ba dang / mo ga dab pa dang / khyo shug gi mtshan blta ba dang / rmi lam gsod pa dang / 'di ni bu phor 'ong / 'di ni bu mor 'ong / 'di ni bu pho ma yin/ 'di ni bu mo ma yin zhes mkhas pa'i gnas drug cu rtsa bzhi brtag pa dang / gzhan yang rig pa'i gnas bco brgyad dang / sngags dang / bzo rnam pa sna tshogs dang / 'jig rten gyi gtsug lag tshad med pa smra ba dang / spos be ma dang / byug spos dang / 'dug spos rnam pa sna tshogs sbyor ba dang / me tog gi 'phreng ba rnam pa sna tshogs dang / skra 'chos pa'i cho ga dang / g.yo dang / sgyu dang / khe dang / rnyed pa la chog mi shes pa dang / 'du 'dzi la dga' ba dang / gtam dang spang la dga' ba dang / nya sha la dga' ba dang / dug sbyor ba dang / sme ba byung ba'i sman sbyor ba dang / byug pa'i mar bsung can sbyor ba dang / rin po che'i gdugs dang / lha ma la sogs pa byed pa dang / bsil ya ba dang / za ma tog dang / ri mo la sogs pa byed pa dang / khre dang / 'bras dang / sran ma rnam pa mang po dang / shing thog gi rnam pa la sogs pa dang / rgyal po dang / rgyal bu dang / blon po dang / blon po chen po la brten pa dang / bud med la brten pa dang / bar bar ska chen pos dgod pa dang / bar bar cang mi smra bar kha rog pa dang / chos rnams la the tsom byed pa dang / brdzun du smra ba dang / bzang ngo // ngan no// dge'o// mi dge'o zhes brdzun du smra ba dang / gos bzang po sa tsha zhing 'jo ba la sogs pa de lta bu'i ma brtags pa'i gnas rnam pa sna tshogs la spyod cing byed pa dang / yon pa dag dad pa'i mdun du bdag bstod pa dang ma brtags pa'i gnas chang 'tshong ba dang / sprul 'tshong ma dang / tshong byed par rtag tu 'gro ba la sogs pa de dag thams cad dge slong dag la gnang bar ngas ma gsungs te/ de ni dge slong gi nang na 'dug par yang gnang ba ma yin te/ khyim par pha ba la las byed du gzhug go// dper na zhing gshin pa'i nang na khre rgod skyes pa dang mtshungs te/ lhag ma ma lus par bsal zhing 'byung ngo zhes gsungs pa'i mdo sde dang / 'dul ba ni de bzhin gshegs pas bstan pa yin par rig par bya'o// de la gang bdud kyis bstan pa'i rjes su 'jug pa ni bdud kyi rigs su gtogs pa zhes bya'o/ / sangs rgyas kyis bstan pa'i rjes su 'jug pa ni byang chub sems dpa' zhes bya'o// gzhan yang 'di skad du byang chub sems dpa' ni 'jig rten gyi lha dag mchod pa'i phyir lha'i rten du 'gro'o/ / 'di lta ste/ tshangs pa'i lha dang / dbang sgyur chen po dang / 'jug se la dang / ka ta ya na la sogs pa ste/ der 'gro ba'ang lha rnams gdul ba'i phyir gyi/ de lta bu ma yin no zhes bya ba'i gnas med do// gzhan yang 'di skad du byang chub sems dpa' ni mu stegs can gyi gtsug lag dang / dka' thub dang / spyod lam dang / tshig dang smra ba las rgyal ba'i sgyu rtsal dang / 'thab cing rtsod pa'i sdums byed mi nus pas/ khye'u dang / bu mo dang / blon po chen po la sogs pas bsti stang du mi byed do// sman la sogs pa' sbyor mi shes pas na/ de bzhin gshegs pa zhes bya ste/ ci ste shes na ngan par lta ba log pa can zhe'am/ gzhan yang de bzhin gshegs pa ni dgra dang gnyen la mnyam par dgongs te/ mtshon gyis btab bam/ byug spos kyis bskus kyang de gnyis ka la phan pa 'am/ gnod pa'i thugs mi mnga' ste/ dbu mar gnas pas de bzhin gshegs pa'o zhes de skad du mdo sde 'am 'dul ba las 'byung na/ de ni bdud kyis bstan pa yin par rig par bya'o/ / de la gang 'di skad du byang chub sems dpa' ni de ltar thabs kyis lha'i rten du 'gro ba dang / mu stegs can gyi chos las rab tu byung nas slob pa la 'jug pa bstan pa dang / spyod lam dang / dka' thub dang / chog shes par bstan pa dang / tshig dang smra ba las rgyal ba thams cad shes par bya ba'i phyir yi ge'i grwa ra slob pa bstan pa dang / 'thab cing rtsod pa 'gyur ba'i sdu mas byed pa bstan pa dang / 'khor mang po dang / khye'u dang / bu mo dang / btsun mo dang / pho brang gi slas dang / khyim bdag dang / tshong dpon dang / bram ze la sogs pa rgyal po dang / blon po chen po dang / dbul po la sogs pa la phul du gyur pa dang / mchog tu gyur par bstan to// de dag gis bsnyen bkur byed pa la sogs pa'ang bstan/ de lta bu la sogs pa'i dngos po rnam pa mang po bstan to// lta ba de dag la gnas kyang ma chags pa ni/ dper na bad+mo rdul dang dri mas mi gos pa bzhin no/ / de yang 'gro ba mang po bsgral ba'i phyir/ 'jig rten pa'i rjes su de lta bu'i thabs mkhas pa rnam pa sna tshogs spyod do zhes/ mdo sde dang 'dul ba gang las 'byung na/ de ni de bzhin gshegs pas bstan pa yin par rig par bya'o// de la gang bdud kyis bstan pa'i rjes su 'jug pa ni bdud kyi rigs su gtogs pa zhes bya'o/ / sangs rgyas kyis bstan pa'i rjes su 'jug pa ni byang chub sems dpa' chen po'o// de la gang 'di skad du de bzhin gshegs pas ni bdag cag la mdo sde dang 'dul ba gsungs pa las mi dge ba'i chos lci ba dang / yang ba dang / nyes byas kyi bar du rang bzhin gyis lci ba yin pas/ bdag cag ni 'dul ba las 'gal bar mi byed do// bdag cag ni yun ring po nas bzod kyang chos 'di dag la khyed ni yid mi ches na/ bdag cag gos ji skad du bdag cag gis 'dul ba ste/ khyed kyi 'dul ba'i rjes su 'jug bar bya/ khyed kyi 'dul ba ni bdud kyis bstan pa yin gyi/ bdag cag gi mdo sde dang 'dul ba ni sangs rgyas kyis bcas pa yin no// de bzhin gshegs pas sngar gsungs pa'i gsung rab dgu po'ang / bdag cag gi mdo sde dang 'dul ba dgu po la nges par gsungs kyi/ shin tu rgyas pa'i mdo sde ni tshig gcig ga ma yi ge gcig tsam yang ma thos so/ / de bzhin gshegs pas gsungs pa'i mdo sde dang 'dul ba ni tshad kyang ma mchis na/ shin tu rgyas pa'i mdo sde zhes mi 'byung ste/ de dag las ni gsung rab mdo sde bcu yod do zhes ma thos so// ci ste yod na gdon mi za bar lha sbyin gyis byas pa yin par rig par bya'o/ / lha sbyin ngan pa dge ba'i chos gzhig pa'i phyir shin tu rgyas pa'i mdo sde byas te/ bdag cag ni mdo sde bdud kyis bstan pa yin pas na yid ma ches so// / de ci'i phyir zhe na/ chos gzhig cing gcig la gcig gis skyon 'dogs pa'i tshig de lta bu ni khyed kyi mdo sde las 'byung gi/ bdag cag gi mdo sde la med do// bdag cag gi mdo sde dang 'dul ba de bzhin gshegs pas gsungs pa las/ gsang ba 'di skad ces 'byung ste/ nga yongs su mya ngan las 'das nas dus ngan pa'i tshe/ mdo sde dang 'dul ba yang dag pa ma yin pa theg pa chen po shin tu rgyas pa'i mdo sde zhes bya ba 'byung ngo zhes smra ba/ ma 'ongs pa'i dus na de lta bu'i dge slong sdig pa can dag 'byung ngo // ngas yang 'di skad du gsungs te/ gsungarab sde dgu la ma gtogs pa shin tu rgyas pa'i mdo sde yod par gsungs so// de la gang zhig de'i don shes na/ de ni mdo sde dang 'dul ba shin tu yang dag par rtogs pa yin te/ de ni ma brtags pa'i dngos po thams cad spangs pa zla ba nya ba ltar shin tu gsal zhing dag pa'o zhes ngas gsungs so// de la gang 'di skad du de bzhin gshegs pas mdo sde re re las kyang don gang+gA'i klung gi bye ma snyed 'byung yang / 'di skad du ma gsungs pas 'di ni yang dag par med pa yin no// ci ste yod na bdag cag gi 'dul ba las ci'i phyir ma gsungs/ 'di ltar ma gsungs te ma byung bas na/ bdag cag ni de la yid mi ches so zhes de skad smra na/ gang zag de ni shin tu kha na ma tho ba thob pa yin par rig par bya'o/ / gang zag de yang 'di skad du mdo sde dang 'dul ba de ni bdag gis gzung bar bya'o// de ci'i phyir zhe na/ 'dis chog shes shing 'dod pa nyung ba dang / kun nas nyon mongs pa gcod pa dang / shes rab dang / mya ngan las 'da' ba'i dge ba'i chos kyi rgyur 'gyur ba'i phyir ro// zhes de skad du smra na'ang nga'i nye gnas ma yin no// de la gang 'di skad du de bzhin gshegs pas 'gro ba mang po bsgral ba'i phyir shin tu rgyas pa'i mdo sde gsungs so zhes smra na/ de ni nga'i nye gnas yang dag pa yin par rig par bya'o// de la gang zhig shin tu rgyas pa'i mdo sde mi 'dod na/ de ni nga'i nye gnas kyang ma yin/ sangs rgyas kyi chos kyis rab tu 'byung ba ma yin te/ de ni ngan par lta ba mu stegs can gyi 'khor yin par rig par bya'o// mdo sde dang 'dul ba gang las 'di skad du gsungs na/ de ni sangs rgyas kyis bstan pa yin no// de ma yin pa ni bdud kyis bstan pa yin no// de la gang bdud kyis bstan pa'i rjes su 'jug pa ni bdud kyi 'khor ces bya'o// de la gang sangs rgyas kyi bstan pa'i rjes su 'jug pa ni byang chub sems dpa' zhes bya'o// / / 'phags pa yongs su mya ngan las 'das pa chen po'i mdo bam po bdun pa// / rigs kyi bu gzhan yang 'di skad du de bzhin gshegs pa ni yon tan tshad med pa las grub pa ma yin te/ mi rtag pa 'gyur zhing 'pho ba'o// stong pa'i chos thob pas bdag med ces gsungs te/ de ni 'jig rten dang mthun pa ma yin no/ / zhes de skad 'byung ba'i mdo sde dang 'dul ba ni bdud kyis bstan pa zhes bya'o// de la gang zhig 'di skad du de bzhin gshegs pa yang dag par rdzogs pa'i sangs rgyas ni bsam gyis mi khyab pa ste/ tshad med grangs med pa'i yon tan las grub pa'o// de bas na rtag pa gnas pa mi 'gyur mi 'pho ba'o// zhes mdo sde dang 'dul ba las 'byung na/ de ni sangs rgyas kyis bstan pa yin no// de la gang bdud kyis bstan pa'i rjes su 'jug pa ni bdud kyi ros su gtogs pa zhes bya'o// sangs rgyas kyis bstan pa'i rjes su 'jug pa ni byang chub sems dpa' zhes bya'o// gzhan yang kha cig 'di skad du dge slong dag pas pham pa'i kha na ma tho ba ma byung bar kun gyis phas pham pa byung ste/ ta la'i mgo bcad pa bzhin du gyur to zhes smra'ang / dge slong de ni phas pham pa byung ba ma yin no// de ci'i phyir zhe na/ ngas ni phas pham pa bzhi las gcig tsam nyams na/ rdo bcag pa ltar phyir mi 'byor ro zhes gsungs te/ de la gang zhig bla ma mi'i chos thoba'o zhes de skad smra na de ni phas pham pa'o// de ci'i phyi zhe na/ yang dag par ci'ang ma thob par thob pa ltar b+hU dang g.yo 'chos na/ gang zag de na mo'i chos las nyams pa zhes bya ste bas pham pa yin no// 'di lta ste/ dge slong gang zhig 'dod pa nyung ba/ chog shes pa/ tshul khrims srung ba yongs su dag pa/ bas mthar gnas pa'i drung du rgyal po 'am/ blon po chen po 'ongs nas dge slong 'din dgra bcom par gyur tom bsams te/ drung du bsnyen nas bstod pa dang / bsnyen bkur dang / phyag byas te/ 'di skad du slob dpon chen po lus 'di brjes ma thag tu/ bla na med pa yang dag par rdzogs pa'i byang chub tu 'tshang rgya'o zhes spras na/ dge slong de rgyal po de la 'di skad ces snga'o// rgyal po chen po bdag ni yang dag par dge sbyong gi 'bras bu ma thob kyis/ rgyal po chen po bdag la dge sbyong gi 'bras bu thob bo zhes ma gsungs shig/ rgyal po chen po bdag la chog mi shes pa'i chos bka' mi stsal du gsol/ gang chog mi shes pa de dag ni khyod bla na med pa yang dag par rdzogs pa'i byang chub tu mngon par sangs rgyas so// zhes bya ba'i bar du bstod kyang lan btab ste cang mi smra'o/ / bdag gis kyang ci ste lan mi 'debs par cang ma smras na/ sangs rgyas bcom ldan 'das kyis rnam par smad par 'gyur ro/ / gang chog shes par spyod pa la ni sangs rgyas thams cad kyis bstod cing bsngags te/ de bas na bdag ni nam du'ang chog shes pa la spyod par dka' 'o// chog shes pa ni bdag gis 'bras bu ma tho ba par/ rgyal po sa 'bras bu thob bo zhes smras kyang / bdag mi 'dod pa ni rlog shes pa zhes bya'o// de'i tshe na rgyal pos yang 'di skad du slob dpon chen po khyod ni yang dag par dgra bcom pa'i 'bras bu tho ba ste/ sangs rgyas dang tha mi dad do zhes smras nas/ de'i tshe na rgyal po des yul mi thams cad dang / btsun mo dang / pho brang gi sras kyi 'khor thams cad du/ dge slong des dge slong gi 'bras bu thob bo zhes bsgrags nas/ de skad ces thos pa thams cad dge slong de la shin tu dad pa dang / mchod pa bya ba dang / bkur sti dang / rim gro bya ba'i sems skyes so// de ltar dge slong de'ang yang dag par tshangs par spyod cing yongs su dag pa yin pas/ de'i rgyu de'i rkyen gyis de la dga' ba thams cad bsod nams chen po thob kyis/ dge slong de ni phas pham pa'i kha na ma tho bas nyams pa ma yin no/ / de ci'i phyir zhe na/ pha rol pos dga' ba dang / dad pa dang / bstod pa dang / mchod pa bya ba'i sems rangs pa skyes pa'i phyir ro// de ltar na dge slong de la ni kha na ma tho ba med do/ / de la gang zhig de la kha na ma tho ba yod ces smra na/ mdo sde de ni bdud kyis bstan pa yin par rig par bya'o// gzhan yang dge slong dag sangs rgyas kyis dgongs te gsungs pa'i mdo sde zab mo las sems can thams cad la sangs rgyas kyi rang bzhin yod do/ / sangs rgyas kyi rang bzhin yod pas tshad med pa'i kun nas nyon mongs pa chod cing // blan med pa yang dag par rdzogs pa'i byang chub tu mngon par rdzogs par 'tshang rgya ste/ log sred can ni ma gtogs so zhes smra ba la/ rgyal po 'am/ blon po chen po zhig 'di skad du/ dge slong khyod mngon par 'tshang rgya'am mi rtse/ sangs rgyas kyi rang bzhin yod dam zhes 'drin/ de la 'di skad ces spros shog/ bdag gi lus la sangs rgyas kyi rang bzhin ni nges par yod na/ sangs rgyas su 'grub pam mi 'grub pa ni ma gtogs so// rgyal pos spras pa/ btsun pa log sred can gyi las ma byas na gdon mi za bar 'grub ste the tsom med do/ / dge slong gis de la rgyal po chen pos smras pa bzhin no// de skad du nges par sangs rgyas kyi rang bzhin yod do zhes dge slong des smras kyang phas pha ma byar mami 'gyur ro/ / gzhan yang dge slong dag rab tu byung ba'i tshe na 'di snyam du sems te/ bdag ni mthar gdon mi za bar bla na med pa yang dag par rdzogs pa'i byang chub tu mngon par 'tshang rgya'o snyam bsams na/ gang zag de bla na med pa'i byang chub ma thob kyang / bsod nams tshad med mtha' yas dpag tu med pa thob bo// ci ste de la gang zhig gise phas pam pa byung ngo zhes smra na/ 'o na lta dge slong thams cad phas pham pa ma byung ba med mo da/ de ci'i phyir zhe na/ nga sngon bskal pa khrag khrig brgya cu'i bapar du ma brtags pa'i dngos po thams cad spangs te/ gdod pa nyung ba dang chog shes pa'i spyod lam dang ldan pas/ de bzhin gshegs pa'i bla na med pa'i chos kyi sde snod la nan tan byas te/ bdag gi lus la sangs rgyas kyi rang bzhin nges par yod par shes pas/ de bas na bla na med pa yang dag par rdzogs pa'i byang chub tu mngon par sangs rgyas nas/ sangs rgyas shes bya ba thugs rje chen po dang ldan par gyur to// gang 'di skad du smra ba'i mdo sde dang 'dul ba ni sangs rgyas kyis bstan pa zhes bya'o// / de la gang bstan pa 'di'i rjes su mi 'jug pa ni bdud kyi rigs su gtogs pa zhes bya'o// bstan pa 'di'i rjes su 'jug pa ni byang chub sems dpa' zhes bya'o// gzhan yang 'di skad du phas pham pa bzhi'ang med la/ dge 'dun gyi lhag ma bcu gsum dang / ma nges pa'i chos gnyis dang / spang ba'i ltung ba sum cu dang / ltung ba dgu bcu rtsa gcig dang / so sor bshags pa'i chos bzhi dang / bslab pa mang po dang / bdun shin tu zhi bar byed pa la sogs pa'ang med sbom po dang mtshams med pa lnga la sogs pa dang / log sbed ces bya ba thams cad med do// gal te dge slong dag de dag la sogs pa nyams pas sems can dmyal bar ltung na/ mu steg can thams cad lta mtho ris kyi lhar skye mod/ de ci'i phyir zhe na/ mu stegs can la sogs pa la tshul khrims shes bya ba nyams pa med pa'i phyir ro// de bas na de bzhin gshegs pas gang zag dag gdul ba'i phyir tshul khrims shes bya ba gsungs so/ / sangs rgyas kyis gsungs pa las kyang / nga'i dge slong dag gal te mi tshangs par spyod 'dod na chos gos gzhag ste/ khyim pa'i gos gyon la mi tshangs par spyod cig/ gzhan yang 'di snyam du mi tshangs par spyod pa 'di bdag cag 'ba' zhig gi skyon ma yin te/ de bzhin gshegs pa bzhugs pa'i tshe'ang dge slong dag mi tshangs par spyod de/ rnam par grol ba'ang yod/ tshe 'phos nas mtho ris kyi lhar skye ba'ang ye nas yod de/ bdag 'ba' zhig gis spyod pa ma yin/ la la phas pham pa bzhi nyams pa dang / la la tshul khrims lnga nyams pa dang / la la ni ma brtags pa spyod lam ma yin pa'i las thams cad byas kyang / yang dag par rnam par grol ba yod de/ de bzhin gshegs pas nyes byas gcig byas na/ sum cu rtsa gsum gnam gyi nyi ma dang / zla ba dang / lor bgrang ba'i 'o stong phrag brgyad brgya'i bar du sems can dmyal bar ltung ngo zhes gsung mod kyi/ de'ang de bzhin gshegs pas gang zag dag gdul ba'i phyir gsungs par zad ce 'am/ phas pham pa dang nyes byas kyi bar du lci yang khyad par med de/ 'dul ba 'dzin pa dag gis sangs rgyas kyis bcas par brdzun du smras so zhes de skad zer na/ de ni sangs rgyas kyis bstan pa ma yin gyi/ de skad du smra ba ni bdud kyi mdo sde dang 'dul ba yin par rig par bya'o// de la gang zhig 'di skad du tshul khrims la gnas pa nyes byas phra mo'i bar du gcig tsam nyams na'ang / dpag tu med pa'i sdug bsngal myong bar 'gyur te/ de ltar shes nas ji ltar rus sbal dag yan lag drug thed pa bzhin du bdag gi lus shin tu bsrung ngo / / de la gzhan yang 'dul ba 'dzin pa dag 'di skad du/ tshul khrims ci nyams kyang kha na ma tho ba'i 'bras bu smin pa med do zhes smra na/ gang zag de la bsnyen par mi bya'o zhes/ bcom ldan 'das kyis tshigs su bcad pa las gsungs pa/ chos gcig tsam las 'das pa gang / de ni rdzun du smra ba ste/ 'jig rten phyi ma mi mthong bas/ sdig pa gang yang mi byed med/ de bas na gang zag de la bsnyen par mi bya ste/ nga'i sangs rgyas kyi chos ni 'di ltar yongs su dag pa yin na/ nyes pa sbom po dang / dge 'dun gyi lhag ma dang / phas pham pa dag kha na ma tho ba yin par brtsi ba lta smos kyang ci dgos/ de bas na chos de dag shin tu bsrung ngo // gal te ma bsrungs na gzhan du na chos gang la tshul khrims shes gdags/ ngas mdo sde las kyang gsungs te/ phas pham pa bzhi nyams pas na/ nyes byas phra mo'i bar du nyams na chad pas gcad do zhes gsungs so/ / so so'i ste bo dag gal te tshul khams ma bsrungs na/ sangs rgyas kyi rang bzhin ji ltar mthong bar 'gyur te/ sems can thams cad la sangs rgyas kyi rang bzhin yod pa'ang tshul khrims bsrungs pa las mthong bar 'gyur ro// sangs rgyas kyis rang bzhin mthong bas bla na med pa yang dag par rdzogs pa'i byang chub tu mngon par 'tshang rgya'o/ / mdo sde gsung rab dgu po las shin tu rgyas pa'i mdo sde med de/ sangs rgyas kyi rang bzhin yod par yang ma gsungs so/ / mdo sde de las ma gsungs mod kyi/ yang dag par yod par rig par bya'o// de la gang zhig de skad du smra ba ni nga'i nye gnas yang dag pa yin par rig par bya'o/ / bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis sems can thams cad la sangs rgyas kyi rang bzhin mchis par bka' stsal pa 'di mdo sde gsung rab dgu po las ni me thos na/ da mchis par bstan cing gsungs na phas pham par mi 'gyur ram/ bcom ldan 'das kyis bka' stsal pa/ khyod kyis smras pa bzhin te phas pha ma par mi 'gyur ro// rigs kyi bu 'di lta ste/ dper na gang zag gcig gi 'di skad du rgya mtsho'i nang na rin po che bdun ni yod kyis/ brgyad med do zhes smras kyang nyes pa med do// de bzhin du mdo sde gsung rab dgu po las sangs rgyas rgyas kyi rang bzhin med ces smras kyang nyes pa med do/ / de ci'i phyir zhe na/ bcom ldan 'das kyis theg pa chen po ye shes kyi rgya mtsho las/ sangs rgyas kyi rang bzhin yod par gsungs kyi/ theg pa gnyis kyis ni shes pa'am mthong ba ma yin te/ de bas na med ces smras kyang nyes pa med do// 'di ltar spyod yul 'di ni sangs rgyas rnams kyis mkhyen gyis/ nyan thos dang rang sangs rgyas kyis shes pa'i yul ma yin no// rigs kyi bu gal te gang zag gis de bzhin gshegs pa'i snying po shin tu thos na/ sangs rgyas kyi rang bzhin yod par mi shes so// de la shin tu zab mo'i snying po gang zhe na/ de ni 'di lta ste/ shin tu rgyas pa theg pa chen po'i mdo sde'o/ / rigs kyi bu mu stegs can kha cig ni bdag ces bya ba rtag par yang smra/ kha cig ni bdag med ces bya ba chad par yang smra'o// de bzhin gshegs pa ni de lta ma yin te/ bdag yod par yang gsungs la/ bdag med par yang gsungs pas dbu ma zhes bya'o// de la gang zhig sangs rgyas kyis dbu mar gsungs pa las sems can thams cad la sangs rgyas kyi rang bzhin yod de/ nyon mongs pas bsgribs pas ni ma shes mo mthong ngo // de bas na nyon mongs pa gcad pa'i thabs la nan tan bya'o zhes gang de skad du smran/ de ni phas pham pa bzhi ma nyams pa yin par rig par bya'o// gang 'di skad du mi smra ba de ni bas pham pa nyams pa zhes bya'o/ / de la gang zhig 'di skad du bdag ni bla na med pa yang dag par rdzogs pa'i byang chub tu mngon par sangs rgyas so// de ci'i phyir zhe na/ sangs rgyas kyi rang bzhin yod pa'i phyir ro// sangs rgyas kyi rang bzhin yod pa ni gdon mi za bar bla na med pa yang dag par rdzogs pa'i byang chub tu mngon par 'tshang rgya ste/ de bas na bdag ni byang chub tu mngon par sangs rgyas so/ zhes smras na/ gang zag de ni phas pham pa byung bar rig par bya'o// de ci'i phyir zhe na/ sangs rgyas kyi rang bzhin yod mod kyi/ bsgrub pa'i thabs la nan tan ma byas na mthong pabar mi 'gyur ro/ / mthong bas na bla na med pa yang dag par rdzogs pa'i byang chub tu 'tshang mi rgya'o// rigs kyi bu de lta bas na sangs rgyas kyi chos ni shin tu zab ste bsam gyis mi khyab bo/ / de nas yang bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das rgyal po zhig gis ji ltar na dge slong dag bla ma mi'i chos las nyams pa lags shes 'dri na de la ji skad bgyi/ bcom ldan 'das kyis 'od srungs la bka' stsal pa/ dge slong gang zhig snyed pa dang bsod snyoms kyi phyir g.yo dang sgyus 'tsho zhing / 'di snyam du bdag la 'jig rten du bcas pas dge slong du shes par 'gyur snyam du sems te/ bdag ji ltar na rnyed pa cher rnyed cing grangs par 'gyur snyam nas/ dge slong glen pa gti mug can dag nyid mtshan du 'di snyam du sems te/ bdag dge sbyong gi 'bras bu ma thob kyang / 'jig rten du bcas pa dag gis bdag dge sbyong gi 'bras bu thob pa tsam du 'dzin par 'gyur/ dge bsnyen dang / dge bsnyen ma la sogs pa thams cad kyis bdag la 'phags pa bsod nams can no zhes brjod par 'gyur snyam du sems te/ de'ang rnyed pa dang grags pa'i phyir rgyachos 'dod pa'i phyir ni ma yin no// spyod lam 'chos shing ngur smrig bgo ba dang / lhung bzed thogs pa tshul las mi nyams shing bas mthar gnas nas/ dgra bcom pa lta bur 'chos te/ 'jig rten gyi mi dag ji ltar na dge slong 'di ni mchog dam bo ste/ dka' thub dang rab tu zhi ba'i chos la nan tan byed pa'o zhes bsngags shing / de'i rgya de'i rkyen gyis bdag la slob ma dang 'khor mang bar 'gyur/ thams cad kyis chos gos dang / bsod snyoms dang / mal cha dang / nad kyi rkyen sman mang du 'bul zhing / bud med mang pos bsnyen bkur dang bsti stang byed par 'gyur snyam/ dge slong ba 'am/ dge slong ma dag de ltar sems na de ni bla ma mi'i chos can du 'gyur ba zhes bya'o// de la gang dge slong dag blabrablan med pa'i chos rnam par gzhag pa'i phyir bas mthar gnas na/ dgra bcom pa ma yin yang pha rol pos dgra bcom pa yin par sems na/ de ni dge slong shin tu dge ba/ dge slong zhi ba/ dge slong bzang po ste/ skye bo tshad med pa rnams dad pa'i sems skye bar 'gyur ro// de'i rgyu de'i rkyen gyi na tshad med pa'i dge slong dag de'i 'khor du 'gyur te/ tshul khrims nyams pa'i dge slong dang / dge bsnyen dag kyang tshul khrims sdom pa la gnas par 'gyur ro// de'i rgyu de'i rkyen gyis dam pa'i chos yun ring du gnas shing / de bzhin gshegs pa'i bla na med pa'i chos rgyas pa dang / shin tu rgyas pa'i theg pa chen po'i chos kyis skye bo tshad med pa sgrol ba dang / de bzhin gshegs pas gsungs pa'i mdo sde dang / 'dul ba'i don lci ba dang yang ba la shin tu mkhas par 'gyur ro// de 'di skad du bdag la sangs rgyas kyi rang bzhin yod de/ de bzhin gshegs pa'i snying po zhes bya ba'i mdo las kyang bdag ni ga don mi za bar mngon par 'chang rgya ste/ tshad med pa'i kun nas nyon mongs pa'ang zad par 'gyur ro/ zhes sprul/ tshad med pa'i dge bsnyen rnams la'ang 'di skad du/ khyed la'ang sangs rgyas kyi rang bzhin yod de/ bdag cag de bzhin gshegs pa'i byang chub kyi sa la gnas na/ bla na med pa yang dag par rdzogs pa'i byang chub tu mngon par 'tshang rgya ste/ tshad med pa'i kun nas nyon mongs pa'ang zhi bar 'gyur ro zhes de skad du smras kyang gang zag de ni bla ma mi'i chos smra ba ma yin te/ byang chub sems dpa' zhes bya'o// de la nyes byas kyi kha na ma tho bas kyang / sum cu rtsa gsum gnam gyi nyi ma dang / zla ba dang / lor bgrang ba'i lo stong phrag brgyad brgya'i bar du sems can dmyal bar ltung ste sdug bsngal myong bar 'gyur na/ ched du nyes pa sdom pa'i sdig pa byed pa lta ci smos/ theg pa chen po las dge slong gang zhig nyes pa sbom po byung na bsnyen par ma bya'o zhes gsungs so// de la theg pa chen po'i mdo las nyes pa sbom por 'gyur ba gang zhe na/ gal te khyim bdag gcig gis sangs rgyas kyi rten gtsug lag khang brtsigs nas/ me tog gi 'phreng bas sangs rgyas la phul te/ dge slong gcig gis me tog gi 'phreng ba brgyus pa'i srad bu ma zhus par blangs na nyes pa sbom po'o/ / shes kyang rung mi shes kyang rung sbom po'o// gal te 'dod pa'i sems kyis sangs rgyas kyi mchod rten bshig na'ang nyes pa sbom po ste/ gang zag de la ni brten par mi bya'o// gal te rgyal po 'am/ blon po zhig gis mchod rten zhig pa mthong nas/ gdung mchod pa'i phyir ram zhig pa gso ba'i phyir bcos te/ mchod rten gyi nang nas rin po che rnyed nas dge slong la bzhag pa las/ dge slong gis dbang byas te/ bdag gir spyad na/ dge slong de ni sme ba'o// rtsod cing 'thab pa'i gzhir 'gyur ba ste/ dge bsnyen pa rnams kyis de la bsnyen bkur dang / ma rmod pa dang / bsti stang mi bya'o// dge slong de ni dbang po med pa zhes kyang bya/ mtshan gnyis pa zhes kyang bya/ ma ning zhes kyang bya'o// ma ning zhes bya ba ni bud med la chags pa'i tshe bud med du 'gyur ba dang / skyes pa la chags pa'i tshe skyes par 'gyur ba'o/ / dge slong de ni dbang po ngan pa zhes bya ste/ skyes pa zhes kyang mi bya/ bud med ces kyang mi bya/ rab tu byung ba zhes kyang mi bya/ khyim pa zhes kyang mi bya ste/ dge slong de ni bsnyen bkur dang / mchod pa dang / bsti stang mi bya'o// sangs rgyas kyis bstan pa las dge sbyong gi chos ni snying rje'i sems kyis sems can gyi mgon dang skyabs byed cing / chung ngun thog ma'i bar du'ang mi 'jigs pa sbyin pa ni dge sbyong gi chos shes bya'o// spro ba'i khu bachang mi btung zhing dri mi zhim pa dang / mnam pa'i bar du yongs su spang ba ni dge slong gi chos shes bya'o// rdzun du mi smra zhing / chung ngun rmi la mna'ang rdzun spa bar mi sems pa ni dge sbyong gi chos shes bya'o// 'dod chags kyi sems rmi lam gyi bar du'ang med pa ni dge sbyong gi chos shes bya'o// de nas bcom ldan 'das la/ byang chub sems dpa' 'od srungs kyis 'di skad ces gsol to/ / dge slong gis rmi lam du mi tshangs par spyad na tshul khrims nyams par 'gyur ram/ bcom ldan 'das kyis bka' stsal pa/ de lta ma yin no// / mi tshangs par spyod pa la shan tu btsog par bsams te/ chung ngun skad cig tsam yang gtsang ba'i 'du shes mi skyed do// bud med kyis rnam par nyon mongs pa'i 'du shes spang te/ rmi lam du mi tshangs par spyod par rmis na/ sad ma thag tu shin tu 'gyod pa'i sems bskyed do// dge slong gis bsod snyoms spyod pa na mu ge byung ba'i tshe/ sha zhig rnyed na bu'i shA la za ba'i tsam du 'du shes bskyed do/ / 'dod chags kyi sems byung na de ma thag tu yongs su spang ngo // chos kyi rnam grangs 'di dag ni sangs rgyas kyis gsungs pa'i mdo sde dang 'dul ba yin par shes par bya'o/ / de la gang bdud kyis bstan pa'i rjes su 'jug pa ni bdud kyi rigs su gtogs pa yin no// sangs rgyas kyis bstan pa'i rjes su 'jug pa ni byang chub sems dpa' zhes bya'o/ / de la gang 'di skad du rtag tu rkang pa ya gcig gis 'greng ba dang / kha rog ste cang mi smra ba dang / chur mchong ba dang / mer mchong ba dang / brag las mchong ba dang / yang ba la mi 'dzem pa dang / dug 'thung ba dang / kha zas mi za ba dang / thal khung na nyal ba dang / bdag gi rkang lag 'tshang ba dang / sems can gsod pa dang / rig sngags can dang / gdol bu dang / dbang po med pa dang / mtshan gnyis pa dang / mtshan ma nges pa dang / dbang po ma tshang ba la sogs pa thams cad de bzhin gshegs pas rab tu 'byung bar gnang ngo zhes smra na/ de ni bdud kyis bstan pa yin no/ / sngon bcom ldan 'das kyis zar gnang ba ni ba'i 'o ma las bsgyur ba rnam pa lnga dang / 'bru mar dang / sbrang rtsi la sogs pa dang / gos ke'u sha ya dang / lham yu rdu ma la sogs pa gyon du gnang ba las/ de ma yin pa gzhan yang 'di skad du ma ha lang ka'ang gyon du gnang ngo zhe 'am/ sa bon thams cad sogs su gnang ngo zhe 'am rtsa dang shing la sogs pa thams cad la srog yod par sangs rgyas kyis gsungs nas/ mya ngan las 'das so zhes mdo sde dang 'dul ba las de skad 'byung na/ de ni bdud kyis bstan pa yin par shes par bya'o/ / sangs rgyas kyis ni rtag tu rkang pa ya gcig 'greng bar yang ma ka nang ste/ chos kyi phyir 'gro ba dang / sdod pa dang / 'dug pa dang / nyal du gnang ngo / / de ma yin pa dug za ba dang / kha zas mi za ba dang / tsha ba rnam pa lngas lus sreg pa dang / rkang lag 'tshang ba dang / sems can gsod pa dang / rig sngags spyod pa dang / 'gron bu dang / ba glang gi mche ba la sa lham byed pa dang / sa bon sogs pa dang / rtsi shing la srog yod pa dang / ma ha ling ka gyon du mi ga nang ste/ gal te bcom ldan 'das kyis gnang bar gsungs so zhes smra na/ de ni mu stegs can gyi 'khor yin te/ sangs rgyas kyi nye gnas ma yin no// sangs rgyas kyis gnang ba ni ba'i 'o ma las bsgyur ba rnam pa lnga dang / 'bru mar dang / sbrang rtsi la sogs pa dang / ke'u sha ya dang / lham bu yu chad gyon du gnang ngo // sangs rgyas kyis chen po bzhi la srog med par gsungs mdo sde dang 'dul ba las 'di skad du 'byung ba ni sangs rgyas kyis bstan pa zhes bya'o/ / de la gang sangs rgyas kyis bstan pa'i rjes su 'jug pa ni nga'i nye gnas yang dag pa yin no// gal te sangs rgyas kyis bstan pa'i rjes su mi 'jug pa ni bdud kyi gtogs pa zhes bya'o// gal te sangs rgyas kyis bstan pa'i mdo sde dang 'dul ba'i rjes su zhugs na/ de ni byang chub sems dpa' sems dpa' chen po yin par rig par bya'o/ / rigs kyi bu bdud kyis bstan pa dang / sangs rgyas kyis gsungs pa'i khyad par dang bye brag ni rgyas par khyod la bshad pa 'di yon no/ / byang chub sems dpa' 'od srungs kyis yang gsol pa/ bcom ldan 'das bdag gis ni gdod bdud kyis bstan pa dang / sangs rgyas kyis gsungs pa'i bye brag mtshan nyid 'tshal te/ de bas na sangs rgyas kyi chos zab mo'ang rtogs par 'gyur ro// bcom ldan 'das kyis/ 'od srungs la bka' stsal pa/ legs so legs so// rigs kyi bu khyod kyis de ltar shin tu bye brag phyed cing gsal bar rtogs na mkhas pa shes rab can zhes bya'o// rigs kyi bu sdug bsngal ni 'phags pa'i bden pa zhes byar mi rung ngo / / de ci'i phyir zhe na/ ci ste sdug bsngal la sdug bsngal gyi 'phags pa'i bden pa zhes bya na lta/ ba lang dang / lug dang / bong bu dang / rta dang / sems can dmyal ba'i sems can la'ang 'phags pa'i bden pa yod par 'gyur ro// rigs kyi bu gang zhig de bzhin gshegs pa'i spyod yul shin tu zab mo rtag par gnas pa mi 'gyur ba'i chos kyi sku dam pa la zhal zas kyis gso ba'i sku snyam ste/ chos kyi sku ma yin par sems shing / de bzhin gshegs pa'i yon tan dang / gzi brjid dang / che ba nyid mi shes na sdug bsngal ba zhes bya'o// de ci'i phyir zhe na/ mi shes pa'i phyir chos la ni chos ma yin par / chos ma yin pa la ni chos su lta ste/ de bas na gang zag de ni gdon mi za bar ngan song du ltung zhing 'khor bar 'khor te/ kun nas nyon mongs pa skye zhing sdug bsngal chen po myong bar 'gyur ro// de la gang zhig de bzhin gshegs pa ni rtag pa/ gnas pa/ mi 'gyur mi 'pho bar shes sam/ rtag pa dang gnas pa'i tshig gnyis rna khung du thos pa tsam gyis mtho ris su skye ste/ phyis rnam par grol ba na de bzhin gshegs pa ni rtag pa/ gnas pa/ mi 'gyur mi 'pho bar rtogs shing rig par 'gyur te/ rig cing rtogs pas 'di skad du/ bdag sngon don 'di thos pas rnam par grol bar gyur to/ / bdag thog ma nas mi shes ma rtogs pas 'khor bar 'khor ba'i mtha' med par 'gyur te/ de ni yang dag pa'i ye shes kyis shes par gyur to zhes smra'o/ / de ltar yang dag pa'i ye shes kyis shes pa ni sdug bsngal sgom pa zhes bya ste/ phan pa dang bde ba'i don chen por 'gyur ro// gang de lta bu'i tshul du mi shes na shin tu nan tan byas kyang phan pa dang bde ba'i don du mi 'gyur ro/ / de ltar na de ni sdug bsngal shes pa ste/ sdug bsngal gyi 'phags pa'i bden pa zhes bya'o// de la gang de lta bu'i tshul du nan tan ma byas na sdug bsngal zhes bya ste/ sdug bsngal gyi 'phags pa'i bden pa ma yin no// sdug bsngal kun 'byung gi bden pa ni yang dag pa'i chos la yang dag pa'i ye shes mi skye zhing / ma brtags pa'i dngos po zan po dang zan mo la sogs pa 'chang zhing spyod pa dang / chos ma yin pa la yang dag pa'i chos su smra zhing dam pa'i chos med par byed/ yun ring du gnas par mi byed pa'o/ / de'i rgyu de'i rkyen gyis chos rnams kyi chos nyid kyang mi shes so// mi shes pas na 'khor bar 'khor te sdug bsngal mang po myong bas mtho ris su skye ba 'am/ yang dag pa'i rnam par grol bas rnam par mi 'grol lo// de la gang zab mo'i ye shes dang ldan pa dam pa'i chos mi 'jig pa ni/ de'i rgyu de'i rkyen gyis mtho ris su skye zhing / yang dag pa'i rnam par grol bas rnam par grol lo/ / gang sdug bsngal kun 'byung gi bden pa mi shes te/ dam pa'i chos ni mi rtag pa/ mi gnas pa/ 'gyur ba'i chos can no zhes smra na/ de'i rgyu de'i rkyen gyis bskal pa grangs med pa'i bar du 'khor bar 'khor zhing sdug bsngal mang po myong bar 'gyur ro/ / de la gang dam pa'i chos ni rtag pa/ gnas pa/ mi 'gyur mi 'pho ba nyid du shes na kun 'byung shes pa ste/ kun 'byung 'phags pa'i bden pa zhes bya'o// gang de lta bu'i tshul du nan tan mi byed na/ kun 'byung zhes bya ste/ kun 'byung 'phags pa'i bden pa ma yin no// sdug bsngal 'gog pa'i bden pa ni/ gang stong pa nyid la mang du bsgom zhing nan tan byed pa dang / dge ba zhes mi bya'o// de ci'i phyir zhe na/ chos thams cad 'gog pa'i phyir/ de bzhin gshegs bapa'i yang dag pa'i chos kyi sde snod 'jig pa'i phyir ro/ / gang de ltar slob cing nan tan byed pa ni stong pa nyid sgom pa'o// sdug bsngal 'gog pa sgom pa ni mu stegs can thams cad las phyir bzlog pa'o/ / ci ste stong pa nyid sgom pa 'gogs pa'i bden pa yin du zin na/ mu stegs can thams cad kyang stong pa'i chos sgom pas 'gog pa'i bden pa yod par 'gyur ro// de la gang zhig 'di skad du de bzhin gshegs pa'i snying po yod de bltar mi mthong mod kyi/ nyon mongs pa thams cad bsal na rtogs par 'gyur ro zhes smra 'am/ gal te skad cig tsam sems bskyed/ na'ang / de'i rgyu de'i rkyen gyis chos thams cad la dbang thob par 'gyur ro// gang zhig de bzhin gshegs pa'i snying po la bdag dang / stong pa dang / zhi ba med pa'i tshul du sgom na/ gang zag de ni skye ba tshad med pa'i bar du 'khor bar yongs su 'khor zhing sdug bsngal myong bar 'gyur ro/ / de la gang de lta bu'i tshul du mi sgom na/ nyon mongs pa dang bcas kyang myur du byung bar 'gyur ro// de ci byor zhe na/ de bzhin gshegs pa'i snying po gtsang ba shes pa'i phyir te/ sdug bsngal 'gog pa'i bden pa zhes bya'o// de la gang de lta bu'i tshul du nan tan byed na nga'i nye gnas so// gang de lta bu'i tshul du nan tan mi byed pa ni don med par sgom pa ste/ 'gog pa 'phags pa'i bden pa ma yin no// lar gyi 'phags pa'i bden pa ni/ 'di lta ste/ sangs rgyas dang / chos dang / dge 'dun dang / yang dag par rnam par grol ba la/ sems can kha cig phyin ci log gi sems kyis 'di skad du sangs rgyas dang / chos dang / dge 'dun dang / yang dag par rnam par grol ba med de/ sgyu ma lta bur 'khor bar 'khor ro zhes de lta bu'i tshul du ltan/ de'i chu de'i rkyen gyis srid pa gsum du 'khor zhing yun ring por sdug bsngal chen po myong bar 'gyur ro/ / de la gang 'di lta bur sems bskyed de/ de bzhin gshegs pa dang / chos dang / dge 'dun dang / rnam par grol ba ni rtag pa/ gnas pa/ mi 'gyur mi 'pho ba'i tshul du lta na/ de ltar skad cig sems pa tsam gyis skye ba tshad med pa'i bar du bsod nams yid bzhin du 'gyur ba'i dbang thob par 'gyur ro// de ci'i phyir zhe na/ nga'ang sngon phyin ci log bzhis chos ma yin pa la chos su gzung bas mi dge ba'i las kyi rnam par smin pa tshad med pa myong bar gyur to/ / da ni lta ba de lta bu'i tshul du lta ba bgags pas yang dag par rdzogs pa'i byang chub tu mngon par sangs rgyas te/ de ni lam gyi 'phags pa'i bden pa zhes bya'o// de la gang zhig 'di skad du dkon mchog gsum mi rtag ces smra zhing lta ba de la sgom na/ don med par sgom pa ste/ lam gyi 'phags pa'i bden pa ma yin no// gang chos de la rtag pa gnas pa'i tshul du sgom na nga'i nye gnas zhes bya ste/ 'phags pa'i bden pa bzhi yang dag par mthong zhing / 'phags pa'i bden pa bzhi sgom pa la nan tan byed pa zhes bya'o// byang chub sems dpa' 'od srungs kyis/ bcom ldan 'das la gsol pa/ bdag ni gdod 'phag pa'i bden pa bzhi shin tu nan tan bya ba'i chos 'tshal bar gyur to/ / bcom ldan 'das kyis/ 'od srungs la bka' stsal pa/ rigs kyi bu de la phyin ci log bzhi zhes bya ba ni/ 'di lta ste/ sdug bsngal ma yin pa la sdug bsngal du 'du shes bskyed pa ni phyin ci log ces bya'o// sdug bsngal med pa ni de bzhin gshegs pa zhes bya'o// sdug bsngal bar 'du shes bskyed pa ni de bzhin gshegs pa la mi rtag pa 'am/ 'gyur zhing 'pho bar sems pa'o// gang de bzhin gshegs pa la mi rtag ces smra ba ni kha na ma tho ba chen po'i sdug bsngal lo// gang 'di skad du de bzhin gshegs pa ni sdug bsngal ba'i sku bor te/ shing zad pa'i me shi ba bzhin du mya ngan las 'das so zhes smra na/ de ni sdug bsngal med pa la sdug bsngal bar 'du shes bskyed pa ste/ byin ci log ces bya'o// ci ste ngas de bzhin gshegs pa rtag ces gsung na/ de ni bdag tu lta ba ste/ bdag tu lta na tshad med pa'i kha na ma tho bar 'gyur te/ de bas na de bzhin / gshegs pa ni mi rtag ces gsungs pa'i rigs so// gang de skad du smra na bdag ces pa bde ba myong ngo // de bzhin gshegs pa mi rtags ces smra na sdug bsngal ba'o// / no ste sdug bsngal ba yin na/ ci'i phyir bde bar 'gyur zhe na/ sdug bsngal la bde bar 'du shes pas phyin ci log go// bde ba la sdug bsngal bar 'du shes na'ang phyin ci log go// bde ba ni de bzhin gshegs pa'o/ / sdug bsngal ba ni de bzhin gshegs pa mi rtag ces smra ba'o// ci ste de bzhin gshegs pa mi rtag ces smra na/ de ni bde ba la sdug bsngal du 'du shes pa zhes bya'o// de bzhin gshegs pa rtag ces bya ba ni bde ba'i/ / ci ste ngas gsungs pa ltar de bzhin gshegs pa rtag pa yin na/ ci'i phyir mya ngan las 'das/ gal te de bzhin gshegs pa sdug bsngal ba ma yin na/ ci'i phyir sku bor te mya ngan las 'da' bar bzhugs shes de ltar bde ba la sdug bsngal bar 'du shes na phyin ci log gcig ces bya'o// mi rtag pa la rtag par 'du shes pa dang / rtag pa la mi rtag par 'du shes pa'ang phyin ci log ces bya'o/ / mi rtag pa ni stong pa nyid mi sgom pa'o// stong pa nyid ma bsgoms pas tshe thung bar gyur to// de la gang stong pa nyid kyis zhi ba ma sgoms kyang tshe ring bar 'gyur ro zhes smra na/ phyin ci log ces bya ste/ phyin ci log gnyis so// bdag med pa la bdag tu 'du shes/ bdag la bdag med par 'du shes pa'ang phyin ci log go/ 'jig rten pa'ang bdag yod par smra/ sangs rgyas kyi chos la'ang bdag yod par smra ste/ 'jig rten pa dag bdag yod par smra mod kyi/ sangs rgyas kyi rang bzhin yod pa ma yin pas/ de ni bdag med pa la bdag tu 'du shes pa ste/ phyin ci log ces bya'o// sangs rgyas kyi chos kyi bdag yod pa ni sangs rgyas kyi rang bzhin no// 'jig rten pa dag ni sangs rgyas kyi chos la bdag med ces smra bas/ de bas na bdag la bdag med par 'du shes pa zhes bya'o/ / gal te sangs rgyas kyi chos la nges par bdag med ces smras na/ de bzhin gshegs pas nye gnas rnams la bdag med par sgoms shig ces bka' stsal ba'ang byin ci log ces bya bar 'gyur te/ 'di ni phyin ci log gsum mo// gtsang ba la mi gtsang bar 'du shes/ mi gtsang ba la gtsang bar 'du shes pa'ang phyin ci log go/ / gtsang ba de bzhin gshegs par rtag par gnas pa zhal zas dang 'dres pa'i sku ma yin/ nyon mongs pa'i sku ma yin/ sha dang khrag gi sku ma yin/ rtsa dang / chu dang / rus pas rnam par glags pa'i sku yin te/ de la gang 'di skad du de bzhin gshegs pa ni mi rtag pa zhal zas dang 'dres pa'i sku/ rtsa dang / chub dang / rus pa'i bar du rnam par glags pa'i sku yin te/ chos dang / dge 'dun dang / rnam par grol ba'ang 'gog cing zad par 'gyur ro zhes smra na phyin ci log ces bya'o// mi gtsang ba la gtsang bar 'du shes pa ni/ gang 'di skad du nga'i lus 'di/ la gcig tsam yang mi gtsang ba med do// mi gtsang ba med pas na gdon mi za bar yongs su dag pa'i gnas su phyin par 'gyur te/ de bzhin gshegs pas mi gtsa bcom pa la nan tan gyis shog ces gsungs pa'ang rdzun no zhes sman byin ci log ces byaste/ 'don phun ci log pa'i zhes bya'o// byang chub sems dpa' 'od srungs kyis yang bcom ldan 'das la gsol pa/ bdag cag ni sngon ngan par lta ba las gdod yang dag par lta bar gyur to// bcom ldan 'das srid pa nyi shu lnga po la bdag ces bgyi ba mchis samamam bcom ldan 'das kyis bka' stsal ba/ rigs kyi bu bdag ces bya ba ni de bzhin gshegs pa'i stong po'i don to// sems can thams cad la sangs rgyas kyi rang bzhin yod pa ni bdag ces byab don to/ / des ba dag ces bya ba'i don no thog ma med pa'i dus nas/ tshad med pa'i kun nas nyon mongs pas rnam par marnams te/ de bas na sems can dag mthong bar mgyur to// rigs kyi tha 'ang/ ste/ dper na bud med dbul mo zhig khang pa'i nang na gser gyi gter yod kyang thams cad kyis yod par mi shes pa las/ byis skyes bu shin tu thabs la mkhas pa gcig gis/ bud med dbul mos 'dis dan bra mo khyod la po'i phyag bad ba tha banus sa pa/ bud med des smras pa/ kho mo ma nus so// cig khyod kyis ma tsho'i bris gser gyi ga ter nig sbas pa brtan nus na khyod kyilas bya'o// skyes bu des smras pa/ kho bo na shin tu thabs mkhas pas khyod kyi bus sbas pa'i gser gyi gter kho bos shes kyis bstan to// bud med des smras pa/ kho mo'i khyim gang gi mi che phra thams cad kyis kyang mi shes na/ jig khyod kyis shes sam/ skyes bu des smras pa/ kho bos ni the tsom med par shes so// bud med des smras pa/ kho bo de mthong bar 'dod kyis ston cig/ de nas skyes bu des mo'i khang par zhugs nas gser gyi gter brus te bud med de la bstan to/ / bud med des gter mthong nas shin tu mgu dga' ste/ ngo mtshar rmad kyi 'du shes skyes nas/ skyes bu de la bsti stang du byed de/ rigs kyi bu sems can thams cad kyi sangs rgyas kyi rang bzhin yang de dang 'dra ste/ sems can thams cad kyis mi mthong ba'ang ji ltar bud med dbul mos rin po che'i gter mi mthong ba bzhin no/ / rigs kyi bu ngas skye bo thams cad sangs rgyas kyi rang bzhin yod pa kun nas nyon mongs pas bsgribs te mi mthong ba bstan pa'ang / ji ltar bud med dbul mos gser gyi gter mi mthong ba bsnun pa bzhin no/ / rigs kyi bu de bzhin gshegs pas kyang sems can thams cad la mngon par sangs rgyas pa'i rin po che'i gter bstan pa 'di lta ste/ sangs rgyas kyi rang bzhin no/ / so so'i skye bo dag kyang de lta bu'i dngos po dag mthong nas rab tu dga' ba'i sems skyes te/ de bzhin gshegs pa la bsnyen bkur byed cing phyogs so// thabs mkhas pa'i skyes bu zhes bya/ ba ni de bzhin gshegs pa'i dpe'o// bud med dbul mo zhes bya ba ni so sora'i skye bo tshad med pa'i dpe'o// gser gyi gter zhes bya ba ni sangs rgyas kyi rang bzhin gyi dpe'o// rigs kyi bu gzhan yang 'di lta ste/ dper na bud med bu chung ngu kha myag gso ba zhig gal te bu de nad kyis btab na/ bud med de shin tu mya ngan gyis gdungs te sman pa tshol lo// de la sman pas sman mar dang / 'o ma dang / sha kha ra gsum du sbyar te/ bu la blud nas/ bud med de la 'di skad ces bsgo'o// bu 'di sman btang gis/ re zhig sman ma zhu ba'i bar du nu zho blud du mi rung ngo zhes bsgo'o// de nas bud med des nu zho mi bsnun pa'i phyir/ nu ma la mkhris pas byugs nas/ bu la kho mo'i nu ma dug gis bskus te nur mi rung ngo zhes zer ro// bu de skom gyis gdungs te nu ma nu 'dod kyang / kha ba'i ro bro ba tshor ma thag tu nur mi btub bo/ / sman zhu nas bud med kyis nu ma dag par bkrus te 'di skad du bu tshur shog/ da nu ma nur gzhug go zhes smras na/ khye'u de skom gyis gdungs kyang / sngar kha ba'i ro myong bas bos kyang 'ong du ma btub bo/ / de la yang mas 'di skad du bsgo'o// khyod da ci sngar sman 'thungs te/ sman ma zhu ba'i nu ma blud du mi rung bas/ kho mos dug gis bskus pa yin gyis// da khyod kyi sman kyang zhu la kha ba'ang bkrus kyis da ni khe ba'i ro med do zhes smras na/ gdod pags kyis nye ste 'thung ngu btub bo// rigs kyi bu de bzhin gshegs pa'ang de bzhin du sems can thams cad bsgral ba'i phyir/ sems can thams cad bdag med pa'i chos la nan tan byed pa ston to// de la nan tan byas pas bdag ces bya ba'i sems med de yongs su mya ngan las 'da' 'o/ / de'ang 'jig rten rgyang 'phen pa'i ngan par lta ba bsal ba'i phyir/ 'jig rten rgyang 'phen pa'i chos las 'das pa bstan pa'i phyir/ gzhan yang 'jig rten rgyang 'phan pa dag bdag tu lta ba yang dag pa ma yin par bstan pa'i phyir/ bdag med pa'i chos bsgoms pas yongs su dag pa'i lus su 'gyur ba'i phyir/ ji ltar bud med des bu'i phyir mkhris pas nu ma bskus pa bzhin du/ de bzhin gshegs pa'ang de dang 'dra ste/ stong pa nyid bsgoms pa'i phyir/ chos thams cad la bdag med ces gsungs so// ji ltar bud med des nu ma byis bkrus nas bu bos te nu zho blud do zhes bya ba bzhin du/ ngas de bzhin gshegs pa'i snying po bstan pa'ang de dang 'dra ste/ dge slong khyod kyang ma skrag par ji ltar bu de la mas bos te nu zho bags kyis 'thung ba bzhin du/ dge slong khyed kyang bye brag byed par gyis shig/ de bzhin gshegs pa'i snying po ni med par bya ba ma yin no// byang chub sems dpa' 'od srungs kyis/ bcom ldan 'das la gsol pa/ bcom ldan 'das yang dag par bdag ces bgyi ba ma mchis so// de ci'i slad du zhe na/ byis pa chung ngun thog ma btsas pa na ci'ang bye brag mi byed de mi 'tshal to/ / gal te bdag ces bgyi ba mchis pa lags na/ btsas ma thag tu thams cad bye brag byed cing 'tshal ba'i rigs so/ / de bas na nges par bdag ces bgyi ba ma mchis par mngon no// gal te bdag ces bgyi ba nges par mchis pa zhig lags na/ skye ba gcig blangs nas mthar ma mchis par 'gyur ba'i mi rigs so/ / ci ste thams cad la sangs rgyas kyi rang bzhin mchis te rtag pa zhig lags na/ 'jig pa'i yang mi rigs so// gal te 'jig pa'i mtshan nyid ma lags na/ ci'i slad du rgyal rigs dang / bram ze dang / rigs ngan dang / gdol pa dang / byol song la sogs pa rnam pa tha dad de/ las kyi rnam bar smin pa sna tshogs mi mthun zhing rgyu tha dad par gyur/ ci ste bdag ces bgyi ba nges par mchis na/ sems can thams cad la bzang ngan ma mchis pa'i rigs te/ de lta bas nasangs rgyas kyi rang bzhin zhes bgyi ba ni rtag pa'i chos ma lags par mngon no/ / ci ste sangs rgyas kyi rang bzhin nges par rtag pa zhig lags na/ ci'i slad du srog gcod pa dang ma byin par len pa dang / mi tshangs par spyod pa dang / brdzun du smra ba dang / phra ma dang / ngag rtsub po dang / tshig thun tshags dang / 'dod chags dang / zhe sdang dang / ngan par lta ba la sogs pa bstan cing gsungs/ gal te bdag ces bgyi ba'i rang bzhin rtag pa lags na/ ci'i slad du chang 'thungs pas myos shing dran pa nyams par 'gyur/ gal bdag ces bgyi ba'i rang bzhin rtag pa lags na/ long bas kyang gzugs mthong la/ 'on pas gang sgra thos/ lkugs pas kyang s+tha nus/ na bos kyang 'gro nus par 'gyur ro// ci ste bdag ces bgyi ba'i rang bzhin rtag na/ chu dang / me dang / g.yang sa dang / dug dang / mtshon dang / gcan gzan ma rungs pa las kyang 'byol ba'i mi rigs so// ci ste bdag ces bgyi ba rtag na/ sngon ci shes pa phyis brjed pa'i mi rigs so// ci ste phyis mi brjed na ci'i slad du bdag gis mi 'di sngon ma mthong ngo zhes bya ba la sogs pa smra bar 'gyur// gal te bdag ces bgyi ba rtag na/ gzhon nu lang tsho dang / rgas te rgud pa la sogs pa dang / sngon ci byas pa'i dngos po thams cad kyang mi brjed de dran pa'i rigs so// ci ste bdag ces bgyi ba rtag na ci la gnas/ mchil ma dang snabs la gnas sam/ kha dog sngon po dang / ser po dang / dmar po la sogs pa la gnas/ ci ste bdag ces bgyi ba rtag pa zhig lags na/ til mar gyis lus bskus pa bzhin du thams cad du khyab pa'i rigs te/ gal te lus gcad pa'i tshe na/ bdag kyang chod par 'gyur ba'i rigs so// bcom ldan 'das kyis/ 'od srungs la bka' stsal pa/ rigs kyi bu 'di lta ste/ dper na rgyal po la gyad gcig yod pa'i dpral ba na/ rdo rje'i nor bu gcig yod pa gyad gzhan dang stobs bkye ba las/ gyad pha rol pos mgos reg ste dpral ba'i nor bu de sha'i nang du nub kyang nor bu gar song ba mi shes so// rma byung ba'i phyir sman pa bos nas sman pa shin tu mkhas pas ni nor bu sha'i nang du song ba'i phyir rma byung bas de la sman mi byed de/ 'di skad du stobs po che khyod kyi dpral ba'i nor bu ga re zhes zer ro// gyad de spangs nas sman pa la 'di skad du bdag gi de pral ba'i nor bu gar yang ma song ba'i rigs te/ da med na 'di sgyu ma ma yin nam snyam sems te shin tu mya ngan byed do// de nas sman pa des kyang de'i spro ba bskyed nas/ khyod de ltar mya ngan ma byed cig/ khyod stobs bkye ba na nor bu sha'i nang du nub ste/ gzugs brnyan tsam phyi rol du snang ngo // khyod stobs bkye ba nazhe sdang bskyed de/ nor bu'i mthus sha'i nang du nub kyang ma tshor ba yin no// de skad du smras kyang yid mchis nas/ 'di skad du sman pa khyod brdzun ma zer cig/ ci ste sha'i nang du nub na rnag dang khrag shin tu bcog pa yin pas phyir 'byung ba'i rigs so/ / ci ste chu bo'i nang du song na ni khyod kyis kyang mthong ba'i mi rigs so// de nas sman pas me long ltar bcug nas me long gi nang du nor bu'ang gsal bar snang bar gyur ro/ / gyad des de ltar gyur pa mthong nas ngo mtshar rmad kyi 'du shes skyes so// rigs kyi bu sems can thams cad de dang 'dra ste/ dge ba'i bshes bsnyen la bsnyen bkur ma byas pas/ sangs rgyas kyi rang bzhin yod kyang mthong bar mi nus so// 'dod chags dang / zhe sdang dang / gti mug gis bsgribs te zil gyis non pas/ sems can dmyal ba dang / byol song dang / yi dgas dang / lha ma yin dang / gdol pa dang / rigs ngan dang / rgyal rigs dang / bram ze'i rigs la sogs pa rnam pa sna tshogs su skye zhing ltung bar gyur to// sems la rnam pa sna tshogs kyi las bskyed pas mi'i lus thob kyang 'on pa dang / long ba dang lkugs pa dang / zha bo la sogs par gyur te/ srid pa nyi shu lnga por rnam par smin pa'i 'bras bu myong bar gyur to// 'dod chags dang / zhe sdang dang / gti mug gis sems bsgribs pas na/ sangs rgyas kyi rang bzhin mi shes pa ni/ ji ltar gyad des nor bu rin po che sha'i nang du nub par mi shes te/ stor snyam sems pa ltar so so'i skye bo'ang de dang 'dra ste/ dge ba'i bshes bsnyen la bsnyen bkur byed pa mi shes/ de bzhin gshegs pa'i snying po shin tu gsang ba mi shes pas/ bdag med pa la bsgom zhing nan tan byed do/ / dper na 'phags pa ma yin pa dag ni/ bdag med pa smra'ang bdag ces bya ba'i yang dag pa'i mtshan nyid ma shes so/ / nga'i nye gnas kyang de dang 'dra ste/ dge ba'i bshes gnyen la bsnyen bkur byed pa'ang mi shes pas/ bdag med pa sgom pa'ang mi shes te/ bdag med pa'i gnas kyang mi shes so/ / bdag med pa'i mtshan nyid kyang mi shes na/ bdag gi yang dag pa'i mtshan nyid shes pa lta smos/ rigs kyi bu de ltar de bzhin gshegs byas/ sems can thams cad la sangs rgyas kyi rang bzhin yod par gsungs pa'ang / dza ltar ldan pa mkhas pas gyad kyi rdo rje'i nor bu bstan pa bzhin no// so so'i skye bo dag ni kun nas nyon mongs pa tshad med pa skyed kyis bsgribs shing zil gyis non pas/ sangs rgyas kyi rang bzhin mi shes so// gal te namanyon mongs pa zad pan de'i tshigasal bar mngon par rtogs par 'gyur ba ni dza skAr zad mo long gsal ba nang du nor bu rin po che mthong bya bzhin no/ / rigs kyi bu de bzhin gshegs da'i nang mo na da med bsam gyis mo chuba'o/ / rigs kyi bu gzhan yang 'dis / dper na gangs kyi rol sman pa de bzhes bya ba'i tshe yod do// de tshan shin tu dang na stug po'i drung du skye bas mthong bar mi nus so/ / de la dri bro ba tsam gyis gnas de ni sman de yod par shes so// sngon 'das pa'i dus na 'khor los sgyur ba'i rgyal po zhig/ sman de 'dod pa'i phyir gangs kyi ri di la gnas kun tu shing gi wa btsugs nas/ sman zag pa bzed do// sman de nam smin pa na chu bzhin du sa la zag pas/ shing gi wa bzed pa'i nang du'ang zags te/ ro de ni yang dag pa'o// rgyal po de 'das pa'i 'og tu ni sman de bar 'ga' ni skyur/ bar 'ga' ni lan tshwa kha/ bar 'ga' ni dang ra/ bar 'ga' ni kha bar 'ga' ni tshe/ bar 'ga' ni bsngal lo// de ltar ro gcig pa de yang gar zag pa'i gnas las rnam pa tha dad du gyur te/ sman de'i ro nyid ni re la yod do// dper na zla ba rgyas pa ni bsod nams chung ba dag gis shin tu nyam thag par las su byas te/ gzhor gyis brkos kyang thob par mi nus so// gal te rgyal po 'phags pa dag 'jig rten du byung na// bsod nams kyi rkyen gyis sma na de'i ro yang dag par thob par 'gyur ro// rigs kyi bu de bzhin gshegs pa'i snying po'i ro'ong de dang 'dra ste/ kun nas nyon mongs pa'i nags stug pos bsgribs pas sems can ma rig pa dag gis mthong bar mi nus so/ / sman ro gcig pa zhes bya ba ni/ sangs rgyas kyi rang bzhin gyi dpe ste/ kun nas nyon mongs pa'i dbang gis ro rnam pa sna tshogs su gyur pa ni/ 'di lta ste/ sems can dmyal ba dang / yi dgas dang / byol song dang / lha dang / mi dang / skyes pa dang / bud med dang / ma ning dang / rgyal rigs dang / bram ze dang / rigs ngan gdol pa la sogs par gyur pa'o// sangs rgyas kyi rang bzhin ni shin tu dpa' bas de bas na gsod mi nus so/ / ci ste bsad na sangs rgyas kyi rang bzhin med par byas pa yin no// sangs rgyas kyi rang bzhin ni rang bzhin gyis med par byed nus pa ma yin te/ med par bya ba'i gnas med do// bdag ces bya ba'i rang bzhin nyid ni de bzhin gshegs pa'i gsang ba'i snying po'o// de ltar gsang ba'i snying po de ni gang gis kyang 'jig cing med par byed nus pa ma yin te/ med par byed mi nus kyang mthong bar mi rung ngo // gal te bla na med pa yang dag par rdzogs pa'i byang chub tu mngon par sangs rgyas na rtogs shing rig par 'gyur te/ de bas na gsod nus pa med do// byang chub sems dpa' 'od srungs kyis gsol pa/ ci ste gsod nus pa ma mchis na/ mi dge ba'i las shes bgyi ba'ang ma mchis sam/ bcom ldan 'das kyis/ 'od srungs la bka' stsal pa/ yang dag par na gsod pa yod do// de ci'i phyir zhe na/ rigs kyi bu sems can gyi sangs rgyas kyi rang bzhin ni phung ni lnga la gnas te/ gal te phung po lnga bshig na srog bcad pa zhes bya'o// gal te srog bcad na ngan song du ltung bar 'gyur te/ las kyi rgyu dang rkyen gyis rgyal rigs dang / bram ze la sogs pa dang / rigs ngan gdol pa dang / skyes pa dang / bud med dang / ma ning dang / srid pa nyi shu lnga po la sogs pa rnam pa tha dad pa'i mtshan nyid kyis 'khor bar 'khor ro/ / 'phags pa ma yin pa dag ni bdag ces bya ba mtshan nyid chen po dang / chung ngu dang / til lam/ khre 'am/ sran ma 'am/ the bo'i bar du rnam pa sna tshogs su 'dzin te/ gang mi bden pa'i sgyu ma'i mtshan nyid du 'dzin pa yang dag pa ma yin no// 'jig rten las 'da' ba'i bdag gi mtshan nyid ni sangs rgyas kyi rang bzhin zhes bya ste/ de ltar bdag tu 'dzin pa ni shin tu mchog ces bya'o// rigs kyi bu gzhan yang 'di lta ste/ dper na skyes bu gter gyi rgyus la shin tu mkhas pa zhig gzhor rnon po thogs te brkos na/ rdo 'am/ gseg ma 'am/ pha bong la'ang thogs pa med par rko'o// gal te rdo rje la thug na cis kyang mi tshugs so/ / rdo rje zhes bya ba la ni metshon cis kyang mi tshugs shing gcod mo nus so// rigs kyi bu sems can gyi sangs rgyas kyi rang bzhin yang de dang 'draste/ 'jig rten na rgol ba thams cad lha dang / bdud sdig can dang / mi drang / 'jig rten du bcas pa thams cad kyis gzhig mi nus so// phung po lnga'i mtshan nyid ni byed pa dang bcas pa'o/ / byed pa dang bcas pa'i mtshan nyid ni rdo 'am gsog ma lta bu ste/ 'bigs shing gcod nus so// sangs rgyas kyi rang bzhin ni rdo rje lta bu ste/ gzhig mi nus so// de bas na phung po lnga bshig pa ni srog gcod pa zhes bya'o// rigs kyi bu sangs rgyas kyi chos ni de ltar bsam gyis mi khyab par rig par bya'o// rigs kyi bu shin tu rgyas pa'i mdo sde ni bdud rtsi lta bu'ang yin la/ dug lta bu'ang yin no// de nas bcom ldan 'das la/ byang chub sems dpa' 'od srungs kyis 'di skad ces gsol to/ / ci'i slad du de bzhin gshegs pas shin tu rgyas pa'i mdo sde la bdud rtsi lta bu dang / dug lta bu lags so zhes gsungs/ bcom ldan 'das kyis bka' stsal pa/ rigs kyi bu khyod de bzhin gshegs pa'i snying po yang dag pa'i don shi ba 'dod dam/ 'od srungs kyis gsol pa/ bdag de bzhin gshegs pa'i snying po'i don gang lags pa rdzogs par 'tshal lo/ / de nas bcom ldan 'das kyis tshigs su bcad de bka' stsal pa/ kha cig bdud rtsi 'thungs pa las// tshe zung sngar shi ba yang yod// kha cig bdud rtsi 'thungs pa las// tshe ring rtag tu 'dug pa'ang yod// kha cig dug 'thungs dbang gis 'tsho// kha cig dug gi rkyen gyis 'chi// thogs med ye shes zil/ dngar ni// theg pa chen po'i mdo sde ste// theg pa chen po'i mdo sde ni// sman dang dug tu 'dres pa'o// ji ltar mar dang kha ra dang // mar gyi snying po la sogs pa/ bathungs te zhu na sman du 'gyur// ma zhu ba ni dug ces bya// shin tu rgyas pa'ang de bzhin te// mkhas pa dag gis bdud rtsir 'gyur// glen pas sangs rgyas rang bzhin dag mi shes pa yi dug tu 'gyur/ / nyan thos pa dang rang rgyal dang // theg pa chen po'i bdud rtsi ste// ji ltar bro ba'i ro thams cad// 'o ma mchog tu 'gyur ba yin// de ltar brtson 'grus rtsom pa dag/ theg pa chen po'i dbang gis ni// yongs su mya ngan 'das 'gyur zhing // mi yi khyu mchog rgyal por 'gyur// 'od srungs khyod dang sems can gang // sangs rgyas rang bzhin shes pa ni// bla na med pa'i zil dang ra ros// mi skye mi 'chi bar 'gyur ro// 'od srungs khyod kyis shes rab kyis// dkon mchog gsum dag rtogs par gyis/ / dkon mchog gsum gyi mtshan nyid ni// bdag ces bya ba'i mtshan nyid do// bdag dang sangs rgyas rang bzhin nyid// gang gis mngon sum rtogs gyur na/ / de bzhin gshegs pa'i snying po nyid// skyes bu des ni rtogs 'gyur ro// bdag dang bdag gir gang shes pa// de ni 'jig rten 'das pa'o/ / sangs rgyas chos dang dge 'dun ni// phul du bla na med pa'i mchog/ tshigs su bcad de ngas gsungs pa// mtshan nyid don ni 'di dag go// de nas byang chub sems dpa' 'od srungs kyis tshogs su bcad de/ bcom ldan 'das la gsol pa/ skyabs su 'gro ba'i gnas gsum po// bdag ni gang yang ma rtogs na/ / bla med 'jigs pa ma mchis par// de la ji ltar skyabs su mchi// dkon mchog gsum yang ma rtogs na// bdag ma mchis par ji ltar bgyi/ / ji ltar sangs rgyas skyabs gsol na// rab tu bde ba thob par 'gyur// ji ltar chos la skyabs gsol ba// bdag la rgyal bas bstan du gsol// ji ltar che ba'i dbang thob 'gyur// dbang du mi 'gyur gang lags pa// ji ltar dge 'dun skyabs gsol na// bla med bde ba thob par 'gyur// ji ltar bde ba'i tshig sba na/ / ma 'ongs dus su mngon sangs rgyas// ma 'ongs dus su mi 'grub na// dkon mchog gsum la ji ltar phyogs// bdag gis snga nas mi 'tshal te// bags kyis 'tshal bar 'gyur bas na/ ji lta bur na mo sbrum par// bu dag btsa' ba'i 'du shes bskyed// mngalan ji ltar mchis nges na// de ni bu mchis pa zhes bgyi// ci ste mngal na bu mchis na// ring por mi thogs nges par 'byung // de ni bu yi don lags te// sems can las kyang de bzhin no// bcom ldan 'das kyis gsung pa ltar/ / glen pa dag gis shes mi nus// de ltar mi rtogs mi shes pas// yang dang yang du 'khor bar 'khor// ming tsam gyi ni dge bsnyen dag/ yang dag pa yi don mi 'tshal/ / shin tu rgyas par 'byed bstan te// bdag gi the tsom bshad du gsol// ye shes chen po bcom ldan 'das// thugs brtse slad du rgyas par ni/ / de bzhin gshegs pas gsungs pa yi// rin chen snying po bshad du gsol// 'od srungs khyod kyis shes par gyis// gsang ba'i snying po gang yin pa// ngas ni rab tu 'byed bstan te// khyod kyi the tsom gcad par bya// shin tu rtag par nyon cig dang // khyod ni byang chub sems dpa'i nang // sangs rgyas 'byung ba bdun po yi/ / mtshan dang ming du mthun par gyur// sangs rgyas dag la skyabs gsol pa// de ni yang dag dge bsnyen te// nam du'ang lha rnams gzhan dag la// skyabs gsol bar na mo 'gyur ro/ / dam pa'i chos la skyabs tshol na// 'tsho zhing gsod pa'i sems dang thal// dge 'dun la ni skyabs gsol na/ mu stegs can la phyogs mi 'gyur// dkon mchog gsum la skyabs tshol na// 'jigs pa med pa thob par 'gyur// 'od srungs sangs rgyas la gsol pa// bdag ni gsum la skyabs gsol bas/ / sangs rgyas rnams kyi spyod yul gyi// yang dag pa yi lam zhes bgyi// dkon mchog gsum gyi mtshan nyid mnyam// ye shes chen po nyid dang ldan/ / bdag dang sangs rgyas rang bzhin no// gnyis su med de bye brag med// sangs rgyas bstod pa'i lam 'di ni// yang dag tshol ba bde ba'i gnas/ / thams cad mkhyen cing gzigs pas na// sangs rgyas mang pos bsngags par 'gyur// bdag kyang ba der gshegs bsngags pa yi// bla med lam la gzhol cing 'bab/ / bdud rtsi mchog gi dam pa ste// srid pa'i nang na med pa'o// de nas bcom ldan 'das kyi/ byang chub sems dpa' 'od srungs la bka' stsal pa/ rigs kyi bu khyod kyis nyan thos sam/ bus pa ma rabs ltar/ dkon mchog gsum la bye brag ma 'byed cig/ theg pa chen po la ni dkon mchog gsum la rnam par bye brag 'byed pa'i mtshan nyid med do/ / de ci'i phyir zhe na/ sangs rgyas nyid la chos dang dge 'dun yod pa'i phyir ro// nyan thos dang bus pa ma rabs bsgral ba'i phyir/ dkon mchog gsum rnam par phye ste tha dad par bstan to// rigs kyi bu gang 'jig rten pa'i chos kyi rjes su 'jug 'dod pa dag ni/ skyabs su 'gro ba'i gnas gsum yod par bye brag 'byed do/ / rigs kyi bu byang chub sems dpa' dag ni 'di snyam du sems te/ bdag gi lus 'di sangs rgyas la skyabs su song bas// lus 'di nyid kyis mngon par 'tshang rgya ste/ mngon par sangs rgyas nas sangs rgyas la bsnyen bkur dang / bsti stang dang / mchod pa dang / phyag bya ba'i chos med do/ / de ci'i byor zhe na/ sangs rgyas bcom ldan 'das ni mnyam par sems can thams cad kyi skyabs su 'gro ba'i gnas mdzad pa'i phyir ro// gang chos kyi sku gdung la rim gro byed pa ni/ sangs rgyas rnams kyi mchod rten la gus par phyag bya ba'o// de ji lta zhe na/ so sora'i skye bo bsgral ba'i phyir ro// gzhan yang sems can dag nga'i sku la mchod rten lta bur 'du shes bskyed de phyag dang mchod pa byed do/ / de ltar sems can de dag gis nga'i chos kyi sku la'ang skyabs tshol ba'i gnas byed do// sems can thams cad ni yang dag pa ma yin pa chos log pa la gnas te/ de bas na ngas rim gyis yang dag pa'i chos bstan to// gzhan yang yang dag pa'i dge 'dun ma yin pa la skyabs su song ba dag la yang dag pa'i dge 'dun dag la skyabs su 'gro ba'i gnas kyang byed do/ / gang dkon mchog gsum la bye brag 'byed pa dag la ni skyabs su 'gro// paba'i gnas gcig ste/ gsum du bye brag med do zhes kyang ston to// dmus long mdongs par gyur pa ni mog lta bur yang ston to// gzhan nyan thos dang rang sangs rgyas kyi skyabs su 'gro ba'i gnas yang dag pa'ang bya'o snyam du sems so/ / rigs kyi bu de ltar byang chub sems dpa' dag ni sems can ma rungs pa tshad med pa dang / mkhas pa shes rab can de dag gi phyir sangs rgyas kyi mdzad pa byed do/ / rigs kyi bu dper na skye bu zhig g.yul ngor phyin pa'i tshe/ 'di snyam du bdag ni mchog ste/ bdag gi tshogs 'di dag thams cad kyang bdag 'ba' zhig la ltos so snyam sems so/ / gzhan yang dper na rgyal tsha ba gzhon nu 'di snyam du sems te/ bdag ni rgyal bu thams cad 'dul te/ rgyal po chen/ po'i srid dang / dbang ba thams cad la bdag dbang du gyur te/ rgyal bu thams cad kyang bdag la phyogs pas/ de bas na zhan pa'i bsam pa mi skyed do snyam sems te/ ji ltar rgyal po dang / rgyal bu bzhin du blon po'ang de dang 'dra'o// rigs kyi bu byang chub sems dpa' sems dpa' chen po'ang de dang 'dra bar 'di snyam du sems so// ji ltar na dngos po gsum po bdag dang rang bzhin gcig tu 'gyur snyam sems so/ / rigs kyi bu ngas bstan pa'i dngos po gsum po 'di ni mya ngan las 'das pa'o// de bzhin gshegs pa ni bla na med pa'i skyes bu dam pa ste/ ji ltar mi'i lus la yan lag dang nying lag thams cad kyi nang na mgo bo dam pa ste/ gzhan ma yin pa bzhin du/ sangs rgyas kyang de dang 'dra bar mchog dam pa ste/ chos dang dge 'dun ni ma yin no// 'jig rten pa rnams bsgral ba'i phyir/ mtshan nyid rnam pa sna tshogs su skas kyi them pa ltar bye brag tu bstan to/ / de bas na khyod ni bus pa glen pa ltar dkon mchog gsum la tha dad pa'i mtshan nyid du mi gzung ngo // khyod ni theg pa chen po la zhugs shing dbang po rno ba ni ji ltar ral gri rnon po dang 'dra'o/ / byang chub sems dpa' 'od srungs kyis/ bcom ldan 'das la gsol pa/ bdag ni rtogs bzhin du bcom ldan 'das la zhu ba lags kyi mi 'tshal ba ni ma lags te/ bdag gis byang chub sems dpa' zhing dbang po rtul phod pa rnams kyi slad do// dri ma ma mchis pa yongs su dag pa'i spyod yul du zhus pa lags so/ / gzhan yang de bzhin gshegs pas byang chub sems dpa' rnams la ngo mtshar rmad kyi dngos po 'byed cing bstan pa dang / shin tu rgyas pa theg pa chen pon mdo sde bsngags pa'i slad du zhus te/ de bzhin gshegs pa'i thugs rje chen pos legs par gsungs pas/ bdag kyang de la bde bar gnas par 'tshal lo// gang na byang chub sems dpa'i spyod yul yongs su dag pa ston pa de na/ yongs su mya ngan las 'das pa chen po'i mdo sde ston pa lags so// bcom ldan 'das bdag gis kyang de bzhin gshegs pa'i gsang ba'i snying po 'di sems can thams cad la rgyas par bstan cing / dkon mchog gsum la skyabs su 'gro ba'i gnas yang dag pa'ang rtogs par bgyi'o// de la sems can gang zhig 'phags pa yongs su mya ngan las 'das pa chen po'i mdo sde 'di la dad cing yid ches na/ skyes bu de ni dkon mchog gsum la skyabs su 'gro ba'i gnas rtogs shing khong du chud pa lags so// ci'i slad du zhe na/ de bzhin gshegs pa'i gsang ba'i snying po la sangs rgyas kyi rang bzhin mchis pa'i phyir ro// gang mdo sde 'di ston cing 'chad pa de'i lus la sangs rgyas kyi rang bzhin mchis par spu ste/ skyes bu de ni dkon mchog gsum la skyabs su 'gro ba ma yin pa gzhan mi tshol lo// de ci'i slad du zhe na/ phyi ma ma 'ongs pa'i dus su bdag gi lus 'di nyid dkon mchog gsum du 'gyur te/ nyan thos dang / rang sangs rgyas dang / de ma yin pa'i skye bo gzhan thams cad kyang bdag la brten te rim gro dang / bkur sti dang / phyag 'tshal bar 'gyur ba'i phyir ro// rigs kyi bu don de lta bas na theg pa chen po'i mdo sde la yang dag par bslab par bya'o// 'od srungs kyis yang gsol pa/ sangs rgyas kyi rang bzhin bsam gyis mi khyab ste/ de bzhin du mtshan sum cu rtsa gnyis dang / dpe byad bzang po brgyad cu'ang bsam gyis mi khyab bo// de nas bcom ldan 'das kyis/ byang chub sems dpa' 'od srung la legs so shin tu legs so zhes bka' stsal to/ / rigs kyi bu khyod ni shin tu zab pa'i shes rab dang ldan pas/ ngas kyang khyod kyis de bzhin gshegs pa'i snying po la 'jug pa legs par bstan par bya'o/ / gal te bdag ces bya ba ther zug tu rtag pa'i chos yin na ni sdug bsngal dang mi 'bral bar 'gyur ro// gal te bdag ces bya ba med na ni tshangs par spyod pa dag phan pa'i don med par 'gyur ro/ / gal te chos thams cad bdag med par smra na de ni chad par lta ba yin no// ci ste bdag ces bya ba ther zug tu smra na de ni rtag par lta ba yin no// gang 'du byed thams cad mi rtag par lta na de'ang chad par lta bar 'gyur ro/ / 'du byed rtag par lta na de la'ang rtag par lta bar 'gyur ro// gang sdug bsngal ba smran chad par lta ba yin no// gal te bde bar smra na'ang rtag par lta ba yin no/ / gang chos thams cad rtag go bar nan tan byed na chad par lta bar ltung ngo // chos thams cad chad par nan tan byed na rtag par lta bar ltung ngo // dper na srin bu khung bur 'gro ba dag rkang pa snga ma bor nas rkang pa phyi ma 'dor ro// rtag pa dang chad pa la nan tan byed pa'ang de dang 'dra ste/ chad pa dang rtag pa'i rkyen la bltos so// don de lta bas na sdug bsngal ba'i chos gzhan la nan tan byed pa ni mi dge ba'o/ / bde ba'i chos gzhan la nan tan byed pa ni dge ba zhes bya'o// bdag med pa'i chos gzhan la nan tan byed pa ni kun nas nyon mongani phyogs yin no/ / rtag pa'i chos gzhan la nan tan byed pa ni de bzhin gshegs pa'i gsang ba'i snying po zhes bya ste/ mya ngan las 'das pa ni gnas dang rten med pa'o// mi rtag pa'i chos gzhan la nan tan byed pa ni rdzas dang zang zing yod pa'o/ / rtag pa'i chos gzhan la nan tan byed pa ni sangs rgyas dang / chos dang / dge 'dun dang / yang dag par rnam par grol pa'o/ / de bas na sangs rgyas kyi rang bzhin ni lam dbu ma mtha' gnyis dang yongs su bral ba yin par rig par bya'o// yang dag pa'i chos bstan pa la bus pa ma rabs dag ni de la the tshom byed do/ / dper na nad pa nyam chung ba dag mar 'thungs na lus yang zhing dga' bar 'gyur ro// yod pa dang med pa'i chos kyang rang bzhin gcig tu ma chad de/ dper na chen po bzhi ni mi mthun pas gcig gi gnyen por gcig 'gyur te/ de la sman pa mkhas pas ni gang gi shas che ba bzhin du shin tu rtogs so// rigs kyi bu de bzhin gshegs pa'ang de dang 'dra ste/ sems can thams cad la sman pa lta bur kun nas nyon mongs pa'i rang bzhin rnam pa tha dad pa mkhyen pas yongs su gsal te/ de bzhin gshegs pa'i gsang ba'i snying po sangs rgyas kyi rang bzhin yongs su dag pa mi 'gyur mi 'pho ba ston to/ / gal te yod par smra na mkhas pa shes rab can dag chags pa'i mi rigs/ gal te med par smra na brdzun du smra bar 'gyur ro// gal te yod par smra na 'phags pa cang mi smra ba'i mo rigs la/ gzhan yang 'khyal pa dang rtsod par smra ba'i mi rigs te/ yang dag pa'i chos nyid rtogs par 'dod do// bus pa ma rabs ni khyad par smra zhing rtsod pas/ de bzhin gshegs pa'i gsang ba'i snying po mi shes so// gal te sdug bsngal bar smra na bus pa glen pa dag lus 'di mi rtag go snyam sems so// thams cad sdug bsngal bar smra na lus la bde ba'i rang bzhin yod par mi shes so/ / gal te mi rtag par smra na bus paglen pa dag lus thams cad mi rtag go snyam ste/ rdza som gtang ba dang 'dra bar 'dzin to/ / de la mkhas pa shes rab can dag ni rnam par phye ste/ thams cad kyi thams cad du mi rtag par mi smra'o// de ci'i phyir zhe na/ bdag gi lus la sangs rgyas kyi rang bzhin gyi sa bon yod pa'i phyir ro/ / gal te bdag med par smran bus pa glen pa dag sangs rgyas kyi chos thams cad bdag med do snyam 'dzin to// mkhas pa shes rab can ni bdag med pa bla dgas su btags par zad de/ bden pa med par rnam par dbye'o// de ltar shes nas de la the tshom mi skyed do// gang de bzhin gshegs pa'i snying po stong par smras na/ bus pa glen pa dag thos nas chad pa'am med par lta ba skye'o/ / mkhas pa shes rab can dag ni de bzhin gshegs pa rtag pa mi 'gyur mi 'pho bar bye brag dbye'o// gal te rnam par grol ba sgyu ma lta bur smra na/ bus pa glen pa dag rnam par grol ba thob pa rnams bdud kyi chos yin no snyam 'dzin to/ / mkhas pa shes rab can ni rnam par phye ste/ mi'i nang na seng ge lta bur de bzhin gshegs pa nyag gcig ni rtag pa gnas pa/ mi 'gyur mi 'pho bar dbye'o/ / gal te ma rig pa'i rkyen gyis 'du byed rnams 'byung bar smra na/ bus pa glen pa dag thos nas rig pa dang ma rig par chos gnyis su bye brag 'byed do// mkhas pa shes rab can ni rang bzhin gyis gnyis su med par rtogs so/ / gang gnyis su med pa nyid ni yang dag pa nyid do// gal te 'du byed kyi rkyen gyis rnam par shes pa 'byung bar smra na/ bus pa glen pa dag 'du byed dang / rnam par shes pa gnyis su 'dzin to/ / mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do// gal te dge ba bcu dang / mi dge ba bcu po 'di ni bya ba'i rigs/ 'di ni mo bya ba'i rigs/ 'di ni mtho ris kyi lam/ 'di ni ngan song gi rgyud/ 'di ni rnam par dkar ba'i chos/ 'di ni chos nag po zhes smra na/ bus pa glen pa dag gnyis su 'dzin to/ / mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do// gal te chos thams cad sdug bsngal bar nan tan bya'o zhes smras na/ bus pa glen pa dag gnyis su 'dzin to/ / mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do// gal te 'du byed thams cad mi rtag ces sam/ de bzhin gshegs pa'i snying po'ang mi rtag ces smras na/ bus pa glen pa dag gnyis su 'dzin to// mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do/ / chos thams cad bdag med de/ de bzhin gshegs pa'i snying po'ang med ces smras na/ bus pa glen pa dag gnyis su 'dzin to// mkhas pa shes rab can ni rang bzhin gyis gnyis su med par rtogs te/ gnyis su med pa nyid ni yang dag pa nyid do// bdag dang bdag med pa rang bzhin gyis gnyis su med do// de bzhin gshegs pa'i snying po'i don ni de ltar dpag tu med cing / tshad med 'tha' yas par sangs rgyas bcom ldan 'das kyis yongs su bsngags pas/ ngas kyang yon tan dang ldan pa'i mdo sde thams cad las kyang rgyas par gsungs so// // bam po brgyad pa/ rigs kyi bu bdag ces bya ba dang / bdag med pa rang bzhin gyis gnyis su med par khyod kyis de ltar gzungs su zung la skye bos long zhig rigs kyi bu khyod kyis mdo sde 'di brtan par gzungs su zung la dran par gyis shig/ ngas sngon 'phags pa shes rab kyi pha rol tu phyin pa chen po'i mdo las kyang / bdag dang bdag med pa mtshan nyid kyis gnyis su med par bstan to/ / 'di lta ste/ 'o ma las zho 'byung ba dang / zho las mar 'byung ba dang / mar las zhun mar 'byung ba dang / zhun mar las mar gyi snying po 'byung ste/ de ltar zho'i rang bzhin de 'o ma las byung ngam/ 'on te zho nyid las 'byung ngam/ 'on te gzhan nas byung ba mar gyi snying po'i bar du'ang de bzhin du rgyas par rig par bya'o// gal te gzhan nas byung na gzhan gyis byas pa yin te/ gzhan gyis byas na 'o ma las 'byung ba ma yin par 'gyur ro// gal te 'o ma las mar byung na 'o ma tsar yang mi dgos par 'gyur ro// gal te zho nyid las byung na 'dra ba'i yang mi rigs te rgyun las skye bar 'gyur ro/ / gal te rgyun las skyes na lhan cig skyes pa ma yin no// gal te lhan cig ma skyes na ro rnam pa lnga dus gcig tu 'byung ba'i rigs te/ dus gcig tu 'byung ba'ang ma yin mod kyi/ nges par gzhan nas 'ongs pa'ang ma yin no// de bas na 'o ma'i nang na dang ra ba'i ro tsha bas/ snga nas zho'i mtshan nyid yod kyang rang 'gyur bar ni mo nus so// de bzhin du mar gyi snying po'i bar du rgyas par rig par bya'o// bas rtswa zos pa dang chu 'thungs pa'i rgyu dang rkyen gyis khrag tu 'gyur te/ khrag las 'o mar gyur to// gal te rtswa dang ra ba zos na 'o ma'ang dngar ro/ / gal te rtswa kha ba zos na 'o ma'ang kha bar 'gyur ro// gangs kyi ro la rtswa snum pa zhes bya ba yod de/ gal te bas zos na mar gyi snying po 'ba' zhig tu gyur te/ kha dog sngon po 'am/ ser po 'am/ dmar po 'am/ dkar po 'am/ nag por ni ma yin no// rtswa gzhan zos pa'i rgyu dang rkyen las 'o ma'i ro dang kha dog kyang tha dad par 'gyur ro// bus pa so so'i skye bo dag kyang rig pa dang ma rig pa'i las kyi rgyu dang rkyen gyis mtshan nyid gnyis bskyed do// gal te ma rig pa las bzlog na rig pa zhes bya ste/ de bzhin du chos thams cad kyang dge ba dang / mi dge ba zhes bya ba mtshan nyid gnyis su med do// de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis gsungs pa ltar 'o ma'i nang na zho mchis shes bgyi ba'i don ji lta bu lags/ bcom ldan 'das ci ste 'o ma'i nang na zho'i rang bzhin nges par mchis la/ shin tu phra bas ma mthong na ci'i slad du 'o ma'i rkyen gyis zho 'byung ngo zhes gsungs/ chos thog ma nas ma mchis na ni skyes zhes bgyir rung na/ snga nas mchis pa zhig lags na/ ci'i slad du skyes shes bka' stsal/ ci ste 'o ma'i nang na zho'i rang bzhin mchis par nges na/ rtsi shing thams cad kyi nang na'ang 'o ma mchis pa'i rigs so// de bzhin du 'o ma'i nang na'ang rtsi shing mchis par 'gyur ro// ci ste 'o ma'i nang na zho'i rang bzhin mchis par nges na/ rtsi shing thams cad kyi nang na'ang 'o ma mchis pa'i rigs so// de bzhin du 'o ma'i nang na'ang rtsi shing mchis par 'gyur ro// ci ste 'o ma'i nang na nges par zho ma mchis pa zhig lags na/ ci'i slad du 'o ma'i rkyen gyis zho 'byung bar 'gyur/ gal te chos kyang snga nas ma mchis la/ phyis skyes pa zhig lags na/ ci'i slad du 'o ma'i nang na rtswa'i shing mi skye rigs kyi bu gcig tu nges par 'o ma'i nang na zho yod ce 'am/ 'o ma'i nang na zho med ces byar mi rung la/ de ma gtogs pa las byung zhes byar yang mi rung ngo // gal te 'o ma'i nang na zho nges par yod do zhes smra na/ ci'i phyir dngos po dang ro tha dad par gyur te/ de bas na nges par 'o ma'i nang na zho'i rang bzhin yod ces byar yang mi rung ngo // gal te 'o ma'i nang na nges par zho med do zhes smra na'ang / ci'i phyir dngos po dang ro tha dad par 'gyur te/ de bas na nges par 'o ma'i nang na zho'i rang bzhin med ces byar yang mi rung ngo // gal te 'o ma'i nang na nges par zho med do zhes sman yang / ci'i phyir ri bong go rA mi 'byung / 'o ma'i nang du dug blugs na zho de 'thungs pas 'chi bar 'gyur te/ de bas na 'o ma'i nang na nges par zho'i rang bzhin med ces byar yang mi rung ngo // ci ste de ma gtogs pa gzhan las byung zhes smran/ ci'i phyir chu las zho mi 'byung / de bas na de ma gtogs par gzhan las zho 'o ma 'byung ngo zhes byar yang mi rung ngo // rigs kyi bu bas rtswa zos pa las khrag tu 'gyur/ khrag las 'o mar 'gyur te/ sems can gyi bsod nams kyi rgyus grub pa yin no// de ltar 'o ma de rtswa dang khrag las gyur mod kyi/ gnyis shes byar mi rung ste/ rgyu dang rkyen las byung ba zhes bya'o// zho dang mar gyi snying po'i bar du'ang de bzhin du rgyas par rig par bya'o/ / de bas na ba'i zho zhes bya ste/ 'o mar mi snang ba'i rgyu dang rkyen gyis zho zhes gdags so// rgyu dang rkyen gang las gyur ce na/ drod dang skyur ba las gyur te// de bas na rgyu dang rkyen las byung ba mar gyi snying po'i bar du de bzhin rgyas par bya'o// de bas na 'o ma'i nang na nges par zho'i rang bzhin med de/ gzhan las byung ngo zhes byar mi rung ste gnas med do// rigs kyi bu rig pa dang ma rig pa'ang de dang 'dra ste/ kun nas nyon mongs pa dang lhan cig pa'i dus na ni ma rig pa zhes bya'o// nam dge ba'i chos dang lhan cig pa de'i dus na rig pa zhes bya ste/ de bas na ngas gsungs pa la mtshan nyid gnyis su med de/ de bas na de'i rgyu de'i rkyen gyis sngar ngas 'di skad ces gsungs so// gangs kyi ri la rtswa snum pa zhes bya ba yod de/ bas zos na thams cad mar gyi snying por 'gyur ba dang 'dra bar/ sangs rgyas kyi rang bzhin yang de dang 'dra'o// rigs kyi bu sems can bsod nams chung bas rtswa snum pa zhes bya ba mi mthong ba dang 'dra bar/ sangs rgyas kyi rang bzhin yang de dang 'dra ste/ kun nas nyon mongs pas khebs pas sems can rnams kyis mi mthong ngo // 'di lta ste/ dper na rgya mtsho ro gcig tu lan tshwa bro ba yin yang / de'i nang na chu'i ro dam pa 'o mar ro tho ba'ang yod do// dper na gangs kyi ra ni yon tan sna tshogs dang ldan te/ sman bzang po sha stag skye'ang de la dug kyang mi skye ba ma yin no/ / so so'i skye bo'i lus kyang de dang 'dra ste/ sbrul gdug pa bzhi dang bcas pa yin mod kyi/ de la sman bzang po rgyal po lta bu'ang yod pa ni/ 'di lta ste/ sangs rgyas kyi rang bzhin du byas pa'i chos ma yin pa ste/ kun nas nyon mongs pas bsgribs par gyur to// de la gang rgyal rigs sam/ zam ze 'am/ rje'u rigs sam/ dmangs rigs kyis nyon mongs pa kun bsal na/ sangs rgyas kyi rang bzhin mthong zhing / bla na med pa'i byang chub tu mngon par 'tshang rgya bar 'gyur ro// 'di lta ste/ dper na steng gi nam mkha' la sprin chags te/ 'brug grags na/ ba glang gi mche ba kun la me tog skye'o// ci ste 'brug ma grags na me tog kyang mi skye la/ btags pa'ang med do// sems can rnams kyi sangs rgyas kyi rang bzhin yang de dang 'dra ste/ gal te kun nas nyon mongs pas khebs na mthong bar mi 'gyur ro// de bas na sems can la bdag med ces ngas gsungs te/ gang gis yongs su mya ngan las 'das pa chen po'i mdo sde 'di thos na/ sangs rgyas kyi rang bzhin 'di mthong bar 'gyur te/ bal glang gi mche ba'i me tog bzhin no// mdo sde gzhan gyi ting nge 'dzin thams cad thos kyang // mdo sde 'dim thos na de bzhin gshegs pa'i snying po dam pa mi mthong ste/ ji ltar 'brug ma grags na ba glang gi mche ba'i me tog mi mthong ba bzhin no// mdo sde 'di thos na de bzhin gshegs pa thams cad kyis dgongs te gsungs pa'i snying po rtogs par 'gyur ro/ / sangs rgyas kyi ring bzhin zhes bya ba ni/ steng gi ni ma mkha' la 'brug grags na/ bal glang gi mche ba'i me tog mthong ba'i dpe'o// mdo sde 'di thos na sems can tshad med pa thams cad la sangs rgyas kyi rang bzhin yod par rtogs par 'gyur ro// de bas na yongs su mya ngan las 'das pa chen po ni de bzhin gshegs pas dgongs te gsungs pa'i snying po zhes bya ste/ chos kyi sku skyed par 'gyur ba ni/ ji ltar 'brug grags na bal glang gi mche ba'i me tog skyes pa bzhin no// de lta bu'i don chen po 'byung zhing skye bas na yongs su mya ngan las 'das pa chen po zhes bya'o/ / rigs kyi bu 'am/ rigs kyi bu mo gang zhig gis yongs su mya ngan las 'das pa chen po 'di la shin tu nan tan byed na/ de ni sangs rgyas kyi drin la lan glon pa yin te/ sangs rgyas kyi nye gnas yang dag pa zhes bya'o// de nas bcom ldan 'das la/ byang chub sems dpa' 'od srungs kyis 'di skad ces gsol to/ / shin tu ngo mtshar to// bcom ldan 'das sangs rgyas kyi rang bzhin zhes bgyi ba ni shin tu zab cing / shin tu phra bas mthong bar yang dka' la 'jug par yang dka' ste/ nyan thos dang rang sangs rgyas kyis rtogs par 'gyur ba ma lags so// bcom ldan 'das kyis bka' stsal pa/ rigs kyi bu de de bzhin no// de de bzhin te// khyod kyis smras pa bzhin no// de nas yang bcom ldan 'das la/ byang chub sems dpa' 'od srungs kyis 'di skad ces gsol to// sangs rgyas kyi rang bzhin zhes bgyi ba ji lta bur zab cing mthong bar yang dka' la 'jug par yang dka'/ bcom ldan 'das kyis bka' stsal pa/ rigs kyi bu 'di lta ste/ dper na gang zag dmus long zhig mig gso ba'i phyir sman pa mkhas pa'i gan du song ngo / / sman pas gser gyi gri thogs te mig gi rab rib kyi pris ma bcad nas/ mdzub mo gcig bsgreng ste bstan na/ long ba des mi mthong ngo zhes zer ro// mdzub mo gnyis gsum bstan na/ gdod cung zad cig mthong ngo zhes zer/ rigs kyi bu yongs su mya ngan las 'das pa chen po'i mdo sde 'di gsungs na/ byang chub sems dpa' tshad med pa pha rol tu phyin pa yongs su rdzogs pa nas/ sa bcu'i bar du gnas kyang sangs rgyas kyi rang bzhin mi mthong ba ni de dang 'dra ste/ de bzhin gshegs pas gsungs nas cung zad cig mthong bar gyur to/ / byang chub sems dpa' sems dpa' chen po dag de ltar mthong bar gyur nas 'di skad ces smra'o// shin tu ngo mtshar to// bcom ldan 'das bdag cag ni bskal ba grangs med ba'i bar du 'khor bar 'khor te/ bdag med pas yongs su bslus par gyur to// rigs kyi bu de ltar byang chub sems dpa' sa bcu la gnas pa'ang sangs rgyas kyi rang bzhin gsal bar mi mthong na/ nyan thos dang rang sangs rgyas kyis mi mthong ba lta smos kyang ci dgos/ rigs kyi bu gzhan yang 'di lta ste/ dper na steng gi nem mkha' mthon po la bya lding na/ bya 'am nam mkha' legs par mi rtogs te/ brtags na gdod mngon no// sa bcu la gnas pa'i byang chub sems dpas de bzhin gshegs pa'i snying po phyogs tsam zhig rtogs shing mthong ba'ang de dang 'dra na/ nyan thos dang rang sangs rgyas kyis rtogs shing mthong ba lta ci smos/ rigs kyi bu dper na chang gi re ro ba lam du 'gro na/ lam bde blag tu legs par mi mthong ba bzhin du/ sa bcu la gnas pa'i byang chub sems dpa' yang de dang 'dra ste/ de bzhin gshegs pa'i snying po phyogs tsam zhig rtogs shing mthong ngo // rigs kyi bu dper na mi zhig 'brog dgon par song ba las skom gyis gdungs te chu tshol ba las/ shing gi steng na bya ba zhad 'dug pa mthong na/ mi de skom gyis gdungs pas shing ngam chu yin par mi rtogs so// legs par brtags na gdod bya bzhad dang shing yin par shes so// rigs kyi bu sa bcu la gnas pa'i byang chub sems dpa' de bzhin gshegs pa'i snying po phyogs tsam zhig mthong zhing rtogs pa'ang de dang 'dra ste/ gsal bar bde blag tu rtogs pa ni ma yin no// rigs kyi bu dper na rgya mtshor zhugs pa dag dpag tshad brgya 'am/ stong ngam/ tshad med pa'i pha rol nas gru chen po'i yang rtog gam/ khang pa brtsegs ma mthong na de dag 'di snyam du yang thog gam/ nam mkha' gang yin snyam sems te/ yun ring du brtags na gdod nges par yang thog gam/ khang pa brtsegs mar rtogs so// sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ bde blag tu gsal ba ni ma yin no// rigs kyi bu dper na rgyal bu shin tu zhan pa zhig mtshan mo mtshan yal nangs kyi bar durtse rtse na nang bar du thams cad la bde blag tu gsal bar mi rtogs so/ / sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ gsal bar mi rtogs so// rigs kyi bu dper na blon po zhig rgyal pos mngags na/ mtshan mo mun pa'i nang du song song ba las glog gi 'od kyis gnag gi khyu gcig mthong nas// de 'di snyam du gnag gam/ nags tshal lam/ sprin nam/ khang khyim gang yin snyam sems so// mi des gnag yin par sems mod kyi/ nges pa ni ma yin no// sa bcu la gnas pa'i byang chub sems dpa' yang de dang 'dra ste/ bdag gi lus la de bzhin gshegs pa'i snying po legs par mi rtogs so// rigs kyi bu gzhan yang dper na tshul khrims la gnas pa'i dge slong dag srin bu med pa'i chu la rtogs na/ chu'i nang na 'gul ba srin bu yin nam/ rdul yin pa bde blag tu mi rtogs so// yun ring du brtags na rdul yin par shes mod kyi/ nges par rtogs pa ni ma yin no/ / sa bcu la gnas pa'i byang chub sems dpa' yang de dang 'dra ste/ bdag gi lus la de bzhin gshegs pa'i snying po bde blag tu gsal bar mi rtogs so// rigs kyi bu dper na nam rmas te nam mkha' ma dag na/ rgyang ma nas byis pa chung ngu mthong na/ phyugs sam/ bya 'am/ mi 'am/ ci yin pa mi rtogs te/ yun ring du brtags na byis pa yin par mthong yang gsal bar rtogs pa ni ma yin no// sa bcu la gnas pa'i byang chub sems dpa' bdag gi lus de bzhin gshegs pa'i snying po mthong ba'ang de dang 'dra ste/ gsal bar mi rtogs so// rigs kyi bu dper na mi zhig mtshan mo mun pa'i nang na byang chub sems dpa'i sku gzugs ri mo la thos pa zhig mthong na/ de 'di snyam du 'di byang chub sems dpa'i gzugs sam/ dbang phyug gi gzugs sam/ tshangs pa chen po'i gzugs sam/ gos kha dog bsgyur ba yin nam snyam sems te/ des yun ring du rtags na/ byang chub sems dpa'i gzugs yin par shes mod kyi/ gsal bar rtogs pa ni ma yin no// sa bcu la gnas pa'i byang chub sems dpas bdag gi lus la de bzhin gshegs pa'i snying po mthong ba'ang de dang 'dra ste/ gsal bar rtogs pa ma yin no// rigs kyi bu sangs rgyas kyi rang bzhin zhes bya ba ni de ltar shin tu zab ste/ mthong zhing rtogs par dka' bas/ sangs rgyas nyag gcig gis rtogs kyi/ nyan thos dang rang sangs rgyas kyis rtogs par 'gyur ba ma yin no// rigs kyi bu mkhas pa shes rab can gyis de bzhin gshegs pa'i snying po la/ de lta bur brtag cing bye brag dbye bar bya'o// de nas yang bcom ldan 'das la/ byang chub sems dpa' 'od srungs kyis 'di skad ces gsol to/ / bcom ldan 'das de ltar sangs rgyas kyi rang bzhin de shin tu zab cing mthong bar dka' na/ sha'i mig can dag gis ji ltar mthong bar 'gyur bcom ldan 'das kyis/ 'od srungs la bka' stsal pa/ rigs kyi bu dper na 'du shes med 'du shes med min gyi lha dag kyang theg pa gnyis pos mi rtogs mod kyi/ mdo sde'i lung gi rjes su yid ches pas rtogs so/ / rigs kyi bu nyan thos dang rang sangs rgyas kyis yongs su mya ngan las 'das pa chen po'i mdo la brten te/ bdag gi lus la de bzhin gshegs pa'i snying po yod par rtogs pa'ang de dang 'dra ste/ rigs kyi bu de bas na yongs su mya ngan las 'das pa chen po'i mdo spyod pa'i nan tan la brtson 'grus bya'o// rigs kyi bu sangs rgyas kyi rang bzhin ni sangs rgyas nyag gcig gis mkhyen gyi/ nyan thos dang rang sangs rgyas kyis ni shes pa ma yin no// yang bcom ldan 'das la/ byang chub sems dpa' 'od srungs kyis gsol pa/ 'phags pa ma yin pa byis pa ma rabs ni srog chags thams cad la bdag mchis pas smra'o// bcom ldan 'das kyis bka' stsal pa/ dper na rgyal bu zhig dang / mi dbul po zhig mdza' bor 'thams te gcig gi khyim du gcig 'gro'o// de'i tshe na mi dbul po des rgyal bu de la ral gri shin tu bzang po gcig yod pa mthong nas chags pa'i sems skyes so/ / phyi sa rgyal bu de ral gri thogs te yul gzhan du song nas/ ma dbul po de'ang phyi sa gzhan zhig gi khyim na nyal ba las gnyid log na kha nas ral gri ril gri zhes brdol lo// de'i gan na 'dug pa'i mos de skad ces brdol ba thos nas gzung ste rgyal po la phul lo// de nas rgyal pos mi de la 'di skad du/ khyod kyi kha nas ral gri ral gri zhes zer ba ga re zhes bka' stsal to/ / mi des rgyus zhib tu rgyas par rgyal po la gsol nas/ gal te rgyal pos bdag gis lus dang / yan lag dang / nying lag kun dum bu dum bur gtubs kyang ral gri ni bdag la ma mchis te/ bdag sngon rgyal bu che ge mo zhig dang mdza' bas/ rgyal bu de la ral gri bzang po gcig mchis par mig gis ni mthong gi/ lag pas reg pa'i thugs kyang ma thub na/ ched du grangs pa lta ci smos/ rgyal po des bka' stsal pa/ khyod kyis ral gri de mthong yang dag na/ ral gri de'i dpyang ci 'dra/ gsol pa/ rgyal po chen po bdag gis mthong ba ni re ru 'dra ba zhig mthong ngo // rgyal pos de skad ces smras pa thos nas dgod de/ khyod mya ngan ma byed par gar dga' bar song zhig/ kho bo'i mdzod na ral gri de 'dra ba mi srid na/ khyod kyi rgyal bu de la mthong ba lta smos kyang ci dgos/ de nas rgyal po des/ blon po rnams la bka' stsal pa/ khyed kyis ral gri de 'dra ba zhig mthong ngam zhes dris nas/ de ring por ma lon par tshe 'das so// de nas rgyal po de'i rgyal tshab rgyal po'i dbang bskur nas// rgyal po des kyang blon po rnams la 'di skad du/ khyod kyis sngon mdzod kyi nang na ral gri de 'dra ba zhig mthong ngam zhes dris so// blon po rnams kyis smras pa/ bdag cag gis sngon mthong ngo zhes gsol to// yang dris pa khyed kyis mthong na ral gri de'i dbyibs ci 'dra ba zhig mthong / gsol pa/ rgyal po chen po bdag cag gi ser ru 'dra ba zhig mthong ngo // rgyal pos smras pa/ kho bo'i mdzod kyi nang na ral gri de 'dra ba yod mi srid do/ / de bzhin du rgyal po rabs bzhi'i bar du ral gri de rmas kyang khungs ma phyin to// phyis lo mang zhig lon pa'i 'og tu/ sngon bros pa'i rgyal bu de yul gzhan nas phyir log nas/ rgyal por zhugs te rgyal po'i dbang thob nas/ des kyang blon po rnams la bka' stsal pa/ khyed kyis ral gri de mthong ngam/ blon po rnams kyis gsol pa/ rgyal po chen po bdag cag gos mthong ngo / / smras pa/ khyed kyis ci ste mthong na ral gri de'i dbyibs ci 'dra/ blon po kha cig gis gsol ba/ lha'i sras shin tu gsal te me tog ut+pa la 'dra'o// kha cig gis ni re ru 'dra'o zhes gsol to/ / kha cig gis ni kha dog dmar khyad me'i phung po 'dra'o zhes gsol to// kha cig gis ni sbrul nag po 'dra'o zhes gsol to// de'i tshe rgyal po de dgod nas/ blon po rnams la khyed kyis ni nga'i ral gri yang dag par ma mthong ngo zhes bka' stsal to/ / rigs kyi bu byang chub sems dpa' sems dpa' chen po'ang de dang 'dra ste/ 'jig rten du byung nas bdag ces bya/ ba'i mtshan nyid yang dag par bstan te/ bstan ma thag tu song ba ni dper rgyal bu ral gri bzang po thogs te yul gzhan du bros pa dang mtshungs so// byis pa glen pa dag thams cad la bdag yod do zhes smra ba ni/ mi dbul po gzhan gyi khyim na gnyid log pa las ral gri ral gri zhes brdol ba dang mtshungs so// nyan thos dang rang sangs rgyas kyis sems can rnams la bdag ces bya ba'i mtshan nyid ci 'dra ba dris na/ de la kha cig ni bdag tu lta ba dang / bdag ces bya ba'i mtshan nyid mthe bong tsam zhig yod do zhes smra'o// kha cig ni khre'i 'brum bu tsam zhig yod do zhes smra'o/ / kha cig ni til gyi 'brum bu tsam zhig yod do zhes smra'o// kha cig ni bdag gi mtshan nyid ces bya ba sems la gnas te nyi ma lta bur 'bar zhing gsal lo zhes smras te/ de ltar so so'i skye bo dag bdag ces bya ba'i mtshan nyid mi shes pa'ang / ji ltar blon po rnams kyis ral gri bzang po de mi shes pa bzhin no// byang chub sems dpas de ltar ba dag ces bya ba'i mtshan nyid bstan pa/ byis pa glen pa dag mi shes pas rnam pa sna tshogs bye brag phye ste/ bdag ces bya ba'i mtshan nyid du 'dzin pa ni ral gri'i dbyings ci 'dra zhes dris na ra ru 'dra'o zhes smra ba dang mtshungs so/ / de ltar byis pa ma rabs dag ni rgyun mi 'chad par ngan par lta ba bskyed de/ de ltar ngan par lta ba gcad pa'i phyir/ de bzhin gshegs pas bdag med pa bstan pa ni/ dper na rgyal bu dag blon po rnams la nga'i mdzod na/ de 'dra ba'i ral gri med do zhes smra ba dang mtshungs so// rigs kyi bu deng de bzhin gshegs pas bdag ces bya ba bstan pa ni sangs rgyas kyi rang bzhin zhes bya'o/ / de ltar sangs rgyas kyi rang bzhin de ni sangs rgyas kyis bstan pa'i chos kyi nang na ral po shin tu gsal zhing dag pa dang mtshus so/ / rigs kyi bu de la byis pa ma rabs gang de skad du legs par sla ba ni/ bla na med pa'i sangs rgyas kyi chos la 'bab pa yin no// de la gang zhig legs par rnam par bye ste bstan pa'i rjes su zhugs na/ de ni byang chub sems dpa'i gzugs lta bur rig par bya'o// rigs kyi bu ji tsam du rnam pa tha dad du smra ba rig sngags dang / tshig las rnam par rgyal ba'i gtsug lag dang / yi ge la sogs pa thams cad kyang sangs rgyas kyis bstan pa yin gyi/ mu stegs can gyis bstan pa ma yin no// de nas bcom ldan 'das la/ byang chub sems dpa' 'od srungs kyis 'di skad ces gsol to/ / de bzhin gshegs pas ji lta bur yi ge'i ma mo rnams bstan pa lags/ bcom ldan 'das kyis bka' stsal pa/ rigs kyi bu sngar yi ge phyed kyi ma mo bstan pas gtsug lag dang / rig sngags dang / tshig las rnam par rgyal ba dang / sgra skad la sogs pa 'dzin par 'gyur te/ byis pa ma rabs dag yi ge'i mamo bslabs pas/ de'i 'og tu chos dang chos ma yin pa la sogs pa shes par 'gyur ro// yang bcom ldan 'das la/ byang chub sems dpa' 'od srungs kyis gsol pa/ yi ge zhes bgyi ba'i don ji lta bu lags/ bka' stsal pa/ rigs kyi bu yi ge 'bru bzhi bcu po ni yi ge'i don ces bya'o// yi ge zhes bya ba ni mya ngan las 'das pa ste stag pas na mi zag pa'o// gang mi zag pa de ni mi zad pa'o/ / mi zad pa zhes bya ba de ni de bzhin gshegs pa'i rdo rje'i sku'o// de bas na yi ge'i 'bru bzhi bcu po ni yi ge'i ma mo'o// de la a zhes bya ba ni mi 'jig pa'o// gang mi 'jig pa ni dkon mchog gsum zhes bya ste rdo rje lta bu'o/ / gzhan yang a zhes bya ba ni zag pa'o// gang mi zag pa ni de bzhin gshegs pa zhes bya ste/ de bzhin gshegs pa ni bu gu dgu po nas ci'ang mi zag pas/ de bas na zag pa med pa zhes bya'o// bu gu dgu med pas mi zag pa ste/ mi zag pa ni rtag pa'o// rtag pa ni de bzhin gshegs pa ste/ de bzhin gshegs pa ni 'dus ma byas pas mi zag pa'o// gzhan yang a zhes bya ba ni yon tan gyi tshogs shes bya'o// yon tan gyi tshogs ni dkon mchog gsum yin pas/ de'i phyir a zhes bya'o// de la A zhes bya ba ni slob dpon zhes bya ba'i don ji lta bu zhe na/ 'jig rten na 'phags pa zhes grags pa'o// 'phags pa zhes bya ba de'ang ji lta bu zhe na/ 'phags pa ni ma chags pa/ 'dod pa nyung ba/ chog shes pa/ yongs su dag pa/ srid pa gsum du 'khor ba'i sems can sgrol ba ni 'phags pa zhes bya'o// gzhan yang a zhes bya ba ni bcas pa ste/ tshul khrims lhag par srung zhing spyod lam gyi rjes su gzhol ba'o// gzhan yang a zhes bya ba ni 'phags pa'i rjes su spyod lam 'gro ba dang / sdod pa dang / bskyod pa dang / g.yo ba dang / dkon mchog gsum dang / pha ma la sri'u dang / mchod pa dang / bskur sti dang / rim gro dang / phyag byed pa slob cing theg pa chen po la'ang slob pa'o// rigs kyi bu khyed la sogs pa tshul khrims sdom pa dang / byang chub sems dpa' sems dpa' chen po rnams ni 'phags pa zhes bya'o// gzhan yang A zhes bya ba ni ston cing 'chos pa ste/ ji ltar de bzhin gshegs pas 'di dag ni bya ba'i rigs pa'o/ / 'di dag ni bya ba'i mi rigs so zhes bstan pa chos ma yin pa rnams mi byed pa ni 'phags pa zhes bya ste/ de bas na a zhes bya'o// de la i zhes bya ba ni sangs rgyas kyi chos tshangs par spyod pa rgya chen po zla ba rgyas pa ltar gsal zhing dri ma med pa ste/ khyed la sogs pa 'di dag ni bya ba'i rigs pa'o// 'di dag ni bya ba'i mi rigs pa'o/ / 'di ni don no// 'di ni don ma yin no// 'di ni sangs rgyas kyis gsungs pa'o// 'di ni bdud kyis bstan pa'o zhes bshad pa ste/ de bas na i zhes bya'o// de la I zhes bya ba ni sangs rgyas kyi chos shin tu zab cing phra ba/ chud dka' ba/ lha dbang sgyur chen po'am/ tshangs pa chen po ltar chos kyi dbang sgyur ba'o// gang gzungs su 'dzin pa ni chos srung zhes bya'o/ / gzhan yang dbang sgyur ba ni 'jig rten gyi mgon po bzhi ste/ dbang sgyur ba bzhi pos ni yongs su mya ngan las 'das pa chen po'i mdo 'di srung zhing 'dzin la/ rgyas par ston cing 'chad pa'i dbang yang byed do/ / gzhan yang I zhes bya ba ni so so'i skye bo la chos ston pa'i dbang byed pa'o// gzhan yang I zhes bya ba ni gang dbang du 'gyur ba'i phyir bshad pa'o// de'ang gang zhe na/ 'di lta ste/ shin tu rgyas pa'i mdo sde la nan tan byed pa'o// gzhan yang oM zhes bya ba ni mo gtsang ba bsal ba ltar ser sna dang phrag dog yongs su bcad de/ thams cad bkra shis par bsgyur bas de'i phyir i zhes bya'o// de la u zhes bya ba ni mdo sde kun gyi nang na phul du gyur pa/ mchog dam pa/ bla ma'i yang bla mar gyur pa/ yongs su mya ngan las 'das pa chen po'o// gzhan yang u zhes bya ba ni de bzhin gshegs pa'i rang bzhin nyan thos dang / rang sangs rgyas thams cad kyis sngon ma thos pa ste/ gling thams cad kyi nang na byang gi sgra mi snyan mchog dam par gyur pa bzhin du/ byang chub sems dpas gal te mdo sde 'di nyan nam/ gzungs su 'dzin na sems can thams cad kyi phul du 'gyur/ gtso bor 'gyur/ mchog dam par 'gyur te/ de bas na mdo sde 'di ni kun gyi gtso bo// mchog dam pa/ phul du gyur pas u zhes bya'o// de la u zhes bya ba ni ji ltar ba'i 'o ma ro thams cad kyi nang na mchog tu gyur pa ltar/ de bzhin gshegs pa'i rang bzhin yang de dang 'dra ste/ mdo sde thams cad kyi nang na gtso bo// mchog dam pa/ phul du gyur pa'o// gang zhig 'di la 'phya ba 'am/ skur na de byol song dang tha mi dad par rig par bya'o// gzhan yang U zhes bya ba ni gang zag de yang dag par dran pa'i shes rab med pas/ de bzhin gshegs pa'i snying po la 'phya zhing skur bas/ gang zag de ni shin tu snying brtse ba'i gnas su rig par bya ste/ de ni de bzhin gshegs pa'i gsang ba'i snying po bdag med pa bstan pa dang bral bas U zhes bya'o/ / de la e zhes bya ba ni sangs rgyas kyi chos nyid mya ngan las 'das pa ste/ de bas na e zhes bya'o// de la ai zhes bya ba ni de bzhin gshegs pa'i don to/ / gzhan yang ai zhes bya ba ni de bzhin gshegs pa gshegs sam/ bzhugs sam/ rmyang ngam/ bsgyu ma ma ma/ bskyod cing g.yo ba thams cad du so so'i skye bo la phan pa dang bde ba'i don du mi 'gyur ba ma yin te/ de ni ai zhes bya'o// de la o zhes bya ba ni nyon mongs pa'i don to// nyon mongs pa ni zag pa dang bcas pa zhes bya'o/ / de bzhin gshegs pa ni nyon mongs pa thams cad yongs su bcad pas o zhes bya'o// de la oM zhes bya ba ni theg pa chen po'i don te/ yi ge 'bru bcu bzhi po mthar phyin pa'i don to/ / theg pa chen po'i mdo sde'ang de dang 'dra ste/ mdo sde thams cad kyi nang na mthar pa'i mchog yin pas oM zhes bya'o// de la aM zhes bya ba ni ma brtags pa'i mi gtsang ba'i dngos po thams cad gsal te/ sangs rgyas kyi bstan pa las gser dang dngul la sogs pa rin po che thams cad mthong nus pas aM zhes bya'o// de la aM zhes bya ba ni theg pa mchog go don to/ / de ci'i phyir zhe na/ theg pa chen po'i mdo mya ngan las 'das pa chen po 'di'ang mdo sde thams cad kyi nang na gtso bo dam pa/ phul du gyur pas aM zhes bya'o// de la ka zhes bya ba ni sems can thams cad la snying rje skye ba ste/ ji ltar sgra gcan 'dzin bzhin du sras su 'du shes shing / dge ba'i don du 'gyur bas ka zhes bya'o/ / de la kha zhes bya ba ni dge ba'i bshes gnyen ma yin pa'o// dge ba'i bshes gnyen ma yin pa ni sme ba rtsog pa ste/ de bzhin gshegs pa'i snying po la yid ma ches pas kha zhes bya'o/ / de la ga zhes bya ba ni snying po'i snying po zhes bya ba ni de bzhin gshegs pa'i gsang ba'i snying po ste/ sems can thams cad la sangs rgyas kyi rang bzhin yod ces bya ba ste/ de ni ge zhes bya'o// de la g+ha zhes bya ba ni de bzhin gshegs pa rtag pa'i sgra'o// de la ji ltar na de bzhin gshegs pa'i rtag pa'i sgra zhe na/ 'di lta ste/ de bzhin gshegs pa rtag pa gnas pa/ mi 'gyur mi 'pho bas g+ha zhes bya'o// de la nga zhes bya ba ni 'du byed thams cad zhig pa'i mtshan nyid de bas na nga zhes bya'o// de la tsa zhes bya ba ni bsgom pa'i don te/ sems can thams cad gdul ba ni bsgom pa'i don ces bya ste ci zhes byo'o// de la tsha zhes bya ba ni de bzhin gshegs pas sems can thams cad la gdugs chen po ltar skyob cing khebs pas tsha zhes bya'o/ / de la dza zhes bya ba ni yang dag par grol ba rga ba'i mtshan nyid med pas dza zhes bya'o// de la dz+nyA zhes bya ba ni kun nas nyon mongs pas 'ching ba ni nags thibs po dang 'dra bas dz+nyA zhes bya'o// de la nya zhes bya ba ni shes rab kyi don to// yang dag pa'i chos nyid shes pas na nya zhes bya'o// de la Ta zhes bya ba ni 'dzam bu klong du sku byed bstan te chos bshad pa ni zla ba phyed lta bu yin pas rba zhes bya'o/ / de la tra zhes bya ba ni chos kyi sku yongs su rdzogs pa zla ba rgyas dang 'dra bas tra zhes bya'o// de la Da zhes bya ba ni dge slong glen pa dag rtag pa dang mi rtag pa mi shes te/ byis pa chung du dang 'dra bas Da zhes bya'o/ / de la D+ha zhes bya ba ni slob dpon gyi drin mi shes te/ lug sha ga zan dang 'dra bas D+ha zhes bya'o// de la Na zhes bya ba ni 'phags pa'i don ma yin te/ mu stegs can lta bu yin pa sa Na zhes bya'o/ / de la ta zhes bya ba ni gnas gang du bcom ldan 'das kyis/ dge slong rnams la bka' stsal pa/ kye dge slong dag 'jigs shing skrag pa spongs shig dang / khyed la dam pa'i chos bstan no zhes byung ba ni te zhes bya'o/ / de la tha ni glen pa gti mug pa'i don te/ sems can 'khor bas rnam par glags te/ rnam par 'khor ba ni dar gyi sngon bu 'am/ skur pa lta bu yin pas tha zhes bya'o/ / de la da ni sbyin pa chen po byin pa ste/ theg pa chen po yin pas da zhes bya'o// de la d+ha ni yon tan bsngags shing bstod pa 'di lta ste/ dkon mchog gsum ni r-i rab ri'i rgyal po dang 'dra ste/ shin tu bzang zhing mtho la yangs shing che bas rdib cing 'gyel ba med do zhes bya ba ni d+ha zhes bya'o// de la na ni dkon mchog gsum rab tu brtan te sgo'i gtan pa dang 'dra bar mi g.yo zhes bya ba ni ni zhes bya'o/ / de la pa ni phyin ci log gi don te/ gang 'di skad du dkon mchog gsum zad cing med par 'gyur zhes smra na/ de ni bdag bslus pa yin par rig par bya ste/ de ni pa zhes bya'o// de la ba ni 'jig rten gyi bgegs te/ 'jog rten na bskal pa 'byung ba'i tshe/ dkon mchog gsum yang med par 'gyur ro zhes smra na/ de ni shin tu'ang glen zhing shes rab med pa ste/ 'phags pa la dbang za ba yin pas pa zhes bya'o// de la ba ni sangs rgyas kyi stobs bcu yin pas pa zhes bya'o// de la b+ha ni khur lci ba khyer ba ste/ bla na med pa'i yang dag pa'i chos phrag pa la bkur bzod pas/ de ni byang chub sems dpa' chen po yin par rig par bya ste b+ha zhes bya'o// de la ma ni shin tu sdom pa gnyan pa bcas theg pa chen po'i mdo sde yongs su mya ngan las 'das pa chen po ste ma zhes bya'o/ / de la ya ni byang chub sems dpa' rnams gnas thams cad du sems can rnams la theg pa chen po'i chos ston pas ya zhes bya'o/ / de lar ni 'dod chags dang / zhe sdang dang / gti mug yongs su bcom nas yang dag pa'i chos ston pas ra zhes bya'o// de la la ni nyan thos kyi theg pa can ni 'gyur ba mi gnas pa ste/ theg pa chen po ni brtan pa mi g.yo bas/ nyan thos kyi theg pa spong zhing bla na med pa'i theg pa chen po la brtson pas la zhes bya'o// de la wa ni sangs rgyas bcom ldan 'das sems can gyi phyir chos chen po'i cher pha ba nas/ 'jig rten gyi rig sngags dang / yi ge dang / gtsug lag la sogs pa ni we zhes bya'o// de la sha ni zug rngu rnam pa gsum po yongs su spangs pas sha zhes bya'o/ / de la Sha ni don yongs su rdzogs pa ste/ gang zhig yongs su mya ngan las 'das pa chen po'i mdo mnyan na/ de ni theg pa chen po'i mdo sde thams cad thos shing 'dzin pas Sha zhes bya'o/ / de las ni sems can rnams la dam pa'i chos bstan te/ sems dga' bar 'gyur bas sa zhes bya'o// de la ha ni sems rab tu dga' ste/ bcom ldan 'das 'du byed thams cad dang bral ba ngo mtshar che'o// e ma de bzhin gshegs pa yongs su mya ngan las 'das so zhes bya ba ha zhes bya'o// de la k+ShaH/ zhes bya ba ni bdud kyi don to/ / tshad med pa'i bdud kyi de bzhin gshegs pa'i gsang ba'i snying po 'jig mi nus pas k+ShAHzhes bya'o// gzhan yang k+ShaHni 'jig rten pa'i rjes su pha ma dang / chung ma dang / bu'i bar du bstan pas k+ShaHzhes bya'o// de la ra r-I l-i l-I zhes bya ba'i yi ge bzhi 'di ni don rnam pa bzhi'o// 'di lta ste/ sangs rgyas dang / chos dang / dge 'dun dang / gnyen po'i chos so/ / de la gnyen po'i chos ni 'jig rten pa'i rjes su lha sbyin ltar dge 'dun gyi dbyen byas pa dang / tshul khrims bcas pa'i phyir gzugs dang / chachalugs rnam pa sna tshogs bstan kyang / mkhas pa shes rab can ni khong du chud pas de la mi 'jigs te/ 'di ni 'jig rten gyi rjes su 'jug pa yin pas/ de'i phyir r-i r-I l-i l-I zhes bya'o// dbugs rngub pa dang / lce'i dbang po dang / sna'i dbugs ring thung dang 'dren pa las sgra'i rjes su don shes par 'gyur te/ de'ang lce dang so las rnam pa tha dad du 'gyur ro// de ltar yi ge'i don ni sems can dag gis ngag gi las yongs su dag par 'gyur te/ sems can gyi sangs rgyas kyi rang bzhin ni yi ge la bltos pas/ gdod yongs su dag par 'gyur ba ni ma yin no/ / de ci'i phyir zhe na/ rang bzhin gyis thog ma nas rnam par dag pas/ phung po dang / khams dang / skye mched kyi nang na gnas kyang / phung po dang / khams dang / skye mched lta bu ni ma yin no// de bas na sems can dag ni byang chub sems dpa' rnams la skyabs su 'gro bar bya'o// sangs rgyas kyi rang bzhin gyi byor sems can thams cad la khyad par med par mnyam par blta'o/ / de bas na yo ge byed po ni mdo sde dang / gtsug lag dang / smra ba dang / tshig gis rnam par rgyal ba'i rtsa ba yin no// yi ge phyed po'i don ni kun nas nyon mongs pa kun gyi smra ba'i rtsa ba yin pas yi ge phyed ces bya'o// yi ge rdzogs pa ni dge ba'i chos thams cad smra ba'i rtsa ba'o// dper na 'jig rten na gang sdig pa mi dge ba byed pa ni skyes bu phyed ces bya'o/ / dge ba kun spyod pa ni rdzogs pa zhes bya'o// de ltar na mdo sde dang / gtsug lag dang / smra ba thams cad ni yi ge byed bo rtsu bar 'gyur ro/ / de la gang zhig 'di skad du de bzhin gshegs pa dang / yang dag par rnam par grol ba dang / yi ge phyed po'i nang du 'jug ces smra na de lta ma yin no// de ci'i phyir zhe na/ yi ge dang bral ba'i phyir te/ de bas na de bzhin gshegs pa ni chos thams cad la ma thogs ma chags te/ yang dag par rnam par grol lo// de la yi ge'i don rtogs shing shes pa gang zhe na/ gang zhig de bzhin gshegs pa 'jig rten du gshegs nas yi ge phyed po med par byas pa shes na/ de ni yi ge'i don shes shing rtogs pa zhes bya'o// gang yi ge byed po'i don gyi rjes su 'jug pa ni de bzhin gshegs pa'i rang bzhin ma shes pa'o/ / de la yi ge med pa'i don gang zhe na/ gang mi dge ba'i chos la bsnyen cing spyod pa de ni yi ge med pa zhes bya'o/ / gzhan yang yi ge med pa ni dge ba'i chos la bsnyen cing spyod kyang / de bzhin gshegs pa rtag gam/ mi rtag gam/ ther zug gam/ ther zug ma yin pa mi shes/ chos dang dge 'dun yang mi shes/ 'dul ba dang / 'dul ba ma yin pa dang / mdo sde dang / mdo snga ma yin pa dang / bdud kyis bstan pa dang / sangs rgyas kyis bstan pa mi shes te/ bye brag mi phyed pa de ni yi ge med pa'i don la zhugs pa zhes bya'o// de ltar nangs yi ge med pa'i don gyi rjes su 'jug pa'ang ngas bshad do// rigs kyi bu de bas na khyod kyis yi ge byephyed po spangs te/ yi ge rdzogs pa la shin tu mkhas par bya'o// de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das bdag cag gis yi ge'i grangs shin tu mkhas par bgyi'o/ / bdag cag gi ston pa bla na med pa dang yang mjal bas/ de bzhin gshegs pas bstan pa'i bka' bzhin du bgyi'o// bcom ldan 'das kyis/ byang chub sems dpa' 'od srungs la bka' stsal pa/ legs so legs so// gang dam pa'i chos bsnyen par 'dod pa dag de bzhin du bslab par bya'o// de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu 'di lta ste/ bya'i nang na ka lan ta ka dang / bya ngur pa ni gar song yang mi 'bral te lhan cig go/ de bzhin du sdug bsngal dang / mi rtag pa dang / bdag med pa'ang de dang 'dra ste mi 'bral lo/ / byang chub sems dpa' 'od srungs kyis/ bcom ldan 'das la gsol pa/ bcom ldan 'das ji ltar na sdug bsngal ba dang / mi rtag pa dang / bdag med pa la bya ngur pa dang / byA ka lan ta ka lta bu zhes bgyi/ bcom ldan 'das kyis bka' stsal pa/ rigs kyi bu sdug bsngal gyi chos kyang gzhan la/ bde ba'i chos kyang gzhan/ rtag pa'i chos kyang gzhan la/ mi rtag pa'i chos kyang gzhan/ bdag ces bya ba'i chos kyang gzhan la/ bdag med ces bya ba'i chos kyang gzhan no// dper na 'bras ni nas las gzhan la/ nas kyang sran dang bu ram shing las gzhan no/ / de ltar rnam pa de bdag thog ma myu gu byung ba nas/ lo ma dang me tog gi bar du ni mi rtag go// 'bras bur smin nas mis yongs su spyod pa na rtag pa zhes bya'o// de ci'i phyir zhe na/ mtshan nyid kyis yang dag pa bden pa'i phyir ro// byang chub sems dpa' 'od srungs kyis/ bcom ldan 'das la gsol pa/ bcom ldan 'das de ltar dngos po de dag rtag pa lags na de bzhin gshegs pa de dang 'dra ba lags sam/ bcom ldan 'das kyis bka' stsal pa/ rigs kyi bu de skad ces ma zer cig/ de ci'i phyir zhe na/ de bzhin gshegs pa la ri rab ri'i rgyal po dang 'dra'o zhes bya na/ ci bskal pas bshig pa'i tshe/ ri rab lhun po ni 'jig cing bsnyil bar 'gyur na/ de bzhin gshegs pa'ang de'i tshe 'jig par 'gyur ram/ rigs kyi bu khyod kyis ni don de dag zhu bar mi bya'o/ / rigs kyi bu chos thams cad kyi nang na mya ngan las 'das pa ma gtogs par chos gcig kyang rtag ces bya ba med de/ kun rdzob tu 'bras bu ni rtag ces gzungs so/ / byang chub sems dpa' 'od srungs kyis/ bcom ldan 'das la gsol ba/ bcom ldan 'das legs so shin tu legs so// bcom ldan 'das kyis gsungs pa bzhin no/ / bcom ldan 'das kyis/ 'od srungs la bka' stsal pa/ de de bzhin no// de de bzhin te/ rigs kyi bu mdo sde la sogs pa thams cad kyi ting nge 'dzin la nan tan byas kyang / yongs su mya ngan las 'das pa chen po ma thos na thams cad mi rtag ces smra/ mdo sde 'di thos nas nyon mongs pa dang bcas kyang nyon mongs pa med pa dang 'dra ste/ lha dang mir bcas pa'i 'jig rten thams cad la phan pa dang bde ba'i don byed par 'gyur ro// de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o/ / rigs kyi bu gzhan yang dper na shing am bral me tog ma byung ba na mi rtag pa zhes bya'o// 'bras bur mngon du gyur nas phan pa'i don du 'gyur pas rtag pa zhes bya'o/ / de ltar na rigs kyi bu mdo sde thams cad las byung ba'i ting nge 'dzin bsgoms kyang / yongs su mya ngan las 'das pa chen po 'di ma thos na thams cad mi rtag ces smra'o// / gal te 'di thos nas nyon mongs pa dang bcas kyang nyon mongs pa med pa dang 'dra ste/ lha dang mi thams cad la phan pa dang bde ba'i don byed par 'gyur ro// de ci'i phyir zhe na/ bdag gi lus la sangs rgyas kyi rang bzhin yod par rtogs pa'i rtag pa zhes bya'o/ / rigs kyi bu gzhan yang dper na gser gyi gar bu bzhu ste/ zhu ba'i tshen mi rtag pa zhes bya'o// zhu nas gser du gyur te phan pa'i don du gyur pas na rtag pa zhes bya'o/ / de ltar na rigs kyi bu mdo sde thams cad kyi ting nge 'dzin bsgoms kyang / yongs su mya ngan las 'das pa chen po 'di ma zos na thams cad mi rtag ces bya'o// mdo sde 'di thos nas nyon mongs pa dang bcas kyang nyon mongs pa med pa dang 'dra ste/ lha dang mi thams cad la phan pa dang bde bar 'gyur ro// de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o/ / rigs kyi bu gzhan yang dper na til ni ma btsir ba'i tshe mi rtag pa zhes bya'o// btsir te mar du gyur nas phan pa'i don du 'gyur bas rtag pa zhes bya'o// rigs kyi bu mdo sde thams cad kyi ting nge 'dzin bsgoms kyang / yongs su mya ngan las 'das pa'i mdo sde 'di ma thos na thams cad mi rtag ces smra'o// mdo sde 'di thos nas nyon mongs pa dang bcas kyang nyon mongs pa med pa dang 'dra/ ste/ lha dang mi thams cad la phan pa dang bde ba'i don du 'gyur ro// de ci'i phyir zhe na/ bdag gi lus la sangs rgyas kyi rang bzhin yod par rtogs pas rtag pa zhes bya'o// rigs kyi bu gzhan yang dpar na 'bab chu thams cad ni rgya mtshor 'bab po/ / de bzhin du mdo sde thams cad kyi ting nge 'dzin kyang theg pa chen po yongs su mya ngan las 'das pa'i mdo sde 'di la 'bab po// de ci'i phyir zhe na/ mthar sangs rgyas kyi rang bzhin yod par legs par gsungs pa'i phyir ro/ / rigs kyi bu de bas na rtag pa'i chos kyang gzhan la/ mi rtag pa'i chos kyang gzhan zhes ngas gsungs te/ bdag med pa'i bar du'ang de bzhin du rgyas par rig par bya'o// byang chub sems dpa' 'od srungs kyis/ bcom ldan 'das la gsol pa/ bcom ldan 'das de bzhin gshegs pa ni smos pa'i mya ngan gyi zug rngu dang bral ba'o/ / smos pa'i mya ngan can ni gnam gyi lha lags te/ de bzhin gshegs pa ni lha ma lags so// smos pa'i mya ngan can ni mi lags te/ de bzhin gshegs pa ni mi ma lags so/ / smos pa'i mya ngan can ni srid pa nyi shu lnga po lags te/ de bzhin gshegs pa ni srid pa nyi shu lnga po ma lags so// de bas na de bzhin gshegs pa la smos pa'i mya ngan mi mnga' naci'i slad du de bzhin gshegs pa la smos pa'i mya ngan mnga' zhes bsgrags shing gsungs/ bcom ldan 'das kyis bka' stsal pa// rigs kyi bu 'du shes med pa'i lha ni 'du shes me pa zhes bya'o/ / gal te 'du shes med na 'tsho ba'i srog kyang med do// gal te 'tsho ba'i srog med na phung po dang / khams dang / skye mched ga la zhig yod de/ de bas na 'du shes med pa'i lha'i srog ni 'di na gnas so zhes smrar mi rung ngo / / rigs kyi bu dper na shing gi lha lta bu shing la gnas kyang / yal ga'am/ 'dzer pa 'am/ sdong po 'am// lo ma la nges par gnas shes byar mi rung ste/ gnas ma nges kyang med ces byar mi rung ngo // 'du shes med pa'i lha'i srog kyang de dang 'dra'o// rigs kyi bu sangs rgyas kyi chos kyang de dang 'dra ste/ shin tu zab pa la rtogs par dka'a'o// de bzhin gshegs pa la smos pa'i mya ngan dang sdug bsngal ba med kyang / sems can la thugs rje chen po bskyed pa'i phyir smos pa'i mya ngan yod par ston te/ sems can rnams la sgra gcan 'dzin lta bur gzigs so/ / gzhan yang rigs kyi bu 'du shes med pa'i lha'i srog ni sangs rgyas nyag gcig gis mkhyen gyi/ gzhan gyis rtogs pa 'am shes pa ma yin te/ 'du shes med 'du shes med min skye mched stengs kyi lha'ang de dang 'dra'o/ / 'od srungs de bzhin gshegs pa'i rang bzhin ni yongs su dag cing chags pa med pa ste/ dper na sprul pa lta bu yin na smos pa'i mya ngan dang sdug bsngal ga la zhig/ yod/ gal te de bzhin gshegs pa la mya ngan med na ji ltar sems can thams cad la phan pa'i don du 'gyur zhing / sangs rgyas kyi chos rgyas par ston par 'gyur/ ci ste med na ci'i phyir sems can thams cad la sras sgra gcan 'dzin dang 'dra bar gzigs so zhes gsungs/ ji ltar sems can thams cad la sgra gcan 'dzin dang 'dra bar mi gzigs na/ de skad du gsungs pa de'ang brdzun par 'gyur ro// de bas na rigs kyi bu sangs rgyas kyang bsam gyis mi khyab la/ chos kyang bsam gyis mi khyab/ sems can gyi sangs rgyas kyi rang bzhin yang bsam gyis mi khyab/ 'du shes med pa'i lha'i tshe tshad kyang bsam gyis mi khyab bo/ / de bzhin gshegs pa la mya ngan yod ces pa dang / mya ngan med ces pa sangs rgyas kyi spyod yul yin gyis/ nyan thos dang rang sangs rgyas kyis shes pa ni ma yin no/ / rigs kyi bu 'di lta ste/ dper na nam mkha' stong pa la khang pa dang rdul phra mo la sogs pa'ang mi chags te/ ci ste khang pa ni nam mkha' la mi rten zhes bya ba'ang gnas med do/ / de bas na khang pa ni nam mkha' la gnas she 'am/ nam mkha' la mi gnas shes byar mi rung ngo // byis pa so so'i skye bo dag ni khang pa ni nam mkha' la gnas shes smra mod kyi/ na mo mkha' ni yang dag par na gnas med do/ / de ci'i phyir zhe na/ rang bzhin gyis gnas pa'i phyir ro// rigs kyi bu sems kyang de dang 'dra ste/ phung po dang / khams dang / skye mched la gnas she 'am/ mi gnas shes byar mi rung ngo // 'du shes med pa'i lha'i tshe tshad kyang de dang 'dra ste/ de bzhin du de bzhin gshegs pa'i mya ngan yang de dang 'dra'o// ci ste mya ngan med pa na ci'i phyir sems can la sras sgra gcan 'dzin dang 'dra bar gzigs shes gsungs/ ci ste yod na ci'i phyir rang bzhin gyis nam mkha' dang 'dra'o zhes gsungs/ rigs kyi bu dper na sgyu ma mkhan zhig khang pa dang / gsod pa dang / gso ba dang / 'ching ba'i zag pa dang / btang ba dang / gzhan yang gser dang / dngul dang / bai DUR+Ya dang / rin po che rnam pa sna tshogs dang / nags tshal dang / shing gel ba la sogs pa sna tshos byas na/ de la ni bden pa'i rang bzhin med do// de bzhin gshegs pa'ang de dang 'ja ste/ 'jig rten pa'i rjes su mya ngan la sogs pa stan gyi/ bden pa ni ma yin no// rigs kyi bu de bzhin gshegs pa ni yongs su mya ngan las 'das na/ de la mya ngan dang sdug bsngal ga la zhig yod/ gang zhig de bzhin gshegs pa yongs su mya ngan las 'das te mi rtag go snyam sems na/ gang zag de nyid mya ngan dang bcas par yin par rig par bya'o/ / de la gang zhig de bzhin gshegs pa mya ngan las ma 'das she'am/ rtag pa gnas pa mi 'gyur bar sems na/ gang zag de ni mya ngan med pa ste/ de bzhin gshegs pa la mya ngan yod par ram mya ngan med par shes pa med do/ / gzhan yang rigs kyi bu dper na mi ma rabs tha ma ni skyes bu 'bring dang rab kyi chos mi shes so// skyes bu 'bring yang skyes bu rab kyi chos mi shes so/ / skyes bu rab ni rab kyi chos kyang shes la/ 'bring dang tha ma'i chos kyang shes so// nyan thos dang rang sangs rgyas kyang de dang 'dra ste/ bdag gis shes par zad kyi/ de bzhini gshegs pa ni de lta ma yin te/ bdag gi'ang mkhyen la/ gzhan gyi'ang mkhyen pa/ de'i phyir na de bzhin gshegs pa ni thogs pa med pa'i ye shes shes bya'o// 'jig rten gyi rjes su sgyu ma dang 'dra ba bstan pas/ byas pa sha'i mig can dag ni yang dag pa bden pa yin no snyam sems te/ des de bzhin gshegs pa'i thogs pa med pa'i ye shes par 'gyur ba'i gnas med do// mya ngan yod dam mya ngan med pa ni sangs @rgyas nyag gcig gis mkhyen pas/ de'i phyir na bdag yod pa'i chos kyang gzhan la/ bdag med pa'i chos kyang gzhan te/ bya ngur byal/ ka yan ta ka lta bu'o// gzhan yang / rigs kyi bu sangs rgyas kyi chos ni byi ngur pa lhan cig 'gro ba dang mtshungs so// bya ngur ba dang / ka lan ta ka ni dbyar chu zug pa na gnas mtho zhing brtsan por phrug gu thags nas/ gso ba'i phyir gdong gang na chu yod par 'gro'o/ / de bzhin gshegs pa 'jig rten du gshegs pa'ang de dang radra ste/ tshad med pa'i sems can dam pa'i chos kyis skyongs pa/ ji ltar bya ngur pa dang / ka lan ta ka la sogs pa gnas brtsan zhing mthon por phrug gu 'jog pa dang 'dra bar/ de bzhin gshegs pa'ang de dang 'dra ste/ sems can gyi mdzad pa kun mdzod nas/ yongs su mya ngan las 'das par gshegs so/ / rigs kyi bu de ni sngags bsngal gyi chos kyang gzhan la/ bde ba'i chos kyang gzhan te/ 'du byed thams cad ni sdug bsngal pa/ mya ngan las 'das pa ni bde ba'o// don dam par ni 'du byed thams cad 'jig pa'o/ / byang chub sems dpa' 'od srungs kyis/ bcom ldan 'das la gsol pa/ bcom ldan 'das ji ltar na sems can mya ngan las 'da' ba thob pa dag rab tu bde zhes bgyi/ bcom ldan 'das kyis bka' stsal ba/ rigs kyi bu ngas gsungs pa ltar na/ 'du byed thams cad 'dus pa ni rga ba dang 'chi ba'o zhes gsungs so// bag dang ldan zhing bag byed pa/ de ni bdud rtsi lta bu'i gnas// bag dang ldan zhing bag byed pa// de ni 'chi ba'i tshig yin no// de la bag byed pa dag ni mi 'chi ba'i gnas kyang thob/ de la bag med pa dag ni rtag tu 'chi ba'i lam du 'gro/ gang bag mi byed pa ni 'dus byas kyi chos shes bya'o// gang 'dus byas kyi chos de ni sdug bsngal ba'i me chos yin no// gang bag byed pa ni mya ngan las 'das pa zhes bya ste/ mya ngan las 'das pa ni bdud rtsi zhes bya ste/ bde ba'i mchog go// gal te 'du byed la zhugs na 'chi ba'i gnas shes bya ste/ sdug bsngal gyi mchog tu 'gyur ro// gal te mya ngan las 'das par phyin na mi 'chi ba zhes bya ste/ bde ba'i mchog myong bar 'gyur ro// gal te bag byed na 'du byed mang pos 'dus kyang rtag pa/ bde ba/ mi 'chi ba/ mi 'jig pa zhes bya'o// de la bag med pa ni gang zag byed pa ni gang zhe na/ 'phags pa ma yin pa byis pa ma rabs ni bag med pa ste/ 'chi ba dang bcas pa'i chos can no// 'jig rten las 'das pa'i 'phags pa ni bag dang ldan pa ste rga med pa'o/ / de ci'i phyir zhe na/ mchog tu bde ba'i mya ngan las 'das par zhugs pa'i phyir ro// de bas na sdug bsngal ba'i chos kyang gzhan la/ bde ba'i chos kyang gzhan no// bdag ces bya ba'i chos kyang gzhan la/ bdag med pa'i chos kyang gzhan te/ ji ltar sa la 'gro ba'i mi dag nam mkha'i bya rjes brtags na mi mthong ba bzhin no// rigs kyi bu sems can yang de dang 'dra ste/ 'phrul gyi mog ni med kyis/ nyon mongs pa dang bcas pas bdag la sangs rgyas kyi rang bzhin song bar mi mthong ste/ de bas na ngas bdag med pa zhes bya ba bstan pa yin no/ / de ci'i phyir zhe na/ 'phrul gyi mig med pa dag bdag ces bya ba yang dag pa ni mi shes kyi/ tha dgas su bdag ces bya ba 'dzin pas nyon mongs pa'i dbang gis 'dus byas la rnam par 'du byed de mi rtag pa zhes bya'o/ / de bas na ngas rtag pa'i chos can yang gzhan la/ mi rtag pa'i chos kyang gzhan zhes bshad do// de la 'di skad ces bya'o// dpa' zhing con nus pa dag ni// ri yi rtse mo la 'dug gam thang ngam dgon pa gar gnas kyang / / byis pa ma rabs rtag tu mthong // ye shes chen po'i gnas phyin te// bla na med pa'i stegs 'dzegs na// bdag gi mya ngan kun sel bas// sems can kun gyi mya ngan mthong / / de bzhin gshegs pa ni tshad med pa'i nyon mongs pa thams cad bcom nas ye shes kyi ri bo la zhugs pas/ so so'i skye bo tham na ni rtag tu tshad med pa'i nyon mongs pas rnam par gzir ba gzigs so/ / de nas bcom ldan 'das la/ byang chub sems dpa' 'od srungs kyis 'di skad ces gsol to// bcom ldan 'das kyis tshigs su bcad de gsungs pa lngar ma lags so// de ci'i slad du zhe na/ mya ngan las 'das pa la mya ngan zhes bgyi ba'ang ma mchis/ dga' ba'ang ma mchis na/ ci'i slad du ye shes kyi stegs la 'dzegs pa dang / ri'i rtse mo lta bur phyin pa dang 'ja ste// sems can thams cad mthong zhes gsungs/ bcom ldan 'das kyis bka' stsal pa/ rigs kyi bu ye shes kyi stegs ni mya ngan las 'das pa la bya'o// mya ngan med pa ni de bzhin gshegs pa'o// ngan dang bcas pa ni byis pa ma rabs kyi rnams so// byis pa ma rabs ni mya ngan dang bcas pa/ de bzhin gshegs pa ni mya ngan med pa zhes bya'o// ri rabs kyi rtse mo zhes bya ba ni yang dag par rnam par grol ba'o/ / gang brtson 'grus la 'bad pa ni ri rabs lhun po lta bu ste/ mi g.yo mi ldeg pa'o// sa zhes bya ba ni 'dus byas kyi rnam par 'du byed pa ste/ byis pa ma rabs dag ni sa de la gnas nas 'dus byas la rnam par 'du byed do/ / mkhas pa shes rab can dag ni mngon par sangs rgyas pa ste/ yod pa rnam par spangs nas rtag pa'i phyir de bzhin gshegs pa zhes bya'o// de bzhin gshegs pas ni so so'i skye bo tshad med pa dag srid pa'i zug rngus zug pa la thugs brtse ba'i phyir/ de bzhin gshegs pa la mya ngan yod ces bya'o// byang chub sems dpa' 'od srungs kyis gsol pabacom ldan 'das gal te de bzhin gshegs pa la mya ngan mngar na/ yang dag par rdzogs pa'i sangs rgyas shes gdags su mi rung bar 'gyur ro// bcom ldan 'das kyis/ 'od srungs la bka' stsal ba/ de'ang don med pa ma yind/ so so'i skye bo gang dang gang gis 'dul bar 'gyur ba de dang de dag tu de bzhin gshegs pa skye ba ston to// skye ba sngon mod kyi/ yang dag par skye ba med de/ bas na de bzhin gshegs pa ni rtag pa gnas pa'i chos can te/ ka lan ta ka dang / bya drar pa lta bu'o// rigs kyi bu gzhan yang 'di lta ste/ dper na gang zag dag rna sprin gyis chod de mi snang na zla ba nub bo snyam sems te/ yang dag par na zla ba la nub pa med do// gling gzhan du shar ba na/ de na gnas pa'i sems can dag ni zla ba shar ro snyam sems te/ yang dag par na zla ba la shar ba'ang med do/ / de ci'i phyir zhe na/ ri rab lhun pos bsgribs te mi snang gi/ zla ba la shar ba 'am nub pa zhes bya ba med do// de bzhin gshegs pa yang dag par rdzogs pa'i sangs rgyas kyang de dang 'dra ste/ stong gsum gyi stong chen po'i 'jig rten gyi khams su gshegs pa/ 'dzam bu gling du ni pha dang ma'ang yod par bstan nas/ so so'i skye bo dag ni de bzhin gshegs pa 'dzam bu gling du byung ngo snyam sems so/ / 'dzam bu gling du mya ngan las 'das par yang bstan te/ de bzhin gshegs pa yang dag par mya ngan las 'das pa med kyang / sems can dag ni de bzhin gshegs pa mya ngan las 'das so snyam sems te/ ji ltar zla ba nub pa'i dpe bshad pa bzhin no// rig kyi bu de bzhin gshegs pa nyid la yang dag par na skye ba dang 'gog pa med de/ sems can gdul ba'i phyir skye ba dang 'gog pa bstan to/ / rigs kyi bu dper na zla ba khams 'di dag tu yongs su rgyas par snang na/ khams gzhan na phyed du snang ngo // khams 'di na phyed du snang na/ khams gzhan na rgyas par snang ngo / / 'dzam bu gling gi mi dag zla ba thog ma shar ba mthong na tshes gcig ces zer te/ zla ba tshes pa'i 'du shes skyed do// zla ba rgyas shing gang ba mthong na tshes bco lnga zhes zer te// zla ba rgyas pa'i 'du shes skyed do// yang dag par na zla ba nyid la ni skye ba dang 'bri ba med de/ ri rab lhun po'i dbang gis na skye ba dang 'bri ba'ang yod do// rigs kyi bu de bzhin gshegs pa'ang de dang 'dra ste/ 'dzam bu'i gling 'dir thog ma skye ba'ang bstan/ mya ngan las 'das par yang bstan te/ thog ma skye ba bstan pa ni zla ba tshes pa dang 'dra'o// thams cad kyis gzhon nu thog ma btsas nas gom pa bdun bor ba na/ tshes gnyis kyi zla ba lta bur sems so// de nas gzhon nu slob pa la zhugs pa bstan pa na tshes gsum gyi zla ba lta bu sems so// rab tu byung ba bstan pa na chos brgyad kyi zla ba lta bu sems so/ / ye shes kyi 'od chen po btang nas sems can tshad med pa dang / bdud mang po btul ba na tshes bco lnga'i zla ba rgyas pa lta bu sems so// gzhan yang mtshan sum cu rtsa gnyis dang / dpe byad bzang po brgyad cus yongs su brgyan pa mya ngan las 'das pa bstan pa na zla ba bri ba lta bur sems so// de ltar sems can dag ni mthong ba mi 'dra ste/ la la ni zla ba phyed ral du mthong / la la ni zla ba rgyas par mthong / la la ni zla ba bri bar mthong ste/ zla ba'i rang bzhin la ni yang dag par na skye ba dang 'bri ba med do// rtag tu rgyas shing gang ngo // de bzhin gshegs pa'ang de dang 'dra ste/ de bas na rtag pa/ gnas pa/ mi 'gyur ba zhes bya'o// rigs kyi bu gzhan yang 'di lta ste/ dper na zla ba rgyas pa ni gnas gang dang gang du grong khyer ram/ zong rdal lam/ ri'am/ 'brog gam/ chu 'am/ khron pa 'am/ rdzing ngam/ gzhong pa 'am/ gnas thams cad du snang ste/ sems can gang dpag tshad gcig gam/ dpag tshad brgya stong gyi bar du song yang zla ba de bzhin du mthong ste/ de la bus pa glen pa dag 'di snyam du sems te/ bdag khyim na 'dug pa na zla ba 'di mthong na/ da 'brog dgon par 'dir yang mthong ba/ 'di zla ba sngon mthong bde yin nam ma yin snyam sems so/ / de la de dag che chung gi tshad kyang dpyod de/ la la ni zangs kyi kha 'khor tsam mo zhes zer ro// la la ni shing rta'i 'khor lo tsam mo zhes zer ro// la la ni dpag tshad bzhi bcu rtsa dgu yod do zhes zer te/ thams cad kyis zla ba'i 'od mthong yang / la la ni zlum po gser gyi gzhong pa lta bur mthong ste/ de ltar zla ba'i rang bzhin gcig kyang sems can rnam pa tha dad pas sna tshogs su rnam pa tha dad bar 'du shes so/ / rigs kyi bu de bzhin gshegs pa'ang de 'ang ste/ 'jig rten du mngon par gshegs nas/ de la lha dang mi kha cig ni 'di snyam du de bzhin gshegs pa ni bdag 'ba' zhig gi mig snga na bzhugs so snyam sems so/ / sems can kha cig kyang 'di snyam du de bzhin gshegs pa ni bdag 'ba' zhig gi mig snga na snang ngo snyam sems so// sems can 'on pa dang lkugs pa kha cig ni de bzhin gshegs pa'ang 'on nam lkugs snyam sems so// sems can skang rnam pa sna tshogs mi mthun pa'ang so so na de bzhin gshegs pa ni bdag gi skad du gsung ngo snyam sems te/ so so nas bdag 'ba' zhig gi khyim du gshegs te/ bdag 'ba' zhig gi mchod pa bzhis so snyam sems so// sems can la la ni de bzhin gshegs pa'i sku'i tshad med par rgya chen por mthong ngo / / la la ni sku rab tu chung ngur mthong ngo // la la ni nyan thos kyi gzugs lta bur mthong ngo // la la ni rang sangs rgyas kyi gzugs lta bur mthong ngo // mu stegs can kha cig ni 'di snyam du de ba gshegs pa ni bdag gi chos kyis rab tu phyung ste slob pa la zhugs so snyam sems so/ / sems can la la ni 'di snyam du de bzhin gshegs pa bdag 'ba' zhig gi phyir/ 'jig rten du gshegs so snyam sems so// de bzhin gshegs pa'i rang bzhin yang dag pa ni zla ba dang 'dra ste/ chos kyi sku/ mi skye ba'i sku/ thabs kyi sku ste/ 'jig rten pa'i rjes su sngon gyi las rnam pa tshad med pa/ gnas thams cad du skye ba bstan pa ni zla/ bdang 'dra'o// de bas na de bzhin gshegs pa ni rtag pa/ gnas pa/ mi 'gyur/ mi pho ba'o// rigs kyi bu gzhan yang lha ma yin sgra gcan 'dzin lta bu lag pas zla ba bkab pa ni/ 'jig rten pa dag ni zla shi'o zhes zer te/ yang dag par na lha ma yin gyi rgyal pos zla ba bsad pa ma yin gyi/ snang ba bsgribs su zad do// zla ba rgyas pa la 'bri ba med kyi/ lag pas bsgribs pas mi snang bar zad do// phyir lag pa bskum pa na 'jigs rten pa dag ni zla ba phyir skyes so zhes zer te/ zla ba 'di ni sdug bsngal yang myong ngo zhes zer ro// gal te lha ma yin brgya stong snyed tshogs kyang zla ba la ni gnod par byed mi nus so/ / de bzhin gshegs pa'ang de dang 'dra ste/ sems can kha cig de bzhin gshegs pa la sdig pa'i sems bskyed de/ sangs rgyas kyi sku la khrag phyung ba dang / mtshams med pa lnga byas pa dang / log sreg kyi las kyi bar du byas pa bstan pa'ang / phyi ma ma 'ongs pa'i sems can dge 'dun dang / chos 'jig cing ma rungs par byed pa'i phyir bstan par zad kyi/ gal te bdud tshad med pa brgya stong snyed tshogs kyang de bzhin gshegs pa'i sku la khrag mi phyin no/ / de ci'i phyir zhe na/ de bzhin gshegs pa'i sku la ni sha dang / khrag dang / chu ba dang / rtsa dang / rkang dang / rus pa med pa'i phyir ro// de bzhin gshegs pa ni yang dag par na 'khrug pa 'am 'jig pa med de/ sems dag ni chos dang dge 'dun 'dzag pa dang / de bzhin gshegs pa'ang med par 'gyur ro snyam sems so// de bzhin gshegs pa'i yang dag pa'i rang bzhin ni 'gyur pa 'am 'jig pa med de/ 'jig rten pa'i rjes su de'ang bstan to// rigs kyi bu gzhan yang 'di lta ste/ dper na mi gnyis shig 'thab na mtshon chas btab ste lus la khrag byung ngam/ shi bar gyur kyang gsod pa'i 'du shes ma bskyed pas/ las de'i mtshan nyid ni yang gi/ lci ba ma yin no// de bzhin gshegs pa la'ang thog maH gsod ba'i sems med na/ skul khrag byung na las kyi mtshan nyid de ni yang gi/ lci ba ma yin no// de ltar na de bzhin gshegs pas ma 'ongs pa'i sems can dag gdul ba'i phyir/ las kyi 'bras bu bu rnam par smin pa bstan to/ / rigs kyi bu gzhan yang 'di lta ste/ dper na sman pa mkhas pas ni brtson 'grus bskyed de bu la sman ston to// 'di ni rtsa ba'i sman/ 'di ni dri'i sman/ 'di ni kha dog gi sman te/ rnam pa sna tshogs tha dad kyis/ khyod legs par shes par gyis shig ces ston/ bu'ang phas bsgo ba bzhin du brtson bgrus su slob ste sman la mkhas par byed do// phyis sman ba de tshe'i dus byas te shin sman pa'i bu de 'di skad du/ phas bdag la rtsa ba'i sman dang / sdong bu'i sman dang / me tog gi sman dang / kha dog gi sman 'di yin no snyam bstan pa dran no// de bzhin ga pa'ang de dang 'ja ste/ sems can gdul ba'i phyir tshul khrims bcas nas/ 'di ni tshul khrims su gsungs so// 'di ni mtshams med pa lnga dang / dam pa'i chos la dbang bskur cing dbang za ba dang 'di ni log srad kyi las yin gyis ma byed cig ces ma 'ongs pa'i skye bo'i phyir de dag kyang bstan pa yin no/ / de bas na dge slong dag sangs rgyas yongs su mya ngan las 'das pa'i 'og tu shin tu zab mo'i don gyi mdo sde 'di dag yin/ lci ba dang yang ba'i mtshan nyid du gsungs pa'i 'dul ba ni 'di dag yin/ chos kyi tshig rnam par spros pa chos mngon pa ni 'di dag yin no zhes/ ji ltar sman pa mkhas pas bu la sman bstan pa bzhin du mngon par ston to/ / gzhan yang rigs kyi bu 'jig rten na/ mi dag ni zla ba drug la zla ba gcig shi ba sems so// mtho ris kyi lha dag ni skad cig tsam gyis zla ba shi bar mthong ngo // de ci'i phyir zhe na/ lha'i zhag ni ring la/ mi'i zhag ni thung ba'i phyir ro// rigs kyi bu de bzhin gshegs pa'ang de dang 'dra ste/ lha dang mi rnams kyis ni de bzhin gshegs pa'i sku tshe rab tu thung ngo snyam du sems te/ ji ltar lha dang mi dag gis skad cig thang cig gis zla ba shi bar mthong ba bzhin no/ / de bzhin gshegs pas ni gzhan yang skad cig thang cigagi rgya na las 'das pa khri phrag brgya stong stong ston cing / nyod mongs pa'i bdud dang / phung po'i bdud dang 'chi bdag gi bdud dang / lha'i bdud la sogs pa bcom pa stan pas/ de bas na lha'i bdud khrid phrag brgya gi de bzhin gshegs pa yongs su mya ngan las 'da' bar shes so// gzhan yang sngon gyi las dang / rgyu dang / rkyen khri phrag brgya stong snyed 'jig rten gyi mtshan rnam pa tha dad pa bzhin du ston te/ de ltar tshad med mtha' yas bsams kyis mi khyab pas na/ de bzhin gshegs pa ni rtag pa/ gnas pa/ mi 'gyur ba'o/ / gzhan yang rigs kyi bu 'di lta ste/ dper zla ba gsal ba la ni 'gro ba thams cad blta 'dod pa'i phyir/ de bas na zla ba blta na dga' ba zhes bya'o// sems can ni 'dod chags dang / zhe sdang dang / gti rmugs tu bcas pas bltan dga' ba zhes mi bya'o/ / de bzhin gshegs pa ni yongs su dag pa/ dri ma med pa/ mchog dang phul du gyur pa yin pas bltan dka' ba zhes bya'o// gang chos la mos pa'i skye bo dag ni blta ba dga' ba mi skye'o/ / gang mi dge ba dag ni mthong bar yang mi 'dod do// de bas na de bzhin gshegs pa ni dper na zla ba gsal ba dang 'dra'o// rigs kyi bu gzhan yang 'di lta ste/ dper na nyi ma lta bur shar ba dang 'dra ba la/ dpyid dang / dbyar dang / dgun lta bu dus gsum tha dad de/ dgun ni nyi ma thung la/ dbyar ni nyi ma ring ste/ dpyid ni ring ba'ang ma yin/ thung ba'ang ma yin no// de bzhin gshegs pa'ang de dang 'dra ste/ stong gsum gyi stong chen po'i 'jig rten gyi khams 'dir sku tshe rab tu thung la/ nyan thos rnams la'ang sku tshe rab tu thung ba bstan pas/ de dag thams cad ni de bzhin gshegs pa'i sku tshe rab tu thung bar sems te/ dper na dgun gyi nyi ma dang 'dra'o// byang chub sems dpa' rnams la ni ring ba'ang ma yin/ zung ba'ang ma yin pa bskal pa gcig gam/ bskal ba gcig 'grib kyi bar du bstan te/ ji ltar dpyid kyi nyi ma bzhin no// sangs rgyas rnams kyis ni sangs rgyas kyi sku tshe'i tshad med par gzigs te/ ji ltar dbyar gyi nyi ma bzhin no// rigs kyi bu de bzhin gshegs pas gsungs pa shin tu rgyas pa theg pa chen po'i mdo sde 'jig rten du bstan te/ chos chen po'i char phab pa ma 'ongs pa'i dus su skyes bu gang zhig mdo sde 'di srung ngam/ 'dzin temang rnam par 'byed cing bstan te/ sems can la phan pa'i don byed na/ de byang chub sems dpa' yang dag pa yin par rigs par bya ste/ dper na dbyar gyi dus su char phab pa dang mtshungs so// de la nyan thos sam rang sangs rgyas kyis de bzhin gshegs pas dgongs te gsungs pa bstan pa 'di thos na/ dper dgun gyi dus dang mtshungs te grang ba dang / lhags pa chen po dang 'phrad do/ / byang chub sems dpas dgongs te gsungs pa/ de bzhin gshegs pa rtag pa dang mi 'gyur ba brtan pa 'di thos na/ dper dpyid kyi dus su myu gu thams cad 'byung ba dang mtshungs so// de bzhin gshegs pa'i rang bzhin la ring thung zhes bya ba med de/ 'jig rten pa'i phyir de dag bstan kyang / de ni sangs rgyas kyi yang dag pa'i chos nyid do// rigs kyi bu gzhan yang 'di lta ste/ dper na skar ma thams cad ni nyon par mi snang ste/ gang zag glen pa dag ni skar ma nub ste med par song ngo snyam sems so// yang dag par med pa ni ma yin gyi/ nyi ma'i 'od kyis mi snang bar zad do// de bzhin gshegs pa'ang de dang 'dra ste/ nyan thos dang sangs rgyas kyis mi mthong ba ni/ ji ltar 'jig rten pa dag gis nyin par skar ma mi mthong ba bzhin no// rigs kyi bu gzhan yang 'di lta ste/ dper na na ma rmus pa'i tshe nyi ma dang zla ba mi snang na/ byis pa glen pa dag ni nyi ma dang zla ba med par song ngo snyam sems te/ yang dag par na nyi ma dang zla ba med par ma song ngo // de bzhin gshegs pa'i dam pa'i chos med par song ba na/ dkon mchog gsum mngon sum du mi snang ba'ang de dang 'dra ste/ de bzhin du gtan med par song ba ni ma yin no// de bas na de bzhin gshegs pa ni rtag pa mi 'gyur mi 'pho bar rig par bya'o/ / de ci'i phyir zhe na/ dkon mchog gsum gyi yang dag pa nyid la ni dri mas mi gos pa'i phyir ro// rigs kyi bu gzhan yang 'di lta ste/ dper na zla ba shi ba'i nub mo ni skar ma phong shar na shin tu gsal te/ de ma thag tu phyir yang nub bo// 'jig rten pa dag mthong na bkra mi sheshis so zhes zer ro// rang sangs rgyas kyang de dang 'dra ste/ sangs rgyas med pa'i 'jig rten du 'byung bas/ so so'i skye bo dag gis mthong na/ thams cad kyis de bzhin gshegs pa yang dag par mya ngan las 'das so snyam sems te mya ngan byed do// de bzhin gshegs pa ni yang dag par na med par ma gyur te/ ji ltar nyi ma dang zla ba mi snang ba bzhin no// rigs kyi bu gzhan yang 'di lta ste/ dper na nyi ma shar na lto bur med par 'gyur ro// yongs su mya ngan las 'das pa chen po'i mdo sde'ang de dang 'dra ste/ 'jig rten du byung bas gal te sems can gyi rna khung du thos na/ mi dge ba thams cad dang / mtshams med pa'i kha na ma tho ba'i las thams cad sel bar 'gyur ro// yongs su mya ngan las 'das pa shin tu zab mo'i spyod yul 'di ni bsam gyis mi khyab ste/ de bzhin gshegs pa'i rang bzhin legs par gsungs pas/ de'i phyir na rigs kyi bu dang rigs kyi bu mo dag de bzhin gshegs pa la rtag pa dang / mi 'gyur mi 'pho ba dang / dam pa'i chos kyang rgyun mi 'chad pa dang / dge 'dun yang med par 'gyur ba'i sems mi skyed do// de bas na shin tu thabs mkhas pas mdo sde 'dzi la brtson 'grus su nan tan byas na/ skyes bu de ni ring por mi thogs par bla na med pa yang dag par rdzogs pa'i byang chub thob par 'gyur ro// de bas na mdo sde 'di ni tshad med pa'i yon tan lhun gyis grub zhes kyang bya/ byang chub zad mi shes pa shes pa zhes kyang bya ste/ zad mi gos pas na/ yongs su mya ngan las 'das pa chen po zhes gdags so// shin tu 'od dang ldan pas dbyar gyi nyi ma dang mtshungs so/ / tshogs mtha' yas pas yongs su mya ngan las 'das pa chen po zhes bya'o// rigs kyi bu 'di lta ste/ dper na nyi zla'i 'od ni 'od stsag thams cad kyi / mchog go// mya ngan las 'das pa chen po'i 'od kyang de dang 'dra ste/ mdo sde'i ting nge 'dzin gyi 'od thams cad pas mchog ste/ mdo sde'i ting nge 'dzin gyi 'od thams cad kyis nye ba ma yin no// de ci'i phyir zhe na/ yongs su mya ngan las 'das pa'i 'od 'di ni sems can dag gi ba spu'i khung bu kun tu 'jug ste/ sems can la byang chub kyi sems med kyang byang chub kyi rgyur 'gyur bar byed pas na/ yongs su mya ngan las 'das pa chen po zhes bya'o// // bam po dgu pa// / de nas byang chub sems dpa' 'od srungs kyis/ bcom ldan 'das la gsol pa/ bcom ldan 'das bcom ldan 'das kyis gsungs pa ltar mya ngan las 'das pa chen po'i 'od zer gyi reg na/ sems can thams cad kyi ba spu'i bu gar 'jug pas/ sems can dag la byang chub kyi sems ma mchis kyang byang chub kyi rgyur 'gyur ro zhes bgyi ba de mi rung ngo / / de ci'i slad du zhe na/ bcom ldan 'das phas pham pa bzhi byung ba dang / mtshams med pa lnga bgyis pa dang / log sred kyi las bgyis pa 'od zer gyis reg pas/ byang chub kyi rgyur 'gyur na lta de dag dang tshul khrims srung zhing dge ba'i tshogs la sogs pa la khyad par yang ci mchis/ gal te khyad par zhig ma mchis/ nan/ de bzhin gshegs pas gnas par bgyi ba'i chos rnam pa bzhi'i nga ci'i slad du gsungs/ bcom ldan 'das bcom ldan 'das kyis gsungs pa ltar/ sems can gang mya ngan las 'das pa chen po'i mdo sde rna khung du thos pas/ nyon mongs pa thams cad sel bar 'gyur na/ de bzhin gshegs pas ci'i slad du sngar 'di skad du gang zag dag sngon sangs rgyas klung gang+gA'i bye ma snyed la sems bskyed de mya ngan las 'das pa chen po thos kyang don shes par ma gyur to zhes gsungs/ gal te don mi 'tshal na nyon mongs pa thams cad ji ltar chod par 'gyur/ bcom ldan 'das kyis bka' stsal pa/ rigs kyi bu log sred can ma gtogs par sems can gzhan dag mdo sde 'di thos na/ thams cad kyi byang chub kyi rgyur 'gyur te/ chos kyi sgra'i 'od zer ba spu'i bu gar zhugs na/ gdon mi za bar bla na med pa yang dag par rdzogs pa'i byang chub thob par 'gyur ro/ / de ci'i phyir zhe na/ skyes bu gang zhig sangs rgyas tshad med pa snyed la bsnyen bkur dang / mchod pa dang / phyag byas na yongs su mya ngan las 'das pa chen po'i mdo sde thos te/ bsod nams chung ngu rnams kyis ni thos par 'gyur ba ma yin no// de'ang ji lta zhe na/ gang yon tan chen po dang ldan pa dag ni don chen po 'di thos par 'gyur gyis/ zhan pa chung nga rnams kyis thos par mi 'gyur ro// de la don chen po zhes bya ba ni sangs rgyas rnams kyi shin tu zab pa'i gsang ba'i snying po sangs rgyas kyi rang bzhin la bya ste/ de bas na don chen po zhes bya'o// byang chub sems dpa' 'od srungs kyis yang / bcom ldan 'das la gsol pa/ bcom ldan 'das ji ltar na byang chub tu sems ma skyed pa dag byang chub kyi rgyur 'gyur ba zhes bgyi/ bcom ldan 'das kyis/ 'od srungs la bka' stsal pa/ gang zhig yongs su mya ngan las 'das pa chen pos mdo sde thos nas/ 'di skad du bdag ni byang chub tu sems bskyed mi dgos so zhes dam pa'i chos la skur na/ mi de rmi lam na srin po'i gzugs mthong ste shin tu skrag par yang 'gyur la/ srin po de 'di skad du kye rigs kyi bu khyod dgal te byang chub tu sems ma bskyed na/ khyod kyi 'tsho ba'i srog gcod do zhes smras pas/ mi de sma ga bzhin du sad nas byang chub tu sems skyed par 'gyur ro// skyes bu de tshe 'phos nas/ gal te ngan song gsum du ltung ngam/ mi dang mtho ris kyi lhar skyes kyang byang chub kyi sems rgyun mi 'chad de dran pas na/ gang zag de ni byang chub sems dpa' sems dpa' chen po yin par rig par bya'o// don de lta bas na mya ngan las 'das pa chen po'i byin dang shugs kyis/ byang chub tu sems ma skyed pa'i byang chub kyi rgyur 'gyur ba zhes bya'o// rigs kyi bu de ni byang chub sems dpa'i sems bskyed pa'i rgyu dang rkyen zhes bya ste/ rgyu dang rkyen med pa ni ma yin no// de bas na theg pa chen po'i mdo sde dam pa 'di ni yang dag par sangs rgyas kyis gsungs pa'o// rigs kyi bu gzhan yang 'di lnga ste/ dper na steng gi nam mkha' la char sprin gis khebs te char pa chen po 'bab na/ shing skam mam/ zag gam/ ri mthon po chu mi phyin pa'i gnas thams cad du'ang 'bab ste/ gshong bu dang sa dma' ba kun tu chus yongs su gang la/ sems can tshad med pa thams cad la phan pa'i don du 'gyur ro// mya ngan las 'das pa chen po'i mdo sde'ang de dang 'dra ste/ chos chen po'i char sems can kun la phag kyang log sred can 'ba' zhig ni byang chub kyi sems bskyed pa'i gnas med do/ / rigs kyi bu dper na sa bon chog pa dag bskal ba brgya stong gi bar du char gyis yongs su brlan kyang myu gu mi skye ste/ myu gu skye ba'i gnas med do/ / log sred can yang de dang 'dra ste/ yongs su mya ngan las 'das pa chen po'i mdo sde dam pa thos su zin kyang / byang chub kyi sems kyi myu gu mi skye ste/ skye ba'i gnas med do// ci'i phyir zhe na/ gang zag de ni dge ba'i rtsa ba thams cad med par bya ste/ sa bon tshig pa dang 'dra bar gyur pas/ byang chub kyi rtsa ba dang myu gu mi skye'o// rigs kyi bu gzhan yang 'di lta ste/ dper na nor bu rin po che chu 'dong lta bu chu rnyog pa can gyi nang du bcug na nor bu'i mthus chu dang bar 'gyur gyi/ 'jim pa'i nang du bcug na dang bar mi 'gyur ro// mya ngan las 'das pa chen po mdo sde dam pa'ang de dang 'ja ste/ sems can mtsham med pa lnga byas pa dang / phas pham pa bzhi byung ba'i chu rnyog ma can lta bu'i nang du bcug na dag par 'gyur zhing / byang chub tu sems skye'ang srid kyi log sred can 'jim rdza ba lta bu'i nang du ni lo brgya stong gi bar du gzhag kyang dag par 'gyur zhe 'am/ byang chub kyi sems skye mi srid do// de ci'i phyir zhe na/ log sred can ni dge ba'i rtsa ba kun med par byas pas snod du ma gyur to/ / gal te gang zag des lo brgya stong gi bar du mya ngan las 'das pa chen po'i mdo sde 'di nyan tam/ 'dzin kyang byang chub tu sems skyed mi nus so// de ci'i phyir zhe na/ dge ba'i sems med pa'i phyir ro/ / rigs kyi bu zhan yang 'di lta ste/ dper na sman gyi sdong po'i nang na/ sman gyi rgyal po zhes bya ba ni sman gyi nang na mchog dang phul du gyur pas/ dar ba dang sbyar tam/ sbrang rtsi dang sbyar tam/ mar dang sbyar tam/ chu dang bsres sam/ 'o ma dang bsres sam/ phye mar btags sam/ ril bur byas sam/ med gur bskus sam/ dris 'dug sa ma/ mig tu bslus sam/ mthong ngam/ bsnams pa tsam gyis kyang sems can gyi nad thams cad zhi bar byed de/ 'on kyang sman gyi sdong po de 'di snyam du/ sems can dag bdag gi rtsa ba blangs na lom brda ba'i mi rigs snyam mam/ lo ma brngas na rtsa ba blang ba'i mi rigs snyam mam/ sdong po blangs na pags pa ba shu ba'i mi rigs snyam mam/ pags pa bshus na sdong bu brda ba'i mi rigs snyam mi sems te/ de ltar mi sems mod kyi/ 'od kyang sems can gyi nad kyi sdug bsngal thams cad sel nus so// rigs kyi bu mya ngan las 'das pa chen po'i mdo sde dam pa 'di'ang de dang 'ja ste/ sems can thams cad kyi phas pham pa bzhi dang / mtshams med pa lnga dang / phyi rol dang nang gi mi dge ba'i las thams cad med par byed de/ gang byang chub tu sems ma bskyed pa dag kyang 'di'i dbang gis byang chub tu sems skyed par 'gyur ro/ / de ci'i phyir zhe na/ mdo sde 'di'ang mdo sde thams cad thams cad kyi nang na rgyal po lta bu ste/ ji ltar sman gyi nang na sman gyi rgyal po lta bu'o// gang zhig mya ngan las 'das pa chen po 'di la nan tan byed dam nan tan mi byed kyang rung / mdo sde 'di'i mtshan yod pa thos te/ thos ma thag tu dad cing yod ches na nyon mongs pa'i nad thams cad med par byed kyang log sred can dag tha na med pa yang dag par rdzogs pa'i byang chub la bde bar dgod mi nus so/ / ji ltar sman gyi rgyal po de nad thams cad 'tsho bar byed mod kyi/ nges par 'chi ba'i dus la bab pa ni ma yin no// rigs kyi bu gzhan yang 'di lta ste/ dper na lag pa la rma yod pa dag gis dug gzung na dug khong du 'gro'i/ rma med pas ni gzung yang khong du mi 'gro'o// log sred can yang de dang 'dra ste/ byang chub kyi rgyu med pas rma med pas dug bzung ba dang mtshungs te khong du mi 'gro'o/ / rma zhes bya ba ni bla na med pa'i byang chub kyi rgyu'o// dug ces bya ba ni don dam pa'i sman lta bu'o// rma med pa ni log sred can lta bu'o/ / rigs kyi bu gzhan yang 'di lta ste/ dper na rdo rje ni cis kyang mi chogs te/ thams cad phigs shing gcog nus kyang rus sbal gyi khog pa dang ra rus tshogs so// mya ngan las 'das pa chen po'i mdo sde 'di'ang de dang 'dra ste/ tshad med pa'i sems can byang chub kyi lam la bde bar btsud kyang / log sred can dag ni byang chub kyi rgyu bskyed mi nus so// rigs kyi bu gzhan yang 'di lta ste/ rtswa dan hu la ka dang / shing sba li shi dang / la ki la lta bu sdong bu dang / yal ga gcad kyang de ma thag tu phyir skye ste/ shing ta la ltar gcad nas phyir mi skye ba ni mi yin no// sems can de dag kyang de dang 'dra ste/ gal te mya ngan las 'das pa chen po'i mdo sde thos na phas pham pa bzhi byung ngam/ mtshams med pa'i las byas kyang byang chub kyi rgyu phyir skye'ang srid kyi/ log sred can ni de lta ma yin te/ mdo sde dam pa 'di thos sam mnyan kyang byang chub kyi rgyu skye mi srid do// rigs kyi bu gzhan yang 'di lta sde/ dper na shing kha ta la dang / tsan to ka lta bu bcad na/ sa bon tshig pa dang 'dra ste phyir mi skye'o/ / logs sred can dag kyang de dang 'dra ste/ mya ngan las 'das pa chen po'i mdo sde thos kyang / byang chub kyi rgyu mi skye ba ni sa bon tshig pa dang 'dra'o// rigs kyi bu gzhan yang 'di lta ste/ dper na char chen po bab na nam mkha' stong pa la mi chags so// mya ngan las 'das pa chen po'i mdo sde'ang de dang 'dra ste/ chos kyi char kun tu phab kyang log sred can mi chags so/ / log sred can gyi lus la rdo rje brtan pa ltar kun tu khyab pas cis kyang mi tshugs so// byang chub sems dpa' 'od srungs kyis/ bcom ldan 'das la gsol pa/ bcom ldan 'das kyis tshigs su bcad pa las kyang bka' stsal pa/ dge ba ma mthong dge mi byed/ sdig pa mthong bas sdig pa byed// de la 'jigs shing 'byol ba ni// ji ltar lam ngan g.yangs sa bzhin/ zhes bcom ldan 'das kyis de skad ces gsungs pa'i don ji lta bu lags/ bcom ldan 'das kyis bka' stsal pa/ rigs kyi bu ma mthong ba zhes bya ba ni sangs rgyas kyi rang bzhin ma mthong ba'o// dge ba zhes bya ba ni bla na med pa yang dag par rdzogs pa'i byang chub bo/ / mi byed ces bya ba ni dge ba'i bshes gnyen la bsnyen bkur mi byed pa'o// mthong zhes bya ba ni rgyu dang 'bras bu med par mthong ba'o// sdig pab zhes bya ba ni shin tu rgyas pa theg pa chen po'i mdo sde la bskur ba'o/ / byed ces bya ba ni log sred can shin tu rgyas pa med par smra ba ste/ de bas na log sred can dag ni yongs su dag pa'i dge ba'i chos la 'jug cing 'bad pa'i sems med do/ / chos gang la dge ba zhes bya zhe na/ de ni mya ngan las 'das pa'o// mya ngan las 'das pa la 'jug cing 'bad pa ni 'phags pas spyod pa la nan tan du byed pa'o// log sred can dag ni 'phags pa'i spyod pa mi spyod pas/ mya ngan lnga 'dra ba la 'jug cing 'bab mi nus so// de la skrag par bya'o zhes bya ba ni dam pa'i chos la skur ba ste/ gang gis skrag par bya zhe na/ mkhas pa shes rab can dag gis so// de ci'i phyir zhe na/ chos la skur bas dge ba'i sems med de/ sbyor ba'i thabs med pa'i phyir ro// lam g.yangs sa zhes bya ba ni 'du byed rnams so/ / 'od srungs kyis yang gsol pa/ bcom ldan 'das kyis gsungs pa las// bya ba mthong ba gang dag lags/ dge ba'i chos su gang dag 'gyur// mi 'jigs pa yi gnas ni gang / rgyal pos bde ba'i lam bgrod bzhin// zhes bgyi ba'i don ji lta bu lags/ bcom ldan 'das kyis bka' stsal pa/ rigs kyi bu bya ba mthong ba zhes bya ba ni sdig pa mthol ba la bya ste/ 'khor ba'i mtha' nas sdig pa mi dge ba'i chos ci byas pa kun bshags te phyin pa med pa'i gnas su phyin pa'o// de bas na gnas de ni mi 'jigs pa ste/ dper na rgyal po lam du zhugs te song na/ lam ka nas mi rgod la sogs pa 'byol zhing 'bros so// de bzhin du sdig pa mi dge ba'i chos kyang mthol zhing bshags na thams cad 'brang bar 'gyur ro// gzhan yang byed pa mi mthong ba ni log sred can dag sdig pa mi dge ba'i las byas kyang mi mthong ba'o// log sred can dag ni nga rgyal gyi dregs pas sdig pa mi dge ba'i chos mang du byas kyang thog ma nas mi skrag mi 'jigs pa'o/ / de bas na mya ngan las 'das pa mi thob pa ni/ dper na spre'u dag chu'i nang gi zla ba 'dzin pa dang mtshungs so// rigs kyi bu gal te tshad med pa'i sems can thams cad cig car dus cig tu bla na med pa yang dag par rdzogs pa'i byang chub tu mngon par sangs rgyas kyang / de bzhin gshegs pa de dag gis kyang log sred can dag byang chub thob par mi rigs te/ de bas na bya ba mi mthong ba zhes bya'o// gzhan yang sus byas pa mi mthong zhe na/ de bzhin gshegs pas mdzad pa mi mthong ngo // de bzhin gshegs pas so so'i skye bo la sangs rgyas kyi rang bzhin bstan cing bshad kyang / log sred can dag ni 'khor ba na yongs su 'khor bas/ shes par ram mthong bar mi 'gyur ro// de bas na de bzhin gshegs pas mdzad pa mi mthong ba zhes bya'o/ / gzhan yang log sred can dag ni mtha' de bzhin gshegs pa mya ngan las 'das te/ yang dag par mi rtag par 'dzin pa ni ji ltar mar mi dang mar dang bcas par zad pa lta bur mthong ba'o/ / de ci'i phyir zhe na/ gang zag de sdig pa mi dge ba'i las mi 'chi ba'i phyir ro// byang chub sems dpa' gang zhig dge ba byas pa'i las bla na med pa yang dag par rdzogs pa'i byang chub tu bsngos pa na/ log srad can dag ni de la 'bya zhing ma dang mod kyi/ 'on kyang byang chub sems dpa' rnams ni de dag kyang tha na med pa'i byang chub thob par yongs su sngo bar byed do// de ci'i phyir zhe na/ sangs rgyas rnams kyi chos nyid de 'aza ba'i phyir ro// 'o ma las ni zhor 'gyur bzhin// sdig pa 'phral du smin mi 'gyur// me mdag thal bas gsogs pa la/ / glen pa brnyas pas rdzi bar 'gyur// log sred can dag ni mig med pa zhes bya ste/ de bas na dgra bcom pa'i las mi mthong ngo // dgra bcom pa ni 'khor ba'i lam ngan pa g.yangs sar mi 'gro'o/ / mig med pa dag ni shin tu rgyas pa la skur bas dgra bcom pa ltar byams pa'i sems la nan tan mi byed do// log sred can dag shin tu rgyas pa la nan tan mi byed pa'ang de dang 'dra'o/ / skyes bu gang zhig 'di skad du bdag ni nyan thos pa'i mdo sde la ma dad kyi/ theg pa chen po la dad de 'don pa dang / klog pa dang / ston cing 'chad pa'ang byed do// de bas na bdag ni byang chub sems dpa' ste/ sems can thams cad la'ang sangs rgyas kyi rang bzhin yod pas/ sems can gyi lus kyi nang na stobs bcu dang / mtshan sum cu rtsa gnyis dang // dpe byad bzang po brgyad cu'ang yod do// bdag smra ba dang / sangs rgyas kyis gsungs pa tha mi dad do// bdag dang khyed bcas su tshad med pa'i nyon mongs pa 'joms par 'gyur ba ni jiltar chu snod chag pa bzhin du nyon mongs pa kun bcom pas/ zan med pa yang dag par rdzogs pa'i byang chub mthong bar 'gyur ro// zhes skyes bu des de skad du ston cing 'chad med kyi/ sems can la yang dge bar sangs rgyas kyi rang bzhin yod par yid ches pa ma yin te/ phan pa dang bde ba'i phyir yi ge las blang ba bzhin ston te/ de ltar ston pa de ni sdin pa can zhes bya ste/ sdig pa can/ de ming ltar 'o ma khas nor 'gyur ba bzhin du 'azas bu myur du mi 'grub bo// dper na rgyal po'i pho nya shin tu spra mkhas la thabs dang ldan pa zhig yul gzhan du bka' stsal to gtang na/ lus dang lkog sa byab kyang rgyal po'i bka' mo 'cha ba'o/ / mkhas pa shes rab can yang de dang nga ste/ byis pa ma rab kyi nang du lus dang srog la mi lta bar/ ga pa chen po shin tu rgyas pa de bzhin gshes pa'i snying po sems can thams cad la sangs rgyas kyi rang bzhin yod par sgrogs shing ston to/ / rigs kyi bu log sred can 'ga' zhig dgra bcom pa ltar 'chos te/ bas mthar gnas nas shin tu rgyas pa theg pa chen po'i mdo sde la 'phya zhing skur na/ byis pa ma rabs dag de la yang dag par dgra bcom pa 'am/ byang chub sems dpa' sems dpa' chen po yin par 'dzin to// log sred can dge slong sdig pa bas mthar gnas pa'i chos ma rungs par byed do/ / pha rol pos rnyed pa dang bkur sti thob pa la phrag dog gi sems skyed nas 'di skad du/ shin tu rgyas pa theg pa chen po'i mdo sde 'ang 'dud sdig to can gyis bstan pa yin te/ de bzhin gshegs pa'ang mi rtag pa'o zhes smras te/ dam pa'i chos 'jig cing dge 'dun ma rungs par byed do// gzhan yang 'di skad du bdud sdig to can gyis smras ban dag pa'i rdzas su smras pas yin/ / nam na pa mngon can chos dka ces sa/ dardzog pa/ byas kyang romal san gyur 'anas la cu tshan pa na pas/ med ma dag thal bas bkang pa la brnyas pa bzhin du steng du rdzi'o// gang zag don log skyed can zhes bya'o// de bas na theg pa chen po shin tu rgyas pa'i mad lda dam pa na ngas par yongs su/ ro na po mtshunagam can gyi nang du bcugan chu dang bar 'gyur bltar/ theg pa chen po'i mdo rje 'di nga de dang 'ja'o// rigs kyi su gzhan yang 'di ste ste/ dper nam rgyag parjod pan nyi ma'i dzi sa / sa 'a / sa mya rnam la 'das pa'i 'od 'phru bu bur nags na rgyadam par 'gyur ro zhes ngas gsungs so/ / mig med can na sangs rgyas kyi rang mazhin mong skyeb larnamatha zer gyim / byang k+Sh+ma/ nga chu / ma gyu / / sa ma rkyen ma / mgyi mi gas / mya ngan las 'das pa chen po'i mdo sde dam pa 'di la nan tan byed pa'ang de dang 'dra ste/ nyon mongs pa dang bcas mod kyi/ nyon mongs pas mi gos so// de ci'i phyir zhe na/ de bzhin gshegs pa'i rang bzhin gyi mtshan nyid shes pa'i phyir ro/ / rigs kyi bu dper na yul la lan shin tu bsil ba'i rlung dang ldan na/ sems can gang tsha bas bdungs pa'i lus kyi ba spu'i khung la reg na tsha bas gdungs pa med par 'gyur ro/ / theg pa chen pos mdo sde mya ngan las 'das pa chen po 'di'ang de dang 'dra'o// sems can thams cad kyi ba spu'i bu gang 'jugs cing byang chub kyi rgyur 'gyur bar byed de/ log sred can 'ba' zhig ni ma gtogs so// de ci'i phyir zhe na/ chos kyi snod ma yin pa'i phyir ro// rigs kyi bu gzhan yang 'di lta ste/ dper na sman pa mkhas pa rig pa rnam pa brgyad la mkhas pa dag nad thams cad zhi bar byed nus mod kyi/ nges par shi ba'i dus la bab pa la ni ma yin no// mdo sde'i ting nge 'dzin thams cad kyang de dang 'dra ste/ sems can thams cad kyi 'dod chags dang / zhe sdang dang / gti mug gi kun nas nyon mongs pa'i nges pa'i nad gso zhing / kun nas nyon mongs pa'i zug rngu 'byin nus mod kyi/ phas pham pa bzhi nyams pa dang / mtshams med pa lnga byas pa la ni ma yin no/ / rigs kyi bu gzhan yang 'di lta ste/ sman pa mkhas pa rig pa brgyad las kyang 'das pa dag sems can gyi nad kyi sdug bsngal thams cad sel nus mod kyi/ gdon mi za bar shi ba'i dus la bab pa la ni ma yin no/ / mya ngan las 'das pa chen po theg pa chen po'i mdo sde 'di'ang de dang 'dra ste/ sems can gyi nyon mongs pa thams cad spong bar byed/ cing / de bzhin gshegs pa'i yongs su dag pa'i rgyur 'gyur ba la bde bar 'jog pa dang / sems ma bskyed pa dag sems skyed par ni byed mod kyi/ nges par 'chi ba log sred can la ni ma yin no// rigs kyi bu gzhan yang 'di lta ste/ sman pa mkhas pas ni mig nad las long bar gyur ba dag la ni/ nyi ma dang / zla ba dang / me dang / skar ma dang / gzugs rnam pa thams cad mthong bar byed nus kyi/ thog ma nas dmus long du gyur pa la ni ma yin no// theg pa chen po'i mdo sde mya ngan las 'das pa chen po 'di'ang de dang 'dra ste/ nyan thos dang rang sangs rgyas kyi theg pa can yang / shes rab kyi mig thob cing tshad med mtha' yas pa'i theg pa chen po'i mdo la dgod pa dang / sems ma bskyed pa dang / phas pham pa bzhi nyams pa dang / mtshams med pa lnga byas pa dag kyang byang chub tu sems skyed par byed ni nus kyi/ thog ma nas dmus long du gyur pa log sred can dag la ni ma yin no// rigs kyi bu gzhan yang 'di lta ste/ dper na sman pa shin tu mkhas pa rigs ba rnam pa brgyad dang ldan pa ni/ sems can gyi nad thams cad gso ba'i phyir sman rnam pa mang po sbyor te/ sprug pa dang / 'khru ba dang / bslu ba dang / 'dug pa dang / sngar thugs pa dang phye ma dang / ril bu la sogs pa sbyor ro// gal te mi dbul po sman mi 'dod pa zhig na'ang sman pa'i de la snying brtse ba'i phyir/ khyim du khrid nas nan gyis sman blud de nad 'tsho bar byed do// gal te bud med bu btsas pa zhig sha ma ma phyin na'ang de la sman gtong ste/ sha ma'ang byung la bu'ang bde bar btsas par byed do// theg pa chen po'i mdo sde mya ngan las 'das pa chen po 'dirang de dang 'dra ste/ gnas gang na yod pa de dang de dag tu/ sems can gyi nyon mongs pa tshad med pa snyed zhi bar byed de/ phas pham pa bzhi nyams pa dang / mtshams med pa lnga byas pa dang sems ma bskyed pa'ang sems skyed par 'gyur na log sred can ni ma gtogs so/ / byang chub sems dpa' 'od srungs kyi/ bcom ldan 'das la gsol pa/ bcom ldan 'das pas pham pa bzhi nyams pa dang / mtshams ma mchis pa lnga bgyis pa dag ni ji ltar shing ta la'i mgo gcad na phyir mi skye ba dang 'dra ste/ de dag byang chub tu sems ma bskyed par ci'i slad du byang chub kyi rgyur 'gyur/ bcom ldan 'das kyis bka' stsal pa/ rigs kyi bu sems can de dag gal te rmi lam na sems can dmyal bar lhung ste/ sdug bsngal mang po myong bar rmis na 'gyod pa'i sems skyes te/ kyi chung bdag ci'i phyir 'di 'dra ba'i sdig pa myong bar 'gyur/ bdag ci ste sdig pa 'di las thar na gdon mi za bar byang chub tu sems skyed par bya'o// da ltar myong ba 'di ni rab tu'ang sdug bsngal ba'o// snyam bsam nas/ de nas sad de dam pa'i chos la 'azas bu chen po dang ldan par shes so// ji ltar bu chung ngu bags kyis cher skyes kyi bar du rtag tu 'di snyam du sems te/ sman pa de ni sman la shin tu mkhas so// bdag mngal na 'dug pa las bdag gi ma la sman gtang bas sman gyi mthus bde bar gyur te/ bdag kyang 'tsho bar gyur to// ngo mtshar che'o// bdag gi mas zla ba bcu'i bar du sdug bsngal chen po mong ste/ bdag btsas nas kyang gsher ba mi bde ba dang ni zal/ skam pa bde ba dang phrad de/ mi gtsang ba bshang gci che chung yang phyags nas nu zho bsnun te/ bdag gi lus 'di gsos nas rim ze cher byas so/ / de bas nas bdag kyang drin la lan than pa'i phyir rim gro cher byas te/ yid dang ma'i gal bar mchod par bya'o snyam sems so// phas pham pa bzhi nyam pa dang / mtshams med pa'i sdig byas pa'ang mthar dus byas pa na/ theg pa chen po'i mdo sde mya ngan las 'das pa chen po 'di dran par byas na sems can dmyal ba 'am/ byol song gi ske gnas sam/ yi dgas sam/ lha ram/ mir skyes kyang mdo sde 'dis mi de'i byang chub kyi rgyur 'gyur bar byed do// log sred can ni ma gtogs so// rigs kyi bu gzhan yang 'di lta ste/ dper nasman pa mkhas pa 'am/ sman pa mkhas pa'i bu sman gzhan las 'phags par mkhas pa dug gi sman la'ang shin tu mkhas shing / rigs sngags la'ang mkhas na/ sbrul gdug pa 'am klu 'am/ gdug pa gzhan dag kyang rig sngags dang sman gyi mthus gdug pa med par byed do// gal te lham la sman bskus te/ sbrul gdug pa la sogs pa la reg na gdug pa zhi bar 'gyur yang / gdug pa/ klu chen po zhes bya ba ni ma yin no// theg pa chen po'i mdo sde mya ngan las 'das pa chen po 'di'ang de dang 'dra ste/ sems can la phas pham pa bzhi nyams sam/ mtshams med pa lnga byas kyang de dag gi kha na ma tho ba'i sdig pa byang zhing byang chub la dgod par byed do/ / lham la sman gyis bskus na'ang du ga zhi bar byed pa ltar/ sems ma bskyed pa dag kyang sems skyed cing byang chub la bde bar dgod par byed do/ / theg pa chen po mya ngan las 'das pa chen po'i mdo sde sman lta bu 'di'i mthus sems can thams cad bde bar byed kyang / klu chen po lta bu log sred can dag ni ma gtogs so// rigs kyi bu gzhan yang 'di lta ste/ dper na mi zhig gis dug rnam pa sbyar nas rnga chen po la bskus te/ mi mang po'i nang du brdungs na sma de thos par mi 'dod mod kyi/ thos pa thams cad ci'ang glo bur du 'chi bar mi 'gyur ba 'ba' zhig ni ma gtogs so/ / theg pa chen po'i mdo sde mya ngan las 'das pa 'di'ang de dang 'dra ste/ gang dang gang na 'du byed mang po'i nang du sgra thos par gyur na/ 'dod chags dang / zhe sdang dang / gti mug gi nyon mongs pa kun 'byung bar 'gyur te/ de la sems shing yid la bya ba'i bsam pa med kyang / mya ngan las 'das pa chen po'i mthus nyon mongs pa kun zhi bar 'gyur ro/ / phas pham pa bzhi nyams pa dang / mtshams med pa lnga byas pa dag kyang mdo sde 'di thos na bla na med pa'i byang chub kyi rgyur 'gyur te/ nyon mong pa khad kyis 'byung bar 'gyur na/ glo bur du mi 'chi ba log sred can ni me togs so// rigs kyi bu gzhan yang 'di lta ste/ dper na mun sros na las bya ba thams cad gtong ste/ 'phro lus kyang sang gyi bar du sdod do/ / theg pa chen po slob pa'ang de dang 'dra ste/ mdo sde'i ting nge 'dzin thams cad la nan tan byas kyang / mya ngan las 'das pa chen po nyi ma lta bu 'di las de bzhin gshegs pas dgongs te gsungs pa 'di thos nas/ gdod byang chub kyi las byed de dam pa'i chos la bde bar gnas so// dper na char pa ni sa bon thams cad skye ba dang / 'bras bu thams cad smin pa dang mu ge la sogs pa sel cing longs spyod dang ldan par byed do/ / de bzhin gshegs pa'i snying po chos kyi char tshad med pa 'di'ang de dang 'dra ste/ gdung ba'i nad rnam pa brgyad sel ba dang / mdo sde 'di// 'jig rten du byung bas 'bras bu thams cad smin par byed pa dang / thams cad la phan pa dang bde bar 'gyur pa dang / sa so skye bo dag sangs rgyas kyi rang bzhin mthong ba ji ltar/ pun da ri ka 'ar las nyan thos brgyad stong rnams la lung bstan te 'bras bu chen po thob pa bzhin no/ / ji ltar ston gyi dus su las byas nas dgun sbed pa ltar/ las gzhan mi byed pa log sred can yang de dang 'dra ste pa'i chos la rtsol ba med do/ / rigs kyi bu gzhan yang 'di lha ste/ dper na sman pa mkhas pa zhig pha rol po'i ngu zhig 'dzes pa rnams shes thos na sman pa'ang po sbyar te/ mi nag de'i steng du mngags nas/ 'di skad ces khyod sman 'di thogs la de'i gan du stsol cig/ ci ste mngags pa'i mi de nyid lam du yi dgas dang phrad na'ang / sman de'i stobs kyis 'byol zhing 'azos par 'gyur ro// khyod ci ste thogs na'ang kho bo nyid don du 'gro ste/ nang pa de glo bur gyi 'chi bar mi bya'o// ci ste nad pa des mngags pa'i mi de'am/ kho bo nyid dang phrad na sman gyi stobs kyis nad kyi sdug bsngal dang bral te bde bar 'gyur ro/ / theg pa chen po'i mdo sde mya ngan las 'das pa chen po 'di'ang de dang 'ja ste/ dge slong ngam/ dge slong ma 'am/ dge bsnyen nam/ dge bsnyen ma 'am/ mu stegs can la sogs pa gang su'ang rung ste/ mdo sde 'di 'chang ngam/ 'dzin tam/ klog gam/ 'don tam/ khong du chud par byed dam/ gzhan la rgyas par ston cing 'chad dam/ bdag gis glegs bam du this sam/ gzhan 'drir bcug na de dag thams cad kyi byang chub kyi rgyur 'gyur ro// gal te phas pham pa bzhi nyams sam/ mtshams med pa lnga'i sdig pa byas sam/ yi dgas kyis brlams sam/ gdug pas gnod par gyur pa dag mdo sde 'di thos na/ sdig pa thams cad byang bar gyur te/ ji ltar sman pa mkhas pa de mthong na yi dgas la sogs pa 'byol zhing 'bros pa bzhin no/ / de bas na de ni byang chub sems dpa' sems dpa' chen po yang dag pa zhes bya'o// de ci'i phyir zhe na/ mya ngan las 'das pa chen po thos pa tsam dang bzhin gshegs pa rtag ko bar bsams pa'i phyir ro/ / zos pa tsam gyis kyang de lta bur gyur na/ glegs bam du 'dri 'am/ 'chang ngam/ 'dzin tam/ klog gam/ 'don pa lta smos kyang ci dgos te/ log sred can ma gtogs par thams cad byang chub sems dpa' sems dpa' chen po yin par rig par bya'o// rigs kyi bu gzhan yang 'di lta ste/ dper na 'on pa ni sgra ska ci rang mi thos so/ / log sred can yang de dang 'dra ste/ mdo sde dam pa 'di nyan par rtsol yang mi thos so// de ci'i phyir zhe na/ thos pa'i rgyu med pa'i phyir ro// rigs kyi bu gzhan yang 'di lta ste/ dper na sman pa mkhas pa dpyad thams cad rab tu rtogs pa/ rig sngags tshad med pa'ang shes pa zhig gis/ rgyal po la 'di skad ces smras so// rgyal po chen po rgyal po la ni nges par 'chi bar 'gyur pa'i nad yod do/ / rgyal pos smras pa/ khyod kho bo'i khong par ni ma phyin na/ kho bo la nges par 'chi bar 'gyur ba'i nad yod par ji ltar shes/ sman pas smras pa/ de ltar yid mi ches na bkru sman thong zhig dang / nad phyir 'byung ste mthong bar 'gyur ro// zhes smras kyang sman 'thung ngu ma btub bo// de nas sman pa des rig sngags kyi mthus/ rgyal po de'i rku ba la shu bskyes nas/ rkub nas srin bu dang khrag byung bar byas so// rgyal po de de ltar gyur pa mthong nas shin tu skrag ste/ sman pa de la legs so legs so zhes bstod nas/ sngar khyod kyi tshig ma mnyan da yang khyod kyis bdag gi lus la shin tu phan pa chen po byas so zhes smras nas/ sman pa de la pha ma lta bur bkur sti byed do// theg pa chen po'i mdo sde mya ngan las 'das pa chen po'ang de dang 'dra ste/ sems can gang 'dod pa dang bcas pa'am/ 'dod pa med kyang rung ste/ de dag gi nyon mongs pa thams cad zhi bar byed do// sems can gang rmi lam na mdo sde 'di rmis pas mchod pa dang bkur sti byed pa ni/ ji ltar rgyal po chen pos sman pa mkhas pa la bkur sti byed pa bzhin no// ji ltar sman pa mkhas pas nges par 'chi bar 'gyur ba mi gso ba bzhin du/ mya ngan las 'das pa chen po'i mdo sde 'di'ang de dang 'ja ste/ log sred can la gso bar mi 'gyur ro// rigs kyi bu gzhan yang 'di lnga ste/ dper na sman pa mkhas pa rig pa'i gnas brgyad la mkhas pa dag nang thams cad gso nus kyang nges par 'chi bar 'gyur pa'i nad gso nus pa ni ma yin no/ / sangs rgyas dang byang chub sems dpa' rnams kyang de dang 'dra ste/ sems can gyi srid pa kha na ma tho ba thams cad gso nus kyang nges par 'chi bar 'gyur pa lnga bu log sred can dag gso nus pa ni ma yin no/ / rigs kyi bu gzhan yang 'di lta ste/ dper na sman pa mkhas pa rig pa'i gnas brgyad la mkhas pa/ sman dpyad kun dang rig pa'i gnas brgyad kyi pha rol tu phyin te/ thams cad rdzogs nas sngar thul chu'i nang nas 'byung ba dang / skams las 'byung ba dang / ri las 'byung ba'i rlan thams cad ston to// de dag shes nas bkas kyis rig pa'i gnas brgyad kyang ston to// de nas de ma yin pa dpyad gsang ba'i mchog kyang ston to// de bzhin gshegs pa yang dag par rdzogs pa'i sangs rgyas kyang de dang ra dza ste/ sngar sras dang 'dra ba'i dge slong rnams la nyon mongs pa thams cad bsal ba'i thabs bstan te/ lus btsal bar bya ba'i snying po med pa'i 'du shes la nan tan byed du bcug pa de ni chu dang / skams dang / ri zag lta bu bstan pa'o// chu zhes bya ba ni lus sdug bsngal myong ba/ chu'i chu bur dang 'dra'o zhes bstan pa'o// skams zhes bya ba ni lus 'di snying po med de/ chu shing dang 'dra'o zhes bstan pa'o// ri zag zhes bya ba ni nyon mongs pa'i nang na bdag med pa'i 'du shes bsgom pa bstan pa ste/ de bas na lus la bdag med pa zhes bya'o/ / de bzhin gshegs pas de ltar nye gnas rnams la bags kyis mdo sde dgu pa bstan te/ rtogs par byas nas de'i 'og tu de bzhin gshegs pa'i snying po bstan te/ sras lta bu'i phyir de bzhin gshegs pa rtag go zhes pa bshad do// de bzhin gshegs pas de ltar theg pa chen po'i mdo sde mya ngan las 'das pa bstan pa ni sems can gang sems skyed dam sems ma bskyed pa thams cad kyi byang chub kyi rgyur 'gyur te/ log sred can 'ba' zhig ni ma gtogs so// rigs kyi bu theg pa chen po'i mdo sde mya ngan las 'das pa chen po 'di ni tshad med mtha' yas pa ste bsam gyis mi khyab pa'o/ / de bas na 'di ni sman mkhas pa'i mchog phul du gyur pa/ gtso bor gyur pa/ mdo sde kun gyi rgyal po lta bu'o// rigs kyi bu gzhan yang 'di lta ste/ dper na gru chen po ni rgya mtsho'i tshu rol nas rgya mtshos pha rol tu sgrol la/ rgya mtsho'i pha rol nas tshu rol tu'ang sgrol lo// de bzhin gshegs pa yang dag par rdzogs pa'i sangs rgyas kyang de dang 'cha ste/ mya ngan las 'das pa chen po rin po che chen po'i zur zhugs na sems can yongs su sgrol te/ gang nas gang du 'gro bar 'gyur ba yod na/ de dang de dag tu sgrol zhing de bzhin gshegs pa'i sku mthong bar mdzad do/ / de bas na de bzhin gshegs pa ni gru sgrol ba'i mkhan po lta bu'o// dper na gru gzings kyang mnyam pa yod na 'gro ba dag rgya mtsho las rgal bar 'gyur te/ de bzhin gshegs pa rtag tu sems can mang po sgrol ba'i don mdzad pa'ang de dang 'dra'o// rigs kyi bu gzhan yang 'di lta ste/ dper na rgya mtsho chen po la rgal ba'i glur zhugs pa dag/ gal te rlung dang ldan na ni skad cig thang cig gis dpag tshad tshad med pa'i pha rol tu phyin par 'gyur ro// gal te rlung dang ma ldan na lo tshad med pa'i bar du bsdad kyang gnas nas mi 'jam so/ gal te mu zhig na chur nub ste 'chi bar yang 'gyur ro// gal te sems can dag gti mug gi 'khor ba'i rgya mtsho chen por 'du byed kyi grul zhugs pa'ang de dang 'ja gal te mya ngan las 'das pa chen po'i rlung drag po dang zad na myur du bla na med pa'i byang chub tu phyin par 'gyur gyi/ gal te ma phrad na bskal pa tshad med pa'i bar du 'khor bar yongs su 'khor te/ gas te na sems can dmyal ba dang / yi dkas dang / byim song gi skye gnas su lhung bar 'gyur ro// rigs kyi bu gzhan yang 'di lta ste/ dper na rgya mtsho chen po'i glur zhugs te un ring pad+mas chu nga dum sa sa/ / du gang bar 'tsha ba gyur rog sa ste/ de sems pad+mo ci N+Di rlung drug po dang zang nas song na duH pha rol tu phyin de/ de 'di me sa chung gis shin tu tshim par gyur to// bdag cag kyang 'de bar rgya mtsho'i 'gegs las thar par gyur to zhes zer ro// sems can yun ring po ro gti mug sa mkhor ba'i rgya mtshor 'khor te/ sdug bsngal gyis gzi rab mya ngan las 'das pa chen po'i chung dang ma phrad pa na/ de 'di snyam du sems so// bdag cag ni gdon mo ma par sems can dmyal dang mngags dang / byol song gi skye gnas su ltung bar 'gyur ro snyam du sems so// de ltar sems pan co ste mya ngan las 'das pa chen po'i rlung dang zad nas yid bzhin du tha na ma pa yang dag par rdzogs pa'i byang chub la gzhag na/ gdod yang dag par yin par rtogs te ngo mtshar rmad kyi 'du shes skyes nas/ bdag ston 'di lta bu'i de bzhin gshegs pa'i gsang ba'i snying bo ma thos so zhes zer te/ mya ngan las 'das pa chen po'i mdo sde la yongs su dag pa'i dad pa'i sems skye bar 'gyur ro// rigs kyi bu gzhan yang 'di lta ste/ dper na sbrul pags pa brje ba na de la shi ba zhes bya 'am/ gsol pa/ ma lags so// rigs kyi bu de bzhin gshegs pa'ang de dngar dza ste/ thabs kyis sku yongs su btang ba bstan pa la ci de la de bzhin gshegs pa mi rtag go zhes byar rung ngam/ gsol pa/ ma lags so// bcom ldan 'das de bzhin gshegs pas 'dzam bu'i gling 'dir thabs kyis sku btang ba ni dper na sprul pags pa brjes pa dang 'dra ste/ de bas na de bzhin gshegs pa ni rtag pa gnas pa zhes bya'o// rigs kyi bu gzhan yang 'di lta ste/ dper na gser mgar mkhas bas gser la yo byad rnam pa sna tshogs yid bzhin du rdung ngo / / de bzhin gshegs pa'ang de dang 'dra ste/ srid pa nyi shu lnga por gzugs kyi sku rnam pa sna tshogs mngon par bstan te/ so so'i skye bo 'khor ba las yongs su 'don pas de bzhin gshegs pa ni skud pag tu med pa zhes bya'o// de ltar sku rnam pa sna tshogs ston kyang rtag pa/ gnas pa/ mi 'gyur/ mi 'a ba zhes bya'o/ / rigs kyi bu gzhan yang 'di lta ste/ dper na shing a 'aza dang 'dzam bu'i shing ni lo gcig la lan gsum 'gyur ro// 'di lta ste/ che da'argan dus su ni me tog la sogs pa shin tu rgyas par 'gyur/ ched 'ga'i dus su ni 'dab ma la sogs pa shin tu rgyas par 'gyur/ ched 'ga'i dus su 'dab ma thams cad lhags nas shing skam lta bur 'gyur ro/ / rigs kyi bu de khyod kyi yid la ji snyam sems/ de'i tshe na shing de yang dag par bskams sam/ gsol pa/ ma lags so// bcom ldan 'das rigs kyi bu de bzhin gshegs pa'ang de dang 'dra ste/ 'jig rten gsum por su rnam pa gsum ston to// 'di lta ste/ ched 'ga'i ni thog ma btsas pa dang / ched 'ga'i ni sku rdzogs pa dang / ched 'ga'i ni mya ngan las 'das pa bstan te/ de bzhin gshegs pa'i sku mi rtag pa ni ma yin no// byang chub sems dpa' sems dpa' chen po 'od srungs kyis/ bcom ldan 'das la legs so shin tu legs so nas bstod nas/ bcom ldan 'das kyis gsungs pa bzhin te/ de bzhin gshegs pa ni rtag pa/ gnas pa/ mi 'gyur/ mi 'pho ba'o zhes gsol to// bcom ldan 'das kyis bka' stsal pa/ rigs kyi bu de bzhin gshegs pas dgongs te gsungs pa ni shin du'ang shes par dka' 'o// 'di lta ste/ dper na rgyal po chen po zhig gis blon po rnams la sen ta pa 'on cig ces bka' stsal na/ len ta ba zhes bya ba ming gcig la dngos por bsngo ba bzhi yod do// 'di lta ste/ lan tshwa dang / snod dang / chu dang / ta ste/ dngos po 'di ban ni mthun no// de la blon po mkhas pas ni/ kal te rgyal go lus bya bar masams te/ sen ta pa 'on cig ces bsgo ba'i dus na chu bral lo// rgyas po bas kyi bya ba byed pa na/ san ta pa 'on cig ces bsgo ba'i dus na/ lan tshwa 'bul lo// rgyal po zas ba byas nas skom 'thung ba na/ sen ta pa 'on cig ces bsgo ba'i dus na de la snod 'khrul lo// kal te rgyal po 'gro bar gzas te/ sen ta ba 'on cig ces bsgo ba'i dus na rta zad de 'ong ngo // de ltar blothon po mkhas pas ni rgyal po'i man ngag bzhi po la mkhas so/ / theg pa chen po'i mdo sde 'di'ang de dpar dra ste/ mi rtag pa rnam pa bzhi yod do// theg pa chen po la shin du mkhas pa'i skyes bu dag na mkhas par bya'o/ / sangs rgyas bcom ldan 'das jig rten du byung na/ sems can dag la de bzhin gshegs pa mya ngan las 'das pa bshad pas/ skyes bu mkhas pa dag gis de bzhin gshegs pas rtag par 'dzin pa la mi rtag pa bstan par shes te/ dge slong dag ni mi rtag pa'i mtshan nyid la nan tan byed du 'jug pa'i phyir ro// gzhan yang ched 'ga'i dus na dam pa'i chos 'jig par 'gyur ro zhes bstan pas/ skyes bu mkhas pa dag gis de bzhin gshegs pa gang bde bar 'dzin pa la sdug bsngal ba bstan par shes te/ dge slong dag sdug bsngal ba'i tshan nyid la nan tan byed du gzhug pa'i phyir ro// / gzhan yang 'di skad du ngal na ba'i sdug bsngal yod do// dge 'dun yang 'jig par 'gyur ro zhes bstan pas/ skyes bu mkhas pa dag gis de bzhin gshegs pas bdag tu 'dzin pa rnams la bdag med par bstan par shes te/ dge slong dag bdag med pa la nan tan byed du gzhug pa'i phyir ro// ched 'ga'i 'di skad du stong pa nyid ces bya ba ni/ yang dag par rnam par grol ba'o/ zhes bstan pas/ skyes bu mkhas pa dag gis ni/ de bzhin gshegs pas yang dag par rnam par grol bar bstan gyi/ srid pa nyi shu lnga po ni med par shes te/ dge slong dang stong pa nyid la nan tan byed du gzhug pa'i phyir ro/ / de bas na yang dag par rnam par grol ba ni stong pa nyid la zhes bstan to// mi g.yo ba g.yo ba med pa zhes kyang bya ste/ rnam par grol ba de la sdug bsngal ba med pa'i phyir mi g.yo ba zhes bya'o/ / yang dag par rnam par grol ba ni mtshan ma med pas mtshan ma med pa zhes bya ste/ gzugs dang / sgra dang / thi dang / ro dang / reg bya la sogs pa med pa'i phyir mtshan med pa zhes bya'o/ / yang dag par rnam par grol ba ni rtag pa mi 'gyur mi 'pho ba ste/ rnam par grol ba la mi rtag pa dang / gdung bar 'gyur pa dang / 'pho ba med pas na rnam par grol ba ni rtag pa/ gnas pa/ mi 'gyur ba/ bsil ba'o// gal te sems can thams cad la de bzhin gshegs pa'i rang bzhin yod par bstan na/ de la skyes bu mkhas pas ni de ltar de bzhin gshegs pas rtag pa zhes bya ba'i chos bstan te/ dge slong dag yang dag par rtag pa'i chos la nan tan byed du gzhug par shes so// dge slong dag de ltar rjes su nan tan byed cing slob pa de ni/ nga'i nye gnas yang dag pa yin par rig par bya'o/ / de bzhin gshegs pas dgongs te gsungs pa'i snying po la mkhas pa de ni/ ji ltar rgyal po chen po de'i blon po mkhas pas rgyal po'i bsam pa shes pa dang 'dra'o/ / rigs kyi bu de ltar rgyal po chen po de la'ang man ngag tu smra ba'i tshig yod na/ de bzhin gshegs pa la yod pa lta ci smos/ rigs kyi bu de bas na de bzhin gshegs pas dgongs te gsungs pa ni shin tu shes par dka' ste/ mkhas pa shes rab can gyis ni ngas dgongs te gsungs pa'i chos zab mo 'di shes par 'gyur gyi/ 'jig rten na byis pa glen pa dag gis shes par 'gyur ba ni ma yin no/ / gzhan yang rigs kyi bu 'di lta ste/ dper na shing ba la sha dang / ka ni ka dang / a sho ka ni than chen byung na me tog dang 'bras bu mi skye ste/ gzhan yang chu las skyes pa thams cad kyang snum med la tshad du phyin par mi skye zhing / sman thams cad kyang mthu chung bar 'gyur ro// rigs kyi bu theg pa chen po'i mdo sde yongs su mya ngan las 'das pa chen po 'di'ang de dang 'dra ste/ nga mya ngan las 'das nas sems can dag bsti stang mi byed de/ gzi brjid kyang chung bar 'gyur ro// de ci'i phyir zhe na/ sems can de dag de bzhin gshegs pas dgongs te gsungs pa mi shes pa'i phyir ro/ / de'ang ji lta zhe na/ sems can dag bsod nams chung ba'i phyir ro// rigs kyi bu gzhan yang de bzhin gshegs pa'i dam/ ba'i chos rnam par 'jig cing zad du nye ba na/ de'i tshe de'i dus na dge slong sdig pa spyod pa mang ste/ de bzhin gshegs pas dgongs te gsungs pa'i snying po mi shes pas le lo dang snyoms las byed de/ de bzhin gshegs pa'i yang dag pa'i chos klog pa dang / 'don pa dang / rnam par 'byed cing ston mi nus so// dper na rkun po glen pa dag rin po che yang dag par bor nas/ phug mkhur du khyer ba dang 'ja bar/ de bzhin gshegs pas dgongs te gsungs pa'i snying po mi shes pas/ mdo sde 'di la le lo byed de/ brtson 'grus mi skyed do// kyi hud de dag ni ma 'ongs pa'i dus su shin tu 'jigs pa'i g.yangs sa chen por lhung bar 'gyur ro/ / kyi hud sems can de dag ni theg pa chen po'i mdo sde yongs su mya ngan las 'das pa chen po 'di la brtson par mi byed kyi byang chub sems dpa' sems dpa' chen po 'ba' zhig gis ni mdo sde 'di'i don yang dag pa ji lta ba bzhin du 'jug ste/ 'bru dang tshig la mi chags/ de'i rjes su gzhol zhing 'gal bar mi byed pas/ sems can rnams la'ang de bzhin du ston to// rigs kyi bu gzhan yang 'di lta ste/ dper na rdzi'u 'o ma 'tshong ba dag 'o ma mang bar bya ba'i phyir chu sum gnyis bsnan nas/ rje'u gzhan la yang 'tshong ngo // rdzi'u de kyang de las chu sum gnyis bsnan nas/ grong khyer dang nye ba'i mi la 'tshong ngo // des kyang de'i steng du chu sum gnyis bstan nas/ zob khyer na gnas pa'i mi la 'tshong ngo // des nyos nas de'i steng // duyang chu sum gnyis bsnan nas/ tshong dus su 'tshong ngo // de'i tshe de'i dus na mi zhig bu chung ma len pa'i mgron bos nas/ 'o ma zang po 'dod pa'i phyir tshong dus su 'o ma nyor song ba las/ 'o ma dang phrad nas chus bsnan pa chu mang ba shes bzhin du/ dgos pa'i khar bab pas rin che'ang nyos so// nyos nas phyir khyim du phyin pa dang / thug pa btsos na 'o ma'i ro med do// de ltar 'o ma'i ro med mod kyi/ kha ba'i ro las brgya stong snyed kyis lhag go// de ci'i phyir zhe na/ 'o mas bsgyur ba'i ro ni gzhan pas mchog tu 'gyur ba'i phyir ro// rigs kyi bu nga mya ngan las 'das nas dam pa'i chos 'jig bar gyur pa lo brgyad cu na/ de'i tshe de'i dus na 'dzam bu'i gling 'dir mdo sde 'di shin du rgyas par 'gyur ro// de'i tshe de'i dus na dge slong sdig can dag mdo sde 'di la mdo btus nas phyogs cha rnam pa mang du byed de/ des ni dam pa'i chos kyi mdog dang / bsung dang / zo ba'i ro med par byas so// sdig pa can de dag de ltar mdo sde 'di klog gam/ 'don mod kyi/ de bzhin gshegs bas dgongs te gsungs pa'i don zab mo ni med par byas kyi/ 'jig rten gyi snyan tshig don med par btags nas/ gong du smos pa ni 'og tu bcug/ 'og tu smos pa ni gong du bcug/ thog ma dang tha mar smon pa ni bar du gtsug/ bar du smon pa ni thog ma dang tha mar bcug go// de ltar dge slong sdig pa can dag ni bdud kyi grogs yin te ma brtags pa'i dngos po thams cad 'chang yang / de bzhin gshegs pas 'chang du gnang ngo zhes zer te/ ji ltar rdzi'u la sogs pa 'o ma'i nang du chu snon pa yin no// dge slong sdig pa can yang de dang 'dra ste/ 'jig rten kyi tshig gis bsnan te/ nor bar gtan la phab pas skye bo mang du yang dag par bstan pa yang / yang dag par glegs bam du 'bri ba dang / yang dag par 'chir 'jug cing bkur sti dang / bstod pa dang / mchod pa dang / rim gror byar med par byas so// dge slong sdig pa can des rnyed pa dang grags pa'i phyir/ mdo sde 'di cung zad tsam yang ston mi nus na/ rgya cher ston pa lta ci smos te/ ji ltar rdzi'u dbul mos 'o ma gcig nas gcig tu 'tshong zhing ro med par 'gyur ba ltar/ theg pa chen po'i mdo sde yongs su mya ngan las 'das pa chen po 'di'ang de dang 'dra ste/ phyir zhing tho ba dang ro med par 'gyur ro/ / de ltar ro med kyang gzhan pas stong gyur gyis lhag pa ni lo ma'i ro da gzhan pas stong 'gyur gyis lhag pa bzhin no// de ci'i phyir zhe na/ theg pa chen po'i man yongs su mya ngan las 'das pa 'di nyan thos kyi mdo sde las phul du gyur/ mchog tu gyur pa ni ji ltar ba'i 'o ma ro thams cad pas mchog tu gyur pa bzhin no// de bas na yongs su mya ngan las/ 'das pa chen po nas bya'o// rigs kyi bu gzhan yang rigs kyi bu dang rigs kyi bu mo la sogs pa gang yang skyes pa'i lus mi 'dod pa med do// de ci'i phyir zhe na/ bud med thams cad no sdug pa thams cad kyi gnas yin pa'i phyir ro/ / rigs kyi bu gzhan yang 'di lta ste/ dper na sbrang bu'i gcin gyis ni sa chen po 'di rgan par mi nus so// bud med ces bya ba 'dod chags cho ga mi shes pa'ang de dang 'dra'o/ / 'di lta ste/ dper na sa chen po 'di thams cad yungs kar gyi 'brum bu tsam dril ba'i skyes pa de snyed bud med gcig la mi tshangs par spyod kyang chog pa'i sems med do/ / gal te klung gang+gA'i bye ma snyed kyi skyes pa bud med gcig la byin te mi tshangs par spyod du bcug kyang chog pa 'am/ skyo ba med do// rigs kyi bu 'di lta ste/ dper na rgya mtsho chen por ni char pa dang 'bab chu thams cad 'bab kyang/ rgya mtsho de la gang ba 'am/ chog pa med do// bud med kyang chos nyid kyis de dang 'dra bas/ ci ste dngos po thams cad skyes par 'gyur te/ bud med gcig la mi tshangs par spyod kyang chog par ram/ skyo bar mi 'gyur ro// rigs kyi bu gzhan yang 'di lta ste/ dper na shing a sho ka dang / pa ta la dang / ka ni ka lta bu dbyar me tog rgyas pa na bung pa dag dri dang bsung len pa cho ga mi shes so// bud med skyes pa la chags pa'ang de dang 'ja ste sgyu mi shes so/ / rigs kyi bu de bas na rigs kyi bu dang rigs kyi bu mo da/ theg pa chen po yongs su mya ngan las 'das pa'i mdo sde 'di nyan na/ rtag tu bud med la yongs su smod de/ skyes pa'i lus tshol lo// de ci'i phyir zhe na/ theg pa chen po'i mdo sde 'di skyes bu'i mtshan dang ldan no/ / 'di lta ste/ de ni sangs rgyas kyi rang bzhin no// de la gang sangs rgyas kyi rang bzhin mi shes pa de ni skyes bu'i mtshan med pa yin no// de ci'i phyir zhe na/ bdag la sangs rgyas kyi rang bzhin yod par mi shes pa'i phyir ro/ / gang sangs rgyas kyi rang bzhin mi shes pa de ni bud med ces ngas bshad do// gang sangs rgyas kyi rang bzhin shes pa de ni skyes bu'i mtshan dang ldan pa zhes ngas bshad do/ / de la bud med gang zhig gal te bdag la sangs rgyas kyi rang bzhin yod par shes na de ni skyes pa zhes bya'o// rigs kyi bu theg pa chen po yongasasu mya ngan las 'das pa'i mdo sde 'di ni tshad med/ dpag tu med/ bsam gyi mi khyab pa'i bsod nams kyi phung por rig par bya'o// de ci'i phyir zhe na/ de bzhin gshegs pa'i gsang ba'i snying po chad pa'i phyir ro// de bas na rigs kyi bu 'am/ rigs kyi bu mo dag/ de bzhin gshegs pa'i gsang ba'i snying po myur du shes par 'dod na/ mdo sde 'di la sbyor ba'i nan tan brtson 'grus su bya'o// byang chub sems dpa' 'od srungs kyis/ bcom ldan 'das la gsol pa/ de de bzhin no// de de bzhin no// bcom ldan 'das kyis bka' stsal pa bzhin te/ bdag kyang de bzhin gshegs pa'i gsang ba'i snying po rtogs par skyes bu'i mtshan dang ldan no/ / de bzhin gshegs pas bskul bas nges par rtogs par gyur to// bcom ldan 'das kyis bka' stsal pa/ legs so// rigs kyi bu khyod 'jig rten pa'i rjes su 'di skad smras pa legs so// 'od srungs kyis gsol pa/ bdag ni 'jig rten pa'i chos kyi rjes su 'jug pa ma lags so// bcom ldan 'das kyis// 'od srungs la bka' stsal ba/ legs so// shin tu legs so// khyod kyis shes pa ni bla na med pa'i chos kyi ro shin tu zab mo shes par dka' ba shes te/ ji ltar bung ba dag kha dog la mi gnod par ro myong ba bzhin no/ / rigs kyi bu gzhan yang 'di lta ste/ dper na sbrang bu'i gcin gyis sa chen po 'di rlan par mi nus so// ma 'ongs pa'i dus su mdo sde 'di 'phel ba'ang de dang 'dra ste/ dam pa'i chos rnam par 'jig tu nye ba na/ mdo sde 'dis phyogs 'dir sngar nub par 'gyur ro// de bas na dam pa'i chos nyams par 'gyur bar rig par bya'o// rigs kyi bu gzhan yang 'di lta ste/ dper na dbyar 'das pa'i 'og tu ston 'byung te/ ston gyi dus su ni rgyun mi 'chad par char pa 'bab bo// theg pa chen po yongs su mya ngan las 'das pa'i mdo sde 'di'ang de dang 'ja ste/ lho phyogs kyi byang chub sems dpa' rnams kyi phyir shin tu rgyas par 'gyur te/ chos kyi char gyis gnas kun tu gang bar 'gyur ro// dam pa'i chos 'jig tu nye ba na yul kha che'i yul du mi nyams par bgags kyi sa'i nang du nub par gyur te/ de dag las kha cig ni dang / kha cig ni ma dad do// de nas theg pa chen po shin tu rgyas pa'i mdo sde zil dngar gyi ro dang ldan pa thams cad sa'i nang du nub par 'gyur ro/ / mdo sde 'di nub nas theg pa chen po'i mdo sde gzhan thams cad kyang nub cing med par 'gyur ro// gal te mdo sde 'di'i phun sum tshogs ba mi nyams pa/ mi'i nang na glang po che'i rgyal po lta bu byang chub sems dpa' la sogs pas ni/ de bzhin gshegs pa'i bla na med pa'i dam pa'i chos ring por mi thogs par med par 'gyur ba shes so/ / // 'phags pa yongs su mya ngan las 'das pa chen po'i mdo bam po bcu pa// de nas 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das da ltar tsun da'i the tsom du gyur pa/ bcom ldan 'das kyis the tsom gcad du gsol/ bcom ldan 'das kyis bka' stsal pa/ ji ltar the tsom du gyur pa spros shig dang / khyod kyi the tsom bsal bar bya'o// 'jam dpal gyis gsol pa/ sangs rgyas kyi rang bzhin 'tshal cing mthong ba'i dus na de bzhin gshegs pa rtag pa lags sang sangs rgyas kyi rang bzhin mthong bas rtag pa zhes bgyin/ ma mthong ba'i sngon po ldan pa ma lags sam/ thog ma nas mi rtag pa zhig lags na ni phyis kyang mi rtag par 'gyur ba ma rigs so// u0f7f slad du zhe na/ dper na 'jig rten gyi rdzas lta bu thog ma nas ma mchis pa zhig lags la/ da mchis par rung na mchis nas kyang slar ma mchis par 'gyur te/ dngos po thams cad ni rtag pa ma lags so// de bas na sangs rgyas dang / byang chub sems dpa' dang / nyan thos dang / rang sangs rgyas la sogs pa'ang de dang bye brag ma mchis so// de nas bcom ldan 'das kyis tshigs su bcad de bka' stsal pa/ thog ma yod la da ltar med// thog ma med la da ltar yod// dus gsum srid pa'i chos thams cad// de lta bu ni ma yin no// rigs kyi bu de bas na sangs rgyas dang / byang chub sems dpa' dang / nyan thos dang / rang sangs rgyas dag tha dad pa'ang yod la/ tha dad pa'ang med do// 'jam dpal gyis/ bcom ldan 'das la gsol pa/ legs so legs so// 'phags pa'i bka' bzhin te/ bdag kyang de ltar rtogs so// sangs rgyas dang / byang chub sems dpa' dang / nyan thos dang / rang sangs rgyas dag tha dad pa'ang lags la/ tha dad pa'ang ma lags par 'tshal to// byang chub sems dpa' 'od srungs kyis/ bcom ldan 'das la gsol pa/ bcom ldan 'das kyis gsungs pa ltar/ sangs rgyas dang / byang chub sems dpa' dang / nyan thos dang / rang sangs rgyas dag tu dang ba ma mchis zhes bgyi ba de/ sems can thams cad la phan pa dang bde ba'i don gyi slad du/ de bzhin gshegs pas rgyas pa dbye zhing bstan du gsol/ bcom ldan 'das kyis bka' stsal pa/ rigs kyi bu shin bu brtags par nyon la yid la zung zhig dang / ngas khyod la rgyas par bshad par bya'o// rigs kyi bu 'di lta ste/ dper na khyim bdag gam/ khyim bdag gi bu zhig la/ ba bzhon spu mdog rnam pa dad pa mang du yod de/ rdzi ru gcig 'tshor bcug nas/ phyis dus kyi lha rjed pa zhig na ba thams cad bzhos te 'o ma snod gcig tu blugs so/ / 'o ma de dag thams cad kha dog dkar po gcig tu mthun pa mthong nas ngo mtshar mad du gyur te/ 'di ltar ba 'di dag spu mdog tha dad na ci'i phyir 'o ma kha dog gcig tu 'gyur snyam ya mtshan du gyur te/ 'di yang sems can gyi las kyi rnam par smin pa las 'o ma'i kha dog gcig tu gyur to snyam du sems so// rigs kyi bu nyan thos dang / rang sangs rgyas dang / byang chub sems dpa' yang de dang 'ja ste/ sangs rgyas kyi rang bzhin gcig tu mthun pa ni 'o ma de dag lta bu'o// de ci'i phyir zhe na/ zas pa med par mthun pa'i phyir ro// so so'i skye bo dag ni sangs rgyas dang / byang chub sems dpa' dang / nyan thos dang / rang sangs rgyas dag dang tha dad do nas spras te/ nyan thos dang / byis pa ma rabs dag kyang theg pa gsum lta bu ci'i phyir tha mi dngad snyam the tsom pa mod kyi/ de dag gis theg pa gsum char sangs rgyas kyi rang bzhin mthun par phyir rang rtogs pa ni/ ji ltar gang zag des las kyi rgyu dang rkyen gyi dbang gis 'o ma'i kha dog gcig par shes pa bzhin no/ / rigs kyi bu gzhan yang 'di lta ste/ dper na gser rdo lta bu gang ngan pa'i rnams bsal te bor la bzhus na gser yang dag par 'byung ste/ rin thang yang tshad med do// rigs kyi bu nyan thos dang / rang sangs rgyas dang / byang chub sems dpa' yang de dang 'ja ste/ thams cad sangs rgyas kyi rang bzhin du sgrub par mthun no// de ci'i phyir zhe na/ nyon mongs pa yongs su bsal ba'i phyir ro/ / de'ang gser rdo bzhus te ngan pa bor ba dang mtshungs so// de bas na sems can thams cad sangs rgyas kyi rang bzhin du mthun te tha dad pa med do// sngar de bzhin gshegs pas dgongs te gsungs pa'i snying po thos na/ phyis mngon par 'tshang rgya ba'i tshe/ rang gis rig pa ni ji ltar khyim bdag nges pa'i 'o ma de kha dog gcig du rtogs pa bzhin no// de ci'i phyir zhe na dpag tu med pa'i nyon mongs pa thams cad bsal ba'i phyir ro/ / de bas na sems can thams cad sangs rgyas kyi rang bzhin gcig tu mthun te/ tha dad pa med pa ni sngon de bzhin gshegs pas dgongs te gsungs pa'i snying po thos pa ltar/ phyis mngon par 'tshang rgya ba na rang gis rig par 'gyur ba ni/ ji ltar khyim bdag nges pa'i 'o ma gcig tu mthun par rig pa bzhin no// de ci'i phyir zhe na/ dpag tu med pa'i nyon mongs pa thams cad bsal ba'i phyir ro/ / byang chub sems dpa' 'od srungs kyis yang / bcom ldan 'das la 'di skad ces gsol to// bcom ldan 'das ci ste sems can tham cad la sangs rgyas kyi rang bzhin mchis na/ sangs rgyas dang sems can du tha dad pa'i bye brag ci mchis/ de skad ces gsungs pa 'di skyon du 'gyur ro// de ltar sems can thams cad la sangs rgyas kyi rang bzhin mchis na/ ci'i slad du/ shA ri'i bu la sogs pa ni mya ngan las 'das pa chung ngus las 'das par gyur/ rang sangs rgyas rnams ni mya ngan las 'da' ba 'bring pos mya ngan las 'da' bar gyur/ byang chub sems dpa' ni mya ngan las 'das pa chen pos mya ngan las 'das pas gyur/ de dag la sogs pa sangs rgyas kyi rang bzhin gcig tu mthun na/ ci'i slad du/ de bzhin gshegs ba'i mya ngan las 'da' bas yongs su mya ngan las 'das par ma gyur/ bcom ldan 'das kyis bka' stsal pa/ rigs kyi bu sangs rgyas bcom ldan 'das kyis mya ngan las 'da' ba thob pa ni/ nyan thos dang rang sangs rgyas kyis thob pa ma yin te/ de bas na yongs su mya ngan las 'das pa chen po ni dge ba'i bshes gnyen zhes bya'o// gal te 'jig rten na sangs rgyas mi bzhugs kyang / theg pa gnyis pos mya ngan las 'da' ba gnyis po mi thob pa ma yin no/ / 'od srungs kyis yang gsol pa/ bcom ldan 'das kyis 'di skad du gsungs pa'i don ji lta bu lags/ bcom ldan 'das kyis bka' stsal pa/ bskal pa tshad med/ dpag tu med/ zangs med pa'i bar du sangs rgyas bcom ldan 'das 'jig rten du lan 'ga' 'byung ste/ theg pa rnam gsum 'byed cing ston to// rigs kyi bu ji ltar khyod kyis byung / chub sems dpa' dang / theg pa rnam gnyis po bye zag ci yod ces dris pa ni/ ngas sngar de bzhin gshegs pas dgongs te gsungs pa'i snying po yongs su mya ngan las 'das pa chen po 'di las don de nyid rgyas par bstan te/ dgra bcom pa rnams la dge ba'i bshes gnyen med do zhes bshad pa yin no// de ci'i phyir zhe na/ dgra bcom pa rnams yongs su mya ngan las 'das pa chen po thob pa'i phyir ro/ / de bas na mya ngan las 'das pa chen po ni mthar bde bar 'gyur pas na/ yongs su mya ngan las 'das pa chen po zhes bya'o// 'od srungs kyi yang / bcom ldan 'das la 'di skad ces gsol to/ / bcom ldan 'das kyis gsungs pa ltar bye brag mchis pa dang / bye brag ma mchis pa'i don bdag gis gdod rtogs so// de'ang ci'i slad du zhe na/ byang chub sems dpa' dang / nyan thos dang rang sangs rgyas la sogs pa thams cad kyang ma 'ongs pa'i dus su yongs su mya ngan las 'das pa chen po la 'bab par 'tshal to/ / dper na 'bab chu thams cad rgya mtshor 'bab pa ltar/ nyan thos dang rang sangs rgyas thams cad kyang rtag pa zhes bgyi'o/ / mi rtag pa ni ma lags so// de bas na bye zag kyang mchis la/ bye brag kyang ma mchis so// 'od srungs kyis yang gsol pa/ mtshan nyid la bye zag mchis pa ji lta bu lags/ bcom ldan 'das kyis bka' stsal pa/ rigs kyi bu nyan thos dag ni 'o ma lta bu'o// rang sangs rgyas ni zho lta bu'o// byang chub sems dpa' ni mar ram/ zhun mar lta bu'o// sangs rgyas bcom ldan 'das ni mar gyi snying po lta bu ste/ de bas na yongs su mya ngan las 'das pa chen po 'di las mtshan nyid rnam pa bzhi tha dad par bshad do// / 'od srungs kyis yang gsol pa/ sems can thams cad kyi mtshan nyid ji lta bu lags/ bcom ldan 'das kyis bka' stsal pa/ rigs kyi bu dper na/ ba be'u byung ma thag gi 'o ma ni khrag dang 'dres so/ / byis pa ma rabs kyi mtshan nyid nyon mongs pa dang 'dzes pa'ang de dang 'dra'o// yang 'od srungs kyis gsol pa/ rtswa mchog gi grong khyer na gnas pa'i rigs ngan rab tu dga' ba zhes bya ba la/ bcom ldan 'das kyis lung bstan pa/ khyod ni sems bskyed tsam gyis 'jig rten gyi khams 'dir sangs rgyas stong gi grangs su gtogs par/ myur du bla na med pa yang dag par rdzogs pa'i byang chub tu 'tshang rgya'o zhes lung bstan la/ btsun pa shA ri'i bu dang / mo'u 'gal yan la sogs pa myur du mngon par 'tshang rgya'o zhes lung mi ston/ bcom ldan 'das kyi bka' stsal pa/ rigs kyi bu nyan thos dang / rang sangs rgyas dang / byang chub sems dpa' la la ni smon lam gyi dbang gis 'jig rten na yun du gnas shing / dam pa'i chos yun du gzung nas/ gdod bla na med pa'i byang chub tu mngon par 'tshang rgya'o// gang myur du 'grub par smon lam btab pa ni myur du 'grub pa'o zhes lung bstan pa yin no// rigs kyi bu gzha/ yang 'di lta ste/ dper na tshong dpon zhig rin thang med pa'i nor bu rin po che thogs te/ tshong dus su 'tshong du 'ongs na/ glen pa nor ngo mi shes pa bdag gis mthong na de la brnyas smod de 'phya'o/ nor bdag gis 'di ni nor bu rin po che rin thang med pa yin no zhes smras kyang / 'on kyang 'phya'o// de dag gcig la gcig 'di skad du 'di ni nor bu rin po che yang dag pa ma yin gyi/ shel gyi sgo nga yin no zhes zer ro/ / rigs kyi bu nyan thos dang rang sangs rgyas kyang de dang 'dra ste/ gal te myur du 'grub par lung bstan pa thos na le lo dang snyoms las byed de/ brnyas shing smod la 'phya ba ni/ ji ltar glen pa dag nor bu rin po che yang dag pa mi shes pa bzhin no// phyi ma ma 'ongs pa'i dus su dge slong dag dge ba'i chos la brtson 'grus su nan tan byed ni mi nus kyi/ dbul 'phongs nas zas dang skom gyis zel ba'i rkyen gyis rab tu byung ste/ lus gso ba'i phyir sems rgod pas sgyus 'tsho'o// ci ste de bzhin gshegs pas nyan thos dag myur du 'grub bo zhes lung bstan na// 'bru zhing brnyas smod par 'gyur te/ de dag ni tshul khrims yongs su nyams kyang tha ma mi'i chos thob bo zhes smra'o// de bas na gang smon lam myur bar bskyed pa ni myur ba'i lung bstan to// gang dam pa'i chos srung zhing 'dzin pa dag ni yun ring po'i lung bstan to/ / byang chub sems dpa' 'od srungs kyis yang / bcom ldan 'das la gsol pa/ byang chub sems dpa' sems dpa' chen po dag ji ltar na mi shigs pa'i 'khor thob par 'gyur/ bcom ldan 'das kyis/ 'od srungs la bka' stsal pa/ byang chub sems dpa' gang dam pa'i chos srung zhing 'dzin pa la brtson 'grus rtsom na/ de'i rgyu de'i rkyen gyis 'khor mi shigs pa thob par 'gyur ro// byang chub sems dpa' 'od srungs kyis yang / bcom ldan 'das la gsol pa/ ci'i rgyu ci'i rkyen gyis na sems can dag kha dang mchub skams par 'gyur/ bcom ldan 'das kyis/ 'od srungs la bka' stsal pa/ gang zhig dkon mchog gsum yun du gnas par mi shes na/ de'i rgyu de'i rkyen gyis kha dang mchu rtag tu bskams par 'gyur ro/ / mi gang dang ra ba dang / kha ba dang / tsha ba dang / sgyur ba dang / bsngal ba dang / lan tshwa'i ro la sogs pa bro ba rnam pa drug bye brag mi byed cing mi rtogs par 'gyur ro/ / sems can thams cad glen zhing gti mug pa'i dbang gis dkon mchog rtog par mi shes na/ de'i phyir kha dang mchu rtag par bskams par 'gyur ro// rigs kyi gzhan yang 'di lta ste/ sems can gang zhig de bzhin gshegs pa la rtag pa nyid du mi shes na/ gang zag de ni dmus long du rig par bya'o// sems can gang zhig de bzhin gshegs pa la rtag pa nyid du shes na/ gang zag de ni sha'i mig can yin mod kyi/ lha'i mig dang ldan par ngas bshad do// rigs kyi bu gzhan yang 'di lta ste/ gang zhig gis de bzhin gshegs pa la rtag pa nyid du shes na/ kang zag de ni yun ring po nas mdo sde 'di la nan tan byas pa yin te/ lha'i mig dang ldan par rig par bya'o// gang zhig lha'i mig dang ldan du zin kyang / gal te de bzhin gshegs pa la rtag pa nyid du mi shes naHde ni sha'i mig can zhes bya ste/ gang zag de ni bdag gis lus kyi yan lag dang nying lag kyang mi shes la/ gzhan dag kyang shes par byed mi nus te/ de bas na sha'i mig can zhes bya'o// / rigs kyi bu gzhan yang 'di lta ste/ de bzhin gshegs pa ni rtag tu sems can thams cad kyi pha ma mdzad do// de ci'i phyir zhe na/ sems can rnam pa sna tshogs rkang gnyis dang / rkang bzhi dang rkang mangs dang / rkang med thams cad la de bzhin gshegs pas gsung gcig gis chos bstan na/ rnam pa tha dad pa de dang de dag thams cad kyis so sor go ste/ de dag so so nas de bzhin gsheg/ pa ni deng bdag 'ba' zhig la chos bstan to snyam sems te/ de bas na pha ma lta bu zhes bya'o// rigs kyi bu gzhan yang 'di lta ste/ byis pa btsas nas zla ba bcu drug lon pa dag smrar rtsol mod kyi/ go ba 'am brda phrad pa nyid du mi lcogs te/ de'i pha mas skad bslab pa'i phyir/ byis pa ci re rab bzhin du smras te/ bkas kyis ston na/ ci khye'u de'i pha ma de'ang skad ma lcogs te zur ma phyin pa yin nam gsol pa/ ma lags so// rigs kyi bu de bzhin gshegs pa'ang de dang 'dra ste/ sems can rnam pa sna tshogs kyi rjes su gsung rnam pa sna tshogs kyis chos bstan to// dam pa'i chos la dgod pa'i phyir ci rigs su cha lug rnam pa sna tshogs ston to// de bzhin gshegs pa de dang mthun pa'i skad gsungs na/ de ci yang ma lcogs pa yin nam/ gsol pa/ ma lags so// bcom ldan 'das de ci'i slad du zhe na/ de bzhin gshegs pa'i gsung ni seng ge'i sgra lta bu ste/ 'jig rten pa rnam pa sna tshogs kyi rjes su gsung rnam pa sna tshogs kyis sems can la dam pa'i chos ston to// 'phags pa yongs su mya ngan las 'das pa chen po'i mdo las/ de bzhin gshegs pa'i snying po'i le'u ste bzhi pa'o// // de nas de'i tshe bcom ldan 'das kyi zhal gyi sgo nas 'od rnam pa sna tshogs bkye ba ni/ sngon po dang / ser po dang / dmar po dang / dkar po dang / le brgan dang / smug po ste/ tsun da'i lus kun snang bar byas so// tsun da'i lus la 'od des reg pa dang / 'khor dang bcas te zhal zas mang po thogs te sangs rgyas gang na ba der myur du song ste/ de bzhin gshegs pa dang / dge slong gi dge 'dun la mchod pa tha ma 'bul ba'i phyir/ mchod pa'i yo byad phun sum tshogs pa rnam pa mang po thogs te/ sangs rgyas la nye bar bsten to// de'i chen lhagazi brjid chen po dang ldan pa rnams 'khor bar bskor te/ mdun kyang mchod par gyur nas/ kun da matsun da khyod kyi mchod pa re zhig sdod cig ces bsko'o// de'i tshe na yang de bzhin gshegs pas 'od tshad med dpag tu med pa rnam pa sna tshogs bkye nas/ lha rnams kyi lus la snang bar byas so// lha'i 'khor de dag 'od des reg ma thag tu lha rnams kyang ko phye nas mchod pa 'bul du bcug go/ de'i tshe na lha dang mi thams cad kyang so so nA mchod pa rnam pa sna tshogs thogs nas/ sangs rgyas kyi spyan sngar bsnyen te pus mo btsugs nas/ bcom ldan 'das kyis dge slong gi dge 'dun 'di dag bdag cag gis mchod pa len du gnang bar mdzad du gsol zhes/ de bzhin gshegs pa la gsol to// dge slong gi dge 'dun rnams kyang dus shes pas lhung bzed thog nas sems rtse gcig tu spyod lam la gnas so// de'i tshe tsun des sangs rgyas dang dge 'dun bzhugs pa'i gdan seng ge'i khri rnam pa mang po btsugs nas/ ba dan dang / rgyal mtshan dang / gdugs bres te/ spos dang / me tog dang / 'phreng bas kyang yongs su brgyan to// de'i tshe stong gsum gyi stong chen po 'jig rten gyi khams 'di rgyan gyis yongs su brgyan pa ni/ ji ltar nub phyogs kyi rab tu bde ba can gyi 'jig rten gyi khams lta bur gyur to// de nas tsun da sangs rgyas kyi spyan sngar mi dga' ba'i mya ngan chen pos non nas/ yang bcom ldan 'das la 'di skad ces gsol to// bcom ldan 'das thugs brtse'i slad du/ bskal pa gcig gam/ bskal pa gcig 'grib kyi bar du bzhugs su gsol lo// bcom ldan 'das kyis/ tsun da la bka' stsal pa/ nga 'jig rten na yun du gnas par 'dod na/ khyod kyi mchod pa tha mar 'bul ba'i yo byad myur du phul la/ sbyin pa'i pha rol tu phyin pa yongs su rdzogs par gyis shig/ de'i tshe na byang chub sems dpa' sems dpa' chen po dang / lha dang / mi la sogs pa thams cad kyis skad mthun par 'di skad ces smras so/ / ngo mtshar che'o// tsun da khyod bsod nams chen po yongs su rdzogs pas/ de bzhin gshegs pa khyod kyi mchod pa tha ma bzhes so// bdag cag ni bsod nams med pas mchod pa'i yo byad bshams pa'ang chud zos par gyur to zhes smras so/ / de'i tshe na bcom ldan 'das de dag gi re ba yongs su rdzogs par bya ba'i phyir/ sku'i ba spu'i khung bu re re nas sprul pa'i sangs rgyas tshad med pa sprul ste/ sangs rgyas de dag re re la'ang / dge slong gi 'khor tshad med pa snyed kyis bskor nas/ bcom ldan 'das dang / dge 'dun gyi 'khor tshad med pa de/ dag gis kyang de dag gi mchod pa bzhes par bstan to// bcom ldan 'das shAkya thub pa'ang / tsun da'i mchod pa bzhes so// de'i tshe tsun das phul ba'i bsod snyoms 'azas kyang yul dbus 'gyur tshal gyi ze khal tshad brgyad phul ba'ang / bcom ldan 'das kyi byin gyi rlabs kyis 'khor gyi dkyil 'khor de dag thams cad bsod snyoms kyis chog par gyur to// de'i tshe tsun da de lta bur gyur pa mthong nas rab tu dka' ba skyes te/ 'khor gyi dkyil 'khor de dag thams cad kyang rab tu dga' bar gyur to// de'i tshe na 'khor gyi dkyil 'khor de dag thams cad bcom ldan 'das kyi byin gyi rlabs kyis so so'i yid la/ de bzhin gshegs pa ni bdag cag gi mchod pa bzhes par ring po mi thogs par yongs su mya ngan las 'da' 'o snyam du sems par gyur to// de snyam du bsams nas so so'i sems la mya ngan dang dga' ba 'dres par gyur to/ / de'i tshe na tshal de'i sa gzhi shin tu chung zhing dog pa las/ de bzhin gshegs pa'i byin gyi rlabs kyis/ khab kyi rtse mo 'jug pa'i sa tsam la'ang tshad med pa'i sangs rgyas bcom ldan 'das 'khor dang bcas te bzhugs shing bsod snyoms bzhes te/ bsod snyoms de dag kyang bye brag med par mthong ngo // de'i tshe na lha dang / mi dang / lha ma yin la sogs pa thams cad mchi ma blags te ngus nas 'di skad ces smras so/ / de bzhin gshegs pas bdag cag gi mchod pa tha ma bzhes te/ mchod pa bzhes nas yongs su mya ngan las 'das bar gshegs na bdag cag gis slan chad mchod pa su la bgyi/ bdag cag gi bla na med pa'i kha lo sgyur ba dang gtan bral bas na/ mig mdongs par gyur to zhes smras// de'i tshe bcom ldan 'das kyis 'khor gyi dkyil 'khor de dag spro ba sring ba'i phyir tshigs su bcad de bka' stsal pa/ khyod rnams mya ngan ma byed cig/ sangs rgyas chos nyid de bzhin te// nga ni mya ngan 'das nas kyang // tshad med pa yi bskal pa snyed// rtag tu bde ba'i mchog la spyod// rtag tu rab tu bde la gnas// khyed rnams shin tu brtags par nyon// mya ngan 'da' ba ngas bshad kyis// zas kyi 'du shes med pas na// bkres shing skom pa'i skyon rnams med// deng 'dir khyed la sogs pa la// rjes su gzhol ba'i smon lam bstan// 'khor gyi dkyil 'khor 'di thams cad rab tu bde ba thob par bya/ / khyed rnams thos nas nan tan byos// sangs rgyas chos rnams rtag pa la// nam zhig khwa dang rug pa gnyis// tshang gcig nang du gnas bcas te// de gnyis spun bzhin gyur pa na/ / de na mya ngan 'da' bar 'gyur// de bzhin gshegs pas thams cad la// sgra gcan 'dzan ltar gzigs pas na// 'gro ba kun gyi gtsor gyur pa// ci phyir yongs su mya ngan 'da'// nam zhig/ sprul dang sre mo gnyis// khung gcig nang du tshang bcas te// de gnyis spun ltar gyur pa na// de na yongs su mya ngan 'da'// de bzhin gshegs pas thams cad la// sgra gcan 'dzin ltar kun gzigs te/ / sems can kun gyi gtsor gyur pa// ci phyir yongs su mya ngan 'da'// ci ste me tog 'dab bdun po// ka shi ka yi cir gyur tam// ka la ka yi shing las ni// tsin da'i 'bras bu chags srid kyi/ / de bzhin gshegs pas thams cad la// sgra gcan 'dzin ltar gzigs pas na// ci'i phyir snying rje kun gtang ste// yongs su mya ngan 'da' bar gshegs// ci ste lo sred can de dag snying po byang chub sangs rgyas te/ / bde ba'i mchog la gnas gyur na// de na mya ngan 'da' bar 'gyur// de bzhin gshegs pas thams cad la// sgra gcan 'dzin ltar gzigs pas na// ci'i phyir snying rje kun gtang ste/ / yongs su mya ngan 'da' bar gshegs// gal te so so'i skye bo dag/ dus gcig mnyam par sangs rgyas te// nyes pa'i skyon rnams kun spangs na// de na mya ngan 'da' bar 'gyur/ / de bzhin gshegs pas thams cad la// sgra gcan 'dzin ltar gzigs pas na// ci'i phyir snying rje kun btang ste// yongs su mya ngan 'da' bar gshegs// ci ste sbrang bu chung ngu'i gcin/ / sa chen 'di yang 'jig nus la// ri dang ljongs kun med par rag/ rgya mtsho chen po 'gengs gyur na// de na yongs su mya ngan 'da'// snying rje'i sems kyis thams cad la// gcan 'jan ltar gzigs pas na// 'gro ba kun gyi gtsor 'gyur bapa// ci phyir yongs su mya ngan 'da'// de bas khyed la sogs pa dag/ dam pa'i chos la mos par gyis// mya ngan gyis kyang ma gdung bar/ / mi rmong ngu bar ma byed cig/ yang dag la ni gang spyod pa// de bzhin gshegs pa rtag pa sgom// de ltar dam chos de nyid kyang // mi 'gyur rtag tu gnas par rtogs// gzhan yang dkon mchog gsum dag la// rtag tu gnas par 'du shes skyed// de la shin tu srung ba ni// sngags kyi mthu dbang shing skam las// me tog dag kyang skye ba bzhin// de ni dkon mchog gsum po yi/ / 'khor rnam bzhi ste legs par nyon// thos nas shin tu dka' bzhin du// byang chub tu ni sems skyed cig/ gang zhig dkon mchogs po la don dam bden par rtag 'dzin na/ / de ni sangs rgyas mang po yi// smon lam phul gyi mchog yin no// de la dge slong ngam// dge slong ma 'am// dge bsnyen dang / dge bsnyen mgang zhig de bzhin gshegs pa smon lam btab pa ni/ glen pa 'am/ gti mug can ma yin te/ mchod pa'i gnas yin par rig par bya'o// smon lam de'i mthus yon tan gyi 'bras bu smin pa ni dgra bcom pa ltar 'jig rten gyi phul gyi mchog du 'gyur ro/ / gang zhig de ltar dkon mchog gsum la rtag pa nyid du mi shes na// de ni rigs ngan yin par rig par bya'o// gang zhig chos rnam pa gsum po rtag pa nyid du shes na/ chos bden pa'i rkyen gyis sdug bsngal dang 'bral zhing rab tu bde bar 'gyur/ gnod pa med par 'gyur// bar chad byed pa med par 'gyur ro// de'i tshe lha dang / mi dang / lha ma yin la sogs pa 'khor de dag gis de skad ces gsungs pa thos nas/ rab tu dga' mgu rangs pa'i sems skyes te/ shin tu dul zhing nges pa'i sems su gyur/ sgrib pa kun tu shin tu bsal ba'i sems su gyur/ mtho dman med pa'i sems su gyur te/ gzi brjid rnam par dang ba dang / 'dzum pa'i mdangs can du gyur nas/ de bzhin gshegs pa rtag pa nyid du shes te/ de bas na lha rdzas kyi mchod pa rnam pa mang pos mchod de/ lha rdzas kyi me tog dang / spos dang / phye ma dang / byug spos dang / lha rdzas kyi rol mos yongs su mchod do/ / de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu khyod kyis 'khor gyi dkyil 'khor 'di dag ngo mtshar rmad du gyur pa mthong ngam/ 'od srungs kyis gsol pa/ mthong ngo // bcom ldan 'das de bzhin gshegs pa tshad med dpag tu med pa dag 'khor mang po'i mchod pa yongs su bzhes pab mthong ngo / / gzhan yang sangs rgyas mang po'i sku ni rab tu che la bzhugs pa'i gdan ni khab kyi rtse mo tsam ste/ 'khor mang pos yongs su bskor kyang gcig gzer bar ma gyur par mthong ngo // gzhan yang 'khor mang po 'di dag smon lam chen po bskyed nas tshigs su bcad pa bcu gsum po smras pa'ang mthong ngo // gzhan yang 'khor gyi dkyil 'khor 'di dag so so nas 'di snyam du/ de bzhin gshegs pa ni bdag 'ba' zhig gi mchod pa bzhes so snyam du sems par yang 'tshal to// gal te tsun das phul ba'i mchod pa rdul phra mor btags te/ sangs rgyas gcig la tshul la mo gcig tsam phul yang chog pa 'am/ khyab par mi 'gyur na/ de bzhin gshegs pa'i byin gyi rlabs kyis thams cad la khyab cing chog par gyur to// de ni byang chub sems dpa' sems dpa' chen po 'jam dpal gzhon nur gyur pa la sogs pas/ ngo mtshar rmad du gyur pa 'di dag shes so// de'ang de bzhin gshegs pas thabs su bstan te/ nyan thos kyi 'khor rnams dang / lha ma yin la sogs pas de bzhin gshegs pa ni chos nyid du shes so// de'i tshe bcom ldan 'das kyis/ tsun da la bka' stsal pa/ khyod kyis mthong ba 'di dag ngo mtshar rmad do snyam sems sam/ gsol pa/ de bzhin no// bcom ldan 'das bdag sngar tshad med pa'i sangs rgyas mang po mtshan gsum cu rtsa gnyis dang / dpe byad bzang po brgyad cus yongs su brgyan par mthong na/ da ni thams cad byang chub sems dpa' sems dpa' chen po'i byad gzugs mchog tu gyur te/ sangs rgyas nyag gcig sman gyi sdong po ltar bzhugs shing / byang chub sems dpa' sems dpa' chen po rnams kyis yongs su bskor bar mthong ngo // bcom ldan 'das kyis/ tsun da la bka' stsal pa/ khyod kyis sngar sangs rgyas tshad med pa mthong ba ni ngas mngon par sprul pa sha stag ste/ sems can thams cad la phan pa dang bde ba'i don gyi phyir dga' ba bya ba'i phyir mngon par sprul ste/ byang chub sems dpa' sems dpa' chen po de dag kyang spyod pa bsam gyis mi khya'o ste/ tshad med pa'i sangs rgyas kyi mdzad pa byed pa sha stag go// tsun da khyod kyang byang chub sems dpa' sems dpa' chen po'i spyod pa dang ldan te/ sa bcul rab tu gnas pas byang chub sems dpa'i spyod pa rdzogs par ldan no/ / byang chub sems dpa' 'od srungs kyis/ bcom ldan 'das la gsol pa/ de de bzhin no// de de bzhin no// bcom ldan 'das// kyis gsungs pa bzhin te/ tsun da 'di ni spyod pa thams cad byang chub sems dpa'i spyod pa dang ldan te/ bdag cag rjes su yi rang ngo // de bzhin gshegs pas phyi ma ma 'ongs pa'i skye bo tshad med pa la snang ba chen po mdzad pa'i slad du/ theg pa chen po'i mdo sde yongs su mya ngan las 'das pa chen po gsungs so// bcom ldan 'das mdo sde thams cad las/ bcom ldan 'das kyis gsungs pa lhag ma dang bcas pa'i don lags sam/ lhag ma mchis pa'i don du gsungs pa lags/ bcom ldan 'das kyis bka' stsal pa/ rigs kyi bu ngas gsungs pa ni lhag ma bcas pa'ang yod la/ lhag ma med pa'i don yang yin no/ / de nas tsun das/ bcom ldan 'das la gsol pa/ bcom ldan 'das kyis gsungs pa ltar zang zing bdog pa thams cad sbyin pa byon pa na bsngag shing bstod mod kyi/ rnam par smod par mi bya'o zhes/ bcom ldan 'das kyis gsungs pa'i don de ji lta bu tshul khrims dang ldan pa dang / tshul khrims ngan pa can la bye brag gi khyad par ci mchis/ bcom ldan 'das kyis bka' stsal pa/ rnam pa gcig pu ma gtogs par sbyin pa gzhan thams cad la bstod cing bsngags so// tsun das gsol pa/ gcig pu ma gtogs zhes bgyi ba de gang lags/ bcom ldan 'das kyis bka' stsal pa/ de ni mdo sde 'di las gang tshul khrims ngan pa can du gsungs pa'o// tsun das yang gsol pa/ bcom ldan 'das de'i don ji lta bu lags/ bcom ldan 'das kyis bka' stsal pa/ tshul khrims ngan pa can zhes bya ba ni log sred can la bya'o// de ma yin pa sbyin pa thams cad la bston cing bsngags te 'bras bu chen po thob par 'gyur ro// tsun das yang gsol pa logs sred can zhes bgyi ba ji lta bu lags/ bcom ldan 'das kyis/ tsun da la bka' stsal pa/ dge slong ngam/ dge slong ma 'am/ dge bsnyen nam/ dge bsnyen ma gang zhig tshig ngan pa smra zhing dam pa'i chos la skur pa 'debs pa dang / kha na ma tho ba'i las byas kyang 'gyod pa 'am/ khrel ba 'am/ 'dzem pa'i sems med de/ gang zag de ni log sred can gyi lam la 'bab pa zhes bya'o// gang zhig rtsa ba bzhi nyams sam/ mtshams med pa lnga byas par bdag nyid kyis shes la/ de ltar kha na ma tho ba chen po byas kyang / thog ma nas 'jigs pa 'am/ zel zhing 'amadzem pa'i sems med de/ mi 'gyod mi 'thol ba dang / dam pa'i chos la 'phangs shing gces par mi 'dzin te/ rnam par gzhag pa'i sems med kyi/ brnyas skur pa dang nyes pa mang ngo zhes skyon 'dogs pa'i gang zag de'ang log sred can gyi lam la 'bab pa zhes bya'o/ / gzhan yang gang zhig sangs rgyas dang / chos dang / dge 'dun med do zhes smra ba de'ang log sred can gyi lam la 'bab pa zhes bya'o// de ltar log sred can 'a 'ba' zhig ma gtogs par byis pa gzhan thams cad la bstod cing bsngags so/ / de nas tsun das yang / bcom ldan 'das la 'di skad ces gsol to// bcom ldan 'das tshul khrims ngan pa can gyi don ji lta bu lags/ bcom ldan 'das kyis/ tsun da la bka' stsal pa/ gang tshul khrims kyi rtsa ba bzhi nyams pa dang / mtshams med pa byas pa dang / dam pa'i chos la rnam par skur pa 'debs pa de ni tshul khrims ngan pa can zhes bya'o/ / tsun das yang gsol pa/ de ltar tshul khrims ngan pa can de rnam par grol ba'i skal ba mchis sam/ bcom ldan 'das kyis bka' stsal pa/ rgyu dang rkyen du ldan na grol ba'i skal ba yod de/ gal te chos gos kyang gyon la yongs su ma spangs/ khrel zhing 'dzem pa dang 'jigs pa'i sems dang yang ldan/ shin tu'ang 'gyod la/ 'di snyam du kyi hud bdag gis ci'i phyir kha na ma tho ba'i las chen po 'di byas/ kyi hud bdag gis ci'i phyir sdug bsngal du 'gyur ba'i las byas snyam du/ shin tu 'gyod pa'i sems skyes la/ chos srung ba'i sems dang / chos rnam par gzhag pa'i sems kyang bskyed de/ chos srung zhing 'dzin pa la mchod pa byed pa dang / theg pa chen po'i mdo sde 'don cing klog pa la zhu ba dang / gsol ba 'debs pa dang bdag kyang 'chang ba dang / 'dzin pa dang / klog pa dang / 'don pa dang / khong du chud par byed la/ gzhan la'ang rgyas par ston cing 'chad pa'i gang zag de ni tshul khrims ngan pa can zhes mi bya'o/ / de ci'i phyir zhe na/ rigs kyi bu 'di lta ste/ dper na nyi ma shar na na bun dang khu rna mi snang ba'i mun pa kun sel bar 'gyur ro// yongs su mya ngan las 'das pa'i mdo sde chen po 'di 'jig rten du byung ba'ang de dang 'dra ste/ sems can gyi bskal pa tshad med pa'i kha na ma tho ba'i las ci byas pa thams cad sel bar nus so// de bas na mdo sde 'di las dam pa'i chos kyi skyabs byas pa dag 'bras bu chen po thos par 'gyur te/ tshul khrims ngan pa can dag rnam par grol nus so zhes bshad pa yin no// de la gang zhig dam pa'i chos la skur kyang shin tu 'gyod cing 'thol la/ chos la skyabs su song nas mi dge ba'i las byas pa thams cad dran par byas te/ dper na mi zhig gsad pa'i las byas na/ shin tu 'jigs pa'i sems skye ba ltar ram/ rab tu ngo tsha ba dang khrel ba'i sems skyes te/ dam pa'i chos 'di ma gtogs par gzhan gud na skyabs dang dpung gnyen du 'gyur ba med do snyam pa'i sems skyes te/ dam pa'i chos la skyabs su 'gro ba ji ltar bstan cing gsungs pa bzhin du skyabs su song ba'i gang zag de la sbyin pa byin na/ bsod nams dpag tu med pa 'thob cing 'jig rten gyi mchod pa'i gnas su 'gyur ro// gang zhig de ltar gong du smos pa'i kha na ma tho ba'i las byas nas/ zla ba gcig kam/ zhag bco lnga'i bar du skyabs su 'gro ba 'am/ 'thol ba 'am/ 'gyod pa'i sems mi skye ba'i gang zag de la sbyin pa byin na'ang 'bras bu chen por mi 'gyur te/ mtshams med pa lnga'i sdig byas pa'ang de dang 'dra ste/ 'gyod pa'i sems skyes la khong nas ngo tsha ba dang khrel ba'i sems su ldan te/ bdag gis mi dge ba'i las byas pas sdug bsngal/ chen po myong bar 'gyur ro snyam sems te/ dam pa'i chos rnam par gzhag pa'i phyir mgon dang skyabs byed na/ de'ang mtshams med pa lnga'i sdig byas pa ma yin no// ci ste de la sbyin pa byin na tshad med pa'i bsod nams 'thob par 'gyur ro/ / mtshams med pa'i las byas kyang dam pa'i chos srung ba'am/ skyabs su 'gro ba'i sems skyed pa de la sbyin pa byin na/ bsod nams su 'gyur ba ni smos su'ang mi chog go/ / rigs kyi bu 'di lta ste/ kha na ma tho ba'i las chen po byas pa dag shin tu brtags par nyon cig dang / khyod la rgyas par phye ste bshad par bya'o// de dag 'di snyam du sems skyed cig/ dam pa'i chos zhes bya ba ni de bzhin gshegs pa'i snying po ste/ de bas na bsrung zhing bskyab pa dang rnam par gzhag par bya'o// de la sbyin pa byin pas bsod nams kyi 'bras bu mchog thob par 'gyur ro/ / rigs kyi bu dper na bud med sbru ma ma bu 'byung du nye ba zhig yul du mu ge byung ste 'khrugs nas yul gzhan zhig gi lha'i rten bcas pa zhig tu bu btsas nas phyis bdag gi yul nyid na 'khrug pa'ang zhi/ lo'ang rab tu legs so zhes gtam thos nas bu khur du khyer te phyir bdag gi yul du chas so// de'i bar du chu chen po brug nas/ bu khur du khyer te chu rgal ma nus pas de 'di snyam du sems so/ / bdag cag ma smad gnyis lhan cig tshe 'phos kyang za'i/ bu bor te bdag 'ba' zhig chu brgal bar mi bya snyam bsams nas/ chubargal ba las ma smad gnyis chu'i nang du shi'o// shi ma thag tu mtho ris kyi lhar skyes so// de'ang bu la byams te chu las sgrol bar bsams pa'i phyir ro// bud med de rang bzhin ngan la gtum yang bu la byams par bsams pas mtho ris kyi lhar skyes so/ / rtsa ba bzhi nyams pa dang / mtshams med pa lnga byed pa dag kyang / dam pa'i chos srung zhing bskyabs pa'i sems bskyed pa'ang de dang 'dra ste/ sngar mi dge ba'i las byas mod kyi/ chos bsrungs pas na 'jig rten na bla na med pa'i bsod nams kyi zhing du 'gyur te/ de ltar na chos srung zhing skyob pa de tshad med pa'i 'bras bu mchog dang ldan no/ / tsun das yang gsol pa/ bcom ldan 'das log sred can dag shin tu 'gyod cing ngo tsha ba dang ldan la/ dkon mchog gsum la'ang bsti stang dang bcas pas mchod pa bgyid/ bstod pa bgyid na/ de la sbyin pa byin na 'bras bu chen po 'thob par 'gyur ram/ bcom ldan 'das kyis bka' stsal pa/ rigs kyi bu khyed de skad ces ma zer cig/ rigs kyi bu 'di lta ste/ dper na mi zhig shing thog a 'tha zos nas 'bras bu sa la bor ro// de 'di snyam du 'bras bu'i nang na'ang ro dang rab yod du nges so bsnyam bsams nas/ 'bras bu bcag snga myangs pa dang / shin tu kha bar gyur pas de la 'gyod pa'i sems skyes te/ shing thog de mthar med kyis dogs pas 'bras bu bcag pa phyisas la rmos nas/ de skye bar 'dod pa'i phyir dus su mar dang 'o ma la sogs pa blugs te shin tu nan tan byas na/ de khyed kyi yid la ji snyam de skye bar 'gyur ran gsol pa/ ma lags so// bcom ldan 'das gal te gnam las bla na med ba'i bdud rtsi'i char bab kyang skye bar mi 'gyur ro/ / rigs kyi bu log sred can de'ang de dang 'dra te/ dge ba'i rtsa ba kun bsregs na kha na ma tho ba'i las ci la brten te 'byung bar 'gyur/ rigs kyi bu gal te dge ba'i sems skyes na de ni log sred can zhes mi bya'o/ / rigs kyi bu sbyin pa byas pa thams cad kyi rnam par smin pa'i 'bras bu ni khyad par med pa ma yin no// de ci'i phyir zhe na/ nyan thos rnams la sbyin pa byas pa'i 'bras bu rnam pa smin pa dang / rang sangs rgyas la sbyin pa byin pa'ang khyad par yod de/ de bzhin gshegs pa 'ba' zhig la sbyin pa byin pa ni bla na med pa'i 'bras bu thob par 'gyur te/ de bas na sbyin pa thams cad la khyad par med pa'ang ma yin no// tsun das yang gsol pa/ ci'i slad du de bzhin gshegs pas tshigs su bcad pa 'di skad ces gsungs/ bcom ldan 'das kyis/ tsun da la bka' stsal pa/ ngas tshigs su bcad pa 'di gsungs pa ni rgyu dang rkyen med pa ma yin te/ sngon rgyal po'i khab 'di na dge bsnyen shin tu ma dad pa zhig mu stegs can gcer bu pa la sbyin pa byin nas/ nga la sbyin pa'i don rmis pas/ de'i rgyu dang rkyen gyis tshigs su bcad pa de dag ngas smras so// gzhan yang byang chub sems dpa' sems dpa' chen po rnams la dgongs gsungs pa'i snying po phyir yang gsungs so/ / tshigs su bcad pa 'di'i don ji lta bu zhe na/ thams cad ces bya ba'ang phyogs gcig gi thams cad la bya ste/ byang chub sems dpa' sems dpa' chen po mi'i gtso bor gyur pa'ang / tshul khrims srung ba dag ni yongs su sdud cing ci dgos pa sbyin par yang byed do// tshul khrims ngan pa can dag ni zhing gshin pa'i yug po 'am/ khre rgod ltar yongs su spong ngo // gzhan yang rigs kyi bu ngas sngon tshigs su bcad pa 'di dag gsungs so// 'bab chu'i chu klung thams cad ni/ nges par gya gyu yod yang dag/ nags tshal gtogs pa thams cad ni// nges par shin tu gdon mi za// bud med smos pa thams cad ni// kun kyang gtsam sgyu yod du nges// dbang dang ldan pa thams cad ni/ / gdon mi za bar longs spyod ldan// de nas byang chub sems dpa' sems dpa' chen po 'jam dpal gzhon nur gyur pa 'dug pa las langs nas tha gos phrag pa gcig tu gzar nas/ pus mo g.yas pa'i lha nga sa la btsugs nas/ bcom ldan 'das kyi zhabs la mgo bos phyag 'tshal te/ tshigs su bcad pa 'di skad ces gsol to// 'bab pa'i chu klung thams cad ni mnges par gya rgyu mchis ma lags/ / nags tshal gtogs pa thams cad ni// nges par thams cad shing ma lags// bud med smos pa thams cad ni// thams cad gso sgyu mchis ma lags/ / dbang du gyur pa thams cad ni// thams cad longs spyod ldan ma lags// de bas na bcom ldan 'das kyis gsungs pa'i don 'di ni lhag ma dang bcas pa lags na/ gdag cag la thugs brtse ba'i slad du/ de'i rgyu dang rkyen bstan du gsol/ de ci'i slad du zhe na/ bcom ldan 'das stong gsum gyi stong chen po'i 'jig rten gyi khams na/ gling nub kyi ba lang spyod ces bya ba na/ chu klung sa pa ya zhes bgyi ba zhig mchis te/ thig dag po ltar nub kyi rgya mtshor 'bab bo// chu klung de'i mtshan nyid mdo sde gzhan dag las kyang bcom ldan 'das kyis ma gsungs na/ de bzhin gshegs pas shin tu rgyas pa'i mdo sde 'di las lhag ma mchis par gsungs pa 'di/ byang chub sems dpa' rnams kyang don 'di dag rtogs par mdzad du gsol/ bcom ldan 'das dper na mi la la zhig sngar gser rdo/ ngom shes la/ gser nyid mi shes pa dang mtshungs te/ de bzhin gshegs pa'ang 'di dang 'dra bar/ chos thams cad thugs su chud kyang bstan cing gsungs pa ni mkhas pa'i lhag ma dang bcas so// de bzhin gshegs pas de lhag ma dang bcas pa gsungs mod kyi/ de'ang thabs dang sbyar te dgongs nas gsungs par 'tshal to// nags tshal thams cad nges par shing ngo zhes bgyi ba'ang lhag ma dang bcas so/ / de ci'i slad du zhe na/ gser dang / bai DUn la sogs pa rin po che rnam pa sna tshogs kyi nags la'ang tshal zhes bgyi'o// bud med thams cad nges par g.yo sgyu can no/ zhes bgyi ba'ang lhag ma dang bcas so// de ci'i slad du zhe na/ bud med kha cig tshul khrims yongs su srung zhing yon tan dang ldan pa/ byams pa dang snying rjer ldan pa'ang mchis so// dbang dang bcas pa thams cad longs spyod dang ldan no zhes bgyi ba'ang lhag ma dang bcas so/ / de ci'i slad du zhe na/ dbang dang bcas pa 'khor los sgyur ba de bzhin gshegs pa chos kyi rgyal po ni 'chi bdag gi bdud kyi ris su gtogs te med par byed mi nus so/ / tshangs pa dang brgya byin la sogs pa ni dbang dang bcas mod kyi/ mi rtag pa lags so// gang rtag pa mi 'gyur mi 'pho ba ni dbang dang bcas pa zhes bgyi ste/ de'ang theg pa chen po yongs su mya ngan las 'das pa 'di lags so// bcom ldan 'das kyis bka' stsal pa/ rigs kyi bu khyod ni shin tu smra ba'i spobs pa dang ldan te/ 'on kyang skad cig sdod la brtan por nyon cig/ 'jam dpal dper na khyim bdag nad kyis gzir te/ shin tu nyam chung ba zhig sman pa mkhas pa dang phrad nas/ sman pa des sman a kas sbyar te/ nad pa de brkam pa zhig ste/ mang du za 'dod na de la sman pa 'di skad ces zer ro/ / nad pa khyod sman zhun ni mang du'ang gtang ba zhig na/ khyod nyam chung zhing rid de mi 'ju bas mang du gtang du mi rung ngo // de bas na sman a gas 'di ni bdud rtsi zhes kyang bya la/ dug ces kyang bya'o// gal te mang du 'thungs te mazhun dug ces bya'o// rigs kyi bu khyod sman pa mkhas pa des smras pa de la don 'gal zhing nor ba 'am/ sman gyi mthu med par gyur to snyam du ma sems shig/ rigs kyi bu de bzhin gshegs pa'ang de dang 'dra ste/ rgyal po dang / btsun mo dang / rgyal bu dang / blon po chen po rnams dang / rgyal po rab tu sde 'pham byed dang rgyal bu dang / btsun mo dang / pho brang gi slas nga rgyal can dag gi dbang du byas te/ de dag gdul ba'i phyir/ de dag 'jigs shing skrag par bya ba'i phyir/ sman pa mkhas pa de dang 'dra bar tshogs su bcad pa 'di dag gsungs so/ / 'bab pa'i chu klung thams cad ni// nges par gya gyu yod yang dag/ nags tshal gtogs pa thams cad ni// nges par shin tu gdon mi za// bud med smos pa thams cad ni/ / kun kyang gcam sgyu yod du nges// dbang dang ldan pa thams cad ni// gdon mi za bar longs spyod ldan// 'jam dpal khyod kyis 'di ltar rig par bya ste/ de bzhin gshegs pas gsungs pa la ni 'khrul pa med do/ / sa chen po 'di 'gyur zhing ldog kyang srid kyi/ de bzhin gshegs pas gsung ba la 'khrul pa med do// de bas na de bzhin gshegs pas gsungs pa thams cad lhag ma dang bcas so/ / de nas bcom ldan 'das kyis/ 'jam dpal gzhon nu la shin tu legs so// shin tu legs so zhes bstod de/ rigs kyi bu khyod ni yun ring po nas don 'di rab tu rtogs pas thams cad la snying brtse ba dang / sems can thams cad ye shes su 'gyur bar bya ba'i byor/ de bzhin gshegs pa la tshigs su bca pa'i don 'di rgyas par dris pa legs so/ / de nas 'jam dpal gzhon nur gyur pas yang sangs rgyas kyi spyan sngar tshigs su bcad de gsol pa// pha rol gzhan gyis smras pa la// rjes su gzhol gyi phyir mi ldog/ gzhan gyis byas dang ma byas pa// de la brtag par mi bya'o// bdag la shin tu brtag pa ni// dge dang mi dge gang spyod pa// bcom ldan 'das kyis de skad gsungs pa'i chos kyi sman te ni yang dag par gsungs pa ma lags/ pha rol po gzhan gyis smra ba'i rjes su gzhol zhing 'gal bar mi bgyid pa/ de bzhin gshegs pas thugs brtse ba'i slad du yang dag par bstan du gsol/ de ci'i slad du zhe na/ bcom ldan 'das kyis rnam pa du ma las slob pa phyi rol pa rnam pa dgu bcu rtsa lnga po thams cad ngan song du 'gro'o zhes gsungs la/ nyan thos kyi nye gnas rnams ni thams cad yang dag pa'i lam du 'gro'o zhes gsungs te/ gang tshul khrims yongs su srung zhing / spyod lam shin tu sdom pa dbang po rnams srung ba'i gang zag de ni chos chen po la shin tu mos shing / dge ba'i lam la phyogs paba'ang lags na/ bcom ldan 'das kyis ci'i slad du/ mdo sde dgu po las pha rol po gzhan la smod na rnam par smad cing spyo bar bya'o// tshigs su bcad pa'i don 'di ci las dgongs te gsungs/ bcom ldan 'das kyis/ 'jam dpal la bka' stsal pa/ rigs kyi bu ngas tshigs su bcad de gsungs pa 'di'ang sems can thams cad kyi phyir ni ma yin gyi/ de'i tshe na rgyal po ma skyes dgra 'ba' zhig gi phyir/ gsungs te/ sangs rgyas bcom ldan 'das ni rgyu dang rkyen med par bzlog te gsungs pa'i chos med do// rgyu dang rkyen yod pas na de skad ces gsungs pa yin no// rigs kyi bu rgyal po ma skyes dgra bsad nas/ nga kang na ba der 'ongs nas gdul bar 'dod pa'i phyir nga la 'di skad ces dris so// ji ltar na sangs rgyas bcom ldan 'das thams cad mkhyen pa zhes bgyi ba de ni thams cad mkhyen pa ma lags so/ / ci ste thams cad mkhyen pa lags na/ lha sbyin lta bu sngon skye ba grangs med pa'i bar du ngan sems kyis de bzhin gshegs pa la gnod pa bgyid pa lags na/ ci'i slad du de bzhin gshegs pas rab tu 'byung bar gnang zhes dris nas/ rigs kyi bu de'i rgyu de'i rkyen gyis rgyal po de'i phyir tshigs su bcad pa 'di skad ces smras so// pha rol gzhan gyis smra ba la// rjes su gzhol gyi phyir mi ldog gzhan gyis byas dang ma byas pa/ / de la brtag par mi bya'o// bdag gi lus la shin tu brtag/ dge dang mi dge gang spyod pa// bcom ldan 'das kyis bka' stsal pa/ rgyal po chen po pa bsad pa'i mtshams med pa'i kha na ma tho ba'i las byas kyis/ shin du 'gyod cing 'thol la yongs su dag par 'gyur bar mi bya bar/ ci'i phyir gzhan gyi nyes pa'i skyon tshol ba la zhugs zhes/ rigs kyi bungs rgyal po de'i phyir de bas na tshigs su bcad pa de dag gsungs pa yin no/ / gzhan yang rigs kyi bu gang tshul khrims yongs su srung zhing / spyod lam dang ldan pa dag gzhan gyi skyon tshol ba la zhugs pa rnams kyi phyir yang tshigs su bcad pa de skad ces gsungs pa yin no/ / gang zag su zhig pha rol pos bstan cing 'chos pa'i rjes su mi dge ba yongs su spong ste/ gzhan dag kyang mi dge ba'i las zlog par byed na/ de ni nga'i nye gnas yang dag pa'o// de nas bcom ldan 'das kyis/ 'jam dpal la tshigs su bcad de bka' stsal pa/ mtshon chas mi 'jigs gang yang med/ / 'tsho ba'i srog la thams cad chags// bdag gi lus dpe blangs te// gzhan la ma 'tshog ma gsod cig/ de nas 'jam dpal gzhon nur gyur pas/ yang bcom ldan 'das kyi spyan sngar tshigs su bcad de gsol pa/ thams cad mtshon chas 'jigs pa min// srog la thams cad chags ma lags// bdag gi lus la dpe blangs te// dge bar spyod la brtson par byar/ / de bzhin gshegs pas chos kyi tshig gi don gsungs pa 'di'angabs pa'i mthar phyin pa ma lags so// de ci'i slad du zhe na/ dgra bcom pa dang / 'khor los sgyur ba'i rgyal po'i bud med rin po che dang / bal glang dang / rta dang / blon po rin po che ni ka nam gyi lha 'am/ lha ma yin gyi mtshon rnon po thogs kyang gsod nus pa'i gnas med do// skyes bu dpa' ngo bo dang / bud med chu gang can dang / rta'i rgyal po dang / gcan gzan gyi rgyal po dang / dge slong tshul khrims srung ba ni gnyen po mngon du snang yang mi 'jigs mi skrag pas/ de bas na de bzhin gshegs pas tshigs su bcad de gasrungs pa 'di'ang lhag ma dang bcas so/ / bdag gi lus la dpe blang ngo zhes bgyi ba'ang lhag ma dang bcas pa lags so// de ci'i slad du zhe na/ ci ste dgra bcom pa dag bdag la gzhan gyi dpe len na/ bdag tu 'du shes pa dang / srog tu 'du shes pa yod par 'gyur ro// bdag tu 'du shes pa dang / srog tu 'du shes pa yod na bsrungs par 'gyur te/ byis pa ma rabs dag gis kyang dgra bcom pa 'thob par 'gyur te/ thams cad rnal 'byor can du 'gyur ro// ci ste de lta bu lags na ngan par lta ba lags so// gal te ngan par lta ba lags na/ tshe 'phos ma thag tu sems can dmyal bar skye bar 'gyur ro// gzhan yang dgra bcom pa dag ni sems can la gsod pa'i sems gal te yang skye ba'i gnas ma mchis so/ / sems can tshad med pa dag kyang dgra bcom pa la gsod nus pa ma mchis so// bcom ldan 'das kyis bka' stsal pa/ rigs kyi bu bdag tu 'du shes zhes bya ba ni/ sems ca la snying rje chen po'i sems skyes te/ bsod pa'i 'du shes med pa ni dgra bcom pa dag gi sems mnyam pa nyid do// bcom ldan 'das la rgyu dang rkyen med par 'gal bar gsungs pa yod do snyam sem shig sngon rgyal po'i khab 'di na rngon pa chen po zhig ri dgas mang du bsad nas/ nga la sha bo zhig ces spyan drangs so// ngas de'i tshe gsol par gnang mod kyi sems can thams cad la sgra gcan 'dzin ltar shin du byams pa'i sems nye bar gzhag nas tshigs su bcad pa 'di skad gsungs so/ / khyod ni shin tu tshe ring shog/ 'jig rten 'dir yang ring du 'dug/ mi gsod pa yi chos 'dzin cing // sangs rgyas tshe dang 'dra bar shog/ tshigs su bcad pa 'di yang smras// mtshon chas mi 'jigs gang yang med// 'tsho ba'i srog la thams cad chags/ / bdag gi lus la dpe blangs te// btsog dang gsod pa ma byed cig/ de nas yang bcom ldan 'das kyis/ 'jam dpal gzhon nu la shin tu legs so// shin du legs so/ zhes bya ba byin nas/ byang chub sems dpa' sems dpa' chen po rnams kyi phyir/ de bzhin gshegs pa la don shin tu zab mo 'di lta bu dris pa legs so zhes bya ba byin no// de nas 'jam dpal gyis tshigs su bcad de gsol pa/ ji ltar shin du pha ma la/ bsti stang bcas pas rjes su gzhol// ji ltar nyams su blangs pa dag/ mtshams med sems can dmyal bar ltung // de nas bcom ldan 'das kyis tshigs su bcad de/ 'jam dpal la bka' stsal pa/ 'dod chags pa ni ma zhes bya// ma rig pa ni pha yin no// bsti stang bcas pas rjes 'jug na// mtshams med sems can dmyal bar ltung / / de nas bcom ldan 'das kyis yang / byang chub sems dpa' 'jam dpal la tshigs su bcad de bka' stsal pa/ thams cad gzhan gyis dbang sgyur na// de ni sdug bsngal ba zhes bya// thams cad bdag gis dbang sgyur na// de ni dbang dang bde bar ldan// nga rgyal dregs pa thams cad ni// mthu dang ldan pas khro gdum che// dge zhing nges pa thams cad ni// kun la byams te snying rjer ldan/ / de nas byang chub sems dpa' sems dpa' chen po 'jam dpal gzhon nur gyur pas/ yang bcom ldan 'das la 'di skad ces gsol to// de bzhin gshegs pas gsungs pa 'di'i'ang bas pa'i mthar phyin pa lags so/ / bcom ldan 'das thugs brtse ba'i slad du de'i rgyu dang rkyen bstan du gsol/ de ci'i slad du zhe na/ dper na khyim bdag gi bu dag slob dpon la slob pa'i tshe na/ slob dpon gyi dbang du gyur pa ma lags sam/ gal te slob dpon gyi dbang du 'gyur na'ang slob pa'i don mi 'grub la/ slob dpon gyi dbang dum gyur na'ang mi 'grub/ bdag gi dbang du 'gyur na slob pa'ang mi 'grub ste/ de bas na de bzhin gshegs pas gsungs pa ni lhag ma dang bcas pa lags so// bcom ldan 'das gzhan yang 'di lta ste/ dper na rgyal bu ci'ang mi slob pa ci'ang mi shes pa dag bdag gi dbang du 'gyur ba lags mod kyi/ glen zhing mi shes pas rtag tu sdug bsngal lo// de ltar na rgyal bu de ni de dag gi dbang du 'gyur zhes bgyir yang grub pa'i don ma mchis la/ gzhan gyi dbang du 'gyur zhes bgyir yang grub pa'i don ma mchis pas/ de bas na bcom ldan 'das kyis gsungs pa'i don 'di ni lhag ma dang bcas pa lags pas/ de bas na thams cad gzhan gyi dbang du 'gyur ba la'ang nges par sdug bsngal zhes bgyir mi rung la/ thams cad bdag gi dbang du 'gyur ba la'ang nges par bde ba zhes bgyir mi rung ngo // nga rgyal gyis dregs pa tham cad kyang khro gtum can no zhes bgyi ba'ang lhag ma dang bcas so/ / bcom ldan 'das dper na bud med chu kang can dag nga rgyal gyi dbang gis rab tu byung ste slob pa la zhugs na/ tshul khrims yongs su srung zhing / spyod lam shin du sdom ste/ dbang po mi g.yeng bar nan tan bgyid do// de bas na nga rgyal gyi kun nas nyon mongs pa thams cad nges par khro gdum pa'o zhes bgyir mi rung ngo // des shing dge ba thams cad kyang byams pa dang snying rjer ldan no zhes bgyi ba'ang lhag ma dang bcas pa lags so/ / dper na mi zhig phas pham pa zhig byung yang chos gos ma spangs/ phyi rol gyi spyod lam shin tu sdom yang chos srung ba dag mthong na mi 'dod de spong ngo / / de tshe 'phos nas kyang sems can dmyal bar ltung ngo // gal te dge slong zhig pas pham pa byung na chos srung ba de dag gis skrod par byed de khyim par 'bebla/ so// de bas na nges shing dge ba thams cad la nges par byams pa dang ldan no zhes bgyir mi rung ngo // de nas bcom ldan 'das kyis/ 'jam dpal la bka' stsal pa/ rgyu dang rkyen yod pa'i phyir de bzhin gshegs pas 'di ltar lhag ma dang bcas pa'i don gsungs so/ / gzhan yang bcom ldan 'das ni rgyu dang rkyen yod pa'i phyir 'di skad ces gsungs pa yin no// rgyal po'i khab 'dir bud med shin tu bzang mo zhes bya ba zhig pa ma'i khyim du 'gro ba'i lam yogs su nga kang na bar 'ongs nas/ sangs rgyas dang / chos dang / dge 'dun la skyabs su gsol nas/ 'di skad ces smras so// / bud med thams cad ni mthu med pa dbang med pa yin no// skyes pa thams cad ni dbang la thogs pa med pa yin no zhes smras pas/ de'i tshe na bud med de'i bsam pa thugs su chud nas/ de'i phyir tshigs su bcad pa 'di dag smras pa yin no/ / 'jam dpal legs so legs so// khyod kyi sems can thams cad kyi phyir/ de bzhin gshegs pa la de lta bu'i don dris pa legs so// / de nas 'jam dpal gyis tshigs su bcad de gsol pa/ sems can skye dgu thams cad ni// kun kyang zas dang skom la brten// mthu dang ldan pa thams cad ni// de yi sems la phrag dog med/ thams cad zas dang skom gyi rkyen// nad kyi sdug bsngal myong bar 'gyur// spyod pa rnam par dag pa ni// rab tu bde ba myong bar 'gyur// de bas na bcom ldan 'das/ tsun da'i bsod snyoms dang mchod pa bzhes pa 'di/ de bzhin gshegs pa la bsnyengs pa ma mnga' 'am/ de la bcom ldan 'das kyis tshigs su bcad de/ 'jam dpal la bka' stsal pa/ sems can skye dgu thams cad ni/ / zas dang skom la ltos ma yin// mthu dang ldan pa thams cad kyang // phrag dog sems ni med ma yin// thams cad zas kyi rkyen dbang gis// nad kyis gzer bar gyur ma yin// spyod pa dag pa thams cad kyang // thams cad bde ba myong ma yin// 'jam dpal ci ste khyod na bar gyur na// de bzhin du nga'ang na bar 'gyur ba'i rigs so// / de ci'i phyir zhe na/ dgra bcom pa rnams dang / rang sangs rgyas rnams dang / byang chub sems dpa' dang / de bzhin gshegs pa ni yang dag par na ci'ang zab med de/ pha rol gdul ba'i phyir so so'i skye bo tshad med pa dag gi sbyin pa blangs par bstan te/ de'ang de dag gi sbyin pa'i pha rol tu phyin pa yongs su rdzogs par bya ba dang / sems can dmyal ba dang / byol song gi skye gnas dang / gshin rje'i 'jig rten las bsgral pa'i phyir ro// de la gang zhig 'di snyam du/ de bzhin gshegs pa'ang lo drug gi bar du shin tu spyod dka' ba spyad de/ sku'ang shin tu nyam chung bar gyur to snyam sems na/ de ni gnas ma yin no// sangs rgyas bcom ldan 'das ni srid pa las rnam par grol bas/ bus pa ma rabs dang mi 'dra ba yin na/ ci'i phyir sku nyam chung zhing 'di bar gyur/ sangs rgyas bcom ldan 'das ni shin du brtson 'grus su nan tan byas pas/ rdo rje lta bu'i sku thob par 'gyur te/ 'jig rten dang bcas pa'i lus skyon yod pa lta bu dang 'dra ba ma yin te/ nga'i nye gnas rnams kyang de dang 'dra bar bsam gyis mi khyab pas zas la brten pa ma yin no// mthu che ba thams cad phrag dog med do zhes bya ba'ang lhag ma dang bcas so// dper na 'jig rten na mi kha cig tshe gcig tu phrag dog gi sems kyang med la mthu med pa'ang yod do/ / nad thams cad zas las 'gyur zhes bya ba'ang lhag ma dang bcas so// mi kha cig ni glo bur gyi nad bag ma byas pa las 'gyur ba'ang yod do/ / 'di lta ste/ de ni tsher ma zug pa dang / mtshon chas phog pa la sogs pa'o// spyod pa rnam par dag pa thams cad bde ba myong ngo zhes bya ba'ang lhag ma dang bcas pa'o/ / 'jig rten na mu stegs dag tshangs par yongs su dag par spyod mod kyi/ sdug bsngal mang du myong ba'ang yod do// de bas na de bzhin gshegs pas gsungs pa thams cad kyang lhag ma dang bcas te/ de ni de bzhin gshegs pas rgyu dang rkyen med bzhin du tshigs su bcad pa 'di smras pa ma yin gyi/ rgyu yod rkyen yod pas gsungs so// sngon yul hu da ya na 'dir bram zer skyes yon tan zhes bya ba gang na ba der 'ongs nas/ dus brgyad kyi khrims bzhi po srung bar 'dod pas ngas de'i tshe de la tshigs su bcad pa de dag gsungs pa yin no// de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das gang dag ni lhag ma mchis pa'i don zhes bgyi ba lags/ gang dag ni don thams cad ces bgyi ba lags so/ / bcom ldan 'das kyis bka' stsal pa/ rigs kyi bu thams cad ces bya ba ni byang chub kyi phyogs dang / dge ba'i chos la mos pa ma gtogs pa na thams cad kyang yin la/ lhag ma med pa zhes kyang bya'o// chos gzhan thams cad ni lhag ma dang bcas pa zhes kyang bya la/ lhag ma med pa zhes kyang bya ste/ chos la mos pa'i rigs kyi bu dag lhag ma dang bcas pa dang / lhag ma med pa'i don shes par 'dod pa'i phyir ro// de nas byang chub sems dpa' 'od kru dra shin tu dga' zhing mgu la rangs par gyur nas yang / bcom ldan 'das la 'di skad ces gsol to/ / ngo mtshar che'o// bcom ldan 'das sems can thams cad la sras sgra gcan 'dzin ltar mnyam par gzigs so// de nas bcom ldan 'das kyis/ byang chu sems dpa' 'od srungs la legs so legs so/ / khyod kyis don shin tu zab mo rtogs pa legs so zhes bya ba byin no// byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das theg pa chen po yongs su mya ngan las 'das pa 'di'i yon tan dang bsod nams ji snyed cig thob pa bstan du gsol/ bcom ldan 'das kyis/ 'od srungs la bka' stsal pa/ rigs kyi bu gang zhig gis mdo sde 'di'i ming thos pa tsam gyis bsod kyi phung po thob pa ni/ sangs rgyas bcom ldan 'das ma gtogs par/ nyan thos dang rang sangs rgyas kyis kyang brjod nus pa ma yin no// ci'i phyir zhe na/ sangs rgyas kyi spyod yul yin te/ bsam gyis mi khyab pa'i phyir ro// de la gang zhig 'chang ngam/ 'dzin tam/ klog gam/ 'don tam/ khong du chud par byed dam/ glegs bam du 'dri'am/ 'jir bcug pa lta smos kyang ci dgos te/ de'i tshe 'jig rten du bcas pa lha dang / mi dang / lha ma yin la sogs pa thams cad kyis/ sangs rgyas kyi spyan sngar skad mthun par tshigs su bcad pa 'di skad ces gsol to/ / sangs rgyas rnams ni bsam mi khyab// chos dang dge 'dun de bzhin te// de bas bdag cag gsol ba 'debs// da rung cung zad bzhugs pabar gsol/ / btsun pa 'od srungs chen po dang // gzhan yang dga' bo la sogs pa// 'khor gyi dkyil 'khor gnyis po yang // ma mchis re zhig gzhes su gsol// dbus 'gyur tshal gyi yul bdag po/ / rgyal po chen po ma skyes dgra// sangs rgyas la ni rab mos pa// de yang da rung 'dir ma mchis// de bzhin gshegs pa thugs brtse'i phyir// da rung cung zad gzhes su gsol/ / 'khor gyi dkyil 'khor mang po 'dir// bdag gi the tsom gcad du gsol// de nas de bzhin gshegs pas/ 'khor mang po dag la tshigs su bcad de bka' stsal pa/ nga yi chos kyi sras thu bo// 'od srungs chen po zhes bya ste// dga' bo brtson 'grus rtsom pa'i mchog/ kun gyi the tsom gcod par 'gyur// khyed kyis shin tu legs par nyon// dga' bo mang du thos pa las// shin tu rtogs par 'gyur ba ni// rtag dang mi rtag don rnams te// de bas de yi phyir na khyed// mi dga' mya ngan ma byed cig de'i tshe 'khor gyi dkyil 'khor mang po de dag mchod pa'i yo byad rnam pa sna tshogs kyis/ bcom ldan 'das la mngon par mchod nas/ bla na med pa yang dag par rdzogs pa'i byang chub tu sem bskyed par gyur to/ / byang chub sems dpa' tshad med mtha' yas pa klung kang+ka'i bye ma snyed ni sa dang po la gnas par gyur to// de'i tshe bcom ldan 'das kyis/ 'jam dpal gzhon nu dang / byang chub sems dpa' 'od srungs dang / tsun da la lung bstan nas 'di skad ces bka' stsal to// rigs kyi bu dag bdag gi sems la shin tu nan tan byos la bag yod par gyis shig/ nga ni ltar rgyab na bas thams cad du na par gyur gyis/ nga ni ji ltar byis pa chung ngu na pa ltar nyal lo snyam dgongs so// 'jam dpal la sogs pa khyed rnams 'khor bzhi po la theg pa chen po'i chos rgyas bar ston cig/ nga chos 'di dag kyang khyod la yongs su gdams so// de bzhin du 'od srungs dang dga' bo khyed la'ang yang dag pa'i chos 'di dag gdams so// de'i tshe de bzhin gshegs pas de skad ces gsungs nas/ so so'i skye bo dag gdul ba'i phyir nad pa ltar glo g.yas pas phab ste gzims so// // 'phags pa yongs su mya ngan las 'das pa chen po'i mdo bam po bcu gcig pa/ / // de nas byang chub sems dpa' 'od srungs kyis/ bcom ldan 'das la 'di skad ces gsol to// bcom ldan 'das de bzhin gshegs pa ni nad kyis sdug bsngal ba'i skyon thams cad dang bral ba lags te bsnyengs pa mi mnga' na/ bcom ldan 'das sems can thams cad ni gdug pa'i zug rngu rnam pa bzhis nas nad kyi rgyur 'gyur ba ni/ 'di lta ste/ 'dod chags dang / zhe sdang dang / gti mug dang / nga rgyal lo// gal te nad kyi rgyu mchis na/ nad mang po skye bar 'gyur pa ni/ 'di lta ste/ 'dod pas tsha ba dang / glon pa dang / dbugs rgod pa dang / skyug bro ba dang / lus kun sbrid pa dang / snying 'khrug cing mi dran pa dang / tshad par 'khru ba dang / zag gu dang / mig dang rna ba tsha zhing na ba dang / rgyab 'dzings pa dang / lto dbo ba dang / smyo ba dang / rid cing skam pa dang / yi dgas kyis brlams pa la sogs pa ste/ lus dang sems kyi nad rnam pa sna tshogs ni bcom ldan 'das la mi mngar na/ dang ci'i slad du de bzhin gshegs pa sku ma/ la gzigs te ngargyab na bar gyur gyis/ 'jam dpal khyod 'khor mang po la chos ston cig ces bka' stsal/ rgyu dang rkyen rnam pa gnyis kyis nad kyis sdug bsngal bar mi 'gyur ba 'di lta ste/ sems can thams cad la byams shing snying brtse ba dang / nad pa la na ba'i rkyen sman sbyin zhing 'bul ba ste/ de bzhin gshegs pa ni sngon bskal pa tshad ma mchis pa'i bar du byang chub kyi lam la shi nan tan mdzad de/ rtag tu gsung snyan pas sems can la bde ba'i don mdzad cig sdug bsngal bar mi 'gyur ba dang / nad pa la sman rnam pa sna tshogs yongs su gtong ba lags/ ci'i rkyen gyis deng 'di ltar skung ngo zhes bka' stsal/ bcom ldan 'das 'jig rten na nad pa dag ni bar bar 'dug/ bar bar nyal/ bar 'ga' ni mi bde bas bza' ba dang btung ba'ang slong / bar 'asha' ni 'khor rnams la so chis dang las kyang 'di ltar byabyor zhes ston na/ de bzhin gshegs pa ci'i slad du cang mi gsung bar gzims te/ nyan thos kyi nye gnas rnams la tshul khrims kyi pha rol tu phyin pa dang / bsam gtan dang / rnam par grol ba dang / snyoms par 'jug pa dang / yang dag par spong ba la brtson pa dag ci'i slad du mi ston/ ci'i rkyen gyis theg pa chen po'i mdo sde shin du zab mo 'di dag mi gsungs zhing / ci'i slad du de bzhin gshegs pas tshad med thab thabs kyis/ 'od srungs chen po mi'i nang na glang po'i rgyal po dang 'dra ba dang / skyes bu chen po rnams la bla na med pa yang dag par rdzogs pa'i byang chub las phyir mi ldog pa mi ston/ ci'i slad du dge slong ma rungs pa ma brtags pa'i dngos po thams cad 'chang ba la chad pas gcad pa mi ston/ bcom ldan 'das yang dag par sbyang ba mi mnga' bzhin du/ ci'i slang du cang mi gsung bar glo g.yas pas phab nas gzims par gyur/ byang chub sems dpa' dag nad pa la nad kyi rkyen sman byin pa na/ dge ba'i rtsa ba thams cad sems can la bdar nas thun mong du thams cad mkhyen pa'i ye shes su bsngos te/ sems can thams cad kyi nyon mongs pa'i sgrib pa dang / las kyi sgrib pa dang / rnam par smin pa'i sgrib pa yongs su sel to// nyon mongs pa'i sgrib pa zhes bgyi ba ni 'dod chags dang / zhe sdang dang / gti mug dang / khong khro ba'i kun nas dkri ba'i nyon mongs pa dang / phrag dog dang / ser sna dang / g.yo dang / sgyu dang / mi 'dzem pa dang / khrel med pa dang / nga rgyal dang / rab kyi nga rgyal dang / nga rgyal las kyang nga rgyal dang / nga'o snyam pa'i nga rgyal dang / log pa'i nga rgyal dang / mngon pa'i nga rgyal dang / chung ba'i nga rgyal dang / bag med pa dang / zegs pa dang / khon du 'dzin pa dang / rtsod pa dang / log par 'tsho ba dang / g.yo sgyus tshul 'chos pa dang / rnyed pas rnyed pa tshol ba dang / chos ma yin pas tshol ba dang / mang du tshol ba dang / bsti stang med pa dang / bstan pa bzhin du mi byed pa dang / mi dge ba'i bshes gnyen la bsten pa dang / rnyed pa la chags pas mi skyo ba dang / 'ching ba'i rnam par bcings pas dgrol dka' ba dang / 'dod pa ngan pa la 'dod pa dang / chags ba ngan pa la chags pa dang / 'jig tshogs su lta ba dang / yod par lta ba dang / med par lta ba dang / rmyang zhing 'phres pa dang / dga' ba dang / gnyid dang / brlang ba dang / mi dga' ba dang bza' ba dang btung ba la chags pa dang / sems rmugs pa dang / sems gzhan la dmigs pa dang / mi dge ba yid la byed pa dang / lus dang ngag ngan par spyod pa dang / mang du smra ba la dga' ba dang dbang po rnams rtul ba dang / smra'o cog tu brdzun zer ba dang / 'dod pa'i rtog pa dang / zhe sdang gi rtogs pa dang / gnod pa'i rtog pas kun tu khebs pa/ nyon mongs pa'i sgrib pa zhes bya ba dang / mtshams med pa lnga'i kha na ma tho ba'i las kyi sgrib pa dang / sems can dmyal ba dang / byol song dang / yi dgas su skye ba dang / dam pa'o chos la skur ba dang / log sred can du skyes pa ni rnam par smin pa'i sgrib pa zhes bgyi ste/ sgrib pa rnam pa gsum po 'di ni nad chen po zhes bgyi na/ byang chub sems dpa' rnams ni bskal pa tshad med pa'i bar du byang chub kyi spyad pa spyod pa na/ na ba thams cad la sman gsos kyi sbyin pa byin te/ 'di skad du smom lam btab bo// sems can thams cad nad dang yongs su thal te/ de bzhin gshegs pa'i rdo rje'i sku thob par gyur cig/ sems can thams cad sman dam pa'i rgyal por gyur te/ nad ma rungs pa thams cad sel bar gyur cig/ sems can thams cad sman a ga tu thob cing / sman de'i mthu sa gdug pa thams cad sel bar gyur cig/ gzhan yang sems can thams cad bla na med pa yang dag par rdzogs pa'i byang chub las phyir mi ldog cing / myur du bla na med pa'i sangs rgyas kyi sman rnyed de/ nyon mongs pa'i zug rngu thams cad bsal bar gyur cig/ gzhan yang sems can thams cad shin tu brtson 'grus rtsom pa'i/ de bzhin gshegs pa'i rdo rje lta bu'i thugs dang ldan te sman dam par gyur nas/ nad thams cad gso zhing rtsod pa'i 'du shes med par gyur cig/ gzhan yang sems can dag sman gyi sdong po chen por gyur te/ nad ma rungs thams cad bas bapar gyur cig/ gzhan yang sems cad thams cad gdug pa'i zug rngu phyung nas/ de bzhin gshegs pa'i bla na med pa'i 'od zer thob par gyur cig/ gzhan yang sems can tham ca de bzhin gshegs pa'i ye shes kyi sman chen po'i chos kyi gter shin tu zab mo la 'jug par gyur cig ces smon lam 'debs so/ / bcom ldan 'das byang chub sems dpa' yang de ltar bskal pa tshad med/ dpag tu med bgrang du med pa brgyad stong gi bar du de skad ces smon lam btab ste/ sems can thams cad nad ma mchis par bgyid na/ ci'i rkyen gyis de bzhin gshegs pa nga na'o zhes bka' stsa la/ bcom ldan 'das gzhan yang 'jig rten na nad pa kha cig ni 'dug pa dang / ldang ba dang / 'gro ba dang / 'gog kyang mi nus/ kha zas dang skom yang mi chud de/ bu tshal ston cing 'chos kyang mi nus/ 'tsho nam gyi las bya ba'i 'doms kyang mi nus te/ de'i tshe na de'i pha ma dang / chung ma dang / bu dang / 'khor dang / gnyen bshes la sogs pa thams cad kyis de ni nges par 'chi bar 'du shes so// bcom ldan 'das da ltar de bzhin gshegs pa'ang de dang 'dra ste/ glo g.yas pas phab nas gzims te cang mi gsung bar gyur pas/ 'dzam bu'i gling 'di na skye bo thun po dag 'di snyam du sems par 'gyur ro// de bzhin gshegs pa yang dag par rdzogs pa'i sangs rgyas nges par mya ngan las 'das te/ 'gog pa zad pa'i 'du shes skyed do// de bzhin gshegs pa nyid ni mthar yongs su mya ngan las 'da' ba'ang ma mchis so/ / de ci'i slad du zhe na/ de bzhin gshegs pa ni rtag pa mi 'gyur mi 'pho ba'i phyir ro// de'i rgyu de'i rkyen gyis nga 'di ltar rgyab na'o zhes gsungs pa'i mi rigs so// bcom ldan 'das gzhan yang 'jig rten na nad pa kha cig ni shin tu rke zhing rid pas/ kan rgyal lam/ glos nyal nas ldang mi nus te/ de'i tshe 'khor rnams kyang de la mi 'dod pa'i sems skyes nas/ gdon ma bar 'chi bar 'du shes so/ / de bzhin gshegs pa'ang de dang 'dra ste/ mu stegs can rnam pa dgu bcu rtsa lnga po mi 'dod de/ mya ngan las 'da' bar 'du shes so// mu stegs can dag 'di skad du bdag cag la sogs pa ni/ bdag ces bya ba dang / bdag po dang / dus dang / rdul phra mo la sogs pa'i chos kyis rtag par gyur pas 'gyur zhing pho ba med kyi/ dge sbyong go'u ta ma ni mi rtag pas phrogs nas 'gyur zhing 'pho ba'i chos can du gyur to zhes smra'o/ / de bas na bcom ldan 'das cang mi gsung bar glo g.yas pas phab ste gzims pa'i mi rigs so// bcom ldan 'das gzhan yang 'jig rten na nang pa dag ni chen po bzhi nyams nas/ shes mi mnyam pa las shin du ring cing she bar te/ de bas na yang bzhin du ldang ba dang 'dug mi nus te nyal ba lags na/ de bzhin gshegs pa ni chen po bzhi'ang mi mnyam pa ma mchis la/ sku'i mthu dang yang ldan/ nyam ring ba'ang ma mchis te/ bcom ldan 'das khyu mchog chung ngu bcu'i stobs ni khyu mchog chen po gcig gi stobasu ma mchis/ khyu mchog chen po bcu'i stobs kyang / khyu mchog chen po sngon po gcig gi stobs su ma mchis/ khyu mchog sngon po bcu'i stobs kyang / bal glang g.yung gcig gi stobs su ma mchis/ bal glang g.yung bcu'i stobs kyang / bal glang rgod gcig gi stobs su ma mchis/ bal glang rgod bcu'i stobs kyang / bal glang mche ba gnyis pa gcig gi stobs su ma mchis/ bal glang mche ba gnyis pa bcu'i stobs kyang / bal glang mche ba bzhi pa gcig gi sto su ma mchis/ bal glang mche ba bzhi pa bcu'i stobs kyang / gangs kyi ri'i bal gleng dkar po gcig gi stobs su ma mchis/ gangs kyi ri'i bal glang dkar po bcu'i stobs kyang / spos kyi bal glang gcig gi stobs su ma mchis/ spos kyi bal glang bcu'i stobs kyang / bal glang sngon po gcig gi stobs su ma mchis bal glang sngon po bcu'i stobs kyang / bal glang ser po gcig gi stobs su ma mchis/ bal glang ser po bcu'i stobs kyang / bal glang dmar po gcig gi stobs su ma mchis/ bal glang dmar po bcu'i stobs kyang / bal glang dkar po gcig gi stobs su ma mchis bal glang dka' po bcu'i stobs kyang / bal glang ri zhes bya ba gcig gi stobs su ma mchis/ bal glang ri zhes bya ba bcu'i stobs kyang / bal glang ut+pa la gcig gi stobs su ma mchis/ bal glang ut+pa la bcu'i stobs kyang / bal glang ku mu da gcig gi stobs su ma mchis/ bal glang ku mud bcu'i stobs kyang / bal glang bun da ri ka gcig gi stobs su ma mchis/ bal glang bun da ri ka bcu'i stobs kyang / mi'i nang na gyad gcig gi stobs su ma mchis/ mo'i gyad bcu'i stobs kyang / bar ga na de gcig gi stobs su ma mchis par ga na de bcu'i stobs kyang / mthu bo che lag pa brgyad pa gcig gi stobs su ma mchis/ mthu bo che bcu'i stobs kyang / gnas bcu pa'i byang chub sems dpa'i tshigs gcig gi stobs su ma mchis so/ / so sora'i skye bo thams cad kyi rus pa'i tshogs ni gcig la gcig reg cing 'brel ba ma lags kyi/ gyad stobs po che'i rus pa'i tshigs ni gcig la gcig reg go/ par gan de'i rus pa'i tshigs ni gcig la gcig 'brel to/ / mthu bo che'i rus pa'i tshogs ni lu gu rgyud bzhin du gcig la gcig 'brel to// byang chub sems dpa'i rus pa'i tshigs ni 'brug 'khyil ba ltar mdud pa can du mchis pas de bas na de'i stobs ni mchog tu che'o/ / 'jig rten thog ma mngon par chags pa na rdo rje'i mtha' la brten te/ rdo rje'i gdan snying po byang chub kyi dkyil 'khor du mngon par byang nas/ byang chub sems dpa' gdan de la bzhugs te/ de nyid kyi tshe na stobs bcu rnyed par gyur to// de bzhin gshegs pa na bus pa chung ngu lta bu ma lags te/ bus pa chung du ni glen te shes pa ma mchis la/ spra'ang mi shes pas na/ yid bzhin du 'gre zhing nyal yang su'ang mi phye ste/ de bzhin gshegs pa ni ye shes chen po dang ldan pa/ thams cad la 'od kyis gsal pabar mdzad pa ni mo'i nang na glu lta bu lags pas gzi brjid chen po dang ldan te/ rdzu 'phrul chen po mngon par rdzogs nas/ bla na med pa'i drang srong chen po the tsom gyi dra ba yongs su bcad pa/ 'dod pa'i zug rngu phyung ba/ spyod lam shin du mdzes pa/ spyod lam gyi dbang du gyur pa/ bsnyengs pa mi mnga' ba lags la/ ci'i slad du glo g.yas pas phab ste gzims pas 'jig rten du bcas pa lha dang mi thams cad mi dka' zhing sdug bsngal gyis gdungs par mdzad/ / de nas byang chub sems dpa' 'od srungs kyis/ bcom ldan 'das kyi spyan sngar tshigs su bcad de gsol ba/ yon tan chen po ko'u ta ma/ bzhengs te dam chos bstan du gsol// ji ltar bus pa chung ngu'am// nang pa nyal ba lta bu min// lha mi'i ston pa kha lo sgyur// shing dbang drung du gzims pa 'di/ bubyas pa ma rabs mthongs nas su// nges par mya ngan 'da' zhes mchi// shin tu rgyas pa'i mdo sde las// sangs rgyas spyod yul zab mo yi// dgongs te gsungs pa mi shes pa// dmus long lam ni mi mthong bzhin/ / byang chub sems dpa' chen po dang // 'jam dpal gzhon nu la sogs pa// zab mo'i don rnams rtogs pa ni// ji ltar 'phongs la goms pa bzhin// dus gsum @#/ gshegs pa'i bcom ldan 'das// thugs rje chen po gtso bor gyur// de ltar thugs rje che bde// da ltar ji ltar gal mchis// ci ste thugs me mi mnga' na/ sangs rgyas shes kyang bgyir mi rung // ci ste mya ngan 'das gyur na// rtag pa zhes kyang bgyir mi rung // bla na med pa'i bcom ldan 'das// bdag cag gsol ba gnang bar mdzod// 'gro ba kun la bde ba'i phyir/ / mu stegs can dag gdul du gsol/ de'i tshe bcom ldan 'ang thug rje chen po la goms pa'i thugs kyis sems can so so'i bsam pa mkhyen nas/ de dag gi rjes su mthar phyin pa dang / bde ba'i don mdzad pa'i phyir gzims pa las bzhengs nas skyil mo krung bcas te bzhugs so// de'i tshe sku mdog lhang nge lham mer 'tsher ba ni gser bcos ma lngar gsal bar gyur to/ / zhal mdog shin tu mdzes pa ni ji ltar zla ba rgyas pa lta bu'o// sku shin tu gsal zhing dag pas dri ma 'am/ rnyog pa'i bag med do// 'od zer chen po bkyen nas nam mkha'i dbyings yongs su gang bar gyur te/ nyi ma brgya stong pas shin tu lhag pa'i 'od kyis shar phyogs dang / lho dang / nub dang / byang dang / phyogs mtshams bzhi dang / steng dang / 'og gi phyogs kyi 'jig rten gyi khams su sems can thams cad la ye shes chen po'i snang ba byin nas/ ma rig pa'i mun pa yongs su bsal to// gzhan yang sems can bye ba zag khrig brgya stong snyed byang chub kyi sems sar ma ldog par bshad/ de'i tshe bcom ldan 'das seng ka'i rgyal po lta bsnyengs pa med pa nas/ skyes su chen po mtshan sum cu rtsa gnyis dang / dge zad brgyu chum rgyu yongs su brgyan te/ sku'i ba spu'i bu ga ra renas bsgo re re byung bar sprul to// bad+mod dag kyang 'dab ma stong stong dang stan te/ btsun da mi gser/ sdong bran 'i Tan/ sa ni rdo rje/ la las byas paste/ shing rtal 'khor mo tsam mo// brji danas so las kyang 'od nam pa sna tshogs byung ba ni/ sngon po dang / ser po dang / dmar po dang / dkar po dang / smug tho shel gyi kha dog lta bu ste/ 'od de dag so so nas mtshams med pa'i sems can dmyal ba chen po dang / 'du shes kyi sems can dmyal ba dang / thig nas po'i sems can dmyal po dang sna tshogs 'dus pa'i sems can dmyal ba dang / 'od dod 'dod pa'i sems can dmyal ba dang / 'dod 'bod pa chen po'i sems can dmyal ba dang / shin tu tshig pa'i sems can dmyal ba dang / rab tu cher tshig pa'i sems can dmyal ba dang / sems can dmyal ba brgyad por skyes pa'i sems can dag rtag tu sdug bsngal mang pos rnam par gzir ba ni/ 'di lta ste/ bsreg pa dang / btso ba dang / me mur dang / gtun bus brdung ba la sogs pa ste/ de dag kyang 'od des 'og ma thag tu sdug bsngal de dag lhag ma ma lus par thams cad kyang nas/ rab tu bde ba dang / tu bsil ba la longs spyod par gyur to// 'od zer de las 'di skad du de bzhin gshegs pas dgongs te gsung ba'i snying po grags par gyur pa ni/ kye sems can khyed kun la'ang sangs rgyas kyi rang bzhin yod do zhes grags par gyur to/ / sems can de dag gis de skad ces thos nas de ma thag tu tshe 'phos te/ mtho ris kyi lha dang mir skyes so// shin tu grang ba'i sems / can dmyal ba brgyad la 'di lta ste/ a pa pa'i sems can dmyal ba dang / a ta ta'i sems can dmyal ba dang / a la la'i sems can dmyal ba dang / a tsa tsa'i sems can dmyal ba dang / ut+pal sems can dmyal ba dang / pha thu ma'i sems can dmyal ba dang / ku mu ta'i sems can dmyal ba dang / pun da ri ka'i sems can dmyal ba te/ de dag tu skyes pa'i sems can rtag tu sdug bsngal myong ba ni/ 'di lta ste/ lus rab tu gas pa dang / zhig pa dang / dum bu dum bur chad par gyur te/ de dag kyang 'od kyis reg ma thag tu sdug bsngal lhag ma ma lus par gyur te/ dro ba dang 'jam par gyur nas/ 'od de las 'di skad du de bzhin gshegs pa'i snying po ston pa'i sgra grags pa ni/ 'di lta ste/ kye sems can khyed la'ang sangs rgyas kyi rang bzhin yod do zhes zags te/ de dag gis de skad ces thos nas de ma thag tu tshe 'phos te/ mtho ris kyi lha dang mir skyes par gyur to// de'i tshe de'i dus nas 'dzam gling 'di dang / 'jig rten gyi khams gzhan dag gi sems can dmyal ba thams cad stongs par gyur te/ sdug bsngal dmyong ba med do// yi dgas kyi khamasasu skyes pa dag zas dang skom gyis yongs su gdungs pa/ skra shad 'dzings pas lus dkris pa/ lo brgya stong gi bar du chu'i ming yang mi thos pa dag 'od des reg ma thag tu bkres pa dang skom pas gdungs pa dang bral te/ 'od de las 'di skad du de bzhin gshegs pa'i snying po ston pa grags pa ni/ 'di lta ste/ sems can khyed la'ang sangs rgyas kyi rang bzhin yod do zhes pa'i tshig grags par gyur to/ / sems can de dag gis tshig de skad ces thos nas de dag tshe 'phos te/ de ma thag tu mtho ris kyi lha dang mir skyes te/ yi dgas kyi khams kyang stongs par gyur te/ de la theg pa chen po shin tu rgyas pa'i mdo sde la skur pa ni ma gtogs so// byol song gi skye gnas su skyes pa'i sems can gcig la gcig 'cha' zhing za ba/ gnod pa byed pa dag kyang 'od des reg nas sdig pa'i sems zhi bar gyur te/ 'od de las kyang 'di skad du de bzhin gshegs pa'i snying po ston pa grags pa ni/ 'di lta ste/ sems can khyed la'ang sangs rgyas kyi rang bzhin yod do zhes grags par gyur to/ / sems can de dag gis de skad ces thos nas tshe 'phos te/ de ma thag tu lha dang mir skyes so// de'i tshe de'i dus na byol song gi khams kyang stongs par gyur te/ dam pa'i chos la skur ba ni ma gtogs so// pad+mo re re la'ang sangs rgyas re re bzhugs pa ni 'od zer 'khor bar 'dom gang dang ldan pa/ gser bco ma'i mdog lta bu lham mer 'tshe rab/ shin tu mdzes pa/ mchog tu bskrun du med pa/ skyes bu chen po'i mtshan sum cu rtsa gnyis dang / dpe byad bzang po brgyad cus sku shin tu brgyan pa/ sangs rgyas de dag la la ni bzhugs/ la la ni 'greng / la la ni mnal/ la la ni sdod/ la la ni 'brug gi sla sgrogs/ la la ni char 'beb/ la la ni klog gi 'od 'gyed/ la la ni rlung gtong / la la ni sku me lce'i phung po ltar 'bar/ la la ni rin po che sna bdun gyi ri dang / rdzing dang / mtshe'u dang / chu mig dang / 'bab chu dang / naka tshal yang mngon par ston/ la la ni rin po che sna bdun gyi yul dang / grong rdal dang / grong khyer dang / khang khyim yang mngon par ston/ la la ni bal glang dang / rta dang / seng ge dang / stag dang / spyad kyi dang / rma bya dang / nam mkha' lding la sogs pa yang ston/ la la ni 'dzam bu gling gi nang na gnas pa'i sems can gyis/ sems can dmyal ba dang / byol song dang / yi dgas 'ba' zhig gis gang bar snang bar ston/ la la ni 'dod pa'i khams kyi gnas rim pa drug ston/ bcom ldan 'das la la ni phung po dang / khams dang / skye mched kyi skyon mang po ston to// la la ni bden pa bzhi'i chos ston to// la la ni rten cing 'brel te 'byung ba ston to// la la ni las dang nyon mongs pa thams cad rgyu dang rkyen las skye bar ston to// la la ni bdag dang bdag med pa ston to// la la ni sdug bsngal ba dang bde ba'i chos gnyis po ston to// la la ni rtag pa dang mi rtag pa ston to// la la ni btsang ba dang mi gtsang ba ston to// bcom ldan 'das la la ni byang chub sems dpa'i rnams la pha rol tu phyin pa drug ston to/ / la la ni byang chub sems dpa'i yon tan gang yin pa ston to// la la ni sangs rgyas bcom ldan 'das kyi yon tan kang yin pa ston to/ / la la ni nyan thos pa'i yon tan gang yin pa ston to// la la ni theg pa gcig la brtsams pa ston to// la la ni theg pa gsum gyi mngon par byang chub pa ston to// bcom ldan 'das la la ni rtsib logs g.yon pa nas chu 'bab pa dang / rtsib logs g.yas pa nas me 'bar ba ston to// la la ni thog ma btsas pa dang / rab tu byung ba dang / snying po byang chub la bzhugs pa dang / byang chub kyi shing drung ngu chos kyi 'khor lo skor ba dang / yongs su mya ngan las 'da' ba'ang ston to// bcom ldan 'das la la ni seng ge'i sgra sgrogs te/ 'khor gyi dkyil 'khor dag 'bras bu dang po dang / gnyis pa dang / gsum pa dang / bzhi pa'i bar du 'thob par ston to// la la ni 'khor ba las 'byung ba'i rgyu dang rkyen tshad med pa'ang ston to// de'i tshe na 'dzam bu'i gling 'dir gnas pa'i sems can 'od des reg pa'i rnams dmus long dag ni mthong bar gyur/ 'on pa dag ni thos par gyur/ lkugs pa dag ni spro shes par gyur// zha bo dag kyang 'gro nus par gyur/ dbul ba longs pa ni longs spyod dang ldan par gyur/ ser sna can ni gtong 'od par 'gyur/ zhe sdang can ni byams pa'i sems dang ldan par gyur/ ma dad pa rnams ni dad par gyur te/ de ltar 'jig rten gyi khams na sems can gcig tsam yang mi dge ba'i cho la spyod pa med de/ log sred can 'ba' zhig ni ma gtogs so// de'i tshe na lha dang / klu dang / gnod sbyin dang / ji zadapa/ lha ma yin dang / nam mkha'i lding dang / mi 'am ci dang / lto 'phye chen po dang / srin po dang / grul bum dang / mi dang / mi ma yin pa la sogs pa thams cad skad mthun par 'di skad ces gsol to/ / shin tu legs so// bla na med pa'i bcom ldan 'das la phan pa dang bde ba'i don mdzad pa shin du legs so// zhes de skad ces gsol nas rab tu dga' mgu rangs te/ la la glu len/ la la gar byed/ la la ni yan lag bskul te/ me tog rnam pa sna tshogs kyis/ sangs rgyas dang / dge 'dun du bcas pa la mngon par gtor ba ni/ 'di lta ste lha rdzas kyi me tog ut+pa la dang / lha rdzas me tog ku mu da dang / me tog pad+mo dang / pun da ri ka dang / lha rdzas kyi me tog man da ra ba dang / man da ra ba chen po dang / man dzu sha ka dang / man dzu sha ka chen po dang / san da na dang / san da na chen po dang / lo tsi na dang / lo tsan chen po dang / bsung can dang / bsung can chen po dang / yid du 'ong ba dang / yid du 'ong ba chen po dang / blta na dga' ba dang / blta na dga' ba chen po dang / shin tu mdzes pa dang / mchog tu mdzes pa'i rnams so// gzhan yang lha rdzas kyi spos mang po mngon par gtor ba ni/ 'di lta ste/ lha rdzas kyi spos chu 'bying dang / a ka ru dang / tsan dan dang / ku ra kum dang / spos sbyar ma dang / rgya mtsho'i ngogs kyi brtsegs pa la sogs pa'o// gzhan yang lha rdzas kyi rin po che'i rgyal mtshan dang / ba dan dang / gdugs dang / gzhan yang lha rdzas kyi rol mo gling bu dang / gce'u kha mangs dang / dgu po rgyud mangs dang / rnga la sogs pas mngon par mchod nas/ sangs rgyas kyi spyan sngar tshigs su bcad de gsol ba/ bdag cag phyag 'tshal brtson 'grus rab rtsom pa/ bla med yang dag rdzogs pa rkang gnyis mchog/ lha mi bcas pa 'khor gyis mi shes pa// khyu mchog go'u ta ma khyod ni shin tu rdzogs/ / bcom ldan 'das pa'i dus na bdag cag phyir// bskal pa tshad med bar du dka' ba mdzad// ci'i slad du thugs dam rab btang ste// yongs su mya ngan 'da' bar gshegs par dgon/ 'gro ba thams cad kun gyis mi shes pa// de bzhin gshegs pa'i gsang ba'i snying po'o// de yi rkyen gyis 'byung bar rab dka' ste// 'khor ba kun tu 'khor zhing ngan song ltung // bcom ldan 'das kyis gsungs pa'i dgra bcom pa/ / de dag thams cad mya ngan 'da' bar 'jug/ de ltar sangs rgyas spyod yul zab mo ni// byis pa ma rab su zhig rtogs par 'gyur// 'gro ba kun gyi nyon mongs bsal ba'i phyir/ / 'gro ba kun la zil dang ra chos kyang gtor// gang zhig bdud rtsi 'di dag myong ba ni// phyir yang skye rga na 'chi len mi srid// bcom ldan 'das kyis shin tu gso ba ni/ / sems can mang po brgyad stong tshad med snyed// nad kyis shin tu gdungs te gzir ba'i rnams// lhag ma lus pa'i med par thams cad bsal// bcom ldan 'das ni yun ring nad spangs pas/ / de phyir sangs rgyas tha ma bdun par gyur// deng 'dir chos kyi char kun phab nas su// bdag cag yon tan sa bon brlan par mdzod// de ltar lha mir bcas pa'i 'khor rnams kyis/ / de skad gsol nas cang mi smra bar 'khod// tshogs su bcad pa 'di dag gsol ba'i tshe// pad+mo la bzhugs pa'i sangs rgyas thams cad 'dzam bu'i gling nas/ gnas gtsang ma ris kyi bar du thams cad kyis thos par gyur to/ / de nas bcom ldan 'das kyis/ byang chub sems dpa' 'od srungs la legs so legs so zhes bya ba byin nas/ rigs kyi bu 'di ltar khyod ni shin du zab mo'i ye shes 'di lta bu dang ldan pas na/ bdud dang mu stegs can thams cad kyis rnam par 'jig mi nus so// rigs kyi bu khyod 'di ltar shin tu bde bar gnas pas ngan par lta ba thams cad kyi rlung gis bskyod par mi nus so/ / rigs kyi bu khyod kyis 'di ltar so so yang dag par shes pa'i spobs pa dang ldan pa ni/ 'das pa'i sangs rgyas bcom ldan 'das tshad med pa gang+gA'i klung gi bye ma snyed la mchod pa byas pas na/ de bzhin gshegs pa dgra bcom pa yang dag par rdzogs pa'i sangs rgyas la don 'di dag dris par gyur to// rigs kyi bu nga ni yun ring po bskal pa tshad med mtha' yas dpag tu med pa bye ba khrag khrig brgya stong gi bar du nad kyi dngos po dang bral bas brnyes te nyal ba'ang yongs su spang ngo / / 'od srungs sngon bskal pa tshad med grangs med pa 'das pa de'i tshe de'i dus na/ sangs rgyas bcom ldan 'das bla med rgyal ba zhes bya ba/ de bzhin gshegs pa dgra bcom pa yang dag par rdzogs pa/ mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten du mngon par byung nas/ nyan thos rnams la theg pa chen po yongs su mya ngan las 'das pa'i mdo sde 'di rgyas par phye zhing bstan te/ don rtogs par byas so// de'i tshe nang yang sangs rgyas de'i nyan thos su gyur pas yongs su mya ngan las 'das pa chen po'i mdo 'di gzungs su gzung nas/ klog pa dang / 'don pa dang / don khong du chud pa dang / glegs bam du 'dri ba dang / gzhan la rgyas par 'byed cing ston pa la sogs pa byas te/ dge ba'i rtsa ba de nyid kyis kyang bla na med pa yang dag par rdzogs pa'i byang chub tu bsngos so// rigs kyi bu de tshun chad sdig pa'i nyon mongs pa'i las rgyas ngan song du lhung ma myong ngo / / dam pa'i chos la skur te log skud can gyi lus sam/ shung rum dang / dbang po med pa dang / mtshan gnyis pa'i lus kyang len mchong ngo/ / mtshams med pa'i las pa ma bsod pa dang / dgra bcom pa bsang po dang / mchod rten bshog pa dang / dge 'dun gyi dbyen byed pa dang / sangs rgyas kyi su la ngan sems kyis khrag byung dang / rtsa ba ba ni nyams pa'i las byed ma myong ngo // de tshun chad lus dang sems rab tu bde bar gyur gyi/ sdug bsngal gyis gdungs par ma gyur to// 'od srungs nga ni yang dag par na nad thams cad med do// de ci'i phyir na na/ sangs rgyas bcom ldan 'das ni yun ring po nas nad thams cad yongs su spangs pa'i phyir ro// 'od srungs so so'i skye bo dag ni theg pa chen po shin tu rgyas pa las dgongs te gsungs par don mi shes pas na/ de bzhin gshegs pa yang dag par nad yod do snyam sems so// 'od srungs de bzhin gshegs pa ni mi'i nang na seng ge'o// zhes bya ba de'ang de bzhin gshegs pa ni yang dag par ser ge ma yin te/ de skad ces gsungs pa de ni de bzhin gshegs pas dgongs te gsungs pa ni yin par rig par bya'o// 'od srungs de bzhin gshegs pa ni mi'i nang na klu chen po zhes bya ba yang / nga ni bskal pa tshad med pa'i bar du las de dag yongs su spangs pa yin no/ / 'od srungs de la de bzhin gshegs pa ni mi yin no// lha yin mo zhes zer te/ yang dag par nang ni mi'ang ma yin// lha'ang ma yin/ gnod sbyin ma yin/ dri za ma yin/ lha ma yin dang / nam mkha' lding dang / mi 'am ci dang / lto 'phye chen po ma yin/ bdag ma yin/ srog ma yin/ 'tsho ba ma yin/ shed can ma yin/ shed bdag ma yin/ byas pa ma yin/ ma byas pa ma yin/ tshor ba ma yin/ mi tshor ba ma yin/ bcom ldan 'das ma yin/ nyan thos ma yin/ smra ba ma yin/ mi smra ba ma yin te/ de skad ces gsungs ba de dag thams cad ni de bzhin gshegs pas dgongs te gsungs pa yin par rig par bya'o/ / 'od srungs de la de bzhin gshegs pa ni rgya mtsho dang 'dra'o// ri rab dang 'dra'o zhes kyang bya ste/ yang dag par na de bzhin gshegs pa ni lan tshwa'i ro bro ba ma yin/ zag lta bu ma yin te/ de skad ces gsungs pa de'ang de bzhin gshegs pas dgongs te gsungs pa yin no// 'od srungs de bzhin gshes pa ni pun da ri ka dang 'dra'o zhes kyang bya ste/ yang dag par na de bzhin gshegs pa ni pun da ri ka ma yin te/ de skad ces gsungs pa de'ang de bzhin gshegs pas dgongs te gsungs pa yin no// 'od srungs de bzhin gshegs pa ni ba ma lta bu'o// zhes kyang bya ste/ de bzhin gshegs pa ni yang dag par na lam ma yin gyi/ de skad ces gsungs pa de'ang de bzhin gshegs pas dgongs te/ gsungs pa yin no// 'od srungs de bzhin gshegs pa ni ded dpon chen po zhes kyang bya ste/ de bzhin gshegs pa ni yang dag par na ded dpon chen po ma yin gyi/ de skad du gsungs pa de'ang / de bzhin gshegs pas dgongs te gsungs pa yin no// 'od srungs de bzhin gshegs pa ni tshong dpon dang 'dra ba'o zhes bya ste/ yang dag par na de bzhin ga/ shes ba ni tshong dpon ma yin gyi/ de skad ces gsungs pa de'ang de bzhin gshegs pas dgongs te gsungs pa yin no// 'od srungs de bzhin gshegs pa ni bdud bcom pa'o zhes kyang bya ste/ yang dag par na de bzhin gshegs pa la ngan sems ni med kyi/ de dag gdul ba'i phyir de skad ces gsungs pa de'ang de bzhin gshegs pas dgongs te gsungs pa yin no// 'od srungs de bzhin gshes pa ni 'brum bu ma rungs pa gso ba'o zhes kyang bya ste/ yang dag par na de bzhin gshegs pa ni 'brum bu gso ba'i mkhan po ma yin gyi/ de skad ces gsungs pa de'ang de bzhin gshegs pas dgongs te gsungs pa yin no/ / 'od srungs ngas sngar gsungs pa ltar rigs kyi bu 'am/ rigs kyi bu mo gang zhig lus dang / ngag dang / yid kyi las yongs su dag par sbyong ba de'ang tha ma 'chi ba'i dus byed pa na gnyen bshes yod mod kyi/ de'i rogal te na mer sreg go/ gal te na chu'i nang ngam/ dur khrod du 'dor te/ wa dang / khyi dang / spyad ki la sogs pas zos kyang / de'i rnam par shes pa ni mtho ris su skye'o/ / de ltar de'i sems ni song ba dang 'ong ba rang med/ phyin pa'i gnas kyang med kyi/ rdza phyir 'dra ba'i skad cig ma'i rgyan yin gyi/ tha dad pa ni med do zhes de skad gsungs pa de'ang de bzhin gshegs pas dgongs te gsungs pa yin no/ / 'od srungs da lta rang na'o zhes bya ba'ang de dang 'dra ste/ de bzhin gshegs pas dgongs te gsungs pa yin te// de bas na srog la lta bas nga rgyab skung gis/ 'jam dpal khyod 'khor rnam bzhi la chos ston cig ces byas pa yin no// 'od srungs yang dag par na de bzhin gshegs pa yang dag par rdzogs pa'i sangs rgyas ni mi srung ste/ blo g.yas pas phab nas nyal ba'ang med la/ mthar yongs su mya ngan las 'das pa'ang med do// 'od srungs yongs su mya ngan las 'das pa chen po 'di ni/ sangs rgyas rnams kyi ting nge 'dzin shin tu zab mo yin gyi/ nyan thos dang rang sangs rgyas rnams kyi spyod yul ma yin no// 'od srungs khyod snga rang la 'chi ba las de bzhin gshegs pa ci'i slad du gzims te mi bzhengs// zhal zas kyang mi gsol/ 'khor rnams la gdams pa dang 'tsho chos kyi las la sogs pa'ang mi ston zhes dris pa ni/ 'od srungs 'di lta ste/ nam mkha' nyid la ni 'dug pa'am/ langs pa'ang med/ zas dang skom 'dod pa' med 'khor rnams la gdams pa dang 'tsho tshis kyi las ston pa'ang med/ 'ong ba dang / song ba dang / skye ba dang / 'gog pa dang / rga ba dang / lang tsho ba dang / byung ba dang / nub pa dang / sbas pa dang / 'am/ bdang / grol ba dang / 'ching ba zhes bya ba med/ bdag ces brjod pa med/ gzhan zhes brjod pa med/ bdag grol ba'ang med/ gzhan dkrol ba'ang med/ bde ba'ang ma yin/ naba'ang ma yin no// rigs kyi bu sangs rgyas bcom ldan 'das kyang de dngar rnga ste/ nam mkha' lta bu yin na// nad kyis sdug bsngal ba ga la zhig yod/ 'od srungs 'jig rten na gang zag rnam pa gsum gyi na na shin du 'ang ga so dka' ro/ / gang zhe na/ theg pa chen po la sgyur ba dang / mtshams med pa lnga byas pa dang / log srad can tend pa rnam pa 'di gsum ni 'jig rten na shin du'ang gsod ste/ nyan thos dang / rang sangs rgyas dang / byang chub sems dpas kyang gso nus pa ma yin no// rigs kyi bu dper na nges par 'chi ba'i nad pa gso dka' ba ni nad g.yog dang / yid bzhin gyi sman du ldan nam/ nad g.yog med dam/ yid bzhin du sman dang mi ldan na'ang nad de ni nges par gsor mi rung bas na/ mi de gdon mi za bar 'chi'o// rigs kyi bu gang zag rnam pa gsum po de'ang de dang 'dra ste/ gal te nyan thos sam/ rang sangs rgyas sam/ byang chub sems dpas chos bstan tam/ chos ma bstan kyang bla na med pa yang dag par rdzogs pa'i byang chub tu sems bskyed du gzhug mi nus so// / 'od srungs dper na nang pa gsor rung ba nad g.yog dang yid bzhin gyi sman dang ldan na 'tsho bar 'gyur ro// rnam pa gsum po dang mi ldan na 'tsho bar mi 'gyur te/ nyan thos dang rang sangs rgyas kyang de dang 'ja ste/ sangs rgyas dang byang chub sems dpa' las chos thos na de ma thag tu bla na med pa yang dag par rdzogs pa'i byang chub tu sems skyed par 'gyur gyi/ chos ma thos pas sems bskyed par 'gyur ba ni ma yin no/ / 'od srungs dper na nang pa zhig nad g.yog dang yid bzhin gyi sman dang ldan yang rung // nad g.yog dang yid bzhin gyi sman du mi ldan yang rung ste/ 'tsho bar 'gyur ba yod de/ de bzhin du gang zag rnam pa gcig kyang de dang 'ja ste/ nyan thos dang phrad kyang rung / nyan thos dang ma phrad kyang rung / rang sangs rgyas dang phrad kyang rung / rang sangs rgyas dang ma phrad kyang rung / byang chub sems dpa' dang phrad kyang rung / byang chub sems dpa' dang ma phrad kyang rung / de bzhin gshegs pa dang phrad kyang rung / de bzhin gshegs pa dang ma phrad kyang rung / chos thos kyang rung / chos ma thos kyang rung ste/ tha na med pa yang dag par rdzogs pa'i byang chub tu mngon par 'tshang rgya bar 'gyur ba yod do// 'di lta ste/ gang zag su zhig bdag gi phyir ram/ gzhan gyi phyir ram/ gal te 'jigs ba'i phyir ram/ rnyed pa dang grags pa'i phyir ram/ g.yo sgyu'i phyir ram/ gzhan bsru ba tsam gyi phyir yongs su mya ngan las 'das pa chen po'i mdo sde 'di bris sam/ 'drir bcug kam/ 'cha ngam/ 'dzin tam/ klog gam/ 'don tam/ bsti stang dang bcas pas mchod pa byed dam/ gzhan la ston cig 'chad pa'o// 'od srungs gang zag rnam pa 'di lnga ni theg pa chen po yongs su mya ngan wa 'dra ba'i mdo sde 'di la skyon dang bcas bzhin du spyod kyi/ de bzhin gshegs pa ma yin no// lnga gang zhe na/ 'di lta ste/ nyon mongs pa rnam pa gsum bcad nas/ rgyun du zhugs pa'i 'bras bu thob pas/ sems can dmyal ba dang / byol song dang / si dgas kyi khams su mi skye'i/ lha dang mir lan bdun ldog pa/ sdug bsngal thams cad bcad nas/ mya ngan las 'das par zhugs pa ste/ 'od srungs de ni skyon dang bcas pas spyod pa'i gang zag gcig ces bya ste/ ma 'ongs pa'i dus kyi bskal pa brgyad khri 'das nas bla na med pa yang dag par rdzogs pa'i byang chub tu mngon par 'tshang rgya bar 'gyur ro/ / 'od srungs nyon mongs pa tha ma gsum po bcad nas/ 'dod chags dang / zhe sdang dang / gti mug srab par gyur te/ lan cig phyir ldog pa'i 'bru bu thob pas lan cig phyir ldog ste/ sdug bsngal yongs su bcad nas/ mya ngan las 'das par zhugs pa ni/ 'od srungs skyon dang bcas par spyod pa gnyis zhes ste/ de'ang bskal pa drug khri 'das nas bla na med pa yang dag par rdzogs pa'i byang chub tu 'tshang rgya bar 'gyur ro// 'od srungs gang zag gsum pa de ni nyon mong pa tha ma lnga po bcad de phyir mi ldog pa'i 'bras bu thob par phyir mi ldog ste/ sdug bsngal thams cad bcad nas/ mya ngan las 'das par zhugs pa ni skyon dang bcas par spyod pa gsum zhes bya ste/ de'ang bskal pa bzhi khri 'das nas bla na med pa yang dag par rdzogs pa'i byang chub tu 'tshang rgya bar 'gyur ro// 'od srungs gang zag bzhi pa ni 'dod chags dang / zhe sdang dang / gti mug yongs su bcad nas/ dgra bcom pa'i 'azas bu thob pas nyon mongs pa lhag ma ma lus par mya ngan las 'das par zhugs pa ni/ bse ru ltar gcig tu spyod pa'ang ma yin te/ de ni skyon dang bcas par spyod pa bzhi zhes bya ste/ de'ang nga skal pa nyi khri 'das nas bla na med pa yang dag par rdzogs pa'i byang chub tu 'tshang rgya bar 'gyur ro// 'od srungs gang zag lnga pa'ang 'dod chags dang / zhe sdang dang / gti mug yongs su bcad nas/ rang sangs rgyas kyi 'bras bu thob ste/ nyon mongs pa lhag ma ma lus par mya ngan las 'das par zhugs te/ bse ru ltar gcig pu spyod pa ni skyon dang bcas par spyod pa lnga zhes bya ste/ de'ang bskal pa khri 'das nas bla na med pa yang dag par rdzogs pa'i byang chub tu mngon par 'tshang rgya bar 'gyur ro// 'od srungs de dag ni skyon dang bcas par spyod pa'i gang zag lnga zhes bya ste/ de bzhin gshegs pa ni ma yin no// 'phags pa yongs su mya ngan las 'das pa'i mdo las/ 'khor mang po kun dris pa zhes bya ba'i le'u ste lnga pa'o// / / de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu byang chub sems dpa' sems dpa' chen po dag/ yongs su mya ngan las 'das pa chen po'i mdo 'di las spyod pa rnam lnga yid la bya'o/ / lnga gang zhe na/ 'phags pa'i spyod pa dang / tshangs pa'i spyod pa dang / lha'i spyod pa dang / byis pa'i spyod pa dang / skyon dang bcas pa'i spyod pa'o// rigs kyi bu byang chub sems dpa' sems dpa' chen po rnams ni spyod pa lnga po 'di la shin tu nan tan bya'o/ / gzhan yang spyod pa gcig ste/ de bzhin gshegs pa'i spyod pa'o// de'ang theg pa chen po yongs su mya ngan las 'das pa chen po'i mdo sde 'di'o/ / 'od srungs de la ji ltar na byang chub sems dpa' sems dpa' chen pos 'phags pa'i spyod pa spyod ce na/ byang chub sems dpa' sems dpa' chen bopos gal te nyan thos sam/ de bzhin gshegs pa las yongs su mya ngan las 'das pa'i mdo sde 'di thos nas dad pa bskyed do// dad pa bskyed nas 'di snyam du bsam pa yid la bya'o// sangs rgyas bcom ldan 'das rnams la bla na med pa'i lam yod de/ yang dag pa'i chos chen po yod pas 'khor mang po'i rnams yang dag par spyod de/ gzhan yang shin tu rgyas pa theg pa chen po'i mdo sde yod de/ bdag kyang de la dad pa dang mos par bya'o/ / theg pa chen po'i mdo sde tshol ba'i phyir shin tu chags pa'i chung ma dang / bu dang / 'khor rnams dang / gnas pa'i khang khyim dang / gser dang / dngul dang / rin po che dang / rgyan dam pa dang / me tog dang / spos dang / rol mo dang / zan po dang / zan mo dang / las byed pa'i mi dang / khye'u dang / bu mo dang / bal glang dang / rta dang / shing rta dang / glang dang / lug dang / bya dang / khyi dang / phag la sogs pa'ang yongs su gtang bar bya'o// yang 'di snyam du bsams te/ khyim na gnas pa shin tu dog pa ni btson ra dang mtshungs te/ nyon mong pa thams cad kyang de'i dbang gis skye'o/ / rab tu byung ba shin tu yangs pa ni nam mkha' dang 'dra ste/ dge ba'i chos thams cad kyang de'i dbang gis skye zhing 'phel lo// khyim na gnas pas 'tsho ba'i mthar mi phyin gyi/ bdag tshangs par spyod pa'i phyir skra dang kha spu bregs te khyim nas khyim ma yin par rab tu 'byung zhing / byang chub la nan tan bya'o snyam du bsams nas/ bdag gdon mi za bar rab tu phyung ste/ bla na med pa yang dag par rdzogs pa'i byang chub la nan tan bya'o// byang chub sems dpa' de ltar rab tu byung ba'i tshe/ bdud sdig can shin tu sdug bsngal bar gyur nas 'di skad du/ byang chub sems dpa' 'di yang nga dang rtsod par 'gyur ro zhes zer ro// rigs kyi bu de ltar byang chub sems dpa' gzhin dang lha ga la zhig rtsod de/ de'i tshe na byang chub sems dpa' de dge 'dun gyi gnas su song nas/ gal te de bzhin gshegs pa 'am/ de bzhin gshegs pa'i nye gnas spyod lam dang ldan pa/ dbang po zhi ba/ sems mnyen zhing des pa/ yongs su dag pa/ rab tu zhi ba'i drung du song nas rab tu 'byung bar gsol te/ skra dang kha spu bregs nas chos gos ngur smrig gyon no// de ltar rab tu byung nas tshul khrims yongasu bsrungs te/ spyod lam mi nyams pa/ spyod lam mdzes pa dang / nyes pa mi byed pa dang / chung ngu na nyes byas kyi bar du'ang 'jigs pa'i sems bskyed cing / tshul khrims bsrungs pa'i sems rdo rje ltar brtan pa'o/ / rigs kyi bu dper na mi zhig rgyal ba thogs te rgya mtshor zhugs pa las/ de'i tshe rgyal tsho'i nang nas srin po zhig gis mi de la rgyal ba bslangs pa las/ mi des de skad ces thos nas/ de 'di snyam du sems te/ bdag ci ste rkyal pa 'di byin na gdon mi za bar chu'i nang du nub ste 'chi'o snyam du bsams nas/ srin po la 'di skad ces smras so// khyod kyis bdag gsad kyang bla'i/ rkyal pa ni sbyin du mi rung ngo // srin pos yang smras pa/ ril gyis sbyin du mi rung na'ang phyed tsam zhig mi sbyin du mi rung ngam zhes smras kyang ma ster to// srin pos yang smras pa/ phyed sbyin du mi rung na sum cha tsam byin cig ces byas kyang ma ster to/ / srin pos yang smras pa/ sum cha sbyin du mi rung na'ang lag mthil tsam byin cig ces smras kyang ma ster to// srin pos yang smras pa/ 'di/ ltar khyod kyis lag mthil tsam yang mi sbyin na/ bdag ni shin tu ltogs pas sdug bsngal gyis yongs su gdungs na/ rdul gyi cha shes zhig bdag la stsal du gsol// mi des smras pa/ khyod slong ba 'di'ang shin tu'ang chung mod kyi/ / 'on kyang bdag rgya mtsho ma brgal la/ pha rol gyi mtha' nye ring yang ma rtogs par khyod la byin par gyur na dbugs phyir 'byung ste/ rgya mtsho'i bgegs las kyang ga la zhig thar te/ chu'i nang du bdag 'chi bar 'gyur ro// rigs kyi bu byang chub sems dpa' sems dpa' chen po tshul khrims yongs su srung ba'ang de dang 'dra ste/ ji ltar rgya mtsho rgal ba'i mi de rgyal ba'i 'das pa bzhin du/ byang chub sems dpa' yang tshul khrims srungs pa'i tshe na/ nyon mongs pa'i srin po ma rungs pa rnams/ byang chub sems dpa' la 'di skad ces rokhyod bdag smra ba la yid ches par gyis shig dang / khyod la smra ba ma yin te/ khyod kyis phas pham pa bzhi nyams kyang / tshul khrims gzhan bsrungs na/ de'i rgyu de'i rkyen gyis khyod rab tu bde ba'i mya ngan las 'da' ba 'thob par 'gyur ro zhes zer te/ de'i tshe na byang chub sems dpa' de 'di skad ces zer ro// bdag kyang tshul khrims de dag bsrungs pas mtshams med pa'i sems can dmyal bar lhung yang bla'i/ tshul khrims nyams te mtho ris kyi lhar skye ba mi 'dod do// nyon mongs pa'i srin po yang 'di skad ces zer ro// khyod pas pham pa bzhi nyams par mi 'dod/ dge 'dun gyi lhag ma ma bsrungs kyang / de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / de'i rjes su mi 'jug go/ nyon mongs pa'i srin bo yang 'di skad du khyod dge 'dun gyi lhag ma nyams par mi 'dod na/ nyes pa sbom po'i chos nyams kyang / de'i rgyu de'i rkyen gyis khyod rab tu bde ba'i mya ngan las 'da' ba thob par 'gyur ro/ zhes spras kyang / byang chub sems dpam tshig de'i rjes su mi 'jug go// nyon mongs pa'i srin po yang 'di skad du khyod nyis la sbom mam chos nyams par mi 'dod na/ spang ba'i ltung ba chom nyams kyang / de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / byang chub sems dpa' tshig de'i rjes su mi 'jug go// srin pos yang smras pa/ khyod de ltar spang bas ltung ba'i chos nyams par mi 'dod na/ ltung ba dgu bcu nyams kyang / de'i rgyu de'i rkyen gyis rab tu bde ba'i mya ngan las 'da' ba thob par 'gyur ro// zhes smras kyang / byang chub sems dpa' tshig de'i rjes su mi 'jug go/ srin pos yang 'di skad du lhung ba dgu bcu nyams par mi 'dod na/ nyes kyi chos nyams kyang / de'i rgyu de'i rkyen gyis rab tu bde ba'i mya ngan las 'da' ba thob par 'gyur ro zhes smras kyang / byang chub sems dpa' de'i tshe 'di snyam du sems te/ gal te bdag la nyes byas kyi kha na ma tho ba byung ste/ ma bshags ma 'thol na 'khor ba'i pha rol tu'ang mi phyin/ mya ngan las 'da' ba mi 'gyur ro snyam bsams nas/ byang chub sems dpa' sems dpa' chen po chung ngu na nyes byas la'ang rdo rje lta bu'i sems kyi bsrungs zhing 'dzin to/ / byang chub sems dpa' sems dpa' chen po ni phas pham pa bzhi srung ba dang / nyes byas srung ba la shin tu brten te tha dad pa med do// byang chub sems dpa' gal te de ltar srung ba ni tshul khrims kyi yan lag lnga dang ldan pa zhes bya'o/ / 'di lta ste/ byang chub sems dpa'i las kyi ngo bo nyid yongs su dag pa'i tshul khrims dang / snga ma dang phyi ma'i 'khor yongs su dag pa'i tshul khrims dang / ngan par rtog pa ma yin pa rtog pa rnam par dag pa'i tshul khrims dang / yang dag bsrung zhing dran pa rnam par dag pa'i tshul khrims dang / bla na med pa yang dag par rdzogs pa'i byang chub tu bsngo ba'i tshul khrims so// 'od srungs gzhan yang byang chub sems dpa' sems dpa' chen po'i tshul khrims la rnam pa gnyis 'jig rten na yang dag par bstan pa'i tshul khrims blangs pa dang / yang dag pa'i chos kyi tshul khrims thob pa ste/ byang chub sems dpas gal te yang dag pa'i tshul khrims thob na nam du'ang sdig pa mi byed do/ / 'jig rten na yang dag par bstan pa'i tshul khrims blang ba ni/ gsol ba dang bzhi'i las byas pas thos par 'gyur ro// gzhan yang rigs kyi bu tshul khrims la rnam pa gnyis te/ rang bzhin gyis lci ba'i tshul khrims dang / 'jig rten gyis dbya ba med par byed pa'i tshul khrims so// rang bzhin gyis lci ba'i tshul khrims ni phas pham pa bzhi'o// 'jig rten gyis dpya ba med par bya ba'i tshul khrims ni tshong mi byed pa dang / ze phul dang srang mi 'chos pa dang / gzhan la mi slu ba dang / gzhan gyi rigs dang mthu bsnyems te/ gzhan gyi nor mi 'phrog pa dang / gzhan yang gnod sems kyis 'ching ba dang / las su byas pa bshig ste ma rungs par byed pa dang / me mar gyi 'od yod bzhin du nyal ba dang / khang khyim dang rmo ba'i las byed pa dang / 'tsho chos kyi la sogs pa byar mi rung ba dang / gzhan yang bal glang dang / rta dang / shing rta dang / ba lang dang / lug dang rnga mo dang / bong bu dang / bya dang / khyi dang / spre'u dang / rma bya dang / ne tsho dang / 'tsho byed dang / ko tsam dang / 'bar ba dang / stag dang / gzigs dang / byil dang / 5 dang / de ma yin pa gcan gzan ma rungs pa rnams dang / khye'u dang / bu mo dang / skyes pa dang / bud med dang / zan po dang / zan mo dang / las byed pa'i mi mi 'chang migs ba dang / gzhan yang gser dang / dngul dang / bai TuR+Ya dang / shel dang / mu tig dang / as sma ga ra ba dang / mu sa la gal ba dang / byi ru dang / shel gyi snam bu dang / shel la sogs te/ rin po che rnams dang / zangs dang / 'khar ba dang / ra kan gyi snod dang / gding ba par tang dang / ze'u rngog dang / gding ba 'jam po dang / de ma yin pa khri dang / 'azas dang / nas dang / gro dang / sran dang / zar ma dang / zas g.yos byas pa dang ma byas pa la sogs pa mi 'chang ba dang / rtag tu za gcig byed cing yang dang yang mi len pa dang / rtag tu bsod snyoms spyod pa dang / dge 'dun gyi nang na zas kyi bya ba byed pa dang / rtag tu chog shes pa dang / khud par mgron du bos par mi 'gro ba dang / sha mi za ba dang / smyo ba'i khu ba chang mi 'thung ba dang / dku ba rnam pa lnga lha sogs te dku zhing mnam pa'i bag mi za ba dang / de bas na de'i lus ni mnam pa'i bag med do// rtag tu 'jig rten du bcas pa'i lha dang mi thams cad kyis bkur sti dang rim zo byed cing / mchod pa dang bstod par 'gyur ba dang / zas kyi tshod 'dzin pa dang / lhag ma mi 'chang ba dang / sbyin bdag gigos byin pa len na'ang ran par len pa dang / gang nas gang du 'gro rang chos gos gsum dang lhung bzed du bcas te bya'i 'dab ma ltar mi 'bral ba dang / gzhan yang rtsa ba'i 'bras bu dang / sdong bu'i 'bras bu dang / tshigs kyi sa bon dang / mdud pa'i sa bon dang / 'bras bu'i sa bon mi 'chang ba dang / gzhan yang rin po che'i gter dang / gser dang / dngul dang / bza' ba dang / btung ba dang / tshang mang dang / bang mdzod dang / bgo ba'i gos dang / khri stan mthon po dang / bal glang gi mche ba'i khri dang / gser gyi khri dang / thags su gtags pa rnam pa mang po la sogs pa la mi nyal mi 'chang ba dang / gzhan yang rtswa las byas pa'i stan 'jam po thams cad mi 'chang ba dang / bal blang gi khyogs dang / rta'i khyogs mi 'dug pa dang / shin tu 'jam pa'i gos mi gding ba dang / khril sngas gnyis la mi bca' ba dang / gzhan yang sngas bzang po dang skyes pa'i sngas mi 'chang ba dang / nam du'ang bal glang 'thab pa dang / rta 'thab pa dang / shing rta 'thab pa dang / dmag 'thab pa dang / skyes pa 'thab pa dang / bud med 'thab pa dang / khyu mchog 'thab pa dang / lug 'thab pa dang / chu glang 'thab pa dang / bya 'thab pa dang / ne rtsa 'thab la sogs pa la mi lta ba dang / ched du g.yul bshams pa la mi lta ba dang / gzhan yang dung 'bud pa dang / rnga rdung ba dang / gling bu dang / gce'u kha mangs dang / gim dang / shi ra dang / dgu po rgyud mangs la sogs te rol mo'i rnams sangs rgyas la mchod pa ma gtogs par mi nyan pa dang / ug shud dang / mig mangs dang / par sig gi rtsed mo seng ge dang / bag glang gi rgya 'gye pa dang / cho lo dang / rgyan po dang / pho long rdebs pa dang / rdo 'phen pa dang / khras dang / rtsed mo'i ngag thams cad mi byad mi lta ba dang / nam du'ang ltas dang mtshan lta ba lag pa dang rkang pa dang / ngo dang / mig gi mtshan lta ba mi byed pa dang / sen mo la me long lta bur lta ba dang / rtswa dang / lcag ma dang / bum pa dang / thod ba la mo 'debs shing ltas su lta ba mi byed pa dang / de ma yin pa gnyid bsad pa ma gtogs par skar ma la sogs pa mi lta ba dang / rgyal po'i pho nya dang / 'phrin gyis tshu rol gyi tshig pha rol tu smra zhing / pha rol gyi tshig tshu rol tu smra mi byed pa dang / g.yo dang sgyus log par 'tsho ba ma yin pa dang / gzhan yang rgyal po'i gtam dang / blon po dang / rkun po dang / dgra thabs dang / bza' ba dang btung ba dang / yul dang / mu ge dang / 'jigs pa dang / bde skyid la sogs pa'i gtam mi smra ba ste/ rigs kyi bu de dag ni/ byang chub sems dpa' sems dpa' chen po'i 'jig rten pas mi dpyas pa'i tshul khrims zhes bya'o/ / rigs kyi bu byang chub sems dpa' sems dpa' chen po ni de ltar bcas pa'i tshul khrims srung srung ba dang / rang bzhin gyis lci ba'i tshul khrims srung ba la tha dad pa'i bye brag med do/ / rigs kyi bu byang chub sems dpa' sems dpa' chen pos de ltar tshul khrims yongasu srung ba na 'di skad ces dam 'tsha 'o/ / bdag gi lus 'di me ma mur gyi dong zab mor mchongs kyang bla'i/ 'das pa dang / ma 'ongs pa dang / da ltar bzhugs pa'i sangs rgyas rnams kyis bcas pa'i tshul khrims las nyams te/ rgyal rigs kyi bu mo 'am/ bram ze mo 'am/ khyim bdag mo la mi tshangs par spyod pa'i las mi bya'o zhes dam 'cha' 'o// rigs kyi bu gzhan yang byang chub sems dpa' sems dpa' chen po yang 'di skad ces dam 'cha'o/ / gal te lcags shin tu tsha bas bdag gi lus dkris kyang tha'i/ tshul khrims nyams pa'i lus kyis sbyin bdag dad pas byin pa'i gos mi bgo'o// rigs kyi bu gzhan yang byang chub sems dpa' sems dpa' chen po yang 'di skad du dam 'chal ste/ bdag gi khar lcags kyi thu lum mid kyang wa'i// tshul khrims nyams pa'i kha 'dis nam bu'ang sbyin bdag dad pas byin zas mi za'o/ / rigs kyi bu gzhan yang byang chub sems dpa' sems dpa' chen po yang 'di skad du dam 'cha' ste/ bdag gi lus 'di lcags shin du tsha ba'i steng du nyal yang rma'i/ tshul khrims nyams pa'i lus kyis nam du'ang sbyin bdag dang pas byin pa'i khri stan la mi nyal lo// rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ bdag lus la mtshon sha ga ni sum brgyas btsugs kyang bla'i/ tshul khrims nyams pa'i lus kyis nam du'ang sbyin bdag dad pas byin pa'i nad kyi rkyen sman mi btung ngo / / rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ bdag gi lus 'di shin du khol ba'i zangs po cher bskol kyang bla'i/ tshul khrims nyams pa'i lus kyis sbyin bdag dad pas byas pa'i gnas khang du mi 'dug go/ / rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ gal dete lcags kyi tho bas mgo nas rkang gi bar du brdungs te rdul du gyur kyang za'i/ tshul khrims nyams pa'i lus kyis rgyal rigs dang / bram ze dang / khyim bdag gis rim gro dang phyag bya ba mi 'dod do// rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ lcags kyi thur ma shin tu tsha bas mi gnyis thus kyang bla'i/ 'dod chags kyi sems kyis pha rol gyi/ gzugs bzang po la mi blta'o// rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ ci ste smyung mang pos rna ba'i dbang po mchags kyang zla'i 'dod chags dang bcas pa'i sems kyis sgra snyan pa mi mnyan no/ / rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ gri rnon pos sna gcad kyang bla'i/ 'dod chags kyi sems kyis dri zhim po la mi bsnam mo// rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ gri rnon pos lce gcad kyang zla'i/ 'dod chags kyi sems kyis ro zhim po la mi chags so// rigs kyi bu gzhan yang byang chub sems dpa' sems dpa' chen po yang 'di skad ces dam 'cha' ste/ gal te sta re rnon pos bdag gi lus dum bu dum bur gdubs kyang bla'i/ 'dod chags dang bcas pa'i sems kyis reg bya mang po la mi chags so// de ci'i phyir zhe na/ de'i rgyu de'i rkyen gyis rnal 'byor can dag sems can dmyal ba dang / byol song gi skye gnas dang / gshin rje'i 'jig rten du skye bar 'gyur ro// 'od srungs de ltar na byang chub sems dpa' sems dpa' chen po tshul khrims yongasu srung ba zhes bya'o/ / byang chub sems dpa' sems dpa' chen pos tshul khrims shin tu bsrungs nas/ sems can thams cad la sngo bar byed do/ / de'i rgyu de'i rkyen gyis sems can thams cad tshul khrims shin tu bsrungs pa dang / rnam par dag pa'i tshul khrims dang / shin tu dge ba'i tshul khrims dang / mi nyams pa'i tshul khrims dang / mi zlos pa'i tshul khrims dang / theg pa chen po'i tshul khrims dang / phyir mi ldog pa'i tshul khrims dang sems dang sbyor ba'i tshul khrims dang / mthar phyin pa'i tshul khrims dang / pha rol tu phyin pa'i tshul khrims rdzogs par gyur cig ces smon lam 'debs so// rigs kyi bu byang chub sems dpa' sems dpa' chen po de ltar tshul khrims yongs su dag par sbyong ba na/ thog ma mi g.yo ba'i sa la gnas par 'gyur ro// ci'i phyir mi g.yo ba'i sa zhes zhes bya zhe na/ byang chub sems dpa' mi g.yo ba'i sa la gnas pa na/ mi ga yo/ mi ltung / mi ldog/ mi shigs pa'i phyir/ rigs kyi du dper na ri rab ri'i rgyal po na rlung shin du drag po rnga rlung lu gas gis kyang gso ba 'am/ ltung ba 'am/ 'jig par mi nus so// byang chub sems dpa' sems dpa' chen po sa de la gnas pa'ang de dang 'ja ste/ gzugs dang / sgra dang / dri dang / ro dang / reg byas g.yo bar mi nus/ sems can dmyal ba dang / byol song gyi skye gnas dang / gshin rje'i 'jig rten du lhung bar mi 'gyur/ nyan thos dang rang sangs rgyas kyi sar phyir mi ldog ste/ lta ba mang po'i rlung gis kyang mi shigs shing / log par 'tsho ba mi 'gyur ro// rigs kyi bu gzhan yang mi g.yo ba zhes bya ba ni 'dod chags dang / zhe sdang dang / gti mug gis mi g.yos so// gzhan yang mi lhung ba zhes bya ba ni phas pham pa bzhir mi ltung ngo // gzhan yang phyir mi ldog ces bya ba ni phyir tshul khrims las khyim du mi ldog pa'o/ / gzhan yang mi 'jig ces bya ba ni theg pa chen po'i mdo sde las gal bas mi shigs so// gzhan yang byang chub sems dpa' sems dpa' chen po ni nyon mongs pa'i bdud kyis mi g.yos so/ / phung po'i bdud kyis ltung bar mi 'gyur ro// snying po byang chub kyi bar du lha'i bu'i bdud yod mod kyi bla na med pa yang dag par rdzogs pa'i byang chub las phyir mi ldog go/ / 'chi bdag gi bdud kyis kyang mi shigs so// rigs kyi bu de ltar na byang chub sems dpa' sems dpa' chen bo 'phags pa'i spyod pa la shin tu nan tan byed pa zhes bya'o/ / rigs kyi bu ci'i phyir 'phags pa'i spyod pa zhes bya zhe na/ 'phags pa'i spyod pa ni sangs rgyas dang byang chub sems dpa' spyod pa'i phyir na/ 'phags pa'i spyod pa zhes bya'o// ci'i phyir sangs rgyas dang byang chub sems dpa' la 'phags pa zhes bya zhe na/ de dag la sogs pa'i 'phags pa'i chos dang ldan pa'i phyir/ chos thams cad la ngo bo nyid kyis stong pa nyid du rtogs pa'i phyir/ de bas na 'phags pa zhes bya'o// gzhan yang 'phags pa'i tshul khrims dang ldan pas 'phags pa zhes bya'o/ / 'phags pa'i ting nge 'dzin dang / shes rab tu ldan pas 'phags pa zhes bya'o// gzhan yang 'phags pa'i nor bdun dad pa dang / tshul khrims dang / 'dzem pa dang / khrel ba dang / mang du thos pa dang / shes rab dang / btang snyoms kyi nor dang ldan pas 'phags pa zhes bya'o// gzhan yang 'phags pa'i lam yan lag bdun dang ldan pas 'phags pa zhes bya ste/ de bas na 'phags pa'i spyod pa zhes bya'o// // 'phags pa yongs su mya ngan las 'das pa chen pon mdo bam po bcu gnyis pa/ / // rigs kyi bu gzhan yang byang chub sems dpa' sems dpa' chen po 'phags pa'i spyod pa spyod pa ni/ lus 'di la spyi bo nas rkang pa'i bar du brtags na/ sgra dang / sen mo dang / mi gtsang ba/ gtsog pa/ pags pa dang / sha dang / rgyas pa dang / rus pa dang / mcher pa dang / mkhal ma dang / snying dang / rmo ba dang / mchin pa dang / mkhris pa dang / rgyu ma dang / pho ba dang / zhu ba dang ma zhu bar snod gnyis dang / bshang gci che chung dang / mchil ma dang snrubs dang / 'chi ma dang / zad pa dang / thod pa dang / rkang dang / rnag dang / khrag dang / rtsal sogs pa mi gtsang ba 'ba' zhig gis gang bar mthong ngo // byang chub sems dpa' de ltar tshe gcig tu shin tu rtog pa na/ bdag ces bya ba su dbang gang na gnas/ bdag ces bya ba su dbang zhes shin tu rngog ste/ yang 'di snyam du sems so// rus pa ni bdag yin nam/ rus pa las gzhan pa zhig yod dam snyam/ byang chub sems dpa' de'i tshe pags pa dang sha btang ste/ keng rus 'ba' zhig la rtog go yang 'di snyam du sems te/ rus pa'i kha dog kyang rnam pa tha dad de/ sngon po dang / ser po dang / dkar po dang / phug ron gyi gshog pa lta bu ste/ de ltar na rus pa'i mtshan nyid kyang bdag ma yin no/ / de ci'i phyir zhe na/ bdag ces bya ba ni sngon po 'am/ ser po 'am/ dkar po 'am/ phug ron gyi gshog pa lta bu ma yin pa'i phyir ro// byang chub sems dpa' de ltar rtse gcig pa'i sems kyis shin tu rtog pa na/ gzugs la 'dod chags pa thams cad zhi bar 'gyur ro// yang 'di snyam du sems te/ rus pa de'ang rten cing 'brel te byung ba yin te/ rkang pa'i rting pa'i rus pas ni long bu brten/ long bus ni rje ngar gyi rus pa brten// rje ngar gyi rus pas ni pus mo brten/ pus mo'i rus pas ni brla'i rus pa brten/ bar+tha'i rus pas ni dbyi'i rus pa brten/ dbyi'i rus pas ni rked pa'i rus pa brten/ rked pa'i rus pas ni skal tshigs kyi rus pa brten/ sgal tshigs kyi rus pas ni rtsib ma'i rus pa brten/ yang sgal tshigs kyi rus pas gnya' ba'i rus pa brten/ gnya' ba'i rus pas ni 'gram pa'i rus pa brten/ 'gram pa'i rus pas ni'agram so dang thod pa'i rus pa brten to// yang lhag rus ni phrag pa'i rus pa la brten/ phrag pa'i rus pa ni lag ngar gyi rus pa la brten/ lag ngar gyi rus pa ni mkhrig mas rus pa la brten/ ma khrig ma'i rus pa ni lag mthil gyi rus pa la brten/ lag mthil gyi rus pa ni sor mo'i rus pa la brten te/ de ltar rus pa thams cad gcig la gcig rten cing 'brel par/ byang chub sems dpa' sems dpa' chen pos de ltar rtog pa na/ lus kyi rus pa thams cad so so na 'dug par rtogs so/ / de ltar shin tu rtogs pas na/ gzugs la chags pa dang / mnga' byed la chags pa dang / reg na 'jam pa'i chags pa rnam pa gsum po yongs su spong bar 'gyur ro/ / byang chub sems dpa' sems dpa' chen po rus pa sngon po la rtog pa na/ sa chen po 'di lho byang shar nub dang / phyogs mtshams bzhi dang / steng dang 'og kun sngon por mthong ngo // sngon po la rtog pa bzhin du ser po dang / dkar po dang / phug ron gyi gshog pa lta bu'ang de bzhin no// byang chub sems dpa' sems dpa' chen po de ltar rtog pa na/ smin mtshams nas 'od zer sngon po dang / ser po dang / dmar po dang / dkar po dang / phug ron gyi gshog pa lta bu 'byung ste/ byang chub sems dpa' des 'od de re re las kyang sangs rgyas bzhugs par mthong nas/ de la lus 'di mi gtsang ba'i rgyu dang rkyen rten cing 'brel te 'byung ba 'dri zhing zhu ba ni/ 'di lta ste/ lus 'di 'dug pa dang / ldang ba dang / 'gro ba dang / sdod pa dang / dgu pa dang / dgye ba dang / lta ba dang / mi 'dzum pa dang / dbugs rgyu ba dang / ngu ba dang / dgod pa dang / dga' bar 'gyur ba de la ni bdag po med na/ su zhig de ltar bsgyur ces 'dri zhing zhu'o// de skad ces dris nas/ 'od kyi nang na bzhugs pa'i sangs rgyas kyang mod la mi snang bar gyur to// yang 'di snyam du sems te/ 'on te rnam par shes pa de bdag yin nam/ tsa na sangs rgyas rnams kyis bdag la brtan par ma gyur snyam nas/ yang rnam par shes pa la brtags na/ rnam par shes pa ni skad cig tu chu bo'i rgyun bzhin skye zhing 'gog pas de'ang bdag ma yin no/ / yang 'di snyam du sems rje/ phyi nang du rgyu ba'i dbugs 'di ni rlung yin te/ rlung gi mtshan nyid ni chen po yin pas/ chen po bzhi la bdag ces bya ba gang yin/ sa'i mtshan nyid kyang bdag ma yin la/ de bzhin du chu dang / me dang / rlung gi mtshan nyid kyang bdag ces bya ba ma yin no snyam sems so/ / yang 'di snyam du sems te/ lus 'di la ni thams cad kyang bdag ces bya ba med de/ sems dang rlung 'dus shing tshogs pa'i rgyu dang rkyen las bya ba rnam pa sna tshogs mngon du snang bar gyur pa ni/ dper na sngags kyi phyir ram/ sgyu ma mkhan gyis byas pa bzhin no// gzhan yang dgu po rgyud mangs dang 'dzi ste/ yid bzhin du sgra 'byung bas/ de bas na lus 'di ni mi gtsang ba ste/ rgyu dang rkyen tshogs pa la reg lus pas grub pa yin na chags su'ang ci zhig yod/ gal te pha rol pos gshe'am/ spod na rang zhe sdang ba skyed du'ang ci zhig yod de/ bdag gi lus 'di ni mi gtsang ba rnam pa sum cu rtsa drug gis yongs su gang na gshe zhing spro ba de'ang ci la gnas she ba thos na 'ang 'di snyam du sems te/ sgra skad gang gis spyo bar 'gyur snyam/ sgra skad kun la so sor brtags na/ gshe ba yod par mi mthong ste/ gcig la med pa bzhin mang po'ang de dang 'dra ste/ de bas na zhe sdang mi skye'o// gal te pha rol pos brdeg na'ang 'di snyam du sems te/ 'di ltar brdeg pa 'di ci las byung snyam brtags na/ lag pa dang / stobs dang / dbyig pa dang / bdag gi lus tshogs pa las brdeg pa zhes bya ba byung na/ ci'i phyir pha rol la khros pa 'di ni bdag gi lus yod pas na 'di 'dra ba myong bar gyur te/ bdag gi phung po lnga'i lus 'di yod pa las 'di 'dra bar gyur to// dper na 'bem yod pa'i rkyen gyis mda' 'ong ba dang 'dra bar bdag gi lus kyang de dang 'ja ste/ lus yod pas na brdeg pa yod de/ gal te bdag gi lus bzod pa ma byas na sems 'khrug par 'gyur ro// gal te sems 'khrugs na yang dag pa'i dran pa nyams par 'gyur gal te yang dag pa'i dran pa nyams na dge ba dang mi dge ba'i don mi rtogs so/ / dge ba dang mi dge ba'i don ma rtogs na kha na ma tho ba'i chos spyod par 'gyur ro/ kha na ma tho ba'i chos byas ma sems can dmyal ba dang / byol song gi skye gnas dang / yi dgas kyi khams su lhung bar 'gyur ro// byang chub sems dpa' de'i tshe de ltar rtogs pas dran pa nye bar gzhag/ pa bzhi thob par 'gyur ro// dran pa nye bar gzhag pa bzhi thob pas shin du bzod pa'i sa la gnas par gyur to// byang chub sems dpa' sems dpa' chen po de ltar sa de la gnas na 'dod chags dang / zhe sdang dang / kati mug la bzod do// gzhan yang grang ba dang / tsha ba dang / zu ba dang / skom pa dang / spang ma mchu spyad dang / rlung dang / reg bya yid du mi 'ong ba dang / nad rnam pa sna tshogs dang / tshwag ngan pas gshe ba dang / smyo ba dang / brdeg pa dang / 'tshog pa dang / bzhu ba dang / mdor na lus dang sems sdug bsngal bar 'gyur ba thams cad la bzod de/ de bas na shin du bzod pa'i sa la gnas pa zhes bya'o/ / de nas byang chub sems dpa' sems dpa' chen po 'od srungs kyis/ bcom ldan 'das la 'di skad ces gsol to// bcom ldan 'das byang chub sems dpa' mi g.yo ba'i sa la gnas par ma gyur kyi bar du/ tshul khrims yongs su dag pa bsrung ba na/ rgyu dang rkyen gang gis tshul khrims nyams par 'gyur/ ba ma mchis sam/ bcom ldan 'das kyis bka' stsal pa/ rigs kyi bu yod do// byang chub sems dpa' mi g.yo ba'i sa la gnas par ma gyur kyi bar du/ dang rkyen gyis tshul khrims nyams par 'gyur pa yod do// 'od srungs ngo mtshar du gyur nas/ de gang lags zhes gsol pa dang / bcom ldan 'das kyis 'od srungs la bka' stsal pa/ byang chub sems dpa' dag bdag gi tshul khrims nyams par gyur pa de'i rgyu de'i rkyen gyis/ pha rol po gzhan dag theg pa chen po'i mdo sde la mos shing dang pas 'chang zhing 'dzin par 'gyur ram/ pha rol po gzhan dag klog pa dang / 'don pa dang / khong du chud par byed pa dang / glegs bam du 'dri bar gyur pa dang / gzhan dag la'ang rgyas par ston cing 'chad de/ bla na med pa yang dag par rdzogs pa'i byang chub las phyir mi ldog par 'gyur pa tsam gyi tshod na/ de'i phyir tshul khrims nyams par byed de/ byang chub sems dpa' de'i tshe 'di snyam du sems so/ / bdag bskal pa gcig gam/ bskal pa gcig 'grib kyi bar du mtshams med pa'i sems can dmyal ba chen por ltung yang bla'i/ pha rol po de bla na med pa yang dag par rdzogs pa'i byang chub las phyir mi ldog par dgod par byed do/ / 'od srungs de'i rgyu de'i rkyen gyis na/ byang chub sems dpa' sems dpa' chen po tshul khrims dag nyams par 'gyur ro/ / de'i tshe byang chub sems dpa' sems dpa' chen po 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das gal te byang chub sems dpas pha rol po byang chub kyi sems las phyir mi ldog par bskyab cing bsdu ba'i slad du/ tshul khrims nyams kyang mtshams med pa'i sems can dmyal bar lhung ba'i gnas ma mchis so/ / de nas bcom ldan 'das kyis/ 'jam dpal la bka' stsal ba/ legs so shin tu legs so// khyod kyis smras pa bzhin no// nga yang sngon 'dzam bu'i gling 'dir rgyal po chen po drang srong zhes bya bar gyur pa na/ theg pa chen po'i mdo sde la bsti stang dang bcas pas shin tu dad cing mos te/ sems dge ba 'ba' zhig la brtson pas/ kha na ma tho ba'i las phrag dog dang ser sna'i bag med de/ ngag gi las kyis ni rtag tu ngag snyan pa dang dge ba'i chos smra zhing ston to// lus kyis kyang dbul 'phongs pa'i mgon dang skyabs med pa'i dpung gnyen byas te/ sbyin pa la bar chad med par brtson par gyur to// de'i tshe de'i dus na 'jig rten na sangs rgyas kyang mi bzhugs/ nyan thos dang rang sangs rgyas kyang med de/ de'i tshe na theg pa chen po shin tu rgyas pa'i mdo sde la dad cing mos pa'i phyir ngas lo bcu gnyis kyi bar du/ zam ze'i g.yog byas te yo byad ci 'dod pa sbyar to/ / lo bcu gnyis kyi bar du bde ba byin nas/ ston pa de rnams la 'di skad ces smras so// kye ston pa khyed bla na med pa yang dag par rdzogs pa'i byang chub tu sems skyed cig ces smras so/ / zam zes smras pa/ rgyal po chen po byang chub kyi mtshan nyid ni ci'ang med pa ste/ theg pa chen po'i mdo sde'ang de dang 'dra ba yin na/ rgyal po chen po ci'i phyir mi zhes bya ba bkur bkur te/ nam mkha' dang mnyam zhes smras/ rigs kyi bu nga de'i tshe theg pa chen po la shin tu mos pas/ bram zes shin tu rgyas pa la skur ba'i tshig de thos nas/ de'i tshe na ngas bram ze de'i srog bcad do// rigs kyi bu de'i rgyu de'i rkyen gyis de tshun chad sems can dmyal bar ma skyes so// / rigs kyi bu theg pa chen po'i mdo sde la bsrung zhing bskyab pa'i mthu stobs ni de ltar tshad med do// 'od srungs gzhan yang 'phags pa'i spyod pa ni/ 'di lta ste/ 'phags pa'i bden pa bzhi'o// de'ang gang zhe na/ sdug bsngal dang / kun 'byung ba dang / 'gog pa dang / lam ni 'phags pa'i bden pa bzhi zhes bya'o/ / 'od srungs sdug bsngal zhes bya ba ni sha thang zhing gdung ba'i mtshan nyid do// kun 'byung ni skye zhing 'phel ba'i mtshan nyid do// 'gog pa ni zhi ba 'gog pa'i mtshan nyid do/ / lam ni thag pa chen po'i mtshan nyid do// rigs kyi bu gzhan yang sdug bsngal ni mngon du snang ba'i mtshan nyid do// kun 'byung ni 'gyur ba'i mtshan nyid do/ / 'gog pa ni bsal ba'i mtshan nyid do// lam ni bsal bar 'gyur ba'i mtshan nyid do// rigs kyi bu gzhan yang sdug bsngal la rnam pa gsum sdug bsngal ba'i sdug bsngal dang / 'du byed kyi sdug bsngal dang / 'gyur pa'i sdug bsngal lo// kun 'byung ni srid pa nyi shu lnga'o// 'gog pa ni srid pa nyi shu lnga 'gog go/ / lam ni tshul khrims dang / ting nge 'dzin dang / shes rab sgom pa'o// rigs kyi bu gzhan yang zag pa dang / bcas pa'i chos la'ang rgyu dang bcas/ 'bras bu dang bcas pa rnam pa gnyis yod do// zag pa med pa'i chos la'ang rgyu dang bcas/ 'bras bu dang bcas pa'i rnam pa gnyis yod do/ / zag pa dang bcas pa 'bras bu dang bcas pa ni sdug bsngal zhes bya'o// zag pa dang bcas pa'i rgyu dang bcas pa ni kun 'byung zhes bya'o// zag pa med pa'i 'bras bu dang bcas pa ni 'gog pa zhes bya'o/ / zag pa med pa'i rgyu dang bcas pa ni lam zhes bya'o// rigs kyi bu gzhan yang mtshan nyid rnam pa 'di brgyad ni sdug bsngal zhes bya'o/ / 'di lta ste/ skye ba'i sdug bsngal dang / rgas pa'i sdug bsngal dang / na ba'i sdug bsngal dang / shi ba'i sdug bsngal dang / 'dod pa dang bye bral ba'i sdug bsngal dang / dgra sdang ba dang phrag pa'i sdug bsngal dang / 'dod pa mi rnyed pa'i sdug bsngal dang / phung po lnga'i sdug bsngal te/ gang sdug bsngal brgyad po 'di dag skye bar byed ba ni ku 'byung zhes bya'o/ / chos 'di dag gi gnas kyang med pa ni 'gog pa zhes bya'o// stobs bcu dang / mi 'jigs pa bzhi dang / dran pa nye bar gzhag pa gsum dang / snying rje chen po na lam zhes bya'o/ / rigs kyi bu skye ba zhes bya ba ni 'byung ba'i mtshan nyid de/ de'ang rnam pa lnga'o// 'di lta ste/ thog ma byung ba dang / tha mar zad pa dang / 'phel zhing skye ba dang / mngal nas byung ba dang / rigs las skyes pa'o// rgas shes bya ba ni rgas pa la rnam pa gnyis te/ skad cig skad cig tu rgas pa dang / mthar rgas pa'o// yang rnam pa gnyis te/ skye zhing 'phel bas rgas pa dang / 'gog cing zhig pas rgas pa ni rgas pa zhes bya'o// na ba zhes bya ba gang zhe na/ na ba ni chen po bzhi'i sbrul gdug pa shes mi mnyam pa las nang du gyur te/ de'ang rnam pa gnyis so// lus na ba dang / sems na ba ste/ lus na ba la'ang rnam pa lnga'o// bad kan las gyur pa dang / rlung las gyur pa dang / 'khris pa las gyur pa dang / 'dus pa las nad du gyur pa dang / bag ma byas pa las nang du gyur pa'o// bag ma byas pa'i nad la'ang rnam pa bzhi ste/ nyams kyis mi lcogs bzhin du byed pa dang / g.yang du lhung ba dang / rdo dbyig dang mtshon gyis phog pa dang / mi ma yin pas brlams pa'o// sems na ba la'ang rnam pa bzhi ste/ shin tu dga' ba las gyur pa dang / 'jigs skrag pa las gyur pa dang / mya ngan byed pa las gyur pa dang / gti mug las gyur pa'o// rigs kyi bu gzhan yang lus na ba dang / sems na ba la rnam pa gsum ste/ las kyi rnam par smin pa dang / sdig pa'i gnyen po ma spangs pa dang / dus las gyur ba ste/ de dag la sogs pa las rgyu dang rkyen ming du 'dogs pa dang / rnam pa tha dad pa'i nad skyes par gyur to// rgyu rkyen las gyur pa ni rlung la sogs pa'i nad rnams so// ming du'adogs pa ni sems myos pa dang / glon pa dang / dbugs mi bde ba dang / stug zo ba dang / snying stor ldan pa dang / tshad pa 'khru ba'i// rnam pa tha dad ba ni klad pa na ba dang / mig na ba dang / rkang lag la sogs pa na ba ste/ de dag ni na ba zhes bya'o// shi ba zhes bya ba gang zhe na/ shi ba zhes bya ba ni bdag gi lus blangs pa de dag bral ba'o/ / lus blangs pa dang thal ba la'ang rnam pa gnyis te/ tshe zad nas shi ba dang / phyi rol gyi rkyen gyis shi ba'o// tshe zad de shi ba la'ang rnam pa gsum ste/ tshe zad pa bsod nams ma zad pa dang / bsod nams ni zad la tshem zad pa dang / bsod nams dang tshe gnyis ka zad pa'o// phyi rol gyi rkyen gyis shi ba la'ang rnam pa gsum ste/ mi rigs par bdag lde bas te shi ba dang / pha rol po gzhan gyis bsad pa dang / gnyis ka bcas te shi ba'o// gzhan yang shi ba la rnam pa gsum yod de/ dag med pas shi ba dang / tshul khrims nyams pas shi ba dang / tshe'i dbang po zhig ste shi ba'o// de la bag med pa'i shi ba gang zhe na/ theg pa chen po shin tu rgyas pa shes rab kyi pha rol phyin pa la skur ba ni bag med pas shi ba zhes bya'o/ / tshul khrims nyams te shi ba gang zhe na/ 'das pa dang / ma 'ongadra ba dang / da ltar bzhugs pa'i sangs rgyas rnams kyis bcas pa'i tshul khrims bshig pa ni tshul khrims nyams te shi ba zhes bya'o/ / tshe'i dbang po zhig ste shi ba gang zhe na/ phung po lnga'i lus dang bral ba ni tshe'i dbang po zhig nas shi ba zhes bya ste/ de dag ni shi ba'i sdug bsngal chen po zhes bya'o// 'dod pa dang bye bral ba'i sdug bsngal gang zhe na/ gang yid du 'ong zhing 'dod pa'i dngos po zhig gam/ bral lam/ gyes par gyur pa'o// yid du 'ong zhing 'dod pa'i dngos po dang bye bral ba'ang rnam pa gnyis te/ mi'i nang na phung po lnga zhig pa dang / lha'i nang na phung po lnga dang bral ba'o// de ltar lha dang mi la 'dod pa'i phung po rnam par phye na tshad med de/ mdor na de dag ni 'dod pa dang bye bral ba'i sdug bsngal zhes bya'o/ / dgra sdang ba dang phrad pa'i sdug bsngal gang zhe na/ gang yid du mi 'ong zhing mi 'dod pa dang 'dus shing phrad pa'o// yid du mi 'ong zhing mi 'dzad pa dang lad pala'ang rnam pa gsum ste/ sems can dmyal ba dang / saM dgas dang / rlom song gi skye gnas so// de ltar dran song gsum po rnam par dbyen tshad med mod kyi/ mdor na de dag ni dgra snang bdang bla pa'i sdug bsngal zhes bya'o// 'dod pa mi rnyed pa'i sdug bsngal gang zhe na/ 'dod pa mi rnyed pa'i sku/ bsngal la'ang rnam pa gnyis te/ re ba'i gnas nas 'dod pa mi rnyed pa dang / las mang du byas nas 'bras bu don du ma gyur pa ni 'dod pa mi rnyed pa'i sdug bsngal zhes bya'o// phung po lnga'i sdug bsngal gang zhe na/ skye ba'i sdug bsngal dang / rga ba'i sdug bsngal dang / shi ba'i sdug bsngal dang / 'dod pa dang bye bral ba'i sdug bsngal dang / dgra sdang ba dang phrad pa'i sdug bsngal ni phung po lnga'i sdug bsngal zhes bya'o// 'od srungs skye ba'i dngos po la de ltar rga ba'i sdug bsngal nas/ phung po lnga'i sdug bsngal gyi bar du sdug bsngal rnam pa bdun yod do/ / 'od srungs rgud pa dang rga ba ni thams cad la yod pa ma yin te/ sangs rgyas dang lha rnams la ni nges par med do// mo la ni gcig tu ma chad de/ la la la yod la/ la la la ni med do// 'od srungs khams gsum gyi lus su gyur pa ni mi skye ba med de/ rga ba ni gcig tu ma chad do// de bas na thams cad kyang skye ba ni rtsa bar 'gyur ro/ / 'od srungs 'jig rten gyi sems can dag ni phyin ci log gis bsgribs pas ni/ skye ba la ni 'dod cing chags kyi rga ba dang 'chi ni mi 'dod do/ / 'od srungs byang chub sems dpa' ni de lta ma yin te/ thog ma skye ba nas skyon du rtogs so// 'od srungs dper na mi zhig gi khyim du bud med bzang mo blta na sdug pa/ shin tu mdzes pa/ tshul du shis pa/ rgyan bzang pos yongs su brgyan pa zhig 'ongs nas/ khyim bdag gis de la 'di skad ces 'dri'o// bud med khyod ci mi su dbang zhes dris nas/ bud med des kho mo ni lha chen po bkra shis ma yin no zhes smra'o// khyim bdag gis yang dris pa/ khyod me'i khyim du 'ong na ci dang ci nus// bu de med des smras pa/ kho mo gar phyin par khyim bdag de la gser dang / dngul dang / bai DUr+tha dang / shel dang / mu tig dang / byi ru dang / srur long dang / a sma ga ra ba dang / mu sa la gal ba la sogs te/ rin po che rnam pa mang po dang / ba lang dang / rta dang / shing rta dang / ma // zan mo las byed pa'i mi bdog par 'ong ngo // khyim bdag gis de skad kyi tshig thos nas shin tu dga' mgu rangs te/ bdag cag gi bsod nams smin pas/ lha khyod bdag gi khyim du 'ongs so zhes smras nas/ spos dang me tog gis mchod de bas+t+ra sbrang dang bcas pas byuklu byed do/ / de'i sgo nas bud med shin tu sdug pa/ kos srul po mya rgyan gyon pags bya chub pa/ mdog ngan kyang 'ongs nas/ khyim bdag gis bud med de la khyod kyi ming che/ su dbang zhes dris so// bud med des smras pa/ kho ma'i mngoni rna nag mo zhes bya'o// des smras pa// khyod kyi ming ci'i phyir rna nag mo zhes bya/ bud med des smras pa/ kho mo gang du 'ongs pa der de'i khyim na no po che dang longs spyod thams cad med par 'gyur bas nA nag mo zhes bya'o/ / khyim bdag gis de skad ces thos nas/ mtshon rnon po thogs te/ bud med de la 'di skad ces smras so// khyod myur du song zhig/ mi 'gron khyod gsad do zhes byas so/ / bud med des smras pa/ khyod ni shin tu glen pa shes pa med pa yin no// khyim bdag gis smras pa/ bdag ci'i phyir glen pa shes ba med pa yin/ bud med nges smras pa/ da ltar khyod kyi khyim na 'dug pa de ni kho mo'i bu mo yin te/ gar 'gro'ang 'grogs dgos na/ gal te kho mo skrod na nang na 'jug pa'ang skrod cig/ mi de phyir khyim du song nas lha bkra shis ma la 'di skad du/ sgo na bud med gcig lha'i nu mo zhes zer na yin nam/ bkra shis mas spras pa/ de kho mo'i nu mo yin te/ kar song yang lhan cig 'grogs te bral ma myong ngo // kar song yang bdag ni legs par dka' ste/ legs par byed/ phan bar byed kyi/ nu mo ni rtag tu nyes par dga' zhing nyes par byed/ gnod par byed do// ci ste bdag 'dod na'ang de'ang 'dod par bya dgos so// bdag la bsti stang byed na la'ang bsti stang bya dgos so/ / khyim bdag des de skad ces thos nas 'di skad ces smras so// de ltar legs pa dang nyes pa yod na/ gnyis ka kho bo la mi dgos kyis gar dga' bar dengs shig ces bsgo'o/ / de nas bud med de gnyis kyang phyir gnas su song nas/ de'i tshe khyim bdag de rab tu dga' mgu rangs par gyur to// de nas bud med de gnyis ka yang 'grogs te dbul po zhig gi khyim du song nas/ dbul po de rab tu dga' ste/ de gnyis la 'di skad ces smras so// da phyin chad khyed gnyis ka rtag tu bdag gi khyim 'dug cig/ bkra shis mas smras pa/ bdag cag gnyis sngar yang gzhan gyis bskrad pa yin na/ da ci'i phyir khyod kyis bdag cag gnyis 'dug ces smra/ dbul pos smras pa/ khyod kyis bdag la dgongs shig dang / bdag ni khyod kyi phyir 'di la'ang rim gro byed na/ de bas na gnyis ka 'dug par gsol ba byed pa yin na/ 'od srungs byang chub sems dpa' sems dpa' chen po'ang de dnga'acha ste/ sbyar skye bar mi 'dod do// skyes pas nan pa dang / na ba dang / 'chi bsod de/ de bstan n+d+ha kAswong ste mi 'dod do/ / bus pa ma rabs ni rga ba dang / na ba dang / 'chi ba la sogs pa'i skyon mang po mi shes pas/ skye ba dang 'chi ba'i skyon gnyis ka la chags so// rigs kyi bu gzhan yang 'di lta ste/ bram ze'i bu chung ngu shed ma bye ba 'akres pas nyen na/ ngan sgyogs kyi nang na a 'dra'i 'bras bu yod pa len to// de la mkhas shing shes bdag gis mthong nas 'di skad du gshe ste/ khyod ni bram ze'i rigs shin tu gtsang ba yin na/ ci'i phyir ngan skyugs kyi nang nas a 'bra'i 'bras bu len ces smras so// bram ze'i khye'u de ni shin tu'ang ngo tsha nas de la 'di skad ces smras so/ / bdag gis yang dag par na za bar ni ma byas kyi/ bkrus te phyir dor bar bya snyam mo// mkhas pa des smras pa/ khyod ni shin tu'ang glen te phyir dor bar bsams na blang ba'i mi rigs so zhes smras so/ / rigs kyi bu byang chub sems dpa' sems dpa' chen po'ang de dang 'dra ste/ skye ba'i phyogs mi len mi len mi spong ste/ ji ltar mkhas pas khye'i de la spros pa bzhin no// bus pa ma rabs ni skye ba ni 'dod kyi/ 'chi ba ni mi 'dod do// khye'u des shing thog blangs nas dor ba dang 'ja'o/ / 'od srungs gzhan yang 'di lta ste/ dper na lam gyi bzhi mdor mi zhig snod bzang po'i nang du kha zas ro dang / bsung dang / kha dog tu ldan pa 'tshong la/ lam ring po nas 'ongs pa'i mi bkres pa/ nyam chung ba/ ngal ba zhig kha zas de bro ba sung dang kha dog tu ldan pa de mthong nas drung du bsnyen te 'di ci yin zhes 'dzi'o// zas kyi bdag po des smras pa/ 'di ni kha zas kyi mchog zo bsung dang kha dog tu ldan pa yin te/ gang gis 'di zos na mdog dang stobs kyang skye zhing / bkres pa dang skom pa'ang sel la/ lha rnams kyang mthong bar 'gyur te/ skyon ni gcig cig yod do// de ni 'chi bar 'gyur ba'o// mi de de skad ces thos nas 'di snyam du bdag dang stobs kyang dgos/ lha mthong ba dang shi ba'ang mi 'dod do snyam nas 'di skad ces smras so/ / zas 'di btsongs pas 'chi bar 'gyur na/ 'di btsongs te ci zhig bya/ zas bdag gis smras pa/ mkhas pa shes rab can ni su'ang mi nyo'o/ / glen pa shes pa med pa dag ni nga la rin yang mang du byin nas nyos te za'o// rigs kyi bu byang chub sems dpa' sems dpa' chen po'ang de dang 'ja ste/ lhar skye ba'ang mi 'dod la/ mdog dang / stobs dang / lha mthong bar yang mi 'dod do// de ci'i phyir zhe na/ sdug bsngal mang po las mi thar pa'i phyir ro// bus pa ma rabs ni rga ba dang / na ba dang / 'chi ba'i skyon ma mthong nas skye ba'i gnas kun la chags so// rigs kyi bu gzhan yang 'di lta ste/ dper na dug gi sdong po ni rtsa bas kyang 'chi bar byed/ sdong pos kyang 'chi bar byed/ shun pa dang / lo ma dang / me tog dang / 'bras bus kyang shi bar byed rigs kyi bu srid pa nyi shu lnga por skye ba'i gnas su phung po lnga blangs pa'ang de dang 'dra ste/ thams cad 'ching bar byed do// 'od srungs gzhan yang 'di lta ste/ dper na ngan skyugs ni mang nyung 'dra ste mnam mo/ / rigs kyi bu skye ba'ang de dpa' rnga ste/ gal te tshe lo brgyad khri thub pa ma/ lo bcu thub pa 'dra ste/ thams cad sdug bsngal du 'dra'o// rigs kyi bu gzhan yang 'di lta ste/ dper na g.yang sa shin tu nyam nga ba rtsas yog pa'i drung na bdud rtsi mang du yod do// gal te zos na lha'i lo stong thub la/ nad rnams kyang 'byung zhing rab tu bde bar 'gyur ro/ / bus pa ma rangs ni ro la chags pa'i phyir/ rkang pa'i 'og na g.yang sa nyam nga ba chen po yod par mi shes te/ zang bar chas pa las rkang pa 'gred de g.yang sar lhung nas shi'o/ / mkhas pa shes rab can ni shes pas na der mi 'gro'o// rigs kyi bu byang chub sems dpa' sems dpa' chen po'ang de dang 'dra9/ la ngas kyi bas bzang po'a'am 'dod na/ mi dag gi bas sgra smos kyang ci dgos/ brus pa ma rabs ni sems can dmyal bar lugs kyi shu lum+b+ha za bar yang bzod pa byed na/ lha dang mi'i zas bzang po lta smos kyang ci dgos/ 'od srungs dper bstan pa 'di dag dang / gzhan yang dpe tshad med grangs med pa'i sgo nas skye ba 'di ni sdug bsngal chen po yin par rig par bya'o/ / 'od srungs de ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo las skye ba'i sdug bsngal rtogs pa zhes bya'o/ / 'od srungs de la ji ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo las rgas pa'i sdug bsngal rtogs pa zhe na/ rgas shes bya ba ni skyug bro ba/ lu ba/ dpa' ba dang nyam rtsal 'phrog pa/ dran pa dang / brtson pa dang / 'dzin pa dang gnon dar ba dang / rab tu bde ba dang / nga rgyal dang / rgyags 'chos pa bde ba la yid bzhin du spyod pa kun ma rung bar byed de/ de las bzlog nas le lo dang snyoms las che ba dang / gzhan gyis brnyas par 'gyur bar byed do// 'od srungs 'di lta ste/ dper na rdzing bu nang na pad+mos yongs su gang ste 'dab ma rgyas na/ kha dog 'tsher bas thams cad yid du 'ong ste 'dod do/ / gal te se rab 'ban thams cad bcom ste ma rung bar byed do// rigs kyi bu rga ba'ang de dang 'dra ste/ gzhon dar ba'i mdog bzang po ma rung bar byed do/ / 'od srungs gzhan yang 'di lta ste/ dper na rgyal po zhig la blon po mdzangs pa tho dang ldan pa/ dgra chos la mkhas pa zhig yod de/ rgyal phran gzhan zhig de la bsngo ste mi nyan na/ rgyal po des blon po de la pha rol gyi rgyal phran de zung zhig ces bsgo na/ des khrid de 'ong ngo // rgas pa'ang de dang 'dra ste/ gzhon dar ba gzung nas 'chi bdag gi rgyal po la 'bul lo/ / 'od srungs gzhan yang 'di lta ste/ dper na shing rta'i srog shing chag na spyad du mi rung ngo // rgas pa'ang de dang 'dra ste cir yang mi rung ngo // 'od srungs gzhan yang 'di lta ste/ dper na khyim pa dag phyug po zhig la gser dang / dngul dang / bai DUR+YA dang / byi ru dang / a sma gar ba dang / mu sa la gal ba mang du yod pa'i khyim du/ rkun po 'am/ mi rgod mang po 'ongs na thams cad phrogs te khyim stongs par byed do// rigs kyi bu gzhon dar ba'i mdog bzang po'ang de dang 'dra'o// rtag tu rga ba'i dgras rku zhing 'phrog go// rigs kyi bu gzhan yang 'di lta ste/ dper na mi dbul po zhig zas bzang po dang gos 'jam pa la chags te/ rtag tu re'ang rnyed par mi 'gyur ro/ / rigs kyi bu rgas pa'ang de dang 'dra ste/ 'dod pa lnga'i bde skyid la yid bzhin du longs spyod par 'dod mod kyi mi nus so// 'od srungs gzhan yang 'di lta ste/ dper naskams la 'dug pa'i rus sbal ni sems la rtag tu chu dran no/ / rigs kyi bu mi'ang de dang 'ja ste/ rgas 'khogs pas yongs su bskams nas/ sems la rtag tu gzhon dar ba'i 'dod pa lnga'i bde ba dran no/ / rigs kyi bu gzhan yang 'di lta ste/ dper na ston gyi dus su me tog pad+mo kha bye ba la ni thams cad 'dod de yid du 'ong ngo // rnyis te ser por song nas thams cad kyis mi 'dod do/ / rigs kyi bu gzhon dar ba'i mdog bzang po'ang de dang 'dra ste/ thams cad kyis 'dod cing dga' ba las/ rgas par gyur na thams cad kyi yid du mi 'ong de mi 'dod do/ / 'od srungs gzhan yang 'di lnga ste/ dper na bu ram shing btsir zin pa'i tshogs ma ni ro med pa yin no// rigs kyi bu gzhon dar ba'i mdog kyang de dang 'dra ste/ rgas chud pas khebs pas na rab tu 'byung ba'i ro dang / klog cing 'don pa'i ro dang / bsam gtan gyi ro dang / ro gsum po med 'gyur ro/ / 'od srungs gzhan yang 'di lta ste/ dper na zla ba rgyas pa ni mtshan mo shin tu snang zhing gsal gyi/ nyin par ni ma yin no// rigs kyi bu mi'ang de dang 'dra ste/ gzhon pa'i tshe ni bzang zhing mdzes so// rgas nas ni bskams shing rid do// 'od srungs gzhan yang 'di lta ste/ dper na rgyal po yang dag pa'i chos kyis sring 'tsho zhing g.yo sgyu med la snying rje dang ldan pa/ yongs su gtong ba dang ldan pa zhig yul gzhan gyi dmag gis btab nas 'khyams te/ yul gzhan du phyin par gyur na/ thams cad kyis de la snying brtse ste 'di skad ces zer ro// rgyal po chen po sngon yang dag pa'i chos kyis srid 'tsho ste mi dga' ba gcig kyang med na/ da ci'i phyir 'khyams par gyur ces zer ro/ / rigs kyi bu mi'ang de dang 'dra ste/ rgas 'khogs pas nyams par gyur nas/ gzhon da' ba'i las ci byas pa la bstod do// 'od srungs gzhan yang 'di lta ste/ dper na me mar gyi snying po ni mar la rag lus te/ mar zad na ring po mi thogs so// rigs kyi bu mi'ang de dang 'dra ste/ gzhon dar ba la rag lus so/ / gzhon dar ba zad nas rgas shing 'khogs pa'i snying po ni ring por mi thogs so// rigs kyi bu gzhan yang 'di lta ste/ dper na chu bskams pa'i zam pa ni mi dang / mi ma yin pa dang / bya dang / gcan gzan la sogs pa la phan mi thogs so// rigs kyi bu mi'ang de dang 'dra ste/ rgas pas bskams par gyur na las su bya ba thams cad la phan par mi 'gyur ro/ / 'od srungs gzhan yang 'di lta ste/ dper na chus bzas pa'i gad ka na shing skyes pa ni rlung drag po langs ma thag tu gdon mi za bar 'gyel to/ / rigs kyi bu mi'ang de dang 'dra ste/ rgas pa'i gad ka g.yang sa dang nye bas 'chi ba'i rlung langs na ring por mi gnas so// 'od srungs gzhan yang 'di lta ste/ dper na shing rta'i srog shing chag na khal lci ba bkur mi bzod dod do/ / rigs kyi bu rgas pa'ang de dang za ste/ dge ba'i chos thams cad 'dzin mi nus so// 'od srungs gzhan yang 'di lta ste/ dper na bus pa chung ngu shed ma bye ba la ni thams cad kyis brnyas so// rigs kyi bu rgas pa'ang de dang 'dra ste thams cad kyis brnyas so// 'od srungs dpe 'di dag dang gzhan yang dpe tshad med dpag tu med pa'i sgo nas rgas pa ni sdug bsngal chen po yin par rig par bya'o/ / 'od srungs 'di dag ni byang chub sems dpa' sems dpa' chen pos theg pa chen po yongs su mya ngan las 'das pa'i mdo spyod pa na/ rga ba'i sdug bsngal rtogs pa zhes bya'o// 'od srungs de la ji ltar na byang chub sems dpa' sems dpa' chen pos theg pa chen po yongs su mya ngan las 'das pa'i mdo spyod pa na/ na ba'i sdug bsngal rtogs she na/ na ba zhes bya ba ni bde ba'i dngos po thams cad med par byed pa ste/ dper na ser ba bab na lo tog thams cad bcom ste ma rung bar byed do/ / 'od srungs gzhan yang 'di lta ste/ dper na mi zhig la sha khon gyi dgra yod na rtag tu mya ngan byed de 'jigs so/ / rigs kyi bu sems can thams cad kyang de dang 'dra ste/ rtag tu na ba'i sdug bsngal gyis 'jigs nas mya ngan byed do// 'od srungs gzhan yang 'di lta ste dper na skyes bu byad bzhin bzang po zhig yod na/ rgyal po'i btsun mo 'dod pas bkug nas lhan cig tu nyal lo// de nas rgyal pos 'phrigs na de gzung ste/ mig ya gcig kyang phyung / rna ba ya gcig kyang gcad/ lag pa ya gcig kyang gcad na/ de'i tshe byad bzhin sngon las nyams te sus kyang mi 'dod do// rigs kyi bu mi'ang de dang 'dra ste/ lus kyi yan lag dang / mig dang / rna bar ldan mod kyi/ na ba'i sdug bsngal gyis gzir bar gyur na thams cad kyis mi 'dod do// 'od srungs gzhan yang 'di lta ste/ dper na chu shing dang / smyig ma dang / 'das bu dang / dre'u ni 'bras bu 'am/ bu yod par gyur na 'chi'o// rigs kyi bu ma'ing ge dang 'ja ste nad yod na 'chi'o// rigs kyi bu gnan yang 'di ltasgra/ dper na 'khor los sbyar ba'i rgyal po ni dmag la dbang ba'i blon po sngar song ba'i phyi bzhin du rgyal po chen po 'gro'o/ / nya'i rgyal po dang / bung ba'i rgyal po dang / dung gi rgyal po dang / khyu mchog rgyal po'ang tshong dpon sngar song na de'i phyi bzhin gzhan dag 'gro ste mi 'jal lo/ / rigs kyi bu 'chi ba'i 'khor los sgyur ba'i rgyal po'ang de dang 'dra ste/ rtag tu na ba'i blon po'i rjes su 'gro ste mi 'bral lo/ / nya dang / byang ba dang / rung dang / khyu mchog dang / tshong dpon lta bu ra na ba'i rgyal po'i rjes su'ang 'chi ba'i 'khor rtag tu phyi bzhin 'brang ste rtag tu mi 'bral lo/ / 'od srungs na ba'i rgyu dang rkyen 'di lta ste/ sdug bsngal ba dang / 'khrug pa dang / smos pa'i mya ngan dang / smre sngags 'don pa dang / lus dang / sems mi bde bar byed pa ste/ gra ma rungs pas nyen pa zhes kyang bya/ rkyal ba 'bral ba zhes kyang bya/ zam pa 'jig pa zhes kyang / yang dag pa'i dran pa 'phrog pa zhes kyang bya/ gzhan yang gzhon dar ba'i mdog bzang po dang / mthu stobs dang / bde ba ma rung bar byed pa zhes bya'o// khrel ba dang / ngo tsha med pa dang / lus dang / sems 'ba' zhing tshig par byed pa ste/ dpe 'di dag dang de ma yin pa gzhan dpe tshad med dpag tu med pa bstan pa'i sgo nas/ na ba'i sdug bsngal ni sdug bsngal chen po yin par rig par bya'o/ / 'od srungs de ni byang chub sems dpa' sems dpa' chen pos theg pa chen po yongs su mya ngan las 'das pa'i mdo spong pa na na ba'i sdug bsngal rtogs pa zhes bya'o/ / 'od srungs de la ji ltar na byang chub sems dpa' sems dpa' chen pos theg pa chen po sangs su mya ngan las 'das pa'i mdo spyod pa na/ 'chi ba'i sdug bsngal rtogs par bya zhe na/ 'di lta ste/ shi ba zhe bya ba ni tshig cing med par byed pa'o// 'od srungs 'di lta ste/ me'i bskal pa byung ba na bsam gtan gnyis pa ma gtogs par/ gzhan thams cad tshig par byed pa'o// rigs kyi bu shi ba'i mes thams cad tshig par byed de/ byang chub sems dpa' sems dpa' chen po yongs su mya ngan las 'das pa'i mdo sde la gnas pa'i mthu stobs dang ldan pa ni ma gtogs so/ 'od srungs 'di lta ste/ chu'i bskal pas bkru ba na thams cad bkrus te med par byed na/ bsam gtan gsum pa ni ma gtogs so// rigs kyi bu 'chi ba'i chu'ang de dang 'dra ste/ thams cad bkrus te med par byed na/ byang chub sems dpa' theg pa chen po yongs su mya ngan las 'das pa'i mdo 'di la gnas pa ni ma gtogs so/ / 'od srungs 'di lta ste/ rlung gi bskal pa byung ba na thams cad gtor te med par byed na/ bsam gtan bzhi pa ni ma gtogs so/ / rigs kyi bu 'chi ba'i rlung yang de dang 'dra ste/ thams cad med par byed mod kyi/ byang chub sems dpa' theg pa chen po yongs su mya ngan las 'das pa'i mdo la gnas pa ni ma gtogs so/ / byang chub sems dpa' 'od srungs kyis/ bcom ldan 'das la 'di skad ces gsol to// de ci'i slad du bsam gtan bzhi pa de rlung gis kyang mi shigs/ chus kyang mi 'khrus mes kyang mi tshig/ bcom ldan 'das kyis 'od srungs la bka' stsal pa/ rigs kyi bu bsam gtan bzhi pa ni phyi nang gi skyon thams cad med pa'i phyir ro/ / rigs kyi bu bsam gtan dang po pa la nang na rtog pa'i skyon yod pas phyi rol gyi mes tshig go/ bsam gtan gnyis pa ni nang na dga' ba'i skyon yod pas phyi rol gyi chus bkrus so// bsam gtan gsum pa ni nang na dbugs rgyu bas rlung gi bskal pas 'jog par 'gyur ro/ / rigs kyi bu bsam gtan bzhi pa ni phyi nang gnyis kyi skyon thams cad dang bral bas bskal pas mi tshugs pa yin no// rigs kyi bu byang chub sems dpa' sems dpa' chen po'ang de dang 'dra ste/ theg pa yongs su mya ngan las 'das pa'i mdo sde la bde bar gnas na/ phyi nang gyi skyon thams cad dang bral bas 'chi ba'i rgyal pos kyang mi tshugs pa yin no/ / rigs kyi bu gzhan yang 'di lta ste/ nam mkha' lding gi rgyas po ni klu dang / nya dang / gser dngul dang / rin po che la sogs pa zos kyang zhu bar nus na/ rdo rje 'ba' zhig ni zhu bar mi nus so// rigs kyi bu shi ba nam mkha' lding gi rgyal po'ang de dang 'dra ste/ sems can thams cad zos kyang zhu bar nus na/ theg pa chen po yongs su mya ngan las 'das pa chen po'i mdo sde la gnas pa'i byang chub sems dpa' sems dpa' chen po ni zhu mi nus so/ 'od srungs gzhan yang 'di lta ste/ chu 'gram na shing dang rtswa skyes pa thams cad chu thug na thams cad chus khyer te/ rgya mtshor phyin gyi bar du 'gro'ang lcang ma ni ma gtogs te rtsa ba gnyen pa'i phyir/ rigs kyi bu sems can thams cad kyang de dpa'arnga ste/ thams cad 'khor ba'i rgya mtshor 'bapa na/ byang chub sems dpa' sems dpa' chen po yongs su mya ngan las 'das pa'i mdo sde la gnas pa ni me togs so/ / 'od srungs 'di lta ste/ mthu bo che ni gyad la sogs pa thams cad 'dul nus na/ rlung chen po 'ba' zhig ni ma yin no/ / de ci'i phyir zhe na/ gnyen po med pa'i phyir ro// rigs kyi bu shi ba'i mthu bo che'ang de dang 'dra ste/ sems can thams cad gdul nus na byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa ni ma gtogs so/ / de ci'i phyir zhe na/ gnyen po med pa'i phyir ro// 'od srungs gzhan yang 'di lta ste/ dgra sdang ba dag kho na yod kyang de la sgyus bsnyen te nye ba 'am/ mdza' ba ltar 'chos shing / lus kyi grib ma ltar 'grogs shing gsad pa glags tshol yang / pha rol pos snga nas bag byas na gsod mi nus so// rigs kyi bu shi bi'i daza'ang de dang 'dra ste/ rtag tu sems can thams cad la gsod pa'i glags tshol te/ byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa la gsod nus pa ma yin no// de ci'i phyir ro// byang chub sems dpa' bag byed pa'i phyir ro/ / 'od srungs gzhan yang 'di lta ste/ rdo rje'i char pa bab na thams cad 'dzag par nus te/ shing dang / nags tshal dang / sa dang / bye ma dang / gseg ma dang / gyo mo dang / rdo dang / gsar dang / dngul dang / bai DUR+Ya la sogs pa thams cad 'jig par 'gyur gyi/ rin po che yang dag pa'i rdo rje la ni ma yin no/ / rigs kyi bu 'chi ba'i rdo rje'i char ba'ang de dang 'dra ste/ sems can thams cad med par byed nus na/ byang chub sems dpa' rdo rje lta bu theg pa chen po yongs su mya ngan las 'das pa la gnas pa ni ma gtogs so/ / 'od srungs gzhan yang 'di lta ste/ bya nam mkha' lding ni klu thams cad za'ang skyabs su 'gro ba gsum la skyabs su song ba la ni ma yin no/ / rigs kyi bu shi ba'i nam mkha' lding yang de dang 'dra ste/ sems can tshad med pa thams cad zos na/ stong pa nyid dang / mtshan ma med pa dang / smon pa med pa ste/ stong pa nyid gsum la gnas pa ni ma gtogs so// 'od srungs gzhan yang 'di lta ste/ sbrul gdug pa ma la na zhes bya bas zin na/ sngags mkhas pa dang sman pa mkhas pa yod mod kyi/ ci byar yang med de/ a ga da s+ya'i sngags shes pa 'ba' zhig gis 'tsho bar 'gyur pa ma gtogs so// rigs kyi bu zhi ba'i sbrul gdug pas zin pa'ang de dang 'dra ste/ sman dpyad thams cad kyis ci byar yang med de/ byang chub sems dpa' theg pa chen po yongs su mya ngan las 'das pa'i sngags la gnas pa ni ma gtogs so/ / 'od srungs gzhan yang 'di lta ste/ mi zhig rgyal po sdang bar gyur na/ mi des tshig snyan pa 'jam po smras te/ nor dbyig rin po che rgyal po la phul na mi sdang bar 'gyur ro/ / rigs kyi bu shi ba'i rgyal po ni de dang 'dra ste/ tshig snyan pa 'jam po smras sam/ nor dbyig rin po che phul kyang de la mi thar ro/ / rigs kyi bu byis pa ma rabs ni g.yang sa chen por 'gro ba'i tshegs med pa ste/ shin tu lam ring por 'gro ba'i grogs med pa nyin mtshan du song yang phyin pa'i mthar mi shes pa/ shin tu gnas pa'i mun par 'thom pa/ snang ba'i sgon ma med pa/ 'jug pa'i sgo med la gnas yod pa/ na ba'i dmigs med pa la gsor mi rung ba/ 'gro ba la bar du gcod pa med cing thar pa med pa'i gnas su phyin pa/ gzhig tu med pa/ mthong ba tsam gyis mya ngan gyis gdungs par 'gyur ba/ gzug gdug pa ma yin yang kun gyis 'jigs skrag pa lus la khyab par yod kyang mi tshor mi shes pa'o/ / 'od srungs dpe 'di dag dang gzhan yang dpe tshad med pa bstan pa'i sgo nas/ shi ba'i sdug bsngal chen po yin par rig par bya'o// 'od srungs 'di dag ni byang chub sems dpa' sems dpa' chen po theg pa chen po yongs su mya ngan las 'das pa'i mdo spyod pa na/ 'chi ba'i sdug bsngal rtogs pa zhes bya'o// 'od srungs ji ltar na de la byang chub sems dpa' sems dpa' chen po theg pa chen po yongs su mya ngan las 'das pa'i mdo la gnas pa na/ 'dod pa dang bye bral ba'i sdug bsngal rtogs pa zhe na/ 'dod pa dang / bye bral ba'i sdug bsngal ni sems can thams cad kyi sdug bsngal ba'i rtsa ba / tshigs su bcad pa las kyang 'di dag 'byung ngo // 'dod pa'i rkyen gyis mya ngan ste/ 'dod pa'i rkyen gyis 'jigs pa ste/ 'dod pa thams cad yongs su spangs/ mya ngan 'jigs pa ga las 'ong / 'dod pa'i rkyen gyis mya ngan gyi sdug bsngal skye/ mya ngan gyi sdug bsngal yin pas na sems can dag rgas shing rgud par 'gyurate 'dod pa dang bye bral ba'i sdug bsngal ni/ 'di lta ste/ tshe zad pa'o// rigs kyi bu bye bral bar gyur pas na/ sdug bsngal phra mo rnam pa sna tshogs kyang skye bar 'gyur te/ khyod la rgyas par phye zhing bstan par bya'o// rigs kyi bu sngon 'das pa'i dus na mi'i tshe'ang tshad med de/ de'i tshe de'i dus na rgyal po dge ba la gnas pa zhes bya ba byung ngo / / de'i tshe na rgyal po de'i gzhon nu'i lus kyis rgyal tshab kyi las kyang lo brgyad khri bzhi stong gi bar du byas nas/ rgyal sar dbang bskur te/ rgyal po'ang lo brgyad khri bzhi stong gi bar du byas so/ / de'i tshe rgyal po de'i spyi bo la sha lhag pa/ shin tu 'jam pa/ shing bal lam/ ras 'jam ltar 'dzem pa skye ste/ bags kyis cheje cher skyes kyang gnod par ma gyur te/ zla ba bcu lon pa dang rdol nas nang nas khye'u gzhon nu byad bzhin bzang ba/ dpe med pa/ mtshan dang mdog tu ldan pa/ mi'i nang na yul du gyur pa gcig byung ngo / / rgyal po chen po de dga' nas mings su po skyes shes gtags te/ de'i tshe rgyal po dge ba la gnas pa de rgyal po'i srong kun spyi bo rgyas la gtad nas/ pho zang dang / btsun mo dang / bu dang / 'khor kun yongs su spangs te/ ril lo brgyad khri bzhi stong gi bar du byang chub la nan tan byas so// de'i tshe rgyal po spyi bo skyes de tshes bco lnga'i nyin par khrus byas te rgyal thabs blangs nas yang thog mthon por 'dug pa las shar phyogs nas gser gyi 'khor lo rtsib ma stong dang ldan pa bzo byas pa ni ma yin gyi/ lhun gyis grub pa gcig byung bar gyur to// de'i tshe rgyal po spyi bo skyes de 'di snyam du sems par gyur to// bdag gis sngon drang srong mngon par shes pa lnga dang ldan pa las thos na/ / rgyal rigs rgyal por 'gyur pa tshes bco lnga'i nyon par khrus byas te/ rgyal po'i dbang blangs nas yang thog mthon por 'dug pa las/ gser gyi 'khor lo rtsib ma stong dang ldan pa bzos ma byas pa lhun gyis grub pa rang byung na/ rgyal po de gdon mi za bar 'khor los sgyur ba'i rgyal por 'gyur ro zhes thos pa bsams nas/ de rtag pa'i phyir lag pa g.yon pas ni 'khor lo blangs/ lag pa g.yas pas ni pog por thogs nas pus mos g.yas pa sa la btsugs te 'di skad ces smras so/ / gser gyi 'khor lo yang dag pa zhig yin/ sngon 'das pa'i 'khor los sgyur ba'i rgyal po'i chos su gar 'gro bar song zhig ces smras pa dang / de skad smras ma thag tu gser gyi 'khor lo de steng gi nam mkha' la 'phags nas phyogs bcur bskor te/ phyir rgyal po'i lag pa g.yon par 'ongs so/ / de'i tshe rgyal po spyi bo skyes shin tu dga' mgu rangs nas/ bdag ni nges par 'khor los sgyur ba'i rgyal po yin no zhes smras so// phyis ring po ma lon par bal glang rin po che shin tu bzang ba pad+mo dkar po ltar dka ra la/ yan lag bdun sa la reg pa byung ste/ rgyal po spyi bo skyes de mthong nas yang 'di snyam du bsams so// bdag gis sngon drang srong mngon par shes pa lnga dang ldan pa las thos na/ gal te 'khor los sgyur ba'i rgyal po chos bco lnga'i nyan par khrus byas nas yang thog mthon por 'dzegs te 'dug pa las/ bal glang rin po che shin du bzang po bad+mo dkar po ltar dkar la/ yan lag bdun sa pa reg pa byung na/ de ni gdon mi za bar 'khor los sgyur ba'i rgyal por 'gyur ro zhes thos pa bsams nas de 'artag pa'i phyir pog por thogs te pus mo g.yas pa'i lha nga sa la btsugs nas 'di skad ces smras so/ / bal glang rin po 'di gal te yang dag pa zhig yin na 'das pa'i 'khor los sgyur ba'i rgyal po'i chos ltar gar 'gro bar song zhig ces smras nas/ bal glang rin po che de nang bar nas dgongs su phyogs mtshams brgyad rgya mtsho'i mtha' la thug gi bar du bskor nas phyir gnas su 'ongs so/ / de'i tshe rgyal po spyi bo skyes rab tu dka' mgu rangs nas/ bdag ni gdon mi za bar 'khor mos sgyur ba'i rgyal po yin no zhes smras so/ / de nas phyis ring po ma lon par rta rin po che spu mdog mthon mthing du 'dug la/ rnga rngog gser gyi kha dog 'dra ba gcig rang byung ste/ rgyal po spyi bo skyes de mthong nas yang 'di snyam du bsams so// bdag gis sngon drang srong mngon par shes pa lnga dang ldan pa las thos na/ gal te 'khor los sgyusbyar ba'i rgyal po tshes bco lnga'i nyin par khrus byas nas yang thog mthon por 'dzegs te 'dug pa las/ rta rin po che spu mdog mthon mthing la rnga rngog gser gyi kha dog dang 'dra ba byung na/ rgyal po de ni gdon mi za bar 'khor los sgyur ba'i rgyal po yin no zhes thos pa bsams nas/ de brtag pa'i phyir ngog por thogs te pus mo g.yas pa'i lha nga la tsugs nas 'di skad ces smras so/ / rta rin po che mthon mthong 'di yang dag pa zhig yin na/ sngon gyi 'khor los sgyur ba'i rgyal po'i chos ltar gar 'gro bar song zhig ces smras nas rta rin po che nang par nas dgongs su phyogs mtshams brgyad du rgya mtsho'i mtha' la thug par bskor nas phyir gnas su 'ongs so/ / de'i tshe rgyal po spyi bo skyes rab tu dga' mgu rangs nas/ bdag ni gdon mi za bar 'khor los sgyur ba'i rgyal po yin no zhes smras so// de nas ring po ma lon par bud med rin po che gzugs byang mdzes pa/ shin tu sdug pa'i phul du gyur pa/ mi ring / mi thung / ha cang yang mi dkar/ ha cang yang mi gnag/ lus kyi ba spu'i khung nas spos tsan dan gyi dri bro ba/ kha nas pad+mo sngon po'i gsung zo ba/ mig rgyang ring ba dpag tshad gcig tshud chad mthong ba/ rna bas kyang thos pa/ snas kyang bsung tshor ba/ lce shin du mnyen zhing ring la ngo yog pa/ mdog 'jam zhing 'tsher ba ni zangs glebs pa dang 'dra ba/ shes rab rno la blo che ba/ sems can thams cad la rtag tu ngag 'jam pos smra pa/ bud med de'i lag pas rgyal po'o gos la reg pa tsam gyis kyang / rgyal po de na pa dang bde ba'ang shes la/ ci la dmigs/ ci la sems pa'ang shes so// de'i tshe rgyal po spyi bo skyes de 'di snyam du/ bud med kang rgyal pos sems pa shes pa ni bud med rin po che yin no snyam bsams so// de nas ring po ma yon par rgyal po'i po thang gi nang nas/ nor bu rin po chebai DUrma sngon po lta bu che khyud mi'i brla tsam gcig byung ste/ rin po che des mun pa dpag tshad gcig kho ra khor yug tu snang bar yang byed la/ gal te char pa'i thigs pa shing rta'i srog shing tsam bab kyang / nor bu rin po che de'i mthus dpag tshad gcig kho ra khor yug tu gdugs su gyur te char pa mi zag go// de'i tshe rgyal po spyi bo skyes 'di snyam du 'khor los sgyur ba'i rgyal pos nor bu rin po che 'di thob na/ gdon mi za bar 'khor los sgyur ba'i rgyal po yin no snyam sems so// de na/ ring po ma lon par rin po che gter la dbang ba'i blon po rang byung ste/ nor bu rin po che rab tu mang ba/ shin tu phyug pa/ pang mdzod tshad med pa shin tu gang ba/ cis kyang mi 'phongs mi brel pa/ bsod nams las gyur pa'i mig gi dbang pos sa'i 'og na gtar ci yod pa thams cad mthong bas/ rgyal pos bsams pa bzhin du sbyor ro// de'i tshe rgyal po spyi bo skyes de brtag pa'i phyir grur zhugs nas rgya mtsho chen por zhugs te/ rgyal pos de la 'di skad ces bsgo'o// kho bo nor bu rin po che rnam pa tha dad pa dag cig 'dod do/ / blon po des de skad ces thos ma thag tu lag pa gnyis kyis rgya mtsho'i nang nas bcus pa dang / sor mo bcu la nor bu rin po che'i gter bcu yod par gyur te/ rgyal po la phul nas 'di skad ces gsol to/ / rgyal po chen po ji tsam 'dod pa bzhes te lhag ma slar rgya mtshor dor du gsol/ de'i tshe rgyal po spyi bo skyes ra dga' mgu rangs nas/ bdag ni nges par 'khor los sgyur ba'i rgyal po yin no zhes smras so// de nas ring por ma lon par dmag la dbang ba'i blon po 'byung ste/ shin tu rtsal tshe zhing dpa' ba/ dgra' thab la phul du mkhas padamag gi tshogs rnam pan la shin tu mkhas pa/ rgyal po gzhan la rgol du cha ba na dmag mngon par ston pa/ rgol ba med pa na cang mi snang gam btul ba thul / thul ba'i rnams mthus shin tu skyob pa la mkhas pa byung ngo // de'i tshe rgyal po spyi bo skyes yang 'di snyam du bsams te/ 'khor los sgyur ba'i rgyal po la dmag rin po tsheche 'di yod do/ / bdag ni gdon mo za bar 'khor los sgyur ba'i rgyal po yin no snyam soms so// de'i tshe 'khor los sgyur ba'i rgyal po sbyib smos kyis/ blon po rnams ma bkar stsam pa/ khyed 'di ltar rig par gyis shig/ 'dzam bu'i sring 'dir na rab tu bde zhing skyid par gyur la/ nga ni rin po che sna bdun dang bu stong du'ang ldan na dgazhan ci nag byar yod/ blon po rnams kyis gsol ba/ de bzhin no// rgyal po chen po shar gyi lus 'phags gling zhes bgyi ba da dung ma btul ma tsha bka' ma can na da'ang dbapa par rags so zhes gsol to/ / dan tsha 'khor los sgyur da rgyal po rin po che sna bdun dang bcas te thams cadunas myal 'phags nas/ shAr gyi lus 'phags gling du chas te/ gling de'i mi rnams thams cad dka' nas bka' nyan par gyur to// de nas yang blon po rnams bka' stsas pa/ lho'i yangam bu'i gling dang / shar gyi lus 'phags gling ni rab tu bde bar gyur/ thams cad bka' nyan par yang gyur/ rin po che sna bdun dang bu stong du'ang ldan na/ da yang gzhan ci zhig byar yod/ blon po rnams kyis gsol pa/ de bzhin no// rgyal po chen po nub kyi ba lang spyod ces bgyi ba de dung ma btul lo/ / de nas rgyal po rin po che sna bdun dang bcas te thams cad nam mkha' la 'phags nas/ nub kyi ba lang spyod du chas so// rgyal po der phyin ma thag tu de na gnas pa'i mo thams cad kyang bka' nyan par gyur to/ / yang blon po rnams la bka' stsal pa/ lho'i 'dzam bu gling dang / shar gyi lus 'phags gling dang / nub kyi ba lang spyod na gnas pa'i mi dag ni rab tu bde zhing sgyid la bka' yang nyan par gyur te/ rin po che sna bdun dang bu stong du'ang ldan na/ da gzhan ci zhig byar yod/ blon po rnams kyis gsol/ bzhin no// rgyal ba rgyan po kyang ki m-i m+b+has zhes pargya pa byungs surgyal lo// de nas rgyas po sang po sna bdun dang bcas te thams cad steng gi nam mkha' la 'phags nas/ byang gi sgra mi snyan du chas so// der phyin ma thag tu de na gnas pa'i mi thams cad rab tu dga' nas bka' nyan to/ / de nas yang blon po rnams la bka' stsal pa/ gling bzhi la gnas pa'i mi dag ni rab tu'ang skyid cing bde ba la bka' nyan par gyur te/ rin po che sna bdun dang bu stong du ldan na/ da gzhan yang ci zhig byar yod/ blon po rnams kyis gsol pa/ de bzhin no// rgyal po chen po sum cu rtsa gsum gyi lha ni tshe'ang rab tu ring la shin tu bde skyed do/ / lha'i lus ni shin tu'ang bzang ste dpe zla med la/ gnas pa'i pho brang dang / 'dug pa'i khri dang / nyal ba'i mal yang rin po che sna bdun 'ba' zhig ste/ lha'i bsod nams snyems pas/ de dag kyang rgyal po'i bka' mi nyan na btul zhing dbab pa'i rigs so// de nas 'khor los sgyur ba'i rgyal po rin po che sna bdun dang bcas te thams cad nam mkha' la 'phags nas/ sum cu rtsa gsum gnam du chas so// der phyin pa dang shing kha dog sngon por 'dug pa gcig mthong nas sngon por 'dug pa 'di ci yin nas blon po rnams la rjes so/ / blon po rnams kyis gsol ba/ 'di ni shing pa ri tsi tra zhes bya ste/ sum cu rtsa gsum gnas gyi wA dbyar gyi zla ba gsum la shing 'di'i 'og na longs spyod cing rtse'o/ / gzhan yang kha dog dkar po sprin dkar po dang 'dra ba zhig mthong nas/ 'di ci yin zhes dris so// blon po rnams kyis gsol ba/ 'di ni sum cu rtsa gsumi gnam gyi chos bzang gi lha'i 'dun sa zhes bya ste/ sum cu rtsa gsum gnam gyi lha rnams ni der 'du zhing lha dang mi'i gtam zer ro/ / de'i tshe brgya byin lha'i dbang pos kyang / rgyal po spyi bo skyes 'ongs par shes nas phyi rol tu bsu ste/ lag pa nas bzung nas 'grogs te chos bzang gi 'dun sar zhugs nas gdan phyed bdar te lhan cig tu 'dug go/ de'i rgyal po gnyis lhan cig tu 'dug pa na gzugs byed dang mtshan la sogs pa tha dad pa med de/ lta ba dang mig 'dzum pa tsan zhig mi 'dra'o/ / de'i tshe na 'khor los sgyur ba'i rgyal po de 'di snyam du sems par gyur te/ bdag gis lha'i rgyal po 'di'i thabs thogs te/ bdag gis byar rung ngam snyam bsams so/ / rigs kyi bu de'i tshe de'i dus na brgya byin lha'i dbang po theg pa chen po'i mdo sde 'chang ba dang / 'dzin pa dang / klog pa dang / 'don pa dang / gzhan la'ang 'byed cing ston pa'i las byed de/ shin tu zab mo'i don zab par rtogs pa ni ma yin no// de ltar theg pa chen po'i mdo sde 'chang ba dang / 'dzin pa dang / klog pa dang / 'don pa dang / gzhan la rgyas par 'byed cing ston pa de'i rgyu de'i rkyen gyis gzi brjid chen po dang ldan par gyur to// rigs kyi bu de'i tshe na rgyal po spyib skyes de de ltar brgya byin la ngan sems bskyed pas/ de ma thag tu phyir 'dzam bu gling du lhung nas 'dod pa'i lha dang mi dang bye zal bar gyur te sdug bsngal chen po skyes so// de nas kyang nad kyis btab ste tshe 'phos por gyur to// de'i tshe de'i dus na brgya byin du gyur pa de ni sangs rgyas 'od srungs zhes bya ba yin no// 'khor los sgyur ba'i rgyal po de ni da ltar nga yin no/ / rigs kyi bu de bas na 'dod pa dang bye bral ni rab tu sdug bsngal chen po yin par rig par bya'o// rigs kyi bu byang chub sems dpa' sems dpa' chen po rang de ltar 'das pa'i dus kyi bye zal ba'i sdug bsngal dran pa yin na/ byang chub sems dpa' theg pa chen po yongs su mya ngan las 'das pa'i mdo sde la gnas pa/ da ltar gyi dus kyi 'dod pa dang bye bral ba'i sdug bsngal la rtog pa lta ci smos/ rigs kyi bu de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdol spyod pa na/ dgra sdang ba dang zad pa'i sdug bsngal rtogs pa zhe na/ rigs kyi bu byang chub sems dpa' sems dpa' chen pos ni 'di ltar sems can dmyal ba dang / byol song gi skye gnas dang / gshin rje'i 'jig rten dang / mi dang / lha la'ang dgra sdang ba dang phrad pa'i sdug bsngal zhes bya ba yod do/ / 'di lta ste/ dper na mis ni btson rar bcug pa dang / gzung ba dang / bcings pa dang / lcags dang / khong sgril dang / shing sgrog tu bcug pa la sdug bsngal chen por mthong ngo / / byang chub sems dpa' sems dpa' chen po'ang de dang 'dra ste/ lam rgyud lnga'i sems can thams cad kyang dgra sdang ba dang phrad pa'i sdug bsngal chen po yin par rtogs so/ / rigs kyi bu gzhan yang 'di lta ste/ dper na mi zhig kho na yod pas 'jigs sam/ ltong ngam/ lcags snyam khong sgril gyis 'jigs pas/ pha ma dang / chung ma dang / bu dang / 'khor rnams dang / rin po che dang / 'tsho rnams kun spangs te lam ring por 'byor zhing 'thos so/ / rigs kyi bu byang chub sems dpa' sems dpa' chen po'ang de dang 'ja ste/ 'khor bas 'jigs pas pha rol tu phyin pa drug rdzogs pa spyad du/ myangamalas 'das par 'gyu/ 'od srungs 'di byang chub sems dpa' sems dpa' chen po zag pa chen po yongs su mya ngan mas 'das spyod pan/ ram snang ba dang thud pa'i sdug bsngal rtogs pa zhes bya'o// rigs kyi bu de la ji ltar na byang chub sems dpa' sems dpa' chen po zag pa chen po yongs su mya ngan las 'das pa'i mdo spyod pa na/ 'dod pas mi rnyed pa'i sdug bsngal la rtog pa zhe na/ 'dod pa ni thams cad 'dod pa'o// thams cad 'dod pa larang rnam pa gnyis te/ dge ba'i chos 'dod pa dang / mi dge ba'i chos 'dod pa'o// de'ang dge ba'i chos ma rnyed na sdug bsngal ba'o// mi dge ba'i chos dang ma thal na sdug bsngal ba ste/ 'di dag ni phung po lnga sdug bsngal ba mdor bshad pa'o// 'od srungs de dag ni sdug bsngal gyi bden pa zhes bya'o// de nas byang chub sems dpa' sems dpa' chen po 'od srungs kyis bcom ldan 'das la 'di skad ces gsol to// bcom ldan 'das kyis phung po lnga sdug bsngal par gsung ba'i don de lta ma lags so/ / de ci'i slad du zhe na/ bcom ldan 'das kyis sngon shAkya ming chen la 'di skad ces bka' stsa le te/ gal te gzugs sdug bsngal ba yin na/ sems can thams cad gzugs 'dod pa'i mi rigs te/ thams cad 'dod pas na sdug bsngal zhes bgyir yang mi ring ngo zhes kyang gsungs yang bcom ldan 'das kyis dge slong rnams la bka' stsal pa/ tshor ba la'ang rnam pa gsum ste/ bde bar tshor ba dang / sdug bsngal par tshor ba dang / bde ba'ang ma yin sdug bsngal ba'ang ma yin par tshor ba ste/ sngon bcom ldan 'das kyis/ dge slong rnams la bka' stsal pa/ gang zhig gis dge ba'i chos la nan tan byas na bde ba myong bar 'gyur ro zhes kyang gsungs/ yang bcom ldan 'das kyis gsungs pa/ dge ba'i rgyud du reg bya drug gis kyang bde ba myong bar 'gyur te/ mig gis gzugs bzang po mthong na/ de'ang bde ba lags na/ rna ba dang / sna dang / lce dang / lus dang / yid kyi bar du bzang po la reg pa'ang bde'o zhes gsung te/ yang bcom ldan 'das kyis tshigs su bcad de bka' stsal pa/ tshul khrims ldan pa bde ba ste/ lus kyi sdug bsngal mi myong ba// gnyid kyis log na'ang bde bar 'gyur/ / sad na sems kyang dga' bar 'gyur// gos dang bsod snyoms len pa dang / kloka dang sgom zhing 'chag pa dang // bas mtha' dgon pa'i ri dang tshal// gnas par gyur na mchog tu bde/ / gang zhig sems can mang po la// nyin mtshan rtag tu snying rje zhing // gzhan la gnod pa mi byed na// de mi rkyen gyis rtag tu ban/ 'dod pa nyung zhing chog shes bde// de bzhin mang du thos pa bde// chags med dgra bcom pa dag kyang // rab tu bde ba zhes bya'o// byang chub sems dpa' sems dpa' che/ / pha rol phyin pa'i mthar phyin cing / bya ba thams cad byas pa ni// mchog tu bde ba zhes bya'o// bcom ldan 'das kyis mdo sde gzhan dag las bde ba'i mtshan nyid du gsungs pa'i don 'di lags na/ da yang bcom ldan 'das kyis 'di skad du gsungs na/ don de dag mthun par rung ngam// // 'phags pa yongs sra mya ngan las 'das pa chen po'i mdo bam po bcu gsum pa/ / bcom ldan 'das kyis/ 'od srungs la bka' stsal pa/ legs so shin tu legs so// rigs kyi bu de bzhin gshegs pa la don 'di dag dris pa legs so// rigs kyi bu sems can thams cad ni sdug bsngal ba tha ma la nad kyis bde bar 'du shes te/ de bas na sdug bsngal gyi mtshan nyid 'di bshad pa'ang snga ma dang tha mi dad do/ / de nas byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das bcom ldan 'das kyis sngar gsungs pa ltar sdug bsngal tha ma la'ang bde bar 'du shes pa skyed na/ skye ba tha ma dang / rga ba tha ma dang / na ba tha ma dang / 'chi ba tha ma dang / 'dod pa dang bye bral ba tha ma dang / 'dod pa mi rnyed pa tha ma dang / dgra sdang ba dang phrad pa tha ma dang / phung po lnga tha ma la sogs pa sdug bsngal ba'ang bde ba ma mchis pa'i rigs so/ / bcom ldan 'das skye ba tha ma zhes bgyi ba ni ngan song gsum mo// skye ba 'bring zhes bgyi ba ni mi'i nang du skyes pa'o// skye ba rab ces bgyi ba ni mtho ris kyi lhar skye ba lags na/ gal te la la zhig gis 'di skad du bde ba tha ma la ni sdug bsngal bar 'du shes/ bde ba 'bring la ni sdug bsngal med par 'du shes/ bde ba rab la ni bde bar 'du shes so zhes de skad ces 'dri ba mchis na/ de la ji skad ces lan gdab par bgyi/ bcom ldan 'das sdug bsngal tha ma la bde bar 'du shes pa ni/ dper na mi zhig lcags stong gis gzhu ba las thog ma gcig phog pa na bde bar 'du shes pa'i rigs na/ de bde bar 'du shes pa ma lags pas na/ ci'i slad du sdug bsngal tha ma la bde bar 'du shes par bgyi/ bcom ldan 'das kyis/ 'od srungs la bka' stsal pa/ de de bzhin no/ de de bzhin no// khyod kyis smras pa bzhin te/ don de ltu bas na bde bar 'du shes pa med do// de ci'i phyir zhe na/ dper na mi de lugs sbyong gis gzhu ba las lcags gcig phog ste gtang na/ de'i tshe mi de bde ba'i 'du shes skye ste/ de bas na bde ba med pa la nan gyis bde bar 'du shes skyed do// 'od srungs kyis gsol pa mi de lcags gcig phog pa la bde bar 'du shes pa ma lags kyi/ de las thar pas de bar 'du shra pa lags so// 'od srungs de bas na ngas sngon shAkya ming chen la phung po lnga la bde ba gsungs pa yang yang dag sde brdzun ma yin no/ / 'od srungs tshor ba rnam gsum dang / sdug bsngal rnam gsum yod do// tshor ba rnam gsum ni// 'di lta ste/ bde bar tshor ba dang / sdug bsngal bar tshor ba dang / sdug bsngal yang ma yin bde ba'ang ma yin par tshor ba'o// sdug bsngal gsum ni/ sdug bsngal ba'i sdug bsngal dang / 'du byed kyi sdug bsngal dang / 'gyur ba'i sdug bsngal lo// rigs kyi bu sdug bsngal gyi tshor ba ni/ sdug bsngal ba'i sdug bsngal dang / 'du byed kyi sdug bsngal dang / 'gyur ba'i sdug bsngal dang / sdug bsngal gsum du sbyor ro// lhag ma gnyis ni/ 'du byed kyi sdug bsngal dang / 'gyur ba'i sdug bsngal dang sbyar ro/ / rigs kyi bu de'i rgyu de'i rkyen gyis na/ skye ba dang 'chi ba'i nang na yang dag par bde bar tshor ba yod do// byang chub sems dpa' sems dpa' chen po ni sdug bsngal dang bde ba nyid tha dad pa ma yin par rtogs pas/ thams cad sdug bsngal ba'o zhes gsungs so// rigs kyi bu skye ba dang 'chi ba'i nang na yang dag par na bde ba med de// sangs rgyas dang byang chub sems dpa' rnams ni/ 'jig rten pa'i rjes su bde ba yod do zhes gsungs pa yin no// byang chub sems dpa' 'od srungs kyis/ yang bcom ldan 'das la gsol ba/ sangs rgyas dang byang chub sems dpa' rnams 'jog rten gyi dbang du mdzad de rjes su gsungs pa'i brdzun du mi 'gyur ram/ bcom ldan 'das kyis gsungs pa ltar na/ gang dge ba bgyid pa ni bde ba'i 'bras bu myong bar 'gyur/ tshul khrims bsrungs pas ni lus bde ba dang sdug bsngal mi myong ba nas/ bya ba thams cad rdzogs pa'i bar du 'gyur ba ni mchog tu bde bar 'gyur pa lags na/ mdo sde de dag la sogs pa las bde ba myong bar gsungs pa de dag kyang brdzun du mi 'gyur ram g al te brdzun du gyur na lta sangs rgyas bcom ldan 'das bskal pa tshad med zangs med pa brgya stong gi bar du byang chub sgrung pa na brdzun du smra ba yongs su spangs te da yang 'di skad du gsungs na de'i don ji lta bu lags bcom ldan 'das kyis bka' stsal pa/ rigs kyi bu gong du tshigs su bcad pa las bde ba myong ba bshad pa ni byang chub kyi lam gyi rtsa ba ste/ bla na med pa yang dag par rdzogs pa'i byang chub kyang skye bar 'gyur pas na/ de'i phyir sngar mdo sde dag las bde ba'i mtshan nyid de skad ces gsungs pa yin no/ / rigs kyi bu dper na 'jig rten gyi dgos pa'i longs spyod ni bde ba'i rgyur 'gyur te de zhes bya'o// 'di lta ste/ na chung bzang mo dang / chang zhim po dang / kha zas ro mchog dang / skom pas gdungs pa na chu dang phrad pa dang / grang ba'i tshe me dang phrad pa dang / gos dang / lus kyi rgyan dang / bal glang dang / rta dang / shing rta dang / zan po dang / zan mo dang / las byed pa'i mi dang / gser dang / dngul dang / bai DUR+Ya dang / byi ru dang / mu tig dang / bang mdzod dang / nus 'bras la sogs pa ni 'jig rten gyi dgos pa ste/ bde ba'i rgyur 'gyur bas na bde ba zhes bya'o// rigs kyi bu dngos po de dag la sogs pa ni sdug bsngal yang skye bar byed do/ / 'di lta ste/ bud med kyi phyir skyes pa dag sdug bsngal ba dang / mi dga' ba dang / mya ngan byed pa dang/ cho nge rdung ba dang / srog gi bar du'ang bar chad du 'gyur ba yod do// chang dang zas zhim po nas/ bang mdzod kyi bar du'ang sdug bsngal chen po skye bar 'gyur te/ de bas na thams cad sdug bsngal ba yin gyi/ bde ba'i mtshan nyid med do// rigs kyi bu byang chub sems dpa' sems dpa' chen pos ni sdug bsngal brgyad la sdug bsngal bar shes te bde ba med do/ / rigs kyi bu nyan thos dang rang sangs rgyas la sogs pa ni bde ba'i rgyu mi shes pa na/ de dag gi phyir sdug bsngal tha ma la bde ba'i mtshan nyid yod par spa'o/ / byang chub sems dpa' theg pa chen po yongs su mya ngan las 'das pa'i mdol gnas pa 'byu' zhig ni/ sdug bsngam rgyu rgyu dang bde ba'i rgyu rtogs shing shes s+ho// rigs kyi bu de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na/ kun 'byung gi bden pa rtogs pa zhe na/ rigs kyi bu byang chub sems dpa' sems dpa' chen po ni kun 'byung gi bden pa 'di phung po'i rgyu dang rkyen yin par rtogs so// kun 'byung zhes bya ba ni phyir yang srid pa la 'dod pa ste/ 'dod pa la rnam pa gnyis so// bdag gis lus 'dod pa dang / dgos pa'adod pa'o// yang rnam pa gnyis te/ 'dod pa ldan thob pa la sems rtse gcig tu tshol ba dang / rnyed nas shin tu chags pa la bzod par byed pa'o// gzhan yang rnam pa gsum ste/ 'dod pa'i 'dod pa gzugs kyi 'dod pa dang / gzugs med pa'i 'dod pa'o// gzhan yang rnam pa gsum ste/ las kyi rgyu dang rkyen la 'dod pa dang / nyon mongs pa'i rgyu dang rkyen la 'dod pa dang sdug bsngal ba'i rgyu dang rkyen la 'dod pa'o/ / rab tu byung ba la 'dod pa rnam pa bzhi'o// chos gos dang / bsod snyoms dang / mal cha dang / nad kyi rkyen sman no// gzhan yang rnam pa lnga ste/ phung po lnga la chags nas dgos pa'i rjes su thams cad 'dod de/ rnam par rtog pa tshad med mtha' yas pa'o// rigs kyi bu 'dod pa la rnam pa gnyis te/ dge ba la 'dod pa dang / mi dge ba la 'dod pa'o// mi dge ba la 'dod pa ni glen pa 'ba' zhig 'dod do// dge ba la 'dod pa ni byang chub sems dpa' rnams 'dod do// dge ba'i chos 'dod pa la'ang rnam pa gnyis te/ mi dge ba dang / dge ba'o// theg pa gnyis po tshol ba ni mi dge ba'o// theg pa chen po tshol ba ni dge ba'o// rigs kyi bu bus pa ma rabs kyi 'dod pa ni kun 'byung zhes bya ste/ bden pa ma yin no// byang chub sems dpa'i 'dod pa ni bden pa zhes bya ste/ kun 'byung ba ma yin no// de ci'i phyir zhe na/ sems can bskal ba'i don gyi phyir skye ba len gyi/ 'dod pa'i phyir skye ba len pa ni ma yin no// byang chub sems dpa' 'od srungs kyis/ yang bcom ldan 'das la gsol pasangs rgyas bcom ldan 'das kyis mdo sde gzhan dag las sems can dag gi phyir las kyi rgyu dang rkyen du 'gyur ro zhes gsungs/ bar bar ni nga rgyal gyi rgyur 'gyur ro/ zhes gsungs/ bar bar ni reg bya drug rgyur 'gyur ro zhes gsungs/ bar bar ni ma rig pa phung po lngar 'gyur te/ rgyu dang rkyen du 'gyur zhes gsungs na/ de ci'i slad du 'phags pa'i bden pa bzhi las 'dod pa'i mtshan nyid 'ba' zhig phung po lnga'i rgyur 'gyur zhes gsung / bcom ldan 'das kyis/ byang chub sems dpa' 'od srungs la bka' stsal pa/ legs so legs so// rigs kyi bu khyod kyis smras pa bzhin te/ rgyu dang rkyen gnamag kyang rgyur mi 'gyur ba ni ma yin mod kyi/ phung po lnga'i rgyu ni mdon na 'dod pa la gyur to/ / rigs kyi bu dper na rgyal po chen po gshegs na/ blon po chen po 'khor dang bcas te rjes su 'gre'o// 'dod pa'ang de dang 'dra ste/ 'dod pa gang du spyod pa'i rjes su kun nas nyon mongs pa rnams kyang rjes su 'gro'o// dper na gos gang du snum pa der rdul chags bzhin du 'dod pa'ang de dang 'dra ste gang du 'dod par las kyi nyon mongs pa'ang de la gnas so/ / rigs kyi bu gzhan yang 'di lta ste/ dper na gang du rlan pa'i sa la ni myu gu skye'o// 'dod pa'ang de dang 'dra ste/ las kyi nyon mongs pa'i myu gu thams cad skye bar byed do// rigs kyi bu byang chub sems dpa' sems dpa' chen po theg pa tshon po yongs su mya ngan las 'das pa la gnas pa dag ni 'dod pa la rnam pa dgur shin du rtogs so/ / 'di lta ste/ bu lon ma khor ba lta bu dang / chung ma srin mo lta bu dang / me tog bzang po'i sdong bu la sbrul gdug pas dkris pa lta bu dang / zas yid du mi 'ong mi 'dod pa nan gyis za ba lta bu dang / sbrul 'tshong ma lta bu dang / 'ba' lu ka'i 'bras bu lta bu dang / rma'i sha rman lta bu dang / rlung drag po lta bu dang / skar ma phod lta bu'o// de la ji ltar na bu len ma khor ba lta bu zhe na/ rigs kyi bu dper na mi dbul po zhig bu lon chags pas rdzogs su nye ste/ mjug lus na gzung ba las mi thar to// nyan thos dang rang sangs rgyas kyang de dang 'dra ste/ 'dod pa'i bag chags kyi lhag ma lus pas/ bla na med pa yang dag par rdzogs pa'i byang chub tu 'tshang mi rgya'o// rigs kyi bu de ltar na bu lon ma khor ba zhes bya'o// rigs kyi bu de la ji ltar na chung ma srin mo lta bu zhe na/ rigs kyi bu dper na mi zhig chung mar srin mo blangs na/ bu btsas ma thag tu bu bza' 'o// bu zad nas khyo'ang za'o// rigs kyi bu 'dod pa'i srin mo'ang / de dang 'dra ste/ sems can dag dge ba'i rtsa ba ji tsam paskyed pa skyes ma thag tu med par byed do// dge ba'i rtsa ba zad par byas nas sems can dag sems can dmyal ba dang / byol song gi skye gnas dang / gshin rje'i 'jig rten du skye bar byed de/ byang chub sems dpa' ni ma gtogs so// de ltar na chung ma srin mo lta bu zhes bya'o// rigs kyi bu de la ji ltar na me tog bzang po'i sdong bu la sprul gdug pas dkris pa lta bu zhe na/ dper na me tog bzang po la dga' ba zhig me tog gi sdong bu la sbrul gdug pa'i nyen yod par mi shes pas/ drung du bsnyen nas me tog gzung ngo // gzung ma thag tu sbrul gyis zin nas tshe'i dus byas so// bus pa ma rabs thams cad kyang de dang 'dra ste/ 'dod pa lnga'i me tog la chags pas 'dod pa'i sbrul gdug pa'i skyon yod pare mi shes pas len to/ / blangs nas 'dod pa'i gdug pas zin te/ tshe'i dus byas nas ngan song gsum du lhung ste/ byang chub sems dpa' ni ma gtogs so// de ltar na me tog bzang po'i sdong bu la sbrul gdug pas dkris pa lta bu zhes bya'o// rigs kyi bu de la ji ltar na yid du mi 'ong ba'i bas ngan pa nan gyis zab wA bu zhe na/ 'ang ste/ la la nig zas med du ma 'ong ban gyis zos na/ zos sa mas tu ston sa chad par lathu nas 'chi'o// 'dod pa'i zas kyang de dang 'dra ste/ lam rgyud lnga'i sems can dag 'dod pa la nan gyis chags pas/ de'i rgyu de'i rkyen gyis ngan song gsum du lhung ste/ byang chub sems dpa' ni ma gtogs so/ / de ltar na zas yid du mi 'ong ba nan gyis za ba lta bu zhes bya'o// rigs kyi bu de la ji ltar na bud med sprul 'tshong ma lta bu zhe na/ dper na mi glen pa dag ni sprul 'tshong ma dang 'grul te/ bud med des pa tsam dang sgyu rnam pa sna tshogs kyis mi'i nor kun 'phrog go// de'i nor zad nas ni skrod do// 'dod pa'i sprul 'tshong ma'ang de dang 'dra ste/ glen pa shes pa med pa dag de la sten te 'dod pa des dge ba'i chos thams cad 'phrog go/ dge ba'i chos kun zad par byas nas ngan song gsum du lhung bar skrod de/ byang chub sems dpa' 'ba' zhig ni ma gtogs so// de ltar na bud med sprul 'tshong ma lta bu zhes bya'o// rigs kyi bu de la ji ltar na 'ba' lu ka'i 'bras bu lta bu zhe na/ dper na 'ba' lu ka'i 'bras bu byas zos na/ zos ma thag tu phyir byung nas/ sa la brdugs pa rlung gis bdas te/ shing drung du phyin na de ma thag tu skyes te/ shing de nyid la dkris klags nas/ shing n+ya gro d+ha'ang tshad du phyin par mi skye bar byed cing / bskams par yang 'gyur ro// 'dod pa'i 'ba' mu ka'i 'bras bu rang de dang 'ja ste/ bus pa ma rabs kyi dge bya'i rtsa bcu yod pa dazis chags nas mi 'phel mo skye ba dang / med par 'gyur 'ong snyam pa'i bar du yang byed do// bskams shing med par byas nas/ tshe 'phos pa'i 'og tu ngan song gsum du ltung bar yang byed de/ byang chub sems dpa' ni ma gtogs so// de ltar na 'ba' lu ka'i 'bras bu zhes bya'o/ / rigs kyi bu de la ji ltar na rma'i sharman lta bu zhe na/ dper na mi zhig rma byung ste/ sha rma na yod na gso dgos te gtang du mi rung ngo // bzhag ste ma gsos na rma ded la 'bu'ang 'jug ste/ de'i rkyen gyis tshe'i dus kyang byed par 'gyur ro// bus pa glen pa'i 'dod pa lnga'i 'bras bu'ang de dang 'dra ste/ 'dod pa'i rmi'i ning na sharman lta bu yin pas/ brtson 'grus su gso dgos so// 'dod pa'i sha rman ma gsos na tshe 'phos ma thag tu ngan song gsum du lhung ste/ byang chub sems dpa' ni ma gtogs rigs kyi bu de la ji ltar na rlung drag po lta bu zhe na/ dper na rlung drag po langs na ri rang rnyil/ gad pa'ang btib/ shing yang rtsa ba nas 'don to// 'dod pa'i rlung drag po'ang de dang rang ste/ pha ma la'ang ngan sems skyed la/ shes rab chen po'i mchog ri bo la sogs pa'i bla na med pa'i byang chub kyi rtsa ba shin tu brtan pa'ang rtsa ba nas byin te/ byang chub sems dpa' ni ma gtogs so// de ltar na rlung drag po lta bu zhes bya'o// de la ji ltar na skar ma phod lta bu zhe na/ dper na skar ma phod byung na/ gang du 'byung ba'i yul der mu ge dang / nad dang / 'khrug pa 'byung ngo // 'dod pa'i skar ma phod kyang de dang 'dra ste/ dge ba'i rtsa ba thams cad kyi sa bon gcod cing / bus pa ma rabs dbul 'phongs pa dang / mu ge 'byung ba dang / nyon mongs pa'i nad skye ba dang / 'khor bar 'khor zhing sdug bsngal rnam pa sna tshogs myong bar byed de/ byang chub sems dpa' ni ma gtogs so// de ltar na skar ma pod lta bu zhes bya'o// rigs kyi bu byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na/ 'dod pa'i kun nas nyon mongs pa la rnam pa 'di dgu lta bur rtogs so// rigs kyi bu de bas na bus pa ma rabs ni sdug bsngal yod kyi/ bden pa med do// nyan thos dang rang sangs rgyas ni sdug bsngal yod// sdug bsngal gyi bden pa'ang yod kyi/ yang dag pa'i bden pa ni med do// byang chub sems dpa' rnams ni sdug bsngal shes shing sdug gasngal med de/ de bas na sdug bsngal ba ni med kyi/ yang dag pa'i bden pa ni yod do// bus pa ma rabs ni kun 'byung ni yod kyi/ bden pa ni med do// nyan thos dang rang sangs rgyas ni kun 'byung yang yod/ kun 'byung gi bden pa'ang yod do// byang chub sems dpa' ni kun 'byung shes shing / kun 'byung med de/ de bas na kun 'byung ni med kyi/ yang dag pa'i bden pa ni yod do// nyan thos dang rang sangs rgyas ni 'gog pa yod kyang yang dag pa ma yin/ byang chub sems dpa' sems dpa' chen po ni 'gog pa'ang yod/ yang dag pa'i bden pa'ang yod do// nyan thos dang rang sangs rgyas ni lam yod kyang bden pa ma yin no/ / byang chub sems dpa' sems dpa' chen po ni lam yang yod la/ yang dag pa'i bden pa'ang yod do// rigs kyi bu de la ji ltar na byang chub sems dpa' sems dpa' chen po theg pa chen po yongs su mya ngan las 'das pa'i mdo sde la gnas pa na/ 'gog pa mthong zhing 'gog pa'i bden pa mthong ba zhe na/ 'di lta ste/ nyon mongs pa thams cad yongs su gcad pa'o// gal te nyon mongs pa bcad na rtag pa zhes bya'o// nyon mongs pa'i me bsad pas na rab tu zhi ba zhes bya'o// nyon mongs pa bgags pas na bde ba myong bar gyur to// sangs rgyas dang byang chub sems dpa' rnams ni rten cing 'brel te byung ba 'dod pas yongs su dag pa zhes bya'o/ / srid pa nyi shu lnga po phyir mi len pas na 'jig rten las 'das pa zhes bya'o// 'jig rten las 'das pas na bdag ces bya'o// gzugs dang / sgra dang / dri dang / ro dang / reg bya dang / skyes pa dang / bud med dang / skye ba dang / gnas pa dang / 'gog pa dang / sdug bsngal dang / dade ba dang / sdug bsngal yang ma yin/ bde ba'ang ma yin pa las mtshan mar mi len pas na/ mthar phyin pa/ rab tu zhi ba/ yang dag pa'i bden pa zhes bya'o// rigs kyi bu de ltar na byang chub sems dpa' sems dpa' chen po yongs su mya ngan las 'das pa'i mdo sde la gnas pa na/ 'gog pa'i 'phags pa'i bden pa la yongs su rtogs pa zhes bya'o/ / rigs kyi bu de la ji ltar na byang chub sems dpa' sems dpa' chen po yongs su mya ngan las 'das pa la gnas pa na/ lam gyi 'phags pa'i bden pa la rtog pa zhe na/ rigs kyi bu dper na mum khang gi nang du me mar phyung na/ de'i nang na dngos po chen po dang / chung ngu kun mthong bar 'gyur ro// byang chub sems dpa' sems dpa' chen po'ang de dang 'ang ste/ theg pa chen po yongs su mya ngan las 'das pa'i mdo la gnas pa dag/ 'phags pa'i lam brgyad kyi rkyen gyis chos thams cad mthong bar 'gyur ro/ / 'di lta ste/ rtag pa dang / mi rtag pa dang / 'dus byas dang / 'dus ma byas dang / sems can dang / sems can ma yin pa dang / dngos po dang / dngos po ma yin pa dang / bde ba dang / sdug bsngal dang / bdag dang / bdag med pa dang / gtsang ba dang / mi gtsang ba dang / nyon mongs pa dang / nyon mongs pa ma yin pa dang / las dang / las ma yin pa dang / bden pa dang / bden pa ma yin pa dang / theg pa dang / theg pa ma yin pa dang / shes pa dang / mi shes pa dang / yon tan dang / yon tan ma yin pa dang / bdag po dang / bdag po ma yin pa dang / mthong ba dang / mthong ba ma yin pa dang / gzugs dang / gzugs ma yin pa dang / lam dang / lam ma yin pa dang shes pa dang / shes pa ma yin pa rnams so// rigs kyi bu de ltar na byang chub sems dpa' theg pa chen po yongs su mya ngan las 'das pa'i mdo la gnas pa na/ 'phags pa'i lam gyi 'den pa la yongs su rtogs pa zhes bya'o/ / byang chub sems dpa' 'od srungs kyis/ yang bcom ldan 'das la 'di skad ces gsol to/ / bcom ldan 'das gal te 'phags pa'i lam brgyad lam gyi 'phags pa'i bden pa lags na/ de'i don mthun pa ma lags so// de ci'i slad du zhe na/ de bzhin gshegs pas skabs kha cig tu zag pa dang bcas pa sgrol ba'i slad du dad pa'i sems ni lam lags so zhes gsungs/ skabs kha cig tu ni bag byed pa lam lags so/ zhes gsungs te/ sangs rgyas bcom ldan 'das rnams bag byas pas/ bla na med pa yang dag par rdzogs pa'i byang chub tu mngon par rdzogs par 'tshang rgya bas/ byang chub sems dpa' lam gyi yan lag go zhes kyang gsungs/ skabs kha cig tu ni brtson 'grus ni lam lags so zhes kyang gsungs te/ de yang dga' bo la bka' stsal pa/ dga' bo gang zhig brtson 'grus shin tu rtsom na/ bla na med pa yang dag par rdzogs pa'i byang chub tu mngon par 'tshang rgya'o zhes kyang gsung / skabs kha cig tu ni lus la lus kyi rjes su dran pa nye bar gzhag pa na sems rtse gcig tu dmigs te brtson 'grus su lus la lus kyi rjesu dran pa nye bar gzhag pa la nan tan byas na/ bla na med pa yang dag par rdzogs pa'i byang chub tu mngon par 'tshang rgya'o/ zhes kyang gsungs/ skabs kha cig tu ni yang dag pa'i ting nge 'dzin lam lags so zhes kyang gsungs te/ de yang 'od srungs chen po la bka' stsal pa lta na/ yang dag pa'i ting nge 'dzin ni lam lags te/ yang dag pa'i ting nge 'dzin ma lags pa ni lam lags so zhes ma gsungs/ ting nge 'dzin du zhugs na phung po lnga skye zhing 'gog pa yid la byed nus par 'gyur gyi ting nge 'dzin du ma zhugs par yid la byed nus pa ma yin no zhes kyang gsungs/ skabs kha cig tu ni chos gcig la gang sgom zhing nan tan byed pa des/ sems can thams cad kyi mya ngan dang / sdug bsngal ba dang / 'khrug pa'i rnams yongs su sbyang zhing yang dag pa'i chos 'thob par 'gyur ro zhes gsungs pa ni/ 'di lnga ste/ sangs rgyas rjes su dran pa'i ting nge 'dzin lags so zhes kyang gsungs/ skabs kha cig tu ni mi rtag pa la bsgom pa la ma lags so zhes kyang gsungs te/ de yang dge slong rnams la bka' stsal pa/ gang zhig mi rtagag pa la mang du bsgoms na/ bla na med pa yang dag par rdzogs pa'i byang chub mngon par 'tshang rgya'o zhes kyang gsungs/ skabs kha cig tu ni shin tu dben pa'i bas mthar gcig pu gnas te/ yid la byas na myur du bla na med pa yang dag par rdzogs pa'i byang chub tu mngon par 'tshang rgya'o zhes kyang gsungs/ skabs kha cig tu ni pha rol po gzhan la chos bstan pa ni lam lags te/ chos thos pas the tsom gyi dra ba chod par 'gyur/ the tsom gyi dra ba chod pas na bla na med pa yang dag par rdzogs pa'i byang chub tu 'tshang rgya'o zhes kyang gsungs/ skabs kha cig tu ni tshul khrims bsrung ba ni lam lags so zhes gsungs te/ de yang dga' bo la bka' stsal pa/ dga' bo gang zhig tshul khrims bsrungs pa la shin tu nan tan byas na/ gang zag de ni 'khor ba'i rgya mtsho las brgal bar 'gyur ro zhes kyang gsungs/ skabs kha cig du ni dge ba'i bshes gnyen la bsten pa ni lam lags so zhes gsungs te/ de yang dga' bo la bka' stsal pa/ gang zhig dge ba'i bshes gnyen bsten na tshul khrims yongs su dag par 'gyur te/ sems can gang zhig nga la bsnyen bkur byas na/ bla na med pa yang dag par rdzogs pa'i byang chub tu sems bskyed par 'gyur ro zhes kyang gsungs/ skabs kha cig tu ni byams pa bsgom pa lam lag te/ byams pa bsgoms na nyon mongs pa thams cad chod cing mi g.yo ba'i gnas thob par 'gyur ro zhes kyang gsungs/ skabs kha cig tu ni shes rab ni lam lags so zhes gsungs te/ de yang sngon bcom ldan 'das kyis dge slong ma ske dgu'i bdag mo'i slad du pu nu mo gsungs pa dang / nyan thos rnams kyang shes rab kyi mtshon gyis srid pa'i zag pa dang bcas pa'i nyon mongs pa bcad do zhes kyang gsungs/ skabs kha cig tu ni de bzhin gshegs pas sbyin pa ni lam lags so zhes gsungs te/ de yang sngon sangs rgyas bcom ldan 'das kyis/ rgyal po sde rab tu pham byed la 'di skad ces bka' stsal to// rgyal po chen po ngas sngon sbyin pa mang du byas pas/ de'i rgyu de'i rkyen gyis da bla na med pa yang dag pa'i byang chub tu sangs rgyas par rig par gyis shig ces kyang gsungs pa lags na/ bcom ldan 'das dgal te 'phags pa'i lam brgyad lam gyi bden pa lags so zhes gsungs na/ mdo sde gzhan dag las de skad ces gsungs pa dag rdzun du ma gyur tam/ gal te mdo sde de dag las 'byung ba brdzun du ma gyur na/ ci'i slad du de dag las kyang 'phags pa'i lam brgyad ni lam gyi bden pa yin no zhes ma gsungs/ de ltar ma gsungs/ de ltar ma gsungs pas na/ sngon de bzhin gshegs pas gsungs pa'ang 'khrus pa 'dra ste/ bdag ni nges par sangs rgyas bcom ldan 'das ni yun ring po nas 'khrul pa dang bral bar 'tshal to// de nas bcom ldan 'das kyis/ byang chub sems dpa' 'od srungs la bka' stsal pa/ legs so legs so// rigs kyi bu khyod ni byang chub sems dpa'i theg pa chen po'i mdo sde las don shin tu zab mo shes par 'dod pas de skad ces zhus pa shin tu legs so/ / rigs kyi bu mdo sde de dag kyang thams cad lam gyi bden par 'jug go// rigs kyi bu dad pa ni las mo zhes bya ba ni lam yin te/ dang ba ni rtsa ba yin pas na/ byang chub kyi lam gyi grogs su 'gyur te/ de baspyan ngas gsungs pa de la 'khrul pa med do// rigs kyi de bzhin gshegs pa ni tshad med pa'i thabs la shin tu mkhas pas/ sems can gdul ba'i phyir de ltar rnam pa sna tshogs su gsungs pa yin no// rigs kyi bu 'di lta ste dper na sman pa mkhas pa ni sems can gyi nang rnam pa sna tshogs la shin tu mkhas pas/ ji ltar na ba bzhin du sman sbyor te/ sman gyi mi rung ba'i gnyen po'ang ston na/ chu 'ba' zhig ni ma gtogs so/ / de'ang 'di lta ste/ sge'u gsher gyi khu ba dang / shing dngar gyi khu ba dang / sha kha ra nag po'i khu ba dang / a ma la'i khu ba dang / ni ba la'i khu ba dang / bar ha la'i khu ba dang / chu zang mo dang / chu tsha ba dang / rgun chu dang / bal po se'u'i chu la sogs pa'o// rigs kyi bu sman pa mkhas pa nad kyi rnam pa la mkhas pa dag kyang sman la mi rung ba'i gnyen po mang mod kyi/ chu ni der ma gtogs so// de bzhin gshegs pa'ang de dang 'dra ste/ thabs la shin tu mkhas pas chos kyi mtshan nyid gcig gis sems can ji lta ji lta ba'i rjes su ming dang mtshan nyid de dang de lta bus rgyas par 'byed cing ston te/ sems can rnams kyang ji ltar bstan pa bzhin du nyams su len to// nyams su blangs nas nan tan byas pas/ nyon mongs pa thams cad byang bar 'gyur pa ni ji ltar nad pas sman pa'i lung bzhin du byas pas nad 'byang ba bzhin no// rigs kyi bu gzhan yang 'di lta ste/ dper na mi zhig skad rnam pa kun la mkhas te/ mi phal po che'i nang na 'dug pa las mi thams cad skom gyis yongs su gdungs te/ 'di skad du bdag skom ste/ chu 'dod do zhes smras na mi des rnam pa ji bzhin du chu grang mo gtsang ma so sor byin na/ rnam pa de dag la la ni chu 'dod do zhes zer/ la la ni pa ni zhes zer/ la la ni u di zhes zer/ la la naM/ sa le zhes zer/ la la ni sa li zhes zer/ la la ni ba na zhes zer/ la la ni bdud rtsi zhes zer/ la la ni 'o ma zhes zer te/ de ltar chu'i ming smra ba tshad med pa 'khor rnams la smra'o/ / rigs kyi bu de bzhin gshegs pa'ang de dang 'dra ste/ 'phags pa'i lam gcig gis nyan thos rnams la dad pa'i dbang po nas/ 'phags pa'i lam brgyad kyi bar du rgyas par ston cing 'chad do// rigs kyi bu gzhan yang 'di lta ste/ dper na gser mgar mkhas pa ni gser gcig pu la lus kyi rgyan rnam pa sna tshogs yid bzhin du byed do/ / 'di lta ste/ gdu bu dang / sor gdung dang / rna cha dang / cod pan dang / dpung rgyan la sogs pa rnam pa sna tshogs mi mthun mod kyi/ gser las gzhan ma yin no// rigs kyi bu de bzhin gshegs pa'ang de dang 'dra ste/ sangs rgyas kyi lam gcig las sems can gyi rjes su rnam pa sna tshogs su 'byed cing ston te/ bar bar ni rnam pa gcig ces ston to// de'ang 'di lta ste/ sangs rgyas rnams kyi byang chub ni gcig/ ste/ gnyis su med do zhes gsungs pa'ang rnam pa gnyis te/ ting nge 'dzin dang / shes rab bo zhes gsungs/ gzhan yang rnam pa gsum du gsungs te/ lta ba dang / ye shes dang / shes rab bo// gzhan yang rnam pa bzhi ste/ mthong ba'i lam dang / sgom pa'i lam dang / mi slob pa'i lam dang / sangs rgyas kyi lam mo// gzhan yang rnam pa lnga ste/ dad pa spyod pa'i lam dang / chos spyod pa'i lam dang / dad pas rnam par grol ba'i lam dang / mthong bas phyin pa'i lam dang / lus kyis reg pa'i lam lo/ / gzhan yang rnam pa drug sde/ rgyun du zhugs pa'i lam dang / lan cig phyir ldog pa'i lam dang / lan cig phyir mi ldog pa'i lam dang / dgra bcom pa'i lam dang / rang sangs rgyas kyi lam dang / sangs rgyas kyi lam mo// gzhan yang rnam pa bdun te/ dran pa byang chub kyi yan lag dang / chos rnam par 'byed pa byang chub kyi yan lag dang / brtson 'grus byang chub kyi yan lag dang / dga' ba byang chub kyi yan lag dang / shin tu byang ba byang chub kyi yan lag dang / ting nge 'dzin byang chub kyi yan lag dang / gtang snyoms byang chub kyi yan lag go// gzhan yang rnam pa brgyad de/ yang dag pa'i lta ba dang / yang dag pa'i rtog pa dang yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang yang dag pa'i ting nge 'dzin to/ / gzhan yang rnam pa dgu ste/ 'phags pa'i lam gyi yan lag brgyad dang dad pa'o// gzhan yang rnam pa bcu ste/ stobs bcu po'o/ / gzhan yang rnam pa bcu gcig ste/ stobs bcu dang / byams pa chen po'o// gzhan yang rnam pa bcu gnyis te/ stobs bcu dang byams pa chen po dang / snying rje chen po'o// gzhan yang rnam pa bcu gsum ste/ stobs bcu dang / byams pa chen po dang / snying rje chen po dang / sangs rgyas rjes su dran pa'i ting nge 'dzin to/ / gzhan yang rnam pa bcu drug ste/ stobs bcu dang / byams pa chen po dang / snying rje chen po dang sangs rgyas rjes su dran pa'i ting nge 'dzin dang / sangs rgyas kyis bsnyen pa'i yang dag pa'i dran pa nye bar gzhag pa gsum mo// gzhan yang rnam pa nyi shu ste/ stobs bcu dang / mi 'jigs pa bzhi dang / byams pa chen po dang / snying rje chen po dang / sangs rgyas rjes su dran pa'i ting nge 'dzin dang / yang dag pa'i dran pa nye bar gzhag pa gsum mo/ / rigs kyi bu lam de dag ni dngos po gcig ste/ de bzhin gshegs pas sngon sems can gyi phyir rnam pa sna tshogs su gsungs pa yin no// rigs kyi bu 'di lta ste/ dper na me lta bu'i dngos po gcig zad na tshig pa las me mang por gyur to// 'di lta ste/ shing gi me dang / rtsa'i me dang / phur ma'i me dang / rta drug dang ba lang gi lci ba'i me zhes rnam pa mang por btags so// rigs kyi bu sangs rgyas kyi lam yang de dang 'dra bar gcig ste/ gnyis su med mod kyi sems can gyi phyir rnam pa sna tshogs su so sor phye ba yin no/ / rigs kyi bu gzhan yang 'di lta ste/ dper na rnam par shes pa gcig las rnam pa drug tu phye ste bstan pa ni mig gi skabs su ni mig gi rnam par shes pa zhes btags pa nas/ yid kyi rnam par shes pa'i bar du de bzhin du rgyas par rigs par bya'o// rigs kyi bu lam de dang 'dra bar gcig ste/ gnyis su med mod kyi/ de bzhin gshegs pas sems can dag gdul ba'i phyir/ rnam pa sna tshogs su phye zhing bstan pa yin no// rigs kyi bu gzhan yang 'di lta ste/ dper na gzugs lta bu gcig la mig gis mthong ba'i skabs su ni gzugs zhes bya/ rna bas thos pa'i skabs su ni sgra zhes btags/ snas snom pa'i tshe na dri zhes byalces myong ba'i dus su ni ro zhes bya/ lus kyis tshor ba'i skabs su ni reg bya zhes btags so// rigs kyi bu lam yang de dang 'dra ste gcig ste/ gnyis su med mod kyi sems can dag gdul ba'i phyir/ rnam pa sna tshogs su phye zhing bstan to// rigs kyi bu don de lta bas na 'phags pa'i lam gyi yan lag brgyad kyang 'phags pa'i lam gyi bden pa zhes bya'o/ / rigs kyi bu sangs rgyas bcom ldan 'das kyis 'phags pa'i bden pa bzhi rim gyis bstan to// de'i rgyu de'i rkyen gyis sems can tshad med pa snyed 'khor ba las grol bar gyur to/ / byang chub sems dpa' 'od srungs kyis/ sangs rgyas la gsol pa/ bcom ldan 'das sngon dus gcig na klung gang+gA'i 'gram shi shu zhes bgyi ba'i tshal na bzhugs te/ de'i tshe de bzhin gshegs pas shing gi 'dab ma gcig phyug gis blangs nas/ dge slong rnams la bka' stsal pa/ da ltar nga'i lag na yod pa'i 'dab ma mang ngam/ sa la brten te rtsi shing la sogs pa skyes pa thams cad kyi lo ma mang zhes bka' stsal nas/ dge slong rnams kyis gsol ba sa la brten te skyes pa'i rtsi shing gi lo ma ni rab tu mang ste dpag tu ma mchis so/ / de bzhin gshegs pa'i phyag na bsnams pa'i lo ma ni shin tu'ang nyung ste smos su mi 'tshal to/ / bka' stsal pa/ dge slong dag ngas rtogs pa'i chos thams cad ni sa chen po la brten te skyes pa'i rtsi shing la sogs pa'i lo ma dang 'dra'o// sems can rnams la bstan pa ni lag na khyer ba'i lo ma dang 'dra zhes gsungs na/ bcom ldan 'das de'i tshe de skad ces gsungs pa de de bzhin gshegs pas chos tshad med pa thugs su chud pa/ gal te bden pa bzhi'i nang du gtogs na ni/ de bzhin gshegs pas sngar gsungs kyang lags/ gal te ma gtogs na ni bden pa lnga mchis par gyur to/ / de nas bcom ldan 'das kyis byang chub sems dpa' 'od srungs la bka' stsal pa/ legs so legs so// rigs kyi bu khyod kyis de skad ces zhus pa ni/ sems can tshad med pa la phan pa dang bde bas don gyi phyir zhus pa legs so// rigs kyi bu 'di sgyu chos sems ca 'phags pa'i bden pa bzhi'i nang du gtogs so/ / 'od srungs kyis yang gsol pa/ de ltar chos thams cad 'phags pa'i bden pa bzhi'i nang du gtogs na/ ci slad du de bzhin gshegs pas smos pa tsam ste rgyas par ma gsungs/ bcom ldan 'das kyis bka' stsal pa/ rigs kyi bu der gtogs pa ni yin mod kyi bstan cing bshad pa zhes mi bya'o/ / de ci'i phyir zhe na/ rigs kyi bu 'phags pa'i bden pa rtogs pa la shes rab rnam pa gnyis te/ 'azing dang / rab bo// 'bring ni nyan thos dang rang sangs rgyas kyi shes rab bo// rab ni sangs rgyas dang byang chub sems dpa'i ye shes so// rigs kyi bu phung po rnams sdug bsngal bar rtogs pa ni shes rab 'bring zhes bya'o/ / phung po rnams la mtshan nyid grangs med par phye ste/ thams cad sdug bsngal bar shes pa/ nyan thos dang sangs rgyas rnams kyis shes pa'i spyod yul ma yin pa ni ye shes rab ces bya'o/ / rigs kyi bu don 'di dag ni mdo sde dag las kyang ngas ma gsungs so// rigs kyi bu 'jug pa shes pa ni sgo zhes bya/ sdug bsngal zhes kyang bya ste/ de ni shes rab 'bring zhes bya'o// mtshan nyid rnam pa sna tshogs su phye ste/ thams cad sdug bsngal ba/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya'o// don 'di dag kyang mdo sde de dag las ngas ma gsungs so// rigs kyi bu gang khams shes pa ni yan lag ces bya/ mtshan nyid ces kyang bya/ sdug bsngal ba zhes kyang bya ste/ de ni shes rab 'bring zhes bya'o// khams rnams la mtshan nyid med par phye ste/ thams cad sdug bsngal ba/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya'o/ / rigs kyi bu don 'di dag kyang mdo sde de dag las ngas ma gsungs so// rigs kyi bu gzugs 'jig pa'i mtshan nyid du shes pa ni shes rab 'bring zhes bya'o/ / gzugs la mtshan nyid rnam pa sna tshogs su phye ste/ thams cad sdug bsngal ba/ nyan thos dang rang sangs rgyas kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so// rigs kyi bu tshor ba la tshor ba'i mtshan nyid du shes pa ni shes rab 'thing zhes bya'o/ / tshor ba la mtshan nyid rnam pa sna tshogs su phye ste/ nyan thos dang rang sangs rgyas kyis shes pa'i spyod yul ma yin pa ni ye shes rab ces bya ste/ rigs kyi bu don 'di'ang mdo sde de dag las ngas ma gsungs so// rigs kyi bu 'du shes la len pa'i mtshan nyid du shes pa ni shes rab 'bring zhes bya'o/ / 'du shes la len pa'i mtshan nyid rnam pa sna tshogs su phye ste/ nyan thos dang rang sangs rgyas rnams kyis shes pa'i spyod yul ma yin na ye shes rab ces bya ste/ don/ 'di'ang mdo sde de dag las kyang ngas ma gsungs so// rigs kyi bu 'du byed la 'byed pa'i mtshan nyid du 'du shes pa ni shes rab 'bring zhes bya'o// 'du byed la 'byed pa'i mtshan nyid rnam pa sna tshogs su phye ste/ nyan thos dang rang sangs rgyas kyis shes par 'gyur ba'i mtshan nyid ma yin pa ni ye shes rab ces bya'o// rigs kyi bu don 'di'ang mdo sde de dag las kyang ngas ma gsungs so/ / rigs kyi bu rnam par shes pa la bye brag 'byed pa'i mtshan nyid du shes pa ni shes rab 'bring zhes bya'o// rnam par shes pa la shes pa'i mtshan nyid rnam pa sna tshogs su phye ste/ nyan thos dang rang sangs rgyas kyis shes pa'i mtshan nyid ma yin pa ni ye shes rab ces bya'o// rigs kyi bu don 'di ni mdo sde de dag las kyang ngas ma gsungs so/ / rigs kyi bu 'dod pa'i rkyen gyis phung po lnga skyes par shes pa ni shes rab 'bring zhes bya'o// gang zag gcig gis 'dod pa skyes pa'ang nyan thos dang / rang sangs rgyas tshad med mtha' yas pa rnams kyis mi shes pa/ sems can tham cad kyi 'dod pa gang dang gang skyes pa de dang de dag thams cad ye shes rab ces bya ste/ don 'di'ang mdo sde de dag las ngas ma gsungs so// rigs kyi bu nyon mongs pa 'gog par shes pa ni shes rab 'azing zhes bya'o// nyon mongs pa'ang dpag tu med pa la 'gog pa'ang de bzhin du dpag tu med par rnam par phye ste/ nyan thos dang rang sangs rgyas rnams kyi shes pa'i spyod yul ma yin pa ni ye shes rab ces bya ste/ don 'di yang mdo sde de dag las ngas ma gsungs so// rigs kyi bu lam gyi mtshan nyid kyis nyon mongs pa spong bar shes pa ni shes rab 'bring zhes bya'o// rigs kyi bu lam gyi mtshan nyid kyang tshad med mtha' yas la spong bar 'gyur ba'i nyon mongs pa'ang tshad med mtha' yas par sla bar phye ste/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so// rigs kyi bu kun rdzob kyi bden pa ni shes pa ni shes rab 'bring zhes bya'o// kun rdzob kyi bden pa tshad med mtha' yas dpag tu med par rnam par phye ste/ nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so/ / rigs kyi bu 'du byed thams cad mi rtag pa dang / chos thams cad bdag med pa dang / mya ngan las 'da' ba zhi ba don dam par shes pa ni shes rab 'bring zhes bya'o/ / don dam pa tshad med mtha' yas dpag tu med par shes shing / nyan thos dang rang sangs rgyas rnams kyis shes pa'i spyod yul ma yin pa ni ye shes rab ces bya ste/ don 'di'ang mdo sde de dag las ngas ma gsungs so// de nas byang chub sems dpa' sems dpa' chen po 'jam dpal gzhon nus/ bcom ldan 'das la 'di skad ces gsol to/ / bcom ldan 'das kun rdzob kyi bden pa dang / don dam pa'i bden pa zhes bgyi ba'i don ji lta bu lags/ bcom ldan 'das don dam pa'i bden pa la kun rdzob kyi bden pa mchis sam/ kun rdzob kyi bden pa la don dam pa'i bden pa mchis sam/ ci ste mchis na bden pa gcig tu babs so// ci ste ma mchis na de bzhin gshegs pas gsung pa brdzun du mi 'gyur ram/ bka' stsal pa/ rigs kyi bu kun rdzob kyi bden pa nyid don dam pa'i bden pa'o// gsol pa/ bcom ldan 'das de lta ni bden pa gnyis su ma mchis so// bcom ldan 'das kyis bka' stsal pa/ rigs kyi bu shin tu thabs mkhas pas sems can gyi rjes su bden pa gnyis su gsungs so// rigs kyi bu tshig tu smra ba ltar na rnam pa gnyis te/ 'jig rten gyi chos dang / 'jig rten las 'das pa'i chos so// rigs kyi bu 'jig rten las 'das pa'i gang zag gis shes pa de ni don dam pa'i bden pa zhes bya'o/ / gang zag gis shes pa de ni kun rdzob kyi bden pa zhes bya'o// rigs kyi bu phung po lnga 'dus pa las bdag ces btags te/ sems can ma rabs ni btags pa'i rjes su 'jug pas kun rdzob kyi bden pa zhes bya'o/ / phung po la'ang bdag ces bya ba med par shes la/ phung po'i pha rol na'ang bdag ces bya ba med par shes pa ni 'jig rten las 'das pa zhes bya ste/ mtshan nyid ji lta ba bzhin du shes pa ni don dam pa'i bden pa zhes bya'o// gzhan yang rigs kyi bu chos la la ni ming yang yod la/ 'bras bu'ang yod do// chos la la ni ming yod la 'bras bu med do/ / rigs kyi bu ming yod la/ 'bras bu med pa ni kun rdzob kyi bden pa'o// ming yod la 'bras bu'ang yod pa ni don dam pa'i bden pa'o// rigs kyi bu bdag ji lta ba bzhin du sems can dang / srog dang / shes pa dang / mthong ba dang / 'tsho ba dang / shed can dang / shed bdag dang / tshor ba dang / byas pa dang / tsha ba'i dus kyi smo/ rgyu dang / dri za'i zong khyer dang / rus sbal gyi spu dang / ri bong gi rA dang / me mgal bskor ba'i 'khor lo dang / phung po dang / khams dang / skye mched rnams ni kun rdzob kyi bden pa zhes bya'o/ / sdug bsngal dang / kun 'byung dang / 'gog pa dang / lam ni don dam pa'i bden pa zhes bya'o// rigs kyi bu 'jig rten pa'i chos la'ang rnam pa lnga ste/ ming gi 'jig rten dang / tshig gi 'jig rten dang / 'ching ba'i 'jig rten dang / chos kyi 'jig rten dang / chag pa'i 'jig rten dang lnga'o// rigs kyi bu ming gi 'jig rten gang zhe na/ skyes pa dang / bud med dang / bum pa dang / gos dang shing rta dang / khang khyim la sogs pa'i dngos po ni ming gi 'jig rten zhes bya'o/ / tshig gi 'jig rten gang zhe na/ rtsa ba bzhi pa'i tshigs su bcad pa gcig ste/ tshigs su bcad pa de dag ni tshig gi 'jig rten zhes bya'o// 'ching ba'i 'jig rten gang zhe na/ dril ba dang / sbyar ba dang / mdud pa bor ba dang / sdams pa dang / bcings pa dang / thal mo sbyar ba ni 'ching ba'i 'jig rten zhes bya'o// chos kyi 'jig rten gang zhe na/ gaN+DI brdungs na dge 'dun 'du ba dang / rnga brdungs na dmag 'cha' ba dang / dung bus mdus shes pa ste/ de ni chos kyi 'jig rten zhes bya'o// chags pa'i 'jig rten gang zhe na/ dper rgyang ring po nas kha dog bsgyur ba'i gos gyon pa'i mi mthong ba ni/ de ni dge sbyong yin gyi/ bram ze ma yin no zhes chags pa dang thag pa mdud pa bor ba se ral kha ru thogs pa mthong na/ de 'di snyam du de ni bram ze yin gyi/ dge slong ma yin no snyam bsams pa de ni chags pa'i 'jig rten zhes bya'o// rigs kyi bu de dag ni 'jig rten gyi chos rnam pa lnga zhes bya'o// rigs kyi bu so so'i skye bo gang zhig de ltar 'jig rten gyi chos rnam pa lnga po la sems phyin ci ma log ste/ yang dag pa ji lta ba bzhin du shes na don dam pa'i bden pa zhes bya'o/ / gzhan yang rigs kyi bu tshig pa dang / chod pa dang / shi ba dang / 'jig pa ni kun rdzob kyi bden pa zhes bya'o// mi tshig mi chod/ mi shi/ mi 'jig pa ni don dam pa'i bden pa zhes bya'o// gzhan yang rigs kyi bu sdug bsngal gyi mtshan nyid brgyad dang bcas pa ni kun rdzob kyi bden pa zhes bya'o// skye ba me rga ba med/ na ba med/ 'chi ba med/ 'dod pa dang bye bral ba med/ dgra sdang ba dang phrad pa med/ 'dod pa mi rnyed pa med/ phung po lnga med pa ni don dam pa'i bden pa zhes bya'o// / gzhan yang rigs kyi bu dper na shes pa'i rtsal mang po dang ldan pa'i mi zhig rgyug pa'i tshe rgyug pa zhes bya/ zhing rnga ba'i tshe ni zhing rnga ba zhes bya/ zas kyi g.yos byed pa na g.yos mkhan zhes bya// shing 'jig pa'i tshe ni shing mkhan zhes bya/ gser gyi rdungs byed pa'i tshe na gser mgar zhes bya ste/ de ltar na mi gcig la mang du btags pa mang du yod do// chos kyang de dang 'dra ste/ yang dag par gcig mod kyi/ ming du btags pa mang ngo // pha ma phrad cing 'dus pa las skyes pa ni kun rdzob kyi bden pa zhes bya'o// rten cing 'brel te 'byung ba bcu gnyis 'dus pa las skyes pa ni don dam pa'i bden pa zhes bya'o/ / byang chub sems dpa' sems dpa' chen po 'jam dpal gzhon nus/ yang bcom ldan 'das la 'di skad ces gsol to// / bcom ldan 'das yang dag pa'i bden pa zhes bgyi ba'i don ji lta bu lags/ bcom ldan 'das kyis bka' stsal pa/ rigs kyi bu yang dag pa'i bden pa zhes bya ba ni yang dag pa'i chos so/ rigs kyi bu gang chos yang dag pa ma yin pa de ni yang dag pa'i bden pa ma yin no// rigs kyi bu yang dag pa'i bden pa zhes bya ba ni phyin ci ma log pa ste/ phyin ci ma log pa ni yang dag pa'i bden pa zhes bya'o/ / rigs kyi bu yang dag pa'i bden pa ni mi bden pa med pa ste/ mi bde ba dang bcas pa ni yang dag pa'i bden pa zhes mi bya'o// rigs kyi bu yang dag pa'i bden pa ni theg pa chen po ste/ theg pa chen po ma yin pa ni yang dag pa'i bden pa zhes mi bya'o// rigs kyi bu yang dag pa'i bden pa ni/ sangs rgyas kyis gsungs pa ste/ bdud kyis smras pa ma yin no// bdud kyis smras pa dang / sangs rgyas kyis gsungs pa ma yin pa ni yang dag pa'i bden pa zhes mi bya'o// rigs kyi bu yang dag pa'i bden pa zhes bya ba ni rnam par dag pa'i lam gcig ste gnyis su med pa'o/ / rigs kyi bu rtag pa dang bcas/ bden pa dang bcas/ bdag dang bcas/ yongs su dag pa dang bcas pa ni yang dag pa'i bden pa'i don zhes bya'o/ / 'jam dpal gzhon nus yang gsol pa/ bcom ldan 'das gal te yang dag pa de yang dag pa'i bden pa lags na/ yang dag pa'i chos ni de bzhin gshegs pa'i stong pa nyid dang / sangs rgyas kyi rang bzhin lags te/ ci ste de lta bu lags na/ de bzhin gshegs pa dang / nam mkha' nyid dang / sangs rgyas kyi rang bzhin bye brag ma mchis par 'gyur ro// bcom ldan 'das kyis/ 'jam dpal la bka' stsal pa/ sdug bsngal yod na bden pa dang bcas/ yang dag pa dang bcas/ kun 'byung yod na bden pa dang bcas/ yang dag pa dang bcas 'gog pa yod na bden pa dang bcas/ yang dag pa dang bcas/ lam yod na bden pa dang bcas/ yang dag pa dang bcas so// rigs kyi bu de bzhin gshegs pa ni sdug bsngal ma yin/ bden pa ma yin te/ yang dag pa ma yin no// stong pa nyid kyang sdug bsngal ba ma yin/ bden pa ma yin te/ yang dag pa yin no// sangs rgyas kyi rang bzhin yang sdug bsngal ma yin bden pa ma yin te/ yang dag pa yin no// 'jam dpal sdug bsngal zhes bya ba mi rtag pa'i mtshan nyid/ gcad du rung ba'i mtshan nyid de/ de bas na yang dag pa'i bden pa zhes mi bya'o// de bzhin gshegs pa nyid ni sdug bsngal ma yin/ mi rtag pa ma yin/ gcad du rung ba ma yin te/ de bas na yang dag pa zhes bya ste/ nam mkha' dang sangs rgyas kyi rang bzhin yang de bzhin du rig par bya'o/ / rigs kyi bu gzhan yang kun 'byung zhes bya ba ni/ phung po lnga 'dus shing skye bar byed pas sdug bsngal zhes kyang bya/ mi rtag pa zhes kyang bya/ bcad du rung ba ste/ yang dag par bden pa zhes mi bya'o// rigs kyi bu de bzhin gshegs pa ni kun 'byung gi mtshan nyid ma yin/ phung po'i rgyu ma yin/ gcad du rung ba'i mtshan nyid ma yin te/ / de bas na yang dag pa zhes bya ste/ nam mkha' dang sangs rgyas kyi rang bzhin du rig par bya'o// rigs kyi bu 'gog pa zhes bya ba ni nyon mongs pa 'gog pa ste/ rtag ba'ang yin/ mi rtag pa'ang yin no// theg pa gnyis kyis 'thob pa ni mi rtag pa zhes bya'o// sangs rgyas rnams kyis 'thob pa ni rtag pa zhes bya// rang gis rig pa'i chos kyang zhes bya ste/ yang dag pa'i bden pa zhes bya'o// rigs kyi bu de bzhin gshegs pa nyid ni 'gog pa zhes sam/ nyon mongs pa 'gog pa zhes kyang mi bya/ rtag pa dang mi rtag pa'ang ma yin/ rang gi rig pa'ang ma yin/ rtag pa gnas pa mi 'gyur ba ste/ de bas na yang dag pa zhes bya'o// nam mkha' dang sangs rgyas kyi rang bzhin yang de bzhin du rig par bya'o/ / rigs kyi bu lam zhes bya ba ni/ nyon mongs pa gcod pa ste/ rtag pa'ang ma yin la/ mi rtag pa'ang ma yin te/ bsgom pa'i chos yin pas na yang dag pa'i bden pa zhes bya'o/ / de bzhin gshegs pa ni lam gyi nyon mongs pa gcod pa'ang ma yin/ rtag pa dang mi rtag pa'ang ma yin/ bsgom pa'i chos kyang ma yin te/ rtag pa/ gnas pa/ mi 'gyur/ mi 'pho ba/ de'i phyir bden pa zhes bya ste/ nam mkha' dang sangs rgyas kyi rang bzhin yang de bzhin du rig par bya'o// rigs kyi bu gzhan yang yang dag pa zhes bya ba ni de bzhin gshegs pa ste/ de bzhin gshegs pa'ang yang dag pa'o// yang dag pa ni nam mkha' ste/ nam mkha' yang yang dag pa'o// yang dag pa ni sangs rgyas kyi rang bzhin te/ sangs rgyas kyi rang bzhin yang yang dag pa'o// 'jam dpal sdug bsngal yod na sdug bsngal gyi rgyu dang bcas/ sdug bsngal zad pa dang bcas/ sdug bsngal gyi gnyen po dang bcas te/ de bzhin gshegs pa ni sdug bsngal ma yin pa nas/ gnyen po'i bar du ma yin pas/ ngo bas na yang dag pa zhes bya ste/ bden pa ma yin no// nam mkha' dang sangs rgyas kyi rang bzhin yang rig par bya'o/ / sdug bsngal ni 'dus byas dang bcas// zag pa dang bcas/ mi bden pa dang bcas so// de bzhin gshegs pa ni 'dus byas dang bcas pa ma yin/ zag pa dang bcas pa ma yin te/ rab tu de bas na yang dag pa yin gyi/ bden pa ma yin no// 'jam dpal gzhon nus yang / bcom ldan 'das la 'di skad ces gsol to// bcom ldan 'das kyis gsungs pa ltar phyin ci ma log pa ni yang dag pa'i bden pa zhes gsungs te/ gal te de lta bu lags na/ bden pa bzhi la phyin ci log bzhi mchis sam/ gal te mchis na ci'i slad du phyin ci ma log pa ni yang dag pa'i bden pa zhes gsungs/ phyin ci log thams cad ni yang dag pa ma lags so// bcom ldan 'das kyis/ 'jam dpal la bka' stsal pa/ phyin ci log thams cad ni sdug bsngal gyi bden pa'i nang du gtogs te/ dper na sems can lta bu phyin ci log gi sems dang bcas pas phyin cig log ces bya'o// rigs kyi bu dper na mi zhig pha ma dang / slob dpon dang / bla ma'i ngag mi nyan la/ bstan pa bzhin du mi byed pa de ni phyin ci log pa zhes bya ste/ phyin ci log de'ang sdug bsngal ma yin pa ma yin gyi/ sdug bsngal yin no// 'jam dpa' gyis yang gsol pa/ bcom ldan 'das kyis gsungs pa ltar mi bden pa ma lags pa de yang dag pa'i bden pa lags na/ mi bden pa de ni yang dag pa'i bden pa ma lags par 'tshal to// bcom ldan 'das kyi bka' stsal pa/ rigs kyi bu mi bden pa'i brdzun thams cad ni sdug bsngal gyi nang du gtogs te/ dper na sems can zhig pha rol po gzhan la dbang bzas te g.yo sgyu zhig byas nas/ de'i rgyu de'i rkyen gyis sems can dmyal ba dang / byol song gi skye gnas dang / yi dgas kyi khams su ltung ste/ de dag ni mi bden pa zhes bya'o// mi bden pa de ni sdug mi bsngal ba ma yin gyi/ sdug bsngal ba yin no// nyan thos dang / rang sangs rgyas dang / sangs rgyas bcom ldan 'das rnams kyis yongs su spangs te mi spyod pas na mi bden pa zhes bya'o/ / mi bden pa de ni sangs rgyas rnams dang / theg pa gnyis kyis yongs su bsal ba'i phyir yang dag pa'i bden pa zhes bya'o// 'jam dpal gyis yang gsol pa/ bcom ldan 'das kyis gsungs pa ltar theg pa chen po la yang dag pa'i bden pa zhes bgyi na/ nyan thos dang rang sangs rgyas kyi theg pa ni yang dag pa ma lags par 'gyur ro/ / bcom ldan 'das kyis/ 'jam dpal la bka' stsal pa/ theg pa gnyis po ni yang dag pa'ang yin la/ yang dag pa'ang ma yin no// nyan thos dang sangs rgyas kyis nyon mongs pa rnams bcad pas na yang dag pa zhes bya'o/ / mi rtag cing mi gnas la 'gyur zhing 'pho ba'i chos can yin pas na yang dag pa ma yin no// 'jam dpal gyis yang gsol ba/ bcom ldan 'das kyis gsungs pa ltar yang dag pa zhes bgyi na/ gang bdud kyis smras pa yang dag pa ma lags par 'tshal te/ bcom ldan 'das kyis smras pa de 'phags pa'i bden par rtogs pa ma lags sam/ bcom ldan 'das kyis/ 'jam dpal la bka' stsal pa/ bdud kyis smras pa ni sdug bsngal dang kun 'byung zhes bya ba'i bden pa gnyis kyi nang du gtogs so/ / ji tsam du chos ma yin pa dang / 'dul ba ma yin pa dang / pha rol la phan pa dang bde ba'i don du mi 'gyur ba thams cad ni/ dus thams cad du mi dal bar smras kyang pha rol pos sdug bsngal mthong bar ram/ kun 'byung chod par ram/ 'gog par rig par ram/ lam bsgom par 'gyur ba med de/ de bas ni mi bden pa yin te/ mi bden pa de ni bdud kyis smras pa zhes bya'o// 'jam dpal gyis yang gsol pa/ bcom ldan 'das kyis gsungs pa ltar rnam par dag pa'i lam gcig ste/ gnyis su ma mchis so zhes bgyi ba mu stegs can rnams kyang 'di skad du rnam par dag pa'i lam gcig ste/ gnyis su ma mchis so zhes mchi na/ ci ste lam gcig pu de yang dag pa'i bden pa lags na/ mu stegs can dang khyad par ci mchis/ ci ste khyad par ma mchis na rnam par dag pa'i lam gcig go zhes gsungs pa'ang mi rigs so/ / bcom ldan 'das kyis bka' stsal pa/ rigs kyi bu mu stegs can rnams la sdug bsngal dang kun 'byung gi bden pa ni yod kyi/ 'gog pa dang lam gyi bden pa ni med pas 'gog pa ma yin pa la 'gog par 'du shes/ lam ma yin pa la lam du 'du shes/ 'bras bu ma yin pa la 'bras bur 'du shes/ rgyu ma yin pa la rgyur 'du shes/ de bas na de la ni rnam par dag pa'i lam gcig ste/ gnyis su med do zhes bya ba med do// 'jam dpal gyis yang gsol pa/ bcom ldan 'das kyis gsungs pa ltar rdeg pa dang bcas/ bdag dang bcas/ bde ba dang bcas/ dag pa dang bcas pa la yang dag pa'i don ces bgyi na lha mu stegs can rnams la yang dag pa'i bden pa mchis kyi/ sangs rgyas kyi chos la ni ma mchis par 'gyur ro/ / de ci'i slad du zhe na/ mu stegs can rnams kyang 'di skad ces smras te/ 'du byed thams cad ni rtag pa'o// ji ltar rtag ce na/ yid du 'ong ba dang / yid du mi 'ong ba'i las kyi rnam par smin pa la sogs pa med par mi 'gyur ba'i phyir ro// yid du 'ong ba ni dge ba bcu'i 'azas bu myong ba'o// yid du mi 'ong ba ni mi dge ba bcu'i rnam par smin pa ste/ gal te 'du byed thams cad ni mi rtag na/ las byas pa'i rnams 'di nas shi 'phos nas pha rol tu rnam par smin pa'i 'bras bu sus myong bar 'gyur// de bas 'du byed thams cad ni rtag pa lags te/ srog gcad pa'i rkyen gyis rtag pa zhes bya'o// bcom ldan 'das ci ste 'du byed thams cad mi rtag na/ gsod pa dang / bsad pa gnyis ka mi rtag par 'gyur ro/ / gal te mi rtag na sems can dmyal bar kha na ma tho ba'i las myong bar 'gyur/ gal te nges par sems can dmyal ba'i rnam par smin pa myong nang 'du byed rnams kyang yang dag par mi rtag pa ma lags par 'gyur ro/ / bcom ldan 'das sems rtse gcig tu sems shing dran pa'ang rtag pa zhes bgyi'o// 'di lta ste/ lo bcu lon te dran pa ni lo brgya pa'i bar du dran te/ mi brjed pa'ang rtag pa zhes bgyi ste/ ci ste mi rtag na sngon mthong ba'i dngos po dag sus dran par 'gyur/ de bas na 'du byed thams cad mi rtag pa ma lags so/ / bcom ldan 'das dran pa thams cad kyang rtag pa zhes bgyi'o// dper na mi zhig sngon mi gzhan zhig gi lag pa 'am/ rkang pa 'am/ mgo 'am/ gnyan ba la sogs pa ci 'dra ba mthong na/ phyis mthong ma thag tu ngo shes so// ci ste mi rtag pa zhig lags na mtshan ma snga ma med par song ba'i rigs so// bcom ldan 'das las byed pa thams cad ni yun ring du soms pa las 'gyur te/ thog ma slob pa nas lo gsum mam/ lo lda na mkhas par 'gyur bas rtag pa zhes bgyi'o// bcom ldan 'das rtsis slob pa'ang gcis las gnyis/ gnyis las gsum brgya stong gi bar du'o// ci ste mi rtag na thog ma'i gcig kyang ma mchis par 'gyur ro// gal te thog ma gcig ma mchis na gnyis su ga la 'gyur te/ de ltar na gcig ni rtag pa ste/ gnyis ma lags so// gcig ma mchis par ma song / gnyis nas brgya stong gi bar du 'gyur te/ de bas na rtag go/ bcom ldan 'das dper na chos klog pa 'am/ 'don pa lta bu/ a ga ma gcig dang / a ga ma gnyis nas/ a ga ma gsum dang / bzhi'i bar du 'don par 'gyur ro/ gal te mi rtag na klog pa dang 'don pa bzhi la thug gi bar du mi 'gyur te/ klog pa dang 'don pa 'phel zhing skye ba rtag pa zhes bgyi'o// bcom ldan 'das bum pa dang / gos dang / shing rta dang / bu lon chags pa dang / sa chen po'i mtshan nyid ri dang / chu dang / nags tshal dang / rtsi shing gi lo ma dang / sems can gyi nad gso ba la sogs pa thams cad pa la sogs pa thams cad rtag ste de dang 'dra'o/ / bcom ldan 'das mu stegs can thams cad ni de skad ces mchi ste/ 'du byed thams cad rtag ces mchi'o// 'du byed thams cad rtag na yang dag pa'i bden pa lags par 'gyur ro/ / bcom ldan 'das mu stegs can kha cig kyang 'di skad du bde ba'ang yod ces mchi'o// ji ltar shes she na/ yid du 'ong ba'i 'bras bu myong bar 'gyur ba'i slad du'o/ / bcom ldan 'das bde ba myong ba ni nges par mchis so// 'di lta ste/ tshangs pa'i rgyal po chen po dang dbang sgyur chen po dang / brgya byin lha'i dbang phyug dang / 'jug sel dang / lha dang / mi la sogs pa ste/ de bas na nges par bde ba mchis so// bcom ldan 'das mu stegs can kha cig kyang 'di skad du bde ba mchis shes smras te/ de'ang sems can dag re zhing tshol ba'i sems skye ba'o// 'di lta ste/ bkres pa zas tshol ba'o// skom pa chu tshol ba dang / grang ba dro ba tshol ba dang / tsha ba bsil ba 'dod dang / ngal ba bsti 'dod pa dang / nad pa 'tsho 'dod pa dang / 'dod pa gzugs tshol ba ste/ ci ste bde ba ma mchis na/ de dag ci'i slad du tshol/ tshol ba ma mchis pas na bde ba mchis par mngon no/ / bcom ldan 'das mu stegs can kha cig kyang 'di skad ces mchi'o// sbyin pa byin pas bde bar 'gyur te/ 'jig rten pa dag dge sbyong ngam/ bram ze'am/ dbul 'phongs pa la gos dang / zas dang / skom dang / mal cha dang / nad kyi rkyen sman dang / ba klung dang / rta dang / theg pa dang / spos bye ma dang / me tog dang / khang khyim dang / gnas dang / me mar la sogs pa'i sbyin pa byin na/ tshe phyi ma la yid du 'ong ba'i 'bras bu myong bar 'gyur te/ de bas na nges par 'di pa mchis te/ bcom ldan 'das mu stegs can kha cig kyang 'di skad ces mchi'o// rgyu dang rkyen gyi phyir bde ba mchis par 'tshal to// 'di lta ste/ bde ba myong bar yang rgyu dang rkyen mchis pas na/ bde ba la reg pa zhes bya ste/ bde ba ma mchis na rgyu dang rkyen yang ga la mchis/ dper na ri bong gi rA ma mchis na rgyu dang rkyen yang ma mchis so/ / bde ba'i rgyu dang rkyen mchis pas/ bde ba mchis par 'tshal to// bcom ldan 'das mu stegs can kha cig kyang 'di skad ces mchi ste/ rab dang / 'bring dang / tha ma'i phyir bde ba mchis par 'tshal to/ / bde ba myong ba tha ma ni brgya byin lha'i dbang phyug go// bde ba myong ba 'bring ni tshangs pa chen po'i lha'i rgyal po'o// bde ba myong ba rab ni dbang sgyur chen po ste/ de ltar rab dang / 'bring dang / tha ma mchis pas/ bde ba mchis par 'tshal to// bcom ldan 'das mu stegs can kha cig ni 'di skad ces dag pa mchis so zhes mchi'o/ de ci'i slad du zhe na/ ci ste dag pa zhig ma mchis na/ 'dod pa skye ba'i yang mi rigs na/ 'dod pa skye ba lags na dag pa mchis par 'tshal to// kha cig kyang 'di skad ces mchi ste gser dang / shel dang / a sma kar ba dang / mu sa la gar ba dang / mu sa la gal ba dang / sdug dang / mu tig dang / shes gyi snam bu dang / do shal dang / 'ab chu dang / chu mig dang / khrus kyi rdzing bu dang / bza' ba dang / btung ba dang / kos dang / me tog dang / spyos dang / spos phye ma dang / byug spos dang / snang baba'i sgron ma la sogs pa thams cad kyang yongs su dag pa'i chos can no zhes mchi'o/ / gzhan yang 'di skad du phung po lnga ni snod gtsang ma ste/ bcud kyang gtsang mas yongs su gang ngo/ 'di lta ste/ lha dang / mi dang / zang srong dang / dgra bcom pa dang / rang sangs rgyas dang / byang chub sems dpa' dang / sangs rgyas rnams te don de lta bas na gtsang ngo zhes mchi'o/ / bcom ldan 'das mu stegs can kha cig ni bdag ces bgyi ba mchis so zhes mchi ste/ ji tsam du mthong ba dang / bya ba byed pa ni bdag go zhes mchi ste/ dper na mi zhig rdza mkhan gyi khyim du phyin na/ rdza mkhan nyid dang ma phrad kyang 'ji ba dang 'khor lo mthong bas gdon mi za bar rdza mkhan gyi khyim yin pa shes te/ bdag ces bya ba'ang de dang 'dra ste/ mig gis gzugs mthong ma thag tu nges par bdag ces bgyi ba mchis par 'tshal to// ci ste bdag ces bgyi ba ma mchis na/ su zhig gis gzugs mthong / su zhig gis sgra thos pa nas/ reg bya dang / chos kyi bar du rgyas par ro// gzhan yang bdag ces bgyi ba mchis te/ ji ltar shes she na/ mtshan ma las rig par 'gyur te/ mtshan ma zhes bgyi ba ji lta bu zhe na/ dbugs rgyu ba dang / mig gis lta zhing 'dzum pa dang / tshe'i tshad dang / sdug bsngal dang / bde ba myong ba dang / chags pa dang / khro ba dang / chos de dag la sogs pa thams cad bdag ces bgyi ba'i mtshan ma lags/ de bas na nges par bdag ces bgyi ba mchis so// gzhan yang bdag ces bgyi ba mchis ba ni ro zo ba'i bye zag phyed pa ste/ dper na mi zhig shing thog zos na mthong ma thag tu ro ci thob 'tshal te/ de bas na bdag ces bgyi ba mchis so// gzhan yang dag ces bgyi ba mchis par las bgyid pa'i sgo nas rig ste/ skam pa thogs na 'dzin pa'i las byed/ sta re thogs na gcod pa'i las byed/ bum pa thogs na chu ldugs pa'i las byed/ shing rta dang 'grogs na 'khor los sgyur ba'i las bgyid de/ las de dag la sogs pa'ang bdag ces bgyi ba des gzung bas na byed par 'gyur te/ de bas na nges par bdag ces bgyi ba mchis so/ / gzhan yang bdag ces bgyi ba mchis par ci mngon zhe na/ dper na bu byung ma thag tu nu zho 'thung 'tshal ba ni sngon gyi bag chags las gyur te/ de bas na nges par bdag ces bgyi ba mchis so/ / gzhan yang bdag ces bgyi ba mchis te mngon zhe na/ 'dus shing tshogs pa las sems can pha rol la phan par 'gyur ba'i phyir te/ dper na bum pa dang / kos dang / shing rta dang / zhing dang / khyim dang / ri dang / nags tshal dang / shing dang / bal glang dang / rta dang / ba lang dang / lug la sogs te/ dngos po de dag 'dus pa las phan pa'i don du 'gyur te/ nang gi phung po lnga'ang de dang 'dra bar/ mig gi dbang po la sogs pa 'dus shing tshogs na/ bdag ces bya ba la phan par 'gyur te/ de bas na bdag ces bgyi ba nges par mchis so/ / gzhan yang bdag ces bgyi ba mchis par ci mngon zhe na/ bar du gcod cing sgrib nus pa'i phyir ro// dper na dngos po mchis na bar du gcad cing sgrib tu rung gi/ dngos po ma mchis na sgrib tu ma mchis te/ sgrib cing bar du gcad du ma mchis pas na/ bdag ces bgyi ba mchis par 'tshal te/ de bas na bdag ces bgyi ba nges par mchis so/ / gzhan yang bdag ces bgyi ba mchis par ci mngon zhe na/ grogs dang grogs ma yin pa'i phyir te/ gnyen dang / gnyen ma yin pa'ang grogs su 'gyur ba ma lags/ yang dag pa'i chos dang / log pa'i chos kyang grogs su 'gyur ba ma lags/ ye shes dang / ye shes ma lags pa'ang grogs su 'gyur pa ma lags/ dge sbyong dang dge sbyong ma yin pa'ang grogs su 'gyur ba ma lags/ bram ze dang / bram ze ma yin pa dang / bu dang / bu ma yin pa dang / nyin dang / nyon ma yin pa dang / mtshon dang mtshan ma yin pa dang / bdag dang / bdag ma yin pa la sogs pa chos de dag ni grogs dang / grogs ma yin pas na/ bdag ces bgyi ba nges par mchis so// bcom ldan 'das mu stegs can dag kyang de ltar rnam pa sna tshogs kyi sgo nas rtag pa dang / bde ba dang / bdag dang / yongs su dag pa mchis par smra ste/ rtag pa dang / bde ba dang / bdag dang / yongs su dag pa zhes bgyi ba nges par mchis par 'dzin to// bcom ldan 'das don de lta bas na mu stegs can dag kyang yang dag pa'i bden pa mchis shes smra'o// bcom ldan 'das kyis bka' stsal pa/ rigs kyi bu dge sbyong ngam/ bram ze gang zhig rtag pa yod ce'am/ bde ba yod ce'am/ yongs su dag pa yod ce 'am/ bdag yod ce'am/ de ni dge sbyong ma yin/ bram ze ma yin no// de ci'i phyir zhe na/ 'khor ba las 'khrul te/ thams cad mkhyen pa'i ye shes dang ldan pa'i ston pa chen po spong ba'i phyir ro// dge sbyong dang bram ze de dag ni 'dod pa'i nang du shin tu bying bas/ dge ba'i chos nyam chung ba'i phyir ro// mu stegs can de dag ni 'dod chags dang / zhe sdang dang / gti mug gis rnam par bcings kyang / 'dod pa'i bde ba la bzod par byed pa'i phyir ro// mu stegs can de dag ni las kyi 'bras bu bdag gis byas pa bdag gis myong bar shes mod kyi/ mi dge ba'i chos spong bar mi nus so/ / mu stegs can de dag ni yang dag pa'i chos can ma yin/ yang dag pa'i 'tsho bas 'tsho ba ma yin no// de ci'i phyir zhe na/ shes rab kyi me med de sbyong mi nus pa'i phyir ro/ / mu stegs can de dag ni 'dod pa lnga'i mchog dam pa la chags mod kyi/ brtson 'grus su nan tan mi byed pas dge ba'i chos kyis dbul ba'i phyir ro// stegs can de dag ni yang dag pa'i rnam par thar pa 'dod pa mod kyi/ tshul khrims srung ba'i rkang pa dang mi ldan pa'i phyir ro// mu stegs can de dag ni bde ba 'dod mod kyis/ bde bar 'gyur pa'i rgyu dang rkyen tshol mi nus so/ / mu stegs can de dag ni sdug bsngal bar 'gyur pa thams cad mi 'dod mos kyis/ spyod pa thams cad sdug bsngal gyi rgyur 'gyur par mi spong ngo / / mu stegs can de dag ni chen po bzhi'i sbrul gdug pas dkris shing glags kyang bag med par spyod do// mu stegs can de dag ni ma rig pas yongs su khebs pas dge ba'i bshes gnyen spong ste khams gsum du gnas par mos pas/ mi rtag pa'i tshe chen po shin tu 'bar ba las thar mi nus so// mu stegs can de dag ni nyon mongs pa'i nad lci ba 'tsho dka' bas btab kyang / mkhas pa dang ldan pa'i sman pa mi tshol lo// mu stegs can de dag ni ma 'ongs dus su mtha' med pa'i lam ring po shin tu yang ba bgrod dgos kyang / bde ba'i chos kyi tshogs bsags shing bdag gis rgyun du 'gyur ba mi shes so/ / mu stegs can de dag ni 'dod chags kyi 'dug pas gsod par 'gyur yang / 'dod pa snga ba mo gdug pa la chags so/ / mu stegs can de dag ni zhe sdang gi me shin tu 'bar zhing mched kyang / mi dge ba'i bshes gnyen la sten par byed do// bu stegs can de dag ni ma rig pas khems te zil gyis non kyang / ngan par lta ba'i chos log par 'tshal lo// mu stegs can de dag ni ngan par lnga bas rtag zhu bslus kyang / de la dge 'a ba shes gnyen du ru shes skyed do/ / mu stegs can de dag ni 'bras bu zhim po la re yang / 'bras bu kha ba'i sa bon 'debs so// mu stegs can de dag ni nyon mongs pa'i mun khang du zhugs kyang / ye shes chen po'i sgron ma spong bar byed do// mu stegs can de dag ni nyon mongs pas gdungs te shin tu sgom yang / 'dod pa'i chu 'thung ngo // mu stegs can de dag ni 'khor ba'i rgya mtsho mtha' yas pas g.yengs kyang / bla na med pa'i gru spong bar byed do// mu stegs can de dag ni phyin ci log gis shin tu bslad kyang / 'du byed thams cad rtag ces smra ste/ 'du byed thams cad ni rtag ces bya ba'i gnas med do// / 'phags pa yongs su mya ngan las 'das pa chen po'i mdobam po bcu bzhig// rigs kyi bu bublangs bltas na 'du byed thams cad ni mi rtag pa'o/ / derang ji ltar shes she na/ rgyu dang rkyen gyi sgo nas shes so// ji tsam du rkyen las skyes pa'i chos thams cad ni mi rtag par rig par bya'o/ / de bas na mu stegs can gyi chos thams cad ni gcig tsam yang rkyen las ma skyes pa med do// rigs kyi bu sangs rgyas kyi rang bzhin ni ma skyes pa/ mi 'gog pa/ 'ongs pa'ang med/ song ba'ang med/ 'das pa'ang ma yin/ ma 'ongs pa'ang ma yin/ da ltar ma yin/ rgyu las byas pa ma yin/ rgyu med pa las byas pa ma yin/ ma byas pa ma yin/ byas pa ma yin/ mtshan ma ma yin/ mtshan ma med pa ma yin/ ming yod pa ma yin/ ming med pa ma yin/ ming ma yin/ gzugs ma yin/ ring po ma yin/ thung ngu ma yin phung po dang khams ma yin/ skye mched du gtogs pa ma yin pas na rtag pa zhes bya'o// rigs kyi bu sangs rgyas kyi rang bzhin de bzhin gshegs pa'o// de bzhin gshegs pa ni chos so/ / chos ni rtag pa'o// rigs kyi bu rtag ces bya ba ni de bzhin gshegs pa'o// de bzhin gshegs pa ni dge 'dun no// dge 'dun ni rtag pa'o// don de lta ba/ narkyen las skyes pa'i chos thams cad ni rtag pa zhes mi bya ste/ mu stegs can de dag gi chos ni gcig tsam yang rkyen las ma skyes pa med do// rigs kyi bu mu stegs can dag ni sangs rgyas kyi rang bzhin dang / de bzhin gshegs pa dang / chos mi mthong bas/ de bas na mu stegs can dag smra ba thams cad ni brdzun te/ yang da/ pa'i bden pa med do// bus pa ma rabs dag ni sngun bum pa dang / gos dang / theg pa dang / khang khyim dang / grong khyer dang / chu klung dang / ri dang / tshal dang / skyes pa dang / bud med dang / bal glang dang / rta dang / lug la sogs pa mthong ba las/ phyis de 'dra ba zhig mthong na rtag pa yin zhes smras te/ yang dag par na de rtag pa ma yin no// rigs kyi bu 'dus byas thams cad ni mi rtag pa'o/ / nam mkha' dang 'dus ma byas ni rtag pa zhes bya'o// sangs rgyas kyi rang bzhin ni 'dus ma byas na rtag pa zhes bya'o// nam mkha' zhes bya ba ni sangs rgyas kyi rang bzhin no/ / sangs rgyas kyi rang bzhin ni de bzhin gshegs pa'o// de bzhin gshegs pa ni 'dus ma byas/ 'dus ma byas pa ni rtag pa'o// rtag pa ni chos so/ / chos ni dge 'dun no// dge 'dun ni 'dus ma byas pa'o// 'dus ma byas pa ni rtag pa'o// rigs kyi bu 'dus byas kyi chos la mdor rnam pa gnyis te/ gzugs kyi chos dang / gzugs ma yin pa'i chos so// gzugs ma yin pa'i chos zhes bya ba ni/ sems dang sems las byung ba'i chos so// gzugs kyi chos zhes bya ba ni sa dang / chu dang / me dang / rung ngo // rigs kyi bu sems ni mi rtag pa zhes bya'o// de ci'i phyir zhe na/ rang bzhin gyis dmigs shing rnam par rtog pa dang ldan pa'i phyir ro// rigs kyi bu mig gi rnam par shes pa'i rang bzhin so so ba nas/ yid kyi rnam par shes pa'i rang bzhin gyi bar du'ang so so ste/ de bas na mi rtag go/ rigs kyi bu gzugs kyi spyod yul so so ba nas/ chos kyi spyod yul gyi bar du'ang so so ste/ de bas na mi rtag go// rigs kyi bu mig gi rnam par shes pa dang ldan pa so so ba nas/ yid kyi rnam par shes pa dang ldan pa'i bar du so so ste/ de bas na mi rtag go/ rigs kyi bu ci ste sems rtag pa zhig yin na/ mig gi rnam par shes pa 'ba' zhig gis chos thams cad la dmigs par 'gyur ba'i rigs so// rigs kyi bu mig gi rnam par shes pa so so ba nas/ yid kyi rnam par shes pa'i bar du so so bas na/ mi rtag par shes so// 'dra ba'i chos skad cig skad cig tu skye zhing 'gog pas/ bus pa ma rabs kyis de ltar ma mthong nas rtag par 'dzin to/ / rigs kyi bu rgyu dang rkyen gyi mtshan nyid gzhig tu rung bas na mi rtag pa zhes bya'o// 'di lta ste/ mig gi dbang po dang / gzugs dang / snang ba dang / bsams pa'i rkyen las mig gi rnam par shes pa skye ste/ rna ba'i rnam par shes pa skye ba na'ang rkyen so so bas/ mig gi rnam par shes pa'i rkyen gyis ma yin pas na/ yid kyi rnam par shes pa'i bar du so so ba'ang de bzhin du rig par bya'o// gzhan yang rigs kyi bu 'du byed rnams kyi rgyu dang rkyen 'jig pas na sems ni mi rtag pa'o/ / 'di lta ste/ mi rtag pa bsgom pa'i sems kyang gzhan la/ sdug bsngal ba dang / stong pa nyid dang / bdag med pa bsgom pa'i sems kyang gzhan no/ / ci ste sems rtag pa zhig yin na/ mi rtag pa rtag tu bsgom pas na/ sdug bsngal ba dang / stong pa nyid dang / bdag med pa rtogs par yang mi 'gyur na// rtag pab dang / bde ba dang / bdag dang / yongs su dag par rtogs pa lta ci smos te/ don de lta bas na mu stegs can gyi chos kyi nang du rtag pa dang / bde ba dang / bdag dang yongs su dag pa bsdu mi nus so/ / rigs kyi bu de bas na sems kyi chos ni nges par mi rtag go// yang na rigs kyi bu sems kyi rang bzhin tha dad pa'i phyir na mi rtag go// 'di lta ste/ nyan thos kyi sems kyi rang bzhin so so// rang sangs rgyas kyi sems kyi rang bzhin so so// sangs rgyas rnams kyi sems kyi rang bzhin yang so so ste/ mu stegs can thams cad kyi sems ni rnam pa gsum ste/ rab tu byung ba'i sems dang / khyim na gnas pa'i sems dang / khyim na gnas pas dbyen pa'i sems so// bde ba dang ldan pa'i sems kyang gzhan la/ sdug bsngal ba dang ldan pa'i sems kyang gzhan/ bde ba'ang ma yin sdug bsngal ba'ang ma yin pa'i sems kyang gzhan/ 'dod chags dang ldan pa'i sems kyang gzhan/ zhe sdang dang ldan pa'i sems kyang gzhan/ gti mug dang ldan pa'i sems kyang gzhan te/ mu stegs can thams cad kyi sems kyi mtshan nyid kyang gzhan no// 'di lta ste/ gti mug dang ldan pa'i sems kyang gzhan la/ the tshom dang ldan pa'i sems kyang gzhan/ ngan par lta ba dang ldan pa'i sems kyang gzhan/ 'gro ba dang sdod pa'i spyod lam gyi sems kyang gzhan no/ / rigs kyi bu ci ste sems rtag pa zhig yin na/ kha drog sngon po dang / ser po dang / dmar po dang / dkar po dang / smug po bye zag mi phyed pa'i rigs so/ / rigs kyi bu gal te sems rtag pa zhig yin na/ dran par bya ba'i chos thams cad brjed par 'gyur ba'i mi rigs so// rigs kyi bu tsa sde sems rtag pa yin na// klog pa dang 'don pa'i las byed pa 'phel zhing skye ba'i mi rigs so// rigs kyi bu ci ste sems rtag pa zhig yin na/ byas pa dang / byed pa dang / bya ba bshad pa'i mi rigs te/ byas pa dang / byed pa dang / bya ba yod pas na/ sems de ni nges par mi rtag par shes par bya'o// rigs kyi bu ci ste sems rtag pa zhig yin na/ sdang ba dang byams pa med do/ / sdang ba'ang ma yin/ byams pa'ang ma yin par 'gyur ro// ci ste sems rtag pa zhig yin na/ bdag gi rdzas dang / gzhan gyi rdzas she 'am/ 'chi'o// skye'o zhes brjod pa'i mi rigs so// ci ste sems rtag pa zhig yin na/ bya ba byas kyang skye zhing 'phel ba'i mi rigs so// rigs kyi bu don de lta bas na sems kyi rang bzhin so so tha dad do/ / tha dad pas na mi rtag par rig par bya'o// rigs kyi bu ngas 'dir gzugs ma yin pa'i chos la mi rtag pa'i don bshad pa ni 'di dag yin no/ / de la gzhan yang khyod la gzugs mi rtag pa bshad do// gzugs ni mi rtag pa ste/ thog ma nas ma skyes pa'o// skyes nas 'gog pa'i phyir mngal du 'jug pab nur nur po'i tshe thog ma nas ma skyes la/ skyes nas 'gyur ba'i phyir ro// phyi rol gyi myu gu dang / sdong bu'ang thog mo nas ma skyes lo/ skyes nas 'gyur pa'i phyir ro// de bas na gzugs kyi chos thams cad ni mi rtag par shes par bya'o// rigs kyi bu nang gi gzugs ni dus bzhin du 'gyur te/ nur nur po'i tshe'ang gzhan la/ mer mer po'i tshe'ang gzhan/ mar mer gyi tshe'ang gzhan/ mkhregs pa'i tshe'ang gzhan/ mngal gyi tshe'ang gzhan/ skye ba'i tshe'ang gzhan/ byis pa'i tshe'ang gzhan/ gzhon nu'i tshe'ang gzhan nas/ rgas pa'i bar du 'gyur te/ so sor 'gyur pas na gzhan no// phyi rol gyi gzugs thams cad kyang de dang 'dra ste/ myu gu'i tshe'ang gzhan/ sdong bu'i tshe'ang gzhan/ yal ga'i tshe'ang gzhan/ lo ma'i tshe'ang gzhan/ me tog gi tshe'ang gzhan/ 'bras bu'i tshe'ang gzhan no// rigs kyi bu gzhan yang nang gi ro zo ba'ang nur nur po'i tshe'ang gzhan pa nas/ rgas pa'i ba rang yang tha dad de gzhan no// phyi rol gyi ro bro ba'ang de dang 'dra ste/ myu gu dang / sdong bu dang / yal ga dang / lo ma dang / me tog dang / 'bras bu'i bar du tha dad de gzhan no/ / nur nur po'i mthu stobs kyi tshe gzhan pa nas/ rgas kyi bar du mthu stobs kyang tha dad de gzhan no// nur nur po'i tshe gzugs byed kyang gzhan pa nas// rgas pa'i bar du gzugs byed kyang tha dad de gzhan no// nur nur po'i tshe na rnam par smin pa'i 'bras bu'ang gzhan pa nas/ rgas pa'i bar du rnam par smin pa'i 'bras bu'ang tha dad de gzhan no/ / nur nur po'i tshe ming btags pa'ang gzhan pa nas/ rgas pa'i bar du ming 'dogs pa'ang tha dad de gzhan no// 'di lta ste/ nang gi gzugs kyang zhig ma thag tu phyir 'du bas na mi rtag ste/ phyi rol gyi rtsi shing yang zhig ma thag tu phyir 'du bas na mi rtag go// bags kyi skye ba'i phyir yang mi rtag no// nur nur po nas rgas pa'i bar du'ang bags kyis skye zhing 'gyur la/ mya gunas 'bras bu'i bar du'ang bags kyis skyenang 'gyur bas na mi rtag go/ gzugs thams cad 'gog par 'gyur bas/ mirtag ste/ n+d+har nur po 'gog pa'i tshe gzhan pa nas/ rgas pa'i bar du 'gog pa'ang gzhan no// myu gu 'gog pa gzhan pa nas/ 'bras bu 'gog pa'i bar du'ang ka pas na mo rtag go/ / byis pa sa rabs shes pa med pa dag ni skye ba dran pas mthong bas rtag par 'dzin / don de lta bas na mi rtag pa zhes bya'o// gal te mi rtag na de ni sdug bsngal ba yin no/ / sdug bsngal ba yin pas na mi gtsang ba'o// rigs kyi bu don 'di dag ni 'od srungs kyis kyang sngar dris te/ ngas rgyas par bshad do// gzhan yang rigs kyi bu 'du byed thams cad la'ang bdag ces bya ba med do// rigs kyi bu chos thams cad ces bya ba ni mdor na gzugs dang gzugs ma yin pa ste/ gzugs la ni bdag ces bya ba med do/ / de ci'i phyir zhe na/ gzhig tu rung / gcad du rung la/ btsog tu rung la/ skye zhing 'phel ba'i phyir ro// bdag ces bya ba ni gzhig tu mi rung / gcad du mi rung / skye zhing 'phel ba med de/ de bas na gzugs ni bdag ma yin no// gzugs ma yin pa'i chos kyang bdag ma yin no// de ci'i phyir zhe na/ rgyu dang rkyen las skyes pa'i phyir ro// rigs kyi bu ci ste mu stegs can dag rtse gcig tu dran pas/ bdag yod par shes pa yin na/ rtse gcig tu dran pa nyid ni bdag ces bya ba ma yin no/ / ci ste rtse gcig tu dran pa bdag yin no zhes byar ni/ 'das pa'i dngos po dag brjed pa'ang yod do// brjed pa yod pas na nges par bdag ces bya ba med do/ / rigs kyi bu ci ste mu stegs can dag dran pa'i phyir/ bdag yod ces byar ni dran pa med pas na bdag ces bya ba med do// dper na mi zhig gi lag pa la sor mo drug yod pa mthong na de la 'di skad du/ sngon che ge mo zhig tu ma phrad dam zhes 'dri'o// ci ste bdag ces bya ba yod na 'dri ba'i yang mi rigs te/ 'di 'dra ba lags na bdag ces bya ba nges par med do/ / rigs kyi bu ci ste mu stegs can dag par du bcad cing ba sgrib tu rung ba'i phyir bdag yod ces byar ni/ rigs kyi bu bsgrib tu yod pas na/ nges par bdag ces bya ba med par shes so// dper na lha sbyin zhes brjod pa'i tshe/ lha sbyin ma yin no zhes mi brjod do// bdag kyang de dang 'dra ste/ nges bar bdag yin na lta bdag ces bya ba la bsgrib par mi 'gyur te/ bsgrib par 'gyur pas na nges par bdag ces bya ba med do// ci ste bslab par 'gyur bas bdag yod par shes na da ltar khyod ma bsgribs na nges par bdag ces bya ba med do/ / rigs kyi bu ci ste mu stegs can dag thogs dang / grogs ma yin pa las bdag yod par shes so zhes byar ni/ grogs med pas na bdag ces bya ba med pa'i rigs so// grogs med pa'i chos yod de/ 'di lta ste/ de bzhin gshegs pa dang / nam mkha' dang / sangs rgyas kyi rang bzhin no// bdag ces bya ba'ang de dang 'dra ba yang dag par grogs med// de bas na nges par bdag ces bya ba med do// rigs kyi bu gzhan yang mu stegs can dag ci ste ming btags pa las bdag yod par shes so zhes bya ra ni/ bdag med pa'i chos la'ang bdag ces 'dogs pa'i ming yod de/ dper na shin tu dbul po zhig gi ming phyug po'o zhes 'dogs pa dang / dper na bdag shi'o zhes bya ba ste/ gal te bdag ces bya ba shi na/ bdag gis bdag gsod par 'gyur ro// bdag ces bya ba ni yang dag par na gsad du mi rung ste/ tha snyad du bdag gsod pa zhes btags so// dper na mi thung ngu zhig ring po zhes btags pa dang 'dra ste/ de bas na nges par bdag ces bya ba med par shes so// gzhan yang rigs kyi bu ci ste mu stegs can dag bu byung ma thag tu nu zho tshol ba las bdag yod par shes so zhes bya ba ni/ rigs kyi bu ci ste bdag bya ba yod na byis pa chung ngu thams cad mi gtsang ba ngan skyugs dang / me dang / sbrul dang / dug la 'dzin pa'i ma tshogs so// de bas na nges par bdag ces bya ba med do// rigs kyi bu sems can thams cad na rnam pa 'di gsum gyi ye shes mnyam par yod do/ / 'di lta ste/ 'dod chags dang / za ba dang / 'jigs pa dang / de bas na bdag ces bya ba med do// gzhan yang rigs kyi bu ci ste mu stegs can dag mtshan ma dang / gzugs tsam las bdag yod par shes so zhes byar ni/ rigs kyi bu mtshan ma yod pas kyang bdag med la/ mtshan ma med pas kyang bdag med do// dper na mi gnyid log pa'i tshe song ba dang / 'ong ba dang / dgu pa dang / dgye ba dang / lnga pa'ang med la/ bde ba dang sdug bsngal ba'ang mi tshor bas na bdag yod pa'i mi rigs so/ / ci ste song ba dang / 'ong ba dag/ dgu pa dang / dgye ba dang / lta ba yod pas bdag yod par shes ni/ shing gi 'khrul 'khor las byas pa'i mi la'ang bdag yod pa'i rigs so// rigs kyi bu de bzhin gshegs pa'ang de dang 'dra ste/ mi 'gro/ mi sdod/ mi dgye mi dgu/ mi lta/ mi 'dzum/ sdug bsngal ba ma yin/ bde ba ma yin/ 'dod chags ma yin/ zhe sdang ma yin/ gti mug ma yin/ sprod pa ma yin te/ de ltar na de bzhin gshegs pa ni yang dag pa'i bdag ces bya ba yod do// gzhan yang rigs kyi bu ci ste mu stegs can dag pha rol bos shing thog sbyar/ mo za na/ tshu rol gyi 'gram chu langs pa las bdag yod par shes zhes byar ni/ rigs kyi bu dran pa las mthong nas 'gram chu langs te/ 'gram chu ni bdag ma yin bdag kyang 'gram chu ma yin no/ / dga' ba ma yin/ mya ngan ma yin/ glal ba ma yin/ dgod pa ma yin/ lhung ba ma yin/ skye ba ma yin/ skom pa ma yin/ 'grangs pa ma yin/ de bas na nges par bdag med par shes so// rigs kyi bu mu stegs can de dag ni bus pa chung ngu shed ma bye ba dang 'dra ste/ shes ba med pa/ thabs med pa/ rtog pa med pa/ rtag pa dang / mi rtag pa dang / sdug bsngal ba dang / bde ba dang / yongs su dag pa dang / yongs su ma dag pa dang / bdag dang / bdag med pa dang / tshor ba dang / tshor ba ma yin pa dang / sems can dang / sems can ma yin pa dang bde ba dang / bde ba ma yin pa dang / yod pa dang / yod pa ma yin pa mi shes te/ sangs rgyas kyi chos las bag dang cha tsam zhig blangs nas rtag pa dang / @ ba dang / bdag dang / yongs su dag par 'dzin te/ yang dag par rtag pa dang / bde ba dang / bdag dang / yongs su dag pa mi shes so// dper na dmus long 'o ma'i kha dog mi shes pas/ gzhan la 'o ma'i kha dog ci 'dra zhes dris pa las/ pha rol pos dung gi kha dog 'ja'o zhes bstan na/ dmus long de 'o ma'i kha dog la/ dung ki sgra 'dra bzhig yin par 'dzin to/ / yang dung gi kha dog ci 'dra zhes dris pa las/ 'bras phye 'dra'o zhes smras na/ dmus long de dung gi kha dog la shin tu 'jam par 'dzin to// yang 'di skad du 'bras phye kha dog ci 'dra zhes dris pa las/ pha rol pos kha ba 'dra'o zhes smras na/ dmus long des 'bras phye'i kha dog la grang bar 'dzin to// kha ba'i kha dog kyang ci 'dra zhes dris pa las/ pha rol pos ngang pa'i shog pa 'dra'o zhes smras kyang / dmus long des de ltar dpe bstan pa bzhi'i sgo nas bstan kyang / dmus long des 'o ma'i kha dog yang dag pa ci 'dra ba mi shes so/ / mu stegs can de dag kyang de dang 'dra ste/ rtag pa dang / bde ba dang / bdag dang / yongs su dag pa mi shes so/ / rigs kyi bu de bas na sangs rgyas kyi chos la ni yang dag pa'i bden pa yod kyi/ mu stegs can rnams la ni ma yin no// 'jam dpal gzhon nus bcom ldan 'das la 'di skad ces gsol to/ / ngo mtshar che'o// de bzhigs pa ni yongs su mya ngan las 'das kar/ tha na med pa'i chos kyi 'khor lo bskor te/ yang dag par bden pa rnam par phye ste bstan to/ / bcom ldan 'das kyis/ 'jam dpal la bka' stsal pa/ ci khyod de bzhin gshegs pa la mya ngan las 'da' bar 'du shes sam/ rigs kyi bu de bzhin gshegs pa ni yang dag par na rtag pa/ gnas pa/ mi 'gyur pa/ yongs su mya ngan las ma 'das pa'o// rigs kyi bu de la gang zhig bdag tu 'dzin na/ de ni sangs rgyas kyi bdag ces bya ste/ bla na med pa yang dag par rdzogs pa'i byang chub tu mngon par 'tshang rgya'o// bdag ces bya ba ni chos te/ chos ni bdag gi ba'o// bdag ni lam ste/ lam ni bdag gi ba'o// bdag ni bcom ldan 'das te/ bcom ldan 'das ni bdag gi ba'o// bdag ni nyan thos te/ nyan thos ni bdag gi ba'o// bdag gi ba ni chos ston par 'gyur te/ gzhan dag nyan par byed do// bdag ni chos kyi la lo bskor te/ gzhan gyis nus pa ma yin no// de bzhin gshegs pa ni de lta bur mi 'dzin te/ de bas na de bzhin gshegs pa ni chos kyi 'khor lo mo skor ro// rigs kyi bu gang zhig de lta bur 'dzin na/ bdag ni mig go/ mig ni bdag gi ba'o// rna ba dang / sna dang / lce dang / lus dang / yid kyi bar du'ang de bzhin te/ bdag ni gzugs so// gzugs ni bdag gi ba'o// de bzhin du chos kyi bar du'ang rgyas par rig par bya'o/ / bdag ni sa'o// sa ni bdag gi ba ste/ chu dang / me dang / rlung yang de bzhin du rig par bya'o// rigs kyi bu de la gang zhig 'di skad du/ bdag ces bya ba ni dad pa'o/ / dad pa ni bdag gi ba'o// bdag ces bya ba ni mang du thos pa'o// mang du thos pa ni bdag gi ba'o// bdag ces bya ba ni sbyin pa'i pha rol tu phyin pa/ sbyin pa'i pha rol tu phyin pa ni bdag gi ba'o/ / bdag ces bya ba ni tshul khrims kyi pha rol tu phyin pa/ tshul khrims kyi pha rol tu phyin pa ni bdag gi ba'o// bdag ni bzod pa'i pha rol tu phyin pa/ bzod pa'i pha rol tu phyin pa ni bdag gi ba'o// bdag ni brtson 'grus kyi pha rol tu phyin pa/ brtson 'grus kyi pha rol tu phyin pa ni bdag gi ba'o// bdag ni bsam gtan gyi pha rol tu phyin pa/ bsam gtan gyi pha rol tu phyin pa ni bdag gi ba'o// / bdag ni shes rab kyi pha rol tu phyin pa/ shes rab kyi pha rol tu phyin pa ni bdag gi ba'o// bdag ni dran pa nye bar gzhag pa bzhi'o// dran pa nye bar gzhag pa bzhi ni bdag gi ba'o// de bzhin du yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam gyi yan lag brgyad kyang rgyas par rig par bya'o/ / rigs kyi bu de bzhin gshegs pa ni de ltar mi 'dzin pas na// de bzhin gshegs pa ni chos kyi 'khor lo mo skor ro// rigs kyi bu ci ste bzhin gshegs pa rtag pa/ gnas pa/ mi 'gyur/ mi 'pho ba yin na/ ci'i phyir de bzhin gshegs pas chos kyi 'khor lo bskor to zhes spras/ de bas na khyo kyis de bzhin gshegs pas chos kyi 'khor lo bskor to zhes bya ba'i mi rigs so/ / rigs kyi bu dper na mig dang / snang ba dang / bsam pa 'dus pa las mig gi rnam par shes pa skye bar 'gyur ro/ / rigs kyi bu mig kyang 'di ltar bdag gis ni mig gi rnam par shes pa bskyed do snyam mi sems pa nas/ bsam pa'i bar du'ang mig gi rnam par shes pa bskyed do snyam du mi sems la/ mig gi rnam par shes pa nyid kyang bdag ni bdag bskyed do snyam du mi sems te/ rigs kyi bu 'on kyang de rnams 'dus shing 'tshogs pa las mthong bar gyur to// rigs kyi bu de bzhin gshegs pa'ang de dang 'dra ste/ pha rol tu phyin pa drug dang / byang chub kyi phyogs sum cu rtsa bdun dang / chos rnams rtogs pa dang / gzhan yang lkog ma dang / rkan dang lce dang / so dang / mchu dang / kha las tshig tu smra ba'i sgra las/ thog ma tshe dang ldan pa ko'u de rgyal chos ston pa ni chos kyi 'khor lo bskor ba zhes bya ste/ don de lta bas na de bzhin gshegs pab ni chos kyi 'khor lo bskor ba zhes mi bya'o/ / rigs kyi bu gang ma bskor ba de ni chos shes bya ste/ chos ni de bzhin gshegs pa'o// rigs kyi bu dper na gtsub shing dang gtsubastan dang / lag pa dang / btsa' 'dus pa las me byung ste/ gtsug shing yang bdag gis me phyung ngo snyam mi sems la/ gtsub stan dang / lag pa dang / btsa' yang bdag gis me phyung ngo snyam mi sems so/ / me'ang de ltar bdag gis bdag phyung ngo snyam mi sems so// de bzhin gshegs pa'ang de dang 'dra ste/ pha rol tu phyin pa drug na/ tshe dang ldan pa ko'u di mya'i bar du chos kyi 'khor lo bskor ba zhes bya ste/ de bzhin gshegs pa ni ngas chos kyi 'khor lo bskor to snyam mi dgongs so// rigs kyi bu de ltar mi dgongs pa de ni/ chos kyi 'khor lo yang dag par bskor ba zhes bya ste/ de ltar chos kyi 'khor lo bskor ba de ni de bzhin gshegs pa zhes bya'o// rigs kyi bu dper na ma ra yang zho dang / chu dang / rdza ma dang / srub shing dang / thag gu dang / lag pa las mar 'byung ste/ zho'ang 'di ltar bdag gis mar phyung ngo snyam mi sems pa nas/ lag pa'i bar du 'di ltar bdag gis mar phyung ngo snyam mi sems/ mar yang 'di ltar bdag gis mar phyung ngo snyam mi sems te/ rkyen mang po 'dus pa las mar phyung bar gyur to// / de bzhin gshegs pa'ang de dang 'dra ste/ 'di ltar ngas ni chos kyi 'khor lo bskor to snyam mi dgongs so// ji ltar mi dgongs pa de ni chos kyi 'khor lo yang dag par bskor ba zhes bya ste/ chos kyi 'khor lo bskor ba de ni de bzhin gshegs pa zhes bya'o// rigs kyi bu dper na sa bon dang / sa dang / chu dang / me dang / rlung dang / sbed dang / dus dang / las su byas pa las myu gu'ang skye bar 'gyur ro// rigs kyi bu sa bon yang 'di ltar bdag gis myu gu skyed do snyam mi sems pa nas/ las su byas pa'i bar du'ang 'di ltar bdag gis myu gu skyed do snyam du mi sems/ / myu gu'ang 'di ltar bdag gis myu gu skyed do snyam mi sems so// de bzhin gshegs pa'ang de dang 'dra bar/ ngas ni chos kyi 'khor lo bskor to snyam mi dgongs te/ rigs kyi bu gang mi dgongs pa de ni yang dag par chos kyi 'khor lo bskor ba zhes bya ste/ chos kyi 'khor lo bskor ba de ni de bzhin gshegs pa'o// rigs kyi bu dper na rnga'ang rnga shing dang / ko ba dang / mi'i lag pa dang / brdung ba 'dus pa las sgra 'byung ste/ rnga'ang 'di ltar bdag gis sma dbyung ngo snyam mi sems pa nas/ brdung ba dang sgra'i babar du rang bdag gis sgra phyung ngo snyam mi sems so/ / de bzhin gshegs pa'ang de dang 'dra ba ra/ ngas ni chos kyi 'khor lo bskor to snyam mi dgongs so// rigs kyi bu gang de ltar mi dgos pa de ni yang dag par chos kyi 'khor lo bskor ba zhes bya ste/ rigs kyi bu chos kyi 'khor lo bskor ba ni 'dus ma byas pa'o// 'dus ma byas pa ni chos kyi 'khor lo bskor ba'o// chos kyi 'khor lo bskor ba ni de bzhin gshegs pa'o/ / rigs kyi bu chos kyi 'khor lo bskor ba ni sangs rgyas bcom ldan 'das kyi spyod yul yin gyi/ nyan thos dang rang sangs rgyas kyis shes pa ma yin no/ / rigs kyi bu nam mkha' ni skye ba ma yin/ skyes pa ma yin/ byed pa ma yin// byas pa ma yin/ 'dus byas kyi chos ma yin no// de bzhin gshegs pa'ang de dang 'dra ste/ skye ba ma yin/ skyes pa ma yin/ byed pa ma yin/ byas pa ma yin/ 'dus byas kyi chos ma yin no// de bzhin gshegs pa ji lta ba bzhin du/ sangs rgyas kyi rang bzhin yang de dang 'dra steng skye ba ma yin/ byed pa ma yin/ byas pa ma yin/ 'dus byas kyi chos ma yin no// rigs kyi bu sangs rgyas bcom ldan 'das kyi gsung ni rnam pa gnyis te/ 'jig rten gyi gsung dang 'jig rten las 'das pa'i gsung ngo / / rigs kyi bu de bzhin gshegs pas/ nyan thos dang rang sangs rgyas la ni 'jig rten gyi gsung gis gsung ngo // byang chub sems dpa' rnams la ni 'jig rten las 'das pa'i gsung gis gsung ngo / / rigs kyi bu 'khor gyi dkyil 'khor la'ang rnam pa gnyis te/ theg pa chung ngu tshol ba dang / theg pa chen po tshol ba'o// ngas sngon wA rA NA sir nyan thos rnams la chos kyi 'khor lo bskor to/ / da yang rtswa mchog gi zong khyer 'dir byang chub sems dpa' sems dpa' chen po rnams la chos kyi 'khor lo bskor te/ rigs kyi bu gzhan yang gang zag la rnam pa gnyis te/ dbang po 'bring po dang / dbang po rab bo// dbang po 'bring po la ni wa rA NA si chos kyi 'khor lo bskor to/ / dbang po rab ni mo'i nang na khyu mchog gi rgyal po lta bu/ byang chub sems dpa' 'od srungs la sogs pa la rtsa mchog gi grong khyer 'dir chos chen po'i 'khor lo bskor to/ / rigs kyi bu dbang po tha ma la ni/ de bzhin gshegs pa chos kyi 'khor lo mi bskor te/ dbang po tha ma zhes bya ba ni log sred can dag go// rigs kyi bu gzhan yang sangs rgyas kyi byang chub tshol ba la'ang rnam pa gnyis te/ brtson 'grus 'bring po dang / brtson 'grus rab bo// wA ra NA sir ni brtson 'grus 'bring po rnams la chos kyi 'khor lo bskor to/ / rtswa mchog gi grong khyer 'dir ni brtson 'grus rab rnams la chos chen po'i 'khor lo bskor to// rigs kyi bu gzhan yang ngas sngun wA rA NA sir thog ma chos kyi 'khor lo bskor ba na/ lha dang mi brgyad khri snyed rgyun du zhugs pa'i 'bras bu thob par gyur to// da rtswa mchog gi grong khyer 'dir ni lha dang mi khri phrag brgyad cu snyed bla na med pa yang dag par rdzogs pa'i byang chub las phyir mi ldog par gyur to/ / rigs kyi bu sngun wA rA NA sir ni tshangs pa chen po'i rgyal po nga la phyag 'tshal te/ chos kyi 'khor lo / bskor bar gsol to// rtswa mchog gi grong khyer 'dir ni byang chub sems dpa' 'od srungs kyis nga la phyag 'tshal te/ chos kyi 'khor lo bskor bar gsol to// rigs kyi bu gzhan yang sngun lnga rA NA sir chos kyi 'khor lo bskor ba na mi rtag pa dang / sdug bsngal ba dang / stong pa dang / bdag med pa bstan to// da rtsa mchog gi grong khyer 'dir chos kyi 'khor lo bskor ba na rtag pa dang / bde ba dang / bdag dang / yongs su dag pa bstan to// gzhan yang rigs kyi bu ngas sngun wA rA NA si ra chos kyi 'khor lo bskor ba na/ gsung dbyangs tshangs pa'i 'jig rten la thug gi bar du grags so/ / da rtswa mchog gi grong khyer 'dir chos kyi 'khor lo bskor ba na/ gsung dbyangs kyis shar phyogs kyi sangs rgyas kyi zhing klung gang+gA'i bye ma nyi shu snyad du grags te/ lho dang / nub dang / byang dang / phyogs mtshams bzhi dang / steng dang / 'og tu'ang de bzhin du grags par gyur to// gzhan yang rigs kyi bu sangs rgyas bcom ldan 'das ji tsam du gsung ba thams cad ni/ chos kyi 'khor lo bskor ba zhes bya'o// rigs kyi bu dper na 'khor los sgyur ba'i rgyal po'i 'khor lo ni/ ma btul ba'i rnams thul ba dang / dul ba'i rnams bde bar byed do/ / rigs kyi bu sangs rgyas bcom ldan 'das rnams kyis chos gsungs pa'ang de dang 'dra ste/ tshad med pa'i kun nas nyon mongs pa ma btul ba'ang thul bar byed la thul ba'ang dge ba'i rtsa ba skyed par byed do/ / rigs kyi bu dper na 'khor los sgyur ba'i rgyal po ni/ 'khor lo rin po ches pas rgol ba'i dgra thams cad zhi bar byed do// de bzhin gshegs pas chos bstan pa'ang de dang 'dra ste/ kun nas nyon mongs pa'i dgra thams cad zhi bar byed do// gzhan yang rigs kyi bu dper na 'khor los sgyur ba'i rgyal po'i 'khor lo rin po che ni 'og nas steng du yid bzhin du 'gyur ro/ / de bzhin gshegs pas chos bstan pa'ang de dang 'dra ste/ ngan song gi sems can thams cad mtho ris kyi lhar skye ba nas/ sangs rgyas kyi byang chub la thug gi bar du phyin par byed do// rigs kyi bu de bas na khyod kyis de bzhin gshegs pa la chos kyi 'khor lo gdod bskor to zhes ma zer cig/ de nas 'jam dpal gzhon nur gyur pas/ yang bcom ldan 'das la 'di skad ces gsol to/ / bcom ldan 'das don 'di dag bdag gis mi 'tshal ba'i slad du zhu ba ni ma lags kyi/ sems can thams cad la phan pa dang bde ba'i slad du zhus pa lags so// bcom ldan 'das bdag ni yun ring po nas chos kyi 'khor lo bskor ba ni/ sangs rgyas bcom ldan 'das kyi spyod yul lags kyi/ nyan thos dang rang sangs rgyas kyi spyod yul ma las par 'tshal to// de nas bcom ldan 'das kyis/ byang chub sems dpa' 'od srungs la bka' stsal pa/ rigs kyi bu de ltar na byang chub sems dpa' theg pa chen po yongs su mya ngan las 'das pa'i mdo la gnas pa na 'phags pa'i spyod pa spyod pa zhes bya'o/ / byang chub sems dpa' 'od srungs kyis/ yang bcom ldan 'das la 'di skad ces gsol to// gzhan yang ci'i slad du 'phags pas spyod pa zhes bgyid bka' stsal pa/ rigs kyi bu 'phags pa zhes bya ba ni sangs rgyas bcom ldan 'das te/ de bas na 'phags pa'i spyod pa zhes bya'o// gsol pa/ bcom ldan 'das gal te sangs rgyas bcom ldan 'das kyis spyod pa lags na/ nyan thos dang / rang sangs rgyas dang / byang chub sems dpa'i spyod pa ma lags so// bka' stsal pa/ rigs kyi bu sangs rgyas bcom ldan 'das kyang yongs su mya ngan las 'das pa chen po 'di la brten te/ 'di ltar rnam par phye zhing bstan pas 'phags pa'i spyod pa zhes bya'o// nyan thos dang / rang sangs rgyas dang / byang chub sems dpa' rnams kyang de ltar thos nas rjes su spyod na 'phags pa'i spyod pa zhes bya'o/ / rigs kyi bu byang chub sems dpa' sems dpa' chen po dag spyod pa 'di la gnas na/ 'jigs pa med pa'i sa la gnas par 'gyur ro/ / rigs kyi bu byang chub sems dpa' gang mi 'jigs pa'i sa la gnas na 'dod chags dang / zhe sdang dang / gti mug dang / skye ba dang / rga ba dang / na ba dang / 'chi bas nam du'ang mi 'jigs te/ sems can dmyal ba dang / byol song gi skye gnas dang / yi dgas su lhung ba'i 'jigs pa med par 'gyur ro// rigs kyi bu mi dge ba la rnam pa gnyis te/ lha ma yin dang / mi'i nang du skyes pa'o// / mi'i nang du skyes pa la'ang mi dge ba rnam pa gsum ste/ log sred can dang / shin tu rgyas pa'i mdo sde la skur pa dang / phas pham pa bzhi nyams pa'o// rigs kyi bus de la gnas pa'i byang chub sems dpa' rnams ni/ nam du'ang de lta bu'i mi dge ba'i gnas su ltung bas mi 'jigs so// gzhan yang dge sbyong dang / bram ze dang / mu stegs can ngan par lta ba dang / lha'i bdud sdig to can la sogs pas kyang mi 'jigs so/ / gzhan yang srid pa nyi shu lnga pos mi 'jigs te/ de bas na sa 'di ni 'jigs pa med pa zhes bya'o// rigs kyi bu byang chub sems dpa' sems dpa' chen pos 'jigs pa med pa'i sa la gnas pa ni/ ting nge 'dzin rnam pa nyi shu lnga thob pas srid pa nyi shu lnga gzhom par byed do// rigs kyi bu dri ma med pa'i ting nge 'dzin thob pas ni/ sems can dmyal ba'i srid pa bcom/ phyir mi ldog pa'i ting nge 'dzin thob pas ni/ byol song gi srid pa bcom/ sems bde ba'i ting nge 'dzin thob pas ni/ yi dgas kyi srid pa bcom/ rab tu dga' ba'i ting nge 'dzin thob pas ni/ lha ma yin gyi srid pa bcom nyi ma'i 'od zer gyi ting nge 'dzin thob pas ni/ shar gyi lus 'phags gling du skye ba'i srid pa bcom/ zla ba'i 'od zer gyi ting nge 'dzin thob pas ni/ nub kyi ba glang spyod du skye ba'i srid pa bcom/ me'i dpal gyi ting nge 'dzin thob pas ni/ byang gi sgra mi snyan du skye ba'i srid pa bcom/ sgyu ma lta bu'i ting nge 'dzin thob pas ni/ lho'i 'dzam bu gling du skye ba'i srid pa bcom mo// chos thams cad mi g.yo ba'i ting nge 'dzin thob pas ni/ rgyal chen bzhi'i gnas su skye ba'i srid pa bcom/ shin tu gdul dka' ba'i ting nge 'dzin thob pas ni/ sum cu rtsa gsum gnam du skye ba'i srid pa bcom/ yid du 'ong ba'i ting nge 'dzin thob bas ni/ thun spongs 'thab bral gnam du skye ba'i srid pa bcom/ thams cad sngon po'i ting nge 'dzin thob pas ni/ dga' ldan gnam du skye ba'i srid pa bcom/ thams cad ser po'i ting nge 'dzin thob pas ni/ 'phrul dga'i gnam du skye ba'i srid pa bcom/ thams cad dmar po'i ting nge 'dzin thob pa ni/ gzhan 'phrul dbang byed kanam du skye ba'i srid pa bcom/ thams cad dkar po'i ting nge 'dzin thob pas ni/ bsam gtan dang po'i srid pa bcom/ rnam pa sna tshogs kyi ting nge 'dzin thob pas ni/ tshangs pa chen po'i srid pa bcom/ zung du 'brel ba'i ting nge 'dzin thob pas ni/ bsam gtan gnyis ba'i srid pa bcom/ 'brug sgra'i ting nge 'dzin thob pas ni/ bsam gtan gsum pa'i srid pa bcom/ char 'bab pa'i ting nge 'dzin thob pas ni/ bsam gtan bzhi pa'i srid pa bcom/ nam mkha' lta bu'i ting nge 'dzin thob pas ni/ 'du shes med pa'i srid pa bcom/ me long lta bu'i ting nge 'dzin thob pas ni// gtsang ma'i ris lan cig phyir mi ldog pa'i srid pa bcom/ chags pa med pa'i ting nge 'dzin thob pas ni/ / nam mkha' mtha' yas skye mched stengs kyi srid pa bcom/ rtag pa'i ting nge 'dzin thob pas ni/ rnam shes mtha' yas skye mched stengs kyi srid pa bcom dga' ba'i ting nge 'dzin thob pas ni/ cung zad med pa'i skye mched stengs kyi srid pa bcom/ bdag gi ting nge 'dzin thob pas ni// 'du shes med 'du shes med min skye mched stengs kyi srid pa bcom/ rigs kyi bu 'di dag ni byang chub sems dpa'i ting nge 'dzin nyi shu rtsa lnga thob pas/ srid pa nyi shu rtsa lnga bcom pa zhes bya'o// rigs kyi bu ting nge 'dzin nyi shu rtsa lnga po 'di dag ni/ ting nge 'dzin gyi rgyal po zhes bya'o// rigs kyi bu byang chub sems dpa' sems dpa' chen po ting nge 'dzin gyi rgyal po 'di dag la zhugs na/ gal te ri rab ri'i rgyal po 'di 'jig par 'dod na'ang bsams pa bzhin du 'jig go/ / gal te stong gsum gyi stong chen po'i 'jig rten gyi khams kyi sems can thams cad kyi bsam pa shes par 'dod na'ang yid bzhin du shes par 'gyur ro/ / gal te stong gsum gyi stong chen po'i 'jig rten gyi khams na gnas pa'i sems can thams cad lus kyi ba spa'i khung gcig tu zhugs par 'dod na'ang yid bzhin du 'gyur te/ dog pa'am/ gzer ba'i sems med do// gal te sems can grangs med par sprul te/ stong gsum gyi stong chen po'i 'jig rten gyi khams yongs su gang bar 'dod na'ang yid bzhin du 'gyur ro/ / ci ste lus gcig las lus mang por 'dod dam/ lus mang po las gcog 'dod na'ang yod bzhin du 'gyur te/ de lta bur 'gyur mod kyi/ pad+mo ltar sems ci la'ang mi chags so// rigs kyi bu byang chub sems dpa' sems dpa' chen pos ting nge 'dzin gyi rgyal po de la zhugs nas/ dbang du 'gyur ba'i sa la'ang gnas par 'gyur ro// byang chub sems dpa' dbang du 'gyur ba'i sa la gnas pa ni/ dbang du 'gyur pa'i mthu dang ldan pas gang nas gang du skye bar 'dod pa de dang de dag tu yid bzhin du skye bar 'gyur ro// rigs kyi bu dper na/ 'khor los sgyur ba'i rgyal po gling bzhir 'gro 'dod na yid bzhin du phyin te bar du gcod pa med do/ / byang chub sems dpa' sems dpa' chen po'ang de dang 'dra ste/ gang nas gang du skye bar 'dod pa de dang de dog tu yid bzhin du skye bar 'gyur ro/ / rigs kyi bu byang chub sems dpa' sems dpa' chen pos/ gal te sems can dmyal ba na gnas pa'i sems can dag dge ba'i rtsa ba la 'jog par gyur na/ byang chub sems dpa' der skyes te/ byang chub sems dpa' der skyes mod kyi/ sngon gyi las kyi 'bras bus ni ma yin gyi/ byang chub sems dpa' sems dpa' chen po dbang du 'gyur ba'i sa la gnas pa de'i rgyu de'i rkyen gyis der skye bar 'gyur ro/ / rigs kyi bu byang chub sems dpa' sems dpa' chen po sems can dmyal ba na gnas mod kyi/ dmyal ba gtub pa'i sdug bsngal la sogs pa ni mi myong ngo // rigs kyi bu byang chub sems dpa' sems dpa' chen pos lhun gyis grub pa'i yon tan yang tshad med dpag tu med de/ bskal pa khri phrag brgya stong gi bar du rang bshad kyis mi rdzogs na// sangs rgyas bcom ldan 'das rnams kyi yon tan brjod pa lta smos kyang ci dgos/ / de'i tshe na 'khor gyi dkyil 'khor de na/ byang chub sems dpa' dri ma med pa'i rgyal po zhes bya ba gzi brjid chen po dang mngon par shes pa dang ldan pa/ gzungs chen po thob pa/ ting nge 'dzin phun sum tshogs pa 'jigs pa med pa thob pa zhig 'dug pa stan las ladra nas/ bla gos phyogs gcig tu byas/ pus mo g.yas pa'i lha nga sa la btsugs te/ bcom ldan 'das la 'di skad ces gsol to// bcom ldan 'das kyi gsungs pa ltar/ sangs rgyas dang byang chub sems dpa' rnams kyi yon tan dang ye shes ni tshad ma mchis/ dpag tu ma mchis te/ bskal pa khri phrag brgya stong gi bar du'ang bshad kyis mi rdzogs shes bgyi ba bdag gis yid la bsams pa ltar/ theg pa chen po'i medo sde dang sbyar na de lta ma lags so// de ci'i slad du zhe na/ theg pa chen po shin tu rgyas pa'i mdo sde'i mthus/ sangs rgyas bcom ldan 'das rnams kyis bla na med pa yang dag par rdzogs pa'i byang chub de las 'byung zhing skye'o/ / de nas bcom ldan 'das kyis legs so legs so zhes bya ba byin nas/ rigs kyi bu de de bzhin no/ / de de bzhin te/ khyod kyis smras pa bzhin te/ de ltar theg pa chen po shin tu rgyas pa'i mdo sde yang / de ltar yon tan tshad med pa mtha' yas pa dang ldan mod kyi/ mdo sde de dag 'di'i dper yang mi bzod de/ brgya'i char yang mi bzod/ stong gi char yang mi bzod/ brgya stong gi char yang mi bzod pa nas/ rtsis sam/ grangs sam/ dpe'i bar du'ang mi bzod do// rigs kyi bu 'di lta ste/ dper na ba las 'o ma byung ste/ 'o ma las ni zho byung / zho las ni mar byung / mar las ni zhun mar byung / zhun mar las ni mar gyi snying po 'byung / mar gyi snying po zhes bya ba ni mchog dang phul du gyur pa ste/ gang ni gis 'thungs na nad rnams 'byang bar 'gyur te/ sman thams cad kyi nang du'ang 'gro'o// rigs kyi bu sangs rgyas bcom ldan 'das kyang de dang 'dra ste/ sangs rgyas las ni mdo sde bcu gnyis 'byung ngo // mdo sde bcu gnyis las ni mdo'i sde 'byung ngo / / mdo'i sde las ni shin tu rgyas pa'i mdo sde 'byung ngo // shin tu rgyas pa'i mdo sde las ni shes rab kyi pha rol tu phyin par byung ngo // shes rab kyi pha rol du phyin pa las ni yongs su mya ngan las 'das pa chen po/ / mar gyi snying po zhes bya ba ni sangs rgyas kyi rang bzhin gyi dpe'o// sangs rgyas kyis rang bzhin zhes bya ba ni de bzhin gshegs pa'o// rigs kyi bu de bas na de bzhin gshegs pa'i yon tan ni tshad med mtha' yas dpag tu med pa yin no/ / de nas byang chub sems dpa' 'od srungs kyis/ yang bcom ldan 'das la 'di skad ces gsol to// bcom ldan 'das de bzhin gshegs pas gsungs pa ltar/ yongs su mya ngan las 'das pa'i mdo ni mar gyi snying po ltar mchog tu gyur/ phul du gyur te/ gang zhig gis 'thungs na nad thams cad 'byang bar 'gyur la/ sman thams cad kyi nang du'ang 'gro'o zhes gsungs pa thos nas bdag 'di snyam du gyur to// gang mdo sde 'di ma nyan cing mi 'dod pa de ni shin tu'ang ga ti mug che ba ste/ dge ba'i sems ma mchis par 'tshal to// bcom ldan 'das bdag ni pags pa bshus te yi ge 'dri ba'i gzhir byas la/ khrag phyung ste snag tshar bya ba dang / rkang phyung ste chur bya ba dang / rus pa gzhogs te sbu gur byas la/ yongs su mya ngan las 'das pa'i mdo sde 'di 'bri bar bzod do// bris nas kyang klog pa dang / 'don pa dang / khong du chud par bya ba dang / gzhan la yang rgya cher ston cing 'chad kyang bzod do/ / bcom ldan 'das gal te sems can gang zhig longs spyod la chags par gyur na/ bdag gis de la sngar longs spyod byin te/ de'i 'og tu yongs su mya ngan las 'das pa chen po'i mdo sde 'di klog par bskul lo/ / gal te longs spyod chen po dang ldan pa zhig na sngar yid la 'dod pa'i gtam snyan pa byas te/ de'i 'og tu theg pa chen po yongs su mya ngan las 'das pa'i mdo sde 'di klog par bskul lo/ gal te ma rabs shig yin na'ang mthus nan gyis klog tu gzhug go// gal te nga rgyal can zhig yin na'ang bdag gis sngar yid bzhin du g.yog byas te/ shin tu dga' zhing mgu bar byas la/ de'i 'og tu yo su mya ngan las 'das pa'i mdo sde 'di bstan to/ / gal te shin tu rgyas pa'i mardo sde la skur pa zhig mchis na/ mthu stobs kyis gdul bar 'tshal lo// btul nas de'i 'og tu yongs su mya ngan las 'das pa'i mdo sde klog tu bzhug go/ / gal te theg pa chen po'i mdo sde la dad cing mos pa zhig na/ bdag de'i drung du mchis te/ shin tu bsti stang dang / rim gro dang / bkur sti dang / mchod pa dang / bstod pa bgyi'o// de nas bcom ldan 'das kyis/ byang chub sems dpa' 'od srungs la bka' stsal pa/ legs so legs so// khyod theg pa chen po'i mdo sde la shin tu mos pa dang / theg pa chen po'i mdo sde la shin tu dga' ba dang / theg pa chen po'i mdo sde 'dod pa dang / theg pa chen po'i mdo sde'i ro la dga' ba dang / theg pa chen po la shin tu dang pa dang / sti stang dang / bkur sti dang / mchod pa byed pa legs so/ / rigs kyi bu khyod kyis 'di ltar shin tu dge ba'i sems 'di'i rgyu dang / 'di'i rkyen gyis byang chub sems dpa' sems dpa' chen po tshad med mtha' yas pa klung gang+gA'i bye ma snyed las gong du 'phags te/ de dag pas sngar bla na med pa yang dag par rdzogs pa'i byang chub tu mngon par 'tshang rgya'o// khyod ni ring por mi thogs par 'khor gyi dkyil 'khor mang po la/ yongs su mya ngan las 'das pa'i mdo sde/ de bzhin gshegs pa'i sangs rgyas kyi rang bzhin dgongs te gsungs pa'i snying po ston cing 'chad par 'gyur ro// rigs kyi bu sngon 'das pa'i dus sangs rgyas kyi nyi ma ma shar ba de'i tshe de'i dus na nga bram zer gyur te byang chub sems dpa'i spyad pa spyod pa na/ mu stegs thams cad kyi mu stegs can gyi gtsug lag thams cad kyang khong du chud rab tu zhi bar spyod cing spyod lam dang ldan/ sems yongs su dag pas phyi rol gyi rkyen gyis 'dod pa'i 'du shes mi skye ste// zhe sdang gi me bsad nas rtag pa dang / bde ba dang / bdag dang / yongs su dag pa'i chos yid la bzung ste/ phyogs thams cad du theg pa chen po'i mdo sde btsal kyang / shin tu rgyas pa'i mong tsam yang ma thos so// nga de'i tshe na gangs kyi ri zhig la gnas te/ ri de shin tu dben la chu mig dang / 'bab chu dang / khrus kyi rdzing bu dang / skye shing dang / nags tshal dang / rtsa shing gis yongs su gang ste/ gnas de'i bar ba ra na brag las chu mig gtsang ma 'bab ste/ me tog bsung can gyis yongs su brgyan la/ bya dang ri dgas kyang dpag tu med do// de shin tu ro dang ldan pa'i 'bras bu'i shing rnam pa tha dad pa'ang dpag tu med la/ gzhan yang pad+mo'i rtsa ba dang rtsa ba dngar po dang / shing sngon po'i rtsa ba bsung can gyis yongs su gang ngo // nga de'i tshe de'i dus na gcig pu de na gnas te/ shing go'i bras bu 'ba' zhig za'o// zos nas sems rtse gcig tu ting nge 'dzin yid la byed de/ lo tshad med pa'i bar du de bzhin gshegs pa 'jig rten du 'byung ngo zhes kyang ma thos la/ theg pa chen po mdo sde'i ming yang ma thos so// rigs kyi bu de ltar dka' thub spyod pa na/ brgya byin lha'i dbang po dang / lha'i bu rnams shin tu ngo mtshar du gyur te 'dus nas/ so so nas 'di snyam du gyur te tshigs su bcad pa 'di smras so// gcig la gcig ni 'di skad ces rnam dag gangs kyi ri 'di la/ / rab zhi 'dod chags spangs pa'i bdag/ yon tan brgyad pa'i rgyal po'o// 'dod chags zhe sdang nga rgyal spangs// gti mug g.yo sbyar yongs su bcad ngag gi sgo nas mi smra ba/ / rtsub cing brlang ba'i tshig rnams so// de'i tshe 'khor de'i nang nas lha'i sras po rab tu dga' ba zhes bya ba zhig gis yang tshigs su bcad de smras pa/ de ltar 'dod chags spangs nas su/ / yongs dag brtson 'grus rab rtsom pa// brgya byin lha yi thabs 'dod dam// lha yi gnas su skye bar 'dod// ci ste mu stegs can yin na/ shin tu dka' thub spyad pa 'di/ / brgya byin lha yi dbang po yi// dbang dang thabs dag tshol phyir ro// de'i tshe gzhan yang lha'i sras po drang srong gcig ces bya bas// brgya byin la tshigs su bcad de gsol pa/ lha yi dbang po kauko'u shi ka/ de ltar the tshom bskyed mi rigs// mu stegs dka' thub spyod pa yang // brgya byin dbang po'i thabs mi tshol// tshogs su bcad pa de skad ces smras nas yang 'di skad ces gsol to// ko'u shi ka 'jig rten na skyes bu chen po dag ni sems can la phan pa'i phyir gyi/ bdag gi lus la chags pa'i phyir ma yin/ sems can la phan pa dang bde ba'i don gyi phyir dka' thub tshad med pa rnam pa sna tshos spyod do/ / skyes bu de 'khor ba'i skyon mang po mthong bas/ ci ste sa chen po 'di dang / r-i dang / rgya mtsho chen por rin po ches yongs su gang bar mthong yang mchil ma 'am/ ngar snabs ltar chags pa mi skyed do/ / de ltar skyes bu chen po de rin po che dang / longs spyod dang / chung ma dang / bu dang / mgo dang / mig dang / klad pa dang / lag pa dang / rkang pa dang / yan lag dang / nying lag dang gnas pa'i khang khyim dang / bal glang dang / rta dang / theg pa dang / zan pho dang / zan mo dang / las byed pa'i mi'ang yongs su spangs te/ mtho ris kyi lhar skye bar mi smon gyi/ sems can thams cad la phan pa dang bde ba'i don 'ba' zhig sbyor ro/ / bdag gis 'tshal ba ltar na/ skyes bu chen po de ni yongs su dag cing kun nas nyon mongs pa thams cad yongs su bcad nas/ bla na med pa yang dag par rdzogs pa'i byang chub 'ba' zhig tshol lo/ / brgya byin lha'i dbang pos yang 'di skad ces smras so// khyod kyis smras pa ltar/ drang srong chen po de 'jig rten dang bcas pa thams cad kyi skyabs su 'gyur pa yin la/ ci ste 'jig rten 'di ni sangs rgyas kyi shing chen po byung na/ 'jig rten du bcas pa lha dang / mi dang / lha ma yin la sogs pa thams cad kyi nyon mongs pa'i sbrul gdug pa sel bar 'gyur te/ sems can de dag sangs rgyas kyi skye shing gi grib ma la 'jug pas/ nyon mongs pa'i sbrul gdug pa thams cad rnam par sel bar 'gyur ro// drang srong chem de ma 'ongs pa'i dus su bde bar gshegs par 'gyur na lta/ bdag cag la sogs pa thams cad kyang shin tu 'bar ba'i nyon mongs pa dpag tu med pa zhi bar 'gyur te/ de ni shin du rang yid ches par dka' 'o/ / de ci'i phyir zhe na/ sems can tshad med pa brgya stong snyed bla na med pa yang dag par rdzogs pa'i byang chub tu sems bskyed par 'gyur la/ rkyen cung zad tsam gyis bla na med pa yang dag par rdzos pa'i byang chub las phyir ldog par 'gyur te/ dper na chu'i zla ba ltar rmu 'gul na zla ba'ang 'gul ba dang 'dra'o// yang dper na ri mo bris pa'i sku gzugs dang 'dra ste/ bya ba ni dka' la/ gzhig la ni slab ltar/ byang chub kyi sems kyang de dang 'dra ste/ bskyed ni dka' la/ ldog ni sla'o// rba' srong chen po dper na mi zhig go mtshon dang shin tu chas te g.yul ngor phyin nas dgra dang phrad ma thag tu 'jigs nas phyir ldog pa dang 'dra ba ra/ sems can thams cad kyang de dang 'dra bar byang chub tu sems bskyed pa'i go mtshon gyis yongs su brgyan nas/ 'khor ba'i skyon mthong ma thag tu 'jigs pa skyes nas phyir ldog par 'gyur ro// de bas na ngas skyes bu de nyon mongs dang gdung ba med par dka' bar spyod de/ spyod pa yongs su dag par mthong mod kyi/ 'on kyang yid mi ches kyis/ de'i rgan du nye bar song la/ skyes bu de bla na med pa yang dag par rdzogs pa'i byang chub phrag pa la bkur nus sam mi nus pa rtog dgos so/ / dper na shing rta la phang lo gnyis yod na spyad du rung ba dang / bya la 'dab ma gnyis yod na 'phur shes pa dang 'dra bar/ dka' thub spyod pa'ang de dang 'dra ste/ shin tu tshul khrims sdom par ni ngas kyang mthong na/ shin tu zab mo'i ye shes yod dam med pa brtag dgos so// ci ste shin tu zab mo'i ye shes yod na/ bla na med pa yang dag par rdzogs pa'i byang chub kyi khur lci ba phrag pa la khyer nus so/ / zang srong dper na nya mo lta bu phrug gu mngal na ni rab tu mang mod kyi/ phrug gur 'gyur ba ni nyung ngo // dper na shing 'bra'ang me tog ni shin tu mang yang / 'bras bur 'gyur pa ni nyung ngo // sems can byang chub tu sems bskyed pa'ang tshad med mod kyi/ tha mar 'bras bur gyur pa ni shin tu'ang nyung ngo // drang srong chen po bdag cag 'grogs te/ skyes bu de gang na bar rtog tu 'dong ngo // zang srong dper na gser yang dag par yang rnam pa gsum gyi sgo nas brtags na/ yang dag pa yin nam ma yin pa rtogs so// 'di lta ste/ bsreg pas brdung ba dang / brdar ba'i sgo nas brtag pa'o// dka' thub spyod pa'ang de dang 'dra'o zhes smras nas/ de'i tshe brgya byin lha'i bdag gis lus srin po'i lus shin tu 'jigs su rung ba zhig tu sprul nas/ gangs kyi ri la btab ste ha cang yang mi ring ba na 'dug nas/ de'i tshe srin po de'ang mi 'jigs pa'i sems dang / shin tu spobs pa'i skad gsang bas/ 'das pa'i sangs rgyas rnams kyis gsungs pa'i tshigs su bcad pa phyed po 'di smras so// kye ma'o 'du byed rtag pa med/ skye zhing 'gog pa'i chos can yin/ tshigs su bcad pa phyed po 'di smras nas/ de'i drung du 'dug ste/ shin tu 'jigs su rung ba'i gzugs mngon par bstan nas/ mig bgrang de phyogs bani kun tu bltas so/ / de'i tshe dka' thub spyod pa des tshigs su bcad pa phyed po 'di thos nas/ rab tu dga' ba'i sems skyes pa ni/ dper na tshor ba shin tu nyam nga ba'i gsang sar mtshan mo song song grogs stor nas shin tu 'jigs te/ grogs dang phrad pa tsam du shin tu dga' mgu rangs pa tshad med pa skyes so// gzhan yang dper na nad yun ring pos btab pa zhig sman pa mkhas pa dang phrad de/ sman bzang pos gsos pa tsam mam/ dper na rgya mtshor lhung ba las gzings dang phrad pa tsam mam/ shin du skom gyis gdungs pa zhig chu zang mo dang phrad pa 'am/ dgras bdas pa las shor ba tsam mam/ yun ring po btson du bzung ba las thar pa tsam mam/ zhing pa than chen byung ba las char pa bab pa tsam mam/ 'gron po lam ring po lam ring por 'gron du song ba'i phyir 'khor ba tsam du thos nas shin tu dka' ba chen po skyes so/ / rigs kyi bu nga de'i tshe tshigs su bcad po phyed po de thos nas shin tu dga' ba'ang de dang 'dra ste/ 'dug pa las langs nas lag pas skra bteg ste phyogs bzhir bltas nas 'di skad ces smras so/ / da ci tshigs su bcad pa smras pa 'di su yin zhes bltas na/ gzhan ni mi snang gi/ srin po 'ba' zhig mthong nas/ yang 'di skad ces smras so/ / 'di ltar rnam par grol ba'i sgo 'byed pa 'di su yin/ sangs rgyas rnams kyi gsung dbyangs kyi 'brug sgra sgrogs pa 'di su yin/ 'khor ba'i gnyid kyis shin tu log pa 'di las sad par byed pa 'di su yin zhes smras so/ / yang 'di skad du 'khor ba na shin tu mu ges gdungs pa'i sems can rnams la bla na med pa'i byang chub kyi ro ston pa 'di su yin// sems can tshad med pa 'khor ba'i rgya mtshor dring ba las gru chen po 'dzin pa 'di su yin/ sems can mang mnyon mongs pa'i nad kyis shin tu gzir ba las nad gso ba'i na par gyur te/ sman mkhas par 'a gyur pa 'di su yin/ tshigs su bcad pa phyed po 'di smras pas/ bdag gi sems bskul te/ ji ltar zla ba phyed pos pad+mo bags kyis phye ba ltar gyur to zhes smras so// rigs kyi bu nga de'i tshe de'i dus na gzhan ci'ang ma mthong gi/ srin po 'ba' zhig mthong bas/ yang 'di snyam du tshigs su bcad pa 'di srin pos ma smras sam snyam sems par gyur to// yang 'di snyam du sems te/ 'dis smras pa ni ma yin pa snyam/ de ci'i phyir zhe na/ 'di ltar byed gzugs shin tu mi sdug la 'jigs su rung ba ni 'di lta bur mi 'gyur ba'i phyir ro// gang gis tshigs su bcad pa 'di thos nas/ 'jigs su rung ba'i mi sdug pa thams cad dang bral ba'i rigs te/ ci'i phyir ne na/ 'di lta bu byad gzugs can gyis 'di skad du tshigs su bcad pa smos par 'gyur/ de ni me'i nang nas pad+mo skye mi srid la/ nyi mas gdungs pa'i 'od las chu zang mo 'byung mi srid snyam sems par gyur te/ rigs kyi bu nga yang de'i tshe na 'di snyam du/ bdag ni shin tu shes pa med pa ste/ gal te na srin po 'dis sngon 'das pa'i sangs rgyas dang phrad do/ / sangs rgyas las tshigs su bcad pa phyed po 'di thos sam sus shes/ tshigs su bcad pa phyed po don 'di 'dri bar bya'o snyam du bsams nas/ srin po de la bsnyen te 'di skad ces smras so/ / legs so skyes bu chen po khyod ston 'das pa'i 'jigs pa dang thal bas gsungs pa'i tshigs su bcad pa phyed po 'di su las thos// skyes bu chen po sed bzhin gyi nor bu rin po che phyed po 'digs rnyed/ skyes bu chen po'i tshigs su bcad pa phyed po'i don 'di ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das thams cad yang dag pa'i lam yin te/ 'jig rten na gnas pa'i sems can tshad med pa ni rtag tu lta ba'i dra bas kun tu klags pas/ nam du'ang mu stegs can gyi chos las 'jig rten las 'das pa/ stobs bcu dang ldan pa'i shin tu dpa' bas gsungs pa'iri stong pa nyid kyi don 'di mi thos so/ rigs kyi bu ngas de la 'di skad ces dris pa dang / phyir nga la 'di skad ces smras so// bram ze chen po khyod nga la 'di skad ces ma 'bri zhig/ de ci'i phyir zhe na/ kho bo zas ma rnyed pas zhag mang du lon te/ gnas kun tu btsal kyang ma rnyed pas bkres pa dang skom pas yongs su gdungs te/ sngar smras pa'ang myos bzhin du smras par zad kyi/ dran pa bzhin nam/ shes bzhin du smras pa ni ma yin te/ gal te bdag gis mthu stobs kyi nam mkha' la 'phur te byang gi sgra mi snyan du phyin nas/ lha'i gnas kyi bar du phyin kyang / bdag gi zas mi rnyed pas/ de skad ces smras pa yin no// rigs kyi bu ngas de'i tshe na srin po de la 'di skad ces smras so/ / skyes bu chen po gal te khyod kyis nga la tshigs su bcad pa 'di rdzogs par smras na/ bdag tshe gcig tu khyod kyis slob mar dam bca' 'o// skyes bu chen po khyod kyis smras pa 'di ni tshag kyang ma rdzogs/ don kyang ma rdzogs na/ khyod ci'i phyir rdzogs par mi smra/ zang zang gis sbyin pa ni rdzogs pa'i mtha' yod kyi chos kyi sbyin pa ni rdzogs pa'i mtha' med do// rdzogs pa'i mtha' med mod kyi/ phan pa dang bde ba'i don shin tu che'o// bdag gis tshigs su bcad pa phyed po 'di thos nas/ ngo mtshar du the tsom du gyur kyis/ tshigos su bcad pa 'di rdzogs par smras te/ bdag gis the tsom bcang na tshe gcig tu khyod kyis slob ma bya'o zhes smras so/ / srin pos smras pa/ khyod kyi shes pa ni lhag ches pas/ khyod bdag gi don ni cher 'dzin gyi/ kho bo bsam pa ni sems pa lta/ kho bo ni shin tu bkres pas gdungs nas smra mi phod do/ / ngas yang de la 'di skad ces smras so// khyod kyi zas su ci zhig za zhes dris na/ srin po des smras pa/ khyod nga la ma 'dri zhig/ ci ste ngas smras na/ mi mang po dag shin tu skrag par 'gyur ro/ / ngas yang de la 'di skad ces dris so// yul stong pa 'dir mi su'ang med la/ nga ni khyod la mi 'jigs na/ ci'i phyir mi smras/ srin po des smras pa/ kho bo zas su ni ma'i sha rjen pa dang khrag drong mo 'thung ste/ kho bo ni bsod nams chung bas zas su 'di lta bu za'ang gnas thams cad du ma rnyed do// 'jig rten ni ma dag pa shin tu mang mod kyi/ thams cad bsod nams dang ldan pa sha stag la lhas kyang bsrungs pas na/ bdag ni de dag gsod cing za ba'i mthu med do nas smras so// rigs kyi bungs de la 'di skad ces smras so// khyod tshigs su bcad pa 'di don dang bcas pa rdzogs par spros shig dang / nga'i lus 'di khyo pa yongs su gtang bar bya'o/ / skyes bu chen po ci ste kho bo lus 'di shin du 'ang cir yang dgos pa med kyi/ stag dang / spyang ki dang / 'phar ba dang / bya rgod dang / byan lag dang / khwa la sogs pa za bar 'gyur te/ sU phyag ma gcig tsam gi bsod nams kyang skye bar mi 'gyur gyi/ bdag ni bla na med pa yang dag par rdzogs pa'i byang chub tshol ba'i phyir/ snying po med pa'i lus 'dis snying po dang bcas pa'i lus su gyur cig ces smras so// srin po des yang 'di skad ces smras so/ / khyod 'di skad du smra ba 'di yi ge 'bru brgyad po'i phyir lus yongs su btang ngo zhes smras pa 'di su dag gis yid ches par 'gyur/ rigs kyi bung de'i tshe na/ de la yang 'di skad ces smras so// khyod ni yang dag par shes pa med pa ste/ dper na mi zhig kham por thogs te/ rin po che sna bdun gyi snod dang brjes pa dang 'dra bar/ bdag kyang snying po med pa'i lus 'dis rdo rje lta bu'i lus 'thob par 'gyur na/ 'di skad ces smras pa 'di la/ sus yid ches par 'gyur zhes bya ba ni kho bo'i dbang du tshangs pa chen po'i rgyal po dang / brgya byin lha'i dbang phyug dang / rgyal chen bzhi'i rgyal po la sogs pa dbang du yod do// de ma yin pa gzhan yang byang chub sems dpa' 'phrul gyi mig can/ / sems can tshad med pa la phan pa dang bde ba'i don gyi phyir theg pa chen po la nan byed cing / pha rol tu phyin pa drug dang ldan pa'ang dbang du 'gyur ro// de ma yin pa gzhan yang phyogs bsu'i 'jig rten gyi khams na da ltar bzhugs pa'i sangs rgyas bcom ldan 'das da ltar sems can gyi don du 'tsho zhing skyong ba rnams kyang / bdag ni dbang du 'gyur te/ bdag ni yi ge'i 'bru brgyad po'i phyir lus 'di yongs su @gtong ngo / / srin pos smras pa/ kyi ste khyod de ltar lus yang dag par gtong bod na/ shin tu legs par nyon cig/ tshigs su bcad pa 'di'ang bstan par bya'o// rigs kyi bungs de'i tshe skad ces thos nas/ sems rab tu dkar ba skyes te/ lus la ljon pa'i sha lpags kyi gos bud nas srin po'i sbyin du bting ste/ slob dpon gdan la bzhugs su gsol zhes spras nas/ thal mo sbyar te pus mo sa la btsus nas 'di skad ces smras so/ / slob dpon tshigs su bcad pa phyed po 'di bstan du gsol zhes smras nas/ de nas srin pos tshigs su bcad pa phyed po gsungs so// skyes nas 'gog par 'gyur bas na/ de dag nye bar zhi ba bde/ de'i tshe srin po des tshigs su bcad pa des smras nas/ yang 'di skad ces zer ro// byang chub sems dpa' sems dpa'achen po khyod tshigs su bcad pa'i don rdzogs par thos nas/ khyod kyis smon lam yongs su rdzogs mod/ ci ste khyod nges par sems can la phan pa dang bde ba'i don spyod pa la yang dag pa yin zhe na/ da nga la lus sbyin pa'i dus la bab bo zhes smras so// rigs kyi bu nga de'i tshe de'i dus na/ 'od shin du yid la bas nas/ de'i 'og tu zag dang / rtsig ngos dang / shing dang / lam kha kun tu tshigs su bcad pa 'di bris nas lus kyi sha mi snang bar bya ba'i phyir lus la gyon pa'i gos bsdams nas shing khar 'dzegs so// de'i tshe shing de'i lhas nga la 'di skad ces drisaso// legs so legs so// skyes bu chen po khyod de lta ci zhig byed snyam du sems/ rigs kyi bu ngas de'i tshe na de la 'di skad ces smras so// kho bo ni lus 'di yongs su gtang ste/ tshogs su bcad pa thos pa'i drin bsab snyam sems so// shing gi lha des smras pa/ tshigs su bcad pa de thos nas phan pa'i don ci yod ces smraso// byang chub sems dpa' des smras pa/ tshigs su bcad pa 'di ni 'das padang ma 'ongs pa dang / da ltar bzhugs pa'i sangs rgyas bcom ldan 'das rnams kyi stong pa nyid 'byed pa'i chos yin te/ nga ni chos 'di'i phyir lus yongs su gtong ngo // rnyed pa dang / grags pa dang / longs spyod dang / rin po che dang / 'khor los sgyur ba'i rgyal po dang / rgyal chen ris bzhi'i rgyal po dang / brgya byin lha'i dbang phyug dang / tshangs pa chen po'i rgyal po dang / lha dang mi'i bde ba 'thob pa'i phyir ma yin gyi/ sems can thams cad la phan pa dang bde ba'i don gyi phyir lus 'di yongs su btang ngo // rigs kyi bu nga'i lus 'di yongs su gtong ba'i tshe'ang 'di skad ces smras so/ / ji tsam du ser sna la gnas pa'i sems can dag/ bdag gis lus yongs su btang ba 'di mthong na sbyin pa la gnas par 'gyur pa dang / gang sbyin pa la zhes pa nga rgyal gyis mngon par zin pa dag kyang / bdag gis 'di ltar lus yongs su btang ba 'di mthong bar shog cig ces smon lam btab nas/ lus 'di mchil ma 'am/ sa rdo ltar yongs su btang ngo // byang chub sems dpas de'i tshe na de skad ces smras ma thag tu shing kha nas mchongs so// de'i tshe de'i dus ni steng gi bar snang las sgra skad rnam pa sna tshogs byung nas/ srid pa'i rtse mo la thug gi bar du grags par gyur to// de'i tshe do'i dus na srin po de phyir brgya byin gyi lus su bsgyur nas/ byang chub sems dpa' sa'am byung bar blangs te bde bar gzhag ko de'i tshe brgya byin lha'i dbang phyug dang / lha'i sras po dang / tshangs pa chen po'i rgyal por bcas te/ byang chub sems dpa'i rkang pa la spyi bos phyag 'tshal nas 'di skad ces smras so// legs so legs so// byang chub sems dpa' yang dag pa ste/ sems can tshad med pa la phan pa dang bde ba'i don du gyur pa/ ma rig pa'i mun pa chen por chos chen po'i sgron ma snang bar byed pa/ bdag ni de bzhin gshegs pa'i chos chen po bsrung zhing bskyab pa'i phyir khyod kyis sems 'khrugs shing gnod pa byas pa dag 'gyod cing 'thol lo/ / khyod ni ma 'ongs pa'i dus su nges par bla na med pa yang dag par rdzogs pa'i byang chub mngon par 'tshang rgya ba na/ bdag cag kyang bsgral bar smon to/ / de'i tshe brgya byin lha'i dbang phyug dang / lha'i sras po rnams byang chub sems dpa' la phyag 'tshal nas mi snang bar gyur to// rigs kyi bu nga sngon tshigs su bcad pa byed kyi phyir yang lus yongs su btang ste de'i rgyu de'i rkyen gyis bskal pa bcu gnyis kyis byams pa bas/ sngar bla na med pa yang dag par rdzogs pa'i byang chub tu mngon par sangs rgyas so// rigs kyi bu ngas de ltar tshad med pa'i yon tan thob pa'ang de bzhin gshegs pa'i yang dag pa'i chos la mchod pa'i dbang gis so/ / rigs kyi bu khyod kyang de dang 'dra ste/ bla na med pa yang dag par rdzogs pa'i byang chub tu sems bskyed pas/ byang chub sems dpa' tshad med mtha yas pa klung kang+gA'i bye ma snyed pas shin tu 'phags te phul du gyur to/ / rigs kyi bu de lta na byang chub sems dpa' theg pa chen po yongs su mya ngan las 'das pa la gnas pa na/ 'phags pa'i spyad pa spyod pa zhes bya'o/

CLOSE WINDOW