/ rgya gar skad du/ Ar+ya nand mi tra a ba d+hA ra Na ma nA ma/ bod skad du/ 'phags pa dga' ba'i bshes gnyen gyi rtogs pa brjod pa zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag cag gis thos te/ bcom ldan 'das mya ngan las 'das nas lo brgyad brgya lon par gyur pa na/ de'i tshe de'i dus na yul shi be gzhes bya ba na/ grong khyer byin gyis brlabs pa zhes bya ba yod de/ de na rgyal po rigs pa'i se zhes bya ba gnas so// de'i tshe rgyal po rigs pa'i sde'i yul na dge slong dga' ba'i bshes gnyen zhes bya ba rnam par thar pa brgyad la bsam gtan dang / mngon par shes pa drug dang ldan pa/ rdzu 'phrul che ba/ mthu che ba/ dpag tshad brgya stong phrag du ma pa sems can rnams las tha na grog ma dang / ku ta yi yang sems can spyod pa shes pa zhig gnas te/ de yongs su mya ngan las 'da' ba'i dus kyi tshe/ dge slong gi dge 'dun 'dus pa las bcom ldan 'das kyis lung bstan pa bshad de/ 'di ltar dge slong rnams the tsom skyes nas dris pa/ gnas brtan yun ji snyed cig gi bar du bcom ldan 'das shAkya thub pa'i dam pa'i chos gnas par 'gyur/ des smras pa bzhin bzang dag dogs pa med kyis mya ngan dang smre sngags ma 'don cig/ ci'i phyir zhe na/ bcom ldan 'das yongs su mya ngan las 'das pa'i dus kyi tshe/ gnas brtan chen po bcu drug gi lag tu dam pa'i chos gtad par gyur te/ sbyin bdag dang sbyin pa po'i sbyin pa yongs su dag par bya ba'i phyir ro// de skad ces smras pa dang / gnas brtan dga' ba'i bshes gnyen la/ dge slong dag gis 'di skad ces smras so/ / gnas brtan bdag cag gis gnas brtan de dag gi mtshan yang mi 'tshal lo// gnas brtan gyis smras pa/ tshe dang ldan pa dag gnas brtan dang po'i mtshan ni ba ra dA tsa bsod snyoms len zhes bya'o/ / gnas brtan gnyis pa'i mtshan ni gser bu zhes bya'o// gnas brtan gsum pa'i mtshan ni ba ra dA tsa zhes bya'o// gnas brtan bzhi pa'i mtshan ni mi phyed pa zhes bya'o// gnas brtan lnga pa'i mtshan ni shing shun can zhes bya'o/ / gnas brtan drug pa'i mtshan ni bzang po zhes bya'o// gnas brtan bdun pa'i mtshan ni nag po zhes bya'o// gnas brtan brkyang ba'i mtshan ni bad sa'i bu zhes bya'o/ / gnas brtan dgu pa'i mtshan ni ba lang skyong zhes bya'o// gnas brtan bcu pa'i mtshan ni lam pa zhes bya'o// gnas brtan bcu gcig pa'i mtshan ni sgra gcan 'dzin ces bya'o// gnas brtan bcu/ gnyis pa'i mtshan ni klu sde zhes bya'o// gnas brtan bcu gsum pa'i mtshan ni zur gyis shes zhes bya'o// gnas brtan bcu bzhi pa'i mtshan ni nags na gnas pa zhes bya'o// gnas brtan bco lnga pa'i mtshan ni ma pham pa zhes bya'o/ / gnas brtan bcu drug pa'i mtshan ni gtsug gi lam zhes bya'o// gnas brtan de dag ni rig pa gsum dang ldan pa/ sde snod gsum pa/ khams gsum pa'i 'dod chags dang bral ba/ rdzu 'phrul gyi stobs kyis tshe byin gyis brlabs te bsrungs nas/ bcom ldan 'das kyis bka' gnas pa yin no// sbyin pa po dang / sbyin bdag rnams kyi sbyin pa yongs su dag par byed do// de skad ces smras pa dang / dge slong rnams kyis// gnas brtan dga' ba'i bshes gnyen la 'di skad ces smras so// gnas brtan bdag cag gis gang na bzhugs pa'ang mi 'tshal lo// gnas brtan gyis smras pa/ tshe dang ldan pa gnas brtan dang po ba ra dA tsa bsod snyoms len zhes bya ba ni/ 'khor dgra bcom pa stong dang lhan cig tu ba glang spyod kyi gling na gnA so// gnas brtan gser bu zhes bya ba ni/ 'khor dgra bcom pa lnga stong dang lhan cig byang phyogs kyi kha che'i yul na gnas so/ / gnas brtan pa ra dA tsa zhes bya ba ni/ 'khor dgra bcom pa drug stong dang lhan cig shar gyi lus 'phags kyi gling na gnas so// gnas brtan mi phyed pa zhes bya ba ni/ 'khor dgra bcom pa bdun stong dang lhan cig 'dzam bu'i gling na gnas so// gnas brtan shing shun zhes bya ba ni/ 'khor dgra bcom pa drug stong dang lhan cig byang gi sgra mi snyan gyi gling na gnas so/ / gnas brtan bzang po zhes bya ba ni/ 'khor dgra bcom pa dgu stong dang lhan cig zangs gling na gnas so// gnas brtan nag po zhes bya ba ni/ 'khor dgra bcom pa stong dang lhan cig sing ga'i gling na gnas so/ / gnas brtan bad sa'i bu zhes bya ba ni/ 'khor dgra bcom pa khri chig stong dang lhan cig pa ni sa'i gling na gnas so// gnas brtan pa lang skyong zhes bya ba ni/ 'khor dgra bcom pa brgyad stong dang lhan cig ri bo spos kyi ngad ldan na gnas so// gnas brtan lam pa zhes bya ba ni/ 'khor dgra bcom pa stong phrag bcu gsum dang lhan cig lha rnams kyi gan sum cu rtsa gsum na gnas so/ / gnas brtan sgra gcan 'dzin ces bya ba ni/ 'khor dgra bcom pa stong dang lhan cig tu pri yaM ku'i gling na gnas so// gnas brtan klu'i sde zhes bya ba ni/ 'khor dgra bcom pa stong phrag bcu gnyis dang lhan cig ri skya bo na gnas so/ / gnas brtan zur gyis shes zhes bya ba ni/ 'khor dgra bcom pa stong phrag bcu gsum dang lhan cig ri bo ngos yangs na gnas so// gnas brtan nags gnas zhes bya ba ni/ 'khor dgra bcom pa stong phrag bcu bzhi dang lhan cig lus 'phags kyi ri la gnas so// gnas brtan mi pham pa zhes bya ba ni/ 'khor dgra bcom pa stong phrag bco lnga dang lhan cig rgyal po'i khab bya rgod kyi phung po'i ri la gnas so/ / gnas brtan gtsug gi lam zhes bya ba ni/ 'khor dgra bcom pa stong phrag bcu drug dang lhan cig ri bo gnya' shing 'dzin na gnas so// gnas brtan de dag gis mi shes pa 'am/ ma mthong ba 'am/ ma thos pa 'am/ mngon sum du ma byas pa cung zad kyang med do// dge 'dun gyi bzhes pa 'am/ sman drangs pa 'am/ bco lnga ston nam/ gtsug lag khang dbul ba 'am gaN+DI'i rab gnas sam/ gang cung zad kyang mi shes pa med de/ de dag tu gnas brtan bcu drug po de dag dang / 'khor du bcas pa gzhan dang gzhan gyis der byon zhing gnas te/ de ltar sbyin pa yongs su dag par byed de/ ma 'ongs pa na mtshon gyi bskal pa byung ba 'das nas/ mi rnams dge ba bcu dang ldan pas tshe slar 'phel te/ de ltar lo brgya thub pa ni ston pa nyan thos de dag yang phyir la 'dzam bu gling du byon nas/ dam pa'i chos yang dag par ston par byed cing rab tu 'byin par byed de/ de srid skye dgu rnams kyi tshe lo drug brgya par gyur pa de srid du bcom ldan 'das shAkya thub pa'i bstan pa dam pa'i chos gnas par 'gyur te/ mi rnams kyi tshe lo bdun brgya par gyur pa na/ nyan thos de dag gis sa'i steng 'di na/ bcom ldan 'das shAkya thung pa'i bstan pa'i tshogs ji snyed pa de gcig tu bsdus nas rin po che sna tshogs kyi mchod rten gcig byas te/ kun nas bskor nas skyil mo krung bcas te 'dug nas/ 'di skad ces bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la 'dud pas phyag 'tshal lo zhes brjod de phyag 'tshal nas/ phung po lhag ma med pa'i mya ngan las 'da' ba'i dbyings su yongs su mya ngan las 'da' bar 'gyur ro// rin po che sna bdun gyi mchod sen de'ang nu nas 'og gi gser gyis gzhi gang yin pa de la gnas so/ / de nas bcom ldan 'das shAkya thub pa'i bstan pa dam pa'i chos nub par gyur to// de nas de'i rjes la rang sangs rgyas bye ba phrag bdun 'jig rten du 'byung ngo / / de nas mi rnams kyi tshe lo brgyad khri par gyur pa na/ de bzhin gshegs pa dgra bcom pa yang dag par rdzogs pa'i sangs rgyas byams pa zhes bya ba 'jig rten du 'byung ngo // de'i tshe 'dzam bu'i gling ni 'byor pa dang / rgyas pa dang / bde ba dang / lo legs pa dang / mi dang / skye bo mang pos yongs su gang zhing bya gag 'phur ba tsam na/ grong khyer dang / grong dang / grong rdal dang / ljongs dang / yul 'khor dang / rgyal po'i pho brang yod par 'gyur ro// lan cig sa bon btab pas lan bdun gyi bar du 'bru rnams skye bar 'gyur ro// de'i nyan thos 'dus pa lan gsum du 'gyur te/ 'dus pa dang po pa ni nyan thos bye ba phrag dgu bcu rtsa drug 'byung bar 'gyur ro/ / 'dus pa gnyis pa la ni nyan thos bye ba phrag dgu bcu rtsa bzhi 'byung bar 'gyur ro// 'dus pa gsum pa la ni nyan thos bye ba phrag dgu bcu rtsa gnyis/ kyi 'dus pa chen po'ang 'byung bar 'gyur ro// gang 'di dag ni sbyin pa po dang / sbyin bdag yin te/ yang de dag gis gzhan du bcom ldan 'das shAkya thub pa'i gsung rab la sangs rgyas las dge ba'i rtsa ba bsnun cing bya ba byas par gyur pa yin te/ 'di lta ste/ gser gyi rang bzhin dang / dngul gyi rang bzhin dang / bai DUR+Ya'i rang bzhin dang / shel gyi rang bzhin dang / rin po che'i rang bzhin dang / ra gar gyi rang bzhin dang / 'khar ba'i dngos po dang / mu tig dang / lcags kyi rang bzhin dang / zangs kyi dngos po dang / tsan dan gyi dngos pa dang / a ka ru'i rang bzhin dang / dung gi rang bzhin dang / bso'i rang bzhin dang / rA'i rang bzhin dang / rtswa'i rang bzhin dang / sna tshogs kyi rang bzhin dang / rus pa'i rang bzhin rnams las sku gzugs sam/ mchod rten bzhengs su gsol zhing / tha na sor mo tsam gyi sku'am/ mchod rten bzhengs su gsol zhing / dge ba'i rtsa ba de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byams pa'i gsung rab la mi'i lus thos par rab tu thob nas/ 'dus pa dang po la ni dad pa dang ldan pas khyim nas byung nas skra dang kha spu bregs te/ chos gos ni bgos nas khyim nas khyim med par rab tu byung ste/ smon lam ji lta ba bzhin du yongs su mya ngan 'da' 'o// tshe dang ldan pa de dag ni re zhig sangs rgyas la dge ba'i rtsa ba bskrun pa yin no// yang gang dag snang ba chos kyi phung po brgyad khri po bcom ldan 'das shAkya thub pa'i chos kyi bdud rtsi la dge ba'i rtsa ba bskyed par gyur cing / bskyed du bcug cing bris pa dang / 'drir bcug pa dang / bklags pa dang / klog tu bcug pa dang / gang zhig theg pa chen po'i mdo sde phab par gyur pa/ stong pa nyid dang ldan pa 'di lta ste/ shes rab kyi pha rol tu phyin pa dang / dam pa'i chos pad+ma dkar po dang / rgya cher rol pa dang / gser 'od dam pa dang / yon tan 'o mchog dang / stong pa nyid kyi 'od mchog dang / phyag na rdo rje gsang ba la sogs pa dang / sgyu ma lta bu'i ting nge 'dzin dang / cho 'phrul chen po'i ting nge 'dzin dang / bsod nams thams cad bsdus pa'i ting nge 'dzin dang / 'phags pa zla ba sgron ma'i ting nge 'dzin dang / de bzhin gshegs pa'i ye shes kyi ting nge 'dzin dang / gzi brjid ldan pa'i ting nge 'dzin dang / byang chub kyi ting nge 'dzin dang / byang chub bsdus pa dang / sangs rgyas thams cad yongs su 'dzin pa dang / glang po'i rtsal dang / sprin chen dang / sor mo'i 'phreng ba dang / lang+kar gshegs pa dang / yongs su mya ngan las 'das pa chen po dang / zla ba'i snying po dang / nyi ma'i snying po dang / nam mkha'i snying po dang / sa'i snying po dang / byams pas zhus pa dang / tshangs pas zhus pa dang / legs pa'i 'tshams kyis zhus pa dang / drag shul can gyis zhus pa dang / dra ba can gyis zhus pa dang / klu'i rgyal po rgya mtshos zhus pa dang / rgyas pas zhus pa dang / brgya byin gyis zhus pa dang / lag na rin chen gyis zhus pa dang / mi 'am ci'i rgyal po ljon pas zhus pa dang / dpa' bo'i nam mkhas zhus pa dang / bu mo 'od dang bas zhus pa dang / bu mo rin chen ldan gyis zhus pa dang / bu mo gser gyi 'od mchog gis zhus pa dang / bad sa'i rgyal po 'char byed kyis zhus pa dang / dbang phyug chen pos zhus pa dang // gzugs can snying pos zhus pa dang dge ba bzang pos gang gis zhus pa dang / lha'i bu legs pa'i 'tshams kyis zhus pa dang / lha'i bu tsan dan gyis zhus pa dang / lha'i bu rang gi rgyan gyis zhus pa dang / lag bzangs kyis zhus pa/ dang / seng ges zhus pa dang / seng ge rnam par rol pas zhus pa dang / dpa' sbyin gyis zhus pa dang / gtsug na rin po ches zhus pa dang / zung gi mdo dang / byang chub sems dpa'i zlos gar dang / stag rna'i rtogs pa brjod pa dang / las rnam par bshad pa dang / blo gros mi zad pas bstan pa dang / blo gros rgya mtshos bstan pa dang / dri ma med par grags pas bstan pa dang bden pa la 'jug pa dang / ma skyes dgra mi 'gyur ba dang / sred med kyi 'gyur ba dang / stong par 'gyur ba dang / 'dzam bu gling 'gyur ba dang / 'dus par 'gyur ba dang / sangs rgyas kyi rgyan dang / thabs la mkhas pa dang / lag na ut+pa la dang / sangs rgyas bcu pa dang / chos bcu pa dang / sa bcu pa dang / 'od dpag med kyi bkod pa dang / bde ba can gyi bkod pa dang / dam pa'i chos kyi yon tan bkod pa dang / tshogs kyi bkod pa dang / rnam dag me tog bsdus pa dang / 'jig rten dag pas bsdus pa dang / byang chub sems dpa' dag par bsdus pa dang / thams cad stegs las babs pa dang / de bzhin gshegs pa thams cad las babs pa dang / rin po che'i tog dang / rin po che'i phung po dang / rin po che'i za ma tog dang / mdzes pa brtsegs pa dang / rin chen skar mda' dang / rin chen sprin dang / rin chen ljon pa dang / rin chen gtsug dang / rin chen 'byung gnas dang / cod pan dra ba can dang / sdong po bkod pa dang / 'di dag la sogs pa bye ba phrag brgya ni theg pa chen po'i sde snod yin no// de bzhin du nyan thos kyi sde snod de/ mngon pa'i sde snod dang / 'dul ba'i sde snod dang / mdo sde'i sde snod do// mdo sde'i sde snod gang zhe na/ 'di lta ste/ lung ring po dang / gcig las 'phros pa'i lung dang / yang dag par ldan pa'i lung dang / phra mo'i khung dang ngo / / de dag la ni mdo sde'i sde snod ces bya'o// chos mngon pa'i sde snod gang zhe na/ 'di lta ste/ dri ba drug pa dang / yang dag par sbyar ba bsdus pa la ni mngon pa'i sde snod ces bya'o// de la 'dul ba'i sde snod gang zhe na/ 'di lta ste/ dge slong gi 'dul ba dang / dge slong ma'i 'dul ba dang / ma mo'i phung po dang / 'dul ba'i ma mo'i ste/ tshe dang ldan pa de dag la 'dul ba'i sde snod ces bya'o/ / 'di dag ni skyes pa'i rabs te/ rtogs par brjod pa'i rabs dang / rang sangs rgyas kyi rabs dang / sangs rgyas kyis gsungs pa dang / rang sangs rgyas kyis bstan pa dang / byang chub sems dpas bstan pa dang / nyan thos kyis bstan pa dang / lhas bstan pa dang / 'byung ba bsdus pa dang / chos nye bar bsdus pa dang / tha na tshig bzhi pa'i tshigs su bcad pa gcig gsungs par gyur pa'ang / bklags par gyur pa dang / bzung bar gyur pa dang / glegs bam bris par gyur pa dang / chos smra ba la mchod par gyur pa dang / de dag dang rang sangs rgyas la mchod par gyur pa dang / dri dang / 'phreng ba dang / byug pa dang / spos dang / mar me dang / gdugs dang / rgyal mtshan dang / ba dan dang / glegs bam la kha dog sna tshogs pa'i gos rnams g.yogs shing dkris pa dang / glegs shing mchog byas par gyur pa dang / glegs bam kha dog sna tshogs pas glegs bam bcings par gyur pas dge ba'i rtsa ba bskyed pas de dag thams cad ni/ bcom ldan 'das de bzhin gshegs pa byams pa'i gsung rab la mi thob pa rab tu thob nas dad pas khyim spangs te/ skra dang kha spu bregs nas chos gos bgos te/ khyim nas khyim med par 'dus pa gnyis pa la rab tu byung ste/ smon lam ji lta ba bzhin du yongs su mya ngan las 'da' bar 'gyur ro// tshe dang ldan pa de dag ni re zhig chos la dge ba'i rtsa ba bskrun pa yin no// 'di ltar 'di dag sbyin pa po dang / sbyin bdag yin te/ dge 'dun la dge ba'i rtsa ba bskrun pa dang / bskyed du bcug pa yin te/ 'di ltar spyan 'dren pa bsgrags pa dang / dge ba la 'dzud pa dang / brgyad ston byed pa dang / gso sbyong byed pa dang / rab tu mgron du 'bod pa dang / dge 'dun la chos ston gsol ba dang / spun 'dren pa dang / glo bur du 'dren pa dang / zla ston byed pa dang / rtag re skor byed pa dang / chos sgrogs pa spyan 'dren pa dang / lo lnga ston byed pa dang / gtsug lag khang 'bul ba dang / mal stan 'dings pa dang / chos gos 'bul ba dang / gaN+DI'i rab gnas byed pa dang / sman 'bul ba dang / yo byad phul bas dge ba'i rtsa ba bskyed pa de dag thams cad ni/ bcom ldan 'das de bzhin gshegs pa byams pa'i gsung rab la ma thob pa thob nas/ 'dus pa gsum pa la dad pas khyim spangs te/ skra dang kha spu phyi nas chos gos bgos te/ yang dag pa'i dad pas khyim nas khyim med par rab tu byung ste/ smon lam ji lta ba bzhin du yongs su mya ngan las 'da' bar 'gyur ro/ / tshe dang ldan pa de dag ni re zhig dge 'dun la dge ba'i rtsa ba bskyed pa yin no// de nas gnas brtan dga' ba'i bshes gnyen gyi rnam pa de dag rgya cher bshad nas/ shing ta la bdun srid tsam nam mkha' la mngon par 'phags nas dge slong de dag gi mdun du rnam pa sna tshogs pa'i cho 'phrul ya ma zung dang ldan pa'i cho 'phrul bstan te/ steng gi nam mkha la 'dug nas/ tshe'i 'du byed dang / srog gi 'du byed btang ste/ yongs su mya ngan las 'das so// de nas dge slong de dag gis gnas brtan dga' ba'i bshes gnyen gyi lus bsregs nas mchod rten byas te/ dri dang / me tog dang / spos dang / mar me dang / gdugs dang / rgyal mtshan dang / ba dan rnams kyis mchod pa byas so// rnam pa 'di dag 'phags pa nas 'phags bar brgyud nas bshad de/ de ci'i phyir zhe na/ sbyin pa po dang / sbyin bdag gang yin pa rnams bcom ldan 'das kyi gsung rab yun ring du gnas par 'gyur ro zhes dga' ba rab tu bskyed pa'i phyir/ rdos pa brjod pa'i 'phags pa dga' ba'i bshes gnyen gyis bshad do/ / 'phags pa dga' ba'i bshes gnyen gyi rtogs pa brjod pa rdzogs so// / rgya gar gyi mkhan po dge slong A dzi ta shI ra bA tra dang /

CLOSE WINDOW