/ / !/ rgya gar skad du/ Ar+ya raSh+Ta pA la pa ri prits+tsha na nA ma ma hA yA na sU tra bod skad du/ 'phags pa yul 'khor skyong gis nus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na// bcom ldan 'das rgyal po'i khab na/ bya rgod kyi phung po'i ri la dge slong stobanyis brgya lnga bcu'i dge slong gi dge 'dun chen po dang thabs cig tu bzhugs te/ de nas tshed ldan pa yul 'khor skyong stan las langs te/ bla gos phrag pa gcig tu gzar nas/ pus mo g.yas pa'i lha ngas la bcug te/ bcom ldan 'das kyi zhabs la mgo bos phyag 'tshal nas/ bcom ldan 'das ga la ba de logs su thal mo sbyar ba btud nas com ldan 'das la 'di skad ces gsol to// bcom ldan 'das de bzhin gshegs pa'i bstan pa 'di nub par bgyid pa'i sems can gang lags pa de dag ji lta bu dag cig lags/ de skad ces gsol ba dang / bcom ldan 'das kyis/ tshe dang ldan pa du 'khor skyong la 'di skad ces bka' stsal to/ / yul 'khor skyong gnas 'di gnyis ni bcom ldan 'das kyis gsungs pa ste/ gnyis gang zhe na/ dge slong gi gnas dang / lhod pa'i gnas so/ / de la dge slong gi gnas ni tshul khrims dang ldan pa'i phyogs gang yin pa'o// lhod pa'i gnas ni tshul khrims 'chal pa'i phyogs gang yin pa'o// yul 'khor skyong de la yongs su mya ngan las 'da' bar 'dod pa'i dge slong gis ni gnas 'di gnyis la bslab par bya'o/ / gnyis gang zhe na/ tshul khrims kyi phung pos kyang shin tu bsrung bar bya ba dang bdag nyid la nges par bsam par bya'i phyi rol la nges par bsam par mi bya'o/ / de la ji ltar bdag la nges par bsam par bya'i/ pha rol la nges par bsam par mi bya zhe na des 'di ltar brtag par bya ste/ ci bdag rang gi sdug bsngal gyi phung po zad par byed 'dod pa yin nam/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa yin snyam du brtag par bya'o/ / gal te nyan thos kyi theg pas yongs su mya ngan las 'da' bar 'dod pa zhig yin na ni/ des nyan thos kyi bslab pa kho na la bslab par bya ste/ so sor thar pa'i sdom pas bsdam par bya'o// cho ga dang spyod yul phun sum tshogs par bya'o// kha na ma tho ba phra rab tsam dag la'ang 'jig par lta bas yang dag par blangs te bslab par bya'o/ / bslab pa'i gzhi rnams la'ang lus kyi las dang / ngag gi las dang / yid kyi las yongs su dag par bya'o// 'tsho ba yongs su dag pa dang / smad du med par yang bya'o/ / brkam pa med cing ro rnams la 'chums pa med pa dang / chos gos la chod zin par yang bya'o// lhung bzed la tshod zin par yang bya'o// des kha zas yog drid kyis bza' bar yang mi bya ste/ lto ma bkres pa tsam du kha na zas bsnyung bar des bslab par bya'o// des kha zas la rtag tu rgyun mi 'chad par mi gtsang ba'i 'du shes bskyed par bya ste/ 'di lta ste/ phyi sa dang / gcin gyi 'du shes dang / rnag gi 'du shes dang / sgrogs pa'i 'du shes dang / mi gtsang ba'i 'du shes dang / rma bsku ba lta bu'i 'du shes dang / smad pa'i 'du shes dang / mi mthun pa'i 'du shes dang / bu'i sha lta bu'i 'du shes dang / dor ba'i 'du shes dang / spang ba'i 'du shes dang / dri mi zhim kha'i 'du shes bskyed par bya ste/ des de lta bu'i tshul du bza' zhing tshod rig par bya'o/ / des chags pa med pa dang / sdang ba med pa dang / rmongs pa med pa dang / rtag tu dben pa la mngon par dga' bar bya ste/ bre mo'i gtam la mngon par dga' bar mi bya'o/ / ri dgas 'chi ba lta bur dang du blang bar bya'o// dben par bya'o// dben pa la mngon par dga' bar bya'o// dben pa la mngon par dga' zhing mos pa dang / bzod pa dang ldan par bya'o// nges pa dang 'grogs na bde bar bya'o// 'jig rten gyi gtam la mi bsten par bya'o// nyo tshong spyod pa spang bar bya'o// sman dpyad la dga' ba dang / 'phrin pa la dga' ba dang / khyim gyi bya ba dang 'brel bar mi bya'o// 'dug pa dang / 'grengs pa dang / 'chag pa dang / nyal ba la mkhas par bya'o// rab tu dben pa dang / dgon par dga' ba dang / zhi ba'i gnas la sgra chung ba/ skad chung ba dang / 'jig pa'i yid la byed pa med pa/ sdig sprul med pa dang / mi mang po med pa/ mis dben ba/ nang du yang dag 'jog dang 'tsham pa bsten par bya'o// bdag bstod par yang mi bya/ gzhan smad par yang mi bya'o// tshul 'chos pa dang / kha gsag mi bya'o// rtag tu rgyun mi 'chad par skyo ba'i sems bskyed par bya'o/ / des khyim pa dang / rab tu byung ba rnams dang 'du zhing 'dris par mi bya'o// stong pa'i chos rnams kun tu bsten par bya/ bsgom par bya/ mang du bya'o// des rigs pa dang mi ldan pa'i dge slong dang lhan cig phrad par spang bar bya'o// dge slong ma dang 'dris par mi bya'o// 'dod pa chung bar yang bya'o// rtag tu bdag nyid kyi 'khrul pa rnams la so sor brtag par bya'o// gzhan gyi 'khrul pa rnams la brtag par mi bya'o// pha ma la'ang yid brtan par mi bya na/ rigs gzhan lha la ci smos shin tu yang dag par bsnyen pa can du bya'o/ / nye bar zhi ba'i chos kyi sbyin bdag bya'o// dmigs pa la mkhas par bya'o// dben pa'i gnas mal du gnas par bya'o// mthun pa'ang gzhan dag la smra bar mi bya na/ mi mthun pa lta ci smos/ des chos de dag la sems nye bar gnas par byas nas/ chos zab mo rnams la so sor brtag par bya'o// chos zab mo rnams la brtag par bya ba de dag kyang gang zhe na/ mig mi rtag go snyam du so sor brtag par bya'o// de'i skye ba dang 'jig pa la'ang so sor brtag par bya'o// de la skye ba dang 'jig pa la so sor brtag par gang yin pa de ni med pa la so sor brtag pa'o/ / de ci'i phyir zhe na/ mig ces bya ba ni med pa'i phyir ro// mig dang / gzugs dang / mig gi rnam par shes pa na dmigs pa ma yin gyi/ med pa dmigs pa yin no// de ci'i phyir zhe na/ chos thams cad ni dmigs pa med pa'i phyir ro// des rna ba'i rten bsam par mi bya'o/ / sna dang / lce dang / lus dang / yid kyi rten bsam par mi bya'o// ci'ang rung ba'i rten bsam par mi bya'o// de ltar byas na ci zhig bsam pa yin/ de bzhin du chos rnams stong par yang brtson par bya'o/ / de ltar brtson pa de ni tshul khrims kyi phung po yongs su dag par byed do// ting nge 'dzin gyi phung po dang / shes rab kyi phung po yongs su dag par byed do// rgyun du zhugs pa'i 'bras bu thob par 'gyur ro/ / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur te/ de lta bu'i 'du 'dzi med pa ni dang po'i nyan thos kyi sa yin te/ de dag gis zag pa zad pa 'thob par 'gyur ro// de la dge slong ltar bcos pa gang zhe na/ yul 'khor skyong 'di ni dge sbyong bdag nyid la nga'o/ snyam du 'dzin te/ de ni tshul khrims kyi phung po yongs su ma rdzogs pa dang ldan pa yin/ chos gos gces par 'dzin pa yin/ lhung bzed gces par 'dzin pa yin/ zang zing gces par 'dzin pa yin te/ de ni mi smra ba spangs nas/ ngan song du 'gyur ba'i mal cha dang / stan dang / mgron du gnyer ba chen po rnams bdag gir byed/ bud med dang 'dris par byed/ dge slong ma dang 'dris par byed/ rgyal pos bkrabs pa dang 'dris par byed/ de 'dris par gyur nas rgyun mi 'chad par mig gi gzugs rnams la nges par sems so// des de ltar sems bskyed nas kun nas nyon mongs par 'gyur ro// kun nas nyon mongs pa'i sems dang ldan na gnas 'di lta bu yod do// nyes pa la ci bde byed pa'am/ yang na chung ngu byed cing 'dug par 'gyur te/ yul 'khor skyong 'di ni dge sbyong ltar bcos pa yin no// yul 'khor skyong ci'i phyir dge sbyong ltar bcos pa zhes bya zhe na/ dge slong ltar bcos pa de de bzhin gshegs pa sa mal cha dang / stan gnang ba tha mal pa gang la dge sbyong gnas mal cha dang / stan gang yin pa mi blun po des spangs nas chos go sa la zhe na cing / zang zing la zhen nas bud med dang 'dris par byed par/ khyim pa dang 'dris par byed na/ 'dris par gyur pa'i mi blun po de la dge sbyong gi tshul lta ga la yod de/ de'i steng du chos zab mo rnams la'ang sran 'byin cing gshe bar byed la/ des thos su zin kyang bsngags pa ma yin pa rjod par byed do// dgon pa'i bsngags pa ma yin brjod par yang byed de/ gang la de'i sems mngon par dga' ba'i 'dod pa rnams 'ba' zhig gi bsngags brjod par byed cing / gang la de'i sems mngon par dga' ba'i bre mo gtam 'ba' zhig gi bsngas brjod par byed la/ dge slong gi gnas gang yang rung ba de dag gi bsngags pa ma yin brjod par byed do// gang las de bzhin gshegs pas mdo'i tshig kyi na gnas pa dang / rab tu byung ba rnams dang 'du 'dzi mi 'gyur bar bya'o zhes gsungs pa'i mdo'i tshig de bor nas/ dge sbyong gi tshul mi 'dod cing / dge sbyong gi dngos po mi 'dod cing / gcig pu 'dug cing bud med la chos 'chad par byed la/ gzhan dag la'ang de lta bu'i gzhi rnams su lung 'bog par byed do// de ci'i phyir zhe na/ de dag ni de bzhin gshegs pas chos kyi chom rkun por gsungs te/ so sor thar pa spangs pa nas/ gcig tu 'dug cing bud med la chos 'chad pa'i phyir ro// mi blun po de dag ni bcos ma ste// mgo bregs pas bcos pa dang / gos ngur smrig gyon pas bcos pa'o// rgyu gang gis bcos pa yin par shes par bya zhe na/ sangs rgyas bcom ldan 'das rnams kyis smad pa gang yin pa de de mi blun po de dag gis gnang bar byed de/ lo nyi shu ma lon par rdzogs par bsnyen par byed/ rang gi lag gis len par byed/ ma brtags pa longs spyod par byed/ rang nyid g.yos dang 'tshed pa'i las byed/ gser dang dngul bdag gir byed/ khre rgod dang 'bru sogs par byed/ khyim gyi gzhi dang / zhing gi gzhi dang / kun dga' ra ba'i gzhi nyo tshong byed cing / tshal tha 'tsho ba sbyor bar byed/ khyim gyi gzhi dang / zhing gi gzhi dang / kun dga' ra ba'i gzhi len par byed de/ las kyi rnam par smin pa la'ang yid mi ches shing / so sor thar pa la ma dad nas de la gzhol/ de la 'bab/ de la bab de dben par 'dzin/ der spyod lam byed/ dge sbyong du 'du bar 'dzin cing / gang na skye bo mang po yod pa der gcer bu pa dang mtshungs par ston par byed/ gang zag tu lta ba bsngags par byed/ gang zag lta ba dang / gcer bu pa dang mtshungs par ston pas skye bo mang po 'dzud par byed cing 'god par byed/ sangs rgyas kyi spyod yul de bani/ gshegs pa'i gnas pa stong pa nyid la dmigs nas sun 'byin par byed/ gshe bar byed par shes par bya'o// yul 'khor skyong de lta bu'i sems can dag 'byung bar 'gyur te/ de dag ni khyim pa'ang ma yin/ dge sbyong yang ma yin te/ de dag gis de bzhin gshegs pa'i bstan pa ni nub par byed do// de nas bcom ldan 'das kyis de'i tshe tshigs su bcas pa/ 'di dag bka' stsal to// dge slong tshul khrims rnams la gdams// zhi zhing zhi ba'i gnas la dga'// so sor thar la slob byed pa// de dag dge slong bram ze yin// chos rnams gtso bo blangs nas ni/ / ci yang med pa'i dge slong ba// bas mtha' dgon pa rnams dga'// de dag dge slong bram ze yin// de dag bre mo gtam mi dga'// so sor thar rnams leg par bslabs/ / gang zag mchog la nyin mtshan du/ bkur sti chen po byed pa yin// zhing yang mi rmod tshong mi byed// lhung bzed chos gos rnyed mi tshol// len pa med pabar brtson pa gang / / de dag sangs rgyas nyan thos yin// de dag bud med sten mi byed// bud med rnams dang 'du ba med// shing drung rnams ni bsngags par byed// de dag sangs rgyas nyan thos yin/ / zas dang skom dang don gyi phyir// gcams gang dag yong mi byed// de 'drar gyur pa de dag na// dge slong ma la stostan mi byed// mtshon rnon ji ltar brda rab bzhin// bud med rnams ni de 'drar shes// so sor thar las 'byung ba bzhin// bud med 'du shes spong bar byed// des pa de dag zas phyir dang // skom gyi phyir dang gos kyi phyir// khyim khyim dag tu 'gro byed cing / / chos rnams ston par mi byed do// dge slong rnams kyis bud med rnams// blta bar mi bya rdzogs sangs gsungs// de la shes ldan su zhig rton// de ni bdud kyi spyod yul yin// de dag gis ni med pa smra// ro dang nyal ba bzhin du nyal// de phyir sangs rgyas thams cad mkhyen// 'du 'dzi bsngags par mi mdzad do// chos rnam srog med gso ba med/ / gso ba dang gsog dang snying po med// stong pa nyid la chos byed pa// de ni dge slong chos nyid do// rtag tu brtson 'grus phun sum tshogs// gcig pu dgon pa gnas byed dang / / 'jig rten na ni rten med sems// de ni dge slong chos nyid do// seng ge bzhin du 'jigs pa med// tshangs par spyod pa gzhol bar byed// sdug bsngal kun las thar bya'i phyir/ / shes rab ldan pas lam la sgom// mig dang gzugs ni tshol ba na// de dag gis ni rnam shes rnyed// dngos po de yang tshol ba na// btsal ba gang yin mi rnyed de/ sngon yang ma byung phyis mi 'byung // dbus na'ang yod pa ma yin te// de lta bu yi don gyis na// chos kun mnyam pa nyid kyi phyir// des pa de dag zas phyir dang // skom gyi phyir dang gos kyi phyir/ / khyim khyim dag tu 'gro byed cing // chos rnams ston par mi byed do// rgyu med des pa bzung po yin// de dag sangs rgyas bslab pa rnams// 'da' zhing/ 'jigs par mi byed de// brtul bzang stong nyid skrag pa med// 'jigs pa med par 'jug pa byed// lta ba mi bzad 'jig mi byed// sems can gang zag dngos mi 'jig dkar po'i chos rnams thams cad la/ shin tu bstan par gnas pa yin// brtan po de dag 'jig rten na// mya ngan 'da' bar reg gyur nas// mchod pa'i gnas su 'os par 'gyur/ gang dag shes rab 'chal pa dang // le lo can dang dman la brtson// thos pa nyung dang sdig par 'dod// nga rgyal tha ba khro 'byung gnas// mgo la spu gri sten byed cing // shing gi kha bsgyur ros kyis gyon/ / stong pa nyid ni don med pa// de ni mkhas pa sgom mi byed// chos la sun 'byin theg chen gyi// bsngags pa ma yin rjod par byed// gang zhig chos 'di bstan pa rnams// ji ltar bstan pa de bzhin du// nag po'i phyogs la kun tu chags// de ni ngan 'gror 'gro bar 'gyur// bcom ldan 'das kyis de skad ces bka' stsal nas/ tshe dang ldan pa yul 'khor skyong dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa yul 'khor skyong gis zhus pa zhes bya ba theg pa chen po'i mdo rdzogs so// // rgya gar gyi mkhan bo dzi na mi tra la sogs pa dang /

CLOSE WINDOW