Ar+ya b+ha dra tsar+ya pra ni d+ha na rA dza/ bod skad du/ 'phags pa bzang po spyod pa'i smon lam gyi rgyal po/ 'jam dpal gzhon nur gyur pa la phyag 'tshal lo// ji snyed su dag phyogs bcu'i 'jig rten na/ dus gsum gshegs pa mi yi seng ge kun/ bdag gis ma lus de dag thams cad la// lus dang ngag yid dang bas phyag bgyi'o// bzang por spyod pa'i smon lam stobs dag gis// rgyal ba thams cad yid kyis mngon sum du/ / zhig gi rdul snyed lus rab btud pa yis// rgyal ba kun la rab tu phyag 'tshal lo// rdul gcig steng na rdul snyed sangs rgyas rnams// sangs rgyas sras kyi dbus na bzhugs pa dag de ltar chos kyi dbyings rnams ma lus par/ / thams cad rgyal ba dag gis gang bar mos// de dag bsngags pa mi zangad rgya mtsho rnams// dbyangs kyi yan lag rgya mtsho'i sgra kun gyis// rgyal ba kun gyi yon tan rab brjod cing / bde bar gshegs pa thams cad bdag gis bstod// me tog dam pa 'phreng ba dam pa dang // sil snyan rnams dang byug pa gdugs mchog dang // mar me mchog dang bdug spos dam pa yis// rgyal bde dag la ni mchod par bgyi/ / na bza' dam pa rnams dang dri mchog dang // phye ma'i phur a ri rab mnyam pa dang // bkod pa khyad par 'phags pa'i mchog kun gyis// rgyal ba de dag kun la mchod par bgyi// mchod pa gang rnams bla med rgya che ba// de dag rgyal ba thams cad la yang mos// bzang po spod la dad pa'i stobs ngag gis// rgyal ba kun la phyag 'tshal mchod par bgyi// 'dod chags zhe sdang gti mug dbang gis na/ / lus dang ngag dang de bzhin yid kyis kyang // sdig pa bdag gis bgyis pa ci mchis pa// de dag thams cad bdag gis so sor bshags// phyogs bcu'i rgyal ba kun dang sangs rgyas sras// rang rgyal rnams dang slob dang mi slob dang / / 'gro ba kun gyi bsod nams gang la yang // de dag kun gyi rjes su bdag yi rang // gang rnams phyogs bcu'i 'jig rten sgron ma dag/ byang chub rim par sangs rgyas ma chags brnyes/ / mgon po de dag bdag gis thams cad la// 'khor lo bla na med par bskor bar bskul// mya ngan 'das ston gang bzhed de dag la// 'gro ba kun la phan zhing bde ba'i phyir// bskal pa zhing gi rdul snyed bzhugs par yang / / bdag gis thal mo rab sbyar gsol bar bgyi// phyag 'tshal ba dang mchod cing bshags pa dang // rjes su yi rang bskul zhing gsol ba yi// dge ba cung zad bdag gis ci bsags pa// thams cad bdag gis byang chub phyir bsngo'o/ / 'das pa'i sangs rgyas rnams dang phyogs bcu yi// 'jig rten dag na gang bzhugs mchod par gyur// gang yang ma byon de dag rab myur bar/ / bsam rdzogs byang chub rim par sangs rgyas spyon// phyogs bcu gang+gA'i zhing rnams ji snyed pa// de dag rgya cher yongs su dag par gyur// byang chub shing dbang drung gshegs rgyal ba dang / sangs rgyas sras kyis rab tu gang bar shog/ phyogs bcu'i sems can gang rnams ji snyed pa// de dag rtag tu nad med bde bar gyur// 'gro ba kun gyi chos kyi don rnams ni// 'thun par gyur cing re ba'ang 'grub par shog/ byang chub spyod pa dag ni bdag spyod cing // 'gro ba kun tu skye ba dran par gyur// tshe rabs kun tu 'chi 'pho skye ba na// rtag tu bdag ni rab tu 'byung bar shog/ rgyal ba kun gyi rjes su slob gyur te// bzang po spyod pa yongs su rdzogs byed cing / / tshul khrims spyod pa dri med yongs dag par// rtag tu ma nyams skyon med spyod par shog/ lha yi skad dang klu dang gnod sbyin skad// grul bum dag dang mi yi skad rnams dang / 'gro ba kun gyi skad rnams ji tsam par// thams cad skad du bdag gis chos bstan to// des shing pha rol phyin la rab brtson te// byang chub sems ni nam yang brjed ma gyur// sdig pa gang rnams sgrib par gyur pa dang / / de dag ma lus yongs su byang bar shog/ las dang nyon mongs bdud kyi las rnams las// grol zhing 'jig rten 'gro ba rnams su yang // ji ltar pad+mo chus mi chags pa bzhin/ zla nam mkhar thogs pa med ltar sprad// zhing gi khyon dang phyogs rnams ji tsam par// ngan song sdug bsngal ma lus zhi bar byed// bde ba dag la 'gro ba kun bkod cing // 'gro ba thams cad la ni phan par spyad/ / byang chub spyod pa yongs su rdzogs byed cing // sems can dag gi spyod dang 'thun par 'jug/ bzang po spyod pa dag ni rab ston cing // ma 'ongs bskal pa kun tu spyod par gyur// bdag gi spong dang mtshungs par gang spyod pa/ / de dag dang ni rtag tu 'grogs par shog/ lus dang ngag rnams dang ni sems kyis kyang // spyod pa dag dang smon lam gcig tu spyod// bdag la phan par 'dod pa'i grogs po dag/ bzang po spyod pa rab tu ston pa rnams// de dag dang yang rtag tu phrad par shog/ de dag bdag gis nams kyang yid mi 'byung // sangs rgyas sras kyis bskor ba'i mgon po rnams// mngon sum rtag tu bdag gis rgyal bar blta// ma 'ongs bskal pa kun tu mi skyo bar// de dag la yang mchod pa rgya cher bgyi// rgyal ba rnams kyi dam pa'i chos 'dzin cing // byang chub spod pa kun tu snang bar byed/ / bzang po spyod pa rnam par sbyong ba yang // ma 'ongs bskal pa kun tu spyad par bgyi// srid pa thams cad du yang 'khor ba na// bsod nams ye shes tshogs ni mi zad rnyed// thabs dang shes rab ting 'dzin rnam thar dang / / yon tan kun gyi mi zad mdzod du gyur// rdul gcig steng na rdul snyed zhing rnams te// zhing der bsam gyis mi khyab sangs rgyas rnams// sangs rgyas sras kyi dbus na bzhugs pa la/ / byang chub spyad pa spyod cing blta bar bgyi// de ltar ma lus thams cad phyogs su yang // skra tsam khyon la dus gsum tshad snyed kyi// sangs rgyas rgya mtsho zhing rnams rgya mtsho dang / / bskal pa rgya mtshor spyod cing rab tu 'jug/ gsung gcig yan lag rgya mtsho'i sgra skad kyis// rgyal ba kun dbyangs yan lag rnam dag pa// 'gro ba kun gyi bsam pa ji bzhin dbyangs/ / sangs rgyas gsung la rtag tu 'jug par bgyi// dus gsum gshegs pa rgyal ba thams cad dag/ 'khor lo'i tshul rnams rab tu bskor ba yi// de dag gi yang gsung dbyangs mi zad la/ / blo yi stobs kyis bdag kyang rab tu 'jug/ ma 'ongs bskal par thams cad 'jug par yang // skad cig gcig gis bdag kyang rab tu 'jug/ gang yang bskal pa dus gsum tshad de dag/ skad cig cha shas kyi ni zhugs par spyad// dus gsum gshegs pa mi yi seng ge dag/ de dag skad cig gcig la bdag gis blta// rtag tu de dag gi ni spyod yul la// sgyu mar gyur pa'i rnam thar stobs kyis 'jug/ gang yang dus gsum dag gi zhing gi rgyan// de dag rdul gcig steng du mngon par bsgrub// de ltar ma lus phyogs rnams thams cad du// rgyal ba rnams kyi zhing gi rgyan la 'jug/ gang yang ma byon 'jig rten sgron ma rnams// de dag rim par 'tshang rgya 'khor lo bskor/ mya ngan 'das pa rab tu ni mtha' ston// mgon po kun gyi drung du bdag mchi'o// kun tu mur ba'i rdza 'brel stobs rnams dang / / kun nas sgo yi theg pa'i stobs dag dang // kun tu yon tan spyod pa'i sto rnams dang // kun tu khyab pa byams pa dag gi stobs// kun tu dge ba'i bsod nams stobs rnams dang / / chags pa med par gyur pa'i ye shes stobs// shes rab thabs dang ting 'dzin stobs dag gis// byang chub stobs rnams yang dag sgrub par byed// las kyi stobs rnams yongs su dag byed cing / / nyon mongs stobs rnams kun tu 'joms par byed// bdud kyi stobs rnams stobs med rab byed cing // bzang po spyod pa'i stobs ni rdzogs par bgyi// zhing rnams rgya mtsho rnam par dag byed cing / / sems can rgya mtsho dag ni rnam par sgrol// chos rnams rgya mtsho rab tu mthong byas nas// ye shes rgya mtsho rab tu rtogs par byed// spyod pa rgya mtsho rnam par dag byed cing // smon lam rgya mtsho rab tu rdzogs par byed/ / sangs rgyas rgya mtsho rab tu mchod byed cing // bskal pa rgya mtshor mi skyo spang bar bgyi// gang yang dus gsum gshegs pa'i rgyal ba yi// byang chub spyod pa'i smon lam bye brag rnams/ / bzang por spyod pas byang chub sangs rgyas nas// de kun bdag gis ma lus rdzogs par bgyi// rgyal ba kun gyi sras kyi thu bo pa// gang gi ming ni kun tu bzang zhes bya// mkhas pa de dang mtshungs par spyad pa'i phyir/ / dge ba de dag thams cad rab tu bsngo// lus dang ngag dang yid kyang rnam dag cing // spyod pa rnam dag zhing rnams yongs dag pa// bsngo ba bzang po mkhas pa ci 'dra bar/ / de 'drar bdag kyang de dang mtshungs par shog/ kun nas dge ba bzang po spyad pa'i phyir// 'jam dpal gyi ni smon lam spyad par bgyi// ma 'ongs bskal pa rnam su mi skyo bar/ / de yi bya ba ma lus rdzogs par bgyi// spyod pa dag ni tshad yod ma gyur cig/ yon tan rnams kyang tshad bzung med par shog/ spyod pa tshad med pa la gnas nas kyang // de dag 'phrul pa thams cad 'tshal bar bgyi/ / nam mkha'i mthar thug gyur pa ji tsam pa// sems can ma lus mtha' yang de bzhin te// ji tsam las dang nyon mongs mthar gyur pa// bdag gi smon lam mtha' yang de tsam mo/ / gang yang phyogs bcu'i zhing rnams mtha' yas pa// rin chen brgyan te rgyal ba rnams la phul// lha dang mi yi bde ba'i mchog rnams kyang // zhing gi rdul snyed bskal par phul babs// gang gis bsngo ba'i rgyal po 'di thos nas/ / byang chub mchog gi rjes su rab mos shing // lan cig tsam yang dad pa bskyed pas ni// bsod nams dam pa'i mchog tu 'di 'gyur ro// gang gis bzang sprod smon lam 'di btab pas/ / des ni ngan song thams cad sbyangs par 'gyur// des ni grogs po ngan pa spangs pa yin// snang ba mtha' yas de yang des myur mthong // de dag rnyed pa rab rnyed bde bar 'tsho// mi tshe 'dir yang de dag legs par 'ongs/ / kun tu bzang po de yang ci 'dra bar// de dag ring por mi thogs de bzhin 'gyur// mtshams med lnga po dag gi sdig pa rnams// gang gis mi shes dbang gis byas pa dag/ de yis bzang spyod smon lam 'di brjod na// myur du ma lus yongs su byang bar 'gyur// ye shes dang ni gzugs dang mtshan rnams dang // rigs dang kha dog rnams dang ldan par 'gyur// bdud dang mu stegs mang pos de mi thug/ 'jig rten gsum po kun na'ang mchod par 'gyur// byang chub shing dbang drung du de myur 'gro// song nas sems can phan phyir de 'dug ste// byang chub sangs rgyas 'khor lo rab tu bskor// bdud rnams sde dang bcas pa thams cad 'dul// gang yang bzang po spyod pa'i smon lam 'di// 'chang ba dang ni ston tam klog pa yi// de yi rnam par smin pa sangs rgyas mkhyen// byang chub mchog la som nyi ma byed cig/ 'jam dpal dpa' bos ji ltar mkhyen pa dang // kun tu bzang po de yang de bzhin te// de dag gi ni rjes su bdag slob cing // dge ba 'di dag thams cad rab tu bsngo// dus gsum gshegs pa rgyal ba thams cad kyis/ / bsngo ba gang la mchog tu bsngags pa des// bdag gi dge ba'i rtsa ba 'di kun yang // bzang po spyod phyir rab tu bsngo bar bgyi// bdag ni 'chi ba'i dus byed gyur pa na// sgrib pa thams cad dag ni phyir bsal te/ mngon sum snang ba mtha' yas de mthong nas// bde ba can gyi zhing der rab tu 'gro// der song nas ni smon lam 'di dab kyang // thams cad ma lus mngon sum 'gyur par shog/ de dag ma lus bdag gi yongs su bskang // 'jig rten ji srid sems can phan par bgyi// rgyal ba'i dkyil 'khor bzang zhing dga' ba der// pad+mo dam pa shin tu mdzes las skyes// snang ba mtha' las rgyal bas mngon sum du/ / lung bstan pa yang bdag gis der thob shog/ der ni bdag gis lung bstan rab thob nas// sprul pa mang po bye ba phrag brgya yis// blo yi stobs kyis byos/ bcu rnams su yang // sems can rnams la phan pa mang po bgyi// bzang po spyod pa'i smon lam ton pa yi// dge ba bcu zad bdag gis ci bsags pa// des ni 'gro ba'i smon lam dge ba rnams// skad cig gcig la thams cad 'byor par shog/ gang yang bzang spyod smon lam ton pa yi// bsod nams mtha' yas dam pa thob pa des// 'gro ba sdug bsngal chu bor bying ba rnams// 'od dpag med pa'i gnas rab thor bar shog/ 'phags pa bzang po spyod pa'i smon lam gyi rgyal po rdzogs so// / rgya gar skad du/ Ar+ya mai tri pra Ni d+ha na/ bod skad du/

CLOSE WINDOW