| བོད་ཡིག | e-texts produced with ocr Programm |
rgya gar skad dulo ka prAdz+nyA ba te/ bod skad du// 'jig rten bzhag pa/ bamapo dang po// // thams cad mkhyen pa la phyag 'tshal lo/ / / sdom la/ ri rnams bya/ / dang ni rgya mtsho dang // ngan song rnams dang gling dang shing // klu rgyal dang ni mkha' lding dang / / rgyal chen 'gro dang 'dun sa rnams// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra be na bzhugs te/ de nas bcom ldan 'das kyis/ dge slong rnams la bka' stsal pa/ dge slong dag 'jig rten gyi khams ni gsum po 'di dag yin te/ gsum gang zhe na/ stong spyi phud kyi 'jig rten gyi khams dang / stong gnyis pa bar ma'i 'jig rten gyi khams dang / stong gsum gyi stong chen po'i 'jig rten gyi khams so// stong spyi phud kyi 'jig rten gyi khams gang zhe na/ ji tsam du stong gi 'jig rten gyi khams na nyi ma rnam par snang ba rnams kun tu 'khor zhing phyogs snang bar byed pa'i bar yin te/ zla ba stong dang / nyi ma stong dang / ri'i rgyal po ri rab stong dang / shar gyi lus 'phags stong dang / 'dzam bu gling stong dang / nub kyi ba lang spyod stong dang / byang gi sgra mi snyan stong dang / rgyal chen bzhi pa'i lha rnams stong dang / sum cu rtsa gsum @##/ / pa stong dang / 'thab bral ba stong dang / dga' ldan stong dang / 'phrul dga' stong dang / gzhan 'phrul dbang byed stong dang / tshangs pa'i 'jig rten stong ste/ dge slong dag 'di ni stong spyi phud kyi 'jig rten gyi khams zhes bya'o// stong gnyis pa bar ma'i 'jig rten gyi khams gang zhe na/ stong spyi phud kyi 'jig rten gyi khams gang yin pa de lta bu stong la ni/ stong gnyis pa bar ma'i 'jig rten gyi khams zhes bya'o// stong gsum gyi stong chen po'i 'jig rten gyi khams gang zhe na/ stong gnyis pa bar ma'i 'jig rten gyi khams gang yin pa de lta bu stong la ni/ stong gsum gyi stong chen po'i 'jig rten gyi khams zhes bya'o/ / dge slong dag de lta bu'i stong gsum gyi stong chen po'i 'jig rten gyi khams shar phyogs su mtha' med cing mu med la/ 'jig pa 'am zhig par gnas shing / 'chags pa 'am chags par gnas te/ gzhan 'jig cing gzhan zhig par gnas la/ gzhan 'chags shing gzhan chags par gnas so/ / dge slong dag de lta bu'i stong gsum gyi stong chen po'i 'jig rten gyi khams rnams lho dang / nub dang / byang gi phyogs su mtha' med cing mu med la/ 'jig pa 'am zhig par gnas shing / 'chags pa 'am chags par gnas te/ gzhan 'jig cing gzhan zhig par gnas te/ gzhan 'chags shing gzhan chags par gnas so// dge slong dag dper na bar snang las char pa'i 'bru shing rta'i srog shing tsam 'bab ste/ chu'i rgyun rnams rab tu 'bab pa na mtshams sam bar chad med pa de bzhin du/ dge slong dag ngas lha'i mig rnam par dag pa mi'i las 'das pas/ shar phyogs su de lta bu'i stong gsum gyi stong chen po'i 'jig rten gyi khams mtha' med cing mu med la/ 'jig pa 'am zhig par gnas shing / 'chags pa 'am chags par gnas te/ gzhan 'jig cing gzhan zhig par gnas/ gzhan 'chags shing gzhan chags par gnas pa dang / de bzhin du lho dang / nub dang / byang gi phyogs su de snyed kyi stong gsum gyi stong chen po'i 'jig rten gyi khams rnams mtha' med cing mu med la/ 'jig pa 'am zhig par gnas shing / 'chags pa 'am/ chags par gnas te/ gzhan 'jig cing gzhan zhig par gnas la gzhan 'chags shing gzhan chags par gnas pa de dag kyang mthong ngo zhes bka' stsal nas/ bcom ldan 'das nang du yang dag 'jog pa'i phyir gnas khang gi nang du gshegs so// de'i tshe na rtse dang ldan pa mo'u 'gal gyi bu chen po 'khor de nyid kyi nang du 'dus par gyur te 'dug go/ / de nas tshe dang ldan pa mo'u 'gal gyi bu chen pos/ dge slong rnams la smras pa/ tshe dang ldan pa dag ji tsam du bcom ldan 'das kyis legs par bstan pa dang / ji ltar shing rta'i srog shing gi dpes bstan pa 'di legs te ngo mtshar to// de la stong spyi phud kyi 'jig rten gyi khams na ri chen po nyis stong yod de/ ri'i rgyal po ri rab stong dang / khor yug gi ri stong rnams so// stong spyi phud kyi 'jig rten gyi khams na rgya mtsho chen po nyis stong yod de/ nang gi rgya mtsho chen po stong dang / phyi rol gyi rgya mtsho chen po stong rnams so// stong spyi phud kyi 'jig rten gyi khams na/ ngan song gsum stong yod de/ sems can dmyal ba stong dang / dud 'gro dang / yi dgas stong rnams so// / stong spyi phud kyi 'jig rten gyi khams na/ gling chen po bzhi stong yod de/ shar gyi lus 'phags stong dang / 'dzam bu gling stong dang / nub kyi ba glang spyod stong dang / byang gi sgra mi snyan stong rnams so/ stong spyi phud kyi 'jig rten gyi khams na/ shing chen po bzhi stong yod de/ 'dzam bu gling pa'i shing 'dzam bu stong dang / rgya mtsho'i 'gram na shal ma ri'i mthon po stong dang / lha ma yin gyi ris kyi cing tra pa ta li stong dang / sum cu rtsa gsum pa'i sa brtol stong rnams so// stong spyi phud kyi 'jig rten gyi khams na/ klu'i rigs bzhi stong yod de/ klu'i rigs sgong las skye ba stong dang / mngal nas skye ba stong dang / drod gsher las skye ba stong dang / rdzus te skye ba stong rnams so// stong spyi phud kyi 'jig rten gyi khams na/ nam mkha' lding gi rigs bzhi stong yod de/ nam mkha' lding gi rigs sgo nga las skye ba stong dang / mngal nas skye ba stong dang / drod gsher las skye ba stong dang / rdzus te skye ba stong rnams so// stong spyi phud kyi 'jig rten gyi khams na/ rgyal po chen po bzhi stong yod de/ yul 'khor srung stong dang / 'phags skyes po stong dang / mig mi bzang stong dang / rnam thos sras kyi bu stong rnams so// stong spyi phud kyi 'jig rten gyi khams na/ 'gro ba lnga po lnga stong yod de/ sems can dmyal ba'i 'gro ba stong dang / dud 'gro dang / yi dgas dang / lha dang / mi'i 'gro ba stong rnams so/ / stong spyi phud kyi 'jig rten gyi khams na/ 'dun sa chen po nyis stong yod de/ lha'i 'dun sa chos bzang stong dang / lha ma yin gyi 'dun sa nor bzang zhes bya ba stong rnams so/ / 'jig rter bzhag pa las tshigs dang po'o// // sdom la/ skye gnas ri dang rol mtsho dang / de bzhin sems can dmyal brgyad gzhan// sems can gnas dgu rab bshad de/ / las lam bcu po de bzhin no// stong spyi phud kyi 'jig rten gyi khams na/ 'dod pa'i skye gnas gsum yod de/ gsum gang zhe na/ sems can 'dod pa nye bar gnas pa dag yod de/ gang dag 'dod pa nye bar gnas pa rnams la/ dbang phyug gi dbang byed pa dag ste/ 'di lta ste/ mi kha cig dang lha rnams so// 'di ni 'dod pa'i skye gnas dang po'o// sems can 'dod pa sprul pa dag yod de/ gang dag 'dod pa sprul pa rnams la dbang phyug gi dbang byed pa dag ste/ 'di lta ste/ 'phrul dga'i lha rnams so/ / 'di dag ni 'dod pa'i skye gnas gnyis pa'o// sems can 'dod pa gzhan gyi sprul pa dag yod de/ gang dag 'dod pa sprul pa rnams la dbang phyug gi dbang byed pa dag ste/ 'di lta ste/ gzhan 'phrul dbang byed kyi lha rnams so// 'di ni 'dod pa'i skye gnas gsum pa'o// stong spyi phud kyi 'jig rten gyi khams na/ bde ba'i skye gnas gsum yod de sems can gang dag lus 'di nyid la dben pa las skyes pa'i dga' ba dang / bde bas rlan par byed cing / yongs su rlan par byed de/ yongs su tshim par byed cing / yongs su khyab par byed pa dag yod do/ / de dag lus 'di nyid la dben pa las skyes pa'i dga' ba dang / bde bas brlan par byas shing / yongs su brlan par byas te/ yongs su tshim par byas shing yongs su khyab par byas nas/ bde bar reg par gnas so// de dag bde ba de dang / bde ba la gnas pa des tshe ring zhing yun ring por gnas te/ 'di lta ste/ tshangs ris kyi lha rnams so/ / 'di ni bde ba'i skye gnas dang po'o// sems can gang dag lus 'di nyid la ting nge 'dzin las skyes pa'i dga' ba dang / bde bas rlan par byed cing / yongs su rlan par byed de/ yongs su tshim par byed cing / yongs su khyab par byed pa dag yod do// de dag lus 'di nyid la ting nge 'dzin las skyes pa'i dga' ba dang / bde bas brlan par byed cing yongs su brlan par byed de/ yongs su tshim par byas shing / yongs su khyab par byas nas/ bde bar reg pa la gnas so// de dag bde ba de dang / bde ba la gnas pa des tshe ring zhing yun ring por gnas te/ 'di lta ste/ 'od gsal gyi lha rnams so// 'di ni bde ba'i skye gnas gnyis pa'o// sems can gang dag lus 'di nyid la dga' ba med pa'i bde bas rlan par byed cing / yongs su rlan par byed de/ yongs su tshim par byed cing / yongs su khyab par byed pa dag yod do// de dag lus 'di nyid la dga' ba med pa'i bde ba brlan par byas shing / yongs su brlan par byas te/ yongs su tshim par byas shing / yongs su khyab par byas nas/ bde bar reg pa la gnas so// de dag bde ba de dang / bde ba la gnas pa des tshe ring zhing yun ring du gnas te/ 'di lta ste/ dge rgyas kyi lha rnams so// 'di ni bde ba'i skye gnas gsum pa'o// stong spyi phud kyi 'jig rten gyi khams na/ gser gyi ri chen po bdun stong yod de/ ri'i rgyal po gnya' shing 'dzin stong dang / gshol mnga' 'dzin stong dang / seng ldeng can stong dang / bltan sdug stong dang / rta na 'dzin stong dang / mu khyud 'dzin stong dang / ri'i rgyal po rnam par 'dud stong rnams so// stong spyi phud kyi 'jig rten gyi khams na/ rol mtsho chen po bdun stong yod de/ gnyang shing 'dzin gyi rol mtsho stong dang / gshol mda' 'dzin gyi stong dang / seng ldeng can gyi stong dang / blta na sdug gi stong dang / rta rna ri'i stong dang / mu khyud 'dzin gyi stong dang / rnam par 'dud kyi rol mtsho stong rnams so/ / stong spyi phud kyi 'jig rten gyi khams na/ sems can dmyal ba chen po brgyad stong yod de/ sems can dmyal ba chen po yang sos stong dang / thig nag stong dang / bsdus gzhom stong dang / ngu 'bod stong dang / ngu 'bong chen po stong dang / tsha ba stong dang / rab tu tsha ba stong dang / sems can dmyal ba chen po mnar med pa stong rnams so// stong spyi phud kyi 'jig rten gyi khams na/ sems can gyi gnas dgu stong yod de/ sems can gzugs yod pa lus tha dad cing 'du shes tha dad pa dag yod de/ 'di lta ste/ mi rnams dang lha kha cig/ go// 'di ni sems can gyi gnas dang po'o// sems can gzugs yod pa lus tha dad la 'du shes gcig pa dag yod de/ 'di lta ste/ tshangs ris kyi lha dang po byung ba gang yin pa de ngag go/ / 'di ni sems can gyi gnas gnyis pa'o// sems can gzugs yod pa lus gcig la 'du shes tha dad pa dag yod de/ 'di lta ste/ 'od gsal gyi lha rnams so// 'di ni sems can gyi gnas gsum pa'o/ / sems can gzugs yod pa lus gcig cing 'du shes gcig pa dag yod de/ 'di lta ste/ dge rgyas kyi lha rnams so// 'di ni sems can gyi gnas bzhi pa'o/ / sems can gzugs yod pa 'du shes med cing 'du shes dang bral ba dag yod de/ 'di lta ste/ 'du shes med pa'i lha rnams so// 'di ni sems can gyi gnas lnga pa'o// 'di ni sems can gyi gzugs med pa rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched rdzogs par byas te gnas pa dag yod de/ 'di lta ste/ nam mkha' mtha' yas skye mched du skyes pa'i lha rnams so/ / 'di ni sems can gyi gnas drug pa'o// sems can gzugs med pa rnam pa thams cad du nam mkha' mtha' yas skye mched las yang dag par 'das te/ rnam shes mtha' yas so snyam nas/ rnam shes mtha' yas skye mched rdzogs par byas te gnas pa dag yod de/ 'di lta ste/ rnam shes mtha' yas skye mched du skyes pa'i lha rnams so// 'di ni sems can gyi gnas bdun pa'o/ / sems can gzugs med pa gang dag rnam pa thams cad du rnam shes mtha' yas skye mched las yang dag par 'das te/ ci yang med do/ snyam nas/ ci yang med pa'i skye mched rdzogs par byas te gnas pa dag yod de/ 'di lta ste/ ci yang med pa'i skye mched du nye bar 'gro ba'i lha rnams te/ 'di ni sems can gyi gnas brgyad pa'o/ / sems can gzugs med pa rnams thams cad ci yang med pa'i skye mched las yang dag par 'das nas/ 'du shes med 'du shes med min skye mched rdzogs par byas te gnas pa dag yod de'adi lta ste/ 'du shes med 'du shes med min skye mched du skyes pa'i lha rnams so// 'di ni sems can gyi gnas dgu pa'o// stong spyi phud kyi 'jig rten gyi khams na/ mi dge ba bcu'i las kyi las ngag yod de re ba gso byi len 'dod pa log par g.yem pa dang / rdzun du smra ba dang / phra ma dang / tshig rtsub po dang / tshig 'khyal pa dang brnab sems dang / gnod sems dang / lag par lta ba rnams sa// sreg gcod pa shas cher kun tu bsten cing bsgoms te lan mang du byas pas ni sems can dmyal ba chen po mnar med par skye bar 'gyur ro/ / de bas shas chung ba dang / de bas ches yang bas ni rang tul bar ro// de bas ches shas chung ba dang / de bas ches yang bas ni tsha bar ro// de bas ches shas chung ba dang / de bas ches yang bas ni du 'bod chen por ra/ / de bas ches shas chung ba dang / dengs ches yang bas ni du 'bong du'o// debs ches shas chung ba dang / de bas ches yang bas ni bsdus gzhos du'o// de/ bas ches shas chung ba dang / de bas ches yang bas ni thig nag tu'o// de bas ches shas chung ba dang / de bas ches yang bas ni sems can dmyal ba chen po yang sos su skye bar 'gyur ro// ma byin par len pa shas cher kun tu bsten cing bsgoms te lan mang du bya ba dang / 'dod pas log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa dang / brnab sems dang / gnod sems dang / log par lta ba shas cher kun tu bsten cing bsgoms te lan rang du byas pa ni sems can dmyal ba chen po mnar med par skye bar 'gyur ro// de bas ches shas chung ba dang / de bas ches yang bas ni rab tu tsha bar ro// de bas ches shas chung ba dang / de bas chas yang bas ni tsha bar ro// de bas ches shas chung ba dang / de bas ches yang bas ni ngu 'bod chen por ro/ / de bas ches shas chung ba dang / de bas ches yang bas ni ngu 'bod du'o// de bas ches shas chung ba dang / de bas ches yang bas ni bsdus gzhom du'o// de bas ches shas chung ba dang / de bas chas yang bas ni thig nag tu'o// de bas ches shas chung ba dang / de bas ches yang bas ni sems can dmyal ba chen po yang sos su skye bar 'gyur ro// 'jig rten gzhag pa las tshigs gnyis pa'o// // sdom la/ mkha' lding las lam bcu po dang // myong ba dang ni bkres dang zas// bdud rtsi'i phyis char pa dang / / mu ge bde dang bcu tshan no// stong spyi phud kyi 'jig rten gyi khams na/ klu'i rigs bzhi stong rgya mtsho chen po na gnas so// nam mkha' lding gi rigs bzhi stong shing shal ma la'i mthon po la gnas te/ sgo nga las skyes pa stong dang / mngal nas skyes pa stong dang / drod gsher las skyes pa stong dang / rdzus te skyes pa stong rnams so// nam mkha' lding sgo nga las skyes pa ni bza' ba'i phyir/ klu sgo nga la skye ba 'byin par byed de/ mngal nas skye ba ma yin/ drod gsher las skye ba ma yin/ rdzus te skye ba ma yin no// de ci'i phyir zhe na/ ci ste de len na de nyid thal ba bzhin du byed par 'gyur ba'i phyir ro/ / nam mkha' lding mngal nas skye ba ni bza' ba'i phyir/ klu sgo nga las skye ba dang / mngal nas skye ba 'byin par byed de/ drod ga las skye ba ma yin/ rdzus te skye ba ma yin no// de ci'i phyir zhe na/ ci ste de len na de nyid thal ba bzhin du byed par 'gyur ba'i phyir ro// nam mkha' lding drod gsher las skye ba ni bza' ba'i phyir/ klu sgo nga las skye ba dang / mngal nas skye ba dag 'byin par byed de/ drod gsher las skye ba dang / rdzus te skye ba ma yin no// de ci'i phyir zhe na/ ci ste de len na de nyid thal ba bzhin du byed par / 'gyur ba'i phyir ro// nam ma khaN+Da l+r-ing rgyus te skye ba ni brna' ba'i phyir/ klu sgang las smye ba dang / mngal nas skye ba dang / drod gsher las skye ba dang / rdzas te skye ba 'byin par byed do// 3/ laklu chen po bskal par gnas shing sa 'dzin pa dag yod do// de dag kyang gang zhen/ 'di lta ste/ klu'i rgyal po dga' bo dang / nye dga' gnyis dang / klu'i rgyal pi rtag na la dang / klu'i rgya po btang bzung dang / klu'i rgyal po gzi can dang / klu'i rgyal po yul 'khor srung dang / klu'i rgyal po nag yi chen po chen po che dang / klu'i rgyal po e la'i 'dab rnams te/ 'di dag dang gzhan yang kra chen po bskal par gnas shing sa 'dzin pa nam mkha' lding dag gis dbyung bar mi nus pa gang yin pa de dag ni/ lha dang lha ma yin gyi g.yul myong bar byed cing so sor myong bar byed de/ shes shing rab tu shes la kun tu rab tu shes so/ / ji skad du shin tu mthu che ba'i kla dag yod de/ mtha' bsrung zhing chun gnas te/ de dag lha ma yin dag dang g.yul 'gyed pas/ 'di dag brgya byin gyi ni dngu yang yin/ / stobs kyang me zhing mthu ma klu yin te// shin tu drag po dgra thabs sna tshogs can// lha min rnams dang lhan cig g.yul 'gyed pas// de dag brgya byin gyi ni gsul yang na zhes kyang bya'o/ / bar gyi sdom la/ dga' bo nye dga' rtag rgal dang // btang bzung dang ni gzi byin dang // yul 'khor srung dang nag po che// e la'i 'dab ma phyi ma yin// sdong spyi phud kyi 'jig rten gyi khams na/ dge ba bcu'i las kyi lam dag yod de/ srog gcod pa spong ba dang / ma byin par len pa dang / 'dod pas log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa spong ba dang / brnab sems med pa dang / gnod sems med pa dang / yang dag par lta ba rnams so// srog gcod pa spong ba shas cher kun tu bsten cing bsgoms te lan mang du byas pas ni/ gzhan 'phrul dbang byed kyi lha rnams dang skal ba mnyam par skye bar 'gyur ro// de bas ches shas chung ba dang / de bas ches yang bas ni 'phrul dga' rnams su'o/ / de bas ches shas chung ba dang / de bas ches yang bas ni dga' ldan pa rnams su'o// de bas ches shas chung ba dang / de bas ches yang bas ni 'thab bral ba rnams su'o/ / de bas ches shas chung ba dang / de bas ches yang bas mi sum cu rtsa gsum pa rnams su'o// de bas ches shas chung ba dang / de bas ches yang bas ni rgyal chen bzhi pa rnams su'o/ / de bas ches shas chung ba dang / de bas ches yang bas ni mi rnams dang skal ba mnyam par skye bar 'gyur ro// ma byin par len pa dang / 'dod pas log par g.yem pa dang brdzun du smra ba dang / phra ma dang / tshig rtsub po dang / tshig 'khyal pa spong ba dang / chags sems med pa dang / gnod sems med pa dang / yang dag par lta ba shas cher kun tu bsten cing bsgoms te lan mang du byas pas ni/ gzhan 'phrul dbang byed kyi lha rnams dang skal ba mnyam par skye bar 'gyur ro// de bas ches shas chung ba dang / de bas ches yang bas ni 'phrul dga' rnams/ su'o// de bas ches shas chung ba dang / de bas ches yang bas ni dga' ldan rnams su'o// de bas ches shas chung ba dang / de bas ches yang bas ni 'thab bral ba rnams su'o// de bas ches shas chung ba dang / de bas ches yang bas ni sum cu rtsa gsum pa rnams su'o// de bas ches shas chung ba dang / de bas ches yang bas ni rgyal chen bzhi pa rnams su'o// de bas ches shas chung ba dang / de bas ches yang bas ni mi rnams dang skal ba mnyam par skye bar 'gyur ro// ci ste mi rnams dang skal ba mnyam par skye ba na yang / srog gcod pa spong bas ni tshe ring bar 'gyur ro// ma byin par len pa spong bas ni longs spyod chen por 'gyur ro/ / 'dod pa log par g.yem pa spong bas ni chung ma dang 'gran zla med par 'gyur ro// brdzun du smra ba spong bas ni skur pa mang bar mi 'gyur ro// phra ma spong bas mdza' bo dang dbye bar mi 'gyur ro/ / tshig rtsub po spong bas ni yid du mi 'ong ba'i sgra thos par mi 'gyur ro// tshig 'khyal pa spong bas ni tshig mnyan par 'gyur ro// chags sems med pas ni 'dod chags che bar mi 'gyur ro/ / gnod sems med pas ni zhe sdang che bar mi 'gyur ro// yang dag par lta bas ni gti mug che bar mi 'gyur ro// bar sdom ni/ skur pa med dang mdza' mi dbye/ / de bzhin yid du 'ong ba thos// nyan pa'i tshig tu 'gyur ba ste// yig bzhi ni brjod pa yin// sems can dmyal ba myong bar 'gyur ba'i las rnams kyi nang na ni las gang gi rnam par smin pas/ mnar med pa'i sems can dmyal ba chen por tshe'i tshad bskal par len pa 'di mchog yin no// dud 'gro myong bar 'gyur ba'i las rnams kyi nang na ni las kyi rnam par smin pas/ sa srungs kyi bus sa srungs kyi bu nyid dang / rab tu brtan pas rab tu brtan pa nyid thob pa 'di mchog yin no// yi dgas kyi skye gnas su skye bar 'gyur ba'i las rnams kyi nang na ni las gang gi rnam par smin pas/ rgyal po gshin rje gshin rje'i 'jig rten gyi sems can rnams kyi rgyal srid kyi dbang phyug la dbang byed pa 'di mchog yin no// mi'i skye gnas myong bar 'gyur ba'i las rnams kyi nang na ni las gang gi rnam par smin pas/ nga las nu nga las nu nyid thob pa 'di mchog yin no// rgyal chen bzhi'i ris myong bar 'gyur ba'i las rnams kyi nang na ni las gang gi rnam par smin pas/ rgyal po chen po bzhi rnams rgyal srid kyi dbang phyug la dbang byed pa 'di mchog yin no// sum cu rtsa gsum pa myong bar 'gyur ba'i las rnams kyi nang na ni las gang gi rnam par smin pas/ brgya byin gyis brgya byin nyid thob pa 'di mchog yin no// 'thab bral myong bar 'gyur ba'i las rnams kyi nang na ni las gang gi rnam par smin pas/ rab 'thab bral gyis rab 'thab bral nyid thob pa 'di mchog yin no/ / dga' ldan myong bar 'gyur ba'i las rnams kyi nang na ni las gang gi rnam par smin pas dga' ldan gyis yongs su dga' ldan nyid thob pa 'di mchog yin no/ / 'phrul dga' thob pa'i las rnams kyi nang na ni las gang gi rnam par smin pas/ rab sprul gyis rab sprul nyid thob par 'gyur ba 'di ni mchog yin no// gzhan 'phrul dbang byed myong bar 'gyur ba'i las rnams kyi nang na ni las gang gi rnam par smin pas/ dbang byed kyis dbang byed myong bar 'gyur ba 'di ni mchog yin no// ji ltar 'dzam bu gling gi mi rnams la bkres pa dang skom pa yod pa de bzhin du/ shar gyi lus 'phags po rnams dang / nub kyi ba lang spyod rnams dang / byang gi sgra mi snyan pa rnams dang / rgyal chen bzhi pa rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams la yang yod do// de yan chad la na bkres pa dang skom pa med do/ / ji ltar 'dzam bu gling gi mi rnams la kha zas 'di lta ste/ 'bras chan dang / zan dang / phye dang / sha dang / 'khur ba rnams yod pa bzhin du/ shar gyi lus 'phags po dang nub kyi ba lang spyod pa la yang yod do/ / byang gi sgra mi snyan gyi mi rnams ni ma rmos ma btab pa'i 'bras sA lu'i 'bru za'o// rgyal chen bzhi'i ris kyi lha rnams ni dri'i zas dang bdud rtsi'i zas za'o/ / rgyal chen bzhi'i lha rnams ji lta ba de bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams kyang de bzhin no// de yan chad la ni kham gyi zas med do// rgyal chen bzhi'i bdud rtsi ni rnam pa bzhi ste/ sngon po dang / ser po dang / dmar po dang dkar po rnams so/ / rgyal chen bzhi'i lha rnams ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyang de bzhin no/ / tshangs ris pa rnams la ni meng do// de yan chad la yang med do// ji ltar 'dzam bu'i gling gi mi rnams la yang bshang ba dang gci ba yod pa de bzhin du/ shar gyi lus 'phags po rnams dang / nub kyi ba lang spyod pa rnams dang / byang gi sgra mi snyan pa rnams la yang yod do// rgyal chen bzhi'i lha rnams la ni med do// de yan chad la yang med do// ji ltar 'dzam bu'i gling gi mi rnams la ni/ char 'bab mkhas pa dang / char 'bab mi mkhas pa yod pa de bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan pa rnams dang / rgyal chen bzhi pa rnams la ni med do// de yan chad la yang med do// ji ltar 'dzam bu'i gling gi mi rnams lo legs pa dang mu ge yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan pa rnams dang / rgyal chen bzhi pa'i lha rnams la ni med do// de yan chad la yang med do// ji ltar 'dzam bu'i gling gi mi rnams la ni 'jigs pa dang bde ba yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan gyi mi rnams la ni med do/ / rgyal chen bzhi'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams la yang yod do/ / tshangs ris pa rnams la ni med do// de yan chad la yang med do// 'jig rten bzhag pa las tshigs gsum pa'o// // sdom la/ nyo tsheng mdog dang khang pa dang / / gding ba dang ni bzhag gos dang // yang ba rdul rab bsgre ba dang // tha dad bag ma len dang bcu// ji ltar 'dzam bu gling gi mi rnams la/ nor ram/ 'bru 'am/ gser ram/ dngul gyi nyo tshong bya ba yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra ma snyan gyi mi dang / rgyal chen bzhi'i lha rnams la ni med do/ / de yan chad la yang med do// 'di skad du 'dzam bu'i gling gi mi rnams la ni/ nor dang 'bru rnams kyis nyo tshong byed do// shar gyi lus 'phags po rnams la ni ras dang be'u ras rnams kyis so// nub kyi ba lang spyod pa rnams kyis ni ba lang dang nor bu rnams kyis so zhes zer ba yang yod do// ji ltar 'dzam bu gling gi mi rnams kyi mdog nag po dang / dkar po dang / sngo bsangs dang / mdog sgyu snar rnam pa bzhi yod pa bzhin du/ shar gyi lus 'phags po rnams dang / nub kyi ba lang spyod pa rnams kyang de bzhin no// byang gi sgra mi snyan gyi mi rnams ni mdog gcig pa ste dkar ro// rgyal chen bzhi'i lha rnams kyi mdog ni rnam pa bzhi ste/ sngon po dang / ser po dang / dmar po dang / dkar po rnams so// rgyal chen bzhi pa rnams kyi ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phral dbang byed pa rnams kyang de bzhin no// tshangs ris kyi lha rnams kyi mdog gcig pa ste dkar po'o// tshangs ris pa rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba pa rnams dang / 'og min gyi lha rnams kyang de bzhin no// nam mkha' mtha' yas skye mched pa dang / rnam shes mtha' yas skye mched pa dang / ci yang med pa'i skye mched pa dang / 'du shes med 'du shes med min skye mched pa rnams la ni kha dog med do// ji ltar 'dzam bu gling gi mi rnams kyi khang pa tshang du byas pa dang / ched du byas pa ma yin pa dang / khang bzang dang a khang rnams yod pa de bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan gyi mi rnams kyi khang pa ni ched du byas pa ma yin pa'i sa khang ngo // rgyal chen bzhi pa rnams kyi gzhal med khang ni ched du byas pa dang / ched du byas pa ma yin pa'o// rgyal chen bzhi pa'i lha rnams kyi ji lta ba bzhin du/ sum cu rtsa gsum pa rnams dang 'thab bral ba rnams dang dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyi yang de bzhin no// tshangs ris pa rnams kyi gzhal med khang rnams ni ched du byas pa ma yin pa'o// tshangs ris pa rnams kyi ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba pa rnams dang / 'og min pa rnams kyi gzhal med khang pa yang ched du ma byas pa yin no// gzugs med pa rnams la ni khang pa yang med do// ji ltar 'dzam bu'i gling gi mi rnams la gding ba dang / bgo ba 'di lta ste/ bal gos dang / sha na'i ras dang / gso ras dang / zar ma'i ras dang / sa gos dang pa dang dang ko tam pa'i ras dang / rtswa du ku la'i gos dang / a ba ran ti'i ka'i gos dang / ras dang / be'u ras yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do/ / byang gi sgra mi snyan gyi mi rnams ni dpag bsams shing las byung ba'i gos gyon no// ji ltar byang gi sgra mi snyan gyi mi rnams dpag bsams kyi shing las byung ba'i gos gyon pa bzhin du rgyal chen bzhi'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams kyang bzhin no/ / tshangs ris kyi lha rnams gos gyon bzhin du skye'o// tshangs ris kyi lha rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams kyang gos gyon bzhin du skye'o/ / byang gi sgra mi snyan gyi mi rnams kyi dpag bsams kyi shing las byung ba'i gos kyi shing rnams ni rnam pa bzhi ste/ sngon po dang / ser po dang / dmar po dang dkar po rnams so// bzhag gos kyang rnam pa bzhi ste/ sngon po dang / ser po dang / dmar po dang / dkar po rnams so// dpag bsams kyi shing las byung ba'i gos kyang rnam pa bzhi ste/ sngon po dang / ser po dang dmar po dang / dkar po rnams te/ dpag bsams kyi shing las byung ba'i gos ji lta bu 'dod pa de lta bu skyes pa 'am/ bud med dag gis sems bskyed ma thag tu/ de la yal ga 'dud par byed do/ / rgyal chen bzhi'i lha rnams kyi dpag bsams kyi shing las byung ba'i gos kyi shing rnams kyang rnam pa bzhi ste/ sngon po dang / ser po dang / dmar po dang / dkar po rnams so// bzhag gos kyang rnam pa bzhi ste/ sngon po dang / ser po dang / dmar po dang / dkar po rnams so// dpag bsams kyi shing las byung ba'i gos rnams kyang rnam pa bzhi ste/ sngon po dang / ser po dang / dmar po dang / dkar po rnams te/ dpag bsams kyi shing las byung ba'i gos ji lta bu 'dod pa de lta bu lha 'am/ lha'i bu mo dag gis sems bskyed ma thag tu yal ga 'dud par byed do// de'i lag tu 'ong bar 'gyur ro/ / rgyal chen bzhi pa rnams kyi ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyi yang de bzhin no/ / tshangs ris kyi lha rnams la ni/ dpag bsams kyi shing las byung ba'i gos med do// de yan chad la yang med do// ji ltar 'dzam bu gling gi mi rnams la yang gding ba dang / bgo ba lci ba dang / yang ba yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod de/ byang gi sgra mi snyan gyi mi rnams kyi dpag bsams kyi shing las byung ba'i gos la ni srang gcig yod do/ / rgyal chen bzhi pa'i lha rnams kyi ni srang phyed do// sum cu rtsa gsum gyi lha rnams kyi ni srang gi bzhi cha gcig go/ 'thab bral ba rnams kyi ni srang brgyad cha gcig go/ dga' ldan pa rnams kyi ni srang gi bcu drug cha gcig go/ 'phrul dga' ba rnams kyi ni srang gi sum cu rtsa gnyis kyi cha gcig go/ gzhan 'phrul dbang byed pa rnams kyi dpag bsams kyi shing las byung ba'i gos ni srang gi drug cu rtsa bzhi'i cha gcig yod do/ / tshangs ris kyi lha rnams kyi ni gzhal du med pa'i gos yin no// tshangs ris kyi lha rnams kyi ji lta ba bzhin du/ tshangs pa mdun na 'don rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med ba rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams kyi yang gzhal du med pa'i gos yin no/ / nyi zer gyi rdul gyi bzhi bcu rtsa dgu'i cha gcig ni rdul phra rab yin no// rdul phra rab bdun la ni rdul phra mo gcig go// rdul phra mo bdun la ni nyi zer gyi rdul gcig go/ nyi zer gyi rdul bdun la ni ri bong gi rdul gcig go/ ri bong gi rdul bdun la ni lug rdul gcig go/ lug rdul bdun la ni glang rdul gcig go/ glang rdul bdun la ni sro ma gcig go/ sro ma bdun la ni a ba ga na gcig go/ / a ba ga na bdun la ni ba tig gcig go// ba tig bdun la ni nas 'bru gcig go// nas 'bru bdun la ni sor gcig go// sor nyi shu rtsa bzhi la ni khru gang ngo // 'dzam bu gling pa'i mi rnam ni kha cig ni khru tshad de ltar brtsis pa'i khru phyed dang bzhi pa'o/ / kha cig ni khru bzhi pa'o// shar gyi lus 'phags po rnams ni khru brgyad pa'o// nub kyi ba lang spyod pa rnams ni khru bcu drug go/ byang gi sgra mi snyan pa rnams ni khru sum cu rtsa gnyis pa'o/ / rgyal chen bzhi pa'i lha rnams kyi lus thob pa ni rgyang grags kyi cha bzhi cha gcig go// sum cu rtsa gsum pa rnams kyi ni rgyang grags phyed do// 'thab bral ba rnams kyi ni rgyang gras kyi bzhi cha gsum pa'o/ / dga' ldan pa rnams kyi ni rgyang grags gcig go/ 'phrul dga' ba rnams kyi ni rgyang grags gcig dang rgyang grags pa'i cha'o// gzhan 'phrul dbang byed pa rnams kyi ni rgyang grags phyed dang gnyis so/ / tshangs ris pa rnams kyi ni dpag tshad byed do// tshangs pa'i mdun na 'don pa rnams kyi ni dpag tshad phyed dang gcig go// tshangs pa chen po pa rnams kyi ni dpag chad phyed dang gnyis so// 'od chung ba rnams kyi/ ni dpag tshad gnyis so// tshad med 'od pa rnams kyi dpag tshad bzhi pa'o// 'od gsal ba rnams kyi ni dpag tshad brgyad do// dge chung ba rnams kyi ni dpag tshad bcu drug go// tshad med dge ba rnams kyi ni dpag tshad sum cu rtsa gnyis so/ / dge rgyas pa rnams kyi ni dpag tshad drug cu rtsa bzhi'o// sprin med pa rnams kyi ni dpag tshad brgya nyi shu rtsa lnga'o// bsod nams skyes pa rnams kyi ni dpag tshad nyi brgya lnga bcu'o/ / 'bras bu che ba'i lha rnams kyi ni dpag tshad lnga brgya'o// 'du shes med pa'i sems can rnams kyi yang de dang 'dra'o// mi che ba'i lha'i lus thob pa ni dpag tshad stong ngo // mi gdung ba rnams kyi ni dpag tshad nyis stong ngo / / gya com snang ba rnams kyi ni dpag tshad bzhi stong ngo // shin tu mthong ba po rnams kyi ni dpag tshad brgyad stong ngo // 'og min gyi lha rnams kyi lus thob pa rnams kyi ni dpag tshad khri drug stong ngo // / gzugs med pa'i lha rnams la ni bsags pa'i lus med do// nyi zer gyi rdul gyi bzhi bcu rtsa dgu'i cha gcig ni rdul phra rab yin no// rdul phra rab bdun la ni rdul phra mo gcig go/ rdul phra mo bdun la ni nyi zer gyi rdul gcig go/ nyi zer gyi rdul bdun la ni ri bong gi rdul gcig go// ri bong gi rdul bdun la ni lug rdul gcig go/ lug rdul bdun la ni glang rdul gcig go/ glang rdul bdun la ni sro ma gcig go// sro ma bdun la ni a pa gan gcig go/ / a ba ga na bdun la ni ba ti ka gcig go/ ba ti ka bdun la ni nas 'bru gcig go/ nas 'bru bdun la ni sor gcig go// sor nyi shu rtsa bzhi la khru gang ngo // 'dzam bu gling gi mi rnams kha cig ni gro/ khru tshad 'di lta bur brtsis pa'i khru brgyad pa kon no// kha cig ni khru bcu pa'o// shar gyi lus 'phags po rnams kyi ni khru'i shu pa'o// nub kyi ba lang spod kyi ni khru bzhi bcu'o// byang gi sgra mi snyan gyi mi rnams ni dpag bsams shing las byung ba'i gos khru brgyad cu pa gyon no/ / rgyal chen bzhi'i lha rnams kyang lus la ci ran pa'i gos gyon no// rgyal chen bzhi'i ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams dang / tshangs ris pa rnams dang / tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang // bsod// nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min pa rnams kyi yang de bzhin no/ / ji ltar 'dzam bu'i gling gi mi rnams la dbang po tha dad de/ kha cig la ni pho'i dbang po yod pa bzhin du/ shar gyi lus 'phags po rnams dang / nub kyi ba lang spyod pa rnams dang / byang gi snga mi snyan pa rnams dang / rgyal chen bzhipa'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams la yang yod do/ / tshangs ris kyi lha rnams la ni mo'i dbang po yang med/ pho'i dbang po yang med do// tshangs ris pa rnams la ji lta ba bzhin du/ tshangs pa'i mdunar 'don pa rnams dang / tshangs pa chen po pa rnams dang / 'od chung ba rnams dang / tshad med 'ong ba rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba rnams dang / 'og min pa rnams kyang de bzhin no// ji ltar 'dzam bu gling gi mi rnams la bag ma gtong ba dang / bag ma len pa yod pa bzhin du/ shar gyi lus 'phags po rnams dang / nub kyi ba lang skyed pa rnams la yang yod do/ / byang gi sgra mi snyan pa rnams la ni med do// rgyal chen bzhi pa'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams la yang yod do// tshangs ris kyi lha rnams la ni bag ma gtong ba yang med/ bag ma len pa yang med do// tshangs ris kyi lha rnams la ji lta ba bzhin du tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba ba rnams dang / yin tu mthong ba pa rnams dang / 'og min gyi lha rnams la yang de bzhin no// 'jig rten bzhag pa las tshigs bzhi pa'o// sdom la/ grang dang dus tshigs mtshan mo dang // pha ma dang ni khol dang / / nor dang 'bru dang mngon par zhen// bcu tshan yongs su brjod pa yin// ji ltar 'dzam bu'i gling gi mi rnams la shin tu grang ba dang / shin tu tsha ba yod pa bzhin du/ shar gyi lus 'phags po rnams dang / nub kyi ba lang spyod pa rnams la yod do// byang gi sgra mi snyan pa rnams la ni med do// rgyal chen bzhi'i lha rnams la yang med do// de yan chad la yang med do// ji ltar 'dzam bu gling gi mi rnams la dus tshigs 'di lta ste/ dgun dang / dpyid dang / dbyar dang / ston yod pa bzhin du/ shar gyi lus 'phags po rnams dang / nub kyi ba lang spyod pa rnams dang / byang gi sgra mi snyan pa rnam dang / rgyal chen bzhi pa'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnam la yang yod do/ / tshangs ris kyi lha rnams la ni dus tshigs med do// tshangs ris kyi lha rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong ba rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams yang de bzhin no/ / ji ltar 'dzam bu'i gling gi mi rnams la mtshan mo dang nyin mo yod pa bzhin du/ shar gyi lus 'phags po rnams dang / nub kyi ba lang skyed pa rnams dang / byang gi sgra mi snyan pa rnams dang / rgyal chen bzhi'i lha rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams la yang yod do/ / tshangs ris kyi lha rnams la ni mtshan mo med/ nyin mo yang med do// tshangs ris pa rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams la yang de bzhin no// ji ltar 'dzam bu gling gi mi rnams la pha dang ma yod pa bzhin du/ shar gyi lus 'phags po rnams dang / nub kyi ba lang spyod pa rnams dang / byang gi sgra mi snyan pa rnams dang / rgyal chen bzhi'i lnga rnams dang / sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams la yang yod de// tshangs ris kyi lha rnams la nim yang med/ pha yang med do// tshangs ris kyi lha rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong ba rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras pa che ba rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba pa rnams dang / 'og min gyi lha rnams la yang de bzhin no// ji ltar 'dzam bu gling gi'i rnams la rje bo dang bran yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan pa'i mi rnams la ni rje bo yang med/ zaran yang med rgyal chen bzhi'i lha rnams la ni rje bo dang bran yang yod do/ / rgyal chen bzhi'i lha rnams ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phral dga' ba rnams dang / gzhan 'phrul dbang byed pa rnams la yang de bzhin no// tshangs ris kyi lha rnams la ni rje bo yang med/ bran yang med do// tshangs ras pa rnams ji ltang ban du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong pa rnams dang / 'od gsal ba rnams dang / dge chung ba rnams dang / tshad med dkar rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nem snang ba pa rnams dang / shin tu mthong ba pa rnams dang / 'og min gyi lha rnams la yang de bzhin no// ji ltar 'dzam bu'i gling gi mi rnams la/ nor dang 'bru yod pa bzhin du/ shar gyi lus 'phags po rnams dang / nub kyi lang spyod pa rnams la yang yod do/ / byang gi sgra mi snyan pa rnams la ni 'bru ni yod la nor ni med do// rgyal chen bzhi'i lha rnams la ni nor ni yod la 'bru ni med do// rgyal chen bzhi'i lha rnams ji lta ba bzhin sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams la yang de bzhin no// tshangs ris kyi lha rnams la ni nar yang med/ 'bru yang med do// tshangs ris kyi lha rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams la yang de bzhin no// ji ltar 'dzam bu gling gi mi rnams la/ pha 'am/ ma 'am/ bu pho 'am/ bu mo 'am/ rje bo 'am/ bran nam/ nor ram/ 'bru la mngon par zhen pa yod pa bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang gi sgra mi snyan gyi mi rnams la ni ci yang zhen pa med do/ / rgyal chen bzhi'i lha rnams la ni/ 'bru ma gtogs pa gzhan rnams la mngon par zhen pa yod do// rgyal chen bzhi'i lha rnams la ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyang de bzhin no// tshangs ris kyi lha rnams ni ci la yang mngon par zhen pa med do/ / tshangs ris pa rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams kyang de bzhin no// 'jig rten bzhag pa tshigs lnga pa'o// 'jig rten bzhag pa bam po gnyis pa/ sdom la/ zla mtshan 'khrig dang khu chu dang // tshe bsgyur dang ni chu klung brag/ sA la rdzi du glang po dang // srungs ma 'khor lo sgyur ba'i lam// ji ltar 'dzam bu'i gling gi mi rnams la/ bud med zla mtshan can dang / sbrum ma dang / bu btsa' ba yod pa bzhin du/ shar gyi lus 'phags po rnams dang / nub kyi ba lang spong ba rnams dang / byang gi sgra mi snyan pa la yang yod do/ / rgyal chen bzhi'i lha rnams kyi ni/ 'dzam bu gling gi mi rnams kyi khye'u dang / bu mo lo lnga lon pa ji tsam pa de bzhin du/ lha 'am/ lha'i bu mo phrag pa 'ar/ pang par sems can dus skye ba 'byung bar 'gyur te/ de na lha 'am/ lha'i bu mo dag 'di snyam du/ 'di ni bdag gi bu 'am/ bu mo'o snyam du sems so// khye'u dang bu mo de dag kyang 'dis mar 'di ni bdag cag gi ma 'am/ pha'o snyam du sems so/ / sum cu rtsa gsum pa rnams kyi ni lo drug lon pa ji tsam pa bzhin no// 'thab bral ba rnams kyi ni lo bdun lon pa ji tsam pa bzhin no// ngag po rgyad lon pa ji ba bzhin no/ / 'phrul dga' ba rnams kyi ni lo dgu lon pa ji tsam pa bzhin no// gzhan 'phrul dbang byed pa rnams kyi ni 'dzam bu gling gi mi rnams kyi khye'u dang / bu mo lo bcu len 'jams pa dang cin du lha 'am/ lha'i bu mo phrag pa 'am/ phang par sems can rdzus te skye ba 'byung bar 'gyur te/ de na lha 'am/ lha'i bu mo 'di snyam du 'di ni bdag gi bu 'am/ bu mo'o snyam du sems so// khye'u dang / bu ma de dag kyang 'di snyam du 'di ni bdag cag gi ma 'am/ pha'o snyam du sems so// tshangs ris kyi lha rnams ni thog ma nas lus kyi yan lag dang nying lag thams cad rdzogs par skye zhing / 'chi ba na de kho na bzhin no/ / tshangs ris kyi lha rnams ji lta ba bzhin du/ tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'ong pa rnams dang / 'od gsal ba rnams dang dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rna dang / gya nom snang ba rnams dang / shin tu mthong ba pa rnams dang / 'og min gyi lha rnams kyang de bzhin no// gzugs med pa rnams la ni/ lus kyi gzugs med de/ de bas na de bzhin skye ba yang mi mngon/ 'chi 'pho ba yang mi mngon no// ji ltar 'dzam bu'i gling gi mi rnams mi tshangs par spyod pa 'khrig pa'i chos ston pa na gnyis kyis gnyis sbyor ba yod pa bzhin du/ shar gyi lus 'phags po rnam dang / nub kyi ba lang spyod pa rnams dang / byang gi sgra mi snyan pa rnams dang / rgyal chen bzhi'i lho rnams dang / sum cu rtsa gsum pa rnams kyang de bzhin no// 'thab bral ba rnams ni 'khyud pa tsam gyis gdung ba zhi bar 'gyur ro/ / dga' ldan pa rnams kyi ni lag pa nas bzung ba tsam gyis so// 'phrul dga' ba rnams kyis ni bgad pa tsam gyis so// gzhan 'phrul dbang med pa rnams kyi nang lhas pa tsam gyis gdung ba zhi bar 'gyur ro/ / tshangs ris pa rnams la ni 'dod chags med do// tshangs ris pa rnams ji lta ba bzhin du/ tshangs pa'i mdun na 'don pa rnams dang tshangs pa chen po pa rnams dang / 'ong chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lnga rnams kyang de ba zhin no// ltar 'dzam bu gling gi mi rnams la/ khu chu mi gtsang ba 'byung ba yod pa de bzhin du/ shar gyi lus 'phags po rnams dang / nub kyi ba lang sprod pa rnams dang / byang gi sgra mi snyan pa'i ma rnams la yang de bzhin no/ / rgyal chen bzhi'i lha rnams kyi ni rlung 'byung ngo // rgyal chen bzhi'i lha rnams ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams kyi yang de bzhin no// tshangs ris kyi lha rnams la ni 'dod chags med do// tshangs ris pa rnams ji lta ba bzhin du/ tshangs pa'i mdun na 'dir pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / 'bras bu che ba rnams dang / mi che ba rnams dang / mi gdung ba rnams dang / gya nom snang ba pa rnams dang / shin tu mthong ba pa rnams dang / 'og min gyi lha rnams kyang de bzhin no// sems can dmyal ba pa'i sems can rnams kyi tshe'i tshad kyi mtha' ni bskal pa gcig ste/ bar ma dor 'chi ba ni yod do// dud 'gro'i skye gnas su skyes pa'i sems can rnams kyi tshe'i tshad kyi mtha' ni bskal pa gcig ste/ bar ma dor 'chi ba ni yod do// mi rnams kyi nyin zhag sum cu gang yin pa de ni/ yi dgas rnams kyi nyin zhag gcig ste/ nyin zhag de sum cu la zla ba gcig/ zla ba bcu gnyis la lo gcig ste/ yi dgas rnams kyi tshe'i tshad kyi mtha' ni/ lo de lta bur brtsis pa'i lo lnga brgya ste/ bar ma dor 'chi ba ni yod do// de mi'i ltar brtsis na ni lo khri lnga stong yod do/ / shar gyi lus 'phags kyi mi rnams kyi tshe'i tshad kyi mtha' ni lo nyis brgya lnga bcu ste/ bar ma dor 'chi ba ni yod do// nub kyi ba lang spyod kyi mi rnams kyi tshe'i tshad kyi mtha' ni lo lnga brgya ste/ bar ma dor 'chi ba ni yod do/ / byang gi sgra mi snyan gyi mi rnams kyi tshe'i tshad kyi mtha' ni lo stong ste/ bar ma dor 'chi ba med do// ci'i phyir byang gi sgra mi snyan gyi mi rnams la bar ma dor 'chi ba med ce na/ de dag la bdag gi ba med cing / yongs su 'dzin pa med de/ tshe nges shing khyad par du 'gro ba yin pas/ de'i phyir byang gi sgra mi snyan gyi mi rnams la/ bar mdor 'chi ba med do// 'dzam bu gling gi mi rnams la ni yar skye ba dang / mar 'grib pa yod de/ 'dzam bu gling gi mi rnams res 'ga' ni tshe dpag tu med par 'gyur/ res 'ga' ni tshe lo bcu par 'gyur ro// mi rnams kyi tshe lo lnga bcu gang yin pa de ni/ rgyal chen bzhi'i lha rnams kyi nyin zhag gcig yin no/ / nyin zhag de sum cu la zla ba gcig/ zla ba bcu gnyis la lo gcig ste/ rgyal chen bzhi'i lha rnams kyi tshe'i tshad kyi mtha' ni/ lo de lta bur brtsis pa'i lha'i lo lnga brgya ste/ bar ma dor 'chi ba ni yod do/ / de mi'i ltar brtsis na lo sa ya phrag dgu yod de/ de ni sems can dmyal ba chen po yang sos kyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po yang sos kyi sems can rnams kyi tshe'i tshad kyi mtha' ni/ lo de lta bur brtsis pa'i sems can dmyal ba'i lo lnga brgya ste/ bar ma dor 'chi ba ni yod do// de mi'i ltar brtsis na lo bye ba phrag 'bum drug khri nyis stong yod do/ / mi rnams kyi lo brgya gang yin pa de ni sum cu rtsa gsum pa'i lha rnams kyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sum cu rtsa gsum pa'i rnams kyi tshe'i tshad kyi mtha' ni/ lo de lta bur brtsis pa'i lha'i lo stong ste/ bar ma dor 'chi ba ni yod do// de mi'i ltar brtsis na lo bye ba phrag gsum dang sa ya phrag drug yod do// de ni sems can dmyal ba chen po thig nag gi nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po thig nag gi tshe'i tshad kyi mtha' ni/ lo de lta bur brtsis pa'i sems can dpal ba'i lo stong ste/ bar ma dor 'chi ba ni yod do// de mi'i ltar brtsis na lo bye ba phrag 'bum phrag bcu gnyis dang / bye ba phrag dgu khri drug stong yod do// mi rnams kyi lo nyis brgya gang yin pa de ni/ 'thab bral gyi lha rnams kyi nyin zhag gcig go/ nyin zhag de sum cu la zla ba gcig go/ zla ba bcu gnyis la lo gcig ste/ 'thab bral ba'i lha rnams kyi tshe'i tshad kyi mtha' ni/ lo de lta bur brtsis pa'i lha'i lo nyis stong ste/ bar ma dor 'chi ba ni yod do// de mi'i ltar brtsis na lo bye ba phrag bcu bzhi dang / sa ya phrag bzhi yod de/ de ni sems can dmyal ba chen po bsdus gzhom gyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po bsdus gzhom gyi sems can rnams kyi tshe'i tshad kyi mtha' ni/ lo de lta bur brtsis pa'i sems can dmyal ba'i lo nyis stong ste/ bar ma dor 'chi ba ni yod do// de mi'i ltar brtsis na lo bye ba phrag gcig dang / bye ba phrag sum 'bum drug khri brgyad stong yod do// mi rnams kyi lo bzhi brgya gang yin pa de ni/ dga' ldan gyi lha rnams kyi nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig ste/ dga' ldan gyi lha rnam kyi tshe'i tshad kyi mtha' ni/ lo de lta bur brtsis pa'i lo bzhi stong ste/ bar ma dor 'chi ba ni yod de// de mi'i ltar brtsis na lo bye ba phrag lnga bcu rtsa bdun dang / bye ba phrag gsum dang / sa ya phrag drug yod do// de ni sems can dmyal ba chen po ngu 'bod kyi nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po ngu 'bod kyi sems can rnams kyi tshe'i tshad kyi mtha' ni/ lo de lta bur brtsis pa'i sems can dmyal ba'i lo bzhi stong ste/ bar ma dor 'chi ba ni yod do// de mi'i ltar brtsis na lo bye ba phrag brgya dang / bye ba phrag sa ya gnyis dang / bye ba phrag dgu 'bum bzhi khri bzhi stong yod do// mi rnams kyi lo brgyad brgya gang yin pa de ni/ 'phrul dga'i lha rnams kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ 'phrul dga' ba rnams kyi tshe'i tshad kyi mtha' ni/ lo de lta bur brtsis pa'i lo brgyad stong ste/ bar ma dor 'chi ba ni yod do// de ma'i ltar brtsis na lo bye ba phrag nyis brgya sum cu dang / lo sa ya phrag bzhi yod do// de ni sems can dmyal chen po ngu 'bod chen po'i nyin zhag gcig go/ / nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po ngu 'bod chen po'i tshe'i tshad kyi mtha' ni/ lo de lta bur brtsis pa'i sems can dmyal ba'i lo brgyad stong yod de/ bar ma dor 'chi ba ni yod do// de mi'i ltar brtsis na lo bye ba phrag drug cu rtsa drug dang / bye ba phrag sa ya gsum dang / bye ba phrag lnga 'bum lnga khri nyis stong yod do/ / mi rnams kyi lo stong drug brgya gang yin pa de ni/ gzhan 'phrul dbang byed kyi lha rnams kyi nyin zhag gcig yin no// nyin zhag de sum cu la zla ba gcig/ zla ba bcu gnyis la lo gcig ste/ gzhan 'phrul dbang byed kyi tshe'i tshad kyi mtha' ni/ lo de lta bur brtsis pa'i lha'i lo khri drug stong ste/ bar ma dor 'chi ba ni yod do// de mi'i ltar brtsas na lo bye ba phrag dgu brgya nyi shu rtsa gcig dang / lo sa ya phrag drug yod de/ de ni sems can dmyal ba chen po tsha ba'i nyin zhag gcig go// nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po tsha ba'i sems can dmyal ba'i sems can rnams kyi tshe'i tshad kyi mtha' ni/ lo de lta bur brtsis pa'i sems can dmyal ba'i lo khri drug stong ste/ bar ma dor 'chi ba ni yod do// de mi'i ltar brtsis na lo bye ba phrag lnga brgya dang / lo bye ba phrag sum cu dang / lo bye ba phrags ya brgyad dang / bzhi 'bum dang / lo bye ba phrag khri drug stong yod do// / bar gyi sdom la/ dgu dang gsum dang bcu bzhi dang ni lnga bcu rtsa bdun dang / / nyis brgya dgu brgya rnams ni mi yi grangs kyis lha tsher bshad// de bzhin gcig dang bcu gnyis gcig dang brgya dang drug cu dang // lnga brgya dag ni sems can dmyal ba pa yi tsher bshad de/ / tshangs ris kyi lha rnams kyi tshe'i tshad kyi mtha' ni bskal pa'i phyed de/ bar ma dor 'chi ba ni yod do// sems can dmyal ba chen po rab tu tsha ba'i tshe'i tshad kyi mtha' ni bskal pa'i byed de/ bar mdor 'chi ba ni yod do// tshangs pa'i mdun na 'don pa'i lha rnams kyi tshe'i tshad kyi mtha' ni bskal pa gcig ste/ bar ma dor 'chi ba ni yod do// sems can dmyal ba chen po mnar med pa'i tshe'i tshad kyi mtha' ni bskal pa gcig ste/ bar ma dor 'chi ba ni yod do// tshangs pa chen po pa'i lha rnams kyi tshe'i tshad kyi mtha' ni bskal pa phyed dang gnyis te/ bar mdo 'chi ba ni yod do/ / 'od chung ba rnams kyi tshe'i tshad kyi mtha' ni bskal pa gnyis te/ bar ma dor 'chi ba ni yod do// tshad med 'od kyi lha rnams kyi tshe'i tshad kyi mtha' ni bskal pa bzhi ste/ bar ma dor 'chi ba ni yod do/ / 'od gsal gyi lha rnams kyi tshe'i tshad kyi mtha' ni bskal pa brgyad de/ bar ma dor 'chi ba ni yod do// dge chung gi lha rnams kyi tshe'i tshad kyi mtha' ni bskal pa bcu drug ste/ bar mdor 'chi ba ni yod do/ / tshad med dge ba'i lha rnams kyi tshe'i tshad kyi mtha' ni bskal pa sum cu rtsa gnyis te/ bar mdor 'chi ba ni yod do// dge rgyus kyi lha rnams kyi tshe'i tshad kyi mtha' ni bskal pa drug cu rtsa bzhi ste/ bar ma dor 'chi ba ni yod do// sprin med kyi lha rnams kyi tshe'i tshad kyi mtha' ni bskal pa brgya nyi shu rtsa lnga ste/ bar ma dor 'tsha ba ni yod do// bsod nams skyes kyi lha rnams kyi tshe'i tshad kyi mtha' ni bskal pa nyis brgya lnga bcu ste/ bar ma dor 'chi ba ni yod do// 'bras bu che ba'i lha rnams kyi tshe'i tshad kyi mtha' ni bskal pa lnga brgya ste/ bar ma dor 'chi ba ni yod do// 'du shes med pa'i sems can rnams kyang de dang 'dra'o/ / mi che ba'i lha rnams kyi tshe'i tshad kyi mtha' ni bskal pa stong ste/ bar ma dor 'chi ba ni yod do// mi gdung ba'i lha rnams kyi tshe'i tshad kyi mtha' ni bskal pa nyis stong ste/ bar ma dor 'chi ba ni yod do/ / gya nom snang ba'i lha rnams kyi tshe'i tshad kyi mtha' ni bskal pa bzhi stong ste/ bar ma dor 'chi ba ni yod do// shin tu mthong ba'i lha rnams kyi tshe'i tshad kyi mtha' ni bskal pa brgyad stong ste/ bar ma dor 'chi ba ni yod do// 'og min gyi lha rnams kyi tshe'i tshad kyi mtha' ni bskal pa khri drug stong ste/ bar ma dor 'chi ba ni yod do// nam mkha' mtha' yas skye mched pa'i tshe'i tshad kyi mtha' ni bskal pa nyi khri ste/ bar ma dor 'chi ba ni yod do// rnam shes mtha' yas skye mched pa'i lha rnams kyi tshe'i tshad kyi mtha' ni bskal pa bzhi khri ste/ bar ma dor 'chi ba ni yod do// ci yang med pa'i skye mched pa'i lha rnams kyi tshe'i tshad kyi mtha' ni bskal pa drug khri ste/ bar ma dor 'chi ba ni yod do// 'du shes med 'du shes med min skye mched pa'i lha rnams kyi tshe'i tshad kyi mtha' ni bskal pa brgyad khri ste/ bar ma dor 'chi ba ni yod do/ / 'di nas byang phyogs na ri nag po gsum yod do// ri nag po gsum po dag gi byang phyogs na ri nag po gzhan gsum yod do// ri nag po gsum po de dag gi byang phyogs na yang ri nag po gzhan gsum yod do/ / ri nag po gzhan gsum po yod pa de dag gi byang phyogs na ri'i rgyal po gangs zhes bya ba yod do// ri'i rgyal po gangs kyi byang phyogs na ri'i rgyal po spos kyi ngad ldang zhes bya ba yod do/ / ri'i rgyal po spos kyi ngad ldang nas dpag tshad bcu'i tshu rol na mtsho chen po chu zhes bya ba zhig yod de/ ma thos pa zhes kyang bya'o// mtsho chen po chu zhes bya ba de la chur dpag tshad lnga bcu/ zheng du dpag tshad lnga bcu yod do// mtha' skor du ni dpag tshad nyis brgya yod de/ dbyibs legs shing blta na sdug la mdzes pa chu bsil zhing chu sbrang rtsi lta bus gang la me tog ut+pal dang / pad+ma dang / ku mu ta dang / pad+ma dkar pos kun tu khebs par 'dug go/ de'i nang nas klung chen po bzhi 'di lta ste/ gang+gA dang / sin du dang / si ta dang / paka shu dang / 'di rnams 'bab ste/ gang+gA ni shar phyogs nas glang po che'i kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu shar phyogs kyi rgya mtsho chen por 'gro'o/ / sin du ni lho phyogs nas khyu mchog gi kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu lho phyogs kyi rgya mtsho chen por 'gro'o// paka shu ni nub phyogs nas rta'i kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu nub phyogs su rgya mtsho chen por 'gro'o// si ta ni byang phyogs nas seng ge'i kha nas 'bab ste/ de ni mtsho chen po chu zhes bya ba g.yas phyogs su bskor te/ klung lnga brgya dang lhan cig tu byang phyogs kyi rgya mtsho chen por 'gro'o// 'di skad du/ byang phyogs kha dgur 'gyur ba yidachu mtsho yod de gzhan dag kyang / / des na mtsho chen chu zhes bya// tha dad rgyun rnams 'byung gnas yod// chu klung gang+gA sin du pag shu dang // si ta dba' rlabs dbu ba'i 'phreng ba can// 'bab cing thams cad bsil ba'i chu yin te/ / chus gang khyad par bzhi 'bab ste// phyogs bzhi kho ra khor yug dag nas 'byung // gang+gA shar phyogs rgya mtshor 'gro ba ste// sin du lho phyogs rgya mtshor 'gro ba'o// pag shu yang ni nub phyogs rgya mtshor 'gro// de yi byang phyogs rgya mtshor sid 'gro// chu klung rab mches na po 'ari dag ni mchog tu bza' zhing so sor 'bab pa ste// re re zhing yang lnga brgya khyer nas ni// chu yi rgyun rnams rgya mtsho chen por 'gro// zhes kyang bya'o// raM spos kyi dang ldang de'i bya dang kAgs kyi drug tu skyabs lha ma yin gyi ngos zhes bya ba yod de/ chur dpag tshad lnga bcu/ zhang du dpag tshad lnga bcu/ mtha' skor du dpag tshad nyis brgya/ dpang du dpag tshad phyang da bzhi med pa dbyar shing balnga ni sdug la mdzes pa zhig yod de/ de'i nang gi sa gzhi yang dbyibs leg shing blta na sdug pa/ mdzes pa gser gyi phye ma bdal cing / tsan dan gyi chu'i chag chag btab pa ste/ der yid du mi 'ong ba'i shing ngam/ gseg ma 'am/ gang ci yang rung ba dag lhung na de mi ma yin pa rnams kyis rlung gi mthus phyi rol du 'dor ro/ / de'i khor ra khor yug tu gser gyi brag bya skyibs brgyad stong yod de/ de thams cad kyang dbyibs legs shing blta na sdug la mdzes pa ste/ de dag gi nang gis gzhi rnams kyang dbyibs legs shing blta na sdug pa la/ mdzes pa gser gyi bye ma bdal cing / tsan dan gyi chus chag chag btab ste/ der yang yid du mi 'ong ba shing ngam/ gseg ma 'am/ gang ci yang rung ba dag lhung na/ de mi ma yin pa rnams kyis rlung gi mthus phyi rol du 'dor ro// de'i lam srid du dpag tshad nyi shu/ zheng du dpag tshad phyed dang gnyis yod pa/ dbyibs legs shing blta na sdug la mdzes pa/ gser gyi bye ma bdal zhing / tsan dan gyi chus chag chag btab pa zhig yod de/ der yang yid du mi 'ong ba'i shing dang / gseg ma 'am/ gang ci yang rung ba dag lhung na/ de mi ma yin pa rnams kyis rlung gi mthus phyi rol du 'dor ro// brag bya skyibs lha ma yin gyi ngos de'i byang phyogs dpag tshad nyi shu na/ shing sA la'i rgyal po chen po rab tu brtan pa zhes bya ba sA la'i 'phreng ba rim pa bdun gyis bskor ba zhig yod de/ sA la'i rgyal po rab tu brtan pa de'i rtsa ba ni/ 'dom bcu bzhi thur du zug go/ sa la'i 'phreng ba dang po'i rtsa ba na 'dom bcu gsum thur du zug go// gnyis pa'i ni bcu gnyis so/ / gsum pa'i ni bcu gcig go// bzhi pa'i ni bcu'o// lnga pa'i ni dgu'o// drug pa'i ni brgyad do// sA la'i 'phreng ba bdun pa'i rtsa ba ni 'dom bdun thur du zug go/ sA la'i rgyal po rab tu brtan pa de'i yal ga dang / lo ma dang / yan lag rnams gang yin pa de ni/ sA la'i 'phreng ba dang po la thug go// 'phreng ba dang po'i yal ga dang / lo ma dang / yan lag gang yin pa de ni gnyis pa la'o/ / gnyis pa'i gang yin pa de ni gsum pa la'o// gsum pa'i gang yin pa de ni bzhi pa la'o// bzhi pa'i gang yin pa de ni lnga pa la'o// lnga pa'i gang yin pa de ni drug pa la'o// drug pa'i gang yin pa de ni bdun pa la'o/ / sA la'i 'phreng ba bdun pa'i yal ga dang / lo ma dang / yan lag gang yin pa des ni nam mkha' khyab par 'dug go// de'i nang gi sa gzhi yang dbyibs legs shing blta na sdug la mdzes pa gser gyi bye ma bdal cing / tsan dan gyi chus chag chag btab pa ste/ der yang yid du mi 'ong ba'i shing ngam/ gseg ma 'am/ gang ci yang rung ba dag lhung na/ der mi ma yin pa rnams kyis rlung gi mthus phyi rol du 'dor ro// de'i lam srid du dpag tshad nyi shu/ zheng du dpag tshad phyed dang gnyis yod de/ dbyibs legs shing blta na sdug la mdzes pa ste/ der yang yid du mi 'ong ba'i shing ngam/ gseg ma 'am/ gang ci yang rung ba dag lhung na/ de mi ma yin pa rnams kyis rlung gi mthus phyi rol du 'dor ro// sA la'i rgyal po rab tu brtan pa'i shar phyogs dpag tshad nyi shu na/ rdzing bu dal gyis 'bab ces bya ba chur dpag tshad lnga bcu/ zheng du dpag tshad lnga bcu ste/ mtha' skor du dpag tshad nyis brgya yod pa/ dbyibs legs shing blta na sdug la mdzes pa chu bsil zhing / chu sbrang rtsi lta bus gang ba/ me tog ut+pa la dang / pad+ma dang / ku mu da dang / pad+ma dkar pos khebs pa zhig yod de/ rdzing bu dal gyis 'bab kyi nang gi pad+ma'i lo ma rnams che zhing mchog tu che ste/ 'di lta ste/ ba lang yog pa tsam mo// pad+ma'i sdong bu rnams che zhing mchog tu che ste/ 'di lta ste/ gshol mda' tsam mo// pad+ma'i me tog rnams che zhing mchog tu che ste/ 'di lta ste/ shing rta'i 'phang lo tsam mo// pad+ma'i rtsa ba rnams che zhing mchog tu che ste/ 'di lta ste/ skyes bu chen po'i brla tsam mo// ro mngar zhing mchog tu mang te/ 'di lta ste/ sbrang bu'i sbrang rtsi ma skol ba bzhin no// bcad na yang 'o ma 'dzag go/ rdzing bu dal gyi 'bab kyi kho ra khor yug na/ rdzing bu brgyad stong yod de/ de dag thams cad kyang dbyibs legs shing blta na sdug la mdzes pa/ chu bsil zhing sbrang rtsi lta bus gang ngo // de dag gi nang gi pad+mo'i lo ma rnams kyang che zhing mchog tu che ste/ 'di lta ste/ ba lang g.yog pa tsam mo// pad+ma'i sdong bu / rnams che zhing mchog tu che ste/ 'di lta ste/ gshol mda' tsam mo// pad+ma'i me tog rnams che zhing mchog tu che ste/ 'di lta ste/ shing rta'i 'phang lo lnga tsam mo// pad+ma'i rtsa ba rnams che zhing mchog tu / che ste/ 'di lta ste/ skyes bu chen po'i brla tsam mo// ro mngar zhing mchog tu mngar te/ 'di lta ste/ sbrang bu'i sbrang rtsi ma skol ba bzhin no// bcad na yang 'o ma 'dzag go// de'i lam srid du dpag tshad nyi shu/ zheng du dpag tshad phyed dang gnyis yod de/ dbyibs legs shing blta na sdug la mdzes pa gser gyi bye ma bdal zhing / tsan dan gyi chus chag chag btab pa zhig yod de/ der yang yid du mi 'ong ba'i shing ngam/ gseg ma 'am/ gang ci yang rung ba dag lhung na de mi ma yin pa rnams kyis/ rlung gi mthus phyi rol du 'dor ro// sum cu rtsa gsum pa'i lha rnams kyi glang po che'i rgyal po g.yul ngor spyod pa rab tu brtan pa zhes bya ba gzugs bzang zhing blta na sdug la mdzes pa zhig yod do/ / me tog ku mu da'i mdog ltar thal kar 'dug pa/ yan lag bdun shin tu legs par gnas te/ de'i mgo yang dbyibs legs shing blta na sdug la mdzes pa ste/ sngo zhing srog chags 'dam bu chu/ shel gyi mdog ltar dbus dmar la mche ba drug yod de/ glang po che'i rgyal po rab tu brtan pa'i srid du dpag tshad phyed dang gsum/ zheng du dpag tshad gcig/ 'phang du dpag tshad phyed dang gnyis/ mtha' skor du dpag tshad bdun yod do// de'i 'khor glang po che brgyad stong yod de/ de dag thams cad kyang gzugs bzang zhing blta na sdug la mdzes pa/ me tog ku mu da'i mdog ltar thal kar du 'dug cing / yan lag bdun shin tu legs par gnas te/ de dag gi mgo yang dbyibs legs shing blta/ na sdug la mdzes pa ste/ sngo zhing srog chags 'dam bu chu/ shel gyi mdog ltar dbus dmar ba mche ba drug yod pa sha stag ste/ glang po che'i rgyal po rab tu brtan pa de 'khor dang bcas pa/ dgun zla ba bzhi ni brag bya skyibs lha ma yin gyi ngos kyi nang na gnas shing 'khod do/ / dpyid zla bzhi ni shing sA la'i rgyal po rab tu brtan pa'i nang na gnas shing 'khod do// gang gi tshe glang po che'i rgyal po rab tu brtan pa brag bya skyibs lha ma yin gyi ngos kyi nang na gnas shing 'dug pa'i tshe ni/ glang po che brgyad stong po rnams 'di lta ste/ glang po che'i rgyal po rab tu brtan pa bsrung ba dang / sba ba dang / mdzes pa bya ba'i phyir/ brag bya skyibs brgyad stong dag gi nang na nye bar gnas shing 'khod do// gang gi tshe glang po che'i rgyal po rab tu brtan pa brag bya skyibs lha ma yin gyi ngos kyi nang nas/ shing sA la'i rgyal po rab tu brtan pa'i nang na 'gro na/ re 'ga' ni tha mal pa'i tshul gyis 'gro/ res 'ga' ni 'di lta ste/ lha 'am lha'i bu rdzu 'phrul che zhing / mthu che ba gang yang rung ba dang 'dra bar bdag nyid mngon par sprul nas glang po che de dag thams cad kyi nang na dbang che bar grags pa gang yin pa de nyid kyi mgo 'am rgyab tu zhon te/ sil snyan dang pheg rdob pa dag rgya cher byed cing 'gro'o// gang gi tshe glang po che'i rgyal po rab tu brtan pa shing sA la'i rgyal po rab tu brtan pa'i nang na gnas shing 'dug pa de'i tshe ni/ glang po che brgyad stong po de dag kyang 'di lta ste/ glang po che'i rgyal po rab tu brtan pa bsrung ba dang / sba ba dang mdzes par bya ba'i phyir/ shing sA la'i 'phreng ba rim pa bdun po dag gi nang na kha nang du bltas shing 'khod do// shing sA la'i 'phreng ba dang po'i nang na 'khod pa gang yin pa de dag kyang kha nang du bltas shing 'khod do/ / gnyis pa'i nang na 'dug pa'i gang yin pa de dag kyang kha nang du lta'o// gsum pa'i nang na 'dug pa gang yin pa de dag kyang la nang du lta'o// bzhi pa'i nang na 'dug pa gang yin pa de dag kyang kha nang du lta'o/ / lnga pa'i nang na 'dug pa gang yin pa de dag kyang kha nang du lta'o// drug pa'i nang na 'dug pa gang yin pa de dag kyang kha nang du lta'o// bdun pa'i nang na 'dug pa gang yin pa de dag kyang kha nang du bltas te 'khod do/ / gang gi tshe glang po che'i rgyal po rab tu brtan pa shing sA la'i rgyal po rab tu brtan pa nas/ rdzing bu dal gyis 'bab par 'gro ba na/ res 'ga' na tha mal pa'i tshul gyis 'gro'o/ / res 'ga' ni 'di lta ste/ lha 'am lha'i bu rdzu 'phrul che zhing mthu che ba gang yang rung ba dang 'dra bar bdag nyid mngon par sprul nas/ glang po che de dag thams cad kyi nang na dbang // che bar grags pa gang yin pa de nyid kyi mgo bo 'am/ rgyab tu zhon te/ sil snyan dang / phag rdob pa dag kyang rgya cher byed cing 'gro'o// gang gi tshe glang po che'i rgyal po rab tu brtan pa rdzing bu dal gyis 'bab kyi nang du zhugs nas/ rtse zhing dga' la dga' mgur spyod pa/ de'i tshe glang po che brgyad stong po dag 'di lta ste/ glang po che'i rgyal po rab tu brtan pa de bsrung ba dang / sba ba dang / mdzes par bya ba'i phyir/ rdzing bu dal gyi 'bab kyi mtha' khor khor yug kun nas bskor te/ kha nang du bltas shing 'khod do// gang gi tshe glang po che'i rgyal po rab tu brtan pa rdzing bu dal gyis 'bab kyi nang na rtse zhing dga' la dga' dgur spyad nas/ phyir 'byung ba de'i tshe de'i nang na glang po che dbang che bar grags pa gang yin pa de rdzing bu dal gyis 'bab kyi nang na zhugs nas pad+ma'i rtsa ba rnams blangs te shin tu bkrus shing rab tu ba shal nas/ glang po che'i rgyal po rab tu brtan pa la 'bul/ gang gi tshe glang po che'i rgyal po rab tu brtan pa zos shing 'thungs te/ 'grangs par gyur pa de'i tshe/ glang po che gzhan brgyad stong po de dag kyang rdzing bu re rer zhugs nas/ rtse zhing dga' la dga' dgur spyod de/ pad+ma'i rtsa bdag blangs shing shin tu bkrus shing rab tu bshal te za'o// sum cu rtsa gsum pa'i lha rnams kyi glang po che'i rgyal po g.yul ngor spyad pa rab tu brtan pa'i mthu ni de tsam mo/ / sems can thams cad ni srungs ma dang bcas shing srung ba dang / skyob pa dang / sbed pa dang mi 'bral te/ sems can gang dbang chung bar grags shing bsod nams chung la/ gzi brjid chung ba de dag ni/ brgya phrag mang po dang / stong phrag mang po la gcig bsrung ste/ dper na ba lang mang po dang / lug brgya phrag mang po dang / stong phrag mang po la gcig gis bsrung ba de bzhin du/ sems can gang dbang chung bar grags shing / bsod nams chung la/ gzi brjid chung ba de dag ni brgya phrag mang po dang / stong phrag mang po la gcig bsrung ngo // sems can dbang che bar grags shing / bsod nams che ba gzi brjid che ba de dag ni brgya phrag mang po dang / stong phrag mang po dag gis gcig pu bsrung ba ste/ dper na 'khor lo sgyur ba'i rgyal po 'am/ de bzhin gshegs pa dgra bcom pa yang dag par rdzogs pa'i sangs rgyas la brgya phrag mang po dang / stong phrag mang po dag gis gcig pu bsrung ba de bzhin du/ sems can gang dbang che bar grags shing / bsod nams che la gzi brjid che ba de dag la brgya phrag mang po dang / stong phrag mang po dag gis gcig pu bsrung ngo // 'dir smras pa/ ci ste sems can thams cad srungs ma dang bcas/ srung ba dang / skyong pa dang / sbed pa dang mi 'bral na ci'i phyir 'tshe ba yod par 'gyur/ smras pa/ srungs ma mthu chung ba zhig yin na ni/ de la zil gyis gnon pa las 'tshe ba yod do// srungs ma bag med cing bag med pa la gnas pa zhig yin na/ de'i bag med pa'i rgyu las kyang 'tshe ba rnams yod do// srungs ma gnyis lhan cig 'thun par gyur pas kyang zil gyis mnan nas 'tshe bar byed do// mi rnams chos ma yin pa la spyod cing mi rigs pa spyod pa yin na/ de dag ni de dag gi chos ma yin pa spyod pa dang / mi rigs pa spyod pa las kyang 'tshe ba yod do// sum cu rtsa gsum pa'i lha rnams kyi srungs ma 'di lta ste lam po che dang / srang dang / bzhi mdo dang / sum mdo dang / spos 'tshong ba'i gnas rnams dang / me tog gi 'phreng ba 'tshong ba'i gnas rnams dang / zong dgram pa'i gnas rnams dang / btung ba 'tshong ba'i gnas rnams dang / rtag tu myos pa'i gnas rnams dang / gsod byed kyi gnas rnams su bkod pa dag yod de/ zla ba phyed kyi tshes brgyad la rgyal po chen po bzhi po de dag gi g.yog zho shas 'tsho ba rnams kyis lam po che dang srang dang bzhi mdo dang / sum mdo dang / dri 'tshong ba'i gnas rnams dang / me tog gi 'phreng ba 'tshong ba'i gnas rnams dang / zong dgram pa'i gnas rnams dang btung ba 'tshong ba'i gnas rnams dang / rtag tu myos pa'i gnas rnams dang / bsod byed kyi gnas rnams na su zhig 'dug ces 'jig rten 'di thams cad byul te ci ste de dag gis skyen par tshor na ni de dag gnas mthon po la 'god do/ / ci ste de dag gis skyen par ma tshor na ni de dag gnas dma' ba la 'god do// zla ba phyed kyi tshes bcu bzhi la ni/ rgyal po chen po bzhi po de dag gi bu rnams kyis lam po che dang / srang dang / bzhi mdo dang / sum mdo dang / spos 'tshong ba'i gnas rnams dang / me tog gi 'phreng ba 'tshong ba'i gnas rnams dang / zong dgram pa'i gnas rnams dang / btung ba 'tshong ba'i gnas rnams dang / rtag tu myos pa'i gnas rnams dang / gsod byed kyi gnas rnams na su zhig 'dug ces 'jig rten 'di thams cad byul te/ ci ste de dag gis skyen par tshor na ni de dag gnas rnams mthon po la 'god do/ / ci ste de dag gis skyen par ma tshor na ni de dag gnas dma' ba la 'god do// zla ba phyed kyi tshes bco lnga la ni rgyal po chen po bzhi po de dag nyid kyis lam po che dang / srang dang / bzhi mdo dang / sum mdo dang / dri 'tshong ba'i gnas rnams dang / me tog gi 'phreng ba 'tshong ba'i gnas rnams dang / zong dgram pa'i gnas rnams dang btung ba 'tshong ba'i gnas rnams dang / rtag tu myos pa'i gnas rnams dang / gsod byed kyi gnas rnams na su zhig 'dug ces 'jig rten 'di thams cad byul te/ ci ste de dag gis sbyin par tshor na na de dag gnas mthon po la 'god do/ / ci ste de dag gis skyen par ma tshor na ni de dag gnas dma' ba la 'god do// bcom ldan 'das kyis kyang 'di skad du/ dge slong dag zla ba phyed kyi tshes brgyad la ni rgyal po chen po dag gi g.yog zho shas 'tsho ba rnams ci mi dang mi ma yin pa'i 'jig rten na/ mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mor byed pa dang / don byed pa dang / bya ba'i rigs pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nye bar gnas pa dang / tshul khrims yang dag par blangs nas 'dug pa mang ngam zhes 'jig rten 'di thams cad nyul lo// zla ba phyed kyi chos bcu bzhi la ni/ rgyal po chen po bzhi po dag gi bu rnams ci mi dang mi ma yin pa'i 'jig rten na mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mo byed pa dang / don byed pa dang / bya ba'i rigs pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nye bar gnas pa dang / tshul khrims yang dag par blangs te 'dug pa dag mang ngam zhes 'jig rten 'di thams cad du nyul lo// zla ba phyed kyi tshes bco lnga la ni rgyal po chen po bzhi po de dag nyid ci mi dang mi ma yin pa'i 'jig rten na mar 'dzin pa dang / par 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs lar mo byed pa dang / don byed pa dang / bya ba byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams byed pa dang / gso spyo la nye bar gnas pa dang / tshul khrims yang dag par blangs nas 'dug pa dag mang ngam zhes 'jig rten 'di thams cad du nyul lo// ci ste mi dang mi ma yin pa'i 'jig rten na/ mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi nang na rgan rabs la ri mor mi byed pa dang / don mi byed pa dang / bya ba'i rigs pa mi byed pa dang / bsod nams mi byed pa dang / tshe 'di dang tshe phyi ma la kha na ma tho ba rnams kyis 'jigs par mi lta ba dang / sbyin pa dag mi sbyin zhing bsod nams dag mi byed pa dang / gso sbyong la nye bar mi gnas pa dang / tshul khrims yang dag par blangs te mi 'dug pa dag mang na ni/ rgyal po bzhi po rnams sum cu rtsa gsum pa'i lha rnams lha'i 'dun sa chos bzangs su 'dus shing 'khod pa'i nang du song nas/ 'di skad du grogs po dag 'di shes par gyis shig/ mi dang mi ma yin par 'jig rten na mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi nang na rgan rabs la ri mor mi byed pa dang don mi byed pa dang / bya ba'i rigs pa mi byed pa dang / bsod nams mi byed pa dang / tshe 'di dang tshe phyi ma la kha na ma tho ba rnams kyis 'jigs par mi lta ba dang / sbyin pa dag mi sbyin zhing / bsod nams dag mi byed pa dang / gso sbyong la nye bar mi gnas pa dang / tshul khrims yang dag par blangs te mi 'dug pa dag mang ngo zhes bsnyad do// de dag las thos nas sum cu rtsa gsum pa'i lha rnams yi ma rangs shing mi mgu bar gyur nas/ yi ma rangs pa nyid kyang phyir ldog par byed de/ kye ma grogs po dag 'di ltar mi dang mi ma yin pa'i 'jig rten na/ mar mi 'dzin pa dang / phar mi 'dzin pa dang / dge sbyong mami 'dzin pa dang / bram zer mi 'dzin pa dang / rigs kyi nang na rgan rabs la ri mo mi byed pa dang / don mi byed pa dang / bya ba'i rigs pa mi byed pa dang / bsod nams mi byed pa dang / tshe 'di dang tshe phyi ma la kha na ma tho ba rnams kyis 'jigs par mi byed pa dang / sbyin pa dag mi sbyin zhing bsod nams dag mi byed pa dang / gso sbyong la nye bar mi gnas pa dang / tshul khrims yang dag par blangs te mi 'dug pa mang ba nimi rnams kyi chos mdzes pa yin no/ / rkyen du bab pa ma yin no// legs pa ma yin no// dge ba ma yin no// de ltar na lha rnams kyi tshogs ni yongs su 'grib par 'gyur la/ lha ma yin rnams kyi tshogs ni mngon par 'phel bar 'gyur ro zhes smos so/ / ci ste mi dang mi ma yin pa'i 'jig rten na mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mo byed pa dang / don byed pa dang / bya ba'i rigs pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nye bar gnas pa dang / tshul khrims yang dag par blangs nas 'dug pa dag mang ba na ni/ rgyal po chen po bzhis sum cu rtsa gsum pa'i lha rnams lha'i 'dun sa chos bzangs su 'dus shing 'khod pa'i nang du song nas/ 'di skad du grogs po dag 'di shes par gyis shig/ mi dang mi ma yin pa'i 'jig rten na mar 'dzin pa dang par 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mo byed pa dang / don byed pa dang / bya ba'i rigs pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nye bar gnas pa dang / tshul khrims yang dag par blangs nas 'dug pa dag mang ngo zhes bsnyad na ni/ de dag las thos nas sum cu rtsa gsum pa'i lha rnams yi rengs shing mgu bar gyur nas/ yi rangs pa nyid kyang zlos par byed de/ kye ma grogs po dag 'di ltar mi dang mi ma yin pa'i 'jig rten na/ mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mo byed pa dang / don byed pa dang / bya ba'i rigs pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nges par gnas pa dang / tshul khrims yang dag par blangs nas/ 'dug pa dag mang ba ni mi rnams kyi chos mdzes so// rkyen du bab bo// legs so// dge'o// de ltar na lha rnams kyi tshogs ni mngon par 'phel bar 'gyur la/ lha ma yin rnams kyi tshogs ni yongs su 'grib par 'gyur ro zhes smos so// de nas lha rnams kyi dbang po brgya byin gyis/ lha'i 'khor rab tu dga' la bde zhing yid bde ba skyes par rig nas/ de'i tshe tshigs su bcad de smras pa/ 'dir ni zla ba phyed dang tshes brgyad dang // de bzhin bcu bzhi bco lnga dang // cho 'phrul gyi ni zla phyed la'ang // gso sbyong yan lag brgyad pa la// shin tu mnyam gzhag gnas byed 'dir/ / nga ci 'dra ba de bzhin 'gyur// dge slong dag lha rnams kyi dbang po brgya byin gyis gang 'di skad du/ 'dir ni zla phyed tshes brgyad dang // de bzhin bcu bzhi bco lnga dang / cho 'phrul gyi ni zla phyed la'ang // gso sbyong yan lag brgyad pa la// shin tu mnyam gzhag gnas byed 'dir// nga ci 'dra ba de bzhin 'gyur// zhes tshigasu bcad pa smras pa de ni nyes par smras pa yin gyilegs par smras pa ma yin no/ / nyes par ston pa yin gyi/ legs par ston pa ma yin no// nyes par brjod pa yin gyi/ legs par brjod pa ma yin no// dge slong dag/ de ci'i phyir zhe na lha'i dbang po brgya byin de ni 'dod chags dang bcas pa/ zhe sdang dang bcas pa/ gaN+DI mug dang bcas pa ste/ skye ba dang / rga ba dang / na ba dang / 'chi ba dang / mya ngan dang / sngags 'don pa dang / sdug bsngal ba dang / yid mi bde ba dang / 'khrug pa rnams las yongs su ma grol/ sdug bsngal las yongs su ma grol lo zhes nga smra'o// de bas na des gang 'di skad du 'di ni zla phyed tshes brgyad dang / / de bzhin bcu bzhi bco lnga dang // cho 'phrul gyi ni zla phyed la'ang // gso sbyong yan lag brgyad pa la// shin tu mnyam gzhag gnas byed 'dir// @ 'dra ba de bzhin 'gyur/ / zhes tshogs su bcad pa smras pa 'di nyes par spras pa yin gyi/ legs par smras pa ma yin no// nyes par ston pa yin gyi/ legs par ston pa ma yin no// nyes par brjod pa yin gyi/ legs par brjod pa ma yin no// dge slong dag dge slong gang dgra bcom pa yin zhing / gang zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba des ni gang 'di skad du/ 'dir ni zla phyed tshes brgyad dang // de bzhin bcu bzhi bco lnga dang / cho 'phrul gyi ni zla phyed la'ang // gso sbyong yan lag brgyad pa la// shin tu mnyam gzhag gnas byed 'dir// ngaci 'drab de bzhin 'gyur// tshogs su bcad pa 'di smras na legs par spras pa yin/ nyes par smras pa ma yin no// legs par ston pa yin te/ nyes par ston pa ma yin no// legs par brjod pa yin te/ nyes par brjod pa ma yin no// dge slong dag de ci'i phyir zhe na/ dge slong de ni 'dod chags dang bral ba/ zhe sdang dang bral ba/ gti mug dang bral ba ste/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnams las yongs su grol zhing sdug bsngal las yongs su grol ba'o zhes nga smra ste/ de bas na des ni gang 'di skad du/ 'dir ni zla phyed tshes brgyad dang // de bzhin bcu bzhi bco lnga dang / cho 'phrul gyi ni zla phyed la'ang / / gso sbyong yan lag brgyad pa la// shin tu mnyam gzhag gnas byed 'dir// nga ci 'dra ba de bzhin 'gyur// zhes tshigs su bcad pa 'di dag smra na legs par smras pa yin te/ nyes par smras pa ma yin no// legs par ston pa yin te/ nyes par ston pa ma yin no// legs par brjod pa yin te/ nyes par brjod pa ma yin no zhes gsungs so// 'dzam bu gling gi kho ra khor yug na 'khor lo sgyur ba'i rgyal po lam dpag tshad gcig tu/ gser gyi bye ma bdal te/ rgya mtsho chen po'i chus pus mo nub pa tsam du yongs su khyab bo// gang gi tshe 'khor lo sgyur ba'i rgyal po 'jig rten du byung ba de'i tshe/ rgya mtsho chen por dpag tshad gnyis kyi bar du na skam zhing med par 'gyur te/ 'khor lo sgyur ba'i rgyal po gang nas gling du 'gro ba de ni 'khor lo sgyur ba'i lam yin no// bcom ldan 'das kyis kyang 'di skad du/ dge slong dag sngon byung ba 'khor lo sgyur ba'i rgyal po glang po rin po che brtag par 'dod pas nyi ma shar ba'i dus kyi tshe/ glang po rin po che la zhon nas sa chen po rgya mtsho la thug pa 'di nyid bskor te/ rgyal po'i pho brang 'khor de nyid du song nas/ khye'u sus kyi bya ba byed do// dge slong dag gzhan yang 'khor lo sgyur ba'i rgyal po rta rin po che brtag par 'dod pas nyi ma shar ba'i dus kyi tshe/ rta rin po che la zhon nas sa chen po rgya mtsho chen po la thug pa 'di nyid bskor te/ rgyal po'i pho brang 'khor de nyid du song nas/ khye'u sus kyi bya ba byed do zhes gsungs so// spyi sdom la/ ri dang skye ba'i gnas dag dang // nam mkha' lding dang lo tshong dang // grang ba dag ni lnga par byas// dus tshogs kyang ni tha ma yin// 'jig rten bzhag pa las tshigs drug pa'o// 'jig rten bzhag pa bam po gsum pa// / sdom la/ srungs ma lha yi grong khyer bsrung dang rnam par rgyal// chos bzang rgyu ba'i lam dang 'obs dang skyed mos tshal// sa gzhi dang ni yongs 'dus brtol glang chen rnams/ / lha ma yin rnams kyi yang de dang 'dra ba yin// lha'i grong khyer dang / lha ma yin gyi grong khyer gyi bar du/ sum cu rtsa gsum pa'i lha rnams kyi srungs ma rnam pa lnga bkod pa la 'di lta ste/ chu na gnas pa'i klu rnams dang / lag na yol go thogs pa'i lha rnams dang / lag na gzhong pa thogs pa'i lha rnams dang / 'phreng ba thogs pa'i lha rnams dang / rtag tu myos pa'i lha rnams dang / rgyal po chen po bzhi rnams so// gang gi tshe lha ma yin rnams sum cu rtsa gsum pa'i lha rnams dang lhan cig tu g.yul 'gyed par 'dod par gyur pa de'i tshe/ dpung gi tshogs yan lag bzhi pa 'di lta ste/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs rnams go cha gyon no// go cha rnam pa bzhi gyon pa 'di lta ste/ gser las byas pa dang / dngul las byas pa dang / bai DUR+Ya las byas pa rnams dang / shel las byas pa rnams so// go cha rnam pa bzhi gser las byas pa dang / dngul las byas pa dang / bai DUR+Ya las byas pa dang / shel las byas pa rnams bgos nas/ mtshon cha rnam pa bzhi la 'di lta ste/ ral gri dang / mdung dang / 'phang mdung dang / gzhu rnams so// mtshon cha rnam pa bzhi ral gri dang / mdung dang / 'phang mdung dang / gzhu rnams blangs nas/ sum cu rtsa gsum pa'i lha rnams dang g.yul 'gyed pa'i phyir lha ma yin gyi grong khyer nas byung ngo // lha ma yin de dag gi dpung gi tshogs yan lag bzhi pa glang po che'i tshogs dang / rta pa'i tshogs dang / shi rta'i tshogs dang / dpung bu chung gi tshogs rnams kyis go cha bgos te/ go cha rnam pa bzhi gser las byas pa dang / dngul las byas pa dang / bai DUR+Ya khas byas pa dang / shel las byas pa rnams bgos pa nas/ mtshon cha rnam pa bzhi ral gri dang / mdung dang / 'phang mdung dang / gzhu rnams blangs te/ sum cu rtsa gsum pa'i lha rnams dang g.yul 'gyed pa'i phyir lha ma yin gyi grong khyer nas byung ba de dag/ chu na gnas pa'i klu rnams kyis mthong ngo // mthong nas chun gnas pa'i klu rnams kyang / dpung gi tshogs yan lag bzhi pa 'di lta ste/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs rnams kyis go cha bgos te/ go cha rnam pa bzhi gser las byas pa dang / dngul las byas pa dang / bai DUR+Ya las byas pa dang / shel las byas pa mgos nas/ mtshon cha rnam pa bzhi ral gri dang / mdung dang / 'phang mdung dang / gzhu rnams blangs te/ lha ma yin rnams dang lhan cig tu g.yul 'gyed do// der ci ste klu rnams rgyal te/ lha ma yin rnams pham par gyur na ni/ klu rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'gro bar 'gyur ro// ci ste lha ma yin rnams rgyal te/ klu rnams pham na ni lha ma yin rnams kyis sum cu rtsa gsum pa'i lha rnams kyi srungs ma dang po klu rnams thub cing rdugs par byas te/ pham par byas shing rgyab kyis phyogs par byas nas/ rgya mtsho chen po'i nang nas ri'i rgyal po ra rib kyi bang rim dang po gang na lag na gzhong thogs kyi lha rnams dang / lag na lol go thags kyi lha rnams 'khod par rtse zhing 'gro'o// de nas lag na mol go thogs kyi lha rnams dang / lag na gzhong thogs kyi lngam rnams dang / chu na gnas pa'i klu rnams dang / srungs ma gnyis gcig tu 'dus par gyur nas lha ma yin dang lhan cig tu g.yul 'gyed do// der ci ste srungs ma gnyis rgyal te/ lha ma yin rnams pham na ni srungs ma gnyis kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'gro bar 'gyur ro// ci ste lha ma yin rnams rgyal te/ srungs ma gnyis pham na ni sum cu rtsa gsum pa'i lha rnams kyi srungs ma gnyis lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ rari'i rgyal po ri rab kyi bang rim dang po nas/ bang rim gnyis pa gang na 'phreng thogs kyi lha rnams 'khod par rtse zhing 'gro'o// de nas 'phreng thogs kyi lha rnams dang / lag na yol go thogs kyi lha rnams dang / chu na gnas pa'i klu rnams dang / srungs ma gsum po rnams lhan cig tu 'dus par gyur nas/ lha ma yin rnams dang lhan cig tu g.yul 'gyed do// der ci ste srungs ma gsum po rnams rgyal te/ lha ma yin rnams pham na ni srungs ma gsum po dag gis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'gro bar 'gyur ro/ / ci ste lha ma yin rnams rgyal te/ srungs ma gsum po pham na ni sum cu rtsa gsum pa'i lha rnams kyi srungs ma gsum po rnams lha ma yin gyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim gnyis pa nas/ bang rim gsum pa gang na rtag tu myos pa'i lha rnams 'khod par rtse zhing 'gro'o/ / de nas rtag tu myos pa'i lha rnams dang / 'phreng thogs kyi lha rnams dang / lag na yol go thogs kyi lha rnams dang / chu na gnas pa'i klu rnams dang / srungs ma bzhi po rnams gcig tu 'dus par gyur nas/ lha ma yin rnams dang lhan cig tu g.yul 'gyed do// der ci ste srungs ma bzhi po rnams rgyal te/ lha ma yin rnams pham na ni srungs ma bzhi po rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'gro bar 'gyur ro// ci ste lha ma yin rnams rgyal te/ srungs ma bzhi po rnams pham na ni sum cu rtsa gsum pa'i lha rnams kyi srungs ma bzhi po dag lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim gsum pa nas/ bang rim bzhi pa gang na rgyal po chen po bzhi po rnams 'khod par rtse zhing 'gro'o// de nas rgyal po chen po bzhi po rnams dang / rtag tu myos pa'i lha rnams dang / 'phreng thogs kyi lha rnams dang / lag na yol go thogs pa'i lha rnams dang / chu na gnas pa'i klu rnams dang / srungs ma lnga po rnams gcig tu 'dus par gyur nas/ lha ma yin rnams dang lhan cig tu g.yul 'gyed do/ / der ci ste srungs ma lnga po rnams rgyal te/ lha ma yin rnams pham na ni srungs ma lnga po rnams kyis lha ma yin rnams thub cing rdugs par byas te pham par byas shing rgyab kyis phyogs par byas nas/ lha ma yin gyi grong khyer du 'gro bar 'gyur ro// ci ste lha ma yin rnams rgyal te/ srungs ma lnga po rnams pham na ni sum cu rtsa gsum pa'i lha rnams kyi srungs ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim bzhi pa nas/ steng gi gzhi gang na sum cu rtsa gsum pa'i lha rnams 'khod par rtse zhing 'gro'o/ / de nas rgyal po chen po bzhis/ lha rnams kyi dbang po brgya byin gang na ba der song ste phyin nas/ lha rnams kyi dbang po brgya byin la 'di skad ces smras so/ / ko'u shi ka gang bdag cag srungs ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi steng gi gzhir rtses te/ mchis pa mkhyen par mdzod cig/ ko'u shi ka da ltar gang gi dus la bab par dgongs shig/ de nas lha'i dbang po brgya byin gyis rgyal po chen po bzhi rnams kyi ltar mnyan nas/ sum cu rtsa gsum pa'i lha rnams la spras pa/ grogs po dag gang srungs ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi steng gi gzhir rtses te 'ongs pa shes par gyis shig/ grogs po dag da ltar gang gi dus la bab par soms shig/ de nas lha rnams kyi dbang po brgya byin gyis glang po che'i rgyal po rab brtan la bsams so/ / de nas glang po che'i rgyal po rab brtan gyis lha'i dbang po brgya byin gyi mtshan ma rtogs nas/ dper na skyes bu stobs dang ldan pas lag pa bskum pa las brkyang ba 'am/ brkyang ba las bskum pa bzhin du/ glang po che'i rgyal po rab brtan 'dzam bu gling nas mi snang bar gyur te/ sum cu rtsa gsum pa'i lha rnams kyi nang du song ngo // song nas mgo sum cu rtsa gnyis mngon par sprul te/ mgo re re la mche ba drug drug/ mche ba re re la rdzing bu bdun bdun/ rdzing bu re re la pad+ma bdun bdun/ pad+ma re re la sdong bu bdun bdun/ sdong bu re re la lha'i bu mo bdun bdun/ lha'i bu mo re re la g.yog mo bdun bdun/ g.yog mo re re la sil snyan bdun bdun mngon par sprul te/ mgo bo de dag thams cad kyi nang na khyad par du 'phags pa gang yin pa de la lha'i dbang po brgya byin zhon no/ / de las gzhan pa'i mgo bo lhag ma rnams la ni nye ba'i dbang po sum cu rtsa gnyis po rnams zhon no// de las gzhan pa'i glang po che rnams la ni/ de las gzhan pa'i sum cu rtsa gsum pa rnams zhon no/ / de shin tu mgyogs te/ dper na 'jig pa'i rlung ngam/ chag pa'i rlung bzhin te/ de na lha 'am/ lha'i bu mo su yang 'di snyam du 'di ni bdag gi mdun du 'gro'o zhe'am/ phyi nas 'ong ngo snyam du sems pa med do// de nas glang po che'i rgyal po rab brtan sum cu rtsa gsum pa'i lha rnams kyi grong khyer gyi lho phyogs sgo nas byung ste/ skyed mos tshal rtsub 'gyur tshal du phyin nas/ rdzu 'phrul mngon par 'du byed pa de btang ste/ lha 'am/ lha'i bu rdzu 'phrul che zhing mthu che ba gang yang rung ba dang 'dra bar bdag nyid mngon par sprul te/ sum cu rtsa gsum pa'i lha rnams dang lhan cig tu lha'i 'dod pa'i yon tan lnga la 'byor cing ldan par gyur te/ rtse zhing dga' la dga' dgur spyod de/ rang gi las kyi 'bras bu nyams su myong ngo // ji tsam du sum cu rtsa gsum pa'i lha rnams skyed mos tshal rtsub 'gyur tshal du rtse zhing dga' la dga' dgur spyod pa de tsam du lus kyang rtsub par 'gyur la/ sems kyang rtsub par 'gyur te/ de dag lus rtsub pa dang / sems rtsub pa dang / g.yul 'gyed pa la mngon par mos par gyur nas dpung gi tsho gas yan lag bzhi pa 'di lta ste/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs rnams go cha gyon te/ dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs rnams kyis go cha rnam pa bzhi 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams bgos so// go cha rnam pa bzhi gser las byas pa dang / dngul las byas pa dang / bai DUR+Ya las byas pa dang / shel las byas pa rnams pags nas/ mtshan cha rnam pa bzhi 'di lta ste/ ral gri dang / mdung dang / 'phang mdung dang / gzhu rnams blangs so// mtshan cha rnam pa bzhi ral gra mdung dang / 'phang mdung dang / gzhu rnams blangs nas/ lha ma yin rnams dang lhan cig tu g.yul 'gyed de/ ci ste lha ma yin rnams rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir ldog go// 'on kyang lha ma yin rnams lha rnams kyi phyi bzhin du snyeg par byed na ni/ der lha rnams 'di snyam du sems te/ 'di ltar lha ma yin 'di dag bdag cag gi phyi bzhin snyeg pa las na/ yang lan gnyis su g.yul 'gyed par 'dod do snyam du shes nas/ lha rnams phyir log ste/ lha ma yin rnams dang lhan cig tu g.yul 'gyed do// ci ste lan gnyis su yang lha ma yin rgyal te/ lha rnams pham na ni/ lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir ldog go// 'on kyang lha ma yin rnams tha rnams kyi phyi bzhin snyeg par byed na ni/ de ltar lha rnams 'di snyam du sems te/ 'di ltar lha ma yin 'di dag bdag cag gi phyi bzhin du snyeg pa las na yang lan gsum du 'gyed par 'dod do snyam du shes nas/ lha rnams phyir ldog go lha ma yin rnams dang lhan cig tu g.yul 'gyed do/ / ci ste lha ma yin rnams 'ba' zhig rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas na ni/ lha'i grong khyer du 'jug go// lha'i grong khyer du zhugs nas sgo rnams bcad de/ lha rnams la lha ma yin rnams kyis mi tshugs kyang 'jigs shing skrag pa dang ldan pa'i sems kyis shas cher gnas so/ / 'on kyang lha ma yin rnams kyis der mi brdzi bzhin du lha ma yin rnams kyang 'di ltar lha rnams ni lha'i grong khyer na 'dug kyang 'jigs shing skrag pa dang ldan pa'i sems kyis shas cher gnas mod kyi/ bdag cag gis ni der mi brdzi'o snyam du shes pa'i mthong ba 'jug go// ci ste lha rnams rgyal te/ lha ma yin rnams pham na ni/ lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ shing rta lho phyogs su lha ma yin gyi grong khyer gang na bar phyir ldog go/ 'on kyang lha rnams lha ma yin rnams kyi phyi bzhin du snyeg par byed na ni/ der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyeg pa las na/ yang lan gnyis su g.yul 'gyed par 'dod do snyam du shes nas/ lha ma yin rnams phyir log ste/ lha rnams dang lhan cig g.yul 'gyed do// ci ste lan gnyis su yang la rnams rgal lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ shing rta lho phyogs su lha ma yin gyi grong khyer gang na bar phyir ldog go// 'on kyang lha rnams lha ma yin gyi phyi bzhin du snyeg par byed na ni/ der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyeg pa las na/ yang lan gsum du g.yul 'gyed par 'dod do snyam du shes nas/ lha ma yin rnams phyir ldog ste/ lha rnams dang lhan cig tu g.yul 'gyed do// ji ltar lan gsum du lha rnams 'ba' zhig rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'jug go/ lha ma yin gyi grong khyer du zhugs nas sgo rnams bcad de/ lha ma yin rnams lha rnams kyis mi tshugs kyang 'jigs shing skrag pa dang ldan pa'i sems kyis shas cher gnas so// 'on kyang lha rnams kyis der mi brdzi bzhin du/ lha rnams kyang 'di ltar lha ma yin rnams lha ma yin gyi grong khyer na 'dug kyang 'jigs shing skrag pa dang ldan pa'i sems kyis shas cher gnas mod kyis/ bdag cag gis ni der mi brdzi'o snyam du shes pa'i mthong ba 'jug go/ / bcom ldan 'das kyis kyang 'di skad du/ dge slong dag sngon byung ba lha dang lha ma yin g.yul du zhugs pa na lha ma yin rnams rgyal te/ lha rnams pham na ni/ lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir log go// 'on kyang lha ma yin rnams lha rnams kyi phyi ba zhi snyeg par byed na ni/ der lha rnams 'di snyam du sems te/ 'di ltar lha ma yin 'di dag bdag cag gi phyi bzhin du snyegs pa las na/ yang lan gnyis su g.yul 'gyed par 'dod do snyam du shes nas/ lha rnams phyir log ste/ lha ma yin rnams dang lhan cig tu g.yul 'gyed do// ci ste lan gnyis su yang lha ma yin rnams rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir ldog go/ 'on kyang lha ma yin rnams lha rnams kyi phyi bzhin du sgeg par byed na ni der lha rnams 'di snyam du sems te/ 'di ltar lha ma yin 'di dag bdag cag gi phyi bzhin du sgeg pa las na/ yang lan gsum du g.yul 'gyed par 'dod do snyam du shes nas/ lha rnams phyir ldog ste/ lha ma yin rnams dang lhan cig tu g.yul 'gyed do// dge slong dag ci ste lha ma yin rnams 'ba' zhig rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ lha'i grong khyer du 'jug go// lha'i grong khyer du zhugs nas sgo rnams bcad de/ lha rnams la lha ma yin rnams kyis mi tshugs kyang 'jigs shing skrag pa dang ldan pa'i sems kyis shas cher gnas so/ / 'on kyang lha ma yin rnams kyis der mi brdzi bzhin du/ lha ma yin rnams kyang 'di ltar lha rnams ni/ lha'i grong khyer na 'dug kyang 'jigs shing skrag pa dang ldan pa'i sems kyis ni shas cher gnas mod kyi/ bdag cag gis ni der mi brdzi'o snyam du shes pa'i mthong ba 'jug go// dge slong dag 'di ltar snga ma 'das pa'i dus nas/ lha dang lha ma yin g.yul du zhugs pa na/ lha rnams rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ shing rnga lho phyogs su lha ma yin gyi grong khyer gang na bar phyir ldog go// 'on kyang lha rnams lha ma yin rnams kyi phyi bzhin du sgeg par byed na ni/ de ltar lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyegs pa las na/ yang lan gnyis su g.yul 'gyed par 'dod do snyam du shes nas/ lha ma yin rnams phyir ldog ste/ lha rnams dang lhan cig tu g.yul 'gyed do/ / ci ste lan gnyis su yang lha rnams rgyal te/ lha ma yin rnams pham na ni/ lha rnams kyis lha ma yin rnams thub cing rdugs par byas nas/ pham par byas shing rgyab kyis phyogs par byas nas/ shing rta lho phyogs su lha ma yin gyi grong khyer gang na bar phyir ldog go// 'on kyang lha rnams lha ma yin gyi phyi bzhin du snyeg par byed na ni/ der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyeg pa las na/ yang lan gsum du g.yul 'gyed par 'dod do snyam du shes nas/ lha ma yin rnams phyir ldog ste/ lha rnams dang lhan cig g.yul 'gyed do/ / ci ste lan gsum du lha rnams 'ba' zhig rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'jug go// lha ma yin gyi grong khyer du zhugs nas sgo rnams bcad de/ lha ma yin rnams la lha rnams kyis mi tshugs kyang 'jigs shing skrag pa dang ldan pa'i sems kyis shas cher gnas so/ / 'on kyang lha rnams kyis der mi brdzi bzhin du/ lha rnams kyang 'di ltar lha ma yin rnams ni lha ma yin gyi grong khyer na 'dug kyang 'jigs shing skrag pa dang ldan pa'i sems kyis shas cher gnas mod kyi/ bdag cag gis ni der mi brdzi'o snyam du shes pa'i mthong ba 'jug go// dge slong dag sngon 'das pa'i dus na de lta bur gyur to/ / 'di skad du/ gang tshe lha dang lha min lhan cig tu// gnyis ka 'dus shing g.yul ni 'gyed pa na// shing rta pa ni nyi zla mtshungs med de// lha yi shing rta pa yi mchog yin no// zhes kyang bya'o/ / ri'i rgyal po ri rab kyi steng gi gzhi na sum cu rtsa gsum pa'i lha rnams kyi grong khyer blta na sdug ces bya ba chur dpag tshad nyis stong lnga brgya/ zheng du dpag tshad nyis stong lnga brgya/ mtha' skor du dpag tshad khri yod pa/ dbyibs legs shing blta na sdug la mdzes pa zhig yod de/ gser gyi rabs bskor ro// ra ba'i 'phang du ni dpag tshad phyed dang gsum yod do// rab de las rtsig skyabs rnam pa bzhi las byas pa yod de/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// gyen du 'phang ba'i mda' yab dang / thur du 'phyang ba'i mda' yab dang / zam pa rgyud ma rnam pa bzhi yod de/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// de'i nang gi sa gzhi dbyibs legs shing blta na sdug la mdzes te/ bris shing legs par bris pa/ tshon sna brgya rtsa gcig gis bris pa ste/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa bteg na ni par ces byed la/ me tog man+da ra ba mang pos pus mo nub pa tsam du khebs te/ rlung gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du/ lha rnams bsod nams dbang gi mthu stobs kyis// lha yi grong khyer dag na rlung chen ldang / / me tog rnying pa rnams ni 'dor bar byed// me tog gsar pa rnams ni legs par 'grems/ zhes kyang 'byung ngo // lha'i grong khyer de na sgo stong du gcig gis ma tshang ba yod de/ sgo gcig kyang 'phang du ni dpag tshad phyed dang gsum/ zheng du ni dpag tshad phyed dang gnyis yod do// sgo re re la yang skar ma'i gzugs su byas pa rnam pa bzhi yod de/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// zla ba phyed pa lta bur yongs su grub pa dang / ba lang gi mgo lta bu dang / me long rnams kyang gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi yod do// dbyibs legs shing blta na sdug la mdzes pa yin no// sgo re re la yang sum cu rtsa gsum pa'i lha rnams bsrung ba'i phyir dang / bskyab pa'i phyir dang / mdzes par bya ba'i phyir srungs ma go cha bgos shing mda' cha thogs pa lnga brgya lnga brgya bkod do// sum cu rtsa gsum pa'i lha rnams kyi lam srang srid du dpag tshad nyis stong lnga brgya yod la/ zheng du dpag tshad bcu gnyis yod pa/ dbyibs legs shing blta na sdug la mdzes pa gser gyi bye ma bdal zhing tsan dan gyi chus chag chag btab pa zhig yod de/ srang de'i glo g.yas g.yon na rdzing bu byas pa'i rdzing bu de dag gser las byas pa dang / dngul las byas pa dang / bai DUR+Ya las byas pa dang / shel las byas pa dang / pha gu rnam pa bzhis brtsigs so// rdzing bu de dag gi phyogs bzhin them skas byas pa yod de/ them skas de dag kyang 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhes brtsigs so// rdzing bu de dag gi lan kan gser las byas pa dang / dngul las byas pa dang / bai DUR+Ya las byas pa dang / shel las byas pa dang bzhis kun nas bskor te/ gser gyi lan kan gyi rten ma dang / gdang bu dang / gzung gzer ni dngul las byas so// dngul gyi ni gser las byas so// bai DUR+Ya ni shel las byas so/ / shel gyi lan kan gyi rten ma dang / gdang bu dang / gzung gzer ni bai DUR+Ya las byas te/ dbyibs legs shing blta na sdug pa mdzes so// rdzing bu de dag kyang chu bsil zhing chu sbrang rtsi lta bus gang ste/ me tog ut+pa la dang / pad+ma dang / ku mu da dang / pad+ma dkar pos yongs su khebs te/ de dag na chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad san pa dang / 'dod dgur bsgyur ba'i gzugs can rnams skad snyan pa 'byin to// rdzing bu de dag gi nyen kor na me tog gi shing dang / 'bras bu'i shing sna tshogs yod pa rnams legs par skyes dbyibs legs la yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog 'phreng ba tha gu la brgyus pa'am me tog gi na rgyan legs par btus pa bzhin du ste/ thangal se sres pa'i byas tshogs sa san cing 'jabs pa ring mang yid du 'ong bdang / skang mnyen pa dang / 'dod dgur bsgyur ba'i gzugs rnams skad snyan pa 'byin to/ / de dag gi nyen kor na dpag bsams kyi shing sngon po dang / dmar po dang / ser po dang / dkar po rnam pa bzhi yod do// bzhag gos sngon po dang / ser po dang / dam / po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// bzhag gos rnam pa bzhi yang de dag bzhi'o/ / shing las byas pa'i gos rnam pa bzhi yang de dag bzhi'o// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing yod do// lha 'am/ lha'i bu mo dag gis ji lta bur 'dod par sems bskyed ma thag tu de lta bu de dag gi lag tu 'ong bar 'gyur ro/ / rol mo'i cha byad sna tshogs pi wang dang / gling bu dang / pi wang rgyud gsum pa dang / 'khar rnga dang / dab shang rnams 'byung ba'i shing dag yod de/ lha 'am lha'i bu mo rnams kyis ji lta bur 'dod par sems bskyed ma thag tu/ de lta bu de dag gi lag tu 'ong bar 'gyur ro// bdud rtsi rnam pa bzhi dang / sbrang rtsi dang / spang chang gi btung ba dag kyang yod do// yang thog rnams dang / khang pa brtsegs pa rnams dang / khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / zam pa rnams dang / bud med kyi tshogs kyis mdzes par byas shing / lha'i bu mo mang pos bsten pa dang / sil snyan dang / pheg rdob pa dag gis sgra snyan pa sgrogs pa dang / dri sna tshogs kya rnas khazas dang / btung ba dang ldan pa dag kyang yod do// de nas sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo // lha'i grong khyer gyi nang na/ lha rnams kyi dbang po brgya byin gyi khang bzangs rnam par rgyal ba zhes bya ba chur dpag tshad nyis brgya lnga bcu/ zheng du dpag tshad nyes brgya lnga bdu/ mtha' skor du yang dpag tshad stong yod pa/ dbyibs legs shing blta na sdug la mdzes pa zhig yod de/ lha'i grong khyer las dpag tshad phyed dang lngas gyen du 'phags so// khang bzangs rnam par rgyal ba de'i rmang rten rnam pa bzhi las byas pa la 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// khang bzangs rnam 'i them pa rnam pa bzhi bkod pa la 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// khang bzangs rnam par rgyal ba'i ka pa rnam pa bzhi btsugs pa la 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams te/ gser gyi ka ba ni ka rten dang / ka zhu dang / ze phul dang / gdung ma rnams dngul las bas pa'o// dngul gyi ni gser las byas pa'o// bai DUR+Ya'i ni shel las byas pa'o// shel gyi ni ka rten dang / ka zhu dang / bre phul dang / gdung ma bai DUR+Ya las byas so// khang bzangs rnam par rgyal ba de'i phya ma rten rnam pa bzhi las byas pa dag yod de/ 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// khang bzangs rnam par rgyal ba la phyam stobs dang ldan pa rnam pa bzhi las byas pa dag yod de/ 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnams so// khang bzangs rnam par rgyal ba la them skas rnam pa bzhi las byas pa dag yod de/ them skas de dag ni 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhi brtsigs so// khang bzangs rnam par rgyal ba la lan ka na gser las byas pa dang dngul las byas pa dang / bai DUR+Ya las byas pa dang / shel las byas pa'i rnam pa bzhis kun nas bskor te/ gser gyi lan kun gyi rten ma dang / gdang bu dang / gzung gzer ni dngul las byas so// dngul gyi ni gser las byas so// bai DUR+Ya'i ni shel las byas so// shel gyi rten ma dang / gdang bu dang / gzung gzer ni bai DUR+Ya las byas so// bar gyi sdom la/ nga rten them pa ka ba dang / / phyam rten dang ni stobs ldan phyam// 'khor sa dang ni spang leb khang // ya phubs dag ni tha ma yin// khang bzangs rnam par rgyal ba la ba gam brgya yod de/ ba gam re re la yang @khang pa brtsegs pa bdun bdun yod do/ / khang pa brtsegs pa re re la gnas khang bdun bdun/ gnas khang re re la lha'i bu mo bdun bdun/ lha'i bu mo re re la g.yog mo bdun bdun/ g.yog mo re re la yang sil snyan bdun bdun yod do// khang bzangs rnam par rgyal ba'i nang na rdzing bu byas pa yod de/ rdzing bu de la chung dpag tshad lnga bcu/ zheng du dpag tshad lnga bcu/ mtha' skor du dpag tshad nyis brgya yod do/ / rdzing bu de'i phyogs bzhin them skas byas pa dag yod de/ them skas de dag kyang 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de'i phyogs bzhir yang lan kan dag gis kun nas bskor te/ lan kan rnam pa bzhi dag gis snga ma bzhin du/ dbyibs legs shing blta na sdug pa la mdzes pa/ chu bsil zhing chu sbrang rtsi lta bus gang ste/ me tog ut+pa la dang / pad+ma dang / ku mu da dang / pad+ma dkar pos yongs su khebs la/ chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur bsgyur ba'i gzugs can rnams sgra skad snyan pa 'byin to// rdzing bu de'i nye 'khor na me tog gi shing dang / 'bras bu'i shing rnam pa sna tshogs yod pa rnams legs par skyes shing / dbyibs legs la yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phrang rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur bsgyur ba'i gzugs can rnams sgra skad snyan pa 'byin to// dpag bsams kyi shing sngon po dang / ser po dang / dmar po dang / dkar po rnam pa bzhi yod do/ / bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba dag 'byung ba'i shing dag yod do// rol mo'i cha byad sna tshogs 'di lta ste/ pi wang dang / gling bu dang / pi wang rgyud gsum pa dang / 'khar rnga dang / skad snyan pa dag 'byung ba'i shing dag yod de/ lha 'am lha'i bu mo rnams kyis ji lta bur 'dod par sems bskyed ma thag tu de bzhin du de dag gi lag tu 'ong bar 'gyur ro/ / bdud rtsi rnam pa bzhi dang / sbrang rtsi dang / sbrang chang gi btung ba dag kyang yod do// yang thog rnams dang / khang pa brtsegs pa rnams dang / khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / zam pa rnams bud med kyi tshogs kyis mdzes par byas shing / lha'i bu mang pos bstan pa dang / sil snyan dang / pheg rdob pa dag gis sgra sgrogs pa dang / dri sna tshogs kyis legs par bsgos pa dang / kha zas dang / btung ba dang ldan pa dag yod de/ de na lha'i dbang po brgya byin 'khor dang bcas brtse zhing dga' la dga' dgur spyod de/ rang gi las kyi 'bras bu nyams su myong ngo // lha'i grong khyer gyi shar lho'i mtshams na sum cu rtsa gsum pa'i lha rnams kyi lha'i 'dun sa chos bzang zhes bya ba yod de/ chur dpag tshad sum brgya/ zheng du dpag tshad sum brgya/ mtha' skor du dpag tshad dgu brgya yod de/ lha'i grong khyer las dpag tshad phyed dang bzhis 'phags so// lha'i 'dun sa chos bzang gi sa gzhi dang / yang thog dang / dgab pa dang / spyi bsdus kyi gdung ma dang / yang thog gi rtse bzhi dang / phya ma gzungs dang / phya ma dgu po thams cad shel las byas pa la dbyibs legs shing blta na sdug la mdzes pa ste/ lan kan gser las bas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi kun nas bskor te/ de la sgro dang / ya phubs dang g+han da dang / yang thog gi rtse bzhi dang / lun dang / phyam dgu po re re la yang ka ba bcu drug bcu drug gis kun nas brten to// rgyu ba'i lam ni rim pa bdun yod de/ de'i dbus na bai DUR+Ya las byas pa'i ka bzur brgyad pa gsal zhing 'phan med la/ rigs dang ldan pa zhig yod de/ skra'i rtse mo tsam gyis khang pa brtsegs pa'i spyi bsdus kyi rten la mi reg go// de'i 'og na lha'i dbang po brgya byin gyi gser gyi khri bzang po dang / sum cu rtsa gsum pa'i lha lhag ma rnams kyi khri bshams pa yod de/ der sum cu rtsa gsum pa'i lha rnams 'dus shing 'khod nas lha rnams dang / mi rnams kyi don dang / chos sems shing dpyod do/ / yongs su rtog par byed do// lha'i grong khyer na rgyu ba'i lam srid du dpag tshad bcu gnyis/ zheng du dpag tshad bcu gnyis yod pa/ dbyibs legs shing blta na sdug la mdzes pa/ gser gyi bye ma bdal zhing tsan dan gyi chus chag chag btab pa zhig yod de/ de'i glo g.yas g.yon nas me tog gi shing dang / 'bras bu'i shing sna tshogs yod pa rnams legs par skyes pa'i dbyibs legs la yongs su 'grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur bsgyur ba'i gzugs can rnams skad snyan pa 'byin to/ / lha'i grong khyer 'obs bdun rami gyis kun nas bskor te/ 'obs de dag zabs dang / rgyar dpag tshad gcig yod de/ pha gu gser las byas pa dang / dngul las byas pa dang bai DUR+Ya las byas pa dang / shel las byas pa rnam pa bzhis brtsigs la/ chu bsil zhing chu sbrang rtsi lta bus gang ste/ me tog ut+pa la dang / ku mud dang / pad+ma dang / pad+ma dkar pos yongs su khabs la/ chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur bsgyur ba'i gzugs can rnams skad snyan pa 'byin to/ / 'obs de dag na chu skra dang / rgyu mo kun dang / gru sna tshogs rnams byas pa dag yod de/ de na sum cu rtsa gsum pa'i lha rnams chu'i rtsed mo la rtse zhing dga' la dga' dgur spyod do// 'obs de dag gi nyen kor na/ me tog gi shing dang / 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur bsgyur ba'i gzugs can rnams skad snyan pa 'byin to// de nas sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo // lha'i grong khyer gyi shar phyogs dpag tshad nyi shu na/ sum cu rtsa gsum pa'i lha rnams kyi skyed mos tshal shing rta sna tshogs can zhes bya ba zhig yod de/ chung dpag tshad nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod pa/ dbyibs legs shing blta na sdug la mdzes pa/ gser gyi rabs kun nas bskor te/ ra ba'i 'phang du dpag tshad gcig yod la/ ra ba de la rtsig skyabs gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi yod do// gyen du 'phang ba dang / thur du 'phyang ba'i mda' yab dang / zam pa brgyud ma rnam pa bzhi yod do// gser las byas pa dang / dngul las byas pa dang bai DUR+Ya las byas pa dang / shel las byas pa rnams so// de'i nang gi sa gzhi dbyibs legs shing blta na sdug la mdzes pa/ bris pa tshon sna brgya rtsa gcig gis bris pa ste/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag pa na ni nems shes byed/ rkang pa bteg na ni par shes byed la/ me tog man+da ra ba mang pos pus mo nub tsam du yongs su khebs te/ rlung gi mthus me tog rnying pa rnams ni 'thor/ me tog gsar pa rnams ni legs par 'grems te/ 'di skad du/ lha rnams bsod nams dbang gi rkyen gyis ni/ shing rta sna tshogs pa na rlung chen ldang // me tog rnying pa rnams ni 'dor bar byed// me tog gsar pa rnams ni legs par 'grem// zhes kyang bya'o// skyed mos tshal shing rta sna tshogs can gyi nang na rdzing bu zhig yod de/ chur dpag tshad lnga bcu/ zheng du yang dpag tshad lnga bcu/ mtha' skor du dpag tshad nyis brgya yod de/ rdzing bu de yang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de'i phyogs bzhin them skas byas pa bzhi yod de/ them skas de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de'i phyogs bzhin them skas gser las byas pa dang / dngul las byas pa dang / bai DUR+Ya las byas pa dang / shel las byas pa bzhis kun nas bskor te/ chu bsil ba dang / chu sbrang rtsi lta bus gang zhing / me tog ut+pa la dang / pad+ma dang / ku mu da dang / pad+ma dkar pos yongs su khebs la/ chu nas skyes pa'i bya sna tshogs kyang skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// rdzing bu de'i nyen kor na me tog gi shing dang / 'bras bu'i shing yod pa rnams legs par skyes shing dbyibs legs pa yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// dpag bsams kyi shing sngon po dang / ser po dang / dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag yod do// rol mo'i chi byad sna tshogs 'di lta ste/ papi wang dang / gling bu dang / pi wang rgyud gsum pa dang / 'khar rnga dang / sgra snyan pa rnams 'byung ba'i shing dag yod de/ lha dang / lha'i bu mo rnams kyis ji lta bur 'dod par sems bskyed ma thag tu de lta bu de dag gi lag tu 'ong bar 'gyur ro// bdud rtsi rnam pa bzhi dang / sbrang rtsi dang / sbrang chang gi btung ba dag kyang yod do/ yang thog rnams dang / khang pa brtsegs pa rnams dang / khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / zam pa rnams bud med kyis mdzes par byas shing / lha'i bu mo mang pos bsten pa dang / sil snyan dang / pheg rdob pa dag gis sgra snyan pa sgrogs pa dang / dri sna tshogs kyis legs par bsgos pa dang / kha zas dang / btung ba dang ldan pa dag yod de/ de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo // de'i glo lam chur dpag tshad nyi shu/ zheng du dpag tshad phyed dang gnyis yod pa/ dbyibs legs shing blta na sdug la mdzes pa/ gser gyi bye ma 'dal zhing tsan dan gyi chus chag chag btab pa zhig yod do// de'i glo g.yas g.yon na me tog gi shing dang / 'bras bu'i shing rnam pa sna tshogs yod pa rnams legs par skyes shing dbyibs legs la yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// dpag bsams kyi shing sngon po dang / ser po dang / dmar po dang / dkar po rnam pa bzhi yod do/ bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do/ / rol mo'i cha byad rnam pa sna tshogs pa wang dang / gling bu dang / pi wang rgyud gsum pa dang / 'khar rnga dang / ha ba shang dag 'byung ba'i shing dag yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag yod do// lha 'am/ lha'i bu mo rnams kyis ji lta bur 'dod par sems bskyed ma thag tu de lta de dag gi lag tu 'ong bar 'gyur ro/ / lam de na bzhon pa sna tshogs bkod pa 'di lta ste/ glang po che'i bzhon pa dang / rta'i bzhon pa dang / shing rta'i bzhon pa dang / khyogs kyi bzhon pa dag yod de/ lha 'am/ lha'i bu mo rnams kyis bzhon pa ji lta bur 'dod par sems bskyed ma thag tu/ de lta bu'i bzhon pa la zhon par 'gyur te/ skyed mos tshal shing rta sna tshogs can du dong nas rtse zhing dga' la dga' dgur spyod de/ rang gi las kyi 'bras bu nyams su myong ngo // ci'i phyir skyed mos tshal gyi ming shing rta sna tshogs can zhes bya zhe na/ smras pa/ skyed mos tshal shing rta sna tshogs can na/ rdzing bu sna tshogs zhes bya ba dang / shing rta sna tshogs dang / lo ma dang / me tog dang / 'bras bu sna tshogs dang / gos dang / rgyan sna tshogs dang / lha'i bu mo sna tshogs yod la/ gang gi tshe sum cu rtsa gsum pa'i lha rnams skyed mos tshal shing rta sna tshogs can du rtse zhing dga' la dga' dgur spyod pa de'i tshe/ yang rnam pa sna tshogs kyis shin tu rtse zhing dga' la dga' dgur spyod de/ rang gi las kyi 'bras bu nyams su myong bas na/ de'i phyir skyed mos tshal gyi ming shing rta sna tshogs can zhes bya'o// skyed mos tshal shing rta sna tshogs can gyi dpag tshad nyi shu na/ sa gzhi bzang po sna tshogs zhes bya ba zhig yod de/ chur dpag tshad nyis brgya lnga bcu/ zhing du dpag tshad nyis brgya lnga bcu/ mtha' skor du dpag tshad stong yod pa/ dbyibs legs shing blta na sdug la mdzes pa/ lan kan gser las byas pa dang / dngul las byas pa dang bai DUR+Ya las byas pa dang / shel las byas pa rnam pa bzhis kun nas bskor te/ gser gyi lan kan gyi rten ma dang / gdang bu dang / gzung gzer ni dngul las byas so// dngul gyi ni gser las byas so/ / bai DUR+Ya'i ni shel las byas so// shel gyi ni rten ma dang / gdang bu dang / gzung gzer ni bai DUR+Ya las byas so// de'i nang gi sa gzhi dbyibs legs shing bltan/ sdug la mdzes pa/ bris shing legs par bris pa/ tshon sna brgya rtsa gcig gis legs par bris pa ste/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin/ rkang pa bzhag pa na ni nims shes byed/ rkang pa bteg na ni par shes byed la/ me tog man+da ra ba mang pos pus mo nub pa tsam du yongs su khebs te/ de na mi ma yin pa rnams kyis rlung gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du/ lha rnams las kyi dbang gi rkyen gyis na// sa gzhi sna tshogs can na rlung chen ldang // me tog rnying pa rnams ni/ 'dor bar byed// me tog gsar pa rnams ni legs par 'grems// zhes kyang bya'o// de'i lam srid du dpag tshad nyi shu/ zheng du dpag tshad phyed dang gnyis yod pa/ dbyibs legs shing blta na sdug la mdzes pa/ gser gyi bye ma bdal zhing tsan dan gyi chus chag chag btab pa zhig yod de/ de'i glo g.yas g.yon na me tog gi shing dang / 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog gi 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to/ / dpag bsams kyi shing sngon po dang / ser po dang / dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar po rnam pa bzhi yod do/ / dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// rol mo'i cha byad sna tshogs pa wang dang / gling bu dang pi wang rgyud gsum pa dang / 'khar rnga dang / hab shang rnams 'byung ba'i shing dag kyang yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag yod de/ lha 'am/ lha'i bu mo rnams kyis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro// lam de na bzhon pa sna tshogs bkod pa 'di lta ste/ glang po che'i bzhon pa dang / rta'i bzhon pa dang / shing rta'i bzhon pa dang / khyogs kyi bzhon pa dag yod de/ lha 'am/ lha'i bu mo rnams kyis bzhon pa ji lta bur 'dod par sems bskyed ma thag tu de lta bu'i bzhon pa 'ong bar 'gyur te/ de la zhon nas sa gzhi sna tshogs can du 'dong zhing ci bder gnas pas mngon par dga' bar byed do// de na lha'i drang srong rnams rang dgar tshangs par spyad pa spyod do// bzhin du lha'i grong khyer gyi lho phyogs dpag tshad nyi shu na/ skyed mos tshal rtsub 'gyur tshal zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mtha' skor du dpag tshad stong yod la/ dbyibs legs shing blta na sdug la mdzes pa gser gyi ra bas kun nas bskor te/ ra ba'i 'phang du dpag tshad gcig yod de/ shing rta sna tshogs can na ji lta ba de bzhin du rgyas par brjod par bya'o/ / khyad par ni 'di yod de/ ci'i phyir skyed mos tshal gyi ming rtsub 'gyur zhes bya zhe na/ smras pa/ skyed mos tshal rtsub 'gyur la/ rdzing bu rtsub 'gyur zhes bya ba dang / shing rnams dang / lo ma rnams dang / me tog rnams dang / 'bras bu rnams dang / gos rnams dang / rgyan rnams rtsub par 'gyur ba dang / lha'i bu mo rtsub par 'gyur ba rnams yod la/ gang gi tshe sum cu rtsa gsum pa'i lha rnams skyed mos tshal rtsub 'gyur tshal du rtse zhing dga' la dga' dgur spyod pa de'i tshe yang / lus kyang rtsub par 'gyur zhing sems kyang rtsub par 'gyur te/ g.yul la mos par 'gyur bas na/ de'i phyir skyed mos tshal gyi ming rtsub 'gyur tshal zhes bya'o// skyed mos tshal rtsub 'gyur tshal gyi lho phyogs dpag tshad nyi shu na/ sa gzhi bzang po rtsub 'gyur zhes bya ba yod de/ chur dpag tshad nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod de/ sa gzhi bzang po sna tshogs can ji lta ba de bzhin du rgyas par brjod par bya'o// lha'i grong khyer gyi nub phyogs dpag tshad nyi shu na/ skyed mos tshal 'dres pa'i tshil zhes bya ba zhig yod de/ snga ma rnams ji skad bshad pa de bzhin du brjod par bya'o// chur dpag tshad nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod la/ gser gyi ra bas kun nas bskor te/ ra ba'i 'phang du dpag tshad gcig yod de/ snga ma rnams ji skad bshad pa de bzhin du rgyas par brjod par bya'o/ / khyad par ni 'di yod de/ ci'i phyir skyed mos tshal gyi ming 'dres pa'i tshal zhes bya zhe na/ smras pa/ skyed mos tshal 'dres pa'i tshal na/ rdzing bu 'dres pa zhes bya ba dang / shing rnams dang lo ma rnams dang / me tog rnams dang / 'bras bu rnams dang / gos rnams dang / rgyan 'dres pa rnams dang / lha'i bu mo 'dres pa rnams yod la/ gang gi tshe sum cu rtsa gsum pa'i lha rnams skyed mos tshal 'dres pa'i tshil na rtse zhing dga' la dga' dgur spyod pa'i tshe yang tshol par 'dres te shin tu rtse zhing dga' la dga' dgur spyod de/ rang gi las kyi 'bras bu nyams su myong bas na/ de'i phyir skyed mos tshal gyi ming 'dres pa'i tshal zhes bya'o/ / skyed mos tshal 'dres pa'i tshal gyi nub phyogs dpag tshad nyi shu na/ sa gzhi bzang po 'dres pa zhes bya ba zhig yod de/ chur dpag tshad nyis brgya lnga bcu zheng du yang dpag tshad nyis brgya lnga bcu/ mtha' skor du yang dpag tshad stong yod de/ sa gzhi bzang po snga ma rnams ji lta ba de bzhin du rgyas par brjod par bya'o// lha'i grong khyer gyi byang phyogs dpag tshad nyi shu na/ skyed mos tshal dga' ba'i tshal zhes bya ba zhig yod de/ chur dpag tshad sa brgya lnga bcu/ zheng du yang dpag tshad nyis brgya lnga bcu/ mtha' skor du dpag tshad stong yod la/ gser gyi rabs kun nas bskor te/ ra ba'i 'phang du dpag tshad gcig yod de/ snga ma rnams ji skad bshad pa bzhin du brjod par bya'o// khyad par ni 'di yod de/ ci'i phyir skyed mos tshal gyi ming dga' ba'i tshal zhes bya zhe na/ smras pa/ skyed mos tshal dga' ba'i tshal na rdzing bu dga' ba zhes bya ba dang / shing rnams dang / lo ma rnams dang / me tog rnams dang / 'bras bu rnams dang / gos rnams dang / rgyan rnams dga' ba dang / lha'i bu mo dga' ba rnams yod la/ gang gi tshe sum cu rtsa gsum pa'i lha rnams skyed mos tshal dga' ba'i tshil du rtse zhing dga' la dga' dgur spyod pa de'i tshe yang kun tu dga' zhing / rab tu dga' la dga' zhing yid bde bar gyur nas/ rtse zhing dga' la dga' dgur spyod// rang gi las kyi 'bras bu nyams su myong bas na/ de'i phyir skyed mos tshal gyi ming dga' ba'i tshal zhes bya'o/ / skyed mos tshal dga' ba'i tshal gyi byang phyogs dpag tshad nyi shu na/ sa gzhi bzang po dga' ba zhes bya ba zhig yod de/ chur dpag tshad nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod la/ dbyibs legs shing blta na sdug la mdzes pa ste/ sa gzhi bzang po snga ma rnams ji lta ba bzhin du rgyas par brjod par bya'o// / bam po bzhi pa/ lha'i grong khyer gyi byang shar gyi mtshams na/ sum cu rtsa gsum pa'i lha rnams kyi shing yongs 'dus brtol zhes bya ba zhig yod de/ yongs 'dus brdol gyi rtsa ba ni dpag tshad lnga bcu thur du zug go/ / 'phang du ni dpag tshad brgya yod do// yal ga phyir gyes pa ni dpag tshad lnga bcu yod do// yongs 'du sa brtol gyi yal ga lnga yod de/ yal ga gcig ni shar phyogs su dpag tshad lnga bcur 'dud do/ / yal ga gnyis pa ni lho phyogs su dpag tshad lnga bcur 'dud do// yal ga gsum pa ni nub phyogs su dpag tshad lnga bcur 'dud do// yal ga bzhi pa ni byang phyog su dpag tshad lnga bcur 'dud do/ / yal ga steng ma ni dpag tshad lnga bcur steng gi nam mkha' khyab par 'dug go// yongs 'dus brtol gyi chur dpag tshad lnga bcur yod do// sdoms su yang dpag tshad lnga bcu yod do/ / mtha' skor du yang dpag tshad sum brgya lnga bcu yod do// yongs 'dus brtol gyi dri rdzi phyogs su dpag tshad brgyar dad ldang ngo // rdzi phyogs ma yin par dpag tshad lnga bcur dad ldang ngo // dpag tshad brgyad cur ni 'od dang / kha dog gis lham me ldan ne lhang nger 'dug go/ sum cu rtsa gsum pa'i lha rnams kyi shing yongs 'dus brtol gyi lo ma ser ba na/ de'i tshe sum cu rtsa gsum pa'i lha rnams kye ma yongs 'dus brtol 'di lo ma ser ba las na/ da ni ring po mi thogs par 'dab ma lhags par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do// sum cu rtsa gsum pa'i lha rnams kyi shing yongs 'dus brtol gyi 'dab ma lhags pa na/ de'i tshe sum cu rtsa gsum pa'i lha rnams kye ma yongs 'dus brtol 'di 'dab ma lhags pa las na/ da ni ring por mi thogs par sbal mig 'thon par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do// sum cu rtsa gsum pa'i lha rnams kyi shing yongs 'du sa brtol gyi sbal mig 'thon pa na/ de'i tshe sum cu rtsa gsum pa'i lha rnams kye ma yongs 'dus brtol 'di sbal mig 'thon pa las na/ da ni ring po mi thogs par sbal mig bye bar 'gyur ro zhes/ kun tu dga' zhing rab tu dga' bas gnas pa gang yin pa de'i dus kyang yod la/ de skabs kyang yod do// sum cu rtsa gsum pa'i lha rnams kyi shing yongs 'du sa brtol gyi sbal mig bye ba na/ de'i tshe sum cu rtsa gsum pa'i lha rnams kye ma yongs 'dus brtol 'di sbal mig bye ba las na// ni ring po mi thogs par me tog kha 'bru bar 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do// sum cu rtsa gsum pa'i lharnams kyi shing yongs 'dus brtol gyi me tog la 'bus pa na/ de'i tshe sum cu rtsa gsum pa'i lha rnams kye ma yongs 'dus brtol 'di me tog kha 'bus pa las na/ nga na ring po ma thogs par me tog kha 'bye bar 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do// sum cu rtsa gsum pa'i lha rnams kyi shing yongs 'dus brtol gyi me tog kha 'bye ba na/ de'i tshe sum cu rtsa gsum pa'i lha rnams kye ma yongs 'dus brtol 'di me tog kha bye ba las na/ da ni ring po mi thogs par me tog gi 'dab ma thams cad yongs su rgyas par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do// sum cu rtsa gsum pa'i lha rnams kyi shing yongs 'dus brtol gyi me tog 'dab ma thams cad yongs su rgyas pa na/ yongs 'du sa brtol gyi me tog 'dab ma thams cad yongs su rgyas pa'i dri rdzi phyogs su dpag tshad brgyar dad ldang ngo / / rdzi phyogs ma yin par ni dpag tshad lnga bcur dad ldang ngo // dpag tshad brgyad cur ni 'od dang kha dog gis lham me lhan ne lhang nge 'dug go/ / bcom ldan 'das kyis kyang 'di skad du/ dge slong dag sum cu rtsa gsum pa'i lha rnams kyi yongs 'dus brtol gyi rtsa ba ni dpag tshad lnga bcur thur du zug go// 'phang du ni dpag tshad brgya yod do/ / yal ga dang / lo ma dang / yal ga rnams ni dpag tshad lnga bcu 'gyes so// dge slong dag sum cu rtsa gsum pa'i lha rnams kyi shing yongs 'dus brtol gyi lo ma ser ba na/ de'i tshe sum cu rtsa gsum pa'i lha rnams kye ma yongs 'du sa brtol 'di lo ma ser ba las na/ da ring po mi thogs par 'dab ma lhags par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod do/ / dge slong dag sum cu rtsa gsum pa'i lha rnams kyi shing yongs 'dus brtol gyi 'dab ma lhags pa na/ de'i tshe sum cu rtsa gsum pa'i lha rnams kyis yongs 'dus brtol 'di 'dab ma lhags pa las na/ da ring po mi thogs par sbal mig 'thon par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod do/ dge slong dag sum cu rtsa gsum pa'i lha rnams kyi shing yongs 'du sa brtol 'di sbal mig 'thon pa na/ de'i tshe sum cu rtsa gsum pa'i lha rnams kye ma yongs 'du sa brtol 'di sbal mig 'thon pa las na/ da ring po mi thogs par sbal mig 'bye bar 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod do// dge slong dag sum cu rtsa gsum pa'i lha rnams kyi shing yongs 'du sa brtol gyi sbal mig bye ba na/ de'i tshe sum cu rtsa gsum pa'i lha rnams kye ma yongs 'du sa brtol 'di sbal mig bye ba las na/ da ring po mi thogs par me tog kha 'bu bar 'gyur ro// zhes nas/ kun tu dga' zhing rab tu dga' bas gnas pa gang yin pa de'i dus kyang yod do// dge slong dag sum cu rtsa gsum pa'i lha rnams kyi shing yongs 'dus brtol gyi me tog kha 'bus pa na/ de'i tshe sum cu rtsa gsum pa'i lha rnams kye ma yongs 'du sa brtol 'di me tog kha 'bus pa las na/ da ring po mi thogs par me tog kha 'bye bar 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod do zhes nas/ dge slong dag sum cu rtsa gsum pa'i lha rnams kyi shing yongs 'dus brtol gyi me tog kha bye ba na/ de'i tshe su cu rtsa gsum pa'i lha rnams kye ma yongs 'dus brdol 'di me tog kha 'bye ba las na/ da ring po mi thogs par me tog gi 'dab ma thams cad yongs su rgyas par 'gyur ro zhes nas/ kun tu dga' zhing rab tu dga' bas gnas pa gang yin pa de'i dus kyang yod do/ / dge slong dag sum cu rtsa gsum pa'i lha rnams kyi shing yongs 'du sa brtol gyi me tog 'dab ma thams cad yongs su rgyas pa na/ yongs 'du sa brtol gyi me tog 'dab ma thams cad yongs su rgyas pa'i dri rdzi phyogs su dpag tshad brgyar dang ldang ngo / / rdzi phyogs ma yin par ni dpag tshad lnga bcur dad ldang ngo // dpag tshad brgyad cur ni 'od dang kha dog gis ldam me lhan ne lhang nge 'dug go/ / shing yongs 'dus brtol thams cad yongs su rgyas pa'i 'og na/ sum cu rtsa gsum pa'i lha rnams dbyar zla ba bzhi lha'i 'dod pa'i yon tan lnga la 'byor cing ldan par 'gyur te// rtse zhing dga' la dga' dgur spyod do// rang gi las kyi 'bras bu nyams su myong ngo // dge slong dag sum cu rtsa gsum pa'i lha rnams kyi shing yongs 'dus brtol gyi mthu ni de tsam mo zhes gsungs so// bar gyi sdom la/ dang po lo ma ser ba dang // de nas 'dab lhags sbal mig 'thon// sbal mig bye dang me tog 'bus// me tog kha bye thams cad rgyas// shing yongs 'dus brdol gyi drung na sum cu rtsa gsum pa'i lha rnams kyi mar mo ni ga lta bu'i rdo leb yod de/ chung dpag tshad lnga bcu/ zheng du dpag tshad lnga bcu/ mtha' skor du dpag tshad nyis brgya/ 'phang du dpag/ tshad phyed dang drug dang / dpag tshad kyi bco brgyad cha gcig yod de/ dbyibs legs shing blta na sdug la mdzes pa/ bris shing legs par bris pa tshon sna brgya rtsa gcig gis bris te/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'ad bzhin te/ rkang pa bzhag na ni nems zhes byed/ rkang pa bteg na ni par zhes byed la/ me tog man+da ra ba mang pos pus mo nub pa tsam du yongs su khebs te/ de'i dbus na lha'i dbang po brgya byin gyi seng ge'i khri bzang po dang / sum cu rtsa gsum pa'i lha lhag ma rnams kyi khri bshams pa yod do// de na sum cu rtsa gsum pa'i lha rnams dbyar zla ba bzhir 'dod pa'i yon tan lnga dag la 'byor cing ldan par 'gyur te/ rtse zhing dga' la dga' dgur spyod de/ rang gi las kyi 'bras bu nyams su myong ngo // ar mo ni ga lta bu'i rdo leb kyi khor khor yug na/ me tog gi shing dang / 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa 'am/ me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sbyar ba'i gzugs can rnams skad snyan pa 'byin to// de'i nyen kor na dpag bsams kyi shing sngon po dang / ser po dang dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang dmar po dang / dkar po rnam pa bzhi yod do// rol mo'i cha byad sna tshogs 'di lta ste/ pi wang dang / gling bu dang / pi wang rgyud gsum pa dang / 'khar rnga dang / hab shang rnams 'byung ba'i shing dag yod do/ / rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag yod de/ lha 'am/ lha'i bu mo rnams kyis ji lta bur 'dod par sems bskyed ma thag tu de lta bu de dag gi lag tu 'ong bar 'gyur ro/ / bdud rtsi rnam pa bzhi dang / sbrang rtsi dang / sbrang chang gi btung ba dag yod do// yang thog rnams dang / khang pa brtsegs pa rnams dang / khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / steng khang rnams dang / khyer du 'dug pa rnams dang / so so na 'dug pa rnams dang / rgyud ma rnams bud med kyi tshogs kyis mdzes par byas shing / lha'i bu mo mang pos bstan pa dang / sil snyan dang / pheg rdob pa dag gi sgra snyan par sgrogs pa dang / dri sna tshogs kyis legs par bsgos pa dang / kha zas dang btung ba dang ldan te/ de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo // sum cu rtsa gsum pa'i lha rnams kyi glang po che'i rgyal po skyed mos tshal du spyad pa sa srungs kyi bu zhes bya ba gzugs bzang zhing blta na sdug la mdzes pa zhig yod de/ me tog ku mu ta'i mdog ltar thal kar du 'dug la yan lag bdun legs par gnas pa ste/ de'i mgo bos dbyibs legs shing blta na sdug la mdzes pa ste/ sngo zhing srog chags lham bu chu gsher gyi mdog ltar dbus dmar la mche ba drug yod de/ glang po che'i rgyal pos srungs kyi bu'i srid du dpag tshad phyed dang gsum/ zheng du dpag tshad gcig/ 'phang du dpag tshad phyed dang gnyis/ mtha' skor du dpag tshad bdun yod do// glang po che'i rgyal po sa srungs kyi bu 'khor slang po che'i brgyad stong yod de/ de dag thams cad kyang gzugs bzang zhing blta na sdug la mdzes pa/ me tog ku mu ta'i mdog ltar thal kar du 'dug cing / yan lag bdun shin tu legs par gnas pa ste/ de dag gi mgo bo yang dbyibs legs shing blta na sdug la mdzes pa ste/ sngo zhing srog chags lham bu chu gsher gyi mdog ltar dbus dmar la mche ba drug yod pa sha stag ste/ gang gi tshe sum cu rtsa gsum pa'i lha rnams skyed mos tshal gyi sar 'gro bar 'dod pa de'i tshe/ glang po che'i rgyal po sa srungs kyi bus mgo bo sum cu rtsa gnyis mngon par sprul te/ mgo bo re re la mche ba drug rdug/ mche ba re re la rdzing bu bdun bdun/ rdzing bu re re la pad+ma bdun bdun/ pad+ma re re la sdong bu bdun bdun/ sdong bu re re la lha'i bu mo bdun bdun/ lha'i bu mo re re la g.yog mo bdun bdun/ g.yog mo re re la sil snyan bdun bdun mngon par sprul te/ mgo bo de dag thams cad kyi nang na/ khyad par du 'phags pa gang yin pa de la lha rnams kyi dbang po brgya byin zhon no// mgo bo lhag ma rnams la ni nye ba'i dbang po sum cu rtsa gnyis po rnams zhon no/ / glang po che lhag ma rnams la ni sum cu rtsa gsum pa'i lha rnams zhon no// de shin tu 'gyogs te/ dper na 'jigs pa'i rlung ngam/ chags pa'i rlung bzhin te/ de na lha 'am/ lha'i bu mo su yang 'di snyam du 'di dag gi mdun du 'gro'o zhe 'am/ phyi nas 'ong ngo snyam du sems pa med do// de nas glang po che'i rgyal po sa srungs kyi bus sum cu rtsa gsum pa'i lha rnams so sor grong khyer gyi sgo nas 'thon no/ / bton nas so sor skyed mos tshal du phyin par byas te/ rdzu 'phrul mngon par 'du byed pa de btang nas/ 'di lta ste/ lha 'am/ lha'i bu mo rdzu 'phrul che zhing mthu che ba gang yang rung ba dang 'dra bar bdag nyid mngon par sprul nas/ lha'i 'dod pa lnga dag la 'byor cing ldan par 'gyur te/ rtse zhing dga' la dga' dgur spyod do// ji ltar brgya byin lha'i dbang po sum cu rtsa gsum pa'i lha rnams kyi rgyal srid kyi dbang phyug la dbang byed pa de bzhin du/ lha ma yin gyi dbang po thags bzangs ris lha ma yin gyi rgyal srid kyi dbang phyug la dbang byed do// sum cu rtsa gsum pa'i lha rnams kyi rgyal po'i pho brang 'khor grong khyer blta na sdug ji lta ba de bzhin du/ lha ma yin rnams kyi rgyal po'i pho brang 'khor gyi yang grong khyer gser ldan zhes bya'o// lha'i dbang po brgya byin gyi khang bzangs rnam par rgyal ba ji lta ba de bzhin du/ lha ma yin gyi dbang po thags bzangs ris kyi khang bzangs kyang gdams pa can zhes bya'o// sum cu rtsa gsum pa'i lha rnams kyi lha'i 'dun sa chos bzangs zhes bya ba ji lta ba de bzhin du/ lha ma yin rnams kyi lha ma yin gyi 'dun sa yang nor bzangs zhes bya'o// sum cu rtsa gsum pa'i lha rnams kyi skyed mos tshal bzhi 'di lta ste/ shing rta sna tshetshigs can dang / rtsub 'gyur tshal dang / 'dres pa'i tshal dang / dga' ba'i tshal ji lta ba de bzhin du/ lha ma yin rnams kyi skyed mos tshal bzhi yang / 'di lta ste/ kun tu dga' ba dang / rab tu dga' ba dang / dga' ba dang / dga' ba'i kun dga' ra ba rnams yin no// sum cu rtsa gsum pa'i lha rnams kyi sa gzhi bzang po 'di lta ste/ sna tshogs dang / rtsub 'gyur dang / 'dres pa dang / dga' ba ji lta ba de bzhin du/ lha ma yin rnams kyi sa gzhi bzang po bzhi yang kun tu dga' ba ma dang / rab tu dga' ba dang / dga' ma dang / dga' ma'i kun dga' ra ba ma rnams so// sum cu rtsa gsum pa'i shing yongs 'dus brtol ji lta ba de bzhin du/ lha ma yin rnams kyi shing yang tsi tra pa ta la zhes bya'o// sum cu rtsa gsum pa'i lha rnams kyi ar mo ni ga lta bu'i rdo leb ji lta ba de bzhin du/ lha ma yin rnams kyi yang lha ma yin gyi rdo leb ces bya'o// sum cu rtsa gsum pa'i lha rnams kyi glang po che'i rgyal po skyed mos tshal du spyad pa sa srungs kyi bu ji lta ba de bzhin du/ lha ma yin rnams kyi glang po che'i rgyal po skyed mos tshal du spyad pa yang ti se'i gangs brtsegs zhes bya'o/ / sum cu rtsa gsum pa'i lha rnams kyi glang po che'i rgyal po g.yul ngor spyad pa rab tu brtan pa ji lta ba de bzhin du/ lha ma yin rnams kyi glang po che'i rgyal po g.yul ngor spyod pa yang bzod par dka' ba zhes bya'o// sum cu rtsa gsum pa'i lha rnams kyi rta'i rgyal po sprin gyi shugs zhes bya ba ji lta ba de bzhin du/ lha ma yin rnams kyi rta'i rgyal po yang brag rdzing zhes bya'o/ / sum cu rtsa gsum pa'i lha rnams kyi lha'i grong khyer ji ltar 'khor dang ldan pa de bzhin du/ lha ma yin rnams kyi yang grong khyer yang 'khor dang ldan pa yin no/ / lha ma yin rnams kyi lha ma yin gyi rgyal srid kyang sum cu rtsa gsum pa'i lha rnams ji lta ba bzhin du/ rgyas par brjod par bya'o// 'jig rten bzhag pa las tshigs bdun pa'o// sdom la/ phyed dang drug dang thang cig mtha'// thung dang grang dang 'bri ba dang // rnyog pa dang ni bsdu ba dang // phyogs dang shar phyogs 'du shes pa// zla ba drug tu nyi ma lho phyogs su 'gro ste/ phyogs su 'gro ba na/ dpag tshad phyed dang drug dang / dpag tshad bco brgyad cha gcig tu 'dzam bu gling las yol te/ rgya mtsho chen po dpag tshad phyed dang drug dang / dpag tshad kyi bco brgyad cha gcig khyab par byed do/ / zla ba drug tu nyi ma byang phyogs su 'gro ste/ byang phyogs su 'gro ba na/ dpag tshad phyed dang drug dang / dpag tshad kyi bco brgyad cha gcig tu rgya mtsho chen po las yol te/ 'dzam bu'i gling dpag tshad phyed dang drug dang / dpag tshad kyi bco brgyad cha gcig khyab par byed do// zla ba drug tu nyi ma lho phyogs su 'gro sde/ lho phyogs su 'gro ba na/ nyin mo las thang cig re re 'grib cing / mtshan mo las thang cig re re skye'o// zla ba drug tu nyi ma byang phyogs su 'gro ste/ byang phyogs su 'gro ba na/ mtshan mo las thang cig re re 'grib cing / nyin mo las thang cig re re skye'o// zla ba drug tu nyi ma lho phyogs su 'gro ste/ lho phyogs su 'gro ba na/ 'dzam bu gling gi mtha' myur du spong ngo // zla ba drug tu nyi ma byang phyogs su 'gro ba ste/ byang phyogs su 'gro ba na/ 'dzam bu gling gi dbus yun ring mo zhig gis spong ngo / / ci'i phyir dgun mtshan mo ring la nyin mo thung zhe na/ smras pa/ zla ba drug tu nyi ma lho phyogs su 'gro ste/ lho phyogs su 'gro ba na/ 'dzam bu gling gi mtha' myur du spong bas nade'i phyir na dgun mtshan mo ring la nyin mo thung ngo / / ci'i phyir dpyid dang dbyar nyin mo ring la mtshan mo thung zhe na/ smras pa/ zla ba drug tu nyi ma byang phyogs su 'gro ba na/ 'dzam bu gling gi dbus yun ring po zhig gis spong bas/ de'i phyir na dpyid dang dbyar ni nyin mo ring la mtshan mo thung ngo // ci'i phyir dgun grang bar gyur ce na/ smras pa/ zla ba drug tu nyi ma lho phyogs su 'gro ba ste/ lho phyogs su 'gro ba na/ dpag tshad bzhi khri nas nyi ma'i 'od zer byung ba rnams rgya mtsho chen por bab pas gling rnams su grang bar gyur te/ de'i phyir dgun grang ngo // ci'i phyir dpyid dang dbyar dro bar gyur ce na/ smras pa/ zla ba drug tu nyi ma byang phyogs su 'gro ba ste/ byang phyogs su 'gro ba na/ dpag tshad bzhi khri nas nyi ma'i 'od zer byung ba rnams gling rnams su 'bab pas/ gling rnams dro bar gyur te/ de'i phyir na dpyid dang dbyar dro'o// ci'i phyir zla ba'i dkyil 'khor mar gyi ngo tshes bcu drug phan chod 'od 'grib cing kha dog dang / dkyil 'khor dang / chu zheng du 'grib ce na/ smras pa/ nyi ma dang nye bar 'gro zhing phrad par gyur te/ 'gro ba de rang gi dkyil 'khor las de'i grib ma byung ste/ des de'i dkyil 'khor khebs shing de'i dkyil 'khor yog par gyur te/ mi snang bas na de'i phyir na/ zla ba'i dkyil 'khor mar gyi ngo tshes bcu drug phan chad 'grib cing kha dog dang / dkyil 'khor dang / chu zheng du 'grib bo// ci'i phyir zla ba'i dkyil 'khor mar gyi ngo'i gnam stong la rnam pa thams cad du mi snang zhe na/ smras pa/ nyi ma dang rnam pa thams cad du 'phrad cing 'grogs te/ de rang gi dkyil 'khor las grib ma byung nas/ de'i dkyil 'khor khebs shing de la de'i dkyil 'khor yog par gyur te/ mi snang bas de'i phyir na/ zla ba'i dkyil 'khor mar gyi ngo gnam stong la rnam pa thams cad du mi snang ngo / / ci'i phyir zla ba'i dkyil 'khor yar gyi ngo tshes gcig phan chad 'od skye zhing kha dog dang / dbyibs dang / dkyil 'khor dang / chu zheng du skye zhe na/ sgrib pa nyi ma dang bral zhing 'gro ste/ nyi ma dang bral zhing 'gro ba de rang gi dkyil 'khor las grib ma chung ngur 'gyur te/ grib ma chung ngur gyur pas/ de'i dkyil 'khor gyi phyogs snang bar gyur te/ de'i phyir na zla ba'i dkyil 'khor yar gyi ngo tshas gcig phan chod 'od skye zhing kha dog dang / dbyibs dang / dkyil 'khor dang / chu zheng du skye'o// ci'i phyir zla ba'i dkyil 'khor yar gyi ngo tshes bco lnga la rnam pa thams cad du yongs su rdzogs par 'gyur te/ smras pa/ nyi ma dang rnam pa thams cad du bral te 'gro bas zla ba'i dkyil 'khor de las nyi ma'i 'od zer las gyur pa'i grib ma gang de'i dkyil 'khor la bsgrib ma de med par gyur te/ des de'i dkyil 'khor snang bar 'gyur bas/ de'i phyir na zla ba'i dkyil 'khor yar gyi ngo tshes bco lnga la rnam pa thams cad du yongs su rdzogs par 'gyur ro/ / ci'i phyir zla ba'i dkyil 'khor gyi dbus rnyog la/ mtha' rnam par dang zhing rnyog pa med ce na/ smras pa/ gling gi rkyen gyis de'i dbus rnyog la/ chu'i rkyen gyis mtha' rnam par dang zhing rnyog pa med de/ gling rnams kyi gzugs brnyan gang yin pa des ni dbus rnyog la/ chu'i gzugs gang yin pa des ni mtha' rnam par dang zhing rnyog pa med do// gzhan yang zla ba'i dkyil 'khor gyi steng na/ kun dga' ra ba dang / skyed mos tshal rnams dang / khyim rnams dang / khang pa brtsegs pa rnams yod pas/ de'i phyir yang zla ba'i dkyil 'khor gyi dbus rnyog la/ mtha' rnam par dang zhing rnyog pa med do/ / gang gi tshe 'dzam bu'i gling du nyi ma 'char ba de'i tshe/ shar gyi lus 'phags su nyi ma phyed do// byang gi sgra mi snyan na ni nub bo// nub kyi ba lang spyod kyi gling na ni nam byed do// gang gi tshe 'dzam bu'i gling na nyi ma phyed par gyur pa de'i tshe/ shar gyi lus 'phags na ni nyi ma nub bo// byang gi sgra mi snyan na ni nam phyed do// nub kyi ba lang spyod kyi gling na ni nyi ma 'char ro// gang gi tshe 'dzam bu'i gling du nyi ma nub pa de'i tshe/ shar gyi lus 'phags na ni nam phyed do// byang gi sgra mi snyan na ni nyi ma 'char ro// nub kyi ba lang spyod kyi gling na ni nyi ma phyed do// gang gi tshe 'dzam bu gling na nam phyed par gyur pa de'i tshe/ shar gyi lus 'phags kyi gling na ni nyi ma 'char ro// byang gi sgra mi snyan gyi gling na ni nyi ma phyed do// nub kyi ba lang spyod kyi gling na ni nyi ma nub bo// ji ltar 'dzam bu'i gling thog mar byas te bshad pa de bzhin du/ shar gyi lus 'phags dang / byang gi sgra mi snyan dang / nub kyi ba lang spyod kyang thog mar byas te thams cad brjod par bya'o// 'dzam bu gling gi shar phyogs gang yin pa de/ shar gyi lus 'phags kyi ni lho phyogs so// byang gi sgra mi snyan gyi ni nub phyogs so// nub kyi ba lang spyod kyi ni byang phyogs so// 'dzam bu gling gi lho phyogs gang yin pa de/ shar gyi lus 'phags kyi ni nub phyogs so// byang gi sgra mi snyan gyi ni byang phyogs so// nub kyi ba lang spyod kyi ni shar phyogs so// 'dzam bu gling gi nub phyogs gang yin pa de/ shar gyi lus 'phag kyi ni byang phyogs so/ / byang gi sgra mi snyan gyi ni shar phyogs so// nub kyi ba lang spyod kyi ni lho phyogs so// 'dzam bu'i gling gi byang phyogs gang yin pa de/ shar gyi lus 'phags kyi shar phyogs so/ / byang gi sgra mi snyan gyi lho phyogs so// nub kyi ba lang spyod kyi nub phyogs te/ ji ltar 'dzam bu'i gling thog mar smos te bshad pa de bzhin du/ byang gi sgra mi snyan dang / nub kyi ba lang spyod dang / shar gyi lus 'phags kyang thog mar smos te thams cad brjod par bya'o// phyogs ni bzhi yod de/ shar phyogs dang / lho phyogs dang / nub phyogs dang / byang phyogs so/ / shar phyogs la sems can shar phyogs su 'du shes pa dag kyang yod do// sems can lho phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa dag kyang yod do// lho phyogs la sems can lho phyogs su 'du shes pa dag kyang yod/ sems can shar phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa dag kyang yod do// nub phyogs la sems can shar phyogs su 'du shes pa dag kyang yod/ sems can lho phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa dag kyang yod do// byang phyogs la sems can shar phyogs su 'du shes pa dag kyang yod/ sems can lho phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa de dag kyang yod do/ / phyogs de dang de dag la de ltar tha snyad 'dogs so// 'jig rten bzhag pa las tshigs brgyad pa'o// // sdom la/ zla ba nyi ma gnyis kyi tshad// skar ma rnams kyang de bzhin te/ / zla drug nyi ma 'gro ba dang // gnod par byed pa tha ma yin// zla ba'i dkyil 'khor gyi tshad ji tsam zhe na/ smras pa/ zla ba'i dkyil 'khor ni chur dpag tshad lnga bcu zhing du yang dpag tshad lnga bcu/ mtha' skor du dpag tshad brgya lnga bcu/ rngams su dpag tshad phyed dang drug dang / dpag tshad kyi bco brgyad kyi tshe gcig yod de/ dbyibs legs shing blta na sdug la mdzes pa shel las grub pa ste/ gser gyi ra bas kun nas bskor te/ ra ba de'i 'phang du yang dpag tshad phyed yod la/ ra ba de la rtsig skyabs 'di lta ste/ gser las byas pa dang / dngul las byas pa dang / DUR+Ya las byas pa dang / shel las byas pa rnam pa bzhi dang / gyen du 'phang ba'i mda' yab dang / thur du 'phyang ba'i mda' yab dang / zab pa rgyud pa rnam pa bzhi dag yod do// de'i nang gi sa gzhi dbyings legs shing blta na sdug la mdzes pa ste/ bris shing legs par bris pa/ tshon sna brgya rtsa gcig gis bris pa ste/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa bteg na ni bar zhes byed la/ me tog man+da ra ba dag gis pus mo nub tsam du khebs te/ de na mi ma yin pa rnams kyis rlung gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du/ zla ba'i bsod nams dbang gi rkyen gyis ni// zla ba'i grong khyer dag na rlung chen ldang // me tog rnying pa rnams ni 'dor bar byed// me tog gsar pa rnams ni legs par 'grems// zhes kyang bya'o// zla ba'i dkyil 'khor gyi nang na lam srang chur dpag tshad lnga bcu/ zheng du dpag tshad phyed dang gnyis yod de/ dbyibs legs shing blta na sdug la mdzes pa gser gyi bye ma bdal zhing / tsan dan gyi chus chag chag btab pa de'i glo g.yas g.yon na rdzing bu byas pa dag yod de/ rdzing bu de dag kyang gser las byas pa dang / dngul las byas pa dang / bai nuR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag gi phyogs bzhin yang / them skas byas pa dag yod de/ them skas de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i lan kan rnam pa bzhis kun nas bskor te/ gser gyi lan kan gyi rten ma dang / gdang bu dang / gzung gzer ni dngul las byas so/ / dngul gyi ni gser las byas so// bai DUR+Ya'i ni shel las byas so// shal gyi ni rten ma dang / gdang bu dang / gzung gzer ni bai DUR+Ya las byas pa ste/ dbyibs legs shing blta na sdug la mdzes pa/ chu bsil ba dang / chu sbrang rtsi lta bus gang ba ste/ me tog ut+pa la dang / pad+ma dang / ku mu da dang / pad+ma dkar pos yongs su khebs shing / chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// de dag gi nye 'khor na me tog gi shing dang / 'bras bu'i shing sna tshogs yod pa rnams legs par skyes shing / dbyibs legs la yongs su grub pa ste/ me tog 'greng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas/ me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang // skad mnyen pa dang / 'dod dgur sgyur ba'i gzugs can rnams skad snyan pa 'byin to// dpag bsams kyi shing sngon po dang / ser po dang / dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang // ser po dang / dmar po dang / dkar po rnam pa bzhi yod do// rol mo'i cha byad sna tshogs pi wang dang / gling bu dang / pi wang rgyud gsum pa dang / 'khar dza dang / hab shang rnams 'byung ba'i shing dag yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba dag 'byung ba'i shing dag yod de/ lha 'am/ lha'i bu mo rnams kyis ji ltar 'dod par sems bskyed ma thag tu/ de lta bu de dag gi lag tu 'ong bar 'gyur ro/ / bdud rtsi rnam pa bzhi dang / sbrang rtsi dang / sbrang chang gi btung ba dag kyang yod/ yang thog rnams dang / khang pa brtsegs pa rnams dang / khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / zam pa rnams bud med kyi tshogs kyis mdzes par byas shing / lha'i bu mo mang pos bsten pa dang / sil snyan dang / pheg rdob pa'i sgra snyan pa sgrogs pa dang / dri sna tshogs kyis legs par bsgos pa dang / kha zas dang / btung ba dang ldan pa dag yod de/ de na lha'i bu zla ba 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo // nyi ma'i dkyil 'khor gyi tshad ji tsam zhe na/ spras pa/ nyi ma'i dkyil 'khor ni chur dpag tshad lnga bcu rtsa gcig/ zheng du yang dpag tshad lnga bcu rtsa gcig mtha' skor du dpag tshad brgya lnga bcu rtsa gsum/ rngams su dpag tshad phyed dang drug dang / dpag tshad kyi bco brgyad cha gcig yod de/ dbyibs legs shing blta na sdug la mdzes pa shel las grub pa ste/ gser gyi rabs kun nas bskor ro// ra ba de'i 'phang du yang dpag tshad phyed yod la/ ra ba de'i rtsig skyabs 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi dang / gyen du 'phang ba'i mda' yab dang / thur du 'phyang ba'i mda' yab dang / zam pa rgyud ma rnam pa bzhi dag yod do// de'i nang gi sa gzhi dbyibs legs shing blta na sdug la mdzes pa ste/ bris shing legs par bris pa ni/ tshon sna brgya rtsa gcig gis bris te/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa bteg na ni par zhes byed la/ me tog man+da ra ba dag gis pus mo nub pa tsam du khebs te/ de na mi ma yin pa rnams rlung gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du/ nyi ma'i bsod nams dbang gi rkyen gyis ni/ nyi ma'i grong khyer dag nas rlung chen ldang // me tog rnying pa rnams ni 'dor bar byed/ / me tog gsar pa rnams ni legs par 'grems// zhes kyang bya'o// nyi ma'i dkyil 'khor gyi nang na lam srang chur dpag tshad lnga bcu rtsa gcig/ zheng du yang dpag tshad phyed dang / gnyis yod de/ dbyibs legs shing blta na sdug la mdzes pa/ gser gyi bye ma bdal zhing tsan dan gyi chus chag chag btab pa de'i glo g.yas g.yon na/ rdzing bu byas pa dag yod de/ rdzing bu de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag gi phyogs bzhin yang them skas byas pa dag yod de/ them skas de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i lan kan rnam pa bzhis kun nas bskor te/ gser gyi lan kan gyi rten ma dang / gdang bu dang / gzung gzer dngul las byas so// dngul gyi ni gser las byas pa'o// bai DUR+Ya'i ni shel las byas so// shel gyi rten ma dang / gdang bu dang / gzung gzer ni dngul las byas so/ / dbyibs legs shing blta na sdug la mdzes pa/ chu bsil ba dang / chu sbrang rtsi lta bus gang ba ste/ me tog ut+pa la dang / pad+ma dang / ku mu da dang / pad+ma dkar pos yongs su khebs te/ chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// de dag gi nyen kor na me tog gi shing dang / 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog gi 'phreng ba bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to// dpag bsams kyi shing sngon po dang / ser po dang / dmar po dang / dkar po rnam pa bzhi yod do/ / bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// rol mo'i cha byad sna tshogs pi wang dang / gling bu dang / pi wang rgyud gsum pa dang / 'khar rnga dang / ha ba shang rnams 'byung ba'i shing dag yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag yod de/ lha 'am/ lha'i bu mo rnams kyis ji lta bur 'dod par sems bskyed ma thag tu/ de lta bu de dag gi lag tu 'ong bar 'gyur ro// bdud rtsi rnam pa bzhi dang / sbrang rtsi dang / sbrang chang gi btung ba dag kyang yod do// yang thog rnams dang / khang pa brtsegs pa rnams dang khyim rnams dang / khang bzangs rnams dang / bsil khang rnams dang / ltad mo lta ba'i sa rnams dang / zam pa rnams bud med kyi tshogs kyis mdzes par byas shing / lha'i bu mo mang pos bsten pa dang / sil snyan dang / pheg rdob pa dag gis sgra snyan pa sgrogs pa dang / dri sna tshogs kyis legs par bsgos pa dang / kha zas dang / btung ba dang ldan pa dag yod de/ de na lha'i bu nyi ma 'khor dang bcas pa rtse zhing dka' la dga' dgur spyod de/ rang gi las kyi 'bras bu nyams su myong ngo // skar ma'i gzugs rnams kyi tshad ji tsam zhe na/ smras pa/ skar ma'i gzugs rnams thams cad kyi nang na che ba gang yin pa de dag gi ni rgyang grags bco brgyad pa'o/ / thams cad kyi nang na chung ba gang yin pa de dag ni rgyang grags gsum pa'o// phal cher ni rgyang grags bcu pa dang / bcu gnyis pa yin te/ dbyibs legs shing blta na sdug la mdzes pa shel las byas pa ste/ gser gyi ra bas kun nas bskor ro// ra ba de la rtsig skyabs gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi dang / mda' yab dang / ltad mo lta ba'i sa rnam pa bzhi yod do// de'i nang gi sa gzhi yang dbyibs legs shing blta na sdug la mdzes pa/ bris shing legs par bris la/ tshon sna brgya rtsa gcig gis bris te/ 'jam zhing shin tu 'jam pa ni/ dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa bteg na ni phar zhes byed la/ me tog man+dar bdag gis pus mo nub pa tsam du khebs te/ rlung gi mthus me tog rnying pa rnams ni 'dor// me tog gsar pa rnams ni legs par 'grems te/ 'di skad du/ lha rnams bsod nams dbang gi rkyen gyis na// gzhal med khang mchog dag na rlung chen ldang // me tog rnying pa rnams ni 'dor bar byed// me tog gsar pa rnams ni legs par 'grems/ / zhes kyang bya'o// de dag gi nang na rdzing bu byas pa dag yod de/ rdzing bu de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so/ / rdzing bu de dag gi phyogs bzhin yang them skas byas pa dag yod de/ them skas de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i lan kan rnam pa bzhis kun nas bskor ro/ / gser gyi lan kan gyi rten ma dang / gdang bu dang / gzung gzer ni dngul las byas so// dngul gyi ni gser las byas so// bai DUR+Ya'i ni shel las byas so/ / shel gyi rjen ma dang / gdang bu dang / gzung gzer ni bai DUR+Ya las byas te/ dbyibs legs shing blta na sdug la mdzes pa/ chu bsil ba dang / chu sbrang rtsi lta bus gang po ste/ me tog ut+pa la dang / pad+ma dang / ku mu da dang / pad+ma dkar pos yongs su khebs te/ chu nas skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sbyar ba'i gzugs can rnams skad snyan pa 'byin to/ / de dag gi nyen kor na me tog gi shing dang / 'bras bu'i shing sna tshogs yod pa rnams legs par skyes shing / dbyibs leg/ par yongs su grub pa ste/ me tog gi 'phreng ba bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas me tog gi 'phreng ba tha gu la brgyus pa dang me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs can rnams skad snyan pa 'byin to/ / dpag bsams kyi shing sngon po dang / ser po dang / dmar po dang / dkar po rnams yod do// rgyas par snga ma bzhin no// de dag na gzhal med khang na gnas pa'i lha'i bu rnams rtse zhing dga' la dga' dgur spyod de/ rang gi las kyi 'bras bu nyams su myong ngo // nyi mas zla ba drug tu bgrod pa gang yin pa de ni zla bas zla ba gcig tu 'gro ba dang 'ong bar byed do// ci'i phyir nyi ma'i dkyil 'khor la bltas na/ mig la gnod par 'gyur la/ zla ba'i dkyil 'khor la bltas na/ mig la gnod par mi 'gyur zhe na/ smras pa/ zla ba'i dkyil 'khor ni chu shel yang yin la/ shel dang ba yang yin la/ nyi ma'i dkyil 'khor ni me shel yin pas de'i phyir na/ nyi ma'i dkyil 'khor la bltas na mig la gnod par 'gyur la/ zla ba'i dkyil 'khor ni gnod par mi 'gyur ro// 'jig rten bzhag pa las tshigs dgu pa'o// sdom la/ 'byung ba chen por 'du shes dang // bdag tu yang ni 'du shes pa// nam mkha' la ni sar 'du shes// dus ni gnyis su byas pa dang / / skad cig pa ni tha ma ya ni// 'byung ba chen po bzhi ni/ sa'i khams dang / chu'i khams dang / me'i khams dang / rlung gi khams so// sems can sa la sar 'du shes pa dag kyang yod do// chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do// sems can chu la yang sar 'du shes pa dag kyang yod do// chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do// sems can me la sar 'du shes pa dag kyang yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do/ / sems can rlung la sar 'du shes pa dag kyang yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do// sems can sa la bdag tu 'du shes pa dag kyang yod de/ sa'i khams gang yin pa de ni bdag yin la/ bdag gang yin pa de ni sa yin te/ de ltar sa dang bdag gnyis su dbyer med cing tha dad pa ma yin te/ bdag gi bdag ni rdzogs pa yin no zhes nas/ de dag sa la bkur sti byed/ btsun par byed/ ri mor byed/ mchod par byed do// de dag gis bkur stir byas/ btsun par byas ri mor byas/ mchod par byas nas dga' zhing mgu la yi rings te/ bkur sti byed cing nye bar bsten te gnas la/ sems kyis lung bstan pa ma yin no// sems can chu dang / me dang / rlung la bdag tu 'du shes pa dag kyang yod de/ rlung gang yin pa de ni bdag yin la/ bdag gang yin pa de ni rlung yin te/ de ltar rlung dang bdag gnyis su dbyer med cing tha dad pa ma yin te// bdag gi bdag ni rdzogs pa yin no zhes nas/ de dag rlung la bkur sti byed/ btsun par byed/ ri mor byed/ mchod par byed/ de dag gis bkur sti byas/ btsun par byas/ ri mor byas/ mchod par byas nas/ dga' zhing mgu la yi rangs te/ bkur sti byed cing nye bar bsten te gnas la/ sems kyis lung bstan pa ma yin no// sems can sa la nam mkhar 'du shes pa dag kyang yod nam mkha' la sar 'du shes pa dag kyang yod do/ / sa la nam mkhar 'du shes pa ji lta bu zhe na/ til rmed pa'i mi la la zhig gis ljon pa rko ba'i mi la la 'ga' zhig la 'di skad du/ kye sdong po me reg ma 'dra ba'i mi glang mthong ngam zhes smras so/ / des spras pa/ ma mthong ngo // til za 'am/ ma zi 'am/ spras pa/ mi za'o zhes so// de ltar na sa la nam mkhar 'du shes pa yin no// ji ltar nam mkha' la sar 'du shes she na/ spras pa/ ji ltar bram ze la la zhig bong bu'i shing rta la babs te/ bong bu'i shing rta phur bu la btags nas phur bu nam mkha' la btab ste btsugs nas mgo la bas dkris te/ sa la gan kyal du nyal ba bzhin du nam mkha' la sar 'du shes pa yin no// lo gcig la dus gcig tu/ mtshan mo ni yud tsam bco brgyad/ nyin mo ni yud tsam bcu gnyis pa yod de/ lo gcig la dus gcig tu mtshan mo'i yud tsam bco brgyad/ nyin mo ni yud tsam bcu gnyis pa de gang zhe na/ dgun zla tha chung yar gyi ngo tshes brgyad la mtshan mo ni yud tsam bco brgyad/ nyin mo yud tsam bcu gnyis yod do// tshes dgu phan chad ni mtshan mo ni 'bri/ nyin mo ni skye ste/ mtshan mo ni thang cig re res 'bri'o// nyin mo ni thang cig re res skye'o// lo gcig la dus gcig tu nyin mo ni yud tsam bco brgyad/ mtshan mo ni yud tsam bcu gnyis yod do// lo gcig la dus gcig tu nyin mo ni yud tsam bco brgyad/ mtshan mo ni yud tsam bcu gnyis pa gang zhe na/ smras pa/ dbyar zla tha chung yar gyi ngo tshes brgyad kyi nyin mo ni yud tsam bco brgyad/ mtshan mo ni yud tsam bcu gnyis yod do// tshes dgu phan chad kyi nyin mo ni 'bri/ mtshan mo ni skye ste/ nyin mo ni thang cig re res 'bri'o// mtshan mo ni thang cig re res skye'o// lo gcig la dus gnyis su mtshan mo yang yud tsam bco lnga/ nyin mo yang yud tsam bco lnga pa yod de/ lo gcig la dus gnyis su mtshan mo yang yud tsam bco lnga/ nyin mo yang yud tsam bco lnga pa de gang zhe na/ spras pa/ dpyid zla tha chung yar gyi ngo tshes brgyad dang / ston zla tha chung yar gyi ngo tshes brgyad la mtshan mo yang yud tsam bco lnga/ nyin mo yang yud tsam bco lnga yod do// tshes bzhi yod de/ bzhi gang zhe na/ skad cig dang / de'i skad cig dang / thang cig dang / yud tsam rnams so/ / skad cig brgya nyi shu la de'i skad cig go// de'i skad cig drug cu la ni thang cig go// thang cig sum cu la ni yud tsam gcig go/ yud tsam sum cu la ni nyin zhag gcig go/ nyin zhag sum cu cha gcig ni yud tsam gcig go// yud tsam sum cu cha gcig ni thang cig gcig go/ thang cig drug cu cha gcig ni de'i skad cig go/ de'i skad cig brgya nyi shu cha gcig ni skad cig go/ / skad cig gi tshad ji tsam zhe na/ 'di lta ste/ bud med pa la 'khal ba 'bring gis ha cang yang mi ring / ha cang yang mi thung bar bal snyod pa de tsam gyi yun ni skad cig gi tshad yin no// de lta bu'i skad cig brgya nyi shu la de'i skad cig go// de'i skad cig de lta bu drug cu la thang cig go/ thang cig de lta bu sum cu la yud tsam cig go// yud tsam de lta bu sum cu la nyin zhag gcig go nyin zhag de sum cu la zla ba gcig go/ / zla ba bcu gnyis la lo gcig go// 'jig rten bzhag pa las tshogs bcu pa'o// // bam po lnga pa// / gleng gzhi ni/ yul mnyan du yod pa ste/ bcom ldan 'das kyis 'di skad du/ bskal pa ni grangs med pa bzhi ste/ grangs med padag gis ni bskal pa 'jig go// grangs med bdag gis ni bskal pa zhig par gnas so/ / grangs med pa dag gis ni bskal pa 'chags so// grangs med pa dag gis ni bskal pa chags par gnas so zhes gsungs te/ bar gyi bskal pa brgyad cu la ni bskal pa chen po gcig ste/ bar gyi bskal pa nyi shus ni 'jig rten 'jig go// bar gyi bskal pa nyi shus ni 'jig rten zhig par gnas so// bar gyi bskal pa nyi shus ni 'jig rten 'chags so// bar gyi bskal pa nyi shus ni 'jig rten chags par gnas so// 'jig rten 'jig pa ni rnam pa gsum ste/ mes 'jig pa dang / chus 'jig pa dang / rlung gis 'jig pa'o// 'jig pa gsum gyi rtse mo ni 'od gsal ba dang / dge rgyas pa dang / 'bras bu che ba rnams te/ gang gi tshe mes 'jig pa 'byung ba de'i tshe/ 'od gsal gyi lha rnams la 'jig pa'i rtse mo thub bo// gang gi tshe chus 'jig pa 'byung ba de'i tshe/ dge rgyas kyi lha rnams la 'jig pa'i rtse mo thug go// gang gi tshe rlung gis 'jig pa 'byung ba de'i tshe/ 'bras bu che ba'i lha rnams la 'jig pa'i rtse mo thub bo// mes 'jig pa lan bdun zhing chus 'jig pa lan cig/ chus 'jig pa lan bdun zhing rlung gis 'jig pa lan cig 'byung ngo // bar gyi bskal pa ni gsum ste/ mtshon gyi bar gyi bskal pa dang / nad kyi bar gyi bskal pa dang / mu ge'i bar gyi bskal pa dang / bskal pa ni mtshon dang / nad dang / mu ges mthar thug par 'gyur ro// gang gi tshe mtshon gyi bar gyi bskal pa 'ong du cha zhing 'byung du nye bar gyur pa de'i tshe/ mi rnams kyis tshe lo bcu thub par gyur te/ tshe lo bcu pa'i mi rnams kyi nang na gang yun ring du 'tsho ba des lo bcu thub ste/ dper na da ltar gyi mi rnams kyi nang na gang yun ring du 'tsho zhing ci legs/ ci bder rim gro byed pa des lo rgya'am/ cung zad lhag par thub pa de bzhin du/ tshe lo bcu pa'i mi'i nang na gang yun ring du 'tsho ba des lo bcu thub bo// tshe lo bcu pa'i mi rnams kyi bu gcig pa sdug cing yid du 'ong ba la/ 'phreng tshad nyis brgya so gnyis so// mas legs su smon pa bdag gi bu lo bcu'i bar du yun ring du 'tsho bar gyur cig ces legs su smon par byed de/ dper na da ltar gyi mi rnams kyi bu gcig pa sdug cing yid du 'ong ba la mas legs su smon pa ni/ 'di skad du/ bdag gi bu lo brgya'i bar du yun ring du 'tsho bar gyur cig ces legs su smon par byed pa de bzhin du/ tshe lo bcu pa'i mi rnams kyi bu gcig pa sdug cing yid du 'ong ba lams legs su smon pa ni/ 'di skad du/ bdag gi bu lo bcu'i bar du yun ring bar 'tsho bar gyur cig ces legs su smon par byed do// tshal bcu pa'i mi rnams kyi bu mo btsas nas zla ba lnga lon pa na khyim thab la gtong bar 'gyur te/ dper na da ltar gyi mi rnams kyi bu mo lo bco lnga 'am bcu drug lon pa na/ khyim thab la gtong ba de bzhin du/ tshe lo bcu pa'i mi rnams kyi bu mo btsas nas zla ba lnga lon pa na khyim thab la gtong bar 'gyur ro// tshe lo bcu pa'i mi rnams kyi gos kyi nang na skra'i la ba mchog tu gyur te/ dper na da ltar gyi mi rnams kyi gos ka shi ka'i ras phra mo 'am/ zar ma'i ras phra mo 'am/ du gu la'i ras phra mo 'am/ ko tam pa'i ras phra mo mchog yin pa de bzhin du/ tshe lo bcu pa'i mi rnams kyi gos kyi nang na skra'i la ba mchog tu 'gyur ro/ / tshe lo bcu pa'i mi rnams kyi khazas kyi nang na khre rgod mchog tu 'gyur te/ dper na da ltar gyi mi rnams kyi kha zas kyi nang na 'bras sA lu'i chan nag po'i bag bsal ba/ tshod ma dang / 'khur ba dang / bya na sna tshogs dang ldan pa mchog yin pa de bzhin du/ tshe lo bcu pa'i mi rnams kyi kha zas kyi nang na ko tra ba mchog tu 'gyur ro// tshe lo bcu pa'i mi rnams kyi ro rnam pa lnga nub par 'gyur te/ lnga gang zhe na/ 'o ma yang yod/ zho yang yod mod kyi/ mar mi 'byung ngo // til yang yod/ til gyi phye ma yang yod mod kyi/ til mar mi 'byung ngo // sbrang bu yang yod/ sbrang tshol yang yod mod kyi sbrang rtsi ma 'byung ngo / / bu ram shing yang yod/ khu ba yang yod mod kyi/ bu ram mi 'byung ngo // lan tshwa ni gtan med par 'gyur ro// tshe lo bcu pa'i mi rnams mtshon chas brgyan par 'gyur zhing // mtshon chas gshag par 'gyur te/ dper na da ltar gyi mi rnams kyi rgyan mgul gdub bam/ gdu bu rgyan can nam/ rna cha gdub kor rnams sam/ dpung rgyan rnams sam/ lag pa'i rgyan rnams sam/ rkang pa'i rgyan rnams sam/ sor gdub kyi rgyan nam/ gser dngul gyi 'phreng ba thogs pa de bzhin du/ tshe lo bcu pa'i mi rnams mtshon chas brgyan cing / mtshon chas bzhag go/ tshe lo bcu pa'i mi rnams kyi nang na gang mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa de dag bkur ba dang / gces su bya ba dang / rab tu bsngags par 'gyur te/ dper na da ltar gyi mi rnams kyi nang na gang mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa de dag bkur zhing gces par bya ba dang rab tu bsngags pa de bzhin du/ tshe lo bcu pa'i mi rnams kyi nang na gang mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa de dag bkur zhing gces su bya ba dang / rab tu bsngags par 'gyur ro// tshe lo bcu pa'i mi rnams sems can gcig gis gcig mthong na/ shas cher zhe sdang ba'i sems dang / gsad pa'i sems nye bar gnas par 'gyur te/ dper na da ltar gyi mi rnams la ri dgas kyi rngon pas dgon pa'i ri dgas mthong na/ shas cher zhe sdang ba'i sems dang / gsad pa'i sems nye bar gnas par 'gyur ba de bzhin du tshe lo bcu pa'i mi rnams gcig gis gcig mthong na/ shas cher zhe sdang ba'i sems dang / gsad pa'i sems nye bar gnas par 'gyur ro// tshe lo bcu pa'i ma rnams kyi gnas rnams su zhag bdun du mtshon 'byung bar 'gyur te/ de dag shing ngam/ gseg ma 'am/ gyo mo'ang rung ste/ gang dang gang la noms pa de dag thams cad mtshon cha shin tu rno zhing 'jebs par 'gyur te/ shin tu zhing 'jebs pa dang / de dag gis gcig la gcig srog dang bral bar byed de/ gnyen 'dun zad pa dang / longs spyod zad pa dang / nor zad par yang 'gyur ro// mtshon gyi bar gyi bskal pa de yang zhag bdun kho nar zad de/ zhag bdun 'das nas mthar thug par brjod par bya'o// de'i tshe gang yang rung ste/ 'chi ba de dag thams cad lus dang bral nas/ sems can dmyal ba rnams su skye bar 'gyur ro/ / de na mi gang dag mtshon gyi bar gyi bskal pa des dogs shing 'dzem par 'gyur la/ smod cing rnam par smod pa de dag las kha cig chu'i rdzong dang / ri'i rdzong dang / rtswa stug po dang / nags stug po dag tu zhugs te/ der zhag bdun gyi bar du rtswa dang chus 'tsho zhing 'dug na/ grong dang / grong rdal dang / yul 'khor dang / rgyal po'i pho brang 'khor dag tu phyir ldeg ste/ sems can de dag gcig gis gcig mthong na shas cher byams pa dang / sdug pa dang / gus pa dang / snying brtse ba'i sems nye bar gnas par 'gyur te/ 'di skad du/ kye kye ma sems can gson po mthong ngo // / kye kye ma sems can gson po mthong ngo zhes kyang 'dzer te/ dper na da ltar gyi ma rnams kyi ma la bu gcig pa sdug cing yid du 'ong ba zhig yod la/ zla ba brgyad dam/ dgu lon te phrad na shas cher byams pa dang / sdug pa dang / gus pa dang / snying brtse ba'i sems nye bar gnas te/ 'di skad du/ kye ma bu gson po mthong ngo // kye ma bu gson po mthong ngo zhes zer ba de bzhin du/ sems can de dag gcig gis gcig mthong na shas cher byams pa dang / sdug pa dang / gus pa dang / snying brtse ba'i sems nye bar gnas par 'gyur te/ 'di skad du/ kye kye ma sems can gson bopo mthong ngo / / kye ma sems can gson po mthong ngo zhes 'dzer to// bar gyi sdom la/ ring du gang 'tsho ma dang bu mo dang // gos dang zas dang nub par 'gyur ba dang // rgyan rnams dang ni bkur dang snang ba dang / / zhag bdun gnas rnams su ni mtshon cha 'byung // sems can de dag 'di snyam du/ bdag cag mtshon chas srog gcod pa 'dis/ gcig la gcig rnam par brlag pa la zhugs pas gnyen 'dun zad par gyur cing / longs spyod zad pa dang / nor zad par 'gyur gyis/ bdag cag gis dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam du kye bdag cag ni srog gcod pa yin gyis/ bdag gis mtshon chas srog gcod pa spang bar bya'o zhes nas/ de dag mtshon chas srog gcod pa spong ngo // tshe lo bcu pa'i mi mtshon chas srog gcod pa de dag spong ba de dag gi bu dang / bu mo btsas pa rnams tshe lo nyi shu thub par 'gyur ro/ / tshe lo nyi shu'i mi rnams 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyi 'phel bar snang bas/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ / de dag 'di snyam du kye ma bdag cag ma byin par len pa yin gyis/ bdag cag gis ma byin par len pa spang bar bya'o zhes nas/ de dag ma byin par len pa spong ngo // tshe lo nyi shu pa'i mi ma byin par len pa spong ba de dag gi bu dang bu mo btsas pa rnams tshe lo bzhi bcu thub par 'gyur te/ de dag las kha cig ni tshe lo lnga bcu thub par 'gyur ro// tshe lo lnga bcu pa'i mi rnams 'di snyam du kye ma dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// / de dag 'di snyam du kye ma bdag cag ni 'dod pa la log par g.yem pa yin gyis/ bdag cag gis 'dod pas log par g.yem pa spang ngo zhes nas/ de dag 'dod pa la log par g.yem pa spong ngo // tshe lo lnga bcu pa'i mi 'dod pa la log par g.yem pa spong ba de dag gi bu dang bu mo btsas pa rnams tshe lo brgya thub par gyur to// tshe lo brgya pa'i mi rnams 'di snyam du kye dge ba'i chos yang dag par blang pa'i rgyus phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga'/ zhig yang dag par blangs te 'khod par bya ba na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam du/ kye bdag cag ni brdzun du smra ba yin gyis/ brdzun du smra ba spang bar bya'o zhes nas/ de dag brdzun du smra ba spang ngo // tshe lo brgya pa'i mi brdzun du smra ba spong ba de dag gi bu dang bu mo btsas pa rnams tshe lo nyis brgya thub par 'gyur te/ de dag las kha cig ni tshe lo nyis brgya lnga bcu thub par 'gyur ro/ / tshe lo nyis brgya lnga bcu thub pa'i mi rnams 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ / de dag 'di snyam du/ kye bdag cag ni phra ma can yin gyis/ bdag cag gis phra ma spang bar bya'o zhes nas/ de dag phra ma spong ngo // tshe lo nyis brgya lnga bcu pa'i mi phra ma spong ba de dag gi bu dang bu mo btsas pa rnams tshe lo lnga brgya thub par 'gyur ro// tshe lo lnga brgya pa'i ma rnams 'di snyam du/ kye dge ba'i chos rnams yang dag par blangs ba'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par yang dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam du/ kye bdag cag ni tshig rtsub po smra ba yin gyis/ bdag cag gis tshig rtsub po spang bar bya'o zhes nas/ de dag tshig rtsub po spong ngo // tshe lo lnga brgya pa'i mi chog rtsub po spong ba de dag gi bu dang bu mo btsas pa rnams tshe lo stong thub par gyur to// tshe lo stong thub pa'i mi rnams 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam du/ kye bdag cag ni tshig 'khyal pa can yin gyis/ bdag cag gis tshig 'khyal pa spang bar bya'o zhes nas/ de dag tshig bkyil pa spong ngo // tshe lo stong thub pa'i ma tshig bkyil pa spong ba de dag gi bu dang / bu mo btsas pa rnams tshe lo nyis stong thub par gyur te/ de dag las kha cig ni tshe lo nyis stong lnga brgya thub pa 'gyur ro// tshe lo nyis stong lnga brgya thub pa'i mi rnams 'di snyam du/ kye dge ba'i chos rnams yang dag par blangs pa'i phyi'i tshe yang nur la kha dog dang / stobs dang / bde ba dang / longs spyod drug kyang 'phel bar snang gis bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam du/ kye bdag cag ni brnab sems can yin gyis/ bdag cag gis brnab sems spang bar bya'o zhes nas/ de dag brnab sems spong ngo // tshe lo nyis stong lnga brgya pa'i mi brna ba sems spong ba de dag gi bu dang bu mo btsas pa rnams tshe lo lnga stong thub par gyur to/ / tshe lo lnga stong thub pa'i mi rnams kyang 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems te/ de dag ni 'di snyam du/ kye bdag cag ni gnod sems can yin gyis/ bdag cag gis gnod sems spang bar bya'o zhes nas/ de dag gnod sems spong ngo po// tshe lo lnga stong thub pa'i mi gnod sems spong ba de dag gi bu dang / bu mo btsas pa rnams tshe lo khri thub par gyur ro// tshe lo khri thub pa'i mi rnams 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ / de dag 'di snyam du/ bdag cag ni log par lta ba can yin gyis/ bdag cag gis log par lta ba spang bar bya'o zhes nas/ de dag log par lta ba spong ngo // tshe lo khri pa'i mi log par lta ba spong ba de dag gi bu dang bu mo btsas pa rnams tshe lo nyi khri thub par 'gyur ro/ / tshe lo nyi khri pa'i mi rnams 'di snyam du/ kye dge ba'i chos rnams yang dag par blangs pa'i phyir tshe yang nur la kha dog dang / stobs dang / bde ba dang / longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag ni 'di snyam du/ kye bdag cag ni chos ma yin pa'i chags pas chags pa dang / mi rigs pa'i 'dod pas zil gyis gnan pa dang / log pa'i chos dang ldan pa yin gyis/ bdag cag gis chos 'di gsum spang bar bya'o zhes nas/ de dag chos de gsum spong ngo / / tshe lo nyi khri pa'i mi rnams chos gsum po 'di dag spong ba de dag gi bu dang bu mo btsas pa rnams tshe lo bzhi khri thub par 'gyur ro// tshe lo bzhi khri pa'i mi rnams 'di snyam du/ kye dge ba'i chos rnams yang dag par blangs pa'i rgyus phyir tshe yang nur la kha dog dang / stobs dang / bde ba dang / longs spyod de dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so// de dag 'di snyam dukye bdag cag ni mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin pa dang / rigs kyi nang na rgan rabs la ri mo mi byed pa yin gyis/ bdag cag gis mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mo bya'o zhes nas/ de dag mar 'dzin pa dang / phar 'dzin pa dang dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mor byed do// tshe lo bzhi khri pa'i mi mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang na rgan rabs la ri mor byed pa de dag gi bu dang bu mo btsas pa rnams tshe lo brgyad khri thub par gyur ro// tshe lo brgyad khri pa'i mi rnams 'dzam bu'i gling 'di nyid na 'byor pa dang / rgyas pa dang / bde ba dang / lo legs par 'gyur zhing skye bo dang mi mang pos gang ngo // tshe lo brgyad khri pa'i mi rnams kyi grong dang / grong rdal dang yul 'khor dang / rgyal po'i pho brang 'khor rnams kyi bar bya gag 'phur bas slebs pa tsam du 'gyur ro// tshe lo brgyad khri pa'i mi rnams kyi bu mo ni btsas nas/ lo lnga brgya lon nas khyim thab la gtong stedaper na da ltar gyi mi rnams kyi bu mo btsas nas lo bco lnga 'am/ bcu drug lon nas khyim thab la gtong ba de bzhin du/ tshe lo brgyad khri pa'i mi rnams kyi bu mo btsas nas/ lo lnga brgya lon nas khyim thab la gtong ngo / / tshe lo brgyad khri pa'i mi rnams kyi nad ni rnam pa gsum yod de/ 'dod pa dang / zas mi za ba dang / rga ba rnams yin no zhes gsungs so// tshe lo brgyad khri pa'i mi rnams kyi 'bru rnams ni che zhing mchog tu che ste/ dper na in+d+ra be nu'i 'bras bu bzhin te/ rgyal zhing mchog tu rgyal ba la/ snye ma gcig pu las kyang bre bo bzhi 'byung ngo // bcom ldan 'das kyis kyang mu khyud brtan lung bstan pa las/ 'di skad du/ dge slong dag mi rnams ni sdig pa mi dge ba'i chos 'di dag nyid yang dag par 'dzin pa'i phyir tshe lo bcu par 'gyur ro// tshe lo bcu pa'i mi rnams kyi nang na gang yang yun ring du 'tsho ba des lo bcu thub ste/ snga ma bzhin no// tshe lo brgyad khri pa'i mi rnams ni 'dzam bu gling 'di nyid na 'byor pa dang / rgyas pa dang / bde ba dang / lo legs par 'gyur zhing skye bo mang pos gang ngo / / tshe lo brgyad khri pa'i mi rnams kyi grong dang / grong rdal dang / yul 'khor dang / rgyal po'i pho brang 'khor rnams kyi bar bya gag 'phur bas slebs pa tsam du 'gyur ro/ / tshe lo brgyad khri pa'i mi rnams kyi bu mo btsas nas lo lnga brgya lon pa yang snga ma bzhin no// tshe lo brgyad khri pa'i mi rnams kyi nad rnam pa gsum yod do// 'dod pa dang / zas mi za ba dang / rga ba rnams yin no zhes gsungs so// gang gi tshe nad kyi bar gyi bskal pa 'ong du che zhing 'byung bar 'gyur ba de'i tshe/ mi rnams kyis tshe lo bcu thub par 'gyur te/ tshe lo bcu pa'i mi rnams kyi nang na gang yun ring du 'tsho ba des lo bcu thub ste/ rgyas par ring du gang 'tsho ba dang / bu mo dang / gos dang / zas dang / nub par 'gyur ba dang / rgyan rnams dang ni bkur ba dang sdang ba dang zhes mdo'i tshigs su bcad pa smos par bya'o/ / tshe lo bcu pa'i mi rnams chos ma yin pa spyod cing ma rigs par byed de/ de dag chos ma yin pa spyod cing / ma rigs pa byed pas ma yin pa rnams rab tu 'khrugs nas nad dang / yams kyi nang dang / gnod pa dang / nad 'go ba rnams gtong ste der 'di lta ste/ mi mang po nad kyis 'chi bar 'gyur ro// de'i tshe gang su yang rung ste/ 'chi ba de dag thams cad lus dang bral nas sems can dmyal bar skye bar 'gyur ro// nad kyi bar gyi bskal pa de yang zla ba bdun dang / nyin zhag bdun kho nar zad de/ zla ba bdun dang / nyin zhag bdun gyis mtha' thug par brjod par bya'o// de nas mi de dag 'di snyam du bdag cag chos ma yin par spyod cing mi rigs pa byed pa 'di dang / sdug bsngal la zhugs pa 'dis gnyen 'dun zad cing nor zad la/ longs spyod zad par 'gyur gyis/ bdag cag gis dge ba'i chos 'ga' zhig yang dag par blangs te 'khod par bya na/ dge ba'i chos gang zhig yang dag par blangs te 'khod par bya/ snyam du sems so// de dag 'di snyam du/ kye bdag cag ni srog gcod pa yin gyis/ bdag cag gis srog gcod pa spang bar bya'o zhes de dag srog gcod pa spong ngo // tshe lo bcu pa'i mi srog gcod pa spong ba de dag gi bu dang bu mo btsas pa rnams tshe lo nyi shu thub par gyur pa nas/ rgyas par tshe lo brgyad khri pa'i mi rnams 'dzam bu gling 'di nyid na 'byor pa dang / rgyas pa dang / bde ba dang / lo legs par 'gyur zhing / skye bo dang / mi mang pos gang ba dang / bu mo lo lnga brgya lon pa'i bar du snga ma bzhin no// nad pa rnam pa gsum yod pa nas/ 'bru rnams che zhing mchog tu che ste/ dper na in+d+ra be nu'i 'bras bu bzhin te/ rgyal zhing mchog tu rgyal ba/ snye ma gcig pu las kyang bre bo bzhi 'byung ba'i bar du rgyas par bya'o// gang gi tshe mu ge'i bar gyi bskal pa 'ong du cha zhing 'byung du nye bar gyur pa de'i mi rnams kyis tshe lo bcu thub par gyur te/ tshe lo bcu pa'i mi rnams kyi nang na/ gang yun ring du 'tsho ba des/ tshe lo bcu thub pa nas/ tshe lo bcu pa'i mi rnams chos ma yin pa spyod cing mi rigs pa byed pa'i bar du rgyas par bya'o/ / de dag chos ma yin pa spyod cing / mi rigs pa byed pas lha yang dus dus su chur gyi rgyun legs par mi 'bebs te/ mu ge dang tshegs chen po dang / gnod pa dang / thur mas 'tsho ba dang / rjud pa dang / rus pa dkar po 'byung bar 'gyur te/ mu ge zhes bya ba ni de'i tshe slong ba rnams kyis slong mo rnyed par dka' ste/ de bas na mu ge zhes bya'o/ / tshegs chen po zhes bya ba ni de'i tshe mi rnams bsal ba chen po dang / 'bad pa chen po dang / bshad pa chen po dang / lus gzir ba chen pos zas dang gos sgrub par byed de/ de bas na tshegs chen po zhes bya'o// gnod pa zhes bya ba ni ji ltar da ltar 'brog chen po'i gnod pa dang / chu'i gnod pa dang / chom rkun gyi gnod pa yod pa de bzhin du/ de'i tshe bza' ba dang / btung ba dang / bgo ba'i gnod pa chen po yod de/ de bas na gnod pa chen po zhes bya'o// rjud pa zhes bya ba ni da ltar 'gyel ba zhes bya ba gang yin pa de ni/ de'i tshe de'i dus na rjud pa zhes bya ste/ de'i tshe mide dag bkres pa nyam chung ba dang ldan pas sa la 'gyel lo/ / 'gyel nas kyang sa las ldang mi nus so// gzhan yang su yang slong nus pa med de/ de dag nyid du 'chi bar 'gyur ro// rjud pa des mi di shi bas na/ ming rjud pa rjud pa zhes bya bar gyur to// gzhan yang rjud pa'i ming ni gab tshe la yang bya ste/ de'i tshe mi de dag gis 'bru sna tshogs dang / 'bras rnams gab tshe'i nang du bcug ste/ 'di skye bo phyi ma rnams kyi 'bru'i sa bon du bya'o zhes nas 'chi bar 'gyur te/ de bas na rjud la zhes bya'o// thur mas 'tsho ba zhes bya ba ni/ de'i tshe na mi rnams kyi sa la sa bon gang bskyed pa de dag 'bru chung ba 'am/ 'bras bu gcig pu 'byung bar 'gyur ba dang / gzhan yang tshe thung ba'i mi rnams bza' mi rims kyis thur ma 'grim ste/ de ring ni jo bo gsol gyis/ sang ni jo mo gsol lo// de ring ni jo bos gsol gyis/ sang ni jo bo lcam mo gsol lo zhes bya ba dang / gzhan yang de'i tshe ni mi rnams 'bras kyi bang ba dang / 'bru'i bang ba dag nas 'bru sna tshogs kyi 'bru thur mas brus te/ chu mang po dang rdza ma'i nang du blugs nas bskol te 'thungs pas na/ de'i phyir thur mas 'tsho ba zhes bya'o// rus pa dkar po zhes bya ba ni de'i tshe mi rnams bkres shing nyam chung ba dang ldan bzhin du 'chi ba de dag gi rus pa de dag rtsub cing snum bag med pa dang / gzhan yang de'i tshe mi rnams kyi rus pa de dag bsdus te/ chu mang po dang / rdza ma'i nang du blugs nas rus pa'i khu ba bskol te 'thungs pas/ de'i phyir rus pa dkar po zhes bya'o/ / de la sogs pa rnam grangs mang po rnams brjod par bya'o// de'i tshe mu ge chen po'i bar gyi bskal pa de de lta bur gyur te/ de'i tshe gang su yang rung ste/ shi ba de dag thams cad yi dgas su skye bar 'gyur ro/ / mu ge'i bar gyi bskal pa de yang lo bdun dang / zla ba bdun dang / nyin zhag bdun kho nar zad de/ lo bdun dang / zla bdun dang / nyin zhag bdun 'das nas mthar thug par brjod par bya'o/ / der mi gang mu ge'i bar gyi bskal pas dogs shing 'dzem par 'gyur la/ smod cing rnam par smod pa de dag las kha cig chu klung chen po dang / mtsho chen po dag dang / rdzing bu chen po dag dang / lu ma chen po dang / lteng ka dag tu song nas/ khre rgod dag dang / ut+pa la'i rtsa ba dag gis 'tsho zhing 'dug ste/ lo bdun dang / zla ba bdun dang / nyin zhag bdun lon nas/ grong dang / grong rdal dang / yul 'khor de dag tu phyir ldog ste/ sems can de dag gcig gis gcig mthong na shas cher byams pa dang / sdug pa dang / gus pa dang / snying rtse ba'i sems nye bar gnas par 'gyur te/ 'di skad du/ kye kye ma sems can gson po mthong ngo // kye kye ma sems can gson po mthong ngo zhes kyang 'dzer te/ dper na da ltar gyi mi rnams kyi ma la zhes bya ba nas/ de bzhin du tshe lo bcu pa'i mi rnams kye kye ma sems can gson po mthong ngo zhes bya ba'i bar du snga ma bzhin no// de dag 'di skad du/ bdag cag chos ma yin pa spyod pa 'di dang / mi rigs pa byed pa dang / sdug bsngal la zhugs pa 'dis zhes bya ba yang snga ma bzhin no// bdag cag gis dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ / de dag 'di snyam du/ kye bdag cag ni srog gcod pa yin gyis/ bdag cag gis srog gcod pa spang ngo zhes de dag srog gcod pa spong ngo // tshe lo bcu pa'i mi srog gcod pa spong ba de dag gi bu dang bu mo btsas pa rnams tshe lo nyi shu thub par gyur to zhes bya ba nas/ snga ma bzhin du tshe lo brgyad khri pa'i ma rnams kyi 'bru rnams che zhing mchog tu che ste/ dper na in+d+ra be nu'i 'bras bu bzhin te/ rgyal zhing mchog tu rgyal la/ snye ma gcig pu las kyang bre bo bzhi 'byung ngo zhes bya ba'i bar du rgyas par bya'o// gang gi tshe mes 'jig pa 'ong du cha zhing 'byung du nye bar gyur pa de'i tshe/ mi rnams tshe lo brgyad khri thub par 'gyur ro// tshe lo brgyad khri pa'i mi rnams 'dzam bu'i gling 'di nyid na 'byor pa dang / rgyas pa dang / bde ba dang / lo legs par 'gyur zhing skye bo dang mi mang pos gang ngo / / tshe lo brgyad khri pa'i mi rnams zhes bya ba nas/ snga ma bzhin du snye ma gcig las kyang bre bo bzhi 'byung ngo zhes bya ba'i bar du rgyas par bya'o// sems can dmyal ba dag nas sems can rnams 'chi 'pho la skye ba ni med pa'i dus kyang yod/ de'i skabs kyang yod do// gang gi tshe sems can dmyal ba dag nas sems can rnams ni 'chi 'pho la skye ba ni med na/ de tsam gyis na 'jig rten 'di bar gyi bskal pa nyi shur chags par gnas pa de mthar thug par brjod par bya'o// sems can dmyal bar sems can 'ga' yang ma lus par 'gyur ba de'i dus kyang yod la de'i skabs kyang yod de/ gang gi tshe sems can dmyal bar sems can 'ga' yang ma lus par gyur na/ de tsam gyis na 'jig rten 'di/ 'di lta ste/ sems can dmyal ba 'jig par 'gyur ba zhig par brjod par bya'o/ / sems can dmyal ba ji lta ba de bzhin du/ dud 'gro dang / yi dgas su sems can 'ga' yang ma lus par 'gyur ba de'i dus kyang yod la/ de'i skabs kyang yod do zhes bya ba'i bar du snga ma bzhin te/ de nas 'jig rten 'di bar gyi bskal pa nyi shus 'jig pa de 'byung bar brjod par bya'o// 'dzam bu'i gling na sems can gang yang rung ba zhig lung med par chos nyid kyis thob pa'i bsam gtan dang po la mnyam par 'jog ste/ ting nge 'dzin de las langs nas kyang / kye ma dben pa las skyes pa'i dga' ba dang / bde ba ni bde'o// kye ma dben pa las skyes pa'i dga' ba dang / bde ba ni bde'o zhes smra brjod cing dbyangs sgrogs par byed de/ sgra de tshegs chung ngus 'dzam bu gling thams cad du khyab par 'gro la/ de nas de las gzhan pa'i sems can de dag gis kyang sgra de thos nas/ chos nyid kyis 'thob pa'i bsam gtan dang po la mnyam par gzhog pa de'i dus kyang yod la/ de'i skabs kyang yod do// 'dzam bu'i gling nas sems can gang dag 'chi 'pho la/ skye ba ni med pa de'i dus kyang yod la/ de'i skabs kyang yod do// 'dzam bu gling du sems can 'ga' yang ma lus par 'gyur ba de'i dus kyang yod la/ de'i skabs kyang yod de/ gang gi tshe 'dzam bu gling du sems can 'ga' yang ma lus par gyur na/ de tsam gyis na 'jig rten 'di/ 'di lta ste/ sems can dmyal ba 'jig par 'gyur ba dang / dud 'gro 'jig par 'gyur ba dang / yi dgas 'jig par 'gyur ba dang / 'dzam bu gling 'jig par 'gyur ba zhig par brjod par bya'o// 'dzam bu gling ji lta ba bzhin du/ shar gyi lus 'phags dang nub kyi ba lang spyod kyang de dang 'dra'o/ / byang gi sgra mi snyan nas sems can gang dag 'chi 'pho la skye ba ni med pa de'i dus kyang yod la/ de'i skabs kyang yod do// byang gi sgra ma snyan gyi sems can 'ga' yang ma lus par 'gyur ba de'i dus kyang yod la/ de'i skabs kyang yod do// gang gi tshe byang gi sgra mi snyan du sems can gcig kyang ma lus par 'gyur na/ de tsam gyis na 'jig rten 'di nyid 'di ltar sems can dmyal ba 'jig par 'gyur ba dang / dud 'gro 'jig par 'gyur ba dang / yi dgas 'jig par 'gyur ba dang / mi 'jig par 'gyur ba zhig par brjod par bya'o// / rgyal chen bzhi pa'i lha rnams kyi nang na/ sems can gang yang rung ba zhig lung med par chos nyid kyis thob par bsam gtan dang po la mnyam par gzhog ste/ de ting nge 'dzin de las langs nas/ kye ma dben pa las skyes pa'i dga' ba dang / bde ba ni bde'o zhes sgra brjod cing dbyangs sgrogs par byed de/ sgra de tshegs chung ngus rgyal chen bzhi'i lha rnams kyi nang du khyab par 'gro la/ de nas de las gzhan pa'i sems can dag gis kyang sgra de thos nas/ chos nyid kyis thob pa'i bsam gtan dang po la snyoms par gzhog pa de'i dus kyang yod la/ de'i skabs kyang yod do// rgyal chen bzhi pa'i lha rnams 'chi 'pho la skye ba ni med pa de'i dus kyang yod la/ de'i skabs kyang yod do// rgyal chen bzhi pa'i lha rnams la sems can 'ga' yang ma lus par 'gyur ba de'i dus kyang yod la/ skabs kyang yod do// gang gi tshe rgyal chen bzhi pa'i lha rnams la sems can 'ga' yang ma lus par gyur pa na/ de tsam gyis na 'jig rten 'di/ 'di lta ste/ sems can dmyal ba 'jig par 'gyur pa dang / dud 'gro 'jig par 'gyur ba dang / yi dgas 'jig par 'gyur ba dang / mi 'jig par 'gyur ba dang / rgyal chen bzhi pa'i lha rnams 'jig par 'gyur ba zhig par brjod par bya'o/ / rgyal chen bzhi pa ji lta ba bzhin du sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed rnams kyang de dang 'dra'o// gang gi tshe gzhan 'phrul dbang byed du sems can 'ga' yang ma lus par gyur na/ de tsam gyis na 'jig rten 'di/ 'di lta ste/ 'dod pa'i khams 'jig par 'gyur ba zhig par brjod par bya'o// tshangs pa'i 'jig rten du sems can gang yang rung ba zhig lung med par chos nyid kyis 'thob pa'i bsam gtan gnyis pa la mnyam par gzhog ste/ de ting nge 'dzin de las langs nas/ kye ma ting nge 'dzin de las skyes pa'i dga' ba dang / bde ba dang / zhi ba ni bde'o// kye ma ting nge 'dzin las skyes pa'i dga' ba dang / bde ba dang / zhi ba ni bde'o zhes sgra brjod cing dbyangs sgrogs par byed de/ sgra de tshegs chung ngus tshangs pa'i 'jig rten thams cad du khyab par 'gro la/ de nas de las gzhan pa'i sems can rnams kyang chos nyid kyis 'thob pa'i sgra de thos nas bsam gtan gnyis pa la mnyam par gzhog pa de'i dus kyang yod la/ de'i skabs kyang yod do// tshangs pa'i 'jig rten nas sems can rnams 'chi 'pho la/ skye ba ni med pa de'i dus kyang yod la de'i skabs kyang yod do/ / tshangs pa'i 'jig rten du sems can 'ga' yang ma lus par 'gyur ba de'i dus kyang yod la/ de'i skabs kyang yod de/ gang gi tshe tshangs pa'i 'jig rten du sems can 'ga' yang ma lus par gyur na/ de tsam gyis na 'jig rten 'di/ 'di lta ste/ sems can 'jig par 'gyur ba zhig par brjod par bya ste/ 'jig rten 'di stongs par 'gyur ro/ / lha yang dus dus su char gyi rgyun legs par mi 'bebs te/ lha dus dus su char gyi rgyun legs par mi 'bebs pas/ sa chen po 'di las bon gyi tshogs dang / shing gi tshogs dang / sman dang / rtswa dang / 'bras bu'i shing gang yin pa de dag thams cad bskams par 'gyur zhing ma rung bar 'gyur te/ med par 'gyur ro// yun ring mo zhig 'das nas/ nyi ma gnyis pa 'jig rten du 'byung ba de'i dus kyang yod la/ de'i skabs kyang yod do// nyi ma gnyis pa 'jig rten du byung bas sa chen po 'di ni lteng ka chung ngu dang / lteng ka chen po yod pa de dag thams cad bskams par 'gyur zhing ma rung bar 'gyur te/ med par 'gyur ro// yun ring mo zhig 'das nas/ nyi ma gsum pa 'jig rten du 'byung ba de'i dus kyang yod la/ de'i skabs kyang yod de/ nyi ma gsum pa 'jig rten du 'byung bas sa chen po 'di na chu klung chung ngu dang / chu klung chen po yod pa gang yin pa de dag thams cad bskams par 'gyur zhing ma rung bar 'gyur te/ med par 'gyur ro// yun ring mo zhig 'das nas nyi ma bzhi pa 'jig rten du 'byung ba de'i dus kyang yod la/ de'i skabs kyang yod de/ nyi ma bzhi pa 'jig rten du 'byung bas/ mtsho ma dros pa zhes bya ba'i mtsho chen po gang nas/ klung chen po bzhi 'di lta ste/ gang+gA dang / sin+ni dang / si ta dang / pag shu rnams 'byung ba'i mtsho chen po de yang / de'i tshe bskams par 'gyur zhing ma rung bar 'gyur te/ med par 'gyur ro// yun ring mo zhig 'das nas/ nyi ma lnga pa 'jig rten du 'byung bar 'gyur ba de'i dus kyang yod la/ de'i skabs kyang yod de/ nyi ma lnga pa 'jig rten du byung bas/ rgya mtsho chen po'i chu dpag tshad brgya bskams par 'gyur zhing ma rungs par 'gyur te/ med par 'gyur ro// chu dpag tshad gnyis dang / gsum dang / bzhi dang / lnga dang / drug dang / bdun dag kyang bskams par 'gyur zhing ma rungs par 'gyur la/ med par 'gyur ro// nyi ma lnga pa 'jig rten du byung nas/ rgya mtsho chen po'i chu dpag tshad bdun stong lus par 'gyur zhing / dpag tshad drug stong dang / lnga stong dang / bzhi stong dang / sum stong dang / nyis stong dang / tshig stong lus par 'gyur ro/ / nyi ma lnga pa 'jig rten du byung bas/ rgya mtsho chen po'i chu dpag tshad bdun brgya lus par 'gyur zhing / dpag tshad drug brgya dang / lnga brgya dang / bzhi brgya gsum dang / nyis brgya dang / tshig brgya lus par 'gyur ro// nyi ma lnga pa 'jig rten du byung bas/ rgya mtsho chen po dpag tshad bdun lus par 'gyur zhing / dpag tshad drug dang / lnga dang / bzhi dang / gsum dang / gnyis dang / gcig lus par 'gyur ro// nyi ma lnga pa 'jig rten du byung bas/ rgya mtsho chen po'i chu rgyang grags bdun lus par 'gyur zhing / rgyang grags drug dang / lnga dang / bzhi dang / gsum dang gnyis dang / gcig lus par 'gyur ro// nyi ma lnga pa 'jig rten du 'byung bas/ rgya mtsho chen po'i chu ta la bdun tsam lus par 'gyur zhing / ta la drug dang / lnga dang / bzhi dang / gsum dang gnyis dang / gcig tsam lus par 'gyur ro// nyi ma lnga pa 'jig rten du 'byung bas/ rgya mtsho chen po'i chu mi 'greng bdun tsam lus par 'gyur zhing / ma 'greng drug dang / lnga dang / bzhi dang / gsum dang / gnyis dang / gcig tsam lus par 'gyur ro// nyi ma lnga pa 'jig rten du byung bas/ chu lkog mar phyin pa tsam lus par 'gyur zhing / mchan khung tsam dang / lte ba tsam dang / sta zur tsam dang / brla tsam dang / rje ngar tsam dang / long bu tsam nub pa'i chu lus par 'gyur ro// nyi ma lnga pa 'jig rten du byung bas/ chu gtan bskams par 'gyur zhing / ma rungs par 'gyur ya/ med par 'gyur te/ mthar mdzub mo gsher bar bya ba tsam yang med do// yun ring mo zhig 'das nas/ nyi ma drug pa 'jig rten du byung ba de'i dus kyang yod la/ de'i skabs kyang // yod de/ nyi ma drug pa 'jig rten du byung bas/ sa chen po 'di dang / ri'i rgyal po ri rab la du ba 'thul shing rab tu 'thul la/ kun tu rab tu 'thul te/ dper na rdza mkhan so gtong ba des thog ma me btang ba na/ du ba 'thul zhing rab tu 'thul la/ kun tu rab tu 'thul ba de bzhin du nyi ma drug pa 'jig rten tu byung bas/ sa chen po 'di dang / ri'i rgyal po ri rib la du ba 'thul shing rab tu 'thul la kun tu rab tu 'thul lo/ / yun ring mo zhig 'das nas/ nyi ma bdun pa 'jig rten du byung ba de'i dus kyang yod la/ de'i skabs kyang yod de/ nyi ma bdun pa 'jig rten du byung bas/ sa chen po 'di dang / ri'i rgyal po ri rab 'bar zhing rab tu 'bar la/ kun tu rab tu 'bar nas/ me lce gcig tu gyur cing sreg ste/ dper na shing khur bcu la brten nam/ shing nyi shu 'am/ sum cu 'am/ bzhi bcu 'am/ lnga bcu 'am/ shing khur brgya'am/ shing khur stong ngam/ shing khur stong la brten te/ me'i phung po 'bar ba de bzhin du/ nyi ma bdun pa 'jig rten du byung bas/ sa chen po 'di dang / ri'i rgyal po ri rab 'bar zhing rab tu 'bar la/ kun tu rab tu 'bar nas/ me lce gcig tu gyur cing sreg go// sa chen po dang / ri'i rgyal po ri rab de 'bar zhing rab tu 'bar la/ kun tu rab tu 'bar te/ me lce gcig tu sreg cing bsregs pa'i me lce rlung gis gyen du khyer nas/ tshangs pa'i gzhal med khang stong pa rnams kyi bar du sreg cing 'gro ste/ 'od gsal gyi lha'i ris nas/ sems can gang skyes nas ring por ma lon pa 'jig rten 'di 'jig pa'i rgyus la mi mkhas shing / tshangs pa'i rgyus la mi mkhas pa de dag gis me lce de mthong nas/ me lce 'di tshangs pa'i gzhal med khang/ stong pa'i bar du bsregs nas/ 'di nyid du mi 'ong grang zhes mi dga' zhing skyo bar 'gyur ro// de la 'od gsal gyi lha'i ris na sems can gang sngon skyes pa'i 'jig rten 'di 'jig pa'i rgyus la mkhas shing / chags pa'i rgyus la mkhas pa de dag ni sems can 'jigs pa de dag la grogs po dag ma 'jigs shig/ ma 'jigs shig/ me lce 'di sngon yang tshangs pa'i gzhal med khang stong ba'i bar du bsregs nas/ phyir de de nyid du mi snang bar gyur to// de ltar me lce 'di ni tshangs pa'i gzhal med khang stong pa'i bar du bsregs nas/ de nyid du mi snang bar 'gyur ro zhes dbugs 'byin par byed do/ / nyi ma bdun pa 'jig rten du byung bas/ ri'i rgyal po ri rab kyi rtse mo dpag tshad brgya 'jig cing rab tu 'jig la ma rung bar 'gyur te/ med par 'gyur ro// rtse mo dpag tshad nyis brgya dang sum brgya dang / bzhi brgya dang / lnga brgya dang / drug brgya dang / bdun brgya yang 'jig cing rab tu 'jig la ma rung bar 'gyur te// sa chen po 'di dang / ri'i rgyal po ri rab bsregs shing tshig pa'i du ba yang med la/ thal ba'i lhag ma yang med de/ dper na mar ram/ 'bru mar yang rung ste/ nam mkha' la bsregs shing tshig pa'i du ba yang med/ thal ba'i lhag ma yang med pa de bzhin du/ sa chen po 'di dang / ri'i rgyal po ri rab bsregs shing tshig pa'i du ba yang med/ thal ba'i lhag ma yang med do// 'di skad du/ dus mtha'i tshe na 'tsho ba'i 'jig rten 'dir// sprin rnam chu ni cung zad gtong mi byed/ / nyi ma gcig pus rtswa dang gel ba dang // sman dang sa bon shing mang zad par byed// nyi ma gnyis pas lteng ka chung ngu'i tshogs// de bzhin chu klung chung ngu bskams par 'gyur// lteng ka chen po'i tshogs dang klung chen gyi// chu rnams nyi ma gsum pas med par byed// mi ma yin rnams mtsho ni rgya che ba// ma dros zhes bya shin tu yid 'ong zhing // gtsang ma'i chu yis shin tu gang ba ni/ nyi ma bzhi pa yis ni bskams par 'gyur// rin chen mang pos gang zhig rab 'jigs la// sems can tshogs chen gang gi gnas gyur pa// rgya mtsho dag ni nyi ma lnga rnams kyis// yongs su gdungs pas ma lus bskams par 'gyur/ / sa dang gangs dang de bzhin ri rab dang // gser gyi ri dbang rgya chen bdun po rnams// nyi ma drug po dag gis rab gdungs pas// kun nas dud pa shin tu 'thon par byed/ / gang tshe nyi ma bdun pa shar gyur cing // 'dir ni 'od zer dra ba rab gtong ba// de yi tshe na sa dang ri rnams kun// shin tu rab tu 'bar bar 'gyur zhe'o// 'od zer dra ba rab mdzes ldan pa yi nyi ma de 'dun rnam par rgyu zhe'o/ / sa 'di dang ni de bzhin gser gyi gzhi// sems can dmyal brgyad ri rnams thams cad dang // 'dod ldan lha rnams kyi ni khang pa dang // 'dod pa kun rgya gnas su song nas kyang / / 'dod pa'i lha mang shin tu yid 'ong bral// tshangs pa'i gnas rnams shin tu sreg par byed// ji skad smras bzhin ma lus kun bsregs nas// dus mtha'i nyi ma gzi brjid che ldan pa/ / de dag nyid kyang dbang ni med 'gyur zhing // mi rtag pas ni bcom nas zhig par 'gyur// de ltar lhun po rgya mtsho chen dang sa// de bzhin mtho ris zad 'gyur shes nas ni// skye bo dam pa dag gis bsten pa yi/ / 'phags pa'i gnas la rtag tu blo zhog cig/ ces bya'o// bcom ldan 'das kyis kyang nyi ma bdun lung bstan pa las/ 'di skad du/ dge slong dag 'du byed thams cad ni mi rtag pa/ mi brtan pa/ dbugs 'byin pa ma yin pa ste/ 'gyur ba'i chos can no// dge slong dag 'du byed thams cad kyis ni ye chog go// skyo ba byas na legs so// ma chag par byas na legs so/ / rnam par thar par byas na legs so// dge slong dag gang yun ring mo zhig 'das nas char mi 'bab pa de'i dus kyang yod la/ de'i skabs kyang yod de/ char mi 'bab pas sa chen po 'di las sa bon gyi tshogs dang / shing gi tshogs dang / sman dang / rtswa dang / 'bras bu'i shing gang yin pa de dag thams cad bskams par 'gyur zhing ma rung bar 'gyur la med par 'gyur te// dge slong dag de ltar na 'du byed thams cad mi rtag pa'o// de ltar na mi brtan pa'o// de ltar na dbugs 'byin pa ma yin pa'o// de ltar na 'gyur ba'i chos can no// dge slong ngag 'du byed thams cad kyis ni ye chog go/ / skyo bar byas na legs so// ma chags par byas na legs so// rnam par thar par byas na legs so// dge slong dag gang yun ring mo zhig 'das nas zhes bya ba nas/ de'i dus kyang yod la/ de'i skabs kyang yod do zhes bya ba'i bar du gsungs te/ snga ma bzhin du mdo thams cad brjod par bya'o// 'jig rten 'di yang tshig la/ nam mkha' la yang rlung ldang bar 'gyur te/ de tsam gyis na 'jig rten 'di bar gyi bskal pa nyi shur 'jig pa der mthar thug par brjod par bya'o// gang gi tshe 'jig rten 'di bar gyi bskal pa nyi shur zhig nas gnas par 'gyur ba de yang 'byung bar brjod par bya'o/ / yun ring mo zhig 'das nas/ nam mkha' las rlung 'jam po ldang ba de'i dus kyang yod la/ de'i skabs kyang yod do// de tsam gyis na 'jig rten gyi gnas 'di bar gyi bskal pa nyi shur zhig nas gnas pa de mthar thug par brjod par bya'o/ / gang gi tshe 'jig rten 'di bar gyi bskal pa nyi shur chags pa de yang 'byung bar brjod par bya'o// rlung de dag kyang rgyas par gyur cing / stug por gyur pa de ni rlung gi dkyil 'khor yin te/ rngams su dpag tshad sa ya gcig dang / drug 'bum yod do// rgyar ni grangs med tshad med de/ shin tu ba zhing sra ba de la tshan po che chen po dang / rab gnon dang / srad med kyi bu'i stobs kyang rdugs par gyur la/ rdo rjes kyang mi phyed do// yun ring mo zhig 'das nas rlung gi dkyil 'khor de'i steng du chu'i rgyun shing rta'i srog shing tsam gyi char 'bab pa de'i dus kyang yod la/ de'i skabs kyang yod de/ rlung gi dkyil 'khor gang yin pa de dag gis chu de dag yongs su 'dzin cing / kun nas brten la med par yang mi byed la de ni chu'i dkyil 'khor zhes bya ste/ rngams su dpag tshad sa ya gcig dang / dpag tshad 'bum nyi khri yod do// rgyar ni dpag tshangs ya gcig dang / nyis 'bum dang / dpag tshad bzhi brgya lnga bcu yod do/ / mtha' skor du ni dpag tshad sa ya phrag 'bum dang / drug 'bum dang / dpag tshad sum brgya lnga bcu yod do// yun ring mo zhig 'das nas chu'i dkyil 'khor de'i steng du rlung gi ldang ba de'i dus kyang yod la/ de'i skabs kyang yod de/ de dag gis kyang chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas gcig tu bsdus te/ thur du zug par byed cing steng ni chu dang mnyam par gcog ste/ de ni gser gyi sa gzhi chen po yin te/ rngams su dpag tshad sum 'bum nyi khri yod do// rgyar ni dpag tshad sa ya gcig dang / nyis 'bum dang / dpag tshad bzhi brgya lnga bcu yod do// mtha' skor du ni dpag tshad sa ya phrag gsum dang / drug 'bum sum brgya lnga bcu yod do// yun ring mo zhig 'das nas gser gyi sa gzhi chen po de'i steng du chu'i rgyun shing rta'i srog shing tsam gyi char 'bab pa de'i dus kyang yod la/ de'i skabs kyang yod de/ gser gyi sa gzhi chen po des chu de dag yongs su 'dzin cing kun nas brten la med par mi byed pa de ni/ chu'i rgya mtsho chen po yin no// chu'i rgya mtsho chen po de'i steng du nang du bltas pa dang / phyi rol du bltas pa'i rlung kho ra khor yug na gru bzhir ldang ba de'i dus kyang yod la/ de'i skabs kyang yod de/ de dag chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas gcig tu 'dus par byas te/ thur du yang zug par byed cing gyen du yang 'byung bar byed do/ / de ni ri'i rgyal po ri rab ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad brgyad khri ni chu las gye na du 'phags te/ de'i 'phang du dpag tshad 'bum drug khri yod do// chur yang dpag tshad brgyad khri yod la/ zheng du yang dpag tshad brgyad khri yod do// mtha' skor du dpag tshad sum 'bum nyi khri yod la dbyibs legs shing blta na sdug la mdzes pa ste/ rin po che sna bzhi las grub pa yin no// chu'i rgya mtsho chen po gang yin pa de'i steng du nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing / kun tu bsdus shing kun tu 'thas byas nas/ thur du zug par byed cing gyen du yang 'byung bar byed do/ / de ni ri'i rgyal po gnya' shing 'dzin ces bya ba yin te/ dpag tshad brgyad khri ni chu'i 'og tu gser gyi sa gzhi chen po la brten to// dpag tshad bzhi khri ni chu las gyen du 'phags so/ / zheng du yang de dang 'dra ste/ dbyibs legs shing blta na sdug la mdzes pa gser las grub pa yin no// yun ring mo zhig 'das nas chu'i mtsho chen po de'i steng du nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do// / kun tu bsdus shing kun tu 'thas par byas nas/ thur du zug par byed la gyen du yang 'byung bar byed do// de ni ri'i rgyal po gshol mda' 'dzin ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ / dpag tshad nyi khri ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa yin no/ / yun ring mo zhig 'das nas chu'i rgya mtsho chen po de'i steng du nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skab kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas/ thur du yang zug par byed cing gyen du yang 'byung bar byed do// de ni ri'i rgyal po seng ldeng can zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad khri ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa yin no// yun ring mo zhig 'das nas chu'i rgya mtsho chen po de'i steng du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing 'thas par byed do// kun tu bsdus shing kun tu 'thas par byas nas thur du yang zug par byed cing gyen du yang 'byung bar byed do/ / de ni ri'i rgyal po blta na sdug ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad lnga stong ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa/ gser las grub pa yin no// yun ring mo zhig 'das nas chu'i rgya mtsho chen po'i nang du bltas pa dang / phyi rol du bltas pa'i rlung kho ra khor yug tu gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do/ / kun tu bsdus shing kun tu 'thas par byas nas/ thur du yang zug par byed cing gyen du yang 'byung bar byed do// de ni ri'i rgyal po rta rna ri zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad nyis stong lnga brgya ni chu las gyen du 'phags so// zheng du yang de dang 'dra ste/ dbyibs legs shing bltan sdug la mdzes pa gser las grub pa yin no/ / yun ring mo zhig 'das nas chu'i rgya mtsho chen po de'i steng du nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas/ thur du yang zug par byed cing gyen du yang 'byung bar byed do/ / de ni ri'i rgyal po mu khyud 'dzin ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad stong nyis brgya lnga bcu ni chu las gyen du 'phags so/ / zheng du yang de dang 'dra ste/ dbyibs legs shing blta na sdug la mdzes pa gser las grub pa yin no// yun ring mo zhig 'das nas chu'iri rgya mtsho chen po de'i steng du nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas/ zur du yang zug par byed cing gyen du yang 'byung bar byed do// de ni ri'i rgyal po rnam par 'dud ces bya ba yin te/ dpag tshad brgyad khra ni chu'i 'og gser gyi sa gzhi chen po la brten to/ dpag tshad drug pa rgya nyi shu rtsa lnga ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa yin no// yun ring mo zhig 'das nas chu'i rgya mtsho chen po de'i steng du nang du bltas pa dang / phyi rol du bltas pa'i rlung kho ra khor yug nas zlum por ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do/ / kun tu bsdus shing kun tu 'thas par byas nas/ thur du yang zug par byed cing gyen du yang 'byung bar byed do// de ni ri'i rgyal po kho ra khor yug gi ri zhes bya ba yani te/ dpag tshad brgyad khri ni chu'i 'og gser gyi sa gzhi chen po la brten to// dpag tshad sum brgya rtsa phyed dang bcu gsum ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa lcags las grub pa yin no// // bam po drug pa// yun ring mo zhig 'das nas chu'i rgya mtsho chen po de'i steng ri'i rgyal po ri rab kyi lho phyogs kyi phyi rol gyi rgya mtsho chen por nang du bltas pa dang / nang rgya che ba dang / phyi rol du bltas pa dang / shing rta'i dbye bas lta bu'i rlung kho ra khor yug nas ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas/ gcig tu 'dus par byas te/ thur du yang zug par byed ci ste chu dang mnyam par gzhag go/ de ni 'dzam bu gling zhes bya ba'i gling yin te/ dpag tshad brgyad khra ni chu'i 'og gser gyi sa gzhi chen po la brten to// steng ni chu dang mnyam par 'dug ste/ de'i ngos nang gi ring po gang yin pa de ni bag tshad nyis stong yod do// ngos nang gi thung ngu gang yin pa de la ni dpag tshad phyed dang bzhi yod la/ mtha' skor du yang dpag tshad drug stong dang / dpag tshad phyed dang bzhi yod de/ dbyibs legs shing blta na sdug la mdzes pa sa las grub pa yin no// yun ring mo zhig 'das nas chu'i rgya mtsho chen po de'i steng ri'i rgyal po ri rab kyi shar phyog kyi phyi rol gyi mtsho chen por nang du bltas shing / phyi rol gyi rgya che ba'i rlung kho ra khor yug nas zla gam lta bur grub cing ldang ba de'i dus kyang yod la// de'i skabs kyang yod de/ de dag gis chu de dag kun tu sduspyad cing kun tu 'thas par byed do/ / kun tu bsdus cing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par gzhog go// de ni shar gyi lus 'phags kyi gling zhes bya ba yin te/ dpag tshad brgyad khri ni chu'i 'og gser gyi sa gzhi la brten to// steng gi chu dang mnyam par 'dug ste/ de'i ngos nang gi ring po gang yin pa de zhi dpag tshad nyis stong yod do/ / ngos nang gi thung ngu de la ni dpag tshad sum brgya lnga bcu yod la/ mtha' skor du dpag tshad drug stong dang / dpag tshad sum brgya lnga bcu yod de/ dbyibs legs shing blta na sdug la mdzes pa sa las grub pa yin no/ / yun ring mo zhig 'das nas chu'i rgya mtsho chen po de'i steng ri'i rgyal po ri rab kyi nub phyogs kyi phyi rol gyi rgya mtsho chen po'i nang du bltas pa dang / phyi rol du bltas pa'i rlung kho ra khor yug nas zlum por ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par gzhog go// de ni nub kyi ba lang spyod ces bya ba'i gling yin te/ dpag tshad brgyad khri ni chu'i nang gser gyi sa gzhi la brten to/ / stang ni chu dang mnyam par 'dug ste/ chur dpag tshad nyis stong lnga brgya/ zheng du yang dpag tshad nyis stong lnga brgya yod la/ mtha' skor du dpag tshad bdun stong lnga brgya yod de/ dbyibs legs shing blta na sdug la mdzes pa sa las grub pa yin no// yun ring mo zhig 'das nas chu'i rgya mtsho chen po de'i steng ri'i rgyal po ri rab kyi byang phyogs kyi phyi rol gyi rgya mtsho chen por nang du bltas pa dang / phyi rol du bltas pa'i rlung kho ra khor yug nas gru bzhir ldang ba de'i dus kyang yod la/ de'i skabs kyang yod do// de dag gis chu de dag kun tu sdud cing kun tu 'thas par byed do/ / kun tu bsdus shing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par gzhog go// de ni byang gi sgra mi snyad ces bya ba gling yin te/ dpag tshad brgyad khri ni chu'i 'og gser gyi sa gzhi chen po la brten to// steng ni chu dang mnyam par 'dug ste/ chur dpag tshad nyis stong / zheng du yang dpag tshad nyis stong yod la mtha' skor du yang dpag tshad brgyad stong yod de/ dbyibs legs shing blta na sdug la mdzes pa sa las grub pa yin no// yun ring mo zhig 'das nas nam mkha' la tshangs pa'i gzhal med khang stong pa gnas par 'gyur ba de'i dus kyang yod la/ de'i skabs kyang yod do// de nas sems can gzhan tshe zad cing las zad la/ bsod nams zad nas 'od gsal gyi lha'i ris nas shi 'phos te/ tshangs pa'i gzhal med khang pa stong pa'i nang du skye bar 'gyur ro/ / de nas sems can gzhan yang tshe zad nas las zad la/ bsod nams zad nas 'od gsal gyi lha'i ris nas shi 'phos te/ tshangs pa'i mdun na 'don pa'i lhar skye bar 'gyur ro/ / de nas tshangs pa'i ris su skye'o// de nas rgyal chen bzhi'i lha rnams kyi nang du skye bar 'gyur ro// de tsam gyis nas 'jig rten 'di bar gyi bskal pa nyi shur 'chags pa de mthar thug par brjod par bya'o/ / de nas 'jig rten 'di bar gyi bskal pa nyi shur chags nas gnas pa de yang 'byung bar brjod par bya'o// yun ring mo zhig 'das nas chu'i rgya mtsho chen po de'i steng du chu'i rgyun shing rta'i srog shing tsam gyis char 'bab pa de'i dus kyang yod la/ de'i skabs kyang yod de/ des rol mtsho rnams kyang gang bar byed la/ gling rnams kyang chu dang mnyam par gzhog ste/ sa chen po 'di chu gcig cing rgya mtsho gcig tu 'gyur bar byed do// sa chen po chu gcig cing rgya mtsho gcig tu 'gyur ba'i steng du rlung gis smras ma kun tu sdud cing kun tu 'thas par byed do/ / legs par gnas par byed cing kun tu bdal te/ dper na 'o ma bskol te grangs pa'i steng du rlung gis spris ma kun tu sdus shing kun tu 'thas par byed de/ legs par gnas par byed cing kun tu bdal ba de bzhin du/ sa chen po chu gcig cing rgya mtsho gcig tu gyur pa'i steng du rlung gi spris ma kun tu sdud cing kun tu 'thas par byed de/ legs par gnas par byed cing kun tu 'dal te/ de ni sa'i bcud kha dog phun sum tshogs pa dang / dri phun sum tshogs pa dang / ro phun sum tshogs pa yin te/ kha dog ni dper na mar gsar bzhin no// ro ni dper na sbrang bu'i sbrang rtsi ma skol ba bzhin no/ / de nas sems can gzhan tshe zad cing las zad la/ bsod nams zad nas/ 'od gsal gyi lha'i ris nas shi 'phos te/ 'jig rten 'dir skye bar 'gyur ro/ / de dag 'dir gzugs bzang ba dang / yid las skyes pa dang / ma nyams pa dang / dbang po tshang ba dang / yan lag dang nying lag thams cad dang ldan pa dang / bzang ba dang / mdog sdug pa dang / dga' ba'i bza' ba dang / dga' ba'i zas dang / rang las 'od 'byung ba dang / nam mkha' la 'gro ba dang / tshe ring zhing yun ring por gnas so// de'i tshe nyi ma dang zla ba 'di nyid 'jig rten du mi 'byung ngo / / rgyu skar rnams kyang mi 'byung / dus tshigs dang / lo rnams kyang mi 'byung / zla ba dang / zla ba phyed rnams kyang mi 'byung / mtshan mo dang nyin mo rnams kyang mi 'byung / skad cig dang / thang cig dang / yud tsam rnams kyang mi 'byung // skyes pa dang / bud med kyang med de/ gzhan du na sems can sems can zhes bya ba'i ming 'ba' zhig 'byung ngo / / de nas sems can brkam pa'i rang bzhin can gzhan zhig gis/ sa'i bcud mdzub mo'i thor tos blangs te myangs so// ji tsam du myang bar byed pa de tsam du sred par gyur to// ji tsam du sred par gyur pa de tsam du kham gyis za bar byed do/ / sems can gzhan dag gis kyang sems can de'i sa'i bcud mdzub mo'i thor tos blangs te myang bar byed pa mthong ngo // mthong nas sems can de dag gis kyang sa'i bcud mdzub mo'i thor tos blangs te myang bar byed do/ / ji tsam du myang bar byed pa de tsam du sred par gyur to// ji tsam du sred par gyur pa de tsam du kham gyis za bar byed do/ / sems can de dag gis sa'i bcud kham gyis zos pa des na/ de dag gi lus la mkhrang ba dang / lci ba zhugs par gyur te/ 'od dang / kha dog gi mdog gang yin pa de ni med par gyur te/ 'jig rten du mun pa 'byung bar gyur/ chos nyid kyis na 'jig rten du mun pa byung na/ nyi ma dang zla ba 'di gnyis 'jig rten du 'byung bar 'gyur ro// rgyu skar rnams dang / mtshan mo dang / nyin mo rnams dang / dus tshigs dang / lo rnams dang / smad cig dang / thung cig dang / yud tsam rnams 'jig rten du 'byung bar 'gyur ro// de nas sems can de dag gis shar phyogs nas nyi ma'i dkyil 'khor 'char ba na/ de dag 'di skad lha'i 'od de nyid 'di re/ lha'i 'od de nyid 'de re zhes mang nyin par nyin par zhes bya bar gyur to// de nas sems can de dag gis nub phyogs su nyi ma'i dkyil 'khor nub pa na/ de dag 'di skad du/ lha'i 'od de nyid dmar por gyur pa 'di re/ lha'i 'od de nyid dmar por gyur pa 'ang re zhes nas/ mtshan mo mtshan mo zhes bya ba'i grangs su bgrang ngo // de nas sems can de dag gis shar phyogs nas zla ba'i dkyil 'khor 'char ba na/ sems can de dag 'di skad du/ mun pa bkra bar byed do zhes nas/ zla ba rmya ba zhes bya ba'i grangs su bgrang ngo // de nas sems can de dag gis shar phyogs nas/ yang nyi ma'i dkyil 'khor 'char ba na/ de dag gis 'di skad du/ lha'i 'od de nyid 'khor ba 'di re zhes nas/ nyi ma nyi ma zhes bya ba'i ming 'byung ngo // de dag bza' ba de dang kha zas de ba la tshe ring zhing yun ring du gnas so// de dag gi nang na gang zas ches mang du za ba de ni/ kha dog ngan par 'gyur ro// gang kha zas ches nyung ngu za ba de ni kha dog bzang bar 'gyur ro// de ltar kha zas sna tshogs kyi rkyen gyis kha dog sna tshogs yod par 'gyur ro// kha dog sna tshogs yod par gyur pas/ kye sems can nga ni kha dog bzang ba yin no// khyod ni kha dog ngan pa yin no zhes sems can gyis sems can la brnyas par gyur to// kha dog gi mngon pa'i nga rgyal can de dag gis sdig pa mi dge ba'i chos de dag nyid yang dag par blangs pa'i phyir sa'i bcud nub par gyur to/ / de nas sems can de dag 'dus shing tshogs nas/ mya ngan byed cing yi ched lasmre sngags 'don te/ 'di skad du kyi hud sa'i bcud/ kyi hud sa'i bcud ces kyang 'dzer te/ dper na da ltar gyi mi rnams kyis kha zas bzang po dang rab 'ga' zhig rnyed na/ sngon gyi yi ge dang / tshig dang / ming de dag rjes su zlos par byed de/ 'di skad du/ kyi hud bro ba/ kyi hud bro ba zhes zer ba de bzhin du/ sems can de dag 'dus shing tshogs nas/ mya ngan byed cing yi chang la smre sngags 'don te/ 'di skad du/ kyi hud sa'i bcud/ kyi hud sa'i bcud ces 'dzer te/ 'on kyang smras pa/ 'di'i don ni 'di yin no// smras pa/ 'di'i don ni 'di yin no zhes smras pa/ de'i don yang mi shes so// sa'i bcud nub par gyur nas sems can de dag gis zhag kha dog phun sum tshogs pa dang / dri phun sum tshogs pa dang / ro phun sum tshogs pa byung bar gyur te/ kha dog ni dper na dong ka'i me tog bzhin no/ / ro ni dper na sbrang ma'i sbrang rtsi ma skol ba bzhin te/ de dag bza' ba de dang / kha zas de za la tshe ring zhing yun ring du gnas so// de dag gi nang na gang kha zas ches mang du za ba de ni kha dog ngan par 'gyur ro/ / gang kha zas ches nyung ngu za ba de ni kha dog bzang bar 'gyur ro// de ltar kha zas sna tshogs kyis kha dog sna tshogs yod par 'gyur ro// kha dog sna tshogs yod par gyur pas/ kye sems can nga ni kha dog bzang po yin no// khyod ni kha dog ngan pa yin no zhes sems can gyis sems can la brnyas par gyur to// kha dog gi mngon pa'i nga rgyal can de dag gis yang sdig pa mi dge ba'i chos de dag nyid yang dag par blangs pa'i phyir sa zhag kyang nub par gyur to/ / de nas sems can de dag 'dus shing tshogs nas/ mya ngan byed cing yi ched la smre sngag 'don te/ 'di skad du kye ma kyi hud kye ma kyi hud ces kyang 'dzer te/ dper na da ltar gyi mi rnams las la la zhig nad rgyun ring po'i rims kyis btab pa na/ sngon gyi yi ge dang / tshig dang / ming dag rjes su zlos te/ 'di skad du/ kye ma kyi hud kye ma kyi hud ces zer ba de bzhin du/ sems can de dag 'dus shing tshogs zhes bya ba nas/ smre sngags 'don pa'i bar du ste/ 'on kyang smras pa/ 'di'i don ni 'di yin no/ / smras pa/ 'di'i don ni in no zhes smras pa/ de'i don yang mi shes so// sa zhag nub par gyur pa na/ sems can de dag gi ldum bu'i tshal kha dog phun sum tshogs pa dang / dri phun sum tshogs pa dang / ro phun sum tshogs pa byung ste/ kha dog ni dper na ka dam 'bu ta ka'i me tog bzhin no// ro ni dper na spang ma'i sbrang rtsim skol ba bzhin te/ de dag bza' ba de dang / kha zas de za la tshe yang ring zhing yun ring du gnas so/ / de dag gi nang na kha zas ches mang du za ba de ni kha dog ngan par 'gyur ro// gang kha zas ches nyung ngu za ba de ni de kha dog bzang bar 'gyur ro// de ltar kha zas sna tshogs kyi rkyen gyis kha dog sna tshogs yod par 'gyur ro/ / kha dog sna tshogs yod par gyur pas/ kye sems can nga ni kha dog bzang ba yin no// khyod ni kha dog ngan pa yin no zhes sems can gyis sems can la brnyas par gyur to/ / kha dog gi mngon pa'i nga rgyal can de dag gis yang sdig pa mi dge ba'i chos de dag nyid yang dag par blangs pa'i phyir ldum bu'i tshal yang nub par gyur te/ ldum bu'i tshal nub par gyur nas/ de nas sems can de dag 'dus shing tshogs te/ mya ngan byed cing yi tshad la smre sngags 'don te/ 'di skad du/ phar song phar song zhes 'dzer te/ dper na da ltar gyi mi rnams las la la zhig tshig drag po'i rgya gag gis spyo bar 'dod pa na/ sngon gyi yi ge dang / tshig dang / ming de dag rjes su zlos te/ 'di skad du/ phar song phar song zhes zer ba de bzhin du/ sems can de dag 'dus shing tshogs nas/ mya ngan byed cing yi chad la smre sngags 'don te/ phar song phar song zhes 'dzer te/ 'on kyang smras pa/ 'di'i don ni 'di yin no// smras pa/ 'di'i don ni 'di yin no zhes smras pa/ de'i don yang mi shes so// ldum bu'i tshal nub par gyur pa na/ sems can de dag gis ma rmos ma btab pa'i 'bras sA lu'i 'bru phun sum tshogs pa dang / dri phun sum tshogs pa dang / ro phun sum tshogs pa byung bar gyur te/ gzegs ma med cing phub ma med la dag cing gtsang ste/ sor bzhi tsam la yongs su g.yog pa med pa de nang brngas na nub skye/ nub brngas na nang skye'o// de ltar brngas shing brngas shing skyes la/ brngas par yang mi mngon te/ de dag bza' ba de dang / kha zas de zal tshe ring zhing yun ring du gnas so// gang gi phyir sems can de dag gis ma rmos ma btab pa'i 'bras sA lus 'bru de lta bu'i rim gyis yongs su longs spyod pas de'i phyir/ de dag gi dbang po tha dad pa byung bar gyur te/ kha cig la ni mo'i dbang po kha cig la ni pho'i dbang po byung ste/ de la mo'i dbang po can gang yin pa dag dang / pho'i dbang po can gang yin pa de dag gcig la gcig mig gis mig tsugs su lta'o// ji tsam du mig gis mig tsugs su lta ba de tsam du kun tu chags so/ / ji tsam du kun tu chags pa de tsam du ngo tsha mi shes so// ji tsam du ngo tsha mi shes pa de tsam du log pa la zhugs so// sems can gzhan dag gis kyang / sems can log pa la zhug pa de mthong ngo // mthong nas kyang rdul gyis 'thor zhing bong ba dang / gseg ma dang / gyo mo dag kyang 'phen te/ 'di skad du/ ngan zhing blun pa'i sems can byi ba byed pa/ da sems can gyis sems can sun dbyung ba ga la srid ces 'dzer te/ dper na da ltar gyi mi rnams bag ma len pa na/ gnyen 'dun rnams kyis me tog gam/ 'bras yos sam/ tsan dan gyi phye ma dag gis gtor te/ 'di skad du sru skyed par gyur cig/ sru spyad par gyur cig ces kyang 'dzer te/ de bzhin du sems can log pa la zhugs pa mthong na snga ma bzhin du/ da sems can gyis sems can sun dbyung ba ga la srid ces 'dzer to/ / de ltar na sngon chos ma yin par grags pa gang yin pa de ni/ da ltar gyi mi rnams kyi chos su grags so// sngon smad pa de ni da ltar rab tu bsngags par gyur to/ / gang gis phyir sems can de dag sdig pa dang / dam pa'i chos ma yin pa de la zhen cing 'dzud par byed de/ nges par zhugs pa des na phyogs gcig tu stong ste/ khyim bya ba la zhugs shing rtsom par gyur te/ 'dir bdag cag gnyis kyis byi ba byas so zhes zer ba las khyim khyim zhes bya ba'i ming byung ngo // de dag phyi 'bred bza' 'dod pa'i phyir ni phyi 'bred sA lu len to/ / nang par 'dod pa'i phyir nang par len to// de nas sems can le lo can gzhan zhig gis nang par gyi sA lu phyi 'bred blangs so// de nas sems can gzhan zhig gis sems can de la 'di skad du/ kye sems can tshur shog/ bdag cag gnyis sA lu len du 'dong ngo zhes smras so// des 'di skad du/ kye sems can khyed cag sA lu blang ba'i phyir nan tan byos shig/ ngas ni nang par gyi sA lu nub mo blangs zin to zhes smras so// de nas sems can de 'di snyam du/ nang par gyi sA lu phyi 'bred len pa 'di ni legs pa yin no// 'di ni shin tu legs pa yin gyis/ bdag gis kyang zhag gnyis dang / zhag gsum dang / bdun gyi bar gyisA lu blang bar bya'o snyam nas/ zhag bdun gyi sA lu blangs so// gang gi phyir de dag gis ma rmos ma btab pa'i 'bras sA lu'i 'bru kun gyis bsags pa'i tshul gyis longs spyod pas longs spyad pa des sA lu de las gzeg ma dang / phub ma yang byung bar gyur/ brngas so cog kyang mi skye la/ brngas par yang mngon par gyur te/ sA lu rnams phung po phung por bzhag go// de nas sems can de dag 'dus shing tshogs nas/ mya ngan byed cing yi ched la smre sngags 'don te/ kye bdag cag sngon ni gzugs bzang zhing yid las skyes pa dang / ma nyams shing dbang po tshang la/ yan lag dang nying lag thams cad dang ldan te/ rang las 'od byung ba dang / nam mkha' la 'gro ba dang / bzang zhing mdog sdug pa dang / dga' ba'i bza' ba rnams dang / dga' ba'i zas rnams zal tshe ring zhing yun ring du gnas te/ bdag cag las gang kha zas ches mang du za ba de ni kha dog ngan par 'gyur la/ gang kha zas ches nyung ngu za ba de ni kha dog bzang bar 'gyur zhing / de ltar kha zas sna tshogs kyi rkyen gyis kha dog kyang sna tshogs yod par gyur te/ kha dog sna tshogs yod par gyur pas/ kye sems can nga ni kha dog bzang po yin no// khyod ni kha dog ngan pa yin no zhes sems can gyis sems can la brnyas par gyur la/ bdag cag kha dog gi mngon pa'i nga rgyal can rnams kyis sdig pa mi dge ba'i chos de dag nyid yang dag par blangs pa'i phyir sa'i bcud nub par gyur nas/ sa zhag kha dog phun sum tshogs pa dang / dri phun sum tshogs pa dang / ro phun sum tshogs pa byung bar gyur te/ kha dog ni dper na dong ka'i me tog bzhin no// ro ni dper na sbrang ma'i sbrang rtsi ma skol ba bzhin te/ bdag cag bza' ba de dang / kha zas de za la tshe ring zhing yun ring du gnas te/ bdag cag las gang dag zas ches mang du za ba de ni kha dog ngan par 'gyur la/ gang kha zas ches nyung ngu za ba de ni kha dog bzang bar 'gyur te/ de ltar kha zas sna tshogs kyi rkyen gyis kha dog sna tshogs yod par gyur to/ / kha dog sna tshogs yod par gyur pas/ kye sems can nga ni kha dog bzang ba yin no// khyod ni kha dog ngan pa yin no zhes sems can gyis sems can la brnyas par gyur te/ bdag cag kha dog gis mngon pa'i nga rgyal can rnams kyis/ yang sdig pa mi dge ba'i chos de dag nyid yang dag par blangs pa'i phyir sa zhag nub par gyur nas/ ldum bu'i tshal kha dog phun sum tshogs pa dang / dri phun sum tshogs pa dang / ro phun sum tshogs pa dag byung bar gyur te/ kha dog ni dper na ka tam 'bu ta ka'i me tog bzhin la/ ro ni dper na sbrang ma'i sbrang rtsi ma skol ba bzhin te/ bdag cag bza' ba de dang / kha zas de dag za la tshe ring zhing yun ring du gnas te/ bdag cag las gang kha zas ches mang du za ba de ni kha dog ngan par 'gyur la/ kha zas ches nyung ngu za ba de ni kha dog bzang por 'gyur te/ de ltar kha zas sna tshogs kyi rkyen gyis kha dog sna tshogs yod par gyur la/ kha dog sna tshogs su gyur pas kye ma sems can nga ni kha dog bzang ba yin no/ / khyod ni kha dog ngan pa yin no zhes sems can gyis sems can la brnyas par gyur te/ bdag cag kha dog gi mngon pa'i nga rgyal can rnams kyis sdig pa mi dge ba'i chos de dag nyid yang dag par blangs pa'i phyir ldum bu'i tshil nub par gyur te/ ma rmos ma btab pa'i 'bras sA lu'i 'bru kha dog phun sum tshogs pa dang / dri phun sum tshogs pa dang / ro phun sum tshogs pa 'byung bar gyur te/ gzeg ma med cing / phub ma med la dag cing gtsang ste/ sor bzhi tsam la yongs su g.yogs pa med de/ nang brngas na nub skye/ nub brngas na nang skye ba dang / de ltar brngas shing brngas shing skye la brngas par yang mi mngon te/ bdag cag bza' ba de dang / kha zas de za la tshe ring zhing yun ring du gnas te/ gang gi phyir bdag cag gis ma rmos ma btab pa'i 'bras sA lu'i 'bru kun tu bsags pa'i tshul gyis longs spyod la longs spyod pa des na/ sA lu de la gseg ma dang / phub ma yang byung bar gyur/ brngas so cog kyang mi skye la/ brngas pa yang mngon par gyur te/ sA lu rnams phung po phung por bzhag go/ da ni bdag cag gis 'di ni khyod kyi'o// 'di ni nga'i 'o zhes zhing rnams gzhal cing bgos la/ mu trug bri'o zhes nas/ de dag 'di nyid ni khyod kyi'o// 'di ni nga'i'o zhes zhing rnams gzhal zhing bgos te/ mu tug 'dri'o// de nas sems can gzhan zhig gis bdag gi sA lu yod bzhin du/ gzhan gyi sA lu ma byin par blangs so/ / sems can gzhan zhig gis sems can de bdag gi sA lu yod bzhin du/ gzhan gyi sA lu ma byin par len pa mthong ngo // mthong nas kyang 'di skad du/ ngan zhing blun pa'i sems can khyod ni ma byin par len par byed do/ / kye sems can bdag gi sA lu yod bzhin du/ gzhan gyi sA lu ma byin par len pa ga la srid/ kye sems can khyod song la phyin chad de ltar ma byed ces smras so/ / de nas sems can des bdag gi sA lu yod bzhin du lan gnyis lan gsum du gzhan gyi sA lu ma byin par blangs so// sems can de dag gi sA lu yod bzhin du/ lan gnyis lan gsum du ma byin par len pa sems can des mthong ngo // mthong nas kyang yang 'di skad du/ ngan zhing blun pa'i sems can khyod ni mi bya ba byed pa'o// kye sems can khyed bdag gi sA lu yod bzhin du/ gzhan gyi sA lu ma byin par len pa ga la srid ces smras te/ de'i lag pa gnyis nas kyang bzung nas de tshur 'dren par 'dren pa de'i tshe 'khor gyi nang du yang bkug ste/ sems can gang dag sems can 'dis bdag gi sA lu yod bzhin du/ gzhan gyi sA lu ma byin par len pa blangs pa shes par gyis shig ces smras so// de nas sems can de dag gis sems can de la 'di skad du/ ngan zhing blun pa'i sems can khyod ni mi bya ba byed pa'o// khyod bdag gi sA lu yod bzhin du/ gzhan gyi sA lu ma byin par len pa ga la srid/ kye sems can khyod song la phyin chad de ltar ma byed cig ces smras so/ / de nas sems can de dag la sems can des 'di skad du/ sems can gang dag gang sems can 'dis sA lu'i phyir bdag tshur drangs par drangs te/ 'khor gyi nang du yang 'gugs par shes par gyis shig/ de nas sems can de dag gis sems can de la 'di skad du/ kye sems can khyod kyis sA lu'i phyir sems can tshur drangs par drangs la/ 'khor gyi nang du yang bkug ste ci bya/ kye sems can khyod song la phyin chad de ltar ma byed cig ces smras so// de nas sems can de dag 'di skad du/ sA lu'i phyir 'dren pa dang / 'khor gyi nang du yang 'gugs pa dag snang gis bdag cag 'dus la/ bdag cag gi nang na sems can gang ches gzugs bzang ba dang / ches blta na sdug pa dang / ches mdzes pa dang / ches dbang che bar grags pa de bdag cag gis zhing gi bdag por bskos na/ bdag cag la dus dus su chad pas bcad pa'i rigs pa gang yin pa rnams la na chad pas gcod par 'gyur/ phan gdags pa'i rigs pa rnams la ni phan 'dogs par 'gyur te/ gang bdag cag gi zhing rnams la skyes pa de las/ bdag cag gis de la dus dus su chos bzhin du thog shas sbyin par bya'o snyam du bsams so// de nas sems can de dag 'dus nas/ de dag gi nang na sems can gzugs bzang ba dang / ches blta na sdug pa dang / ches mdzes pa dang / ches dbang che bar grags pa gang yin pa'i sems can de la 'di skad du/ kye sems can khyod tshur shog/ bdag cag gi zhing gi bdag po legs par kho nar byos la/ sems can bdag cag las chad pa gcod pa'i rigs pa rnams na chad pas chod cig/ phan gdags pa'i rigs pa la ni phan thogs shig/ bdag gi zhing rnams las skyes pa gang yin pa de las kyang bdag cag gis dus dus su chos bzhin du thog shas sbyin no zhes smras so// de nas skye bo mang pos bkur ro/ / skye bo mang pos bkur to zhes nas/ mang pos bkur ba mang pos bkur ba zhes ming du chags so// zhing rnams kyi bdag por gyur pa dang / 'phongs pa las skyob pa'i phyir rgyal rigs rgyal rigs zhes bya bar ming du chags so/ / chos dang tshul khrims kyi tshul kun tu spyod pa dang / shes rab kyi tshul kun tu spyod pas 'khor mgu bar byed pa'i phyir rgyal po zhes bya bar mang du chags so/ / bcom ldan 'das kyis kyang gnas 'jog dang / ba ra dA dza lung bstan pa las 'di skad du/ gnas 'jog ci'i rgyu dang ci'i rkyen gyis rgyal rigs kyi tshe rigs 'jig rten du 'byung zhe na/ 'jig rten 'di 'jig cing 'jig pa'i tshe/ 'jig rten na sems can phal cher 'od gsal gyi lha'i ris su skye ba de'i dus kyang yod la/ de'i skabs kyang yod de/ de dag der gzugs bzang zhing yid la skyes pa dang / ma nyams zhing dbang po tshang ba dang / yan lag dang nying lag thams cad dang ldan pa dang / bzang zhing mdog sdug pa dang / rang las 'od 'byung ba dang / nam mkha' la 'gro ba dang / dga' ba'i bza' ba dang / dga' ba'i zas za ba dang / tshe ring zhing yun ring du gnas par 'gyur ba de'i dus kyang yod la/ de'i skabs kyang yod do// 'jig rten 'di chags shing chags pa na/ 'jig rten du sa chen po 'di chu gcig cing rgya mtsho chen po gcig tu gyur pa'i dus kyang yod la/ de'i skabs kyang yod de/ chu gcig cing rgya mtsho gcig tu gyur pa'i sa chen po steng du rlung gis spris ma kun tu bsdus shing kun tu 'thas par byas pa nas/ snga ma bzhin du rgyas par skye bo mang pos bkur bar zhes ming du chags pa dang / zhing rnams kyi bdag por gyur pa dang 'phongs pa las skyob pa'i phyir rgyal rigs rgyal rigs zhes bya ba'i ming du chags pa dang / chos dang tshul khrims kyi tshul kun tu spyod pa dang / shes rab kyi tshul kun tu spyod pas 'khor mgu bar byed pa'i phyir rgyal po rgyal po zhes bya bar ming du chags pa'i bar du thams cad brjod par bya ste/ gnas 'jog 'di ni rgyal rigs kyi tshe rigs 'jig rten du byung ba'i gtan tshigs kyi mchog yin te/ de yang chos bzhin du byed pa yin te/ chos ma yin pas ma yin no// de la 'di ni rgyal ba'i dbang po mchog rnams kyi chos so// gang gi tshe mang pos bkur ba rgyal po chen por gyur pa de'i tshe/ de na mi rnams kyi ming sems can sems can zhes bya bar gyur to// mang pos bkur ba'i bu ni 'od mdzes zhes bya bar gyur to// gang gi tshe 'od mdzes rgyal por gyur pa de'i tshe ni/ mi rnams kyi ming du chu stod chu smad ces bya bar gyur to/ / 'od mdzes kyi bu dge ba zhes bya bar gyur te/ gang gi tshe dge ba zhes bya ba rgyal por gyur pa de'i tshe/ mi rnams kyi ming til las skyes til las skyes zhes bya bar gyur to/ / dge ba'i bu ni dge mchog ces bya bar gyur te/ gang gi tshe dge mchog rgyal por gyur pa de'i tshe ni mi rnams kyi ming ni sprin mgrin sprin mgrin ces bya bar gyur te/ dge mchog gi bu ni gso spyong 'phags zhes bya bar gyur te/ gang gi tshe gso sbyong 'phags rgyal por gyur pa de'i tshe/ mi rnams kyi ming ta la'i rje dar ta la'i rje ngar zhes bya bar gyur to// de'i tshe rgyal po gso sbyong 'phags kyi spyi bor bo la mig gcig byung ste/ 'jam zhing shin tu 'jam pa ni/ dper na shing bal gyi la ba 'am/ ras bal gyi la ba bzhin te/ de la cung zad kyang gnod pa med de/ de smin te brdol ba las khye'u gzugs bzang zhing blta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ ming spyi bo skyes spyi bo skyes zhes bya ba dang / nga las nung las nu zhes bya bar gyur to/ gzhon nu de rdzu 'phrul che zhing mthu chen por gyur te/ des gling bzhi char du yang rgyal srid kyi dbang phyug la dbang byas te/ gang gi tshe rgyal po nga las nu byung ba de'i tshe gzhung lugs chen po rgya che'o cog dpyad cing bsams te/ lod cing nye bar brtags nas byas pa na/ de phyin chad nas da ltar gyi bar du/ mi rnams kyi ming dpyod pa can dang / sems pa can dang / nye bar rtog pa can dang / shed las skyes shed las skyes pa zhes bya bar gyur to// rgyal po nga las nu'i brla g.yas pa nas phol mig byung ste/ 'jam zhing shin tu 'jam pa ni/ dper na shing bal gyi la ba 'am/ ras bal gyi la ba bzhin te/ de la cung zad kyang gnod pa med do// de smin cing rdol ba las khye'u gzugs bzang zhing blta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ rkang pa g.yas pa nas byung ba'i phyir de'i ming mdzes pa mdzes pa zhes bya bar gyur to// gzhon nu de rdzu 'phrul che zhing mthu che ste/ des kyang gling gsum du rgyal srid kyi dbang phyug la dbang byas so// rgyal po mdzes pa'i brla g.yon pa nas phol mig gcig byung ste/ 'jam zhing shin tu 'jam pa ni/ dpar na shing bal gyi la ba 'am/ ras bal gyi la ba bzhin te/ de la cung zad kyang gnod pa med ngodo/ / de smin cing rdol ba las khye'u gzugs bzang zhing blta na sdug la mdzes pa ste/ skyes bu chen po'i mtshan sum cu rtsa gnyis dang ldan pa zhig byung ste/ rkang pa g.yon pa nas skyes so// rkang pa g.yon pa nas skyes so zhes nas/ ming nye mdzes nye mdzes zhes bya bar gyur to// gzhon nu de rdzu 'phrul che zhing mthu che ste/ des kyang gling gnyis su rgyal srid kyi dbang phyug la dbang byas so// rgyal po nye mdzes kyi rkang pa'i bol las phol mig gcig byung ste/ 'jam zhing shin tu 'jam pa ni/ dper na shing bal gyi la ba 'am/ ras bal gyi la ba bzhin te/ de la cung zad kyang gnod pa med do/ / de smin te rdol ba las khye'u gzugs bzang zhing blta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ de rkang pa'i bol gyi steng nas byung ba'i phyir/ ming mdzes can mdzes can zhes bya bar gyur to// gzhon nu de rdzu 'phrul che zhing mthu che ste/ des kyang gling gcig tu rgyal srid kyi dbang phyug la dbang byas so// rgyal po mdzes ldan gyi rkang pa'i mthil gyi 'og nas phol mig gcig byung ste/ 'jam zhing shin tu 'jam pa ni/ dper na shing bal gyi la ba 'am/ ras bal gyi la ba bzhin te/ cung zad kyang gnod pa med do// de sman te rdol ba las khye'u gzugs bzang zhing blta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ rkang pa'i mthil gyi 'og nas skyes so zhes nas/ ming mdzes ldan mdzes ldan zhes bya bar gyur to/ / gzhon nu rdzu 'phrul che zhing mthu che ste/ des kyang gling gcig tu rgyal srid kyi dbang phyug la dbang byas so// de phyin chad 'khor lo sgyur ba'i rgyal po rnams ni gling gcig la dbang ba sha stag yin par rig par bya'o/ / mdzes ldan gyi bu ni btang ba'o// btang ba'i bu ni btang bzung ngo // btang bzung gi bu ni sha ku na'o// sha ku ni'i bu ni sha ku ni chen po'o// sha kun chen po'i bu ni ku shi'o// ku shi'i bu ni nye ba'i ku shi'o// nye ba'i ku shi'i bu ni ku shi chen po'o// ku shi chen po'i bu ni legs mthong ngo // legs mthong gi bu ni legs mthong chen po'o// legs mthong chen po'i bu ni gnod sel lo/ / gnod sel gyi bu ni shel ldan no// shel ldan gyi bu ni skal ldan no// skal ldan gyi bu ni ngan spong ngo // ngan spong gi bu ni lhun po'o// lhun po'i bu ni nges 'gro'o// nges 'gro'i bu ni rab tu grags pa'o// rab tu grags pa'i bu ni rab tu sgra grags chen po'o// rab tu sgra grags chen po'i bu ni bde byed do// bde byed kyi bu ni phyogs bdag go/ phyogs bdag gi bu ni rdul bzang ngo / / rdul bzang gi bu ni rgyas byed do// rgyas byed kyi bu ni lha chen po'o// lha chen po'i bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis 'dres pa'i grong khyer du rgyal srid kyi dbang phyug la dbang byas so/ / de dag gi 'og tu rgyal po mu khyud ces bya ba byung ste/ mu khyud kyi bu ni rgyal po'o// rgyal po'i bu ni lhun po'o// lhun po'i bu ni 'jigs byed kyi shing rta'o/ / 'jigs byed kyi shing rta'i bu ni shing rta brgya pa'o// shing rta brgya pa'i bu ni/ shing rta bcu pa'o// shi rta bcu pa'i 'og tu lnga len gyi rgyal po lnga stong gis rgyal srid kyi dbang phyug la dbang byas so/ / lnga len gyi rgyal po lnga stong gi 'og tu ka lang ka'i rgyal po lnga stong gis rgyal srid kyi dbang phyug la dbang byas so// ka ling ka'i rgyal po lnga stong gi 'og tu a s+pha ka'i rgyal po bdun stong byung ngo / / a sma ka'i rgyal po bdun stong gi 'og tu sgra ma snyan gyi rgyal po brgyad stong byung ngo // sgra ma snyan gyi rgyal po brgyad stong gi 'og tu thod pa can gyi rgyal po dgu stong byung ngo // thod pa can gyi rgyal po dgu stong gi 'og tu yan lag can gyi rgyal po khri byung ngo / / yan lag can gyi rgyal po khri'i 'og tu ma ga d+ha'i rgyal po khri tshig stong byung ngo // ma ga d+ha'i rgyal po khri chog stong gi 'og tu ta ma li ba ta'i rgyal po khri lnga stong byung ngo / / ta ma li ba ta'i rgyal po khri lnga stong gi 'og tu rgyal po bu ram shing pa zhes bya ba byung ngo // bu ram shing pa'i 'og tu bu tsha rgyud dang / tsha bo dang / yang tsha'i rgyud bu ram shing ba'i rgyal po stong tshig brgyas rgyal srid kyi dbang phyug la dbang byas so/ / de dag gi 'og tu rgyal po 'phags skyes po zhes bya ba byung ste/ 'phags skyes po'i bu bzhi byung ba la 'di lta ste/ bzhin 'bar ba dang / lag rna dang / glang chen 'dul dang / rkang gdub can no// de nas rgyal po rkang gdub can gyi bu rgyal po rkang gdub can gyi zhabs zhes bya ba byung ngo // rkang gdub can gyi zhabs kyi bu ni gnas 'jog go/ / gnas 'jog gi bu ni ban lang gnas so// ban lang gnas kyi bu ni seng ge 'gram mo// seng ge 'gram gyi bu ni bzhi yod pa la 'di lta ste/ zas gtsang dang / zas dkar dang / bre bo zas dang / bdud rtsi zas so// zas gtsang gi sras ni bcom ldan 'das so// bcom ldan 'das kyi sras ni sgra gcan zin no// de ni re zhig chos mngon pa las byung ba'i rgyal po'i rim pa ya ni te/ bdag nyid chen po de dag gis yi ge rgyas pa dag las mdor bsdus so// 'dul ba las ji skad 'byung ba bzhin du bri bar byas te/ mang pos bkur ba dang / 'od mdzes dang / dge ba dang / dge mchog dang / gso sbyong 'phags dang / nga las nu ba dang / mdzes pa dang / nye mdzes dang / mdzes can dang / mdzes ldan dang / rgyas byed dang / sred pa dang / nye sred dang / btang ba dang / btang bzung dang / lus thul dang / shes ldan dang / ngan spong dang / shing rta sdug gu can dang / dug can dang / dug can chen po dang / sha ku ni dang / sha ku ni chen po dang / ku shi dang / nye ba'i ku shi dang / ku shi chen po dang / rgyas byed dang / rgyas byed chen po dang / legs mthong dang / legs mthong chen po dang / gnod sel dang / nye ba'i gnod sel dang / rma bya dang / nges 'gro dang / bde byed dang / rab 'dul dang / rab tu sgra grags dang / rab gdung dang / 'od byed dang / lhun po dang / ri rab dang / lhun po ldan dang / me lce dang / me lce 'phreng dang / me lce ldan dang / me lce ldan gyi bu tsha rgyud dang / tsha bo dang / yang tsha'i rgyud kyi rgyal po 'bum gyis grong khyer gru 'dzin du rgyal srid kyi dbang phyug la dbang byas so/ / de dag gi 'og tu rgyal po dgra 'dul zhes bya ba byung ste/ dgra 'dul ba'i phyir na dgra 'dul zhes bya'o// rgyal po dgra 'dul gyi bu tsha rgyud dang / tsha bo dang / yang tsha'i rgyud kyi rgyal po lnga khri bzhi stong gis grong khyer 'thab med du rgyal srid kyi dbang phyug la dbang byas so// de dag gi 'og tu rgyal po ma phebs 'bebs zhes bya ba byung ngo // rgyal po ma phebs 'bebs kyi bu tsha rgyud dang / tsha bo dang / yang tsha'i rgyud kyi rgyal po drug khri sum stong gis wA ra NA sa'i grong khyer du rgyal srid kyi dbang phyug la dbang byas so// de dag gi 'og tu rgyal po bzod par dka' ba zhes bya ba byung ste/ rgyal po bzod par dka' ba'i bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis grong khyer 'dar 'dzin du rgyal srid kyi dbang phyug la dbang byas so/ / de dag gi 'og tu rgyal po tshangs pas byin zhes bya ba byung ste/ rgyal po tshangs pas byin gyi bu tsha rgyud dang / tsha bo dang / yang tsha'i rgyud kyi rgyal po sum khri nyis stong gis grong khyer glang chen gnas su rgyal srid kyi dbang phyug la dbang byas so/ / de dag gi 'og tu rgyal po glang pos byin zhes bya ba byung ste/ rgyal po glang pos byin gyi bu tsha rgyud dang / tsha bo dang / yang tsha'i rgyud kyi rgyal po lnga stong gis grong khyer rdo 'jog tu rgyal srid kyi dbang phyug la dbang byas so/ / de dag gi 'og tu rgyal po bal bu zhes bya ba byung ste/ rgyal po bal bu'i bu tsha rgyud dang / tsha bo dang / yang tsha'i rgyud kyi rgyal po sum khri nyis stong gis grong khyer ur shar rgyal srid kyi dbang phyug la dbang byas so/ / de dag gi 'og tu rgyal po tshan chen thub ces bya ba byung ste/ rgyal po chen chen thub kyi bu tsha rgyud dang / che bo dang / yang tsha'i rgyud kyi rgyal po sum khri nyis stong gis grong khyer ma phebs 'bebs su rgyal srid kyi dbang phyug la dbang byas so/ / de dag gi 'og tu rgyal po rgyal ba po zhes bya ba byung ste/ rgyal po rgyal ba po'i bu tsha rgyud dang / tsha bo dang / yang tsha'i rgyud kyi rgyal po khri nyis stong gis ka na ku ba dza'i grong khyer du rgyal srid kyi dbang phyug la dbang byas so// de dag gi 'og tu rgyal po rgyal ba'i sde zhes bya ba byung ste rgyal po rgyal ba'i sde'i bu tsha rgyud dang / tsha bo dang / yang tsha'i rgyud kyi rgyal po khri brgyad stong gis grong khyer tsam par rgyal srid kyi dbang phyug la dbang byas so// de dag gi 'og tu rgyal po klu lha zhes bya ba byung ste/ rgyal po klu lha'i bu tsha rgyud dang / tsha bo dang / yang tsha'i rgyud kyi rgyal po nyi khri lnga stong gis ta ma la'i ta'i grong khyer du rgyal srid kyi dbang phyug la dbang byas so// de dag gi 'og tu rgyal po ma'i lha zhes bya ba byung ste/ rgyal po mi'i lha'i bu tsha rgyud dang / tsha bo dang / yang tsha'i rgyud kyi rgyal po nyi khri lnga stong gis yang ta ma la bi ta'i grong khyer du rgyal srid kyi dbang phyug la dbang byas so/ / de dag gi 'og tu rgyal po dug can pa'i lha zhes bya ba byung ste/ rgyal po dug can pa'i lha'i bu tsha rgyud dang / tsha bo dang / yang tsha'i rgyud kyi rgyal po khri brgyad stong gis grong khyer song ldan du rgyal srid kyi dbang phyug la dbang byas so/ / de dag gi 'og tu rgyal po blo bzang zhes bya ba byung ste/ rgyal po blo bzang gi bu tsha rgyud dang / tsha bo dang / yang tsha'i rgyud kyi rgyal po nyi khri chig stong gis grong khyer rgyal po'i khab tu rgyal srid kyi dbang phyug la dbang byas so/ / de dag gi 'og tu rgyal po mun sel ces bya ba byung ste/ rgyal po mun sel gyi bu tsha rgyud dang / tsha bo dang / yang tshad rgyud kyi rgyal po brgyas grong khyer wA ra NA sir rgyal srid kyi dbang phyug la dbang byas so/ / de dag gi 'og tu rgyal po dbang chen sde zhes bya ba byung ste/ rgyal po dbang chen sde'i bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis grong khyer ku shi ldan du rgyal srid kyi dbang phyug la dbang byas so// de dag gi 'og tu rgyal po rgya mtsho lha zhes bya ba byung ste/ rgyal po rgya mtsho'i lha'i bu tsha rgyud dang / tsha bo dang / yang tsha'i rgyud kyi rgyal po stong gis yang grong khyer gru 'dzin du rgyal srid kyi dbang phyug la dbang byas so// de dag gi 'og tu rgyal po dka' thub spyod ces bya ba byung ste/ rgyal po dka' thub spyod kyi bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis yang grong khyer ku shi ldan du rgyal srid kyi dbang phyug la dbang byas so// de dag gi 'og tu rgyal po sa gso zhes bya ba byung ste/ rgyal po sa gso'i bu tsha rgyud dang / tsha bo dang / yang tsha'i rgyud kyi rgyal po stong gis yang grong khyer wA ra NA sa ri rgyal srid kyi dbang phyug la dbang byas so// de dag gi 'og tu rgyal po sa bdag ces bya ba byung ste/ rgyal po sa bdag gi bu cha rgyud dang / tsha bo dang / yang tsha'i rgyud kyi rgyal po stong gis yang grong khyer 'thab med du rgyal srid kyi dbang phyug la dbang byas so// de dag/ gi 'og tu rgyal po sa 'dzin ces bya ba byung ste/ rgyal po sa 'dzin gyi bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis yang 'dres pa'i grong khyer du rgyal srid kyi dbang phyug la dbang byas so/ / de dag gi 'og tu rgyal po lha chen po zhes bya ba byung ste/ rgyal po lha chen po'i bu tsha rgyud dang / tsha bo dang / yang tsha'i rgyud kyi rgyal po brgyad khri bzhi stong gis yang grong khyer 'dres par yang rgyal srid kyi dbang phyug la dbang byas so/ / thams cad kyang 'dres pa de nyid dang / lha chen pos a ma tshil de nyid du rgyal po'i drang srong du gyur te/ drang srong gis tshangs par spyod pa spyad do/ / de dag gi 'og tu rgyal po nges mkhyen zhes bya ba byung ngo // nges mkhyen gyi bu ni mu khyud do// mu khyud kyi bu ni mu khyud brtan no// mu khyud brtan gyi bu ni chen po che'o// tshan po tsheche'i bu ni za ba'o/ / za ba'i bu ni nye za ba'o// nye za'i bu ni za ba can no// za ba can gyi bu ni za ldan no// za ldan gyi bu ni gya nom snang ngo // gya nom snang gi bu ni mnyam lnga'o// mnyam lha'i bu ni thos pa'i sde'o/ / thos pa'i sde'i bu ni chos kyi sde'o// chos kyi sde'i bu ni rtogs pa'o// rtogs pa'i bu ni rtogs chen no// rtogs chen gyi bu ni rtogs sde'o// rtogs sde'i bu ni mya ngan med do// mya ngan med pa'i bu ni mya ngan dang bral lo/ / mya ngan dang bral ba'i bu ni mtshams brtan no// mtshams brtan gyi bu ni rgan mtshams so// rgan mtshams kyi bu ni dun du ma ra'o// dun du ma ra'i bu ni skya reng ngo // skya reng gi bu ni phyogs bdag go/ phyogs bdag gi bu ni brtul bzang ngo // brtul bzang gi bu ni bde byed do// bde byed kyi bu ni kun dga' 'o// kun dga'i bu ni me long zhal lo// me long zhal gyi bu ni skyed pa'o/ / skyed pa'i bu ni rgyal ba'i khyu mchog go// rgyal ba'i khyu mchog gi bu ni bza' btung ldan no// bza' btung ldan gyi bu ni bza' btung mod do// bza' btung mod kyi bu ni thub med do// thub med kyi bu ni gzhan gyis mi thub pa'o// gzhan gyis mi thub pa'i bu ni brtan pa'o// brtan pa'i bu ni rab brtan no// rab brtan gyi bu ni stobs po che'o// stobs po che'i bu ni bzhon pa mang ngo // bzhon pa mang ba'i bu ni blo bzang ngo // blo bzang gi bu ni brtan bzhon no// brtan bzhon gyi bu ni gzhu bcu'o// gzhu bcu pa'i bu ni gzhu brgya'o// gzhu brgya pa'i bu ni gzhu dgu bcu pa'o// gzhu dgu bcu pa'i bu ni rnam par rgyal ba'o/ / rnam par rgyal ba'i bu ni rnam par rgyal ba'i gzhu'o// rnam par rgyal ba'i gzhu'i bu ni gzhu bkra'o// gzhu bkra'i bu ni gzhu sra'o// gzhu sra'i bu ni gzhu brtan no/ / gzhu brtan gyi bu ni shing rta bcu pa'o// shing rta bcu pa'i bu ni shing rta brgya'o// shing rta brgya pa'i bu ni shing rta dgu bcu pa'o// shing rta dgu bcu pa'i bu ni shing rta sna tshogs pa'o// shing rta sna tshogs pa'i bu ni shing rta rnam pa sna tshogs pa'o/ / shing rta rnam pa sna tshogs pa'i bu ni shing rta snying po'o// shing rta snying po'i bu ni shing rta brtan pa'o// rgyal po shing rta brtan pa'i bu tsha rgyud dang tsha bo dang / yang tsha'i rgyud kyi rgyal po bdun khri bdun stong gis grong khyer legs par snang du rgyal srid kyi dbang phyug la dbang byas so// de dag gi 'og tu rgyal po nam mkha'i bdag po zhes bya ba byung ste/ rgyal po nam mkha'i bdag po'i bu ni klus bsrungs so// rgyal po klus bsrungs kyi bu tsha rgyud dang / tsha bo dang / yang tsha'i rgyud kyi rgyal po brgyas grong khyer wA ra NA sir rgyal srid kyi dbang phyug la dbang byas so/ / de dag gi 'og tu rgyal po kri kr-i zhes bya ba byung ste/ de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs 'jig rten du byung ste/ der byang chub sems dpas bcom ldan 'das yang dag par rdzogs pa'i sangs rgyas 'od srungs las/ ma 'ongs pa'i dus su byang chub pa'i phyir smon lam btab cing / tshangs par spyod pa spyad nas dga' ldan gyi lha'i ris su skyes te/ de de na tshe'i tshad ji srid pa de srid du gnas so// rgyal po kri kri'i bu ni legs par skyes zhes bya bar gyur to// rgyal po legs skyes kyi bu tsha rgyud dang / tsha bo dang / yang tsha'i rgyud kyi rgyal po brgyas yang grong khyer gru 'dzin du rgyal srid kyi dbang phyug la dbang byas so// de dag gi 'og tu rgyal po rna ba zhes bya ba byung ste/ rgyal po rna ba'i bu go'u ta ma dang / ba ra dwA dza gnyis so// de gnyis la go'u ta ma'i bu ni bu ram shing pa zhes bya'o// rgyal po bu ram shing pa'i bu tsha rgyud dang / tsha bo dang / yang tsha'i rgyud bu ram shing ba'i rgyal po brgyas yang grong khyer gru 'dzin du rgyal srid kyi dbang phyug la dbang byas so/ / de dag gi 'og tu rgyal po 'phags skyes po byung ste/ rgyal po 'phags skyes po'i bu bzhi la 'di lta ste/ bzhin 'bar dang / lag rna dang / glang chen 'dul dang / rkang gdub can rnams te/ rkang gdub can gyi bu ni gnas 'jog go/ gnas 'jog gi bu ni ban lang gnas so// ban lang gnas kyi bu ni seng ge 'gram dang / seng ge sgra gnyis so// seng ge 'gram gyi bu bzhi la 'di lta ste/ zas gtsang dang / zas dkar dang / bre bo zas dang / bdud rtsi zas so// bu mo ni gtsang ma dang / dkar mo dang / bre mo ma dang / bdud rtsi ma rnams so// zas gtsang gi bu gnyis la/ bcom ldan 'das dang / tshe dang ldan pa dga' bo'o// zas dkar gyi bu gnyis la/ tshe dang ldan pa rgyal ba dang / bzang ldan no// bre bo zas kyi bu gnyis la/ ming chen dang / ma 'gags pa'o// bdud rtsi zas kyi bu gnyis la/ tshe dang ldan pa kun dga' bo dang / lha sbyin no// bdud rtsi ma'i bu ni bzhi len no// bcom ldan 'das kyi bu ni sgra gcan zin no// de ltar na mang pos bkur ba'i rgyud ni sgra gcan zin la thug cing / sgra gcan zin du zad de/ sgra gcan zin gyis mjug bcad nas/ srid pa'i lugs chad cing skye ba'i rgyu zad do// nga srid par skye ba med do// 'jig rten bzhag pa las tshigs bcu gcig pa'o// / bam po bdun pa/ sdom la/ rlung dang chu/ dang sa gzhi dang // nang dang phyi yi rgya mtsho dang // ri rab kyi ni ngos rnams dang // rtse mo bang rim ri rnams te// sa ni ji ltar byung ba dang // rlung dang chu ni rab gnas pa// de dag thams cad rims bzhin du// rab tu bshad kyis rtogs par gyis/ / gang la chu ni rab gnas pa'i// rdzing rlung phyed pa'i rlung mar ni// nam mkha' las ni ldang bar 'gyur// rlung dang sa dang chu rnams dang // ri dang gling ni bzhi po rnams// chu mig mtsho dang 'bab pa dang / / nya mig 'dzin khri gang ba yi// rgya mtsho chen po yangs pa dang // 'byor cing rgyas pa'i ljongs dang ni// grong dag dang ni grong khyer rnams// de dag thams cad sa chen la// rims kyis su ni rab tu gnas/ / nam mkha' gang la rlung gi dkyil 'khor gnas pa yis/ rlung gi dkyil 'khor de'i rngams su ni dpag tshad sa ya gcig dang drug 'bum yod de/ rgyar ni grangs med tshad med do// rlung gi dkyil 'khor gang la chu'i dkyil 'khor gnas pa'i chu'i dkyil 'khor de'i rngams su ni dpag tshad brgyad 'bum yod do// rgyar ni dpag tshad sa ya gcig dang nyis 'bum bzhi brgya lnga bcu yod do// mtha' skor du ni dpag tshangs ya phrag gsum dang / drug 'bum sum brgya lnga bcu yod do// chu'i dkyil 'khor gang la gser gyi sa gzhi chen po gnas pa'i gser gyi sa gzhi chen po de'i rngams su ni dpag tshad sum 'bum nyi khri yod do/ / rgyar ni dpag tshangs la gcig dang nyis 'bum bzhi brgya lnga bcu yong do// mtha' skor du ni dpag tshang sa la phrag gsum dang / drug 'bum sum brgya lnga bcu yod do// nang gyi rgya mtsho chen po ni chur dpag tshad nyis 'bum bzhi khri/ zheng du yang dpag tshad nyis 'bum bzhi khri yod do// mtha' skor du ni dpag tshad dgu 'bum drug khri yod do// zabs su ni dpag tshad brgyad khri yod de/ gser gyi sa gzhi chen po la rten no// phyi rol gyi rgya mtsho chen po ni zheng du gling ma gtogs par dpag tshad sum 'bum nyi khri yod do// gling gtogs par ni zheng du dpag tshad sum 'bum nyi khri nyis stong yod do/ / chur ni yang de dang 'dra'o// mtha' skor du ni tshad med do// zabs su dpag tshad brgyad khri yod de/ gser gyi sa gzhi chen po la brten to// ri'i rgyal po chen po ri rab ni dpag tshad brgyad khri ni thur du gser gyi sa gzhi chen po la brten to/ / dpag tshad brgyad khri ni chu las gyen du 'phags te/ 'phang du dpag tshad 'bum drug khri yod do// chur ni dpag tshad brgyad khri/ zheng du yang dpag tshad brgyad khri yod do/ / mtha' skor du ni dpag tshad sum 'bum nyi khri yod do// dbyibs legs shing blta na sdug la mdzes pa rin po che sna bzhi las grub pa yin te/ de la sum cu rtsa gsum pa'i lha rnams gnas so/ / ri'i rgyal po ri rab kyi ngos ni bzhi yod de// shar phyogs kyi ngos dang / lho phyogs dang / nub phyogs dang / byang phyogs kyi ngos so// shar phyogs kyi ngos ni shel las grub pa'o/ / lho phyogs kyi ngos ni bai DUR+Ya las grub pa'o// nub phyogs kyi ngos ni dngul las grub pa'o// byang phyogs kyi ngos ni gser las grub pa'o// ri'i rgyal po ri rab kyi rtse mo ni bzhi yod de/ / shar phyogs kyi rtse mo dang / lho phyogs kyi rtse mo dang / nub phyogs kyi rtse mo dang / byang phyogs kyi rtse mo'o// shar phyogs kyi rtse mo ni chur dpag tshad brgya nyi shu rtsa lnga zheng du yang dpag tshad brgya nyi shu rtsa lnga/ mtha' skor du dpag tshad lnga brgya yod do// dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing blta na sdug la mdzes pa shel las grub pa ste/ de na gnod sbyin lag na rdo rje rnams gnas so// lho phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa lnga/ mtha' skor du dpag tshad lnga brgya yod do/ / dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing blta na sdug la mdzes pa bai DUR+Ya las grub ste/ de na gnod sbyin lag na rdo rje rnams gnas so/ / nub phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa lnga/ mtha' skor du dpag tshad lnga brgya yod do// dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing blta na sdug la mdzes pa dngul las grub pa ste/ de na gnod sbyin lag na rdo rje rnams gnas so// byang phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa lnga/ mtha' skor du dpag tshad lnga brgya yod do// dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing blta na sdug la mdzes pa gser las grub pa ste/ de na gnod sbyin lag na rdo rje rnams gnas so// ri'i rgyal po ri rab kyi bang rim ni bzhi yod de/ bang rim dang po dang / gnyis pa dang / gsum pa dang / bzhi pa'o// bang rim dang po ni chu las dpag tshad khris gyen du 'phags la/ ri'i rgyal po ri rab las dpag tshad khri drug stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na lag na yol go thogs kyi lha rnams gnas so// bang rim gnyis pa ni bang rim dang po las dpag tshad khris gyen du 'phags la/ ri'i rgyal po ri rab las dpag tshad brgyad stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na 'phreng thogs kyi lha rnams gnas so// bang rim gsum pa ni bang rim gnyis pa las dpag tshad khris gyen du 'phags la/ ri'i rgyal po ri rab las dpag tshad bzhi stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na rtag tu myos pa'i lha rnams gnas so// bang rim bzhi pa ni bang rim gsum pa las dpag tshad khris gyen du 'phags te/ ri'i rgyal po ri rab dag las dpag tshad nyis stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na rgyal po chen po bzhi po rnams gnas so// ri'i rgyal po gnya' shing 'dzin ces bya ba ni ri'i rgyal po ri rab nas dpag tshad brgyad khri bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad bzhi khri ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal po chen po bzhi pa'i lha rnams kyi grong dang / grong khyer dang / ljongs gnas so// ci'i phyir ri'i rgyal po gnya' shing 'dzin ces bya zhe na/ smras pa/ ri'i rgyal po gnya' shing 'dzin gyi rtse mo dbyibs legs shing blta na sdug la mdzes pa ni/ dper na shing rta'i gnya' shing bzhin te/ de bas na ri'i rgyal po gnya' shing 'dzin ces bya'o// ri'i rgyal po gshol mda' 'dzin ces bya ba ni/ ri'i rgyal po gnya' shing 'dzin nas dpag tshad bzhi khri bor te/ dpag tshad brgyad khri ni chu'i 'og gser gyi sa gzhi chen po la brten no/ / dpag tshad nyi khri ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal po chen po bzhi'i lha rnams kyi grong dang / grong khyer dang / ljongs gnas so// de ci'i phyir ri'i rgyal po gshol mda' 'dzin ces bya zhe na/ smras pa/ ri'i rgyal po gshol mnga' 'dzin gyi rtse mo dbyibs legs shing blta na sdug la mdzes pa ni/ dper na gshol mnga' bzhin te/ de bas na ri'i rgyal po gshol mda' 'dzin ces bya'o// ri'i rgyal po seng ldeng can zhes bya ba ni/ ri'i rgyal po gsho la mda' 'dzin nas dpag tshad nyi khri bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad khri ni chu las gyen du 'phags so/ / zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i grong dang / grong khyer dang / ljongs gnas so// ci'i phyir ri'i rgyal po seng ldeng can zhes bya zhe na/ smras pa/ ri'i rgyal po seng ldeng can gyi phyogs de dang de dag na/ ji ltar gser gyi seng ldeng yod pa de bzhin du/ ri gzhan dag la med de/ de bas na ri'i rgyal po seng ldeng can zhes bya'o/ / ri'i rgyal po blta na sdug ces bya ba ni/ ri'i rgyal po seng ldeng can nas dpag tshad khri bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad lnga stong ni chu las gyen du 'phags so/ / zheng du yang de dang 'dra ste/ dbyibs legs shing blta na sdug la mdzes pa gser khas grub pa ste/ de na rgyal chen bzhi pa'i lha rnams kyi grong dang / grong khyer dang / ljongs gnas so// ci'i phyir ri'i rgyal po blta na sdug ces bya zhe na/ smras pa/ ri'i rgyal po blta na sdug gi rtse mo dbyibs legs shing blta na sdug la mdzes pa bzhin du ri gzhan dag la med de/ de bas na ri'i rgyal po blta na sdug ces bya'o// ri'i rgyal po rta rna ri zhes bya ba ni/ ro'i rgyal po blta na sdug nas dpag tshad lnga stong bor te/ dpag tshad brgya pa tha ni chu'i 'og gser gyi sa gzhi chen po la brten to/ / dpag tshad nyis stong lnga brgya ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang / grong khyer dang / ljongs gnas so// ci'i phyir ri'i rgyal po rta rna ri zhes bya zhe na/ smras pa/ ri'i rgyal po rta rna ri'i rtse mo dbyings legs shing blta na sdug la mdzes pa ni/ dper na rta'i rna ba bzhin te/ de bas na ri'i rgyal po rta rna ri zhes bya'o// ri'i rgyal po rnam par 'dud ces bya ba ni/ ri'i rgyal po rta rna ri nas dpag tshad nyis stong lnga brgya bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad stong nyis brgya lnga bcu ni chu las gyen du 'phags so// zheng du yang de dang 'dra ste/ dbyibs leg shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang / grong khyer dang / ljongs gnas so// ci'i phyir ri'i rgyal po rnam par 'dud ces bya zhe na/ smras pa/ ri'i rgyal po rnam par 'dud kyi rtse mo dpa' zhing 'dud pa ni/ dper na sman ru bzhin te/ de bas na ri'i rgyal po rnam par 'dud ces bya'o// ri'i rgyal po mu khyud 'dzin ces bya ba ni/ ri'i rgyal po rnam par 'dud nas dpag tshad stong nyis brgya lnga bcu bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad drug brgya nyi shu rtsa lnga ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang / grong khyer dang / ljongs gnas so// ci'i phyir ri'i rgyal po mu khyud 'dzin ces bya zhe na/ smras pa/ ri'i rgyal po mu khyud 'dzin gyi rtse mo dbyibs legs shing blta na sdug la mdzes pa ni/ dper na shing mu khyud 'dzin bzhin te/ de bas na ri'i rgyal po mu khyud 'dzin ces bya'o/ / ri'i rgyal po khor yug gi ri zhes bya ba ni phyi rol gyi rgya mtsho bor te/ dpag tshad brgyad khri ni chu'i 'og gser gyi sa gzhi chen po la brten to// dpag tshad sum brgya rtsa phyed dang bcu gsum ni chu las gyen du 'phags so/ / zheng du yang de dang 'dra ste/ dbyibs legs shing blta na sdug la mdzes pa lcags las grub pa ste/ de na gnod sbyin gos sngon po can rnams gnas so// ci'i phyir ri'i rgyal po khor yug ri zhes bya zhe na/ smras pa/ ri'i rgyal po khor yug ri'i phyogs de dang de dag na ji ltar gser gyi 'khor lo yod pa bzhin du/ ri gzhan dag la med pa dang / gzhan yang ri'i rgyal po khor yug ris gling bzhi pa 'di 'khor lo'i tshul du bskor te/ de bas na ri'i rgyal po khor yug ri zhes bya'o// gnya' shing 'dzin gyi 'phang du ni/ dpag tshad bzhi khri yod par bstan// gshol mnga' 'dzin ni nyi khri ste/ / khri ni seng ldeng can gyi ri// blta na sdug gi 'phang du ni// dpag tshad lnga stong yod par bstan// dpag tshad nyis stong lnga brgyar ni// rta rna ri'i mngon par 'phagra// stong dang nyis brgya lnga bcu yis// grangs snyed rnam par 'dud pa 'phags// mu khyud 'dzin gyi 'phang du ni// drug brgya nyi shu rtsa lngar bstan// rgya mtsho 'di yi pha rol na// rgya mtsho gang gis bskor ba yi// khor yug dpag tshad sum brgya dang // dpag tshad phyed dang bcu gsum yod// de ni khor yug rir bshad de// 'jig rten bar mtshams phan chad du// nyi zla de bzhin skar ma dang // rgyu skar tshegs rnams rgya chen kun/ / khor yug mi 'da' 'jig rten gyi// bar mtshams phan chad mun par 'dug/ mu khyud 'dzin dang rnam par 'dud// de bzhin rta rna ri dang ni// blta na sdug dang seng ldeng can// gshol mda' 'dzin dang gnya' shing 'dzin/ / ri bo de dag bdun po rnams// ri yi mchog ste gser las grub// ri rab la sogs ri bo rnams// de dag gser gyi gzhi la brten// 'jig rten bzhag pa las tshigs bcu gnyis pa'o/ / sdom la/ rol mtsho rgyal po'i pho brang 'khor// gling de dag dang gling phran rnams// steng dang 'og na sdig bral gyi// shes pas nyams su myong ba yod/ ri'i rgyal po gnya' shing 'dzin dang / ri'i rgyal po gshol mda' 'dzin gyi bar de'i skabs na/ gnya' shing 'dzin gyi rol mtsho zhes bya ba yod de/ zabs su dpag tshad brgyad khri yod la/ gser gyi sa gzhi chen po la brten to// zheng du dpag tshad bzhi khri yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go/ / ri'i rgyal po gshol mda' 'dzin dang / ri'i rgyal po seng ldeng can gyi bar de'i skabs na/ gshol mda' 'dzin gyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa ga zhi chen po la brten to// zheng du ni dpag tshad nyi khri yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go/ / ri'i rgyal po seng ldeng can dang / ri'i rgyal po blta na sdug gi bar skabs na/ seng ldeng can gyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ / zheng du dpag tshad khri yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go/ ri'i rgyal po blta na sdug dang / ri'i rgyal po rta rna'i bar de'i skabs na/ blta na sdug gi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to// zheng du ni dpag tshad lnga stong yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go// ri'i rgyal po rta rna ri dang ri'i rgyal po rnam par 'dud kyi bar de'i skabs na/ rta rna ri'i rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to// zheng du ni dpag tshad nyis stong lnga brgya yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go// ri'i rgyal po rnam par 'dud dang / ri'i rgyal po mu khyud kyi bar de'i skabs na/ ri'i rgyal po rnam par 'dud kyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ / zheng du ni dpag tshad stong nyis brgya lnga bcu yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go/ gnya' shing 'dzin gyi rol mtsho yi// mtshams na gnya' shing 'dzin gyi ri// gshol mda' 'dzin gyi rol mtsho yi// mtshams na gshol mda' 'dzin gyi ri// seng ldeng can gyi rol mtsho yi// pha rol seng ldeng can gyi ri// blta na sdug gi rol mtsho yi// bar mtshams na ni blta na sdug/ rta rna ri yi rol mtsho yi// bar mtshams na ni rta rna ri// rnam par 'dud kyi rol mtsho yi// pha rol ri bo rnam par 'dud/ / mu khyud 'dzin gyi rol mtsho yi// bar mtshams na ni mu khyud 'dzin// chu 'dzin rol mtshe bdun po rnams// dang ba'i bai DUR+Ya mchog bzhin// rab tu bsil ba'i chu dag dang // sbrang rtsi lta bu'i chus kyang gang // me tog dus kyi rjes 'brang bas// rol mtsho mdzes byas rgya spos 'khrung // de bzhin bal bu spang spos dang // sman ni sna tshogs dag gis gang // de bzhin 'jig shing lus che ba/ / drag cing mi bzad 'dug pa yi// klu yi rgyal po rnams kyis rgyus// rol mtsho bdun po yid 'ong ba// ri bo dag gi 'od rnams dang // nyi ma'i 'od zer rnams kyis kyang // nyi ma 'char ka thang cig tsam// phyogs bcu dag tu lam ma snang // gser gyi ri bo bdun po yis// rol mtsho bdun po kun nas bskor// ri rnams gtso bo ri rab ni// rtse mo bris pa bzhin du 'phags/ / ri'i rgyal po ri rab kyi shar phyogs kyi ri'i rgyal po gnya' shing 'dzin gyi steng na/ rgyal po yul 'khor srung gi pho brang 'khor yul 'khor srung zhes bya ba zhig yod de/ chur dpag tshad nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod la/ dbyibs legs shing blta na sdug la mdzes shing gser gyi ra bas bskor te/ ra bas 'phang du dpag tshad phyed yod de/ rab de dag gi rtsig skyabs gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi yod do// mda' yab dang / zam pa rgyud ma rnam pa bzhi yod de/ de dag nang gi sa gzhi dbyibs legs shing blta na sdug la mdzes te/ bris shing legs par bris pa tshon sna brgya rtsa gcig gis bris pa ste/ 'jam zhing shin tu @'jam pa ni/ dper na shing bal gyi la ba 'am/ ras bal gyi lab bzhin te/ rkang pa bzhag na ni nams zhes byed/ rkang pa bteg na ni bar zhes byed la/ me tog man+da ra ba dag gis pus mo nub pa tsam du yongs su khebs te/ mi ma yin pa rnams kyi rlung ga mthus me tog rnying pa rnams ni 'dor bar byed/ me tog gsar pa rnams ni legs par 'grems te/ 'di skad du/ yul 'khor srung gi bsod nams dbang gi mthus/ yul 'kho// srung gi grong khyer rlung chen ldang // me tog rnying pa rnams ni 'dor bar byed// me tog gsar pa rnams ni legs par 'grems// zhes kyang bya'o// de'i nang na lam srang chur dpag tshad nyis brgya lnga bcu/ zheng du dpag chad phyed dang gnyis pa zhig yod de/ dbyibs legs shing blta na sdug la mdzes pa gser gyi phye ma bdal zhing / tsan dan gyi chus chag chag btab pa/ de'i glo g.yas g.yon na rdzing bu byas pa dag yod de/ rdzing bu de dag 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag gi phyogs bzhin/ them skas byas pa dag yod de/ them skas de dag kyang 'di lta ste/ gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsegs so// rdzing bu de dag kyang lan kan rnam pa bzhis skor ro// dbyibs legs shing blta na sdug la mdzes pa/ chub sil zhing chu sbrang rtsi lta bus gang ste/ me tog sut+pa la dang / pad+ma dang / ku mu ta dang / pad+ma dkar pos yongs su khebs te/ chu nas skyes pa'i bya sna tshogs skad snyam cing 'jebs pa dang / skad yid du'o ba dang / skad bzhen pa dang / 'dod dgur sbyar ba'i gzugs mas dang snyan pa 'byin to// rdzing bu de dag gi nyin kor na me tog gi shing dang / 'bras bu'i shing yod pa rnams legs par skyes shing dbyings legs la yongs su grub pa ste/ de dag 'phreng bar bkod pa bzhin du gyur pa ni/ dper na me tog 'phreng rgyud dam/ me tog 'phreng rgyud kyi slob ma mkhas pas 'phreng ba tha gu la brgyus pa dang / me tog gi na rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sbyar ba'i gzugs can dag skad snyan pa 'byin/ to// de dag gi nye 'khor na dpag bsams kyi shing sngon po dang / ser po dang / dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar po rnam pa bzhi yod do// dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// lag rgyan dang / rkang rgyan dang / rgyan snang ba dang / mi snang ba rnams 'byung ba'i rgyan gyi shing rnam pa bzhi yod de/ lha 'am lha'i bu mo dag gis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro/ / rol mo'i cha byang sna tshogs pi wang dang / gling bu dang / pi wang rgyud gsum pa dang / 'kha rnga dang / hab shang rnams 'byung ba'i shing dag yod de/ lha 'am/ lha'i bu mo rnams kyis ji lta bur 'dod par sems bskyed ma thag tu de lta bu de dag gi lag tu 'ong bar 'gyur ro/ / bdud rtsi rnam pa bzhi dang / sbrang rtsi dang / sbrang char gi btung ba dag kyang yod do// yang thog rnams dang / khang pa brtsegs pa rnams dang / khyim rnams dang khang bzangs rnams dang / bsil khang rnams dang / ltad mo lta ba'i sa rnams dang / zam pa rnams bud med kyi tsho gas kyis mdzes par byas shing lha'i bu mo mang pos bsten pa dang / sil snyan dang / pheg rdob pa dag gi sgra snyan pa sgrogs pa dang / ji sna tshogs kyis legs par bsgos pa dang / kha zas dang / btung ba dang ldan pa yod de/ de na rgyal po chen po yul 'khor srung 'khor dang bcas pa rtse zhing dga' dgur spyod de/ rang gi las kyi 'bras bu nyams su myong ngo // ri'i rgyal po ri rab kyi lho phyogs na ri'i rgyal po gnya' shing 'dzin gyi steng na/ rgyal po chen po 'phags skyes po'i pho brang 'khor 'phags par skyes zhes bya ba zhig yod de/ / chur dpag tshad nyis brgya lnga bcu/ zheng du yang dpag tshad nyis brgya lnga bcu// mtha' skor du dpag tshad stong yod la/ dbyibs legs shing blta na sdug la mdzes pa ste/ gser gyi ra bas bskor la/ ra ba'i 'phang du dpag tshad phyed yod de/ snga ma bzhin du rgyas par brjod par bya'o// ri'i rgyal po ri rab kyi nub phyogs kyi ri'i rgyal po gnya' shing 'dzin gyi steng na/ rgyal po chen po mig mi bzang gi pho brang 'khor sna tshogs gzugs zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mtha' skor du dpag tshad stong yod la/ dbyibs legs shing blta na sdug la mdzes pa ste/ snga ma bzhin du thams cad brjod par bya'o// ri'i rgyal po ri rab kyi byang phyogs na ri'i rgyal po gnya' shing 'dzin gyi steng na/ rgyal po chen po rnam thos kyi bu'i pho brang lcang lo can zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mtha' skor du dpag tshad stong yod de/ dbyibs legs shing blta na sdug la mdzes pa ste/ snga ma bzhin du thams cad brjod par bya'o// dri za dag gi dbang po'i rgyal// shar gyi phyogs rnams skyong byed pa// rgyal po chen po yul 'khor srung / grong khyer yul 'khor srung na gnas// grul bum dag gi dbang po'i rgyal// lho yi phyogs rnams skyong byed pa// rgyal po chen po 'phags skyes po// grong khyer 'phags par skyes na gnas// klu rnams kyi ni bdag po'i rgyal// nub kyi phyogs rnams skyong byed pa// rgyal po chen po mig mi bzang // grong khyer sna tshogs gzugs na gnas// gnod sbyin rnams kyi bdag po'i rgyal// byang gi phyogs rnams skyong byed pa/ / rgyal po chen po rnam thos bu// grong khyer lcang lo can na gnas// shar phyogs na ni gnas srungs po// lho phyogs na ni 'phags skyes po// nub phyogs na ni mig mi bzang / / byang phyogs na ni ku be ra// rgyal po chen po 'di bzhi dag/ 'jig rten skyong ba gzi brjid ldan// phyogs bzhi dag ni skyong ba ste// rdzu 'phrul che la stobs kyang che// de dag tshogs ni gsum po rnams/ / bsrung ba'i phyir ni spro ba ste// sum cu rtsa gsum lha rnams dang // sangs rgyas bde ba gzigs pa dang // 'khor lo chos bzhin bskor ba yi// ljongs kyi bdag po gang yin pa/ / 'khor lo sgyur ba'i de la yang // bsrung ba'i phyir ni spro ba yin// ri'i rgyal po ri rab kyi shar phyogs kyi phyi rol gyi rgya mtsho chen po na/ shar gyi lus 'phags zhes bya ba'i gling nang rgya che la/ phyi rol zla gam ltar grub pa yod de/ dpag tshad brgyad khri ni thur du gser gyi sa gzhi chen po la brten to// steng ni chu dang mnyam par 'dug ste/ shar gyi lus 'phags po'i gling gi ngos nang gi ring po gang yin pa de la ni dpag tshad nyis stong yod de/ nang gi thung ngu gang yin pa de la ni dpag tshad sum brgya lnga bcu yod do// mtha' skor du ni dpag tshad drug stong sum brgya lnga bcu yod du/ dbyibs legs shing blta na sdug la mdzes pa sa las grub pa ste/ de na shar gyi lus 'phags po'i mi rnams kyi grong dang / grong rdal dang / grong khyer dang / yul 'khor dang / pho brang 'khor gnas so// ri'i rgyal po ri rab kyi lho phyogs kyi phyi rol gyi rgya mtsho chen po na/ 'dzam bu gling zhes bya ba'i gling nang rgya che la phyi rol shing rta'i dbyibs ltar grub pa yod de/ dpag tshad brgyad khri ni thur du gser gyi sa gzhi chen bo la brten no/ / steng ni chu dang mnyam par 'dug ste/ 'dzam bu gling gi ngos nang gi ring po gang yin pa de la ni dpag tshad nyis stong yod do// nang gi thung ngu gang yin pa de la ni dpag tshad phyed dang bzhi yod do// mtha' skor du dpag tshad drug stong yod de/ dbyibs legs shing blta na sdug la mdzes pa sa las grub pa ste/ de na 'dzam bu gling pa'i mi rnams kyi grong dang / grong rdal dang / grong khyer dang / yul 'khor dang / pho brang 'khor gnas so// ri'i rgyal po ri rab kyi nub phyogs kyi phyi rol gyi rgya mtsho chen po na/ nub kyi ba lang spyod ces bya ba'i gling nang rgya che la phyi rol kun nas zlum por grub pa yod de/ dpag tshad brgyad khri ni thur du gser gyi sa gzhi chen po la brten to// steng ni chu dang mnyam par 'dug ste/ nub kyi ba lang spyod kyi gling gi rgya ni dpag tshad nyis stong lnga brgya/ mtha' skor ni dpag tshad bdun stong lnga brgya yod de/ dbyibs legs shing blta na sdug la mdzes pa sa las grub pa ste/ de na nub kyi ba lang spyod pa'i mi rnams kyi grong dang / grong rdal dang / grong khyer dang / yul 'khor dang / rgyal po'i pho brang 'khor gnas so// ri'i rgyal po ri rab kyi byang phyogs kyi phyi rol gyi rgya mtsho chen po na/ byang gi sgra mi snyan ces bya ba'i gling nang rgya che la/ phyi rol gru bzhi lham par grub pa yod de/ dpag tshad brgyad khri ni thur du gser gyi sa gzhi chen po la brten to// steng ni chu dang mnyam par 'dug ste/ byang gi sgra mi snyan gyi gling gi chur dpag tshad nyis stong / zheng du yang dpag tshad nyis stong / mtha' skor du dpag tshad brgyad stong yod de/ dbyibs legs shing blta na sdug la mdzes pa sa las grub pa ste/ de ni byang gi sgra mi snyan pa'i mi rnams gnas so/ / gling phran brgyad yod pa la 'di lta ste/ lus dang / lus 'phags dang / rnga yab dang / rnga yang gzhan dang / g.yo ldan dang / nye ba'i g.yo ldan dang / sgra mi snyan dang / sgra mi snyan gyi zla rnams so// gling phran brgyad po 'di dag gi nang na/ bdun na ni mi rnams so// gcig na ni mi ma yin pa rnams gnas so// rgyal chen bzhi pa'i lha rnams ni 'og ma la shes pa'i mthong ba 'jug go/ / gong ma la ni ma yin te/ rdzu 'phrul lam/ gzhan gyi mthu ni ma gtogs so// de bzhin du sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa rnams dang / tshangs ris pa rnams dang / tshangs pa'i mdun na 'don pa rnams dang / tshangs pa chen po pa rnams dang / 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams skyes pa rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba po rnams kyang 'og ma la shes pa'i mthong ba 'jug gi/ gong ma la ma yin te/ rdzu 'phrul lam/ gzhan gyi mthu ni ma gtogs so// 'og min gyi lha rnams ni thams cad du shes pa'i mthong ba 'jug go// mnar med pa'i sems can dmyal ba chen po 'og gi gzhi ni/ 'di nas thur du dpag tshad bzhi khri la thug go/ / mnar med pa'i sems can dmyal ba chen po'i steng gi ngos ni 'di nas mar thur du dpag tshad nyi khri la thug go// de'i steng ni sems can dmyal ba chen po rab tu tsha ba 'dug go// de'i steng na sems can dmyal ba chen po tsha ba 'dug go/ / de'i steng na sems can dmyal ba chen po ngu 'bod chen po 'dug go// de'i steng na sems can dmyal ba chen po ngu 'bod 'dug go// de'i steng na sems can dmyal ba chen po bsdus gzhom 'dug go/ / de'i steng na sems can dmyal ba chen po thig nag 'dug go// de'i steng na sems can dmyal ba chen po yang sos 'dug ste/ sems can dmyal ba chen po brgyad po 'di dag ni mtho dman du rim pas gnas la/ lhag pa'i 'khor bcu drug bcu drug yod do// 'di nas dpag tshad bzhi khri'i steng na ni rgyal po chen po bzhi pa'i lha rnams 'dug go// rgyal po chen po bzhi pa'i lha rnams yan chad nas dang po yan chad kyi tshad ji tsam pa de srid na/ sum cu rtsa gsum pa'i lha rnams 'dug go// de bzhin du rgyas par bya ste/ dang po yan chad kyi tshad ji tsam pa de srid na/ gya nom snang ba'i lha rnamasa'adug go/ gya nom snang ba'i lha rnams yan chad nas/ dang po yan chad kyi tshad ni ji tsam pa de srid na/ shin tu mthong ba'i lha rnams 'dug go// shin tu mthong ba'i lha rnams yan chad nas/ dang po yan chad kyi ji tsam pa de sing na 'og min gyi lha rnams 'jug go/ / sprin ni brgyad yod de/ sprin nang gi mthon po gang yin pa de'i 'phang du ni dpag tshad phyed dang gnyis yod do// gnyis pa ni dpag tshad gcig dang dpag tshad kyi bzhi cha gcig go/ / gsum pa ni dpag tshad gcig go// bzhi pa ni dpag tshad gcig las bzhi cha gcig med pa'o// lnga pa ni dpag tshad phyed do// drug pa ni rgyang grags gcig go/ / bdun pa ni rgyang grags byed do// brgyad pa ni rgyang grags kyi bzhi cha gcig go// 'jig rten bzhag pa las tshigs bcu gsum pa'o// / gleng gzhi ni mnyan du yod pa na ste/ de nas bcom ldan 'das kyis/ dge slong rnams la bka' stsal pa/ dge slong dag gnod par 'gyur ba dang / gnod par 'gyur ba ma yin pa'i chos rnams bshad kyis/ de nyon la legs par shin tu yid la byos shig dang ngas bshad do/ / gnod par 'gyur ba'i chos rnams gang zhe na/ skyes pa 'am/ bud med gang yang rung ste/ 'chal pa'i tshul khrims can dang / sdig pa'i chos can lus kyi nyes par spyod pa dang ldan pa dang / ngag gi nyes par spyod pa dang ldan pa dang / yid kyi nyes par spyod pa dang ldan pa de ni/ gang gi tshe nad kyis thebs shing sdug bsngal bar gyur la/ nad tshabs chen pos btab nas/ khri'u la 'dug gam/ khri la 'dug gam/ sa la 'dug gam/ nyal yang rung ste/ lus kyi tshor ba sdug bsngal zhing mi bzad la rtsub cing tsha ba dang / yid du mi 'ong zhing srog gcod par byed pa rnams kyis thebs na/ de la sngon gyi lus kyi nyes par spyod pa dang / ngag gi nyes par spyod pa 'am/ yid kyi nyes par spyod pa yang rung ste/ gang byung ba de de'i tshe/ de la dmigs par 'gyur zhing cher dmigs la mngon par dmigs par 'gyur te/ dper na phye ma red kyi dus su ri chen po rnams sam/ ri'i rtse mo rnams kyi grib ma shong du 'bab cing cher 'bab ste/ mngon par 'bab par 'gyur ba de bzhin du de la sngon gyi lus kyi nyes par spyod pa 'am/ ngag gi nyes par spyod pa dang / yid kyi nyes par spyod pa yang rung ste/ gang byung ba de'i tshe de la dmigs par 'gyur zhing / cher dmigs la mngon par dmigs par 'gyur te/ de 'di snyam du kyi hud bdag gi sdig pa 'di lta ste/ lus dang / ngag dang / yid kyis byas so// kyi hud bdag gis bsod nams 'di lta ste/ lus dang / ngag dang / yid kyis ma byas so/ / sdig pa rnams byas pa dang / brlang po rnams byas pa dang / gdug pa rnams byas pa dang / bsod nams dag ma byas pa dang / dge ba dag ma byas pa dang / 'jigs pa dang skrag pa rnams kyi skyabs ma byas pa rnams kyi 'gro ba gang yin pa'i 'gro ba de dag tu tshe phyi ma la bgrod dgos so snyam du sems te 'gyod par 'gyur ro/ / dge slong dag 'gyod bzhin du 'chi ba ni legs pa ma yin no// dus byed pa ni legs pa ma yin no/ / tshe phyi ma ni legs pa ma yin no// de lus kyi nyes par spyod pa spyad cing / ngag dang / yid kyi nyes par spyod pa spyad pa las/ de'i rgyu dang de'i rkyen gyis lus dang bral te/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur te/ 'di ni gnod par 'gyur ba'i chos rnams zhes bya'o// gnod par 'gyur ba ma yin pa'i chos rnams gang zhe na/ skyes pa 'am/ bud med gang yang rung ste/ tshul khrims dang dge ba'i chos can lus kyi legs par spyod pa dang ldan pa dang / ngag gi legs par spyod pa dang ldan pa dang yid kyi legs par spyod pa dang ldan pa de ni/ gang gi tshe nad kyis thebs shing sdug bsngal bar gyur la/ nad tshabs chen pos btab nas/ khri'u la 'dug gam/ khri la 'dug gam/ sa la 'dug gam/ nyal yang rung ste/ lus kyi tshor ba sdug bsngal zhing mi bzad la rtsub cing tsha ba dang / yid du mi 'ong zhing srog gcod par byed pa rnams kyis thebs na/ de la sngon gyi lus kyi legs par spyod pa 'am/ ngag gis legs par spyod pa 'am/ yid kyi legs par spyod pa yang rung ste/ gang byung ba de de'i tshe de la dmigs par 'gyur zhing cher dmigs la mngon par dmigs par 'gyur te/ dper na phye ma red kyi dus su ri chen po rnams sam/ ri'i rtse mo rnams kyi grib ma shod du 'bab cing cher 'bab ste/ mngon par 'bab par 'gyur ba de bzhin du/ de la sngon gyi lus kyi legs par spyod pa 'am/ ngag gis legs par spyod pa 'am/ yid kyi legs par spyod pa yang rung ste/ gang byung ba de de'i tshe de la dmigs shing cher dmigs la mngon par dmigs par 'gyur te/ de 'di snyam du/ kye ma bdag gis bsod nams 'di lta ste/ lus dang / ngag dang / yid kyis byas so// kye ma bdag cag gis sdig pa 'di lta ste/ lus dang / ngag dang / yid kyis ma byas so// bsod nams dag byas pa dang / dge ba dag byas pa dang / 'jigs pa dang / skrag pa rnams kyi skyabs byas shing sdig pa'i las rnams ma byas pa dang / brlang po rnams ma byas pa dang / gdug pa rnams ma byas pa'i 'gro ba gang yin pa'i 'gro ba de dag tu tshe phyi ma la 'gro bar 'gyur ro snyam du sems te/ 'gyod pa med par 'gyur ro// dge slong dag 'gyod pa med par 'chi ba ni legs so// dus byed pa ni legs so/ / tshe phyi ma ni legs te/ de lus kyi legs par spyod pa spyad cing / ngag dang / yid kyi legs par spyod pa spyad nas/ de'i rgyu dang de'i rkyen gyis lus dang bral te/ shi ba'i 'og tu bde 'gro mtho ris kyi 'jig rten lha rnams kyi nang na skye bar 'gyur te/ 'di ni gnod par 'gyur ba ma yin pa'i chos rnams zhes bya'o// dge slong dag gnod par 'gyur ba ma yin pa'i chos rnams bshad par bya'o zhes ngas smras pa gang yin pa de bshad pa 'di yin no/ / bcom ldan 'das kyis de skad ces bka' stsal te/ bde bar gshegs pas de skad ces gsungs nas/ gzhan yang ston pas 'di skad du/ mi rigs 'tsho ba'i mi rnams kyis// 'dir ni gnod 'gyur rnams byas pa'i// 'gro ba phyi ma gang yin pa// dmyal 'gro de dag nga las nyon// yang sos dang ni thig nag dang // bsdus gzhom dang ni ngu 'bod/ gnyis// gzhan yang mnar med chen po dang // tsha ba dang ni rab tu tsha// dmyal ba brgyad po 'di dag ni// thar par dka' ba bstan pa ste// brlang ba'i las byas rnams kyi gang // re re'i 'khor ni bcu drug yod/ / cha bzhi dang ni sgo bzhir ldan// tsha ba'i nang ni rnam par phye// lcags kyi rabs kun nas bskor// lcags kyis sa ni shin tu khebs// lcags kyi sa gzhi rab tsha ba/ 'bar zhing gzi brjid ldan pa ste// dpag tshad brgya phrag du mar yang // me lce dag gis mched par gnas// 'jungs pa 'dul ba drag po ste// me lcer ldan zhing bsnyen par dka'// de dag ba spu slong ba'i gzugs/ / 'jigs shing 'jigs byed sdug bsngal ba// drang srong dag dang sdom can dang // dka' thub can la kha zer ba// rkang pa mtho zhing spyi'u tshugs su// dmyal ba der ni ltung bar 'gyur/ / dbang po nyams pa de dag 'tshed// nya ni skam la bor ba bzhin// de ltar nyes byas las byed pa// nyin dang mtshan du cho nges 'debs// de ni sgra chen rab tu sgrogs// 'phang mdung gis phog glang chen bzhin/ / lus kyi nyes pa spyad byas shing // ngag gi nyes pa spyod rnams dang // yid kyi nyes pa spyad byas nas// sems can dmyal ba rnams su skye// zhes gsungs so// sems can dmyal ba chen po yang sos zhes bya ba la ci'i phyir sems can dmyal ba chen po yang sos zhes bya zhe na/ smras pa/ sems can dmyal ba chen po yang sos su sems can gang skyes pa dang / kun tu skyes pa dang / byung ba dang / kun tu byung ba dang / phyin pa dang / mngon par grub pa dang / 'thon par 'gyur ba'i sems can de dag gi sdig pa mi dge ba'i las de'i rnam par smin pas/ lcags kyi ral gri rno zhing shin tu rnol spu gyen kar chod pa dag lag tu 'ong bar 'gyur ro/ / sems can de dag kyang sems can gcig gis gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ dper na rngon pas dgon pa'i ri dgas mthong na/ shas cher sdang ba'i sems dang / gsang pa'i sems nye bar gnas par 'gyur ba de bzhin du/ sems can dag sems can gcig la gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ de dag ral gri de dag gis gcig la gcig kun tu gcod cing kun tu phug ste/ kun tu gtub cing kun tu gshag/ par byed do// kun tu gtub cing kun tu gshag ste/ kun tu gtubs shing kun tu gshegs nas/ gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o// dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la/ de'i skabs kyang yod de/ 'di skad du sems can khyed rnams yang sos par gyur cig/ sems can khyed rnams yang sos par gyur cig ces sgra yang grags 'gyur te/ de nas sems can de dag pang 'tsho bar 'gyur ro// de nas yang sems can de dag gi sdig pa mi dge ba'i las de'i rnam par smin pas/ lcags kyi ral gri dag lag tu 'ong bar 'gyur ro// de nas yang sems can de dag kyang sems can gcig gis gcig mthong na/ shas cher sdang ba'i sems dang / gsang ba'i sems nye bar gnas par 'gyur te/ dper na rngon pas dgon pa'i ri rags mthong na/ shas cher sdang ba'i sems dang / gsad pa'i sems nye bar gnas par 'gyur ba de bzhin du/ sems can de dag gcig gis gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ de dag ral gri de dag gis gcig la gcig kun tu gcod cing 'bugs te/ kun tu gtubs shing kun tu gshag par byed do// kun tu gco cing kun tu phug ste/ kun tu gtubs shing kun tu gshegs nas/ gang gi tshe gcig gis gcig bsad cing shi bar gyur pa de'i tshe phyogs gcig tu 'du'o// gzhan yang sems can dmyal ba chen po yang sos su sems can gang yang skyes pa dang / kun tu skyes pa dang / byung ba dang / kun tu byung ba dang / phyin pa dang / mngon par grub pa dang / 'thon par gyur pa'i sems can de dag gi sdig pa mi dge ba'i las de'i rnam par smin pas/ lcags kyi shang lang rno zhing shin tu rno la spu gyen kar chod pa dag lag tu 'ong bar 'gyur ro// sems can de dag kyang gcig gis gcig mthong na shas cher sdang ba'i sems dang / bsad pa'i sems nye bar gnas par 'gyur te/ snga ma bzhin no// de dag la shang lang de dag gis gcig gis gcig kun tu gcod cing kun tu 'bigs te/ kun tu gtub cing kun tu gshag par byed do// kun tu gcod cing kun tu 'bigs te/ kun tu gtubs shing kun tu gshegs nas/ snga ma bzhin te/ gang gi tshe shi bar gyur pa de'i tshe phyogs gcig tu 'du'o/ / dge slong dag sems can dmyal ba chen po yang sos su rlung bsil ba ldang ba de'i dus cang yod la/ de'i skabs kyang yod de/ 'di skad du sems can byed rnams yang sos par gyur cig/ sems can khyed rnams yang sos par gyur cig ces sgra yang grags par 'gyur te/ de nas sems can de dag yang 'tsho bar 'gyur ro// de nas sems can de dag gi sdig pa mi dge ba'i las de'i rnam par smin pas/ lcags kyi shang lang rno zhing shin tu rnol spu gyen du chod pa dag lag tu 'ong bar 'gyur ro// sems can de dag kyang sems can gcig gis gcig mthong na/ snga ma bzhin du gsad pa'i sems nye bar gnas par 'gyur te/ de dag shang lang de dag gis gcig la gcig kun tu gcod cing kun tu 'bigs la/ kun tu gtub cing kun tu gshag par byed do// snga ma bzhin du shi bar gyur nas phyogs gcig tu 'du'o// gzhan yang sems can dmyal ba chen po yang sos su sems can gang skyes pa dang / kun tu skyes pa dang / byung ba dang / kun tu byung ba dang / phyin pa dang / mngon par grub pa dang / 'thon par gyur pa'i sems can de dag gi sdig pa mi dge ba'i las de'i rnam par smin pas/ lcags kyi chu gri lag tu 'ong bar 'gyur ro// sems can de dag kyang sems can gcig gis gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ snga ma bzhin no// de dag chu gri de dag gis gtub cing rab tu gtub la/ kun tu rab tu gtub par 'gyur ro// gtubs shing rab tu gtubs la/ kun tu rab tu gtubs nas/ gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o// dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la/ de'i skabs kyang yod de/ 'di skad du sems can khyed rnams yang sos par gyur cig/ sems can khyed rnams yang sos par gyur cig ces sgra yang grags par 'gyur te/ de nas sems can de dag yang 'tsho bar 'gyur ro// de nas yang sems can de dag gi sdig pa mi dge ba'i las de'i rnam par smin pas/ lcags kyi chu gri dag lag tu 'ong bar 'gyur ba nas/ gcig gis gcig bsad de shi bar gyur pa de'i tshe phyogs gcig tu 'dra ba'i bar du rgyas par bya'o/ / gzhan yang sems can dmyal ba chen po yang seMs su sems can gang skyes pa nas/ sdig pa mi dge ba'i las de'i rnam par smin pas/ lcags kyi sen mo na zhing shin tu no la/ ral gri'i so lta bu dag lag tu 'ong bar 'gyur ba'i bar du snga ma bzhin du rgyas par bya'o// sems can de dag kyang sems can gcig gis gcig mthong na/ shas cher sdang ba'i sems dang / bsad pa'i sems nye bar gnas par 'gyur te/ snga ma bzhin no// de dag sen mo de dag gis gshag cing rab tu bzal te/ gcig gis gcig gshag cing rab tu bzal nas gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o// dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la/ skabs kyang yod de/ de nas yang sems can dag yang 'tsho bar 'gyur ba'i bar du rgyas par bya'o// de nas yang sems can de dag gi sdig pa mi dge ba'i las de'i rnam par smin pas/ lcags kyi sen mo rno zhing shin tu rno la/ ral gri'i so lta bu dag lag tu 'ong bar 'gyur ro// sems can de dag kyang sems can gcig gis gcig mthong na/ snga ma bzhin te/ shi bar gyur nas phyogs gcig tu 'du'o/ / gzhan yang sems can dmyal ba chen po yang sos su sems can gang skyes pa nas/ 'thon par 'gyur pa'i bar du ste/ sems can de dag gi sdig pa mi dge ba'i las de'i rnam par smin pas/ lcags kyi mdung thung rno zhing shin tu rnol/ ral gri'i so lta bu dag lag tu 'ong bar 'gyur ro// sems can de dag kyang sems can gcig gis gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ snga ma bzhin no// de dag mdung thung de dag gi gcig la gcig kun tu 'bigs shing nges par 'bigs te/ gang gi tshe gcig gis gcig bsad nas shi bar gyur pa de'i tshe phyogs gcig tu 'du'o/ / dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la/ de'i skabs kyang yod de/ de nas sems can de dag yang 'tsho bar 'gyur ba'i bar du rgyas par bya'o/ / de nas yang sems can de dag sdig pa mi dge ba'i las de'i rnam par smin pas/ lcags kyi mdung thung lag tu 'ong bar 'gyur ba nas/ shi bar gyur nas phyogs gcig tu 'du ba'i bar du rgyas par bya'o// gzhan yang sems can dmyal ba chen po yang sos su sems can gang skyes pa nas/ 'thon pa'i bar du snga ma bzhin no// sems can de dag gi las de'i rnam par smin pas/ lcags kyi tho ba lag tu 'ong bar 'gyur ro// sems can de dag kyang sems can gcig gis gcig mthong na/ shas cher sdang ba'i sems dang / gsad pa'i sems nye bar gnas par 'gyur te/ dper na rngon pa bzhin te/ snga ma bzhin no// de dag tho ba de dag gis gcig la gcig 'joms shing rab tu 'joms la/ kun tu 'joms te/ bcom zhing rab tu bcom la/ kun tu rab tu bcom nas/ gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o// dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la/ de'i skabs kyang yod de/ 'di skad du sems can khyed rnams yang sos par gyur cig/ sems can khyed rnams yang sos par gyur cig ces sgra yang grags par gyur te/ de nas yang sems can de dag yang 'tsho bar 'gyur ro// de nas yang sems can de dag gi sdig pa mi dge ba'i las de'i rnam par smin pas/ lcags kyi thob dag lag tu 'ong bar 'gyur ro// sems can de dag kyang gcig gis gcig mthong nas/ shi bar gyur nas phyogs gcig tu 'du ba'i bar du snga ma bzhin no// 'khor lo dang / rdo rje rtse gcig pa dang / mtshon rtse gcig pa dang 'phang mdung dang / gzhu la sogs pa'i mtshon rnams kyang de bzhin du brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal ba chen po yang sos zhes bya ste/ de na sdug bsngal zhing mi bzang la rtsub cing tsha ba dang / yid du mi 'ong zhing srog gcod par byed pa las kyi gnod pa gzhan dang / gzhan mang po dag kyang yod de/ 'di skad du/ phan tshun 'khon zhing zhe non la// mi rnams mi la gsod pa dag/ lo ni bye ba phrag stong du// sad cing gsad cing phyir yang 'tsho// zhes kyang bya'o// gang dag pha ma sangs rgyas dang / / nyan thos rnams la sdang ba ni// dmyal ba chen po thig nag tu// sdug bsngal tshor ba myong bar 'gyur// sems can dmyal ba chen po thig nag ces bya ba la/ ci'i phyir sems can dmyal ba chen po thig nag ces bya zhe na/ smras pa/ sems can dmyal ba chen po thig nag tu sems can gang skyes pa dang / kun tu skyes pa dang / byung ba dang / kun tu byung ba nas/ 'thon par 'gyur/ ba'i bar dag gi sdig pa mi dge ba'i las de'i rnam par smin pas/ sems can dmyal ba'i srungs ma ngag gis/ sems can de dag lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la/ gan kyal du bzhag nas/ lcags kyi thig gis btab ste/ lcags kyi ste'u 'bar zhing rab tu 'bar la/ kun tu rab tu mched cing 'bar te/ 'bar ba gcig tu gyur pa dag gis 'jog cing rab tu 'jog sa/ kun tu rab tu 'jog ste/ dper ma shing sa khan gyis shing sa la bzhag nas thig gis btab u0f7f/ ste lus 'jog cing rab 'jog la@#/ rab tu 'jog pa de bzhin du/ sems can dmyal ba chen po'i srungs ma dag gis/ sems can de lcags kyi sa gzhi 'bar zhing rab tu 'bar la/ kun tu rab tu mched cing 'bar te/ 'bar ba gcig tu gyur pa la gan kyal du bzhag nas lcags kyi thig gis btab ste/ lcags kyi ste'us 'jog cing rab tu 'jog la/ kun tu rab tu 'dzeg go// gzhan yang sems can dmyal ba chen po thig nag tu sems can gang dag skyes pa nas/ 'thon par 'gyur ba'i bar dag gi sdig pa mi dge ba'i las de'i rnam par smin pas/ sems can dmyal ba'i srungs ma de dag gis/ sems can de dag lcags kyi sa gzhi 'bar zhing rab tu 'bar la/ kun tu rab tu mched cing 'bar te/ 'bar ba gcig tu gyur pa la gan kyal du bzhag nas/ lcags kyi thig gis btab ste/ lcags kyi sta re 'bar zhing rab tu 'bar la/ kun tu rab tu 'bar te/ 'bar ba gcig tu gyur pas bsal te/ dper na shing mkhan gyis shing sa la bzhag nas thig btab ste/ sta res bsal ba de bzhin du sems can dmyal ba'i srungs ma dag gis/ sems can de dag lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la sta res bsal ba'i bar du snga ma bzhin no// gzhan yang sems can dmyal ba chen po thig nag tu sems can gang skyes pa nas/ 'thon pa'i bar du snga ma bzhin no// sdig pa mi dge ba'i las de'i rnam par smin pas/ sems can dmyal ba'i srungs ma dag gis/ sems can de dag lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la/ mgo thur du bstan te bzhag nas/ sog le kha gnyis sam/ kha gsum mam/ kha mang du gshag par byed de/ dper na shing mkhan gyis shing sa la mgo thur du bstan te bzhag nas/ kha gnyis sam/ kha gsum mam/ kha mang du gshag par byed pa de bzhin du/ sems can dmyal ba dag gi srungs ma de dag gis/ sems can de dag lcags kyi sa gzhi 'bar ba la mgo thur du bstan te bzhag nas/ kha gnyis sam/ kha gsum mam/ kha mang du gshegs pa'i bar du snga ma bzhin du rgyas par bya'o/ / gzhan yang sems can dmyal ba thig nag tu sems can gang dag skyes pa dang / kun tu skyes pa nas/ 'thon par 'gyur ba'i bar dag gi sdig pa mi dge ba'i las de'i rnam par smin pas/ sems can dmyal ba'i gshed ma dag gis/ sems can de dag lcags kyi rgyud 'bar zhing rab tu 'bar la/ kun tu rab tu 'bar te/ 'bar ba gcig tu gyur pas mgo bo dkri bar byed do/ / mgo bo dkris nas mgul pa dkri bar byed do// mgul ba dkris nas phrag pa gnyis dkri bar byed do// phrag pa gnyis dkris nas lag pa gnyis dkri bar byed do/ / lag pa gnyis dkris nas mchan khung gnyis dkri bar byed do// mchan khung gnyis dkris nas sta zur gnyis dkri bar byed do// sta zur gnyis dkris nas brla gnyis dkri bar byed do/ / brla gnyis dkris nas rje ngar gnyis dkri bar byed do// rje ngar gnyis dkris nas long bu gnyis dkri bar byed do// long bu gnyis dkris nas rkang pa'i bol gnyis dkri bar byed do// rkang pa'i bol gnyis dkris nas rgyud de'i thor to nas bzung ste/ sen mo yan chad kyang dkri bar byed do// sems can de dag gi pags pa dang / sha dang / khrag yan chad thams cad phyir 'byung ngo // de la sogs pa de las gzhan pa'i gnod pa rnams kyang brjod par bya ste/ ma bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal ba chen po thig nag ces bya ste/ de na sdug bsngal zhing mi bzad la/ rtsub cing tsha ba dang / yid du mi 'ong zhing srog gcod par byed pa las kyang gnod pa gzhan dang / gzhan mang po dag kyang yod de/ 'di skad du/ bya min byed du 'jug pa dang // mi rnams mdza' bo 'byed pa dang // phra ma brdzun smra smra byed pa// thig nag tu ni skye bar 'gyur// zhes kyang bya'o// bam po brgyad pa ste tha ma'o// bar sdom la/ ral gri shang lang chu gri dang // sen mo mdung thung tho ba rnams// ste'u sta re sog le dang // rgyud bzhi dag ni thig nag gi/ sdig pa rnam gsum byas pa dang / / dge ba rnam gsum ma byas pa'i// blo ngan bsdus gzhom song nas ni// sdug bsngal tshor ba myong bar 'gyur// sems can dmyal ba chen po bsdus gzhom zhes bya ba la ci'i phyir sems can dmyal ba bsdus gzhom zhes bya zhe na/ smras pa/ sems can dmyal ba chen po bsdus gzhom du sems can gang skyes pa dang / kun tu skyes pa dang / byung ba dang / kun tu byung ba dang / phyin pa dang / mngon par grub pa dang / 'thon par gyur pa'i sems can de dag gi sdig pa mi dge ba'i las de'i rnam par smin pas/ lcags kyi sa gzhi dpag tshad mang po dang / dpag tshad brgya phrag mang po dang / dpag tshad stong phrag mang po dang / dpag tshad brgya stong phrag mang po yod par 'byung ngo // de nas sems can de dag gnas tshol zhing skyabs tshol la/ 'byung ba'i thabs tshol te/ der rgyug cing der rab tu rgyug la/ der kun tu rab tu rgyug ste/ de dag der phyogs gcig tu 'du'o// gang gi tshe brgya phrag mang po dang / stong phrag mang po dang / brgya stong phrag mang po 'dus par gyur pa de'i tshe/ de dag 'khod pa'i steng du lcags kyi dra ba 'byung bar 'gyur te/ sems can de dag 'gebs shing rab tu 'gebs la/ kun tu rab tu 'gebs so// bka' cing rab tu bkab la/ kun tu rab tu bkab nas/ de dag 'khod pa'i steng du lcags kyi tho ba dag 'byung bar 'gyur te/ sems can de dag 'jom zhing rab tu 'jom la kun tu rab tu 'jom mo/ / bcom zhing rab tu bcom la/ kun tu rab tu bcom nas/ gang gi tshe bsad de shi bar gyur pa de'i tshe steng du mi snang bar 'gyur ro// de dag de lta bu'i tshul gyis lo mang po dang / lo brgya phrag mang po dang / lo stong phrag mang po dang / lo brgya stong phrag mang po sdug bsngal zhing mi bzang la rtsub cing tsha ba dang / yid du mi 'ong zhing srog gcod par byed pa'i tshor ba dag nyams su myong bar 'gyur te/ de dag nam sems can dmyal ba nyams su myong bar 'gyur ba'i sdig pa mi dge ba'i las de dag gtan nas ma zad ma byang gi bar du re zhig 'chi ba'i dus byed par mi 'gyur ro// gzhan yang sems can dmyal ba chen po bsdus gzhom du sems can gang skyes pa nas/ 'thon par 'gyur ba'i bar du snga ma bzhin te/ sems can de dag gi sdig pa mi dge ba'i las de'i rnam par smin pas/ lcags kyi sa gzhi dpag tshad mang po dang / dpag tshad brgya phrag mang po dang / dpag tshad stong phrag mang po dang / dpag tshad brgya stong phrag mang po yod par 'byung ngo // de nas sems can de dag gnas tshol zhing skyabs tshol la/ 'byung ba'i thabs tshol te/ der rgyug cing der rab tu rgyug la/ der kun tu rab tu rgyug ste/ de dag der phyogs gcig tu 'du ba nas/ brgya phrag mang po'i bar du snga ma bzhin te/ de'i tshe de dag 'khod pa'i steng du lcags kyi rba ba 'byung bar 'gyur te/ sems can de dag 'gebs shing rab tu 'gebs la/ kun tu rab tu 'gebs so// de'i tshe de dag 'khod pa'i steng du glang po che dag 'byung bar 'gyur te/ sems can de dag 'chag cing rab tu 'chag la/ kun tu rab tu 'chag go// bcags shing rab tu bcags la/ kun tu rab tu bcags nas/ gang gi tshe bsad de shi bar gyur pa de'i tshe steng du mi snang bar 'gyur ro/ / de dag de lta bu'i tshul gyis lo mang po nas/ ma byang ma zad kyi bar du snga ma bzhin no// gzhan yang sems can dmyal ba chen po bsdus gzhom du sems can dmyal ba gang skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ sems can dmyal ba'i srungs ma dag gis bzung nas/ lcag kyi gargyan gyi nang du bcug ste/ lug kyi gtun dag gis myur bsgyur bar brdung 'i rab tu brdung la/ kun tu rab tu brdung ste/ dper na ma rnams kyis gtun gyi nang du 'bras thugs nus/ gtun bus myur ba myur bar brdung zhing rab tu brdung la/ kun tu rab tu brdung ba de bzhin du/ sems can dmyal ba'i srungs ma dag gis sems can de dag lcags kyi gtun gyi nang du bcug ste/ lcags kyi gtun bu zhes bya ba nas/ kun tu rab tu brdungs te/ de dag de lta bu'i tshul gyis lo mang po zhes bya ba'i bar du rgyas par bya'o// gzhan yang sems can dmyal ba chen po bsdus gzhom du sems can gang skyes pa nas/ 'thon par 'gyur ba'i bar du rgyas par bya ste/ sems can dmyal ba'i srungs ma de dag gis sems can de dag bzung nas/ lcags kyi sgrom gyi nang du bcug ste/ lcags kyi gtun bu dag gis brdung zhing rab tu brdung la/ kun tu rab tu brdung ste/ dper na mi rnams kyis sa gar sgrom gyi nang du blug nas brdung zhing rab tu brdung la/ kun tu rab tu brdung ba de bzhin du sems can dmyal ba'i srungs ma dag gis sems can de dag lcags kyi sgrom gyi nang du bcug nas/ lcags kyi gtun bu dag gis zhes bya ba nas/ ma byang ma zad kyi bar du snga ma bzhin no// gzhan yang sems can dmyal ba chen po bsdus gzhom du sems can gang skyes pa nas/ 'thon par gyur pa'i bar du snga ma bzhin du rgyas par bya ste/ sems can dmyal ba'i srungs ma dag gis bzung nas/ lcags kyi 'khrul 'khor dag gi nang du bcug ste/ 'tshir zhing rab tu 'chir la/ kun tu rab tu 'tshar te/ dper na mi rnams kyis bu ram shing dag 'khrul 'khor gyi nang du bcug ste/ 'chir zhing rab tu 'chir la/ kun tu rab tu 'tshor ba de bzhin du/ sems can dmyal ba'i srungs ma dag gis sems can de dag bzung nas/ lcags kyi 'khrul 'khor gyi nang du bcug pa nas/ kun tu rab tu 'ching ba'i bar du'o/ / de dag de lta bu'i tshul gyis lo mang po dang / lo brgya phrag mang po dang / lo stong phrag mang po dang / lo brgya stong phrag mang por sdug bsngal zhing mi bzad la rtsub cing tsha ba dang / yid du mi 'ong ba'i tshor ba dag myong bar 'gyur te/ de dag nam sems can dmyal ba nyams su myong bar 'gyur ba'i sdig pa mi dge ba'i las de gtan ma byang ma zad kyi bar du re zhig dus byed par mi 'gyur ro// gzhan yang sems can dmyal ba chen po bsdus gzhom du sems can gang skyes pa dang / kun tu skyes pa dang / byung ba dang / kun tu byung ba nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ ri chen po rgya che ba dpag tshad mang po dang / dpag tshad brgya phrag mang po dang / dpag tshad stong phrag mang po dang / dpag tshad brgya stong phrag mang po yod de/ steng gi ngos ni mnyam zhing sdug la/ 'og na ni khrag 'byin par byed pa'i lcags yod do// de nas sems can de dag der rgyug cing der rab tu rgyug pa/ der kun tu rab tu rgyug ste/ gnas tshol zhing skyabs tshol la/ 'byung ba'i thabs tshol zhing de dag de'i phyogs gcig tu 'dug ste/ gang gi tshe brgya phrag mang po zhes bya ba nas/ rgyas par bya ste/ de'i tshe ri de sems can de dag gi steng du lhung ste sems can de dag glems shing rab tu glem la/ kun tu rab tu glem mo// glem zhing rab tu glem la/ kun tu rab tu glems nas/ gang gi tshe bsad de shi bar gyur pa de'i tshe steng du mi snang bar gyur to// de dag de lta bu'i tshul gyis lo mang po dang / lo brgya phrag mang po zhes bya ba nas/ rgyas par bya'o// gzhan yang sems can dmyal ba chen po bsdus gzhom du sems can gang skyes pa dang / kun tu skyes pa'i bar du snga ma bzhin te/ sems can de dag gi sdig pa mi dge ba'i las de'i rnam par smin pas/ ri'i sul chen po dag dpag tshad mang po dang / dpag tshad brgya phrag mang po'i bar du snga ma bzhin no/ / de nas sems can de dag der rgyug cing der rab tu rgyug pa nas/ 'byung ba'i thabs tshol ba'i bar du snga ma bzhin no// de dag der zhugs pa nas/ brgya phrag mang po'i nang du zhugs pa'i bar du ste/ de'i tshe ri yul de dag phyir gyed de/ sems can de dag 'jigs pa dang / spangs pa dang / spu ldang bar byed do// de nas sems can de dag 'jigs shing skrag la yi ched de/ spu langs nas phyogs gcig tu 'du'o// gang gi tshe brgya phrag mang po dang / stong phrag mang po dang / brgya stong phrag mang po dag 'dus par gyur pa de'i tshe/ r-i de dag phyogs gnyis ka nas 'dus te/ sems can de dag bcom zhing rab tu btsem la/ kun tu rab tu btsem mo// bcom zhing rab tu bcom la/ kun tu rab tu btsems nas/ gang gi tshe bsad de shi bar gyur pa de'i tshe phyir 'gyed do// de dag de lta bu'i tshul gyis lo mang po'i bar du rgyas par bya'o// gzhan yang sems can dmyal ba chen po bsdus gzhom du sems can gang skyes pa dang / 'thon par 'gyur ba'i bar du ste sems can de dag gi sdig pa mi dge ba'i las de'i rnam par smin pas/ lcags kyi sa gzhi de'i nang nags tshal dpag tshad mang po nas/ snga ma bzhin no// de nas sems can de dag der rgyug cing der rab tu rgyug la der kun tu rab tu rgyug pa'i bar du rgyas par bya ste/ de dag de'i nang du 'gro'o// gang gi tshe brgya phrag mang po dang / stong phrag mang po dang / brgya stong phrag mang po nang du zhugs par gyur pa de'i tshe de dag 'khod pa'i 'og dang / steng dang / phyogs bzhi nas me lce 'byung ste/ sems can de dag 'jigs pa dang / dngang ba dang / spu ldang bar byed do// de nas sems can de dag 'jigs shing skrag la ya chad de/ spu langs nas phyogs gcig tu 'khod do// gang gi tshe brgya phrag mang po 'dus par gyur pa'i bar du rgyas par bya ste/ de'i tshe me de dag gis sa gzhi rab tu 'bar bar byed do// sa gzhi rab tu 'bar bar byas nas/ nags tshal rab tu 'bar bar byed do// nags tshal rab tu 'bar bar byas nas/ sems can de dag rab tu 'bar bar byed do// de nas sems can de dag 'bar zhing rab tu 'bar la/ / kun tu rab tu 'bar te/ 'bar ba gcig tu gyur nas ci ste shar phyogs su 'gron yang ma 'ba' zhig mthong ngo // ci ste lho dang / nub dang / byang du brgyugs na yang me 'ba' zhig mthong zhing tshig ste/ de lta bu'i tshul gyis lo mang po nas/ sems can dmyal ba myong bar 'gyur ba'i las de gtan nas ma byang ma zad kyi bar du snga ma bzhin te/ 'di skad du/ ba langar lug ma he dang // ri dgas phag dang bya gag dang / / de bzhin gzhan gyi srog gcod pas// bsdus gzhom du ni bcom par 'gyur// zhes kyang bya'o// sdom la sa gzhi dang ni thoba'i sgom// 'khrul 'khor dang ni 'joms dang ri/ / de nas ri sul nags tshal rnams// bsdus gzhom na ni gnod pa brgyad// de la sogs pa'i gnod pa mang po brjod par bya ste/ mi bzad pa de dag dang / me tog de dag dang // 'bras bu de dag dang / rnam par spros pa de dag gis na/ sems can dmyal ba bsdus gzhom zhes bya ste/ de na sdug bsngal zhing mi bzad la rtsub cing tsha ba dang / yid du mi 'ong ba srog gcod par byed pa las kyi gnod pa gzhan dang / gzhan mang po dag kyang yod do// srog gcod pa yi sems can rnams// brlang zhing khrag ni 'thung ba dang // ngan pa'i las ni kun spyod pa// ngu 'bod chung ngur 'gro bar 'gyur/ / sems can dmyal ba chen po ngu 'bod chung ngu zhes bya ba la ci'i phyir sems can dmyal ba chen po ngu 'bod chung ngu zhes bya zhe na/ smras pa/ sems can dmyal ba chen po ngu 'bod chung ngur sems can gang dag skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ lcags kyi sa gzhi dpag tshad mang po'i bar du rgyas par bya'o// / de'i nang na nags thibs po yod de/ de nas sems can de dag gis der rgyug cing / der rab tu rgyug la/ der kun tu rab tu rgyug ste/ gnas tshol zhing skyabs tshol la/ 'byung ba'i thabs tshol to// de dag der phyogs gcig tu 'du'o/ / gang gi tshe brgya phrag mang po nas/ 'dus par gyur pa'i bar du snga ma bzhin te/ de nas de dag gi 'og dang / steng dang / phyogs bzhi nas me 'byung ste/ sems can de dag 'jigs pa dang / skrag pa dang / yi chad de/ spu ldang bar byed do// de nas sems can de dag 'jigs shing skrag la/ yi chad de/ ba spu langs par gyur nas/ nags thibs po'i nang du 'gro'o// gang gi tshe brgya phrag mang po nas/ de dag nus par gyur pa'i bar du ste/ de'i tshe me des sa gzhi rab tu 'bar bar byed de/ sa gzhi rab tu 'bar bar byas nas nags thibs po rab tu 'bar bar byed do// nags thibs po rab tu 'bar bar byas nas/ sems can de dag rab tu 'bar bar byed do// de dag der 'bar zhing rab tu 'bar la/ kun tu rab tu 'bar te/ 'bar ba gcig tu gyur nas/ ci ste shar phyogs su brgyugs na yang me 'ba' zhig mthong ba na/ de dag de lta bu'i tshul gyis ma byang ma zad kyi bar du snga ma bzhin te/ mi bzad pa de dag dang / me tog de dag dang / 'bras bu de dag dang / rnam par spros pa ngag gis na/ sems can dmyal ba chen po ngu 'bod chung ngu zhes bya ste/ de na sdug bsngal zhing mi bzang la rtsub cing tsha ba dang / yid du mi 'ong ba srog gcod par byed pa las kyi gnod pa gzhan dang / gzhan mang po dag kyang yod de/ 'di skad du/ mi rnams brlang 'debs rgyu byed pa'i// skye bo dag ni bsdus nas kyang // ngu 'bong du ni rab bsgrags cing // 'jigs pa'i nga ro tshe nges 'debs// zhes kyang bya'o// lta ba'i thibs pos khebs pa dang // sred pa'i bcing bas bcings pa dang // dma' ba'i las kyi kun spyod pa// ngu 'bod chen por skye bar 'gyur// sems can dmyal ba chen po ngu 'bod chen po zhes bya ba la/ ci'i phyir sems can dmyal ba chen po ngu 'bod chen po zhes bya zhe na/ smras pa/ sems can dmyal ba chen po ngu 'bod chen por sems can gang dag skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ lcags kyi sa gzhi dpag tshad mang po'i bar du rgyas par bya'o// nags thibs po de'i nang na khyim yod de/ de nas sems can de dag rgyug pa'i bar du rgyas par bya'o/ / de'i tshe de dag gi 'og dang / steng dang / phyogs bzhi nas me byung ste/ sems can de dag 'jigs pa dang / skrag pa dang / spu ldang bar byed do// de nas sems can de dag 'jigs shing sgrag la yi chad de/ ba spu langs nas/ nags thibs po'i nang du 'gro'o// nags thibs po'i nang du zhugs nas/ gang gi tshe brgya stong mang por zhugs par gyur pa de'i tshe/ me des sa gzhi rab tu 'bar bar byed do// sa gzhi rab tu 'bar bar byas nas/ nags thibs po rab tu 'bar bar byed do// nags thibs po rab tu 'bar bar byas nas/ khyim rab tu 'bar bar byed do// khyim rab tu 'bar bar byas nas/ sems can de dag rab tu 'bar bar byed do// de nas sems can de dag 'bar zhing rab tu 'bar la/ kun tu rab tu 'bar te/ 'bar ba gcig tu gyur pa nas/ nam sems can dmyal ba nyams su myong bar 'gyur ba'i sdig pa ma dge ba'i las de gtan nas ma byangam zad kyi bar du snga ma bzhin no/ / de la sogs pa'i gnod pa'i las rnams brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal ba chen po du 'bod chen po zhes bya ste/ de na sdug bsngal zhing / srog gcod par byed pa las kyi gnod pa gzhan dang / gzhan mang po dag kyang yod pa'i bar du rgyas par byas te/ 'di skad du/ dor spu byed pa'i mi rnams ni// ngu 'bod chen por song gyur nas/ / tshig cing spu yang ldang gyur la// khyim gyi nang du srung zhing sreg/ ces kyang bya'o// skye bo mang la gnod byas shing // tsha bar 'gyur ba'i las byas pa// blo ngan tsha bar song nas ni// sdug bsngal tshor ba nyams su myong sems can dmyal ba chen po tsha ba zhes bya ba la/ ci'i phyir sems can dmyal ba chen po che zhes bya zhe na/ smras pa/ sems can dmyal ba chen po tsha bar sems can gang skyes pa dang / kun tu skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ sems can dmyal ba'i srungs ma dag gis/ sems can de dag bzung nas lcags kyi sa gzhi la dong 'bar zhing rab tu 'bar la/ kun tu rab tu 'bar te/ 'bar ba gcig tu gyur pa'i nang du rab tu bsregs nas/ lcags kyi skam pas phyir phyung ste/ lcags kyi ti tsa la bzhag nas/ lcags kyi tho bas brdung zhing rab tu brdung la/ kun tu rab tu brdungs te/ dper na lcags mgar gyis lcags dang / tshon mo steng gi mgar bas tshon mo steng dang / lugs mgar gyis lugs su bya ba dang / zha nye'i mgar bas zha nye dang gser mgar gyis gser dang / dngul mgar gyis dngul mdag ma'i dong du bsregs nas/ lcags kyi skam pas phyung ste/ lcags kyi ti tsa la bzhag nas/ lcags kyi tho bas brdung zhing rab tu brdung la/ kun tu rab tu brdung ba de bzhin du/ sems can dmyal ba'i srungs ma dag gis/ sems can de dag lcags kyi dong 'bar zhing rab tu 'bar la/ kun tu rab tu 'bar te/ 'bar ba gcig tu gyur pa'i nang du bsregs nas/ lcags kyi skam pas phyir phyung ste/ lcags kyi ti tsa la bzhag nas/ lcags kyi tho bas brdung zhing rab tu brdung la/ kun tu rab tu brdung ste/ de dag de lta bu'i tshul gyis zhes bya ba nas/ rgyas par bya'o// gzhan yang sems can dmyal ba chen po che bar sems can gang skyes pa dang / kun tu skyes pa nas/ 'thon par 'gyur ba'i bar du snga ma bzhin te/ de dag sems can dmyal ba'i srungs ma rnams kyis bzung nas/ lcags kyi mdung rtse gsum pa'i stan 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la 'dug tu bcug ste/ rtse mo gcig gis ni de'i rku ba g.yas logs su brtol te/ phrag pa g.yas par phyung ngo // rtse mo gnyis pas ni rku ba g.yon logs su brtol te/ phrag pa g.yon par 'byung ngo // rtse mo gsum pas ni lto'i nang nas brtol te/ spyi bor 'byung ngo // de'i mig gi bug gnyis nas kyang me 'byung la/ rna ba dang / sna dang / kha'i nang dang / ba spu'i khung bu thams cad nas me 'byung ste/ de dag de lta bu'i tshul gyis lo mang po zhes bya ba'i bar du rgyas par bya'o/ / gzhan yang sems can dmyal ba chen po tsha bar sems can gang skyes pa dang / kun tu skyes pa dang / 'thon par 'gyur ba'i bar du snga ma bzhin te/ sems can de dag sems can dmyal ba'i srungs ma rnams kyis bzung nas/ dbugs pa'i gnod pa chen po byed de/ de'i mig gi bu gu gnyis nas kyang me 'byung la/ rna ba gnyis dang / sna dang / kha'i nang dang / ba spu'i bu ga thams cad nas kyang me 'byung ste/ de dag de lta bu'i tshul gyis lo mang po zhes bya ba nas/ nam sems can dmyal ba nyams su myong bar 'gyur ba'i sdig pa mi dge ba'i las de gtan nas ma byang ma zad kyi bar du de la sogs pa'i gnod pa mang po dag brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal ba chen po tsha ba zhes bya ste/ de na sdug bsngal zhing mi bzad pa dang / rtsub shing tsha ba dang / yid du mi 'ong ba'i srog gcod par byed pa las kyi gnod pa gzhan dang / gzhan mang po dag kyang yod de/ 'di skad du/ dge sbyong bram ze dge ba dang // de bzhin gang zhig pha ma la/ gnod pa min pas gnod byed pa// de ni tsha bar rab tu sreg/ ces kyang bya'o// bde 'gror 'gro ba'i las dang ni// 'dod pa'i 'bras bu 'gyur ba spong // blo ngan 'dod min las byed pa// de ni rab tu tsha bar sreg/ sems can dmyal ba chen po rab tu tsha ba zhes bya ba la/ ci'i phyir sems can dmyal ba chen po rab tu tsha ba zhes bya zhe na/ smras pa/ sems can dmyal ba chen po rab tu tsha bar sems can gang skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas/ sems can dmyal ba'i srungs ma rnams kyis bzung ste/ lcags kyi mtshon gyis dum bu dum bur bcang nas/ lcags kyi gsal shing la btsugs te/ lcags kyi deng 'bar zhing rab tu 'bar la/ kun tu rab tu 'bar te/ 'bar ba gcig tu gyur pa'i nang du sreg cing zlog par byed de/ dper na g.yos mkhan gyi sha mtshon gyis dum bu dum bur bcad nas thur ma la btsugs te/ mdag ma'i dong bur bsreg cing bsreg cing zlog par byed pa de bzhin du/ sems can dmyal ba'i srungs ma nas/ de lta bu'i tshul gyis zhes bya ba'i bar du thams cad rgyas par brjod par bya'o// gzhan yang sems can dmyal ba chen po rab tu tsha bar sems can gang skyes pa dang / 'thon par 'gyur ba'i bar du snga ma bzhin te/ sems can de dag gi sdig pa mi dge ba'i las de'i rnam par smin pas// sems can dmyal ba'i srungs ma rnams kyis sems can de dag bzung nas/ lcags kyi mtshon gyis dum bu dum bur bcad de/ lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la rab tu bsgre zhing shin tu rdo bar byed de/ dper na g.yos mkhan gyis sha lcags kyi mtshon gyis dum bu dum bur bcad nas snod du bcug ste/ rab tu bsgre zhing shin tu rdo bar byed de/ khu ba yang skam par byed pa de bzhin du/ sems can dmyal ba'i srungs ma nas/ de dag de lta bu'i tshul gyis zhes bya ba'i bar du rgyas par bya'o// gzhan yang sems can dmyal ba chen po rab tu tsha bar sems can gang skyes pa nas/ snga ma bzhin te/ sems can de dag sems can dmyal ba'i srungs ma dag gis bzung nas/ lcags kyi mtshon gyis kha gnyis sam/ kha gsum mam/ kha mang du gshag ste/ lcags kyi sla nga'i nang du bcug nas rdo bar byed de/ dper na nya dum bu gnyis sam/ gsum mam/ dum bu dum bur gtubs nas/ sla nga'i nang du bcug ste rdo ba de bzhin du/ sems can dmyal ba'i srungs ma rnams kyis zhes bya ba nas/ de lta bu'i tshul gyis zhes bya ba'i bar du snga ma bzhin du rgyas par bya'o// gzhan yang sems can dmyal ba chen po rab tu tsha bar sems can gang dag skyes pa nas/ snga ma bzhin te/ lcags kyi rdza dus dga' ba zhes bya ba dang / nye dga' bya ba gnyis yod pa la/ rdza bum dga' ba la ni chur dpag tshad lnga bcu/ zheng du yang dpag tshad lnga bcu/ 'phang du dpag tshad drug cu/ sboms su dpag tshad brgya lnga bcu yod do// rdza bum nye dga' la ni chur dpag tshad brgya lnga bcu rtsa gcig/ zheng du yang dpag tshad brgya lnga bcu rtsa gcig/ 'phang du dpag tshad drug cusboms su ni dpag tshad brgya lnga bcu rtsa gsum yod la/ ba tsha'i chu khol bas gang ste/ sems can de dag sems can dmyal ba'i srungs ma de dag gis bzung nas/ rdza bum dga' ba dang / nye dga' gnyis kyi nang du spyi'u tshugs su bor te/ de dag de na zhabs su yang 'gro ste/ skol zhing 'tshed la/ steng du yang 'gro ste skol zhing 'tshed do// phyogs dang / phyogs 'tshams su yang 'gro #/ ste sgrol zhing 'tshed do// dbus na ni bu pa 'dus shing 'dugaste/ dper na til las/ 'bras sas// son sran gre'u 'am/ rgya shug gi 'bras bu 'am/ rgya sran nas// mang po snod kyi nang du blugs te/ 'og nas me drag tu sbar na/ 'og tu yang 'gro ste skol zhing 'tshed la/ steng du yang 'gro ste skol zhing 'tshed do// dbus na ni dbu ba 'dus shing 'dug pa de bzhin du/ sems can dmyal ba'i srungs ma nas/ nam sems can dmyal ba nyams su myong bar 'gyur ba'i sdig pa mi dge ba'i las de dag gtan nas ma byang ma zad kyi bar du rgyas par bya'o// de la sogs pa'i gnod pa mang po dag kyang brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal ba chen po rab tu tsha ba zhes bya'o// de sdug bsngal gzhan dang / gzhan mang po dag kyang yod de/ snga ma bzhin no// 'di skad du/ dge sbyong bram ze dge ba dang // de bzhin gang gi pha ma dang // gang zhig bla ma gzhan gsod pa// de ni rab tu tsha bar sreg/ ces kyang bya'o// sdom la/ dong dang lcags dang dbug pa dang // tsha ba dang ni gnod pa gsum// gsal shing sdod dang spang dang // rdza bum bzhin du rab tu tsha// ngan 'gror 'gro ba'i las rnams las/ / shas cher byas par gyur na ni// blo ngan mnar med song nas kyang // sdug bsngal tshor ba myong bar 'gyur// sems can dmyal ba chen po mnar med ces bya ba la/ ci'i phyir sems can dmyal ba chen po mnar med pa zhes bya zhe na/ smras pa/ sems can dmyal ba chen po mnar med par sems can gang skyes pa nas/ 'thon par 'gyur ba'i bar du ste/ sems can ded gi sdig pa mi dge ba'i las de'i rnam par smin pas/ sems can dmyal ba'i srungs ma dag gis bzung nas/ lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la gan kyal du bzhag nas/ mi bzad pa'i bcing ba rnam pa lnga'i bcing bas gnod pa byed de/ lag pa gnyis kyang lcags kyi phur pas 'debs la/ rkang pa gnyis dang / dbus su snying kar yang lcags kyi phur pas 'debs te/ de dag de lta bu'i tshul gyis zhes bya ba nas/ rgyas par bya'o// gzhan yang sems can dmyal ba chen po mnar med par sems can gang skyes zhes bya ba nas/ snga ma bzhin de dag sems can dmyal ba'i srungs ma dag gis bzung nas/ lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la gan kyal du bzhag nas/ kha nas lce phyung ste/ lcags kyi phur pa brgyas brgyangs nas/ sems can de dag gi lce dag lcags kyi phur pa brgyas brgyangs pas gnyer ma rangs par 'gyur zhing / thang chad par 'gyur te/ dper na glang gi ko ba lcags kyi phur pa brgyas brgyangs nas/ gnyer ma rangs par 'gyur zhing / thang chad par gyur pa de bzhin du/ sems can dmyal ba'i srungs ma zhes bya ba nas/ rgyas par de dag de lta bu'i tshul gyis zhes bya ba'i bar du snga ma bzhin no/ / gzhan yang sems can dmyal ba chen po mnar med par sems can gang skyes pa dang / kun tu skyes pa de dag sems can dmyal ba srungs ma dag gis bzung nas/ lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la spyi'u tshugs su bzhag nas/ glo gnyis ka nas pags pa bshus te/ lhag par thug par bshus nas/ lcags kyi shing rta 'dren du bcug ste/ lam gyi brgyad mdor gang 'dod pa dang / ci dga' ba dang / ji srid du 'dod par 'gror bcug cing phyir yang zlog par byed de/ dper na rta g.yung po bzhi dang sbyar ba'i shing rta srab mda' ring po dang / rtod pa dang / lcags dang sbyar te/ lam gyi bzhi mdo chen por bzhag pa de gnya' shing gis 'dul ba'i kha lo ba mkhas pas myur zhing myur bar zhon te/ lag pa g.yon pas ni srab mda' bzung lag pa g.yas pas ni gzhu ba'i lcags thogs te/ lam gyi brgyad mdor gang du 'dod pa dang / ci dga' ba dang / ji srid 'dod par 'gror bcug cing / phyir slar yang bzlog pa de bzhin du/ sems can dmyal ba'i srungs ma dag gis zhes bya ba nas/ rgyas par de dag de lta bu'i tshul gyis zhes bya ba'i bar du snga ma bzhin no/ / gzhan yang sems can dmyal ba chen po mnar med par sems can gang dag skyes pa nas/ 'thon par 'gyur ba'i bar de dag sems can dmyal ba'i srungs ma dag gis bzung nas/ lcags kyis gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la bzhag nas/ lcags kyi zhib mas lcags kyi mdag ma 'bar zhing rab tu 'bar la/ kun tu rab tu 'bar te/ 'bar ba gcig tu gyur pa 'khrab tu 'jug cing gcig tu 'jug ste/ de dag de lta bu'i tshul gyis lo mang po zhes bya ba'i bar du rgyas par bya'o// gzhan yang sems can dmyal ba chen po mnar med par sems can gang skyes pa nas/ 'thon par 'gyur ba'i bar du ste/ de dag sems can dmyal ba'i srungs ma dag gis bsrungs nas/ lcags kyi ri 'bar zhing / rab tu 'bar la/ kun tu rab tu 'bar te/ 'bar ba gcig tu gyur pa la 'dzeg tu 'jug pa'i phyir yang 'bab tu bcug ste/ de dag de lta bu'i tshul gyis lo mang po zhes bya ba nas/ rgyas par bya ste/ de la sogs pa de las gzhan pa rab tu mang po dag kyang brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pas de dag gis na/ sems can dmyal ba chen po mnar med pa zhes bya ste/ de na sdug bsngal zhing mi bzang la rtsub shing tsha ba dang / yid du mi 'ong zhing srog gcod par byed pa las kyi gnod pa gzhan dang / gzhan mang po dag kyang yod de/ 'di skad du gang zhig chos la chos min dang / / chos ma yin la chos su smra// skye bo dam pa dag la snang // med par lta ba mnar med ltung // sdom la/ mi bzad 'ching ba'i gnod pa dang // de nas lce ni phur brgyas brgyangs/ / shing rta khrid dang 'khrab dang ri// gnod pa lnga tshan sbyar ba yin// sems can dmyal ba chen po mnar med pa'i shar phyogs kyi sgo 'byed pa de'i dus kya yod la/ de'i skabs kyang yod de/ de nas sems can de dag rgyug cing rab tu rgyug la/ kun tu rab tu rgyug ste/ gnas tshol zhing skyabs tshol la/ 'byung ba'i thabs tshol te/ nges par 'bros par bya'o snyam mo/ / de dag phal cher der phyin na shar phyogs kyi sgo gcad par 'gyur te/ de dag der snad cing smas te/ 'gyel nas gcig gi steng du gcig 'phungs par 'gyur te/ dper na rtswa'am shing bzhin la/ nyam thag pa'i skad kyis cho nges 'debs te/ sdug bsngal zhing mi bzod la tsha zhing rtsub pa dang / yid du mi 'ong ba'i chos nyams su myong ste/ sems can dmyal ba nyams su myong bar 'gyur ba'i sdig pa mi dge ba'i las de gtan nas ma byang ma zad kyi bar du re zhig dus byed par mi 'gyur ro/ / lho dang / nub dang / byang phyogs su yang de bzhin du brjod par bya'o// yun ring mo zhig 'das nas/ yang sems can dmyal ba chen po mnar med pa'i shar phyogs kyi sgo 'byed pa'i dus kyang yod la/ de'i skabs kyang yod de/ sems can de dag rgyug cing rab tu rgyug la/ kun tu rab tu rgyug ste/ gnas tshol zhing skyabs tshol la/ 'byung ba'i thabs tshol te/ 'dir byung ste 'di nas 'bros par bya'o snyam mo// de dag de nas byung nas 'bros te/ byis pa de dag ni thar pa ma yin pa la thar par 'du shes te/ mi shes pa'o// de nas yang lhag pa'i 'khor myong bar byed pa yang nyams su myong bar 'gyur te/ sems can dmyal ba chen po mnar med pa de'i 'dab drung nyid na/ me mar mur pus mo nub pa tsam la dpag tshad mang po dang / dpag tshad brgya phrag mang po'i bar du rgyas par byas te/ de dag der rgyug cing rab tu rgyug la/ kun tu rab tu rgyug ste/ gnas tshol zhing skyabs tshol la/ 'byung ba'i thabs tshol te/ de dag der rkang pa bzhag na ni pags pa dang / sha dang / khrag kun zhigs par 'gyur la/ rkang pa bteg na ni pags pa dang / sha dang / khrag kun phyir yang skye bar 'gyur te/ de dag de lta bu'i tshul gyis lo mang por zhes bya ba nas/ snga ma bzhin no// me mar mur pus mor phyin pa tsam gyis 'dab drung nyid na ro myags pa dang / phyi sa'i 'dam dpag tshad mang po'i bar du rgyas par bya ste/ 'phang du ni mi yas la brtsog cing dri nga ba dang / bshul zhing yid dang 'thun pa ma yin pa yod do// de nas sems can de dag gnas tshol zhing skyabs tshol la/ 'byung ba'i thabs tshol te/ rgyug cing rab tu rgyug la/ kun tu rab tu rgyug ste/ 'bros par byed do// ro myags pa dang / phyi sa'i 'das de na 'bu mchu rnon zhes bya ba thal kar du 'dug cing mgo bo gnag la mchu khab 'dra ba dag gnas te/ sems can de dag gi pags pa 'bigs so// pags pa phug nas sha 'bigs so// sha phug nas rgyas pa 'bigs so// rgyas pa phug nas rus pa 'jig so/ / rus pa phug nas rkang 'bru ste/ de dag de lta bu'i tshul gyis zhes bya ba nas/ rgyas par bya'o// ro myags pa dang / phyi sa'i 'dam gyi 'dab drung nyid na lam po che'i spu gri'i so bltams pa zhes bya ba yod de/ dpag tshad mang po zhes bya ba nas/ rgyas par bya'o// de nas sems can de dag gnas tshol zhing skyabs tshol la/ 'byung ba'i thabs tshol te/ rgyug cing rab tu rgyug la/ kun tu rab tu rgyug go/ / de dag der rkang pa bzhag na ni pags pa dang / sha gcod cing khrag 'byin to// rkang pa bteg na ni pags pa dang / sha dang / khrag kun phyir yang skyes te/ de dag de lta bu'i tshul gyis lo mang po zhes bya ba nas/ rgyas par bya'o// lam po che spu gri'i so bltams pa zhes bya ba'i 'dab drung nyid na lo ma ral gri'i so lta bu'i tshil/ shing a mra'i tshal sngon po ltar snang ba yod de/ dpag tshad mang po zhes bya ba nas/ rgyas par bya ste/ sems can de dag gnas tshol zhing skyabs tshol la/ 'byung ba'i thabs tshol te nang du 'jug go// de dag der zhugs nas de dag gi sngon gyi las kyi rnam par smin pa las byung ba'i rlung tsha ba ldang ste/ ral gri de dag rtsa ba nas glog ste/ sems can de dag gi steng du lhung nas lag pa dag kyang gcod cing / rkang pa dag dang / rna ba dang / sna dag dang / yan lag dang / nying lag dang / gzhan dang gzhan dag kyang gcod de/ de dag de lta bu'i tshul gyis zhes bya ba nas/ snga ma bzhin no// lo ma ral gri so lta bu'i tshal de na khyi nag bkra zhes bya ba gnas te/ sems can de dag sa la spyi'u tshugs su brdabs nas/ mtshan g.yas g.yon gyi pags pa dang / sgal tshigs phyung zhing phyung zhing za'o// lo ma ral gri'i so lta bu'i tshal de'i 'dab drung nyid na/ lcags kyi shing shal ma li dpag tshad mang po zhes bya ba nas/ snga ma bzhin te/ mi 'greng brgya phrag sa ya'i srid tsam yod pa/ tsher ma rno zhing sor bcu drug pa la tshal sngon po'i 'phreng ba ltar snang ba yod de/ sems can de dag de'i nang du 'gro zhing gnas tshol ba nas/ snga ma bzhin te/ de dag de la 'dzeg go// de dag de la 'dzeg na tsher ma rnams kha thur du lta la/ phyir 'bab na tsher ma rnams kha gyen du lta'o// lcags kyi shal ma li'i tshal de na khA lcags kyi mchu can zhes bya ba dag gnas te/ sems can de dag gi phrag pa 'am/ mgo bor 'dug nas mig 'bru zhing 'bru zhing za'o// mgo bo brtol nas klad pa 'bru'o// lcags kyi shing shal ma la'i tshal de na lcags kyi rdza rum dang / 'khar zangs pa tsha'i chu khol bas gang zhig 'dug pa yod de/ gang gi tshe sems can de dag lcags kyi shing shal ma la'i tshal las snang cing smas te/ 'bab par gyur pa de'i tshe/ sems can dmyal ba'i srungs ma dag gis sems can de dag bzung nas/ lcags kyi rdza rum 'khar zangs kyi nang du spyi'u tshugs su 'dor ro// de dag de'i nang du 'og tu yang 'gro ste skol zhing 'tshed do/ / de bzhin du steng dang / thad ka dang / phyogs mtshams su yang 'gro ste skol zhing 'tshed pa ni/ dper na til lam/ mon sran gre'u zhes bya ba nas/ de dag de lta bu'i tshul gyis zhes bya ba'i bar du rgyas par bya'o/ / lcags kyi shing shal ma li'i tshal de'i 'dab drung nyid na/ chu klung rab med ces bya ba zhig yod de/ ba tsha'i chu rol bas gang ba dpag tshad mang po zhes bya ba nas/ rgyas par bya ste/ sems can de dag gis rgyang ring po nas mthong na chu grang mo 'dra bar snang ngo // de nas sems can de dag gnas tshol zhing skyabs tshol la/ 'byung ba'i thabs tshol te/ rgyug cing rab tu rgyug la/ kun tu rab tu rgyug ste/ 'bros par byed do// chu klung de'i 'gram g.yas g.yon na/ gshin rje'i mi lag na ral gri thogs pa dang / lag na mdung thung thogs pa dang / lag na 'phang mdung thogs pa dag 'dug ste/ sems can de dag brgal du yang mi ster/ phyir 'byung du yang mi ster ro// de dag dag gi nang na 'og tu yang 'gro ste skol zhing 'tshed pa ni/ dper na til lam 'bras sam/ rgya shug gi 'bras bu nas/ rgyas par bya ste/ de dag chu klung rab med ces bya ba den nu'i 'bab phyogs su sgra thams cad byi zhing / bsdu thams cad 'gas pa dang / sha dang / khrag thams cad 'jig ste/ keng rus 'ba' zhig lus par 'gyur ro// de dag sems can dmyal ba'i srungs ma dag gis lcags kyi rgyas nya bcu ba bzhin du bcus nas/ lcags kyis gzhi babar ba nas/ rgyas par byaste/ gan tsam du mnan nas/ kye sems can dag ci 'dod ces 'phrog/ de dag gis smras pa/ kye bdag cag nyid kyang mi shes laM/ bdag cag shid kyang mi mthong ngo // ben kyang bdag cacani thams nas/ de dag sems can dmyal ba'i srungs ma dag gis lcags kyi spyad kyis la phye nas/ lcags kyi skam pas lcags kyi thu lum 'bar zhing rab tu 'bar la/ kun tu rab tu 'bar te/ 'bar ba gcig tu gyur pa dag khar 'dzud de/ sems can de dag gi mchu dag kyang tshig cing / lce dang / rkan dang / lkog ma dang / mid pa'i sngags dang / snying dang / snying ka'i gnyer kor dang / rgyu ma dang / gnye ma rnams kyang tshig nas thur du 'byung ngo // gzhan yang sems can dmyal ba'i srungs ma de dag gis sems can de dag mchil pas nya dbyung ba bzhin du phyung nas/ lcags kyi sa gzhi 'bar zhing rab tu 'bar la/ kun tu rab tu 'bar te/ 'bar ba gcig tu gyur pa la gan kyal du mnan nas/ kye sems can dag ci 'dod ces 'drin// de dag gis smras pa/ kyi bdag cag nyid kyang mi shes la/ bdag cag nyid kyang mi mthong ngo // 'on kyang bdag cag ni skom mo zhes nas/ de dag sems can dmyal ba'i srungs ma dag gis lcags kyi spyad kyis kha phye nas/ zangs kyi skol ba 'bar zhing rab tu 'bar la/ kun tu rab tu 'bar te/ 'bar ba gcig tu gyur pa khar blugs te/ sems can de dag gi mchu dag kyang tshig pa nas/ zur du 'byung ba'i bar du ste/ de dag de lta bu'i sdug bsngal gyis zhes bya ba nas/ rgyas par bya'o// de dag mthu nyams shing gzi byin nyams la/ brtson 'grus nyams te/ rab med kyi 'gram na 'khod do// rab med de'i 'gram na khA lcags kyisachu can zhes bya ba dag gnas te/ sems can de dag gi zhes bya ba nas/ snga ma bzhin no// de la sogs pa'i gnod pa mang po dag byed de/ der nam sems can de dag gi sems can dmyal ba nyams su myong bar 'gyur ba'i sdig pa mi dge ba'i las de gtan nas yongs su ma byang ma zad kyi bar du de dag yang chu klung rab med la 'bog go/ / lcags kyi shing shal ma li'i tshal de la 'dzeg go// lom ral gri lta bu'i tshal du 'jug go/ / lam po che spu gri'i so bltams pa lta bur 'gro'o// ro myags pa dang / phyi sa'i 'dam du 'bog go// me mar mur pus mor phyin pa tsam du 'gro'o// de nas yang sems can dmya ba chen po mnar med pa'i shar phyogs kyi sgor 'jug go/ / ji ltar sems can dmyal ba chen po mnar med pa'i shar phyogs kyi sgo'i skabs su bshad pa de bzhin du/ lho dang / nub dang / byang phyogs su'ang brjod par bya'o/ / ji ltar sems can dmyal ba chen po mnar med pa 'khor dang bcas par bstan pa de bzhin du/ sems can dmyal ba chen po tsha ba dang / rab tu tsha ba dang / ngu 'bod chen po dang / ngu 'bod dang bsdus gzhom dang / thig nag dang / yang sos rnams kyang 'khor dang bcas par brjod par bya'o// de dag tu nam sems can de dag gis sems can dmyal ba nyams su myong bar gyur pa de dag gi sdig pa mi dge ba'i las de gtan nas ma byang ma zad kyi bar du gyur pa de dag gnas de gnas shi 'phos te/ kha cig ni dung 'gro rnams dang skal bapa mnyam par skye bar 'gyur/ kha cig ni yi dgas rnams kyi nang du kha cig ni mi rnams kyi nang du/ kha cig ni rgyal chen bzhi pa'i lha rnams kyi nang du/ kha cig ni sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed pa'i lha rnams dang skal ba mnyam par skye bar 'gyur ro// de la sems can sngon mir gyur pa'i tshe/ chos ma yin pa spyod cing mi rigs pa byed de/ gcig tu gnas pa'i las byed byed pa las sems can dmyal ba dag tu skyes pa gang yin pa de dag ni sems can dmyal ba nas shi 'phos nas sdug bsngal ba dang / yid mi bde ba dang / 'khrug pa mang po dag gi skal ba can du 'gyur ro// de la sems can sngon mir gyur pa'i tshe/ ches spyod cing rigs pa byed la/ gcig tu dkar ba'i las byed byed pa las/ nyes pa spyod pa 'ga' zhig gis sems can dmyal ba dag tu skyes pa gang yin pa de dag ni sems can dmyal ba nas shi 'phos nas bde ba dang / yid bde ba mang po'i skal ba can du 'gyur ro// bcom ldan 'das kyis kyang lha'i pho nya lnga lung bstan pa'i mdo las 'di skad du/ dge slong dag sems can dmyal ba chen po mnar med pa'i shar phyogs kyi sgo 'byed pa de'i dus kyang yod la/ de'i skabs kyang yod de zhes bya ba nas/ gzhan 'phrul dbang byed kyi lha rnams dang skal ba mnyam par skye bar 'gyur ro zhes rgyas par sbyar te/ dge slong dag de la sems can gang dag mar mi 'dzin pa dang / par mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi nangan rgan rabs la ri mo mi byed pa dang / bya ba'i rigs pa mi byed pa dang / bsod rnams mi byed pa dang / 'jig rten 'di dang / 'jig rten pa rol la khan mtho rnams kyis 'jigs par mi ltu ba dang / spyan pa dag sa / zhing bsod nams dag mi byed la/ zagacig pa la mi gnas te/ tshul khrims yang dag par blangs nas mi 'dug pa de dag ni tshul 'di lta bur sdug bsngal ba dang / yid mi bde ba'i skal pa can du 'gyur te/ dper na sems can dmyal ba na 'dug pa'i sems can rnams bzhin no// de la sems can gang dag par 'dzin pa dang / phar 'dzin pa nas/ snga ma bzhin te/ de dag gi tshul 'di lta bur bde ba dang / yid bde ba'i skal ba can du 'gyur te/ dper na gzhal med khang na gnas pa'i lha rnams bzhin no zhes gsungs so// de la gnod par 'gyur zhes bya ba ni mi dge ba bcu'i las kyi lam rnams te/ srog gcod pa ras/ log par lta pa'i bar dag go/ byas nas shes bya ba ni yang dag par blangs te 'dug ces bya ba yin no// mi rigs 'tshob mo rnams kyis// zhes bya ba la mi rigs pas 'tsho ba zhes byang na dang / phyagag 'acong ba dang / bag song ba dang / byang dang / ri bong rgyas 'tshor ba dang / napa dang / rigs kyi rngon pa dang / chom rkun dang / gshed ma dang / ba yang gsod pa dang / gas can dang / bcon srungs dang / tham can dang / gnod byed dang / de la sogs pa gzhan yang gang bag gang yin pa de dag ces bya ba'i bar du rgyas par bya'o// 'gro ba khyi ma gang yin pa/ pa ni mi rigs pa byed pa dang / mi rigs pas 'tsho ba gang yin pa de dag yang dag par blangs pa de lta bu dang / yang dag par spyad pas de lta bu'i las nges na sems can dmyal ba chen po brgyad po dag tu skye bar 'gyu/ ro// dmyal ba brgyad po 'di dag ni// zhes bya ba ni yang sos nas bzung ste/ mnar med pa'i bar ram/ yang na mnar med pa nas bzung ste/ yang sos kyi bar dag go// de bas na/ dmyal ba brgyad po 'di dag ni/ / zhes bya'o// bstan ces bya ba ni sangs rgyas rnams dang / sangs rgyas kyi nyan thos rnams dang / dam pa rnams dang / yang dag par zhugs pa rnams dang / skyes bu ngam pa rnams kyis yang dag par bstan pas/ de bas na bstan ces bya'o// thar par dka' ba zhes bya ba ni sems can dmyal ba chen po brgyad po 'di dag nas thar par dka' zhing 'da' bar dka' ba yin te// de bas na thar par dka' ba zhes bya'o/ / brlang ba'i las byas rnams kyis kyang // zhes bya ba ni shes pa nas gnod byed kyi bar dag gi brlang ba'i las byas te/ de bas na dmyal ba brgyad po 'di dag ni thar par bstan pa ste/ brlang ba'i las byas rnams kyis gang // zhes kyang bya'o// re re'i 'khor ni bcu drug yod// ces bya ba ni sems can dmyal ba chen po mnar med pa'i shar phyogs na/ lhag pa'i 'khor bzhi yod de ro myags pa dang / phyi sa'i 'dam dang / lo ma rnams ral gri'i so lta bu'i tshal dang / lcags kyi shing shal ma li'i tshil dang / chu klung rnam par rgal ces bya ba rnams so// shar phyogs ji lta ba de bzhin du/ lho dang / nub dang / byang phyogs kyang de bzhin no// sems can dmyal ba chen po mnar med pa nas ji lta ba bzhin du/ sems can dmyal ba chen po yang sos kyi bar yang de bzhin te/ de bas na/ re re'i 'khor ni bcu drug yod// ces bya'o// cha bzhi zhes bya ba ni sems can dmyal ba chen po mnar med pa la cha bzhi yod de/ shar dang / lho dang / nub dang / byang phyo kyi cha'o/ / mnar med pa la ji lta ba de bzhin du/ yang sos kyi bar du yang de bzhin te/ de bas na cha bzhi zhes bya'o// sgo bzhi zhes bya ba ni sems can dmyal ba chen po mnar med pa la sems can dmyal ba'i sgo bzhi po de dag/ shar dang / lho dang / nub dang / byang phyogs kyi sgo rnams so// mnar med pa la ji lnga ba de bzhin du/ yang sos kyi bar du yang de bzhin te/ de bas na sgo bzhi zhes byaste/ cha yi tshad ni rnam par bya// zhes bya ba ni sems can dmyal ba chen po mnar med pa chur ji tsam pa de bzhin no// zheng du yang de tsam ste/ de bas na/ cha yi tshad ni rnam par phye/ zhes bya'o// lcags kyi rabs kun nas bskor/ / ces bya ba ni sems can dmyal ba chen po mnar med pa lcags kyi rabs kun nas bskor te/ mnar med pa ji lta ba bzhin du yang sos kyi bar du yang de bzhin te/ de bas na lcags kyi ra bas kun nas bskor/ / ces bya'o// lcags kyis sa ni shin tu khebs// zhes bya ba ni sems can dmyal ba chen po mnar med pa lcags kyi dra bas yongs su khebs te/ mnar med pa ji lta ba / de bzhin du/ yang sos kyi bar du yang de bzhin te/ de bas na/ lcags kyis ni shin tu khebs// zhes bya'o// lcags kyis gzhi rab tshag// 'bar zhing gzi brjid ldan pa ste/ dpag tshad brgya phrag du mar yang / / me lce rnams ni mched par gnas// zhes bya ba ni sems can dmyal ba chen po mnar med pa dpag tshad mang po dang / dpag tshad brgya phrag mang po dang / dpag tshad stong phrag mang po dang / dpag tshad brgya stong phrag mang por lcags 'bar zhing rab tu 'bar la/ kun tu rab tu 'bar te/ 'bar ba gcig tu gyur cing sreg pa'o// sems can dmyal ba chen po mnar med pa ji lta ba bzhin du yang sos kyi bar du yang de bzhin te/ de bas na/ lcags kyi sa gzhi rab tshag/ 'bar zhing gzi brjid ldan pa ste// dpag tshad brgya phrag du mar yang // me lce rnams ni mched par gnas/ / zhes kyang bya'o// 'jungs pa 'dul ba drag po ste// me lce ldan zhing bsnyen par dka'// de dag baspu slong ba'i gzugs// 'jigs shing sdug bsngal 'jigs par/ byed// ces bya ba la/ 'jungs pa zhes pa ni/ gang dag ser sna can spar 'dzums shing / yo byad rnams kun tu 'dzin la sbyin pa dag kun tu 'gyed par mi byed pa gang yin pa de dag go// gzhan yang gang zag gang dag nyes par spyod pa'i las rnam pa sna tshogs byed pa de rnams yin te/ de bas na 'jungs pa zhes bya'o// 'jungs pa de dag ni sems can dmyal ba chen po brgyad po de dag shin tu tsha zhing rab tu tshal/ yongs su tsha bar 'gyur te/ de bsan/ 'jungs pa 'dul badrag po ste// zhes bya'o// me lcer ldan zhing bsnyen par dka'// zhes bya ba ni sems can dmyal po brgyad po 'di dag me 'bar ba'i 'phreng bas bskor te/ 'jungs pa de dag gis mi bzod cing brnag par dka' ste/ de bas na/ me lce ldan zhing bsnyen par dka'// zhes bya'o// de dag pa spu slong pa gzugs/ / 'jigs shing 'jigs byed sdug bsngal ba// zhes bya ba ni sems can dmyal ba brgyad po 'di dag 'jungs pa dag 'jigs pa dang / skrag pa dang / yi chad par byed cing ba spu slong bar byed la/ sdug bsngal skyed par byed de/ de bas na/ de dag pa spu slong ba'i gzugs// 'jigs shing 'jigs byed sdug bsngal ba// zhes kyang bya'o// drang srong dag dang sdom can dang // dka' thub can la khazer ba/ / zhes bya ba la/ drang srong zhes bya ba ni sangs rgyas rnams dang / sangs rgyas kyi nyan thos rnams te/ de rnams dang mi mthun pa'i lus kyi las kun tu spyod pa dang / mi mthun pa'i ngag gi las dang / yid kyi las kun tu spyod pa ste/ de bas na drang srong dag ces bya'o// sdom can zhes bya ba ni/ lus sdom pa dang / ngag sdom pa dang / yid sdom pa rnams te/ de bas na sdom can zhes bya'o/ dag 'thub can zhes bya ba ni spangs pa'i yon tan snga tshogs yang dag par blangs par phyir/ dka' thub can zhes byaste/ de bas na dka' thub can zhes bya'o// rkang pa mtho zhing sbyi na tshugs su// dmyal bder ni lhung bar 'gyur/ / zhes bya ba ni 'jungs pa de dag gis nyes par spyod pa de dag de lta bur yang dag par blangs pa dang / kun tu spyad pas sems can dmyal ba chen po brgyad po de dag tu 'dor te/ de bas na// rkang pa mtho zhing spyi'u tshugs su/ / dmyal ba der ni lhung bar 'gyur// zhes bya'o// dbang po nyams pa de dag 'tshed// ces bya ba ni de dag dbang po ma dul ba'i phyir sems can dmyal ba chen po brgyad po 'di dag tu skye zhing / nyin mtshan du 'tshed de/ de bas na/ dbang po nyams pa de dag 'tshed// ces bya'o// nya ni skam la bor ba bzhin// zhes bya ba ni ji ltar nya chu nas bton te/ skam sar bor ba rnams sdug bsngal zhing nyam thag nas 'dar ba de bzhin du/ 'jig rten 'di nas shi 'phos nas sems can dmyal ba chen po brgyad po dag tu bor te/ sdug bsngal zhing nyam thag nas 'dar te/ de bas na/ dbang po nyams pa de dag 'tshed/ / nya ni skam la bor ba bzhin// zhes bya'o// de ltar nyes byas las byed pa// nyin mtshan du ni tshe nges 'debs// zhes bya ba ni las dkar po spangs shing mi dge ba'i chos la zhugs pa de dag sems can dmyal ba chen po brgyad po de dag tu skyes nas/ rtag par rgyun ma chad par yun ring por nyam thag pa'i nga ros cho nges 'debs te/ sdug bsngal zhing mi bzod la rtsub cing tsha ba dang yid du mi 'ong ba'i tshor ba nyin mtshan du nyams su myong ste/ de bas na/ de ltar nyes byas las byed pa// nyin mtshan du ni cho nges 'debs// zhes bya'o// de ni sgra chen rab tu sgrogs// 'phang mdung gis phog @#/ glang chen bzhin// zhes bya ba ni de dag sdug bsngal mi bzad pas zil gyis non te/ glang po che dgu 'bang mdung gis phog pa dang / lcags kyus drungs pa bzhin du skad shin chetshechebs sgra sgrogs te/ de bas na/ de ni sgra chen rab tu sgrogs// 'phang mdung gis phog glang chen bzhin// zhes bya'o// mi rnams kyi lo sum khri gang yin pa de ni sems can dmyal ba la cig gi nam gyi cha stod do/ / kha cig gi ni nim gyi gung thun gyi bar ro// kha cig gi ni nem gyi cha smad kyi bar ro// lo dgu khri la ni mtshan gcig go// lo dgu khri la ni nyin gcig go/ lo 'bum phrag brgyad khri la ni nyin zhag gcig go/ mi rnams lo ni 'di dag na// dgu khri rnyed ni gang yin te// dmyal ba dag na mtshan gcig ste// nyin gcig tshad kyang de tsam mo// byis pa mi khom song ba rnams// brlang ba'i las ni rab rdzogs pas// 'di lta bu yi lo bgrangs par// yun ring dag tu 'tshed par 'gyur// 'di dag dang ni gzhan yang rab mang mtha' yas pa'i// sdug bsngal dmyal ba rnams su byis pa dag gis myong / / de dag mtha' yas pas na brjod par sla ba min// bdag gis su ni phyogs cha tsam gcig brjod par zad// 'jig rten bzhag pa las tshigs bcu bzhi pa ste 'jig rten bzhag pa rdzogs so/ / / rgya gar skad du/ u dAn par ga/ bod skad du/ ched du brjod pa'i choms/ bam po dang // thams cad mkhyen pa la phyag 'tshal lo/
CLOSE WINDOW