rgya gar skad du.Ar+ya sad d+harma smad t+yu bas+thAn/ bod skad du/ 'phags pa/ dam pa'i chos dran pa nye bar bzhag pa/ / // bam po dang po/ sangs rgyas dang / bya// byang chub sems dpa' dang / rang sangs rgyas dang / 'phags pa thos thams cad la phyag 'tshal lo/ / 'di skad 'dug+sa gis thos byu gcig na/ bcom ldan 'das rgyal po'i khab na/ na la ta'i grong gi bram ze'i grong na bzhugs so/ / de'i tshe na tshe dang ldan pa shA ra dA ti'i bu dge slong rab tu mang po dag dang lhan cig tu snga dro'i dus kyi tshe/ rgyal po'i khab tu bsod snyoms kyi phyir dong ngo // de'i tshe dge slong rab tu mang po dag bsod snyoms kyi phyir rgyu ba na/ gzhan mu stegs can spyod pa pa kun tu rgyu ba dag ga la ba der dong ste/ gzhan mu stegs can spyod pa pa kun tu rgyu ba dag dang lhan cig tu yang dag par dga' bar 'gyur ba dang / yang dag par mgu bar 'gyur ba'i chos kyi gtam byas nas/ gzhan mu stegs can spod pa pa kun tu rgyu ba dag gis dris pa/ kye shAkya pa dag khyed cag gi dge sbyong go'u ta ma lus kyi chad pa mi dge ba/ mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed pa bden nam/ nged cag kyang lus kyi chad pa mi 'dod pa/ mi sdug pa/ @#yid du mi 'ong ba ston cing / gzhan dag gi la yang rjes su yi rang bar mi byed do// kye khyed cag gi dge sbyong go'u ta ma ngag gi chad pa mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed/ nged cag kyang ngag gi chad pa mi 'dod pa/ mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed do// khyed cag gi dge sbyong go'u ta ma yid kyi chad pa mi 'dod/ pa mi sdug pa/ yid du mi 'ong ba ston cing / gzhan dag gi la yang rjes su yi rang bar mi byed/ nged kyang yid kyi chad pa mi 'dod pa/ mi sdug pa yid du mi 'ong ba ston cing / gzhan dag gi la yang rjes su yi rang bar mi byed na/ khyed cag gi dge sbyong go'u ta ma'i chos 'dul ba dang / nged kyi tha dad du bya ba ci yod/ bsam pa ni ci yod/ khyad par ni ci yod/ gang gis na dge sbyong go'u ta ma'i chos 'dul ba ni nged kyi las khyad par du 'phag sa/ dge slong go'u ta ma de ni thams cad mkhyen pa yin no zhes bdag nyid sgrogs/ gzhan mu stegs can spyod pa pa kun tu rgyu ba dag gis de skad dris pa dang / dge slong gsar du rab tu byung ba dag tshe dang ldan pa shA ra dwa ti'i bu dang bral bas rjes su yi rang bar yang mi byed/ lan yang ma btab bo// de nas dge slong rab tu mang po tshe dang ldan pa shA ra dwa ti'i bu dang bral ba dag bsod// snyoms kyi bya ba byas nas/ na la ta'i grong gang na ba der dong ste phyin nas/ dge slong rab tu mang po dag zas kyi bya ba byas nas 'khod do// de nas tshe dang ldan pa shA ra dwa ti'i bu phyi zhig nas bsod snyoms blangs te/ na la ta'i grong ga la ba der dong ngo // de nas dge slong rab tu mang po tshe dang ldan pa shA ra dwa ti'i bu ga la ba der dong ste phyin nas/ dge slong rab tu mang po dag gis/ tshe dang ldan pa shA ra dwa ti'i bu la bsnyad do// de nas tshe dang ldan pa shA ra dwa ti'i bus/ dge slong rab tu mang po dag la 'di skad ces smras so// gal te bdag tshe dang ldan pa khyed dang lhan cig rgyal po'i khab kyi lam srang dang / bzhi mdo dang / sum mdo gcig tu rim gyis dong ba las/ gzhan mu stegs can spyod pa pa kun tu rgyu ba rnams dang phrad par gyur na ni/ des na bdag gis gzhan mu stegs can spyod pa pa kun tu rgyu ba de dag chos dang mthun pas tshar bcad zin pa zhig na/ kye ma bdag cag la ma srang dang / bzhi mdo dang / sum mdo gzhan nas bsod snyoms la rgyu rgyu nas/ 'dir phyin te/ gang tshe dang ldan pa dag gzhan mu stegs can spyod pa pa kun tu rgyu ba rnams dang lhan cig gtam byas pa'i 'dri ba'i tshul de ni bdag gis tshor yang ma/ tshor ro// tshe dang ldan pa dag bcom ldan 'das kun tu spyan mnga' ba/ thams cad mngon sum pa la sa dang / 'bras bu dang / rnam par smin pa mkhyen pa de ha cang mi ring ba zhig na mu stegs kyi lta ba can thams cad zil gyis mnan nas/ nyan thos dang / dge bsnyen dang / lha dang / mi rnams la las dang 'bras bu rnam par smin pa'i chos ston gyis/ khyed de la zhus shig dang / de yang las dang / 'bras bu dang / rnam par smin pa thams cad ston par mdzad de/ gang lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dag gis ma mthong ba de khyod la ston par mdzad cing / gang bdag cag gi mngon sum du ma gyur pa de yang khyed la bcom ldan 'das shin tu mngon du gyur pa/ las dang 'bras bu rnam par smin pa mkhyen pa ston par mdzad do/ / de nas dge slong rab tu mang po dag bcom ldan 'das ga la ba der dong ngo // de nas dge slong dag gis bcom ldan 'das nyin mo'i gnas pas bzhugs pa ri rab ltar rang gi 'od kyi dra bas mngon par 'bar ba/ nyin mo'i nyi ma ltar snang bas rab tu gsal ba/ mtshan mo'i zla ba ltar zhi bas rab tu sim par mdzad pa/ mtsho ltar shin tu gsal pa/ rgya mtsho ltar zab pa/ ri rab ltar mi g.yo ba/ seng ge ltar dpa' ba/ pha ma ltar 'byung po thams cad kyi skyabs su gyur pa/ thugs rje chen pos brlan pa'i thugs/ sems can thams cad kyi gnyen gcig par gyur pa/ byams pa dang / snying rje dang / dga' ba dang / btang snyoms kyi rten du gyur pa/ byang chub kyi phyogs kyi chos sum cu rtsa bdun gyis sku brgyan pa/ rab tu dang bas lus can thams cad kyi mig mgu bar mdzad pa/ zla ba dang nyi ma'i 'od zil gyis gnon pa/ shAkya'i rgyal po'i sras kun tu spun mnga' ba/ spyan dri ma gsum dang bral ba/ bden pa gnyis gsung ba/ sdug bsngal gnyis mkhyen pa/ bsgom pa gnyis bsgoms shing mngon sum du mdzad pa/ lam gyi 'bras bu mngon du mdzad pa/ 'gog pa'i de nyid mkhyen pa/ khams gsum mngon sum du mdzad pa'i spyan mnga' ba/ khams gsum gzhan yang dag par ston pa/ khams bco brgyad kyi de bzhin nyid mkhyen pa/ mos pa yid la byed pa'i de nyid mkhyen ga/ yon tan gyi glu rang gi yon tan bco brgyad dang ldan pa/ srid pa'i'i ching ba las rnam par grol ba/ stobs bcu dang ldan pa/ bsnyengs pa mi mnga' ba bzhis mi bsnyengs pa/ thugs rje chen po dang ldan pa/ dran pa nye bar gzhag pa gsum dang rtag tu ldan pa de mthong ngo // de nas dge slong rab tu mang po dag chos gos phrag pa gcig la gzar nas/ pus mo g.yas pa'i lhangs la btsugs te/ bcom ldan 'das kyi zhabs la mgo bos phyag 'tshal nas/ dul bas mgo btud de phyogs gcig tu 'khod do// de nas dge slong rab tu mang po dag gis/ dge slong gcig cig bsgo ba dang / bcom ldan 'das ga la ba der shin tu nye bar phyin nas/ yang de bzhin du bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ / bcom ldan 'das 'dir bdag snga dro'i dus su lhung bzed dang chos gos 'tshal nas/ rgyal po'i khab tu bsod snyoms la mchi mchi na zhes bya ba snga ma bzhin te/ gzhan mu stegs can spyod pa pa kun tu rgyu ba rnams dang lhan cig lus kyi chad pa dang / ngag gi chad pa dang / yid kyi chad pa sngon du 'gro ba'i gtam 'dri ba'i bar snga ma bzhin te/ de dag bcom ldan 'das la gsol to/ / de nas bcom ldan 'das kyis/ de'i tshe dge slong de dag dang / na la ta'i grong gi bram ze la sogs pa la 'di skad ces bka' stsal to// dge slong dag khyed cag la chos bshad par bya ba 'di lta ste/ dam pa'i chos dran pa nye bar gzhag pa zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa yang dag par rab tu bstan par byas/ de legs par rab tu nyon la yid la zung zhig dang ngas bshad par bya'o// bcom ldan 'das de ltar 'tshal lo zhes gsol te/ dge slong de dag bcom ldan 'das la nyan pa dang / bcom ldan 'das kyis de dag la 'di skad ces bka' stsal to/ / dge slong dag dam pa'i chos dran pa nye bar gzhag pa zhes bya ba'i chos kyi rnam grangs de gang yin zhe na/ 'di lta ste/ chos la yang chos nyid du/ chos ma yin pa la yang chos ma yin pa nyid du mthong ba de/ dran pa rtag tu nye bar gnas par 'gyur zhing / 'di la the tshom yang mi skye/ chos nyan pa la mngon par dga' bar yang 'gyur/ rgan rabs la yang ri mo byed do// de ni lus kyi las dang / ngag gi las dang / yid kyi las gsum gyi las kyi 'bras bu dang / 'chi ba dang skye ba'i rnam par smin pa shes par 'gyur te/ lta ba log pa ma yin zhing gzhan gyis kha mi phyin par 'gyur ro// dge slong dag de la lus kyi chad pa rnam pa gsum ste/ srog gcod pa dang / ma byin par len pa dang / 'dod pas log par g.yem pa'o/ / de la srog gcod pa ji lta bu yin zhe na/ sems can pha rol la sems can du 'du shes shing / bsams bzhin du srog chags bsad de/ srog dang bral bar byas pa yin no/ / de yang rnam pa gsum ste/ chen po dang / 'bring dang / tha ma'o// de la chen po ni dgra bcom pa la sogs pa bsad pa ste/ mnar med par 'gro ba'o// 'bring ni lam la gnas pa bsad pa'o/ / tha ma ni dud 'gro dang / tshul khrims 'chal pa spyad pa bsad pa'o// yang rnam pa gsum ste/ 'das pa dang / ma 'ongs pa dang / da ltar byung ba'i'o// yang rnam pa gsum ste/ 'dod chags kyis byas pa dang / zhe sdang giso byas pa dang / gti mug gis byas pa'o// de la 'dod chags kyis byas pa ni/ ri dgas la sogs pa la'o// zhe sdang gis byas pa ni sbrul dang / ne'u la la sogs pa'o// gti mug gis byas pa ni mchod sbyin la sogs pa na'o// yang rnam pa gsum ste/ rang gis byas pa dang / gzhan gyis bcol ba dang / gnyis kas byas pa'o// rgyu lngas srog gcod pa byas kyang / kha na ma tho bas gos par mi 'gyur te/ 'di lta ste/ lam du 'gro bar zhugs pa mi shes pas srog chags phra mo dang / grog sbur la sogs pa srog dang bral bar byed pa dang / gzhan la mtshon chagazas pa las bsams pa dang mi ldan par gzhan la phog ste/ de srog dang bral ba dang / nad pa la sman pa phan par 'dod pa des nyes par ma mthong ste/ sman byin pa las de shi ba dang / de bzhin du mas bu gdul bar bya ba'i phyir brdegs pa las de srog dang bral ba dang / me 'bar ba'i nang du srog chags mi 'dod bzhin du lhung ba ste/ rgyu rnam pa de lngas srog bcad par gyur kyang gos par mi 'gyur ro// yang srog gcod pa rnam pa gsum ste/ gzhan la bsgo ba dang / bdag nyid byed pa dang / gnyis kas byed pa'o// gzhan yang ma byin par len pa rdzogs pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis mthong ste/ pha rol gyis yongs su bzung ba la bdag gir bya ba'i bsam pas/ rku bar byed pa 'di ni ma byin par len pa rdzogs pa yin no// 'bras bu chung ba ji lta bu yin zhe na/ 'di lta ste/ rgyal po'i chad pas nyen pa dang / bla ma'i don dang / pha ma dang / nad pa dang / rang sangs rgyas dang / dgra bcom pa dang / phyir mi 'ong ba dang / rgyun du zhugs pa la sogs pa dang / nad pa dang / ltogs pa de dag gi don du ma byin par blangs pa 'di ni 'bras bu chung ba yin no// ma byin par len pa'i sdom pa ma blangs pas ma byin par len pa 'di ni rnam par smin pa chung ba yin no/ / gzhan yang 'bras bu chung bar 'gyur ba ni ma byin par len pa byas nas/ sems kyis 'chags par mi byed/ 'gyod la phyir zhing mi byed/ pha rol yang ma byin par len pa las phyir zlog par byed/ sdom pa'i lung yang 'bog par byed/ lam la yang 'jog par byed/ ma byin par len pa spong ba dag la 'jog par byed cing / las kyi nyer bsdogs dang // las kyi mjug mi byed pa'o// ma byin par len pa'i las kyi nyer bsdogs ji lta bu yin zhe na/ 'di la ma byin par len pa pos pha rol la g.yo sgyu byed cing / gsang thabs su smra ba dang / 'jal lugs la g.yo byed pa dang / mi rigs pa'i las lhag par spyod pa rnam pa 'di dag ni las kyi nyer bsdogs yin no// las ji lta bu yin zhe na/ gang gi tshe pha rol gyis// yongs su bzung ba'i rdzas kyi rnam pa ma byin par len pa 'di ni las yin no// las kyi mjug ji lta bu yin zhe na/ 'di la byas na rjes su yi rang bar byed cing / goms par byed la mang du byas te/ rjes su yi rang ba kun tu 'chab par byed// tshul khrims dang ldan pa gzhan ma byin par len pa la rab tu 'jog par byed pa 'di ni las kyi mjug yin no// rnam pa 'di gsum gyis ma byin par len pa'i las kyi nyer bsdogs dang / mjug dang bral bar ma byin par len pa'i chad pa'i 'bras bu chung bar gyur te/ myong bar 'gyur bar nges pa ma yin no// gzhan yang 'dod pas log pa// yem pa ji lta bu yin zhe na/ rnal 'byor spyod pa chos la chos kyi rjes su lta bas mthong ste/ 'di la 'dod pas log par g.yem pa kun tu spyod pa ni rang gi chung ma 'am/ gzhan gyi chung ma dag gi skye gnas ma yin par 'jug par byed/ gzhan byed pa la yang rjes su yi rang bar byed/ mi byed pa yang thabs kyis byed du 'jug pa 'di ni 'dod pas log par g.yem pa zhes bya'o// 'dod pas log par g.yem pa'i 'bras bu chung bar 'gyur ba ji lta bu yin zhe na/ 'di la byas nas 'gyod cing 'chags te/ rjes su yi rang bar mi byed/ gzhan 'dod pas log par g.yem pa yang phyir zlog par byed/ lam la 'jog par byed/ las kyi nyer bsdogs dang / las kyi mjug dang bral ba'i sems yin zhing / tshul khrims dang ldan pa yin te/ 'di ni 'dod pas log par g.yem pa'i 'bras bu chung bar 'gyur zhing / myong bar 'gyur ba ma nges pa yin no// lus kyi chad pa rnam pa gsum po de dag ni 'bras bu chung ba dang / 'bras bu zhan par 'gyur ro// de dag ni nga'i nyan thos sam/ nga las thos nas las dang 'bras bu rnam par smin pa shes shing / gzhan gyis kha drang du mi rung ba/ gzhan la rag ma las pa/ ma gtogs pa/ gzhan mu stegs can spyod pa pa kun tu rgyu ba rnams sam/ lha dang bcas pa'i 'jig rten nam/ bdud dang bcas pa'am/ tshangs pa dang bcas pa 'am/ dge sbyong dang bram zer bcas pa'i skye dgu 'am/ lha dang // mi dang / lha ma yin du bcas pas rtogs pa'i yul ma yin no// gzhan yang ngag gi chad pa lci ba ji lta bu yin zhe na/ rnal 'byor spyod pa chos dang / las dang / rnam par smin pa shes pa yin te/ ngag gi chad pa rnam pa bzhi la 'di lta ste/ brdzun dang / phra ma dang / tshig rtsub po dang / tshig bkyal pa dang bzhi'o// de la brdzun gang zhe na/ bdag nyid la bdag nyid slu zhing / gzhan yang slu ba yin te/ smras pa'i tshe/ rgyal po 'am/ blon po'i mngon sum du gzhan la gnod pa 'am/ 'phrog par byed pa log pas bskyed pa'i brdzun gyi skyon rab tu 'jug pa 'di ni brdzun du smra ba/ ngag gi chad pa rdzogs pa yin te/ sems can dmyal ba myong bar 'gyur ba yin no// gzhan yang ngag gi chad pa phra ma zhes bya ba ni/ don gcig la mthun par zhugs pa rnams la dbyen bya ba'i bsam pas tshig rjod par byed pa 'di ni/ phra ma'i ngag gi chad pa yin no// phra ma'i 'bras bu chung ba ji lta bu yin zhe na/ bdag gti mug gis ngan pa byas so zhes 'chags par byed/ gzhan phra ma la mngon par dga' ba zlog par byed/ lam la yang dag par 'jog par byed la/ las kyi nyer bsdogs dang / las kyi mjug mi byed pa yinano/ / ! rdzogs rnaMs su yin ne// 'di la rnam la mngon pa dga'ab/ rgyun mongs brgyags pa sa mngon pa sgrugs pa tshogs gzhan du brtags nas/ 'a ba 'di ni las kyi nyer bsdogs yin no/ / phra ma'i las kyi lam dang yang dag par rab tu ldan pa ji lta bu yin zhe na/ 'di la sdang ba'i sems kyis yang dang yang du gzhan 'byed la/ rjes su yi rang zhing kun dga' bar byed pa 'di ni phra ma'i las kyi lam dang yang dag par ldan pa yin no/ / las kyi mjug dang bcas pa ji lta bu yin zhe na/ 'di la phra ma byas nas/ rjes su yi rang bar byed/ phyir zhing byed byed pa la rjes su yi rang bar byed/ yid kyis kun tu rtog par byed/ de nyid la mngon par dga' bar byed/ ngang tshul gzhan du mi byed pa yin/ sdang ba'i sems yin// gzhan dag gis btsal btsal cing yid ches pa'i gnas su mi 'gyur ba yin/ smad pa yin/ ngo tsha bar mi byed pa yin/ khrel med la bdag nyid la smod par mi byed pa 'di ni phra ma'i chad pa yin/ no// gzhan yang tshig rtsub mo'i chad pa ji lta bu yin zhe na/ rnal 'byor spyod pa chos dang / las dang / kun 'byung ba mthong ba des thos pa las byung ba'i shes pas mthong ste/ 'di ni tshig rtsub pos bdag dung bar byed cing / yid du mi 'ong ba rna bar thos la/ glags skyed par byed/ de gzhan la gnas te/ mkhyud pa dang / 'chags pa dang / dgod pa dang / khro ba'i bsam pas rnam par smin pa du ma rnam pa du ma'o// de la tshig rtsub po chen pos ni sems can dmyal ba'i tshor ba myong bar 'gyur/ tshig rtsub po 'chags pa ni myong bar 'gyur bar madre pa yin te/ 'di dag ni ngag gi chad pa gsum pa yin no// las kyi nyer bsdogs dang / las kyi mjug dang yang dag par ldan pa zhes bya ba ni snga ma bzhin no// gzhan yang ngag gi chad pa bzhi pa ji lta bu yin zhe na/ rnal 'byor spyod pa las dang / chos dang / rnam par smin pa'i rnam pa du ma shes pa yin te/ tshig bkyal ba zhes bya ba snga phyi 'brel pa med pa'i tshig bkyal pa snga ma dang phyi mar mi sbyor ba yin te/ myong bar 'gyur bar ma nges shing / kha na ma tho ba mi mang ba yin pa 'di ni ngag gi chad pa bzhi pa yin no// gzhan yang yid kyi chad pa ji lta bu yin/ rnam pa ni du zhig yod ce na/ rnal 'byor spyod pa las dang / chos dang / rnam par smin pa la rjes su lta ba des/ thos pa las byung ba'i shes pas yid kyi chad pa/ rnam pa gsum mthong ste/ 'di lta ste/ brdab sems ni gzhan gyi 'byor pa mthong nas shin tu rtog par byed/ sems kyis 'dod par byed/ rdzas 'don bdag gir bya'o snyam ste/ brnab sems 'di ni yid kyi chad pa dang po yin no// gzhan yang yid kyi chad par 'gyur ba ni/ pha rol gyi phun sum tshogs pa mthong nas/ yid rab tu sdang ba gnod sems te/ yid kyi chad pa gnyis pa yin no/ / gzhan yang yid kyi chad pa gsum pa ni/ log par lta bas phyin ci log tu mthong ba log par lta ba'i chad pa'o// de yang rnam pa gnyis te/ yod pa 'jig pa dang / log par shes pa'o// de la yod pa 'jig pa ni/ 'di ltar sbyin pa med/ sbyin sreg med/ mchod sbyin med/ legs par byas pa dang / nyes par byas pa dag gi las kyi 'bras bu rnam par smin pa med do zhes bya bar rgya cher sbyar ro/ / log par shes pa zhes bya ba ni bde ba dang / sdug bsngal gang yin pa de ni lhas byas kyis/ las kyi 'bras bus ni ma byas so zhes zer ba ste/ 'di ni log par lta ba rnam pa gnyis pa yin no// gzhan yang ji ltar na lus dang / ngag dang / yid rnam pa gsum gyi chad pa rnam pa bcu kun tu bsten cing bsgoms te mang du byas na tshe 'di nyid la las kyi 'bras bu myong bar 'gyur bar nges pa dang / shi nas gzhan du skyes na de'i rgyu can gyi las kyi 'bras bu gang yin pa dang / rgyu mthun pa'i 'bras bu ji lta bu yin pa dang / yang 'jig rten 'dir skyes na yang de dag ci 'dra bar 'gyur zhe na/ rnal 'byor spyod pa las dang / chos dang / rnam par smin pa la rjes su lta ba des thos pa las byung ba'i shes pa 'am/ lha'i mig gis mthong ste/ lus kyi srog gcod dang po'o// srog gcod pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas kyi yul rnams su skye bar byed do// gal te mi dag dang skal ba mnyam par ma'i nang du skye na tshe thung ba yin no// gal te rngon pa lta bu la chags pas srog gcod pa byas na/ srog gcod pa byas pa de nyams par 'gyur te/ de ri dgas dang / phag dang / sreg pa dang / khyim bya dang / gong ma sreg dang / nya la sogs par gyur// ba na/ rgya 'am/ mchil pas gsod do// 'khor ba na las de lta bu'i rgyus 'brel ba gal te yang mi rnams dang skal ba mnyam par mi'i nang du skyes na de tshe thung bar 'gyur zhing / mkhas pa rnams kyi yul du skye bar mi 'gyur la/ mtshon mang pos 'khrug pa'i yul du myur ba nyid du gsod do// srog gcod pa chung ngu dang / 'bring dang / chen po'i tshogs su bcad pa kha cig mngal dang de bzhin gzhan/ / btsas pa'i khyim dang gzhan dag ni// gog pa tsam dang de bzhin du// gzhan dag yongs su rgyun 'chi// de ltar srog gcod pa ni da ltar gyi tshe la rnam par smin pas dbang du byas pa'i las yin no/ / gzhan yang ma byin par len pa kun tu bsten cing bsgoms te mang du byas pa'i rnam par smin pa gsum pa 'di lta ste/ sems can dmyal ba myong ba dang / tshe 'di dang rgyu mthun pa'i 'bras bu ji lta bu yin zhe na/ rnal 'byor spyod pa las dang / chos dang / rnam par smin pa la rjes su lta ba des thos pa las byung ba'i shes pas mthong ste/ de ltar ma byin par len pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye bar 'gyur ro/ / gal te mi rnams dang skal ba mnyam par mi'i nang du skyes na yang dbul bar 'gyur te/ longs spyod pasgrubs pa gang dag yod pa de dag rgyal po'i chad pa dang / chu dang / me dang / mtshon dang / chom rkun gyi 'jigs pa dag gis bsags bsags pa dag chud za bar 'gyur/ nams kyang bde bar mi 'gyur te/ 'di ni ma byin par len pa'i chad pa'i 'bras bu rnam pa gsum pa yin no/ / gzhan yang nang gi 'dod pas log par g.yem pa kun tu bsten cing bsgoms te mang du byas pa'i 'bras bu rnam pa gsum pa ji lta bu yin zhe na/ rnal 'byor spyod pa lnga dang / chos dang / rnam par smin pa la rjes su lta ba des/ thos pa las byung ba'i shes pa 'am/ lha'i mig gis mthong ste/ 'dod pas log par g.yem pa kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mir skyes na yang rgyu mthun pa'i 'bras bus de'i chung ma gus pa med par 'gyur/ mtshan gnyis par 'gyur/ 'jig rten pas brnyas par 'gyur ro// 'di ni lus kyi chad pa rnam pa gsum pa'i rnam par smin pa'i 'bras bu rnam pa gsum te/ gzhan mu stegs can spyod pa pa kun tu rgyu ba rnams kyi lus kyi chad pa mi 'dod pa nas/ rgyas par las kyi rnam par smin pa'i bar ni de lta bu ma yin no// de ci'i phyir zhe na/ gti mug dang 'grogs pa bsgoms pa'i sems dang ldan pa gzhan gyis ni nga'i las dang / chos dang / rnam par smin pa gang yin pa 'di mi mthong gi/ 'di ltar nga'i nyan thos dang / nga'i rnal 'byor spyod pa dag gis rjes su mthong ngo // gzhan yang tshig dang ngag gi chad pa ji lta bu yin/ / rnam pa ni du yod ce na/ rnal 'byor spyod pa chos la chos kyi rjes su lta ba des thos pa las byung ba'i shes pas/ ngag gi chad pa rnam pa bzhi mthong ste/ 'di lta ste// brdzun dang / phra ma dang / tshig rtsub po dang / tshig bkyal pa'o// de la brdzun kun tu bsten cing bsgoms te mang du byas pas/ sems can dmyal ba dang / dud 'gro dang / yi dgas kyi skye gnas rnams su skye'o/ / gal te mi rnams dang skal ba mnyam par mi'i nang du skyes na yang sems can thams cad kyis tshig gzung bar mi 'gyur te/ rgyal po'i pho brang 'khor dang khyim bdag gi 'khor dang / rgyal rigs kyi 'khor dang / rang gi bu dang / chung mas kyang tshig gzung bar mi 'gyur/ de'i kha nas dri mnam pa 'byung / so dang / kha dang / mdog dang / pags pa mi sdug par 'gyur/ 'jig rten pa kun gyis kyang log pa'i mngon par spyod pas mngon par sbyor bar 'gyur/ rtag tu 'jigs par yang 'gyur/ de'i mdza' bshes dang / gnyen dang // skye bo snying du sdug pa dag brtan par mi 'gyur/ byed pa bsams pa thams cad 'bras bu med par 'gyur/ don med pa thams cad spyod par 'gyur te/ 'di ni brdzun gyi las kyi 'bras bu mi 'dod pa/ mi sdug pa/ yid du mi 'ong ba yin no// gzhan yang ngag gi chad pa gnyis pa kun tu bsten cing bsgoms te mang du byas pa'i 'bras bu ji lta bu yin zhe na/ rnal 'byor spyod pa chos la chos kyi rjes su lta ba des thos pa las byung ba'i shes pa'am/ lha'i mig gis mthong ste/ phra ma kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o/ / gal te mi rnams dang skal ba mnyam par mi'i nang du skyes na yang de lkugs par 'gyur/ 'on par 'gyur/ de'i kha nas dri mnam pa 'byung / de'i tshig la su yang yid mi ches shing / de skye bo kun gyis bzhad gad par 'gyur/ gdong gi mdog mi sdug par 'gyur/ gnas la mngon par dga' bar mi 'gyur/ sems g.yo bar 'gyur/ sems mthas par 'gyur te/ 'di ni phra ma'i chad pa yin no// tshig rtsub po kun tu bsten cing bsgoms te mang du byas pa'i chad pa ji lta bu yin zhe na/ des thos pa las byung ba'i shes pa'am/ lha'i mig gis mthong ste/ tshig rtsub po kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mi rnams dang skal ba mnyam par mi'i nang du skyes na yang de su las kyang dbugs phyin pa mi 'thob/ skye bo kun gyis kyang rtag tu mngon par gtse bar 'gyur te/ su las kyang dbugs 'byin par mi 'gyur/ bu dang chung ma las dga' ba'i tshig gcig tsam yang mi 'thob/ ri dgas ltar rtag tu skye bo kun gyis 'jig par 'gyur/ dge ba'i bshes gnyen dang spyod par mi 'gyur/ sdig pa'i grogs por gyur te/ rnam pa gsum po 'di ni tshig rtsub po'i 'bras bu yin no// gzhan yang tshig bkyil pa kun tu bsten cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des/ thos pa las byung ba'i shes pa 'am/ lha'i mig gis mthong ste/ tshig bkyil pa kun tu bsten cing bsgoms te mang du byas pas/ sems can dmyal ba dang / dud 'gro dang / yi dgas rnams kyi yul du 'gro'o// gal te mi rnams dang skal ba mnyam par mi'i nang du skyes na yang / skye bo kun mi dka' zhing yang bar/ 'gyur/ rgyal po'i pho brang dang / mdza' bshes dang / gnyen dag gi khyim du yang smyon thabs mkhan lta bur 'gyur te/ 'di ni tshig bkyal pa'i chad pa yin no// gzhan yang yid kyi mi dge ba rnam pa gsum po kun tu bstan cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des/ thos pa las byung ba'i shes pa'am/ lha'i mig gis mthong ste/ brnab sems kun tu bsten cing bsgoms te mang du byas pas sems can dmyal ba dang / dud 'gro dang / yi dgas rnams kyi yul du skye'o// gal te mi rnams dang // skal ba mnyam par mi'i nang du skyes na yang de'i rdzas bsags bsags pa dag rgyal po dang / chu dang / me'i gnod pas bsog par 'gyur/ rtag tu dbul bar yang 'gyur ro// gzhan yang gnod sems kun tu bstan cing bsgoms te mang du byas pa'i yid kyi chad pa ji lta bu yin zhe na/ rnal 'byor spyod pa nang gi chos pa chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ gnod sems kun tu bsten cing bsgoms te mang du byas pas/ sems can dmyal ba dang / dud 'gro'i skye gnas dang / yi dgas rnams kyi yul du skye'o/ / gal te mi rnams dang skal ba mnyam par mi'i nang du skyes na yang / de ri brag dang / klu klo rtag tu mtshon gyis 'khrug cing / rtag tu 'jigs pa rnams su skye bar 'gyur/ rtag tu g.yang / sa rnams su ltung bar 'gyur/ de'i sems rnams kyang bde bar gnas par mi 'gyur zhing / gnod pa dag gis rtag tu gnod par 'gyur ro// gzhan yang log par lta ba kun tu bsten cing bsgoms te mang du byas pa'i yid kyi chad pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ log par lta ba kun tu bsten cing bsgoms te mang du byas pas sems can dmyal ba mnar med pa la sogs par sdug bsngal gyi tshor ba thams cad myong bar skye/ dud 'gro'i skye gnas su tshe bye ba brgya phrag du mar 'pho zhing skye/ de bzhin du yi dgas kyi yul du yang skye'o// gal te brgya la mi rnams dang skal ba mnyam par mi'i nang du skyes na yang / de ji skad bshad pa'i mi dge ba'i las kyi lam gyi skyon stong du bsgyur ba thams cad de dag las byung ngo / / gzhan yang rnam pa gzhan gang gis na/ mi dge ba bcu'i chos dag shin tu phra ba rjes su sems na yang 'khor ba'i sems can dmyal ba dang / yi dgas dang / dud 'gro rnams su 'khyam pa/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ srog gcod pa ji ltar kun tu sten/ ji ltar sgom/ ji ltar mang du byed ce na/ 'di la srog gcod pa grogs po ngan pa'am/ slob ma 'am/ de'i grogs la kun tu sten par byed/ de dang lhan cig kun tu dga' bar byed/ rtse bar byed/ yongs su spyod par byed/ kun tu gnas par byed/ de la yid ches pa'i gnas su byed/ thams cad yon tan du lta bar byed/ de'i tshul gyis rjes su 'jug par byed/ mi dge ba'i bshes gnyen nam/ slob ma des mi srog gcod pa'i tshul can de srog gcod pa'i rgyu byed pa'i gtam sna tshogs lam ma yin par gyur pa dang / srog gcod pa la rab tu 'jog par byed de/ de bzhin du mchod sbyin gyi gtam mam/ de bzhin du ri dgas kyi gtam mam/ de bzhin du ro la chags pa rab tu nyes pa'i gtam mam/ de bzhin du dgra bo mi mdza' ba dang 'brel pa la lan 'don pa'i gtam mam/ de bzhin du de'i rdzas la chags pa'i gtam mam/ de bzhin du nyon mongs pa la rab tu spro ba rdzas la chags pa dang / grags pa'i las kyi gtam rnams la rab tu 'jog par byed/ de yang de la yid ches pa'i gnas su 'jug pa na/ srog gcod pa kun tu sten par byed do// de ltar srog gcod pa bsten pa ni/ sems can dmyal bar 'gro/ yi dgas kyi 'jig rten du 'gro/ dud 'gro'i 'jig rten du 'gro ste/ mi 'dod pa/ mi sdug pa/ yid du mi 'ong ba/ skye bo mkhas pa kun gyis smad par 'gyur ro// mir skyes na yang tshe thung ba'i rgyur 'gyur ro// de ltar na ba shes gnyen ngan pa'i sa bon can gyi srog gcod pa po ni srog gcod pa kun tu sten par byed do/ / mi ngan pa goms par byed pa ji lta bu yin zhe na/ mi ngan pa srog gcod pa bsten pa zhes snga ma bzhin sbyar te/ srog gcod pa byas na yid dga' bar byed/ mgu bar byed/ yid kyis kun tu rtog par byed/ yon tan du lta ba'i blor byed/ de srog gcod pa nyid la kun tu rtog par byed/ rnam pa mang pos gzhan/ gyi srog 'phrog par byed do// de la skyon du mi bgrang / de la smod par mi byed/ de la dga' ba dang 'bral bar mi byed/ phyir zhing de'i ngang tshul du byed/ srog mi gcod pa'i tshul can gzhan dag kyang srog gcod pa de la rab tu 'jog par byed/ gtan rgyu dang bcas pa sna tshogs dag gi snga ma bzhin du sbyar te/ de ltar srog gcod pa goms par byed do// mang du byed pa ji lta bu yin zhe na/ 'di ni srog gcod pa byas nas goms par byed pa snga ma bzhin du sbyar te/ de la goms par byed/ sdig pa'i grogs po dang phrad pas rgya 'bre bar byed/ de la dug mda' byed/ khyi sogs par byed/ srog gcod pa'i bya sdud par byed/ gtum po dang sten par byed/ 'thab mo la dga' ba ste/ ya lad dang / mtshon cha dang / ral gri dang / mda' bo che dang / ste'u ka dang / 'khor lo dang / go mtshon la sogs pa'i ngang tshul can yin/ srog gcod par byed pa'i rgyu gzhan gang yin pa de thams cad kyang yongs su 'dzin par byed de/ mi de lta bu ni srog gcod pa mang du byed pa yin no/ / rgyu de dang / gzhi de dang / rkyen des sems can dmyal ba dang / dud 'gro dang / yi dgas rnams kyi yul du skye ste/ gnod pa mi bzad pas mngon par gnod do/ / srog gcod pa tha ma dang / 'bring dang / chen pos/ rnam par smin pa tha ma dang / 'bring dang / chen po nye bar spyod par 'gyur ro// las byas la bsags pas ni las kyi rnam par smin pa myong bar mi 'gyur ba med de/ de ltar na bdag nyid kyis byas pa'i las ni bdag nyid kyis nye bar spyod par 'gyur ro// de lta bas na gal te 'khor ba la yid byung na/ sdig pa spangs nas dge ba kun tu spyad par bya ste/ 'di ni srog gcod pa kun tu sten cing mang du byed pa yin no// ji ltar na ma byin par len pa kun tu sten cing sgom ste mang du byed pa yin/ kun nas bsten cing bsgoms te mang du byas pas/ sems can dmyal ba ji ltar myong bar 'gyur zhe na/ 'di la tshul khrims 'chal pa'i mi na ngo bo nyid kyis ma byin par len pa'i ngang tshul can yin te/ grogs po ngan pa 'am/ slob ma dang 'brel bas ma byin par len pa tha ma dang / 'bring dang / chen po kun tu spyod do// de la tha ma ni rgyal po'i chad pas skrag nas gzhan gyi len pa yin te snga ma bzhin no// 'bring ni/ dngos po chung ngu yin te/ zhing bzang po la brkus pa ma yin pa 'di ni ma byin par len pa 'bring yin no// sangs rgyas dang / chos dang / dge 'dun dag dge 'dun dag las ni chung ngu zhig blangs na yang chen por 'gyur te/ sangs rgyas dang / chos dang / dge 'dun gyi ma byin par blangs pa de dag las kyang ris mthun par slar phul na/ sangs rgyas dang chos kyi ni dag par 'gyur la/ dge 'dun gyi brkus pa ni tshor ba ma myong bar dag par 'gyur ba med de/ zhing lci ba'i phyir gal te zhal du 'du ba'i sgo zhig na ni/ de sems can dmyal ba chen por ltung la/ gal te zhal du 'du ba'i sgo ma yin na ni/ de'i nang gi bar mnar med pa'i 'khor yun nag chen po la sogs par skye bar 'gyur ro// gal te ma byin par len pa chung ngu zhig blangs nas kyang kun tu ston cing sems la dga' bar byed de/ goms par byed pa mang du byed na/ ma byin par len pa chung ngu des kyang / sems can dmyal ba dang / dud 'gro dang / yi dgas kyi nang du skye bar 'gyur ro// gal te 'chags par byed cing / rjes su yi rang bar mi byed la/ 'gyod na de'i myong bar 'gyur bar ma nges pa yin no// gal te ma byin par len pa'i ngang tshul can zhig/ de thabs du mas ma byin par len na ma byin par len pa kun tu sten pa yin no// gom pa/ byed pa ji lta bu yin zhe na/ 'di la ma byin par len pa'i rdzas thob nas mgu bar 'gyur zhing chom rkun la mngon par dga' bar byed do// de rdzas de thob nas bza' ba dang bgo ba byas shing dga' bar 'gyur te/ yon tan du bzung nas/ gzhan dag kyang ma byin par len pa la rab tu 'jog par byed/ yang dag par 'jug par byed/ yang dag par 'dzin du 'jug cing byed du 'jug pa de lta bu ni ma byin par len pa goms par byed pa yin no/ / ma byin par len pa mang du byed pa ji lta bu yin zhe na/ 'di la ma byin par len pa byas nas mal cha dang / bza' ba dang / bca' ba dang / gos dang / rgyan dang / btung ba dang / smad 'tshong dang / rgyan po mang po dag la mngon par dga' bar byed do// de sems kyis mngon par dga' bar byed de/ bde ba thams cad kyi nang na 'di lta ste/ ma byin par len pa zhes bya ba 'di ni legs par byas pa yin no/ / rgyu des bdag mal cha dang / bza' ba dang / bca' ba dang / gos dang / rgyan dang / btung ba dang / smad 'tshong dang / rgyan po mang po dag gis mchog tu bde ba myong ngo / / ma byin par len pa de bdag gis kun tu spyad par bya ste/ de bdag la bde ba rab tu mang po dag tu 'gyur ro snyam na/ snga ma bzhin du sbyar te/ 'di dag ma byin par len pa mang du byed pa yin te/ de ni sems can dmyal ba rnams su myong bar 'gyur bar nges pa yin no// 'dod pas log par g.yem pa kun tu sten cing sgom ste mang du byed pa ji lta bu yin zhe na/ 'di la tshul bzhin ma yin pa yid la byed pas/ zil gyis gnon pa ni 'dod chags dang bcas pa'i ris mthun pa gzhan 'di lta ste/ bye'u mchil pa dang / ngur pa dang / gong ma sreg dang / tso dang / rma bya dang / sreg pa dang / nya dang / srog chags dud ka dag ni/ lha ma yin gyi rigs dag nas shis 'phos nas 'dir skyes pa yin te/ 'dod chags shas che ba'i grogs po ngan pa dang lhan cig yan lag ma yin par spyod pa yin no/ / de'i tshul bzhin ma yin pa nyis bsgyur gyis mngon par zhen la/ de 'dod chags tshim pa med pa dang bcas pa'i sems kyis tshul bzhin ma yin// pa kun tu spyod de/ gang dri za der nye bar 'gyur zhing / gang gis der skye bar 'gyur ba tshul bzhin ma yin pa de ni skye gnas kyi zhing la skyon yod pa'i phyir der skye bar mi 'gyur ro// rgyu des na tshul bzhin ma yin/ ba dang bcas pa'i 'dod pas log par spyod pa ni ngan pa yin no// ma de reg bya 'dod chags shas che bas de dang de nyid la mngon par dga' ste/ de ni 'di ltar 'dod pas log par g.yem pa 'di yang dang yang du sten cing / reg bya ngan pa la mngon par dga' ba yin te/ 'di ltar 'di ni 'dod pas log par g.yem pa kun tu sten pa yin no// 'dod pas log par g.yem pa goms par byed pa ji lta bu yin zhe na/ 'di la 'dod pas log par g.yem pa yang dang yang du sten cing / yid kyis yang dag par rtog par byed do// de'i yid la mngon par dga' ba gzhan spangs te/ de 'dod pas log par g.yem pa 'di nyid goms par byas nas/ yang yul bde ba de goms par byed pa yin no// mang du byed pa ji lta bu yin zhe na/ 'di la tshul bzhin ma yin pa yid la byed pas brlan pa'i byis pa so so'i skye bo ni/ 'di ltar 'dod pas log par g.yem pa ni mchog tu bzang ba yin la/ 'dod pas log par mi g.yem pa ni ma yin zhes yon tan mchog dang 'dra bar yang dag par 'dzin par byed do/ / de gzhan shin tu mang po dag kyang 'dod pas log par g.yem pa la mngon par 'jug cing byed du 'jug ste/ 'di ni 'dod pas log par g.yem pa mang du byed pa yin no/ / lus kyi rnam pa gsum po 'di dag ni byis pa so so'i skye bo rnams kyi mi dge ba yin no// ngag gi rnam pa bzhi ste/ brdzun dang / tshig rtsub po dang / phra ma dang / tshig bkyal pa'o/ / de la brdzun gang zhe na/ 'di lta ste/ bdag nyid kyis bdag nyid slu bar byed/ gzhan yang slu bar byed pa yin te/ brdzun du smra ba 'di ni bdag dang gzhan smra bar byed pa yin no/ / de yang rgyu lnga dang ldan pa yin te/ 'di lta ste/ 'dod chags dang / zhe sdang dang / 'jigs pa dang / rnyed pa dang / chos log pa'i 'dul ba yongs su sdud pa'o// brdzun du smra ba ji lta bu yin zhe na/ 'di la rgyal po'i pho brang 'khor na 'dug kyang rung / khyim bdag gi 'khor gyi nang na 'dug kyang rung / nye du'i nang na 'dug kyang rung ste/ mdza' bshes dang / mdza' bshes ma yin pa dag smra ba na/ mdza' bshes kyi phyir ni 'dod chags kyi brdzun smra'o// mdza' bshes ma yin pa'i phyir ni zhe sdang gis kyang brdzun smra'o// rnyed pa'i phyir yang brdzun smra'o/ / nor la chags pas de brdzun smra'o// chos log pa'i tshig yongs su sdud pas kyang brdzun smra ba yin te/ 'di la bram ze rnams yon tan gyi phyir dang / rang gi srog la gnod pa dang / bag ma len pa dag gi phyir brdzun smras kyang mi gos so zhes zer ro// de ni chos log pa'i tshig yongs su sdud pa'i brdzun smra ba yin te/ mi gti mug log par lta ba'i tshig yongs su sdud pa 'di ni/ sems can dmyal ba mi bzad par yang 'gyur ro// sems can dmyal ba 'grub par 'gyur ba'i sa bon dag ni 'di lta ste/ brdzun smra ba yin pas rang gi srog gi phyir ram/ gzhan gyi srog gi phyir brdzun cung zad kyang smra bar mi bya ba 'di ni mchog yin no/ / 'jigs pas kyang brdzun smra ba ste/ gang bdag gi brdzun smra ba 'di mi smras na/ de bdag gi srog la sman pa don med pa chen po 'thob par 'gyur ro snyam nas/ de gang las 'jigs par 'gyur ba de'i don du brdzun smra ba yin te/ rgyu lnga po 'di dag gis byis pa dag brdzun smra ba ste/ gti mug ni thams cad la gnas pa yin/ no// 'dir tshigs su bcad pa/ 'jig rten pa rol khyad gsod cing // chos gcig la seMni 'da' byed pa// brdzun du smra ba'i lus can gyis// sdig pa mi byed ci yang med// ma yi lus su skyes ma thag/ kha nas ste re lta bu yi// tshig 'byung ngan par brjod smrab// de yi bdag nyid gcod par byed// bden par smra zhing 'khrug mi bya// bslangs na chung yang sbyin par bya// gnas 'di gsum dang ldan pa ni/ / lha rnams dag ni drung du 'gro// de lta bas na rgyu thams cad dang / rkyen thams cad kyis brdzun du smra bar mi bya zhing / gzhan brdzun smra ba na rjes su yi ring bar mi bya/ brdzun smra ba dang lhan cig 'bel ba'i gtam zer du mi 'gro/ mi gnas/ 'dug par mi bya'o// gzhan du na 'di yang brdzun smra ba mngon du zer ba yin no zhes skye bo gzhan dag gis bsams par 'gyur te/ de ltar na las dri ma can la mngon par dga' ba'i mi rnams dang 'grogs pas/ las dri ma can du gzhan dag sems so// de lta bas na sdig pa'i grogs po dang 'grogs par mi bya ste/ 'di lta ste/ sdig pa'i grogs po dang 'grogs pa ni 'khor ba'i 'ching ba sems can dmyal ba dang / yi dgas dang / dud 'gro rnams kyi gnas yin la/ dge ba'i bshes gnyen dang 'grogs pa 'di ni thar pa mchog yin te/ 'di dag ni brdzun du smra ba mdor bshad pa yin no// gzhan yang phra ma ji lta bu yin/ rnam pa du yod ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ phra ma zhes bya ba ni mthun zhing 'byor pa dag la dbye ba'i bsams pas tshig brjod pa ni phra ma yin/ no// de rnam pa gnyis te/ pha rol dang sbyor ba dang / mi sbyor ba'o// de la khyod kyis mi gnyis dbye ba'i sbyor bgyis shig ces dgra 'am/ dgra chung ngu gzhan dag gi sbyor ba byed pa dang / bdag nyid kyi 'byed par 'dod pa'o/ / gzhan yang tshig rtsub po ji lta bu yin/ rnam pa du yod ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ tshig rtsub po zhes bya ba ni/ bdag dang gzhan la gnod pa byed pa/ khro ba'i rgyu mthun par gyur pa/ yid du mi 'ong ba/ mi sdug pa/ mi dga' ba'i tshig brjod pa/ nyan pa dang / mi mthun pa/ 'dod chags dang / zhe sdang dang / gti mug dang bcas pa byis pa so so'i skye bo thams cad dang lhan cig spyod pa'i tshig smra ba 'di ni tshig rtsub po zhes bya ste/ rnam pa du ma dmigs pa du ma/ rgyu du ma/ sems kyi kun nas ldang ba du ma/ rnam par smin pa du ma/ bde 'gror 'gro ba rnam par 'jig pa du ma/ skye bo thams cad mi dga' bar byed pa/ 'jig rten sdang ba'i rgyur gyur pa/ mthun par gyur pa rnam par 'jig par byed pa/ yid mi ches pa'i gnas su gyur pa/ yid gcugs pa ma yin pa/ lce dgu lta bur gyur pa'i tshig rtsub po ngag gi dri ma ni/ tshangs pa mtshungs par spyod pas rnam par spangs pa yin no/ / 'dir tshogs su bcad pa/ brtan pas tshig rtsu ba spang bya zhing // rtag tu yang dag tshig smros shig/ tshig snyan mngon par dga' ba'i mi// mya ngan 'das la nye bar gnas/ / tshig zhi rtag tu smra bya zhing // dri ma yod pa rnam par spang // tshig gi dri mas zil non pa// mi gang de ni dmyal bar 'gro// tshig gi dri mas zil non pa// gang yin de la bde ba med/ / seng ge sbrul ni 'phags min ltar// de dag la ni mtho ris med// gang dag tshig rtsub mi smra zhing // gang dag g.yo ni rnam spangs pa// de dag thams cad dga' skyed cing // bde ba/ dang ni dbugs 'byin byed// skye bo de ni 'jig rten 'dir// dga' zhing pha rol mtho ris 'gro// de 'dra ba yi mi dag ni// mkhas pa'i de la phyag byar 'os// bden tshig rtag tu zhi ba dang / / g.yo sgyu med cing drang po'i sems// gzhan la gnod pa byed dang bral// de ni chos kyi rgyal mtshan dga'// lag pa brdabs pa'i sgra lta bur// mi ni chung bar gyur pa yin// gang dag de thob chos mi shes/ / mi ni rmongs pa dag gis bslus// gang dag bdag sdug mi 'gyur dang // gang dag bde ba ma'i 'dod pa// de ni sdig gi las byed cing // sred pa'i rgyu yis rnam par bsdus// gang du las kyi rjes 'gro ba// nor dang bu dang chung ma dang // mdza' bshes nyi du gnyen 'dab dang // der ni 'gro bar mi nus so// legs par byas dang nyes par byas// de dag 'gro ba rjes su 'gro/ mkha' la bya dag gnas pa yi// de'i gring lhan cig 'gro ba bzhin// ji ltar lam brgyags nyung ba dag/ lam zhugs sdug bsngal 'gro ba ltar// de bzhin las bzang ma byas pa'i// sems can dag ni ngan 'gror 'gro/ / ji ltar lam brgyags mang bdog pa// lam zhugs bde bar 'gro ba ltar// de bzhin las bzang byas pa yi// sems can dag ni bde 'gror 'gro// yun ring yul gzhan gnas pa yi/ / mi dag bde bar 'ongs pa dang // gnyen dang sdug pa mdza' bshes dang // 'dir 'ongs mngon par dga' ba ltar// de bzhin bsod nams byas pa'i mi// 'jig rten 'di nas phar 'gro ba/ / bsod nams nyid kyis mngon dga' ste// gnyen sdug dag ni 'ongs pa bzhin// de lta bas na tshe phyi ma'i// bsod nams dag ni bya zhing bsags// bsod nams 'jig rte pha rol tu/ srog chags rnams ni dran gnas yin// spyod pa mthun par gang spyod pa'i// bsod nams dag la lha bstod cing // de dag 'dir ni mngon dga' la// pha rol mtho ris dga' bar 'gyur/ / gnas 'di gzhan gyis mthong ba yi// mkhas pa dag gis tshul khrims srungs// 'phags pa mthong ba phun sum tshogs// 'jig rten 'dir ni zhi bsten// gzhan yang rnal 'byor spyod pa nang gi chos la chos kyi rjes su lta zhing gnas pa de mi dge ba'i las kyi lam gyi tshig bzhi pa'i tshig bkyil pa la rtog par byed de/ / de la tshig bkyal pa rnam pa du yod ce na/ tshig 'byung ba snga phyi 'brel pa med pa'i tshig bkyal pa dang / sems 'jug pa yang bas snga phyi 'brel pa med pa'i tshig brjod pa'i tshig bkyal pa'o// rgyags pa dang bcas pa dang / rgyags pa med pa'i dus kyis// bslangs pa yang byed pa'i rgyu'i ngo bo nyid skyed pa de tshe 'di la yid gcugs pa'i gnas su mi 'gyur zhing / tshe 'di las kyi lam skyed pa/ 'jig rten pa kun gyis smad pa'i gnas kyi rgyu/ don med par smra ba ni tshig bkyal ba ste/ tshig gi dri ma bzhi pa 'di ni mi dge ba'i las kyi lam skyed pa dang / skyed par byed pa smra bar mi bya zhing rjes su yi rang bar mi bya la/ gzhan mi tshig bkyal pa smra ba de la gnas par mi bya'o/ / yid kyi mi dge ba'i las kyi lam ni brnab sems dang / gnod sems dang / log par lta ba'o// de la brnab sems ni gzhan gyis yongs su bzung / pa'i nor rdzas dang / nor rdzas kyi rnam pa la ngag dang yid kyis shin tu rtog par byed de/ 'di ni bdag gir bya'o snyam pa yang dag pa ma yin pa'i tshul bzhin yid la byed cing / de gzhan gyi phun sum tshogs pa la 'phral la sems pa ldang ste/ don la 'chums pa rgyu med pa yin no// de ni brnab sems kyi mi dge ba'i las kyi lam yin te/ mi 'dod pa/ mi sdug pa/ yid du mi 'ong ba'i rnam par smin pa/ yid ma zhi ba/ ma sbyangs pa'i byis pa skye bo brnab sems kyis rab tu bslus pa de gzhan gyi phun sum tshogs pa la 'phral la yid kyis shin tu rtog par byed/ ro myong bar byed/ yang dang yang du byed/ yongs su sbyor bar byed/ rtag tu 'dod par byed/ rtag tu dga' bar byed cing / gzhan gyi nor rdzas phun sum tshogs pa mthong na sdug bsngal ba yin no// 'di ni brnab sems zhes bya ste/ yid kyi mi dge ba'i las kyi lam dri ma chen po yin no// gzhan yang sems las byung ba'i gnod sems mi dge ba'i las kyi lam la sogs pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ gzhan dag gi rgyu ma yin pa yid kyis nyes pa'i gnod sems dang / gzhan dag gi phun sum tshogs pa 'am/ phun sum tshogs pa ma yin pa mthong nas rgyu ma yin pa ji ltar 'dod pa bzhin byas pa/ yid kyi nyes pa mi bzad pa chen po skye bar 'gyur te/ gnod sems de ni sems can dmyal ba myong bar 'gyur ba/ dge ba'i chos kyi lo tog tu gyur pa rnams kyi ser ba/ yang dag pa'i shes rab kyi mig gi mi mthun par 'gyur ba/ mun nag snying// la gnas pa'i me de tshul khrims thams cad sreg par byed pa/ mdog ngan pa'i rgyu chos kyi stegs gcod par byed pa/ 'jig rten 'di dang / 'jig rten pha rol gyi dgra nang du zhugs pa sems rtse gcig pa nyid 'jig par byed/ byams pa dang mi mthun zhing 'phags pa'i bden pa bzhi po sdug bsngal dang / kun 'byung dang / lam dang / 'gog pa rnams 'jig par byed pa yin/ no// gnod sems zhes bya ba sems can dmyal ba'i pho nya mchog yin te/ de skyes bu dam pa dang / 'phags pa nyan thos dang / thos pa don du gnyer ba rnams kyis spong bar 'gyur ro// gzhan yang log par lta ba dam pa'i chos kyi mi mthun par gyur pa lta ba ngan pa thams cad kyi mun gnag snying la yang dag par skye bar 'gyur ba ji lta bu yin zhe na/ rnal 'byor spyod pa nang gi chos la sa kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ thog ma med pa'i dus na zhugs shing skyes pa sems can dmyal ba dang / yi dgas #/ dang dud 'gro'i 'gro ba'i myi skyed pa// spyan la mun nag tu gyur pa/ sgrub nganapa la mngon par dka' / yang dag pa'i lam gyi mi mthun par gyur pa/ mtshon dang / me dang / drAH/ dang / g.yang sa lta bu/ skye bo thams cad rnam par 'jig par byed pa// phyin ci log tu lta zhing log par lta ba yin no// de yang rnam pa gnyis te/ rkyen yod pa dang / las dang 'bras bu la skur pa 'debs pa'o/ / de la rkyen yod pa ni bde ba dang sdug bsngal gang yin pa de dag ni de dag nyid kyis byas kyi/ las dang 'bras bus byas pa ni ma yin no zhes zer ro// las dang 'bras bu la skur ba 'debs pa ni/ sbyin pa med do zhes bya ba la sogs pa ste/ de ltar de dag log par lta ba mi dge ba bcu'i las kyi lam 'di dag thams cad don thams cad med par byed pa'i rtsa ba yin no// / dam pa'i chos dran pa nye bar gzhag pa bam po gnyis pa// gzhan yang mi dge ba bcu'i las kyi lam 'di dag bzlog nas/ bag dang bcas pa dang / zag pa med pa dag gi las byed par 'gyur ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am// lha'i mig gis mthong ste/ 'di ni re zhig 'khor ba'i 'ching ba/ chos zad par byed pa 'di lta ste/ 'ching ba'i rgyu mi dge ba'o// thar pa'i rgyu'i dngos po ni dge ba yin te/ de la srog gcod pa spangs pas/ 'khor bar gtogs pa'i sems can rnams la mi 'jigs pa sbyin par 'gyur te/ de tshe 'di nyid la bsngags par 'gyur/ de'i bzhin gyi mdog dang dbang po rnams gsal bar/ 'gyur/ tshe ring por 'gyur ba'i las byed par 'gyur/ gang srin po dang / sha za dang / grul bum gyi rigs dang / gzhan yang sems can 'tshe bar byed pa de dag kyang nyin mtshan du srung bar byed// phyi bzhin du lha dag kyang mngon par srung bar byed la/ lus dang bral nas kyang bde 'gro mtho ris lha'i 'jig rten du skye bar 'gyur te/ gal te rnam par smin pa'i 'bras bu myong bar 'dod na yang ji/ ltar brtson 'grus brtsams pa bzhin du myong bar 'gyur ro// gal te byang chub kyi lam tha ma dang / 'bring dang / chen po rnams kyi so so yang dag par myong bar 'dod na/ de rnam pa gsum po 'dir 'gyur te/ gal te nyan thos kyi byang chub tu yongs su bsngo na/ de dgra bcom par gyur nas yongs su mya ngan las 'da' 'o// gal te byang chub 'bring du yongs su bsngo na/ de rang sangs rgyas su 'gyur ro/ / gal te bla na med pa yang dag par rdzogs pa'i byang chub tu yongs su bsngo na/ de yang dag par rdzogs pa'i sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su 'gyur ro// chos thams cad kyi rtsa ba ni srog yin te/ gang srog de mngon par bsrung ba des ni bde ba thams cad sbyin par 'gyur la/ sbyin pa rnams kyi nang na mchog ni 'di yin te/ 'di lta ste/ sems las byung ba so sor bsgoms pa srog byin pa'o/ / tshul khrims kyi nang na mtho ris su skye ba mchog ni 'di yin te/ 'di lta ste/ srog byin pa'i tshul khrims so// gal te yul gyi bde ba kun nas nyon mongs pa sred ba'i rgyur 'gyur bar yongs su bsngon/ de tshangs pa 'am/ bdud dam/ brgya byin du 'gyur// gal te ma'i bdag nyid chen por yongs su bsngo na/ de 'khor los sgyur ba'i rgyal po rin po che sna bdun dang ldan pa/ gling bzhi la spyod par 'gyur/ gal te lha ma yin gyi bdag nyid chen por yongs su bsngon// de lha ma yin gyi rgyal srid byed par 'gyur// gal te gnod sbyin gyi bdag nyid chen po yongs su bsngon/ de gnod sbyin gyi rgyal srid byed par 'gyur ro// chen po 'don dam pa'i chos kyis bon du gyur pa/ 'khor ba'i skyabs su gyur pa/ 'khor ba'i smon nag tu zhugs pa rnams kyi sgron mar gyur pa yin te/ 'di lta ste/ srog gcod pa spong ba zhes bya'o// srog gcod pa spangs pa byams pa sgom par 'gyur zhing / snying rje'i rgyud la gnas pa yin te/ bsams nas srog gcod pa spangs na gtsang zhing dga' bar 'gyur/ gang gi tshe pha rol yang dag par bsrung bar ma nus pa de'i tshe btang snyoms su 'gyur zhing / de tshangs pa'i gnas bzhi la gnas pa'i rgyud du 'gyur srog gcod pa spangs pa'i dge ba'i rtsa ba'i snying po ni bsam gyis mi khyab pa ste/ rnam pa gang dang gang gis ji lta ji ltar yongs su bsngo ba de lta de ltar yongs su 'grub bo// dper na gser mgar mkhas pa ni gser bzang po blangs nas/ ji lta ji ltar 'dod pa de lta de ltar gser de la byed de/ ci de las rgyan tam/ de las bum pa'am/ de las mi'i gzugs sam/ de las sangs rgyas kyi gzugs byed do/ / de bzhin du srog gcod pa yang dag par bsrungs te/ ma nyams shing ma ral la/ ma zhig na ji lta ji ltar yongs su bsngo ba de lta de ltar yongs su 'grub bo// de lta bas na srog/ gcod pa spangs pa'i sems can gang yin pa de ni mya ngan las 'das pa dang nye bar gnas shing // de dge ba'i bshes gnyen dang yang dag par spyod/ sems can de bdag dang gzhan la phan pa'i skal ba dang ldan zhing / de sems can dmyal ba dang / dud 'gro dang / yi dgas rnams kyi 'gro ba la bsod nams kyi zhing du gyur pa yin/ des 'khor ba na chos dang ldan pa'i chos kyi rjes su 'jug pa/ chos dang ldan pa'i kun tu rtog pa rnams 'grub par 'gyur zhing / grub pa yang brtan par 'gyur la/ rgyal po dang / chom rkun dang / chu dang / mes 'jigs pa'am/ thun mong ma yin pabar 'gyur te/ bdag nyid nye bar spyod par 'gyur ro// chos dang ldan pa'i 'gran zla gzhan dag gis mi non par mthong ste/ de lta bas srog gcod pa spang bar bya'o// de nas gzhan yang ma byin par len pa spangs pas legs par byas pa mthong ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ ma byin par len pa spangs pa ni/ gzhan gyis yongs su bzung ba'i chags pa chen po'i dri ba las grol bar 'gyur/ tshe 'di nyid la de dbugs 'byung bar 'gyur/ rgyal po 'am/ blon po'i yid brtan par 'gyur/ rgyal po'i 'khor dang / khyim bdag gi 'khor dang / rgyal rigs kyi 'khor dang / dge sbyong gi 'khor dang / bram ze'i 'khor du yid brtan pa dang / dga' ba dang / sdug pa dang / yid du 'ong zhing tshig yongs su bzung bar 'os par 'gyur/ de'i longs spyod gang yin pa de dag rtag cing gzhan la gnod pa med par 'gyur la/ rgyal po dang / chu dang / chom kun dang / me'i 'jigs pa med par 'gyur/ ma bsams par de dag 'phral la 'byung bar 'gyur la/ byung nas kyang zhing dang / tshul khrims dang ldan pa dang / lam bzang po la zhugs pa dang / 'jig rten pa rnams la yang dag par nye bar sbyor bar 'gyur/ lus dang bral nas kyang bde 'gro mtho ris kyi lha'i 'jig rten rnams su skye bar 'gyur ro/ / gal te nges par 'byung ba'i lam gyi yongs su bsngo na/ nges par 'byung bar 'gyur la/ snga ma bzhin du tshangs pa 'am/ bdud dam/ brgya byin nam/ 'khor los sgyur ba'i rgyal po gling bzhi la dbang ba/ rin po che sna bdun dang ldan par 'gyur te/ 'di ltar tshul khrims la mngon par dga' ba de byang chub rnams 'thob par 'gyur ro// de nas gzhan yang 'dod pas log par g.yem pa spangs pa'i 'bras bu ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ 'dod pas log par g.yem pa spangs pa ni/ dge ba'i las kyi lam bzang po spyod cing / tshe 'di nyid la de bsngags par 'gyur/ yid ches pa'i gnas su yang 'gyur/ bud med kyi nang na 'dug kyang dogs pa med par 'gyur/ de rgyal po 'am/ blon po'i yid brtan par 'gyur/ de'i chung ma nam yang gzhan gyis 'phrog par mi 'gyur zhing / rtag tu de'i rim gro byed par brtson par 'gyur labasam pa dang mthun par yang 'gyur/ nyam thag par gyur pa na yang khyad du gsod par mi 'gyur zhing / tshul dang mi mthun par mi 'gyur la/ gcig la gcig gnod pa byed pa la mngon par dga' bar mi 'gyur/ de'i chung ma de la brnyas pa byed par mi 'gyur zhing / 'jig rten thams cad la ma drang sring mo lta bur kun tu spyod par 'gyur la/ de'i chung ma 'jig rten la khro ba med par 'gyur te/ snga ma bzhin du lus dang bral nas bde 'gro mtho ris kyi lha'i 'jig rten du skye bar 'gyur ro// gang gi tshe lha dag las 'chi bar 'gyur ba de'i tshe lha'i bu gzhan zhig der skye bar 'gyur ro// gis 'dod pas log par g.yem pa byas par gyur na/ de tshe ma 'phos par lha gzhan zhig lha'i bu mo dag gi nang du skye bar 'gyur la/ de yang de dang mngon sum du 'gyur te/ dang lha gzhan dag dang lhan cig tu dgod par byed/ mdza' bar byed/ dga' mgur spyod par byed do// de 'chi ba na de'i chung mas mthong nas gzhan du 'gro bar byed de/ phrag dog gi zhags pas yongs su bzung ba dag sems can dmyal ba rnams su skye bar 'gyur ro/ / 'dod pas log par g.yem pa spyod pa kun tu bsten cing bsgoms te mang du byas pa 'di ni bar chad chen po yin no// de lta bas na 'dod pas log par g.yem pa spong ba gang yin pa de ni dge ba'i las kyi lam chen po yang dag par 'dzin cing / mya ngan las 'das pa'i skal ba dang ldan par 'gyur ro// de nas gzhan yang / dge ba'i phyogs thams cad dang mi mthun par gyur pa'i brdzun spangs pas dge ba'i phyogs chen po yang dag par 'dzin pa/ tshe 'di la 'bras bu rnam par smin pa ji lta bu yin zhe na/ rnal 'byor/ spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ brdzun du smra ba spangs pa ni skye bo kun gyi mig dang / rna ba'i lkog tu gyur kyang yid ches pa'i gnas chen por 'gyur zhing / nor rdzas med na yang skye bo kun dang / rgyal pos ji ltar 'dod pa bzhin mchod par 'gyur te/ ji ltar nam mkha' la gza' dang / skar ma dang / rgyu skar gyi dbus na zla ba rab tu gsal ba de ltar 'jig rten thams cad kyi nang na bden par smra ba de rab tu gsal lo// rin po che thams cad kyi nang na bden pa rin po che mchog tu bzang ngo // 'khor/ ba thams cad las sgrol ba'i nang na bden par sgrol ba khyad par du 'phags so// ngan 'gro thams cad las phyir bzlog pa'i nang na bden pas phyir zlog go/ sgron ma thams cad kyi nang na bden pa sgron ma yin no/ / lam ston pa thams cad kyi nang na bden pa lam ston pa yin no// 'du byed kyi rdzas 'byung ba thams cad kyi nang na bden pa'i rdzas gzhan gyi nad 'phrog pa yin no// rtsal thams cad kyi nang na bden pa rtsal ba yin no/ / skyob pa thams cad kyi nang na bden pa skyob pa yin no// mdza' bshes thams cad kyi nang na bden pa mdza' bshes khyad par du 'phags pa yin no// gang bden pa'i nor kun tu 'dzin pa/ de ni nams kyang 'khor ba ra ngan 'gro log par ltung ba dbul bar mi 'gyur zhing / lha rnams dang nye bar 'gyur la/ gang dang gang du skye ba de dang der skye ba'i rigs che zhing / gzugs bzang por 'gyur te/ skye bo// thams cad la sdug pa dang / dga' ba dang / yid du 'ong ba dang / tshig yid ches par 'gyur/ de gnod sbyin dang sha za dag gis mi mthong la/ gtse bar mi nus shing / yul gzhan du phyin na yang mal cha dang / na ba'i gsos sman gyi rkyen mang po phun sum tshogs par 'gyur/ des 'dod pa gang dag yid la bsams pa de dag kyang de la 'grub par 'gyur te/ des mi'i bde ba mchog myong nas/ gal te brtsi pa'i dus byed na/ de lus dang bral nas bde 'gro mtho ris lha rnams kyi 'jig rten du shin tu tshe ring ba dang / shin tu rdzu 'phrul che ba dang / shin tu gnas mtho bar skye bar 'gyur ro// snga ma bzhin du gal te rnam par byang ba zag pa med pa'i lam gyis yongs su sngo bar byed na/ mya ngan las 'das pa'i mthar 'gyur ro// de nas gzhan yang dge ba'i las kyi lam la spyod pa/ phra ma spangs pas tshe 'di dang pha rol gyi las kyi 'bras bu rnam par smin par ji ltar 'gyur zhe na/ rnal 'byor spyod pa nang gi chos la chos kyi rjes su blta zhing gnas pa des/ thos pa las byung ba'i shes pa 'am/ lha'i mig gis mthong ste/ phra ma spangs pas tshe 'di la las kyi 'bras bu rnam par smin pa myong bar 'gyur ba ni/ mdza' bshes dang / gnyen 'dab dang / rtsa lag dang / chung ma dang bran po dang / bran mo dang / las byed pa dang / zho shas 'tsho ba brtan par 'gyur/ gzhan gyis kha drang du mi rung zhing bshes pa dang / rgyal po'i pho brang 'khor dang / spun mi mthun pa dag gis dbye bar mi nus so/ / gal te nor dang bral bar 'gyur te/ nor dang bral bar gyur na yang mi gtong zhing / mu ge dang / 'brog dgon pa dang / ri dang / g.yang sa dang / gnas skabs mi mthun par chud na yang mi gtong ste/ nams kyang 'bral bar mi 'gyur la/ gang dag de'i skyon smra na/ de dag de la thabs kun gyis nyan par mi byed do// de rgyal po'i pho brang 'khor du brtan par 'gyur zhing / chu dang / mtshon cha dang / mi mdza' ba'i 'jigs pa med par 'gyur te/ dri ma chen po phra ma spangs pa'i yon tan ni de dag yin no// lus dang bral nas shi ba'i 'og tu yang bde 'gro mtho ris lha'i 'jig rten du skye bar 'gyur te/ de der yang lha'i ris mthun pa'i lha mo'i tshogs mang po rtag tu rjes su chags pa rnams kyis yongs su bskor cing / me tog 'phreng dang / phye ma dang / byug pa dang / rgyan thogs pa rnams kyi rtag tu dga' ba'i mchog byed par 'gyur ro/ / snga ma bzhin du gal te phra ma spangs pa rnam par byang ba/ zag pa med par yongs su bsngo na/ de zag pa med pa'i bsam gtan gyi lam yongs su mya ngan las 'das pa thob par 'gyur ro/ / de nas gzhan yang mi dge ba'i las kyi las 'jig rten thams cad skyo bar byed pa/ tshig rtsub po spangs pa'i 'bras bu rnam par smin pa ji ltar 'thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ tshig rtsub po spangs pas ni dge ba mthong bar 'gyur/ drang po'i rang bzhin dang / dbugs 'byung ba'i gnas dang / 'jig rten kun gyis rtogs pa dang / tshig 'jam zhing des la snyan pa dang / gzhan la rnam par 'tshe bar mi byed cing / skye bo thams cad kyi dbugs 'byung ba byed par 'gyur/ de rgyang ring po nas mthong nas/ skye bo kun nye bar 'gro bar byed/ mdza' bshes kyang mang bar 'gyur/ nor rdzas med na yang skye bo kun de'i bran dang 'dra bar 'gyur ro// gal te de las gzhan zhig gis nyon mongs pa 'byung na yang de dag gis de nams kyang gtong bar mi byed cing / de'i don thams cad nyon mongs pa med par nye bar sgrub la/ de la mi mdza' ba dang / rgyal po dang / chu dang / me dang / mtshon gyi 'jigs pa med par 'gyur ro// lus dang bral nas kyang bde 'gro mtho ris kyi lha rnams kyi 'jig rten du skye bar 'gyur te/ der skyes nas kyang tshig gi rgyu 'jam pa dang / phan pa dang / snyan pa dang ldan par 'gyur zhing rdzu 'phrul che ba dang / mthu che bar 'gyur ro// snga ma bzhin du gal te nges par 'byung ba'i bsam gtan bde ba'i gnas zag pa med par yongs su bsngo na/ de byang chub gsum 'thob par 'gyur ro// de nas gzhan yang mi dge ba'i las kyi lam tshig bkyil pa spangs pas tshe 'di la ji ltar 'thob par 'gyur ba dang phyi ma la gang du skye bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa 'am/ lha'i mig gis mthong ste/ tshig bkyal ba spangs pa ni/ 'jig rten na rigs btsun par 'gyur zhing / de bkur bar yang 'gyur/ tshig snga phyi 'brel par 'gyur zhing / tshig la skye bo thams cad mngon par dga' bar 'gyur/ de la skyon gyis su yang rnam par 'tshe bar mi byed la/ tshig shin tu 'brel cing 'jig rten na btsun par 'gyur te/ dal ba dang / snyan pa dang / khong du chud pa dang / chos dang ldan pa dang / 'jam pa dang / zab mo'i rgyu'i tshul dang / chos nyid dang mi 'gal ba'i gtam smra ba 'jig rten na bla ma dang 'dra bar lta zhing nor rdzas brtan par yang 'gyur/ log pa spangs pa yang skye bo pha rol dag gis yon tan du 'dzin par 'gyur zhing // de'i yon tan des skye bo dag gzung bar 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der smras nas kyang lha'i bu thams cad sems par 'gyur zhing rdzu 'phrul che ba dang / lha'i bde ba dpe med pa la spyod par 'gyur ro// snga ma bzhin du gal te rnam par byang ba zag pa med pa'i bsam gtan gyi bde bar yongs su bsngo na/ de byang chub gsum thob par 'gyur ro/ / de ltar lus kyi rnam pa gsum dang / ngag gi rnam pa bzhi mi dge ba yongs su spangs nas/ mthar mya ngan las 'das par 'gyur ro// de ni dge ba'i las kyi rgyu yin la/ 'jig rten na yang bsngags par 'gyur zhing / lha rnams kyi nang du yang skye bar 'gyur ro// de lus dang ngag gi las yang dag par gyur pa'i las kyi 'bras bu rnam par smin pa'i rgyu ni/ rnal 'byor spyod pa chos/ la chos kyi rjes su lta ba nang gi yang dag par gyur pa rjes su mthong ngo // // de nas gzhan yang yid kyi las ji ltar dge bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa 'am/ lha'i mig gis mthong ste/ yid kyi mi dge ba rnam pa gsum po de bzlog pas/ dge ba'i 'bras bu tshe 'di la bde ba gnas pa myong bar 'gyur zhing / lus dang bral nas kyang bde 'gro mtho ras lha rnams kyi 'jig rten du skye bar 'gyur/ gal te 'khor ba la yid byung na/ de rgyu des phung po lhag ma med pa'i mya ngan las 'das pa'i dbyings su 'jug par 'gyur ro/ / yid kyi las ni rnam pa gsum ste/ brnab sems dang / gnod sems dang / log par lta ba'o// de nas gzhan yang brnab sems spangs pas dge ba'i las kyi 'bras bu rnam par smin pa ji lta bu zhig 'byung zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ brnab sems spangs pa ni rgyal po 'am/ rgyal po'i blon po'i nor rdzas kyi rnam pa mang po thams cad gang la yang yid kyis 'phrog pa'i don du sems par mi byed pa yin no/ / de'i nor rdzas ga zhig tu stor na yang gzhan gyis rnyed cing de la skye bo de dang / gtso bor gyur pa zhig na yang slar sbyin par byed de/ nor dang rtag tu ldan zhing / gzhan dag gis mi thub par 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur la/ der skyes nas kyang lha dang lha ma yin du g.yul 'gyed pa'i tshe lha ma yin gang gis kyang yongs su thub par mi 'gyur zhing / rdeg par mi 'gyur la/ rnam par mtho 'tsham par mi 'gyur ro// de dag las rnam par phye bar mi 'gyur te/ lha'i bu thams cad la 'dod pa dang / sdug pa dang / yid du 'ong bar 'gyur zhing / spu dang / reg bya dang / ro dang / gzugs dang / dri sdug pa/ dpe med pa nye bar spyod par 'gyur ro// snga ma bzhin du gal te nges par 'byung ba zag pa med pa'i bsam gtan gyi 'bras bu'i lam du yongs su bsngo na/ de byang chub gsum thob par 'gyur ro// de nas gzhan yang gnod sems mi dge ba'i las kyi lam spangs pas// dge ba'i las kyi 'bras bu ji ltar thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ gnod sems spangs pas tshe 'di la 'byor pa dang / bde bar gnas par 'gyur la/ skye bo thams cad dga' ba dang / yid du 'ong bar 'gyur/ pha rol gyis 'jigs shing nyam nga ba mi bzad pa chen po dang / rnam par gtse bar mi nus shing rgyal po'i 'khor gyi 'jigs pa dang / chom rkun dang / g.yang sa'i 'jigs pa dang / me'i 'jigs pa dang / gnod pa'i 'jigs pa dang / g.yo'i 'jigs pa dang / chu'i 'jigs pa dang / 'jigs pa du mnyam nga ba dag dang bral zhing / 'jigs pa dang nyam nga ba las kun tu thar te/ skye bo thams cad kyi sdug pa dang / mchog tu dga' bar 'gyur/ sdig pa'i skye bo dang / dge ba'i skye bo la bu dang / spun dang 'dra bar sdug par 'gyur ro// lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der yang rdzu 'phrul che ba dang / mthu che bar 'gyur/ gzugs dang / sgra dang / reg bya 'dod pa thams cad 'byor pa la gnas par 'gyur zhing / dga' ba'i tshal dang / yongs su 'du ba dang / rnam par mdzes pa dang / shing rta sna tshogs kyi tshal chen po rnams su lha'i bu mo'i tshogs kyis yongs su skor bar 'gyur/ de'i lus dang / ngag dang / yid la lha gang gis kyang rnam par gtse bar mi nus shing / de la lha 'bum snyed dag gis dga' ba skyed par 'gyur la/ lha'i rgyal po brgya byin gyi 'dod pa dang / sdug pa dang / dga' ba dang / yid du 'ong bar 'gyur/ lha dang lha ma yin gyi g.yul 'gyed pa'i nyon mongs pa dag kyang med cing / 'khrug pa dag dang 'bral bar 'gyur ro// gal te nges par 'byung ba 'jig rten las 'das pa'i lam nyon mongs pa med par yongs su bsngo na/ de lha'i 'jig rten de nas shi nas/ 'khor los sgyur ba'i rgyal po gling bzhi la dbang ba rin po che sna bdun la nye bar spyod pa/ rnam pa du mar 'gyur te/ 'di lta ste/ bud med rin po che ni/ de'i bud med kyi lus las tsan dan dang spos 'byung zhing / kha nas ut+pa la'i dri 'byung / bya ka ling ka ltar reg na bde bar 'gyur te/ bya ka ling ka zhes bya ba ni rgya mtsho'i gling la gnas pa'i bya yin no// de ltar 'di'i mthus gang la reg pa nyid kyi lus kyi nyon mongs pa med par 'gyur zhing / gling de na gnas pa'i skye bo bkres pa dang / sgom pa dang / mya ngan dang bral bar 'gyur/ bud med de lta bu de 'khor los sgyur ba'i rgyal po mthong nas/ grang ba'i dus su ni dro bar byed cing / dro ba'i dus su ni bsil bar byed de/ de la mi gzhan gang gis kyang reg par bya bar mi nus so// de gnod sems spangs pa'i mthus dge ba'i las/ kyi rjes su zhugs pa/ dge ba thams cad yang dag par rtogs pa'i mi de dag thams cad kyis ma dang sring mo lta bur mthong ngo // de yang rgyal po de'i yid du 'ong zhing / de la gus par byed la/ de'i snying du sdug pa dang / rtag tu bde ba'i rjes su 'jug par 'gyur ro// bud med kyi skyon rnam pa lnga spangs pa yin te/ 'di lta ste/ skyes pa gzhan la sems pa dang / ser sna dang mi rigs par chags pa dang / mi rigs pa'i gnas la rjes su dga' ba dang / khyim thab kyi srog bcad par 'dzin pa'o// bud med rin po che'i yon tan lnga dang ldan par 'gyur te/ 'di lta ste/ bsam pa dang mthun par 'gyur ba dang / bu mang po btsa' bar 'gyur ba dang / rigs mthun par 'gyur ba dang / srid mtho bar 'gyur ba dang / khyim thab bud med gzhan la sems na phrag dog mi byed pa'o/ / gzhan yang bud med chen mo'i yon tan gsum dang ldan par 'gyur te/ 'di lta ste/ tshig cal col med par 'gyur ba dang / log par lta ba med par 'gyur ba dang / khyim thab med kyang sgra dang / dri dang / ro dang / reg bya dag gi dbang du mi 'gyur ba'o// de rgyu des lus dang bral nas bde 'gro mtho ris kyi lha rnams kyi 'jig rten du rgyu bar 'gyur te/ de sbyar 'khor los sgyur ba'i rgyal po bud med rin po che la nye bar spyod par 'gyur ro// de nas gzhan yang gnod sems kyi dri ma chen po tha/ pas/ dge ba'i las kyi rnam par smin pas 'khor los sgyur ba'i rgyal por ji ltar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ zos pa las byung ba'i shes pa'am/ lha'i mig gis mthong ste/ gzhan gyi mi dge ba'i las kyi rgyu mthun pa gnod sems chen po spangs pas rin po che gnyis pa nor bu rin po che la nye bar spyod par 'gyur te/ de yon tan brgyad dang ldan pa yin no// 'di lta ste/ mtshan mo rab tu gsal ba yin te/ ji ltar ston ka'i zla ba nya ba ni/ ston ka bod gsal bar 'gyur ba de ltar nor bu yang mtshan mo'i mun nag dag la dpag tshad brgyar 'od 'byung zhing / nyin par tsha bas gdungs pa rnams la ni 'od bsil ba 'byung ste/ tsha ba sel bar byed pa 'di ni nor bu de'i yon tan gcig yin no// gzhan yang yon tan gnyis pa ni/ gang gi tshe lam du zhugs la chu dang bral ba de'i tshe/ skom pas gdungs pa rnams la chu chen po yan lag brgyad dang ldan pa rab tu 'byung bar 'gyur la/ des skom pa de dag thams cad sel bar 'gyur te/ 'di ni nor bu de'i yon tan gnyis pa yin no// gzhan yang nor bu de'i yon tan gsum pa ni/ gang 'khor los sgyur ba'i rgyal pos bsams pa nor/ bu de las 'byung ste/ 'di ni nor bu de'i yon tan gsum pa yin no// gzhan yang nor bu de'i yon tan bzhi pa ni yan lag brgyad par 'gyur te/ de'i cha re res 'od kyi kha dog sna tshogs gtong ste sngon po dang / ser po dang / dkar po dang / dmar po dang / btsod ka'i kha dog lta bu'o// gzhan yang nor bu'i yon tan lnga pa ni/ nor bu de gang na 'dug pa dpag tshad brgyar nye ba dag gis nad med par 'gyur zhing / rtag tu yid mnyam par gzhag pa dang / de'i 'dod pa thams cad las ji lta ba bzhin 'bras bu med par mi 'gyur ro// gzhan yang nor bu de'i yon tan drug pa ni klu ngan pas char mi bzad pa mngon par dbab par mi nus so/ / gzhan yang nor bu de'i yon tan bdun pa ni mya ngan dang / g.yang sa dang / dgon pa dang / shing ljon pa dang / yul dang bral ba rnams shing ljon pa dang / mtshe'u dang / tshal dang / pad+ma dang / nags tshal dang / ne'u gsing phun sum tshogs par 'gyur ro// gzhan yang nor bu de'i yon tan brgyad pa ni/ mi gang yang dus ma yin par 'chi bar mi 'gyur/ dud 'gro'i 'gro bar mi 'gyur/ dud 'gro'i 'gro ba gang gis kyang gnod par mi 'gyur ro// mi mthun pas kyang mi mthun pa la gnod par mi 'gyur te/ 'di lta ste/ ne'u le dang / sbrul lta bu ste/ yon tan chen po brgyad po de dag dang ldan no// 'khor los sgyur ba'i rgyal po de'i gnod sems spangs pa/ dge ba'i las kyi rnam par smin par 'gyur ba ni// de'i bu yang skyong tham pa 'byung ste/ dpa' zhing rtul bod pa/ yan lag mchog gi gzugs dang ldan pa/ pha rol gyi sde mngon par 'joms pa/ bsam pa'i rjes su 'jug pa/ chos dang ldan zhing chos kyi rjes su 'jug pa/ rigs 'thun pa/ 'khor gyi skye bo thams cad dga' zhing rang bzhin gyis rjes su chags pa dag yin no// de nas gzhan yang gnod sems spangs pas/ gsum pa 'jig rten du 'khor lo rin po che ji ltar 'byung zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ 'khor lo rin po che yon tan lnga dang ldan par mthong ste/ 'di lta ste/ 'dzam bu chu bo'i gser las byas pa/ tshad dpag tshad lnga brgya yod pa/ rtsibs stong yod cing / 'jig rten na nyi ma gnyis pa lta bur rnam par mdzes te/ 'di ni de'i yon tan dang po yin no// gzhan yang 'khor lo rin po che'i yon tan gnyis pa ni/ nam mkha' la dpag tshad 'bum du nyi ma gcig gis thogs pa med par 'gro'o/ / gzhan yang 'khor lo rin po che de'i yon tan gsum pa ni 'di lta ste/ 'khor los sgyur ba'i rgyal po nub kyi ba lang spyod dang / shar gyi lus 'phags po dang / byang gi sgra mi snyan dang / rgyal chen bzhi'i lha'i gnas gang du 'gro bar 'dod pa de dang der nam mkha' la 'khor lo rtsibs stong yod pas 'gro zhing / de'i mthus de'i dpung gi tshogs yan lag bzhi pa/ glang po dang / rta dang / shing rta dang / rkang tang ba dang lhan cig tu nam mkha' la 'gro'o// gzhan yang 'khor lo rin po che'i yon tan bzhi pa ni/ 'khor los sgyur ba'i rgyal po gang mi thos pa de/ 'khor lo rin po che des grogs byas te thos par byed do// gzhan yang 'khor lo rin po che de'i yon tan lnga pa ni/ sngo ba gang yang med de/ chos dang ldan pa'i chos kyi rjes su 'jug pa'i rgyal po la/ rgyal po 'am/ blon po chos kyi grogs pos mthong ma thag tu de dag thams cad 'bul te/ de ltar 'khor lo rin po che yon tan lnga dang ldan no/ / rin po che chen po gsum pa bshad zin to// de nas gzhan yang gnod sems spangs pa'i dge ba'i las kyi lam spyad pa dag 'khor los sgyur ba'i rgyal po'i bzhi pa glang po rin po che ji ltar 'jig rten du 'byung bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis mthong ste/ 'di la 'khor los sgyur ba'i rgyal po chos dang ldan zhing / chos kyi rjes su 'jug pa'i glang por 'gyur ba ni cang shes pa/ mchog tu bka' nyan pa/ pha rol gyi sde las rgyal bar byed pa/ yan lag bdun legs par gnas pa yin te/ 'di lta ste/ rkang lag bzhi dang / mjug ma ma theg pa dang / rlig pa mdoms kyi gnas na 'dug pa dang / legs par gnas pa ste/ de dag la sogs pa de'i yan lag bdun dag sa'i steng na legs par rab tu gnas pa yin/ stobs che ba yin te/ rang bzhin gyis glang po che stong gi stobs yang dag par 'dzin par byed/ dkan 'jam pa dang ldan zhing / mdog dkar ba kha ba dang / dngul gyi mdog lta bu yin te/ 'di lta ste/ brgya byin gyi glang po che lta bu yin la/ glang po che gzhan dag de'i dri tshor nas mdun du 'dug par mi byed do// gnas gsum du g.yul 'gyed par 'gyur te/ 'di lta ste/ chu dang / skam sa dang / bur snang la'o// shugs phun sum tshogs pa dang ldan pa yin te/ nyin gcig gis 'dzam bu'i gling lan gsum du skor bar byed do// skud pas kyang dkrir rung bar 'gyur la/ gang gi tshe 'khor los sgyur ba'i rgyal po glang po che cang shes pa la zhon pa de'i tshe sems dang mthun par 'gyur te/ 'khor los sgyur ba'i rgyal po gang du sems 'jug par 'gyur ba der glang po che cang shes pa de ma bskul kyang 'jug go/ / dal gyis 'gro zhing 'gying bas spyi bo spyod pa gnod pa med cing 'khrugs pa med la/ sdug pa dang mdzes par 'gro ba yin/ byis pa'i nang du song na yang byis pa rnams la 'jigs par mi byed/ lam srang dang / bzhi mdo dang / ba gam gyi nang du song ste/ phan tshun 'gro ba na bud med kyis kyang reg par bzod pa yin/ g.yul 'gyed pa'i dus su drag la/ gnas pa'i dus su ni skud pas / dkrir rung ba yin te/ rgyal po'i glang po che'i yon tan ni de dag yin no// 'khor los sgyur ba'i rgyal pos dge ba bcu'i las kyi lam re re spyad pas kyang 'khor los sgyur ba'i sa bon 'di dag 'grub na dge ba bcu'i las kyi lam mtha' dag gi rjes su zhugs pa lta smos kyang ci dgos/ de ltar rnal 'byor spyod pa de lha'i mig gis 'khor los sgyur ba'i bzhi pa glang po rin po che mthong ngo // nas gzhan yang 'khor los sgyur ba'i rgyal po'i rta rin po che ni yon tan du zhig dang ldan par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis mthong ste/ rta rin po che ngang pa dang / me tog ku mu da ltar dkar ba yin/ kun nas lha'i nor bu'i gtsug la sogs pa mtshan bzang pos brgyan pa yin/ bong sted dang / mdog dang / dbyibs phun sun tshogs pa yin no// bsgo na nyin gcig gis 'dzam bu'i gling lan gsum du skor bar byed la/ de'i lus dag la shin tu nad med pa yin te/ 'di ni 'khor los sgyur ba'i rgyal po'i rin po che lnga pa yin no/ / de nas gzhan yang 'khor los sgyur ba'i rgyal po'i blon po rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ blon po rin po che'i yon tan ni 'di dag yin te/ 'di lta ste/ gang rgyal po'i byi ba'i rnam pa yid la sems pa de nyid/ ma bsgos kyang de'i yid kyis shes nas/ rgyal po la yongs su dbul bar byed de/ shin tu rdzogs pa dang / de bsags pa dang / ma chags pa dang / chos ma yin pa rnam par spangs pa dang / shin tu rigs pa brtsams pa dang / yul dang dus dang ldan pa dang / nyon mongs pa med pa dang / gzhan la gnod pa med pa dang / skye bo la rnam par mi 'tshe ba dang / yang dag pa'i tha snyad dang ldan pa'i rang bzhin la skyo ba med par byed do// rgyal po'i bya ba'i rnam pa'am/ chos kyi don gyi bya ba 'dod pa dang ldan zhing / ma 'ongs pa'i bya ba dang ldan pa thams cad yongs su 'bul bar byed do/ / 'di ni 'khor los sgyur ba'i rgyal po'i blon po rin po che yin te/ lhag pa'i gnod sems spangs pa'i dge ba bcu'i las kyi lam spyod pa dag ni 'jig rten thams cad la pha ma ltar phan par gnas pa yin no/ / de nas gzhan yang ji ltar na/ bdun pa khyim bdag rin po che 'byung bar 'gyur/ khyim bdag rin po che de'i yon tan ni du zhig yod ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ rgyal po'i bka' nyan pa'i khyim bdag rin po che'i yon tan ni 'di dag yin te/ 'di lta ste/ rdo rje dang / rin po che mthon ka dang / margad dang / sdug la sogs pa rin po che rnams kyi ngam grog dang / g.yang sa dang / ri khrod dang mi mthun pa gzhan dag tu ma bkos kyang shin tu 'gengs la/ rin po che rnams kyang zad pa med par 'gyur na/ gser dang dngul lta zhig smos kyang ci dgos/ khyim bdag rin po che 'di'i 'byor pa ni shin tu gnas pa yin te/ g.yo med pa dang / sgyu med pa dang / gzhan la mi gnod pa dang / skye bo thams cad dga' ba ni khyim bdag rin po che yin no// de ltar rgyal po rin po che sna bdun dang ldan pa ni mi'i gnas bzhi rnams la sgo ba byed cing / klu dang / lha'i ris gnyis dang / rgyal chen bzhi dang / sum cu rtsa gsum gyi lha rnams kyi dbang po'i stan phyed 'phrog pa yin te/ de ltar 'khor los sgyur ba'i rgyal po rin po che sgra bdun dang ldan pa yin no/ / de'i nye ba'i rin po che bdun ni rin po che de dag las cung zad dman pa yin te/ 'di lta ste/ ral gri nye ba'i rin po che dang / pags pa nye ba'i rin po dang / mal cha nye ba'i rin po che dang / tshal nye ba'i rin po che dang / khyim nye ba'i rin po che dang / gos nye ba'i rin po che dang / lham nye ba'i rin po che'o// de la 'khor los sgyur ba'i rgyal po'i ral nye ba'i rin po che'i yon tan ni 'di lta ste/ yul 'khor gang dag rgyal po'i yid dang / tshig las 'gal bar byed 'dod pa der ral gri nye ba'i rin po che 'gro ste/ des btab pa med cing / ral gri rin po che su la yang btab pa med kyis kyang yul 'khor kun gyis mthong nas 'dud par byed do/ / nye ba'i rin po che de'i yon tan 'di yin te/ bzang ba/ mi bzad pa/ chad pa med cing mtshon gyis bda' ba med kyang yul 'khor de dag thams cad 'dud par byed de/ de ni ral gri nye ba'i rin po che'i yon tan yin no// pags pa nye ba'i rin po che'i yon tan ji lta bu zhe na/ pags/ pa rin po che ni rgya mtsho nas 'byung ste/ de byung bar gyur pa dang / tshong pa dag gis rgyal po la 'bul bar byed de/ de'i yon tan ni 'di dag yin no// de rgya mtsho'i klu'i pags pa yin te/ zheng du dpag tshad lnga la chur dpag tshad bcu ste/ de char gyis mi rlan/ rlung gis mi skyod/ mes mi 'tshig/ grang na dro bar byed cing / dro na bde ba bsil bar byed la/ 'khor los sgyur ba'i rgyal po 'khor dang bcas pa gang du 'gro ba der blon po rin po che des khyer bar byed de/ ji ltar so so nas byed pa ltar de rgyal po'i 'khor gyi khyim gyi bya ba thams cad byed do// bud med mi sdug pa dag mthong zhing / dkar ba de dang ldan par 'gyur la/ zla ba dang nyi ma'i 'od snang ba de dang yang ldan par 'gyur ro// gsum pa rgyal po'i mal cha rin po che ni yang zhing 'jam la mtho dman can yin te/ gal te bsam gtan sems/ na/ de'i bsam gtan rnam par grol zhing / blo gros gsal bar byed/ gal te 'dod chags kyis zil gyis non pa yin na/ de mal cha'i steng du 'dug na/ de'i tshe 'dod chags dang bral zhing chags pa med par byed do/ / zhe sdang dang / gti mug dag la yang de bzhin te/ mal cha nye ba'i rin po che ni bsam gtan gyi gnas dang 'dra'o// rgyal po mal cha rin po che'i nang na 'dug pa bud med kyis mthong la/ de'i tshe mchog tu dga' ba skyes kyang yid la shin tu 'dod chags par mi 'gyur te/ gsum pa 'di ni mal cha nye ba'i rin po che'i yon tan yin no// bzhi pa tshal nye ba'i rin po che'i yon tan du yod ce na/ 'di lta ste/ gal te rgyal po tshal du bsam gtan la dga' bar 'gyur te/ de der nye bar 'gro na tshal de'i mthu dang / rgyal po'i dge ba'i las kyis gang lha'i 'jig rten gyi tshal gyi dga' ba'i rnam pa me tog dang / 'bras bu dang / bya dang / pad+ma dang / steng ka dang / 'bab pa'i chu ngogs bde ba dang / lha'i bu mo dag rol mo byed cing / dgod la mdzes pa rtse ba de dag thams cad lha'i ris de nas tshal der nye bar 'ong ste/ rgyal po de yang lha bzhin du lha'i 'dod pa'i yon tan lnga dag dang ldan par 'gyur/ tshal nye ba'i rin po che der bud med dang lhan cig tu dga' zhing dga' dgur spyod par byed de/ dge ba'i las kyis rnal 'byor spyod pa de bzhi pa tshal nye ba'i rin po che mthong nas gnas so// 'khor los sgyur ba'i rgyal po'i khyim nye ba'i rin po che ji lta bu yin/ yon tan ni du zhig dang ldan zhe na/ 'di lta ste/ gal te 'khor los sgyur ba'i rgyal po'i khyim nye ba'i rin po che'i nang du nyal bar gyur na/ mtshan mo nyal ba de'i tshe zla ba lta bar 'dod na 'ong zhing / gza' dang / rgyu skar dang / skar mda' dag kyang de'i khyim der nye bar 'ong bar 'gyur/ de'i nor bu yang mthong na dga' bar 'gyur/ lha mo dag kyang lha'i rol mo byed par 'gyur/ gang mya ngan mang po dang bra ba'i mi de bde bar gnyid log par 'gyur/ gnyid log pa na rmi lam dge ba mchog tu dga' ba dag mthong bar 'gyur/ zang pa'i dus su ni rlung dro ba ldang zhing / dro ba'i dus su yang bsil ba reg na bde zhing 'jam pa ldang ngo / / mtshan mo thun gsum las thun gnyis la nyal zhing / thun gsum pa las gnyid dang bral nas langs te/ bde ba'i chos la gnas par 'gyur te/ 'di ni 'khor los sgyur ba'i rgyal po'i khyim nye ba'i rin po che yin no// gos nye ba'i rin po che'i rnam pa du yod/ yon tan ni du zhig dang ldan zhe na/ 'di lta ste/ thags bzang zhing mchog tu 'jam la dri mas ma gos pa yin te/ gyon nas kyang zang ba dang / dro ba dang / bkres pa dang / skom pa dang / nyam chung ba dang / ngal ba dang / dub pa'i gnod pa med la/ me dang mtshon dag gis bsreg pa dang / gcod par mi nus so// de nas gzhan yang 'khor los sgyur ba'i rgyal po'i lha ma nye ba'i rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ lham nye ba'i rin po che 'khor los sgyur ba'i rkang pa la gyon na/ ji ltar skams la rkang pa mi 'bying ba de bzhin du chur yang mi 'bying bar 'gyur ro/ / gal te dal gyis sngon du 'gro bar 'dod na dpag tshad brgyar yang 'gro bar 'gyur zhing / lus la ngal ba med de/ 'di dag ni 'khor los sgyur ba'i rgyal po rin po che sna bdun dang / nye ba'i rin po che sna bdun dag la spyod pa yin te/ mi'i gnas bzhi dang / lha'i ris gnyis la nye bar spyod pa yin no// de'i bu dpa' zhing rtul phod la pha rol gyi sde rab tu 'joms pa stong tham pa yod de/ de dag 'khor los sgyur ba'i rgyal po la phyag byed do// gnod sems mi dge ba'i las spangs pa ni/ dge ba bcu'i las kyi lam gyi rgyu mthun pa bde ba dedag myong bar 'gyur ro/ / de nas gzhan yang 'khor ba thams cad kyi sa bon du gyur pa/ thog ma med pa'i dus nas mun pa mun nag tu gyur pa yang dag par spyod pa thams cad kyi bag la nyal bar gyur pa/ / log par lta ba spangs pa ji lta bu yin/ yang dag pa'i lta bas 'khor ba las grol ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ rnal 'byor pa des chos la chos kyi rjes su mthong ba ni/ 'di la log par lta ba spangs shing / de'i yang dag pa'i lta bas don med pa thams cad spong ba/ yang dag pa'i sbyor ba'i bag la nyal 'dor bar 'gyur/ de mya ngan las 'das pa dang nye bar 'gyur zhing / 'khor ba dang ring bar 'gyur/ 'di la log par lta ba rnam pa lnga mthong nas/ dbang po lnga sgrub par 'gyur ba ni skyes bu dam pa dam pa'i chos la mngon par dga' ba 'di thog ma nas 'di ltar sangs rgyas kyi yon tan de dag rnar thos nas/ de'i tshe 'di ltar 'khor ba'i sdug bsngal rnam pa sna tshogs la dmigs shing / 'gro ba lnga rnams la 'jigs pa chen po lnga dmigs te/ lha rnams la bag med pas 'chi ba'i sdug bsngal dang / mi rnams la 'dod pa'i sdug bsngal dang / sems can dmyal ba rnams la gnod pa'i sdug bsngal dang / yi dgas rnams la bkres pa dang skom pa'i sdug bsngal dang / dud 'gro rnams la gcig la gcig za ba'i sdug bsngal te/ de ltar rnam pa lnga po de dag rnam pa du ma yod cing / sdug bsngal gyi yan lag dbye ba dag dpag tu med par dmigs so// de'i tshe 'di ltar thog ma nyid du 'khor ba thams cad las nges par 'byung bar gyur cing / snang bar gyur la/ dam pa'i chos nges par 'byed pa'i cha lam rab tu 'byung bar sems bskyed de/ de'i sems bskyed pa gcig las dge ba'i chos kyi rgyun nyid skye'o// gang gis de'i sems bskyed pa de dang yang dag par ldan pa la bar snang la spyod pa'i gnod sbyin rab tu mgu zhing / kun tu dga' la rab tu dga' ste/ sems rangs par gyur nas/ yid la rigs kyi bu 'di'i mang ni 'di zhes bya/ rigs ni 'di zhes bya ste/ de thog ma med pa'i dus nas 'dod chags zhe sdang gti mug rnams spangs par 'dod la/ bdud kyi yul gyi dngos po mi 'dod par zhugs pa/ kun nas nyon mongs pa'i yul dag gis dga' ba'i 'dod chags kyi mod las skyes pa'i sred pa dag la kun tu mi dga' ba yin no snyam mo/ / gzhan yang log par lta ba dang bral ba'i rigs kyi bu de ni/ de ltar rtag tu rab tu 'byung ba'i sems kun tu ston par byed cing / goms par byed la mang du byed/ dge ba'i bshes gnyen la basbyin bkur byed/ dam pa'i chos nyan pa la dga' bar 'gyur// sangs rgyas kyi chos la phyir zhing sems gsal la phyag 'tshal bar byed/ lus dang ngag gi las kyi mtha' zhi zhing shin tu gsal ba yin te/ de ltar de'i lus dang / ngag dang / yid zhi bas nyin mo mnyam par gzhag par bar snang la spyod pa'i gnod sbyin gyis rig nas kun tu dga' bar 'gyur te/ rigs kyi bu 'di dge ba'i bshes gnyen la sems rab tu dang zhing khyim gyi gnas gze ba lta bur gyur pa la sems kun tu mi chags/ des bdud kyi yul rnams la thog ma med pa'i dus nas zhugs pa'i 'dod chags zhe sdang gti mug dag gis 'dod pa'i lha dang lhan cig tu 'du shes dag la chags pa med cing bdud dang lhan cig g.yul 'gyed par 'dod la/ nyon mongs pa spang bar 'dod pa de/ bar snang la spyod pa'i gnod sbyin gyis rig nas kun tu dga' bar 'gyur ro// gzhan yang rigs kyi bu de de ltar 'khor ba'i sdug bsngal la dmigs nas ches shin tu rab tu 'byung ba'i sems skyed par byed de/ de srog gcod pa dang / ma byin par len pa dang / 'dod pas log par g.yem pa dang / chang dang / sbyar ba'i chang dang / brdzun du smra ba spangs nas/ sdom pa len par 'gyur ro// de gang gi tshe dge bsnyen gyi sdom pa rdzogs par spyod par 'gyur ba de'i tshe/ bar snang la spyod pa'i gnod sbyin kun tu dga' ste/ rigs kyi bu che ge mo zhig ming ni 'di zhes bya/ rus 'di zhes bya/ grong khyer che ge mo zhig dang / grong rdal ga ge mo zhig dang / yul gage mo zhig tu spu dang ba spu bregs te/ chos gos ngur smrig bgos nas/ yang dag pa'i dad pas khyim nas khyim med par rab tu byung ste/ bdud kyi phyogs ni dems par byed cing / dam pa'i chos kyi phyogs ni mtho bar byed/ bdud kyi 'ching ba ni rnam par gcod par byed cing / nyon mongs pa chen po 'dod chags zhe sdang gti mug las grol bar byed do zhes mngon par sgrogs so/ / log par lta ba ni kun tu sbyor ba'i bag la nyal thams cad kyi gzhi yin la/ yang dag par lta ba ni mtha' mya ngan las 'das pa'i gzhi yin te/ rnal 'byor spyod pa pas chos de rjes su mthong ngo // de'i tshe 'di ltar thog ma nyid du yang dag par lta ba la mngon par bstod par byed de/ mi dgod/ mi smod/ skyon du mi bkra la/ pha rol dag la bstod par byed cing rab tu 'jog par byed do// log par lta ba la smad de/ bstod par mi byed la smod par byed do// yang dag par lta bas ni log par lta ba las dang / chos dang / rnam par smin pa yang dag par mngon par ston par byed cing 'jog par mi byed do// 'ching ba rnams kyi rtsa ba ni log par lta ba yin te/ byis pa so so'i skye bo rnams kyi 'ching ba yin zhing // 'byung po rnams dang / sems can dmyal ba dang / dud 'gro dang / yi dgas kyi yul du gnas pa'i mtha' yin no// rigs kyi bus de spangs na dge ba du ma de dag thob par 'gyur ro// gzhan yang rigs kyi bu de 'di ltar khyim gyi gnas ni sdug bsngal ba/ nyam nga ba 'ching bar gyur pa du ma yin te/ rang dbang med par rig nas khyim nas 'byung zhing rab tu 'byung bar 'dod la/ bdud dang lhan cig g.yul 'gyed par 'dod pa'i skyes bu dam pa des bla dang bar snang la spyod pa'i lha dag gis rig nas kun tu dga' ste/ rgyal po chen po bzhi rnams la kun tu dga' ba'i yid kyis// rigs kyi bu 'di zhes bya ba/ grong che ge mo zhig dang / grong rdal mang ge mo zhig dang / yul ga ge mo zhig tu sgra dang kha spu bregs te/ gos ngur smrig bgos nas/ yang dag pa'i dad pa nyid/ kyis khyim nas khyim med par rab tu 'byung ngo // de khyim nas byung ba bdud kyi phyogs ni dmas par byed pa dang / dam pa'i chos kyi phyogs ni mngon par mtho bar byed do zhes mngon par bsnyad do// de nas rgyal po chen po bzhi po de dag gis sa bla dang bar snang la spyod pa'i lha dag dang / gnod sbyin de dag las de skad thos nas yid dga' la/ bar snang la spyod pa'i gnod sbyin yang rab tu dga' bar 'gyur ro/ / de ltar 'dzam bu gling gi mi dam pa'i chos dge ba'i gtam gyis spro ba skyes nas/ rigs kyi bu de ji ltar rigs par 'phags pa dge sbyong gi mkhan po la bsnyen bkur byed do/ / bsnyen bkur byas nas kyang skra dang kha spu khregs shing / gos ngur smrig bgos te/ so sor thar pa'i sdom pa len to// sdom pa blangs nas sa pra dang bar snang la spyod pa'i gnod sbyin rnams lhag par kun tu dga' ste/ rgyal po chen po bzhi la 'dzam bu gling na/ rigs kyi bu che ge mo zhig ces bya ba grong mang ge mo zhig dang / yul ga ge mo zhig tu log par lta ba spangs nas yang dag par lta ba'i las dang chos yang dag par blangs pa/ bu dang chung ma la sred pa dug lta bu don med cing / nyam nga ba thams cad spangs nas/ skra dang kha spu bregs/ gos ngur smrig bgos shing so sor thar pa blangs te/ bdud dang lhan cig g.yul 'gyed par 'dod pa/ dga' ba'i 'dod chags kyi mod las skyes pa spong bar 'dod pa yin no zhes mngon par bskrad do/ / de nas de'i tshe rgyal po chen po bani kun tu dga' nas/ rgyal chen bzhi'i ris kyi lha rnams la 'dzam bu gling du rigs che ge mo zhig las/ grong mang ge mo zhig dang / yul ga ge mo zhig tu rigs kyi bu che ge mo zhig log par lta pa spangs nas/ yang dag par lta bas skra dang kha spu bregs/ gos ngur smrig bgos nas/ dad pa nyid kyis khyim nas khyim med par rab tu byung ste dge slong ga ge mo zhig gi drung du gnas so zhes mngon par sgrogs so/ / de lha rnams kyis thos nas bdud kyi phyogs dmas par 'gyur zhing / dam pa'i chos kyi phyogs ni 'phel bar 'gyur ro zhes yid dga' bar 'gyur ro/ / de nas rgyal po chen po bzhi las rgyal po chen po bzhi'i lha rnams kyis thos nas shin tu yid dga' bar 'gyur ro// gzhan yang rigs kyi bu de 'di ltar kha na ma tho ba rdul tsam la yang 'jigs par lta la/ bzod cing dul te/ sems yang dag par sdom pa/ 'du 'dzi la mi dga' zhing nye bar khro ba med pa/ rigs nas rigs su nye bar bsten cing / sdig/ bo'i grogs po dang 'grogs par mi byed la/ yul gyi rnam par rtog pa la lta bar mi byed/ bza' ba zhim po mang du mi 'dod cing / tshogs ngan pa dang spyod par mi byed/ yul gyi spyod ba la mngon par dga' bar mi byed cing / nam du yang mdza' bshes su lta ba'i ngang tshul can du mi byed/ yul la spyod pa'i tshul khrims su mi byed cing / dran pa nye bar gzhag pa la rtag tu brtson par 'gyur/ zhi ba'i zas kyis gnas shing bdud kyi 'ching ba spyod pa la rtag tu brtson par 'gyur/ yang dag par lta ba la rtag tu brtson zhing skyes bu dam pa 'jig rten thams cad la/ phan par 'dod pa yin no// 'dir tshigs su bcad pa/ 'byung po rnams la gang mi 'tshe// rtag tu byams sems bzod ldan pa// 'byung po kun gyi pha lta bur// de la 'jig rten rjes su lta/ / ma byin len pa spangs pa ni// rtag tu shes ldan dbang po thul// lus kyi las mtha' dge ba dang // srid pa dog las de rgal to// ri mo bris pa'i bud med la// mig gis lta/ bar mi byed do// 'jig rten 'dod pa dam bcom pa// de lta bu ni grol zhes bya// dpa' la bong ba gser du 'dra// mya ngan bral zhing mnyam par gzhag/ nyon mongs 'dod chags ma 'dres pa de ni mtha' yas sgo thob bo/ / gang la don dang don mi mnyam// de bzhin rnyed dang ma rnyed dang // bde ba sdug bsngal sems mnyam pa// de ni dge slong zhes bya'o// mdza' bshes mi bshes gnyis ka spangs/ / sems ni mnyam zhing dbang po thul// gang dag yul gyis nyon mi mongs// de 'dra bram zer shes par bya// yul ni gang dag dug 'dra la// sdang ba dang / po nyon mongs bral// rdzogs sangs rgyas kyis bshad pa yi// de yi mya ngan 'das mi ring // skye dang 'jig pa'i de nyid shes// yang dag lta la chags pa med// gangs ri lta bur blo mi g.yo// de ni 'khor ba las grol lo/ / tsan dan dang ni ral grir mnyam// zas ni zhim dang mi zhim mnyam// zab dar snam bu mnyam pa ni// sred pas gnod par mi 'gyur ro// rnyed dang bkur sti mi dga' zhing // rtswa stan tsam gyis chog byed la/ / rnyed dang bkur sti me lta bur// gang gis mthong ba de mthong ngo // gang dag yul gyi dbang mi 'gyur// srid pa'i chu bor mi 'jug la// rang gi las 'bras de nyid shes// de ni dge slong sangs rgyas gsung // gang dag 'das pa'i dus mi gnod// ma 'ongs pa la blo mi dga'// rnal 'byor pa ni da ltar la// mi dga' de yi blo gros med// gang gis blo gros phyir log la// chos la rtag tu gnas par 'gyur// dkar po chos la mnyam bzhag pa// de ni 'khor bar mi 'jug go/ gang gi sems la rnyog mi byed// rig pa me lta bu yin no// gang la yul ni bran lta bu// de la sdug bsngal med pa yin/ / gang gis dbang po dbang byed cing // dbang po'i dbang du mi 'gro la// gang dag gzugs sogs mi 'phrogs shing // nyon mongs med pa thub dang 'dra// gang gis bsams// pa dge ba dag/ bzod ldan mthong na dga' ba dang // sems ni rab tu dga' byed pa// mi de zla 'dra thub pa yin// gang dag dgon la mngon par dga'// khang bzang mchog la chags pa med// thang gi shing la mngon dga' zhing // zas slong dge slong zhes bya'o// dpa' bo zhi dul blo bzang ba// bde dang sdug bsngal de nyid rig/ de ni bla med gnas 'gro zhing // gang du song bas nyon mi mongs// snying brtse ldan zhing blo gros dang // rtag tu bsam gtan pha rol 'gro// phal pa rnams dang mnyam mi 'gro// rnal 'byor de ni bden tshig ldan// log par lta ba'i chos de dag/ spangs pas de dag thob par 'gyur/ / gzhan yang log par lta ba spangs pas/ yang dag par lta ba sngon du 'gro ba'i yid rnam par rtog pa spangs pas rim gyis zag pa med pa'i bsam gtan la mngon par dga' ba la/ sa pra dang bar snang la spyod pa'i lha dang / gnod sbyin dang / rgyal po chen po bzhi rnams ji ltar dgu' bar 'gyur zhe na/ rnal 'byor smod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ rgyal po chen po bzhi po de dag gis/ rgyal chen bzhi'i lha de dag dang / lha rnams kyi dbang po brgya byin la spogs par byed pa ni/ lha 'di ltar 'dzam bu'i gling na/ rigs che ge mo zhig las/ grong mang ge mo zhig dang / grong rdal ga ge mo zhig tu/ rigs kyi bu ming 'di zhes bya ba skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de tshul khrims dang / yang dag par sdom pa spyod pa/ spobs pa rig pa dang grol ba/ dran pa nye bar gzhag pa/ kha na ma tho ba rdul tsam la yang 'jigs par lta ba/ bdud kyi phyogs dmas par byed cing / dam pa'i chos kyi phyogs mngon par mtho bar byed de/ de bdag cag gis lha rnams la gsol ba lags so// de thos nas lha rnams kyi dbang po brgya byin shin tu yid dga' ba dang / brgya byin gyi mdun na 'don de dang / sum cu rtsa gsum gyi lha rnam/ kun tu dga' bar 'gyur ro// dge ba bcu'i las kyi lam le'ur bcad pa'o// // dam pa'i chos dran pa nye bar gzhag pa bam po gsum pa// de nas gzhan yang zag pa rim gyis spangs pa'i dge slong dag dang po mi dge ba'i chos spong zhing / dge ba'i chos ji ltar sgom par byed cig gu snyam nas/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ dge slong de thog ma nyid du yul dang dbang po 'di dag phan tshun rgyu rkyen du gyur pa dag gis/ skye bo kun thog ma med pa'i dus nas 'khor bar zhugs shing / yongs su 'khyam pa de dag nyid kyi skye ba'i rgyur gyur pa/ yul gyi rgya mtsho la rnam par rtog par byed de/ nang dang yul de dag gis skye bo 'di dag 'khyam mo snyam mo/ / de re zhig thog ma nyid du de ltar dben pa la mngon par dga' ba goms par byed de/ dgon pa dang / tshal gyi nang dang / kun dga' ra ba dang / sog ma'i khrod dang / shing drung dang / dur khrod dben pa rnams su sems spre'u lta bu gdul ba'i phyir goms par byed de/ dben pa la mngon par dga' ba'i sems shin tu dang bar byed do// de grong dag tu dgod dgod/ sgeg sgeg/ rtse rtse ba dag la mngon par mi dga' zhing / pha rol gyi bud med de la lta bar mi byed la/ 'du 'dzi la mngon par dga' bar mi byed do// tshangs par spyod pa la tshogs gnyis 'dra ste/ 'du 'dzi dang smad 'tshong ngo // de tshogs gnyis spangs nas dang por de'i yid rtse gcig la dga' zhing rab tu dang bar byed de/ de thog ma nyid du ji ltar na sems 'di bsdu ba dang / gzung bar nus snyam du yang dag par rnam par rtog par byed do// de thog ma nyid du 'di ltar yid kyi dpyod pa bco brgyad dag gros/ dge ba dang / mi dge ba dang / lung du ma bstan pa la yid 'jug par byed do snyam mo// bco brgyad gang zhe na/ 'di lta ste/ mig gi gzugs mthong nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin par 'gyur te/ so sor myong bar byed cing yang dag par rab tu rtog par byed do// yid mi bde ba'i gnas su 'gyur ba ni/ 'dod chags dang bral ba yin te/ de dge ba'i chos rnam par smin par 'gyur ba yin no// btang snyoms kyi gnas su 'gyur ba ni/ du ma bstan pa'i rnam par smin par 'gyur ba yin no// de ltar rna bas smra thos nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba la dmigs pa dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du snas dri bskams nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no/ / btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du lces ro myong nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du lus kyi reg bya la reg nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no/ / yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no// btang snyoms kyi gnas su 'gyur ba ni/ lung du ma bstan pa'i rnam par smin pa yin no// de bzhin du yid kyi chos shes nas yid bde ba'i gnas su 'gyur ba ni/ kun nas nyon mongs pa mi dge ba'i rnam par smin pa yin no// yid mi bde ba'i gnas su 'gyur ba ni/ rnam par byang ba dge ba'i rnam par smin pa yin no/ / btang snyoms kyi gnas su 'gyur ba ni/ lung du ma bstan pa'i rnam par smin pa yin te/ de ltar yid kyi dpyod pa bco brgyad kyi rnam par smin pa dag gis 'khor ba na 'chi ba dang / skye bar 'gyur ro snyam mo// gang gi tshe dge slong de yid kyi dpyod pa bco brgyad dag mthong ba de'i tshe/ bar snang la spyod pa'i gnod sbyin kun tu dga' nas/ sa bla'i gnod sbyin rnams la mngon par bsnyad do// bar snang la spyod pa dang / sa bla'i gnod sbyin yid rab tu dga' bas/ rgyal po chen po bzhi la mngon par bsnyad do// rgyal po chen po bzhi po de dag gis rgyal chen bzhi'i lha rnams la/ gang 'dzam bu'i gling du grong che ge mo zhig dang / grong rdal mang ge mo zhig dang / yul ga ge mo zhig tu/ rigs che ge mo zhig gis rigs kyi bu skra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de yid kyi dpyod pa bco brgyad dag la rab tu rtog par byed cing mngon sum du byed la/ dben pa la mngon par dga' ste/ mtha' gcig la spyod pa yin no zhes mngon par bsnyad do// rgyal po chen po bzhi dag las rgyal chen bzhi'i lha dag gis de thos nas/ bdud kyi phyogs ni dmas par 'gyur la/ dam pa'i chos kyi phyogs ni mngon par mtho bar 'gyur ro snyam du kun tu dga' bar 'gyur ro// rgyal chen bzhi'i lha de dag gis wA'i dbang po brgya byin la/ lha gang 'dzam bu gling na rigs che ge mo zhig las zhes bya ba nas/ rigs kyi bu che ge mo zhig skra dang kha spu bregs te/ gos ngur smrig bgos nas/ dad pas khyin nas khyim med par rab tu byung ste/ de dben pa nas dur khrod kyi bar la dga' ba/ yid kyi dpyod pa bco brgyad la rab tu rtog par byed cing / mngon sum du byas nas nye bar bsgrubs te gnas so zhes mngon par bsnyad do/ / rgyal chen bzhi'i lha de dag las/ lha'i dbang po ko'u shi kas de thos nas/ yid mchog tu dga' bar 'gyur ba mthong ngo // de nas gzhan yang dge slong de yid kyi dpyod pa bco brgyad rab tu thob pa/ 'dod pa las gzhan pa'i sa ji ltar yid la byed cig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ ngaphags pa'i byin gyi rlabs bzhi mthong ste/ 'di lta ste/ shes rab kyi byin gyi rlabs dang / bden pa'i byin gyi rlabs dang / gtong ba'i byin gyi rlabs dang / nye bar zhi ba'i byin gyi rlabs so// dge slong gis shes rab kyi byin gyi rlabs ji ltar mthong zhe na/ 'di la dge slong ni dge slong bdag nyid kyi lus ji ltar gnas pa de chos nyid kyis mthong ste/ lus 'di la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams de dag rab tu shes shing / rnam par 'byed la so sor rtog go// de la sa'i khams gang zhe na/ sa'i khams rnam pa gnyis te/ nang na yod pa dang // phyi rol na yod pa'o// de la nang na yod pa gang zhe na/ lus 'di la gang cung zad nang dang so so'i nang du bzung ba dang / zin pa'o// de la bzung ba ni pags pa dang / sha la sogs par bsdus pa'o/ / zin pa ni sgra dang / spu dang / sen mo dang / sos bsdus pa'o// sra ba dang / mkhrang ba'i rnam pa ni bzung ba dang / zin pa ste/ de yang gang zhe na 'di lta ste/ swa dang / sru dang / sen mo dang / so dang / rdul dang / rang gi sha dang / rus pa dang / rtsa dang / rgyus pa dang / snying dang / mchin pa dang / glo ba dang / mkhal ma dang / mchen pa dang / mchil ma dang / pho ba dang / long ka dang / rgyu ma dang / gnye ma dang / lto dang / lto ba dang / klad pa dang / klad rgyas rnams so// gang gzhan yang lus 'di la nang dang / so so'i nang du sra ba dang / mkhrang ba'i rnam pa bzung ba dang / zin pa 'di ni nang gi sa'i khams zhes bya'o// de la phyi rol gyi sa'i khams gang zhe na/ phyi rol la gang cung zad sra ba dang / mkhrang ba'i rnam pa ma bzung ma zin pa 'di ni phyi rol gyi sa'i khams zhes bya'o// de la gang sa'i khams de gcig tu bsdus pa'i khams 'di ni khams tsam ste/ tshor ba pos gnas su ma byas shing / 'dod rgyal gyis ma byas pa'i sa'i khams rtag par ma yin/ bde bar ma yin/ gtsang bar ma yin par mthong zhing / de bdag tu mi blta ba'i shes rab kyi byin gyi rlabs la lhag par mos pa'i dge slong de ni 'di dag thams cad bdag gi ma yin/ de dag bdag ma yin/ de dag bdag dang bdag gi ma yin no snyam mo/ / 'di dag yang dag pa'i shes rab kyis yang dag pa ji lta ba bzhin du mthong nas/ sa'i khams la sems 'di 'dod chags dang bral bar 'gyur te/ de ltar dge slong shes rab kyi byin gyi rlabs la lhag par mos par 'gyur ro/ / de la chu'i khams gang zhe na/ chu'i khams kyang rnam pa gnyis te/ nang na yod pa dang / phyi rol na yod pa'o// de la nang na yod pa ni lus 'di la gang cung zad chu dang / chu'i rnam pa 'byung ba'i mtshan nyid yin te/ chu'i khams ni lus la gsher ba'i bdag nyid du yod pa rdul dang / mchil ma dang / snabs dang / klad pa'i pri dang khrag dang / zhag dang / chu ser dang / tshil dang / rkang dang / mkhris pa dang / gcin dang / klad rgyas rnams so// gang gzhan yang lus 'di la nang so so'i nang du chu dang / chu'i rnam pa bzung ba dang / zin pa gang cung zad yod pa 'di ni nang gi chu'i khams zhes bya'o// phyi rol gyi gang zhe na/ gang cung zad phyi rol gyi chu dang / chu'i rnam pa gsher ba dang / gsher ba'i rnam pa ste ma bzung ba ma zin pa 'di ni phyi rol gyi chu'i khams zhes bya'o/ / de la gang nang gi chu'i khams dang / gang phyi rol gyi chu'i khams de dag gcig tu bsdus pa'i khams de dag khams tsam ste/ 'di dag thams cad bdag gi ma yin/ de dag bdag ma yin/ de dag bdag dang bdag gi ma yin pa/ chu'i khams yang dag pa mthong nas/ chu'i khams la sems 'dod chags dang bral bar 'gyur te/ de ltar dge slong shes rab kyi byin gyi rlabs la 'jug pa yin no// de la me'i khams gang zhe na/ me'i khams kyang rnam pa gnyis te/ nang na yod pa dang / phyi rol na yod pa'o// de la nang gi me'i khams ni lus 'di la gang cung zad nang dang / so so'i nang gi me dang / me'i rnam pa gzung ba dang / zin pa'o// de dag gang zhe na/ 'di lta ste/ gang gis gdung bar byed pa dang / gang gis yongs su sreg par byed pa dang / gang gis 'bar bar byed pa dang / gang gis zos pa dang / 'thungs pa dang / 'chos pa dang / myangs pa rnams legs par bde bar byed par 'gyur ba dang / gang gzhan yang lus 'di la nang gi dang / so so'i nang gi me dang / me'i rnam pa gzung ba dang / zin pa 'di ni nang gi me'i khams zhes bya'o/ / de la phyi rol gyi me'i khams gang zhe na/ phyi rol gyi gang cung zad mu dang / me'i rnam pa dang / dro ba dang / dro ba'i rnam pa ste/ ma bzung ba ma zin pa 'di ni phyi rol gyi me'i khams zhes bya'o/ / de la gang nang gi ma'i khams dang / gang phyi rol gyi me'i khams de dag gcig tu bsdus pa'i khams 'di ni khams tsam ste/ de dag thams cad pa dag gi ma yin/ de dag bdag ma yin/ de dag bdag dang bdag gi ma yin te/ 'di ltar de dag yang dag pa'i shes rab kyis yang dag pa ji lta ba bzhin mthong nas/ me'i khams la sems 'dod chags dang bral bar 'gyur ro/ / de byed pa pos gnas su ma byas kyang me'i khams rab tu 'jug go// de la rlung gi khams gang zhe na/ de la rlung gi khams kyang rnam pa gnyis te/ nang na yod pa dang / phyi rol na yod pa'o// de la nang gi gang zhe na/ lus 'di la gang cung zad nang dang / so so'i nang gi rlung dang / rlung gi rnam pa yang ba dang / yang zhing g.yo ba bzung ba dang / zin pa ste/ de dag kyang gang zhe na/ steng du 'gro ba'i rlung dang / 'og tu 'gro ba'i rlung dang / ngos su 'gro ba'i rlung dang / ltor 'gro ba'i rlung dang / de bzhin du ral gri dang / khab dang / mtshon cha lta bu'i rlung dang / rlung sman dang / srin bu dang / lhan cig rgyu ba'i chung brgyad cu dag go// rlung brgyad cu dag yan lag dang nying lag dag gi rjes su 'jug go// gang lus 'di la gzhan yang nang dang / so so'i nang gi rlung dang / rlung gi rnam pa yang zhing g.yo ba'i bzung ba dang / zin pa 'di ni nang gi rlung gi khams zhes bya'o// de la phyi rol gyi rlung gi khams gang zhe na/ phyi rol gyi gang cung zad rlung dang rlung gi rnam pa yang zhing g.yo ba ma bzung ba ma zin pa 'di ni phyi rol gyi rlung gi khams zhes bya'o/ / de la nang gi rlung gi khams dang / gang phyi rol gyi de dag thams cad mngon par bsdus pa'i khams 'di ni khams tsam ste/ de dag bdag gi ma yin/ de dag bdag ma yin/ de dag bdag dang bdag gi ma yin la/ byed pa pos gnas su ma byas shing / tshor ba pos gnas su ma byas te/ de ltar 'di dag yang dag pa'i shes rab kyis yang dag pa ji lta ba bzhin du mthong nas/ rlung gi khams de la sems 'dod chags dang bral bar byed de/ 'di ni shes rab kyi byin gyi rlabs mngon sum du byed pa'i dge slong yin no// de la nam mkha'i khams gang zhe na/ nam mkha'i khams kyang rnam pa gnyis te/ nang na yod pa dang / phyi rol na yod pa'o// de la nang gi lus 'di la gang cung zad nang dang / so so'i nang gi nam mkha' dang / nam mkha'i rnam pa bzung ba dang / zin pa mi gsal zhing / gzugs kyi rnam pas khyab par bya ba dang / zos pa dang / 'thungs pa dang / 'chos pa dang / myangs pa rnams nang du 'jug par skabs 'byed pa dang / mid pa'i sbubs dang / mig phugs dang / sna'i bu ga dang / lce'i bu ga dang / zas nang du 'gro ba lces skabs 'byed par byed pa 'di ni nang gi nam mkha'i khams zhes bya'o/ / de la phyi rol gyi nam mkha'i khams gang zhe na/ gang cung zad ma bzung ba ma zin pa mi gsal zhing khyab par byed pa ma yin pa ste/ 'di lta ste/ shing lo'i bar gyi gse pa dang / ri phug gi bu ga dang / ri phug gi bu ga'i gseb dang / chu bo'i gse ba dang / gang phyi rol gyi bu ga yod pa 'di ni phyi rol gyi nam mkha'i khams zhes bya'o// de la nang gi gzugs kyi rnam pa'i nam mkha'i khams dang / gang phyi rol gyi de dag gcig tu bsdus pa'i khams 'di ni khams tsam ste/ de dag thams cad bdag gi ma yin/ de dag bdag ma yin/ de dag bdag dang bdag gi ma yin te/ 'di ltar de dag yang dag pa'i shes rab kyis yang dag pa ji lta ba bzhin mthong nas/ nam mkha'i khams la sems 'dod chags dang bral zhing de dag mthong nas 'jug par mi 'gyur ro/ / de dag thams cad bdag gi ma yin/ de dag bdag ma yin/ de dag bdag dang bdag gi ma yin te/ byed pa pos gnas su ma byas shing / tshor ba pos gnas su ma byas pa'i nam mkha'i khams la sems 'dod chags dang bral bar 'gyur ro/ / de la yid kyi khams gang zhe na/ skye mched bcu gnyis dang yang dag par ldan pa ni yid kyi khams te/ mig gi rnam par shes pas don mthong ba yid kyi rnam par shes pas rjes su myong ste/ de bzhin du rna ba dang / sna dang / lce dang / lus dang / yid kyi rnam par shes pa dag ni/ yid kyi rnam par shes pa'i khams rab tu 'byung ba'i rtsa ba yin no/ / 'dir tshigs su bcad pa/ yid ni sngon du 'gro ba'i chos// yid mgyogs yid ni 'gro ba yin// yid ni shin tu gsal ba yis// smra ba dang ni 'byed par 'gyur// sdig pa'i mtshan nyid bsal ba yis// 'chi dang skye ba rnams shes shing // las 'bras de nyid shes pa ni// 'chi ba med pa'i gnas 'thob bo// ga dag dbang po kun 'dzin pa/ / 'byung po kun la phan par dga'// dbang po bde zhing zhi la dul// de lta bu ni dge slong yin// ji ltar dbang po drug la gnas// 'dod chags dgra ni/ zlog par byed// dpa' bo shes rab byed ldan gang // de ni zhi ba'i gnas thob bo// dgon par gnas la dga' byed cing // mnyam gzhag sa la gnas pa ni// mkha' sprin rlung gis gtor ba ltar/ / sdig pa'i chos rnams 'jig par byed// lus ngag las kyi mtha' dge zhing // spyod pa dge la yang dag dga'// de nyid lta zhing bya ba mkhas// bdud kyis bsgrubs pa 'jig par byed/ / 'dod chags la sogs mi gnod cing // dge ba'i sems la brkam chags med// byams dang snying rje mang ba ni// dge slong nges par 'byung la gnas// gang dag yul gyi 'ching ba'i rgyu/ / gzugs la sogs pa mi 'dod pa// de ni zhi ba mchog 'gro zhing // gang du song bar nyon mi mongs/ de nas gzhan yang ci dge slong 'di dang po yid kyi dpyod pa bco brgyad kyi dang po'i sa las/ sa gzhan gnyis pa la 'jug pa ni khams drug gi de nyid shes pa'i sa la ci de ltar chos rjes su dran pa'i sa la 'jug gam snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa'am/ lha'i mig gis brtags na/ sa gzhan gsum pa la 'jug go/ dge slong de nyid mthong ba de'i sa gzhan gang zhe na/ sems phan tshun du 'gyur ba ni sa gzhan yin te/ de bde ba skyes pa rnam par shes shing / sdug bsngal skyes pa rnam par shes yid bde ba rnam par shes shing / yid mi bde ba rnam par shes/ btang snyoms rnam par shes shing / bde ba cung zad rnam par shes te/ bde ba myong bar 'gyur ba'i reg pa la brten nas bde ba'i tshor ba skye'o/ / de bde ba'i tshor ba 'di myong ba na/ bde ba'i tshor ba myong ngo zhes yang dag pa ji lta ba bzhin du rab tu shes so// de nas de bde ba myong ba'i reg pa gang 'gags nas/ de bde ba myong ba'i reg pa la brten nas tshor ba skyes pa myong ba na/ bdag gi bde ba'i tshor ba nub bo zhes tshor ba nub pa so sor mngon par shes so// de dag so so bde ba'i tshor ba nye bar zhi zhing sdug bsngal gyi tshor ba so sor mngon par shes so/ / bdag gi bde ba'i tshor ba skyes te/ de dag so sor mngon par shes so// ji ltar bde ba myong bar 'gyur ba'i reg pa bshad pa de ltar sdug bsngal myong bar 'gyur ba yang rgya cher yang dag par brjod par bya'o/ / yid bde ba rnam par shes pa ji lta bu yin zhe na/ yid bde ba'i gzhir 'gyur ba'i reg pa la brten nas yid bde ba skyes pa'o/ / yid mi bde ba so so mngon par shes pa ji lta bu yin zhe na/ yid mi bde ba'i gzhir 'gyur ba'i reg pa la brten nas yid mi bde ba skyes pa'o// de nas 'di ltar de'i yid bde ba'i gzhir 'gyur ba'i tshor ba ji lta ba bzhin rjes su rtog ste/ yid bde ba'i gzhir 'gyur ba'i 'gog pa mthong nas yid bde ba las 'dod chags dang bral bar 'gyur ro// gang bdag gi yid bde ba'i tshor ba sngon skyes pa de zad cing ni la rnam par bral ba de las de'i 'dod chags dang bral bar skyes te/ yang dag pa ji lta ba bzhin so sor myong bar byed do// de bzhin du yid mi bde ba la yang brjod par bya zhing / btang snyoms la yang de bzhin du brjod par bya'o// de'i sa gzhan gsum pa 'di la 'jug pa la/ sa bla'i gnod sbyin shin tu dga' nas/ bar snang la spyod pa'i gnod sbyin rnams la mngon par bsnyad do// de dag gis kyang rgyal po bzhi la mngon par bsnyad do// de dag gis kyang rgyal chen bzhi'i lha rnams la mngon par bsnyad do/ / de dag gis kyang lha rnams kyi dbang po brgya byin ko'u shri ka la 'dzam bu'i gling na rigs kyi bu de sgra dang kha spu bregs te/ dad pas khyim nas khyim med par rab tu byung ba na/ yul che ge mo zhig dang / grong khyer mang ge mo zhig tu/ rigs che ge mo zhig las/ rigs kyi bu ming che ge mo zhig ces bya ba skra dang kha spu bregs te/ dad pas khyim nas khyim med par rab tu byung zhing / de sa gzhan gsum pa la zhugs te/ bdud dang lhan cig g.yul 'gyed par 'dod pa/ bdud kyi phyogs ni dma' bar byed la/ dam pa'i chos kyi phyogs ni mngon par mtho bar byed do zhes mngon par bsnyad do/ / lha rnams kyi dbang po brgya byin ko'u shi kas de thos nas/ mchog tu dga' zhing glang po che sa srungs kyi bu la zhon te/ rdzu 'phrul che ba'i lha tshogs la sogs pas bskor nas/ 'thab bral gyi lha rnams la/ 'dzam bu gling na rigs kyi bu zhes bya ba nas/ rgya cher sbyar te/ sa gzhan dag gsum pa la zhugs pa'i bar dang / bdud dang lhan cig g.yul 'gyed par 'dod pa bdud kyi phyogs dma' bar byed cing / dam pa'i chos kyi phyogs mngon par mtho bar byed do zhes bsnyad do// lha'i dbang po brgya byin las de thos nas/ 'thab bral gyi lha rnams shin tu dga' bar 'gyur ro/ / de nas gzhan yang dge slong des gzhan gsum pa las/ sa gzhan bzhi pa la ji ltar 'jug cig gu snyam nas/ rnal 'byor spyod pa nang gi chos la chos kyi rjes su lnga zhing gnas pa des/ thos pa las byung ba'i shes pa'am/ lha'i mig gis brtags na/ des gzhan bzhi pa la 'jug pa ni/ reg pa'i rkyen gyis bde ba myong bar 'gyur ba bde ba'i rgyu dang / bde ba'i gzhi dang / bde ba'i rkyen gyis bdag gi tshor ba skyes so// de 'gags shing rnam par zhi la nang du nub pa de ma thag tu sdug bsngal gyis reg pa dang / sdug bsngal gyi gzhi dang / sdug bsngal kun 'byung dang / sdug bsngal nyid kyi bdag gi sdug bsngal gyi tshor ba skyes so// de bzhin du btang snyoms kyi rkyen dang / rig pa'i rkyen gyi tshor ba so sor mngon par shes so// skad cig skad cig la bdag gi reg pa'i tshor ba'i grogs dang / reg pa 'byung ba skye ste/ de bde ba'i tshor ba la mi dga' zhing chags par mi byed la/ tshor ba de la mngon par mi dga' zhing mang du mi byed de/ ro myang bar mi byed do// de bzhin du sdug bsngal gyi tshor bas kyang gnod par mi byed cing / rnam par 'tshe bar mi byed la/ rnyog pa can du mi byed do// de btang snyoms la gnas te/ dran pa dang shes bzhin dang ldan pa la ni/ tshor ba gsum po 'di dag gis gal te nan tan du sems 'dod chags dang bral bar 'gyur/ yang na btang snyoms khyad par can du 'gyur te/ yongs su dag pa dang / rnam par byang bar 'gyur ro/ / de 'di snyam du sems te/ kye e ma bdag gi nam mkha' mtha' yas skye mched kyi btang snyoms 'di ltar yongs su dag pa/ 'di ltar rnam par byang ba 'di rdzogs par bya zhing / bdag gi sems dang mthun par bya ste/ bdag gi btang snyoms kyi mthar gtugs pa dang / 'brel ba mngon sum du byas la/ de la mchog tu lhag par gnas par bya/ bdag nam mkha' mtha' yas skye mched kyi btang snyoms kyis bsdus pa de rdzogs par byas te gnas so/ / bdag gis 'di ltar yongs su dag cing / 'di ltar rnam par byang ba/ nam mkha' mtha' yas skye mched dang / ci yang med pa'i skye mched dang / 'du shes med 'du shes med min skye mched kyi btang snyoms 'di rdzogs par byas te gnas par bya'o snyam mo// de 'du shes med 'du shes med min skye mched rdzogs par byas te gnas pa de dang / bdag gis sems mthun par byed la/ btang snyoms de la gnas shing 'dug ste/ de la lhag par chags pa dang / de nye bar len pa bdag gi 'du shes me da 'du shes med min skye mched kyi btang snyoms rdzogs par byas te gnas par bya'o snyam mo/ / 'di lta ste/ dper na gser mgar ram/ gser mgar gyi slob ma mkhas pa de so mal du gser 'jug par byed do/ / bcug nas phra skam gyis bzung zhing / yam shing gis 'bud/ kun tu 'bud do// la sa legs par byas pa'i ga ser de dge zhing ba kra shis la kha dog bzang ba/ las byed pa thams cad bstod pa/ kha dog bzang bar bsngags pa/ yul thams cad du rjes su mthun par 'jug pa de dri ma dang bral zhing / skyon lhag ma yang med par dul zhing bkra shis te/ rin po che'i 'od kyang zil du drug pa byed do/ / de gser makar ram/ gser mgar gyi slob ma mkhas pa gzhan zhig gis gser legs par sbyang ba byas par rig nas/ ci 'dod par byed de/ gal te bsgo bar bya ba dgal dril bu'i rgyan byed/ gal te shin tu blta na sdug pa dag byed/ gal te dpung rgyan du byed/ gal te snying kar mdzes pa'i rgyan byed/ gal te glegs bam la mdzes par byed/ gal tri mahe rgyun du byed/ gal te sor gdub tu byed/ gal ti gser gyi 'phreng bar byed/ gal te rgyan cod pan du byed de/ gang dang gang du byed pa de dang der las dang ldan par 'gyur ro// de bzhin du dge slong shin tu tshul khrims dang ldan pa shes rab can ni bdag gis 'di ltar yongs su dag cing 'di ltar rnam par byang ba/ gal te nam mkha' mtha' yas skye mched kyi btang snyoms de rdzogs par byas la/ bdag de dang mthun par de la gnas te/ de dang 'brel pa dang / de la lhag par gnas pa dang / de nye bar len cing de nam mkha' mtha' yas skye mchod kyi btang snyoms rdzogs par byas te gnas/ rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched rdzogs par byas te gnas so// de 'di snyam du sems te/ gang bdag gis btang snyoms 'di ni mi rtag pa/ mi brtan pa/ ther zug ma yin pa/ yongs su 'gyur ba'i chos can yin par de gzugs med pa'i skye mched bzhi po de nyid la dmigs nas/ bdag gi btang snyoms mi rtag cing mi rtag par dmigs/ mi brtan zhing mi brtan par dmigs te/ 'dus byas su rig par bya'o snyam mo// nam mkha' mtha' yas skye mched mi rtag cing rnam shes mtha' yas skye mched dmigs su med pa dang / ci yang med pa'i skye mched dmigs su med pa dang / 'du shes med 'du shes med min skye mched kyi btang snyoms 'di ni g.yo ba dang bral ba yin 'di ni zhi ba yin/ 'di ni nye bar phan pa yin no snyam mo// de lus kun gyi tshor ba skye zhing myong ba na/ so sor mngon par shes shing skyes pa rnams kyang so sor mngon par shes/ 'gag ba so sor mngon par shes shing / 'gag pa yang so sor mngon par shes so// mig gi reg pa las byung ba so sor mngon par shes te/ de bzhin du rna ba'i reg pa las byung ba so sor mngon par shes/ sna'i reg pa las byung ba so sor mngon par shes/ de bzhin du lce dang / lus dang / yid kyi reg pa las byung ba'i tshor ba so sor mngon par shes so// dge slong tshor ba mngon sum du byas pa de tshor ba de dag nyid shin tu rgyas par rtog ste/ de mig gi reg pa las byung ba'i tshor ba skye ba na/ skyes pa las gnas shing myong bar byed la/ 'gags shing 'gags pa na bdag gi tshor ba 'gags so zhes so sor mngon par shes so/ / gzhan yang rna ba'i reg pa las byung ba'i tshor ba so sor mngon par shes te/ gang bdag gi mig gi reg pa las byung ba'i tshor pa de 'gags shing nub nas med par 'gyur te yang mi 'byung ngo / / de dag 'gags nas/ gzhan yang rna ba'i reg pa las byung ba'i tshor ba skyes pa bde ba 'di/ bde ba la dmigs pas sdug bsngal ma yin/ bde ba dang sdug bsngal dmigs pas/ bde ba ma yin zhing / sdug bsngal ma yin no snyam mo// de rna ba'i reg pa las byung ba'i tshor ba ji lta ba bzhin rjes su mthong zhing rnam par shes nas/ rna ba dang 'brel ba'i tshor ba dag la kun tu chags pa med la/ de tshor ba myong ba na 'dod chags dang bral te rnam par grol bar 'gyur ro// rna ba'i reg pa las byung ba'i tshor ba de 'gags na/ sna'i dmigs pa'i tshor ba skye ste/ de snas kun nas blang ba snas kun nas so sor myong bar byed de/ bdag sna'i reg pa las byung ba'i tshor ba skyes pa bde ba la dmigs pa ni bde ba'o// sdug bsngal la dmigs pa ni sdug bsngal lo/ / sdug bsngal yang ma yin/ bde ba yang ma yin pa la dmigs pa ni/ sdug bsngal yang ma yin/ bde ba yang ma yin no snyam mo// de sna'i dmigs pa'i tshor ba yang dag pa ji lta ba bzhin so sor myong bar byed de/ nub pa yang so sor myong bar byed do// de 'gags na sna'i dmigs pa'i tshor ba bde ba dang / sdug bsngal dang / sdug bsngal yang ma yin/ bde ba yang ma yin pa skye ste/ de so sor myong bar byed do// bdag gi sna'i dmigs pa'i tshor ba skye ste/ ji ltar lhag par 'chags pa skyes pa de ltar bdag gi 'gog pa 'di dag kyang skye ste/ de 'gags nas/ lce'i dmigs pa'i tshor ba rnam pa gsum skye ba nas/ yid kyi dmigs pa'i tshor ba rnam pa gsum snga ma bzhin no// des gzhan bzhi pa la tshor ba yang dag par/ rgya che ba la 'jug ste/ de'i brtson 'grus brtsams pa/ spo ba chen po bdud kyi 'ching ba gcod par 'dod pa la/ sa p+pa'i gnod sbyin shin tu dga' nas/ bar snang gi gnod sbyin rnams la mngon par bsnyad do/ / de dag gis kyang rgyal po bzhi la mngon par bsnyad do// de dag gis kyang rgyal chen bzhi'i lha rnams la mngon par bsnyad do// de dag gis kyang lha rnams kyi dbang po brgya byin la mngon par bsnyad do/ / brgya byin gyis kyang 'thab bral gyi lha rnams la mngon par bsnad de/ gang 'dzam bu'i gling na rigs kyi bu yul che ge mo zhig dang / grong mang ge mo zhig dang / rigs ga ge mo zhig las/ rigs kyi bu che ge mo zhig ces bya ba de skra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de 'bad pa dang brtson bas rim gyis sa gzhan bzhi pa'i tshor ba yang dag par rgya che ba la zhugs pa/ bdud kyi phyogs ni dma' bar byed cing / yang dag pa dam pa'i chos kyi phyogs ni mngon par mtho bar byed de/ bdag gis lha rnams la bsnyad do snyam mo// brgya byin glang po che sa srungs kyi bu la zhon pa 'thab bral gyi lha dag gis mthong nas dga' ste/ brgya byin la smras pa/ brgya byin gang 'dzam bu gling gi mi chos dang ldan zhing chos kyi rjes su 'jug pa de/ brgya byin khyod kyi dam pa'i chos dang 'thun par gyur pa nyid yin no// gzhan yang dge slong de bdud kyi 'ching ba spong zhing rab tu spong ba'i tshor ba la ji ltar rtog ce na/ rnal 'byor spyod pa nang gi chos la chos kyi rjes su lta zhing gnas pa des/ thos pas las byung ba'i shes pa 'am/ lha'i mig gis brtags na/ dge slong de yang dag pa'i tshor ba nyid la 'di ltar rnam par rtog par byed de/ de mig gi rnam par shes pa'i dmigs pa mi dge ba skyes pa de langs pa na/ dge ba la dmigs pa gnyis pas 'gags so// dge ba skyes pa de yang lung du ma bstan pa la dmigs pas 'gags shing / lung du bstan pa yang 'gags la/ lung du ma bstan pa skyes so// de bzhin du rna ba'i reg pa las byung ba'i tshor ba dang / sna'i reg pa las byung ba'i tshor ba dang / lce'i reg pa las byung ba'i tshor ba dang / lus dang yid kyi reg pa las byung ba'i tshor ba so sor myong bar byed do// so sor myong bar byed pa na dge ba'i chos rnams yongs su rdzogs par 'gyur zhing / de'i nyon mongs pa srabs par 'gyur ro// de de ltar sgom pa na tshor ba phra mo de dag so sor shes so// de chos kyi tshor ba dang lhan cig 'gag pa mthong ste/ ji ltar mar me'i 'od nyi ma'i 'od kyis 'gag pa de bzhin du tshor ba gnyis ka 'gag go/ gzhan yang dge ba dang mi dge ba'i tshor ba rgyas pa so sor myong bar byed de/ dper na mar me'i 'od la mar me'i 'od gnyis pas gsal bar byed pa bzhin no/ / gzhan yang tshor ba rab tu rnam par 'byed par byed de/ tshor ba gang zhig dang / tshor ba gzhan gang zhig gi tshor ba dang lhan cig nan tan du mi mthun par 'gyur ram snyam pa las/ dge ba'i tshor ba dang / mi dge ba'i tshor ba lhan cig gtan du mi mthun par mthong ste/ dper na mar me'i 'od dang / skar ma'i 'od lhan cig mi mthun pa bzhin no/ / gzhan yang dge slong de rab tu rnam par 'byed par byed de/ tshor ba gang zhig la tshor ba gang zhig gis gtan du sel bar byed ce na/ de zag pa med pa la dmigs pa'i tshor bas zag pa dang bcas pa la dmigs pa'i tshor ba gtan sel ba nyid du mthong ste/ dper na me'i 'od kyis kha ba zhu ba bzhin no// tshor ba gang zhig la tshor ba gang zhig gis gnod cig gu snyam nas/ yang 'di rgyas par byed de/ gang gi tshe mi bde ba'i tshor ba la bde ba'i tshor bas zil gyis gnon par mthong ngo // de yang rgyas par byed de/ dper na nyi mas nyin mo'i zla ba'i 'od zil gyis gnon par 'gyur zhing / zla ba'i 'od de yang mtshan mo rgyas par 'gyur ba bzhin no// de nas gzhan yang dge slong de tshor ba rab tu rnam par 'byed par byed de/ gang tshor ba mang po dang ldan pa dag/ tshor ba gcig gi dran pa rtse gcig pa'i tshor ba dang lhan cig mi mthun pa zil gyis gnon par 'gyur ram snyam na/ de 'jig rten pa byed pa'i tshor ba mang po dag/ 'jig rten las 'das pa zag pa med pa'i tshor bas zil gyis gnon par mthong ste/ dper na mtshar mo rgyu skar dang / gza' dang / skar ma mang po'i 'od dag zla ba'i 'od gcig gis zil gyis gnon pa bzhin no// gzhan yang dge slong de tshor ba rjes su mthong bapa'i tshor ba ches phra ba la rtog par byed de/ mig dang / rna ba dang / sna dang / lce dang / lus kyis kun nas bslangs pa zag pa dang bcas pa'i tshor ba mang ba ni gang yin/ dge ba ni ji ltar rtsom zhig gu snyam na/ de 'jig rten pa'i zag pa dang bcas pa'i tshor ba mang ba yang / zag pa med pa'i snang bas thub par 'gyur te/ dper na mtshan mo rgyu skar dang / gza' dang / skar ma rnams kyi 'od zla ba'i snang ba gnas pas thub pa bzhin no/ / de nas gzhan yang dge slong de tshor ba de la rtog ste/ bdag gi tshor ba gzhan yun ji srid gcig tu gnas snyam mo// de skad cig la bdag gi tshor ba gzhan skye zhing 'jig par gnas par mthong ste/ dper na glog bzhin no// gzhan yang dge slong de 'di ltar rab tu rnam par rtog ste/ ci mig gi tshor ba sna'i tshor ba'i rkyen du 'gyur ram snyam mo/ / de blo gcig bzhin du dbang po tha dad pa'i dmigs pa'i tshor ba dbang po de dag thams cad kyis mthong ste/ dper na ba glang cig gcig rta dang / rnga mo dang / bong bu dang / ma he'i rigs tha dad pa rnams kyi rkyen du mi 'gyur ba de bzhin du/ thog ma med pa nas brtson pa'i dbang po lngas kun nas bslang ba'i yul gyi bye brag tha dad pa'i dbang po rnams kyi dmigs pa ni gcig tu mi 'gyur te/ dper na glang dang / rta dang / rnga mo dang / bong bu dang / ma he dang / phag bzhin no// de ltar tshor ba rjes su mthong ba'i dge slong de dag ni shes pa ches zhib pa skye bar 'gyur/ te/ de shes pa de la kun tu ston cing sgom ste mang du byed do// de kun tu bsten pa na tshor ba rjes su mthong zhing / zad pa dang / 'jig pa rjes su mthong nas/ 'di snyam du sems te/ bdag gi mig dang / rna ba dang / sna dang / lce dang / lus dang / yid kyis kun nas bslang ba'i tshor ba gang nas 'ong zhing gang du 'ongs/ 'gag pa na gang du sogs par 'gyur snyam mo// dge slong tshor bzang pa dang / 'jig pa rjes su mthong ba de rab tu sems pa na/ lam gyi rnam pa la 'di snyam du sems te/ mig gi tshor ba gang nas kyang skye ba med cing 'ong ba med la/ 'gag pab na yang gang du sogs par mi 'gyur te/ mig gi tshor ba ma byung ba las byung zhing / byung nas kyang so sor 'bral bar 'gyur ro// mig gi 'byung khungs las tshor ba byung ste/ dper na rmya mtsho'i gzhi las chu 'byung ba bzhin no/ / 'gag pa na yang gang du yang mi sogs te/ dper na chu bo gzhol bar 'gro ba rgya mtshor 'du ba bzhin te/ mig gi tshor ba ma byung ba las 'byung zhing byung nas kyang so sor 'jig par 'gyur ro snyam mo/ / mig dang / rna ba dang / sna dang / lce dang / lus dang / yid kyi tshor ba dag ni rten cing 'brel par 'byung ba yin te/ dper na rdza/ mkhan nam/ rdza mkhan gyi slob ma mkhas pa zhig 'khor lo la yang brten/ 'jim pa la yang brten/ rtsol ba la yang brten/ chu la yang brten nas/ rgyu 'jim pa la brten pa'i bum pa 'byung bar 'gyur te/ bum pa de 'byung khungs gang nas kyang ma 'ongs zhing / 'jig pa na yang gang du yang sogs par mi 'gyur te/ rgyu rkyen las bum pa 'byung ba de bzhin du/ mig la yang brten/ gzugs la yang brten/ snang ba la yang brten/ nam mkha' la yang brten/ yid la byed pa la yang brten nas/ mig gi tshor ba bde ba 'am// sdug bsngal ba'am// sdug bsngal yang ma yin/ bde ba yang ma yin pa skye'o// dper na bum pa gal te rgyu rkyen bzang po las byung na/ bum pa de legs par 'gyur zhing / gal te ngan na de'i tshe bum pa ma legs par 'gyur ba de bzhin du/ gal te dmigs pa'i rgyu dang rkyen bzang na/ de'i tshe mig la sogs pa'i tshor ba bzang po skye bar 'gyur te/ chos dang ldan pa'i dge ba'i rim gyis mya ngan las 'das par 'gro bar 'gyur ro/ / gal te rgyu dang rkyen mi bzang na/ de'i tshe mig la sogs pa'i tshor ba ngan pa skye bar 'gyur te/ 'dod chags zhe sdang gti mug la dmigs par 'khor ba na/ sems can dmyal ba dang / yi dgas dang / dud 'gror 'gro bar 'gyur ro// las dang 'bras bur 'brel ba thams cad la mkhas par sems pa'i dge slong ni tshor ba rjes su tshol ba na/ tshor ba du ma la gnas par mthong ste/ byed pa pos gnas su ma byas shing / rgyu med pa las kyang ma byung la/ 'dod rgyal gyis ma byas/ zer zug tu gnas pa ma yin/ rtag pa ma yin/ brtan pa ma yin/ ther zug ma yin/ yongs su 'gyur ba'i chos can yin zhing / de'i tshor ba'i phung po de mthong nas/ yang 'byung ba'i sred pa dga' ba'i 'dod chags kyi mod las skyes pa dri ma can yongs su nyams par byed de/ 'khor ba thams cad mi rtag par rjes su mthong ba'i dge slong ni lam kun tu sten par byed cing / goms par byed la mang du byed do// dede ltar sgom pa na kun tu sbyor ba dag spong bar byed cing / bag la nyal 'dor bar byed de/ kun tu sbyor ba dag gang zhe na/ rjes su chags pa'i kun tu sbyor ba dang / khong khro ba'i kun tu sbyor ba dang / nga rgyal gyi kun tu sbyor ba dang / ma rig pa'i kun tu sbyor ba dang / lta ba'i kun tu sbyor ba dang / mchog tu 'dzin pa'i kun tu sbyor ba dang / the tshom gyi kun tu sbyor ba dang / phrag dog gi kun tu sbyor ba dang / ser sna'i kun tu sbyor ba ste/ kun tu sbyor ba de dag spyong bar byed do// bag la nyal ba gang zhe na/ 'di lta ste/ 'dod pa'i 'dod chags kyi bag la nyal dang / srid pa'i 'dod chags kyi bag la nyal dang / lta ba'i bag la nyal dang / khong khro ba'i bag la nyal dang / ma rig pa'i bag la nyal dang / nga rgyal gyi bag la nyal dang / the tsom gyi bag la nyal te/ de dag ni gtso bo ji lta ba bzhin du srid pa gsum du yongs su 'jug par byed pa/ sa gsum du yongs su rgyu bar byed pa/ nyes pa gsum la yongs su 'jug par byed pa dus gsum gyi rjes su 'gro ba/ bar ma gsum gyi tshor ba gsum rjes su bsgoms pa/ skye ba gsum du 'pho bar byed pa ste/ 'khor ba'i rgyur gyur pa yin no// de nas gzhan yang ji ltar dge slong de rgyu dang rkyen du bcas pa 'di dag khong du chud par 'gyur/ mig gi rkyen ni gang / rgyu ni gang las skyes/ gzhi gang la lta bar byed pa zhig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na/ mig gi rgyu ni las las byung zhing / las kyis skye ba mngon par bsgrubs te/ dper na shing ba Ta'i sa bon chung ngu las shing ljon pa skye la/ shing ljon pa'i rgyu rkyen las yang shing ba Ta'i sa bon phra mo 'byung bar 'gyur ro// de bzhin du mi shes pa las mngon par 'grub par 'gyur la/ las las kyang skye ba mngon par 'grub par 'gyur te/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / 'khrug pa rnams yod cing 'byung bar 'gyur te/ de ltar las kyi rgyu sred pa'i zhags pa des bcings pa'i byis pa so so'i skye bo ni/ 'khor lo lta bu'i rgya mtshor yongs su 'khyam mo/ / tshor ba de dag thams cad kyi rgyu dang rkyen 'di dag la/ 'du shes kyis las su bya ba med de/ las med na sred pa 'byung bar mi 'gyur la/ de med na tshor ba med par 'gyur ro/ / rgyu rkyen ni dper na snying po la yang brten/ skong bu la yang brten/ ma ra la yang brten/ me la yang brten nas/ mar me'i 'od skad cig ma mngon par 'grub par 'gyur ro/ / de bzhin du dge slong de tshor ba'i rgyu dang rkyen mthong ba/ las kyi rgyu tshol zhing las kyi rjes su 'brang ba/ las kyi mthus tshor ba thams cad skye bar 'gyur ro// de la lus ni skyong bu lta bu yin/ dbang po dag ni mar lta bu yin/ 'dod chags zhe sdang ga ti mug ni me lta bu yin te/ shes pa skad cig ma ni mar me'i 'od 'bar ba lta bu yin no// rnal 'byor pa gang gis srid pa gsum du 'gro ba'i tshor ba de nyid tshol zhing mthong ba ni shes pa yin te/ dper na gser mgar gser blangs nas/ las dang las su byas pa'i gser las rgyan gyi rnam pa legs pa mngon par 'grub par byed do/ / de bzhin du rnal 'byor spyod pa gser mgar lta bu de/ dmigs pa gser lta bu la dmigs te/ gal te dmigs pa bzang na/ de las bzang po mngon par 'grub par 'gyur zhing / mya ngan las 'das par 'gro'o// gal te dmigs pa ngan na/ de ngan pa 'grub par 'gyur ro// 'dir tshigs su bcad pa/ rgyu rkyen de/ nyid shes pa ni// don zhi ba nges par byas pa yin// thar pa'i rgyun la mngon dga' na// sred pas khyer bar mi 'gyur ro// lus can thams cad las dag gi/ rjes 'brang las kyi skye gnas dang / / las kyi 'bras bur sbrel nas su// srid pa nyam ngar kun tu 'khyam// gang zhig mi dge mi len cing // rtag tu dge ba'i las dga' ba// zla 'od dri ma med pa lngar// rnal 'byor 'gro ba de 'drar 'gyur/ / me yis shing skam bsregs pa ltar// sdig pa'i chos rnams rab bsregs pa// sdig las grol zhing nyon mongs rgal// sa gsum dag tu rnam par mdzes// gang zhig yid ni thar 'dod cing / / nams kyang 'khor bar mi dga' ba// de ni 'khor bar mi 'ching ste// mkha' la bya ni 'gro ba bzhin// gang zhig tshor 'byung de nyid shes// tshor ba'i 'bras bu rig pa ni// de nyid grol bar shes par bya/ / rig pa srid pa lam du// nga thug gis ni de mi gnod// nim dang rabs gos pa med// gang dag srid pa 'bar ba ltar// rnal 'byor de ni bsam pa ldan// zla gros rtag tu mi rmongs shing / / rtag tu chos kyi pha rol 'gro// dge slong sdom la mngon dga' ba// de lta bu ni dge slong yin// gnyen lta ba la dga' med cing // mkhas bdag la lta 'dod la/ khyim gyi skyon las nges 'byung ba// de lta bu ni dge slong yin// dbang po thams cad rab zhi zhing // yul rnams la ni chags med na// gnya' shing gang tsam lta ba dag/ de lta bu ni dge slong yin/ / khro mad khyim la spyod med cing // tshong zong nyo tshong mi byed la// srang dang bzhi mdor mi dga' ba// de lta bu ni dge slong yin// klu dang gar la mi lta zhing // nyes rtsom rnams la chags med la/ / gang dag dur khrod dga' byed pa// de lta bu ni dge slong yin// nyi ma gcig la bsod snyoms mchog/ blangs nas sang gir mi sems la// lto 'grangs tsam gyis chog byed pa/ / de lta bu ni dge slong yin// gang dag gos mchog rnam spong zhing // phyag dar khrod kyis chog 'dzin la// gang dag rigs par zas za ba// de lta bu ni dge slong yin// gang dag las ni mi rtsom zhing // las rnams kun la bsam med la// spro med 'dud pa med pa ni// de lta bu ni dge slong yin// 'dod pa'i khro las rnam grol zhing // gti mug 'dam ni rnam spangs la/ / sdig pa'i chos kyis ma gos pa// de lta bu ni dge slong yin// kun tu sbyor ba kun las 'das// bag la nyal ba thams cad spangs// bsam pa kun las rnam grol ba/ de lta bu ni dge slong yin// 'phags lam yan lag brgyad pa yis// mya ngan 'das pa'i grong khyer gnas// gang dag nyon mongs kun bcom pa// de lta bu ni dge slong yin// dbang po dul zhing blo gros brtan/ / 'dod pa'i 'dam ni rnam par spangs// rtse gcig yid ni legs gnas pa// de lta bu ni dge slong yin// gang dag sa yi rim shes la// sa yi de nyid ston byed cing / / yang dag phan tshun sa shes pa// de lta bu ni dge slong yin// zag bcas zab pa med pa'i chos// rgyu dang rkyen du 'byung ba dag/ rnam pa bzhin du kun shes pa// de lta bu ni dge slong yin/ / tshangs par spyod pa drang zhing zhi// rmugs dang gnyid ni rnam spangs la// nang par ldang zhing mkhas gtsang ba// de lta bu ni dge slong yin// gang zhig zhi gnas lhag mthong la/ dga' zhing bsam gtan bzhi la dga'// dgon pa kun dgar dga' ba dag/ de lta bu ni dge slong yin// nam mkha' la ni bya gnas pa// de'i grib rtag tu rjes 'gro ltar// gang blo dam pa'i chos la gnas/ / de lta bu ni dge slong yin// gang zhig nyon mongs nye nyon mongs// bcom zhing zhi ltar blo gros gtsang // dbugs 'byung rngub pa'i rnam pa shes// de lta bu ni dge slong yin/ / gang zhig rim pa'i cho ga shes// rnal 'byor rig cing de nyid ston// lam dang lam min rim shes pa// de lta bu ni dge slong yin// gang zhig dga' la mi chags shing // 'jigs pa dag la 'jigs med pa/ / dpa' bo dga' dang 'jigs mnyam pa// de lta bu ni dge slong yin// rga dang 'chi ba'i de nyid shes// lha dang lha min phyag byas pa// sems kyi rnam pa phan tshun shes/ / de lta bu ni dge slong yin// gang zhig snam sbyar lhung bzed kyis// cho ga 'dzin sogs 'jog mi byed la// 'dod pa chung zhing tshangs par spyod// de lta bu ni dge slong yin// dri med stan gcig zas za zhing // zhim pa'i rol mi chags la// rnyed dang bkur sti spangs pa dag/ de lta bu ni dge slong yin// btang snyoms snying rje dag la dga'// 'cha dang skyon ni rnam spangs shing / / nyes pa'i rdzas kun nges bsreg pa// de lta bu ni dge slong yin// dge slong de nang gi chos la chos kyi rjes su lta zhing / tshor ba de dag ji lta ba bzhin du rjes su rtog ste/ de shes pa shin tu zhib mos mig gi 'dus te reg pa las byung ba'i tshor ba'i dmigs pa rjes su rgyu ba med par mthong ste/ dmigs pa gnyis pas lhan cig 'gag cing 'jig pa mthong ste/ mig gi 'dus te reg pa las byung ba'i tshor ba'i dmigs pa 'das nas/ bdag sgra la dmigs pa dang bcas pa'i tshor ba sdug pa dang / mi sdug pa skye ste/ bdag gi sems de dang lhan cig gyur pa med do snyam nas/ des sems kyi dmigs pa de brtan par byas nas 'dzin par byed do// rna ba'i tshor ba sgra la dmigs pa dang bcas pa de 'gags nas/ sna'i tshor ba dri la dmigs pa skye ste/ de sna'i tshor ba la yang rtog par byed ce na/ shin tu rtog par byed de/ bdag gi sna'i tshor ba dri dang bcas pa dge ba'am/ mi dge ba 'am/ lung du bstan pa'am/ lung du ma bstan pa skye ste/ bdag gi sna'i tshor ba de'i sems gyur pa/ gal te des sems gyur pa mthong na/ des yang dmigs pa de nyid la goms par byed cing spyod la/ 'bad cing brtson te las su rung bar byed la/ dge ba'i chos zag pa med pas sems goms par byed do// gal te mi g.yo na lce'i dmigs pa dge ba'am/ me dge ba 'am/ lung bstan pa 'am/ lung ma bstan pa la dmigs par byed de/ de dmigs pa de mngon sum du byas nas/ bde ba dang / sdug bsngal dang / sdug bsngal yang ma yin/ bde ba yang ma yin pa'i tshor ba la lta bar byed cing/ ci 'dis bdag gi sems gyur tam snyam mo// gal te ro la dmigs pa'i tshor ba skyes par sems gyur pa mthong na/ des yang sems dmigs pa'i ka ba la mos pa'i thag pas bcings nas/ ji ltar sems 'di lce'i tshor ba dang bcas shing / sred pa dang bcas pas mi 'phrogs par bya snyam nas/ spyod cing 'bad la nan tan du byed do// // dam pa'i chos dran pa nye bar gzhag pa bam po bzhi pa/ / de nas gzhan yang dge slong de lus kyi reg bya dang bcas pa'i reg bya'i tshor ba dmigs pa'i ka ba la bcings nas/ dge ba dang / mi dge / ba dang / lung du ma bstan pa la rtog par byed de/ gal te reg bya'i tshor ba des sems gyur par mthong na yang / ji ltar dmigs pa'i ka ba la bcings nas las su rung bar byed cing / gyur pa med pa de ltar byed do// yang dge slong de yid la 'ong ba'i yid dang shin tu 'brel pa'i chos kyi tshor ba dge ba dang / mi dge ba dang / lung du bstan pa dang / lung du ma bstan pa la lta bar byed de/ gal te tshor ba de dag gis yid gyur na/ de dmigs pa'i ka ba de la mos pa'i thag pas bcings nas las su rung bar byed de/ gyur pa med pa de ltar byed/ do// yul drug lus la yod pa'i tshor ba la lta ba'i dge slong yang dag pa'i tshor ba 'byung ba dang / zad pa de nyid mthong ba ni gnas lnga pa la 'jug pa/ de mig gi 'dus te reg pa las byung ba'i tshor ba shes pa'i sgron mas tshor ba myong bar byed pa'i tshor ba 'di dag gang zhig yin zhes rnam par rtog par byed do/ / de yid kyi rnam par shes pa'i tshor ba 'di ni rten cing 'brel par 'byung ba yin/ te/ yid dang shin tu 'brel bar mthong la/ byis pa so so'i skye bo thams cad ni yid kyi rnam par rtog pas phrogs shing / shin tu rtog pa'i sems bsregs te/ 'di la tshor ba po dang / byed pa po ni gang yang med kyi/ rgyu rkyen dang 'brel ba'i 'du byed kyi phung po 'di nyid skye/ 'du byed kyi phung po 'di nyid 'gag go snyam mo// de mig gi 'dus te reg pa la byung ba'i tshor ba ji lta ba bzhin rjes su mthong zhing rjes su 'jug pa des/ sems mi 'phrogs shing / rnam par mi g.yo la skyon du 'gyur bar mi byed de/ dri ma can du mi byed do// yang dge slong de rna ba'i tshor ba la rtog par byed de/ tshor ba rjes su myong zhing rig pa'i tshor ba 'di gang yin snyam mo// de rna ba'i tshor ba 'di yid kyi rnam par shes pa dang shin tu 'brel pa mthong ste/ yid dang shin tu 'bral ba de la gnas par zad kyis/ 'di la byed pa po dang / nor ba po med rnying / rna ba'i tshor ba rten cing 'brel par 'byung ba la/ byed pa po dang / tshar/ pa po med de/ 'du byed kyi phung po stong pa ni rgyu rkyen gyi dbang gis skye zhing 'gag go snyam mo// yang dge slong de sna'i tshor ba la rtog par byed de/ tshor ba 'di myong zhing rig pa gang zhig yin snyam mo/ / de tshor ba yid kyi rnam par shes pa dang shin tu 'brel par mthong ste/ de la dmigs pa de la gnas pa de rgyu dang rkyen las byung zhing / rjes su myong ba'i mtshan nyid yin gyi/ 'du byed kyi phung po stong pa 'di byed pa pos gnas su ma byas shing / tshor ba pos gnas su ma byas pa rgyun chags par 'jug pa yin no snyam ste/ de sna'i tshor ba rtogs nas byed pa po dang / tshor ba po/ med cing don gyi bar du gcod par 'gyur ba ni med do snyam mo// yang dge slong de lce'i tshor ba la rnam par rtog ste/ lce'i tshor ba 'di myong zhing rig pa gang yin snyam mo// da lce'i tshor ba 'di yid kyi rnam par shes pa dang shin tu 'brel bar mthong ste/ de la gnas pa de dang 'brel pa de la dmigs pa de'i rgyu las byung zhing / de la brten pa yin gyi/ 'di la byed pa po dang / tshor ba po dang don gyi bar du gcod par 'gyur ba med de/ 'du byed kyi phung po stong pa 'di rgyu dang rkyen gyi dbang gis skye'o snyam mo// yang dge slong de lus kyi reg bya'i tshor ba la rtog par byed do// lus kyi tshor ba myong zhing rig pa 'di gang yin snyam mo/ / de lus kyi tshor ba 'di yid kyi rnam par shes pa dang shin tu 'brel par mthong ste/ 'di la byed pa po dang / tshor ba po don gyi bar du gcod par gyur pa ni med de/ 'du byed kyi phung po stong pa 'di rgyu dang rkyen gyi dbang gis 'jug go snyam mo// yang dge slong de yid kyi tshor ba la rnam par rtog par byed de/ yid kyi tshor ba myong zhing rig pa 'di gang yin snyam mo/ / de yid dang chos la brten nas yid kyi rnam par shes pa skye bar mthong ste/ gsum 'dus pa'i reg pa reg pa dang lhan cig 'byung ba'i tshor ba dang / na rdzas dri zhim pa du ma bsdus pa las spos bzang po 'byung ngo // spos de'i rgyu mi 'byung ba gcig kyang med pa de bzhin du/ rgyu dang rkyen 'di 'dus pa las tshor ba thams cad 'byung zhing // byed pa pos gnas su ma byas shing / tshor ba pos gnas su ma byas pa yin no// dper na lo ma la yang brten/ ze ba la yang brten/ sdong bu la yang brten/ ze 'bru la yang brten nas pad+ma/ zhes bya ba'i me tog 'byung ste/ pad+ma de'i rgyu gcig kyang med do// de bzhin du dmigs pa la yang brten/ nam mkha' la yang brten/ yid la byed pa la yang brten/ snang ba la yang brten nas mig gi 'dus te reg pa las byung ba'i tshor ba 'byung ste/ mig las skyes pa/ mig la brten pa'i tshor ba de rigs gcig pa ma yin/ rdzas gcig pa ma yin/ 'byung ba gcig pa na yin zhing / ther zug tu gnas pa ma yin la/ sprul pa lta bu yin snyam mo// de ji lta ji ltar de nyid tshol ba'i dge slong de ni/ de lta de ltar chos dkar po 'byung bar 'gyur te/ dper na bu ram shing snod/ kyi nang du bcug nas/ mes bskol ba des/ dang po zhu zhing dri mar 'gyur ba ni pu ram dri ma can zhes bya'o// lan gnyis su bskol ba dang / dkar bar 'gyur zhing bu ram du shes so// lan gsum pa la shin tu dkar bar 'gyur te/ ji lta ji ltar bu 'am shing bskol ba de lta de ltar shin tu dri ma dang bral bar 'gyur ba de bzhin du/ dge slong dmigs pa'i snod du ye shes me lta bus sems kyi rgyun bu ram shing lha bu yongs su skol bar byed do/ / de dbu ba lta bu bsam gtan dang po thob par 'gyur zhing / de'i dkar ba lta bu bsam gtan gnyis pa thob par 'gyur te/ de bzhin du ji lta ji ltar dge slong gi sems kyi rgyun ya shes kyi mes skol bar byed pa de lta de ltar zag pa med pa'i chos shin tu dkar zhing shin tu dri ma med pa/ shin tu skyon med par 'gyur te/ las phyir phyogs pa dri ma dang bral zhing dkar la dag pa skye bar 'gyur ro/ / gzhan yang dge slong de tshor ba de dag la shin tu rnam par phra ba gnan gyis rtog par byed de/ sems can che ge mo zhig tshe rab mig gi 'dus te reg pa las byung ba phra ba 'am/ rags pa dri ma can gti mug dang ldan pa skyes pa de/ tshor ba rags pa che ge mo zhig gis bsal cing spangs la/ lhag ma dang bcas par byas so// rna ba'i tshor ba dang / sna'i tshor ba dang / lce'i tshor ba dang / lus kyi tshor ba yang de bzhin no/ / dge slong de de ltar brtson zhing spro la/ bdud kyi sde 'jom pa na/ sa bla'i gnod sbyin dang / bar snang la spyod pa'i gnod sbyin de dag gis kyang rgyal po chen po bzhi la mngon par bsnyad do/ / sa bla'i gnod sbyin dang / bar snang gi lha la sogs pa'i gnod sbyin de dag dang / rgyal po chen po bzhi po de dag gis kyang rgyal chen bzhi'i lha rnams la mngon par bsnyad do/ / sa bla'i gnod sbyin de dag dang / bar snang la spyod pa'i gnod sbyin de dag dang / rgyal po chen po bzhi po de dag dang / rgyal chen bzhi'i lha de dag gis kyang lha'i dbang po brgya byin la mngon par bsnyad do/ / lha'i dbang po brgya byin yang glang po ches srungs kyi bu la zhon nas/ yid dga' bas 'thab bral gyi lha rnams la mngon par bsnyad de snga ma bzhin no// 'thab bral gyi lha de dag kyang brgya byin la dga' nas/ rin po che sna tshogs thogs shing lus lha'i 'phreng ba dang / spos rnam pa sna tshogs kyis brgyan pa sgra dang / reg bya dang / gzugs dang / dri yid du 'ong zhing bde ba dpe med pa/ rab tu dga' ba'i shugs kyi dga' ldan gyi lha'i ris na/ rin po che sna bdun las byas pa'i khang pa dang / gzhab med khang dang / grong khyer rnam pa sna tshogs kyis brgyan cing / dpag tshad stong phrag bzhi bcu yod pa/ yid kyis brtags pa zhes bya ba der/ byang chub sems dpa'i khang bzangs dpag tshad khri yod pa/ zag pa med par 'gro ba zhes bya ba de na/ bcom ldan 'das byang chub sems dpa' lnga brgya dang thabs cig tu bzhugs pa de la/ 'thab bral gyi lha dag yid rab tu dga' bas/ gos phyogs gcig tu bgos te/ pus mo sa la btsugs/ mgo btud thal mo sbyar nas gsol pa/ lha 'di ltar 'dzam bu gling na las kyi sa la gnas pa/ grong che ge mo zhig dang / grong rdal mang ge mo zhig dang / yul ga ge mo zhig tu/ rigs che ge mo zhig las/ rigs kyi bu che ge mo zhig smrasgra dang kha spu bregs te/ gos ngur smrig bgos nas/ dad pas khyim nas khyim med par rab tu byung ste/ de spyod pa la nan tan bgyid cing bla ma la bsnyen bkur bgyid pa/ zag pa med pa'i chos kyi de nyid tshol zhing / tshor ba de nyid mthong ba zhes bgyi ba sa gzhan bzhi pa la zhugs nas/ bdud kyi phyogs 'dzom par bgyid cing / dam pa'i chos kyi zam pa brtan par bgyid/ chos dkar po rab tu ston par bgyid cing / bdud kyi phyogs smod par bgyid la/ lha'i phyogs 'phel bar bgyid pa de bdag cag gis lha rnams la mngon par gsol lo/ / 'thab bral gyi lha rnams la byams pas/ lha'i phyogs 'phel bar gyur pa de thos nas/ kye lha dag 'di ltar gang bdud kyi phyogs dma' bar byed cing / dam ba'i chos kyi phyogs mngon par mtho bar byed la/ nyon mongs pa rnams las rab tu grol bar byed cing / bdud kyi sde rnam par 'joms par byed pa la bdag rab tu dga' 'o zhes gtam du byed do// gzhan yang dge slong des tshor ba'i tshogs drug mdor bsdus pa ji lta ba bzhin mthong nas/ tshor ba'i phung po'i sa'i chos sa gzhan lnga pa la ji ltar 'jug ce na/ rnal 'byor spyod pa nang gi chos la chos kyi rjes su lta zhing gnas pas brtags na/ yang dge slong de tshor ba'i de nyid mthong zhing / tshor ba'i tshogs drug gi las kyi mthar byas la/ 'du shes kyi phung po yang dag par rab tu rnam par 'byed cing mtshan mar byed do/ / sa gzhan 'du shes dang bcas pa gang yin snyam na/ bdag chos dkar po dben pa la spyod cing / phan pa dang / mi pham pa las dben par spyod pa'i 'du shes kyis 'du shes su byed cing / de yang dag par sems par byed la/ de chos dkar po mtshan mar byed pa ni/ 'di ltar thog ma nyid du chos rnams rab tu rnam par 'byed de/ dmigs pa bstan du yod cing // thogs pa dang bcas pa dang // bstan du med cing thogs pa'i 'du shes ji ltar skye bar 'gyur// gang yin zhig gu snyam nas/ de shin tu dben pas 'du shes de la rtog par byed cing / 'du shes des gzugs rnam pa bcu gcig la mtshan mar dmigs te/ 'di lta ste/ ring ba dang / thung ba dang / gru bzhi dang / zlum po dang / zur gsum dang / sngon po dang / ser po dang / dmar po dang / dkar po dang / btsod ka'o// de la 'du shes kyi mtshan mas ring por byed pa ni/ kye ma byis pa blo gzhan pa rnams kyis thog ma dang tha ma med pa'i skye ba dang / 'chi ba dang / las dang / 'bras bu dang / 'chi 'pho dang / 'byung ba dang / sdug pa dang bral ba dang / grang ba dang / tsha ba dang / bkres pa dang / skom pa dang / dub pa dang / na ba dang / gzhan gyis bsgo ba dang / brnyas pa dang / bran gyi ngo bo dang / gcig la gcig za ba dang / sogs par byed cing / don med par gyur pa/ dpag tu med pa 'di kun ni bzod par dka' ba yin te/ lus dang / ngag dang / yid kyis kun nas bslangs pa'i nyes par byas pa'i las kyi bye brag bye ba khrag khrig brgya stong phrag dpag tu med pa dag gis byis pa so so'i skye bo dag yang dang yang du khyab par byas shing rnam par gtses pa'i 'khor ba 'di ni ring ngo snyam mo/ / de la mir gyur pa rnams la 'dod pas nyon mongs shing gcig la gcig 'drid pa dang / gzhal lugs dang / gshegs dang / tshong pa dang / rgyal po'i pho brang du bsten pa dang / mtsho dang / ngam grog dang / yul gzhan du 'gro ba dang / 'thab mo dang / zhing rmed pa dang / phyugs skyong ba dang / kla klor skye ba dang / log par lta ba dang / dbang po ma tshang ba dang / dam pa'i chos dang bral ba dang / sangs rgyas 'byung ba dang bral ba dang / rkyen ma tshang ba dang / mi ba dang / chang 'thung ba dang / ma byin pa len pa dang / brdzun du smra ba dang / 'dod pas log par g.yem pa dang / brnab sems dang / gnod sems dang / phra ma dang / tshig rtsub po dang / tshig 'khyal pa la yid rnam par zhen pa'i 'khor ba 'di ni ring ngo snyam du 'du shes kyi mtshan ma la dmigs par byed do// lha rnams kyi 'khor ba yang ring bar 'du shes kyi mtshan ma la dmigs par byed de/ yul sdug pa spa dang / ro dang / gzugs dang / dri la rab tu chags shing / 'dod chags dang / zhe sdang dang / gti mug dang / bag med pa dang / bud med kyi nyon mongs pa dang / dga' ba'i tshal dang / yongs 'du dang / rnam par mdzes pa dang / shing rta sna tshogs dang / tshal dang / nags tshal dang / lteng ka dang / dal gyis 'bab pa dang / kun tu rtse ba dang / me tog dang / spos dang / bdud rtsi'i ro dang / rnam pa sna tshogs su rtse ba dang / kha zas dang / gnas khang la rab tu chags pa dang / tsan dan dang / lha'i me tog 'phreng dang / phye ma dang / byug pa dang / me tog man+da ra ba dang / lha'i rol mo dang / lha'i glu dbyangs la sems rab tu chags shing / dam pa'i chos la kha phyir phyogs pa'i lha rnams kyi 'khor ba ni ring ngo snyam mo/ / yi dgas rnams kyi 'khor ba yang ring bar 'du shes kyi mtshan ma la dmigs par byed de/ nyes par byas pa'i las kyi 'gro ba/ bkres pa dang / skom pa dang / dub pa dang / nyam chung ba dang / ma'i char rab tu 'bab pa dang / mid pa khab tsam la/ lto ri tsam pa dang / lto skal pa la zha ba dang / phrag dog dang / ser sna skyes shing gcig la gcig mtshon gyis 'debs pa dang / mun nag tu 'jug cing g.yang sar rab tu ltung ba dang / chu bo dang / steng ka dpa' bab chu'i da dang / mtshor rgyug pa dang / gshin rje'i mis ral gri dang / dbyig pa dang / gzhor dang / mdung gis btab cing sdug bsngal ba/ skyugs pa dang / ngar snabs kyi kha zas lo 'bum phrag du mar za ba/ sdug bsngal rnam pa sna tshogs kyi mchi ma rab tu byung zhing bzod par dkar ba/ yul ngan byung zhing gding dang lus smras khebs pa/ lus la srin bu 'bum zhugs pa/ lus nad thams cad 'byung ba'i gzhir gyur cing thebs pa 'khor bar yun ring du zhugs pa/ lcags kyi bya rog mchu 'bar ba dag gis mig phyung ba/ lus shing bsregs pa 'dra zhing pha rol gyis gnod pa/ gcig la gcig za da/ dgon pa dpag tshad bye ba brgya phrag sum cu rtsa drug tu zhugs pa/ mgon med cing zas dang skom gyi mas lus bsregs pa/ mun nag tu zhugs pa'i yi dgas dag ni dam pa'i chos mnyan pa la kha phyir phyogs pa yin te/ log par lta bas bslus pa rnams kyi 'khor ba ni ring ngo snyam du 'du shes kyi mtshan ma la dmigs par byed do// gcig la gcig za zhing khong du chud par bya ba dang / khong du chud par bya ba ma yin pa shes pa la kha phyir phyogs pa rnams ni/ chu dang chu la spyod pa rnams rtag tu skom pas gdungs shing / snying yongs su bskams pa dang / gzung bas 'jigs pa/ chu srin byis pa gsod dang / chags skam dang / sram dang / rus sbal dang / nya dang / nya mid dang / nya mid ming dang / chu srin kum b+hi ra dang / chu srin na kra dang / chu srin ma ka ra dang / chu srin nya phyi sa dang / chu srin dung la sogs pa chen po dang / chung ngu rtag tu gcig la gcig za dang / de las gzhan pa rgyas shor zhing bzung bas 'jigs pa rnams dang / de bzhin du skam sa la rgyu ba ri dgas dang / ma he dang / phag rgod dang / glang po dang / khyu mchog dang / rta dang / bong bu dang / pa glang dang / ri dgas ru ru dang dred mo dang / bse la sogs pa sdug bsngal sna tshogs kyis 'ching zhing mtshon gyis gcod pa dang / nad dang / rga ba dang / 'chi bas gcig la gcig gnod pa brgya phrag stong gis nyen pa rnams dang / de bzhin du nam mkha' la rgyu ba bya rog dang / 'ug pa dang / ngang pa dang / rma bya dang / khyim bya dang / bya ko ma shrI ka dang / phug ron dang / bya dang / t+yu ha dang / bya tsa sha dang bya 'dab brgya dang / bya tsha yab lin dang / bya shang shang te'u dang / bya san ta pa la sogs pa gzhan yang bya'i rigs dag gsod pa dang / 'ching ba dang / bkres pa dang / skom pa dang gcig la gcig za ba dang / grang ba dang / tsha bas gnod pa rnams dang / gnas gsum la gnas pa skams dang / chu dang bar snang la rgyu ba'i dud 'gror gyur pa rnams la mi bzod cing so so'i 'jigs pa rnams kyi 'khor ba ni ring bar 'du shes kyi mtshan ma la dmigs par byed do/ / de bzhin du yang sos dang / thig nag dang / bsdus 'jom dang / ngu 'bod dang / ngudu 'bod chen po dang / tsha ba dang / rab tu tsha ba dang / mnar med pa rnams kyi mi bzod pa/ bsam pa shin tu ngan pa rnams kyi so so'i 'jigs pa brgya stong du ma yod pa/ me dang / mtshon dang / g.yang sa dang / rgyal pa'i chu bo dmar po'i nang du lus rab tu 'jug pa/ lo ma'i ral gri'i nang du 'jug cing / bdab mas so sor nyams su myong ba/ brgya'i chu'i nang du 'dug cing sa rab tu 'bar ba la 'gro ba/ sreg par byed pa'i pad+ma mi bzad pa/ gnod par byed pa bzod par dka' ba rnam pa du mar mtshungs pa mang ba'i sems can dmyal ba rnams kyi 'khor ba ni ring bar 'du shes kyi mtshan ma la dmigs par byed do/ / dge slong de 'du shes kyi phung po rab tu rnam par dpyod pa la bstan du yod cing thogs pa dang bcas pa yun ring po'i gzugs 'phags pa'i bden pa bzhi la las dang 'bras bu'i rgyu'i gzhi dmigs pa/ sems can rnam pa sna tshogs dpag tshad brgya phrag stong gi 'gro bar song ba rnams la lta bar byed cing / mtshan mar byed la/ rnam par 'byed par byed/ gzhi la dmigs pa'i 'du shes rab tu dag pas mthong ste/ 'khor ba la yid 'byung bar byed do// gzhan yang ji ltar na dge slong de zung ngu rnam par 'byed cing mngon sum du byed ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ dge slong de bdud kyi sde rnam par 'jig par byed de/ ji ltar thung ba rnam par 'byed ce na/ 'khor ba thung ba'i brtul zhugs dang / sdom pa dang / mchod sbyin dang / tshul khrims dang / cho ga shes pa dang bla ma la gus pa dang / yid drang ba dang / yang dag pa'i lta ba dang / pha ma la gus pa dang / sangs rgyas dang / chos nyan cing lha la bsnyen bkur byed pa dang / g.yo byed pa dang / gzhal lugs dang / 'drid pa dang / dge ba'i bshes gnyen gyi spyod pa ma yin pa spong ba dang / phyug pa dang / yid drang ba dang / snying brtse ba dang / lus dang / ngag dang / yid las su rung ba dang ldan zhing / mi'i snying dang ldan pa rnams kyi 'khor ba ni thung bar 'du shes kyi mtshan ma la dmigs par byed do// de bzhin du gang dag bag med pa la zhugs pa rnams kyi dga' ba'i tshal dang / rnam par mdzes pa dang shing rta sna tshogs dang / yongs su 'du dang / nags tshal dang / lteng ka dang / pad+ma sna tshogs dang / rgyan dang / do shal dang / bro gar dang / khron pa dang / shin tu mdzes pa'i dpag bsam gyi shing dang / 'bab chu dang / chu mig tshag tshig dang / tshal dang / bdud rtsi dang / zas dang / gnas kyi khyad par dag spangs nas/ gang dag tshul khrims kyi rnam pa'i zas bsam gtan dang / klog pa la gnas shing legs par lta la/ kha ton du 'don pa dang / sbyin pa dang / dul ba dang / yang dag par sdom pa dang / tshangs par spyod pa dang / dbang po dul ba dang / smra ba'i tshig nyung ba dang / chos 'dod pa dang / zhi ba'i zas la gnas pa'i lha gang yin pa de dag gi 'khor ba ni zung ngo // ji skad bshad pa bzhin du sdug bsngal gyi rnam pa bkres pa dang / skom pa dang / kha bskams pa dang / tshal shing bsregs pa bzhin du dman zhing zhum la/ spa dang gdong shong bsregs pa lta bu'i lus can gang yin pa de dag sdug bsngal du mi bgrang bar/ gang dag skad cig tsam zhig kyang / sangs rgyas dang / chos dang / dge 'dun la dbang po rab tu dang bas dad pa chung ngu zhig byas pa de dag gi 'khor ba ni thung bar 'du shes kyi mtshan ma la dmigs par byed do/ / gcig la gcig za zhing brdeg pa dang / grang ba dang / tsha ba dang / yul ngan pa dang / 'jigs pas 'jigs pa de dag gal te nus na/ skad cig tsam du rnam par gnon par mi bgrang bar/ skad cig tsam zhig kyang sangs rgyas dang / chos dang / dge 'dun la sems dang bar byas pa'i dud 'gro de dag gi 'khor ba ni thung bar 'du shes kyi mtshan ma la dmigs par byed do/ / yang sos dang / thig nag dang / bsdus gzhom dang / ngu 'bod dang / ngu 'bong chen po dang / tsha ba dang / rab tu tsha ba dang / mnar med pa la sogs pa'i sems can dmyal ba rnams su skyes pa gang dag sdug bsngal shin tu gnod pa rnam pa sna tshogs de dag sdug bsngal du mi bgrang bar/ gang dag skad cig gcig tsam du tshul khrims la sems dad par byed pa'i sems can dmyal ba de dag gi 'khor ba ni thung bar 'du shes kyi mtshan ma la dmigs par byed de/ de de ltar 'khor ba thung bar sems so// 'khor ba gru bzhi po ji lta bu zhig snyam na/ byang gi sgra mi snyan gyi mi rnams ni bdag gi ba med cing / bdag tu nga rgyal med la/ nges par gong du 'gro ba de rnams kyi 'khor ba ni gru bzhi pa yin par 'du shes kyi mtshan ma la dmigs par byed do// sems can dmyal ba dang / yi dag sa dang / dud 'gro mi shes pas yongs su 'gyur zhing / sems bzang po ma yin pa'i rjes su 'jug pa'i 'khor ba ni zlum po yin par 'du shes kyi mtshan ma la dmigs so/ / dge ba dang / mi dge ba dang / lung du ma bstan pa'i las 'dren ma dag ni sems can dmyal ba dang / lha dang / 'dren ma mi rnams kyi nang du skye bar 'gyur te/ de la mi dge ba'i las kyis ni sems can dmyal ba rnams su'o/ / dge ba'i las kyis ni lha rnams su'o// 'dren mas ni mi rnams su skye ste/ las gsum nye bar 'gro'o// gang dag gnas gsum gyi skyes pa de rnams kyi 'khor ba ni zur gsum po yin par 'du shes kyi mtshan ma la dmigs par byed do/ / rgyal chen bzhi pa dang / 'thab bral gyi lha dang / gzhan 'phrul dbang byed kyi las lta bur skyes pa'i lha dag las shi nas lha rnams su skye bar 'gyur/ gang dag mi las shes nas mi rnams kyi nang na skyo bar 'gyur ba mi khom pa med pa'i sa de dag gi 'khor ba ni zlum po yin par 'du/ shes kyi mtshan ma la dmigs par byed do// las dmar pos yongs su bzung ba dag ni dud 'gro yin te/ de dag kyang gcig la gcig za zhing dmar po la dga' ba'i 'du shes kyi mtshan ma la dmigs par byed do/ / las kha dog dkar pos yongs su bzung ba ni lha dang mi yin te/ gtsang zhing dge ba'i las kyi lam rin po che las byung ba'i rim gyis lha dang mir skye ba 'dzin te/ lha 'chi ba na de/ la lha dag bde 'gro mi'i 'jig rten du bzhud cig ces smra'o// de bzhin du mi 'chi ba na gnyen dang / mdza' bshes dang / chung ma dag mig mchi mas gang zhing / ngom zung gnag pa dag bdag cag/ thong la bde 'gro mi'i 'jig rten dgyes par bzhud cig ces smra'o// de 'di snyam du sems te/ mi de nyid thob kyang gang dge ba dang / sbyin pa dang / tshul khrims dang / shes rab la brtson 'grus med pa de ni sems can dmyal ba dang / yi dgas dang / dud 'gro'i dgon par gtses shing yongs su 'khyam ste/ so so'i skye bo ni las kyi lam gyis bslus shing chud gsan pa yin no snyam mo/ / dge slong de tshor ba'i de nyid mthong ste/ 'du shes kyi phung po la tshul bzhin yid la byed pa la dmigs pa'i de nyid mthong ba ni 'di ltar de nyid tshol bar byed de/ mig dang gzugs la brten nas mig gi rnam par shes pa skye'o/ / gsum 'dus pa las reg pa brjod pa'i 'du shes rnam par 'byed de/ gzugs mthong ba na bzang ba dang / mi bzang ba dang / nye ba dang / bskal pa dang / ring ba dang / thung ba dang / gru bzhi dang / zlum po dang / dkar po dang / zur gsum dang / gzugs kyi dbyibs 'du shes kyis yang dag par rnam par 'byed cing / mtshan mar byed la gzhi la lta bar byed do// phung po dang / khams dang / skye mched kyi gzhi 'du shes su byed cing / rnam par 'byed/ dge ba dang mi dge ba'i las kyi rnam par smin pa shin tu 'byed cing / mngon sum du byed do// rgyu dang ldan pa la dmigs shing / rgyu ma yin pa dang ldan pa shes nas/ rnam par skyong bar byed/ phan pa dang / mi phan pa'i mtshan nyid mi 'dra ba 'das pa la 'du shes su byed de/ ji ltar 'dis bdag gi byas pa nyes pa byas pa'i 'du shes kyis 'du shes par byed de/ snga ma bzhin no// gal te 'du shes med na// dran pa yang med de/ dran pa dang / 'du shes su 'brel ba ni de'i dmigs pa yin zhing / de'i rkyen yin te/ dper na 'od de'i rkyen de'i gzhi de'i rgyu mar me yin pa de bzhin du/ dran pa ni 'du shes kyi rgyu/ 'du shes kyi rab tu byung ba/ 'du shes kyi bdag po yin no snyam mo// dge slong des gzhan lnga pa 'du shes su reg pa zhes bya ba la 'jug ste/ de yang dag pa'i tshor ba bde ba la 'du shes su byed kyang de la dga' ba med la/ sems can dmyal ba rnams kyi las byas pa/ sdug bsngal de yang 'jigs pa med par de mtshungs par rtog ste/ gser bzang po bzhin no/ / dge slong 'du shes can de 'du shes kyi rnam pa gzhan gyis rtog par byed de/ 'du shes las rnam par grol zhing rtog par byed pa gzhan ma yin pa// bdag gi 'du shes kyi rkyen ni gang yin/ rgyu ni gang yin/ gzhi ni gang yin snyam mo// de 'du shes 'di ni rten cing 'brel par 'byung ba yin te/ rkyen tshogs pa des 'di skye zhing / de 'gog pa las 'gag par 'gyur te/ dper na zla ba la yang brten/ chu shel la yang brten nas/ nor bu chu shel las chu dang ba 'byung ba de bzhin du/ rgyu dang rkyen la brten nas 'du shes 'byung bar 'gyur te/ 'du shes 'di ni rgyu/ med pa la sa 'byung ba ma yin zhing / byed pa po dang / tshor ba pos ma byas/ 'dod rgyal las ma byung bar 'di skye'o snyam mo// dge slong de 'du shes kyi phung po'i de nyid tshol ba yin te/ de 'du shes kyi de nyid mthong zhing / de skye ba dang 'jig pa'i de nyid shes pa/ rim pa bzhin du phra mos tshol ba yin no// chu bo'i rgyun 'bab pa ltar 'du shes la zhugs pa/ rgyu dang rkyen gyi dbang gis dge ba 'byung ba/ rgyu dang rkyen gyi dbang gis mi dge bar 'gyur bar skyes so// de yang sems spre'u lta bu nyams pas lung du ma bstan par 'gyur ba lung du ma bstan pa skyes so// de bde ba'i 'du shes la bde bar mi 'di lta ste/ zag pa med pa'i bde ba la bde bar 'du shes shing / bde ba la yang bde ba ma yin par 'du shes te/ bde ba de dag ni// chung ngur 'du shes so// ji ltar na bde ba'i phung po dang / khams dang / skye mched kyi phung po skye ba dang / 'gog par lta zhing / tshor ba dag la yang mngon par chags pa med ce na/ tshor ba nub pa des 'du shes mngon par dga' ba med cing / 'du shes nub pa des 'du byed rnams 'byung bar 'dod pa med de/ gnas pa med cing 'jig pa med la gzhan du 'gyur ba med pa'i rnam par shes pa 'byung ba la mngon par 'dod pa med do/ / gnas pa med cing 'jog pa med pa la gzhan du 'gyur ba med pa'i ngo bo 'di ni dge slong phung po'i de nyid shes pa yin te/ bdud kyi yul la mi gnas shing / 'dod chags zhe sdang gti mug rnams kyis gnod pa med pa yin/ de rtag pa dang / bde ba dang / gtsang ba dang / bdag tu lta ba ma yin/ 'khor ba na sgra dang / reg pa dang / gzugs dang / dri sdug pa/ dra ba'i zhags pa lta bu dag gis 'ching bar mi 'gyur zhing / dran pa nyams par 'gyur te/ de dran pa nye bar gnas pa rnam par shes shing / zag pa zad par bya bar nus la/ mya ngan las 'das pa la mngon du phyogs par 'gyur ro// 'dir tshigs su bcad pa/ dge slong brtson 'grus zhan pa dang // le lo byed cing lta ba la// gang zhig rtag tu spro dga' med/ / de lta bu ni dge slong yin// mal cha stan la longs mi spyod// dge slong yin zhes sangs rgyas gsungs// gang zhig le lo mngon dga' ba// de ni dge ba'i 'os min no// mongs rnams kyi gzhi gcig ni// le lo yin te gang la yod// gang la le lo gcig yod pa// de la chos ni med pa yin// bgo ba tsam gyis cho ga 'dzin pa// de ni dge slong yin zhes brjod// gang gi blo gros rjod med cing / / bsam gtan med la zag zad med// cha byad tsam gyis cho ga 'dzin pa// de lta bu ni dge slong min// gtsug lag khang dang kun dga' brtson// chos kyi spyod yul dga' med cing / / bud med chang la chags pa'i blo// de lta bu ni dge slong min// gang zhig bdud kyi 'ching gcod dang // sdig pa'i las dag spyod byed la// dge 'dun spyod yul mi spyod pa// de ni dge slong rgyal bas gsungs/ / sbrul gdug dang ni ta mra dag/ smin ma za ba nyis na rung // tshul khrims 'chal pa dge 'dun gyi// bzab btung spyod pa mi rung ngo // gang zhig nyon mongs 'dus ba ni/ / de ni bsod snyoms 'os min zhing // de ni bsod snyoms rigs min te// de ni dmyal ba'i 'os yin no// sbrul gdug khung nang dug lta bu'i// nyon mongs gang gis bcom zhing spangs// dge slong de ni bsod snyoms spyod// de ni bud med lta ba med// gal te bdag nyid gtar bzhag cing // sdig pa rnams la chags pa ni// de 'dun rin chen sun byed pa// de ni dge slong ji ltar shes// gang zhig rnyed dang bkur sti dang // gang zhig yul sdug sems byed la// bud med lta zhing de 'dod pa// dge min khyim min g.yo can yin// ji ltar me yis tshal bsregs bzhin/ / gang gis nyon mongs tshal ba sregs pa// bram ze de yin de dge zhing // sdig pa'i zas la mi chags so// rtag par grong du 'gro spro zhing // g.yon can rtag tu khrus byed pa// rmongs pa bdag dang gzhan sku ste/ / dam chos lam la rmongs pa yin// yid ni zhi zhing dgon pa ru// rtag tu bsam gtan pha rol 'gro// bram ze de yin de dge zhing // dge ba'i lam gyi spyod yul yin// dgon pa dag tu dga' byed pa// der ni 'dod chags bral ba dga'// 'dod pa tshol ba'i yid dag ni// der ni dga' bar mi 'gyur ro// gang zhig 'bel ba'i gtam dga' zhing // yul gyi sred pas mngon dga' ba/ / gang na 'chi ba med pa yi// zhi ba'i grong du mi 'gro'o// rgyal po brten cing zas dang skom// shin tu zhing 'dod rtag khro ba// ming gis dge slong g.yo thabs kyis// gang dag rgyal po'i sgor 'dug cing / / khyim bdag dang nye rtsom bcas// de nas de dag sun 'byin cing // sbyin bdag bden sems slu bar byed// ji ltar glang chen tshal gnas bzhin// gang dag pu smad yongs spangs nas/ / zhi ba'i tshal na gnas pa ni// de dag sred spangs bsam pa mnyam// dge slong de nyes pa de dag spangs nas/ de nyid mthong ba de las gzhan pa gzugs la sogs pa phung po'i de nyid mthong ba thar pa la 'bad cing spyod de/ bla ma la yongs su 'dri/ lam dang lam ma yin pa'i de nyid shes shing / 'phags pa'i lam yan lag brgyad pas thar pa'i grong khyer de tshol ba ni lam brtson pa'i ngang tshul can mnyam par lta zhing / dri ma med pa'i sems dang / zhi ba'i sems kyis lam de kun tu sten cing sgom ste mang du byed do// de zag pa med pa'i las kyi lam gyi dge ba dang yang dag par ldan pa des/ bdud kyi phyogs ni dmas par byed cing / dam pa'i chos kyi phyogs ni 'phel bar byed do zhes sa bla'i gnod sbyin dag gis shes nas/ bar snang la spyod pa'i gnod sbyin dag la mngon par bsnyad do/ / de dag gis kyang rgyal po chen po bzhi la mngon par bsnyad do// de dag gis kyang rgyal chen bzhi pa nas/ snga ma bzhin du sbyar te/ 'thab bral dang dga' ldan gyi lha/ dag gis/ dga' ldan gyi gnas na byams pa bzhugs pa'i bar la mngon par bsnyad do// de la byang chub sems dpa' gcig cig mchog tu dga' ches nas/ gzhan 'phrul dbang byed kyi lha rnams la mngon par bsnyad de/ 'dzam bu'i gling du rigs kyi bu che ge mo zhig sma dang kha spu bregs te/ gos ngur smrig bgos pa nas/ snga ma bzhin du sbyar te/ de nas gzhan 'phrul dbang byed kyi lha rnams yid mchog tu dga' ba'i bar du snga ma bzhin du gyur ro/ / de nas gzhan yang de slong des gzhan lnga pa la ji ltar 'jug cig gu snyam nas/ rnal 'byor spyod pa nang gi chos pa chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ skye mched gzugs can bcu la rtog par byed de/ bcu gang ne / 'di lta ste/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'o mched dang / lus kyi skye mched dang / reg bya'i skye mched de/ skye mched gzugs can bcu po de dag la rtog par byed do// bdag gi mig gi skye mched la yang brten/ gzugs kyi skye mched la yang brten nas/ 'du shes su ji ltar 'gyur zhe na/ mig la yang brten/ gzugs la yang brten nas/ mig gi rnam par shes pa skye bar mthong ste/ gsum 'dus pa las reg pa reg pa dang lhan cig skyes pa tshor ba dang / 'du shes dang / sems pa 'byung ngo // de la tshor ba gang yin pa de ni myong ba'o// sems pa gang yin pa de ni sems par byed pa'o// de la 'du shes gang yin pa de ni shes pa yin te/ 'di ltar gzugs 'di ni ring ngo // gzugs 'di ni thung ngu/ gzugs 'di ni sdug pa/ gzugs 'di ni mi sdug pa/ gzugs 'di ni bstan du yod pa gzugs 'di ni thogs pa dang bcas pa/ gzugs 'di ni bstan du med pa/ gzugs 'di ni thogs pa med pa zhes rnam par rig byed ma yin pa'i bar rnam pa bcu gcig po 'di ni 'du shes kyi gzugs su rnam par dbye ste/ de ltar gsum 'dus pa las reg pa skye'o// de reg pa dang lhan cig skyes pa tshor ba dang / 'du shes dang / sems pa 'byung ste/ de la mig gi 'dus te reg pa las byung ba'i tshor ba dang / 'du shes dang / sems pa myong ba'i don ni tshor ba'i don no// 'du shes kyi don ni tshor ba'i tshe yang dag par shes pa yin te/ chos 'di dag la yid 'jug pa skye ba'i mtshan nyid mi 'dra zhing ngo bo nyid mi 'dra ba yin te/ dper na sa chen po bcu'i chos lta bu'o// sems pa'i mtshan nyid mi 'dra ba yang de bzhin te/ rnam par rtog pa dang / yid la byed pa dang / dpyod pa dang / dran pa dang / tshor ba dang / 'du shes dang / sems pa dang / reg pa dang / brtson 'grus dang / ting nge 'dzin de dag ni dmigs pa gcig la mtshan nyid mi 'dra pa yin no/ / de bzhin du tshor ba'i mtshan nyid kyang mi 'dra zhing / de bzhin du 'du shes kyi mtshan nyid kyang mi 'dra ba yin te/ dper na nyi ma'i gzhi ga cig yin kyang / 'on kyang 'od kyi ngo bo nyid tha dad pa de bzhin du/ tshor ba'i ngo bo nyid kyang gzhan la/ sems pa'i ngo bo nyid kyang gzhan yin no// de mig gi 'dus te reg pa las byung ba'i tshor ba dang / 'du shes dang / sems pa'i de kho na nyid shes nas/ mig 'di ni gsog tu mthong / gsob tu mthong / snying po med par mthong ngo // yang dag par mthong ba'i dge slong de ni lam gyi de kho na nyid shes nas/ log par lta ba spangs te/ de yang dag pa'i lta ba sngon du btang bas/ de mig dang lhan cig skyes pa'i 'du shes kyi gti mug rnyog pa can gyi ngo bo nyid du gyur pa spong ngo // sha'i gong bu'i de nyid mthong ste/ mchil ma dang / rnag dang / khrag dang / mchi ma'i gnas yin par rig nas 'dod chags spong zhing mi rtag par rig nas/ rtag par mi lta ba yin la/ rus pa'i bu ga'i nang na sha'i gong bu yod par rig nas/ 'dod chags dang bral bar 'gyur/ rgyus pas sbrel par rig cing / mig gi skye mched 'di ni gcig la gcig 'brel bar rtog ste/ 'di la snying po med cing bdag med par rig la/ mdor na mig 'di ni sdug bsngal du gyur pa yin no zhes rnam par shes shing mthong mig gi skye mched kyi 'dod chags dang bral bar 'gyur ro// de mig gi skye mched yang dag par ji lta ba bzhin rtogs nas/ gzugs la yang rnam par dpyod par byed de/ gal te yang dag pa ma yin pa'i gzugs 'di sdug pa dang / mi sdug pa dang / lung du ma bstan pa yongs su rtog ste/ ci 'di la snying po yod dam/ ci gtsang ngam/ ci rtag gam/ ci bde ba yod dam snyam mo// de gzugs la lta zhing shes te/ rtog pa gzugs du ma mi dmigs te/ 'di la snying po med do// / gzugs sdug pa dang / mi sdug pa 'di ni kun tu rtog pa tsam ste/ 'di la sdug pa dang / mi sdug pa'i ngo bo ni med la/ sdug pa dang / khong khro kho nar kun tu rtog pas bzung ba'i 'jig rten 'di ni sdug pa dang sdang bar sems so snyam mo/ / de mig gi skye mched mthong nas/ rna ba'i skye mched la lta bar byed de/ sgra la so sor rtog go// sgra skyes pa'i dbang po'i yul la 'jug ste/ des rna ba la yang brten/ sgra la yang brten/ de skyed pa'i yid la byed pa la yang brten nas/ rna ba'i rnam par shes pa skye ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ba'o// de la reg pa dang lhan cig skyes pa gang gis myong bar byed/ de la reg pa dang lhan cig byung ba'i 'du shes gang gis kun tu shes par byed reg pa dang lhan cig byung ba'i sems pa gang gis sems par byed snyam na/ 'du shes ni 'di lta ste/ 'di ni ring po ma yin pa'i mtshad nyid do// sgra 'byung ba'i rkyen 'di las skyes pa'i sgra mi gsal ba dang / chung ba dang / chen po snyan pa dang / mi snyan pa 'di 'byung ste/ de sgra byung ba de la so sor rig par byed cing / yang dag par sems par byed la/ 'du shes kyi rnam par 'byed par byed/ yid kyi rnam par shes pas rnam par shes par byed cing / tshor rabs shes par byed la/ som nyi rnam par dpyod par byed do// de rna ba'i skye mched la mngon par zhen pa na/ rtog par byed/ rtog pa na rnam par dpyod par byed/ rnam par dpyod pa na so so yang dag par rig par byed de/ 'di la sgra'i ngo bo nyid kyis snyan pa 'am/ mi snyan pa ni med do// sgra snyan pa 'am/ mi snyan pa 'di ni kun tu rtog pa tsam kho na ste/ sgra 'di ni ngo bo nyid kyis rtag pa 'am/ bde ba 'am/ snying po 'am/ bdag dang bcas pa ni med la/ sgra snyan pa 'am/ mi snyan pa 'di ni 'dod chags zhe sdang gti mug kho na'o snyam mo/ / de sgra'i skye mched la mngon par kun tu rtog pa na/ sgra thos na rmongs pa med cing / chags pa med la snying po med par rtogs so// derna ba dang sgra'i skye mched la mngon par rtog pa na/ rna ba'i rnam par shes pa la chags pa med cing / 'dod chags dang bral ba thob ste/ rna ba'i rnam par shes pa ni bdag ma yin zhing / bdag gi ma yin no snyam mo// reg pa dang / tshor ba dang / sems pa la yang de bzhin no// yang dge slong de sna dang dri'i skye mched la lta ste/ sna la yang brten/ dri la yang brten/ skyed pa yid la byed pa la yang brten nas/ sna'i rnam par shes pa skye ste/ nye ba 'am/ ring ba 'am/ yid du 'ong ba 'am/ yid du mi 'ong ba 'am/ dri zhim pa 'am/ dri mi zhim pa 'am/ rlung gis khyer te 'ongs pa 'am/ khyer te mi 'ong ba'i dri so sor snom mo// de la sna'i skye mched la phyi rol gyi dri de sbyor bar byed de/ de la gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo // de la myong ba'i mtshan nyid ni tshor ba'o// shes pa'i mtshan nyid ni 'du shes so// de rna ba dang sgra'i skye mched thos nas/ nang gi reg pa'i mtshan nyid ni reg pa/ shes pa'i mtshan nyid ni 'du shes/ de sems pa'i mtshan nyid ni sems par byed pa yin te/ chos 'di dag ni skad cig ma gcig la dmig/ pa yin la/ bya ba ni tha dad par rtsom pa yin te/ dper na ji ltar ngo bo nyid mi 'dra ba sa chen po'i chos bcu pa lta bu'o// de bzhin du chos 'di dag thams cad kyi mtshan nyid tha dad cing skad cig mi gcig la gzhan bya ba gcig rtsom pa yin no snyam ste snga ma bzhin no/ / dge slong de sna dang dri'i skye mched kyi de kho na nyid shes pa de nyid 'di ltar tshol te/ ci 'di la skye mched 'di rtag pa dang / brtan pa dang // thezer zug pa med cing yongs su 'gyur ba yin te/ sna dang dri'i skye mched mi rtag pa dang / sdug bsngal ba dang / stong pa dang / bdag med par shes la/ de dag thams cad la bdag med cing / bdag gi med do zhes rig nas/ sna dang dri'i skye mched 'di ni kun tu rtog pa kho na tsam yin te/ des so so'i skye bo thams cad bcings pa yin te/ blo zhan pa dag ni rnam pa la so sor rtog go snyam mo// yang dge slong de lce'i skye mched tshol bar byed de/ lce la yang brten/ ro la yang brten/ de skyed pa yid la byed pa la yang brten nas/ lce'i rnam par shes pa skye ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo // de la myong ba'i mtshan nyid ni tshor ba/ shes pa'i mtshan nyid ni 'du shes/ reg pa'i mtshan nyid ni reg pa/ sems pa'i mtshan nyid ni sems par byed pa yin te/ chos 'di dag ni 'du shes kyi mtshan ma la dmigs pa yin zhing / rang gi mtshan nyid dang / spyi'i mtshan nyid du gyur pa bya ba tha dad pa rtsom zhing / thams cad kyang don gcig rab tu sgrub pa yin te/ dper na shing la yang brten/ skam pa la yang brten/ ze'u la yang brten/ thab la yang brten/ mgar ba la yang brten nas/ lag pa'i rgyan sor gdub cig byed de/ chos de dag thams cad kyi mtshan nyid mi 'dra ba de bzhin du/ lce'i skye mched kyi chos 'di yang / lce'i skye mched dang / ro'i skye mched skyed do// yang dge slong de lce'i skye mched kyi de kho na nyid mthong ba 'di ltar rab tu rtog par byed do/ / lce'i skye mched la rtag pa 'am/ bde ba 'am/ gtsang ba 'am/ bdag dang bcas pa cung zad yod pa/ rnam pa thams cad du rnam par bsams na/ gang mtshan nyid de lta bu dang ldan pa'i chos chung ngu tsam yang mi dmigs te/ de lce dang ro'i skye mched kyi 'dod chags dang bral lo// de sems can rgya mtsho de dag thams cad gang du zhugs shing chags pa/ mi dang / lha dang / sems can dmyal ba dang / dud 'gro dang / yi dgas 'gro ba lnga po dag gcig la gcig gnod cing zhugs te 'ching ngo // de lce dang ro'i skye mched las rnam par grol zhing 'dod chags dang bral te/ lce'i skye mched dag la bdag med cing / lce dang ro'i skye mched dag la bdag gi med de/ bdag rtag pa'am/ brtan pa 'am/ ther zug pa med cing yongs su 'gyur ba'i chos can yin te/ lce dang ro'i skye mched ni med pa yin no snyam ste/ de de las kyang 'dod chags dang bral lo// gzhan yang dge slong de lus dang reg bya'i skye mched// la lta bar byed de/ de lus la yang brten/ reg bya la yang brten nas/ lus kyi rnam par shes pa skye bar mthong ste/ gsum 'dus pa las reg pa/ reg pa dang lhan cig skyes pa'i tshor ba/ dang / 'du shes dang / sems pa 'byung ste/ chos 'di dag ni snga ma bzhin du shes par bya'o// ji ltar mig gi dbang po'i skye mched rnams bshad pa bzhin du/ lus kyi reg pa yang khong du chud par bya'o/ / 'dus pa'i go rims bstan pa// / dam pa'i chos dran pa nye bar gzhag pa bam po lnga pa/ de nas gzhan yang ji ltar na dge slong de skye mched gzugs can bcu brtags nas/ chos kyi skye mched kyi de kho na nyid rtog cing / chos kyi skye mched la lta bar byed ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa'am/ lha'i mig gis brtags na/ chos gang chos kyi skye mched du bsdus pa ni/ so sor brtags pas 'gog pa dang / so sor brtags pa ma yin pas 'gog pa dang nam mkha' 'o/ / de la chos gang cung zad med pa'i chos de bsdus pa ni nam mkha' yin no// so sor brtags pas 'gog pa zhes bya ba ni/ mya ngan las 'das pa la so sor rtog pa'i shes rab yin te/ de rnam pa du ma mngon sum du byas nas gnas/ so so rtog pas nyon mongs pa sel cing zad par byed la 'jig par byed/ zag pa med pa thams cad la phyogs par byed cing mngon du byed pa yin no/ / so sor brtags pa ma yin pas 'gog pa ni/ so sor brtags pa ma yin no zhes bya ba gang mi shes shing / shes pa med la/ so sor rig pa med/ shes pa ma yin zhing / shin tu khong du chud pa med la rab tu rtog pa med/ gzhan gyi rnam par shes pa brgya phrag stong skyes pa dag kyang 'jig par byed cing / mig dang / rna ba dang / sna dang / lce dang / lus dang / yid kyi rnam par shes pa de dag 'jig par byed la/ yang 'byung bar mi byed pa/ gsum pa 'di ni so sor brtags pa ma yin pas 'gog pa ste/ nam mkha' dang chos gsum po 'di dag ni skye ba med la rtag pa de dag dus kyis ma bskyed cing skye bar mi 'gyur la mi skye'o/ / de nas gzhan yang ji ltar na dge slong des chos kyi skye mched gzugs dang / gzug ma yin pa rnam pa gnyis rnam par 'byed ce na/ de la gzugs can bcu ni skye mched gzugs can yin no// de la ji ltar na bstan du med cing thogs pa med pa'i mig gi rnam par shes pa bstan du yod cing thogs pa dang bcas pa'i gzugs ji ltar dmigs par 'gyur/ de bzhin du ji ltar na rna ba'i rnam par shes pa bstan du med cing thogs pa med pas sgra 'dzin par 'gyur/ de bzhin du ji ltar na sna'i rnam par shes pa bstan du med cing thogs pa med pas dri 'dzin par 'gyur/ de bzhin du lce'i rnam par shes pa bstan du med cing thogs pa med pas ro rnam par shes par 'gyur/ de bzhin/ du lus kyi rnam par shes pa bstan du med cing thogs pa med pas phyi rol gyi skye mched lnga dang / gzhan nang gi skye mched lnga po 'di dag ji ltar na bstan du med cing thogs pa med pa dag gis bstan du yod cing thogs pa dang bcas pa'i skye mched dag ji ltar dmigs par 'gyur zhe na/ dge slong de ji tsam du dmigs pa'i rnam par gyur pa de tsam du rnam pa mthong zhing / de rnam par shes pa skye ste/ rgyu dang rgya'i 'bur bzhin no// de la rgya de'i mi 'dra ba mkhrang ba dang / rgya'i 'jam pa dang / snyi ba dang / mkhrang ba dang / mi mkhrang ba de las rgyu'i 'bur 'byung ngo // de bzhin du bstan du med cing thogs pa med pa'i rnam par shes pa bstan du yod cing thogs pa dang bcas pa la dmigs pa 'dzin to/ / gsum brgya'i 'bur 'byung ba bzhin du mi 'dra ba de dag thams cad las mi 'dra ba 'byung ste/ de ltar mi 'dra ba las mi 'dra ba 'byung ba ni mtha' dang po yin no// mtha' gnyis pa ni 'dra ba dag las 'dra ba 'byung ba yin te/ dper na thags dkar po dag las gos kyi snam bu dkar por shes pa lta bu'o/ / mtha' gsum pa ni mi mthun pa dag las mi mthun pa 'byung ba yin te/ dper na gtsub shing las me 'byung zhing / me dang shing mi mthun par mthong ba lta bu'o/ / mtha' bzhi pa ni sba ba las ska ba 'byung ba yin te/ dper na 'o ma sla ba las ska ba 'byung ba ni/ ji ltar 'o ma sla ba las zho ska ba 'byung ba de bzhin du/ dngos po mi 'dra ba mig gi rnam par shes pa la sogs pa rgyu rkyen gyi bye brag gis mig gi rnam par shes pa la sogs pa skye'o/ / 'dir tshigs su bcad pa/ chos rtogs pa la mngon dga' zhing // bsam gtan kun dgar gnas ldan la// de yi mtshan nyid shes pa ni// mya ngan 'das pa mchog 'thob bo// byams la rtag par kun tu dga'// chos kyi spyod yul brtson byed cing // lus kyi mtshan nyid de nyid shes/ / de nyid kho na dge slong yin// gang gi blo gros tshul bzhin sems// 'dod dang khro bas mi nyams pa// dge slong de yin shes par bya// de las bzlog na gzhan du 'gyur// 'byung po kun la brtse zhing zhi// chags pa thams cad rnam spangs la// 'ching ba kun las nges grol ba// de nyid rig pa dge slong yin// gang gi rnam shes las rung zhing // gang dag yul gyi mi/ nyams pa// gser la dri ma med pa bzhin// dag pa dge slong zhes bya'o// gang gi yid la dga' ba dang // mi dga' ba yis gos med cing // skyon rnams thams cad rnam spangs pa// de ni dge ba'i gter du blta/ / tshul khrims nye bar khro med cing // chos spyod pa dag dbang po thul// sems can mi dman blo gros ldan// de lta bu ni dge slong yin// gang dag bstan bcos bstan bcos don/ / rtag tu rnam shes blo gros dga'// bza' btung dag la dga' med pa// zhi ba'i yid de dge slong yin// gang dag tshal dgon gtsug lag khang // dur khrod dang ni rtsa bting la// yid ni/ dga' bar byed pa dag/ de lta bu ni dge slong yin// skyon rnams de nyid las shes shing // 'bras bu'i bye brag rig pa dang // rgyu dang rkyen gyi de nyid shes// sdig dang bral ba dge slong yin// sdig pa'i dgon pa bcom byas shing / / skyon bcom dbang po thul ba dang // yang srid rnam pa shes pa ni// zhi ba'i yid de dge slong yin// bsngags pas snying la dga' med la// smad pas zhum pa med pa ni/ / rgya mtsho lta bur zab pa ste// rnal rig dge slong zhes bya'o// blo gros brtan pa bdag mi bstod// snyan par smra zhing dus su smra// brkam med grags pa mkhas pa dag/ dge slong de ni zhi zhes bya/ / 'dod pa'i khams su 'gro ba'i rgyu// de bzhin gzugs kyi khams dang ni// gzugs med khams kyi de nyid shes// bstan rig dge slong zhes bya'o// 'jig rten gtam la chags med cing / / gang gi yul dag dug lta bu// chags pa'i skyon dag rtag 'joms pa// dge slong de ni sangs rgyas bstan// gang gis blo gros 'dod rnams la// 'dam lta bur ni rtag tu lta/ / bstan pa blo gros nges grol zhing // de ni 'khor ba'i 'ching las grol// gang zhig le lo thag bsrings pa// bsam gtan kha ton las rung zhing // sems can rnams la phan byed pa/ / dgon gnas dge slong zhes bya'o// gang gi blo gros dris lan ldon// spobs pa ldan zhing dbang po thul// de ni chos kyi gtam shes te// gang dag bzlog na rtsa dang 'dra/ / gang gi blo gros lus dub pas// rnam pa kun tu skyo med cing // don du bya ba kun shes pa// de ni dge 'dun sogs pa byed// tshong zong phyir min longs phyir min// grags pa'i don du ga la zhig/ gang blo dge 'dun don sems pa// de ni 'khor ba'i 'ching las grol// gang gi brtul zhugs mtho ris dang // rnyed dang grags pa'i don du min// thams cad mya ngan 'das don byed// dge slong de ni zhi zhes bya/ / sdig pa dag ni rtag tu spangs// legs par byed la rtag dga' zhing // sdig pa'i bshes dang mi 'dre ba// sangs rgyas bstan la dge slong yin// sems ni byams par bsgoms byas shing / / mkhas pa drang po'i sems ldan la// bslab pa'i gzhi la nyams med pa// mya ngan 'das pa yong mi ring // 'khor ba'i skye dang rga ba yi// 'jigs las kha ni phyir phyogs shing // bsam gtan ldan la bag yod pa/ / mya ngan 'das pa yong mi ring // mi rtag stong pa bdag med pa// bya ba'i rnam pa shes pa dang // bsam gtan 'phel ba'i rnam shes pa// mya ngan 'das pa yong mi ring // de nas gzhan yang dge slong des gzhan lnga pa las sa gzhan drug pa la ji ltar 'jug ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa pas byung ba'i shes pa 'am/ lha'i mig gis brtags na/ dge slong de mu bzhi pa la lhag par mos pa yin no// ji ltar na chos 'di dag gi rgyu 'dra ba dag las 'dra ba 'byung ba dang / mi 'dra ba dag las mi 'dra ba dang / 'dra ba yang ma yin pa dag las 'dra ba ma yin pa dang / phyed 'dra ba dag las phyed 'dra ba 'byung / ji ltar na rgyu 'dra ba dag las 'dra ba 'byung zhe na/ dper na 'bru dang 'bru'i rgyur gyur pa dag las 'bru nyid skye ba de bzhin du/ nang gi dge ba'i las 'dra ba dag las 'dra ba'i 'bras bu nyid lha dang mi rnams la dmigs pa ni mu dang po yin no// rgyu mi 'dra ba dag las mi 'dra ba 'dra ba 'byung ba ni/ dper na 'o ma las zho sgyur ba 'byung ba de bzhin du// gang gi yang 'jig rten 'dir kun nas nyon mongs pa sgra dang / reg pa dang / ro dang / gzugs dang / dri'i 'dod pa sdug pa dag byas pas/ zho sgyur ba 'byung ba de bzhin du/ mi 'dod cing mi sdug la yid du mi 'ong ba'i 'bras bu rnam par smin pa sems can dmyal ba dang / yi dgas dang / dud 'gro rnams la dmigs pa ni mu gnyis pa yin no// / rgyu mi 'dra ba dag las mi 'dra ba 'byung ba ni/ dper na tshon sngon po dang ba blar sbyar na kha dog mi 'dra ba 'ga' zhig tu 'gyur ba de bzhin du/ nang gi chos la yang las dang 'bras bu rnam par smin pa'i las dang 'bras bu mi 'dra ba 'byung ste/ las dang 'bras bu mi 'dra ba ni/ dper na log par lta ba mchod sbyin pa dag mtho ris 'dod pa'i phyir phyugs dag gsod de/ de dag sems can dmyal bar 'gro ba ni mu gsum pa yin no/ / rgyu phyed 'dra ba dag las phyed 'dra ba 'byung ba ni/ thags phra mo dkar po las snam bu dkar po stug po nyid du byed de/ phra mo dang stug po gnyis mi 'dra ba nyid du yod pa de bzhin du/ rgyu phyed 'dra ba dag las phyed 'dra ba 'byung ba ni/ mi dge ba'i las bsags pa phra mor gyur pa dag gi sems can dmyal ba chen po dag byed pa ni mu bzhi pa yin no// dge slong de las dang 'bras bu 'ong ba dang 'gro ba'i byed pa rjes su bsams pa mthong nas/ las dang 'bras bu 'khor lo bzhin du srid par 'gro ba'i mu bzhi pa sems par byed de/ rigs dang ldan pa'i mi la gnod par byed pa'i las thob pa med pa gang yin pa ni mu dang po yin no/ / mi la gnod par byed pa'i las thob pa gang yin pa ni mu gnyis pa yin no// gnod par byed pa'i las thob pa dang ma thob pa gang yin pa ni mu gsum pa yin no/ / gnod par byed pa'i las thob pa yang ma yin/ ma thob pa yang ma yin pa gang yin pa ni mu bzhi pa yin no// ris dang ldan par gnod par byed pa'i las thob pa med pa gang yin pa de ni yod de/ dper na 'jig rten par gyur pa dag rgyu skar ma thob par mi dag la gnod par byed pa lta bu'o// 'jig rten las 'das pa ni mig gi rnam par shes pa las kyi rgya mtsho thob pa med pa'i mi la 'dod pa dang / mya ngan la sogs pas gnod par byed pa ni mu dang po yin no// mi la gnod par byed pa'i las thob pa gang yin pa ni/ dper na 'jig rten pa dag me 'am/ ral gri dang phrad na/ sreg go zhe 'am/ gcod do zhes zer ba lta bu'o// 'jig rten las 'das pa ni mi dge ba'i las thob pa na/ sems can dmyal ba dang / dud 'gro dang / yi dag sa rnams su gnod pa byed pa ni mu gnyis pa yin no// gnod par byed pa'i las thob pa dang ma thob pa gang yin pa ni/ dper na 'jig rten pa dag rig sngags dang / dug gi mthu thob pa dag ma thob pa sbyin par byed pa lta bu'o// 'jig rten las 'das pa ni 'chi ba'i yul gyi dus su sems can dmyal ba rnams kyi mtshan ma'i gzugs brnyan thob pa ni mu gsum pa yin no/ / gnod par byed pa'i las thob pa yang ma yin/ ma thob pa yang ma yin pa gang yin pa ni/ dper na 'jig rten pa dag sman gyi sa bon btab pa skye bar 'gyur ba thob pa yang ma yin/ ma thob pa yang ma yin pa lta bu'o// 'jig rten las 'das pa ni dper na dge slong dgra bcom pa la nges par myong bar 'gyur ba'i las ri rab tsam yod kyang dgra bcom pa mya ngan las 'das te/ dgra bcom pa la yod pa'i las de dag thob pa med cing / gnod par yang mi 'gyur la/ grol ba ni mu bzhi pa yin no/ / tshe 'di la myong bar 'gyur ba dang / skyes nas myong bar 'gyur ba ma yin pa'i las ni mu dang po yin no// skyes nas myong bar 'gyur la/ tshe 'di la myong bar 'gyur ba ma yin/ pa ni mu gnyis pa yin no// skyes nas myong bar 'gyur ba dang / tshe 'di la myong bar 'gyur ba ni mu gsum pa yin no// tshe 'di la yang myong bar 'gyur ba ma yin pa dang / skyes nas kyang myong bar 'gyur ba ma yin pa ni mu bzhi pa yin no/ / tshe 'di la myong bar 'gyur ba dang / skyes nas myong bar 'gyur ba ma yin pa'i las gang yin zhe na/ dper na 'jig rten pa dag rgyal po la/ gnod pa byas nas chad pas gcod pa ni tshe 'di la myong bar 'gyur ba yin la/ skyes nas myong bar 'gyur ba ma yin pa lta bu'o// 'jig rten las 'das pa ni sbyin pas de bsngags par 'gyur ba tshe 'di la myong ba yod pa de dang 'jig rten pha rol tu lhan cig mi 'gro ba ni mu dang po yin no/ / skyes nas myong bar 'gyur la/ tshe 'di la myong bar 'gyur ba ma yin pa ni/ dper na 'jig rten pa dag me dong du zhugs pa mtho ris thob par 'gyur ro zhes zer ba lta bu'o/ / 'jig rten las 'das pa ni tshe 'di la dge ba 'am/ mi dge ba byas pas gzhan du rgyu dang 'bras bu mngon sum du mthong ba thob pa ni mu gnyis pa yin no/ / tshe 'di la myong bar 'gyur zhing / skyes nas kyang myong bar 'gyur ba ni mu gsum pa yin te/ dper na 'jig rten pa dag tshe 'di la myong bar 'gyur ba dang / skyes nas myong bar 'gyur ba lta bu'o/ / 'jig rten las 'das pa ni mu gsum pa yin no// tshe 'di la myong bar 'gyur ba ma yin zhing / skyes nas myong bar 'gyur ba ma yin pa ni/ dper na 'jig rten pa dag mi smra ba'i brtul zhugs lta bu yin te/ mi smra ba'i brtul zhugs dang / sbyin pa dang / tshul khrims dag ni tshe 'di la myong bar 'gyur ba yin no// 'jig rten las 'das pa ni lung du ma bstan pa'i sems kyi las yin te/ lung du ma bstan pa'i las des/ tshe 'di la myong bar 'gyur ba'i 'bras bu rnam par smin pa yang mi dmigs shing / skyes nas kyang 'gyur ba ma yin pa ni mu bzhi pa yin no// de ltar dge slong de phyogs gcig tu 'dug nas sems can dmyal ba dang / lha dang mi rnams kyi las dang / 'bras bu dang / rnam par smin pa'i dra ba mang po yan lag du ma mthong nas/ yang dag pa'i chos la chos kyi rjes su lta zhing gnas so/ / de nas gzhan yang dge slong de las kyi 'bras bu rnam par smin pa shes pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa de las dang las kyi 'bras bu dge ba dang mi dge ba shes pa yin te/ 'di ltar sems can 'di dag lus kyis nyes par spyod pa dang ldan/ ngag gis nyes par spyod pa dang / yid kyis nyes par spyod pa dang ldan pa ni/ 'phags pa rnams la skur pa 'debs shing log par lta ba yang dag par blangs pa yin te/ de rgyu de dang rkyen de dag gis ngan 'gro log par lhung ba sems can dmyal ba dang / dud 'gro'i skye gnas sam/ yi dgas rnams kyi yul du skye'o// gzhan yang sems can 'di dag lus kyis legs par spyad pa dang ldan pa dang / ngag gis legs par spyad pa dang / yid kyis legs par spyad pa dang ldan pa ni/ 'phags pa rnams la skur pa 'debs pa ma yin te/ de dag rgyu de dang rkyen de dag gis lus dang bral nas bde 'gro lha rnams kyi nang du kye'o/ / rang gi las dang / chos dang / rnam par smin pa yang dag pa ji lta ba bzhin mthong ba'i dge slong de ni gzhan dag las thos pa la rnam par rtog cing / bdud kyi dbang du song ba'i semam can dag dang spyod pa mtshungs par mi spyod la/ mya ngan las 'das pa'i mthar gtugs pa'i spyod pa la yid 'byung ba dang / dge ba dang / 'khor ba'i mthar gtugs pa dang ldan pa dang / 'khor ba 'di las ji ltar bdag nyid kyis bdog dang / sbyin bdag dang / sbyin pa po dag sgrol ba dang / gzhan dag la yang phan gdags pa byed par gyur pas spyod do// chos dang / las dang / rnam par smin pa shes pa'i dge slong de sems can dmyal ba dang / yi dgas dang / dud 'gro dang / lha dang mi rnams kyi las dang / chos dang / rnam par smin pa la rtog cing dpyod/ par byed de/ dper na nor bu shin tu dang zhing gsal ba/ nor bu bai DUR+Ya'i bu ga'i nang du skud pa bcug pa ser po 'am/ btsod ka 'am/ dkar po ji ltar snang ba de bzhin du/ las kyi nor bu'i nang du rnam par smin pa'i skud pa yod de/ dge slong thos pa las byung ba'i shes pa 'am/ lha'i mig rnam par dag pa des mthong ngo // yang dge slong de thos pa las byung ba'i shes pas/ nor bu lta bu'i las dang / chos dang / rnam par smin pa mthong ste/ dper na nor bu dkar zhing shin tu dkar ba gang zhig kun nas gsal zhing rma med la/ dang zhing 'bug bzod pa las su byar rung zhing kun tu sgor gyur la/ skye bo thams cad kyis bsngags pa/ nor dang ldan zhing rgyal po la 'os pa/ yon tan rnam pa de dag dang ldan pa'i nor bu de rgyal po 'am/ rgyal po'i bus de'i yon tan shes shing / de'i rin shes par gyur nas/ rgyan du bya ba nas/ gdags pa'i bar du byas pa de bzhin du/ dge slong de phyogs dkar po dge ba bcu'i las kyi lam gyi nor bu 'di kun nas dkar zhing / shin tu gsal la sdig pa med pa/ kha na ma tho ba med cing dang la dbug bzod pa/ chos kyi phyogs dang gnyen po skyed pa/ dri ba dang lan ldon pa la chos kyi thur mas 'bigs par bzod cing / las su rung ba sbyin pa dang / tshul khrims dang shes pa dag ji lta ji ltar yongs su sngo bar byed pa de lta de ltar dge ba bcu'i las kyi lam gyi nor bu 'di las su rung ba nyid du de 'khor los sgyur ba'i rgyal srid dam/ de bdud kyi rgyal srid dam/ de tshangs pa'i rgyal srid dam/ de zag pa med pa'i bsam gtan gyi ting nge 'dzin sgom pa'i rgyal srid 'grub par byed de/ de de ltar dam pa'i chos kyi nor bu 'di las su rung zhing kun tu sgor gyur pa yin no// kun tu sgo ni lha dang / mi'i sgor gyur pa yin te/ de ltar dam pa'i chos kyi kun tu sgor gyur pa ni 'khor ba'i grong khyer las 'byung zhing / mya ngan las 'das pa'i sgo'i rjes su 'jug pa yin/ skye bo thams cad kyi bsngags pa zhes bya ba ni/ yang dag pa'i lta ba dang ldan pa'i slob pa rnams kyi bsngags pa'o// rgyal po la 'os pa zhes bya ba ni dam pa'i chos kyi lam sgrub pa shes pa'i sems kyis dbang phyug tu rung ba'o// der zhugs pa zhes bya ba ni nor bu bai DUR+Ya dang / dam pa'i chos kyi nor bu yon tan thams cad phun sum tshogs pa de dang / chos mthun par dmigs pa'o// yang dge slong de las dang / chos dang / rnam par smin pa nor bu bzhin du mthong ste/ dper na nor bu gzhan zhig rma yod cing thams cad du bzang ba ma yin la/ kun gyi sgo ma yin/ dkar ba ma yin zhing dbug tu mi bzod la/ las su byar mi rung / skye bo kun gyis bsngags pa ma yin zhing / rgyal po 'am/ rgyal po'i bu la rung ba ma yin pa de bzhin du/ gzhan mu stegs can chos kyi gzugs brnyan gyi chos kyi nor bu ma yod pa de'i rma gcig po ni 'jig tshogs la lha ba dang / tshul khrims dang / brtul zhugs mchog tu 'dzin pa dang / the tsom yod pa yin no// kun gyi sgo ma yin pa ni/ sems can dmyal ba dang / yi dgas dang / dud 'gro'i sgo yin no// dkar ba ma yin pa ni zag pa med pa'i bkra shis dang mi ldan pa'o/ / dbug par mi bzod pa ni legs par 'dri ba dang / lan blan pa'i chos kyi gtam 'bugs pa'i thur mar mi rung ba'o// rgyal po 'am/ rgyal po'i bu la 'os pa ma yin pa ni/ sems can thams cad kyi dbang phyug dam pa'i chos kyi lam du zhugs pa/ skyes bu gang zag brgyad rnams su mi rung ba ste/ rnam pa de lta bu'i chos kyi gzugs brnyan chos ma yin pa mgus du thogs so/ / de dag nor bu de'i gzugs brnyan gyi nor bu thogs nas/ sems can dmyal ba dang / yi dgas dang / dud 'gro rnams kyi 'khor bar thog ma med pa'i dus nas zhugs te yongs su 'khyam mo// / de lta bas na dge slong nor bu de lta bu'i nor bur gyur te/ dper na byis pa so sora'i skya bo ni bai DUrma dang 'dra ba'i nor bu mching bu mthong nas bai DUchu yin no snyam du sems pa bzhin no// dge slong de chos dang / chos ma yin pa brtags pa'i de kho na shes pa/ sa gzhan bdun pa la 'jug ste/ de la zhugs pa'i brtul zhugs sa bla'i gnod sbyin dag gis mthong nas/ bar snang la spyod pa'i gnod sbyin dag la mngon par bsnyad do/ / de dag gis kyang rgyal po chen po bzhi la'o// de dag gis kyang rgyal chen bzhi'i lha rnams la'o// de dag gis kyang sum cu rtsa gsum pa rnams la'o// de dag gis kyang brgya byin la'o/ / brgya byin gyis ni 'thab bral ba rnams la'o// 'thab bral ba dag gis ni dga' ldan pa rnams la'o// dga' ldan pa dag gis kyang byams pa la'o// byams pas kyang 'phrul dga' ba rnams la'o/ / 'phrul dga' ba rnams kyis kyang gzhan 'phrul dbang byed pa rnams la// 'dzam bu gling du rigs kyi bu che ge mo zhig ces bya ba snga ma bzhin du sbyar ro// de nas gzhan yang dge slong des las dang / chos dang / rnam par smin pa rnam par rig byed ma yin pa'i 'du shes kyi gzugs bcu gcig rjes su ji ltar mthong zhe na/ rnal 'byor spyod pa nang gi chos la chos kyi rjes su lta zhing gnas pa des/ gang gi tshe chos thams cad kyi byed pa dang ldan pa/ gang sdom pa nyid blangs pa de phan chad gnyid log gam/ myos sam/ rab tu myos kyang dge ba'i chos kyi rgyun nyid rab tu 'jug ste/ dper na chu bo'i rgyun bar chad med pa rtag tu 'bab pa de bzhin du/ skyes bu de gnyid log gam/ myos sam/ rab tu myos pa'i 'jug baba'i yang de bzhin no/ / de ltar rnam par rig byed ma yin pa'i gzugs bstan du med pa thogs pa med par 'dod do// gzugs de ji lta bu yin zhe na/ las kyi ngo bo yod pa nyid yin te/ de lta bas na gzugs de yang gzugs rnam pa bcu gcig po de dag yin la/ dge ba'i chos thams cad kyi rten du gyur pa yin no// dge slong des sems can 'di dag gi gzugs tha dad pa/ gnas skabs tha dad pa/ ming dang 'gro ba tha dad pa/ gnas kyi rnam pa tha dad pa ji lta bur mthong zhe na/ 'di ltar de sems can de dag gi sems tha dad pa gnas kyi rnam pa dang / mos pa tha dad pa/ las kyi rnam pa tha dad pa mthong ba de'i phyir/ gzugs tha dad pa dang / gnas skabs tha dad pa dang / ming dang 'gro ba tha dad pa dang / gnas kyi rnam pa tha dad pa de dag ni/ dper na ri mo mkhan nam ri mo mkhan gyi slob ma mkhas pa zhig/ sa yid du 'ong zhing 'jam la mkhrang ba zhig mthong nas 'dug ste/ tshon sna tshogs dag gis ri mo'i rnam pa sna tshogs gzugs legs shing legs pa rnam pa sna tshogs sems kyi dbang gis 'dri ba de bzhin du/ sems ri mo mkhan nam/ ri mo mkhan gyi slob ma lta bu 'di lhag par mos pas/ khams gsum gyis shin tu 'jam zhing mkhrang ba dag la las kyi 'bras bu rnam par smin pa dag gi 'khor ba'i sar gnas skabs tha dad pa dang / ming dang 'gro ba tha dad pa dang / rnam pa tha dad pa dang / sems can gyi gnas kyi rnam pa tha dad pa dag sems ri mo mkhan lta bu des mngon par 'grub par byed do/ / yang ji ltar tshon dkar pos ni gzugs dkar por 'dri bar byed la/ dmar pos ni dmar por 'dri bar byed/ ser pos ni ser por 'dri bar byed/ tshon phug ron kha lta bus ni phug ron kha lta bur 'dri bar byed/ nag pos ni nag por 'dri bar byed pa de bzhin du/ sems ri mo mkhan lta bu 'di sems kyi dmigs pa dkar po nye bar bzung nas zag pa dang bcas pa 'dod chags la sogs pa'i dri ma dag gis nyon mongs pa med pa'i chos dkar po lha dang mi rnams kyi gzugs dkar po mngon par 'grub par byed do/ / ri mo mkhan gyis tshon dmar po blangs nas lha dang mi rnams kyi gzugs dmar po mngon par 'grub par byed de/ dmar po zhes bya ba ni sgra dang / ro dang / reg pa dang / gzugs dang / dri stug po dag gis ri mo'i gzhi la tshul bzhin du byas pa'o/ / yang sems ri mo mkhan lta bu des tshom ser po blangs nas/ dud 'gro mngon par 'grub par byed de/ de dag kyang ser po'i dbang gis gcig la gcig khrag 'thung bar byed cing sha za bar byed la/ gcig la gcig tshon ser po lta bur gyur pa'i 'dod chags zhe sdang gti mug gis gsod do// yang sems ri mo mkhan lta bu des tshon phug ron kha lta bu la dmigs pa mthong nas/ tshon phug ron kha lta bu'i las dri ma can yi dgas kyi 'gro ba byed de/ de dag kyang lus tshal shing bsregs pa lta bu yin la/ sems ri/ mo mkhan lta bu ser sna la dmigs shing / gti mug gi rab rib kyi sgrib pa'i dbang gis/ bkres shing skom pa'i sdug bsngal rnam pa sna tshogs yongs su nyams pas zil gyis gnon pa yin no// yang sems ri mo mkhan lta bu des tshon rtsi nag po lta bu'i las kyi ngo bo blangs nas/ sems can dmyal ba'i gzugs nag po 'dri ba lta bur de dag kyang las nag pos lcags nag po'i rab 'bar bas skor ba der skyes te/ lus nag po la nad dang / gnod pa dang / bkres shing skom pa rnam pa sna tshogs kyi gzhir gyur cing / rang gis nyes par byas pa gzhan dang mtshungs pa med pa'i gnod pa'i sdug bsngal gyis nyam zag pa yin no/ / yang dge slong rnal 'byor spyod pa de tshon rtsi lnga'i ri mo'i gzhi lta bu'i 'khor ba khams gsum du 'gro ba lngar kun tu gnas shing / sa gsum po 'dod pa'i khams kyi sa dang / gzugs kyi khams dang / gzugs med pa'i khams la kun tu gnas te/ de la sems ri mo mkhan lta bu de/ 'dod pa rten cing 'dod pa'i khams la dmigs pas// gzugs rnam pa nyi shu rnam pa sna tshogs 'dri'o// 'dod pa'i khams dang bral ba dag ni gzugs kyi khams la dmigs shing gnas pa de la brten pa'i sa'i gnas skabs bcu drug po dag ni// bsam gtan bzhi'i bar gyis gzugs kyi khams mngon par 'dri'o// gzugs kyi khams la dmigs pa dang bral ba dag ni snyoms par 'jug pa bzhi'i sred pa la marnam par dmigs pa'i sems mo mkhan lta bus gzugs med pa'i khams mngon par 'dri ste/ khams gsum gyi gzhi 'di ni rgya che ba yin no// yang dge slong des sems can gzhan gyi sems ri mo mkhan lta bu rnam pa gzhan gyis mthong ste/ de la sems ni ri mo mkhan lta bu yin no// lus ni ri mo'i tshon rtsi'i snod lta bu yin no// 'dod chags zhe sdang gti mug dag ni las brtan par byas pa lta bu yin no// dmigs pa ni khri rdza bu yin no/ / dbang po ni pir lta bu yin no// phyi rol gyi yul sgra dang / reg pa dang / ro dang / gzugs dang / dri sna tshogs dag ni tshon rtsi sna tshogs lta bu yin no// 'khor ba ni rtsig pa lta bu yin no// shes pa ni snang ba lta bu yin no/ / brtson 'grus rtsom pa ni lag pa lta bu yin no// las kyi 'bras bu rnam par smin pas byas pa'i gzugs mang po dag ni ri mo'i gzugs cha byad dang / dbyibs dang / mdog dang / 'byor par gyur pa mang po lta bu dag yin no// yang dge slong bsam gtan la zhugs pa de sems ri mo mkhan lta bu de nyid rnam pa gzhan gyis mthong ste/ dper na gang ri mo mkhan de mgu/ na tshon rtsi'i rnam pa legs par spang ba byas pa gsal bar 'gyur zhing / pir gyis yang dang yang du legs par 'dri na/ de'i tshe gzugs legs par 'dri ba de bzhin du/ gang sems ri mo mkhan lta bu/ 'di mgu na/ bsam gtan gyi bya ba la/ tshon rtsi lta bu'i bsam gtan gyi rnam pa yongs su sbyang ba byas pa/ tshon rtsi lta bur gsal bar 'gyur zhing / pir gyis yang dang yang du legs par 'dri ba lta bu'i dmigs pa lung phog pa yongs su sbyang ba byas pas/ 'og dang steng du mnyam par 'jog pa dang / ldang ba la skyo ba med na/ sems ri mo mkhan lta bu de bsam gtan gyi sar gzugs legs par 'dri'o/ / gal te mi dga' na sems ri mo mkhan lta bu de/ sems can dmyal ba dang / yi dgas dang / dud 'gro'i sa ngan pa der 'gro ba'i ris dang / gnod pa dang / lcags kyi gtun shing bir lta bus mi dge ba'i tshon rtsi blangs nas/ snod lta bur gyur pa'i sems can dmyal ba dang / dud 'gro dang / yi dgas kyi gzugs de dud 'gro'i 'gro ba'i gzugs ma legs pab 'dri ste/ rgya cher snga ma bzhin du sbyar ro// yang dge slong de sems spre'u lta bur mthong ste/ ji ltar spre'u ni 'phyar ba yin te/ shing dang / lcug ma dang / me tog dang / 'bras bu dang ri brags kyi bu ga dang / sman ljongs tha dad par thogs pa med par 'gro ba de bzhin du/ sems spre'u ltar 'phyar ba 'di yang tshal tha dad pa lta bu'i sems can dmyal ba dang / yi dgas dang / dud 'gro dag gi 'gro ba lngar 'gro ste/ sems can ni shing lta bu'o// sred pa'i lcug ma ni lcug ma'i rnam pa du ma lta bu yin/ rtog pa ni me tog gi yal ga lta bu yin no// sgra dang / ro dang / gzugs dang dri dang / ri yul dang / bu ga dang / spyod pa sdug pa dang / mi sdug pa'i khams gsum ni 'bras bu lta bu yin no// lus phug pa lta bu yin no// sems spre'u lta bu sems can dmyal ba lta bu dang / yi dgas dang / dud 'gro dang / lha dang / mi'i gnas rnams su thogs pa med par 'gro ste/ sems spre'u lta bu de 'khor ba'i sar 'khyam mo// yang dge slong bsam gtan la zhugs pa de sems gar mkhan lta bur mthong ste/ ji ltar gar mkhan dag cha byad dang / tshon rtsi dang / sa dang / gos dang / sil snyan sna tshogs dag thogs nas/ gar mkhan gar byed pa de bzhin du/ sems gar mkhan lta bu 'di yang sa dang / 'gro ba'i ris kyis sna tshogs su las kyis sprul pa'i cha byad sna tshogs thogs shing / rgyu dang rkyen rnam pa sna tshogs 'dzin pa ni/ cha byad sna tshogs pa thogs pa lta bu yin no/ / byed pa dag ni sil snyan rnam pa sna tshogs lta bu yin no// 'khor ba gar mkhan lta bu ni rang gi yul gar mkhan lta bu yin te/ gar nyid kyi sems gar mkhan lta bu 'khor ba thog ma med cing lun ring ba rnam pa sna tshogs du mar gar byed do/ / yang dge slong de sems nya lta bu chu bo'i nya lta bur mthong ste/ ji ltar nya ni ri'i chu bo 'gyur zhing dba' rlabs 'khrugs pa gting zab la rgyun drag ste/ bzod par dka' zhing 'bab pa'i rgyud kyi shing ljon pa mang po rtsa nas 'byin par nus la/ 'gyur ba'i shugs drag po bzlog par dka' ba'i las mi bzad par 'byung zhing 'jug pa de bzhin du/ sems nya lta bu 'di yang srid pa gsum gyi dpa' rlabs 'khrugs pa ni 'gyur zhing dpa' rlabs 'khrugs pa lta bu yin la/ mnar med pas mchog tu zab pa ni 'dod pa'i khams kyi chu bo rab med ltar gting zab pa yin/ byis pa so so'i skye bo thams cad kyi dge ba dang / mi dge ba'i las kyi rgyun bzod par dka' ba'i 'gro ba dag tu pha rol tu 'gro ba ni rgyun drag pa bzod par dka' ba lta bu yin la/ 'gro ba lnga'i chu bor rgyu ba ni rgyun drag pos bsgral pa du ma tsam du 'dren par 'gyur ba mi bzod pa ni/ 'bab pa'i rgyun 'gyur ba'i shugs drag po lta bu yin/ mi rtag pa nyid kyis 'gyur ba'i shugs bzlog par dka' ba ni bzlog par dka' ba lta bu yin te/ sred pa chu bo lta bur sems nya lta bu 'byung zhing 'jug ste/ lha dang mi dag tu 'byung la/ sems can dmyal ba dang / yi dgas dang / dud 'gro rnams su ni sred pa chu bo lta bur sems nya lta bur sems te lta bur 'jug go// de nas gzhan yang ji ltar na dge slong rnal 'byor la gnas pa de las dang / chos dang / rnam par smin pa shes shing / sems can thams cad sems la rag las par mthong la/ sems kyi rnam pa sems kyi dbang du gyur cing / sems kyi ba slus pa mthong ste/ rnal 'byor spyod pa nang gi chos la chos kyi rjes su lta zhing gnas pa de// zos pa las byung ba'i shes pa 'am/ lha'i mig gis sems can thams cad sems kyi las la rag las shing / sems kyi las kyi rnam pa la sems rag las pa mthong ste/ kye ma 'khor ba thog ma dang tha ma med pa nas 'gro ba du mar rab tu rgyu ba'i sems can 'di dag ji ltar 'gyur snyam mo// de thos pa las byung ba'i shes pa 'am/ lha'i mig gis sems can gyi sems kun nas nyon mongs pas 'ching zhing rnam par byung bas 'grol bar mthong ngo // de la sems kyi rnam pa mang ste/ dmigs pa'i bye brag dang / ngo bo nyid kyi bye brag dang / 'gro ba'i ris kyi bye brag gis 'gro ba rnams kyi rnam pa lnga'o// rten bzang po'i bye brag gi rnal 'byor dang ldan pa dang / kun tu sbyor ba'i 'du byed dang yang dag par ldan pa'i sems bag la nyal dang ldan pa dang / nam mkha' la sogs pa gsum dang rtag tu mi ldan pa ste/ rnam pa lnga yin no// de yang dbang po'i bye brag gis ni dpag tu med la/ sred pa'i gnas sna tshogs kyi bye brag gis mdor na kun nas nyon mongs pa'i phyogs 'di ni sems las byung ba lngar 'gyur ro// ji ltar na rnam par byang ba'i phyogs su 'gyur zhe na/ nyon mongs pa'i rtsa ba gsum dag gi gnyen po gsum yin no/ / 'das pa dang ma 'ongs pa'i yang dag par rdzogs pa'i sangs rgyas thams cad kyi gsung rab yang dag pa'i lam ston pa ni 'di lta ste/ 'dod chags la ni mi sdug pa'o/ / zhe sdang la ni byams pa'o// gti mug la ni rten cing 'brel par 'byung ba'o// de la lus la 'dod chags skyes pa dang / de lus de la dmigs nas gnas shing rnam par 'byed de/ rkang pa dang sen mo nas/ mgo dang / yan lag dang / nying lag rags pa'i bar la rnam par byed pa ni/ bdag gang yin/ bdag gi ci yin zhes de rang gi yan lag gi phyogs la rkang pa dang / sen mo lus tha dad par lta ste/ gang la bdag tu nga rgyal 'jug pa 'di ni sen mo dang lus ma yin zhing / rkang pa'i sen mo lus sam bdag ma yin/ gang la bdag tu nga rgyal 'jug pa 'di ni rkang pa'i mthil lus ma yin zhing / long bu bdag gam lus ma yin/ rkang pa'i rting pa bdag gam lus ma yin zhing / bsdus pa bdag ga ma lus ma yin/ sta zur dang dpyi bdag gam lus ma yin/ gzhang ba dag gam lus ma yin/ skal pa'i rus par gyur pa bzhi bcu rtsa lnga bdag gam lus ma yin/ lhag pa bdag ga ma lus ma yin/ bzhin gyi rus par gyur pa bdag gam lus ma yin te/ dge slong des rnam par phye na don gzhan du gyur pa'i lus ma mthong zhing / so so la yang lus ma mthong la/ rnam par phye na yang lus ma mthong ngo // mig dang / rna ba dang / sna dang / lce dang / lus dang / yid la yang lus sam/ bdag mi mthong zhing bdag nyid med do// de ltar lus rdul phra mor so sor rnam par 'byed de/ de bdag gi lus yungs kar tsam dang / bye ma lta bur mthong ngo // de 'byung ba chen po rnams rnam par 'byed de/ bdag ni gang zhig/ ci sa'i khams bdag yin nam/ chu'i khams bdag yin nam/ me'i khams bdag yin nas/ rlung gi khams bdag yin nam snyam mo/ / de don dam du na bdag gi khams ma mthong zhing / bdag gi khams mthong ba med pa na/ don gzhan du gyur pa ma mthong ste/ dper na shing ljon pa du ma 'dus pa la tshal du mthong la/ shing ljon pa re re la tshal med do// don dam par na tshal zhes bya ba shing ljon pa ma gtogs par tshal med la/ yang dag par na shing ljon pa yang shun pa dang / rtsa ba dang / yal ga dang / lcug ma ma gtogs par don gzhan du gyur pa med de/ kun rdzob tu tshal yod do// de ltar lus 'di yang lag pa la sogs pa 'dus pa tsam 'di la kun rdzob tu 'di ni lus yin no// zhes 'du shes 'jug go snyam nas/ de lus de'i chos kyi de kho na nyid shes nas/ lus la 'dod chags dang bral zhing lus kyi yan lag dang / nying lag dag la 'dod chags dang bral bar 'gyur ro// de 'dod chags dang bral na dga' ba'i 'dod chags kyi mo da las skyes pa yang 'byung ba'i sred pas gnod pa med de/ de ltar 'dod chags kyi gnyen po la rab tu brtson no// ji lta ra na zhe sdang gi/ gnyen po la rab tu brtson zhe na/ de byams pa la gnas par gyur te/ kye ma sems can 'di dag ni nyam nga bar zhugs pa yin te/ 'di lta ste/ 'gro ba lnga rnams su skye ba dang / 'chi ba dang / 'chi 'pho dang / 'byung ba dag 'jigs pa lngar zhugs shing / shi ba'i lus rul ba lta bu de dag la ma lta bur snying rje skye'o// rma la ba tsas byugs pa lta bu'i sdug bsngal ba 'di dag la ji ltar khro ba skyed de/ sems can de dag ni rang bzhin gyis sdug bsngal ba yin no snyam ste/ de nyon mongs pa'i rnam pa chen po gnyis pa la gnas so// yang dge slong de ji ltar na nyon mongs pa chen po gsum// bo so sor 'jig pa la rab tu brtson zhe na/ gti mug gis bsgribs pa'i sems can ni lus kyis nyes par spyad pa spyod pa dang / ngag gis nyes par spyad pa spyod pa dang / yid kyis nyes par spyad pa spyod pa/ yin te/ lus dang bral nas ngan 'gro log par lhung ba sems can dmyal ba rnams su skye'o// gang gi tshe yang dag pa'i lta ba sngon du song bas gti mug dang bral bar 'gyur ba de'i tshe/ lus kyis legs par spyad pa dang / ngag gis legs par spyad pa dang / yid kyis legs par spyad pa spyod pa de/ chos dang chos ma yin pa'i de kho na nyid shes par 'gyur ro// gang gi tshe chos dang chos ma yin pa de dag gi de kho na shes shing / rnam par shes par 'gyur ba de'i tshe/ nyon mongs pa chen po gsum po'i ngo bo nyid med par 'gyur ro// dge slong de nyon mongs pa gsum po de dag gzhig pa'i gnyen po gsum po ni nyon mongs pa dang / nye ba'i nyon mongs pa thams cad kyi kun tu sbyor ba dang / bag la nyal so sor gnas pa 'jig par 'gyur ba yin te/ dper na shing ljon pa'i rtsa ba bcad na shun pa dang / rtsa ba dang / 'dab ma dang / lo ma dang / sdong po dang / yal ga dang / me tog dang / 'bras bu la sogs pa de dag thams cad rul ba dang rnyis par 'gyur ba de bzhin du/ gsum po de dag bcom na/ nyon mongs pa thams cad bcom par 'gyur ro snyam mo/ / de nas gzhan yang ji ltar na dge slong des gzhan bdun pa las sa gzhan brgyad pa la 'jug ce na/ rnal 'byor spyod pa de nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ ji ltar na dge slong thog ma nyid du 'di ltar mig gis yang dag par ji lta ba bzhin mthong zhing / ji ltar na mig gis rnam par shes par bya ba'i gzugs rnams la/ byis pa so so'i skye bo kun tu chags shing / rnam par chags la/ shin tu rmongs shig gu snyam na/ de la kun tu chags pa'i gnas su 'gyur ba ni/ mdza' bshes mthong ba'am/ gzugs sam/ bud med dam/ de las gzhan pa mthong na kun tu chags par 'gyur ba'o// zhe sdang gi gnas su 'gyur ba ni 'gran zlar gyur pa 'am/ 'gran zla'i gnas su 'gyur ba dag la zhe sdang bar 'gyur ro/ / 'dod chags dang zhe sdang gis bsgribs pa'i mig dag ni/ yang dag pa ji lta ba bzhin mi mthong ste/ gti mug gis bsgribs pa'i byis pa so so'i skye bo'i sems ni kun tu rtog pa tsam gyi mig gi rnam par shes par bya ba la kun tu chags shing rnam par chags la shin tu rmongs so/ / sred pas bslus pa'i mi ni rang gi 'dod pa'i rnam par rtog pas bdag nyid la bdag nyid kun tu chags par byed de/ dper na khyi ni sha med pa'i rus pa blangs te khar bcug go/ de 'gram so'i bar du rus pa bcug pa'i kha chu 'dzags pa'i gsher ba la za la la chags pa'i khyi yang rang gi kha'i so'i bar nas khrag 'ong ste/ de rus pa de'i ro yin par sems kyis ro 'di ni bdag nyid kyi khrag la bdag nyid myong bar byed do snyam du ni mi sems shing / ro la chags pa'i khyi de lce yang za'o// ro la chags pas bsgribs pa rus pa yin par sems pa de ni kun tu rtog pa tsam kho na yin te/ de bzhin du byis pa so so'i skye bo mig gi rnam par shes par bya ba'i gzugs mig tu sdug pa'i gzugs dag la kun tu chags par 'gyur ro/ / de kha chu lta bu'i rnam par rtog pas blo gros bsgribs pa yin la/ rnam par dpyod pa ni rus pa lta bu yin// mig/ ni khar bcug pa lta bu yin te/ de lta de ltar za'o// de'i sred pa ni gang gis khrag 'dzag pa lta bu yin te/ 'di ni bdag gi gzugs yin no snyam du sems pa ni sred pas khrag gi ro la chags pa lta bu yin te/ de ro de la chags so// de la khyi ji lta ba bzhin du byis pa so so'i skye bo yang de dang 'dra/ rus pa ji lta ba bzhin du mig gi rnam par shes par bya ba'i gzugs kyang de dang 'dra/ 'gram sos za bar byed pa ji lta ba bzhin du rnam par rtog pa yang de dang 'dra/ so ji lta ba bzhin du yul yang de dang 'dra ste/ de lta bas na mig gis rnam par shes par bya ba'i gzugs rus gong lta bu dag gis byis pa so so'i skye bo thams cad rnam par slu bar byed do snyam mo/ / yang dge slong de sems par byed de/ ji ltar na 'khor bar yid byung ba'i dge slong dag sred pa'i 'jigs pas 'jigs shing / 'dod pa thams cad rab tu spong zhig gu snyam mo// ji ltar glang po che lo drug lon pa glang po che'i cho ga shes pa'i mis bskor cing / lus chen po de shing thags kyis bskor te/ bcing ba lnga yis bcings nas/ bu ram shing dang / la du dang / bu ram chang dang / bza' ba dang / btung ba'i ro mang po sbyar cing sil snyan dang / glu dang / dbyangs dgag sa de rnam par 'dul bar byed de/ gang gis de tshal gyi bde ba brjed par bya ba brjed nas/ der glang po che tha mal ba dag dang lhan cig gnas par byed cing / de gzhan gyis dkrir rung bar byed do// de nas glang po che'i cho ga shes pa des/ de ltar yongs su spyod pa na/ rang gi tshal gyi bde ba 'dod pa'i gnas ri dang / sman ljongs dang / tshal dang / me tog dang / 'bras bu dang / bya'i sgra dang / chu'i rgyun dang / sa phyogs dga' ba rjes su bsams shing bcings pa thams cad kyang bde ba de dag rjes su dran nas/ bcings pa thams cad bcad de/ glang po che'i cho ga shes pa'i mi la yang 'dzem pa med par byas/ shing btags btsugs pa yang bcom bu ram shing gi dum bu dang / la du dang / bu ram chang dang / btung ba'i ro dag ni 'thungs la/ glu dbyangs dag gis bzhag par ma nus shing / de'i yid rnam par brtul ba dang / de'i tshal gyi bde ba brjed par bya bar ma nus/ glang po che tha mal pa dang lhan cig 'gro bar mi 'dod cing / yang tshal de dag dran pa de bzhin du/ rnal 'byor spyod pa'i dge slong de thog ma med pa'i dus na zhugs pa/ 'ching ba lnga dag gis bcings te/ lnga gang zhe na/ 'di lta ste/ sgra dang / reg pa dang / ro dang / gzugs dang / dri sdug pa dag yin no// glang po che'i cho ga shes pa'i mis bskor ba lta bu gang yin zhe na/ 'di ste ste/ mig dang / rna ba dang / sna dang / lce dang / lus dang / yid kyi rnam par shes pa kun nas nyon mongs pa rnams yin/ rang gi blo gros khyim gyi gze ba lta bus bskor ba ni/ 'di lta ste/ bu dang / chung ma dang / kun dga' ra ba dang / bran mo dang / bran po dang / longs spyod dang / khyim gyis bskor ba yin/ bu ram shing dang / la du dang / bu ram chang dang / btung ba'i ro zhes bya ba ni kun tu rtog pa'i la du 'dod chags kyi skom zhes bya ba de'i tshig bla dgas so/ / sred pa la rnam par chags pa ni glu dbyangs lta bu yin no// dga' ba'i 'dod chags ni bcings pa lta bu yin/ glang po che tha mal pa dang 'dra ba zhes bya ba ni/ mi tha mal pa log par lta ba thang po che zhes bya ba de'i tshig bla dgas yin no// lhan cig gnas zhes bya ba ni/ de dang lhan cig 'jig tshogs la lta zhing / tshul khrims brtul zhugs mchog tu 'dzin pa dang / yang dag par 'brel ba mi tha mal pa'i khar sbrang rtsi lta bu log par lta ba'i gtam dag gis rab tu dga' ba'o// gzhan gyis bkrir rung ba zhes bya ba ni 'dod chags zhe sdang gti mug gi dbang du gyur pa zhes bya ba'i tshig bla dgas so/ / glang po che'i cho ga zhes bya ba ni/ rnal 'byor spyod pa zhes bya ba de'i tshig bla dgas yin no// yongs su spyod pa na zhes bya ba ni/ gti mug nyon mongs pa thams cad dang 'gro ba zhes bya ba de'i tshig bla dgas so// nges par 'byung ba'i ridran zhing / ri'i sman ljongs zhes bya ba ni/ bsam gtan dang snyoms par 'jug pa zhes bya ba de'i tshig bla dgas so/ / me tog dang 'bras bu zhes bya ba ni yang dag pa'i lam la sems bskyed pa'i 'bras bur gyur pa mya ngan las 'das pa'o// bya'i sgra zhes bya ba ni/ chos kyi gtam gyi sgra zhes bya ba de'i tshig bla dgas so/ / chu bo'i rgyun dga' ba zhes bya ba ni/ shes rab kyi chu bo zhes bya ba de'i tshig bla dgas so// rgyun zhes bya ba ni/ sems rtse gcig ces bya ba de'i tshig bla dgas so/ / sa phyogs zhes bya ba ni/ tshangs pa'i gnas zhes bya ba de'i tshig bla dgas te/ 'di lta ste/ byams pa dang / snying rje dang / dga' ba dang / btang snyoms so// rjes su bsams nas zhes bya ba ni/ bsam gtan gyi bde ba rjes su bsams pa yin te/ rnal 'byor spyod pa de glang po che'i tshogs lta bu'i rjes su 'gro'o// de lta bas na glang po che lta bur rnam 'byor spyod pas bya yi/ khyi lta bur ni mi bya'o// de nas gzhan yang ji ltar na dge slong de sa gzhan brgyad pa las sa gzhan dgu pa la 'jug ce na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ khams gsum pa 'di dag thams cad ni mi rtag pa dang / sdug bsngal ba dang / stong pa dang / bdag med pa dang / mi gtsang ba'i snod du gyur pa 'dod pa thams cad kyang mthong ste/ dper na nags tshal gyi khrod na ri nags chen po'i ngam grog la shing 'bra go skye ba skyon du ma dang ldan pa yin te/ de la 'bras bu chung ngu yod pa blang bar dka' zhing / nyes pa mang por 'gyur ba dang / ngam grog tu ltung ba'i nyes pas srog la the tshom za bar byed pa dang khong stong gi nyes pas g.yang sa'i phyogs su ltung ba dang / shing mthon po la 'dzegs pa dag gis srog 'chad par byed pa'o// gal te mi byis pa so so'i skye bo rmongs shing mun par gyur pa dag ro la chags pa de 'bras bu de dag mthong nas/ ngam grog dang / g.yang sa dang / shing khong stong mthon po ltung ba'i sar 'gro ste/ 'chi bar 'gyur pa mi sems so// byis pa so so'i skye bo blo zhan pa ro chung ngu myong bas phrogs pa de dag shing de la 'dzegs so/ / de shing de las 'bras bu dag ma thob par de'i srog ni ga yang sar gtong ngo // gal te rang bzhin gyis thabs gzhan dang ldan pa 'am/ dge ba'i las byed pa kha cig ni de 'dod chags kyi ro ches chung bas byis pa'i blo'i nyes dmigs ches mang ba bcings par mthong ba de bzhin du/ dge slong des nags tshal gyi khrod lta bur 'gro ba lnga'i rim pa mthong ngo / / // dam pa'i chos dran pa nye bar gzhag pa bam po drug pa/ ngam grog chen po zhes bya ba ni/ nyes pa thams cad ngam grog lta bu yin no/ / shing 'bra go zhes bya ba ni 'dod pa'i shing zhes bya ba de'i tshig bla dgas so// skyon brgya phrag du ma zhes bya ba ni nyon mongs pa brgya phrag stong du ma ste/ de dag tshol ba sdug bsngal zhes bya ba'i tshig bla dgas so/ / shing la yod pa'i 'bras bu zhes bya ba ni/ sgra dang / reg pa dang / ro dang / gzugs dang / dri sdug pa 'dod pa de dag la rnam par chags pa'i blo zhes bya ba de'i tshig bla dgas so/ / blang bar dka' zhes bya ba ni/ 'dod pa'i 'bras bu blang bar dka' ba yin te/ dper na rgya mtshor 'jug pa dang / mtshon gyis 'khrug pa dang rgyal po la bsten pa dang / chom rkun dang / tshong pa la sogs pa'i nyon mongs pas thob pa bzhin no// 'dod pa'i 'bras bu lta bu nyes pa mang po zhes bya ba ni/ 'dod chags zhe sdang gti mug ces bya ba de'i tshig bla dgas so/ / ngam grog dang / g.yang sa zhes bya ba ni/ sems can dmyal ba dang / dud 'gro dang / yi dgas kyi g.yang sa zhes bya ba de'i tshig bla dgas so// srog la the tshom za bar 'gyur zhes bya ba ni/ chos kyi srog ces bya ba de'i tshig bla dgas so// shing khong stong gi nyes pa zhes bya ba ni stong pa dang / gsog dang / gso ba dang / snying po med pa zhes bya ba de'i tshig bla dgas so/ / rmongs pa'i mi 'gro'o zhes bya ba ni/ byis pa log par lta ba zhes bya ba de'i tshig bla dgas yin te/ de lta bas na skyon mang po du ma 'bras bu med pa'i 'dod pa mnog chung ba mthong nas dge slong de 'dod pa thams cad la kun tu rtog par mi byed do/ / yang dge slong de 'dod pa me 'bar ba lta bur mthong ste/ ji ltar me mthong na dga' la/ rag nA mchog tu tsha ba la/ phye ma leb rmongs pa mar me kha dog sdug pa mthong nas/ mar me de'i nang du song ba dang / de 'chi bar 'gyur pa de bzhin du/ 'dod chags zhe sdang gti mug gis bsgribs pa'i byis pa so so'i skye bo phye ma leb lta bu dag ni/ 'dod pa thams cad la kun tu dga' bar lta'o// mar me lta bu zhes bya ba ni/ gal te mar me der lus song ba'i phye ma leb bzhin du sems can dmyal ba dang / dud 'gro dang / yi dag sa rnams su sreg par 'gyur te/ de lta bas na 'dod pa dag gis chog go snyam nas/ dge slong de 'dod pa dag las 'dod chags dang bral bar 'gyur ro// de nas gzhan yang dge slong de sems can dag 'ching ba gang gis bcings shing 'khor bar kun tu 'khor snyam nas/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis brtags na/ 'jig rten 'di ni bcing ba gnyis kyis bcings te/ zas kyi 'ching ba dang / reg pa'i 'ching ba'o// de la zas kyi 'ching ba ni/ rnam pa bzhi ste/ kham kyi zas gang zhe na/ 'di lta ste/ mi'i gnas bzhi dang / 'dod pa na spyod pa'i lha'i ris drug dang / sems can dmyal ba chen po brgyad dang / dud 'gro dang / yi dgas kyi phyogs gcig go/ yid la byed pa'i zas yod pa de dag mthong ste/ 'di lta ste/ gzugs na spyod pa'i lha'i bsam gtan gyi zas so// reg pa'i zas ni bya dang / mig gis lta ba dag gi'o// de'i rnam pa gzhan ni 'dod pa'i khams kyi byis pa so so'i skye bo mi dang / yi dgas dang / dud 'gro sems can dmyal ba 'di dag thams cad ni 'khrig pa'i reg pa la rab tu chags pa yin te/ gang 'dod pa la bsten pa de ni 'dod pa'i khams su 'byung ngo / / mnyam par dmigs pa'i zas ni gzugs med pa'i snyoms par 'jug pa yin te/ de lta bas na 'jig rten 'di ni gnyis kyis bcings te/ kun tu sbyor ba dang / bag la nyal thams cad kyi 'ching ba dag las de 'dod chags dang bral ba ma yin no// de mig gis rnam par rig par bya ba'i gzugs rnams la/ rnam pa gzhan gyis mig gis yang dag pa ji lta ba bzhin mthong ste/ mig gi 'dus te reg pa las byung ba gang yin pa de las bde bar 'gyur ba dang / dmigs pa bde ba las rnam par smin pa mi bde ba'i las 'byung ba de yang yang dag pa ji lta ba bzhin du mthong ngo / / de bzhin du mig gis rnam par rig par bya ba yid la mi bde bar 'gyur ba'i gnas gang yin pa de/ mig gi 'dus te reg pa las byung ba'i sdug bsngal rnam par smin pa bde ba las byung ba de yang dag pa ji lta ba bzhin du rab tu shes so/ / mig gis rnam par rig par bya ba de dag gang yin zhe na/ gzugs la dmigs pa bde ba ni/ rnam par smin pa mi bde ba yin te/ 'di la nang gi chos la chos kyi rjes su lta ba'i mig gis tshul bzhin ma yin pa yid la byed pa la dmigs pa'i gzugs mthong ste/ da ltar byung ba'i rnam par dmigs pa bde ba la bde'o zhes rab tu shes shing / rtog par byed la ro myang bar byed do// yongs su 'gyur bas rnam par smin pa sdug bsngal ba ni/ sems can dmyal ba dang yi dgas dang / dud 'gror yang dag par 'grub par 'gyur ro// gang dag da ltar byung ba la rnam par smin pa bde ba ma yin la/ yongs su 'gyur bas rnam par smin pa bde ba'i las de gang yin zhe na/ 'di la mig gis rnam par rig par bya ba'i gzugs rnams mthong nas/ mig gi 'dus te reg pa las byung ba'i tshul bzhin yid la byed pa la mngon du phyogs pa'i sems de la chags pa med cing yid 'jug pa med pa de ni da ltar byung ba la rnam par smin pa sdug bsngal ba yin la/ yongs su 'gyur bas lha dang mi'i bde ba skye zhing mya ngan las 'das pa'i mthar phyin par 'gyur ro// de bzhin du rna ba dang / sna dang / lce dang / lus dang / yid kyi rnam par shes pa'i chos rnams la yang sbyar ro// de nas gzhan yang ji ltar na dge slong de mig gis reg par bya ba'i gzugs rnams la btang snyoms su gnas she na/ rnal 'byor spyod pa nang gi chos la chos kyi rjes su lta zhing gnas pa'i dge slong gi mig gis 'di la gzugs mthong nas/ ma chags shing rnam par ma chags la/ rnyog ma can du ma yin/ smon pa med cing dga' bar mi byed la/ yid la mi byed/ tshul bzhin ma yin pa yid la byed pas bsgribs pa ma yin zhing / btang snyoms pa yin te/ de ni btang snyoms su 'gyur ba'i gnas la/ sdug bsngal dang bde bar 'gyur ba'i gnas mi dmigs so// yang dge slong de sa drug pa'i rab tu dbye ba'i ngo bo sa gzhan bcu pa la 'jug/ ste/ 'di lta ste/ mi khyogs pa med pa dang / bsam gtan dang po'i sa khyad par can dang / bsam gtan bzhi ste/ sa drug pa'i rab tu dbye ba la 'jug go// de skyes nas 'jug par 'gyur ba'i lam 'phags pa'i lam yan lag brgyad pa'i sgo rtogs shing / khong du chud pa'i chos skye ba dang / 'jig pa mthong zhing yang dag par mthong nas/ rab tu 'bad do// de de ltar rab tu 'bad pa na/ sa bla'i gnod sbyin dag gis bdud kyi 'ching ba phal cher spa gong bar mthong nas dga' ste/ bar snang la spyod pa'i gnod sbyin dag la mngon par bsnyad do// de dag gis kyang rgyal po chen po bzhi la mngon par bsnyad do/ / de dag gis kyang rgyal chen bzhi'i lha rnams la mngon par bsnyad do// rgyal chen bzhi'i ris kyi lha rnams kyis kyang sum cu rtsa gsum pa rnams la'o// sum cu rtsa gsum gyi lha rnams kyis kyang 'thab bral ba rnams la'o/ / 'thab bral ba rnams kyis kyang dga' ldan pa rnams la'o// dga' ldan pa rnams kyis kyang 'phrul dga' ba rnams la'o// 'phrul dga' ba rnams kyis kyang gzhan 'phrul dbang byed pa rnams la'o/ / gzhan 'phrul dbang byed pa rnams kyis kyang tshangs ris pa rnams la mngon par bsnyad de/ de ltar 'dzam bu gling du rigs kyi bu che ge mo zhig ces bya ba rgya cher snga ma bzhin du sbyar ba nas/ sa gzhan brgyad pa la 'jug pa dag sa drug pa'i nang du lhag par zhugs pa de tshangs ris kyi lha dag gis thos nas mchog tu dga' ba/ bsam gtan la bde bar gnas pa btang ste/ kun tu dga' bar gyur pa'i bar de thos nas shin tu dga' bar 'gyur ro// 'dir tshigs su bcad pa/ dge dang mi dge dag gi las// bdag gis byas pa'i las kun gyi// 'bras bu nges par spyod 'gyur te// lus can dag dang 'brel ba yin// nyon mongs sa ni dang por dang ra// rnam par smin pa tsha ba yin// de dag don med byas pas na// dug dang 'dra bar spang bar bya// nyon mongs dbang du mi 'gro zhing // ye shes dbang du 'gro bya ste// ye shes ldan pa tshe 'di dang // pha rol dag tu bde ba thob// ji ltar rtswa la mes bsregs bzhin// shes pas rtag tu nyon mongs gnom// tshangs pa dkon mchog gsum ston pa// ye shes me lce mchog yin no// gang dag ye shes spyod yul dga'// de dag zhi ba'i lam la gnas// gang dag nyon mongs sprul bsregs pa// de dag thams cad zhigs par 'gyur/ / dpa' bo gang dag phan tshun shes// mkhas pa de nyid mthong ba ni// de dag gnas ni dam par 'gro// skye dang 'chi ba spangs pa yin// gang dag 'khor la mngon dga' zhing // mgu ba nyon mongs sgra dag gis/ / rtag tu bcings pas bcings pa ste// de dag srid pa nyam ngar 'khyam// gang dag nges 'byung blo yod cing // gang dag rtag tu zhi spyod pa// de ni lha yi rigs dag gi/ tshangs pa'i 'jig rten 'byung bar 'gyur/ / 'dod la sogs la gang sdang ba// sangs rgyas la sogs rtag tu mchod// shing skam me yis bsregs pa ltar// de ni 'khor ba 'jig par byed// gang dag sems kyi dbang mi 'gro/ / rtag tu de'i rjes sems 'gro ba// mun la nyi ma shar ba ltar// de ni nyon mongs nges par 'joms// sems ni dgra nang dgra chen te// de las gzhan pa'i dgra med do// ri ni dus su sreg pa ltar// sems can rtag tu sems kyis bsregs// byis pa blun po sems dbang song // dbang po ma thul gang yin pa// de yi sdug bsngal zhi med cing // de yi mya ngan 'das pa ring / / sdug bsngal sdug bsngal rnam smin dang // sdug bsngal rgyu ni rnam shes pa// kun nas nyon mongs 'dus pa yi// 'ching ba thams cad 'jig par byed// snang ba'i nang na shes pa mchog/ mun pa'i nang na gti mug ste// de ltar gang zhig snang la dka'// de ni mkhas pa zhes bya'o// don rnams mchog kun med byed pa// dpa' bos gti mug rnam par spongs// gang zhig gti mug dbang song ba/ / de la zhi ba med pa yin// gal te che bar bdag 'dod na// me yis reg par gyur kyang rung // sbrul dang lhan cig gnas kyang bla'i// nyon mongs lhan cig sbyor mi bya// bdud rtsi'i mang na shes pa mchog/ che ba'i nang na gter mchog yin// gnyen gyi nang na gnyen mchog ste// nor gyi nang na nor mchog go// de lta bas na ye shes mes// rtag tu nyon mong ri bsreg go/ / nyon mongs ri dag sreg pa ni// bde ba'i gzhi la gnas pa yin// mi gang blo ni zhan pa dag/ chos ma yin par nyon mongs gzeb// 'khor ba dag las ma rgal ba// mun pa mun nag nang du 'jug/ gang dag chos la blo brtag pa// de dag dam pa rtag tu mchod// de dag tshe rabs 'bras bur ldan// de dag blo yis gtse ba med// de ltar dge slong de chos dang chos ma yin/ pa de dag gi rnam pa yang dag pa shes par gyur nas gnas te/ de ltar de shin tu dri ma med pa'i sems kyis tshe 'bum phrag du ma'i 'khor ba'i ri'i rtse mo 'jig par byed cing / spong bar byed la/ 'joms par byed de/ yang 'byung bar mi byed/ de'i nyon mongs pa'i dgra 'joms par byed cing / de'i mya ngan las 'das pa'i mthar byed do// de nas gzhan yang dge slong de las kyi chos kyi rnam par smin pa gzhan rjes su sems par byed de/ ji ltar na nyes par byas pa'i sems kyi rgyu'i rgyun rnam pa du ma chu bo'i rgyun ltar 'bab pa'i sems can rnams kyis nyes par byas pa'i las kyi 'bras bu'i sa mngon du gyur pa/ sems can dmyal ba'i tshor ba mi bzad pa tsha ba rtsub pa dag myong bar 'gyur snyam nas/ nang gi chos la chos kyi rjes su lta ba de legs par byas pa dang / nyes par byas pa'i de kho na nyid spyod pa'i blos rtog par byed de/ kye ma srog chags 'di dag ni sems kyis bslus shing sred pas bslus nas/ yang sos dang / thig nag dang / bsdus gnom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i gnod pa'i 'khor gyi nye 'khor gyi sems can dmyal bar ji ltar skye bar 'gyur/ 'di ltar las mngon sum du gyur pa/ sems can dmyal ba'i 'khor ni gang zhig/ sems can dmyal ba las gang gis srog chags rnams sems can dmyal ba'i 'khor du 'gro snyam nas/ dge slong des thos pa las byung ba'i shes pa 'am/ lha'i mig gis brtags na/ sems can dmyal ba chen po yang sos na yod pa'i 'khor gyi ming ni 'di lta ste/ mi gtsang ba'i 'dam dang / lcags kyis bsgyur ba dang / snod du btso ba dang / gnod pa rnam par ma zhi ba dang / mun pa dang / kun tu mi dga' ba dang / tshor ba bdo ba dang / nad thams cad pa dang / mtshon 'bab pa dang / gnod pa drag pa dang / ne'u le nag po lnga bu dang gzhan du 'gyur ba dang / sdug bsngal gyis gnod pa dang / pad+ma'i 'phreng ba dang / mtshe'u dang / gnod pa mtho ba ste/ yang sos kyi 'khor bcu drug yin no// de la las kyis sems can dmyal ba yang sos kyi 'khor du skye bar 'gyur snyam nas/ dge slong des thos pa las byung ba'i shes pa 'am/ lha'i mig gis brtags na/ srog gcod pa kun du bsten cing bsgoms te mang du byas pa'i las dang / las kyi nyer bsdogs dang / las kyi mjug dang ldan pas/ sems can dmyal ba yang sos su skye bar 'gyur te/ 'di ltar srog gcod pa chen po dang 'bring dang / tha mas gnod pa chen po dang / 'bring dang / pha mar 'gyur ro// de la sems can dmyal ba chen po ni/ mi tshul khrims dang ldan pa 'am/ sdom pa blangs pa 'am/ tshul khrims kyi phyogs spyod pa'i sems can gzhan sems can du yang shes la/ bsams bzhin du srog gcod de/ las kyi mjug kyang sogs shing 'chags par mi byed la/ sems la 'gyod par mi byed/ gzhan dag la yang rung ba brjod cing phyir zhing byed/ gzhan dag kyang srog gcod pa de la spyod du 'jug cing rab tu spro bar byed/ dga' bar byed cing rab tu gnas par byed la slob par byed gzhan dag gis byas pa la rjes su yi rang bar byed pa'i mi gti mug can yang dang yang du byed pa'o/ / de sems can dmyal ba'i gnas der skye bar 'gyur te/ mi rnams kyi lo lnga bcu gang yin pa de ni rgyal chen bzhi'i nyin zhag gcig go/ / bgrang ba'i tshul de lta bu'i nyin zhag sum cu la zla ba gcig go// zla ba bcu gnyis la lo gcig ste/ rgyal chen bzhi pa dag ni lo lnga brgyar 'tshol/ de ni sems can dmyal ba chen po yang sos kyi nyin zhag gcig yin no/ / sdig pa za ma dang / 'bring dang / chen pos tshe thung ngu dang / 'bring dang / ring por 'gyur te/ dus ma yin par 'chi ba ni yod do// gal te sdig pa'i sa bon mi bzad pa byas na/ de'i 'khor gcig gam/ gnyis sam/ gsum mam/ bzhi 'am/ lnga 'am/ drug nas/ de bzhin du 'khor bcu drug gi bar dag tu smin par 'gyur pa nas/ sdig pa'i las bcom zhing bsal la/ zad par ma byas kyi bar du 'byung ngo // sems can dmyal ba gzhan dag gi lo lnga brgya ni lha'i bgrang ba'i tshul dang mthun te/ mi ni ma yin no/ / de nas gzhan yang ji ltar na dge slong de sems can dmyal ba'i 'khor dag gi las mngon sum du gyur pa yin zhe na/ rnal 'byor spyod pa nang gi chos la chos kyi rjes su lta zhing gnas pa des/ sems ri mo mkhan lta bus/ ri mo lta bu'i rang gi las kyi 'bras bu'i sa'i cha sems kyi bsam pa'i gnas kyi rnam pa gnod pa bye ba khrag khrig 'bum phrag dag gi 'jigs pa gzhan dang mtshungs pa med pa'i sems can dmyal ba yang sos kyi 'khor dag rab tu 'byed par byed do/ / las gang gis 'khor mi gtsang ba'i nang du skye bar 'gyur snyam nas/ de thos pa las byung ba'i shes pa'am/ lha'i mig gis brtags na/ mi gtsang ba'i 'dam du skye bar 'gyur pa ni/ mi dge ba'i las kyi sa bon du gyur pa srog gcod pa yin te/ gal te// 'dod chags kyis byed na/ bya yis bya la 'am/ mig dud ka lta bus mig dud ka lta bu la'am/ dud ka lta bus dud ka lta bu la 'am/ rgya'am/ gdos kyis ri dgas dang / dgas dag gsod par byed la/ 'chags par mi byed cing / las kyi nyer bsdogs dang / las kyi mjug sogs pa snga ma bzhin du sbyar te/ de der skye bar 'gyur ro// de'i gnod pa'i phyogs gcig tu 'gyur ba ni 'di lta ste/ mi gtsang ba'i 'dam gyi 'khor du mi gtsang ba rab tu 'bar ba/ ro tsha bzangs bzhus pa lta bu dang ldan zhing / srin po mchu rdo rje lta bu dang ldan pa dag gis kun tu gang ste/ de gal te mi gtsang ba de dag za na/ de'i srin bu de dag gis lus de'i nang du song ste/ sngar mchu za'o// phyis lce za ste/ de'i 'og tu dkan za/ dkan gyi 'og tu grol gong / srol gong gi 'og tu snying / snying gi 'og tu mchin pa/ mchin pa'i 'og tu mcher pa/ mcher ba'i 'og bA ra shwa/ bA ra sh+ma'i 'og tu bag kra li ka/ bAg kA li ka'i 'og tu gnam gnye ma'i 'og tu rgyu ma/ rgyu ma'i 'og tu long ka'i nang du song nas gnad thams cad dang / so so'i gnad rgyus pa dang / sha dang / glo ba dag ste/ mi gtsang ba'i lus las srin bu 'byung ba de dag gi za'o/ / de sems can dmyal ba'i tshor ma tsha ba/ rtsub pa/ mi bzad pa/ mi'i bzang ba'i tshul gyis lo du ma lo 'bum phrag du mar tshor ba myong bar 'gyur te/ ji tsam du sdig pa bya'i/ srog gcod pa ni bya gsod/ srog chags dud ka lta bus ni dung ka lta bu gsod/ rgya dang gdos kyis ri dgas gsod pa rngon pa spyod pa'i ngang tshul can ni/ de dag gis gsod cing de dag gis dbang du byas nas za ste/ de'i 'bras bu las kyi rnam par smin pas ji ltar de dag gis de zos pa de ltar srin bu de dag gis de'i nang du song nas za'o// rang gi las dge ba dang mi dge ba'i 'bras bu 'dra ba ni gang gi tshe de'i sdig pa'i las bcom zhing spangs par gyur na/ de de'i tshe mi gtsang ba'i 'dam gyi 'khor gyi sems can dmyal ba las thar par 'gyur zhing / sems ri mo mkhan lta bu de yang ri mo bris pa lta bu 'jig par 'gyur ro/ / de de las thar nas gal te lan grangs gzhan la myong bar 'gyur ba'i las su mi 'gyur na/ de dud 'gro byar skye bar 'gyur te/ de bya der gyur nas/ de bzhin du bya des gsod do// ri dgas su gyur na yang / des sngon ji ltar rgya 'am/ gdos dag gis bya 'am/ ri dgas dag bsad pa'i las kyi 'bras bu des sems can dmyal bar smin pa'i rgyu mthun pa'i 'bras bus dud 'gror skye'o/ / gal te lan grangs gzhan la myong bar 'gyur ba'i las kyis lha 'am mir skyes na/ las de dang rgyu mthun par de tshe thung bar 'gyur ro// de nas gzhan yang dge slong de sems can dmyal ba yang sos kyi 'khor gnyis pa lcags kyis bsgyur ba zhes bya ba la rtog par byed de/ srog gcod pa'i las gang gis der skye bar 'gyur/ snyam nas/ des thos pa las byung ba'i shes pa 'am/ lha'i mig gis brtags na/ gal te rnyed pa dang / btsong ba dang / blang ba'i rgyu'i sems can dag srog gcod par byed de/ mtshon gyis gzhan bsad cing srog dang bral na/ de rgyu de dang / rkyen de dang / gzhi de 'chags par mi byed cing / rab tu spro bar byed pa'i las dang / las kyi nyer bsdogs byas pa ni snga ma bzhin du sbyar te/ lus dang bral nas ngan 'gro log par ltung ba sems can dmyal ba lcags kyis bsgyur bar skye bar 'gyur ro// de na lcags kyi rab rab tu ba ba 'phang du tshad bcu yod pa sems can dmyal ba'i mes rab tu 'bar te/ de'i drung na mi dag gi me ni sprin dang mtshungs so// mtshon rab tu 'bar ba'i shugs kyis kyang de dag gi lus pa rab tu 'bab ste gang gis lus de yungs kar tsam du gcod cing / 'jig sreg cing gshag go// thams cad du mtshon gyi char rab tu 'bab ste/ dper na 'dzam bu gling du dus su char gyi rgyun 'bab pa lngar phyogs bcur mtshon gyi char gyis mngon par khebs te/ gang gis sems can dmyal ba de dag gshags kyang 'chi bar ni mi 'gyur ro// de'i sdig pa'i las kyi 'bras bu rnam par smin pas yan/ lag rnams bcad cing gtubs pa dang rab tu ngu'o// lcags kyis bsgyur ba'i sems can dmyal ba de na/ ral gri lo ma lta bu'i tshal yod de/ steng dang 'og gi so rno ba/ ba tshwa lta bu'i tshal de rgyang ring po nas tshal nag po'i phung po lta bu mthong nas/ de dag bkres pa dang skom pas gdungs pa kun tu rgyug cing cho nges 'debs pa na/ de gang du zhugs par 'gyur ba de dag kun nas mtshon gyi char gyis rnam par gshegs par byed de/ der las kyis rgyu ni phyugs de dag la zas kyis brid nas/ bslus pa de'i las de dang 'bras bu de ni/ 'di ltar sems ri mo mkhan lta bus sems can dmyal ba'i ri mo'i gzhi la/ sems can dmyal ba pa'i mi dge ba'i las mngon par 'dri ba de lta de ltar sems can dmyal bar 'grub pa'i las so sor myong bar 'gyur ro// der sems can dmyal ba de dag ji tsam du de'i sdig pa'i las bcom zhing spangs la zad par ma byas pa de srid du/ lo 'bum phrag du mar gshegs par byed de/ gang sems ri mo mkhan lta bu des mngon par 'dri ba ni snga ma bzhin no// de nas gzhan yang dge slong de yang sos kyi 'khor snod du btso ba zhes bya ba de'i las kyi 'bras bu rnam par smin pa la rtog par byed de/ las gang zhig gis der skyes par 'gyur snyam nas/ des thos pa las byung ba'i shes pas brtags na/ sems can rnga mo 'am/ phag gam/ ma ta la ka 'am/ ri bong du gyur pa 'am/ mA to la ka 'am/ dri sh+ya b+hu te gson pa dag bza' ba'i don du spu dbyi bar bya ba'i phyir der 'jug cing rab tu bskor te/ 'jog par byed pa de dag lus dang bral te shi nas/ ngan 'gro log par lhung ba sa bon dang mtshungs pa'i 'bras bu snod du btso bar skye bar 'gyur ro/ / de rab tu btso ba lcags kyi snod kyi nang du rab tu bcug nas/ sran ma mud ga bzhin du 'tshed de/ lo 'bum phrag du mar sems can dmyal ba pa'i me mi bzad pas 'tshed do// sems ri mo mkhan lta bu'i gzhi bcom zhing spangs te zad par byas nas/ de de las yongs su thar bar 'gyur te/ sems can dmyal ba myong bar 'gyur ba dang / lan grangs gzhan la myong bar 'gyur ba dang / skyes nas myong bar 'gyur ba'i 'bras bu ni snga ma bzhin du sbyar te/ gang lha dang mi'i bar dag tu skye bar 'gyur la/ de tshe thung bar 'gyur ro// de 'khor snod dang ba mthong nas yang dag pa ji lta ba bzhin nang gi chos la chos kyi rjes su lta zhing gnas pa'i dge slong de ji ltar na/ sems can dmyal ba'i 'khor la lta zhe na/ de thos pa las byung ba'i shes pa 'am/ lha'i mig gis brtags na/ 'di ltar dge slong 'di ni mchog tu dpa' ba/ bdud kyi sde mngon par 'joms shing / 'khor ba'i rgya mtsho las sgrol ba/ tshul khrims kyi chus 'dod chags kyi me gsod par byed pa/ byams pa'i chu'i bum pas zhe sdang gi me gsod par byed pa/ rten cing 'brel par 'byung ba'i sgron mas gti mug gi rab rib rab tu sel bar byed de/ zab mo khong du chud pa'i dge slong ni 'khor ba'i rgya mtsho las rgal ba yin no/ / de nas gzhan yang dge slong de yang sos kyi 'khor bzhi pa gnod pa rnam par ma zhi ba zhes bya ba la rtog par byed de/ de rgyu dang 'bras bu rnam par smin pa ni sa bon dang 'bras bur mtshungs te/ gang gis mir gyur pa yang sos gzhan gnod pa rnam pa du ma byas par 'gyur te/ 'di lta ste/ shing gi bar du btsir ba'i tshor ba dang / lum ba ka'i tshor ba dang / dud pa'i tshor ba dang / lam gyi tshor ba dang / dbang po'i lam 'dren pa'i tshor ba dang / sa'i tshor ba dang / rab tu btung ba'i tshor ba dang / khab kyi tshor/ ba dang / zag pa sa 'dren pa'i tshor ba dang / glang po che'i steng nas lhung ba'i tshor ba dang / bye mas 'thor ba'i tshor ba dang / gtun shing gi tshor ba dang / lcags bzhus pa'i tshor ba dang / klad ba na ba'i tshor ba dang / bus pa dang khye'u phang bar btsir ba lta bu'i tshor ba dang / grang ba dang dro ba'i tshor ba dang / chu'i tshor ba dang / khar gongs sam chu blugs pa'i tshor ba dang / shing la dbyang/ pa'i tshor ba dang / ngam grog dang g.yang sar rnam par 'jigs pa'i tshor ba dang / dgra'i dbang du gyur pa'i tshor ba dang / lba pa gcod pa'i tshor ba dang / ser mo la rab tu gnod pa'i tshor ba dang / klu 'thog pa'i tshor ba dang / mgo 'khor los bskor ba'i tshor ba dang / zha nye dang / ro nye dang / zangs rab tu bskol bar 'jug pa'i tshor ba dang / snar lcags rnon po 'jug pa'i tshor ba dang // sba ba'i gnas su sprul 'jug pa'i tshor ba dang / bong bas 'phen pa'i tshor ba dang / sreg pa'i tshor ba dang / lus la me'i 'phreng ba'i tshor ba dang / sgra 'bal ba'i tshor ba dang / srog chags mar ko dag 'jug pa'i tshor ba dang / pags pa gtubs pa'i tshor ba dang / rtswa s+thi na ka'i tshor ba dang / 'dus pa'i tshor ba dang / lus gtubs pa'i tshor ba dang / rdza ma dang bum par bcos pa'i tshor ba dang / so phag gi tshor ba dang / lus byed du ba tsha blugs pa'i tshor ba dang / phyag dar gyi phye ma'i tshor ba dang / rab tu sreg pa'i tshor ba dang / rkang pa'i mthe bo mtshon gyis bcad cing rab tu bsregs pa'i tshor ba dang / byi byi ling gi tshor ba dang / rgya mtsho sum cu'i dbu ba'i tshor ba dang / lag pa dang rkang pa'i tshor ba dang / ring du 'gro ba'i tshor ba dang / 'bram so'i tshor ba dang / snum gyi tshor ba dang / gser rdung ba'i tshor ba dang / tshabs cher spangs pa'i tshor ba dang / bslang ba dang dbab pa'i tshor ba ste/ tshor ba de dag gis gang sdug bsngal gyi tshogs rnam pa sna tshogs du ma kun tu spyod pa de dag ni lus dang bral nas ngan 'gro log par ltung ba sems can dmyal ba'i gnod pa rnam par ma zhi ba de ni/ der rgyu dang mtshungs po'i 'bras bu myong bar 'gyur te/ sems can dmyal ba de'i rnam par smin pa dpe med pa bye ba stong phrag bcur bsgyur ba/ sngar ji skad bshad pa'i gnod pa de dag thams cad rang gi las kyi 'bras bu mngon sum du gyur pa'i sems can dmyal ba'i sa der de dag myong bar 'gyur ro/ / gang sems ri mo mkhan lta bus sreg pa'i pir dang / mi dge ba kun tu rtog pa rnam pa snga tshogs kyi tshon rtsi snod kyi gzhi lta bu'i snying la kun tu 'dri ste/ bu dang chung ma'i mtshan ma dam pos de rjes su myong bar 'gyur ro// rang gis legs par byas pa'i las ni phams byas yin te/ ji tsam du sdig pa'i las bcom zhing spangs la zad par ma byas pa de srid du 'chi bar mi 'gyur ro// de nas shi nas gal te lan grangs gzhan la myong bar 'gyur ba'i bar gyi las gang gis dud 'gro dang yi dgas dag tu ma skyes la/ gal te mi rnams dang skal ba mnyam par gyur na rgyu mthun pa'i 'bras bus de rtag tu bcing ba dang / gtse ba dang / gnod pa dang / rgyal po'i pho brang 'khor nas 'tshe ba dang / mi bde bar 'gyur/ skye bo kun gyis kyang mngon par gtso ste/ rtag tu sdug bsngal mi bzad par 'gyur/ gnyen 'dab dang / mdza' bshes dang / chung ma dang / bu dag dang yang zhe 'gras par 'gyur ro// de nas gzhan yang dge slong de sems can dmyal ba yang sos kyi 'khor lnga pa mun pa zhes bya ba la rtog par byed de/ sems can dag las kyi 'bras bu rnam par smin pa gang gis skye bar 'gyur snyam nas/ thos pa las byung ba'i shes pas brtags na/ sems can gang dag log par lta ba las dang 'bras bu phyin ci log tu ston pa/ mchod sbyin dag la phyugs bsubs nas gsod par byed pa dang / rus sbal dag so phag gis mngon par g.yogs shing mun par 'jug par byed pa de dag lus dang bral nas ngan 'gro log par sbyong ba sems can dmyal ba mun par skye bar 'gyur ro/ / der skyes nas kyang mun par byung ba'i mes sreg par byed/ rdo rje lta bu'i ri shugs drag po dag 'ongs shing las kyi rlung gis bangs nas de gnyis kyi dbus su bcug la/ bye ma snyim pa nas gtor ba bzhin du thal bar rlog ste/ ji ltar skra'i rtse mo bsdus pa phan tshun skyabs med pa de ltar rtag tu gnod pa byed cing spu pri lta bu'i rlung rab tu 'bar ba la nges pa gang gis yan lag dang / nying lag dag zhigs par byed do// skom pa dang bkres pas lus rab tu 'bar ba de dag ni de na dud me 'byin te/ ji ltar de dag/ sa rus sbal me'i nang du bsregs shing / so bag dag gis mnan pa de ltar lo 'bum phrag du mar 'khrul 'khor la khab kyi bu ga tsam gyi snang ba med pa bzhin du snang ba med par byed la/ gi lus las byung ba'i spu rab tu 'bar ba dag gis kun tu sreg par byed do// sems spre'u lta bus bag la nyal ri lta bu la rnam par rgyu zhing / rgyu ri'i ngos ltar brtan pas rgyags pa ri'i rtse mo lta bu la gnas pa/ lnga ba ngan pa ri khrod lta bu la rnam par rgyu zhing / nga rgyal las byung ba/ shing ljon pa thibs po lta bur spyod pa// khro ba brag gas pa lta bu la gnas pa/ phrag dog yon tan bsags pa lta bu'i 'bras bu dang / sred pa chu bo'i dbang du song ba lta bus gang mi dge ba'i rlabs byas pa de dag ji tsam du rnam par bcom zhing spangs la zad par ma byas pa de srid du 'chi ba'i dus mi byed do/ / de sems can dmyal ba'i 'khor mun pa de las thar nas/ gal te yi dgas dang dud 'gror ma skyes la/ mi dag dang skal ba mnyam par mi rnams kyi nang du skyes na/ de rgyu mthun pa'i 'bras bu rtag tu bcing bas bcings par 'gyur zhing tshe thung bar 'gyur ro// de nas gzhan yang dge slong de sems can dmyal ba yang sos kyi 'khor drug pa kun tu mi dga' ba zhes bya ba la rtog par byed de/ las gang gis sems can dmyal ba kun tu mi dga' bar skye bar 'gyur snyam nas/ des thos pa las byung ba'i shes pas brtags na/ sems can la mngon par 'khu ba'i bsam pa yod pa ni rtag tu srog gcod pa la mngon par brtson pa yin te/ de dung dang / rnga pa Ta ha dang / bong bu'i skad kyis nags khrod na rnam par rgyu ba'i sems can ri dgas dang / seng ge dang / dred dang / gung dang / spre'u la sogs pa bag tsha ba med par rgyu ba dag sgra de dag gis kun tu skrag par byed cing / rgyal po 'am/ blon po phal cher yid kyis bsam pa yod pa'i rjes su rngon pa bsad pa'i bsam pa yod pa 'gro ba de ni lus dang bral nas ngan 'gro log par lhung ba sems can dmyal ba kun tu mi dga' bar skye bar 'gyur ro/ / rgyu dang mthun par 'bras bu 'byung ste/ ji ltar sems can de dag gis kun tu mi dga' ba byas pa de ltar sems can de dag sems can dmyal ba'i me'i nang du bcug nas bya rog dang / 'ug pa dang / bya rgod dang / khyi dang / srin po dang / tha rnams kyi mchu rnol sgra mchog tu 'jigs pa rnams kyis rna ba drung nas bcad cing za la/ mchog tu 'jigs pa mi 'dod cing / mi sdug pa/ yid du mi 'ong ba/ skye bo thams cad skrag par byed pa'i sgra des/ kun tu mi dga' ba phal cher yid la gcags par 'gyur zhing / srog chags mar ko ta ka'i mchu/ rdo rje lta bus yang dang yang du rug pa'i gseng dang / nang du zhugs pa dag gis rna ba la za'o// sems nya lta bu de sred pa chu bo lta bu la rnam par rgyu zhing / khro ba dpa' rlabs lta bur 'khrug pas 'khor ba ri bo'i gseb lta bu la gnas shing / 'dod chags zhe sdang gti mug gi phyogs kyis 'dod pa'i ro chung ba/ mchil pa lta bu'i 'ching ba/ lta ba ngan pa chu ltar zab pa la rnam par rgyu ba skye ba dang 'chi ba'i 'gro ba'i lus 'di sgra dang / reg pa dang / ro dang / gzugs dang / dri la rtag tu sred pa/ gang mi dge ba'i las des dgo cing byas la de'i ngad mo zi pa ni ma mo gi bar du 'chi ba'i dus mi byed do/ / 'dir tshigs su bcad pa/ rang gi sred pa grong gnas pa// sems ni nya 'dra rmongs pa yis// las byed tshe na dgar 'dzin la// myong ba'i tshan ngu bar byed// ga tshe mi dge de yi las/ / lhag ma med par bcom zhing spangs// med gyur de ni de nas su// shi nas yi dgas dud 'gror skye// lan grangs gzhan la myong ba'i las// gang gis gal te der mi skye// gal te der ni mi rnams dang // skab mnyam mi ru skye bar 'gyur// de ni rtag tu dman pa yi// zil gyis non cing nams kyang ni// de yi sems dga' skye mi 'gyur// gang dang gang ni byed pa dag/ don med dga' ba med byed dang // bu dang chung ma nor dang 'bru// gsod dang 'ching bar byed pa dang // de ni mi dge las kyis su// dga' med rgyu mthun 'bras bu yi// kun tu mi dga' rtag tu thos/ / yang dge slong de sems can dmyal ba yang sos kyi 'khor bdun pa tshor ba bdo ba zhes bya ba la rtog par byed de/ sems can dag las gang gis der skye bar 'gyur snyam nas/ de thos pa las byung ba'i shes pas brtags na/ sems can bag la nyal ba do ba dang / zhe 'gras pa bdo ba dang / sems zab pa bdo ba'i sems can ni srog gcod pa mang po bag med pa la 'jug ste/ de dag lus dang bral nas ngan 'gro log par lhung ba sems can dmyal ba tshor ba bdo bar skye bar 'gyur ro// der tsha ba dang / mtshon dang / me dang / ngam grog dang / g.yang sa dang / phur bu dang / me 'bar ba'i 'phreng ba'i rgyan byas pa'i tshor ba la rtag tu rgyun mi 'chad par nyin gcig bzhin du 'jug par 'gyur ro// de nas gzhan yang dge slong de las kyi 'bras bu de kho na nyid shes pa/ mya ngan las 'das pa'i grong khyer tshol ba na/ 'khor ba'i sdug bsngal gyi de kho na nyid shes pa sems can dmyal ba chen po thig nag gi 'khor la rtog par byed de/ ji ltar thig nag gi 'khor gzhan gang zhig yod snyam nas/ de thos pa las byung ba'i shes pas brtags na/ sems can dmyal ba bsreg pa mi bzad pa'i tshor ba rtag tu 'dus pa zhes bya ba'i sems can dmyal ba mthong ste/ sems can dag las gang gis sems can dmyal ba der skye bar 'gyur snyam nas/ de thos pa las byung ba'i shes pas brtags na/ gang lta ba ngan pa'i bstan bcos kyi gtan tshigs dang dpe dag gis tshul khrims spangs pa'i mi ngam grog dang / g.yang sar rab tu ltung ba yang dag pa ma yin pa thams cad kyi dbang du song ba de lus dang bral nas ngan 'gro log par ltung ba'i sems can dmyal ba tshor ba 'dus par skye bar 'gyur ro/ / der gnod pa 'di dag 'byung bar 'gyur te/ 'di lta ste/ mi de thag pas rab tu 'bar bas bcings na/ dpag tshad du mar gyen du bteg bteg ste/ ngam grog dag tu 'dor bar byed de/ skyes nas spu gri dang mtshon gyis phyogs rnams su yang de dag 'dor bar byed/ yan lag dang nying lag thams cad nas sgra 'byin pa na/ rang gi sems kyis bkrus shing 'khor ba'i 'khor lor zhugs nas/ 'khyam pa gti mug gi mun pas long bar byas shing / tshal kun nas bsregs pa lta bu'i lus dag la/ khyi mche ba rab tu rno ba rnams kyis kun tu za bar byed kyang / gang de na 'dug pa de dag la skyob pa 'am/ dpung gnyen nam/ bde bar byed pa 'am/ dbugs 'byin par byed pa gang yang med do// gshin rje'i 'jig rten pa'i gshin// rje'i mi de dag gis ci rigs par tshigs su bcad de smras pa/ log par lta ba'i gti mug gi/ gti mug zhags bsgrims skye bo khyod// sems can dmyal ba'i gnod pa dag/ shin tu mi bzang 'dus pa thog/ / mi yi skyes bu tham dag/ ldog par stabs dge sun bzhugs// de yis sems can dmyal dang 'brel// gnod pa mi bzad khyer te 'ongs// gang dag log pa'i da song ba/ / sems kyis yongs su bzlas pa yi// skyes bu gro zhan de dag ni// sems can dmyal bar kun tu 'gro// dam gzhan shin tu ldang bar du'i// sems kyi dam ni ldang ba ra de yis bcings pa'i mi dag ni/ / gshin rje'i gnas su khrid par byed// yul rnams la ni rtag rgyug cing // dam pa'i chos la mi rgyug la// dam chos lam la rmongs pa ni// sems can / dmyal ba chen por khrid// gdul ba'i nang na sems gdul dka'// me yi nang na me mchog ste// gdul dka' myur du 'gro ba ni// dmyal ba'i nang na dmyal ba yin// gang dag sems kyi dbang song ba/ / mi de sems can dmyal bar 'gro// gang dag mi bzad de zlog pa// de dag sdug bsngal rjes mi 'gro// 'dod chags mi bzad me gcig yin// gti mug mun pa zhes bya'o/ / zhe sdang mi bzad dgra yin te// 'gro ba dgra gsum dbang du song // sngon gyi sems kyi rjes zhugs pa// khyod kyis mi dge gang byas pa'i// rmongs pa de yis 'dras bu spyod/ / khyod kyis legs pa dag ma byas// rang gi sems kyis yongs bslus pa// gzhan gyi nor dag phrogs pa dang // gzhan gyi bud med bstan pa yis// skye bo dag ni rtag tu bcings/ / de yi las kyi rnam smin gyis// khyod ni de ring dbang du gyur// mi yi tha ma rang gis sa// las ngan byas pa ngur ci yod// mi gang gis ni nyes byas pa/ phyi nas blo la 'gyod par 'gyur// tsha sgor sa bon btab pa ltar// de la de yi 'bras bu med// 'dod pa dang rab chung ldan pa// rnam par smin pa tsha ba yin// rmongs pa gang zhig de sten pa// de ni mun pa mun nag 'gro// bu dang chung ma bde bya'i phyir// rmongs pas ngan pa gang byas pas// sems can dmyal bar gcig pu sreg/ rang gi las kyi 'bras bus bslus// gang zhig bu smad dbang song ba/ / mi ni ngan par byas pa bsten// de ni dmyal ba 'dir 'gro ste// khyod kyis de yi rjes su myong // bu dang chung ma'i don mi 'dod// mdza' bshes don lta ga la yod// 'chi/ ba'i dus ni byung ba na// nye bar gnas shing srung ba med// gang dag kun nas nyon mongs sems// gang dag sred pas yongs bslus pa// de dag de ltar grogs su 'gyur// ci phyir khyod ni bsreg mi bya/ / sngon ni yul gyi dbang byas shing // sred pa dag gis yong su bslus// bdag nyid ngan pa bdag nyid kyis// byas pas bdag nyid ci ngur yod// de ltar sems can dmyal ba tshor ba 'dus pa la/ gshin rje'i mi dag gis sems can dmyal ba de dag la rjes su bstan pa na/ ji tsam du de'i sdig pa'i las byas shing bsags pa bcom zhing spangs la zad par ma byas pa de srid du/ gnod pa drag cing mi bzad pa du ma dag yo 'bum phrag du mar myong bar 'gyur ro// de phyis de las grol zhing thar nas/ gal te mi dag dang skal ba mnyam par lan grangs gzhan la myong bar 'gyur ba'i las kyis 'phrogs pa med na/ de rgyu 'thun pa'i 'bras bus 'gro lding ba dang / bar ba ra'i yul dang / rgya mtsho'i dbus kyi yul dang / sin du'i yul dang / zhar bu'i gling gi yul dang / gang na bran mchog tu sdug bsngal bar 'gyur ba der skye bar 'gyur zhing dbul ba'i bran du 'gyur/ sgo srungs dang / yan lag dang / nying lag thams cad nyams shing ma tshang ba dang / pus skom pa dang / bkres pas yongs su gdungs shing / grang ba dang / tsha ba'i gzhir gyur pa dang / shin tu sdug bsngal zhing gzhan gyis rtag tu gtse ba dang / byis pa dag gis dbyug pa dang bong ba dag gis rdeg cing / skye bo kun gyis brnyas par 'gyur/ bu dang chung mas kyang rnam par spang bar 'gyur zhing / mngal nas skyes tshun chad mchog tu sdug bsngal bar 'gyur ro// las kyi rnam par smin pa'i 'bras bu ni rgyu dang mtshungs pa dang / rkyen dang mtshungs pa yin te/ ji ltar sngar byas pa de phyis de bzhin du spyod par 'gyur ro// de nas dge slong de nyes pa byas pa myong bar 'gyur ba'i las de mabong nas/ sems can dmyal ba mun pa la dmigs pa dang / 'khor ba la phal cher shin tu yid byung bar 'gyur ro// yang rnal 'byor spyod pa'i dge slong de rtog par byed de/ 'di ltar las kyi 'bras bu'i de kho na nyid mthong ba la rtag tu brtson zhing / 'gro ba shin tu bsdams pa la rab tu spyod pa/ 'khor ba thams cad la yid byung ba/ bdud kyi 'ching ba mchog tu dam pa gcod pa/ bdud kyi yul gyi dngos po mi 'dod cing / nyon mongs pa 'dod chags dag gi dngos po dang lhan cig 'dug par mi 'dod pa/ dga' ba'i 'dod chags kyi mod las byung ba'i sred pa la mngon par mi dga' ba'i dge slong yon tan gyi rnam pa de lta bu dag dang ldan pa de/ sa bla'i gnod sbyin dag gis mthong nas/ bar snang la spyod pa dag la mngon par bsnyad do/ / de ltar snga ma bzhin du sbyar te/ tshangs ris dag gis thos pa'i bar rgya cher snga ma bzhin du sbyar ro// de nas gzhan yang dge slong de sems can dmyal ba thig nag gi 'khor la lta bar byed de/ sems can dmyal ba thig nag gi 'khor gzhan gang zhig yod snyam mo// de sems can dmyal ba rab tu mi bzad pa zhes bya ba mthong ste/ des sems can dag las gang gis der skye bar 'gyur snyam nas/ khyim pa gang gis 'os pa ma yin pa'i gnas mal dang / na ba'i gsos sman gyi rkyen gyi yo byad mang po dag la spyad pa 'chab pa dang / gzhan la snyad btags te phyugs gsod pa 'am/ g+ha la snyad btags pa'am/ bram ze 'dod pa'i sdig pa de lus dang bral nas ngan 'gro log par ltung ba sems can dmyal ba rab tu mi bzad par skye bar 'gyur ba mthong ngo / / der gnod pa 'di dag 'byung bar 'gyur te/ 'di lta ste/ bya rog dang / bya rgod dang / phag rgod gtum pa dag gis mig 'byin cing / bag dang 'khrugs/ pa'i sgra dang / gtun shing dang / me rab tu 'bar ba dang / dmyal ba'i srungs ma drag pa rab tu mi bzad pa yod do// sems can dmyal ba rab tu mi bzad par skye ba'i gnod pa 'byung ba ni 'di lta ste/ mig 'byin pa dang / lce gcod pa dang / yan lag dang / nying lag thams cad gcod pa dang / lcags kyi snod rab tu 'bar ba dag nas zangs kyi khu ba ldud pa dang / lus thams cad la phur bu 'dzugs pa dang / rkang pa gcod pa dang / bya 'og gis za ba dang / nad thams cad kyi gnod pa byed par 'gyur te/ ji tsam du de'i sdig pa'i las bcom zhing spangs la zad par ma gyur pa de srid du/ sems can dmyal ba mi bzad par lo 'bum phrag du mar du ba na/ mgon med cing grogs med la/ gshin rje'i mi dag gis gsod par 'gyur ro// de sems can dmyal ba de nas thar bar gyur te/ thar nas kyang gal te lan grangs gzhan la myong bar 'gyur ba'i las gang gis dud 'gro dang yi dag sa dag tu ma skyes la/ mi dag dang skal ba mnyam par mir skyes na/ de lag rdum mam/ long bar 'gyur zhing yun ring du gnas par mi 'gyur/ shi nas kyang srog chags las kyi lu gu rgyud kyis sbrel pa dag yang ngan song de dag tu 'gro bar 'gyur la/ legs par byas pas ni legs pa dang / nyes pa byas pas ni nyes pa thob par 'gyur te/ 'khor ba na skye zhing 'byung ba'i 'bras bu ni/ rgyu 'thun pa'i 'bras bu/ dang 'brel ba yin no// de nas gzhan yang dge slong de sems can dmyal ba thig nag gi 'khor la lta bar byed de/ las gang gis sems can dmyal ba bya rgod kyis 'jig/ skye bar 'gyur snyam nas brtags na/ mi gang gis don du mi bya ba'i phyir mi bsad dam/ bcings sam/ bkres pa 'am/ skom par byas na/ de lus dang bral nas ngan 'gro log par ltung ba sems can dmyal ba bya rgod kyis 'jigs par skye bar 'gyur ba mthong ngo / / der gnod pa 'di dag 'byung bar 'gyur te/ 'di lta ste/ sems can dmyal ba pa'i sa gzhi lcags las byas pa dpag tshad brgya stong phrag bcu yod pa/ mes rab tu bsregs shing / lcags las byas pa'i 'bras bu zur gsum kha dog chu lta bu rab tu 'bar ba rnams kyis kun tu gang ba de na/ sems can dmyal ba pa dag gshin rje'i chad pa gcod par byed pa rab tu mang po dag gis kun tu gsod par byed pa na/ ral gri dang mda' bo che yod pa'i lus kyi shugs drag po dag gis gsod cing nyin mtshan du gnod pa byed do// mtshon rnams kyis gsod pa na/ gang gi tshe mgon med pa 'bros par byed pa de'i tshe/ gshin rje'i mi de dag gis ral gri dang / mda' bo che dang / mda' rab tu 'bar ba dag gis kun tu gsod par byed cing / thang la yang bkres pa dang skom pa yod pa'i 'tsho ba dang 'brel la/ chu med cing mgon med/ dbugs 'byin pa med cing skyabs med la/ pha rol gyi gnod pas bkol ba na/ kun tu sdug bsngal thams cad dang ldan par 'gyur ro/ / 'dir tshigs su bcad pa/ grogs mang dag dang lhan cig tu// nyes par byas pa'i las byed pa// de yi las kyi 'bras bu ni// gcig tu srid pa srid par spyod// ji ltar mi dag 'jig rten du// bdag nyid ngan byas rgyug pa ltar// de ltar med dang mtshon dag dang // dug dang dgra dag gnas pa min// las dang 'bral ba ma yin gyi// rang gi gnyen 'dab kun dang 'bral// 'jig rten pha rol dge ba dang // mi dge 'gro zhing rjes su 'gro// gang na me tog yod pa yi// der ni dri dag rjes su 'gro// de ltar dge dang mi dge ba'i// las ni 'gro zhing rjes su 'gro// ji ltar phyogs char dri 'gro zhing / / nags tshal dag tu 'dus pa yi// bya dag nang bar gyes pa ltar// srog chags 'dus pa'ang de dang 'dra// dpal che ba dag chung gsan cing // 'jig rten gyi ni nyes byas pa// gti mug gis ni yongs su bslus/ / mi dge'i las dag ci mi byed// gang zhig zhi ba mchog mi 'gro// gang zhig lha yi gnas mi 'gro// de yi rgyu la mchog rmongs pa// mun pa'i nang na re mun gnag/ de ltar dmyal bar btso ba na/ / de ni bye ba du ma ru// rang gi nyes par byas pa yis// sems can dmyal bar yongs su 'khyam// ji srid de yi mi dge ba// ngan bcas bcom zhing spangs pa dang // zad par ma gyur de srid du/ / 'chi ba'i dus ni byed mi 'gyur// gang tshe de yi las kyis der// thams cad du ni byang gyur na// dmyal ba bya rgod 'jigs de las// de ni grol bar 'gyur ba yin// gal te de las de grol zhing // yi dgas dud 'gror ma skyes la// mi rnams dang ni skal mnyam par// gal te mi ru skyes gyur na// de ni rnga mo spyod 'gyur zhing // khal glang dag la spyod par 'gyur// rgod ma dag la spyod 'gyur zhing / / glang po kha sbyar rta rdzi 'am// bshor ba dag gi rgya thogs pa// dbul zhing tshe ni thung bar 'gyur// ngan par byas pa'i las dag dang // skyon du bzang ba'i las dag ni// rgyu dang 'bras bu 'thun pas ni/ / 'bras bu de dang 'thun par 'gyur// / dam pa'i chos dran pa nye bar gzhag pa bam po bdun pa/ de nas gzhan yang dge slong de sems can dmyal ba chen po thig nag gi 'khor la rtog par byed de/ sems can dmyal ba de'i 'khor la gzhan dang gzhan nas kun tu lta bar mi byed do// sems can dmyal ba chen po thig nag gi 'khor bcu drug po 'di yang ji ltar sems can dmyal ba chen po yang sos kyi bzhin no/ / yang dge slong de sems can dmyal ba'i 'khor gnyis pa dag la brtags na/ las kyi chos kyi rnam par smin pa shes shing // nyes par byas pa'i las kyi 'bras bu rnam par smin pa'i snying po thams cad rig ste/ byas la bsags pa dang / bsags la mi byed pa dang / byas la ma bsags pa'o// de la byas la bsags pa ni myong bar 'gyur bar nges pa yin/ bsags la mi byed pa ni myong bar 'gyur ba nges pa ma yin/ byas la ma bsags pa 'di yang myong bar 'gyur bar nges pa ma yin no// dge slong de sems can dmyal ba gzhan la brtags na/ des thos pa las byung ba'i shes pas mthong ste/ las kyi thag pas rgyud phan tshun sbrel pa'i 'khor dag gi las kyi 'bras bu rnam par smin pa rnam pa gsum gyi de kho na nyid shes pa ni/ de yang las rnam pa du ma sna tshogs du ma dag dang / sems phal cher dmigs pa'i dbang du gyur pa/ sems kyi dbang du gyur pa'i sems can dag mthong nas skyo bar gyur to// dge slong des sems can dmyal ba gzhan lang rtags na/ des thos pa las byung ba'i shes pas/ sems can dmyal ba chen po gsum pa bsdus gzhom zhes bya ba mthong ngo // der las bas/ pa gang gis sems can dag nyes par byas pa'i las smin par gyur snyam nas/ des thos pa las byung ba'i shes pas brtags na/ mi dge ba'i las rnam pa gsum byas la bsags pa so sor myong bar 'gyur ba'i 'bras bu sems can dag sems can dmyal ba bsdus gzhom du skye bar 'gyur te/ 'di lta ste/ srog gcod pa dang / ma byin par len pa dang / 'dod pas log par g.yem pa mi dge ba gsum po dag gi las kyis srog chags dag sems can dmyal ba bsdus gzhom du skye bar 'gyur ro/ / der sdig pa chen pos ni sems can dmyal ba'i gzhir skye bar 'gyur/ 'bring dang chung ngu dag gis ni 'khor du'o/ / de dag gi chen po dang / 'bring dang / chung ngu rnams kyi ni gnod pa yang chen po dang / 'bring dang / chung ngur 'gyur ro// de dag gi sems kyi dbang du song ba'i las kyis kyang / ring po dang / 'bring dang / thung ngur 'gyur/ de dag gi sems kyi dmigs pa chen po dang / 'bring gi dbang gis kyang gnod pa chen po dang / 'bring du 'gyur ro// las rnam pa gsum du rnam par gzhag ste/ lus dang / ngag dang / yid kyi'o// dus gsum du rnam par gzhag ste/ da ltar byung ba dang / 'das pa dang / ma 'ongs pa'o// yang rnam pa gsum ste/ 'dod pa'i khams su skyed pa dang / gzugs kyi khams su skyed pa dang / gzugs med pa'i khams su skyed pa'o// yang rnam pa gsum ste/ 'bring dang / chen po dang / tha ma'o// yang rnam pa gsum ste/ tshe 'di la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'o// yang rnam pa gsum ste/ dge ba dang / mi dge ba dang / lung du ma bstan pa'o// yang rnam pa gsum ste/ tshe dang 'brel ba dang / srid pa bar ma dang 'brel pa dang / tshe gzhan dang 'brel pa'o// yang rnam pa gsum ste/ mi dang mi ma yin par 'brel pa rab tu 'byung ba dag yin te/ mi dang mi ma yin par 'brel pa ni 'di lta ste/ mir gyur pa las sems can dmyal bar las kyis 'phangs pa'o// byed pa'i khyad par zhes bya ba ni/ gang ji tsam du byed pa rtsom pa de'i byed pa'i rnam pa de tsam du las kyi rnam pa nyid skye bar 'gyur te/ dge slong dag ji ltar mos pa'i rdzu 'phrul thob pa bzhin no// yang rnam pa gsum ste/ byed pa byas pa dang / mi byed pa byas pa dang / 'brel bar byas pa'o// de la byed pa byas pa ni ji lder sngar dge sbyong du gyur pa/ phyis de'i rjes su mthun par dgra bcom pa'i bar du byas pa'o// mi byed pa byas pa ni gang dge sbyong du gyur nas legs par bya ba mi byed pa'o// 'brel par byas pa ni ji ltar tshe 'di las shi nas/ de tshe rabs gzhan du skye bar 'gyur ba'o// yang rnam pa gsum ste/ bsam gtan dang 'brel pa dang / bsam gtan dang 'brel pa ma yin pa dang / rnam par smin pa dang 'brel pa ma yin// pa'o// de la bsam gtan dang 'brel pa zhes bya ba ni/ ji ltar bsam gtan dang po'i sa nas bsam gtan gnyis pa'i sa ra 'brel ba yin te/ ba sam gtan gsum pa 'am bzhi par ma yin no// bsam gtan dang 'brel ba ma yin pa ni sbyin pa dang tshul khrims la sogs pa'o/ / rnam par smin pa dang 'brel ba ma yin zhes bya ba ni/ ji ltar dgra bcom pa zag pa zad pa'i rnam par smin pa myong bar 'gyur/ par nges pa/ tshe dang 'brel pa med pa yin te/ de ltar 'jig rten las kyi dra ba dang 'brel pa rgya mtsho lta bu 'di kun phan tshun rag las shing skye ba'i rim pa'i las kyi rnam par smin par 'gyur te/ 'di la byed pa po 'am/ tshor ba po 'am/ 'dod rgyal gyi las ni gang yang med do snyam mo// dge slong de de ltar sems pa na/ bdud kyi sde rnam par 'jig par byed cing / dge ba'i chos sgrub par byed do// sems can dmyal ba bsdus gzhom gyi las kyi rnam par smin pa chen po yang rjes su mthong ste/ ji ltar na sems can dmyal ba bsdus gzhom gyi gnir skye bar 'gyur snyam na/ des srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa dang / las kyi nyer ba sngogs dang / las kyi mjug dang / las mngon par bsten cing bsgoms te/ mang du byas pas sems can dmyal ba bsdus gzhom gyi 'khor du skye bar 'gyur ba mthong ngo // der sems can dmyal ba'i gzhi'i gnod pa 'di dag 'byung ste/ 'di lta ste/ shing ljon pa'i khrod du/ bya rgod mchu rab tu 'bar ba dag gis bzung nas/ rgyu ma brus te za bar byed do// chu bo phur bus gang ba zhes bya ba na/ phur bu ring po rab tu 'bar ba der bcug nas/ gshin rje mis yang ral gri rab tu 'bar ba mang po dag gis gsod par byed do/ / de der 'dug pa na tshor ba drag cing rtsub pa/ gzhan dang mtshungs pa med pa/ dpe zla med pa dag myong bar 'gyur ro// 'di lta ste/ phur bu rab tu 'bar ba'i tshor ba ni phur bu rab tu 'bar ba dag gis 'bigs par byed cing / sems can dmyal ba de dag gshin rje'i mi de dag gis bzung nas de bzhin du spyod de/ sems can dmyal ba de dag phan tshun du bskyod pas/ rnam par 'khrugs shing ngu bar byed do// de na zangs dmar po skol cing / bzhus pa rab tu 'bar bas lus shing skam lta bur byed de/ rmongs par byed cing sreg par byed do/ / phur bus gang ba'i chu bo der bskol ba na/ sems can dmyal ba de dag kha cig ni lus rtswa ltar rab tu bsreg go// kha cig ni rdo lci ba lta bur nub bo// kha cig ni lus tsa lcibs ltar chu 'gram du byung ngo // kha cig ni lus nya lta bu la bya rgod kyi mchu rab tu 'bar ba des za'o// kha cig ni lus mar gsar gyi gong bu ltar zhu'o// kha cig ni lcags rab tu 'bar ba lta bu'i rdo bas lus kyi khog pa bye ma snyim pa nas gtor ba bzhin du dum bu brgya'am sdong du rlog go/ kha cig ni ba tshwas sreg pa na zangs sam lcags dag nang du bcug pa bzhin du zhu'o// kha cig ni phra skam rab tu 'bar ba dag gis bzung nas/ yang mtshon spu gri lta bus kun tu gsod do/ / kha cig ni lus thags ltar cher brgyangs nas gsod do// kha cig ni kha bub tu bzhag nas gsod do// kha cig ni bum pa'i nang du 'jug par byed do// kha cig ni bum pa de'i nang du bcug nas der mon sran gre'u btso ba bzhin du steng du 'byung zhing 'og tu 'jug go/ kha cig ni steng du byung nas du'o// kha cig ni gcig la gcig 'jus nas du'o// mgon med pa la cig ni bya rgod dang / khwa dang / wa dang / khyi rab tu 'bar ba dag gis sa gzhi rab tu 'bar ba na gnas pa dag bzung nas za ste/ nyin gcig bzhin du tshor ba rnam pa sna tshogs myong ngo // de ltar rang gi sems kyis bslus pa de lta bu de dag ni 'dod pas log par g.yam pa kun tu spyod cing / srog gcod pa dang / ma byin par len pas kun nas bslang ba la dmigs pa de dag ni/ tshor ba'i rnam pa 'bum phrag du ma myong bar 'gyur ro/ / yang sems can dmyal ba kun nas mgon tshol ba/ skyabs tshol ba de dag bdag cag nyon mongs pa 'di las skyob pa su zhig yod snyam nas/ kun tu rgyug cing ngu ba na/ gshin rje'i de dag gis gad+han shing rab tu 'bar ba dag gis bsnun cing / chu bo dang / shing ljon pa dang / brag rab tu 'da' ba'i gseb dang / sman ljongs dang / pu nu'i gseb dang / rigs ba dag tu shin tu bcug nas/ gnod pa rnam pa sna tshogs dag byed de/ 'di lta ste/ shing ljon pa shin tu mtho ba'i khar khrid nas yang de nas yang phur bu btsugs pa'i steng du rab tu 'dor bar byed cing / de der yam lag bye brag tu nyams pa brgya 'am stong du 'gyur ro// yang sems can dmyal ba de dag gshin rje'i mi dag gis bzung nas/ lo ma ral gri nags tshal lta bur bcug ste/ 'dab ma spu gri lta bu rab tu 'bar bas patsir to// rang gi las kyis shing ljon pa de la bud med nyams dga' ba/ cha byad me tog gi 'phreng ba dang / phye ma dang / byug pas lus rnam par klubs pa/ rgyan gyi cha byad mchog tu bzang bas mngon par brgyan pa/ shin tu gnon zhing sen mo gtsang la/ sgeg bag can du chas pa byis pa so so'i skye bo thams cad kyi yid 'phrog par byed cing / dga' ba sna tshogs dang ldan pa/ rin po che rnam pa sna tshogs kyi rgyan bkod pa thogs pa mthong ngo // mthong nas sems can dmyal ba de shing drung du song ste/ 'di snyam du sems so// 'di ni mi gang mir gyur cing mi byed pa na bdag gi yin no/ snyam nas rang gi las kyis bsgribs pa de shing de la 'dzeg par byed do// de shing de la 'dzeg pa na lo ma ral gri lta bu de dag gis sha gcod par byed do// sha bcad nas rgyus pa gcod do// rgyus pa bcad nas rus pa gcod do/ / rus pa bcad nas rkang 'byin par byed do// de rab gris kun tu gshag pa na/ bud med de la mchog tu chags pa'i blos shing de la 'dzeg par byed do// de las gnod pa 'di dag myong bzhin du sems kyis bsrus pa de shing de la 'dzeg par byed do/ / shing de'i thor to la 'dzegs pa dang / bud med de sa'i steng na gnas shing skyes bu la ltang mthong ngo // skyes bu la kun tu cha pa'i mig gis rnam par lta bar byed cing / skyes bu de la tshig snyan pas 'bod la/ sngar 'dzum zhing snyan par smra ste/ 'di ltar bdag ni khyod kyi slad du 'dir mchis na/ ci'i slad du bdag la tshig mi gsung zhing / bdag gi lus dang mjal bar mi mdzad/ de nas sems can dmyal ba des las kyi sprul pa byas pa de mthong nas/ yang kun tu 'dod chags kyi sems kyis shing lo ma ral gri lta bu de las 'bab par byed do/ / de 'bab pa na lo ma spu gri rab tu 'bar ba lta bu de dag kha gyen du ltas te/ de dag gis kyang sems can dmyal ba de dag sngar sha btogs so// phyi nas rgyus pa gcod de/ de nas rus pa rus pa'i 'og tu gnad thams cad gcod do// de nas rkang brus te shin tu gnad par byas so// de nas sems can dmyal ba snying la 'dod pa'i sred pas yongs su gdungs pa de dag gis bcad cing gshag la gnad dang gnad gcod bzhin du bud med de la lta'o/ / 'di ltar de la lta ba na bya rgod kyi mchu rab tu 'bar bas mig 'byin cing / spu gri rnon po lta bus de'i rna ba yang gcod/ du ba na 'dab ma rab tu 'bar ba de dag gis lha gcod cing / de sna yang gcod do// de'i yan lag dang nying lag thams cad gcod do// 'dod chags kyi sred pas yid phrogs shing yang sa la 'ang bar byed pa dang / yang bud med de shing khar 'dzeg go/ 'dzegs pa dang / de mthong nas yang de shing gi thor to de la 'dzeg par byed pa snga ma bzhin du sbyar te/ de ltar las kyi dbang gis 'phangs pa rang gi sems kyis yongs su bslus pa'i sems can dmyal ba de lo 'bum phrag du mar sems can dmyal bar yongs su 'khyam mo/ / de ltar sems can dmyal ba de don gang gi phyir yongs su gdungs shing / de ltar 'dod pas log par g.yem pa'i rgyus pa sregs kyang de dag 'dod chags dang bral bar mi byed do/ / de ltar sems 'di ni thog ma med pa'i dus nas/ sems can dmyal ba dang / dud 'gro dang / yi dgas su song ba yin te/ de lta bas na sems can dmyal ba dag tu 'gro ba'i sems can gyi sems 'di la yid brtan par mi bya'o// yang sems can dmyal ba bsdus gzhom de na/ ri bya rgod dang nye ba zhes bya ba yod de/ de na sems can dmyal ba skom pa dang bkres pas gdungs pa de dag gis brgyugs pa dang / de'i tshe ri bya rgod dang nye ba la bya rgod lcags kyi mchu rab tu 'bar ba lus che zhing ste/ pa che ba dag gnas te/ de dag gi lto'i nang na me mdag yod do// gang gi tshe sems can dmyal ba dag mgon med cing skyabs med na/ ri de la 'dzeg par 'gyur ro// de nas mgon med pa ngu 'bod pa dag la bya rgod de dag gis klad pa btogs shing / klang rgyas brus la mig kyang 'byin par byed do// gang gi tshe de'i klad pa dang / klad rgyas dag la 'thungs nas mgo yang 'dor bar byed do// klad rgyas dang mig phyung ba de dag sems can dmyal ba'i mun pa 'thibs po'i nang du brgyugs pa dang / de las gzhan pa las kyis byas pa'i bya rgod lus che zhing kho lag che ba/ lto ba'i nang na ma mdag yod pa'i bya/ rgod 'ongs te/ des sems can dmyal ba de dag bzung nas za'o// de ltar lto'i nang du song ba de dag lo 'bum phrag du mar sreg kyang de srog gcod pa kun tu bsten cing bsgoms te mang du byas pa'i mthus 'chi ba'i dus mi byed do/ / 'dod pas log par g.yem pa kun tu bstan cing bsgoms te mang du byas pa'i mthus ni/ lo ma ral gri lta bu'i nags su bud med mthong ba yin no// mgrin par len pa kun tu bsten cing bsgoms te mang du byas pa'i mthus ni/ sems can dmyal ba'i phyogs gzhan du 'gro'o// de na yul chu bo mtha' yas pha rol zhes bya ba zangs bskol cing bzhus pas rab tu gang ba'i chu bo de'i pha rol na/ sems can dmyal ba dag gis bza' ba dang / bca' ba dang / gnas mal mang zhing bzang ba dang / grib ma dang / nags tshal shin tu gsal ba dag mthong zhing / chu bo rab tu 'bab pa dang steng ka'i phyogs bsil ba dag mthong ste/ des de dag mthong nas snga ma bzhin du sbyar te/ brgyugs pa dang / gcig la gcig ngu zhing 'khrugs so// grogs po dag tshur shog rma shogabaza' ba dang / bca' ba dang / gnas mal bde ba dag rnyed pa snga ma bzhin du sbyar te/ de nas sems can dmyal ba de dag gis sgra thos nas/ sems can dmyal ba gzhan mgon 'dod pa skyabs 'dod pa/ dpung gnyen 'dod pa dag kun tu rgyug go/ de nas sems can dmyal ba de dag 'dus nas/ kye ma bdag cag gi bde ba dang / mgo na skya bas de phyogs gang nas thob par 'gyur zhes smra'o/ / de nas sems can dmyal ba de dag gis sems can dmyal ba gzhan dag mthong nas smras pa/ kye grogs po dag chu bo mtha' yas pha rol zhes bya ba'i pha rol na/ bza ba dang / bca' ba dang / gnas mal dang / tshal dang / nags tshal mang po dag la ltos shig ces bya ba snga ma bzhin du sbyar te/ de nas sems can dmyal ba de dag thams cad la chu bo mtha' yas rab med des phan tshun gnod pa/ ro nye rab tu bskol ba bzhu ba'i debu bas khebs pa dag tu de dag thams cad der lhung ngo // lhung nas kha cig ni mar gsar gyi gong bu ltar zhu'o// kha cig la ni kha mchu rab tu 'bar ba dag gis za'o// kha cig ni nya'i kha rab tu 'bar bas mid de/ lus kyi yan lag dang nying lag zhu pa de dag thams cad chu bo de'i nang du de dag thams cad zhu par gyur ro/ de ga go las ji ltar rigs pa rjes su brtan pa tshigs su bcad de smras pa/ khyed ni sems kyis bslus nas su// bu smad gang gi don byed pa// sdig las byung ba'i zhags pa yis// sems can dmyal ba'i gnas su khrid// blo ngan zhan pa khyed rnams kyis/ / gang gi don du sdig byas pa'i// bu dang chung ma grogs po dang // gnyen 'dab rtsa lag gang du song // mi yi sar ni khyed kyis su// bdag la nges par sdug ma byas// mi yi tha ma bu yi don/ / des na sdig pa khyed kyis byas// gang gis sngan chad sdig byas pa// phyis ni gnod par mi 'gyur min// bu dang chung mas bsdus pa de// sems can dmyal ba drag por 'gro// chung ma gnyen gyis ci byed cing / / bu des ci zhig byed par 'gyur// las kyi lam brgyags yod pa ni// gcig pu sems can dmyal bar sreg/ bde ba byung ba ma smad pa// dge ba'i las ni ma byas pas// byis pa gti mug gis bslus pa// phyi nas don byed ci mi gdung // gang zhig gti mug gis bslus pa// 'dod chags zhe sdang rjes su 'gro// bu dang chung ma bde bya'i phyir// de dag kun gyi 'og/ tu 'gro// srog chags las kyi skye gnas dang // rang gi las kyi 'bras la spyod// legs byas lha yi 'jig rten du// nyes par byas pas de bzhin dma'// de ltar gshin rje'i mi de dag gis sems can dmyal ba bsdus gzhom pa de dag la rjes su bstan pa/ gang khyed cag gis byas pa'i las 'di dag su zhig spyod par 'gyur te/ dge ba 'am mi dge ba rang gis byas pa sprod par 'gyur zhing / ma byas pa ni 'ong bar mi 'gyur la/ byas pa ni chud za bar mi 'gyur ro// de ltar sems can dmyal ba de dag gis ji srid du sdig pa'i las bcom zhing spangs la zad par ma gyur pa de srid du/ sems can dmyal ba bsdus gzhom du lo 'bum phrag du mar btso bar 'gyur ro// de ltar srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa dag gi 'bras bu 'thob par 'gyur ro/ / ji ltar khyad cag gis de dag nyid thob pa 'di ltar sems can dmyal ba de dag las thar nas/ gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la mi rnams dang skal ba mnyam par mir skyes na/ de tshe thung zhing dbul ba chung ma ngan pa dang / de gzhan gyi chung ma la rab tu chags par 'gyur ba 'am/ de chung ma med par 'gyur la/ brnyas shing gzhan gyis bkol bar 'gyur te/ de ltar las de dang rgyu mthun pa'i 'bras bu'i las kyi mthus bslus pa'i mi sems can dmyal bar 'gro ba la 'di dag thams cad 'byung bar 'gyur ro/ / de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na/ des tshor ba tshad med pa dang / 'bras bu a la bud lta bur gcod pa dang / gnad dang gnang gcod pa dang / bsdus pa dang / 'jigs par lta ba dang / nyam nga ba mang pa dang ga gnod pa mi bzod pa dang / a tsa zer ba dang / kyi hud zer ba dang / rgyo ba cig pa dang / mchi ma'i rgyun me lta bur mi 'chad pa dang / dbang po thams cad 'gags pa dang / tshor ba mtha' med pa dang / pad+ma lta rags pa dang / pad+ma chen po ltar gas pa dang / me zab dang / lcags kyi me'i rab mthong ste/ 'di dag ni sems can dmyal ba chen po bsdus gzhom gyi 'khor bcu drug yin no/ / de nas las gang gis der skye bar 'gyur snyam nas/ dge slong de sems par byed de/ gang mi dge ba byas pa rnam pa gsum du 'gyur ba mthong ste/ 'di lta ste/ srog gcod pa dang / ma byin par len pa ni snga ma bzhin no// 'dod pas log par g.yem pa kun tu bsten cing bsgoms te mang du byas pa de ni/ de'i myong bar 'gyur bar nges pa yin te/ sems can dmyal ba'i las kyi tshor ba tshad med par skye bar 'gyur ro/ / gang bud med 'os pa ma yin pa la tshul bzhin pa'i 'dod pas log par bsten pa de ni sems can dmyal ba tshor ba tshad med par skye bar 'gyur te/ der gnod pa 'di dag 'byung bar 'gyur ro// 'di lta ste/ gsal shing rab tu 'bar bas ro smad du 'bigs par byed de/ ro smad du bcug pa'i gsal shing des yang gal te rgyang 'bigs par byed de/ gal te ltor/ gal te dbus su/ gal te rked pa'i phyogs su/ gal te phrag par/ gal te dpung mgor/ gal te med par/ gal te kha ra/ gal te klad rgyas 'bigs/ gal rna bar 'bigs te/ de ltar sems can dmyal ba de'i gsal shing de ni yan lag dang nying lag thams cad 'bigs par byed/ gnod pa chen por byed/ sreg par byed/ yan pa thams cad 'tshed par byed de/ de gnod pa de dag myong bar byas nas tshor ba mi bzad par yang rjes su myong bar byed do// 'di lta ste/ lcags kyi phra skam rab tu 'bar bas rlig pa 'byin par byed cing bya rgos kyis kyang bzung nas za ste/ ji tsam du byas la bsags pa'i las bcom zhing spangs la zad par ma gyur pa de srid du ngu skad 'don to// gang gi tshe de'i las zad par gyur pa de'i tshe/ sems can dmyal ba de las thar par 'gyur ro/ / thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de'i mi dge ba'i las kyi rgyu mthun pa'i 'bras bus de yang ma ning du 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba 'bras bu a la bud lta bur gcod pa zhes bya ba mthong ngo // de sems can dag las gang gis skye bar 'gyur snyam na/ des srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pas/ de sems can dmyal ba 'bras bu a la bud lta bur gcod par skye bar mthong ngo // der 'dod pas log par g.yem pa rnam pa du zhig byas pa yin snyam na/ gal te bud med 'os pa ma yin pa'i khar bcug na/ de lus zhig nas ngan 'gro log par ltung ba sems can dmyal bar skye ste/ de la gnod pa 'di dag 'byung bar 'gyur ro// 'di lta ste/ gshin rje'i mis de'i khar phur bu bcug nas/ brdung bas rdung bar byed de/ de phur bu brdungs pa des/ gal te lhag par phug nas/ 'byung bar byed par bskul ba dang rna bar 'byung ngo // lcags kyi snod kyi nang du zangs rab tu bskol bas khar blugs so// des de'i mchu bsregs nas lce sreg go/ lce bsregs nas dkan sreg ste/ de ltar mid pa bsreg pa nas/ lto'i bar du bsreg ste ro// smad du 'byung ngo // 'di dag ni 'dod pas log par g.yem pa kun tu bsten cing bsgoms te mang du byas pa'i las kyi 'bras bu rnam par smin pa yin no// sems can dmyal ba de tshor ba'i rnam pa de dag myong ba ni/ ji srid du de'i sdig pa'i las bcom zhing spangs la zad par ma byas pa de srid du/ lo bye ba 'bum phrag du mar sreg cing 'tshed do// de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis ma phrogs te/ yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de'i kha nas dri rul ba lta bu 'byung ste/ srog chags gang gis tshor ba kun yid 'byung bar 'gyur ro// de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na/ des sems can dmyal ba gnad dang gnad gcod pa zhes bya ba mthong ngo // des sems can dag las gang gis skye bar 'gyur snyam nas/ gang gis srog gcod pa dang / ma byin par len pa kun tu bsten cing bsgoms pa mang du byas pa des/ de sems can dmyal ba chen po gnad dang gnad gcod par skye ba mthong ngo / / gang 'dod pas log par g.yem pa la mngon par dga' bar byas pa'i rnam pa ni 'di dag yin te/ 'di lta ste/ bud med gzhan 'dod chags mi 'dod pa de'i mngal ma yin par mthus bcug na/ des lus dang bral nas ngan 'gro log par ltung ba sems can dmyal ba gnang gcod par skye bar 'gyur ro// de la srog gcod pa dang / ma byin par len pa dag gi tshor ba gang yin pa ni snga/ ma bzhin du sbyar ro// 'dod pas log par g.yem pa'i bye brag ni 'di lta ste/ dza ra dza ra nyis 'gyur du byas pa bsregs pa rab tu 'bar ba dag gis kha 'gengs te/ ji srid du de'i sdig pa'i las bcom zhing spangs la zad par ma gyur pa de srid du/ mgon med pa lo 'bum phrag du mar du 'bod do// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de'i chung ma gzhan dag la rab tu 'gyur ba zlog par ma nus te/ byas sa pa'i las kyi rnam par smin pa ni tshor ba ma myang gi bar du chud za bar mi 'gyur ro// de nas gzhan yang dge slong des mas can dmyal ba bsdus gzhom gyi 'khor la brtags pa/ sems can dmyal ba 'jigs par lta ba zhes bya ba mthong ngo // der srog nags dag las kyi rnam par smin pa gang gis skye bar 'gyur sngam na/ des srog gcod pa dang / ma byin par len pa dang / 'dod pas log par g.yam pa bsgoms te mang du byas pa/ byas la bsags pa de ni sems can dmyal ba 'jigs par lta bar skye bar 'gyur ba mthong ngo / / de la ji ltar na srog gcod pa dang / ma byin par len pas 'gyur snyam na snga ma bzhin du sbyar nas/ 'dod pas log par g.yem pa ni/ gang gis byis pa gzhan du bzhin du mthus sba ba'i gnas su bcug pa ni/ de lus dang bral nas ngan 'gro log par ltung ba sems can dmyal ba 'jigs par lta bar skye bar 'gyur ro// der gnod pa 'di dag 'byung pabapar 'gyur te/ 'di lta ste/ sems can dmyal ba der sngon mir gyur pa na/ de'i bu gang yin pa mthong ste las kyis byas pa de la 'di ltar de ni mir gyur pa na/ mir gyur pa bdag gi yin no snyam du sred pa'i yon tan 'byung ngo / / de nas bu de la gshin rje'i mi rnams kyis phur bu dag 'debs shing de ltar sba ba'i gnas su phur bu dag btab pa mthong ngo // de mthong nas bu de la 'di sngar gnod pa 'byung ba de'i rnam pa yod pa de srid du yid la sdug bsngal skye zhing / gang la sdug bsngal gnod pa'i me 'byung ba de'i sdug bsngal gyi cha bcu drug yid la sdug bsngal gyis gnod pa skye bar 'gyur te/ yid kyi sdug bsngal khyad par che'o// lus kyi sdug bsngal yang sdug bsngal 'di dag 'byung ste/ de la gnod pa 'byung bar 'gyur ba ni 'di lta ste/ gshin rje'i mi dag gis kha sbub tu bzhag nas lcags rab tu 'bar ba'i snod kyi nang du zangs rab tu 'bar bas de smra ba'i gnas su ldugs so/ / de la de blugs pa dang / sba ba'i gnas dang / sba ba'i gnas bsregs nas long ka sreg/ long ka bsregs nas rgyu ma sreg go// de yang bsregs nas snying sreg go// snying yang bsregs nas mcher pa sreg go// mcher pa yang bsregs nas glo ba sreg go/ glo ba bsregs nas srol gong sreg go/ srol gong bsregs nas mid pa sreg ste/ mchil ma yang bsregs nas lce'i drung sreg go/ lce'i drung yang bsregs nas lce sreg go/ lce bsregs nas rkan sreg go/ dkan bsregs nas klad pa sreg go/ klad pa bsregs nas klad rgyas sreg ste/ 'bar ba de 'og tu byung nas 'gro'o// de ltar 'dod pas log par g.yem pa 'di ni lo 'bum phrag du mar las kyis byas pa'i bu dag mthong ste/ de lus dang yid la sdug bsngal gyis gnod pa ni ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar bsreg ste/ 'chi ba'i dus mi byed do// de phyis de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ de mi rnams dang skal ba mnyam par mir skyes na/ las de dang rgyu mthun pa'i 'bras bus de'i khu chu nyams par 'gyur zhing / de bu med par 'gyur la/ de ma ning zhes bya ste/ skye bo kun gyis smad par 'gyur ro/ / de nas gzhan yang dge slong de sems can dmyal ba chen po bsdus gzhom gyi 'khor la rtog par byed de/ 'khor gzhan gang zhig yod snyam mo// de thos pa las byung ba'i shes pas sems can dmyal ba gzhan 'khums pa zhes bya ba/ 'khums pa'i rang bzhin can yod pa mthong ngo // der sems can dag las gang gis skye bar 'gyur zhe na/ gang gis phyugs mig zlum gcig gi mngal du bud med gzhan zhig yin par bsams te/ de la spyad do snyam pas bcug na/ de lus dang bral nas ngan 'gro log par ltung ba sems can dmyal ba 'khums par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ba de dag gam/ rta rgod ma de dag la bdag gi snying gis gang sngon chags pa'i lus yin par bsams pa'i ba 'am/ rta rgod ma las kyis byas pa sems can dmyal bar mthong ngo // de 'dod chags kyis zil gyis non pa'i sems kyis pa 'am/ rta rgod ma de la bsnyags so// de dag gi khong ba'i nang na lcags kyi ma mdag rab tu 'bar ba dag gis gang ste/ gal te de dang phrad na de tshul bzhin ma yin pa'i las byas pa'i sgo des/ khong pa'i nang ma mdag gis gang ba der 'jug par 'gyur te/ de de'i khong pa mun pa der lo 'bum phrag du mar bsreg cing 'tshed de ngu bar yang mi nus so// de ji srid du rnam pa du ma bcom zhing spangs la zad par ma byas pa de srid du 'tshed do// de phyis de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis dud 'gro dang yi dgas dag tu ma skyes la/ gal te mi rnams dang skal ba mnyam par mir skyes na/ gang du rang gi chung ma ma yin pa gzhan dag la byas la bsags pa/ 'dod pas log par g.yem pa rgyu mthun pa'i 'bras bus de yul de lta bur skye bar 'gyur ro// de nas gzhan yang dge slong des gang sems can dmyal ba chen po de'i 'khor la brtags na/ de thos pa las byung ba'i shes pas sems can dmyal ba nyam nga ba zhes bya ba mthong ngo // der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms la mang du byas pas 'gyur ba mthong ste/ srog gcod pa dang / ma byin par len pa ni snga ma bzhin no// 'dod pas log par g.yem pa ni/ skyes pa gang zhig skyes pa la 'jug par byed na/ de lus dang bral nas ngan / 'gro log par ltung ba sems can dmyal ba nyam nga ba mang bar skye bar 'gyur ro// byas la bsags pa'i las kyi mthus der gnod pa 'di dag 'byung bar 'gyur te/ 'di lta ste/ skyes pa/ de nyid sems can dmyal ba der mthong ste/ skra rab tu 'bar zhing lus thams cad rab tu 'bar la/ lus rdo rje ltar rab tu sra ba des 'dzin pa ni ji ltar bye ma chad pa nas gtor ba de ltar yan lag dang nying lag thams cad la gnod pa byed do/ / de mi dge ba'i las kyis shi nas yang 'tsho bar 'gyur te/ de skyes pa rab tu 'bar ba des 'jigs shing zhum par byed do// des ngam grog de dag mthong ste/ de'i nang du lhung ngo // de nam mkha' la gnas pa dang / ji ltar de yungs 'bru tsam du yang mi snang ba de ltar khwa mchu rab tu 'bar ba dag 'ongs nas dum bur gcod do// de yang byung bar gyur nas/ sa la lhung ba dang / der wa kha rab tu 'bar ba dag 'ongs nas za bar byed de/ gal te de'i rus pa dag zad par btogs na yang skye bar 'gyur te/ de byung ba dang / gshin rje'i mi dag gis lcags kyi rdzu ma rab tu 'bar ba dag gi nang du 'tshed do// de ltar ji srid du mi dge ba'i las byas shing bsags pa bcom zhing spangs la zad par ma byas pa de srid du lo 'bum phrag du mar 'tshed cing za la phye mar rlog go/ de phyis sems can dmyal ba nyam nga ba mang ba de las thar par 'gyur te/ thar nas kyang de gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de 'dod pas log par g.yem pa'i rgyu mthun pa'i 'bras bus/ de'i chung ma du ma chud za zhing chung ma gcig kyang mi grub la/ kun mi gzhan gyi drung du 'gro bar 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ sems can dmyal ba chen po bsdus gzhom gyi 'khor gzhan gang zhig yin snyam mo// de thos pa las byung ba'i shes pas sems can dmyal ba gnod pa mi bzod pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem kun tu bstan cing bsgoms te mang du byas pas 'gyur la/ de la srog gcod pa dang / ma byin par len pa ni snga ma bzhin no// 'dod pas log par g.yem pa ni snga'i tshogs gzhan gyi bud med thob nas skyes pa mang po dag la byin zhing bdag nyid kyang mngal lam mngal ma yin par 'jug na/ de lus dang bral nas ngan 'gro log par ltung ba sems can dmyal ba gnod pa mi bzad par skye bar 'gyur ro// dor gnod pa 'di dag 'byung bar 'gyur te/ 'di lta ste/ gshin rje'i mi rnams kyis rkang pa gyen du shing khar btags shing / de gyen du btags pa la mes sreg ste/ gang gis de'i kha la sogs pa lus thams cad sreg cing / de'i tshe de'i mig shin tu sdug gu byung zhing skyes pa dag mes sreg go/ de ltar na sems can dmyal ba de'i tshor ba drag pa/ tsha ba/ rtsub pa/ bzod par dka' ba yin no// de tshor ba des nyam thag pa na 'bod cing ngu skad 'byin la/ ngu zhing khro bo/ sems can dmyal ba de skad 'byin pa de'i khar me bcug ste/ kha'i nang du me bcug pas glo ba dang / mcher ba dang / pho ba dang / long ka dang / mdoms dang / gzhang bsregs pa nas/ rkang pa'i bar du bsregs so// de bsregs pa na yang nyam thag pa'i tshor ba myong bar 'gyur ba'i khwa de dag 'ongs nas/ de'i lus la za bar byed do/ / de tshor ba gnyis kyis zhen nas sreg cing ngu ste/ de ltar sreg pa na/ ji srid du de'i sdig pa'i las bcom zhing spangs la zad par ma byas pa de srid du/ de 'di ltar lo 'bum phrag du mar sems can dmyal ba de'i tshor ba drag cing tsha la mi bzad pa/ gzhan dang mtshungs pa med pa lo 'bum phrag du mar myong bar 'gyur ro// de sems can dmyal ba de las phar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de'i mthus de'i chung ma mchog tu dga' zhing mchog tu blta na sdug pa yang sde'i tshogs gzhan dag gis phrogs pa dang / de'o dod 'bod cing ngu la mya ngan byed do// 'dod pas log par g.yem pa'i rgyu mthun pa'i 'bras bus chung ma de'i phyir 'jig rten 'di dang pha rol tu yang 'o dod 'dod cing ngu bar byed la/ yongs su gdung bar byed do// de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ las gang gis sems can dmyal ba a tsa zer bar skye bar 'gyur snyam nas/ de thos pa las byung ba'i shes pas brtags na/ sngon tshul bzhin ma yin pa yid la byed pas/ bud med gzhan ma rnyed nas lug ma mo 'am/ bong mo la 'jug par byed cing mchod rten nam/ mchod rten gyi phyogs sam/ sangs rgyas la gus pa tsam yang byed pa med pa ni de lus dang bral nas ngan 'gro log par lhung ba sems can dmyal ba a tsa zer bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags kyi grog sbur tshor ba chen por skyed pa dag gis yan lag dang nying lag thams cad la za bar byed do/ / sems can dmyal ba de dag gi lto yang mes gang bar 'gyur te/ rang gi las kyi rnam par smin pa drag cing mi bzad pas/ lo 'bum phrag du mar phyi nang sreg cing za'o/ / srin bu a tsa zer zhes bya ba yang skye bar 'gyur te/ gang sems can dmyal ba'i mi de dag gi sha la za'o// sha zos nas khrag 'thung ngo // khrag 'thungs nas rgyus pa gcod do// rgyurgyas pa bcad nas rus pa 'cha'/ rkang 'jib cing rgyu ma dang gnye ma dag la za bar byed do// de sreg cing 'tshed la za ba na/ 'o dod 'bod cing ngul cho nges 'debs shing snying rje rje skad du smre sngags 'don to/ / ji srid du rnam par smin pa'i 'bras bu nye bar ma spyad kyi bar du de'i nyes par spyad pa'i sdig pa'i las drag cing mi 'dod la mi sdug cing yid du mi 'ong bar 'gyur te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg cing 'tshod la za bar byed do/ / de phyis sems can dmyal ba de las thar par 'gyur te/ phar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ mi de'i las kyi rgyu mthun pa'i 'bras bu'i rgyus de la 'gran zla mang zhing / rgyal po'i pho brang 'khor du de'i 'grub pa med par 'gyur/ dbul zhing nor rdzas thams cad nyams par 'gyur la tshe thung bar 'gyur ro// de nas gzhan yang dge slong de sems can dmyal da chen po bsdus gzhom gyi 'khor la rtog par byed de/ las kyi rnam par smin pa byas la bsags pa las nyer bsdogs dang / las kyi mjug gang gis sems can dmyal ba kyi hud zer bar skye bar 'gyur snyam nas/ des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni/ de lus dang bral nas ngan 'gro log par ltung ba sems can dmyal ba kyi hud zer bar skye bar 'gyur ro/ / der las kyi rnam par smin pa gang gis skye bar 'gyur snyam nas/ de la srog gcod pa dang / ma byin par len pa ni snga ma bzhin no/ / 'dod pas log par g.yem pa ni gang kla klo dag tu skye bar 'gyur te/ de skye ba'i ris mthun pa'i skyon gyis de gal te gang sring mo 'am/ gzhan 'os pa ma yin pa de lta bu dag la spyod par byed na/ de lus dang bral nas ngan 'gro log par ltung ba sems can dmyal ba kyi hud zer bar skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba der sems can dmyal ba pa dag sreg cing 'tshed la/ gshin rje'i mi rnams kyis gsod pa na/ gang gis dpag tshad lngar gang ba'i sgra de lta bu 'byin to// srid pa bar ma la gnas pa'i sems can dmyal ba des gzhi de las snying rje zhing 'jigs par thos pa/ las kyi dbang gis mi mthun pa'i log par thos te/ de'i du ba gla dpangs snyan pa'i sgra lta bu dang / pheg rdob par thos so/ / de de ltar blta ba na der bdag kyang 'gro'o snyam du sems so// des sems bskyed ma thag tu srid pa nye bar len pa'i rkyen las byung bas der skye bar 'gyur ro// gang dang gang du srid pa bar ma pa'i nye bar len par byed pa de dang der skye bar 'gyur te/ nye bar len pa de byas pas der skyes so// lhan cig skyes ma thag tu sems can dmyal ba'i sdug bsngal 'byung bar 'gyur te/ sgra de dag sems can dmyal ba dag gi ngo bo nyid du thos te/ tshor ba mi bzad cing drag la tsha ba gzhan dang mtshungs pa med cing dpe zla med bdag myong ba na/ sgra de nyis 'gyur gyis snying la 'bigs par byed do// gnod pa 'di dag kyang 'byung bar 'gyur te/ 'di lta ste/ lcags kyi ri rab tu 'bar ba/ khwa spungs pa zhes bya ba yod de/ de dpag tshad stong lnga brgyar 'bar la/ ring khyad gnam la thug pa zhig yod do// de la lcags kyi shing ljon pa dang / lcags kyi khwa rab tu 'bar ba dag gis gang ste/ ri de thams cad kyang rab tu 'bar ba me lce gcig tu gyur cing / kun nas de'i las kyis byas pa'i mas rgyun mi 'chad par rab tu 'bar ba na/ nyes par byas pa'i las kyi ri de pad+ma'i tshal gyis khebs par mthong zhing / pad+ma'i 'dab ma de dag 'od 'phro bar mthong nas de dag gcig la gcig bos te/ grogs po dag tshur shog tshur shog/ ri tshal grib ma bsil ba can du 'dong / tshal sdug pa dag nye bar bsten par bya'o zhes smra'o// de nas sems can dmyal ba pa de dag la gshin rje'i mi rnams kyis rdo'i char dag gis rdeg pa na skyob pa 'dod pa/ skyabs 'dod pa/ mgon 'dod pa dag rig la ba der de dag rgyug go/ ji ltar ri de la de ltar 'dzegs pa dang / ri de yang 'bar ba'i 'phreng bas 'khrugs shing / kun nas rab tu 'bar la/ kha rab tu 'bar ba mchu shin tu rno ba rnams kyis sems can dmyal ba shin tu gang ba de dag mthong nas rgyug cing / sems can dmyal ba de dag la za bar byed de/ kha cig ni klad pa dang / klang rgyas la 'jog kha cig ni mig la/ kha cig ni sna la/ kha cig ni 'gram pa'i pags pa la/ kha cig ni rked pa'i ngos la/ kha cig ni lce la/ kha cig ni mgrin pa la/ kha cig ni mgrin pa'i pags pa la/ kha cig ni ming pa la/ kha cig ni snying la/ kha cig ni glo ba la/ kha cig ni mcher ba la/ kha cig ni rgyu ma la/ kha cig ni gnye ma sbom po la/ kha cig ni lto ba'i pags pa la/ kha cig ni rna ba'i rus pa la/ kha cig ni brla la/ kha cig ni brla'i sbubs la/ kha cig ni rkang pa'i rting pa la/ kha cig ni rting pa'i pags pa la/ kha cig ni rkang mthil la/ kha cig ni gzhang la/ kha cig ni rkang pa'i sor mo la 'thog go/ yang rnam par phye nas za bar byed de/ kha cig ni mdun gyi ngos la/ kha cig ni glo la/ kha cig ni glo'i pags pa la/ kha cig ni lag pa'i rgyab kyi rus pa la/ kha cig ni yan lag dang ting lag thams cad dang / rkang yod pa'i sems can dmyal ba de dag so sor phye nas khwa de rnams kyis za bar byed do// yang las kyi dbang gis skye bar 'gyur te/ skyes nas kyang gshin rje'i mis 'jigs shing khas 'jigs la skyob pa 'dod la/ skyabs 'dod pa dag ri khA spungs pa ga la ba der rgyug go/ de dag gang gi tshe/ las kyis byas pa'i mes 'bar ba'i 'phreng ba 'bar ba'i ri spungs pa de la 'dzeg pa na/ 'bar ba'i 'phreng bas lus yongs su dkris pa dag ri de la lo 'bum phrag du mar sreg par 'gyur ro// ji srid du de'i sdig pa'i las bcom zhing spangs la zad par ma byas shing / ji srid du de'i srog gcod pa dang / ma byin par len pa dang / 'dod pas log par g.yem pa kun tu bslang ba la kun tu bsten cing bsgoms te mang du byas pa'i/ las bcom zhing spangs la zad par ma byas pa de srid du lo 'bum phrag du mar de'i las drag cing tsha ba byas la bsags pa'i mthus/ gang dag khwa spungs pa'i ri de'i rtse mo la yang gang gis byung ba dag 'dzeg par byed de/ de dag la 'bar ba de dag gis dpag tshad stong lnga brgyar gyen du bteg bteg ste/ phye ma leb bzhin du sreg par byed kyang / cig car 'chi ba'i dus ni mi byed do// gang gi tshe de bcom zhing spangs la zad par byas pa de'i tshe/ sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgra dang dud 'gro dag tu ma skyes la/ mi rnams dang skal ba mnyam par mir skyes na/ de'i las byas la bsags pa'i rgyu mthun pa'i 'bras bus de'i yan lag dang nying lag thams cad las dri rul ba 'byung zhing / mdze'am/ de la sha bkra 'byung bar 'gyur/ 'gran zla mang zhing phal che la dbul ba dang / yul ngan par skye bar 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas 'khor gzhan mchi ma'i rgyun me lta bu zhes bya ba yod par mthong ngo / / der sems can las kyi rnam par smin pa gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len// pa dang / 'dod pas log par g.yem pa kun tu bsten cing bsgoms te mang du byas pas 'gyur te/ de la srog gcod pa dang / ma byin par len pa ni snga ma bzhin no// 'dod pas log par g.yem pa ni/ dge slong ma tshul khrims ral cing spyod pa ngan pa la sngar gzhan gang zhig gis lhan cig mi tshangs par spyad pa byas la/ phyis gzhan zhig de dang lhan cig byed na/ de lus dang bral bas ngan 'gro log par ltung ba sems can dmal ba mchi ma'i rgyun me lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ tsha ba rtsub pa mi 'dod pa'i las kyi rnam pa de lta bu byas par 'gyur/ gang gis kun nas rab tu 'bar ba'i mes sregs pa na/ mchi ma gang 'byung ba de dag me'i mchi mar 'byung ste/ de dag gis lus de dag sreg cing sems can dmyal ba de dag la gnod pa'i rnam pa de lta bus nyen par 'gyur ro/ / de yang gnod pa gzhan dag myong bar 'gyur te/ mig gi nang du seng ldeng gi ma dag mas kun tu 'gengs shing / gshin rje'i mi rnams kyis rus pa rdung / so sor 'byed la smyug ma lta bur 'bud cing sems can dmyal ba so sor 'jigs pa la/ lcags kyi phur bu dang / gtun shing dang / mda' bo che rnams kyis sems can dmyal ba pa de dag gi lus gcod cing 'bigs la/ dum bur rlog go// phra skam rab tu 'bor bas gzhang gdangs pa'i nang du/ zha nye bskol bas kun tu bkang ste/ de'i nang na zha nye bskol bas rab tu sreg la/ phyi rol me shin tu 'bar bas rab tu bsreg go// de gnyis kas sreg pa na tshor ba shin tu tshwa zhing mi bzad pa rnam pa du ma myong bar 'gyur ro// / dam pa'i chos dran/ pa nye bar gzhag pa bam po brgyad pa/ 'dir tshigs su bcad pa/ dmyal ba'i sdig pa'i las kyis su// zha nye dag gis nang blugs shing // me 'bar ba yis phyi rol du// sreg pa shin tu sdug bsngal yin/ / gang dag sdug bsngal las 'bras skyes// tsha ba 'byung ba skye ba ni// khams gsum dag tu de yi dpe// bya bar sla ba ma yin no// rnam gsum 'bras bu gsum skyes pa// khams gsum dag tu skye ba ni/ / sems gsum las bslang nyes gsum skyes// gnas gsum dag tu smin par 'gyur// rgyu dang rkyen ni tshogs pa yis// kun bslang so so de nyid dag/ de yi las kyi rnam smin ni// khams gsum dag na snang ba yin/ / ji lta ji ltar sems 'byung ba// de lta de ltar yongs gyur te// dge ba yis ni dge byed cing // sdig pa yis ni sdig pa byed// las ni sems dang 'brel ba ste// srid pa las dang // 'brel ba yin// sems dang las kyis kun bslang ba// 'di ni 'khor bar yongs su bsgrags// sred pa gang gis bslus pa yis// sdang ba'i sems dang ldan pa'i las// 'dir ni mi dag de byed de// da ni sems can dmyal bar 'tshed/ / gzhan gyis byas pa'i sdig pa ni// gzhan la yongs su smin mi 'gyur// srog chags kun gyis bdag nyid kyi// las kyi 'bras bu dag la spyod// khyed cag rang gi sems kyis su/ / 'di dag thams cad bslus pa yin// me yis yongs su gdungs pa yi// ngu skad don med ci zhig 'byin// de ltar sems can dmyal ba de dag la gshin rje'i mi de dag gis rang gi las dag rang nyid kyis ma myong bar grol ba med do zhes rjes su bstan te/ de ltar las dang 'bras bur 'brel ba ni/ de thams cad srid pa bar mar dmigs so// de ltar rjes su ston pa ni/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ sems can dmyal ba de dag la/ gshin rje'i mi de rnams kyis lo 'bum phrag du mar sreg cing 'tshed do// phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las byas la bsags pa'i rgyu mthun pa'i 'bras bu'i mthus skran can du 'gyur zhing / skem po 'am/ byad ngan pa 'am/ sgom pa 'am/ lus tshal zhing bsregs pa lta bur 'gyur ro// / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po bsdus gzhom gyi 'khor la brtags na/ de thos pa las byung ba'i shes pas sems can dmyal ba dbang po thams cad kun tu 'gags pa zhes bya ba ji ltar 'dug pa mthong ngo / / der sems can dmyal ba dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bstan cing bsgoms te mang du byas par gyur pa de dag sems can dmyal bar skye bar 'gyur te/ de la srog gcod pa dang // ma byin par len pa'i rnam par smin pa ni sngar bshad pa bzhin no// 'dod pas log par g.yem pa kun tu bsten cing bsgoms te mang du byas pa rnam pa dur 'gyur snyam na/ shin tu 'dod chags bdo ba gang gis bud med kyi skye gnas ma yin pa kha 'am/ rkub tu lhan cig 'dod pas log par g.yem pa kun tu ston na/ de lus dang bral nas ngan 'gro log par ltung ba sems can dmyal ba dbang po thams cad kun tu 'gags pa zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ khar me'i kham gyis gang bar bkang zhing / lcags kyi snod kyi nang du zangs dmar po bzhus pa blugs nas brdzang bas brdzangs la/ 'og nas kyang srog chags mar ko Ta ka'i mchu rab tu 'bar bas za'o// me 'bar ba'i 'phreng ba bcu gcig gis bskor ba'i dbus su gdungs shing sreg ste/ yang sos shing yang sreg go/ grog sbur rab tu 'bar ba dag gis ni mig za la/ zha nyes ni rna ba gang / ral gris ni sna bcad/ spu gris ni lce bcad/ spu gri'i char gyis ni lus gshags te/ dbang po thams cad sdug bsngal chen po myong ba ni/ sems can dmyal ba pa'i rnam par smin pa'i bde ba med cing / sdug bsngal 'byung ba mi bzad la tsha ba/ gzhan dang mtshungs pa med cing dpe zla med pa de'i phyogs 'ga' zhig brjod na/ 'di lta ste/ ji ltar nyi ma'i 'od las mar me'i 'od de bas chung ba de ltar sems can dmyal ba pa'i sdug bsngal rjes su dpag par bya zhing / lha rnams kyi bde ba dang zla med pa de bzhin du/ sems can dmyal ba pa rnams kyi sems can dmyal ba pa'i sdug bsngal yang dpe zla med do// de ci'i phyir zhe na/ lha'i 'jig rten dang / sems can dmyal ba'i bde ba dang / sdug bsngal ni gzhan dang mtshungs pa med de/ 'di ni phyogs gang 'ga' zhig brjod pa yin no// ji srid du de'i sdig pa'i las byas shing bsags pa byang zhing zhi la/ spangs shing zad par ma byas pa de srid du/ de tshor ba mi bzad cing tshal drag pa dag myong bar 'gyur ro// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de'i las byas shing bsags pa'i rgyu mthun pa'i 'bras bu'i mthus de'i chung ma sdom pa med par 'gyur la// chung ma des kyang de ltar chom rkun pa dag gnyer nas gsod par byed/ de bzhin du rgyal po'i pho brang 'khor du g.yo thabs sbyar nas gsod par byed/ de bzhin du dug gis gsod par byed cing / de gnyid log pa dang mtshon gyis gsod par byed de/ byas shing bsags pa'i las kyi rnam par smin pa ma myong bar thar pa med do// de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ des thos pa las byung ba'i shes pas sems can dmyal ba tshor ma mtha' med ces bya ba mthong ngo // der sems can dag las gang gis skye bar 'gyur snyam nas/ des brtags na/ srog gcod pa dang / ma byin par len pa'i 'bras bu ni ji skad bshad pa bzhin no// gang shin tu 'dod chags kyi sems kyis bud med 'os ma yin pa rjes su dran nas/ lag pas 'dod pas log par g.yem pa byas na/ de lus dang bral nas ngan 'gro log par ltung ba sems can dmyal ba tshor ba mtha' med par skye bar 'gyur ro// der gnod pa 'di dag 'byung bar 'gyur te/ byas shing bsags pa'i las kyi tshor ba shas che bar 'gyur ba ni 'di lta ste/ me'i tshor ba dang / mtshon gyi tshor ba dang / ba tshwa'i tshor ba dang / nad kyi tshor ba ste/ chor de dag gting dpag dka' zhing / mtha' dpag dka' la mtha' yas pa yin te/ ji skad bshad pa'i tshor ba de dag ni dpe bya bar sla ba ma yin no// de ltar sems can dmyal ba pa dag der rang gi sems kyis yongs su bslus pa yin te/ ji srid du de'i nyes par byas pa'i las bcom zhing spangs la zad par ma byas pa'i bar du lo 'bum phrag du mar sreg cing 'tshed do// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de dbul por 'gyur zhing / ri brags dang / dgon pa dang / 'jigs pa dang / ri brags pa dag gi g.yog bran du 'gyur/ nad rnams kyis rtag tu na par 'gyur ro/ de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba chen po pad+ma lta gas pa zhes bya ba mthong ngo / / der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa byas la bsam pas/ de sems can dmyal ba pad+ma ltar gas par skye bar mthong ngo // de la srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong du dam bcas pa gang zhig sngon gyi 'dod pa dag la sems gtong zhing ro myang bar byed na/ yid la byed/ tshul bzhin ma yin pa yid la byed pa'i ro myang ba byas pas/ mtshan mo nyal ba na de'i rmi lam du bud med de nyid dang lhan cig 'khrig par byed cing / sad nas kyang mi tshangs par spyod pa rmi lam rmis pa de nyid kyi ro myang bar byed cing / yang yid la byed/ rjes su yi rang zhing gzhan dag la yang yon tan du 'dzin la/ de dang lhan cig goms par byed/ mang du byed cing / de dang de nyid la dga' bar byed na/ lus de dang bral nas ngan 'gro log par ltung ba sems can dmyal ba pad+ma wAr gas par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ji ltar pad+ma'i mdog nyid du gyur pa de ltar/ de'i snang ba kun tu dmar po nyid du gyur te/ der sems can dmyal ba de dag bum pa dag gi nang du 'tshed cing / lcags kyi bre bo'i nang du lcags kyi gtun shing rnams kyis 'chog go/ de de dag las thar nas mtsho chen po'i nang na pad+ma sngon po skyes pa de rgyang ring po nas mthong nas/ de nas sems can dmyal ba pa skyabs 'dod pa/ mgon 'dod pa/ bkres pa dang skom pas yongs su gdungs pa'i lus can dag gnod pa de dag las thar nas bdag cag gis bde ba thob par bya'o zhes der dong ngo / / de nas brgya 'am stong yod pa de dag pad+ma ga la ba der dong ngo // der dong ba dang lam du phur bu btsugs pa dag gis rkang pa la zug go/ rkang pa nyams pa de kha bub tu ltung ngo // kha bub tu lhung ba de dag la phur bu rnams kyis zug go// gal te phyis gan kyal du 'gyel na/ de dag gi rgyab tu phur bu de rnams kyis zug cing 'bigs par byed do/ / gal te glos 'gyel na phur bu de rnams kyis de dag gi gro yang 'bigs par byed do// gal te 'dug na de'i 'og nas 'jug go/ de dag sreg cing 'tshed pa na gcig la gcig skad 'byin te/ skom pa dang bkres pas shin tu gdungs pa'i las can dag/ gcig la gcig 'byin cing ngu'o// mya ngan byed cing smre sngags 'don pa'i yid du gyur pa de dag thams cad pad+ma de la lta zhing 'khod pa na/ rgyab nas gshin rje'i mi rnams kyis ral gri dang / dgra sta dang / mda' bo che dang / mdung thung rnams kyis 'debs te/ de ltar sems can dmyal ba mgon 'dod pa/ skyabs 'dod pa/ bsil ba 'dod pa dag thabs 'ga' zhig gis pad+ma de'i drung du phyin te/ de la 'dzegs pa dang / pad+ma de yang seng ldeng gi me'i mdag ma lta bus gang zhing / rdo rje ltar sra ba'i lo ma rnams la de dag 'dzeg ste/ de yang kha zhum par 'gyur ro// de ltar las kyi mtha' nyes par spyad pa dang / nyes par spyad pa'i las kyis ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ las kyi dbang gis de dag sems can dmyal ba pad+ma ltar gas pa der lo brgya phrag du ma 'am/ lo stong phrag du ma 'am/ lo bye ba phrag du mar bskol cing 'tshed kyang / de dag dus las 'da' bar ni mi byed do// phyi nas thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dud 'gro dag tu ma skyes la/ mi rnams dang skal ba mnyam par mir skyes la/ de'i las byas la bsags pa dag gi mthus de mig yon du 'gyur/ tshul khrims 'chal cing dbul la tshe thung bar 'gyur ro/ / de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba pad+ma chen po lta rags pa zhes bya ba mthong ngo / / der sems can dag las gang gis skye bar 'gyur snyam na/ de gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pas sems can dmyal ba pad+ma chen po ltar gas par skye bar 'gyur ba mthong ngo / / de la srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong dge sbyong du dam bcas pa gang zhing tshul khrims ral la/ lug bong ltar spyod pa/ mya ngan las 'das par 'gro ba la smod pa ni/ 'di ltar tshangs par spyad pa spyod de/ 'dir bdag lha 'am/ gzhan zhig tu 'gyur bar bya ste/ bdag lha'i 'jig rten der lha mos yongs su bskor bar gyur cig snyam ste/ de ltar tshangs par spyod pa de tshangs par spyod pa log par yongs su sngo'o// de sred pa la spyod pa yin te/ de 'khor ba'i rgyur spyod cing / sred pa'i rgyur spyod la/ de sdig pa spyod pa yin/ de nad dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa la sogs pa dag las yongs su thar par mi 'gyur ro// shi ste lus dang bral nas kyang ngan 'gro log par ltung ba sems can dmyal ba pad+ma chen po ltar gas par skye bar 'gyur ro/ / der gnod pa 'di dag 'byung bar 'gyur te/ 'di lta ste/ ba tshwa'i chu bo'i rlabs zhes bya ba gang du ba tshwas gang bar ma gyur pa ni/ de na khab kyi bu ga tsam yang med pa/ zheng du dpag tshad lnga yod la chur dpag tshad brgya yod par 'jug go/ / sems can dmyal ba'i chu bo der de dag zhugs pa dang / tshor ba shin tu che ba/ shin tu rtsub pa/ shin tu bzod par dka' ba dag myong ste/ de'i rus pa gang yin pa de dag ni rdor gyur/ sgra gang yin pa de dag ni nya lcibs su gyur/ sha gang yin pa de dag ni 'dam du gyur/ ro nye bskol ba gang yin pa de dag ni chur gyur/ sems can dmyal ba gang yin pa de dag ni nyar gyur te/ chu bo der kha bub tu ded cing skol to// 'gram dag tu chags na khwa mchu rab tu 'bar ba rnams kyis za'o// gal te mgon 'dod pa/ skyabs 'dod pa dag chu bo de las thar nas 'bros pa na/ gshin rje'i mi rnams kyis lcags kyi mdung rab tu 'bar ba dag gis btab nas/ chu bo'i rlabs de nyid kyi nang du 'jug par byed do// de ltar de dag steng du 'byung ba na/ rkang pa 'tshed par byed la/ barba'i sbubs dang / rgyab kyi sha dag 'tshed par byed/ mgul pa'i sha yang chad par 'gyur/ rus pa yang skol bar 'gyur/ mgo'i sha chad cing mgo bong pa yang chad par 'gyur te/ de ltar sems can dmyal ba pa de dag ji lta ji ltar chu bo der 'jug cing / ji lta ji ltar zhugs pa de dag de lta de ltar lo 'bum phrag du mar sreg cing skol la 'tshed do// yang sems can dmyal ba pa de dag nyon mongs pa'i chu bo de las tharas/ mtsho dang / me tog dang / pad+ma sngon po yod par mthong ste/ mgon 'dod pa/ skyabs 'dod pa/ bde ba 'dod pa dag de'i drung du 'gro bar 'dod de de'i drung du dong ngo / / pad+ma'i tshal de dag kyang lcags kyi pad+ma yin te/ de dag gi reg pa ni spu gri lta bu yin la/ sems can dmyal ba pa gang dag gi lus de dag la reg pa dag ni gshags par byed cing / gcod par byed la za bar byed cing rdung bar byed do// de ltar gshin rje'i mi rnams kyis mngon par gtses pa dag pad+ma'i tshal de dag la 'dzegs par byed de/ pad+ma de dag gi nang me ma dag gis rab tu gang ba yin la/ steng gi lo ma lcags la byas pa dag gis 'dzums par byed de/ de'i nang du lan du mar sems can dmyal ba pa las byas pa de dag skye bar 'gyur te/ me ma dag des lo 'bum phrag du mar sreg go/ / khwa dag gis sems dmyal ba pa de dag gi mig gis mig za bar byed cing / lce gcod par byed/ rna ba 'bigs par byed/ lus rnam par zad par byed do// de ltar rang gi las kyi 'bras bu la spyod pa'i sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba chen po pad+ma chen po ltar gas pa der 'tshed par byed do/ / de nas sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus rmu rdzing can du 'gyur zhing / rtag tu bkres pa dang skom pas gdungs la/ khro bar yang 'gyur ba mthong ngo // de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba me thab ces bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa ni snga ma bzhin no// 'dod pas log par g.yem pa ni dge sbyong dge sbyong du da bcas pa des/ gang sngon gyi khyim na gnas pa'i bud med dag dang lhan cig tu rgod cing rtses pa dag/ de'i tshe de tshul bzhin ma yin pa yid la byed pas dran zhing / yang dang yang du dran pa nyid du byed/ de la chags shi yongs su rtog par byed/ de 'dod chags de nyid la yang dang yang du sems par byed cing dge ba'i chos la sems par mi byed la/ chos dang 'thun pa'i chos mi sgrub sdug bsngal ba dang / kun 'byung ba dang / 'gog pa'i chos rjes su sems par mi byed cing / rjes su mi slob la/ rjes su mi sgrub/ de las su rung bar mi byed cing / sangs rgyas dang / chos dang / dge 'dun rjes su dran par mi byed/ 'chi ba rjes su dran par mi byed cing / 'khor ba la yid 'byung bar mi byed la/ kha na ma tho ba rdul tsam la yang 'jig par mi lta/ gnas mal dang / na ba'i gsos sman gyi rkyen mang po 'chang bar byed cing / gnas mal dang na pa'i gsos sman gyi rkyen mang po 'os pa ma yin pa gnas mal dang / na ba'i gsos sman gyi rkyen rab tu mang ba de dag des 'chang bar byed de/ rnam pa de lta bu byas pa ni de lus dang bral nas ngan 'gro log par lhung ba sems can dmyal ba me thab tu skye bar 'gyur ro// me thab kyi sems can dmyal ba de 'bar/ rab tu 'bar/ kun tu rab tu 'bar zhing me lce gcig tu gyur par sreg ste/ der gang 'bar/ rab tu 'bar/ kun tu rab tu 'bar zhing / me lce gcig tu ma gyur pa ni skra'i rtse mo tsam yang med do// der sems can dmyal ba pa de dag shing ljon pa lta bur rab tu 'bar te/ de 'bar/ rab tu 'bar/ kun tu rab tu 'bar zhing / me lce gcig tu gyur pa der skad 'byin to// de ltar skad 'byin pa na khar mes bkang ngo // de tshor bas nyam thag pa dang / yang de skad 'byin to// de'i rna bar me 'bar ba bcug ste/ bcug nas skad 'byin cing ngu la smre sngags 'don to// de'i snar yang me 'bar ba bcug ste/ de'i lus kyang kun nas rab tu 'bar bar 'gyur te/ de yang shin tu 'khrugs shing skad 'byin la/ smre sngags 'don to// gal te tshul khrims dang mi ldan par gyur pa zhig pha rol gyi bsod snyoms zos na/ de'i lce lkugs rab tu 'bar ba'i glegs mas sreg go/ gal te tshul khrims can tshul bzhin ma yin pa yid la byed pas bud med dag mthong na/ de'i mig sreg par 'gyur ro// gang shin tu chags pa'i sems kyis bud med gzhan dag rgod cing glu dbyangs len la/ sgra 'byin pa thos na/ de'i rna ba ro nya bskol bas 'gengs par 'gyur ro// tshul khrims 'chal pa 'os par 'gyur ba ma yin pa gang gis dge 'dun rnams kyi bdug spos yongs su bzung ba sna bcad cing sreg par 'gyur te/ de ltar tshul khrims 'chal pa de'i dbang po lnga car la sbyar te/ sems can dmyal bar las dang mtshungs pa'i chad pa drag po rab tu 'byung ngo / / las kyi mtha' nyes par spyad pa byas pa de ni ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba kun nas me lce 'bar ba'i 'phreng ba 'khrugs pa'i sems can dmyal ba ma thab der sreg cing 'tshed do/ / de de las thar nas/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de sdig pa'i las de dang rgyu mthun pa'i 'bras bus/ de byad lag ngan cing long ba dang / zha zhing dbul bar 'gyur la/ dar la bab pa nyid kyi tshe 'chi bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po bsdus gzhom gyi 'khor la brtags na/ de thos pa las byung ba'i shes pas 'khor gzhan lcags kyi phye ma me mdag gi rab zhes bya ba yod pa mthong ngo // der sems can dag las kyi rnam par smin pa gang gis skye bar 'gyur snyam nas/ des thos pa las byung ba'i shes pas brtags na/ gang gis srid gcod pa dang / ma byin par len pa ni snga ma bzhin no// dge sbyong dge sbyong du dam bcas pa gang gis mi'i gar dang / klu dbyangs dang / rgyan dag gi sgra thos nas tshul bzhin ma yin pa yid la byed pa/ g.yengs pa'i blos rgod pa dang / sgeg pa dang / rtses pa de thos nas khu ba byung la/ byung nas kyang ro myang bar byed cing sogs na/ de lus dang bral nas ngan 'gro log par lhung ba sems can dmyal ba lcags kyi me mdag tu skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de'i lcags kyi rab gru bzhi pos bskor ba/ 'khor dpag tshad lnga brgya yod pa de'i nang du sems can dmyal ba pa rang gi las kyis sreg cing / der ma'i char dang / lcags kyi char rgyun mi 'chad par 'bab bo/ / der sems can dmyal ba pa dag lcags kyi char pas yan lag dang nying lag thams cad phye mar rlog la/ me mdag gi char pas gdungs shing sreg go/ de ltar char pa gnyis kyis nyam thag pa dag gnod pa de dag myong bar 'gyur te/ ji ltar sems can dmyal ba pa'i myong ba de dag gi gnod pa gang yin pa de ni dpe bya bar bla ba ma yin no// ji srid du de'i sdig pa'i las bcom zhing spangs la zad par ma byas pa de srid du dus las 'da' bar mi byed de/ rtsub cing mi bzad la tsha ba/ 'jig rten thams cad 'jig par byed cing mi 'dod la mi sdug cing yid du mi 'ong ba'i las byas pa'i tshor ba de lta bu myong bar 'gyur ro/ / de phyis de las yongs su thar par gyur te/ gal te lan grangs gzhan la myong bar 'gyur ba'i las kyis yi dgas dang dung 'gro dag tu ma skyes la/ de mi rnams dang skal ba mnyam par mir skyes na/ las de dang rgyu mthun pa'i 'bras bus/ de rtag tu chu bo chen po'i mnyan par rtag tu 'gyur/ rtag tu 'jig pa dang / nad bu can du 'gyur/ glang po che'i sos 'tsho zhing / de rtag tu 'chi bas nyen par 'gyur ro// de nas gzhan yang dge slong des sems can dmyal ba chen po bsdus gzhom gyi 'khor la brtags na/ de 'khor gzhan zhig pa bcu bdun pa ma mthong la/ sems can dmyal ba chen po bsdus gzhom gyi 'khor gyi nye 'khor bcu drug pa las kyi chos kyi rnam par smin pa yod pa mthong ngo / / de sems can rnams kyi las dang 'brel ba/ las kyi 'bras bu rnam par smin pa rnam pa sna tshogs dag mthong nas/ 'khor ba la yod byung ngo // yang dge slong de ji ltar sems can dmyal ba chen po gsum gyi 'khor gyi las kyi 'bras bu'i de kho na nyid rig cing / de las kyi 'bras bu rnam par smin pa dgra 'dzin par byed la/ de lta zhing dmigs par byed de/ srid pa dag la yid 'byung bar thob cing / bdud kyi yul gyi dngos po la mi 'dod pa/ rnal 'byor spyod pa nang gi chos la chos kyi rjes su lta zhing gnas so// de ltar brtson pa'i dge slong des bla'i gnod sbyin dag gis mthong nas/ bar snang la spyod pa'i gnod sbyin rnams la bsnyad do// de dag gis kyang rgyal po chen po bzhi la bsnyad pa nas/ de ltar snga ma bzhin du sbyar te/ tshad med 'od kyi bar gyi lha rnams la bsnyad do/ / snga ma bzhin du sbyar te/ 'dzam bu gling du rigs kyi bu grong che ge mo zhig ces bya ba nas/ skra dang kha spu bregs/ gos ngur smrig bgos te/ dad pas khyim nas khyim med par rab tu byung nas/ des gzhan dgu pa'i bar la zhugs pa ste/ tshad med 'od kyi lha dag gis thos nas dga' bar gyur te/ kye lha dag bdud kyi phyogs ni dmara' bar 'gyur zhing / dam pa'i chos kyi phyogs ni mtho bar 'gyur ba ni bdag cag dga' 'o zhe'o/ / de nas gzhan yang dge slong des sems can dmyal ba gsum mthong nas/ sems can dmyal ba bzhi pa ngu 'bod ces bya ba la rtog par byed do// der sems can dag las gang gis skye bar 'gyur snyam nas/ thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa dang / chang 'thung ba bzhi kun tu bsten cing bsgoms te mang du byas pa dag gis las dang / nyar bsdogs dang / mjug byas shing bsags pa dag gis lus dang bral nas ngan 'gro sems can dmyal ba chen po ngu 'bod du skye bar 'gyur pa mthong ngo / / de la srog gcod pa dang / ma byin par len pa dang / 'dod pas log par g.yam pa'i 'bras bu rnam par smin pa ni sngar bshad pa bzhin no// chang dang sbyar ba'i chang kun tu bstan cing bsgoms te/ mang du byas pa ni sems can dmyal ba ngu 'bod du skye bar 'gyur ro// gang gis khyim gyi gnas nas byung ste sdom pa blangs/ bsam gtan gyi bde bas sems sbyangs shing / zhi ba'i dge slong gi dge 'dun dag gi / 'khor du chang khrims te// ra ro bar byag na/ de lus dang bras nas ngan 'gro log par sbyang ba sems can dmyal bar rab tu gdung ba chen pos byas pa'i tshor ba myong bar 'gyur ro// der gnod pa 'di dag 'byung bar 'gyur te/ 'di lta ste/ pra skam gyis kha gdangs pa'i nang du zangs dmar po bskol ba rab tu 'bar ba ldugs so// de 'thung ba na de'i tshe sngar mchu sreg go/ mchu bsregs nas dkan sreg go/ / dkan bsregs nas lce sreg go// lce bsregs nas mid pa/ de bzhin du srol gong / de bzhin du gnye ma dang / rgyu ma dang / de bzhin du pho ba dang / long ka bsregs nas ro smad du 'byung par 'gyur la/ de ltar chang 'thung ba de ni mi dge ba myong bar 'gyur te/ de'o dod 'bod cing ngu/ 'khrug cing smre sngags 'don to// de shin tu 'khrug pa na/ gshin rje'i mi dag gis rjes su bstan pa tshigs su bcad de smras pa/ sdig pa dag ni byed pa na// 'bras bu tsha ba shes par gyis// rmongs pa gang zhig bdag mi shes// phyi nas de ni yongs gdung 'gyur// ji ltar blo gros ngan pa dag/ sdig pa dag gis las byas pa/ / ma du de ltar la gor spyod// smre sngags don med ci zhig 'don// sdig pa'i las kyi 'bras bu ni// mi ni kun gyis thos par 'gyur// gal te bdag nyid bde 'dod na// de ltar sdig pa bsten mi bya/ / dmyal ba drag po chen po pa// de dag las kyang sdig pa'i sems// thar kyang gti mug dbang song ba// yang dang yang du sdig pa byed// 'di yis dmyal bar mi 'gro zhes// sdig pa la ni yid ma rton/ / me chung bas ni ro dang tshal// ljon par bcas pa sreg pa bzhin// rmongs pa sdig pa byed 'dod la// gnod pa 'byung la 'dod mi byed// sdig pa'i rjes su 'bras bu 'jug/ rgyu dang rkyen las byung ba mthong / / chos ni ci phyir bsten mi bya// sdig pa'ang ci phyir rnam smin spangs// sdig pa spangs pa'i mi dag ni// sems can dmyal ba nyid mi mthong // bdag gi sdig las 'bras bu dag/ rmongs pa gang dag mi/ shes pa// de yis nyes pa 'di thob ste// blo ngan khyod ni de dag spyod// sdig pas sems can dmyal bar 'gro// sdig pas yongs su sreg 'gyur te// sdig pas mya ngan 'das mi thob// sdig pa lta bu'i dgra gzhan med/ / sdig pas sngon ni bslus pa dag/ sdig pas yongs su sreg 'gyur te// sdig pa dag ni mi byed pa// de yis mdun du 'gro mi 'gyur// lam 'di zhi ba gtso bo ste// gang dag sred dbang mi gnas pa'o/ / sred pa spangs pa'i mi dag ni// mya ngan 'das dang nye bar gnas// sdig pa dag ni byed ldan zhing // dge ba rnams kyang mi byed pa// sdig pas sreg 'gyur de lta bas// sdig pa yid la ma byed cig/ sdig pa spyod pa'i mi dag ni/ / nams kyang bde ba mi thob bo// de ltar gal te bdag nyid kyis// bde 'dod chos la rtag tu sten// gang dag sdig pa sten byed pa// sdug bsngal de las sdug bsngal med// de lta ngas na sdig mi bsten/ / gal te sdug bsngal dag gis skyo// legs pas legs pa'i don bya'o// legs la sdig pa'i bya ba dka'// sdig la sdig pa'i bya ba sla// 'phags la sdig pa'i bya ba dkar/ ltar gshin rje'i mi de rnams kyis sems can dmyal ba pa de dag la yang dang yang du bshad/ yang dang yang du bsgo zhing gnod pa rnam pa sna tshogs dag byed de/ 'di lta ste/ ri rab tu 'bar la kun tu 'bar zhing mkhregs pa gnyis shugs kyis rgyug ste/ phan tshun 'dus pa de gnyis kyi bar du sems can dmyal ba pa de dag 'jug ste/ 'di lta ste/ ri de gnyis kyis 'bag pa ni ji ltar mngon pa med par de ltar shin tu 'thag go/ / yang 'byung bar 'gyur te/ byung nas kyang yang ri de gnyis kyi dbus su bcug nas 'thag go/ de'i sdig pa'i las zad par ma gyur kyi bar du lo 'bum phrag du ma'i bar du byung zhing 'thag go/ / de sems can dmyal ba'i phyogs de nas thar nas/ skyabs 'dod pa/ mgon 'dod pa/ dpung gnyen 'dod pa dag gzhan du rgyug pa dang / de dag la gshin rje'i mi gzhan rnams dang phrad nas/ lcags kyi rdza ma'i nang du kha bub tu bcug go/ ji srid du de'i sdig pa'i las bcom zhing spangs par ma gyur pa de srid du/ de dag der kha bub tu lo 'bum snyed du sreg par 'gyur ro// skyabs 'dod pa/ mgon 'dod pa/ bde ba 'dod pa de dag rdza mar btso ba de dag las thar nas/ gar bab bab tu 'bros so// ji srid du de'i sdig pa'i las bcom zhing spangs par ma gyur pa de srid du lo 'bum phrag du mar de dag gi mdun du lcags kyi khwa rab tu 'bar ba de dag gis bzung nas/ de dag gis yan lag dang yan lag/ gnad dang gnad/ tshigs dang tshigs su brgya 'am stong du za'o// skyabs 'dod pa/ mgon 'dod pa/ dpung gnyen 'dod pa de dag de las thar nas kyang gar bab bab tu 'bros so// bkres pa dang skem pas gdungs pa de dag mtsho'i chu rab tu dang ba zhig rgyang ring po nas mthong ste/ de dag der brgyugs pa dang / de dag kyang ro nye rab tu bskol bas gang ba yin te/ der khrus bya ba'i phyir 'jug go// gang gi tshe zhugs par gyur pa dang / sa phyogs der de dag las kyis byas pa'i chu srin rnams kyis bzung nas kha bub tu drangs te/ ji srid du de'i sdig pa'i las bcom zhing spangs la zad par ma byas pa de de srid du lo 'bum phrag du mar de dag ro nye de'i nang du skol lo// phyis las kyis byas pa'i chu de dag las thar par 'gyur te/ thar nas kyang tshor bas nyen pa/ skyabs 'dod pa/ mgon 'dod pa/ dpung gnyen 'dod pa dag gar bab bab tu 'bros so// gal te mdun na 'khod pa'i gshin rje'i mi rnams kyis mthong nas de dag der 'dzin te/ bzung nas kyang mdung rtse rab tu 'bar ba dag gis 'bigs par byed do// de dag la mdung rtse de dag par 'ga' rgyab tu phug nas 'byung / bar 'ga' glor phug nas 'byung / bar 'ga' mgrin par phug nas 'byung ste/ sems can dmyal ba pa tshor bas nyen pa dag gi sgra de sems can dmyal ba pa gzhan dag gis phyogs de na glu dbyangs kyi sgrar thos so/ / de yang ngu ba'i sgra yin na las kyi dbang gis snyan par thos te/ skyabs 'dod pa/ mgon 'dod pa/ dpung gnyen 'dod pa de dag gnas der 'gro'o// ji srid de'i sdig pa'i las byas shing bsarba/ pa bcom zhing spangs la zad par ma byas pa de srid du lo 'bum phrag du mar de dag ga shin rje'i mi de dag gis bzung nas/ mda' bo che dang / mdung rab tu 'bar ba dag gis 'bigs par byed do/ / de dag de las thar par 'gyur te/ thar nas kyang skyabs 'dod pa/ mgon 'dod pa dag gar bab bab tu 'bros so// de dag gis kyang rgyang mi ring ba na/ grong dang khyim phun sum tshogs pa dang / chu bo dang lteng ka phun sum tshogs pa mthong ste/ de'i phyogs su de dag rgyug cing / de dag grong khyer de'i nang du 'jug go/ grong de dag thams cad kyang rab tu bskol ba 'bar ba yin la nang nas srog chags mar ko Ta ka kha rdo rje lta bu la mche ba rno ba rnams kyis shin tu gang ba yin te/ de dag gang gi tshe grong de'i nang du zhugs par gyur pa dang / khyim de'i sgo gcod par gyur te/ de dag der srog chags mar ko Ta ka mche ba rno la rab tu 'bar ba rnams kyis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar za bar byed do/ / gnod pa rgya mtsho lta bur gyur pa de las thar nas/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ chang btung bar ldud pa gang yin pa de'i nyes par byas pa'i las rgyu mthun pa des/ de sems 'khrugs par 'gyur zhing / dbul ba dang / lam po che dang / bani mdo'i tshong pa dang / byis pa thams cad kyi bzhad gad par gyur cing / bzhin gyi mdog ngan pa dang / so 'ba' zhig snang ba dang / rkang pa shin tu rdol ba dang / lus rtag tu bkres pa dang / skom pas gdungs pa dang / bu dang / chung ma dang pha dang / ma dang / gnyen bshes rnams kyis gtang bar 'gyur ro// gang chang de sdom pa blangs pa dag gis 'thungs na/ de dag sems can dmyal ba chen po du 'bong du rnam par smin pa myong bar 'gyur par rig par bya'o/ / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'dod kyi 'khor la brtags na/ des 'khor sgra chen po zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro// de la srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni gang gis gso sbyong ba rnams la chang brud na/ de lus dang bral nas ngan 'gro log par snang ba sems can dmyal ba sgra chen por skye bar 'gyur ro// der gnod pa 'di dag 'byung bar 'gyur te/ 'di lta ste/ ro nya rab tu bzhus pas thog ma nyid du khar ldugs so// ji ltar de dag gis gso sbyong ba rnams la blud pa de ltar lcags kyi bor bu rab tu 'bar nga'i nang nas ldud pa na/ ltar sems can dmyal ba gzhan dag na med pa snying rje ba'i sgra de lta bu 'byung bar 'gyur ro// de ltar snying rje ba'i sgra kun tu 'byin pa dang / gang sgra 'byung ba des nam mkha' de thams cad shin tu gang bar 'gyur ro/ / las kyi dbang gis sems can dmyal ba pa de rnams de ltar khro ba na/ khro ba de gshin rje'i mi rnams kyis thos nas kyang nyis 'gyur gyis khro bar byed do// de ltar chang btung ba'i 'thung ba de/ ma legs pa thams cad byed pa yin te/ sems mnyam par bzhag pas dge ba'i tshogs 'dzin par 'gyur ba'i sems de chang gis rnam par 'khrugs par byed do/ / rnam par 'khrug pa'i sems kyis ni bya ba dang bya ba ma yin pa so so'i ngo mi shes so// de na mi dge ba'i tshogs thams cad slong bar 'gyur ro// gang chang btung ba ldud pa ni de'i rgyu mi dge bar 'gyur te/ rgyu ji ltar byas pa de ltar 'bras bu nyes pa dang bcas par 'gyur la/ de gnod pa des shin tu rno ba dang / shin tu yun ring bar gnod pa du ma 'byung ngo // ji srid du de'i sdig pa'i las bcom zhing spangs la zad par ma byas pa de srid du sems can de dag sems can dmyal ba sgra chen po der gnod pa chen po'i sgra 'byin pa du ma dag 'byung bar 'gyur te/ des na sems can dmyal ba de sgra chen po zhes bya'o/ / de dag phyis thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ de mi rnams dang skal ba mnyam par gal te mir skyes na/ rgyu dang 'thun pa'i 'bras bus de yid mi gsungs par 'gyur zhing // de dus zung ngus kyang brjed par 'gyur/ de'i yid gsungs pa chung bas longs spyod med par 'gyur zhing / skye bo yang dga' bar mi 'gyur/ de'i nor de dag med par 'gyur zhing / nad chung ngus kyang 'chi bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des kye ma sems can dmyal ba ngu 'bod kyi 'khor bcu drug mthong ste/ 'di lta ste/ sgra chen po dang / thams cad sgra 'byin pa dang / skra mer 'bar ba dang / ma'i phye ma srin bu dang / lcags kyi me 'bar ba'i gtun shing dang / rdo me 'bar ba char ltar 'bab pa dang / gsod med dang / lcags tshal dgon pa dang / rab rib kun bsags dang / gshin rje'i mtshams kyi dgon pa dang / shing shal ma li'i tshal dang / shing shal ma la'i tshil chen po dang / chu shing bsregs pa dud pa'i tshal dang / me mdag dud pa'i tshal dang / glog gi na bun tshal dang / kun tu rtog byed de/ de dag ni sems can dmyal ba chen po ngu 'bod kyi 'khor bcu drug yin no// der las kyi rnam par smin pa gang gis skye bar 'gyur snyam nas/ dge slong des brtags na/ des sems can dmyal ba sgra chen po'i 'khor mthong nas/ 'khor gnyis pa thams cad sgra 'byin la rtog par byed do// des brtags na/ srog gcod pa dang / ma byin par len pa dang / 'dod pas log par g.yem pa ni snga ma bzhin no/ / chang 'thung ba ni gang gis kun tu bsten cing bsgoms te mang du byas pa dang / dang po sdom pa blangs ma thag la chang blud na/ de lus dang bral nas ngan 'a/ log par ltung ba sems can dmyal ba thams cad sgra 'byin du skye bar 'gyur ro// der gnod pa 'di dag 'byung bar 'gyur te/ ji lta ji ltar sems can dmyal ba pa rnams lcags kyi gtun shing gis rdeg pa na/ delta de ltar sgra chen po 'byin te/ des sems can dmyal ba'i 'khor de dag thams cad gang bar 'gyur ro// gal te khor yug dang / khor yug chen po'i ri dag dang / chu bo'i 'khor dag med na/ sgra des 'dzam bu'i gling la sogs pa mi'i gnas bzhi po der thams cad du 'byung bar 'gyur ro/ / de'i dud mo'i sgra 'byin pa des ji srid du de'i sdig pa'i las bcom zhing spangs la zad par ma byas pa de srid du snying rje zhing / de srid du ro med pa yin te/ de dag rang gi las dang mthun par sems can dmyal ba pa de dag de srid du ngu ba'i sgra 'byin to// de dag phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ chu dkon pa'i yul dang / 'brog tu skye bar 'gyur te/ srog gcod pa dang / ma byin par len pa dang / 'dod pas log par g.yem pa'i 'bras bu ni snga ma bzhin no// de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ des thos pa las byung ba'i shes pas 'khor sgra me 'bar ba zhes bya ba mthong ngo // der sems can dmyal ba pa dag las kyi rnam par smin pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / dge bsnyen bslab pa'i gzhi lnga yod pa la chang 'thung ba yon tan yin par bslab pa'i gzhi 'dzin du bcug na/ de lus dang bral nas ngan 'gro log par ltung ba sems can dmyal ba sgra me 'bar bar skye bar 'gyur ro/ / der me'i char rab tu 'bar ba gang yin pa des sems can dmyal ba pa dag gi sgra la sogs pa nas/ rkang pa'i bar dag tu sreg cing 'tshed la rab tu 'bar ro// sems can dmyal ba pa de dag gi rkang pa dag la ni khyi dang / klad pa la ni bya rgod mchu rab tu 'bar ba dang / dbus su ni wa dag gis za ste/ de ltar rang gis mi dge ba'i las byas pas sreg cing za'o// nyon mongs pa de dag du bzhin du gshin rje'i mi rnams la 'di skad ces smras so// bdag cag snying rje'i gnas su gyur// khyed la snying rje med dam ci// khyed la zhi ba med dam ci// bdag la khyed cag snying mi rje/ / de dag gis de skad smras pa dang / gshin rje'i mi dag gis slar smras pa/ ji ltar khyed cag gti mug gis// bsgribs pa'i sdig las mang po byas// mi bzad pa yis khyed cag bdas// de ni nged kyi rgyu ma yin// rmongs pas tshul khrims ma bsrungs shing // sdig pa mang po bsags pa byas// sdig pa mang po bsags pa yi// 'bras bu de ni nye bar gnas// de/ la bdag cag rgyu med de// 'di ni khyed cag nyid kyi rgyu// gang dag sdig pa'i las byed pa// de ni las de'i rgyu yin no// sred pa'i zhags pas bslus pa yi// khyed kyis sdig pa gang byas pa// de ni khyed la dradrug tu 'tshed/ / nged la ci zhig smra bar byed// sdig pa rgyu med ma yin te// sdig ma byas la rnam mi smin// gang gis sdig pa gang byas pa// da la de ni yongs su smin// chang ni dug gi mchog yin te// chang 'thung ba la bsten mi bya// chang 'thung ba la bsten pa ni// dge ba'i chos rnams nyams par 'gyur// gang gis rtag tu chang bstan pa// de yi blo ni mi brtan zhing // blo yo ba la chos med de// de lta bas na chang spongs shig/ nyams med nang na nyams mchog ni// chang zhes mkhas pa rnams kyis bshad// mi la nyams pas nyams byed pa// de lta bas na chang mi sten// chang 'thung ba la sten byed pa/ / mi sdug sdig pa'i chos yin te// de lta bas na dug lta bu'i// chang 'thung ba ni rnam par spongs// chang 'thung ba la gnas pa'i skyon// nor zad ngan pa rjod byed cing // le lo shin tu skyed byed pas/ / de lta bas na de spongs shig/ chang gis 'dod chags skyed byed cing // de bzhin khro dang gti mug dag/ yang dang yang du skyed byed pa// de lta bas na chang spongs shig/ de ltar ji srid du de'i sdig pa'i las bcom zhing spangs la zad par ma byas pa de srid du rang gi las kyi 'bras bu la spyod pa'i sems can dmyal ba pa dag sems can dmyal ba sgra me 'bar bar 'tshed do/ / de dag sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyi sa yi dgas dang dud 'gro dag tu ma skyes la/ mi rnams dang bskal pa mnyam par mir skyes na/ de rgyu 'thun pa'i 'bras bus/ gang du rnam pa thams cad du chang med pa'i yul de lta bur skye bar 'gyur zhing / gzugs dang ro mngon par shes par mi 'gyur ro// de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod kyi 'khor la rtog par byed de/ sems can dmyal ba chen po ngu 'bod kyi 'khor gzhan gang zhig yod snyam mo/ / des thos pa las byung ba'i shes pas sems can dmyal ba pa me'i phye ma srin bu zhes bya ba mthong ngo // der sems can dag las kyi rnam par smin pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// chang 'tshong ba ni chu mang bar byed la/ rin thang gzhan yin na gzhan du 'tshong ste/ de la skyon kha na ma tho ba brdzun dang / ma byin par len pa dang / chang 'thung ba de dag 'byung ngo // de lus dang bral nas ngan 'gro log par ltung ba sems can dmyal ba me'i phye ma srin bur skye bar 'gyur ro/ / der gnod pa 'di dag 'byung bar 'gyur te/ 'di lta ste/ nad bzhi brgya rtsa bzhi 'byung ste/ rlung las gyur pa brgya rtsa gcig dang / mkhris pa las gyur pa brgya rtsa gcig dang / bad kan las gyur pa brgya rtsa gcig dang / 'dus pa las gyur pa brgya rtsa gcig ste/ sems can dmyal ba pa dag dang 'thun par 'byung ngo / / gang nad gcig gis nyi ma gcig tu 'dzam bu gling dang / byang gi sgra mi snyan dang / nub kyi ba grang spyod dang / shar gyi lus 'phags kyi mi de dag kun sa lus par 'chi bar byed pa'i nad kyi rnam pa de lta bu dag sems can dmyal ba pa de dag la 'byung bar 'gyur ro/ / gnod pa gzhan dag yang dang yang du 'byung ste/ 'di lta ste/ sems can dmyal ba pa rang gi lus de dag la srin bu dag 'byung bar 'gyur te/ gang pags pa dang / khrag dang sha dang / tshal dang / rus pa dang / rkang dag la phug cing phug cing 'thung ngo // de ltar mgon med pa/ gshin rje'i mis 'jigs shing du skad 'byin pa na/ me'i gnod pa rnam pa du ma 'byung ste/ ji srid du de'i sdig pa'i las bcom zhing spangs la zad par ma byas pa de srid du/ me des sreg cing 'tshed la rab tu 'bar bar byed do/ / de dag sems can dmyal ba de las thar bar 'gyur te/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de chang gi nyo 'tshong gi rgyu mthun pa'i 'bras bus sdug bsngal ba dang / dbul bar 'gyur ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ sems can dmyal ba lcags kyi me 'bar ba'i gtun shing zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni sems can dmyal ba lcags kyi me 'bar ba'i gtun shing du skye bar 'gyur te/ snga ma bzhin no// seng ge dang / stag dang / gzig dang / ri skyegs dang / shang shang te'u dag chang gis brid de nyams par byas la bzung nas/ bsad pa gang yin pa de ni der skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags kyi gtun shing rab tu 'bar ba dag 'byung ngo // las kyis byas pa'i gtun shing de rnam kyis yan lag dang nying lag thams cad phye mar rlog cing gsod de/ ji ltar bye ma'i tshad tsam du de ltar yan lag dang nying lag thams cad phye mar rlog go// tshor ba des nam thag pa dga'o dod 'bod/ ngu skad 'byin/ smre sngags 'don cing / phan tshun rgyug ste/ brgyugs pa dang / gtun shing rab tu 'bar ba rnams kyis kun tu 'tshog go// ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ tshor bas nyen pa'i sems can de dag gshin rje'i mi rnams kyis bzung nas/ spu gri dag gis yan lag nga nyid lag thams cad 'jog cing gshog la 'dral lo/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas nga dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pas/ dreg pa can du skye bar 'gyur/ de las de dang rgyu mthun pas dbul bar 'gyur zhing / sman pa dang / sman sbyor ba dang bral ba'i yul ngan pa dang / rtswa dang / mya ngan dang / mes tshig pas 'jig pa mang ba'i yul ngan pa dag tu skye bar 'gyur ro// dam pa'i chos dran pa nye bar gzhag pa bam po dgu pa/ de nas gzhan yang dge slong las kyi 'bras bu rnam par smin pa shes pa des can dmyal ba du'abad kyi 'khor la brtags na/ des thos pa las byung ba'i shes pas brtags pas/ 'khor rdo ma 'bar ba char ltar 'bab pa zhes bya ba mthong ngo // der sems can dmya ba dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni sems can dmyal ba rdo me 'bar ba char ltar 'bab par skye bar 'gyur ro/ / chang ni g.yul 'gyed pa'i don du/ ji ltar glang po che chen pos g.yul du mi mang po gsod par 'gyur te/ de las bdag cag rgyal bar 'gyur ro snyam nas glang po che dag la chang blud de mi bsad na/ de dag las de'i rnam par smin pas sems can dmyal ba rdo me 'bar ba char ltar 'bab par skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba der las las skyes pa me rab tu 'bar ba'i glang po che srog thams cad 'phrog par byed pa 'byung ste/ des mi de bzung nas/ yan lag dang nying lag thams cad phug cing phye mar rlog par byed/ 'phen par byed cing / rnam par 'tshe bar byed/ rnam par 'khrug par byed cing yan lag dang nying lag so sor 'byed par byed do/ / de nas de las thar par 'gyur te/ phyi nas de gshin rje'i mi rnams kyis bzung ngo // bzung nas zangs dmar po rab tu bskol ba'i nang du bcug ste/ ji srid du de'i sdig pa'i las bcom zhing spangs la zad par ma byas kyi bar du de lo 'bum phrag du mar sreg cing 'tshed la gsod par byed do/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus/ des glang po che gsod par bshams kyang // glang po che des gsod par 'gyur/ dbul zhing byad bzhin ngan la/ rkang pa dang lag pa bong bu'i rkang pa ltar 'gyur zhing / lus rtag tu rtsub par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chen po 'chi med ces bya ba mthong ngo / / der mi dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / chang ni bud med gzhan 'os pa ma yin pa la blud de/ blung nas kyang myos pas 'khrul par byas la/ de dang lhan cig tu mi tshangs par spyad na/ de lus dang bral nas ngan 'gro log par ltung ba sems can dmyal ba 'chi med du skye bar 'gyur ro/ / der gnod pa 'di dag 'byung bar 'gyur te/ 'di lta ste/ khyi rab tu 'bar ba dag gis rlig pa 'byin par byed do/ / phyung zhing bton nas kyang yang shin tu 'jam zhing sdug pa skye bar 'gyur ro// yang 'byin par byed de/ gnod pa don med pas ngu skad 'byin par byed do// de ltar de dag de las thar nas/ ga ra ba bab tu 'bros so/ / de dag bros pas mdun na/ ngam grog chen po de la bya rog dang / bya rgod dang / 'ug pa dang / bya d+h+ya mi ka lcags kyi mchu dang / sen mo rab tu 'bar ba rnams kyis gang ba mthong ngo // ngam grog de la sems can dmyal ba 'khams te/ bzhin gyur pa/ mgon 'dod pa/ skyabs 'dod pa de dag rab tu lhung ngo // de nas bya rog dang / bya rgod dang / 'ug pa mchu dang sen mo rab tu 'bar ba rnams kyis yan lag dang nying lag so sor phye ste za'o/ / ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar yang skye bar 'gyur ro// de dag sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ snga ma bzhin du sbyar te ba las de'i rgyu dang 'thun pa'i 'bras bus rgyal pos bzung zhing lus mdog ngan pa dang / bzhin mdog ngan par gyur cing // de nyid du 'chi ba'i dus byed par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa snga ma bzhin du des mthong ngo // chang ni dug dang sbyar nas/ dgra gsad par bya ba'i phyir brud na/ lus dang bral nas ngan 'gro log par ltung ba 'khor lcags tshal dgon par skye bar 'gyur ro// 'di lta ste/ lcags kyi 'khor lo 'khor bar rab tu 'bar ba der sems can dmyal ba de dag lcags kyi @khag pas bcings nas lcags kyi 'khor los kor bar byed do/ / bkor ban dgrag shi rje'i mi rnams kyis lan lag dang cing lag thams cad la mtshon chadag gis 'debs par byed de/ ji ltar yungs 'bru tsam du sems can dmyal ba pa de dag gi lus kyi sha de la lhag ma ma lus par byed kyang / de'i las nyes par byas pa'i rnam par smin pas dus las 'da' ba ni mi byed do// gal te de dag las zad nas 'khor lo 'khor ba de las thar nas/ gar bab bab tu 'bros pa dang / de dag las kyis byas pa'i lcags kyi sbrul rnams kyis gzung bar 'gyur te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar za'o/ / de phyis sems can dmyal ba de dag las thar bar 'gyur te/ thar nas kyang gal te lan grangs gzhan la myong bapar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus sbrul gyis 'dzin pa 'am/ mgo'i nor bu 'byin par 'gyur ba 'am/ las de dang rgyu 'thun pa'i 'bras bus sbrul rnams kyis srog dang phral bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des 'khor rab rib kun bsags zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// sems can so so 'tsho bar bya ba'i phyir chang 'thung ba'i zong ngam/ rin byin na/ de lus dang bral nas ngan 'gro log par ltung ba sems can dmyal ba rab rib kun bsags su skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de thams cad mun pa yin te/ der gnod pa myong ba ni gshin rje'i mi dag kyang mi mngon la/ 'di dag sus byas zhes gnod pa yang mi mngon te/ mun nag las byung ba'i ma'i nang du 'jug go// me de'i 'od kyang shin tu mi gsal ba yin te/ bar skabs skra'i rtse mo tsam yang med pa'i me de'i nang du de dag sreg cing 'tshed la gdungs so/ / ngu zhing skad 'byin pa na/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sog le dag gis kyang mgo la sogs pa nas/ rkang pa'i bar du phyed mar gshag go// phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus rtag tu skom pa dang bkres pas gdungs par 'gyur zhing / de nor rdzas dang 'bral bar 'gyur la/ gang na bza' btud nyung ba'i gling de dag tu skye bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba gshin rje'i mtshams kyi dgon pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// gang gis nad mi bzad pas thebs pa dang / bu btsas pa dag la chang 'thung ba'i zong dang rin gyi don du/ gos kyi rgyu 'am zas kyi rgyu byin na/ de lus dang bral nas ngan 'gro log par ltung ba sems can dmyal ba gshin rje'i mtshams kyi dgon par skye bar 'gyur ro/ / der gnod pa 'di dag 'byung bar 'gyur te/ 'di lta ste/ rkang pa dang sen mo la sogs pa gshin rje'i mi kha 'a bar rab tu 'bar ba ngag gis za bar byed do/ / zos nas kyang gnod pa 'byung bar 'gyur te/ 'di lta ste/ ji srid du de'i sdig pa'i las bcom zhing spangs la zad par ma byas pa de srid du/ mdung zung gi rtse mo rab tu 'bar ba dag gis lo 'bum phrag du mar 'tshed cing sreg la gshag cing gsod do/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de yul ngan pa dang / gnas ngan pa dang / ri brags ngan pa dag tu phag 'tsho ba dang / long bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba shing shal ma li'i tshal zhes bya ba yod pa mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni mchog tu mang pos chang shin tu ra ro bar 'gyur ba'i rdzas de dag sbyor bar byed de/ de'i chang ji ltar kha cig ni dar ba lta bu dang / kha cig ni chu lta bu dang / kha cig ni zho ga chu lta bu de ltar bcos nas/ 'brog dgon par zhugs pa de'i ded dpon dag la blud de/ de yang ra ro zhing shin tu ra ro bar 'gyur/ de kun gyis shin tu ra ro bar byas te/ ra ro ba de dag des bsad nas/ nor gang dang gang yod pa de dang de dag phrogs na des bslus pa yin pas/ de 'jig rten na chom rkun tu rgyu ba zhes bya ba'o// de'i las kyis bskyod pas de lus dang bral nas ngan 'gro log par ltung ba sems can dmyal ba shing shal ma li chen po'i nags su skye bar 'gyur ro/ / der gnod pa 'di dag 'byung bar 'gyur te/ 'di lta ste/ me rab tu 'bar ba'i rdo char gyi tshogs kyis lus dag kun tu bsreg cing 'bugs la gcod par byed de/ sa'i bar du sreg par byed do// chu bo rab tu bskol ba'i phyed mdag ma dmar po tsha bas bzhu ba'i chu rtag tu 'jigs pa zhes bya ba yod de/ ji srid du de'i sdig pa'i las bcom zhing spangs la zad par ma byas pa de srid du/ zangs dang ro nyer bsres pa rab tu bskol ba'i chu bo der lo 'bum phrag du mar sreg cing 'tshed la/ gshin rje'i mi rnams kyis kyang ral gri dang / mda' bo che rab tu 'bar ba dag gis kun tu 'debs par byed do/ / de phyis thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus mig gi mdog gnag cing / rtag tu khro la phrag dog mang por 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ de thos pa las byung ba'i shes pas shing shal ma li chen po'i tshal yod pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni lus dang bral nas ngan 'gro log par lhung ba sems can dmyal bar skye bar 'gyur te/ snga ma bzhin no// chang gi dbang du byas nas/ sings po lngar bcos te/ 'brog dgon pa'i skye bo mang po dag la blud na/ de lus dang bral nas ngan 'gro log par ltung ba'i sems can dmyal ba shing shal ya li chen por skye bar 'gyur ro// de chang blud pa'i 'bras bus der gnod pa 'di dag 'byung bar 'gyur/ 'di lta ste/ las kyis byas pa'i shing shal ma li 'phang du dpag tshad gcig tsam yod pa 'byung ste/ 'dab ma spu kri lta bu yin la/ yal ga me 'bar ba lta bu yin/ dud pa gdug cing / rlung dug lta bu 'byung ste/ de ltar chang gi las kyis byas pa de 'byung ngo // gang dpag tshad gcig tshun chad du rlung dug lta bus gnod par byed kyang / srog dang bral bar mi 'gyur ro// ji lta ji ltar shing shal ma la chen po'i nags dpag tshad sum stong yod par chud na/ de lta de ltar ma dag ma dang du bar bsres pa dug lta bu'i shugs kyis sdug bsngal 'bum snyed myong yang dus las 'da' bar ni mi 'gyur ro/ / gang gi tshe shing shal ma li chen po'i tshal du sems can dmyal ba pa gshin rje'i mi rnams kyis 'jig par byas pa chud par gyur pa de'i tshe/ shing rnams las kun nas spu gri lta bu'i char rab tu 'bab ste/ gang lag na ral gri dang / mda' bo che mang po thogs pa 'khrugs pa dag gis yan lag dang / nying lag thams cad dang / rgyus pa dang / gnad dang / ka ran da ra dang / rus pa dang / rkang thams cad yang dang yang du rnam par gsheg cing 'dral la/ dum bur byed do// ka shin rje'i mis 'jigs shing skrag pa de dag lcags kyi shing shal ma li chen po'i rigs khrod na/ kha cig ni grib ma'i nang na zhum zhum por 'dug/ kha cig ni shing khar 'dzeg/ kha cig ni gshin rje'i mi de dag dang brud nas ral gri dag gis 'debs shing gshag go// de chang 'thung ba'i 'bras bus gang dag gis grib ma'i nang na zhum zhum por 'khod pa de dag gi mig kyang bya rgod kyis 'byin cing khu ba yang 'thung ngo / / chang 'thung ba de'i 'bras bus shing de la 'dzeg pa de dag kyang shing de dag las yal ga ltung bas de dag dum bu brgya 'am/ yang na stong du phye mar rlog go/ gang dag tshal de'i thor to la 'dzeg pa de dag pa tshwa'i chu bo bzhus par 'jug ste/ ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar rgyus pa dang / rus pa dang / lus nyid la gnod pa myong bar 'gyur te/ 'di ni de'i phyogs 'ga' zhig bstan pa yin no/ / de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis de yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de yid rnam par g.yengs shing nad drag po 'am/ gal te snying nad dam/ gal te ngal skyen pa mang ba 'am/ gal te rkang pam gyis 'debs par 'gyur zhing / gal te long bas nyam thag par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chu shing bsregs pa'i dud pa'i tshal zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no/ / chang 'thung ba ni bud med yon tan can dag la thabs gzhan gyi spyod pas brid de blud nas ra ro bar byas te/ sems 'khrul par gyur na/ 'di lta ste/ sems can dmyal ba de ni las de'i rnam par smin pas kun nas dpag tshad lnga yod pa de'i nang dud pas 'khrigs shing rgya mtsho'i glong gi me'i mun nag gis gtibs pa/ zabs su kun nas rgyang grags gsum du sa brkos pa der me ma dag khrol bu rab tu 'bar bas shin tu gang ba'i sa'i bu ga der sems can dmyal ba pa de dag nyin gcig bzhin du 'jug ste/ ngu skad 'byin par yang mi nus shing / de bzhin du 'dzag sgo thams cad kyang mes gang bar 'gyur ro/ / de las thar nas chu shing gi dud pa des de ltar yang dang yang du 'dzag sgo thams cad gang bar 'gyur la/ 'di ltar me de la bde bar sems te/ dung de'i mthu ni de ltar shin tu rno ba nyid yin no/ / de las kyang thar nas ji srid du de'i sdig pa'i las bcom zhing spangs la zad par ma byas pa de srid du/ bya du nga'i mdog gi 'phreng ba zhes bya ba'i mchu shin tu rno bas de dag gi rus pa phug nas rkang dag la za bar byed do/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus blo dang mjug do dag la gdon gyi nad kyis thebs shing dbul ba dang / tshe thung bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pa des sems can dmyal ba me mdag dud pa'i tshal zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni snga ma bzhin no// chang 'thung ba ni dgra gsad pa'i phyir dang / chom rkun dang / rgyal pos bkrabs pa gsad pa'i phyir blud na/ de lus dang bral nas ngan 'gro log par ltung ba sems can dmyal ba me mdag dud pa'i tshal du skye bar 'gyur ro// der gnod pa 'di dag 'byung bar 'gyur te/ 'di lta ste/ der las kyis byas pa'i me mdag spu gri lta bu'i rlung ldang la/ rlung des sems can dmyal ba pa de dag phan tshun gyi shugs kyis thug cing shin tu drug go// de dag gi lus phan tshun thug pa na/ ji ltar bye ma chang pa nas gtor ba bzhin du de ltar lus de dag phye mar rlog go// yang las kyi dbang gis skye bar 'gyur te/ ji srid du de'i sdig pa'i las bcom zhing spangs la zad par ma byas pa de ji srid du/ lo 'bum phrag du mar gnod pa thams cad myong bar 'gyur te/ 'di lta ste/ spu gris gshag cing me'i tshor ba dang / nad kyi tshor ba dang / mtshon cha'i tshor ba dang / pa tshwa'i tshor ba ste/ tshor ba mchog tu tsha ba/ mchog tu 'jigs pa/ de dag ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar myong bar 'gyur ro// phyis sems can dmyal ba de las thar nas kyang lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na las de dang rgyu mthun pa'i 'bras bus gzhang 'brum rim gsum pas thebs par 'gyur zhing / rtag tu grang ba'i rim gyis thebs par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba glog gi na bun tshal zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang mkhyen par len pa dang / 'dod pas mgo par sa sem pa can tu bstan kyang ba sgoms te sa smrarnam pa ni rdza ma bzhin no// radu drang ba na phyi romam thamangon par ben pa'i ngang chu can dkyus ba'i bsam pas blud na/ lus dang bral nas ngan 'gro log par ltung ba sems can dmyal ba glog gi na bun tshal du skye bar 'gyur ro// de dag la gnod pa 'di dag 'byung bar 'gyur te/ 'di lta// ste/ sems can dmyal ba de khru nyis brgyar sems can dmyal ba'i mas rab tu gang ba der sems can dmyal ba pa dag gshin rje'i mi rnams kyis bzung nas 'jug ste/ rkang pa nas/ mgo la sogs pa'i bar bteg cing bzhus so/ / las kyi rlung gis yang skye bar 'gyur la/ me de ni lo ma sdud pa lta bu yin te/ ji tsam du phyogs bcur thag pas dkris pa bzhin du sems can dmyal ba pa de dag dkris nas/ ji ltar thal ba yang mi mngon pa de ltar sreg par byed do// yang 'byung bar 'gyur te/ ji srid du de'i sdig pa'i las bcom zhing spangs nas zad par ma byas pa de srid du/ de ltar lo 'bum phrag du mar sreg go// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de chang 'thung ba'i rgyu mthun pa'i 'bras bus yul ya ba na dang / ba lci ka der skyes shing / bkol bas nyams par 'gyur te shugs drag pas bkol bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod kyi 'khor la brta na/ des 'khor kun tu rtog byed ces bya ba mthong ngo // der sems can dag las kun tu bsten cing bsgoms te mang du byas pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no// chang 'thung ba ni ji ltar 'di dag chang gis yid g.yengs na lam du 'jug pa la ngal bar mi 'gyur ro snyam nas/ lam du 'jug pa'i ched dang / rngon pa dag ri dgas bsad pa la 'gro ba mgyogs par 'gyur ro// snyam nas blud na/ de lus dang bral nas ngan 'gro log par ltung ba sems can dmyal ba kun tu rtog byed du skye bar 'gyur ro/ / de dag la gnod pa 'di dag 'byung bar 'gyur te/ 'di lta ste/ 'dod pa gang dang gang nyid kun tu sems pa de dang de nyid gshin rje'i mi dag gis brgya 'am/ yang na stong ngam/ bye ba brgya 'am/ yang na stong du byed de/ sems can dmyal ba'i 'khor gzhan du gnod pa gang dang gang 'byung ba de dag thams cad kyi bzhi 'gyur der 'byung ste/ snga ma bzhin no// sems can dmyal ba pa rnams lag shin rje'i mi dag gis rjes su bstan pa'i tshigs su bcad pa smras pa/ de yi las ni rnam gsum gyis// gnas skabs dgur ni 'tshed byed cing / / rnam par smin pa bzhi bcu tham// drag po rab tu g.yos par 'gyur// don med gni ni chang yin te// sems can dmyal ba'i bcud gad pa// dbang po thams cad rnam nyams shing / / don med pa yi rgyur gyur to// tshig la shin tu dga' ba dang // chags pa dang ni 'jigs pa dang // ngag gi skyon dang rlom pa dang // tshig rtsub gzhi ni 'di yin no// chang gis kun tu g.yengs pa'i yid// bya dang mi bya mi shes pas// mi de phyugs dang mtshungs pa yin// de lta bas na chang spongs shig/ chang gis g.yengs pa'i mi dag ni// gson yang shi ba dag dang mtshungs/ / gang zhig rtag tu gson 'dod pas// rtag par chang ni rnam par spongs// chang ni nyes pa kun gyi gzhi// rtag par don kun med par byed// ngan song gsum gyi them skas te/ / mun nag gnas ni chen po yin// chang gis sems can dmyal bar 'gro// de bzhin yi dgas 'jig rten dang // chang gi skyon gyis bslus pa yi// mi dag dud 'gro rnams bu 'gro/ / dug ga nang du drug ni cang // de bzhin myal pa'i nang na dmyal// mang gyin ngan nad mchog ni// chang zhes mkhas pa rnams kyis bshad/ khro dang dbang po nyams byed song / chen chos ni zad byed la// tshangs par spyod pa 'jig byed pa// mi bzad chang ni skye gnas gcig/ rgyal po dang ni bstan bcos mkhas// chang gis yang bar byed 'gyur na// tha mal mi dag chang 'thung ba/ / srus par 'gyur ba ci zhig smos// chang la ston pa'i mi dag ni// chos rnams kyi ni snga re yin// ngo tsha med par byed pa'i mchog/ yang ba dag tu nye bar bstan// chang gis phrogs par gyur pa'i sems/ / bya ba dang ni mi bya ba// mi shes rnam par mi shes shing // thams cad mi yis mi shes so// gang zhig chang la sten byed pa// skye bo res 'ga' dga' byed cing // res 'ga' yongs su gdung byed la/ / res 'ga' sdig pa byed pa yin// blo ni shin tu rmongs skyed cing // 'jig rten gnyis ni rnam 'jig byed// thar pa'i chos la me lta bur// sreg byed kho na chang yin no/ / mi gang dag ni chang spong ba// chos kyi ngang tshul mnyam par gzhag/ gang na 'chi ba med pa yi// gnas mchog dag tu de 'gro'o// chang 'thung ba yis bslus pa dag/ de ni byed pa dman pa yin/ / mi bzad sems can dmyal bar ltung // don med ci zhig yongs su gdung // 'thung ba'i tshe na chang zhim ste// rnam smin chen mchog tu tsha// kim pa ka nang kim pa ka/ chang zhes mkhas pa rnams kyis bshad/ / bdag la 'di yis mi gnod ces// blo ldan chang la yid ma rton// myong na bsil yang rnam smin tsha// chang ni dmyal bar 'gro bar byed// sdig pa'i chos rnams byed pa la// sems g.yengs pa dag dga' bar byed// phyi nas rnam smin chab ru// blo ngan yongs su gdung bar 'gyur// 'dod pa rnams la blo mi gtang // 'dod pa mchog tu slu ba yin// 'khor ba'i 'ching ba drag po ste/ / sems can dmyal ba kun gyi rgyu// gang zhig 'dod pa rnams la dga'// de yi sdug bsngal mtha' med do// 'dod pa'i sbrul gyis zin pa la// bde ba rnams kyang ga la yod// khyed cag 'dod pa mi bzad cing // drag po sems can dmyal bar 'ongs// gnod pa shin tu mi bzad la// don med ci zhig yongs su gdung // gang tshe 'dod pas bslus pa yi// khyed cag gis ni sdig byas pa/ / de tshe ci phyir khro mi byed// de ring ci zhig yongs su gdung // byas la bsags pa brtan pa yi// las dag gis ni 'bras bu snang // sdig pa'i tshor ba mi bzad pas// de lta bas na sdig mi bya/ / sdig pa sdig pa'i rnam smin de// rtag tu sdig pa rnams su smin// sdig mi byed la sdig med de// de lta bas na sdig pa spongs// sdig pa yongs su spangs pa la// sdig pa'i 'jig pa med pa yin/ / sdig pa rang gis byas pa gnod// gzhan gyis spyod par mi 'gyur ro// de ltar gshin rje'i mi de dag sems can dmyal ba ba de rnams la rjes su ston pa rjes su bstan nas/ ji srid du de'i sdig pa'i las bcom zhing spangs la zad par ma byas pa de srid du gnod pa rnam pa sna tshogs dag byed du 'jug go/ / phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de mchog tu khro bas khro bar 'gyur zhing / bka' blo mi bde bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la rtog par byed kyi/ sems can dmyal ba chen po'i 'khor gyi nyen kor la kun tu mi rtog ste/ las kyi 'bras bu rnam par smin pa yang mi mthong ngo // de 'di snyam du sems/ kye ma sems can dmyal ba'i 'khor bcu drug po 'di yang ji ltar yang sos dang / thig nag dang / bsdus 'joms bzhin te/ bye brag tu na sems can dmyal ba der gnod pa gzhan gang dang gang yod pa/ sems can dmyal pa de la tshor ba de dag thams cad bcu 'gyur du 'gyur te/ las byas pa'i rgyu gang brtan pa/ srog gcod pa dang / ma byin par len pa dang / 'dod pas log par g.yem pa dang / sdom pa blangs bas chang ldud pa 'am/ 'thung ba'i las ngan pa bzhi 'gyur byas pas der skye bar 'gyur te/ las de'i 'bras bu rnam par smin pa bzhi 'gyur gyis tshe shin tu ring po de dag la tshor ba shin tu drag pa 'byung ngo / / dge slong des bzhi 'gyur mthong nas las kyi 'bras bu rnam par smin pa ji lta ba bzhin rjes su bsams pa dang / 'khor ba las yid 'byung ba yang bcu 'gyur du yid byung ngo // yang dge slong de sems can dmyal ba ji lta ba bzhin mthong nas/ 'khor ba la shin tu 'jigs shing skrag ste/ sa gzhan bcu pa la zhugs pa/ rnal 'byor spyod pa nang gi chos la chos kyi rjes su lta zhing gnas so/ / de yang sa bla'i gnod sbyin dag gis shes nas/ bar snang la spyod pa'i gnod sbyin dag la mngon par bsnyad do// snga ma bzhin du sbyar te/ tshangs ris dang / tshangs pa mdun na 'don dang / tshangs pa chen po'i bar gyis thos nas/ bdud kyi phyogs ni dma' bar 'gyur zhing / dam pa'i chos kyi phyogs ni mngon par mtho bar 'gyur ro zhes tshangs pa chen po'i ris kyi lha dag dga' ste/ rgya cher snga ma bzhin du sbyar ro// de nas gzhan yang dge slong las kyi 'bras bu rnam par smin pa shes pa des/ sems can dmyal ba gzhan la brtags na/ des thos pa las byung ba'i shes pas sems can dmyal ba ngu 'bod chen po zhes bya ba yod pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pa rdzogs pa de ni sems can dmyal ba ngu 'bod chen por skye bar 'gyur te/ de la srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no// mchog tu bya bar dka' ba skye bo mkhas pa kun gyis rab tu smad pa/ ngan song kun gyi sgor gyur pa/ rnam pa du zhig gis brdzun du smra ba rdzogs par 'gyur snyam na/ 'di lta ste/ rgyal po 'am/ blon po 'am/ 'khor gyi nang du 'dug kyang rung ste/ gnyis shig chos kyi srang la zhon nas rtsod pa'i tshe/ dbang po 'di ni tshad ma yin te/ gang 'dis smras pa de bdag cag tshad ma yin no// zhes smras pa las/ de yang dran bzhin du don gzhan du smra ba ma/ gal te nor gyi phyir ram/ gal te phyogs bzung ngam/ gal te 'dod chags kyis bdag la bdag nyid bslu ba ni snga ma bzhin te/ 'di ltar brdzun 'di las kha na ma tho bar 'gyur ba cung zad kyang med de/ bdag gis brdzun de bya'o snyam nas/ de ltar de grub na nyes pa don med pa byas pa de las de gnyis kyi nang nas gcig la chad pas gcod de/ gal te gsod du dogs pa 'am/ gal te gsod pa 'am/ gal te khyim 'phrog ste/ ji ltar nyes pa'i tshul dang mthun par brdzun du smras na/ de'i rgyus sdig pa'i mi de lus dang bral nas ngan glo log par ltung ba sems can dmyal ba ngu 'bod chen por skye bar 'gyur ro/ / der tshe shin tu ring bar 'gyur te/ gang 'phrul dga'i lha rnams kyi tshe ni lha'i lo brgyad stong ngo // gang mi'i bgrang ba'i tshul gyis ni mi'i lo brgyad brgya la nyin zhag gcig ste/ de 'phrul dga' ba rnams kyi nyin zhag gcig yin no// de nyin zhag sum cu la zla ba gcig go// zla ba bcu gnyis la lo gcig ste/ sgra de rnams kyi tshe ni lha'i lo brgyad stong yin la/ de ni sems can dmyal ba ngu 'bod chen po'i nyin zhag gcig yin te/ der brdzun smras pa sdig can rnams gnas so// bdag dang gzhan la slu ba ni dge ba'i rtsa ba thams cad ma rung bar byed cing / mun pa chen por gyur pa/ skye bo chen po'i yid ches par mi byed la/ skye bo mkhas pa kun dang lo stong du mi mthun pa nyan thos dang / rang sangs rgyas dang / yang dag par rdzogs pa'i sangs rgyas kyis smad pa/ 'jig rten pa dang / 'jig rten las 'das pa'i lam gyis skyon du bgrang ba/ dge ba'i rtsa ba'i stegs thams cad la sta re lta bur gyur pa/ rtag tu gnod pas yongs su 'gyur ba/ ro myags pa/ snying po med pa las dug lta bur langs pa/ 'khor ba'i 'gro ba ngan pa'i rgyur gyur cing nyal nyil du gyur pa/ kha nas dri ma nam pa bskyed pa/ rtag tu sdug bsngal gyi dra ba'i rgyur gyur pa/ mi 'dod cing mi sdug la yid du mi 'ong ba/ sems can dmyal ba 'jig pa chen po'i pho nya 'chi ba'i tshe rnam par spangs pa chen por byed pa/ gshin rje'i mi'i yul du phyin pa rnams kyi mi mdza' ba chen por gyur pa/ yi dgas dang dud 'gro'i 'gro ba dag la g.yang sa lta bur gyur pa// nyes par byas pa'i las kyi mtha'i rgyur gyur pa/ dbul po'i rgyur gyur pa/ sems can dmyal bar 'jigs pa chen po byed pa/ dud 'gro dag gcig la gcig za ba'i rkyen du gyur pa/ thog ma med pa'i dus nas zhugs pa/ 'khor ba'i sa bon du gyur pa/ brdzun smra ba'i 'bras bus der skye bar 'gyur ro// sems can dmyal ba chen po de'i 'khor ni 'di lta ste/ sgra 'byin shin tu sgra 'byin dang / tshor ba dpag tu med pa dang / tshor ba rtsub cing tsha la bzod par dka' dang / gnod pa dpe med dang / thams cad mun pa dang / 'jig rten par gyi du ba dang / phye ma leb ltar rab tu lta ba dang / srog 'chi ba dang bcas pa dang / gzhan du 'gyur ba dang / bsam pa dga' med dang / phan tshun gnod pa 'jug pa dang / nags tshal mes mched pa'i rgyun lta bu dang / tshor ba ring ba dang / tshor ba mtha' yas dang / khwa'i mchu rdo rje lta bu dang / khrag dang rkang za ba dang / me lce bcu gcig ste/ de dag ni sems can dmyal ba ngu 'bod chen po'i 'khor bcu drug yin no// sems can dmyal ba ngu 'bod chen po der sems can dag las byas shing bsags pa gang gis skye bar 'gyur snyam na/ las kyi nyer bsdogs dang / las kyi lam/ las kyi mjug kun tu bsten cing bsgoms te mang du byas pas/ so sor 'jigs pa chen po sems can dmyal ba ngu 'bod chen por skye bar 'gyur ro// der gnod pa 'di dag 'byung bar 'gyur te/ 'di lta ste/ lce pad+ma'i 'dab ma ltar shin tu 'jam pa de kha nas drangs te/ rgyang grags gsum du brgyangs pa/ gshin rje'i mi 'jigs 'jigs ltar 'dug pas de bzung nas gshin rje'i mi rnams kyis lcags kyi thong gshol rab tu 'bar ba dag gis 'bugs shing rmed la yongs su 'dral lo/ / zangs dmar po rab tu 'bar bas chag chag 'debs shing / lce las byung ba'i srin bu kha rab tu 'bar ba dag skye ste/ gang lce dag la za yang brdzun smra ba des lce de dag phyir kha'i nang du gzhug par mi nus so// de'i kha'i nang gi so gang yin pa de dag la so srin u lu ka la zhes bya ba 'byung ste/ de dag gis 'byin par byed cing / de'i dkan yang las kyis byas pa'i rlung gis bye ma'i phye ma ltar phye mar rlog go// de'i mid pa yang spu gri lta bu'i rlung gis 'jog par byed la/ de'i snying yang srin bu mchu rab tu 'bar ba dag gis za bar byed do// brdzun smra ba'i lus can ni sems can dmyal ba ngu 'bod chen po'i gzhir skyes nas sreg ste/ las byas pas kun nas bslang ba'i lus las byung ba'i srin bu rnams kyis lus rab tu 'bar ba'i rgyu ma dag la za'o/ / de'i nang na 'dug pa'i srin bu rnams dang / nad rnams kyis tshor ba mi bzad cing tsha la drag ba rnams myong ngo / / phyi rol du yang sdug bsngal rnam pa gnyis kyis gnod de/ 'di lta ste/ me las byung ba'i sems can dmyal ba pa dag la gshin rje'i mi rnams kyis tshor ba'i rgyu rnam pa sna tshogs dag gis 'jigs pa skyed do/ / phur bu dag gis kyang yan lag dang nying lag thams cad dang / lus kyi rtsa dang / rgyus pa dang / rus pa'i gse pa thams cad 'bugs par byed do// gzhan yang tshor ba rnams kyis mngon par gtses par 'gyur te/ 'di lta ste/ ste'u yis yan lag nas/ rus pa la sogs pa'i bar thams cad 'jog go// brdzun smra ba smras pa de ni mchog/ tu don ma yin pa byed cing / chos kyi stegs kun las rgal ba yin te/ brdzun smra ba ni don med pa thams cad kyi sgor gyur pa/ dge ba'i lo tog thams cad la ser ba lta bur gyur pa/ ngan 'gro thams cad kyi sgor gyur pa/ bya ba ma yin pa thams cad kyi gzhir gyur pa/ sems can thams cad kyis yid ches par 'gyur ba ma yin pa/ 'phags pa'i skye bo kun gyis mi gtsang ba dang 'dra bar smad par gyur pa/ rdzogs pa'i sangs rgyas dang / nyan thos dang / rang sangs rgyas dang / dgra bcom pa dag gis dug bzhin du rnam par spangs par gyur pa/ 'jig rten pa dang 'jig rten las 'das pa'i lam gyi mun par gyur cing su yang 'dod pa med pa/ gcig tu sems can dmyal ba mngon du gyur cing / gzhan yang mtshungs pa med la/ mun nag tu gyur pa yin te/ rnam pa de dag tu gyur pa don med pa 'byung ba yin no/ / gang dag smra zhing gang dag smras pa na/ sems can dmyal ba ngu 'bod chen por rgyu de dang mtshungs par 'bras bu 'byung ste/ de'i rkang pa mes mar gsar bzhin du 'ju zhing / de'i bar yang sog le rab tu 'bar bas gshag go// de'i lus dang yid thams cad du sdug bsngal zhing don med pa rgyu mthun pa'i 'khor de'i mes sems can dmyal ba pa chen po dag 'tshed pa na/ nad thams cad kyis sems can dmyal ba mtshungs pas kun tu ngu skad 'byin to// nad mi bzad pa de dag gi ming bzung bar bla ba yang ma yin te/ de/ ni ji ltar bstan pa bzhin du ji srid du de'i sdig pa'i las byas shing bsags pa bcom zhing spangs la zad par ma byas pa de srid du/ lo 'bum phrag du ma brgya stong bye ba khrag khrig tu sems can dmyal ba pa'i sdug bsngal myong bar 'gyur ro/ / de phyis sems can dmyal ba las thar par 'gyur te/ thar nas gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de ltar srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dag gi rgyu mthun pa'i 'bras bus de dbul zhing tshe thung la sems g.yengs pa/ ma ning skye bo kun gyis smad cing yid brtan pa'i gnas su mi 'gyur ro// 'dir tshigs su bcad pa/ lus can brdzun du smra ba yi// chos gcig las ni 'gal byas pa// 'jig rten pha rol rnam rgal ba'i// sdig pa don med gang med min// kun la yid ches mi byed pa// brdzun gyi tshig ni ma smra zhig/ 'khor bar gang gis gnod pa ni/ bde 'gro nyid ni mthong mi 'gyur// brdzun tshig rab tu 'jug pa ni// 'jig rten gnyis la gnod byed cing // kun gyis rnam par sdang byed la// chos rnams kun gyi dgon pa yin// gang gis da khyo rgyus/ rdzus pan// A k+ShA gyu/ ga kAr+b+ha spyan/ na / yin zhing / / de ni mun nag skye gnas gcig/ bden pas dman pa'i mi dag ni// mkhas pa kun gyis rnam par spangs// 'jig rten 'dir ni rtswa ltar 'gyur// pha rol ngan song rnams su 'tshed// dpa' bo shin tu brdzun mi smra// nyon mongs brdzun tshig smra ba dag/ kha nas rul ba'i dri 'byung la// phyi nas lus kyis gdung bar 'gyur// bden pa rin chen rnam spangs pa// de la chos ni med pa yin/ / chos ni rnam par spangs pa la// sdug bsngal mtha' med gnas pa yin// chos rnams kun gyi sgron yin zhing // mkhas rnams rin chen lta bur dga'// mtho ris lam gyi dam pa ni// bden pa yin zhes rims bral gsung // bden pa yis ni mtho ris dang // bden par smra ba thar par 'gro// bden pas dman pa'i mi dag ni// khyi dang 'dra bar rab tu bsgrags// gang la bden pa med pa ni/ / tha shal nang na de tha shal// bden pa chos kyi them skas te// snang ba'i 'byung khung chen po yin// thar pa'i chos kyi lam yin zhing // nor gyi nang na nor mchog la// skyabs kyi nang na skyabs mchog ni/ / bden pa yin zhes mkhas pas bshad// snang ba'i nang na snang ba mchog/ mig gi nang na mig dang ldan// nor rdzas med la nor rdzas te// rgyan gyi nang na'ang rgyan bzangs yin/ / bden pa mi zad gter yin te// rgyal po kun gyis dbrog mi nus// mi dag gang gis smra ba ni// 'gro ba mchog tu 'gro ba yin// ji ltar bden pas skyes bu dag/ brgyan pas mdzes de lha 'dra'o// sna tshogs rgyan gyi skyes bu dag/ brgyan pa de ltar mdzes pa min// ji ltar 'jig rten pha rol tu// pa med ma med don med cing // bshes med gnyen med skyabs med pas/ / de ltar rtag tu bden pa smros// me yi nang na me mchog la// dug gi nang na dug mchog ste// ngan 'gro rnams kyi them skas ni// brdzun pa yin zhes yongs su bsgrags/ / reg na dug dang me 'dra ba// brdzun pa rnam par spangs par gyis// brdzun gyis bsregs pa'i mi dag ni// bsregs pa yin zhes mngon par brjod// de ltar mngon par 'bad kun gyis/ / mi dag brdzun ni ma smra zhig/ 'jigs la sogs pa nyon mongs kun// brdzun las byung zhes yongs su brjod// de ltar dge slong de brdzun gyi las kyi 'bras bu'i de kho na lkog tu ma gyur pa mthong ba/ bden pa'i yon tan gyi de kho na mthong ba/ dge ba dang mi dge ba'i de kho na mthong ba/ sems can dmyal ba chen po ngu 'bod chen po'i 'khor la rtog par byed de/ des sems can dmyal ba sgra 'byin shin tu sgra 'byin zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no// brdzun smra ba ni rtsod pa'i tshe/ rang gi gnyen 'dab kyi phyir ram/ phyogs gzung ba'i phyir ram/ phyogs su gyur pas smras la/ de smras nas kyang 'chags par mi byed/ skyon du mi 'dzin la/ kun tu bstan cing bsgoms te mang du byas na/ des lus dang bral nas ngan 'gro log par ltung ba sems can dmyal ba sgra 'byin shin tu sgra 'byin du skye bar 'gyur ro/ / der gnod pa 'di dag 'byung bar 'gyur te/ 'di lta ste/ de'i lce gang gis brdzun smras pa de la chad pas gcod par byed de/ gshin rje'i mi rnams kyis spu gris med pa dral nas der 'byin te/ phyung nas ba tshwa'i chu rab tu tsha bas chag chag 'debs so// nang na yod pa'i lce la rul ba'i dri rab tu 'byung zhing / srog chags mar ko Ta ka'i kha rab tu 'bar bas kyang lce de la za'o// lus kyi tshor ba yang gang sems can dmyal ba yang sos la sogs pa'i bshad pa des thams cad kyi mtha' dag snga ma bzhin du ji srid du de'i brdzun gyi las de bcom zhing spangs la zad par ma byas pa de srid du/ sems can dmyal ba pa de la 'byung bar 'gyur ro// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de smyon par 'gyur zhing dbul bar 'gyur/ sems rnam par g.yengs pa dang / tshe thung ba dang / dbang po ma tshang ba dang / skye bo kun gyis smad pa dang / don thams cad med pa'i skal ba can 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod chen po'i 'khor la brtags na/ de thos pa las byung ba'i shes pas ji ltar sems can dmyal ba ngu 'bod chen po'i 'khor tshor ba dpag tu med pa zhes bya ba yod pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba byas pa ni snga ma bzhin no// brdzun smra ba ni 'dod chags kyi rgyu'am/ zhe sdang gi rgyu mi bzad pas smras shing / gzhan la yang 'di ltar 'di ni bdag cag/ gi mdza' bo mchog tu sdug pa/ bdag cag la byams pa yin te/ phyogs gzung bar bya yis/ bden par ma smra zhig ces bsgo ste/ gzhan la yang der gzengs bstod cing rab tu bkod de/ btsud na/ de lus dang bral nas ngan 'gro log par ltung ba sems can dmyal ba tshor ba dpag tu med par skye bar 'gyur ro// der gnod pa 'di dag 'byung bar 'gyur te/ gang sems can dmyal ba yang sos la sogs pa'i bshad pa de mtha' dag sems can dmyal ba ngu 'bod chen por 'byung ste/ gang las kyi rgyu lci ba'i phyir gnod pa yang lcing nyid du 'gyur ro// gnod pa lci ba nyid kyang las kyi 'bras bu rnam par smin pa yang dag par ston to/ / de ltar 'di ni dus mtha' med pa nas 'jigs pa dang / rab tu ldan pa'i las dang nyon mongs pa dang bcas pa zo chun gyi rgyud ltar 'khor ba'i 'khor lor rab tu 'jug go/ / sdig pa gzhan thams cad kyi gnod pa gzhan du 'jug pa na/ brdzun du smra ba ni ches sdig pa che ba yin no zhes brjod do// brdzun du smra ba rdzogs pa ni dge ba'i rtsa ba rton pa gcod par byed de/ rgyu ji lta ji lta ba bzhin du 'bras bu yang de lta de ltar 'gyur te/ rgyu 'dis sems can dmyal ba tshor ba dpag tu med par tshor ba 'byung ba gang yin pa de dag brjod par mi nus so/ / der gnod pa ni sems can dmyal ba pa gzhan thams cad dang yang mtshungs pa med de/ sems can dmyal ba sdig pa chen po'i tshor ba 'byung ba ni 'di lta ste/ srin bus bslang ba'i tshor ba dang / srin bu'i tshor ba dang / skom pa dang bkres pa'i tshor ba dang / re thag chad pa'i tshor ba dang / so so'i mun nag gi sdug bsngal mtha' yas pa'i tshor ba dang / phan tshun phog pa'i tshor ba dang / sgra dang / reg pa dang / ro dang / gzugs dang / dri mi 'dod pa'i tshor ba dang / tshe rabs dran pa'i dgra bgegs kyi mtshon chas rab tu gcod pa'i tshor ba dang / ba tshwa'i chu bo las shin tu sgrol ba'i tshor ba dang / phur bu rnams kyis 'debs pa'i tshor ba dang / rmog zag mes bsregs pa'i tshor ba dang / rtswa dar ba ltar gcod cing rdo rje reg pa'i tshor ba dang / kun nas me dang tshal bsregs pa'i me 'bar ba'i 'phreng ba'i tshor ba ste/ de la sogs pa'i sems can dmyal ba dang mthun pa'i tshor ba ji srid du brdzun smra ba nyes par spyad pa bcom zhing spangs la zad par ma byas pa de srid du/ g.yang sa chen po lta bu'i brdzun gyi 'bras bu sems can dmyal ba'i tshor ba dpag tu med pa 'byung ngo / / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de brdzun smra ba'i rgyu 'thun pa'i 'bras bus de rtag tu nad kyis mngon par 'debs shing / skar bgegs pa dang / kha nad la sogs pa 'byung la/ dbul bar 'gyur/ sbyin pa po 'am/ sbyin bdag la sman slong ba na de yid mi ches par 'gyur te/ 'di yang ngag log par smra'o snyam nas mi 'thob ste/ de nang mi bzad pas thebs nas 'chi ba'i dus byed pa mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod chen po'i 'khor la brtags na/ des thos pa las byung ba'i shes pas sems can dmyal ba tshor ba rtsub cing tshal bzod par dka' ba zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ rgyal po 'am/ blon pos bdag rang gi don du rgyal srid kyi phyir ram/ nor rdzas kyi phyir ram/ srog gi phyir mngon sum du yid ches par smras la/ shin tu mngon par gnod pa byas na/ des lus dang bral nas ngan 'gro log par lhung ba sems can dmyal ba tshor ba rtsub cing tsha la bzod par dka' bar skye bar 'gyur ro// der gnod pa 'di dag 'byung bar 'gyur te/ 'di lta ste/ rang gi lus las las kyis byas pa'i srin bu dag skye ste/ lus thams cad la zhugs shing / gnad thams cad la zhugs la/ chu rgyus thams cad gcod cing rnam par gcod do/ / sems can dmyal ba grub pa dag sha thams cad za zhing glo ba za la/ mi bzad par yongs su 'gyur ba dag/ sems can dmyal ba der tshor ba me ltar shin tu drag pa dang / tshor ba chen po 'phel ba dang / dug gi tshor ba me lta bu dang / tshor ba shin tu drag pa ji skad bshad pa dag ni/ tshor ba rtsub cing tshal bzod par dka' ba yin no// sems can dmyal ba sdig pas 'tsho ba de'i mi bzad pa gang yin pa dag brjod par mi nus so/ / sems can dmyal ba pa de ji srid du de'i sdig pa'i las bcom zhing spangs la zad par ma byas pa de srid du 'tshed do// de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de ma'i mngal du zhugs nas de'i nyes par byas pa'i las des ji srid du de'i nyes par byas pa'i las kyi mtha' spyad pas btsa' bar 'gyur ba de srid du ma yang rtag tu nad bu can du 'gyur/ gang gi tshe ma'i mngal de nas byung nas de phan chad de yang byis pa nas rtag tu nad bu can du 'gyur te/ sman pa thams cad kyi nad gso bar mi nus pa mthong ngo / / // dam pa'i chos dran pa nye bar gzhag pa bam po bcu pa/ de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des sems can dmyal ba gnod pa de pe med pa zhes bya ba mthong ngo // der sems can dag las byas shing bsags pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang btung ba 'thung ba dang / brdzun du smra ba kun tu bsten cing bsgoms te mang du byas pas 'gyur ro// 'di lta ste/ bu ram shing dang / sa bsdu ba'i don du zhing gi rnang rgal la sogs pa brdzun dang g.yo thabs kyis 'phrog cing rtsod la/ gzhan la yang brdzun gyis sru na/ lus dang bral nas ngan 'gro log par ltung ba sems can dmyal ba gnod pa dpe med par skye bar 'gyur ro// der gnod pa 'di dag 'byung bar 'gyur te/ gang sems can dmyal ba yang sos la sogs pa de dag thams cad kyi snga ma bzhin du 'byung ngo // gang sems can dmyal ba pa rnams kyi gnod pa 'byung ba ni 'di lta ste/ lcags mgar sdud pa'i dbugs kyis rkang pa gnyis kyi lcags brdung zhing gleb par de bzhin du/ gshin rje'i mi rnams kyis sems can dmyal ba pa de sems can dmyal ba der sdud pa gnyis kyis spyad cing 'ju'o// las kyis bsgrubs pa'i tsha ba thams cad kyis 'bud cing 'jul/ brdung zhing glebs pa ni lcags bzhin du kun tu brdung ngo // yang skye bar 'gyur te/ de nas phyung nas rdza ma'i nang du bcug ste/ ji srid du de'i sdig pa'i las bcom zhing spangs la zad par ma byas pa de srid du mon sran gre'u bzhin du skol to/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ gal te mi rnams dang skal ba mnyam par mir skyes na yang / las de dang rgyu 'thun pa'i 'bras bus de rtag tu skom pas gdungs shing khro la/ skye bo thams cad yid ches par mi 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des sems can dmyal ba thams cad mun pa zhes bya ba mthong ngo // der sems can dag las kun tu bsten cing bsgoms te mang du byas pa gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro/ / brdzun smra ba yang gzhan gyi bud med la nyal nas/ de rgyal po'i pho brang 'khor du 'di ltar bdag gis bud med 'di la ma nyal zhes smra la/ bud med kyi khyim thab mi de la yang gnod pa byed pa mngon par sgrub na/ de lus dang bral nas ngan 'gro log par ltung ba sems can dmyal ba thams cad mun par skye bar 'gyur ro// der gnod pa 'di dag 'byung bar 'gyur te/ 'di lta ste/ spyi bor phug nas der lce 'byin to/ / phyung nas kyang ral gri dag gis gcod do// bcad cing bcad cing yang skye bar 'gyur ro// yang mtshon cha hu lu ka rab tu 'bar ba dag gis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gcod do/ / de sems can dmyal ba de las thar par 'gyur te/ bar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de las de dang rgyu 'thun pa'i 'bras bus de dmus long dang 'on par 'gyur zhing / de skyes ma thag tu la zas lam po che dang / bzhi mdor sdug 'phongs pas 'tsho bar 'gyur ro// khyim gyi sgo du mar kha zas slongs mos 'tsho zhing tshe thung la bu dang chung mas kyang spangs par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor sems can dmyal ba 'jig rten mun pa dang dud pa zhes bya ba la brtags te/ der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang chang 'thung ba kun tu bsten cing bsgoms te mang du byas pas 'gyur ro/ / brdzun du smra ba yang tshong pa khe spogs kyis 'tsho ba'i phyir/ rdzas 'di ni tshong pa'i nang khrims kyis bdag dbang ste/ 'di gzhan mi dbang zhes des brdzun smras shing / g.yo thabs kyis rdzas 'phrog na/ de lus dang bral nas ngan 'gro log par ltung ba sems can dmyal ba 'jig rten mun pa dang dud pa zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ snga ma bzhin du gang sems can dmyal ba yang sos la sogs pa la 'byung ba ltar yan lag dang nying lag shin tu 'jam pa thams cad bcad cing gtubs pa dang yang rab tu ngu'o/ / de'i sdig pa'i las kyi rgyu mthun pa rnam par smin pa tshab/ rnam par smin pa chen pos shin tu 'jam pa de dag kyang bcad nas skye'o// samra can dmyal ba pa de cho nges 'debs pa dang / zla ba drug cing lus pa'i rus pa gang yin pa de dag kyang rang gi lus las byung ba'i srin bu rdo rje mchu can la kha rab tu 'bar zhing kha dog sna tshogs can dag gis za la/ gnod pa sna tshogs dang / gnod pa'i tshor ba byed de/ de ltar ji srid du de'i sdig pa'i las bcom zhing spangs la zad par ma byas pa de srid du lo brgya stong phrag du mar ro/ / de phyis sems can dmyal ba de las thar par 'gyur te/ de thar nas gal te lan grangs gzhan la myong bar 'gyur pa'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes kyang / las de dang rgyu 'thun pa'i 'bras bus de'i lus la dri nga ba 'byung / de'i mgo 'am gos la yang drod gsher las skyes pa'i srin bu skye bar 'gyur// zhing / dbul bar 'gyur/ mchu dang bzhin khab ltar phra la tshe thung bar yang 'gyur/ tshig yid mi ches shing skye bo thams cad mi dga' la/ sdug 'phongs par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags te/ des sems can dag las gang gis skye bar 'gyur snyam nas/ des thos pa las byung ba'i shes pas sems can dmyal ba phye ma leb ltar 'jug pa dang 'dra ba zhes bya ba la brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pas 'gyur ro// brdzun smra ba yang dge 'dun gyi rdzas kyi rnam pa nyo ba dang / btsong ba zas sam gos cung zad cig blangs la dge 'dun gzhan la rin thang chen por 'debs shing chags pa dang ldan pa dag dge 'dun de dag la slu bar yang byed de/ 'di ltar bdag gis nyos pa 'di de bzhin du khyod la sbyin no zhes smras la/ skyes bu rmongs pa de tshong pa'i bde ba la chags nas brdzun smra'o// de lus dang bral nas ngan 'gro log par lhung ba sems can dmyal ba phye ma leb ltar 'jug pa dang 'dra ba zhes bya bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ khyis lto phug nas rgyu ma dag za'o// gshin rje'i mi rnams kyis ste'u rab tu 'bar ba dag gis rgyab kyi sha bzhogs nas/ srang gcig gam/ srang phyed du srang gis btsal nas khyi dag la sbyin par byed cing / rkang dbyung ba'i phyir ste'u rnon po dag gis rus pa yang 'jog par byed do/ / skum pa rab tu 'bar bas mgul ba'i phyogs phug nas lce 'byin to// yan lag dang nying lag thams cad la phur bu rab tu 'bar ba dag btsugs nas/ sha dag bcad cing rgyus pa 'byin te/ de nyes par byas pa'i las kyi mtha' sprad pa rang gis byas pa'i las spyod cing brdzun smra ba de rnam par 'tshed do// sems can dmyal ba pa dag gshin rje'i mi rnams las thar nas/ me rtag tu 'bar bas gang ba'i sems can dmyal ba der ji srid du de'i sdig pa'i las bcom zhing spungs la zad par ma byas pa de srid du lo 'bum phrag du ma phye ma leb bzhin du skye zhing sreg go/ de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na// las de dang rgyu mthun pa'i 'bras bus de dbul zhing dman la bkren pa dang / gzhan gyis bkol ba'i rigs su skye bar 'gyur/ de byis pa nas shin tu bsrungs kyang mes tshig par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba shi ma thag tu 'tsho ba zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bstan cing bsgoms te mang du byas na/ de lus dang bral nas ngan 'gro log par ltung ba sems can dmyal ba shi ma thag tu 'tsho bar skye bar mthong ngo / / der sems can dmyal ba yang sos rnams kyi tshor ba gang yin pa de dag thams cad snga ma bzhin du 'byung ba'i steng du/ khyad par du na zo ba dag gis kun tu btags pa dang / phog ma thag tu 'chi bar 'gyur zhing / bteg ma thag tu 'tsho bar 'gyur la/ phog pa dang yang 'chi bar 'gyur te/ de ltar sems can dmyal ba bdag lo 'bum phrag du mar skye ning 'chi'o/ / de nyes par spyad pa'i las kyi mtha' spyad pa de las thar nas/ me tog ut+pa la'i tshal mthong ste/ skyabs 'dod pas der brgyugs pa dang / me tog ut+pa la dag me sngon pos shin tu gang bar gyur to/ / brdzun smra ba de'i 'bras bu gang yin snyam nas/ 'jigs sar 'gro ba'i tshong pa gsad pa'i phyir chom rkun pa gang zhig dge slong gi tshul du zhugs nas/ 'jigs nas chom rkun med do zhes smras pa dang / de dag nang der dong ste phyin pa dang / rkyen des bcom pa'i las de'i 'bras bus me tog ut+pa la gang yin pa de ma dag ma sngon pos gang bar zhugs pa yin te/ rkang pa med cing phyir 'byung bar mi nus so// de'i las kyi tshul de lta bu'i mthus de lag pa dang / rkang pa dang / mig dang bral zhing ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar me tog ut+pal ma dag mas gang ba der sreg cing 'tshed la/ gsod cing yang 'tsho bar byed do// de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dag sa dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pas de rtog pa po dang / g.yo thabs smra bar 'gyur/ de'i nor rdzas thams cad rgyal pos 'phrog cing // de yang bcings pa'i tshe 'chi ba'i dus byed par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chen po ngu 'bod kyi sems can dmyal ba gzhan du 'gyur ba zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun tu bsten cing bsgoms la mang du byas par 'gyur ro/ / brdzun smra ba yang de dbye ba 'am/ gsod pa 'am/ pha rol las rgyal bar bya ba'i phyir g.yo sgyu smra ba yin na/ 'di lta ste/ bdag ni rtag tu bden par smra ba yin te/ bdag bden par smra zhes 'jig rten kun dad pa bskyed nas/ de de'i tshe brdzun sna tshogs smra ba gang gis yul 'khor 'joms par byed/ skyes bu dam pa gsod par byed/ dgra gzhan dag gi nor rdzas 'phrog par byed do// sngon bden pa smra'o zhes 'jig rten yid ches pa thob par byas shing dad pa bskyed de/ de nas brdzun smra ba ni de cha lugs bzang por bsgyur cing rkun ma brdzun smra ba yin te/ de lus dang bral nas ngan 'gro log par ltung ba sems can dmyal ba gzhan du 'gyur bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ rgyang ring po nas de'i ma dang / pha dang / bran dang / bstan grogs dang / sdug pa'i mi dag mthong ngo / / sems can dmyal ba des mthong ba dang / de dag gi kha nas des tshig snyan pa dag thos pa dang / de dag gi drung du mgon 'dod pa/ skyabs 'dod pa/ dpung gnyen 'dod pa/ dpung gnyen// tshol bas rgyug go/ de ji lta ji ltar de dag gi drung du rgyug pa de lta de ltar mdag ma mtsho lta bu'i nang du nub ste/ ji ltar rdo chur bor ba bzhin du nub bo// de nas 'byung la yan lag dang nying lag thams cad shin tu bsregs te/ tshor bas nyam thag nas du skad 'don pa na/ de'i pha dang / ma dang / bu dang / bsten grogs dag mthong ba dang yang rgyug go/ de nas yang las kyis byas pa'i gshin rje'i mi sog le thogs pa dag lam nas byung ste/ de gshin rje'i mi de dag gis bzung ngo // bzung nas shing bzhin du dbus gshog go/ de res 'ga' de las thar na pags pa dang rus pa tsam lus pa yan lag dang nying lag thams cad phug cing bral ba'i lus rma mtshan can dag gar thar thar du 'bros so/ / de bros pa na yang gshin rje'i mi gzhan dag gis bzung ngo // bzung nas las las byung ba'i zo chun rgyud mo'i nang / rdos bkang ba der de btsug go/ de nas zo chun rgyud mo rab tu 'bar ba 'khor lo ltar bskor te/ der brdzun smra ba de phye bzhin du 'thag cing phye mar rlog go// de zo chun rgyud mo de las byung ste mar nas/ yang ma dang / pha dang / bsten grogs dang / snying du sdug pa mthong ste/ mgon 'dod pa/ skyabs 'dod pa/ dpung gnyen 'dod pa de de dag gi drung du brgyugs/ rjes su brgyug pa dang / de las kyis byas pa'i lam du phur bu dang / las kyi stag byung ste/ de des bzung ngo // bzung nas khar bcug ste de 'gram so'i bar du bcug nas bur bu rno zhing rab tu 'bar rnams kyis gzer nas 'dren to/ / de sems pa dang ldan nas brgyugs pa dang / de'i rkang pa yang gcog cing 'thub/ byin pa yang gcod cing 'thub la sreg go/ de'i yan lag dang nying lag thams cad phug cing dral la lus bsregs shing / lus nyams la rnam par nyams pa dang / rtsa dang / rgyus pa dang / rus pa dang / lus kyi lhag ma lus pa dag shin tu rgyug ste/ de ltar brdzun smra ba kun tu bstestan cing bsgoms te mang du byas pa'i 'bras bus rgyu dang mthun par 'bras bu 'grub bo/ / 'di ltar de bden par smra bar bsgrubs la/ de nas brdzun smra zhing g.yo thabs smra la/ shur lung smra ba dag de ltar de na ma dang / pha dang / bsten grogs dang / snying du sdug pa mthong ngo // brdzun smra ba de 'di ltar tshor ba rtsub pa/ tsha ba/ tshor ba rno ba mtha' yas pa dag ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg go/ 'tshed do// gcod do// gsod do// de sems can dmyal ba de dag las thar par 'gyur te/ thar nas lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun par de dbul zhing nad bu can dang / dman pa dang dbang po ma tshang bar 'gyur/ skye bo thams cad la yid mi ches shing / zhe 'gras pa dang mi mthun par 'gyur/ de'i bsam pa thams cad mi 'grub cing log par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba kun la re ba med pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin/ par len pa dang / 'dod pas log par g.yem pa dang / chang 'thung ba kun tu bsten cing bsgoms te mang du byas pa ni snga ma bzhin no// brdzun smra ba ni rnam pa 'di dag smra ba yin te/ sdug bsngal ba dang / nang bu can dang / ltogs pa dang / dman pa dang / mgon med pa dang / bkren pa dag la nor rdzas sbyin par khas blangs pa las ma byin pa yin te/ 'bras sA lu'i bza' ba dang / btung ba dang gos dang / mal cha dang / khyim sbyin par khas blang la/ ma byin pa de ni rgyu des re ba med par 'gyur te/ de lus dang bral ba'i 'og tu ngan 'gro log par ltung ba sems can dmyal ba kun la re ba med pa zhes bya bar skye bar 'gyur ro/ / der gnod pa'i rnam pa 'di dag 'byung bar 'gyur te/ 'di lta ste/ gang gis bza' ba sbyin par khas blangs pa las ma byin pa de ni sems can dmyal bar bza' ba dang / bcar bzhim po dang / rgyan sna tshogs kyis klubs pa dag mthong ngo // sems can dmyal ba pa ltogs pas nyen pa de dag rgyang ring po na/ bza' ba nyams dga' zhing smon pa'i bza' ba de dag mthong ste/ bza' ba de dag gi phyogs su brgyug pa dang / lam phur bu dang sbas gang zhing / lam du sog le rab tu 'bar bas gshegs pa na/ phyogs der rgyug pa ni snga ma bzhin du sbyar ro// nam zas de thob pa dang / de dag lcags kyi tho lum rab tu 'bar ba lta bur gyur cing dri nga la mdog mi sdug pa las kyis byas pa tshul log par mthong ste/ de nye bar bltas pa dang / mig gi 'bras bu ltung ngo / / gang gi tshe bsnams pa dang / dri des sna tshog nas byed do// reg pas yan lag dang nying lag thams cad rab tu tshig ste/ de'i lus srin bu ma khyer lta bur byed do// ro bro ba lcags kyi bu lum bsregs pa lta bus lce sreg go/ de bsregs nas yang med pa dang / snying dang / mchin pa dang / gnye ma dang / rgyu ma dang / pho ba dang / long ka nas/ ro smad kyi bar du bsregs nas byung ngo / / yang gang gis mal cha dang khyim sbyin par khas blangs pa las/ rdzun smras pa de grang ba dang tsha bas gdungs shing ra ba med par byas so// sems can dmyal ba pa de sa gzhi zangs kyi glegs ma rab tu bzhus par bzhag ste/ des yan lag dang nying lag thams cad rnam par 'ju zhing sreg go/ des khyim sbyin par byas pa las ma byin pa de yang 'byung bar 'gyur te/ khyim gyi brdzun smra ba de lcags kyi khyim dga' ba dang / nye bar dga' ba tshad dpag tshad lnga bcu par lcags khu rab tu bskol ba'i nang du 'jug go// de der 'og nas steng du/ steng nas 'og tu bskol ba na steng nas steng du 'byung zhing / 'og nas 'og tu bskol ba dang / rab tu tshos te/ yan lag dang nying lag thams cad rnam par zhigs shing / sha dang / rgyus pa dang / pags pa dang / rus pa dang / tshigs lhag ma lus pa thams cad kyang rnam par zhig nas rab tu bskol bas gang ba'i rdza ma mun pa mun nag de gnyis kyi nang du 'byung ste/ gdungs shing rnam par khro la smre sngags 'don to// gang rdza ma gong ma der btsos pa dang / de'i 'og tu lcags kyi rdza ma 'og ma der rab tu 'tshed de/ 'di ltar 'og tu 'byung zhing de dag gi shugs kyis gcig la gcig phog ste/ lus dum bu brgya 'am gal te stong du gyes so/ / de nas yang 'byung ste/ sems can dmyal ba pa gzhan dag la phog ste/ ji srid du brdzun smra ba de'i las bcom zhing spangs la zad par ma byas pa de srid du las kyi zhags pas bcings pa dag yang lan 'bum snyed du rnam par zhigs so/ / de de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de bran gyi rigs sam/ de dang mthun par de nyid du skye bar 'gyur te/ gang khas blangs pa la brdzun smra ba de ni de dang 'thun par las gzhan dang gzhan du 'gyur ro/ / de 'khor ba thog ma med pa nas gnod pa gang zhugs pa/ thog ma med pa nas dge ba dang mi dge ba'i las kyis byas pa'i rgyud// kyi 'khor ba'i mtha' kun tu zhugs pa/ las kyi rgyud kyi dga' ba'i 'dod chags kyi mod la sred pa gang byung ba'i gnod pa des gzhan dag gi bran du 'gyur te/ bza' ba dang / btung ba dang / mal stan dang / nad kyi rkyen gsos sman med cing / jo bo des rtag tu spyo bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po du 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni des snga ma bzhin du mthong ngo // brdzun smra ba ni bzo bo tshogs shing 'dus pa'i nang du song nas/ rgyags pa bdo ba'am/ zhe sdang ngam/ phan tshun mi mthun pas gang du tshogs shing 'du ba'i khrims bcas te/ chad pas bcad par byas pa las/ de nyes pa med bzhin du bdag dang gzhan bslus nas chad pas gcod par byed cing / de yang goms par byed/ lan mang du byed la/ las kyi mjug bsags pa de ni lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur te/ gang gi tshe tshogs shing 'dus pa de dag gi nang du song nas/ gnod pa byas pa'i rgyu de dang rkyen des lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur ro/ / der gnod pa 'di dag 'byung bar 'gyur te/ yang sos dang / thig nag dang / bsdus 'joms dang / ngu 'bod la sogs par bshad pa snga ma bzhin du 'byung ba'i steng du bye brag tu 'byung ba ni 'di lta ste/ las byas pa'i sems can dmyal ba der seng ge mche ba rab tu 'bar ba 'byung ste/ de sems can dmyal ba pa brdzun smra ba de la sngon smras pa'i tshor ba dang ldan pas yang nas yang du za'o/ / de bgram pa phye ba dang 'tsho bar 'gyur la/ btsums pa dang / yang lus thams cad za ste/ sos pa dang za'o// de sos pa dang za bar 'gyur te/ de'i las kyis byas pa'i seng ge'i so gtams pa'i bar du chud pa dang / de'i kha ma dag ma rab tu 'bar bas gang ste/ de sos ni za la/ mes ni cig car sreg go/ de ltar brdzun zer ba de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gnod pa dpe med pa rjes su myong bar 'gyur ro/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de sprul lam/ seng ge 'am/ stag gam/ dom gyis gsod par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun zer/ pab mthong ste/ de skye ba'i rigs gcig pa'i spun gyi nor gyi phyir ram/ pha dang mes po gcig pa'i spun de gnyis nor gyi phyir rtsod pa na/ de spun gnyis pa 'am/ khu bo'am/ de dang rigs gcig pa'i ched du g.yo thabs kyi blo dang / brgyud pa'i blos brdzun mngon du zer zhing shes par byas/ rig par bya la/ las dang / las kyi mjug dang / nyer bsdogs dang ldan par gyur na/ de lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur ro/ / der gnod pa 'di dag 'byung bar 'gyur te/ gang yang so sa la sogs pa'i snga ma bzhin du 'byung ba'i steng du khyad par du 'byung ba ni/ las byas pas shen par 'gyur te/ gang rang gi gnyen 'dab de la bslus shing / brdzun byas pas sha de bcad cing bcad cing bdag gi kha der 'jug ste/ sems can dmyal ba pa de zar 'jug go/ / sems can dmyal ba banyes par byas pa'i las des rang gi sha de yang lcags ltar rab tu 'bar zhing ro bro ba med pa yin no// de la gnod pa gnyis 'byung ste/ shen pa byas pas/ lus la tshor ba 'byung ba dang / bkres shing skom pa byas pa gnyis te/ de sha bcad pa na de las byung ba'i srin bu dag skye ste/ gang rus pa gzhan dag dang / rkang tshun chad la yang za'o// de ltar nyes pa/ byas pa'i las kyi mtha' spyad pa de ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag du mar sems can dmyal ba phan tshun gnod pa 'jug par skye bar 'gyur ro/ / de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus/ des nams kyang pha dang mes po'i nor 'thob par mi 'gyur/ yid ches pa'i gnas su mi 'gyur zhing / dbul ba 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba nags tshal mes mched pa'i rgyud lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na gang gis srog gcod pa dang / ma byin par len pa dang / 'dod pas log par g.yem pa dang / 'bru'i chang dang / sbyar ba'i chang myos par 'gyur ba blud pas 'gyur ro// brdzun smra bas 'gyur ba ni gyang tshogs shing 'du ba'i nang du song ste/ nyes pa byas nas chad pas 'jig pa'i phyir/ bdag gis nyes par ma byas zhes smra na/ de lus dang bral ba'i 'og tu ngan 'gro log par ldang ba sems can dmyal ba nags tshal mes mched pa'i rgyud lta bur skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par bsdus pa gang yin pa de dag thams cad sems can dmyal ba 'dir 'byung bar 'gyur ro/ / khyad par du 'byung ba ni lcags kyi glegs ma rab tu 'bar bas 'khri ste/ de kun nas khrag dang sha 'dam lta bur cing shing ljon pa king shu ka ltar mtshon 'bab ste/ de'i tshe de'i lus de la lcags kyi glegs ma 'chang bar 'gyur ro// gang gi tshe ngu skad 'don pa na de'i sha dang / tshil dang / khrag lcags kyi glegs ma de la 'khris pa gshin rje'i mi dag gis de'i lus las shu bar byed do/ / de sems can dmyal ba de las thar pa dang / mgon 'dod pa/ skyabs 'dod pa/ kun nas gtses pa/ gshin rje'i mi rnams kyis 'jigs shing skrag pa/ lus shig shig por gyur pa/ des pa tshwa'i chu bo gnod skyes zhes bya ba mthong ste/ der rab tu 'jug go// de ltar gshin rje'i mi rnams kyis 'jigs pa'i zil gyis non pa de dag zhugs ma thag tu yan lag dang nying lag thams cad dang / lus chu rgyus mang pos brgyus shing sbrel ba dang / pags pa dang / rus pa kun rnam par nyams shing lus kyi sha snyil ba'i lus de mar gsar gyi gong bu bzhin rab tu 'ju yang / de'i nyes par byas pa'i las kyi mthus de 'chi bar ni mi 'gyur ro// 'di ltar 'od ma'i lo mas khengs pa bar med pa'i nags tshal mes mched pa'i rgyud kun nas rtag tu rab tu 'bar bar byas pa gang la mes ma mched pa 'am/ gang du sems can mi sreg pa 'am/ mi 'tshed pa med pa de ltar sems can dmyal ba nags tshal mes mched pa'i rgyud lta bu khab kyi bu ga tsam gyi phyogs kyang mi dmigs te/ gang du sems can dmyal ba pa mgon 'dod pa/ skyabs 'dod pa dag mi sreg pa 'am/ mi 'tshed pa 'am/ ngu skad mi 'don pa 'am mi rgyud pa med do/ / de dag ji srid du de'i sdig pa'i las bcom zhing spangs la zad par ma byas pa de srid du sdug bsngal de dag las re zhig thar par mi 'gyur ro// de phyis sems can dmyal ba// de las thar par 'gyur te// thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal pa mnyam par mir skyes na/ las de dang rgyu 'thun pa'i 'bras bus de'i kha nas tshig 'khums pa 'byung ste/ smra mi nus shing 'phral skad kyang smra bar mi nus na/ legs par sbyar te smra ba lta zhig nus par lta ga la 'gyur ba mtho de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba tshor ba ring ba zhes bya ba mthong ngo / / der sems can dmyal ba dag las gang gi skye bar 'gyur snyam nas/ des brtags na/ mi dge ba srog gcod pa dang / ma byin par len pa dang / 'dod pas log par g.yes pa dang / chang 'brang ba byas shing bsags pas 'gyur ro// brdzun smra ba yang rnam pa 'di dag smras pas 'gyur te/ sngar dran bzhin du cung zad khas blangs pa ni dge 'dun la dngos po cung zad khas blangs pa'am/ de bzhin du sangs rgyas dang / chos la gsal bar khas blangs la/ des phyis mi bzod pa byung nas bdag gis khas blangs pa med do zhes smras la/ dge 'dun la yang des khas blangs pa gang yin pa des gnod par gyur na/ de'i brdzun du smra ba de byas shing bsags la 'dus byas pa'i 'bras bus sems can dmyal ba tshor ba ring ba zhes bya ba der skye bar 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par bshad pa gang yin pa de dag thams cad snga ma bzhin 'byung ba'i steng du khyad par du 'byung ba ni 'di yin te/ 'di lta ste/ gshin rje'i mi rnams kyis khab kyi rtse mo rab tu ring ba rno zhing phra la rab tu 'bar ba dag gis 'bigs par byed de/ de tshor bas nyam thag cing du skad 'byin to// de ngu skad 'byin pa na 'di lta ste/ dong pa'i nang mdas bkang ba de ltar de'i kha dang lce la khab de dag nyid kyis rtag tu 'gengs te/ de tshor bas nyam thag par gyur kyang ngu skad 'don pa 'am/ smre sngags 'don par mi nus so// rang gis sems can la brdzun smra bas bslangs shing bdag gzhan smra bar byed pa de / rtag tu tshor ba gzhan dang mi 'dra ba'i tshor ba myong bar 'gyur ro// sems can dmyal ba'i 'gro ba las thar nas kyang yan lag dang nying lag thams cad ba spu'i khung bu 'dra zhing / lus thams cad nyams pa dag gar bab bab tu tshor ba ring bas nyam thag par 'gyur ro/ / de ji lta ji ltar lhung ba de lta de ltar khab shin tu rno bas de'i lus la 'dzugs par byed de/ de khab de dag gis yang da yang du nyam thag par byed cing / ches shin tu sgra 'byin par byed la/ kha bkag pas zil gyis non pa ni 'khun cing nang du 'khun par byed do// gal te khab de dag res 'ga' kha nas byung na/ du skad 'byin par nus la/ gzhan du na kha bkab pas zil gyis non pa 'khun par byed do// lcags kyi sa gzhi rab tu 'bar ba dag la srid cing 'gre ldog/ rab tu 'bying zhing rab tu 'jug la g.yo bar byed de/ gshin rje'i mis nyam thag pa sta re dang / mdung zung dang / mda' bo che dang / gtun shing dang / mtshon chas lus thams cad shig shig por byas so// de ltar brdzun smras pa de ji srid du de'i sdig pa'i las bcom zhing spangs la zad par ma byas pa de srid du/ lo 'bum phrag bye ba du mar tshor ba de dag myong bar 'gyur ro// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnam par mir skyes na/ las dang rgyu 'thun pa'i 'bras bus de dbul zhing tshig yid mi ches par 'gyur/ gang dang gang la don bcol ba de dang de las len pa tsam du yang mi btub cing / de shin tu dbul pa byas pas yid re ba med par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba tshor ba mtha' yas pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro// brdzun smra bas 'gyur ba ni/ 'di ltar tshong ba rgya mtshor zhugs pa dag gi mnyan pa gdos pa 'dzin pa la chom rkun pa rnams kyis snying brkam bcug gam/ nor rdzas kyis dbyen byas pa yin te/ chom rkun pa de dag nyid kyis sam/ tshong pa de dag gi nang nas kha cig gis dbyen byas pa tshong pa de dag la gdos pa 'dzin pas 'di ltar khyed cag rin po che'i gling du bkri'o zhes smras la/ de dag la de ltar dam bcas nas/ brdzun byas te thang gi gling la khrid pa las der gal te ba dan sngon po mthong bzhin du chom rkun pa 'ong ngo zhes tshong pa de dag la ma sbran te/ de dag kyang gdos pa 'dzin pa bden pa smra ba de bdag cag la slu bar mi byed do zhes yid brtan cing 'dug 'du/ pa las/ gdos pa 'dzin pa des chom rkun pa dag tshong pa de dag gi nor med par byed du 'jug cing / bdag kyang nor rdzas de 'phrog par byed na/ brdzun smras pa de lus dang bral nas ngan 'gro log par ba sems can dmyal ba tshor ba mtha' yas par skye bar 'gyur ro/ / der gnod pa 'ding ka 'byung bar 'gyur te/ 'di lta ste/ sems can dmyal ba yang sos la sogs par sngar bshad pa bzhin de dag cad der 'byung ba'i steng du/ khyad par du 'byung ba ni sems can dmyal ba pa der skyes pa de dag gi mig phra skam 'dren pa rab tu 'bar ba dag gis 'dren to// mig 'dren pa rang gis drangs pa dang / yang shin tu gzhon sha can sdug par skyes te/ gnod pa ches mang ba dag gis de 'byin par byed do// de dag gi rna ba yang ro nye rab tu bskol bas bkang la/ gshin rje' mi rnams kyis yan lag dang 'ing lag thams cad spu gri dag gis 'jog par byed do/ / srin pu tA la lnga la ka zhes bya bas de'i gnye ma dang / rgyu ma'i nang du zhugs nas rab tu za'o// phyi rol mun pa kun nas shin tu gnag pa der 'jug phyi nang de thams cad du yang las kyis byas pa'i chu srin rab tu 'bar ba dag 'byung ste/ de dag gi za bar byed/ kha dang / sen mo dang / so rdo rje ltar rmo zhing 'bar ba dag gis ngan lag dang nying lag thabs cad 'byed par byed/ phye mar rlog par byed de/ bye ma chang pa nas gtor ba bzhin byed do// de so'i bar de nas thar nas chu srin rab tu 'bar ba de dag gi lho'i nang du 'dzag par meng ngo // de ltar de srin gyi lto der lo 'bum phrag du mar lo bye ba phrag du mar chu srin de dag gi lto rab tu 'bar bar dbugs med pa 'am/ dbugs chung bar sgeg cing 'tshed do// brdzun smras pa dag tshor ba/ drag pa tsha ba rtsub pa myong zhing las kyi rgyu brdzun smra ba rang gi lces kun nas bslang bas sreg la/ phyis sems can dmyal ba pa'i mes kun tu sreg go// 'di ltar chu srin de dag gis yan lag dang nying lag thams cad dkris nas lus phyed mar byas pa kha nas 'byin te/ de nas yang phyi rol du me mdag sngon pos sreg go// sreg pa na gshin rje'i mi rnams kyis tshigs su bcad de bstan pa/ sems can dmyal ba'i rgyur gyur pa/ / brdzun du smra ba ston pa yin// sngon chad rgyu ni bsten byas pa// don med smre sngags yongs su 'don// me yi nang na me mchog ste// rgya mtsho dag kyang sreg byed na// gang dag brdzun smra shing dang rdo// rang bzhin 'dra ba smos ci dgos// mi gang bden pa spangs nas su// rdzun du smra ba sgrub byed pa// de ni rin chen spangs nas su// sdig pa'i bdag nyid rdo 'dra sgrub/ bdag la sdug par mi byed gang // de ni sems can dmyal ba dga'// brdzun gyis rang lus me 'byung ste// blo dang mi ldan de bsten to// bden tshig legs par rnyed yin te// lus can kun gyi rgyan yin no/ / bden pa spangs nas brdzun spras pa// blo med ci phyir chags par byed// bden pa yon tan bdag nyid mchog/ brdzun smra dran pa skyon yin te// rmongs pa yon tan btang nas su// ci phyir skyon ma yongs su rgyug/ sems can dmyal bar rtag 'gro ba// skyon gyi 'bras bu zhes pa yin// khyed cag yon ngan de dang 'gras// mi bzang dmyal bar kun tu gnas// sdug bsngal kur rdzas pa@ smra bar rab tu grags/ / de bzhin bde ba bden yin te// de bas su zhig brdzun du smra// bden par smra ba'i mi dag ni// lus can kun gyi dga' ba yin// brdzun smra mi dang 'gras pa ste// de bas su ni rdzun du smra/ / bden par smra ba'i mi dag ni// lha ltar rab tu dga' ba yin// dmyal bar de ltar rmongs pa dag/ de bzhin sems kyis rdzun du smra// legs pa'o las ni ma byas la// sdig pa du ma pas na/ / sdug bsngal mtha' yas skyes pa dag/ ci zhig sdig pas yongs su gdung // dge bas 'bras bu legs pa yin// sdig pas nyon mongs 'tshed par byed// blo lngar mi yi sdig byas kyang / / dge ba rjes su sten par byed// dge ba'i nang na bden pa mchog/ skyon gyi nang na de bzhin brdzun// skyon spangs yon tan tshol byed pa// mi yi nang na me mchog yin// bde 'byung bde ba'i 'bras bu ni/ / bden pas yongs su 'grub par 'gyur// bden pas bde ba 'thob 'gyur te// bden pas mya ngan 'das par 'gro// sdug bsngal 'byung bsngal mod la 'tshed par 'gyur/ / sdug bsngal kun mdza' brdzun yin na// mi yis ci phyir spang mi bya// bden pa don gyis thob yin te// nyon mongs pas kyang pa yongs spangs nas/ / brdzun smra ba la dga' bar byed// yul gzhan dag na bden mi 'ong // de ni gzhan du btsal ba med// chu la stegs btags stegs min te// bden pa stegs kun mchog yin no/ / sgron ma'i nang na sgron ma mchog/ bden pa yin zhes sangs rgyas gsung // sman gyi nang na sman mchog ste// de yis rtag tu sdug bsngal sel// nged kyi sdig pa bzung ba med/ / khyed cag rmongs pa'i sems kyis su// ngan pa khyed kyis byas pas na// khyed cag yongs su gdungs pa yin// sems can dmyal bar skyes pa ni// sdig pa byang bas rnam par grol/ / kun tu ngu skad 'don pa'i mi// nams kyang thar par ga la 'gyur// rang gi las kyis rnam bsdus pa// rmongs pa khyed cag ci zhig du// byis pa rang gi sems kyis bsdus// blo med khyed cag du skad 'don// de ltar sems can dmyal ba'i srungs ma de dag gis/ sems can dmyal ba pa de dag la so sor rjes su bstan nas/ ji srid du de'i sdig pa'i las bcom zhing spangs la zad par ma byas pa de srid du/ gnod pa mi bzad pa'i rnam pa brgya phrag du ma ji ltar sngar bzhin 'byung ngo // de phyis sems can dmyal ba de dag las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu mthun pa'i 'bras bus de rtag tu gzhan du zhugs nas slu bar byed cing / nor rdzas thams cad kyang 'phrog par byed/ de'i bya ba gzhan gang yin pa dag kyang tshegs chen por 'gyur zhing / de'i tshig kyang 'jig rten pa yid ches par mi 'gyur mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba khwa mchu rdo rje lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba kun tu bsten cing bsgoms la mang du byas pas 'gyur te/ de lus dang bral nas ngan 'gro log par lhung ba sems can dmyal ba khwa mchu rdo rje lta bu'i nang du skye bar 'gyur ro// der gang sems can dmyal ba yang sos la sogs pa'i gnod pa de dag thams cad 'byung bar 'gyur ro/ / brdzun ni gang zhig dge 'dun gyi 'khor gyi nang du song nas/ nad kyi rkyen gyis gsos sman sbyar bar khas blangs pa las ma byin na/ de lus dang bral nas ngan 'gro log par ltung ba sems can dmyal ba khwa mchu rdo rje lta bu'i nang du skye bar 'gyur ro/ / der gnod pa 'di dag 'byung bar 'gyur te/ 'das pa'i dus su las byas pa de dag khwa mchu rdo rje lta bus sha bcad cing bcad cing za'o/ / gang gi tshe sha bcad par gyur pa'i skad cig de nyid dang / gnas de nyid du yang ches shin tu gzhon sha can pad+ma ltar 'jam pa skye bar 'gyur te/ de ci nas kyang mos ba ches drag par bya ba'i phyir de nyid byung zhing btog pa dang / de nas yang ches shin tu gzhon sha can gsar pa gzhan dag skye bar 'gyur ro// de ji ltar sems can dmyal ba pa de dag lo 'bum phrag du mar khwakhA mchu rdo rje lta bus za bar byed do/ / de nas thar pa dang / bye ma'i nang nas lcags rab tu 'bar ba 'byung la/ de bye ma de dag la rkang pas 'gro ste/ de ji ltar thal ba yang mi mngon pa de ltar des sreg par byed do/ / de nas langs pa dang yang thams cad 'byung bar 'gyur te/ gang gis brdzun de smras shing sdig pa'i rjes su smras pa/ brdzun smra bas brdzun zer ba smras pa de yang 'byung zhing bdag nyid kyi lce yang bdag nyid za'o/ / 'di ltar tshogs su bcad pa/ bdud rtsi dang ni dug nyid dag/ mi rnams kyi ni lce la gnas// bden par smra ba bdud rtsi yin// brdzun gyi tshig ni dug dang 'dra// / gang zhig bdud rtsi mngon 'dod pa// de ni rtag tu bden la gnas// gang zhig dug la mngon dga' ba// de ni brdzun gyi tshig la dga'// dug gis gnod par nges med de// brdzun du smra bas nges par 'gyur/ / gang zhig brdzun ni sngon smra ba// skyes bu de ni 'chi bar 'gyur// brdzun gyis bdag la mi phan na// gzhan la phan par ga la 'gyur// bdag dang gzhan gang sdug bsngal pa/ / de ni mi yis ci phyir bsten// de ltar brdzun la brten pa ni// sdig pa byed par 'grub 'gyur te// mtshon dang me dang ngam grog las// mi yi sdug bsngal de 'dra med// lus cig 'phrog pa mthong ba ni/ / 'chi ba dug las 'byung 'gyur te// tshe rabs snga phyi stong dag tu// brdzun gyi tshig gis chud gzon to// btsun pa'i rigs la mthor byed cing // dma' ba'i rigs la rgyun du byed// thar pa'i lam dag ston byed pa// bden pa yin zhes mngon par brtags// sems can rnams kyi rang gi las// sred par khyer bar gyur pa na// gzings 'dra bden smra mchog yin zhes// bde bar gshegs pas bka' stsal to// 'jig rten thog ma tha ma med// sred pa'i zhags pa'i dbang du song // 'di ltar skyabs gzhan bden pa las// med ces chos la mkhas pas rig/ gcer bu mtshon gyis gcod pa ltar// bden pas rtag tu nyon mongs gcod// mtshon gyis btab pas ngu bar 'gyur// bden pas nams kyang du ba med// 'jig rten gnyis la phan byed pa/ / bden pa mi bzad gter zhes bya// chos so cog gi khrims yin zhing // nor gyi gzhi yi mchog yin no// bden pa'i yon tan rab bsgrags pa// bde 'byung 'bras bu chen po yin/ / blo ldan ngan g.yo rnams spongs shig/ de nyid mthong bas spangs pa yin// bden pa spangs pa'i mi dag khamachu rdo rje lta bus ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar 'tshed do/ / de phyis sems can dmyal ba de las thar par 'gyur te/ thar nas kyang gal te lan grangs gzhan la myong par 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bu tshab sems can dmyal bar 'gro ba bden pa de dang mi mthun par gyur pa brdzun smras pas/ de rtag tu 'thab pa dang / rtsod pa mang zhing rtag tu gzhan rgyal bar 'gyur la/ tshig gis 'jig rten pa yid mi ches par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba khrag dang rkang za ba zhes bya ba mthong ngo / / sems can dmyal ba khrag dang rkang za ba der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba byas shing bsags pas 'gyur te/ 'di lta ste/ rgyal po 'am/ blon po 'am/ rje dpon du gyur pas/ dpya thang las lhag par phab la/ 'di ltar ngas lhag par phab pa med do zhes smra zhing / dpya 'bebs na/ de lus dang bral nas ngan 'gro log par ltung ba sems can dmyal ba khrag dang zhag za bar skye bar 'gyur ro/ / de gnod pa 'di dag 'byung bar 'gyur te/ 'di lta ste/ gang sems can dmyal ba yang sos dang thig nag la sogs par 'byung ba rnam 'byung ba'i steng du/ khyad par du 'byung ba ni 'di lta ste/ shing rab tu 'bar ba lo me spu gri lta bu yod par brdzun smra ba gshin rje'i mi rnams kyis lcags kyi thag pa rab tu 'bar ba dag gis bcings nas/ kha sbub tu dpyangs pa de'i rkang pa dag la mchu dang / sen mo rdo rje ltar rno ba dag gis za ste/ kha spub tu dpyangs pa de dag khrag 'byung ba de la za ba des gnas par byed do/ / tshor ba thams cad kyi nang na/ kha zas kyi tshor ba mi bzad par bshad de/ de rang gi khrag la 'thung ngo // de tshor ba gnyis dag gis yongs su gnodade/ me'i tshor ba dang bkres pa dang / sgom pa'i tshor ba'o// 'dir tshigs su bcad pa/ ji ltar bkres shing skom pa ni// las kyis shin tu g.yengs pas gdungs// de ltar sreg pas sreg min zhing // chung drag pa yis khyer mi byed/ / de ltar lo brgya stong phrag du mar de rang gi khrag dang rkang dag la za ste/ 'di ltar ro smad me mchog tu tsha bas bsregs so// de ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba der sreg go// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul bar 'gyur zhing ngag yid mi ches pa dang / rtag tu de'i sna nas khrag 'dzag cing so shing 'cha' ba na/ khrag 'byung bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba du 'bod kyi 'khor la brtags na/ des thos pa las byung ba'i shes pas mthong ste/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro// brdzun smra bas ni gnyis shig rtsod pa na/ rgyal po'am/ blon po 'am/ gzhan yid ches pa'i gnas su bya bas nor blangs sam/ mdza' bshes sam/ 'dod chags sam/ zhe sdang gis phyogs bzung ste/ zhal che yon por gcod na/ lus dang bral nas ngan 'gro log par lhung ba sems can dmyal ba me lce bcu gcig pa der skye bar 'gyur ro/ / phyogs gzung ste/ brdzun smra ba de la gang sems can dmyal ba yang sos la sogs pa'i tshor ba/ gnod pa 'di// dag thams cad bcu 'gyur du 'byung ba'i steng du khyad par du 'byung ba ni 'di lta ste/ rang gi lus las phyogs bcur me lce'i phung po bcu gcig 'byung bar 'gyur ro// brdzun smra ba'i lce'i kha las bkres pa dang skom pa 'byung bar 'gyur te/ zhal che yon por gcod pa ni/ skad cig skad cig la skye zhing sreg go// sreg pa na tshor ba'i rnam pa de lta bu 'byung bar 'gyur te/ gang me lce'i phung po bcu gcig po dag gis/ bcu drug gi char yang mi phod do// las kyis byas pa'i tshor ba de dag ji srid du de'i sdig pa'i las bcom zhing spangs la zad par ma byas pa de srid du/ 'di ltar de sems can dmyal ba me lce bcu gcig par lo 'bum phrag du mar sreg go// 'tshed do// de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de zhal che yon por bcad pa'i rgyu mthun pa'i 'bras bus de rtag tu bkres pa dang skom pas gdungs shing yan lag thams cad rnam par bsregs pa dang / dbul zhing tshe thung ba dang / ngag yid me ches pa dang / shin tu glen pa dang / gzugs mi sdug pa dang / rkang lag nyams pa dang / dri ma can dang / gnas ngan pa sum mdo dang / bzhi mdo'i khyim du 'jug cing / tshe gcig gi bar du shin tu sdug bsngal bar 'gyur ro// de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba chen po de'i 'khor bcu bdun pa ni gcig kyang ma mthong ngo / / // dam pa'i chos dran pa nye bar gzhag pa bam po bcu gcig pa/ de nas gzhan yang rnal 'byor/ spyod pa nang gi chos la chos kyi rjes su lta zhing gnas pa'i dge slong de 'di ltar zhi ba rga ba med cing 'chi ba med pa/ zag pa med pa/ mya ngan las 'das pa'i lam la 'jug pa de'i brtson pa/ sa bla'i gnod sbyin dag gis mthong nas/ bar snang la spyod pa'i lha rnams la bsnyad pa nas/ rgya cher sbyar te/ 'od chung gi lha rnams kyi bar la bsnyad de/ 'di ltar 'dzam bu gling du rigs kyi bu che ge mo zhig ces bya ba nas/ rgya cher sbyar te/ sa gzhan bcu pa'i bar la zhugs pa bdud kyi yul gyi gzhi la mi 'dod cing / dga' ba 'dod chags kyi mod las byung ba'i sred pa'i dngos po dang lhan cig gnas pa dang / kun nas nyon mongs pa'i yul gyi dngos po rnams dang lhan cig gnas par mi 'dod pa de 'od chung gi lha rnams kyis thos nas/ bdud kyi phyogs dma' bar 'gyur zhing / dam pa'i chos kyi phyogs mngon par mtho bar 'gyur ro zhes yid dga' bar 'gyur ro/ / de nas gzhan yang dge slong las kyi 'bras bu rnam par smin pa shes pa 'khor ba'i 'ching ba gcod pa la brtson pa de 'di snyam du sems te/ kye ma sems can 'di dag ni sdug bsngal ba yin te/ sred pas bslus pa/ gti mug gi kun tu sbyor bas bcings pa/ sems can bag la nyal rnams dang yang dag par ldan pa/ dus gsum du 'tshed kyang 'khor ba gcod pa'i phyir 'bad par mi byed pa'i sems can 'di dag la snying med dam ci/ 'on te snying la mi shes pa zhig yod dam/ 'on te shes pa yod kyang yid 'byung bar mi byed dam/ sems can 'di dag gi rnam pa de gang zhig yin/ gal te sems can rnams 'di ltar mtho ris su yun ring du gnas kyang yid 'byung bar bya ba yin na/ 'di ltar sems sra zhing mkhrang ba de lta ci smos/ gang gnod pa'i rnam pa du ma kun gyis sdug bsngal rjes su myong yang skyo bar mi byed do// yun ring po nas bag la nyal rjes su 'brang ba'i sems la mi mthun pa lnga yod de/ 'di lta ste/ rga ba dang / na ba dang / 'chi ba dang / mi sdug pa dang phrad pa dang / sdug pa dang bral ba'o// gzhan yang nyes dmigs kyi gnod pa bcu 'byung ste/ bkres pa dang skom pa'i nyes dmigs dang / sdug pa dang bral ba'i nyes dmigs dang / yul nas yul du 'gro ba'i nyes dmigs dang / 'chi ba dang skye ba'i nyes dmigs dang / gzhan gyis brnyas pa'i nyes dmigs dang / gzhan gyis bcol ba'i nyes dmigs dang / grang ba dang tsha ba'i nyes dmigs dang / zlas dbye ba'i nyes dmigs dang / 'byor pa rgud pa'i nyes dmigs dang / 'dod pa'i nyes dmigs te/ de ltar mdor na nyes dmigs bcu dag gis sems mngon par gnod par byas kyang / kye mi dga' bar mi byed pa'i sems can 'di dag ni/ e ma thog ma med pa'i dus nas sems dgra lta bu g.yos pa dang / rna ba dang snying med cing rdo dang rdo rje lta bu'i sems yul rnam pa mang pos dam pa'i chos la nams kyang dga' bar mi byed pa yul sgra dang / gzugs dang / reg pa dang / ro dang / dri dug dang / mtshon dang / me lta bu'i sred pas rtag tu chog mi shes pa dug lta bu'i yul lnga dang / chom rkun lta bu'i skye mched drug dang / byang chub kyi yan lag bdun mi shes pa dang / 'phags pa'i lam yan lag brgyad par 'gro bar mi spro ba dang / sems can gyi gnas dgu mi shes pa dang / dge ba bcu'i las kyi lam mi shes pa dang / sa bcu gcig gi rnam par dpyad pa la blun pa dang / skye mched bcu gnyis kyi skye ba dang / gnas pa la rab tu rnam par spyod pa/ mkhas pa dang mi mkhas pa la rnam par spyod pa/ sa gong ma bcu gsum gyi spyod pa la blun pa/ sems kyi dmigs pa bcu bzhi dang 'grogs pa/ gnod pa bco lnga mi bzod pa/ gnod pa sdig pabapa'i mun pa bcu drug gis gnas pa/ byis pa'i shin tu rnam par dpyod pa bcu bdun dang / tshor ba rab tu 'byung ba'i bu ga bco brgyad dang / 'gro bar rnam par rgyu ba'i srang bcu dgu dang sgra gnas pa nyi shus sems de rnam pa nyi shur bslus par rig nas/ de sems can la snying rje bar sems so// dge slong de las kyi chos kyi rnam par smin pa la rab tu rnam par dpyod par byed de/ 'di ltar de bdud kyi 'ching ba bcad pa dag la rtag tu brtson par byed cing / de nas yang blo skyed par byed de/ sems can dmyal ba ngu 'bod las gzhan pa/ sems can dmyal ba ches sdig pa che ba yod pa/ de'i thos pa las byung ba'i shes pas sems can dmyal ba chen po gzhan tsha ba zhes bya ba nyes par byas pa'i las rab tu bdo bas kun nas blang ba sems can dmyal ba chen po du 'bod las gnod pa bcu 'gyur gyis lhag pa zhig yod pa mthong ngo / / 'khor bcu drug la 'di lta ste/ rab tu sreg pa chen po dang / pad+ma dkar po lta bu dang / sbrul 'khyil pa lta bu dang zangs bzhus par nya 'khyug pa lta bu dang / lcags kyi bum pa dang / chu bo dmar po 'bab pa dang / rkang dang rus pa la srin bu mang ba dang / skye bo thams cad sreg pa dang / sar 'bying mtha' yas dang / pad+ma chen po lta bu dang / mtha' drag dang // rus pa rdo rje lta bu 'byung zhing 'du ba dang / lcags nag po'i skud pas 'dral zhing gcod pa tsha ba dang / srin bu na kra dang / 'khor lo dang / me 'jigs ltar skyes pa dang / nags tshal gyi me mun ltar 'khrigs pa dang / bung ba rdo rje lta bus gnod pa'i go cha zhes bya ba ste/ 'di dag ni sems can dmyal ba chen po tsha ba'i 'khor bcu drug yin te/ der tshe ni bzang du mi lang ngo // der sems can dag las gang gis skye bar 'gyur snyam nas/ des zos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur la/ las kyi nyer bsdogs dang / las kyi mjug kun tu bsten cing bsgoms te mang du byas pas 'gyur ro// de lus dang bral nas ngan 'gro log par ltung ba sems can dmyal ba chen po tsha bar skye bar 'gyur ro/ / de la srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba rnams kyi 'bras bu rnam par smin pa ni bshad zin to/ / log par lta ni gang gis kun tu bsten cing bsgoms la/ pha rol la yang bstan pa yin te/ 'di lta ste/ sbyin pa med do// mchod sbyin med do// legs par byas pa dang / nyes par byas pa rnams kyi las kyi 'bras bu rnam par smin pa med do// 'jig rten 'di med do// 'jig rten pha rol med do// ma med do// pha med do zhes de skad chad par smra ba ni las yod pa 'jig pa yin te/ gzhan dag la yang ston cing yang dag par rab tu 'jog par byed la/ yang dag par rab tu dga' bar byed pa/ log par lta ba bskyed nas/ pha rol dag la las kyis lam gyi rgyu med par ston pa ni/ chom rkun pa tshul bzang por 'chos pa yin te/ de lus dang bral nas ngan 'gro log par ltung ba sems can dmyal ba chen po che bar skye bar 'gyur ro// de las kyi lam dang / las kyi 'bras bu yod bzhin du rnam par slub yin te/ de 'chi ba'i dus byas nas/ srid pa dar ma'i bar du skye ba na/ ltas ngan pa'i mtshan ma 'byung bar 'gyur ba ni 'di lta ste/ 'jig pa mchog tu mi bzad pa mun par nges par gyur pa dang / so so nas 'jigs par byed pa seng ge dang / stag dang / dred dang / gung dang / sbrul mang po phug dang / mun pa med pa na 'dug pa dang des gzhan yang ri che zhing mtho ba de'i mgo'i steng du myur bar 'ong ba mthong ba dang / stag dang seng ge de dag kyang so so nas 'jigs par byed cing sgra 'byin pa thos pa dang / gzhan dag kyang gzugs mchog tu dman zhing snying rje rje ltar 'dug pa mthong ba dang / de dag las nag po lta bu mthong zhing me rab tu 'bar ba de'i steng na 'dug par mthong ba dang / wa brgyal ba'i sgra drag po thos pa dang gshin rje'i mi gzugs mi sdug par bsgyur ba dag mthong ba dang de skrag go/ / log par smra ba/ sgyu ngan par smra ba/ phyogs ngan pa smra ba/ lta ba ngan pa smra ba/ las kyi 'bras bu rnam par slu ba smra ba ngam grog dang g.yang sa'i rgyu smra ba/ bdag nyid la bdag slu bar byed cing / sdig pa chen po byed pa de'i las rtag tu bsten cing bsgoms te mang du byas la bsags pa'i 'bras bu ni 'chi khar mthong bar 'gyur te/ de 'jigs shing dbang po blong zong por 'gyur ba dang / bshang ba 'byung bar 'gyur ba 'am/ de bzhin du gci ba 'byung bar 'gyur ba 'am/ de bzhin du skad 'byin pa 'am/ de bzhin du kha gdong bar byed pa 'am/ de bzhin du mal gyi mtha' la nom par byed do// ri de bdag gi steng du 'ong ba mthong nas/ lag pas gzung bar 'dod pa de la/ mi dag na re 'di ltar 'di ni nam mkha' la reg par 'dod do zhes smra ste/ 'di ltar ri 'ong ba de yang dang yang du 'ong ba dang / bdag nyid kyi lus thams cad kyis reg par byed do// 'di ltar de nyes par byas pa'i las spyad cing / las kyi 'bras bus bslus pa ni/ 'di ltar sems can dmyal ba yang dag par myong bar 'gyur ba'i ltas mang po 'byung bar 'gyur te/ 'di lta ste/ dper na mi zhig mi gtsang ba'i phung po da dung gi bar du ma mthong gis kyang dri nga ba'i dri mnam pa de bzhin du/ sems can dmyal ba da dung gi bar du ma mthong gis kyang / sems can dmyal ba chen po'i mtshan ma mchog tu 'jigs shing dreg pa dag 'byung bar 'gyur ro/ / dran par Na zhing smra ba rnams cad skrag par byed de/ sbyi byos pas sgrubs pa/ nyes par byas pa'i / sems can dmyal par drin rin/ der gnas pa'i rnam par smin pas de'i rlung pib pa la ka dang / su tsa ka shin tu drag pa dag gis yan lag dang nying lag rnam par skul bar byed/ rnam par rdung bar byed/ rnam par gshog par byed do/ / de'i lus bdo ba na/ de'i sems srid pa tha ma pa la tshor ba gnyis kyis gdungs pa yin te/ de srid pa za ma pa la sems kyi dmigs pa legs par spyad pa'i 'du shes su byed do/ / de lta bas na mi'i 'jig rten nas rang gis byas shing bslus pa srid pa bar ma la sems can dmyal bar myong bar 'gyur ba'i ltas dag 'byung bar 'gyur ba ni 'di lta ste/ snying gi lam la sgra dang reg pa dang / ro dang / gzugs dang / dri mi 'dod pa dag 'byung bar 'gyur te/ sems can dmyal ba dag gi gzugs mi sdug pa'i sgra skad thos pa dang / rlung reg pa spu gri lta bus reg par byed pa dang / ro tsha ba'i ro myong bar byed pa dang / gzugs 'jigs par ston pa rab tu gdung ba lta bur byas pa dag kyang mthong bar 'gyur/ dri nga ba'i rdzas bsags pa'i dri dag snom par 'gyur ro// de ltar yul thams cad kyis skrag pa sems can dmyal ba shin tu log par lta bas mthong bar 'gyur te/ ji ltar des chos log par bstan pa de ltar sems can dmyal ba des mthong bar 'gyur ro// de 'di snyam du sems te/ kye ma yul grong khyer gyi tshul dang 'thun pa 'di re dga'/ der bdag ji ltar 'dug par bya snyam ste/ de la 'dod par byed do// de srid pa'i yan lag myong bar 'gyur ba rig nas de skye bar 'gyur te/ nye bar len pa'i rkyen gyis srid pa 'byung ba der sems bskyed ma thag tu skye bar 'gyur ro// der skyes ma thag tu gang sems can dmyal ba yang sos la sogs pa'i sdug bsngal de dag thams cad bcu 'gyur du 'byung ngo / / nad bzhi brgya rtsa ba ni yang 'byung ste/ drag pa sems can dmyal ba dang mtshungs pa/ gcig gi dper gcig rung ba/ don thams cad med par byed cing 'jigs par byed pa/ nyes par byas pa'i las kyi 'bras bur gyur pa dag yin no// me'i rnam pa 'di lta bu 'byung bar 'gyur te/ gang til 'bru tsam gyis ri dang / nags tshal dang / grong rdal dang / gling dang bcas pa dag sreg na/ sems can dmyal ba pa'i lus dag lta smos kyang ci dgos te/ des mar gsar gyi gong bu bzhin sreg go/ de nas yang 'byung bar 'gyur te/ nyin mo dang mtshan mor mi mngon zhing mun par zhugs pa na/ lo 'bum phrag du mar gnod pa'i rgya mtshor bying ba thams cad mun pa mun gnag tu gyur pa/ log p ar lta bas byas shing bsags la bstan pa dag gis 'bras bus de 'di ltar lo dpag tu med cing bgrang gis mi lang bar de'i sdig pa'i las bcom zhing spangs la zad par ma byas pa de srid du sdug bsngal dang tsha bas dpe med pas 'tshed do/ / sreg go// de sems can dmyal ba'i yun ring po de las 'das nas/ gal te sems can dmyal ba de las thar par 'gyur te/ thar nas kyang tshe rabs lnga brgyar yi dgas ser sna can zhes bya ba der skye bar 'gyur ro/ / de nas thar nas kyang tshe rabs lnga brgyar dud 'gro thams cad kyi sdug bsngal ba gang yin pa der skye bar 'gyur ro// gal te brgyal gnya' shing gi bu gar rus sbal 'jug pa lta bur lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ log par lta ba de dang rgyu mthun pa 'bras bus de kra klo'i rigs su skye bar 'gyur zhing / dbul ba dang / nad dang / long ba dang / lag rdum pa dang / nad bu can du 'gyur/ tshe thung ba dang / tshig yid mi ches par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rab tu sreg pa chen po zhes bya ba yod pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba las dang 'bras bu mi mthun par ston pa kun tu bsten cing bsgoms te mang du byas pas 'gyur ro/ / 'di lta ste/ srog gcod pa byas na/ srog gcod pa po tshe phyi ma lha rnams su skye'o zhes zer ba de ni 'di ltar las dang 'bras bu mi mthun par ston pa yin no/ / de ci'i phyir zhe na/ srog chags rnams kyi snying la ches sdug bsngal ba med pa ma yin la/ 'di ltar lha rnams su skyes pa dag la ches bde ba med pa ma yin te/ sdug bsngal gyi rgyu srog gcod pa dang yang dag par ldan pa ni bde ba'i rgyur mi 'gyur/ sdug bsngal yang bde ba'i las kyi 'bras bur mi 'gyur to// log par lta ba'i rnam pa de dag ston par byed pa de ni las dang 'bras bu mi mthun par ston pa yin no/ / de lus dang bral nas ngan 'gro log par snang ba sems can dmyal ba rab tu sreg pa chen por kye pabapar 'gyur ro/ / der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs par ji ltar bstan pa'i sdug bsngal bsdus pa de dag thams cad bcu 'gyur du 'byung ngo / / rang gi lus las kyang kun nas me 'byung ste/ rnam pa de lta bur rab tu sreg pa ni/ gang las byas pa'i sems can dmyal ba pa'i me phyi rol na gnas pa bcu drug gi char yang mi phod do/ / me de'i mdog kha ba 'dra la rnam pa de lta bus de rab tu sreg par byed de/ de'i phyi nang thams cad rab tu tshig go// yid la gcags pa las 'byung ba'i me gzhan gsum pa 'byung bar 'gyur ro/ / des kyang sems can dmyal ba pa de sreg go// log par lta ba de phyis 'di ltar log par lta ba'i 'bras bu ni tsha'o// rnam par smin pa'i 'bras bu ni tsha'o// ro myang ba ni tsha'o zhes mngon par shes par 'gyur ro/ / de ma gsum gyis mngon par sreg pa na/ skad cig tsam yang bde ba mi 'thob ste/ sems can dmyal ba tsha ba'i 'khor rab tu sreg pa chen por 'di ltar nyes par byas pa'i las kyi mtha' spyad pa de/ der lo grangs med par yun ring mo zhig tu 'tshed de/ de'i sdig pa'i las bcom zhing spangs la zad par ma byas pa de srid du de sreg go 'tshed do/ / rnam par 'jig par byed do// de phyis sems can dmyal ba de las thar par 'gyur te/ thar nas tshe rabs sum brgyar yi dgas rnams su skye bar 'gyur/ tshe rabs nyis brgyar/ dud 'gro rnams su skye bar 'gyur ro// de de las thar nas/ gal te brgya la mi rnams dang skal ba mnyam par mir skyes na/ de pha ma la rim gro bya ba btang zhing sgra skad 'byin par 'gyur/ mi gtsang ba za zhing yul nas yul gzhan du rgyu ba dang / dam pa'i chos dang bral ba dang / skye bo kun gyis smad pa dang / bza' ba dang / gnas pa khyi'i spyod lam dang mtshungs pa dang / rkang lag la thor pa 'byung ba dang / pha rol gyi bsod snyoms kyi zas gso ba gsog tu gyur pa zos nas/ mi'i tshe 'di nyid la 'chi bar 'gyur te/ de ltar log par lta ba ni thog ma dang / bar ma dang / tha mar mi 'dod pa 'byung ba dge slong des mthong ngo // yang dag pa'i lta ba ni blo'i sngon du 'gro zhing de kho na nyid mthong la/ yang dag pa'i lam la rab tu gnas pa/ mya ngan las 'das par 'gro ba ni/ sngon du 'dren pa yin par mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas 'khor pad+ma dkar po lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro/ / log par lta ba yang rnam pa 'di dag kun tu bsten cing bsgoms te mang du byas pas 'gyur ba ni 'di lta ste/ zas mi za bas mtho ris thob par 'gyur ro snyam nas de gzhan yang 'dzin du 'jug cing rjes su dga' bar byed du 'jug la rab tu 'jog par byed pa/ rgyu ngan pa dang / lta ba ngan pa gzhan gyis sems bcings pa dag bstan bcos ngan pa byed cing / gzhan yang 'dzin du 'jug go/ 'dzin du bcug ste/ zas mi za ba la bkod nas/ srog dang bral bar byed do// de lus dang bral nas ngan 'gro log par lhung ba sems can dmyal ba pad+ma dkar po lta bur skye bar 'gyur ro/ / de der skyes nas gang sems can dmyal ba yang sos la sogs pa'i sdug bsngal de dag thams cad nyis 'gyur du 'gyur ba'i steng du gnod pa khyad par du 'byung ba ni 'di lta ste/ yan lag dang nying lag thams cad rtag tu 'bar ba'i 'phreng bar 'gyur te/ lus de la rgyu las dang 'thun pa rno ba dpe med pa'i rgyu nges me rab tu 'bar ba yungs kar gyi tshad tsam yang ma khyab pa med de/ des rtag tu rab tu 'bar ro// ji ltar mi gtsang ba thams cad kyi nang na log par lta ba kun mi gtsang ba de bzhin du/ me thams cad kyi nang na me 'di kun tu tsha me'i gnod pa dpe med pa des sems can dmyal ba pa de dag la rgyu dang mthun pa'i 'bras bu 'byung ste/ des yun ring du sreg go// de gal te las kyi dbang gis me tog pad+ma dkar po'i tshil na/ bya'i tshogs du mas kun tu bsten pa/ chu 'bab pa phun sum tshogs pa mthong ba dang / sems can dmyal ba pa gzhan dag la smras pa/ kye 'di ltar rgyugs rgyugs/ pad+ma dkar po'i tshal der bdag cag chu bsil ba btung bar bya'o/ / tshal grib bde ba dag bsten par bya'o zhes de dag gis de spro ba bskyed nas de dag nyid dang lhan cig tu pad+ma dkar po'i tshal der rgyug go/ brgyugs pa dang / kha cig mngag ma'i phung pos gang ba dag tu bying ngo / / bying nas yan lag dang nying lag thams cad rnam par zhigs so// rnam par zhigs nas yang 'byung bar 'gyur te/ byung nas de ltar pad+ma dkar po'i tshal la/ sred pas de nyid du rgyug go/ / brgyugs pa dang / spa'i lcug ma rab tu 'bar ba dag 'byung bar 'gyur te/ de dag gis yan lag dang nying lag thams cad dkri dkri nas/ nyams/ rnam par nyams par byas te/ rus pa dang rkang tsam zhig yod par byas so/ / de nas yang skye bar 'gyur te/ skyes nas kyang de bzhin du pad+ma dkar po'i tshal du rgyug pa dang / de'i sha la las kyis byas pa'i srin bu dag byung ste/ de la za'o// sa de dag thams cad kyis snga ma bzhin du re zhig mig la 'phyang 'phyang nas migs za'o// sred pas nyam thag pa long bar 'gyur ba de der rgyug go// rgyug pa na srin bu gzhan dag 'byung bar 'gyur te/ de sa gi lus mun par bsgribs pa du skad 'don pa de la rtag tu za'o/ / de nas yang mig nas byung ste/ de la yang za ste/ de ltar lo 'bum phrag du ma'i bar du za za nas skye bar 'gyur ro// yongs su rgyug pa na yang gal te yang pad+ma dkar po'i tshal de dang phrad na/ de'i bsam pa dang / lus thams cad rab tu sim pa dang / bdag gi bsam pa bzhin du pad+ma dkar po'i tshal de dang phrad do mnyam du de'i sems skye'o/ / de der zhugs pa dang / pad+ma dkar po de dag 'phang du dpag tshad lnga'o// rgyar dpag tshad gnyis kyi tshad de me 'bar ba'i pad+ma dkar po de la las kyis bslus pa dag 'dzeg go// lhag ma gzhan dag ni 'dzeg cing 'khod la/ sems can dmyal ba pa de dag gi lus 'bar ba'i 'phreng ba'i yan lag dang ldan par 'gyur te/ 'dzeg bzhin du de dag re ba med cing shin tu sdug bsngal la/ bkres pa dang skom pas nyen pa de dag me mdog pad+ma dkar po lta bus sreg go/ / 'tshed do// 'chi zhing skye'o// lus kyi yan lag dang nying lag thams cad bsregs shing king shu ka lta bu'i lus dag ji srid du de'i sdig pa'i las bcom zhing spangs la zad par ma byas pa de srid du yun ring por gnod pa myong bar 'gyur ro/ / de phyis sems can dmyal ba de las thar par 'gyur te/ thar nas kyang tshe rabs bzhi brgyar yi dgas bkres shing skom par 'gyur ro/ / de las bar nas kyang tshe rabs sum brgyar dud 'gro rnams su skye bar 'gyur ro// gal te gnya' shing gi bu gar rus sbal 'jug pa lta bur lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ des log par lta ba spyad cing nyes par byas pa'i las de dang rgyu mthun pa'i 'bras bus de mtshon gyis 'khrug cing mu ge dang chom rkun rab tu mang po'i yul rnams su skye bar 'gyur/ der skyes nas kyang dngul zhing nad bu can dang / gzhan gyis bkol cing sdug 'bongs par gyur la dbang po ma tshang bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba sbrul 'khyil pa lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba kun tu bsten cing bsgoms te mang du byas pas 'gyur ba ni// 'di ltar tsog tsog po bgying bar 'dug la/ skom 'thung zhing lag pa la bldag na mya ngan las 'das pa 'thob ste/ 'dod chags zhe sdang gti mug spangs pas ma yin zhing / dbang po zhi bas ma yin no zhes smra na/ de lus dang bral nas ngan 'gro log par ltung ba sems can dmyal ba sbrul 'khyil pa lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de sbrul gdug pa gdengs ka can rab tu 'bar bas kun tu gang ba de na/ sbrul dpag tshad tsam yod cing sbrul gdug pa dpag tshad tsam yod pas kyang shin tu gang ba yin la/ kha cig ni lta ba'i dug/ kha cig ni reg pa'i dug/ kha cig ni mche ba'i dug ste/ de dag gis sems can dmyal ba de gang ngo // der sems can dmyal ba kha cig gi nang du sbrul de dag 'byung par 'gyur te/ gang dag nang du skyes pa la de'i tshe/ sbrul de dag gi lus reg pas chang ba'i phye bzhin 'thag go// gang dag kha'i nang du skyes pa ni mche ba dang 'dres pa'i dug rab tu 'bar ba de dag gis skye zhing 'chi'o/ / shi nas yang 'tsho ste/ de dag me gsum gyis sreg go// 'di lta ste/ dug gi me dang / sems can dmyal ba pa'i me dang / bkres pa dang / skom pa'i mes de dag rang gi las dang 'thun par me gsum gyi dbus su bcug nas tshor ba tsha ba rtsub pa dag myong bar 'gyur ro/ / gzhan yang nad las byung ba'i tshor ba brjod par yang mi nus pa'i nad gzhi las byung ba'i mes de sreg go/ / de ltar nyes par byas pa'i las kyi mtha' spyad pa dag/ ji srid du de'i sdig pa'i las bcom zhing spangs la zad par ma byas pa de srid du yun ring por me'i nang du bcug nas sreg / 'thag go// skems so// rnam par zhigs par byed do// de phyis sems can dmyal ba de las bar bar 'gyur ro// thar nas kyang tshe rabs brgya lnga bcur yi dgas la ba mgrin du skye bar / 'gyur/ tshe rabs nyis brgyar me dang chu med pa'i gnas ri sul dpag tshad bcu gnyis bkres pa dang skom pa thams cad kyis yongs su gdungs pa'i dud 'gro seng ge dang / stag dang / dred dang / gung du skye bar 'gyur ro// gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bu des 'brog dgon pa'i mir 'gyur te/ gang dag gis nam yang zas mthong bar yang mi 'gyur na/ bza' ba lta smos kyang ci dgos te/ gzhan du na der rngad dang / rtswa dang / tshal gyi 'bras bus srog 'tsho bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des sems can dmyal ba zangs pa zhus par nya 'khyug pa lta bu zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra bas 'gyur ro// log par lta ba yang 'di ltar kun tu/ bsten cing bsgoms la mang du byed pas 'gyur te/ 'dir 'gro ba 'di dag thams cad dbang phyug gis sprul te/ las kyis ma byas so zhes smra na/ de lus dang bral nas ngan 'gro log par ltung ba sems can dmyal bzangs bzhus pa nya 'khyug pa lta bur skye bar 'gyur ro/ / sems can dmyal ba de yang zangs bzhus pa de rab tu 'bar bas rgya mtsho ltar gang ba'i sems can dmyal bar skye bar 'gyur te/ der yang las kyis byas pa'i lcags kyis nya rab tu 'bar ba dag rnam par rgyu zhing / zangs bskol ba de'i dbus su shing lo ma spu gri dang mdung phung lta bu dag 'byung ste/ der sems can dmyal ba de dag skyes nas/ 'chi zhing skye ste/ yan lag dag thams cad zhigs so// zhugs pa na nub cing 'byung ste/ tshor bas nyan pa dag phan tshun rgyug cing ngu skad 'don to/ / gcig la gcig log par smras pas de dag de ltar ngu skad 'don pa na/ las kyis byas pa'i nya de dag sems can dmyal ba de dag gi drung du kha gdangs shing rgyug go de nas nya de dag gis sems can dmyal ba pa de dag kha chu'i zhags pas bzung ste za zhing / de'i tshe so'i bar du phye mar brlags so// de dag gi lus phyed nya rnams kyis zos shing / phyed zangs bskol mar 'tshed do/ / de dag tshor ba drag pas nyen la/ tsha ba rtsub pa'i tshor ba gnyis myong bar 'gyur te/ de nya de rnams kyis phyed za ba dang / phyed zangs bskol bar 'tshed do// yun ring mo zhig 'das nas nya'i kha de nas bar pa dang / zangs bskol ba'i bum pa'i nang du 'jug go// zhugs pa dang / srin bu a ba mA si ka zhes bya ba mche ba rdo rje lta bur mche ba rno ba dug dpag tu med pa yod pa de dag gis bzung ngo / / bzung ba rnams zangs bskol ba'i bum pa mun par gyur pa der phye mar rlog go// phye mar brlags nas phye ma'i dum bu tsam du za'o// gang tshor pas nyen pa du skad 'don pa dag zangs bskol ba des kha 'gengs shing ngu skad 'don to/ / de dag gi 'dzag sgo zangs bskol ba des 'gengs shing 'gog la 'tshed cing rnam par zhig par byed do/ / zangs bskol ba de las yun ring mo zhig 'das nas yang rgyal lo// rgyal nas kyang las kyis byas pa'i chung spu gri lta bu rnams kyis ji srid du de'i sdig pa'i las bcom zhing spangs la zad par ma byas pa de srid du/ log par smra ba las dang 'bras bu la bslu bar zhugs pa dag phye mar rlog go/ de phyis sems can dmyal ba de las thar par 'gyur te/ thar nas kyang tshe rabs sum brgyar yi dgas kha zas med pa rnams kyi nang du skye bar 'gyur ro/ / yi dgas kyi yul de las thar nas kyang tshe rabs sum brgyar dud 'gro glang po che dang / dom dang / grog sbur la sogs pa shin tu sdug bsngal ba rtag tu bkres pa dang / skom pa dang / grang ba dang / tsha ba dang / rlung dang / gdung ba rnams su skye bar 'gyur ro// dud 'gro de la sa thar nas kyang gnya' shing gi bu gar rus sbal 'jug pa lta bur gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ las de dang rgyu 'thun pa'i 'bras bus de khyis 'tsho ba 'am/ shing thun nam/ nye par skye bar 'gyur bar mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba lcags kyi bum pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / rdzun smra ba kun tu bsten cing bsgoms te mang du byas pas 'gyur ro/ / log par lta ba ni 'di ltar mtho ris su mi 'di dbang du 'gyur ro zhes mchod sbyin dag la mi dag gsod par byed pa dang / 'jig rten pha rol du dbang du bya ba'i phyir rus sbal dag gsod par byed cing / gzhan dag kyang rab tu 'jog par byed pa nas/ skye ba'i bar du byed pa yin te/ lam bzang po sun par byed cing / lam ngan pa la 'jog par byed pa'i las kyi rnam pa 'di dag ni log par lta ba yin no/ / de lus dang bral nas ngan 'gro log par lhung ba sems can dmyal ba lcags kyi bum par skye bar 'gyur te/ der sems can dmyal ba yang sos la sogs pa'i gnod pa de dag thams cad bcu 'gyur du 'byung ngo / / bum pa dpag tshad bcu pa drug 'byung ste/ de dag gi ming ni 'di dag yin te/ 'di lta ste/ zhugs ma thag tu sdug bsngal ba dang / skyabs med dang / rtag tu mes bskol dang / chu sog le lta bu dang / spu gri'i 'phreng ba dang / chu bskol ba'i nang du sbrul zhugs pa'o// der gang dag sdug bsngal mtshungs par 'tshed pa de dag la rnam pa de lta bu'i sdug bsngal 'byung ste/ gang du sems can dmyal ba pa de dag 'tshed pa na/ tshor ba'i sdug bsngal yang mtha' dag 'byung bar 'gyur ro// gang skyabs med pa 'tshed pa de dag la lus kyi skyabs med cing / yid dang chos kyi skyabs kyang med de/ gang ngan 'gro'i skyangs can de dag thams cad de na skyabs med do// gang rtag tu mes bskol ba yun ring por 'tshed pa de dag ni mes bskol ba'i zangs bzhus pa las byung bas ji ltar thal ba yang mi mngon pa de ltar lus rnam par zhigs par byed do/ / de nas yang lus de skye bar 'gyur te/ chu sog le lta bu der 'jug par byed do// zangs bskol ba'i chu de sog le lta bu yin te/ de dag thams cad me 'bar ba mched pa der bcug pa dang / 'og nas steng du 'byung zhing zangs bskol ba'i chu sog le lta bur gnad dang gnad dag la gnod par byed/ gshog par byed do// de nas yang de dag steng nas 'og tu 'byung ste/ sog le de dag nyid kyis gsheg cing 'dral lo// mon sran gre'u lta bu'i rigs de dag lus steng dang / 'og dang / sa'i ngos la yun ring du 'joms so// gsheg go// sreg go/ spu ma'i 'phreng ba'i nang du 'jug pa de dag la gnod pa 'byung ste/ 'di lta ste/ bum pa de spu gri rnams kyis gang ba yin te/ der sems can dmyal ba ba dag spu gri dug gis gos pa de dag gis yan lag dang cing lag ga shog par byed do/ / chu rgol ba'i nang du sbru la zhugs pa de dag la gnod pa 'byung ba 'di sa ste/ chu rgol pa dpag tshad byed du sgrol ba shin tu chab 'byung ste/ der du/ ba'i nang na sbrul gnas pa mche ba mchog tu rno ba dag reg pa dang / mthong bas me bzhin du sreg go// reg pas spu gri bzhin du gcod do// sems can dmyal ba pa de dag sbrul de dag gis gcod par byed reg pas rus pa tsam lus par byed cing / mthong bas sgrol bar byed la dbu ba bzhin du zhu bar byed do// chu bskor bas skol bar byed de/ sems can dmyal ba pa dag sdug bsngal shin tu tsha zhing rtsub pa dag myong bar 'gyur ro/ / gal te gshin rje'i mi dag gzhan du dong bar gyur na/ de'i tshe bum pa de dag gi kha 'og ma'i bu ga med par 'gyur te/ des sems can dmyal ba pa dag 'bros par byed mi nus so/ / de nas gshin rje'i mi de dag 'di snyam du sems te/ 'di ltar sems can dmyal ba pa bug med pa'i bum pa'i nang 'dir zhugs pa dag rdo rje lta bu'i skyang nul gyis bu ga med par byas te/ gnod pa rnam pa sna tshogs kyis sems can dmyal ba pa dag 'bros mi nus par bya'o snyam du sems so// de nas gshin rje'i mi de dag 'di snyam du sems te/ las kyis byas pa'i bum pa 'di dag thams cad kyi kha 'og ma bdag cag gis nges par yang me 'bar ba'i 'phreng ba mched pas nyis 'gyur du rab tu 'bar bar bya'o snyam nas/ de nas sems can dmyal ba pa de dag la gnod pa de dag gis gnod par byed do/ / de nas gshin rje'i mi de dag khros nas yang bum pa de dag lcags kyi shing de dag gis nyis 'gyur du rab tu sreg par byed do// de nas sems can dmyal ba pa de dag gyen du 'gro ba na/ zangs dmar po bskol bas phan tshun gnod par byed de/ sdug bsngal gyi gnod pa sna tshogs kyis nyam thag pa dag ji srid du de'i sdig pa'i las bcom zhing spangs la zad bar ma byas pa de srid du kha cig ni rnam par zhigs so/ / kha cig ni sbrul gdug pa me ltar tsha bas skol cing sreg par byed do// de dag bum pa'i gnod pa de las thar par 'gyur te/ thar nas kyang tshe rabs sum brgyar yi dag sa dri za ba rnams kyi nang du skye bar 'gyur ro/ / gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de bstan bcos ngan pa'i gtan tshigs kyis rmongs pa/ blo gros ngan pas don gyi phyir ram/ mtho ris kyi phyir sha dag sogs par byed do// sred pa'i bag la nyal gyis 'brel pa dag yang sdug bsngal de nyid don du gnyer bar byed pa mthong de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba chu bo dmar po 'bab pa zhes bya ba mthong ngo / / der sems can dag log par lta ba'i las byas pa gang gis skye bar 'gyur snyam nas/ des thos pa las byung ba'i shes pas brtam na/ tshul khrims 'chal pa gang gis tshul khrims 'chal pa mang du byas nas/ phyis 'di snyam du sems te/ bdag dka' thub dka' ba byas pa dang / bdag gis nyes par byas pa dang / nyes par ma byas pa de dag thams cad 'byang bar 'gyur ro snyam nas/ de tshal du song ste shing la rkang pas btags nas mgo thur du sbyangs te/ mtshon chas sna 'am da bral ba gcod de/ de las gang khrag byung ba de dag mer sreg la dugs par byed do// sred pas mtho ris 'dod pa/ lam ngan par zhugs pa/ bye ma dag las til mar 'byung bar 'dod pa de khrag zad nas 'chi ste/ de lus dang bral nas ngan 'gro log par ltung ba sems can dmyal ba chu bo dmar po 'bab par skye bar 'gyur ro// der gnod pa 'di dag 'byung bar 'gyur te/ 'di lta ste/ gang / sems can dmyal ba yang sos la sogs pa'i sdug bsngal bsdus pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar gshin rje'i mi dag tho ba dang / ral gri dang / mda' bo che dang / rdo rnams kyis ji ltar khrag dang klad rgyas 'byung zhing 'bab pa de ltar phye mar chog ste/ ji ltar chu bo des ded pa de ltar sems can dmyal ba pa skra dang rus pas mu khebs pa gzhan dag kyang chu bos ded do/ / zangs bskol ba'i chu bo rab tu mi bzad cing mchog tu 'jig pa zhes bya ba gnyis pa 'bab ste/ chu bo de'i nang na srog chags kyi rigs yang gu di ka zhes bya ba reg na me ltar bzhig yod pa des sems can dmyal ba de dag rab tu bsregs shing bsregs shing za'o/ / de ltar chu bo dmar po 'dab pa'i sems can dmyal ba pa dag gi lo bgrang gis mi lang ste/ ji srid du de'i log par lta ba sdig pa'i las bcom zhing spangs la zad par ma byas pa de srid du/ chu bo dmar po 'bab pa'i sems can dmyal bar yun ring du gnod pa dag myong bar 'gyur ro// de phyis sems can dmyal ba de las thar par 'gyur te/ thar nas kyang las de dang rgyu mthun pas tshe rabs lnga brgyar yi dgas bdug spos za ba rnams kyi nang du skye bar 'gyur ro// de las bar nas kyang tshe rabs bzhi brgyar dud 'gro rgya mtsho'i byar skye ste/ de chu bo'i sgor gnas pa 'am/ gal te mgo dmar por 'gyur ro// de gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can du 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rkang dang rus pa la srin bu mang ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ lus sam/ ngag gam/ yid kyi chad pa mi dge ba mang du byas nas/ de phyis thos pa ngan pas rmongs pa/ tshangs pa'i 'jig rten la sred pa/ lam ngan pa la rab tu gnas pa/ tshul khrims rnam par spangs pa/ tshul khrims 'chal pa'i rang bzhin dang ldan pa/ g.yo can pha rol la gnod pa dag tshul khrims spangs nas/ lci ba'i me thab byed de/ sdug bsngal ba de tshe 'di la mi'i mes sreg go// lus dang bral nas ngan 'gro log par ltung ba sems can dmyal ba rkang dang rus pa la srin bu mang bar skye bar 'gyur ro/ / der gnod pa 'di dag 'byung bar 'gyur te/ 'di lta ste/ lcags las byas pa'i brdung bas de'i mgo man chad kyi bar dag rdung bar byed do// ngu skad 'don pa na ji ltar sbrang rtsi'i tshogs ma bzhin du byed de/ yan lag dang nying lag thams cad mngon par dmigs su med par byed kyang log par lta ba las de dang rgyu mthun pa'i 'bras bus 'chi ba'i dus ni mi byed do// sems can dmyal ba pa de dag gis lus bsags par gyur pa dag ji ltar rkang dang rus pa chen po'i tshogs kyi ri 'phang du dpag tshad lnga yod cing / rgyar dpag tshad gsum yod pa de ltar bsags par gyur te/ de dag la srin bu drod gsher las skyes pa/ sems can gyi grangs su bgrang ba zhig 'byung bar 'gyur te/ gang dag las ci zhig byas pas 'gyur snyam nas/ skyes pa 'am bud med gang gis rang gi lus sam/ gzhan gyi lus las 'byung ba'i shig kam/ srog chags ma ko ta ka 'am/ rkang la za ba 'am/ gzhan yang rnam pa de lta bu bsad par gyur na/ de dag kyang lus dang bral nas ngan 'gro log par snang ba sems can dmyal ba srin bu zhes bya ba der skye bar 'gyur ro/ / de dag gi 'du shes 'byung ba ni 'di lta ste/ las de dang rgyu mthun pa'i 'bras bus lus 'byung zhes bya ba'i ri de la de dag skye bar 'gyur te/ de dag kyang sems can dmyal ba rkang dang rus pa la srin bu mang ba'i gshin rje'i mi gzhan dag 'ongs nas/ las kyis byas pa'i mes rab tu sreg par byed do/ / lus 'byung ba zhes bya ba'i srin bu yod pa der sems can dmyal ba pa lci ba'i me dang thab kyis bslus pa dag de ma thag tu mes sreg go// de'i ri de sreg pa na 'phang du mes dpag tshad bcu tsam du 'bar bar byed de/ sems can dmyal ba pa de dag rang gi lus las byung ba'i me dang srin bu de dag gis lhan cig sreg par byed do// lus las 'byung ba'i srin bu bong chung ba dag 'byung par 'gyur te/ de las sdug bsngal ches chung ba 'byung ba ni/ sems can dmyal ba dag bsdus nas de dag mngon pa med par byed de/ phan tshun me 'bar ba'i 'phreng bas lus yongs su gdungs pa dag/ yun ring du ji srid du de'i sdig pa'i las bcom zhing spangs la zad par ma byas pa de srid du lo bgrang gis mi lang bar sreg go// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs lnga brgyar rig seb tu yi dgas khab mgrin du skye bar 'gyur ro// tshe rabs lnga brgyar rgya mtsho'i sa'i 'og gi rma zang mo ba tsha'i rgyu'i nang gi nyar skye bar 'gyur ro/ / de dag de las thar nas gal te brgya la gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshal na spyod cing tshal gyi nang na gnas pa 'am/ nags khrod na 'tsho ba 'am/ dbul zhing de tshal gyi mes sreg par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skye bo thams cad sreg pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba snga ma bzhin kun tu bsten cing bsgoms te mang du byas pas 'gyur ro// log par lta ba yang thos pa ngan pas rmongs pa/ lus kyi chad pa dang / ngag dang yid kyi chad pas rnam par rmongs pa/ rtag tu chad pa rnam pa gsum gyis nyam thag pa/ log par lta ba dang mtshungs par spyod pa dag/ tshal lam/ ri 'am/ mtshams kyi bar ram/ nu 'am lcug ma'i tshal dag la mes sreg par byed pa dag/ 'di ltar mtshim par byas pas/ lha dag dga' bar 'gyur te/ de dag dga' ba dang lha yul du khrid par byed de/ bdag lha'i 'jig rten de thob pa dang me tshim par byas pas/ bdag der lha'i dga' ba thob par 'gyur ro snyam ste/ rmongs pa thos pa ngan pas bslus pa de lus dang bral nas ngan 'gro log par ltung ba sems can dmyal pab skye bo thams cad sreg pa zhes bya ba der skye bar 'gyur ro/ / der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs pa'i gnod pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar der skyes pa gang dag las kyis sprul pa'i bu dang / bu mo dang / chung ma dang / dga' ba'i bsten grogs dang / pha ma dang / de las gzhan pa dga' ba dang 'brel pa de dag der 'tshed pa na/ bu dang / chung ma dang / bsten grogs dang / pha ma'i tshogs de dag thams cad mthong ngo // de dag kyang de ltar sems can dmyal bar 'tshed pa na mthong ste/ 'tshed pa de mthong ba dang / yid kyi sdug bsngal mi bzad pa tsha ba rtsub pa dag myong bar byed do// dga' ba'i tshogs de dag thams cad mthong nas mya ngan gyi me'i rnam pa 'di lta/ bu 'byung bar 'gyur te/ gang sems can dmyal ba pa'i mang dag sred pa'i me'i bcu drug gi char yang mi bod do// sems can dmyal ba pa'i me thams cad kyi nang na sred pa'i me thams cad ches shin tu tsha'o/ / me rnams kyi nang na yang 'di ma yin no// zhags pa rnams kyi nang na 'di zhags pa'i mchog yin no// 'ching ba rnams kyi nang na 'di 'ching ba dam pa yin te/ 'ching ba dam pa des so so'i skye bo byis pa thams cad bcings so/ / gang log pa'i las kyis byas pa'i dga' ba'i tshogs sems can dmyal ba pa dag mthong nas kyang sred pas de bzhin sreg ste/ gang me de dag las byung ba'i sems can dmyal ba pa kha ba lta bur gyur pa de yang / de'i bu dang chung ma'i tshogs dang / pha ma'i tshogs du skad 'don te/ 'di ltar bdag cag la yongs su bskyab par gyis zhes snying rje rje skad du ngu skad 'don kyang / de dag yongs su bsgrub par ga la nus te/ gang sems can dmyal ba pa dbang med pa mes sreg cing 'tshed do// de ltar ji srid du de'i sdig pa'i las bcom zhing spangs la zad par ma byas pa de srid du de yun ring po lo bgrang gis mi lang bar lus dang yid kyi mes sreg go/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus de lo sum brgyar yi dgas gtor ma za bar skye bar 'gyur/ tshe rabs lnga brgyar dung ma lta bu'i nang dir de'i bus pa pho monya pa dag gis gsod par byed do// gal te mtha' shing gi bu gar rus sngal 'jug pa lta bur mi rnams dang skal ba mnyam par mir skyes na/ de dbul zhing tshe thung ba dang / dbang po ma tshang ba dang / bu dang chung ma dang bral zhing / gang dag tu bran gdog tu 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal sar 'bying mtha' yas zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur te/ mdor na lus kyi chad pa 'am/ ngag gi chad pa'i las kyi nyer bsdogs dang las kyi mjug kun tu bsten cing bsgoms te mang du byas pas 'gyur ro/ / de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro// der gang sems can dmyal ba yang sos la sogs pa'i sdug bsngal bsdus pa de dag thams cad lnga 'gyur du 'byung ngo // log par lta bar gyur pa ni zos pa ngan pa gang gis srin bu phye'u dang / srog skur dang / sbrul dang / sbrul shin tu gnag pa dang / ri dgas dang / bya rnams me'i nang du bcug na/ me de dag dga' bar 'gyur ro// dga' nas kyang 'jig rten mtha' yas pa sbyin par byed de mer bsregs pa de dag gis kyang drag po'i 'jig rten mi bzad par byed do/ / gang mer bcug pa de dag de'i chos chen po thob par 'gyur ro zhes bsgrags shing / de ltar 'dzin du 'jug pa ni chos log pas rnam par bslus pa log par lta ba yin te/ de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro// der gnod pa 'di dag 'byung bar 'gyur te/ 'di lta ste/ mdag ma'i ri brgyar dpag tshad lnga yod pa/ kun nas sems can dmyal ba pa'i mes rab tu 'bar ba de la sems can dmyal ba pa de dag gshin rje'i mi rnams kyis bteg cing 'dor bar byed de/ rkang pa dang / rkeng pa dang / mdoms dang / rgyab dang / dpung pa dang / mgrin pa dang / lag pa dang / mig dang / rna ba dang / mgo dang / klang pa'i bar bsregs nas/ de nas yang 'byung bar 'gyur te/ sreg pa na ji srid du de'i sdig pa'i las bcom zhing spangs la zad par ma byas pa de srid du/ dus du ma/ yun ring ngo po/ lo bgrang gi mi lang bar sreg go/ / de phyis sems can dmyal ba de las thar bar 'gyur te/ thar nas kyang log par lta ba mi bzad pas las de dang rgyu mthun par tshe rabs lnga brgyar yi dgas mi gtsang ba za ba/ lus thams cad rab tu 'bar ba mtshan mo rgyu ba na skye bo kun gyis mthong ba dang / las ngan pa byas pa dbang du gyur par skye bar 'gyur ro// yi dgas kyi ris de las thar nas kyang / dud 'gro lus thams cad la srin bu me khyer rab tu 'bar ba 'byung zhing / nyin mtshan du skye bo kun gyi mngon sum du 'gyur ba dang / khong pa'i nang du me zhugs pas sreg cing / nyi ma'i 'od zer dag gis zil gyis non par 'gyur pa mthong ngo / / / dam pa'i chos dran panye bar gzhag pa dam po bcu gnyis pa/ de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des sems can dmyal ba pad+ma chen po lta bu zhes bya ba mthong ngo // der sems can dag las gang gis skye bar 'gyur snyam nas/ des bos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms la mang du byas pas 'gyur te/ mdor bsdu na lus kyi chad pa dang / ngag gi chad pa'i las kyi nyer rab sngogs dang / las kyi mjug dang ldan pa de ni lus dang bral nas ngan 'gro log par ltung ba sems can dmyal ba pad+ma chen po lta bur skye bar 'gyur ro/ / log par lta ba yang rnam pa 'di dag byas pas 'gyur te/ 'di ltar mis gsang gi mchod sbyin byas pas 'jig rten nyams pa med pa thob par 'gyur ro zhes zer ba de ni/ lus dang bral nas ngan 'gro log par ltung ba sems can dmyal ba pad+ma chen po lta bur skye bar 'gyur ro// der gnod pa 'di dag 'byung bar 'gyur te/ 'di lta ste/ sems can dmyal ba de'i byang gzugs pad+ma lta bu yin te/ gang de dag gi ze ba'i bar rdo rje lta bu'i tsher mas gang ba der/ sems can dmyal ba dpag tshad lnga brgya tsam pa de tsher ma'i bar de dag tu skye bar 'gyur ro/ / skyes ma thag tu de dag gi lus thams cad tsher ma rnams kyis shin tu phug ste/ gang ma phug pa gcig med pa ni/ der khab kyi bu ga tsam gyi phyogs kyang med de/ gang sems can dmyal ba pa'i mas rmas ma gang ba med do// de ltar ji srid du de'i sdig pa'i las bcom zhing spangs la zad par ma byas pa de srid du yun/ ring por 'tshed do// sreg go/ de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus tshe rabs nyis brgyar yi dgas ldan ljin za bar 'gyur// de de las shi nas kyang tshe rabs lnga brgyar rma bya dug za ba'i rigs su skye bar 'gyur ro// gal te de nas shi nas gnya' shing gi bu gar rus sngal 'jug pa lta bur mi rnams dang skal ba mnyam par mir skyes na/ de rtag tu dbul zhing rtag tu phan tshun rag las pa mang ba dang / gal te ltad mo pas 'tsho ba'i gar mkhan nam/ gang rnam pa de las gzhan pa'i ltad mo pas 'tsho bar 'gyur te/ ji srid 'tsho'i bar du bkren pa rab tu 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba mtha' drag ces bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pa ni snga ma bzhin no// / log par lta ba kun tu bsten cing bsgoms te mang du byas pas 'gyur ba ni/ 'di ltar chur zhugs pas nyes par byas pa thams cad 'byang bar 'gyur zhing / khyab 'jug gi 'jig rten du skye bar 'gyur/ la/ gnas de nams kyang mi g.yo ste/ g.yo ba med pa der skye bar 'gyur ro zhes de pha rol dag kyang de nyid la 'jog par byed cing / yang dag par dga' bar byed par chur zhugs pas srog dang bral bar byed na/ de chur zhugs pas 'chi ba'i dus byas nas sems can dmyal ba mtha' drag tu skye bar 'gyur ro// lus kyi chad pa dang / ngag gi chad pa dang / yid kyi chad pas nyams pa der skyes pa dag la/ gang sems can dmyal ba yang sos la sogs pa'i sdug bsngal de dag thams cad snga ma zhin 'byung ba'i steng du/ khyad par du 'byung ba ni/ sems can dmyal ba de kun nas rdo'i zur shin tu rno ba rnams kyis khebs pa/ kun nas ri rang 'od shin tu rno ba 'phang du dpag tshad bcu yod pas bsgribs pa de la bya yang 'gro bar mi nus na/ sems can dmyal ba pa dag ri de la rgal bar lta ga la nus te/ kun nas 'bar/ rab tu 'bar/ kun tu rab tu 'bar te/ ri de dag kun nas me lce gcig tu gyur pa dang / sems can dmyal ba pa de las gcig gis sems can dmyal ba pa mtha' dag la kye grogs po dag ri'i rtse mor sems can dmyal ba 'di dag ri 'di dag las rgal ba dang / bde ba thob bo zhes smra ste/ de ltar las ngan pas bskul ba'i sems can dmyal ba pa de/ sems can dmyal ba pa de dag la smra'o/ / smras ma thag tu sems can dmyal ba pa las ngan pas bskul ba de dag ri thag thug zar zur shin tu mi bde zhing kun nas rab tu 'bar ba ga la ba der de dag rgyug kyang de dag 'dzeg par mi nus te/ de dag kha cig ni de nyid du mas tshig go/ 'jigs skrag pa kha cig ni de nyid du rdo rang rong la 'ju bzhin du sreg go/ skrag dang ngas pa'i sems can dmyal ba mgon 'dod pa/ skyabs 'dod pa/ dpung gnyen 'dod pa de dag kha cig ni gshin rje'i mi rnams kyi lag pa nas/ ral gri dang tho bas yang dang yang du btags te/ de ltar sems can dmyal ba pa lus kyi chad pa dang / ngag gi chad pa dang / yid kyi chad pas nyen pa de dag ji srid du de'i sdig pa'i las bcom zhing spangs la zad par ma byas pa de srid du shin tu yun ring por 'tshed do// sreg go// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus lo sum brgyar yi dgas khrag za ba'i ris dang mthun par skye bar 'gyur/ de las thar nas kyang lo sum brgyar dud 'gro sbrul chen po'i ris su skye bar 'gyur ro/ / gal te mi rnams dang skal ba mnyam par mir skyes na/ de dbul zhing nang bu can dang / yul ngan par skye zhing dbang po ma tshang ba dang / rtag tu 'jigs pa mang ba'i yul dag tu skye bar 'gyur bar mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po che ba'i 'khor la brtags na des zos pa las byung ba'i shes pas sems can dmyal ba rus pa rdo rje lta bu 'byung zhing 'du ba zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba yang kun tu bsten cing bsgoms la mang du byas pas 'gyur te/ 'di ltar dngos po dag ni 'dod rgyal las 'byung zhing / 'dod rgyal las 'gag ste/ 'di ltar tsher ma rno ba dang / rma bya dag gi bkra ba dang / 'di ltar smig rgyu dang / dri za'i grong khyer dag gi rgyu rkyen ni med kyi/ 'dod rgyal las 'byung zhing 'gag ste/ dngos po thams cad ni de lta bu yin no zhes de de ltar gzhan dag kyang 'dod rgyal du lta bar gyur pa der rab tu 'jog par byed cing yang dag par ston par byed la/ lus kyi chad pa dang / ngag gi chad pa dang / yid kyi chad pas nyams par byed pa de ni lus dang bral nas ngan 'gro log par ltung ba sems can dmyal ba rus pa rdo rje lta bu 'byung zhing 'du bar skye bar 'gyur ro/ / der sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni/ 'di ltar gshin rje'i mi rnams kyis/ gang gi tshe sems can dmyal ba pa de dag mtshon cha hu lu rnon po dag gis de'i sha med par byas la/ gang dgra gzhan byung bas rus pa de dag blangs te/ dgra des rus pa phan tshun btags so// rus pa de dag gi las nyes par byas pa des rdo rje lta bur gyur te/ kha cig ni mgo phug/ kha cig ni rked pa phug kha cig ni yan lag dang nying lag thams cad thal bar rlog/ kha cig ni khrag tsam lus par byed/ kha cig gi yan lag gcig 'jig par byed/ kha cig la phan tshun sbron par byed/ rus pa dang rus pas sam/ rdo rab tu 'bar ba dag gis sems can dmyal ba pa de dag gcig la gcig rdeg cing gsod de/ sems can dmyal ba pa las kyis bskul ba de dag 'di ltar ji srid du de'i sdig pa'i las bcom zhing spangs la zad par ma byas pa de srid du shin tu yun ring po lo bgrang gis mi lang bar sems can dmyal ba pa de dag gcig la gcig gsod do/ / de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus yi dgas rang gi klad rgyas za ba'i nang du skye bar 'gyur/ de nas shi nas kyang tshe rabs sum brgyar dud 'gro'i 'jig rten rtsangs pa dang / sbyin gor dang / srog chags b+hil la kar skye bar 'gyur te/ de nas shi nas kyang gal te brgya la gnya' shing gi bu gar rus sbal 'jug pa lta dur mi rnams dang skal ba mnyam par mir skyes na/ de tshal du gnas pa dang / 'gro lding ba'i yul dang / an d+ha ka'i yul gyi dbus dag tu dbul ba dang / nad pu can dang / gzhan gyis bkol bar 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skud pa nag pos 'dral zhing gcod pa tsha ba zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba kun tu bstan cing bsgoms te mang du byas pas 'gyur ro// log par lta ba ni mtshan ma dang mtshan ma las byung ba byas pa ston par byed/ sgom par byed/ mang du byed na/ de lus dang bral nas ngan 'gro log par ltung ba sems can dmyal ba lcags nag po'i skung pas 'dral zhing gcod pa ma bar skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad lnga 'gyur du 'byung ba'i steng du/ khyad par du 'byung ba ni/ rang gis byas pa nyes par byas pa'i las las byung ba'i skud pa nag pos bcal nas/ gshin rje'i mi rnams kyis mtshon cha'i so rno zhing rab tu 'bar ba dag gis rkang pa la sogs pa nas mgo'i bar du gcod do/ / de ltar de dag gcod pa na snying rje zhing rnam par khro la skad 'byin cing ngu'o// mtshon chas gshog cing lcags nag po'i skud pas 'di ltar yungs kar tsam du yang mi mngon par ches phra bar gcod do/ / de ltar sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du yun shin tu ring por gnod pa myong bar 'gyur ro/ / de phyis sems can dmyal ba de las phar par 'gyur te/ thar nas kyang las de dang rgyu mthun pa'i 'bras bus tshe rabs lnga brgyar yi dgas gtor ma za ba rnams kyi nang du skye bar 'gyur/ tsherabs lnga brgyar dud 'gro chu'i srin bu dang / sdig pa dang / grog skur gyi skye gnas dag tu skye bar 'gyur ro// gal te mi rnams dang skal ba mnyam par mir skyes na/ de de dag gi rgyu 'thun pas rabs su bkres pa dang skom pas gdungs par 'gyur zhing / gang rgyal po gzhan gyis gnod pa byas par 'gyur ba mthong ngo // de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba srin bu na kra dang / 'khor lo dang / me 'jigs 'jigs ltar skyes pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba yang bsams shing bsgoms la mang du byas pas 'gyur te/ 'di ltar 'jig rten 'di rtag go// 'jig rten 'di zer zug go/ chos thams cad rtag go// chos rnams ni rtag ste/ phyin ci ma log pa'o zhes de ltar de phyin ci log tu// lta ba ni/ log par lta ba yin te/ pha rol dag kyang log par lta ba de nyid la yang dag par 'jog par byed/ yang dag par 'dzin du 'jug par byed/ yang nas yang du ston cing 'khor la smras pa dang / rgyu ngan pa dang / lta ba'i mtha' 'khor 'dzin du 'jug cing chos ma yin pa chos kyi tshul du ston pa de dag lus dang bral nas ngan 'gro log par ltung ba sems can dmyal ba srin bu na kra dang / 'khor lo dang / me 'jigs 'jigs ltar skye bar 'gyur ro// der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du// khyad par du 'byung ba ni/ 'di ltar lcags kyi ka ba 'byung bar 'gyur te/ de'i klad par brgyab nas rkub tu 'byung ngo // de nas byung nas kyang sa'i nang du lhan cig nub bo// gsal shing gis phug nas srin bu na kra zhes bya bas pags pa dang / sha dang / tshil thams cad za la/ de'i yan lag dang / nying lag za zhing 'phung ste/ khrag 'byin par byed pa dang / lus skul bar byed pa dang / sha gcod par byed pa dang / mig 'byin par byed pa dang / gzhungs pa dang rgyus pa 'byin cing / rtsa yang gcod pa dang / 'dzag sgo sreg pa dang / spu 'thog pa dang pags pa 'dral ba dang / rgyus pa mang po'i nang du 'jug pa dang / snying dral nas 'thung ba dang / glo ba dang / rgyab dang / gnad dang gnad dag la za bar byed do// de'i ming pa dang / lce dag phra skam rab tu 'bar bas drangs nas khyi zar 'jug go// rgyu ngan pa dang / lta ba ngan pa'i mthar chud pa ngan par smras pa gang de'i nyes pas de dag thams cad sdug bsngal gyi dra bar chud pa yin te/ sems can dmyal ba pa log par lta ba/ g.yo sgyu'i lta ba/ g.yo sgyus 'gyed pa de dag log par smra ba chen po yin te/ gang de dag des der rab tu bcud cing / lus kyi chad pa dang / ngag gi chad pa dang / yid kyi chad pas nyams pa de dag thams cad ji srid du de'i sdig pa'i las bcom zhing spangs la zad par ma byas pa de srid du/ yun shin tu ring zhing lo bgrang gis mi lang bar sems can dmyal bar sreg go/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs sum brgyar yi dgas mi ro za bar skye bar 'gyur/ de las thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bus/ gang rgyal po gzhan gyis nyes par byas pa de de'i lus la 'bab pa dang / de dbul zhing nang bu can dang / gzhan gyis bkol bar 'gyur zhing / mi'i sha za ba dang / lus nga ba'i 'du shes mi 'thob par 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba nags tshal gyi me mun ltar 'khrigs pa zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang // ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms la mang du byas pas 'gyur te/ las kyi nyer bsdogs dang / las kyi mjug dang ldan pas 'gyur ro// de lus dang bral nas ngan 'gro log par lhung ba sems can dmyal ba nags tshal gyi me mun ltar 'khrigs pa zhes bya bar skye bar 'gyur ro/ / log par lta ba kun tu bstan cing bsgoms la mang du byas pas 'gyur pa ni/ 'di ltar kha cig ni mi rtag go/ kha cig ni rtag go/ de la mi rtag pa ni lus yin no// rtag pa ni sa la sogs pa 'byung ba rnams yin te/ de mthar 'dzin par lta ba gnyis kyis rgyu ngan pa/ lta ba ngan pa'i mtha' gzhan 'dzin du 'jug cing yang dag par dga' bar byed du 'jug la/ yang dag par rab tu 'jog/ 'khor la chos ma yin pa'i tshul gyis chos ston cing rab tu 'jog par byed pa de lus dang bral nas ngan 'gro log par ltung ba sems can dmyal ba nags tshal gyi me mun ltar 'khrigs par skye bar 'gyur ro/ / der gang sems can dmyal ba yang sos la sogs pa'i gnod pa de dag thams cad lnga 'gyur du 'byung ba'i steng du khyad par du 'byung ba ni/ 'di ltar gang gi tshe gshin rje'i mi'i gnod pa dag las gal te thar nas kyang / phyis de'i las kyis byas pa'i mun pa mun nag gi tshogs kyi rlung ldang ste/ des sems can dmyal ba pa de dag dmigs pa med pa na nam mkha' la ji ltar de'i lus kyang mi mngon pa de ltar bskor ro// yongs su bskor ba de yo su bskor ba dang / rlung gzhan spu gri lta bu ldang ste/ des lus de chang pa nas bye ma 'thor ba ltar phyogs bcur 'thor ro// de nas yang skye bar 'gyur te/ yang 'phor ro// de ltar ji srid du de'i sdig pa'i las bcom zhing spangs la zad par ma byas pa de srid du/ yun shin tu ring ba lo bgrang gis mi lang bar sdug bsngal drag cing tsha la rtsub pa dag myong bar 'gyur ro// de phyis de las thar par 'gyur/ te/ thar nas kyang las de dang rgyu mthun pa'i 'bras bus tshe rabs bzhi brgyar yi dgas skyugs pa za ba rnams kyi nang du skye bar 'gyur ro// de las thar nas kyang gang dud 'gro lhag ma za ba bkres pa dang skom pas yongs su gdungs pa'i lus su 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po che ba'i 'khor la brtags na/ des thos pa las byung ba'i shes pas sems can dmyal ba bung ba rdo rje lta bus gnod pa'i go cha zhes bya ba ji ltar 'dug pa de mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun tu bsten cing bsgoms te mang du byas pas 'gyur ro// log par lta ba ni 'di ltar 'khor ba 'di ni thog ma yod cing rgyu yod pa'o// gang 'di dag thams cad kyi rgyu rtag pa dang mi rtag pa gnyis te/ des bskyed do zhes brdzun de rgyu ngan pa dang / lta ba ngan pa'i mthas bsrad pa/ des chos ma yin pa chos kyi tshul du ston cing / pha rol rab tu 'jog par byed/ yang dag pa'i lam las bkol bar byed cing / chos las phyir zlog par byed la/ log par lta ba yang dag par 'dzin du 'jug par byed kyang / de de ltar ma yin te/ rgyur gyur pa rtag pa gang yang med do// rtag pa ni dus dang bral ba/ 'gyur pa med pa/ de bskyed pa ma yin pa/ nam mkha' lta bu yin na/ de yang gzhan du rtog ste/ de lus dang bral nas ngan 'gro log par ltung ba sems can dmyal ba bung ba rdo rje lta bus gnod pa'i go char skye bar 'gyur ro/ / de lus kyi chad pa dang / ngag gi chad pa dang / yid kyi chad pas nyen pas nyams pa/ skyes bu ngan pa/ log par lta ba/ yang dag par smra ba/ phyir 'gog pa/ yang dag par ma yin pa smra ba la rab tu 'jog pa/ rmongs pa lam ngan par zhugs pa/ shes rab kyi nga rgyal can rang gis yongs su btags pa smra ba ni gnod pa dag dang phrad de/ gang sems can dmyal ba yang sos la sogs pa'i gnod pa bsdus pa dag lnga 'gyur du 'byung ba'i steng du khyad par du 'byung ba ni 'di lta ste/ gshin rje'i mi phra skam phra mo thogs pas sha ba spu tsam du btog btog nas de nyid zar 'jug go/ / bung ba'i mchu rdo rje lta bu dag 'byung bar 'gyur la/ gang de'i lus la lan tshwa ltar drag par byed de/ de las khrag dron po 'byung ngo // de gshin rje'i mi rnams kyis de nyid zar 'jug ste/ zas des de'i srog 'tsho bar byas so// nyes par byas pa'i las kyis bslus pa de yang bkres pa dang skom pas lus dang snying bcu 'gyur du gdungs so// de nas yang las de dang rgyu 'thun par rang gi sha dang khrag de nyid 'byung bar byed de/ rang gi las kyis 'chi ba'i dus mi byed do// de nas yang rang gi sha dang khrag de nyid 'byung bar byed de/ ji srid du de'i sdig pa'i las bcom zhing spangs la zad par ma byas pa de srid du las kyis bslus pa de yun shin tu ring po lo bgrang gis mi lang bar gnod pa myong bar 'gyur ro/ / de phyis sems can dmyal ba de las thar par 'gyur te/ ba ra nas kyang las de dang rgyu mthun pa'i 'bras bus tshe rabs bzhi brgyar yi dgas lhag ma za bar skye bar 'gyur ro// tshe rabs lnga brgyar dud 'gro ci len da dang / ba glang gi nags tshal la sogs par bkres pa dang skom pas gdungs pa'i lus su skye bar 'gyur ba mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po che ba'i 'khor la brtags na/ de sa bcu bdun pa ni gcig kyang ma mthong la/ 'di ltar sems can dmyal ba chen po tsha ba'i 'khor 'di'i mtha' ni 'di yin/ gnas pa ni 'di yin/ log par lta ba pa ngan par byas pa'i las byas pa rnams kyi gnas ni 'di yin no snyam ste/ des sems can dmyal ba chen po drug pa la brtags nas/ yang dag pa ji lta ba bzhin nang gi chos la chos kyi rjes su lta zhing gnas pa'i rnal 'byor spyod pa de rab tu dga' ba dang / sa bla ba'i gnod sbyin dag gis de mthong nas/ kye e ma dge slong 'di ni brtson pa ma nyams pa/ sa gzhan bcu gcig pa la zhugs shing / 'khor ba'i dus rnam par gcod par byed pa de yang shes nas dga' ste/ bar snang la spyod pa'i gnod sbyin dag la snga ma bzhin mngon par bsnyad nas/ 'od chung gi lha'i bar dag la/ 'di ltar rigs kyi bu che ga mo zhig ces bya ba snga ma bzhin du sbyar te/ sa gzhan bcu gcig pa la zhugs pa bdud bzhi dang lhan cig gnas par mi 'dod pa/ nyon mongs pa 'dod chags rnams dang lhan cig rtse bar mi 'dod pa/ yul la gnas pa'i 'gro ba sdug bsngal gyi gzhi mtha' yas pa mi 'dod pa'i bar dag bsnyad do// de nas yang dge slong des sems can dmyal ba yang so sa dang / thig nag dang / bsdus gzhom dang / ngu 'bod dang / ngu 'bod chen po dang / tsha ba'i 'khor la brtags nas/ sems can dmyal ba pa gzhan la yang brtags na/ des thos pa las byung ba'i shes pas sems can dmyal ba rab tu tsha ba zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// dge slong ma gzhon nu sdom pa la gnas pa/ tshul khrims ma nyams pa/ brkam pa med par spyod pa/ 'dod pa med pa'i brtul zhugs nyams par byas shing / de bzhin gshegs pa'i bstan pa las 'khrul par byas la de sangs rgyas la mi dad par byas te/ 'di ltar sangs rgyas ni thams cad mkhyen pa ma yin na/ de'i dge slong ma'i dge 'dun rnam pa 'di lta bus ci zhig tu 'gyur/ de dag thams cad ni brdzun yin te/ bstan pa de ni ngan pa yin zhing / de ni dman pa yin te/ de la byin pas chos su mi 'gyur zhing / de la byin pas mya ngan las 'das pa yang 'thob par mi 'gyur te/ dge 'dun 'di ni dmangs yin no zhes dge slong ma gzhon nu'i brtul zhugs las skyod cing / chos ma yin pa med do zhes de de ltar rjes su sems su bcug nas/ dge slong ma gzhon nu de brtul zhugs las skyong par byed/ chos ma yin pa med do zhes tshul khrims 'khrul pa dang / lta ba 'khrul par byed na/ de lus kyi chad pa dang / ngag gi chad pa dang / yid kyi chad pas lus dang bral nas ngam gro log par lhung ba sems can dmyal ba rab tu tsha bar skye bar 'gyur te/ lus kyi bong tshod dpag tshad tsam la mar gsar 'ju ba lta bur lus shin tu gzhon sha can du 'gyur/ de bzhin du mig dang / sgra dang / reg pa dang / ro dang / gzugs dang / dri shin tu chung bas srog 'chad par byed de/ ji lta ji ltar sdig pa shas cher byas pa de lta de ltar lus dang yid ches gzhon sha can du 'gyur ro// de'i las ngan pa byas pa dang / mi dge ba'i las kyi mthus 'di ltar tshe 'di la sdug bsngal shin tu drag pa dag myong bar 'gyur te/ 'chi ba'i dus kyi tshe nges par myong bar 'gyur ba ni/ ji ltar sems can dmyal ba yang sos su skyes pa de ltar 'chi ba'i dus kyi tshe myong bar 'gyur ro/ / nyi ma gsum lon nas 'chi ba'i bar du de'i lce lkugs par 'gyur zhing / 'jigs pa'i 'du shes su 'gyur/ 'du byed rnams nyam chung bar 'gyur/ rnam par shes pa shin tu skrag par 'gyur te/ tshul de lta bur 'byung ba chen po bzhi rnams kyis dkrugs nas shin tu sdug bsngal bar 'gyur ro// sa'i khams sra ba'i ngo bo 'khrugs pas/ lus dang / rtsa dang / rgyas pa dang / ming pa thams cad shin tu 'gog par byed/ 'bugs par byed/ rab tu 'bugs par byed/ rnam par mtho 'tsham par byed/ mar gsar gyi gong bu bzhin du gnod par byed/ shin tu 'thag par byed cing 'bas par byed do// chu'i khams 'khrugs pas kyang lus dang rtsa thams cad dang / rgyus pa rgya dag gis 'ching bar byed/ ches mkhrang bar byed/ chu ser du byed/ lhod lhod por byed/ dri skyed par byed/ srin bu gsod par byed/ 'dzag sgo thams cad 'gag par byed/ spa nga rangar po 'byin par byed/ mid pa dang / lce'i 'dzag sgor gyur pa'i tshor ba gnod par byed/ yan lag dang nying lag thams cad las rdul 'byung bar byed do/ / me'i khams 'khrugs pas kyang / lus dang / rtsa dang / rgyus pa thams cad sreg par byed/ 'tshed par byed/ sdug bsngal gyis nyam zag par byed/ bags pa zang kyi mdog lta bur byed/ nang du sreg pa skyed par byed/ phyi rol tu rnam par sreg pa skyed par byed/ sred pa'i stobs rab tu spyad par byed/ kha skam par byed/ snying sreg par byed do// rlung gi khams 'khrugs pas kyang yang ba'i ngo bo g.yo ba las nam mkha' la bteg nas 'dor ba bzhin byed/ rtsub pa'i dngos pos yan lag dang nying lag thams cad dang / khams thams cad shin tu rtsub par byed do/ / yan lag dang nying lag thams cad dang / gnad thams cad kyi bar bar du chung pib pa la ka dang / sU tsa ka khab lta bur gyur pa rgyu ste/ rlung pib pa la ka khab lta bu rab tu 'bar ba dag gis ba spu'i khung bu la sogs pa nas/ kha chu dang / pags pa dang / sha dang / tshil dang / rus pa dang / rkang dang / khu chu'i bar dag la 'jog par byed de/ stesde'u bzhin du gcod par byed/ 'jig par byed/ dbang po'i lam thams cad 'gog par byed/ bshang ba dang gci ba'i gnas 'gog par byed/ srog chags kyi dbugs yang dag par 'gog par byed/ mid par med pa'i sgo'i lam log par byed/ lta bas 'du shes phyin ci log tu byed/ rna bas sgra mi snyan pa thos// de'i snar chu 'byung zhing / de'i sen mo dag sngon por byed/ sna yon por byed cing / rlig pa mdoms su 'phyang bar byed/ rku ba kha na ba dang / pho mtshan na ba dang / reg pa mdag ma dang mtshungs pas sdug bsngal bar byed/ pags par gtogs pa dang / pabags pa dag sbyangs par byed/ de'i sgra dang spu dag shig shig por byed de/ nyes par byas pa mi mthun par spyad pa dag 'chi ba'i dus su sdug bsngal mi bzad par 'byung ba'i phyogs tsam zhig bshad pa yin te/ de ltar nyin zhag gsum du 'byung ba chen po bzhi 'khrug pa rnams kyis rnam par 'tshe'o// gang gi tshe dus tha ma 'bab par 'gyur ba na/ sems can dmyal ba pa de'i 'jig rten pha rol gyi mtshan ma 'di dag 'byung bar 'gyur te/ 'di lta ste/ de'i gnas thams cad 'phyar ba ngan pa rab tu 'bar bas khebs par snang zhing rmi lam gyi gzugs lta bu dag mthong ngo // gnas med pa'i seng ge dang / stag gi gzugs 'jigs 'jigs ltar 'dug pa'i rnam pa de lta bu dang / gzhan yang shin tu 'jigs 'jigs ltar 'dug pa mi sdug pa dag mthong ngo / / rna bas sgra'u r-i 'ur po 'jigs shing mi dga' ba'i tshig dag thos so// de'i pags pa mtshon nyid kyis gcod do// srid pa tha ma par bab pa na rlung de de'i steng du 'byung bar 'gyur/ sen mo dag btang nas rkang pa dag gtong / rkang pa dag btang nas byin pa gtong / byin pa btang nas brla gtong / brla btang nas mdoms gtong / mdoms btang nas lto gtong / lto btang nas snying gtong / snying btang nas sgra ngar ngar por byed/ mchil ma dag skam par byed la/ mig ya gcig dmar por byed do// gshin rje'i mi dag lag na ral gri dang tho ba thogs pa nam mkha' la 'gro ba dag mthong ba dang / de'i mdza' bshes dang / nye du dag na re/ nam mkha' la reg par 'dod do zhes smra'o// de dbugs chen pos nyam thag cing lus dang bral/ dbugs chad nas mar me ngan pa snying po dri ma can dag pa sregs pa ltar/ 'jig rten 'di nas srid pa bar mar skye ste/ rgyu dang mtshungs pa'i 'bras bu dag 'byung ngo // nyes par byas pa'i las kyi mtha' spyad pa de/ srid pa bar ma pa'i sdug bsngal rnams kyis mngon par nyams par 'gyur ro/ / des bdag nyid ji ltar mi lo brgyad khri bzhi stong thub pa'i bus pa lo brgyad lon pa'i tshad de lta bur mthong ste/ skye bo dag thams cad nas thams cad du mi snang ngo / / 'byung ba chen po phra ba dang / rags pa dag 'byung ste/ phra mo bltar med cing thogs pa med pa de lta bu byung bas/ gang ri rab dug nas 'gro yang bdag nyid dang / ri rab la yang gnod pa med na/ ri gzhan dag lta smos kyang ci dgos/ de ltar de bdag nyid lcags nag po lta bu'i kha dog dang mun pa mun nag gi rdzong gi nang du zhugs par mthong ste/ de bdag nyid kyi sa las byas pa des/ spu thams cad 'bar bar mthong ngo // bdag nyid gshin rje'i mi rnams kyis lcags kyi thag pa nag pos phyin ci log tu dam pos rab tu bcings par mthong ste/ rkang pa dag kyang shin tu drag cing dug gis reg pa ltar mkhrang ba gzugs shin tu 'jigs 'jigs ltar 'dug cing thags thogs med par 'gro ba gzhan yod pas/ thams cad kyi nang na bcing ba dam pos bdag nyid bcings par mthong ste/ ji ltar skra'i rtse mo'i phyogs tsam yang bcing ba dam pos de ltar ma bcings pa med do// sgra dang / reg pa dang / ro dang / gzugs dang / tri mi 'dod pa dag 'byung bar 'gyur te/ 'di lta ste/ mig gis gzugs mig dang mi mthun pa/ kha dog mi sdug pa/ 'jigs 'jigs ltar 'dug cing // rab tu 'bar ba mang po dag mthong rna bas kyang gang tshig de la dga' bar mi 'gyur ba/ mi snyan pa/ mi 'dod pa/ yid du mi 'ong ba dag thos so// 'di ltar nyes par byas pa'i las kyi mtha' spyad pa/ lus kyi chad pa dang / ngag gi chad pa dang / yid kyi chad pa mi phan pa byed pa dag 'dis 'thob ste/ mis legs par byas pa'i rin po che'i gling gis bslus shing / mi dge ba bcu'i las/ kyi lam mi gtsang ba bsams bzhin du gcod pa/ phyin ci log gis rin po che'i gling nyams pa/ mtshon dang / me dang / dug dang / g.yang sa lta bu'i 'dod pas bslus pa/ gzhan gyi bud med kyi tshig gis rnam par bslus shing / / de la 'dod pa des mi dge ba rnam pa gsum byas so// blo ngan pas rang gi las nyes par spyad pa des/ de ltar sems can dmyal ba rab tu tsha bar sdug b sngal sna tshogs kyis nyam thag pa dag ji ltar bu dang chung ma mthong bas bslus pa nyes par spyad pa'i chad pa rnam pa de lta bu yang mi 'byung bar bya ba'i phyir bdag cag gis rnam pa brgya stong phrag du mar gnod pa bya'o snyam nas/ gshin rje'i mi rnams kyis srid pa bar ma pa dag la rjes su bstan pa'i tshigs su bcad pa smras pa/ gnyen bshes tshul ni dgra yin te// mi phan phan pa'i tshul gyis khyed/ / bcom nas mi yi 'jig rten nas// de ring mun nag chen por 'gro// ji ltar las ni rnam gsum byas// nyes gsum byas pa dgra gzhan med// las rnams gsum gyis khrid de 'ongs/ / gshin rje'i gnas su khrid par byed// las dag gcig cig byed pa ni// 'bras bu gcig cig myong bar 'gyur// skye bo skye bo'i tshogs med par// rdzong ni gcig cig rgal bar 'gyur// skye bo gang zhig skye bo 'dod// nyes par byas pa mang du byed// skyo bos skye bo skyob mi nus// skye bo rang gis byas la spyod// skye bo bu yi 'du shes kyis// rmongs pa ci yi phyir na bslus// rmongs pas bslus pa khyod kyis su// sbyin la sogs la blo ma bskyed// 'jig rten 'di dang pha rol gyi// 'jig rten de bzhin 'brang ba'i dgra// dgra yi nang na dgra dang po// ngan song thams cad rnam ston pa/ / dug dang me dang mtshon lta bu// rang gis byas pa ngan pa yin// khyod kyis las ni byas pa dag/ khyod nyid rjes su spyod pa yin// gzhan gyis byas pa'i las de ni// rol dag la 'pho ba med// mi yis nyes par spyad byas pa// 'jig rten 'di dang pha rol dang // thog ma bar ma tha ma ru// bde 'byung bde ba'i ro mi myong // de nyid 'dod par mi byed pa'i// sems ni rnam par 'khrugs par byas// byis pa sems dang yid 'phrog pa// mi dge'i chos ni rnam par 'phel// yid kyis bslus pa'i sems can ni// yid kyis rab tu rnam par chags// mun pa nas ni mun pa ru// sems can dmyal ba sdig can 'gro// 'khor bar mun pas bsgribs pa dag/ sangs rgyas bstan pa rnyed par dka'// gang dag chos ni mi 'dod pa// sdug bsngal shin tu sdug bsngal 'gro/ / gang zhig rtag tu sems ma bzhi// yul rnams kyis ni nges par 'joms// gnas 'di dag tu de 'gro ste// 'di ltar khyod nyid rjes su ltos// de ltar/ nyes par byas pa'i las kyi mtha' spyad pa rang gi lus dang / ngag dang / sems kyis bslus shing nyes par byas pa ni/ gshin rje'i mi de dag gis rjes su bstan nas/ sems can dmyal ba chen po rab tu tsha bar song ste/ snas ni ldan ljin dang / rul ba dang / mi gtsang ba'i tshogs kyi dri shin tu mi zhim pa dag snom mo// lces ni zangs rab tu tsha zhing mkhrang la ro bro ba med pa dang / dri dang / ro dang / gzugs yid du mi 'ong ba dag myong ngo // sems can dmyal ba pa'i lus kyis kyang rlung spu gri dang / me lta bu dang bcas pa reg go/ yul 'jigs pa lngas mi 'jigs pa'i yid kyang sems can dmyal ba chen po lngar bstan pas shin tu rnam par blong bar byed do// mid pa yang gshi ni rje'i mis rab tu dam por bcings shing las kyi rlung langs pa'i sems can dag gis dbang med par khrid do/ / gshin rje'i mi bzhin bsgyur cing / lag pa dang / rkang pa dang / lto dang / sen mo so so na 'jigs pa 'brug gis 'ur sgra 'jigs shing lag na mtshon cha thogs pa/ sprin nag po lta bu dang / mig 'bar zhing rab tu 'bar la/ mche ba 'khor lo ltar rno ba gsus pa rab tu che zhing lag pa thung ba/ sen mo mkhrang zhing rno la rod pa/ lus thams cad rtsa sbom pos khyab par sbrel ba'i rnam pa de lta bu dag gis nyes par byas pa'i las kyi mtha' sprad pa ste/ de ltar dpag chad bye ba sum cu rtsa drug dang / 'og tu dpag tshad bye ba ban+d+ha dang / sa dang / rgya mtsho dang / gling dang / tshong dus dang ldan pa dpag tshad stong phrag drug cu rtsa brgyad du khrid de/ mtshor gtogs par de 'dug go// rnam pa de lta bu'i las kyi rlung gis 'phangs pa ni/ gang du yid kyis kyang dpe bya bar bya ba ma yin no// nyi ma dang / zla ba dang / rlung 'gro ba med do/ / rlung rnams kyi nang na ni las kyi rlung mchog yin te/ gzhan rlung ma yin pa de lta bur nyes par byas pa'i las kyis mtha' spyad pa de khrid de/ gshin rjes snga ma bzhin rjes su bstan to/ / nyes par byas pa'i las kyi zhags pas bcings pa/ gshin rje'i gnas de nas byung nas/ sems can du bzang ba lus dang ldan pa'i las mi gtsang ba rnams kyis bcing pa/ sems can dmyal ba rab tu tsha ba der khrid do// sems can dmyal ba de rgyang ring po na kun nas rab tu 'bar ba/ mun pa mun nag rgyang ring po nas me 'bar ba/ rang gi bong tshod dpag tshad lnga stong yod pa/ skye 'grib med pa/ ches nyung ba dang / ches mang ba mthong ngo // dpag tshad sum stong nas sems can dmyal ba pa rnams kyi sgra 'byin pa thos te/ so so snying rje rje skad dang / 'jigs shing dman la/ gdangs mi snyan pa/ dga' ba med cing sdug bsngal tsha ba/ rtsub pa/ bzod par dka' zhing ro bro ba med pa/ rnam pa du ma dag lo 'bum phrag bye ba du ma/ lo bye ba bgrang gis mi yang bar rgyun du bla 'byin pa zos so// sems can dmyal ba pa de sems can dmyal ba pa rab tu tsha bar sgra 'byin pa des thos nas yid bcu 'gyur du 'jigs shing skrag go/ sems can dmyal ba chen po rab tu tsha ba ga la ba de'i phyogs su yang gshin rje'i mi rnams kyis khrid nas tshigs su bcad pa 'di dag smras so// 'di ni sems can dmyal ba'i sgra/ / thos nas blo ngan khyod 'jigs sam// gang du khyod ni me yis su// shing ltar bsregs na ji ltar bya// me yis bsregs pa bsregs pa min// ngan par byas pas khyod bsregs so// mem ni zhi bar 'gyur srid kyi// nams kyang ngan byas me mi zhi// me yis 'jig rten mthar mi khyer// me yi phyi bzhin me mi 'brang // ngan byas sdig pa'i me 'di yis// khyod dang bcas pa myur du sreg/ ngan byas me yis gang bsregs pa// mi de dag ni dmyal bar sreg/ ngan byas me ni gang spong ba// de dag dmyal ba'i 'jigs pa med// gang dag rtag tu gces 'dod dang // gal tedamyal ba rnam 'jigs pa/ / sdig pa dag ni rnam par spongs// de las sdug bsngal 'byung mi 'gyur// sdig pa shin tu rnam spangs pa// sems ni rtag tu gtsang ba dang // lus dang ngag gis tshogs zhi ba/ / mya ngan 'das pa yong mi ring // sems can rtag tu sdig sems pa// rtag tu gti mug dbang du song // sems can dmyal ba drag po thob// ci phyir rab tu mchi ma 'byin/ ngan byas thog ma par tha mar// sdug bsngal sdug bsngal rnam smin dang // de bzhin sdug bsngal 'gro ba dang // legs pa yongs su smin mi 'gyur// 'jig rten pha rol khyod kyi sdig/ sdig pa gang dag ngan byas mang / / de yi 'bras bu rnam smin ni// de ring mi bzad nye bar spyod// mi yis ngan byed byas pa ni// mi bzad shin tu mi bzad 'gro// mi yis legs byed byas pa ni/ / bde las shin tu bde bar 'gro// sdig pa'i 'bras bu mi bzad pa// bde ba 'thob par 'gyur ba med// bde ba dag gi 'bras bu yang // mi bzad log par smin mi 'gyur// 'khor ba thog ma med pa nas/ / legs byas 'bras bu bde ba dang // ngan par byas pa'i las dag ni// de bzhin sdug bsngal 'bras bu dran// rgyu rkyen 'dra bar 'byung 'gyur gyi// log par rtog par mi byed de/ / ji ltar sngon gyi rgyu byas pa// de ltar 'bras bu thob par 'gyur// de ltar srid pa bar ma pa der las kyis byas pa'i gshin rje'i mi rnams kyis rjes su bstan nas/ de sems can dmyal ba der khrid do// thos nas yang spu zing gis byed cing shin tu 'jigs na mthong na lta smos kyang ci dgos pa srid pa bar ma pa des mthong nas/ gzugs la sogs pa'i phung po de dag/ ji ltar sems can dmyal bas byas pa dro ba 'dod pa de ltar grang bar byas pa'i sdug bsngal mi bzad pas sdug bsngal lo// de nye bar len pa nyid las srid pa 'byung la de ltar srid pa'i yan lag la gnas pa de las skye ba 'byung ste/ de'i mi dge ba'i las gang yin pa srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta bas dge slong ma zhe sdang med pa/ tshul khrims dang ldan pa/ 'dod pa med pa/ 'os ma yin pa la rung bar bzung ste sun phyung na/ de'i mi dge ba'i las byas shing bsags pa'i rnam par smin pa lci ba'i shugs gang yin pa des me'i phung po 'bar ba/ rgyur dpag tshad lnga brgya yod cing / 'phang du dpag tshad nyis brgya yod ba der las ngan pa byas pas 'phangs te/ ji ltar ri mthon po la lcags kyi mda' 'phangs pa thags thogs med par 'gro ba shugs kyis 'phen pa de ltar sems can dmyal ba pa de me za ba der 'dor ro/ / 'dor ba na las kyis byas pa'i phur bu rnams 'byung bar 'gyur te/ gang byung ba tsam gyis kyang lus yongs su mi gtong ngo // de ltar de'i mgo thur du sbyangs shing rkang pa gyen du bsgreng ste/ 'dor ba na dang po kho nar mes mig dang mgo'i pags pa sreg go// de nas mgo'o thod pa/ de nas 'gram pa'i rus pa/ de nas so// so'i 'og tu so drung / sau drung gi 'og tu mgrin pa'i rus da mgrin pa'i rus pa'i 'og tu rgyab kyi rus pa dang brang rus/ brang rus kyi 'og tu mgrin pa dang ming pa/ de'i 'og tu mchin pa/ mchin pa'i 'og tu mcher pa/ mcher ba'i 'og tu rgyu ma/ rgyu ma'i 'og tu gnye ma/ gnye ma'i 'og tu mdoms/ mdoms kyi 'og tu pho mtshan/ pho mtshan gyi 'og tu brla/ brla'i 'og tu pus mo'i lha nga/ pus mo'i lha nga'i 'og tu pus mo gnyis ka/ pus mo gnyis ka'i 'og tu sor mo ste/ de ltar dang po las byed pa ngan pa byas pa de sems can dmyal ba ba'i me'i dong du 'dor ba na/ sreg cing 'tsho yang sdug bsngal rgyun mi 'chad par 'byung ste/ ji lta ji ltar ngan par byas pa'i las yang dang yang du byas pa de lta de ltar sems can dmyal ba pa'i sdug bsngal yang dang yang du 'byung la/ de shugs kyi 'bar ba'i 'phreng ba'i thab tu 'dor zhing sa gzhi rdo rje lta bu dag la phyir btag pa dang / skyes nas de nas yang ji ltar pho long dang por sa la brdabs nas/ btud de brdabs pa de ltar de'i ro stod lnga la ro smad phyis 'dor ba du skad 'don pa na de nas yang 'dor ro// 'bar ba'i 'phreng bas 'phangs pa'i lus de de nas yang sreg pa na/ snga ma bzhin du me lce'i nang du 'jug go// de ltar de lo 'bum phrag du mar sems can dmyal ba'i me thab der sreg go// bsregs nas de nas dus zad kyi bar du 'byung ngo / / de nas me thab de las sems can du bgrang ba ma yin pa gshin rje'i mi phra skam rab tu 'bar ba thogs pas mi de bzung nas 'dren to// phra skam rab tu 'bar ba'i rnam pa de lta bu de bas gang me thab ches drang ste/ pra ska ma nyis 'gyur gyis tsha ba gang yin pa de'i rgyu ni gang / rkyen ni gang yin snyam na/ de la rgyu ni 'di yin te/ gang srog bcad pas me zab tu sreg la/ srog gcod pa dang / ma byin par len pa ngan pa byas pa dag phra skam gyis nyis 'gyur du rab tu sreg skye/ rgyu ni de yin/ rkyen ni de yin/ gzhi ni de yin no// phran ma/ gyis nyis 'gyur du rab tu bsregs pa gang yin pa'i phra skam des drangs nas/ sems can du bzang ba ma yin pa gshin rjeni mi de rnams kyis lcags kyi sa gzhi rab tu 'bar ba'i steng du 'jog go/ phur bu rab tu 'bar ba'i bur bu des de'i rgyab dang mdoms snga ma bzhin phug nas de'i steng du bzhag la/ ral gri shin tu rnon po rab tu 'bar bas rlig pa dang po mtshan lhan cig gcod do// sdug bsngal sum 'gyur du myong ngo // de'i rgyu ni gang yin/ rkyen ni gang yin/ gzhi ni gang yin snyam na/ de la rgyu ni 'di yin/ rkyen ni 'di yin// gzhi ni 'di yin te/ 'di lta ste/ srog gcod pa dang / ma byin par len pa dang / 'dod pas log par g.yem pa rgyu dang / rkyen dang / gzhir gyur te/ rgyu des sdug bsngal sum 'gyur du myong ngo // 'di lta ste/ lcags mgar gyis na/ lcags mgar ram/ lcags mgar gyi slob mas srud pa blangs te/ dbugs kyis bkang nas/ ji ste ji ltar dbugs kyis 'bud pa de lta de ltar nyes par byed pa'i las kyi mtha' byas pa de bzhin du sreg go/ nyes par byas pa makar ba ni las dang mjug ces bya ba'i tshig bla dgas so// mgar ba'i slob mnyes par byas pa zhes bya ba ni/ las kyi nyer bsdogs zhes bya ba'i tshig bla dgas so/ / rlung zhes bya ba ni las kyi rlung zhes bya ba'i tshig bla dgas so// sdud pa zhes bya ba ni lta ba ngan pa zhes bya ba'i tshig bla dgas so// mdag ma rab tu 'bar ba zhes bya ba ni sems can dmyal ba zhes bya ba'i tshig bla dgas so/ / ji lta ji ltar sdud pa 'bud pa de lta de ltar sreg ces bya ba ni sems can dmyal ba pa dag kyang ji lta ji ltar shin tu mi dge ba'i las byas pa de lta de ltar sdug bsngal shin tu mi bzad pa myong bar 'gyur te/ de ni rgyu yin/ de ni rkyen yin no// ral gri'i gnod pa gang gis de shin tu mi bzad pa sum 'gyur du myong bar 'gyur te/ srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa rnams kyi 'bras bu de yin par rig par bya'o// sems can dmyal ba pa de 'jigs pas mig blong ba rnam par sgra 'byin cing 'phags pa ma yin pa'i las kyis 'tshed pa na dris pa/ kye grogs po dag khyed cag la ci zhig gnod/ sdug bsngal de dag gis mngon par nyam thag pa des/ gshin rje'i mi rnams la 'di ltar sdug bsngal tsha ba dag gis nyam thag pa'i sdug bsngal 'di dag ni sdug bsngal ba med kyi/ 'di ltar bdag cag ni skom pas gdungs so zhes smras pa dang / de gshin rje'i mi de dag gis thos nas 'jigs pa'i rlabs zhes bya ba zangs dang zha nye bsres pa rab tu bskol ba'i rlabs kyis 'gram gnyis ka gnod pa chu bo'i rlabs kyi sgra mthong zhing zos nas 'jigs shing spangs pa de nas lcags kyi snod kyi nang du zangs dang na nye bsres te bskol ba der blugs nas khyer te 'ongs nas/ 'di ltar kye grogs po dag 'thung zhes smras so/ / de skom pas gdungs pa'i bsam pas btung ba yin no snyam nas/ de lag pa gnyis kas blangs nas/ las kyis bsgribs pa skom pas gdungs pa 'azung ba dang / de mchu sreg cing lce sreg pa nas/ mgul ba dang mid pa'i bar nas ro smad kyi bar du 'byung ste/ de sdug bsngal bzhi 'gyur du myong ngo // bzhi 'gyur du bsregs pa de las kyi 'bras bu gang yin snyam na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni sdom pa blangs pas 'thungs shing khyim gyi gnas nas byung ba/ sdom pa blangs pa'i dge slong ma dag la blud pa/ de'i 'bras bu ni 'di yin te/ 'di ltar sems can dmyal ba pa de zangs dmar po rab tu bskol ba de la 'thung ba'i bsam pas len pa de yin no/ / de bzhin du dge slong tshul khrims dang ldan pas btung ba rung ba yin no snyam nas/ chang de yang dug ha la ha la lta bu yin te/ dge slong blo zhan pa des sbyin pa po dang / sbyin bdag dag gi sa la dbo bar ma nus shing / dge 'dun la 'jigs nas 'thungs pa de'i 'bras bu ni 'di yin te/ sems can dmyal ba pa'i zangs bzhus pa de sa dag la dbo bar mi nus te/ las de'i 'bras bu ni de yin no/ / // dam pa'i chos dran pa nye bar gzhag pa bam po bcu gsum pa// de nas yang gshin rje'i mi de dag gis sems can dmyal ba pa de dag la dris la/ 'di ltar kye grogs po dag khyed la ci zhig gnod/ sems can dmyal ba de dag gis smras pa/ bkres pas rab tu kho nar gnod de sdug bsngal 'di yang bdag gi gnod pa de dag thams cad zil gyis non te/ bkres pa'i sdug bsngal gyis gnas so// de nas gshin rje'i mi rnams chu bo'i rlabs 'jigs pa nas lcags kyi thu lum lnga 'gyur du rab tu 'bar ba blangs te 'ongs pa dang / de nas sems can dmyal ba pa las kyis rnam par rmongs pa'i blo gros can de dag lcags kyi thu lum de dag bza' ba yin no snyam nas blangs te za ba dang / snga ma bzhin du de'i mchu bsregs pa nas/ ro smad kyi bar du byung gis kyang 'chi bar mi byed do// de'i las ngan par byas pa'i dbang gis lce de yang slar 'byung bar 'gyur la/ pad+ma'i 'dab ma ltar shin tu 'jam zhing de lus kyang 'byung bar 'gyur te/ de'i las kyi 'bras bu ni de yin no// de nas yang dge slong des zos pa las byung ba'i shes pas/ de bzhin gshegs pa'i sgron ma lta bur gyur pa la/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba de'i 'bras bu ni 'di yin te/ gang tshul khrims 'chal pa/ lug bong ltar spyod pa/ tshul khrims dang ldan no snyam nas/ yul 'khor gyi bsod snyoms la yongs su spyod pa de'i 'bras bu ni de yin par shes so// de nas yang sems can dmyal ba pa de gshin rje'i mi de dag gis mthong nas/ de dag gi lce bsregs shing las kyi rnam par rmongs pa'i blo gros can de dag gi lce de kha nas 'byin par byed de/ de yang brdzun du smra ba'i rgyu des pad+ma'i 'dab ma ltar shin tu 'jam pa rgyar dpag tshad phyed khebs so/ / de nas gshin rje'i mi de dag gis lce de bzung nas/ las kyis bsgrubs pa'i rmon pa brgya phrag du ma rnams kyis nyes par byas pa log par smra ba ngu zhing skad 'byin bzhin du shin tu rmed do/ / de ltar lo 'bum phrag du ma/ lo bye ba brgya phrag bgrang gis mi lang ba'i bar du myong bar gyur te/ las byas shing bsags pa de dag gi 'bras bu rnam par smin pa dag ma myong bar sems can dmyal ba las thar pa med do// de nas gshin rje'i mi de dag gis sems can dmyal ba de dag la tshigs su bcad pa 'di dag rjes su bstan to/ / ji ltar khyed la srog gces pa// gzhan la'ang de ltar rab tu gces// sdig pa dag gis rjes 'brang ba// khyed kyis ci phyir srog gcod byas// mi yis srog dang bsngos byas nas/ / nor ni gang zhig yang dag bsgrubs// gzhan gyi nor la 'dod pas su// de ni khyed kyis ci phyir 'phrog/ kun gyi nang na sdug pa ste// srog pas 'phangs pa'i chung ma de/ / khyed kyis 'dod chags chags pa yi// stobs kyis ci yi phyir na 'phrog/ skye bo rnam par rmongs pa'i blo// chos la mchog tu sun 'byin pa// sdig pa'i chang ni 'thung ba dag/ khyed kyis ci phyir yongs su spangs/ / dug lta bu yi lce las byung // gang kun yid ches mi byed pa// brdzun du smra ba'i sdig pa dag/ khyed kyis ci phyir yongs ma spongs// de ltar sdig pa rnam lnga yis// gang phyir rjes su chags ldan khyed// de phyir ma du legs par zo// smre sngags don med ci zhig 'don// dug lta bu yi sdig pa'i chos// gang phyir yongs su ma spangs par// de phyir 'bar ba'i/ 'phreng ba yis// dmyal ba 'khrugs pa chen po thob// de ltar sems can dmyal ba pa de dag la/ gshin rje'i mi de rnams kyis rjes su bstan pa bstan nas/ rang gis byas pa'i las rgyu'i 'bur lta bur gyur pa'i gnod pa drag po sna tshogs dang / rnam pa du ma dag gis rdeg cing gsod de/ ji ltar mi dge ba'i rnam pa du ma kun tu spyad pa de ltar sdug bsngal rnam pa du ma yang so sor myong bar 'gyur la/ rgyu dang mtshungs par 'bras bu 'byung zhing / sa bon dang mtshungs par 'bras bu 'byung ngo // 'di ltar sems can dmyal ba chen po rab tu tsha ba der mi dge ba'i las byed pas shin tu gang ba'i 'bras bu mi dge bas shin tu gang ba de lta bu la spyad de/ de ltar lo 'bum phrag du mar sdig pa'i las dgra lta bur gyur cing mi phan par 'dod pa des sems can dmyal ba pa de dag 'tshed do/ / de gal te de las thar na mgon 'dod pa/ skyabs 'dod pa/ dpung gnyen 'dod pa rgyug pa dang / des rgyang ring po nas khyi'i tshogs chen po dag kha gdangs shing spro/ ba che la shin tu mgyogs pa/ so rdo rje ltar rno zhing shin tu 'jigs pa'i sgra 'byin pa'i khyi de khyi rnams kyis bskor nas rgyug cing 'ong ba mthong ngo // mthong nas sems can dmyal ba pa de 'bros par brtsams pa dang / de nas khyi de dag thams cad kyis brgyugs nas de bzung ngo // bzung nas kyang ma lus par za ste/ rgyus pa'i tshogs nas rgyus pa'i tshogs dang / gnad kyi bar nas gnad kyi bar dang / rus pa'i tshogs nas rus pa'i tshigs te/ ji ltar de yungs 'bru tsam yang ma lus pa de ltar yan lag dang nying lag thams cad za'o// de nas yang 'byung bar 'gyur te/ de ltar de yun ring du khyi rnams kyis za'o// de'i las kyi 'bras bu de gang zhig yin snyam na/ gang des sha ston bya ba'i phyir sems can bsad cing srog bcad pa'i 'bras bu ni de yin no// ma byin par len pa'i 'bras bu 'byung ba yang 'di ltar sems can dmyal ba pa des/ las kyis byas par gyur pa'i nor rdzas dag mthong ba dang / de dag kyang las las byung ba'i rmongs pa yin te/ 'di ltar 'di dag ni bdag gi yin na/ pha rol dag gis phrogs pa lta snyam du khong du chud nas de der brgyugs pa dang / de gshin rje'i mi rnams kyis bzung ngo // bzung nas kyang mtshon rnam par / gcod pas gnang nas gnad shin tu gcod cing sreg go/ de sems can dmyal ba pa gzhan dag gi drung du rgyug la/ sems can dmyal ba pa de mthong nas de dag kyang gshin rje'i mi de rnams kyis bzung ste/ ral gri dang / mdung thung dang / mda' bo che dang / rdo rab tu 'bar ba rnams kyis rnam par gshog par byed do// de dag kyang ma byin par len pa de'i 'bras bus ji srid du ma byin par len pa'i 'bras bu bcom zhing spangs la zad par ma byas pa de srid du lo 'bum phrag du mar gshog par byed do/ / de phyis de las thar par 'gyur te/ 'dod pas log par g.yem pas bud med pa tshwa'i chu bos khyer zhing shin tu rtsub rtsub skad smras/ rlabs kyis brdabs pa na bar 'ga' ni steng du 'byung / bar 'ga' ni 'og tu 'jug cig/ sems can dmyal ba pa de las 'di ltar bdag la mgon med de/ ba tshwa'i chu bo'i nyon mong/ pa 'di las bdag yongs su skyobs shig ces smra ba mthong ngo // de nas sems can dmyal pa pa des bud med de'i sgra de thos nas/ las kyis rmongs pa ba tshwa'i chu bo der 'jug go/ des zhugs ma thag nyid du de'i lus pa tshwa'i chu bo'i shugs kyis ji ltar rus pa yungs 'bru tsam yang ma lus pa de ltar khyer ro/ / de nas yang 'byung bar 'gyur te/ yang bud med de nyid rgyang ring po na ba tshwa'i chu bo de nyid kyis khyer ba na/ bdag la mgon med pa bdag la yongs su skyobs shig ces sgra 'byin pa mthong ngo // de nas yang bud med de las dmigs pa de'i drung nyid du rgyug go// de nas bud med de la 'ju ste/ de'i sen mo lcags las byas pa'i mtshon rnon po rab tu 'bar ba lta bu dag gis mi de la 'jus pa dang / ji ltar de'i lus yungs 'bru tsam yang ma lus par de ltar rnam par 'thub bo// lus kun tu khrag/ gi chag chag ltar btab cing / lus rgyus pa'i dra ba lus pa 'dod chags dag gis zil gyis non pa/ yang bud med de nyid kyi phyir rgyug ste/ de ba tshwa'i chu bo de'i nang du ji srid du de'i sdig pa'i las bcom zhing spangs la zad par ma byas pa de srid du ded do/ / de phyis sems can dmyal ba de las thar par 'gyur la/ thar nas de nas yang 'byung bar 'gyur te/ bkres pas yongs su gdungs pa'i lus de gar bab bab tu yongs su rgyug go/ / de phyis chu bsil ba 'dod pa'i phyir chu bo'i dngo rab tu dang ba der rgyug go/ de gang gi tshe phyin pa dang chu bo'i dngo de yang zha nye rab tu bskol ba 'jigs 'jigs ltar 'dug pa chen po yin zhing / thams cad du dug rab tu drag pa dang / sbrul rnams kyis khebs te/ skom pas gdungs pa de dug dang sbrul de rnams dang lhan cig 'dres pa'i zha nye de las 'thung ngo / / de dag kyang las las byung ba yin te/ sbrul phra mor gyur pa'i mgo mi de la rab tu 'jug go// gang gi tshe sems can dmyal ba pa'i lto der zhugs par gyur pa de'i tshe/ lus chen por 'gyur te/ de lus de'i nang na rgyu ma dang / gnye ma la sogs pa thams cad 'cha' 'o// 'jib bo// za'o// chang 'thung ba'i sdom pa de las 'da' ba las kyis rmongs pa de lo 'bum phrag du mar de la 'thung zhing / gnye dang sbrul du 'dres pa des kyang sreg go// gsod do// shi zhing shi nas yang 'byung bar 'gyur la/ de'i chang gi sdom pa las 'das pa'i nyes pas lce gang sprul de/ rnams kyis za bar byed de/ de ni brdzun du smra ba'i 'bras bu yin no// de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal myong bar 'gyur ro/ / yang de nas thar nas gar ba ba bab tu 'bros so// byams par mi lta ba'i 'bras bu ni 'di ltar sems can dmyal ba pa de'i las las byung ba'i sems can gyis smras pa 'di ltar khyod 'dir rgyu med par ci ste 'tshed/ gnas 'di las gzhan dag kyang yod la/ de ngas khyod la bstan par bya ste/ der khyod bde ba 'thob par 'gyur ro// de nas mi des sems can dmyal ba pa de khrid de 'khor rnams kyi nang du 'jug par byed do/ / der yang mi des sems can dmyal ba pa de dag la gang gnod pa tha dad pa de dag myong bar byed de/ 'di lta ste/ phyogs thams cad rab tu sreg pa gang du gnod pa mang po dag gis phyogs thams cad rab tu 'bar zhing sreg go/ lus chen po shin tu sgra 'byin 'jigs 'jigs lngar 'dug pa gang du de'i lus dpag tshad bcu yod cing shin tu gzhon pa 'tshed do/ / me spyi gtsug lta bu gang du me lce las byung ba'i sreg pa gzhan thams cad dang mtshungs pas 'tshed do// ma mdag bye ma lta bu'i char rtag tu 'bab pa'i sgo gang du char rab tu 'bab pa ltar bye ma'i char rab tu 'bar ba 'bab pa'i nang na 'dug pa 'tshed do/ / me ma dag gang du bus pa'i lus lta bu 'jug pa/ sems can/ dmyal ba pa'i mdag mas 'tshed do// sems can dmyal ba a la la zer bar phan tshun gyi yan lag dang nying lag thams cad phan tshun bcad pa'i sdug bsngal myong ngo // shar gyur pa thams cad sdug bsngal bas 'tshed do/ / der gang gzhan yang so sor 'jigs shing bag tshab/ khyi dang / seng ge dang / bag rgod dang / khA dang / bya rgod dang / sbrul dag gis de rnam pa thams cad du sdug bsngal bar byed do/ / chu bo rab med rab tu tsha bar yang 'tshed do// sreg go/ pa tshwa dang / zangs dmar po dang / zhe nye rab tu bskol ba'i chu bo gang du brgya 'am/ yang na stong du rab tu ded cing de dag tu yang 'tshed do/ / rtag tu mun pa mun nag las byung ba'i me'i gnod pa rnam pa sna tshogs dag gis kyang 'tshed do// sems can dmyal ba gnod pa'i 'breng par yang 'tshed do/ / mgo gang la 'khor lo rab tu 'bar ba 'khor zhing / yan lag dang nying lag thams cad kyang sog le dag gis rnam par gshog par byed do// de las thar nas srad bu'i rgyud 'dre ba dud pa ltar 'khrigs pa der yang gnod par byed do/ / gang du kun nas thig skud rab tu 'bar ba dag gis brgya 'am/ yang na stong du btab nas/ gshin rje'i mi dag gis sems can dmyal ba pa de dag mtshon cha hu lu rab tu 'bar ba rnams kyis gcod par byed do/ / de las rnam par thar nas sems can dmyal ba skra shad 'dzings pa dang / bya kha yod par gnod par byed de/ gang du lus tshal shing bsregs pa lta bu'i rang gi lus las byung ba'i mes sreg go/ gcig la gcig kyang sems can dmyal ba pa'i lo 'bum phrag du mar mtshon cha char ltar 'bab pas gcig la gcig 'jog go/ / de las thar nas kyang sems can dmyal ba snying rje rje skad sgra 'byin par 'tshed de/ gang du gnod pa'i rnam pa 'di lta bus nyam zag cing sgra 'byin par gyur pa ni gang sems can dmyal ba gzhan thams cad na yang rnam pa de lta bu med do/ / de las thar nas kyang sems can dmyal ba snying rje chen por skye bar 'gyur te/ der chos ngan pa gang dag chos su ston cing / lta ba ngan pa rab tu ston pa de/ der bu sdug pa'i gzugs de dag sreg cing bskul ba na/ de yongs su smre sngags 'don te// 'di ltar pha dang spun dang / bu dang / mdza' ba mgon med na/ bdag la yongs su skyobs shig ces de'i lag pa gnyis ka stod nas shin tu snying rje rje skad 'byin pa mthong ngo // de mthong nas mya ngan gyi me sred pa'i bud shing gis sbar ba rnam pa de lta bu 'byung ste/ gang khyad par ni sems can dmyal ba pa'i me de kha ba dang mtshungs so// de shin tu tshab rnam pa de lta bu gnyis kyis sreg cing / shin tu tsha ba'i sgra skad 'byin pa na/ gshin rje'i mis rjes su bstan pa'i tshigs su bcad pa smras pa/ sred pa'i me 'di'i drung na ni// 'brar ba/ dag gis gang zhes bya// dmyal bar dmyal ba pa yi me// khams gsum dag tu sred pa'i me// sems can dmyal bar gang byung ba// me 'di mtshungs par gyur pa yin// sred pa'i rgyu las byung ba yi/ / me 'bar ba ni mang por mched// sems can dmyal ba sdig spyad pa// las zad nas ni rnam par grol// sred pa'i dbang du song ba'i me// khams gsum dag tu sreg par byed/ / 'khor bar thog ma med dus nas// sred pa'i me yi rjes 'bring ba// sems can dmyal ba sred pa'i me// ci phyir dmyal ba'i me mi 'byung // sems can dmyal ba pa yi me/ / lus ni shin tu sreg par byed// sred pa'i me yis mi rnams kyi// lus yid shin tu sreg par byed// de lta bas na sred rgyu las// 'byung ba'i me ni khyad par che/ / dmyal ba pa yi kha ba 'dra// sred pa'i me ni khyad par dran// sred 'brang rgyu ni gsum las 'byung // las gsum dag ni yongs su bstan// dus gsum 'byung bar shes par bya// de ltar sred me gzhan du min// 'dod chags mes ni mtho ris sreg/ zhe sdang mes ni dud 'gro dran// gti mug mes ni dmyal bar sreg/ sred pa'i mes ni kun tu gnas// de ltar// sred pa'i me yis su// gnas gsum thams cad rab 'bar bar// mthong nas chos ni ma spyad pa// de ring ci zhig yongs su gdungs// de ltar sems can dmyal ba snying rje chen por sems can dmyal ba pa de gshin rje'i mi de rnams kyis rjes su bstan nas/ sdug bsngal dang / gnod pa sna tshogs dag byed do// de de nas bar nas kyang sems can dmyal ba che ba'i par 'tshed do/ / der yang sems can dmyal ba bdag gis lus kun nas bsregs nas/ lus shing king shu ka ltar byas so// de las thar nas kyang sems can dmyal ba shing skam ltar 'jig par 'tshed do/ / de ltar log par lta bas zin pa'i dge slong ma sun 'byin pa de 'khor bcu drug tu 'tshed do// de der ji srid du de'i sdig pa'i las bcom zhing spangs la zad bar ma byas pa de srid du dus dpag tu med par sreg go/ / de phyis sems can dmyal ba de las thar par 'gyur te/ thar nas kyang dge slong ma sun phyung ba'i las de'i rgyu mthun pa'i 'bras bus tshe rabs stong phrag du mar yi dgas dang dud 'gro dag tu 'tshed par 'gyur te/ bkres pa dang skom pas gcig la gcig za ba dang / lus brgya phrag stong du dud 'gro dag gis za bar 'gyur/ log par lta ba dge slong ma sun phyung ba de 'on kyang gal te de gnyara' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe rabs lnga stong du mir gyur pa tha mar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba phyogs thams cad rab tu sreg pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba ni snga ma bzhin no/ / dge bsnyen ma bslab pa'i gzhi lnga yod pa sun phyung ba de lus dang bral nas ngan 'gro log par ltung ba'i sems can dmyal ba phyogs thams can rab tu sreg par skye par 'gyur ro/ / der gnod pa 'di dag 'byung bar 'gyur te/ 'di lta ste/ sems can dmyal ba de ji ltar khab kyi bu ga tsam yang med pa de ltar kun nas rtag tu nam mkha' la yang rab tu 'bar par 'gyur ba der/ sngar de'i lag pa me'i nang du 'jug ste/ du skad 'byin pa na/ me tsha zhing rtsub pa shin tu drag pa'i stobs kyis ji ltar de'i thal ba yang mi mngon pa de ltar sreg go// de nas yang 'byung bar 'gyur te lo 'bum phrag du mar sreg go/ / de las thar nas mgon 'dod pa/ skyabs 'dod pa de dag gar bab bab tu 'bros pa dang / gshin rje'i mi rnams kyis bzung ngo // bzung nas kyang lcags kyi thag pa kun nas rab tu 'bab pa dag gis rkang mthil gyi bar nas mgo'i bar de dag 'ching ste/ de'i khrag de dag thams cad de'i mgo la bsdus so// de phyis sems can dmyal ba pa de dag la gzugs pa'i phur pa blangs te/ mgor btsugs nas shugs kyis btab ste 'di ltar bur ba de mgul par 'byung ngo // byung nas kyang shugs kyis phyung ba dang de'i khrag de ji ltar sems can dmyal ba'i mgo las zangs bskol ba'i khrag 'byung ba de dang cung zad kyang khyad par med pa de ltar tsha ba 'byung ngo / / de rang gi lus las byung ba'i khrag des lo 'bum phrag du mar 'khru'o/ / sreg go// 'chi'o// de'i las kyi mthus 'byung bar 'gyur te/ ji srid du de'i sdig pa'i las bcom zhing spangs la zad par ma byas pa de srid du sdig pa'i las des sreg go/ 'tshed do// de phyis sems can dmyal ba de las thar par 'gyur la/ thar nas kyang las de dang rgyu mthun pa'i 'bras bu sa lo 'bum phrag du mar yi dgas dang dud 'gro dag tu skye bar 'gyur/ / der yi dgas bkres pa dang skom pa'i sdug bsngal dag myong bar 'gyur ro// dud 'gro rnams su gcig la gcig lus brgya phrag du ma dag za zhing / pha rol dag gis rnam par 'jigs par 'gyur ro/ / de sdug bsngal de dag myong nas/ gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de dbul zhing nad bu can dang / pha rol gyi gnod pa dang / sems g.yems pa dang // tshe thung bar 'gyur zhing tshe rabs bzhi brgyar za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des zos pa las byung ba'i shes pas sems can dmyal ba lus chen po shin tu spa 'byin 'jigs 'jigs ltar 'dug pa zhes bya ba mthong ngo / / der sems can dag las gang gis skye bar 'gyur snyam nas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba ni snga ma bzhin no// gang gis tshe lu ma rab tu sun 'byin par byed na/ de lus dang bral nas ngan 'gro log par ltung ba sems can dmyal ba lus chen po shin tu sgra 'byin 'jigs 'jigs ltar 'dug par skye bar 'gyur ro/ / der gang sems can dmyal ba yang sos la sogs pa'i gnod pa 'byung/ pa de dag thams cad sems can dmyal ba lus chen po shin tu sgra 'byin 'jigs 'jigs ltar 'dug par 'byung ba'i steng du khyad par du 'byung ba ni// 'di ltar gang gi lus dpag tshad tsam la mar gsar ltar shin tu snyi ba'i lus de de dag gis bzung na spu 'byin pa'i phra skam gyis ji ltar yungs kar gyi 'bru tsam du/ de ltar sen mo la sogs pa nas/ rkang pa'i bar dag gcod par byed do// sdug bsngal gyis nyam thag pa de ji ltar sgra sems can dmyal ba pa gzhan dag gis thos nas kyang snying zags shing rdol ba de ltar sgra skad 'byin to// thog ma med pa'i dus nas de'i las kyi 'bras bus/ bslus shing / sems kyi dgras yongs su bslus pa'i sems can dmyal ba pa shin tu sdug bsngal bas nyam thag pa de nyid mthong nas/ 'di ltar gshin rje'i mi rnams kyis rjes su bstan pa'i chos/ su bcad pa smras pa/ 'dod pa yang dag ston pa'i tshig/ snyan cing yid 'ong sna tshogs dag/ smras pa sdig pa chen po yin// de yi 'bras bu 'dir 'ongs so// 'dod par gyur pa'i tshig smras pas/ / spu gri rnon por brdar ba yi// so yis bdag rang bdag nyid kyi// lce ni yang dag bcad kyang bla// sems can 'dod chags kyis bsdus shing / zhe sdang gis ni yongs gdungs pa/ / gti mug dbang du song ba dag/ tshig mi snyan pa smra bar byed// 'dod chags chung bas zin pa gang // nyes par byed pa mang du byed// rmongs pa gti mug dbang song ste// sdug bsngal las ni sdug bsngal 'thob/ / 'dod pa'i dga' ba yud tsam ste// de ni bde med rtag pa'am min// 'gyur ba shin tu mi bzad de// de ltar de ni yongs su spongs// 'dod chags zil gyis non po'i mi/ / sems can dmyal ba'i gnas su gnas// gang dag 'dod chags dbang mi 'gro// de dag dmyal ba'i 'jigs pa med// de ni sdig pa'i las byas pas// ngan song nges par myong ba yin/ / blong zhing dman pa snying rje'i skad// ci zhig de ring yongs su gdung // sems can dmyal ba sdig byed pa// las zad nas ni thar 'gyur gyi/ rnam par sgra 'byin mang 'gyur ba// bar pa dag tu ga la 'gyur// mi 'dod ngan 'gro 'gro ba'i las// byas pas 'dod chags dbang du gnas// rmongs pa gang zhig smre 'don pa// de ni don med yongs su 'don/ / gang zhig ma 'ongs 'bras bu shes// da ltar byung ba'i dge la dga'// de ni dmyal bar skad mi 'byin// khyod ni 'di ltar rjes su gdung // de ltar yang de la bstan pa dang / las byed pa ngan pa byas pa de gshin rje'i mi de rnams kyis rjes su bstan nas kyang / ji srid du de'i sdig pa'i las bcom zhing spangs la zad par ma byas pa de srid du gnod pa rnam pa dad pa sna tshogs du ma dag gis gnod par byed do/ / de sems can dmyal ba de las thar nas/ las de dang rgyu 'thun pa'i 'bras pus tshe rabs stong phrag du mar dud 'gror skye bar 'gyur gal te brgya gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe thung zhing dbul ba dang / sems g.yengs pa dang / ngag skye bo kun gyis yid mi ches par 'gyur zhing / tshe rabs bzhi stong du za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba me spyi gtsug lta bu zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bstan cing bsgoms te mang du byas pas 'gyur ro/ / gang gi zhe sdang ba med cing spyod pa dang ldan pa'i bu mo'i skye gnas ma yin pa'i sgo sun phyung na/ de lus dang bral nas ngan 'gro log par ltung ba sems can dmyal ba me spyi gtsug lta bur skye bar 'gyur ro/ / der gang sems can dmyal ba chen po yang sos la sogs pa'i sdug bsngal de dag thams cad bcu 'gyur du 'byung ba'i steng du/ khyad par du 'byung ba ni sems can dmyal ba me spyi gtsug lta bu de spyi gtsug 'dra la/ / srog chags spyi gtsug ces bya ba byad gzugs gzhu rgyud ltar ring zhing dug shin tu drag pa yod la/ mthong na yang shin tu drag pa gnas so/ / de nas sems can dmyal ba pa de gshin rje'i mi rnams kyis bzung nas/ lcags kyi sa gzhi rab tu 'bar bar por bu'i nang du lus thams cad dang / lag pa dang rkang pa thams cad nub par bcug cing / me shin tu tsha bas rgyab sreg pa na du skad 'byin cing chos nges 'debs so// de nas gshin rje'i mi de rnams kyis srog chags me spyi gtsug/ lta bu zhes bya ba de dag blangs nas/ sems can dmyal ba pa de rnams kyi rkub tu 'jug par byed do// de dag gi lus gzhu rgyud lta bu yin zhing / dug rnon po shin tu mkhrang la/ tsha ba yod pa'i lus can de 'jug par byed do// de rab tu 'jug pa na reg pa me lta bur tsha ste/ sems can dmyal ba de las thog ma nyid du de'i rku ba sreg par byed do// bsregs nas za'o// de zos nas nang du 'jug ste/ de long ka sreg go/ bsregs nas kyang za'o// long ka zos nas lhag ma med par byas te/ gyen du byung nas pho ba sreg cing za'o// mcher pa bsreg ste/ de bsras nas za'o/ / de yang zos nas rgyu ma dang / pho ba'i gnas ga la ba der 'gro'o// song nas pho ba'i gnas dang / gzhan rgyu ma dang / gnye ma dag 'cha' zhing za'o// thams cad lhag ma med par bsregs shing zos pa dang / sems can dmyal ba pa de'i rus pa seng seng por byas kyang srog dang ni mi 'bral lo// de phyis mid pa ga la ba der song nas// de snying la 'cha' zhing yongs su sreg par byed do/ / de sreg cing kun nas za ba na/ ngu skad 'byin cing cho nges 'debs la yongs su smre sngags 'don to// de'i nang du me spyi gtsug lta bu 'bar zhing phyi rol du sems can dmyal ba pa'i me ste/ me de gnyis kyis sreg cing za'o// de nas me spyi gtsug lta bu des/ de'i ming pa'i nang zos nas kha ga la ba der song ste/ de dang por lce drung 'cha' zhing za'o// de zos nas rna ba'i phyogs su song ste/ de yang za'o// klad pa dang klang rgyas ga la ba der song ste/ des klad pa dang / klang rgyas de dag zos shing / thong ba dang mgor gtogs pa zos nas/ zod pa dang mgor gtogs pa dug/ ste 'gro yang / de'i las kyi mthus sems can dmyal ba pa de 'chi bar ni mi byed do// de'i lus kun nas bu ga yod de/ bu ga de dag tu zhugs nas/ sems can dmyal ba de mes sreg par byed cing / rab tu 'bar bar byed do// nyes par byas pa'i las kyi mtha' spyad pa de'i lus kyi nang dang / phyi rol kun nas rab tu 'bar ba yin te/ de ltar lo 'bum phrag du mar za zhing za'o// de nas yang 'tsho bar 'gyur la/ de nas yang 'chi bar 'gyur ro// de nas yang 'tsho ste/ de ltar mi 'di de'i nyes par byas pa byas shing bsags pa'i mthus gnod pa dag myong bar 'gyur/ ro// de de las thar nas gar bab bab tu 'bros pa dang / des sbrul chen po'i tshogs 'ong ba mthong ngo // des de mthong nas shin tu skrag cing yi mug ste/ gar bab bab tu 'bros so// de nas las kyis byas pa'i rlung gi shugs lta bu'i sbrul de dag mi de la 'dzin to/ / bzung nas mche ba chen po rno zhing dug chen po drag pas kun nas bskor nas/ sems can dmyal ba de lan grangs brgya 'am/ yang na lan stong du sreg par byed do// sdug bsngal gyis kun nas nyam thag pa de bkres pa dang skom pa'i me dang / sbrul gyi dug gi me dang / sems can dmyal ba pa'i me ste/ me gsum gyi sreg go/ de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma/ lo bgrang gis mi yang bar sreg/ go/ de phyis sems can dmyal ba de las thar bar 'gyur te/ thar nas kyang las de dang rgyu mthun pa'i 'bras bus tshe rabs stong phrag du mar yi dgas dang dud 'gro dag tu skye bar 'gyur te/ yi dgas rnam su shin tu bkres pa dang skom pas gdungs par 'gyur/ yi dgas dang dud 'gro dag tu dud 'gror 'gyur ba thams cad du yang tshe rabs tshe rabs su 'byung zhing za bar 'gyur ro// de de las thar nas kyang gal te gca' shing gi bu gar rus sbal 'jug pa lta bur mi rnams dang skal ba mnyam par mir skyes na/ de tshe rabs lnga brgyar ma ning du 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba ma dag ma bye ma lta bu'i char rtag tu 'bab pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// gang gis tshe lu ma sun 'byin par byed cing sun phyung nas kyang rjes su dga' bar byed la/ de nyid la shin tu chags par byed na/ de lus dang bral nas ngan 'gro log par ltung ba'i sems can dmyal ba ma dag ma bye ma lta bu'i char rtag tu 'bab par skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad sems can dmyal ba 'dir 'byung ba'i steng du/ gnod pa khyad par du 'byung ba dag ni 'di lta ste/ sems can dmyal ba pa de'i 'khor ni dpag tshad lnga brgya yod la/ de thams cad rab tu 'bar ba/ bye ma rdo rje'i ma mngag lta bu dag gis der dpe bya bar yang mi nus pa gang ste/ 'di ltar 'tshed pa po yang nub par 'gyur na/ sems can dmyal ba pa las lci ba lta smos kyang ci dgos te/ de ji ltar chu 'bab pa'i shugs kyis ded par de ltar der 'jug go/ de nas yang las kyis nub pa 'byung bar 'gyur te/ de bye ma rdo rje'i gzegs ma lta bur zur gsum yod cing so rno ba de dag gis/ ji ltar de'i rus pa lhag ma yang med pa de ltar 'thag go// de nas yang 'tsho bar 'gyur la/ de nas yang 'thag ste/ 'chi zhing skye'o// de kun nas dga' ba med cing / bye ma rab tu 'bar ba'i nang du nub ste/ sreg cing 'tshed pa dang / skad 'byi cing yongs su smre sngags 'don te/ de las kyis bsgribs pas sdug bsngal de las bdag nyid thar bar mi nus so// de yun ring po zhig 'das la/ gal te las zad nas sems can dmyal ba de las thar bar 'gyur te/ de las de dang rgyu mthun pa'i 'bras bus de tshe rabs stong phrag du mar yi dgas dang dud 'gro dag tu bkres pa dang skom pas gdungs par 'gyur/ dud 'gro gcig la gcig za bar srog lan stong 'chad par 'gyur/ de las thar nas kyang gal te gnya' shing gi bu gar rus sbal 'jug pa lta bur mi rnams dang rgargal ba mnyam pa mir skyes na/ de tshe rabs lnga brgyar dbul zhing nang bu can dang / spyo ba dang / ngag yid mi ches pa dang / gzhan gyis bkol ba dang / za mar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba nang na me ma dag yod pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang // ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas ni snga ma bzhin du 'gyur ro/ / gang gis dge bsnyen ma bslab pa'i gzhi lnga yod pa stobs kyis mnan nas mi tshangs par spyad pas bslab pa dral cing 'di snyam du bsrung ma mo bslab pa'i gzhi las 'das pa chos ma yin pa gang yang med do snyam du blo skye zhing / las kyi 'bras bu la yid mi ches na/ de lus dang bral nas ngan 'gro log par ltung ba'i sems can dmyal ba nang na me mdag yod par skye bar/ 'gyur ro// der sems can dmyal ba yang sos la sogs pa'i gnod pa bsdus pa de dag thams cad sems can dmyal ba 'dir 'byung ba'i steng du khyad par du 'byung ba ni/ 'di ltar sems can dmyal ba de kun nas me ma dag gi ri lnga la 'di lta ste/ kun bsreg pa dang / gting zab dang / mun nag 'thibs reg dang / me mdag tsha ba lta bu dang / las mngon sum pa rnams kyis yongs su bskor ba der/ sems can dmyal ba de kun nas dpag tshad stong yod pa/ ri de dag kun kyang kun nas ri khor yug dang / khor yug chen po dang / ha cang mi ring ba na yod de/ der sems can dmyal ba pa des ri de dag me tog ut+pa las gang ba lta bu dang / shing ljon pa dang / nags tshal dang / lteng ka phun sum tshogs pa lta bur mthong nas/ dag bde ba myong bar bya ba'i phyir de gang gi tshe brgyugs pa dang / de'i tshe las kyi rlung ma lta bu langs pas bdas so// me mdag de dag kyang rlung des bus so// bus pa des sems can dmyal ba pa de kun nas yongs su dkris so/ / lus thams cad bsregs pa de yang ri de dag gi gzugs sngon por mthong ste/ tsha bas gdungs pas mgon 'dod pa/ skyabs 'dod pa/ dpung gnyen 'dod pa de yang rgyug go// de gang gi tshe ri de'i drung du phyin pa dang / de 'di ltar kun nas byi brun la lcags kyi mdas 'phen pa/ 'phangs pa tsam gyis 'gro ba mi mngon pa de ltar sems can dmyal ba pa de me mdag de'i nang du 'gro ba'i grogs kyang gar song gtol med par mi mngon no/ / de der song ma thag tu 'di ltar sreg cing 'tshed la bskol ba na mun pa mun nag gi nang du song nas/ dbang po thams cad 'gags shing / sdug bsngal thams cad kyi gzhir gyur te/ nyes par byas pa'i 'bras bu thams cad mngon sum du byung la/ des gang gis mi dge ba byas shing bsags pa de dag de'i las kyi shugs kyis 'ongs pa'i 'bras bu la nye bar spyod do/ / de ltar de me mdag gi mun pa'i nang na dpung gnyen med cing grogs med pa/ sdug bsngal mi bzad pas nyam zag par gyur pa/ yun ring du rang gis byas pa'i las kyi 'bras bu la spyod pa zhugs pa yun ring du 'tshed do// de gal te yang las kyi rlung de dag nyid kyis me mngag de dag gi nang nas 'byin par byed de/ lus thams cad bskol cing sdug bsngal thams cad kyis nyam thag pa de rkang pagar bab bab tu 'dor ro// de nas yang 'byung bar 'gyur te/ gshin rje'i mi rnams kyis gzung ngo / / bzung nas kyang de'i rku ba sog le rab tu 'bar bas gcod do// bcad cing gtubs nas yang shin tu gzhon sha can du skye bar 'gyur te/ de ltar lo 'bum phrag du mar de sog le'i sdug bsngal myong zhing / de 'di skad du rnam par sgra 'byin par byed de/ bdag gis las dag byas pa yi// 'bras bu de dag bdag nyid yin// 'dod chags dgra yis gdungs pa ni// phyi nas sems can dmyal bar 'ongs// 'dod chags gdungs pa'i las can gyis// bag med sa ni mi gtsang ba'i// zhags pa de yis bcings pa yis// bdag ni gnas 'di dag tu 'ong// sngon chad bdag ni 'dod chags kyi// 'bras bu tsha snyam mi byed de// mi shes pa yis bdag bslus pas// 'dir ni bdag gis byas la spyod// brtse med shin tu drag pa yi// sdig pa dag gi dbang du song / / sdug bsngal rgya mtsho mtha' yas pa// 'di las bdag nyid ji ltar thar// sdug bsngal dag las sdug bsngal las// 'di yis bdag ni yongs su 'tshed// bdag ni sems dmyal zad pa 'am// bde ba 'thob pa ma mthong ngo // de ltar sems can dmyal ba de nang na me mdag yod pa'i sems can dmyal bar shin tu sdug bsngal bas nyam thag cing du skad 'don te/ sems can dmyal ba pa ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs brgya phrag du mar yi dgas dang dud 'gro dag tu skye bar 'gyur te/ yi dgas rnams su bkres pa dang skom pas gdungs pa'i lus can dag gcig la gcig lta ba kho nar zad de/ dud 'gro rnams su gcig la gcig za ba lus lan brgyar 'chi bar 'gyur ro// de de las thar nas gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de'i las kyi mthus rtag tu rim nad kyis 'debs shing dbul ba dang / nad pu can dang / yan lag ma tshang bar 'gyur bar mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas dmyal ba a la la zer zhes bya ba mthong ngo // der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / des 'di ltar bslab pa'i gzhi gcig gam/ gnyis sam/ gsum mam/ bzhi 'am/ lnga las gzhan pa blangs pa dang / bu sring ngam/ bu sring dang 'dra bar ram/ grogs kyi chung ma 'os pa ma yin pa dag la/ des 'di ltar brda byas nas slu bar byed na/ de lus dang bral nas ngan 'gro log par lhung ba sems can dmyal ba a la la zer bar skye bar 'gyur ro/ / der skyes nas kyang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du/ khyad par du 'byung ba ni/ 'di ltar rlung shin tu drag cing shin tu rtsub la/ shin tu mi bzad pa shugs mgyogs pa dang ldan pa ldang la/ gang gis sems can dmyal ba de dag gis lus so sor khyer bar byed de/ ji ltar rlung chen po shin tu mi bzad cing rtsub pa/ ras bal gyi spu 'am/ spu'i snod glongs nas/ spu rnams kyi gdags pa yang mi mngon par khyer ro// gang gis khyer ba'i ras bal de dag gi spu rnams rlung des phyogs bcur bdas shing khyer ba phan tshun thug pa der/ sems can dmyal ba de dag gi lus sems can dmyal ba'i rlung spu gri lta bu des 'di ltar bye ma'i tshad tsam du yang mi mngon par khyer ro/ / gang gis lus de dag spa tsam dang / nyung du nyung ngur byed de/ yan lag dang nying lag thams cad gdags par yang mngon par mi byed do// las ngan pa byas pas yang lus de dag 'byung bar 'gyur te/ de ltar ji srid du de'i sdig pa'i las bcom zhing spangs la zad par ma byas pa de srid du/ yang 'dod chags kyi dbang gis snga ma bzhin du khyer ro/ / yun ring mo zhig 'das nas gal te brgya la de'i rlung gis gnod pa las thar nas/ de byi ba mche ba rdo rje lta bu yod pa 'byung la/ gang de'i rku ba yungs 'bru tsam du rlog ste/ brlags nas ngu skad 'don bzhin du za bar byed do// de zos nas rgyu ma dag kyang za'o// long ka thams cad kyang za'o// long ka de dag zos nas rgyab tu 'byung la/ de'i skal tshigs za ste/ de ltar de'i las kyi mthus sems can dmyal ba der lo 'bum phrag du mar sdug bsngal myong bar 'gyur ro// de gal te de las bar par 'gyur te/ de rgyun ring mo zhig 'das nas/ gal te nyon mongs pa de las thar nas gar bab bab tu 'bros so// de nas rang gi lus las byung ba'i srog chags mar ko Ta ka rnams kyis gang zhing / de'i rkub kyang de nas 'cha' zhing za'o// de ji srid du de'i sdig pa'i las bcom zhing spangs la zad par ma byas pa de srid du/ srog chags mar ko Ta ka rnams kyis sdug bsngal mi bzad pas ngu bar byed/ 'o dad 'bod/ sgra skad 'byin/ smre sngags 'don to// de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras pus tshe rabs stong phrag du mar yi dgas rang gi sha la za bar skye bar 'gyur te/ ji ltar de'i tshe des bdag nyid kyi bud med ma yin pa la mi tshangs par spyad pas rang gi sha la za ste/ des bdag nyid 'tsho bar byed do/ / gal te brgyal yi dgas kyi 'jig rten de las thar nas kyang / de phag gi skye gnas su skye bar 'gyur te/ ji ltar des rang gi me dag la chos ma yin pa byas pas gang du skyes par rang gi mas za bar byed do/ / de gal te de las bar nas gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu skyes pa'i nad kyis 'debs/ shing / de nad drag po mi bzad pas gnod pa byed la/ pho mtshan gcod par byed do// gal te brgya la de'i chung ma zhig yod par 'gyur na yang / 'di ltar pha rol gyi bud med 'os ma yin pa phrogs pa ltar/ de yang rung ba ma yin pa'i mi dag gis de 'phrog par byed de/ mi'i don 'di thams cad med par byed pa ni 'di lta ste/ 'jig rten dang 'jig rten las 'das pa'i chos rnams dang 'gal pa 'os ma yin pa'i drung du 'gro'o/ / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba chen po rab tu tsha ba'i 'khor sems can dmyal ba shar gyur pa thams cad sdug bsngal ba zhes bya ba ji ltar 'dug pa mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// bud med sdom pa blangs pa gang gis 'os pa ma yin pa'i dge slong dbang du byas te/ chang blud nas de 'khrul par byas shing yid la gcags pa bskyed na/ / de lus dang bral nas ngan 'gro log par ltung ba sems can dmyal ba shar gyur pa thams cad sdug bsngal bar skye bar 'gyur ro/ / der gang sems can dmyal ba yang sos la sogs pa'i sdug bsngal dang / gnod pa bsdus pa de dag thams cad 'byung bar 'gyur te/ gang gis rtag tu tshul khrims dang ldan pa/ 'os pa ma yin pa la 'os pa nyid du goms par byed na/ de rtag tu mi dge bar zhugs pa des lam ngan pa de nyid rjes su sten par byed do// las kyi zhing ngan pa byas pa'i ngang tshul can mi dge ba'i las kyis mtha' spyad pa des mi dge ba'i las de rjes su sten cing goms par byed do/ / sems can dmyal ba de sdug bsngal ches drag pa dang / sdug bsngal ches mi bzad pa dang / sdug bsngal ches rtsub cing tsha ba dag shin tu so sor myong bar 'gyur te/ der gang sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ rkang pa'i mthe bo la sogs pa nas/ mgo'i bar du mtshon cha hu lu rab tu 'bar ba dag gis sha ma gtogs par pags pa gcod par byed de/ de ltar de'i yan lag dang / nying lag thams cad dang / pags pa dag gcod par byed pa'i sdug bsngal shin tu mi bzad do// de'i pags pa de dag kyang sa'i nang du bcug nas sreg par byed de/ de'i lus pags pa med pa'i lus de la gshin rje'i mi rnams kyis lcags kyi snod kyi nang du ba tshwa rab tu bskol ba khyer nas ldugs par byed do/ / des de sreg par byed/ skol bar byed/ sdug bsngal gyis nyam thag cing sdug bsngal tshab rtsub pas nyam thag pa de ngu skad 'byin cing cho nges 'debs la yongs su smra sngags 'don to/ / de ltar de lo 'bum phrag du mar sdug bsngal myong bar 'gyur zhing / lo bgrang gis mi lang paba'i bar du myong bar 'gyur te/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal tsha ba shin tu mi bzad pas gdungs so// de phyis sems can dmyal ba de las thar par 'gyur te/ thar nas kyang gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bu sa de dbul zhing nad pu can dang / lus dag la nad shin tu mi pa zad pas thebs par 'gyur/ de rgya mtsho'i nang gi bar dag tu gang ris 'thun par 'gyur ba/ mi ma tshang ba 'di lta ste/ rkang pa gcig pa dang / sna gcig pa dang / lag pa gcig pa dang / lus chung ba dang / che thung ba rnams te/ 'di lta ste/ der skyes pa nyi ma gcig/ cig thub par 'gyur ba mthong ngo // // dam pa'i chos dran pa nye bar gzhag pa bam po bcu bzhi pa// de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor ba brtags na/ des zos pa las byung ba'i shes pas sems can dmyal ba chu bo rab med rab tu chab zhes bya ba yod pa mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// stegs bu'i dbus su me bus nas/ lag pas bzung ste bskor nas sgra blan pa grogs kyi chung ma nyams pa med pa la sun 'byin par byed cing / sun phyung nas kyang mngon par dga' bar byed/ yang dag par dga' bar byed la/ dga' bar byed pa mi dge ba de nyid la kun tu spyod na/ de lus dang bral nas ngan 'gro log par ltung ba sems can dmyal ba chu bo rab med rab tu tsha bar skye bar 'gyur ro// der skyes nas gang sems can dmyal ba yang sos la sogs pa'i 'khor gyi gnod pa bsdus pa de dag thams cad 'byung ba'i steng du/ gnod pa khyad par du 'byung ba ni mun nag 'thibs pos nam mkha' gang ba nas/ las kyis byas pa'i dbyug pa dang / ral gri shin tu rno ba dag rab tu 'bab pa der/ sems can dmyal ba pa de'i lus kyi nang du nub bo// nang du nub nas sreg par byed cing / yan lag dang nying lag thams cad shin tu 'bugs par byed/ gshog par byed/ 'tshed par byed/ yan lag dang nying lag thams cad phan tshun 'dral bar byed do// de'i phyi rol me'i sdug bsngal gyis kyang sreg par byed cing / nang du dbyug pa dang / ral gris gshog pa'i sdug bsngal ba na/ sdug bsngal shin tu mi bzad cing tsha la rtsub pa gzhan dang mtshungs pa med pa'i sdug bsngal myong ngo // sdug bsngal des bsgribs pa de gar bab bab tu 'bros pa dang / des ngam grog chen po na chu bo rab med rab tu tsha ba zhes bya bar las las byung ba'i sbrul gdug pa rnams kyis rab tu gang bar mthong ngo / / der sdug bsngal gyis gdungs pa des 'khrul par mthong ngo // mi mtho 'tsham par byed pa de rnams kyis de rab tu so sor phye nas sbrul gdug pa rnams kyis za bar byed do// sprul g dug pa'i mchog rnon po rnams kyis kun nas shin tu sdug bsngal gyis nyam zag pa de ji srid du de'i sdig pa'i las bcom zhing spangs la zad par ma byas pa de srid du ngu skad 'byin cing cho nges 'debs la yongs su smra sngags 'don to/ / de phyis de las yun ring mo zhig 'das shing lo bgrang gis mi lang ba na thar par 'gyur te/ thar nas kyang gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can dang / yongs su sne sngags 'don pa dang / gzhan gyis bkol pa dang / dbang po mtshang bar 'gyur ro// mi byang gzugs te rgod ma'ang zhing / chang tshing gangs ri lha bu'i nang skye la/ kha zas 'bras bu'i rtsa ba 'ba' zhig gis 'tsho bar byed de/ de gzhan las skyes pa'i kha zas nams kyang mngon par shes par mi 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba rtag tu mun pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// phyi rol pa'i 'dod chags dang bral ba de phyis 'dod chags mngon par spangs te/ 'dod chags zhe sdang gti mug dang bral ba de bud med dag gis bslus nas yang 'dod pa rnams la 'jug par byed na/ de lus dang bral nas ngan 'gro log par ltung ba sems can dmyal ba rtag tu mun pa zhes bya bar skye bar 'gyur ro/ / der skyes nas kyang gang sems can dmyal ba yang so sa la sogs pa'i gnod pa drag po bsdus pa de dag thams cad 'byung ba'i steng du/ khyad par du 'byung ba ni/ 'di ltar srin bu sa rko zhes bya ba dag gis de ji ltar dbu ba la 'bigs pa de ltar mchu rdo rje ltar rno ba de dag sem/ can dmyal ba pa de'i nyes par byas pa'i las des 'byung bar 'gyur la/ gang dag pas mi bde ba byed pa yin te/ ches sdug bsngal ba yin no// sa rko de rnams kyis rus pa dag phug pa nas/ rkang gi bar du za ste/ ji ltar sems can dmyal ba pa'i sdug bsngal bsdus pa de dag thams cad de ltar brgya'i cha dang / stong gi cha dang / brgya phrag stong gi char yang mi phod de/ de ltar bdag nyid de dag las thar bar byed mi nus so// de gang dang gang du 'bros pa de dang de nyid du srin bu dag gis mi gtong bar byed de/ de ltar de lo 'bum phrag du mar sreg go/ 'tshed do// sems can dmyal ba pa'i sdug bsngal ches shin tu sdug bsngal dag gis nyam thag pa// sems can dmyal ba der yun ring du sreg cing 'tshed kyang / de'i las byas shing bsags pa sems can dmyal ba grub pa'i mthus 'chi ba'i dus ni mi byed do/ / de ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do// de gal te yi dgas dang dud 'gro dag tu ma skyes la/ gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu mthun pa'i 'bras bus de mdog ngan cing rkang lag rdol ba dang / tshong pa mo'i bran mo dang / bran mo bum pa thogs par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba gnod pa'i rgyud ces bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// tshul khrims dang ldan pa chos kyi lam las nyams pa med pa'i dge slong bag tsha ba med pa'i sar song ba las/ bud med sbyar ma zhig na re/ bdag la ci dka' bar mdzod cig/ gal te dge slong khyod bdag dang lhan cig mjal bar mi mdzad na/ de bdag gis dge slong 'di dag la 'dod par byed pa las/ de kho mos ma 'dod do zhes smra bar bya'o// des na khyod la chad pa chen pos gcod par 'gyur te/ gal te rgyal po'i 'khor nas sam/ gal te bdag gi khyim zab kyis gcod par byed do/ / gal te mdzad na de bdag gis khyod la bza' ba dang bca' ba mang po dbul bar bya ste/ de ltar 'o skol shin tu dgyes par 'gyur zhing / gzhan gyis kyang mi tshor bar 'gyur ro/ / 'jig rten pa dag la yang dge slong 'di ni shin tu tshul khrims dang ldan pa yin te/ 'di la mal cha dang / na ba'i rkyen gsos sman gyi yo byad mang po dag phul cig ces smra bar bgyi ste/ sbyin pa po dang / sbyin bdag tu 'gyur ro zhes de ltar 'jigs pas bsdigs nas brid de/ dge slong yang dag pa'i lam las nyams par byed na/ bud med de lus dang bral nas/ ngan 'gro log par lhung ba sems can dmyal ba gnod pa'i rgyud ces bya ba der skye bar 'gyur ro// der gang sems can dmyal ba chen po yang sos la sogs pa'i gnod pa bsdus pa de thams cad 'byung ba'i steng du/ gnod pa khyad par du 'byung ba dag ni/ 'di ltar gshin rje'i mi dag gis bud med de bzung ste/ btsir btsir nas pags pa 'thog par byed do// pags pa de dag btogs nas/ kyang yang yog par 'byung zhing / yang shin tu gzhon nur skye ste/ kha dog shin tu mi sdug par skye'o// de gshin rje'i mi rnams kyis dam por bzung nas/ lcags kyi so mangs rab tu 'bar bablangs/ te de'i lus thams cad 'chad par byed do// rnam par gshog par byed/ yongs su 'dral bar byed do// sdug bsngal gyis nyam thag pa'i bud med de/ nyes par byas pa'i las kyis bslus pa yun ring / du ngu skad 'don cing / cho nges 'debs la yongs su smre sngags 'don to// de ltar gnod pa myong bas gar bab bab tu 'bros pa dang / de nas las kyis sprul pa'i dge slong 'ong ba mthong ste/ sems 'dod pas bsgribs pa/ sems kyis yongs su bslus pa de de'i drung nyid du rgyug la/ de ltar 'dod pa dgra lta bu las rgyal bar bya bar dka' ba/ gang de'i gnas su rgyug par byed la/ de de dang phrad pa dang / yongs su 'ju bar byed do// de yang me zab tu gyur nas/ kun nas rab tu 'bar ba der/ de rab tu 'jug par byed do// de me des lo 'bum phrag du mar sems can dmyal ba gnod pa'i rgyud du/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal drag cing rtsub la shin tu mi bzad pa myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs lnga brgya dud 'gro dag tu skye bar 'gyur ro// gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de yang bud med du 'gyur te/ grong khyer dang / grong khyer thams cad kyi ljan ljin 'phyag pa dang / grong khyer ba thams cad kyis smad pa dang / dbul zhing mdog ngan la rkang lag rdol ba dang / byad bzhin mthong na 'jigs su rung ba dang / pha ma dang gnyen 'dab kyis spangs par 'gyur/ rtag tu chu phye bkra tsam gyis 'tsho zhing dri ma can dang / bgo ba ngan pa dang / lus kyi phyogs gcig nyams pa dang / lus shin tu chad pa dang / 'gro ba na byis pa rnams kyis rdo dang bong ba dag gis mngon par 'tshog ste/ sdug bsngal bas 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba srad bu'i rgyud 'bab pas dkrugs pa zhes bya ba mthong ngo // der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgom te kun tu byas pas 'gyur ro/ / rgyal po bsnyems pas sam/ rgyal srid gzhan gyi yul 'khor 'phrog pa'i tshe/ dge slong mnyon mongs pa med pa mthus sun phyung na de lus dang bral nas ngan 'gro log par ltung ba sems can dmyal ba srad bu'i rgyud dkrugs par skye bar 'gyur ro/ / der skyes nas kyang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ ji ltar sems can dmyal ba de thams cad 'di ltar dra ba rdo rje sra ba'i nang du bcug nas/ der yan lag dang / nying lag gi phyogs gang dang gang reg pa de dang der spu gri lta bus kun nas gcod par byed do/ / der yang ji ltar sbrang bu dag spu la rab tu 'phyang ba/ de ltar srad du rdo rje lta bu'i dra ba la 'byung ngo // de nyid du skye zhing 'chi ste/ gshin rje'i mi rnams kyi sa yan lag dang nying lag thams cad mda' rab tu 'bar ba dag gis sdog par byed do/ / de dra ba rdo rje ltar sra ba'i nang du bcug cing / mda' dag gis kyang bsdog pa na/ sdug bsngal shin tu tsha ba/ drag pa/ mi bzad pa dag myong bar 'gyur te/ de du skad 'don cing cho nges 'debs la yongs su smra sngags 'don to// sdug bsngal mtha' yas pa dag gis nyam thag cing / kun nas dbyer med pa/ ba cing ba kun gyis bcings pa na/ de gal te las kyi rkyen gyis thar na shin tu sdug bsngal ba yin te/ gar bab bab tu 'bros so/ / de me mdag gi rlung dag gi nang du 'jug ste/ rab tu zhu zhing sreg la/ yongs su smre sngags 'don cing ngu skad 'byin pa na/ gnyis su med la grogs med pa des/ rgyang ring po na sgo chen po kun nas gsal ba zhig mthong nas/ der rgyug cing der rab tu 'jug par byed do// de yang sbrul chen po shugs rab tu drag cing gdug pa zhig yin te/ des mid do// sems can dmyal ba pa de lus kyi nang du sreg pa na/ skad 'byin par yang mi nus so// sbrul de yang las las byung ba yin te/ ji lta ji ltar bdag nyid yongs su bkri bar byed de ltar sems can dmyal ba pa'i lus nang du zhugs pa de dag thams cad sgra skad 'byin par mi nus shing / lus rtsa dang rgyus pa dang bral ba de dag thams cad bye ma ltar zhib mor byed de/ de ltar de lo 'bum phrag du ma lo bye ba grangs med par de sbrul gyi lto der 'tshed do// 'thub bo// de gal te yang sbrul des skyugs pa dang / lus shin tu ma tshang ba/ lus rtsa dang rgyus pa thams cad shig shig por gyur pa'i lu sa gar bab bab tu 'bros pa dang / de sa gshi na rje'i mi rnams 'ong ba mthong ste/ de dag gis bzung nas de mtshon rnon po rnams kyis yan lag dang nying lag thams cad chu srin byis pa gsod pa ltar rnam par zhig par byed do/ / de ltar de ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma kho bgrang gis mi lang bar yun ring du sdug bsngal myong bar byed do/ / de phyis sems can dmyal ba de las thar par 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro/ / gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de dbul zhing nad bu can dang / gzugs mi sdug par 'gyur/ rtag tu sgra mi snyan pa dag gis gnod par 'gyur la/ lus thams cad dug gi sa yog cing nyam thag par 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des sems can dmyal ba skra shad 'dzings pa dang / bya khra yod pa zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba dang / log par lta ba kun tu bsten cing bsgoms te mang du byas pas 'gyur ro// sring mo chang gis 'aror gyur pa la mi rigs pa byas na/ de lus dang bral nas ngan 'gro log par ltung ba sems can dmyal ba skra shad 'dzings pa dang / bya khA yod par skye bar 'gyur ro// der gang sems can dmyal bapa chen po yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ zangs kyi zhig dag gi nang du 'jug par byed do// zhugs nas kyang der 'ju bar byed do/ / de nas yang 'tsho bar 'gyur ro// de nas yang 'ju bar byed de/ zhig de dag gi nang du bcug nas/ 'tsho yang 'tsho la 'chi yang 'chi ste/ 'chi ba dang 'tsho bar byed do/ / de 'di ltar gshin rje'i mi rnams kyis skud pa gnyis kyis 'bud de/ ji ltar de'i sol ba dang / de'i zhig dag dang / sems can dmyal ba pa de'i lus kyang mi mngon// par 'bud do// de ltar de lo 'bum phrag du mar zhig dag gi nang du bcug nas/ ji ltar mis gsar 'ju ba ltar 'tshed do// de ltar de sems can dmyal ba der nyes par byas pa'i las kyi mtha' spyad pas 'tshed de/ de gal te las zad pas zhig de dag gi zhabs kyi nang du lhung ste/ gshin rje'i mi rnams kyis bzung nas/ brdung ba rnams kyis ji ltar lcags mgar sa dag la lcags// gong bur byas te/ lcags mgar gyis kun tu brdung ba de ltar kun tu rdung ngo // de ltar kun tu brdung ba na brdungs pa dang / srog chad la/ de nas yang rdung ba bteg pa dang yang 'tsho ste/ de ltar sems can dmyal ba pa de yun ring du lo bgrang gis mi lang bar 'tshed do/ / de brgya la de las thar nas/ gshin rje'i mi rnams kyis rnga bo che'i nang du 'jug par byed do// bcug nas kyang las kyis byas pa'i rnga bo che'i sgra gang gis de'i snying zhigs par byed pa rnam pa de lta bu 'byung bar 'gyur te/ snying rnam par zhigs pa de yang 'tsho bar 'gyur la/ de nas yang 'chi bar 'gyur te/ de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tsho zhing 'chi'o// de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs drug brgyar dud 'gro dag tu skye bar 'gyur ro// gal te brgya la mi rnams dang skal ba mnyam par mir skyes na/ de rtag tu snying skrag par 'gyur/ ri dgas kyi sems ltar rnam par 'khrul cing rgyal po'i 'khor nas rtag tu 'tshe bar 'gyur/ gzhan gyis sgra 'byin par byed cing / bcing bas kyang tshe zad par byed de/ nams kyang sems bde bar mi 'gyur ba mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje rje skad sgra 'byin pa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / mchod sprin gyi lam log par mthong ba'i lam gyis sring mo gzhon nu sun 'byin par byed pa ni/ ji ltar bram ze'i smrang las/ bud med gzhon nu 'dod chags langs pa gang bag mar ma blangs na/ des mi'i srog gcod pa dang 'dra ba 'thob par 'gyur ro zhes de ltar smrang ngan pas bslus pas/ 'os pa ma yin pa la byed pa de lus dang bral nas ngan 'gro log par ltung ba sems can dmyal ba snying rje rje skad sgra 'byin par skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ ji ltar gshin rje'i mi rnams kyis lag pa dag gis mde'u ste'u ka rab tu 'bar ba 'phen pa de ltar sems can dmyal ba pa 'phen te/ ji ltar sprul sa'i 'dab ma tsam du lus gang nyams pa dang / rnam par nyams pa ma yin pa la lhag ma med par byed de// de ltar yan lag dang nying lag thams cad nyams/ rnam par nyams shing rab tu 'bar la kun nas/ sdug bsngal ma be zad pas nyam thag pa// mgon med cing grogs med la// gnyis su med pa yun ring du lo bgrang gis mi lang bar sdug bsngal tsha ba rtsu ba ba myong bar 'gyur ro// gal te las zad pa'i rkyen gyi dbang gis mde'u ste'u ka dang / ral gri nyam nga ba de las thar na/ lcags kyi sa gzhi'i steng na me mdag rab tu 'bar ba'i phung por 'bying bzhin du 'bros so// sdug bsngal gyis gdung ba mang pos nyam thag cing ngu skad 'byin pa'i tshe/ thag nye ba na nags tshal chen po sprin nag po lta bu yod de/ kun nas bya skad snyan pas yongs su skor cing / de'i yang zag nye ba zhig na/ mtsho chen po chu rab tu dang ba zhig yod pa mthong nas/ de 'di snyam du sems so// kye e ma nag po 'di ni nags tshal yin la/ mtsho sngon po dang yang ldan pa zhig ste/ bdag ni 'dir bde ba thob par 'gyur ro snyam nas mgon 'dod pa/ skyabs 'dod pa/ dpung gnyen 'dod pa de nags tshal de'i drung du sa gzhi ma mdag rab tu 'bar ba'i phung por 'bying bzhin du rgyug go/ de gang gi tshe thag nye ba nags tshal yod pa de dang bya dag gis kyang bskor ba mthong ba dang / shin tu bde ba 'dod pa dpung gnyen 'dod pa de yang nags tshal de dag nyid kyi drung du rab tu rgyug go/ de gal te tshegs chen pos nags tshal de'i drung du phyin pa dang / sngar bzhin du mthong la/ de gzhan zhig tu mthong ste/ sbrul shin tu gdug cing rab tu 'jigs pa/ mgo stong yod pa/ mig rab tu 'bar ba/ byad bzhin 'jigs 'jigs ltar 'dug pa zhig dang / bya gang yin pa de dag kyang lus rab tu 'bar la/ de dag thams cad sems can dmyal ba pa'i sgra skad rab tu 'byin par mthong la/ sbrul des mod bzhin du bzung nas za ba byed de/ sdug bsngal sna tshogs kyis nyam thag pa cho nges 'debs pa/ de yang sbrul de'i kha rab tu 'bar bas bzung nas/ kha'i bar du bcug ste za bar byed do// de las kyis byas pa'i sbrul de nyid kyis za ba ni/ yun ring po lo bgrang gis mi lang bar za bar byed do// de gal te las zad nas/ sbrul de'i kha de nas thar nas/ skom pas gdungs pas mtsho de'i drung du rgyug go// mtsho// de yang dud pa nag pos bsgribs shing / nang yang sems can dmyal ba pa'i mes gang ste/ de mtsho der nub bo// mtsho de zabs su dpag tshad tsam ste/ der nub cing der sdug bsngal mi bzang/ pab myong ngo // ji srid du de'i sdig pa'i las bcom zhing spangs la zad par ma byas pa de srid du rang gi las dang mthun pa gzhan dang mi 'dra ba'i sdug bsngal myong bar 'gyur ro// de phyis sems can dmyal ba de las thar par 'gyur te/ thar nas kyang las dang rgyu 'thun pa'i 'bras bus tshe rabs bdun brgyar yi dgas dang dud 'gro dag tu skye bar 'gyur ro// de gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de dbul zhing nad pu can dang / gzhan gyis bkol ba dang / lam gyi bzhi mdo dang / lam po cher spang ba dang mi'u thung du 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje chen po zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / gang gis slob tu bcug la slob pa'i tshig de yang dag pa'i lam rab tu ston pa yin na/ de 'dod chags bdo bas mkhan po de'i chung mnyes pa med pa sun 'byin par byed cing 'jig rten pa dag la yang 'di ltar 'di ni mkhan mo ma dang 'dra ba ste/ bdag ni bu dang mtshungs so zhes kyang brjod la yid gcugs pa 'dor na/ de lus dang bral nas ngan 'gro log par ltung ba sems can dmyal ba snying rje chen por skye bar 'gyur ro/ / der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ 'di ltar gong dang 'og na so mi mthun pa'i kha gcod pa mtshon 'dzugs pa lta bus yang dang yang du gcod par byed do// de gcod pa na/ nang du rtogs pa'i sha dang / rgyus pa dang / pags pa dang / chu ser dang / rus pa dang / rkang gi bar thams cad mtshon cha dag gis gcod par byed de/ de ltar snying rje rje skad du ngu zhing yongs su smre sngags 'don to/ / ji ltar sems can dmyal ba pa gzhan dag kyang rus pa'i sgra des/ de ltar sdug bsngal mi bzad pas nyam thag ste/ shin tu snying rje rje skad nyam thag pa na sdug bsngal de dag thams ca/ myong ngo // gcod pa na srog chad par mi 'gyur te/ de ltar des ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma kun tu bcad cing bcad cing yang 'byung bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs drug stong du sems can dmyal ba dang / yi dgas/ dang / dud 'gro dag tu skye bar 'gyur ro// de nas thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de gal te mngal du 'am/ gal te btsas nas sam/ gal te gan kyal du zhags na 'am/ gal te gog tsam na'am/ gal te rgyug tsam na 'am/ gal te rgyug nus tsam na 'chi bar 'gyur zhing / gang dang gang du skyes par dbang po thams cad ma tshang bar skyes par 'gyur ba mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje med pa'i sa zhes bya ba mthong ngo // der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro// mna' ma la mi rigs pa byas na/ de lus dang bral nas ngan 'gro log par ltung ba sems can dmyal ba snying rje med pa'i sar skye bar 'gyur ro/ / der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ 'di ltar de dag sa'i steng du phung po rtseg par byas te/ gshin rje'i mi rnams kyis zangs kyi sa gzhi rab tu bsregs par brgya 'am/ yang na stong gcig gi steng du gcig phung por byas pa ni ji ltar skra'i rtse mo la bar skabs med pa de ltar gcig gi steng du gcig bsdus nas sreg go/ de ltar de dag gcig gi steng du bce bas gnod pa na/ ji ltar de dag gcig gi steng du gcig shin tu zags dam par bcer ba'i bar mi mngon pa de ltar bsdu bar byas nas gshin rje'i mi rnams kyis tho ba thogs te kun tu 'tshog go/ de ltar ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal mi bzad par tsha ba rtsub pa myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu mthun pa'i 'bras bus tshe rabs dgu brgyar yi dgas dang dud 'gro dag tu skye bar 'gyur/ de las thar nas gnya' shing gi bu gar rus sbal 'jug pa lta bur mi rnams dang skal ba mnyam par mi'i skyes na/ de dbul zhing nang pu can dang / 'gran zla gzhan gyis gsad par 'gyur/ yul ngan par chu 'gram gyi mi kla klor skye bar 'gyur te/ der yang thams cad kyi tha mar 'gyur zhing tshe thung bar 'gyur ba mthong ngo / / de nas gzhan yang dge slong las kyi 'bras bu rnam par smin pa shes pa des sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba shing skam bsdus pa lta bu zhes bya ba mthong ngo / / der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun tu bsten cing bsgoms te mang du byas pas 'gyur ro/ / mi 'jigs pa sbyin pa byin pa'i chung mnyes pa med par 'phrog pa ni de bsad pa'i sar khrid cing bsad du dogs pa na/ gang srog phyung ste/ mi de btang ba las des kyang drin med par byas nas de'i chung ma 'phrog par byed na/ de lus dang bral nas ngan 'gro log par ltung ba sems can dmyal ba shing skam pa bsdus pa lta bur skye bar 'gyur ro// der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni/ 'di ltar sems can dmyal ba pa de chu bo sgra chen zhes bya ba'i nang du 'jug par byed do/ / der sems can dmyal ba pa brgya stong du ma dag kyang 'jug par byed de/ sems can dmyal ba pa de dag gi nang du 'jug par byed do// de de ltar de dag gi nang du zhugs shing shugs drag pos bdas pa rnams kyis 'og tu bcug nas/ de ji ltar skra'i rtse mo tsam yang mi mngon pa de ltar de dag gi steng nas steng du 'dug nas gnod par byed de/ de'i steng na sems can dmyal ba pa rnams 'khod do/ / 'og tu ni zha nye rab tu bskol bas 'tshed cing sreg la gsod do// cho nges 'debs shing rtag tu sdug bsngal bas nyam thag ste/ de sdug bsngal bas nyam thag pa phyir zhing las kyis byas pa'i chu srin dag nye bar 'ong ste/ gang dag gis sems can dmyal ba pa de yan lag dang nying lag thams cad za zhing 'byung ngo // de shing skam ltar bsdus pas sdug bsngal myong ba na/ ji srid du de'i sdig pa'i las bcom zhing spangs la zad par ma byas pa de srid du yun ring por las kyis byas pa'i tshor ba shin tu mi bzad pa'i sdug bsngal myong bar 'gyur ro/ / de phyis sems can dmyal ba de las thar bar 'gyur ro// thar nas kyang las de dang rgyu mthun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro// de de las thar nas kyang gal te mi rnams dang skal ba mnyam par mir skyes na/ de bud med kun gyi yid chags par mi 'gyur te/ de ltar bu'i ngo bo dang / pha'i ngo bo dang / ming po'i ngo bo lta bu dang tshe rabs lnga brgyar po mtshan dang bral bar 'gyur bar mthong ngo / / de nas yang dge slong las kyi 'bras bu rnam par smin pa shes pa des/ sems can dmyal ba chen po rab tu tsha ba'i 'khor la brtags nas/ der 'khor bcu drug pa la sa bcu bdun pa ma mthong ste/ sems can dmyal ba chen po rab tu tsha ba ni 'khor bcu drug dag gis yongs su bskor to// sems can dmyal ba chen po rab tu tsha ba mi bzad pa chen po ni de dag yin/ mjug ni de dag yin/ mtha' ni de dag yin te/ de rang gis byas pa'i las kyi 'bras bu'i sa la spyod pa'i mi dag 'tshed cing sreg ste/ 'di ltar gzhan gyis byas pa 'thob pa ma yin pa las de dang mthun par gnod pa myong ngo // rang gis byas pa chud za bar mi 'gyur la/ gzhan gyis byas pa dang phrad pa med de/ byas pa chud za bar mi 'gyur zhing / rang gis byas pa dang mthun par 'bras bu dag 'byung bar 'gyur ro// rang gis byas pa'i skye gnas las skyes pa'i sems can dag ni rang gi las la spyod pa yin te/ 'di ltar dge ba'am/ sdig pa'i las su 'gyur ba de'i las kyi bgo skal la spyod pa yin no// de ltar dge slong de sems can dmyal bar gtogs pa'i las rjes su sems pa na/ sred pa mngon par sgrub pa la cung zad kyang bde ba med de/ rtag pa med la ther zug pa med cing bdag dang bcas pa ma yin par mthong ste/ 'khor ba thams cad mi rtag pa dang / sdug pa skul ba dang / sgo/ pa dang / bdag med par mthong ngo // de de ltar mthong ba na/ 'dod pa thams cad dang / 'dod pa kun tu sbyor ba dang / 'dod pa so sor 'brang ba dang / 'dod pa la rnam par rtog pa dang / 'dod// pa'i gzhi dag la rab tu 'dod chags dang bral bar 'gyur ro// de phyis zhing yang 'dod pa'i nyes dmigs dag la ches shin tu 'jigs par yang 'gyur te/ de ltar lus dang / ngag dang / yid g.yo pa shin tu bsdams pa de la bdud dang bdud kyi 'khor gyis rab tu mi tshugs so/ / de ltar goms par byed pa de 'khor ba'i tshe rabs mang po'i rgyud zhigs par 'gyur/ srabs par 'gyur/ spangs par 'gyur/ lhod lhod por 'gyur ro// de nas yang rnal 'byor spyod pa nang gi chos la chos kyi rjes su lta zhing gnas pa'i dge slong 'di ni/ kye ma spro ba ma bri ba yin sa gzhan bcu gcig pa la zhugs pa yin no snyam mo/ / de ltar spro ba ma bri bde la sa bla'i gnod sbyin dga' nas/ bar snang la spyod pa'i gnod sbyin dag la mngon par brgya do/ / de dag gis kyang rgyal chen bzhi pa dag la mngon par bsnyad pa nas/ snga ma bzhin du sbyar te/ tshangs pa'i lha'i bar dag la 'di ltar 'dzam bu gling du/ rigs che ge mo zhig las rigs kyi bu zhig grong che ge mo zhig dag dang / grong rdal mang che ge mo zhig dang / ming ga ge mo zhig ces bya ba spa dang kha spu bregs nas/ gos ngur smrig bgos te/ dad pas khyim nas khyim med par rab tu byung ba de bdud kyi yul gyi dngos po mi 'dod cing / 'dod chags kyi dga' ba'i mod las skyes pa'i srid pa'i dngos po dang lhan cig gnas par mi 'dod/ nyon mongs pa sbrul lta bu dang lhan cig dga' bar mi byed la/ gzhan gyi nyon mongs pa dag mthong nas 'khor ba thams cad las yid byung ngo zhes mngon par bsnyad do// de thos nas tshangs chen gyi ris kyi lha rnams bdud kyi phyogs ni dma' bar gyur to/ / dam pa'i chos kyi phyogs ni mngon par mtho'o zhes dga' ba skyes so// de ltar sa gzhan bcu gcig pa la zhugs pa/ rnal 'byor spyod pa lha'i mthong ba dang / yang dag pa'i lam mthong ba/ las kyi chos kyi rnam par smin pa shes pa lus kyi chad pa dang / ngag gi chad pa dang / yid kyi chad pa'i de kho na nyid mthong ba de 'di snyam du sems te/ 'di ltar / lus kyi chad pa dang / ngag gi chad pa dang / yid kyi chad pa shin tu zhib mor rab tu rnam par 'byed pa na/ dge slong dag lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang / bram ze dang / skye dgur bcas pa dang / lha dang mir bcas pa dag gis de ltar rab tu rnam par 'byed pa mi shes na/ gzhan mu stegs can kun tu rgyu ba pa dag gis shes pa lta smos kyang ci dgos te/ gnas med cing skabs med la/ nga'i slob ma dang / gang nga las thos pa ni ma gtogs so snyam mo// de ltar chad pa gsum shin// tu phra rab tu rnam par 'byed pa de ni/ de ltar shin tu phra ba yin no// dge slong dag gzhan mu stegs can kun tu rgyu ba pa dag gis dris na/ lan de ltar gdab par bya'o// gzhan mu stegs// can kun tu rgyu ba pa dag ni dris pa'i lan la shin tu rmongs par 'gyur ro// de ci'i phyir zhe na/ dge slong dag 'di ltar 'khor bar gtogs pa'i sems can thams cad kyi yul ma yin pa'i phyir ro/ / de dag gi lus kyi chad pa dang / ngag gi chad pa dang / yid kyi chad pa rnam pa gsum po de ni rigs pa ma yin te/ nyes pa dang bcas pa/ dri ma dang bcas pa/ khyad du gsod pa dang bcas pa la sems pa yin/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnam par gcod pa ma yin/ 'phags pa rnams kyi chos mngon sum du byed pa yang ma yin/ mya ngan las 'das pa'i mthar thug pa ma yin// gtan zad par byed pa ma yin zhi ba ma yin/ bde ba ma yin/ lha'i 'jig rten du skye bar byed pa yang ma yin te/ de dag lus kyi chad pa dang / ngag gi chad pa dang / yid kyi chad pa rnam pa gsum po la sems par byed do// dge slong dag gzhan mu stegs can kun tu rgyu ba pa dag ni rang gi lus kyis mgu nas/ nga rgyal 'ba' zhig byed par zad de/ skyon dang yon tan dang dpyod par mi byed do// de ltar lus kyi chad pa dang ngag gi chad pa dang / yid kyi chad pa rnam pa gsum po de dag ni mi bzad pa chen po yin te/ de dag dang / nga'i dang / cung zad kyang 'dra ba med pa ni/ dper na mya ngan las 'das pa dang 'khor ba gnyis cung zad kyang mi 'dra ba bzhin te/ de ltar de dag gi chad pa rnam pa gsum dang / nga'i dang 'dra ba med do// dge slong dag de de ltar lan gdab par bya ste/ phas kyis rgol ba dag gi ni stong pa yin la/ nga'i lam ni bde ba yin no// mya ngan las 'das pa ni ni nga'o// 'dus byas thams cad ni g.yo ba'o// 'khor ba thams cad la ni bde ba med de/ gang rtag pa dang / brtan pa dang / ther zug dang / mi 'gyur ba'i chos can dag la de ltar bsam par bya'o// dge slong dag de ltar lus kyi chad pa dang / ngag gi chad pa dang / yid kyi chad pa rnam pa gsum gyi de kho na nyid mthong ba'i dge slong de ni che ba yin no/ / rnal 'byor spyod pa'i dge slong thar pa'i grong khyer gyi de kho na nyid mthong ba de yang rtogs par byed de/ dge slong de ji ltar nas gzhan bcu gnyis pa la zhugs shig gu snyam nas/ rnal 'byor spyod pa des brtags na/ dge slong 'di ni brtson pa ma bri ba yin la/ da dung du las ngan pa byas pa rnams kyi rgyu dang 'bras bu'i de kho na nyid la rtag par byed de/ sems can dmyal ba chen po bdun gyi 'khor dmyal ba mnar med pa zhes bya bar stong 'gyur du 'byung ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis bsams bzhin du ma bsad pa dang / pha bsad pa dang / bskal pa'i lhag mar gnas par 'gyur ba ni/ gang bskal pa'i tha mar nyes par byas ba'i las byas pa mnar med par 'grub par 'gyur ba de bskal pa'i lhag ma der smin to/ / gnod pa gang 'gags pa'i dus ni yang 'byung bar 'gyur ba med de/ de lta bas nas/ byas pas bskal pa'i lhag mar smin te/ las khyad par can byas pas gnod pa drag pa rtsub pa tsha ba khyad par can 'byung bar 'gyur ro// gang mnar med pa'i las gcig byas pas ni/ sems la gnod par mi 'gyur te/ 'jam zhing bsam pa 'jam par 'gyur la/ 'di ltar mnar med pa 'di'i las gcig cig byas na/ gal te yang sems rtsub cing / sems kyi bsam pa rtsub pa ra/ de'i sdug brgyal drag pa dang rtsub par 'gyur te/ de'i gnod pa rnam pa de lta bur ni mi 'gyur ro// las kyi 'bras bu rnam par smin pa thams cad ni sems la rag las te/ sems kyi dbang du song zhing sems kyi kun tu sbyor ba yin no/ / sems kyi kun tu sbyor bas 'ching ba'i sems can dag ni bcings pa yin la// sems rnam par byang bas ni grol bar 'gyur ro// rim pa ji lta ba bzhin du mnar med pa rnams kyi gnod pa'i rim pa yang de ltar 'byung ste/ de'i sdug bsngal ba yang lus sbom zhing gzhon sha can du 'byung ngo // de la mtshams med pa lnga'i las kyis ni lus dpag tshad lngar 'grub bo/ / las bzhis ni bzhi'o// las gsum gyis ni gsum mo// las gnyis kyis ni gnyis so// las gcig gis ni lus dpag tshad gcig 'grub par 'gyur ro// de nas yang dge srong des sems can dmyal ba chen po mnar med pa'i 'khor la brtags te/ sems can dmyal ba chen po'i 'khor 'di ni spu zing zhes byed pa yin no// des thos pa las byung ba'i shes pas sems can dmyal ba'i 'khor bcu drug pa ji ltar 'dug pa bzhin mthong ste/ gang dag gis sems can dmyal ba chen po de yongs su bskor ba ni 'di lta ste/ bya rog kha zhes bya ba dang / sa kun gyi 'og dang / tshor ba mtha' med ring dang / wa ltar sba 'byin dang / lcags dang ce spyang za dang / bya rog lto dang / lus zhu dang / sgra 'jigs ston dang / me tog kham bye ba lta du dang / ri brtsegs 'bab dang / chu sgra dang / 'gram dang ra dang / sdug bsngal kun dkris dang / dri 'dod dang / lcags bsnam dang / 'gro ba mes 'jig ste/ 'di dag ni sems can dmyal ba chen po mnar med pa'i 'khor bcu drug yin no/ / de nas yang dge slong des 'chi ba'i dus la sogs pa nas/ srid pa bar mar skye ba'i bar la rtog ste/ ji ltar na sems can dmyal pa pa mnar med par 'gro ba'i sdug bsngal las sdug bsngal nyid du 'byung bar 'gyur snyam nas/ des brtags na/ 'dod chags dang // zhe sdang dang / gti mug gis zal gyis non pa'i srog chags ngan pa byed pa byas pa dag ni mnar med par 'gro'o snyam mo/ / de la mnar med pa ni kha cig 'di ltar de lha'i 'jig rten 'dod pa'i phyir mer 'jug par byed/ gang dag ri ngos g.yang sa las 'dor bar byed/ gang dag chur 'jug par byed/ gang dag zas mi sbyin pas gsod par byed de/ lam ngan pas rnam par rmongs pa/ thos pa ngan pas rnam par bslus shing / gti mug pa dag ma gsod par byed do/ / kha cig mtho ris 'dod pas 'di ltar zas mi sbyin pas sam/ ri la ga yang du gtong bas sam/ mer 'jug pas sam/ chur 'jug pas ma bsad na mtho ris 'thob bo snyam nas/ de mtho ris la sred pas srog dang bral bar byed do// kha cig ni zhe sdang ba sems mi brtan pa'i ngo bo nyid kyi rkyen gyis te/ de ltar nyes pa gsum gyis zil gyis non pa'i srog chags dag gi srog gcod par byed pa ni mnar med par 'gro'o/ / de la mnar med pa ni kha cig zhing chen por gyur pa de ma shes nas/ khrag 'byin par byed pa dang / de bzhin du dge 'dun gyi dbyen byed pa dang / dgra bcom pa yang srog dang bral bar byed pa ni/ phyir zhing zhe sdang gis zil gyis non pa yin te/ de ltar don thams cad med cing bar du gcod par byed pa de dag ni sems can dmyal ba chen po mnar med par skye bar 'gyur/ de dag 'chi ba'i dus kyi tshe kha cig rang gi lus nyid la mnar med pa'i me gnas shing 'byung bar 'gyur/ kha cig 'chi ba'i dus byas ma thag tu srid pa bar mar 'byung bar 'gyur la/ de'i 'og tu mnar med par skye bar 'gyur la/ gang gi tshe mnar med pa'i las byas pa de'i tshe/ de phan chad rab tu 'byung ba myong bar 'gyur ba thar pa'i las kyi skal ba nges par sreg par 'gyur/ de'i sdom pa so sor skye bar mi 'gyur/ dge ba'i las kyi mtha' spyad pa bsregs pa myong bar 'gyur bar ma nges pa dang / lan grangs gzhan la myong bar 'gyur ba dang / skyes nas myong bar 'gyur ba de nges par sems can dmyal bar 'byung bar 'gyur/ de tshe thung bar yang 'gyur/ gang gis lo brgya thub par 'gyur ba de lo nyi shu zhig thub par 'gyur/ gang yid kyis rtog cing sems par byed pa de dag thams cad kyang / ji ltar tsha sgo la sa bon btab pa bzhin 'bras bu med par 'gyur/ de phan chad lha gang phyi bzhin du 'brang ba des/ de yongs su spong bar byed// de'i las kyi mtha' 'bras bu med par 'gyur/ de'i dbang po yul rnams la zhen par 'gyur/ rtag tu rmi lam ngan pa dag kyang mthong bar 'gyur/ don med pa kun la yang sbyor bar 'gyur/ gal te de'i bu dang / chung ma dang / bran dang / bran mo dag yod na/ de thams cad kyis yongs su spong bar 'gyur/ rtag tu bkres pa dang skom pas 'phongs par 'gyur/ gal te zas zhim po zhig sbyar na// de yang ji lta ba bzhin du mi 'gyur/ skad kyang 'gag 'gag por 'gyur/ rtag tu bzhin gyi mdog ngan cing rtsub pa dang / rtag tu sems 'khrul ba dang / rang gi nye du dang / gnyen 'dab kyi tshogs thams cad kyis kyang yongs su brnyas pa dang / de'i sems la glo bur du skrag pa 'byung bar 'gyur/ 'jig rten 'di dag thams cad dud pas 'khrigs par mthong bar 'gyur/ de'i khams sngon ltar nams kyang nyams par mi 'gyur/ rgyang ring po na gzugs mi sdug pa med bzhin du mthong bar 'gyur/ rlung chung dus ded par 'gyur/ rtag tu bdag nyid tsha bas gdungs par 'gyur// rtag tu mkhris pa'i nad kyis nyam thag par 'gyur/ de'i kha rtag tu kha ba dang lan tshwa bro bar 'gyur/ mal gyi gzhi thams cad 'jam pa yin yang rtsub par 'gyur/ gling bu dang / 'khar rnga dang / rdza rnga dang / pi wang gi sgra dag kyang 'jigs shing bag tsha bar thos par 'gyur na/ sgra gzhan dag lta smos kyang ci dgos/ de'i sna yang rtag tu nyams par 'gyur te/ de rdzas dri zhim po dag kyang tshor ro/ / de'i lus thams cad las kyang dring ba 'byung bar 'gyur/ de'i sgra dang sputhams cad 'byi zhing / de'i so dag mdog ngan par 'gyur/ rkang pa dang lag pa rab tu rdol bar 'gyur/ bde ba thams cad las yongs su nyams par 'gyur/ rmi lam na lha dag gis rtag tu gtse bar 'gyur/ de rtag tu snying nad kyis 'debs par 'gyur/ de'i snying gas par 'gyur/ lus nams kyang sdug par mi 'gyur/ gal te brgya la me tog dag btags na de dag myur du rnyis par 'gyur/ de'i gos dag kyang myur du zad par 'gyur te/ lus dang gos dag bkrus kyang dri ma can du 'gyur/ glo bur du lam gol bar 'gro na 'gyel bar 'gyur te/ de'i lus 'gyel bas nyams shing / de'i lus la rma mang po 'byung bar 'gyur la/ yun ring pos 'tsho bar 'gyur/ gnyid log na mgul bskams shing / de sad nas kyang chu 'thung ba nyid du 'gyur/ sbyin byed ma'i bus gnod par gyur pa na/ grong dang grong khyer dag stong pa nyid du mthong bar 'gyur/ gza' dang / skar ma dang / rgyu skar dag gi gzugs log par mthong bar 'gyur/ rlung chung ngu langs pa kun dang phrad na yang mtshon gyis btab pa lta bur drag par 'gyur/ me chung ngu dag gis reg na yang sreg par 'gyur/ nyi ma yang nyis 'gyur gyis tsha bar 'gyur/ zla ba yang dro bar 'gyur te/ zla ba shin tu dro bar myong bar 'gyur/ chu bsil ba thams cad kyang dro bar 'gyur/ / tshal dang nags tshal bde ba dag la 'jigs 'jigs ltar 'dug par mthong bar 'gyur/ bya'i skad snyan pa dag tha skad 'jigs pa lta bur thos par 'gyur/ 'jig rten thams cad dur khrod lta bur rig cing rtag tu dga' ba med par 'gyur/ de chang gis mchog tu dga' ba skye bar mi 'gyur/ ngo tsha med cing tshul med par 'gyur te/ srang dang bzhi mdo dag tu skye bos mngon sum du bshang gci byed par 'gyur/ / // dam pa'i chos dran pa nye bar gzhag pa bam po bco lnga pa// lha thams cad kyis kyang yongs su spangs par 'gyur/ don thams cad med pa'i skal ba can du 'gyur/ mdog tshal shing bsregs pa lta bur 'gyur/ skye bo dang yul gyi mi kun dang zhe 'gras par yang 'gyur te/ de dag ni mnar med pa de'i mtshan ma tshe 'di la sngar 'byung ba yin no/ / de'i 'og tu de'i 'chi ba'i mtshan ma 'byung ba ni nyin par zla ba mthong zhing / mtshan mo nyi ma mthong bar 'gyur/ rang gi grib ma mi mthong bar 'gyur/ rmo bur du sgra mi snyan pa thos par 'gyur/ de'i sna yon por 'gyur/ de'i skra dang kha spu 'dzings par 'gyur/ thog mar rims kyis 'debs shing 'chi ba'i bar du nad kyis 'debs te/ de kun nas me ma dag rab tu 'bar ba lta bu'i rims kyis shin tu gdungs shing nad bzhi brgya rtsa bzhi lta bu ma yin pa dag gis nyam thag pa kun nas me mdag gi rlung dag tu 'tshed pa na/ srin bu'i rigs brgyad cu dag la rlung brgyad cu dag/ lus dang / rtsa dang / rgyus pa dang / pags pa dang / rus pa dang / sha dang / tshil dag tu zhugs nas gnod par byed do// 'di lta ste/ srin bu'i rigs brgyad du dag la/ rlung brgyad cu dag gis gnod par byed de/ srin bu spu can la/ rlung spu sun 'byin gyis gnod par byed do// srin bu kha gnag la/ rlung rlung dag gis rjes su mthun pas gnod par byed do/ / srin bu spro med la/ rlung rmi lam 'khrul ston gyis gnod par byed do// srin bu rab che byed la/ rlung bzod med kyis gnod par byed do// srin bu rnam par rmongs byed la// rlung lces brjod par mi bzad kyis gnod par byed do// srin bu me mdog byed la/ rlung ro bro khrid byed kyis gnod par byed do// srin bu 'gred byed la/ rlung mchin pa 'jig byed kyis gi nod par byed do/ / srin bu 'og 'gro la/ rlung bshang bsteng 'gros gnod par byed do// srin du ud ting ga la/ rlung gnang rgyas gnod par byed do// srin bu kun rtog mthong / la/ rlung dran pa nyams byed kyis gnod par byed do// srin bu dri nga la/ rlung bags pa 'jigs byed kyis gnod par byed do// srin bu rus pa legs skyes la/ rlung ro bro ba 'jim byed kyis gnod par byed do/ / srin du kha dmar la/ rlung sha 'jigs byed kyis gnod par byed do// srin bu brtson bcas la/ rlung rgyags pa 'jigs byed kyis gnod par byed do// srin bu gnad rgyu za la/ rlung rus pa 'jigs byed kyis gnod par byed do// srin bu mtshon cha kha la/ rlung rus kun 'jigs byed kyis gnod par byed do// srin bu spu gri kha la/ rlung gnye mar song gis gnod par byed do/ / srin bu spu med la/ rlung mgo skya byed kyis gnod par byed do// srin bu kha ba gdong la/ rlung rdul 'jig gis gnod par byed do// srin bu s+thi sI dza la/ rlung gci ba shin tu 'jigs byed kyis gnod par byed do// srin bu rkang med la/ rlung zas ldan gyis gnod par byed do// srin bu bshang ba g.yang byed la/ rlung so 'gasra/ byed kyis gnod par byed do// srin bu gsum byed la/ rlung rtse'u chung sogs kyis gnod par byed do// srin bu rgyu ma 'jigs byed la/ rlung 'og tu 'gros gnod par byed do// srin bu dpos byed la/ rlung gyen du 'gros gnod par byed do// srin bu mdog bzang la/ rlung ngos ldang gis gnod par byed do// srin bu gnang rkang la/ rlung mid par 'gros gnod par byed do// srin bu lpags byed la/ rlung sems sun 'byin gyis gnod par byed do// srin bu tshol gnod la/ rlung 'khrug byed kyis gnod par byed do// srin bu bsags byung la/ rlung mig 'dzums 'byed kyis gnod par byed do/ / srin bu dri zhim la/ rlung phan tshun phrad pa lngas gnod par byed do// srin bu sa ha tsu ra ba la/ rlung snying po 'jigs byed kyis gnod par byed do/ / srin bu gnod byed la/ rlung snying po 'chags byed kyis gnod par byed do// srin du snying po me tog skyed la/ rlung 'ong ba dang / 'gro ba dang / gnas pa dang / rgyug par byed pas gnod par byed do// srin bu ku ta ka chen po dang / phag 'tshong dang / nag po dang / za chen po dang / srin bu rkang dro dag la/ rlung mig dang / rna ba dang / sna dang / lce 'jig gis gnod par byed do// srin bu rus pa 'jig byed la/ rlung mkhris pa 'jig byed kyis gnod par byed do// srin bu rkang gnag la/ rlung bad kan 'jig byed kyis gnod par byed do/ / srin bu tshogs gcod la/ rlung gzhungs pa 'jigs byed kyis gnod par byed do// srin bu klad par rgyu la/ rlung srin mo gnas kyis gnod par byed do// srin bu klad rgyas za la/ rlung rkang pa ngos gnas kyis gnod par byed do// srin bu thod par rgyu la/ rlung sems med byed kyis gnod par byed do// srin bu smra za la/ rlung 'byed byed kyis gnod par byed do/ / srin bu rna rgyu la/ rlung 'gro ba nyams byed kyis gnod par byed do// srin bu rnabs 'khril/ rlung long bu 'jig gis gnod par byed do// srin du tshul ngan rgyu la/ rlung byin pa 'jig byed kyis gnod par byed do/ / srin bu la chu 'debs la/ rlung tshigs byed kyis gnod par byed do// srin bu so drung zal/ rlung byin pa 'jig pa tsher med kyis gnong par byed do/ / srin bu kha chu za la/ rlung spro ba 'jigs byed kyis gnod par byed do// srin bu bad kan rlan byed la/ rlung sna 'phrul rengs byed kyis gnod par byed do// srin du rab tu skyug byed la/ rlung ro bro ba bcu khyer ba nang du rgyu zhing du sh+ya ga ta zlog byed kyis gnod par byed do// srin bu sbrang rtsi myos la/ rlung tshigs 'khrugs kyis gnod par byed do// srin bu ro drug sreg la/ rlung spu dang / sen mo dang / bshang ba 'jig byed kyis gnod par byed do// srin bu bar bu ra ba la/ rlung kha chu 'khrul byed kyis gnod par byed do// srin bu ro yid byung la/ rlung shig shig byed kyis gnod par byed do// srin bu rmi lam sred la/ rlung mdoms rengs kyis gnod par byed do// srin bu spu za la/ rlung bshang bskams byed kyis gnod par byed do/ / srin bu so su ra la/ rlung rtsib logs 'ching byed kyis gnod par byed do// srin bu skye ba'i ma la/ rlung khwa bug drug gis gnod par byed do// srin bu um par la/ rlung yin lag dang nying lag 'thung byed kyis gnod par byed do/ / srin bu rab zag la/ rlung me 'jog byed kyis gnod par byed do// srin bu spu grong la/ rlung san 'gad nying lag kun byed kyis gnod par byed do/ / srin bu spu zan la/ rlung brtan 'gems byed kyis gnod par byed do// srin bu si mi si ma la/ rlung yan lag kun khyab kyis gnod par byed do// srin bu am bu/ ka la/ rlung sreg byed kyis gnod par byed do// srin bu rmas bslang la/ rlung 'jig byed kyis gnod par byed do// srin bu tsun tsu sgra la/ rlung steng 'og gis gnod// par byed do// srin bu rgyas pa gcod la/ chung mo'i srog gang la song ba 'tsho byed kyis gnod par byed do// srin ba cu rtsod la/ rlung mig 'apyid kyis gnid par byed do// ji ltar srog nas/ thams cad 'chi ba'i dus su srin bu dag la/ rlung dag gis so sor nges par gnod pa byed pa de ltar mnar med pa'i ma yin te/ de'i las ngan pa byas pas 'og dang steng du mi mthun pa las kyis byas pa'i rlung rab tu drag pa dag so sor ldang ste/ de ltar rlung brgyad cu dag gis srin bu brgyad cu dag la gnod par byed do// rlung dag gis ji lta ji ltar srin bu dag la gnod par byed pa bzlog pa la de lta bu mi byed do/ / dang por rlung pi pa pa la ka dri mi zhim pa dag gis de'i lus thams cad ji ltar bu ram shing dbang shing gis btsir ba de ltar skams par byed de/ khrag thams cad skams par byed// gnad thams cad du gnod par byed/ rgyus pa thams cad gcod par byed/ sdug bsngal gyis rkang thams cad rab tu 'ju bar byed do// nyes par byas pa las kyi mtha' spyad pa 'chi ba'i dus kyi tshe mnar med pa de'i khar srin bu gsal bar 'byung bar 'gyur ro/ / sems can dmyal ba pa de'i khyim ni 'di lta ste/ ko ba nag pos g.yogs shing / phyogs gcig rab tu 'bar ba dang / yang ko ba nag po de'i phyogs gcig nas me 'byung ste/ khang pa'i nang thams cad rab tu 'bar ba mthong ngo // des khyim rab tu 'bar ba mthong nas/ bzhin mog mog por gyur te/ ngu zhing skad 'byin la lag pa g.yo ba par byed/ mig 'gul bar byed/ kha nas kha chu 'dzag par 'gyur ro// so dag gis so dag la 'debs par byed/ mchus mchu la reg par byed do// snang ba gnyis pa mthong ba ni/ mun pa mun nag thibs por gyur cing / ri brag chen po la so sor 'jigs pa chen po seng ge dang / stag dang / dred dang / sbrul 'jigs pas gang ba steng du 'ong ba mthong nas bshang ba 'byin to// de'i steng du ri de 'ong ba'i 'jigs pas lag pa rkyong bar byed pa dang / de nye du dag gis mthong nas nam mkha' la rig par 'dod do zhes smra'o// de'i 'og tu de bzhin du ri brag dang / nags tshal dang / ri bor dang lcug tshal mang po 'bar ba'i 'phreng ba steng du 'ong ba mthong ste/ shin tu 'khrul pa du skad 'byin cing sgra ngar ngar po 'thon la/ yang bshang ba 'byin to// mig 'gyur bar byed cing 'jigs bzhin mog mig por mchi ma 'byin par byed/ spu tsher ma ltar 'greng / de'i rlig pa yang gyen du 'greng la/ kha chu stong par byed do// de'i 'og tu yang 'byung ba chen po bzhi dag kun tu 'khrug par 'gyur te/ 'di lta ste/ sa'i khams dang / chu'i khams dang / me'i khams dang / rlung gi khams so// de la sa'i khams 'khrugs pas yan lag dang nying lag thams cad sra ba'i ngo bos gdung bar byed de/ dper na rdo gnyis dag gi dbus su dbu ba'i gong bu bzhin gnod par byed pa dang / dper na bye ma chang ba nas gtor ba bzhin lus kyi dbyibs thams cad dang / yan lag/ dang nying lag thams cad kun nas gnod par byed/ rnam par zhigs par byed/ rnam par gcod par byed de/ de'i sa'i khams 'khrugs pas de sdug bsngal shin tu tsha ba myong bar 'gyur ro// de'i 'og tu de'i las nyes par byas pas chu'i khams kyang rab tu 'khrug par 'gyur te/ de 'khrugs pas de skad du skad 'byin cing sgra ngar ngar por 'don to// de'i rgyus pa dang / shar bcas pa brlan cing lhod lhong por 'gyur te/ chu'i rgyun mang du 'byung bar 'gyur/ de'i rna ba dang mig nas kyang chu'i rgyun mang po byung bar nus par 'gyur ro// de'i 'og tu me'i khams kyang 'khrug par 'gyur te/ de me mdag gi tshogs mang po'i nang du bcug nas sreg go// de'i sdug bsngal ni yan lag dang nying lag thams cad sdug bsngal drag cing tsha la rtsub cing gdung ba skye bar 'gyur te/ 'jigs pas nyam zag pa de du skad 'byin/ 'o dod 'bod/ blo g.yas g.yon 'gyur bar byed/ lag pa g.yob par byed de/ mgo skad cig kyang 'jog mi phod do/ / de'i 'og tu rlung gi khams kyang 'khrug par 'gyur te/ de'i rlung gi khams sra ba rtsub pa mang ba yang bgrang bas yan lag dang ting lag thams cad mkhranga' ba nyid kyis rdung bar byed/ / mang ba nyid kyis sleb par byed/ yang ba nyid kyis nam mkha' la sdig pa ltar byed cing / gsang sa chen por 'dor ba ltar byed/ zang pa nyid kyis rgyus pa dag zhum par byed do// de 'chi ba'i dus/ kyi tshe sbrul rab tu gdug pa lta bur 'byung ba chen po bzhi dag rab tu 'khrugs pa'i sdug bsngal gyi rnam pa de lta bu 'byung bar 'gyur te/ kun kyang dpe bya bar yang bla ba ma yin no// de'i lus thams cad dbu ba'i gong bu bzhin du myur du 'gyes par 'gyur/ rnam par 'jig par 'gyur/ sreg par 'gyur/ 'tsheng par 'gyur te/ kun nas sdug bsngal gyi tshor ba mi bzad pas nyam thag pa mal gyi mtha' 'am/ nam mkha' la nyug ste/ de'i srid pa tha ma'i sems nye bar 'gyur ro// de ri brag che zhing mtho ba'i khar bteg bteg nas 'dor bar byed de/ bor nas de rten med pa nam mkha' la kun tu 'khyam zhing yongs su 'khyam mo/ / de nas rgya'i 'bur lta bur de'i srid pa tha ma'i sems dang ldan par 'gyur te/ des gshin rje'i mi byad bzhin dang / rkang lag mi sdug par bsgyur ba/ kha gdong glang po che dang / rta dang / bong bu dang / phag dang / gung dang / seng ge dang / stag dang / gzig dang / ne'u le dang / wa dang / skyugs pa za ba lag na mtshon cha sna tshogs thogs pa dag sems can dmyal ba ba de la bsdigs pa na/ de gcig pus mthong gi/ gzhan gang gis kyang de mi mthong ngo // de 'jigs pa mi bzad pas mig 'gyur zhing mar me snum zad nas 'chi ba bzhin du 'chi bar 'gyur te/ srid pa bar ma de'i gzugs ltar snang ba thogs pa med pa/ byis pa lo brgyad lon pa lta bur skye bar 'gyur ro// 'chi ba'i/ dus byas ma thag tu gshin rje'i mi rnams kyis 'dzin par byed de/ gzung nas kyang lcags kyi zag pa rab tu 'bar bas mgul nas 'ching zhing / lag pa gnyis ka phyin ci log tu bcings so// des phyogs dang / des phyogs mtshams dang / sa gzhi dang / nam mkha' dag rtag tu 'bar/ rab tu 'bar/ kun tu rab tu 'bar bar mthong ngo // me'i nang de dag na gshin rje'i mi dag byad bzhin mi sdig par bsgyur ba du ma dag kyang mthong ste/ me'i nang de dag tu 'dor bar byed do// 'dor zhing sems can dmyal ba pa de la bsdigs pa na/ lag na mtshon cha sna tshogs thogs pa de dag des mthong nas/ bag pa'i bcing bas bcings te/ kashin rje'i mi mchog tu 'jigs shing skrag par byed pa de dag gis spyo zhing / lho phyogs dag tu khrid pa na/ 'di ltar snying rje rje na yong su smre sngags 'don to/ / ded dpon mi mkhas 'khrul pa ltar// gson pa'i sa nas bdag nyams so// byad bzhin bsgyur bas yongs bskor cing // dbang med 'jigs pa dag tu khrod/ rtag tu bar snang phyogs dag dang // phyogs mtshams nyid dang sa rnams dag/ thams cad bar chad med par ni// 'bar ba'i 'phreng ba dag gis 'khrugs// sdug bsngal dbang med gang du khrid / / bdag gi gnas ni mi shes so// 'brog dgon dag tu bdas pa na// kun nas thogs ni byed pa med// sdug bsngal 'di las rnam grol bar// mgon skyabs byed pa gang yang med/ / nus pa med cing dbang med la// sdug bsngal me yis yongs gdungs so// bcing bas lag pa bcings nas su// dbang med dag ni gang du khrid// don rnams dang ni mdza' bshes dang / / bu dag dang ni chung ma la// kyi hud bdag drin chud zos te// sdug bsngal 'di las skyob mi byed// dga' ba med cing nyams gyur la// sems ni sdug bsngal dag gis nyams/ / 'chi ba'i zhags pas bzung ba yi// skyabs ni nye bar mi mngon no// bdag la khros ltar tshig smra ba// kun nas spyo ba brgyad pa byed// 'di gang yin zhig kun nas su/ / 'ching ba 'di ni gang zhig yin// bdag gis gang dang gang mthong ba// yul dang de bzhin dgon pa ste// de dang de dag kun gyi nang // thams cad me yis yongs su bskor// phyogs rnams kun na dga' med de// 'khrug pa dag gis yongs su bskor// skyabs su 'gyur ba yong med cing // bdag la kun nas grogs med do// mun gnag mi bzad nang du 'jug/ me mdag phung por bcas pas bsgribs// nam mkha' rgyu skar gza' dag dang // skar ma nyid kyang mi mthong ste// 'di dag thams cad log pa yin// mun gis yongs su bskor/ / dbang po lnga ni thams cad dag/ kun nas byin ci log tu gyur// bdag gi lus ni thams cad dag/ sog les yongs su gshog par byed// skyabs su 'gyur ba yong med de// bdag gi gnas ni gar 'gyur zhing // sdug bsngal tshogs ni 'phel 'gyur te// bdag ni kun nas yongs su bskor// lus dang sems las skyes pa yin/ / sdug bsngal yang dang yang du 'phel// sdug bsngal gyis ni non pa na// de la kun nas grogs med do// rang gi las kyi 'bras bus dkrugs// las kyis bskyed pa'i gshin rje dang / / 'khor dag shin tu 'khrugs nas su// bltas te de nas tshig smras pa// sngon chad bya ba gang byed pa// de ni phyis nas yongs su sems// gti mug gis ni yongs bslus pa/ phyi nas ci zhig yongs su gdung // gnod las 'dod pa gang che ba// sdig pa las ni sdig pa che// khyod kyis ngan byas gang byas pa// sdug bsngal las ni sdug bsngal che// bskal pa 'am bskal pa'i lhag ma ru// khyod ni me yis sreg par byed// ngan byas mang po ci byas pa// gti mug yongs su bsam par gyis// las kyi zhags pas bcings pa la// lha dang lha min dri za dang // sha za lto 'phye srin bu dag/ khyod la yongs su skyob mi byed// las kyi zhags pas gang bcing ba// mi de sems can dmyal bar bcings// rgyu dang rkyen gyis 'gro ba yi/ thams cad dbang med khrid par byed// las byas nges par 'grong ni// ma ni gsod par byed pa ste// sdig pa 'di ni shin tu sdig/ sdig las sdig pa chen po yin/ nga gis khyod ni sngon bskyed pa/ / pa yi khu chu las bskyed pa// de la khyod kyis gnod byas shing // dbang med mtshon gyis srog gcod byas// gang zhig khams gsum khyad par 'phags// nyes pa thams cad rnam spangs shing // 'ching po kun las nges grol ba// de las khyod kyis sdig pa byas// chos rnams kun gyis gter yin zhing // thar pa'i sgo ni rnam 'byed pa/ / khyod kyis dge 'dun dbyen byas sdig/ de yi 'bras bu 'dir 'ongs so// sbyor ba thams cad las 'das shing // bag la nyal ni kun spangs pa// rmongs pas dgra bcom gnod bskyed pa'i/ / de yi 'bras bu nye bar spyod// chos rnams kun la me lta bu// bden pa rin chen rnam 'jig pa// rtag tu khyod kyis brdzun smras pa'i// de yi gnod pa spyad par gyis/ / phan tshun dbyen ni bya ba'i phyir// bsams bzhin du ni yang dang yang // phra ma de ni sngon smras pa// de yi 'bras bu 'dir 'ongs so// gang gi rgyud las gdung byed mchog mtshon dang me dang dug lta bu'i/ / khyod kyis rtag tu tshig rtsub smras// de yi 'bras bu nye bar spyod// snga phyi 'brel pa med pa'i tshig/ don med rigs pa med pa dang // 'brel med mang du spras pa yi/ / de yi 'bras bu 'dir thob bo// srog ni rtag tu sbyar len pa// srog chags dbang med 'jigs byas shing // khyod kyis mang du rnam par gtses// der/ 'bras bu mang ngo lob// chags pas non pa'i yid kyis su// khyod kyis gzhan gyi nor rdzas phrogs// gang dag 'dod pa'i dbang song ba// de yi dus ni 'dir 'ongs so// rnam chog bud shing byung gyur pa/ / me ni gnyis pa 'dra ba yin// 'dod pa dag la log pas spyad// don med ci zhig yongs su gdung // gzhan gyi nor la chags sems la// rang nyid kyis ni bsam pas bsamra// de la bya bar nus pa med// de yi 'bras bu de ring spyod// gang la gnod sems mang yod pa// de yi gnod sems yongs su bsams// dmyal dang nye ste de lta bas// nged cag gis ni yongs su 'dren/ / log par ston pa mi zad des// las gnyis rnam par 'jig byed pa// khyod kyi log par lta ba la// gzhan gyi yid dag mngon par bcug/ lus dang ngag dang yid rnams kyi// sdig pa'i chos ni 'di dag ste/ gti mug rjes zhugs khyod kyis su// byas shing gzhan dag rab tu sbyar// byas pa nges par 'gro ba yi// dmyal ba drag po 'di thob ste// nged cag gis ni yongs bskor ba/ / gti mug ci zhig yongs su gdung // rgya mtsho'i khyad par gang yin pa// gang gi khyad par chu thigs tsam// gang dag mi bzad thob pa yi// sdug bsngal 'di ni cam no/ / mi nos zhig sdig byed pa// de bdag nges par 'phags mi byed// bdag gi ying la sdig pa byas// thig pas sems can dmyal bar 'tshed// sdig pa sa sdig pa'i rdzas 'gro/ / de bzhin dge bas dge bar mthong // sdig byed dge la sdang ba ni// sems can dmyal bar skye bar 'gyur// mi dge'i blo yi dge ba dag/ btang nas ci phyir sdig par 'gro// rmongs pas rin chen por nas su// ci phyir rdo yi rjes su rgyug/ sangs rgyas rin chen la sogs pa// sna tshogs chos kyi mtshungs par gang // mi yi chos ni thob pa dag/ ci phyir mang du spyad mi bya/ / sdig pa yongs su spangs pa yi// sems ni rtag tu dge ba dag/ mya ngan 'das pa lag na yod// rtog pa rnams kyis mi mthong ngo // thog ma dbus dang mthar dge ba// bde ba'i chos ni rtag tu 'byung / / thog ma dbus dang mthar mi dge/ sdig pa'i las kyi 'bras bu yin// de ltar rtag tu sdig spangs shing // rtag tu dge la dmigs par gyis// sdig pa yongs su spangs pa ni/ / rtag tu bde la gnas pa yin// 'khor ba thog ma med pa nas// yang dang yang du sdig pas gdungs// byis pa gti mug dbang song ba// ci yi phyir na skyo mi bya// sdig pa yis ni sngon bsregs shing / / phyi nas me yis sreg par byed// sdig pa'i rgyu las byung ba'i dmyal// sdig pa rnams su yongs su 'tshed// sdig pa don med smras pa ni// sems ni yang bas smra bar byed/ tsha ba gang gis yongs sreg pa// ci yi phyir na sdig par byed// khyod ni sgo dag du mar gyur// de lta bas na sdug bsngal 'gyur// de ltar de ni bsdigs pa na// gshin rje'i tshe ca du ma yis/ / las kyi zhags pa'i dbang song ba// mi bzad dmyal bar khrid par byed// de'i yan lag dang nying lag thams cad shing khong stong gi nang na ma 'bar ba lta bur bsregs shing zag nyer na/ sems can dmyal ba chen po'i sgo gang dpe bya bar yang mi nus pa mthong ngo // 'dir tshigs su bcad pa/ gru bzhi pa la sgo bzhi yod// dpag med sbrul gyis rnam par byed// sems can dmyal ba du ma dag/ dbang med der ni 'tshed par byed// de ltar de sems can dmyal ba pa rnams kyis/ sgra chen po shin tu mi bzang ba/ rtsub pa/ tsha ba/ mi snyan pa/ tha dad pa 'jigs su rung zhing gzhan dang mtshungs pa med pa/ thos na mi mthun pa dag dpag tshad nyi khri lnga stong nas de mngon par thos so// thos nas gang sems can dmyal ba gzhan du skyes pa'i sems can de dag kyang sems can dmyal ba'i sdug bsngal de dag thams cad brjed nas/ sems 'khrugs par gyur cing / de las gzhan pa sems can dmyal ba pa thams cad kyang byas pa'i sdug bsngal brjed nas/ 'chi ba'i dus byed na/ gang gis sngon gyi sgra de dag nams kyang ma thos pa lta smos kyang ci dgos/ sems can dmyal ba pa'i snang ba byas pas srid pa bar ma la sdug bsngal sna tshogs kyis nyen pa de'i sems rnam par rmongs te/ yang phyir sgra des bcu 'gyur du rnam par rmongs so// de'i sdug bsngal gyis rnam pa mtha' dang mu med pa/ lus dang yid la sdug bsngal gyis nyam/ thag pa'i sems de'i phyir zhing rmi lam gyi gzugs brnyan lta bur rnam par 'khrug par 'gyur ro// de mnar med pa dang nye bar gnas pa de'i tshe/ las kyis bskyed pa/ las kyis byas pa'i rlung grang ba ldang ste/ khyad par gang sa'i 'og na chu yod cing / sa'i 'og gi bar na chu gnas pa/ bar gyi bskal pa'i nyi ma thams cad kyis kyang sngon ma reg pa de lta bu bas kyang de grang ste/ gang mi'i chab ro ma shin tu grang ba dang 'dra'o/ / chu de dag pas kyang shin tu grang ba las kyis byas pa'i spu gri lta bu'i rlung de ri dpag tshad bcu pa yang bsgyel nus pa ldang ste/ phal cher rlung de'i nang du bcug nas srid pa bar ma pa'i grang ba rnam pa de lta bu'i gzugs la sogs pa'i phung po bdas so/ / 'di ltar de dang 'thun pa nyi ma bdun shar ba'i tsha ba stong pas lhag par tsha ba'i me mngon par 'bar ro/ / srid pa'i yan lag ni 'di yin te/ 'di lta ste/ nye bar len pa'i rkyen gyis srid pa 'byung ngo // de 'dod pa bskyed ma thag nyid du srid pa bar ma'i phung po 'gag par 'gyur la/ srid pa gzhan du skye ba'i tshor ba'i phung po dag 'byung bar 'gyur te/ dper na sum cu rtsa gsum pa'i lha rnams kyi mig lnga dang / bzhi dang / gsum 'byung ba de bzhin du/ las kyi dbang gis mi 'dra lus dpag tshad gcig pa mngon par 'grub par 'gyur ro/ / de mgo thur du bstan cing / rkang pa gyen du bsgreng ste lhung ba na mnar med pa'i ma lce rab tu 'bar ba'i shugs kyis brdabs shing rab tu nyams pa/ lo nyis stong du 'gro'o// de ltar spyi'u tshugs su de mnar med pa'i sar song ste/ de'i 'og tu de las gzhan pa 'di lta ste/ mnar med pa med do// 'dod pa'i khams 'di'i mtha' ni mnar med pa yin la/ gzugs kyi khams kyi mtha' ni gyen du grangs te/ 'og min gyi lha'i bar yin te/ khams gnyis so// de ltar de lhung ba na skye ba'i srid pa thob nas de ma thag pa'i rkyen gyis rtag tu gnod cing sdug bsngal gyi shugs rab tu 'byung ste/ de'i drung na rab tu tsha bar skyes pa'i sems can dmyal ba pa dag gzhan 'phrul dbang byed kyi lha dang 'dra bar mngon no/ / de 'bar ba 'khrugs shing mi bzad pa'i sems can dmyal ba'i nang du skyes so// skyes ma thag tu sems can dmyal ba pa'i mes yud tsam zhig gdungs te/ de'i tshe lus yongs su bsregs shing tsha bar 'gyur ro/ / de'i gnas de yongs su tshol bar byed de/ gal te ri'i rgyal po ri rib la 'khyud cing / de ltar de stong phrag drug cur yongs su bskor la/ de chu bo dang shing ljon pa dang / lteng ka dang / nags tshal du bcas pa bskor ba tsam gyis/ sems can dmyal ba pa'i me du mas sreg par byed de/ de sems can dmyal ba pa gzhan yun ring du skyes pa ni ma gtogs so/ / de ltar sreg pa 'di cung zad 'dra ba bstan pa ni/ 'di ltar me shin tu tsha bas dog le yongs su bsregs pa'i nang du snum gyi thigs pa gcig bsregs pa bzhin du/ las kyi rgyu gcig gis mnar med par skyes pa'i lus las 'byung po'i tshogs gnas dang bcas pa dang / ri dang / lha dang / lha ma yin dang / ri chen po dang / sman ljongs dang / gling dang / tshal du bcas shing / rgya mtsho dang bcas pa sreg go/ gang gi sa las gnyis byas na des rgya mtsho gnyis snga ma bzhin sreg go/ gang gis gsum byas na rgya mtsho gsum sreg go// de ltar bzhis rgya mtsho bzhi ste/ lus la dog le bsregs pa bzhin lhung ma thag tu sreg go// ri khor yug dang / khor yug chen po dang / rgya mtshor gtogs pa dag ni klu dang / lha ma yin dang dud 'gror skyes pa'i tshogs dang bcas pa dang / mi'i gnas bzhi dang / 'dod pa na spyod pa'i lha drug dag gi skyabs yin no// de ci'i phyir zhe na/ mnar med pa'i sems can dmyal ba pa dag gis lus dri nga ba des de dag thams cad ma rung bar 'gyur te/ de ltar sems can dmyal ba pa dag gi dri nga ba'i lus la dri 'byung ngo // ri mthon po de dag gi dri de yong mi tshor te/ sems can dmyal ba pa'i las byas shing bskyed pa dang / ma skyed pa dang / rnam par phye ba'i dri de dri gzhan gyis dpe bya bar mi nus so// de'i tshe sems can dmyal ba pa rnams kyi bya'i rigs dag 'byung bar 'gyur te/ mchu rab tu 'bar ba mkhrang zhing rno ba la shugs ser ba myur du 'bab pa lta bu'i shugs kyis sems can dmyal ba pa de dag thams cad/ kyi lus dang / pags pa dang / sha dang / tshil dang / rus pa dang / rkang rnams rab tu 'dren te/ 'di lta ste/ me las me 'byung ba de bzhin du 'byung zhing / der gnas/ der 'gro/ de la za'o// sems can dmyal ba pa rnams kyi sha zo// rus pa phug/ sha drangs nas khrag la 'thung ngo // de dag kyang zos nas rkang dag la za'o// de nas ngu zhing cho nges 'debs la/ yongs su smre sngags 'don cing rmongs pa na/ bya'i rigs gzhan dga' byung bar 'gyur te/ 'di lta ste/ bya me lce spyod pa zhes bya bas gang me lce'i nang du zhugs nas sreg ste/ mthong ma thag/ tu sems can dmyal ba pa rnams kyi klad pa phug nas khrag 'thung ngo // bya klad pa'i bar na rgyu zhes bya ba klad pa phug nas mchu rab tu 'bar bas klad rgyas 'thung ngo // bya zas su lce za zhes bya bas lce kha gnyis su drangs nas rab tu za bar byed do/ / de yang zos shing yang pad+ma'i 'dab ma ltar shin tu 'jam pa skye'o// bya so 'byin ces bya bas mchu gnyis ka pra skam ltar 'dzin cing rab tu 'bar bas so thams cad 'byin par byed do/ / bya ming pa la sogs pa 'dren pa zhes bya bas gang med pa'i sha dag zhib mor 'thub cing za bar bya'o// bya klo ba za zhes bya bas gang glo ba dag za bar byed do/ / bya snying za ba zhes bya bas gang snying dag gshags nas za bar byed do// bya pho ba za ba zhes bya bas pho ba gshags nas der zhugs te/ ro bro ba za bar byed do// bya mchin pa 'jig byed ces bya bas gang mchin pa dag za bar byed do/ / bya bu ga za ba zhes bya bas gang sems can dag gi bu ga za bar byed do// bya sgal tshigs za zhes bya bas gang skal tshigs dag phug nas/ gzhung pa dag zos te phyir 'byung ngo / / bya gnad gsang zhes bya ba sa gang gnad kyi bar thams cad phug cing ga nad dag phye ste/ bar du zhugs nas du bzhin du rkang gi bcud 'thung ngo // bya khab ltar 'bigs zhes bya bas gang mchu khab lta bus khrag 'thung ngo / / de bzhin du bya 'gram rus kyi bar du zhugs shing rus pa gzhan dag phug nas/ rus pa'i bar na gnas zhes bya bas phyi rol yang za bar byed do// bya bags pa rnam drug za zhes bya bas gang pags pa rnam drug za bar byed do// bya se na mo 'byin ces bya bas gang sen mo thams cad 'byin to// bya tshil za zhes bya bas gang pags pa dag phug nas tshil za bar byed do/ / bya rgyus pa 'byin ces bya bas gang rgyus pa de thams cad phyung nas za ba'o// bya sla shad 'dzings zhes bya bas skra drung nas 'byin par byed de/ de ltar de mnar med pa'i phyogs dpag tshad sum stong na/ bya 'jigs 'jigs ltar 'dug pa zhes bya ba des der sems can dmyal ba de las gzhan pa rnams kyis de ma thag tu lo 'bum phrag du mar za bar byed cing / yang slar 'byung bar byed do// de gal te yang mnar med pa na/ byA 'jigs 'jigs ltar 'dug pa'i phyogs de dag las thar na/ sdug bsngal gyi dra ba thams cad yongs su dkris pa/ ngam grog dang g.yang sa zhes bya ba'i phyogs gnyis pa yod do// der mgon 'dod pa/ skyabs 'dod pa/ skyob par 'dod pa 'gro ba na/ kun nus me lce'i phung po bcu gcig gis khebs shing / grogs med la las kyi zhags pa'i bcing bas bcings nas phyi nang nang du dgras gang ba'i dgon par zhugs so// sems can dmyal ba'i tshogs thams cad pabapas ches shin tu nyon mongs par zhugs la/ ngam grog dang g.yang sa zhes bya ba'i phyogs su rgyug ste/ der lhung nas rkang pa rab tu sreg go// bteg pa dang yang shin tu 'jam zhing gzhon sha can du 'gyur te/ sdug bsngal tsha zhing mi bzad pa'i sdug bsngal gyis mngon par gdungs so// de ltar de 'jigs shing bzhin mog mog por gyur pa'i rkang lag dang / yan lag thams cad rab tu zhu ba na/ ngam grog dang g.yang sa zhes bya ba'i yul de 'byung bar 'gyur te/ ngam grog dang g.yang sa dpag tshad sum stong yod pa'i yul der de lhung bar 'gyur ro// yang las kyis byas pa'i rlung gis 'deg cing de 'dor ba na/ bya kang ka dang / khA dang / bya rgod dang / 'ug pa rnams kyis za bar byed do// de nas yang rlung spu gri dang me lta bus gyen du 'deg cing 'dor ba nas/ / de dag nyid kyis za bar byed de/ de ltar de 'deg cing 'dor ba lo 'bum phrag du mar byed do// de gal te yang de las thar nas/ 'khor lo ltar yongs su bskor ba mtshan ma'i bar zhes bya ba'i phyogs su rgyug go/ / phyogs der yang 'khor lo rtsibs stong yod la/ lte ba rdo rje las byas pa shin tu 'bar zhing myur bar 'khor ba 'byung ba ste/ de dang lhan cig 'gro ba nyid kyis 'khor le do lus la bab nas 'khor ro/ / mgo'i 'khor lo gcig gis klad pa 'thag par byed de/ de nas klad rgyas rab tu 'bar ba dag 'byung ba nas/ mig gi bar du 'byung bar byed do// phrag pa gnyis ka la 'khor lo gnyis 'khor te/ de rus pa dang rkang dag phye mar rlog go// lag pa gnyis la yang 'byung ste/ des gtsub shing bzhin du lag pa gnyis ka la me 'byung la/ de me nyis 'gyur gyis sreg go/ de bzhin du de'i brang la 'khor lo rab tu 'ab ra ba yongs su 'khor te/ des de'i rus pa thams cad bcom nas 'thag ste/ bye ma'i phye ma bzhin du byed do// de'i rgya ba la yang lcags kyi me mdag gis reg cing / 'khor lo rtsibs stong pa 'khor te/ des brang gi phyogs dang / rgyab kyi rus par gtogs pa la sogs pa thams cad 'joms so// de nas de'i mdoms su lcags kyi mtshon brang ko la la ki 'byung ste/ des mdoms thams cad gtsub shing bzhin du btsugs nas 'dren par byed cing / de'i long ka thams cad 'bigs par byed do/ / dug nas kyang rgyu ma dag la yang 'jigs par byed do// pus mo'i lha nga la yang 'khor lo 'byung ste/ des pus mo'i lha nga de 'bigs par byed do// de bzhin dulong bu la ya 'byung ste/ des de'i rus pa dag phug nas rkang dag za bar byed do// de'i rkang mthil la yang phur bu rnams kyis 'bigs par byed de/ des kyang gdung ba cher byas shing / sbu bsngal skyed par byed do/ / de ltar las kyi mtha' nyes par byas pa spyod pa mnar med pa'i sdug bsngal rang gi las kyis byas pas/ thun mong ma yin pa// mi bzad pa/ tsha ba/ rtsub pa'i gnod pa dag lo 'bum phrag du mar 'byung bar 'gyur ro/ / de gal te yang de las thar na gnod pa myong bzhin du 'bros par byed de/ mgon 'dod pa/ skyabs 'dod pa/ dpung gnyen 'dod pa de bros pa na/ ri chen po zhig yod par mthong nas de la rgyug go// ri de yang srin bu ma ko Ta ka yan lag dang / nying lag rab tu 'bar ba rnams kyis gang la/ de ltar de srin bu ma ko Ta ka reg na rtag tu me ltar tsha ba rnams kyi nang du skye bar 'gyur te/ de rnams kyis de kun nas yongs su bskor nas rdul phran tsam du za bar byed do// cho nges 'debs pa na/ srin bu ma ko Ta ka kha'i nang du yang zhugs nas med par song ste/ pho ba dang long ka'i nang du zhugs nas za bar byed cing / de sdug bsngal mi bzad pa/ tsha ba/ rtsub pa dag myong ngo // gang sngon shin tu nyes par smad pa byas pa dang / gang mnar med pa byas pa dang / mi dge ba bcu'i las kyi lam dang ldan pa de ni rgyu de dang mthun pa'i 'bras bu nye bar spyod par 'gyur te/ de ltar srin bu ma ko Ta ka'i ri der lo 'bum phrag du mar sdug bsngal myong bar 'gyur ro/ / gal te yang de las thar na/ sha za ba seng ge dang / stag dang / dred dang / gung dang / dom gyis gang ba'i tshal du brgyugs pa dang / de rnams kyis de gzung ngo // bzung nas kyang yan lag rab tu za bar byed de/ la la ni klad pa brtol nas klad rgyas za bar byed/ la la ni brla'i ngos la/ la la ni rgyu ma la/ la la ni gnye ma la/ la la ni long ka la/ la la ni pho ba la/ la la ni byin pa'i spu s+phu la/ la la ni pu sa mo la/ la la ni rkang pa la/ la la ni rkang mthil la za ste/ de ltar de bza' bza' nas/ yang shin tu gzhon sha can du 'byung bar 'gyur ro// shin tu gzhon sha can de la yang dang yang du lhag par sdug bsngal myong bar 'gyur la/ yang zos na yang de'i sha rdzogs par skye bar gyur te/ des srog gcod pa byas shing bsags pa'i 'bras bu ni de yin no// de ltar de rang gis byas pa gzhan dang mi 'dra ba'i sdig pa'i las de lo 'bum phrag du mar myong bar 'gyur de nas yang dge slong de ma byin par len pa kun tu bsten cing bsgoms te mang du byas pa'i 'bras bu so sor yang dag par myong ba la rtog par byed de/ des thos pa las byung pa'i shes pas brtags na/ 'di ltar de nyes par byas pa'i las kyi mtha' la spyod pa/ mgal me'i 'khor lo dang / dri za'i grong khyer dang / ri dgas skom pa lta bu dag la don gyi rnam pa chen po dbyig dang / nor bu dang / gos dang / nor dang / 'bru'i tshogs su lta'o// de ltar de chags pas zil gyis non la/ las kyis rmongs pa dag 'di snyam du sems te/ 'di dag ni bdag gi yin no snyam mo// de ltar rmongs pa sdig pa byed pa de me mdag rab tu 'bar ba'i chu bo dag las brgal nas rdzas kyi rnam pa de dag gi drung du rgyug pa dang / las kyis byas pa'i gshin rje'i mi rnams kyis bzung ste/ de mtshon cha'i dra ba'i nang du bcug nas yan lag dang nying lag thams cad gsheg cing gcod la sreg ste/ rus pa'i lhag ma ma lus par byed kyang / de thog ma med pa'i dus nas zhugs pa de gnas skabs de dag tu yang 'dod pa de spong bar mi byed do// 'dir tshigs su bcad pa/ bud shing lta bu'i rtog byung bas/ / nga rgyal phrag dog me ltar 'bar// shing gi mes ni mi sreg gi/ 'jig rten 'dod pa'i mes sreg go// 'dod pa'i dug gis zin pa gang // de dag la ni bde ba med// 'dod pa bsten cing bsten byas na// phyir yang de bzhin rab tu 'phel// ji lta ji ltar 'dod gyur na// 'dod pa du ma 'phel bar 'gyur// me las 'bros par nus srid kyi// 'dod pa'i me las mi nus so/ / 'dod pas yongs su bslus pa yi// 'jig rten 'khor lo bzhin du 'khyam// thog ma med pa'i 'jig rten la// 'dod pa lta bu'i dgra med do// 'dod pas yongs su bslus pa dag/ rgya mtsho'i chu nang 'jug par byed// mtshon cha thibs po 'bab pa yi// g.yul du yang dag rab tu 'jug/ 'dod pa'i rgyu yis sa bdag rnams// phan tshun dag tu 'jig par byed/ / nor la sred pas ma bu yang // 'thab mo'i g.yul ni 'gyed par byed// sred pa'i dug las rnam grol ba// 'dod pa'i me medag rnam par spangs// bong ba gser ltar mnyam pa de/ mya ngan 'das pa'i mthar 'gro'o// nor gyi nang na tshul khrims mchog/ nyi ma 'od dang ldan pa bzhin// nor dang bral nas 'gro 'gyur gyi// tshul khrims 'di ni mdun na gnas// tshul khrims kyis ni sum cu gsum// de bzhin bsam gtan spyod yul 'gro// 'jig rten 'di dang pha rol tu// tshul khrims gzi dang mtshungs pa med// mnar med par ni skyes pa dag nor la 'dod pas bsregs pa yin/ / 'dod pa'i me ni gar 'byung ba// yul der me ni 'byung mi 'gyur// mkhas pa'i ye shes chu yis su// bsgrims te 'dod pa'i me dag sod// 'dod pa med par ma byas na/ / mya ngan 'das pa thag ring ngo // de ltar sems can dmyal ba pa de 'dod pa'i ma des bsreg pa na/ yang mnar med pa'i me gnyis pa mtshon 'bab pa dang bcas pas sum 'gyur du sreg go/ der yang mgal me bskor ba dang / dri za'i grong khyer dang / ri dgas skom pa lta bu'i nor dag la 'phrog par byed pa dang / log par bsgyur ba rmi lam gyi mi lta bu/ sems can dmyal ba pa'i gshin rje'i mi de dag gis der ma byin par blangs pa'i sems can dmyal ba pa de lo 'bum phrag du mar sdug bsngal myong bar byed do// de nas dge slong de 'dod pas log par g.yem pa mnar med pa de'i 'bras bu la rtog par byed de/ des brtags na/ 'di ltar sdig pa byed pa mtshon cha nyam nga ba de las thar na/ ji ltar yang las kyi 'khrul pa me mdag gi chu bo las brgal nas/ log par rnam par lta ba zhes bya ba'i phyogs gzhan du zhugs so// de las byas pa'i bud med dag gang sngon gyi dran pa nyams pa des mthong ngo // de dag mthong nas de thog ma med pa'i dus nas goms pa'i 'dod chags kyi me 'byung ste/ de der rgyug par byed do// gang na bud med 'khod pa de dag las kyis byas pa/ lcags kyi bud med dag yin te/ de dag gis de gzung ngo // gzung nas lce la sogs pa la za ste/ ji ltar de'i lus de la yungs 'bru tsam gyi lhag ma yang ma lus par de ltar za'o// de nas yang 'byung bar 'gyur te/ yang za'o// de sdug bsngal tshab rtsub pa myong bzhin du 'dod chags kyi me de dag las ldog par mi byed kyi/ gang na bud med de dag gnas pa der yang dang yang shin tu rgyug par byed de/ de ji ltar 'dod chags kyi mes gnod pa de ltar sdug bsngal gnod par mi rtsi'o// de nas bud med de dag yang lus rdo rje dang / lcags rab tu 'bar ba'i lus kyis mi bzung nas/ 'bar ba'i 'phreng / pa 'khrugs pa'i lus kun gyis sems can dmyal pa de bye ma chang pa nas gtor ba bzhin du gtor to// lus thams cad phye mar byas pa de slar yang 'byung bar 'gyur te/ de nas shin tu rgyug kyang de'i 'dod chags zhi bar mi 'gyur ro/ / de'i gnas de lta bu mthong nas/ dge slong des bsams te/ thos pa las byung ba'i shes pas 'di ltar tshigs su bcad de smras pa/ bud med ngan song gzhi yin zhing / / kun nas nor ni zad par byed// mi gang bud med tshig nyan pa// de la bde ba ga la yod// don med chos la dga' ba ni// bud med g.yo dang phrag dog mang // 'jig rten gnyis ni rnam 'jig pa/ / skyes pa rnams kyi mdun na gnas// de'i tshig shin tu mi brtan te// rtag tu 'dod chags skyed la mkhas// de yi snying ni gzhan sems la// gzhan gyi tshul gyis smra pabar byed/ / dang por mnyen zhing srun byed la// phyi nas sems ni rdo rje 'dra// sems ni yang la phan pa med// bkur sti dag ni dran mi byed// legs pa brgya ni chud gzon la// ma leg gcig pu dran par byed/ / sdig pa'i sa gzhi bud med yin// snying ni glog gi ngo bo bzhin// skyes pa chags pa'i sems yod pa// 'jig pa'i rgyu ni bud med byed// 'jig rten 'di dang pha rol tu/ / 'jig byed nang na bud med 'jig/ gal te bde ba'i mchog 'dod na// de ltar bud med rnam par spongs// bud med rtag tu spangs pa ni// 'jig rten 'di dang pha rol bde/ / gang zhig dbul ba spong 'dod cing // gang zhig bdag ni 'byor 'dod dang // gang zhig mya ngan 'das 'gro 'dod// mi des bud med spang bar byos// de ltar phyin ci log tu mthong ba snying rnam par rmongs pa de lo 'bum phrag du mar sreg go/ / gshog go// gsod do// de nas yang slar 'byung bar 'gyur te/ de gal te de las thar na/ de nas yang me mdag gi chu bo'i nang du bying zhing 'tshed pa na/ bkres pa dang skom pas gdungs te/ gar bab bab tu 'bros so// de nas dge slong de mnar med pa'i mi mi dge ba byed pas gang brdzun du smra ba de kun tu bstan cing bsgoms te mang du byas pa'i 'bras bu la gartags na/ des thos pa las byung ba'i shes pas mthong ste/ 'di ltar sems can dmyal ba lus bkres pa dang skom pas 'khrugs shing gdungs pa de/ gshin rje'i mi stobs po che rnams kyis gzung ngo // bzung nas kyang kye grogs po dag khyed la ci gnod ces 'dri'o// las kyi dbang gis bskul ba de dag bdag cag bkres so zhes smra'o/ / de nas de dag gshin rje'i mi rnams kyis gzung ngo // bzung nas kyang de'i kha gshog par byed de/ de'i lce 'byin par byed do// lce de yang las kyi dbang gis dpag tshad lnga brgya tsam du 'gyur ro/ / brdzun du smra ba de'i 'bras bus de byung ma thag tu/ de gshin rje'i mi rnams kyis bzung nas/ lcags kyi sa gzhi rab tu 'phar ba la ba ldag tu 'jug cing / las kyis byas pa'i thong gshol rtse mo rab tu 'bar ba dang / rmod glang stobs dang ldan pa stong byung ste/ lce de'i steng du song nas rmod par byed do// de las rnag dang / khrag dang / srin bu 'dzag pa chu bo ltar 'bab bo/ rnag dang srin bur 'dres pa'i lce de yang ji ltar lha rnams kyi mig bzhin du gzhon sha can du 'gyur te/ de'i lce'i phyogs la rmod pa de dag slar yang tha mal par 'gyur ro// de nas yang lo 'bum phrag du ma 'am/ lo bye bar rmod de/ lce de la sdug bsngal mi bzad pa 'byung ngo // tsha zhing rtsu ba la rab tu rtsub pa drag pa pas kyang shin tu drag pa sdug bsngal mi bzad pab dag gis nyam thag pa de ku co 'don/ cho nges 'debs/ du skad 'byin kyang / de'i sdug bsngal de sus kyang sel bar mi byed do// gang bdag gis byas pa de dag ni pha mas ma byas/ lhas ma byas/ mi gzhan gyis ma byas/ 'dod rgyal las ma byung / gzhan nas ma 'ongs/ byas pa chung mi za ste/ rang gis byas pa'i las kyi 'bras bu yod do// de nas de dag du skad 'byin bzhin du/ 'di ltar gshin rje'i mi rnams kyis rjes su bstan pa tshigs su bcad de smras pa/ rtsub cing drag la bde med pa// brdzun du smra ba rnam par spong // brdzun du smra ba'i mi rnams ni// sems dag yang la rnam par 'jig/ de ni yid ches gnas ma yin// mkhas pa kun gyis rnam par spangs// bdag nyid la ni bslus byas nas// pha rol la ni brdzun sprug/ skyes bu dpa' sems can dag gis// dgra bzhin du ni rnam par smad// gang tshe bdag dang gzhan 'jig pa// dang por mi mthun kha nas smra// mi yis rnam par ma spangs na// lha rnams kyis kyang gtong bar byed/ / yid la brdzun gyi tshig sems na// dma' zhing 'og mar 'gro bar 'gyur// mi gang log pas mngon nyams pa// de dag bde ba'i gnas med do// 'jig rten 'jig rten 'das lam la/ / brdzun du smra ba rnam par smad// 'byed pas 'byed pa'i rnam smin te// brdzun du smra ba rnam par spongs// de ltar de la gnas pa'i mi// dmyal ba yin par nye bar brtag/ mi mchog bden pa smra ba ni// 'jig rten kun gyis mchod par 'gyur// brdzun du smra ba rnam par spongs// 'on tang bden pa'i mchog tu 'gyur// 'tshe med bden tshig smra ba ni// 'byung po kun la brtse zhing mnyen/ / bden pa mtho ris skas yin ning // chos rnams 'byung khrung chen po yin// mi gang gshin rje'i 'jig rten dang // de bzhin dmyal bar 'gro ba yi// de'i rgyu brdzun du smra ba ste/ / mi mkhas pa dag smra bar byed// dug dang zhags pa gdos 'dra zhing // de ni mtshon dug me dang 'dra// brdzun du smra bar mi bya ste// de yi 'bras bu sdug bsngal yang // de ltar las 'bras zhe 'gras pa// de ni rnam ston 'chi bar byed// zhi ba'i tshig ni smra bar gyis// smad par bya ba rnam par spongs// de ltar sems can dmyal ba de sdug bsngal mi bzad pa myong ba na/ de lo 'bum phrag du mar de'i lce 'byin par byed do// de gal te yang sems can dmyal ba pa de'i kha'i nang du sdud par byed de/ 'jigs shing skrag la byad bzhin mog mog po de ma mdag gi chu bo'i nang du sreg bzhin du kar bab bab tu 'bros so/ / de ltar sdug bsngal gyis nyen cing mgon med/ skyabs med/ dpung gnyen med pa de la yang gshin rje'i mi rnams 'byung ba 'gyur te/ gshin rje'i mi lag na tho ba dang ral gri thogs pa de rnams kyis/ mi de ngu skad 'don cing / yang dang yang du mnar med pa'i mes sreg pa na/ klad pa la sogs pa nas/ rkang pa'i bar du phye mar byed do// de nas yang dge slong de phra ma kun tu bsten cing bsgoms te mang du byas pa'i rnam par smin pa la rtog par byed de/ des thos pa las byung ba'i shes pas brtags na/ 'di ltar phra ma'i las kyi 'bras bus bskul ba'i sems can dmyal ba der shin tu mi bzad pa'i sa gzhan la 'jug par byed de/ de gshin rje'i mi drag shul chen po ston pa gzhan rnams kyis gzung ngo / / bzung nas sems can dmyal ba pa de la/ gshin rje'i mi rnams kyis smras pa/ grogs po dag khyed la ci gnod// de dag gis smras pa/ bdag cag la bkres pas gnod do/ / de nas gshin rje'i mi rnams kyis de'i kha de brgyangs nas lag pas lce 'byin par byed do// de yang dpag tshad sum brgyar gyur te/ de ltar phyir zhing rgya che bar 'gyur ro/ / gshin rje'i mi rnams ral gri so rab tu 'bar ba dag blangs te/ lce de la gcod par byed do// khyi dang wa rnams kyis kyang phyogs gzhan dag la za bar byed de/ de ltar sdug bsngal mchog tu tsha ba myong ba dag so sor myong ngo // de lce de dang bral ba'i tshig mi gsal bas du skad 'byin cing cho nges 'debs te/ de ltar de ngu skad 'byin pa na/ 'di ltar gshin rje'i mi rnams kyis rjes su bstan pa tshigs su bcad de smras pa/ 'dus pa'i go rims bstan pa// // dam pa'i chos dran pa nye bar gzhag pa dam po bcu drug ba/ / dbyen gyi bsam pa mang po yis// khyod kyis mang du gang smras pa// chos rnams kyi ni sdig par gyur// de yi 'bras bu 'dir 'ongs so// mi mthun pa la gang dga' ba/ / de ni rtag tu mdza' bshes dang // gnyen 'dab rtsa lag 'byed pa yin// dam pas phra ma rnam par smad// srid pa nyam ngar gar skyes pa// rtag tu dman par skye bar 'gyur// phra ma la ni gang sbyor ba// phyir zhing gti mug dbang du 'gro// phra ma la ni gang 'jug pa// sdig pa sten par byed pa ste// sdig pa'i las kyis dmyal ba ru// yang dang yang du 'tshed par byed/ / phra ma'i kha ni gnyis su mthong // phyi ma'i shal shin tu za// yid gcugs dam pa med par byed// gsang ba'i tshig ni sun 'byin to// gang dag phra ma spangs pa ni// de la rtag tu grub pa gnas/ / mdza' bshes gnyen 'dab rtsa lag dang // de ni nams kyang 'bral mi 'gyur// phra ma spangs pa zhi ba ni// legs shing sdig dang bral ba yin// de ni rtag tu sa bdag gi/ gsang ba 'dzin par byed pa yin// chos ni ma spyad gang yang med// phra ma dag kyang ma spangs pa// phra ma'i 'bras bu myong bar gyis// de ring ci zhig yongs su smra// de ltar rjes su bstan cing lce'i sdug bsngal myong ba na/ de lo 'bum phrag du mar sdug bsngal gyi nang du song ste bying ngo // de sdug bsngal tsha ba rtsub pa myong ba na/ gal te yang de'i lce 'jam por 'gyur te/ gshin rje'i mi de dag kyang mi snang bar 'gyur ro// de dag de las thar na/ sems can dmyal ba pa shin tu mi bzad cing drag pa las kyi shing gi mthu dang / rnam par smin pa'i rlung mar langs par mes sreg pa na/ gar bab bab tu 'bros so// de nas gshin rje'i mi gzhan dag gis sems can dmyal ba de gzung ngo // bzung nas kyang smras pa/ grogs po dag khyed la ci gnod/ las kyi 'bras bus bskul ba de dag gis smras pa/ lce'i sdug bsngal gnod do// de nas lce de brgyangs nas gzung ngo // gzung nas mtshon so brdar ba rnams kyis gtub gtub nas yang de nyid zar gzhug pa'i phyir kha'i nang du 'jug ste/ bkres pa dang skom pas gdungs shing kha gdong nyams pa de rang gi khrag dang / kha chu 'dzag pa dang / rang gi lce de nyid la za'o// lce gtu ba gtub pa de las kyi dbang gis yang skye bar 'gyur te/ de nas yang sdug basbrul gyis nyam thag pa dag sa la 'phye zhing 'gre ldog la yongs su ngu skad 'byin to/ / de sdug bsngal gyis nyam thag pa de'i mig gi 'bras bu ni gyur/ sdug bsngal gyis nyam thag cing dman la grogs med pa gcig pu rang gis byas pa la nye bar spyod do/ / 'di ltar gshin rje'i mi rnams kyis rjes su bstan pa tshigs su bcad de smras pa/ tshig rtsub ces bya gang mthong ba// mda' ltar rno ba khyod kyi tshig/ gzhu lta bu yi lce las 'phadra// de yi 'bras bu 'dir 'ongs so// gang la tshig rtsub 'byung ba ni// dug lta bu yi lce las byung // 'jig rten la ni sha za 'dra// de dag yongs su spang bar gyis// ji ltar yid 'byung 'gyur ba ni/ / nyam ngar tshig rtsub smra ba ste// me mtshon dug ni byung ba la// mi dag de ltar yid mi 'byung // gtsu pa shing lta bu'i lce las byung // shing lta bu yi snying gis spel// 'jig rten tshig rtsub me ltar 'bar// shing skam lta bur sreg par byed// gang dag snyan par smra la dga'// 'jig rten kun gyis phyag byed do// 'jig rten kun la ma dang 'dra// de ni phra dang 'dra bar dga'/ / dang por snyan par smra ba dge/ bde 'jam bde ba 'byung ba yin// sdig pa mi bzad sel ba dang // mi sdugs kun skyong ba yin// tshig snyan mtho ris skas yin te/ tshig snyan dge ba'i gter yin no// tshig snyan 'jig rten gnyen yin te// tshig snyan legs pa mngon par grub// khyod kyis tshig rtsub de smras pas// sems can dmyal ba drag por 'ongs// lce de dag la'ang gnod par byed// de ring ci zhig yongs su smra// de ltar rjes su bstan pa na brdzun du smras pa de kun tu bsten cing bsgoms te mang du byas la rjes su yi rang zhing ma bshags pa dang / lo 'bum phrag du mar lhan cig gnas so// de gal te yang de las thar na/ gar bab bab tu 'bros pa dang / de nas mdun nas gshin rje'i mi rnams kyis bzung ste/ de sdug bsngal mi bzad la drag pas yongs su gdungs shing tshor bar byed pa mthong ngo / / de nas yang dge slong de tshig bkral pa kun tu bstan cing bsgoms te mang du byas pa'i sdig pa mi dge ba'i las kyi 'bras bu'i rnam par smin pa la rtog par byed de/ des thos pa las byung ba'i shes pas brtags na/ sems can dmyal bab 'di dag rang gi las kyi 'bras bu la spyod pa/ sdug bsngal gyis nyam thag cing shin tu mi bde ba de dag gshin rje'i mi rnams las thar nas kyang / gar bab bab tu 'bros so// de nas gshin rje'i mi gzhan dag gis bzung nas sbas pa/ kye tshogs po dag khyed la ci gnod/ de dag gis smras pa/ bdag cag la bkres pa dang spros pa gnod do zhes smras nas tshigs su bcad de smras pa/ mar gyur pa stong phrag dag/ rang gi lus las gtsub shing byung // bkres dang skom las byung ba'i mes// bdag la mi bzad sreg par byed// kha ba me ltar khyad par che// de ni ri rab yungs 'bru bzhin/ / sems can dmyal bar sreg pa ni// bsreg pa'i khyad par de 'dra'o// sems can dmyal ba'i me byung bas// de ni gzhan du gnod par byed// bkres dang skom las byung ba'i me/ / lha dag la yang yod ma yin// gnod pa mi bzad gang yin pa// de dag dmyal bar bdag la byung // bkres pa'i me yis gnod pa ltar// de dag de ltar mi gnod do// / de'i tshig de thos nas gshin rje'i pho nya dag phra skam rab tu 'bar ba blangs nas kha gdangs pa'i nang du snod rab tu 'bar bar zangs shin tu bzhus pa khyer nas blugs te/ tshig bkyal pa smras pa'i 'bras bu des ji ltar kha ba chal chol me'i nang du 'ju ba ltar de'i lce yang de ltar sreg go/ / de sreg pa mi 'dra ba gnyis kyis sreg pa na ngu skad 'byin/ cho nges 'debs/ ku co 'don cing mig shin tu 'gyur bar byed de/ zangs dmar po rab tu 'bar ba des de'i lce sreg par byed do// lce ba sregs nas med pa sreg go// mid pa bsregs nas snying sreg go// snying bsregs nas rgyu ma sreg go// de dag kyang bsregs nas long ka sreg go// long ka yang bsregs nas 'thur du byung ngo // de ltar de sreg pa na/ 'di ltar gshin rje'i mi rnams kyis rjes su bstan pa tshigs su bcad de smras pa// phyi'i brel pa med pa'i tshig/ don med thog tu mi phebs te// 'brel med khyod kyis gang smras pa// de yi 'bras bu 'di 'dra'o// gang dag rtag tu bden mi smra// tshig don bzang po ma yin zhing // lce de mkhas pas mi mthong ste// sha yi gong bu tsam du zad// gang dag rtag nga bden smras pa// yon tan brtan zhing rtag tu legs// de ni mtho ris skas yin te// de la lce zhes mi brjod do// denas gshin rje'i mi de dag gis sems can dmyal ba pa de la rjes su bstan nas/ zangs dmar po rab tu bskol ba de dag sems can dmyal ba pa de'i khar ldugs te/ lo 'bum phrag du mar 'brel/ ba med par smra ba de'i rnam par smin pa snying rje rje ltar myong ngo // de nas gal te sems can dmyal ba pa de gshin rje'i mi de dag gis btang nas gar bab bab tu 'bros so// me mdag gi chu bo'i ning dag tu bying ste/ rab tu 'ju ba na/ rkang pa dang / byin pa dang / rked pa dag me mdag gi chu bo de dag gi nang du mar gsar gyi gong bu lta bur rab tu 'ju bar byed do// de nas yang 'byung bar 'gyur te/ de ltar mgon 'dod pa/ skyabs 'dod pa/ dpung gnyen 'dod pa de gar bab bab tu 'bros so// de nas las kyis byas pa'i nor rdzas mang po gsob gsog snying po med pa gzhan gyis yongs su bzung ba dag la/ las kyis bskul ba rmongs pa de/ 'di ni bdag gi yin no snyam mo// de nas sems can dmyal ba pa de nor rdzas ga la yod pa de nyid du rgyug go/ / de brnab sems mi dge ba kun tu bsten cing bsgoms te mang du byas pa'i 'bras bu 'di ni gang sems can dmyal ba pa des de ltar log par mthong ba yin no// de ltar brnab sems mang por mthong ba de'i lag tu mtshon cha 'byung bar 'gyur te/ des brgyugs pa dang / sems can dmyal ba pa gzhan dag gi lag tu yang mtshon cha 'byung bar 'gyur te/ de dang de dag lhan cig mtshon gyis 'gyur do// sems can dmyal ba pa de dang de dag mtshon rnon po rnams kyis 'jog par byed do// 'jog pa de dag kyang rus gong gi lhag ma de tsam zhig lus par byed do/ / de nas yang slar skye bar 'gyur te/ yang de bzhin 'jog par byed cing de dag yang skye bar 'gyur ro// de nas lo 'bum phrag du ma 'das pa dang / las kyis byas pa'i gshin rje'i mi rnams 'ongs nas de dag gis mtshon cha rnon po blangs te/ sems can dmyal ba ba de rnams dang / sems can dmyal ba pa gzhan de rnams la ji ltar yungs 'bru bas kyang phra ba de ltar lus kyi shal 'jog ste/ de ltar rus gong gi lhag ma tsam zhig lus par byed do// de du skad 'byin/ cho nges 'debs/ dra zhing smre sngags 'don pa bzhig bzhog nas yang skye bar 'gyur te/ ji ltar chu srin byis pa gsod bzhog bzhog nas chu'i nang du bcug pa dang / de nas yang slar skye bar 'gyur ba de bzhin du/ sems can dmyal ba pa de dag yang slar skye bar 'gyur ro/ / de ltar sdug bsngal gyis nyam zag cing ngu skad 'byin pa de dag la/ 'di ltar gshin rje'i mi rnams kyis rjes su bstan pa tshigs su bcad de smras pa/ brnab sems kyis ni nyams pa'i mi/ / brnab sems kyis ni yongs su bslus// gzhan nor bdag gir bya snyam pa// de ltar de ni bslus pa yin// brnab sems sdig pa yid byed pa/ / mdzangs pa rnams kyis ma bstan to// mar me 'bar ba'i me bzhin du// bdag gis byas pas sreg par byed// brnab sems sdig pa yid byed pa// gnod pa dag ni nye bar byed/ / tsha bar smin cing dug byung ba// gang yin de ni rtag tu spongs// gzhan gyi phun sum tshogs mthong nas// bdag gir bya snyam bsams pa ni// brnab sems de yis bslangs pa yi/ / dug gi 'bras bu 'dir 'ongs so// de ltar de gshin rje'i mi de rnams kyis spyo skyo brgyad brgyad nas/ lo 'bum phrag mang por gnod pa nyid kyis gnod par byed de/ de sdig pa'i las kyis 'byang bar mi 'gyur ro/ / de nas yun ring mo zhig 'das nas sems can dmyal ba de me mdag gi chu bo'i nang du bying zhing bros pa na/ gar bab bab tu bros pa dang / lcags kyi sa gzhi rab tu 'bar ba'i steng du bab nas/ de yang dang yang du 'gre ldog ste/ langs nas kun tu rgyug pa na/ gcig pu gnyis su med cing grogs med pa las kyi dbang gis gyur pa'i sems can dmyal ba pa las kyi dgra'i nang du song ngo / / gal te yang gshin rje'i mi de dag las thar nas/ gar bab bab tu 'bros so// de nas gnod sems kun tu bsten cing bsgoms te mang du byas pa de'i 'bras bu nye bar gnas pa ni mgon 'dod pa/ / skyabs 'dod pa/ dpung gnyen 'dod pa de/ skyabs dang dpung gnyen 'dod cing / las kyis byas pa'i seng ge dang / stag dang / sbrul shin tu khros pa dag mdun du 'dug pa dang / de de dag la 'jigs nas gar bab bab tu 'bros kyang de mi dge ba'i las kyis 'bros par ga la nus te/ de de dag gis gzung ngo // bzung nas kyang shin tu 'khrugs pa rnams kyis dang por re zhig klad pa la za'o// de'i klad pa la za ba na du skad 'byin cing / smre sngags 'don la 'gre ldog par byed do/ / de'i rtsib logs la yang mche ba dug ltar rno ba kun gyis brad brang nas za zhing stag dag gis kyang rgyab tu zos rkang pa ni mes bsregs shing gshin rje'i mi rnams kyis kyang rgyang ring po la sogs par 'phangs so/ / de ltar snying rje chen po'i shugs thob pa de la 'di ltar gshin rje'i mi rnams kyis rjes su bstan pa tshigs su bcad de smras pa/ mi yi skyes bu tha ma la/ / gnod sems me 'dra yod pa ni// sreg pa dag las sreg pa thob// don med ci zhig yongs su smra// sems can dmyal bar skye ba yi// rgyu ni mi bzad gnod sems yin// thag pa gang gis bcings pa yi// mi ni yongs su khrid par byed// gnod sems dag gis rmongs pa'i mi// rtag tu de la yid 'jug pa// zhi bar shin tu mi 'gyur te// bu ga'i nang na sbrul gdug bzhin/ / mi gang gnod sems mi bzad cing // shin tu drag pa'i ngo bo ni// nyi ma la ni mun pa bzhin// de dag la ni bde ba med// gnod sems snying la yod pa ni// kun gyis bsrung bar mi nus te// bshes grogs gnyen gyi mis ma yin// chos dang don gyi tshogs kyis min// gnod sems de ni mun pa yi// tshogs dang 'dra zhes brjod pa yin// gnod sems skyed par byed pa ni// gnod sems zhes ni yongs su sgrogs// gnod sems med pa ji ltar 'gyur// gnod sems med pa mchog tu dge/ gnod sems yod pa pha rol tu/ / mi bzad 'chi bar de dag 'gro// gnod sems kyis ni drangs pa dag/ sems can dmyal ba drag por 'ongs// las zad nas ni thar 'gyur zhing // dmyal bar 'gro ldog mi byed do/ / de ltar de bstan cing rjes su bstan nas/ gshin rje'i mi rnams dang / seng ge dang / stag gnod sems mang du yod pa rnams kyis mthun par rdeg cing za bar byed de sa bon las 'bras bu 'byung ba bzhin du de'i gnod sems dang mthun par las kyi rnam par smin pa 'byung ste/ de ltar sems can dmyal ba pa de las de'i 'bras bus 'tshed cing za'o/ / de gal te de yang de las thar nas/ mgon 'dod pa/ skyabs 'dod pa/ dpung gdod pa de gar bab bab tu 'bros so// sdig pa chen pos bskul ba log par lta ba mtshams med pa lnga'i lam ni 'di yin te/ mnar med par skyes nas/ de nas nges par myong bar 'gyur ba'i mtshams med pa gzhan dag yod pa der skye la/ skyes ma thag tu las so sor myong bar 'gyur ro/ / sems can dmyal ba pa de mu stegs kun tu rgyu dang / rdzogs byed dang / lhas byin dang / ko ka li ka gang du 'tshed pa'i gnas der sems can dmyal ba pa chen po 'di yang 'gro bar 'gyur te/ gang na sdug bsngal nges par myong bar 'gyur ba mi bzad pa/ tsha ba drag pa bas kyang shin tu drag pa de dag rjes su myong ngo // de'i sdug bsngal sems can thams cad kyis dpe bya bar bla ba ma yin te/ mnar med pa'i sdug bsngal de myong bar 'gyur ro// sdig pa byed pa de mun pa'i tshogs su gyur pa dang / sems can thams cad spu zing zhes byed pa mnar med pa chen po ga la bder 'tshed do/ / sreg go// gshog go/ mtshon char ltar 'bab pas 'jog go// de nas yang 'byung bar 'gyur te/ yang 'jog go// gshog go// sreg go// mda' bo che dang rdo rje dang / ser ba dang / rdo char ltar 'bab pas gsod do// de ltar mtshams med pa lnga byed pa de dag sreg pa na/ me'i phung po chen po bcu gcig byung ste/ de dag shin tu sdug bsngal bar byed do/ / der phyogs bcu'i me 'bar ba bcu dang / me'i phung po bcu gcig 'byung ste/ bkres pa dang skom pa byas nas khar byung ngo // de'i lus kyi steng 'og dang / rtsib logs su 'bar ba'i 'phreng ba mched nas ji ltar de'i lus kyi gse ba phra mo yang mi mngon pa de ltar sreg go/ me de yang ji ltar skra de dag gi rtse mo'i bar yang mi mngon pa de ltar phan tshun shin tu nyon mongs par 'tshed pas mnar med do/ / bde ba'i bar skabs kyi dus cung zad kyang med pas mnar med do// dbang po thams cad yul kun la 'tshed cing yid dang 'gal bas mnar med de/ 'jig rten de nas shi nas sems can dmyal ba chen po mnar med pa ma gtogs par de las gzhan du mi skye ste/ mnar ba'i gzhi med cing gnod pa'i grangs kyi bar med pa'i phyir mnar med do// 'dod pa'i khams su gtogs pa'i sems can thams cad kyi 'og tu gyur pa ni mnar med pa de dag yin ste/ gzhan dag mnar med pa yin pas mnar med do// sems can dmyal ba chen po de'i mgo la ji ltar steng nas gnod pas kun nas nyon mongs pa ltar de'i mgo la yang de'i bar skabs kyi gzhi med pas mnar med do/ / sa gzhi zangs dmar po rab tu bskol ba dang / khrag dang / sha dang / rus par 'dres shing 'khrugs pa dag la bar med pa de bzhin du/ mnar med pa yang pags pa dang / sha dang / tshil dang / rus pa dang / rkang du gtogs pa thams cad rab tu 'bar te/ de ltar kun nas rab tu 'bar bdag la mngon pa med cing mnar ba'i gzhi cung zad kyang med pa'i phyir mnar med do// ri las chu 'bab pa'i shugs ltar nyin gcig bzhin du gnod pa dpe med 'phel zhing 'byung ste/ de ltar gnod pa rnams mnar ba'i gzhi cung zad kyang med pas mnar med do// srid pa bar ma 'gag pa dang dus mnyam du lan grangs gzhan la myong bar 'gyur ba'i las kyis der skyes nas mnar ba'i gzhi'i bar shin tu chung ba yang med pa'i phyir mnar med do/ / de ltar gnod pa brjod par mi nus kyang cung zad cig dper bya na rgya mtsho'i thigs pa bgrang bar bla ba ma yin pa de bzhin du/ mnar med pa rnams kyi las nyes par byas pa lnga'i gnod pa bgrang ba 'am/ brjod par bya ba ma yin no// 'di lta ste/ ji ltar mnar med pa'i las lci ba'i mthus de'i tshe/ sdug bsngal gyi gnas gzhan ci yang med de/ sdug bsngal de yang de lta bu'i yin no// gang gis mnar med pa'i las gcig byas na/ de'i sdug bsngal chung bar 'gyur/ gang gos las gnyis byas na/ de'i tshad thams cad pas lus che bar 'gyur te/ sdug bsngal yang de ltar rgyu dang rgyu yis 'bras bu lci bar 'gyur ro// bde ba dang / sdug bsngal gyi rgyu ni dpe med par 'gyur te/ 'dod pa rnams kyi ni bde ba yin/ mi 'dod pa rnams kyi sdug bsngal ba yin te/ gnas 'di gnyis ni steng dang / 'og dang / mtha' dag tu dpe bya bar mi nus so// de ci'i phyir zhe na/ legs par byas pa dang / nyes par byas pa'i mtha' dag ni rgyu dang 'thun par 'bras bu 'byung ste/ sems can dmyal ba pa rnams kyang de dang 'dra bar dpe bya bar mi nus so// de ltar de bskal pa 'am/ bskal pa las lhag par bsregs nas/ las de zad na thar par 'gyur te/ rgyu rkyen zad na 'bras bu yang zad par 'gyur ro// ji ltar me shi na tsha ba med par 'gyur ba dang / sa bon zad na 'bras bu yang zad par 'gyur ba de bzhin du/ gang gi tshe mnar med pa'i mi dge ba'i las de bcom zhing spangs la zad par gyur pa de'i tshe/ sems can dmyal ba de las thar par 'gyur ro// thar nas kyang rgyu dang mthun pa'i 'bras bus ri gseb khab rtse lta bu'i nang du yi dgas rnams su skye bar 'gyur ro/ / der skyes nas bkres pa dang skom pas gdungs shing lus tshal shing bsregs pa lta bur 'gyur ro// de las thar nas kyang dud 'gro 'am/ chu srin byis pa gsod dag tu skye bar 'gyur ro/ / de bzhin du ldan ljin gyi tshogs phyi sa mi gtsang ba 'jig par byed pa'i srin bur 'gyur ro// tshe rabs nyis stong du yi dgas bkres shing skom pa dag gis gdungs par 'gyur zhing sreg par 'gyur/ tshe rabs nyis stong du dud 'gro rnams su skye ste/ yang las kyi dbang gi rgyu dang 'thun pa'i 'bras bus dud 'gro'i ris sdug bsngal rnam pa sna tshogs kun dang / za ba dang gsod pa'i bsam pa tha dad pa rnams kyi nang du skye bar 'gyur ro// de gcig la gcig za ba'i sdug bsngal de las thar nas/ gal te lan grangs gzhan la myong par 'gyur pa'i las kyis mi'i nang du skyes na/ las de dang rgyu mthun par tshe rabs lnga brgyar mngal du 'chi bar 'gyur/ tshe rabs lnga brgyar byung ma thag tu 'chi bar 'gyur/ tshe rabs lnga brgyar gog thal thul tsam na 'chi bar 'gyur ro/ / gal te yang phyis rgyu mthun pa'i 'bras bu ma lus par 'gyur te/ de lus mtha' yas pa nas zhugs pa/ las kyi dra ba dang mthun pa'i 'bras bu chung du dang / 'bring dang / chen po dmigs par 'gyur ro// 'dir dge slong gis tshigs su bcad de smras pa/ 'khor ba thog ma med pa nas// las kyi dra bas bsgribs pa'i mi// rang gi las kyi rgyu 'bras las/ / 'byung ba skye zhing 'chi ba yin// lha las dmyal bar skye 'gyur zhing // dmyal las de bzhin lha yul du// mi rnams yi dgas yul du'am// sems can dmyal bar rab tu 'gro/ / gzhan dang gzhan du 'byung zhing skye// gzhan dang gzhan du 'byung zhing bde// sred pa'i las kyi byung ba'i tshe// dbang phyug la sogs de ma byas// 'khor bar srog chags rnams kyis ni/ / rtag tu las ni grangs med byas// de bzhin gshegs pa ma gtogs par// mkhas pas nam yang mi shes so// las de'i rnam pa bdag gis shes// rgyu dang rkyen ni rtag tu rig stobs de dag dang ldan pas na/ / srog chags kun la so sor pa na// dge slong dag de ltar dge slong des mnar med pa'i sdug bsngal dag so sor mthong ba na/ 'khor ba thams cad la yid 'byung zhing // byams pa mchog gi bdag nyid dang / snying rje yongs su bsgoms pa'i sems nye bar bzhag pas sa gzhan bcu gcig pa la zhugs so// de sa gzhan de la zhugs pa dang / sa bla ba dag dga' nas/ bar snang la spyod pa'i gnod sbyin rnams la mngon par bsnyad do// de dag gis kyang rgyal po chen po bzhi la bsnyad do// de dag gis kyang rgyal chen bzhi'i lha rnams la bsnyad do// de ltar snga ma bzhin du sbyar nas/ tshangs pa chen po'i lha rnams kyi bar dag gcig la gcig sgrogs te/ 'di ltar lho 'dzam bu gling na yul che ge mo zhig na/ rigs kyi bu mang ge mo zhig skra dang kha spu bregs gos ngur smrig bgos nas/ dad pas khyim nas khyim med par rab tu byung ste/ de bdud dang lhan cig g.yul 'gyed par 'dod la/ de yul gyi dngos po la mi 'dod/ de kun nas nyon mongs pa'i shul rnams la dga' bar mi byed de/ nges gzhan bcu gcig pa la zhugs pa de thos nas/ lha tshangs pa chen po bdud kyi phyogs ni dmas so// dam pa'i chos kyi phyogs ni mthos so// dge ba'i phyogs ni 'phel lo/ / chos kyi rjes su 'jug pa ni kun nas 'byung ngo zhes yid rab tu dka' 'o// dge slong dag de nas yang rnal 'byor spyod pa nang gi chos la chos kyi rjes su lta zhing gnas pa mnar med pa ji lta ba bzhin mthong nas/ de'i 'khor ji ltar 'dug snyam nas rtog par byed/ kye ma sems can dmyal ba chen po'i 'khor ji snyed cig yod snyam du yongs su rtog par byed do/ / des thos pa las byung ba'i shes pa 'am/ lha'i mig gis 'di ltar mnar med pa dge slong gi yid 'byung ba de mthong nas de'i 'khor gzhan la rtog par byed do// de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la rtog par byed de/ kye ma sems can dmyal ba chen po'i 'khor ji snyed cig yod snyam mo/ / des thos pa las byung ba'i shes pas ji ltar sems can dmyal ba chen po gzhan dag gi 'khor bcu drug pa yod pa de bzhin du/ mnar med pa yang 'khor bcu drug gi bar du yod par mthong ste/ 'di lta ste/ bya rog kha dang / thams cad sa 'og dang / sdug bsngal mtha' yas mang ba dang / wa skad 'byin pa dang / lcags kyi lce spyang gi zas dang / lto nag dang / lus zhum dang / rmi lam 'jigs byed ston dang / lus zhum mi bzad 'phyang dang / ri brtsegs char ltar 'bab dang / bya 'dzam b+ha skad 'byin dang / skar 'phreng dang / sdug bsngal kun gyis nyen dang / gos dr-i dang / lcags glebs dang / 'gro ba mas sreg ste/ 'di dag ni sems can dmyal ba chen po'i 'khor bcu drug yin no// de la mo dge ba bcu'i las kyi lam dang / sems can dmyal ba chen por 'gro ba lnga dag gis mnar med pa 'grub pa / mthong ste/ mang du lnga dag byas pas mnar med pa der skye bar 'gyur ro// de dag mthun pa'i las chung ngu byas pas ni de'i 'khor du skye bar 'gyur te/ ji ltar las byas shing bsags pa las nyer bsdogs dang / las kyi mjug byas pa bstan cing bsgoms te mang du byas pa bzhin du sems can dmyal ba'i 'khor gzhan du skye bar 'gyur ro// de la mang du mnar med pa lnga byung ste/ 'di lta ste/ bsams bzhin du ma la ngan sems kyis khrag 'byin par byed cing / 'byin pa de la dga' bar byed/ goms par byed/ mang du byed/ pha rol dag la ston par byed/ de nyid la rab tu 'jog par byed cing / de nyid kyi las byed du 'jug na/ de lus dang bral nas ngan 'gro log par ltung ba sems can dmyal ba bya rog kha zhes bya bar skye bar 'gyur ro// der skyes nas mnar med pa ma gtogs par gang yang sos la sogs pa bdun gyi gnod pa thams cad brgya 'gyur du 'byung ngo / / khyad par du 'byung ba ni ji ltar bya rog gi kha ltar gdangs nas gshin rje'i mi nag po zhes bya bas pa tshwa'i chu bo de dag len par byed do// ba tshwa'i chu bo de dag ni shugs drag pa yin te/ ba tshwa'i chu bo de la de'i kha bzed du 'jug go/ ba tshwa'i chu bo des mchu dang / dkan dang / so dang / mid pa dang / rna ba dang / snying dang / mchin pa dang / rgyu ma dang / pho ba dang / long ka dang / glo ba dag bsregs nas 'thur du byung ngo // de ba tshwa'i chu'i nang du song ste/ khong pa'i nang du song zhing bu ga'i nang du song ba des gsog tu rgyur cing phyi rol 'ba' zhig lus te/ las kyi chad pas bzung zhing sdug bsngal tsha ba rtsub pa dag myong ba na/ dus yun ring po lo bgrang gis mi lang bar 'tshed par byed de/ de ji srid du de'i sdig pa'i las bcom zhing spangs la zad par ma gyur pa de srid du 'tshed do/ / de de las thar nas/ las de dang rgyu mthun par tshe rabs stong du yi dgas lto gug tu skye bar 'gyur/ tshe rabs stong du dud 'gro glang bo che dang / sri mar dang / d+hun d+hu dang / mar dang / sre mo dang / sbrul dang / 'ga' la dang / go Ta ka dang / sarko dang / sbrang bu dang / phye ba dang / ba lang gi rigs rnams su skye bar 'gyur ro// de gal te yang de la sa thar nas mi rnams dang skal ba mnyam par mir skyes na/ de rngon pa'i rigs su skye bar 'gyur te/ de tshe rabs nyis brgyar mngal du gnas pa nyid na 'am/ gog thag thul na 'am// kha spu skyes tsam na 'chi bar 'gyur te/ bag chags des de phyir zhing sdig pa byed pa mthong ngo // de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba thams cad sa 'og ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis bsams bzhin du dge slong ma dgra bcom pa zag pa zad pa la spyad la kun tu bsten cing bsgoms te mang du byas na/ de lus dang bral nas ngan 'gro log par ltung ba sems can dmyal ba thams cad sa 'og tu skye bar 'gyur ro// der skyes nas kyang de la gang sems can dmyal ba yang so sa la sogs pa bdun gyi gnod pa bsdus pa de dag thams cad brgya 'gyur du 'byung bar 'gyur ro/ / khyad par du 'byung ba ni 'di ltar lcags kyi sa gzhi de brkos nas/ gshin rje'i mi rnams kyis mgo/ 'thur du bstan te/ sa brkos par de'i mgo gang yin pa mthur du bstan cing / rkang lag gang yin pa de dag gyen du ston par byed do// de sdug bsngal gyis nyam thag nas ngu skad 'don mi nus// cho nges 'debs mi nus/ ku co 'byin mi nus so// de'i lus 'thur du bstan pa gang yin pa de dag thams cad gshin rje'i mi rnams kyi sa ste'u thogs te rus pa lhag ma lus pa'i bar du 'jog par byed do/ / rus pa de dag la yang ba tshwa'i chus chag chag 'debs te/ de dag la chag chag btab nas 'gre ldog go// de ba tshwa'i chag chag btab pa de dag las de phyung na srog gi lhag ma cung zad cig lus bzangs dmar po rab tu bskol ba 'khrigs pas bdas shing lcags kyi snod rab tu bsregs par 'jug par byed do/ / de der mon sran gre'u dang / rgya sran 'tshed pa ltar steng 'og tu byung ba na/ lcags kyi bum pa kun bltar mi snang bar kun nas blangs pas 'khrigs te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar rdung zhing 'tshed do/ / de phyis sems can dmyal ba de las thar nas bskal pa 'am/ bsgral pa'i lhag mar sreg pa'i gnod pa bsam/ gyis mi khyab pa cung zad cig 'byung bar 'gyur ro// de de las thar nas/ tshe rabs stong du yi dgas kha zas med pa'i nang du skye bar 'gyur te/ de'i lus bkres pa dang skom pas gdungs shing kun nas thams cad du mar me'i snying po 'bar ba ltar rab tu 'bar ro/ / de de las thar na las de dang rgyu 'thun par tshe rabs stong du dud 'gro mya ngan gyi bya bkres pa dang skom pas gdungs pa'i 'di lta ste/ bye'u mchil pa dang / tha dang / zin pa dang / 'ba' sa ka dang / sbyin gor dang / tung ka dang / yi dgas ma tri ka dang / ba ra po ta dang / khyi dang / mche ba gtsigs la sogs pa'i dud 'gro rnams su skye bar 'gyur ro/ / de las thar nas gal te mi rnams dang skal ba mnyam par mir skyes na/ de mi rta gdong can gyi yul du skye bar 'gyur// tshe rabs nyis brgyar yang mngal du 'chi bar 'gyur/ gal te de yang byung nas 'tshon de dbul zhing nad kyis nyon mongs par 'gyur/ de bzhin du tshe rabs lnga brgyar za ma dang ma ning du 'gyur ba mthong ngo // de nas yang dge slong las kyi 'bras bu rnam bar smin pa shes pa des sems can dmyal ba chen po mnar med pa'i 'khor la brtags na/ des zos pa las byung ba'i shes pas sems can dmyal ba sdug bsngal mtha' yas mang zhes bya ba ji ltar gnas pa mthong ngo / / der sems can dag las gang gis skye bar 'gyur snyam na/ thos pa las byung ba'i shes pas brtags na/ shin tu chags pa'i snying gi yul la sems 'jug pa 'am/ sdig pa'i grogs po dang phrad pas sam/ ra ro ba'i nyes pas ma la 'khrig pa byas shing / sad nas kyang shin tu chags pa'i 'dod chags dang ldan pas 'khrig pa byas la/ sdig pa'i grogs po'i tshig gis de nas yang chags pas yang de nyid la 'khrig par byed/ kun tu sten cing sgom la mang du byed/ gzhan dag kyang de nyid la rab tu 'jog par byed na/ de lus dang bral nas ngan 'gro log par ltung ba sems can dmyal ba sdug bsngal mtha' yas mang du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa de dag thams cad brgya 'gyur du 'byung ngo // khyad par du 'byung ba ni 'di ltar de'i rkub tu phur bu rab tu 'bar ba rnams dang / tsher ma gang yin pa dag 'jug par byed do// snar yang tho ba dag blangs nas phur bu rnams 'debs par byed/ rna khung du'ang thob dag gis phur bu rnams 'debs par byed/ khar yang tho ba blangs nas phur bu so rno zhing 'bar rab tu 'bar ba rnams kyis rab tu 'gengs par byed/ de'i 'og tu kha'i sdug bsngal rab tu 'bar ba dang / 'og tu gyur pa'i sdug bsngal dag gis sdug bsngal bar byed/ sreg par byed/ gshog par byed/ rdeg par byed/ rdo bar byed do// nang gi mnar med pa kun nas rnam pa thams cad du sdug bsngal gyis nyen te/ ji ltar dpe bya bar bla ba ma yin pa de ltar ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro// de phyis sems can dmyal ba bskal pa 'am bskal pa las lhag par bsreg pa de las thar na/ sdig pa'i las de dang rgyu mthun pa'i 'bras bus tshe rabs bzhi stong du yi dgas kha 'thur du bltas pa ma dag ma za ba'i nang du lus bkres pa dang skom pas gdungs pa'i lus su skye bar 'gyur ro/ / mya ngan chu dang grib ma med pa'i smyig ma'i tshal gyi dud 'gro dag tu yang skye bar 'gyur/ srog chags ri la gnas pa grib ma 'jigs byed dang / mun pa can dang / zin pa gnas pa de dag gi dud 'gro kha gdong nyams shing shi la thug pa'i rnam pa de lta bur skye bar 'gyur ro// gang 'od ma'i tshal du rlung gis drung pas me 'byung ste/ me des tshe rabs bzhi stong du sreg cing 'tshed do// de las thar nas gal te mi rnams dang skal ba mnyam par mir skyes na/ de'i chung ma srung bar mi 'gyur/ gzhan gyi chung / ma dang lhan cig 'dug par 'gyur/ de rgyal po 'am blon pas de'i rlig pa 'byin par byed/ khyim thams cad yongs su spang bar 'gyur/ lam po che'am/ bani mdo 'am/ grong khyer ram gzhan gyi sgor rag lus par 'gyur/ rtag tu skom slong zhing bkres la lus chung bar 'gyur/ de yang dang yang du nad chen po thebs par 'gyur te/ de srang ngam/ bzhi mdo 'am/ dur khrod du sdug bsngal mi bzad bas nyam thag nas 'chi bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar/ med pa'i 'khor la brtags na/ des thos pa las byung ba'i shes pas sems can dmyal ba wa skad 'byin ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang thams cad mkhyen pa'am/ rang sangs rgyas sam/ dgra bcom pa 'am/ chos dang 'dul ba la ngan du brjod cing / chos ma yin pa la chos lta bur brjod la/ gzhan dag kyang chos ma yin pa la rab tu 'jog par byed/ shin tu dga' bar byed/ rab tu dga' bar byed la/ de chos ma yin pa de nyid la yang dang / yang du chos lta bur ston par byed cing 'phags pa rnams la rtag tu mi snyan par brjod na/ de lus dang bral nas ngan 'gro log par ltung ba sems can dmyal ba wa skad 'byin par skye bar 'gyur ro/ / der skyes nas kyang sems can dmyal ba yang so sa la sogs pa bdun gyi gnod pa bsdus pa de dag thams cad rang gi las kyi 'bras bu dang mthun par 'byung ngo // khyad par du 'byung ba ni 'di ltar sems can dmyal ba de'i las kyis byas pa'i wa kha rab tu 'bar ba rnams kyis shin tu gang la der skyes ma thag tu tha mchi ba rab tu 'bar ba rnams rgyug ste/ 'phags pa la skur ba 'debs pa de la 'dzin par byed do/ / sdig pa byed pa de'i mgo yang gzhan/ lce yang gzhan/ klad pa yang gzhan/ brang zhol yang gzhan/ snying yang gzhan mcher ba yang gzhan/ rgyu ma yang gzhan/ gnye ma yang gzhan/ lto yang gzhan/ sta zur yang gzhan/ brla'i rus sbubs kyang gzhan/ byin pa'i rus sbubs kyang gzhan pus mo'i lha nga yang gzhan/ lag pa dang rkang pa yang gzhan/ sor mo yang gzhan/ rkang pa'i sor mo yang gzhan du khyer te/ de ltar yan lag dang / nying lag zhig pa thams cad so sor khyer ro/ / de nas yang de'i sdig pa'i las byas shing bsags pa so sor yang dag pa myong bar 'gyur ba'i 'bras bus skye bar 'gyur te/ de ltar de yun ring du 'bras bu de myong bar 'gyur ro/ / de gal te yang thar nas gar bab bab tu 'bros pa dang / gshin rje'i mi gzhan dag gis bzung nas/ de'i kha de gdangs te/ lce bzung nas mtshon hu lu dag gis dum bu dum bur gcod do/ / bcad nas kyang yang skye bar 'gyur te/ de'i ngag mi gtsang ba 'byin pa gang gis 'phags pa la skur pa btab pa dang / pha rol dag la chos ma yin pa la chos lta bur bstan pa ni de ltar de yun ring du sdug bsngal gyi tshor ba cha bdag myong bar 'gyur ro/ / degal te yang de las thar nas mgon 'dod pa/ skyabs 'dod pa/ dpung gnyen 'dod pa/ gar bab rab tu 'phros ba dang / de'i las kyis byas pag shin rje'i mi dag 'byung bar 'gyur te/ de dag gis yang gzung ngo // bzung nas kyang phyin ci log tu smra ba dang / g.yo thabs smra ba dang / sdig pa smra ba chos ngan pa'i chos kyis sems can dag lam bzang po las spyod par byed cing smra ba de rnams kyis bzung ste/ kha gdangs nas de'i lce byung ngo // de yang 'jam zhing zangs kyi mdog ltar dmar brgyang grags tsam du skyes te/ de yang lcags kyi sa gzhi rab tu 'bar ba la ldag tu 'jug go// bldag tu bcug nas thong gshol gyi so rno zhing 'darab rab tu 'bar ba brgya dang / rmod grang rmig pa 'dor ba rno zhing rab tu 'bar ba thong mkhan dang ldan pa rnams kyis don ma yin pa byed pa 'jig rten pha rol tu 'gro ba'i dbang du gyur cing / don ma yin pa'i skye gnas lcer ming btags pa de la rmed par byed de/ de ltar de yun ring du 'tshed cing sreg go// de'i lce gnod pa dang phrad pa de ngu bar byed/ 'khun par byed/ ku co 'don par byed/ ngu skad 'byin par byed/ mig yongs su 'gyur bar byed do/ / de ltar de du skad 'byin pa na/ 'di ltar gshin rje'i mi rnams kyis rjes su bstan pa tshigs su bcad de smras pa/ sdig tshig yid la bsams nas su// 'phags la smod gang dmyal par ni/ / bye ba lnga bcu rtsa drug dang // de bzhin bye ba phrag drug gnas// chos ma yin pa chos tshul dang // sdig byed legs pa'i tshul du ni// khyod kyis sngon ni gang smras pa// mi des khyod la sreg par byed/ / ji ltar sems can khyad par can// chos 'dod dag la khyod kyis su// nges par ngan 'gror 'gro ba yi// bde med sdig pa rab tu smras// gang zhig rtag tu brdzun smra zhing / / chos ma yin smra chos ldan min// de yang kun gyi rkun ma yin// rkun ma tha mal rkun ma yin// chos smra ba yi mi dag gang // chos nyid la ni spyad pa ste// gang du 'gro ba gnod med pa'i/ / rtag pa'i gnas su de 'gro'o// 'khrug med mi zad nor yin te// skye bo kun gyi jo bor che// bden pa mtho ris skas yin te// de nyid mya ngan 'das pa'i sgo// de ltar bden pa mchog rtag pa// rtag tu chos shes dran pa ni// mya ngan rga ba med gnas su// mi mchog 'di ni 'gro bar 'gyur// khyod kyis chos ni rnam spangs pa// mkhas rnams kyis kyang smad pa yin/ / khyod kyis mi bzad gang bsgrags pa// de 'dir khyod la rnam par 'tshed// de ltar 'phags pa la skur pa 'debs pa'i mi de gshin rje'i mi de rnams kyis rjes su bstan nas gnod pa snga ma dag pas mang bar gnod par byed de/ gang de'i ming yang shes par bla ba ma yin no// 'phags pa la ngan du brjod pa de nyid kyi gnod pa mi bzad pa gang yin pa rgyu dang mthun par 'bras bu 'byung ba ni de bzhin gshegs pas gsungs te/ de ltar ji srid du de'i sdig pa'i las bcom zhing spangs la zad par ma byas pa de srid du 'tshed do// de sems can dmyal ba de las thar na/ las de dang rgyu mthun par tshe rabs 'bum du yi dgas bzlums pa'i nang du skye bar 'gyur la/ gang dag gis lus ba'i gong bu ltar bzlums par 'gyur te/ mthong ba med/ thos pa med/ snom pa med/ smra ba med do// de de las thar nas kyang / tshe rabs sum stong du ldan ljin gyi srin bur 'gyur/ de las kyang thar nas/ gal te mi rnams dang skal ba mnyam par mir skyes na/ de tshe rabs lnga brgyar dbul zhing tshig kun gyis yid mi ches pa dang / brjed ngas pa dang / lkug pa dang / 'on par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags kyi lce spyang gi zas zhes bya ba/ mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis shin tu 'khrugs pa'i sems dang / sems rtsub mos bsams bsams te dga' nas/ dge 'dun gyi gtsug lag khang la me spa ra la/ der yang sangs rgyas kyi sku gzugs bsregs shing / dge 'dun gyi gnas na mal stan dang / gos dang / nor dang / 'bru'i 'byor pa mang po dag me'i nyes pas tshig la/ tshig pa de la yang rjes su dga' bar byed cing 'gyod par mi byed/ gzhan dag kyang de nyid la 'jog par byed/ shin/ tu dga' bar byed/ yang dag par rab tu dga' bar byed la/ las dang las kyi nyer bsdogs dang / las kyi mjug dang ldan par byed na/ de lus dang bral nas ngan 'gro/ log par ltung ba sems can dmyal ba lcags kyi lce spyang gi zas zhes bya bar skye bar 'gyur ro// der skyes nas gang sems can dmyal ba yang sos la sogs pa'i sdug bsngal bsdus pa gang yin pa de thams cad 'byung ste/ thams cad stong 'gyur du 'byung ngo // khyad par du 'byung ba ni ji ltar las lci bas gnod pa yang lci bar 'gyur te/ gang gnod pa'i rgyu dang mthun par 'bras bu 'byung zhing sa bon dang mthun par 'bras bu 'byung ngo / / 'di ltar der skyes pa'i las kyi rkyen gyis lus thams cad kun nas rab tu 'bar bar 'gyur/ lus de las mgo bcu gcig byung ba dpag tshad bcu bcu yod de/ sems can dmyal ba thams cad pas shin tu drag cing mi bzad pa 'byung ngo // de'i dbus na 'dug pa'i mi'i lta bur kun nas rnam pa thams cad du rab tu 'bar shin tu rab tu 'bar te/ bkres pa dang skom pas gdungs pa'i lus dag 'tshed do// sreg go/ gsod do// kun nas lag pa gyen du bsgrengs te/ de'i lag pa de yang dpag tshad lnga brgya tsam du 'bar ba'i 'phreng bas 'khrugs shing de rA'i ri ltar sreg go/ / de kun nas bsreg pa na ngu skad 'byin/ 'o dod 'bod/ ku co 'don cing yongs su smre sngags 'don to// de du skad 'don pa na me lce des de'i kha thams cad 'gengs par byed do/ / de'i kha phye ba dang / phyi rol tu kun nas rab tu 'bar zhing rtag tu me lce gcig tu gyur pa yang dang yang du 'phel ba'i mes sreg pa na yun ring du 'tshed do// de gal te yang de las thar na gar bab bab tu 'bros so/ / mgon 'dod pa/ skyabs 'dod pa/ dpung gnyen 'dod pa/ bde ba 'dod pa de 'bros pa dang / legs par byas pa dang / nyes par byas pa'i las kyis 'brel ba sems can dmyal ba de las gnas gzhan du 'byung ste/ mtshan mo ri la char 'bab pa'i chu ltar gnod pa 'phel lo// de'i lcags kyi rdo rgyang grags tsam rab tu 'bar te/ de dag gis de'i klad pa la sogs pa nas/ rkang pa'i bar du ji ltar bca' sgra btags pa lta bur de ltar phye mar byed do/ de'i lus mngon pa med par byed do// de ltar de lcags las byas pa'i mi bzad pa char ltar 'bar pas btags na/ de nas yang slar 'tsho bar 'gyur te/ lce spyang gi mche ba rab tu 'bar ba dag gis de'i lus bca' sga ltar srab mor byas shing za'o// de nas yang byung zhing skyes nas lce spyang mi bzang pa de dag gis za ste/ de ltar yang yun ring du 'tshed cing sreg go// slar yang skye bar 'gyur te/ de ltar des las de myong bar 'gyur/ so so yang dag par 'tsho bar 'gyur/ de sdug bsngal tsha ba rtsub pa gnod pa dag myong bar 'gyur te/ rang gis byas shing gzhan gyis ma byas pa/ ma byas pa dang phrad pa ma yin/ byung ba rnams kyis byas pa chud za ba ma yin/ rgyu med pa ma yin/ 'dod rgyal las byung ba ma yin/ rgyu dang rkyen mi mthun pa las byung ba ma yin/ byed pa pos byin gyis ma brlabs/ tshor ba pos byin gyis ma brlabs te ji srid du de'i sdig pa'i las bcom zhing spangs la zad par ma byas pa de srid du rang gi rgyu dang rkyen gyis byas pa myong bar 'gyur ro/ / de sems can dmyal ba de las thar na las de dang rgyu mthun par tshe rabs stong du yi dag sa mchog tu mi bzad pa smin te/ lus kun nas rab tu 'bar zhing du skad 'a byin/ ku co 'don pa na/ skye bo kun gyi gnas grong du mtshan mo ngu zhing nyin par yang nyi ma'i 'od ma dag ma char ltar 'bab pas ji srid de'i sdig pa'i las kyi mi 'byung ba bcom zhing spangs la zad par ma byas pa de srid du sreg par byed do/ / de las kyang thar na dgon pa'i dud 'gro rkang pa brgya par 'gyur te/ rtag tu bkres pa dang skom pas gdungs la/ kha gnyis kyis bdag nyid nyon mongs par 'dren cing / de'i lus thams cad srin bu ma ko Ta ka rnams kyis za bar byed do// de gal te yang dud 'gro'i skye gnas de las thar la/ gal te mi rnams dang skal ba mnyam par so sor myong bar 'gyur ba'i las kyis mir skyes na/ de sprin nag po 'dra bar 'gyur zhing nyams par gyur pa/ yongs su spangs pa/ dbul ba/ yun ring du rnga mong gis nyon mongs shing gzhan la rag las pa mang zhing / lus bkres pa dang skom pas gdungs pa de'i srog gi 'tsho ba'ang gzhan la rag las par 'gyur te/ de ltar tshe rabs stong du yi dgas rnams dang / tshe rabs stong du dud 'gro rnams dang / gnas skabs de dag gi mir 'gyur ba mthong ngo // 'dus pa'i go rims bstan pa/ / // dam pa'i chos dran pa nye bar gzhag pa bam po bcu bdun pa// de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lto ga nag ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis sangs rgyas kyi dkor nor ma byin par blangs te de la yang spyod la/ sbyar nas kyang dag par mi byed/ las de'i 'bras bu la yid mches te/ de nas yang spyod par byed/ gzhan dag kyang de nyid la rab tu 'jog par byed/ sangs rgyas kyir gtogs pa sangs rgyas kyi dkor nor yon la yang bar sems na/ de lus dang bral nas ngan 'gro log par ltung ba sems can dmyal ba lto ga nag tu skye bar 'gyur ro// der skyes nas kyang gang sems can dmyal ba yang sos la sogs pa bdun gyi gnod pa de dag thams cad brgya 'gyur du 'byung ngo / / khyad par du 'byung ba ni 'di ltar lus bkres pa dang skom pas gdungs te/ rang gi sha nyid la za'o// de nas yang slar skye bar 'gyur te/ de ltar de lo brgya stong bye ba phrag du mar za zhing slar skye bar 'gyur ro/ / sdug bsngal nyis 'gyur gyis gdungs pa de'i sdug bsngal gyis las byas pa de brgya 'gyur du gyur te/ bkres pa dang skom pa'i sdug bsngal gyis kyang sdug bsngal lo// rang gi lus las byung ba'i sdug bsngal gyis kyang sdug bsngal te/ de ltar de rang gi sha dag la za bar byed cing / gar bab bab tu 'bros pa dang / de sbrul po che lto gnag la mdog sprin ltar 'dug pa dang phrad de/ des de'i sen mo la sogs pa dang / rus pa la sogs pa mthar chags kyis za'o// de nas sos pa dang yang za ste/ de ltar gang zhig thams cad kyi mchog tu gyur pa/ sangs rgyas kyi ma rung bar byas pa'i las des yun ring du sdug bsngal myong bar 'gyur ro// de gal te de las thar nas phyogs seng ldeng gi mdag ma rab tu 'bar ba'i gong bu bsags pa dpag tshad tsam gyi nang du 'dug ste/ de mdag ma de'i nang du song nas lo brgya stong bye ba phrag du mar sreg cing 'tshed do// de nas yang slar skye bar 'gyur te/ de nas des mthong nas gal te thar na mgon 'dod pa/ skyabs 'dod pa/ dpung gnyen 'dod pa'i drung du gshin rje'i mi dag 'ongs nas phra skam rab tu 'bar ba de dag gis gzung ngo / / de bzung nas lcags kyi bum pa 'bar ba'i nang du bcug ste/ de der mon sran dang / sran chung bzhin du sreg cing 'tshed la/ yongs su skol te steng 'og tu 'byung ba'i sdug bsngal shin tu 'jigs shing tsha ba myong ba ni de'i dpe bya bar yang sra ba ma yin no/ / sems can dmyal ba pa de'i sdug bsngal ni khams gsum thams cad kyi rgyu 'bras mthun pas kyang brgya dang stong gi char yang mi phod de/ de ltar de gnod pa brgya phrag stong yod la/ sdug bsngal gyi rgya mtsho shugs dang ldan pa shin tu tsha bar bdas pa na/ rang gi las kyi 'bras bu mngon sum du gyur te/ ji srid du de'i sdig pa'i las bcom zhing spangs la zad par ma byas pa de srid du 'tshed par byed do// de phyis sems can dmyal ba lto gnag de las thar par 'gyur te/ thar nas kyang las de dang rgyu mthun par tshe rabs nyis stong nyis brgyar yi dgas kha zas mi gtsang ba za ba rnams su skye bar 'gyur/ de gal te de las thar nas kyang tshe rabs bdun brgyar dud 'gro skyug pa za bar skye bar 'gyur de las thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de yang mi ba lang rdzir nas/ mi gtsang ba za bar 'gyur ba mdzong de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ / des thos pa las byung ba'i shes pas sems can dmyal ba lus zhum zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis chos kyi dkor nor spyad cing byas pa bsags la/ las dang las kyi nyer bsdogs dang / las kyi mjug dang yang bcas par gyur/ gzhan dag kyang de la gzengs stong par byed nade lus dang bral nas ngan 'gro log par ltung ba sems can dmyal ba lus zhum du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa de dag thams cad brgya 'gyur du 'byung / gang de dag gi ming yang shes par sla ba ma yin no// khyad par du 'byung ba ni 'di ltar lcags kyi ljon shing rab tu 'bar zhing rab tu mched pa gnyis 'byung ste/ de dag kyang las kyi rlung ga shugs drag pos phan tshun 'jud par byed do// de gnyis kyi dbus su sems can dmyal ba pa'i lus de g.yas g.yon du shugs drag po kun gyis gnod par byed/ rnam par zhum par byed/ ta la'i 'dab ma ltar byed do// de las yang slar 'byung ste/ yang rnam par zhum par byed do// de tshal chen po'i shing ljon pa shin tu mi bzad pa gnyis kyi bar du bcug nas phan tshun bskul ba dang / lus las byung ba'i sdug bsngal myong bar 'gyur la/ gal te ma bskul na/ rnam par zhum par byas pa ltung bar 'gyur ro// de de las ltung ba dang lcags kyi bya rdo rje'i mchu can dag shing de dag gi yal ga la gnas te/ de dag gis sems can dmyal ba pa de'i mgo dang klang pa btog btog nas 'bigs par byed do// phug nas mig dag la za bar byed do// snying rje rje skad du skad 'byin cing smre sngags 'don pa na/ de'i mig zos nas mgo dang klad pa 'bigs so// de phug nas klad rgyas la za'o// klad rgyas kyang zos nas snying gshog par byed do// yang gshags nas nang du song ste khrag 'thung ngo // 'thung nas rgya ma la za'o// de dag kyang zos nas mcher pa la za'o// mcher pa la zos nas long ka la za'o// de dag kyang zos nas mdo mag/ la za'o// parla'i sbubs la yang za'o// pus mo'i lha nga la yang za'o// rkang pa dag gi sor mo la yang za/ de ltar de sdug bsngal drag po de dag yun ring po bgrang gis mi lang bar myong bar 'gyur te/ gang gi ming lo brgyar yang shes par sla ba ma yin no// phyogs gcig cig shes par bya na/ ji ltar rgya mtsho'i chu khyor gang blangs pa de'i phyogs tsam du brjod pa de bzhin du 'di yang phyogs gcig tsam zhig brjod de/ de ltar de ji srid du de'i sdig pa'i las byas shing bsags pa so sor myong bar 'gyur ba bcom zhing spangs la zad par ma byas pa de srid du sdug bsngal de dag myong bar 'gyur ro/ / de sems can dmyal ba de las thar par 'gyur te/ thar nas kyang las de dang rgyu 'thun par tshe rabs stong du yi dgas mchil ma za ba rnams su skye bar 'gyur/ de gal te srog gis 'tsho ba tsam du 'gyur zhing lus shin tu bkres pa dang skom pas gdungs pa yi dgas kyi 'jig rten de las shi nas kyang ba tshwa'i chu'i rgya mtsho'i nang du dung 'gro nyar skye bar 'gyur/ rtag tu rgya mtsho'i chu'i gsed kyi nang na spyod pa'i chu srin na kra 'am/ ma ka ra 'am/ rus sbrul du 'gyur/ tshe rabs stong kun tu rtag tu bkres pa dang / skom pas gdungs shing ba tshwa'i chu la yongs su spyod par 'gyur/ de las kyang thar nas/ gal te so sor myong bar 'gyur ba'i las kyis mi rnams dang skal ba mnyam par mir skyes na ni/ de de'i tshe yul gnyis kyi bar du skye bar 'gyur te/ gang du sa bdag gnyis kyi mtshams phan tshun 'thab mo 'gyed pa'i yul du skye bar 'gyur ro// der de'i nor rdzas bsags pasasra/ pa de dag gzhan gyis 'phrog par byed cing / rgyal po'i chad pas kyang de gzung ngo // bzung nas kyang btson rar 'jug par 'gyur/ lus bkres pa dang skom pas gdungs par 'gyur/ srog/ btsam gyis 'tsho ba gzhan la rag las shing shin tu sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal chen po mnar med pa'i 'khor la brtags na/ des thos pa las byung ba'i shes pas sems can dmyal ba rmi lam 'dzags byed ston ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis lo nyes byung ba'i tshe dge 'dun gyi 'du ba'i sgo la dge slong za 'dod pa dag nye bar lhags pa'i zas dang skom zos shing nye bar spyad la/ mi sdig pa byed pas de'ang phrogs te kha zas de dag bcad/ kha zas bcad pas de dag gi lus la gnod cing dge ba'i chos yid la byed ma nus par 'gyur/ bsam gtan la dga' ba med par gyur/ sems mi sbyong bar gyur/ mi sdig pa byed pa de'ang dge 'dun gyi 'du ba'i sgo de phrogs nas/ 'chags par mi byed cing / 'gyod par mi byed la/ de nas slar yang 'du ba'i sgo de nyid la mi dge ba'i las mngon par byed par dga' zhing / gzhan dag kyang de nyid la byed du 'jug/ rjes su dga' bar byed cing de'i las dang las kyi nyer bsdogs dang / las kyi mjug byas na de lus dang bral nas ngan 'gro log par ltung ba sems can dmyal ba rmi lam 'jigs byed ston du skye bar 'gyur ro/ / der skyes nas kyang gang sems can dmyal ba yang sos la sogs pa bdun gyi gnod pa bsdus pa de dag thams cad 'byung ngo / / khyad par du 'byung ba ni byas pa brgya 'gyur du 'byung ste/ gang de ltar sems can thams cad kyi gnod pa de dag de ltar mi bzad pa/ de ltar rtsub pa/ de ltar bzod par dka' ba/ de ltar sdug bsngal mtha' med pa rang gis byas pa'i las las byung zhing bslang ba de'i ming yang shes par sla ba ma yin te/ de'i phyogs tsam zhig brjod na 'di lta ste/ rgya mtsho las chu khyor gang blangs pa de bzhin du brjod do// ji ltar mi dag gi rmi lam du 'jigs pa dag mthong ba de bzhin du/ sems can dmyal ba rmi lam 'jig byed ston der yang gshin rje'i mi lag na tho ba sna tshogs thogs pa de dag 'byung ste/ sdig pa byed pa'i mi de bzung nas lcags kyi sa gzhi'i steng du 'jog par byed do// lcags kyi lung pa'i nang du'ang / de'i lus bcug nas/ gtun shing gis phye mar rlog ste/ rus pa de 'di ltar sbrang rtsi'i tshigs ma'i gong bu ltar byed do// de nas yang slar skye bar 'gyur te/ yang thob rnams kyis phye mar rlog ste/ de'i sdig pa'i las byas shing bsags pa so so yang dag pa myong bar 'gyur ba'i mthus 'bras bu de nye bar spyod do// lung pa gnod pa de las thar na/ gal te yang rang gi las kyis mtshon cha'i nags tshal gyi nang du khrid nas 'gro ste/ mtshon cha'i nags tshal der phyin nas/ lus la mtshon 'bab pas gnod pa mang du byed/ gshog par byed/ 'joms par byed/ phye mar rlog par byed do/ / de'i lus kyi pags pa thams cad hal hol du byas nas rgyug par byed do// mgon 'dod pa/ skyabs 'dod pa/ dpung gnyen 'dod pa de rgyug pa de dang der mtshon cha chen po char ltar babs pas gshog par byed/ 'joms par byed do// rtsa dang rgyus pa thams cad shad shadang por byas te/ lus gang la pags pa bya sgro tsam yang ma lus par byas nas/ lus kyi rus pa'i phra btsam zhig 'jog go/ / rgyas pa spel ba'i gnang de dag tu'ang mtshon char lha bab pas gcod cing gshog par byed de/ de gcod pa na snying rje rje skad du ku co 'don cing yongs su smre sngags 'don la thams cad 'bros so/ / rang gi lus dang yid kyis kun nas bslangs pa'i mi dge ba'i las kyis bslus pa de bdag nyid thams cad las des shin tu 'tshed par byed do// rnam par smin pa ma myong bar de dag 'gag par mi 'gyur zhing / mi dge ba'i las de ma myong bar thar pa med de/ gang gi tshe so sor myong na/ de sems can dmyal ba de las thar par 'gyur ro// thar nas kyang las de dang rgyu 'thun par tshe rabs stong du yi dgas mchil ma za ba rnams kyi nang du skye bar 'gyur ro/ / de las thar nas kyang tshe rabs lnga brgyar 'od ma'i tshal du srin bur skye bar 'gyur te/ gang dang gang du skyes par rdo 'bab pas 'dam bu srab mor brdungs pa ltar lus shin tu srab mor rdung ba'i gnod pa myong bar byed do// de las thar nas kyang / gal te mi rnams dang skal ba mnyam par mir skyes na/ de dbul zhing nad bu can dang / gzhan gyis ma ngag pa dang / yul bye ma can dang / mya ngam dang / g.yang sa dang / chu med pa dang / rtswa med pa dang / nags tshal med pa dang / ne'u gsing med pa dang / lteng ka med pa'i 'khor rtag tu gnod par skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lus zhum mi bzang 'phyang zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sbyin pa po 'am/ sbyin bdag gang gis 'di ltar rdzas 'dis nad pa de dag nyid kyi don du 'gyur bar bya'o snyam nas/ gus pa dang / dad pa dang / dang ba dang / yid gsal bas nad pa'i khyim gyi nang nas byung ba/ de nad zhi bar bya ba'i phyir rdzas byin pa/ sdig pa can lug bong ltar spyod pa/ khong gsog tu 'dug pa/ gos ngur smrig bgos pa des nad pa'i gsos sman gyi rkyen gyi yo byad du byas pa 'phrog par byed do// phrogs nas kyang rang nyid za'o// zos nas kyang 'chags par mi byed/ 'gyod par mi byed/ sbyong bar mi byed cing / de nas yang byed la/ gzhan dag kyang dad par byed/ rab tu 'jug par byed/ rjes su dga' bar byed cing / yang dang yang du sems kyis ro myong bar byed na/ de lus dang bral nas ngan 'gro log par ltung ba sems can dmyal ba lus zhum mi bzang 'phyang du skye bar 'gyur ro// der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / / khyad par du 'byung ba ni 'di ltar sems can dmyal ba de na lcags kyi shing ljon pa yal ka rab tu rgyas shing rab tu 'barab dpag tshad tsam yod de/ rab tu mched cing 'bar ba'i rnam pa de lta bu de khong pa'i nang du 'tshed do// gang gis sems can dmyal ba de rdo reg na rdo rje ltar sra zhing rab tu 'bar bas yang brgya 'gyur du rab tu sreg ste/ shing gi me de'i rnam pa ni de lta bu yin no// shing de'i rtsa ba'i 'og tu sems can dmyal ba de skye bar 'gyur te/ nad bzhi brgya rtsa bzhis gnod/ par byas shing 'phel bar byed pa na/ gcig pu zla med cing grogs med par sdug bsngal myong ngo // gang de'i mgo de thur du bstan cing / rkang pa gyen du 'greng ba'i shing de'i me'i mthu de ni me gzhan gang yin pa de dag chu bsil ba dang 'dra ste/ de'i rtsa bar de de ltar gnod par byed do// ji ltar sgra'i rtse mo'i bar tsam yang med pa de ltar gnod par byed do// de nad de dag gis kyang nyon mongs shing me brgya 'gyur gyis sreg la shing gi 'og tu song bas kyang shin tu gnod pa na yun ring po lo bgrang gis mi yang bar gnod pa myong ngo / / de ltar de gnod pa myong ba na/ yang gshin rje'i mi lag na mtshon cha thogs pa dag mtshon cha blangs nas gnad dang gnad dag gcod par byed cing pags pa 'dral bar byed do/ / de gnod pa lnga yis gnod par byed de/ nang dang / shing gi me dang / mtshon cha dang / bkres pa dang / skom pas yun ring po lo bgrang gis mi yang bar sdug bsngal myong ngo // spu zing zhes byed pa brgya phrag khri dang ldan pa de mngon par brjod pa des/ ji srid du de'i sdig pa'i las bcom zhing spangs la zad par ma byas pa de srid du sdug bsngal che ba/ mi bde ba/ rtsub pa dag myong bar 'gyur ro// gang gi tshe las de zad nas sems can dmyal ba de las thar par 'gyur la/ thar nas kyang las de dang rgyu 'thun par yi dgas me mngag dang dud pa za ba rnams kyi nang du skye bar 'gyur te/ lus bkres pa dang skom pas gdungs shing lus tshal shing bsregs pa lta bur 'gyur/ yi dgas kyi 'jig rten de las thar nas kyang tshe rabs lnga brgyar dud 'gro ma mdag char ltar 'bab pa dang / bye ma char ltar 'bab pas sreg cing 'tshed do// dud 'gro'i 'jig rten de las thar nas kyang / gal te mi rnams dang skal ba mnyam par mir skyes na/ 'du ba'i gzhir gnas shing rdol za ste/ skyes nas shin tu sdug bsngal la nams kyang lto 'grangs par mi 'gyur/ lce'i rtse mos kyang zas zhim po myong bar mi 'gyur te/ thos pa tsam 'ba' zhig tu zad do// gzhan gyis bkol zhing / dbul ba dang / nad bu can dang / smad par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po man med pa'i 'khor la brtags na/ des thos pa las byung ba'i shes pas sems can dmyal ba ri brtsegs char ltar 'bab pa zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis rang sangs rgyas bkres pa'i zas phrogs na/ de lus dang bral nas ngan 'gro log par ltung ba sems can dmyal ba ri brtsegs char ltar 'bab pa zhes bya bar skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / / khyad par du 'byung ba ni/ 'di ltar tho ba dang / mdung thung dang / rdza ma dang / lung ba'i sdug bsngal dang / mtshon cha 'bab pa'i sdug bsngal sna tshogs myong bar byas shing ri brtsegs char ltar 'bab pa de'i steng du 'bab bo/ / de'i steng du ri brtsegs pa dpag tshad tsam yod pa bab pa gang gis de bye ma chang pa nas gtor ba bzhin phye mar rlog go// phye mar brlags pa dang / yang slar skye bar 'gyur ro// de nas yang phye mar rlog par byed do// me'i phung po bcu gcig gi dbus su bcug nas me thab kyi nang du lus ma lus par sreg go/ de'i mige skyes pa las phyung nas gtubs shing bcad de gtor to// de'i lce yang ga shin rje'i mi rnams kyis gcod do// bcad nas kyang slar skye'o// de'i sna yang bcad cing zha nye rab tu bskol bas 'gengs so/ / de'i rna ba'ang zangs dmar po bzhus pas 'gengs so// pa tshwa rab tu bskol bas lcags kyi snod rab tu bsregs pa bkang ste/ khyer nas de la chag chag 'de bra shing / yang spu gri rnams kyis shin tu 'jog par byed do// nad bzhi brgya rtsa bzhi rnams kyis rtag tu gnod par byed do// de kun nas sdug bsngal gyis nyam thag cing thams cad nas rab tu// 'bar ba me lce gcig tu gyur pa/ sems can dmyal ba ba'i sdug bsngal tsha ba rtsub pa dag ji srid du de'i sdig pa'i las byas shing bsags pa so so myong bar 'gyur ba bcom zhing spangs la zad par ma byas pa de srid du yun ring po lo bgrang gis mi lang bar myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang / rgyu 'thun par tshe rabs lnga brgyar yi dgas grog sbur yan lag rno ba 'bab pas nyam thag cing tsan da ni ka za ba'i nang du skye bar 'gyur ro// de gal te de las thar nas kyang tshe rabs bdun brgyar ci ri ka dgon pa na gnas pa ma rungs pa sgra 'byin pa'i nang du ri dgas ru rar skye bar 'gyur te/ lus rtag tu bkres pa dang skom pas gdungs par 'gyur/ de gal te de las thar nas kyang / gal te mi rnams dang skal ba mnyam par mir skyes na/ de dag tu khur khyer zhing gzhan gyis bkol bar 'gyur/ gnod pa sna tshogs kyis lus shig shig por gyur cing mtshan mo dang nyin par bde bar gnas par mi 'gyur/ rkang pa dang lag pa dag rdol cing / gdong rtag tu rtsub par 'gyur/ lus kyi mdog ngan pa dri ma can la rtag tu gos dang bral bar 'gyur/ las de dang rgyu mthun par mir gyur na'ang tshe rabs lnga brgyar mi yi dgas kyi gzugs lta bur 'gyur/ mtshan mo dang nyin par lus dang yid bde bar gnas par mi 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ / des thos pa las byung ba'i shes pas sems can dmyal ba bya 'dzam b+ha sgra 'byin ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis yul dgon dung na chu nyung ngu zhig yod pa dang srog chags rnams su 'brel te/ de la srog ltos/ de la rag las shing 'dren pa srog 'tshol de dag dang 'brel pa'i chu de mi ngan pa sdang ba'i sems kyis gcod do// de'i chu bcad pas yul thams cad ma rung bar byas pa nas/ ri dgas dang bya'i bar thams cad kyang shi la/ grong dang grong khyer gyi dge sbyong dang / bram ze kun la gnod par byas/ skom gyis gdungs par byas shing / de'i chu bcad pas yul ma rungs pabapar byas pa de lus dang bral nas ngan 'gro log par lhung ba sems can dmyal ba bya ba' dza ma b+ha sgra 'byin du skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / / khyad par du 'byung ba ni/ 'di ltar dkon pa dpag tshad bdun brgya yod pa dang / lcags kyi shing ljon pa dang / ri brag rab tu 'bar zhing mi bzad pa de pa sems can dmyal ba des phyin ci log tu chu dang / shing ljon pa dang / nags tshal dang / lteng ka phun sum tshogs pa mthong ngo // de'ang bkres pa dang skom pa dpe med cing shin tu mi bzang ba'i me des bsregs nas ngu skad 'byin/ yongs su smre sngags 'don bzhin du chu de bdag gis btung ngo snyam nas/ lteng ka de'i drung du brgyugs pa dang / de'ang ba tshwa rab tu bskol bas gang ngo / / de nas yang gshin rje'i mi lag na mtshon thogs pa brgya 'byung ste/ de dag gis de gzung ngo // bzung nas kyang mtshon cha rnams kyis gshegs shing dral to// de sdug bsngal gnyis kyis sdug bsngal ba yin te/ mtshon cha dang / bkres skom gyi sdug bsngal gyis sdug bsngal lo// de ltar de yun ring du mtshon cha dang dgon pa'i sdug bsngal myong ngo // de gal te de las thar nas kyang bkres pa dang skom pas nyen pas ga rabab bab tu 'bros pa dang / des chu bsil ba dag cig mthong nas der song ngo // der song ba dang / chu de dag kyang bya 'dzam b+ha skad 'byin ces bya ba glang po che tsam la mchu rno ba zhig yin te/ des gzung ngo // bzung nas kyang gnam du 'phangs so// 'phangs nas 'khrul cing dran pa dang bral bas slar log pa dang / sa gzhi rab tu 'bar la sra zhing reg par mi bzod pa'i steng du rdo bzhin du lhung ste/ de der dum bu brgyar gyes so// de nas yang slar 'dus te sos pa dang / bya dag gis bzung nas de sngon bzhin du sdug bsngal bar byed do/ / nad thams cad kyis kyang thabs nas/ de ltar sngon bzhin du lo bye ba 'bum phrag du mar byas pa'i sdug bsngal gyi rnam pa de dag myong ngo // de gal te de las thar nas kyang / yang gshin rje'i mi rnams kyis gzung ngo / / bzung nas zangs dmar po rab tu bskol ba chu bo'i glong lta bur bcug go// de bcug nas dbu ba'i gong bu bzhin du rab tu bzhus so// de nas yang slar 'byung ste/ nyes par byas pa'i las kyi mthar spyad pa de/ de ltar yun ring du lo bgrang gis mi lang bar 'tshed do// de gal te de las thar nas kyang / lus bkres pa dang skom pas gdungs pa yul ma rung bar byed pa de rang gi las kyis byas pa myong bzhin du gar bab bab tu 'bros pa dang / lam du phur du rtse mo shin tu brdar cing rno ba byung ste/ des de'i rkang mthil la sogs par brtol ba nas/ pus mo'i lha nga'i bar du brtol to/ / rkang pa brtol ba de de'i lus ni rab tu 'bar/ sdug bsngal gyis nyam ni zag/ snying rje rje skad du ku co 'byin/ yongs su smre sngags ni 'don/ ngu zhing rang gi khrag gi nang du lhung zhing bying ngo / / de nas yang lus kyi yan lag thams cad bsregs pa langs nas de ltar sems blong blong por gyur pa de 'gro ba dang / khyi so rab tu 'bar ba dag 'ongs nas de dag gis bzung ste/ ro'i yan lag dang nying lag thams cad dang / pags pa dang / khrag dang / sha dang / tshil dang / rkang yan chad la za'o// de ltar yul ma rung bar byed pa de ji srid du de'i sdig pa'i las byas shing bas grwa pa so sor myong bar 'gyur ba ma zad cing ma spangs pa de srid du rang gi gnod pa yun ring du myong bar 'gyur ro/ / de phyis las de dang 'thun par tshe rabs lnga brgyar dud 'gro phyi ba rnams kyi nang du skye bar 'gyur te/ gar skyes par se rabs sam/ sbrul dag gis gsod pa 'am/ rlung dag gis gsod par 'gyur/ de de las thar nas kyang / gal te mi rnams dang zhal ba mnyam par mir skyes na/ de ri khrod pa'i rigs su skye zhing skye bo kun gyis smad par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba skar 'phreng zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang nyon mongs pa thams cad zad par byed 'dod pa/ 'gog pa las langs pa'i dge slong dang po shin tu bkres pa de'i kha zas phrogs te/ phrogs nas kyang / mgu zhing yid rab tu dga' la/ yang dang yang du ro myang bar byed/ legs par sems pa de nyid la gzhan dag kyang gzengs stong par byed la/ las dang las kyi nyer bsdom dang / las kyi mjug dang yang dag par ldan pa byas shing bsags pa'i las mi bzad pa rnam pa de lta bu byed na/ de lus dang bral nas ngan 'gro log par ltung ba sems can dmyal ba skar 'phreng du skye bar 'gyur ro/ / der skyes nas kyang / gang sems can dmyal ba yang sos la sogs pa'i gnod pas bsdus pa de dag thams cad brgya 'gyur du 'byung ngo // khyad par du 'byung ba ni/ 'di ltar sems can dmyal ba de'i gnas grwa gnyis pa yod de/ kun nas rdza mas yongs su bskor to// grA gcig na rdza ma rab tu 'bar ba skar ma bkram pa lta bur le bye ba khrag khrig sum cu rtsa dgu dang / ber 'bum dgu stong dang / bye bdung 'phyar phrag drug cu dang / rkyang 'phyes bye ba sum cus dza li ni dang / kod nU TI kod D+hA dang / kI sar stong drag nyi shu ste/ grangs kyi tshu de snyed kyi bar du 'tshed cing sreg ste nya ltar 'gre ldog go/ zangs dmar po bskol ba rab tu 'bar ba rdza mar blugs par nyin gcig bzhin du tsha bar byas shing sdug bsngal drag pa/ rtsub pa/ mi ba zad pa 'phel te ngu skad 'don cing cho nges 'debs so/ / de ltar de nyes par byas pa'i las smad par byas pa rang gi sems las byung bas yun ring du snga ma bzhin du 'tshed do// gal te phyogs gcig las thar nas kyang / rlung sems dang phrag par 'jug ces bya ba spu gri lta bus gnad thams cad dang / gnad so so dag bcad nas/ des sems can dmyal ba pa de steng du byung ste/ sems can dmyal ba pa'i grwa gnyis pa der bcug go/ sems can dmyal ba pa rlung gi sa bdas nas/ grwa gnyis su bcug pa'i lus kyi khams su gtogs pa thams cad bye ba snyed du gtubs shing bcad de lus la rtsa rgyus tsam lus par byed do/ / de ltar de bcad pa'i lhag ma de ga shin rje'i mi rnams kyis gzung ngo // bzung nas rdza ma skar ma'i 'phreng ba lta bur chung gis bdas te bcug go// de yang dang yang du der bcug pa na/ rkang pa gyen du bsgreng zhing mgo zur du bstan pa dang / thog ma nyid du mgo ltung ngo // de'i 'og tu zangs dmar po rab tu bskol bar mig ltung bar byed do// de'i 'og tu de'i kha'i pags pa ltung bar byed do// de'i ming par zangs dmar po bzhus pas gang ste/ de'i mid pa thams cad khyab par sreg pa na/ ngu skad 'byin pa 'am/ bros par mi nus so// de ltar de'i lus kyi sdug bsngal gyis nyam thag pa yang dang yang du gshin rje'i mi de dag gis tho ba blangs nas/ mgo slar byung ba dag la rdeg par byed do// klad pa nyams pa des de'i lus thams cad khyab ste/ mgo dang / lus dang / khog pa yun ring du nya 'gre ldog pa ltar 'gre ste/ de ltar de sems can dmyal ba skar 'phreng gi grwa gnyis par ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do/ / de'i las byas shing bsags pa zad nas/ de de las thar par 'gyur te/ thar nas kyang las de dang rgyu 'thun par tshe rabs stong du yi dgas zas la re bar skye bar 'gyur te/ de ltar de tshe rabs bdun brgyar tshegs chen pos lo brgyar bsgrubs na/ zas lan cig gcig rnyed par skye bar 'gyur/ tshe rabs lnga brgyar ri bor na gnas pa'i ri dgas rnams kyi nang du skye bar 'gyur te/ rtag tu 'khrul pas 'jigs shing skye bo kun gyis 'jigs pa dang / ri dor gyi gseb mi med par yang rtag tu 'khrul cing lus skem la mdog ngan par 'gyur ro// de phyis las kyi lhag ma des lings mi dag 'ong ba'i gnod pas srog dang bral bar 'gyur ro// de de nas shi nus kyang gal te so so myong bar 'gyur pa'i las kyis mi rnams dang skal ba mnyam par mi skyes na/ de rtag tu tshong pa'i lam ston pa byed par 'gyur/ rtag tu lus bkres shing skom la dud pa dang / yi chad pa dang / gzhan la rag las pa mang ba dang / srog tsam gyis 'tsho ste/ de ltar mi'i gzugs brnyan du gyur pa/ rtag tu sdug bsngal gyis sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba sdug bsngal kun gyis nyen ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pa sa brtags na/ gang gis thams cad mkhyen pa'i gsung rab glegs bam la bris pa/ sdang sems dang / log par lta ba dang / log par 'khu ba'i sems kyis 'di ltar sangs rgyas la srog chags dag chos de nyan pa dad pa med par bya ba'i phyir chos kyi gzhi gzhig ste gtong ngo snyam nas bor na/ de log par lta ba byas shing bsags pa'i las kyis sems rnyog par byas shing / gzhan dag kyang de la rab tu 'jog par byed/ yang dag par dga' bar byed la/ de nas yang chos kyi glegs bam du gtogs pa snang ba'i sems kyis 'dor bar byed de/ las dang las kyi nyer ba sdogs dang / las kyi mjug la phyi phyir zhing de nyid la dga' bar byed na/ de lus dang bral nas ngan 'gro log par ltung ba sems can dmyal ba sdug pasngal kun gyis nyen par skye bar 'gyur ro// der skyes nas kyang gang sems can dmyal ba yang so sa la sogs pa bdun gyi gnod pa bsdus pa de dag thams cad 'byung ngo / / khyad par du 'byung ba ni 'di ltar dmyal ba'i mig la zangs dmar po rab tu bzhus te chag chag btab pas rab tu zhu ba dang / de bzhin du bye ma rab tu 'bar ba reg na rdo rje ltar sra ba rnams kyis mig de la btab nas lag pas bzung ste/ mi bzad pas mnyes so// de ltar mig la mnyes pa gang yin pa de bye ma reg pa rab tu zhu'o/ / de nas yang slar skye bar 'gyur te/ yang mnyes so// sog le rab tu 'bar ba'ang blangs nas lag pa gnyis bcad do// de nas yang slar 'byung bar 'gyur te/ phyed rdza ma rab tu 'bar ba'i nang du lhung ste 'tshed do/ / de'i byed kyang mtshon gyis 'jog par byed cing / gcod par byed do// de mig gnyis kyis dam pa'i chos mthong nas bor ba de'i rnam par smin pa ni de yin no/ / gang lag pas bor ba de'i rnam par smin pa ni// de'i lag pa bcad pa yin no// gang gis nyes par spyad pa de bsags pa ni rdza ma'i nang du bcug ste 'tshed pa na/ bya'i mchu rno la rab tu 'bar bas bzas te phug nas/ za zhing steng gi khu ba la 'thung bar byed do// de'i 'og tu song ba'i pags pa lcug ma rdza ma'i nang du ma bcug pa phyed po de ni gshin rje'i mi rnams kyis ste'u yis 'jog go/ / byed bzhogs nas shin tu srab mor byed do// de nas ba tshwa'i chus kyang chag chag 'debs so// khab rtse mo rno zhing rab tu 'bar ba 'bigs par byed pas skabs yod yod du lus la 'bigs par byed do/ / de'i mgo'ang 'khor los yongs su 'khor ro// de nas thar pa dang / kun nas rab tu bzhus pa'i rgyun mi 'chad par 'bab pa de la 'thung bar byed do// de ltar de gnod pa myong ba na/ der las mi bzad pa byas shing bsags pa ji srid du de'i sdig pa'i las byas shing bsags pa bcom zhing spangs la zad par ma byas pa de srid du myong bar 'gyur ro/ / de phyis sems can dmyal ba de las thar par 'gyur te/ thar nas kyang las de dang rgyu 'thun par tshe rabs lnga brgyar yi dgas dud pa za ba rnams kyi nang du skye bar 'gyur te/ de'i snying ngan song gis bsgribs la lus la gnod par 'gyur ro/ / gal te de las thar nas kyang tshe rabs bdun brgyar dud 'gro mtshan mo rgyu ba 'ug pa thur du lta bar skye bar 'gyur/ de las thar nas kyang so sor myong bar 'gyur ba'i las kyis gal te mi rnams dang skal ba mnyam par mir skyes na/ tshe rabs bdun brgyar gangs khrod du gnas shing zas su ko dra ba zal dbul ba dang / kla klor 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba gos rba zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ log par lta ba gang gis ched du bsams te ched cher byas/ dga' bar byas/ shes par byas shing / mngon par zhen pa'i blos 'di ltar yo byad 'di dag bsregs pas/ dge slong de dag ma rung bar bya'o snyam nas/ dge 'dun gyi zhing ngam bu ram shing ngam/ ldu mar 'am/ kun dga'i ra ba 'am/ de las gzhan pa dge 'dun gyi 'tsho ba'i yo byad rnams mes bsregs la/ de las dang las kyi nyer bsdogs dang / las kyi mjug dang ldan na/ de lus dang bral nas ngan 'gro log par ltung ba sems can dmyal bgos drir skye bar 'gyur ro// der skyes nas kyang gang sems can dmyal ba yang so sa la sogs pa bdun gyi gnod pa bsdus pa de dag thams cad brgya 'gyur du byung ngo / / khyad par du 'byung ba ni/ 'di ltar sems can dmyal ba de kun nas dra ba rab tu 'bar bas 'khor te/ kun nas dra ba khab kyi bu ga tsam gyis khebs pa der skyes so/ / sems can dmyal ba de gshin rje'i mi rnams kyis mda' rab tu 'bar zhing rno la shugs drag pas glo gnyis kar brgyab pa na/ dra ba de'i nang nas 'bros pa dang / de dra ba'i mig nas 'bros par mi nus shing / de dra ba der shin tu thogs te/ de'i dra ba rno ba'i mthus bdag nyid 'byin par mi nus so// dra ba de sa lag pa'ang gcod par/ byed/ rtsi ba logs kyang 'jog par byed/ yan lag dang nying lag thams cad kyang rus pa la thug gi bar du 'jog par byed do// dra ba des 'jog pa na/ yang dang yang du gshi na rje'i mi rnams/ kyis ma de'u'i rtse mo shin tu 'bar ba yis lan brgya 'am/ yang na stong du gsod do// las kyi dra bas pasgribs pa de mda'i sdug bsngal gyis yun ring du nyon mongs te/ sems can dmyal ba der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal mi bzad pa rtsub pa gzhan dang mi 'dra ba dag myong bar 'gyur/ de phyis sems can dmyal ba de las thar par 'gyur te/ thar nas kyang las de dang rgyu 'thun par tshe rabs bdun brgya ra yi dgas khyim gyi nang na bu 'byin pa skad ngan 'don pa rnams kyi nang du skye bar 'gyur/ de las thar nas kyang tshe rabs lnga brgyar dud 'gro'i skye gnas khyim bya dang / rma bya dang / ba yang dag gi lci ba'i nang du skye bar 'gyur/ de las thar nas kyang de mi rnams dang skal ba mnyam par mir skyes na/ de las de dang rgyu 'thun par gtum po'i bu btsa' ba'i khyim du skye bar 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags glebs zhes bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi brtan pa dang / mi brtan pa'i sems kyi blo ngan pa bslu ba'i bsam pa gang gis 'di ltar dbyar zas med pa'i tshe/ dge slong dag la nad kyi gso sman gyi rkyen dang zas dag sbyar gyis/ dge slong dag sems la sa chung ngur gyis shig/ tshegs chung ngur gnas par gyis shig yid kyi las chung bar gyis shig ces smras nas/ dge slong dag spya na drangs la/ dge slong de dag kyang de'i dad pa skyes pa des zas med pa'i tshe'ang de'i dad pa bskyed pa des yon bdag gzhan du ma btsal to/ / de nas mi ngan pa des dge slong de dag gi re ba med par byas pa dang / zas med pa de'i tshe la la ni 'chi ba'i dus byed/ la la ni dge ba'i chos bskyed par mi nus/ 5 la ni shin tu sdug bsngal bar 'gyur/ la la ni yul gzhan du 'gro bar byed de/ de ltar gang dge slong de dag la brdzun byas pa de sems can dmyal ba lcags glebs su skye bar 'gyur ro// der skyes nas kyang gang sems can dmyal ba yang so sa la sogs pa'i gnod pa bsdus pa de dag thams cad 'byung bar 'gyur ro// khyad par du 'byung ba ni/ 'di ltar sems can dmyal ba pa de me'i phung po bcu gcig gis yongs su bskor cing bkres pa dang skom pas yongs su gdungs la/ gshin rje'i mi rnams kyis yang dang yang du zangs dmar po bskol ba dang / lcags kyi lum rab tu 'bar bas sems can dmyal ba lus rnam par zhum pa de pad+ma chen po kha btsums pa dang / phye ba ltar sreg go// 'tshed do// skems so// gsod do// de nas yang slar skye/ par 'gyur te/ gnod pa khyad par du 'byung ba ni/ ji ltar las byas pa bzhin du de'i lcags glebs pa chu zheng dpag tshad lnga yod pa kun nas rab tu 'bar la/ kun nas me lce gcig tu gyur pa khyer te/ des slu bar byed pa de yongs su dkris shing du mar bskol to// lus kun nas rab tu 'bar ba ku co 'don pa na so sor nyams shing thams cad nas bde ba khab kyi bu ga tsam yang med do/ / me dang lcags glebs pa des rtag tu khyab ste/ de ltar de sdug bsngal drag pa/ rtsub pa/ shin tu mi bzad pa dag myong ngo // bkres pa dang skom par gyur cing lcags glebs dang me 'byung bas de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du gnod pa de dag myong bar 'gyur ro/ / de de las thar na/ las de dang rgyu 'thun par tshe rabs bdun stong du yi dgas grang rgyas za ba rnams kyi nang du skye bar 'gyur ro/ / de las thar nas kyang tshe rabs bdun stong du dud 'gro ba zas med pa 'am/ me za ba rnams kyi nang du skye bar 'gyur ro/ / de las thar nas kyang gal te so sor myong bar 'gyur ba'i las kyis mi rnams dang skal ba mnyam par mir skyes na/ de rtag tu rgyal pos btson rar bcug cing / tshe rabs lnga brgyar bkres pa dang skom pa dag gis 'chi ba'i dus byed par 'gyur ba mthong ngo // de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba 'gro ba mes sreg ces bya ba mthong ngo // der sems can dag las gang gis skye bar 'gyur snyam nas/ des thos pa las byung ba'i shes pas brtags nas/ gang gis 'di ltar 'phags pa dang / 'phags pa'i gang zag mi gnas par bya'o snyam nas/ sangs rgyas kyi gtsug lag khang 'jig par byed dam/ de sangs rgyas kyi gsung rab yi ger bris pa 'byin nam/ klan ka btsal ba'i phyir mkhas pa dag la mi mkhas pa'i bdag nyid can gyis sangs rgyas kyi gsung rab nyan par byed de/ thos nas kyang chos 'dul ba de la 'jug par mi byed cing / yongs su mi snyan par brjod la/ brjod nas kyang kun tu sten cing sgom la mang du byed na/ de lus dang bral nas ngan 'gro log par ltung ba sems can dmyal ba 'gro ba mes sreg tu skye bar 'gyur ro/ / der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / / khyad par du 'byung ba ni/ 'di ltar sems can dmyal ba de la khyad par thams cad stong 'gyur du 'byung ste/ sbrul rnams kyis 'khrigs shing kun nas 'dra bar gang ba// der sems can dmyal ba pa de 'gro bar byed do// 'gro ba na gshin rje'i mi lag na tho ba thogs pa de dag thams cad kyis sreg par byed de/ dug gi metshan po ches kyang sreg par byed do// de dug dang sems can dmyal ba'i me gnyis kyi nang du sreg pa na/ snying rje rje skad du ngu skad 'byin/ smre sngags 'don/ cho nges 'debs so// de de ltar cho nges 'debs pa dang / 'di ltar gshin rje'i mi rnams kyis rjes su bstan pa tshigs su bcad de smras pa/ glen pa dam pa'i chos yul la// rmongs pa'i shugs kyis thams cad du// sreg pa'i dug gis myos pa dag/ don med ci zhig yongs su smra/ / sdig byed dga' ltar mthong ba ni// bzlog na mthong ba med pa yin// sdig pa byed tshe bde ba ni// bzlog na me dang 'dra ba yin// sdig pa byed pa'i mi dag ni// 'jig rten kun gyis rnam par smad/ / dge ba byed pa rtag tu bstod// de bas sdig pa rnam par spongs// mi 'dod mi phan sdang ba yi// rnam par smin pa sdug bsngal tsha// sdig pa sdig pa'i rnam smin te/ / de ltar gro ldan de spongs shig/ sdig la rag tu sdig pa yod// sdig pa med la sdig med do// byed la ltos la sdig yod de// byeng po sems kyi rjes su 'jug/ sdig pa sem la rag las shing / / 'bras bu sems la rag las te// sems ni rkyen las skyes par mthong // rgyu dang rkyen las shin tu byung // sems can sems kyis bslus nas// su// sdig pa'i dbang gis 'ongs pa dag/ gnod pa'i mchog ste stobs po che// sems can dmyal ba drag por 'gro// sems dbang gyur pa mi 'gro ste// rtag tu chos dbang 'gyur mi 'gro/ chos spyod pa ni rtag tu bde// sdig pa spyod pa mi bde'o// chos ma yin pas legs med cing // log par 'tshed par mi byed de// rgyu dang 'dra bar de mthong zhing // 'bras bu sna tshogs 'grub par 'gyur/ / rgyu dang 'bras bu 'thun par 'byung // nams kyang log par 'byung med de// 'dus byas kyi ni chos 'di dag/ rgyu dang 'bras bur shin tu 'byung // rgyu med 'bras bu yod ma mthong / / sems can dmyal ba rnam par phye// rgyu sbyor las ni 'bras bur sbyor// sems can dmyal bar rnam par 'tshed// byas shing bsags pa drag pa dang // nges par ngan 'gror 'gro ba yi/ / las dang 'bras bur 'brel ba ni// sems can dmyal bar rnam par 'tshed// so sor bshags pa'i rnam pa yis// las gang rnam par bzlog bya ba// de mi 'dod pa lam de nyid// rnam par mthong bas 'bras bu mthong // 'od gang smon la rag las te// de bzhin 'bras bu las la thogs// gzhan dang gzhan las 'bras 'byung ste// 'dus byas thams cad de 'dra'o// gzhan dang gzhan las rgyu mthong ste// gzhan dang gzhan du dbang sbyor ro// 'thun par rjes su 'brel ba ni// de nyid mthong ba dag gis mthong // rgyud la rgyu 'bras mang man te// dbang phyug la sogs gnas pa med/ / 'dus byas chos kun 'byung ba ni// de nyid mthong ba dag gis bstan// 'khor ba thog ma med pa nas// rgyu dang rkyen las byung ba ste// las rnams dang ni 'thun par mthong / / log par brtags pa mi bya'o// gang 'dod las kyi dbang song ba// srog chags las kyi rgyu las skyes// las 'bras de nyid shes pa de// dag pa yin nos na ngon par rtogs/ / gti mug nags pa'i dbang song ba// khyod kyis sdig de rtag tu byas// sdig dang bcas pa'i las byas pas// byis pa don med ci zhig gdung // sdig la sdig pa rtag tu gnas/ / de bzhin chos la chos gnas te// de nyid las ni ston byed pa// brtan pa dag gis gnyis ka spong // sangs rgyas bstan la rmongs pa dang // lam dang lam min rmongs pa gang / / de dag la ni zhi med de// mun la ni ma med pa bzhin// rtag tu chos dang chos min dang // rgyu dang rkyen la rmongs pa dag/ gnod mchog shin tu mi bzad pa// sems can dmyal ba drag po thob/ / gtan tshigs ldan pa'i tshig rnams kyis// de la sgo nas gshin rje'i mi// mdung zung gtun shing thogs nas su// de nas khro zhing rngam par 'gyur de nas yang mtshon cha rnam pa du ma dag thogs nas/ ji srid du de'i sdig pa'i las byas shing bsags pa bcom zhing spangs la zad par ma gyur pa de srid du lo 'bum phrag du ma'i dus nas bskyed pa rang gi las kyis byas pa la spyod pa'i sems can dmyal ba de dag la gsod do/ / de phyis sems can dmyal ba de las thar bar 'gyur te/ thar nas kyang las de'i mthus tshe rabs bdun brgyar yi dgas stor khung nas 'bab pa 'thung ba rnams kyi nang du skye bar 'gyur/ de de las thar nas kyang las de dang rgyu 'thun par tshe rabs lnga brgyur dud 'gro si mi si mi rnams kyi nang du skye bar 'gyur/ de las thar nas kyang mi rnams kyi nang du bya rog ltar dman par skye bar 'gyur te/ der rtag tu kha zas snying po med pa za zhing / skom yang rnyog ma can 'thung bar 'gyur la/ skom de'ang yan 'ga' zhig 'thung bar 'gyur ba mthong ngo / / // dam pa'i chos dran pa nye bar gzhag pa bam po bco brgyad pa// de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des 'og dang thad kar phra ba 'am// rags pa'am/ rjes su sbyor ba 'am/ rjes su zhugs pa'i 'khor gang bcu bdun pa gcig kyang ma mthong ngo / / de de ltar sems pa na// lam mthong ba'i dge slong de 'di snyam du sems te/ kye e ma bdag gis sems can dmyal ba brgyad po ngag gi 'khor bcu drug rnams kyi mtha' mthong ste/ nyes par byas pa'i las kyi sa 'di de tsam zhig pa lta snyam mo// byis pa so so'i skye bo thams cad kyis byas shing bsags pa gnod pa'i sa dang las ngan pa byas shing mngon du gyur pa'i sems can dmyal ba chen po brgyad kyi 'khor las skyes pa 'am/ de bzhin du ches shin tu lci ba'i rnam pa mnar med pa gang du/ sems can dmyal ba chen po mnar med pa ma gtogs par/ srog chags dag sreg pa'i sems can dmyal ba chen po gzhan dgu pa ma mthong ngo // gang du 'di'i phyogs gcig las stong gi cha gcig rtsig bstan te/ rgyu gang ngas bshad pa 'am/ mnyan pa'am/ dpe bya bar yang sla ba ma yin no// de ltar sems can dmyal ba pa'i sdug bsngal zad par dka' ba/ de ltar gzhan dang mtshungs pa med pa/ sdug bsngal dpe med pa de rgyu gang dang / mnyam pa gang dang / gang de nyid khong du chud cing shes par byas nas/ gang khrag tu skyugs nas 'chi bar 'gyur te/ de ltar sems can dmyal ba pa de'i gnod pa sdug bsngal bas ches sdug bsngal ba mi 'dod pa/ mi sdug pa/ yid du mi 'ong ba yin no// de nas dge slong des sems can dmyal ba de mthong nas/ 'khor ba'i sdug bsngal thams cad la yid byung ste/ 'dus byas thams cad la mi rtag pa dang / sdug bsngal ba dang / stong pa dang / bdag med par mthong ngo // de'i 'og tu 'phags pa'i bden pa 'di la rnam par dpyad khas 'khor ba la sems shin tu 'dod chags dang bral bar byed/ yid 'byung bar byed/ mi dga' bar byed cing 'khor ba la smod par byed do// rnam pa de dag gis 'khor ba mi bzang pa/ shin tu 'jigs par mthong nas/ de 'di snyam du sems te/ kye e ma sems can 'di dag ni lha'i lta ba dang shin tu bral zhing mig dang bral ba yin te/ yang dang yang du sems can dmyal ba shin tu mi bzad pa/ shin tu tsha ba/ shin tu 'jigs par skyes kyang skyo bar mi byed de/ byis pa so so'i skye bo 'di dag 'khor ba thog ma med pa nas srid pa'i zhags pas bcings pa yin nosnyam mo/ / de nas yang rnal 'byor spyod pa nang gi chos la chos kyi rjes su lta zhing gnas pa/ 'di ltar dge slong rgyun mi 'chad par spro ba de mi bzad pa bas kyang shin tu mi bzad pa sems can dmyal ba yang sos la sogs pa mnar med pa'i bar gyi las kyi 'bras bu rnam par smin pa thams cad kyis/ sa gzhan bcu gsum pa la zhugs te/ bdud kyi yul la mi dga' zhing / bdud kyi dbang du mi 'gro/ / bdud kyi 'ching ba thams cad rnam par gcod cing / bdud kyi yul la gnas par mi byed de/ rtag tu brtson pa'i dge slong de dag la nyal gyi sbyor ba ma lus par bcad nas/ mya ngan las 'das pa'i grong khyer du 'jug par byed do// de'i spro bas rba'i gnod sbyin dag gis mthong nas/ bar snang la spyod pa'i gnod sbyin rnams la bsnyad do// 'di ltar gang rigs che ge mo zhig las/ rigs kyi bu de grong mang ge mo zhig dang / grong rdal ga ge mo zhig dang / yul che ge mo zhig nas skra dang kha spu bregs/ gos ngur smrig bgos nas/ dad pas khyim nas khyim med par rab tu byung ste/ rtsol zhing 'bad pa na/ yang dag pa'i lam gzhan dang mi 'dra ba'i lta ba thun mong ma yin pa/ 'jig rten las 'das pa/ las kyi chos kyi rnam par smin pa shes pa/ sa gzhan bcu gcig pa la zhugs te/ sems can dmyal bar gtogs pa kun gyi thog ma dang tha ma'i sdug bsngal shes so// de ltar sa bla'i gnod sbyin dag gi sa bar snang la spyod pa'i gnod sbyin dag bsnyad do/ / de dag gis kyang de ltar snga ma bzhin du rgyal po chen po bzhi la bsnyad do// de dag gis kyang sum cu rtsa gsum pa rnams la/ de dag gis kyang 'thab bral ba rnams la/ 'thab bral ba rnams kyis kyang dga' ldan pa rnams la/ dga' ldan pa rnams kyis kyang 'phrul dga' ba rnams la/ 'phrul dga' ba rnams kyis gzhan 'phrul dbang byed rnams la bsnyad do// de ltar rim gyis ma bzhin du 'od chung gi lha rnams kyi bar la bsnyad do/ / 'di ltar lha khyed cag sems shin tu mnyam par bzhag pas nyon cig/ 'di ltar 'dzam bu gling na/ rigs che ge mo zhig las/ rigs kyi bu mang ge mo zhig yul ga ge mo zhig nas skra dang kha spu bregs/ gos ngur smrig bgos nas/ dad pas khyim nas khyim med par rab tu byung ste/ de rtsol zhing 'bad la bsgrim pa na/ spro ba mi 'dri zhing bdud kyi yul gyi dngos po mi 'dod la/ dga' ba'i 'dod chags kyi mong las byung ba'i sred pa dang lhan cig shin tu chags par mi byed/ kun nas nyon mongs shing mi sdug pa/ gzugs dang / sgra dang / dri dang / ro dang / reg bya rnams kyis shin tu chags par mi byed de/ des gzhan bcu gsum pa la zhugs so// sems can dmyal ba brgyad po kun gyi las rgya chos kyi rnam par smin pa shes pa'i dge slong gis 'khor ba ma rig pa'i mun pa'i sdug bsngal thams cad shes nas ji lta ba bzhin du yid byung ste/ bdud kyi phyogs kyi dngos po ni dmas so// dam pa'i chos kyi phyogs ni mngon par mtho'o zhes de thos nas/ 'od chung gi lha rnams mchog tu dga' zhing 'khod de/ 'di ltar bdud kyi phyogs ni dmas so// dam pa'i chos kyi phyogs ni mngon par mtho'o snyam mo/ / de ltar lha rnams dga' ba'i yid kyis dam pa'i chos nyan par 'gyur na/ gang dad pa dang / dad pa'i rjes su 'brang zhing de kho na mthong ba'i skyes bu dam pa de dag/ las de dang rgyu 'thun par dam pa'i chos 'phel zhing rgyas pa yid dga' bar 'gyur ba lta smos kyang ci dgos/ / de nas yang dge slong las kyi 'bras bu rnam par smin pa shes pa des sems can dmyal ba'i gnod pa rgya mtsho'i chu lta bus kun tu sreg pa/ glong lta bur g.yo ba/ sems can dmyal ba chen po yang so sa la sogs pa nas/ mnar med pa'i bar rgya che ba'i nang sa'i 'og/ 'jigs par rdzogs byed dang / kun tu rgyu dang / ko ka li ka dang / sbrus byin dag/ nya dang chu srin chen po ltar zin cing / sems can dmyal ba pa'i lhag ma nya mi dang / ming chen po dang / chu srin na kra dang / chu srin kum b+hi ra dang / chu srin byis pa gsod dang / rus sbal dang / sram 'khrugs pa lta bu dag 'dod chags zhe sdang gti mug rlung gi shugs dang / kloslong 'khyil pa lta bus sems g.yo ba'i rla bas glong ltar 'khyil pa de'i dus kyi mthus shugs dbu ba lta bus sems can dmyal ba pa gnod pa rab tu mang ba mchi ma char ltar gang bar du zhing smre sngags 'don la/ cho nges 'debs/ ha ha'i sgra skad kyi shugs dang / sems kyi shugs chu rla bas ltar mang ba nyes par byas pa'i las kyis klu'i shugs lta bus sdug bsngal char 'bebra/ shing mnar med pa zab mor bskal ba'i mtha'i me 'bar ba'i shugs kyis khor yug dang / chu btsos pa lta bu'i sems can dmyal ba chen po'i sdug bsngal rgya mtsho lta bur mtha' med la/ mi bzad pa mthong nas/ dge slong de yid byung ste/ 'di ltar tshigs su bcad de smras pa/ sred pas yongs su bslus byas shing // rmongs pas rmongs pa'i sems can dag/ skye zhing 'chi ba nyam nga ba/ / 'og tu 'jig rten 'gro bar 'gyur// mi yul las ni dmyal bar 'gyur// dmyal ba las ni lha yul du// mi nyid las ni dud 'gror 'gro// de nas yi dgas 'gro bar 'gyur/ / sems can 'dod chags dbang song ba// rang gi las kyis 'gro ba 'khrul// gti mug zhags pas bcings pa dag/ srid pa'i mtshor ni rnam par 'khyam// 'khor bar me ni sdug pa sbrul 'di// rnam pa sna tshogs goms byas te// der ni rgyu de goms pas na// ji ltar mchog tu skye mi 'gyur// lha dag bag med pa yis nyams// mi dag yongs su / tshol bas nyams// yi dag sa bkre sa dang skom pas nyams// dud 'gro gcig la gcig za'o// sems can dmyal ba dmyal ba'i me// yi dgas rmongs pas rtag tu nyams// 'khor ba khab kyi rtse tsam yang / / bde ba nyid ni cung zad med// rmongs pa'i sems kyis skye bo dag/ sdug bsngal las ni bde ba chags// sdug bsngal 'di las thar pa gang // yang dag lam ni ston pa med/ / gang dag rtag tu chos mi sgrub// gang dag rtag tu bden mi sgrub// bsam gtan rtag tu mi sgrub gang // de dag sdug bsngal bral mi 'gyur// 'jig rten 'di dang pha rol tu/ / rtag tu ma 'dra ba 'dra zhing // gnyen dang 'dra zhing sgron 'dra ba// sangs rgyas kyis ni chos bstan to// rtag tu nyes gsum dbang song ba// phung po gsum nas sems can dag/ rtag tu khams gsum dag tu 'jug/ de ni sdug bsngal gsum dang ldan// las gsum dbang song 'khrul pa dag/ de ni ngan song gsum na rgyu// srid gsum chags pa'i 'gro ba dag/ rim pa gsum du rnam par rgyu// gang zhig dkon mchog mchog gsum dang // gang zhig byang chub gsum dngang song // gang zhig lnga pa gsum spangs pa/ / de dag la ni sdug bsngal med// dus skabs gsum la rtag gnas shing // dga' ba gsum gyi de nyid mthong // gsum gyi cha yis lto 'grangs pa// de ni mya ngan bral bar 'gyur/ / phung po gsum la sems mnyam zhing // las gsum rnam par dpyod pa gang // de ni 'khor bar mya ngan gyi// rnam pa bral zhing rims med 'gyur// lam dang lam min rnam pa shes/ / dngos dang dngos med rnam sems pa// byams pa'i sems ni bsgoms pa gang // de ni 'gro ba mchog tu 'gro// kun nas rab tu rnam gsal zhing // dpa' bo rnyog pa med pa yi/ / yid ni sdig dang ma 'dres pa// mi de rnam par rab tu grol// gang zhig yang dag lam zhugs shing // dran dang ldan pa stobs che la// srid pa dag la 'dod bral ba/ / de ni nges par 'gro bar 'gyur// srid pa 'dod cing dga' ba la// mi gang mngon par mi dga' ba// de la srid las skyes pa yi// sdug bsngal shin tu chung ba'ang med// mi bzad las ni mi bzang 'byung // mi bzad pa yis yongs bsgyur ba// 'dod pa sdug dang me lta bu/ rab tu bsgrims te spang bar gyis// 'dod pa yongs su spangs byas shing / rtag tu thar la dga' ba ni// nyi ma shar bas mun med ltar// mi dge'i chos rnams 'jig par 'gyur// de ltar rtag tu dge bsten zhing // mi dge ba nyid spang bar gyis/ / mdor na nges par bstan pa ni// dge dang mi dge yongs su rtogs// de ltar dge slong de 'jig rten 'di dang / 'jig rten pha rol de la phan par 'dod pa'i blos sems can dmyal ba'i sdug bsngal la mngon par brtags nas/ sems can rnams la snying brtse ba rjes su 'jug par byed de/ byams pa bsgom pa'i sems kyis de sems can dmyal ba 'jigs shing nyam nga ba thams cad la mngon par brtags shing / las kyi 'bras bu rnam par smin pa'ang shes nas mchog tu yid byung ba'i sems kyis rtog par byed de/ e ma sems can 'di dag ji ltar srid/ pa'i dgon par 'jigs shing sdug bsngal sna tshogs kyi nang du bying zhig gu snyam nas/ de snying rje ba'i blo 'di ltar nye bar 'jog par byed de/ 'di ltar mi dag de ma thag tu ngan song du 'gro ba ni las ngan pa byas pa/ rang gi ser snas bslus shing longs spyod ngan pa 'dod la/ rnyed pa ngan pas zil gyis non pa rnams sbyin pa dag ma byin par gyur te/ de dag gis dge sbyong dang / bram ze dang / 'phongs pa dang / long ba dang / bkren pa spongs mo pa rnams la ser sna'i dri mas sbags pa'i sems kyis sbyin pa dag ma byin zhing / bsod nams dag ma byas la/ 'jig rten 'di dang pha rol tu tshul khrims mtsho lta bur gyur pa ma bsrungs/ bu dang / chung ma dang / bran po dang / bran mo dag la'ang sbyin pa ma byin la/ ser snas 'jig rten pha rol la bslus pa de yi dgas rnams kyi nang du skye bar 'gyur te/ yi dgas kyi rgyud du skyes pa'ang phal cher yi dgas mor skye bar 'gyur ro// mi 'thab mo dang phrag dog gi dri ma gang gis nang gi sems nyams par byas pa 'dis na/ yi dgas mo rnams kyi nang du skye bar 'gyur ro snyam mo// de nas yang dge slong las kyi 'bras bu rnam par smin pa shes pa des yi dgas kyi yul la rtog par byed de/ yi dgas kyi yul 'di gang zhig yin snyam mo// des thos pa las byung ba'i shes pas brtags na/ yi dgas ni mdor bsdus na rnam pa gnyis te/ 'jig rten na rgyu ba dang / yi dgas kyi yul na gnas pa'o// de la 'jig rten na rgyu ba ni mtshan mo dag gal te mi rnams kyis mthong bar 'gyur ro// yi dgas kyi yul na gnas pa ni gang du sa'i 'og dpag chad lnga brgya na gnas te/ yi dgas kyi yul gyi rkyen ma gtogs par/ 'dzam bu gling gi mtha' nas dpag tshad sum stong drug brgya yod do// de dag 'dzam bu gling dang zag nye ba dang / ring ba ni nges pa med do/ / de nas yang dge slong las kyi 'bras bu rnam par smin pa shes pa des yi dgas kyi 'gro ba la rtog par byed de/ yi dgas kyi yul ji tsam yod snyam nas des thos pa las byung ba'i shes pas brtags na/ yi dgas rnam pa mang ste/ mdor bsdu na rnam pa sum cu rtsa drug yod do// de dag thams cad phrag dog dang ser sna'i rgyus der skye bar 'gyur la/ bsam pa sna tshogs skyed pa dang / sdug bsngal dang / bsam pa dang / bza' ba sna tshogs dang / g.yo ba sna tshogs dang / gnas sna tshogs dang / lus bkres pa dang / skom pas gdungs pa yin no// de dag thams cad mdor ba sdu na rnam pa sum cu rtsa drug yod de 'di lta ste/ yi dgas lto gug dang / yi dgas kha khab ltar phra ba dang // yi dgas bshang ba za ba dang / yi dgas kun ston dang / yi da kas dri za dang / yi dag sa chos kyi sbyin pa za ba dang / yi dag sa sbyin pa za ba dang // yi dgas chu 'thung ba dang / bsam pas 'tsho ba dang / mchil ma za ba dang / 'phreng ba za ba dang / khrag za ba dang / sha za ba dang / bdug pa za ba dang / drag shul spyod pa dang / glags lta ba dang / sa'i 'og na gnas pa dang / yi dgas mthu bo che dang / mtshan mo lus rab tu 'bar ba dang / mi rnams la glags lta ba dang / 'dod pa'i gzugs can dang / gling gi bar na gnas pa dang gshin rje'i dbyug pa dang / byis pa la za ba dang / tshangs pa'i srin po dang / 'bru drus pa'i shun pa za ba dang / mi gtsang ba za ba dang / lam po chen gnas pa dang / mang du za ba dang / me mdag za ba dang / dug za ba dang / dgon pa na gnas pa dang / dur khrod na gnas pa dang / shing la gnas pa dang / lam gyi bzhi mngon gnas pa dang / bdud kyi sde ste/ de ltar mdor bsdu na/ yi dgas kyi rigs sum cu rtsa drug yod do// rgya cher ni sems kyi bsam pa'i las kyi cha'i bye brag dang / bsam pa sna tshogs kyi bye brag gis dpag tu med do// de n as yang dge slong las kyi 'bras bu rnam par smin pa shes pa des yi dgas shin tu bkres pa dang skom pas gdungs pa'i lus can rnams phal cher phrag dog dang ser snas nyams pa dag yin zhing rgya cher ni lus dang / ngag dang / yid kyi las gsum gyis skye la/ bye brag tu dbye na mi dge ba'i las kyi lam rnam pa bcu dang yang dag par ldan pas yi dgas rnams kyi nang du skye bar 'gyur ro/ / de mdor bsdu na mi dge ba'i las kyi lam rnam pa bcu'i mi dge ba'i rgyu gang yin pa la srog chags kyi sdug bsngal thams cad de la rag las/ de la spyod/ de las skye zhing 'byung de'i phyi bzhin 'brang / de dang 'brel/ rgyu de las byung ba yin te/ ngan song gis kun tu 'khor yang 'khor ba la yid 'byung bar mi byed do// sems spre'u lta bu thog ma med pa'i dus nas 'khor bar zhugs shing / sdug bsngal gzing gzing ba'i bar na gnas pa la goms pa yan lag dang / nying lag gi dra ba sna tshogs can gyi nang na ldom zhing 'khor ba'i ri la myur du gnas pa/ sems gzing gzing ba'i bag chags kyi rtog pa'ang gcig tu shes par sla ba ma yin la/ de ltar 'gro ba myur du 'gro ba 'di sems spre'u lta bu yin te/ de lta bas na/ sems 'di re zhig thog ma nyid du shin tu dul bar bya'o// de ltar ma byas na ngan song gi sa mi bzad pa rnams su sems can dag shin tu sdug bsngal bar 'gyur zhing / de ltar ma byas na 'khor bar sems kyi dgras zin te/ de bde ba 'thob par mi 'gyur ba mthong ngo // de ltar dge slong de so sor rab tu rnam par 'byed pa na/ yang dang yang du 'khor ba 'di la yid byung zhing mi dga' la 'khor bar gtogs pa'i sdug bsngal thams cad la rnam par smod par byed de/ dge slong de de ltar sems par byed cing / yi dgas rnam pa du ma dag la sems pa na/ 'di ltar rab tu rnam par 'byed pa ni/ las dang las kyi rnam par smin pa'i byed rgyu gang yin pa'i cha gcig cig rab tu rnam par 'byed de/ skye ba'i rgyu med pa ma yin zhing / bde ba dang / sdug bsngal ba dang / 'thun pa dang / mi mthun pa dang / skye ba ngan pa dang / bzang ba dang / rigs bzang ba dang / rigs ngan par skye ba ni srog chags thams cad kyi tshe 'ching dang / skye ba 'dod rgyal gyis cung zad kyang byas pa med do snyam mo/ / las kyi chos kyi rnam par smin pa shes pa'i dge slong des yi dgas rnams kyi las kyi chos rnam par dbye ba dag rnam par 'byed de/ des thos pa las byung ba'i shes pas brtags na/ yi dgas lto gug ces bya ba rang gi lus nyis 'gyur gyis che zhing / kha dang / lag pa dang / rkang pa nyams la thams cad du lto gug pa yin te/ bu ga'i gse ba dag tu me ma dag gis rab tu bkang / lus bkres pa dang skom pas gdungs/ lus tshal shing bsregs pa lta bu/ 'gro ba'i dus mtha' med pa nas bcings pa dag dga' ba med cing / grogs med la mgon med pa yin no/ / de dag las gang gis der skye bar 'gyur snyam nas/ des thos pa las byung ba'i shes pas brtags na/ gla mi nor 'dod pa gang gis 'di ltar bdag gis gla dag khyim du bsag go snyam nas srog gcod pa byed cing phyogs la 'tshe ba 'am/ de snying rje med pa chags pa'i dbang gis srog gcod pa byed la sgom zhing sten te mang du byed na/ de lus dang bral nas ngan 'gro log par ltung ba sa'i 'og dpag tshad lnga brgya na yi dgas lto gug gi rigs rnams su skye bar 'gyur ro/ / de sa'i phyogs mun pa'i nang der skyes pa dang / steng gi phyogs nas ri rnams kyis btsir zhing / 'og gi phyogs nas ri gnyis pas bteg ste/ de ri gnyis kyi bar du rang gi ngo bo'i lus kyi tshad dpag tshad tsam pa leb leb por byas shing / bkres pa dang sgom pas shin tu gdungs so/ / tshe'i tshad kyi mtha' ni tshe rabs lnga brgya yin te/ mi'i lo bcu la yi dgas kyi bgrang ba'i tshul gyis nyin zhag gcig ste/ bar du 'chi ba'i dus byed pa ni yod do// mi dge ba'i las gzhan gnyis pa byas pa ni 'di lta ste/ skyes pa 'am/ bud med la nor rdzus bcol ba bcabs nas/ 'di ltar bdag la med do zhes smra na las de'i rnam par smin pas der skye bar 'gyur la/ zang zing gi sbyin pa'ang ma byin/ chos kyi sbyin pa'ang ma byin/ mi 'jigs pa'i sbyin pa'ang ma byin te/ sbyin pa gsum po de dag dang bral la/ ser sna dang phrag dog gis sems rtag tu zil gyis non pa ni der skye bar 'gyur ro// de nas yang dge slong las kyi 'bras bu rnam par smin pa shes pa des yi dgas rnams la brtags na/ des thos pa las byung ba'i shes pas yi dgas kha khab ltar phra ba zhes bya ba ji ltar 'dug pa mthong ngo // der sems can dag las kyis skye bar 'gyur snyam nas// des thos pa las byung ba'i shes pas brtags na/ / nor rdzas kyi phyir mi rnams gsod pa'i gshed ma gang pha rol la phrag dog dang ser sna yang dag par blangs shing / rtag tu mngon par brtson la bkren pa bkren pa'i rang bzhin can/ 'di lta ste/ zang zing sbyin pa dang / chos sbyin pa dang / mi 'jigs pa sbyin pa ste/ sbyin pa rnams spangs pa ni de lus dang bral nas ngan 'gro log par lhung ba yi dag sa kha khab ltar phra ba rnams kyi nang du skye bar 'gyur ro/ / rang gi las kyi 'bras dus bslus pa der skyes pa de dag gi kha'i sgo khab ltar phra zhing lto ri tsam du che bar 'gyur la/ rtag tu bkres pa dang skom pa'i nyon mongs pas gdungs par 'gyur/ lus kyi mes kyang bkres pa dang skom pas dkrugs la/ phyi rol tu yang tshal shing gi me mched pas dkrugs par 'gyur/ grang ba dang tsha ba dang / sha sbrang dang / sbrang bu dang / srog chags ma ko Ta kas za ba dang / rims la sogs pas de ltar skyes pa 'am/ bud med der skyes pa'i lus dang / yid las byung ba'i sdug bsngal sna tshogs kyis mi'i lo bcu la yi dgas kyi bgrang ba'i tshul gyis nyin zhag gcig pa'i tshe rabs lnga brgyar mngon par gdungs te/ tshe rab chad du 'gyur ba ni yod do// der skye bar 'gyur bani las gnyis pas kyang yang der skye bar 'gyur te/ 'di ltar dge sbyong dang bram ze dag bdag cag gi der zan sbyin no zhes byas la/ bza' ba dang bca' ba dag kyang yod bzhin du bud med ser snas mngon par zin pa de/ khyim thab la bslu ba'i bsam pas 'di ltar ci'ang med na/ dge sbyong dang bram ze dag la sbyin du ga la yod ces smras na/ de'ang lus dang bral nas ngan 'gro log par ltung ba yi dgas kha khab ltar phra ba rnams kyi nang du skye bar 'gyur ro/ / ser sna de kun tu bstan cing bsgoms te mang du byas pas bud med phal cher yi dgas rnams kyi nang du rdzus te skye bar 'gyur ba de ltar mi'i nang du skye bar mi 'gyur te/ 'dod pa la phrag dog dang ser snas nyams pa'i rgyu gang gis yi dgas mor 'gyur ba de ltar mi'i na mi 'gyur ro// bud med ni sems chung zhing sems yang ba yin la/ de ltar rgyu de dang rkyen des yi dgas mo rnams kyi nang du skye bar 'gyur te/ de ji srid du ser sna dang phrag dog byas pa'i sdig pa de bcom zhing spangs la zad par ma byas pa de srid du der skye bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par gal te lan grangs gzhan la myong bar 'gyur ba'i las kyis dud 'gro rnams kyi nang du skye bar 'gyur ro/ / bya khug rta rnams kyi nang du skyes nas/ de rtag tu bkres pa dang skom pas gdungs par 'gyur/ de las thar nas kyang gal te lan grangs gzhan la myong bar 'gyur pa'i las mar 'grub pa'i las kyis mi rnams dang skal ba mnyam par mir skyes na/ skyes pa 'am/ bud med de rtag tu bkres pa dang skom pas gdungs par 'gyur/ rtag tu sdug bsngal zhing zas gzhan du tshol la/ lam po che dang / bzhi mdor 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas skyugs pa za ba zhes bya ba ji ltar 'dug pa mthong ngo // der skyes pa 'am/ bud med dag las gang gis skye bar 'gyur snyam nas/ des thos pa las byung ba'i shes pas brtags na/ bud med gang bza' ba dang // bca' ba dang / ro myang bas khyim thab la mngon par gnod par byed cing / bdag nyid ni de dag la za bar byed la/ phrag dog dang ser snas kyang rtag tu zil gyis non/ bu dang bu mo gzhan dang mi 'dra bar mi dga' ba ma yin la/ dga' ba dang slu ba ma yin te/ mi slu ba la mngon par gnod pa byas na/ de'ang lus dang bral nas ngan 'gro log par ltung ba yi dgas skyugs pa za ba rnams kyi nang du skye bar 'gyur ro// der skyes nas kyang de rtag tu de'i lus kyi bdag nyid dpag tshad phyed tsam yod par bkres pa dang skom pas gdungs te/ dgon pa chen por gcig pur chu btsal ba'i phyir rgyug cing thams cad du cho nges 'debs so// smre sngags 'don pa na/ de chos sbyin pa dang / zang zing sbyin pa dang / mi 'jigs pa sbyin pa ma byas te/ sbyin pa gsum dang bral ba dag der skye bar 'gyur ro// tshe'i mtha' ni snga ma bzhin te/ de ji srid du ser sna byas pa'i sdig pa de bcom zhing spangs la zad par ma byas pa de srid du bkres pa dang skom pas gdungs par 'gyur ro/ / de phyis sdig pa de las thar par 'gyur te/ thar nas kyang las de dang rgyu 'thun par gal te dud 'gro rnams kyi nang du skyes na/ de skyugs pa za bar 'gyur te/ ji ltar yi dgas rnams kyi nang du skyugs pa za bas srog cung zad 'tsho bar gyur pa de ltar dud 'gro rnams su yang 'gyur ro// de las thar nas kyang gal te mi rnams dang skal ba mnyam par mir skyes na/ de mchod ston gyi tshe dge sbyong dang bram ze'i bkad sa rnams kyi gral du slongs mos de'i srog 'tsho ba thub par 'gyur ba mthong ngo // / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bshang ba za ba zhes bya ba mthong ngo / / der skyes pa 'am/ bud med dag las gang gis skye bar 'gyur zhig gu snyam nas/ des thos pa las byung ba'i shes pas brtags na/ gang gis ser sna kun tu bstan cing bsgoms te mang du byas pas gyur/ snga ma bzhin du sbyin pa dang bral la/ dge sbyong dang bram ze dag la'ang kha zas lhag mar byas pa byin te/ de dag kyang gtsang ma zhig yin no snyam nas zos na skyes pa 'am/ bud med de lus dang bral nas yi dgas pashang ba za ba rnams kyi nang du skye bar 'gyur ro// de'i las kyi mthus de'i tshe'ang snga ma bzhin la/ de'i lus bkres pa dang skom pas gdungs te/ gal te de rnyed na'ang rtag tu mi rnyed la/ de'ang chung ste lto tsham par mi 'gyur ro// gal te yang yi dgas rnams kyi nang du bshang ba rnyed na srin bu zhugs shing zos la bu gar byas pa ngan ngon zhig rnyed de/ rgyang ring zhing tshegs chen pos rnyed pa de'ang chog par mi rnyed do// de ltar de'i tshe mtha' sdug bsngal ba 'thob ste/ de ji srid du de'i sdig pa'i las yi dgas kyi 'jig rten 'grub pa ser sna byas pa bcom zhing spangs la zad par ma byas pa de srid du bkres pa dang skom pa des byas pa'i sdug bsngal myong bar 'gyur/ de phyis yi dgas kyi 'jig rten bshang ba za ba de las thar par 'gyur te/ thar nas kyang las de dang rgyu 'thun par ji ltar las nye bar 'gro bas 'khor ba na yongs su 'khyam mo// de gal te yang mi rnams kyi nang du gnya' shing gi nang du rus sbal 'jug pa lta bur mi rnams dang skal ba mnyam par mir skyes na/ de dbul zhing nad pu can la/ bza' ba nyung ba dang / srog gis 'tsho ba rtag tu gzhan la rag las shing tshegs chen pos 'tsho ba tho ba la don du ma med pa'i snod du 'gyur/ sems shes pa dang / mi shes pa phal pa yin zhing lus rma mtshan dang dri ma can mi sdug pa skye bo kun gyis smad par 'gyur/ de'i kha nas kyang dri ma mnam po 'byung zhing gro pur du so nag por 'gyur ba mthong ngo / / de nas yang dge slong las kyi 'bras bu rnam par smin pa shes pa des ser sna'i gnas su gyur pa'i yi dgas kyi 'jig rten la brtags na/ des thos pa las byung ba'i shes pas ser sna thams cad kyi gnas su gyur pa yi dgas kha zas med pa zhes bya ba mthong ngo // der las gang gis skye bar 'gyur snyam nas/ des thos pa las byung ba'i shes pas brtags na/ skyes pa 'am/ bud med ser snas zil gyis non cing / phrag dog gis zil gyis non pa/ g.yo thabs sam/ sbub byed pa stobs dang ldan pa gang gis sems can dag/ bcing bas bcings te/ kha zas ma byin pas srog dang bral la/ srog dang phral nas kyang snying nas 'chags par mi byed la/ 'gyod par mi byed/ yang las de nyid byas nas rjes su dga' bar byed cing / / gzhan dag kyang de nyid la rab tu 'jog par byed las dang las kyi nyer ba sngogs dang / las kyi mjug dag byas nas yang de nyid byed na/ de lus dang bral nas ngan 'gro log par ltung ba yi dgas kha zas med pa rnams kyi nang du skye bar 'gyur ro/ / skyes pa de 'am/ bud med de der skyes nas kha zas med par byas nas/ bkres pa dang skom par byas pa me// des sreg pa na/ yang dang yang du ri las chu 'bab pa'i shugs ltar bkres pa dang skom pa'i sdug bsngal rab tu 'phel lo// de'i kha zas med par byas pa'i mthu des ji ltar thal ba'ang mi mngon pa de ltar de'i nang dang / yan lag dang nying lag thams cad sreg go// de nas yang yan lag dang nying lag de dag slar 'byung bar 'gyur te/ yang sreg par byed do// de bkres pa dang skom pas gdungs pa dang / lus bsregs pa ste/ sdug pa sbal gnyis kyis sreg pa na/ rang gi las kyi 'bras bu nyes par byas pa sa basmras pa de sdug bsngal gyis nyam thag nas shin tu ngu skad 'byin/ cho nges 'debs/ smre sngags 'don cing phyogs dang phyogs mtshams su rgyug ste/ de ni de'i nang du 'byung ba'i sdug bsngal yin no// phyi rol du 'byung ba'ang las kyis byas pa mes yan lag dang nying lag thams cad sreg par byed do/ / me nang du song ba slar byung nas phyi rol gyi lus kyang sreg par byed de/ dper na shing khong stong gi nang du mi zhugs pa/ shing gi nang bsregs nas phyi rol sreg pa de bzhin du/ me des yi dag sa de'i nang bsregs nas phyi rol yang sreg par byed do// de nang dang phyi rol thams cad tshal shing bsregs pa lta bur rab tu bsregs te/ me lce gcig tu gyur pas du skad 'byin cing cho nges 'debs so// de der cho nges 'debs pa na/ khar me 'byung ste/ de yang dang yang du de'i lus thams cad 'bar ba nyis 'gyur gyis ches rab tu 'bar bar byed do/ / gang dang gang du 'gro ba'i lam de dang der rtswa dar ba rab tu 'bar ba khab lta bur 'byung bar 'gyur la/ gang du de'i rkang pa gnyis bor na ma rungs par byed de/ rkang pa ma rungs pa de du skad 'byin/ cho nges 'debs/ yongs su smre sngags 'don to// de yongs su smre sngags 'don pa na/ de'i lce mar gsar gyi gong bu ltar zhu bar byed de/ de nas yang nyes par byas pa'i las de sngar 'byung bar 'gyur ro/ / de gang dang gang du rgyug pa de dang der de'i nyes par byas pa'i las des/ chu dang / lteng ka dang / 'bab chu'i dngo dang / mtsho dang / chu 'dzag pa dang / chu bo dang / khron pa thams cad dang bral bar 'gyur/ tshal dang / nags tshal dang / khyim dang / ne'u gsing gi sa gzhi dang bral bar 'gyur/ tshal dang / nags tshal dag kyang log par mthong ste/ ri dang / ljon shing dang / ri sul gyis phyogs thams cad kyang rab tu 'bar ba mthong ngo // kun nas yi dgas kyi chad pa lag na ral gri dang gtun shing khyer ba rnams kyis gtse bar byed cing spro bar byed pas mchog tu sdug bsngal te/ rang gi phrag dog dang ser snas bslus shing sems kyi dgra dang lhan cig ldan pas tshe rang sgyu ma bzhin no// de ltar de nyes par byas pa'i las byas pas/ ji srid du de'i sdig pa'i las byas shing bsags pa bcom zhing spangs la zad par ma byas pa de srid du yi dgas kha zas med pa'i sdug bsngal myong bar 'gyur/ de phyis yi dgas kyi phul de las thar par 'gyur te/ thar nas kyang las de dang rgyu 'thun par rang gis byas pa'i las spyad pa ji ltar las nye bar 'gro bas 'khor bar yongs su 'khyam mo// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de mngal na gnas pa na ma de zas 'dod pa med par 'gyur/ gang gi sa ma de'i lus dang bzhin kha dog mchog tu mi sdug par 'gyur/ de gal te mngal de nyid du gnas pa na/ las rab tu mthu che ba dang / srog bcad pa rab tu mthu che ba des 'chi ba'i dus byed par 'gyur/ gal te yang brgya la btsal bar gyur na/ de ltar ngan par byas pa 'dus byas de'i ma rtag tu dri nga zhing mdog mi sdug la ma dang sa med par 'gyur/ de srog gi 'tsho ba dus thung zhing tshegs chen pos thob par 'gyur/ yul gyi bdag bo rgyal pos kyang de ltar btson rar bcug nas bkres pa dang skom pa dag gis 'chi ba'i dus byed par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas dri za ba zhes bya ba ji ltar 'dug pa mthong ngo // der las gang gis skye bar 'gyur snyam nas/ des thos pa las byung ba'i shes pas brtags na/ gang gis bza' ba dang btung ba mang po shin tu bsdus nas bdag 'ba' zhig za la/ bu dang chung ma dag la yang dag par 'ged par mi byed/ de dag ro bro ba 'dod na dri tsam zhig la snom du 'jug/ de bu dang chung ma de'i mdun du rang 'ba' zhig za bar byed la/ phrag dog dang ser snas zin pas yang dag par 'ged par mi byed de/ de ltar bu dang chung ma ris 'thun par lhan cig 'khod pa la brnyas par byed cing / gzhan dag kyang de nyid la rab tu 'jog par byed pa la rjes su dga' zhing / de nas yang bdag gcig pu za bar byed la/ de byas nas kyang skyon du mi 'gyur zhing / ngo tsha bar mi byed na/ de lus dang bral nas ngan 'gro log par ltung ba yi dgas dri za ba rnams kyi nang du skye bar 'gyur ro// der skyes nas lus rtag tu bkres pa dang skom pos gdungs shing gar bab bab tu rgyug ste ngu skad 'byin/ cho nges 'debs/ smre sngags 'don to// de gal te yang lha khang ngam/ mchod rten nam/ khyim gzhan du yon bdag dad pas bdug spos dri zhim po dag bdugs pa dang / de des dga' bar 'gyur// de bzhin du dri gzhan gyis kyang dga' bar 'gyur te/ de ltar 'di ni yi dgas dri za ba'i phyogs gcig yin no/ / dri za ba'i phyogs gzhan yang 'di ltar mi dag la nad byung ba na/ nad pa gang yin pa de dag gi phyir lha khang ngam/ kun dga' ra ba dag tu bdug spos gang bdugs pa'i dri des de tshim par 'gyur te/ des srog 'tsho ba 'thob cing de'i phyi bzhin 'brang / gzhi des lus kyi srog 'tsho ba 'thob ste/ de ltar de'i las kyi mthu sa yi dgas de dri za bar 'gyur/ zhing / srog gi tshegs chen pos za ba de 'thob par 'gyur/ der skyes nas kyang ji srid du sdig pa'i las bcom zhing spangs la zad par ma byas pa de srid du bkres pa dang skom pa'i sdug bsngal myong pabar 'gyur/ de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las kyi 'bras bu la spyod pa 'khor ba na yongs su 'khyam mo// gal te mis byas pa'i las myong bar 'gyur ba'i las kyis brgya la mi rnams kyi nang du gnya' shing gi bu gar rus sbrul 'jug pa lta bur mir skyes na/ de dbul zhing nad bu can la/ lus thams cad las dri de 'byung bar 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yo dgas chos kyi sbyin pa za ba zhes bya ba der 'jug pa thob pa des srog 'tsho ba 'thob par 'gyur ba ji ltar 'dug pa mthong ngo / / der las gang gis skye bar 'gyur snyam nas/ des zos pa las byung ba'i shes pas brtags na/ gang rang bzhin gyis ser sna dang phrag dog gi zil gyis non pa yin la/ srog gso ba kho na'i thabs sam rgyu des dang ba med cing dad pa med la/ pha rol la phan 'dom/ pa'i bsam pa med pa'i rgyus skyon du bgrang ba'i chos ston par byed cing / de tshul khrims dang ldan pa ma yin te/ 'di lta ste/ srog gcod pa'i chos kyi gtam dang / g.yul du 'chi ba'i chos dang / nor rdzas nan gyis 'phrog pa'i chos dang / khyu mchog bag yongs su gtong ba'i chos te/ des skyon du bgrang ba'i chos kyi rnam grangs de dag pha rol dag la bstan nas/ de las rnyed pa gang yin pa de sbyin par mi byed cing sogs pa 'ba' zhig byed na/ phrag dog gi zil gyis non pa mi ngan pa de lus dang bral nas ngan 'gro log par ltung ba yi dgas chos kyi sbyin pa za ba rnams kyi nang du skye bar 'gyur te/ de'i tshe ni snga ma bzhin no// de ri'i yul nas ri'i yul du yongs su rgyug cing / lus bkres pa dang skom pas gdungs la/ thams cad du du skad 'byin pa/ shing skam 'dra zhing skra ring la ngom zum gnas/ lus thams cad spu ring pos khebs shing rtsa dang rgyus pa'i dra bas dkris la/ pags pa dang rus pa tsam lus pa/ lus ring zhing sen mo mi sdug pa/ rang gis nyes par byas pas yongs su bslus pa/ mig gi khung ring zhing bskums la/ gdong mchi mas yogs pa/ lus sprin nag po 'dra zhing mi sdug pas mngon par khebs pa yan lag dang / ting lag thams cad dang / spu rnams kyi nang du sbrang bu dang / sha sbrang dang / srog chags ma ko Ta ka rnams zhugs nas za ba na thams cad du yongs su rgyug go// gal brgya la dge 'dun gyi gtsug lag khang gi nang du song nas yongs su rgyug pa na/ de gal te dge 'dun gyi 'am/ dge 'dun gyi gtsug lag khang du tshes gcig la gnod sbyin la byin pa'i rnyed pa 'thod cing / dge 'dun gyi gnas brtan nam/ gzhan chos kyi sbyin pa byin pas mngon par mgu bar 'gyur la/ de des shin tu tshim par 'gyur/ des srogs 'tsho ba thob par 'gyur/ des 'tsho ba rnyed par 'gyur te/ ji srid du sdig pa'i las de bcom zhing spangs la zad par ma byas pa de srid du yi dgas kyi sdug bsngal myong bar 'gyur/ de de las thar nas las de dang rgyu 'thun par rang gi las la smod pa sna tshogs dang / rnam pa sna tshogs byas pa 'khor ba na tshe sna tshogs myong bar 'gyur/ de gal te brgya la gnya' shing gi bu gar rus sbal 'jug pa lta bur mi rnams dang skal ba mnyam par pir skyes na/ de gzugs bram ze lta bu yin zhing / lha rten gyi drung du phyugs gsod par byed dam/ za bar byed/ srog 'tsho ba gzhan la rtag tu rag las shing / des srog 'tsho ba thob par 'gyur/ de nas yang de nyes par byas pa rjes su 'brel pas sems can dmyal bar 'gro bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas chu 'thung ba zhes bya ba ji ltar 'dug pa mthong ngo // de dag las/ gang gis skye bar 'gyur snyam nas/ des thos pa las byung ba'i shes pas brtags na/ 'di ltar mi rigs par chags pa'i zil gyis non pa'i sems can chang 'tshong ba gang gis khyim na chang yod pa dang / sbyar ba'i chang dang / bu ram chang 'tshong bar byed pa/ ser sna dang phrag dog gis mngon par nyams pa de chang de dag chus bslad de/ chang 'thung ba pha rol po de dag la 'drid par byed/ rnam par 'tshe bar byed cing / des sbyin pa dag ma byin/ bsod nams dag mi byed/ tshul khrims mngon par mi srung / chos mi nyan/ chos ma spyod/ gzhan dag kyang mi rigs par chags pa de la 'jog cing rjes su dga' bar byed la/ las dang las kyi nyer bsdogs dang / las kyi mjug dang bcas par byed na/ de nyes par byas pa des lus dang bral nas ngan 'gro log par ltung ba yi dgas chu 'thung ba rnams kyi nang du skye bar 'gyur ro/ / lus rtag tu bkres pa dang skom pas gdungs pa de yul chu med pa'i ri brags dang / 'brog dang / dgon pa chen po rnams su yongs su 'khyam mo/ / mdog bung ba dang sol ba 'dra zhing / yan lag dang nying lag thams cad sra la rtsub ste/ shin tu rdol ba dang / de'i lus 'bar ba 'khrigs shing kha gdong skra ring po rnams kyis mun par khebs te/ rtag tu bkres pa dang skom pa las byung ba'i mes gdungs pa na/ gal te res 'ga' brgya la chu dang nye bar gyur pa de'i tshe/ chu brgal ba gang 'bog pa na/ rkang pa'i chu'i zer ma byung ba dang / chos spyod pa gang dag chu 'gram du lag pa dag gis chu 'thor zhing gang skom pa de dag la sbyin no zhes smra ba de dag gis de srog 'tsho ba 'thob par 'gyur ro/ / gal te ma byin par 'dod nas/ de chu 'gram du 'dug ste btung ba 'thung ba dang / chu rgyun de srung ba'i yi dgas rnams kyis mngon par 'tshe bar byed cing lus kyang kun nas bzed bzed/ btog btog par lta bur byed do// sdug bsngal gyis nyam thag pa de/ de nas yang du skad 'byin/ smre sngags 'don cing yongs su rgyag go/ / nyes par byas pa'i las kyis bslus pa de ji srid du de'i sdig pa'i las byas shing bsags pa de bcom zhing spangs la zad par ma byas pa de srid du der sdug bsngal de myong bar 'gyur ro/ / de phyis yi dgas kyi 'jig rten de nas thar par 'gyur te/ thar nas kyang las de dang rgyu 'thun par rang gi lus rlung lta bus 'khyam pa na 'khor ba na yongs su 'khyam mo// de gal te brgyal mi rnams kyi nang du gnya' shing gi bu gar rus sbal 'jug pa lta bur mi rnams dang skam pa mnyam par mir skyes na/ de chu dang / steng ka dang / nags tshal dang bral ba/ ri brags dang / 'brog dang / grong ngan par skye bar 'gyur/ rtag tu khron pa'i chu la 'thung bar 'gyur/ mkhris pa'i nad kyis kyang 'debs par 'gyur/ nyin mtshan du skom med pas gnod par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten yi dgas kun ston ces bya ba mthong ngo / / de dag las gang gis skye bar 'gyur snyam nas/ des thos pa las byung ba'i shes pas brtags na/ mi ngan pa phrag dog dang ser snas ril g yis non cing mi rigs par chags pa la brkam pa gang gis mkhas pa dbul po'i 'tsho ba tshegs chen pos bsgrubs pa dag la rin thang steng du ma bab pa'i rin mi 'dra ba zang zing zhig byin la de rtag tu de la dga' zhing slu bar byed/ gzhan dag kyang las ngan par byed pa de nyid la 'god par byed cing 'jog par byed la sbyin pa dag ni mi gtong / bsod nams dag kyang mi byed/ tshul khrims la mi gnas/ dad pas nye bar 'gro bar mi byed/ chos dang 'thun pa'i chos mi spyod/ drang po dang dul bar mi byed/ dge ba'i bshes gnyen gyi ngang tshul can du mi byed cing / yang dang yang du phrag dog dang ser snas zil gyis non par gyur na/ de lus dang bral nas ngan 'gro log par ltung ba yi dgas kun ston rnams kyi nang du skye bar 'gyur te/ de las 'jig rten pa de dag pa zhes brjod do/ / de rtag tu lus dkres pa dang skom pas gdungs shing / lus tshal shing bsregs pa 'dra la/ dga' ba med pas nyams par 'gyur/ mchims gdong yog cing / rkang pa dang lag pa shin tu rdol la/ sbas kha gdong mun pa ltar khebs/ lto'i mdog sbyin nag po 'dra zhing d+ma skad 'byin/ smre sngags 'don pa na/ 'di ltar yod su smre sngags 'don te/ ma byin pas lta ga la 'thob// ma btab 'bras bu ga la 'byung // sgron ma med na 'od med ltar// ma byin pa de ba gang la yod// ji ltar lus can long ba yi// mig gis lta bar nus med ltar// sbyin dang bral ba de 'dra ste// yi dgas bde ba mi rnyed do// yi dgas 'jig rten yi dgas gang // de bzhin nor med 'jig gsum du// shin tu mi dga' 'khyam byed pa/ / de ni ser sna'i 'bras bu yin// rang gi las 'bras za ba yi// srog chags las la longs spyod pa// ma byin ci yang mi 'thob ste// byas pa chud ni za ba med// yi dgas 'jig rten gnas pa dag/ ngan byas rnams kyis bdag cag bsregs// bkres dang skom las byung ba yi// mi yis 'dir ni yongs su spyod// bdag cag rnams ni skom pa las// nam bral bde ba 'byung bar 'gyur/ / yongs su gdungs las bdag cag rnams// nam na yongs su thar par 'gyur// lam dang lam min mi shes shing // las kyi 'bras bu dag mi shes// bkres dang skom las byung ba'i me// tsha ba 'byung ba mi shes so// bzhin ni skra yis mun ltar khebla// re ba med cing srog rnams btang // pags pa rgyus pa'i dra bas sbrel// bdag 'tsho kyi hud sdug bsngal lo/ / dgon par chud pa'i lus can rnams// thams cad du yang sdug bsngal te// 'dir ni skyob pa gang yang med// bdag cag sdug bsngal zhugs par gyur// de ltar yi dgas kun ston par byed pa de dag du skad 'byin/ smre sngags 'don cing / thams cad du yongs su 'khyam mo// de dag gal te yang yongs su rgyug pa na/ dge slong des mthong nas sems par byed/ kye e ma khyad par du 'dod pa'i khams kyi 'khor ba rab tu 'bar ro snyam mo// de ltar yongs su rgyug pa de dag la gal te dad pa can zhig gis kyang byin la/ de rigs der skyes pa zhig/ kyang yin na de 'byung bar 'gyur te/ de de las srog gi 'tsho ba 'thob par 'gyur zhing / skyob pa de yin la/ skyabs de yin te/ de la rten to// de ltar de srid du sdig pa'i las de bcom zhi sngangs la zad par ma byas pa de srid du 'tsho bar 'gyur ro/ / de phyis yi dwags kyi 'jig rten de las thar par 'gyur te/ thar nas kyang las de drang rgyu 'thun par rang gi las kyi 'bras bu la spyod pa dang / rang gi las rlung lta bus nged par byed do// de dag gal te yang mi rnams kyi nang du gnya' shing gi bu gar rus sngal 'jug pa lta bur mi rnams dang skal ba mnyam par mir skyes na/ de rdza rnga rdung ba 'am/ dril spa sgrogs pa 'am/ gtsug lag khang gi srungs mar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dwags mchil ma za ba zhes bya ba ji ltar 'dug pa mthong ngo // de dag las gang gis skye bar 'gyur snyam nas/ des thos pa las byung ba'i shes pas brtags na/ 'di ltar mi ngan pa skyes pa 'am/ bud med phrag dog dang ser snas zil gyis non pas dge 'dun nam/ gzhan mkhas pa'i rnam pa de lta bu dag gi kha zas lhag mar byas la/ de 'di ltar lhag mar ma byas so zhes smras nas/ de dag kyang yid ches pa'i dbang gis kha zas mi 'dra ba de za bar byed do// mi ngan pa de'ang yang dang yang du de ltar de nyid la dga' bar byed cing / gzhan dag kyang de nyid la rab tu 'jog par byed la/ sbyin pa dag gtong bar mi byed/ tshul khrims la mi gnas/ mkhas pa la mi sten/ chos dang ldan par mi spyod// yang dang yang du kha zas lhag mar byed pa'i las de nyid la mngon par dga' bar byed na/ de lus dang bral nas ngan 'gro log par ltung ba yi dgas mchil ma za ba rnams kyi nang du skye bar 'gyur ro// der skyes nas lus bkres pa dang skom pas gdungs pa'i mchil ma bor ba ldan ljin nam/ rtsig pa la reg pa'am/ sa la bor ba de la kham gyis za bar byed de/ des srog 'tsho ba 'thob par 'gyur zhing / de'i phyi bzhin 'brang la skyabs de yin/ zas de yin te/ ji srid du sdig pa'i las de bcom zhing spangs la zad par ma byas pa de srid du de 'byung bar 'gyur ro// de phyis yi dgas kyi 'jig rten de/ las thar bar 'gyur te/ thar nas kyang las de dang rgyu 'thun par rang gi las kyi 'bras bu la spyod pa 'khor ba na yongs su 'khyam mo// de gal te brgya la mi rnams dang skal ba mnyam par mir skyes na/ de dbul zhing nad bu can la sna rul bar 'gyur/ rtag tu dge 'dun gyi nang na ldan ljin 'phyag par 'gyur/ lam gyis 'tsho ba dang lhag ma za bar 'gyur ba mthong ngo // / / dam pa'i chos dran pa nye bar gzhag pa bam po bcu dgu pa// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na nyes par byas pa spyod pa/ bkres skom chung zhing lus gos med pa ji ltar 'dug pa mthong ngo // de las gang gis der skye pabar 'gyur snyam nas/ des thos pa las byung ba'i shes pas brtags na/ des gnod sems kyi phyir ni ma yin gyi/ gtsang ba 'dod pa'i phyir sangs rgyas la 'phreng ba phul ba rku ba dang debazhin du bla ma dag gi 'phreng ba'ang rku bar byed na/ de lus dang bral nas ngan 'gro log par ltung ba yi dgas 'phreng ba za ba rnams kyi nang du skye bar 'gyur te/ de mchod rten nam/ mcho sbyin gyi gnas su skye bar 'gyur zhing / de mthu che ba dang / dbang che bar yang 'gyur ro// de legs par byas pa dang / nyes par byas pa'i rmi lam dag ston par nus so/ / gal te mi gang la rang bzhin gyi mi dge ba zhig byung la/ yi dgas de la kha zer na/ de gzhi des mi de la 'tshe bar byed pa dang / 'jig rten pa de dag gnod sbyin 'di ni rdzu 'phrul che ba mthu che ba zhig go zhes brjod do/ / de 'phreng ba mang po thob ste/ de des shin tu tshim par 'gyur zhing / lus bkres pa dang skom pa sa gdungs par yang mi 'gyur/ 'jig rten gyis kyang mngon bapar stod par 'gyur te/ de des rtag tu rab tu dga' bar 'gyur ro// de ltar de yi dag sa 'phreng ba za ba de ji srid du sdig pa'i las sdig pa chung ba de bcom zhing spangs la zad par ma byas pa de srid du 'tsho bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par byas pa nye bar 'gro ba ji lta ba bzhin de la spyod cing 'khor ba na yongs su 'khyam mo/ / de gal te brgya la mi rnams dang skal ba mnyam par mir skyes na/ des 'phreng ba mkhan du 'gyur te/ dbus dang / mtha' dang / mjug des de'i 'tsho ba nye bar 'grub pa mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten yi dgas khrag za ba zhes bya ba khrag gis srog 'tsho bar byed pa ji ltar 'dug pa mthong ngo / / der sems can de dag las gang gis skye bar 'gyur snyam nas/ des thos pa las byung paba'i shes pas brtags na/ mi gang la la de'i lus brtan par bya ba'i phyir sha'i khrag 'thung la de la dga' zhing gtum pa dang / phrag dog dang ser snas mngon par nyams pa/ bu dang chung ma la slu bar byed cing srog gcod par byed na/ khrag la 'chums pa'i ngang tshul can des/ de lus dang bral nas ngan 'gro log par ltung ba yi dgas khrag za ba rnams kyi nang du skye bar 'gyur ro// der skyes nas kyang las de nyid kyis bskyed pa'i yul du skye bar 'gyur la/ de la mi dag 'di ni gnod sbyin zhig yin no zhes brjod de/ de la mchod pa'ang byed do// de la kun nas bskor nas khrag gi gtor mas kyang mchod par byed de/ de phyir zhing khrag 'thung bas myos nas mi dag la gnod po byed do// de la mi dag yang dang yang du gnod sbyin 'di ni rdzu 'phrul che zhing mthu che ba zhig yin no zhes brjod de/ de ltar de gcig nas gcig tu rjod par byed do// tshe'ang snga ma bzhin te/ de ltar de ji srid du sdig pa'i las de bcom zhing spangs la zad par ma byas pa de srid du/ de ltar yi dgas rdzu 'phrul che ba de nyid byed do/ / de de las thar na las de dang rgyu 'thun par rang gi las la spod pa/ las nye bar 'gro ba ji lta ba bzhin du 'khor ba na yongs su 'khyam mo// de gal te brgya la mi rnams dang skal ba mnyam par mir skyes pa 'am/ bud med du skyes na/ mi de mkha' 'gro ma 'am/ mkha' 'gror 'gyur pa mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sha za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ ser sna la chags pa'i zil gyis non pa gang gis ba lang ngam/ rta 'am ri dgas sam/ phag gam/ lug shi ba'i sha rin thang ngam srang la g.yo byas nas rin chen por btsongs na/ de lus dang bral nas ngan 'gro log par ltung ba yi dgas sha za ba rnams kyi nang du skye bar 'gyur ro/ / de bzhi mdo dang / sum mdo dang / tshong dus dang / lam gyi bzhi mdo dang / srang dang / grong khyer dang / gtsug lag khang gi gnas rnams kyi gnod sbyin du skye bar 'gyur te/ ngo bo nyid gtum la gyur pa shes so/ / yi dgas rdzu 'phrul che ba mi dge ba'i las shin tu mi bzad pa'ang ma yin la/ de sbyin pa tshe ra ma lta bu'ang byin te/ rgyu des rdzu 'phrul che ba nyid du 'gyur ro// de la mi phal pa dag ma he dang / ri dgas dang / sbrul dang / lug la sogs pa dag srog bcad nas shas shin tu tshim par byed do// de ltar de nyes par byas pa'i ngo bo nyid ji srid du dge ba'i las phrag dog byas pa de bcom zhing spangs la zad par ma byas pa de srid du der 'byung bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang la de dang rgyu 'thun par las nye bar 'gro ba dang / las so sor 'brang ba ji lta ba bzhin du 'khor ba na yongs su 'khyam mo// gal te brgya la las legs pa byas pa des gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ sha za ba shan pa phal pa 'am/ dum bur byed pa'i mir 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bdug pa za ba zhes bya ba de thob pas/ des srog 'tsho ba 'thob pa ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ 'di ltar lha cher ser snas zil gyis non cing las kyi 'bras bu mngon par mi shes pa/ sangs rgyas zhes bya ba 'di zhing ma yin no snyam nas/ zhing du mngon par shes pa gang gis bdug spos bzang po bzhag la bdug spos ngan pa khyer te/ sems dang ba med cing / dad pa med par gyur pa// las kyi 'bras bu yang dag par myong bar 'dod pa gzhan gyi ngor 'di ltar bdug spos phul bas bdag gi las kyi 'bras bur 'gyur snyam nas/ de lus dang bral nas ngan 'gro log par lhung ba yi dgas rdzu 'phrul che ba me tog 'phreng ba dang / phye ma dang / byug pa dang / spos dang rol mo'i sgra la rab tu dga' zhing / bdug pa za ba'i gnod sbyin du 'gyur te/ gnod sbyin gyi gnas su 'am/ bzhi mdo 'am/ lam po che 'am/ srang ngam/ gtsug lag khang ngam/ kun dga' ra ba 'am/ skyed mos tshal lam/ khyim ma ma/ mkhor ram/ pu shu dag tu a ka ru nag po'i bdug spos kyis myos par 'gyur zhing / skye bo kun gyis phyag byas par 'gyur ba ni sems dang rdzas kyi yon gyis ma yin gyi/ zhing bzang po'i yon yin te/ sangs rgyas dang / chos dang / dge 'dun la chung ngu zhig phul na'ang 'bras bu chen por 'gyur ro// dper na gang gi tshe shing n+ya gro d+ha'i sa bon chung ngu zhing gshin pa la btab pa de'i tshe/ shing ljon pa yal ga bzang zhing lo ma'i tshogs chen por 'gyur ro// de bzhin du de zhing bzang po sangs rgyas dang / chos dang / dge 'dun la phul ba'i 'bras bu'ang zhing gi yon tan dang mthus chen por 'gyur ro// 'di ltar yi dgas rdzu 'phrul che ba de bde banyams su myong ste/ las zad nas yi dgas kyi 'a rten de las thar bar 'gyur te/ thar nas kyang las de dang rgyu 'thun par las de nye bar 'gro ba ji lta ba bzhin du 'khor ba na yongs su 'khyam mo// de gal te mi rnams kyi nang du gnya' shing gi bu gar ru swa sbal 'jug pa lta bur mi rnams dang skal ba mnyam par mir skyes na/ de rtag tu dbul ba'i rigs su skye zhing / rtag tu me tog 'phreng ba dang / phye ma dang / byug pas lus byugs te/ lus shin tu dri zhim par 'gyur ba mthong ngo // de nas yang dge slong las kyi 'bras bu rnam par smin pa shes pa de sa yi dgas kyi 'jig rten la brtags na/ des thos pa las byung ba'i shes pas yi dgas drag shul spyod pa zhes bya ba ji ltar 'dug pa mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi ngan pa ser snas zil gyis non cing dge sbyong gi tshul 'dzin pa/ tshul khrims 'chal pa gang gis dge sbyong gzhan la tha snyad btags nas/ 'di ltar dge sbyong shin tu nad mi/ bzad pas thebs te/ de sbyin bdag khyod kyis na ba'i gsos sman gyi rkyen gyi yo byad dag byin cig ces smras nas de blangs te bdag nyid za bar byed/ de zla des ngan g.yo byed par gyur nas tshul sna tshogs bzung ste/ yul nas yul du rgyug cing sbyin bdag rnams la slu bar byed na/ de lus dang bral nas ngan 'gro log par ltung ba yi dwags drag shul spyod pa rnams kyi nang du skye bar 'gyur ro/ / der skyes nas kha zas ldan sprin mo gtsang ba za bar 'gyur/ rtag tu lus bkres pa dang skom pas gdungs par 'gyur/ mi gang mi gtsang ba de la brnyas par byed cing / de ltar nga rgyul med par byed/ grags mthong ba nyid kyis gzhan dag gi rmi lam du 'jigs pa ston par byed cing / dur khrod rnams su dga' bar byed/ lus dang smra thams cad rab tu 'bar la yul 'jig pa'i tshe rab tu dga' bar 'gyur ro/ / drag shul du spyod pa'i rig sngags dag gis gzhan dag drangs nas rnam par 'tshe bar byed de/ yud tsam gcig gis dpag tshad brgya phrag stong nas kyang drangs te 'ong bar byed do/ / de ltar drag shul spyod pa'i yi dgas de gnod sbyin gyi ming thob ste/ de la skye bo phal po dag gnod sbyin 'di ni rdzu 'phrul che zhing / gnod sbyin mthu che ba yin no snyam nas mchod par byed do/ / de ltar de skye bo rnam pa sna tshogs la gnod pa byed cing rnam par 'tshe ba na/ ji srid du tshe ma zad pa de srid du 'tsho bar 'gyur ro// de phyis de las 'chi bar 'gyur te/ shi nas kyang las de dang rgyu 'thun par rang gi las la spyod pa 'khor ba na yongs su 'khyam mo// de gal te brgya la mi rnams dang skal ba mnyam par mir skyes na/ de 'byung po mi bzad pa gnod sbyin mo skyong bar 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas klags lta ba zhes bya ba rang gi ngo bo nyid kyis klags lta ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung pa'i shes pas brtags na/ 'di ltar phrag dog dang ser snas zil gyis non pas gzhan gyi nor rdzas la g.yo thabs dang / ngan g.yo dang / bslu ba dang / 'khu ba byas shing / grong dang / grong khyer dang / tshong dus pa la brid de/ glags rnyed pa dang / pha rol 'jig par byed cing / sbyin pa dag mi gtong / bsod nams dag kyang mi byed/ mkhas pa la lhur mi lta/ rtag tu ser snas zil gyis non cing gzhan la 'khu ba'i bsam pas gzhan gyi phun sum tshogs pa mthong nas yid bzhin du sems bshes grogs dang / gnyen 'dab dang / rtsa lag dang mi mthun zhing yul la zhe ba gras pa skye bo thams cad kyi mngon sum du gyur pa de lus dang bral nas ngan 'gro log par ltung ba yi dgas grags lta ba rnams kyi nang du skye bar 'gyur ro/ / lus dang spu rtag tu rab tu 'bar zhing lus bkres pa dang skom pas gdungs la lus shing ljon pa king shu ka 'dra ba/ du skad 'byin/ smre sngags 'don cing / sa phyogs gang na chu yod cig gu/ gzhan gang na bdag gis bza' ba'i kha zas kyi rnam pa cung zad gang yod cig gu snyam nas rgyug par byed do/ / de res 'ga' gal te mi blo zhan pa zhig dang phrad la/ mi de mchod rten skor bar mi byed pa dang / de'i phyi bzhin du 'byung ba'i lha des gtong bar 'gyur la/ de'i tshe mi de'i phyi bzhin 'brang ba'i lha dang bral bar 'gyur te/ yi dag sa glags lta ba des glags rnyed nas rnam par 'tshe bar byed cing / de bzung nas de'i tshe srog 'tsho bar byed do// de bzhin du mi gzhan gang dag bud med dang phrad pa brtsog gi nyes pa'am/ kha zas dang btung ba zos pa'i lhag ma mi gtsang ba'i nyes pa ma bkrus na/ lha yang rnam par 'tshe bar byed la/ yi dgas de nyid kyis srog 'tsho ba 'thob par 'gyur zhing / de'i mgon de yin la skyabs de yin te/ ji srid du sdig pa'i las de bcom zhing spangs la zad par ma byas pa de srid du 'tsho bar 'gyur ro// de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las la spyod par 'khor ba na yongs su 'khyam mo// de gal te mi rnams dang skal ba mnyam par mir skyes na/ de rtag tu rgyal po dang / chu dang / chom rkun dang / me dang / dgon pa dag gis ma rung bar byed cing / rtag tu dbul ba dang / nad bu can dang / dman par 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sa'i 'og na gnas pa zhes bya ba mthong ngo / / der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mi blo gros ngan pa ser snas zil gyis nod pa'i gzhi gang gis btson ra bya ba'i phyir sa rkos pa/ mun nag gi nang du sems can bcings pa gang dag phan tshun blta bar yang mi mthong ste/ de dag du skad 'byin cing ku co 'don/ so so nas mgon med la shin tu sdug bsngal ba dag mi ngan pa gang gis btson rar 'jug pa byed pa na/ de las dang bral nas ngan 'gro log par ltung ba yi dgas sa 'og na gnas pa sa gzhi mun pa mun nag gi nang du 'byung bar 'gyur te/ de lus kyi tshad dpag tshad gsum yod la/ kun nas sbrul gdug pas dkris shing / de rlung grang la mi mthun pa rnams kyis shin tu gnod par byed/ lus spu can bkres pa dang skom pas mchog tu gdungs pas du la/ lus skra ring pos khebs pa/ yang dang yang du sdug bsngal rnam pa sna tshogs rnam pa du ma rnams kyis mngon par gdungs shig dgon pa mi bzad par zhugs/ sdug bsngal drag cing mi bzad pa myong bzhin du yongs su rgyug la/ gcig pu zla med cing grogs med pa/ rlung spu gri lta bur bdas pa na/ ji srid du nyes par byas pa'i las bcom zhing spangs la zad par ma byas pa de srid du de myong bar 'gyur ro/ / de phyis de las thar par 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo/ / de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de ri gseb dang / rgya mtsho'i ri dang / nyi ma dang / zla ba med pa'i yul rnams su long bar 'gyur zhing srog 'tsho ba gzhan la rag las pa dang / dbul por 'gyur pa mthong ngo // de nas yang slong las thAg rnam par smin pa shes mnas gas mi 'dzig rten d+hAgs/ ma thagasas byung mas pas pa sa kyi lan / 'phrul che ba zhes bya ba rang bzhin gyis rdzu 'phrul che zhing mthu che ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na sems can ser snas nyams pa gang g.yo thabs dang sgyus sam/ mthus gzhan gyi nor phrogs te/ gzhan dag la byin pa dang / sems dang ldan pa ma yin zhing // zhing bzang po ma yin pa la sbyin tsher ma lta bu dang mtshungs pa'i sbyin pa 'gran pa dang / dbang med pa dang / sba ba dang / spogs dang / ngo chen dang / sten sten pa dang / slar re ba la sogs pa'i sbyin pa tsher ma lta bu dang mtshungs pa dag byin na/ de lus dang bral nas ngan 'gro log par ltung ba yi dgas mthu bo cher 'gyur ro// de der skyes nas yi dgas lus bkres pa dang skom pas gdungs pa rnams kyis yongs su bskor ba/ 'brog dgon pa 'am/ ri zad zed kyi gseb bam/ rgya mtsho'i mtha'i gling dag tu yi dgas rdzu 'phrul chen por 'gyur te/ bdag gcig pu mchog tu bde bar 'gyur ro// gzhan lus tshal shing bsregs pa lta bu dang / lus bkres pa dang skom pas gdungs shing / lus gdungs pa bkren pa'i mig gis lta ba rnams kyis mngon par bskor ba/ bdag gcig pu mchog tu bde bar 'gyur te/ sbyin pa ngan pa de'i 'bras bu bdag gcig pu nye bar spyod do// shin tu sdug bsngal bas 'khrugs shing yongs su bskor ba/ gang gi tshe las de zad par gyur pa de'i tshe/ de de las thar bar 'gyur te/ thar nas kyang las de dang rgyu 'thun par rang gi las kyi 'bras bu la ston pa 'khor ba na'atho ba sna tshogs su skye bar 'gyur ro// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de lo nyes byung ba'i yul dag tu rgyal po 'am/ rgyal phran du 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na// des thos pa las byung ba'i shes pas yi dgas kyi 'jig rten na/ yi dgas mtshan mo lus rab tu 'bar ba zhes bya ba ngo bo nyid kyis kyang mtshan mo rab tu 'bar te/ ngu bzhin du grong gi 'dab dang / grong khyer gyi 'dab dang / tshong dus kyi 'dab dang / ri'i gnas rnams su rgyug pa/ shing ljon pa rab tu 'bar ba 'dra zhing lus bkres pa dang skom pas gdungs pa ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ ji ltar phrag dog gis zil gyis non pa/ gang pha rol la gnod par byed pa/ g.yo thabs dang sgyu byed pa/ yul ma rung bar byed pa/ ljongs 'jig par byed pa/ mi gsod pa gnyen 'dab dang / bshes grogs dang / rtsa lag 'jig par byed pa de dag bshig nas kyang rgyal po 'am/ blon po la 'dul bar byed de/ de las yang thabs thob nas de nas yang sdig pa byed pa'i mi yul de dag nyid snga ma bzhin du 'jig par byed la/ sbyin pa dang / tshul khrims dang / thos pa dang bral ba dang / mkhas pa la sdang bar byed cing / gnod par byed delus dang bral nas ngan 'gro log par ltung ba yi dgas mtshan mo lus rab tu 'bar ba rnams kyi nang du skye bar 'gyur ro/ / des ji ltar de dag mtshan mo btson rar bcug ste/ lus la gnod pa bas pa de bzhin du/ las de dang rgyu 'dun par las mi bzad pa des/ de'i lus kyang mtshan mo rab tu 'bar bar 'gyur ro// ji ltar des btson rar bcug nas/ ngu zhing du skad 'byin la/ cho nges 'debs pa de bzhin du/ yi dgas de'i lus mtshan mo rab tu 'bar bar 'gyur te/ de ltar de ji srid du sdig pa'i las de bcom zhing spungs la zad par ma byas pa de srid du las de myong bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo// de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu gzhan gyis gnod par byas par 'gyur/ nor rdzas bsarba bsags pa'ang rtag tu rgyal po'i 'khor nas kyang 'phrog par byed/ shing ljon pa'i kha nas rtag tu ltung bar 'gyur te/ de lhung nas lus snang bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas mi rnams kyi bus pa la glags lta ba zhes bya ba bus pa gang btsas ma thag tu 'phrog par byed pa ji ltar 'dug pa mthong ngo / / de las kyi 'bras bu gang gis der skye bar 'gyur snyam nas/ des thos pa las byung ba'i shes pas brtags na/ gang gis sngon gzhan du skyes pa na/ de'i bus pa bsad pa dang / skyes pa 'am/ bud med de sems can de la zhe sdang skyes nas/ 'di ltar bdag gnod sbyin du gyur te/ de dag gi bus pa gsad par bya'o snyam du sems na/ de lus dang bral nas ngan 'gro log par ltung ba yi dgas gzhan la glags lta ba rnams kyi nang du skye bar 'gyur ro// de khro ba de la mngon par zhugs pa'i blos rtag tu de yid la byed par 'gyur te/ gal te bud med de bu btsa' bar 'gyur na/ de'i bus de de la bdag gis glags rnyed nas dbrog par bya'o snyam du sems so/ / yi dgas de mgyogs par skyes te/ ji ltar dpag tshad brgya phrag stong dag na khrag gi dri tshor ba yang der yud tsam gyis phyin par 'gro ste/ de gang gi tshe bud med de btsa' bar 'gyur pa de'i tshe/ yi dgas glags lta ba khon du 'dzin cing dgra'i glags lta ba de chung ngur gyur nas gnas so// de gang gi tshe thams cad du 'tshol te/ glags 'tshol dmigs pa 'tshol/ gsapa gas pa 'tshol/ gzhi 'tshol/ rgyu 'tshol/ nyes pa 'tshol/ spyod pa tha dad pa 'tshol/ bkra shis ma yin pa 'chol/ skar khung gi bu ga 'tshol/ sgo'i bu ga 'tshol/ gzhir 'jug pa 'tshol/ chu migatsang ba 'chol/ gsang sngags la glags 'tshol/ rig sngags la glags 'tshol/ bkra shis la glags 'tshol/ grib ma la glags 'chol/ dngos po la glags 'tshol/ me mdag gi bu ga 'tshol/ sa'i bu ga 'tshol/ mtshon cha'i bu ga 'tshol/ khang pa'i pu shu dang / ngam grog dang / g.yang sa'i bu ga 'tshol te/ de ltar yi dgas snying la khon du 'dzin pa chen po yod pa de grags rnam pa sna tshogs dag tshol lo// de gal te ji skad bstan pa'i glags dag rnyed na de btsa' ba'i khyim na gnas pa nyid 'phrog par byed do/ / gal te ma rnyed na glags rnam pa sna tshogs tshol ba de lo bcu 'das kyi bar du'ang 'phrog par byed do// de ltar snying la khon du 'dzin pa mi dge ba dang 'brel pa/ mi dge ba nyid kun tu spyod bzhin du lus bkres pa dang skom pas gdungs pa des/ gal te nus na de'i bus pa de phrogs nas gsod par byed do// ci ste las kyi dbang ngam/ bsrung ba'i dbang gis ma nus na/ snying la khon du 'dzin pa de 'chi ba'i dus byed de/ de ltar shi nas las nye bar 'gro ba ji lta ba bzhin du las kyi dbang gis 'khor ba na yongs su 'khyam mo// de gal te/ yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ sngon 'brel ba'i dgra de dang rgyu 'thun par de sngar bshad pa'i snying la khon du 'dzin pa des/ rgyu med bzhin du thabs rnam pa sna tshogs kyis rab tu gsod pa'i dgra 'byung bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas 'dod pa'i gzugs can zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ bud med dam/ ma ning gang bud med kyi cha byad du zhugs shing / de bud med smad 'tshong ma'i cha byad sna tshogs su zhugs nas/ pha rol dag 'dod chags skyed par byed cing / de nas yang 'dod pa nyid la g.yengs nas 'jug par byed la/ bcug nas kyang phrag dog dang ser snas zil gyis gnon pas pha rol las kla nor rdzas dag len par byed do/ / blangs nas kyang res 'ga' zhing ngan pa dang / snod ngan pa dang / yul ngan pa la sbyin pa'i dngos po ngan pa tsher ma lta bu dang ldan pa cung zad tsam sbyin par byed de/ rgyu des de 'chi ba'i dus byas nas yi dgas 'dod pa'i gzugs can rnams kyi nang du skye bar 'gyur ro// der skyes nas kyang de yi dgas kyi gzugs kyi tshul sna tshogs 'dzin te/ tshul bzang ba dang / tshul ngan pa dang / gzugs bzang ba dang / gzugs ngan pa 'am/ sdug pa 'am/ skyes pa'i gzugs sam/ bud med kyi gzugs sam/ dud 'gro'i gzugs dag byed par nus so// de tshul sna tshogs dag bzung nas yul dag tu 'gro bar nus so// de rgyu dang bcas/ rkyen dang bcas par gyur na/ kha zas bza' bar nus so/ / rgyu'i gzugs de shin tu chung bar byas nas khyim du 'jug par byed de/ zhugs nas kha zas de la za bar byed do// khyim na gnas pa de gzhan la bdag cag gi kha zas yi dgas kyis zos so zhes smra'o/ / res 'ga' yang lha 'am/ mi'i tshul du gnas nas dus kyi dga' ston dag gi kha zas la za bar byed do// res 'ga' yang byar sprul nas/ dur 'thor ba'i kha zas dag la za bar byed do/ / res 'ga' yang mi snang bar byas nas 'phrog par byed de/ de ji ltar 'dod pa de bzhin du gzugs rnam pa sna tshogs su byed do// de la 'jig rten dag gnod sbyin ji ltar 'dod pa'i gzugs can zhig yin no zhes brjod do/ / de res 'ga' yang bud med du sprul nas/ grong mi'i chos kyis skyes pa 'dren par byed do// de ltar de tshul sna tshogs bzung nas 'jig rten gru bar byed de/ de ji srid du yi dgas dang ldan pa'i sdig pa'i las de bcom zhing spangs la zad par ma byas pa de srid du de ltar 'jig rten bslus nas yi dgas kyi 'jig rten du skye bar 'gyur ro// de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par rang gis byas pa'i las la spyod pa 'khor ba na yongs su 'khyam mo// de gal te yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes nas/ de bro gar mkhan tshul sna tshogs 'dzin par 'gyur zhing / de bzhin du spyod pa'i tshul gzhan sna tshogs 'dzin par 'gyur te/ de tshul sna tshogs 'dzin pa'i las des 'tsho ba de bzhin du/ bdag nyid 'tsho bar byed de/ bdag gi chung ma gzhan dag la byin nas tshegs chen pos 'tsho ba 'grub par 'gyur ba mthong ngo / / de nas yang dge slong las kyi 'bras bu rnam par smin pa shi ba des yi dgas kyi 'jig rten la brtags na/ des thos pa las byung ba'i shes pas yi dgas rgya mtsho'i gling gi par na gnas pa zhes bya ba ji ltar 'dug pa mthong ngo / / de dag las gang gis der skye bar 'gyur snyam nas/ des thos pa las byung ba'i shes pas brtags na/ dgon par zhugs pa gang 'jigs shing bzhin mog mog por 'gyur/ nad kyis nyam thag ste mgon med cing bshes pa med pa can de la sems can gzhan phrag dog dang ser snas nyams shing mi rigs par chags la brkam pa gang gis zong ngan pas nor rdzas bzang po la rin 'dra bar 'debs shing slu bar byed na/ mi ser snas nyams pa de 'chi ba'i dus byas na/ rgya mtsho dang nye ba'i dgon pa mang po dang shing ljon pa dang / steng ka dang / chu bo dang / tshal dang / nags tshal med pa'i yul dag tu grang ba'i tshe ni brgya 'gyur du grang la/ tsha ba'i tshe ni brgya 'gyur du tsha ste/ lus bkres pa dang skom pas gdungs pa 'am/ zil pa'i thigs pas srog 'tsho ba'i yi dgas su 'gyur ro// rgya mtsho'i chu'ang btung ba mi 'thob la/ de dag gi las ngan par byas pa des rgya mtsho yang thams cad du bskams par 'gyur te/ ri dang / nags tshal dang / rgya mtshor bcas pa de'ang rab tu 'bar ba mthong ngo // de re ba med cing thams cad nas gnod pa lus bkres pa dang skom pas gdungs pa du zhing smre sngags 'don bzhin du gnas nas gnas dag tu rgyug la/ ngu skad 'byin/ smre sngags 'don/ cho nges 'debs kyang de la grogs su 'gyur ba su'ang med de/ de la skyob pa med/ dpung gnyen med do/ / rang gi las kyis sems bslus pa de/ sgras mun pa ltar khebs shing lus kyi yan lag dang / nying lag thams cad rgyus pa'i dra bas sbrel ba lag pa gnyis so sor phral te brgyangs pa dang / ku co 'don pa kun nas mgon 'dod cing / dpung gnyen 'dod kyang de'i mgon du 'gyur ba su'ang med de/ de ltar de ji srid du sdig pa'i las de bcom zhing spangs la zad par ma byas pa de nyid du 'tsho bar 'gyur ro/ / de phyis yi dgas kyi 'jig rten de las thar par 'gyur te/ thar nas kyang las de dang rgyu 'thun par gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de de bzhin du gling gi bar na gnas pa'i mir 'gyur te/ gling chu chung ba der rkang pa gcig pa 'am/ lus thung bar 'gyur ba mthong de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas gshin rje'i chad pa zhes bya ba ji ltar 'dug pa mthong ngo // de las gang gis skye bar 'gyur snyam nas/ de thos pa las byung ba'i shes pas brtags na/ mi gang phrag dog dang ser snas nyams shing rgyal po'i mi'i gnas byed pa/ sems drag shul can snying rje med pa/ chos kyi tshul btang ba/ 'jig rten thams cad kyis smad pa de lus dang bral nas ngan 'gro log par ltung ba yi/ dgas kyi yul na yi dgas gshin rje'i chad pa zhes bya bar 'gyur te/ gang mi'i 'jig rten na mi nyes par byas pa'i las kyis gshin rje'i sgo ba nyams par 'gyur ro// de'i nyes par byas pa'i las kyis gshin rje'i mi nye bar 'dug ste/ shin tu sngangs par byed cing cha byad bsgyur ba 'chang ba/ lus bsgyur ba/ lag tu mtshon cha thogs pa/ lus skas mun pa ltar khebs pa/ mchu dang lto 'phyang ba/ rna ba 'phyang ba/ ha ha'i sgra dang / mtshon cha 'debs pa rnams kyis mi de la 'jigs par byed do// de dag gis mi de mthong nas phyis lag pa bcing bas bcings te/ gshin/ rje'i 'jig rten gshin rje'i drung du khrid do// 'di ltar de lha dang mi'i 'jig rten nas yi dgas kyi yul du khrid de/ lus kyis nyes par spyad pa dang / ngag gis nyes par spyad pa dang / yid kyis nyes par spyad pa dang ldan pa de la lhas rjes su bstan par gsol zhes smras so/ / de nas gshin rje'i rgyal po chen pos mi de la 'di ltar rjes su bstan pa/ mkhas pa rang gi las kyis su// mi dag tu ni khyod skyes nas// rin chen gling du khyod bslus pa// ci yi phyir na chos ma spyad// bde ba las la rag las mthong // yid ni de bzhin bde rag las// 'chi dang skye ba rnams spyad/ pa// chos ni yid dang rjes su 'brel// 'du byed thams cad mi rtag ste// chu yi chu bur lta bu yin// 'jig rten 'di dang pha rol tu// de ltar legs pa'i las sprad do// gang zhig rtag tu dge byed// pa/ kun tu mi dge yong mi byed// de ni ngar lta lam mi 'dod// mtho ris skas la kun tu gnas// byis pa gang dag sems med pa// rtag tu nyes par spyad pa dga'// sdig pa nges par rnam spangs pa/ 'gro ba bzang por 'gro bar 'gyur// 'jig rten las kyi 'bras bu mthong // lha la rnam pa sna tshogs mthong // gang zhig bag med shin tu rtsub// de dag nges par 'phags mi byed// gang gi don du lus dang ngag/ yid kyis mang du sdig byas pa// de dag thams cad gzhan du dong // gnas 'dir khyod ni gcig pu 'dug/ mi ni rnyed dka' thob nas su// gang zhig sdig pa mang byed pa/ / shin tu slu ba mi bzad de// ngan 'gror nges par 'gro ba yin// gang zhig sdig las bral ba ni// shin tu dge la dga' 'gyur te// de ni bde las bde 'thob cing // mya ngan 'das par rab tu 'gro/ / gang zhig dge la nyer bstan pa// mi ni shin tu bkra shis 'gyur// gang zhig sdig la nyer bsten pa// de ni shin tu bkra mi shis// thog ma bar dang mthar ngan pa/ / dam pas de ni rnam par smad// sdig pa sdig par 'gro ba mthong // sems can dmyal ba nye bar rtog/ las dge dbang po thul ba ni// 'jig rten dag na shin tu bzang // lus dang bral nas bde 'gro ste// lha yi 'jig rten skye bar 'gyur// khyod ni bcing ba dam pos bcings// gshin rje'i pho nyas dbang du byas// gshin rje'i 'jig rten rten dga' ba// drag po mi bzang khyod kyis thob// khyod kyis ngan byas gang byas pa'i// las de 'dir ni spyad par gyis// byis pa rang gis byas la spyad// gzhan gyi spyod pa nyid mi 'gyur// de ltar de gshin rjes rjes su bstan pa na/ gshin rje'i chad pa de dag mngon sum du gyur to// de nas de bstan nas// gshin rje'i mis nyes par byed pa byas pa// rang gi las kyi 'bras bus bsdus pa de phyir byung nas nye bar 'gro ba ji lta ba bzhin du khrid de/ ji srid du sdig pa'i las byas shing bsags pa de bcom zhing spangs la zad par ma byas pa de srid du zas rlung la za bar byed do/ / de phyis yi dgas kyi 'jig rten de las thar par 'gyur te/ thar nas kyang gal te mi rnams dang skal ba mnyam par mir skyes na/ las de dang rgyu 'thun par ri nyam dang / dang chu mi bde ba'i 'gram du gnas te/ lam du 'gro ba skyed par 'gyur ba mthong ngo // de nas yang rnal 'byor spyod pa nang gi chos la chos kyi rjes su lta zhing gnas pa dge sroslong de sa gzhan bcu bzhi pa la ji ltar 'jug snyam nas/ des thos pa las byung ba'i shes pas sam/ lha'i mig gis gzugs kyi skye mched bcu mthong ste/ 'di lta ste/ mig gi skye mched dang gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg byabya'i skye mched do/ / de 'di snyam du sems te/ mig dang gzugs la brten nas bdag gi 'du shes 'byung ngo snyam ste/ des brtags na/ mig dang gzugs la brten nas mig gi rnam par shes pa skye ste/ gsum 'dus pa la reg pa/ reg pa dang lhan cig skyes pa tshor ba dang / 'du shes dang / sems pa dang / rnam par shes pa 'byung ste/ reg par byed pas reg pa/ tshor bar byed pas tshor ba/ shes par byed pas 'du shes te/ 'di ltar gzugs 'di ni ring ngo // thung ngo // sdug go/ mi sdug go/ bstan du yod pa'o// thogs pa dang bcas pa'o snyam pa'o// sems par byed pas sems pa'o/ / yang rnam par shes par byed pas rnam par shes pa ste/ chos de dag dmigs pa gcig la 'jug cing 'byung bar 'gyur te/ mtshan nyid gzhan dang gzhan/ ngo bo nyid gzhan dang gzhan yin no/ / 'di ltar sa chen po'i chos bcu ni/ tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / dran pa dang / ting nge 'dzin dang / shes rab ste/ de ltar dmigs pa gcig la mtshan nyid gzhan du 'dod/ rnam par shes pa la sogs pa chos bcu gcig po de dag kyang ji ltar nyi ma'i 'od zer gcig tu 'du yang / 'on kyang ngo bo nyid gzhan pa bzhin du rnam par shes pa'i ngo bo nyid gzhan pa nas/ sems pa'i bar du gzhan no snyam ste/ dge slong gzugs kyi skye mched kyi de kho na nyid shes pa des/ mig gsog dang / gso ba dang / snying po med pa dang / yang dag pa ma yin par mthong ngo // phyogs bcur lam gyi de nyid shes shing log par lta ba spangs pa yang dag pa'i lta ba sngon du 'dren pas mig gi rnam pa gti mug gi rnyog par gyur pa spong ste/ de kho na nyid mthong bas des sha'i gong bur byas pa/ rnag nyung ngu dang mchi ma mang ba'i gnas yin no snyam du rig nas de la 'dod chags skye ba rab tu spong ngo / / mi rtag pa yin no snyam nas/ mi rtag par lta bar byed/ sha'i gong bu dang rus pa'i bu ga'i rnam pa yin no snyam nas/ 'dod chags dang bral bar byed/ rgyus pas sbrel ba yin no snyam nas/ mig gi skye mched phan tshun rag las pa 'di la rtog ste/ 'di la snying po med cing bdag med par rig go// mdor na mig 'di ni sdug bsngal yin no bar shes shing mthong nas/ mig gi skye mched kyi 'dod chags dang bral lo// de mig gi skye mched ji lta ba bzhin rtogs nas/ gzugs la'ang rnam par dpyod par byed de/ gzugs gang sdug pa dang / mi sdug pa dang / lung du ma bstan pa 'di ni kun tu rtog pa tsam ste/ 'di la snying po ci yod/ gtsang ba ci yod/ rtag pa ci yod/ mi rtag pa ci yod ces lta ba na rnam par rtog cing dpyod par byed do/ / dpyod pa na so so yang dag par rig par byed de/ gzugs 'di la ngo bo nyid kyis bde ba med pa des gzugs mthong zhing shes la rtog pa 'thob po// gzugs 'di la snying po med de/ gzugs sdug pa dang mi sdug pa 'di ni kun tu btags pa tsam mo// 'di la sdug pa dang mi sdug pa'i ngo bo med de/ 'jig rten 'di 'ba' zhig sdug pa dang mi sdug par 'dod do// gzugs 'di ni ngo bo nyid kyis rtag pa 'am/ brtan pa 'am/ ther zug pa 'am/ bde ba 'am/ snying po 'am/ bdag dang bcas pa ma yin te/ 'dod chags dang / zhe sdang dang / gti mug gis bsgrigs pa ni gzugs sdug go/ / mi sdug go snyam du sems so snyam nas/ de gzugs kyi skye mched yang dag par brtags te/ mig dang gzugs mthong nas chags par mi byed/ rmongs par mi byed/ snying po yod par mi sems so// mig dang gzugs kyi skye mched la mngon par brtags nas/ mig gi rnam par shes pa la chags par mi byed cing 'dod chags dang bral bar byed do// mig gi rnam par shes pa bdag ma yin/ mig gi rnam par shes pa bdag gi ma yin te/ de bzhin du reg pa dang / tshor ba dang / 'du shes dang / sems pa bdag ma yin/ sems pa bdag gi ma yin no/ par rig go// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dag sa byis pa la za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ nad pa rnams kyi lha mchod pa 'am/ gnod sbyin mchod pa'i phyir las mi bzad pa drag po gang gis gzhan dag bslus nas nor rdzas phrogs sam/ lug bsad na/ de lus dang bral nas ngan 'gro log par ltung ba sems can dmyal ba yang sos su skye bar 'gyur ro/ / de nas thar nas kyang yi dgas byis pa la za ba'i nang du skye bar 'gyur la/ gang srog gcod pa gzhan zhig gal te mi'i so so yang dag par myong bar 'gyur ba'i las kyis mi'i skye gnas su skyes/ de srog gcod pa mang du byas pa ji lta ba bzhin du yi dgas de gsod par byed de/ de mngal na gnas pa na gsod pa 'am/ de btsas pa'i khyim du gsod pa 'am/ de gog thal thul na gsod pa 'am/ de phud pu bcas pa na gsod pa 'am/ de yongs su rgyug pa na gsod par byed de/ de ltar yi dgas des rim gyis bus pa de gsod par byed do/ / de gang gi tshe nyes par byas pa'i las des yi dgas de glags 'tshol te/ glags rnyed nas bus pa de la za bar byed do// 'dir tshigs su bcad pa/ kha cig mngal te de bzhin du// gzhan ni btsas pa'i khyim dang gzhan/ de bzhin gog ni thal thul dang / yongs su rgyug na 'chi bar 'gyur// de ltar skom pa dang bkres pas gdungs pa'i lus de rang gis nyes par byas pa'i las myong bar 'gyur te/ 'di ltar byis pa'i srog 'tsho bar 'gyur ba na/ nyes par byas pa las nyes par byas pa nye bar sgrub cing de ltar byis pa la za ba'i yi dgas de nyes par byas pa las/ shin tu nyes par byas pa'i las gzhan rgyun mi 'chad pa na yi dgas kyi 'jig rten de myong bar 'gyur te/ de ltar de ji srid du de'i sdig bapa'i las byas shing bsags pa bcom zhing spangs la zad par ma byas pa de srid du yi dgas kyi 'jig rten der skye bar 'gyur ro/ / gal te mi rnams dang skal ba mnyam par mir skyes na las de dang rgyu 'thun par de'i dus pa rim mo byas snang 'tsho bar mi 'gyur ro/ / 'dir tshigs su bcud pa/ nyes par byas pa'i las 'brel pas/ nyes par byas pa'i 'brag bur brjod/ de bzhin legs byas 'bras bu ni// rnam par smin pa bde bar mthong // las kyi thag pa ring po yis// byis pa dam du bcings pa'i rnams// mya ngan 'das pa'i grong mchog tu// 'gro bar mi 'gyur thar par dka'// ye shes mtshon gyis de bcad nas// gang du de ni mi 'jug cing // nges par 'khor ba'i rims nad bral// dam pa mya ngan 'das par 'gro// ji ltar nya dag rgyas bcus na/ / bde bar yongs su 'byung du rung // de ltar sems can sred bcings pa// 'chi bdag gis ni nye bar 'dren// dug dang bcas pa'i mdas phog pa'i// ri dgas gang dang gar 'gro ba/ / de dang der ni dug 'gro ste// de bzhin mi dug sred pa yin// 'gro ba 'gro bar rjes 'greng ba// sred pa dug 'dra spang bar gyis// shing skam me yis sreg pa ltar// byis/ pa rnams la de yis sreg/ re zhig dga' ste shes par dka'// rnam par smin pa me dang 'dra// gal te bde ba nyid 'dod na// sred pa de las thar par gyis// ji ltar mchil pas zin pa yi/ / ha ni 'chi ba'i dbang du 'gro// de ltar sred pas zin pa yi// mi rnams yi dgas dbang du 'gro// yi dgas yul du yi dgas gang // sdug bsngal ba dag yongs su rgyug/ dmyal bar sems can dmyal ba rnams/ / de dag sred pa chen pos spyod// mi gang nyon mongs nor bral zhing // gzhan gyi drin gyis 'tsho ba yi// phal pa de ni sred pa yis/ skyod ces thub pa rab tu gsung // de ltar dge slong des ser sna dug lta bu kun nas bskyod pa de dpyad nas/ yang 'khor ba las yid 'byung bar byed do// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas mdangs za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ dgra mdza' bo ltar bcos pa ngo gnyis po gang gis 'di ltar khyod g.yul 'gyed par zhugs shika dang / khyod kyi phyi bzhin bdag gis yang dag par bsrung bar bya'o zhes yongs su bslus nas/ de gzi byin dang mthu nyid skyes so// skyes nas g.yul 'gyed par zhugs pa dang yongs su gtong bar byed cing / 'di ltar de 'dir gzung na de'i nor gang yin pa de dag rgyal po'i 'khor du gsol te bdag gir bya'o snyam nas mi bslus pa de des gsod na/ spu slub de lus dang bral nas ngan 'gro log par ltung ba yi dgas mdangs za ba rnams kyi nang du skye bar 'gyur te/ de lus bkres pa dang skom pas shin tu gdungs shing / lus mtshon gyis rtag tu gshog la/ lus kyi pakas pa dang / sha dang / rus pa rnam par nyams pa mtshon cha 'bab pa rnams kyi phyogs su 'gro ba na gar bab bab tu 'bros so// de rnam pa gzhan du 'bros pa na/ mi mi gtsang ba gang gzhan nam/ mchod rten skor bar mi byed pa de'i glags yi dgas des rnyed nas de'i gzi brjid 'phrog par byed de/ des gal te lo bcu 'am/ gal te lo nyi shur de 'tsho bar byed de/ de ltar shin tu sdug bsngal bar 'gyur te/ ji srid de'i sdig pa'i las byas shing bsags pa nges par myong bar 'gyur ba'i las kyi nyer bsdogs dang / las kyi dngos gzhi dang / las kyi mjug dang yang dag par ldan pa bcom zhing spangs la zad par ma byas pa de srid du rang gi las kyi 'bras bu la spyod pa/ rang gis byas pa la za ba/ rang gi las skye ba'i rgyun shin tu 'khor ro// de phyis yi dgas kyi 'jig rten de las thar par gyur te/ thar nas kyang gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de lha rten gyi sar 'tsho ba dang / rtog ge ba dang / tshogs chen pos 'tsho ba dang / gzhan la rag las pas 'tsho bar 'gyur ba mthong ngo // // dam pa'i chos dran pa nye bar gzhag pa bam po nyi shu pa/ / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas tshangs pa'i srin po zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ mchod sbyin ngan par byed pa gang gis srog gcod pa dang yang dag par ldan pa/ shin tu bzod par dka' ba'i mchod sbyin byas pa dang / zas dang skom so sor khe spogs byed pa dang / rin chung ngus nyos la rin chen por 'tshong ba dang / phrag dog dang ser snas nyams pa de lus dang bral nas ngan 'gro log par ltung ba yi dgas kyi 'jig rten na lus bkres pa dang skom pas gdungs pa tshangs pa'i srin por 'gyur ro/ / de ltar de mi'i gzugs kyis yongs su rgyug cing sems can rnams la nye bar 'tshe bar byed de/ de sum mdo'am bzhi mdo dben par 'dug go// 'dug nas kyang glagrags lnga/ de mi rnams la nye bar 'tshe bar byed do// phal cher bram ze 'dra bar 'gyur la/ de nas mi snang bar 'gyur zhing / yang mi rnams la nye bar 'tshe bar byed de/ yi dgas la sems pa dag na re/ 'di ltar de ni gdon gyis zin to zhes 'jig rten pa de dag brjod do// de ltar de sdig pa dang 'brel cing / sdig byed la lus bkres pa dang skom pas gdungs pa yin te/ de ltar tshangs pa'i srin po de ji srid du de'i sdig pa'i las byas shing bsags pa phrag dog dang / ser sna dang yang dag par ldan pa bcom zhing spangs la zad par ma byas pa de srid du yi dgas kyi yul de na gnas par byed do/ / de phyi sa yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par de mi la za ba 'am/ de mkha' 'gro ma mi'i khrag 'thung bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas me'i khung bur za ba zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ phrag dog dang ser snas nyams pa/ dge ba'i bshes gnyen lta bur bcos nas dge 'dun gyi zas skom zos na/ de lus dang bral nas ngan 'gro log par ltung ba sems can dmyal bar skye bar 'gyur ro/ / de nas shi nas yi dgas me'i khung bur za ba rnams kyi nang du skye bar 'gyur ro// der skyes nas kyang lus tshal shing bsreg pa 'dra zhing / lus dkris pa dang skom pas gdungs la/ rang gi las kyis yongs su bslus pa gcig pu thams cad du rgyug pa na/ de'i srog gi 'tsho ba 'di ltar 'gyur te/ gang gi tshe me'i nang du gzhan 'ga' zhig ltung na phyed tshig par 'gyur te/ de me dang 'dra zhing me'i char lta bu la za'o// de me'i khung bu de dang 'dra ste/ bkres pa dang skom pas gdungs pa de'ang me des nyis 'gyur du sreg go/ / de sreg pa na gang mi dge ba'i las des byas shing bsags pa nges par myong bar 'gyur ba'i las kyi mthus du skad 'byin cing ku tsa 'don to/ / de der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal myong zhing nye bar spyod par 'gyur ro// de las zad de de las thar nas gal te mi rnams dang so so yang dag par myong bar 'gyur ba'i las kyis mir skyes na/ las de dang rgyu 'thun par de dbul zhing nad bu can du 'gyur la/ mes bsreg pa'i khung bur sreg par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas gang gis ser sna kun tu bsten cing bsgoms te mang du byas pa'i las kyi dngos gzhi dang / las kyi mjug yang dag par blangs pa de lus dang bral nas ngan 'gro log par ltung ba yi dgas kyi 'jig rten srang mi gtsang ba rnams su skye bar 'gyur ba mthong ste/ yi dgas de las gang gis skye bar 'gyur snyam nas/ des thos pa las byung ba'i shes pas brtags na/ dge 'dun gyi rim gro byed pa/ phrag dog dang ser snas nyams pa gang gis bza' ba dang bca' ba la sogs pa zhim po dag la yang dag par spyod par byed cing / tshangs par spyod pa dang ldan pa gtsang ba rnam/ la kha zas ngan pa sbyin par byed na/ de srung mi gtsang bar yi dgas gnas pa rnams kyi nang du skye bar 'gyur ro// der skyes nas kyang nyin par lus ltar mi mthong zhing / mtshan mo mthong ba nyid du 'gyur ro/ / de dag gang grong ngam/ grong khyer ram/ ri brag gam// 'tsho skyong gi gnas sam/ bya rog gi gnas sam/ gsher sa na gnas pa kun gyi bshang ba dang / gci ba'i sa dang gcig tu nyal nyil dang / ldan ljin gyi sa dang / phyi sa bsags par gyur pa 'am/ kun nas srin bus khebs shing dri nga ba shin tu 'jigs pa/ skye bo kun gyis mthong ma thag tu skyug dro bar 'gyur ba/ srin bu yun ring du gnas pa/ myags pa des dge 'dun gyi kha zas zhim po za bar byed pa yi dgas su skye bar 'gyur ro// shin tu sdug bsngal ba dag der skyes nas kyang gang las kyis byas pa'i gshin rje'i mi rnams kyis ral gri rab tu 'bar ba thogs pa de dag las/ mi gtsang ba de dus thams cad du bza' bar mi 'thob bo// gal te zla ba phyed na 'thob cing / gal te zla ba gcig na 'thob pa gang yin bde'ang tshim par mi 'thob cing / zos nas kyang skyug par 'gyur te/ lus bkres pa dang sgom pas gdungs pa de dag 'di ltar du skad 'byin cing cho nges 'debs/ phan tshun rgyug cing sme sngags 'don te/ sa bon mi gtsang gyur pa las// shin tu mi bzang yongs su 'gyur// sdig pa'i las kyi 'bras bu ni// rgyu dang 'dra bar mthong ba yin// sdig pas drangs pa'i skye bo ni/ mchil pas log par drangs pa bzhin// mchil las nya ni thar srid kyi// sdig las sdig pa mi thar ro// sdig pa'i thag pa mi bzad pas// glo bur du ni 'dren pa na// yidapra gnas su 'dren byed de/ / bkres dang skom pa chen pos bsgribs// bkres dang skom las byung ba'i mes// mi bzad gdungs par 'gyur ba ltar// me dang mtshon dang dug rnams kyi// de ltar mi bzad gdungs mi 'gyur/ / gang du bde ba chung gyur pa// skad cig med cing zang cig med// yud tsam med cing mtshan mo med// rtag tu bdag ni sdug bsngal bsgribs// sdug bsngal gyi ni rgyu bsten pas/ / sdug bsngal las ni sdug bsngal thob// sdug bsngal las ni nam grol te// bdag la bde bar 'byung bar 'gyur// gang du bdag ni rgyug pa der// 'bab chu'i dong dang chu mi mngon/ / lteng ka rnams kyang bskams gyur cing // chu bo dag kyang med par 'gyur// bdag ni rtag tu chu 'dod nas// sa la yongs su rgyug pa na// brag dang nags tshal stug por bcas// chu bo de dag bskams par gyur// bdag gi lus ni bsregs pa ste// bkres dang skom pa'i me yis gdungs// lhag par skyabs su 'gro med de// nyon mongs shin tu mi bzad 'ongs// de ltar rang gi las kyi 'bras bus bslus pa'i yi dgas de ji srid du sdig pa'i las byas shing bsags pa bcom zhing spangs la zad par ma byas pa de srid du du skad 'byin cing smre sngags 'don to// dpyis yi dgas kyi 'jig rten de las par bar 'gyur te/ bar nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par gal te bud med dam/ de bud med smad 'tshong mar 'gyur ro// gal te skyes par gyur na de grong khyer gyi ldan ljin 'phyag pa 'am/ bud med kyi cha byad du zhugs nas des nye bar 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi gnas na yi dgas gzhan gang zhig skye bar 'gyur snyam nas/ yi dgas kyi 'jig rten la brtags na des thos pa las byung ba'i shes pas yi dgas kyi yul na yi dgas rlung za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ sto bo che lto 'ba' zhig sems pa gang gis dge sbyong dang / bram ze dang / nyon mongs pa dang / sdug bsngal ba dag la nyi ma 'ga' tsam gyi zas sbyin par khas blangs te// dam bcas nas brdzun byas la/ de dag kyang nye'i nyin par bkres pa dang skom pas shin tu gdungs par gyur nas rlung bsil bas reg par gnas na/ brdzun zer zer ba de lus dang bral nas ngan 'gro log par ltung ba yi dgas rlung za ba rnams kyi nang du skye bar 'gyur ro/ / der skyes nas kyang de nas de yongs su rgyug pa na/ de'i kha zas med cing re ba med la gnas med de/ mgon med par rang gi sems kyis yongs su bslus pa de'i mig gi yul du gang yang sos la sogs pa'i rdzas bza' ba dang / btung ba dang / gnas khang dang / kun dga' rab nyams dga' ba mang po dag rgyang ring po nas mthong ste/ bza' ba dang btung ba'i don du der rgyug go// de der rgyug pa na ngal dub pas bkres pa dang skom pa nyis 'gyur du 'gyur te/ de la gdong par byed do/ / de'i kha ga dngas par rlung 'jug ste/ de rlung de 'ba' zhig kha'i nang du song bas/ bkres pa gang sel bar byed cing / gang gis lus mi gtsang ba de 'dzin par byed do// de'i bza' ba dang btung ba de dag kyang / ri dgas skom pas phyin ci log tu mthong ba ltar gso ba dang / gsog dang / snying po med pa dang / mgal me'i 'khor lo dang 'dra bar snang ba kho na tsam du zad de/ ji ltar des sbyin pa snying po med pa gsog byin pa de bzhin du gsog rjes su mthong ngo // 'dir tshigs su bcad pa/ rgyu dang 'thun par 'bras bu zhes// blo gros ldan pa de skad gsung // rgyu dang mi mthun 'bras bu ni/ / lus can rnams la smin mi 'gyur// skye ba lug rgyud mang po yi// rgyu dang rkyen gyis shin tu 'brel// 'khor bar gang gis spel ba yi// lus can 'grol bar mi 'gyur ro// tu sprul pa dam po dag/ mchog tu mi bzad de bkrol nas// gang la sdug bsngal mi gnas pa// zhi ba mchog tu 'gro bar 'gyur// der rgyu dang 'thun pa'i 'bras bu la nye bar spyod cing rgyug pa na/ sems bslus pa de ji srid du de'i sdig pa'i las byas shing bsags pa so so yang dag par myong bar 'gyur ba'i las bcom zhing spangs la zad par ma byas pa de srid du rlung 'ba' zhig za ba'i lus bdag nyid/ 'dzin par byed do/ / de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur ba'i las mi yis so so yang dag par myong bar 'gyur ba'i las kyis mir skyes na/ las de dang rgyu 'thun par de rtag tu dbul por 'gyur/ gang de la shes bzhin du nor dang / bza' ba dang / btung ba dang / ston mo dang / gnas dang / chu dag med par 'gyur zhing / sbyin par mi byed la yid mi gcugs par 'gyur/ kha zas med par byas/ med par byas pa'i sems ni re ba la dga' zhing re ba med pa la yang dga' ste/ mngon par nyams pa'i lus shin tu sdug bsngal pas 'tsho bar mthong ngo / / 'dir tshigs su bcad pa// 'dir ni sdig pa'i bag chags kyis// thams cad du ni sdug bsngal byed// lus can rnams dang mi mthun pa// mi gtsang ba yi dri bzhin no/ / yun ring ngan 'gro bcom pa yi// dge ba'i bag chags dga' byed de// me tog nyams kyang til dag la// bag chags snang ba ji bzhin no// de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas ma dag ma za ba zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ zhal che bar bskos pa phrag dog dang ser snas 'jung/ pa gang gis gzung bar bya ba nyes pa med pa dag bzung nas bcings te/ bkres pa dang skom pas yongs su gnod par byas la/ de'ang bzung ba'i sdug bsngal gyis nyam thag par byas shing / shin tu gnod par byas pa re ba me la bkres pa dang skom pas gdungs nas thal ba za la/ de'i las kyi rnam par smin pas gzhi de las shi bar ma gyur na/ zhal che bar bskos pa'i mi de sdig pa'i las de'i mthus lus dang bral nas ngan 'gro log par ltung ba yi dgas ma dag ma za ba rnams kyi nang du skye bar 'gyur ro/ / las mi bzad pa da ltar bde la/ rnam par smin pa sdug bsngal mi 'dod pa/ mi sdug pa/ yid du mi 'ong ba/ dug nag po lta bu dang 'dres pa'i mthus de rtag tu dur khrod kyi mdag ma za yang / mdag ma des tshim par mi 'gyur ro// de ma dag ma'i zas des lus kyi me shin tu che ba cung zad zhi bar byed de/ me la chus bsad pa bzhin no// de lta bas na dug nag po lta bu dang / shin tu rtse rtse bas cho ga ste/ nag po dang 'dres pa spangs na 'dod chags dang bral bar 'gyur ro/ / gang byis pa nag po'i dbang du song ba dag ni me'i sdug bsngal bsil bar gyur kyang / sdug bsngal ni me gzhan gyis dpe bya bar nus pa gang yang med do// de ltar ji srid du de'i sdig pa'i las so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul de na gnas so/ / de phyis yi dgas kyi yul de las thar par 'gyur te/ thar nas kyang mi dang so so yang dag par myong bar 'gyur ba'i las kyis mir skyes na/ las de dang rgyu 'thun par de ri bor gang du lo nyos byung zhing gsog za ba rnams kyi nang du skye bar 'gyur la/ res 'ga' yang kha zas zhim por mi 'gyur zhing / rtag tu kha zas lan tshwa med par 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pa des yi dgas kyi yul na yi dgas dug za ba zhes bya ba rang bzhin gyis dug za ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ ser rnas nyams pa gang gis nor rdzas kyi phyir pha rol dag la dug blud la/ de'ang shin tu dug ldung ldud pa lus dang bral nas ngan 'gro log par lhung ba sems can dmyal ba yang sos su skye bar 'gyur ro/ / de nas thar nas yi dgas dug za ba rnams kyi nang du skye bar 'gyur te/ ri 'bigs byed kyi ri srul dang / ri yongs 'du'i ri sul dang / ri kha ba can gyi rtse mo dang / ri ma la ya'i gseb gang yin pa de dag dang / ri'i rtse mo dug mang zhing chu med pa dang / sbrul gnas pa'i dgon pa dang / grang lpags che ba'i dgon pa dog cing shin tu 'jigs pa dang / shing ljon pa yal ga 'phyang ba med pa dang / rdo ngan pa 'ba' zhig yod pa dang / seng ge dang stag gis gsod pa shin tu 'jigs pa gang yin pa de dag tu skye bar 'gyur ro/ / der skyes nas kyang grang ba'i dus su grang ba brgya 'gyur myong bar 'gyur la/ tsha ba'i dus su tsha ba brgya 'gyur myong bar 'gyur ro/ / las byas pa tsha ba'i dus su zhag lngar me'i char pa lus rnams la 'bab cing / grang ba'i dus su zhag lngar lhags pa char pa lta bur 'bab bo// nyes par byas pa'i las des me mdag de dag dang / mi dga' ba dgon pa lta bu de dag gi nang na lus bkres pa dang skom pas gdungs pa dag tu ku co 'don/ ngu skad 'byin/ cho nges 'debs/ smre sngags 'don te/ lus bkres pa dang skom pas gdungs pa dag la/ dug gi reg pa lcags kyi thu lum rab tu 'bar ba lta bu gang yin pa de dag med par byed do// ming ma thag tu shi'o// de nas yang nyes par byas pa'i las des skye pabar 'gyur te/ skyes nas kyang bkres pa dang skom pa de sdug bsngal nyis 'gyur bar lhag par myong bar 'gyur ro// de ltar de du skad 'byin pa na/ bya'i mchu rnon pos kyang de'i mig phyung nas za bar byed de/ de phyir zhing sdug bsngal gyis nyam thag nas du skad 'byin/ ku co 'don/ cho nges 'debs so// mig phyung ba de dag skye bar 'gyur la/ de nas yang 'byin par byed de/ de ltar de ji srid du de'i sdig pa'i las byas shing bsags pa so so yang yang dag par myong bar 'gyur ba bcom zhing spangs la zad par ma byas pa de srid du sdug bsngal myong bar 'gyur ro/ / de phyis yi dgas kyi 'jig rten las thar par 'gyur te/ tha ra nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par de lam po che dang bzhi mdor 'tsho bar 'gyur/ dug ldud ldud pa'i las kyi lhag ma des yang de'i srog chad par 'gyur ba mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas brtags na/ des thos pa las byung ba'i shes pas yi dgas kyi yul na yi dgas dgon pa na 'dug pa zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ chom rkun pa gang gis 'brog dang / dgon pa chen po dang / chu med pa dang / shin tu dog pa dang / nyi ma'i 'od kyis kun tu tsha ba dag tu lteng ka/ dang nags tshal dag gi lam byas nas/ chom rkun pa de dag gis lteng ka de dag 'dzag par byed de/ 'di ltar bdag cag gi 'dir 'gron po 'ongs te/ skom gyis gdungs shing mthu chung ba dag nor rdzas kyi phyir gsad par bya'o snyam nas/ de dag phrag dog dang ser snas nyams shing / sbyin pa dang bral ba dag gis de ltar 'gron po de dag gsod par byed do// de dag lus dang bral nas ngan 'gro log par ltung ba yi dgas dgon pa na 'dug pa rnams kyi nang du skye bar 'gyur ro/ / der skyes nas kyang mar me'i shing rtar 'brog rab tu 'bar ba rnams kyi nang nyid du ni ma'i gdung bas gdungs te/ mgon 'dod pa/ skyabs 'dod pa/ dpung gnyen 'dod pa dag chu dang bza' ba'i phyir rgyug cing ku co 'don to// de dag las kyi nyes pa des rgyang ring po na ri dgas skom pa lta bur chu dang pa 'dra ba zhig yod par mthong ngo / / de dag gis de mthong ste/ chu rnyed do snyam nas rgyug ste/ re ba dang bcas pa'i sems kyis ngal ba grangs su'ang mi rtsi ba na/ de ji lta ji ltar rgyug pa de lta de ltar ri dgas sgom pa lta bur ngo bo nyid kyis gsog tu 'dug pa de dag ga la zhig thob par 'gyur/ de dag ngal ba'i nyes par ru dar b+ha'i rtse mos rkang pa'i rting pa dag tu zug nas/ 'gyel zhing na nas kha cig 'chi ba'i// dus byed do// de nas yang las kyi lhag ma des yang 'tsho bar 'gyur te/ de ltar lus bkres pa dang skom pa bcu 'gyur gyis gnas par byed do// bya 'og dang / 'ug pa dang / bya rgod brgya snyed kyis lus dang mig dag can con du 'thog cing za ste/ rus pa la thug gi bar du 'bigs par byed do// mgon med pa/ skyabs med pa/ dpung gnyen med pa de dag sdug bsngal sum 'gyur gyis shin tu sdug bsngal te/ phan tshun der song nas 'di ltar smre sngags 'don to// bya rog 'ug pa thams cad nas// rdo rje chen po'i mchu rnon gyis// mngon par gtses so skyabs med cing / / bde ba lta bar mi mthong ngo // ji ltar bdag gis 'gron po bcom// de yi las de nye bar gnas// 'di ni gzugs brnyan lta bu ste// de bzhin 'bras bu 'dir 'ongs so// las kyi zhags pas bcings gyur cing // las kyi thag pas gnod par byas// las zad ma gyur par du ni// dpung gnyen byed pa mi mthong ngo // skye bo las kyis khrid byed cing // las kyis yongs su khrid par byed/ / gang du las ni rnam smin pa// der ni las kyis 'phen par byed// gnas gsum du ni las kyis 'phangs// 'khor lo bzhin du rtag tu 'khyam// de lta bas na dge bya zhing / / sdig pa mi phan rtag tu spongs// sdig pa gang dag mi 'dod cing // de dag ma dang 'dra bar mthong // bkres dang skom pa'i mes gdungs pa// de ni yi dgas gnas su khrid// skom pa'i sdug bsngal 'byung ba ni// yang dang yang du rab tu 'phel// bdag ni me yi 'phreng ba yis// mched pa'i ri dang 'dra bar gyur// ril me 'bar chu bo yi// rgyun gyis thams cad gsod nus kyi/ / rgya mtsho'i klung gis bdag gi me// 'di ni bsad par mi nus so// las kyi shing skam byung nas su// sred pa'i rlung gis grogs byas te// bdag ni kun nas yongs bskor nas// las kyi me yis shin tu bsregs// tshul khrims brtson 'grus ye shes chu// sbyin pa'i snod ni rab bzung nas// srid gsum rjes 'gro las kyi mi// bdag nyid chen pos 'jig par byed/ gang dag las kyi dbang song zhing // las gsum gyis ni yongs su bsgyur// gsum nyid kyi ni rmongs pa dag/ de ni gnas gsum rgyu bar byed// las dbang sum cu rtsa drug dang // bzhi bcur song zhing rnam par rgyu// dgu bcu rtsa brgyad ma bcom pa// khams gsum du ni de 'gro'o// gang dag brgya rtsa brgyad shes shing // bcu gnyis don la sems pa'o// chos dang chos min rnam shes gang / / de dag bde ba mtha' yas so// mtshan nyid gnyis kyis rnam shes shing // brgyad gnyis yongs su shes pa'o// bcu drug skye ba rig pa gang // skye bo de ni sdig pa bsregs// brtan po lam gnyis lta ba dang // gzhi rnams yongs su mthar phyin cing // chu bo bzhi las rnam grol ba// mkhas pa de ni sdig pa bsregs// lam brgyad de nyid 'jug rig cing // stobs bcu dag ni mthong ba dang / / sdug bsngal gnyis kyi rgyu rig pa// zad pa med pa'i gnas su 'gro// gang dag bden gnyis pha rol phyin// dran pa bzhi la rnam par dpyod// brtan po dug gsum don sems pa/ / de ni bdud kyi dbang mi 'gro// dkar po'i chos ni rnam spangs shing // rang gi las kyi 'bras bus rmongs// de ni bdag gi sdig las kyis// yi dgas 'jig rten 'dir phyin to/ / de ltar yi dgas de dag gi nang nas kha cig sngon dge ba'i las cung zad byas pas shes rab shin tu rno bar 'gyur te/ de la dmigs par gyur pa'i yi dgas de dag la de skad rjes su bstan to// / rjes su bstan nas kyang ji srid du de'i sdig pa'i las byas shing bsags pa bcom zhing spangs la zad par ma byas pa de srid du rang gi sdug bsngal so so myong bar byed do// de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong bar 'gyur pa'i las kyis mi rnams dang skal ba mnyam par mir skyes na/ las de dang rgyu 'thun par de ri dgas kyi brtul zhugs dang / ri dgas kyi rjes su 'brang bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags/ na/ des thos pa las byung ba'i shes pas yi dgas kyi yul na/ yi dgas dur khrod na 'dug pa zhes bya ba ji ltar gnas pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ sems can ser snas nyams pa gang gis sangs rgyas la gzhan gyis me tog phul ba dag des brkus so// brkus nas kyang khe 'dod pa'i phyir btsongs na/ de lus dang bral nas ngan 'gro log par ltung ba lus dkres pa dang skom pas gdungs pa yi dgas dur khrod na 'dug pa rnams kyi nang du skye bar 'gyur ro// dur khrod na 'dug pa de dag gi kha zas ni 'di lta ste/ dur khrod kyi phyag dar gang yang rung ba du ba'i rgyun med pa de la de dag zla ba gcig gi bar du za zhing 'dug la/ de nas kha zas med par 'khod do// rtag tu de'i mgo lcags kyi 'phreng ba rab tu 'bar bas bcings shing / de gang dang gang du skyes pa'i klad pa rab tu 'ju bar byed la/ mgo'i thod pa'ang sreg par byed do// lcags las byas/ pa'i 'phreng ba gnyis pas kyang de'i mid pa bcings shing / des de'i mid pa dang brang yang sreg ste/ gang sangs rgyas kyi me tog brkus pa'i rgyu des na yan lag dang nying lag thams cad kyi nang du me de dag song nas sreg par byed do/ / lus kyang srin bus yog cing sdug bsngal mi bzad pas nyam thag la/ srin bu gzhan gang zhig dur khrod der 'ongs nas/ des kyang de dag tho ba dang / ral gri dang / gtun shing rnams kyis kun nas phye mar rlog go/ / du skad 'byin cing smre sngags 'don pa na/ sdug bsngal gsum gyis nyam thag ste/ bkres pa dang skom pa'i sdug bsngal dang / lcags kyi 'phreng ba'i sdug pa sbal dang / gzhan gyis ral gri dang tho bas brdeg pa'i sdug bstsal te/ de ltar de dag mong zhing nyes par byas pa'i de 'brang bar byed la/ sme sngags 'don pa na/ 'di ltar tshogs su bcad de smras pa/ bkres dang skom pa'i sdug bsngal dang // gnyis pa me yi sdug bsngal byung // gsum pa tho ba ral gri yi// sdug bsngal de ni bdag gis myong // rang gi sems dang las kyis su// 'dir ni bslus shing yongs su rmongs// yi dgas gnas su skyes gyur cing // mdza' bshes gnyen dang bral bar gyur// stobs dang bral ba'i las dag gi/ zhags pa yis ni khrid pa na// bshes gnyen bu dang chung ma dang / rtsa lag gis kyang skyo ba mi byed// ji ltar las bzhin skyob gzhan med// rnam pa gsum ni bdag gis myong // sbyin dang tshul khrims thos dang gzhan// rnam/ pa gsum ni yongs su bsgrags// gti mug dra bas bsgribs pa 'dir// bdag gis ngan byas gang ma byas// mi bzang rgyur ni gyur pa yi// las rnams kyi ni 'bras bu 'ongs// shin tu mi bzad yi dgas yul/ / sdig las gal te bdag grol na// yang dang yang du sdig pa'i las// bdag gis nams kyang mi bya'o// de ltar de yi dgas smre sngags 'don pa de dag ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du der sdug bsngal chen po des gnod cing yid la gcags par 'gyur ro/ / de phyis yi dgas kyi 'jig rten de las thar par 'gyur te/ thar nas kyang gal te mi rnams dang so so yang dag par myong bar 'gyur ba lan grangs gzhan la myong bar 'gyur ba'i las kyis mi dang skal ba mnyam par mi rnams kyi nang du skyes na/ las de dang rgyu 'thun par de gtum zhing dur khrod kyi gos kyis 'tsho bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas shing gi nang na gnas pa zhes bya ba ji ltar 'dug pa mthong ngo / / de las gang gis der skye bar 'gyur snyam nas/ des thos pa las byung ba'i shes pas brtags na/ gang gis dge 'dun gyi 'tsho ba'i shing ljon pa 'am/ de bzhin du skye bo bkres pa dang / skom pa dang / lus ngal ba kun gyi 'tsho ba'i don du rdzing bu dang khron pa byas pa de dag ser snas nyams pa des ma rung bar byas sam/ shing skam 'dod/ pa'i phyir 'di ltar 'di dag ni bdag gi shing bya'o snyam nas gcod par byed cing / de de bzhin du byed na/ de lus dang bral nas ngan 'gro log par lhung ba yi dgas shing gi nang na 'dug par 'gyur/ ro// der skyes nas kyang de'i las kyis shing gseb tu skyes pa de shin tu grang ba dang tsha bas gnod de/ ji ltar srin bu shing skam gyi nang du skyes pa thams cad nas gnod pa bzhin no// shin tu sdug bsngal gyis nyam thag pa de gal te brgya la sdug bsngal de rtse zhil bar byed na/ de shing skam gyi gse pa na srin bu ma ko Ta ka dang / a sho ta ra rnams kyis za zhing de'i zas su 'gyur ro// gang kha/ cig gis bsams nas gtor ma gtor na des de'i srog 'tsho bar byed de/ yi dgas kyi yul de na ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la nyams par ma byas pa de srid du sdug bsngal rab tu mi bzad pa de myong bar 'gyur ro/ / de phyis yi dgas kyi yul de las thar par 'gyur te/ thar nas kyang gal te lan grangs gzhan la myong par 'gyur ba'i las kyis mi rnams dang skal ba mnyam par mir skyes na/ las de dang rgyu 'thun par de tshal dang / tsA dang / sman dang / nags khrod dang / shing skam dang / me tog gis srog 'tshe ste/ 'tsho ba gzhan la rag las shing shin tu sdug bsngal bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas lam gyi bzhi mdo na gnas pa zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ rkun po gzhan ya gnod par bya ba'i blo dang / ser snas nyams pa gang gis zas dang skom pa rnogs shing / de 'gron po dag gi zas dang skom ma byin nas dgod la/ de dag kyang gnas der shin tu sdug bsngal bar gyur nas/ rkun po de las kyi mthu des shi nas lam gyi bzhi mdon gnas pa'i yi dgas su 'gyur ro// pha rol gyi yid gcugs pa bcom pa'i las de'i mthus sog le dag 'byung bar 'gyur te/ de dag gis nyin gcig bzhin du de'i lus bkres pa dang skom pas gdungs pa de rnam pa bzhir gcod par byed/ gshog par byed/ yan lag rnams gtub par byed do/ / gang gi tshe skye bo dag 'jigs par 'gyur ba de'i tshe byis pa phal pa byis pa'i rang bzhin can las dang 'bras bu mngon par mi shes shing 'bras bu dang rgyu ngan pa la lta ba de dag de'i tshelam gyi ba'i mdor gtor ma 'bor bar byed de/ 'di ltar 'dis nad pa'i nang rab tu zhi par 'gyur ro snyas nas/ gtor ma lam gyi ba'i mdo dag tu 'thor bar byed do// de des dga' bar 'gyur te/ des srog 'tsho bar 'gyur zhing / des gnas par 'gyur la/ des so sor ston par byed de/ ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul der gnas so/ / de phyis yi dgas kyi 'jig rten de las thar par 'gyur te/ thar nas kyang gal te lan grangs gzhan la myong par 'gyur ba'i las dang / mi rnams dang skal ba mnyam par so so yang dag par myong bar 'gyur ba'i las kyis mir skyes na/ las de dang rgya 'thun par de rigs ngan pa phyugs gsod par byed par 'gyug pab mthong ngo / / de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na/ yi dgas bdud kyi ris zhes bya ba ji ltar 'dug pa mthong ngo // de las gang gis der skye bar 'gyur snyam nas/ des thos pa las byung ba'i shes pas brtags na/ las ngan pas 'tsho// pagayos gzhan la gnod par byed pa/ rgyu ngan pa dang lta ba ngan pa'i mtha' la de nyid yin no bar mngon par zhen pa gang gis lam bzang po sun par byas na/ de lus dang bral nas ngan 'gro log par ltung ba yi dgas bdud kyi ris rnams kyi nang du skye bar 'gyur ro/ / der skyes nas kyang rtag tu dge slong bsam gtan gyi zas kyis gnas pa rnams kyi sems rnyog pa can du byed/ rnam par 'tshe// bar byed/ spra bo che 'don par byed/ de rmi lam du bgegs dag byed de/ dam pa'i chos la sdang ba ni bdud kyi dbang du 'gro bar 'gyur ro// de ltar yang dag pa ma yin pa'i lam du zhugs pa de ni/ tshe 'di la myong bar 'gyur ba yi dgas kyi yul du skye bar 'gyur te/ kha zas ni lcags kyi thu lum za bar 'gyur ro// de de dag gis sreg cing shin tu sdug bsngal ba myong ba na/ shin tu sdug bsngal pa de las skyo bar mi byed de/ de de nas shi nas sems can dmyal ba'i nang du skye bar 'gyur ro// de nas bskal pa mang po zhig gis mi lus thob par 'gyur te/ gal te bskal pa khri 'am/ gal te bskal pa nyis khri 'thob la/ de ltar nges par ngan song gsum rnams su 'tshed do// sreg go// za'o// gal te yang de nas lan grangs gzhan la myong bar 'gyur ba'i las kyis gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun par de long ba dang / 'on pa dang / lkug pa dang / dran pa nyams pa dang / nad du mas lus nyams pa dang / shin tu dbul bar 'gyur ba mthong ngo // de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas 'di ltar yi dgas kyi 'jig rten las kyi 'bras bu rnam par smin pa'i bye brag gis yi dgas kyi 'gro ba rags pa de tsam dag ni mthong na 'khor 'bum phrag du ma ni ma mthong ste/ gang rgya mtsho'i mtha'i bar rnams dang / gang rgya mtsho'i gling rnams dang / gang 'dzam bu'i gling rnams dang / nub kyi ba lang spyod dang / shar gyi lus 'phags dang / byang gi sgra mi snyan la sogs pa gling chen po rnams kyi bar na gnas pa de dag gi ming gi rnam grangs tsam shes so// srin po dang / sha za dang / grul bum de dag gi las kyi 'bras bu rnam par smin pa dag ni shin tu phra bar shes bya ste/ gang las gang gis der skyes/ kha zas ni ci za/ spyod pa ni ci yin/ rgyu ni ci zhig yin snyam mo// de dag gi gnas dang sems ni spre'u ltar sdom pa med par rnam par g.yo la/ ba lang gi rna ba 'gul zhing ldog pa chu shing gi tshal du zhugs na/ rna ba shin tu 'gul ba ltar ni rab tu rgyu/ bum pa rdol ba ltar yul thams cad la ni 'khyam/ rlung chen pos rdul bslang ba ltar shin tu g.yo bar ni byed/ seng ge dang / stag dang / sbrul gdug pa dag pas kyang shin tu gdul ni dka'/ gang g.yos pa ni de'i pha rol tu 'bras bu de dang 'thun par 'thob ste/ sems can rnams kyi sems kun nas nyon mongs pa las ni kun nas nyon mongs la/ sems rnam par byang ba las ni rnam par grol bar 'gyur te/ shes par dka' 'o// sems ni rgyal po 'dra la/ dbang po rnams ni zhabs 'bring ba lta bu yin te/ de la rag las pa ni las yin la/ las la rag las pa ni 'bras bu yin/ 'bras bu la rag las pa ni 'gro ba lnga dag yin// no// sems ni 'khrul 'khor mkhan po 'dra zhing / lus ni 'khrul 'khor 'dral/ dbang po rnams dang dbang po'i don skud pa 'dra ste/ sems ma dul ba de ni ngan song du 'gro la/ shin tu dul zhing legs par yongs su sbyang ba byas pa ni lha dang mi'i 'gro bar 'gro ba dang / g.yo ba med pa'i gnas mya ngan las 'da' bar 'gro'o snyam ste/ de ltar dge slong de sems kyi rnam pa shin tu phra ba la rnam par dpyod do/ / rnam par dpyad nas 'khor ba rnams la shin tu skyo ba skyes te/ sems can dmyal ba 'khor dang bcas pa dag la skyo la/ de ltar yang yi dgas kyi 'jig rten dag la lhag par shin tu skye ste/ sdug bsngal 'phags pa'i bden pa rtogs/ sdug bsngal 'phags pa'i lam rtogs shing / lam bzang po dang / lam la gnas pa rtogs so// yi dgas kyi le'u ste gnyis pa rdzogs so/ / de nas yang rnal 'byor spyod pa nang gi cho sa la chos kyi rjes su lta zhing gnas pa/ 'di ltar dge slong las kyi 'bras bu'i de kho na nyid ma mthong ba des/ sems can dmyal ba 'khor dang bcas pa rnams la brtags shing / 'gro ba gnyis pa la'ang brtags nas/ 'khor ba mi bzad pa yang dag pa ji lta ba bzhin mthong ste/ yid la'ang 'jog par byed do// 'di ltar dge slong de bdud kyi yul na mi gnas shing / de mya ngan las 'das pa'i mtha' la gnas la/ de'i spro ba mi ldog ste/ 'bras bur gyur pa/ sa gzhan bco lnga pa la zhugs so/ / de zhugs pa dang / sa bla'i gnod sbyin dag dga' nas// bar snang la rgyu ba'i gnod sbyin rnams la bsnyad do// de dag gis kyang rgyal chen bzhi rnams la'o// de dag gis kyang sum cu rtsa gsum pa rnams la'o/ / sum cu rtsa gsum pa rnams kyis kyang 'thab bral ba rnams la'o// 'thab bral ba rnams kyis kyang dga' ldan pa rnams la'o// dga' ldan pa rnams kyis kyang 'phrul dga' ba rnams la'o/ / 'phrul dga' ba rnams kyis kyang gzhan 'phrul dbang byed pa rnams la'o// de ltar 'dod pa'i khams kyi sgra dag gzugs kyi khams su'ang grag pa nas/ tshangs ris la sogs pa'i bar dang / 'od gsal gyi bar rnams su sgra grags te/ 'di ltar kye lha dag 'dzam bu gling du rigs kyi bu rigs che ge mo zhig dang / grong mang ge mo zhig dang / grong khyer ka ge mo zhig dang / grong rdal che ge mo zhig dang / yul mang ge mo zhig na/ ming ga ge mo zhig ces bya ba skra dang kha spu bregs nas/ gos ngur smrig bgos te/ dad pas khyim nas khyim myed par rab tu byung ngo / / de bdud kyi gzhi dang lhan cig gnas par mi 'dod la/ de'i yul gyi dngos po'ang mi 'dod kyi/ bdud kyi sde ni 'jom par byed/ bdud kyi g.yog ni 'jig par byed/ nyon mongs / ba man gon rgyagaso par / dam pam tshag kyi lam du ni 'jug par byed/ na 'a nas tu 'byung bar 'gyurate/ dusbyar k+Shazhan btsa pa sa rnags so// des byos nas 'od m+b+haH/ lha rnams dga' ste/ lha gzhan dag la spras pa/ 'di ltar kye lha dag bdag cag ni mchog tu dga' ste/ gang bdud kyi phyogs ni dma' 'o// dam pa'i chos kyi phyogs ni mngon par mtho'o// bdud kyi 'khor ni yongs su nyams so// dam pa'i chos kyi chu bo ni rab tu 'bab bo// mu stegs kyi mtsho ni rnam par bskams so// 'dod chags dang / zhe sdang dang / gti mug rnams ni rab tu rtse zhal lo/ / chos ma yin pa'i phyogs ni zhig go// dam pa'i chos kyi phyogs ni rab tu 'phel lo// 'khor ba ni 'jig ste/ kye de dag bdag cag gis thos nas mchog tu dga' 'o// de ltar dam pa'i chos kyi sgra 'od gsal gyi lha'i ris kyi bar du gcig nas gcig tu grags te/ dge slong de brtson 'grus ni brtsams/ sems ni dge zhing mi g.yo la brtan/ g.yo med cing drang po'i rang bzhin can yin te/ de ltar de'i dge ba'i sgra mya ngan las 'das pa'i grong khyer gyi sngon du 'dren par grags so// de nas yang dge slong las kyi 'bras bu rnam par smin pa shes pa des/ sems can dmyal ba'i las kyi chos kyi rnam par smin pa yang dag pa ji lta ba bzhin shes shing / sems can dmyal ba pa rnams kyis 'khor brgya sum brgya rtsa drug gi tshe ring ba dang / tshe lhag pa'i tshad dang bcas pa de'ang yang dag pa ji lta ba bzhin shes nas/ 'gro ba gnyis pa la'ang rtog par byed de/ yi dgas rnam pa mang du yod pa'ang mdor bsdu na rnam pa sum cu rtsa drug yod pa la rtog par byed do/ / rim par 'khod pa de dag gi de kho na nyid la rtog ste/ des thos pa las byung ba'i shes pas dud 'gro'i rnam pa dbye ba sum cu rtsa bzhi mthong nas 'di ltar 'gro ba lnga dag ni/ sems kyi kha na las shing rag lus pa yin la/ phal cher kun kyang cha byad dang / gzugs dang / 'gro ba dang / kha zas sna tshogs 'chang ba/ 'thun pa dang mi mthun pa dang / sdang ba dang / mi sdang ba dang / shes pa dang / mi shes pa dang / lhan cig spyod pa dang / lhan cig mi spyod pa'i rigs can dag yin no// de dag gi nang nas 'dab ma yod par gyur pa 'di lta ste/ ri dgas kyi tshogs dang / bya'i tshogs bya rog dang / dang pa la sogs pa yin te/ 'thun pa dang mi mthun par gyur pa dag ni/ 'di ltar wa dang khyi lta du ste/ de la sogs pa'o// sdang ba dang / mi sdang ba dag ni 'di lta ste/ bya rog dang / 'ug pa dang / rta dang / ma he dang / sbrul dang / ne'u le la sogs pa lta bu dag go/ de la srog chags dag las gang gis cha byad dang / gzugs dang / 'gro ba dang / kha zas sna tshogs su 'gyur snyam nas/ des thos pa las byung ba'i shes pas brtags na/ 'di ltar srog chags dag sems sna tshogs dang srog chags dag rag las pa dang / las rnam pa sna tshogs byed de/ de dag gi 'gro ba rnam pa sna tshogs su 'gyur zhing / kha zas rnam pa sna tshogs su 'gyur ro// de la gang 'thun pa dang mi mthun pa'i rgyu gang yin snyam nas/ de dag gis las la rnam par dpyod de/ desu thos pa las byung ba'i shes pas brtags na/ mir gyur pa gang gis lta ba log pa'i bstan bcos brjod la/ mkhas pa nga rgyal can gnyis pas kyang bstan bcos ngan pa gnyis pa brjongs de nyid kyi thos pa de don med pa dang / bde ba ma yin pa dang / bde 'gror 'gro ba ma yin te/ bstan bcos ngan dang / rgyu ngan pa dang / lta ba ngan pa'i mtha' de gnyis kyis phan tshun dga' bar byed na/ de gnyis shi nas sems can dmyal ba rnams kyi nang du skye bar 'gyur ro// gal te dud 'gro rnams kyi nang du skyes na/ de'i tshe 'thun pa dang mi mthun pa'i rgyus phan tshun rab tu snang bar 'gyur te/ 'di lta ste/ sbrul dang / ne'u le dang / rta dang / ma he dang / bya rob dang / bdag lta bu'o// de nas yang dge slong las kyi 'bras bu rnam par smin pa shes pa de dud 'gro'i 'jig rten la rtog par byed de/ rgyu gang dang las gang gis dud 'gro dag lhan cig spyod pa'i grogs su 'gyur snyam nas/ des thos pa las byung ba'i shes pas brtags na/ 'khor ba la mngon par chags pa'i sbyin bdag gang gis 'di ltar las 'dis ni bdag dud 'gro'i skye gnas gzhan dag tu skyes na'ang / khyod bdag gi khyim thab tu 'gyur zhing / bdag kyang khyod kyi chung mar gyur cig snyam nas/ sbyin pa byin na/ de lus dang bral nas ngan 'gro log par ltung ba dud 'gro bde ba rnams kyi nang du skye bar 'gyur te/ 'di lta ste/ shang shang te'u dang / thi ba dang / ngur pa de dag las yongs su byas pa'i rgyus 'khrig pa la dga' ba yin no// de nas yang dge slong las kyi 'bras bu rnam par smin pa shes pa des wa la sogs pa'i mi mthun pa la rtog par byed de/ de dag las gang gis wa dang khyi dag tu skye bar 'gyur snyam nas des thos pa las byung ba'i shes pas brtags na/ gang gis mkhas pa dang / sdom pa dang ldan pa rnams kyi kha zas zhim po phrogs shing dus rtag tu 'dod par sems la brnab sems kyi shas che na/ de lus dang bral nas ngan 'gro log par ltung ba dud 'gro rnams kyi nang du skye bar 'gyur te/ wa dag dang 'thab 'dod cing phan tshun rab tu rtsod par 'gyur ba mthong ngo // de nas yang dge slong las kyi 'bras bu rnam par smin pa shes pa des ri dgas rnams la brtags na/ des thos pa las byung ba'i shes pas sngon mir 'gyur ba/ dung dang rnga smra dag gis spungs byed pa gang gis grong dang grong khyer dang / tshong rdal ba dag bskrad cing sgra des pha rol dag la 'jigs pa bskyed na/ de lus dang bral nas ngan 'gro log par ltung ba sems can dmyal bar skye bar 'gyur ro// de nas thar nas ri dgas rnams kyi nang du skye bar 'gyur te/ las de'i mthus sems rtag tu skrag par 'gyur zhing / ji ltar grong dang / grong khyer dang / tshong rdal ba dag bskrad nas/ dgon par byas pa de bzhin du/ dgon par gnas pa 'am/ nags tshal gyi nang du gnas par 'gyur ro// de gal te mi rnams dang skal ba mnyam par mir skyes na/ las de dang rgyu 'thun par de rtag tu sems skrag par 'gyur/ sems shin tu zhan pa dang / sems rmongs par 'gyur ro// des phyogs tsam dud 'gro'i 'jig rten la rtog par byed/ dra ba mang po'i dud 'gror 'gyur la/ de ltar lhag ma'ang las kyi mthus phan tshun mi mthun par 'gyur ba mthong ngo / / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ rdzus te skyes pa de/ dag las gang gis skye bar 'gyur snyam nas/ des thos pa las byung ba'i shes pas brtags na/ mir gyur pa chags pa gang gis zab par bya ba'i phyir srin bu rnams chu'i nang du skol bar byed do// de dag bskol ba na rdzus te skye ba'i srin bu gtsug ces bya ba'i tshogs du ma dag skye bar 'gyur te/ phra mo de dag mchod sbyin byed pas/ mchod sbyin bya ba'i phyir mer sreg na/ de lus dang bral nas ngan 'gro log par ltung ba pa sems can dmyal ba rnams kyi nang du skye bar 'gyur ro/ / de nas thar nas dud 'gro rdzus te skye ba dar gyi srin bu la sogs pa rnam pa du ma skye bar 'gyur ba mthong ngo // nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ dud 'gro drod gsher las skyes pa de dag las gang gis skye bar/ 'gyur snyam nas/ des thos pa las byung ba'i shes pas brtags na/ mi ngan pa lta ba log pa gang gis nor rdzas 'dod pa'i phyir nya dang / rus sbal dang / srog chags rgyun du gsod pa dag sa brkos nas 'jug gam/ de bzhin du sram dang bcas pa gzhan dag kyang sa brkos nas 'jug cing / der srin bu drod gsher las skye ba rnams su skye la/ de dag mi ngan pa des mchod sbyin gyi phyir ram/ nor rdzas 'dod pa'i phyir gsod na/ de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro// de nas thar nas srin bu drod gsher las skye ba sbrang bu dang shig la sogs pa'i nang du skye bar 'gyur ro/ / skye gnas gnyis pa la yang dag pa gzhan ma yin pa'i lam gyis lta ba dang / blo gros gzhan ma yin pa khong du chud pa shin tu zhi ba mos so sor rtog par byed do/ / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ las gang gis dud 'gro sgo nga las skye bar 'gyur snyam nas/ des thos pa las byung ba'i shes pas brtags na/ gang la la 'jig rten pa'i bsam gtan thob pas 'dod chags dang / zhe sdang dang / gti mug rab tu zhi ba las/ gal te rkyen zhig gis zhe sdang skyes la/ de yid kyis nyes pas yul 'jig par byed na/ de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro// de nas thar nas kyang dud 'gro sgo nga las skye bar bya rgod dang khwa la sogs pa rnams kyi nang du skye bar 'gyur ro/ / de nas thar nas kyang gal te mi rnams dang skal ba mnyam par mir skyes na/ de rtag tu khro zhing 'jig par 'gyur ba mthong ngo / / de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ las gang gis dud 'gro mngal nas skye ba'i nang du skye bar 'gyur snyam nas/ des thos pa las byung ba'i shes pas brtags na/ 'dod chags la zhen pa gang gis gseb rgod ma la gtong ba dang / glang khyu ba la gtong ba dang / nags tshal la me gtong ba dang / mi sbyar po 'os ma yin pa la byed na/ de lus dang bral nas ngan 'gro log par ltung ba sems can dmyal ba'i nang du skye bar 'gyur ro// de nas thar nas kyang dud 'gro mngal nas skyes pa rnams kyi nang du skye bar 'gyur ro/ / de nas thar nas kyang gal te mi rnams dang skal ba mnyam par mir skyes na/ las de dang rgyu 'thun par de 'gro ba gsum par skye bar 'gyur ba mthong ngo // de ltar dge slong des dud 'gro rnam pa bcu gcig la brtags na/ de nas yang zas rnam pa bzhi kham gyi zas dang / yid la sems pa dang / reg pa dang / dga' ba rnams la rtog par byed cing / zas rnam bzhi'i 'bras bu rnam par smin pa la rjes su sems par byed de/ des thos pa las byung ba'i shes pas brtags na/ gang gis tshul ngan pa dang ldan pa chom rkun pa dag la kham gyi zas byin te/ 'di// ltar 'di zo la bdag gi dgra gsod cig ces byas pa dang / kha zas yas rkam pas nyams pa de dag gis kyang de bzhin du de srog bcad na/ de lus dang bral nas ngan 'gro log par ltung ba sems can dmyal nga'i nang du skye bar 'gyur ro/ / de nas thar nas kyang las de'i mthus dud 'gro kham gyi zas za ba rnams kyi nang du skye bar 'gyur te/ 'di lta ste/ ba lang dang / ma he dang / bong bu dang / phag dang / khyi dang / wa dang / rnga mo dang / bal glang dang / rta dang / lug dang / ri dgas dang / ra dang / srog chags sri mar dang / khA dang / bya rgod dang / ngang ba dang / srog chags ti ti b+ha dang / skyar mo dang srog chags rA ma dang / dgo ba dang / srog chags ku rang ga dang / ri dgas mo dang / srog chags ka dam b+ha dang / nor bu'i mchu dang / shang shang te'u dang / sbrul dag gnas tsher ma can dang ngam grog la sogs pa mtha' yas pa rnams su skye bar 'gyur ro/ / phyogs dag la'ang rab tu dpyod par byed cing / reg pa'i zas la'ang rjes su sems par byed de/ sgo nga las skye ba/ sgo nga las skye bar gtogs shing byung ba dag ni 'di lta ste/ bya dang / chu na gnas pa dang / shug tu 'brel ba dang / rgya mtsho'i 'gram nas skye ba dang / rgya mtshor skyes pa dang / klu dang / sbrul dang / khung na gnas pa la sogs pa de dag las gang gis reg pa'i kha zas za bar 'gyur zhig gu snyam nas/ dge slong de rnam par dpyod par byed do// des thos pa las byung ba'i shes pas brtags na/ gang gis pha rol dag la sbyin pa byin no snyam du bsam la ma smras par yid kyis byin te/ de 'chi ba'i dus byas nas/ de gal te lan grangs gzhan la myong bar 'gyur ba'i las kyis dud 'gro rnams kyi nang du skyes na/ bsam pa 'ba' zhig gi las de nyid kyi mthus de reg pa'i zas de za bar 'gyur ba mthong ngo // de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ zas gsum pa yid la sems pa zhes bya ba des sems can de dag ji ltar bdag nyid 'tsho bar byed snyam nas/ des thos pa las byung ba'i shes pas brtags na/ 'di ltar sgo nga las skye ba nya dang / chu srin ma ka ra dang / kum b+hi ra dang / na kra dang / ny+ra phyis dang / dung la sogs pa sgo nga las skye ba skyes pa rnams yid la sems pa'i zas des 'tsho bar byed do/ / gal te ma 'am/ gal te phas rang gi bu dran na/ dran pa des tshim par byed de/ de nas yang 'phel bar byed cing 'tsho bar byed la kha zas kyi bya nga'ang byed do// de las gang gis skye bar 'gyur snyam nas/ dge slong de rab tu dpyod de/ des thos pa las byung ba'i shes pas brtags na/ blo zhan cing las dang 'bras bu dag mngon par mi shes pa gang gis gzhan dag la 'di ltar ngas khyod la zla ba phyed dam zla ba gcig na/ nor rdzas kyi rnam pa 'am/ kha zas kyi rnam pa 'am/ nor gyi dbyig gi rnam pa cung zad sbyin no zhes khas blangs la/ de'i tshig de dbul po des thos nas dga' bar 'gyur te/ 'di ltar sbyin pa dag 'dis bdag dbul po la las blangs pa de bdag la sbyin par byed do snyam nas/ de yid mchog tu dkar nas/ de bzhin du zla ba phyed dam/ zla ba gcig gi dus su de 'ongs nas/ de'i drung du phyin pa dang mi ngan pa des kha stongs par byas na/ de lus dang bral nas ngan 'gro log par ltung ba sems can dmyal ba dga' ba dang / dga' ba med pa'i nang du skye bar 'gyur ro// de nas thar nas kyang gal te dud 'gro rnams kyi nang du skyes na/ 'di ltar des de la brdzun byas nas yid dga' bar byas pa de'i mthus de yid la sems pa'i zas 'thob par 'gyur ro/ / gal te mi rnams kyi nang du skyes na/ las de dang rgyu 'thun par de de'i bran nyid du 'gyur ba mthong ngo // de nas yang dge slong las kyi 'bras bu rnam par smin pa shes pa des dud 'gro'i 'jig rten na kha zas bzhi pa dga' ba zhes bya ba la rtog par byed de/ des thos pa las byung ba'i shes pas 'di ltar dud 'gro'i yul na dud 'gro kun nas nyon mongs pa can gyi dga' ba'i zas kyis 'tsho ba yod de/ nags khung na sbrul po che a dza ga ra zhes pa dga' ba'i zas dang chung za zhing 'tsho ba dang / srog chags ga la go li ka dang / ri zhol gnas zhes bya ba la sogs pa dang / gzhan yang yod de/ de la 'od gsal gyi lha rnams kyi dga' ba'i zas ni/ gnod sems med pa'i dga' ba'i zas kyis 'tsho ba yin gyi/ dud 'gro'i dga' ba'i zas ni khon gyi lta ba dang / kho na dam du 'dzin pa'i sems dang ldan pa yin na/ de dag las gang gis der skye bar 'gyur snyam nas/ des thos pa las byung ba'i shes pas brtags na/ zhe sdang gi shas che ba 'am/ zhe sdang gi rang bzhin can gang yin pa ste/ khon gyi rgyu dang 'thun pa dang / gti mug gi shas che ba des srog gcod pa byas na/ de lus dang bral nas ngan 'gro log par ltung ba'i sems can dmyal ba rnams kyi nang du skye bar 'gyur ro/ / de kho na dang dga' ba'i gzhi yod pa des dud 'gro rnams kyi nang du skyes na dga' ba'i zas dang / rlung za bar 'gyur ro// de gal te mi rnams dang skal ba mnyam par mir skyes na/ las de dang rgyu 'thun par de rtag par glo bur du pha rol dang lhan cig rgyu med par 'thab pa dang 'brel bar 'gyur ba mthong ngo / / de nas yang dge slong las kyi 'bras bu rnam par smin pa shes pa des rnam pa gzhan gyis dud 'gro'i 'jig rten mtha' yas pa la rtog par byed de/ yang chu'i nang na rgyu ba dag ji ltar skye bar 'gyur snyam nas/ des thos pa las byung ba'i shes pas brtags na/ gang blo zhan cing rnam par shes pa zhan la shes pa zhan pa skom gyis gdungs bzhin du 'chi ba'i dus byed na/ de lus dang bral nas ngan 'gro log par ltung ba chu'i nang na rgyu bar 'gyur ro// de bzhin du nya'i skye gnas rnam pa sna tshogs kyi nang na gcig pu skye bar 'gyur ro/ / de skom gyis gdungs nas srid pa bar ma la chu de mthong bar 'gyur te/ don du gnyer bas des da ni bdag 'dir skye bar 'gyur ro snyam nas/ sems bskyed ma thag tu de nyid du skye bar 'gyur te/ srid pa ni rgyu dang rkyen gyis 'byung la/ srid pa'i yan lag la gnas pa ni de lta bu yin no// gang de sbyin pa ma byin zhing / bsod nams ma bsgrubs pa'i las kyi rnam par smin pa des chu rtag tu dro bar 'gyur zhing / de'i kha yongs su skam par 'gyur la/ reg pa ba tshwa dang 'dra bar 'gyur ba mthong ngo // de nas yang dge slong las kyi 'bras bu rnam par smin pa shes pa des bya skams la rgyu ba dang bar snang la rgyu ba dag la rtog par byed de/ las gang gis bya dag par snang la 'phur zhing nam mkha' rten med pa la rten par byed snyam nas/ des thos pa las byung ba'i shes pas brtags na/ 'di ltar rdzu 'phrul ni rnam pa gsum ste/ 'di lta ste/ mos pas bsgyur ba dang / lus kyis 'gro ba dang / yid ltar mgyogs pa'o/ / de la mos pas bsgyur ba ni/ rdzu 'phrul can dag gi yin te/ ji ltar mos pa de ltar 'gro ba dang / gal te sa'i khams su rab tu mos na/ de'i tshe nam mkha' sa'i khams su mthong nas 'gro bar byed pa lta bu'o/ / lus kyis 'gro ba ni chos nyid kyi khyad par las gyur pa ste/ bya rnams lta bu'o// yid ltar mgyogs pa ni de bzhin gshegs pa sangs rgyas kyi yid la yid kyi ji ltar gzas pa de bzhin gnas gzhan du phyin par byed pa yin te/ de'ang khams gsum gyi las so so'i bye brag gis de ltar rdzu 'phrul rnam pa gsum du 'gyur ba mthong ngo // / dam pa'i chos dran pa nye bar gzhag pa bam po nyi shu gcig pa// de nas yang dge slong las kyi'i bras bu rnam par smin pa shes pa des dud 'gro'i 'jig rten la rtog bar byed de/ sems can dmyal ba dang / yi dgas dang / dud 'gro dang / lha dang / mi dang / chu dang / skams dang / bar snang la rgyu ba'i bya rnams dang / ri dgas la sogs pa 'byung bar 'gyur la/ ci'i phyir na sems can dmyal ba'i sar sdug bsngal myong bar 'gyur snyam nas/ des thos pa las byung ba'i shes pas brtags na/ sems can dmyal ba'i sa na dud 'gro sems can du bgrang ba dang / sems can du bgrang ba ma yin pa sna tshogs dag mthong ngo // der sems can dmyal ba pa de dag skye ba na mes sreg cing / bya lus phyin ci log tu 'dug pa gzhan de dag bde par mthong ste/ de dag 'dir skye bar 'gyur ro snyam nas bsams pa dang / sems bskyed ma thag nyid du bya de rnams kyi nang du skye bar 'gyur te/ ji ltar sems can dmyal ba pa rnams kyi 'bras bu rnam par smin pa sngar bstan pa de bzhin du bya de rnams la'ang 'byung bar 'gyur ro/ / sems can du bgrang ba ma yin pa rnams ni las byas shing bsags pa mi 'dra la/ sems can dmyal bar gang dang gang dag 'byung ba de dag thams cad 'jigs pa chen por mthong ste/ seng ge dang / stag dang / 'ug pa dang / srog chags ma ko Ta ka dang / sbrul dang / sbrul/ chen po 'jigs 'jigs ltar 'dug pa chen po dag 'byung bar 'gyur ro// sems can dmyal ba pa sems can du bgrang ba la/ sems can du bgrang ba ma yin pa rnams kyis gnod par byed de/ der sems can du bgrang ba la las kyis bskyed pa'i dud 'gro sems can du bgrang ba ma yin pa gzhan dag gis gnod par byas kyang / de dag bdag nyid ni sdug bsngal myong bar mi 'gyur ro// de nas yang dge slong las kyi 'bras bu rnam par smin pa shes pa des yi dgas kyi 'jig rten la rtog par byed de/ yi dgas lus bkres pa dang skom gyis gdungs pa de dag gi 'jig rten na dud 'gro dag las gang gis skye bar 'gyur snyam nas/ des thos pa las byung ba'i shes pas brtags na/ rnam pa sum cu rtsa drug gang yin pa rnams su skye bar 'gyur ro// byar gyur pa de dag ni// me yul du byar gyur na de dag gis bya gzhan 'di lta te/ byan lag dang / ne'u le dang / bya rog dang / bya rgod la sogs pa de dag gis bsad nas za'o// de 'chi ba'i dus byas nas srog bcad pa'i rnam/ par smin pas yi dgas kyi 'jig rten du byar skye bar 'gyur te/ lus bkres pa dang skom pas gdungs pa'i byar 'gyur ro// de dag gi kha zas ni yi dgas rnams kyi mig phyung nas za la klad pa'ang bzung ngo / / gang gi tshe de dag za ba de'i tshe nyes par byas pa'i las kyis rkang dang klad pa dag shin tu tsha ste/ ba tshwa dang zangs bzhus pa lta bur 'gyur ro// de ltar dge slong de yi dgas kyi 'jig rten na/ bya 'dug pa dag la brtags nas/ 'di ltar rjes su bstan pa tshigs su bcad de smras pa/ las ngan mi dge tsha bas 'dir// rnam par smin pa tsha ba ste// gnod pa chen po byed pa yin// de lta bas na sdig pa spongs/ / ser snas nye bar shin tu mnyam// nyes byas las ni mi bya'o// ser snas nyams pa'i skye bo dag/ yi dgas dud 'gro rnams su 'gro// dud 'gro'i skye gnas bsgrubs nas su// gcig la gcig ni khro ba dang // 'ching zhing gsod la za bar byed// de lta bas na gti mug spongs// gti mug gis ni nyams pa'i sems// tshul khrims sbyin pa rnam spong ba// byis pa sred pas bslus pa dag/ dud 'gro'i skye gnas dag tu skye// rung dang mi rung mi shes la// bza' dang mi bza' de bzhin te// don dang don min phyi rol gang // chos dang chos min 'gal bar byed// dbang po lnga ni blun zhing rmongs/ / mi rnams dud 'gro'i skye gnas 'gro// de ltar dge slong de dud 'gro'i 'jig rten la cung zad rtog par byed de/ de ltar las kyi lu gu rgyud kyis tshe 'bum phrag du mar bar sbrel pa dag/ de ltar sdug bsngal 'bum phrag du ma dpag tu med pa'i sdug bsngal gyi rlung gis sbrel cing / dud 'gror mngon pa'i las du ma dang / rgyu dang rkyen du ma dag gis bsam pa phan tshun 'brel pa dag ni gang rgya mtsho dpag tshad bcu yod pa 'khor de nya dang / chu srin ma ka ra dang / nya ming dang / chu srin na kra dang / dung gnas pa dag gis de dag phan tshun 'jig/ par byed do// de dag rmongs pa'i sems kyis 'dod chags spyod par byed de/ rgyu des rung ba dang / mi rung ba mngon par mi shes pas/ de'i phyir rgya mtsho'i gnas zab mor skye bar 'gyur la/ ba tshwa'i chu yis bskol ba/ rtag tu skom pas mngon par gdungs pa dag phan tshun gsod pa'i rnam pas 'jigs par 'gyur ro// rgya mtsho bar ma na gnas pa gang yin pa de dag ni zhe sdang spyod pa dag yin te/ de dag lhag par zhe sdang gi rgyus rgya mtsho bar ma dpag tshad stong yod pa der klu rnams skye zhing rtag tu gnas so// klu de dag phan tshun khro ba dag skyed cing sems khros pas 'khrugs nas/ phan tshun du gtong bar byed la/ rtag tu gnod par sems pa yin no// de dag gi gnas ni longs spyod ldan zhes bya ste/ de dpag tshad sum stong yod la/ gnas de ni klu'i rgyal po rnams kyis shin tu gang ngo / / gnas de rnams su klu'i rgyal po rnam pa gnyis te/ chos dang ldan pa dang / chos dang mi ldan pa'o// de dag mi'i 'jig rten thams cad la bde bar byed pa dang / gnod/ par byed pa yin no// gnas de'i klu'i rgyal po chos dang ldan pa rnams gang du gnas pa der klu'i rdul dag mi 'bab bo// gang du chos dang mi ldan pa dag gnas pa der klu'i rdul dag 'bab par 'gyur te/ de'ang bye ma rab tu 'bar ba 'dra la mgo la chu 'bab bo// de klu'i rgyal po de dag kun gyi gnas rab tu sreg par byed la/ des klu'i bud med du gtogs pa thams cad kyang sreg par byed de/ de nas yang 'byung bar byed pa mthong ngo // de nas yang dge slong las kyi 'bras bu rnam par smin pa shes pa des klu rnams kyi klu'i rdul gyi rgyur gyur pa dang / las la rjes su sems par byed de/ las gang gis klu de dag gi rdul du 'gyur snyam nas/ des thos pa las byung ba'i shes pas brtags na/ khro bas zil gyis non cing bus pa'i blo can nam/ rmongs pa'i blo can gang gis dge 'dun gyi gtsug lag khang ngam/ grong ngam/ grong khyer ram/ tshong rdal mos bsregs na/ de lus dang bral nas sems can dmyal ba'i nang du skye bar 'gyur ro// de nas thar nas dud 'gro klu rnams kyi nang du skye bar 'gyur ro/ / de sngon mes bsregs pa'i rgyu des/ de la 'bab pa'i phyir klu'i rdul 'bab par mthong ngo // de nas yang dge slong de klu'i 'jig rten na rtog par byed de/ las gang gis klu rnams la klu'i bye ma mi 'bab cing / las gang gis der skye bar 'gyur snyam nas/ des thos pa las byung ba'i shes pas brtags na/ gang mu stegs su gyur cing 'jig rten pa'i kun nas nyon mongs pa'i tshul can yin la/ de sbyin pa tsher ma dang bcas pa'ang byin na/ snga ma bzhin tsher ma bdun gyi nang du skyes la/ khros pas kyang bsgribs nas 'di ltar klu rnams kyi nang du skye bar gyur cig ces/ klu rnams kyi nang du smon lam btab na/ de lus dang bral nas ngan 'gro log par ltung ba longs spyod ldan gyi klu rnams kyi nang du skye bar 'gyur ro/ / der skyes nas kyang ha cang khro ba'i rang bzhin du mi 'gyur la/ chos dang ldan zhing chos kyi rjes su 'jug par 'gyur te/ de la klu'i rdul de mi 'bab cing / mgo la'ang mi 'bab bo// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ las gang gis klu rnams kyi gnas longs spyod ldan na/ chos dang ldan pa'i klu de dag rnam pa du yod/ chos dang mi ldan pa de dag rnam pa du yod snyam nas/ des thos pa las byung ba'i shes pas brtags na/ gang du chos dang ldan pa dag gnas pa der ni/ rin po che'i ra bas bskor cing / rin po che sna bdun 'byung la/ kun nas 'od 'byung ste/ lteng ka dang / 'bab chu dang / ut+pal phun sum tshogs pa skye ste/ bdud rtsi'i kha zas la ni za/ rtag tu bde ba la ni gnas/ lus me tog dang / phye ma dang / byug pas ni brgyan/ mgo sbrul du 'dug pa kho nar zad la/ gzhan du na 'dod pa'i gzugs can du 'gyur te/ gang du rab tu 'gro bar 'dod pa dang / gang du rnam par rgyu bar 'dod pa der so sor gnas par byed do/ / de la klu'i rgyal po 'di rnams ni chos dang ldan pa yin te/ 'di lta ste/ mgo bdun dang / glang po'i gdong dang / klu'i rgyal po nor rgyas kyi bu dang / de bzhin du klu'i rgyal po 'jog po dang / klu'i rgyal po bzang ldan dang / klu'i rgyal po skyed pa dang / klu'i rgyal po mi 'joms pa dang / klu'i rgyal po sprin 'phreng can dang / klu'i rgyal po 'khyil pa dang / klu'i rgyal po kun 'gro dang / klu'i rgyal po rab spro ste/ klu'i rgyal po 'di rnams kyi chos dang ldan zhing chos kyi rjes su 'jug pa yin no// de rnams ni lo legs par bya ba'i phyir dus su 'bab pa'i char mi nyung bar bde bar 'bebs par byed la/ dus ma yin par 'byung ba'i ser ba dang / sprin dang / rlung dag gtong bar mi byed do// sangs rgyas dang / chos dang / dge 'dun la dad cing dad pas rjes su 'jug pa yin/ sangs rgyas kyi sku gdung bsrung la/ klu'i rdul dang bral bas shin tu bde ba yin no// de'ang mi'i gnas bzhi la 'di lta ste/ 'dzam bu gling dang / nub kyi ba yang spyod dang / shar gyi lus 'phags dang / byang gi sgyu mi snyan rnams su char 'bebs par byed de/ gang gi tshe dge sbyong dang bram ze dag chos dang ldan zhing chos kyi rjes su 'jug pa'i mi byung ba de'i tshe chos kyi brag gis klu'i rgyal po chos dang ldan pa dag stobs rab tu che bar 'gyur te/ de'i tshe char legs par 'bebs par byed cing / de'i tshe lo legs par 'gyur la/ dri dang / ro dang / kha dog phun sum tshogs par 'gyur/ 'gro ba dang / dug dang / rlung gzhan gyis gnod pa byed par mi 'gyur zhing / 'bras bu bzang po 'byung bar 'gyur la/ nyi ma dang zla ba'i 'od dag gis gnod par mi 'gyur/ klu rgyal po chos dang ldan pa rnams ni klu'i gdug pa dang / rlung dag gtong bar mi byed do// 'dzam bu gling gi sems can rnams kyi srog gi bar chad ni rgyu bzhis byed de/ 'di lta ste/ lo nyes dang / mtshon gyis 'khrugs pa dang / dug dang / rlung gis reg pa dang / chu'i nyes pa'o// de la gal te chos dang ldan zhing chos kyi rjes su 'jug pa'i skye dgu dag 'byung ba na/ chos dang ldan pa'i klu de dag stobs dang ldan par 'gyur te/ de dag sprin ngan pa dag sprul par mi byed cing / de dag sprin ngan pa dang 'du bar mi byed la/ rlung ngan pa dag gtong bar mi byed do// de chu bo dag la gnod par mi byed cing / chu bzang pos 'bru rnams legs par skyed de/ me tog dang 'bras bu dag ro bro ba dang / mdog bzang ba dang / dri dang / ro phun sum tshogs par 'byung ngo / / de nas sems can rnams dga' bar byed la/ nad dag dang bral zhing khams rnams stobs dang ldan pa 'gyur/ de dag yang las legs pa dag byed la/ de dag sems can rnams kyi dbang gi 'bras bu'ang 'bru rnams phun sum tshogs par byed de/ de ltar rim gyis 'dzam bu gling gi mi rnams la klu dag gces smras byed par 'gyur ba mthong ngo // de nas yang dge slong las kyi 'bras bu rnam par smin pa shes pa des 'dzam bu'i gling so sor shes par byas nas/ nub kyi ba lang spyod kyi gling la rjes su sems par byed de/ chos dang ldan zhing chos kyi rjes su 'jug pa dag ji ltar kun tu srung bar byed cig gu snyam mo/ / gling der mi yid shin tu 'jam pa dag 'byung bar 'gyur la/ de dag la bar chad gcig 'byung ba ni// 'di lta ste/ chu rnyog pa can yin te/ des nub kyi ba glang spyod kyi mi rnams dus nye bar zlums par byed do// klu'i rgyal po chos dang ldan zhing chos kyi rjes su 'jug pa de dag sprin ldang bar mi byed cing / ngam grog dang / g.yang sa dang / ri bo mi bzad pa rnams la de dag chu rnyog pa can mi 'bebs la/ klu rnams kyi mthus chu rnyog pa med par byas pas/ nub kyi ba lang spyod kyi mi rnams bde par gnas pa mthong ngo / / de nas yang dge slong las kyi 'bras bu rnam par smin pa shes pa des shar gyis lus 'phags gling la rtog par byed de/ kye ma chos dang ldan zhing chos kyi rjes su 'jug pa'i klu dag shar gyi lus 'phags gling bde bar bya ba la ji ltar 'bad snyam nas/ des thos pa las byung ba'i shes pas brtags na/ shar gyi lus 'phags kyi mi rnams la glog gi 'jigs pa dang / sgra'i 'jigs pas bar chad 'byung bar 'gyur te/ de dag gang gi tshe klog mthong ba dang / sgra thos pa de'i tshe sems shin tu 'jam pa dag la nad 'byung bar 'gyur ro// gang gi tshe der chos dang ldan zhing chos kyi rjes su 'jug pa'i klu'i bdag po dag sla'ang mi 'byin/ klog kyang mi gtong ste/ de'i tshe klu'i bdag po rnams kyis shar gyi lus 'phags kyi mi rnams la nad 'byung dar mi byed pa mtshang/ de nas yang dge slong las kyi 'dusas rnas par ldan pa shes pa kyang sasum ldan gyis rnams kyi mnad pa la rjes sus / pa byed de/ sa mya sa rgyan mas rnams pa gnod pa shAr 'byung bar 'gyur sa nas/ skye mos pal ldang bamigs pas brgyugs na/ rlung sa m+b+ha sa ldan pa rnams sa byung gnod par byed de/ smin nag pos gnod pa dang / rlung zang mos me tog de dag zhus par 'gyur/ dri mi gas par 'gyur/ de nas de dag yid mi dga' ba bye ste/ smin nan po'i rkyen gyis bya dag gang sa snyan par 'byin la/ ba~M wang dang rnga dza'i sgra'ang mi snun par 'gyur ro// ri kun tu snang byed la sogs pa la gnas pa rnams la/ de ltar smras byas pa dag gis gnod par byed do// gang gi tshe chos dang ning chos kyi rjes su 'jug pa'i rgyal po 'byung ba de'i tshe rlung grang mo dag 'byung bar mi 'gyur la/ smin nag po'ang 'byung bar mi 'gyur ro// de ltar mi'i gnas bzhi dag la gru'i rgyal po chos dang ldan thaMng chos kyi rjes su 'jug pa rnams bde'i grub par byed/ phan ba sgrub par byed do// de nas yang dge slong las kyi 'bras bu rnam par smin pa shes pa de rgyu'i 'jig rten la rtom pa byed de/ las gang gis chos dang ldan zhing chos kyi rjes su 'jug par mi 'gyur snyam nas/ des zos pa las byung ba'i shes pas brtags na/ dzaM sngar klu'i gnas lings spyod ldan na/ mu nama?/ kyi rgyal po chos dang mi ldan pa 'di lta ste/ klu'i rgyal po rab 'joms dang / klu'i rgyal po bsgyings pa dang / klu'i rgyal po nag po dang / klu'i rgyal po hu lu hu lu ste/ de dag rgya mtsho bar ma longs/ spyod ldan na gnas so// chos dang mi ldan zhing chos kyi rjes su 'jug par mi byed pa de dag gi mthu ji lta bu yin snyam nas/ des thos pa las byung ba'i shes pas brtags na/ gang gi tshe dge skyosbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe klu de dag gi dbang du 'gyur ro// de'i tshe de dag 'dzam bu'i gling du sems gdug cing lus las dug mang po 'byung bar byed/ de dag sprin ngan pa'i nang na rgyu zhing dug gi shing ljon pa 'byung bar byed de/ de dag gis rlung ma rung bar byed/ rlung des chu ma rung bar byas pa des 'bru'i tshogs shin tu ma rung bar byed/ kha zas de zos pa las nad dag rab tu 'khrug par byed do// 'bru ma rung bar byas pa des tshe dag thung bar 'gyur te/ de ltar rgyal po nyes pa che zhing sdang bas kyang phan tshun gsod pa dag byed do// de nas nyes pa des 'dzam bu gling gi mi dag rab tu nyung bar 'gyur te/ rkyen 'dis klu ma rungs pa rnams bar chad byed par 'gyur ba mthong ngo // de nas yang dge slong las kyi 'bras bu rnam par smin pa shes pa de klu'i bdag po la so sor rtog par byed de/ chos dang mi ldan pa'i rgyal po dag nub kyi ba lang spyod kyi mi rnams kyi bar chad ji ltar byed cig gu snyam nas/ des thos pa las byung ba'i shes pas brtags na/ gang gi tshe mi rnams kyi rgyal po chos dang mi ldan pa de dag 'byung ba de'i tshe/ klu'i rgyal po chos dang mi ldan zhing chos kyi rjes su mi 'jug pa dag nub kyi ba lang spyod kyi ngam grog dang ga yang sa dang / ri bo'i rtse mi bzad pa rnams la char du byug pa lta bu 'bebs par byed de/ char pa'i chu des chu rnyog pa can du byed do// nub kyi ba lang spyod kyi mi rnams de la 'thung bar byed de/ bar chad byed pa'i rgyu ni 'di yin no// dge slong de nub kyi ba lang spyod kyi gling la yang dag par ji lta ba bzhin so sor brtags nas nang gi so so rig par byed de nas yang dge slong las kyi 'bras bu rnam par smin pa shes pa des shar gyi lus 'phags gling la rtog par byed de/ des thos pa las byung ba'i shes pas brtags na/ gang gi tshe chos dang ldan zhing chos kyi rjes su mi 'jug pa'i skye dgu dag 'byung ba de'i tshe/ klu'i bdag po ma rungs pa dag gi stobs rab tu che bar 'gyur ro// de dag shar gyi lus 'phags gling du sgra rab tu chen po 'byin te/ 'di lta ste/ ri chen po snyil ba na/ sgra 'byung ba lta bu de dag thos nas shar gyi lus 'phags gling gi mi rnams kyi snying shin tu 'jam par mi 'gyur te/ de dag kha cig nad kyis 'debs so/ / de bzhin du glog kyang 'byin te/ 'di ltar phyogs bcu thams cad 'bar ba'i 'phreng bas 'khrugs par 'gyur zhing / sprin gyi nang du zhugs pa'i klu de dag gzugs 'jigs 'jigs ltar bsgyur ba/ mig ni shing rta'i 'khor lo tsam/ gzugs ni ri nag po 'dra la mgo gsum po las me thams cad gtong zhing khyi'i gzugs dang / sbrul gyi gzugs te/ gzugs du ma/ gzugs mi/ bzad pa dag mthong ngo // de dag mthong nas shar gyi lus 'phags gling gi mi rnams kyi bar chad du 'gyur ba mthong ngo // de nas yang dge slong las kyi 'bras bu rnam par smin pa shes pa de mtho ris las gzhan mtho ris kyi 'jig rten gnyis pa lta bu/ byang gi sgra mi snyan gyi gling la rtog par byed de/ klu'i bdag po ma rungs pa dag byang gi sgra mi snyan gyi mi rnams la ji ltar gnod pa skyed par byed snyam nas/ des thos pa las byung ba'i shes pas brtags na/ ji ltar byang gi sgra mi snyan gyi ri rnams la snga ma bzhin du pad+ma dang / rtag tu me tog rgyas pa dang / rtag tu dri zhim pa dang / mchog tu nyams dga' ba dag yin te/ de dag mthong nas byang gi sgra mi snyan gyi mi rnams 'grang ba dang / dga' bar 'gyur ro// gang gi tshe dge sbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe/ klu ma rungs pa dag gis byang gi sgra mi snyan du sprin stug po ro lta bu de dag 'byin par byed de/ de dag byung ma thag tu nyi ma sgrib par byed do// de bsgribs pa'i skyon gyis pad+ma dag zhum par 'gyur zhing / dri mi zhim par 'gyur la/ nyi ma bzhin du gsal bar mi 'gyur ro// de dag zhum pa tsam gyis byang gi sgra mi snyan gyi mi rnams yid dman par 'gyur ro/ / sprin dang rlung yang gtong bar byed la/ des pi wang dang rdza rnga rnams kyi sgra mi snyan par 'gyur te/ de ltar mi'i gnas bzhi la klu rnams bar chad byed pa mthong ngo // de nas yang dge slong las kyi 'bras bu rnam par smin pa shes pa des gling bzhi'i nang na bzang ba dang / bzang ba ma yin pa dag la rtog par byed de/ des thos pa las byung ba'i shes pas brtags na/ gang byang gi sgra mi snyan ni bde ba mngon du che ba yin la/ mi'i gnas gsum dag ni ma yin no// 'dzam bu gling du ji lta ji ltar chos dang ldan pa dang / chos dang mi ldan pa'i skye dgu 'byung ba de lta de ltar 'phel pa dang / 'grib pa dang / bde ba dang / sdug bsngal ba dag yod de/ gling gsum gyi nang na 'di ni las kyi sa yin no// 'dir ni dge ba bcu'i las kyi lam dag sems pa yin zhing / 'dir ni sangs rgyas 'byung ba yin la/ 'dir ni mi'i gnas bzhi dag ri ra ga las pa yin te/ 'di ni las kyi sa yin no// 'dir ni dge ba bcu'i las kyi lam dag nges par sems shing rnam par dpyod pa yin/ 'dir ni tshangs par spyod pa'i gnas yin/ 'dir ni 'chi ba dang skye ba sems pa yin/ 'dir ni rdo rje las byas pa'i rdo rje'i gdan yod de/ gang 'dzam bu gling du dpag tshad brgyad khri ba ni stong 'bigs pa 'khor ba thams cad na med la/ rdo rje'i gdan zil gyis gnon pa'ang med de/ sangs rgyas bcom ldan 'das gang la gnas nas byang chub kyi thugs bskyed pa'i rgyu 'dis na 'dzam bu gling 'dir 'khrungs te/ gang dang byang chub thob par byed pa dge ba'i rtsa ba'i grangs kyi rgyu gang yin pa de ni ri'i rgyal po ri rab kyis kyang yang dag par gzung bar mi nus na/ sa phyogs gzhan lta smos kyang ci dgos/ gang gis 'dzam bu'i gling 'dir sangs rgyas 'byung ba'i rgyu ni 'di yin te/ 'dir de gnya' shing gi bu kar rus sbal 'jug pa lta bur 'khrung gi/ gling gzhan du ni ma yin te/ de'i rgyu ni de yin/ rkyen ni de yin no// gang mi'i gnas bzhi la kun gyi gtso bo ni 'dzam bu gling yin te/ gling gzhan dag ni ma yin no// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ las gang gis klu'i rgyal po chos dang mi ldan zhing chos dang mthun par mi byed pa rnams sbal pa za ba dang / bye ma za ba dang / rlung za bar gyur snyam nas/ des thos pa las byung ba'i shes pas brtags na/ sngon mir gyur pa'i tshe gang gis bu dang chung ma rnams bkol te/ btsan brnogs byed la/ bu smad ni 'gram chu langs te re bzhin du lta ba dang / de dag gcig pu zas mang po za la/ du smad la ni kha zas ngan pa sbyin par byed pa las/ de lus dang bral ba'i 'og tu klu'i skye gnas su skye zhing / zas su sbal pa za ba dang / bye ma za ba dang / rlung za ba mthong ste/ las dang 'dra bar 'bras bu smin pa'i phyir ro/ / de nas yang dge slong las kyi 'bras bu rnam par smin pa shes pa de klu'i 'jig rten la rtog par byed de/ las gang gis klu de rnams char 'bebs par byed las gang gis ser ba 'bebs par byed cig gu snyam nas/ des thos pa las byung ba'i shes pas brtags na/ gal te chos dang mi ldan pa'i klu'i rgyal po rnams 'khrugs na/ gcig la gcig brnyogs te/ khros pas char smin bsgrubs nas/ char 'bebs par byed cing / gnod pa'i sprin dang / rlung dang / ser ba dang ldan pa'i char drag po dag 'bebs par byed la/ des na ning la nas dang / 'bras dang / 'bru thams cad ma rung bar byed de/ de ltar gnod pa'i char 'bebs par byed pa mthong ngo // de nas yang dge slong las kyi 'bras bu rnam par smin pa shes pa de klu'i 'jig rten la rtog par byed de/ klu rnams 'dzam bu gling du rnyed pa dang ldan par bya ba'i phyir bu ram shing gi tshal dang / zhing la nas/ gro dang / 'bru rnams 'phel bar bya ba'i don du bde bar byed pa'i char ji ltar 'bebs par byed snyam nas/ des thos pa las byung ba'i shes pas brtags na/ sems can rnams kyi dbang gi 'bras bus skye bo thams cad la phan pa dang / bde ba'i phyir klu'i rgyal po chos dang ldan zhing chos dang 'thun par byed pa rnams 'byung bar 'gyur te/ de dag gis 'bru mod par bya ba'i phyir char 'bebs pa mthong ngo // de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ rgya mtsho dang / rgya mtsho'i chu lag dag na klu ji snyed cig gnas snyam nas/ des thos pa las byung ba'i shes pas brtags na/ gal te 'dzam bu gling ba'i mi rnams phal cher chos dang mi ldan par 'gyur na/ de'i tshe chos dang mi ldan pa rnams rgya mtsho'i chu lag dag tu klu grangs med par skye bar 'gyur ro// gal te phal cher chos dang / ldan na ni/ klu bye ba phrag lnga bcu rtsa bdun 'byung bar 'gyur te/ de dag rgya mtsho'i chu lag bzhi po dag tu rgyu bar 'gyur ro// de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ des rgya mtsho'i chu lag dang bcas pa'i rgya mtsho'i nang gi klu'i grong khyer longs spyod ldan zhes bya ba brtags nas/ rgya mtsho'i gting gi sa gzhi la rtog par byed de/ rgya mtsho'i gting gi sa gzhi la su dag gnas snyam nas/ des thos pa las byung ba'i shes pas brtags na/ lha dang 'gran pa'i lha ma yin zhes bya ba dag gnas so// de dag mdor bsdu na rnam pa gnyis te/ yi dgas kyi 'gro bar gtogs pa rnams dang / dud 'gro'i 'gro bar gtogs pa rnams so// de la yi dgas kyi 'gro bar gtogs pa rnams ni/ bdud kyi ris kyi yi dgas rnams dang / yi dgas rdzu 'phrul chen po rnams so// dud 'gro'i 'gro bar gtogs pa gang yin pa de dag ni/ rgya mtsho'i gting gi sa gzhi la gnas te/ ri rab kyi rten dpag tshad brgyad khri bzhi stong yod pa'i sa'i 'og na gnas so/ / de dag kyang mdor bsdu na sa gzhi bzhi yod do// de las gzhi dang po la ni dpag tshad nyi khri chig stong yod de/ sa gzhi de na ni lha ma yin rnams kyi rgyal po sgra gcan zhes bya ba gnas so/ / des ni 'dod pa'i khams su thams cad pas lhag pa'i gzugs sprul nus la/ mi rnams kyi dge ba dang / mi dge ba'i dbang gis de 'di snyam du sems te/ bdag cag lha ma yin rnams kyi 'gran zla ni lha rnams yin gyis/ bdag gis dgra de dag gi tshal dang / nags tshal dang / lha'i bu mo gang dag la lha rnams rab tu chags shing / dga' bar 'dzin pa de dag blta'o snyam mo// des de ltar bsams nas bdag nyid kyi lus brgyan te/ nor bu'i rgyal po mthon ka chen po'am/ nor bu'i rgyal po pad+ma rA ga dang / gser gyi rgyal po lam mer 'dug pa 'am/ da ma ra lnga'i rgyal po gser ram/ gos kyi rgyal po ma btags pa kha dog sna tshogs sngon po dang / dmar po dang / ser po dang / nag po rnams kyis mdzes par byed cing / nor bu'i rgyal po gang rgyan du thogs pa de'i kha dog gis sgra gcan de'i lus kyi tshad ni ri rab tsam yod pa de thams cad nor bu'i 'od de kho na dang 'dra bar snang pabapar 'gyur te/ gal te mthon ka chen po rgyan du thogs pa na ni de'i lus thams cad mchog tu sngon por snang bar 'gyur ro// dmar po'ang de dang 'dra'o// ser po'ang de dang 'dra'o// gal te/ spug rgyan du thogs na ni/ de'i lus thams cad nor bu de'i kha dog bzhin du snang bar 'gyur ro// nor bu gzhan dag rgyan du thogs na'ang / de bzhin du de dang de'i kha dog 'dra bar snang bar 'gyur ro/ / de lha rnams kyi 'gran zla yin la/ lha ma yin gyi bu mo rnams dang / lha'i bu mo rnams ni rang bzhin gyis chags su rung ba yin te/ de dag la chags par gyur nas/ sgra gcan de phan tshun/ 'gro ba'i chas su zhugs nas/ sa gzhi de nas 'byung ngo // sgra gcan gyi sa gzhi de na de'i grong khyer 'od can zhes bya ba dpag tshad brgyad stong yod pa rin po che sna du ma'i tshal dang / nags tshal dang / shing ljon pa dang / khang khyim dang / lteng ka dang / 'bab chu dang / rdzing dang / chu ka bde ba rnams kyis mdzes par byas pa de'i nang nas lha ma yin gyi dbang po de lus me tog gi 'phreng ba dang / phye ma dang / spos kyi byug pa rnams kyis brgyan te byung nas/ de lha rnams kyi tshal dang / nags tshal rnams la lta bar byed do// de lta zhing 'dug pa na/ gal te 'dzam bu gling gi mi rnams chos ma yin// pa la zhugs te/ par mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rang gi pha tshan gyi nang na rgan rabs kyi rim pa med pa dang / chos la mi rten pa dang / dkon mchog gsum la mchod pa mi byed pa dang / dge ba dang mi dge ba'i las la mi lta bar gyur na ni/ de'i tshe sa tha ma la gnas pa/ rgyal chen bzhi'i ris kyi lha rnams mthu chung bar 'gyur te/ gcig gis gcig bsogs nas/ kye lha rnams seng ge mo'i bu sgra gcan ni bdag cag gsad pa'i phyir brtul te byung ngo zhes 'dzer to// gang gi tshe 'dzam bu gling gi mi rnams chos dang ldan par gyur te/ phar 'dzin pa dang / mar 'dzin pa dang / dge sbyong du 'dzin pa dang / bram zer 'dzin pa dang / rang gi pha tshan gyi nang na rgan rabs kyi rim pa yod pa dang / chos la rten pa dang / dkon mchog gsum la mchod pa byed pa dang / dge ba dang / mi dge ba'i las la lta bar gyur na ni/ de'i tshe sa tha ma la gnas pa/ rgyal chen bzhi'i ris kyi lha rnams kyis rin po che sna tshogs blangs zhing / lus rgyan cha lugs sna tshogs su tsha zhing lus me tog gi 'phreng ba dang / phye ma dang / spos kyi byug pa rnams kyis brgyan te/ mtshon cha sna tshogs kyi char 'bebs la/ ha ha zhes bya ba'i sgra sgrogs shing ri rab kyi khong na/ tshal dang / nags tshal gang na/ seng ge mo'i bu sgra gcan 'dug pa de dag tu rgyug go/ de ste de mi rgol na ni/ ri rab kyi ngos la tshal dang / nags tshal 'dug ba dag la/ nyi ma'i zer gyis phog pa'i 'od zer 'bum phrag mang po de'i gdong du ba ba ste/ mig la gnod par gyur pa mthong ngo // des nyi ma'i zer de mthong nas/ nyi ma'i zer gyis mig 'khrugs te/ nyi ma'i lan gyis lha'i bu mo rnams kyang lta bar ma nus/ lha'i tshal dang / nags tshal rnams dang / rdzing rnams dang / lha'i 'byor pa rnams kyang lta bar ma nus nas/ des bsams pa/ kye ma nyi ma'i lan gyis lha'i bu mo rnams bdag gis blta bar ma nus so snyam ste/ khros pas mig rtsa dmar por gyur cing / lag pas nyi ma'i dkyil 'khor sgrib par byed do// des nyi ma'i dkyil 'khor lag pas bsgribs nas/ de dag gi lha mo rnams dang / mtho ris blta'o snyam ste/ mdog sdug cing yid du 'ong ba lta ba la rtse tshugs su 'dud do// de nas rgya mtshos ni de'i rked par phyin la/ snga/ ma bzhin du nor bu'i rgyan ji lta bu thogs pa de lta bu'i kha dog gis rked pa yan chad khyab par 'dug ste/ nor bu'i 'od kyis lag pa sngon po'am/ dmar po 'am/ ser po 'am/ nag por 'gyur te/ lag pas nyi ma'i zer gyi gnon pa bsgribs pa de/ bram ze rtog ge pa log pa'i thos pas bslus pa rnams kyis mthong nas/ nyi ma gza' sdig can gyis zin to// nyi ma gza' dmar pos zin to// nyi ma gza' ser pos zin to// nyi ma gza' nag pos zin no zhes zer zhing / las dang 'bras bu rgyab tu bor nas/ de lta bus 'tsho ba tshol ba'i phyir/ 'di ltar lo legs par 'gyur ro// lo nyes par 'gyur ro/ / rgyal po la rung bar 'gyur ro// rgyal po la mi rung bar 'gyur ro// ltas bzang ngo // ltas ngan par 'gyur ro zhes rtog ge'i rig pas ston par byed do// yang dag par na ni des nyi ma lag pas bsgribs nas/ lha'i 'jig rten tshal dang / nags tshal dang / lteng ka dang / rin po ches mdzes par byas pa dang bcas pa bde blag tu lta bar byed pa yin no// de nas lha'i dbang po brgya byin gyis de mthong nas/ lha rnams la nga'i shing rta sngon du thong la sgra gcan 'di zlog cig ces bsgo'o// de nas lha'i dbang po brgya byin gyis bsgo ba bzhin du lha rnams lus rin po che sna tshogs kyis brgyan te/ seng ge mo'i bu sma gan+d+ha na ga la ba der 'thab mo bya ba'i phyir rgyug go// de nas des/ lha de rnams mthong nas/ phyir rang gi gnas su 'gro bar 'gyur ro/ / de nas yang dge slong las kyi 'bras bu rnam par smin pa shes pa de zla ba la gza' 'jug pa la rtog par byed de/ zla ba la sgra gcan ji ltar 'dzin snyam nas/ des zos pa las byung ba'i shes pas brtags na/ sgra gcan gyi g.yog 'khor gang yin pa de dag/ rtag tu rgya mtsho'i chu'i steng du rgyu ba de dag gis zla ba shar phyogs kyi ri'i rtse mo nas 'dzam bu gling du 'ong ba na bai DUR+Ya'i 'od kyi dkyil na/ brgya 'gyur bas kyang mdzes par mthong nas/ sgra gcan gyi g.yog 'khor rnams kyis sgra gcan la bsnyad de/ rgyal po chen po zla ba nya ba de lha'i bu mo'i bzhin kho na ltar 'dug pa 'ong ngo zhes zer ro/ / de nas de dag las thos nas/ sgra gcan lha'i bu mo la chags pas/ zla ba la lta 'dod par 'gyur nas/ sgra gcan rang gi sa gzhi nas byung ste/ lha'i bu mo'i bzhin la reg par 'dod pa'i phyir thag rang po nas zla ba'i dkyil 'khor la sgrib par byed pa de'i tshe/ rin po che du mas snga ma bzhin du lus brgyan pa de/ 'dzam bu gling ba'i rtog ge ba rnams kyis mthong nas/ yul gyi mi rnams la bsnyad de/ gza' nag po zhig go/ gza' dmar po zhig go// gza' ser po zhig go/ lo legs par 'gyur ro// me nyos par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'gyed par 'gyur ro/ bde bar 'gyur ro zhes zer ro// nub kyi ba lang spyod dang / shar gyi lus 'phags dang / byang gi sgra mi snyan la sogs na gza' 'dug ste/ nyi ma dang zla ba la sgrib na ni/ gling de dag na rtog ge ba dag kyang med/ log par smra ba dag kyang med de/ de ltar na rgyu de lta bus gzas zla ba dang nyi ma'i dkyil 'khor la sgrib par byed do// rtogage pa rnams ni gnam grum pa'ang ston par byed de/ sgra gcan sa'i 'og na 'dug pa la/ lha ma yin rnams kyis smras pa/ kye ma ji ltar lhari dbang po ko'u shi ka ri rab kyi steng na/ grong khyer blta na sdug dang / lha'i 'dun sa chos bzang na/ lha'i 'dod pa'i yon tan lnga 'byor cing ldan par 'dug la/ bde ba rnams nyams su myong ste/ de ltar lha rnams kyi rgyal po ni ko'u shi ka lags/ bdag cag gi rgyal po ni khyod lags te/ de bas ches mthu che zhing rdzu 'phrul che ba lags kyi/ bdag cag dong la/ dbang po dang bcas pa'i lha rnams dang g.yul 'gyed par bgyi'o/ / de'i grong khyer yang gzhom par bgyi'o zhes zer ro// de ltar lha ma yin gyi dbang po sgra gcan lha ma yin rnams kyis sdad nas khros te skad 'byin cing / grong khyer 'od can de nas rings par 'byung ste/ gang gi tshe des skad phyung ba de'i tshe/ rtog ge pa rnams na re/ gan ma grum pa 'di ni lha'i ltas yin te/ lo legs par 'gyur ro// lo nyes par 'gyur ro// rgyal po la rung bar 'gyur ro/ / rgyal po la mi rung bar 'gyur ro// mtshon gyis 'gyed par 'gyur ro// mtshon gyis 'gyed par mi 'gyur ro zhes zer te/ de dag sbyin sreg byed cing zhi ba dang / bde legs su bya ba dag byed do// de nas lha ma yin gyi dbang po sgra gcan 'di snyam du sems te/ ji tsam du grong khyer 'od can na nor bu rnams 'od gsal bar 'dug pa tsam du bdag gi pho zang ches 'od gsal bar 'gyur la/ 'od mi gsal na ni de'i 'od kyang zhan par 'gyur ba de bzhin du/ lha rnams kyis 'od byed pa'ang nor bu dang 'dra bar zla ba nya ba dang nyi ma yin gyis/ bdag gis dkyil 'khor de gnyis re re nas bsgrib par bya'o// de ltar byas pa dang / lha rnams kyi 'od med par 'gyur ro snyam ste/ de blo de lta bus gal te nyin par byung na ni/ des snga ma bzhin du lag pa'ang gcig gis ni nyi ma'i dkyil 'khor sgrib par byed do// lag pa ya gcig gis ni ri rab kyi zom la nom par byed do/ / de nas lha rnams kyis de'i lag pa mthong nas/ 'thab pa'i phyir tsha bar byed do// de nas de dud 'gror gtogs pa yin pas snying stobs chung la lha rnams kyi lus rin po che sna tshogs kyis brgyan pa/ gzi brjid kyi lus can dag mthong nas/ de bag tsha ba skye ste/ phyir sa'i 'og tu grong khyer 'od can du 'gro bar 'gyur ba 'di ni nyi ma dang zla ba la gza' 'jug pa dang / gnam grum pa'i rgyu gnyis pa yin no// de nas yang dge slong las kyi 'bras bu rnam par smin pa shes pa de lha ma yin chen po sgra gcan gyi bde ba la rtog par byed de/ des thos pa las byung ba'i shes pas brtags na/ 'di ltar de'i grong khyer ni dpag tshad stong yod la/ ri rab la brten te/ rin po che sna tshogs kyis mdzes par byas pa/ chu klung dang / lteng ka dang / skyed mos tshal dang ldan pa/ sa gzhi gser btsoms ngargyan pa// gser gyi khang khyim byu ru'i shing ljon pas mdzes par byas pa dang ldan pa/ dril bu g.yer ka can gyi shing sngon pas sgra bsgrags/ pa/ sil snyan dang / rol mo'i sgra dang / klu dbyangs kyis rab tu dga' bar byas pa/ mtshe'u gser gyi pad+ma dag gis mdzes par byas pa dang ldan pa/ gser gyi dang mo dang / zal mo dang / du pa rnams kyis mdzes par byas pa ste / 'di lta ste/ lha yul gyi bya lta bu rma bya blta na sdug pa dag dang / nor bu'i mchu can lta bu dag dang dus thams cad du rab tu dga' zhing du 'dug pa dag dang / 'gro sa sdug pa dang / rin po che sna bdun gyi lus can dag dang / bai DU rma'i sngon po'i mdog can dag dang / mthon ka chen po'i mdog can dag dang / rab tu dga' zhing / khang bzangs kyi rtse mo mdzes bapar byed pa dag dang / mig mi 'dzums shing / char sprin gyi 'brug bla lta bu'i sgra skad 'byin pa dag dang / ltad mo che ba dag dang / bya'o cog dang 'dra bar ston pa dag dang / mthong na yid dang 'bad pab dag dang / rig 'gram ring ba sha stag dang / bya a ga ni tsud zhes bya ba mig zur byed pa mgo gnyis pa la chung ma gnyis dang lhan cig 'grogs pa dag dang / me tog gi khu bas myos shing / ba ku la'i me tog bzhin du lhan cig gtams pa dag dang / skad kyi gdangs brag cha can gser gyi rwa can dag dang / bai DUR+Ya'i rwa can chu la rtse ba dag dang / dus tshigs su rgyags pa dang / rtag tu rgyags shing rab tu dga' ba dag dang / mig gi mdog snum pa sha stag dang / bya ka ra na da ka zhes bya ba me'i mdog can dza gra lta bu'i gdang sa dang ldan pa sha stag dang / bya sbubad+ma zhes bya ba mdog 'jam zhing glog gi kha dog can dag dang / spu sdug spel ma can nags khrod du rgyu ba dag dang / sal sul dang / gshang gshong dag na rgyu ba dag dang / rtag tu rgyags pa sha stag dang / bya b+hing gar dza dang / hu lu kun da dang / mu lu kun da dang / sprig ka gan d+ha zhes bya ba khang khyim la gnas pa/ mdog 'ja' tshon ltar 'dug pa dag dang / me tog gi chun po mchog lta bu dag dang mgrin pa mdzes pa dag dang / mgrin pa dmar ba dag dang / pad+ma lta bu dag dang / 'dab ma 'jam pa dag dang / 'dab ma drag tu spyod pa dang / 'dab ma kha dog dang dbyibs du ma dang ldan pa dag dang / mchu ring zhing nor bu dang gser las grub pa sha stag dang / khu byug dang / bya bang lus mkhregs shing mgrin pa mtho la dri ma med cing 'dab ma'i mdog sdug la/ gnyis shing nam mkha' la lding ba dang / gnyis shing chu 'thung ba dang / gnyis shing thang la 'grogs pa dang / gar byed bzhin du skad 'byin pa dang / rgyags shing skad 'byin pa sha stag dang / shing ljon pa ba ku la la gnas pa'i bya'i rigs rnams skyed mos tshal dang / nags tshal du bcas pa'i grong khyer de kho ra khor yug na gnas shing skad 'byin pa dang / grong khyer de na mtsho yod pa rnams pad+ma'i tshal rnam pa sna tshogs kyis gang la/ nags tshal gyis 'khor zhing mdzes par byas so// grong khyer de na gser gyi shing ljon pa'i nags tshal bzhi yod de/ grong khyer de'i nags tshal de dag thams cad kyi tshad ni dpag tshad brgya yod do/ / de la nags tshal gcig gi ming ni rtsed mo can zhes bya'o// gcig gi ming ni rgyags pa'i kun dga' ra ba zhes bya'o// gcig gi ming ni dang pa'i gnas zhes bya'o// gcig gi ming ni khu byug gi kun dga' ra ba zhes bya ste/ nags tshal bzhi po de rnams kyis grong khyer de'i kho ra khor yug nas sba bar byas so// nags tshal de na shing ljon pa'i rigs sum stong yod de/ shing ljon pa de dag gi nang na gtso bo ni 'di lta ste/ sprin ltar sgrib pa dang / yal ga mtho la 'jam pa dang / bya gnas dang / rtag tu me tog rgyas dang / dpag tshad gcig tu ngad ldang ba dang / bung bas gang ba dang / sbrang rtsi 'dzag dang / gser mdog can dang / chang 'dzag dang / tsan dan sa mchog pa dang / sprin nag po'i mdog can dang / lo ma bdun pa dang ke ta ka dang / shing sprig ka dang / ser bu ngad ldang dang / a ka ru nag po'i mdog can dang / kun tu mig ldan dang / smon shing dang / nor bu'i ljon shing dang / me mdog dang / mya ngan 'tshang sngon po dang / mya ngan 'tshang dmar po dang / bku la dang / a rdzun dang / ni rdul dang / sin du ba ra ti dang / til kang dang / ni pa zhes bya ba rnams te/ khor khor yug nas pad+ma'i tshal gyis 'khor ba/ me tog rgyas dang / ma du ka dang / na yi ke ra dang / pa na sa dang / chu shing dang / ku ba 'phyang dang / byi dur dang / sa 'ges dang / gnam 'bring dang / sprin mdog can/ dang / mthong dga' dang / sprin 'khor dang / bya mangs dang / bung mangs dang / spos 'phreng ldan dang / me tog dri zhim dang / kha dog sna tshogs can dang / me tog can dang / dus tshogs kun dga' dang / dus tshigs so sor dga' ba dang / bud med mthong dga' dang / bud med sbyin dang / rgun shing dang / ka pid tha dang / pa ru sha ka dang / kha dog dang rgyan gyis klubs pa dang 'od can dang / chu 'gram skye dang / ri mthong dga' byed dang / rgyang ring snang dang / de lta bu la sogs pa kha cig ni 'dzam bu gling na skye ba/ kha cig ni byang gi sgra mi snyan na skye ba/ shing ljon pa kha cig ni lha ma yin gyi grong khyer na sa skye ba dag yod do/ / lha ma yin gyi grong khyer snang ldan de na shing ljon pa kha cig ni me tog 'ba' zhig gi shing dang / kha cig ni me tog dang ldan pa'i shing dang / kha cig ni 'bras bu'i shing dang / kha cig ni chang byung ba'i shing dag yod do// lha ma yin gyi dbang po chen po sgra gcan de'i kho ra khor yug nas lha ma yin gyi bu mo dag gis bskor te/ shin tu gar byed cing dgod la ci mdzes su 'chos te/ rab tu rtse zhing / rab tu dga' bar byed de/ kun nas nyon mongs pa can/ ring por mi thogs pa/ mi rtag cing mi brtan pa/ mi bde bar 'gyur ba'i bde bar nyams su myong ngo / / lha ma yin gyi dbang po de la btsun mo bzhi yod de/ gcig gi ming ni yid bzhin mdzes 'gyur zhes bya/ gcig gi ming ni spos kun ldang zhes bya/ gcig gi ming ni nags tshal mdzes zhes bya/ gcig gi ming ni bkra shis ma zhes bya'o// de dag gi g.yog mo'ang lha ma yin gyi bu mo khrag khrig phrag bcu gnyis yod de/ de'i nang na de'i kho ra khor yug nas bskor te/ 'dod pa la sems zhen cing 'dug go// de'i ngo mtshar rung ba'i bde ba dang / yul gyi longs spyod gang yin pa de dag gi ming yang shes par sla ba ma yin no// de de na lha ma yin bye ba phrag du mas zhabs 'brang byas te/ khang bzangs ka ba stong gis mdzes par byas pa/ dngul las byas pa'i khang bzhag gis dkrigs pa de na rtse zhing dga' la dga' dgur spyod de/ rang gi las kyi 'bras bu la spyod do// de nas yang dge slong las kyi 'bras bu rnam par smin pa shes pa des sgra gcan gyi las dang chos la brtags te/ las gang gis na lha ma yin gyi dbang po sgra gcan 'gro ba de lta bur song zhig gu/ 'di'i las ci zhig byas na/ las de'i rnam par smin pas 'bras bu 'di lta bu myong bar 'gyur snyam mo// 'di la tshigs su bcad pa dag yod de/ rgyu med par ni bde ba dag/ ji ltar byas kyang myong mi 'gyur/ / 'bras bu las dang 'brel ba ste// 'bras bu sa bon rag las bzhin// legs byas 'bras bu dge ba ste// lha dang mir ni nges par 'gyur// nyes byas ngan song gsum du des// lha min 'jig rten ji lta bur// shes rag zhan cing shes rab 'tshal// dud 'gro'i skye gnas skyes de dag/ ji ltar bde ba myong ba mthong // 'di la rgyu zhig yod par 'gyur/ de ltar dge slong mchog tu yid gzungs pa dang ldan pa des thos pa dang ldan pa'i shes rab kyis brtags na/ de sngon bram ze rig byed dang / rig byed kyi yan lag dang / gtam rgyud lhur byed pa/ sbyin pa la mchog tu dga' ba zhig tu gyur nas/ des nags khung gi lam du zhugs pa rnams la'ang btung ba dang / kha zas dang / 'bras bu dang / rtsa ba dang / chu dang / khyim dang / mal cha dang stan gyi sbyin pa dag sbyin la/ sgo bzhin 'khod pa'i dman pa dang / long ba dang / bkren pa dang / sdug 'phongs pa rnams la'ang zas dang / skom dang / mal cha dang / stan mang po dag byin te/ de'i tshe ni yang dag pa'i lta ba dang ldan par gyur to// de lan cig gcig na dge 'dun gyi gtsug lag khang mi thi la'i tshal zhes bya ba rgyar dpag tshad nyi shu yod la/ mchod rten 'bum phrag du mas brgyan pa gser 'bar bas 'khor ba zhig/ rgyal po ni mi zhes bya ba la sogs pa rgyal po lnga brgyas byas pa yod de/ de'i nang na'ang mchod rten 'og gi gdan gser las byas pa/ kho ra khor yug nas gser 'bar bas 'khor ba/ rin po che sna bdun gyis mdzes par byas pa/ 'bur rnam pa sna tshogs kyis mdzes par byas pa/ sangs rgyas kyi theg pa'i tshig rnam pa sna tshogs kyis mdzes par byas pa zhig yod la/ mchod rten de la'ang tshal dang / nags tshal dag bris pa yod de/ snga ma bzhin no// de'i tshe na shing ljon pa gang dag sgra gcan gyi gnas su bris pa de dag thams cad 'dzam bu gling na yod de/ ri mo mkhan rnams kyis ji ltar mthong ba bzhin du mchod rten de la bris so// rdzing bu mang po byas pa gang ba dag kyang yod do// snga ma bzhin no// de lan cig gcig shing rta ba ni stong dang nags khung der song ste/ 'gron po nags khung du dong ba rnams kyi phyir zas dang / thug pa dang / chu dag khyer ro// de nas re zhig na mchod rten 'phang du dpag tshad gnyis yod la/ chu zheng du rgyang grags lnga yod pa der/ mi sdig can zhig gis gsar du me btang nas/ me des mchod rten de tshig la thug ste/ bram ze des me shor ba de mthong nas de 'di snyam du sems te/ bdag la 'di'i bsod/ nams kyang mi dgos/ 'di thams cad mkhyen pa'i gnas kyang ma yin mod kyi/ 'on kyang 'di mdzes pa kho na zhig pas/ mes tshig na ni mi rung la/ rgyal pos kyang bdag bka' gyod smrar med par bya'o snyam ste/ des dad cing gus pa med par shing rta de dag gis chu bskyas nas/ mchod rten de las me bsad de/ 'di ltar des ched cher mi 'dzin par dgod bzhin du/ gal te 'di las bsod nams kyi rnam par smin pa zhig yod na ni/ de rags pa zhig yin grang gis/ de'i rnam par smin pas ci nas kyang 'dod pa'i khams na bdag las lus che ba gzhan med pa tsam du gyur cig ces byas te/ dad pa med pa dang / sems pa med pa dang / rtag tu 'thab par sems pa'i phyir/ las de'i mthus sems pa med pa'i las de'i 'bras bu zhing dam pa'i bsod nams las/ lha ma yin gyi dbang por skyes par mthong ngo / / de nas yang dge slong las kyi 'bras bu rnam par smin pa shes pa des sgra gcan gyi yul sa gzhan yang ji tsam zhig yod ces/ des thos pa las byung ba'i shes pa 'am/ lha'i mig gis brtags na/ sa gzhi dpag tshad khri sum stong yod de/ gser gyi sa gzhi la tshal dang / nags tshal dang / lteng ka dang / rdzing dang / bya dang / shing ljon pa dang / khyim dang / grong khyer dang / glang dang / lha ma yin gyi bu mos gang ba dang / nor bu mang po dang ldan pa'i thang bud med gdu bus brgyan pa bzhin du mdzes pa de na lha ma yin gyi dbang po sgra gcan dbang byed cing / dgra zla med la/ rang dgar byed cing gar dga' bar 'gro ba dang / lha ma yin gyi dbang po'i yul sa de na/ lha ma yin rnams kyi yul bcu gsum yod de/ de na lha ma yin rnams gnas so// de rnams kyi ming la 'di lta ste/ za ba po rnams dang / rab tu rgyug pa rnams dang / nad gtong ba la dga' ba rnams dang / nor bu'i do shal thogs pa rnams dang / bung ba ltar 'khyil pa rnams dang / mig dmar ba rnams dang / kun tu rgyug pa rnams dang / chu na gnas pa rnams dang / nam mkha' la gnas pa rnams dang / lhun po'i khong na gnas pa rnams dang / lteng ka sdug gu rnams dang / nya gdong po rnams dang / lam chen ldan rnams so// de dag gi 'phel 'grib ni gang gi tshe skye dgu rnams dge sbyong du mi 'dzin/ bram zer mi 'dzin pa de'i tshe ni/ lha'i phyogs ni 'grib par 'gyur la/ lha ma yin gyi phyogs ni 'phel bar 'gyur te/ de'i tshe chos dang mi ldan pa rnams ni ches mthu che la/ lha rnams ni zhan par 'gyur ro// gang gi tshe skye dgu rnams dge sbyong du 'dzin cing / bram zer 'dzin pa de'i tshe ni/ lha ma yin gyi phyogs ni 'grib par 'gyur la/ lha'i phyogs ni 'phel bar 'gyur te/ lha dang lha ma yin gnyis kyi 'phel 'gro ba ni/ de ltar chos dang chos ma yin pa la rag las so// de nas yang dge slong las kyi 'bras bu rnam par smin pa shes pa des sgra gcan gyi yul na gnas pa'i lha ma yin/ rnams kyi las dang chos la rtog par byed de/ des thos pa las byung ba'i shes rab kyis brtags na/ gang dag gis dud 'gro rnams la srog gi sbyin pa byas te/ nya rnams gson par bya ba'i phyir/ ba'i rgyu rnams dral ba dang / gang dag gis rnyed pa 'dod pa'i phyir ram/ grags pa 'dod pa'i phyir ram/ rgyal pos bka' stsal pa'i phyir ram/ rigs kyi chos lugs yod pa'i phyir srog gcod legs par bsrungs la/ lhag ma gzhan ni chos ma yin par thams cad byed pa de dag lus dang bral ba'i 'og tu ngan song log par ltung ba sgra gcan gyi yul du lha ma yin du skye bar 'gyur ro/ / de dag gi tshe'i tshad kyi khyad par ni/ mi rnams kyi lo lnga brgya gang yin pa de/ de dag gi nyin zhag gcig tu brtsi ba de lta bu'i lo lnga stong thub ste/ bar ma dor 'chi ba ni yod do/ / rab 'bring du 'gyur ba ni sems la rag las so// bong tshod dang / kha dog dang / mtha' yang las dang / chos la rag las te/ sems can rnams kyi sems dang / mos pa sna tshogs las 'gyur ro/ / // dam pa'i chos dran pa nye bar gzhag pa bam po nyi shu gnyis pa/ de nas yang dge slong las kyi 'bras bu rnam par smin pa shes pa des rgya mtsho'i gting sgra gcan gyi sa gzhi la rtog par byed de/ des thos pa las byung ba'i shes pa shin tu gsal ba rnam par dag pas/ sgra gcan gyi sa gzhi'i 'og na sa gzhi gnyis pa yul sa tha dad pa zla ba'i 'phreng ba zhes bya ba dpag tshad nyi khri chig stong yod pa ji ltar 'dug pa mthong ngo / / de nas lha ma yin mgul 'phreng zhes bya ba gnas pa/ lha ma yin de rnams kyi bdag po mgul 'phreng zhes bya ba zhig yod de/ sa gzhi de na gnyis shing rtse ba zhes bya ba'i grong khyer dpag tshad brgya stong pa tshal dang / nags tshal dang / lteng ka dang ldan pa/ pad+ma'i rdzing dang / 'bab chu dang / ri sul dang / gser gyi ri bo dang / gser gyi brag dang / pha bong dang / bya skyibs dang / ri dgas dang / bya spu mdog sdug gu rnams kyis mdzes par byas pa/ bai DUR+Ya'i sa gzhi dang / gsing ma mdog sdug gus mdzes par byas pa/ bya sna tshogs skad snyan pa 'byin pa/ lha ma yin gyi tshogs mang po yul gyi skye bo 'byor pas gang ba/ kun nas rin po che sna bdun mchog tu yid du 'ong bas brgyan pa/ shing ljon pa dag gis snga ma bzhin du mdzes par byas pa/ klu'i me tog dang / klu'i shing mya ngan 'tshang dang / shing d+ha ba dang / seng ldeng dang / rgya skyegs kyi shing sna tshogs kyis mdzes par byas pa de na shing ljon pa'i sna grangs 'di lta bu dag lhag par mang du yod de/ 'di lta ste/ ni sha dang / pra ha sa dang / i ti ni sha dang / ba gu da dang / ni tan ta dang / me tog ljid pa dang / kun tu dga' dang / me tog rgyas dang / ljid kyis non dang / lo lnga zhing me tog 'byung ba dang / bung ba mngon par dga' dang / sgra 'ur 'ur dang / bya skad ca co can dang / dkar por snang ba dang / lo mas rgyas rnams te/ gnyis shing rtse ba'i grong khyer de na shing ljon pa'i sna grangs de lta bu dag lhag par mang ngo // grong khyer de'ang gser gyi ri rtse bzhi pa'i dbus na 'dug ste/ 'di lta ste/ ri'i rtse mo dga' byed dang / ri'i rtse mo lhang tsher dang / ri'i rtse mo rtse mi snang dang / ri'i rtse mo yid 'ong gser zhes bya ba rnams te/ de dag kun kyang kun nas 'phang du dpag tshad lnga stong yod do/ / de dag gi tshal rnams kyang 'bab chu dang / chu bo dang / chu bsil ba dang / ri dgas kyi tshogs kha dog rnam pa sna tshogs can rnams kyis mdzes par byas pa/ skyes pa dang bud med kyi tshogs rtag tu dga' ba rnams kyis gang ba/ rin po che'i sgo sna tshogs rnams kyis mdzes par byas pa/ tsan danas mchog gi shing ljon pa 'dud pa'i klung ltar rtag tu bsil zhing dri zhim pa rnams kyis nye bar 'tsho ba/ me tog gi rnam pa dag gis rtag tu brgyan pa/ rma bya 'bum phrag du ma sgra snyan pa 'byin pa/ lha ma yin chen pos bskyangs pa/ grang ba dang tsha bas nyams pa med la/ skye bo rab tu dga' bas rtag tu gang ba/ rol mo'i sgra dang / glu dang / bro dang / dgod pas rtag tu dga' ba yin no// lha ma yin gyi grong khyer chen po skar 'phreng de ngag gi dbus na mtsho chen po kun nas chu dang zheng du dpag tshad lnga yod pa/ rab tu dang ba/ ro shin tu zhim pa/ 'dam rdzab dang rnyog pa med pa/ chu rtag pa zla ba gnyis pa ltar rab tu gsal ba yin no// skar 'phreng gi dbus na mtsho yod pa gang yin pa de ni kun mthong zhes bya la/ de'i mthu ni 'di lta bu yin te/ gang gi tshe lha ma yin g.yul 'gyed par byed pa de'i tshe/ lha ma yin mgul 'phreng dag mtsho kun mthong der 'gro bar byed do/ / de dag mtshon cha dang go mtshon sna tshogs thogs nas/ g.yul 'gyed pa'i ltas blta ba'i phyir mchod yongs su bskor nas 'khod do// de dag gi gzugs brnyan de dag ji ltar me long g.ya' med pa'i nang na gzugs brnyan snang ba de ltar mtsho de'i nang na snang ngo / / de dag lha dang lha ma yin gyi g.yul du gal te pham par gyur na/ mtsho de'i nang du rang rang gi gzugs brnyan de dag 'bros par snang ngo / / gang dag lha dang lha ma yin gyi g.yul 'gyed pa der/ 'chi bar 'gyur na ni rang rang gi gzugs brnyan mtsho'i nang na 'chi bar snang ngo // lha ma yin rnams kyi bdag po mgul 'phreng zhes bya ba gang yin pa de dang / lha ma yin gyi dbang po lha ma yin gyi grong khyer 'dod pa'i rlung zhes bya ba na 'dug pa gang yin pa de 'bros pa dang / nges par 'chi bar 'gyur bar de ltar mtsho// de'i nang du mthong ngo // de dag 'di snyam du sems te/ gang gis bdag cag kun mthong gi mtsho'i nang du lha rnams las pham zhing nyams par 'gyur ba mthong ba'i rgyu gang yin/ rkyen gang yin snyam byed do// de nas yang de rnams grong khyer de dag tu dong ste/ lo brgya lon nam/ lo lnga brgya lon nam/ de ltar lo bcu lon nam/ de nas yang mtsho kun mthong ga la bar lha ma yin mgul 'phreng dang / lha ma yin gyi dbang po brtan pa dang lhan cig dong ste/ de ltar mtshon cha dang go mtshon sna tshogs thogs pa/ cha byad dang / me tog 'phreng ba dang / phye ma dang / byug pas lus bskus pa de dag mtsho kun mthong de yongs su bskor nas 'khod do/ / de nas yang mtsho yongs su bskor ba de dag nyid kyis/ mtsho de'i nang na 'dzam bu gling gi mi mar 'dzin pa dang / phar 'dzin pa dang / dge sbyong du 'dzin pa dang / chos dang ldan zhing chos kyi rjes su 'jug pa dang / lha dang 'thun par sgrub pa de dag shi nas lha rnams kyi nang du skye bar 'gyur ba mthong ngo // de nas mtsho de'i nang du lha'i phyogs ni rgyal bar 'gyur/ lha ma yin gyi phyogs ni pham par 'gyur ba mthong ba dang / lha ma yin mgul 'phreng zhes bya ba dang / lha ma yin gyi dbang po brtan pa zhes bya ba de dag 'di snyam du sems te/ kye/ ma lha rnams ni mi la rag las/ mi'i kho na las mi la rten pa yin te/ bdag cag gis gang mi rnams la mi phan pa dang / mi bde bar bya ba'i phyir 'bad pa dang / de dag nyams pas/ lha rnams kyang // thub par 'gyur ro snyam du de ltar bsams nas/ lha ma yin mgul 'phreng dang / lha ma yin gyi dbang po brtan pa dag sems par byed de/ 'di ltar mi rnams ni kha zas la rag las shing rten pa yin te/ mi de rnams kyi kha zas chud gsan pa la 'bad par bya'o snyam nas/ de dag gis de ltar shes nas rgya mtsho'i nang na klu chos dang mi ldan pa khro ba'i shas che ba/ rtag tu gnod pa'i bsam pa can 'khod pa gang yin pa de dag smra bar byed de/ 'di lta ste/ klu'i rgyal po rab 'joms dang / klu'i rgyal po nag po dang / klu'i rgyal po bsgyings pa dang / klu'i rgyal po hu lu hu lu ste/ de dag la sogs pa chos dang mi ldan zhing chos kyi rjes su mi 'jug pa rnams la/ lha ma yin mgul 'phreng dag na re/ 'di ltar khyed cag la rag las pa'i mi de dag ni lha'i phyogs yin la/ de dag gi srog kyang kha zas kyis 'tsho'o/ / khyed cag la rag las pa kha zas kyis 'tsho ba'i mi de dag ji ltar med par 'gyur ba de ltar gyis shig/ gang gi phyir 'di ltar khyed cag dang / klu'i rgyal po nor rgyas dang / 'jog pa la sogs pa shin tu dgrar gyur pa ltar/ bdag cag dang lha rnams kyang de lta bu yin te/ khyed cag gis bdag cag gi grogs bya ba de ni rigs pa yin no zhes smras so// de nas lha ma yin mgul 'phreng dang / lha ma yin gyi dbang po brtan pa dag gi tshig thos na/ chos dang mi ldan pa'i klu rnams kyis bdag cag dang / khyed cag phyogs 'thun pa yin te/ de ltar bya'o zhes smras nas/ de dag ni rang gi gnas su dong ngo / / klu'i rgyal po khros pas gdungs pa rnams kyang gnas su dong nas/ gal te chu dpag tshad brgyar g.yo bar byed/ gal te dpag tshad nyis brgyar/ gal te dpag tshad sum brgyar g.yo bar byed do/ / chu'i steng na ni sa 'dug ste/ gang gi tshe klu sdang ba rnams kyis chu g.yo bar byed pa de'i tshe/ chu g.yos pas sa g.yo bar byed pa/ phyogs de'i chu'i tshad ji tsam du g.yo bar byed pa de tsam du sa g.yo bar byed de/ klu sdang ba khro bas gdungs pa rnams kyi mthu ni de lta bu yin no// de dag bram ze rtog ge pa bstan bcos ngan pas bslus pa rnams kyis tshor nas/ 'di ltar lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// char leg par 'bab par 'gyur ro/ / char legs par mi 'bab par 'gyur ro// ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar mi rtog ge pa dag mngon par rjod par byed de/ de ltar sa g.yo bar 'gyur ro// yang rgyu gzhan gyis sa g.yo bar byed pa la/ de ltar dge slong de thos pa las byung ba'i shes pas rtog par byed de/ sems can rnams kyi dge ba dang mi dge ba'i dbang gis rlung sa 'dzin zhes bya ba g.yo bar byed do/ / de g.yos pas chu g.yo bar byed/ chu g.yos pas sa g.yo bar byed de/ dpag tshad lnga brgya'am/ dpag tshad brgya 'am/ dpag tshad nyis brgya 'am/ dpag tshad sum brgya'am/ dpag tshad bzhi brgya 'am/ de ltar tshad ji tsam du rlung g.yo bar byed pa'i tshad de tsam du chu g.yo bar byed la/ chu g.yo ba'i tshad kyis/ sa g.yo bar byed do// de la gang rlung dag g.yo ba na chu g.yo bar byed/ chu g.yos pas sa g.yo bar byed pa'i rgyu ni gang / rkyen ni gang / gzhi ni gang yin snyam nas/ dge slong des thos pa las byung pa'i shes pa'am/ lha'i mig gis brtags na/ rlung gis chu 'dzin la/ chu sa las brten te/ rlung de dag g.yos na chu g.yo bar 'gyur/ de dag g.yos pas sa g.yo bar 'gyur ro snyam nas de ltar rgyu des nas g.yo bar 'gyur ro/ / sa g.yo ba de'ang dge slong des rnam pa gnyis su mthong ste/ gal te dge ba'i las kyis dbang gis g.yo na ni/ de dge bar 'gyur te/ sems can gyi bde pa dang lo legs pa yin no/ / gal te mi dge ba'i dbang gis g.yo na ni/ las kyi mtha' spyad cing byas pa'i sems can rnams kyis de mi dge bar 'gyur ro// dge ba dang mi dge ba la rag las pa thams cad ni rgyu med pa ma yin/ 'dod rgyal gyis byung ba ma yin/ byed pa pos gnas su byas pa ma yin te/ rgyu dang 'thun par 'bras bu 'byung ngo // 'bras bu mngon par mi shes pa'i rtog ge/ ba dag na re/ 'di ltar dbang po'i phyogs dag sa g.yo'o// rlung gi phyogs dag sa g.yo'o// chu lha'i phyogs dag sa g.yo ste/ lo legs par 'gyur ro// lo nyes par 'gyur ro// rgyal po la rung bar 'gyur ro/ / rgyal po la mi rung bar 'gyur ro// char legs par 'bab par 'gyur ro// char legs par 'bab par mi 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro/ / ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar rtog ge pa dag rtog par byed do// de'ang cig gcig yin te/ gal 'dod rgyal ba brgya snyed yod pa de dag gi nang na 'di ltar 'du shes pa de kho na nyid gcig yin no zhes de dag rjod par byed do/ / de nas gzhan yang dge slong las kyi 'bras bu rnam par smin pa shes pa des lha ma yin mgul 'phreng dang / lha ma yin gyi dbang po brtan pa dang / klu'i rgyal po chos dang mi ldan pa rab 'joms la sogs pa 'jig rten la phan par mi byed pa shes nas/ gnyen po chos dang ldan pa rjes su sems par byed de/ kye ma klu sdang ba de dag dang lha ma yin sdig can 'jig rten la mi phan pa byed pa de dag ji ltar pham par 'gyur snyam nas/ des thos pa las byung ba'i shes pas brtags na/ 'di ltar gal te 'dzam bu gling du chos dang ldan zhing chos kyi rjes su 'jug pa'i mi dge sbyong du 'dzin pa dang / bram zer 'dzin pa dang / rigs kyi rgan rabs la gus par byed pa'i rgyal po dang blon po chen po 'byung na/ sa bla'i gnod sbyin de dag mthu che bar 'gyur te/ de dag gis klu dang / lha ma yin sdig can sa'i 'og na gnas pa de dag g.yos par mthong nas/ chos dang ldan zhing chos kyi rjes su 'jug pa'is bla'i gnod sprin de dag gis par snang la rgyu ba'i ga nod sprin rnams dang / klu'i rgyal po 'jog po dang / nor rgyas kyi bu la sogs pa la'ang snga ma bzhin bsnyad do// de nas sa bla'i gnod sbyin de dag las thos nas/ bar snang la spyod pa'i gnod sbyin rdzu 'phrul che zhing mthu che bar 'gyur te// rgyal chen bzhi'i lha kun tu rgyu ba rnams la sbran pa'i phyir/ khro bo'i shugs kyis kha tshangs dag par snang la 'byung zhing 'ong la/ 'di ltar lha dag klu snang ba rnams dang / lha ma yin sdig can rnams mi chos dang ldan zhing chos kyi rjes su 'jug pa rnams ma rung bar bya ba'i phyir 'jug par byed do zhes bsnyad do/ / gnod sbyin gyi kha rlangs byung ba de rtog ge pa bstan bcos ngan pa la sems rnam rmongs pa dag gis mthong nas/ 'di ltar gshin rje'i bu brgya rtsa gcig gi nang na gshin rje'i bu du ba mjug rings 'byung ngo zhes brjod de/ gnod sbyin mthu rab tu chen po brgya rtsa gcig gyen du 'gro bar snang ba dang / mi snang ba gang yin pa de dag la rtog ge pa dag na re/ 'di ltar 'di ni gshin rje'i bu brgya rtsa gcig gi nang na mjug rings byung ngo zhes gzhan du yongs su rtog cing lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// ba lang dang bram ze 'phel bar 'gyur ro/ / ba lang dang bram ze 'grib par 'gyur ro// char legs par 'bab par 'gyur ro// char legs par 'bab par mi 'gyur ro// yul gyi mi che ge mo zhig la gnod par 'gyur ro/ / yul gyi mi che ge mo zhig la gnod par mi 'gyur ro zhes de dag log par rtog par byed pa mthong ngo // de nas yang dge slong las kyi 'bras bu rnam par smin pa shes pa de klu rnams dang / lha ma yin sdig can g.yos pa rnams la rtog par byed de/ des thos pa las byung ba'i shes pas brtags na/ 'di ltar gnod sbyin rdzu 'phrul che zhing mthu che ba rnams lha kun tu rgyu ba rnams la sgrog par byed pa sngar bstan pa ji lta ba bzhin du mthong ste/ kun tu rgyu ba rgyal chen bzhi pa de rnams kyis kyang 'di ltar lha ma yin gyi phyogs ni 'grib bo// bdag cag gi lha'i phyogs kyi stobs ni rab tu che'o/ / 'dzam bu gling na chos dang ldan zhing chos kyi rjes su 'jug pa'i mi mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / sdom pa blangs pa dang / rigs kyi rgan rabs la gus par byed pa dag yod pas/ klu sdang ba dang lha ma yin sdig can rnams las bdag cag rgyal bar 'gyur gyis/ ma 'jigs shig ma 'jig shig ces sgrog par byed do/ / gnod sbyin rdzu 'phrul che zhing mthu che ba de dag lha kun tu rgyu ba de dag gi tshig de thos nas/ lha ma yin du gtogs pa la shin tu khro yang khro la rab tu dga' ba rnams klu'i rgyal po/ chos dang ldan zhing chos kyi rjes su 'jug pa 'jog po dang / nor rgyas kyi bu la sogs pa la de dag thams cad snga ma bzhin du bsnyad do// lus thams cad rab tu 'bar ba dag gal te nyin par 'ong na de'i tshe ma'i 'od zer rnams zil gyis mnan nas ma mngon no/ / de nas lus thams cad rab tu 'bar ba dag klu chos dang ldan zhing chos kyi rjes su 'jug pa rnams la sbran pa'i phyir mtshan mo rgya mtsho'i nang du 'ong ba na de dag thams cad skye bo kun gyis mthong bar 'gyur la/ de mthong nas rtog ge pa rnams skar mda' ltung bar sems te/ 'di ltar skar mda' ltung bas lo legs par 'gyur ro// lo nyos par 'gyur ro// rgyal po la rung bar 'gyur ro// rgyal po la mi rung bar 'gyur ro// mtshon gyis 'khrug par 'gyur ro// mtshon gyis 'khrug pa med par 'gyur ro// mi ngas 'byung bar 'gyur ro// mi ngas 'byung bar mi 'gyur ro/ / ba lang dang bram ze dag 'phel bar 'gyur ro// ba lang dang bram ze dag 'grib par 'gyur ro zhes de ltar las mngon par mi shes pa dag 'thun par yongs su rtog par byed do// / de nas yang dge slong de skar mda' ltung ba la rtog par byed de/ des thos pa las byung ba'i shes pas/ rgyu gzhan gyis skar mda' ltung ba ji ltar ltung ba mthong ste/ lha rnams kyi gzhal med khang mgyogs par nam mkha' la 'gro la/ gzhal med khang phan tshun 'gro ba gang yin pa de dag 'drud pa las me byung ba gang yin pa de dag la rtog ge pa dag na re/ 'di ltar skar mda' rab tu lhung ba las lo legs par 'gyur ro/ / lo nyes par 'gyur ro// rgyal po la rung bar 'gyur ro// rgyal po la mi rung bar 'gyur ro// bde bar 'gyur ro// mi bde bar 'gyur ro// ba lang dang bram ze 'phel bar 'gyur ro// ba lang dang bram ze 'grib par 'gyur ro zhes de ltar rtog ge pa las kyi 'bras bu mngon par mi shes pa dag 'jig rten pa'i mtshan ma'i ltas ston par byed do// de ci'i phyir zhe na/ de ltar las kyi 'bras du rnam par smin pa phra mo so sor shes pa gang yin pa ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mi dang / lha ma yin rnams kyi nang na de med de/ 'di ltar bdag cag gis chos 'dul ba la sems pa ni/ dge ba bcu'i las kyi lam gtso bor byed pa yin no// de nas yang dge slong las kyi 'bras bu rnam par smin pa shes pa de so sor rtog par byed de/ kye ma bar snang la rgyu ba'i gnod sbyin mthu bo che rnams kun tu rgyu ba'i lha rnams kyi drung dang / rgya mtsho na gnas pa'i klu chos dang ldan pa rnams kyi drung du ji ltar 'gro snyam nas/ des thos pa las byung ba'i shes pas brtags na/ bar snang la rgyu ba'i gnod sbyin rab tu 'bar ba rnams rgya mtshor zhugs te/ klu'i rgyal po chos dang ldan pa nor rgyas kyi bu dang / 'jog po la sogs pa la 'di ltar lha ma yin mgul 'phreng dang / lha ma yin gyi dbang po brtan pa de dag mtsho kun mthong du bdag nyid lta bar byed do zhes snga ma bzhin par snang la rgyu ba'i gnod sbyin rnams las thos nas/ klu'i rgyal po longs spyod ldan na gnas pa nor rgyas kyi bu dang / 'jog po la sogs pas bar snang la rgyu ba'i klu rnams la 'di ltar bdag gis chos dang mi ldan pa'i klu de dag mthus phyir bzlog cing bskrad de/ chad pas kyang bcad nas/ 'dzam bu gling na chos dang ldan pa rnams kyi lo legs par bya ba dang / char dbab pa dang / rlung gis gnod pa med par bya ba dang / 'dzam bu gling du 'bras sA lu dang / nas dang / bza' ba dag 'byung bar bya ba dang / chos dang ldan zhing chos kyi rjes su 'jug pa'i mi rnams kyi grogs bya'o zhes bsnyad do/ / klu de dag la de skad bsnyad nas/ sa bla'i gnod sbyin rnams klu chos dang mi ldan pa dag ga la ba der g.yul 'gyed pa'i phyir dong ste/ klu'i rgyal po rab 'joms dang / klu'i rgyal po bsgyings pa la sogs pa la/ 'di ltar khyed ni chos dang mi ldan zhing chos kyi rjes su mi 'jug pa yin la/ nged ni chos dang ldan zhing chos kyi rjes su 'jug pa yin te/ de ltar khyed cag dang nged cag mi mthun par gyur cing 'gran zlar gyur pas nged cag ni khyed cag brdeg pa'i phyir 'dir 'ongs so zhes smras so// de thos nas klu'i rgyal po rab 'joms dang / bsgyings pa la sogs pa de dag g.yul 'gyed du lhags te/ de dag phan tshun glog gi char mang po byung ba na de gang gi tshe mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa'i skye dgu 'byung ba de'i tshe/ klu'i rgyal po nor rgyas kyi bu dang / 'jog po la sogs pa rgyal bar 'gyur la/ klu'i rgyal po rab 'joms la sogs pa pham par 'gyur te/ de ltar 'dzam bu gling du char legs par 'bab par 'gyur zhing / des na lo legs par 'gyur ro// de'i tshe rtogage pa dag na re/ 'di ni rgyu skar gyi yon tan yin no// 'di ni gza'i yon tan yin no// 'di niltas kyi yon tan yin no zhes brjod de/ char legs par 'bab pa gang dus dus su 'bab pas char dus dang 'thun par rab tu 'bab ste/ ba lang dang bram ze dag kyang de'i 'bras bu yin gyi gzhan gyi ma yin no zhe'o/ / gang gi tshe mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / chos dang mi ldan zhing chos kyi rjes su mi 'jug pa'i skye dgu dag 'byung ba de'i tshe/ klu'i rgyal po chos dang ldan pa nor rgyas kyi bu la sogs pa pham par 'gyur la/ klu'i rgyal po rab 'joms dang / klu'i rgyal po bsgyings pa la sogs pa rgyal bar 'gyur te/ lo nyes pa 'byung bar byed de/ char 'bab mi mkhas par byed/ char drag pa rnams kyis lo tog ma rung bar byed/ than pa 'byung bar byed pa dang bram ze rtog ge ba dag gzhan du sgyur bar byed de/ 'di ltar 'di ni rgyu skar gyi nyes pa yin no// 'di ni gza'i nyes pa yin no// 'di ni dus kyi nyes pa yin no// 'di ltas kyi nyes pa yin no zhes de ltar rtog ge ba las kyi 'bras bu mngon par mi shes pa de dag 'di ltar gzhan du sbyar yang de kho na ni mi mthong ngo / / de ci'i phyir zhe na/ de ni nga'i nyan thos sam/ nga'i chos 'dul ba 'di thos nas las kyi 'bras bu rnam par smin pa so sor shes pa gtso bor byed pa 'am/ 'bras bu so sor shes pa ma gtogs par/ lha dang bcas pa'i 'jig rten dang / tshangs pa dang bcas pa dang / dge skyong dang bram zer bcas pa'i skye dgu dang / lha dang / mi dang / lha ma yin rnams kyi yul gyi 'jug pa ma yin te/ gzhan ma yin par mthong ngo // de nas yang dge slong las kyi 'bras bu rnam par smin pa shes pa des lha ma yin gyi sa la rtog par byed de/ gang gi tshe gang du klu chos dang mi ldan zhing chos kyi rjes su mi 'jug pa rnams klu chos dang ldan pa rnams kyis pham par byas pa de'i tshe/ lha ma yin mgul 'phreng dag gis shes par 'gyur te/ lha ma yin mgul 'phreng dag dang / lha ma yin skar 'phreng gi grong khyer na gnas pa dang / gzhan tshal dang / nags tshal na gnas pa de dag thams cad yi mug cing byin nyams la bzhin ngo tsha nas/ khyim du phyir lhags te/ kye e ma lha ma yin bdag cag rnams kyis lha rnams thub par mi nus la byin nyams so/ / gang gi tshe bdag cag gis lha rnams pham par byed nus shig gu zhes de skad smras nas/ lha ma yin mgul 'phreng dag gis/ sgra gcan la lha ma yin gyi dbang po 'di ltar rmad kyis yun ma ring bar bdag cag gis lha rnams pham par bgyid rngo thog gis/ nan tan mdzad du gsol zhes smras pa dang / de skad thos pa dang / lha ma yin gyi dbang po sgra gcan gyis/ lha ma yin mgul 'phreng dang lha ma yin gyi dbang po brtan pa dag la 'di ltar ngas yun mi ring bar lha dag dbang po dang bcas te thub par bya yis/ snying las chung ngur 'khod cig ces smras so// skra gcan las sku ma yin mgul 'phreng dag gis de skad thos nas/ de nas yid rab tu dga' ste rang gi gnas su zhugs so// de nas yang dge slong las kyi 'bras bu rnam par smin pa shes pa des lha ma yin gyi grong khyer skar 'phreng zhes bya ba la brtags nas/ phyi rol la'ang so sor rtog par byed de/ mgul 'phreng zhes bya ba dag gi sa gzhan phyi rol gyi tshal dang / nags tshal rnam pa du yod snyam nas/ des thos pa las byung ba'i shes pas brtags na/ lha ma yin mgul 'phreng zhes bya ba dag gi tshal dang / bya rnams dang / nags tshal dang / nye ba'i tshal dang / lteng ka dang 'bab chu'i dngo dang / pad+ma'i rdzing rnams kyis dpag tshad khri phrag sum stong du gang ba/ bya dang pa dang / ka ran da pa dang / ngur pa dag gis mdzes par byas shing nye bar brgyan/ la kun tu sdug par byas pa/ kun nas nyams dga' ba/ spro zhing rab tu dga' ya rtag tu mang ba ji ltar 'dug pa mthong ste/ de nas tshal chen po bdun yod pa la 'di lta ste/ gser gyi 'og pag sprin dang / rtag tu nyams dga' ba dang / skyed mos tshal dga' dang / 'bras bu rtag tu mdzes dang / rlung bde dang / tin ti kun dga' dang / smras pa ste/ de dag ni lha ma yin mgul 'phreng dag gi skye bo gnas pa'i tshal chen po dag yin no/ / sa de dag kyang lha ma yin rtag tu dga' ba rnams kyis gang ba yin te/ lha ma yin las kyi 'bras bu la spyod pa rnams gnas par mthong ngo // de nas yang dge slong las kyi 'bras bu rnam par smin pa shes pa des lha ma yin mgul 'phreng dag gi 'bras bu rnam par smin pa la rtog par byed do/ mgul 'phreng dag las gang gis der skye bar 'gyur snyam nas// des thos pa las byung ba'i shes pas brtags na/ phyi rol pa gang gis gtan pa dang bcas pa/ sdig pa dang bcas pa/ skyon dang bcas pa'i mchod sbyin byas shing bza' ba dang / bca' ba rab tu mang po dag bshams nas/ tshul khrims dang ldan pa la ma byin/ sems kyis ma bsgoms pa'i sbyin pa ngan pa/ sbyin pa de byin pa de ni lus dang bral nas ngan 'gro log par ltung ba dud 'gro'i / 'gro ba lha ma yin mgul 'phreng rnams kyi nang du skye bar 'gyur la/ sbyin pa tha ma dang / 'bring dang / mchog rnams kyis bde ba tha ma dang / 'bring dang / mchog myong bar 'gyur te/ rgyu dang 'thun par 'bras bu 'byung bar 'gyur ba mthong ngo / / de nas yang dge slong las kyis 'bras bu rnam par smin pa shes pa de lha ma yin gyi dbang po brtan pa'i las kyi 'bras bu rnam par smin pa la rtog par byed de/ las kyi rnam par smin pa gang gis brtan pa dag lha ma yin rnams kyi rgyal srid byed snyam nas/ des thos pa las byung ba'i shes pas brtags na/ 'di ltar mir gyur pa rkun ma gzhan gyi nor rdzas kyis 'tsho ba/ sems pa dang bral ba'i sems kyis phyi rol pa'i 'dod chags dang bral ba gcig la zas kyis tshim par byin pa'i las des lha ma yin rnams kyi rgyal srid byed pa mthong ngo / / de nas yang dge slong de lha ma yin mgul 'phreng zhes bya ba'i tshe la rtog par byed de/ lha ma yin mgul 'phreng gi tshe'i tshad ji srid du thub snyam nas/ des thos pa las byung ba'i shes pa 'am/ lha'i mig gis brtags na/ mi rnams kyi lo drug brgya gang yin pa de dag ni/ lha ma yin mgul 'phreng rnams kyi nyin zhag gcig la/ grangs brtsis pa de'i lo drug stong thub ste/ dus ma yin par 'chi ba ni yod do// legs par byas pa dang / nyes par byas pa'i las kyi 'bras bu ni/ las thams cad la rag las pa yin no// des dud 'gro'i 'gro bar bsdus pa lha ma yin gnyis pa dag gis la brtags na/ chos la chos kyi rjes su lta zhing gnas so// sems can 'khor bar gtogs pa thams cad ni/ chos la brten pa/ chos kyi 'gro ba/ chos skyob pa yin te/ legs par byas pas lha dang mi rnams kyi nang du skye la/ nyes par byas pas sems can dmyal ba dang / yi dgas dang / dud 'gro rnams kyi nang du skye bar 'gyur ro// de nas yang dge slong las kyi 'bras bu rnam par smin pa shes pa des rtog par byed de/ ji ltar na lha kun tu rgyu ba rnams gnod sbyin rdzu 'phrul chen po rnams las thos nas ci zhig byed cig gu snyam nas/ des thos pa las byung ba'i shes pas brtags na/ 'di ltar lha kun tu rgyu ba rnams rgyal chen bzhi dang / lha 'phreng thogs rnams la 'di ltar lha ma yin chos dang mi ldan zhing chos kyi rjes su mi 'jug pa rnams kyis klu rnams la/ 'di ltar chos dang ldan zhing chos kyi rjes su 'jug pa'i mi rgyu gang gis 'chi ba'i dus byas nas/ lha rnams kyi nang du skye bar 'gyur pa rnams la bar chad bya bar 'bod cig/ de dag sbyin pa dang / tshul khrims dang / shes pa thams cad kyang kha zas la rag las pa yin la/ de dag kyang kha zas la rten pa yin pas/ 'dzam bu gling du khyed deng la/ le tog thams cad dbrog pa dang / 'bru/ thams cad ma rung bar bya ba'i phyir char po ba cig ces rab tu gzengs stod par byed pa de dag bdag cag la bsnyad do// chos dang ldan zhing chos kyi rjes su 'jug pa bar snang la rgyu ba'i gnod sbyin gang yin pa de rnams kyis kyang de dag bdag cag la bsnyad la/ bdag cag gis kyang khyed cag la bsnyad pa lags so// khyad cag gis kyang nye ba na gnas pa'i lha gang yod pa de dag la bskrad cing / lag na yol go thogs pa rnams kyis kyang pi wang can gsum pa rnams la/ pi wab can gsum pa rnams kyis kyang rtag tu myos pa rnams la bsnyad de/ de ltar rgyal chen bzhi pa rnams kyis chos dang mi mthun pa 'di rgya cher bsnyad do/ / so so'i bye brag ji lta bu yin pa/ rgyal chen bzhi pa de rnams kyis kyang grong khyer chen po blta na sdug na lha'i 'dun sa chos bzang dag gi 'dod pa'i yon tan lnga 'byor par gyur pa'i lha rnams kyi dbang po ko'u shi ka la snga ma bzhin rgya cher bsnyad do/ / de nas lha rnams kyi dbang po ko'u shi kas/ 'jig rten skyong ba rnams la bsgo ba/ 'jig rten skyong ba dag 'dzam bu gling na/ ci sangs rgyas dkon mchog la dang dam/ chos dkon mchog la dad dam/ dge 'dun dkon mchog la dad dam/ dge sbyong du 'dzin ta ma/ bram zer 'dzin tam/ byas pa gzo 'am/ byas pa la phan 'dogs sam/ drang ba yin nam/ drang ba'i rang bzhin can yin nam/ mar 'dzin tam/ par 'dzin tam/ rigs kyi rgan rabs la gus par byed dam/ tshes grangs kyi smyung ba la nye bar gnas sam/ g.yo thabs dang tshul 'chos pa la ma chags sam gzhal lugs la g.yo byed cing mi slu 'am/ phan tshun gnod pa dag byed dam mi byed/ 'dzam du gling du deng la rtogs shig ces bsgo ba dang / lha de ltar 'tshal lo zhes smras na/ 'jig rten skyong ba dag mi rnams la phan par bya ba'i phyir 'dzam bu gling ga la ba der dong ste/ yul nas yul/ ldongs nas ljongs/ grong rdal nas grong rdal/ grong nas thong / grong khyer nas grong khyer tshong rdal nas tshong rdal du de dag rtog par byed de/ 'dzam bu gling na chos dang ldan zhing chos kyi rjes su 'jug pa'i mi dag gang gnas pa 'dzam bu gling 'di thams cad la snga ma bzhin so sor rtog par byed do/ / 'jig rten skyong ba bzhi po de dag gal te chos dang ldan zhing chos kyi rjes su 'jug pa'i skye dgu dag mthong na/ de dag rgya mtsho'i nang du zhugs nas/ longs spyod ldan na gnas pa'i klu nor rgyas kyi bu dang / 'jog po la sogs pa la klu dag ma 'jigs shig/ grogs po dag ma 'jigs shig/ dam pa'i chos kyi phyogs ni 'phel lo// bdud kyi phyogs ni 'grib bo// mun nag mi gsal ba'i phyogs ni sel lo/ / bdud kyi ris ni bsrabs so// chos dang ldan zhing chos kyi rjes su 'jug pa'i lha dang / mi dang / klu rnams rab tu dga' 'o// chos kyi rnga ni kun tu brdungs so// chos kyi dbyangs rab tu len du bcug ste/ lha'i phyogs ni 'phel lo// bdud kyi phyogs ni 'grib bo// klu dang lha ma yin chos dang mi ldan pa rnams ni 'grib cing 'dug go zhes bsnyad do// de thos nas klu nor rgyas kyi bu dang / 'jog po la sogs pa dga' bar gyur pa rnams kyis 'jig rten skyong ba mgu ba dag la 'di skad ces/ lha dag bdag cag rab tu dga' ste/ bdag cag dang mi'i 'jig rten na mi rnams la klu dang lha ma yin chos dang mi ldan pa rnams kyis bar chad bya bar mi nus te/ rab tu dga' zhing mchis so zhes de skad lha rnams kyi dbang po brgya byin la gsol cig ces smras pa dang / de skad zos nas klu rnams kyi drung nas 'jig rten skyong ba dag lha rnams kyi dbang po brgya byin ga ba drer dong ste/ snga ma bzhin de skad bsnyad pa dang / de nas lha rnams kyi dbang po brgya byin yid rab tu dga' nas/ 'di ltar tshigs su bcad de smras pa/ thub pa de nyid gzigs pa yis// khyed la lam gtong 'di gsungs pa// mi gang rab tu gnas pa ni// lha yi 'dun sar 'gro bar 'gyur// sems can rnams la bden dang de bzhin du/ / sbyin dang byams pa bsrung zhing tshig snyan smra// yang dag lta dang dri ma bral ba'i yid// sangs rgyas kyis ni mtho ris lam du gsungs// dkar po'i chos dang yang dag ldan// dkar po'i sems la brten pa rnams/ / snang las snang ba'i me tog dang // sgron las sgron ma gzhan 'byung ltar// snang las snang ba'i mchog 'byung zhing // bde las shin tu bde bar 'gro// de bas skyes bu sgron ma mchog/ ngam thog tu ni ltung mi 'gyur// rtag tu nor bu dri mad ltar// rtag tu gang zhig sems dag pa// de ni zho ste nga med brtan// lha rnams kyi ni nang du 'gro/ bsam gtan tshul khrims ting 'dzin dag/ gang gi sems la shin tu bsgoms// brtan po de ni gser 'dra ste// lha rnams kyi ni nang du 'gro// srog gcod pa dag spangs pa dang / sems can kun la snying rje mchog/ brtse ldan drang po zhi ba dag/ lha rnams kyi ni nang du 'gro/ 'jig rten kun la tshig 'jam zhing // zhe sdang las ni rnam spangs la/ sdig pa'i chos kyis mgos pa// lha rnams kyi ni nang du 'gro// gang la rtswa dang gser mnyam zhing // gang gis 'dod pa dug lta bu// 'dod chags spangs pa'i brtan po de// lha rnams kyi ni nang du 'gro/ / 'dod chags rgyu ste yid 'ong ba'i// yul gyis ma drang gang yin pa// de ni 'jigs pa'i dgon las rgyal// lha rnams kyi ni nang du 'gro// grogs po gnyen bshes rtsa lag dang / / phan tshun mi mthun gyur pa la// gang zhig shin tu sdums byed pa// lha rnams kyi ni nang du 'gro// 'dod pa'i 'dam las drangs shing skyon bsal ba// sems can kun la rtag tu bde 'dod gang / / de ni dri med zhi ba yid 'grol zhing // de ltar bdud kyi skyobs ni 'jom par byed// gang zhig dbang la blo gnas shing // rdo yi dbang du mi 'gro gang // de ni dgra las rnam rgyal te// lha rnams kyi ni nang du 'gro// lus kyi las mtha' dge ba dag/ sdig las bral ba bde ldan gang // de ni 'dod spangs bsam gtan pa// lha rnams kyi ni nang du 'gro/ / sdig pa'i grogs po rnam spangs shing // sred pa'i zhags pas nges grol la// bud med zhags pas ma bcings pa// lha rnams kyi ni nang du 'gro// gang dag chos la rab 'bang cing / / sbyin dang tshul khrims ting 'dzin ldan// blo gros brtan zhin rtag brtson pa// lha rnams kyi ni nang du 'gro// ral gris zhags pa bcad pa ltar// gang gis 'ching ba bcad pa des// rang dbang zhags pa bcad pa yin// lha rnams kyi ni nang du 'gro// 'dod pa'i dri mas ma gos brkam pa med// skyon dag spangs shing bcom ste sred dang bral// nyes med dri bral sems can brtan pa de/ / rang gi 'bras bu la spyod mtho ris 'gro// sems can mir ni gyur pa gang // legs par byas pa mang sprad pa// las kyi rnam smin de yis su// lha yi 'jig rten rang tu 'gengs/ / mi yi mthu yis lha 'byung la// lha yi mthu yis mi 'byung ste// phan tshun mthus 'byung 'di dag ni// dam pa'i chos kyi lam du gnas// lha yi bde 'gro mi yin la// mi yid de// 'gro lha yin te// ngan song gsum gyi sa dag ni// dge ba'i las rnams spangs pa yin// de ni khyed yin rtag tu brtson// legs par mthong ba mchog yin te// rtag tu chos spel byed pa gang // lha mchog rnams ni rab tu 'dod/ / bde ba thams cad chos las byung // mya ngan 'das pa chos las 'byung // gnyid log rnams la chos ston cig/ 'gro ba mchog ni chos yin no// de skad ces bsgo nas lha rnams kyi dbang po brgya byin 'jig rten skyong ba de dag la/ yang 'di skad du mi rnams yongs su bsrung ba'i phyir dang / chos rnams 'phel bar bya ba'i phyir 'bod cig ces bsgo'o// de nas yang dge slong las kyi 'bras bu rnam par smin pa shes pa des lha rnams kyi sems kyi rtog pa rig nas/ nang gi chos la chos kyi rjes su lta zhing gnas so// de nas yang dge slong/ las kyi 'bras bu rnam par smin pa shes pa des lha ma yin rnams kyi sa gnyis pa la brtags nas/ sa gsum pa la rtog par byed de/ lha ma yin rnams kyis gsum pa'i rnam pa ji lta bu yin snyam nas/ des thos pa las byung ba'i shes pas brtags na/ sa gzhi gsum pa gang yin pa ni dpag tshad nyi khri chig stong yod do// sa gzhi de'ang gnas bzang po zhes bya ste/ tshal dang / nags tshal dang / ldeng ka dang / 'bab chu'i dngo dang / skye bo 'thun pa sna tshogs kyis gang ba/ rtag tu spro ba dang / rol mo'i sgra snyan pas gang ngo // grong khyer zab pa zhes bya ba dpag tshad brgyad stong yod de/ grong khyer de na lha ma yin gyi dbang po me tog 'phreng zhes bya ba gnas so/ / lha ma yin de rnams kyang rtse ba la gnas pa zhes bya la/ grong khyer zab pa de'ang rin po che rnam pa du ma dang / tshal dang / nags tshal dang ltesteng ka dang / pad+ma'i rdzing rab tu mang po dang ldan pa/ 'dam dang rnyog pa dang bral ba'i pad+mo skye ba'i rdzing rnams kyis mdzes par byas pa/ lha ma yin rtse ba'i grogs po dang ldan pa rnams kyis kun nas yongs su bskor ba/ dus tshigs drug nyams dga' ba/ tshal chen po bzhi rnams kyis mdzes par byas pa la 'di lta ste/ dril du g.yer ka'i 'phreng ba'i tshal zhes bya ba gang du dril bu g.yer ka'i shing ljon pa rtag tu sgra dbyangs snyan pa 'byin pa dang / 'di ltar tshal gnyis pa gser 'phreng zhes bya ba gang du gser gyi shing ljon pa skye ba dang / tshal gsum pa me 'phreng zhes bya ba gang du me lta bu'i shing / ljon pa 'bras bu dmar po 'byung ba dang / tshal bzhi pa 'dres pa zhes bya ba gang du me tog dang 'bras bu 'dres pa rnams mdzes par byas pa yin te/ tshal bzhi po de rnams kyis lha ma yin gyi grong khyer zab pa mdzes par byas so/ / gang na lha ma yin rtse ba'i grogs dang lhan cig gnas pa ni lha dang 'thun par bde bar gnas pa yin te/ de ltar gnas pa de dag ni me tog 'phreng dang / phye ma dang / byug pa rnams kyis lus brgyan pa/ spro ba dang / dga' ba dang / rtse ba dang / brgal ba dang / dgod pa rnams kyis rtag tu gnas pa/ lha ma yin gyi bu mo 'bum snyed kyis yongs su bskor ba/ lha ma yin gyi dbang po me tog 'phreng gis bskyangs pa/ skyed mos tshal du rtag tu rtse bar gnas pa/ lus kyi bar bar rin po che rnam pa sna tshogs kyis brgyan pa yin te/ lha ma yin gyi dbang po brtan pas gnas gnyis pa na gnas pa lha ma yin 'dzam pa zhes bya ba lha ma yin me tog 'phreng zhes bya ba'i drung du mngags te/ 'di ltar mi'i 'jig rten na/ mi 'di dag thams cad mar 'dzin pa dang / par 'dzin pa dang / dge sbyong du 'dzin pa dang / bram zer 'dzin pa dang / byas pa la phan 'dogs pa yin la/ de ltar gnas pa de dag ni/ mi mthu che ba rnams kyis lha rnams mthu che ba yin te/ des na bdag cag dang klu dang bcas pa rnams kyis nges par lha dang mi rnams kyi dam pa'i chos kyi bar chad bya ba la 'bad par bya'o zhes snga ma bzhin du de dag thos nas/ gnas gsum pa na gnas pa lha ma yin gyi dbang po me tog 'phreng shin tu dga' ste/ bdag cag gi dgra bo lha 'di dag mi la rag las pa yin pas lha dang mi'i bar chad bya'o zhes smras so// de nas lha ma yin rtse ning gnas pa mtshon dang / go cha sna tshogs kyis lus rnam par brgyan pa/ shin tu chag pa rnams klu rnams kyi gnas longs spyod ldan ga la ba der dong ngo // de nas lha ma yin gyi sgra de dag zos nas/ klu'i rgyal po chen po nor rgyas kyi bu dang / 'jog po la sogs pa lus la glog gi 'phreng ba 'bar ba 'byung ba shin tu chas pa rnams glog mang po char ltar 'byin pa na/ rgya mtsho'i dbus nas klu 'bum phrag bye ba du ma dag mngon par 'byung ngo / / de nas lha ma yin de rnams dang / klu de rnams rgya mtsho'i dbus su g.yul chen po 'gyed par 'gyur te/ de gang gi tshe chos dang ldan zhing chos kyi rjes su 'jug pa'i mi 'byung pa de'i tshe/ lha ma yin rnams pham par 'gyur la/ gal te chos dang mi ldan zhing chos kyi rjes su mi 'jug pa'i skye dgu 'byung na snga ma bzhin de'i tshe/ lha ma yin gyi phyogs rgyal bar 'gyur te/ klu'i phyogs pham par 'gyur ro/ / de ltar thams cad chos la rag las pa yin te/ de gang gi tshe klu pham par gyur na/ de dag kun tu rgyu ba'i lha rnams la/ kye grogs po dag 'di ltar lha ma yin rnams kyi mthu la bgegs bya ba'i phyir 'bod cig ces smras so/ / de nas kun tu rgyu ba'i lha khro bas gdungs pa rnams kha rlangs 'byin bzhin du rgyal chen bzhi'i lha rnams la/ kye lha dag 'di ltar lha ma yin gyi phyogs 'di ni mthu che ste/ klu rnams ni pham mo// lha ma yin rnams ni rgyal gyis/ g.yul bsham pa la rab tu 'bod cig ces smras so// kun tu rgyu ba'i lha'i bu de dag dang kha rlangs de mthong nas kyang rtog ge pa de dag na re/ 'di ltar du ba mjug rings byung ste/ lo legs par 'gyur ro// lo nyes par 'gyur ro// char legs par 'bab par 'gyur ro// char legs par 'bab par mi 'gyur ro/ zhes snga ma bzhin sbyar te/ 'di ni du ba mjug rings ston pa'i rgyu gnyis pa yin no// de gang gi tshe lha dang / klu dang / gnod sbyin dag rgyal bar 'gyur ba de'i tshe/ char legs par 'bab cing lo 'gru par 'gyur/ de'i tshe nad 'byung bar mi 'gyur zhing mtshon gyis 'khrug par mi 'gyur ba dang / 'di lta ste/ rtog ge pa dag na re/ 'di ltar gzas char phab bo zhes bya ba la sogs pa rgya cher sbyar ro// de nas gang gi tshe chos dang mi ldan zhing / chos kyi rjes su mi 'jug pa'i skye dgu 'byung zhing / mar mi 'dzin pa dang / phar mi 'dzin pa dang / rgan rabs la gus par mi byed pa de'i tshe/ lha ma yin gyi phyogs rgyal bar 'gyur te/ char mi 'bab cing chos dang mi ldan pa rnams kyi lo legs par mi 'gyur/ mtshon gyis 'khrug par yang 'gyur ro// de la rtog ge pa dag gzhan du bsgyur te/ ga ba'i nyes pas char mi 'bab bo// rgyu gar gyi nyes pas lo nyes par 'gyur ro zhes snga ma bzhin sbyar te/ de ltar chos dang chos ma yin pa mngon par mi shes pa rtog ge ba dag/ gzhan du bsgyur zhing / 'jig rten pa la gzhan du sgrogs so// de ltar mi shes pas nyams pa thams cad ni mu stegs ya mtshan gyi blor 'gyur ro// gang gi tshe lha ma yin rnams kyi klu rnams zil gyis mnan pa de'i tshe/ de nas yang 'jig rten skyong ba bzhi dag rgyal chen bzhi pa rnams la 'di ltar sgra sgrogs par byed de/ chos lugs rgyal bar gyur cig chos min rgyal ma gyur// bden pa rgyal bar gyur cig brdzun pa rgyal ma gyur/ / lha rnams rgyal bar gyur cig lha min rgyal ma gyur// snang ba rgyal bar gyur cig mun pargyal ma gyur// sbyin pa rgyal bar gyur cig 'jungs pa rgyal ma gyur/ / tshul khrims rgyal bar gyur cig gsod pa rgyal ma gyur// sangs rgyas rgyal bar gyur cig mu stegs rgyal ma gyur// brtan po rgyal bar gyur cig g.yo ba rgyal ma gyur// chos bzhin rgyal bar gyur cig dor sgyu rgyal ma gyur/ / snying rje rgyal bar gyur cig brtse med rgyal ma gyur// byams pa rgyal bar gyur cig khro ba rgyal ma gyur// brgya byin rgyal bar gyur cig lha min rgyal ma gyur/ / gong ma rgyal bar gyur cig 'og ma rgyal ma gyur// 'grangs pa rgyal bar gyur cig bkres pa rgyal ma gyur// ye shes rgyal bar gyur cig gti mug rgyal ma gyur// bya ba rgyal bar gyur cig bya min rgyal ma gyur/ / brtson 'grus rgyal bar gyur cig le lo rgyal ma gyur// skyes pa rgyal bar gyur cig bud med rgyal ma gyur// rgan rabs rgyal bar gyur cig byis pa rgyal ma gyur// bzod pa rgyal bar gyur cig sdang ba rgyal ma gyur// mi rnams rgyal bar gyur cig rab 'joms la sogs pa// phung par byed pa'i klu rnams rgyal ma gyur// nyin mo rgyal bar gyur cig mtshan mo rgyal ma gyur/ / zla ba rgyal bar gyur cig gza' rnams rgyal ma gyur// lo tog rgyal bar gyur cig rtsings pa rgyal ma gyur// bde ba rgyal bar gyur cig bde min rgyal ma gyur// nad med rgyal bar gyur cig nad rnams rgyal ma gyur/ / 'jam po rgyal bar gyur cig rtsub po rgyal ma gyur// thar pa rgyal bar gyur cig bcings pa rgyal ma gyur/ gzhung lugs rgyal bar gyur cig lugs min rgyal ma gyur/ / gces pa rnams ni thams cad rab tu rgyal bar shog/ gces min dag ni dus rnams kun tu bcom par shog/ de ltar 'jig rten skyong ba bzhi dag rnga bo cha thogs nas/ lha rnams la rgyugs shig rgyugs shig ces smra'o/ / de nas lha rnams de dag gis smras pa thos nas mtshon cha dang go cha sna tshogs bgos te/ klu rnams dang / lha ma yin rnams lhan cig g.yul 'gyed par mig 'tshums pa tsam gyi tshad du der thams cad byin no/ / de nas lha ma yin rnams kyis de dag la brtags nas/ 'di ltar dge slong du 'dzin pa dang / bram zer 'dzin pa'i skye dgu 'byung ba snga ma bzhin du sbyar te/ de'i tshe lha ma yin rnams kyis lha de dag mthong nas/ sa'i 'og gzhan ga la bar thams cad 'jug par byed do// gal te dge sbyong du mi 'dzin pa dang / bram/ zer mi 'dzin pa'i skye dgu byung na/ lha rnams dang de dag lhan cig g.yul 'gyed par gshom ste/ de dag yud tsam zhig g.yul bkye nas/ lha rnams kyis pham par byas nas/ de nas yang lha ma yin gyi dbang po me tog 'phreng dang / lha ma yin pham pa rnams dang lhan cig rang rang gi gnas su 'jug par mthong ngo // de nas yang dge slong las kyi 'bras bu rnam par smin pa shes pa des lha dang lha ma yin gyi g.yul mthong nas/ yang dag pa ji lta ba bzhin chos la chos kyi rjes su lta zhing gnas so// de nas yang dge slong las kyi 'bras bu rnam par smin pa shes pa de/ gnas gsum pa la gnas pa zhes bya ba'i lha ma yin me tog 'phreng zhes bya ba la sogs pa'i las kyi chos kyi rnam par smin pa la rtog par byed de/ las kyi chos kyi rnam par smin pa gang gis lha ma yin gnas gsum pa gnas bzang du skye bar 'gyur snyam nas/ des thos pa las byung ba'i shes pas brtags na/ gang gis dus su sbyor ba'i don du byang dam/ sil khrol ba 'am/ du gul la ka ba 'am/ bsdus pa 'am/ dga' 'dun par gyur pa dag la sbyin pa ngan pa byin pa de sems pa dang mi ldan zhing / shing bzang po ma yin pa la byin pa de lus dang bral nas ngan 'gro log par ltung ba gnas gsum pa na gnas pa'i lha ma yin gyi nang du skye bar 'gyur ro/ / de dag mi rnams kyi lo bdun brgya gang yin pa de dag gi nyin zhag gcig yin la/ bgrang ba de'i lo bdun stong thub ste/ dus ma yin par 'chi ba ni yod par mthong ngo // de nas yang dge slong las kyi 'bras bu rnam par smin pa shes pa des lha ma yin gyi bdag po me tog 'phreng gi las kyi 'bras bu rnam par smin pa la sems par byed de/ des thos pa las byung ba'i shes pas brtags na/ 'di ltar sems pa dang mi ldan pa gang gis tshul khrims 'chal pa la zan gcig byin na/ las des lha ma yin gyi gnas zab par lha ma yin gyi bdag po bdud rtsi dri ma can za bar 'gyur ba mthong ngo / / de nas yang dge slong las kyi 'bras bu rnam par smin pa shes pades sa gzhan ra zhi ba la rtog par byed de/ de thos pa las byung ba'i shes pas 'di ltar dud 'gror gtogs pa lha ma yin gyi gnas gzhan bzhi pa mi g.yo ba zhes bya ba dpag tshad nyi khri chig stong yod pa mthong ngo // de'i dbus na grong khyer mdzes pa zhes bya ba dpag tshad brgyad stong pa gcig yod do/ / gnas de'ang dpag tshad khri sum stong yod de/ grong khyer de na lha ma yin gyi dbang po rab spro zhes bya ba gnas so// gnas den lha ma yin gnas pa gang yin pa de dag gi ming ni kun spro zhes bya ste stobs che ba yin no/ / rgyal po de'ang lha ma yin de dag pas stobs shin tu che ba yin te/ shin tu bde ba/ shin tu brtan pa/ mthu dang ldan pa/ rdzu 'phrul dang ldan pa/ gar yang 'jig pa med pa/ dbang po dang bcas pa'i 'jig rten yang grangs su mi brtsi ba/ brtson 'grus lhag pas rab tu rgyags pa/ thams cad sa'i 'og gi gting na gnas pa yin la/ de las 'og tu gyur pa ni gzhan gang yang med de/ de nor bu'i sa gzhi'i steng na gnas so// de rtogs par yid rab tu dga' zhing rtag par spro la/ dga' pa rtag par yid sna tshogs su shin tu phye ba/ yul gyi sred pa sna tshogs la rnam par chags pa dag gnas gzhan bzhi pa grong khyer zab pa na shin tu bde bar gnas so// grong khyer de'ang kun nas pad+ma'i rdzing dang / 'bab chu'i dngo dang / bskyed pa'i sa dang ra bas mdzes par byas pa/ rin po che sna bdun gyi khang pas brgyan pa/ 'gran zla dang dral ba/ phan tshun bshes gnyen mi mthun pa dang bral ba/ phan tshun 'khrugs pa dang bral ba/ 'gran zla'i 'jigs pa dang bral ba/ nam mkha' gnyis pa lta bu yin te/ ji ltar nam mkha' la gza' dang / rgyu skar dang / skar ma'i tshogs rnam pa du ma dag gis mdzes par byas pa de ltar yang grong khyer de'ang kun nas rin po che rnam pa sna tshogs dag gis brgyan cing mdzes pa yin no/ / 'dir tshigs su bcad pa// byed kun sems la rag las shing // 'bras bu sems la rag las mthong / / ji ltar sems ni sna tshogs ltar// de lta bur ni 'bras bu'ang mthong // 'jig rten srid gsum rjes 'gro 'di// thams cad sems kyis sna tshogs bris// sems kyi/ dbang du ma gyur gang // de yi gnas ni ye med do// yid ni thar dang bcings pa yi// gnyis kyi gzhi dang rgyu ru gyur// dge ba yis ni skye bo 'grol// mi dges myur du 'ching bar byed// de ltar sems can sems kyi dbang / / srid pa gsum na 'khyam par 'gyur// sred pas rmongs pa'i sems can rnams// sems kyi dbang du gyur nas 'gro// dmus long lam bzang mi mthong ltar// mya ngan 'das pa 'thob mi 'gyur/ / ji ltar sems can de rnams kyis yang dag pa'i lam bsgrubs pa de ltar rgyu sna tshogs dang mthun par gyur pa'i gnas de sna tshogs su snang ngo // 'di ltar gnas de grong khyer de'i phyi rol na 'dug pa yin te/ shing ljon pa dang / nye ba'i tshal dang / lteng ka dang / grong rdal dang / pad+ma'i rdzing dang / chu bo rnam pa sna tshogs dang / bya rnam pa brgya snyed kyis mdzes par byas pa yin no/ / de'i gnas bzhi pa de na lha ma yin gnas pa gang yin pa de dag kun spro zhes bya ste/ brtan pa/ ngag tsha ba med pa/ cha byad dang rgyan shin tu bzang bas lus brgyan pa rnams gnas pa/ phan tshun yid la cung zad kyang 'khrug par mi byed pa/ rtag tu yid la spro zhing dga' ba dang ldan pa/ bud med cha byad dang rgyan sna tshogs kyis brgyan pa'i tshogs rnams kyis yongs su bskor cing gnas te/ brgya 'am yang na stong du dga' bar byed/ rtse bar byed/ yongs su spyod par byed do// gnas gzhi de'ang nor bu thogs pa'i bud med rnams kyis rtag tu brgyan pa/ lha ma yin kun spro rnams rtag tu lha ma yin gyi dbang po rab spro'i bka' shin tu nyan pa/ yid shin tu phye ba/ de la bka' nyan pa'i ngo bo ni rtag tu dbang du gyur par mthong de nas yang dge slong las kyi 'bras bu rnam par smin pa shes pa des lha ma yin gyi dbang po rab spro'i las kyi rnam par smin pa la rtog par byed de/ der las gang gis skye bar 'gyur snyam nas/ des thos pa las byung ba'i shes pas brtags na/ 'di ltar 'das pa'i dus na log par lta ba la zhen pa/ las kyi 'bras bu mngon par mi shes pa/ sangs rgyas dang / chos dang / dge 'dun las kyir phyogs par gyur pa gang la/ re zhig gcig na dge slong tshul khrims dang ldan pa/ shin tu brtson 'grus dang ldan pa/ lam du zhugs par gyur pa zhig gis nan gyis bsod snyoms gcig bslangs pa dang byin no/ / byin nas kyang bdag gis bsod snyoms byin pa'i 'bras bu ni don med cing 'di las bdag gi chos su 'gyur ba'ang med la/ log par rab tu 'byung ba/ dmangs rigs 'di la bdag gis bsod snyoms sbyin pa 'di ni tsha sgo can la bsod snyoms byin par zad do zhes kyang smra na/ zhing 'ba' zhig yon tan dang ldan la/ gzhan gyi ngo chen gyis sbyin pa tsher ma can nyams pa byin pa des/ lus dang bral nas ngan 'gro log par ltung ba dud 'gro rnams kyi nang du skye bar 'gyur te/ sa gzhi shin tu 'byor pa rin po ches brgyan pa/ g.yo ba med pa dag tu zhing shin tu yon tan dang ldan pa dang / sems pas dngos po ma bzung ba de'i las kyi rnam par smin pas lha ma yin kun spro zhes bya ba rnams kyi bdag por ba spro zhes bya ba so sor 'gran pa lta bu'i bde ba thams cad dang ldan par 'gyur ba mthong ngo / / // dam pa'i chos dran pa nye bar gzhag pa bam po nyi shu gsum pa// de nas yang dge slong las kyi 'bras bu rnam par smin pa shes pa des lha ma yin kun spro zhes bya ba rnams kyi las kyi rnam par smin pa la rtog par byed de/ las kyi rnam par smin pa gang gis lha ma yin gyi gnas su lha ma yin kun spro dag ji ltar skye bar 'gyur snyam nas/ des thos pa las byung ba'i shes pas brtags na/ sred pa'i ro la zhen par gyur pa gang sems can yod pa'i tshal du gnas te/ 'di ltar tshal de dag na sems can 'khod pa de rnams sus kyang ma bsdus/ gang gis kyang lhug par ma bkod de/ bdag gis tshal 'dir bsdu bar bya'o snyam nas/ sems can la snying brtse ba'i phyir dang / bdag nyid kyi 'tsho ba sbrang rtsi dag 'dod pa'i phyir sdud par byed na/ de lus dang bral nas lha ma yin rnams kyi nang du skye bar 'gyur te/ de'i 'tsho ba'i phyir sems can bsrung ba'i rnam par smin pa'i rgyus kun spro rnams kyi nang du skye bar 'gyur ba mthong ngo / / de nas yang dge slong las kyi 'bras bu rnam par smin pa shes pa des lha dang lha ma yin gyi g.yul 'gyed/ pa la rtog par byed de/ des bos pa las byung ba'i shes pas brtags na/ 'di ltar klu'i gtso bo longs spyod ldan na gnas pa/ chos dang ldan zhing chos kyi rjes su 'jug pa/ mgo bdun yod pa 'di lta ste/ klu'i rgyal po nor rgyas kyi bu dang / klu'i rgyal po 'jog po dang / klu'i rgyal po bzang po dang / klu'i rgyal po ro hi na dang / klu'i rgyal po sprin 'phreng dang / klu'i rgyal po grong dang / klu'i rgyal po kun 'gro dang / klu'i rgyal po rab spro dang / klu'i rgyal po char 'bebs te/ de dag ni chos dang ldan zhing chos kyi rjes su 'jug pa/ yang dag pa'i lta ba dang tshul khrims la zhugs pa yin no/ / snga ma bzhin du sbyar te/ chos dang mi ldan zhing chos kyi rjes su mi 'jug pa la 'di lta ste/ klu'i rgyal po rab 'jom dang / klu'i rgyal po paskyings pa dang / klu'i rgyal po nag po dang / klu'i rgyal po du lu hu lu dag pham par gyur pa de'i tshe/ sa'i 'og na gnas pa dang / ri rab la rten pa dang / chu'i nang du zhugs pa ga la ba der rgyug par byed de/ 'di lta ste/ gnas dang po la brten pa'i lha ma yin rnams kyis/ gnyis shing rtse ba zhes bya ba'i lha ma yin de dag la smras pa/ klu'i rgyal po nor rgyas kyi bu dang / 'jog po la sogs pa 'di dag dang / rgyal chen bzhi'i lha dang bcas pas bdag cag gtses kyis/ khyed bdag cag gi grogs su tshur shog rgyugs/ de nas de thos nas/ lha ma yin gnyis shing rtse ba dag lha ma yin gyi grong khyer 'od ldan zhes bya ba gang na lha ma yin gyi dbang po sgra gcan gnas pa ga la ba der dong ste phyin nas/ lha ma yin gyi dbang po sgra gcan la snga ma bzhin du thams cad bsnyad do// de nas gal te lha ma yin gyi dbang po sgra gcan 'di ltar dge sbyong du 'dzin pa dang / bram zer 'dzin pa dang / byams pa la phan 'dogs pa dang / rigs kyi rgan rabs la gus pa byed par shes pa de'i tshe/ lha ma yin gyi dbang po sgra gcan klu'i rgyal po rab 'jom la sogs pa la/ 'di ltar bdag cag gis gnas gnyis pa na gnas pa'i lha ma yin rnams la 'di ltar lha rnams kyis bdag cag mngon par gtses so zhes sbran par bya ba'i bar du snga ma bzhin du sbyar te/ klu'i rgyal po 'jog po la sogs pa de dag nyid khog cig khog cig ces bsgo'o// de nas lha ma yin gyi dbang po sgra gcan gnas gnyis pa na gnas pa'i lha ma yin mgul 'phreng zhes bya ba de dag la/ 'di ltar klu'i rgyal po rab 'jom la sogs pa klu'i rgyal po nor rgyas kyi bu dang / 'jog po la sogs pa dang / rgyal chen bzhi'i ris kyi lha rnams kyis mngon par gtses so zhes smras so/ / de nas de thos na lha ma yin mgul 'phreng dag lha ma yin gyi grong khyer skar 'phreng zhes bya ba na/ lha ma yin gyi dbang po 'khod pa gang yin pa dag la/ 'di ltar kye rgyal po chen po bdag cag la/ lha ma yin gyi dbang po sgra gcan dang / klu'i rgyal po rab 'jom la sogs pa na re/ 'di ltar klu'i rgyal po rab 'jom la sogs pa dag/ klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams kyis mngon par gtses so zhes mchi'o// lha ma yin gyi dbang pos de thos nas/ gal te dge sbyong du 'dzin pa dang / bram zer 'dzin pa'i skye dgu chos kyi rjes su 'jug pa 'byung ba dang / bdag nyid kyi stobs che chung mthong ba de'i tshe/ lha ma yin mgul 'phreng de dag la 'di ltar/ kye ma 'dzam du'i gling gi mi rnams chos dang ldan zhing chos kyi rjes su 'jug pas/ lha rnams stobs rab tu che ste/ 'di dag bdag gis gnas gsum pa na gnas pa'i lha ma yin rnams la snga ma bzhin bsnyad par bya'o zhes smras so/ / de nas lha ma yin kun 'gro zhes bya ba la bsnyad do// de nas lha ma yin kun 'gro dag gis/ gang na lha ma yin gyi dbang po me tog 'phreng zhes bya ba gnas pa'i grong khyer zab pa zhes bya ba ga la ba der dong ste/ lha ma yin kun 'gros de thams cad snga ma bzhin bskyed do// de nas lha ma yin gyi dbang po me tog 'phreng zhes bya bas/ gal te chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu mthong na/ des lha ma yin de dag la/ 'di ltar gnas bzhi pa na gnas pa'i lha ma yin rnams la mngon par bsnyad par bya'o zhes smras so/ / de nas gnas gsum pa na gnas pa'i lha ma yin gyi dbang pos gnas bzhi pa na gnas pa'i lha ma yin rnams 'khod pa ga la ba der dong ste/ 'di ltar klu'i rgyal po rab 'jom la sogs pa dag/ klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams kyis mngon par gtses te/ de ltar klu de dag ni bdag cag gi phyogs yin pas/ bdag cag rnams kyis nges par lha rnams kyi bar chad bya bar 'bad par bya'o zhes smras so/ / de nas gnas bzhi pa la gnas pa'i lha ma yin dpung bzang dag gis de dag mthong nas/ grong khyer zab pa zhes bya ba gang na/ lha ma yin gyi dbang po rab spro zhes bya ba ga la ba der dong ngo / / de nas lha ma yin rings thabs su 'ongs pa de dag mthong nas/ lha ma yin rnams ci'i phyir rings thabs su 'ongs zhes dris so// de nas lha ma yin dpung bzang dag gis lha ma yin gyi dbang po rab spro la snga ma ji lta ba bzhin bsnyad do/ / de nas lha ma yin gyi dbang po rab spros/ lha ma yin gyi dbang po de dag la 'di skad ces/ kye ma lha ma yin gyi dbang po sgra gcan dag brtson 'grus chung ba yin te/ klu'i rgyal po rab 'jom la sogs pa gnas pa gang yin pa dag rgyal chen bzhi'i lha rnams kyis pham par byas te/ de dag la bdag gis dge sbyong du 'dzin pa dang / bram zer 'dzin pa'i skye dgu rtsis la ma chags pa dang / chos kyi rjes su chos sgrub pa/ rtsis la ma chags par bya'o zhes smras so// de nas lha ma yin gyi dbang po de rang gi lha ma yin rnams 'khod pa ga la nga der song ngo / / de nas lha ma yin gyi dbang po rab spro dpung bzang dag la 'di ltar bdag ni/ klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams la bar chad bya ba'i phyir chas te/ lha ma yin gyi dbang po'i brtson 'grus dang / spro ba dang / 'khor dang bcas pa/ mtshungs pa med pa thams cad lha rnams dang g.yul 'gyed par 'dong gis/ 'di ltar lha ma yin/ rnams myur du chos shig myur du chos shig ces bsgo'o// de nas lha ma yin gyi dbang po rab spros/ lha ma yin gyi dbang po gsum dag la gang chos kyi rnam pa 'di lta bu bzod pa khyed la ci brtson 'grus med dam/ rten med dam/ 'di ltar bdag ni rang gi lag mthu dang / brtson 'grus dang ldan pas cha'o zhes smras so// de nas yang lha ma yin gyi dbang po rab dgod ring po ma thogs par rang gi lha ma yin rnams la grogs po dag rings par chos shig rings par chos shig/ 'di ltar bdag gis lha ma yin gyi dbang po ma lus pa rnams la'ang sbran zin te/ bdag myur du cha yis/ lag tu mtshon cha sna tshogs blangs par shes nas/ lha ma yin gyi g.yul la brtson par gyis shig/ de dag gi blo rig nas bsgrub par bya ba'i chos gang yin pa de dag bsgrub par bya ste/ lha rnams kyis pham par byar mi bzod do zhes smras so// de nas lha ma yin gyi dbang po rab dgod kyis de skad smras nas/ rang gi brtson 'grus chen po dang / stobs kyis dregs pa/ blo gros shin tu rgya che ba/ rang gi stobs dang gzhan gyi stobs tshad ma grangs su mi brtsi bar rang gi gnas nas chas nas/ gnas gzhan gsum par 'gro bar byed de/ grong khyer zab pa na lha ma yin gyi bdag po me tog 'phreng lha ma yin bye ba khrag khrig du ma ga la ba der song ste phyin nas/ brtsams pa'i yid kyis lha ma yin gyi dbang po me tog 'phreng la smras pa/ 'di ltar klu'i rgyal po 'jog po dang / nor rgyas kyi bu la sogs pa dang / lha dang bcas pa dag las rgyal bar bya yis lha ma yin gyi g.yul 'gyed par 'dong 'dod/ de skad smras pa dang / me tog 'phreng des smras pa/ 'di ltar g.yul 'gyed pa 'di ni bdag cag gi dus ma yin te/ mi mar 'dzin pa dang // phar 'dzin pa dang / rigs kyi rgan rims la rim gro byed pa dang / dge sbyong du 'dzin pa dang / bram zer 'dzin pa dang / chos la chos kyi rjes su 'jug pa dag yod pas/ lha'i phyogs stobs che ste/ de lta/ bas na de ring bdag cag gi g.yul 'gyed pa'i dus ma yin no zhes smras so// de nas lha ma yin gyi dbang po rab spros de'i tshig ma mnyan par 'di ltar/ klu dang lha de dag bdag gcig pus pham pa bya bar nus na/ khyed dang bcas pas lta smos kyang ci dgos te/ pham par bya yis/ lha ma yin gyi dbang po dag 'dod 'dong zhes smras so// de nas me tog 'phreng des spro ba bskyed nas/ lha ma yin gyi sde bye ba phrag du ma dang lhan cig gnas gzhan gnyis pa ga la ba der dong ngo / / de nas lha ma yin gyi dbang po sgra gcan la/ rab spro dang / brtan pa dang / ma rtog 'phreng dag gis lha rnams las rgyal bar bya yis/ lha ma yin gyi g.yul 'gyed par 'dod 'dong zhes smras so// de nas lha ma yin gyi dbang po sgra gcan gyis/ de dag la smras pa/ kye ma lha ma yin gyi dbang po dag dus la ma bab ste/ bdag cag gis g.yul 'gyed pa'i dus ma yin no// 'dzam bu'i gling gi mi rnams chos dang ldan zhing chos kyi rjes su 'jug ste/ mar 'dzin pa dang par 'dzin pa dang / dge sbyong du 'dzin pa dang / bram zer 'dzin pa'i skye dgu dag lha yul du skye la/ lha'i phyogs stobs che bas g.yul 'gyed par mi nus te/ lha ma yin gyi dus ma yin no zhes smras so/ / de nas thams cad yid 'thun par lha ma yin sgra gcan de la 'di skad ces 'di ltar bdag cag rnams g.yul 'gyed par spro yis 'dod 'dong zhes smras so// de nas lha ma yin gyi dbang po sgra gcan de dag bdag gi bsam pa dang mthun par rgya mtsho'i nang nas chas nas/ klu'i rgyal po rab 'jom la sogs pa ga la ba der dong ste/ 'di ltar bdag cag lha ma yin gyi dbang po 'di dag thams cad 'ongs te/ klu'i rgyal po 'jog po dang / nor rgyas kyi bu la sogs pa ga la ba der bdag cag g.yul 'gyed du 'ong ngo zhes smras so// de nas rab 'jom gyis de thos nas yid rab tu dga' ste/ 'jog po dang / nor rgyas kyi bu la sogs pa ga la ba der g.yul 'gyed pa'i phyir 'khor dang bcas pa dong ngo // de nas klu'i bdag po 'jog po dang / nor rgyas kyi bu la sogs pa yang / klu'i rgyal po rab 'jom la sogs pa gang du g.yul bshams par g.yul 'gyed du dong ngo // de nas de dag de ltar phan tshun g.yul dkye ba dang / chos dang mi ldan pa'i klu'i bdag po rnams pham par gyur to/ / de ltar de dag pham pa dang / lha ma yin bye ba phrag du ma dag rgyug par byed do// de nas 'jog po dang / nor rgyas kyi bu la sogs pas de dag mthong nas lha ma yin ga la 'khod par g.yul 'gyed du brgyugs so/ / de nas klu rnams dang / lha ma yin rnams tshad med pa de rnams rgya mtsho'i steng du phan tshun g.yul 'gyed de/ me char ltar 'bab pa dang / mtshon char ltar 'bab pa tshad med pa de dang / dug nag pos rnam par gdungs shing / blo dman pa de rnams phan tshun g.yul 'gyed do// de gang gi tshe chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu byung na/ de dag klu 'ba' zhig gis lha ma yin rnams pham par byed do// gal te shin tu chos dang mi ldan pa'i skye dgu byung na/ de'i tshe lha ma yin rnams kyis klu rnams pham par byed do// gang gi tshe klu rnams pham par 'gyur ba de'i tshe/ lha kun tu rgyu ba rnams la 'di ltar sa'i 'og na gnas pa 'di dag thams cad kyis bdag cag rnam pa thams cad du gtses te/ de dag dang bdag cag phan tshun g.yul 'gyed par mi nus kyis rgyugs shig rgyugs shig ces smras so// de nas lha kun tu rgyu ba rnams mtshon cha dang lag cha sna tshogs thogs te/ lha ma yin ga la 'khor pa der 'dong bar byed do// de nas lha kun tu rgyu ba rnams klu'i rgyal po 'jog po dang / nor rgyas kyi bu la sogs pa ga la ba der dong ste phyin nas/ bu rnams la smras pa/ bdag cag rnams lha ma yin tshar gcad pa'i phyir 'dir 'ongs te/ bdag cag khyed kyis bsgrubs pa lha ma yin gzhig pa'i phyir 'di nyid du 'ongs so/ / de skad ces smras pa dang / de nas yang klu rnams lha dang lhan cig tu lha ma yin gyi dbang po sgra gcan ga la ba der dong ngo // de nas lha ma yin rnams kyis de dag de ltar mthong nas/ de nas yang lha rnams ka la ba der g.yul 'gyed du dong ngo // de nas lha dang lha ma yin rgya mtsho'i nang du g.yul 'gyed par 'gyur te/ gang gi tshe chos dang ldan zhing chos kyi rjes su 'jug pa 'byung ba de'i tshe/ lha kun tu rgyu ba rnams kyis myur du lha ma yin rnams pham par byed do// de nas lha rnams kyis lha ma yin rnams pham par byas na/ de nas yang lha ma yin gyi dbang po sgra gcan gyi gnas ga la ba der dong ngo / / de nas lha ma yin gnas gzhan gnyis pa na gnas pa de dag rang gi phyogs mngon par bcom pa mngon du mthong nas/ bdag cag 'di na g.yul 'gyed par 'khod na lha ma yin rnams ci'i phyir 'bros/ lha ma yin rnams ci'i phyir 'bros zhes smras so// de nas yang lha ma yin rnams g.yul 'gyed du lha rnams ga la ba der rgyug par byed do/ / de nas lha dang lha ma yin rgya mtsho'i dbus su phan tshun mngon par gnod pa'i g.yul chen po 'khrugs pa bkye bar gyur to// de nas gang gi tshe lha rnams rgyal ba de'i tshe/ lha rnams kyis lha ma yin gyi dpung mngon par bcom mo/ / de'i tshe 'jigs pas skor ba'i sa na gnas pa'i lha ma yin rnams lha rnams ga la ba der 'dong bar byed do// de nas lha rnams kyis lha ma yin gyi dpung mi bzang ba de dag mngon par mthong nas 'khod do/ / de nas lha ma yin rnams kyang lha rnams ga la ba der g.yul 'gyed du dong ste/ phan tshun g.yul chen po dag bkye bar gyur to// de nas gang gi tshe lha rnams pham par gyur pa de'i tshe/ 'jig rten skyong ba dag lha lag na yol go thogs pa dag ga la ba der dong ste/ 'di ltar lha ma yin rnams kyis bdag cag mngon par gtses kyis rgyugs shig rgyugs shig ces smras so/ / de thos nas lha lag na yol go thogs pa dag lha ma yin ga la ba der g.yul 'gyed du dong ngo // de nas lha lag na yol go thogs pa mtshon cha dang / lag cha sna tshogs can dag lha ma yin ga la ba der dong ngo / / de nas lha de dag mngon par mthong nas/ yang lha ma yin rnams khros nas brgyugs so// de nas lha lag na yol go thogs pa rnams dang / lha ma yin de rnams phan tshun spu zing zhes byed pa'i g.yul chen po bkye ba dang / 'di ltar lha dang lha ma yin gyi g.yul 'di lta bu mtshungs pa med pa bkye'o zhes de dag mngon par brjod do// de dag gang gi tshe chos dang ldan zhing chos kyi rjes su 'jug pa'i skye dgu dag 'byung ba de'i tshe/ lag na yol go thogs pa rnams kyis lha ma yin rnams pham par byed de/ de'i tshe rgya mtsho'i dbus su lha dang lha ma yin shin tu 'jom pa chos dang chos ma yin pa la brten pa'i rtags can du gyur pa dag na/ gzhan dang mi 'dra ba'i g.yul bkye'o// gang gi tshe lha lag na yol go thogs pa dedag pham par gyur pa de'i tshe/ 'jig rten skyong ba rnams lha 'phreng thogs dag ga la ba der dong ste/ lha ma yin rnams dam par mdzod cig ces smras pa dang / lha ma yin de rnams la mngon par brtags nas/ lha 'phreng thogs rgyug par byed do// lha kun tu rgyu ba dang / lag na yol go thogs pa dang / 'phreng thogs de rnams kyang phyogs gcig tu gyur cing / 'jog po dang / nor rgyas kyi bu la sogs pa'ang gcig tu 'dus so/ / lha ma yin sgra gcan gyis pa dang / grong khyer 'od ldan na gnas pa dang / gnyis shing rtse ba dang / gnas gnyis pa na gnas pa dang / mgul 'phreng dag ste/ bye ba khrag khrig grangs med pa du ma phyogs gcig tu gyur pa dang / g.yul chen po bkye ste/ gang gi tshe chos dang ldan zhing chos kyi rjes su 'jug pa byung ba de'i tshe/ lha'i phyogs ni rgyal bar 'gyur la/ lha ma yin gyi phyogs ni pham par 'gyur te/ chos la rten pa shin tu legs par 'gyur na/ chos la mi rten pa lta ga la zhig 'gyur/ gang gi tshe de dag chos dang mi ldan zhing chos kyi rjes su mi 'jug pa byung ba de'i tshe/ lha ma yin gyi phyogs rgyal bar 'gyur ro// lha ma yin gyi dpung de dag 'jig rten skyong ba rnams kyis mngon par mthong nas/ lha rtag tu myos gnas ga la ba der dong ste/ lha dag lha ma yin gyi phyogs rnams rgyal bar gyur gyis rgyags shig rgyugs shig ces smras so/ / de thos nas lha rtag tu myos gnas dag lha ma yin gyi phyogs ga la ba der mngon par 'jom du dong ste/ mtshon cha dang lag cha sgra tshogs thogs pa'i tshogs 'bum phrag du ma dag rgya mtsho'i nang na gnas pa ga la ba der lha ma yin pham par bya ba'i phyir ha ha'i sgra phyung nas rings par mngon par 'jom par byed cing / rnam par 'jom par byed pa gnod pa du ma byed pa de dag phan tshun g.yul mi bzad pa chen po bkye'o/ / de nas gang gi tshe lha rnams kyis lha ma yin rnams pham par byas pa na/ de dag lha ma yin gyi dbang po sgra gcan ga la ba der dong ngongo/ / de nas lha ma yin gyi dbang po sgra gcan gyis lha ma yin de dag la 'di skad ces khyed cag gi dpung du bdag gnas na/ grogs po dag ci ste 'bros/ ci ste 'bros/ lha dag nyung zhing 'di dag khyed cag las lhag pa med la/ 'di dag ni brtson 'grus chung ste/ bdag cag gis lha rnams pham par bya yis/ de lta bas na lha ma yin gyi dbang po dag slar log cig ces smras so// de nas lha ma yin gyi dbang po sgra gcan las de skad thos nas/ lha ma yin dag lha rnams dang g.yul 'gyed du phyir log go// de nas yang lha dang lha ma yin de dag mtshon cha 'debs pa 'khrugs pa'i rnam pa du ma'i g.yul 'gyod par byed de/ de'i tshe lha ma yin gnas gnyis pa na gnas pa gnyis shing rtse ba dang / gnas gsum pa na gnas pa mgul 'phreng gi ris su gtogs pa thams cad lha dang g.yul 'gyed par phyir log go/ de nas gang gi tshe chos dang mi ldan zhing chos kyi rjes su mi 'jug pa'i skye dgu byung ba de'i tshe/ lha ma yin gyi phyogs kyis lha'i phyogs pham par byed do// gal te chos dang ldan zhing chos kyi rjes su 'jug pa'i skye dgu dag byung na lha'i phyogs de dag gis lha ma yin gyi phyogs pham par byed de/ de ltar lha rnams ni chos gtsoro// chos kyi rgyal mtshan/ chos la gnol ba yin no// lha ma yin de dag thams cad ni chos dang mi ldan pa/ chos ma yin pa la rten pa/ chos kyis skyob pa ma yin no// de nas lha rnams 'di snyam du sems te/ kye ma lha ma yin 'di dag gis bdag cag la de ltar gtse bar ci ste gnas/ 'di dag ni bdag cag las khyad par zhugs pa'ang med la/ mtshungs pa'ang ma yin no// 'dzam bu'i gling na'ang da dung du mar 'dzin pa dang / phar 'dzin pa dang chos dang ldan zhing chos kyi rjes su 'jug pa dang / rgan rabs la rim gro byed pa dang / gso sbyong la nye bar gnas pa dang / sbyin pa dag kyang sbyin/ bsod nams dag kyang byed/ bag yod pa la bag yod par gnas pa'i mi dag yod de/ de ltar bag yod pa la bag yod par gnas pa de dag 'chi ba'i dus byas nas/ lha rnams kyi nang du skye bar 'gyur te/ lha ma yin gyi chos 'phel ba dang chos 'byung bar mi 'gyur ro snyam mo/ / de dag gis de ltar rig nas/ kun tu rgyu ba dang / 'phreng thogs pa dang / kun di pa ka dang / rtag tu myos pa'i lha rnams chos kyi rgyal mtshan khyer te/ ma yin gyi dpung ga la ba der lha de dag thams cad reg ma thogs par rgyug par byed cing / 'di ltar lha ma yin rnams sdod cig sdod cig/ khyed cag gis nged rnams la ci'i phyir gtse/ nged cag las khyed kyi dpung khyad zhugs pa'ang med/ gtso bo'ang ma yin/ mtshon cha'ang mi mang bas/ nged cag 'di rnams ni khyed rnams gzhom pa'i phyir lhags pa yin gyis/ yang sa'i 'og tu ma 'gro zhig mngon par gtse bar byed pa'i blo can chos dang mi ldan zhing / chos kyi rjes su mi 'jug pa 'di dag thams cad la bde ba 'am/ mya ngan las 'das pa med do// de skad ces smras nas/ klu nor rgyas kyi bu dang / 'jog po la sogs pa dang lhan cig de dag thams cad dang bdag nyid thams cad las mtshon cha dang lag cha char ltar 'bebs shing lha ma yin ga la ba der 'dong bar byed do// de nas klu rnams kyang me rab tu 'bar ba char ltar 'debs shing lha ma yin ga la ba der rgyug par byed do/ / de nas lha ma yin rnams kyis kyang / klu de dag la mngon par brtags nas/ chos dang mi ldan zhing chos kyi rjes su mi 'jug pa'i klu rab 'jom la sogs pa la/ 'di ltar khyed kyang bdag cag gi phyogs yin gyis/ klu'i rgyal po nor rgyas kyi bu dang / 'jog po la sogs pa ga la ba der klu rnams dang g.yul 'gyed du rgyugs shig ces bsgo'o/ / de nas de dag thos nas/ klu rab 'joms la sogs pa klu 'jog po dang / nor rgyas kyi bu la sogs pa ga la ba der me char ltar 'bebs pas mngon par 'tshe bar byed do/ / klu de dag gis kyang me'i char chen po 'bebs la/ lha dang lha ma yin rnams kyang g.yul chen po 'gyed de/ de nas yang lha rnams kyis lha ma yin pham par byas so// de nas de dag lha ma yin gyi dbang po sgra gcan ga la ba der 'dong bar byed do// 'jigs shing bzhin mog mog por gyur pa/ skyabs 'dod pa kun lha ma yin gyi dbang po sgra gcan ga la ba de nyid du 'dong pabar byed do/ / de nas sgra gcan gyis de dag mthong nas/ yang 'di ltar bdag ni 'di na gnas na/ lha ma yin khyed cag rnams la ci zhig gnod/ bdag gcig pus lha rnams dbang po dang bcas pa bcom ste/ lha'i 'jig rten thams cad bdag cag gir bya na/ khyed dang 'khod pas lta smos kyang ci dgos/ lha'i dpung 'di dag kyang chen po ma yin/ grogs po dag ci gnod/ 'di ltar bdag gis lha ma yin gyi dbang po brtan pa dang / me tog 'phreng dang / rab dgod dang / thag bzangs ris dag la sbran la bdag nyid kyis lha rnams las rgyal bar bya'o zhes smras so// de nas lha ma yin gyi dbang bopo sgra gcan lha ma yin gyi dbang po brtan pa dang / lha ma yin gyi dbang po me tog 'phreng dang / lha ma yin gyi dbang po rab dgod dang / lha ma yin gyi dbang po thag bzangs ris ga ya ba der rings par song ste byin nas/ de dag la 'di ltar lha de dag thams cad dang / rgyal chen bzhi pa thams cad bdag cag gi phyir 'ong gis/ lha ma yin gyi dbang po 'di dag kun shes nas/ lan bya ba gang yin pa la so sor shoms shig ces smras so// de nas tshig de thos nas lha ma yin gyi dbang po kun gyis sgra ga can de la 'di ltar lha rnams dang g.yul 'gyed du bdag nyid thams cad kyis/ bdag cag 'di dag 'khod cing bdag cag rtog par byed kyi/ sum cu rtsa gsum pa'i lha ko'u shi ka la sogs pa dang bcas pa la bar chad bya ba dang / gang gis lha ma yin rnams 'byung bar bya ba'i phyir khyod song zhig ces smras so/ / de nas lha ma yin sgra gcan lha dang lha ma yin gyi g.yul ga la ba der bdag nyid g.yul 'gyed du song ste/ de dag mthong nas lha ma yin gyi dbang po de// lha ma yin rnams la kye ma lha'i stobs rab tu che'o// kye ma lha ma yin rnams las lha'i stobs rab tu che ste/ g.yul 'gyed par lha 'khod pa 'di dag la phyir rgol bar mi nus so zhes smras so// de nas lha ma yin gyi dbang po sgra gcan lha rnams ga la ba der mtshon cha dang lag cha char ltar 'bebs shing g.yul 'gyed du song ngo // de nas lha rnams kyis lha ma yin gyi dbang po sgra ga can de ltar rgyug pa mngon par mthong nas/ klu de dag yang lhan cig tu me char ltar mngon par 'bebs shing // lha ma yin gyi dbang po sgra gcan ga la ba der sgra gcan gzhom pa'i phyir rgyug par byed do// de nas g+ha/ dang lha ma yin de dag g.yul chen po mtshon cha dang / lag cha dang / rdo rje char ltar 'bebs shing mtshungs par g.yul bkye ba dang / de dag gang gi tshe chos dang ldan zhing chos kyi rjes su 'jug pa/ dge sbyong du 'dzin pa/ bram zer 'dzin pa/ rigs kyi rgan rabs kyi rjes su 'jug pa'i skye dgu dag byung ba de'i tshe/ lha rnams kyis lha ma yin rnams pham par byed do// gal te chos dang mi ldan zhing chos kyi rjes su mi 'jug pa byung ba de'i tshe/ lha ma yin rnams kyis lha rnams pham par byed de/ de ltar lha dang lha ma yin gyi g.yul chen po 'gyed pa ni/ chos dang chos ma yin pa kho na la rag las pa yin no/ / de nas gang gi tshe lha ma yin rgyal zhing lha pham par gyur pa de'i tshe/ lha rnams phan tshun du lha dag chos la soms shig/ lha dag chos gtso bor gyis shig lha rnams ni chos kyis rgyal bar 'gyur ro zhes brjod do/ / de nas chos yid la byas shing chos la dad pa bskyed pa'i lha rnams yang lha ma yin ga la ba der song ngo // de nas chos kyis brgya dra/ pa'i lha rnams gzi brjid brgya 'gyur du 'byung ste/ de ltar de dag gzi brjid kyis 'bar ba mngon par mthong nas/ lha ma yin shin tu sgyid lug pa rnams la/ lha ma yin gyi dbang pos 'di skad ces khyed ci ste sgyid lug/ 'di dag ni bdag cag las gzi brjid dam/ mtshon cha 'am/ lag cha 'am/ dpung stobs sam/ phal che ba khyad zhugs pa med de/ de dag la khyed ci ste sgyid lug ces smras so/ / de nas de'i tshe tshig de thos nas yang lha ma yin sgra gcan la sogs pa lha rnams ga la ba der phyir log ste 'ong ngo // de nas lha chos kyis rgyas pa'i lus can de dag thams cad lha ma yin ga la ba der shugs myur bar rgyug par byed de/ lha dang lha ma yin de dag phan tshun 'dres nas g.yul 'gyed do// de dag gi nang na sgra gcan stobs chen por gnas te/ ri rab gnyis pa lta bur gnas so/ / de chos nyid kyi mthus lha rnams kyis pham par byed de/ skyob pa rnams kyi nang na chos skyob pa mchog yin no// snang ba rnams kyi nang na chos snang ba mchog yin no// de nas lha ma yin sgra gcan la sogs pa lha ma yin pham pa rnams mngon par mthong nas/ lha ma yin kun nas sgyid lug pa rnams de nas yang dbugs phyung ste/ 'di skad ces lha ma yin dag ci ste 'bros/ lha ma yin 'di dag mi ngan pa'i sar ci ste gnas/ lha ni lha ma yin du mi'i nang na dpa' bo ma yin/ lag cha thogs pa ma yin/ mtshon chas 'jigs pa ma yin gyis phyir log ste 'khod cig/ 'di dag gis ci ste gnod ces smras so// de nas de'i tshe de thos nas yang lha ma yin rnams g.yul 'gyed du phyir log go// de nas yang des gzengs pastod cing mgu bar byas pa/ nga rgyal gyis khengs pa rnams lha rnams ga la ba der g.yul bkye ba dang / de nas yang 'bros so// de nas sgra gcan ni lha ma yin de dag kun gyi dang po kho na la 'dug ste/ de dang po kho nar 'dug nas de la rten/ des skyob/ de la 'khor ba'i lha ma yin de dag thams cad rgyal chen bzhi'i lha ga la ba der sgra gcan gyi mthu la rten pa/ stobs skyes pa dag rgyug par byed cing / 'di ltar bdag cag gi lha ma yin gyi dbang po sgra gcan 'di dang po kho na la zhugs pa/ lha rnams dbang po dang bcas pa'ang thub par 'gyur na/ rgyal chen bzhi'i lha 'ba' zhig lta smos kyang ci dgos snum sems so// de nas yang phan tshun rtog cing mtshon cha'i tshogs kyi rgyun gcig la gcig 'debs pa na/ sgra gcan yang lha ma yin rnams rgyal bar bya zhing / lha rnams pham par bya ba'i phyir lha ga la ba 'khod pa der rdo ri tsam 'phen cing gnod par byed do// de nas sgra gcan de de ltar lha rnams la rdo char ltar 'bebs pa 'jig rten skyong ba dag gis mngon par mthong nas/ lha rnams la sgra gcan 'di ni rdo char ltar 'bebs pas bdag cag la mngon par gnod par byed na/ lha dag mtshon cha dang / lag cha char ltar dbab pa rnams kyis de bzlog cing / 'di ltar yang lha rnams la gnod pa med par mdzod cig/ de dag la 'jig rten skyong ba dag gis de skad smras nas/ lha ma yin gyi dbang po sgra gcan ga la ba de ra/ sgra gcan pham par bya ba'i phyir khro ba'i shugs kyis rgyug par byed do// de nas sgra gcan dang / 'jig rten skyong ba dag shin tu spu zing zhes byed pa/ rdo dang lag char bsres pa'i gdu bkye'o/ / rdo char ltar 'bebs pa des rgya mtsho kun nas rab tu 'khrug par byed cing / lha'i rdo char ltar 'bebs pa rnams kyis kyang / de ltar rgya mtsho na gnas pa'i sems can 'bum phrag du ma dag gsod par byed/ 'khrug par byed/ g.yo bar byed/ kun nas rgya mtsho'i dbu ba 'khrug par byed do// de nas sgra gcan de dang / 'jig rten skyong ba dag g.yul chen po bkye ba lha dang lA ma yin rnams kyis mngon par mthong nas/ ngo mtshar cher skyes te/ kye ma g.yul 'gyed pa rnams kyi nang na/ 'di ni g.yul chen po yin no zhes brjod do// de nas gang gi tshe chos dang ldan zhing chos kyi rjes su 'jug pa'i skye dgu dag byung ba de'i tshe/ lag cha dang dpung dang 'jigs par bya ba kun med kyis kyang / lha ma yin gyi dbang po sgra gcan pham par 'gyur/ gal te chos dang mi ldan zhing chos kyi rjes su mi 'jug pa'i skye dgu dag byung ba de'i tshe/ lha ma yin gyi dbang po sgra gcan mngon par mtho bar 'gyur te/ lha rnams ni ma yin no// de ltar 'di dag thams cad ni chos gtso ba las gyur te/ glo bur rab ni ma yin no// de nas gang gi tshe lha ma yin gyi dbang po sgragacan dpung dang mthu rtsal nyams te pham par gyur pa de'i tshe/ lha ma yin shin tu yi chad pa rnams kyis kyang yang smras pa/ lha ma yin 'di dag ci ste 'bros/ rgud pa'i chos mang po sgrub pa ni/ bdag cag rgud par gyur te/ nyon mongs pa des cho ga go cho ga go// bdag cag rang gi gnas rnams su'ang bde ba 'am/ lha ma yin rnams kyi nang du'ang yid bde ba'i ngo bor mi nus te/ blo de lta bu ma byed par blo mthu rtsal dang bcas par gyis shig/ rang gi gnas su 'gro bar ma 'dod par slar log cig/ slar log cig/ de nas tshig de thos nas yang lha ma yin thams cad 'jig rten skyong ba dag ga la ba der g.yul 'gyed du brgyugs so// de nas yang phan tshun lhan cig rdo mtshungs pa med pa char ltar 'bebs shing ri'i rtse mor klog char ltar 'byin te/ yul ngan du byas par spu shin tu zing zhes byed pa'i g.yul bkye'o// de nas yang lha'i dpung gis lha ma yin gyi dpung pham par byas so/ / de nas yang lha ma yin de dag thams cad 'di snyam du sems te/ kye ma lha 'di rnams mthu chen po dang ldan pa yin no// 'di ltar bdag cag rang gi mthu bskyed pa dang / de bdag cag gi don dang / bde ba'i phyir dang / phan par bya ba'i phyir gnas gnyis pa na gnas pa skar 'phreng gi bdag po lha ma yin gyi dbang po brtan pa la skyabs su dong bar bya'o/ / lha ma yin gyi dbang po brtan pa de ni rang bzhin gyis brtan pa yin te/ sgra dang lha ma yin rnams kyi g.yul du dbang po dang bcas par brgya'am/ yang na stong du stobs kyis rgyal ba yin no snyam mo/ / de nas de ltar lha ma yin gyi dbang po gtso bo de dag thams cad lha ma yin gyi dbang po brtan pa ga la ba der dong ngo // de nas de dag thams cad kyis/ lha ma yin gyi dbang po brtan pa de la 'di skad smras so/ / kye ma lha ma yin gyi dbang po dag 'di ltar lha'i phyogs stobs rab tu che ste/ lha ma yin sgra gcan dang bcas pa rnams kyis phyir rgol bar mi nus pas lha ma yin gyi dbang pos lha ma yin rnams kyi dpung bgyi ba dang / skyabs bgyi ba dang / pha rol gzhom pa'i phyir de dag nges par bgyi ba'i rigs so// khyod kyi lag na mtshon cha yod pas lha dag dbang po dang bcas pa'ang bdag cag la phyir rgol bar mi nus te/ khyod kyis lha dang lha ma yin rnams kyi g.yul du rgyal ba mang du brnyes pa lags so// lha ma yin gyi dbang po de dag nges par bzlog tu gsol/ lag na mtshon cha chen po thogs pa// rang gi dpung dang mthu rtsal spyad cing lha rnams pham par bgyi ba'i phyir bzlog tu gsol/ khyod kyis brgya byin nyid kyang brgya stong du pha ma par bgyis te/ lha de rnams khyod kyi mthu rtsal gyis pham par bgyis pa lags so// de nas brtan pa lha ma yin gyi dbang po de dag las tshig de thos nas/ lha ma yin gyi dbang po me tog 'phreng ga la ba dang / thag bzangs ris dang / rab dgod ga la ba der song ste phyin nas/ lha ma yin gyi dbang po de dag la 'di skad smras so// lha ma yin gyi dbang po'i phyogs sgra gcan dang bcas pa lha rnams kyis pham par byas te/ lha rnams ni stobs rab tu che'o// stobs rab tu che bas bzod par dka' ste/ lha ma yin rnams kyis bzod par mi nus so// g.yul 'gyed par rgyal bar bgyi ba'i phyir de gnang bar mdzod cig/ de nas lha ma yin gyi dbang po me tog 'phreng dang / thag bzangs ris dang / rab dgod kyis/ lha ma yin gyi dbang po brtan pa de la 'di skad ces smras so// ma yin gyi dbang po bdag cag 'di dag khyod kyi grogs su 'khod pa yin gyis/ khyod song zhig khyod song zhig/ bdag cag gis grogs dras pas/ khyod sgra gcan dang bcas pas lha thams cad las kyang rgyal bar nus so/ / de nas tshig de thos nas/ lha ma yin gyi dbang po brtan pa de lha ma yin gyi dbang po sgra gcan ga la ba der g.yul 'gyed pa'i phyir song ngongo/ / de nas lha ma yin rnams kyis lha ma yin gyi dbang po brtan pa de mthong nas/ shin tu mgu zhing mthu rtsal skyes pa rnams lha rnams ga la ba der mtshon cha dang / lag cha dang / mda' dga'aphen cing 'debs pa na/ thams cad lha ma yin gyi dbang po gnyis dang lhan cig lha rnams ga la ba der rgyug par byed do// de nas lha rnams kyis lha ma yin de dag mthong nas 'di skad smras so/ / lha ma yin dag 'di ltar yang dang yang du bdag cag rnams kyis pham par bya 'dod dam/ de nas yang brtson 'grus la dmigs nas/ dud 'gro'i 'gro ba ngo bo nyid kyis pham pa rnams yang 'ong bar byed do/ / de nas de ltar rig nas lha shin tu brtson 'grus brtsams pa/ mtshon cha dang lag cha sna tshogs thogs pa de dag thams cad lha ma yin ga la ba de nyid du 'gros shin tu myur bar 'gro bar byed do/ / de nas lha ma yin gyi dbang po brtan pa dang / sgrag can gyis 'di skad ces smras so// lha rnams bdag cag gi steng du 'ongs te/ lha rnams g.yul 'gyed du 'ong ngo // bdag cag gis de dag nges par g.yul 'di nyid kyi bar du bcug ste gnom par bya'o// de nas de skad smras ma thag tu lha ma yin gyi dbang po brtan pa dang / sgrag can phan tshun rgyal bar 'dod pa dag ldan cig tu rgyal chen bzhi'i lha rnams ga la ba der 'dong bar byed do/ / de nas lha rnams ni nyi ma nub pa'i phyogs su lta/ lha ma yin rnams ni shar ba'i phyogs su lnga ste/ de ltar paba'i 'od zer gyi mthus des mig rab tu nyams pa dang / de nas lha ma yin gyi mtshon cha char ltar 'bebs pa rnams kyis lnga rnams la dbab par ma nus so// de nas lha ma yin mig bsgribs papa rnams phan tshun du 'di ltar nyi ma'i 'od zer rnams kyis mig rab tu rnams te/ bdag cag gis lha rnams lnga rgol bar mi nus so zhes smras so// de nas lha ma yin gyi dbang po sgra gcan gyi rang gi lag pas ni ma sgrib par byed de/ 'di'ang nyi ma gzas zin pa'i rgyu gsum pa yin no// de'i tshe rgyu mi shes pa'i rtog ge pa rnams 'di ltar lo legs par 'gyur ro// lo nyes par 'gyur ro/ / char cher 'bab par 'gyur ro// char chung ngu 'bab par 'gyur ro// rgyal po la rung bar 'gyur ro// rgyal po la mi rung bar 'gyur ro// skye bo 'jig par 'gyur ro// skye ba 'jig par mi 'gyur ro zhes brjod do/ / de ltar bstan bcos ngan pas bslus pa rnams gzhan du rtog par byed do// de ltar skrag can des nyi ma'i dkyil 'khor de bsgribs te/ 'od zer yang bzlog nas blta bar bde ba dang / lha rnams mngon par mthong nas/ lha ma yin gyi dbang po brtan pa la smras pa/ lha dag bde bar mthong ngo // lha ma yin rnams bde bar mthong gis/ pha rol pham par bya ba la 'bod cig/ de nas lha ma yin rnams mtshon cha'i tshogs rnams char ltar mngon par 'bebs shing / lha rnams ga la ba der brtan pas sna drangs nas rgyug par byed do/ / lha rnams kyis kyang de dag mthong na/ mtshon cha sna tshogs thogs te/ lha ma yin ga la ba der rgyug par byed do// de nas 'phreng thogs kyi lha rnams ga la ba der brtan pa de dag rgyug cing / de dag mtshon cha sna tshogs kyi char mngon par 'bebs pa na/ 'phreng thogs kyi lha rnams kyis de dag mngon par mngon nas/ 'di skad ces smras so// lha ma yin gyi dbang po dag legs so legs so/ / 'di ltar khyed lha rnams kyis lan du ma zhig tu pham par byas kyang / khyed chos la so sor rig par mi byed dam/ nged ni chos kyi tshul dang ldan chos la gzhol/ chos sgrub pa yin te/ nged ni chos ma spangs pas rgyal bar 'dod do// khyed ni brnab sems kyis gnod de/ gzhan gyi rdzas la rang gir bya ba'i brnab sems yod do// ban pa sems sang ba de ni byed yin te/ chos ma yin pa dang ldan par 'gyur ba/ dag pabacu'i las kyi lam dang yang dag par ldan pa/ chos dang lan 'i chos kyi rjes su 'jug pa'i ji ltar pham par bya bar 'dod/ mun pas ni snang gsal chen po rnams kyang zil gyis gnon par mi nus so// de nas rnam pa 'di dag smras pa na/ brtan pas/ de dag la 'di skad ces smras so// kye mang du smra ci dgos/ khyed kyi 'byor pa la nged rnams kyang smon pa med do// lha ma yin gyi dbang po zag bzangs ris dang / rab dgod la sogs pa bzhi po 'di dag gi dpung bshams pa rnams kyis lha thams cad pham par bya ba'i phyir 'khod de/ nged ni khyed kyi 'byor pa la dga' ba med do// de skad smras nas/ 'phreng thogs kyi lha ga la ba der rgyug par byed do// de 'ong bar mngon par mthong nas/ ji ltar de'i lus kyi ngo bo shin tu phra ba'ang mi mngon pa de ltar mda' sna tshogs char ltar phab bo// de ltar brtan pa mtshon cha'i char gyi nang du chud nas kyang / 'phreng thogs kyi lha rnams kyis 'di skad ces smras so/ / las kyis bcom zhing sgrub pa brnab sems mang po 'di cir dgos/ chos ma yin pas ni nams kyang chos zil gyis mnan pa med de/ nged ni khyed la chung zad kyang 'tshe bar mi byed na/ nged la ci ste gnod pa byed/ des de skad smra ba na/ lha de dag ga la ba der rgyug par byed do// de nas 'phreng thogs kyi lha rnams kyis/ klu de dag la smras pa/ dpung don med pas khengs pa 'di khyed kyis me'i char mngon par phob cig dang / 'on tang dpung gi mthu 'di nyams par 'gyur ro// de skad smras pa dang / klu'i rgyal po 'jog pos phyogs gcig tu klu'i rgyal po rab 'jom la me'i char bab pa dang / brtan pa ga la ba der rgyug par byed de/ me'i char mngon par bab pa na de lha ma yin gyi dbang po brtan pa ga la ba der brgyugs so// de nas lha ma yin dang klu de dag me'i char chen po'i nang du chud par gyur to// de nas de dag la me'i char mngon par phab pa dang / lha ma yin gyi dbang po sgra gcan ri dpag tshad bcu gcig pa blangs nas 'phreng thogs kyi lha rnams ga la ba der rgyug par byed do/ / de 'ong ba mngon par mthong nas/ lha lag na yol go thogs pa dag ri bsreg pa'i phyir me'i char mngon par 'bebs shing rgyug par byed do// de nas me'i char des ri de dag bsregs so// de lta de ltar bsregs par mthong nas/ brtan pa de mthu nyams te/ lha de rnams la 'di skad ces smras so// 'di ltar bdag gis ri rab tu'abar ba gzhan thams cad steng du dbab bo/ / de nas lha ma yin rnams kyis ri rab tu 'bar ba gzhan zhig de'i drung du khyer ro// de nas brtan pa des de khyer nas/ lha de rnams kyi steng du 'phangs so// de nas lha de rnams kyis/ lha ma yin chen po la 'di skad ces smras so// chos ma yin pas ni chos la rgyal bar mi nus so// nged ni chos mdun du byas nas gnas so// khyed ni chos ma yin pa la brten nas gnas so/ / de ltar de dag lha rnams kyis spros pa mthong nas/ lha ma yin gyi dbang po sgra gcan gyi lha ma yin thams cad bsdus te/ lha rnams ga la ba der dong ngo // ltar de dag 'ong ba mngon par mthong nas/ lha rnams kyang lha ma yin dag ga la ba der rgyug par byed de/ lha dang lha ma yin de dag mtshon cha du ma dang ldan pa'i g.yul shin tu mi bzad pa bkye bar gyur to// de nas lha rnams kyis chos brjod/ bden pa'i byin gyi rlabs byas/ dkon mchog gsum la skyabs su 'gro ba yid la byas nas/ lha ma yin dag ga la ba der dong ngo // lha de dag mthong ma thag tu lha ma yin gyi dpung de thams cad brgya'am/ stong du bcom mo// de nas lha ma yin de dag thams cad sa'i 'og ga la ba der bros so// klu chos dang mi ldan pa rab 'jom la sogs pas/ lha ma yin de dag la 'di skad ces smras so/ / lha ma yin bdag cag bor nas ci ste 'bros/ klu 'jog po dang nor rgyas kyi bu la sogs pa de dag bdag cag gis thub na/ khyed kyis lha 'di dag 'ba' zhig thub par 'gyur ro/ / gang de ltar 'jigs par gnas na/ rang gi dpung nyam drod med par ci'i phyir sa'i 'og nas ldang / lha rnams dang lhan cig ci'i phyir 'gal bar byed/ 'gal ba'i rang bzhin can khyed ni sa'i 'og tu 'dong du yod grang na nged dgar 'dod/ 'jog po dang nor rgyas kyi bu la sogs pas bcom pa gar 'dong / lha ma yin de dag gis de skad thos nas/ de nas yang lha rnams ga la ba der bayul 'gyed du slar log go/ / de nas yang thogs pa med pa'i bro can de dag lha ma yin ga la ba der thams cad 'bad de brgyugs so// de nas de dag 'ong ba mngon par mthong nas/ lha ma yin rnams kyis bzlog bar ma nus so/ / de nas lha ma yin gyi dbang po sgra gcan lha ma yin gyi dbang po brtan pa dang lhan cig tu sa'i 'og ga la ba der dong ngo // de nas lha ma yin gyi dpung de ltar rnams pa mthong nas/ lha ma yin kha cig lha ma yin gyi dbang po gnas gsum pa na gnas pa ga la ba der brgyugs te/ 'di ltar rgyal po chen po me tog 'phreng bzhengs/ lha'i tshogs de dag bzlog tu mi rung la/ lha ma yin thams cad pham par byas te/ phyogs kun tu bkod par gyur to// khyod kyis ni lha dang lha ma yin gyi g.yul du mar rnam par rgyal ba brnyes la/ rgyal ba brnyes par 'gyur gyis/ khyod kyi de dag dgongs te bzhengs/ lha'i dbang po dang bcas pa las rgyal bar spyod cig/ lha ma yin gyi dbang po me tog 'phreng gis de dag thams cad yid la bzung nas/ mtshon cha dang lag cha rnam pa sna tshogs thogs/ lha ma yin bye ba du mas yongs su bskor/ nam mkha'i phyogs thams cad sgra rnams kyis yongs su 'gengs shing / de dag lha dang lha ma yin gyi g.yul ga la ba der 'drong bar byed do/ / lha ma yin gyi dbang po sgra ga can gyis stong snyed 'ong ba mngon par mthong nas/ brtan pa la smras pa/ 'di dag ni lha ma yin gyi dbang po me tog 'phreng yin te/ bdag cag gi 'byor par bya ba dang / lha rnams pham par bya ba'i phyir 'ong gis/ lha ma yin dag slar zlogacig/ 'di ni lha ma yin gyi dbang po bdag cag gi 'byor par bya ba'i phyir 'ong ngo // de thos nas lha ma yin dag de nas yang g.yul 'gyed pa'i phyir phyir log go/ / de nas yang de dag rgyal chen bzhi'i lha rnams ga la ba der lhags so// de dag lhags pa na lha rnams kyis 'di skad ces smras so/ / dud 'gro khyed yul ji srid cig tu de skyong bar byed/ gti mug gis bsgribs pa khyed rnams rang gi dpung gzhig par bya ba'i phyir yang phyir ldog gam/ de skad smras nas/ de nas yang lha rnams lha ma yin ga la ba der brgyugs so/ / de nas me tog 'phreng gis/ lha ma yin de dag la 'di skad ces smras so// lha mo yin rnams bzlums te 'khod pa ci sems/ lnga rnams la gnod pa ci'i phyir mi bya/ so sor mi mthun par 'khod pa/ lha rnams pham par mi bya 'am/ 'di ni bdag gnas pa gcig pus lha thams cad las rgyal bar nus na/ gang lha ma yin gyi dbang po brtan pa dang / seng ge mo'i bu sgra gcan bdag cag gi grogs su gyur pas/ smos kyang ci dgos te/ 'jigs par ma byed cig/ khyed cag kun kyang thams cad du g.yul gyi 'jigs pa med pa yin na/ sgyid lug pa des mchog gam/ lha ma yin rnams rgyal bar gyur cig/ lha ma yin rnams mthu rtsal dang bcas pas rnam par rgyal bar gyur cig/ de skad ces smras nas/ de nas lha ma yin gyi dbang po me tog 'phreng lha ma yin gyi dbang po rnams dang lhan cig/ lha me tog 'phreng thogs dang / rtag myos gnas dang / lag na yol go thogs pa dang / pi wang can gsum pa lha'i dbang po rnams bai DUrma'i ri'i rtse mor 'dzegs te 'khod cing thams cad du khyab par byas nas/ sred pa skye ste/ 'di ltar sum cu rtsa gsum pa'i lha rnams dang / brgya byin med kyang bdag cag 'ba' zhig gis lha ma yin rnams chos gcig dang bcas pas lan du mar thub par byas so/ / de dag gis de skad smras pa dang / lha ma yin rnams kyis rgya mtsho de nyid khyab par byas nas/ de nas yang g.yul 'gyed par 'byung ngo // de nas lha rnams kyis lha ma yin de dag 'ong ba mngon par mthong nas smras pa/ 'di ltar lha ma yin bdag nyid thams cad dpung ches 'phel te 'ong gis/ 'di dag ni nges par lha ma yin gyi dbang po gsum pa me tog 'phreng yin/ te/ de dag 'ong ba lta zhig/ de dag la de skad smras pa dang / lha ma yin g.yul 'gyed par mdun nyid na 'khod do// de nas lha rnams kyis de dag mthong nas smras pa/ khyed gang gis bslus nas 'ongs/ da dung du chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ dge ba don du gnyer ba/ dge ba la zhugs pa yod de/ de dag shi ba'i dus byas nas lha rnams kyi nang du skye bar 'gyur ro/ / de ni nged yin te/ khyed pas ches dpung che la ches gtso bo yin no// de lta bas na chos bsgrubs pa bdag cag la khyed kyis mngon par ma gtse zhig/ bdag cag la khyed kyis ci'i phyir gtse/ de nas de skad smras pa dang / lha ma yin rnams kyis lha rnams kyi tshig rtsis la ma chags par byas nas/ lha rnams dang g.yul 'gyed pa'i phyir lhags so// de nas lha rnams yang lha ma yin rnams ga la der nam mkha' bkang nas/ lha ma yin gzhom pa'i phyir dang / de dag phan tshun rgyal bar bya ba'i phyir 'dong bar byed de// de nas de dag g.yul gyi rnam pa de lta bu bkye ste/ sgra gang gis rgya mtsho na gnas pa nya dang / srog chag dung dang / chu srin dang / chu srin byis pa gsod pa dang / nya mid dang / nya ming chen po dang / chu srin na kra dang / chu srin dun d+hu gsod mang po rnams kyi snying brgya 'am/ stong du rnam parags so// de dag mtshon cha dpe med pa du ma char gyi rgyun ltar shin tu 'bab pas/ lha dang lha ma yin g.yul bkye'o// lha ma yin gyi dbang po me tog 'phreng gis lha ma yin de dag bkye nas/ gcig pu 'dug ste/ lha rnams la 'di skad smra'o// nga nyid kyis yun ring du g.yul 'dir ma 'dug ste/ de 'dug na ni rnam par rgyal ba thob pas/ dang khyed rnams gzhom pa'i phyir dang / lha ma yin rnams 'byor par bya ba'i phyir 'ongs pa yin no// nga 'ba' zhig 'dug pas/ lha dbang po dang bcas pas yang mdun du 'dug mi nus na/ rgyal chen bzhi'i lha 'ba' zhig lta smos kyang ci dgos te/ ngas pham par bya'o// de skad smras nas/ lha rnams ga la ba der 'gro bar byed do// lha lag na yol go thogs pa rnams kyis de 'ong bar mngon par mthong nas/ lha ma yin gyi dbang po me tog 'phreng de gzhom pa'i phyir ga la ba der 'dong bar byed do// de nas rgya mtsho'i dbus nas ri dpag tshad lnga pa dang / dpag tshad bzhi pa dang dpag tshad gsum pa dang dpag tshad gzis pa dang dpag tshad kyi tshad ni rab tu 'bar ba dag phyung zhing lha lag na yol go thogs pa dag ga la ba der 'phen par byed do/ / de 'phen pa na lnga lag na yol go thogs pa rnams kyis chos rjes su dran par byas/ dkon mchog gsum la skyabs su song nas/ mda'i rgyun rnams kyis ri de dag rgya mtsho'i dbus der bye ma chang pa nas gtor pab bzhin du gtor to/ / me tog 'phreng des las kyi 'bras bu de dag med par mngon par mthong nas/ lag na dbyug zo thogs te/ lha lag na yol go thogs pa ga la ba de'i mdun nyid du 'dug go/ / de dag 'khor dang bcas/ dpung dang mthu dang bcas pa 'ong ba mngon par mthong nas// char ga nam lcags lta bu'i mthu yis dbyug tho dogacod par byed cing / lha ma yin de dag nyams smad de/ de ltar de pham par byas so// lha ma yin gyi dbang po brtan pa'ang lnga rtag tu myos gnas ga la ba der g.yul 'gyed pa'i phyir mtshon cha kun 'jom dpag tshad tsam blangs nas 'dong bar byed do/ / de nas lha ma yin gyi rgyal pos/ lha de dag la 'di skad smras so// 'di ltar di ring bdag gis thams cad las rgyal bar bya ste/ thams cad mtshon cha kun 'jom gyis gshin rje'i gnas ga la ba der nye bar bkye'o zhes de skad sgru bsgrags nas/ lha rtag tu myos gnas rnams ga la ba der 'dong bar byed do// 'jig rten skyong ba rnams kyis de 'ong ba mngon par mthong nas/

CLOSE WINDOW