bod skad du/ zas kyi 'tsho ba rnam par dag pa zhes bya ba theg pa chen po'i mdo/ 'di skad bdag gis thos pa'i dus gcig na/ bcom ldan 'das 'od ma'i tshal na/ dge slong gi dge 'dun brgya phrag byed dang bcu gsum dang / gzhan yang dge slong ba dang / dge slong ma dang / dge bsnyen dang / dge bsnyen ma dang / lha klu sde brgyad dang / byang chub sems dpa' mang po dang thabs cig tu bzhugs so/ / de nas mo'u 'gal gyi bu chen po 'dug pa las langs nas/ bcom ldan 'das la phyag 'tshal te/ 'di skad ces gsol to// bcom ldan 'das bdag sngon grong khyer du bsod snyoms la mchis pa'i shul yongs su mi grangs khri stong ji snyed mchis te/ de dag gi mgo ni ri bzhin du che/ khog pa ni ri rib lhun po bzhin/ mgrin pa ni khab bzhin du pra phan tshun bskyod cing mchi ba na/ shing rta lnga brgya shin tu 'khrol ba'i sgra 'byung ste/ de'ang mi bzad pa'i bzhin gzhob kyi dud pa kun nas 'phrul lo// de ci'i dngos po lags pa dang / ci las gyur pa bcom ldan 'das kyis bka' stsal du gsol/ de nas bcom ldan 'das kyis bka' stsal pa/ mo'u 'gal gyi bud de dag ni 'dren bkren lhogs pa yin te/ sngon 'das pa'i dus na mchod sdong bshig pa dang / mchod ston sbyar ba bshig pas de lta bu'i sdig pa rnam par smin pa yin no// yang gcig tu gzhan gyi mchod ston zos nas/ za gcig par ma byas pa'i sdig gi rnam par smin pa de yin no/ / mchod ston lhag ma zag cig pa mi byed pa la ma sbyin cig/ yon bdag gis lhag ma rnams dge 'dun la spags pa'i gsol ba byos la/ bzod par gsol cig/ spags pa'i zas rnams dge 'dun rnams kyis gnang ba byin cig/ gnang ba ma byin na/ dge 'dun rnams kyang ltung bar 'gyur ro// de nas mo'u 'gal gyi bus gsol pa/ bcom ldan 'das kyis bka' stsal pa ni yang dag pa'o/ / yon bdag su'ang rung ste/ chos bzhin du bsdu ba'i phyir/ mchod pa'i yo byad 'byor tshogs te/ za gcig par byas pa rnams raM/ zas kyi 'tsho ba dang ldan par 'gyur ro// bcom ldan 'das kyis bka' stsal pa/ za gcig par ma byas pa rnams ni zas dang mi ldan par 'gyur ro// de ltar na ni ma gcig za gcig pa thub na/ nyi ma drug khrir bsod rams rnam par 'phel lo/ / ma thub pa na ni ma drug khri bcur 'dre ltogs par 'gyur ro// de ci'i phyir zhe na/ de'i sbyin pa ni shin tu lci ba ste/ gnyis na sngags kyi thub ma zos kyang bla'o// yon bdag dad pa'i zas ni shin tu dka' ste/ shin tu yun ring por sdug bsngal bar 'gyur te/ tshe rabs khri phrag brgyar 'dre ltogs pa'i dngos por 'gyur ro// bsod nams kyi zas bya'o cog la nan tan cher byos shig/ snam phrag gam pu rung gi nang du khyer bar byas na/ tshe rabs lnga brgyar dmyal bar lhung ste lcags kyi thu lum dmar po mchan khung g.yon pa nas thal nas mchan khung g.yas par thal lo// lhag ma mi bskur bar byos shig/ chung ngu na khre'i 'bru gcig tsam khyer na'ang / lcags kyi 'khor lo tsam du 'gyur ro// dge bsnyen gyis kyang rung ste/ bsod nams kyi zas sbyar ro cog la thog ma nas myangs pa'i spags par mi bya'o/ / de myangs pas sbyar ba thams cad lhag ma'i spags pa mi bya'o// byas pa don med par 'gyur ro// gnyis na ma byas kyang bla'o// de ci'i phyir zhe na/ lga thams cad mi dgyes par 'gyur ro/ / mnyan po thams cad mi dga' bar 'gyur ro// gang zhig myangs pa zhig yod na tshe rabs lnga khrir 'dre ltogs par 'gyur ro// sdug bsngal mi bzad pa sna tshogs/ kyis myong bar 'gyur ro// gang zhig phyin chad bsod nams 'dod pas/ tshul bzhin du bsod nams kyis zas gtsang sbras phyed pa dang / shin tu gus par sbyar la lag pa shin tu dag par bkrus nas/ tshod ma la sogs pa drod bag can du sbyar ro cog shin tu bkab pa dang / rim gro bskyed de/ de dag kyang snga myang bar mi bya'o// de nas bsod nams su gyur cing / lha thams cad kyang dga' bar 'gyur ro/ / nyan thos thams cad kyang dga' bar 'gyur ro// lha la sogs pa thams cad kyis srung zhing byin gyis rlob par 'gyur te/ yang dag par smra ba yin no// bsod nams rnam par smin pa ni brag ma dang gzugs brnyan bzhin no/ / de ltar 'dre bkren ltogs pa ni thog ma mi las gyur te/ thog ma lag mi gtsang bas dge 'dun gyi kha zas gtsang ma la reg pa dang / bdag gi lag pa mi gtsang bas/ dge 'dun gyi kha zas gtsang ma'i nang na bsdogs sam/ zas gtsang ma'i nang du kha zas mi gtsang bas bsres te/ dge 'dun la sbyin pa byas pas tshe rabs lnga brgyar 'dre ltogs par lta ste/ rtag tu mi gtsang ba za zhing rnam phyi sar mi gtsang ba za na/ snam phyi sa'i srungs mas lcags kyi ber khas gdengs te/ 'dre ltogs pa de dag rnams phyi sar mi snyen par byed do/ / mi'i rnag dang / khrag dang / ma mib snabs dang / ngar skabs dang / khrud ma mi gtsang ba bcog pa za zhing / mi gtsang ba srung zhing / bud med bu sa sa pa'i khrag mi gtsang ba gzas pa zas su za'o/ / de nas tshe rabs khri phrag lnga brgyar khyi dang / phag pa dang / sbur ba la sogs pa'i lus su gyur nas/ rtag par dman zhing btsog pa dang / mi gtsang ba za bar 'gyur te/ de lta bu'i sdug bsngal bskal pa khri stong du myong ste/ thar pa'i dus med do// rnam par thar par dka' 'o// shin tu mi bzad pa'ang brjod kyis mi lang ngo // gal te lag pa po mtshan la reg gam/ mo mtshan kha reg gam/ lag pa mi gtsang bsnga dge 'dun gyi kha zas mi gtsang ba'i nang du bcug gam/ mi gtsang ba'i zas dge 'dun zar bcug na/ de lta bu'i sdig pa rnam par smin pa ni thams cad mi gnad kyi rims kyis btab pa dang / sdig par mi shes pa'o// phyin chad dge 'dun gyi kha zas gtsang sbrar bya ba dang / lag pa gtsang mas dge 'dun gyi kha zas kyi snod la bzung ba dang / lag pa gtsang mas khre 'bras bkru ba dang / kha zas gtsang mas sbyin pa byas pas ni/ bsod nams bsam gyis mi khyab pa 'thob par 'gyur ro// phyin chad yongs su grags pa dang / myur bar yid la zung zhig/ 'tsho ba rnam par dag pa rdzogs so// / mo'u 'gal 'tsho ba'i mdo zhes pade'o// // rgyag rkad du/

CLOSE WINDOW